رواية سلام قلبي الفصل الحادي والأربعون 41 - بقلم غير معروف

امين: سديت الموبايل مرتاح شويه رغم هواي بجيت واول مرة ابجي بعد طلعتي من ذاك السجن طلعت البكلبي وهي شتريد تسوي خل تسوي حاط راسي على المخدة اندكت الباب مسحت دموعي تفضل

تقات: بالليل وجع راسي دمرني اتصل على علي حاضرني من كل البرامج حتى الشريحة صعدت لامين دكيت الباب نايم بغرفته الجديدة طبيت اكدر اجي انام يمك

امين: تعاي عوبة

تقات: ركضت رفعت الغطة حضنته ابجي وهو يسكتني مسحت دموعي

امين: ليش ما اجيتي كلتيلي

تقات: والله خفت وشكولك تعال علي اخذني عقدنه و اخذني لبيت اني كلت هو يخطب ونتزوج واسكت

امين: يعني لو هو ميت وانتي صار عدج حمل تتوقعين راح يصدكوج زين انتي زغيرة لا مو زغيرة ثولة هو شبي مو يكول احبهة ما فكر شراح يصير اخوتج يبقوج

تقات:انتو ليش قبلتوا بمهند ما انتضرتوا

امين: حجيت ويه ابو كال هو يدري وكال خل يتزوجون كلشي بالقسمه واني مشواري طويل اني قبلت وحتى على اساس يحضر العقد بس ما اجه

تقات: يجوز عمي راد يرضي مهند لان مريض

امين:هسة لا تفكرين بشي اسكتي وخل انام تعبان

تقات: نمت كعدت لكيت امين بعدة نايم ما سويت صوت بسرعه طلعت سبحت وكفت كبال المراية حاجبي مطبور خدي احمر كلش وشويه ارزك بس ميبين الا ارفع وجهي اخذت منوم وطبيت جوة البطانيه غمضت وحاولت اتذكر كل تفاصيل موعدنا الاخير ما اريد انسه شي بالليل راحوا جابوا سكينه مرت امين واخذوا مناجات ما نزلت صعدوا البنات سالت على علي كالوا ما اجه لا هو ولا امه سكتت رجعت نمت او حاولت انام

امين:اخذوا اختي واخذت اخته اخوهة ضل يوصي ويحجي ويايه عليهة اجه جدهة ابو امهة

الجد: شوف ابني اني ادري بيك ما صار زمان من طلكت وجرحك بعدة اخضر بس كلمن راح لدربه لا تضل واكف بالنص والكل يعبرك وماكو واحد مات لاجل واحد كلنة فاقدين هواي و عايشين لا تضلم هالبنيه تراهة يتيمة ودمعتها تحركك حرك ابدي صفحة جديدة وياهة

امين: ضليت اسمع اخر شي لزم راسي ضل يقرة قران ارتاحيت راحة مو طبيعيه جنت بالكوة امشي بس هسة نشاط واضحك ما اعرف كلامه اثر بيه او يمكن ايات القران شفى اخذتها للبيت كبلةصعدتها لان اهلهة يحجون وامي هم خفت تصير مشكله طبيت للغرفه انتبهت عليهة زين كصيرة ومو ضعيفه ولا سمينه جسمهة قالب طلع زندهة ابيض كلش حتى البدله البيضه طالعه جلحة يمه رفعت الغطه عيونهة صفر وساع وخشم قلم حلكهة مرسوم ضحكت زواجي الثالث وكل وحدة احلى من الي قبلهة بس حظ ماكو نورتي بيتج

سكينه: منور باصحابه ابو امين

امين:روحي بدلي اسلم ع الولد واصعد

سكينه: اخذ راحتك كعدت على الجربايه افكر هو مصدك حجي الناس لو مصدك اخوية

امين:سلمت ع الولد وصعدت نزعت الطرف والدشداشه طلعت تراك لبسته وكعدت هي كاعدة متتحرك سكينه

سكينه:نعم

امين:شبيج ليش كاعدة مو كتلج بدلي

سكينه:قيطان البدله مينفتح

امين:تعاي اسوي اجت يمي فتحته راحت بدلت واجتي سيت نوم طويل كلشي ما بي وشعرهة مبروم نازل على ضهرهة مبين مرفوع بس نازل ما اعرف شنو فلمه واصلا الضوة احمر مو كلش اشوف
تعاي يمي كعدي

سكينه: رحت يمه كعدت بصفه لزم ايدي

امين: سكينه اني متزوج ثنين تدرين مو

سكينه: اي اعرف

امين: وحدة توفت اثناء الولادة والثانيه طلكتهة هم تعرفين

سكينه: اي

امين: ابني يم زوجتي او طليقتي خواتي كلهن متزوجات امي ومرت ابويه وابويه ويانه واخوتي ثنين متزوجين وابن اخويه حسنين وتقات اختي ارمله

سكينه: الله يحفظهم

امين: اني ما اعرف اي شي عنج اريد انتي تحجين اليوم اذا تكولين اني عندي علاقه او متزوجة بالسر اي شي سماح وكلشي ما احجي وكلمه رجال الحجي ميطلع برة هاي الباب مو شك ولا اقلل من قيمتج لا بس احب اعرف كلشي عنج والحجي كله ميهمني بس كلامج راح امشي بي

سكينه: امي وابويه ماتوا بحادث على طريق بغداد من جنت اول متوسط وعمتي تكفلت بتربيتي لان اخوتي بس ولد واني وحيدة من صرت صف ثاني متوسط خطبتني لابنهة جندي ما شايفته ولا شايفني بس بالصور ورة سنتين توفى ما اكول ما ضجت بس عادي يعني لان ما شايفته حتى عقدنه بالموبايل بعدهة اهل ابويه ضلوا يحجون عليه اني فكر ومن هالحجي فمن يخطبوني ارفض هواي رفضت الا ان ابن عمي قبل شهرين هو متزوج وعندة بنيه وخطبني اني ما قبلت وكتلهم احرك روحي ولا اتزوجه واجه من باب نهوة ومن هالحجي وطلع سالفه خطيبي متقربلي قبل الزواج حتى يضغط على عماد ويوافق اجه والدك خطبني وصارت القسمه وهاي كل حياتي وبالنسبه للدراسه خلصت سادس وتركت ما احب الكليه وعمري انت مو اكبر مني بسنتين لا انت اكبر بست سنوات لان مواليدي مزورة مو حقيقيه وما عندي اي شي غير هذا

امين: سحبتهة لحضني رفعت راسهة شبيج صفريتي هي حضنه

سكينه: نزلت راسي خايفه كلش بس ما اريد ابين خوفي رجفه جسمي فضحتني

امين: حاولت اهديهة بس هي خايفه كلش وبس تدفع كومي ولي من يمي بسرعه

سكينه: حباب والله مو قصدي

امين: استغفر الله لج بابا شبيج ما اخذ روحج والله هي دقيقتين واعوفج ليش مقلصه وتدفعين وتبجين احد مسويلج شي من شنو خايفه

سكينه: مسحت دموعي وسكتت حضنته ايدة حارة يمكن مصخن بس لابس فانيلا
ايوب والله محد لامسني

امين: ابتسمت منو كلج اسمي ايوب

سكينه: اول يوم رجعت من سجن داعش وين نمت

امين: يم عماد

سكينه: اي عرفت اسمك الحقيقي من هويتك لان غسلت ملابسك بيومهة

امين: ممممم شفتهة ساكته وتحجي دفعتهة نمت فوكاهة اي كملي

سكينه: اي وجنت مصخن اخوية ضل يسويلك كمادات وراهة شفتك فطرت من الصخونه اجه اخوية اخذ مني مرطب شفه وحطلك

امين: هي تحجي واني صافن على جسمهة شهالحسن هي تحجي اني بستهة هي خنست بعد متحجي خلصت ابتعدت هي ضلت تشهك بس تبجي كافي يا عيني شبيج

سكينه: بطني والله راح اموت

امين: هسة شويه وماكو شي كومي غسلي بمي دافي ترتاحين

سكينه: رحت غسلت شويه ارتاحيت سبحت وطلعت بالخاولي لان ضوة مطفي لبست هو طب يسبح نشفت شعري بالسشوار بسرعه لفيته كبه وطلعت ملابسه صاح خاولي انطيته وياه الملابس ورحت شلت الفرشه غيرتهة وصله النيشان على ميز التواليت لبس دشداشه بيضه اخذ الوصله ونزل سمعت صوت الطلق والهلاهل ضليت ابجي كون الله لا يهني كل واحد حجة عليه وعلى شرفي شويه وصعد

سكينه: خابر اخوية حباب

امين: ليش

سكينه: جان متوتر وضايج

امين: ههههههه اي وشنو اكوله ها شلونك عماد اخذت اختك اي نمت وياهة وكلشي تمام

سكينه: صفنت بوجهة هذا الرجال صار زوجي زراح اقضي وياه حياتي حيكون سندي واني ما عندي بس عماد وهسة هو

امين: من صفنت سحبتهة لحضني تدرين انتي احلى بدون مكياج

سكينه: خجلت دنكت انتضرته ينام حتى انام متت نعس

....................................................

نور: احس روحي طلعت اني جنت اطلع قهر الشغل وحجي امه بي وحتى مرات اكرهة اني ما ضايجة عليه بس حسيت بذنب ضميري يأنبني نوب اخذت حتى ابنه ضليت الوب اروح وارجع بالبيت طبخت بالكوة اجه سلام شافني هيج ضل يسال ما جاوبت

سلام: لج شبيج احجي كلبي خلصان عفتهة ورحت للمكتب طلعت تسجيل الكامرة سمعت حجيهة شفتهة شلون تبجي ومقهورة طلعت ركض يمهة جريتهة من ايدها

نور: اووووي عوفني شبيك

سلام: لج كلت عقلتي فرحان طلعتي بعدج نفس الثول مالتج ولج شبيج خبلتي روحج على شنو انطيني موبايلج

نور: انطيته الموبايل ما خفت لان ماسحة الماسنجر ضل يكلب بي فتح تسجيل فتحت عيوني منين طلعه سمع المكالمه كلهة عض شفته يهز براسه

سلام: شمرت الموبايل كسرته طلعت للحديقه يا ربي اني شورطني هالورطة هاي حجايتين موتت روحهة لو اموت متفكر بيه شفت المسبح متروس طفرت بي اني وملابسي موبايلي وفلوسي ما طلعت شي بس اريد ابرد ربع ساعه طلعت شمرت الملابس يم المسبح ضليت بالشورت الهوة بارد بس احس راسي بجهنم طبيت سبحت ونزلت نووووور

نور: سمعت صوته ركضت يمه ها

سلام: شوفي اذا متندمه هسة اطلكج وارجعج الله ومحمد وياج لان الضاهر بعدج تحبي

نور: بجيت سلام مو احبه افهمني اني اذيته هواي صح اطلع حركة كلبي بي لان حابسني واهلة هواي وامه تاذيني بس اليوم من سمعت حجيه حسيت بذنب لان دائما اصدة

سلام: تحجيهة بوجهي انتي تدرين شنو دتحجين لو لا لزمتهة من اكتافهة اهز بيهة كافي تفكرين بالكل فكري بنفسج لا ترضين ابوج وامج على حساب حياتج لا ترضين واحد مضلوم وهو ضالمج شوفي نور شتريد كافي تفكرين شيريدون طز لان من توكعين محد بحالج حتى لو ارجعج راح يتزوج وترجع الضرة وراح تموتين سويتلج جنة هنا هاويه النار ليش

نور: حضنته ابجي سلام ما اعرف شنو اسوي وين اروح اني غلطت بحقه هواي وهو هم بس حتى ابنه نحرم منه من ورايه اريد اشيل من وجع كلبه لكلبي بس حتى نتصافة اني مرتاحة وياك انت تفهمني او تماشيني شنو اريد تسوي لو تناقشني هو هناك لغه وجودي

سلام: اني راح اسافر اسبوعين قرري شنو تردين اني حاضر راح اجيب حرس اكثر والمسواك يوميه تلكي يم باب المطبخ ممنوع تطلعين وحدج الا سايق واذا متطلعين افضل

ذكريات العزوف
نجاة محمد💔💔