رواية شخوص متداخلة الفصل الثالث والأربعون 43 - بقلم .

12:00 ابريل F

                         ***

قوتي أخذتها من ذاتي، من أوجاعي، من الحياة المشؤومة التي عُشتها، من طفولتي السوداء، من عاصفة قوية جدًا أقتلعت كُل شيء . .

أنا التي حاربت أوجاعها وأحزانها وخذلانها من الكُل لكي أكون إنسانة قوية. أنا التَي يُقال عليها ماتيلدا "الفتاة المُحاربة"

وماذا عنك ياقاتلي؟ الذي تدعو نفسك بـF ؟ من أنت وما هو السر في شخوصك المُتداخلة؟

متى سأرقص فرحًا عندما أراك جثة أمامي بعدما رقصت كالشيطان الخادع على جراحي؟

هل ستتحقق العدالة السماوية بعد الجرائم التي فعلتها مُنذ عام ٢٠٠٦؟

✞

...

تركيا - الساعة الواحدة ظهرًا

أتصل علية مرة الثانية وهو يحذرني إذا ما أجيب الرام يقتل كاردينيا، جاوبتة وطمنته إنُ رح أجيب الرام لگيته، لكن أريد أختي بالأول

وافق وچان رده إلية: " أساسًا أنا ما رح أحتاجچ إذا يوصلني الرام فأختچ هم أخذيها مو مهمة هي حاليًا عندي كفداء إلي..

نبهني إنُ لا تلعبين بكيفچ وتبلغين الاغا وتعالي وحدچ مثل القبلها (يوم الخطف) و وعد مني ترجعين بسلام وF من يوعد ما يخلف بوعدهَ ..

حصرتني الضحكة الأستهزاء ، أكبر شخص مخادع وذكر في وعده هو ويريدني أصدگه وأثق بي وأجي وحدي ؟ أكيد ما أسويها وأخاطر ..

ذو الفقار طمني وگال لا تخافين إذا هو ذكي أحنا أذكئ منه وأنا وياچ سندچ وما رح يصير بس إلي نريده ورح ننتقم منه وتخلصين من كابوس العنوانه F ..

والـ3 طلقات رح تكون مصيره، أثنين إلية أصاوبه براسه المتمرد وقلبة الأسود ، وَطلقة الثالثة هو يصاوبة ..

وبالنسبة للرام چَـنت اتسأل نفسي شنو يحتوي ؟ وليش هالكُثرر يريده إبراهيم ويعتبره كلش مهم وحياة وموت ؟

بعد سؤالي لذو الفقار علئ الرام، هز راسه ورفع موبايله أتصل علئ شخص أسمه "يوسف"

أتحاور ذو الفقار وياه علئ الأتصال وبعد حديث طويل مفشر طلب منه ينفذ الشيء إلي طالبة منه من ٢٠٠٦ ..

غلق الأتصال وچانت حالتي يُرثئ لها لذلك ما سألت شنو حچيتوا مجرد أكتفيت بالسكوت ..

طلعنا من الغرفة ونزلنا للطابق الأول للمكتب دخلنا وفتح الميز طلع مفتاح وأبتسم ..

توقف يم المكتبة بجانب الميز الي بيها رفوف كتب مختلفة بمواضيعها ..

خلا المفتاح بقفل كتاب ودفع المكتبة كلها علئ الجهة اليسار وأتفاجئت من طلع أكو مكان مخفي ورا هالكم الهائل من الكتب

دخل وصارت گباله خزنة كتب بالشاشة كلمة السر وفتحها طلع ملفات قديمة بين كل هالملفات أكو ملف بداخله " رام " لزمه وهو مبتسم رجع قفل الخزنة وطلعنا من المكتب ..

سألته علئ شنو يحتوي الرام وليش F يريده ؟..

ذو الفـقار:- لأنه مو رام عادي، هذا رام يحتوي علئ كل جرائم F وأبو كذلك مسجل كل شي بي إذا يوصل للمحكمة مباشرةً رح ينعدمون

فهو يريد ياخذه حتئ يكسب حياتهم وصارله سنين طويلة يدور علية ودخلچ لحياته وثم لحياتي علموده بس احلئ دخولية ذكية ههههههههههه يا بوية ..

ضليت صافنة بوجهة وجاوبتة:" يعني كل هاللعب الي صار علمود هالرام ؟..

ذو الفـقار:- لعد شويه يابويه ؟..

-وأبو إلي أعرفة حاليًا مسجون ؟..

ذو الفـقار:- أي أبو كذلك مثله مجرم وأكبر بعد أنحكم سنتين وأربعة أشهر وإذا ماكو دليل علية رح يتم أطلاق صراحة ..

-أها ولهذا السبب شرط علية أبقئ متزوجتك بهالمدة سنتين وأربعة أشهر!!

ذو الفـقار:- أي لعبها صح، هم يخليچ تلهيني وما أقدم الرام للمحكمة وهم من تخلص المدة العقد أبو يطلع من السجن ضرب عصفورين بحجر واحد

-وليش أنت ما قدمت الرام للمحكمة؟..

ذو الفـقار:- چان أبالي أسلم الرام لكن من أنقتلت المرحومة رويدا دخلت مستشفئ مصح عقلي، ومن طلعت أنتِ دخلتي لحياتي فترردت..

سألته:- منو قتلها ؟..

ذو الفـقار:- أخي جمال الدين..

أنصدمت وبقيت فاتحة حلگي ببهَت..!! جاوبتة:- ولذلك أنت قتلت أخوك؟؟؟..

ذو الفـقار:- چَـنت جاي فرحان ومُحضر الالعاب لأبني الصغير مُجتبئ دخلت للقرية وأنصدمت بالحررريق!! زوجتي وأبني أنقتلوا ذبح قبل الحرق، والمكان چَان فارغ فقط جمال الدين موجود وبأيده سكين طلعت المسدس وضربته بصدرةَ بدون تفكير كردة فعل قوية مني، وهالرصاصة أخذت روحـه ..

أنا وجمال الدين أخوة فقط بالأسم صح نتشابه بالوجوه هو تؤامي المتماثل لكن منذ الطفولة كرهه يتوسط بينا وعلئ الأغلب هو الي چان يخلق المشاكل وَ وسع العداوه ويغار مني من أبسط الأشياء خصوصًا بعدما صرت صاحب أكبر رجل أعمال بتركيا ..

حاول يقتلني وسويت حادث بالسيارة بسببَه هو الي دعمني وبالعيد الفطر سممني بالأكل لكن نجيت بعد كل هالمواقف الي سببها الي عشت

ما اگلچ مامتندم، لا متندم وياريت ايدي إلي ضغطت علئ المسدس مكسورة ولا صاوبت هالرصاصة بـَس چانت لحظة تهوريه مني وكل ظني ما يموت كل ظني يعيييش !!

-وليش قتل زوجتك وأبنك؟

ذو الفـقار:- هالسؤال ما لگيت جواب اله..

-الرام شلون أخذته وأساسًا ليش عندك؟..

ذو الفـقار:- أبو F چَان عدو لأبوي عبد القادر وتنافس قوي بين الشركات ، وبليلة ويوم خسرو كل شيء وأتهموا أبوي هو إلي كان السبب بالخسارهَ ، شددنا الحراسه علئ القصر لأن بدأ يلعب لعبته وقتل من حراسنا وأرجالنا عرفناهم مجرمين مو ناس عادية

وأخذنا عليهم دليل إلي هو التسجيل ولحد هاليوم يتمنون يكون عدهم بـَس ماگدروا يحصلوا حتئ مُرتضئ عرفناه هو من جماعة إبراهيم أعترف وأنسجن

بـَس ما لگينه موقعهم الظاهر عنده واسطات وناس بالدولة تساعده حتئ بالعراق عنده ضباط اصدقائة يحمو لدرجة من صارت الجرائم الي شهدتي عليها أنتِ محد حقق بالقضية من ثاني يوم تنسد ومحد يدور علئ هالمجرم فقط الرائد قتيبة وتالي أنذبح ..

-هو مريض نفسي ترا..

ذو الفـقار:- أعرف ليش الشخص الطبيعي يذبح أرواح بريئة ؟ ويكون الذبح والقتل والجرائم لعبته ؟ ويتسلى بهالأشياء ؟ ١٠٠% مريض نفسي وسايكو ..

-أحس خنگه بصدري ذو الفقار يمته ينقتل! يمته أنتصر! يمته أخذ بحقي!

حضني لصدره وجاوبني:- تاخذين حقچ مربع بـَس توكلي علئ الله وأمشي وياي طريقنا طويل اليوم..

لبسنه الحماية ضد الرصاص في حال غدرنا ولو نتوقع كُل شيء من مجرم مثله والغدر لعبته ..

بلغ ذو النون بكُل شيء ، وطلب مُساعدة من أباذر لكونهُ ضابط في حال فشلت الخطة أو ما گدرنا نقتل إبراهيم رح يجي اباذر هو والشرطة والحماية ويشتغلون شغلهم ..

ركبنا السيارة متوجهين للمكان عبر العنوان إلي گاله إلية إبراهيم بأثناء المكالمة .. المكان بعيد جدًا والطريق طويل لذلك سرع بسياقته وصلنَا قبل الساعة 2 بدقائق قليَلة ..

نزلنا سوية وايدي تحضن ايده بتمسك، تمشينا وصعدنا لمكان شبه فارغ ومرتفع بعض الشيءَ ويتوسطه شط ..

أباوع علئ الساعة إلي لابستها دگت بـ٢ ضبط ، متفقين علئ هالوقت، المفروض هسة يجي وأشوفة ؟ ..

لمحت من بعيد شخص يتمشئ بهدوء، ملابسة أسود بأسود من فوگ ليجوا، ويفر بالمسدس بيدهَ بضحكة عالية، قرب علينا وهو خافي وجهة بقناعة الأسود المعتاد ..

توقفت رجلية يمنا بمسافة قليلة، ونزع القناع شمره علئ الأرض گال بسخريه موجهة الكلام إلي وعيونه علئ ذو الفقار . .

إبراهـيم:- ياهلا بشرسَـتي..

سكتت أستمع اله وعيوني بعيونه بكُره وبتحَدي..

إبراهـيم:- المسدس والطلقات الي محضرتهم شمريهم علئ الأرض يلاا علئ السريع وقدميلي الرام بدون كلام زايد ترا خُلقي قصير إذا حسيت بملل بضغطة زر من مسدسي تنهي حياتكم رئستًا

عيني صارت علئ ذو الفقار أباوعلة بأستفهام، غمزلي خطف ونزل راسه مُباشرةً وهمس: "سوي إلي يگوله..

اتفاجئت من طلبة وجاوبتة: "أذن كل شيء رح يتغير ؟ ..

ذو الفـقار:- أختچ موجودة بهذا المكان فعلاً ، ما نگدر نخاطر ناخذها بالأول وتالي انفذ خطتنا . .

سكتت ما اگدر احچي زايد باوعتلة بأستفهام منتظرة رد منه ..

أشرلي بعيونه علئ الأتجاه الأمامي ، رفعت راسي وباوعت موجود گرڤان كلش صغير بمسافة بعيدة

ونبض گلبي من شفت كاردينيا موجودة بي واكفة وحلگها مربط وتلوح بيدها علية !!..

شمر المسدس علئ الأرض وسويت مثل تصرفه..

ذو الفقـار:- ماتيلدا أنطي الرام ..

جاوبتة بهمس علئ السريع:- صُدگ تحچي؟ شلوون..

غمزلي ومباشرةً أنطيت الرام اخذهَ إبراهيم وطبع قبلة أنتصار علية وهو يضحك ويگول أقروا علئ روحكم السلام..

إبراهـيم:- إلي ردته من سنين طويلة وسويت كل هالكوارث بيدي هسسسسة! أذن بعد ما أتدخل بيكم لكن ههههههههههه أكيد بالأول تنقتلون وهناك بالحياة الأخرئ لعبوا براحتكم هناك أقصد ما أتدخل..

وجهة المسدس علينا لزمت صليبي وغمضت عيوني، بهالأثناء صرخ ذو الفقار بصوت عالي بأسم أخو :- اباااااذر يا ياااابه شحياااااك..

دخلوو مجموعة سيارات شخطت وصار ترااب عالي وقفوا السيارات ونزلوا ذو النون واباذر ومجموعة شرطة مسلحين..

ذو الفقار گال الهم "اختهاا اختهااا بسررعة، رئستًا أخوانه راحوا للگرڤان عرفوا كاردينيا موجودة هنا . .

ما سوا شيء إبراهيم بالعكس بقئ ثابت مثل الجبل بمكانه ولا أهتز وكأنُ چان يدري رح تجي الشرطة وما مهتم كأنُ عنده حل رح ينقذه ويهرب!!

اخذت المسدس من الأرض والاغا لزم مسدسه، كل شخص بينا موجهة مسدسه أمام المقابل وعيونه كلها تحدي وأنتقام .. ايدي لازمة المسدس برجفه أحاول اتغاضئ عنها بوجود ذو الفقار بقربي كشيء يزيح الخوف ويدخل الأمان لگلبي ..

چَان واگف بالقرب من الشط يحچي ويرجع ليورا وأحنا أمامه كُل مايرجع خطوة للخلف اقوي ضغطتي للمسدس وعيني علية لايغدر بينا..

إبراهـيم:- أنا مثل الكابوس الكم ما رح تگدرون تقتلوني بسهولة مااتيلدااا أنتِ ما رح تگدرين تضغطين علئ المسدس وتصوبي علئ حبيبچ وقاتلچ مستحيييل تگدرررين..

-حبيبي؟ لك هييييي يانذل أقتلك وبدم باارد ما تصور شگد چنت منتظرة هاليووم علئ أحرر من الجمررر اليووم إلي الزم بي المسدس وأوجهة أمام وچهك الكارهته وكارهة شوفته ياخسيس..

إبراهـيم:- نسيتي أيامنا إلي جمعتنا سويًا ياشرسَـتي..

- شرستك ؟؟ هههههههههه أنا مو شرسهَ أحد ، لنفسي فقط نسيت كُل شيء ومحيت كل ذكرئ حب تذكرني بيك من أول لحظة عرفتك بيها قاتل عائلتي كلهاا كل شييي اختلف ..

جاوبني ومن كلامة عرفته يريد يطول الحديث وينقذ نفسة بهالدقايق القليلة من هاليوم الموعود ..

سحب المسدس وضحك بصوت عالي ضغط علئ المسدس بحركة سريعة دفعني ذو الفقار وگعت الطلقة النارية بصدرة وشمَر نفسة إبراهيم بالشط ..

لحظات تخبلت بيها عيني علئ الشخص إلي أريد أنتقم منه وگع بالشط بكل سهولة ونفذ وعيني الثانية علئ حبيب روحي مرمي علئ الأرض والدم يسيل ويجري من صدرة..

...

بعد مَرور ٣ أشهَر |

گاعده علئ السرير وبحضني قطعة مني وروحي من الدنيا أختي حبيبتي وقُرة عيني .. أختي إلي فقَدت عقلها بسببه ..

أمشط بشعَرها والأبتسامة الواسعةَ غامرتني.. أختي إلي أنحرمت منها ٧ أشهَر بعيدة عني بسببه هسة هي بحضني ..

بس مو كاردينيا القديمة ، إلي بحضنَي أنسانه مريضَة عقليًا بسبب العذاب النفسي إلي تعرضت اله منه ..

عذبها اللعين وأذاب فؤادها الطري ..

ضحكتها مختفيه من وجهة الحلو محى كل شيء ترف بيها ، جسدها يُنادي الغوث من كُثرة التشوهات إلتي اصابهُ . .

حاولت احچَي وياها ما گدرت أخذ منها كلمة وحدة! الوحيدة القريبة إلها هي "ساندرا" ..

حاولت ساندرا خلال هذه ال3 أشهر أتعالجها لكونها دكتورة نفسية وباشرت بالعلاج ويوم عن يوم أكو نتيجة بس التحسن قليل مو كبير ..

بلغنا عبد القادر علئ أقتراحـة لعمل حفلة زواج الئ دانيال و لورين لأن لحد الأن ما سوو عرس وبنفس الوقت ندخل الفرحة للقصر الكئيب

رحبنا بالفكرة وبدت التجهيزات لمدة أسبوع أشترينا الأحتياجات ورحت مع لورين حجزنا فستان العرس ..

واجو العمال جهزوا القصر وزينوا زاد رونق والسعادة تتحدث فيهَ ..

بس للأسف چَانت فرحتي ما مكتملة بسبـب "ذو الفـقار" ما موجود بحياتنا !! ..

بيوم العَرس عصرًا ، چَانت كُلها حاضرة والسيارة إلي تاخذنا من القاعة الحفلة الئ الزفة للفندق موجودة بالگراچ القصر ..

قبل طلعتنا بدقايق قليلة أنهجمت الأتصالات علئ موبايل اباذر!!

بلغونا سيارة العرسان بنص الطريق وگفوها واخذتها الشرطة!! ما فهمنا شنوو وشدايصيرر وشلوون اخذووهم !! ..

القصر كله انگلب من فرحة الئ عزا صرت الطم علئ صدري وايدي علئ خدي دموعي ما نشفوا خفت لا يصير شيء گلبي ما مطمن ابدًا ..

ضليت أدعي أمنا العذراء تحفظهم والإنجيل حاضنته ، صليت صلوات القداس وأحس بنغزات بگلبي قوية ..

"اتمَنى لو چنت اگدر اخفي الرُعب والقَلق الي بَاين على مَلامحي بوقتها..

نَفِس رُعب الايَام القديمة تكرر ..

وصل إلي أشعار علئ موبايلي فتحته وشفت ڤيديو مدته طويلة من رقم مجهَول..

حسيت راسي رح ينفجرر وايدي ترجف ما ترضئ تفتح المقطع !! أرتعب گلبي والخوف أمتلكني أتجاه أصدقائي !!..

حسيت بخطرر ما معقولة شرطة تاخذ سيارة عرسهم ليش ؟؟ شنو غايتهم ؟؟ رغم شددنه حراسه بس بقئ گلبي يلعب ..

معقولة هو ؟ سواها !!

شغلتة علئ الشاشة الكبيرة طلب من ابـاذر، بنص صالة القصر وكلها مُجتمعة بدأ ورجليه صارن خيوط شهگت وأني أشووفه !!!!

يتـبع✞🎭 . . .

⭐⭐⭐⭐⭐⭐

لاتنسون التصويت والتفاعل ولعوها😈🔥

أعتذر علئ قصور ، التكملة الحلقة الأخيرة سوف تنزل غدًا بأذن الله

الكاتبـة #نمارق رحيم🔱