رواية شخوص متداخلة الفصل السادس والثلاثون 36 - بقلم .

روايـة: شخـوص داخلـة

لِا تنسون التصويـت والتعليق ع كل فقرة🔴.

وألقيتُ عليكَ السلامَ في صمْتٍ،
كيفَ حالُك ياكُلَّ حالِي؟".

____

التفتَ عليه صافنة بوجهة ناكرة وما مُستوعبة الكلام إلي أنطق مُستحيل يكون صحيح أعرف دانيال ما يسويها !!

خليت ايديه الأثنين علئ اذاني وصرخَت بقوة: "كااافي برب يسوع راسي رح ينفجَر بسبب كلامكم أذوني أني بـَس أتركو صديقي بحالهَ لا تورطوا بمصايبكم دخيل الله!

عبد القـادر: هذهَ الحقيقة ماتيلدا صديقكي مُتورط والادله مُوجودي

أردف بنبرةَ مكسورة مُمزوجَه بشعَور خيبهَ:" ماتيلدا يحتاج ابررلج أنتِ هم! ..

جاوبتةَ:" ششششش لا تحچي ولا حِرف لا تبرر ولا توضحَ واثقة بيك ثقة عمياء شَمسي مُستحيل تقتل نملة مو تالي تكون قاتل شخص بدون ذنب!

ما مصدگه كلامهَم اطمئن مصدگتك أنت بوسَط هالاكاذيب بـَس أنت الحقيقة ..

فرگ عيونهَ التعبانة وياها نعصَر گلبي ..

دانيال: "التعب واصل لحِدر عضمي
جاوبتَه بأبتسامَة مكَسورهَ:"واگول تهَون!..

جَريت نفس بصعوبة هالجملة چنهَ نحچيها سوية بضحَكة بكُل يوم صعب يمَر علينا..

بـَس هاليوَم مُختلف حيل حسيت روحَي دا تطلع ببطئ بهالموقفَ..

التفتَت علئ الاغـا شفته قابض ايدهَ بصبر وشراييَنه الخُضر بارزهَ بشكل مو طبيعي ..

نظراتة غريبَة وكأنُ مُتنرفز مني وبدهَ يخنگني أو مُحضر ايده للضربة! يزفر نفِس بقَوة ويهز برجله سريعَ..

أستغربت معقولة "يغَار عليه" من دانيال ؟..

طكطكت أصابيعي العَشرة بحركة سريعة عدلت شعَري رفعته للاعلئ بسرعة وأني احچي وعيَوني الحُمر بعيَونهم ..

- وين الادله الي تثبت صحَة كلامك ابن القادر شوفنياهم ؟

شمَر العصا ونزل ايده من جيبَ بنطرونهَ وجاوبني: " موَجودي..

- أشوفها ؟؟

هز براسهَ بالقبول وأشرلي بيدَه وگال: " اتبعيني يابا..

- ما أتبع شخص اني لو نمشي سوهَ لو أسبقكم

أبتَسم دانيال بيأس وكأنُ تذكر شيء وبقئَ ساكت مگال شيء..

عدلت شعَري وزفرت نفِس بصوت مُسموع مشيت وعُيون الاغا ما نزلت مني!!

شددت قبضة ايدي بيد دانيال وحِسيته بهالحركة رحَ ينفجر صابر وكاتم الي بداخلة گوه..

تالي صَاح بيه بعصبية..

-الاغـا: ماتيلدا مصختيها اتركي ايدو بسغعة علئ اقلها احتغمي وجودي كُوني أنا موجود هوني

رحنا لورا القِصر وازلام عبد القادر ورانا لازمين لايتات أمشي بهدوء حسيت بتوتر من اقتربنا وكُل جسمي يرجف..

صرت أمشي خطِوة للأمام وخطوتيَن للخلف حِسيت رجليه خيوَط وأصابتني رعشَة قوية..

صار گبالي أشبهَ بالكرڤان، أول مرة أشوفة ما جايه من هاي الصفحة ، كبير بالمساحة ولونهَ أبيَض الباب كان مَفتوح علئ نصهَ كُلهم توقفوا بهالمكان وبقيت أني أباوع عليَهم وأفسر نظراتهَم!

- شنو هذا ؟

ابـاذر: من اجا دانيال وي لورين هوني قعدو

سألتُ مُستغربة: " أساسًا دانيال شلون اجا للقصر ؟ أحد يفهمني محد وضحلي هالنقطة ؟..

جَاوبني اباذر وهَو يورث الجكارة وايدهَ بجيَب بنطرونَه نظراته حَاده مُشتده

ابـاذر: من انخطفتي ورجعتي ثاني يوم الفجَر، بنفَس اليوم دانيال ولورين اجوي للقصر سولف كُل شيء النا أنا وذو النون وأنتِ أفهمي قصدي.. وبقو ليلة بهالمكان..

كمل كلامة وسكت بقيت فاتحة حلگي بدهشة أتفاجئت شلون يعرف اني انخطفت ؟ ما گايله لأحد وساندرا گالت الهم إنُ المرة الكبيرة بالسن هي الي ساعدتني وبقيت يمها بالكوخ..

لسه ما جاوبت وشمَر الاغا الجكارة من حلگه دفع الكرسي الي بصفه وتقدم بأتجاهي سأل مصدوم وبنبرهَ حادة ..

-الاغـا: اشنو هذا السمعتو ؟؟ ماتيلدا نخطفت ؟؟

ذو النـون: ليش متفاجئ ما قالتلك هي ؟

-الاغـا: لا، يا صبر يعقووب! قبل ما أفقد أعصابي احكو الي صاغ من الالف للياء ايمته وشلون ؟ وليش أنا اخر من يعلم ؟؟؟؟

سكَتوا محد جاوب وعلامات الاستفهام مُتوجهة علية..

عضيت شفتي بتوتِر تالي لزمت ايده وابتعدنا عنهم بمسافة قصيرة تقربت يمه أكثر وهمست قريب من اذنه..

- عادي تأجل الموضوع وعد مني احچيلك كل شي بـَس مو هسة صدگني مو وقتها

-الاغـا: من كل عقلكي قد تحكي ؟ عجيييب

- بـَس أهدئ وأمنا العذراء احچيلك وما ينظم عنك حرف واحد والررب بـَس موو هسة..

-الاغـا: وليمتئ؟
- من يهدئ الوضع

زفِر نفس وقبض ايدهَ بحرارة انفاسهَ التضرب ويَ الهوئ البارد ..

-الاغـا: تمام يصيغ خير ماتيلدا

- لخاطري لا تعصب والرب الي صار تافهة لا تفكر موضوع كبير بـَس متوترة وبالي يم دانيال ما بيه حيل ولا طاقة احچي بيها وأوضحلك شي

-الاغـا: تمام يابه تمااام
- مو گلتلك اهدئ اغا ليش تصيح ومعصب

-الاغـا: غوحي لمكانكي وخلي مسافة بينكي وبين هالصديييييييق الي ما اعغف من أي أرض طلعلي

- شبيك يا اهدددئئئئئئئ
-الاغـا: دنجبيييييييي

أبتسمَت ببهتَ وجاوبتة: " برررب يسوع إذا تعرف تحچيييي مثليي ليييش مغيرر لهجتتك ومخبلنيييي

-الاغـا: ول ابويي ماتيلدا وغووووح العزاز غاح اسمطكي بغاشدي اخلي خدكي يزوغق امشيييي مناا

- اخ يا قلبي يا ويل حالي ول ابوي رايحا مليح هيكاا

-الاغـا: قلبتي كلامنا فمكي ضغب شغجي

- هو أنت خليت فم عقل عيون روح تصفئ منك!

تغيرت ملامح وجهة من غَضب لهدوء أبتَسم برياحة وغمزلي..

-الاغـا: لما يكون الأعتغاف بوقت الخطأ ما صح ؟

- قصدك أني عندي مَشاعر اتجاهك وشسمَه؟

-الاغـا: أمشي غجعي لمكانكي خليتي أنتِ بال يصفئ منكي ومن هالعيون العذبت حالي ..

- يا ووويل حالي ول ابوييي

-الاغـا: الله يطولكي يا غوووح

- ول ابوييي اهدئئئئئ

- انجبيييييييي

- صار والرب يسوع صدگ چذب واحد ما يشاقة يلا راجعة وإذا تريد تروح تنام روح..

- تقلي نام أي نوم بابا أنتِ ليش احسكي مُستهانه بالموضوع ؟ وزائد شلون تردين مني اترككي مع دااانيال وأنا ما موجود جنبكي جااوووبي ؟؟؟

ذو النـون: ول اشنو قد تحكو تعالو هوني ما وقت مجادلتكم وحديثكم الطويل!!

خزرني وأشر عليه بعيونهَ اوكفي يمهم ، رفعت حاجبي، رحت وگفت أستغربت من نفسي ما گلتله لا تخزر ونفذت إلي طلبة بدون ما أعترض ولو بكلمة ..

عبد القـادر: وين كنتي اشنو حكيتو ؟

- ما حجينا شي بـَس تفاهمنا بموضوع

عبد القـادر: اشنو هالموضوع ؟

هزيت ايدي وجاوبتهَ..

- ما يخصك ، بيني وبين زوجي سر سعادتي

ذو النـون: دا تستهزئين مغه اخي

- ما دا استهزء ولا أشاقة وإذا بتفكيرك معتبرني هيچ فأعتبر عادي

-الاغـا: *** ذو النون تسكت لو شلوون ؟ لا تخلي لساني يتلوث بالالفاظ البذيئة بسببك

ذو النـون: ما حكينا شيء بـَس مغتك دمها ثقيل مو مثل رويدا

حچهَ هيچ واباذر خزرهَ ما راضي علئ اخو، تخبل الاغا بسبب ذو النون وكلامة وشلون جاب سيرهَ رويدا صار يغلط وتلاوهَ ويا علئ الأرض انگلب لونهَ شرايينهَ برزت من العصبية كأنُ تجمعت كُل الشيطان براسهَ !!

-الاغـا: اجفصصصصهااا اكثثثثغ !!! انعل *** قو* * ك*** وين غايد تصل احكي لك ساق** قولتلك لا تحاول تذكرني بالماضي بـَس أنت حماغ ساافل !!!!

ذو النـون: لا تكبغ الموضوع تعغف اشنو كنت اقصد

-الاغـا: لا تقارن رويدا المرحومة بمغتي ماتيلدا لاااا تقارنهم فااهم

ذو النـون: ايدك شيلها عني كافي اغا تطلع حرقه دمك بيه أنا اشدخلني مجرد حكيت كلمة ما قصدت شي ما مشكلتي اذا أنت تفهم بكيفك وتفسر الي يعجبك ؟؟

ابـاذر: اللهم طولكي يا غوح لكم الغجال انقتل وما نعغف التفاصيل ولا اعغف ايدي من غجلي وأنتو قد تضاغبون من كل عقلكم ؟؟؟

ذو النـون: اسكت ول اصلا أنت راس البلا

ابـاذر: ابو العون قلبت علية هسة انا صرت ما مليح

صارت العَيون مُتوجهة عليهِم بأستغراب..

-الاغـا: اشنو عامل حضرة جنابك يا ذر ؟

ابـاذر: ما عامل شيء وما ابرر أنت أخيي المفروض ما تشك بيه ما صح ؟

-الاغـا: لك أنا نفسي شاك بيها انجنيت وجننَتوني اكثغ احكي اشنو مسوي من فواين ؟

ابـاذر: قولتلك ما عامل شيء

-الاغـا: لاا تكذب عليه تعغفني كلش مليح اكرهو للكذب !!

ذو النـون: هو بسببه صاغ كل هذا تدري ليش ؟ لأن ما غاح لشغلو ولا راقب القصغ مع الحراس ومهل وتماطل بالموضوع وابوي قال شدد الحراسه بـَس غلس وغاح مع صديقو ما سمع الكلام وطنشو

عبد القـادر: صحيح هذا الحكي اباذر!!!!

ابـاذر: صح..

عبد القـادر: ليش لك ابني انا شوقلتك ؟؟

ابـاذر: صح غلطت وأعترف بغلطي انا مو نبي وما اغلط تهاونت بالموضوع لأجل موعد أنا وصديقي مُتراهنين بشغلة فهملت القصغ لأن هالفتغه هدوء اشنو عغفني اذا غبت غاح يهجمون علئ القصغ ويغمون ويقتلون الحرس ؟

-الاغـا: ولو امنا بمكان الحارس الي انذبح اشنو يكون ردك ؟ والله اعذرني كنت متراهن مع صديقي ما صح ؟؟ * * *

ابـاذر: الله ستر ولطف بينا وبأمي الحمد لله

جاوبتهَ بحرگان گلب:" الأهم أمك عايشَة بـَس الرجال الي انقتل عادي وطبيعي مو ؟ روح بريئة ما ذنبت ولا خطأت تنقتل بسهولةَ وما تهتمون الاهم الوالدهَ بخير ؟

شنو من بشرر انتوو الله أكبرر عليكم وعلئ الساعة إلي دخلت لهذا القصرر المشؤووم!!

سكتت من انتبهت علئ الاغا وعلئ وضعهَ الانگلب مسحَ حلگه ولزم گلبه يتنفس سريع وبالگوه غمض عيونهَ بألم واضِح، حسيتهَ صدگ تأذه حِيل !! ..

أبتعدت عنهم وگفت يمه صرت كُلش قريبه ..

خليت ايدي برقة علئ صدرهَ وهمستَ:" أفتح عيونك ماتيلدا يمك!! ..

فتح عيونهَ بصعوبة أبتسم بَبهت وخله ايدهَ علئ ايدَي وبدَه يضمني لصدرهَ، گال بهَمس هادئ ..

-الاغـا: صليبي المُميز..

- عينَها لصليبك لا تنقهر لخاطري!

-الاغـا: أنتِ وكلامكي جبر خاطر..

- شنو تحِس زين لو تعَبان شنو الي يأذيك احچيلي ؟

-الاغـا: ول يابه إلي يأذيني قلبي..

جَريت نفس گوه وأني أشوف عيونهَ شگد تعب بيها، جاوبتهَ:" أعرف بيك متأذي وأمنا العذراء بـَس تتناسئ إن شاءالله اني حاسهَ بيك! ..

-الاغـا: هنيالي بصَليبي

- شوفَ عيونك شلون صايرات حُمر! ضل وحدك حتئ ترتاح

-الاغـا: ضل لوحَدك هُو أنا ياهُو اليَمي ؟

- أني يمك!

-الاغـا: دام أنتِ يمي أنا بخير..

- هههه فدوه اروحلك..

-الاغـا: أول مره تفديني

دنگت راَسي طگطگت بأصابيعي وجاوبتةَ:" مممم صح..

-الاغـا: بردان..

- وين اضمك ؟

-الاغـا: ضميني لقلبكي..

رفع ايدي وباسهَا ، حُمرت خدودي أبتَسمت بهدوء ساكتة ما أعرف شنو احچي ..

أبتعدَت عنه ورجعت يمَهم يدخنون ضلَيت ساكتة بينهَم سرحانه عقلي راسم عيونهَ وكلامَه يرن بأذني ..

تالي فزيت علئ صوت أبن القادر وهو يعيط بوجهي بعصبية..

عبد القـادر: ماتيلداااااا

- وجعه شبيك

عبد القـادر: وجع الي يوجعكي قليلة ادب

- نتعلم منك الادب عمو

عبد القـادر: صاغلي مده احكي معاكي وأنتِ بالكي مو يمي وين سارحه ؟

- وي ابنك

عبد القـادر: اشنو قولتي ؟

ضربَت راسي وتنهِدت كافي جفصات فدوه اروحلي لا تطلع فهاوتي يمهَم يردون بـَس زله عليه!!

عدلت شعري بأريحية وجاوبتهَ:" خير شكو شتريد تگول ؟

عبد القـادر: الخيغ يصيبكي يابا

- اشكرك من ذوقك عمو

عبد القـادر: لا تقوليلي عمو رحمة للغوالي أسمي تعغفي صيحيلي بأسمي

- ماشي عمو عبد القادر تدلل

صاح ولكم عوفوني لهلعرمه افرغ مسدسي براسها ..

ردت احچي سوالي الاغا علامه بأيده بمعنئ اسكتي سحگ جكارته بعصبية وسبقني قبل ما أجاوبه..

-الاغـا: بظهرها أنا موجود مد ايدك عليها وشوف الاغا اشنو يسوي..

عبد القـادر: حلوي قلبت عليه أنا افا ما تقصغ يا ابني مشكوغ

-الاغـا: أبنك عايَش لأجل عيونهَا

عبد القـادر: صحيح كنتو نايم بالسرير بالمُستشفئ المجانين ومن شوفتك صوغتها فزيت وصغت بخيغ وغجعت للقصغ علمودها ما أنكغ هالشيء فعلاً هي سبب نص علاجك

اتفاجئت بكلامهَ لان ما أدري بهالشيء!! وهو سكت ما جاوب عاقد حواجبه حسيته ضاج أو أنغث بسبب كلمة المجانين بـَس ما حِب يجرح أبو لأن متأكدة لو رد حيكون رده قويَ ..

عبد القـادر: ماتيلدا ان شاءالله خلص كلامكم ؟؟؟

- لا تصيح أي خلص

عبد القـادر: اللهم طولكي يا غوح فوتي للگرڤان شوفي السكين الموجودي أمامكي بـَس احذري لا تلمسيها مفهوم ؟

هزيت براسي "أي" دخلت وشفتهَا ملطخه بالدم نفسي لعبت مُباشرةً طلعت مابقيت دقيقة وحدة..

عبد القـادر: شفتيها ؟

- أي هو هذا دليلك الخبصتني بي ؟

عبد القـادر: أي نعم ليش عندكي شك بشيء ؟

زفرتَ نفس ورجعت خطوات ليورا وايديه لصَدري..

- من كل عقلكم تتهمونهَ ؟

عبد القـادر: أي ليش أكو غيره يسويها ؟

- بـَس لعلمك بالگرڤان چَانت لورين ويا هِم ليش ما اتهمتوها هي ؟

ليش دانيال بالذات وبالتحديد ؟ شنو دليلكم علية يثبت هو المستخدم السكين وقتل الحارس ؟

عبد القـادر: هي بنت ما تقدر تستخدم السلاح فأكيد دانيال هو القاتل

- يا غبي گالك هالمعلومة الغبية مثله ؟

ذو النون: أنا توقعت هالشيء

- راجع معلوماتك مرة الثانية كلش زين ترا أني ولورين لعبتنا الأسلحة..

-الاغـا: صح وأنا أشهد كيف لعبتي بحال الاغا..

لأنُ قريبة منه سمعتهَ من هَمس، ضربته علئ رجله بحذائي عصر ايدي قوي وما گال شيء..

بقئ يدخن الجكاره الخامسه يمكن، وبس ساكت يسمعنا بهدوء ومن احچي يقوي قبضته..

- السؤال هنا أنتو ليش تهمتوا دانيال ليش مو لورين ؟ كذلك أنتو بأي حق تردون تحبسو وما عدكم الادله الكافية مجرد سكين لگيتوها بالگرڤان

عبد القـادر: بـَس هالدليل مو صغير ترا! سكين يابا سكين لگيناها بمكان الي هم موجودين بي تعغفين اشنو يعني ؟؟

- ممكن يكون كلب سائب خلاها عمدًا حتئ يتهم دانيال ولورين

عبد القـادر: لِا يابا

- شنو لِا ؟ لاتكون واثق من كلامك ترا ما عندك ادله الكافية والقوية تثبت التهمة علئ دانيال أو شاهد بالأضافة الكامرات موجودة تگدر تشوف المَشهد الأخير قبل ساعة ؟؟

ذو النـون: الكاميرات مُعطلة

- هههههههههه واضحة ترا بـَس أنتو دا تتغابون قصدًا، أو عمدًا رايدين صديقي يدخل للسجن!!

ذو النـون: ثمني كلامكي مغه اخي ليش تحسسينا عدنا عداوة ويا صديقكي دانيال ؟؟

- هو الواضح هيچَ..

ذو النـون: أنتِ ليش تتراددين بالكلام واطلعيني خطأ ترا مو أنا إلي سويت هالمصيبة عجيب!

-الاغـا: أنتِ الها أسم وأسمها ماتيلدا وأحترامها من أحترامي سامعني ؟

ذو النـون: غسلتلك عقلك الظاهر

-الاغـا: وجهك الحلو اجي افلشه الك إذا ما تسكت ؟

ذو النـون: تمام يصيغ خيغ ..

عبد القـادر: إذا الكاميرات معطله واباذر ما بشغلة لكن "لعد" منو الي يعغف بالجريمة ؟ اتركو كلامكم الي ما اله معنئ وجاوبوني قبل ما تصل الشرطة

صوفر وضرب ايد بأيد وگال..
ذو النـون: ماكوو غيييررره!

عبد القـادر: منو هالكلب ؟

ذو النـون: مُرتضئ ..

صفنَو تالي گالو أي صح شلون نسيناهَ!

عبد القـادر: بـَس تأخرت الشرطة

ذو النـون: تأخير الشرطة من صالحنا يابا

عبد القـادر: اباذر أنت استلمو وحقَق وياهَ

ابـاذر: تمام صار بعيني يابا

رجعنا للباب الرئيسي دانيال ولورين واكفين وازلام عبد القادر محاوطيهم بالمسدس وما يتحركون ولا يرمشون عين..

عطت بيهم: "خيررر خوماكو شي ؟؟ نزلوو سلاحكم

محد رَد عطت اقوئ: " ما دا تسمعووون ؟؟ طرشان ؟؟ عجيب نزلوو المسدس!!

هز براسهَ عبد القادر وگال الهم ميخالف نزلو الاسلحة ..

أباوع علئ دانيال ساكت ما گال شيء بس نظراته كُلها دل علئ صدمتة ولورين لساتها تبچي!!

الاغا فتح حنفيه المي البارد القريبة من الحديقة وغسل وجهة وازلامهم شغلو كُل الاضويه

ابـاذر: غاح تطلع الشمس بعد ساعة تقريبًا غايح أنا لمرتضئ اسحلو وأنتو دخلو دقايق و أرجع

جاوبتهَ:" تمام ذرنا ..

عقد حواجبهَ خزرني وَ راح ..

دخلنا للقصر كُلنا گعدنا علئ القنفات الموجودة بوسط الصالة ..

عائشه متمدده وساندرا يم راسها ولازمة كتاب تقرا لأمها ..

گعدت يمها مُستغربه من كلامها سألتها: " حلو صوتچ شنو دا تقرين ؟ ..

قاطعتها سدت الكتاب وجاوبتني بأبتسامة هادئة..

ساندرا: القران حبيبتي..

- اها بـَس حلو صوتچ بالقراءة

ساندرا: مو صوتي حلو الكلمات حلوة مريحه للسمع وتشرح الصدر

- مممم تمام اخليج براحتج تقرين خاف احرجچ لو اخجلچ فرايحة اگوم اصعد للغرفة

ساندرا: لا بالعكس ابقي استمعي ما بيها شيء وإذا أنتِ رايده تگومين لأن دا اقرا قران وهو مو كتابكم مو انجيل فما اعتقد حرام إنُ تسمعين

- لا بالعكس مو مسأله حرام وحلال اصلاً ما عدنا هيچ بدينا بـَس أني ما أحب أتدخل بدين غيري وگلت إذا احرجچ اگوم وأني بالاساس تعبانهَ واريد ارتاح بالغرفة حتئ لو دقايق فحطانه وامنا العذراء

ساندرا: سلام الله عليها تمام حبيبتي روحي اخذي راحتچ

- ماشي

قبل ما اصعد الدرج دخل اباذر بيدهَ المُسدس وبأيده الثانية لازم بيها ايد مُرتضئ، دفعه علئ الأرض حلگه مُدمه بالدم وجهة أثار ضرب وكدمات زرگ قوية

هزيت ايدي وهمست لنفسي مو وقت راحهَ وخاف يصير شيء علئ اصدقائي ابقئ هُنا يمهم أحسن علئ أقل يم عيوني حتئ لو عيوني وروحَي تعبانهَ..

رجعت وگفت قريب منهَم ..

الوجوهَ مگلوبه لونهَا كل واحد بيهم لازم مُسدسة يجرون النفِس گوه والتوتر يقرا الف ..

سأل ذو النـون: " ذر أعتغف بشيء مرتضئ ؟

ابـاذر: لا للأسف ما اعتغف الحيوان النذل مُصر علئ كلامة التافهة مثلهُ، مُفكر إنُ ممكن تعبر علينا هالسوالف الصغيرة ما يعغف حافظينها

مُرتـضئ: يابه صدگني چنت منوم بالحبوب وما أعرف شنو صار من جريمة والله ليش ما تصدگوني ؟

وسفهَ عاد أني القريب وأنتو تعرفوني وعشره عُمر وشكيتوا بيه لعد شخليتوا للغريب ؟

بهالأثناء تحَمحم الاغا صفگ ايد بأيد وغمز لأخوانه بمعنئ سكِتوا وجاوبة بنبرة مُطمئنة وبهدوء واضح..

-الاغـا: صحيح كلام مُرتضئ ما قد يكذب قد يحكي الحقيقة لأن اعغفه ما يسويها وينطي بينا اعغفه ما يطعنا بظهغنا ويخونا ما صح حبيبي ؟

جاوبة بفرحَة..

مُرتـضئ:" صحح شكرررًا الك يا رئيسَ أنتَ تعرفني حق المعرفة أكثر من البقية الي بالقصر شكرًرا لأن صدگتني يالاغا ..

وعاد فدووه گُول الهم يقتنعون أنبح صوتي وأني أبررلهم وشبعت ضرب من سيد اباذر شوف وجهي شصاير بي ترضاها دشووف حلگي كله دم

-الاغـا: له له له طبعًا ما أرضاها

مُرتضئ: فِدوه لعينك رئيسنا ما أعرف شنو صار والله العظيم وروح الغوالي والعزاز ..

-الاغـا: صدقتك ول ابويي لا تحلف لا تخاف ولا تقلق أنت بأمان محد يأذيك اطمئن حبيبي

مُرتضئ: شكرًااا الك يالاغا ما تصور شگد معزتك بگلبي كبيرة

جاوبته أني بُقهران گِلب: " شگد تمسلت ؟ ..

باوعلي بتك عين بنظرة مُستهزء بيه..

- نزل عينك الصلفة لك لا افگسها هم تسوي مصايب وهم الك عين تبرر

مُرتضئ: منو أنتِ بلا زحمة ؟ شهاللسان هذا

- أني زوجة الاغا تاج راسك

من حچيت هيچ ضحكت ساندرا تدري بيهَ دا اتسهزء بمرتضئ لان مقهوره ..

مُرتضئ: ها اهلاً بيچ ماتيلدا تشرفت بحضرتچ ما شايفچ لذلك ما ما عرفتچ

سألته: " ما تعرفني بـَس تعرف أسمي ؟

ارتبك تالي حك انفه وجاوبني ..

مُرتضئ: أي صح ما اعرفج بس اسمچ حافظة لأن حراس القصر يعرفونه وهم مميز ما ينسي ماتيلدا عاشت الاسامي

- اسكت اسكت لا اضحك الوجوهَ الطيبة عليك

ضحِك الاغا وبقئ ساكت يسمعني ..

هزيت ايدي الحَـمدلله ، حتئ حراس القصر مجانين ..

بقو يتوالمون وي مُرتضئ ويتضاربون وغلط وفشار خصوصًا ذو النون لسانهَ مُتبري منه وضلو يسألونهَ بخصوص الجريمة وهو مُستمر ينكر بكُل ثقة ..

رغم ندري هو يعرف لان كلامه شي ونظراته شي وما مترابط كلشي فميه بالميه اله علاقة

اباذر يگول اكيد هو متفق ويَ جماعة لو مخلي منوم للحراس ومخلي العصابة يدخلون للقصر

سألتهم: " أنتو تعرفون منو هالعصابة الي اقتحمت القصر ؟

ابـاذر: لِا

- عدكم اعداء ؟

عبد القـادر: اعدائي كثيغ

- هذولي اعداء النجاح يغارون منك

عبد القـادر: لِا تستهزئين مغه أبني

- روح أبنك وعيونَها

-الاغـا: ول هالحكي احكي بوجهي مو بوجهة أبوي ماتيلدا

ضحِكت وسكتت ..

بقئ يدخن رحت وگفت بصفه گلتله: " برب اليسوع كاافي شگد تدخن وتورث جكارة ما تبطل ؟..

-الاغـا: سهلة اتركها بشرط

- وهو ؟

-الاغـا: تصيرين أنتِ بدالها

- سرسري

-الاغـا: ول أنا من زمان سغسغي للمعلومة

- غشتني اخلاقك الحلوة للأسف

-الاغـا: وسفهَ

- هضيمهَ

ضحكت ورجعت للقنفة گاعده بيها ساندرا خلصت القراءة والتلاوة وبقت لازمة المسبحه وما تشاركنا الحديث ..

سألتها: " عمه عائشة شلون صارت ؟

سانـدرا: نامت قبل دقايق الحمدلله صارت زينة بعد الهبطه الي اكلناها

- صدگ ما گالتلچ ليـشَ صرخت ؟

سانـدرا: تؤؤؤ اني متخبله بسبب هالصرخه

- شنو سبب ؟

سانـدرا: شافت الحارس شلون انقتل !

- جذذذذب !! لچ لييش ما حچيتييي لييش سكتيي ؟؟

سانـدرا: ليـشَ شصاير ؟

- لچ إذا شهدت الجريمة اكيد تعرف منو القاتل وبهذه الحالة ما رح ينسجن دانيال

ساندرا: شنو شدا تحچين دانيال منو ؟

تذكرت هي ما شافت دانيال ولورين ولا تعرفهم هم اصدقائي وصح اني ذاكره اسمائهم قبل الها من سولفلتها قصة حياتي بـَس اكيد ناسيه وما تتذكر بهيچ موقف وبهيچ ليلة والوضع السيء الاحنا بي

ساندرا: الوو داحچي وياچ وين صفنتي ؟

- هااا،

سانـدرا: شنو ها ؟ فهميني بشنو دا تفكرين ؟

- لحظة صبري..

گمت علئ السريع وي گومتي سمعت صوت الشرطة اباوع يمنه ويسرهَ الاغا واخوانهَ كلهم مو بالصالة وطالعين من القصر وبس أني وساندرا گاعدين وعائشة نايمة

ضربت كصتي بأيدي الله ياخذ الصفنة والتفكير الي خلاني اتشرد وما انتبهَ من گاموو والشررطة اجت!!!

شلون هسة افهمهم ؟؟ شلون اشرح الهم ؟؟ شلون انقذ دانيال ؟؟

لا اراديًا وبدون وعي صار موقف دخول ابراهيم للسجنَ وشلون قبلت افدي بروحِي في سبيل يطلع من السجن

وهسة!! تكرر هالموقف وهالليلة اقوئ وأصعب علية!!

صديقي صديق عُمري وروحي الوحيَده الي ما لحگت افرح بشوفته!!

سنين ما شايفتهَ ومن التقينا كان اتعس لقاء!

چنت احلم بهذا اللقاء من اجيت لتركيا وشگد بچيت ليالي علئ فراقي الهم وچنت اتمنئ إنُ الرب يجمعنا بيوم وتلتقي عيونا وايدي تلزم ايدهَ!!

چنت ادعي الليالي في سبيل الرب يجمعنا صدفة واكحل عيوني بشوفتهَ شگد چان الفراق صعب عليه والاصعب هسة اللقاء!!

طلعت ركضت ودموعِي نزلت علئ خديَ كأنُ حرارة جَمر تسيل علئ وجهَي مو دموع عادية.. گلبي موجوع وفحِطان راسي رح ينفَجر علئ لحظة وحدة!!

أركض ويَ كُل ركضة أتذكر بيهَا مواقفنا الحلوة وصداقتنا وايامنا أني ودانيال وينوجع گلبي أكثر.. حِسيت گلبي دا يتأكل جزء جزء وكُل جسمي يرجف

هالرجفَه ما فارگتني..

طلعت من القصر وگفت بالباب علئ الدرجات وايدي علئ صدري أباوع دانيال واگف وسيارة الشرطة موجودة

ركضت بسرعة اله مُنهدمة حضنته قوي وأني ابچي واصرخ لا تاخذو فدووه بس هو الي بقئ الييييه لا تاخذوو

گعدنا اثنينا بالگاع واحد مگابل الثاني ..

گال بنبره مكسوره..
دانيـال: شششش تعدي تعدي ولچ

- التعببببب واصل لحدر عظمي

- هههه واگول تهون بس يا تهون بعدما شوفتنا العذاب والحزن علئ اصوله

- شلووون بيه ولك شلووون رح ياخذونك مني بجريمة مو انت مسويها دانيااال

- اطلع ان شاءالله بالج علئ نفسج يروح دانيال عليم الله مشتاقلج بس اللقاء حكم

- رح يوگف گلبي والله گلبي مجروح من ابراهيم لا تكملها أنت عليه فِدوه اروحلك!

دانيال: متغَيرة،" كَبران وَجهج شو أحِس، وأنا أدري بيج زغَيرة ذَبلانه حِيل من القَهر، وين الوِجه ذاكَ الگُمر هَسه الشَماته تعَيرة، متغيرة ياهُو يِستاهل حِزن، چَنج تِعيشين بسِجن ومضَيعه كُل شي لخاطرة

بعينچ دَمع شو مِنحصر، وبداخِلج شي مِنكسر، ياهُو گلبچ كاسرة ؟ گومي وبعد مِسحي الدَمع،
بالظُلمه ما ينضم شَمع، باجر تِردين اقوى،

ويرجَع يدُگ عِندج گلب، ويرجع گليبج يِهوى،
ياهو مَيحبچ وِلچ، غير انتِ عينچ بَلوة، شرسه، وحنينة طِبع، انسانه لكن لبوة .

يتبـع ✞ . . .

⭐⭐⭐⭐⭐⭐

لا تنسون تصويت وتوقعاتكم

الكاتبـة #نمـارق⚜️.