رواية سلام قلبي الفصل الخامس والأربعون 45 - بقلم غير معروف

نور: سوينه عيد ميلاد امين فرحانه جنت كلش سعيدة بحياتي صح مرضي اخذ عافيتي ومن كثر النزف كل شهر اثناء العادة احس دمي خلص ضليت اراقب وانتبه على نفسي اريد اعرف الزراك منين يجي بس هو يضهر من وحدة ولو انجرح جرح زغير ابد ميوكف الدم تذكرت حجي الدكتور من رحت لاربيل وبديت اطبق بصورة مكثفه كلاصين عصير كرفس معلاك بشكل يومي وبكثره اشتري شونذر اسلكه واشرب المي العسل والتمر شكو اكله تفيد لفقر الدم اسويهة والطعم بالبدايه مينجرع وراهة تعودت الدم حتى من افوت بالحمام ويه الادرار اشوفه بس اغلس كل الاعراض من ابحث اشوف اسم سرطان اول شي بعد ما بحثت حتى لا اتوتر ولا اضوج مرات اوكع انتهي افكر بالعلاج وتجي بالي صورة ميس بالفيديو واكع شعرهة وضعيفه اتراجع بسرعه اما سلام كله ضايج وعصبي ويدخن احس عليه بالليل يبوسني ويتعمق بالبوسه وراهة يعوفني وينام تعودت عليه يوميه احساس حلو كلش اول انسان يفكر بيه اول انسان ينطي بدون مقابل ميطلب غير ارتب نفسي ولنفسي هم مو الة لان ثقتي كامراءة راضيه بجمالي كلش زادت من اكولة هيج يرد بابتسامه هذا المطلوب فتحت الروضه بعد ما اخذنه الموافقه تم اختيار الكادر كله نساء والاطفال اغلبهم عرب عدهم العامل النفسي اهم من التعليم يكون الطفل مرتاح نفسيا بالروضه راح يتعلم ما مرتاح مستحيل يتعلم تعلمت اتخذ قرارات و اواجه لوحدي تغيرت كلش مر شهرين اني افتر بالبيت شغل وجهالي وسلام والروضه ما اقصر بشي بيوم 30 بالشهر اجه سلام مرتاح حضني كبال الجهال يبوس بيه

امين: ها بابا انت مو كلت الرجال ميحضن بالبنات وحتى لو اتزوج لازم بالغرفه يسوي هيج

سلام: عمت دارك ولك عقل لو دفتر اليشوفك ميكول توة خلص 3 سنين

نور: اضحك على سوالفهم شلون حلوين ملاك اجتي بحضني توهة تمشي شاورتني ماما عم عم رحت سويتلهة اكل اكلت وراحت يم ابوهة شكد اضوج من اشوفهم متعلقين بسلام ويروحن يمه من يجي بس من ابتعدت يوم واحد وانشغلت عنهم سلام يمهم ويبجون عليه فرحت كلش بذاك اليوم من اصلي احمد الله واشكرة لان رزقني برجال ذهب وجهال ميتعبون ابد هادءين كلش حتى افلام كارتون ميتابعون كله عالم الحيوان

سلام: وردتي اليوم اريد اشوف فلم اني وياج

نور: اوك بس ينامون نشوف

سلام: هسة انيمهم حطيت مخدة نيمتهم يمي امين نام بقت هاي الشيطانه تعبتني

نور: اراقبهم من المطبخ كاعدة اطبخ الغدة لباجر وعيني عليهم ملاك بزعت سلام وما نامت ضليت اشتغل خلصت شفتهم كلهم نايمين حتى سلام ضحكت عليهم غطيتهم رحت سبحت ونمت حسيت على انفاس حارة تلفح وجهي سويت روحي نايمه مثل كل يوم ما اعرف الساعه بس ماكو ضوة اكيد مطالعه الشمس حسيت بدفو شفايفه على شفتي سحب شفتي جسمي كزبر ورجف شكد بايسني اني ونايمه محاسه هيج

سلام: همست كاعدة مو

نور: غلست ضل يبوسني نمل جسمي و صار نار اول مرة اريدة هيج سحبت شفته سمعت ونته حضنته فززتني صوت صرخة ملاك دفعته ونزلت اركض واكفه بدايه الدرج صعدتهة وصعدت نيمتهة ونزلت لامين شلته صاير ثكيل اخذته لفراشه شفت سلام طلع من الحمام شعرة مبلل سابح انطيته ضهري ونمت كعدت الصبح على ايد سلام يضرب خدي واني دايخة كلش حسيت ملابسي جهة رطبه وجهة مخشبه يابسه معرف شكو فتحت عيوني ايد سلام كلهة دم يصيح عليه ويلعن طببني للحمام غسلي وغسل ويايه طلع لبسني ملابسي اني النزيف ما وكف ولا دقيقه متت وصلت للمستشفى ما حسيت على شي بعد فتحت عيوني شفت كيس الدم بجهة والمغذي بالجهة الثانيه ضربوني ابرة نزيف شويه قل ضليت اسبوع بالمستشفى لحد ما خلصت ايام الدوره يلا رجعت صح هاي مو اول مرة بس جنت افز بسرعه لو سلام يكعدني ويضل يوكلني وميروح للشغل هالمرة ما اعرف شصار بيه

سلام: نور كتلج قبل اذا تكررت الحالة اخذج دكتورة ومرتين تحايلتي عليه هالمرة اخذج سحل

نور: هو يحجي واني اعيط موبايله يرن اربع مرات وهو ميجاوب ضليت اصرخ جاووب صوته يدك بررررراسي حس بيه شويه ما عاجبتني هاي الحالة اني ميته وكل يوميه اموت بس ما اريد اتعالج واخرب شكلي وتالي اموت خليني اموت هيج مو انت تحب تشوفني مرتبه ما اريد اتبهذل

سلام: حضنتهة لج انتي شتحجين اني ردت اغيرج حتى نفسيتج تتغير ردت ارجع نور التضحك وتسولف نور الرزلتني ورزلت ابويه وهي توهة تعرفنه لج انتي متدرين شكد احبج صوتج بحياتي كافي انفاسج دفو لكلبي انتي عفتيني سودت الدنيا بوجهي لج ما  اتقربت لوحدة بعدج الا سكران واضل اصيح باسمج

نور: حضنته قوي اريد اروح لربي واني حلوة ما اريد اموت مو حلوة

سلام: الموبايل ما سكت فتحته هااااا مؤيد شتريد امي شبيهة من شوكت هذا الحجي جاي جاي يلا راح احجز اول طيارة ونجي

نور: شكو شبيهة خالة

سلام: متخربطة وتريدني اني طالعه احجز حضري ملابسكم اسبوع ونرجع

نور: مسحت دموعي بس طلع سلام امين اجه هو وملاك يبجي يبوس بوجهي بدلتلهم ملابسهم غيرت ملابسي حضرت كلشي اجه سلام اخذنه وطلع تعبنه كلش بالمطارات اخر شي وصلنه بغداد هو راح للمستشفى ودزنه بيد السايق رحنه للبيت امي تلكتني هي وابويه

ام نور: لج يمه هاي شغاديه ليش هيج وجهج اصفر كركم

نور: ما بيه شي تعبانه كلش بس خل انام يومين ما شفت سلام اليوم الثالث طب هو وامه بالكوة تمشي اخذها السرير وطلع ابو كاعد وحاط ايدة على وجهة سلام اصلا مو كلش وياه حتى قبل السفر

ابو سلام: سلام

سلام: فركت وجهي ها بابا

ابو سلام: تعال يابه تعال

سلام: تقدمت لابويه بثكل تعبان كلش من الضغط امي ونور ما اكدر اتحمل هيج اختبار وصلت يمه شبكني حضنته حيل ابجي و اشهك بحضنه يابه تعبت والله تعبت شمسوي والله هيج يعاقبني

ابو سلام: تفرج ابني تفرج دائما اشوفك ابني الزغير اول مرة احسك كبرت

نور: منضرهم يبجي ضليت يمهم وراهة دخت كلش لان مو كلش اكل هنا واصلا ملتهية بس ما تقيئت وخشمي ما نزف رحت للثلاجه طلعت لحم سويت سوب ورة ساعتين كعدت اكل

سلام: ضليت كاعد يم ابويه نحجي ونتناقش على امي وشلون انجلطت وليش ومنو جان يمهة صفنت نور وين

شروق: بالمطبخ تاكل

مؤيد: شلون صارت وشنو تكول اعراضها مثل ميس

سلام: رجعت شعري ليورة ما ادري شبيهة شكيت بيهة من شفت بالكامرة توكع ولمحت اثر زراك برجلهة وضلت تلبس طويل تعاركنه وشفت جسمهة كله زراك تكول من وحدة لا واكعه ولا شي وتنزف ايام العادة الفراش كله ينكلب لونه وتكررت هالسالفه ومتقبل اخذها للطبيب امهة تبجي عفتهم ورحت يمهة جانت مدنكه تاكل اجيت يمهة كامت غسلت ورجعت كعدت سحب كرسي كعدت يمهة لزمت ايدي قوي

نور: امشي نروح انام تعبت كلش والجهال يم شروق

سلام: امشي يلا دنمشي وكفت راحت للحمام طبت وسدت الباب اسمع صوته دتكلب اهلهة كلهم وكفوا يم الباب اني اعظ اصبعي واصيح فتحي متقبل اخر شي صيحت

نور: يعني الواحد مياخذ راحته حتى من يريد يتقيئ بعدين لعبان نفس الا تشوف

سلام: منو كلج اني تلعب نفسي منج تقربت منهة جريت شفتهة ببوسه بيهة اثار دم قليل اجر نفس وارجع ابوسهة واتقدم دخلتهة للحمام وقفلت الباب عفت اهلي واهلهة صافنين جريتهة للبانيو صرت فوكاهة ابوس عيونهة شفايفهة خشمهة ما خليت شي يعتب عليه احجي صوتي يرجف اطلعي روحي لغرفتي بسرعه

نور: صعدت للغرفه نزعت ملابسي وطبيت جوة الغطه ثواني وصعد قفل الباب اجه يمي ايدة تستكشف جسمي من حسيت بدفوا جسمه تنهدت تقربلي ضليت حاطه عيني بعيني شفته يعضهة ويغمض براحة انفاسه الحارة قربت وجهي لوجهة عيوني على لحيته الخفيفه توهة طالعه رغم من زمان زين قربت شفتي لثمت حنكه وعضم فكه ضل يون ويتنهد براحة ابتعد عني مرتاح

سلام: لو يكولولي موت مراح اعترض على هالراحة

نور: حضنته ونمت رحت فدوة ونذر لعيونك

سلام: ههههههه خرب حضي خاب ما تكعدين لا فدوة ولا نذر بس طيبي

ذكريات العزوف💔💔
نجاة محمد