رواية سلام قلبي الفصل الثاني والأربعون 42 - بقلم غير معروف

تقات: الصبح امين اجه كعدني اتريك وياهم جابوا اهل مرته كاهي وكيمر كعدت اكل وياهم امين هاي شنو مرتك شو احلى مني كسرت سوكي

امين: هسة انتي زين من تكعدين يمهة مو نشاز اني البارحة ما نمت اقارن ايدي وايدها حسيت نفسي بلال الحبشي

خالد: دومك مجنص ابن المحضوظه

سماح: هااا وانت ما محضوظ مو

خالد:يااا غير من حضي قبلت بيه وحدة تشبه اميرات دزني

سماح:مممممم حسبالي

تقات: ههههههه امداك جبان

خالد: يمعودة اسكتي البارحة تصالحنه لا ترجع تزعل وهذا ابنهة الا اشمرة بالزبل نايم هو يشوفني وصلت للجربايه اريد انخمد يصرخ

سماح: شنو ابنهة غير ابنك هم

خالد:اني فقير صوتي ميطلع هذا عايق

سكينه:اي ومنو وكع النبكه ووكع بالبير وفشخ راس صديقه الي بالمدرسه

امين: صفنت نضراتي انقلت بينهة وبين خالد

خالد: شلون عرفتي

سكينه: هسة امين ما عرفني جان اكبر مني ويطلع للشغل انت شبيك

امين: صفنت حاولت اتذكر ما شايفهة اصلا

سكينه: من تشك كتبك منين جنت تطلب بيوم الامتحان

خالد: بس لا بت حجي علي خرب شلون نسيت انتي اخت عماد هههههه بس والله ايام

سماح:همزين طلعت خياسك ههههههه

سكينه: ههههههههه والله جانوا الجيران يشكون من خالد عكس اخوته يعني يتعارك ويه طفل يضربه ويروح يشمر شبابيك بيتهم بحجار ونوب يركض يصعد فوك الشجرة مال بيتنه لان عاليه ونوب يجي يم ابويه ضالميني ويضربوني

خالد: ههههههه والله محمد جان يكطعني هو وامين

امين: الله يرحمه

تقات: اخذونه للنجف انزور ونروح للمقبرة من زمان ما رايحين احجي ومندمجة طب علي ومرت عمي بداخلي حسيت بفرحة مو طبيعيه اكيد جاي يخطبني وراهم طبت مرت عمي ام فهد وجاسر بس كلمن وحدها لان تسالموا كبالنه باركوا لامين وكعدن

ام علي: والله اني اجيت ابارك لامين واعزمكم باجر عرس علي

امين: رفعت حاجبي عالخير ابن العم لو عازمنه عالمشيه جان اجينه نطلبها وياك

علي: والله ما سويت مشيه بت خالتي وخالتي كالت متغله عليك كبع واخذ

امين: كون متطلع مثل خالتك ام عامر

علي: والله اني ماخذ بتها مو هي واني اعرف شلون اخليها تطيعني

امين: اي انشاء الله زواج الدهر

ام فهد: واني جايه لامين بطلب وزين انتو هنا احسن ما تسمعون من الغريب

امين: امريني يالحبيبة

ام فهد: ميامر عليك ضالم اريد تقات لجاسر تعرف صارلة هواي من تزوج شمس وميصير عدها جهال والشرع محلل اربعه وبت عمة احسن من الغريبه

تقات: انتقلت عيني لجاسر تذكرت مكالمه البارحة بالليل باوعتله بمكر ابتسمت

امين: وين الكه احسن من جاسر هاي كبالك شوفوا شنو يناسبكم خاف عندك شروط شي واتفقوا وكم شهر وتعال اخذها

علي: يلا يمه راح الوكت

ام علي: لا ما اروح شنو ما سمعتهة تريد تزوج جاسر وتنزل ضرة على بنتي ومنو كال هاي تخلف مو تزوجت مهند وما شالت

تقات: عمه مهند جان ميريد جهال ومسوين مانع حتى علي يدري مو علي

علي: انتي بالذات ما اسمع حسج لو اجي اسحلج امسح بيج البيت

تقات: شبي البيت نضيف شحلاته لو عندك واهس مسح امسح بيت جاسر حتى من نتزوج نضيف ميتعبني

جاسر: بت عمي متعبين واني موجود كتلج قبل وهسة اعيدها ما طول موجود خلي ايدج ورجلج بمي بارد وراج زلم تاخذ حقج من حلك السبع

علي: شوف جاسر اني ساكت بمزاجي والا قسم بذات الله هسة ارتكب جريمه تريد تتزوج هاي البصرة شكبرها سالفه تتزوج تقات انساهة تقات مرتي وما اطلكها

تقات: لحضات صمت حسيت الموجودين كلهم حابسين انفاسهم

ام علي: الله ياخذج تالي ضحكتي عليه وتزوجج ذاك راح جوة التربان وبنتي بصفه لفتوا على علي ام السحورة ام الولد الا افضحج واخلي سيرتج على كل لسان حتى رجل بنتي ما سلم منج

تقات: صافنه احجي بداخلي منو بحال ولدها شو اسيل دبكت بامين لما اخذها ومهند ما جنت احبة وعلي غصب وجايه تتعارك

علي: يمه كافي يلا نطلع

تقات: علي

علي: التفتت عليهة حسيت بنصر اكيد راح تتوسل ارجعها

تقات: شنو اسم القاعه وشوكت تبدي الحفله

علي: صفنت فكيت حلكي تحجي وتتبسم خرب حضج واني اكول حبتني ومكيف احم يوصل الكارت وشوفي

تقات: ايبااااه كارت فد مرة ما هذا الرقي

علي: خزرتها وطلعت مستسبعه بجاسر وامين انعل ابيج

تقات: احس نار بكلبي وعلي بدة يحط الحطب ويشعلها اكثر بتصرفاته كل كلام جاسر وامه كان اتفاق هو وامين من عرف راح يخطب شمس وصلت الحجي بس شمس متعرف بالاتفاق يريد يضوجها حتى تقبل تراجع دكتورة علمود الحمل

امين: التفتت لتقات صافنه كاعدة كبالي بس جسم روحها ويه الطلع وعافها صفتهة وحمار عيونهة ضوجني منو هذا ويضوج اختي واني موجود اني اربيك لحضات وتذكرت نور بيوم عقدت ما انكسرت ابد ولا صفنت ولا حتى ضاجت اصلا منو امين وتفكر بي ابو تك رجل حجايه ما نسيتها حتى من انام وياهة اصفن واتذكر نضرتها خوفها من رجلي وحجيها احس بأهانه لرجولتي واعوفها

تقات: طلعت موبايلي من جوة الزوليه لان جهال ملاك عبارة عن خليه ارهاب مرات اكول لو يروحون ويه داعش يحتلون نص الكوكب ضليت اطلع فساتين حفلات دخلت على بيجات فساتين اعراس طلعلي ب...الجزائري بالبصرة و فساتين تجنن تبهر اختاريت واحد ازرك جويتي لونه كلش حلو اتخيله ويه شكار شعري بعدين قررت اصبغ شعري اسود واكصه اي هو يحب شعري اختاريت واحد اسود ضيق من فوك من جوة عريض بس مو كلش وبي فتحة على طول رجلي ووياع شورت لنص الفخذ الصدر كصه التفاحة و كله شغل خرز ناعمه اسود الضهر كله طالع اتخيله ويه بياض جسمي يجنن خابرت ام الصالون اجتي للبيت كصيت شعري كصه الفراولة الكذله والجوانب طويل شويه والباقي تكصه كله برزت ركبتي صبغته اسود فاحم اضافر اكريلك واتفقت وياهة باجر تجي تحطلي مكياج قبل العرس هاشم راح جاب الفستان والحذاء لان فستان ايات من نفس المحل اختارته اشتريت عدسات لونهن رصاصي بس طبيعيات كلش ومنتضرة باجر بفارغ الصبر بالليل طب امين للغرفه شاف الغراض مرتبات كلهن ومن شاف شعري ضاج كلش وطلع

امين: نفس ترتيب نور لملابسها تحضر لعرسي حتى الفستان نفس اللون يا ربي لا تحرك كلب اختي لا تعابيني بيهن اني غلطت عاقبني الي

سكينه: ايوب شوكت اجيت

امين: رفعت راسي ليش ما نمتي

سكينه: انتضرك

امين: روحي هسة اصعد

سكينه: نزلت يمه حطيت ايدي على كتفه امين لا تضوج ميستاهلها والله صح ما عرفت كل السالفه بس لو يحبها لو ترفضه الف مرة ميعوفها شو هو من اول مرة باع

امين: مو اول مرة سكينه هواي طلبها بس ابويه ما قبل امه من ماتت اسيل وما انطيتها امين تخبلت حقدت علينه

سكينه: كلشي بي صالح كله مقدر ومكتوب امشي اصعد ارتاح

امين: وكفت وجعتني رجلي ضجت كلش

سكينه: انتبهت عليه لزمت ايدة لفيتهة على خصري اشتاقيتلك

امين: ابتسمت لسوالفها تريد تسندني بدون متحسسني سحبتهة لصدري وصعدنه طلعت ملابسي اخذت دشداشه وطبت للحمام غيرت ملابسي حطيت راسي ع المخدة هي طلعت لابسه دشداشه صفرة قصيرة كلش حلوة شعرها دائما لافته ورافعته وكفت كبال المرايه نزلت كذله حطت حمرة اني غسلت ورجعت نمت حسيت راسي نسحب صار على رجلهة ضلت تلعب بشعري وتحجي غفيت ما حسيت على شي واصلا ما اعرف على شنو جانت تحجي مرتاح كلش بيدها وبحضنها كعدت الصبح ما موجودة بس ملابسي محضرة نزلت لكيتها مسويه ريوك تريكت وطلعت صعدت للسيارة موبايل ماكو نسيته يمكن طبيت للبيت سمعت امي تصيح على سكينه وهاي ساكته تنظف بهدوء واكف وراها اسمع الحجي اسمعها تستغفر خلصت المواعين التفتت شافتني واكف فزت

سكينه: ها شو رجعت

امين: تنهدت امي شبيهة وياج

سكينه: ما بيهة شي ربت وكبرت سوتك رجال واني اخذتك ع الحاضر شوي تضوج مني

امين: سكتت تذكرت نور مسحت بينه الكاع من كلمتين وهاي امي سوتها بت ليل وهاي ساكته طبيت لامي صفنت بوجهي ما حجيت شي بس وصلتلها اني سمعت اني خسرت دنيتي ما اريد اصير عاق واخسر اخرتي كلشي محجيت

سكينه: ايوب شبيك صافن

امين: نطلع من البيت احسن مو

سكينه: حبيبي انت وين ترتاح اني وياك لا تفكر اضوج من امك لو ازعل شنو تحب تحجي هي لو اهلك ميهمني اهم شي انت بس انت تهمني

امين: صعدت للغرفه نزعت ملابسي افكر شسوي ياربي تعبت

سكينه: صعدت وراه وجهة احمر دم وضايج طلعت ملابس غيرت ورة باب الكنتور رفعت درجة السبلت طفيت الضوة نمت سحبت ايدة اجه يمي حضنته ايدي على وجهة احركها يتنهد براحة شبيك

امين: ما اعرف شنو اسوي ويه امي ولا اكدر اطلع واعوف ابويه وخالتي واختي ما اعرف شنو اتخذ قرار يعني عزلت قبل لو يجون يمي لو اني اجي لهنا تالي ما كدرت لا اني هنا ولا هناك رجعت بس حجي امي هسة خلاني ارجع افكر اعزل

سكينه: لا تعزل ولا شي احنه نسوان بيناتنه لا تتدخل تالي نتصالح وانت تضل شايل بكلبك لو هي تغضب عليك

امين: تهمس انفاسها ع وجهي دافية وحجيها يدفي كلبي صافن على شفتها تصعد وتنزل تبلع ريكها كل شويه شافتني صافن تقربت باستني بهدوء فتحت عيوني لل ليش هيج

سكينه: حطيت ايدي على وجهة ايوب اريدك ترتاح ويايه ومتفكر بشي

امين: غمضت عيوني مو تسمعيهم كلهم يكولولي امين ليش تصيحيلي ايوب

سكينه: لان اني حبيت ايوب ما حبيت امين

امين: لا اسم امين احلى

سكينة: همممم يمكن نعست حنام

امين:، وين تنامين تبوسين وتهمسين تريد تعوفيني وتنامين اموتج احساسي وياهة يختلف تعرفني اكثر من نفسي وغموضها خبلني تعرف ادق تفاصيل حياتي شنو احب شنو اكره صافن فززتني من صفنتي

سكينه: اروح وياهم لعرس علي

امين: براحتج بس عبايه ماكو طلعه بالجبه

سكينه: اوك تنام لو احضر ملابسك

امين: لا انام نعست

تقات: كعدت من النوم ب 12 ميته نعس غسلت تغديت وطلعت لكيت البيت هدوء ملاك يم اهلهة هففففف سماح منسمع صوتها وجودها وعدمها واحد حتى ابنها على طول تسكته متخلي يبجي البيت نضيف طلعت للكراج وسخ غسلته ورجعت سبحت ولزمت الموبايل لما تصير ساعه3 تجي ام الصالون نزلت سكينه تحجي وتضحك غيرتلي نفسيتي اجت ام الصالون هي راحت بدلت لبست ثوب طويل ضيك ماروني وهي بيضه تجنن حطت مكياج بسيط نزلت كذله شعرهة لافته وحطت شال خفيف على شعرها كلش حلوة لبست الذهب يلالي ويه بياضها الحجل الحذاء العالي لج شهالجمال بالعافيه عليك امين

سكينه: ديلا على اساس انتي مو حلوة وهيج تحجين اشو كمر

تقات: بس حظ ماكو

سكينه:وداعتج ما ضاقت الا فرجت متدرين شلون جنت عايشة وهسة الله عوضني باخوج حتى باحلامي ما افكر بي ادري ميصير وهسة هو رجلي

تقات: تحبي

سكينه: اوووف بس الله يدري البكلبي

تقات: من شوكت عليج الله

سكينه: شششش يمعودة لا تسمع امج تطلعني غريته لو حامل ولمينه السالفه تدرين بيهة تتابع هندي هواي

تقات: ههههههه خرب حضج

تقات:خلصت ام الصالون اني مغمضه سكينه حلو لو لا

سكينه: ولج كمر ارباطعش

ام الصالون: من كلتي كصي شعري وصبغي كلت مخبله بس ما شاء الله يجنن

تقات: فتحت عيوني شعري مبروم ومكلوب على صفحة وحدة الحمرة لون طوخ مزيج بين الاحمر والعنابي فد شي كلش حلو طالعه عيوني مرسومه والعدسات الفستان كلش حلوة طالعه حطيت عطر لبست حذائي منتضرة امين ينزل يوصلنه

سكينه: صعدت اكعدة نايم على وجهة ضهرة عريض زندة الابيض ويه سمار ايدة الحد الصاير مكان الفانيلا حطيت ايدي على كتفه فز

امين: هااا

سكينه:امشي وصلنه يلا وكافي نوم بالليل متكدر تنام بعد

امين: مسحي الكحله والقراصه شيليها ما اتوقعتج من جماعه العمايم

سكينه: ما لابسه قراصه بس رافعه شعري

امين: نزعيها بلا حجي زايد وطلعي بنطروني الاسود وتشيرت اصفر

سكينه: مممممم اول مرة ادري تلبس بنطرون

امين: البس مز اروح لبغداد هنا اول مرة راح البس

سكينه: رحت طلعت ملابسه التشيرت كلش حلو ولونه هادئ طلعتهن حضرت ساعته وشحاطه الحزام الاسود طلع لابس فانيلا بيضه صدرة مبين منه اثار حمرة هواي وحرك قليل مبين

امين: المعطر وين

سكينه: تفضل خله رفعت البدي دخل راسه صافن لبسته انطيته البنطرون لبس رجله المابيهة شي لبسته رجله الثانيه رفعه سديتله الدكمه جبت الحزام لبسته وسديته حطيت الشحاطه والطرف يم رجله

امين:تره العوق برجلي مو بيدي

سكينه: و بس المعوق زوجته تدللة منو حاط براسك هيج افكار

امين: صفنت لبست الطرف والشحاطه انطتني المشط مو كتلج نزعي القراصه

سكينه:والله ما لابسه

امين: جريتهة من ثوبهة تعاي رفعت الشال ماكو قراصه بس شعرها مبين وقراصه زغيرة جريتهة نزل شعرها لحجل رجلها حركت راسها تبعدة عن عيونها اني فاك حلكي شنو هاي

سكينه: شبيك مو كتلك ما لابسه والله وجعتني

امين: ليش شعرج هيج

سكينه: شبي مو حلو

امين: يخبل ما شاء الله امشي عدنه حرمل صخام امشي ترة تصفين كرعه اليوم من عيني

سكينه: فدوة الك

امين:لا تفتحين القراصه كبال احد ابد بس بالغرفه

سكينه: اوك رجعت لفيته وحطيت الشال

امين:حضنتهة حيل انتي هم مراح تتحملين وراح يجي يوم تروحين بس اتاكدي محد دللني مثل دلالج وبعدج يومين مصارلج عوضتيني سنين

سكينه:حضنته قوي ما اعوفك اضل يمك منا لما تطردني وتكولي خنكتيني كافي لازكه بيه

امين:عقدت حواجبي هالحجي وين سامعه جرت ايدي لبستني الساعه ونزلنه واني بس افكر طريقه كلامها مو غريبه

تقات: لبسنه وطلعنه امين بس يوصي

امين:تقات بالرجعه مكياج ولا نقطه تبقين اني ما اقبل بس ما ردت اكسر بخاطرج ولا تصورن واكعدن لا تفترن ولا توصلن يم العروس كامرات خاف منعرفهم

تقات:هسة مو لبست بوشيه كافي والله نكعد ومنتحرك وصلنه طبب السيارة بساحة القاعه نزلنه طلع السيارة وراح اول ما طبيت عمتي خزرتني هي وشمس

ام علي:ها اجيتي تخربين العرس

تقات:يا ليش اخربه اذا شفتيني حجيت عتبي عليه طبينه العروس مجايه بس كلهم حاضرين عمتي ام فهد كعدت يمي نضحك ونسولف العيون عليه

ام فهد: خرب ولج دضمي زريراتج ذني وين شايفات هيج بياض مترجعين عدله لبيتكم

تقات:هسة تجي ذكريات ونتقاسم اني وياها ومنرجع ثنينه

ام فهد: ههههه اي والله فهد ما قبل تجي بس قنعته محد قابل على علي بس شنسوي

تقات: هو شلونه فهد

ام فهد:مخبل ونوب ضرغام يبجي ومن يشيله يسكت طاير بي

تقات:الله يحفظهم دنحجي طبوا علي والعروس لازمه عكسه وتمشي جانت عاديه كلش سمرة وعيونهة زغار ما بيهة شي يجذب حتى جسمهة مسطرة

سكينه:بالله هذا صدوك يحجي عاف هالتضاريس علمود قلم الجاف هاي

ام فهد: اي والله شبي هذا ذوقه صفر

تقات: ميضحك ولا يبتسم وكل شويه مرزل وحدة مبين ضايج عيونه تدور يمنه ويسرة ما مركزة ويه مراسيم الحفله بس وصلوا لركصه السلو اني وكفت ما اريد اشوف بعد

علي: ادور عليهة بين الكاعدين ماكو لهناك لمحت مرت عمي ووحدة واكفه يمهة ما لابسه حجاب اكيد متلبس من رجلها عرفتها من شامتها البضهرها دارت وجهة شافتني فتحت عيوني شمسويه بشعرها جنت اركص نزلت ايد ودفعت العروس بهدوء

تقات:انتبه عليه صفن فتح حلكه عاف العروس واجه يتقدم عليه اني عفت الطاوله وحاولت ابتعد شويه بس ما لحكت

علي: لزمتهة هاي شمسويه بشعرج ليش هيج كاصته احجي صاير نار

تقات: جاوبت ببرود ذيج مرتك مو اني  وجاسر يحب الشعر الاسود مل من الاشقر يريد يغير شمس لازكه بالشقارات

علي: ما تحملت جوابهة لزمتهة من ركبتهة ضهرها على الحايط الكل صافنين علينا واهل البنيه ضاجوا خالتي تصيح

تقات: قربت شفتي على حلكه قوي ايدك امين ما موجود ويدفعك يا ابن عمي وزوجي ابتسمت حسيت بدوخة قويه وكعت ما حسيت على شي بعد

................................................

نور: سلام وين تعوفني وحدي هنا

سلام: حرس بالباب وشتردين يوصلج صعدت للغرفه طلعت جنطة زغيرة حطيت ملابس اركض بالغرفه منا ومنا ما اريد اضربها وادري بروحي لو تحجي اكثر اضربها

نور: سكتت ما حجيت خفت منه امين يمشي بين رجله جريته لزم رجله نترت ايدة ضل يبجي

سلام: عووووفي بنت الكلب عوفي وولي منا

نور:شبيك ويايه اموت روحي حتى تخلص مني

سلام: مرة متزوجة تحجين وياه لييييش

نور: والله مسحت الماسنجر اصلا بس من اتصل توقعت عرف اني ماخذة امين

سلام:جريت الجنطة ونزلت حضنت ملاك وطلعت للسيارة اريد اشرد

نور: صفنت ضيعت امين وهسة ضيعت سلام شسوي يا ربي متت بجي اخذت امين وملاك نيمتهم رحت للحديقه شفت ملابسه يم المسبح شلتهن وكعن فلوس وسبحه زغيرة فتشت باقي جيبوبه لكيت موبايل كلينس طلعت غراضه كلهن وخليتهن بالغسالة سويت غدة وكيك كل شويه اسوي اكله لان البيت كلش نضيف ما عندي شغل غير الطبخ عزلت ملابسنه بالكنتور اتذكر حجية هذا بيت الاحلام بيت سلام ونور شفت سجادة بنهايه الكنتور عليهة تربه وقران اخذتهن رحت توضيت وتوجهت لربي ما عندي غيرة اشكيله حالي ضليت اقرة قران وابجي ضليت على هالحالة اسبوع امين تنحس كلش يريد سلام يطلع للحراس يتصلون يحجي وياه نص ساعه يغفى يكعدوا ويدكون الباب انزل اصعدة لفراشه الثلاجة انملت كيك وحلويات مرات اطلع للحرس اسبوع جر اسبوع صار شهر سلام ماكو فقدت الامل كلت بعد ميجي ضليت ابجي وراهة اتذكر حجيه منو يفكر بيج طز بيهم والله طز بيك غيرت ملابسي وبدلت للجهال حطيت مكياج وطلعت الحرس بيهم بس واحد عراقي اسمه حارث هو مسؤل عن البقيه

حارث: العفو بس اتصل انطي خبر لاستاذ سلام

نور: شفته اتصل حجة وياه اجه انطاني الموبايل

سلام: وين طالعه

نور: وعليكم السلام اريد اشم هوة واطلع لمركز تجميل اغير شويه اختنكت من البيت

سلام: عود تبسمر حضرتهة انتضري ربع ساعه واجي نطلع سوة

نور: ممممم منتضريك شعدنه قابل صدوك ربع ساعه اجه نزل شلون كشخة وعطر اباوع بطرف عيني صعدت يمه وملاك بحضني امين بحضنه يسوق وياه

سلام: شلونج

نور: مو زينه

سلام: دوم انشاء الله

نور: ضجت كلش انقهرت شلون يعاملني لو يجاوب بحدة لو يغلس يسوي روحة ميسمع عمي كفخ امين ولا برود هذا الوحش نزلت دموعي وكف السيارة

سلام: لويش تبجين هيج شوفتي مزعجة

نور: زدت كمت اشهك نزلت من السيارة ركنهة ونزل لزم ايدي ضغطت على ايدة حيل

سلام: شبيج يا عيني

نور: ما بيه شي اريد نرجع للبيت

سلام: اوك نرجع يلا امشي باجر اشوفلج مركز مرتب اخذ عنوانه ونروح

نور: ترجع ويانه

سلام: كيفيج

نور: لزمت ايدة قوي لا تعوف البيت شوف اني عاطفيه كلش ما اعرف شنو اريد احس بالذنب عالطول انت وجهني للصح

سلام: انتي مو عاطفيه انتي عربانه بحجايه تندفعين ما عندج شخصيه ولا قرار كل الناس تقرر عنج

نور: رحت صعدت السيارة هو اجه وصلنه امين نام على رجله وملاك تغفي وتفز اخذهم لفراشهم

سلام: تجين للفراش لو هم تنامين واشيلج

نور: جان كاعد ع الكرسي لزمت ايدة امشي خل انام سوة

سلام: هااا

نور: يلا شبيك شنو منعسان

سلام: بعد وكت

نور: اني نعست حتى نكعد من وقت

سلام: رحت وراهة هي تجر بيدي طبيت للحمام سبحت وطلعت رحت للفراش جانت مغمضة عيونهة وتتثاوب نمت اجت حطت راسهة على صدري

نور: سلام بعد لا تروح

سلام: ليش

نور: من انت موجود ما احس بغربة وما اخاف من شي متاكدة انت تحميني

سلام: حطيت ايدي على راسهة بعدج تحبي مو

نور: تدري ما سامع كلمه احبك مني

سلام: بس انتي تحبي مكالمه عشر دقايق لطمتي وكتلتي روحج

نور: سلام انت متعرف شكد ضميري يأنبني لان دمرت محمد ما اريد ارجع اعيش نفس الاحساس انت متدري ورة محمد شكد ضليت ابجي بالكوة وكفت على رجلي ما اريد احد يزعل مني اخاف يموت وميسامحني

سلام: لو متت تضوجين

نور: اسم الله كافي لا تحجي هيج

سلام: عصرتها بحضني ونمت

نور: كعدت الفجر صليت فتحت الشباك ادعي كون بس ارتاح واستقر يا ربي يرجع سلام يحبني وانسى حياتي القديمه يا ربي منك اطلب راحتي ما عندي غيرك

سلام: شدسوين

نور: المنضر كلش حلو وهوة الحديقه يرد الروح

سلام: تعاي لا تتمرضين

نور: سلام

سلام: هاا

نور: شيصير لو يرجع الوقت لذاك اليوم

سلام: يا يوم

نور: من سوة ابوك العمليه واجينه نشوفك

سلام: اختنكت ضليت اكح

نور: اسم الله شبيك

سلام: ليش يعني ليش ذاك اليوم

ذكريات العزوف
نجاة محمد 💔💔

بارتين دمجتهن حسابي معرف شبي لا يوصله اشعارات ولا ينشر