رواية سلام قلبي الفصل السادس والأربعون 46 - بقلم غير معروف

تقات: وصلت لشهر السابع احس بطني راح تنفجر كلش كبرت وبالكوة اتحرك اسبوع بالسابع
كعدت من النوم وجع بطني وبنهاية ضهري متت كعدت حسيت الدشداشه من يم صدري مبلله تعودت احط كلينس لو وصله بس اليوم سبحت قبل ما انام ونسيت هسة شبي هالكد يدر خاف ميبقه شي لجهالي من يجون وكفت ادور على دكمه الضوه شغلته حسيت بتقلص قوي ومي حار صار بين رجلي عدلت وكفتي صافنه وراهة صرخت خايفه اجه حسنين يركض خطيه عطله واجه يرتاح لان جامعته بعيدة وراح سكن طلاب ويه جماعته

حسنين: عندج ولادة امشي ناخذج بسرعه

تقات: يا ولادة بعدني بالسابع خاف ماتوا ولدي ضليت ابجي وينك علي

حسنين: مو توسل مثل المجدي وبات يم الباب وما قبلتي هسة تذكرتي طلي طك مي الراس لازم ناخذج للمستشفى

تقات: نزلوا سكينه وامين شافوني ركضوا لبسوا واخذوني للمستشفى صدك نص ساعه وجبت حطوهم بحضني كاملين بس يخوفون كلهم دم ما مبين شي منهم اجتي ذكريات اخذتهم الرئة ما مكتمله لازم خدج حتى خياط ما عندي شكد جنت خايفه لان اول مرة وعلي مو يمي بس الله سهلهة اجت الدكتورة كالت تحتاجين خياط واحد وهي ضلت يمي صديقه ذكريات طلعت بس شنو كلشي ما احس لان وجع الطلوكه قضى على كل الاحاسيس

ذكريات: هذا الجبير اكبر من اخو خمس دقايق رضعي خلي ارجعه واجيب ذاك اليوم يخلصوج يمصوج مص هههههه

تقات: اخذته حطيت حلكه يم صدري راسا بدة يرضع صفنت عليه شلون يعرف

ذكريات: بعد عراقي شغلته هاي يموت على المص ونوب فد يومين من تطلعي يبجي ويدور عليه بحلكه

تقات: يمه فدوة ضليت ابوس بي ودموعي على خدي يا ربي شون حلو اشكر وابيض يجنن

ذكريات: شنو راح تسميهم

تقات: حسن وحسين

ذكريات: يعني هذا حسن خل نكول لامين يكبر باذنهم ويسميهم

تقات: شبع جابت الثاني عصبي وبس يصرخ ميسكت يرضع شوية ويصرخ شوية وسكت ضل يرضع ونام اخذوهم ثاني يوم طلعت وجهالي الطبيب كال سليمين وممتازة حالتهم بس يحتاجلهم رعايه وعنايه خاصه منا لما يكبرون شوية رجعنه للبيت امين ذبح جوة رجلي ذبيحتين كل هذا ومحد منتبه رجعت احجي لما اجة فهد بيدة ضرغام سلمت عليه

فهد: حجت الخرسة والله مشتاقين لام لسان

تقات: حطيت ايدي على حلكي اضحك كلهم صفنوا مصدومين من الخوف والصدمه محد انتبه حتى اني ضليت امشي واضحك طبت عمتي ام علي تبجي تريد تشوف الولد ما قبلت

تقات: ذولة ولدي اني مو ولد علي مثل ما عافني واتزوج خل ينسه جهالة

ام علي: حتى ما دخل عليهة كله من عمايلج ساحرتله خليتي يهج من الله لا يوفقج

تقات: صدوك ما متوفقه ولا راح اتوفق منا لما تموتون كلكم يلا طلعي برة بررة

سكينه: يلا خالة سمعتي شكالت روحي لبيتكم خطية نفسة وتفرفح حليبهة ينشف شتردون من البنيه اتزوجهة غصب وهي متريدة وانتي تمشين وتكولين تذب روحهة على ابني وتتمنى هسة منو ذاب روحة على منو تحبين اطلع كل سوالفج لو تروحين

ام علي: والله يا تقات ولا اخليج تتهنين بيهم والا اخلي علي ياخذهم ويحرك كلبج عليهم

امين: مرت عمي روحي لبيتكم احسن منريد مشاكل تعبنه راحت التفتت على سكينه شنو سالفه ذابه روحهة وشنو كل سوالفج

سكينه: امين تعرف اني ما احب المشاكل بس والله مرت عمك زودتهة كلش

امين: ااااااااحجي يلا

سكينه: جانت تجي لعمتي قبل زواجنه اني اسمعهة تكولهة من اجت للبيت ما ارتاحينه رادهة علي بس اني حجيت ويه ابو وصلتله علي يحب وحدة وياه بالجامعه عمك خطبها لمهند لان يحب تقات تكولهة تذب روحهة على علي وتسوي وياه اشياء وجانت ناوية تسوي نفور بينه وبين تقات اني سكتت لان اخوية كلي صيري يمهم طرشه خرسه لا تنقلين حجي تنكرهين بس ترة زودتها كلش

تقات: اسمع الحجي واحرك بروحي

ذكريات: كافي هسة يصير عندة مغص ويذب حليبج عليج

تقات: الله ياخذهم واخلص منهم

فهد: ذكرياااات

ذكريات: ها عيني

فهد: تعالي اخذي شوية اريد انام ساعتين وكعديني

ذكريات: فرشتلك بالاستقبال انطيت ممه لضرغام اخذهة حضن رجلي اني كاعدة على الكرسي حسيت رجلي ثكلت دنكت لكيته غافي هو وكاعد سودة عليه شلته نيمته يم ابو

فهد: تتذكرين من تصوبت وفرشتيلي هنا

ذكريات: اي نمت يمك وحصلتلي رزاله

فهد: هسة عفتي السالفه كلهة تذكرتي الرزاله

ذكريات: رفعت الغطة طبيت وياه اي بوقتهة شنو سوينه

فهد: حضنتهة انتي ليش كل ما تكبيرين تحلوين

ذكريات: حتى تحبني اكثر

فهد: بس تطيب تقات اخذج ونسافر

ذكريات: وين

فهد: ما اعرف نغير جو واحتمال اعوف ضرغام يم امي وابويه ترة متت مو حالة هاي

ذكريات: لا حبيبي شلون نعوفه

فهد: حتى لو اسبوع اريد انام بحضنج براحة مو كعد بجه وكع مدري شبي

ذكريات: ترى ابنك هذا

فهد: يابه هسة وين عايفه بالشارع

ذكريات: حضنته ادري مقصرة وياك بس تحملني شويه ديطلع سنون خطيه يتنحس

فهد: حبيبي شنو تحملني هو ابني بس اني احبج وشغلي ابتعد هواي كلش اشتاقلج تجي ايام بالشغل اتذكر حضنج اعوف كلشي واقفل المكتب اطلع اشوف الجنود واكفين بالشمس لو بالبرد واني مكتب واتبطر اتراجع مو وحدي اعاني اكيد كلهم ارجع اشتغل هواي حتى ما افكر بيج

ذكريات: اكولك خل نصعد لغرفتي حتى نعوض الايام التشتاقلي واني مو يمك لان اني هم اريدك وانت ماكو

فهد: اوووف خرب بهالشغله هسة اني مخبل ادخل هيج كليه

ذكريات: بالعكس مفتخرة كوني مرتك مرت اللواء فهد بعد شريد

فهد: احبج واموت عليج واموت على امج لان لبست سيت نوم وخلت عمي مينام بالليل وصرتي انتي

ذكريات: ههههههههههه يعني ليش تدخل بالتفاصيل والله دماغي وصخ اكعد اتخيل ههههههه

فهد: نيميني وروحي يم اختج خطيه والله فرحت رجع صوتهة خطيه هواي تاذت

ذكريات: ضليت يمه شويه غفه طلعت ورحت يم تقات الله يعينهة شكد جنت احب التوم بس من شفت تعبها كرهتهم شكلهم حلوين بس يطلعون الروح نسكت واحد يبجي الثاني اجت خالتي سعاد وابويه وامي جانوا بالزيارة خاله سعاد لزمت واحد بس امي شافتهم وراحت مو كلش ويه تقات من يوم الفصل بس يتعاركن كعد فهد سوينه جاي وكعك عصريه ضوجة سمعنه ركض على الدرج امين يركض فهد كمز يشوف شكو

فهد: شكو شصار

امين: ابني بالعراق

فهد: انتضر البس وناخذ دوريه ونروح

امين: بسرعه طلعت بسيارتي والولد ورايه

...............................................

نور: كعدت الصبح بحضن سلام يباوعلي مبتسم

سلام: صباح الحب

نور: من شوكت كاعد

سلام: ليش هو اني نمت

نور: ليش ما نمت حبيبي

سلام: اخاف اغمض عيني ومن افتحهة يطلع هذا كله حلم قررت ما اغمضها ابد

نور: ايباااااه ولا يستقر قيس ابن الملوح

سلام: والله مو صوجج هو انتي مال رومانسيه لو كايلج سهرت اجلف جوة الطباخ لو نزلت الساحبه غسلتهة جان كيفتي

نور: اي والله احلى من اي غزل بالدنيا هذا الحجي اكولك صدوك من نرجع خاف البيت وصخ والله انتحر

سلام: ههههههههه لج اعتبريني سيراميك واهتمي بيه والله العب حديد صار خمس سنين ما جذبج ولا شي مني تسولفين بي

نور: ههههههه حطيت راسي على صدرة جوعاااانه حبيبي

سلام: ننزل ناكل لو اصعدلج اكل

نور: لا ننزل اريد اوكل الجهال بس بوسني اول

سلام: وهاي بوسه

نور: كول احبج واموت عليج واعشقج واموت اذا عفتيني

سلام: شوووو تعاي

نور: نزلنه نتريك امين زعلان يباوعلنه من بعيد ميقبل يجي بس ملاك اجتي تركض سلام شكد حجة ويه امين وهو يكولة شلون تنام وتعوفني وحدي

سلام: بابا البارحة جنت مريض وكلت لماما نور وين امين وين امين كالت يلعب بالموبايل ميقبل يجي يشوفك

امين: تعال ابوسك حتى تطيب

سلام: هاي هم حلاوة الصلح

نور: سلام تخبلت ورقه هو طفل شراح يشتري بيهة قابل

سلام: بعدين نحجي يلا بوسني وروح بوس ماما نور حتى تطيب

مؤيد: اكولك انت شمسوي للجهال لا يغلطون لا يتفلون كاعدين مكابلين عالم الحيوان لو يلعبون طوبه امين البارحة لعب بالموبايل نص ساعه وحطة على الشحن يكول بابا ميقبل بعد اروح انام واني ابني شبعته كتل حتى اشلعه منه بجه نص ساعه ورجع اخذة وكمل لعب

سلام: قل اعوذ برب الفلق اسكت لا تحسدهم

ابوسلام: بس كلش متعلقين بيكم ما نام البارحة بس يتكلب ويجي يسال عليك ويرجع للفراش

سلام: متعود انيمه يمي نحجي لما يغفى

مؤيد: ابو حرك الجو يريدة

نور: اني ما انطي بكد جف ايدي وشمروا عليه توهم تذكروا

ابو نور: لج بابا ابنه شتحجين انتي

نور: وامه كالت لو تطلكتي اخذي وياج هاي وصيتهة

ابو نور: بس هو كيفه يبقي ياخذة مو من حقج تاخذي يعني سلام تقبل ياخذون ملاك منك

سلام: خلصي اكل حتى تشربين عصيرج صفنت ادري ابنه بس اني اموت لو اخذة تعلقت روحي بي شلون معقولة ياخذوا مني

نور: سلام وين صافن

سلام: وياج حياتي يلا كملي اكل

نور: اكلت ورحت نمت تعبانه كلش ودايخة نمت ما حسيت الا ساعه بالخمسه ونص العصر فزيت سلام وامين وملاك يمي ضحكت عليهة الجربايه متكفي لان ام نفر وكلنه بيهة كعدت الجهال عفت سلام ونزلت سويتهم كيك بارد وعصير كعدوا اكلوا سمعنه صوت الباب شويه وصوت عياط الحرس بس اني وشروق كاعدين ركضت للحديقه صار كبالي امين وفهد و حسنين جمدت عيوني ما اتحركت صافنه عليهم تقدم امين عليه سحب ايدي حيل

امين:، ابني وووووين

سلام: ايوووووووب ايدك نزلهة لا اكسرها

نور: بلعت ريك الحرس كلهم رافعين اسلحتهم جسمي يرجف وايدي توجعني من عصرة امين ابنه اجه يركض

امين: هلووو شونك بابا ايوب

نور: عيوني صارت بس على امين اتذكر من اول يوم شلته لحد هاي اللحضه سلام سحبني صرت وراة دموعي تنزل

سلام: اريد احجي بس شنو اكولة لا تاخذ ابنك ضليت ساكت

امين: اندمك يا سلام مو اليوم باجر جريت امين ميقبل يطلع

امين: ما ما وخر عني بابا تعال ما اريد اروح وياه

سلام: امين يشهك بيدة وهو يسحل بي روحي راحت ركضت جريته جلب بيه حضني سكت

امين: نزلة ترة ميصير خير

سلام: بابا روح وياهم اني بعدين اجي اخذك

امين: كول والله

سلام: والله حبيبي اني مو كتلك من تكبر تساعد ابوك هسة روح ساعدة واني اجي عليك باسني ونزل لنور باسهة

امين: انتضر بابا ايوب ابوس اختي واجي

سلام: طب شويه واجه يضحك ويمسح بوجهة ضليت صافن لما طلعوا من الباب حسيت ثكل بضهري التفتت نور بالكاع 

ذكريات العزوف 💔💔
نجاة محمد