تحميل رواية تاروت بقلم زيـنـب علـي 🦢 pdf

#تاروت

البارت «21»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

Insta:zainab__.ali1

ريح تاخذني لكتر وتردني ريح

كلشي ماكو بكلشي ماكو اعثر وطيح

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم"

صباح جديد...

فتحت عيوني منبة تليفوني يدگ الغرفة صايرة ثلج باوعت للشباك شفته باقي مفتوح طفت التليفون وگمت سديت الشبابيك الجو صاير بارد كلش صرنا بنهاية السنه وراي دوام بالصيدلية غسلت وجهي ونزلت جوه شفت حكمة بالمطبخ داسوي ريوگ صبحت عليها وحچيت

رميم: ليش گاعده من الصبح حكوم

حكمة: غير اليوم عندج دوام وگعدت الفجر للصلاة ماگدرت ارد انام گلت اسويلچ ريوگ

رحتلها بستها

رميم: اروح فدوه للحنية

حكمة: شعندي غيرچن يلا يلا بله كلام گعدي اكليلچ شي راح تتأخرين

صرت احضر وياها اباوع عليها تشتغل وكلشي تسوي النا بحب راح يصير خمس سنوات يمها ابد ولا يوم حسيت احنا غريبات وگاعدات ببيت مو بيتنا

گعدنا اني وياها نتريگ شويه ما سمعنا الا صوت عياط خيال طالع من غرفتها ملأ أركان البيت فزيت احچي

رميم: يمه شبيها اختي

حكمة: يااا بس لا انضربت رجلها مره ثانية

رحنا ركض الغرفتها فتحت الباب ورجعت سديته بسرعة من شفت يمان واكف گبالها وملابس شي من فوگ

حكمة: ميلي ليش سديتي ماتسمعين صياحها

رميم: حكمة هي و يمان يمكن موضوع خاص

دفعتني من الباب وگالت

حكمة: خيبه خاصيش راح تنط من الصريخ

فتحت الباب وانا وراها او ما شافت يمان نازع من فوگ لطمت على خدها وصاحت

حكمة: دولاب الدولبك صخمت وجوهنااا يويمن صخمت وجهي

لبس تشيرته بسرعة يحجي

يمان: هاك استلم هاي الثانية هم

خيال: شسويتتت يمان ليش گعدت لگيت نفسييي يمك

يمان: مادري مادري انا هم گعدت على صوت صياحچ لگيت روحي هنا نايم

حكمة: يعني شسويت احچي ريح گلبي

صاح بيهن بعصبية بصوت رج الغرفة

يمان: حجيت بيت الله بالحلم كلشيي ماسوييتتت

اتقربت عليه خيال تحجي وتأشر عليه متهستره

خيال: انت واحد ماتتأمن ومو كفو لا عبالك هذاك اليوم عبرتها عليه اليوم هم تعبر

اباوع عليه احتار مدري شيسوي مسح على شعره بحيرة وحكمة تلوم عليه

خيال: اطلع برااا

اتقرب منها يحچي

يمان: خيال

خيال: اطلععع برااا ماريد اشوف وجهك وبسيطة يمان بسيطة لا عبالك اعديها

جانت تحچي بحرگه تتحلطم وتخلي عينها بعيونه

حكمة: بسج رويحتج فرفحت كله من ورا هذا المايستحي

يمان: اليسمعج ولا يگول طول الليل اريد اتحرك ماتخليني وتصيحين خليك ابقى احضني بعدلچ شويه تغتصبيني

حكمة: استحي ولك عاب هالهزول وبلا

اباوع على خيال وجها صار أحمر وصارت تدفع بي وخرت من الباب طلعته وحچت

خيال: ماريد اشوف وجهك بعد حكمة هذا مايبقى هنا واذا بقى انا اطلع من البيت

يمان: اكو مره تتحرك اكسر رجلها

خيال: وخر من خلقتييي

حكمة: والله ملينا وجزعنا من وراكم

اخذت يمان بعدته من غرفة خيال وهي تحجي وترزل بي

خيال: السافل الحقير گعدت من النوم لگيته بنص خلقتي وحضني فوگاها ونايم نامت عليك طابوگة دبل

جانت تحجي وگوه تمشي من ورا رجلها البعدها متجبرة

اتقربت يمها بقيت اهدأ بيها گوه رجعت مددتها على مكانها احجي وياها الحد ما نامت عفتها وطلعت سمعت حكمة ويمان يحچون بالمطبخ اتقربت يم الباب اسمع حكمة تحجي عليه وهو يگللها

يمان: يمه شسوي اريدها تعبت تعبتني وما تقبل تسمع

حكمة: نسيت السويته لا تلومها

يمان: شسوي حكمة انا بين نارين گلبي ووصية امي فهميني شسوي

حكمة: جان المفروض توگف ويا الحگ ولو هو المثلكم منين يعرف الحگ غسلت ايدي منكم من العكوس كل الحجي وياكم مايفيد

يمان: ردتج عون تصيريلي فرعون

حكمة: عديتها الك هالمرة النوبه الثانية اذا وصلت حد باب غرفتها ريولك احشها

ردت اصعد سمعت كلامة صدمني من گال

يمان: باتر بريئ حكمة وقريبا اثبت برائته

صعدت انا اردد رافضة اصدگ

رميم: مستحيل يكون بريئ مستحيل بعيوني شفته لا ومو بس هيج خلالي اثر مايروح هم

بدلت ملابسي ورتبت روحي على ماوصل السايق نزلت سلمت وطلعت بنص الطريق دزلي مسج كاتب

باتر: " وين صرتي "

دزيتله

رميم: " بالطريق جايه "

قبل لا اوصل الصيدلية خليت السايق ينزلني مسافة بعيدة عنها لان اعرف راح يكون متواجد وماريده يعرف السيارة الاجي واروح بيها

مشيت اول ما دخلت الشارع الصيدلية شفت سيارته فعلا منتظرني نزل من السيارة قابلني ببتسامتة المعتادة وانا احس روحي نقبضت مدري شبيه يجيني هذا الاحساس كل ماشفته گدامي اخذت نفس عميق ومشيت ناحيته بخطوات ثابتة

رميم: واگفلي بباب الصيدلية باتر صدگ تحچي افرض واحد من اخواني شافك هسه وبيتنا مو بعيد منا

باتر: ندري بيتكم بالجزائر ندري

رميم: مجاي اشاقة باتر

انطاني قهوة خلاها بيدي وحچه

باتر: مو صوچج صوچي انا الجاي ومتعني من الصبح وعايف نومتي الحلوة حتى اشريلچ قوطية گهوه بالف دينار عراقي

رفعت حواجبي وحجيت بذهول مصطنع

رميم: حييلل الف دينار مره وحدة

باتر: وياريت لو الناس تقدر تعبي

ابتسمت وحچيت

رميم: شكرا الجهودك المبذولة وهسه تگدر تروح لان خاف احد يشوفنا

باتر: يلا المهم شفتچ حتى اذا ثانيتين راح ابقى مغمض عيوني ماريد اشوف غير وجهچ اليوم

رميم: لا تبالغ مو الهاي الدرجة

باتر: واكثر وداعة رميم

غمضت عيوني بحركة امتنان مبتسمه عفته ودرت وجهي اريد اروح صاح وراي

باتر: رميم

التفتت اباوع عليه فتح باب السيارة وگال

باتر: بنص هوسة الاماكن وكثرة الناس وانا مثل الأعمى ماشوف غيرچ

رميم: هسه غير يروح اريد اشوف شغلي راح انطرد

باتر: رايح عمي رايح هو انتي مو وجه نعمة

صعد سيارته وراح دخلت للصيدلية گلبي يخفق بقوة اخذت نفس وزفرتة من اصير گبالة حتى النفس ينگطع صبحت على ميعاد وباشرت بشغلي

وهو بقى مثل عادته بكل يوم نبقى مراسلات طول الوقت يمكن محادثات ماتنغلق مابيها باي وسلام شوكت مادخل اكتب وهو كذالك صفنت ماعرف شنو نهاية كل هذا بس البالي اوصله لو بعد الف سنه حلفت اخلي يوصل مرحلة الجنون ، انتبهت على صوته حچه بسرعة فزيت شفته واگف گبالي يحچي ببتسامة

باتر: اريد بندول لو سمحتي

بلعت ريگ وباوعت الميعاد عادي ممهتمة عضيت على شفتي اومأت اله بحركة بسيطة

ميعاد: رميم ليش صافنة مشي الزبون تعال اني ابيع الحضرتك شنو الوصفة

اشر عليه وحچه

باتر: كلش مريض والوصفة عدها اقصد نطيت للبنت اسم العلاج

بلا ماباوع عليه طلعت بندول وبعد ويا حبوب سحبت حتى ماعرفهم شنو المهم العلاج يصير هواي مو بس بندول

باتر: شگد

انتبهت على العلاج الي نطيته اله كلش غالي احتاريت ماگدرت ارجعه ميعاد عينها عليه ابتسمت بخبث وحچيت حچيت

رميم: 75 الف

حگ رگبته وگال بصوت مسموع

باتر: الك الله يالفقير

طلع من محفظتة فلوس انطانياهم وهمس

باتر: ماكل شارب ادفع 75 الف حتى اشوفچ منو الموناليزا انتي

ابتسمت انطيته العلاج وحچيت

رميم: الشفاء العاجل ان شاء الله

باتر: أمين ربي

اخذ العلاج وطلع يضحك بلا شعور لگيت نفسي مبتسمة هزيت راسي ورجعت للشغل وهكذا على ماطلعت وتأكدت منه هو بالبيت يلا صعدت بالسيارة ورجعت...

❛❛❛❛

دفرته حيل برجلي اصيح

يمان: احچيييي احچي انتقم منك اليوم وحق الحق 

لزمني دائب وگال

دائب: دعوفه يمعود شبيك اليوم راح تموته

يمان: يعترف بكلشي غصب عليه واذا ما حچه اخلص عليه بيدي

دائب: اهدي شويه اذا ما حچه انا اخلصلك عليه

راحله فرفص گدامه وحچه بأسف

دائب: هسه شتسوالك تفديهم بنفسك تريد لو تحچي وتخلص روحك

يون بألم ماتطلع منه غير كلمة

الشاهين: بكلشي ماعرف عوفوني

يمان: بكلشي تعرف وتحچي غصب عليك

الشاهين: ماعرف ماعرف

دائب: الشاهين تدري بيه اگدر هسه كلشي اسوي اكتلك وتنسي بمكانك من غير مايطلعلك خبر بس انا واگف بعيوني الملح والزاد الصار بينا فـ احچي احسن ألك

بقى ساكت يون طلع دائب مسدسه وخلا برأسه حچى راص على اسنانة حيل

دائب: چا يلا اقرأ السلام على روحك النتنه ، ماچنت اريد اسوي هيج بس جبرتني بالشاهين

سحب المسدس واشرلي يعني لا تخاف هزيت رأسي سمحتله يشوف شغله رجع خلا المسدس برأسة وكمل

دائب: انطيك اخر فرصة تحچي لو لا

بقى ساكت الشاهين ولا نطق ولاحظت دائب من سحب المسدس طلع منه الشاجور بخفة ايده وضمه بجيبه ، خلا. المسدس حيل رأس الشاهين وضغط على الزناد وهذا فز

الشاهين: لا لا ابوس رجليكم ماريد امووتت

دائب: حظك حلو چنت ناسي الشاجور مو بالمسدس

طلعة من چيبه ورجعة للمسدس خلا برأسه وگال

دائب: هاا تحچي لو هاي المرة تنام المحرسة بنص رأسك

الشاهين: احچي والله احچي كل الاعرفه الاعرفه وبسس بيش تردون أنا مااعرف اكثر من الراح احچي

يمان: ميخالف يلا غرد

الشاهين: اذا تردون تعرفون الحقيقة ادليكم على واحد يعرفها بتفاصيلها اذا عرفتوا راح تعرفون كل الصار وحتى الشفرات يفتحهن الكم

يمان: وين هذا وشني اسمه وليش يعرف كل المعلومات

الشاهين: ماعرفه بس مره سمعته يحچي ويا نضال ويگله الجريمة اعرف تفاصيلها وبدقة الباقي ما اعرفه والله ماعرفه

دائب: انطينا الاسم بلا

الشاهين: اسمه حسام طه النعمان يلقبون اله بأسم حسام النعمان اذا تردون تطيحون على خبرة تلگونه دائما متواجد بملهى ____ هذا مكانه اليگعد بي هو وجماعتة

يمان: على الله تطلع تچذب عليه حتى اعرف شلون اخلصك من روحك واطلعها الك بيدي

عفته ومشيت طالع من المكان ودائب وياي صحت

يمان: بـــاتر

طلع من الغرفة الداخل المستودع يحچي

باتر: خير اليوم عايفين الشاهين من وكت

دائب: اعرف على واحد رايحين نصيده هم ايدك ويانا يالبتار

باتر: اروح وياكم وهذول العجوله ياهو يحرسهم

يمان: لا خليك هنا احنا ندبر روحنا

همينا نريد نطلع صاح مستوقفنا

باتر: ما گلتولي شسمه المحروس

يمان: اسمه حسام طه نعمان ملقب بـ حسام النعمان

اعاين عليه صفن يردد بالسم رفع رأسه وحچه

باتر: چني اعرفه مدري وين مار عليه الاسم

يمان: وين مار عليك انا بالنسبة الي اول مرة اعرف  بأسمه

باتر: هاا مادري مو چنكم تأخرتوا يلا توكلوا وانا ارجع أحرس

عاينت الدائب سوى حركة بحواجبه بمعنى ماعرف مشينا وباتر يصيح ورانا

باتر: مو تنسون روح گلبي اريدها اليوم تولع هيج كون طگ طگ

وصلنا للملهى الگال عليه الشاهين نزلنا انتبهت الصوت دائب يگول

دائب: هذا عليه حراسة مشددة يعني المكان خطر وكله ناش ثگال

يمان: دخلي مدخل ونشوف

اتقربنا ردنا ندخل وگفلنا واحد بالباب يحچي

- رقم الحجز من رخصتكم

دائب: يا حجز

- المفروض تكونون حاجزين قبل بوقت يلا تدخلون اذا ماعدكم حجز آسف من حضراتكم

يمان: اي وين المشكلة نحجز هسه

- المفروض تحجزون قبل يوم

دائب: درتبها منك وخلي ندخل ابو الشباب هم تستفاد وهم احنا نستفاد

حچاها ويأشرله بحركة يعني ادفعلك شگد متريد

- آسف الاماكن كلها محجوزة اكدر اثبتلكم حجز على باچر اذا تردون

احتارينا شنسوي منين ماندخله يطلع النا والمكان مبين توب ومو اي شخص يگدر يدخله ابتعدنا شويه منه عاينت الدائب وحچيت

يمان: خلي نثبت حجز بأسماء مستعارة احتمال يعرفنا توصله القائمة كلشي يصير

دائب: وننتظر منا الباچر

يمان: شنسوي مجبورين ماگدامنا غير هذا الحل

رحعنا للولد حچيت

يمان: ثبتلنا حجز بـ اسم فايق اسكندر وفاروق عوض

سجلهم وگال تثبت باجر الساعة سبعة نگدر ندخل ابتعدنا ضربني على چتفي يحچي ببتسامة

دائب: وين لگيت هاي الاسماء

يمان: اندري اجن بحلگي بعد

باوع الساعتة وحچه بذهول

دائب: الساعة راح تصير بـ 10

يمان: اي وشعندك

دائب: مع السلامة لازم اروح هسه باچر نلتقي على الموعد

ردت احچي ما خلاني صلاهن عليه صلي مستعجل عافني حتى ماخلاني اوصله سيارته بقت يم المستودع وكف تكسي وراح بيها ، وانا صعدت سيارتي ورجعت للبيت مادخلت وكفت السيارة ورجعت الكشن الي ورى ومثل كل مرة بين التفكير والكوابيس خلصت ليلة من ليالي الحزن الكآيبة

فتحت عيوني هستوه طار الفجر والجو صاير ثلج دخلت للبيت بدون ما واحد يحس عليه سبحت وبدلت ورجعت اريد اطلع اجاني صوت حكمة تحچي وهي تنزل من الدرج

حكمة: هم زين شرفت يحارسنا

يمان: صباح الخير يمه

حكمة: من وراكم مايجي الخير

حچتها وتعصبت يربطتها بحركتها المعتادة التفتت عليه وگالت

حكمة: وين جنت نايم عد يا بت ليل

يمان: شوفي صرتي سيئة الضن من الصبح صلاتچ الصليتيها مامقبلولة يعني

حكمة: هذا مو سوء ضن هذا يقين طول الليل ماشفتك رجعت

يمان: اي نمت بالسيارة

باوعت الباب المطبخ شفت خيالها واكف عليت صوتي احچي

يمان: يمه انا بعد مارجع للبيت تالي الليل والوكت متأخر اكو جماعة يچلبون بيه ويحضنون وبعدين اصير انا الملام

حكمة: جا ياهو الملام ابوي طلع من گبره

يمان: سألي الجماعة

باوعت للباب وصاحت

حكمة: تعاي ادخلي لا تتحرگنين من ورا الباب

اباوع خيالها ابتعد وصوت ضربت الباب بشكل قوي حچت حكمة وهي تهز بيدها

حكمة: صدگ لو گالوا زعلان و **** مصطلح

ضحكت عفتها وطلعت مر اليوم بين الشغل والتحقيق ويا شاهين ماقبل يعترف بشي وبقى مصر على رأيه والاسم الي ذكره

انتظرت دائب صارت الساعة 8 يلا اجاني طلعتله احچي

يمان: وينك ساعتين انتظر

باوع للوكت وگال

دائب: شبيك ماگدر اطلع نومت بنيتي يلا اجيت

يمان: وهاي انت بعدك مرابط ببابهم

دائب: لا يابه تطورنا

يمان: يعني ؟؟

دائب: اهووو هسه احنا رايحيين نخلص شغل لو نحچي امشي بسرعة تأخرنا

مانطاني لا حگ ولا باطل مشى گدامي صعد بسيارته وانا بسيارتي ورحنا النفس المكان انطيناهم رقم الحجز ودخلنا درت انظاري بالمكان بين فخم وفعلا كل الطاولات تقريبا محجوزة

دائب: هسه هذا وين نلگاه حتى نطلع بسرعة من هالعبان النفس

يمان: خلي نگعد الا ما نلگاه بفد مكان اذا موجود هنا

اجانا واحد حچه

- تفضلوا طاولتكم الخاصة هنا بمكان VIP مثل ماطلبتوا

گعدنا على طاوله جابولنا مشروب والسهرة جانت بادية راقصات ومطربة معروفة تغني

دائب: هسه عود هاي هم مقتنعة بروحها

يمان: دشوف صايرين كتل عليها

دائب: لو اشوفها مصلخة بالشارع احط يمها 10 الف واعوفها

حچه الكلام وطلع تليفونه يتصفح بي فجأة حچت المطربة تحيه خاصة لاستاذ حسام النعمان

اثنينا رفعنا راسنا ندور بالمكان نشوف وينه صارت عيني على طاولة بصفنا شفت واحد رفع كأسه وهو يضحك بتجاة المطربة وهي سوتله حركة امتنان

دائب: يعني هو هذا

يمان: يمكن هو لان ماعتقد اكو غيرة بهذا الإسم

اتقرب منه النادل يحچي

- استاذ حسام بعد محتاج شي

اشرله بمعنى لا عافه وراح

يمان: هذا بلا شلون نصيده وكل هاي الوادم حواليه

دائب: هسه شوكت مايطلع نطلع ورى ونشوف شني الوضع بله

بقينا گاعدين للعشرة تقريبا گام راد يطلع

يمان: خلي يتجاوز البوابة ونطلع ورى حتى لا تصير العين علينا وهو احتمال يعرفنا هم

طلع يمشي گدامنا بمسافة طلعنا ورا

دائب: هذا منو وليش كل هاي الحماية ورى

يمان: لازم اكو سالفة بالموضوع هالشخص مهم كلش ممبين وخطر ، ينراد تخطيط وتكتكه وهاي من تدابيرك ابو الشباب

دائب: هو كله عليه ذبها وانت ابقى يجيك الصافي

يمان: ولك ماگدر اتحرك امي تثبرني ثبيرة

طلعت تليفوني باوعت بي وحچيت

يمان: هاك شوف من 8 الهسه 12 مكالمة فائتة وبعدين شكو بيها يگولون الحايط يطيح على أهله قابل انت غريب غير اخوي

دائب: أكل بعقلي حلاوة اكل شرايحلك قابل

يمان: اشش باجر اريد أخبار كاملة مو تنسى

دائب: صار أمر خدمة ثانية

يمان: لا لهنا كلش كافي

ضحك صعدت سيارتي ورجعت للبيت ...

❛❛❛❛

وتر"

من يوم الاخذت بي المفتاح وانا يوميه اطلعة اباوع عليه وارجع اضمه جوه دوشگ الچربايه لا اگدر اطلع بالليل اخاف ولا عندي اي فكرة من اطلع وين اروح انوب حتى السنة الدراسية راحت عليه و هو هالايام لطش بالبيت النهار كله مايطلع بس ليلت الدنيا كشخ على اخر حباية وطلع حجيت بصوت مسموع

وتر: مدري ششايف روحه عود حلو عشتو مايدري برحه كأنه غول

فزيت وعدلت گعدتي على الچرباية من فتح الباب ودخل حچه

دائب: سمعتچ ادبسيز

نصكيت بمكاني هذا شلون سمعني شوكت رجع شوكت لحگ يبدل ملابسه وچماله باقي بس بالبجامة نزلت نظراتي منه عيونه احسهن يخترقني يرعبني من يباوع عليه بنظراته الشريرة

دائب: ايي ست وتر منو هذا الغول

حجيت امتمت گوة تطلع السالفة مني مدري شمسلت

وتر: هاا محد جنت اشوف فلم غوريلا يحب بنت واسولف بي ويا روحي

دائب: شني رأيج تگومين يمي هناك وتسولفيلي شلون يحبها

وتر: لا لا ماريد اصلا نعسانه هسه انام ماكدر اتحرك

يحچي ويغمزلي

دائب: ليش بنيتي غرفتي دافية تجنن وحضي بعد ادفئ

تمددت وغطيت نفسي زين وحچيت

وتر: احنا شنو اتفقنا

دائب: شتفقنا ماتفقنا

رجعت گعدت وحچيت

وتر: لا تچذب والله تفقنا

اتقرب يمي بخطوات ثابته يخفق گلبي ويرتعد من الخوف وياهن هالبشر حركاته ماكدر احزراها غموضة يموتني من الخوف

دائب: منو اليچذب

طفرت واگفه على الچرباية احچي

وتر: انا والله انا ماقصدت عليك بس هو تعبير مجازي قابل انت چذاب يعني

دائب: عقوبتج تنامين بغرفتي

ختنگت ماريد اروح الغرفة الرعب مالته حچيت بدموع

وتر: والله ماقصد الله عليك عوفني هنا انام مرتاحة

دائب: لا الا يمي تنامين اليوم وتحچيلي سالفة الغوريلا هم

وتر: حباب الله يخليك

دائب: اششش ماريد اسمع نفس بس تحچين تتعاقبين بعقابچ المعتاد ترى

وتر: لا اروح وياك بلا مااحجي بس لا تلزمني ولا تتقرب مني

دائب: چا نزلي وجري گدامي بحترامچ احسن ماتنسحلين ووتعاقبين بالعقاب اليحبه گلبي

نزلت بسرعة وطلعت گدامه مثل الشاطرة دخلت الغرفته دخل وراي سد الباب وگال

دائب: عفيه ببنيتي التسمع الكلام

وكفت بنص الغرفة كل ما تنزل دمعتي امسحها قبل لا يحس بيه وگلبي مااحس بي يدگ لا يطبل طبل من الخوف حچه قريب يم اذني فززني

دائب: يلا للچرباية بابا

وتر: ايي

رحت كعدت على حافة الجرباية افرك بأيدي بخوف اندار تمدد وحچي

دائب: متنامين شبيچ

حچاها وسحبني من ايدي

وتر: لا عفيه شگلنا مو كلت ماتلزمني اذا سمعت الكلام

دائب: انتي جربي لا تسمعين الكلام وشوفي شيصير بيچ هسه

سحبني مددني وخلا نص جسمه عليه ورأسه على صدري دفن وجهه بيه ياخذ نفس حيل لعبت نفسي والمصيبة ماگدر اتحرك ولا اعترض من الخوف

دائب: افييش مو شمه حياة وعمر فوگ عمري

عضيت على شفتي ودموعي الحارة صارت تسيل من عيوني حسيت بي رفع تيشيرتي ودخل رأسه جواه فزيت ثبتني يهمس

دائب: اششش اهدي ماسوي شي لا تخافين

بقيت جامدة ومخشبة روحي يمكن لو انذبح قطرة دم ماتطلع مني دمي نشف مشى وجهه على طول بطني ياخذ نفس بعدها طلع رأسه باوع عليه وحچه

دائب: شبيچ بابا شسويت ليش كل هاي الدموع

وتر: انا مامتعوده هيج فدوه مااحب احد يلزمني

حضني حيل رأسه على بطني يهمس

دائب: ميخالف تتعودين بعدين من تكبرين

حجاها وغمض عيونه يهمس

دائب: ماسولفتيلي على الفلم

وتر: هاا نسيته

دائب: باجر تتذكرين وتسولفيلي

وتر: ايي ايي ميخالف بس نام هسه

دائب: اممم

غمض عيونه دقايق وغط بالنوم مبين تعبان عيني صارت على تقاسيم ظهره البارزة گدامي جسمة صلب يلمع ويا ضوء الخافت بالغرفة

رفعت راسي الي فوگ ادعي ربي يخلصني منه واگدر اطلع وارجع الاهلي واتخلص من هذا السجن

انتظرته كلش ينام ويغط بالنوم وبصعوبه تملصت منه وگمت على حيلي اخذ نفس عميق احسه جان كاتم على نفسي كأنه جبل وصاير فوگي حشى مو بني ادم مدري شنو

عفته وطلعت رجعت الغرفتي وحركاته المقززة اليسويهن وياي مايزيدني غير اصرار وعزم حتى اطلع منا واتخلص منه بأسرع وقت ممكن

تمددت على الچرباية وبين افكاري وتخطيطي نمت ثاني يوم الصبح الصبح فزيت مرعوبة نفزعت من باب الغرفة انهبد عليه هبد راد ينخلغ من قوة الدفرة الاجت بي

دخل عيونه حمر اتقرب عليه يحچي

دائب: عود شنو معناها تكسرين كلامي وترجعين هنا تنامين

وتر: شبيك ترى كل مره هيج اسوي ماتحچي شي

دائب: كل مره اكول هسه تتعود بعد ماتسويها بس انتي ما تمشين بالهدوء والمسايسه الا غصب وسحل

اتقرب سحني من ايدي بقيت اضرب بي واحچي

وتر: عوفنييي وين ماخذني عوفنييي

دائب: كل غراضج تنتقل الغرفتي ونومج هم الغرفة الثانية راح تنقفل حتى جني راح اگعد بيها

فتحت عيوني بصدمة

وتر: عندك جنييي

دائب: ايي ويسكن بالغرفة الاگله عليها واذا تنفستي اخلي يسكن ويانا

شهگت احچي

وتر: ياربي دخيلك شنو من بشر انت شنووو ماريد ابقى يمك بنفس الغرفة عوفنييييي

دائب: عفريت انا مو بشر واششش صوتج ماريد اسمعة

وتر: حقير تافه ماريدك مو گوه ماريد

دفعني الغرفته حيل يحجي

دائب: تعاي بنيتي

عطت بصوت عالي لزم فكي يريد يوصل الشفتي حجيت

وتر: والله راح اسكت والله بعد مااحجي ولا اعترض

دائب: عفيه

نترني من ايدي حيل على الچربايه وصاح بيه

دائب: تمددي

تمددت وهو شمر روحه عليه وكالعادة رجع النفس نومته حاوطني ورجع نام واني ابجي وانعل بحظي المصخم الخلاني بين ادين هالغول ....

❛❛❛❛

يمان"

اربع ايام مرن دائب يدور ورى هذا الاسمه حسام النعمان وماكو خبر

انتبهت على صوت تليفوني يدك شفته دائب جاوبته اجاني نفسه الاهث يحچي

دائب : عرفته حسام النعمان يصير شريك عين الضبع عدهم شركة نفط بترول وهاي والسوالف وعدهم بانزينخانة سوه

يمان: ايي عنوان اسم غير هذا الاسم

دائب: لا هو اسمه حسام طه نعمان وعنوانة عرفته وشغلهم الشرعي كلتلك عليه

يمان: والمو شرعي

دائب: محروسك العين تين صاحب اكبر منظمة ارهابية داعشية من ذوي القاعدات الخاملة يسمونها

يمان: هاي شلون ؟

دائب: اوكار خاملة يعني يلمهم مثل المجهاديين الي ينظمون عمليات انتحارية والي يصنعون متفجرات خفيفة واحزمة ناسفة ويصدرون للخلايا الأكبر بس العجيب بالموضوع ان الجهد الاستخباري عدنا عالي ليش الحد هسه ماكتشفوهم غريبة

يمان: يعني ابلاغ واحد يطير

دائب: يا بس يطير يحلق حتى رئيس الوزراء مايطلعهم بعد

يمان: بس انا اريده يعترفلي اذا يعرف على حسب أقوال الشاهين وبعدها خلي ينطمر بالسجن

دائب: حليتها ألك

يمان: شسويت

دائب: انت وين ؟

يمان: بالمستودع البي الشاهين

جاوب صوته تعبان يلهث مدري شسيوي

دائب: مالي خلك اشرح بالليل امر عليك وتشوف بعينك

يمان: وانت شبيك تلهث بالي وصل الزحل والنية حلقت فوگه

دائب: ومرض جاي اتمرن هوووو

يمان: هاا تتمرن گلتلي ايي ضلعي تمرن تمرن زين

دائب: شبيك

يمان: مابيه ننتظرك بالليل مو ما تچي

سديته منه باوعت الباتر جان مركز وياي بتدقيق

يمان: شبيك

باتر: شني

يمان: شبيك مبحلق بيه عيونك يخوفن جنهن عيون نسر

ضحك وحچه

باتر: قصدك عصفور اثول

گمت وحجيت

يمان: رحم الله امرئ عرف قدر نفسه

اباوع عليه بقى صافن باوع عليه وگال

باتر: اگلك انا هذا مدري وين سامع بأسمه بس ماتذكر

يمان: هو طلع معروف

عفته وطلعت بقيت انتظر دائب لليل يلا اجه جنت منتظرة گاعد بالسيارة انتبهت على صوت طرقات على الجام فتحت اله الباب صعد وحچه

دائب: اريد البشارة

يمان: گول

دائب: الجماعة اليوم مجتمعين بمقرهم المعتاد بمنطقة _____ البنايه 7 جاي يحضرون مجموعة من الأحزمة الناسفة والانتحاريين

يمان: ايي نبلغ قصدك

دائب: طبعا لا انتبه وياي يمان اول شي ضبطت الوضع ويا ثنين من زلم حسام

يمان: شوكت سويت كل هذا

دائب: صار اربع ايام غاط وياهم شبيك انت المهم زرعولي چم قنبلة خفيفة جوه العمارة اول مايطلع حسام منهم بتصال واحد منهم يتفجرن الجهد الاستخباري حاضر طبعا يداهمهم لان مايكدرون يطلعون وهيج راح ينقبض عليهم وتلبسين وحسام يصير حصتنا لان ما ويا حماية ناخذ معلوماتنا منه ونشمر بأقرب مركز وگله بيباي

ضربته على راسة وگلت بذهول

يمان: انت شني من فرخ خايب انت جني وين لگيت كل هاي السوالف

دائب: العلاقات ويا العصابچيه القديمين تجيب نتيجة احيانا مو مهم شلون عرفت المهم كدرت احصل كل هذا

يمان: وشوكت نتحرك

دائب: هسه لان بعد ساعة المفروض احنا يمهم وهم حتى لا تضيع علينا السالفة بسرعة ماريد احد يشك بينا ابد خليك مرتاح

يمان: لا مرتاح قابل شعندي

شغلت السيارة ورحنا للعنوان الي دلاني عليه دائب جانت منطقة بعيدة وكلها درابين وفروع ضيگة وهوسه صايرة وكالعادة بهيج وكت السكارى بيها ممطله بالشارع والنسوان حدث ولا حرج

دائب: هاي البناية

دخلنا مثل البناية صغيرة قديمه كلها رطوبة والحياطين مگرفعة وصايرة فلم من غير الريحة البشعة البيها

دائب: خرب بغيرتكم شلون عايشين هنا

يمان: لو عايشين بحمام مواحسن الهم

صعدنا درجيت صغار الحدما وصلنا وصار گدامنا غرفة تطلع منها على غرفة ثانية وهم ملتمين يشتغلون على فد قدم وساق وشكلهم مبين دواعش من غير ريحتهم النتنه انتبه علينا واحد اتقرب من عدنا يحچي

- اهلا فاروق

دائب: اهلا بيك ابو سلمى

باوعلي وحچه

دائب: هذا صديقي فايق السولفتلك عنه

ابو سلمى: مايحتاج تسولف عنه يكفي انه من طرف الحاج ابو موسى

يمان: شكرا لحضرتك

ابو سلمى: تفضلوا تفضلوا وحيوا بتحية الاسلام بارك الله لكم

دخلنا وسلمنا كلهم ردوا السلام گعدنا منتظرين هذا الاسمه حسام ورى ربع ساعة دخل سلم وكعد يلاوعلنا بنظرات مستغربة اتقرب من المسمى ابو سلمى مدري شهمس بأذنه يأشر علينا ضحك بصوت عالي وحچه

ابو سلمى- لا تخف فأن فاروق وفايق محل ثقة ابو موسى انهم امان

بقى تقريب بالنص ساعة واحنا نباوع عليهم وعود نحاول نتعلم ونضبط الشغل وياهم الحدما نزل حسام همس دائب

دائب: يلاا ابو الشباب صار وكتها

بسرعة نزلنا ورى من غير ما احد ينتبة علينا نزل وحده من غير حمايه يمشي بالافرع لان السيارة ماتدخل هنا يخاف عليها

نزلنا نهرول ونمشي ورى وهو حافظ الدرب مثل اسمه كل شويه دخل بدرب جديد حسيت على دائب سحبني من ايدي وحچه

دائب: بسرعة خلي نوگف بسد هذا الحايط

يمان: شصار

دائب: استعجل يمان اركض

ركضنا وگفنه بسد الحايط ماكو دقايق وصار صوت دوي انفجار قوي

دائب: ههااييي رحوا بيها المخانيث

يمان: هاي العبوة الزارعينها ربعك

دائب: اسمع اسمع

بعده يحچي طگت الثانية اقوى من الاولى رجتنا رج

دائب: احترگت لشتكم ولد الگـ*****

يمان: سبع والله

سمعت صوت سيارات الشرطة مدري الجيش وصارت هوسه ضرب چتفي وحچه

دائب: هذولي انتهت مهمتهم امشي نلحگ حسام العار هسه تلگاه وصل سيارته

هرولنا طالعين من المكان نريد نبتعد وهم نريد نلحگ على حسام النعمان المنطقة مثل الفرغت بس صار انفجار وصوت سيارات الشرطة شفنا من بعيد يريد يصعد سيارته سحبت السلاح وصحت عليه

يمان: دير بالك تتحرك

التفت عليه رافع اديه شنط عيونه بخوف وحچه

حسام- منو انتم وشتردون مني

اتقرب عليه دائب وگال

دائب: روحك

حسام- منو انتم

دائب: دمشي ويانا ونكلك منو احنا بعدين

حسام- عوفونييي

سحلنا سحل ركض دائب فتح جنطة السيارة كومنا بداخلها گوه

دائب: دصعد لك مـ****

اخذنا وطلعنا بي صارت دنيا لليل كلش ذبينا بالمستودع يم الشاهين

باتر: عمي سباع وسويتوها بدوني

دائب: البتار بعد مانحتاجك

باتر: اخخ اخخ يازمن

ضحكت حضنت دائب وحچيت

يمان: كفو بطلي

دائب: تربيتك

وصينا باتر عليهم وطلعنا كل واحد البيته ...

❛❛❛❛

رميم"

عصريات جنت گاعدة يم الشباك اباوع للخضار وبيدي دفتر اشخبط واكتب بي الي يجي ببالي استغربت حالة الي هي اليوم باتر ماحچه وياي ولا دزلي شي من الظهر اول مارجعت من الصيدلية الهسه ماكو

گمت ردت انزل حسيت على نقالي وهو على الميز رجاج صار يهز برسائل وحده ورا الثانية مالحگ افتحة

فتحته وشفت سكرينات من باتر خلت شعر راسي يوگف اتصل بسرعة فتحت خط اجاني صوته رجاني رج من قوته

    يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

متابعة ممتعة🦋

Insta: zainab__.ali1

#تاروت

البارت «22»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب  zainab_ali1 ♥️

Insta:zainab__.ali1

هسه آنه مآ آدري آعتذر لو آعذرك

مآ تدري حته بـ أبالي حافظ عطرك

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم"

اجاني صوته رجني رج من قوته

باتر: هذا كلاامججج

اخذت نفس وحچيت بهدوء

رميم: اهدأ خلي افهمك ترى ماعرف بالموضوع

باتر: صوتج ماريد اسمعه وهسه تطلعين اشوفچ

رميم: وين اطلع باتر مسحيل ماگدر

باتر: لا عبالج مأمنة ماندل بيتكم ترى هسه اروح البيت هاي الـ**** افلشه على رأسها ورأس الخلفوهااا

رميم: هسه ليش صاير عصبي

باتر: تتراهنين عليه ريمممه انا تالي وكت اصير رهن ولعبة بدين البنات انااااا رميم

رميم: حشاك هاي شبيك كلتلك مو انا ويمكن المحادثة مفبركة

باتر: اشششش ماريد اسمعلج نفسس واحد ولا صوت يلااا اريد اشوفچ اطلعييي

الكلمة الاخيرة حجاها بصياح بعدت النقال من اذني حسيت صوته زرفها احتاريت شلون اهدي او على الاقل اقنعة على باچر نلتقي

رميم: ماكدر احجي شي ولا اگدر اطلع هسه ولا اكدر ادافع على نفسي بس انتظرني الباچر الصبح يلا اگدر اشوفك

باتر: لا هسه رميم هسه الج نص تقررين بيها ماكو انا رايح الاهلها انعل والديهم

سده وراح مسحت على وجهي بتعب رجعت فتحت الصور دازتله سكرينات المحادثة بيني وبينها نحچي عليه ومن ضمن الكلام دزتلي

طيف: " متأكدة يحبچ "

رميم: " مايشوف غيري "

طيف: " لا اذا شافني يلغي الفكرة"

رميم: " اليطلع بيدچ سوي انا موجودة وانتي موجودة "

طيف: " تتراهنين ان اذا شافني يلغي فكرته بيج "

رميم: " وشبيه اتراهن على واحد من قلة الزلم اييع "

طيف: " ماتردين تتراهنين وياي لان تدرين بروحچ خسرانة "

تدز مسجات ووياهن ايموجي يضحك نرفزتني وكتبتلها

رميم: " الساحة الج اليطلع بيدج سوي "

نفخت بحيرة ماعرف شسوي وشلون اطلع اصلا مستحيل طلعت من الغرفة نزلت لگيت خيال واگفه يم الدرج باوعت لي وگالت

خيال: جهزي نفسج حتى تطلعين وياي للمستشفى حتى اشيل الجبيرة

رميم: ان شاء الله هالمرة تكون طايبة مو مثل هذيج المرة شلناها وطول الليل مانمتي

خيال: صارلها اكثر الـ ٣ اشهر موتتني وبعدها ما طايبة

صرت الطم بداخلي مدري شسوي شلون اطلع اشوفه وهو متخبل كلشي يسوي خاف يروح البيت طيف وانفضح

طلعت حكمة من الاستقبال تحچي

حكمة: خلي رميم ترتاح الظهر رجعت من الشغل انا اخذج

فزيت احجي

رميم: لا لا حكوم انتي ارتاحي انا اخذها حتى نرجع بسرعة ماعندنا شي من البيت للمستشفى ، ثواني ابدل

عفتهن يحچن وصعدت للغرفة اتصلت عليه اجاني صوته اليرعد

باتر: ويينجج

رميم: بعد فد ساعة اشوفك

باتر: العنوان بسرعة

نطيته العنوان وانا محتارة شلون اشوفه او شلون اطلع من خيال بس لازم اشوفه بدلت ونزلت لگيت خيال جاهزة

رميم: يلا نطلع

خيال: ننتظر شويه خاله اتصلت على سيارة حتى تجينا

اجت حكمة تحجي بالتليفون واسمعها تگول

حكمة: ياا چا وين راح... لا والله اريد اودي البنيات ويا ما أمن بغيره

سدته باوعت علينا وحچت

حكمة: هذا حميد مدري وين مولي امشن انا اخذچن بتكسي

خيال: اذا تعبانة حكوم خليها على باچر

ويا حچايتها دخل يمان للبيت باوع علينا وحچه

يمان: هاا وين ؟

حكمة: الله جابك اخذ البنات للمستشفى خيال تعاين رجلها

خيال: لا انتي اخذينا

حكمة: بعد يمان اجه شيطلعنا هسه ندور تكاسي

بلا مايحچي فتح الباب وگال

يمان: يلا

تنهدت استندت عليه وطلعنا ويا ثنينا صعدنا ورا باوع علينا من المرايا حسيته يگول اشتغل عدجن وانا مادري نزلت گعدت يمه حچه ببتسامة

يمان: رحم الله والديچ

رميم: ولو تدلل ابو النسب

خيال: تبقون تحجون لو نروح اذا تردون تحجون ارجعوا للبيت انا اروح وحدي

حرك اليسارة عدل المرايا عليها وحچه

يمان: اگلج ريمه اكو فد ناس حامية شكو

رميم: اعذرهم صار فتره مطالعيين للشغل وهاي ثاني مره يشيلون الجبيرة

يمان: والمايطلع للشغل ينچلب علينا

خيال: چلب الچلبك

يمان: البعبه صخل يمعمع انا قصدتچ

خيال: ماكو صخل غيرك هنا

رغم حالتي والخوف العايشته ماتحملت ضحكت هو باوعلها وحچه

يمان: اذا صخل وبعبچ هنيالي

خيال: وجع

يمان: اذا انتي وجعي يا هلا بيچ

خيال: مرض

يمان: حتى اذا يصير بيه مرض ابوسچ وأطيب

خيال: راح تجيك دفرة تگطع نفسك

يمان: اخخ الله اموت على عنيفتي تقربي ابوسچ

يحچي بهيام ويعض على شفايفه متناسين وجودي يعني شكد تدوس ببطنه اختي ولا مره اخذ كلامها بجديه كأنه حافظها ويعرف ماتحجي هذا الكلام من كل گلبها

اباوع التليفوني ماسكت ولا لحظة هذا هم متخبل اريد اسكته ماكو واصلا مادري شلون اطلع وبأي عذر

وصلنا للمستشفى وگعدنا يمان وراح حجز ورجع باوعت النقالي شفت مسج منه كاتب " الج عشر دقايق اذا ماصرتي گدامي انا اتصرف " متت من الخوف بسرعة گمت وحچيت

رميم: انا جعت راح انزل اشتري شي أكله

خيال: وين اگعدي هسه من نطلع واشتري

رميم: بعد مطولين عشر دقايق وارجع

يمان: انا انزل

بسرعة حچيت

رميم: انت خليك هنا خاف خيال تحتاج شي انا عشر دقايق اشتري وارجع

اباوع خيال تخزر بيه وانا احچي عبالها سويت هيج حتى يبقون وحدهم هي ويمان ؛ درت وجهي وبسرعة نزلت اركض ماشوف گدامي طلعت تليفوني واتصلت عليه بسرعة جاوبني

باتر: وينچ يلا انا بالمكان الگلتيلي عليه

رميم: دقايق انتظرني واوصل

باتر: بسررععهه

غلقته منه وصرت امشي سريع بيومها جانت مغيمة الجو كآيب مع زخات مطر خفيفة الشوارع مبللة

بس وصلت شفته منتظرني كاعد بالسيارة ومشغل الماسحات على الجامة اتقربت من السيارة بحذر مد روحه وفتحلي الباب ترددت اصعد وكفت يم الباب وحچيت

رميم: شبيك باتر

اباوع عليه هادئ  وحچه بنبرة طبيعية

باتر: صعدي

رميم: ماگدر أتأخر لازم اروح

باتر: تصعدين لو اتصرف غير تصرف

رميم: لا تهدد ماتخوفني ترى

باتر: گلت اصعدي يلا

اخذت نفس شجعت روحي وصعدت بس ما سديت الباب

باتر: سدي الباب منا الشارع

سديته وحچيت

رميم: شنو تلعب وياي اگلك مااگدر اتأخر

بلا مايحچي شي شمر تليفونه حيل عليه حسيته ضربني بي ضرب

باتر: شوفي ونطيني جواب مقنع

گلبت بالفون وشفت مو بس المحادثات الي دزهم الي حتى اكو هواي حچي اني نفسي ماعرف شوكت كاتبتة محادثات كلها مفبركة باوعت عليه وحچيت وانا مصدومة

رميم: باتر هاي مو انا

باتر: ريمه لا تلعبين بعصابييي

رميم: گلتلك ماعرف باتر ماعرف المحادثات مفبركة يعني اذا انا دازه هذا الكلام احچي ما خايفة

لوه رگبته يمسح على وجهة وصار احمر كل الاوردة الي برگبته بينت تحول غير شخص بثواني للحظة شكيت هو هذا نفسه باتر الي چنت احچي ويا ويخلص طول اليوم شقى وضحك ، بلعت ريگ وحچيت

رميم: لازم اروح تأخرت

احچه بصوت مرعب يگز على اسنانة حسيت رجفة سرت بكل أوردتي سديت على ايدي حتى اسيطر على رحفتها واباوع عليه بتحدي

باتر: واذا گلت ماتنزلين منا الحد ما اعرف شنو هذا الكلام البينچ وبين طيف وشني سالفة الرهن ريمه

حصرني بزاويه ما منها مخرج

رميم: گلت لك ماعرف هي هاي ثقتك بيه تحسبني متراهنة عليك ويا صديقتي شنو شايفني مراهقة لو بنت شوارع ؟؟

باتر: تمام انا حمار بس ركزي وياي هذا مو رقمچ!

رميم: ايي هو

باتر: يعني هاي انتي الكاتبة

رميم: والله لا

باتر: زين كولي انا كلشي مافتهم مطي مربوط من اذني ويمكن هي لعبت هاي اللعبة حتى توگعچ خوش خلي نرجع للتواريخ

جرني من ايدي حيل حسيتها نخلعت سديت حلگي متألمة وجريتها منه بسرعة

رميم: اياك تلمسني مرة ثانية

صاح بيه

باتر: انتبهي ويااييي ، بهذا التاريخ بهاي الساعة انتي گلتي لها ماطلعت من البيت

راح على محادثتنا ورجع النفس التاريخ باوعلي وحچىه

باتر: وهنا كاتبتلي نفس الكلام بنفس الساعة يعني هذا كلامچ رمييممم

رميم: گلتلك مو انا وانت بعد بكيفك

حجيتها بهدوء صاح بيه

باتر: رميم منو كاتب لا تخبليني ولچ انا تلعبين عليه ويطلع كل البينا مجرد رهن بينچ وبينها وتلعبن علي ياهي التوگعني انا البتار وسفة مابلحيف

رميم: باتر

اتقرب مني بسرعة رجعتي نفسي الي ورى لزگت بالكشن عيونه تخوف صارت قريبة مني فتح الباب وحچه

باتر: يلا نزلي

باوعت للساعة كلش تأخرت ماكدر اتأخر اكثر ماصدگت يگلي نزلي حتى ارجع نزلت من السيارة اعدل بنفسي باوع عليه وحچه

باتر: انا الج ريمه اصبريلي لو مابچيتچ دم على هاي عملتج سهلة

عافتي وشخط السيارة وراح سيارته من سرعتها حسيتها تطير مو تمشي لزمت ايدي الجرها توجعني مثل المخلوعة غمضت عيوني ودموعي صارت تنزل مشيت ناحية الأسواق اشتري شي خاف يسألوني وين جنت

ادري ورطت روحي ويا واحد مو سهل ابد وملعب ويعرف كلشي يسوي بس مانسحب اكمل ووين تريد توصل خلي توصل هي روح وبايعتها شسوي بيها بعد امي وابوي ...

اشتريت اي شي صار بيدي ورجعت للمستشفى صارت ليل كلش صعدت لگيت خيال ويمان داخلين جاي يشيلون بالجبيرة الخيال دخلت باوعتلي وحچت

خيال: همزين اجيتي وين رحتي

رميم: ها هنا جنت گاعدة جوه الجو حلو

ماحچت شي بس يمان صار يباوعلي بتدقيق نزلت عيوني سويت نفسي منشغلة ويا خيال شالولها الجبيرة وسوولها اشعة طلعت رجلها سليمة طلعنا من المستشفى انتبهت على صوت يمان يحچي وياي

يمان: ريمه صاير وياج شي عيونچ حمر

رميم: هه لا شصاير بس جنت گاعدة بالمطر وو وطاح بيهم مي

سكت بس مبين مامصدگني رجعنا للبيت وهو طلع مدري وين ...

❛❛❛❛

يمان"

دخلت للمستودع شفت باتر گدامي يصيح على واحد من الحراس ويريد ينط من العصبية اتقربت منهم

باتر: حمير انتم ماتفتهمون اذا ماتريد تشتغل عليش جايني اگعد ببيتكم

يمان: شكو ؟!

باتر: حراسك الجايبهم طلعت نص ساعة ورجعت لگيتهم دايحين كل واحد لازم تليفونة على صفحة

يمان: وانت وين رحت

صاح بيه

باتر: الجهننممم الحمرة يعني شلون تحبسوني هنا ماطلع بعد ماعندي شغل غيركم

يمان: وشبيك صاير عصبي

باتر: يمعود دوخر

دفعني وطلع وهو يغلط ويصيح حاولت اربط السالفة بس مستحيل شجابه على رميم وهو حتى مايعرف خيال عدها اخت عايشه ويانا ما تبعدت الفكرة ولازم اتأكد

فتحت المخزن ودخلت شفت هذا الهسه بعده الجيس براسه من البارحة شلته منه باوع عليه يسد بعيونه ويفتحهن خلا رأسه بالارض وحچه ببتسامة

حسام: هذا انت يمان

يمان: حلو تعرفني يعني

حسام: عز المعرفة بس ليش انا هنا وشتريد مني

يمان: يعني بينا لغة حوار ونگدر نتفاهم

حسام: انطيني مي وشتريد انا حاضر الك

صحت على الشباب

يمان: وسام

وسام: گول استاذي

يمان: جيبوا اله اكل ومي خلي يتسمم وافتحوا اديه

وسام: ثواني

طلع وانا طلعت ورا اتصلت على دائب ماقبل يجي واجلها على الصبح وانا هم تعبان وصيت الشباب يوكلونه ويرجعون يربطونه بصف الشاهين انتظرت شويه على ما رجع باتر بس اليوم مگلوب گلب مايتحاجه وهو ما يوصل الهاي الحالة الا من اكو شي كلش مضوجه وجبير

حاولت احچي ويا ماقبل ما لحيت عليه عفته ورجعت للبيت صارت غرفتها گبالي اتقربت فتحت الباب شفتها ماكو والغرفة فارغة ، اكيد رجعت للغرفة الفوگ درت وجهي ردت اروح صارت گبالي

خيال"

نزلت للغرفة الجوه انقل باقي اغراضي شفته گبالي واكف يتأمل بالغرفة اتقربت منه وحچيت

خيال: إياك مره ثانية تحاول تتقرب من غرفتي

يمان: راح اخذها الي انتي مو رجعتي فوگ

خيال: لا راح ابقى بيها

حچيتها وكعدت على الچرباية ابتسم يحچي

يمان: يعني عناد هو

خيال: اطلع برا

يمان: وان ما طلعت ؟

خيال: تطلع بالغصب

اتقرب مني بسرعة گمت بأرتباك احچي

خيال: اطلع برا يمان

كأنه ماسمعني اتقرب مني كلش وانا لزگت روحي بالحايط اخذ نفس قوي وهمس

يمان: مشتاگلچ

خيال: ييـ ... يمان لا تسوي هيج

حجيتها وخليت ايدي على صدره احاول ابعده مني لزم اديه قربني عليه اكثر

يمان: اششش

رفع رأسي باوعت بعيونه جانن يلمعن وظاهر بيهن خطوط حمر غمضهن حيل وحچه

يمان: اجي مشتاگ لعيونچ وارد مشتاگلچ كلچ

خيال: يمان

يمان: فزة گلبه انتي

رفعت اديه جان قصدي ادفعه مدري شلون جذبني ناحيته بسرعة وحضن خصري حضني بكل قوته يحچي

يمان: الله ياراحتي الگاها بحضينچ ماكو مثلها راحة

حسيت گلبي صار يخفق سريع وهو يزيد يجذبني اله اكثر ويدخلني الحضنه بشرته صايره نار

مدري شنو ربط لساني صرت ماگدر احچي ولا أقاوم ورجليه رخن

خدر سره بكامل جسمي فجأة خله راسه برگبتي بدون وعي خرجت مني شهگه قوية مدري شصار من سمعها تجنن رفعني بين اديناته يحچي

يمان: افييشش اروح فدوه الهالصوت لا تسنحين خيال اموتچ

همست بصعوبة

خيال: يمان ابتعد نزلني احسن لك لا تشوف شي هسه عمرك ماشايفه

رفعني گعدني على الميز ولزم وجهي بثنين اديناته يرحفن حيل ، حتى من يحچي صوته يرجف

يمان: مشتاگتلي

حجيت ونفسي عالي

خيال: لا

يمان: جذابة لا مشتاگتلي وداعة انفاسچ

دفعته بحيل واهن بس اتقرب باسني بشفتي بوسه سطحية بعدها بخدي يطبع بوسات ويحچي

يمان: اموت عليج مشتاگتلي مو

حركت راسي برفض

خيال: لا

يمان: هسه نشوف

نزل رأسه الرگبتي وصار يطلع عليها بوسات متواصلة ابتسمت بخبث ورفعت ايدي ولزمت رأسه من ورا واصابيعي تغلغلت بشعرة حسيت ببتسامت النصر الي نرسمت على شفايفه صعد راسه وهمس بأذني

يمان: تحبيني

خيال: اكرهك

يمان: تموتين عليه

خيال: ماطيقك

يمان: ليش ذايبة بين احضاني

خيال: راح اثبتلك وانا بين احضانك ماتگدر توصلني ولا تگدر تخليني احس بيك وازيد نارك نار

رفع رأسه يباوع بيعوني وانا هم صرت اباوعله بجمود اتقرب بحذر طبع بوسه شويه عميقة على شفتي خلا وجه بوجهي يحچي

يمان: تحبيني بس ماتعترفين

قويت نفسي وحچيت بنبرة طبيعية

خيال: احبك وشنو الفائدة خليك متأكد لو صرت الهوى بالنسبة الي اموت وما اشتمك

رجع باسني

يمان: عنادچ يموتني

خيال: بعدك ماشاف شي

حضني اديناته تتلمس بظهري ويشدني اله

يمان: المهم هسه انتي بين احضاني

خيال: بس جسد لا روح ولا گلب

يمان: كلك يمي خليلي

خيال: اتأكد من هالحظة هاي آخر مره تلزمني بيها بعد هذا اليوم شعراية واگعة مني تحلم اخليك تلمسها

اخذ نفس مني بحيل صدره بلا مايحچي اخذني ببوسة عميقة بقيت جامدة بس بداخلي براكين غضب متفجرة غمضت عيوني احاول اسيطر على مشاعري وهو مواصل بكل شغف وجنون رفعت ايدي خليتها على گلبه حسيت بي بعد له شويه يتوقف دگاته مرعبة

فجأة ابتعد مني بخطوات مسح على شعرة باوعلي وحچه

يمان: عاقبيني بس مو بهاي الطريقة خيال هيج تخلين ناري تشتعل وماتطفه

نزلت من الميز مسحت حلگي باوعتله وحچيت

خيال: تستاهل انت الردتها

ردت اطلع جرني عليه حضني ورجع من جديد يبوسني ماسويت شي وحتى ماحاولت ادفعة راد يتخبل مايعرف شيسوي دفعني على الحايط حيل يصگ على اسنانه ويحچي بعصبيه

يمان: قااوومميي

بقيت ساكته اباوعله ببرود جذبني من رگبتي يهز بيه

يمان: لا تخبلينيييي قاومي جاي اگوول

سندت نفسي ميلت رگبتي اباوع عليه مسح على ذقنه صوت انفاسه الملتهبة عالي هز رأسه واتقرب مني رفع تيشيرت التراك الي لابسته يباوع بعيوني مانطيت اي ردة فعل صك على اسنانه يحچي

يمان: راح تكفريني شبيچ اليوم دفعيني قاومي

خيال: حتى اذا جنت بين أحضانك ما راح تگدر تتجاوز حدودك وياي تعرف ليش

يمان: لان احبچ ماگدر أأذيچ

دفعته حيل مني وحچيت

خيال: لا بس لان انا خيال مو سهل تگدر تثير مشاعري وتذوبني بين احضانك خلي هاي المعلومة وثبتها براسك المصفح زين

عفته وطلعت من الغرفة صعدت ركض فوگ كل جسمي يرتعد بصورة غريبة وكل ما اتذكر الصار جوه تصير عندي قشعريرة ودموعي تنزل من وحدهن مدري شلون قاومت وما نهاريت وانا يمه

ثاني يوم الصبح جان لازم ارجع افتح المكتب ورميم تروح الشغلها

نزلت جوه لكيته ماموجود باوعت الحكمة جان وجها مبين تعبان وكل شويه تگول يمكن سكري مرتفع احتارينا بيها انا ورميم ماقبلت اعوف شغلي وابقى يمها بقت تلح عليه الا اروح طلعت وعفت رميم يمها  ...

❛❛❛❛

يمان: هسه نحچي بالجد استاذ حسام النعمان منو انت وليش الشاهين يگول هو يعرف بسالفة الجريمة الي تلبست برأس اخوي

ضحك بصوت عالي دفره دائب وحچه

دائب: عليمن تضحك على طياح حظك دماغ سيز جاوب بلا هاي الحركات

حسام: مو يمان يگول تلبست براس اخوي للمعلومة هي ماتلبست براس اخوك لا لا ابد اخوك هو السواها

يمان: وانت وين تعرف وشني علاقتك بالموضوع ؟

حسام: بيوم الجريمة اخوك جان يمي واتفق وياي اوفرله الحماية حتى يدخل يكتل ضرغام ويطلع

دائب: اثبت انت تعرف باتر 

حسام: انطوني تليفوني اسمعكم التسجيلات بصوته

باوعت الدائب بحيرة وهو هم نظراته مستغربة معقولة التهمة تثبت على باتر رحت ركض السيارتي جبت تليفونه ورجعت خليته بيده بقى يدور بي شويه باوع لي وگال

حسام: هاك اسمع هاي قبل الجريمة بسويعات

گالها وضحك فتح السجيل وسمعت باتر يحچي

باتر: ايي حسام شوكت التنفيذ

حسام: الليلة انا احمي ظهرك وانت ادخل خلص عليه وخلصنا منه هم

باتر: والفلوس شوكت تريدهن

حسام: هو هسه بعد التنفيذ نتحاسب واخذ حصتي

اخذت التليفون من ايده وحجيت

يمان: زوج انا وتعبر سوالفك عليه مانذكر لا جريمة ولا غيرها

حسام: ليش مستعجل غير اكو بعد التليفون بيدك دور واسمع براحتك وهم شوف التواريخ بدربك خاف انا اچذب

رجعت فتحت بعد تسجيلات واركز على الاوقات والتاريخ وبقيت اسمع وفعلا باتر متفق ويا على كتل ضرغام وبصورة علينية ومباشرة وقبل اشهر هو يدبر ويخطط

انتبهت على صوت دائب شفته خانگ حسام ويحچي بصياح

دائب: انت منين تعرف باتر شجابك عليه ووين تعرفه

حسام: اووو اعرفه قبل ست سبع سنين وهواي اكو شغل بينا شغل انتم نفسكم ماتعرفونه سوالف لا على البال ولا على الخاطر

دائب: انت چذاب شلون تعرفه كل هالمدة وهو من جبناك ماتعرف عليك

حسام: ليش هو وينه ترى ماشفته ولا شافني جبتوني وشمرتوني كبل هنا معصوب العيون

بسرعة ركضت طلعت من المخزن رحت ركض الغرفة المكتب شفته متمدد على القنفة رحت عليه سحلته احچي

يمان: گوم وياي

باتر: وين شمالك تخبلت عوفني

يمان: دمشي

سحلته وياي للمخزن وهو يصيح وغلط دفعته گدامي وحچيت

يمان: منو هذا تعرفة

باوع عليه رفع حواجبة بذهول وگال بستغراب

باتر: سراي !!!

ضحك بصوت عالي

حسام: حييل شگد قديم شريكي بعدك تتذكر هذا اللقب انقرض من سنين

دائب: يعني تعرفة باتر

باتر: اي شبيكم اعرفه بس علاقتنا انتهت من سنين وحتى تواصل مابينا استغربت اسمه بس هسه من شفته تذكرت جان يسمي روحه سراي هذا شجابه على الشاهين

يمان: اعترف عليك انت ويا نظمتوا جريمة قتل بيت حجي سليمان

باتر: شبيك تخبلت شني من شقه ماصخ هذا

يمان: موو شقه باتر اعترف عليك مع الادلة هم

دفعني وصاح

باتر: اهوو شبيكم انتم شجاي تحجون

دائب: هاك اسمع

فتحله التسجيلات وصار يسمع فتح عيونه متفاجئ  مسح على وجهة وحچه

باتر: شني هاي شوكت

حسام: افاا شبسرعة نسيت يوم گعدت واتفقت وياي انت تكتلهم وانا احميك واطلعك والشغل البينا القديم

اتقرب منه زنگة من ياخته وصاح بي

باتر: هييي هي انت شجاي تمسلت

حسام: مثل ماسمعت هاي الحقيقة الي انت ماتريد تعترف بيها انت المجرم صارح اخوك وفضنا

باوعلي وحچه

باتر: يمان هذا شجاي يحچي ولكم هذا اليحچي مو انا

دائب: اليحچي صوتك باتر قابل مفبركين الصوت وين گاعدين بفلم اجنبي

باتر: شلون اثبتلكم هسه هذا موو اناااا

يمان: لا تثبت كلشي واضح من البداية انت كتلتهم ماتدري بروحك الانتقام من ضرغام جان عاميك

راد يرجع على حسام لزمه دائب ماخلا يوصله بقى يصيح يغلط عليه وعلينا

دائب: اهدأ خلي نفهم الموضوع

دفعة وصاح

باتر: انا اعرف شلون اتصرف

اشر على حسام ويحچي بعصبيه شرايينه كلها برزت راد ينفجر

باتر: وانت سهلة تتلگاها بسيطة وين تروح مني بكل الاحوال انت محبوس يمي

عافنا وطلع من المستودع كله رجعت الحسام احچي

يمان: شني الشغل الچان بينك وبين باتر

حسام: كلشي يسوي انا اوفرله الحماية فقط حتى يدخل اي مكان يريده ، انت ما سألت نفسك فد يوم من الأيام ليش اخوك يدخل اي مكان ويروح الاي شخص بدون مايخاف ولا يرف له جفن

دائب: لا تاكل نعل هو باتر من زمان بايع روحه وحتى اذا مكان خطر يدخله بلا مايهتم

حسام: هذا كله بفضلي وفضل حمايتي اله

دائب: مستحيل ماصدگ انا اعرف باتر اكثر من روحي

حسام: مو بنفسه اعترف عنده شغل وياي

دائب: عنده شغل وياك ايي ممكن هو دائما يوسع شغلة بس مال توفر له الحماية لا بهاي مو وياك البتار يحميك ويحمي عشيرتك هم وما ينخاف عليه

يمان: غير هيج باتر انا ضميته بعد الجريمة وانلزم ونحبس سنه كاملة وطلع براءة وين جنت حضرتك

حسام: لان بعد الجريمة صار بينا موقف وسحبت روحي منه

ماتحملت لزگته دفره وحچيت

يمان: ليششش ساعدته حتى تكتلون عائلة كاملة فنيتوا بيت بين ليلة ويوم

حسام: اخوك گال بس اكتل ضرغام

دائب: شوف هذا الخريط كله ماياكل عندي تكتهن كلهن لو اعلگك هنا هسه

حسام: هذا العندي

اتقدم عليه سحله يريد يعلگه سمعت تليفوني يدگ شفتها رميم بسرعة جاوبتها

يمان: ها ريمه

رميم: يمان الحگ حكمة كلش متخربطة لازم ناخذها للمستشفى بسرعة

اشرت الدائب وطلعت اركض واحچي

يمان: شبيها رميم يعني شصاير وياها

رميم: متخربطة اعتقد السكر فدوه تعال بسرعة لازمها مستشفى

يمان: مسافة الطريق

دائب: شبيك شصاير

يمان: الحگني بسرعة امي متخربطة نوبة سكر يمكن

عفته وصعدت بالسيارة وصلنا هناك دخلت لگيتها متمدده بالصالة على التخم ورميم يمها

يمان: شصاير رميم شبيها امي

رميم: من الصبح متخربطة وماتقبل اتصل بيك هسه ماتحملت واتصلت حتى ناخذها للمستشفى

اتقرب دائب رفعها وياي باوعت النا وحچت گوه يطلع صوتها

حكمة: اليوم السربتيه ثنينهم لافين عليه ناقصكم واحد وتكمل شلة السربته

دائب: يمه هسه انتي بيا حال

حكمة: انت اسكت هذا دولابي كله من وراكم شوفتكم تجيب اليهد والهبري

يمان: تمشين لو اشيلج شيل

حكمة: لا انت التهي تعالي بنصاص اليالي حضن وشبك وخلي الفرخة تنط من الصريخ علينا

دائب: تعاي انا اشيلج كبد

حكمة: ماريد تشيلوني من شالتكم سليمة ورگعتكم

ضحكت باوعت الرميم وحچيت

يمان: ريمه خوفتينا طلعت امي كلشي مابيها

رميم: فحصت السكر من الصبح معلگ 600

يمان: لبسي شي يدفيج وتعاي وراي

اخذنا امي للمستشفى جان سكرها شويه مرتفع سوولها الازم ورجعناها للبيت انا ودائب ومن بعدها رجعنا للمستودع بعدني بنص الطريق واتصل عليه وسام

يمان: هاا وسام

وسام: الحگ استاذ يمان هذه حسام لگينا ميت والشاهين مغمي عليه بصفه وفاقد الوعي

صحت بي

يمان: وينننن جنتوا شوكت هذا الكلام

وسام: قبل دقايق

يمان: باتر وين

وسام: باتر مو هنا من طلع بعد مارجع بس انا وغايب والشباب ظلينا واي حركه غريبة ماكو غير هسه من ردت انطي الاكل لگيته ميت

سديته منه حتى مالحگت اتصل على دائب اليمشي وراي بسيارته شخطتها بسرعة على ماوصلنا المستودع

دائب: شبيك ردت تطير بالسيارة تدري شكم مخالفة اخذت

يمان: مو وكتها حسام مات

حجيتها دخلت اركض وهو وراي يحجي

دائب: شموته شجاي تحچي

اتقربت لگيتهم ملتمين يم الباب دفعتهم ودخلت شفته گدامي مخنوگ بالحبل الي راد دائب يعلگه بي ومتمدد بالكاع والحبل بعده برگبته مسحت على راسي بحيره وگعدت يمه ودائب مد ايده عليه يتحسس النبض باوعلي وكال

دائب: هذا ميت

يمان: شلون مات هذا منو خنگه

دائب: خاف انتحر

يمان: دائب شلون ينتحر وهو مربط شوف الحبل شلون ملفوف على رگبته باحكام والشاهين هم مربط مايكدر يتحرك

باوع للشباب وصاح بيهم

دائب: وين جنتوا

غايب: هنا مرابطين استاذي وحتى ماسمعنا حركة غريبة واستاذ باتر طلع بعد مارجع دخلنا ننطي الاكل ولگينا مكتول

دائب: سهلة نعرفه وين يروح ، وســـااامم

وسام: تأمرني

دائب: ماريد واحد منهم يتحرك

عافهم رجع عليه باوعتله وحچيت

يمان: برأيك هذا الجاي نشوفه طبيعي سلسلة جرائم وحده ورا الخ بيت حجي سليمان محاولة قتل خيال قتل ياسين وهسه حسام النعمان وشلون نكتل محد يعرف وين عايشين متگلي

دائب: الموضوع كلش جبير يمان خايف من باتر

يمان: مادري ماعرف عقلي راح يوگف

دائب: الشاهين وين

وسام: نقلنا الغير مخزن بدأ يعيد وعيه

گمت رحت له اباوع عليه رأسه ينزف

يمان: شفت شي

الشاهين: كلشي ماشفت غير دخل واحد ملثم ضربني على راسي وفقدت كعدت لگيت روحي هنا

سكتت اباوع عليه عقلي وكف عن التفكير اتهم منو واعفي منو كلها متهمه صارت

باوعت الدائب وبسرعة تذكرت هي اليوم مداومة بالمكتب طلعت تليفوني واتصلت

يمان: فرات وين انت

فرات: شبيك يمان انا گبال مكتب خيال منتظرها تطلع حتى اوصلها وارجع للبيت

يمان: فرات لا تتحرك لا تغفل عينك منها وانا هسه جايك

فرات: صاير شي

يمان: من اوصل افهمك المهم لا تغفل عنها

سديته وطلعت مستعجل عفت دائب هو يتصرف وياهم رحت الفرات لگيته منتظرها بباب المكتب گعدت يمه احچيله بقى حاير وياي وهذا هم لغز جديد ...

❛❛❛❛

وتر"

صار كذا يوم يطلع الصبح يرجع الظهر وانا كل ماريد اطلع اتردد بس اليوم خلص عقدت النية على الطلعة ورا ماطلع دخلت بدلت ملابسي وطلعت المفتاح من جوه الدوشك مال الچرباية واتقربت يم الباب ما خليت دعاء ما قريته فتحت الباب والتفتت وراي

اخذت نفس قوي من نسمات الهوى صارت تداعب بشرتي حسيت بالحرية خليت ايدي على گلبي اليدك بسرعة باوعت للسماء وهمست

وتر:  اللهم يا مسهل الشديد، ويا ملين الحديد، ويا منجز الوعيد، ويا من هو كل يومٍ في أمرٍ جديد، أخرجني من حلق الضيق إلى أوسع الطريق، بك أدفع ما لا أطيق، ولا حول ولا قوة إلا بالله العلي العظيم ، ربي دليني طريقي وختارلي الطريق الصحيح

عفت الباب مفتوح وطلعت امشي صح نهار بس المنطقة تخوف ريفية وكلها مزارع وبساتين لگيتلي طريق مفروش كله حصى ومبين مال سيارات لان الاثر عليه وصرت امشي بي بسرعة بسرعة واتلفت وراي البيت صار يبعد وانا امشي واقرأ ادعية وآيات قرآنية بس حتى اشوف ناس تنقذني على الاقل ماريد ارجع البيت الرعب الجنت محبوسة بي

اباوع صار گدامي مثل النهر جبير جاف من المي يسموا بزل صرت امشي بمحاذاته

بسرعة التفتت من سمعت صوت يحچي من وراي

- يبنيه وين رايحة منين انتي

التفتت شفتهم ثنين ولد شباب حچيت مرتبكة

وتر: بيتنا هنا انا رايحة البيتنا

اتقرب واحد منهم بتجاهي يتفحصني ويحچي

- بس احنا ما عدنا هيج عسل هنا كلهن وصخات انتي مبينه بنت مدينة

من كلامهم عرفتهم مو زينين ويحجون يباوعون عليه بنظرات مو حلوة ويضحكون بينهم حچيت

وتر: وخروا من طريقي اريد ارجع البيتنا اذا ابوي شافكم تحجون وياي يموتكم

- تعاي ويانا نخلصج من ابوج شني رأيچ

وتر: اذا مارحتوا هسه اصرخ والم العالم عليكم

- اهووو انتي من هذا النوع ياهو يسمعج هنا دشوفيها هيمة

بلعت ريگ ماگدامي غير اشرد وارجع للبيت نزعت النعال الجنت لابسته ودرت وجهي ركضت بلا ماباوع وراي بس حسيت بيهم صاروا يركضون هما هم

صرت اركض واعيط بفزع

وتر: ساعدوووننيييي منو يسمعني ساعدوننيي

- اوكفي ترى بجميع الاحوال تنلزمين

تعبت من الركض وحسيتهم راح يلحگون بيه ماگدامي غير حل وكفت على حافة البزل جانت كلش عالية وشمرت روحي منها طحت وصرت اتدحرج واعيط الحدما اتستقريت يم مثل الشجرة يسمزها (زور) مثل الشجرة بس صغيرة خفت ينزلون وراي گوه جريت نفسي وجسمي الي تكسر يون صرت بداخلها اختبأت بيها واسمع اصواتهم يدورون عليه ويحچون بينهم اخر شي اسمع واحد يگله

- طاحت كل هاي المسافة انت مخبل تريد تنزل وراها اكيد هسه صارت كل جزء وحد

- خلي ندور شخسرانين

- تريد تدور انت انزل انا رايح

انقطع صوتهم وصار يبتعد مني طلعت من الشجرة جسمي كله متكسر الدم ينزل من رجليه وجبيني وشفتي توجعني مشكوكه ملابسي متمزقات ماتحملت صرت الطم على وجهي فوگ الألم وابچي ماعرف وين اروح اكمل لو ارجع

جسمي ماكدر امشي كوه اضعط على الألم واتحرك مستحيل اگدر اكمل وقررت ارجع للبيت وعساني لا رجعت ولا تخذت هاي الخطوة

بقيت امشي بهذا البزل گوه عليه امشي الدم يسيل مني رجليه مزلغات ومجرحات ماهتميت كملت على ماشفتلي صعده صعدت منها لگيت روحي مسافة صغيرة واوصل البيت والباب بعده مفتوح بسرعة ركضت بيه مابيه دخلت جوه وسديت الباب ورجعت قفلته

ووگعت بالگاع اصرخ وابچي وجع ورعب وخوف من عنده اذا عرف بيه طلعت وحاولت اشرد شرايح يسوي وياي

مر الوقت والصار بعدها عمري ماتوقعته يصير....

    يتبع ...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

جدول التنزيل يبدي من باچر

احد

ثلاثاء

خميس

جمعة

الوقت مو محدد 😔♥️

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

Insta: zainab__.ali1

متابعة ممتعة🦋

#تاروت

البارت «23»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

Insta:zainab__.ali1

‏في فمه حديث متكسر ،

يجرح أطراف صوته

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وتر"

عدلت گعدتي باوعت حواليه بچيت بصوت عالي وصرت اصيح

وتر: يعني شوكت اخلص شوكت اطلع من هاي الزنزانة ربييي منين طلعوا بطريقي وماخلوني اكمله

ردت انهض من الأرض حسيت نفسي دخت ورجلية توجعني وجع مو طبيعي لطمت على وجهي

وتر: ليش رجعت لو باقية برا اموت واحسن الي يربي خلصني اخذ روحي ماريد اعيش

حچيتها ورجعت تمددت ماگدر اتحرك ولا اگدر اگوم جسمي تخشب على الارض الباردة

سحلت نفسي سحل وصلتها النص الصالة ووجع فضيع احتل كل جسمي بقيت افكر اذا رجع وشافي على هاي الحالة شيسوي شلون اطلع حجه اقنعه بيها دخت كلش غمضت عيوني وأدركت ان دخلت روحي بمتاهة أكبر من المتاهة الجنت داخلها

شعرت بدوار والمكان صار يتحرك بيه غمضت عيوني وفقدت بوسط الظلام

شكد مر من الوقت والساعات مادري غير من گعدت على صوته وهو يحچي مفزوع

دائب: وتر شبيج ولچ بابا شبيچ شنو هاي الحالة

ماگدرت اجاوب بس دموعي صارت تنزل وسعال حاد لزمني اختنگت وهو تخبل يريد يعرف شبيه شالني بأديناته ورفعني من الأرض نفسي صار ينحسر ماكدر اجر الهوى والسعال يزيد

وهو احتار شيسوي فتح الباب وطلع بيه برا البيت الدنيا مظلمة وصايرة ليل همست بصعوبة

وتر: نزلني اريد اخذ نفس

نزلني وگعد گبالي على ركباته فتح حجابي الي باقي برگبتي سحبه وشمرة وهو يحچي

دائب: شنو هاي الحالة وتر شصاير ويااج احجييي

وتر: طلعنيي منااا ماريد ابقى يمك اريد أهلي

دائب: خـ** بروح اهلچ خلي افتهم سالفتچ هسه شبيج شنو هذا الدم حالتچ لييششش هيج راح اتخبل وتر شبيج احچي

باوعت النفسي حالتي حالة ملابسي متمزقة الدم يسيل وينزل من رجليه متت خوف وجسمي كله مبين تمنيت روحي ميته ولا شايفني بهاي الحالة

وتر: ماريدك اريد ارجع الأهلي

حجيتها واجهشت بالبكاء ورجعت دخلت بنوبة سعال من جديد من الخوف ماگدر اخذ نفس

رفعت انظاري عليه شفته مركز عليه ويباوع لي بتدقيق وسع عيونه المخيفة حيل بلا سابق انذار جرني من شعري يحچي بصوت مرهب

دائب: طلعتي من البيت وتر

هزيت راسي برفض عافني وطلع تليفونه گلب بي شويه مدري ششاف ركض جوه ثواني ورجعلي صوته يصدح مثل الصواعق نزل لزمني من شعري

دائب: طالعة من البيت تخططين من وراييي

وتر: ماريدك ماريدك اريد بابا رجعني

دائب: بسيطة انا اعلمج هسه شلون تردين بابا

سحلني من شعري فوك ضيمي ووجع جسمي هو يسحل بيه لزمت ايده وصرت انجر ويا بكل سهوله دخلني يم الباب

نزل عليه رفعني من شعري يحچي

دائب: تردين ترجعين الحكيم

وتر: كافي ماتحمل بعد اريد اهلي منو انت حتى تحبسني هنا وباي حق

لزم حلگي مرده بيده يمرد ويحچي بصوت مفزع يخلي گلبي ينقبض من الرعب

دائب: اشش لا تحجين لا تحجين صاير عندج السان ادبسيييز

وتر: اريد اهلي انت ماتفهم عليه شنو اسيرة انا عندك حاولت اطلع وماكدرت ماريد ابقى هنا

دائب: تردين اهلج گلتلي مو

وتر: اي اريدهممم ماريدك

دفعني حيل وراسي نضرب بقوة بالباب الخشب حسته نرج من قوة الضربة عافني وگام دخل للغرفة انا اريد اتحرك ماگدر

صرت اعيط بخوف من طلع من الغرفة بيده حزام يلفه على ايده ويتوجه ناحيتي عدلت نفسي احجي

وتر: شنو تريد تسوي لا تتقرب منيييي اموتك اموت نفسي

جنت خايفة ومدري شحچي اتقرب عليه يحچي

دائب: يرادلج تربية وانا قررت أربيج

اخذت نفس حيل وحچيت

وتر: اموت نفسي والله

رفع ايده وضربني بالحزام حيل على ضهري

تمددت وبقيت صافنة بالأرض وكتمت نفسي صرت لا اخذ نفس ولا ازفرة راد يرجع يضربني بعد انتبة عليه نزل يهز بيه ويحچي

دائب: تنفسي

مانطيت اي ردة فعل صاح بيه وصوته اخترق طبلة اذني من قوته

دائب: يلاااا وتر تنفسي

رفعني يهز بيه يريدني اتنفس ماصدرت مني اي ردة فعل غير دموعي صارت تنزل وگلبي اسمع دگاته صارت تتباعد واذاني مثل النغلقت وبقيت مصرة مااخذ نفس

حست براشدي قوي نزل على خدي و صوته صار مثل البعيد بس اسمعة يضرب بيه راشديات حيل بكل قوته ويصيح

دائب: اخذي نفس وتر طلعي النفس وارجعي اخذي

صگيت على اسناني حيل وخشبت روحي الهوى الجنت حابسته خلص برودة سرت بأطرافي وحسيت روحي بدأت تنسحب مني وهو مستمر يهز بيه يضغط على صدري يضربي على وجهي حيل تخبل اخر شي لمني الحضنه يحجي مرعوب ويرجف

دائب: ارجعچ الاهلچ ارجعچ هسه بس اخذي نفس فدوه اروحلچ لا تعذبيني وتر اخذي نفس خلي انفاسچ ترجع يلا وتر

غمضت عيوني وبعد ماسمعت صوته عافني ثواني وماحسيت غير مي ثلج نزل عليه والجو جان بارد شهگت والنفس رجع دخل صدري صرت اگُح واشهگ حيل وعيوني رادن يطلعن من مكانهن

وهو يفرك على صدري حيل ويحجي بتعب

دائب: تنفسي تنفسي

صرت ادفع بي بلا كلام ماريده يلزمني وبس دموعي تنزل عافني مددة وكام ابتعد مني يمسح على وجهة وشعرة مامصدگ الي صار بعدها رجع عليه شالني من شعري عطت متألمة

دائب: تردين تشردين وتر

وتر: ايي اريد اشرد وطلعت ماريدك ماطيقك

احجي بنفس عالي وصوت واهن سحبني من شعري الخارج البيت وهو يحچي

دائب: صار تدللين يلا هذا الطريق وروحي وبعد ماريد اشوف وجهج تمام

راد يروح گمت بسرعة لزمته احچي وابچي

وتر: لا تعوفني هنا اخاف

دائب: خلي حكيم ينقذچ

دفعني حيل طحت وهو دخل بسرعة وسد الباب اباع حوالية ظلمة والجو مرعب حاولت امشي و ابعد عن البيت بس ماكدرت ردت اتخبل وانا اباوع للطريق واشياء مرعبة صارت تتخيلي رجعت ركض ادك بالباب واحچي

وتر: فدوه افتحلي الباب خلي ادخل راح اموت من الخوف فدوه افتح دخلنيييي للبيت وبعد مااكلك اريد اطلع حتى اذا عفت الباب مفتوح وبالنهار ماطلع والله والله

احچي واحس روحي تريد تخرج مني كلبي يدگ بقوة حتى لساني ثگل وخدر من الخوف

بقيت كومه أتوسل يمكن فوك الساعة

وتر: راح اموت والله راح امووتت ارحم بحالي وخلي ادخللل

فجأة فتح الباب بسرعة ابتعدت برعب جسمي يختض حضنت نفسي ونزلت راسي احچي بلا مااباوع الملامحة المرعبة

وتر: اريد ادخل

اتقرب مني يحجي

دائب: اخليج ترجعين تدخلين بس بشروطي

وتر: اي

دائب: كلج تصيرين الي واسوي اليعجبني

وتر: يعني شنو

اتقرب جذني ناحية وهمس بأذني اقرف كلام ممكن اسمعة بحياتي

كلام مو حلو كلش تخبلت ماگدر اسيطر على نفسي تهسترت دفعته

وتر: لو تمووتت ماريد وخر

حضني حيل يهمس بهيام

دائب: اموت عليج بنيتي احبچ اموت عليج

وتر: لا تحبنييي ماريدك تحبنيييي

دائب: ولچ مهووس بيچ انا مو بس احبچ اوتاري تصيرين الي

صرت اضرب بي واغلط عليه ماحسيت غير اجتني ضربه على وجهي بظهر كف ايده لزگتني بالباب جرني من شعري دخلني جوه يحچي

دائب: بسيطة اذا ماطلعتلج گلب جديد اذا ماخليتج تحلمين تشوفين الشمس بعينچ بعد

ماگدرت احجي شي ماعندي قوة حتى ادافع على نفسي سحلني سحل صعدني فوگ فتح وحده من الغرف وشمرني بيها

دائب: تبقين هنا الى ان تتأدبين وخاف جنت ارأف بحالچ واكول بعدها صغيرة انسي هاي السالفة منا وهيج.

وباچر انا اشوف شغلي وياچ

جان يحجي بنبرة طبيعية وابد مامبين عصبي براكين الغضب الي جانت ظاهرة عليه ماعرف وين راحت هالبشر غريب اطوار بصورة مرعبة قفل عليه الباب وطلع درت انظاري بالمكان جان مرعب وكآيب تذكرت كلامه الهمسه بأذني وان هو يريدني زوجه فعلية اله مجرد الفكرة تموتني شلون لو صارت صدگ وباجر يريد هذا الشي

بقيت ابچي بحرگه طول الليل الى ان طلع الصبح

جسمي كله يون عليه ويرجف بخوف بعد ماتعبت من البجي والصريخ هدأت من وحدي تمددت على الأرض الباردة حضنت رجليه الصدري ورجعت دموعي تنزل بهدوء ساعة تجر ساعة وانا على هالوضع الى أن سمعت صوت خطواته تقترب ناحية المكان الي اني متواجدة بي انتفض جسمي برعشة غريبة ماگدرت اسيطر عليها ودموعي الجمر زادت بالنزول وكأنها تتسابق منو بيهم تجوي وجنتي اول وحده

عدلت نفسي بيه مابيه ولميت روحي بالزاوية وانا احاول استر نفسي بقطع ملابسي اللممزقة اكثر من گلبي

فتح الباب ما رفعت رأسي اخاف اباوع الوجهه

اسري وحش كاسر مرعب متجسد بهيأت امير وسيم حسن المظهر يغطي بشاعة افعاله خلف اناقته المبالغ بيها

نظري بقى شاخص على رجليه وحذائه الرياضي الاسود اقترب وقع صوت خطواته وهي تتقدم ناحيتي ويا كل خطوه منه وتيره القلق والخوف تتزايد بگلبي جنت مرعوبة مرعوبة الدرجة حتى الدموع تحجرت بعيوني وصارت ماتنزل استقرت خطواته گدامي

بقيت هادئة و قاطعة النفس خايفة يرجع يعيد الي سوا البارحة ويحچي نفس الكلام اباوع الرجليناتي الدم نازل عليهن على هيأت خطوط وميبس اديه ووجهي وجسمي كلهن اثار وكدمات

قرفص گدامي وحجه بنبرة حنينة

دائب: شلونها بنيتي

ما جاوبت ضميت راسي بين رجليه حسيت بي رفعني جارني من شعري بحدة وحجه بغضب يكز على اسنانه

دائب: من اوجه كلام الج تجاوببيينيي مفهوم

شهگت بلا دموع حجيت بنبرة ترجي

وتر: فدوه خليني اروح

قهقه بخفه وحجه بهدوء

دائب: مسموحلج ترحين بس على گليبي مو الغير مكان

وتر: كافي السويته بيه شتريد مني

رفع وجهي من ناحيه حنكي بأطراف اصابيعة مسح على شفتي المجرحة درت وجهي منه برفض رجعت نظري عليه عض على شفته السفليه وچه

- كلج اريدج *****

حجه كلمة بالفشر بس حتى يأذيني نزلت دموعي يأس وخوف ورفض كلشي بيه رافض جسمي ينفر لمساته اذني تكره تسمع صوته گلبي يتقلص بمجرد سماع كلماته وكأنه يريد يتوقف كلشي بي يصيبني بالوتيرة والجنون حتى رائحة عطره حجيت اترجه بي

وتر: فدوه خلص رجعني البابا هسه يدور عليه

دائب: اششش اني بابا ماعندج اب غيري

صحت بحرگه

وتر: بسس انيييي عندييي اببب غيررككك اني من لحمه ودمه

نفخ بغضب وتحول من الهدوء للعاصفة اعتصر وجهي بيده وملامحه ظلمت بس بياض عيونه الفاتحهم يبين صار يضربني راشديات متتالية ويحجي

دائب: ماعندج احد غيري ماعندج نسيتي جنتي طفله وماتنامين اله الزم ايدج واغنيلج نسيتي ماتاكلين الا اني اوكلج وماتقبلين احد غيري يتقرب منج نسيتتييي العز والفلوس العند حكيم خلاج تنسين منو انا

دفعته بروح مسلوبه ونفس عالي گوه اجره كمت واني الزم الحايط حجيت بدموع منهارة

وتر: هاي مو اني مو انييي انت متوهمم اني مااعرفك ولا عمري شايفتك من قبل شجاي تحجي انت

دفعني على الحايط وخنگني بيده بخفه يباوع عليه بغضب حسيته يسدد نظراته الملامحي مثل السهام وتخترقني من حدتها

لاول مره اسويها واباوع بعيونه بنفس الحده انتبه الحالتي بلع ريگ وقربني عليه سند راسه على راسي وغمض عيونه دموعه صارت تنزل وانا هم صرت ابچي حجيت واني اشهگ

- ليش هيج تسوي

همس

- آسف

حجه الكلمة وراد يوصل الشفايفي تحركت برفض همس

- اشششش آسف

- وخر

ضربني راشدي بقوة شهگت وثرت اكثر اريد اتخلص منه ما گدرت حسيت بي بده يقسه عليه كل ما اعاند اكثر جمدت بمكاني وهو اخذ شفتي يعذب بيها كالعاده وكمل مشواره

مابين الرعب ... والقسوة

دفعتة حيل وگعدت بالگاع ابچي بصوت عالي انزل گعد گبالي على ركباته رفع وجهي اله غمضت عيوني حيل گلبي يريد يوكف من الخوف

دائب: ليش هيج تسوين بابا باوعي الوجهي

هزيت راسي برفض حسيت بوسات صارت تنزل على خدي يهمس

دائب: آسف اذيتچ

ماحچيت شي لمني الحضنه وگام شايلني نزلني جوه دخلني للحمام باوعتله وحچيت

وتر: طلع

دائب: اسبحچ

فزيت مرعوبة من كلمتة

وتر: شتسبحني اطلععع من الحمام دائب

صار هدوء وكأنه صفن عليه رفعت انظاري اله بتردد شفته صافن بيه عيونه تلمع همس

دائب: ابدلج على الاقل

وتر: اطلع برا ماريد اشوفك اطلع

حجيتها ودفعته ابچي سحبني عليه يحچي

دائب: اششش تعاي بابا

مشه بيه ناحية الدوش صرت انازع بين اديه بس بلا جدوى فتح المي سواه دافي دخلني جوه الدوش انا وملابسي المشگگه خليت اديه حضنت نفسي وحچيت

وتر: فدوه اطلع لا تسوي هيج

هز رأسه وگال

دائب: خلي الباب مفتوح اجيبلچ ملابس

وتر: لا لا انا اروح اطلع

دائب: تنگعتي بعد

عافني وطلع شويه ورجع دخل علگ ملابسي وطلع صرت الطم تمنيت ادفن روحي هنا ولا جايبهن الي

سبحت بمي دافي خليت جسمي يسترخي تحت المي الحار سبحت وطلعت وانا احس كل رغبة بروحي مطفية دخلت للغرفة وبوجهي للچرباية تمددت عليها وبقيت صافنة افكر بالي صار كأنه شريط حلم مر سريع

اول ما نفتح الباب گمت عدلت نفسي بخوف ورفعت الشرشف عليه كعد على طرف الچرباية خلا ايده على راسي بتحسس حرارتي وگال

دائب: شلون طلعتي

بلعت ريگ وهمست

وتر: اخذت المفتاح من مفاتيحك

وسولفتله الموقف كله التفت لي

دائب: شوكت سويتي كل هذا وانا مادري

وتر: جنت نايم

دائب: وانتي طايحة الحظ تستغلين الوضع

وتر: اريد اطلع منا

تجاهل كلامي وحچه

دائب: ليش رجعتي وشنو الحالة الجنتي بيها وتر راح اتخبل

وتر: هاا مو اكو كلاب ثنين ركضوا وراي وانا خفت و شمرت نفسي بالنهر وهيج صار بيه

گاعد ومنطيني ظهره التفت يباوع عليه نزلت راسي افرك بديناتي بخوف

دائب: متأكدة وتر اذا احد تعرضلج گولي

وتر: لا ماكو

حچيتها وتمددت غطيت نفسي وحتى راسي حسيت بثگله صار وراي ايده تمسح على ايدي من فوگ الغطا

دائب: بعد ماتسوينها

مارديت عليه

دائب: اذيتج بكلامي انا آسف المفروض ماتسمعين هذا الكلام مني

وخرت الغطا مني گعدت وحچيت

وتر: يعني ماتسويلي شي مو حلو مثل الگلته البارحة

دائب: اذا صرتي عاقله لا

مسحت دموعي وحچيت بغصة

وتر: اريد ارجع الأهلي

صاح بيه

دائب: اهوووو ماعندچ اهل كل شويه ابقى اعيد وتر لا تعبيني تردين ترجعين الحكيم حتى يتاجرون بيج

وتر: بس هو ابويه انا اريد حياتي القديمة بحلوها وبمرها وبكل مشاكلها اريد ارجع الصديقاتي المدرستي الحياتي يعني ما معقولة اخلص كل عمري محبوسه هنا

جنت احچي وابچي اتقرب مني مسح دموعي

دائب: اذا تسمعين كلامي هذا كله يرجعلج بس عوفي حكيم وقتنعي هو مو ابوج

وتر: ما اقتنع وليش حتى اثق بواحد مثلك ليششش

دائب: اثبتلچ عن قريب

كعدت على الچرباية وگلت بهمس

وتر: اطلع برا

اتقرب مني بسرعة تمددت وغطيت نفسي هزني يحچي

دائب: وتر كومي نحچي ماخلص كلامنا

وتر: ماريد اشوفك تحلم احچي وياك بعد السويته اطلع برا

دائب: كومي نحچي بابا انا آسف مو اعتذرتلج

ما جاوبت هزني حيل

دائب: تگومين لو اطيح حظچ هسه

وتر: اطلع برا

حسيت بي تمدد بصفي ردت اگوم ماخلاني مد ايده جواي قفل اديناته عليه قيدني بحضنه يحچي

دائب: اشش آسف

وتر: لا تلزمني ماريد لعبت نفسي ابتعد

خلا راسه على راسي

دائب: لا تشلعين گلبي مو عتذرت كافي بعد

جمدت بمكاني مانطيت اي ردة فعل

دائب: احبچ ماريد اعوفچ اريد اضمچ بنص روحي واخفيچ عن الدنيا كلها ، ماريد واحد يلمحچ غيري

صوت شهگاتي صارت عالية

دائب: هاي دموعچ يزيدن عذابي اتمنى اشيل كل حزن بكلبچ وانسيچ كلشي

مسح على شعري يحچي بهمس يجر بالكلمة

دائب: بــاباااا اوتاري عمري انتي كافي بعد ضوجتيني وردتي تشردين شترديني اسوي ابوسچ واگلچ عفيه بنيتي

تحركت بنزعاج

دائب: اششش يلا يلا كافي راح اسكت

وتر: ابتعد

دائب: مسحي دموعچ

وتر: والله تلعب نفسي من روحي كل ما تلزمني وخر

دائب: لش بابا جنتي طفلة ماتقبلين الا تنامين بحضني بنص الليل تبچين واگعد اخذچ لحضني يلا تغفين شغيرچ بنيتي

وتر: انت مشبه عليه مستحيل التحجي عنها تكون انا

دائب: لا انتي

وتر: بس انا اول مافتحت عيوني على الدنيا وانا اتذكر بس بيتنا الجنت عايشة بي

دائب: من اخذج حكيم جنتي صغيرة

وتر: وانا شلون اصدگ بيك شلون بس فهمني

دائب: راح تعرفين كلشي بس صبري عليه

وتر: عفيه وخر

تنهد وگام مني راد يطلع وكف بالباب وحچه

دائب: لا عبالج لهنا وكلشي انتهى بعد النا كلام

سد الباب حيل وطلع من الغرفة وانا هم جنت تعبانة تمددت غمضت عيوني ونمت ...

❛❛❛❛

خيال"

جنت گاعدة بالمكتب سديت الحاسبة افكر

مر كذا يوم وانتبهت وضع يمان كلش متخربط ماعرف شبي بس يفكر وتليفونه مايوگع من اذنه بكل صورة اريد اعرف شكو لان متأكدة دايصير شي

دخلت سوسن بنت تشتغل وياي حچت

سوسن: خوخه انتهى الدوام هسه ؟

باوعت الساعتي وحچيت

خيال: الساعة 2 اكيد انتهى اذا تردين تطلعين الله وياج انا الم غراضي واطلع هسه السايق على جيه

سوسن: چا انا لازم اطلع بس هذا واحد عنده قضية ومصر يشوفچ هسه مايقبل يأجلها على باچر

خيال: ميخالف خالف شي مهم خلي يدخل

راحت شويه ودخل ولد يطلع عمره نهاية العشرينات تقريبًا حچه وهو يتفحصني

- انتي المحامية خيال سليمان

خيال: تفضل انا هي منو حضرتك

گعد باوع عليه وگال

- انتي ما تخافين على روحچ بايعتها

رفعت حواجبي مستغربة كلمته

خيال: نعم منو انت

- منو انا مو انتي هذا مو هم هسه المهم عوفي سالفة قضية اهلچ لان ماتحصلين منها بس المشاكل

ارتعبت ماعرفت شسوي اخذت تليفوني وصرت اگلب بي جوه الطاوله بلا ما ينتبة عليه طلعت رقم يمان واتصلت ماعرف ليش بس هو صار ببالي اول مافتح خط صحت

خيال: منو انت اخر مره اسألك

- فاعل خير راد يوصلج مسج صغير حفاظا على حياتچ خوفا عليج لا اكثر

ماعرفت شتصرف بقيت صافنة بي

كمت وحچيت

خيال: وحضرتك جاي المكتبي حتى تهددني

- ماهدد بس كلتلج تحذير بسيط

صحت بكل صوتي

خيال: سوسن سوووسن

دخلت تركض

سوسن: هاا ست خيال

باوعتله وحچيت

خيال: اطلع برا

اباوع عليه يبتسم ابتسامات مستفزة راد يحچي فجأة حسيت الباب انفتح بقوة ودخل فرات باوعلي وحچه

فرات: خيال انتي زينه

خيال: فرات شجابك

فرات: جنت قريب منا ومريت خير شصاير

خيال: ماكو شي بس الأستاذ على باله يخوفني بكلمتين

- انا ما اجيت حتى اخوفج انا اجيت حتى احذرج من الخطر ست

فرات: وانت منو حضرتك وبصفتك منو حتى تحذرها

- فاعل خير

راد يطلع اتقدم فرت ناحية الباب مانعه من الطلعة

- فوك مااجيت حذرتكم ماتخلوني اطلع

فرات: لا عبالك اغبياء وتعبر علينا هاي الملاعيب ترا كلها طاگة جوه رجلينا

بعده يحجي دخل يمان باوع لنا وگال

يمان: شكو فرات شصاير

فرات: الاخ يهدد يصيح فاعل خير

يمان: هدد خيال ؟؟

خيال: مو تهديد بالغة الصريحة بس يحذر ابتعد عن ملف قضية أهلي

اباوع على الولد مسح على وجهة بخوف مثل الي متورط حچه

- اليسوي خير يتورط

يمان: سولفلنا الحقيقة انت منين تعرف خيال وقضية اهلها

- اسمي ياسر والله واحد من جماعتي وصلني الواحد وگلي شغل شفته و انطاني مبلغ وگلي تروح الهذا العنوان تحچي كيت وكيت وانا اجيت حجيتهن

يمان: منو يگول انت تحجي الحقيقة

طلع تليفونه كلب وخلا على اذنه ماعرف بمنو اتصل نزله فتح مايك وحچه

- استاذ نضال كلشي تم رحت المكتب المحامية ووصلت الكلام

نضال: عفيه من تطلع تستلم باقي الفلوس

اباوع على يمان وفرات واحد صفن بوجه الثاني وانا هم اسم نضال ماعرف وين سامعته ، سده وحچه

- هسه صدگتوني والله ماعندي شي ولا اعرف السالفة شنو انا رجال على باب الله

يمان: امشي تزحلگ منا وماريد المحك مرة ثانية وگل النضال جاي دوره

- صار عمي بعد حتى هاي المنطقة مادخللها

عافنا وطلع گعدت محتارة اتقرب مني يحجي

يمان: مو كلتلج اشتغلي بالبيت بس انت وين تسمعين الكلام

خيال: لا تدخل انت

يمان: چا ليش اتصلتي بيه

خيال: مادري ماطلع گدامي غيرك

فرات: خيال بروح حجي سليمان مو مال عناد دام تشتغلين على قضية اهلج اگعدي بالبيت بس هالفترة على الأقل

خيال: فرات وشغلي شلون

فرات: ماطاير الشغل خلصي قضية اهلج واتفرغي اله واذا اجتج قضية اشتغليها بالبيت وخلي رقم المكتب مفتوح اذا اجت قضايا بعد

يمان: لا تشلين حالي

حجاها بعصبية ومبين گوة لازم اعصابة

اومأت بالقبول وفعلا السالفة خطرة وانا بدأت اقلق باوعتله وحچيت

خيال: منو نضال انا وين سامعة بالاسم

فرات: نفسه الخطفج مره تتذكرين

تنهدت بتعب

خيال: ايي تذكرته وهذا هم طرف اكيد

يمان: تأخرنا خلي نطلع

حجاها وتوجه للباب

طلعت ورا بعد ما دگلي السايق يعني وصل ورجعت للبيت مر الوقت عادي بس الجو متوتر حكمة مريضة وسكرها هالايام مخربط ورميم ماعرف شبيها بس تفكر ويمان صاير كتلة من الأعصاب

لليل كلها راحت حتى تنام وانا بقيت گاعدة بالمطبخ اشتغل على الحاسبة حسيت باب البيت انفتح كمت من مكاني ردت اشوف منو فتح الباب

اتقربت مديت راسي شفته واگف برا يحچي بالنقال گلبي نبض بقوة الوقت كلش متأخر رجعت ودخلت للاستقبال فتحت الشباك على كيفي وصلني صوته يحچي بعصبية

يمان: انت وينك راح يصيرلك سبوع ماكو باتر لا تطلعني من طوري باچر اريدك گدامي من الصبح

جان گاعد على درجات الباب منطيني ظهره ومبين ضوء الحاسبة بحظنه فتح مايك وخلا التليفون بصفة وصار الصوت يوصلني واضح اسمع اخو يجاوبه

باتر: مشغول ماگدر اجي هالايام

يمان: باتر كل يوم جاي تزيد شكي بيك اكثر

باتر: طـُز ميهمني

يمان: يعني انت الكتلت حسام النعمان

جاوبه ومبينه الصدمة بصوته

باتر: سراي انكتل !!!

يمان: على اساس ماتعرف ياهو الكتله باتر

باتر: شبيك انت تخبلت ماتشوفني ما لافي عليكم يمتى لحگت اكتله

يمان: شلون انكتل منو دخل منو كتله ما معقولة وسام وغايب يخونون الثقة هاي صارلهم سنين ويانا اكو لعبة بالموضوع ولعبة كلش جبيرة

باتر: لا تدخلوني انا مالي شغل

يمان: انت ماستبعدك ابد من كلشي صار وراح يصير

باتر: ديلا باي

سكت متنهد رفع راسه اليفوگ يزفر الهوى بتعب ماتحملت طلعت وكفت يمه رفع رأسه الي وگال

يمان: تدورين حرشه شعدج لاحگتني طلعت من البيت من وراج

خيال: منو حسام النعمان

يمان: لا تدخلين بشغلي

خيال: اكيد ضحية من ضحايا اخوك المجرم

بقى ساكت ماجاوبني نزلت صرت گباله وحچيت

خيال: ماعدك جواب طبعا

طلع جگارة ورثها باوع لي

يمان: تدور حرشة خليلي مبين اشتاقيت الحضني

خيال: اريد اعرف شجاي يصير من وراي

يمان: كل الخير ، بس انتي ليش طلعتي وراي اشتاقيتي اعترفي يلا

يحچي ويغمزلي

خيال: لو تحچي الف سنه متأثر بيه گد شعراية

يمان: واضح ليش سبحتي هذاك اليوم بعد المحاضن والماطل الصار بالغرفة اذا ماكدرت أأثر بيچ

كتفت اديه وحجيت

خيال: بعض الرجال توضأ إن لمستهم

من يلمس الكلب رغمًا عنه يغتسل

ضحك بصوت عالي تنهد بضيق

يمان: انتي جمع من خليط نساء متعبات اهلكن قلبي

خيال: اذا انا جمع انت لا شيء

قهقه بخفه رفع راسه وگال

يمان: انتي بقمة الا مبالاة

فريت خصلة شعري على اصبعي وحجيت بغرور

خيال: مو مهم ، المهم انه بالقمة

عفته وردت ادخل استوقفني يحچي

يمان: خيال

باوعت له انطاني بوسة بالهوى وگال

يمان: احلى تعب يمر على گلبي من يهزنه عيونچ

ماحجيت بسرعة صعدت فوك گلبي اسمع دگاته ، مريت على غرفة حكمة اطمن عليه شفتها نايمه تشوخر رحت الغرفتنا لگيت رميم هم نايمة

مرت الايام على هذا الوضوع وانا بعد ماطلعت للمكتب مثل ما طلب وهم تجنبا للمشاكل الممكن تصير اريد افرغ نفسي وارجع افتح القضية من جديد للمرة الثالثة بس بقى كلامة براسي وبقيت افكر منو حسام وليش انقتل ...

❛❛❛❛

وتر"

سبوع مر وانا من الغرفة ما طالعة شگد حاول يحچي وياي شگد توسل سويتله وضعية البلوك لا اخذ ولا انطي ويا وكل مايحچي اكله اريد ارجع الاهلي وهو طول هذا الاسبوع مستلمني تحقيق على يوم الطلعة الكشرة الطلعتها كوه فك مني ياخة بعد ماحجيتله الصار وضفت عليها من يمي يلا صدگ

بدأت امل وصبري ينفذ متت من السجن والحبسة ماعرف شنو مصيري وانا هنا وشوكت يوفي بوعدة ويثبتلي شي على الاقل ارتاح لو ارجع الاهلي

حسيت خطواته تقترب من الباب گلبي صار يخفق بخوف ركضت للچرباية تمددت وسويت نفسي نايمة دخل للغرفة حسيته وگف فوك راسي سكت ثواني وگال

دائب: ادري بيج ما نايمة گومي

وخرت الغطا من راسي وحچيت

وتر: شنو تريد

دائب: گومي اكلي من الصبح مماكله شي وهسه راح تصير 12 بالليل

وتر: ماريد اكل انت

بلا كلام رفعني وشالني صحت بي

وتر: مااريد كوه اكل نزلني

دائب: صوتچ نصي ادبسيز

وتر: نزلني

دائب: راح تنكتلين بابا

نفخت بملل اخذني للصالة نزلني على القنفة گبال التلفزيون جان مخلي فلم الغوريلا اسمه (King Kong) باوعلته بطرف عيني شال صينية الاكل خلاها بحضني وحچه

دائب: اكلي

من شفت منظر الاكل جعت وصرت اكل باوعتله وحجيت

وتر: اريد مي

دائب: نعم !

وتر: اريد مي جيبلي مي اشرب

تنهدت وگام راح جابلي مي انطانيا وكال

دائب: بعد اوامر ثانية ست

وتر: ايي اريد بيبسي

دائب: الصبر ياصاحب الصبر

رجع للمطبخ جابلي بيبسي باوعتلها وحجيت

وتر: هاي شنو ماحب هذا غيرت رأيي اريد عصير

بلا مايحجي راح جابلي عصير انطانيا وحچه

دائب: راح تنسحلين بنيتي

وتر: اوويي شبيك مو تدري بيه ماحب البرتقال اريد كوكتيل

دائب: ماكو بس هذا اشربي

وتر: ماا هسه اجه ببالي عصير كوكتيل وهسه اريد

دائب: منين اجيبلج بنص الليل

وتر: مشكلتك انت سحلتني حتى اكل انا كلتلك جوعانة

اباوع عليه لبس قمصلته ويباوع عليه بخزره ويهز راسه يتوعدلي اخذ سويجه وراد يطلع صحت ورا

وتر: واريد جبس وحب وكاكاو وقهوة مثلجة

دائب: هذا كله معلمچ عليه حكيم خوش سهلة

عافني وطلع خليت رجل على رجل ورجعت اباوع للفلم واكل فتحت قوطية البيبسي وشربت منها

وتر: يعني اذا مااكدر اشرد ادلل هو شباقي بالدنيا وهم اشلع گلبه وتاليتي ارجع الأهلي...

ورا نص ساعة رجع محمل علاليگ كومهن بصفي وكال

دائب: يلا تفضلي وتر خاتون بس كون ترضين علينا

جريت الجبس فتحته اباوع للفلم واكل حتى مارديت عليه

بعد الغراض من يمي وتمدد على القنفه خلا رأسه بحضني ماهتميت كرص حنكي يحچي

دائب: رضيتي عليه

وتر: لا

دائب: بعد شتردين اسوي

بعدت راسه من حضني وحجيت

وتر: موت نفسك

دائب: راح اكوملچ

عفته وكعدت على صفحة بقيت اباوع على ماخلص الفلم هو بس يتحارش بيه يريد انتبه عليه ولا تحركت مسويته هو والماكو سوى خلص الفلم لميت حلوياتي واجباسي وادخلت للغرفة قفلته عليه ونمت ....

❛❛❛❛

رميم"

عفت حكمة وخيال گاعدات جوه وصعدت للغرفة اخذت تليفوني دخلت على الواتساب شفت اخر ظهور اله من ساعتين تقريب راح يصير فوك الـ 10 ايام هو حرف ما دازلي بس شفته طلع يمي متصل خرجت من التطبيق انتظرت تقريب خمس دقايق ورجعت دخلت شفته مخلي حالات مرعبة كالعادة كلها جماجم وعبارات مخيفة وصور سيارته

لفتني واحد من الستوريات كاتب بي شعر هو نادرا ماينشر شعر شعبي مكتوب

" عذرك من تسأل شغيرني هيچ !

ماتدري شيحس داخلك من تنغلب

لمن يگودون گاعك للغريب

وأنتَ لسه بعينك تراب الحرب "

بس شفتها ماكو ثواني ودزلي مسج محتواه كلش غريب كاتب ارقام (7.4.6) بسرعة كتبتله

رميم: " هاي شنو "

دزلي مقطع صوت

باتر: يعني عبالج غشيم وكل هاي الفترة تمشين سوالفچ عليه كله الراح عديتها الچ بمزاجي بس بعد ماكو رميم انسي كلشي صار لازم ينحط له حد ونرسم حدودة

بقيت صافنه ايدي ترعش اريد اسيطر على نفسي واكتب ماكدر مسحت دموعي وصرت اخذ نفس واهدأ بنفسي

كتبت له

رميم: " شتقصد "

رجع دز مقطع صوت

باتر: اقصد لعبتچ الجاي تلعبينها عليه ومستمتعة بيها بسيطة رميم الايام الجاية تحكم بينا كلهن اطلعهن من خشمچ وحـــدة وحــــدة ...

يتبع ...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو تتوقعون باتر عرف برميم والجاي تسوي لو لا 🌚💔

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

Insta:zainab__.ali1

متابعة ممتعة🦋

#تاروت

البارت «25»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

Insta:zainab__.ali1

هلي وناسي وقريب الروح

تره لو ماجرحكم ذاك

گلبي بهالعمر ورد .

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وتر"

من گال الكلمة حسيت الزمن توقف زادت نبضات گلبي وساد الصمت بالمكان وهذا الشي جان يموتني رعب اتقدم عليه بلعت ريگ وحجيت

وتر: شبيك وين اچذب عليك وانت حابسني بهاي الاربع حياطين

دائب: وبعدچ مصره مامچذبة يعني

وتر: لا

صك على اسنانه اكثر ولزم ايدي حيل جرني ورى يمشي ويعت بيه عت من ايدي حسيتها نخلعت حچيت بألم وانا ارجف من الخوف

وتر: شبيك وين ماخذني

مايحچي بس يجر بيه ويمشي سريع انوب مالحگ على خطواته ومن اتعثر يسحلني سحل رجليه يخطن بالگاع فتح الباب وطلعنا برا متت بدمي على بالي يطلعني برا ويقفل الباب

وتر: فدوة لا تسوي هيج وين مطلعني رجعني للبيت شبيك

دائب: خلي اشوفچ شي وعقابچ بعدين تاخذينه

فتح الباب الخارجي وطلعني برا البيت للبستان شفت سيارة واكفة وواكف يمها شخص غريب متت الرعب حضنت ايده حيل وختلت وراه ضامة روحي

دائب: افتح الجنطة داوّد

داوّد: يمعود شتريد تسوي خطية تشوفهم بهالمنظر

صاح بي

دائب: افتححح جاييي اگول

بسرعة امتثل لأوامره وفتح الجنطة جذبني ناحيته لزمني من رگبتي وخلا راسي گبال الجنطة تصنمت من المنظر المروع الصار كدامي تقرب يم وجهي يهمس بحدة

دائب: الچلاب الركضت وراج من هذا  مو

هزيت راسي برفض جمدت بس دموعي تنزل حچيت برجفة

وتر: هـ هاي شنو لا شمسوي بيهم

دنگ راسي حيل يضغط على رگبتي من الخلف حسيتها طگت وصارت تأذيني

دائب: هذا مصير اليندگ بيچ هذا مصير الي يحاول يلمحچ بنظرة بيها قذارة ونية وسخه

وتر: قتلتهم لا ليش موتتهم بسببي

دائب: بعد بيهم نفس بس راح يبقون هيج عاله على گلوب أهلهم وانتي احسابچ من ندخل لان ضميتي عليه چلاب گلتيلي مو سهلة

غمضت عيوني حيل صوته يفح من العصبية رجعت انظاري عليهم حتى شكلهم مامبين اصلًا ما عرفت هم الي ركضوا وراي لو غيرهم كل الي اشوفه گدامي ثنين معجونين ببعض والدم مغطيهم ومدحوشن بجنطة السيارة

دائب: وهسه صار وكت حسابچ سكرتي

وتر: راح تقتلهم

حچيتها بصوت مخنوگ شدد قبضته على رگبتي

دائب: لا

سحلني رجعني للبيت اول ما دخلت بلا شعور ركضت للمطبخ سحبت السكين وخليتها بتجاها احچي برجفه نفسي يلهث

وتر: اذا تقربت مني اكتلك واكتل روحي

طگ ركبته واتقدم عليه بكل هدوء ولا كأني لازمة السكين وموجهتها عليه صحت

وتر: اذااا تقررببتتتت اقتل نفسيي

ولا سمعني اتقرب يمي كلش لزم ايدي حيل واخذ منها السكين بكل برود وهمس

دائب: تردين تكتليني حتى تديحين موو

دفعته حيل اصيح روحي شايغة منه

وتر: احترم نفسك حقير انا اشرف منك ومن الخلفوك

ماحسيت الا سطرني راشدي بظهر كف ايده خلا خدي يشتعل نار ونشمرت على حافة الكاونتر صار الماعون كدامي بلا تفكير شلته وشمرته عليه بحركة مباغتة بسرعة نصه رأسه وما اجه بي صار بالحايط ورا

دائب: ايا خبلة

وتر: كلتلك اموتك اذا تقربت منييي

رجعت شمرت عليه الگلاص ووراها الصينية ماخليت شي گدامي ماشمرته عليه تهسترت لزمني حاولت اتملص منه ماگدرت

دائب: ليش ضميتي عليه وچذبتي هم

وتر: حقير مللتني شتريد مني ماريدك مو گوه هي ماريدك

رفعني من ياخة ملابسي صاح بوجهي صوته طرشني

دائب: ليشششش ضميتي عليه ليش ماتحجين شسوولج وتر

بقيت ساكته ادفع بي حيل وابچي بحركة سريعة منه لوه اديناتي ثنينهن وخلاهن ورى ظهري صرت اصرخ بألم دارني ورجع ظهري عليه يهمس بأذني

دائب: ليش طلعتي ليش خليتيهم يشوفونج ويعاينون عليج بنظرات شهوانية ويتخيلون شكلچ ليشششش

الكلمة الاخيرها حچاها بصياح

وتر: ااهه اريد اطلع مناااا ماريد ابقى يمككك سجينة مارييدد

رفع راسي حيل قابض على فكي بيدة الخشنة مرد وجهي مرد حسيته اشتعل نار راد يوصل شفتي ماتحملت تفيت بنص وجهة غمض عيونه حيل لمدة ثواني معدودة بعدها ماحسيت الا دارني عليه مالحگت انطي ردة فعل او ادفعة مني جذبني من رگبتي وهجم يبوسني بقرف ماتحمل اي شي يسوي كل ميسوي هيج احس روحي تطلع مني

قفل اديناته عليه وشالني يمشي بيه بقيت ارفس برجليه وبعدت راسي منه اصرخ بصوت عالي والصرخة مالتي مثل واحد محترگ صوت بالسماء وصوت بالأرض وهو ولا مهتم دخلني للغرفة وشمرني على الچرباية ردت اگوم ماخلاني ثبتني

وتر: شتريد مني فدوه عوفني والله اخر مره بعد ماسويها واضم عليك فدوه

صعد ايناتي فوك راسي مثبتهم بأيد وحده خلا راسه برگبتي ياخذ نفس عميق ويحجي

دائب: الراح يصير مو بدافع رغبة بس لازم تصيرين بأسمي لازم يصير هذا الشي حتى اضمن ماترحين مني

وتر: تخبلت انت شنو تريد تسوي عوفنييي والله راح امووت عوفني

دائب: ماگدر اضمن وجودچ الا بهاي الطريقة سامحيني

حسيت ايده تسللت ترفع التيشيرت مالتي تخبلت صرت اتلوه جواه اريد احرك اديناتي ماگدر

وتر: بداعة امك لا تسوي هيج والله ماروح بعد ماطلع ماريد اهلي ابقى يمك بس لا تسوي هيج اموت والله

ماسمع مني رفع التيشيرت ونزعه الي بالغصب من شفت نفسي بهالمنظر گدامة ماكدر اوصف شعوري بهالحظة احس نفسي فرفحت فحطت من البچي والصريخ اتوسل بي اريد اسحب الغطا عليه ماكو مقيدني

نزل راسه الي وحسته يسوي اشياء مقززة صحت بكل صوتي

وتر: ربييييي خلصني ماعندي غيرك عيني بمحنتي فدوه الاسمك ربيييي

اتحرك مثل المذبوحة جسمي كله تشنج صرت خشبة

دائب: راح تصيرين بس الي اوتاري مستحيل اخليج ترحين بعد لا تخافين راح اضمچ بروحي

وتر: بداعة امك اذا تحب امك اذا تحب ابوك الخاطر الله عوفنييي اصحه اصحه

من حچيت هيچ رفع راسه مني اباوعلة صار يتنفس بغضب فكه نشد شرايينه بينت وعيونه صارن يخوفن سد حلگي حيل يصيح

دائب: لا تگولين هذا الكلام مره ثانية لاااا تگولين بداعة امككك ماعندي ام لا تحچين من كيفچ

غمضت عيوني دموعي تنزل وهو وگام يفرك بعيونه حيل مردهن مرد عافني وطلع من الغرفة بسرعة جريت الغطا صعدته عليه زدت بالبچي الرجفة سيطرت عليه مثل المصروعة صرت ابجي واگح حيل اختنگت وجهي احس نار مشتعلة بي سحبت التيشيرت مالتي لبسته وصرت احضن بروحي اريد شي يهدأ من روعي

دقايق ورجع دخل للغرفة رفعت الغطا وغطيت راسي لفيت روحي لف حتى من يجيني مايگدر يفتح الغطاء مني وبقيت جامدة بس صوت البچي يطلع مني ماكدر اسيطر عليه

سمعت سدة الباب حيل وطگة المفتاح وهو ينقفل عليه عدلت نفسي وگاعت بنص الجرباية خليت راسي بين رجليه ورجعت ابچي كل ماتذكر الصار اتخبل وازيد بالبچي عشت لحظات مرعبة كفلية تخليني اكرها الاخر يوم بعمري ...

ماعرف شگد مر من الوقت بس صار ليل وضوء الشمس اختفه حسيت الباب ينفتح بالعجل كمت وكفت بزاوية الغرفة بين الكنتور والحايط اول مادخل حجيت اتوسل بي بدموع

وتر: والله بعد ما أسويها لا تأذيني لا تشوف جسمي ماريد والله بعد ما أسويهااااا

احجي بدموع واكفه على اصابيعي مثل واحد واكف على جمر يلسع واضرب رجلي بالگاع حيل

خلا ايده على خاصرته يباوع عليه بحيرة وانا مستمرة على نفس حالتي ابچي واتوسل بي اتقرب يحجي بهدوء

دائب: اهدي ما اسويلچ شي اهدي بابا

من شفته يتقرب عليه حست ملك الموت اتقرب مني نهاريت بالبچي

وتر: لا تتقرب اطلع من الغرفة لا تتقرب مني

دائب: بس اهدي راح تموتين عايني عليه شوفي انا هادئ كلشي ما اسويلچ

يحجي يرفع اديناتي بحرگة استسلام كعدت بالكاع ولميت نفسي ارجف ارجف بصورة فضيعة رجليه صارت ماتعيني احس بروحي تنسلب قرفص گدامي

دائب: بابا بنوتي لا تخافين باوعيني

وتر: اطلع منا ماريد اشوفك گدامي گوومم من گداميييي

بسرعة گام وصار يفتر بالغرفة يمسح على وجهة باوع عليه ورجع حچه

دائب: امداني امداني سوده بوجهي انا شلون هيج اسوي بيچ شلون

وتر: اطلع براااا

حجيتها واحس روحي تريد تطلع

دائب: راح تموتين شلون بيه وتر وين اوديچ انا اسف گومي ضربيني بس اهدي

حجاها وتقرب عليه ماگلت لا اول ماتذكرت من نزعني الشيرت هچمت عليه اضرب حيل حتى بأضافيري جرحته برگبته وهو صامد ما دافع على روحه ولا تفادى ضرباتي اله اخر شي تعبت شمرت نفسي على الچرباية تمددت حضنت روحي ورجعت ابچي واحچي

وتر: اريد اطلع منا ماريد ابقى اختنگت راح اموت راح اتخبل من الوحدة ماتحمل انا

حسيت بي تمدد وراي دخل ايده جوه راسي وصار يبعد بشعري المهوس ويبوس بخدي ويحچي

دائب: آسف

وتر: اكرهك

دائب: ميخالف كرهيني انا احبچ حتى اذا تكرهيني ماتختلفين عنها بشي نفس الاسم تقريبًا ونفس الكره

مسحت دموعي احچي

وتر: منو تقصد

ماجاوبني حسيته حضني حيل وصار يحجي بصوت مخنوگ

دائب: ماتعوفيني وتسوين مثلها ماتسوينها مو

حجاها وحسيت بدموعه تسيل ونزل تبلل خدي جمدت من صار يشهگ ويبچي بحرگة كلبي رجف رجفة ماعرف ليش ، بقيت ساكتة وهدأت گوه سيطرت على صوت شهگاتي من حچه

دائب: چنت صغير وهي ماتحبني

وتر: منو هي ؟

دائب: أمي

حجيت بدهشة

وتر: أمك وينها

دائب: عايشة يم ولدها 

وتر: وانت ليش مو يمها

گلب نفسه نام على ظهره دموعة تنزل وصار يحچيلي

❛❛❛❛

flash back:-

منطقة شعبية متهالكة كـ قلوب ساكنيها تعج بالمارة حياطينها متأكلة متعبة تشبة تمامًا الوجوه الكادحة والانفس المتعبة

من ندير انظارنا بالمكان راح يلفت انتباهنا طفل يطلع عمرة بالثمان سنوات گاعد على دچه باب بيت متعب وقديم مخلي ايده على خده بحزن عيونه دامعة وهو يسمع حچي امه وبيبيته ام امه الكلام حاد بينهن والصوت طالع من البيت يتسلل مثل الطعنات بگلبه مو مجرد كلمات يسمعها وتمر

أوتار (الام) : يعني شلون يمه انا وين اودي هسه حامد مايريده ، بعد ما كبر وكبرت ويا مسؤليته

الأم: ودي الجهنم الحمره انا شلي غرض بي مره چبيرة بيه حيل اطارد ورى واتحمل مسؤلية طفل عمره ثمان سنين

اوتار: بس خلي يگعد يمج بالبيت انا كل راس شهر انطيج مصروفة من دون علم حامد

الأم: عندج 2ولد وبنت ليش بس هالمگرود ماتردينه لان من غير رجال رجلج مايريده

اوتار: حظي المصخم الخلاني اتزوج عزيز بدون علم اهله واخلف منه بسرعة وهالبقى عاله على گلبي حتى عقد محكمة ماعندي واطلعله جنسية ادعي من كل گلبي ربي تاخذ عمره وتخلصني منه ومن ابو وجه الشؤم

الأم: عيارة ياهو الگلج اتزوجي عزيز بالسر وحبلي منه شكد حجيت ودرست كلتلج عزيز مايفيدج بس نجوم على الجتف يبرگن الضابط مايفيدچ انتي بعتي روحچ اله

اوتار: يمه مايفيد اللوم بعد الموضوع راح يصيرله عشر سنين

الأم: وشكو جايتني انا هم ياله متحمله اخوج السكير وخلفته الجايفة اطلعييي برااا

اوتار: يعني ما كو امل تخلينه يمج اذبه بالشارع والله ماريده

الأم: وذبتهم براا من بيتي برا جايتني تريد تخليلي علاگة برگبتي فوگ الضيم حتى جنسية ما عنده

اول ما طلعت امي من البيت گمت وراحت عليها اركض الدمعة بطرف عيني حچيت بعبرة

دائب: يمه

كفختني على راسي حيل تحچي بحرگه

اوتار: وغمه التغمك وتغم ابوك الگـ***

كضيت مكان الضربه وحجيت وانا ابچي

دائب: يمه راح تعوفيني هنا يم بيبي

عت ايدي حيل تمش بيه وتحچي

اوتار: الله ياخذ عمرك ويخلصني منك الله يموتك واخلص من مسؤليتك

دائب: ليش يمه انتي تكرهيني مو تحبين اخوتي انا ليش تكرهيني

ماحسيتها غير وكفت وسمطتني راشدي فرت وجهي فر بي وبعدها نهالت عليه بالضرب والدعاوي بنص الناس صرت ارفرف بين ايدها من قوة الضرب مثل حمام مذبوح

اوتار: الله ياخذك الله يخلصني منك انت عله بحياتي اريد اموتك اليوم

تضرب وتخنگ بيه حست روحي طلعت صرت انازع واگح بين اديها التمت الناس علينا وصاروا يطلعوني من بين اديها ويلومون عليها

الهسه اتذكر منظرها جانت وحش وحش وهايج تريد تاكلني نزعت عبايتها بنص العالم وصارت تلطم وتصيح

اوتار:  ياناس ياعالم ملييتتت الله ياخذه اكره ماريده امووتت منه ماريد اشوفه خلقته النگسه بعيني ولكم حياتي جحيم من ورى اكره

حجت وياها مره كبيرة بالعمر

- ايا كافره هاي شمسويه بالوليد من طيح الله صبغچ يا ماتستحين ولج شني ذنب هالولد المسكين هيج فرفحتي روحه وتحجين هذا الكلام گدامه ماتردين خلفة ليش تخلفين لو هي دوده بيجن ماترتاحن من يصير مانريده لو ما يصير ماتخلن لا دكتور ولا سيد ولا عويد ماتفرنه

اوتار: غلطة وصار دمر حياتي دمرني هو ابو العار الماعرف وين اراضيه

- ليش هيج تحجين وليد وجايج خيره باچر عگبه توچين علينه وتگعدين بسده

اوتار: ولكمممم خير اليجي منه ماريده

- كلشي ماريد اگول غير الله يطلع حوبته بيج تذكري كلامي حوبته ماتخطيچ

عافتنا وراحت والناس شي يحجي وشي يتحسف ويلوم جرتني حيل وراها وجعتني البيتها

فتحت الباب ودخلتني تلاكت وياها بنتها تحجي

زينة: يمه هم رجعتي هسه ابوي يضوج

جانت طفلة عمرها 5 سنوات

اوتار: وين اودي هالعله وين اطيره

نزعت عبايتها ماشيه الداخل البيت تحچي

اوتار: اخوانج كون كعدوا

زينه: لا ماما انا كل شويه اشوفهم نايمين

دخلن جوه وهن يسولفن وانا بقيت بالطرمه رحت گعدت البلوكه كالعادة ممنوع من دخلة البيت ورا ساعات طلعت قبل لا يجي رجلها باوعتلي وصاحت

اوتار: دائب تعال

رحتلها فرحان لان صاحتلي

دائب: گولي يمه

انطتني بطانية وحچت

اوتار: هاي البطانية تاخذها وتصعد فوك السطح نام بالتانكي الكصوص فوگ ودير بالك تخلي حامد يلمحك انتقم منك

دائب: هم فوك يمه اخاف بالليل والله اريد بحضنچ مثل اخواني

دمغتني تحجي

اوتار: من يمتى انت متعلم على حضني اذا ماتصعد فوگ اطلع نام بالشارع يطبك مرض

دائب: لا لا اصعد فوگ

اخذت البطانية وصعدت فوك السطح اكو تانكي مي جبير كلش مكصوص فرشت بي البطانية ودخلت ببطنه هنا انام وما مسموحلي انزل واخلي رجل امي يشوفني لان يموتها كتل للمغرب كلش سمعت صوته جوه يگللها

حامد: ها وين وديتي العار ابنچ

اوتار: شمرته على امي بعد لا تشوفه ولا تغث روحك

حامد: من زمان وشمري على وداد المن مخليته عاله على گلبي تذكريني بأبو السگط زارعته گدامي

اوتار: هسه انت ليش غاث روحك يا عيني راح بعد طلع من حياتنا دتعال محضرتلك شلون عشا يلوگ الهالحلگ ، وحتى محضرتلك سوالف لليل كلش راح تحبها

صار يفشر عليها فشار ما صاير هي تضحك بصوت عالي

هاي تمر الايام وانا انحبست فوك السطح من يرجع حامد ولو تتذكرني بوجبة لو ماكو اتصروع من الجوع واضطر انزل ابوك من الدكاكين اي شي أكله واسد بي جوعي وارجع المكاني

مرات اتعذب واشتاقلها احن الريحتها مثل كل طفل بعمري يريد امه وحتى اقلل من اشتياقي الها انزل ابوك حجاب من حجاباتها واخلص الليل اشم بي واغفى على ريحاتها بالبرد والمطر الرعد من تخلص الريحة من حجابها ابدله بغير واحد وهكذا

مرت الايام على هذا الحال انا گاعد بنص تانكي الا ما بيوم جان الجو ثلچ ثلچ بداية شهر 12 وحتى المي جامد گلبي راد يوگف من البرد اطرافي صارن زرگ وصرت مااحس بيهن ماگدرت اتحمل گمت وانا ارجف من البرد رفعت بردة البيتونه ومديت راسي اباوع الي جوه للبيت هدوء وكلها نايمه وهمزين كهرباء موجودة نزلت ركض دخلت للمطبخ جريت الهيتر صغير شغلته وگعدت گباله مخلي رجلي عليه المطبخ جان دافييي كلش ورجليه واديه هم دفن ماگدرت اقاوم النعاس ولا گدرت اعوف الدفو مدري شلون تمددت گبال الهيتر وغفيت على الدفو بنص المطبخ مدري شكد نمت بس گعدت على دفره قوية بخاصرتي وصوت حامد يدوي باذني

حامد: انت شجابك هنااااا ولك

دائب: هاا انا اجيت ايّ

حامد: وجعيييي شسوي ببيتي

دخلت امي تركض للمطبخ مسحت على وجها تحجي

اوتار: حامد شكو شبيك

حامد: هذا شجابه بنصصص بيتيييي

اوتار: ها

حامد: الاخر مره اسأل منين طب

حجاها وجرني من اذني

اوتار: مادري علمي علمك

فتح عيونه موسعهن بصدمه وعافنا وصعد فوك للسطح يركض وامي صارت تلطم على وجها رجعت عليه تضرب وتحچي

اوتار: ملعون شنزلك الله ياخذك شنزلك حقير تريد تسويلي مشاكل

اشكف بديها واحچي

دائب: والله بردت يمه ونزلت ادفي روحي وغفيت مادري

بعدني احجي نزل حامد شايط بيده البطانية وحجاب امي البتناكي

حامد: هاي شنووو اوتااررر

اوتار: فدوه خلي افهمك حامد خطيه وين يروح وامي ماقبلت تخلي يمها

حامد: يعني كل هذيج المده جنتي مستغفلتني وضامة ابنچ فوگ

حجاها وركض جاب حزامة وهي سكاته ومستسلمة اله اول شي لزمني گطع الحزام عليه جنزني تجنز كالعادة روحي فرفحت شطبني تشطب وبعدها رجع على امي موتها من الكتل

وحرني سحلني وطلعني برا البيت شمرني بالشارع رجعت ادگ بالباب واتوسل بيهم يدخلوني ماكو محد يفتحلي الباب والناس تمد راسها من بيبانها تباوع وتدخل وكأنها متعودة على هذا المشهد

وانا هم مليت وكالعادة رحت گعدت على صفحة انتظرت حامد يطلع ورجعت ادگ بالباب حيل واتوسل

دائب: يمااا يمااا فدوه دخليني وين اروح فدوه

فتحت الباب وصاحت بيه

اوتار: شتريييدد شتريدد روح وين ما تريد تروح انت الزينية ماتفيد وياك حقير تخبث حتى تسببلي مشاكل

دائب: مادري شلون نمت وغفيت جوه ماقصد يمه

اوتار: ولي انگلع من وجهي وحسك عينك اشوفك گبال البيت مره ثانية

دائب: وين اروح

اوتار: روح الابوك الگـ**** يربيك وبلكي هم يطلعلك اوراق

دائب: يعني بعد ما ترديني ذبيتيني بالشارع

اوتار: روح منا روح

حجتها وكامت تبچي رادت تدخل صحت

دائب: اخر طلب يمه فدوه انطيني من حجاباتج البيهن عطرج وراروح

دخلت للبيت دقايق ورجعت طلعت تبچي بصوت واضح شمرت الحجاب عليه حيل وحچت

اوتار: اخذه وولي من وجهي بعد ماريد اشوفك خوش

عفتها ودرت وجهي ورحت بس وين اروح بقيت افتر بالشوارع بالليل لگيتلي بيت بس هيكل انام بي واضم روحي حتى محد يشوفني شفت گدام عيوني مناظر تشيب الراس سكارة ومخمورين واشياء بين الولد مقرفة كرهت روحي مرات تلعب نفي و تقيئ من منظرهم بس مع هذا اظم روحي حتى محد يشوفني وبالنهار ابقى هاج من شارع الشارع

الا ما بيوم جنت گاعد على رصيف واعاين على ولد يبيع كلينكس وواحد يبيع ماي وكلمن يسويله شغلة اكو بيهم يمسحون جام سيارات ويتسولون وخاصة يم التقاطعات هواي اشوف هيج كتلني الوصخ والضيم والجوع والعطش يوم المالگه دكان ابوگه ابقى بالضيم ومرات الناس تتصدق عليه تشتريلي لفة لو ينطوني اكل

بقيت مركز وياهم واشوفهم يشتغلون شفت واحد شويه مبين كبير اتقربت يمه سألته

دائب: منين تجيب هذا المي شلون اكدر تشتغل مثلكم

باوعلي وحچه

- تريد تشتغل

دائب: ايّ ياريت

- اهلك وين

دائب: ماعندي اهل عايش بالچول

- خوش تفيد ابقى هنا العصر من ارجع اخذك وياي الخلف يشوفك

دائب: منو خلف ؟

- بعدين تعرف انا اسمي وسيم روح اگعد بمكانك وانتظرني على مانتجمع ويجون ياخذونه

رجعت گعدت بمكاني وصدك للعصر صاروا يتجمعون هواي اطفال من عمري واكبر واصغر مني صاحلي هذا الاسمة وسيم ورحت ويا صعدت وياهم وصلنا البيت بمنطقة شعبية بأنگس من الجنت بيها قبل

وسيم: من نوصل راح نشوف رجال چبير هو اذا اسمه خلف احچيله حالتك وهو يساعدك

بقيت ساكت ماعرف وين اجيت دخلنا للبيت وكلمن صار يفرغ جيوبه والما محصل هواي يصيح عليه ويرزله ويضربه هم

خلف: حمير بس مال اكل ونوم ماتعرفون تشتغلون شغلة براسها حظ

باوع عليه وصاح

خلف: وهذا منيينننن

وسيم: على كيفك هذا لگيته بالشارع ماعنده اهل كلت يمكن يفيدك

اشرلي حتى اتقرب منه رحتله

خلف: وانت شسمك

دائب: اسمي دائب

خلف: اهلك وين امك ابوك عمامك

گعدت وصرت احچيله حالتي وهو كيف وگال

خلف: من باجر تشتغل ويانا ونشوف شغلك

وفعلًا بديت شغل وياهم هم گاعدين ببيت هو وويا مره تصير مرته متبنين شبكة من الاطفال يوزعونهم بالتقاطعات يبيعون وتسوولون الهم وينطونهم الفلوس اول سبوع اشتغل وياهم صرت اكافح حتى احصل فلوس هواي واخلي خلف يرضى عليه وصرت اجيبله هواي دخل وبفتره قصيره صرت انا المميز بينهم حتى على وسيم غطيت وصار يضوج مني

بس جانت عندي مشكلة ان انا ماعرف احسب ولا اقرأ واكتب ومايگدرون يدخلوني مدرسه لان ماعندي اوراق ثبوتية

وخلف بمعرفته الخاصة گدر يسجلني بأسم ناس ميتين وطلعلي جنسية واوراق وسجلني بالدرسه وهيج مرت 3 سنين وصار عمري 11 سنة وانا وياهم شفت الضيم ذله وضرب وتشرد وتسول وليالي سودة بس احسن من ليالي الشارع والخوف على الاقل اكو سقف يلفيني و خلف صار يعتمد عليه وعلى ذكائي بالنشل والتسول والبيع حتى بس احصل على الفلوس

وبيوم بالليل تمددت اريد انام وسمعت صوت سيارة وكفت برا لحظات وصار يوصلني صوت طفل يبچي

حاولت اتغاضه واغمض عيوني بس ماگدرت صوته يفطر الگلب كمت من مكاني وصرت اطفر واعبر الولد حتى اوصل الباب الغرفة

جان بيومها ليل شتاء سواده حالگ طلعت للطرمة ومازال الصوت بكاء الطفل يرن بأذني فتحت الباب ومديت راسي تفاجأت من شفت اكو كارتونه بالباب الصوت جاي منها بسرعة سحلتها ودخلتها جوه فتحتها وصار گدام طفل صغيرة تبچي

فزيت على صوت نرمين زوجة خلف وهي تحچي بستغراب

نرمين: دائب شسوي هنا شنو هذا الصوت

دائب: مادري لگيت هذا الطفل بالباب ببطن هاي الكارتونه

نرمين: وشلون تدخله منو سمحلك

دائب: مادري خطيه

اتقربت مني دفعتني وشالت الطفل كشفته تباوع عليه حچت

نرمين: ياا هاي بنت مبين عمرها سبع اشهر اكثر

دائب: ليش هنا

نرمين: تلگاها بنت حرام واهلها شمروها

طلع خلف توجه علينا

خلف: شني هذا الصوت

نرمين: شوف خلف دائب لگه هاي الطفلة بالباب شنو رأيك وين نوديها

خلف: دعوفيها تفيد رزق واجنا نشمره يمكن نبيعها يردون اعضاء شي

هزت راسها بقبول وخذتها ودخلت بيها للغرفة والطفلة ميته بچي بيومها ماسكتت الا كوه من سمعتها سكتت يلا نمت وبالي يمها

وثاني يوم اتكرر الموضوع الطفلة بس تبچي ماتسكت كمت من مكاني ورحت دخلت على نرمين احچي

دائب: نرمين انطينياها انا اسكتها

نرمين: دمشي لك وين تعرفلها زعطوط

دائب: جيبيها گلتلچ

نرمين: اطلع برا

بلا مااحچي تقدمت اخذتها من حضنها وطلعت بيها وهي بقت تصيح وتحجي الحد ما خلف صاح بيها يلا سكتت

دخلت للمطبخ مددت رجليه وخليتها عليهن وصرت اهز بيها وهي من وحدها سكتت چنت اشوف امي هيج تسوي الاخواني التؤم ويسكتون

وهي هم سكتت وصارت تغفي خليت الممية بحلگها شربتها گلها وغفت

عدلتها بحضني شميت ريحتها

دائب: افييشش هههه ريحتج تجنن ، من اليوم انتي بس الي مفهوم ههه تضحكين وانتي نايمة

خلف: شراح تسميها باجر اطلعلها اوراق

باوعتله شفته واگف فوگ راسي ويحچي

دائب: اسميها وتر مشتق من اسم عزيز عليه كلش

خلف: خوش من اليوم من ترجع انت المسؤل عليها دام اخذتها وتعاركت ويا نرمين

دائب: ميخالف

عافني وطلع ضايج اخذتها نومتها يمي وحتى ماتتأذة خليتها بين مخدتين وهي بعد ماگعدت للصبح

وهيج صرت انا اهتم بيها من اطلع الصبح اخليها يم نرمين ومن ارجع العصر ملهوف عليها ابقى اداري بيها الحدما ننام باليل بدأت تكبر وتتعلق بيه وحتى ماتريد نرمين وهاي شدت وياي بس تتعارك وتخلق مشاكل بيني وبين خلف بس هو جان ما يكدر يستغني عني

كبرت وتر وصار عمرها تقريب السنتين وكلش تعلقت بيه بحيث ماتقبل تاكل الا انا اوكلها ما تنام الا بحضني ماتقبل واحد يبدللها ويسبحها الا انا ، وانا هم كلش تعلقت بيها احسيت عوضتني عن الحنان الجنت فاقده قبلها ومن اطلع اعد الساعات حتى بس ارجعلها هواي اشتاقلها هواي

الحدما بيوم الصبح عفتها نايمة بوستها وگمت رحت للشغل بالتقاطعات كالعادة للعصر

رجعت للبيت شفت اكو سيارات يم بيتنا مو غريبات كذا يوم اشوفهن من قبل دخلت للبيت واشفهم شايلين وتر وهي مرفحة من البچي يردون ياخذونها شمرت سيت بطالة المي من ايدي وصحت

دائب: هاي شجاي يصير هنا

خلف: الناس اشتروا وتر تعال ودعها

اتقدمت عليه

دائب: شنو منو اشتره وتر

خلف: اعرفك على استاذ حكيم اشتره وتر لان عنده بس بنت ومريضة

صحت بي حيل

دائب: لووو تموووتتت مااخليك تاخذهاا لو تمووتتت

خلف: شبيك دائب لا يكون مصدگها من صدك هي بنتك

دائب: ايي من صدگ هي بنتي مستحيل اخلي واحد ياخذها افتهمت لو لا

اتقدم عليه من دون اي مقدمات ضربني راشدي مباغت ردت ارجع اهجم عليه اشر الاثنين من الولد لزموني قيدوني ماخلوني اتحرك صرت اصيح بكل صوتي وحكيم العار بكل برود باوعلي وابتسم سلم عليهم واخذها وطلع

ردت اتخبل وراها تسودنت رسمي رجع عليه شعور بيوم الامي طردتني بي من البيت

مدري شسوي ساعة اتوسل بيهم حتى لا ياخذونها وساعة اهدد بيهم بس طلع حكيم خلف رجع عليه ضربني ضرب مال موت بس حتى اسكت وانا ازيد بالزايد دفعته وطلعت اركض بس اريد الحگ على حكيم ماكو اختفى

بيومها تسودنت رسمي گوه جروني جر ودخلوني جوه حبسوني بغرفة ردت اموت وراها سبوع ماخلوني اطلع من البيت وخلف بس عصبي ويكتل بالاطفال اليشتغلون ويا

بعد السبوع جبرني جبر اطلع اشتغل واذا ماطلعت يتصرف وياي غير تصرف نجبرت اطلع مااعاتد لان اعرف شلون يعاقب الجهال حتى اغتصا*ب يغتص*بهم

حقدت عليه بگد الدنيا ردته بس ينطيني عنوان ماكو شهرين وانا انازع بروحي

بيوم گاعد على الشارع بتعب بعد ما خلصنا شغل كعد يمي ولد من اليشتغلون ويانا عرفته امير اسمه البارحة جان خلف يعذب بي وصرخاته وحده بالسما وحده بالارض يكطع الگلب لان ما جايبله فلوس طبطبت على كتفه وحجيت بتعب

دائب: كول اموري

امير: اذا دليتك على بيت حكيم الأخذ وتر تكدر تشردنا

بسرعة كمت احچي

دائب: انت تعرف عنوانه

امير: اي بيوم الاتفقوا بي انا جنت موجود وسمعت وحفظت العنوان بس بشرط اذا دليتك تشردنا لان كلنا نريد نشرد حياة الشارع ولا ذلة خلف

دائب: گول اشردك والله بس احچي

صار يحچيلي وانطاني العنوان كامل ثاني يوم من الصبح رحت وتأكدت من العنوان وحفظته

ورى سبوع جمعت الولد وقررنا ننفذ الخطة الاتفقنا عليها نحرگ بيت خلف ونشرد بيومها جبنا ويانا دبة بانزين خلينا يدخل الغرفتة هو ونرمين ام الزلم والدع*ارة وسيم سلسل عليهم الباب حتى مايگدرون يطلعون رشينا البانزين على الباب ومن جواه شعلناها وشردنا طلعنا من البيت توادعنا ومن يومها كلمن راح بصفحة وخلف ماعرفنا اخبارة بس مادور علينا وهذا يعني احترگت لشته بنار جهنم

بقيت مرابط بباب بيت حكيم ليل نهار ووين مايطلعون وراهم بس حتى اشوف بنيتي واستمرت حياتي هيج الحدما التقيت بحكوم واخواني من هنا بدأت حياتي تتغير وتتحسن الهذا اليوم ...

(عودة)

فزيت بسرعة وگمت احچي برجفة

وتر: يعني اهلك موجودين

عدل نفسه باوع عليه وگال

دائب: اي موجودين ابوي ضابط برتبة جبيرة وامي بعد ما حامد فطس ومات بقت عايشة ويا ولدها كبروا وصاروا شباب مرات اروح اشوفها من بعيد من تطلع للسوگ امشي وراها اما زينه تزوجت

وتر: امك وابوك ليش منفصلين

دائب: ابوي اتجزوج امي بالسر من دون علم اهله وبس عقد عليها شرع ماكو قانون ومن صرت انا هو عافها وفلت وانا بقيت بدون ارواق ثبوتية والصار بعدها تعرفينة

اتذكرت كلامة شهكت وحچيت

وتر: يعني شنو قصدك حكيم صدك مو ابوي

دائب: مثل ما سمعتي

وتر: انت واحددد چذااب وانا مستحيل اصدگ بيك كل الكلام الحچيته انا ماتذكر منه شي

ابتسم يحچي

دائب: وين تتذكرين بابا جنتي صغيرة

وتر: اثبتلي صحة كلامك اثبتلييييي

تنهد وگام جاب الحاسبة مالته كعد على الجرباية واشرلي اگعد يمه اتقربت بتردد وكل جسمي يرجف فتح مقطع فيديو وريته مافتحة عقلي راد يوگف حسيت نفسي نصعقت من سمعت الكلام.....

   يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

Insta:zainab__.ali1

متابعة ممتعة🦋

#تاروت

البارت «26»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

Insta:zainab__.ali1

عشگك مثل دم مچتول

ضاعت چم سنه

وما ضاع

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وتر"

تنهد مسح دموعه فرگ وجهة حيل وطلع شويه ورجع بيده الحاسبة مالته گعد واشرلي اگعد يمه اتقربت بخوف گعد على حافة الچرباية

دائب: كل الراح تشوفينه وتسمعينه هذا ورى ما اخذتچ بايام

شغل مقطع فيديو ودار الشاشة عليه نذهلت من شفت الكاميرة موجهة على حكيم وهو يحچي مبين جاي يصورونه بالخفية

دائب: ايي هسه ماگلتلي شگد تريد حتى تتنازل عليها

حكيم: من كل عقلك تريد تاخذ بنتي شنو هي تايها ماكو حكومة

دائب: من الاخير حكيم انا اعرف وانت تعرف هي مو بنتك وانت اشتريتها لان انسجتها تتطابقت ويا انسجة بنتك وتريد تاخذ كليتها وتشمرها فـ خلينا نتفق احسن الك والي

حكيم: انت تهدد هسه اتصل بالشرطة

دائب: ايدك الك بس ماراح تحصلها لو تموت انا عبالي افيدك

گام راد يطلع حچه مستوقفه بصوت مرتبك

حكيم: لحظة نتفاهم شگد راح تدفع

دائب: جيد هسه بدأت تفهمني وافهمك الغي شكد تريد

حكيم: مصاريف العملية كاملة وفوكهن خمسين مليون

دائب: سهلة سبوع وادبرلك المبلغ

حكيم: وهذا اعتبره مهرها وانت طالبها مني

دائب: بلا حچي فارغ معليك بيها بعد واساسًا هي مو بنتك

حكيم: مو بنتي بس انا ربيتها وحتى اقبل بشرطك اقبل بشرطي وهم ادري بيها ماتتقبل وجودك بحياتها وانت محرم عليها صدگني

دائب: غراضها واوراقها الثبوتية وكلشي يخصها يصيرن يمي هسه

حكيم: اعتبرهن صارن يمك ، وفلوسي ومصاريف العملية والمتبرع عليك

خليك ايدي على گلبي صار يأذيني اذني عيوني كلشي بيه رافض يصدگ ان انا عشت وكبرت وسط عائلة مو علئلتي ولا بيتي ولا عندي ام واب وانا من لحمهم ودمهم

وتر: يعني شنو اني لقيطة بنت حرام

حجيتها بصدمه واستغراب فز من مكانه لزم وجهي يحجي وياي بتفهم

دائب: منو اليگول عليج هيج اگص لسانه انتي بنتي انا بنت گلبي بنت روحي

باوعتله احجي بدموع

وتر: انا منو

جاوبني بلهفة عيونه تلمع احسه يگول الكلمة ويعنيها من كل گلبه

دائب: اوتار گلبي واحلى شي صار بدنياتي

دفعته حيل وصحت بي

وتر: انت چذاب مستحيل اصدگ بيك انت واحد چذاب واعرف هددت ابوي حتى يحچي هذا الكلام ماصدگ بيك

دائب: بعدها تگول ابوي ولچ بابا مووو ابوچ حكيم مو ابوچ افتهميييي

وتر: اطلع برا اطلع ماريد اشوفك چذاابب تسوي هيج حتى تقنعني اگعد يمك

دائب: وتر لا تختبرين صبري

وتر: اريد اهلي

دائب: ماكو اهل غيري

رجعت اضرب بي حيل وانهاريت بالبچي جرني عليه حضني حيل ثبت راسي على صدره وهمس

دائب: شسوي حتى يرتاح گلبچ ادري الموضوع فوك مستوى ادراكچ گليلي شسوي

گوه حچيت من بيهن شهگاتي ودموعي

وتر: اريد امووتتتت

دائب: يومي گبل يومچ اشش

وتر: ريح گلبي وگلي الحقيقة

دائب: مثل ما سمعتي

ردت اموت گلبي صار يتقلص وينقبض حيل

وتر: ماصدگ بيك

دائب: مو مشكلة بجميع الاحوال انتي يمي مانطيچ بعد

صرت احرك بنفسي اريد ابتعد من حضنه صار يشدني اله ويهمس

دائب: اشش اهدئي

وتر: ماريدك

دائب: ميخالف اهدئي

رفعت رأسي وصحت حيل

وتر: ابتعععددد لعبت نفسي

جرني للچرباية يحچي

دائب: تعاي نامي

وتر: ماريدد دعوفنيييي

دائب: بعدني ما ناسيلج من چذبتي عليه ترى

وتر: انت چذااببب انتتت

دست على رجله حيل من كل عقلي عبالي جاي يتأذى اباوع عليه ابتسم صرت اضرب واضغط على رجله حيل ماتحمل صار يضحك بصوت عالي وهاي اول مره بحياتي اشوفه يضحك تمالك نفسه وجرني حيل

شمرني على الجرباية ردت اگوم صار فوگي خنگني بضخامته مايخليني اتحرك حچيت

وتر: مخبل انت مجنووننن دعوفنيييي وخر اختنگت

دائب: كافي بابا نامي

وتر: ماريد انام گوه

دائب: لا تعبتي لازم تنامين يلا اششش

جر الغطا من جوانا يغطي بيه ويحچي

دائب: يلا شو غمضي عيونچ يلا يلا

ادري بي مايعوفني هسه لو الوح السماء لو مو ابچي وادفع استسلمت وتعبت حيل من البچي ومن الكلام الي سمعته

درت وجهي منه وهو سحبني الحضنه خلا ايده جوه راسي

دائب: العب بشعرچ حتى تنامين ؟

وتر: ماريد

غمضت عيوني شويه وحسيت اصابيعة تغلغل بشعري بعدها صار يطبع بوسات عليه ويمسح بوجهي من الدموع

دائب: ريت دموعچ يغسلني ورموشچ يجفنني وبعيونچ يدفنني

وتر: يعني تموت ؟

دائب: ايّ

وتر: أمين

دائب: ايا طايحة الحظ

وتر: محد طيح حظي غيرك

غطاني وحچه

دائب: اششش ماريد اسمع نفس بعد تنكتلين لو تنامين احسن

تعبت حيل مابيه اجاوبه بقيا افكر بكلام ابوي الفيدوات الشفتهن ساورني الشك بس ما نطيت اهمية الكلامه ولا صدگت بي غمضت عيوني ونمت وهو يلعب بشعري

من بعدها مرت الايام هيج كل ما نتگابل نصير ملايخ هو يحاول يفهمني ويثبت كلامه وانا معاندة ماسمع شي ولا اريد اتقبل الي صار ولا اريد اصدگ بي

فتحت باب الغرفة وطلعت البيت هدوء وهو ماكو بالصالة رحت للمطبخ لگيته يسوي اكل انتبه عليه بسرعة اجاني سحبني عليه يبوس براسي ويحچي

دائب: جعتي سُكرايه

بتعدت منه بخطوات منزعجة لان لازگ بيه حيل

وتر: ايّ

دائب: روحي غسلي وتعاي

وتر: ما

دائب: ليش تعبانة گليبي اشيلچ انا اغسلچ

وتر: شجاي تحچي

حجيتها وحسيت بطني مغصتني حيل غمضت عيوني دايخة انتبهت عليه يباوع عليه بأستغراب حچه متساءل

دائب: شبيج وجهج أصفر

وتر: مابيه شي

طلع تليفونة باوع بي حسيت نفسي ردت اختفي من الحياة من رفع رأسه عليه وگال

دائب: اووو اليوم موعدها

وتر: هاا هي شنو

دائب: المحروسة راح تبقى ضيفة شرف فد اربع أيام وتتعب بنيتي

من الخجل حسيت اذاني صارت بيهن صفارات عفته ورحت ركض للحمام سديته عليه وصرت اضرب بگصتي حيل واحچي بدموع من الفشلة

وتر: الله ياخذني ويخلصني من هذا كله يعني كل شهر لازم تتكرر هاي الحالة

اتقدمت الدرج الحمام وكالعادة لگيت الاشياء الخاصة بهذا اليوم موجودة ومو نوع واحد اكثر من نوع وحتى بصفهم اشياء خاصة كلش مرتبات يم بعض

سويت الازم وطلعت ردت بسرعة ادخل للغرفة سمعت صوته

دائب: وين تعاي اكلي

وتر: ماريد اريد انام

دائب: أكلي ونامي يلا حبابه عفيه بنيتي لا تشلعين گلبي

وتر: گلت ماريد

ماحسيته الا اتقرب مني وشالني بلا مقدمات ماحاولت ادفعة لان موجوعة ومالي خلگ للعرك گعدني على التخم وخلا مخده وراي غطاني وقرب الدفاية مني وراح جابلي الاكل خلا بحضني وحچه

دائب: اكلي حتى تاخذين مسكن وجهج اصفر من الألم سوده عليه

اكلت وهو يمي كل مااگله شبعت يرجع يجبرني على الاكل حسيت روحي نتخمت وانطاني مسكن ألم يلا عافني ارجع للغرفة دخلت قفلت الباب عليه

وهاي هيج كالعادة يخلص هاي الأربع أيام هو مگابلني وگاعد حتى مايطلع من البيت

جنت متمددة وتذكرت اخر مره من سمعته يحچي بالتليفون كلامه لفتني وبقى ببالي

بيومها ردت اطلع اشرب مي بس فتحت الباب اجاني صوته يحچي وفاتح مايك حتى صوت الولد الي نعته بأسم يمان واصلني

دائب: هو انا لو ادري بي شريف چا ما سويت هاي الدگة بي بس هو واحد گـ*** مرتشي ويستاهل الصار له

يمان: هو انت شسويت

دائب: رحنا حتى نطلع البضاعة من الگمارك وهو الضابط المسؤل عنها

يمان: البضاعة شنو چانت

دائب: مواد تالفة بس هو صارلي بيها شريف وحجزها رغم شفته بعيوني قبل چم شهر عبر مخدرات ومواد ممنوعة الغير جماعة والبضاعة الردت اعبرها حجزها

يمان: دعوفه لا يروح يأذيك البضاعة خلي تولي مو مهمة

دائب: افا عليك اعوفه انا صلا جبت البضاعة حتى اورطه بيها دزيتله جماعة وغصبًا عليه اتفقوا ويا و وصوروا بنص الاتفاق خبرت عليه مع الادلة انلزم بالجرم المشهود والبضاعة تلفتها گـ**** لو مانظفتهم واحد واحد

يمان: وشغلك بعد ياهو يمشي

دائب: ** بشغلي هيج شغل ماريده

سديت اذاني حيل هذا شبي يحچي بلا حيا ، بس كلامة ابد ماراح من بالي ياترى شنو شغله وعن شنو چان يحچي ...

❛❛❛❛

خيال"

بدلت ونزلت شفته بعده گاعد يم حكمة اثنينهم انتبهوا عليه

خيال: انا جاهزة

حكمة: هاا وين وداعة الله

خيال: ويا يمان عدنا شغل

يمان: لا انتي ما ترحين

خيال: مو بكيفك اتفقنا ثنينا نروح والولد هسه منتظر

يمان: خطر عليچ خيال اگعدي

خيال: بكيفك لا تروح انا رايحة الوحدي

گام وحچه بعصبية

يمان: يعني ما ترتاحيينن الا تعاندين

خيال: اعتقد السالفة تخص قضية اهلي والقضية انا الازمتها ومن حقي اعرف شجاي يصير

درت وجهي وطلعت سمعت حكمة تحچي

حكمة: چا انتي تنردين يالفوصة امرك لله اخذها وياك ودير بالك عليها

طلع وراي لبس نظارته يحچي

يمان: ماتنزلين من السيارة

خيال: ميخالف بس امشي تأخرنا على الولد

تنهد ومشى وصلنا للسيارة فتحت الباب وصعدت ورا وهو هم صعدد واتصل على الولد اخذ منه العنوان بالمضبوط حرك السيارة عدل الجامة عليه وگال

يمان: رميم طالعة حلوة بالحجاب

عدلت شعري وحچيت

خيال: ايّ منتبها عليها

يمان: واختها الچبيرة شوكت ناوية تتعلم من الاخت الصغيرة

باوعتله من غير نفس درت وجهي على الجامة احچي بصوت ناصي

خيال: يدور حجاب المؤمن المهرب

سمعت صوت ضحكته

يمان: لا تاخذين غيبتي يالمؤمنة العنيفة

خيال: مماخذة غيبتك هاي الحقيقة استاذ يمان

يمان: الحقيقة الوحده الموجودة بحياتي هي انتي

سكتت ماحچيت ويا وهو هم سكت الحد ما وصلنا المكان البي سيارة الولد نزل من سيارته واجه صعد ويانا سلم وحچه

مازن: استاذ يمان بس نعبر هذن الشارعين ونخلص المحلات هناك يصير التجمع

يمان: وشعجب بالنهار مو بالليل

مازن: هي هاي خطتهم حتى بالليل لا تصير العين عليهم هم يتجمعون كل جمعة بـ 12 الظهر يكون المكان فارغ وياخذون راحتهم

باوعت عليه اشرلي بلا ماينتبة الولد يعني سجلي سحبت تليفوني وشغلت التسجيل

يمان: ايّ مازن ما گلتلي شني شغلكم منو المسؤل عليه

مازن: المسؤل على شغلنا واحد اسمه نجيب يصير صديق نضال الكل بالكل وشغلنا بعد انت تعرفه شنو حچيتلك عليه

يمان: يعني ينطونكم مخدرات تتعاطون وماياخذون منكم فلوس بس بالمقابل تنفذون الهم مهمات مثل سطو وسرقة ونشل

مازن: بالضبط ونجيب ونضال هم الي يوزعون علينا المهمات مثل الولد الوصل تهديد الست خيال وانا ودوني ابوگ الحاسبة ... تگدر توگف هنا ونكمل مشي لان السيارة تجيب العين

يمان: لا ندخل بالسيارة بعدها الناس موجودة الشارع ما فارغ

مازن: بكيفك

بقي يمان يمشي ويدخل بأماكن صعبة وصرت اشوف البناء القديم والمتهالك

مازن: استاذ يمان ماتگدر تدخل بعد

باوع لي وگال

يمان: شفتي وين اوديچ هسه

خيال: انزل وياك

تنهد بحيرة ونزل نزلت وراه مد ايده وحچه

يمان: لزمي ايدي

بلا ما اناقش لزمتها مشينا ورى مازن الحد ما وصلنا مثل المحلات وگف وحچه

مازن: هنا يتجمعون الولد بهذا المكان ويوزعون عليهم المخدرات

طبگت سيارة ونزل منها شخص يطلع عمره نهاية الخمسينات شعرة ابيض مشيب بسرعة مازن حچه

مازن: استاذ يمان هذا نجيب

اباوع اليمان طلع تليفونه وصار ياخذ له صور هواي الكل تحركاته وبعدين صار يصورة فيديو الحد ما دخل الواحد من المحلات طفه التليفون وگال

يمان: هسه اذا ادز وياك واحد تگدر تدخله عادي لان هواي شباب ماينتبهون

مازن: لا مستحيل يعرفونهم واحد واحد بالشكل ولاسم والعنوان

مسح على وجهة محتار يفكر

يمان: ونضال وينه مااجه

مازن: نضال صار له مدة مختفي ماتشوف نجيب متخبل عليه محد يعرف عنه شي

خيال: يعني هسه انا اكدر اتحرگ واشتغل على هاي القضية حسب التصوير العدنا

مازن: طبعًا وانا اوفدكم بالأخبار

بقى يمان يصور بالمكان الحد ما طلع هذا الاسمه نجيب اباوع عليه وكأنه يريد يحفظ شكلة من بعده انصدمت بفوج الشباب الطلع وراه هاي كلها يتعاطون من ورى هالمجرمين حسيت عيوني اشتعلت نار ودمعت وكأني اشفوهم كلهم ضرغام هم هيج مثل حالته انقهرت كلش يعني شباب بعمر الورد يمكن اكبر واحد بيهم عمره 22 سنة

راحوا وفرغ المكان ومازن هم سلم واتفقوا هو يمان ان يبقى ويا على تواصل وراح ، مشيت ورى يمان احچي

خيال: شنو الي راح اسفادة من هاي القضية بقضية اهلي

يمان: الشاهين محبوس يمي وهو يوميه يعترف على واحد بس بعمره ماجاب طاري واحد اسمه نجيب وانتي من راح تشتغلين على القضية اكيد نجيب راح يروح بيها وما يتلبسها الوحده وراح يعترف عليهم كلهم بالأدلة والبراهين وبهاي الحالة فقط مايگدرون يطلعون لان الجريمة ثابته عليهم وكاضينهم متهمين بالجرم المشهود

خيال: يعني اذا اعترف على الشاهين راح تسلمة للشرطة

يمان: طبعًا اذا ماعترف يمنا يعترف يمهم حتى نخلص من هاي السالفة لان اعصابي تلفت

خيال: لا تحاول اخوك مو بريئ وهو المجرم الاساسي وانا متأكدة من كلامي

وكف وتخصر يباوع عليه ويحچي

يمان: المتهم بريئ حتى تثبت إدانته يا استاذة يا محامية

خيال: اخوك إدانته مثبتة ومع هذا طلع برائة

يمان: لا ما مثبتة طلع لعدم وجود الادلة الكافية تدينه

فحت باب السيارة وصعدت احچي

خيال: هو اليوگف ضد الحق ويا الباطل شترجه منه

صعد يحچي

يمان: عوفي هذا كلامچ وخلينا نشوف طريقة نوگع بيها نضال ونجيب

سكتت منه شغل السيارة وعدل المرايا عليه وكالعادة شغل اغنية محمود التركي ياحبيبي

طول الطريق كل شويه يعيدها كلش اختنگت وجهي اشتعل نار حسيت السيارة وگفت باوعت عليه وحچيت

خيال: ليش وگفتها هنا

يمان: نحچي شويه على قبل لا نرجع

خيال: يمان مابينا حچي رجعني للبيت

يمان: ليش هيج تسوين

حجيت بأنزعاج

خيال: يمان لا تخليني اتندم لان طلعت وياك رجعني للبيت

ماسمع مني وطبگ يم الكورنيش حچه وهو ينزل

يمان: نزلي نسولف ونتفق يلا

خيال: يمان

فتح بابي يحچي

يمان: بس اتفاهم وياج

بوعتله مخزره اعرف بي جابني لهنا حتى يأثر على مشاعري

خيال: يعني تتصور من تجيبني الهذا المكان تحرك مشاعري بالذكريات

يمان: يعني تذكرين هذا المكان

خيال: اتذكر باوع وراك وشوف هذا نفسه الفندق الكلت اسويلچ بي احلى عرس هذا نفس المكان الي شبعتني بي وعود ورسمتلي بي دنيا من ورد

اشرت على الفندق وحچيت بدموع

خيال: هنا هنا بهذا المكان وبنفس الموقف الاحنا بي هسه كلتلي راح تعيشين اسعد واحلى لحظات بحياتچ بس وينها يمان وعودك وينها بقن على الرصيف وحيدات واحنا مشينا وابتعدنا منهن

يمان: انتي ليش ماتحسين بيه ولا بناري المشتعله عليچ محد بيكم جاي يفهمني

نزلت من السيارة احچي

خيال: اعتقد لهنا وكافي بعد

ردت اروح ماخلاني لزم ايدي وگال بتعب

يمان: لا تموتين البينا

خيال: الي بينا مات وشبع موت واندفن هناك بييت حجي سليمان لا تتصور بمجرد ذكريات تكدر تأثر عليه وارجع وياك

سحبت ايدي وردت اروح رجعت باوعتله وحجيت

خيال: وحتى اذا طلع اخوك بريئ تحلم ارجعلك گلتها الك يمان وارجع اگولها لو تجيني وجايب وياك نجوم السماء ما راح اسامحك

رحت للشارع وكفت سيارة أجرة صعدت بيها وعفته هو يمسح على رأسه محتار اعرف قسيت بالكلام ويا بس يستاهل ...

وهيج مرت الايام صرنا نشتغل على القضية ما بينا كلام غير الشغل وبس..

❛❛❛❛

يمان"

طلعت متوجه للمستودع دخلت شفت دائب مگابل الشاهين وگاعد

يمان: هاا ماحجه شي

دائب: صار ساعة متساهل ويا واحجي بالعيني واغاتي ماكو الظاهر صديقنا الورد يريد استعمل ويا غير اسلوب

گعدت على صفحة خليت الحاسبة بحضني وحچيت

يمان: شوف شغلك ابو الشباب

اباوع عليه طگ رگبته وگام توجه للشاهين نصه گباله سحب البلايس من چيبه يحچي

دائب: اقرأ السلام على اول اظفر شريكي

باوع للشاهين كام يصيح

الشاهين: لاااا امروتك دائب لا تسوون هيج كلتلكم كلشي ماعرفففف

ماسمع منه وشلع اظفر اصبعة الوسط وهذا صار يصرخ بكل صوته صياحه يوصل للسما

دائب: تحجي لو تترحم على الثاني

الشاهين: اخخخخ ماليي علاقههه بيهم هم اتفقوا على كلشي

دائب: ايي عفيه منو هم

الشاهين: مادري مادرريييي

نزل البلايس وشلع اظفره الثاني وهيج بقى كل ما يگله مادري يشلعله اظفر

اخر شي فتح صار يرش عليه مادة على الجرح يخلي الالم مايحتمل اباوع للشاهين من الالم والصياح حتى صوته اختفى مايقبل يحچي شي اخذ ايده الثانية ونفس الحالة كل ما يسأله يشلع اظفر

دائب: اذا ماتحچي هسه اگصلك اشياء كلش غالية مو مال واحد يبقى بدونها وهم ما ترجع تنبت مثل الاظافر

جاوبه بتعب وصوت مبحوح

الشاهين: شتقصد

دائب: البالي بالك

الشاهين: دير بالك دائب والله انا مالي علاقة الخطة كله من تدبير نضال وسراي

دائب: هسه بدأت تفهمني يعني باتر ماله علاقة

الشاهين: احتمال بس انا هم سمعته يتفق ويا سراي على ضرغام

دائب: احجي عدل يعني اله علاقة لو لا

الشاهين: صدگني الجواب مو عندي تلگاة يم نضال

لزمه من شعرة رفعة وسحله ربطه باسلال بالحايط وطاحله دگ ضرت الحد ما شطبه تشطب وصار يرش عليه مادة لاذعة حتى يتأذه اكثر بس هذا صامد ماينطق ومصر على اقواله

دائب: راح تخليني اعوف اللعب والدغدغة واسوي سوالف ماشايفها بعمرك

الشاهين: كل الاعرفه اعترفت بي واذا تريد تعرف الحقيقة الزم نضال انا مالي علاقة

راد يرجع يضربه استوقفته احچي

يمان: لحظة دائب

كمت تقربت يم الشاهين واحچيت

يمان: تعرف واحد اسمه نجيب

بسرعة باوع عليه مثل المصدوم حچه بلعثم

الشاهين: هاا اا مادري ماعرفه شتردون مني يمان

يمان: روحك

الشاهين: كل الاعرفة كلته الك

يمان: بعد عدنا كلام لا عبالك خلصنا

عفته باوعت الدائب وحچيت

يمان: معقولة ماتعرف باتر وين

دائب: ابد حتى اتصل عليه ما يجاوب ولا يرد على المسجات

يمان: ولا بالشقة موجود وين راح هذا وليش مختفي هو ونضال

دائب: باتر بباله شي وخايف من الي يريد يسوي

يمان: انا طالع ادور عليه وانت ابقى هنا شوف شغلك ويا هذا

دائب: توكل ولا يهمك

عفته وطلعت ماخليت مكان ممكن يتواجد بي دائب ما دورت بي ماكو اختفى عن الوجود حتى الي يعرفونه وجماعتة الخاصين كلش مايعرفون شي عنه رجعت للبيت وتفاجأت بحالة حكمة جانت واكفتلي بالباب وجها ما يتفسر

❛❛❛❛

ج

نت هستوني طالعه من الحمام سمعت صوت يمان جوه يصيح وصاير عصبي ماعرف شعنده ردت انزل صارت رميم گدامي وهي تصعد ركض

خيال: رميم شكو

رميم: يمان وحكمة تعاركوا صاعده اجيب علاج حكمة من الصياح راح تنجلط

نزلت وحجيت

خيال: جيبي ولحگيني

نزلتلها اركض شفتها گاعده يالصاله على التخم تضرب على رجلها وهو يمها مشتعل من العصبية اول ما شافتني ضربت ايد بأيد بحرگة وگالت

حكمة: تعاي ليه هذا الشلايتي راح يموتني هو واخوته

اتقربت يمها

خيال: خير خاله شكو ليش هيج حالتچ

اشرت على يمان وگالت

حكمة: طلعي من وجهي ما اريد اشوفه گبالي

اتقرب منها يحچي بعصبيه گوه مسيطر على نفسه

يمان: يمه جاي تسمعيني شحجي الوصلج الكلام چذب چذب ماكو هيج شي ولا دائب متزوج

حكمة: الوصلي الكلام مايچذب وواحد كلش قريب عليكم زل لسانه گدامي وگلي حابس البت يمه

يمان: انا نفسي مادري اذا الكلام صدگ لو چذب ياهو هذا اليعرف بالموضوع قبلي

حكمة: باتر خابرني يگول ماتدرين بيهم شجاي يسسون من وراج واحد متزوج والثاني يريد يخطف البت

بقيت صافنه عليهم ماعرف شنو يحچون گامت حكمة تحچي

حكمة: هسه تاخذني اله

يمان: يمه گولي يالله واتصلي تأكدي منه

حكمة: لا اروح له هسه ولا تتصلون بي

خيال: خاله اهدي يمكن فاهمة الموضوع غلط

حكمة: ايّ هسه اروح واتأكد بنفسي

نزلت رميم وگوه گعدتها وجبرتها تاخذ علاجها صعدت بدلت واخذت جنطتها وطلعت وهو وراها شگد حاول ماگدر يخليها تتراجع

طلعوا وانا ورميم بقينا وحده صافنة بوجه الخ

رميم: ياترى شكو

خيال: اكيد واحد من ولد حكمة مسوي مصيبة وبس الله اليستر من مصايبهم

انتبهت عليه ابتسمت وحچت

رميم: باتر شعلها يلا ارتاح

خيال: وانتي وين تعرفين باتر ؟

بسرعة باوعت لي وحجت

رميم: لا وين اعرفه بس سمعت حكمة كالت اسمه

عافتني وصعدت للغرفة صعدت وراها احچي

خيال: صايرة هواي تضمين عليه رميم خايفه عليچ شجاي يصير وياچ

باوعت لي ببتسامة اتقربت عليه باستني من خدي حيل وحچت

رميم: اروح فدوه للخايف عليه لا تخافين اختچ عدها عيون ذيب وغيض لبوة وتعرف تتصرف

خيال: تخوفيني اكثر بهذا كلامچ على شنو ناوية

رميم: على شنو ناوية بس جاي اطمنچ عليه حتى لا تخافين

عافتني ورجعت نزلت مادري ليش گلبي عصرني وافكار مو حلوة صارت تتردد بذهني تعوذت من الشيطان الرجيم ودعيت ربي يحفظ اختي اذا لا سامح الله صارلها يمكن اموت

مشطت شعري رتبت نفسي ونزلت لكيتها گاعدة بالمطبخ وكالعادة تليفونها ما يطيح من ايدها وعيونها بي اول ما شافتني سده وحچت

رميم: تردين چاي لو گهوة

ردت اجاوبها سمعت تليفوني يدگ شفته مازن بسرعة جاوبت

خيال: تفضل

اجاني صوته يحچي

مازن: ست خيال اتصلت على استاذ يمان هواي ماگدرت احصله

خيال: گول مازن صاير شي

مازن: نجيب عنده عملية بعد اسبوع بالميناء هو گال من تنزللهم بضاعة خبرني

خيال: دزلي التفاصيل بسرعة مازن لا تتأخر ويمان انا اخبره

سده دقايق ووصلني تقرير مفصل عن العملية وحتى وصل گمارك فتحت حاسبتي وصرت انسخ المعلومات بيها

انتبهت على رميم خلت الچاي گدامي وگالت

رميم: عرفتي شي

خيال: بعد خطوة وحده ويطيحون كلهم مابقى شي بس نضال ينلزم

رميم: مدري وين سامعة اسم نضال

خيال: طبيعي تسمعينه دائما نحچي بي

انتبهت عليها صفنت تفكر وكأنها تتذكر شي رجعت عيني اشتغل الحدما سمعت صوت حكمة ويمان دخلوا للبيت ويمان يگللها

يمان: تأكدتي وشفتي بعينچ ماكو احد يمه

گمت وگفت بالباب اباوع عليهم گعدت حكمة تحچي بحرگه

حكمة: ما مرتاحة احسه يچذب عليه منهو يگول هو عايش بهاي الشقة

يمان: يمه بكيفچ بعد شاردين تسوين سوي

عافها وطلع بقيت استفسر منها كلشي ملاگين يمه بالشقة بس الوحده وجان طالع من وصلوا هناك يلا اجه عفتها وطلعت ورى لگيته گاعد بالحديقة يدخن والجو ثلج نهاية شهر 12 انته عليه وگال

يمان: اتصل بيه مازن حضري نفسج ما بقى غير سبوع

خيال: ادري اتصل بيه وگلي لان ماحصلك

يمان: ينراد نشتغل على السالفة بذكاء هاي الناس خطرة والموضوع يحتاج له تدبير

خيال: شلون يعني ؟

گام دخلنا جوه باوعلي وحچه

يمان: تعاي اگعدي يمي خلي افهمچ

اخذت الحاسبة واتقربت گعدت يمه بقى يشرحلي شلون راح يتم تصويرهم وبعدها يبلغون عليهم وينزلمون

خيال: وهاي كل العصابات الي تنلزم لازم اكو عصابة ثانية تخرب عليهم الشغل يله

يمان: لو ما الخلافات بينهم يمكن العراق هسه بورة للعصابات والمافيا اكثر من إيطاليا

خيال: واذا طلعوا يمان شلون يخرب كلشي

يمان: مايطلعون اذا نلزموا وهم بنص العملية عوفي هاي السالفة عليه

بقينا نشغل والوقت تأخر كلش حكمة ورميم صعدن واحنا بقينا گاعدين بالمطبخ ظلمة وبس ضوء الحاسبات يضوي علينا جنت مندمجة ادقق بالوصولات واطابقهن سوى جمدت من حسيت بأنفاسة صار قريبة مني همس

يمان: ايّ كملي ليش وگفتي

خيال: ابتعد شويه

وخر شعري من رگبتي اتقرب كلش باس كتفي يهمس

يمان: ليش مضايقج

غمضت عيوني

خيال: يمان عفيه ابتعد مالي خلگ للعرك هسه

يمان: معقوله ما مشتاگتلي هيچ گلبچ حجر

خيال: واكثر بعد رجاءً ابتعد

مشه إبهامه على طول رگبتي

يمان: جسمچ يگول غير شي خيالي الواسع

گمت ردت اروح سحبني من ايدي گعدني بحضنه لف ايده حول خصري وسحبني اله رفعت عيوني اباوع اله عيونه عاكس عليهن الضوء يلمعن ، رفعت ايدي مسحت على وجهة لحيته شفته غمض عيونه وگال

يمان: ياحنية لمساتچ

خيال: مشتاقلي

يمان: روحي تتگطع من الحنين

رفعت ايدي خليتها على گلبه وكالعادة منتفض ينبض بجنون ابتسم وحچه

يمان: ماكو داعي تتفقدين گلبي وانتي بداخله اعتقد صوته واصلچ

ابتسمت نصيت عليه بسته بخده بوسه خفيفة ورجعت اباوع الوجهة غمض عيونه حيل رغم برودة الجو حسيته صار نار وحتى جبينه صار يلمع متعرق

يمان: تزيدين ناري

خيال: مو بس من ابتعد حتى وانت بحضني هم تتعذب

تجاهل كلامي وحضني بقوة حسيته عظامي طگت دفن راسه بجسمي ياخذ نفس قوي رفع راسه وحچه

يمان: ليش گلبچ هادئ

خيال: لان مااحس بيك

يمان: چا ليش انا ذايب بيچ

خيال: الثلج من تقربه من النار يذوب

حچه بهمس

يمان: المهم يذوب الثلج خل ينچوي شويه

خيال: شنو الممكن يطفى اشتياقك

يمان: لهفتج عليه

خيال: ماعندي لهفة عليك

عض على شفته حيل جذب راسي ناحية وجهة وهمس بأذني

يمان: ‏أشتهي بكِ ليلة مجنونة لا أسمع فيها سوى أنفاسي وأنفاسك الساخنة

دفعته وگمت گلبي انتفض ينبض حيل اديه صارت ترجف ضحگ يحچي

يمان: كل الشفتي مقبلات وداعت عيونچ ماداخل بالعمق

لميت غراضي وحچيت

خيال: انت واحد ما تستحي

لزم ايدي باسها حيل وعضها

يمان: مربه مشمش موش بنيه

سحبتها منه بسرعة وطلعت ماسمع بس صوت ضحكته الخافته صعدت الغرفتي وجهي گب نار من كلامه ...

من بعدها مرت الايام وحكمة ما سكتت على الموضوع يوميه تروح تسوي مداهمة عليهم وموضوع كل ماتروح الشقة دائب تلگاه طالع مدوخها وتريد بكل صورة تتأكد صدگ اكو يمه بنت لو لا

وهاي يوميه تروح وترجع وكلشي ماتلگه مرات تروح مرتين وباقيه تحلطم بروحها واحنا باقين ننتظر الاسبوع يخلص ويصير يوم التسليم وبيومها جنه گاعدين على نتعشا باوعتلي حكمة وحچت

حكمة: وين هذا الشلايتي اليوم ماكو

خيال: عنده شغل خاله

حكمة: هاا شو انتم هالايام صحبة كلش

گالت وضربت مثل يفشل بالفشر ضحكت وحچيت

خيال: حكوم علمود الشغل غير قابل شعندي

حكمة: انشوف تالي شغلكم فرخ يحبي

خيال: الله لا يگولها

حكمة: چا وحصر تالي الليل وين يروح

رميم: ميخالف حكوم نسوي نفسنا مانشوف امرنا لله

خيال: مشتغلاتني اليوم

بعدها حكمة تحچي دخل يمان كعد باوعلي وگال

يمان: باچر قدمي الادلة مالتچ وتگدرين تفتحين القضية من جديد

بسرعة باوعتله وحچيت

خيال: لزموهم

يمان: نجيب صار بالسجن هسه تگدرين تمشين بقضية اهلچ

حچاها بتعب وعافنا وطلع رجعت عيوني على حكمة بقت ساكته تتنهد بحسره اعرف بيها علمود اخو يمان

غيرت رميم الموضوع وحچت

رميم: اگول خوخه قبل يوم من رأس السنه رؤى اخت ميعاد الصغيرة عزمتني يمها مسوين جمعة بنات

خيال: وين بيوم رأس السنه لا تنسين نروح للمقبرة

رميم: مو گلتلچ قبل رأس السنه بيوم

خيال: لا اكعدي وسكتي ماكو

حكمة: شرايده منها خليها تروح ويا البنيات هالگه رويحتها بالشغل سودة عليه

خيال: مو احنا يمها

حكمة: وينج انتي ياهو يشوفچ راسچ بالشغل ماترفعينه وانا هم شتريد تسولف وياي مخلصينها مسلسلات خلي البت ترفه على نفسها

رميم: فديتج حكوم

خيال: ماكو طلعة اخاف عليچ

رميم: اهوو خيال شكو تحاسبيني مثل الطفلة حكمة تاخذني وترجعني مو حكوم

حكمة: مالج غرض بيها

كامت باست حكمة حيل وبقن يتفقن حتى هي توصلها ولا مهتمات الكلامي وبعدين رجعن يقنعن بيه الحد ما قبلت يلا عافني

عفتهن گاعدات وكمت طلعت للاستقبل شفته گاعد يدخن ويحچي بالنقال اسمعه يحچي

يمان: الشاهين راح اعوفه الك انت اسحب الكلام منه وانا ارجع ادور على باتر ... اندري بي وين راح فص ملح وذاب ونضال هم ماهو اكيد اكو ربط بالموضوع

بقيت افكر اذا نضال يثبت برائة باتر ليش هم الاثنين مختفين ....

❛❛❛❛

رميم"

غسلت مواعين العشا سمعت تليفوني يدگ شفته ياتر طلعت من المطبخ باوعت البيت هدوء ورجعت جاوبته

رميم: همزين تذكرتني

باتر: ها حبيبي اشتاگيتلچ واجيت رغم عندي شغل

رميم: روح مزاعلتك

باتر: ابوسج وترضين

بسرعة غيرت الموضوع وحچيت

رميم: انت وين

باتر: ببيتي

رميم: اخوك وياك

باتر: لا بيتي محد يعرف عنوانة بس انتي

رميم: الهاي الدرجة تثق بيه

تنهد يحچي بنعاس

باتر: اكثر من روحي عوفينا من هاي سوالفچ شوكت اگدر اشوفچ گلبي طگ عليچ وسيراميك مكة

رفعت ردن تراكي باوعت على اثر ايدي وحچيت

رميم: مابقى شي نلتقي قبل رأس السنة بيوم حتى كلشي يتوضح....

يتبع ...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

رأيكم رميم شنو راح تسوي 🌚💔

شنو رأيكم بالقصة والاحداث

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

Insta:zainab__.ali1

متابعة ممتعة🦋

#تاروت

البارت «27»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

Insta: zainab__.ali1

Tiktok: zeinab_.ali1

اساسك غشني

ليش من اولك تخدع

يخيط العنكبوت بطلعتك تلمع

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم:

باوعت على اثر ايدي وحچيت

رميم: مابقى شي نلتقي قبل رأس السنة بيوم حتى كلشي يتوضح

باتر: شتقصدين

رميم: من نلتقي تعرف

باتر: راح تعترفين

رميم: بـ شنو ؟

باتر: بحقيقة مشاعرچ اتجاهي

رميم: ايي بالضبط هيج شي

باتر: گوليها هسه وريحيني

رميم: لا وجه لوجه تصير احلى ...

بقيت احچي ويا وشويه واتفقنا وين نلتقي سديته وردت اطلع من المطبخ جفلت من شفت يمان صار گدامي عگد حواجبه يباوع لي بنظرات مستفسرة بلعت ريگ بخوف وحچيت ببتسامة مصطنعة

رميم: هلا محتاج شي

يمان: ويا منو چنتي تحچين ؟

رميم: هاا ويا صديقتي

هز رأسه بحركه مامصدگني بيها مسح على لحيته يسوي

يمان: اممم

رميم: شنو

يمان: لا هيج ماكو شي

رفعت كتفي بحركة مادري وردت اصعد صاح وراي

يمان: ريماي صديقتچ تگليلها اشوفچ مو اشوفك

بسرعة رجعت نزلت عليه احچي

رميم: هه جنت اتشاقه وياها وبعد طلعت مني هيج لا تركز

يمان: اتمنى اتمنى رميم كلامچ صح

بقيت ساكته مادري ليش حسيته سمع كل كلامي ويا باتر ابتسم بوجهي وعافني ودخل للمطبخ وانا هم عفته وصعدت فوگ ركض خايفة ادري بـ يمان يلگفها بسرعة فتحت الباب ودخلت للغرفة صارت خيال گبالي

خيال: شبيچ سم الله من راكض وراچ وجهچ مايتفسر

رميم: شبيكم اليوم وياي لا تبزعوني كلشي مابيه

لملمت غراضها واوراقها وحچت

خيال: الي كلام وياج لا عبالچ اعوفچ بس هسه ما فارغة

رميم: وين رايحة

خيال: انزل جوه عندي شغل ويا يمان

حجتها ببرود سوت نفسها ممهتمة رگصت حواجبي وحچيت

رميم: ايّ عيني اركضي انزلي تأخرتي عليه خطية منتظر هسه تلگينه

خيال: شنو قصدچ !

رميم: يماني ابو طول الحلو منتظر على نار حتى تبدون تشتغلون

خيال: على القضية غير

رميم: اووو اهم شي القضية

خيال: ادب سز شنو تقصدين

فتحتلها الباب وحچيت

رميم: اقصد لا تخلين نسيبي ينتظر اقصد القضية تنتظر

خيال: من ارجع احاسبچ

رميم: تمام بس مو ترجعيلي مثل يوميه دايخة وترجفين

رادت ترجع عليه بسرعة سديت الباب اضحك عليها وجها صار مايتفسر من الخجل بقت تصيح وترزل بيه بعدها نزلت فتحت تليفوني بسرعة اختفت ابتسامتي من قريت المسج الدازه الي كاتب

باتر: " اريد نلتقي بمكان بعيد والوحدنا حتى نتفاهم وما اريد اعتراض لا تخافين وانتي وياي "

صفنت شويه افكر بكلامه هو لازم اشوفه بمكان منعزل واليريد يصير خلي يصير رجعت كتبت له

رميم: " تمام انا اجيك للمكان الاتفقنا عليه وانت حدد المكان الي تريده "

دزلي

باتر: " هاي هي حبيبي متفقين "

تنفست بعمق صارلي فوك السبع اشهر انا اخطط الهاي اللحظة ولازم اگون گدها

تمددت على فراشي اريد انام ماكو عيوني طار منهن النوم قلق توتر خوف شويه سحبت تليفوني واتصلت بي طلعلي مغلق وساد النت هالايام هواي صاير يختفي

بقيت سهرانه افكر مادري شگد مر من الوقت انفتح الباب ودخلت خيال رأسا سويت نفسي نايمة حسيت بيها تقربت مني گعد على حافة سريري ماسمع بس صوت تنهيدتها وكأنها تباوع الوجهي عدلت شعري وهمست

خيال: لو بس اعرف ليش گلبي مثل النار عليچ ليش جايني احساس اريد اضمچ واحميچ من عيون الناس

رادت تگوم لزمت ايدها ماخليتها حچيت

رميم: ابقي لا ترحين

باوعتلي وحچت ببتسامة

خيال: مسويه روحچ نايمة حتى تخلصين من الحساب

رميم: شسوي اذا اريد انام بحضنچ

بعدت الغطا وتمددت يمي اخذتني الحضنها  وتبوس بشعري وتعدل بي بأيدها

رميم: ليش خايفة عليه

خيال: انتي بقية اهلي طبعًا اخاف عليج شعدني غيرچ

حضنتها حيل وغمضت عيوني حسيت بأملنها نمت محاسه بشي من بعدها مرت الايام هي ويمان مشغولين يشتغلون على الجريمة وانا اشتغل واخطط للمجرم وحلفت الا اوصله الحالة اخلي يتعذب لا يگدر ينساني ولا ينتقم مني ولا يوصلني

وقبل رأس السنة بيوم گوه قنعت خيال وخليتها تسمحلي اطلع من البيت وفهمتها رؤى اخت ميعاد عازمتني وجان شرطها حكمة توصلني ماعارضت ابد ردتها بس تسمحلي جنت واگفة گبال المرايه اكمل لبسي لبست فستان مجبات لونه اخضر غامق مخملي يناسب الجو ونسقت ويا حجاب وحذاء لو بيج حسيتهم رهموا مع بعض خليت مكياج ناعم بس ثقلت سموكي العيون باوعت النفسي بالمرايه حسيت عيوني صارن يجدحن والعبرة خنگتني ماسمحت النفسي ابچي هفيت على وجهي اهدئ بنفسي رشيت عطر اخذت جنتطتي لبست البشت مالتي الاسود فوگ الفستان ونزلت اول ما شافتني حكمة گالت

حكمة: اللهم صل على محمد وال محمد شني طالعة هيج هسه تنحسدين خايبة

رميم: من حوري عاد منو يحسدني

حكمة: جنچ البخت

ابتسمت باوعت الخيال عاگدة حواجبها مستغربة من لبسي

خيال: طلعتج ماتحتاج كل هاي الكشخة

حمحمت وحچيت

رميم: لا مناسبة لان هي مسويه تجمع بنات قابل اروح مبهذلة

سكتت بس مبينه الضوجه على وجها بستها باوعت الحكمة وحچيت

رميم: حكوم نروح

حكمة: ماعندي شي بس البس عباتي

لبست عبايتها وطلعت وياها جانت مأجرة سيارة واكفتلنا بالباب انتبهت سيارة يمان ماكو سألت حكمة

رميم: حكوم يمان وين

حكمة: طلع من الظهر مارجع للبيت بعد

طمنت احسن مموجود صعدنا بنص الطريق وصلني مسج منه مدري ليش حرك مشاعر الخوف بداخلي

باتر: " 7.4.6 "

وكتب وراها

باتر: " صارلنا سبع اشهر واربع ايام كلها دقايق ومن توصلين يمي تصير ست ساعات بالتمام محضرلچ مفاجأة بهاي المناسبة "

مادزيتله شي اول ما وصلنا شارع بيت ميعاد حچيت

رميم: حكوم مو الا ندخل تكدرون تنزلوني هنا

حكمة: لا انزلچ بالباب واخلي گلبي يرتاح عليچ يلا

رميم: مايحتاج

حكمة: لاله لا يحتاج اسكتي ترا نرجع

حجتها خزرتني لان الرجال يسمع سكتت نزلوني يم الباب كلش

حكمة: يلا دگي الباب ودخلي بساعج

رميم: ايي تگدرون ترحون

حجيتها وسويت نفسي اعدل بحذائي على ما حركت السيارة وطلعوا من الشارع بسرعة طلعت تليفوني واتصلت بي

جاوبني

باتر: وين صرتي

رميم:انت بنفس المكان راح اخذ سيارة أجرة واجي

باتر: لا ابقي يمج انا اجي ماكو تكسي هسه

رميم: قريبة عشر دقايق

باتر: لا

ماقبل اتحرك بقيت منتظرته عرفت سيارته اول ماشفتها من بعيد توترت كلش وحسيت بخفقان گلبي الي بدأ يزيد غمضت عيوني وسلمت امري الربي

رميم: ربي انت معيني وماكو غيرك معين

اشرلي بضوء السيارة يعني شفتچ اتقربت وانا احس جسمي يرجف نفضت كل الافكار من راسي واتقدمت امشي بثبات وابتسامة صعدت ويا وحچيت

رميم: هلاو

مد ايده وشغل ضوء السيارة جان لابس كله اسود اباوع عليه غمض عيونه حيل وعصرهن بيده هز رأسه ورجع يباوع عليه

رميم: شبيك

حچه بذهول

باتر: لك لك لك شووو هيدا شو هيدا انت تريد تدهرنا اليوم

ضحكت احچي

رميم: شكو كلبت لبناني

باتر: شو لبناني لك انا نگلبت على البطانة هسه رميم تردين تسترين على روحچ منا ورجعي البيت اهلچ

رميم: هاي شبيك صدك تحچي

باتر: وسيراميك مكة مال نروح للمكان الحاجزة وانتي هيج گدامي مااضمن الج روحي

رميم: باتر لا تشاقه

باتر: وحمزام الحمزة ماتشاقه شني شگالولچ عليه حديد وهيج مسويه بروحچ

باوعت النفسي مستغربة

رميم: شمسويه

باتر: هو انا لو شميت عطرچ اخدر مو انوب ضاربتلي تخم مكياج وفستان باللون الي يحبه گلبي وكعبچ جنه گعب *** يطگطگ

شهگت بصدمة من لفظ الكلمة گدامي ضربته حيل وحچيت

رميم: شلون هيج تحچي متستحي

ضحك يحچي

باتر: تسترين على روحچ وتنزلين لو نعلگها اليوم للصبح نختم الليلة بفرخ ابن حرام

وسعت عيوني حيل ردت اموت من الصدمة اول مره هيج يحچي وياي بهاي الجراءة فتحت الباب بضوجة وردت انزل بسرعة لزمني من ايدي يضحك بالعجل سحبتها منه احچي

رميم: وخر باتر لا تلزمني شلون هيج تحچي وياي

جرني رجعني للسيارة يضحك بصوت عالي لزم ايدي يحچي

باتر: يايمه صارت ترجف اشاقه وياچ روح گلبي

رميم: خوفتني اريد انزل وخر

باتر: امداني اذا أأذيج بيوم توقعي الاذية من الكل الا مني احافظ عليچ اكثر من روحي واحطچ بعيوني وغمض عليچ

زادت رجفتي وكلامه خلا عيوني تدمع غصب عني

باتر: هاي ليش عيونچ صارت تلمع

رميم: من برودة الجو يمكن

باوعلي بطرف عينه وسكت شغل السيارة وحرگ

رميم: وين رايحين

باتر: مكان حلو

اومأت بموافقة ساكته افكر وارجع الخطة براسي فجأة انتبهت عليه باوعتله بصدمة من شغل اغنية كاظم الساهر يامستبدة

قالت

قالت لكل الأصدقاء

هذا الذي ما حركته أميرة بين النساء

سيستدير كخاتم في أصبعي

و يشب نارًا لو رأى شخصًا معي

سترونه بيدي أضعف من ضعيف

و ترونه ما بين أقدامي كأوراق الخريف

يا مستبدة

أنت التي أسميتها تاج النساء

اقسي على قلبي

و مزقيه لو أساء

يا مستبدة

الويل لي

الويل لي

يا مستبدة

الويل لي من خنجر طعن المودة

الويل لي كم نمت مخدوعًا على تلك المخدة

الويل لي من فجر يوم ليتني ما عشت بعده

الويل لي الويل لي يا مستبدة

إني أعاني إني أموت إني حطام

حاشاك عمري أن افكر بانتقام

إني لك قلب وحب واحترام

صبرا يا عمري لن تري دمعا يسيل

سترين معنى الصبر في جسدي النحيل

فتفرجي هذا المساء رقصي الجميل

باوع لي وگال

باتر: شگد بيها خذلان هاي الاغنية

رميم: اول مره اعرف بيك تسمع الكاظم

مسح على شعرة ونزل ايده الوجهه باوع لي بنظراته الثاقبة خلت گلبي راد يطلع من صدري وخاصة من گال

باتر: بس من اشعر بالخذلان اسمعه وهاي الاغنية تشبهج

رميم: انا مستبدة

باتر: حسنچ مستبد من اصير گبالچ كل قوتي تتبخر احس بروحي عاجز گدامچ

مديت ايدي تحسيت وجهة بظهر كف ايدي مال برأسه عليها همست

رميم: تحبني باتر ؟

ابتسم بتعبت وگال

باتر: احبچ الدرجة عايش على تفاصيل يومچ

رميم: هواي تحبني ؟

باتر: احبچ الدرجة احس العالم كله مزيف وانتي الحقيقة الثابتة

رميم: اذا طلعت مجرد وهم واختفيت من حياتك

لزم ايدي عصرها حيل بيده الدرجة حسيت اصابيعي طگن يتنفس بغضب ويحچي

باتر: اموت انتهي ترتكبين بيه جريمة

ابتسمت

رميم: انا نقطة ضعفك

باتر: واعترف ايّ

ورث جگارة فتح الجامة شويه باوع لي ورجع كمل

باتر: بعمري ماعندي نقطة ضعف منين طلعتي بدربي

رميم: معقولة تحبني الهالدرجة

باتر: ريمه انا 3 نسوان حبيت بحياتي امي نرجس وامي حكمة

من گال اسم حكمة گلبي صار يغلي واختنگت باوع الوجهي بنظرة سريعة ورجع عينه على الطريق گال ببتسامة

باتر: ماسالتي الثالثة مني

شابكت اديناتي ضغطتهن حيل باوعت له رجع ردف

باتر: امي نرجس وامي حكمة وانتي

حجاها واخذ نفس من الجگارة حيل ايده الرجفة بيها واضحة قبل لا تخلص شعل الثانية

رميم: وين ماخذني بعد شگد ونوصل

باتر: مو گلت لا تخافين مني مستعد أاذي روحي وما اخليچ تتأذين ، وهاي راح نوصل

فعلًا لحظات ووصلنا بيت بمنطقة كلش راقية وكف السيارة وكال

باتر: يلا ننزل

رميم: وين جايبني باتر بيت وبليل لا لا مانزل

لزم ايدي وحچه بحزم

باتر: يلا ريمه انزلي 

رغم جنت خايفة بس بمجرد ما اتذكر هدفي والاريد اوصله كل الخوف يتبدد ويتحول قوة

نزلت من السيارة باوعت للبيت جان كلش كبير الباب مالتة حديد اسود مشبك بي ممر من الحديقة المدخل البيت فتح الباب واشرلي ادخل

سميت باسم الله واتقدمت بكل ثبات امشي هدوء كلشي مينسنع غير طرقات الكعب مالتي وهي تنقر على ارضية الممر الرخامية

رعب قلق قوة انتظار

قلوب متوجسة بشعور الخوف

انفاس حارقة

عيون حادقه

نظرات شاخصة الأبصار

كنت اهمس قوة ثم قوة ثم إنتصار

مكان مخيف تعلوه رائحة الخذلان

امشي بثبات واسحب خلفي كل ذلك العنفوان

حسنًا اضن قد أن الأوان  (03.03)

سبق خطواتي وفتح باب البيت مرسومة على وجه ابتسامة بريئة

باتر: ادخلي برجلج اليمين

ابتسمت وحچيت

رميم: عاجبني ادخل باليسار

باتر: معناها ليلتنا سوده

دخلت واني احچي

رميم: وين اكو ليالي بيض

فزيت من سد الباب حيل ضحك وحچه

باتر: آسف فلت من ايدي

درت عيوني بالمكان البيت فارغ صوتنا يدوي بي بالنص طاولة زجاجية عليها ورد واكل اتقدم انطاني وردة وگال

باتر: جنت اتمنى ان اليوم نهاية العام حتى ادخل سنة جديدة وانتي وياي

ابتسمت احچي

رميم: اعتبرها اليوم بداية جديدة

رفعت راسي اباوع الوجهة ورجعت حچيت

رميم: طلعت رومانسي هذا كله انت محضره

باتر: والوراچ هم

باوعت وراي جان اكو دب قطني كلش كبير مثبتة وسط تول مثبت بالحايط عليه نشرة بيضة وشجرة الكرسمس ابتسمت احچي

رميم: حلو

جريت الكرسي وگعدت اطرافي مثلچة وكلبي يخفق حيل حسيته صار وراي اتقدم وگف گبالي ولوه رگبته يباوع عليه

رميم: شبيك

باتر: صار وقت الحقيقة ريمه

رميم: ايّ حالياً كلش وقتها

فتح تليفونه گلب شويه واتقدم شمره گدامي اخذته اقرأ المكتوب بي شفت سكرين مسجاتي ويا طيف اتذكر مره جنا نحچي وهي گلتلي

طيف: انتي تحبينه ؟

رميم: شبيچ بابا شنو احبه انا مااحب بس روحي

طيف: شتردين منه

جانت تكتب وانا متأكدة السكرينات يوصلنه اول بأول كتبتلها

رميم: شفته صعب ومايهتز ردت اطيحه

طيف: بهاي السهولة

رميم: اخلي يصير مثل الخاتم بيدي وافره فر بكيفي

طيف: حرام عليچ اذا ماتردي عوفي اكو غيرچ تستاهلة

رميم: هو يحبني الي مايريد غيري

رفعت راسي مرسومة على وجهي ابتسامة عگد حواجبه وگال

باتر: هم گولي هاي مفبركة

رميم: لا هاي انا كتبتهن ودزيتهن

رفع تك حاجب منتظرني اكمل كمت وگفت نزعت البشت وشمرته على الكرسي بقيت بس بالفستان باوعلي من فوگ الي جوه نظراته هامت بيه اتقربت منه عدل وكفته يبلع بريگه

درت حوله احچي

رميم: صفر ثلاثه نقطة صفر ثلاثه باترى شنو معناها اممم الصفر الاول معناة البداية

التفت عليه نصف التفاته يسمع الباقي خليت ايدي على كتفه حسيت جسمة انطه ردت فعل

رميم: الثلاثه الاولى مراح تاخذ مني غير 3 اشهر فقط حتى توگع بحبي النقطة انتهاء المرحلة الاولى .

الصفر الثاني صفرت السنة وهاي احنا بنهايتها الثلاثه الثانية راح انفذ بيك 3 اشياء

خليت ايدي على صدره اضرب واحچي بحرگه

رميم: احرمك مني ، اخليك تتمنى الموت ، انفذ انتقامي واخذ حق اهلي

03.03: رمز التلاعب بالمشاعر وعدم جدية الطرف الآخر

باوع عليه وسع عيونه بصدمه وكأنه اكتشف الموضوع اتقدمت صرت گباله رفعت ايدي گدامه وحچيت

رميم: باتر تتذكر هاي الايد

صوت انفاسه صار عالي وساكت بس يباوع عليه احسه مصدوم رافض يصدگ

رميم: طبعا تتذكرها قبل كم سنه مثل هيج أيام خليت بيها اثر مايروح

حجيتها ورفعت ردن فستاني باوعت الوجه صار يتصبب عرق بشكل مو طبيعي طلعت اثر الجرح الي بأيدي وحجيت

رميم: تتذكره باتر

حچه بصوت يرجف مشنج روحه وعرقه كلها بينت

باتر: منين هذا الاثر بيدچ روح گلبي ؟!!!

ابتسمت وحچيت

رميم: هذا الاثر الي بأيدي هو اثر جرح عافه بيه المجرم الي قتل اهلي وخلا شخط بروحي ماينسي

اباوع عليه ضحكت وكأنه جان يعرف بالموضوع بس مايريد يصدگ بي طك رگبته اكثر من مره يفر بيها فر وگفت گباله وحچيت بحرگه اسد بأيدي حيل

رميم: سليمان هيلين ضرغام ضحاياك وضحيا حقدك تتذكرتهم مو تتذكرهم يا مجرم

عافني وراح جر الكرسي وكعد خلا  ايده على الطاوله وسند رأسه عليه اتقربت منه احچي

رميم: راح تنحرم من شي تحبه ياترى راح تحس بناري راح تحس بعذابي ، ماعتقد هو المثلك وين يحس

رفع رأسة باوع عليه عيونه حمر وجهة مايتفسر

باتر: تعادلنه ؟

رميم: عفوا بشنو تعادلنا لو تجمع كل خذلانك مراح توصل ذرة من شعوري الا في حال موتت اهلك گدام عينك بس بهاي نتعادل

باوعلي وعيونه تلمع همس

باتر: خذلانچ كسرني اكثر من اهلي

رميم: تستاهل

باتر: شني الشعور الي بداخلچ هسه

اتقربت احچي بأذنه بفحيح

رميم: غل حقد كراهية

غمض عينه حيل رفع راسه الي فوگ تنهد وضحك بقهر ويسوي

باتر: اخخخ اخخ ههههه هاي تاليتي

رميم: هاي البداية بيبي

ورث جگارة وحچه

باتر: دمرتيني رميمي صرتي حطامي

رميم: بعدك ماشايف الدمار

باتر: الا تتأذين ليش هيج سويتي ليش

رميم: منو يأذيني اذا قصدك انت ماعتقد راح تنطيني اكبر من الاذى السابق وهو كتلت اهلي

باتر: راح تتمنين الموت وماتلگينه

رميم: شنو تريد تسوي سوي

گام من مكانة بحركة سريعة جفلت ورجعت الي وراء اتقرب مني حيل بحيث لزگ وجهي بوجهه انفاسة صارت على بشرتي ابتعدت بخطوات قليلة اباوع العيونه

بريق عينيه يعكس الشظايا بداخله

سحب نفس من الجگارة وحچه كلمة كلمة يجر بيهن

باتر: راح اشعلچ مثل هاي الجگارة الي بأيدي واسحب روحچ مثل مااحسب الدخان منها وبعدها اذبج بأقرب حاويه لا على بالچ تگدرين تلوين ذراعي

حچيت ببتسامة

رميم: بس بعدها راح تتألم عليه راح تعاني أضعاف معناتي

اشرت على صدره باصبعي وحچيت وانا اباوع بعيونه

رميم: لان انا عايشه هنااا بگلبك ومسحلته الوحدي انت تحبني

غمض عيونه حيل يحچي بهدوء مرعب

باتر: كافي رميم

رميم: تحبني تموت عليه ماتگدر تنكر

باتر: اسكتي

رميم: غرگان بيه انت غركاان افهم هذا الشي

باتر: بسسسسس اشش اسكتي

حجاها بصوت يدوي بالمكان الفارغ واتقدم عليه رجعت الي ورا

باتر: ليش هيج سويتي شلون انطاچ گلبچ تكسريني

رميم: شلون انطاك گلبك تقتل عائلتي وتيتمني

سحبني عليه لزم فكي حيل يهمس بأذني

باتر: ادمرچ راح اخليچ تدورين الموت وماتلگينه

رميم: اصير بين اديك وماراح تلمس مني شعره وحده

دارني بحركة سريعة كله يرجف اديناته يرجفن مد ايده على طرف حافة فستاني من ناحية كتفي يريد ينزله غمضت عيوني حيل ادري بي ما يسويها وهم ماريد ابين ضعفي گدامه فجأة حسيته دفعني حيل يصيح

باتر: ليشش هيج سووييتتيييييي

استقبلت الحايط بيدي غمضت عيوني متألمة درت وجهي اله يفتر بنص الصالة يمسح بعيونه ايده ترجف انطاني ظهرة رفع رأسه يباوع للسقف

باتر: وصفتچ بحنية امي صرتي تجرين بدمي شلون هيج تسوين بيه

گالها وباوع عليه مانطيت اي ردة فعل غير ابتسامة الانتصار اتقدم مثل الثور الهائج دفر الطاولة كلبها وهو يصيح ويرعد اتقدم على النشرات والزينه الي بالحايط كلها گطعها وشمرها ماخلا شي كام يملخ ويشمر ويغلط ويفشر احسه مثل الما مستوعب عباله حلم يريد شي يصحي

اتقدم عليه يصيح

باتر: ولج ليش ليش ليش بس فهميني راح اموت

صحت بي

رميم: اسأل نفسكككك ليششش ليشش كتلت عائلة كاملة ليش يتمتني ليش حرمتني من اهلي ليش شمسويلك

سحبني عليه بس هالمره مبين فاقد مايحس بشي دفعته بخوف احچي

رميم: وخر لا تلمسني مقرف

سحبني أكثر دفعته حيل وگوه تملصت من بين ايده واتقدمت للارض اخذت البشت لبسته ردت اشيل جنطتي اول ما گمت  ماحسيته الا انطاني دفرة كلش قويه طيحني للگاع عطت متألمه اتقرب نصه گبالي يباع بعيوني

باتر: من اليوم صرتي حصتي من اليوم صرتي تخصيني انا وبس

رميم: شراح تسوي تقتلني مثل ما قتلت اهلي اصير ضحيتك الرابعة

جر ايدي لواها وعصرها حيل

باتر: ضحيتي الرابعة بس بطريقتي الخاصة

دفعته وگمت كلي ارجف حجاها بصوت مخيف وعينه باوعتلي بقذارة اول مره اشوف هاي النظرة بعيونه اتجاهي

رميم: شنو تريد تسوي سوي مايهني اليطلع بيدك سوي بس بعدها راح تموت بدالي الف موته

جان گاعد بالارض رفع رأسه الي ابتسم وگال

باتر: ربحتي المعركة تگدرين ترحين هسه

اتقدمت للباب بسرعة قبل لا اطلع صاح وراي

باتر: جنت اضن نفسي وطن روحچ ماضنيت الوطن ينخان

نبضات گلبي اعتلت نزلت من عيني دمعة حزينة ماعرف ليش بسرعة مسحتها حسيته تقرب مني يحچي

باتر: موتيني رميم لعبتي اللعبة صح

التفتت عليه شفت واگف وراي ودموعه تنزل ابتسمت بنصر وهالحركة كلش استفزته ردت اطلع ماحسيته غير سحبني من ايدي دفعني على الحايط ضربني بي حيل عطت متألمة

ردت اتحرك ماخلاني اتقدم عصرني حيل بينه وبين الحايط يحچي

باتر: رغم انتقامچ بس انتي تحبيني مو اي تحبيني يلا اعترفي

رميم: احب الموت ومااحبك امقتك

باتر: انا الكتلت اهلچ وانتي رغم هذا تحبيني

دفعته حيل مايندفع جرني عليه يريد يحضني تخبلت صرت ادفع بي واتلاوه ويا واعيط

باتر: اششش ماريد اسمعلج نفس

رميم: حقير مجرم قاتل

صار يجذبني اله اكثر روحي طلعت وانا اقاومة قوتي لا شي مقابل قوته دارني وحضني من ورا سد حلگي

كلها لحظات ماحسيت غير الباب اتفلش علينا يندگ حيل وصوت يمان يصيح

يمان: باااتررر افتح البااااب احسن الك

وسعت عيوني بصدمه وكلي صرت ارجف بخوف يمان شجابه دفعني حيل وحچه

باتر: حلو حبيبتي وأخوي متفقين عليه كلش حلو هسه كتملت اللعبة

حجاها وفتح الباب دخل يمان بسرعة خنگ باتر من ياخته يحچي

يمان: وين رميم احچييي وينهاااا شسويتلها

اشرله بكل برود بمعني وراك احتاريت شسوي بقيت الملم بنفسي عافه واجاني بسرعة

يمان: شسوويينن هنااا رميم شسوويينن

حچيت بدموع اشهگ

رميم: خلي نطلع منا فدوه يمان اخذني منا طلعني

اتقدم عليه يصيح

يمان: شسوالججج ليش هيج سويتي رميم ليششش

مسحت دموعي وزدت بالبچي رجع على باتر خنگه يحچي بأعصاب

يمان: شسويتلها باتر لو ماس شعرايه منها ماتلوم الا روحك

باتر: اسألها هي تحچيلك

دفع يمان وراد يطلع رجع سحبه عليه يحچي

يمان: حسابي وياك بعدين بسيطة

باتر: كلكم اشتركتوا بهاي اللعبة عليه اتحملوا الراح يصير من اليوم

يمان: حاول تتنفس الا ادفنك وانت عايش

حجاها واتقدم عليه سحب ايدي حيل وطلعنا من البيت يمان صاير نار ويمشي سريع يجر بيه جر اول ماصعدنا السيارة

صار يصيح عليه بعصبية راد ينجلط احسه يغلي يغلي بس انا هادئه مانطيت اي ردة فعل شغل السيارة وصاح بيه

يمان: احجججييييي شصار

تنهدت وصرت احجيله من اول ما حجيت ويا باتر الهذا اليوم الحدما وصلنا يم بيتنا هو بس يستمع الي ساكت ويدخن وكف السيارة يمسح على وجها يحچي

يمان: شلون هيج تسوين رميم

رميم: سويت السويته وما متندمة ولو رجع بيه الزمن هم ارجع اعيدها

يمان: شلون اگدر احميچ منه هسه

رميم: لا تخاف يحبني مايگدر يأذيني

صاح بيه

يمان: مصييبة ولج مصيبة ان باتر يحبچ مو حل

ضرب ايده حيل بعصبية تنهد وحچه بهدوء

يمان: انتي ماتعرفين شنو معنى ان باتر يحبچ صرتي خط من خطوطة الحمر الغير قابلة للنقاش حتى انا ماتجرأ اتقرب منها

رميم: انا دخلت روحي بهاي اللعبة وانا اعرف شلون اطلع منها

يمان: خيال ماتدري مو

رميم: محد يدري وماريد أحد يدري خيال اذا عرفت تموتني والله

تحسر صفن شويه يفكر هز رأسه وگال

يمان: تمام انا اتصرف انزلي هسه

مسحت وجهي وعدلت شكلي ونزلت

يمان: من يسألنچ كليلهن اتصلت على يمان ورجعني

هزيت راسي بـ ايّ عافني وشخط السيارة حيل منطلق بيها رفعت راسي اباوع للسماء اخذت نفس عميق ماصدگ شلون طلعت وانا رحت برجليه مهيأة نفسي للموت ...

دخلت للبيت صارت بوجهي حكمة اول ما شافتني حچت

حكمة: ها ياهو رجعچ للبيت ماتصلتي بيه

حمحمت وحچيت ببتسامة

رميم: اتصلت على يمان رجعني ماردت اتعبچ حكوم

طلعت خيال من المطبخ مبينه جانت تسوي عشا باوعت لي بأستغراب وحچت

خيال: شبسرعة رجعتي شبيچ كأنچ متبهذلة

رميم: شبيجن تعبت ونعست ورجعت صاعدة اسبح وانام

خيال: رميم وجهج مو طبيعي

رميم: هبط ضغطي مابيه شي انا صاعدة انام

حكمة: قبل لا تطلعين جنتي جنچ ورد

رميم: هسه هم ورد بس ذبلان شويه انام واكعد اصحصح لا تخافن

عفتهن وصعدت فوگ اخذت ملابس ودخلت سبحت وطلعت اتنبهت على تليفوني يدگ شفته هو انطيته رفض وطلعت الخط مالتي كسرته وشمرته وگعدت سديت كل برامجي الممكن يتواصل وياي منهن خليت بس الواتساب اريد اشوفه بلا شيسوي رحت شمرت نفسي على الجرباية بتعب تمددت تغطيت ونمت باجر ورانا تحضيرات مال دورة السنه اهلنا ...

❛❛❛❛

يمان:

نزلتها وحركت السيارة راجع عليه اريد اشوفه شيسوي مستحيل باتر يسكت مستحيل من سابع المستحيلات

وصلت نزلت شفت سيارته بعدها موجودة وباب البيت مفتوح بسرعة دخلت للبيت شفته گاعد على الدرج يدخن رفع راسه الي وگال ببتسامة

باتر: ها نجحت لعبتكم

يمان: على شني ناوي باتر

باتر: على كل الخير

يمان: اذا رميم صارلها شي كل خير ماتشوف ادمرك باتر

كام وگف يحجي

باتر: اووو حلوو حلو يدافع الاخت المدام

يمان: تعوف رميم باتر جاي تفهم

باتر: هاي هي

يمان: يعني شني

باتر: اعوفها

بعد ما گالها ابتسم بستهزاء واتقدم يريد يطلع يمسح على رأسه من ورا

يمان: بهذا هدوئك على شني ناوي

رجع باوعلي منظره ثابت بس داخله صخب عالي صوته واصلني

باتر: افرها فر واخبطها واشرب صافيها مو البتار الينضحك عليه ويسكت

عافني وطلع طلعت ورا اتصلت بدائب بسرعة جاوبني النعاس بصوته

دائب: اكو واحد هسه يتصل شني هـ الازعاج

يمان: وين انت تعوف كلشي وتجيني

دائب: اجلها للصبح ماكدر اطلع هسه

صحت بي

يمان: انا بالمستودع نص ساعة والگاك يمي

سديته ورحت للمستودع ماعرف شسوي مالگيت غير الشاهين گبالي طلعت بي شكو حرگة بداخلي ردته بس ينطلع لو يعترف يغير كلامة ماكو مصر على نفس الحچي

دخل دائب شافني مستلم الشاهين

دائب: اليوم متخبل شبيك

يمان: لگيت باتر وريتني ما لگيته ولا شفت زوله الخايس

دائب: وانت مطلعني علمود هاي

خليت ايدي على راسي افكر گعدت سولفتله كل الصار

دائب: مو بنت هاي جنية عمي سبعه جابت راس البتار

يمان: انا وين احچي وانت وين تفكر باتر مايسكت راح تتأذى

دائب: وكلشي مانگدر نسوي

يمان: والحل

دائب: تگعد وتتفرج باتر ما راح يسكت الا يسوي شي يفجعنا كلنا بي

يمان: مستحيل اخلي يأذيها

دائب: مستحيل تگدر توكف بوجهة احتمال يحبها وما يأذيها بس راح يسوي سوالف صادمة ماينحزر ابن بليس

بقيت صافن على دائب محتار شلون اتعامل ويا الموقف ماكو حل غير نگعد ونتفرج ...

❛❛❛❛

رميم:

كعدت على صوت خيال تحچي

خيال: شبيچ امي فاصلة الفيشه صار ساعة اگعد

فزيت احجي

رميم: شصاير

خيال: راح الوكت گومي دانجهز

عافتني وطلعت حسيت تليفوني يدگ شفته هو فتحت خط هدوء ماكو صوت ثواني وسده

ماهتميت كمت غسلت ونزلت جوه نجهز مسوين ثواب على روح اهلنا كل سنة حكمة توزعه على الفقراء

خلصنا انتبهت على صوت حكمة تصيح بسرعة طلعت من المطبخ اريد اعرف شبيها شفتها واكفه گبال يمان تأشر عليه وتصيح بعصبية

حكمة: هم تريد تطلعني من بيتي گلتلك ماتحرك منا

يمان: يمه جاي تفهمين عليه المكان خطر عليكم لازم ننتقل الغير بيت محد يعرفة بس افتهميني

حكمة: لاله لا كلشي مابينا گاعدين وساكتين ماتحرك منا

اتقربت خيال منهم تحچي

خيال: يمان شنو السالفة ليش لازم ننتقل

باوع عليه تنهد وحچه

يمان: الموضوع خطر ننتقل الغير بيت على ما تخلص القضية ليش ماتسمعن مني

حكمة: ماگعد بمكان من فلوسكم الحرام انام واصلي واصومن بي تالي عمررييي

يمان: يمه الوضع مؤقت

بقوا يحچون وياها هو وخيال وهي ابد رافضة اتقدمت يمهم ماحسيت غير الباب انفتح ودخلت سيارة يدگ هورنات ورا بعض خبص الدنيا گلبي راد يوگف وانا اشوفها سيارة باتر الكل دخل بحالة صدمة متفاجأين من دخوله وبهاي الطريقة

وگف السيارة ونزل منها يحچي بصوت عالي بضحكة

باتر: رحمة الله والديكم استريحوا استريحوا ماكو داعي للاستقبال

راح له يمان يصيح بعصبية

يمان: انت شجابك هنااااا وانا شمحذر

باتر: شمحذر الؤلؤة الثمينة الجنت ضامها نكشفت البارحة

حجاها وباوع لي ببتسامة گلبي صرت اسمع دگاته بأذني حسيت الارض افترت بيه من الخوف باوعت الخيال عاگدة حواجبها وتباوع عليه بأستغراب

يمان: اطلع برا

بعد يمان من طريقة اتقرب بتجاهي ماعرفت شسوي بقيت متبسمرة بمكاني واباوع عليه وهو يتقرب مني ونظرات الشر بعيونه ....

   يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

البتار على شنو ناوي حسب توقعاتكم؟ 🌚💔

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

Insta: zainab__.ali1

Tiktok: zeinab_.ali1

متابعة ممتعة🦋

#تاروت

البارت «28»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

TikTok: zeinab_.ali1

Insta: zainab__.ali1

حالف اسوي وياك وحدة بوحدة

حالف أوصلك مرحلة

المطلوب دم تحسده

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم:

اتقرب مني ونظرات الشر بعيونه راسم على ملامحه ابتسامة ساخرة وگف مقابيلي رفعت حاجبي متحديته وخيال جرتني من ايدي الها وهي تحچي

خيال: شكو رميم شكو ؟!

رفعت اكتافي احچي

رميم: ماعرف

سحبه يمان يصيح

يمان: باتر اطلع برا يلا يلا من غير نقاش

باتر: ما ميت عليكم جاي اشوف امي

حچاها يباوع لي ببتسامة ورجع صاح

باتر: وينچ يمااا

اجته حكمة تحچي

حكمة: وغمااا حتى غماا ولك شلايتي شسوي جايني البيتي

ضحك سحبها يحضن ويبوس برأسها يباوع عليه ويحچي

باتر: ماگدر اعيش بدونچ اجيت اشوفچ حكمتي

ندستني خيال تهمس بحدة

خيال: شكو واگفين امشييي ندخل جوه

دفعتني بخفة گدامها دخلتني للبيت تحچي

خيال: ممكن تفسرين الموقف الصار مال قبل شويه

رميم: شدراني مو چنت واگفة وياكم

خيال: ليش يباوعلچ بهاي النظرات

رميم: اذا انتي تعرفين انا اعرف

مدت راسها تباوع من الباب وتحچي

خيال: وانا منين اعرف بس يمكن على باله انتي هي انا

رميم: احتمال هيج

حچيت الجملة وما حسيته الا اقتحم البيت ودخل علينا يمان يصيح ورى روحه فرفحت وباتر كلشي ميسوي بس يضحك

حكمة: راح تنط دنطينا درب نشوف اخوك شبي

باتر: شوفي حكومتي تقبلينها يوگف ويا الاعداء ويساندهم

ضربته حيل تحچي

حكمة: اعداء تشيلك وتخلصني من شرك گوم اطلع من بيتي لا بارك الله بيك

گعد على التخم يحچي

باتر: مقبولة منچ يمه

يمان: باتر لا تعبني يلا برا انهض

يحچيها ببرود ويأشر له حتى يگوم باوع لي وگال

باتر: لا على بالك تخلص مني بعد يوميا تشوفني مسير عليك نلعب شويه

خيال: شكد صلف أنت

مجاولها بس ضحك باوع لي وگال بنبرة ترجي

باتر: عطشان ممكن تسقيني خزرته خيال وحكمة گالت

حكمة: تشرب طحيل گوم اطلع من بيتي

باتر: جاي اشوفچ حبيبتي ما اشتاقيتيلي

حكمة: لا حول ولا قوة الا بالله اللهم ثبت علينا العقل والدين

باتر: هذا كله لان طلبت مي من الحلوة

صاحت بي خيال

خيال: احترم نفسك عاد

تجاهلها نفس الحالة يضحك سحبه يمان يدفع بي ويحچي

يمان: دطلع برااااا

باتر: حتى اذا تطردني مااجوز حالف اشفكم ليالي سودة مصخمة

طلعه من البيت گوه يمان صار نار وهو بس يضحك وحكمة تصيح عليهم

هزت ايدها خيال وگالت بقهر

خيال: هي هاي تاليتنا كتال اهلي گبالي وانا صافنه ماگدر اسوي شي

سديت على ايدي حيل وصعدت للغرفة اخذت تليفوني دخلت على الواتساب واتصلت عليه فتح خط يحچي

باتر: اووو ريماي اشتاقتلي روح گلبي

رميم: عود شتقصد من اجيت لهنا تخوفني تحلم تهزلي شعراية

باتر: يعني ماتخافين مني

رميم: ولا من اكبر واحد اخاف من ربي وبس والا انت شيطلع بيدك اكبر شي تسوي تقتلني وانا روحي متنازله عنها اهم شي شفتك بهاي الحالة واجيت بس حتى تشوفني

باتر: تستخدمين نقطة ضعفي ضدي

رميم: الانسان ما لازم يصرح بنقاط ضعفه لان ينلزم منهن وينلوي ذراعه بيهن

اخذت نفس اهدأ بنفسي ورجعت حچيت

رميم: ابقى بهاي الحالة اتعذب موت حقيقتك الثابتة طلعت مجرد وهم زائف وحلم وردي لا اكثر

باتر: غلطة الشاطر بألف

رميم: وانت غلطتك وياي بمليون

باتر: ماتخافين على اختچ !

من گال اختچ انصعقت كمت وگفت احچي بصوت يرجف

رميم: شنو تقصد

باتر: ههه الانسان ما لازم يصرح بنقاط ضعفة وانا اعرف نقطة ضعفچ تلعبين وياي رميم بسيطة لو ما لعبتكم على اصابيعي واحد واحد سهلة و اسهل منها ماكو

رميم: اعلى ما بخيلك اركبه امثالك ما يخوفوني واختي تعرف شلون تحمي نفسها

صار يضحك بصوت عالي غلقت الجاهز وشمرته ماگدر اسيطر على رجفة جسمي والرعب صار يحاوطني

من بعدها ثاني يوم رحنا للزيارة وزرنا اهلنا ورجعنا مرت الايام عادية هدوء نسبي بعد ماتصل ولا دز شي ويمان يلح على حكمة حتى ننتقل الغير بيت وهي قافلة انشلع گلبه يلا گدر يقنعها

وانتقلنا البيت هم مزرعة بس كلش بعيد وجان اوسع من البيت حكمة طابق واحد اربع غرف واستقبال

جنت انظف واعزل بالغرفة الي استقريت بيها سمعت صوت خيال طالع تحچي بحده بسرعة طلعت من الغرفة شفتها تحجي ويا يمان وتگله

خيال: انلزموا بس الضاحيا نجيب وين يمان تضحك عليه

يمان: انتي تردين تشتغلين على القضية صح لو لا

خيال: طبعًا بس خليها ببالك هاي ثاني مره أأمن بيك وانت ثاني مره تخذلني

حجتها بعبرة ومسحت دموعها رادت تدخل للغرفة ركض وراها سحبها عليه وحضنها يحجي

يمان: غير تفهمين مني وتخليني اشرحلج الموضوع

دفعته تحچي بعصبية

خيال: وخر لا تلمسني وخر يمان انا حالفة ماصدگ بيك

يمان: هسه انا چذاب خليني اثبتلچ

خيال: يلا اثبت يلا

يمان: فد شوي نطلع وتشوفين بعينچ

كتفت اديها تحچي بتحذير

خيال: والچذاب

اتقرب منها يحچي بذوبان

يمان: ينطونه حلگ

ويا كلمته طلعت حكمة تحچي

حكمة: خايبين الله أحد عفيه حلوگ الماتمل منها طول الليل حاصر البت تمطگ بيها

ماتحملت ضحكت بصوت عالي اباوع الخيال وجها صار احمر وتضرب بـ يمان بقبضة ايديها على زنده مسح على وجهة وگال

يمان: تراقبينا حكمة

حكمة: صايرين فلم مصري ليش ما نعاين سينما ببلاش

عافتهم خيال ودخلت للغرفة صاح وراها

يمان: بدلي ولحگيني للسيارة

دخلت وراها للغرفة شفتها تطلع بملابسها بعصبية وتحچي

خيال: اشتغل على القضية وحدي ولا منية فلان وعلان

رميم: حرام عليج والله يمان اشوفه متندم وجاي يحاول يحل القضية وياج

خيال: حرمت عليه عيشته كولي امين

حجتها ولبست القميص جان طويل يغطي الورك بعدها ملابسه البنطرون فتح الباب ودخل من دون لا احم ولا دستور اباوع عليه راد يحچي من شافها هيج صفن وهي لزمت راسها تحچي بعصبية

خيال: يعنيييي ومن احچي اطلع مو خوش انسانة اكووو واحد يدخل الغرفة بنات بهاي الطريقة

مسح على وجهه يحجي گوه

يمان: هاا مادري آسف آسف

يحجي وياوعلها بتركيز عيونه ما نشالت منها جان شمرت عليه الجنطة تصيح بعصبية

خيال: بعده واگف ياربييي اييييي دطللععععع

يمان: خبال ايّ والله شبيج تسودنتي

ماتحملت فقدت من الضحك گعدت وصرت اعيط هو طلع من الغرفة مسطور يردم رجعت عليه ترزل بيه گوه سكتت كل شويه اتذكر وارجع اضحك ، كملت لبسها بعصبيه وطلعت ورى

بقينا بس انا وحكمة بالبيت كملت تعزيل وسوينا عشا هستوني گعدنا نريد ناكل وشفت المسجات صارت تجيني على الواتساب واحد ورا الثاني حتى حكمة انتبهت وگالت

حكمة: شنهي شماله تليفونچ انرعص

رميم: اكيد وحده من زميلاتي

حجيتها وفتحت تليفوني شفت مسجات من عنده سكرينات حچي من طيف دازتله اصغر تفصيلة عليه وعلى خيال حاجيتله قصة حياتنا كلها ماهتميت رجع كتب لي

باتر: " حذروني ياما گالوا عندك اكثر من وجه ، وجه يضحك وجه يبچي وجه يولد من وجه "

كتب له

رميم: "اسم الله عليك ابو وجه الثابت اليسمعك ولا يگول عليك متلون مثل الحرباء"

باتر: " تدرين شني اكثر شي كسرني بسوايتچ"

رميم: شنو ؟

باتر: "جنت شايفچ شي كلش چبير بعيوني بحيث چذبت الكل وصدگت بيچ حتى احساسي بيچ تجاهلته"

رميم: "هو هذا المطلوب بتاري"

باتر: " من عيوني حطامي اتفرجي وشوفي بتارچ شني راح يسوي"

ماجاوبته غلقت تليفون وشمرته بصفي افكر بالي ممكن يسوي مستحيل يگدر يوصل خيال ويمان وياها طمأنه من هاي الناحية

خلصنا ومر الوقت عادي يمان وخيال كلش تأخروا اتصلت عليهم حكمة گلولها عدهم شغل يتأخرون دخلت الغرفتي حتى انام اول ما غفيت سمعت نقالي يدگ سحبته وفتحت خط اجاني صوته التعبان يجر بالكلمة من يحچي مبين مو بوعيه

باتر: روح گلبي

رميم: بقيت ساكتة وهادئة مانطيت اي ردة فعل

باتر: ليش هيج سويتي بيه اريد انام سمعيني صوتچ ماكدر انام بدونه عايفتني كل هاي الايام بدونه ليش

غمضت عيوني مبتسمه احس نفسي مرتاحة وانا اشوفه وصل الهالحالة يتعذب عليه بقى يحچي ويتوسل بيه بس حتى يسمع صوتي مانطيته اهمية غمضت عيوني ونمت ...

❛❛❛❛

خيال:

طلعت ويا يمان حتى نتابع قضية نجيب

خيال: وهسه احنا وين رايحين

يمان: نشوف شلون يلزمون نجيب

حجيت مستغربة

خيال: منو راح يلزمه

صف السيارة على صفحة باوع لي وگال

يمان: يلا ننزل هذا الضابط منتظرنا

فتح باب السيارة ونزل نزلت وراه شفت مفرزة صغيرة واگفه 3 شرطة وضابط سلم عليه يمان بحرارة وينعته بأسم فواز وكأنه يعرفه وبينهم تعاون سابق استغربت الوضع كلش

يمان: استاذة خيال المحامية هي لأزمة القضية

فواز: اهلا وسهلا ، يلا نتحرك فورًا

صعدوا بسيارتهم واحنا هم صعدنا باوعتله احچي

خيال: يعني نجيب تعرفون مكانه

يمان: ايّ چا الشرطة المنو جايين

حجاها وحرك السيارة وكفنا يم عمارة قديمة بمنطقة كلش بعيدة نزل للضابط وانا بقيت گاعدة بالسيارة ماعرف شهو يحچي ويا شويه بعدها رجع للسيارة

يمان: دقايق ويلزمون نجيب بس كون مايصير شي

خيال: ان شاء اللّٰه خير

بقينا ننتظر شويه وهم دخلوا للعمارة باوعتله ورجعت حچيت

خيال: نروح ويا للتحقيق شلون يدخلونا ؟

يمان: دبرتها بس خلي ينزلم هسه

ماكو اقل العشر دقايق وطلعوا وياهم نجيب معتقلينه يسحلون بي تحت انظار أهل المنطقة باوع لي وگال

يمان: هسه بدينا خلي نروح وراهم حتى نفهم الوضع الزين ادخل وياهم للتحقيق وانتي انتظريني بالسيارة

خيال: لا انزل وياك

يمان: وين وياايي تدخلين الغرفة التحقيق

خيال: اعتقد انا محامية وهاي الاماكن ماتكون صعبة عليه

يمان: مستحيل

بقيت الح عليه ونتعارك الحد ما سكت

نهيت النقاش بـ

خيال: اتحرك يمان بسرعة

طلعنا وراهم وصلنا للمركز نزل الضابط وتوجه النا ثنينا نزلنا باوع اليمان وگال

فواز: بعدك مصر تدخل ويانا للتحقيق

يمان: فواز انا اتفقت وياك على هذا الأساس اثنينا ندخل الاثباتات عند المدام

باوعلنا بحيرة تنهد واشرلنا ندخل ورا للمركز ويمان مدلي ايده يحچي

يمان: يلا تعاي

لزمت ايده دخلنا للمركز الضابط يمشي گدامنا واحنا ورى دخلنا المكتب جان اكو ضابط ثاني موجود بي مبين هو هذا ضابط التحقيق اول ما دخلنا گام وگف مرحب بينا وبـ فواز

فواز: سامي الجماعة الگلتلك عليهم ماوصيك بعد

باوعلنا وگال

سامي: ياهلا وسهلا بعيوني بس يدخلون للتحقيق يستمعون ما يدخلون بشغلنا

يمان: هو هذا المطلوب

أشار بالموافقة وحچه

سامي: يلا خل نشوف نجيب منو وشعنده

دخلنا الغرفة التحقيق لازمة بيد يمان حيل شفت نجيب گاعد اول ما دخلنا گام يحچي

نجيب: سيدي انا ليش هنا

سامي: ضيف شرف نسألك كم شغلة وتطلع

نجيب: كل شي ما مسوي تم القاء القبض عليه وانا گاعد ببيتي

ماحسيت الا الضابط انطاه لكمة يمكن فلش وجه ضميت راسي ورى يمان همس بحدة

يمان: مو گلنا ابقي بالسيارة شكو نزلتي

اتقرب من عدنا فواز يحچي

فواز: خلي نگعد على صفحة الشباب يعرفون شغلهم

كعدنا على صفحة وانا صرت اطلع اوراق القضية

فزيت على صوت الضابط يصيح بي

سامي: اسمك عمرك معلوماتك بسسسرعة

جنت مركزة وياهم ويمان والضابط يتناقشون بالتسجيلات والصور بحاسبتي

نجيب: اسمي نجيب عمري 53 سنة عايش وحدي ماعندي احد

سامي: شنو شغلك

نجيب: عندي كشك صغير ابيع بي كتب

سامي: ها قصدك كتب مخدرة

انتفض يحجي بعصبية

نجيب: شنو هذا الاتهام سيدي مامقبول

ماحسيته الا انطاه دفرة قوية كلش لزمت يمان حيل خايفة گام فواز يمهم يحچي

فواز: مايفيدك النكران كل الادلة مثبتة عليك وموجودة بس انت هنا مو الاجل قضية المخدرات لا راح يتحقق وياك بقضية مغايرة تمامًا

سامي: صدك شنو القضية الثانية

فواز: قتل عائلة وهو طرف بيها

اتقدموا ثنينهم يطلعون على اوراق القضية ويشوفون الصور والفيديو

سامي: بس هاي القضية مسدوده ومابيها امر استئناف شلون ارجع احقق بيها مايصير

فواز: كلشي يصير

سامي: لا تعذرني ماگدر

اتقرب منهم يمان يحچي

يمان: بس نطلع منه جم معلومة وهاي هي

سامي: مستحيل

يمان: دبرها بمعرفتك

حجاها بعصبية گوه متحمل اشرله الضابط فواز يعني اهدأ واخذ ضابط التحقيق وطلعوا يم الباب يحچون اباوع على يمان اتقرب يم نجيب يحچي

يمان: ايّ نجيب عبالك مانصيدك يعني

نجيب: وانت منو شتردون مني

يمان: هاي سوالف الفطارية والثوالة عوفهن مايلوگن عليك وخلينا نتفق حتى اساعدك وتساعدني

اباوع النجيب صار يبلعم وكأنه يعرف يمان بس مغشم نفسه بقى ساكت

يمان: تعرف بنضال مختفي مو ؟

فتح عيونه حيل متفاجئ وگال بصدمة

نجيب: انت تعرف مكان نضال وين وليش مختفي

ضحك وجاوبه ببرود

يمان: قصدك انا الخليته يختفي وگعدته يمي

جره من ياخته ورجع يحچي بحدة

يمان: اسمع لك نضال عندي واعترف على كل الي سويتوا وشلون نفذتوا الجريمة بالاحسن الك تحجي

نجيب: شني احچي انا كلشي ماعرف عن الموضوع انت شجاي تحچي

اشر عليه وگال

يمان: انت بس احچي الحقيقة وانا اوعدك وعد راح اخليها تساعدك وتطلع منها مثل الشعرة من العجين

اباوع عليه مسح على وجهة يحچي بنظرات شاردة مرتبك

نجيب: انا بكلشي مادري غير بيوم الجريمة التحجي عنها نضال والشاهين وحسام واخوك باتر هم خططوا الكلشي

ابتسم يمان ونصه عليه يحچي

يمان: أنت متأكد ما تعرفني

نجيب: ولا بعمري شايفك

يمان: منين عرفت باتر اخوي وشلون عرفت انا احجي على هاي الجريمة بالتحديد

باوع على يمان مصدم خلا ايده على راسه وگال

نجيب: مادري توقعت وبعدين انا شكو هنا واخوك المجرم حر طليق

هنا يمان كلش اتعصب وسحبه من ياخته يصيح عليه

يمان: كلبببب عبالك بهاي سوالفك تضحك عليه لاعب لي دور الفقير

دخلوا الضباط ثنينهم على صوت يمان يردون بعدوا منه ماكو ويمان كلش انفعل يصيح ويغلط واني گمت ارجف منا المكان مخيف ومنا يمان صار يرعد واعترف هاي اول مره اخاف منه لان حرفيًا تحول يردون يوخرونه من نجيب وهو لازمه ودگ دفر دفعة فواز يحچي

فواز: شبيك متگلي خربت كل الشغل

يمان: الچلب يغشم روحه

گعده على صفحة وانا اجيت گعدت يمه احچي

خيال: يمان اهدأ وخلي نطلع منا هم يشوفون شغلهم ويا

فواز: وللاسف سامي ماقتنع يحقق ويا بخصوص الجريمة الا القضية يصير بيها استئناف من جديد

يمان: وعلى مايجي الاستئناف نجيب الف باب يلگه حتى يطلع

فواز: هو هذا القانون

خيال: مو مشكلة باچر انا اقدم الطلب ونشوف شيصير

طلعنا ويا الضابط فواز گعدنا بمكتب وهو بقى يگلب بأوراق القضية باوع لي وحچه بأعجاب

فواز: شگد شاطرة انتِ حتى جمعتي كل هاي المعلومات أهنئ جهودچ غيرچ ماتسويها

خيال: شكرًا

انظاري على يمان باوع له بطرف عينه وبسرعة گام وحچه

يمان: احنا لازم نروح تأخرنا

باوع لي وگال

يمان: يلا حياتي تأخرنا على البيت

گلبت عيوني وتنهدت منزعجة وكمت ويا قبل لا نطلع صاح ورانا فواز يحچي

فواز: ست خيال هذا رقمي الشخصي مرات تصير عدنا قضيا وامور محتاجين محامية شاطرة وذكية كلش مثل حضرتچ

لزم ايدي يمان وباوع له بنظرات يضربه بيهن أحسه هلگد ما تشنج

يمان: مايحتاج رقمك عندي اذا تحتاج شي خبرني

خزرته وهو مانطاني مجال اكمل جرني وطلعنا من المركز وخرت ايدي منه وحچيت

خيال: انت شلون هيج تسوي وبأي يحق تحچي بمكاني

يمان: صوتچ منا الشارع اصعدي

صعدت بالسيارة وهو هم صعد جان باوع لي وصاح بوجهي بعصبية

يمان: شتردييننن اسوووييي گدامي انطاج رقمه لو ما انتي موجودة وخفت عليج تصير مشكلة چا عرفت شتصرف ويا

خيال: ما لك حق تدخل بيه افتهمتتتتتت

يمان: خلي نرجع للبيت موهسه كلامنا بنص الشارع

ردت افتح الباب وانزل ميفتح قافله منه حچيت بعصبية

خيال: يمان افتح الباب اريد انزل

يمان: شويهههه شويه صبر

خيال: افتح الباب يمان اريد ارجع للبيت

اباوع عليه صار ينكث من العصبية فكه صار يتحرگ هلكد مايضغط عليه استغربت اول مره بحياتي اشوفه واصل الهاي المرحلة من العصبية اندار عليه خزرني ماحچيت بس درت وهي منه هو بقى يدردم اسمعه يگول

يمان: محامية شاطرة ابن الگـ*** مااصيرلكم چارة تبقون ***** حتى وانتم تحمون البلد

ابوعتله احچي

خيال: لا تفشر گدامي

اخذ كلينكس وصار يمسح بالجامة الي گدامه لان غوشت ويحچي

يمان: انتِ حسابچ بعدين خلي نخلص من هاي السالفة هسه

صحت بي

خيال: ممكن اعرف احنا ليش واگفين هنا هسه

يمان: نجيب راح يطلع

شهگت مصدومة

خيال: شلون عرفت راح يطلع

يمان: نص ساعة اذا ماطلع عاتبيني

بعده يحچي دگ تليفونه باوع له وگال هذا فواز جاوبه وفتح مايك

يمان: ها فواز

فواز: نجيب راح يطلع فجأة سامي انسحب واجه امر ان نجيب يطلع

يمان: والدلائل الي عليه

فواز: جان المفروض ينلزم ويا الخلية بس للأسف بوكت المداهمة هو ماجان وياهم والهذا السبب يكدرون يطلعونه وبكل سهولة

ماستغربت لان هواي تكررت هاي الحالة اكيد ورى احزاب وسلطات اباوع على يمان هز ايده وحچه

يمان: خوش يصير خير بس لا تلومونا من نسوي شي وبعدين تگولون خلوا القانون ياخذ مجراه

فواز: اصبر يوكع مره ثانية قابل وين يروح يصير

يمان: شكرًا الك تعبناك ويانا

قبل لا يحچي سده بوجهة ماحچه وياي بقى يگلب بتليفونه اتصل

يمان: دائب هسه تجيني وتجيب وياك وسام وخلي الولد يشددون على حراسة الشاهين انا راح انتظرك يم مركز ________

وصف له المكان وسد التليفون ماكو دقايق وشفنا نجيب طلع من المركز ضرب ايده حيل يحچي

يمان: هذا شطلعة هسه وانا شلون اتبعة ووين اوديج

خيال: اتبعه يمان بسرعة معليك بيه لا تخلي يضيع

صفت سيارة بباب المركز اخذته وانطلقت بي خلاهم يبتعدون شويه وطلع وراهم نتبعه من بعيد لبعيد اخذ تليفونه ورجع اتصل على اخو ويخلي بالصورة ويا كل تحرك حتى يلحگنا

بقى ورى نجيب الحد ما رجعوا النفس العمارة ذبته السيارة وراحت وهو صعد ماكو ثواني وشفت سيارة دخلت ورانا وصار يأشر له بالايت فتح الباب نزل وحچه

يمان: ابقي هنا

قفلها عليه عافني وراحلهم دائب وويا بعد ثنين ويمان صاروا اربعة صعدوا اقل الربع ساعة ونزلوا شايلين نجيب بسرعة يهرولون صعدوا بالسيارة الثانية وطلعت بي بقيت صافنة هذولي شجاي يسوون

اول ما صعد بالسيارة باوعت له وحچيت

خيال: وين راح تاخذونه

يمان: انتي يجيج الصافي

خيال: هاي حادثة اختطاف يمان مو سهلة

يمان: شتردين اسووييي اعوفه يسرح ويمرح الحد ما يشرد والشرطة وين عنه گدام عينچ دخل مع الادلة وطلع بريئ وماعليه شي

بقيت ساكته لان من صدگ ماكو غير هذا الحل وصلني للبيت وطلع بسرعة مستعجل دخلت لگيت البيت هدوء حكمة نايمة ودخلت للغرفة النايمة بيعا رميم هم شفتها رايحه بسابع نومة ردت اطلع لفتني تليفونها على اذنها استغربت ليش مخليته جوه اذنها اتقربت سحبته اشغلت الشاشة وموجود عليها اتصال مسجل بأسم 03.03 استغربت خليت التليفون على اذني ماكو صوت هدوء حچيت

خيال: الو

ماكو صوت رجعت احچي

خيال: اكو احد على الخط

فزت رميم باوعت عليه مخروعة تحچي

رميم: خيال شكو

خيال: منو هذا على الخط

سحبت تليفونها غلقت الخط تحچي

رميم: سمعتي صوت احد

خيال: لا حچيت ومحد حچه شنو هالاسم الغريب منو هاي

ضحكت تحچي مرتبكة

رميم: ههه هاي صديقتي نشاقة وهيج سميتها وهسه جنت احجي وياها ماعرف شلون نمنا والاتصال مفتوح

باوعتلها بشك

خيال: اممم

رميم: المهم انتم يمتى رجعتوا خلص شغلكم گدرتوا تعرفون شي

خيال: لا بعد السالفة مطولة وكل خيط ما لزمنا بيها

رميم: ميخالف ارتاحي وبعدها ارجعي افتحي القضية من جديد اولهم وتاليهم ينعرفون

غمضت عيوني بتعب وحچيت

خيال: باجر عندچ شغل

رميم: لا ميعاد مسافرة سبوع يلا ترجع وگالت الصيدلية تعزلها على مترجع من السفر

ابلوعلها تحچي مرتبكة ومخبوصة وانا گلبي يلعب من هاي حالتها ماحچيت وياها وقررت اتأكد بنفسي بالوقت المناسب عفتها بعد مابوستها وطلعت سبحت ودخلت للغرفة بقيت انتظر يمان الحدما رجع وسمعت حكمة گعدت تحچي ويا يلا نمت ...

❛❛❛❛

يمان: نزلت خيال بباب البيت وطلعت بسرعة اتصلت على دائب احچي

يمان: دائب لا تاخذ نجيب بالمستودع يم الشاهين مانريد سالفة حسام تتكرر مره ثانية

دائب: هو انا ردت اگلك هيج طالع بي المستودع شرحبيل اتصلت ورتبت الوضع ويا

يمان: وانا لاحگك هناك واتصل بفرات بس بلغه بمكانه خاف كلشي يصير

سديته منه وصلت قبلهم لگيت شرحبيل موجود ينتظرني اول ما نزلت گال

شرحبيل: واخيرًا شرفت احنا مانشوفك بس بوكت الطلايب گلت فرصة استقبلك بيها

سلمت عليه

يمان: خوش فرصة اسمحلنا ناخذ مستودعك جم يوم

شرحبيل: كله تحت امرك ابو الشباب حتى عندي الك خوش زلام يخلونه يقر ويعترف بساعة وحدة

طبطبت على كتفه صفت السيارة ونزل منا دائب والولد يسحلون بنجيب اول ما شافه شرحبيل گال بندهاش

شرحبيل: هذا مو نجيب كشك شجابه الك هذا فقير ماضن يعرف بشي

يمان: كل الحل والربط يمه لا يغرك منظره

دائب: هو الي يورط الشباب ويهخليهم يدمنون هذا فقير

حاجها وسحله دخلوا جوه اتقربت منه احچي

يمان: اي نجيب بالمركز جنت متحامي بالضابط وجماعتك طلعوك هنا وين تروح مني

نجيب: انت شتريد مني انا بكلشي ماعرف شغل نضال ماعرف بي

اشرت الدائب اتقرب عليه يحچي

دائب: شوف اليوم انا محمل طاقة سلبية وروحي طافرة اجيتني هدية من السماء حتى اطلع سلبيتي بيك

علگة وصار يلعب بي مثل جيس الملاكمة اتقربت منه احچي

يمان: راح تموته شمالك فقدت نريده عايش ترى

دائب: عاجبك هذا الوضع راح يصير اربع اشهر اعتراف واحد من الشاهين ما مطلعين

نجيب: انا معليه بالشاهين مااعرفه ولا عندي علاقة قريبة بي

يمان: منين تعرف اسمه

نجيب: عن طريق نضال

يمان: بس بيوم رأس السنة الصارت بيها الجريمة انت جنت موجود وياهم

حچه بتعب

نجيب: راح اگلك العندي من الاخير الجريمة كلها مدبرة بين نضال والشاهين وحسام واخوك دخل طرف وياهم

يمان: يعني اتفقوا يكتلونهم وباتر ماله علاقة

نجيب: حسب ماتذكر هم خلوله خطة حتى يقتلهم ونفذ بيهم لان بيومها جان عدهم اجتماع مغلق حسام ونضال والشاهين وانا بأذني سمعت باتر من طلعوا يردد انا ادخل اكتلهم واطلع

يمان: هو مشكلتة ويا ضرغام اهله شعليهم

نجيب: انا مره سمعت نضال والشاهين يحچون ان صار لازم ضرغام واهله يتصفون لان هم مالهم احد ورادوا يخلصون منهم بسبب ضرغام صار يهدد مصالحهم وصار يدخل بغشل كبير ما يعني ومن بطل منهم قرروا يكتلونه واخوك هو النفذ قتلهم

دفره دائب يصيح عليه

دائب: شنووو مصلحته باتر ليش حتى يكتلهمم

نجيب: انا السمعته هو طلع يصيح انا انفذ بيهم وانا اكتلهم والباقي تلكونه يم الشاهين هو يعرف ادق التفاصيل الصارت

دائب: مو گلتلك صوج البله هذاك الخنيثة

يمان: دخت دائب دخت وين الصدگ وين الچذب تاهت

دائب: كل الصار محد يعرفه غير الشاهين وگول دائب ما گال

يمان: والحل ؟

دائب: انت دور على نضال وعوف الشاهين عليه توصلك اخبارة

اتفقنا انا ادور على نضال ونجيب يبقى يم شرحبيل ودائب يستلم الشاهين وخيال ترجع تفتح القضية ونشوف تاليها وين تصفه مرت الايام واحنا نشتغل على هذا الأساس ...

❛❛❛❛

وتر"

مرت الأيام وانا الوحدة بدأت تموتني تاكل بيه جنت متمدده بنص الچرباية افكر بالفيديوات الشفتهن الابوي من اول ما شفتهن لليوم ماطلعن من بالي هسه يلا ادركت وعرفت دائب شلون جاب كل غراضي وملابسي من بيت حكيم هم نطوهم اله

مليت گد ما تعاركت ويا مايقبل يسمعني حتى

بيومها چانت حرارتي مرتفعة ماگدر اتحرك لميت نفسي وصرت ابچي بس دموعي تنزل اسمع الباب يندگ وصوته وهو يحچي

دائب: اوتار تسمعيني شبيچ بابا فتحي الباب

ماهتميت راح شويه ورجع فتح الباب بالقفل العندة ودخل اتقرب مني صاح بيه

دائب: مو صار شگد اصيح عليچ اذا گاعدة ماجاوبني شبيچ

غمضت عيوني ماجاوبته اتقرب خلا ايده على خدودي عدلني يحچي

دائب: هاي شني حرارتچ وتر مريضة

حچيت بدموع

وتر: راح تموتني مليت منا شوكت ربي يفك اسري منك اختنگت راح اموت

عدلني على الفراش ووخر الغطا مني يحچي بحدة

دائب: وكتها هسه وكتهااا

عافني وطلع مستعجل شويه ورجع بيده طاسة مثبت التليفون بين كتفه واذنه يحچي ماعرف ويا منو

دائب: ايّ حرارتها كلش مرتفعة اي اي بعدها طفلة

بسرعة باوعت له صفن عليه حمحم ورجع گال

دائب: لا مو كلش طفلة كبيرة شويه

بقى يسمع ويهز براسه سد التليفون وشمره تقرب مني بعد الغطا يحچي

دائب: لا تتغطين بابا مو زين

وتر: بردانه عوفني غول

انهد وصار يسويلي كمادات گوه عليه ماقبل ما تركني كل شويه يقيس حرارتي الحدما نزلت وبدأت افگ شويه واصحصح

دائب: شلون تحسين نفسچ

وتر: محتره اريد اغير ملابسي

گام وگال

دائب: انا ابدلچ انتي ماتگدرين

فزيت بسرعة احچي

وتر: اطلع برا

طلعلي ملابس شمرهن يمي يحچي

دائب: اششش ماكو اطلع برا

ردت اكوم بس ماكدر اتحرك جسمي كله يوجعني انتبهت عليه طفه الضوء وكال

دائب: ماراح اشوف شي شوفي ظلمة يلا بنيتي لا تعاندين

حجاها وحسيته لزمني فزيت اصلا مانطاني مجال اسويه شي بسرعة ماعرف شلون حسيته نزعني ملابسي وصار يلبسني الثوب الطلعة الي كلشي ما اشوف ظلمة حيل بس احس برجفة ايده من يلزمني وانفاسة تداعب بشرتي يعني هو كلش قريب مني ويا كل لمسة منه انتفض واريد ابتعد عنه وهو بس يهمس

دائب: لا تخافين خلصنا

طلعت روحي على ماكمل وشغل الضوء اباوع عليه جبينه متعرق گوه يسحب النفس باوعلي وگال

دائب: اي زين لابستهن عدل

هزيت راسي ورجعت تمددت غطاني باس راسي وطلع من الغرفة

ورا شويه سمعت صوته يحجي بالنقال وهم يسوالف بالشغل احتاريت اريد اعرف شغلة شنو وهم اريد اخطط اخذ تليفونه واتصل على ابوي انا حافظة رقمة

من بعدها مر كم يوم الوضع طبيعي بيومين خلاني اطيب هالگد ما شربني علاج كل شويه

غسلت وجهي وطلعت من الحمام شفته گاعد بالصالة شمرت نفسي على التخم احچي بملل وعيني على تليفونه

وتر: جوعانة

دائب: هسه اسويلچ اكل

راد ياخذ تليفونه ويگوم بسرعة خليت رجلي بحضنه رجع عدل گعدته يباوع عليه مستغرب اشرتله بحواجبي يعني دلك ابتسم وصار يدلك برجليه ويدغدغني منهن

دائب: ليش هيج رجليچ ثلج وين حفاياتچ ام الارنوب

وتر: ماريد

تنهد گام جابهن ورجع خلا رجليه بحضنه رفعهن لبسهن الي ويبوس بمفصل رجلي

سحبتها احچي

وتر: جوعانة

حاولت بگد مابيه انسي تليفونه الي على الطاولة ماكو اول ما گام اخذه ويا نفخت بملل اريد اطلع منا اريد اتواصل ويا ابوي اريد اتحرر زهگت وصرت اخطط شلون احصل تليفونه حتى اذا خمس دقايق كلشي ماريد ...

❛❛❛❛

رميم:

مر الأسبوع وانا گاعدة بالبيت على مارجعت ميعاد من سفرتها واتصلت عليه گالت باچر نرجع نداوم

من هذاك اليوم صرت حذرة ورقم باتر حذفته والواتساب مالتي القديم كله لغيته ماخليت اي تواصل بيني وبينه بدلت ونزلت سألت حكمة على خيال كلتلي طلعت من الصبح وحدها عدها شغل

استغربت من طلعت وشفت سيارة يمان موجودة وما طالع وياها ماهتميت اجه الاشتراك مالتي صعدت اول ما وصلت جنت اعرف وتأكدة اشوفه منتظرني بنفس مكانه المعتاد نزلت من السيارة امشي بهدوء ممهتمة الوجودة اتقرب مني يباوع الساعته يحچي ببتسامة

باتر: ريماي متأخرة سبع دقايق بالضبط

رميم: تحسبلي

باتر: اذا الج مااحسب المنو احسب

ردت اتجاوزة استوقفني من گال

باتر: اذا خطت رجلچ الداخل الصيدلية اعتبري اختچ صارت بالبايباي

رميم: چذاب وين لگيتها اختي

اتقربت يتحسس طرف شفته بلسانه طلع تليفونه كلب بي وخلا بيدي كلي صرت ارجف من شفت فيديو الخيال گاعده وكأنها منتظرة احد يجيها

رميم: هاي شنو هاي وين شداسوي احچيييي

باتر: بمكان كلش بعيد اتصلت عليها وكلتلها تشوفني بي وانا اعترفلها على كلشي وهي اجتني طايرة بلا تفكير

بلعت ريگ وحجيت بصوت يرجف

رميم: وشنو تريد بهاي حركتك

باتر: تمشين وياي والا

اتقربت منه اباوع بعيونه لوه رگبته يحچي بحدة

باتر: اختج بعد ماترجع ولا تشوفينها بحياتچ كلها

رميم: حقير شيطان

باتر: شيطان بس ما احول روحي ملاك يلا گدامي ماريد اسمع صوت

باوع بالشارع من الجهتين وسحبني ويا من مرفق ايدي حاولت اقاومه باوعلي رافع حاجبة تنهدت ومشيت ويا فتح باب السيارة وصعدني بدفعة سده حيل وافتر صعد

رميم: وين ماخذني على شنو ناوي انت

حرك السيارة يحچي ببتسامة

باتر: على كل الخير حياتي انتي

مشت السيارة ثنينا ساكتين استغربت من وگفت گبال مستشفى بسرعة باوعتله احچي

رميم: ليش اجينا هنا

باتر: نسوي فحص طبي حتى بعدها نسوي عقد محكمة حبيبي ....

يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

اسفة على التاخير مو بيدي والله الصحة كلش مو تمام 💔

شنو رأيكم بالقصة والاحداث

شنو تتوقعون راح يصير بين باتر ورميم

و وتر على شنو ناوية 🌚💔

معثوراتي لا تنسون التصويت+ متابعة الحساب+ تعليق بين الفقرات zainab_ali1

TikTok: zeinab_.ali1

Insta: zainab__.ali1

متابعة ممتعة🦋

#تاروت

البارت «29»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

TikTok: zeinab_.ali1

.Insta: zainab__.ali1

دنيـا ماخلـصت ولابـد جيـه بيـك

عـازه الـك بيـه وتجيبـك عازتـي

طـول السـانك بعـد خـلگي طويـل

انـا احـب اخـذ الثـار براحتـي

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم:

بقيت صافنه عليه حچيت بذهول

رميم: عقد ايش شبيك انت شجاي تحچي

شغل السيارة يحچي ببرود

باتر: ماريد اسمع صوتچ على ما نخلص كلشي

ردت انزل من السيارة ماخلاني لزمني من زندي حيل جرني اله يحچي

باتر: ريماي صيري حبابة ومطيعة اذا تردين اختچ تشم الهوا

اختنگت دفعته احچي بصدمة

رميم: انت واحد مختل مجرم قاتل مستحيل هالشي يصير

دگ تليفونه جاوب وفتح صوت اسمع واحد يگله

- باتر راح تتحرك تحب نفذ هسه

باتر: لحظة

باوع لي وگال

باتر: القرار الج روح گلبي

رميم: يعني على بالك تكسرني من تسوي هيج

باتر: بسرعة اريد جواب ريماي بلا كلام زايد حياة اختچ بيدچ

رميم: راح تتندم على الساعة السودة الصرت بيها

باتر: جواب

ماحجيت بقيت ساكته وگلبي صار يغلي يغلي مابيدي شي اسوي غير اسكت واتفرج حاليا شنو راح يسوي انتبهت عليه من حچه

باتر: خليك مراقبها وين متروح الحدما تجيك اشارة مني

سد التليفون وگال

باتر: انطيني تليفونچ

حجيت بحدة

رميم: باتر وين تريد توصل

جر الجنطة من حضني اخذ منها تليفوني وشمرها عليه يحچي

باتر: مستمسكاتج كاملة عندچ

تحسرت ماعرف شسوي مسحت على وجهي بتوتر خاف ارفض او اسوي شي ويأذي خيال رفعت راسي وحچيت بنبرة حادة

رميم: ايّ كلهن يمي

باتر: ديلا انزلي گدامي وماريد اسمع صوتچ على مانخلص

افتر فتح الباب اليمي ونزلني غصب عني من السيارة ودخلنا للمستشفى لازم ايدي حيل يضغط ويشد عليها بحقد حچيت بعبرة

رميم: صدگني راح تتندم

باتر: المهم تصيرين حصتي

رميم: الجاي تسوي جريمة فوگ جرايمك السابقة

ماهتم لي ابتسم بستهزاء وگال

باتر: ماريد اسمعلچ صوت والا تعرفين شسوي

رميم: سوي اليطلع بيدك ماتگدر تكسرني وانت اكبر جبان ما واجهتني لويت ذراعي بـ أختي

باتر: سهلة حسابچ بالبيت

شدد ايده على ايدي حسيت اصابعي وكف الدم بيهن وجهي راد ينفجر من الألم صرت اخذ شهيق زفير بس حتى ما اسمح الدموعي ينزلن

دخلنا سوينا تحليل دم كل ما اريد اعترض او أتراجع اتذكر خيال واسكت قررت اجاري وامشي ورى بس قسمت بداخلي اكمل اللعبة للاخير حتى اذا جان هالشي على حساب روحي دام بدأت بيها اكملها للنهاية مهما كان الثمن ...

خلال ساعتين بمعرفته طلع التقرير الطبي بعدها جبرني انزل ويا اخذنا صور معاملات وتوجه للمحكمة گعدني وهو راح خلص كلشي وكل شويه يتصل على واحد يخلص له شغلة وانا گاعدة بس اباوع عليه الحد ما اجاني جرني من ايدي يحچي

باتر: يلا عروستي القاضي بأنتظارنا

رميم: باتر راح تتندم على السويته صدگني اندمك اتعبك وماتعب

غمزلي يحچي

باتر: اويلي يامحلى التعب وياچ انا اريدچ ماتتعبين

رميم: راح تخسر وتخسر هواي

باتر: مابقى شي اربحه حتى اخسره وامشي ماريد اسمع صوتچ الحد ما نخلص

جرني حيل امشي ورا جسد بلا روح مثل واحد ماخذينه الإعدام ويا كل خطوة ادعي ربي يلهمني الصبر

دخلنا على القاضي يعقدلنا وانا بالي مو يمه افكر بـ خيال اذا عرفت شنو راح يكون موقفها شلون اگللها تزوجت ومنو الشخص القتل أهلنا انتبهت على القاضي من طلب موافقتي باوعت بعيون باتر الي ينظر الي بستخفاف مرسومة على وجهة ابتسامة مستفزة رفعت راسي وحچيت ببتسامة عريضة

رميم: طبعًا موافقة

رجعت انظاري عليه رفع حواجبه مستغرب ردة فعلي وليش جاي اضحك

دقايق وخلص العقد جان محضر كلشي حتى الشهود بعدها اخذني المكتب سوه عقد شرعي بقيت مجاريته اريد اشوفه وين يوصل رجعت للسيارة اريد اخذ جنطتي منها باوعت له وحچيت

رميم: ويعني هسه انت بهاي الطريقة انتقمت مني

باتر: هاي البداية روح گلبي بعدنا حاليًا بطور التسخين من ننزل للمباراة راح تشوفين الانتقام على اصولة

ردت انزل لزم الباب مايخليني اطلع من السيارة

باتر: وين بعد ماخلصين لعبتنا

رميم: بعد شعندك

باتر: اووو ليلتنا طويلة حياتي ارجعچ للبيت حتى تجبين غراضچ وبالليل امر عليچ نروح البيتنا

تنهدت احچي

رميم: وين ناوي توصل بعد كل هذا

باتر: اضوگچ المر

تقربت منه اهمس

رميم: انا المر بذات نفسه او لا والله لاخليك تجرع المر وماتجرعني بتار انا رميم ماراح تگدر تكسرني تحلم

حرگ السيارة يحچي بوعيد

باتر: نشوف سهلة

وصلني گبال بيتنا بسرعة باوعت له احچي

رميم: انت وين تندل العنوان

ضحك بصوت عالي يحچي

باتر: نزلي حياتي نزلي الظاهر نسيتي انا باتر اندلگم لو تطيرون وتسكنون فوگ الغيم

طلع تليفوني من جيبه باوع لي وگال

باتر: الرمز اريد اخليلچ رقمي زوجتي العزيزة

جريته من ايده فتحت الرمز اخذه مني خلا رقمة ودگ على تليفونه جريته منه ونزلت لبس نظارته يحچي

باتر: موعدنا بالليل عروستي مو تنسين تتحضريلي

رفعت حاجبي ضحك شغل السيارة وراح دخلت للبيت ماعرف شسوي گوه اسحل بروحي احس هم الدنيا كله صار على اكتافي حمل بثگل الجبال شلون اباوع بوجه اختي شلون افهمها كل الراح اسوي بس حتى انفذ انتقامي واخذ حق اهلنا حتى اذا جان هالشي على حساب روحي

اول مادخلت شفت خيال وحكمة گاعدات بالصالة ماصدگت عيوني من شفتها ركضت عليها حضنتها ابوس بيها واحچي

رميم: انتي بالبيت شوكت رجعتي

جاوبتني مستغربة حالتي

خيال: شبيچ امي وشرجعچ هيج وكت

حكمة: شمالچ خايبة هبطتينا

رميم: ولا شي بس الصبح ماشفتچ

لزمت وجهي تبوس بيه وتحچي

خيال: خوفتيني عليچ شرجعچ هيج من وكت

كمت وحچيت

رميم: ها ماكو شي بس تعبانة شويه رجعت ارتاح

رادت تحچي انفتح الباب ودخل يمان يصيح بعصبية على خيال

يمان: انتي شلون تطلعين الوحدچ الصبح وانا نايم

خيال: شكو يمان المفروض اخذ رأيك حتى اطلع الشغلي

يمان: انا شمحذر خيال لا تخبليني مو گلتلچ وين ماتطلعين گليلي انا اخذچ اي مكان ترديينااا عسى ما للقمر

خيال: لا تصيح شغلة خلصتها ورجعت للبيت

حكمة: عليمن تصيح طلعت ورجعت ونتهت السالفة مالها داعي بعد للحچي

يمان: يمااا طلعتها هاي وراها بلاوي ممكن تصير طلايب مشاكل ماتفكر

اتقدم عليها يحچي بصياح اعصابه مايسيطر عليها

يمان: وين رحتي

خيال: لا تدخل

تفجأت من جرها من ايدها گدامنا يهز بيها يحچي

يمان: جربي اطلعي مره ثانية وبلا ما انا ادري رجلچ اكسرها وحق الحق يا خيال جربي وشوفي

حكمة بقت تحچي وتصيح عليه وخيال دفعته تحچي بعصبية

خيال: لا يكون مصدگ نفسك انت صدگ رجلي

يمان: رجلچ وغصبا عليچ واگص لسانه اليحچي غير هذا الكلام مفهوووممم

الكلمة الاخيرة عاطها بوجها حيل غمضت عيونها اول مره احس خيال من صدگ خافت منه لان چانت حالته مو طبيعية ابتعدت منه وگالت

خيال: بس خلي تخلص القضية اريد اشوف منو تبقى على ذمتك لحظة وحده

عافته ودخلت للغرفة هو يصيح وراها

يمان: دام بعدچ على ذمتي اكسر رجلچ اذا خطت الباب شتردين تسوين سوي

اسمع صوتها تصيح

خيال: متخللففف

اتقرب يم الباب يضرب عليه ويصيح

يمان: متخلف مووو ايّ انااا متخلف واريد اشوف مره تطلع من شوري والله ومحمد ارجع اكسر رجلج واخليج 3 اشهر گاعدة بالبيت ماتتحرگين بعدچ ما شايفة الوجه الثاني جري عدل خيال

رجع باوع عليه بخزرة نصيت راسي عافنا وطلع وسط ذهول مني ومن حكمة بسبب حالته الجان بيها هي راحت ورا وانا فتحت الباب ودخلت على خيال شفتها گاعدة على الچرباية تمسح بدموعها

اتقربت منها احچي

رميم: من كل عقلچ تبجين من يمان لان خايف عليچ

جاوبتني بعبرة

خيال: لا يخاف عليه الخاين على باله نسيت سوايته فالح بس يصيح مرتي ومرتي من ترجع للصدگ يروح يركض الاخو المجرم

تنهدت اتقربت منها حضنتها اسكت بيها زادت بالبچي وانا هم صرت ابچي بحرگه نفجرت فجأة فتحت حجابي نزعته الي وهي تحچي

خيال: شبيچ امي انا تعاركت ويا يمان انتِ شجاچ اليوم

رجعت حضنتها احچي

رميم: راح تكرهيني مو

خيال: اكو واحد يكره جزء منه ولچ روحي انتي روحي اذا كرهت روحي معناها كرهتچ

رميم: راح تعذريني

خيال: على شنو لا توگفين گلبي احچي شصاير

اومأت بنفي

رميم: ما صاير شي بس تأثرت بوضعچ

مسحت دموعي وابتسمت بتصنع رجعت احچي

رميم: ما گلتيلي وين چنتي اليوم

خيال: اجاني اتصال من الصبح گلي اذا تردين تعرفين كتال اهلچ تعاي الهذا العنوان وحدچ وانا صدگت ورحت انتظرت وكلشي ما لگيت ورجعت

رميم: شلون هيچ تسوين شلون ماتخافين على روحچ اذا صار بيچ شي وين اروح انا

خيال: والله مستعدة ادفع عمري في سبيل اشوفه الكلب ابن الكلب

رميم: وشطلع وياچ من ما لگيتي شي

گامت رتبت شعرها تحچي ببرود

خيال: عادي حاله حال عشرات الاتصالات الكاذبة الي توصلني خليت ورجعت

تحسرت يمكن لو معارضة او مسوية شي چا اختي هسه اللّٰه اليعلم بحالها

اطمنت عليها وعفتها ورحت للغرفتي محتارة ماعرف شسوي من يجي بالليل وياخذني خيال تموت ماتتحمل گمت وحجيت

رميم: بس لا لا لا لازم اكمل انا مو رميم اذا ماخليتك تنسحل گدامي يا باتر بسيطة تريدني مو اتحمل الي راح يجرالك

گمت طلعت جنطتي ورجعت الم بغراضي لميت شكو شي موجود الي وكأني جنت حاسه بس اخطي عتبة باب هذا البيت بعد مارجع اله مره ثانية

لميت غراضي وخليتهن على صفحة وطلعت من الغرفة طول اليوم خلصته ويا خيال وحكمة مافارگتها ولا لحظة حتى هي استغربت ليش اليوم هيج مچلبة بيها وكأني طفلة متعودة على امها

خيال: شبيچ اليوم ريمي

رميم: اريد اشبع منچ

خيال: ياا شجاچ لا تخوفيني

گامت حكمة وحچت

حكمة: خيبه شمالچ اخيتچ مشتاگتلچ خليها بحضينچ واسكتي

حضنتني تحچي

خيال: شعندي غيرها انا

حكمة: انا خلصت قرآني اگوم اصب الغدا

كمنا ويا حكمة جهزنا الغدا كلشي ماگدرت اكل بس هيچ گاعدة على واهسهم يمان وخيال واحد يبسمر بالثاني وحكمة تشعلها بينهم

حكمة: اليوم ذولاك الناس شادين عبد القادر والوجه مايگصه السيف

ضحك يمان وگال

يمان: هاي مقصودة يمه

گامت خيال من السفرة وحچت تعيب وتأشر بيدها

خيال: حكوم عود كليلهم خلي يصير الحچي مگابل ومو يحچون سالفة ويصيحون مقصودددة

حكمة: يماا ههو يالفوصة استچني

حكمة تحچي ويمان يضحك عيونه هايمة على خيال جنت اباوعلهم بتركيز وكأني اخر مره اشوفهم بيها ماريد منظرهم يطلع من ذاكرتي

خلص الوقت بدأ الليل يرخي سدوله معلن عن وصولي للحظة الحاسمة يا انا يا ثار اهلي

سبحت وطلعت مشطت وبعدها توضيت وصليت بيومها شگد بچيت على السجادة بچيت الحدما حسيت بروحي اكتفيت من البچي وطلعت كلشي بداخلي مسحت دموعي وگمت بدلت ولبست حجابي بس خلصت صرت اسمع هوستهم برا عرفته اجه وهذا صوت يمان وحكمة يصيحون علية

تنهد اخذت نفس قوي واهمس النفسي بكلمات تزيد من قوتي سحبت الجنطة وطلعت شفته واگف بنص الصالة وحكمة لازمة يمان وتصيح على باتر

حكمة: ولك انت ماتجوز مو غيرنا بيتنا وين اندليت واجيت

باتر: افا عليچ يمه تشككين بيه وبقدراتي انا البتار ماينظم عليه شي

اجتني خيال تحچي بعصبية

خيال: ادخلي للغرفة شكو طالعة

انتبه علينا وصاح

باتر: مرتي تقبلينها يطردوني من البيت وانا جاي اخذچ مو خوش اهل عندچ مايعرفون الاصول

غمضت عيوني حيل يمان صار يصيح بي

يمان: گمت تخبط شبيك سكران انت اطلع برا

اتقربت مني خيال باوعت للجنطة لزمني تحچي بحدة

خيال: رميم شجاي يحچي هذااا شنو مرتي شنو هاي الجنطة شتسوين بيها

نزلت راسي ساكته جرتني حيل تصيح

خيال: رميم احچي شبببيچ لا تخبليننييي برري احچي

باتر: صلوا على النبي يجماعة الخير غير تباركولنا اليوم عقدنا

لطمت حكمة على وجها

حكمة: صخام الصخمك دولاب الدولاباك وين لگيتها مرتك يالمصخم

صارت هوسه ويمان يجر بباتر يريد يطلعة برا وخيال تهز بيه وتصيح تريدني ابررلها واكلها يچذب

كلشي ماسويت تقدمت وگفت ورا باتر وحچيت

رميم: خلي نطلع بسرعة

ركضت عليه خيال ماخلاها توصلني صارت تصيح

خيال: مستحيل لا چذب هذا كابوس اختي ماتسوي هيج اختي ماتسويها وحتى اذا سوتها ماصدگ

لزمت يمان تحچي بانهيار

خيال: يمان احچي ويا اخوك گله يعوف اختي مستحيل ماتسويها

فرفحت روحي وانا اشوفها نهارت ويمان وحكمة ماعرف شيسوون يمان يباوع عليه مصدوم احسه مامستوعب اتقدم على باتر يصيح

يمان: شسويت شنييي مرتك باتر شسويت الرميم وخليتها توافق

دفعة باتر يحچي

باتر: ماسويت هي اجتني وگالت نتزوج انتم ماتدرون بعلاقتنا اصلا

اباوع على حكمة كعدت على التخم تباوع عليهم بحيرة ويمان تقدم يريد ياخذني من ورا باتر

باتر: مرتي ترا شرع وقانون كلها مالتي ماتگدر تمنعني اخذها وياي برضاتها

خيال: مسسستحيييلل اختي ماتسويها انت واحد چذاب

مد ايده بجيبه وطلعلهم نسخة من العقد وگال

باتر: محاميتنا هذا العقد مصدق من المحكمة بتاريخ اليوم

سحبته من ايده تقرأ بي هزت راسها برفضت باوعت اليمان بدموع تحچي وتشه‍گ

خيال: يمان الحگلي يمان هذا العقد اصولي مع الشهود وكلشي ومصدق بتاريخ اليوم

ماحسيت الا يمان هجم على باتر صرت بنصهم احچي بهدوء بس داخلي براكين نار تحرگ بروحي

رميم: يمان صار الي صار وتزوجنا برضاتي لا تدخلون رجاءً

سحبتني خيال تحچي بنهيار وجها انطعن احمر تفرفح من البچي وتحچي

خيال: رميم انغصبتي ادري بيچ نغصبتي فدوه گولي اعتراف واحد منچ ينهي كل هاي المهزلة وحتى هو يتعاقب انغصبتي مو

بلعت الغصة مالتي اتنفس سريع حتى مابچي رفعت راسي وحچيت

رميم: لا تزوجت برضاتي

ضربتني راشدي حيل لزمها يمان وهي تصيح

خيال: جبانة لا تخافين احچي ادري بيچ مغصوبه رميم احچيييي يمان اريد اختي خلي اخوك يعوفها

سحبني يمان يحچي

يمان: تعاي نحچي وحدنا

رميم: خلص يمان كلشي صار وانتهى ماكو داعي للحچي

لزم ايدي باتر وخرها من ايد يمان حچه بصوت واضح

باتر: نروح روح گلبي

باوعت له بخزرة ابتسم راح جاب الجنطة شالها ولزم ايدي وطلعنا من البيت وسط انهيار خيال وصريخها وراي الي گطع روحي كل صرخة تطلع منها يزيد حقدي على الكائن الجاي يمشي بصفي كل كلمة منها سجين حادة تطعني بنص گلبي حتى ما تجرأت ودرت وجهي اباوع وراي خفت من المنظر الممكن اشوفة

صعدني بالسيارة وخلا الجنطة ورا وصعد يمي يحچي

باتر: مستعدة للحرب ريماي

رميم: على اتم استعداد

باتر: اولي بس خلي نوصل اخخ

درت وجهي منه دموعي ينزل بهدوء وامسحهن بلا مااخلي يحس عليه جاي ابچي هيج بقيت طول الطريق الحدما وصلنا النفس البيت الي جابني عليه بيوم رأس السنة

نزل فتحلي الباب وگال بستهزاء

باتر: وصلتي القصرچ الملعون أميرتي

دفعته ونزلت نزل الجنطة واجه وراي فتح الباب امشي خطواتي ثقيلة وگلبي طبل يدگ بي مو مجرد نبضات ، دخلنا للبيت شغل الاضوية وگال

باتر: هسه يلا نور بيتي

درت انظاري بالمكان شفت هالمرة البيت مفروش بأثاث كامل مو مثل هذيچ المره چان فارغ اتقرب مني حسيته لزگ بيه من ورا يهمس بأذني

باتر: ليلتي اريدها تم على اتم وجه

بتسمت مستهزئة بكلامة

رميم: وهاي يعني من تسوي هيچ معناها تأذيني ونتقمت

لزمني من اكتافي عصرهن حيل يهمس

باتر: خلي اختمچ بأسمي وبعدها اشوفچ انتقامي روح گلبي ليش مستعجلة

ابتعدت منه باوعت بعيونه احچي

رميم: حتى اذا تممت زواجك مني راح تبقى كلشي ماتحصل غير الجسد اما مشاعري روحي گلبي عقلي كلشي بية نافر وجودك بداخلي انت شخص غير مرحب بي ما اكن الك بداخلي غير الكرة والحقد

غمض عيونه حيل رفع راسه الي فوگ يشنج برگبته حجة بشراسة

باتر: ماريد اسمع صوت منچ وهسه مثل الحبابة تصعدين فوگ الغرفتچ تلگين غراض على الچرباية تبدلين تتجهزين الي وانا شويه واصعد وراچ

گال الكلام وراح گعد على التخم ورث جگارة عفته وصعدت الدرج الي جان بنص الصالة صاح وراي

باتر: اول غرفة على ايدچ اليمين

مجاوبت صعدت ركض شفت 3 غرف كدامي فتحت اول غرفة ودخلت بيها تفاجأت من منظرها مرتبها مثل غرفتة العرسان بالضبط شموع ورد زينة

صارت انظاري على الچرباية مخليلي عليها فستان لونه احمر اتقربت شلته بيدي فاضح ماينلبس

شمرته من ايدي گعدت على الچرباية افكر الحدما صفه تفكيري وگمت اخذت الفستان لبسته لميت شعري اباوع على نفسي بالمراية الفستان الي لابستة مقرف كل جسمي طالع خفيف وطويل كلش بي فتحة الفوگ الفخذ ومن دون اكمام بعدني صافنة على روحي بالمرايه فتح الباب ودخل بلعت ريگ وسويت نفسي ممهتمة الوجودة اباوع عليه بالمراية بقى صافن عليه غمض عيونه هز رأسه حيل مثل الما مصدگ

مد ايده لزم صدرة من ناحية گلبه وحچي

باتر: خـ** بيومچ هاي شني من بلوة

ما جاوبته اتقرب مني وگف وراي همس

باتر: چنج حور العين

رميم: حور العين وشيطان كلش ما ترهم

ابتسم بجانبية وگال

باتر: انتِ ليش الهاي الدرجة مميزة

رميم: حتى اضحك على عقلك

سحبني اله مرجعني عليه حاوط خصري يحچي

باتر: انتِ مره بالعمر ما تتكررين مرتين

باوعتله بخزرة فتح شعري نثره يباوع بعيوني يهمس

باتر: حدقة عينچ الماكرة ما نخلق منها اربعين

قربني يم المراية يحچي بنفس وتيرة الصوت

باتر: انتِ الچ شبية واحد بس هو انعكاس صورتچ بالمراية

خلا انفة برگبتي من ورى اخذ نفس عميق بقيت متصنمة مثل التمثال رافعة راسي اباوع عليه من المرايه رفع راسه صفن عليه فترة بعدها گال

باتر: يم مرايتچ يكبر حديث الغيظ لبوة تعاين اللبوة

رميم: ودير بالك من غيظي راح يغرگك

تجاهل كلامي وكمل يهمس بصوت ذايب

باتر: تمتلكين كل صفات الانوثة اليحبها گلبي وقافل عليهن عقلي ، نبرة صوتچ المبحوحة ، عيونچ السود يشبهن عيون الريم ، وجهج الشايل ترافة الفراشات ، بقوامچ المخبلني

مرر اصبعة على خصري يحجي ويجر بالكلمة

باتر: خصرچ سيف حاد يذبح بيه يموتني شنو البيچ ماينحب حتى مسام جلدچ مميز بهاي الحالة انا شلون انتصر عليچ بأي طريقة

رميم: دامك خصمي راح تخسر وتخسر هواي

تنهد يحچي

باتر: اعرف كدامچ بكل مره اطيح بخسارة ماتعادلها خسارة ولا يعوضها الف نصر

همست بحقد

رميم: انت لا شيء بدوني

باتر: عيشتيني بحلم ملكتيني بي كل شي وصحيتيني منه بصفعة لگيت نفسي فقير ما املگ حتى هوا نفسي

رميم: تستاهل اكثر بعد

حاوط خصري شدني اله يحچي

باتر: راح تصيرين بأسمي حطام گلبي

رفعت راسي احچي

رميم: جنت اعرف من دخلت بهاي اللعبة من البداية هيج راح يصير وان انا لازم ادفع ثمن ما وانت اخذت روحي من كتلت اهلي شسوي بالجسد هم اخذة

اتقرب ياخذ نفس من شعري انفاسه الحارة تصير عليه نفسي لعبت منه احس اكو شي صار ياكل بيه

باتر: راح اطبع بصمتي على كل شبر وزاية بيچ

رميم: راح تاخذ جسد خالي من المشاعر مجرد من الإحساس

باتر: اخليچ تحسين بيه لا تخافين

رميم: لا انت ولا مشاعرك ولا حتى الجاي تفكر بي ممكن يخليني احس بيك ولو قيد شعرة

بحركة سريعة دارني عليه رجعت الي ورى اتقدم عليه حضني ورجعني على الميز حصرني حيل جمدت بمكاني من خلا راسة برگبتي وصار يوزع عليها بوسات متفرقة بلهفة

بقيت جامدة مانطيت اي ردة فعل مثل الميته حتى اديه منزلتهن ماتحرك رفع رأسه يباوع عليه ماسويت شي غير صافنة بالفراغ ارمش بعيوني

حاوط راسي بأيده اخذ شفتي احتار شيسوي بيها ويتفنن وانا على نفس حالتي ماحركت ساكن وماكو بداخلي غير مشاعر الانقراف حسيت بأيدة صارت تفتح سحاب الفستان من ورا فتحه ونزله للأرض ابتعد مني يباع عليه جذبني اله حضني حيل يريد يدخلني الحضنه غصت بين اديه صار يهمس بصوت يرجف حتى جسمة يرجف كله يرعش بصورة غريبة

باتر: اشتعل نار من اشوفچ بالحجاب مو عاد بهذا المنظر ليش هيج تسوين بيه رميم ليييششششش

ابتعد مني صوت انفاسة عليه اديناته يرجفن طفه الضوء ورجع عليه سحبني من ايدي ودفعني حيل للچرباية حيل غمضت عيوني متألمة

صار فوگي يهمس

باتر: راح تصيرين الي قلبًا وقالبًا ريماي

حجاها ونصه اخذ شفتي من جديد شويه ورفع راسه يباوع بوجهي

باتر: ماعوفچ رميم الا تتفاعلين وياي ونتمم ليلتنا واليوم

حچيت

رميم: مقرف تلعب نفسي منك

باتر: هسه نشوف

حجاها ورجع احتار شيسوي رادني بس اتفاعل ويا ولو بس اغمض عيوني كل ردة فعل مابدرت مني غير صافنة بالسقف وساكتة اقرب وصف ممكن ننوصف بي بهاي اللحظة هو

قطعة ثلچ وسط بركان هائج

شتان ما بيني وبينه هو بركان من المشاعر المتدفقة وانا ملكانة بس شكل جسد مجردة من الاحاسيس حاول وياي بكل الطرق ساعات طويلة على هذا الحال ، نصة عليه همس بأذني

باتر: ليش ما تحسين بيه رميم لا تخبليني

ماجاوبته ابتعد مني يمسح بوجه ويحچي

باتر: ادري ميته معقولة كل الصار ماحسيتي بي ولا شوية حتى جسمج ثلچ مانطه اي ردة فعل حتى گلبچ نبضة عادي

رفعت الغطاء عليه وردت اگوم لزمني من ايدي رجعني على وضعي وگام شغل الضوء ماعرف شنو غايتة من هاي الحركة ورجع من جديد يعيد الكرة لكن انتهت جميع محاولاته بالفشل بنهاية المطاف ماگدر يخليني احس بي رغم مسايسته الي وتعامل وياي بكل هدوء جنت ويا كل حركة منه احس نفسي انقرف من جسمي الملامس اله

ابتعد وسحبي الحضنه يبوس بكتفي ويحچي

باتر: مبروك صرتي بس الي روح گلبي

صفنت شويه وبعدها حچيت بقهر

رميم: والله وروح اهلي اندمك على كل حركة بدرت منك

باتر: المهم ملكية الجسد تسجلت بأسمي

رميم: بالعافية عليك الجسد الخاوي كله بعد كم سنه يندفن بالگاع وياكله الدود بعمرك ما راح توصل الذرة من مشاعري ولا راح تخليني احس بيك يا مجرم

دفعته وگمت لبست الروب ورحت للحمام ركض دخلت وقفلت الباب عليه اباوع الروحي ماگدرت اتحمل صرت اتقيئ لعبت نفسي من جسمي مسحت على وجهي كلي ارجف دموعي صارت تنزل بغزارة تحرگني ماسمحت النفسي اضعف غسلت وجهي ورحت اخذت ملابس ورجعت للحمام سبحت وطلعت ، وهو بعده على الچرباية متغطي للنص صدرة وبطنه مكشوفة مخلي ايد ورا راسة وصافن يدخن

عفته وطلعت من الغرفة نزلت جوة ماصدگت الي صارلي فوگ مثل الكابوس المرعب ماصدگته يمتى خلص وانتهى ...

❛❛❛❛

من طلعت رميم ردت اتخبل گلبي راد يوگف ردتها بس تبررلي ماكو اريد سبب مقنع خلاها هيچ تسوي ما جاي الگه بقيت مثل المخبلة كل شويه اتصل عليها جهازها مغلق

تعبت من البچي والصريخ تربعت بالباب حتى للبيت ماريد ادخل يمان گبالي يفتر رايح راجع تليفونه بيده ومحتار بس يفكر وحكمة تدگ على رجلها وتحچي

حكمة: البت العصر جانت كلشي مابيها مثل الورد اجه وطلعها من بيتنا بساع بساع ويهدد انوب

عضت على صبعها حيل تحچي بحرگة

حكمة: والعباس ابو فاضل لو ما راويته نجوم الظهاري على عملته هاي انا مو حكمة

خيال: شراح يسوي بأختي

گمت لزمت يمان احچي بنهيار تعبت حيل وابچي وافرفح

خيال: يمان اريد اختيييي اخوك شراح يسوييي بيها اريد اختي رجعوها الييي اريدها

لزم اديناتي يحچي وياي بتفهم

يمان: بس اهدي فدوه اروحلچ كلشي اله حل اكيد رميم سوت هيج الها غاية

صحت بي

خيال: غايتيششش يمان اختي مدري شمسويلها اخوك مهددها ماعرف شمسويلها

يمان: هي لعبت ويا من البداية

دفعته اصيح

خيال: بعد هذا كله وانت بعدك تدافله شنو من بشر انت الخاطر الله

حكمة: ليش تگول لعبت ويا ليش ماتگول اخوك سا** سرسري سربتي

اباوع عليه ورث جگارة يحچي

يمان: تعالن گعدن خلي احچيلچن

اتقربت يمه احچي

خيال: دحچي مو يبست گلبي

اخذ نفس من الجگارة بدأ يحچيلي كلشي يعرفه وشلون رميم ضحكت على باتر

كمت وصرت اصيح

خيال: چذاب انت واحد چذاب ماصدگ بيك

يمان: هو هذا الصار والا هو منين يعرف بيچ عندچ اخت عايشة ويانا هي السبب

حكمة: وانت تعرف بكل هذا وساكت تطمطم الاخوك

يمان: حاولت احميها بس ما گدرت سبقني بخطوة ونفذ الي براسة

صفنت عليهم يحچون حسيت دگات گلبي صارت تتباعد وصارت وشه قوية بأذني غمضت عيوني ووگعت مغمي عليه ماحسيت بالي حولي ...

غير من فتحت عيوني على الم خفيف يخترق وريد ايدي وصوت غريب يگلي

- الحمد لله على السلامة

فتحت عيوني زين لگيت نفسي بالمستشفى وحكمة ويمان فوگ راسي

لزمت ايد حكمة دموعي تنزل وهو گعد يم رجلي

حكمة: سوده عليه خويله

غمضت عيوني ابچي بحرگة واصيح

خيال: حكمة اريد اختي الله اليعلم بحالها هسه اريد اختتتييي اخذوني الها

حكمة: عمت عيني عليچن يالبنيات يمه بس صيري زينة وانا ارجعها الج

رفعت راسي اصيح احس گلبي يريد يوگف

خيال: اخخخ يا گلبيييي ولكم اريد اختي ماعندي غيرها رميم وينج ريمممههه

اتقرب مني يمسح بوجهي ويحچي

يمان: كافي بروح اهلچ كافي روحي جاي تتگطع عليچ

خيال: وخر لا تتقرب يمي كله من وراك هيج صار ليش ما گلتلي ليشش خليتها تضيع

يمان: ميخالف كله من وراي بس اهدئي بروح اهلچ راح تموتين

خيال: رجعلي اختييي اريدها

يمان: وعد والله وعد بس شدي حيلچ

بقى يهدئ بيه درت وجهي منه هدأت بس دموعي تنزل خلص المغذي وطلعوني للبيت من گد المهدئات الخلوهن الي نمت وانا الدموع بعيوني بحضن حكمة البقت تقرأ قرآن على راسي ...

❛❛❛❛

رميم:

انتبهت على الدرج نزل منه لابس بس شورت رياضي اسود وجسمه مبلل شعره ينقط مي مبين هستوه طالع من الحمام شافني متمدده على التخم اتقرب بلا مقدمات شمر روحه عليه يحچي

باتر: يوجعچ شي ؟

رميم: لا وابتعد مني

ضحك مشه شعره المبلل من خدي ونزل بي جوه همس

باتر: تعبتچ ريماي هه آسف

رميم: وخر مني باتر

مشه انفه من رگبتي الخدي يهمس

باتر: تفاصيلچ تموت ردتي تجلطيني خربچ برودچ

دفعته وكمت احچي

رميم: واتعود على هذا الوضع كل مره راح اكون دميه ملكانة بين احضانك يا مقرف

ردت اروح ما حسيت غير جرني لزم فگي بيده مرده حيل يحچي

باتر: المهم صرتي الي وشفت الردت اشوفه وارتاحيت وايامچ السودة جاية بسيطة

دفع وجهي حيل ماگدرت اسكت سديت ايدي وجبته بلكمة قويه اجت بعينه عدل لزمها بذهول وگال

باتر: يا رعنه ولك شني من ايد هاي حشى جنها ايد حيوان

رميم: هاي حتى مره ثانية ماتمد ايدك عليه وتحاول تضربني

اتقربت سحبت ايده حيل شلتها خليتها گبال وجهة احچي بفحيح

رميم: الايد التنمد عليه اكسرها وبعد ماعندي شي اخاف اخسرة افتهمتتت

ردت اصعد الدرج هرول وراي گلبني وشالني بحرگة سريعة يحچي

باتر: بعدچ عروس موزين عليچ صعدته الدرج انا اصعدچ

درت وجهي لعبانه روحي منه كلي نفور وشمئزاز دخلني للغرفة شمرني على الچرباية تمددت على مكاني هو هم دار وجه مني ونام

وانا عيوني ماغمضت للصبح افكر بحال خيال شلونه وراي هسه شجاي تسوي فكرت افتح تليفوني واتطمن عليها بس ماسويتها مالي عين اسويها اصلا بقيت كاعدة الحد ما طلعت الشمس وسمعت الباب يندگ حيل والجرس يرن بالاحاح حتى تليفونه يدگ ينقطع ويرجع يدگ

شال نفسه باوعلي صفن شويه بعدها هز راسه يحچي بنعاس

باتر: شكو

رميم: شمدريني متگوم تشوف شگو

گام بسرعة لبس تيشيرت وطلع من الغرفة رجع مد رأسه يحچي

باتر: ديري بالچ تنزلين وراي

عافني ونزل طلعت من الغرفة باوعت من المحجر من فوك يصير مقابيل باب الصالة ، اول ما فتح الباب ماحسيت الا يمان دخل جر باتر من ياخته يحچي

يمان: وين رميم شسويت بيهاااا احچيييي باتر وينها

جاوبته ببرود

باتر: هاي بدل ما تباركلي بصباحية عرسي هيج تسوي ديلا ادري بيك ضايج لان اخوك الصغير تزوج قبلك

ضربه يمان حيل وصار يصيح

يمان: وين رميم ، رميييممم وينچ انزلي نروح يلا

باتر: وين تريد تاخذ مرتي

دفعة وراد يصعد لزمه يحچي بستهزاء وبرود

باتر: اكو واحد يصعد العروس بصباحية عرسها ادري امها انت لو بيبيتها

عفتهم ورجعت دخلت للغرفة ويمان بقى يصيح ويغلط حتى صرت اسمع صوت اشياء تتكسر فوك النص ساعة ومن بعدها صار هدوء دقايق وفتح باب الغرفة يحچي

باتر: اويلي شلون صباحية كلها اكشن ماتجين نسوي اكشن من نوع اخر

گمت وحچيت

رميم: جوعانة اريد اكل

باتر: صدگ انا هم جوعان دنزلي يلا سويلنا ريوگ

رميم: اسويلك سم وزقنبوت بگلبك اطلبلي اكل يلا

باتر: ايّ ليش لا هسه صار احترمج لان بعدچ عروس هسه

اخذ تليفونه ونزل جوه وهم سمعت الباب يندگ فزيت على صوت العياط مالته يصيح

باتر: مستحيل هذا انت دووودديييييه ااااهه لا كتشفت خيانتي مستحيل

واسمع صوت واحد ثاني يصيح ويغلط عليه وباتر يصيح

باتر: يا قاسسيي يا قاسسيي ااههه

طلعت من الغرفة باوعت شفت اخوهم الي اسمه دائب روحه بخشمه ويفرفح يصيح على باتر ويغلط

دائب: شسويت بنت الناس باتر عوف سوالفك

باتر: يابه شسويتلها تزوجتها والبارحه لعبنا عريس وعروسه جا المن متزوج اباوع الطولها

بقى يغلط ويفشر عليه شويه وصار هدوء بينهم وصاروا يحچون بصوت خافت مديت راسي حيل حتى اسمع سمعت باتر يگله

باتر: نضال يمي واخذت منه كل التسجيلات التثبت التهمة عليه

دائب: يعني شلون تثبت التهمة عليك يعني الكتلتهم انت

باتر: ايّ بس الدلائل كلها صارت يمي خليتهن بفلاشة فوگ ونسختهن للحسابة هم

عفتهم وركضت للغرفة شفت حاسبتة على المكتب واكو فلاشة صغيرة مثبته بيها خفت افتحها اتقربت اخذت الفلاشه وركضت طلعت حاسبتي من الجنطة مالتي وفتحتها خليت بيها الفلاشة وصرت اسمع التسجيلات تأكدت منهن وسويتلهن نسخ ورجعت كلشي المكانه وحاسبتي رجعتها للجنطة دفنتها حيل بين الملابس

وركضت للفراش تمددت وغطيت روحي سويت نفسي نايمة ماكو دقايق وفتح الباب دخل للغرفة

غمضت عيوني حيل مصدومة من سمعته فتح حساب جنتي يدور بيها

يتبع...

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

شنو تتوقعون رميم راح تگعد وتسكت لو تمم انتقامها للنهاية 💔

معثوراتي لا تنسون التصويت+ متابعة الحساب+ تعليق بين الفقرات zainab_ali1

TikTok: zeinab_.ali1

Insta: zainab__.ali1

متابعة ممتعة🦋

#تاروت

البارت «30»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

TikTok: zeinab_.ali1

Insta: zainab__.ali1

غشـيتنـي...

شـگد چـان بعيونـك هـلا

لمـن چنـت ماعـرفـك

ومـو ايـد احـس جنـحان الـي

لمـن گعـدت بصـفك

وديتـني الكـل التفـاصيـل

اليـحبها الحـالم

وفزيـت لنـك واحـد يچـذب علـي

ويگـلي ظـرفي وظـرفك

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

رميم"

ركضت للچرباية تغطيت وسويت نفسي نايمة دقايق ودخل وراي غمضت عيوني حيل من سمعته فتح سحاب جنطتي وصار يدور بيها رفعت راسي اباوع عليه

رميم: شنو جاي تسوي

باتر: حاسبتچ وين

كمت عدلت گعدتي احچي

رميم: شنو تسوي بيها حاسبتي عندي بيها شغل مانطيها

گعد بصفي اخذ خصلة من شعري خلاها ورى اذني وگال

باتر: وهسه تردين تقنعيني ما سمعتي كلامي ويا دائب جوه ولا اخذتي الفلاشة من حاسبتي وحولي ملفها الحاسبتچ

رفعت حاجبي احچي

رميم: طلعت ذكي بتار وانا حاسبتك غبي واگدر اضحك عليك للمرة الثانية

ضحك بصوت عالي گام ابتعد مني يدور بالجنطة

باتر: منيلي ذكي بس خططچ مكشوفة حاولي تلعبين بذكاء روح گلبي

رميم: تدلل من اليوم

باتر: اذا تردين خطط گليلي اعلمچ

رميم: ممحتاجة تعلمني شغلي

باتر: الحية انا محتاج اخذ دروس يمچ

طلع الحاسبة من الجنطة باوعلها يهز براسه رجع باوع لي وگال

باتر: غير حية خرب عرضچ

اخذها وطلع من الغرفة جريت الروب لبسته ونزلت ورى احچي

رميم: رجع حاسبتي بشنو اشتغل

باتر: اجيبلچ غيرها لا تلحين حاسبتچ من اليوم بح ماكو اعتبريها خربت

اشرت له براسي اتوعد له عفته ودخلت للمطبخ شفته طالب اكل هواي استغربت منو راح ياكل كل هذا طلعت طبق اخلي بي اكل الي دخل وراي وگف قريب عليه حاوطني باس كتفي حيل ياخذ نفس رفع راسة يبوس بخدي و يهمس

باتر: مصبحة على الطلايب ليش ما صبحتي عليه

رميم: تصبح عليك وجعة تاكل گلبك

باتر: اشش ترى تتعاقبين وانتي ما بيچ حيل روح گلبي

دفعته اردت الي ورى يضحك صبيت جاي واخذت الاكل خليته على الميز وصرت اكل ما مهتمة الوجودة گعد گبالي

باتر: تاكلين بدون رجلچ

رميم: عندك ادين تگدر تسمم بيهن

ضحك يمسح برگبته من ورى باوع لي وگال

باتر: مبين عليج تعبانة من البارحة

حجاها و القصد واضح ان يغيظني بكلامه

رميم: ماحسيت بشي ولا اتذكر شي لان ببساطة بالي چان مشغول شلون انتقم منك بعد كل الصار

باتر: وانا غرگان بتفاصيلچ اووففف

رميم: اليسمع ما يگول جنت قطعة ثلج ميته بين اديناتك لا تفرح اطلعها من خشمك واتمم انتقامي 

باتر: ريماي اهم شي صرتي الي انتقمي براحتچ انا وصلت الغايتي

رميم: شگد صلف ولا تفتخر ترى الي سويته مو رجولة حتى الحيوانات تعرف تسوي

حچه بضحكة

باتر: ليش بالچ يشطح بعيد ياهو گالچ غايتي چانت انام وياچ لو اريد اسويها چا سويتها من زمان ومحد يمنعني وخاصة انتِ جنتي تطلعين وياي والوحدنا

رميم: مستفز جبان

باتر: داعة عيونچ لو من البداية مفكر وياچ بنية قذرة اخذتچ من أول أسبوع ومحد راح يگلي على عينك حاجب حتى اخوتچ السبعة

حچيت بلا اهتمام

رميم: واضح

باتر: واضح مو واضح المهم انتِ وين هسه انتِ داخل أسوار مملكتي حتى اذا چان هالشي غصب عنچ انا من اريد شي امتلكه

رميم: ليش غصب عني انا اجيت وبرضاتي ترى والا سالفة خيال انا اعرف انت ماتگدر تسويلها شي

باتر: يعني ماخفتي لان هددتچ بأختچ !

رميم: لا اعرف اختي ماتگدر تمسها بخيط واخوك وراها انا اجيت هنا اكمل لعب وياك واخذ ثاري براحتي واكولها بوجهك ومااخاف

باتر: هههه انتِ داهية اموت على عقلچ المجنني

رميم: حالفة اخليك تموت الف موته كل ماتشوفني اخليك تتعذب بوجودي أكثر من غيابي تموت وانت تشوفني بين اديناتك وماتحصلني ولا تملك ذرة وجود بداخلي وتبقى تتحسر على سماع كلمه وحده حلوة وماتحصلها

اباوع عليه وجهة غيم وصار يسد على ايده حيل گمت وحچيت

رميم: لا ياخذك العزم بيبي انت صرت داخل اسوار مملكتي مو العكس

غسلت تحت انظارة الهايمة بيه وطلعت صعدت للغرفة اخذت تليفوني ترددت افتحه اخاف خيال تتصل بيه مااتحمل نهيارها ممكن انهار وياها لهذا قررت مافتحه واغير رقمي وادور شغل بغير مكان هم

من بعدها مر عشر أيام هدوء بينا هو من اول ليلة بعد ما حاول يتقربلي بس يزعجني بكلامة ومايطلع من البيت مگابلني وگاعد ، جابلي حاسبة جديدة وغير رقمي

وبعد ما صار شي غير مره صعدت للغرفة بدلت ملابسي تمددت ردت انام اول مادخل وراي دگ تليفونه تنهد اخذه وطلع وانا بسرعة كمت ورى شفته نزل جوه فتح الباب ودخل دائب مدري شيحچون وباتر متنرفز اكو غرفة دائما يقفلها دخلوا بيها ورجع قفل الباب

نزلت وخليت اذني على الباب اريد اعرفه شنو يحچي سمعته يگول

باتر: دائب هذا الشي مستحيل يصير كلتلك الادلة واضحة وانا السويت كل الي نذكر

دائب: مو من مصلحتك نضال يبقى يمك كلتلك جماعتة كلهم جاي يوگعون واحد ورى الثاني انطينياه ومعليك بالباقي

باتر: اذا ضاع نضال او شرد اقرأ السلام علينا كلنا انا متأكد نضال عنده معلومات اكثر من المعلومات الگالهن الي والشفتهن بعيني

دائب: سلمه الي ويجيك الصافي

باتر: حتى اذا جنت مو بوعيي واتفقت وياهم الجريمة انا نفذتها وهاي الحقيقة محد يگدر يغيرها

سمعت دائب يتحسر ويحچي بعصبية يصيح على باتر

دائب: اخخخ منك اخخ ضيعت روحك وخربت حياة يمان وخطيبتة وهسه حياة اختها شذنبها بس فهمني

باتر: ذنبها ضحكت عليه وخذت دور الحبيبة ودمرتني دائب انا باتر مو بسهولة ينلوي ذراعي وانت تعرف

دائب: انت منتبه الروحك جاي تخرب حياة كل الي حواليك وتحبهم

صاح بي

باتر: وحياااتتييي الجاي تخرب محد بيكم حاس بيه ولا فاهم شعوري

دائب: كلنا حاسين بيك بس تبقى انت احتمال كلش كبير كاتل اهل البنت شلون هيج تسوي بيها ليش هيج جاي تسوي بروحك

باتر: شسوي بروحي بين ليلة ويوم اكتشفت انا قاتل وشلون صار هيچ مادري حاولت اثبت برائتي وسعيت الهذا الشي وكلشي ما حصلت و ادري بروحي مو انا مو انا رغم هذا الادلة كلها ضدي

سكت شويه صار هدوء رجع يحچي

باتر: حب حياتي الي گلت هاي هي خلص اعوف كلشي وانسى كلشي الخاطرها واكتفي بيها طلعت مجرد وهم وانتقام وفوك كل هذا اخوي جان مساندها ومشاركها باللعبة انا انتهيت دائب انا تحطمت

دائب: بس يمان ماجان يدري وهو جاي يسوي كل اليطلع بيده حتى يثبت برائتك لا تتحيون

باتر: تگدر تگلي امي ليش متبريه مني بس انا رغم هي تعرف بيكم تشتغلون مثلي لكن هي نفرتني وعافتني وحدي يمان مگعدته عدها وانت تفتر ورى اخبارك ومحاوطتك من بعيد لبعيد الا انا عافتني ليش

دائب: غلطك ماينغفر باتر

باتر: إذًا منو جاي يخرب حياة منو انا لو هم

دائب: انطيني نضال وخلي نخلص من هذا كله

باتر: انطي الك مو مشكلة بس خليها ببالك ثبت برائتي او لا مراح تخلصون من شري حالف اشوفكم الموت

بقوا يتعاتبون بعدها سمعته ينطي عنوان ركزت وحاولت احفظه وين

باتر: فد اربع ايام ونروح انا وياك

عفتهم وصعدت ركض كتبت العنوان بورقة حتى لا انسى وضميتها بجنطتي ورجعتها للكنتور ....

❛❛❛❛

خيال"

مرت الايام وانا باقية اتحلطم على اختي ويمان يوميا من اسائله على مكانهم يگلي بعدني ما لگيته رغم اعرف بي يندله بس مايريد يگلي مليت من الاتصال عليها يطلعلي مغلق حتى رحت للصيدلية الچانت تداوم بيها من يوم العقد بعد ما داومت

جنت الم بملابسي دخلت حكمة تحچي بعصبية

حكمة: خبرته گال خلي تانيني جاي بالطريق

رفعت راسي باوعتلها وحچيت

خيال: لا خاله ليش اتصلتي بي هسه يرجع وانا ماريد يعرف مكاني

حكمة: ولچ يمه لا تشلعين گلبي وين تردين تروحين

خيال: لو اموت ماگعد دقيقة وحده ببيته اختي راح يصيرلها اسبوعين ماكو الله اعلم بحالها هسه وهو يعرف مكان اخو وضامه عليه

گعدت على الچرباية تضرب ايد بأيد بحرگة وتحچي

حكمة: غير تفهمين منه يمكن بباله شي يسوي

خيال: هواي سمعت وهواي وعدني وكلهن مانفذهن بس خلي يصبرلي ويتفرج شراح اسوي بي

سديت الجنطة واخذت كل غراضي حاولت حكمة تمنعني ماگدرت عفتها وطلعت بسرعة قبل لا يجي اذا ما اسوي هيج كلشي ما ينحل

اخذت سيارة اجرة احتاريت وين اروح بيت اهلي القديم اله واول شي يخطر على باله والشقة هم يندلها وماعندي صديقات علاقتنا قوية ممكن اروح ابقى يمها فكرت احسن شي اروح فندق اگعد على مااشوف وين تصفه ...

طول الطريق تليفوني ماسكت يفصل ويرجع يتصل ومسجات مسج ورا مسج اخر شي مليت وقفلته وحچيت اتوعد له

خيال: بسيطة يمان لو ما لعبت لعب هسه تشوفون شسوي

  وصلت فندق اجرت غرفة وگعدت بيها على ماشوف حل

❛❛❛❛

بعد ما طلعت خيال وحكمة بقت وحدها بالبيت طلعت من الغرفة وشافت البيت صار خالي عليها ورجعت وحيدة

اخذت تليفونها واتصلت على يمان گلبها يسعر نار على بناتها اول ما فتح خط صاحت بي

حكمة: راحت البت طلعت وانت بعدك ما واصل

صاح بعصبية

يمان: ليش عفتيها تطلع يماااا

حكمة: وغما التغم گلوبكم ولد الچلب هججتوا البنيات فوك شينكم گوة عينكم

يمان: هسه مو وكته هذا الكلام خلي اشوفها وين راحت

حكمة: تعوف كل الشغل البيدك وتجيني وتجيب اخوتك الكم ساعة اذا ما صرتوا گبالي حتى انا ما تلگوني ولا تشوفون وجهي بعد سربتيه

يمان: يمه اريد ادور عليها

حكمة: خوش بعد ساعة تصير تدور علينا ثنينا

سدت التليفون وراحت بقيت محتار شسوي وخيال اتصل بيها ماترد بقيت محتار اخذت تليفوني واتصلت بي

باتر: اليوم اخي العزيز رجل اخت مرتي متذكرني شعجب

يمان: الحگني للبيت بسرعة امي تريدنا

باتر: صاير شي

يمان: هو من وراك يبقى شي مايصير بسرعة اتوجه للبيت واتصل على دائب بدربك يلااا انا بعيد وهي تريدنا خلال ساعة والا تطلع من البيت وانت تعرف بيها كلشي تسوي

باتر: انا ماروح

يمان: يطبك مرض بس اذا اجتك البيتك انا مالي شغل

سديت الخط منه وتوجهت للبيت جنت بمكان بعيد ولزمني ازدحام گوه طلعت اول ما وصلت البيت شفت سياراتهم صافه بالباب نزلت من السيارة احچي

يمان: الله اليستر اليوم حكمة ناصبتلنا عزا

اول ما دخلت البيت شفتهم گاعدين على التخم وهي تفتر گدامهم انتبهت عليه وحچت

حكمة: نور چبيري العاقل الفاهم رفعة راسي

يمان: يمه مو راح تذبينها براسي مثل كل مره

حكمة: لا وين اكو منك ثنين انت العاقل الچبير كلش ما سويت بس ضيعتوهن

گام باتر يحچي

باتر: هسه انا وين ضيعتها مو گدامچ تزوجتها شرع وقانون وهذيچ هي بالبيت تسمع حسچ

دائب: وانا مالي علاقة بهاي الليلة كلها ليش جامعتني وياهم

حكمة: بسسسس ماريد اسمعلكم صوت سربتية ولكممم بيا ذنب هججتوا البنيات فوگ شينكم ضيعتوهننن مني

باتر: والمطلوب هسه

اتقدمت على باتر ضربته حيل تصيح

حكمة: هاي مجازات رباي وتعبي وياكم هيج تسون بيه لا عبالكم نايمة ورجليه بالشمس كل التسوونه عندي علم بي ولكم تخسون تضحكون عليه وانا حكمة

اتقرب عليها دائب يبوس براسها ويحچي

دائب: لا تعصبين يمه نروحلچ فدوة انتي بس گولي الي يريحچ شنو ويجرالچ بس ارتاحي سكرچ مو زين

بعدته منها تحچي

حكمة: ميل لاااا بارك الله بيكم ولا بشوفتكم ماريد اسمع منكم نفس وعاينوا عليه زين واسمعوا انتم يالثلاثي الكم شهر واحد بس ماكو غيره ترجعولي بناتي كلهن

اشرت على دائب تحچي بعصبية

حكمة: حتى المحبوسة يمك عبالك ماعرفها لو تگدر تضحك عليه وتقشمرني دويب البت اريدها واذا خلص هذا الشهر وكلامي مامتنفذ الي وياكم غير تصرف ياهتليه يا ماتستحون كل واحد بگد البغل عمايله اكبر من راسه ولاجين وبا البنات الحد ما ضيعوهن

گعدت وحچت بقهر

حكمة: للاسف طلعتوا ما تستحقون التربية ولا انا العرفت اربيكم ضاع تعبي وشگه عمري عليكم ولكم لو مربيتلي چلاب وفيه على الاقل ولا مربيتكم

خلت حجابها على وجها وصارت تبچي كرهت روحي بساعتها من شفتها بهذا الحال ولا اگدر اواسيها ولا اگدر اتقرب منها

گعدت على صفحة ادخن ماعرف شسوي بين ليلة ويوم كل الخططتله اختفى

باتر عافنا وطلع علامات الانزعاج والغضب على وجهه ودائب راحلها يبوس بيها وهي تدفع بي

دائب: سوده بوجوهنا نزلنا دموعچ يابعد كل حيلي

حكمة: ميلوا لا واحد بيكم يتگرب مني چلاب ولد الچلاب

دائب: وعلي التردينه يجرالچ بس لا تبچين اغديلچ فدوه ونذر لعويناتچ

گامت وحچت

حكمة: گدامكم شهر واحد اذا كلامي ماتنفذ انا اعرف شتصرف وروح ابوي العزيز الي بعمري ما حالفة بروحه الا اروح واخبر عليكم بنفسي

عافتنا ودخلت للغرفة باوعلي دائب وگال

دائب: وانت شبيك صافن مانطقت بحرف

يمان: شحچي دائب دشوفها بعدلها شويه وتنجلط على البنات يلا هسه انا هاي المخبلة وين الگاها بعد

دائب: انطيني رقمها وعوف الباقي عليه

طلعت الرقم نطيته اله عافني وطلع وانا هم طلعت ورا ادور عليها ماخليت مكان ممكن تروحله ما رحتله بيت اهلها القديم بيت حكمة الي بنفس المنطقة الشقة مالي نطيتها الها ماكو اختفى اثرها

لليل وانا على هذا الحال تعبت من التفرفر ماخليت مكان يعتب عليه اخر شي رجعت اتصل بيها اول شي جان يطلعلي مغلق بعدين انفتح واتصلت مره مرتين جاوبتني

خيال: خير شتريد

صحت بيها

يمان: انتييييي ويننججج ليش ماتجاوبين من الصبح الهسه

خيال: لا تصيح وثاني شي اسمع زين مو ضروري تعرف مكاني وين ولا تسوي نفسك مهتم وخايف عليه واتحمل الراح يصير بيك من اليوم

يمان: بلا خبال خيال وارجعي للبيت نتفاهم يلا

خيال: لا والله خاف متقبل اي بيت تحچي عنه انت ، انا ماعندي بيت وكل مكان انت موجود بي مو مكاني

يمان: شلعتي گلبي والله ممرتيني عذبتينيييي

خيال: حيل وابو زايد خلي اخوك يفيدك وخليها ببالك من اليوم ما لك علاقة بأي شي يخص جريمة اهلي

يمان: خييااالل جريمة اهلچ اخوي المتورط بيها شلون مالي علاقة وين تردين توصلين

خيال: مثل ما اخوك اخذ اختي من حضني انا راح اخذ اخوك من حضنك واذبه بالسجن

يمان: انتِ وين هسه خيال احچي

ماجاوبت سدت الخط رجعت اتصلت بيها رفضتني وبعدها صار يطلعلي الجهاز مغلق تطمت شويه حتى اذا ماعرف مكانها على الاقل سمعت صوتها وهي بخير

بقيت هواي ادور للفجر يلا رجعت للبيت بعد ما ايست الگاها ...

من بعدها مرت الايام لا ليلي ليل ولا نهاري مثل الناس مدري وين ادور عليها ضاعت وجهازها كله يطلعلي مغلق

وبيوم بالليل چنت طالع متوجه للمستودع البي الشاهين سمعت تليفوني يدگ شفته دائب بسرعة جاوبته

دائب: اريد البشارة

يمان: لگيت مكانها

دائب: لا بعد البشارة على خبر ثاني

تحسرت احچي

يمان: اذا مو مكانها عليمن انطيك بشارة انطيك جيرة بگصتك

دائب: احترگت روح صمد فوگ ما هي محترگة

يمان: انا جاي للمستودع احچي انت وين

حچه ومبين من نبرة صوته مرتاح

دائب: لو تدري هسه انا دايس على رأس منو

يمان: نضال فدوه العينك گولها

دائب: هو بذات نفسه بشخصه

يمان: وين لگيته

دائب: تسأل على النغل ياهو ابو هسه الهم جبته وهاي هي تعال المستودع شرحبيل

سديته منه وتوجهت المستودع شرحبيل لگيته صدگ موجود وحتى الشاهين ناقله يمه برابطهم بنفس الغرفة بعيدين عن بعض ومستلمهم تحقيق كالعادة ماطلع منهم كلام غير الي گالوا ماكو غير اقوال وكل ما نستجوبهم تثبت الجريمة على باتر اكثر واكثر تعبت وانا احلل الاحداث اريد اشوف اللوفة بالموضوع منو جاي يسويها

رجعت طلعت الرسائل المشفرة وقررت ارجع اشتغل عليهن انا وفرات بس الگه مكان خيال وين ...

❛❛❛❛

رميم"

گعدت على صوت المنبة يدگ مديت ايدي طفيته اليوم يرحون هو ودائب المكان نضال لازم اطلع قبله لان اعرف بي مايگدر يلحگني وهو عنده موعد ويا اخو

حسيت اكو ثگل على ايدي الثانية انتبهت علية نايم عليها ومخلي رأسه برگبتي اديناته محاوطة خصري شادني اله حيل ردت اگوم اتحرك بنزعاج يحچي

باتر: اششش

بعدته مني بدفعة قوية شال رأسه يحچي

باتر: شبيچ تزاگطين من الصبح هو هيج گليلي وخر لو لغة الحوار معدومة

رميم: ماكو لغة حوار ويا الحيوانات

باتر: صبر راجعلچ

مجاوبته گام دخلت للحمام وانا بقيت اتصفح بتليفوني على مايطلع ... طلع مغسل وجه ينقط مي وشعره مبلل اجه بسرعة شمر نفسه عليه باسني يحچي

باتر: جنتي نايمة لو طالعة من الصالون شنو هالجمال

حچاها وخلا خصلات شعري على وجهه ردت اگوم رجع سحبني عليه يهمس

باتر: خليچ

رميم: تأخرت وخر

باتر: اريدچ حبيبي كافي راح يصير اسبوعين على اخر مره

حچاها وصار يبوس برگبتي كالعادة تخشبت بمكاني مانطيت اي ردة فعل بس اختنگت كلش وهم ما بينت

حاول وياي ومثل كل مره اذا الحايط اتحرك انا تحركت ماگدر يكمل ابتعد مني دفعني حيل يصيح

باتر: شنو هالقرف هسه اذا سويت هيچ ويا جثة هامدة يمكن تحس بيه اكثر منچ

رميم: ماكو قرف اكثر منك يا مقرف

سحبني اله ورجع يسوي اشياء مقرفة يمكن اذا كانت بين ازواج طبيعيين عاديه بس بمثل حالتنا مستحيل اتقبلها ويتعمد يخلي الضوء مشتغل ورفع الستائر حتي يصير ضوء هواي بالغرفة .. يتعب ويحتار شيسوي ساعة يهدد ساعة يعصب يصير نار بس ابد ما يأذيني ساعة يدخن يصيح بعدها يرجع يبوس يتغزل يتوسل يحتار بروحه وانا صنم گباله دميه لا اكثر

ابتعد مني اخذ جگارة ورثها يحچي بنفس عالي

باتر: خطيتي برگبتچ وروح امي

ماجاوبت لبست وگمت اخذت ملابس ودخلت للحمام سبحت وطلعت شفته يمكن مدخن نص علبة الجگاير ماهتميت حجيت

رميم: عساك بالموت ان شاء الله

حجيتها وفتحت الشبابيك لان الغرفة حارگها حرگ بالدخان مشطت ورتبت وجهي الصاير اصفر وهو عينه علية طفة الجگارة وگال

باتر: وين رايحة ؟

وگفت على المراية ارتب بشالي جنت لابسه عباية خليجية خليت عطر ما نطيته اهمية گام من الچرباية وگف يمي يحچي

باتر: مو احچي وياچ شبيچ انتِ

رميم: اويي صوتك عالي لا تصيح او لا تحچي بعد احسن

باتر: وين رايحة

رميم: معليك

اخذت جنتطي وردت اطلع بسرعة گام لزمني من ايدي يحچي

باتر: ماكو طلعة

رميم: هي هاي العايزة بعد بس تحبسني باتر بيگ

باتر: گولي وين رايحة واخليچ ترحين وحتى انا بنفسي اخذچ

رميم: عندي موعد اشوف صيدلية حتى ارجع الشغلي ارتاحيت هسه

باتر: ماكو شغل ممحتاجته اگعدي وسكتي

رميم: لا والله خاف متقبل لا لا اللّٰه عليك اتوسل بيك اقبل

ردت اطلع رجع لزمني من ايدي ماتحملت الجنطة بيدي الثانية ضربته بيها حيل اجت بوجهة غمض عيونه حيل يحچي بتهكم

باتر: رميم فاض الصبر وياچ وعبر حده

رميم: بعد هواي راح تصبر او احتمال تنتحر وماتتحمل تصبر وياي دير بالك على نفسك

رفع حاجبه بتحدي فتح باب الغرفة اشرلي وگال

باتر: اطلعي بس خلي يكون ببالچ ماكو شي يخفى عليه

رميم: ايّ بالعافية عليك

ردت اطلع حچه

باتر: ويا منو راح ترحين انتظريني اوصلچ بطريقي

ما اعرت اهمية اله عفته وطلعت من البيت رحت للشارع وكفت على صفحة انتظرة يطلع ورى ساعة يلا شفت سيارتة طلعت وراح

اجرت سيارة من الشارع وانطيته العنوان باوعلي ابو التكسي جان رجال كبير بالعمر وگال

- متأكدة يابة تردين الهذا العنوان

رميم: ايّ عمو ادري بي بعيد عادي انطيك شگد متريد ومانزل من السيارة يعني اخذك مرجع

اشر يعني بكيفچ وحرك السيارة وانا كل شويه استعجلة وصلنا هناك ونطيته رقم العمارة وگفنا گبالها شويه بعيد بس سيارة باتر واكفة ويمها بعد سيارة باوعت الابو التكسي وحجيت

رميم: عمو تكدر تعوفني هنا وبعد نص ساعة ترجع تاخذني اقرباء عندي بهاي العمارة بس اشوفهم واطلع

- عندج رقم حتى من تخلصين شغلچ تتصلين عليه انا بعد وين الگه عبريه هنا راح ابقى انتظر على الشارع

انطيته رقمي هو رجال كلش كبير شايب حچه يشاقيني

- اليوم عجوزي تطردني من البيت تكلي رقمت وبت مثل الگمر

ضحكت مجاملته

رميم: الله يخليها الك عمو

- الله يسلمچ

نطيته فلوسه واتصل عليه سيفت رقمه وراح نزلت المنطقة جانت هادئة ماكو غير كم طفل يلعبون بالشارع اتقربت وكفت بسد حايط وحضرت تليفوني حتى من يطلعون اصورهم

دقايق وطلعوا شايلينا ثنينهم باتر وجه مبين بس الي ويا ملثم ونضال ما مبين لافينه بكيس اسود صعدوا بسيارة الوكفت يمهم اول ما طلعوا وراحت وهو هم صعد سيارته وراح واهم فرغ المكان وهذا كله صار مسجل فيديو عندي 

طلعت تليفوني واتصلت بالرجال ابو سيارة الاجرة صعدت وحچيت

رميم: عمو اخذني على اقرب مركز للشرطة

- ليش يابه اكو شي

رميم: شفت حادثة اختطاف اريدك تبلغ عليها عادي وانا صورتها

- انا غلام ابوي ايي طبعًا ابلغ

انطاني تليفونه يحچي

- حوليلي المقطع الله واعلم يمكن خطفوا طفل مدرب بنت الله لا ينطيهم

رميم: ايّ والله عمو الله لا ينطيهم

حولتله الفيديو وكلتله يكول ماعرف منو خطفهم بس الخاطف عنده شقه بهاي العمارة اكيد ما راح يعرفون هوية المخطوف بس باتر احتمال ينسحل لهذا جنت مطمأنة ان نضال ما يطلع هما هم غيروا مكانه يعني ماينعرف وين بجميع الاحوال السحله تصير بباتر

على ما نزل بلغ ورجع تشكرت منه وخليته يحذف رقمي نطيته اجرته وراح

وانا اخذت سيارة ثانية رجعت للبيت جان بعده مراجع سويت اكل وكعدت اكل واتفرج تلفزيون منتظرة شوكت ينسحل حتى اذا نص يوم ...

❛❛❛❛

وتر:

تمر الايام وتعدي وانا حتى التاريخ مااعرفة منتظرة رحمة ربي تخلصني من هذا المكان

بيوم هو جان طالع باقيه وحدي افتر بالبيت

اتذكرت اللوحة الي رسمها عود هو محذرني مااصعد فوگ من الملل طفيت التلفزيون وصعدت اتسحب  فتحت الغرفة ودخلت وكالعادة فارغة بس اللوحة بنصها اتقربت اباوع عليها

تشبهني كلش بس مكبر ملامحي مسويني على اكبر ماعرف ليش والرمز مكتوب عليها على الجبين ضجت من عنده اخذت الاوان خبطتهم وخذت الفرشاة وصرت ارسم تاج من الورد بوگ الرمز ماعرف بشنو جنت افكر بقيت اشخبط براحتي واغلط وامسح وارجع ارسم الحدما لصتها لوص

ابتعدت منها اباوع لطمت على خدي احچي

وتر: عزاا هاي انا شسويت هسه هذا شلون ينمسح اذا اجه وعرف يموتني

ركضت جوه جبت سفنچة ومي وصرت امسح بي انوب المي سال عليها وهي بالرصاص وانا رسمت عليها بالاوان كله ساح على بعضه ماگدرت اسيطر على الوضع

شمرت السفنجنه وگعدت ابچي بصوت عالي افكر شلون اتقذ نفسي من الورطة الحطيت روحي بيها

عفت الغرفة ونزلت جوة ركض اخذت ملابس ودخلت للحمام سبحت وغسلت اديناتي من الصبغ

طلعت وبوجهي للغرفة مشطت دخلت جوه الفراش من الخوف حسيت روحي سخونتي ارتفعت غطيت راسي وهو لليل يلا رجع لميت روحي ارجف وابچي بخوف

دخل للغرفة شغل الضوء يحچي

دائب: راح تموتين من النوم شبيچ بنيتي

حجيت بدموع واني الزم بطني اريد اضيع سالفتي بالمرض

وتر: الم راح اموت جاي اتگطع من الالم

اتقرب مني بخوف تحسس حرارتي اتنهد يحچي

دائب: هم حرارتچ مرتفعة ماطلعت فلاونزة هاي كل يومين تتمرضين شجاج بابا

ماجاوبت بس دموعي تنزل لازمه بطمني احس جاي تتكطع من الالم لزمها يحچي

دائب: يمكن ماخذة برد

رفعت راسي اصيح من الالم وابچي احتار شيسوي اخذ تليفونه واسمعه يحچي

دائب: ليلى اذا دزيتلچ سيارة تكدرين تجيني البيت البستان هسه

سكت شويه يتحسر بعدها صاح بحده

دائب: لاااا مو الي بالچ عندي مريض تكشفين عليه ماگدر اخذه للمستشفى ...

شرحلها حالتي بعدها گال

دائب: دقايق والسيارة تصير گبال بيتج جيبي كل التحتاحينه فدوه بسرعة

شمر التليفون وشالني لزمت رگبته ابچي حيل باس راسي يحچي

دائب: سوده عليه بنيتي

رفعت راسي احچي بدموع

وتر: دائب

دائب: ها يحيلي

وتر: راح امووتت

دائب: اسم الله لا تخافين شويه برد لا تصيرين جبانه

وتر: اريد اهلي

دائب: انا اهلچ يبعد اهلي

حجاها وگعدني گبال الدفاية بنص الغرفة بالگاع خلالي مخاد وغطاني يحچي

دائب: هسه تجي الدكتورة تشوفچ لا تخافين

خلاني بحضنه ايده تدلك بطني يواسيني لان اتألم تقريب ساعة وسمعت الباب صار يندگ گام شالني رجعني للچرباية وكال

دائب: ديري بالچ تحجين شي على كد السؤال عن حالتج اي سؤال خارج الموضوع انا اجاوبه

ماحچيت شي جنت منتهية من الالم والخوف راح دقايق ودخل يسولف هو وويا وحده وانا مريضة انتبهت على جمالها الملفت جنها روسية ضعيفة من هذني اليمتلكن عود فرنساوي وانيقة مو محجبة شعرها اشقر صابغتة بس مبينه مسويه تجميل لان جمالها مو طبيعي

باوعت عليه وصفنت ثاغره باوعت الدائب وگالت

ليلى: وين الطفلة دائب

اتقرب كعد بصفي باس راسي يحچي

دائب: هاي طفلتي

ليلى: گول غيرها يمعود هاي شابة وينها ووين الطفولة

دائب: شوفي شغلچ رجاءً بلا كلام زايد

رفعت حواجبها مستغربة حالته لان ضاج من كلامها عافته وباوعت عليه حجت ببتسامة مصطنعة

ليلى: شنو اسمها الحلوة

قبل لا احچي هو جاوب

دائب: اسمها اوتار گلبي

ليلى: شتصير منك ؟

دائب: حبيبة عمري وبنيتي وكل حياتي وسنيني

ليلى: تزوجت

عدل گعدته يحچي

دائب: شوفي شغلچ دكتورة

تجاهلته وبقت تسولف وياي على حالتي وانا اشرحلها الالم قاست حرارتي وسافت بلاعيمي

ليلى: خطية نزلة برد كلش قوية لهذا بطنها توجعها وشاكة خاف صاير عدها تسمم

دائب: سودة عليه بنيتي كله من ورا اكل البره

طلعت كانيولا تريد تخليها الي بسرعة حچيت بدموع

وتر: ماريد ماريد كلشي مابيه عفيه لا تخلولي هاي

لزمني وكال

دائب: معليچ ليلى شوفي شغلچ

دفعته احچي

وتر: وخر دائب مابيه شي

خلا وجه بوجهي يهمس

دائب: ماراح تحسين وعد بس لا تخافين

جمدت وتوترت من قربه وخاصة كدام الدكتورة الي عيونها علينا مستغربة الوضع شدت الكانيولا وخلت المغذي و دائب مايخليني اتحرك خلصت وهو مسح دموعي باسني بشفتي بسرعة وگال

دائب: شفتي شلون ماتوجع

هزيت راسي بقبول راد يرجع يبوسني تفاجأت من بسرعة دفعته بحده تحچي

ليلى: دائب اطلع برا اريد افحص البنت وسألها اسئلة خاصة ميصير تسمعهن

دائب: عادي ابقى

فزيت احچي بتعب

وتر: اطلع

ابتسم باس راسي وطلع من الغرفة اباوع للدكتورة خلت السماعة بركبتها تحچي باستفسار

ليلى: انتي شتصيرين من دائب

لزمت أيدها احچي بدموع

وتر: فدوه ساعديني

اشرتلي باصبعها بمعنى ( اششش ) وكامت اتقربت من الباب خلت اذنها عليه وكأنها تعرف حركات دائب فتحت الباب على كيف ورجعت سدته اتقربت يمي تحچي

ليلى: شبيچ حالتچ مو طبيعية احچيلي ممكن اساعدچ انا من قبل جنت دائمًا اجي هنا ما اشوفچ

لزمت ايدها عدلت گعدتي احچي

وتر: انا مخطوفة هذا الشخص البره خطفني وجابني هنا يگلي اشياء غريبة منهن انا بنته واهلي ماكو وابوي باعني اله والله ماعرف كل هاي الامور حتى هو مااعرفة

شهگت وحچت بتعجب

ليلى: يعني انتِ وتر

وتر: وين تعرفيني

ليلى: ليش منو ميعرفچ دائب دائمًا جان يگلي بس تصير  وتر يمي اعوف الدنيا والبيها لهذا هو سحب عليه

مافهمت كلامها تجاهلته وحچيت

وتر: فدوه طلعيني منا انطيچ رقم اهلي تواصلي وياهم كليلهم مكاني دليهم عنواني اي شي اريد اطلع راح اموت من السجن هنا

عضت على شفتها بتورتر باوعت لي ماعرف بشنو تفكر همست

ليلى: دائب گلچ هو يحبچ

هزيت راسي بـ ايّ اشو هاي فزت تحچي بعصبية

ليلى: لا تچذبين هو ما يحب احد بس امه

وتر: هو يگلي سميتچ على اسمها شوفي انا معلي بي كل الاريده منچ انطيچ رقم اهلي تواصلي وياهم وديلهم مكاني

طلعت تليفونها وهي تباوع للباب رجعت باوعتلي وفتحت التليفون تحچي

ليلى: خلي رقم اهلج بسرعة

اخدته منها كل جسمي يرجف بخوف ورعب اذا دخل وشافني يمكن يموتني بمكاني بس نطيتها التليفون ماحسينا الا الباب نفتح حيل بقوة

ثنينا فزينا وهو يباوع النا بنظرات مرعبة خلا ايده على الباب يحچي بصوت يخوف

دائب: ليلى طلعي برا الغرفة...

   يتبع....

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

بقلمي: زينب علي

شنو رأيكم بالقصة والاحداث

شنو توقعاتكم وتر شحتسوي وخيال وين تروح  ؟

معثوراتي لا تنسون التصويت+ متابعة الحساب+ تعليق بين الفقرات zainab_ali1 ♥️

TikTok: zeinab_.ali1

Insta: zainab__.ali1

متابعة ممتعة🦋

#تاروت

البارت «31»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب zainab_ali1 ♥️

TikTok: zeinab_.ali1

Insta: zainab__.ali1

بالدنيـا كلمـن ينكـتل

ثـاره هـله يردونـه

بـس اليـحب مـحد الـه

لا تـخاف مـن ناسـه وهـله

بالشـوگ لمـن ينكتـل

كـل الخلـگ ينسونـه

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

وتــر"

خلا ايده على الباب يحچي بنبرة صوت تخوف

دائب: ليلى طلعي برا الغرفة

باوعت لها بخوف وهي وجها صار مايتفسر حچت تحاول تبين روحها طبيعية مبينه الرجفة بصوتها

ليلى: دائب صار شي

دائب: السيارة تنتظرچ برا يلا ليلى بلا كلام زايد

باوعت لي تأشر بحواجبها وانا صرت ارجف من الخوف حتى ريگي يبس افكر خاف سمع الكلام ، اتقربت يمي تلم بغراضها سويه نفسها تقيس حرارتي همست بصوت بس انا اسمعه

ليلى: انا ابلغ اهلچ واوصلچ الاخبار بعد كم يوم هم ارجع بحچة الفحص

بقيت جامدة ما نطيت اي ردة فعل عيوني متمركزة عليه وهو يخزر بيه بغضب وگفت يمه ليلى تحچي عادي

ليلى: بعد يومين هم اجي اچيك الحلوه حتى تطمن عليها

دائب: ماكو داعي اذا تعبت اخذها للمستشفى

ليلى: لا لا لتعب نفسك بس سويلي اتصال اجي

لزمت طرف تيشيرته تحچي ويا بزعل

ليلى: شدعوة هيج تحچي وياي شبيك دائب

دفع أيدها حيل منه وگال بنفاذ صبر

دائب: اطلعي برا

ليلى: دائب شبيككك

ابتعد من الباب دفعها يطلع بيها من الغرفة ويحچي

دائب: السيارة تنتظرچ برا والطريق تندلينه لا تلزگين تره اعصابي فالته

سد الباب بوجها حيل فزيت بخوف اكل بأضافيري وگف فوگ راسي يحچي بهدوء مرعب

دائب: شمسوية اليوم ؟!

وتر: انا شمسوية

دائب: وتر اخر مره اكرر السؤال اذا ما اجاني جواب صحيح مثل الي بالي تتعاقبين عقوبة ام الحزام لو مو مريضة لو جنازة گدامي

بلعت ريگ بخوف والمصيبة ماعرف على شنو يحچي

دائب: غردي خل اسمع صوتچ الفتان ، شمسويه من وراي اليوم ؟

صفنت افكر ان اذا اگول على اللوحة اهون من موضوع حكيم انتبهت عليه صاح فززني

دائب: اتفكررر ايّ فكري الله اعلم جم مصيبة مسوية احچييي بلا تفكير

همست

وتر: رسمت على اللوحة وخربتها بس والله....

قبل لا اكمل اتقرب عليه جرني من ايدي حيل جلسني لزمت ايدي الي بيها المغذي متألمة وصرت ابچي ، عافني وابتعد يمسح على شعرة هوسه وصار يصيح

دائب: ربيييي يالكائنااااااتتتتتتت

رجع عليه يصيح بعصبية شايط

د

ائب: ولچ بابا متگللي شبيچ ويا هالوحة الگشرة كل مره تخربينها لييشش بس اريد افهم ليش

حچيت وانا ابچي

وتر: ما مخربتها هي تخرب

دائب: هاا وهي هيچ من وحدها گاعدة وگالت ضجت اريد اخرب مووووو

گالها وتقرب عليه رجعت الي ورا سندت نفسي على تاچ الچرباية خلا اديناته حواليه اتقرب من وجهي حيل يحچي

دائب: انطيني سبب مقنع ليش هيج تسوين

المغذي بيدي ماگدر اتحرك وهو حصرني صرت اشهگ امسح بدموعي واحچي

وتر: دائب

غمض عيونه حيل يصك على اسنانه ويحچي

دائب: اشتعلت روح ابو دائب شبيچ اليوم ويا اسمي

وتر: چا شگول

يحچي بعصبية

دائب: اي شي غير صخام من تنطقينه تصير عركة بگلبي

استغليت هاي النقطة وحچيت

وتر: دائب انا و الله مو قصدي اخربها بس من الملل لعبت شويه ماعرف شلون وصلت الهاي المرحلة

جرني يحچي

دائب: انا شمحذر

وتر: اخ دائب ايدي

دائب: هممم گالت صخاامممم

ابتعد مني وگف وگال

دائب: دام خربتيها تتحملين نتيجة وكاحتچ وانتي ترسمينها غصبا عليچ واذا طلعت مو حلوه وماعجبتني تتعاقبين وبعدها تنامين بالغرفة ام الفيران

فزيت احچي

وتر: لا لا فدوه والله كلشي اسوي بس لا تصعدني الغرفة الفيران اخاف والله اخاف

دائب: خوش صيري زينه ونتفاهم انا الچ وتر

عافني وطلع وجهة نار من الأعصاب سد الباب حيل بقيت ادك والطم شلون ارسمها وانا ماعرف أرسم حتى

دمغت نفسي احچي

وتر: چا ليش صرتي بيها ام العريف وصرتي ترسمين تيجان ورد وطلعتي مواهبچ المدفونة اخخ مني اخخ

رجعت تمددت مرضي شفعلي هم ارتاحيت ضاعت سالفة ليلى بهاي السالفة اللوحة اهون من ما يكتشف حكيم بعدها مر الوقت وخلص المغذي شاله مني وشال الكانيولا متت من الوجع بس من الخوف حتى صوت ما طلعلي ...

ثاني يوم چان يصادف يوم جمعة من الصبح هو طالع مارجع غير العصر كلش بقيت الوحدي محتارة وافكر هاي ليلى شنو راح تسوي ومتندمة لان ثقيت بيها يمكن اذا يعرف يموتني

اول ماشفت سيارته وكفت ركضت للغرفة وختلت بفراشي دخل عليه فتح الاضويه يحچي

دائب: انهض يلا بلا صوت بسع

رفعت راسي اباوع عليه واكف فوگ راسي مد ايده على جبيني يتحسسه هز رأسه يحچي

دائب: جيد ماكو حرارة ووضعچ زين تعاي وراي

حچاها وتقدم للباب

وتر: نعسانة وجوعانة

باوع عليه بخزرة يحچي

دائب: ليش مماكله والعلاج اكيد مماخذته انا شوصيت

وتر: لا لا والله اكلت واخذت علاج بس اقصد هسه هم جعت

دائب: نخلص الرسمة وناكل

عضيت على اصبعي حيل ماعرف شلون راح ارسم وانا ماعرف ولا بعمري مجربة الرسم وخاف افشل واتعاقب عافني وطلع تنهدت احجي بعبرة ودموع

وتر: ربي ساعدني خلصني منا بعد ماتحمل هذا المريض اكثر من هيج

سمعت صوته يصيح بأسمي بسرعة طلعت ركض شفته واكف يم الدرج باوعلي وگال

دائب: عليمن هالدموع ماخذج للمصلخ لو ترسمين

وتر: ماعرف ارسم وماريد انام بغرفة الفيران

دائب: اريد اشوف شني مشكلتچ ويا هاي اللوحة بلكي من ترسمينها تخافين وبعد ماتخربينها

اتقدم عليه جرني ورا صعدنا فوگ للغرفة الي جانت بيها اللوحة اباوع عليه من صارت عينه عليها صك على اسنانه حيل بس ما حچه اتقدم خلا اللوحة گدامي وخلا بيدي قلم رصاص وگال

دائب: يلا اشتغلي وماكو صورة حسب مخيلتچ