رواية سلام قلبي الفصل الثالث والأربعون 43 - بقلم غير معروف

ارتقوا فإن القاع ممتلئ

تقات: فتحت عيوني راسي بحضن علي بسيارة اسمع صدى صوت جاسر يغلط ويفشر وفهد هم وعلي يجاوب اريد احجي ما اكدر صوت ماكو حاولت اربع مرات ماكو صوت وصلوني للمستشفى اجه طبيب يمي ضل صافن على وجهي يفحصني ايدة ترجف ويبلع ريك اريد احجي ما اكدر سد الباب وراح طلع جرجف من الدولاب غطاني نزلت عيني رجلي كلهة طالعه اجه قاس ضغطي وسحب دم وطلع واسمع علي يصيح مو كلت  اريد دكتورة منو كلك تطب وراهة صار هدوء امين فوك راسي اريد احجي ما اكدر ضليت ابجي

امين: ليش تبجين

تقات: اشرتله مكدر احجي

امين: استغفر الله سكينه لبسيهة اني راح اروح اشوف دكتورة واجي طلعت شفت علي اذا اختي صار بيهة شي موتك على ايدي شرحت الحالة لدكتورهة كال روح لغرفه دكتور شوق رحتلهة اجت ويايه  ويايه طبت طلعت ورة ربع ساعه

شوق: منو ولي امرها

امين: تفضلي دكتورة اني اخوها

شوق: تفضل ويايه واذا زوجهة موجود يا ريت هم يجي

علي: رحت ورة امين دخلنه للغرفه سدت الباب وكعدت

شوق: اريد اعرف شنو متعرضتله المريضه لان البيهة من كبت غضب او صدمه قويه  لدرجة فقدت القدرة على النطق

علي: غمضت عيني تلف اعصاب لو عدم تحكم بالحبال الصوتيه

شوق: مبين عليك فهمت مريضتكم فقدت القدرة على التواصل يعني انطيتهة ورقه وقلم متكدر تتواصل ويايه حتى بالكتابه ومستغربه من ملابسهة ومكياجهة وحتى شعرها شنو الي صار قبل الاغماء

امين: عرس زوجهة المصون

شوق: مع الاسف اتوقع المريضه مراح تتذكر هذا الشي ويا ريت هالفترة تبعدوهة عن الضغوطات النفسيه

امين: ليش متتذكر

شوق: لان عقلهة يرفض مواجهة هذا الشي وما اكدر انطيهة اي علاج بسبب الحمل يعني لازم ننتضر بعد الولادة يلا نبدي بالعلاج

علي: تقات حامل

شوق: بلي حسب التحاليل وهي تعاني من فقر دم حاد والحالة النفسيه تاثر بشكل سلبي على الطفل راجعوا دكتورة نسائيه هي تطمنكم على وضعهة ودكتور علي مرتك متعرضه لعنف اثناء علاقتكم العفو اقصد بالفراش

علي: مفهمت الغايه من السؤال شنو

شوق: من دخلت جانت نايمه مجرد لمست ايدهة فزت دفعتني وتبجي بخنكه

علي: زواجنه غصب يمكن هذا السبب

شوق:انشاء الله خير

امين:طلعنه تعاركت ويه علي ضربته

جاسر: امين احنه بمستشفى هسة يجون يطردونه

علي: حطيت ايدي على راسي صافن رحت لغرفتهة نايمه تقربت حضنتهة فزت دفعتني تاشر على بنيه يمهة يوجعج شي تهز راسهة ب لا

امين: تذكرت دعوتهة انشاء الله تحس بحركة كلبي وحجي متكدر تحجي طلعت موبايلي اتصل ماكو الماسنجر ماكو رجعنه للبيت احس راسي راح ينفجر اجتي سكينه يمي

سكينه: لا تخاف فترة وترجع مثل قبل

امين: حوبتها هاي

سكينه: والله مفهمت انت ساعه تحجي عليهة ساعه تكول حوبتهة منو الغلط منو الصح ما ادري

امين: هواي اذيتهة هواي كلش هواي احجي لسكينه صافن على السكف

سكينه: سكتت امشي كوم غير ملابسك حتى ترتاح

امين: مابيه حيل

سكينه: رحت يمه غيرتله ملابسه هو صافن وصلت للفانيلا لزمهة اني مهتميت بعدت ايدة ورفعتهة ملامح صدرة مختفيه من التشوه ما مبين شي منه لبسته بجامه غيرت ملابسي ونمت يمه ضليت احجي وياه الا أن غفى صدوك ضلمهة بس هي هم شايله خشمهة هسة زعل صالحي امه اخذيهة على كد عقلهة ولو حجيهة مينحمل بس اني تعودت اسكت من زغري  مرت شهرين بدون مشاكل تقات حامل بتؤم بشهرهة الخامس  تذكرت كلشي صح علنوا زواجهم بس ضلت يمنه ما قبلت تروح وهو عاف كلشي وتطوع  كطبيب بالخطوط الاماميه لمواجهة الارهاب

امين: اني طالع لبغداد

ضرار: انطيتهم خبر

امين: لا كل ما اخابر مؤيد ياجلها صار خمس شهور اخر مرة شفت ابني طكت روحي
  ....................... ..............

نور: صفنت بوجهة نزلت سويت ريوك وكعدت الجهال غسلتلهم وغيرتلهم ملابسهم مشطت لملاك اجه امين كعد

امين: بعد اني

نور: وينه شعرك هو وكيح

سلام: تعال اني امشطلك حبيبي

نور: لاحظت تعلق امين بسلام شلون لو اخذة امين بس صار شهرين معقولة ما اشتاقله

سلام: نزلت صافن عليهة  نور

نور:ها

سلام: شنو رائيج تشتغلين

نور: شنو اشتغل واني ما مخلصه دراسه ووين اخلي امين وملاك

سلام: افتحلج حضانه ومو هواي جهال يعني بس عشرة اكثر او اقل حسب رغبتج

نور: والله فكرة حلوة  احسن من كعدة البيت

سلام: بس اذا شفتي نفسج مالج خلك نلغي كلشي

نور: بالعكس احسن من كاعدة مكابله الحيطان بس لازم نوفر مكان ملائم وموضفين خاف هنا هالشي مكلف

سلام: اني اتكفل بكل المصاريف وطبعا مكلف لان انتي حاليا تمولين فرقد ومتكدرين تفوتين بغير مشروع

نور: ما اكولك اني واني بس العندي يكفي ويزيد بس شي اوله من شي

سلام: فرقد اوله مووو

نور: اني انطيت لفرقد كم فلس اثر عليه اشتريت عمارة بصف عمارتي وكلش غاليه وهنا فرق العمله دمار افلس لو ادخل بهيج مشروع قابل اتاجر بالسلاح حتى ميهمني

سلام: هههههههه لا تنسين عايشه بخيرة يلا في امان الله

نور: مغرررررررور

سلام: بزودي ست نور بزودي

نور: ههههههههه سلام

سلام: ها

نور: لا تزعل بس من تستفزني معرف شنو احجي

سلام: عفتهة وطلعت شخصيتهة الضعيفه دمرتني وين نور القديمه  لسه اذكر كلماتهة يبه هدي اللعب لا تنكسرلك ايد بس خل افرغلج اذا ما رجعت اللبوة الشرسه مالتي ما اطلع سلام

نور: فكرت بكلام سلام هواي سويت غدة تنضيف وكوي بقت بس الحديقه من يجي هو يسويهة لو واحد من الولد امين وملاك يلعبون سمعت صوت المفاتيح

سلام: سلام عليكم

نور:الله يساعدك

سلام: صفنت عليهة لابسه دشداشه طويله لونهة نيلي ولامه شعرها كبه اكولج عيني ست نور الكنتور تندلي مو

نور: صفنت اي ليش

سلام: روحي لبسيلج تراك بنطرون وبدي ثوب اي شي  اني اجي تعبان ولعبانه نفسي من الشغل وهناك مصلخات يمشن اجي لبيتي الكاج مبهذله ميصرفلي

نور: اني وين لحكت ابدل توني خلصت تنضيف

سلام:منو طلب منج تنضيف اني اجيب خدامه تسوي كلشي عليج بس بالجهال

نور:ما اريد بيتي اني مسؤله انضفة وهسة اصعد ابدل كافي

سلام:  بدلي بدلي لا اخليج تسرحين بالغنم  بهذني الملابس شعرج مشطي صخمي اي شي

نور:كبر مصدك روحه رجلي عشتو رحت سبحت ولبست تراك حطيت شويه مكياج رفعت شعري ونزلت كذله صدك تغيير جذري نزلت لكيته محضر الاكل ع الميز ومكعد الجهال يحجي وياهم

سلام: بس دقايق ابدل واجي

نور: كعدت انتضرنا نزل شعرة مبلل لابس فانيلا وبجامه سودة مشط اجه باس راسي وكعد

سلام: فديت الحلو

نور: هو انت بقيت حلو استلمتني اول ما طبيت

سلام: من اجذب عليج واكلج تخبلين وادور غيرج اصير خوش رجال

نور:سكتت اكلنه رحت خدرت الجاي ورجعت اكل ميز الطعام بالمطبخ شال ماعونه وراح للسنك غسله ورجع كعد امين هم شال الماعون وراح للسنك بس ميوصل سلام شاله خلا يغسل ماعونه ورجع اني غسلت ماعوني صبيت جاي ورحت اوكل ملاك

سلام: تعال بابا انيمك

نور: راس امين على صدر سلام وسلام يحجي وياه هيج تسوي وهيج والله راح يجازيك وينطيك كلشي تريدة امين غفه رحت غسلت لملاك

سلام: راح اصعد امين صعدي ملاك وتعالي ورانه

نور: سويت ممه لملاك خاف تكعد من النوم تتنحس صعدت حطيتهة بفراشهة ضلت تضحك وتلعب وتكمز تريد اشيلهة ابوهة اخذهة ضل يلعب وياهة نص ساعه ونامت

سلام: شوفي نور يمكن انتي متعرفين شنو احب وشنو اكره بس خلي شغله ابالج اني احب مرتي مرتبه كلش اريدها كامله ما بيهة ولا غلطه من ناحيه الشكل والنضافه الشخصيه اما نضافه البيت وطعم الاكل هذا اخر همي اتمنى فهمتيني

نور: اكولك شدعوة هيج تحجي عليه تحسسني مكفشه وملابسي وصخة

سلام: طريقة حجيج بطليها اريد احجي ويه انثى رقيقه اريد نور القديمه الي جانت متطلع تشوفني الا تشتري ملابس جديدة وعطرهة سابقهة وين متروح ما اكولج طلعي بي بالشارع لا بس الي اختاري كلماتج بعنايه انتبهي شنو تحجين وويه منو

نور: دنكت شكد فشلني اليوم دمعتي بعيني بس ما بجيت درت وجهي تمددت سحبني من ايدي كعدني بحضنه

سلام: ادري ضوجتج بس لمصلحتج ما اريدج ضعيفه

نور: تريدني نازكه ورقيقه وقويه

سلام: بحضني ارق انثى وبضهري اخت رجال

نور: تدلل حبيبي

سلام: تعالي بحضني اريد انام يا بعد حبيبج وعشيرته ساعه ب4 يجون بنات من الصالون شنو تحبين تسوين كوليلهم حتى وراهة نطلع نتعشة برة ونشوف شنو محتاجة

نور: حضنت سلام ونمت ما حسيت الا على صوت موبايل سلام

سلام: نزلي جوة يم البنات اجو اكو وحدة وياهم عراقيه شنو تحبين طلبي منهة وهي تفهمهم

نور:نزلت لكيت اربع بنات جلفوني جلف طلعولي غير وجه تنضيف بشرة وتنضيف جسم اكرلك اشياء هواي حتى شعري غيرت لونه اشقر رمادي لون هادئ وحلو سرحته من طلعوا رحت سبحت لبست تنورة سمائي فاتح وقميص ابيض رشيت عطر رحت لسلام ميقبل يكعد نزلت سويت عشه وطلعت حلويات الجهال كاعدين قبلي اصلا وحدهم يلعبون غرفتهم ارضيتهة اسفنج ضغط عالي ما اخاف عليهم كل ربع ساعه اصعد اشوفهم وانزل  تعشوا وناموا وسلام نايم صعدت اكعدة

سلام:عوفيني اول مرة انام مرتاح روحي جلفي جوة الطباخ جوة الثلاجة مو كل يوميه لازمه الجلافه وتفترين بالبيت

نور: ضميت الاكل بدلت ورحت نمت يمه ايست ميقبل يكعد شسويله من يجوع ينزل ياكل كعدني الفجر يصيح

سلام: لج كومي خرب نوووور

نور: شبيك سلام والله تعبانه

سلام: لج كومي حلكج كله دم

نور: حسيت طعم زفر بحلكي لعبت نفسي ركضت للحمام ضليت اتقيئ واغسل ضليت ابجي يا الله خلصني مو حالة هاي

سلام: هسة ليش تبجين يا عيني

نور: سلام عوفني واطلع حباب اريد اسبح

سلام:باردة باجر اسبحي يلا اطلعي خل اغسل الحمام

نور: سلام عوفني حباب ضليت ابجي

سلام: هي تبجي عفتهة غسلت الحمام فتحت المي ع البانيو مي دافي رحتلها جريت ايدهة كعدتها بالمي وكعدت وياهة شبيج تبجين يا عيني

نور: تلعب نفسي ومن اتقيئ احس روحي تريد تطلع

سلام: بيه ولا بيج

نور: حطيت راسي على صدرة سلام اني شبيه والله مو حالة نفسيه هذا الطبيب غلطان اني كلش مرتاحة

سلام:باجر انعيد التحاليل هنا

نور: سلام انت ليش متغير

سلام: شلون يعني

نور: جنت اذا تشوفني متعوفني الا تبوسني

سلام: اي قبل جنتي حبيبتي نور

نور: وهسة اني شنو

سلام: بقايا نور ضعيفه مهزوزة اي كلمه تغير قرارج تمشين ورة الكل متفكرين انتي وتتخذين قرار تخلين الناس تقرر عنج  انسانه عايشه بلا هدف وتسكت ع الضلم ما اعرف شغيرج لهدرجة 

نور: رفعت راسي عضلات صدرة اقوى من قبل لحيته الكثيفه بس ناعمه اشتاقيت لبوساته لحنانه  كعدت بحضنه راسي يم راسه ميلت ركبتي سحبت شفته ضليت ابوسة ايدة حوطت جسمي من ابتعد يقربني اكثر ربع ساعه مقيدني بيدة ميقبل اتحرك مو بوس انتقام لازمني قوي وبوسته بعنف ياذيني وميقبل اتحرك

سلام: ليش تصنمتي

نور: اذيتني

سلام: مو قصدي ما حاس اريد بعد

نور: كمل حجيه يحجي بهمس رجعت ابوسة بس هالمرة بجرئة اكثر وراهة  سبحت وطلعت هو كلشي ما حجة دقايق هو هم طلع راح نام اني ضليت امشط رحت حضنته حطيت راسي بركبته ونمت كعدني من الصبح رحنه شفنه مكان للروضه من بين اربع مناطق اكو واحد كبال بيتنه اجرنا لما يجي المالك لان مسافر حتى نشتري

سلام: خلصنه من المكان باجر اشوف مقاول شهر ويكمل كلشي تروحين تشترين

نور: يي اريد مكياج وكم شغله اخذني لمكان اسواق جبيرة كلش متخلص شكد طابه وطالعه ما صادفت هيج شي يعني دهن سيارة مواد غذائيه موبايلات حتى تايرات سيارة اكو اشتريت وطلعنه اشتريت ملابس للبيت تراكات شورت وكيمونه اغلب  اللوان فاتحة اختارهن سلام ومن اشيل اسود يخزرني اشترالي ملابس الطلعه كلهة الوان غامقه البنطرون والقميص لون فاتح هواي شغلات اخذت ورجعنه هلكانه تعب سبحت لبست من الجدد هو راح نيم الجهال واجه

سلام: جمعه الخ نشتري للجهال

نور: وانت هم

سلام: ما احتاج عندي هواي

نور: جنطه ملابسي دورتهة البارحة ماكو وين خفيتهة

سلام: انسيهة الله وياهة

نور: تمام

سلام: صايرة تسمعين كلام

نور: صفنت بوجهة لعبت نفسي للحمام غسلت ورجعت ضهري يوجعني يمكن موعد العادة تدري سلام

سلام: كولي واني ادري

نور: انت مو سلام لاحد انت سلام كلبي

سلام: ضحكت مخبله تعاي لحضني اريد انام

نور: لا عيني ماكو حضن الا اشوف الخريطه مال الروضه مو كلت صورهة دزهن المهندس

سلام: مبيه حيل والله

نور: رحت نمت على صدرة انت اماني لا تتغير سلام هواي غيرني حسيت يمه حتى لو عندي فلوس بس احتاجة رجعت اهتم بنفسي وبالبيت وبالجهال واخلص كلشي بنشاط مدللني ويريد رضايه وما طالبني بحقوقه اسبوع واحد والروضه خلصت والبناء يجنن بقه الاثاث عليه موبايل ميقبل اشتري بس من يجي موبايله يمي يضل رجعت اوصوص على كولت سلام نزاكه واختار الملابس ساعه يلا اطلع امين وملاك يفترون يم رجلي وين ما اروح ومن يجي سلام يفترون وراة يضحكون
..................................

ذكريات العزوف
نجاة محمد

بسبب تحديث الواتباد انمسحت سجلات التعديل عدت الكتابه لان احب هذا الشي لا اخذ راتب من احد ولا موقعه عقد لازم اخلصهة ماكو داعي للتجاوز يعني قبل فترة وقفت القصه لان حضرت عشرين حساب وتوقف حسابي مو بس بهاي القصه حتى القديمات يعني احنه بنات بمختلف الاعمار تعلقون بغلط وفشار بيناتكم  ليش اني صح ما اهتم بس مو لهدرجة