رواية سلام قلبي الفصل الرابع والأربعون 44 - بقلم غير معروف

نور: سلام الاكل جاهز

سلام: اي حبيبي اجيت طلعت من المكتب اجه امين يركض عليه

امين: بابا اريد اروح وياك اليوم حباب

سلام: تدلل باباتي بس منو يروح ويه ماما غير انت رجال تحميهة

امين: اي اروح ويه ماما من نرجع اروح وياك

سلام: اوك حبيب بابا رحت لميز الطعام امين صعد على الكرسي باس راسي وراس امه ملاك وين

نور: تنحست انطيتهة نستله وفتحتلهة عالم الحيوان صفنت متقبل اجيبهة

سلام: بست نور كعدنه ناكل اجت ملاك وجهة كله كاكو وملابسهة هم ركضت لحضني هاي شنو ولج ملاك الوصخة

نور: اخذتهة غسلت وجهة حطيتهة بحضني اوكلهة

سلام: اليوم العمال خلصوا الحديقه واللعاب

نور: وصيتهم ع الارضيه

سلام: اي سفنج والدرج والمحجر هم كله تمام

نور: والله معجزة بناء يجنن كله باسبوع

سلام: بناءهم مو مثلنه طابوك اكثر شي يعتمدون ع الخشب وعمال هواي فكرتي باسم للروضه

نور: اي روضه السلام كلتهة بفرح مبتسمه

سلام: نصيت ع الاكل شلون صرتي

نور: احسن الحمد لله

سلام: والنزيف دنكت عافت الاكل وراحت هاي شبيج شنو طفله

نور: انت دتحرجني كافي

سلام: هسة شكلت بس سؤال خلصتي لو لا

نور: اي خلصت

سلام: متاكدة

نور: اي شبيك

سلام: اي زين حجزتلج يم دكتورة نسائيه اليوم خل تشوف ليش هيج صار

نور: ما اريد اروح وما اروح هي شهر وشهر وخلصت بعد شكو

سلام: لج الفراش جان مليان دم لا تخبليني لو ذابح واحد مو هيج

نور: انت ليش متخليني براحتي عوفني حباب

سلام: شهر اليجي لو تكررت هاي الحالة اخذج وما اسئلج اصلا

نور: اوك حجزت الكيك

سلام: اي اصدقائي راح يحضرون

نور: الحرس هم كوللهم واني عزمت رغد

سلام: فصعون شتريد هديه

امين: اروح للمدرسه

سلام:يدلل الحلو بس تفتح ماما الروضه انت تروح حتى تتلعم تقرة وتكتب وتجي تساعدني بالشغل

نور:يلا كلمن يغسل ماعونه حتى نروح انام نعست

سلام:اليوم اني اغسلهن كلهن يلا صعدوا للغرفه قبلي خلصت المواعين وصعدت وراها ها ناموا

نور:لا بس راحوا لفراشهم

سلام: كم مرة اغمى وكعتي وما كلتيلي من اجي

نور:شنو وكعت شبيك

سلام: مو شفت بعيني و من شوكت انتي تلبسين بلوز صوف وضامه ايدج شنو ضامه عليه

نور: ماكو شي شنو تحقيق ووين شفت انشاء الله حاط كامرات بالبيت واصلا ما استغرب من تسوي هيج انت ما عندك ثقه بيه

سلام: ما شاء الله كلبتيهة بكرك اي اني ما اثق شتردين نزعي بلوزج

نور: انت شبيك تخبلت وخر عني اريد اروح انام

سلام: ما اوخر يلا نزعي

نور: غمضت عيوني اصلا ما عندي قوة احجي مو اجادل حباب تعبانه اريد انام

سلام: رفعت البلوز لزمتهة وكعت بيدي حطيتهة على الفراش حطيت عطر يم خشمهة كعدت بس تعبانه رفعت البلوز جريته بطنهة كدمات زركه ايدها نفس الشي جريت البنطرون رجلهة نفس الشي

سلام: شنو هاي حطيت ايدي على وجهي ليش متحجين مطي كبالج صرت اعصاب  عفت البيت وطلعت خايف عليهة نفس اعراض ميس الفرق ميس مجانت تتقيئ دم ضليت افتر بالسيارة ابجي يا ربي انطيتنياهة واستكثرتها عليه شلون لو ماتت لا ما راح تموت اريد اشبع منها صار الليل رجعت للبيت لكيتها نايمه والجهال كاعدين يلعبون نزعت السترة وطبيت للفراش حضنهة قوي

نور: همست سلام

سلام: عيونه

نور: ما بيه شي لا تخاف

سلام: عصرتها بحضني لا تعوفيني مرة ثانيه اذا رحتي اموت لو تدرين شكد احبج متسوين هيج والله اكثر من ملاك احبج
امي جانت تكول بس يصير عندك طفل ينسيك تضل حاير بي بس اني احبج اكثر من ملاك وما نسيتج اموت لو صار بيج شي

نور: ميصير شي لا تخاف بس تدري مشتهية يصير عندي طفل

سلام: ليش تحسسيني الطفل علج ابو السهم ومنين يجي الطفل هو اني احضنج تعوفيني وتنامين يم الجهال

نور: بس خل اروح البس شي

سلام: ابقي هيج احلى نزعت القميص و حضنتهة نامت اني ضليت افكر الف فكرة اجتي براسي سمعت صوت الموبايل ابتعدت سحبتة من السترة مؤيد استغربت فتحته الو

مؤيد: الو سلام تحجز اول طيارة وتجون امين اجه يريد يشوف ابنه قنعته انتو رحتوا لأربيل خل يشوفه ويرجع خاف يصير شي مو بصالحنه

سلام: ما اكدر ارجع هسة ونور وضعهة تعبان كلش

مؤيد: ليش شبيهة

سلام: نفس اعراض ميس خايف عليهة كلش المشكله متقبل تحجي ما اعرف شلون اتعامل وياهة

مؤيد: لعد اني اسبوع واجي اشوف شبيهة

سلام: لا تجي ابقه يم اهلي واهلك و امين عرف بزواجنه

مؤيد: لا هسة هو كاعد يم ابويه يمكن راح يكوله

امين: وصلت بغداد رحت لبيت سلام كل مرة الكاهم هناك طلعلي مؤيد رحب بيه طببني بس احسهم متوترين سالت على ابني على اساس نور ماخذته لاربيل حتى هوية ما عندة على البيان مو باسمها متصيرلة شي ضلوا يماطلون ساعتين بالحجي اني ساكت بس اسمع مؤيد طلع ورجع عصبي ووجهة اصفر زين هي راحت بس هي

ابو نور: لا ويه رجلها

امين: ليش نور تزوجت

ابو نور: اي تزوجت

امين: هزيت راسي سلام مو

ابو نور: ابني الزواج قسمه ونصيب اكو يستمر اكو ينفصلون ونور انضلمت ترملت طفله كلشي متفتهم وسمعت حجي اشكال امهة وحدة من الناس ما خلتهة تحضر عقد اختها لان ترملت كلبي ينمرد عليهة من اشوفها من خطبهة ابوك جبرتهة توافق وجانت تكولي بابا ما اكدر اعيش وياهم مو مثلنه واني اقنع بيهة وجبرتها توافق هالمرة هي اقتنعت وهي وافقت بلكي ترتاح وسلام هم تعب بلكي يرتاحون

امين: خابروها خل تجي اريد ابني

مؤيد: اسبوعين ويجون واني اجي اجيبه بايدي

امين: اسبوعين ابني مو بحضني اسويهة عشاير عفتهم وطلعت اعصابي تلفت رجعت للبصرة ما اريد اشوف اي بشر كرهت البيت حجزت فندق دزيت رساله لفهد وغلقت موبايلي ونمت

سكينه: ضل بالي يم امين من اجه ابن عمه كال بالبصرة بس ميريد البيت ضجت اخذت ملابسي خابرت اخوية اجه اخذني

تقات: علي عاف كلشي وراح حتى موبايل ما اخذ فهد يوصلنه اخبارة فهد بسبب النقل مرات يطلع للانبار والفلوجة يكول اشوفه تصوب علي  مرتين ما ضجت ولا خفت عليه اصلا مرته عافته ورفعت قضيه طلاق يوصل البلاغ اكثر من مرة وميجي تطلكت غيابي حول فلوس لفهد حتى ينطيهن لابوهة اخذت كامل حقوقهة منه الراتب ياخذ منه شي قليل وينطي لفهد يجي ينطينياه بس ما اصرف منه شي امين قدملي على تعين بالرقابه الماليه  وطلع اسمي صح ما اكدر احجي بس كدرت اكتب واتواصل ويه الناس  السكوت سلاح قوي ميستخدمه غير الحليم شكد وعيت بهاي الفترة يمكن لان احجي  ويه نفسي هواي  و بكل مكان اسمع وما اقاطع احس اكتسب معلومات اكثر اجت فترة فكرت انطي جهالي لشمس بس من تحركوا تعلقت بيهم كلش اذا ما حسيت بحركتهم يوم واحد يضل بالي وافكر ها بيهم شي ليش ما تحركوا واخاف وحتى ابجي منا لمن يتحركون اضل اضحك كل شهر اخذ سونار تكولي خشنين ونبضهم كلش زين نصحوني اسوي عمليه بس ما حبيت الفكرة منو يبقه يمي امي مو كلش وياهة خواتي حتى لو يجن يوم يومين اكيد ويروحن وسكينه حتى لو زينه بس تضل غريبه وما عدها خبرة على الاقل من اجيب طبيعي يومين واكدر اتحرك واعتمد على نفسي 

امين: صار الليل اريد حضن سكينه متعود من اضوج احط راسي بحضنهة انسه همي رجعت للبيت هدوء امي وابوية نايمين خالة سعاد تقرة قران تقات تاكل اجت بوستني وراحت نامت صعدت الغرفه فارغه اتصلت على اخوهة كال يمنه حطيت راسي على المخدة ربع ساعه لبست ورحت لبيتهم ساعه بالوحدة دكيت الباب الحارس فتحلي طلعت عمتهة تفرك بعيونهة مستغربه سكينه كاعدة اشرتلي على غرفتهة وراحت مبينه طافيه المرة خجلت من نفسي رحت سمعت صوت بجيهة فتحت الباب فزت شافتني ورجعت نامت

سكينه: شكو اجيت روح للفندق وابقه هناك الضاهر من شفت ست نور نسيتني

امين: ضجت شنو هالاسلوب خاف عبالج اجيت ارجعلج تعلين صوتج وتتجاوزين هو اني هم صوجي من اعاملج معاملة الحيوان تجرين عدل وشلون تطلعين بدون علمي وينه اخوج الشيخ يقبل على هذا تصرفج

سكينه: اسفه والله ما اعيدها لا تضوج ركضت حضنته والله انقهرت لان عفتني ومتريدني بعد لان شفتهة

امين: تجين لو تضلين يم اخوج

سكينه: لا اجي هسة بس ابدل

امين:رحت للسيارة انتضر اجتي ورجعتهة يمكن الصار ويايه اكبر درس اخاف نتعارك اني وسكينه وتطول زعلتنه اخاف احرمها من شي بس تكولي على شي اسوي الندم اكلني اكل والفرق بين سكينه ونور جبير كلش نور حتى لو اضربهة لو ازعلهة متقصر عليه تقوم بواجبهة حتى يم اهلي نحجي عادي بس بالليل تبتعد عني يمكن ما حسيت بغلطي لان هي متحسسني وميزة سكينه متجاوب امي ولا تنك امك وامك ماخذتها على كد عقلها صارن اسبوعين رحت كالوا ما اجتي  واني احتركت حرك وكلشي ما اكدر اسوي الحرس بكل مكان تخبلت ابني وين

ذكريات العزوف 💔💔

نجاة محمد

الفجر انزل بارت لخ