تحميل رواية تاروت بقلم زيـنـب علـي 🦢 pdf

#تاروت

البارت «11»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

‏مَيْلَن

لا تنكطن كحل..

فوك الدم

ميلن،

وردة الخزامه تنكط سَمْ

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم"

نزلت من السيارة وعفت يمان وخيال يسولفون جنت تعبانة من التفرفر ودايخة گوه مفتحة عيوني دخلت للبيت واستغربت بيتنا اليوم ظلمة معقوله اهلي نايمين واحنا برا بعدني مداخلة للبيت وشفت خيال شخص ضخم صار مقابيلي صرخت بخوف عبالي حرامي

ماعرف منين اجتني الشجاعة ولزمته من ايده وهو رجع عليه لواها وصعد ايدة ليفوگ بلا كلام بس عيونه صارن گبالي يباوع بعيوني بخزرة ويريد اعوفه بقيت لازمته بحركه سريعة من عنده ضرب ايدي بشباك المطبخ ودخلت بالجام ونشكت وهو عبر من السياج گعدت لازمة ايدي اصرخ بألم اريد واحد من اهلي يطلع ماكو

رميم: حرراممييي وينك بابا ضرغغاامممم

دخل يمان يركض تجاوزني وفات للبيت وخيال ورا تركض الموقف صار بثواني معدوده يمكن ماعبر الدقيقة احس فزيت على صيحة خيال ودخلت اركض وكفت بالباب شفت اهلي متمددين وهي مخليه راس بابا الي عيونه شخصت على عليه وهو بحضنها

خيال"

شفتهم كل واحد طلقة براسه او بأماكن مختلفة من الجسم ميتين تقربت عليهم امشي بهدوء گعدت بينهم مديت ايدي على امي الكأنها نايمة وضرغام راسه على ايدها صرت اهز بيها اگعدها بصريخ

خيال: ماما يمه احنا رجعنا ليش نايمة اليوم مو مثل كل مره الگاج واكفة بالباب يمممااااا جاوبينييي

رجعت باوعت الابوي جان بي صوت مثل اليشخر بنفسه ركضت عليه خليت رأسه بحضني واحجي

خيال: باااباااا انت عايششش بابااا لااا تمووتتت اسعااافففف

دار عينه على الباب الواكفه بي رميم وكأنه يگللها مانمت انتضرتج مثل ماوعدتج

وسكن نفسه حضنت راسه حيل وصرت اصرخ بحرگه وبكل صوتي احس روحي جاي تطلع وتنسحب مني ويا كل صرخه وانا اشوف اهلي مكتولين گدامي ورميم كلشي ماسوت بس گعدت بالگاع بمكانها وتباوع عليهم

وانا ملخت نفسي كطعت شعري اريدهم يجاوبني ماكو محد بيهم يرد عليه ماعرف شسوي وين اروح من كل عقلي صرت افتر عليهم اسويلهم اسعافات واضغط على صدرهم اريدهم يتجاوبون وياي ....

❛❛❛❛

يمان"

بس شفتهم على هاي الحالة طلعت برا اركض ورى شفته بعيوني شفته ماصدك معقولة توصل بي المرحلة يقتل عائلة

بقيت ادور بعيوني شفته يمشي بنهاية الشارع ومشيته مو متوازنة ركضت عليه لزمته من رگبته اصيح فقدت

يمان: باااتر كتلتهم ولك ماصدك لييششش هييجج سوويتتت ليششش

باتر: يمان مادري بروحي انا شسويت والله بكلشي مادري شدخلني الهذاك البيت

بعده يحجي نطيته رفسه طاح للگاع نزلت اضرب بي فقدت علية بالضرب هو حتى ماحاول يدافع عن نفسه

باتر: يمان مستحيل اسويها انا مستحيل

يمان: بسسس سويتها باتر بعيوني شفتك طلعت من بيتهم

باتر: مادري بروحي شلون وشوكت كتلتهم حتى سلاحي مادري بي وين

شلته من ملابسه احجي

يمان: وهسه شتريد اسويلك هاا شتررييد

دفعني وصاح

باتر: تصدگني ولك مو انا الكتلتهم موو انااا افهممم شني كتلتهم ومادري بروحي

يمان: جا شسوي ببيتهم والناس مكتلين شجنت تسوي

گعد على الرصيف وحجه

باتر: كتلتهم بس مادري بروحي ولك ماتذكر شلون وليش شفت الباب مفتوح ودخلت الباقي كله مادري بي شلون صار

مشيت مسافة عنه احتاريت شسوي هسه انا وين التفت الها لو الاخوي وصية امي رجعت عليه جريته حيل گومته احجي

يمان: تروح تختفي من كدامي لا ارتكب بيك جريمة ابشع من الجريمة الرتكبتها واتمنى تختفي وماتطلع خليني تأكد واشووففف دربييي يلاااا

دفعته ورجعت ركض دخلت للبيت شفتها محتارة مدري شسوي بروحها تتنقل بين جثث اهلها تتوسلهم يگعدون ورميم گاعدة بالباب صافنة عليها رحتلها

خيال"

فقدت روحي شاغت ساعة الطم ساعة اگعد بيهم حسيت ادين سحبتني وقيد اديناتي بحضنه صرت ارفس برجليه وروحي تفرفح واصيح

خيال: يمااااان عووفننييييي اريد اهليييي عوفنييي يماانن اريدهمممم خلي يگعدون اتصل بالاسعاف بيهم نفس ما ميتين

مايحجي بس مقيدني واني صرت انازع بين اديناته وهو احتار مايعرف شيسوي بس مانطق ولا حرف

صرت اضرب بي واحجي

خيال: اتصل بالاسعافففف عايشين والله عايشين ادري بيهم مايعوفونا

طلع تليفونه وطلع برا رجعت عيني على رميم شفتها ساكته وصافنه عليهم بعدها على نفس گعدتها مثل المصدومة وجها باهت

دقايق وسمعت صار صوت الاسعاف والشرطة دخلوا بيتنا والناس التمت وكعدت على فاجعة قتل حجي سليمان وعائلته

صارت هوسه وصريخ اباوع عليهم يردون يشيلوهم بعد ما علنوا الوفاة تهسترت صرت ادفع بيهم واحجي

خيال: ماميتين اهلي وخروا ماتاخذوهم ماميتين

جرتني حكمة وهي تبجي وتحجي

حكمة: سوده بوجهي عليجن يمه سوده بوجهي

خيال: خاله والله ماميتين هسه يگعدون

اباوع عليهم صاروا يشيلون بيهم

خيال: يابه اگعد المن عايف بناتك ولك يابههه ، يمه گلبج الحنين مايقبل يعوفناا ولك ضرغام وين نايم وعايف خواتك وحدهن

محد يرد عليه بس لازميني ويبجون ويشيلون باهلي وخرت نفسي من بين ادين حكمة وركضت وراهم للشارع يصعدون بيهم بسيارة الاسعاف والشرطة ملت البيت مايخلون الناس تدخل ركضت ورى السيارة اضرب بالباب حتى يفتحوا الي حسيت روحي نجريت قيدني بحضنه يحجي بصوت مخنوگ

يمان: هسه نروح وراهم

خيال: يمان گللهم لا ياخذون اهلييي وين اروح انا اذا خذوهم اخذني وراهم

لمني الصدره بأديناته الترجف وهو يحجي

يمان: ميخالف هسه نروح وراهم والله راح تموتين

صرت املخ بنفسي واحجي

خيال: اريد اموتت وراهم شسوي بعمري باقيه شسوييي

اباوع حكمة طلعت رميم لازمتها من حرح ايدها ورميم ساكته وهادئة بس تباوع بعيونها

حكمة: ناخذها للمستشفى دمها راح ينشف الحگولنا

ركضتلها اخذتها بحضني وصرت ابجي بفزع باوعتلها ساكته هزيتها وحجيت

خيال: رميممم باوعييي عليييههه اهلنااا ماتوااا ماتواا

هزت راسها بـ ايي وسكتت صرت الطم على وجهي وحجي

خيال: راحوا اهلنا راحوا

جنت فاقده ماعرف بروحي شسوي وهي بس صافنه عليه وحكمة ونسوان المنطقة يحاولن يلزمني والناس كلها تباوع علينا وتبجي

طبك السيارة يمنا صعدنا بيها انا ورميم وحكمة ويانا مشى بكل سرعته الحدما وصلنا المستشفى حسيت بروحي بعد هاي هي ماگدر اوگف على رجليه بعدنا بالباب وغمضت عيوني وطحت مادريت بنفسي ولا حسيت بشي بعد غير من صحيت

ونفس الحالة رجعت ابجي بنهيار واملخ بنفسي مامستوعبة الصار حكمة تحاول تسيطر عليه تحجي وياي ماسمع منها شي

من بعدها واحنا بهذا الوضع گعدت الشرطة تحقق ويانا وتاخذ افاداتنا وحتى جنائزهم ماقبلوا ينطونها غير من صار وجة الصبح بعد التحقيق وتحديد وقت والوفاة واسطات من اهل المنطقة ويمان يلا قبلوا يسلموهم النا

اخذوهم للمغتسل وانا ورميم دخلنا ويا امي وحكمة ومرة المختار ويانا

انهاريت ماكدرت حتى المسها بس دموعي تجري منهارة بالبجي ماجاي اصدك ولا الفكره تدخل دماغي يعني شنو اهلي كلهم ماتوا بنفس اليوم

بس باوعت الرميم گعدتني على صفحة وشلحت ردناتها وحجت ويا ام المغتسل

رميم: علميني انا اغسل امي

- متاكده حبيبتي خاف متگدرين

غمضت عيونها وحجيت بحزم

رميم: لا اگدر انتي بس علميني

غسلوهم وطلعنا وانا روحي خاويه اسحل بيها حسيت بنفسي امشي جسد بلا روح

دفنوهم گبال عيني وترابهم چن هالوا على روحي مو على اجسادهم بقيت نايمه على گبورهم ورميم تتنقل يتگعد يم واحد واحد بيهم وتقرأ قرآن وادعيه

من بعدها اتقربت يمي ورفعتني وياها وهي تحجي

رميم: لا تخلص طاقتج هسه بعد ورانا درب طويل

حجتها مسحت دموعها بطرف شالها ماگدرت امشي نزلت على رگباتي وباوعت القبر ضرغام وصرت اصيح

خيال: ضرغغاممم يابعد اختك ولك اندارلك فدوه خويه كوم تخلي خواتك يرجعن وحدهن تعوفنا وحدنا ضرغام تخلينا بلا سند تقبلها غيرتككك علينا هيج نبقى بلا رجال يحامينا ولا ظهر يسندنا مارجيه منك گوممم

بديت اتهستر احس اريد اصرخ بس ماكدر صوتي راح بعد مايطلع

اتقربت على قبر بابا احجي ويا بتوسل

خيال: هاا يابه شنو نيتك بويه جا مو گلتلي طول ما النفس بيه تبقين رافعة راسج شنو بويه تريد تكسر رگبتي بنومتك مو كلتلي طول ما انا عايش ما تعتازين احد جا تريد تخليني بهالدنيا تلطش بيه وين عايف بناتك يابه المن

رجعت على امي اعاتبها

خيال: هاا يوم هاا هيلينتي شو نايمه هنا ليش مو بغرفتج يالجنه يالحنينه يمه الگاع بارده عليج وانتي رجليج كومي بفراشج يووم هاي النومه مو الج

گعدت يمي رميم حضنتني وصارت تشهك بالبجي بلا صوت وحكمة يمنا گوه شالني يمان شيل بين اديه يلا قبلت اروح منهم واعوفهم

رجعنا طول الطريق يمان مخليني بحضنه يحجي وياي ويهدي بيه ماعافني ولا لحظة وفرات صديقه يسوق دخلنا للمنطقة وشفت الفاتحه منصوبه وبس صوت القرآن يصدح والناس مگلوبه ابوي رغم ماعنده لا اهل ولا عمام منعرفهم ولا بعمرنا شايفينهم بس اهل المنطقة يموتون عليه وكلش هواي تأثروا على الصار بينا وعلى قتل اهلي

دخلت للبيت الناس ملتمه ونسوان گابلني وردها حجه حتى ارجع انهار ماتحملت رجعت تخربطت ووگعت ....

ماعرف شگد مر وقت يلا صحيت لگيت نفسي بغرفة اهلي نايمة على جربايتهم ومتغطاية فتحت عيوني محد يمي غير حكمة يمي تصلي وتقرأ قرآن الضوه داخل من الشباك وبيتنا هوسه وصوت المله يصدح بالبيت

يانارهم بالگلب تسعر

على افراكهم واشلون اصبر

عزيزين الاهل وغيابهم مر

ايست ونگطعت اضنوني

بعد هيهات ماضنهم يجوني

على افراكهم تهمل عيوني

انه العزيزه وضيعوني

خليت ايدي على عيوني وصرت ابجي بصوت عالي انفتح الباب واجتني رميم تركض اخذتني بحضنها تبوس بيه تحجي بصوت متشحرج ومبحوح

رميم: اسم الله يعمري اسم الله گعدتي

خليت راسي بحضنتها ابجي واحجي

خيال: رميم بقينا وحدنا وينهم اهلنا

حضنتني اكثر وصارت تبجي كالعادة بهدوء بلا صوت همست بأذني

رميم: قضاء رب العالمين وقدره هذا المكتوب علينا

گعدت يمي حكمة مسحت على شعري تحجي وياي بتفهم

حكمة: دگولي يالله يبعد گلبي وكومي اسبحي وبدلي هديماتج وگومي جابلي الناس تقبلين فاتحة اهلج تنكسر محد واكف بيها غير اخيتج المسيكينه

خيال: خاله صعبة والله صعبة

حكمة: يمه ادري بيها صعبة يابعد اهلي والله ادري بيها فاجعة ماتحملها جبال مو بنيات صغار مثلجن بس الجزع مايصير حرام مايجوز ورب العالمين لا يكلف نفسا إلا وسعها ترحميلهم اقريلهم الفاتحة وصليلهم يلا امي انتي حبيبة

خيال: بعد منو النا خاله

حكمة: جا انا هم متت وروح حجي سليمان العزيز وروح هيلين الغالية اضمجن بين ضلوعي عاهدتهم انا هناك وكفة على گبورهم اخيجن بعيوني وغمضها عليجن شعندي راسي وراسجن واعتبرني امجن من اليوم لا تشيلين هم وكومي يلا

عدلتني رميم وگالت

رميم: جهزتلج الحمام وطلعتلج ملابس يلا گومي وياي

كمت وياها سبحتني وبدلتلي وانا مادري بروحي وين بالي عالق على مشهد اهلي مايطلع من دماغي وگوه جبرتني اكل شويه ...

وهيج مرت أيام الفاتحة انا كل شويه اتخربط جني انا الميته مو هم يمان يدخل بالليل يشوفني يكعد يحجي وياي مادري بي اصلا شيحجي وبالنهار يتصل لو على حكمة لو رميم يتطمن عليه

خلصت الفاتحة وحكمة جبرتنا گوه نعوف البيت ونروح وياها البيتها ...

مرت الايام ورميم رجعت الدوامها لان مابقى شي على الامتحانات وانا دخلت حالة اكتآب حادة الدرجة مالي خلك حتى احجي ويا يمان يجي يسولف وياي ويروح مااحس بي

والقضية مفتوحة الشرطة تحقق بيها

وحكمة محتارة شتسوي وتحط كدامنا طايره بينا

وبيوم فزيت من النوم جنت اتحلم بأبويه يوصيني على رميم هواي ابد ماوصاني على نفسي جان بالحلم يردد بس خلي عينج على اختج فتحت عيوني ريگي ناشف باوعت حواليه وكأني صارلي سنين نايمة والدنيا تزخ مطر قووييي

باوعت شفت بس رميم نايمه يمي بالسرير الثاني بعدت الغطى وگمت طلعت من الغرفة بيت حكمة هدوء بس صوت المطر القوي اسمع وصوت التلفزيون جاي من الصالة رحت باوعت محد موجود غير حكمة كالعادة مشغله التلفزيون ونايمة بالصالة

اخذت مفتاح بيتنا معلك يم الباب فتحته وطلعت من البيت كلش حنيت البيتنا وبابا جان بالحلم كلش بعيد ماگدرت اوصله طلعت حافية رحت البيتنا فتحت الباب ودخلت اول مره ادخله بعد الصار

بقيت امشي واتلمس بالحياطين يم كل ركن عندي ذكره هنا اتذكر گعدنا .... هنا بابا جان معصب ويرزل بضرغام صدى صوته الهسه بعده بأذني

التفتت يم الدرج هنا امي جانت توكف تصيحني من تريد شي ... هنا جانت تگعد تنتظر ضرغام يرجع من برا .... هنا جنه نگعد وياها نتابع مسلسل ونبقى نتعارك على حضنها

بقيت اتفقد ارجاء البيت ودموعي تتسابق ويا المطر البره تنزل على خدودي امشي واتذكر وصوت صدى ضحكاتهم عركهم سوالفهم بأذني ، رغم ضويت كل البيت بس بعده عتمه وموحش خلافهم اجت ببالي ابيات حكمة دائما ترددهن بيقيت امشي واردد بيهن

دار اهلي الگبل چنت اعتنيها

التضوي والفرح لايگ عليها

مشت عنها البدور التضويها

انا بياحال اروحن وأمر بيها

اجاني العيد ياداري الزهيه

گبل. واليوم مهظومه وخليه

انوح الصبح وانحب كل مسيه

على الماتصح منهم بعد جيه

ريت اصغار بيها ماكبرنه

دار البيها. گضينه عمرنه

اهلها مابعد واحد يمرنه

انكسرنه. ولادوه اليجبر كسرنه

يادار النطبها وندگ ياباب

عنها گوطروا للدوم الاحباب

مافاد النحيب ودمع سچاب

اهلها حيف صاروا حدر التراب

يدار البخت وعليها ولمنه

ابونه مابعد بيها ولمنه

يفطر الصخر ويكسره ولمنه

على احباب الصفوا تحت الوطية

الحد ما وصلت غرفتهم فتحتها ورحت ركض شمرت روحي على الجرباية وصرت ادور عطرهم لميت روحي وغطيتها بفراشهم وصرت انحب بكل صوتي ركضت للكنتور طلعت منه ملابس امي ابوي بقيت اشم بيهن وابجي بعياط بقيت ابجي ابجي بالساعات الحدما خويت كلششش وحسيت راسي صفه بعد مابيه اشيله گمت وانا لازمة قميص بابا طلعت من البيت ماعرف وين اروح ، جاي امشي ودموعي وحده ورا الثانيه شهگاتي عالية همزين محد موجود الشارع فارغ هيج وكت كلها نايمة حست صار ضوه سياره على عيوني جايه بتجاهي نزلت على ركباتي بنص الشارع وصرت ابجي بصوت عالي ونحيب نزل من السيارة واجاني يركض نصه گبالي لزم ايدي الترجف غلفهن بديه ميل راسه يباوع بوجهي وحجه بنبرة مليانه حنية

يمان: دموعج يغسلني فزة گلبي

تقربت حضنته حيل احجي وانا اناشغ

خيال: يمان لا تعوفني بعد ماعندي غيرك لا تعوفني

ضمني حيل وحجه بصوت مخنوگ

يمان: ليش هيج يعمري شمسويه بروحج صارلج شهرين على هذا الحال وانا حتى روحي جاي تنمرد وياج

خيال: ماكدر يمان ماگدر روحي جاي تنسحن اريد اهلي

غمض عيونه حيل وگومني ويا وهو يحجي

يمان: تعاي يعمري باردة وانتي هيج جوة المطر هسه تتمرضين

دخلني للبيت شايلني تلاگت ويانه حكمة شهكت بخوف وگالت

حكمة: يمه سودة عليه ليش هيج حالج

يمان: لا تخافين يمه خيال القوية رجعت من اليوم

حجه الكلام وباوعلي رجع ردف

يمان: موو

اومئت بـ ايي

حكمة: تعال يمه دخلها للحمام خلي تغسل وانا اجيبلها ملابس

مشه بيه للحمام غسل رجليه بيده واديناتي ووجهي سألته

خيال: شصار على القضية

بسرعة جمد باوعلي وحجه بهدوء

يمان: بعدهم جاي يحققون بيها بس ماتوصلوا الشي

خيال: فدوة يمان انا مخليتها عليك ماريد افكر بالموضوع اعرف بيك كدها وراح تطلع حق اهلي لان والله مابيه حيل الكلشي گوه شايله روحي

هز راسه ساكت بس اديناته صارت ترجف عيونه مايخليهن بعيوني گام وحجه

يمان: استعجل امي وين راحت بردتي

راد يطلع لزمت ايده وحجيت

خيال: عمري صاير شي بخصوص القضيه ضامه عليه

ابتسم باس راسي وحجه

يمان: ماكو شي ارتاحي انتي عوفي الباقي عليه

سكتت وحكمة جابتلي ملابس طلع واني بدلت وطلعت جان واكفلي بالباب شالني ومشه بيه حجت حكمة

حكمة: هاا ولك وين ماخذ البت

يمان: الغرفتي انومها

حكمة: لا لا تنام يم اخيتها انت لا تدخل

يمان: حكمة انوم خيالي مثل يوميه واروح لا تخافين الباب مفتوح

تجاهلها وهي بقت تحجي عليه ابتسمت بتعب وهو من شافني هم ابتسم باسني بجبيني وحجه

يمان: افيش هسه يلا الدنيا ضحكتلي من ابتسمتي

خيال: شدعوة

كعدني على الجربايه وراح جاب خاولي ينشف بشعري ويحجي

يمان: ضحكتك ترد روحي خليلي

نشف شعري ورتبه بيده حجه وهو يعدل بي

يمان: ليش شعرج قصير دائما

خيال: من جنت صغيرة الهسه ابد ماخليته يعبر اكثر من رگبتي

ارتجه على تاج الجرباية وسحبني الحضنه يشم بشعري بعد الخصلات من عيوني وگال

يمان: يجنن عليج فزة گلبي

ارفعت عيوني اله خله انفه على انفي وغمض عيونه ياخذ نفس همست

خيال: تحبني

رفع ايده يتلمس خصلات شعري فتح عيونه باوع بعيوني وگال

يمان: احبج والبخت الجمعني بيج

حاوطته وغمضت عيوني بقى يلعب بشعري حتى انام بعدني هسه جاي اغفى وسمعت صوت نقاله يدگ

رفعت راسي من رگبته اباوع عليه جاوب بس ماحجه فتح عيونة حيل صارن حمر بركان وفز يحجي

يمان: شوكت لزموا وين يندلوا مكانه

سكت شويه بعدها صاح وصوته رج الغرفة

يمان: انتتتتت غبببييييي شلون هيج

سده لزمت ايده احجي بخوف

خيال: يمان شكوو

دخلت حكمة مفزوعة من صوت الصيحة حجت

حكمة: خير خير يمه شكوو

گام بسرعه نزع تيشيرته ولبس قميص يدگم بي ويحجي مستعجل

يمان: ماكو شي سالفة علمود الشغل لازم اروح هسه

عافنا وتقدم للباب التفت باوع عليه ورجع حضن وجهي وباس راسي وگال

يمان: لو كلشي يصير ابقى احبج خيالي

خيال: يمان شكو

كرص خدي يحجي بهدوء حتى يطمني

يمان: ماكو شي حبيبي نامي وارتاحي

طبع بوسه على جبيبني وطلع بقينا انا وحكمة ثنينا مستغربين حالته الموطبيعية

بعدها كم يوم مر ماشفنا اتصل عليه بس يسأل علينا ويروح يگول مشغول لو جايتنا سيارات جدد من هذا الكلام

الحد ما بيوم جنا گاعدين انا وحكمة ورميم نتفرج تلفزيون گوه حكمة تجبرني اگعد يمهن بس حتى مابقى الوحدي دخل يمان بلا سلام ولا كلام كعد على التخم وحجه بتعب

يمان: لزموا طرف من اطراف الجريمة

بسرعة فزينا عليه

خيال: وينه ومنو فدوه احجي

يمان: بعدهم يحققون ويا الهسه مانعرف اي معلومات هو لو مو هو

رميم: يعني نفس اوصاف الشخص الشفتة الكاميرات هم اعتقد ملتقطاتة بس محد گدر يشوفهن ليش

تجاهل كلامها وحجه

يمان: تقريبا ايي والكاميرات عند الشرطة هي تحقق بالموضوع وتشوف

حكمة: اتصلت بالمحامي

هز راسه بـ ايي وباوعلي حجه بتعب

يمان: ترحين تشوفينه لو تعوفينها ورى المحامي

خيال: لا انا عايفتها وراك انت تحقق من الموضوع واذا رادوا افاداتنا من جديد او توقيع نروح

سكت وگام حمحم وحجه

يمان: عندي شغل انا رايح

حكمة: اخوك المسربت مارجع من السفر بلا هذاك الشلايتي امس مر عليه

يمان: لا بعده بتركيا

راد يطلع صحت ورا

خيال: يمان عرفت اسم المتهم

باوع عليه وحجه بتردد

يمان: ااا ايي اسمه حازم صلاح بعده ماثابت شي عليه عود انا اجيب الاخبار من المحامي

حجاها وطلع من البيت

مرت الايام تشبه بعضها الحد ما نصدمت صدمة عمري بيوم المحكمة ....

❛❛❛❛

2017 .....

رميم: خيياللل خيال شبيج اگعدي المنبه صار ساعه يدك تأخرتي

فتحت عيوني مثل المصدومه تكلمت بصوت يرجف وريگ ناشف

خيال: اني وين ؟

كامت متوجه للمرايه تحجي بستهزاء

- بالمالديف خيه.. وين يعني بالشقه كومي تاخرتي هسه شويه وتجيج حكمة الا تشوي على اذنج بصل من البارحه بس تتصل وتلوم بروحها لان عافتنا وحدنا

تثأبت ومددت جسمي حجيت بنعاس

خيال: ادري بيها ما ترتاح الا نصير گدام عيونها بس لازم تتقبل الواقع احنا صار النا بيت خاص بينا واني اشتغل وانتي مابقى شي وتتخرجين

كمت وصرت اعدل بالجربايه منطيتها ضهري حجت بقهر

رميم: تذكرين اول مجابتنا يمها شلون جان حالنا بهذاك اليوم

شديت على يدي حيل بمجرد ما يمر سيره هذاك اليوم وليلته المشؤمه تتفجر بداخلي براكين الغل والحقد وارجع انكسر بعاصفة الخذلان وخيبه الامل

رفعت راسي باوعت عليها صافنه على جرح ايدها حجت بغصه

رميم: السوء حظي انترك بأيدي علامه ازلية من خمس سنوات تخليني حتى اذا انسى شوية بمجرد ما اباوع الها ينعاد المشهد گدامي

اتقدمت لزمت ايدها تحسست الجرح همست

خيال: والله ارجع حقنا مربع بس اصبريلي شويه جاي اخطط الهم

رميم: ادري بيج اختي الحلوة اكبر محامية بيك ياعراق عدها ماجستير بالمحاماة مو شوية طبعا ترجع حقنا وفوگه بوسه

بوستني اخذت جنطتها وطلعت من البيت واني هم رتبت نفسي بسرعة بسرعة عندي قضية لازم اراجعها نزلت من الشقة شفت سيارته واكفة يم العمارة سحبت نفس وتجاهلت وجوده مشيت مكملة طريقي فتح الباب ونزل كتف اديه ورجع نفسه مرتجي على السيارة ماكدرت اتجاهل الوضع وصلت يمه حجيت مستهزئه

خيال: شنوو لازم من البارحة انت هنا نايم صاير حارس شخصي

نزع نظارته الي لبسها اول ما نزل من السيارة حجه ببرود مستفز

يمان: ليش ومنو انتي حتى اصيرلج حارس شخصي

ضحكت هازة راسي بغرور فتت من عنده رجعت باوعت عليه اتقربت شاورته وحجيت

خيال: انا سيده الجمال والقوة وگلبك ياوقح

رفعت راسي اله شفته مغمض عيونه ويزفر الهوى بطريقه سريعة ، عفته وكملت طريقي ولا باوعت وراي واني احس بالنار تطلع ويا انفاسي الحارة جمر رغم الجو بارد واحنا بالشتا ، ادري بي لان وحدنا هو طول الليل جان گاعد بسيارته گبال العمارة يخاف علينا ضحكت على نفسي من فكرت بكلمه يخاف علينا سمعت صوت خطواته قريبة للهروله وراي لزمني من مرفق ايدي بالعجل شلتها من عنده

خيال: لا تلمسنييي ماريد ايدك تلمس خيط من طرف ملابسي افتهمتتتت

ردف بنبرة حنونة

يمان: اهاا هيج صارت مو جنتي ماتنامين الا بحضني

خيال: جنت جنتتتت انت گلتها

رفعت اصبعي بوجه وحجيت بنبرة حازمة

خيال: اياك مره ثانية اشوفك تحوم حواليه او حوالين اختي قسمًا بذات الله تشوف شي ميعجبك

بقى متخصر ويباوع عليه ببرود كملت بنفس الحده والاسلوب

خيال: او اتحضر للي راح يجيكم هالمرة غير صدگني غير

ابتسم واردف بكلمته المعتادة

- حتى اذا كلشي تسوين تبقين خيالي الواسع وابقى انا خيالج يا مهرتي الجامحة

خيال: انت شنووو من بشرر فهمنيي انت شنووو بس اريد اعرف شكد شفت وقاحه ونذاله مثلك ماشفتتتت

عفته ومشيت سريع للشارع وگفت تكسي وصعدت بيها رجعتني ذاكرتي اليوم المحكمة والصار بيها

المحكمة ....

دخلت ويا المحامي وعفت رميم گاعدة بره بعد مانتظرته ومااجه كلت يمكن صار عنده شغل يجي بعدين

دخلنا وسعت عيوني بصدمة من شفت يمان واگف يم محامي الطرف الاخر ويتناقش ويا ردت اروحله استوقفني صوت المحامي مالتي يحجي

بكر: ممنوع تحجين الطرف المقابل داخل الجلسه ست خيال

خيال: هذا خطيبي واكف ويا يحجي

رفع راسه شاف يمان وحجه بستغراب

بكر: ليش يمان اخو المتهم يصير خطيب حضرتج

شهگت باوعتله

خيال: اخوو منو

بكر: المتهم باتر صمد مجيد يصير اخو يمان صمد مجيد

ماگدرت اتحمل السمعته راسي فتر ودخت گعدت وحجيت

خيال: المتهم مو اسمه حازم صلاح

بكر: اسمه باتر صمد منين جبتي الاسم الاخر

بقيت ساكته وفهمت اللعبة الكتل اهلي اخو وهو هسه واكف ويا وعافني اختار الباطل

خيال: بس اكو لعبة بالموضوع انا ماجنت اعرف اسم المتهم شلون هيج

كعد يمي يگلب بالاوراق وخلاهن كلهن گدامي

بكر: بس انتي موقعة على كلشي اصلا جنت استغرب من ماتردين تشوفيني وكالوا حالتج صعبة ونايمه مستشفى لهذا جنت ادزلج الاوراق بكل خطوه حتى توقعين ونمشي بالقضية يعني الشغله كلها قانونية ١٠٠٪

مسحت على وجهي وباوعتله همست بصوت يرجف

خيال: وهسه شنو راح يصير

بكر: الادله العدنا غير كافيه وهم محاميهم ملعب بس نتوكل على الله وان شاء الله خير

بدات المحكمة كمت وكفت ورفعت راسي اباوع بعيونه وهو نظره مركز عليه احس نظراته تترجاني واتذكرت كلامه سمعته قبل يومين يحجي بالنقال ماعرف ويا منو يگله

يمان: بين گلبي ووصية امي انا تهت

خلصت القضية ورغم عدم وجود الادله الكافية ورغم اشرطة الكاميرات الي اختفت فجأة حكمله القاضي براءة وخلصت القضية وتسجلت قضية اهلي ضد مجهول وسدوها بقيت مثل التايهه ادور بعيوني على احد يوكف وياي مالگيت وهو شفته مبتسم وحاضن ايد اخو من هذاك اليوم وانا موته بگلبي ونهيته من حياتي ....

من بعدها حكمة ابد ماعافتنا عادتهم كلهم وقطعت علاقتها بيهم علمودنا وانتقلنا وياها الغير بيت جان بعيد بالاطراف بوسط مزرعة گالت ان هذا ببيت ورثته من زوجها قبل كم سنه اهل المرحوم يلا رجعوا الها جانوا ماخذينه ومحد يندل مكانه وين

(عودة)...

ماتحملت انفجرت بالبچي واني بالتكسي لكن دقايق وتمالكت نفسي مسحت دموعي واخذت نفس عميق وصلت للمكتب وراها للمحكمة كملت القضية وهكذا يمر اليوم

رجعت للشقة لگيت حكمة موجودة اول مادخلت حجت

حكمة: شنهي تردين الناس تاكل وجهي وتكول مگعدة بنات صفر حمر وحدهن ببيت

تقربت حضنتها وانا احجي

خيال: حكوم يعني عاجبج البهذله الحنا بيها دوام رميم بالمعهد ومكتبي ويوميه طريق ساعة يلا نوصل

حكمة: احسن من ما تگعدن وحدجن

راحت للغرفة رحت وراها صارت تطلع بالجنط مالتنا وتحجي بعصبية

حكمة: لا له لا لو هسه كلشي يصير ماعوفجن هنا يلا لمن هدومجن ولحگني

خيال: حكمة صدك تحجين

حكمة: وحگ هو علي صدك احجي البارحة طول الليل ماهودت ونمتلي ساعة انا ماجاي اخذ رأيج انا جاي اخذجن

دخلت رميم تحجي

رميم: وانا ارجع ويا حكمة الصراحة ماكدر على بعدها

باستها وحجت

حكمة: بعد روحي روحج بس انتي على گليبي مو مثل هاي الفوصه والله شني درب بعيد وين ماشيتله على باعر هن كلهن سويعه وتوصلين

ماقبلت بقت تحجي علينا الحدما اخذتنا ورجعتنا وياها البيتها وللمزرعة ....

❛❛❛❛

وتر"

جنت بالمدرسة رجعت اول مادخلت البيت صارت بوجهي امي حجت

مرام: يلا بسرعة نزعي جنطتج والحگيني نجهز الغدا ابوج على جيه

زفرت بتعب

وتر: ماما خلي اخذ نفس شنو القضية

مرام: وغمامه يلا بسرعة اختج اليوم كلش تعبانه

شهگت بخوف

وتر: يمه شبيها عبير هم كليتها

حجيت الكلام ورحت ركض الغرفتها دخلت شفتها متمدده ووجها اصفر اول ما شافتني ابتسمت وحجت

عبير: رجعتي حبيبتي

تقربت بستها وحجيت

وتر: هم رجعتي تعبتي

عبير: لا تخافين شويه كليتي اذتني هو انا يايوم ماتعبانة دشوفيني حتى ماكدر امشي

انقهرت على حالتها سويت نفسي مامهتمه بستها وحجيت

وتر: بس ابدل واجيبلج الاكل

عبير: شلونه الخامس وياج

وتر: بعدها ببدايتة ومطيح حظي وامج تكرب عليه يادوب الحگ الزم الكتاب ساعة

زفرت بملل وكأنها تعرف بتصرفات امي

بدلت ملابسي وطلعت كالعادة مثل يوميا اجهز الغدا ويا امي وبعدها نتغدا اني وعبير وحدنا بالغرفة لان هي ماتكدر تتحرك بسبب كلياتها عدها فشل كلوي وكل شهر يسوولها غسيل كلى

كملت وطلعت غسلت المواعين ونضفت المطبخ صبيت جاي واخذته الابويه جان كاعد بالصاله وحده قدمته اله قابلني ببتسامة بارده هو دائما هيج مايضهرلنا مشاعرة ابد وقاسي الابعد الحدود وخاصة وياي بس مامقصر ويانا گعدت يمه وحجيت

وتر: بابا حبيبي

حكيم: گولي وتر بسرعة لان مشغول گاعد اسمع اخبار

اتقربت يمه خليت ايدي على كتفة وحجيت

وتر: صديقتي عازمتني على عيد ملادها فدوه خلي اروح

حكيم: لا ماكو طلعة

انتجيت علية اتوسل وانا احجي

وتر: حبيبي انت حباب حباب

بعده ماحاجي دخلت امي عاطت بية

مرام: ادسييززز شنووو هاي الگعده متستحيييننن

باوعتلها بصدمة ماعرف على شنو جاي تحجي اتقدمت عليه جرتني من گصيبتي عطت بألم

حكيم: مرام على كيفج ويا البنيه

عاطت بي

مرام: لا تدخل انت هاي ينرادلها تربية من جديد

ابوع عليه سكت وهز ايده ماعاجبه ورجع يباوع للتلفزيون

وهي طلعتني سحل من الصاله دخلتني للغرفة

عبير: شبيج ماما وياا وتر

تجاهلتها گرصتني حيل عطت متالمه شدد على ايدها وگالت بغيض

مرام: مره ثانيه اذبحج اذا شفتج هيج گاعده وتلزگه بابوج اذبحجج

جرتني من ايدي طيحتي للگاع حيل بقيت ابجي وعبير تحجي على امي عافتنا وطلعت وانا بقيت بس دموعي تنزل واختي تحاول تسكتني تمسح على ضهري وتحجي وياي

اخر شي عاطت امي من برا حتى اطلع انظف الصالة مسحت دموعي وطلعت لان ادري بيها بس اعاند ترجع عليه

بقيت انظف بالبيت وبلا قصد مرت من غرفة امي سمعتهم يتعاركون وامي تحجي بعياط وعصبيه ماعرف ليش بقيت واكفة وكعت المكناسه من ايدي ونصدمت من السمعتة ....

يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

شنو توقعاتكم للمستقبل

معثوراتي لا تنسون التصويت+ متابعة الحساب+ تعليق بين الفقرات♥️

متابعة ممتعة🦋

#تاروت

البارت «12»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

لا تَسَل عني ...

لماذا جَنَّتي في النَّار ؟

فالهوى أسرار

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وكعت المكنسة من ايدي ونصدمت من السمعته اسمع امي تگله

مرام: اسمع حكيم انا اغار من بناتك حتى اذا انت ابوهن

حكيم: مرام صدك تحجين تالي عمري تشكين بيه وتغارين ومنين من بناتي

مرام: والله كلشي اتوقع منك بعد سوالفك السويتها ، وهن صغار وحلوات والشيطان بعده ماميت

سمعت شي تفلش بالغرفة وهو يصيح

حكيم: انتييي تخبلتيي

مرام: نسيت نسوانك وعربدتك

خليت ايدي على حلگي مصدومة هاي شجاي تحجي وصلت بيها تغار على بابا من عدنا سمعت صوته من صاح بيها

حكيم: مرام اطلعي بره

انسحبت بالعجل ودخلت للمخزن وهي طلعت تنكث نار من العصبية

رحت للغرفة شفت عبير متمددة تگلب بتليفونها

عبير: شبيج وجهج اصفر

حجيتلها كل السمعته تحسرت بتعب وگالت

عبير: كلشي توقعي من امي ولو هي هاي هم ام بس شنسوي مجبورين نسكت ونتحمل

وتر: الى متى متگليلي الى متى

عبير: اشش اسكتي لا تسمعنا شخلصنا بعد

مرت الايام واحنا هو هذا وضعنا لو مشاكل امي وابوي لو مشاكل امي ويانا وهو ساكت حتى مايحاول يحجي وياها او يتقرب من عدنا ...

وبيوم جنت طالعة الظهرية من الدوام انتظرت الاشتراك مالتي ماكو مااجه وتأخر الوقت المدرسة كلها طلعت ماطلعت ويا الطالبات بقيت انتظر الحدما صفيت وحدي بالمدرسة اخاف اطلع مشي والبيت بعيد وهم اذا تأخرت مرام تسود عيشتي اليوم

سلمت امري الرب العالمين وطلعت من المدرسة امشي ظهرية والشارع فارغ امشي بهروله واتلفت وراي خايفة وحدي من الربكه والخوف جنت لازمه سجلات بيدي عثرت ووكعت وتطشرن دموعي صارت تنزل وانا الم بيهن احس شي صار گدامي جمدت من الخوف رفعت عيوني حجه

- شسوين هنا وحدج

وتر: هم انت !

نصه عليه يحجي بعصبية

- جايي اگول شسوين بهيج وكت وحدج هناااا

لميت سجلاتي وگمت حجيت وانا امسح بدموعي

وتر: شعليك بيه انت ولي امري وانا ماعرف

خزرني وحسيت عيونه اخترقتني مو خزرة لو ضاربني كف احسن بلعت ريگ خايفة ورجعت بجيت

وتر: اشتراكي مااجه اليوم ماعرف بي وين راح وماعندي رقمه وبقيت وحدي بالمدرسة

باوعلي من جوه الي فوك يمشي نظراته على طولي ابتعدت منه بخطوات بسيطة وردت امشي لزمني بسرعة فزيت احجي

وتر: لا تلزمني لا تلزمني

- شبيج بابا امشي ارجعج للبيت

جان يحجي وياي باريحية اليشوفه يگول يعرفني من قرون صح صار سنين اشوفه دائما بمنطقتنا بس يبقى غريب عليه

وتر: لا لا شكرا الك انا ارجع الوحدي اذا واحد من اهلي شافني وياك شيگولون عليه وبعدين منو انت اصلا حتى اروح وياك شمدريني ماتطلع حرامي وتريد تبوگني

لزمني من ايدي يسحب بيه

- دمشي ولج لو اريد ابوكج ماخايف حتى من ابوج

صرت اعيط بنص الشارع

وتر: انتتت شتريد منيي وخر وخررر

- صوتج منا الشارع ادبسيز

جريت روحي بالگوه منه وركضت بتجاة الشارع العام باوعت وراي شفته متخصر يباوع عليه بحيرة

وصار يمشي وراي واني اركض كل سرعتي الحد ما وصلت للشارع فكرت اصعد نفرات احسن من سيارة الاجرة لان وحدي وتخوف رحت الموقف السيارات ولكيت سيارة جبيرة هستوها تريد تطلع صعدت بيها وحسيته صعد وراي ماكو مكان وناس هوايه انحشگت بينهم انا وجنطتي

حسيت بي وگف وراي وخله اديه حوايله بلا ما يلمسني حتى محد يطخ بيه الواكفين كلهم شباب اكو مريه كاعدة وابنها گدامها ندسته وحجت

- كوم اوكف خلي البنت تگعد بمكانك

گام الولد وهو همس بأذني

- اكعدي بسرعة

گعدت وبقيت حاضنه جنطتي وارجف من الخوف وهذا عيونه عليه يسددلي سهام مو نظرات الحدما وصلت قريب منطقتنا ردت اطلع فلوس باوعت عليه هو انطه ووكف السيارة ماكدرت احجي كمت حتى انزل من الثول عثرت زين ماوكعت سمعت همسته

- ثول

غلست ونزلت ركض ماريده يلحگ بيه وهو هم بعد مامشى وراي بس وصلني للمنطقة وراح دخلت البيتنا لگيتها واگفتلي باب الحوش حجيت بنفس مگطوع

وتر: يمه فدوه خل افهمج الاشتراك مااجاني والله

مرام: الساعة راح تصير بـ 3 ادبسييززز وين جنتي دايحة

حجيتها وجرت الصوندة

وتر: والله ابو الاشتراك مااجه وبقيت انتظر حتى اتصلوا بي وشوفي كلامي صح لو غلط

اتقدمت عليه تحجي

مرام: خلي افوخ گلبي واطفي فورة الانتظار وبعدين اتأكد

گالت هيج ضربتني بالصوندة على رجليه متت تشلوطت

وتر: يمه فدوه والله بعد مااسويها والله ردت اجي مشي بس خفت الوحدي والمدرسة بعيدة

مرام: حتى تتوبين

ضربتني مرتين على ظهري لسوعتني روحي شاغت ودموعي صارت تنزل صاحت بيه

مرام: فوتيي جووه ماريد اشوف خلقتجج اليوومم ادبسيز

شفت عبير لازمة صفحتها وواكفه بالباب تجاوزتها دخلت ركض للغرفة مر اليوم بطولة ولليل وانا ماطالعة من الغرفة الحدما سمعت صوتها تصيح عليه

مرام: وتر

كمت رحتلها اول ماطلعت حجت

مرام: سوي چاي بيت عمج ارفد يمنا

من غير ما احجي شي دخلت للمطبخ سويت الچاي واخذته قدمته الهم سلمت عليهم وگعدت باوعتلي مرة عمي وحجت

رغد: وتوره كل يوم تحلين اكثر

ابتسمت سرعان ما نطفت ابتسامتي من حجت امي

مرام: حليانه من الدياحه اليوم الساعه 3 العصر يلا رجعت من المدرسة

حكيم: مراممم

ارفد: شنو هذا الكلام ام عبير كلنا نعرف باخلاق وتر العاقلة

رغد: مرام قبل شويه بالمطبخ كلتي متأخر عليه الاشاراك مالتها

مرام: والله مادري انا بعد ماكدر اتحمل مسؤليتهن اكثر من هيج

بقوا يحجون عليها جان يفز ابن عمي الغثة وكال

سنان: اذا ماتردونها انطونياها انا اخذه ههههه

اباوع العموا خزره والباقين غلسوا عليه هو كالعادة بقى يباوعلي بنظراته القذره من جوة الجوة اتذكرت هذاك الغثة شكد يعترض طريقي بس ابد ماباوعلي مثل هالنظرات ولا يسوي حركات وسخه مثل هذا عود ابن عمي عشتو

كمت وطلعت من الاستقبال بعدني ماداخله للمطبخ حسيت نفسي نجريت من اذني حيل بحقد

مرام: مرة ثانية تلبسين حجاب ولبس مستور من يجينا احد مو مرتبة روحج على اخر حباية شعدنا عرس

وتر: اخخ اخخ يمه ايي والله بعد ماسويها

امشي الغرفتج ماريد اشوفج گدامي مو عبالج نسيت سوايتج

عفتها ورحت للغرفة شفت عبير جان النقال على اذنها بس دخلت ارتبكت ونزلته بالعجل استغربت حالتها طلعت كتبي گعدت يمها اقرأ انتبهت عليها كلتلي

عبير: انطيني واحد من كتبج

بلا اهتمام شمرت عليها كتاب شفتها تاخذله صور وتخلي ايدها عليه وتكتب وهي مبتسمه بفرح ماخليت الموضوع ببالي فرحت لبتسامتها

بقيت اقراء ومن الصبح مماكله شي احس نفسي دخت من الجوع وماكدر اطلع امي ماتقبل غفيت وانا بمكاني الحدما نامت يلا عبير گعدتني طلعت اكلت ورجعت للغرفة

افكر هي ليش هيج تعاملنا ولا جنا بناتيها حتى عبير المريضه ماتهتملها هواي بس ماتغط عليها مثلي وابوي ملتهي بالشغل

وبيوم جنت نايمه وفزيت على صوت ضحكت عبير هاي اول مره اسمعها هيج تضحك دائما ماافز مخترعة على صوت انتها من الألم اسمعها تحجي

عبير: لا لا بالمدرسة وين اگدر اشوفك كرايبي كلهم موجودين

استغربت عبير منيلها مدرسة من يوم ما حالتها بدت تدهور وصحتها بالنازل كعدت من الدوام

من بعدها تكررت هالحالة مع الايام وصارت عبير تحجيلي على ان اكو شخص وهو يريد يتقدملها حجيت بحيرة

وتر: ووضعج

عبير: ديري بالج تحجين بهذا الموضوع مايعرف بيه انا مريضة

وتر: بس هذا الشي غلط المفروض من هسه تحجيله حتى يكون عنده علم بكلشي

عبير: منا البعد سنه اكون انا مسويه العمليه وتعافيه وهو هم يكون متخرج هاي اخر سنه اله

وتر: زين هو وين شايفج

ارتبكت من وجهتلها السؤال وحجت بتردد

عبير: هاا ايي شايفني بالصورة يعني دزيتله صورتي وانا لابسه حجاب ومستوره هو حتى امه خلاني احجي وياها

مارتاحيت للوضع وحتى ماقبلت عليها تدز صورتها من بعدها صاحتني امي وكالعادة نظفي ومسحي ماعدنا غير هاي الشغلة

مرت الايام وبدأت الامتحانات ومشت اخر يوم امتحان جنت طالعة من وكت ردت اصعد بالخط وسمعت واحد يصيح وراي

- عبيرر عبير لحظة

انتبهت عليه بس عيوني وگعت عليه بسرعة عرفته هذا نفسه محمد الي على اساس يحب اختي عبير  يباوع عليه ويحجي

محمد - همزين لحگت عليج عبير  ماعرفيني انا محمد

عكدت حواجبني وحجيت

وتر: منو عبير

حجه وهو يباوع عليه بنظرات اعجاب

محمد: شنو السالفة عبوره نسيتيني لو المفاجأة مأثرة عليج بس شفتج من بعيد عرفتج رغم انا ماشايفج غير بالصور

بقيت متصنمه بمكاني ماعرف شنو احجي وهو جان يحجي وعيونه يلمعن من يباوعلي صفنت. عليه لا اخذ ولا انطي كل الطلع وياي حجيت بخوف

وتر: من رخصتك انا تأخرت

راد يحجي مانطيته مجال صعدت بالسيارة وحجيت وانا اغلي وافور

وتر: امشي بسرعة عمو فدوه

بقيت احسب الدقايق حتى بس اوصل للبيت اول ماوصلت بسرعة رحت للغرفة شفت عبير گاعدة ودموعها على خدها اول ماشافتني زادت بالبجي سديت الباب وصرت اصيح عليها

وتر: شلون هيج تسووين شلون تدزين المحمد صورج على انها صوري شلوونن هيججج تسوين عبيرر

عبير: والله غصب عني والنبي ماعرف شلون دزيتله صورتج وتورطت بعد ماكدرت احجي

وتر: ولج انتيي اختي اختي نعرفين شنو اختي هسه شنو موقفي ولا موقفج هو يحبج الج ويتخيلني اني بالشكل شفكرتي من هيج سويتي

باوع عليها خلت ايدها على عيونها وصارت تبجي وتشهگ

وتر: بس فهميني ليش هيج سويتي ليش منطيته كل تفاصيل حياتي وحتى صورتي وانتي تحجين ويا

عبير: هو المثل حالتي وحظي المصخم هم يفكر يعيش حياته مثل الناس تورطت وحجيت ويا ماعرف تورطت والله

وتر: تورطتي بس ماتذبيها براسي اهلج اذا عرفوا يذبحوني منو يصدگ بيه

عفتها وكمت اباوع عليها لزمت صفحتها وبعدها لزمت صدرها وصار تتقيء ووجها صار زرگ اختنگت تخبلت لزمتها واصيح عبير بكل صوتي على صوت صياحي دخلت امي بس شافتها اجت تركض وتصيح

مرام: شبيها ولج شبيها

وتر: ماعرف فجأة حالتها انتكست الحكي يمه خلي ننقلها للمستشفى راح تموت

طلعت برا امي تعيط وتصرخ دخل ابوي راجع من الشغل بسرعة شالوها يركضون بيها نقلوها للمستشفى وانا بقيت الطم ساعة الومها ساعة الوم بروحي لليل كلش يلا رجعوها حالتها مستقرة بس بعدها تعبانه سكتت بعد مافتحت وياها الموضوع خاف ترجع تنتكس مره ثانيه ...

❛❛❛❛

خيال"

سمعت صوت سيارة دخلت للبستان طلعت حتى اشوف منو جاينا حكمة هذا بيتها محد يندله من غير هي مخليه ثنين حراس تعرفهم وتعرف امهاتهم يعني امان كلش نزلت بعدني يم الدرج وسمعت صيحته جايه من الاستقبال

يمان: حكمة صار سنتين على السالفة وانتي ماتحجين وياي بس كليلي شسوي حتى ترضين عليه اخلي اخوي بين حبل المشنقة

حكمة: ويطبه حريشي ومرض توكف ويا وهو كتل عايلة ولك فناهم فني بين ليلة ويم لو بيدي مو بس اتبره منكم حتى گلبي اكصه واجوي مكانه بعطابة لو حن عليكم ولد الجلب

يمان: ومنو يگول كتلهم طلع براءة لان ماعليه ادله كافية انتم ليش ماجاي تفهمون

اتقدمت دخلت للاستقبال سكتوا ثنينهم باوعلي وگال بنرفزة

يمان: انا ماجاي عليج جاي على امي

تجاهلت كلامه ولا كأنه موجود اخذت نقالي من الشاحن وطلعت ثنينهم بقوا ساكتين بس طلعت سمعت صيحته الرجت البيت رج ومدري شنو كسر

حكمة: تخبلت ولك شمالك جاي علينا حامي

دخلت للمطبخ لگيت رميم گاعدة هم تستمع الهم ومخليه ايدها على خدها باوعتلي وحجت

رميم: شوكت نخلص وتالي يعني خطية حكمة واگعة بين نارين وصية ولد بنت اختها واحنا

خيال: كلتلج شقتنا موجودة نروح نگعد بيها مقبلتي

دخلت حكمة للمطبخ تعض على اصبعها وتفرفح وتحجي

حكمة: انتي تردين تجلطيني وتموتيني بهاي سوالفج الا انجلط يلا ترتاحين

رحت عليها لزمتها احجي

خيال: مجرد اقتراح قابل صدك رحنا هسه احنا

حكمة: ميلي ادري بيج البالج تسوينه لو مطي يركب مطي ، رميم تعاي اسنديني اخذيني الغرفتي راح اموتن من وراهم

كامت رميم سندتها وطلعتها من المطبخ وهي تحجي

رميم: لا تخلين ببالج حكومتي وين نروح ماعدنا غيرج

بقيت بالمطبخ كمت اسوي چاي لان صدعت وعندي شغل لازم اكملة حسيت بحركه صارت وراي وصوته وصلني يحجي

يمان: مبين مرتاحة هواي

خيال: فوك ماتتصور حتى من الراحة حليانه بس كون ماشوفك گدامي

يمان: الهالدرجة ؟

التفتت عليه التفاته سريعة جان واكف بالباب ومرتجي عليه حجيت وانا اصب الچاي

خيال: تخيل تأذي شخص لدرجة مجرد ذكر اسمك يسببله وجع بمعدتة راح يكون مرتاح من يشوفك

ردت امر من يمه لزم ايدي ورجعني گباله يباوع بوجهي عيونه تنتقل من شفتي لعيوني گلبي مدري شبي صار يهتز وينبض حيل بس ملامحي جامدة حجه بهمس

يمان: وانا هم ناسيج من يوم ماقبلتي تسمعيني

خيال: اذا جنت رجال تطلگني شرعًا وتطلعني من ذمتك والا راح اتصرف غير تصرف

ماجاوب بقى يباوع عليه اتقربت منه كلش وحجيت

خيال: امراة مثلي ضد النسيان ،يعني لو تعاشر كل نسوان الدنيا ماكو وحدة شايلة تفاصيلي، احفظ هاي الجملة زين

عفته ومشيت سمعته يحجي گال

يمان: خليلي قويان

وصلت يم الدرج ورجعت حجيت

خيال: على فكرة سيفي شغلكم الوصخ كله صار عندي تحضر للمصايب بيبي

عفته وصعدت للغرفة اغلي من من الاعصاب مستفز وبكل وقاحه وعين قوية يحجي وياي ببرود اخذت نقالي واتصلت

خيال: بكر بعد ماكدر اتحمل لازم نتحرك ونحل هذا الموضوع بأسرع وقت ممكن

بكر: الموضوع بي خطورة هاي الناس مو سهلة ست خيال

خيال: شوف شغلك وخلي الباقي عليه لا تهتم المهم كلهم ينسحلون

بكر: ولو الموضوع بعد ينرادله دراسه وشغل اكثر بس هاي هي مثل ماتردين اعتبري تم باقرب وقت

خيال: Ok... شكرًا

غلقته من عنده افكر الراح اسوي صح لو غلط بقيت اشتغل بالقضية العندي وهيج مر الوقت ورا اسبوع بالضبط حكمة لحت علينا الا تاخذنا للزيارة البغداد وهم انا ماعندي شي ورميم عطلة

رحنا ورجعنا جانت بوقتها مصادف مناسبة دينية اول مادخلنا البيت اجاني اتصال شفته المحامي بسرعة فتحت خط

بكر: مثل مطلبتي القوا القبض عليهم بس لا تعتقدين راح يطولون لان اوراقهم نظيفة وتهم التهريب ما ثابتة

خيال: المهم ينسحلون شكرا الك

حكمة: منو هذول الينسحلون خويله

خيال: هيج حكوم قضية وحليتها

عفتهم وصعدت ثاني يوم الصبح كعدت على صوت رميم تگعد بيه وتحجي

رميم: كومي هاي عمة يمان سليمة هنا ومن الصبح جايه تتعارك ويا حكمة

خيال: ماعرفتي شنو الموضوع

رميم: لا ماعرفت حكمة ماتقبل ادخل يمهن

گمت بسرعة نزلت غسلت وجهي ودخلت للاستقبال اول ماشافتني هجمت عليه تحجي

سليمة: انتي منين طلعتيلنا من يامصيبة من يوم الخطبج يمان مابقت سالفة ماوگعت على روسنه شتردين

خيال: اهجمكم

سليمه: هو انتي هجمتينا البارحة شالوا يمان واخو اخواني شعليهم يشيلونهم وياهم

حكمة: يطبه مرض لا تصيحين وانتي بيتي وبعدين ياهو انطاج العنوان

سليمه: انتي ابقي دافعي الهذن اللقيطات عوفي ولدج الربيتيهم

حكمة: انهجم بيت الحنية من شوكت انتي صايره حنينة سليمه يلا براا يلا

طلعتها دفع بيها وهذيج تصيح وتدعي عليه وعلى اختي اباوع الحكمة ضاجت بس مابينت راحت توضت وگعدت تصلي وتقرأ قرآن

ورميم طلعت الدوامها وانا حتى للمكتب مارحت مالي خلگ كلش لليل واتصل بيه المحامي گال طلعوا حتى بالنظارة مبيتوهم

بقيت محتارة اريد الزم خيط حتى امشي بالسالفة ماكو ...

وبيوم جنا گاعدين انا ورميم نسولف باوعتلي وحجت

رميم: احس نفسي مربطة وانا اشوفج بس انتي تشتغلين على القضية الوحدج

خيال: غير هذا شغلي

رميم: لا اريد اساعدج بس ماعرف شلون ماريد دم اهلي يروح وانا گاعدة اتفرج

بستها وحجيت

خيال: انتي خليج بدراستج وخلي هذا الموضوع عليه

اباوعلها بقت صافنه بالسقف تفكر ماعرفت شنو يدور ببالها

باوعتلي وحجت بتسأل

رميم: انتى ماتشوفين ان يمان ويا حق من اختار وصية امه وفضله علينا

خيال: لا هو خذلنا واحنا ماعدنا غيرة وتركنا بأصعب الظروف الجنا نمر بيها وراح وكف بجانب اخو القاتل

رميم: ياترى خليتي نفسج بمكانه ؟

خيال: يعني شلون

رميم: لو جنت انا الغلطانة ومسويه فعل كلش بشع مستوى القتل ويمكن ابشع وانا هم وصية بابا عندج راح توكفين وياي لو ويا الحق

بقيت صافنة بوجها ماعرفت شنو اجاوب هو المفروض اوكف ويا الحق بس الاختيار صعب صعب الدرجة مانطقت بحرف

رميم: انا اگول خلي انتقامج بعيد عن يمان لان هو ضيحه مثلنا وفكري بأخوا المجرم

ردت احجي فجأة ثنينا فزينا على صوت ضربة قوية جايه من جوة

رميم: يمه شنو هاي

خيال: الصوت جاي من جوة

رميم: خلي نگعد حكمة بسرعة

حجيت اهدي بيها

خيال: اهدي يمكن بزونة خلي انزل اشوف

رميم: لا لا انزل وياج ماترحين الوحدج

فتحنا باب الغرفة وشغلت اضوية الطابق الفوگ وثنينا وحدة لازمه وحده ونمشي بهدوء

ماحسيت الا على صوت صرخة رميم وهي تحجي

رميم: هذا هذا

خيال: شبيج منوو

حجت برعب وهي تعيط

رميم: شفت واحد منا عبر من المطبخ وطلع من باب الاستقباااللل

ثنينا صعدنا نركض الغرفة حكمة تلاگت ويانا تركض وتحجي

حكمة: اسم الله الزهرة شبيجن تصرخن ولجن

خيال: حكمة هذا واحد جان يفتر بالبيت

نشغت وهي تحجي

حكمة: شنههيييي واحد بالبيت وساكتات شووو انطني عصاتيييي وينها

همت تريد تنزل واحنا لازمينها مانخليها

رميم: وين نازلة خاف يطلع مسلح

حكمة: مسلح على روحه الا اخلي سلاحة بـ **** خيبات ميلن مني خلي الحگ عليه

عافتنا واخذت العصى مالتها ونزلت واحنا نزلنا وراها شغلت اضويه البيت وصارت تفتر شفنا گالب البيت گلب مامخلي شي مامدور بي حتى المطبخ لاعب بي لعب

گعدت على الدرج صارت تلطم على رجلها وتحجي

حكمة: عمت عيني مالحگت بي ولا نطيته المقسوم

عفت رميم يمها تهدي بيها وانا صعدت اخذت نقالي واتصلت على الشرطة خبرت عن حادثة سرقة

وحكمة هم اخذت تليفونها مدري بيمن تتصل يمكن على الحراس المخليتهم لان طلعت برا تحجي شويه واجوها اسمع واحد يگلها

- قبل نص ساعة اجيت افتريت بالبستان مالگيت احد

ورا نص ساعة اجت الشرطة سمعت الصوت صار برا ورميم طلعت ورا حكمة انا بقيت جوة اتفقد بالغرف الباقية گالبهن گلب بس الغريب كلشي ما ناقص من البيت وكأن الجاي عنده فد حاجة معينه يدور عليها

بعدت البردة وباوعتلهم من الشباك شفت سيارة يمان طبگت يمهم ونزل يحجي وياهم تنهدت وطلعت من الغرفة تلاگت وياي حكمة حجيت

خيال: هذا شجابه هنا

كعدت على باية الدرج وحجت

حكمة: انا خبرته شنسوي يمه محتاجينه ماعندنا زلمه خلي يحل السالفة ويروح

خيال: والشرطة شنو شغلها وهذول الحرس المخليتهم

حكمة: من يشوفونه يسوون واجبهم اذا نبقى احنا بس ولايه محد يهتم

سكتت ماحجيت بعد فجأة دخل وحجه

يمان: يمه كون بيكم شي

حكمة: مابينا خلص شغلك وروح

قرفص گدامها باسها براسها وحجه

يمان: وين اروح ماكدر اعوفكم وحدكم هنا

ضحكت بستهزاء وهي جاوبته

حكمة: لاله رحم الله روح امك الطاهرة مامحتاحينك خلص شغلك وياهم وشوفنا مگفاك

گام وحجه

يمان: بعدين نحجي

بقت الشرطة تفتش بالبيت ويدورون ادلة بس المفاجأة طلعت حتى الكامرات مطفية ومن سألوا الحارس گال مادري بيهن مفصولة الكهرباء وطافيات من الشحن يمكن بقت ماكو اي دليل اخر تسجلت على انها محاولة سرقة وهاي هي

وهو حاول ويا حكمة حتى يبقى يمنا هي ماقبلت ابد رفضت عافها وقبل لا يطلع گال

يمان: لا عبالج راح اروح انا گاعد بالسيارة بره

بقينا نلملم بالبيت ورتبنا كلشي على مكانة ورميم كل شويه تباوع من الشباك تگول بعده موجود مرايح

لليل كلش تقرب الساعة 2 اكثر احس بحكمة مامرتاحة كل شويه طلع من الغرفة لو تدخل الغرفتنا تباوع من الشباك وتطلع ادري بيها گلبها عليه لان گاعد برا بالسيارة

گمت ورحتلها لگيتها گاعدة على الدرج كعدت بصفها فزت وحجت

حكمة: نعله على عدوج نززتيني شگعدج اضنه السبب المگعدني

خيال: ليش قلقة

حكمة: مامش شي بس الصار طير النوم من عيوني

خيال: صيحيله ينام بالاستقبال

باوعت عليه متفاجاة حجيت

خيال: الخاطرج والا انا گلبي ميت حتى مايحس بي

حكمة: لا خلي هو هسه يمل ويروح

خيال: كومي صيحي يدخل انا اريدج تطمنين معليج بيه صاعدة انام والصبح خلي يروح من وكت

صعدت اباوع من الشباك شفته شويه ونزل من السيارة متوجه للبيت يمكن اتصلت بيه

رحت نمت وگعدت الصبح مالگيته مرت الايام عاديه ورا سبوع بالضبط هم رجعت هالحالة تكررت مره ثانية هم گعدنا الصبح لگينا الطابق الجوه مگلوب گلب ونعادت نفس الاجراءات ورغم حكمة غيرت الحارس هم لگوا الكاميرات منطفيه

عاد هنا هو لگاها حجه جاب غراضة واخذ دور الحارس هو صار يراقب الكامرات وحكمة رغم ماتبين كدامي بس احسها مرتاحة الوجودة ومتطمنه  ردت اطلع من البيت بس ماخلتني ووعدتني بس كم يوم لهذا صرت اتجنبه وتاخر بالشغل وابد ابد ماتواجهنا انا ويا ....

وبيوم ظهريه نزلت للمطبخ اريد اشرب مي سمعت صوته بالاستقبال ومبين يحجي بالتليفون اتقربت اسمع شيحجي سمعته يصيح صاير عصبي

يمان: هو الشاهين وينه يعني مايتوب يوميا مطلعنا السالفه يوميا مسوي مصيبه كله بعد لا يشوفني خلقته ... المعلومات والمراسلات كلهن عندي بالحاسبة هاي يمي

سكت شويه بعدها حجه جملة صدمتني وخاصة من گال

يمان: قضية اهل خيال بعدك ماشي بيها لا لا عندي الاوراق وهم كل الملفات مو جودات على الحاسبة

عفته ورحت اخذت مي وصعدت شفت رميم فاتحة الحاسبة مالتي تدور بيها حجيت مستغربه

خيال: شجاي تسوين

رميم: جنت اترجم بيها الابتوب مالتي خلصان شحن

حجت الكلام وبتسامة نصر مرسومة على وجها سدت اللابتوب وشمرته بتجاهي اخذت تليفونها وطلعت وانا بقيت افكر شلون احصل لابتوب يمان وافتحة ضروري كلشش اخذه...

مرت الايام وصرت اشوف وضع رميم تغير اربعة وعشرين ساعة خانسه وعيونها بتليفونها ماعرف شسوي حاولت احجي وياها ماكو متحجي وانا هم جنت مشغولة مالحيت وياها ولا انتبهت عليها...

مر اكثر من عشر يام وهو يمنا صرت ماريده يروح لان اريد احصل الحاسبة مالته وبيوم رجعت من الدوام جان البيت فارغ بس رميم موجوده اول مادخلت صارت بوجهي سلمت عليها وحجيت

خيال: حكمة وين

رميم: طلعت تشتري مسواك للبيت ويمان اخذها

بسرعة باوعتلها

خيال: يعني محد بالبيت غيرنا

رميم: ايي مو كلتلج طالعين

عفتها وتوجهت للاستقبال لمعن عيوني وانا اشوف اللابتوب مالته عايفه بالبيت رحت بسرعة عليه وفتحته اجت رميم وراي باوعتلي وحجت

رميم: شجاي تسوين من كل عقلج تردين تفتحينه لو بي شي مهم ماعافه هنا هاي اذا ماطلع مخليلة شفره لو تموتين ماتعرفينها

خيال: راقبيلي الوضع ومعليج عوفي الباقي علية

رميم: راح اوكف بالشباك اراقبلج الوضع

شلت الحاسبة وكعدت يمها وفعلاً طلعت مشفرة مثل ماتوقعت باوعتلي وحجت

رميم: وهسه شلون راح تفتحينه وهو مشفرة

خيال: سمعته يحجي بالتليفون قبل كم يوم واكثر من مره كرر كلمة (شفرة فيجنير)

حجت بسأل

رميم: وشنو هاي

خيال: شفرة خاصة جانت تستخدم بالحرب العالمية الاولى وهي عبارة عن تشفير النص الابجدي والمفروض هو مستخدم كلمة طويلة بلا مسافات ويستخدم الكلمة الاولى بين كل كلمة والثانيه على طول الجملة بدل المسافات

يعني تتكون الشفرة باختصار من مجموعات متتالية من شفرات او اكواد قصيرة بس بترتيب بشكل رأسي وأفقي

رميم: وشلون راح تعرفين الجملة واحتمال خطأ بعد الحاسبة تقفل

خيال: ان شاء الله اكدر اخمنها

بقيت اجرب هواي جمل اكثر من 3 مرات وماصارت خفت تقفل

خليتها بالگاع وتربعت وبقيت افكر شنو ممكن يخلي الجملة اول شي فكرت باسمه واسم امه وميلادة بعدها تراجعت وكتبت اسم نرجس حكمة خيال وتاريخ خطوبتنا بالانكليزي وبلا فواصل

ورجعت كررت الجملة وصرت اخلي اسم نرجس بين الكلمات بدل الفاصلة الحدما كملتها كلها غمضت عيوني ودست موافق فجأة انفتحت گدامي ماصدكت باوعت الرميم وحجيت

خيال: موكلتلج راح افتحها

ركضت بسرعة فوگ جبت رام وبديت انسخ شكو موجود بيها مو مال ابقى ادور والوقت ضيق

اباوع الرميم تليفونها دگ باوعت عليه وحجت

رميم: مكالمة مهمه هسه ارجعلج

عافتني وطلعت تركض وانا كملت نسخ ورجعت الحاسبه بمكانها وردت اطلع بعدني بالباب بس فتحته صار گبالي عگد حواجبه وعيونه صارت على الحاسبة مالتة الوراي اتقدم عليه رجعت الي ورى وسديت على ايدي حيل حجه

يمان: شسوين هنا

خيال: وانت شعليك هم نزل وهم يدبج على السطح

نظراته صارت على ايدي ضميتها وراي مسح على وجها وحجه

يمان: يعني عبالج تكدرين تفتحين الحاسبة لو تاخذينها شوف مدري وين ماتكدرين تفتحينها

ضحكت بستهزاء وحجيت

خيال: ايي ميخالف ممكن توخر مني اريد اطلع

بحركه سريعة من عنده جذبني ناحيته حسيت ايدي تهشمت من قبض عليها حيل وهي مسدوده ميل راسه باوع بعيوني المتحديته وگال

يمان: خليلي صاير مو سهل وماكو شي يصعب عليك

خيال: ولا راح يكون اكو شي يصعب علية وحقي اخذه واطلعة من عيونكم انت واخوك وكل واحد مانصفنا بهاي القضية

يمان: ماحاولتي تفهميني ولا مره وحده

خيال: وانت ليش مافهمتني ورحت وكفت ويا اخوك المجرم وعفتني مثل المضيعة بنص الدرب

ابتعد من عندي يمسح على شعره ويحجي

يمان: اخوويي اخوويي يعني شترديني اسوي

خيال: والماتوا والقتلهممم اخووككك اهلي لو مو اهلي لاتبرر افعالك البشعة خلف ستار عواطفك غير هيج عرفت بكل شغلك القذر والجايي تسووييي

اتقرب حضن وجهي ويحجي بلهفة عيونه حمر ويلمعن بالدموع

يمان: رغم كل هذا الصار رغم كل المرينا بي بس انا احبج خيال احبج واحس روحي متعلگه بيج ماكدر ابتعد بس گليلي شسووييي انا بين نارين كليلي شسوي وانا اسوي

خيال: اكرهك انا اكرهك اموت منك وحق الحب الجنت شايلته الك بگلبي كلتلك وارجع اگولها واسمعها زين لو ترجع وجايب وياك نجوم السماء هم مراح اگدر اتقبلك مره ثانيه خلييي عندك كرامة وحسسسس

لزم ايدي يهز بيه ويحجي

يمان: ماعوفج افتهمتي مااعوفج ويجي يوم اثبتلج العكس واخليج تسامحينييي

دفعته وحجيت

خيال: هاي اخر مره اسمحلك تلمسني وخلي عندك كرامة وطلگني شرعًا ولا تخليني استخدم وياك غير اسلوب اندمك علية والله

ردت اطلع رجع سحبني عليه حضني حيل وهمس

يمان: احبج والبخت ويابخت البعد يجمعني بيج

باوعت بعيونه وحجيت

خيال: ماعتقد بعد اكو شي ممكن يجمعنا مو بس مسافات صارت بينا جبال ماتنهز ولا تنزاح من يوم الي اختاريت بي اخوج المجرم وضيعتني حاول تفهم هذا الشي

ردت اطلع اتقدم سد باب الاستقبال وقفله وشمر المفتاح بعيد صحت بي

خيال: هاي شجاي تسووييي افتححح البببابببب

حجيتها وهجمت عليه اضرب واخرمش بي بأديناتي واسمع حكمة ورميم صاروا يضربون بالباب

حكمة: يااا شمالكم ولكم ولك يمان افتح الباب شجاي تسوي بالفرخة

باوعت عليه كلشي ميسوي بس واكف يم الباب وساد ايده بغضب صرخت عيطت ضرب هو بس يباوع عليه ببرود ولا كأني گدامه روحي جاي تطلع

ماعرف شنو صار كل الاعرف بي ماحسيت نفسي الا وانا بين اديه حضني وقيدني بحضنه رجعني على الحايط وحجه

يمان: شوكت تهدين وتخلينا نحجي ونتفاهم

خيال: وخر منييي حقيرر اكرهك اموت منك

خليه ايدة على گلبي وهمس

يمان: بس دگات گلبج وانتي بين ادية تگول غير شي

هديت نفسي وحجيت ببرود

خيال: ماتگول غير تمقتك الحد الموت لا تعتقد بيوم من الايام گلبي يدك حب الشخص خذله واستغفله وان رجع ونبضلك من جديد اقلعة بيدي افهم هاي الجملة يمان افهم

اخذ نفس قوي من عندي واتقرب همس بأذني بكلمات حسيتهن مثل السم وينحقن بگلبي ...

   يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات ♥️

متابعة ممتعة🦋

#تاروت

اتـمـنى مـا تـگلولـي بـالـغتي لان هم كـلهم شكـلهم كـلش حلـو بالـحقيقـة ويـمكن حـتى احلـى مـن الاشـباة حتـى مـن خـليت صـورهم بـرنامـج بنتـريست طـلعولي صـور كلش حلوه بلا مبالغة 😭😂♥️

+ اكـو بعـض الصـور بالنهاية الاشياء حقيقية مـن الابـطال ♥️

++مـن هـذا المـنبر انـي اعـلن برائـتي مـن نـوايا المعثورات 🥲😂💔

اول شـي نبدي بيمان الصورة نسخة مستنسخه من عندة حتى نفس الشوارب والهيبة المبينه بالصورة يمان اوسم شويه واضخم 🌚💔

يمان 👇

دائب الدوخني يلا لگيتله شبه حسيته ينطي هالولد شبه كلش قريب من عنده يعني بين قوسين ( دائب احلى الرهبان 😂🤍) بس انف دائب مستقيم واصغر  وبنيته الجسديه اضخم من هيج

دائب👇

اذا اشوفكم صورة باتر وهاي الصورة واكلكم اوجدوا الاختلافات الخمسه مراح تطلعون اي اختلاف كلش شبه كلششش بصورة فضيعة بحيث اول ماخليت الصورة بنتريست طلعت هالصوره وجنت متأكدة حتطلع 😂🤍🤍

باتر 👇

خيالي الجميلة كلش تشبه هاي الصورة

خيال 👇

*استبدلت الصورة الى صورة اكثر مقاربة الشكل خيال

رميم قويتي كلششش تشبة روان الفك وتقاسيم الوجه الفم كلها على بعضها روان 🥺♥️

رميم👇

نجي الوتر الصاكه مالتهم كل الجمال الشفتوا مايتقارن بجمالها البنية كلش جميلة كلش بحيث حتى صورة شبيهتها طلعتلي بالبنتريست تردد اخليها خاف تگلولي تبالغين بس والله هي حلوة اني شيوويي 😂♥️♥️♥️

وتر 👇

بس عيونها مو ملونه 🤍

وهاي صور حقيقة من القصة كل شي موجود بيهم اله موقف وقصة نعرفها خلال القصة 🙈♥️

كل الموجود بهالصورة بي موقف 👇

هاي المدالية نعرف قصتها 🙈♥️

والكارت هم

هذا السلاح بي فد حدث نعرفه بعدين 🥲💔

وهاي مجموعة الخناجر قصتهم كلش مريبة 🤡

وبس لهنا خلصنا + بارت 13 قيد الكتابة باجر ينزل

حسابي على الانستا تابعوني 🫂♥️

#تاروت

البارت «13»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

وقد تُصبح روحي

ساعة رمل،وينزل فيها

الفراغ البطيء!

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

همس بأذني بكلمات حسيتهن مثل السم وينحقن بگلبي

بصوت ذايب

يمان: خلي يصير بعلمج انا احبج وحبي فوگ الحد ومسحيل بيوم من الايام اتخلى عنج بس لا تنتظرين مني اتخلى عن اخوي ووصية امي ماكدر حاولي تحسين بيه مستعد اعوف الخاطرج الدنيا والبيها الا اخوي

رفعت راسي باوعت بوجه جان مغمض عيونه ويحجي دفعته مني وحجيت

خيال: مجرمين شتوقع منك غير الخذلان هو التهون عليه حياة الناس ما يهون عليه يظلمني

يمان: لا تحاولين مااكرهج

خيال: اذا تكرهني ماراح تتعذب وانت تشوف المصايب التوگع على راسك من وراي انا اريدك تبقى حابني حتى تتعذب حسب الاصول

ارتجه على الباب وميل راسه يباوع عليه بتعب كملت كلامي

خيال: والله وروح اهلي الا اخليك تجرع السم وماتجرعني

يمان: الساحة الج انا اشتغل وانتي اشتغلي ونشوف منو اليربح بالنهاية

خيال: انشوف وهسه وخر من خلقتي اريد اطلع ماتحمل هالقرف اكثر من هيج

رفع حاجبه وحجه بطريقة مامصدگ كلامي

يمان: الهالدرجة خليلي

خيال: واكثر الدرجة بعد دقيقتين اذا ماختفيت من گدامي ممكن اتقيأ بنص وخلقتك

ضحك وعينه صارت على ايدي السادتها رجع باوعلي وحجه

يمان: اخذتي معلومات تفيدج شاطرة

خيال: وخر اريد اطلع

يمان: بسرعة خمنتي الشفرة لان تعرفين نقاط ضعفي وين

ابتسمت بفخر وحجيت

خيال: الاعتراف بنقاط الضعف هزيمة

يمان: مو مشكلة انا مهزوم بعيونج

خيال: افتح الباب راح افلشه فوگ راسك

اتقدم عليه يحجي

يمان: صايرة عرمة

خيال: وهسه شتريد

يمان: حلك

خيال: لو يصير علاجك تموت گدامي وماتحصل هذا الشي الاخر لحظة بعمرك

طلع باكيت جگاير من جيبه سحب جگارة ورثها وحجه

يمان: يگولون حلاتها بالغصب بيها لذة من نوع اخر

خيال: جرب وشوف شسوي

گعد على التخم يدخن

يمان: شسوين احنا وحدنا والباب مقفول

اتقدمت عليه رفع راسه يباوع عليه جريت الجگارة من ايده اخذت منها نفس وهو صافن بيه نصيت عليه جريت ايده جان رافع اكمام قميصه شلت الجگارة وطفيتها بيده وانا اباوع بعيونه ، ماانطه اي ردة فعل غير ابتسم بجانبية وحجه

يمان: هاي الله قدرج عليها

خيال: مو ذنبي اذا انت حيوان ومتحس

فزيت من گام وگف وصار يفتح بقميصه رحت بتجاه الباب لزمني وگال

يمان: مااحس بنار الجگاره لان جسمي شبعان بيها ومتعود بكل شبر منه لسعه شكل

درت عيني عليه ونصدمت بمنظر جسمه جان مشطب من ناحية صدره وبطنه ومبين اثار قديمة كلش لان مباقي منهم الا شي قليل وعلى صدره مبين لسع النار انتبهت عليه يحجي

يمان: 69 اثر من غير الراحن كملتيهن انتي صارن 70 بالتمام كلهن تعذبت بيهن الا الاخير مثل العسل على گلبي

فزيت على صوت الباب صارت تندگ بقوه وحكمة تصيح

حكمة: يمان طلع البت راح احرگ البيت على راس الخلفك

عفته وصرت ادور على المفتاح الشمره الحدما لگيته وحكمة مستمره تصيح وتهدد فتحت الباب وطلعت صارن گبالي رميم وحكمة شافته يلبس بقميصه لطمت على خدها وحجت

حكمة: شسوالج ولج احجي

تحجي وتگلب بيه

خيال: ماكو شي خاله لا تخافين

عفتها تحجي عليه وصعدت للغرفة احس الحرگه وكفت بحنجرتي صارت توجعني من القهر صار عندي خبط مشاعر ما عرفت افسره شنو

توجهت للحاسبة مالتي خليت بيها الفلاشه وصرت ادور بيها وادخل على ملفات اريد افهم شي ماكو كل الاوراق مكتوبة بس بطريقة مشفرة احتاريت شلون افك التشفير انتبهت على رميم اتقربت گعدت يمي وگالت

رميم: شلگيتي

درت اللابتوب عليها وحجيت

خيال: كلشي مشفر ومكتوب بطريقة الرسائل المعناة

رميم: ليش ماتاخذين الحاسبة الياسين هو هكر واكيد يعرف بهاي السوالف

خيال: ذكرتيني من ايام الجامعة ما سمعت اخبارة بعد وين الگاة

رميم: اذا تذكرين هو جان عنده محل الكترونيات بالعشار يمكن بعده بنفس المحل نسأل عليه هناك

كمت وحجيت

خيال: ماكدر اتحمل الباجر هسه اروح

بدلت ملابسي واخذت الحاسبة وردت اروح حكمة ماقبلت اطلع وحدي الا تروح وياي اخذتها وطلعنا تحت انظارة المستفسرة

❛❛❛❛

رميم"

بس طلعن خيال وحكمة من البيت كبل صعدت ركض اخذت تليفوني دخلت على الانستا شفته ناشر ستوري صورتة على الكورنيش يشرب ارگيله كتبتله

" طالع حلو اليوم "

ماجاوبني عفته ونزلت سويت شي اكله دخل يمان للمطبخ فتح الثلاجة ياخذ مي سكتت ماحجيت ويا سمعت صوته گال

يمان: رميمي انتي هم زعلانة عليه اكيد

تنهدت بتعب وحجيت

رميم: اجذب عليك اذا كلتلك لا زعلانة ومحترگ گلبي كلش هم بس ماحقدت

يمان: ليش

رميم: لان لو انا بمكانك واختي متهمة بجريمة قتل اعوف الدنيا واكف بصفها احذب العالم واصدگها

يمان: شعجب ماگلتي اوكف ويا العدالة

رميم: خلينا من المثالية الزايدة كل احنا بشر وتقودنا عواطفنا

سند ايده على الكاونتر وحجه بحيرة

يمان: برأيج خيال راح يجي يوم تسامحني

رميم: لا

يمان: الله يبشرج بالخير

ضحكت وحجيت

رميم: تريد اچذب عليك خيال من تحقد على شخص بعد هاي هي امي الله يرحمها جانت تكللها گلبج جلمود مايحن ماجنت اعرف معنى هالكلمة غير من طلعنا من المحكمة وشفتها طول الطريق للبيت هي ماهتزت ولا وگعتلها دمعة من يومها قريت عليك السلام ، انت جاي تشوف بعينك

هز راسه ساكت رجعت حجيت

رميم: حتى اذا صارت معجزه وطلع اخوك بريء خيال ماتسامحك من هسه اكولها الك

يمان: الله يريح گلبج مثل ماريحتي گلبي

حجه الكلمة كرص خدي وطلع من المطبخ اخذت اكلي وصعدت فوك فتحت تليفوني لگيته مجاوبني تقريب ورى نص ساعة كاتب

" كل يوم حلو مو بس اليوم "

دزيتله صورة للأكل وكتبت " جاي اكل "

كتب " الف عافيه "

ضحكت وكتبتله " شبيك هالكد ثكيل شدعوة "

ردني بـ " ماكو اثگل مني وسيراميك مكة "

كتبتله " اريد اتصل عليك انطيني رقمك "

" ستري علينا بويه واثكلي شتردين برقمي ماانطي اتصلي على الماسنجر "

كتبتله " واذا جبت رقمك "

" شتردين انطيج"

كمت نزلت جوة اشوف يمان وين شفته گاعد بالحديقة صافن ويدخن دخلت للاستقبال ادور على تليفونه شفته على الشحن اخذته بي رمز بس كتبت مواليد خيال فتح مامغير الرمز مالته

رميم: نسيبي كلش موزين بالرموز بكلشي لازم يخلي شي يخص خيال

دخلت على سجل الاسماء كتبت باتر طلعلي الاسم وعنده خمس ارقام كلهن نقلتهن بجهازي ورجعت كلشي المكانه وطلعت رجعت للغرفة فكرت اذا اتصل عليه هسه يشك خليها كم يوم يلا

بقيت افكر شلون ممكن اتقرب منه هو جبل مايهزك ريح اذا انا مااكتب هو ابد كلشي مايدز بقيت اگلب بصوري لكيت صورة حلوة ماخذتها بالمعهد غطيت نص وجهي وكتبت عليها عبارة ونشرتها بالحالة

ورا ساعتين لكيته متابعني وراد على الحالة كاتب " هاي انتي هيج حلوة ؟ "

كتبتله " انت شتگول "

دزلي " جذابه مبينه انتي جنج جبار ابو الشربت "

سويت نفسي ضايجه وكتبتله " شكرًا "

رجع دزيلي " زعلتي "

" لا " كتبتها وسديت النت واخذت تليفوني ونزلت غسلت المواعين صارت عصر كلش وحكمة وخيال بعدهن ماكو بدت الدنيا تظلم ويمان سيارتة ماكو طلعت للحديقة جانت وحده من الجيران تخبز بتنور طين بيتهم بصف بيت حكمة دائما من اطلع تحجي وياي اسمها هيله سلمت عليها وكعدت يمها على بلوكه حجت

هيله : ميلي غادي لا النار تلهب ويهج الحلو شيخلصنا من حكمة

رميم: لا عادي ضايجة اريد اسولف وياج

هيله : لا تحجين حبوبة اللهم صل على محمد وال محمد راح احسدج

ضحكت على سوالفها

رميم: مو الهالدرجة

هيله: جنج حلقومة حتى هذاك اليوم من سمعنا بسالفة الحرامي خفنا عليجن وابو محمد گال خاف واحد من الحراس طمع بالبنيات

رميم: معقولة ؟؟

جانت تخبز وتحجي اتقرب مني وحجت بصوت هادئ شوية

هيله: يگولون شايفين واحد منهم عابر من السياج وبالمرتين مطفين هذن اليصورن

رميم: منو گال

هيلة: ابو محمد سامع من الگهوة الناس كلها تحجي احسن شي سوته حكمة جابت كرايبها حتى تسكت الوادم

بقيت افكر بكلامها معقولة واحد من الجانوا واكفين بالباب زين شنو مصلحتهم مالگيت جواب الاسألتي فتحت تليفوني بس اجاني النت ووصلن المسجات الجان دازهن مافتحتهن ورا دقايق اتصل على الماسنجر ترخصت منها وكمت اتمشى بالحديقة وجاوبت

رميم: تفضل

باتر: يزيد فضلج لا سلام ولا صخام كبل تفضل

رميم: انت مدري شبيك ماتتحاجه مسوي نفسك ثكيل على اساس

باتر: وانتي زاحفة

رميم: ليش يمه زاحفة عليك ومادري بروحي انت شايف وجهك بالمرايه لو مرايات بيتكم متكسره

باتر: دخيلك يحزام الحمزة موش لسان يصلي صلي جا ياهي اليوميه ترد على الحالة مالتي

رميم: وانت لزگت بهاي واذا رديت اصلا هو ليش اسمه تواصل اجتماعي غير سوو حتى نضيف بعض ونتفاعل بس انت شكلك زاحف بس بثكل

باتر: كلامج ينگط سم جنج حيه صفره

رميم: وانگط سم

باتر: بيها الخير ان شاء الله انا هم احب الحيايه

رميم: ليش ؟

باتر: هيج احسهن يونسن ، المهم كون زعلتي اشاقة وياج ترى تخبلين جنج سيراميك مكة

رميم: ومتصل شتريد

باتر: عندي شغل بس افرغ نحجي خوش مبينه سوالفج تونس والحمزة

رميم: ميخالف

سده ماصدگت راح يصير شهر هو على كد سؤال وجواب ومرات مايجاوب فكرت لازم استغل هالفرصة واتقرب اكثر ...

❛❛❛❛

خيال"

طلعنا للعشار وسألنا على اسم ياسين الجوكر هيج جان لقبه عرفوا بس گالوا ان الولد عزل محل الاجهزة ونقل الشغل البيته اخذنا العنوان ورحنا للبيت اول مانزلنا من السيارة الاجرة حجت حكمة

حكمة: دولاب دولبك يمفلوك وين حاط بيتك ورى الشمس

خيال: حكوم هي كلها ساعة

حكمة: خايبة دمشي تكسرت من السيارة بلكي الله ويعرف يفكلنا خلي اعرف السربتيه شمصخمين

دگينا الباب طلعتلنا بنيه شابه حجت ببتسامه

- تفضلوا منو رايدين

حكمة: يمه جايين على ياسين المهكرجي

بسرعة حمحمت وحجيت

خيال: ااا ياسين جايين على ياسين موجود عندي خلل بالحاسبة مالتي

باوعتلي بنظرات غريبة ورجعت دخلت راسها وصاحت

- ياسيينن جماعة بالباب عليك

طلع يعدل بشعرة اول ماشافني فتح عيونه مامصدك وحجه

ياسين: يابه هاي خيال

خيال: شلونك ياسين

ياسين: تمام انتي شخبارج وينج بعد ماشفناج

خيال: الحمد لله والله مشاغل

حكمة: نبقى بس سلام لو نخلص شغلنا ونروح

انتبه عليها وحجه

ياسين: اسف يابه تفضلوا تفضلوا

دخلنا وهو يسألني عن احوالي والبنية ضيفتنا ، سولفتله عن الموجود بالحاسبة فتحها وبقى فوك النص ساعة مدري شيسوي ويكتب بعدها گال

ياسين: خيال منين جايبه هاي المراسلات

خيال: لازمة قضية وهاي الامور ضروري اعرفها معلومات مهمه

ياسين: هاي رسائل مشفرة وشفرتها خاصة يعني بين قوسين رسائل معماة مو اي شخص يكدر يفك الشفرة مالتها وهم ممكن هم مسوين تشفير خاص بيهم

خيال: يعني شلون

ياسين: يعني مثلا انا وانتي نتفق على فد شفرة خاصة احنا نصنعها مانستخدم شفرة قيصر او فينجر المعروفات بعلم التعمية

خيال: دخت ومافهمتك

دار الحاسبة علية وحجه

ياسين: التشفير بصورة عامة شلون يصير مثلا اكتبلج نص ( الاجتماع يوم غد صباحًا ) شلون اشفرها اجي اقسمها كل خمس حروف وحد ومثلا بدل حرف الالف اخلي تاء يعني اختار ثالث حرف برتيب الابجدي بعد الحرف الاصلي من الكلمة وهيج تكون الرسالة غير مفهومه هاي يسموها تعمية ظاهرية واكو تعمية قلبية هاي محد يكدر يفهمها غير المرسل والمستلم المراسلات العندج من هذا النوع لعد السواها شكد داهية وذكي

خيال: يعني افهم من كلامك مراح اكدر استفاد شي من هذا كله

ياسين: بحالة وحده لازم تعرفين الشفرة الخاصة المستخدمينها بهالحالة فقط تكدرين تقرين المسجات وبكل سهولة

حجاها ورجع يحاول ويكتب فوك الساعتين وماكدر يعرف شي اخر شي گال عوفي الفلاشة يمي اشتغل عليها واذا اعرف شي ارجع اتصل عليج ايست ماعندي غير حل نسختها على الحاسبة وعفتها يمه طلعنا انا وحكمة الشبعت نوم ببيت الولد

حكمة: كملتي شغلج

خيال: لا ماعرف يفك الشفرة

حكمة: يمن كون صگع صار اربع ساعات شاتلنا هنا شيسوي

خيال: ولد بنت اختج داهية مو ذنب الولد

حكمة: غدي منه ومن زولة ولا رتاحيتله

رجعنا وجانت الدنيا ظلمة ويا دخلتنا انتبهت على رميم جانت كاعدة بالحديقة عيونها بتليفونها الصاير مايطيح من ايدها شافتنا واجت علينا تحجي

رميم: وين عفتني الوحدي

حكمة: سودة عليه خفتي جا حارسنا وين

جانت تحجي وتقصد يمان جاوبتها

رميم: ماعرف اخذ سيارتة وطلع

خيال: خاف طلع ورانا

رميم: لا وين قبل شويه جان موجود

دخلنا للبيت ورميم تسولف الحكمة على كلام هيله كعدت يمهن افكر شلون ممكن احصل الشفرة من واعرفها من يمان ...

سوينا اكل واكلنا بس انا وحكمة رميم صعدت للغرفة و هو مايجي هسه يرجع بالليل كلش بس ينام والصبح يطلع وهيج مرت الايام لا انا لاگيه الشفرة ولا گدرت افهم شموجود بالمحادثات

وبيوم تأخر الوقت كلش وهو ماراجع حكمة تلوب اعرف بيها عليه بس ما تريد تحجي ولا تريد تتصل بي صعدت الغرفتها وانا بقيت گاعدة بالمطبخ عندي قضية اراجعها باجر المرافعة سمعت صوت سيارة وكفت بره كمت باوعت من الجام الباب شفت سيارة بيضة دخلت مو سيارته ونزل من عدها فرات بس شفته عرفته افتر نزله سانده وهو يمشي بثكل سمعتة يگله

فرات: متگلي شجاك اول تالي انت تشرب

يمان: تعبان فرات لا تصير الناصوح براسي

فرات: واطيح حظك وابقى وراك الحدما تبطل كل سوالفك التعبانة افتهمت لو لا

يمان: يمعود مالي خلك سوالفك هسه ... لا لا روح انا ادخل للبيت بعد

سلم عليه وراح ردت ارجع للمطبخ مالحگت فتح الباب ودخل شافني گدامة عصر عيونه حيل ورجع فتحهن حجه

يمان: هاي انتي لو كالعادة طيفج

خيال: اني وطيفي ثنينا سراب بالنسبة الك

ردت اروح اتقدم بسرعة لزمني وگفني وسحبني عليه غمضت عيوني حيل همس واحس ايده اللازمني بيها ترجف

يمان: دمرتيني فزة گلبي دمرتيني

خيال: بعد ماشايف من دماري شي من اخليك ببالي اسويك تراب ادوس عليك واعبر

ضحك وحجه

يمان: مقبوله منك خليل گلبي بس مره ثانية ماراح اطول بالي اكثر من هيج لا دوسين ببطني

خيال: شتريد تسوي سوي

قربني اله اكثر وگال

يمان: وين اضمج هسه قوتج بنص روحي

دفعته

خيال: دوخر لا تتقربلي مره ثانية

اباوع علية غمض عيونه بقلة صبر اتقدم علية مالحگت اسوي شي صرخت بصوت مكتوم من حسيت اصابع اديه نطبگت على فكي رجعني على الحايط يحجي بعصبيه

يمان: خيال لا تختبرين صبري لان بدأ ينفذ

حجيت بصعوبة وألم

خيال: شيل ايدك مني يمان وبعدين لا تهدد كلشي ماتگدر تسوي

رفع راسي يباوع بوجهي يكز على اسنانه ويحجي

يمان: كلشي اگدر اسوي كلشي اليخطر والمايخطر ببالج ومنهن انتي مرتي والبينا مباح لا تنسين هاي النقطة

خيال: شگد حيوان لعد عفت كلشي ورجعت على شهوتك

بعدني احجي ماحسيت الا جرني عليه خله راسة برگبتي وسعت عيوني حيل تخبلت صرت ادفع بي وهو ماكو مايتحرك ماخذ راحته ومقيدني بحضنه

خيال: يمان وخر راح اصرخ والله

حجيتها بصوت عالي رفع راسه مني ردت احجي ماحسيته غير سد حلگي ويحاول يسحبني للاستقبال جان سكران مايدري بروحه شيسوي

ماعرف شلون دفعته حيل وهو توازنه مختل ارتد الي ورا وطاح ويا الطيحه مالته راسه صار على الحايط اباوع عليه غمض عيونه وفقد الوعي بقيت مصدومه بمكاني خليت ايدي على حلگي وحجيت

خيال: يعني شنو مات ياربي مادري هيج راح يصير

نصيت عليه اگعد بي واحجي

خيال: يمان شبيك كووومم

خليت اذني على صدره بعده يتنفس يعني ماميت احتاريت شلون اسحبه للاستقبال ركضت للمطبخ فتحت المي وترست الكلاص ورجعت دراته عليه صار يحرك بحواجبه نصيت عليه احجي

خيال: كوم ساعدني ادخلك للاستقبال

كوه جريته عدلته وخليته يوكف جان ماحس الا شمر كل ثگله عليه ردنا نطيح انا ويا بالعجل سندته گوه بيه مابيه دخلته للاستقبال وهو يخط برجليناته شمرته على التخم لزم راسه بالم ونام على القنفه ردت اطلع ورجعت من شفت تليفونه صار يضوي وهو بجيبه

رجعت عليه بخطوات متردده مديت ايدي بجيبه اريد اخذ التليفون فزيت من لزم ايدي وهمس

يمان: اششش عيب لا تتحرشين وبعدين تستشرفين براسي

دفعت ايده وطلعت بسرعه احجي

خيال: الفاسد تستاهل الرگعه الصارت براسك

ويا طلعتي صارت گبالي حكمة سألتني عليه وكلتلها رجع

❛❛❛❛

وتر"

مرت الايام وانا ساكته مثل بلاع الموس لا اكدر احجي على عبير خاف تنتكس ولا اكدر احجي الامي اليمكن بس تعرف تشنقنا ثنينا ومايرفلها جفن

خلصت العطلة كلها انا عايشه بخوف وقلق انوب عبير مستمرة ماتقبل تحجيله الحقيقه ولا تقبل تعوفة كل مره تگلي اليوم وباجر وانا منتظرتها تفرج

دخلت للغرفة لگيتها تحجي بالتليفون وتضحك ومرتاحة واصلا ماناويه تحجيله انوب ماخذه كل تفاصيل حياتي الفرق بس تحجي بصوتها مو بصوتي تخصرت وحجيت

وتر: انتي شوكت ناويه تخلصيني من هاي المصيبة باجر دوام هم تتكرر الحاله

بسرعة سدته وعاطت بيه

عبير: انتي شبيج زين ما سمعجج شنو راح يكون موقفي

وتر: جان فكرتي قبل لا تخلين نفسج بهالموقف الخايس

اباوع عليه سكتت ودموعها صارت تنزل قبل لا تحجي صاحت عليه امي عفتها وطلعت

مرام: وتر روحي للاسواق جيبي معجون وارجعي بسرعة بيت خالتج على جيه

حجيت بملل

وتر: يمه ماعدكم غيري ويااسواق مفتحه هسه الساعة 2 الظهر

مرام: الاسواق الي على الشارع مفتحين هسه ديلا حبيبتي روحي وارجعي بسرعة حتى ترتبين نفسج

رفعت حواجبي مصدومة من طريقة امي بالكلام اول مرة ماتعيط بيه وتسويها هوسه وصياح

وتر: يمه اكو شي

مرام: لا عمري وين اكو دروحي حتى ترجعين من وكت

لبست حجاب وعبايه كتف وطلعت ظهرية وكالعادة المسعد سيارتة بابنا اول ما شافني طلعت نزل من السيارة تجاهلته ومشيت حجه

: وين رايحه

وتر: وشعليك بيه انت شبيك

خزرني وحجه

: تأدبي

وتر: تأدب انت وابتعد من طريقي اريد اروح اشتري وارجع

: جم مره توبتج من طلعة الظهاري انتي ماتوبين

وتر: اكلك وردة انت منين تعرفني شو ماخذ ميانه

من حجيت هيج اباوع عليه والاول مره تظهر على وجه شبح ابتسامة حجيت

وتر: هو انت حلو بس غثه الصراحة

: مو بگدج انا بابا احترمي بنيتي

تجاهلته ومشيت عبرت الشارع وهو وراي اشتريت من الاسواق ورجعت وهو يمشي وراي باوعتله وحجيت

وتر: انت ملاك حارس وانا مادري

: ممكن كلشي توقعي

وتر: اكلك انت هواي اخرتني هسه امي تذبحني على القبلة

شمر الجگارة وحجه

: حضري ورحج كلها يومين 3 وتخلصين من شرهم بنيتي

هزيت يدي ماعاجبني الحجي وكفت سيارة يمه هو هذا الطويل يمكن صديقة انوب ثنينهم واحد اطول من الثاني سمعتة صاحله دائب اشرلي يعني روحي

عفته ورحت ركض دخلت البيتنا خليت المعجون بالمطبخ وردت اروح للغرفة سمعت صوت جاي من الاستقبال اكيد خالتي هنا شيخلص هاليوم ردت ادخل اسلم سمعت امي تگللها

مرام: بعد اربع اشهر وكلشي يخلص واعتبريها صارت الج

سولاف: بس مو تضحكين عليه وتاليها كلشي ماكو اطلع ايد ورا وايد گدام

مرام: لا يمعودة شسوي بيهن ثنينهن وهذيج راح تصحة الي خلگهن على الاقل ابنج رايدها وهم تخدمج

سولاف: وحكيم شنو رأيه

مرام: حكيم مايحجي بعد حجيي نحجي انا وياج ويا ونگله قسمة زينه وانتي مو غريبه اختي

مافهمت شي من كلامهن الحدما حجت كلمة خلت شعر راسي ويوكف

سولاف: هسه يكلج هن مو بناتج الحقيقيات خاف يعارض

مرام: مو بناتي بس انا ربيتهن وتحملت مسؤليتهن من جان عمرهن مايتجاوز الاربع والثلاث سنوات اخذيها مني وتر الزيد ابنج

فتحت الباب ودخلت عليهن كلي ارجف اباوع الامي وسعت عيونها بصدمه وسولاف حجت ببتسامه مرتبكه

سولاف: هلاو هاي وتورة شوكت اجيتي

حجيت بدموع

وتر: من جانت امي تكول هن مو بناتي الحقيقيات

ماحسيتها الا گامت عليه جرتني من حجابي تحجي

مرام: اسمعي ولج اذا عرفت بيج حاجيه الكلام السمعتي العبير اكص السانج الج افتمهتي لو لا

عطت بيها

وتر: يعنيييي صددككك انتييي موو امناااا

دفعتني ووگعت

مرام: صدك مو امجن وشتردين تسوي سوي بس مال توصل العبير حتى الهوى اكطعة منج

ماعرفت شسوي مصدومة حسيت صارت وشه بأذاني شكد جانت قاسية ويانا شكد مابگلبها رحمة اتجاهنا بس ابد ماتوقعتها هي مو امنا مسحت وجهي دخل ابوي وحجه

حكيم: منار شبيج ويا البنية حتى گدام الخطار تضربينها

مرام: خلي تولي طايحه الحظ صايرة متحترم

تحجي وتخزر بيه يعني مااكله عرفت بالسالفة

نصه عليه رفعني من الگاع وكفني وحجه

حكيم: روحي الغرفتج بابا معليج بامج المسودنه

عفتهم ودخلت للغرفه جانت عبير مو بيها مدري وين رايحه خليت وجهي بالمخدة صرخت المن مليت لطمت ملخت روحي تملخ ماعرف شسوي بنفسي

انفتحت الباب ودخلت عبير مخترعة

عبير: وتر هاي شبيج ليش هيج شكلج

وتر: مابيه شي امج اكو غيرها

عبير: رجعت ضربتج

مسحت دموعي وهمس

وتر: اي

عفتها وطلعت دخلت للحمام اغسل وجهي حسيت بيها وكفت بالباب تحجي

مرام: ماردتج تعرفين حتى لا تتحسسين من الموضوع

وتر: هه حنينه اسم الله عليج

مرام: اتقبلي الحقيقة انا مو امجن الحقيقيه امجن ميته وانتن صغار كلش ماتذكرنها

گعدت بالگاع ورجعت نهاريت بالبجي صرت اشهك حجت

مرام: لو تعرفين الباقي يمكن تنجلطين بمكانج

رفعت راسي باوعتلها

وتر: بعد شكوو اكثر من هيججج احجيي شكو

سمعت صوت ابوي من وراها حجه

حكيم: شصاير هنا

مرام: ماكو وتر عرفت الحقيقة

اباوع عليه بهت وجه راد يحجي قاطعتة وگالت

مرام: عرفت انا مو امها

غمض عيونه حيل واجه يمي گعد بقى كومه يحجي وياي وانا بس اهز راسي بعد مالي طاقة اجاوبه گومني ويا غسل وجهي ويحجي وياي بتفهم طلعنا من الحمام اسمعهن يحجن

مرام: انهجم بيت العيارة هسه هي هيج ميته عليه

سولاف: لا تنسين سنين وهي معتبرتج امها

عفتهم ودخلت للغرفة بلا اي كلام طفت الضوه ورحت للفراشي ابد ماطلعت من الغرفة بعد لليل كلش حسيت بروحي گبيت وصرت نار من السخونه

بعدت الغطى وگمت رحت للحمام رغم الجو بعده بارد ماهتميت دخلت سبحت بمي بارد اريد بس اصحصح طلعت اول مادخلت للغرفة عبير حجت

عبير: باجر عندج دوام مو

هزيت براسي ساكتة وكعدت امشط شعري بلا نفس حجت

عبير: شبيج حبيبتي جنها امي اول مره هيج تسوي وياج هو انا المريضة وماخلصانه منها

وتر: بس البشر عندة طاقة تحمل وانا بعد ماسكتلها

عبير: ياا ولج هاي امنا قابل شنسوي

ماجاوبتها لميت شعري وكمت حضرت ملابسي مال المدرسة وكتبي .... ثاني يوم دامت بالغصب جبرت روحي بس حتى مابقى بالبيت خلص الدوام وطلعت امشي الموقف الاشتراك مالتي حسيت واحد صاح وراي عبير عرفته من صوته محمد وكفت وباوعتله وحجيت بهدوء

وتر: نعم انا مو عبير انا اختها

اباوع عليه بقى صافن بوجهي ضحك وحجه بعدم تصديق

محمد: تشاقين وياي مو

وتر: اطلعلك جنسيتي حتى تصدك انا مو عبير انا اختها وعبير مشوفتك صوري وحاجيتلك عليه بس انا موو هي عبير تصير اختي الجبيره

اباوع عليه بقى مصدوم الولد عفته ومشيت صعدت بالسيارة مسافة بعيده بين المدرسة وبيتنا على ما وصلت لكيت سيارة الاسعاف ببابنا وصوت مرام تصرخ موتت نفسها بالصريخ ركضت عليهم وصرت ادفع بالناس اريد افوت وادخل البيتنا

وتر: شكووو شبيهم اهلييي باابااا

سوولي مجال ودخلت للبيت لگيتهم شايلين عبير يركضون بيها وهي حلگها ازرگ ووجها باهت صرخت بفزع عبالي ميته صرت اصرخ فرفحت لزمتني وحدة من جيرانا تحجي

- لا تخافين خاله ماميته بس تخربطت

وتر: شبيها تخربطت شبيها

- هو هذا ابو الكلى يمه على ساعة الساعة الله يصبركم ويشافيها

نقلوها وراحوا مرام وابوي وياها وانا بقيت الوحدي اكل بروحي واصيح

وتر: كله من وراي هيج صار بيها انا شحجاني ليششش صرت حقيرة وحجيت ربي اريد اختييي

لليل ابوي رجع مرام وهي ماطلعوها من المستشفى مرن يومين وهي بعدها وانا روحي رايحه عليها حتى دوامي ماداومت

ثالث يوم مرت عليه صديقتي وكامت تحجي عليه گوه سحلتني وخلتني ارجع للدوام مر سبوع وعبير ماطلعت ولا واحد ياخذني الها اشوفها اخر شي كالوا ان ماتصيرلها كل جاره بعد لازم تسوي العملية ....

❛❛❛❛

گاعدين نتغدا حجت حكمة موجه السؤال الي

حكمة: متأكدة من كلام هيلة معقوله ولد شذرة يسوونها ويدخلون البيتي

شربت مي وحجيت

رميم: كلشي توقعي حكوم الدنيا مابيها امان

اباوع عليها صفنت تفكر باوعت الخيال وحجيت

رميم: بس احسن خطوة سويتيها جبتي نسيبي يمنا احسن امان اكثر

باوعتلي بطرف عينها وحكمة حجت

حكمة: بس الگالي وحيد امان اطرده ماميته عليه وعلى حراسته

ويا حجايتها دخل للمطبخ وحجه

يمان: مكرود يمان كلها تحجي عليه صرت مثل السمج ماكول مذموم

حكمة: عبنك ماتمشي بالدرب العدل

باسها جر الكرسي وگعد گبال خيال وهي ولا اهتزت بقت گاعدة وتاكل بهدوء حتى عينها مارفعتها قدم اديناته يدك على الميز ويغني

يمان: على ساعة انفجر واكشف المضموم واشوفك جوه ضلعي الشايل هموم ... محد كال شكرا على تعبي صرت مثل السمج ماكول مذموم

حجت حكمة وهي تاشر بيدها

حكمة: سويلهم اشارة بالفيس مو تنسى

ضحكت على سوالفهم اباوع عليها اخذت اوراقها جانن گدامها وكامت طلعت من المطبخ وهو طلع وراها رادت حكمة تشيل المواعين ماخليتها حجيت

رميم: روحي حكوم الحكيهم راح يكافشون انا الم المطبخ

حكمة: دخليهم مسويلنا ونسه بالمكافش

ضحكت عافتني وطلعت وراهم وانا بقيت الم بالمطبخ شفت تليفوني دك جنت مخليته على الميز بسرعة ركضتله هذا اكيد هو وفعلا طلع هو يتصل بس جاوبت حجه

باتر: ليش مسويه حسابج خاص وشايله المتابعة وحاذفتني

رميم: الهالدرجة انا مهمه حتى انت منتبه على كل هذا

باتر: لا بس مو احنا صحبان وانتي اربعة وعشرين ساعة اموعة اذاني بتفاصيل يومج تجيبين وتحشين بأذني من سمج

رميم: شفتك مامهتم كلت اريحك مني وبعد مادزلك شي

باتر: اكلج ترا ما فارغلج رجال عندي شغل انا بس شفتج خانسه كلت يمكن صار بيها شي

رميم: هاا ايي صدگتك هنا عندك حق

سمعت صوت سيارة اشتغلت يمه وصوت الباب سألته

رميم: وين رايح

باتر: ماكو طالع من الشغل وراجع للبيت واجيتي على بالي كلت هاي الفرخه وين ولت

رميم: هاا

باتر: وعلا ، ماگلتيلي شجاي تسوين

سويت نفسي ماسمعة حجيت

رميم: شلون ماسمع النت ضعيف كلش

باتر: ولج اكول شجاااااييي تسوويين

رميم: اوي كلشي ماسمع النت كلش موزين عدنا مدري شبي

سديته وكتبت " النت ضعيف ماسمعك"

رجع اتصل جاوبته

باتر: ماكدر اكتب جاي اسوق انطيج رقمي سجلي يمج

ماصدكت بسرعة انطانيا وسجلته يمي كال اغلقي واتصلي عليه على الخط غلقته واتصلت عليه ماجاوبني قطعة وهو رجع اتصل

رميم: ليش هيج سوي خايف على رصيدي

باتر: لا انا عندي فاتورة مفتوح

رميم: هااا

باتر: وعلاااا

رميم: اوويي شبيك انت متقدر الانثى

باتر: اويلي على الانثى هسه غير نشوفج بلا صدك انثى خاف تطلع صاحبي وناصب عليه

رميم: الايام تثبت

باتر: وسيراميك مكة اذا طلعت ولد اسحلك وين ماجنت لا تلعب وياي

رميم: مو جان عندك حسابي شبيك انت

سكت شويه ورجع حجه

باتر: ماگلتي وين بيتكم انا الاعرفه انتي من البصرة بس ماعرف بيا منطقة

رميم: بيتنا بالجزائر

باتر: دخيلك ربي حمت الحيه

رميم: انت وين بيتكم

باتر: بعدين نحجي راح اوصل المرور ترديني اخذ مخالفة من وراج

رميم: گول ماتريد اكول وين ساكن وفضنا ليش هالجذب

باتر: يابه بيتي بمناوي باشا بس فكيني بعدين نحجي

رميم: تمام

باتر: شكتب على رقمج

حجيت ببتسامه نصر

رميم: اكتب على رقمي 03.03 .......

يتبع ....

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وجان يبدي اللعب شتتوقعون رميم راح تتعامل ويا الموضوع بذكاء لو ماتجيها من ورا لعبها غير المصايب 🥲💔

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات ♥️

احبكم ♥️

متابعة ممتعة🦋

حسابي على الانستا

#تاروت

البارت «15»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

و لتخافين اذا اشتاگ

افتش بالهوى المر بيج

هلبت جايب حجايه

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

حكمة: يماااا ابنيييي راح يبوووو

طلعت بسرعة شفته يتنفس بصعوبة عقج وجه بألم وحجه

يمان: مابيه شي يمه بس رجلي نجرحت من الجام

اتقربت منه شفت رجله مشگوگه من جام الباب بس مو هواي وجاي تنزف ركضت جبت الاسعافات الاولية من البيت وحكمة مخليه رأسه بحضنها حاضنته وخيال واكفة تباوع عليهم بصدمه گعد شگيت بجامة التراك مالتة وعقمتلة الجرح وشفته حجتيت

رميم: يحتاجلها خياط وهم لازم تروح للمستشفى لان موزين عليك هم هناك يسوولك الازم

هز راسه ساكت ورجع عيونه على خيال وكأنه منتظر منها شي وهي بس تباوع بعيونها من دون اي ردة فعل حتى ملامحها جامدة

حكمة: ياهو هذا الضرب علينا شصار

يمان: يمان خلي ندخل جوه منا الناس تباوع

وصدك الجيران كلها صايره بالبستان حجوا وياهم شويه بعدها حكمة گومت يمان اباوع الخيال باوعتله من فوك اليجون وكأنها تريد تصدك ان فعلا مابي شي وواكف على طوله

دارت وجها رادت تدخل ماتحملت لزمت راسها وداخت بسرعة لزمتها وهو استقبلها بحضنه صحت بخف

رميم: خيااللل شبييجج

حكمة: ياا ولج ماعت روحها روحي جيبيلها ماي ركضي

رفعها خله راسها على صدرة وحضنها حيل يهمس

يمان: ماكو شي هاي من الهبطة

گام وشالها رغم رجله متعورة بس ماهتم شالها ومشه بيها لاستقبال وانا ركضت جبت عطر ومي

خليت على ايدي اشممها العطر حتى تصحصح وهي دايخه

حكمة: يمكن هبط ضغطها

رميم: خلي ننقلها للمستشفى فدوه

اندك الباب الجوه والرجال جيرانا يحجي

ابو محمد: هاا حجيه محتاجين شي خو ما بيكم شر

گامتله حكمة تحجي

حكمة: ابو محمد بس خابرنا الاسعاف البنيه تخربطت وهي مريضة سوده عليه

ابو محمد: اتصلنا على جيه اذا ماتتحمل ننقلها بالسيارة

رميم: ايي فدوه ماجاي تصحه

گام يمان يريد يشلها ماگدر رجله تنزف باوعتله حكمة وگالت

حكمة: دگعد وينك ووين جروخك تريد تشيلها ورجلك مفتوحه مثل حلك السمجة

رميم: هاي وصلت الإسعاف

حجيتها بعد ما سمعت صوت الإسعاف صار قريب دخلوا اخذوهم ثنينهم وانا وحكمة اخذنا ابو محمد وراهم

خيال رجعوا خلولها مغذي لان عدها هبوط بالضغط ويمان خيطوا رجله بعد ما خيال صحصحت شويه وكدرت توكف ورجعنا للبيت عافتنا وصعدت وانا بقيت اسمع يمان وحكمة يحجون

حكمة: ماگلتي ششفت هاي الهوسه كلها الصارت عليمن

يمان: يمه عرفت ياهو يحاول يدخل البيت

حكمة: ياهو

يمان: الشاهين اكيد تعرفينه

عضت على اصبعها وحجه بحرگه

حكمة: ايا جلب ابن الجلب

يمان: على كيفج يمه الگفه وين يطير

حكمة: شبي بيتي ويريد يدخله شمحتاج فلوس

خله ايده على عيونه وحجه بحيرة

يمان: مادري حكمة كلشي مادري عقلي وكف ليش هيج يسوي

حكمة: جا تسألني دگول الروحك بهذا شغلكم الطايح حظه طبعا ما تعرفون غير الزبايل والنطايح

بقى ساكت كلشي ماحجه كامت وطلعت جنت واكفه بالباب ردت اروح وراها استوقفني وگال

يمان: ليش الهسه بعدج گاعدة خيالي شلون صارت

رميم: بعد الصار منو يگدر ينام وخيال فوك

يمان: من تنام صيحيني اشوفها

رميم: معليه ماتدخل قبلها ترزلت

يمان: لا تصيرين خبيثه

رميم: والله ماتدخل تريدها تعدمني اذا تريد تشوفها بس من بعيد

گام تمدد على فراشه وحجه

يمان: بس صيحيلي ومعليج

عفته وصعدت فوك شفتها نايمة رجعت نزلت اريد اخبره وسمعته يحجي بالنقال

يمان: تطلعلي الشاهين وين ماجان اريده الكلب ... باجر امر الكم الگاه موجود انا اعرف شغلي ويا

سكت شويه ورجع گال

يمان: لا شفته بالكاميرات ويا 3 والشاهين اعرفه لو مو مغطي ورحه لو يلبس عباية نسوان هم معروف شرحبيل ماوصيك بعد .... الرسائل الهسه مالگيتلهن شفرة تحلهن جربت كل الشفرات الممكن نستخدمهن لسه اشتغل عليهن بس بالنهاية احلهن اكيد

تنهد بحسرة وحجه

يمان: لا باتر مو بريء هو غاط بالسالفه وكل الادله تشير اله وهو بنفسه اعترف بكتلهم راح انجن اريد اعرف سبب واحد يدفعه هالفعل ماكو سبب منطقي

ماتحملت الكلام عفته ورجعت صعدت للغرفة افكر شنو هاي الشفرات والشاهين منو اخذت نقالي وشلت الحظر من عنده كتبتله " هلاو "

مشافها غير من گعدت الصبح للدوام لگيته كاتبلي

" لا هلا رجعت الخبيصه "

دزيتله

" ارجع اسويلك بلوك ؟

اتصل بيه باوعت على سرير خيال وراي ماكو نازله فتحت خط وحجيت بنعاس

رميم: ازعاج من الصبح

باتر: دخيلك يالحمزة كشش كش انصرف شني من صوت هذا

رميم: غير جنت نايمه شتريد اغنيلك

باتر: ولا تستقر بت عجرم

ضحكت بتصنع بس بصوت وحجيت

رميم: هسه راح اكوم اتريك وابدل واطلع للدوام

باتر: جريدة الصباح المعتادة

رميم: يعني ماتريد احجيلك تمام ارجع البلوك

باتر: تهددين

رميم: غير انت تخاف من مرتك وهم ماتحب تسمع مني كلت ارجع اختفي

باتر: بلا خرط وروحي هسه بعدين نحجي

حجه الكلام وسده بوجهي حتى مانطاني مجال احجي

نزلت تريگت وبدلت وطلعت وهيج مرت الايام ورجعت اقوي علاقتي مثل قبل وخاصة بعد ماشفت تقرب واضح منه صرت اتدخل بكل تفاصيل يومه وصار يحجيلي وين يروح ووين يجي وحتى باليوم الما اسولف بي ويا هو يجي يسألني حتى احجيله بس احسه هيج مجرد يسولف مامهتم وانا مقتحمة كل اليوم اسولف باذنه لو اتصال لو مراسلة

بدأت الامتحانات ونشغلت بالدراسة وخاصة هاي اخر سنه واتخرج

وبيوم جنت بالدوام ودك تليفوني شفته هو جاوبته

باتر: من الاخير شوكت اكدر اشوفج خاف تضربيني بوري وماتجين

رميم: مو نطيتك عنوان المعهد خلص انتضرني على الشارع العام بس اطلع من الدوام اجيك

باتر: وتعرفين سيارتي

رميم: اعرفها لونها كحلي مو نفسها بالصورة

باتر: ايي هي وانا لابس ابيض تلگيني يمها

رميم: بعد الدوام انتظرني

باتر: خوش بس اذا طلع بوري احمسج بلوك رباعي الابعاد وسيراميك مكة

رميم: دروح شگد تلح

سديته منه ورحت الصديقتي هي جان بيتهم بالجزائر صحتلها

رميم: طيف مو تنسين ورا ساعتين من نرجع من الدوام امرلج حتى حتى ندرس

اشرت على عيونها وحجت

طيف: تدللين ريمه من عيوني مري شوكت ماتردين

على مانتهى الدوام رحت للحمامات غير ملابسي جنت محضرتهم غير ملابس الدوام رتبت شكلي وخليت عطر هواي واتصلت بخيال كلتلها اتأخر طالعة ويا زميلاتي گوه اقتنعت خليت البنات يحجن وياها يلا

اخذت تكسي وطلعت الغير معهد بمنطقة بعيدة عن المعهد مالتي الاساسي من عندة ورجعت للشارع العام اباوع على السيارات شفت سيارته من بعيد واكفه

گلبي صار يدك حيل ودموعي تنزل مدريه شبيه خوف على حقد كلهن ...كلهن اجتمعن بداخلي هديت نفسي شويه اشتميت هوى وطلعت تليفوني اتصلت عليه

رميم: شفت سيارتك انا صرت مقابيلك

باتر: وينج مقابيلي

رميم: مراح تگدر تشوفني لان انا جنيه

باتر: دخيلك ياداحي الباب دخيلك هسه صدك تطلعين جنيه

افتريت من ورا صرت خلف سيارة واحجي اشوفه بقى يدور بعيونه حجه

باتر: عوفي لعبة الغميضان وطلعي

رميم: شلون اطلع غير تصيح حلال

بلا نقاش خلا ايده يم حلگه وصاح بكل صوته

باتر: حلاالللل

رميم: خبال هاي صدك سويتها عيب منا الناس

باتر: العيب بالجيب ماعندي شي اسمه عيب انا يلا اطلعي هسه تطلعين تشتغليني وماجايه

رميم: باوع الجهة المعهد هسه تلگاني بوجهك

دار عينه الجهه المعهد سديته اتقربت حجيت من ورا

رميم: سلام

فز باوعلي وحجه

باتر: نعله على عدوج هو هيج گطعتي الخلفة

ابتسمت نزع نظارته يباوع عليه

باتر: هاي انتي رميم ؟

رميم: ليش اكو غيري

باتر: طلعتي انفلاقية اكثر من الصورة

رميم: عدل الفاظك انفلاقية شنو

باتر: دخيلك يالحمزة يعني تطگين بالگاع

انتبهت الروحي وانا واكفة بصفه افكر هذا شنو من بشر شضخمه يعني يمان شكد ضخامه بطول بس هذا ضعفه يمكن اذا ينفخ عليه اطير

باتر: يلا اصعدي

رميم: لا وين اصعد مو شفتني هاي هي انا اروح

باتر: صديقتي وصديقتي وخابصتني وتالي اشوفج وماضيفج شي

رميم: لا اروح او نمشي ما اصعد بالسيارة

باتر: انتظريني اطبگ السياره واجيج

راح مدري وين طبك السيارة ورجع يمشي ويحجي

باتر: خايفة مني

رميم: شكلك يخوف بس انا مااخاف

باتر: غير حية

ابتسمت ومشيت ورا بقينا نتمشى ونسولف هو ماخذ راحته وكأنه متعود او يعرفني من سنين اما انا كوه مسيطرة على روحي احس گلبي يغلي غلي وصار يأذيني

گعدنا بمطعم مرطبات وانا اتلفت حواليه

باتر: هسه يلگفنا واحد من اخوانج السبعة

رميم: خاف انا ماخايفة خوفني اكثر

ضحك نزع نظارته يباوع عليه بتدقيق واحس نظراته سهام تخترقني من احجي يركز بكل حرف اگوله وكأنه يقراني بس الحمد لله گدرت اسيطر وحتى ماتلعثمت گدامه وجاوبه ونسولف باريحيه

جاي نحجي فجأة صدمني بسؤال

باتر: شبيها ايدج كل شويه تغطينها

رميم: هاا يايد

باتر: اشوفج حريصه عليهن ولازمه ردنج بجفوف اديج حتى ايدج ماتبين

رميم: لا تركز بيه عادة من الطفولة الزم اكمام ايدي ماحبهن يبينن

سكت ماحجه شي بس احس نظراته هايمه تتفحص تفاصيل وجهي

باتر: انتي شلون هيج

رميم: يعني شنو شلون ؟

باتر: بالتليفون السانج شطوله يلعلع بالواقع كتله خجل مبتسمه

رميم: هههه يمكن لان اول مره اشوفك

باتر: لا انتي تجمعين الضدين خجل مغلق بوقاحة ظاهريه حتى لبسج عصري وعلى الموديل بس تصميم فستانج كلاسيكي

رميم: هاي شنو شبسرعة گدرت تحلل شخصيتي

باتر: من سوالفج الحلوة

حجه الكلام وبعدها حمحم وكمل

باتر: ايي ان شاء الله ماتكون اخر مرة نلتقي

رميم: اتمنى

شابك اديه وقدمهن گدامه على الطاوله حجه وكأنه يستجوبني

باتر: ايي ريمه هسه نحجي بالجد منو انتي

رميم: احنا كل مانتقرب اكثر ترجعنا النقطة البداية

باتر: لان مامقتنع بسالفة طلع حسابي گدامج فجأة بقدرة قادر وثنينا من نفس المحافظه وجنتي تحجين وياي وتسولفين اصغر تفاصيلج الانسان ماتعرفينه مو مطي انا منو دافعج عليه

رميم: تريد تصدك كيفك ماتريد تصدك انا انسحب وبعد ماكتبلك شي

باتر: بكل هاي السهولة

رميم: الموضوع مايتطلب سهولة وصعوبة ترتاحلي اهلا وسهلا ماترتاحلي الله ياك يعني اكيد انا ماداخلة وياك على طمع ولا طمعانه بسيارتك الاخر مديل وفلوسك انا هم بنت دلال وشايفة وعايفة وعيوني متروسة

ابتسم بجانبية وهمس

باتر: كلاشنكوف مو لسان

كمت اخذت جنطتي وحجيت بنزعاج

رميم: وهسه من رخصتك انا تاخرت وهم خاف واحد من اهلي يشوفني گاعدة وياك يعدموني

باتر: طنگرت

رميم: لان انت كلامك مدري شلونه ترا مو حالة هاي انا ابقى ابرر كل دقيقتين تحسسني لان راسلتك بالبداية انا وحدة موزينه على العموم فرصة سعيدة تشرفت بحضرتك هاي اخر مره تشوفني

كام وحجه بعدم اهتمام

باتر: نجبي

رميم: هاا

باتر: اششش نجبي وامشي اوصلج يلا

رميم: لا انا اخذ سيارة أجرة

رفع حاجبة يحجي

باتر: واخوانج السبعة يقبلون تصعدين وحدج بتكسي عادي

رميم: لا محد يقبل بس شسوي اليوم مضطرة

باتر: انا اوصلج

رميم: ماكدر اصعد وياك انا ارجع مراح انوكل عادي

عفته وطلعت وانا اردد

رميم: اذا ما جرعتك المر اذا ماخليتك توصل مرحلة الهوس والادمان انا مو رميم

باتر: شجاي تحجين

رميم: متوهم ماحجيت شي

سكت بس عرفت بي راح يمشي وراي حتى يندل عنواني وصلنا السيارته ومناك اخذت تكسي انطيته عنوان بيت صديقتي كل شويه اباوع سيارته ماكو بس انا متأكده هو وراي الحد ما وصلت الصديقتي دگيت الباب فتحتلي ودخلت

بقيت فوك الساعتين يمها ندرس وانا قلقة كل شويه ادز اخوها واكله شوف خاف اكو سيارة غريبة بشارعكم يگول ماكو الحدما تطمنت رجعت للبيت ...

وهاي جانت اول مرة نلتقي

❛❛❛❛

خيال"

جنت هسه راجعة من الشغل اول مافتحت الباب صار بوجهي استغربت اليوم جاي قبلي كل مره يدخل وراي رجله بعدها مضمدة كاعد على باية الدرج يگلب بنقالة

تجاهلته ومشيت حجه

يمان: عطرج واصل السابع جار

خيال: لا تدخل عسى ما يوصل السابع سماء انا حره

يمان: من شوكت انتي تحبين العطور القوية

خيال: من يوم العرفتك بي وانا ذوقي بالنازل

طلعت حكمة من المطبخ تحجي

حكمة: خيبين الله احد روسيه بزازين ماتتگابلون حتى الفارة والبزون هم نوبات يعقدون هدنه ويتصافون

خيال: قيدي ابن بنت اختج حكوم لان صاير مسعور خاف يعضنا

حجيتها وانا اصعد سمعته حجه

يمان: چلب الچلبج

خيال: الچلبك

صعدت للغرفة لگيت رميم گدامي سلمت عليها وحجيت

خيال: وين جنتي

رميم: ماطالعت بعد من هذاك اليوم من المعهد للبيت ولا تحركت

خيال: بعد شكد وتخلصين امتحانات

رميم: مابقى شي بس هالاسبوع

اخذت ملابس وردت اروح للحمام وهي رجعت خلت راسها بالتليفون باوعتلها وحجيت

خيال: ضامة عليه شي

گلبت عيونها بملل وحجت

رميم: لا

عفتها ورحت للحمام بس طلعت سمعت تليفوني يدك شفته ياسين بسرعة جاوبته جان يحجي بأرتباك

ياسين: ااا احم خيال تگدرين تجين البيتي اليوم

خيال: خير ياسين كدرت تعرف شي مهم

ياسين: لا اقصد اي اي ماكدر احجي بالتليفون المفروض تجيني حتى تشوفين بعينج

خيال: هسه راح يصير ليل باجر الصبح اجي

ياسين: الموضوع مايتحمل تأجيل لازم هسه تجين

خيال: الهالدرجة مهم

ياسين: علمودج انا بكيفج

خيال: لا لا هسه اطلع واجيك

غلته من عنده ونزلت جوة هو جان گاعد يم حكمة بالمطبخ حجيت

خيال: حكوم ترحين وياي مشوار صغير ماكدر اروح الوحدي لان بعيد

حكمة: اروح وياج بس مشوارج مايتأجل الباجر الدنيا صارت ليل

خيال: لا ضروري

بالعجل فز يحجي

يمان: وين رايحين

تجاهلته وحجيت

خيال: خاله على ماابدل الگاج جاهزة

يمان: غير نعرف وين

عفته وطلعت واسمعه صار عصبي يصيح ماهتميت بدلت ونزلت لگيت حكمة جاهزة وهو واگف يمها الشر يتطاير من عيونه

خيال: جاهزة حكوم

حكمة: جاا هو انتي تنردين ديلا جاهزة

يمان: سيارة بالباب تاخذكم وترجعكم انا لو ما رميم ورجلي اخذكم

خيال: ميحتاج ريح نفسك

يمان: ماكو طلعة

گوة قنعتني حكمة اقبل بالسيارة الجابها النا

طلعنا ...

رميم"

نزلت بعد ما خيال وحكمة طلعن شفت يمان لازم نقالة ومدري بيمن يتصل ومبين عليه معصب باوعتله وحجيت

رميم: شكو

يمان: يعني شكو غير اختج الراح تقضي عليه بتصرفاتها

رميم: صدك انا مو ممرتاحة الهاي الروحه ليش ماتروح وراهن

يمان: وانتي

رميم: صيح الام محمد البيتهم جوارينا تگعد وياي ورجلها حباب مايگول شي

صفن عليه شويه بعدها اخذ تليفونه واتصل بالرجال فهمه وماكو دقايق واجت المره البيتنا عافها يمي وطلع حتى بصعوبه يمشي يضغط على جرحه ...

❛❛❛❛

خيال"

نزلنا استغربت يم بيت ياسين هواي سيارات وهذا السايق الجابنا بقى فوك الساعتين تايه يدور على العنوان ويفتر بينا

حكمة: دولاب دولبه المفلوك يمتى صار عده كل هاي السيارات

وكفت وحجيت

خيال: لا حكمة گلبي مامرتاح خلي نرجع

حكمة: جا المن جبتينا دولبين بيه بهالليل اذا خايفه امي ماكو شي

خيال: السيارات غريبة باعي كلها مضللة تخوف

حكمة: خلي نصيح الهذا الثور الودا ويانه

خيال: لا لا نرجع وعود نجي بغير وقت

ردنا نرجع فجأة انفتح الباب وطلعت نفس البنت الي شفناها اول مره حجت ببتسامة

- تفضلوا ياسين منتظركم جوه

خيال: لا تأخر والوقت غير مره نرجع

سحبتني حكمة من ايدي وهي تحجي

حكمة: مابينا حيل نرجع نوبة الثانية بعد وصلنا خل ندخل

گوة سحلتني ودخلتني اول مادخلنا ماحسيت الا طلعوا ثنين من غرفة يسحلون بياسين وهو دمه يسيل جابوا يسحلون بي سحل صرخت بخوف من انشمر گدامنا مدمه من فوك الي جوه باقي بس نفس يصعد وينزل كلشي ماينشاف منه من الدم والضرب جمدت بمكاني بس حكمة صارت تصرخ

حكمة: يمممههه هايي شنهيي انتم منين

اباوع للبنت گعدت بالزاوية وضمت راسمه بين رجليها بخوف وتبجي بفزع ماعرفت شوي

لزمت حكمة حيل وحجيت بهمس

خيال: حكمة الباب ورانا خلي نطلع بسرعة

طلع واحد من جوة يحجي بس شفته عرفته

الشاهين: وين تطلعين يحلوة عبالج سهلة

من شافته حكمة تسبعت وراحتله تحجي بعصبية

حكمة: هذا انت ياخسيس يا سافل يالماعندك نخوة وحمية جاي تتسبع على حريم

الشاهين: مرت ابنج ما تگعد وسببتلنا ازعاج كلنا نصفيها ونخلص بس مو هسه قريبا جاي دورها

حكمة: بيك خيل طخها الا افنيك فني لا عبالك مره جبيرة وكلشي ماكدر اسوي

الشاهين: حسابي مو وياج حجية اريد احجي جم حجاية للحلوة واروح منا

حجه الكلام وهي نزعت شحاطيتها وطاحتله دگ اجوا يردون يوخرونها اشرهم يعني لا تتقربون

حكمة: تهددنا شوهين ابو الوصخ هذا فادك كله من ورا ولدي صار

اتقربت لزمتها وانا احجي

خيال: منو دزك لهنا

الشاهين: يرادلها علم طبيعا خطيبج هو دزنا نسحل ياسين لان وكعت بيده ملفات تكشف اخو متورط بموت اهلج ناخذهن منه

سديت ايدي حيل وحجيت

خيال: انت جذاب

الشاهين: حتى هو دزنا ندخل البيت الحجيه وندور اذا اكو ملفات واوراق عندج تخص القضية ناخذها انتي كاعده ويا داهيه مو بشر

حجيت بدموع

خيال: ليش هيج سويت بياسسيين اذا هاي الحقيقة

الشاهين: تردينه يكتلني اذا مانفذت اوامره بالحرف الواحد جا اليوم انا بمكان ياسين مدمه واخس من حالته

راد يطلع رجع باوعلنا وحجه

الشاهين: جبتج هنا اريد تعرفين جزء من الحقيقة في امان الله

لطمت حكمة على وجها وهي تصرخ

حكمة: لا شافك الله يالچذاااببب لا شافك الله يما گوة تريد تلبس السالفة براس يمان نذل

بقيت كلي ارجف واهتز مثل السعفة ماعرف شسوي وين الحقيقة تاهت عليه شلون يمان دازه شلون اتصل عليه وخلاني اجي ليش يريدني اعرف الحقيقة دخت الخوف تملك گلبي وانا اباوع ياسين البعدله شويه يصير جثه اتقربت يم البنيه احجي

خيال: فدوة احجيلج كلمة انتي شفتي الصار بعينج

سدت اذانها وحجت بخوف

- كلششيي ماشفت مااششفتتت وخروا لا تلزموونييي اريد اهليييي

طلعت نقالي واتصلت بالشرطة خبرت على الصار وگعدت ابجي يمها وهذا باقي بس نفس كوه يسحبه وحكمة گعدت يمه تهفيله حتى يجي هوا شويه واندفر الباب ودخل يمان گامتله حكمة تحجي

حكمة: هذا صاحبك دمه الولد ويگول انت كلتله

يمان: منو صاحبي يمه احجييي

حكمة: وين اكوو غيره الشاههين باع شمسوين بالولد راح يموت ليش هيج سويت

يمان: شسويت الشاهين صار فترة ادور عليه اريد بس الزمة ماكو فص ملح وذاب

گمتله احجي بعصبية

خيال: انت واحد جذاب وردتهم يقتلون ياسين لان عنده ملفات انا بنفسي اخذتهم من حاسبتك

يمان: بلا خبال وشوفي الحقيقة وين يا محامية انا لو اريد من اول يوم اسحله بس اذا انا نفسي ماعرف شنو محتويات الرسائل والمحادثات واريد واحد يفهم بيهن وعفته يشتغل كلت بعدين نحجي وافهمج بس انتي الانتقام عامي عيونج ماتردين تشوفين الحقيقة

خيال: انا لو اشوف الحقيقة جان شفتها من جنت مستغفلني بس للاسف على گولتك انا ماشوفها

سكت مني دقايق واجت الشرطة والاسعاف نقلوا ياسين واحنا بقوا يحققون ويانا الابنيه ماقصرت حجت كلشي شافته رادوا ياخذونا للمركز يمان تخبل ماخلا واحد ماتصل عليه يلا عافونا نرجع بس هو اخذوا وياهم والبنيه اجوا اهلها يمها وصارت هوسه

رجعنا انا وحكمة للبيت ورميم تتسأل حجينالها كلشي وهو النص الليل يلا رجع شفته من الشباك جوه وحكمة تحجي ويا

بقيت محتارة الكلام الي گاله الشاهين صح لو غلط وليش هيج حجه واعترف ان هو دخل للبيت وبعلم يمان وكلام رميم المالته الي وان هي سمعت يمان يريد فعلًا جان يدور علية تعبت من التفكير وقررت ثاني يوم ارجع اقدم اوراقي افتح القضية من جديد وهذا الصار ...

وبيوم جنت كاعدة يم حكمة بغرفتها اشتغل باوراق عندي وهي تباوع تلفزيون دخلت رميم تحجي

رميم: حكوم الاسبوع اللخ يوم الاثنين خطوبة صديقتي فدوه خلي نروح دام خلصت امتحانات وبعد ماعندي شي وهي عزمتني

حكمة: وين بيتهم صاير

رميم: بالناصرية هي جانت وياي بالمعهد فدوه خلي نروح والله ضوجه حتى اذا نبات يمهم شكو بيها

حكمة: ايي اخذجن واروح شعدنا فروخنا التبجي ورانا

باستها وحجت بفرحة

رميم: اروح فدوه

خيال: اگعدي انا ماكدر اتحرك عندي شغل

رميم: خيال يخلص عمرنا وشغلج مايخلص والله

خيال: عندي قضية طلاق لازم اكون حاضرة يعني شلون غير شغل

حكمة: انتي ابقى احنا نروح ونرجع مانبات

خيال: كيفكم انا ماكدر بالنسبة الي اذا متباتن عادي

لميت اوراقي وطلعت اسمعهن يتفقن على الروحة

وبالليل حكمة اخذت رميم وراحت حتى تشتري ملابس جنت گاعدة بالمطبخ والحاسبة گبالي اتصلت تطمت على ياسين مرته كلتلي زين اليوم بدأ ينتبه عليهم لان جان عنده ارتجاج بالمخ

جنت صافنه بشاشه الابتوب ماحسيت الا اجتني بوسة خطف على خدي فزيت بسرعة وگمت عض على شفته وگال

يمان: شحلاة الفزة اذا اچكچك خدج بلحيتي

صحت بي

خيال: منووو سمحلك تتعده حدودك ويااييي

يمان: مرتي

اتقدمت دفعته حيل احجي

خيال: اياك تلزمني مرة ثانية مقرف

ضحك يحجي

يمان: اكو واحد يگعد بالظلمة

خيال: مثل ظلام گلبك عادي

سحبني عليه همس

يمان: شما تنطفي الدنيا يفز گلبي بضوه عيونچ

خيال: شتريد

يمان: حلك

شلت الحاسبة وحجيت

خيال: تافه

صاح وراي

يمان: ماحسها غلطة جنج تتغزلين بيه

خيال: لانك حيوان وبلا احساس

مد راسه من باب المطبخ يحجي

يمان: كافي تعبت من هذا الكلام الحلو على كيفج وياي

خيال: حيوان لئيم

يمان: تتحرشين

خيال: جنك قرد منو يتحرش بيك

عض على شفته حيل عفته وصعدت فوك على مارجعن رميم وحكمة ورا 3 ايام راحن للخطوبة من الصبح وانا الشغلي

رجعت للبيت من وكت لان محد بي تفاجأت من دخلت للمطبخ ولگيت الاكل جاهز على الطباخ والبيت مرتب ونظيف ومحد موجود بي

عبالي حكمة دازه وحده من الجيران ماهتميت صعدت فوك سبحت وبدلت واخذت راحتي باللبس لان موصيه حكمة تگله لا يرجع للبيت طول ماهي مموجودة

نزلت جوة وانا انثر بشعري اريده ينشف

وكفت يم الطباخ اصب اكل النفسي حسيت شي وكف وراي بباب المطبخ باوعت شفته واكف يباوع عليه وبيده علاليگ وهو صافن حجيت بلا اهتمام

خيال: خير شجابك

يمان: انتي خير شرجعج

خيال: ليش اخذ منك موعد حتى ارجع للبيت

يمان: وانا اخذ منج موعد هم يلا ارجع

ماهتميت اخذت الاكل وكعدت اكل باوعلي وحجه

يمان: طيب طبخي مو

خيال: لا تگول انت طابخ ومسوي كل شغل البيت

جاوبني وهو يغسل بالفواكة

يمان: جا مثلج انا رجال معدل ونادر

خيال: شنو قصدك

يمان: هيج اقصد ناس بيضة ماتعرف تسوي

رجعت اكل وهو هم صب اكل وكعد گبالي ياكل خلصت وگمت قبله ردت اصعد فوك حجه

يمان: حتى مواعينج انا اغسلهن غير سالفة هاي

خيال: انت مسوي الاكل يعني انت تغسل منو عاتب عليك

عفته وصعدت للعصر مانزلت ولا حكمة ورميم رجعن كل شويه اتصل بيهن اخر شي صار لليل والاوضاع جانت خطرة كلش ماخلوهم يجون گالت نبات ونرجع الصبح سكتت ماكو غير حل

ردت انام ماگدرت وبيومها جان هوا عالي وعاصفة كلش قوية اريد بس اغمض عيوني ماكو اخر شي فتحت الباب ونزلت

لگيته گاعد بالصالة اول ماشافني حجه

يمان: هاا خفتي

خيال: منين اخاف بس صوت الهوى قلقني لا اكثر

يمان: نامي جوه وانا اصعد فوك

خيال: لا انام بغرفتي

يمان: خوش وانا انام بغرفة حكمة

خيال: لا انت تبقى جوة

يمان: انا اكول ثنينا ننام جوة احسن حل

عفته وصعدت ماكدرت انام صوت الهوى كلش مرعب وصرت اتخيل شغلات تخوف ماعندي غير حل اخذت فراش ونزلت هو هالمره جان نايم بالصالة على التخم وسلاحة بصفة

فرشت فراشي فتح عيونه وحجه

يمان: هاا شو اجيتي ماتخافين مني

خيال: جرب سوي شي وشوف

يمان: وحدنا قابل شسوين

خيال: اكسر ايدك التمدها عليه

يمان: اخخخ اويلي اموت بيج عنيفتي

خيال: انت شبيك مازوخي ماتمل من الغلط

يمان: اذا منج لا اذوب وانصهر عليج

فرشت فراشي وتمددت بي حجه

يمان: مو اگعد الصبح الگاج بحضني

ماجاوبته غمضت عيوني وغفيت فزيت على جكجه برگبتي جمدت بمكاني من سمعت بهمساته

يمان: اخخخ لو تدرين شكد جاي ادوس على روحي الخاطرج

غمضت عيوني حيل وهو صار يسحبني اله اكثر ويدخلني الحضنه ماعرف ليش بقيت مغمضه عيوني وحتى ماعترضت بقيت جامدة اسمعه يحجي

يمان: عطرج يفزز گلبي وجروحي همم مو بس گلبي حنيت الريحتك خليل گلبي

سديت على ايدي حيل واحس گلبي فضحني ودگاته الجنونه صارت واضحة وتدك بصدره وهو حاضني رفع نفسه همس بأذني

يمان: ماجاي اميز بين دكات گلبج وكلبي ثنينهن يدگن بنفس الجنون

رجع همس بأذني وانفاسه الحارة على بشرتي

يمان: ‏أشتهي تقبيلك عشراً و عناقك

ألفا و أرغب بإحتضَانك شهراً

و البقَاء معك عمرًا

أختصرُها لك ؟ طامِع بكل ما

بك و لا أكتفي طمعا

ماعرف شلون دفعته حيل ووخرته من عندي كلشي محجيت غير صعدت فوك للغرفه كلي ارجف قفلتها عليه

وماگدرت انام للصبح بدلت وطلعت للشغل ماريد اشوفه من رجعت جانن رميم وحكمة راجعات .....

❛❛❛❛

وتر"

مرت الايام وعبير مازالت حالتها من سيء للاسوء بعد ما عجزوا الاطباء وياها بهاي الاربع اشهر قرروا يسوولها عملية زراعة كلى

خلصت امتحانات جنت گاعده بالحوش على الدرج منتظرة خبر من ابوي يطمني على عبير دخل سنان ابن عمي شافني واجه بتجاهي

نفخت بملل خله رجله على البايه بصفي وحجه

سنان: شلونها بنت عمي الصاكة

وتر: احترم نفسك شنو هاي الالفاظ

سنان: بنت عمي راح تصيرين معاقه بعد منو يقبل بيج اكيد مرجعج الي

باوعتله بطرف عيني وحجيت

وتر: حتى اموتها النفسي وبعدين شتقصد بكلمة معاقة

صدمني من گال

سنان: راح ياخذون كليتج العبير رغم العملية خطرة عليج بس هم مايهتمون الحالتج المهم يعيشونها

يحجي الكلام بطريقة مستفزه وكأنه يضحك او متشمت بيه عفته ودخلت جوة مصدومة من كلامة معقوله هيج يردون يسوون زين ليش انا يخاطرون بيه وينقذون اختي رحت للاستقبال شفت مرام گاعده تاكل حب وتباوع على مسلسل هندي

وتر: يابرودة اعصابج اختي بين الحياة والموت وبابا حاير بيها وانتي هنا گاعدة

مرام: ومرض لا تصيحين هسه اتصلت بي كال زينه جنها حصان

وتر: مرض بگلبج

من بعد ماعرفت بيها مو امي صرت حتى مااحترمها وحتى من تضربني اني هم اليطلع بيدي اسوي اضرب واخرمش فجأة حسيت نفسي انسحبت من شعري

مرام: حيوانههه ليشش ماتحترميينن

وتر: وخررري عوفيني حقيرة

احجي بالكلام وادفع بيها

مرام: منو مقوي راسج علينااا ادب سز ......

بقت تفشر دفعتها حيل وركضت للغرفة قفلتها عليه ادري بيها كلشي تسوي وانا ماكدرلها جني فارة يمها بقت تدك بالباب واسمع سنان مدري شيحجي وياها وهي تغلط عليه

للعصر وانا ما طالعة الحد ما سمعت صوت ابوي بالبيت لا طلعتله ركض

وتر: بابا شلونها عبير

اباوع عليه جان وجه تعبان حجه

حكيم: كلش تعبانه باقية بين الحياة والموت

وتر: والحل شنو يعني تبقى هيج غير نسويلها العملية

باوعلي وكأن بعيونه حجي

حكيم: ماكو متبرع الحد هسه متطابق ويا انسجتها

رحت گعدت يمه احجي بدوموع

وتر: يعني شنو بابا اختييي راححح تمووت

حكيم: انتي ماتردينها تموت مو

وتر: طبعا غير اختي مستعده افديها بروحي

حكيم: تتذكرين من كلنا سوينا تحاليل هذاك اليوم علمود تطابق الانسجه

وتر: ايي

بقيت صافنه بي تذكرت كلام سنان ومرام تباوعلي ببتسامة شماته عرفته شنو راح يحجي

حكيم: محد من عدنا انسجته متطابقة بس انتي اذا تردينها ترجع مثل قبل الازم تنطيها وحده من كلياتج

كمت وحجيت بدون تردد

وتر: وانا مستعده انطي الاختي كل حياتي مو بس جزء مني گوم بابا اذا يردون هسه خلي ياخذوها ....

#يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات ♥️

متابعة ممتعة🦋

#تاروت

البارت «16»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

وانت تدري

تدري كل ليله

بغيابك ينهدم ثلثين عمري

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وتر: گوم بابا اذا يردون هسه خلي ياخذنوها

ثنينهم بقوا صافنين بيه ما متوقعين مني هذا الرد يمكن ، بلع ريگ بحيرة وحجه

حكيم: يعني موافقة تنطين الكلى مالتج الاختج

وتر: طبعًا اذا هذا الشي يخليها تطيب انطيها كلياتي ثنينهم مو بس وحدة

اباوع على مرام فاتحة عيونها بصدمة وهو يخزرها مثل اليحذرها گام من مكانه احتضني يبوس براسي ويحجي بفرح واضح

حكيم: الله يخليكم الي ومايحرمني منكم

بقيت جامدة بمكاني اول مره يحتضني ويحجي وياي بهاي الطريقة رفع راسي يحجي

حكيم: باجر نروح للمستشفى حتى يسوولج الفحوصات اللازمة

بين الخوف وقلقي على حياة اختي قبلت بكلشي لكن حسيت اكو شي مو طبيعي بس تجاهلت ماخليت ببالي ماعرف هم ليش جانوا متخيليني ارفض

لليل رحت ويا ابوي للمستشفى دخلت حتى اسوي تحاليل كملناهم كلشي فحص تام هواي تأخرنه وتعبت من الفرة وانا جنت طول اليوم ما ماكله شي اول ماطلعنا حسيت بروحي دخت الگاع افتر بيه لزمت ابوي انتبة عليه وگال

حكيم: الله الله شبيج دختي

وتر: كلش دخت بابا مدري شبيه

حكيم: تعاي گعدي هنا خلي اصيح للممرضة واجيج

حجاها بعد ماگعدني على الكرسي راح صاح الممرضة قاست ضغطي وحجت

- ضغطج مصفر مماكلة ؟

وتر: ايي مماكلة شي من الصبح

- وسويتي تحاليل طبعا هبط ضغطج مايحتاج مغذي وهسه لازم تأكلين او تشربين عصير على الأقل

راحت وابوي توسل بيه حتى يجيبلي أكل ماقبلت

وتر: جيبلي بس عصير بابا

حكيم: انتظريني اجيبلج عصير وارجع

بقيت گاعدة مسنحه ومسطورة حسيت بشخص وكف فوگ راسي رفعت انظاري اله شفته گدامي واگف وعاگد حواجبة بستغراب غمضت عيوني ورجعت الوضعي اجاني صوته گال

دائب: شسوين هنا

وتر: شعليك !

دائب: دحجي قبل لا تنسحلين بنص المستشفى هسه

فزيت احجي

وتر: ومنو انت حتى تسحلني هسه يجي ابوي وروح منا

اتقرب عليه لزم ايدي حيل وانا جنت دايخة حتى ماكدر اقاومة

دائب: شسوين هنا بابا احجي

وتر: اذا متعوفني هسه اصيح والم عليك المستشفى كلها انت شبيك مريض

حرك راسه بطريقة يتوعدلي بيها وگال

دائب: خوش رايح بس اذا طلع البالي صح ماتلومين الا روحج

حجيت بخوف اول مرة اخاف من تهديده عيونه جانت تجدح شر

وتر: روح منا هسه يجي ابوي ويشوفك شگله روحح

دائب: رايح بسيطة

مافهمت شنو يقصد عافني وراح وگف بعيد مني لحظات واجه بابا تنفست براحة لو باقي بعد شويه جان شافه شيخلصني اتقرب مني انطاني العصير

حكيم: اشربي حتى اذا صرتي زينه نصعد نشوف عبير

شربت العصير وهو واكف يباوعلي من بعيد ويخزر كلش خفت من نظراته الحادة واصلا وجودة اخر فترة وكل مااطلع يسألني وين رايحة ووين راجعة كلش صار مستفز ويخوف بالنسبة الي انرعبت

صعدنا شفت عبير شويه وحجيت وياها ردت ابقى بعد لكن كلش دايخة رجعنا للبيت

مر كم يوم على ماطلعت التحاليل انسجتي متطابقة بس عندي اللتهابات ومشاكل لازم اعالجها بالبداية وانطوني علاج واستمريت عليه الحدما كملته

وبيوم جنت نايمة فزيت على صياح مرام تگعد بيه وتحجي

مرام: گوميي ابوج يريدج بالصالة گاعد

بلا ما اجاوبها گمت غسلت وجهي ورحت للصالة

حكيم: بعد سبوع للعملية

وتر: حدوو موعد

حكيم: تحاليلج طلعت سليمة لازم نستعجل

بقيت ساكتة بس الخوف تملك گلبي ماعرف شسوي كل الاعرفة اريد اختي تعيش وما نفقدها طلعت منهم صاحت وراي مرام انطتني ورقة وگالت

مرام: اطلعي جيبي الغراض المكتوبة بيها

وتر: هم انا اطلع روحي انتي

مرام: بلا كلام زايد وروحي يلا ، حكيم انطيها فلوس

انطاني فلوس وحجه

حكيم: ميخالف اطلعي جيبيهن وتعاي

وتر: والله تعبت الف مره اطلع باليوم

خزرني حتى اسكت ماحجيت شي

اخذت الفلوس وطلعت من البيت اشتريت الاشياء من الاسواق ورجعت امشي وسارحة بافكاري فزيت من صوت سيارة وكفت گبالي معترضة طريقي حجيت

وتر: اتمنى يوم واحد اطلع ومااشوفك گدامي وملاحگني مثل ظلي اتمنى

دائب: اصعدي بابا لازم نحجي

وتر: شنو اصعد وبعدين بصفتك منو تحجي وياي روح منا الناس

دائب: بنيتي اسمعي الكلام لازم نحجي بس ماترهم بالشارع

وتر: روح منا عفيه هسه اليشوفنا يوميه معترض طريقي وتحجي وياي شيگول علية

نزل واتقدم عليه

دائب: تصعدين لو اتصرف غير تصرف

وتر: دوخر شبيك انت خبل اعرفك تعرفني

دائب: جنيتي على روحج

جان يحجيها بطريقة مرعبة عفته وردت اروح صاح وراي

دائب: اذا مانطيتيني مجال احجي راح اتصرف غير تصرف 

ماهتميت الكلامه دخلت للبيت گلبي يرعد من الخوف حتى ريگي نشف شمرتهن بالمطبخ وصحت

وتر: بعد ماطلعع خووشش ماطلع

مرام: ومرض شبيج تصيحين كنالج بس اليوم

وتر: كل مره تكولين بس اليوم وانتي كل شويه تطلعيني على شغلة

حجيتها بهظم ومسحت دموعي النزلن

مرام: امشي لجج

رادت تكمل وقاطعها صوت ابوي يحجي

حكيم: مرااامم عوفييي البنيه

مرام: صايره عرمه وترادد

حكيم: معليج بيها من اليوم ، وانتي روحي الغرفتج كافي مشاكل تحركي

عفتهم وطلعت رحت للغرفة خوف وقهر وتفكير بالعملية وخاصة سمعت خطرة وتشكل خطورة على حياتي دموعي من وحدهن صارن ينزلن بقيت ابجي اريد اسكت ماكو فوك الساعتين الحدما خويت كلش يلا گمت

لليل كلش راحو ناموا بس انا بقيت گاعدة مليت من الغرفة والحبسه وجانت حارة طافية الكهرباء كمت طلعت للحوش گعدت على الدرج الجو يخنگ وانا روحي لايبه مدري شبيه ماتحملت كمت افتر رايحة راجعة بمكاني

دخلت جوه اخذت ملابس ودخلت اسبح اول ماطلعت من الحمام سمعت صوت طبه قوية بره ركضت اباوع من شباك الصالة كلشي ماكو هدوء بس بزازين 2 يتعاركن ماهتميت

مشطت شعري وردت ارجع اطلع اول مافتحت الباب وطلعت ماحسيت الا ايد خشنه حاوطتني من الخلف وسد حلگي مالحگت اصرخ همس باذني

- اششش ما كو خوف من بعد اليوم

غمضت عيوني كلش دخت ماكدر اقاوم مثل التخدرت ولگيت روحي بوسط الظلام ماحسيت بشي بعد غير من گعدت على برودة تداعب خدي

فتحت عيوني بثاقل راسي ثگيل وماتذكر شي من الصار ركزت نظري زين شفت نفسي نايمة على قنفة ومتغطية وهو گاعد على الكرسي يمي مد ايده يداعب بخدودي ومرسومة على وجه ابتسامة

دائب: صح النوم يحلو

فتحت عيوني حيل هزيت راسي احاول اركز بي شهگت وكمت گعدت رفعت الغطى اغطي بروحي وحجيت بخوف ورهبة

وتر: شجابننيي هناا منو انت ليش جبتني شتريد

دائب: لا تخافين كلشي صار المصلحتج

وتر: شنو المصلحتييي شجاي تحجي انت رجعني الاهلييي رجعني بابا هسه يقلق عليه

ابتسم بجانبية وگام راد يروح بلا ميجاوبني خليت الغطى على راسي وكمت صرت اصيح وابجي واحجي بعصبية

وتر: انت خاطفنيييي يعني رجعنييي الاهلي اريد ابويه اريدة ماتفههمم

دائب: صيري عاقلة ولا تشلعين گلبي

وتر: رجعني الاهلي راح اكلب عليك الدنيا

دائب: صيحي محد يسمعج انتي جوه الگاع بنيتي

جان يحجي ببرود وكأنه المسوي شي عادي وانا المفروض اتقبل الفكرة وارحب بيها بلا مقدمات ركضت ناحية الباب اريد افتحة واطلع لزمني مانعني شمرت الغطى وصرت اضرب بي اصرخ بكل صوتي واستنجد الحدما حسيت صوتي بدأ يروح وحبالي الصوتية تتگطع فقدت

رجعت عليه صرت اضرب بي حيل وصرخ رغم خايفة وكلي ارجف ماعرف منين اجتني القوة ماسحيت بروحي الا ونرفعت من الارض شالني شيل صرت اصرخ بكل صوتي

وتر: لا تلمسنيييي حقييرررر نزلنييي نزلنيي

دائب: لا تخليني أأذيج اشششش

حجه الكلام وشمرني على سرير صاير بنهابة الغرفة صرت ارفس برجليه حتى ما يسيطر ويلزمني جنت منهارة وابجي بصوت عالي وصريخ

دائب: لا تخليني اربطج اذا هديتي

وتر: شتريد منييي عوفنيي

دائب: اهديي بابا اشششش

وتر: حقييررر وخرررر

لزم فكي مرد وجهي مرد بيده وحجه بعصبية

دائب: تسكتين لو تنربطين

صرخت بالزايد سد حلگي بيده عضيتها حيل ولا اهتم صك على اسنانه وگال بعصبية

دائب: الظاهر عاجبج تنربطين يجرالج

حجاها ولم اديه الصدري خله ركبة رجله عليهن حتى ماتحرك وجر حبل جان على تاج الجرباية وكأنه محضره تخبلت كل جسمي صار ينكث برجفة خوف ضربته حيل برجلي ماحسيت الا اجاني راشدي منه سطرني سطر  دخت وعيوني غوشت ماگدرت اتحرك بعد بس دموعي تنزل وصوت البجي مالتي صار عالي هو صار يربطني اديناتي رجليه ربطني من فوگ الي جوة

دائب: هاي حتى توبين وتعقلين والا شردة ماتگدرين تشردين حتى اذا عفت الباب مفتوح

حجيت بدموع

وتر: مريضض

لزگ حلگي يحجي

دائب: اشش ماريد اسمع نفس

عافني وطلع وانا بقيت ابجي وادعي ربي يخلصني ماعرف هذا شيريد مني وليش خاطفي

هلگت من البجي والخوف غمضت عيوني ودخلت بسبات ...

❛❛❛❛

رميم"

طلعت من الصالة للحديقة على صوت حكمة تصيح بعصبية شفتها واكفة يم مريه تحجي وياها بعصبية تصيح وتگلها

حكمة: شذرة تطلعين ولدج الحرامية لو احرگ عشايركم

شذرة: سمي بالرحمن حكمة شبيهم ولدي بيش قصروا وياج

حكمة: لا ماقصروا عداهم العيب خليتهم حراس على بيتي وتالي طلعوا نخلة دگل والثمرة حبابوك

شذرة: وهسه شتردين

حكمة: طلعين ولدج وتكولين همه وين يجون يشهدون على دوسة بيتي

شذرة: مادري بيهم ولدي وين كل الاعرفه يشتغلون ببغداد

حكمة: هاهوو ماتدري بيهم خيبة شوفي تطلعينهم احسنلج هاي السوالف مو عليه

شذرة: تهددينا يحكمة

حكمة: لا ماهددكم بس منا اليومين اذا ماطلعوا ولدج واعترفوا على دوسة بيتي بيوتكم افلشها على روسكم

شذرة: ماتايهيلج عدنا عشاير تسد عين الشمس

اتقربت منها لزمتها رادت تكتل المريه وخرت ايدي وحجت

حكمة: هديني انعل حتى ابو عشايركم لا ابو اصلكم لا ابو خيركم لا عبالكم ساكتة يعني هاي هي

رميم: على كيفج خالة اكيد يطلعون وين يرحون قابل

بقت تصيح وهذيج هم تصيح حتى الجيران صارت تباوع علينا گوة جريتها جوة دخلتها وهي تصيح

حكمة: تهددني بعشيرتها شذرة ام الخرنوب

رميم: حكوم اعصابج راح اخبر يمان

حكمة: عوفي هذا الشلايتي بس اشوفه يرتفع ضغطي ، بس خل الزم ولد شذرة انا اعرف شغلي

رميم: هو ياسين شيريد يسوي

حكمة: يشتكي على يمان يكول زلامة هيج سوو بيه وهذا الجبان شوهين المطي شارد

رميم: وولد شذرة شلون شسوين بيهم

حكمة: خيبة اكيد يعرفون منو التفق وياهم وطفوا هذن اليصورن

رميم: عليج سوالف ياحكوم اكو واحد يعترف على نفسه

حكمة: ايي ويا حكمة كلشي يصير بس دخل احضه بيهم

حجت الكلام وگامت توضت وطلعت طلعت وراها للاستقبال گعدت تقرأ قرآن وانا كعدت اتصفح بتليفوني خيال بالشغل وانا بعد التخرج طگني ملل

ماعندي غيرة كتبتله

رميم: " صباح الخير "

وسديت التليفون شمرته بصفي اباوع للتلفزيون طالع برنامج صباحي دقايق ودك تليفوني وصلني اشعار معلن رسالة جديدة

فتحتها كاتب

باتر: " صباح الانوار "

كتبتله

رميم: " الانوار لو الجزيرة "

باتر: " ها ها ها ماتضحك قديمة "

رميم: " قديمة مال هاون "

باتر: " هاون مال نومي "

ضحكت رجع كتب

باتر: " نومي نامي "

رميم: " بطل مو نهديت حتى على روحك تحشش "

ماجاوب شويه ورجع اتصل كمت للمطبخ بس فتحت خط حجه

باتر: شوكت اشوفج فضيني

رميم: شتشوف مني اذا ماكو دوام ماگدر اطلع امي ماتقبل

باتر: دبريلج سالفة بس يمي لسانج اطول من سنة الجوعة يم امج تنخرسين

رميم: افف ماشي ادبر حجه واگللها بلكي توافق

باتر: شتردين اجيبلج وياي

رميم: تسلم عيوني ماريد شي

تنهد بحسرة وحجه

باتر: هيج حلو انا

رميم: ليش؟!

باتر: گلتيلي عيوني وعيونج يموتن من جمالهن

صدمني بكلامة اول مرة يحاجيني بهاي الطريقة بسرعة داركت الموضوع وردت استغل الفرصة

رميم: صدگ وبعد

باتر: رموشج سيوف بتارة وحاجبج نسر فارش جناحه بجسارة

حسيت بحرارة فجأة دبت بيشرتي وصعدت الوجهي انتبهت على نفسي مشنجة روحي وسادة على ايدي حيل بغضب

رميم: هههه شبيك اليوم مستخف خير

باتر: وسيراميك مكة انتي مو مال واحد يعاملج برقة معاملة جبوري ابو الشربت هواي عليج

رميم: قبل شوية جنت تتغزل بجمال عيوني وتكول عليهن يموتن

باتر: مو بس عيونج يموتن

رميم: لعد !!

باتر: الجنطة والدشبول ياخذن العقل اخخخ اخخ

فهمت قصده بسرعة بس ثولتها وحجيت

رميم: شسويت اليوم

باتر: بالشغل جنت بالمستودع گاعد وافكر بيج

رميم: بس

باتر: جا شتردين

رميم: اريدك تنهوس بية

باتر: منا وهيج

رميم: ان شاء الله

بقيت احجيلة عن يومي وشنو سويت اول ماگعدت من بعدها صار عندة شغل وراد يروح حجيت 

رميم: باتر

باتر: هاا ريمه

رميم: لا تنسى 03.03

حجيت الرقم بالانگليزي ضحك وحجه

باتر: حافظة على الغيب وداعتج يجي يوم واعرف معنى

رميم: طبعًا

باتر: باي

غلقته من عندة دقايق ووصلني رقم قصير من عنده متكوب " 63.02 "

رجعت كتبتله

رميم: "صرت تلعب مثلي"

باتر: " اذا لعبت شراح يصير "

رميم: " انا المنتصرة بالنهاية "

باتر: " بلا شك "

عفت التليفون باوعت الوجهي بمراية الكاونتر صاير حمر دم وگلبي يدك سريع ماعرف اذا بديت انجح كلامه دليل على ان هو بدأ يلين لازم اشوفلي طريقة اقنع بيها خيال حتى اطلع وحدي

اخذت تليفوني واتصلت على طيف جاوبتني ومبين اثر النوم على صوتها

طيف: انتي ماتبطلين گعدتج مال العجايز من الصبح

رميم: نجبي وسمعيني فد ساعتين واتصلي على خيال كليلها باجر الصبح مسويه جمعة بنات عيد ميلاد حفلة اي شي وعزميني

طيف: وين اكو عيد ميلاد الصبح

رميم: اهوو شمدريني دبريها

طيف: يدلل استاذ باتر اول شي عنوان بيتنا وصار عنده وهسه ندبرله طلعة ليش لا صايرين

رميم: گلب گلبي انت اذا صار البالي انطي الج هدية

طيف: يمه شكله بالصورة ويخوف بس ايده بگدي بالواقع شطلع يمه كائن غير مرئي

رميم: عفيه خوفيني بعد

طيف: دروحي خلي اكمل نومتي واشبع نوم روحي

رميم: مو تنسين ومن توافق رجعيلي خبر

ودعتها وسدته وراحت مر الوقت حضرنا الغدا انا وحكمة على مارجعت خيال وراها دخل يمان يصيح وجانت اصواتهم توصلنا من برا الحدما دخلوا للبيت اسمعه يگللها

يمان: انتييي صدك تحجين يعني هذا حل بالسبة الج

خيال: لا تدخل بشغلي ميخصك افتهمت

كامت حكمة وهي تحجي

حكمة: ياستار استرنا گبت بين الفارة والبزون

طلعت من المطبخ طلعت وراها وهم مستمرين واحد يصيح على الثاني يردون ياكلون بعض

حكمة: خير ياطير اليوم بادينها من وكت

يمان: ماكو شي

خيال: لاا اكوو حكمة گولي الابن بنت اختج خلي يكون بعيد عني وعن شغلي مافارغتلة انا

يمان: اشتغلي صح محد يگلج على عينج حاجب

خيال: مشتغلة صح وغصبا عليك موانت التعلمني شلون اشتغل

صاح بيها رج البيت رج وهو يحجي

يمان: خطر القضية الجاي تبحثين عليها خطرة هاي الناس انتي مو گدهااا افتهمييي

شمرت جنطتها وتقدمت عليه وكفت گباله وهو خازرها بتحدي حكمة صارت بينهم تحجي عليهم وهم ولا يمها واحد يخزر بواحد

خيال: انت منين تعرف بشغلي هاا منين جبت هالمعلومات منيينن

يمان: ماكو شي يصعب عليه اعرف كلشي حواليج ويخصج

خيال: لا عبالك تخوفني حتى انسحب مراح انسحب وانت واخوك بس اكشف هاي القضية ثنينكم تنسحلون حتى اذا مو علمود كتل اهلي المهم تنسحلون

يمان: طز بيه وباخووييي انتيي تتأذييننن افتهمي يابشرر

باوعت عليه من فوك الي جوه وعافته وصعدت الدرج راد يروحلها لزمته حكمة تحجي

حكمة: بسسس ماجزعتوا ما مليتوا كافي لا تدخل بشغلها

خيال: حكوم مو اكلج اربطي صاير مسعور لا يعضنا

هز راسه بوعيد وحكمة گالت

حكمة: انتي هم جاي دورج هسه اكعد وياج واشوف شني سالفة القضية

عافتهم وصعدت ويمان بقى يشيل روحه ويدگها من وراها عفت حكمة يمه ودخلت اجهز الغدا واصبه ورا دقايق هدأ البيت وكعدنا ناكل وهم واحد گاعد گبال الاخ هو يخزر وهي مسويه نفسها مامهتمة وتاكل بكل هدوء وهو حتى مااكل عافنا وطلع

حكمة: مريتي على ياسين اليوم شصار بسالفته

خيال: يريد يقدم دعوى بس المشكلة الشاهين محد يعرف غير اسمة ويمكن هذا مجرد لقب لا اكثر ماعتقد يستفاد شي

حكمة: اخخ لو الگه ولد شذرة ويعترفون

خيال: صح ما سألتي عليهم وين

حكمة: شلون ماسألت بلكي الله ويطلعون

دخل يمان باوعتله وحجت بشك

حكمة: بيوم الحرامي دخل انت وين جنت

يمان: گاعد يم دائب جان عندي شغل ويا وانا والشاهين جنا متعاركين واذا ماتصدگين بيه اتصلي بدائب هو يحجيلج

حكمة: جا هو عصفر كفل زرزور وثنينهم طيارة

يمان: شقصدج

حكمة: هيج سلامتك ماقصد

هز ايده ماعاجبه وكف بالباب ورث جگارة ويا طلعة خيال من المطبخ شمر الدخان عليها اختنگت وصارت تگح وتحجي

خيال: حيوان

يمان: وانا هم اموت عليج تعاي ابوسج عنيفتي

خيال: باستك حية ان شاء الله

يمان: تسكتين لا شوف شسوي هسه

خيال: شسوي

سحبها علية مدري شهمس بأذنها انتبهت عليها صارت حمره وانا وحكمة بس نباوع عليهم ونضحك

دفعته وصعدت وهو طلع وحكمة طلعت وراهم وهي تحجي

حكمة: يموتون اذا يتصافون ساعة وحدة

غسلت المواعين وصعدت فوك توضيت ودخلت اريد اصلي شفتها متمدده على فراشها ونقالها بيدها باوعتلي وحجت

خيال: خابرتني طيف

رميم: احم ايي شعجب شتريد

خيال: تكول مسويه لمة بنات وتريدج ترحيلها الصبح

رميم: اووي هاي بطرانه مابيه حيل اطلع

خيال: لا روحي غيري جو احسن من گعدته البيت دام ماعندج شي وهي گالت اجي عليها هي ابوها ياخذونج ويرجعونج

رميم: اذا هيج ميخالف

اباوع عليها بقت تباوع عليه بتركيز خرجت من صمتها وحجت

خيال: كأنج متغيرة اخر فترة

رميم: يعني شلون

خيال: مادري هواي اشوفج لازمة التليفون وخانسة مو من عوايدج

رميم: قبل جنت مشغولة بالدراسة هسه گاعدة وساكته شترديني اسوي

باوعتلي بنظرات شك وسكتت اخذت سجادة الصلاة وطلعت اصلي بالصالة الفوك دعيت ربي يسامحني وهلگد بجيت سجدت وبقيت ابجي بحرگه بحيث سجادتي حسيتها نگعت بدموعي ...

من بعدها ثاني يوم الصبح وصيت طيف ماتجي الا من تطلع خيال للشغل يلا

بدلت روتبت نفسي على اخر حباية اتصلت بية طيف وگالت صرنا جوة سلمت على حكمة البقت تحجي عليه لان كاشخه تگلي تنحسدين عفتها وگوه طلعت

صعدت وسلمت طلعت نقالي دزيتله مسج على الخط

رميم: " انا طلعت بعد ساعة فارغ تگدر تشوفني "

ثواني ورجع دزلي

باتر: " شني بعد ساعة غير تنطيني خبر من البارحة حتى اجهز نفسي "

رميم: " شسوي قابل "

باتر: " اسوي شيرة هسه انتي شعليج غير ارتب روحي "

رميم: " لا تتساخف وياي "

باتر: " دروحي هسه وفد ساعة تلگيني على الشارع يم منطقتكم "

فزيت على صوت طيف تحجي وتخزر بيه

طيف: رميم كلتيلي رايحه تشوفين شغل المكتبة اول مرة وبعدها تمرين علينا صح

رميم: ايي اي صح نزلوني على الشارع العام وانا اخلص موعد المكتبة وارجع

ماحجه شي ابوها نزلوني على الشارع العام

طيف: مو تتأخرين منتظرتج

رميم: ان شاء الله

عافوني وراحوا حسيت گلبي گام يخفق حيل تمشيت شويه اشتم هوى حتى اهدأ على ما مرت ساعة تقريبًا دك تليفوني شفته هو جاوبته

باتر: وينج انا راح اوصل منطقتكم

رميم: انا على الشارع

باتر: هاي انتي الابسه اسود

رميم: ايي

باتر: خوش انتظريني اطبگ السيارة واجيج

انتظرته شويه واجاني يمشي وصل يمي سلم وحجه

باتر: نمشي لو نصعد تكسي حتى نبعد عن منطقتكم

رميم: لا بيتنا بيعد منا خلي نتمشى شويه حتى ارجع امي منتظرتني

باوع عليه يتفحصني واكثر شي يباوع بعيوني ونظراتي الاجاهد حتى اسويها طبيعية

ظاهري ثلج طبيعية ومبتسمة بس بداخلي نيران براكين ثأرة ودموع من دم

باتر: هاا حية وينه السانج المايسكت بالتليفون خنستي

رميم: افتح موضوع شتريد احجيلك على صبغ الاضافر المو عاجبني

باتر: دخيلج لا هذاك اليوم سهرتيني للفجر وانا نعسان تحجين على الصبغ الموعاجبج وخاف اروح وتزعلين باقي اشرب گهوا وجگاير اجاهد النعاس

رميم: تخاف على زعلي

باتر: وسيراميك مكة اخاف عليه ومنه هم بس تطنگرين تخنسين وتشمريني بقائمة الرفض

جان يحجي ويباوعلي ابتسمت بتصنع

انتبهت علية جان لابس بدي سمائي درجة لونه حلوه مو مزعجه مخطط بالعرض بابيض نص ردن وهو هم رافع اكمامة وبنطرون جينز اسود وحذاء رياضي ابيض

يمشي برزانه فارض هيبته الواضحة بطوله وضخامه جسمه الرياضي صاير كلش ملفت للنظر

اشوف بنات يمرون من يمنا اكو بيهن يعلگن عيونهن عليه وهو يمشي بصفي مامهتم اليشوف رزانة مظهره ابد مايتوقع عندة جانب كوميدي مرح وجانب إجرامي بشع كل تصرفاتة متنحزر

يعني ماتوقعة شوكت يمزح وشوكت يحجي جد يضحك عليه ماخذني على گد عقلي يجاريني حسب الموقف صدگه من جذبه ماينعرف امشي وسارحة بي افكر واحلل بشخصيتة انتبهت علية يصوفر فزيت حجه ببتسامة

باتر: وين سرحتي بيه لا تخلين عقلي يسافر للمريخ

رميم: يعني شنو ؟

باتر: يعني مثل ماگال محمد ابن السالم سفرتني المريخ دخلتني التاريخ متگلي وين الحب اي حب اي بطيخ

ابتسمت وگوه عليه جبرت روحي جبر جان مخلي ايده بجيبه ويمشي مديت ايدي خليتها على ايدة بسرعة وكف حسيته جمد بمكانة حجيت

رميم: هاا

باوع على عيوني نزل بنظراته الشفتي بعدها الايدي حجيت ببتسامة

رميم: هه اسفه لزمتك بس تعبت شويه من المشي

بلع يرگ رفع حاجبة وحجه

باتر: نگعد

رميم: لا وين نكعد ماكدر اتأخر

باتر: كل مرة هيج تسوين ماتطولين نص ساعة

رميم: ميخالف خليها على غير مرة

كملنا مشي حجه

باتر: لا تضلين لازمتني

رميم: ليش زعجتك

نغزني گلبي من مد ايد الثانية خلاها على ايدي يتحسيها وهمس

باتر: بالعكس

مشى اصبعة على ايدي وحجه

باتر: اويلي خرب مصنمج مو ايد مصبوبة صبابة

رميم: حلوة ايدي

باتر: انعم من الريش جنها سيراميك مكة ودافية حرارتها وصلت الگلبي

بقى يلح واصر عليه الا نگعد ،گعدنا اكلنا ايس بقينا نحجي شويه وهو احس نظراته تغيرت عن اول طلعة جان يدقق وياي واحسه يدرسني وحذر هالمرة لا غير يباوعلي بنظرات هايمه بتفاصيلي ويبتسم ويا كلامي وانا احجي هيج عيونه بعدلهن شوية ويتحولن قلوب حمر

ساعتها ادركت ان انا مشيت صح وجريته الداخل الخطة مالتي من بعدها رجعني النفس المكان الجنا بي وراح كل شويه يباوع ورا حتى يشوفني

قبل لا اوصل البيت طيف دزلي رسالة كاتب

باتر: "لزمة ايدج حنينة بيها دفو يجنن كل مره لزمي ايدي هيج حسيته مثل جف امي"

رميم: " تدلل من عيوني "

سديت التليفون ورحت البيت طيف بقيت يمها للعصر ورجعت مرتاحة لان تقريب خمسين بالميه من الخطة نجح بعد ينرادلة شغل ....

❛❛❛❛

خيال"

فزيت من النوم مرعوبة هاي ثاني مرة اشوف بابا بالحلم يوصيني على رميم گعدت عرگانة صايرة مي وجسمي يختض من الرهبة والخوف

باوعتلها جانت لازمه تليفونها تگلب بي ومبتسمة انتبهت عليه وحجت

رميم: اسم الله خوخه بيج شي

مسحت على وجهي ودموعي ماردت اذكرها او اقلقها حجيت ببتسامة

خيال: ماكو شي حبيبتي بس عطشت

كامت وحجت

رميم: اجيبلج مي نسيت اصعد وياي

قبل لا احجي نزلت جابتلي مي اخذته من ايدها وگعدتها بصفي لزمت وجها وحجيت بدموع

خيال: رميم گلبي مامرتاح الله عليج صاير شي ضامة عليه شي

صفت بوجهي ثواني بعدها هزت راسها وهمست

رميم: خيال ماكو شي شبيج ليش هيج قلقة

جريتها الي حضنتها حيل اشم وابوس بيها

خيال: محد بقالي بس انتي من ريحة اهلي وين اضمج رميم ماريد تتأذين ، بشعراية ماريد احد يلمسج

رميم: لا تخافين علية اصير حية ويا اليريد يأذيني وبعدين مداشوفين گاعدة بالبيت وساكته وين طالعة قابل

خيال: خليج هيج دائمًا تحت انظاري

رميم: هو انا يمج

خيال: لا ترحين على مكانج ابقي نايمة بحضني خلي اتطمن وانام

رميم: ههههههه تحسسيني طفلة

خيال: هو انتي طفلة لا تشوفين روحج كبرتي ترى بعدني اشوفج عمرج سنتين واخاف عليج حتى من نسمة الهوى تمر بيج خاف تتأذين

حضنتني حيل باستني وحجت

رميم: احبج

خيال: مو بگدي والله يلا غمضي عيونج ونامي

بوستها هواي غطيتها وياي ولميتها الحضني هيج يلا حسيت روحي مرتاحة ونمنا

ثاني يوم الصبح عفتها نايمة وبدلت ونزلت

واحنا گاعدين على الريوگ كل شويه اوصي حكمة واگللها عينج على رميم

حكمة: ياستار ياربي خويله شمالج لحيتي ويا البت

خيال: مادري خالة والله كلش قالقتني وخاصة حلم بابا المتكرر

حكمة: لا تخافين انا اليوم اسويلهم ثواب وادفع صدقة على روحهم وصدقة دفع بلا ان شاء الله ماكو شي

سكتت بعد ما طمنتني شويه طلعت للشغل بعدني بالسيارة واتصل بيه ياسين جاوبته

خيال: صباح النور بشرني صار شي جديد

ياسين: القوا القبض على الشاهين واحتمال يطلبونج شاهد

خيال: صدك ايي ماكو مشكلة المهم لزموا العار

ياسين: انا هسه بالمركز

خيال: جايتلك انتظرني

خليت ابو الخط يرجع بيه للمركز بعدني ما واصلة رجع اتصل بيه ياسين فاجأني من گال

ياسين: الولد اسمه الشاهين ومعترف بكل الصار وان هو ضربني بس مو نفسه الشاهين النعرفة

خيال: ياسين لا تجنني يعني شلون مو نفسه

ياسين: يعني خلا واحد بداله يشيل القضية كلها من هاي وتأكدي ان هذا واحد داهية داهية وملعب

خيال: شنو من بشر هذولي بس اريد افتهم

ياسين: حرت دماغي افتر بس بسيطة عبالهم اعوف الملفات لو ابقى الف سنة اشتغل عليهن احلهن يعني احلهن

خيال: ياسين ماريد اسببلك مشاكل

ياسين: غيرت البيت والقضية صارت يمي بعد معليج انتي يجيج الصافي ، ماكو داعي تجين للمركز طلعت انا

سديته منه الف فكرة اجت ببالي كل الدلائل اتجهت للـ الشاهين بس مستحيل شلون هيج انا شفت اخو يمان طلع من بيتنا منو جاي يلعب على منو يمان يلعب عليه لو الشاهين ويمكن احتمال مو بعيد الشاهين جاي يلعب علينا كلنا هواي هواي سألة براسي هوسه مالها حل

واريدلي ملف واحد بالقضية مفهوم ماكو كلها مشفرة رحت للمكتب وبعدها للمحكمة خلص شغلي ورجعت من وكت

دخلت البيت وهو وراي ماحجيت شي تجاهلتة وسلمت على حكمة ورميم وصعدت سحبت وصليت ونزلت

دخل للمطبخ يحجي

يمان: يمه باجر اروح البغداد منو يبقى يمكم

حكمة: توكل ابو محمد موجود نخلي يحرسنا يوم ، ماكلتلي شسوي رايح

باوع عليه وحجه

يمان: شغل

حكمة: بس كون شغلك بي خير

يمان: من ارجع نشوف

حجه الكلام وگعد گبالي يدخن ويباوعلي انزعجت من نظراته المتمركزة عليه حجه

يمان: مو كلتلج ماتگدرين للشاهين هذا مسنود من ناس كبار محد يگدرلهم

خيال: بس رب العالمين موجود ويگدرلهم

يمان: ونعم بالله بس انتي ابقي بهذا عقلج وعنادج شوفي وين وراح يودينا

حجاها وكام طلع ماهتميت...

لليل كلش الوقت تأخر وكلها نايمة نزلت جوة اريد اشرب مي شفته بالمطبخ جاي يعمر بالنرگيله ويدندن باوعلي بطرف عينه وغنه بصوت عالي

يمان: برضاك لو مو برضاك عاجبني اتغزل بيك

الليلة راح اتحداك اسمع گلبي يغني عليك

شربت مي وهو باوعلي وگال

يمان: خيال عوفي الشاهين عليه ولا تدخلين

خيال: شنو قصدك تريد تاخذ مكاني بالشغل ترى انا المحامية وانت

اتقرب مني يحجي

يمان: انتي ما تردين روحج

خيال: خايف عليه على اساس كول انطيني مجال اسجل دور بطولي عوف سالفة خوفك عليه

يمان: خوش انتي موجودة وانا موجود ونشوف منو اليوگع الشاهين اول

كتفت اديه احجي

خيال: يعني تتحداني

يمان: هذا الموجود فزة گلبي

اتقربت منه خله ايده على الكاونتر واتقرب عليه لزك بيه كلش حجيت وانا اباوع بعيونه

خيال: قل للحمير وان طالت معالفها لن تسبق الخيل في ركض الميادين

يمان: شماي عنيف خليلي

خيال: بعدك ماشايف شي

ردت اروح لزمني ماخلاني اتحرك دارني وحصرني على كاونتر المطبخ يحجي

يمان: مشتاگلج خيالي الواسع

خيال: يشتاقلك ملك الموت وخر مني

رفع راسي وخه راسه برگبتي يهمس

يمان: اوصل مراحل بالسكر من ابدي اشم بعطرج

رغم هوسه مشاعري ودگات گلبي بقيت هادئه وحاولت ادفعة مني مايتحرك لازگ بيه رفع راسه وحجه بصوت خدران

يمان: اويلي من اشم ريحتك خليلي ادوووخخخ

خيال: شيفيد بعد وشنتظر منك اذا انا بالوكت الجنت بي محتاجه تلملمني وترممني انت كسرتني

باوع علية وبلع ريگ عض على شفته التحتيه بحسرة وحجه

يمان: اريدج شلون شلون بيه

خيال: فات الاوان صدگني فات مانرهم بعد طلعت من عقلي وگلبي صعب ترجع مستحيل

يمان: وانا شسوي بروحي اذا كل نسمة هوى اشهگها وانتي ماكو تذبح بيه كوة ادخلها الريتي

ماحجيت ردت اطلع رجع منعني شابك اديه على خصري خلة انفه على خدي يحجي بخدر

يمان: من يوم الصرت بي بهاي الدنيا لليوم من اول نسمة هوا تفوت الريتي واشتمها الهاي اللحظة انا ماشايف بحياتي شي حلو غيرج حنيتلك خليل گلبي

ماگدرت اتحمل وحسيت روحي الدموع والحرارة بدت تتجمع بعيوني دفعته وصعدت ركض دخلت للغرفة من الخوف والرجفة العتلتني قفلت الباب

ورجعت المكاني لحظات ووصلني مسج منه اغنية جانت المحمود التركي اسمها ياحبيبي شغلتها اسمع بيها

حس فيني وبحنيني

فيك ما فيك احتويني

انت عيني وكل نظرها

ظلمة من دونك سنيني

لو تدري شكثر أحبك

وتدري بيك أموت

من كثر ما أنادي باسمك

حتى ما ظل فيني صوت

يا حبيبي يا طبيبي

أنسى اسمي لو تجيني

يا حبيبي بس تعال

فيك ظني ما يخيب

روحي تبعد لو عفتني

حالي يقهر لو تغيب

بالدنيا كلها ما ابدلك

شعندي غيرك يا حبيبي

يا أحلى قسمة ليا صارت

أنت بالدنيا نصيبي

بلا شعور اسمع ودموعي تنزل بغزارة خلصت وطفيتها وانا بعدني ابجي سمعت صوت من جوه كمت باوعت من الشباك شفته گاعد بالحديقة يشرب نرگيلة فتحت الشباك وصلني الصوت يسمع نفس الاغنية امسح دموعي ويرجعن ينزلن

ماعرف شنو اقسى من قتال اهلك اخ حبيبتك وحبيبك گبالك وماتگدر تروحلة حسيت الاغنية كلش رهمت علينا

مانمت للصبح هو هم بقى گاعد برا للفجر باوعتله يلا دخل بدل وطلع ماعرف شعندة ببغداد

وانا هم صار الصبح بدلت وطلعت عيوني ورامه ماردت احد يشوفني خاصة رميم

صبحت على عمو ابو انس صاحب الخط مالتي وطلعنا شويه التفت علية وحجه

ابو انس: هاي السيارة شبيها

خيال: ياسيارة عمو

ابو انس: هاي السودة الورانا يأشرلي نطيته مجال حتى يفوت بقى يأشرلي يريدني اوگف

درت راسي باوعت وراي شفتها سيارة سودة مضللة حجيت

خيال: دير بالك توگف عمو كمل فدوة

ابو انس: جاي يضايقنا شبي هذا شارب من الصبح نايم

بقى يضايقنا يريد نوگف وكل شويه يريد يضرب السيارة واني اصرخ وابو انس يغلط عليه طلعت تليفوني ردت اتصل ماسمعت غير صوت الطلقة

والسيارة جانت تمشي سريع حسيتها طارت بينا ونگلبت ....

  يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات♥️

متابعة ممتعة🦋

#تاروت

البارت «17»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

شينساهن ....

اگلب بالصور واتگلب وياهن

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

السيارة جانت تمشي سريع حسيتها طارت بينا ونگلبت استقرت على الشارع وصوت شخطة السيارة الثانية فاتت من يمنا سريع

السيارة مگلوبه بينا وانا بقيت معلگه بحزام الأمان على الكشن بكامل وعيي صرت اصرخ  بخوف واسمع صوت ابو انس يحجي بصوت مخنوگ

ابو انس: انتي بوعيج عمو خيال

خيال: ايي عمو ايي بس عالقه بحزام الامان

ابو انس: ابقي يمج بلكت اگدر اطلع

حجه الكلمة وصرت اسمع صوت دفر يمكن يريد يفتح الباب بقيت بس اصرخ الحدما سمعت صوت سيارة وكفت وصار صوت صياح والناس بدأت تلتم دنگ واحد دگ الجامة البصفي يصيح

- ديري وجهج راح نكسر الجام

خليت اديه على وجهي وصاروا يضربون بالجام ويكسرون بي الحدما تفلش وصار صوتهم واضح بالنسبة الي

وانا مگلوبه وحسيت الدم تجمع براسي ومنا الحزام ماگدر اتحرك حجه وياي رجال كبير بالعمر

- لا تخافين بويه راح الولد يجيب سجين حتى نگص حزام الامان هاج گضي ايدي على مايجي

ومدلي ايدة الزمها حتى يطمني وانا بس ابجي واصيح على ابو انس

- لا تخافين الزلمة طلع مابي شي بس شويه جروح بسيطة

خيال: فدوة عمو اتصلوا بالشرطة والاسعاف

- على جيه لا تخافين

صرت اسمع صوت هواي ناس مخبوصين على ماجاب الولد سجينه وصاروا يگصون بحزام الامان لان ماينفتح شكل

كصوا وصرت اكدر اتحرك عطت متألمة رجلي دب بيها وجع ماينحمل صرت اعيط بالزايد صاح واحد منهم

- متعوره لا واحد يحركها يولد البنية متعوروة

خيال: رجلي راحح امووتت ماگدر احركها

رجلي ورگبتي صار بيهن وجع

- بس تحملي شويه على مانطلعج الاسعاف بعيد يلا سباعية تحملي

حاولوا يطلعولي گوة من بعد صريخ وبجي لان رجلي مكسورة ماكدر احركها ولو حرگة بسيطة ثواني واجت دورية شرطة ووراها إسعاف يردون يشوفون رجلي وانا اصيح اريد جنطتي كل الاوراق والحاسبة وتليفوني بيها انطونياها متبهذلة بس مابيها شي لان السيارة مو هواي تگلبت بينا بس مره وحده ووكفت

بس لزمتهن حسيت راسي افتر وكلش دخت تخربطت ماگدرت اتحمل غمضت عيوني ومادريت بعد

گعدت على صوت حكمة تحجي وتفرفح بس فتحت صارن بوجهي ثنينهن يبجن حكمة ورميم

رميم: گعدت اروح اصيح للمرضة

طلعت وحكمة گعدت يمي تبوس بيه وتحجي

حكمة: وگعتي گلوبنا

حجيت بألم

خيال: منو گللكم

حكمة: اتصل بينا انس وگال مسوين حادث واجينا على عمى عيونه شفناج بهذا الحال

خيال: ابو انس شلونه

حكمة: نقلوكم ثنينكم للمستشفى ابو انس حالته كلش موزينه اكيد انقهر على سيارته هم كلش تخربط فرد نوب

انتقهرت عليه سكتت ماگدر احجي احس جسمي كله متكسر دخلت الممرضة ووراها رميم كعدت يمي تبوس بيه وتبجي بقيت اطمن بيها جيكتني وطلعت

ماكو شي خطر بس رجلي مكسوره لان صارت جوه الكشن ورضوض بالرقبة ، دقايق ودخل يمان حجيت ويا رميم بنزعاج

خيال: هذا شجابه مو جان ببغداد

رميم: ايي اتصلت بي حكمة بالطريق بعده ورجع

انتبهت عليه حجه

يمان: هاي شصاير

حكمة: كول شنهو الماصاير ربك قدر ولطف الحمد لله على كل حال

باوع عليه بلوم وغمض عينه يتنفس بغضب اتقرب مني ماحجيت غمضت عيوني حجه

يمان: ماتسمعين الكلام والبراسج تسوينه

خيال: لا تدخل انت

يمان: شلون راح تخليني الزگها دفره اكسر رجلها الثانية

خيال: رجال انت سويها

راد يحجي صاحت بي حكمة

حكمة: بسسس ماتشوف حالتها وكت مكافش هسه

يمان: خل نطلع منا وانا الج بسيطة وسهلة

عافنا وطلع اجت الشرطة اخذت اقوالي وراحوا بقت القضية مفتوحة

طلعوني للبيت على عكازات لان رجلي مكسورة وهو مرتاح لان راح اگعد بالبيت احس الموضوع صار بصالحة

رجعنا بسيارته اتقدمت رميم رادت تساعدني حتى انزل ماگدرت سمعت صوته حجه

يمان: انطيني مجال ريمه

رميم: شراح تسوي

يمان: اشيلها انزلها لو تبقى بالسيارة اليوم

لزمت رميم وحجيت

خيال: لا رميم اكدر انزل انتي بس ساعديني

رميم: ماتگدرين هو انتي رگبتج ماتگدرين تحركينها

خيال: رميم انا انزل حتى مساعدتج ماريدها

حجيت الكلام من بين اسناني لزم باب السيارة فتحه حيل وحجه بلا مايهتم الكلامي

يمان: وخري رميم معليج بيها

ابتعدت وهو اتقرب يريد يشيلني حجت بغضب

خيال: لا تلزمني ماريد

يمان: خوش دتعاي

شالني على كيفه وطلعني من السيارة ماكدرت احجي شي لان فعلًا ماكدر اتحرك خزرته وحجيت

خيال: كافي نزلني

يمان: اوصلج للبيت

خيال: انا امشي

مشى بيه وحجه

يمان: من نوصل اريد كروة التوصيلة مو تنسين

خيال: انطيك وجع

قربني عليه كلش وهمس

يمان: وجعج عافية احبج عنيفتي

سكتت ودرت وجهي منه وكف بالباب ورجع حجه

يمان: مشتاگلج

خيال: نزلني

يمان: وصلنا مابقى شي

حجاها ودخل للبيت دخلني جانوا محضريلي الغرفة الجوة صايرة بصف الاسقبال كلش

قبل لا ينزلني رفعني اله وانا دايره وجهي منه باسني ورى اذني واخذ نفس قوي يهمس

يمان: مو عطر لو شميته ترد روحي وتهيد جروحي

خيال: حيوان

يمان: يا نوع

حجاها وضحك

خيال: حمار وحشي

يمان: مقبولة منك خليل گلبي

خيال: دنزلني شبيك لطشت ابقى معلگة بحضنك اليوم

يمان: ياريتج

گلبت عيوني منزعجه وهو نزلني للجرباية على كيفة باسني بخدي بوسة سريعة وطلع قبل لا احجي شي

دخلت رميم تحجي وهي مبتسمة

رميم: كل غراضج التحتاجينهم نزلتهن هنا الج

خيال: حسابتي والاوراق

رميم: هم يمج

خيال: انطينايهن

عدلتني خلت مخدة ورا ظهري وخلتهم يمي كلهن وطلعت ...

❛❛❛❛

وتر"

فتحت عيوني شفت نفسي نايمة على السرير ومتغطية بسرعة فزيت اباوع النفسي بعدني بكامل ملابسي اتذكرت من البجي والصريخ نمت على الگاع شصعدني للجربايه اباوع حواليه ماعرف هسه نهار ليل

انفتح الباب لميت روحي وحضنت نفسي متغطية خليت حجابي على راسي ولفيته شلون مجان

دخل يخزر بيه بيده جنطة سودة صغيره شمرها على الميز وحجه

دائب: صح النوم

مجاوبته خزرني وحجه

دائب: گومي اكلي

وتر: ماريد رجعني الاهلي

احجي برجفة وصوت مبحوح حتى ما اباوع بوجه

دائب: دكومي يلا بدون لغوة وتعيدين عليه اسطوانة كل يوم

نترت الغطى وكمت وكفت احجي بحرگة واضرب رجلي بالگاع بعصبية

وتر: انت شبيك مخبللل رجعنييي الاهلي راح يصير سبوعيينن انا هنااا رجعنييي

دائب: ولج بابا شلعتي گلبي شوكت تفهمين ماعندج أهل ماكو اهل غيري افتهمي 

وتر: عندي انت حااول تفهممم عندي اهل واب وعمام

راد يطلع ركضت صرت گباله احجي بدموع واشهك اترجه بي

وتر: فدوة بداعة خواتك بستر امك خليني ارجع الاهلي والله رااحح امووتتت افهممم

حاجاني بكل برود

دائب: موتي يطبج مرض

دفعني من گدامه وتوجه للباب ماعرفت شسوي من حرگة گلبي ركضت على جك المي جانت گزاز شلتها وركضت عليه ردت اضربها برأسه من ورا ماحسيت غير اندار عليه لزم ايدي فاتح عيونه بصدمة اخذها مني صرت ادفع بي وابجي واغلط

دائب: اششش

وتر: حقيررر حقيرر

ضربني راشدي من قوته احسه طرشني سحبني من حجابي انزع لزم شعري حيل يحجي بعصبية

دائب: بعد كل ما تسوين هيج تنضربين وتنامين

سحلني سحل للجرباية شمرني عليها يحجي

دائب: يرادلج تربية من جديد اريد اسمعلج نفس مره ثانية ماتلومين الا روحج

وتر: حقييررر

دائب: اششش كافييي بنيتي

وتر: لا تلمسنييي وخررر

سد حلگي حيل واني على الجرباية مايريدني اصرخ خنگني اريد اتنفس ماگدر

دائب: اسكتييي بسسس بعد

صرت ادفر بي واتحرك مايعوفني يزيد ماينقص قررت اهدأ واسكن حتى مايقسى عليه بس هدأت ابتعد مني وهو يحجي

دائب: من البداية وهيج اعقلي

ماجاوبته جريت الشرشف وغطيت نفسي بي ارجف حتى راسي غطيته وخليت ايدي على حلگي كاتمة صوت البجي مالتي ماريد استفزه خاف يأذيني وبقيت ساكنه على هالحاله الحد ما طلع من الغرفة وسمعت قفلة الباب

وخرت الغطى اباوع بالغرفة ماكو طالع منها كمت دخلت للحمام اغسل بوجهي وابجي باوعت بالمرايه اصابع اديه بخدي وصاير احمر

طلعت شفت جنطة الملابس الجابها الي منثرة ومطلعلي ملابس على صفحة فززني من حجه وراي

دائب: بدلي وتعاي وراي راح اعوف الباب مفتوح

ماكدرت احجي خفت عافني وطلع بقيت افور مادري شسوي بعمري شلون اخلص من عنده درت عيني وانتبهت الجنطة الصغيره الجابها بعدها على الميز ركضت عليها فتحتها ونصعقت من الشفته

كل مستمسكاتي واوراقي الثبوتية كلها موجودة اخذتهن وطلعت من الغرفة الانا بيها جان اكو درج مقابيلها منه واصعد للبيت صعدت ركض شفته گبال صرت اصرخ

وتر: منييننن جبتتت اوراقي ومستمسكاتييي منين جبتهننن

دائب: من بيت حكيم جا منين جبتهن من زحل

وتر: منو نطاهن الك اهليييي وييننن

دائب: هم گالت اهلي شوكت تفهمين ماعدجج اهللل ماكوو بححح

جان يحجي بطرقة مستفزه وواكف مدري شيسوي أكل

وتر: منوو انطاك مستمسكاتيييي

دائب: انا اخذتهن

وتر: اهليي ويننن جانوا

حجيتها بدموع صاح بيه

دائب: بجهنم ماعدج اهل كولي بيت حكيم العار

وتر: انت العار لا تغلططط على باابااا

ابتسم بجانبية واستهزاء ركضت للشباك اضرب واصيح

وتر: ساعدووننيييي ساعدوونيي

دائب: هو ياهو يسمعج لا تتعبين صوتج الحلو على الخالي بلاش كبد

ماهتميت بقيت اصيح اخر شي مل مني لزم ايدي شدني منها حيل عطت متألمه حجه وهو يمشي بيه للباب

دائب: خل اشوفج خاف ماتصدگين

فتح الباب وطلعني بره البيت اباوع بعيوني جانت ليل والمكان مبين يخوف بس بيته وسط الهيمه ماكو غير بساتين وطريق ترابي ضيق مقابيل البيت منطقة تخوف ومرعبة حجه

دائب: هاا تردين احد يسمعج يلا صيحي خلي تلتم عليج الواويه والذياب يلا وين راح صوتج

بقيت ارجف ولزمت ايده حيل احتمي بي حجه

دائب: شو مچلبه بيه هديني مو تردين اهلج يلا صيحي روحي بكيفج مالي شغل بيج بعد

وتر: انت رجعني

دائب: فوك حگه دگه هديني وتوكلي يلا

صحت بي

وتر: انتتت خطفتنييي يعني انت ترجعنييي

دائب: مارجع انا تردين رجعي وحدج ماتردين ادخلي واگعدي جوه مثل الحبابة هذا العندي

راد يدخل بسرعة لزمته وصرت احجي وابجي

وتر: بداعت عزيز گلبك بداعت اغلى شخص على گلبك رجعني الاهلي فدوه

جنت احجي وروحي تفرفح حتى صوتي متقطع لزم وجهي يمسح بدموعي ويحجي

دائب: وين ارجعج اليا اهل بابا

وتر: اهلي اهلي مو جنت گاعده يمهم غير عندي اهل

دائب: اهلج الرادوا يموتونج وياخذون كليتج

وتر: غير اختي محتاجتها وانا قابله انت شعلييك

دائب: ايي براحتج ارجعي وانا داخل

حضنت ايده حيل ابجي خايفه منه ومن المكان

وتر: لا لا ماروح ادخل وياك بس احلف ماتلمسني

عگد حواجبه وحجه

دائب: شلمسج

وتر: ماتأذيني ماتلمسني

مسح وجه وگال ببرود

دائب: بعدج صغيرة بابا لا تفكرين بهاي السوالف

سحبني من ايدي ورجع دخلني للبيت وقفل الباب وتنهد براحة ماعرف ليش حسيته جذب عليه من گلي المنطقة مابيها احد غيرنا لان جانت ظلمة وانا ماشفت شموجود ورا الأشجار

اتقرب عليه حاوطني بسرعة فزيت دفعته مني وانا احجي

وتر: لا تلزمنييي حرامم حرام ولا تتقرب مني بعد

دائب: اعقلي وماتقربلج ولا اطخج وعد

ابتعدت منه واني ابجي بحرگه

وتر: اريد اهلي

دائب: ماكو اهلج اكو انا ترديني تعاي

حجاها وفتح اديه يعني حضنيني

وتر: اريد بابا اريد ارجع البيتنا

دائب: هذا الباب گدامج تردين اطلعي

وتر: الصبح اطلع

دائب: لا الصبح بعد ماكو ينقفل الباب تردين هسه اطلعي

وخرت البردة اباوع من الشباك ظلمه وبس نباح الكلاب طالع المنظر شگد مااوصفة جان مرعب بالنسبة الي مااوصل مشاعر الرعب الحسينها

گعدت على صفحة ابجي وهو تنرفز لان يسمعني ابجي واشهگ صاح بيه

دائب: يعنييي تموتين روحج على ناس رادوا ياخذون اعضائج

وتر: اريد اهلي

حجيتها وصرت ابجي بالزايد مثل الطفل ويريد امه واليمه يگلوله ماتت انا هيج حالي گعدت وخليت راسي بين ركباتي وبقيت ابجي هو سكت من عندي

ابجي وادعي بگلبي عليه ربي يخلصني منه اخر شي قررت انتظر للصبح واشوف المكان ، رفعت راسي وحجيت بشهگه اثر البچي

وتر: القبلة باي اتجاة

دائب: هاا

وتر: القبلة وين اريد اصلي

اشرلي بلا مايحجي على الاتجاة وهو يسوي بالكل گمت رجعت نزلت للغرفة توضيت ولفيت شالي زين وصرت اصلي واصلي يمكن قضيت الصلاة الفاتتني كلها مال سبوع بقيت اصلي للصبح وابجي

اخر شي تعبت خويت من البجي تمددت بمكاني وغمضت عيوني حسيت بنفسي غير نرفعت من الگاع بس ماعندي طاقة افتح عيوني او اجاوب

خلاني على الجرباية وغطاني مدري شگد مر من الوكت وگعدت اباوع بعدني بنفس المكان بس هالمرة باب الغرفة مفتوح صعدت اتسحب على كيفي شفت البيت هدوء وفارغ مبين ماكو احد

وضوة داخل من الشباك ركضت للشباك باوعت منه من الجهتين صدك ماكو احد بس البيوت بعيدة كلشش يادوب تبين ، ركضت للباب ادگ بي واصيح

وتر: منووو يسمعنيييي اني مخطوفة ساعدوني فدوه ساعدووننييي

سمعت صوت فتحتة قفل الباب رجف جسمي بخوف وبتعدت من الباب دخل بلعت ريگ بخوف باوعلي رافع حاجبة وگال

دائب: شكد اعيد عليج لا تتعبين روحج محد يساعدج ولا احد يسمعج

وتر: انت موكلتلي البارحة روحي افتحلي الباب اروح هسه

دائب: لا عيني لا ميصرف هذا الكلام البارحة راح ويا البارحة واحنا ولد اليوم كبدبد

اتقدمت للباب لزمني وحجه

دائب: منين جاييه هاي الصلافة يعني واگف گبالج وتردين تطلعين گابلة وبزه بعينه

وتر: ارييددد اطلع عووفنييي شسوي بيه ماخذنيي

دائب: ارسمج اباوع عليج بكيفي

وتر: بداعة عزيز گلبك رجعني

شال ايدي باسها بسرعة سحبتها منه ابتسم وگال

دائب: انتي عزيز گلبي حيلي

جزعت من تصرفاته صرت الطم على وجهي واحجي

وتر: اريد اطلع اريد اطلع

دائب: وجهج شعليه بابا

عفته وگعدت على صفحة ابجي اتقرب مني يريد يلزمني گمت وحجيت بنهيار

وتر: مايصيررر تلزمني يابشررر حراااممم مايصير تلزمنييي

دائب: حكيم الگـ*** خوش يربي عفيه بنيتي عفيه

وتر: لا تغلط على بابا

دائب: اشششش اسكتي لا حتى انتي اغلط عليج

رجعت گعدت وبس دموعي تنزل اتقدم گعد گبالي وحجه

دائب: شتردين اسويلج من غير كلمتج المعتادة مال رجعني الاهلي لان مستحيل

وتر: وانا كلشي ماريد غير ترجعني ماريد ابقى هنا ماريد حسس عاد

دائب: مااحس انا

مسحت دموعي وحجيت بعصبية وتهجم

وتر: هو انتم الزلم كلكم هيج حمير بلا احساس

دائب: والوالد مخطط لو سادة

حجيت من بين دموعي بتعجب

وتر: هاا !

دائب: صار ساعة خابصتنا بابا وبابا تاليها طلعتي مطي، زين ماگلتيلي شنو نوعة مخطط لو سادة

وتر: احترم نفسك ولا تغلط

حجيتها ورحت ركض نزلت للغرفة سديتها عليه وگعدت افكر اريد طريقة اطلع بيها مناا

شويه فتح الباب خلالي اكل وراح مر كم يوم وانا بس ابجي واتوسل بي وهو لا كأنه يسمعني واصلا مو بباله كلامي

انتبهت عليه كم مره من ينام بالصالة والمفاتيح يعلگهن يم الباب يمكن ضامن ان انا ماكدر اتحرك واخاف وبيوم ضهرية صعدت اباوع هو متمدد على القنفه ونايم منطي ظهره للباب

رجعت نزلت خليت الحجاب على راسي وصعدت اخذت المفاتيح واول ما فتحت الباب سمعت صوته صاح

دائب: وين موليه

ماجاوبته طلعت اركض وصيح ساعدوني وهو طلع وراي عثرت ووگعت حيل ماهتميت رجعت گمت وكملت ركض اباوع المكان منطقة مقطوعة هيمه والبيوت تبين من بعيد يعني لو اركض ساعة يمكن ماوصلهن ومستحيل صوتي يوصلهم بس بقيت مستمرة استنجد عسى واحد يسمعني وهو يركض وراي

گوه اركض رجليه يرجفن بخوف وگلبي صار يأذيني حتى الرؤية صارت تغوش ماشوف زين استسلمت ووكفت بجميع الاحوال ماگدر اركض وهو سريع يلحگ بيه گعدت وصرت اصرخ وابجي بحركه والم التراب بيدي بلا مقدمات وبلا مايحجي اي شي سحلني من شعري وهو ساكت لزمت ايده وحجيت

وتر: مااروحح عوفني موتني هنااا ومارجعع

دائب: گومي بابا يلا

وتر: ماتحرك ماتحرك رجعنييييي

تنفس بغضب ونصه شالني واني اعيط كل صوتي واتحرك گوه مسيطر عليه دخلني للبيت وسد الباب نزلني وحجه بهدوء مرعب خله گلبي يرجف

دائب: تشردين موو وتر 

وتر: مريض مختللل

رجع عليه خنگني رفعني من الارض بقيت واگفه على اطراف اصابعي وبس دموعي تنزل حجه صاك على اسنانه

دائب: تلعبين وياي هسه اشوفج اللعب على أصوله

دفعته حيل ووخرته مني نزلت على الارض اگح واخذ نفس بكل قوتي حسيت بنفسي اختنگت

وتر: عوفني اطلع ليش خاطفنييي ليششش

دائب: انتييي ماتفهمييننن بابا كلششيي جاييي يصير المصلحتججج افهمي يابشررر افهمي

وتر: معليك انت انا اريد انطي كليتيييي الاختي اريد اطلع منا اختي راحح تموتتت يعالم اختي

سحبني من ايدي گومني يهز بيه ويحجي

دائب: ماعندج اخت ماعندج يضحكون عليج

ماگدرت اتحمل اكثر من هيج تفيت بوجه مسحها بكف ايده وابتسم ببرود كلها لحظات ونرفعت من الارض شالني على كتفه توجه بيه للغرفة راح صوتي من الصياح وگلبي تعب من الخوف

شمرني على الجربايه وجاب الحبل طبگه وهو يحجي

دائب: انتي ماتجين بالعيني واغاتي الا بهاي الطريقة الظاهر

ردت گوم ماخلاني ثبتني گوه ولزگ حلگي ورجع ربطني وطلع

بقيت على هاي الحلة لليل يمكن لان هواي مر وقت وانا هيج وبس ابجي

انفتح الباب ودخل جاب كرسي خلا گبالي وحجه

دائب: ايي ست وتر شتردين هسه

تحركت فتح حلگي حجيت

وتر: افتحنييي

دائب: ادري بيج ماتقصدين مافتحج بابا

وتر: افتححح ادييههه حرام ابقى گدامك هييججج والله مايجوز انا محجبه وانتتت غريييب

جنت بلا حجاب والثوب الابسته مرفوع يادوب تغطيني وهو مامنتبه الحدما نزل انظارة ناحية رجليه اباوع بقى نظره شاخص عليهن تحركت ابجي وحجي

وتر: لا تباوع لااا تباوععع

مسح على وجه ياخذ نفس بحيل صدره عافني وطلع بسرعة ورى شويه رجع دخل فتحني وحجه

دائب: خوش حظري روحج بالليل نعقد

ويا كلمته حسيته انطاني طعنة بگلبي عبالك ضربني طلقة ماگال نعقد

وتر: انت تخبلت انت شنووو من بشر شتريد منيي شتريد

دائب: لا تخليني اغير كل الخطط البراسي هسه وتشوفين شي عمرج كله ماشايفته افتهمتييي

وتر: لو تموتت لو تبقى بس انت ماسوي هذا الشي ماريدك رجعني الاهلي

دائب: بالليل يجي واحد يعقدلنا

اجت فكرة ببالي سكتت بسرعة حجه وكأنه قراني

دائب: لا عبالج من يجي تستنجدين بي لان ياوتر وحق الخلقج وخلقني وخل الكائنات يكون هذا اليوم هو اخر يوم بحياتج

وتر: وانا مسعدة ادفع حياتي كلها والبالك مايصير

هز راسة بوعيد عافني وطلع تخبلت بقيت ادگ والطم متت مدري شسوي بروحي

ورا كم ساعة رجع دخل وانا گعدت بالزاية لميت روحي وجسمي كله يرجف بخوف

دائب: گومي يلا

وتر: لو تذبحني هنا ماتحرك

جرني من شعري حيل غمضت عيوني ودوعي صارت تنزل

دائب: گوميي گلت

ردت اصرخ بسرعة سد حلگي وحجه

دائب: نفس واحد ابوج حكيم العار الخابصتني بي يصير بعداد الموتى

فتحت عيوني حيل مصدمة بكلامها هزيت راسي برفض ودموعي صارت تنزل

دائب: راح اشيل ايدي نفس ماريد اسمج مفهوومم

سكتت وبعد ايده بحذر طلع نقاله وحجه

دائب: وهاي حتى تصدگين

حجاها وشمر النقال عليه شفت صورة بابا وواحد لازم المسدس على راسه تخبلت ردت احجي خله ايده على حلگه بمعني اسكتي

خليت اديه على حلگي واحجي بصوت مخنوگ

وتر: شسويتله شسوويتلههه

دائب: بعدني كلشي مامسوي القارار بيدج بنيتي

وتر: شتريد اسوي

دائب: كلشي اگوله تطبقينه بالحرف الواحد واول شي هسه تگومين مثل الشاطرة تغسلين وجهج الحلو وتصعدين للغرفة الفوگ توكفين ورا الباب يلا

وتر: كلشي اسوي والله كلشي بس تعوف ابوي وماتأذي

دائب: كتلج واذا سمعتي كلامي حتى صوته اخليج تسمعين

عافني وطلع كمت اسحل بروحي بجيت لطمت خليت راسي بالمخده صرخت الحد ما مليت صرخات مكتومة حتى لا يسمعني ويأذي بابا ، دخلت غسلت وجهي وطلعت من الغرفة لگيته منتظرني بالباب سحبني بقوة من ايدي ودخلني للغرفة وسد الباب

ورى شويه سمعت صوت اصوات طالعة تخشبت من الخوف والرهبة وكمت لزگت اذني على الباب اسمع صوت غريب يگله

- اخذنه موافقة الوالد وهسه ناخذ موافقة البنت

صفنت افكر شنو موافقة الوالد وينه هو الوالد ماخليت ببالي الرهبة البگلبي ماخلتني اركز على شي افتح الباب ابتعد بسرعة عن الباب مد راسه واني باوعتله بنظرات تتوسل ماهتم وهمس

دائب: جربي ترفضين وشوفي شيصير

مسحت دموعي وحجيت بلا ما اباوعلة من الرعب عمري ماباوعت بوجه

طلع وعاف الباب شويه مفتوح بدأ الشيخ يحجي نصدمت بالمبالغ الگالها مبالغ خيالية وكلش عالية كمل العقد

ورا شويه دخل عليه بسرعة فزيت باوعلي من فوك الي جوه وحجه

دائب: يلا ريحتج من هم الحرام وحرام ست وتر

وتر: اذا تقربت مني والله اموت نفسي

هز ايده ماعاجبه وحجه

دائب: ماميت عليج بعدج بطول زري

وتر: مريضض انت روح تعالج

دائب: بدون كلام تبقين بهاي الغرفة بعد نفس ماريد اسمعلج

حجيت بخوف

وتر: لا لا انزل للغرفة الجوه

دائب: انا شگلتتت

سكتت وبس دموعي تنزل طلع وهو يحجي بستهزاء

دائب: مبروك يا عروسة هه

بقت ساكتة خاف احجي ويأذي اهلي هذا مبين مايهدد كبل ينفذ ....

❛❛❛❛

رميم"

هاي الايام المرت كلها خيال ماتنام يمي وانا مستغله الوضع الليل كله مخليه باتر بأذني واسولف بأذنه وهو هم تعود على هالوضع وحتى صار مايفارگني يريدني طول الوكت ويا واسولفله شسوين ووين رحت ومنين اجيت

زلت من الدرج صارت گبالي حكمة حجت بنفس مگطوع تعض على اصبعها

حكمة: اخخخ من خويله ام راسسس يابس

رميم: شبيها ليش معصبة حكومتي

حكمة: خيبه شلعت گلبي على ما تجيتها و وكفتها على العكاز توسلت بيها خيبه خلي يشيلج ماترضه

رميم: غير تصيحين عليه ليش تشلعين گلبج

حجيتها ودخلت للمطبخ شفتها گاعدة وكالعادة الحاسبة گبالها تشتغل بيها بوستها باوعتلي وگالت

خيال: اليوم گاعدة من وكت

رميم: الساعة 9 وين الوكت

دخل يمان يحجي بالنقال وصاير عصبي يفور

يمان: انت زمااللل اكله رحت وعلى نص الدرب رديت

باوع الخيال بخزرة وكأنه يلومها ورجع گال

يمان: فرات انت تروح الولد شغلة كلها تمدح بي وهم محد يعرفة هنا يعني احسن حل حتى نفكهن هو هذا

بقى يحجي شويه وسده حجت

خيال: شناوي تسوي

يمان: لا تدخلين بشغلي خليج خارج قوس

رميم: واضحة نسيبي يريد يجيب مهكر او شخص يعرف بسوالف شفرات من بغداد حتى محد يعرفه هنا

يمان: هاي الناس التفتهم مو مثل بعض العالم حواوين

خيال: انت حواوين

حكمة: صبحنا واصبح الملك لله فتحنا اول عركة لليوم

خيال: خاله مشوفين الفاظه

يمان: بس انتي من تغلطين محد يحجي على الفاظج

حكمة: ولكم بسسس ريگي نشف من وراكم ، رميم انطيني ماي اخذ حباية الضغط راح يصعدونه من ورى عمايلهم

خيال: من ورا عمايل الحواوين

اباوع عليه ضحك شمرلها بوسه عافنا وطلع وهيج مر اليوم عادي بين عرك يمان وخيال الي مايتگابلون وخيال گاعدة بالبيت

لليل صعدت للغرفة اول ما صارت الساعة 12 موقت ادري بي يتصل جاوبته حجه بحسره

باتر: هسه بلا شبيه انا جني مراهق ينتظر صاحبة وگاعد انتظر الساعة شوكت تصير 12

رميم: يعني هذا اعتراف انت جنت منتظرني

باتر: ايي سيراميك مكة انگطع گلبي على ما صارت الساعة 12 وتصلت عليج

رميم: طول اليوم نتراسل شوكت لحگت تشتاقلي

باتر: ماگدر انام الا اسمع صوتج

گمت وتمددت على الجرباية وبقيت احجيله كلشي مر بيومي

باتر: هاي هي هو هذا يومج

رميم: لا هواي حجي

باتر: مشتاق اشوفج

رميم: لا لا ماگدر اطلع وخاصة هالفترة اخوي المسافر يمنا ماگدر اتحرك

باتر: مشكلتج دبري روحج اذا ماكو اجي البيتكم

عدلت گعدتي وحجيت بخوف احس گلبي صار مثل الطبل بأذني

رميم: ووو وين تجي البيتنا لا باتر دير بالك

باتر: جاا طلعي اشوفج حتى اذا من بعيد يلا ريمه گولي اي لا تكسرين واهسي

رميم: ماگدر وانت دير بالك توصل البيتنا

باتر: باجر من الصبح تلگيني بالباب

رميم: حتى بعد من صدگ تحلم تشوفني بعمرك انت ماتخاف عليه من اخواني يعني

باتر: انهجم بيتج بالحية طلعتي تخافين

رميم: شنو قصدك يعني اني تايها وماعندي اهل يخافون عليه هيج انا بنظرك

باتر: لا تحورين كلامي قصدت انتي حية وقويه محد يگدرلج

بتسمت وحجيت بفخر

رميم: حتى انت ماتگدرلي

باتر: ووگعت على وجهي هم يا ست زيرو ثري دوت زيرو ثري

رميم: هسه دير بالك تجي باجر

باتر: اهووو زين عندي حل حتى اشوفج افتحي كام

رميم: لا عاد لهنا .....

ردت اكمل قاطعني بصياح

باتر: لا يروح بالج بعيييد هووو اقصد فتحي كام اشوفج وسدي بسرعة واذا ماتقبلين باجر اگعد ببابكم واگعد اصير مثل صاحبي الله يذكره بالخير

رميم: منو صاحبك

باتر: واحد خبل بس اموت عليه المهم يلا روح گلبي شوفيني عيونج شوو وينهن عليج سيراميك مكة

ضحكت بصوت وحجيت

رميم: حلفتني بحلفانك الماكو منه بس بسرعة اسده مااطول

باتر: ميخالف

كمت طفت الضوه وخليت الاضاءه خافته كلش حتى مايبين شي من الغرفة خاف كلشي يصير وگعدت على مكتب خيال المسويته للشغل وفتحت كام خليته على وجهي وهو هم فتح كام جان متمدد ولابس فقط كيمونه بيده جگارة يباوعلي بتركيز اخذ نفس وحجه 

باتر: دخيل الله شلون خلقة

رميم: لا تتغزل حرام

باتر: ولا تگعد علوية رميم بنت الساده

رميم: شبيك غير حرام وبعدين احنا مجرد اصدقاء شكو بعد

غمني وسد الكامره مالته وحجه

باتر: سديها سديها ماريد بعد

سديتها وحجيت

رميم: بعد احسن اوويي

بقيت احجي ويا الحدما سمعت صوت انفاسه ونام بالمكالمة ومو بس هيج حتى اول مايگعد الصبح يتصل عليه وطول اليوم وحتى هو يگول انا بالشغل يكتبلي

غلقته منه وانا احس بالانتصار بدأ يوگع اريد بعد اكثر واكثر

نزلت اريد اتطمن على خيال هي جانت كاعده بالمطبخ وكالت من اتصل عليج نزليلي حتى ارجعها للغرفة سمعت اصواتهم طالعة هي ويمان من المطبخ رجعت صعدت لان ادري بي هسه يشيلها غصب عليه وياخذها للغرفة

❛❛❛❛

خيال"

جنت گاعدة بالمطبخ نتراسل انا وياسين ويسولفلي ان راح يوصل للشفره خلال هاي الايام

دخل يمان باوعلي وحجه

يمان: شمگعدك بالظلمة خليلي

خيال: لا تدخل

يمان: اذا بيك ماتدخل جا بمنو ادخل

تفست بغضب ردت اگوم سحب العكازات ووگعهم بالگاع صحت بي

خيال: انت شبيك متخلف انطينياهم اريد اگوم

يمان: اشيلك انا حبيبي

خيال: اذا مديت ايدك ولمستني اكسرها

يمان: جا ابقي اليوم هنا بالمطبخ نامي

سندت نفسي على الميز والحايط وكمت وانا رافعة رجلي وحجيت بعصبيه

خيال: يمان لا تخلي صوتي يطلع انطينياهم اريد اروح الغرفتي

استغل وضعي وتقرب مني حاوط خصري بديه ولزگ بيه تخبلت وماگدر اتحرك رجلي تموتني من الالم

خيال: اتعد منيي يماانن

صار يبوس بخدي وحجي

يمان: اموت على اسمي بصوتج من تگولينه تفززين گلبي

دفعته من صدره اريده ايبتعد ماكو

خيال: راح اصرخ والله

يمان: اسكتج ببوسه

خيال: دير بالك تسويها احرگك وانت عايش

اتقرب مني خله انفه على خدي غمضت عيوني وجسمي صاير يرجف بين اديه همس

يمان: جا مو ماترديني جا ليش كزبرتي وشعلتيني

خيال: انت ماتجي بالاسلوب ادري بيك

يمان: اجي بالحنية

خيال: هسه اعلمك الحنية تدلل

حجيتها وخليت راسي برگبته وعضيته حيل وهو كلشي مايسوي غير يسحبني عليه اكثر فوخت گلبي ووخرت سند رأسه على راسي ويحجي بصوت ذايب

يمان: اووفف ريت كل عقاب بالدنيا هيج

خيال: تستاهل

اتقرب عليه اكثر حجيت

خيال: يمان عوفني ماگدر اتحرك

يمان: اريدك خليل گلبي

خيال: ماريدك

يمان: احبج

خيال: اكرهك كره العمى

رفع راسه يباوع بوجهي يعدل بشعري ويحجي

يمان: صدك خليلي

بقيت صافنه عليه وگلبي يرجف احس من يدك يحس بي لان حاضني حيل كل قوته وهو نظراته تتوزع من عيوني الحلگي الملامح وجهي

ردت احجي بلا سابق انذار سندني على الحايط سكتني ببوسه عميقه صرت ادفع بي واحرك براسي اريده يبتعد ماكو گوه دفعته من عندي وابتعد بس بعده لازمني حتى ما اوگع مسحت حلگي بقهر وحجيت بدموع وصياح

خيال: هاييي شسوويتتت انتتت منو سمحلك تتعدى حدودك ويااييي

يمان: اهدي

ماگدرت اتحمل ضربته راشدي حيل بحرگة صرت اضرب بي حيل واعيط بكل صوتي نزلن رميم وحكمة من فوك يركضن

رميم: اسم الله شكو

حكمة: شبيج خويله ولكم شصاير

خيال: رميم تعاي سنديني

دفعته حيل ورميم تقربت انطتني العكاز وسندتني طلعتني من المطبخ هو بقى ساكت صافن عليه التفتت عليه وحجيت

خيال: اخر مره تتعدى حدودك وياي المره الثانية اسوي شي مايعجبك

يمان: ميخالف حبيبي المهم ريحت گلبي وانت هم

تنفست بغضب عفتهم وطلعنا وهو بقى يحجي ويا حكمة البقت تلوم بي وهي ماتعرف شنو السالفة دخلتني رميم وخلتني على فراشي

بقيت افرفح كل ماتذكر السوى وهي تهدي بيه وتحاول تخليني انام الحدما غفيت وهي تسولف وتلعب بشعري...

رميم"

عفت خيال نايمة وطلعت باوعت من الشباك شفته كالعادة گاعد برا يدخن هاي يوميه هيج وجه الصبح يلا يدخل جوه عفته وصعدت للغرفه شمرت نفسي على السرير وبسرعة نمت لان مسطورة

كعدت الصبح على تليفوني الي يدك ولح بالدگ وحده مكالمة ورا مكالمة جريته وجاوبت اجاني صوت باتر يحجي

باتر: رميم ابوج ضابط بالاسخبارات

بسرعة فزيت بشهگه وحجيت

رميم: هااا ؟؟!

   يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بارت اليوم ضريف استعدادا للمصايب القادمة 🦦💔

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات ♥️

متابعة ممتعة🦋

#تاروت

البارت «18»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

شگد حلوين حتى بيوم الفراك ،

"گتلها احبچ وافترگنا".

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بسرعة فزيت بشهگه وحجيت

رميم: هااا ؟؟!

باتر: وعلا سألتج سؤال واضح ابوج ضابط بالاسخبارات

رميم: وهسه شنو تريد

باتر: اريد جواب اي لو لا

احتاريت مدري شگله بعد تفكير دام ثواني معدودة جليت صوتي وگلت بتردد

رميم: لا

باتر: على منو تضحكين سألت على البيت الي رجعتيله اول مره من طلعنا وعرفت كلشي

رميم: ومنو گلك هذا بيتنا

باتر: يعني

رميم: هو تحقيق ترى مو بيتنا ببيت صديقتي وبيتنا بنفس المنطقة ، وانا بهذاك اليوم مريت عليها لان طلعت وياك من المعهد قابل شتريد اگول الاهلي غير جنت يم صديقتي

باتر: والجذاب

رميم: الله خلي يجازي شعلينا

بقى ساكت سويت روحي زعلت وحجيت بنزعاج

رميم: وانت شنو تراقبني

باتر: غير اريد اعرفج منو انتي

رميم: ليش تحسسني راكضة وراك ياخي من البداية اذا ممرتاح كلتلك انا انسحب ولا اعرفك ولا تعرفني

باتر: وبهاي السهولة !

حجاها بتعجب جاوبته اتصنعت البرود

رميم: أسهل من شربة المي ترى احنا ما بينا شي مجرد اصدقاء حجيت وياك صدفة وتطورت الامور

باتر: ياهو يگدرلج يالحية

رميم: صير عاقل حتى لا تلدغك

باتر: وسيراميك مكة هسه تطلعين مشتغلتني على البارد

رميم: شتقصد

باتر: سمج حاد

رميم: ازيدلك الجرعة

باتر: تردين تموتيني

رميم: لا اعوفك مشلول وگاعد بينك وبين الموت شعراية

باتر: قوية بس خاف يجي يوم وتنكسرين

رميم: انا مثل الجام حتى اليكسرني اجرحه

باتر: فلش لسانج الكلشي عدها جواب

رميم: هسه انت مگعدني من النوم هي هاي سالفتك

باتر: غير خرطت العافية حسبالي صدك ابوج ضابط بالاسخبارات

رميم: لا لتخاف

باتر: خاف عليج انا مايگدرلي

رميم: اهووو ولا يستقر بروسلي زمانه

ضحك بوصت عالي

باتر: شحلاتهن سوالفج انطيني بوسه

رميم: الحية من تبوس شسوي

باتر: تلدغ

رميم: حاب تجرب

باتر: اذا منج ايي كلشش

حسيت السالفة بدأت تمصخ ويصير بيها اشياء مو تمام غيرت الموضوع وحجيت

رميم: امي تصيح عليه لازم انزل هسه بعدين نحجي

باتر: شردتي بس موضوع بيتكم نرجع نحجي بي لا عبالج

رميم: مثل ماگلتلك واذا ما مصدك بعد لا تحجي وياي

باتر: خوش اخذي راحتج يصير خير

حجاها بطرقة يتوعدلي بيها ما لحيت بالموضوع وبقيت اقنع بي سويت نفسي عادي ماهتميت ودعته وغلقته من عنده غسلت وجهي وصليت ، نزلت جوة لگيت بس حكمة كاعدة هيج وكت

بستها وحجيت

رميم: صباح الخير

حكمة: هلا بهالخير شو اليوم من الصبح

رميم: اتصال مزعج گعدني وطارت النومة

حكمة: ياسربوت هذا اليدگ من الصبح

ضحكت

رميم: صديقتي

حجيتها واتقدمت وكفت يم الشباك شفت يمان برا وصوته طالع يحجي بالنقال ويصيح انتبهت على حكمة تحجي

حكمة: مدري شماله من الصبح هايج علينا اليوم

رميم: مزعوج من سالفة البارحة يمكن

حكمة: شني اول مره يتعاركون

سكتت ماجاوبت اعرف البارحة العركة مالتهم غير وخيال كلش اذته بحيث من نزلت وشفته بوكتها جانن عيونه حمم ويضغط على ايده حتى يخفي رجفته ورجفه صوته

صح زعلانة منه لان وكف ويا اخو بس نقهرت عليه ومايهون عليه يتاذى  ، كل شخص بينا اله أسباب معينة تدفعة ان يقدم على فعل عمل ما كل واحد وظروفة بس بالنهاية لازم يضحي ويتنازل ويمان اعرف بي يريد يربح المعركة بس مايخسر الطرفين وهالشي مستحيل ...

❛❛❛❛

يمان: هذا بعد ماينلزم وانتم ماعليكم الاعتماد عوفوها عليه انا احلها

شرحبيل: ياخي ماينلزم مدري وين يختفي فص ملح ويذوب

يمان: شيل ايدك منه بعد انا اتصرف صار وكت اتدخل دام فرغت شوية

سديته منه بقيت محتار وين الگه الشاهين ماخليت مكان من الممكن يتواجد بيهن ما دورت بي عليه ، اتصلت على باتر

باتر: شعجب ذاكرني من الصبح

يمان: يا يوم ناسيك انا گـ****

باتر: ابد بس مكابل ست الحسن وگاعد وين تنساني بعد حتى ردت اجيك

يمان: باتر خليك بعيد عن بيت حكمة بس اسمع بيك واصل لو مدور وراي ماتلوم الا روحك

باتر: هووو لا تهدد اصلا مااوصل مو بحالكم انا

يمان: عوفنا من سوالف هسه واريدكم بالمستودع

باتر: منو احنا هو صفيتلك بس انا وسيراميك مكة

يمان: اتصل بدائب خلي يجي

باتر: مايجي صار اسبوع ماشايفة اتصل عليه يكول عنده شغل ومايكدر يطلع بالليل

يمان: روحله للبيت

باتر: ماموجود ببيته

صحت بي بعصبيه

يمان: يعننني وين راح انا طالع للمستودع الگاكم ثنينكم گدامي

باتر: وهرش ليش تصيح عليه

يمان: بدون لغوة باتر اريدكم ثنينكم

باتر: بس انا الموجود دبر روحك بيه لو مشتاق الدودي

سديته منه بعد مايست ماراح يحرگ ساكن ، دخلت بدلت ملابسي صعدت سيارتي وطلعت رحت البيت دائب ماكو احد محد فتحلي رحت عندة شقة بغير منطقة نفس الحاله ماكو اتصلت عليه مايجاوب ، اخر شي قررت اروح للبستان اكيد گاعد بهذاك البيت

اول ما وگفت السيارة گبال البيت طلعلي حتى قبل لا اوصل يم الباب

يمان: اليريدك وين يلگاك

دائب: يتعنالي

يمان: انا تعنيت

دائب: انت بس بوكت مصلحتك تتعنه يوم الاحتاجك انا تغط غطة شلش الچنگال

ضحكت لزمته من ياخته وحجيت

يمان: مشتاقلك يول

رفع حاجبه يحجي

دائب: غير انت ماتحجي وياي علمود صمد العار

ضربني على جتفي يحجي

دائب: يول انت صاحي مخبل احد يسوي سوايتك بله تعوفني كل هاي المدة بله شگالتلك روحك

سحبته حضنته حيل احس روحي مفرفح عليه

يمان: وين عايفك عيني عليك من بعيد لبعيد اخوي الصغير انت

دائب: ياصغير صرت ثلاثيني جاد

يمان: على هالحسبه راح اصير اربعيني انا

ضحكنا ورجع حضني ساعة يعاتب ساعة يغلط ويفشر

يمان: عوف مشاعرك المعوقة اريدكم بالمستودع هذا الشاهين ورا سالفة لازم نجيبة

دائب: الشاهين صاف ويا جماعة جمجمة ويشتغل بجانب عين الضبع بعد ماكتلت القرش هو تعارك ويا نضال مدري شنو السبب صارت بينهم مشكلة جبيرة كلش

يمان: المهم نندل مكانه تعال بالليل للمستودع

دائب: ماگدر اطلع بالليل

يمان: ليش شعندك

دائب: ماكو شي بس ماگدر

باوعت للبيت وحجيت

يمان: دائب شمسوي هالمرة

دائب: شبيك روح گدامي هسه للمستودع وانا الحگك بعدين نحجي

يمان: خوش ساعة والگاك هنا

عفته وطلعت ...

❛❛❛❛

جنت نايمة كالعادة البارحة تعبت من البچي الصياح وغفيت من وحدي على الأرض اگعد الصبح اشوف نفسي نايمه على الجرباية ومتغطية

سمعت الباب انفتح بسرعة فزيت اتقرب مني يحجي

دائب: صح النوم ليش گعدتي بابا ارجعي نامي

حجاها وتوجه للكنتور يطلع ملابس ويحجي

دائب: راح اطلع فد ساعتين وارجع مو تخافين

گلبي نبض حيل من گال هيج واخيرا راح يطلع فكرت لازم اسوي شي باوع عليه وگال

دائب: اول صباح يمر علينا بلا بچي وصريخ جيد تطور ملحوظ واصلي

هو يحجي وانا بس ساكتة افكر من يطلع شگدر اسوي حتى اطلع منا واشرد

دائب: تسمعيني شويه وارجع لا تخافين

اومأت بقبول عگد حواجبه مستغرب ردت فعلي الهادئة رفعت راسي انتبهت عليه نازع تشيرته ونطيني ظهره يدور بالملابس فزيت احجي

وتر: اطلع برا بدل انت شلون تسوي هيج

باوعلي مصدوم حجه

دائب: شمسوي ولج

وتر: تنزع تشيرتك گدامي متستحيي

دائب: حلالج بنيتي

كلبي فار من القهر هميت ردت اطلع من الغرفة حجه

دائب: لو نازع لب**ي شسوين

ردت اتخربط من الخوف خزرته وحجيت

وتر: سخيف

حجيتها وطلعت ركض صاح وراي

دائب: من ارجع اعلمج ادبسيز

دخلت الحمام وسديته عليه ورى شويه دك الباب وحجه

دائب: انا طالع صيري عاقلة واذا حاولتي تشردين تتعاقبين

بعدها سمعت صوت باب البيت انطبك يعني طلع ، طلعت من الحمام ركضت للشباك اباوع عليه لبس نظارته صعد بسيارته وراح

باوعت الشباك مينفتح ملحوم لحيم واكيد الباب مقفول احتاريت شسوي اتوجهت للباب حاولت افتحه منفتح

بقيت افتر وادور بالبيت ودموعي تنزل رفعت راسي ادعي وارجف وابجي بعبرة وخوف

وتر: ربي بعزتك وجلالك واكرامك خلصني من هذا الغول الي اقتحم حياتي فجأة يارب العالمين ماعندي غيرك خلصني من هوسه اريد اهلي حتى اذا موزينين اريد ارجع الحياتي قبل حتى اذا جانت مملة ماريد ابقى محبوسة هنا ربي فدوة الاسمك

جنت ادعي بصوت عالي وادور بالبيت صعدت فوك اشوف الغرف كلها فارغة وتخوف

دموعي ينزلن يجون خدي احس حتى گلبي يوجعني اريد اطلع باي وسيلة مستعدة ادفع عمري كله ولا ابقى ببيت الرعب هذا

دخلت الغرفة من الغرف وتصنمت بمكاني من شفت صورتي لوحة كبيرة مرسومة بالرصاص والي خلاني استغرب اكثر هي الرموز المكتوبة على وجهي وتحديدا على شفتي مكتوب D.w.17

اتقربت يم اللوحة ارجف بقيت صافنة عليها

وتر: هاي اني شوكت رسمني يربي منو هالشخص شيريد ليش راسمني ليش خلص سنين هو وراي واشوفه بكل مكان

مالگيت جواب التساؤلاتي عفت الغرفة ونزل للمطبخ اخذت سجين وصعدت ركض من حرگة گلبي كلها شگگتها واني ابجي وارجف نزلت جوه حاولت افتح الباب بالسجين حاولت اكسر قفل ماخليت شي ماسويته ماكو بلا فائدة

اخر شي مليت وأيست ركضت للشباك اضرب بي واصيح بجزع وابجي

وتر: بااابااااا تعال طلعنيي وين عايفيينيي ساعـــدوني

تهسترت من فقدت الامل بالطلعة صرت افرفرح من البجي ملخت نفسي اريد جواب منطقي اريد حل اريد واحد يريح گلبي ويگلي ليش انا هنا ماكو

گعدت بالزارية وبقيت ابجي بخوف وترقب للي راح يصير

❛❛❛❛

يمان: دائب راح يصير تواصلك ويا الشاهين انت تعرف جماعته

دائب: اعرفهم بس ترى مو سهلين ابد ينراد خطة جمجمة وربعة ماينغلبون

باتر: يگدرون للرهبان انا اروحلكم وحدي انتم خليكم هيج

دائب: هي مو شغلة بطولة وجمبزة اذا نريد كلشي يصير تمام لازم نمشي حسب خطة معينة مثل كل مرة

يمان: وضيف ان الشاهين المحتمي بيهم عصابة كاملة

حجيتها وانتبهت على باتر احنا نحجي ونخطط وهو عيونه بالنقال يكتب صحت بي

يمان: عوف الزفت وانتبة هنا

باتر: وسيراميك مكة ماتسوه كل هالتخطيط بس گلولي المكان وين وانا اسحله واجيبه

كامله دائب دمغه وحجه

دائب: اي دماغ سيز جا احنا المن نخطط غير مانعرف مكانه

باتر: ماكو دماغ سز غيرك

ضربه على راسه وحجه

دائب: هو انت شايلين عقلك ومخليلك طوبه گريگر

دفعة يحجي

باتر: غير يسكت ابو عقل الجبير

دائب: احسن من عقلك الفارغ

هزيت ايدي احجي

يمان: عود نلزم شاهين بهاي سوالفكم تفلوا بوجهي اذا صدك

باتر: لا تصير عصبي تعال امطگ بيك على گوله حكومتي

دائب: لعبت روحي

باتر: اووييي دئوبتيييههه الناسك احوبك

گام دائب وحجه

دائب: انا اروح هذا ماناخذ منه لا حگ ولا باطل من تتفقون رجعولي خبر

وكفته ماخليته يروح وهو يصيح

باتر: گوه گوه مو برضاتك دوووددييييه

يمان: تشتغلون عدل لو اشتغل وحدي

باتر: نفسيات والحمزة سكتنا يلا غرد

يمان: الشاهين يعرف بالمشكلة الصارت بيني وبين دائب ودائب عندة علاقة بالجمجمة

باتر: حتى انا اعرفه وانت هم علاقتك زينه بي

يمان: بس مو مثل دائب من يتصل عليه ويگله اريد رقم الشاهين وهذاك نغل يريد اي شي حتى يطيحني ويعرف بدائب عنده عداوة وياي

دائب: و الشاهين راح يوگع بهاي السهولة

يمان: هو غبي بكلشي يوگع اذا عافوا ربعه وانا اعتمد عليك

طلع نقاله يدور بي ويحجي

دائب: نجرب هسه اتصل على جمجمة ونشوف

اتصل علية وفتح مايك جاوبه

جمجمة: تفضل

دائب: فؤاد جمجمة

جمجمة: وصلت

دائب: انا دائب سابقًا جنت ويا الرهبان

رحب بس وصار بينهم سلام حار بعدها حجه

جمجمة: أأمرني

دائب: اريد رقم الشاهين انا سمعت بي عاف يمان وأخو وانا هسه محتاجة

جمجمة: ها راح تلتافون عليهم مبين هواي تحبهم

دائب: كلش احبهم بنص روحي هم

ضحك بضحكة مستفزة وحجه

جمجمة: انا شمدريني ماتريد تسلم الشاهين الهم

دائب: انطيني عنوان وانا اجيكم بطرگ روحي ونتفاهم

جمجمة: خوش فكرة 

بس سده دزله العنوان گام وحجه

دائب: اروحله هسه

يمان: نطلع وراك

دائب: لا خليكم بعيدين خلي نشتغله على البارد شويه ويثق بيه وراها نبدي نشتغل لا تستعجل

اباوع الباتر تليفونه دگ عافنا وكام يحجي

باتر: صار عندي شغل بعدين اجيكم

صحت ورا ماسمع مني خله تليفونه على اذنه وطلع باوعلي دائب عاگد حواجبه يحجي

دائب: غريب امره من اول ماگعدنا هو عينه بالتليفون

سويت حركة مادري وطلعنا ورا اتفقت ويا دائب شيصير ويا يخبرني صعدت سيارتي رايح البيت فرات اشوف الولد الجابه حتى يفك الشفرات اسمه او يلقب جوكر

صفنت وتذكرت كلام دائب على باتر معقوله خاف البالي صحيح بس هو مايعرف بخيال عدها اخت وانا اصلا خافي الموضوع عليه ماستبعدت الموضوع ولازم ارجع اتأكد

مريت الفرات والجوكر گلي لازم يشوف الهكر الثاني الي شتغل على الملفات حتى ياخذ معلومات منه

ابتعدت منهم واتصلت عليها جاوبتني

خيال: خير

يمان: انتي الخير

خيال: شكو متصل 

يمان: اريدج بموضوع

خيال: اعتقد ماكو مواضيع بينا

يمان: لا تستغبين واسمعي مني خلي نتعاون ونكشف الحقيقة

خيال: الحقيقة واضحة بس انت ما شفتها اخوك المجرم

يمان: صدگيني كلشي ماعرف حالي من حالج لهذا خلينا نتساعد ونكشفها

خيال: بس بشرط مهما كانت الحقيقة مراح اسامحك

يمان: قابل بس تعاوني وياي

خيال: المطلوب

يمان: اتصلي بالولد الرحتيله ياسين اعتقد وخلي يجي للبيت انا هم راح اجيب الهكر واجي

اتفقنا غلقته منها اخذت الولد ورجعت للبيت لگيت ياسين موجود تعرفوا على بعض وبدأوا يشتغلون الي لفتني كلام ياسين يحجي ويا الجوكر يگله

ياسين: حليت بعض الكلمات من اول صفحة وعرفت شلون تنقري

جوكر: واضحة لان من بين كل الاحرف والأرقام المخربطة ماتكدر تطلع جمل غير من الحرف الثالث من الكلمة الاولى تدمجة مع حرف قبل الحرف الاخير من الجملة التالية التربطهم وبهيج من هاي الهوسه كلها راح تطلع جملة وحدة فقط

( عيد رأس السنة جريمة قتل الرهبان ) وبعدها مذكور اسم خيال

استغربت الجملة وربطتها ويا جريمة قتل اهل خيال وحسيتها مفتاح انتبهت الصوت الجركر يحجي وياي

جركر: زين انتم ليش ماتقدمون الملفات للشرطة

ياسين: ماتعبوا نفسهم ولا حاولوا يفتحون الشفرات اصلا مايگدرون

فرات: زين اذا الشفرة خاصة محد يگدر يفتحها

جوكر: تنفتح بس يرادلها شغل دام فتحنا الشفرة الاولى وستخرجنا منها كلام

ياسين: بس يبقى السؤال الكلام شنو معنى

يمان: اله معنى ونعرفه اذا فتحنا جزء من الباقي

ياسين: ان شاء الله خير نشتغل ونشوف

اتفقوا بينهم وطلعوا وراهم بدقايق اتصل بيه دائب اول مافتحت خط گال

دائب: ماتجيبها غير زلامها ابو صگار

يمان: يعني

دائب: يعني صاحبك الشاهين الطاير الليلة يحط على الميناء وتحديدا رصيف هياكل اليوم هو يمهم عدهم بضاعة تگدر تصيده من يرجع

يمان: وانت وين

حمحم وحجه

دائب: ماكدر اطلع بالليل واعوف البيت بنيتي تخاف

يمان: منو بنيتك بس لا سويتها صدگ واخذت البنية من اهلها

دائب: مااخذتها باوعها الي مثل ماشتروها

يمان: دائب بدون خبال

دائب: بعدين نحجي وصلت هسه ومثل ماگلتلك الليلة اذا تأجلت بعد مانگدر نصيدة

سده مني وراح وانا جهزت روحي لليل انا وفرات وباتر هو ماقبل يجي

❛❛❛❛

وتر"

طلع من الصبح للظهر يلا رجع وانا بعدني على نفس گعدتي بالزاوية وضامة وجهي بين ركباتي ارجف بخوف من السويته البيت هوسه اللوحة الفوگ شگگتها من حرگه گلبي وخاف يعرف حاولت اشرد

انفتح الباب ودخل وانا گلبي انقبض حسيت ملك الموت دخل علية نرعبت وخايفة من ردة فعله حسيت بي تقرب يمي حجه

دائب: ليش گاعدة هنا

ماجاوبتة صاح بيه فزيت

دائب: جاايي اگول ليش گاعدة هنااا

رفعت راسي وحجيت بشهگه

وتر: حباب كلشي لا تسويلي والله انا ما سويت شي

قرفص گدامي ميل رگبته يباوع بوجهي ماكدرت اباوع احسه وحش رغم وسامة ملامحة يتهيألي غير كائن مو بشر ماكدر اباوع بعيونه حتى

رفع راسي بيده مسح على خدي وحجه بهدوء يخوف

دائب: حاولتي تشردين بس ماگدرتي

دموعي صارت تنزل اكثر رجع حجه بنفس الهدوء المخيف

دائب: اعترفي واسامحج

هزيت راسي بـ اي وصرت ابجي بصوت عالي زدت بالبجي من عصر فكي بيده وحجه

دائب: وبعد شمسويه

ماگدرت احجي طلع تليفونه يباوع بي گعد على التخم ورث جگارة وحجه

دائب: هسه نشوف شمسوية

رفعت راسي اباوع عليه وحجيت

وتر: رجعني الاهلي اريدهم ماريدك رجعنيي

دائب: ليش صاعدة فوك شسويتي

كمت صرت گدامه وحجيت بدموع

وتر: انت ماتفهم اريد بابا رجعني اله

دائب: ماعندج بابا بس انا

وتر: وين اهلييي وين

دائب: من احجي ماتصدگين بعدين راح تشوفين بعينج

حجه الكلام ورفع حواجبة بتعجب مدري ششاف بالتليفون عافني وبسرعة صعد ركض فوك دقايق ورجع نزل شايط عيونه تشع غضب رجعت الي ورا ابجي جرني من مقدمة ملابسي ناحيتة يحجي من بين اسنانه

دائب: هاااي شــمسويه

وتر: مادري والله مادري

دفعني على الحايط ضربني بي حيل عطت بخوف والم حجه وصوته يرجف

دائب: شگكتي اللوحة وتر

حجيت بصياح

وتر: ليششش راسمني ليشش

دائب: منوووو يگوللل انتيييي

وتر: مبينه انا الشفتها صورتييي

رفع راسي حيل اله حسيت رگبتي طگت حجه يمد بالكلمة

دائب: تتعاقبين

دفعته

وتر: عووفنيييي

رفعني اله حضن خصري وهمس

دائب: ماردت هيج اسوي بس جبرتيني وتر جبرتيني وماگدر أأذيج وناري ماتطفة ماريد تتأذين وعدت نفسي ماضربج

صرت ادفع بي واصيح ماحسيت غير خله ايده ورا راسي ثبتني واخذ شفتي مسكتني سوا بيها اشياء مقرفه ماكدرت اتحملها لعبت نفسي

دفعته وگوه تملصت من بين اديه نزلت على الارض اتقيء ماتحملت الحركة السواها

قرفص يمي يوخر بشعري من وجهي ويحجي

دائب: هيج احسن لو گاعدة عاقلة من البداية كل هذا ما صار حضري روحج كل ماتتوكحين هذا عقابج بعد

ماكدرت اسكت مسحت حلگي وتفيت بنص وجه مسحها بظهر كف ايده ولزمني من شعري صرخت بخوف بلا كلام سحبني گومني ويا او سحلني سحل صعدني فوك يحجي

دائب: انتي ماتمشين بالعين واغاتي الا بهاي الطريقة

وتر: عووفنيي حقيير عوفنييي

صعدني للطابق الثاني جان فارغ ومثل المهجور بخوف فتح وحده من الغرف الفرغة وشمرني بيها وحجه

دائب: ماتطلعين منا الحد ما تعقلين وتخلين دماغج براسج وتفهمين عليه جنت ماريد أأذيج ولا اتعده حدودي وياج بس جبرتيني والجاي يصير المصلحتج

قفل الباب عليه وعافني وطلع تخبلت ركضت للباب ادگ بي واتوسل يطلعني منا مارد عليه بس صرت اسمع صوت تكسير وصوته عالي يغلط ويفشر موتت نفسي من البجي والعياط بلا فايدة

تعبت وكلبي يريد يطلع من الخوف گعدت على الارض اشهگ وكل شويه افز خايفة

عافني ليلة كاملة فوگ لحظة وحده ماهديت ردت اتخبل من الخوف والتخيلات

مدري شگد مر وقت فتح الباب ودخل بيده اكل من خوفي بكلشي مافكرت ركضت عليه تعلگت برگبته ابجي واحجي

وتر: الله عليك كافي بداعة اغلى انسان عندك طلعني منااا ماتحمل راح اموووت من الخوف

دائب: وبعد ما تسوينها ولا تبجين وتصيحين

وتر: كلشي اسوي والله شوف شوف سكتت بعد مااحجي بس لا تحبسني هنا

جنت احجي واخلي ايدي على حلگي كاتمة صوتي

احتضن وجهي بيده يحجي وياي

دائب: لا تسوين شي وتخليني ادوس على گلبي وتتأذين

وتر: طلعني مناا والله اسفه بعد كلشي مااسوي والله

احجي واحضن بي من الخوف مدري شسوي احتمي بي منه

شالني وحجه

دائب: سوده بوجهي بنيتي كافي تعاي اسف بعد مااسويها تعاي ننزل

نزلني يبوس بيه من خدي جنت خايفة ممانعت ابد نزلني جوه وطول اليوم بقيت ساكتة صوتي ماطلع خايفة يكرر الي سوا

بس ماستسلمت وقررت اهدأ واسمع كلامه الحدما تفرج واگدر اطلع لان البجي والعناد مايجيب فائدة ويا ....

❛❛❛❛

خيال"

جنت بالغرفة گاعدة اباوع للساعة عبرت الـ 2 وهو ماكو شوية وسمعت صوت حكمة صار عالي تحجي عليه لان متأخر

حكمة: وين جنت يحارسنا صار الفجر

يمان: يمه فدوه اغديلج مابيه حيل للحجي تعبان

گوه گمت واستندت على العكازات طلعت من الغرفة صارت حكمة مقابيلي تحجي

حكمة: اذا اموت ولد نرجس السبب

رجع عليها يبوس براسها ويحجي

يمان: اسم الله عليج يالعافية غير عندي شغل ومتأخر جا وين جنت

حكمة: خوش دميل مني وبعد لا تسويها

يمان: صار تأمريني أمر حكمتي

عفتنا وصعدت باوعلي بطرف عينه وحجه

يمان: اشتاقيتيلي مو اليوم ماشفتيني هواي

خيال: شسويت ويا الولد الجبته وياسين

يمان: خليتهم يتفقون ويشغلون سوى

حجاها وتوجه للمطبخ رحت ورا دخلت وحجيت

خيال: وين جنت انت

يحجي وياي بضوجه ومايباوع الوجهي

يمان: لزمت الشاهين

وسعت عيوني وحجيت

خيال: وتگولها بكل هاي السهولة شلون لزمته وشگال

يمان: تردين تسمعين اگعدي اسولفلج

بلا تفكير جرلي الكرسي وگعدت وهو گعد قابيلي يحجي

يمان: بعد ماتصل بيه دائب اخذت فرات وباتر ورحنا للميناء وصلنه للرصيف وجانوا يحملون بضاعة

فرات: اذا ماطلع الوحدة شلون نگدر نلزمة وهذول هواي

يمان: دائب متاكد من الاخبار العنده ماينطيني شي مجرد احتمال عابر

باتر: يعني اليوم يصير طگ

حجاها وطگ اصبعتين

باوعله فرات وحجه

فرات: تموت على الطگ كل السوالف من جوه راسك

باتر: سالفة مادري شلون صارت شتريد اسوي اكتل روحي

فرات: وادفنها هم مو بس تكتلها على عملتك الكشرة

راد يحجي نترت بيهم حتى يسكتون

يمان: جايين ناخذ الشاهين لو تتعاركون

بقينا ننتظر ، خلصت شحنتهم وتحركوا طلعنا وراهم نراقب ، فجأة سيارة الشاهين وكفت وهمه هم وكفوا سلموا عليه وكملوا طريقهم وهو غير طريقة بسرعة شخطت السيارة ورا وجان الطريق شبة فارغ وصرنا نداهمه وهو يحاول يفلت من عدنا

باتر: خلي اگعدله التايرات

يمان: لا دير بالك خاف تنگلب بي السيارة اريده صاحي

باتر: ماتنگلب هيج للصبح مانگدر نلزمه هاي اذا ماتصل بجماعته هسه وراح يجون ورى

حجه الكلمة ماحسينا الا طلع سلاحة وصار يضرب بتجاهنا

فرات: خلي يگعدله التاير هيج مانگدر نحاصره ويا سلاح

يمان: باتر ماريد سيارتة تنگلب لو يتأذه اريده عدل

باتر: انت بس سوق عدل ولا تخلي الطلقة تجي بيه ومعليك بالباقي

مد راسة وصار يضرب عليه والشاهين هم يضرب بس مايركز لان يسوق الحدما گعدله التاير افترت سيارته گدامنا ووكفت شفته نزل منها وصار يضرب علينا بعشوائية وهذا يصيح

باتر: كتلنه كتلنه انا نكتلت انا

فرات: وكرص هو يمك

شمر سلاحة يمكن خلص عتاد وبقى واكف يم السيارة صاح علينا

الشاهين: شعدكم لاحگيني شترودن مني

نزلت عليه فاير من الاعصاب جريته من ياخته وحجيت

يمان: هسه تعرف شيلوا

بقى يصيح ويعربد سطره باتر على راسه خلا يفقد الوعي شالوا واخذنا للمستودع گعدته بسطل مي فز باوع عليه وحجه

الشاهين: شتريد مني يمان مو كلشي انتهى بينا

يمان: اريد روحك الماصانت العشرة تشتغل من وراي شاهيننن

الشاهين: شمشتغل من وراك شراكة وفضيناها

يمان: بس شغلك ضدنا ما نفض

الشاهين: كلشي ما مسوي ضدكم وابتعدت مثل ماردت

يمان: منو الضرب ياسين بأسمي منو الشتغل الصالح صمد وجان يوصله معلومات علينا حادثة قتل حجي سليمان وعائلته منو وراها اكيد مو باتر وحده

الشاهين: تريد تبري اخوك وتبليني هاي السوالف كلها مادري بيها انا

باتر: ياعيني مسكين

حجاها وصار يضرب بي حيل جنزة تجنز وماقبل يحجي ولا اعترف ولو بكلمة وحدة قفلنا عليه وعفنا وطلعنا...

خيال: يعني شنو الفائدة من هذا كله

يمان: دام الشاهين صار عندي اسحبهن منه كلهن وحدة وحدة

گمت استندت على الكاز وحجيت

خيال: سلمه للشرطة

يمان: حتى ورا ساعتين يطلعونه كلتلج انا اسحب منه الاعترافات غصب عنه

خيال: لا عبالك بهاي السوالف تخليني اغض النظر عنكم ترا مدبرتلكم شي كبير وهالمرة مو بسهولة تگدر تطلع

ابتسم بجانبية وحجه

يمان: ميخالف شتردين تسوين سوي بس لا تنسين البينا

حجيت بتعجب

خيال: البينااا شنو البينا

يمان: انتي تعرفينه فزة گلبي

حجاها وغمزلي

خيال: البيني وبينك حرب

رجع نفسه على الطاوله وحجه

يمان: طيحي حرف الراء وحضنيني

حجاها بصوت ذايب وهو يتفحص ملامحي نظرات عيونه هايمة حسيت بكلبي بدأ يدك ويفضحني ردت اطلع حسيت بي حاوط خصري فزيت حجه بهمس

يمان: اوصلج للغرفة

خيال: وخر انا اكدر اروح وحدي

يمان: ولا تنسين ماتسمعين اغنيتنا وتحنين الحضني

خيال: شبيه تخبلت

يمان: واذا مثل كل يوم اكعد واسمع صوتها طالع من غرفتج

ارتبكت وحجيت

خيال: اصلا انت متوهم

ابتسم قربني اله نفسه عالي يهمس

يمان: من اسمع شهگاتج اتمنى ادخل للغرفه واخذج الحضني

اتحركت ابتعدت منه لان حسيت نفسي راح ابجي وصلت للباب حجه بحسره

يمان: لو بيدي اضمج من وجع دنياج لو بيدي

ماگدرت اتحمل دموعي صارت تنزل اتقرب مني وانا گلبي ينقبض ويتقلص ويا كل خطوة منه ردت اتحرك او اطلع ماگدر بقيت واكفه

حضني من ورا حيل يطبع بوسات على كتفي ويحجي بهيام

يمان: يجي يوم تفهمين عليه يجي يوم اثبتلج كلشي وراح تسامحيني بس انطيني مجال اثبتلج خيالي

دفعته وحجيت

خيال: انت كسرتني وعفتني بوقت جنت بي بأمس الحاجة الك برأيك اذا نضمد الجرح بعد مايطيب ويبقى بس اثر راح يفيد

بقى ساكت رجعت حجيت

خيال: لا تضمد جروحي بعد ما التأمت وبقى بس اثرها

عفته وطلعت دخلت للغرفة وفعلًا مثل ماگال بيومها بقيت ابجي وشگد عدت وسمعت اغنية ياحبيبي

من بعدها مرت الايام وانا اشتغل على القضية وياسين على تواصل وياي ....

❛❛❛❛

رميم"

كعدت من الصبح اليوم البصرة مگلوبة گلب من البارحة على خبر بيان النصر وتحرير الموصل

نزلت جوة لگيت حكمة وخيال گاعدات على الاخبار وتطلع اناشيد للحشد والقوات الامنية وحكمة تدعيلهم اول مادخلت باوعتلي وحجت

حكمة: خيبه شفتي الوليدات بعد گلبي گلبهم جابوا البشارة واجوا بعد روحي

رميم: حكوم يگولون اليوم اكو احتفالات خلي نطلع

خيال: وانا وين اكدر امشي

رميم: عادي ابقي بالبيت

فزت تحجي

خيال: لا لا مابقى وحدي وبعدين ازدحامات وحارة شسوين طالعة

حكمة: وانا هم رجليه توجعني

رميم: سديتنها بوجهي راح اتصل على طيف تاخذني وياها اليوم ابوها يطلعهم

خيال: اكعدي وسكتي ماكو طلعة

باوعتلها حكمة وحجت

حكمة: شمالج حابسه البت خليها تطلع تشوف الناس

گوه انا وحكمة قنعناها يلا سمحتلي اطلع اتصلت على طيف اتفقت وياها تمر عليه بالليل

بقيت انتظر لليل بدلت وكشخت وهو يلح عليه اذا تطلعين اريد اشوفج مرت عليه طيف وطلعت وياهم جانوا طالعين هي ابوها وامها واخوها الصغير ندستها حتى تحجي باوعتلي وگالت بصوت عالي

طيف: بابا رميم تگول خلي ننزل ونكمل مشي ويا الناس حباب

رميم: ايي عمو باع الاجواء احلى من السيارة

ابو طيف: بس ناس هواي وين الگاكم بعد واغلبها ولد

حجت امها وهي تباوعلنا

ام طيف: ميخالف لا تكسر بواهس البنات انت اخذ عبودي وامشي وانا وياهن نمشي وراك واذا ضيعناك تلگانا راجعين للسيارة او اتصل عليه

مگال شي وكف السيارة ونزلنا نتمشه ونباوع على الناس شي فرحانه وشي تركص والسيارت صايرة هوسه عفتهم يمشون گدامي وطلعت تليفوني شفته 8 مكالمات من عنده اتصل عليه بسرعة جاوبني يصيح

باتر: يعني ماتكولين بشر يتصل عليه اشوفه شيريد ميت عدل يريد شي

رميم: لا تصيح ماكدرت اجاوب طالعة

باتر: وين طالعة شني هاي الاصوات اليمج

رميم: طالعين محتفلين بالنصر

باتر: صدك وين انتي انا هم طالع يمكن قريبة عليه

رميم: اكدر اشوفك دقايق مو اكثر

باتر: عسى ما ثواني وينج هسه اجي

وصفتله المكان وكال جاي سديته باوعتلي طيف وحجت

طيف: شلون راح تشوفينه وامي شگللها

رميم: مادري دبريلج سالفة تعبر على امج

طيف: كليلها عطشت راح اروح اشتري مي وارجع

اتقربنا يمها باوعت الطيف وحجيت

رميم: متت من العطش اكو اسواق بقت ورانا عبور الشارع اروح اشتري مي واجي

ام طيف: اتصل بابو طيف يجيبلنا

رميم: لا لا خالتو ماكو داعي انا اروح اشتري وارجع انتظروني

قبل لا تحجي عفتهم ورحت ركض اختفت عن الانظار وكفت كبال الاسواق لحظات وطبگت سيارته بصفي فتح الباب وحجه

باتر: اصعدي بسرعة

ردت احجي قاطعني وگال

باتر: مانگدر نمشي خاف واحد يعرفج يلا اصعدي هن خمس دقايق شبيج

افتريت بتردد گوه شجعت نفسي وصعدت ويا وحجيت

رميم: بسرعة باتر عفيه لازم ارجع

باتر: خلي نفتر شويه ونرجع لا تخافين روح گلبي

رميم: ماشي

حرك السيارة ومشى بيها شغل انشودة بيان النصر صار يركص وياهم يمد راسه من الجامة

من يگول يلا شكرًا للحشد والايدووو هو يصيح

باتر: هو هو هو هو وعيني إبن الذهبيه المانخو هو هو

رميم: راح تدعمنا باتر ارجع فدوه

رجع المكانه بس مايگدر الا يطلع راسه ويركص وياهم مد روحه طلع من الجامة والسيارة مشتغله يطگ اصبع ويصيح

باتر: لا لا هاي قوية ينرادله نزله هسه اجيج

عافني ونزل شاف اله مجموعة جنود دخل بنصهم يهوس ويا القصيدة

ويه الغيم اصــڪور ونلعب ... ويه الغيم اصــڪور ونلعب

عدنه الغيرة بصناف الدم ... عدنه الغيرة بصناف الدم

ضحكت على تصرفاته حتى المايركصون رگصهم كلهم ويا على حماسه بقى كومه وياهم فقدت من الضحك عافهم وأجاني يضحك صعد بالسيارة وحجه

باتر: سويتلهم جو شنو رأيج

رميم: وين اكو منك انت

باتر: بس واحد وعايش بگلبج

غمضت عيوني بغرور وحجيت

رميم: واثق من نفسك سكت شويه يباوع عليه بعدها حجه بهدوء

باتر: هاي شمخليه على عيونج

غمضت عيوني وحجيت بتسامة

رميم: ليش مو حلو

باتر: خاف ناقصات جمال هنَ انتي جيبي وحطي حتى تشلعين ابو گلبي

رميم: صير حباب

سند راسه على الستيرنك يحجي بهمس

باتر: شمسوي شوفيني هذا انا العنيد الصرت حبابج

ابتسمت بتصنع گوه عليه بس عيوني جمرن رفعت راسي باوعت الوجه شتان ما بين نظراته المليانه اسرار وغموض هايمه وطايرة بتفاصيلي ونظراتي المليانه حقد وكره عظيم الهالانسان الگاعدة بصفه

قطع سلسلة افكاري صوته يخترق مسامعي انتبهت عليه مد ايده گدامي وحجه

باتر: انطيني ايدج

رميم: لا لا باتر مايجوز اصلا تأخرت لازم انزل

زفر بحسره وحجه بنبرة صوت تخلي گلبي يهتز

باتر: بس شويه خليني احس بحنانج والله محتاجة من هذاك اليوم اللزمتي بي ايدي لليوم ماگدر اغمض عيوني اذا اتذكر لزمة ايدج وحنيتها جدديلي هذا الشعور شوو وينها ايدج

رفعت ايدي بتردد اخليتها بأيده غمض عيونه وحجه

باتر: اوييليي اذا لزمتة ايدج هالگد بيها حنية حضنج شلون

رميم: باتر لا تحجي هيج فدوه تأخرت

من جه فرحانه لان وگع ومن جه ثانية خايفة واعرف الجاي يصير ميجوز بقيت اردد بداخلي واستغفر ، غصب عني ربي انت تعرف نيتي وتعرف منو المظلوم سامحني

باتر: رميم

ابتسمت وجاوبته

رميم: هاا عيوني

باتر: ليش ايدج ترجف روح گلبي

رميم: مادري

باتر: رميم

باوعتلة صدمني صدمت عمري من نطق كلمة اخر شي جنت اتوقع ان ممكن يگولها وبهاليوم بلع ريگ شال ايدي خلاها على وجه وهمس

باتر: احبج

   يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات♥️

zainab_ali1

متابعة ممتعة🦋

Insta:- Zainab__.al1

#تاروت

البارت «19»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب  zainab_ali1 ♥️

insta: zainab__.ali1

بـــاچر يبين غلاك

و يـــنچفي عذرك واموت ومـــا اعذرك 

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقيت صافنة بي وهو يمشي بأيدي على لحيته ويحرك خده عليها

باتر: انا ماعرف شنو شعور الحب بس يوم الما اسمع بي تفاصيل يومج وثرثرتج بأذني احس يومي خالي

بسرعة سحبت ايدي الترجف منه احس اعصابي تشنجت ماعرف شلون ممكن اتصرف بهاي الحالة ما مهيئة نفسي الها ولا متوقعتها

رميم: باتر

باوع بعيوني وگال

باتر: روحه

مسحت وجهي بحيرة اريد الكلام يطلع وياي ماكو طار وهم خايفة اجفص بشي ويصير ضدي

رميم: تحجي صدگ

ضحك بصوت عالي

باتر: اشاقة وياج ام گصة منو يحبج انتي

رميم: لا تحيرني شنو حزورة

باتر: غير مامصدگتني كلت العب عليج شوية

رميم: هسه شنو ؟!

حجيتها برفزة ابتسم وحجة

باتر: تردين احبج

رميم: لا

باتر: جا شتردين

رميم: احنا اصحاب

باوع عليه وهمس

باتر: صاحبة گلبي انتي

رميم: لازم اروح تأخرت

باتر: ماخذت جواب

رميم: بعد موكتها هسه يعني تشوف علاقتنا جاهزة تتحول من الصداقة للحب

باتر: ما ادري بس احس روحي تايه بلياج وبالي وفكري كله يمج وماارتاح اذا ماتحجين بأذني وتسولفين اصغر تفاصيل يومج ماكدر انام اذا ماسمع سالفة ظفرج المفطور يريد ينكسر ومحاولات انقاذج اله لو عصير الليمون مو طيب بس ماكو غيرة ومجبورة تشربين تناقضاتج تفكيرج المختلف

رجع نفسه على الكشن اتنفس بصوت عالي وحجه

باتر: هذا شيسمونا

رميم: يمكن تعزني او صرنا مقربين من بعض مو شرط حب

باتر: مادري رميم ماعرف اوصفلج البداخلي يمكن صدك مو حب بس سولفتلج احساسي

بقيت ساكتة العب بظافري رفعت راسي اباوع عليه ضاج من ردة فعلي ماخلاني اشوف ملامحة داير وجه مني همست

رميم: ضجت مني

اندار عليه يحجي

باتر: لا ليش اضوج تحجين البداخلج احسن من ما تغشيني بمشاعرج كلشي ممكن اسامح عليه واخلي يعبر بمزاجي الا الاستغلال واللعب بمشاعري خاصة من اتعلق ببشر رميم ماگدر افارگه انهوس بي

احتريت ونرعبت من كلامة كمل وگال

باتر: رغم ماعرفج بس تقربت منج و ماانطي الثقة بسهولة حتى بروحي مااثق بس ثقيت بيج وطبعي ادور وادقق ورى كل شخص يدخل حياتي بس انتي حسيتج شي مختلف

رميم: شلون

باتر: فطاريتج برائتج ضحكتج مليانة حياة وحب احسج نقية هيج شفافة البگلبج يبين على وجهج وبس لسان يحجي لا اكثر فـ اتمنى ما يتطبق عليه مثل غلطة الشاطر بالف اتمنى

بلعت ريگ من الخوف احسه مر جان يحجي بجدية عمري ماشفته الهالدرجة جدي بكلامه

باتر: اخخ اخخ ابقي ساكتة ابقي هو هذا هم حظي يوميه ماتسكتين

رميم: ماعرف شحجي

باتر: لا تحجين احسن

تنهد وحجه

باتر: اريد اروث جگارة بس خاف تصير بيج ريحة الجگاير

رميم: هو اصلا لازم اروح هسه

حجيتها ونتبهت على صوت تليفوني طيف تتصل

رميم: شوف هاي طيف تتصل لازم اروح كلش تأخرت عيب من الناس

باتر: يلا انزلي انا راح اظل اعاين عليج من بعيد

فتحت الباب ردت انزل حجه

باتر: رميم

رميم: هاا عيوني

حجيتها ببتسامة تحسر انطاني بطل مي وحجه

باتر: هاج اخذي وياج

رميم: شكرًا راح من بالي انا كلت اريد اشتري مي

باتر: ادري بيج الحيه هواي تجذبين

رميم: كله من وراك غير

باتر: راح تصير براسي نبي

رميم: تريد نتعارك بنص الشارع

باتر: دنزلي بنفخه تطيرين

ردت احجي بس مالحگت وتأخرت

رميم: بعدين نتحاسب على هاي

عفته ونزلت امشي سريع وصلت يم اهل طيف جانوا كلهم متجمعين يم السيارة خزرتني طيف وحجت

طيف: وينج يمعودة ضعتي صار ساعة ادليج بالمكان

رميم: ااا ايي شفتي تيهت وماكو تغطية كوه اسمعج

ابو طيف: جان المفروض ماتبتعدين عنهم عمو مهما يكون طالعة امانة ويانا بلا صارلج شي

حسيت روحي سحت من الخجل نسيت روحي ومانتبهت للوقت بقيت ساكتة صعدنا بالسيارة وطيف تگرص بيه وامها مبينه ضايجة

بالطريق امها وابوها نزلوا يشترون كم غرض محتاجينهم للبيت ، وصلني مسج شفته من عندة كاتب

باتر: " ضميني بحضن گلبج "

جاوبته

رميم: " والوليلك حتى تغفى "

باتر "اذوب"

انتبهت الصوت طيف مادة راسها تباوع بتليفوني وتحجي

طيف: واوو متطورين حضن گلبج وكذا مو على اساس بس صداقة

رميم: ايي بس صداقة

باوعتلي صفح وحجت بضوجة

طيف: واني صدگتج طلعتوا اقوى من الصداقة ويمكن بينكم شي

رميم: خير طيف حتى اذا بينا شي انتي ليش ضايجة عنوانكم وعرف بي مو بيتنا وحجيتله الحقيقة

طيف: لا عادي بس غير صديقتي ومن حقي اعرف اذا بينكم شي

رميم: لا ارتاحي مابينا شي واذا صار انتي اول الناس تعرفين

طيف: واذا ما صار انا اخذه

حجتها وضحكت بصوت عالي ماركزت وياها

وسكتت مجاوبتها رجعنا البيتهم ماقبلوا اطلع الا ناكل سوا رغم خيال تتصل عليه كل شوية وتأخر الوقت وانا هم ماريد ابقى بس استحيت منهم اخر شي حجت وياها ام طيف يلا قبلت

ام طيف: رمرم انتي مو غريبة غسلوا وتعالن وراي نحضر الاكل

حجتها بالشقى ضحكت وجاوبتها

رميم: من عيوني خالتو

عفت تليفوني على الطبلة وگمت دخلت للحمام ماطولت دقايق بس طلعت انتبهت على طيف تليفوني بيدها حجيت بستغراب

رميم: طيف ؟

بسرعة فزت رفعت راسها ابتسمت وحجت

طيف: هاا ريمة

رميم: تليفوني شيسوي بيدج

طيف: ولا شي ردت اخذ الصور الي اخذناهم اليوم شبيج

رميم: اغلب الصور بتليفونج

طيف: ايي بس ردت اشوف العندج واسفة فتحته بلا اذن منج

رجعت التليفون على الطبلة وطلعت ضايجة بقيت محتارة بتصرفاتها الغريبة اليوم كلبت تليفوني ماشفت بي شي غريب

تغاضيت عن الموضوع بس بقى ببالي تعشيت يمهم خلصنا وصار لازم ارجع بقيت محتارة شلون تأكد منه رجع البيتهم مجاي يراقبني

اجت ببالي فكرة بسرعة رحت دخلت للحمام ودخلت للماسنجر خليت اصبعي على الكام واتصلت بي مكالمة فيديو بسرعة جاوبني وفتح كام انتبهت على المكان اليمه ان هو بالبيت

باتر: شعجب اليوم متصلة كام

بسرعة سديته منه وكتبتله

رميم: " هاي شنو متصلة عليك كام بالغلط ولا نتبهت "

باتر: " وانا مكيف امداج "

رميم: " ماكدر احجي هسة ينامون اهلي واتصل"

عفته وطلعت وصلوني للبيت وهاي طيف مدري شبيها گلبت وجها علية ما هتميت الها دخلت جانن حكمة وخيال گاعدات بالحديقة

خيال: همزين شرفتي ست الساعة راح تصير 11 بالليل

رميم: باعي راح تصير يعني بعدها ما صايرة

خيال: فوتي جوة واحسبي حسابج بعد ممنوع اكو طلعة بالليل وبدوني

حكمة: شنهي على كيفج وياها خليها تتطلع ويا صديقتها شرايدة منها

رميم: والله ياحكوم سوالفج ذهب مو مثال خليلو تريد تحبسني بين اربع حياطين

خيال: هذا العندي رميم لا تشلعين گلبي طلعة بالليل بعد ماكو ولبسج تغيرينه كبرتي يعني مايحتاج انبهج على هاي السوالف

اتقربت منها بستها وحجيت

رميم: صار تتدللين عليه المهم ماتضوجين

حكمة: شلج غرض بيها دروحي بدلي وتعاي نتعلل سويه معليج بأختج طگات فيوزاتها من گعدت البيت

بستها اضحك وخيال تحجي علينا ماتقبل الحكمة تساندني عفتهن وردت ادخل للبيت تلاگه وياي يمان بالباب باوع الساعة وحجه مستغرب

يمان: وين جنتي ريمه ؟

رميم: طالعة ويا صديقتي واهلها شفنا الاحتفالات

رفع حاجبه باوع عليه بنظرة استفسار وشك وحجه بجديه اكثر

يمان: رميم صاير شي حابه تحجينه الي

رتبكت ماعرفت اجاوب وهو مركز وياي احسه يقراني وممكن كلشي يعرف بهاي اللحظة جاوبته ببتسامة

رميم: ليش

يمان: خايف عليج

رميم: لا تخاف اكيد من يصير وياي شي اجي اگلك

يمان: خوش ست رميم اتمنى مايطلع البالي صحيح

رميم: شنو ببالك

يمان: ماكو شي بوجهج فوك تغيرين هاي ملابسج وحاولي مرة ثانية تلبسين شي اوسع

عفته ودخلت وانا احجي

رميم: تدلل ابو النسب

صعدت بدلت ونزلت جوه گعدنا بالحديقة وخيال ويمان كل شويه تطگ بينهم هو يحرگ گلبها وهي ماتتحمل اخر شي صاحت بيهم حكمة

حكمة: خيبين الله احد ولكم ملينا بسكم نگرة وعرايك حتى الشرايج يتصافن الا انتم ابد

عافتهم ودخلت جوة وهم بقوا يتعاركون وانا اضحك عليهم ...

❛❛❛❛

وتر"

مر كم يوم على وضع الهدوء الصار ، صح ابجي واعيط لان ممتقبلة الوضع بس مو مثل قبل

طلعت من الغرفة شفته گبالي واكف بالمطبخ يسوي اكل ويدندن باغنية قديمة ومندمج متونس رحت غسلت وبعدها اتقربت امشي بنحول وكفت بباب المطبخ التفت عليه وحجه

دائب: صح النوم گلب

لزمت راسي وحجيت بعصبية

وتر: طلعني منا

باوعلي وحجه

دائب: وين اوديج

وتر: رجعني الاهلي

دائب: اششش اسطوانة كل يوم بطليها بنيتي لان ماعندج اهل غيري

اتقربت منه وحجيت بهدوء

وتر: اهلي وين

دائب: انا اهلج يبعد اهلي

وتر: لو تفهمني شكو وانا ليش هنا لو هسه اموت نفسييي والله لان مليت ملييت بعد ماكدر اتحمل

حجيت الكلام الاخير بهضم وانا ارجف

دائب: ماتصدگين بيه

وتر: حتى اذا مااصدگ احجيلييي

تنهد وحجه

دائب: الجنتي گاعدة وياهم مو اهلج

وتر: جا اهلي وين اهلي

دائب: مادري اشتروج من عصابة تتجار بالاطفال

بقيت صافنة عليه ضحكت بصدمة

وتر: شنو هذا الفلم المصري الجاي تألفة عليه

دائب: كلتلج مراح تصدگيني

وتر: وانت شلون تعرفني ومنين

دائب: سالفة طويلة بس اختصرها الج انا هم جنت عد نفس العصابة واجيتي طفلة وماتسكتين الا يمي ورا سنتين باعوج الحيكم العار

بهت وجهي جان يحجي الموضوع بختصار وعبالك شي عادي ان اتقبله

وتر: يعني شنو

دائب: يعني حكيم مو ابوج وعبير مو اختج ومرام تصير خالتها اخت امها لان امها ميته والجنتي ترحين يمهم مو بيت جدج

شهكت مامستوعبة اتقرب يمي يصفگ بديه ويحجي

دائب: يعني اهل ماكو بح

هجمت عليه اضرب بي حيل واصيح

وتر: انت جذاب انت واحد جذاااببببب وحقييير خطفتني من اهليييي وتزوجتني ماريدك ماريدك موووتتت ماريدك

جنت اضرب بي جسمه صلب وهو واكف مثل الحيط مايهتز ولا مهتملي ملخت نفسي گدامه هو يباوع عليه بكل برود

باوعت للسجينة على الكاونتر ردت اركض اخذها انتبه عليه وبسرعة لزمني وقيدني من ورا صرت ارفس بي وابجي

وتر: اريد بااابااا اريده وخررر منييي وخررر حقير انت جذاب

دائب: اششش كافي اسكتي

وتر: وخر لا تلزمنييي وخر ابتعد مني

رفعتي اله يهمس باذني

دائب: اذا ماسكتي راح اضطر اعاقبج مثل هذاك اليوم

تخبلت بالزايد ماگدر اسيطر على نفسي حسيت روحي صارت ترفرف بين اديه مثل المذبوحة

گدرت ادفعة ورحت للغرفة ركض وانا احچي مفرفحة من البجي

وتر: الله ياخذك ياغول ياحرامي يامجرم الله ياخذك

سمعتة صاح

دائب: ترا اجيج وتتعاقبين

بسرعة ركضت للباب قفلت الغرفة علية بقيت افتر بيها وابجي وافكر بكلامه مستحيل الي گالة صح مستحيل ماخليتها ببالي اصلا اكيد يجذب عليه حتى ابقى يمه

بقيت گاعدة بالغرفة ابجي ومكيفة قافلتها عليه المفتاح عندي مدري شكد مر وقت بس صار قريب للظهر حسيته اتقرب من الباب وحجه

دائب: اطلعي اكلي

وتر: ماريد روح منا

دائب: افلش الباب فوك راسج اذا ماطلعتي

وتر: شتريد تسوي سوي ماتخوفني حرامي غول

دائب: قافله الغرفة عليج وتحجين اطلعي احجيهن بوجهي الا اسويج وصلتين

وتر: روح منا ترى انا اطلع اسويك وصلتين تفتهمت لو لا

جنت احجي بحيل صدري وماخايفة مطمنة لان قافلة الباب فجأة انفتح الباب وصار گدامي

ردت اوگع على وجهي من رفع اديناته وحجه بشبة ابتسامة

دائب: شو بلا تعاي سويني وصلتين

بلعت ريك وحجيت بخوف

وتر: اذا انت حابسني شتريد اسويلك يعنييي اتغزل بيك طبعا يحترگ گلبي وكلشي احجي

دائب: لا ماريدج تحجين اريدج تسويني وصلتين

شجعت نفسي واتقربت منه احجي

وتر: جنك ثور وين اگدرلك

دائب: قصدج غول

وتر: وكلشي بشع بالحياة

دائب: ضبي السانج الا تخليني اضبه الج بطريقتي

دفعته وطلعت من الغرفة بسرعة وركضت للحمام قفلته عليه من الخوف بجيت الحدما مليت ، اتوضيت وطلعت صليت وبعدها گوه جبرني جبر اكل

وقفل عليه الباب وطلع من البيت بعد ما گال العصر اجي 

وكالعادة بس طلع بقيت الوحدي واستكشف بالبيت وادور بي ركن ركن عسى الگه شي يطلعني من هاي مغارة علي بابا المحبوسة بيها

وصلت جوه الدرج المكان يخوف ظلمة واكو مثل البردة مغطي بيها شي جبير ماتقربت خفت بالبداية بس شجعت نفسي وحثيتها على التكملة بعدت البردة جانت كلش ثگيله وصار گدامي باب حديد بي من فوك جام مظلل بس مبين يطلع الي برا لان ضو النهار مبين من الجامات 

ماصدكت عيوني اتقربت منه شفته مسرگه ومقفول بقفل حديد ضربته حيل اصيح

وتر: اكووو احدد يسمعنييي ساعدوونيي فدوة

ماكو احد سنطة خفت مخلي جهاز يسجل صوتي لو يراقبني ابتعدت من المكان گعدت افكر اكيد المفتاح عندة او ضامة بفد مكان وانا حتى اذا اخذت مفاتيحه ماكدر اطلع من الباب الرئيسي لان يلزمني

قررت وصممت الا الگة المفتاح لازم اخذهن من عندة اريد اطلع منا اريد ارجع الحياتي الطبيعية مامعقولة اخلص كل عمري سجينه ببيت الارواح هذا

ماحاولت افتح الباب او اسوي شي خاف ينتبه عليه رجعت كلشي على مكانه ورحت للغرفة گعدت منتظرة الفرج ...

❛❛❛❛

يمان"

فتحت المستودع ودخلت وباتر وراي باوعتله وحجيت

يمان: وين دائب

باتر: جاي بالطريق هسه كتبلي

يمان: وهذاك العار وين

باتر: جوه بالمخزن

عفتة ومشيت دخلت جوه اول ماشافني گام وحجه

الشاهين: شتريد مني يمان

تجاهلته وصحت بصوت عالي

يمان: بــــاتر

اجاني يحجي

باتر: شبيك تصيح

يمان: هذا ليش مفتوح ويمشي على طولة

باتر: جا تريد اكصص رجلية طبعًا يمشي على طولة

الشاهين: ترى زادت عن حدها يمان لا تخليني اتصرف وياك غير تصرف انا الحد هسه محترم العشرة البينا

اشرت الباتر لزمه من ياخته يحجي

باتر: تدلل

ضربه ورجع گال

باتر: العشرة مالتك صرفناها خمسات بعد ماتفيد

راد يحجي انطاه دفرة على بطنه وكمل عليه جنزه تجنز بقى بس يون بعدها جاب حبل وربطه

باتر: فحططتني تف عليك

دك تليفونه باوعله وحجه

باتر: بختك بالمتصل هسه لو ماهو اليوم نهايتك على ايدي طلع من المخزن وهو يرد اسمعه يكول

باتر: هاا روح گلبي .... ليش صوتي فحطان؟ جنت اتمرن

اتقربت منه وحجيت

يمان: ليش دخلت البيت المزرعة

الشاهين: مو انا انت متوهم بيه

يمان: لا تجذب بعيوني شفتك بالكاميرات ليش اجيت وليش ردت تدخل شاهين تحجي لا وحگ من سماك الشاهين اخليك هسه تشوف الموت وماتلگاه

الشاهين: يعني اعترف بشي انا مامسوي

يمان: واذا اثبتلك انت الدخلت للبيت

الشاهين: مستحيل

يمان: خوش

طلعت تليفوني وشغلته الفيديو قربت الصوره عليه وحجيت

يمان: هذا ياهو ممكن تفهمني صمد طلع من گبره واجاني

الشاهين: لا هذا مو انا انت غلطان

ماتحملت شلت راسه بيدي خانگه واحجي بعصبيه اعصابي تلفت من نكرانه

يمان: شوف تحجي وتصير خير ماتحجي هسه انسى كلشي صار بينا لا صداقة ولا عشرة تلزمني واطلع روحك بديه

ماقبل يحجي بقى ساكت دخل دائب باوعتله وحجيت

يمان: انطيني البلايس من يمك

دائب: تأمرني امر

خلا بيدي وحجه

دائب: الظاهر ماقبل يحجي شي

الشاهين: شني راح تسوي يماان

يمان: نشلعلك واحد من الاظافر

دائب: شبيك لا تصير جبان مايوجع جكة ابرة

صاح بكل صوته

الشاهين: احجييي احجيي والله احجيي بس وخرها مني يمااان كلشي ولا هاي السالفه

يمان: يلا غرد

الشاهين: رحنا بطلب من نضال والله مجبور مو بيدي وماكدر ارفض ثانية وحده مايبقيني عايش

يمان: وشتردون من البيت

الشاهين: دزنه ندور على اوراق تخص القضية والاوراق جانت يم خطيبتك خيال

ماتحملت رحت علية اضرب واصيح

يمان: لا تجيب اسمها على لسانك القذر لا تلفظه لا تلفظه بحلگك النتن اشرب من دمك اذا نطقته مره ثانية

لزمني دائب يهدي بيه

دائب: يمان شبيك وكتها خل نفهم السالفة زين

يمان: لا يگول اسمهااااا اشتعل من يلفظه

بقيت اصيح انهاريت عليه گوه هدأني و احله شاله من شعرة

دائب: وليش نضال يريد يخفي حقائق عن الجريمة

حجه بتعب وصوته گوه يطلع

الشاهين: ماعرف والله ماعرف كل الامرني بي نفذته بالحرف الواحد بدون نقاش لازم عليه مستندات وديون اذا ماانفذ كلامة يتسخدمهن ضدي

دائب: وشوداك البيت المبرمج ياسين وليش كلت الخيال والامي يمان وداني اضربة

الشاهين: اخخ ولكم بكلشي ماعرف نضال جان يحرك بيه اذا تردون اجابة الاسئلتكم روحوله گوة خلصت منه وجمجمة حماني

يمان: والحادث

الشاهين: ياحادث والله ماعرف بي بيش تردون اقسملكم بكلشي ماعرف

باوعلي دائب وهمس

دائب: من صدك مبين كلشي مايعرف وصاير داة بيد نضال

يمان: ايي واضح بس ميخالف يبقى هنا يحلم يشوف الشمس قبل ماعرف الحقيقة كلها

دائب: يعني هسة صار المطلوب الثاني هو نضال شريك صمد المحروگة روحه

يمان: بس هذا داهية يرادله هواي شغل

دائب: لا تخاف مصيرة يوگع بيد الرهبان

يمان: طبعًا

حجيت وضربته على جتفه وصحت

يمان: بااااتر

دخل يحجي

باتر: ياطلابة صخام الواحد مايحجيله شويه من وراكم

يمان: عوف الصخام هسه عدنا شغل ، هذا تعوفه هيج مربوط مثل الجلب للعصر يلا تفتحه وتنطي اكل وشرب

باتر: خوش توكل

طلعنا وهو بقى يصيح ورانا سمعت نقالي يدگ شفته رقم غريب جاوبة اول مافتحت خط حجه

- يمان انا دخيل الله ودخيلك ماعندي غيرك وغير رب العالمين

يمان: ابشر تدلل

- فدوة اغديلك بعد داخل عليك انا

يمان: وصلت بس غير اعرف منو انت وين شنو الوضع

- راح اگلك منو انا بس كون تصدگ بيه وعلي ماعندي احد غير وانا وحيد امي وعندي بنية ماريدها تتيتم

يمان: احجي

- تعرفني وياك سوداني

يمان: ايي عرفتك انت مو جنت تشتغل ويا جماعة عين الضبع

سوداني: ايي وقررت اتوب ولكم ماريد امشي بهذا الدرب بعد محد يقبل يهدني كلها مجلبه بيه وتهدد

يمان: وشنو يثبت صحة كلامك

سوداني: مستعد انطيك معلومات ومستندات على عين الضبع وربعة هو بذات نفسة مايعرفهن

يمان: خوش راح انطيك مكان تعال عليه وعلى الله طلع جذاب وشوف شسوي بيك

انطيته العنوان وسديته منه

دائب: شيريد هذا

باتر: يعني شيريد غير دخيل ماسمعت صوته يلعلع

دائب: لا تدخل انت

باتر: غير عقلك فارغ كلت اترسه الك من معلوماتي القيمة

دائب: دوخر لا اترس عقلك وحل هسه

باتر: اووييي دودي العونيف

دائب: ولا يگعد باتر الاسباني الاسباني

هزيت ايدي عفتهم وطلعت برا گعدت بالسيارة منتظر الولد شوية ووصل

سوداني: ماعرف شلون ارد معروفك

يمان: تدلل بس اذا لعبت بذيلك

باتر: ينبتر وانت تعرف ضريبة اليلعب ويا الرهبان

رفع ايده وحجه

سوداني: عمي عساني بالموت كلشي مسموحلكم تسوونه بيه اذا سويتها

يمان: هاي هي انت بعد تبقى هنا عائلتك وين

سوداني: رحمة على روح امك سفرتهم الكركوك يم عمامي

باتر: الله جابك اليوم تلزم حراسه ببدالي

يمان: لا انت دام الشاهين موجود ما تتحرك منا

باتر: وشني انا حايط نصيص مو هذا دائب ماتگله

دائب: لا انا ماكدر ابقى برا البيت حدي للعصر وياكم هسه على اعصابي گاعد

يمان: وانا امي ماتخليني اتأخر هم لازم حراسة هناك

عفتهم يتعاركون وصعدت سيارتي ومشيت بيها بقيت افتر مارجعت للبيت الا نص الليل احس روحي مقبوضة وكلش مفرفح عليها ماتخليني اوصلها الا بطريقة وحده وقررت اعتمدها

دخلت جوه هدوء رحت للمطبخ لگيتها گاعدة وكالعادة اوراقها گدامها وتشتغل

يمان: سلام

خيال: هلا

يمان: شلونج اليوم

خيال: من ماشوفك اكون زينة

يمان: قصدج تشتاقيلي حبيبي انا هم اشتاقلج عنيفتي

خيال: اذا انت فارغ وتريد تتعارك بنص الليل ترى مفارغتلك جاي اشتغل

عفتها وتقدمت طلعت عصير بلا ماتنتبة عليه خليت بي حباية مهدئ جان عندي مرات احتاجة وخليته على الميز قريب منها

ورثت جگارة وجريت ايدها خليتها بيها بقت صافنة عليه حجت مستغربة الحركة

خيال: هاي شجاي تسوي

يمان: اخذي نفس منها

خيال: انت اكيد تخبلت شبيك دوخر

حجتها بصوت يرجف وشمرتها رجعتها بيدها وحجيت

يمان: بروح حجي سليمان اعرف ماعندج اعز منه بس خليها بحلگج لا تأخذين نفس قابل

بقت ساكتة وعيونها صارن يلمعن بالدموع شالتها وخلتها بحلگها بلا ماتاخذ منها نفس ابتسمت بستفزاز وحجيت

يمان: جبانة ادري بيج ما تجربينها

رفعت حاجبها وحجت

خيال: منو الجبانة

يمان: انتي

بلا كلام رجعتها الحلگها وخذت منها نفس قوي ماعرفت تطلعة اختنگت وصارت تگع حيل

يمان: شجاج هو هيج

دفعتني وحجت گوه وهي تگح

خيال: كله من وراك مي اريد

يمان: ماكو مي اشربي هذا العصير يمج

شالت العصير وشربت منه ردت اخذه منها ماقبلت بعنادي شربته كله ابتسمت وحجيت

يمان: بالعافية فزة گلبي

باوعتلي صفح ورجعت عيونها بالاوراق عفتها ورحت سبحت وبدلت ورجعت ورا نص ساعة لگيتها ورايحة بسابع نومة اتقربت منها على كيفي رفعت راسها من الميز وحجيت

يمان: خليل گلبي نمت

ماكو جواب غاطة بالنوم شلتها على كيفي بستها بحلگها وحجيت بأذنها

يمان: اخخ اليوم راح تصير حصتي للصبح خليلي

دخلتها للغرفة الي تنام بيها خليتها على الجرباية عدلتها وخليت مخدة جوة رجلها المكسورة

اتقربت يمها نزعتها التيشيرت وانا هم نزعت تيشيرتي ودخلتها الحضني وتغطينه للصبح طفيت نار شوگي بيها ابوس واحضن وهي كل شويه تفز بس ماتدري بروحها وين تسبل عيونها تبتسم وتحجي كلام ما مفهوم وترجع تنام عبالها حلم

بوكت قريب للفجر لبست ولبستها غطيتها وطلعت من الغرفة ...

خيال"

گعدت الصبح راسي ثگيل صاير طبل شفت نفسي على مكاني ماتذكر شنو صار البارحة شلون نمت شلون صرت بالغرفة كل الاتذكرة لقطات متقطعة من حلمي المعتاد بس هالمرة ابد مااحسة حلم

بسرعة فزيت من شميت عطرة عليه خليت راسي بالمخدة معقولة الحسيت بي وكل الكلام السمعته بأذني حقيقة مو حلم اتذكرت العصير

بسرعة گمت بصعوبة اصيح على رميم حتى تساعدني اگوم دخلت تركض للغرفة

رميم: اسم الله شبيج

خيال: ساعديني اگوم

رميم: شكو شبيج

خيال: حكمة وين

رميم: طالعة عدها واجب عزاء مدري وين گالت

خيال: ايي زين

طلعت من الغرفة وهي تساعدني سألتها عليه وكلتلي مموجود طالع من الصبح

دخلت غسلت وطلعت من الحمام صار بوجهي بلا مقدمات صحت بي

خيال: انتتتت شسويتليييي البارحة

يمان: صباح العسل

خيال: جاي احجي وياااكك واكول شسويتلي البارحة

گعد على التخم ورث جگارة يحجي ببرود

يمان: دخلت للمطبخ شفتج نايمة شلتج دخلت الغرفتج

باوع الرميم وحجه

يمان: ريمه عايل وياها انا

رميم: لا ابد عداك العيب واززحح

ضحك على كلام رميم اتقربت منه

خيال: ليش تجذب عطرك مالي فراشي يمان

يمان: اويلي اموت على فراشج تعاي افرشلج بگلبي

خيال: اعديها الك بمزاجي هالمرة بس اذا تأكدت من البالي لو تكرر هالشي ماتلوم الا نفسك

يمان: صار

عفته ودخلت للغرفة سمعت نقالي يدك شفته ياسين بسرعة جاوبته سلم عليه وگال

ياسين: جايبلج خبر الا قنبلة

خيال: ياسين احجي بسرعة

ياسين: حليت 3 شفرات مو مال تليفون جايكم بالطريق وخبرت الجوكر هم جاي

خيال: ماشي ماشي منتظرتك ويمان هم هنا

سدة من عندي طلعت من الغرفة احجي بفرح

خيال: ياسين گلي جاي هسه علينا لان حل 3 من الشفرات

يمان: ايي الجوكر جان يحجي وياي هسه جاي بالطريق

ماگدرت اگعد لحظة وحدة فجأة حسيت الامل والدنيا كلها ضحكتلي اريدة بس يوصل ماكو الدقايق ماتمشي كل شويه اتصل بي يگول جاي ...

❛❛❛❛

رميم"

صعدت ركض على تليفوني سمعته يدك شفته طيف جاوبتها بلا سلام حجت

طيف: اكلج ريمه هذا الي اسمة باتر صديقج

رميم: ايي شبي

طيف: ممكن تگليله يجاوبني صار سبوع ادزله ميشوفهن

استغربت كلامها

رميم: ليش تحجين ويا ومنين جبتي رقمه وحسابة

طيف: هاا هو مو ضايفج فطلعلي رقمة بالمقترح وضفته حبيت احجي ويا دام انتم بس اصدقاء قابل شكو تغارين ياريمايه

رميم: لا ليش اغار هسه اگله يحاجيج لحظة

سديته منها واتصلت علية اجتني فرصة العب بيعا دور العاشقة الغيورة فتح خط وحجه بنعاس

باتر: شبيج داگه من الصبح ادري شنو گيمر اتريك بيج

رميم: الساعة عشرة ترى

باتر: وانتي متصلة بيه تگعديني

رميم: لا عيني اتصلت حتى الفت انظارك على معجباتك وحدة من صديقاتي ضايفتك من عندي وتريد تحجي وياك

باتر: وهسه انتي ترديني اجاوبها

رميم: جرب تجاوب حتى اكسر ايدك

باتر: اخخ ربي اوويلي الله اموت على القوي اسيح

رميم: عوف سوالفك متجاوبها افتهمت لو لا

باتر: صار

رميم: ولا تحجي وياها باتر

باتر: تدللين روح گلبه الباتر وبعد امر خدمة

رميم: لا هاي هي هاا وتنطيها بلوك

باتر: يجرالج بعد تردين امسح كل نسواني الضايفهن

رميم: شلون عيني شسمهن

باتر: متابعاتي العفيفات الشريفات اخواتي في الله

رميم: لا عوفهن هسه بعدين افرغلهن

باتر: رميم

رميم: هاا

باتر: غرتي عليه

رميم: لا روح عندي شغل بعدين نحجي

سدته منه ورحت للفيس خليت حالة وكتبت بيها ( ديري عينج مايفيدج يمي گلبه )

بس شافها رد علية

كاتب "عمي مو بس گلبه كله يمج "

شفتها وابتسمت بنصر عدلت شعري ونزلت ابتختر بخطواتي جانوا گاعدين بالصالة باوعلي يمان وحجه صدمني من گال بتسأل

يمان: رميم ويا منو جنتي تحجين

رميم: هاا ويا طيف صديقتي ليش صوتي جان طالع

خيال: لا انا ماسمعت

يمان: بس انا سمعت والصوت وصلني واضح

بلعت ريگ وحجيت بدون اهتمام

رميم: ايي عادي اسمع اصلا مجان موضوع مهم

هز راسه بوعيد باوعتله وحجيت

رميم: اكو شي

يمان: انتي متأكدة ماكو شي

رميم: الف بالمية يعني قابل اغشك ابو النسب

ابتسم وحجه

يمان: صار ساعة اريد اوگعج بالحجي بس طلعتي اذكى من ما جنت متوقع

خيال: ممكن اعرف شجاي تحجون

يمان: ماكو شي

رميم: فعلًا ماكو شي ولو اكو جان عرفت مو

عرفته شاك بالموضوع وجان يريد يبوگ لساني بالكلام بس الحمد لله سيطرت ومانطيته لزمة عليه

سمعت تليفونه دگ كام طلع برا جاوب اشرتلي خيال بمعنى روحي ورى اسمعي دخلت للاستقبال اتقربت يم الشباك فتحته على كيفي اسمعه يحجي بعصبية

يمان: يعنييي وييننن راححح اكيد مامبتعد هسه يكون قريب لان مايكدر يركض .... هو انت مال واحد يعتمد علييكككك شلون تعوفه وحدة بالمستودعع سوداني وييننن

سكت شويه يسمع اخر شي كللهم

يمان: الكم عشر دقايق وتلگونهم ثنينهم ماعرف اتصل بباتر ودائب هم خلي يجون

سدة يفشر ويغلط مافهمت شي غير اكو ثنين شاردين باسم الشاهين الي دائما يحجون بي والثاني اطلق عليه سوداني

اول مادخل للبيت صارت عينه عليه رفعت اديه وحجيت

رميم: والله انا معليه هاي سوالف خيال

ابتسم ودك تليفونه ماسمعت منه غير كلمة

يمان: ربطوهم على مااجيكم فد ساعتين واريد اشوف واحد يغفل عنهم

ردت احجي سمعت صياح خيال طلعت من الاستقبال ركض جانت تحجي بالتليفون وترفرح من القهر

خيال: لا لاااا عفيه فدوة گول غيرهاا شوكت هذا الكلام لاااا

لزمها يمان يهز بيها ويحجي

يمان: شكوو خيال احجي شبيج شكو

لطمت على خدها وحجت بدموع وهي تشهك

خيال: ياسين كتلوا ياسين مات سوه حادث ومات

   يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

شنو توقعاتكم للمستقبل

معثوراتي لا تنسون التصويت+ متابعة الحساب zainab_ali1 + تعليق بين الفقرات ♥️

متابعة ممتعة🦋

Insta: zainab__.ali1

#تاروت

البارت «20»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

Insta:zainab__.ali1

معتبرك وطن لتروح وتغربني تاليها

التفاصيل العشتها وياك

اوّل مرّة احس بيها..

اسفة على التأخير عمري بس والله داشتغل على ملف كتاب قصتي ( في قبضة الخيلع ) ولازم هذا الأسبوع اسلمة الدار النشر الموضوع صار فجأة والرواية هواي ينرادلها تعديل واضافات اتمنى تعذروني على التقصير والخربطة الداتصير بالنشر مثل متعرفون القصة ينرادلها كتابة وربط احداث وماريد استعجل بيها حتى لا اظلمها والثانية تدقيق وتعديل والله مدالحگ عليهم ثنينهم ان شاء الله الخميس اسلم الملف للدار ونرجع نكمل القصة

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

خيال"

گاعدة على أعصابي منتظرة ياسين طول وهو بعده ماواصل شلت نقالي واتصلت بي مرة مرتين ماكو ميجاوب بدأت اقلق واتوتر رجعت اتصلت بي انفتح الخط وريته لا نفتح ولا احد جاوبني

خيال: ياسين

اجاني صوت غريب يحجي

- حضرتج تعرفين صاحب هذا الجهاز

خيال: ايي اعرفه وينه منو حظرتك انت

سكت شويه وبعدها جاوبني حسيت الخبر مثل الصاعقة

- انا ضابط جنايات المدعو ياسين هاشم عثر عليه مقتول بسيارتة برصاصة والسيارة مسويه حادث

صحت بصوتي

خيال: لااا فدوة لا شلوووون هيججج صااار شلون

- اذا تردون معلومات اكثر الجثة نقلت الدائرة الطب العدلي

حجاها وسد الخط تخبلت صرت ابجي بصوت عالي مثل المصدومة اجوني يمان ورميم يركضون قرفص گدامي يهز بيه ويحجي

يمان: شكوو خيال احجي شبيج شكو

لطمت على خدي وحجيت

خيال: ياسين كتلوا ياسين مات سوه حادث ومات

يمان: شنو مات شبسرعة شبيج منين سمعتي

خيال: اتصلت بي وگلولي يمان رواح ياسين كله من وراي راح بيها الولد

جنت احجي وروحي تتگطع من الالم مدري شسوي بروحي ورميم واكفة مصدومة وهو احتار مدري شيسوي طلع نقاله يريد يتصل لزمته وحجيت

خيال: انت وين جنت ويا منو جنت تحجيي

باوعلي مستغرب وحجه

يمان: شغل شكو

خيال: انت خلييتهمم يكتلون ياسين موو انت ايي طبعًا انت ماستبعدها منك ابد

نتر اديه منه وحجه بعصبيه

يمان: انتي اكيد تخبلتي اسألي رميم هي تحجيلج سمعت الاتصال كله

خزرني وطلع مدري على منو يتصل ورميم گعدت يمي تحجي بصدمة

رميم: يمان صح كلامه مكالمة مافهمت منها شي غير ثنين شاردين ويدورون عليهم

خيال: مادري رميم راح اتخبل صرت اشك حتى بروحي نسيتي شسوه بيناا

رميم: بس جرحتي

خيال: يستاهل

خليت ايدي على وجهي وصرت ابجي بحرگه وهي هم حضنتني حيل تبجي وياي دخلت حكمة شافتنا وحجت بخوف

حكمة: يمه شبيهن البنيات يبجن

خيال: خالة ياسين انكتل

لطمت على خدها تصيح

حكمة: يمه ياااع خيبه شنييي انكتل ياهو كتله

خيال: مادري هسه وصلني الخبر اخذيني نروحلهم فدوة

رميم: وين تروحين بهذا وضعج خلي نشوف اهله شيسوون احتمال يحملونج المسؤلية

خيال: شسوي فهميني الولد راح كله من وراي

حكمة: كتلج من هذيج المرة خلي هدي بعد لان انعرف مايعوفنه اگطعي منه بس انتي اااخخ انتي ماتسمعين حجايتي

خيال: شسوي خالة كلتله وتوسلت بي حتى يعوف ويمسح كلشي بس هو ماقبل وجان مصر حتى قطعت التواصل ويا بس بقى يلح عليه الا هو يحلهن ماسمع مني شسوي

دخل يمان للبيت بدل اخذ سويجه وطلع بلا ما يباوع علينا

عرفته راح يفهم الموضوع بقت حكمة كل شويه تتصل عليه وهو يكللها اهله مخبوصين ومحد يعرف السبب الحد الان غير اغتيال بطريقة غامضة وهاي هي بقيت طول اليوم الوب وبس افكر بياسين شنو ذنبه كله من وراي راح الولد

طلعت برا لليل حتى دخله للبيت ماكدرت ادخل احس روحي اختنگت وبس ابجي

حكمة: رحمي روحج موتيها جا انتي كلتيله عوف السالفة هو ماقبل وهو يدري الموضوع خطر وكل شويه يجي تهديد شكل

خيال: بس من البداية المفروض اتخذ اجراء اذكى من هيج ومادخله بالموضوع

حكمة: هذا قضاء ربج يمه تعددت الاسباب والموت واحد هذا حد يومه شسوين تموتين روحج

اباوع للباب دخل يمان هستوه راجع اول ما وصل يمنا سألتة حكمة

حكمة: ها بشر شصار وياهم

گعد بتعب يحجي

يمان: مسكين والله اهله متخبلين عليه وابو يفطر الگلب وبس يصيح مايتوب من شغله

مسحت دموعي وحجيت

خيال: باجر اروحلهم

يمان: وين ويين ماكو تروحيلهم خلي الامور تهدأ يلا

خيال: بس لازم اروح ماگدر

حكمة: ناس مفجوعة كلشي يطلع منهم وانتي بهذا وضعج وين تگدرين ترحين صيري زينه واخذج بيدي

يمان: المشكلة راح وراحت كل الاسرار ويا وليش انقتل بهذا اليوم وتحديدًا بهاي الساعة

باوع عليه وحجه

يمان: اذن تليفونج مراقب ومكالماتج كلها مكشوفة

خيال: مستحيل شلون يعني

يمان: يعني لازم تغيرين رقمج

حجاها وعافنا ودخل جوا ورى شويه رجع طلع من البيت بس مبين مطايق روحه ...

❛❛❛❛

يمان"

وصلت للمستودع گبل بوجهي للشاهين دفرت الباب ودخلت فز جان مجنز تجنز دائب وباتر ما مقصرين بي اتقدمت عليه رفعت راسه محجيت

يمان: الشاهين تحجي الحقيقة لو هسه اطلع ضيم گلبي كله بيك

جاوبتي بصعوبة يحجي

الشاهين: بعد ياحقيقة تريد كلهن حجيتهن الك

كمت ابتعدت منه نزعت ساعتي حجيت وانا ارفع باكمام القميص

يمان: هاا هيج يعني ما راح تحجي شي

الشاهين: بيمن تريد احلفلك كل الحجيته الك هو هذا العندي ماراح تاخذ شي بعد لا تحاول

اول ماحجة الكلام لزگته دفرة

يمان: وهسه هم ماتريد تحجي

الشاهين: ماعندي شي احجي تريد اجذب عليك

رجعت ضربتها برجلي على وجه دوى بصوته المتوسل

الشاهين: اخخخ راح اموت حرام عليكم كافي

يمان: حرمت عليك عيشتك گـ*** شوف انا اليوم مفولة عندي الاخرها وحاقد على الدنيا كلها لو تحجي لو اكتلك خلص بدون مادري بروحي

الشاهين: كل الاعرفه حجيته الك

سحبت السلاح وحطيته برأسه صحت بصوت عالي

يمان: بـــاتـر

دخل تليفونه بيدة يحجي بنزعاج

باتر: ها

يمان: وين هذاك الثاني

باتر: مشمور جوا

يمان: جيبه

راح سحله وجايبة مسوينه جنازة اول ماشافني بقى يتوسل عوزه بعد شويه يدنگ على رجلي ويبوسها

سوداني: اسف والله اسف بعد ماسويها ولا اعيدها فدوه اروحلك ارحم بحالي

يمان: ارحم بحالك واخليك تطلع منا واحميك هم اذا حجيت هسة كل الحقيقة

سوداني: احجي والله احجي كلشي تريدة

يمان: عفيه عليك وهسه سولفلي شني جانت مهمتك وشني ردت تسوي

سوداني: دزني نضال ومن حجيت وياك جنت تحت التهديد والله مخلي السلاح براسي واحجي

يمان: ونضال شيريد وليش انت بالذات دزك النا

سوداني: يعرف بيك نبه وماتفوتك فايته دخلك من هذا الباب اتصل عليك حتى تحميني وهم يعرفون مكان الشاهين وين وانا اشرده

يمان: تعبر سوالفك عليه قشمر ادري بيك مدسوس منهم وللعلم يعني حتى لو شاردين ترجعون الي لان نضال مستحيل يخليكم عايشيين بعد ... احجييي ليش انت بالذات

سوداني: لان مرة من المرات جنت ببيت نضال والشاهين جان هناك كمت اسوي چاي ومن رجعت سمعتهم يحجون هو والشاهين واسمعه يگله

الشاهين: انت متاكد تگدر توگعهم بهاي السالفة

نضال: يا سالفة شبيك شاهين هم ذول يوگعون يرادهم هواي شغل وحفر وسالفة مثل هاي ماراح تطيحهم يگدرون يطلعون منها مثل الشعرة من العجين بكل سهولة

الشاهين: جا المن خططت الكل هذا

نضال: اريد اوكعهم بضربة ورى ضربة

ضحك الشاهين وكال

الشاهين: يعني مثل مايگولون كثرة الضرب على الحديد يلين

نضال: بالضبط وهالمرة نكتل خطيبته ونذبها براسه فوك التعب النفسي تهمة تتلبسة على الخالي بلاش

الشاهين: شلون مافهمت

نضال: هاي السالفة يم الحكومة وخليتله ناس تشهد ضدة وضد اخو مثل ما تعرف اخو سابقًا متورط بجريمة كتل اهل المحروسة وهي محامية ورجعت فتحت القضية وحتى يتخلص منها كتلها وجيب اليطلعهم بعد وشهود عيان موجودين

اخذ نفس من الارگيلة وگال

الشاهين: يا أخي ماعرف انت شعندك وياهم ليش مركز بيهم الهالدرجة سالفة وخلصت والبنات شردوهن يعني اعتبرها صفقة وخسرانة

نضال: خربولي اهم واكبر صفقة بحياتي من هربوا الاسيرات وانا حلفت اخذ منهم بثار صمد

الشاهين: بس ماتگدرلهم متحامين بظهر قوي

صمد: لهذا قررت اتخلص منهم كل الشغل ماخذينه خلي تفرغلنا الساحة شوية شني مانستاهل

ردت اطلع وارجع المكاني ماحسيت بروحي غير نجريت وصوت نضال يصدح يزمجر بوجهي

نضال: جنتتتت تنقل اخبار مو

سوداني: يمعود وين انقل اخبار كول يالله سمعتكم بالصدفة ...

توسلت بي ردت ماقبل يعوفني حبسوني يومين هو والشاهين ماخلوني اطلع الا بالشافعات وطلاع الروح اخر شي صاروا يهددون بيه وبعدين ونضال اول ماعرف الشاهين مختفي بسرعة گال يمان اخذه وخلاني اسوي هاي الخطة واجيتكم

يمان: شنو دليلك على هذا الكلام

سوداني: افتح تليفوني وشوف محادثات التهديد وحتى مكالمات مسجلة هم وانا ماردت اشرده ضليت اماطل واسوي روحي ماگدر اركض الحدما لگونا دائب وباتر وسحلونه هناك ورجعونا

يمان: يعني الشاهين ونضال هم الدبروا حادث مرتي

سوداني: ايي هم وحتى بيومها الشاهين راح بنفسه ونضال بقى بالبيت

صاح الشاهين وهو يضرب بروحة حيل

الشاهين: جذااب جذاب لا تصدگه هذا يشتغل الصالح نضال

سوداني: افتحلكم نقالي وشوفوا التواريخ قابل هو نضال شمدري انتم راح تخطفون الشاهين

باتر: هسه نشوف ونتأكد ليش لا

حجاها وخلا النقال بيده فتح اله الرمز اخذه يگلب بي طلعنا كل الحجي والمحادثات وفعلا كلامه مضبوط بالحرف الواحد ماتحملت رجعت على الشاهين خلصت عليه

يمان: ليش ردت تكتلهااا ليششش

الشاهين: تتذكر سالفة البنات الطلعتوهن بعد سالفة الجريمة

يمان: وهاي شجابها على هاييي

الشاهين: الصفقة جانت النضال وهو من هذاك اليوم لليوم حاقد عليكم ويريد يوگعكم بكل صورة وانا مشيت ورا بالتهديد غصب عليه

يمان: وجريمة اهل ضرغام هم مدبرة مووو

باتر: ايي اكيد مدبرة

رفع رأسه باوع عليه وحجه

الشاهين: لا اهل ضرغام اخوك كتلهم انا بيومها جنت خارج البصرة وانت تعرف

يمان: شنو اليثبت مو انتم مدبرينها هاااا

دفرته حيل ببطنه صاح بألم

الشاهين: انا تدخلت من وراكم ومنعت الشاهد الشاف باتر وهو يدخل بيدة سلاح البيت حجي سليمان ماخليته يحضر للمحكمة

يمان: وانت ليش هيج سويت!!!

الشاهين: ردت ارد شويه من معرفكم السويتوا وياي انا مو خاين للعشرة بس نضال يهددني وانا ماگدرله نفذت مال الحادث وشردت يم جمجمة

يمان: يعني جان عندك مشروع ان تقتل خيال ؟

الشاهين: مجبور يمان ماعندي غير حل

نهاريت عليه بالضرب فوخت گلبي الموجر بي وعفته

يمان: ننقلهم الغير مكان المستودع مكشوف

باتر: هسه يجي دائب وننقلهم للمستودع الثاني

بقيت انتظر على مااجه دائب نقلناهم الغير مكان

دائب: انا اروح

باتر: هسه اجيت وين مولي

دائب: ماكدر اتأخر على البيت

يمان: خوش ... واريدكم الشاهين تعلگة بالمگلوب من رجليه وتعوفه الحدما اجي مرة ثانية

باوعت للسوداني وحجيت

يمان: وانت ماراح اسويلك شي بس تبقى محبوس حالك من حالة الحدما اسحب كل الكلام منكم

سوداني: قابل انت بس لا تكتلني ولا تطلعني حتى نضال لا يستفرد بيه

عفتهم وطلعت من المكان صاح وراي باتر وگال

باتر: شلون يعني انا ابقى هنا احرس

يمان: انت ماعندك شي انا امي ماتخليني اتحرك

باتر: انت ابقى حارس للخانم مالتك

باوعتلة بطرف عيني وحجيت

يمان: الاحسن مانحجي بهذا الموضوع لان يضوجك وانا ماريد اضوجك

باتر: لا تلعب نفسسييي يمان يعني انت تدري كلش زين انا مااسويها وبعدين مامعقولة اكتل عائلة كاملة وانا مادري بروحي

يمان: بس سويتها باتر سويتها وهذا الاحنا بي انت سببه

الكلمة الاخيرة حجيتها بصوت عالي

دفعني وطلع ضايج ودائب طلع ورى صعدت بسيارتي ورجعت للبيت بعدني بالطريق اتصل بية فرات جاوبتة

فرات: وين انت ؟

يمان: راجع للبيت ليش

فرات: هذا الجوكر لم غراضة وطلع من بيتي يكول انا انسحب ماكدر افك الشفرات وحدي

يمان: حقه وخاصة بعد مقتل ياسين مالومه

فرات: وهسة شنو الحل

يمان: ماعتقد الشفرات ينحلن هنا راح ادزهن الصديق عايش برا ونشوف

يقيت احجي ويا شويه وراح احتاريت راسي افتر كلشي ماجاي افهم بس اتمسك بشي واكول نحلت القضية بالنهاية اشوف روحي اركض خلف سراب الظاهر السالفة مطولة هواي بقيت افتر شويه وبعدها رجعت للبيت

❛❛❛❛

خيال"

تعشينا ورجعنا طلعنا للمكان المعتاد برا بالحديقة الهوى بي نسمات باردة بوادر الشتاء بدأت تظهر ريحة رطوبة الارض والعشب تتغلغل بالنفس تنطي راحة

حكمة كل شويه تطلعلنا بسالفة تحاول تنسيني بس هيهات انا ميتة قهر شعوري الذنب اتجاة ياسين يذبح بيه

باوعت الرميم گاعدة يمي من اول ما گعدنا وهي عيونها بالتليفون ما شالتهن

خيال: رگبتج راح تطگ التليفون ما شارد

حكمة: صدك خيبة عويناتج ولن من الصخمون عوفي شويه

رفعت راسها علينا شمرت التليفون وحجت

رميم: شبيجن وين اروح مليت من گعدة البيت

خيال: اي همزين ذكرتيني ميعاد اخت وسن صديقتي تعرفينها

حكمة: يااا بنات ناصر جانن هناك بالمنطقة القديمة

رميم: ايي حكوم جانوا جيرانا

خيال: المهم تريد وحدة تشتغل وياها بالصيدلية وخابرتني دام حسب اختصاصج ليش متشتغلين وياها على مايطلع تعيينج

رميم: ياريت احسن من گعدت البيت لان ملل

حكمة: باجر انا اخذج واروح نشوفها حتى اسويلج خط

رميم: ينرادلنا سيارة احسن من هاي الخطوط

حكمة: وشنهي السيارة ابوها چبير خلي خويله تصير زينة ونجيبلنا وحدة

خزرت رميم وحجيت

خيال: لا خالة انا مفكرة بهذا الموضوع ضامة فلوسها بس اصير زينة اشتري وحدة

بقت تحجي لان ماقبلت هي تشري السيارة گوه نسيتها بقت گاعدة شويه بعدها دخلت تنام وانا ورميم بقينا گاعدين بالحديقة

انتبهت على فتحتة الباب شفته دخل وصاح على رميم

يمان: ريمه تعاي لزمي الباب ادخل السيارة

راحت رميم فتحتله الباب ورجعت وهو وراها اتقرب يمشي بخطوات يخط برجليه مبين عليه التعب طلع مثل الضرف من جيبة عيوني جانت تراقبة بتقيق بدون وعي مني شمره بحضني وحجه

يمان: هذا خط جديد خطج القديم شمري لان مراقب

خيال: وانت شمدريك

يمان: سوي كشف وشوفي وهذا الخط مأمن خلي واذا ماتردين براحتج

جان يحجي وياي ببرود وحتى مايباوعلي اخذته ودرت وجهي على رميم حجيت

خيال: ريم ساعديني

ابتسمت بخبث باوع اليمان وحجت

رميم: ظهري يوجعني يعني كل شويه ناقلتج المكان يمان فدوة شيلها دخلها للغرفة

كرصتها وحجيت بحدة

خيال: رمييمم بس ساعديني اوكف وروحي

رميم: المنقذ موجود ماتحتاجين مساعدتي انا نعست يلا قايز ليلة سعيدة

باستني ودخلت للبيت تركض صحت وراها ولا كأنها تسمعني عافتني اصيح ودخلت رجعت نظري عليه جان واكف فوك راسي ومتخصر عضيت على شفتي وحجيت

خيال: بس ساعدني اگوم

بدون كلام انحنى عليه وشالني حجه

يمان: اشيلج حتى لا ينشلع گلبي ولا گلبج

خيال: رجلي 80٪ طايبة ماكو داعي اكدر امشي عليها

يمان: لا مايصير تضغطين عليها

سكتت ودرت وجهي منه تنهد بضيق ومشى بيه وهو شايلني كل شويه يقربني اله ويضمني اكثر الحدما حسيت انفاسه الحارة صارت تداعب بشرتي وعطره امتزج ويا انفاسي

درت وجهي اله ورأسي اخذ استقراره على صدرة وهو بدوره لمنه حتى حسيت بعظلات بطنه البارزة وهي تتحرك بتناغم مع مشيته غمضت عيوني ردت احس بي اكثر بهاللحظة هواي حسيت بروحي محتاجة اله دكات گلبه اشتياقي وحنيني العطره رجفة گلبي وانا ببين اديه ويا دفو جسمه وحرارة انفاسة فصلت عن العالم

ماحسيت غير على همساته بأذني يحجي

يمان: خيال

بسرعة فتحت عيوني ابتسم بجانبة وگال

يمان: وصلنا من زمان تردين تبقين هيج للصبح اليوم

انتبهت على روحي حاضنته ومحاوطه رگبته وراسي مرتاح ومستقر على صدرة ابتعدت واني احجي برتباك

خيال: نزلني شبيك مو وصلنا

ضحك بستهزاء ونزلني على السرير مددني وخلا مخده جوه رجلي غطاني وراح جاب العكازات خلاهم يم راسي بدون كلام وطلع ، انا اليوم مدري شبية عيوني متعلگه بي وين مايتحرك ، هزيت راسي اطرد الأفكار من رأسي واحجي ويا روحي

خيال: اكيد هذا الجاي يصير وياي كله من ورى حلم البارحة ايي اكيد ...

طول الليل بقيت اتگلب احاول انام ماگدر اريد عيني تاخذ نوم وتغمض ماكو بصعوبة گمت اخذت العكاز استندت عليهم وطلعت من الغرفة دخلت للحمام وطلعت ردت ارجع سمعت صوت جاي من الاسقبال

اتقربت على كيفي فتحت شويه من الباب ومديت انظاري للداخل شفته گاعد وظهره للباب يشتغل على الحاسبة ويدخن الي لفتني الاغنية المشغلها وكالعادة ذوقة يحب الاغاني القديمة

مرات اطلب منك تنسى

واطلب من روحي الحل نفسه

لكن وين ارحل الگاك

اهرب منك واتمناك

واسمع صوتك وي كل همسه

واهواك شگد ما اريد انسى

حاير بيك وحاير بيه

وحاير بالناس اللي تلوم

لا بيه اصبر بعد شويه

ولااريد اقبل بالمقسوم

انت بنار واني بنار ..

حتى الحب هم بينا احتار

الحب يريد ال يتساهل ..

واحنا المانقبل نتنازل

نتساهل بينا اللي صار

ادري بگلبي وادري بگلبك

وادري تحبني بگد ما حبك

لكن مدري شجاك وجاني

تغيرت انت تغيرت اني

ضيعنا اللي كان بلحظة

ما ظن روحي وروحك ترضى

ارجعلي وشوف انت شلون

بالروح مدفا ومصيون

واي حب لغيرك روحي ترفضه

سندت راسي على حافة الباب وصرت اشهگ بالبجي بصوت مسموع مثل الكاتم وبلحظة وخده انفجر حسيت اعلى ايده الخشنة على راسي همس بحسرة

يمان: شبيج گلبي

ماگدرت احجي ردت اروح ماخلاني لزمني من ايدي وحضني من ورا يحجي

يمان: ليش هيج تشلعين گلبي وگلبج ليش

خيال: لان ماتستاهل كل ذرة حب انطيتها الك

يمان: وهاي دموعج عليمن

سحبت ايدي منه حيل مسحت دموعي وباوعت عليه

خيال: على روحي على ايامي الضيعتها بحب واحد مثلك مايستاهل

يمان: تحجين شي وبداخلج غير شي اذكرج قبل شويه شلون جنت حاضني خليل گلبي لو نسيت

خيال: دوخر داتحلم انت

عفته ومشيت بتجاه الغرفة سمعت صوت قهقهته وحجه

يمان: يعني مثل حلمج من طول الليل تتحلمين برحج نايمة بحضني

بسرعة باوعتله يحجي ومرسومة على وجة ابتسامة خبيثة خزرته وحجيت

خيال: شتقصد

يمان: مااقصد شي كبدبد

شمرلي بوسة بالهوى ودخل للاستقبال رغم البداخلي مو شك وانا متأكدة من الي سوى بس ماهتميت وتجاهلته ودخلت للغرفة كوة يلا گدرت انام

❛❛❛❛

رميم"

مر كم يوم الوضع هادئ وبيوم جنت ابدل اريد اطلع اشوف سالفة الشغل بالصيدلية جنت ابدل بسرعة مستعجلة متأخرة على السيارة المأجرتها حكمة وهو يحجي بأذني

باتر: لا تلبسين شي يطلعج حلوة

رميم: تريدني اطلع مبهذلة

باتر: جنج سيراميك مكة حتى لو تلبسين گونية هم تحلينها

رميم: لا تبالغ

باتر: وحزام الحمزة ما ابالغ

سكتت ارتب بوجهي رجع حجه بنبرة تعبانة يمد بالكلمة

باتر: گلـــيبي

رميم: هاا

باتر: يعني مااشوفج اليوم الصيدلية قريبة من المكان الي انا بي بس عشر دقايق وانا يمج

رميم: لا وين تشوفني ماكدر البنت تعرفنا وانا رايحة ويا السايق يعني مايضم على بابا شي خاف يشوفك وياي

باتر: جا شو صاحبتج الجگمة تگول وين ماتريد اطلع وياك انت بس اشر

حجيت مصدومة

رميم: ليش انت وطيف بينكم كلام ؟!

باتر: لا بس هي تلح وانا اريد اشوفها وين توصل

خفت واحتاريت شلون ممكن ابعد طيف أو شلون اخلي يبتعد عنها ومايحجي وياها

رميم: ها هيج اي يلا براحتك لازم اروح انا تأخرت

باتر: ها گلبنا الخلقة شبيج روح گلبي غير اگلج اريد اشوفها شتريد

رميم: يعني شتريد واضحة بس انت عاجبك الوضع ، الهم لازم اروح باي

حجيتها وسديته بوجه رجع اتصل خليته بقائمة الرفض دزلي مسج من الواتساب حظرته

سمعت صوتها تصيح عليه من جوا

حكمة: ولج رميممممه تأخرنا على الزلمة زحمة منه

نزلت وانا احجي

رميم: شو تأخرنا تحجينها بصيغة جمع

حكمة: غير اروح وياج اعوفنج ترحين الوحدج

رميم: واذا شتغلت تبقين هيج ترحين وترجعين وياي حكوم انا اروح الوحدي اتفق ويا البنية وارجع

خيال: لا حكمة وياج تروح دام بس تافقين وترجعين

رميم: ليش محسستني طفلة وبعدين انتي شلون تبقين بلا احتاجيتي مساعدة

جنت احجي هيج ومتأكدة بي راح يجي للصيدلية لان زعلت

خيال: اكدر اضغط على رجلي اصلا كم يوم وافتحها لا تخافين عليه ويلا الرجال منتظر

سكتت غصب عني ماخللي حجة طلعت انا وحكمة ورحنا للبنت طول الطريق اكل بروحي ماعرف شسوي اذا اجه انفضح ما بيها اي مجال

فتحت الحظر منه بسرعة اتصل رفضته وكتبتله

رميم: " بعدين نتفاهم "

باتر: " جايج للصيدلية "

رميم: " اذا تجي تحلم تشوفني مرة ثانية "

مادز شي ورا دقايق رجع كتبلي

باتر: " من ترجعين للبيت تتصلين بيه افهمج "

كتبتله

رميم: " ميخالف بس لا تجي "

باتر: " منتظرج "

سديت تليفوني مابقى دعاء ما دعيته بس حتى يعدي هذا اليوم على سلامات ومن ردت انزل گوة بطلاع الروح يلا قنعت حكمة تبقى بالسيارة ماتنزل وياي وهي هم جانت تعبانة بقيتها بالسيارة ونزلت

شفت البنية واتفقت وياها اباشر بالشغل من ثاني يوم ردت اطلع وانصعقت من شفت باتر وحكمة واكفين يحجون گبال الصيدلية بسرعة ركضت ختلت ورا دنگة جانت قريبة على السيارة صرت الطم بصمت حتى عيوني امتلن دموع وصارن يحرگني كلمة وحدة من حكمة كلشي ينكشف

اسمعه يگللها

باتر: اوفف ماتدرين شگد مشتاقلج حكومتي

حكمة: غدي تشتاقلك سليمة التطمك

باتر: ههههه ليش تفرقين ليش شو حبيب گلبج مگعدته ببيتج

حكمة: ما ميته عليه مخليته حارس حاله حال الچلاب وهذاك الثاني حتى رقمة مسويتلة بلوك

تجاهل كلامها وسألها

باتر: ماگلتيلي ليش هنا اليوم

غمضت عيوني حييل عبالي راح تنطق اسمي

حكمة: جاية اشتري علاج من وراكم ماخليتوا مرض ماصار بيه هي هاي امجازاتي ميل من وجهي ماريد اشوفكم سربتيه

اباوع عليه ضحك باس رأسها گوه وراح صعد بسيارته وبقى گاعد بيها رجعت ركض للصيدلية

ميعاد: ها ريم رجعتي ناسيتي شي

رميم: لا ميعاد فدوه ماعدكم باب خلفي يطلع الغير شارع

باوعتلي بستغراب بس ما سألت ليش

ميعاد: ايي عدنا تعاي وراي

رحت وراها دخلت بمثل المخزن وبي باب جان مقفول فتحته الي سلمت عليها وطلعت اتنفس بصعوبة من الخوف طلعت نقالي واتصلت بحكمة دليتها على المكان بقت تحجي عليه الطريق كله لان طلعت من غير شارع وانا صايرة خشبه من الخوف

الحدما وصلنا البيت واتصلت بي اول مجاوبني گال

باتر: شگد انتظرت ردت اشوفج ولو من بعيد وما شفتج وين وليتي

تنفست براحة وحجيت

رميم: لا مارحنا للصيدلية اجلت الموعد على باجر لان البنت مشغولة وانا وامي مرينا على بيت خالتي وهسه رجعنا منهم

باتر: الحية ليش ما گلتي

رميم: لا تغير الموضوع واحجيلي ليش تحجي ويا طيف واحنا شنو اتفقنا

باتر: بس اريد اعرف ليش لحيتي بالموضوع وزعلتي

رميم: لا ليش حتى الح وازعل براحتك اذا تريد علاقتنا تخرب كيفك

باتر: اويلي على علاقتنا من تكولين هيج بودي ابوسج بحلگج

تجاهلت كلامة وحجيت بعصبيه

رميم: هسه المهم اذا تبقى تحجي وياها بعد ماريد تحجي وياي وخاف عبالك تضم عليه انت تعرف انا ماينضم عليه شي وكلشي اعرف

باتر: غير مسمومة طبعًا كلشي تعرفين

رميم: بالضبط وانت بكيفك بعد روح گلبي

ضحك بصوت عالي وحجه

باتر: وسيراميك مكة راح اسويلها بلوك اهم شي ماتزعلين وتضوجين

حجيت بضوجة

رميم: باتر

باتر: روح گلبه الباتر گليلي شتردين يجرالج

گلبت شعري وحجيت

رميم: هيج تحبني ؟

باتر: مدمن تفاصيلج انا

رميم: لازم اروح هاي اختي تصيحلي

باتر: ايي شردي ميخالف

غلقته منه ورى ثواني وصلني مسج منه كاتب

" خل يكثر عنادج بعد تاليتج تحبيني "

مرت الايام وانا افكر شلون ابعد طيف منه رغم هو حلفلي سوالها بلوك ومايحجي وياها بعد بس انا بقيت خايفة من هذا الموضوع وخاصة طيف ماعرف شبيها متغيرة وحتى صرت من اطلب منها شي الف حجه تخلي ....

❛❛❛❛

وتر"

فزيت من النوم على صوت طبطبة برا الغرفة باوعت الغرفة ضوها قليل باوعت للساعة صغيرة على الميز الي بصفي الوقت بـ 2:00 نص الليل رفعت روحي اجر بخطواتي مسطورة ودايخة من البجي والرعب العايشته هنا

طلعت من الغرفة شفته صار مقابيلي بنص الصالة نازع تيشيرته وباقي بس بالبجامة جسمة الرياضي بارزة تفاصيلة وگدامة لوحة كبيرة وگاعد يرسم نفس الرسمة المزقتها

تفاجأت من شفتها يعني اذا انا گباله هو شكو يرجع يرسمها

باوع عليه جنت واكفة بباب الغرفة حجه

دائب: صح النوم قلوب

مسحت على وجهي عفته وفتت اريد ادخل للحمام حجه

دائب: مرة الثانية اذا تجاهلتيني اطيح صبغج ادبسيز

ويا كل كلمة يگولها احس بالخوف يتملك گلبي دخلت وقفلت الباب عليه بقيت فوك النص ساعة انا بالحمام گاعدة وابجي ماعرف وين اروح واريد اخذ المفاتيح ماگدر صار ايام ادور طريقة حتى اخذهن منه

فتحت الباب وطلعت شفته مدري وين رايح ماكو اتقربت يم الوحة بتردد هالمرة راسمها بدقة واحتراف اكثر البنت كلش تشبهني احتاريت هو راسمني انا لو وحده غيري مديت ايدي على الرسمة ماحسيت غير نسحبت من خصري حضني من ورى مخلي راسه برگبتي ياخذ نفس ويحجي

دائب: اذا خربتيها هالمرة اخرب عمرج بنيتي

تحركت بنزعاج وحجيت بصعوبة يطلع صوتي

وتر: عوفني

دائب: ليش ترجفين

وتر: لان اخاف منك وماريد تلزمني وخر

دائب: مو انا بعبع

وتر: حتى البعبع ارحم

وخر شعري على صفحة على كيفه وهمس بأذني

دائب: وانا قررت اليوم تنامين بحضيني

دفعتة وانا احجي بدموع

وتر: لا فدوه الله يخليك ماريد ماريد عوفني

دائب: اشش ماكو ماريد تعاي

راد يسحبني ماقبلت تخبلت صرت ادفر بي واصيح حتى يعوفني ماكو مايسمعني جرني عليه حيل وشالني على كتفه دخلني الغرفته

وتر: شبيكككك انت تخبلتتتت مو كلت مالمسج مو كلتتتت

دائب: هو اليشوفج اربعة وعشرين ساعة گدامة حتى اذا جان گلبه حديد يلين

شمرني على الجرباية يحجي

دائب: لا تخافين بنيتي لازم تتعودين على هذا الوضع بعد ماكو نوم الوحدج

ردت اگوم سحبني من رجلي وصار فوگي كمت اصرخ بكل صوتي تهسترت وهو ولا مهتم يبوس بخدي ويحجي

دائب: كافي بابا ماسويلج شي بس تنامين بحضني

وتر: ماريد ماريد عوفني حقير

اول ماحجيت هيج ماحسيت غير براشدي قوي سطرني بي سطر زدت بالبجي والصياح سد حلگي يحجي

دائب: اذا ماسكتي تنربطين وتر خليني محترمج وصيري حبابه

اريد بس اگوم ماكو تهسترت ومن الخوف حتى صوتي صار مايطلع لزم اديناتي خلاهم فوگ راسي والتهم شفيفي طريقته حتى يسكتني لعبت نفسي وانتبهت عليه كل ما اقاوم يزيد ويتمادى اكثر

گوه عليه هديت روحي وسكنت ابتعد مني مسح على شفتي وهمس

دائب: ماريد اوخر منهن بس صرتي عاقله تجبريني اجر عدل وياج

درت وجهي منه بخوف ماگدر اباوع عليه وخاصة الضوء خافت احسه وحش مو ادمي مثلنا نزل نفسة المستواي اخذني الحضنه وحجه

دائب: كل ماتصيرين حبابه الج يمي مكافأة بنيتي الحلوة

باسني بخدي وبوساته نزلت الرگبتي اريد اثور واقاومة بس خايفة من ردات افعالة الماتنحزر وخايفة استفز الوحش البداخلة غمضت عيوني ادعي ربي يحفظني منه حتى وانا بين اديه

رفع رأسه خله ايده جوا راسي وسحب الشرشف غطانا ثنينا حضني حيل يهمس

دائب: غمضي عيونج ونامي يلا

غمضت عيوني حيل ماعندي غير حل حتى اتخلص منه ومن حركاته المقززه درت من عنده للصفحة الثانية

وبقيت على هاي الحالة الحدما حسيته نام وجسمه ثگل فوگي بصعوبة طلعت اديناتي وسحبت روحي منه وگمت طلعت من الغرفة بسرعة ركضت للمطبخ فتحت المي اغسل بوجهي بحرگه وابجي شفايفي هلگد ما مسحتهن حسيتهن تزلغن وصارن يوجعني

شيخلصني من هذا الوحش ياربي انت اعرف بحالي بعد ماگدر اتحمل ماگدر ... احجي وابجي وامسح بحلگي تعبت من البجي غسلت وجهي الاخر مره وردت اطلع من المطبخ عيني صارت على المفاتيح مال البيت ناسيهن على الكاونتر

وسعت عيوني بفرحة وحسيتها اشارة من رب العالمين يساعدني بيها حتى اطلع اتذكرت الباب الي شفته جوا الدرج اخذت المفاتيح ورحت اتسحب بخطواتي على كيفي وكلبي يريد يطلع من الخوف

رفعت البرده ودخلت جوا الدرج بقيت اجرب بالمفاتيح بسرعة بسرعة واحس بروحي اريد اتخربط هالگد ما گلبي تعب من الخوف والرجف جربت كذا مفتاح الحدما فتح وياي وكدرت افتحه مديت راسي باوعت المكان يخوف ظلام دامس مستحيل اگدر اطلع هسه رجعت سديته وقررت بالنهار ورى مايطلع اطلع انا هم

رجعت قفلته واخذت المفتاح ضميته بالمخبأ السري ورجعت المفاتيح للمطبخ اول ماطلعت جفلت من شفته گبالي عگد حواجبه وحجه

دائب: وين جنتي

بلعت ريگ بخوف ماعرفت شسوي اتقدمت عليه لزمته من ايده وحجيت بخوف

وتر: هنا جنت اشرب مي عطشت

باوع على لزمة ايدي وحجه

دائب: متأكدة تشربين مي

وتر: ايي خلي نرجع ننام نعست

دائب: شبيج بابا مصخنه

وتر: لا بس انت مو كلت من تصيرين حبابه وياي اصير حباب وياج

دائب: ايي

وتر: اي وانا قررت اسمع كلامك من اليوم الحد ما تثبتلي صحة كلامك الحجيته الي بس بشرط

رفع راسي بأطراف صابيعة يباوع بوجهي يتفحصني او يقراني ماكدرت اباوع عليه ملامحة ترعبني حجه بهمس

دائب: كملي

وتر: انام بالغرفة الثانية من تثبتلي كلامك صح وتشوفني دليل بساعتها انا كلي الك

بقى ساكت عضيت على شفتي بخوف وحجيت

وتر: متفقين