تحميل رواية «أجرام مستباح لثلاث ندبات» PDF

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

وانـه عالمامـش أهم ،

ألگمرة لـو كفـت ردنهه بعمري يگصر چم ﮼حلم

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

نــــهله :: باوعتله مضيگة عيني حجيت بتساؤل

::شقصدك مناصفة ؟

-ابتسم عينة على الباب عـــــلي مرتجي على الحايط مگابلنا رجع باوعلي گال بابتسامة

-ادريــــــس:: اول شي خليني اعرفج بنفسي

-رفعت ايدي أشر: : اعرف اعرف انتة الـ...... ادريــــــس عرفة شنو رتبتك وشنو مكانتك عرفت

-هدي يابة اسمعيني لاتسبقين الاحداث

-سكتت عيني بعينة متوترة.وارجف كلي متنرفزة من وجودهم ومن طريقة كلامة گال

::اعتبريني انسان عادي مابينة لا رتبة ولا سيــــدي

-تفضل احجي ...

-عمري 38 أب الاربع اطفال سمر واسمر اول فرحة بعمري عمرهم21تؤم

غيث وغفران اعمارهم 7 سنوات تؤم

-انفصلت عن والدتهم من اثلث سنوات تقريبآ

لسبب شخصي. او بالاحرى زواجنا من الاول خطأ اعمارنا 17 و15 وزوجونة حل خلاف ابين ابوي وعمي ماتوالمنا حاولنا نتعايش الخاطر اطفالنا ورغم العشرة البيناتنا هيه قررت تنفصل وتترك اطفالها الاربعة

نــــهله: :شنو علاقتي ليش حتى تحجيلي تفاصيل حياتك

رفع ايدة يمسح على وجهة ويحجي

-الله يلعناد هدي يابة هدي كنالج اسمعي

لو تسمعيني للأخير لو دكليلي بيتي يتعذرك

-لا العفو تفضل كمل ..دنكت راسي ساكتة

- من ثلث سنوات سمر تهتم بأخوانها وبالبيت

صح مو ذاك الاهتمام بــــس سوت التگدر علية

بنتي حاليا مخطوبة باقي الزواجها شهرين

ومحتارة بأخوانها الي للاسف تربوا على الغلط والتشتت ابيني وبين بيت جدهم منو الراح يهتم بيهم بعد زواجها

- اعتقد تگدر توفرلهم مربية تگدر ادخلهم مدارس تحسن سلوكهم وتربيتهم ...ابتسم.ودنك

-وهذا الاني اريدة مربية الاطفالي رايد انسانة تستحق الثقة انسانة تخاف ربها تخاف من الحرام تخاف على سترها انسانة تحبهم مثل ما اتحب اولادها الحقيقيين

من امس لليوم صافن بقوتج بارادتج رغم التعب محافظة على نفسج وعلى اطفالج رغم الظروف موصلتهن للكلية وهذا انجاز بحد ذاتة

بدل شغلج بالسوك يصير شغلج وياي وبالتشرطينة انتي فلوس بيت دكتور اطلع ابنج للخارج التردينة ..

نــــهله: :بلعت ريك ساكتة بــــس اباوعلة وعيونة مترقبة الكلمة مني. نظاراتة بيدة يفتحهن ويسدهن منتظرني احجي همست بتردد

-يعني قصدك ادرس اطفالك ؟

همهم بابستامة ورجع باوعلي رافع حاجبة

-تربينهم تصيريلهم أم تهتمين بيهم مو بــــس تدرسينهم

-فركت وجهي ارجف وافكر يعني اروح البيتهم ادرس الجهال وانضف ..جــــمرة ماراح تقبل راح تعتبرها مثل الخدمة بالبيوت باوعتلة

رفعلي حواجبة ثنينهن مثل اليغريني بمقابل هل خدمة گـــــال

-وبالمقابل الانتي تخلينة الدولة الانتي تختارينها العلاج ابنج

-زين يعني تگدر تجيبهم الي هنا لان بنتي ماتقبل اطلع للبيوت ...بــــس اذا يجوني للبيت

ادرسهم ويا هباوي واديربالي عليهم لليل تاخذونهم

-ضحك بصوت وگام وكف ..وكفت اني عيوني تفتر مثل الدكول انتظر نلكة حل ثاني رايدة هل شغل رايدتة بلكي اكو فرصة يرجع مصيفي الحضني يرجع يركض ويلعب يرجع يصيحلي ماما ...

-ام مصطفى انتي مافهمتيني الضاهر

-فهمني ززين ..حجيت متوسلة ...جر نفس حيل خلة ادية بجيوبة

-ثقي بالله وكل حرف بالقران يشهد على كلامي انا مارايد هل شي بــــس علمود اطفالي أريـــــد اساعدج انتي هم ...ومارايد شي النفسي

بــــس القصدتة بكلامي مو تجين مثل الخدامة

قصدت تجين زوجة الابوهم

نــــهله:: فكيت عيني حيل حجايتة تتردد باذني وعيوني احسهن يحركني. خازرتة بصدمة وهوا من ردة فعلي گـــــال متردد

-بس عقد ابينا اريدج ام الهم مارايدج زوجة الي

يربطنا بــــس عقد هيج قصدي

-نزلت دمعة من عيني رفعت ايدي بوجهة واني روحـــــي محتركة حرك

يخسى شاربك اليساومني

وانا العزيت نفـــــسي مثل الخيل

سرب طيور ربيت ولا فد يـــــوم انذليت

ومثل هيبة النخل عالية دوم ضليت

- فك عينة بصدمة صيحت بصوت عالي اطلع برا بيتي يتعذر امثالك مو بس مصطفى لو كل بذراتي يذبلن ما انزل راسي واتساوم. برررا

-هز راسة قابل وبسام وعلي تقربوا ساكتين

مد ايدة بجيب بطرونة طلع ظرف وتقرب على صورة الامام عـــــلي (عليه السلام) رفع الضرف علكة ابين الصورة والحايط

-هاي هيه ام مصطفى انسي الحجيتة ومشكورة على ردج واسلوبج الراقي ...هاي مو الج لعلاج الحجية ...اشر على الظرف ومشة طلع من الباب وعلي وبسام ورا واني واكفة بصدمة

ركضت على الصورة جريت الظرف وطلعت اركض وراهم هستوهم صاعدين. والجامة منزلينها شمرتة بحضن عـــــلي ورجعت البيتي

سديت الباب وكعدت وراه

ارجف حيييل ...جذذذب كله جذذذب مــــحد يقدم مساعدة بدون مقاابل الكل يدور مصلحتة

كمت على حيلي گـــــلبي احسه مطحون طحن فكيت باب الغرفة امي على كعدتها مخلية شيلتها على حلگها وتبجي. باوعتلها ساكتة حرف ماحجيت

لمن اجت هبة من المدرسة وغدير من الكلية سئلتني غـــــدير: :عمة شنو اشتريتي بيبان

-هزيت راسي لا ..عكدت حواجبها

غـــــدير: :جــــمرة اشترتهن؟

-درت وجهي منها : احم لا ناس تبرعوا بيهن

-يااا عزززا. عــــمة ليش قبلتي تشلعهن جــــمرة واللـــه

-التفتت اباوعلها مخلية اديها على حلكها وتباوع بحيرة ...انتظرت جــــمرة للغده وماجت تغدينا وطلعت للسوك. وروحـــــي احسها نار ولاسعتها

كعدت بمكاني السوك مابية هواي ناس الخضرة العندي مو تازة مــــحد اشتره مني بقيت كاعدة

كلساع اتذكر حجايتة وكلبي ينخمش

صح فقيرة بــــس والله عزيزة نفس

سنين تعــــبت سهرت وجعت تحملت برد وحر في سبيل ما انذل من تالي يجي واحد يساومني بمرض ابني .....ماعاش

غمضت عيني وجريت نفس اللهي سلمتك امري

((أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء، ومن شر ما يعرج فيها، ومن شر ما ذرأ في الأرض، ومن شر ما يخرج منها، ومن شر فتن الليل والنهار، ومن شر كل طارق إلا طارقا يطرق بخير يا رحمن)) (للحفظ من الشر)

-بس كملت الدعاء ابـــــتسمت منين اخاف واني الي رب بمجرد اذكر اسمة يطمن گلبي....اول مافكيت عيني صار وجهة عـــــلي كدامي فززيت. صاح

-اسم الله خالة اسم الله

-شجاابك ..اباوعلة لابس بنطرون وقميص عاديات وهيبتة العسكرية طاغية حتى بالبس العادي. ابتسم ودنك

-اجيت اكلج ادعيلي اخذ فــــــاطمة

-بقيت اباوعلة ساكتة ابتسم

-اشاقة خالة بــــس اجيت اكلج احسبيني حسبة ابنج اني مالي علاقة بسيدي الـــ.....

ومالي علاقة بالحديث الدار ابينكم بــــس واللـــه من الصبح الهسه حركة كلبج وعيونج يدكن براسي شلون رضيت اروحن وعايفج بحركتج

وهسه بــــس اجيت اكلج احسبي مصطفى مو مريض وكبر وعندة وضيفة وكاعد هسه كدامج

-درت عيوني منة مارايدة شي من احد

روح بطريقك الله يحفظك من كل شر بــــس عوفوني بحالي

-خالة بــــس..

-بدون بــــس وليرحم والديك عوفوني عوفوني مارايدة شي ثاني ....لم شفتة الداخل حلگة

والرايح والجاي يباوع على كعدتة كبالي ..هز راسة وكام وكف

-براحتج خالة

-دار وجهة ومشة اجتافة سدن الشمس

الله يحفظك الشبابك ويسر كلبك بالرايدها

وصل لنهاية والتفتلي ابتسم ورفع ايدة يسلم

.لميت الخضرة ورجعت للبيت

تلكتني غـــــدير بكلاص المي اخذته منها وسئلتها

::شنو جــــمرة وين هم طلعت

غـــــدير:: لا عــــمة اصلا ما اجت

-ما اااجتتت؟ كمت على حيلي مصدومة من ذاك الصبح طلعت ؟؟ ماتبطل سوالفها تطلع وتعل گـــــلبي الف مره كتلها لا اطلعين شغلج ما اريده لا اطلعين

روحـــــي لابت وكلبي يهم شاكلت اشربت

هنا هنا من الفجر طلعت. كعدت غـــــدير تعصر بية.وتصبر ..للخمسة.ونص وهيه ماكو

جريت عباتي ...رايحة اجيبها واجي

طلعت واني ميتة تعب وخوف امشي.وادعيلها بالحفظ. اندل مكانتها اوين اتبيع افتر بتقاطعات

وكلبي يدك حيل كل ما ادور وما الكاها تزيد رهبتي.وخوفي

نزل الظلام ومالكيتها رجفة هزتني هز وين راحت يمة بنتي ياعلي مروتك اللهي بنيتــــي

رجعت للبيت بهمة بلكن الكاها راجعة. ..

دكيت الباب حيل اول مافتحتة غـــــدير.باوعت وراي بلعت ريك ...ما اجت ؟

-هزت راسها لا وغطت اديها باثنين اديها تبجي وتنحب :: ووين راحت عــــمة جــــمرة وين

نــــهله: :غصيت بالنفس اباوعلها بــــس ارمش بعيني ...::اقفلن الباب عليجن لاتفتحنة الاحد

مسحت دموعها وهزت راسها اي ..

رجعت طلعت الدنيا مفترة.بية.وين ادور

امشي بالشارع وعيوني تباوع بكل زاوية

وبكل وجوة الناس ...وگـــــلبي يندب

مضيعة روحـــــي مضيعة قوتي اواحد من ضلوعي

بكل فرع بكل دربونة. فتريت

يبس گـــــلبي من الخوف. ايدي ترجف برودة.وخوف وين اررروح.وين الكاها

-خاف اخذوها خاف اخذها حتى يجبرني

وكفت ..صعدت بتكسي ورحت للمركز.

ااخ يانار البگلبي واللـــه وكت وخلاني كل يـــــوم داخلة للمركز. نزلت بهمة.وهادة امس متهمة.واليوم تاهمتهم

ماخلوني ادخل يتصايحون وياي واني روحـــــي نطحنت اشر بيدي واصيح بــــس أريـــــد بنتي

لمن شافني بــــسام واجاني ..التفتت علية اصيح

-بتييي وين

-يابنتج شكو

-لطمت على وجهي. خلص حيلي خلص گـــــلبي

ما ادري شحجي واصيح ...ابتعد عني وانا كاعدة بالكاع على حيلي

طلع تلفونة يتصل

-الو سيــــدي ام مصطفي. هنا

.ما ادري واللـــه وضعها مو تمام

امرك سيــــدي

-ضم التلفون بجيبة واجالي

-تعالي وياي

-كمت بهمة.وامسح بوجهي متيقنة بنتي عدهم من عجزي وقلة.حيلتي بــــس اريدها تطلع عدهم

دخلني بغرفة ادريــــــس صاح

-هسه راح يجي گـــــال دقايق

-اريد بتي مارايدته اني ...فك عينة يباوعلي ساكت طلع وسد الباب

بقيت بمكاني الوب مثل الغركان.ويجلب بكشاية انا غركت ومجلبة بيهم

دقايق مرن

ونفتح الباب بقوة...كمت وكفت بسرعة دخل

بخوف

-ام.مصطفى

-بس باوعتله صيحت وييين بنتي

-بس هدي فهميني شصاير منو بنتج

- وجهة وتساؤلاتة تثبتلي مايعرف شي ..عقلي الجان قانعني جــــمرة هنا تحولت افكارة وبدت كل سالفة سودة تغطي على عقلي وكلبي ..بجيت عاجزة ...جــــمرة ماكو.من الصبح ماكو... ماكوو بتي ماكوو ...طحت على. ركبي ابجي بصياح

-عافني.وطلع يصيح بكل صوتة عليهم

كمت امسح بعيوني وامشي أريـــــد اطلع أريـــــد

ادور بعد أريـــــد اهد حيلي بالشوارع الحد ما الكاها

طلعت..ضايعة.واللـــه ضايعة.ما اندل يادرب امشية هيج اني بدونها اضيع

. وصلت لركن.اوكفت أريـــــد اندل منين امشي ويا شارع البقة مادورتة طبكت سيارة.كدامي. صاح بــــسام

اصعدي ام مصطفى

فتحت الباب وصعدت وهوا تلفونة على اذنة

-هاي سيــــدي راح اوصلها للبيت

-مو.وحدك سيــــدي ويا الحماية

-سد التلفون ورجع اتصل

-مرتضى ورا سيارتة لاتخلونة.يطلع بدون حماية

-سد التلفون واني بــــس صافنة بالفراغ

احس.خلصن دموعي همست بصوت خافت ...عـــــلي وين ..سكت ورفع عينة بالمراية يباوعلي ..

ميلت راسي متوسلة

-كله اختك ضايعة بشوارع الظلام والكتلها اني اسد مكان ابنج مكسور ضلعها اليوم

-جر التلفون من يمة اتصل

-ها عـــــلي وين انت ....هــــا تكدر تجي البيت ام مصطفى ...تعال استعجل

-نزلني اباب البيت احس الخطوة الاخطيها ترجف نزل وراي وطبكت سيارة ادريــــــس

دكيت الباب صاحت غـــــدير يصوت مبحوح

-منو

-اني يـــــمة افتحي الباب ودخلي مو.وحدي ..

فكت الباب دخلت وعفتة مفتوح ...دخل ادريــــــس اوراه بــــسام

وكفت بطارمة اباوعله

ادريــــــس :: لو بسابع گاع نجيبها بــــس هدي انتي.

-درت وجهي امسح دموعي وهمه يفترون ويستفسرون مني وكلساع متصلين كل شوية.وصاح ساعة اذا ماجبتوها يتغير الحجي ساعه الكم.

اجة عـــــلي بــــس باوعت بوجهة غصيت ودنكت ابجي كعد كدامي خايف

-افة تبجين ام مصطفى واللـــه ما اجيتج.وتاخرت لان رحت للمركز بالاول. امسحي دموعج فدوة العينج

-سكتت روحـــــي تلوب بالعشرة بالليل صارت وبنتي الهسة.ماكو بــــسام طلع وعلي وادريس

تلفوناتهم ماطاحت من اديهم

دقايق واسمع صوتها تتعارك.بالشارع وتصيح

-شعدكم يومية.جايينة

فتحت عيني. صوتها هذا صوتها وكمت أريـــــد اطلع دفعت الباب ودخلت هيه معصبة

فكت عينها كلها من شافت ادريــــــس وعلي

كدامها وانا رجلية ماشايلاتني

تقدمت على ادريــــــس رافعة ايدها بوجهة

وتصيح

-شعددك. انته يومية جاينة

جريتها من ايدها اعت بيها وارجف

وين جنتيييي.وين وين ولج وين عفتيني ورحتي عليتي گلبييي موتيني ...بجيت مجلبة بيها وهيه مصدومة.وتهمس

-شبيج.يـــــوم على كيفج بــــس اهدي على كيفج

ادريــــــس: :هدي ام.مصطفى ...وين.جنتي عـــــمو ليش هيج تشلعين گلب امج

جــــمرة :: رفعت عيني اله ومجلبة بادين امي الكطعت نفسها من البجي ...جنت اشتغل؟انت شعندك يمنا

رفعت اديها امي تسد بحلكي حيل وتصيح

::اشش اشش اسكتي

دفعتني للغرفة دخلت للغرفة

نزعت القمصلة وشمرتها بسرعة حتى ماتشم

بيها ريحة.مستشفى. اسمع امي تعتذر وتتشكر منهم.

وانا بالي كلة يم الحجية ...من رجعت العصر

من الشغل فرحانة.مشتغلة هواي نستلة بربع

عزيتها على نفـــــسي وماشتريت بقيت جوعــــانة كلت ارجع واتعشا ويا امي

ومن اخذت عشا للحجية لكيتها متخربطة.وطايحة ابيتها اخذتها للمستشفى

وكلبي معصور عصر هيج ارجف من الخوف

اعزها حيل حيل تعلقت بيها احسها السر المخفي بحياتي. الانسان الوحيد الشاكيتلة الانسان الوحيد الكعدت يمة وكتله تعبانة ...اطمنت عليها ورجعتها البيتها

صرفت كل المشتغلتة.ورجعت ايد ورا وايد كدام

ربع مابجيبي..بــــس فلوس المشتره

دخلت غـــــدير تبجي فكيت عيني ::شكوو

جرتني حضنتني وصيح:: وين رحتي متنا من الخوف

-هه دوخري ايعع تلفتيني امسحي خشمج...

اشتغل شبيجن شسالفة جم.مره طلعت بليل ابيع قابل جديدة عليكم

-ابتعدت تمسح بوجها .....باوعت على الباب

::اكلج هذول شيردون شعدهم يمنا

-يدورون عليج غير عمة راحتلهم

-فكيت عيني حيل شنووووو

خرررب جريت التشيرت من يم ركبتي شسوي املخ روووحي ..هاي امي فد تحب تكبر السالفة

شلون تروحلهم شلوووون

-انجبي ترا انتي اختفيتي يـــــوم كامل

-سكتت ارجف دفعت الباب وفاتت امي دنكت ساكتة وهيه متحلفة رفعت اديها بوجهي

-شغل مارييد منج من الكلية للبيت كلشي ماريد منج سمعتي

-رفعت عيني اباوعلها ..;;اي خوش

لطمت على اخدودها وتصيح

-تردين تموووتيني ولج جــــمرة

-هسه شبيج عليمن هل لطم.وين وليت هاي كدامج.كلشي مابية

-ما اطلعييين بعد

-ميخالف ...

سكتت مني ماقابلة اخذتلي ملابس ورحت للحمام ...هستوني أريـــــد ادخل ولمحت الباب الرأيسي عكدت حاجبي ما انتبهتلة.مساع

شمرت الملابس بالحمام ورجعت لامي لكيتها بالمطبخ باوعتلها بشك

-يوم شنو هذا الباب ؟ بقت مطيتني ضهرها

ومتحاجيني

- يـــــمة البااااب منين؟

-اشتريتة. بالقساط

-ههه ضحكت مستهزائة.والتفتت اباوعلة

:: دتضحكين علية شنو ؟

-روحي مني جــــمرة ترا گـــــلبي صاير هاكدة

- الباااااااب منين

-لاتصييييحين

-هههه مديتي ايدج للناس اخذتي منهم هااا قبلتي يساعدونج بمنية ...احجي قبلتي مو علمتينة على عزة النفس هممم احجي يـــــوم احجي رضيتي

-جابوهن وشدوهن ماكدرت احجي

-ويا شريف هذا الهيج جابلج بيبان وشداهن.....

رفعت امتونها وعيونها يلمعن بدموع

-ماعرفهم

-هزيت راسي خوش وطلعت دخلت للحمام

نار تسعر بروحي ...شلون اجو وشلون باوعولها بنظرة رخص وكالولها هاي مساعدة

وهية سكتت لان محتاجتها ..ذلوها ؟؟ حسسوها بالاهانة؟؟ كالولها احنه انساعد المحتاج؟؟

هاي امي عزيزة النفس قبلت بمساعدة المحتاج ...

رفعت ايدي خليتها ابين اسناني نار البروحي شنو اليبردها عضيت ايدي بكل قوتي

معدتي. تعصر دم وكلبي يطحن ..دكت الباب هبه كالت

-جمره امي دكول ابسرعة اسبحي واطلعي تعشي

-خوش ...همست وكمت شطفت روحـــــي وطلعت

ماباوع بوجهة اتخيل نظرتها وكسرتها وهيه متقبلة مساعدة من الناس.. ..

بــــس اكلت لكمة.كمت غسلت ورجعت كعدت يم راس مصطفى

كالت غـــــدير ::رحت القسمج واسئل على محاضراتج بالمرحلة الاولى نسيت انتي ثانية

ابتسمتلها ساكتة

-عندج امتحان باجر وجبتلج المحاضرات

-ماشي ....اخذتهن منها اراجع وافكر بــــس امتحن واطلع شوية.واجتلي امي ..بيدها القمصلة وعاكدةة حاجبها بشك

-اشتغلتي اليوم

-دنكت اكلب بالاوراق ..ااي

-وين فلوسج

-بقيت اشخبط ساكتة صاحت::جــــمرة وين جنتي

-كمت على حيلي ...اشتغل ...يـــــوم اشتغل بــــس لكيت انسانة مريضة.وتعبانة اخذتها للمستشفى وصرفت كل المشتغلتة

نــــهله: : باوعتلها بشك عافتني وطلعت. سكتت منها وكعدت احس روحـــــي بعدني مهبوطة من سالفة العصر ....صليت الليــــل وحمدت ربي وشكرتة هوواي على حفظة.وسترة

مر اسبوع بعد ماشفت لا ادريــــــس ولا واحد من الولد جمرة ماكدرتلها رجعت للشغل

واني ابين السوك.والبيت ..باجر موعد الاجار

و ما مكملة الفلوس.

لميت الاكدر عليه كلت اكلة يضل عـــــلي انتظرتة مر اليوم وما اجة.استغربت كبل من الصباحيات يجي وثاني يـــــوم وهم ما اجة

مر الاسبوع كلة

-ضميتهن كلت اكملهن ..تالي ماكدرت اطلع للسوك.من تعــــبت امي مگابلتها وكاعدة....يـــــمة خليني اخذج للمستشفى

ترفع ايدها وتاشر لا حجي ماكدرت تحجي

-للعصر اجت جــــمرة جبرتها اخذناها ورحنا للمستشفى ابين التحاليل والباص اباوع للفلوس خلصن..احتقن بلعومي ...اللهي بــــس الشفاء

ماريد شي روحـــــي فدوه الروحها

نومونا مستشفى وبطالعة ونازلة الدكتور يحجي ويرزل وين جنتوا عنها.

رجعت جمرة لبيت وكلبي يلوب خايفة ومحتارة

وبالي يم مصطفى خاف يغلطن بعلاجة.ويشمر

خاف مايوكلنة عدل خاف جمرة تطلع وتعوف اخواتها ....الليــــل يمر مثل الحلم دقيقة ما اغفة

يومين مابقى تحليل ماسووه صاحلي الدكتور ورحتلة واني لازمة.گلبي بايدي

-ضربات الدنيا توجع وبكل مره اكول تخطيت

ارجع انضرب بقوة

واول كلام كالة

والدتج الشرايين البگلبها مسدودة وعدها صمام تالف لازم يستبدل وعدها ورم بالامعاء لازم نستئصلة باسرع وقت

اباوع بعينة.واحس الدنيا تفتر بية وهوا

عينة على الجفوف المشككات ولابستهن بدية

-كمت من يمة النفس ضاك بريتي وعيوني تهل

اريد بــــس اوصل للغرفة البيها امي

أريـــــد حضنها وريحتها أريـــــد اكلها بتج ماتكدر ادبر فلوس عمليتج. ظلمت الدنيا بعيني احس بــــس بالگاع من نطكيت بيها

- ومن فتحت عيني لكيت جــــمرة يمي وجهة اصفر...كعدت على حيلي ..همست بيبتيج ..هزت راسها بمعنى اعرف

-منيننن اجيب بالملايين مو عملية ثنين منين

شلون بية شسوووي

-اني ادبرهن يـــــوم اني ادبرهن كومي كالو اطلعوا من المستشفى بــــس اسبوع اصبريلي اي شي اشتغل لو ابيع روحـــــي ادبرهن بــــس كومي وياي

نــــهله: :-مسحت عيوني وكمت نار بكلبي امي رجعتها للبيت جنازة بــــس عيونها مفتوحة ..والنفس يخرش بصدرهاا

طلعت لجوارين عزيت نفـــــسي هواي خلي انذل هسه باب باب دكيت واني اجدي منهم الربع ...ورجعت الفلوس معصورات بيدي عصر عشرين الف اضحك على روحـــــي عشرين الف

اجتني جــــمرة مفرفحة

- تطلبييين من الناس تجدييين ..

-خليت ايدي بصدها ودفعتها حييل

- ااامي اامي هاي امي الجاي تموووت .....انتي مو ماترضين على امج تنذل مو ماتقبلين واحد يمس كرامتي ليشش لااان امج ...اني هم هاي امي اقبل انهان وانذل الخاطرهاااا

جــــمرة::-معليج انتي معليج اني اجيبلج فلوس لو اعرف ابيع اعضائي ابيعهن ..رايحة لشغلي واتااااخر لاتخافين

-عافتني وطلعت تمرمرت واللـــه تمرمرت

كمت بية مابية بيتنا كلشي مابية من اكل

طلعت لسوك وبالي مشدوهة ....لو بيتي ملك

جان بعتة بــــس حتى البيت اجار

لليل وجمره ماكو حد. الساعة 12 اجت خلت بيدي 25 الف بدون ماتحجي حرف ولا اني الكدرت احاجيها ....

ماكدرت اغمض عيني وانام وانا اشوف امي مثل طير المتسمم كدام عيني بــــس صوت جرت النفس التاخذ روحـــــي ...

لحد صلاة الفجر كمت صليت وحسيت على جمرة من كامت لبست طلعت وراها للغرفة

-وين رايحة ...جاوبتني وهيه مدنكة

-اشتغل

-وعبالج بشغلنا هذا نكدر نجمع ملايين

-هه شتردين اسوي اجدي مثل ما انتي سويتي

-خزرتها وشفتي ترجف ..رفعت عينها بعيني.وتقربت علية ..تحجي بخفوت يم اذني

-بس الكة.ولد بيت ام اياد اشتغل وياهم بالمخدرات وحك ربج الماتفوتيلة فرض صلاة

-دفعتها ورفعت ايدي ضربتها لاول مرة ...

مسحت خدها ساكتة غطت وجها ..واني ارجف بمكاني

-لاتنتظريني ..

-عافتني وطلعت غمضت عيوني شايطة.ودايخة

شلون هيج تفكررر شلون

راح اضيع الثنين بتي وامي كعدت على حيلي

منتهية وروحي تلوب ....لحد ال8 الصبح

عفتهن وطلعت بوجهي للمركز ...اتوسلة اكلة ادرسهم انضف بيتكم كل يـــــوم. اخدمهم طول العمر ...بــــس يدفع فلوس العملية

دخلوني الغرفتة كعدت منتظرتة وعيوني يفترن

على اسمة داخلي يدعي يقبل ويساعدني

مرت اكثر من نص ساعة يلة اجة كمت وكفت

خجلانة ومو ذيج الجانت تحجي بعز مكسورة

سلم.وكعد بقيت واكفة

باوعلي اشر على الكرسي

-اتفضلي استريحي

-كعدت مدنكة.عيني والله مو بيدي

طول عمري ماطالبة شي هسه من تالي

اطلب ...

-تفضلي نــــهله احجي

-رفعت عيني بعينة ..مخلي ادية جوا حنجة ومنتظرني ...::محتاجة فلوس ....همست ودنكت قرب دفتر الكدامة فوكة.قلم

-اكتبي الرقم التردينة

-رفعت عيني غصة جلبت ابلعومي ومكدرت اجبر نفـــــسي اكثر نزلن دموعي. رفعت ايدي امسحهن ورجعت ادي جوا العباية اضم الجف المشكك

-بس ماكدر اتزوجك ...اربيلك اطفالك اخدمكم اي شي بــــس ماكدر لزواج

-نــــهله بالعكس العقد يضمنلج حق. المفروض تفرحين بية

-ماريد الحق ولا اريده. ... جر نفس وسحب الدفتر علية

-والله ماجاي استغلج ولانيتي اضغط عليج ...بــــس رايد افيدج.واستفاد ...من تقررين تاخذين الفلوس جيبي جنسيتج.وياج علمود العقد ....تفضلي اذا تحبين الولد يوصلونج البيتج

-باوعت بعيننه دنك يكتب ...كمت على حيلي ...

مكسورة حيل ...طلعت محتارة رجعت للبيت

مكابلة امي وابني ...شسوي شلون بية

شيجيبلي جــــمرة واحجيلها بلكن تقنعني

من قلة.حيلتي حجيت الغدير اريد احد يكلي اي سوي هيج هذا الصح

غـــــدير: : شلون عــــمة يعني تعوفينة.وتعيشين عدهم

-لا وياهم نعيش بيت واحد....اباوعلها دنكت عيونها مدمعة غطت وجها بيدها وبجت وهيه دكول:: جا اني مو بنتج يطردوني

جريتها الحضني ...شلون مو بتي اشش اسكتي

ابتعدت من سمعت الباب نفتح ..دخلت جمرة

تباوعلنا بشك...

جــــمرة: :-صارن عندج خمسة.وسبعين ارجعي نومي بيبي مستشقى البين مانشوف شلون تصفى

-بقيت اباوعلها ساكتة عافتني وراحت للغرفة

رحت.وراها ....كعدي أريـــــد احجي وياج.

نزعت قمصلتها وكعدت ...كعدت يمها ...

::كدرت ادبر الفلوس ....عكدت حاجبهــــا تباوع بعيني دنكت

-اكدر هسه اروح اجيبهن بــــس اكو شرط ...ضحكت

-ههههه اي وشنو الشرط اعرف لازم اكو.مقابل الانسان مستحيل يساعد بدون مقابل

-بلعت ريك ساكتة خليت ايدي فوك ايدها ..

::هذا الشرط يساعدنا كلنا امي ومصطفى وانتي يخلصج من البيع بالشوارع وفرتج ابين السيارات .......رفعت حاجبها ونزلت شفايفها ما مقتنعة

-بدون مقدمات يـــــوم احجي ..

-تعرفين الـ....ادريــــــس

-اااي

-جريت نفس مترددة :: اذا تزوجتة ينطيني فلوس العملية

.فكت عينها على وسعهن ..وجرت ايدها مني

وكفت ترجف كلها تفتر كدامي وتباوعلي تضحك.وترجع تباوعلي

-مو.من كل عقلج هههههه مستحيل

::تحجين صددددك هههههه

-افهمي هذا انسب حل

-ههههههههه لا لا شنو ماتقبلين اصلا انتي ماتقبلين شنو تزوجين شبيج

-جرت ملابسها تحجي وتبجي. جليت بيها

دفعتني وطلعت ...من البيت كلة.

ااخ يايمة نهد حيلي واللـــه نهد حيلي

ل12.وهي ماكو.لابسة عبايتي ومنتظرتها بالباب

شوية.واجت ....::اخر مرة تبقين ل12

عافتني وفاتت دخلت بفراشها

.عفتها وكعدت يم امي حيل حيل تعــــبت

دمعتي بعيني شايفتها جاي تموت كدامي

لمن صبح الصبح مادري شلون غفيت وفزيت من حسيت جــــمرة كامت ...كمت وراها

-تريكي لاطلعين ..هيج....بقت تلبس ماتحاجيني

-عافتني وطلعت ..كعدت غـــــدير تباوعلي بحيرة

- عــــمة اروح للكلية راح انفصل منطيني انذار

-بس اليوم لاترحين. ابقي يم بيبيتج ...اخذت جنسيتي وطلعت ....هاي اخر محطة من التعب

ماكدرت اعبرها بعت روحـــــي بيها

كلشي احسة مثل الحلم ..وعقلي متردد

شنو الجاي اسوية قبلت بزواج كمل عقد السيد

-خلة اوراق كدامي ابصمي همس ...بصمت

ورفعت عيني ...مستفسرة شنو هاي

-علمود عقد المحكمة

-هزيت راسي اي ساكتة ...طلع جنطة صغيرة

من يمة خلاها على الميز كدامي

-ماراح اضغط عليج الج شهر كامل عندي مهمة

ورا ماتخلص اجيج ونتفاهم نــــهله

-هزيت راسي اي ومديت ايدي الترجف اخذت الجنطة وكمت طلعت مية الف مرة متت

يامن يوصلني للبيت.واخذ امي للمستشفى

جــــمرة :: واكفة بنص التقاطع بمتني جيس الكلنس وبيدي بطالة ماي ...وكلبي يدك حيل كل ما اتذكر حجاية امي تزوج كل عقلها تريد تزوج

...ارجف من البرودة. ودمي احسة جمد ....

تمنيت اندل هذول اليبيعون مخدرات واروحلهم

هيج.وصلت المرحلة. اتمنيتهم امنية

وكف السايد وهاي فرصتي حتى افتر ابين السيارات علمود بلكي يشترون. اركض ابين هاي وهاي واشر وبس عيوني مبينات.

تقدم ابو سيارة ونزل جامتة شلت البطل أريـــــد

انطية الة. وطاح من ايدي رجعت دنكت ارجف

شلتة.مسحتةة بملابسي ونطيتة الة مااباوع بوجهة عيني الايدة

فتح محفظتة يريد ينطيني ربع ..رفعت عيني الوجهة

لابس تشيرت ابو الركبة ورافعها النص وجهة ولاف على وجهة لفاف مال ركبة. بحيث مبين بــــس عيونة وشعرة

درت عيني لسيارات الثانية كطع گـــــلبي راح يمشي السايد وهوا مامنطيني ..رجعت اباوعلة

رجف گلبي حييل من لمحت على الدشبول گدامة شدات فلوس ثلاثة دولارات وشامرهن بطريقة فوضوية صافنة عليهن ومانتبهتلة من رفع الربع بوجهي فززني من صاح

-الوووووو

-باوعت بعينة.ومديت ايدي هستوني أريـــــد اخذة.من ايدة وصارت ضربة بالسيارة هزتها هز ومشتها ليكدام.واني واكفة.بمكاني ...صوت الهورنات والصياح الصار صوت الصفارة مال المرور الاجة.يركض .....

نزل الولد ابو الفاف هاد والدعمة هم نزل ...نسحبت شوية شوية للسيارة ..كل ذرة بجسمي ترجف ..صوت الصياح والهورنات وصوت گـــــلبي وخوفة.ورجفتة ..مديت ايدي بسرعة جريت شدة وركضت بكل حيلي واسمع بــــس الصياح وراي باگوك باگوك

اركض بكل ماعندي من قوة اول فرع صار كدامي دخلت بية ما التفت وراي اي دربونة اشوفها افوت بيها نفـــــسي نكطع واني ما واكفة ....

يتبــــــع⋆𓍯

الكاتبة أيـــــــلول⋆𓄼𓂁

#الريحانات 🌿

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

ضيم العَله گلبي بنه بيّوت ..

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة :: اركض بكل ماعندي من قوة اول فرع صار كدامي دخلت بية ما  التفت وراي اي دربونة اشوفها افوت بيها نفـــــسي نكطع واني ما واكفة ....

دكات گلبي الهزتني رجفتي وخوفي عقلي الرافض فعلي وروحـــــي الخايفة من فقدان بيبيتي ..دموع امي.وذلتها ابيبان الناس  صريخها ولهفتها الحضن امها خرشة صوت النفس الدك براسي .....كلهن يجبرني اركض بكل حيلي ما مهتمة للوراي ما مهتمة النظرة الناس

-دخلت بهيكل بناء مال محلات خاتلة واجر نفس وجسمي يهتز. حاضنة الفلوس على گـــــلبي

:: اوصلهن الامي واموت ميخالف ميخااالف ادخل النار ميخالف

امسح.وجهي وارجف.حيل كل جزء بجسمي يكل لثاني انا الخايف اكثر

نزعت القمصلة لونها نفطي ومن اكلبها سودة

گلبتها ولبستها نزلت الثام من.وجهي والكبوس

لفيت الشال عدل ...وطلعت اباوع مــــحد موجود بالشارع

طلعت امشي بخفة شيوصلني البيتنا شيوصلني

خلصت الطريق ارجف الحد ما وصلت الشارعنا

نــــهله :: شنو الاعز من الام

ضحت اسنين الخاطري اضحي بسنيني وعمري الخاطر عافيتها ...واذا تزوجت ماسويت حرام

عصرت جنطة  الفلوس بيدي حيل ..بالحلال جبتهن بالحلال ..ما سويت ذنب.

عبرت الشارع مشي بالي مشدوة سيارة ما اجرت العبرة خانكتني وحيلي مهدود مريت على الصيدلية  علاج مصطفى كررتة مرتين خاف ابقى ويا امي بالمستشفى هواي

شلون اعوف البنات يباتن وحدهن

ابيت جــــمرة باليل ويا بيبتها بالمستشفى

والصبح ارجعلهن ..لا شلون اعوف امي

..فزيت من حاجاني ابو الصيديلة شايل علاكة العلاج

-خيرج خالة شبيج

-مديت ايدي اخذت العلاج منة وهزيت راسي مابيه شي وانا واللـــه روحـــــي مهدوده هد

ماكو گاع التلمني وحيرتي مالها حل

طلعت بلهفة للبيت واباوع لسيارات

هسه بــــس احضر غراضنا واجي أجر سيارة

منا حتى ما تتعب امي

شارع واحد بيني وبينها

دخلت وريت عمري كله ماداخلة

هوسة اباب بيتنا اغلط روحـــــي لا هذا مو صوت غـــــدير هذا مو صريخها مو هي الجاي تصيح بيبي  خطوات واحسهن صارن عمر اركض بحيل مهدود ورجلي مامساعداتني

ادفع بالنسوان واريد بــــس ادخل وكفت بطارمة غـــــدير كاعدة على حيلها بنص تبجي وتصرخ يلزمن باديها. وهي تصرخ بكل صوتها ماتت بيبي عمتي مالحكت كدام عيني ماتت. رفعت عينها وشافتني

- :: عــــمة عــــمة ماتت ماتت مالحكتي عــــمة ماتت بيبي

غـــــدير ::ضميت وجهي بادية ارجف وما مصدكة صريخ عــــمة هز گلبي هز. كمت وراها ابجي واصرخ وهي حاضنة بيبي على كلبها وتصيح والنسوان تجر بيها من ايدها

- لاتكسريني يـــــمة واللـــه مو كد فراكج يمممه حاجيني فدوه العينج

-شهكت عــــمة وعيونها تگلبن وكعت

صرخت ميتة خوف ادك على خدها والناس يصيحون على النسوان وخرن خلي ناخذها للمستشفى وعمة طايحة بحضني نرش على وجهة مي وماكو صرخت متخبلة

فكت عيونها بتعب هادئةة كعدت وسحبت. بيبي الحضنها خلت وجها بركبتها ساكتة وصوت البجي يعله. ...

صوت صياح جــــمرة بالباب وعيوني منتظرتها تدخل واشكيلها الصار بينا ..دخلت للغرفة فاكة عينها حيل وساكتة

تقربت على عــــمة ..تجر بيها من بيبي وتحجي بهدوء

-كعديها يله كعديها جبت فلوس كومي كومي جبت هواي فلوس يكفن يـــــمة كومي يله كعديها يمممه كووومي كوومي فدوه كومي

شوفي باوعي

غـــــدير: : مدت ايدها بجيب القمصلة ترجف

طلعت فلوس جرت الاسق منهن وفرشتهن بحضنها

-بااوعي يـــــمة باوعي شكد يكفن يله واللـــه يكفن عفيه كوووومي كوووومي شبيج حاجيني يـــــمة حاجيني كعدي بيبي يووووم

غـــــدير :: دنكن النسوان على عــــمة يردن يجرنها وهيه تشم بركبة بيبي ساكتة جرنها حيل

ودخلوا ولد يشيلون بيبي صاحت عــــمة

عـــــوفني بــــس أريـــــد اروح وي امي

وهنه مجلبات

ركضت جــــمرة وراهم تبجي وتصيح

طلعت وراها لزمتني مره  وعمه بالغرفة تتوسل بالنسوان يعوفنها. فلتت من ايدها وطلعت اركض للباب. ..جــــمرة تركض ورا السياره

وعمه طلعت العباية على راسها والنسوان يصيحن عليها ::بناتج راح يتسودنن على كيفج

وهي تصيح ::امي ..صعدوها بسيارة ثانية واخذوها  ركضت ورا جــــمرة الكعدت بنص الشارع على اركبها

تبجي وتصرخ واللـــه جبت افلوس عمليتج بيبي  واللـــه جبتهن

-حضنتها ابجي جلبت بيدي اجت جوارينا دكوم بينا من الشارع هي وبتها

دفعتها جــــمرة ::عوفيني اروح ورا امي

-دكومن انا اخذجن كومن

غـــــدير ::اشرت الابو سيارة والنسوان ابيتنا

صاحت صعدن باوعتلها ...::خاله هبه هبه بالبيت ومصطفى ....التفتت على بتها

::حويره ضلي يمهم بعد امج ..صعدت ويانا ورحنا للمستشفى

عــــمة كاعده على حيلها تبجي وتصيح

يـــــمة يا عزيزة روحـــــي يا يـــــمة

بــــس شافتنا كامت وكفت رحنالها  حضنتنا تبجي..لحظات بــــس صوت البجي

والخنكه كالت ارجعن للبيت ..وجمره ماتقبل تعوفها ...وحدها

قنعتها ورجعنا للبيت وحدنه المره الراحت ويانا تروح.ويا عــــمة لنجف ...دخلنا البيتنا بــــس صوت بجي هبه والبنية حوراء تسكت بيها

اجتلي تركض حضنتها وجمره ركضت للغرفة الثانية دخلت وسدت الباب عليها

بارد بدون مشاعر بدون دفوا وحنية اول مره حسيت بيتنا بدون روح

...اترخصت حوراء وراحت البيتهم سكتت هبة ودخلت يم مصطفى

شربتة علاج.وكلته ودموعي على خدي ..اباوع على مكان فراش بيبي شايلاتة النسوان وغاسلاتة..

-خليت راسي على الحايط مغمضة عيني. بيدي ماتت روحها طلعت وهي لازمة ايدي

مسحت دموعي وكمت سبحت وصليت

صار الليــــل والبيت يخنك كلساع اتخيل. شهكة.بيبي.وصوت نفسها من طلعت روحها وكلبي ينعصر عصر

كمت للغرفة الثانية فتحت الباب على كيف وصوته عالي من ينفتح اباوع الجمرة

نايمة بصف البوفية لامة رجليها الصدرها  تقربت عليها  اديها حاضنات عباية بيبي ومقربتها الخشمها ..جفن عينها احمر ومورم خليت ايدي على متنها بهدوء اهمس

- جــــمرة جــــمرة ....::فزت مخروعة تباوع بعيني ::اسم الله الزهره

كعدت على حيلها صوتها رايح

-احم هــــا

-تعالي يمنا بالغرفة اخاف

جــــمرة: : كمت على حيلي احس بنفسي دايخة وصوت دوي براسي صوت بجي وصريخ احس جاي اسمعه صوت امي كلساع التفت اسمعها تصيح.... نفس بيبي باذني ..كمت للحمام اجت وراي غـــــدير بيدها ملابس

-اخذتهن. من ايدها كعدت بالحمام اباوع الايدي

اتخيلها وصخة انمدت للحرام كل جسمي طاهر بــــس ايدي ايدي وصخة. استغفار خفت استغفر

الوم موتني

ساعة اكول ماتت لان مديت ايدي للحرام ربي عاقبني بموت بيبي ساعة گـــــلبي يرجف خوف واني اتخيل بعد ماشفوها بعد ماسمع صوتها البلگوه يطلع وهي دكلي لاتشلعين كلب امج

فقدتها ماشوفها بعد غمضت عيني ارجف واجت ابالي الحجية فززيت خايفة كمت بسرعة سبحت ولبست طلعت ارجف صاحت غـــــدير تعالي شغلتلج الصوبة

عفتها وركضت للغرفة لبست قمصلة وشال

اجت وراي فاكة عينها وميتة خوف

-وووين رايحة جــــمرة

-هسه اجي

-وووين ووين لاتخبليني

-تقرربت عليها لازمتها من متنها ...::اكو حجية جبيرة بالعمر هنا بالدربونة الورانا اذا ما اخذتلها اكل تموت من الجوع بــــس انطيها اكل واجي واللـــه ما اتاخر ...بجت وشفتها ترجف

-اخاف اني والله  اخاف

-والله ما اتأخر احسبي دقايق ورجع. ::هزت راسها. اي ركضت للمطبخ فتحت جدر الخبز اخذت خبزة وكاسة روبة من الثلاجة لفيتهن بالعلاكة وطلعت وغـــــدير بالباب واكفتلي التفتت عليها

-اقفلي الباب ولاتخافين ما اتاخر ....

مشيت لافة روحـــــي حيل الجو ثلج ارجف

وخايفة اتلفت احس يعرفون اني الي اليوم تجرأت ومديت ايدي

الافرع الورانا فارغة وناس قليل ساكنة بيها

ومن اوصل الدربونة الحجيه يمكن بــــس ثلث بيوت والباقي مهجورة

امشي حيل والبزازين من يشوفني يشردن

وصلت دكيت الباب واتلفت رجعت دكيته حيل

زادت دكات گـــــلبي من مافتحتة ماكدرت اقاوم اكثر افقد ثنين بنفس اليوم اموت ...دكيت بكل قوتي

وتلفتت اباوع مــــحد موجود رفعت ادية جلبت بالباب أريـــــد رجلية يثبتن حتى اكدر اطفر

ارجف وميتة خوف صعدت وطفرت

دفعت باب الغرفة ميتة من الخوف غمضت

عيني من شفتها تصلي كعدت بالباب مهدود حيلي

تصلي وهي كاعدة نتظرتها تكمل سلمت ورفعت عينها علي مبتسمة

- كمت تقربت عليها مدت رجلها والثانية ثانيتها

عينها بعيني خليت العلاكة على رجليها رفعت ايدها غمضت عيوني مسحت على راسي وتقرأ

بصوت خافت .

-فتحت عيني بعينها همست ...اذنبت وذنبي ماينغفر ....هزت راسها مبتسمة وصوتها الخافت الاحسة عالم ثاني

-غفور رحيم

-عاقبني بيبيتي توفة

-يبست ورقتها وهذا يومها

-رفعت ايدي اراويها الها وامسح بعيوني ...::ايدي تلوثت بالحرام

-نزلت عينها الايدي ومدت ايدها ترفع ردن القمصلة منها مسحت عليها بايدها وشفتها تتحرك كالت

-غفور رحيم

-مو الذنبي

-الكل الذنوب جدة الكل الذنوب غفور عند التوبة

-هزيت راسي. اي ::تعشي راح اروح.وادعيلي ..عفتها وطلعت رجعت البيتنا ..

كعدت بالغرفة يم غـــــدير وعيني على مكان البيبي تنام بية مرت اكثر من ساعة غـــــدير حاضنة هبه ونايمة.ومصطفى بــــس عــــــيونة مفتوحات

تقربت شلت بطانيتة وتمددت يمة.

.مصطفى همست ودرت عيني اباوعلة فكه.مبين عبالك بــــس جلد مغطي عظام.وجهة تقربت على خدة بستة وغمضت عيوني

ذكرة ذكرة انعادن

من يجي يركض ويكمز وهوا يصيح جمغة

بابا يكتلني جمغة واركض احضنة

خايفة.ويفوت ابوي بيدة عودة الماسحة وريحتة تخنك

اضم مصطفى وره ضهري وابوي يضررب بكل قوتة. ادي تشگف الضرب ..رفعت ايدي اتلمس الاثر البقة بيدي من انكسرت العودة عـــــلي

جريت نفس وفتحت عيني اباوعلة.وارجف

نعاد شريط الطفولة كلة.كدام عيني

من جان يمسح الدم من وجهة امي اوجهي ويكول

من اكبغ اكتل بابا .....

من ينام بحضني ويشمني بكل قوته ويكلي

::جمغة احبج جمغة من اكبغ مــــحد يضغبج....

ركضة لعبة سوالفة ..شلون انساهن هم ترجع

توكف على رجليك هم ارجع اسمع صوتك

غطيتة عدل وكمت  احس البيت خنگني لبست وطلعت كعدت اباب البيت اراقب الشارع ظلمة.ومحد موجود  ..شحال گلب امي هسه شلون راح ترجع.

رجيت راسي على ايدي وجسمي جامد من البرودة مثل شيلة الروح من الجسد هييج نشال دفوا بيتنا وي شيلة تابوت بيبي

مرت اكثر من ساعة وشفت سيارة الرجال ابو الجامع طبكت اباب بيت جيرانة. ..نزلت المرة ونزلوا زلم أثنين ..وعيوني منتظرة اشوف امي

رجعت المرة مدت اديها لسيارة ونزلت امي

بلعت ريك اباوعلها وهمة يحجون وياها مدنگة.وتهز براسها سحبت ايدها من المرة دكلها أگدر امشي سلموا عليها ومشوا والمرة.تحجي وياها. سلمت عليها

واجت امي لبيتنا عيونها بالكاع وخطوتها تجر بيها جر. وكفت ودخلت لطارمة قبلها ..خايفة اشوفها تبجي خايفة اشوف الكسرة البعيونها

دفعت الباب ودخلت وكفت بلعت ريك وهي كبالي

وجها املختة وعيونها حمر ومنفخات.سدت الباب

والتفتتلي ...شفايفها يرجفن وعيونها يلمعن بدموع

كعدت على حيلها تلطم وتبجي

-انا الماعندي حبيبات ويلطمن وياي

يمة انا البدون اخوات ياهو اليعيني على فرگاج

-تقربت عليها كعدت كدامها على ارگبي ايدي

ترجف ماعرف شنو الاسوية عبرت ايدي على ركبتها وحضنتها حضنتني حيل تبجي

- اااخ ياگاع النجف ااخ يايمة

هديتي حيلي واللـــه هديتي حيلي

جــــمرة ::..كومتها ساندتها

باوعت على غـــــدير كعدت جرت ايدها مني همست صوتها رايح

-اريد اسبح

-هزيت راسي اي عفتها دخلت للحمام وركضت جبتلها ملابس باوعت الغدير واشرتلها ..وديهن الها ...اجت اخذتهن من ايدي وراحت

دخلت للمطبخ فاتت غـــــدير وراي

-شسوين

-التفتت عليها ..هــــا باوعي تعالي سويلها چاي راسها يوجعها هسه مو ..اجت شعلت الطباخ

سوت چاي وطلعت امي فرشة سجادتها وصلت

كعدت يمها ساكتة.وهادئة كملت صلاتها ورفعت اديها تدعي

دخلت غـــــدير بيدها صينية.بيها كلاص چاي وخبزة.وجبن. خلتهن يم امي لفت السجادة

وباوعتلنا

-وكلتن مصطفى؟

غـــــدير ::اي عــــمة وشربتة علاجة.وغيرتلة

-اكلتن؟..... ادنن اكلن الحمدالله على كل حال ..شفتي جــــمرة

جــــمرة: :رفعت عيني اباوعلها وايدي تطوي بطرف البطانية بلعت ريك ساكتة كالت

-الموت من يجي ماينتظرج تكملين الشي المطلوبتة من اكلج صلي وتصيحين الحك لصلاة خليني اركض هسه للعيشة ...شفتي شلون يجي

-كلشي تلحكين عليه بــــس واجبج تجاة ربج اذا فاتج ماتلحكين بيه ...ماندري بيا يـــــوم اطيح ورقتنا من الشجرة وبيا ساعة ينتهي عمرنا

بشنو نواجهة ربنا واحنا ما مأدين واجبنا تجاهة

نهم لدنيا ولشغل وللبيت وللعيشة ونعوف صلاتنا علمودهن وهنه كلهن بيد رب العالمين

عايفين واجبنا وي الخالق علمود مخلوق

-تدرين شكد گـــــلبي مرتاح امي ما مفوتة فرض صلاة امي ثلث اشهر بالسنة تصومهن وما مطلوبة يـــــوم اخاف عليها من وحشة الگبر واتذكر اعمالها واگول يشفعلها

ما مفاولة عليج وعسى يومي گرب ولا اشوف موت واحد منكم بــــس بيا وجهة تواجهين ربج شنو اليخفف عنج وحدج هناك مــــحد يشفعلج

لا ام ولا اخو ولامخلوق. ..حفرة.اوحدج بيها

اعمالج يتسطرن كدام عينج شمأدية.من واجباتج ..صلي يـــــمة صلي الدنيا كصيرة وبينا وبين الموت شعرة مــــحد يدري شوكت تنكطع ونروح لمسكنا الاخير

-نزلت راسي ساكتة صوتي احتقن ..همست مختنگة يـــــوم انا الي ذنب ربي مايغفرة لو خلصت عمري صلاة ...رفعت عيني العينها وهي هستوها جاي تخلي خبزة بحلكها ..فكت عينها مثل التذكرت شي عافتهــــا ودفعت الصينية

دكت على صدرها بثنين اديها تذكرت الفلوس

صيحت بصوت عالي

;;منين جبتي الفلوس اغلط روحـــــي واكول متوهمة ماشفتها

-كمت وكفت على حيلي وهي وكفت متخبلة

-كليلي غلطانة غلطيني جــــمرة غلطيني ماجبتي فلوس انتي انا اتووهم

-ساكتة عيني بعينها تقربت عليه لازمتني من اكتافي وترجف

-منيييين جبتي وين رحتي اليادرب جــــمرة اليا درب

-دفعت اديها مني لطمت على وجهة ..::بگتهن

فكت عينها بصدمة ودك.وتلطم

جرتني من ايدي عاصرة فكي بيدها دموعها تصب وخازرتني

-هسه تحجيلي منييين جبتيهن هسه هسه دكومين ترجعينهن ..

-ماعرفهم من الشارع شفتهن بسيارة.وبكتهن

.رفعت اديها ثنينهن تضرربني وتبجي وكلما تضربني ارجع اباوعلها جرتها غـــــدير مني ..

-تعرررفين شنو جزاء السااارق ولج تعرفين لو لاااا

-قطع اليد ...همست عيني بعينها ورفعت ايدي الها

-دارت جرت عبايتها وتصيح ..هسه تمشين وياي

للشارع واللـــه افرج شوارع بغداد كلها لمن تلكينهم وترجعينهن اموتج جــــمرة اموووتج

-هزيت راسي موافقة.وجريت الحجاب البس صاحت :: وينهن

-رفعت امتوني الها..ما ادري ...التفتت على غـــــدير

نــــهله: :- غـــــدير الجنطة السوده وين

-ياجنطة عــــمة ما ادري

جــــمرة: :مو بجنطة هيج جبتهن وهنا طشرتهن يمج بالغرفة ...باوعتلي عيونة.طاكات سوتلي بيدها اشش اشش والتفتت على غـــــدير تفهم بيها

نــــهله::-جنطة سودة صغيرة من اجيت جانت بيدي وي علاج مصطفى. ....باوعتلي غـــــدير عيونها مدمعة كالت

-هاي علاكة العلاج لكيتها بصفة وماكو جنطة

-التفتت على جــــمرة لاتخبلني منو بقه بالبيت

غـــــدير ::هواي نسوان بقن هنا ومن طلعنا.وراج ام حوراء كالت الحوراء ابقي بالبيت

نــــهله :: طلعت البيت ام حوراء. الفجر هستوه يطلع ...يجوز ضمتهن دكيت الباب مرة.ومرتين بثالثة طلعتلي هستوها كاعدة ...اعذريني كعدتج هسه

-بس بلكن تسئلين حوراء ماضامة فلوس.

عكدت حواجبها ماراضية

-شني يافلوس

-فلوس ادايناهن العملية امي

-لا عيني شني تبوكينة

-لا العفو بــــس جاي اسئل

-لا جاي تتهمينا هي هاي جزات اليسوي زين عايفه بيتي ورايحه وياج لنجف وانتي تبوكيني

-فكيت عيني مصدومة.واتلفت تصيح بصوت عالي اشرلها على كيفج وهي صريخ تصرخ

الناس كعدت وطلعت تباوع بــــس اريدها تسكت التمن النسوان وهي ادفع بية وتصيح

-بت الفكر من جوة ليجوة تشتغلين طامة افلوس ومسوية نفسج فقيرة ام الضباط. النهار كلة تفترين ابينهم

-اباوعلهن مصدومة.وكلها تباوعلي بنظرة كرهة ومأيدين حجيها والزلم الكبار تصيح

-فضحتنا مثل الحياية ثاريجن ملعبات

الله فضحكم

-ام حوراء شنو هل حجي تعرفيني زين وتعرفين كل شغلي بالخضرة ليش هيج تحجين.

-ياخضررة عيني ياخضرة ...الخضرة ماتوكل خبز وبيتج متروس دولارات كلة من شغل الضباط بعيني اشوفهم نصاص اليالي ثلاثة واربعة يطلعون من بيتج واسكت واكول زحمة احجي تالي تجين هادة.على بتي بايكتج ..لاتخافين ما انمد ادينة على فلوس الحرام

-فاكة عيني وبس النفس يصعد وينزل كلهن يحجن كلمن مادة راسها من باب بيتها وتحجي

وصوتهن باذني مثل الصدى ..فزيت من اندفعت ..اباوع الجمره نايمة فوك ام حوراء وتضرب بيها بقوة

التمن عليها. جريتها. وعقلي ما مستوعب اجر بيها أريـــــد بــــس افوت البيتنا وهي تصيح عليهن

-اكص السانة اليجيب طاري امي اعرررف سوالفجن كلجننن اعرف ...ولج ام حوراء

لج مو اطلعهن.وحدة.وحدة مصاحبة ابو مؤيد ويطلع من بيتج الفجر ياجلبة. جاية على امي وانتي افعالج تغطي عين الشمس

وانتي ام اياد الصايرة شريفة اولدج يشتغلون بالمخدرات واللـــه افضحكم. مابيكم شرررريف كلكم اعرف سوالفكم واحد واحد

وانتة النكس تخلي اخوك يطلع الشغلة وتفوت البيتة المرتة البربوك

وانتي قدس الشريفة الاربعة وعشرين ساعة شكال القران وشحجة الرسول ..ام السطووح

ويا محمد اربعة.وعشررررين ساعة بسطح مسويتلج غرفة لنومة

احجييييي بعد لو اسكت. أريـــــد شررريف بيكم يحجي على امي ...سدت حلكي امي بيدها واني مفرفحة غلط.ومصايح بالشارع

دفعتني للبيت وجرتني للغرفة ترجف ..سدت الباب وكعدت وراه بــــس فاكة عينها

واني افتر بمكاني مفرفحة.لازمة ايدي واعدلها باصابيعي

-هم مابيهم شريف ويحجون ..هذا الكلب من يطلع اخو يصعد المرة اخو ينام وياها

وام حوراء نص اليل ابو مؤيد يجيها والفجر يطلع وهي صاحبة مرتة

وقدس الشريفة مخلصتها بالسطوح

وي محمد جوارينهم. وابنها الصغير منة باذني سمعتها دكلة ابنك مريض وهوا يكلها عمة عين ابوة

وابن ام اياد مصطفى هوا الذبح ابن بيت ام جعفر

كامت بسرعة دفعتني سدت حلكي بثنين اديها

-ما اطلعييييين لشارع بعد ما اطلعيييين

-هزيت راسي اي

-ترجعييين الدوامج وشغل ماكوو بعد

-دفعت ايدها مني ..تمام

جرت القران من الجام تباوع بعيني صاحت احلفي

-ما احلف .رفعت القران الوجها وبجت حيل

-ما اطلع بعد وعد بــــس لا تبجين

-احلفي ما اطلعين

-كتلج.وعد بــــس ما احلف خاف يصير شي وانجبر. ..وشوفي اذا كسرت وعدي لاتباوعين بوجهي

-كعدت بصف مصطفى وتبجي

-مسحت ايدي اوجهي ..هبه كامت حضنتها وامي نفجرت بالبجي انتظرتها شوية هدأت. باوعتلها

-يمه الفلوس الدورين عليهن ..منين؟

رفعت عينها تباوعلي ودنكت تمسح بعيونها ..

تقربت كعدت كدامها

- يـــــمة يافلووس الدورين عليهن باوعيلي ...

غـــــدير:: عــــمة اداينتهن

نــــهله: :اي اداينت من مرة يمي بالسوك

-شكد.....عكدت حواجبي ما مقتنعة وهي تباوع بوجهة غـــــدير كالت

غـــــدير ::مليون

-وهسه وين راح

نــــهله ::الله لا يجعل خطيتهن برگبتي ..بــــس يجوز وحدة ماتخاف ربها اخذتهن ..انتن شلون تعوفن البيت وتجن وراي ..

-اطلعهن من عيونهن حتى ترجعينهن هي نفسها الباكت فلوسج باكت الفلوس الاني بايكتهن

-شكد

جــــمرة: :رفعتلها ايدي أشرلها شدة دولارات هلكدها الزمها يابت كلب ماخذتهن اوكلها ورق بگدهن

سكتت امي ايدها على خدها ودموعها تصب

كعدت يمها

-لاتبجين هسه نشتغل ونلمهن فلس على فلس نوفيها ...فكت عينها خازرتي

-والقران ما امد ايدي بعد ومن اشوف شي ما احجي ..كامت على حيلها وجرتني من ايدي

دفعتنب للحمام ...::توضي بسرعة

-باوعتلها وتوضيت طلعت وراها دفعتني للغرفة الثانية فارشة سجادة سدت الباب صاحت

-صلي واستغغري

-خوش افتحي الباب حتى الله مايتقبل الصلاة  بالغصب......

اصلي بدون ماتقفلين الباب تبين بارادتي

- جمرررره

-سكتت وتقربت لسجادة خجلانة حيل وخايفة اوكف واصلي

نــــهله: : ابشع تهمة تمر بيها المرة هي الطعن بالشرف من هي محافظة.وحامية نفسها سنين مــــحد جاب اسمها على السانة وفجأة سيرتها تصير على كل السان ..

فقدان امي كاسرني حيل وماخذ روحـــــي

لاحملة.نفـــــسي السبب ولا جــــمرة مؤمنة بقضاء الله ...

يومين ورجعت لسوك خايفة يجي ابو البيت وهل مرة لازم ايجار شهرين ذاك الشهر ما اجة.وصرفتة ...

وعيوني اربعة.وعشرين ساعة مراقبة جــــمرة وخوفي منها وعليها جبرتها ترجع لكليتها تروح.وترجع وي غـــــدير

كل مايخلص يـــــوم اخاف اكثر شلون اذا عرفت امها متزوجة شلون اواجها ..اسبوع مر فرعنة نحرك حرك بيت ام اياد شالوا .. قدس اطلكت

ام مؤيد عافت بيتها وراحت محمد شارد والخوف يدبي بجسمي يهدون علينا يحملون جــــمرة مسؤلية كل الصار

.اسبوع ثاني مر .الفلوس فص ملح وذاب مالكيناهن وايست الكاهن ...لميت ايجار شهر وبقى شهر ...

جــــمرة :: عفت الشارع اول اسبوع خفت اكسر كلام امي ...بــــس اطلع من وكت علمود اروح للحجية. ..ثاني اسبوع كالت علاجي مخلص

رحت الامي شفتها حسبة تجيبها وحسبة تاخذها

سكتت ثاني يـــــوم مارحت لدوام طلعت لشغل بــــس اخذ علاج للحجية وبعد ما اطلع ومارحت بعيد بالتقاطع القريب على بيتنا ..اشتغلت واريد ارجع للبيت التفتت امي واكفة وراي

نزلت ايدي صافنة.بوجها وهي تباوعلي بعتب عافتني ومشت تمشيت وراها ..صيحت يـــــوم

ماحاجتني وصلت للبيت دخلت وراها شمرت الكلنس والمي بالطارمة.وركضت للغرفة

وكفت وراها يـــــوم بــــس اسمعيني

واللـــه ماجذب عليج اكو. انسانة.مريضة.وما الها غيري وعلاجها غالي لازم كل اسبوع يـــــوم باوعيلي ....رفعت عينها بعيني

-تعلمتي على الشارع

-خلصت عمري بيه

-مو.وعدتيني

-كتلج اذا نجبرت ارجع وهسه مجبورة لا تعترضين حتى ما اطلع من ورا ضهرج ...هزت راسها

-اداومين ومن ترجعين اطلعي الشغلج.وما تبتعدين بــــس بهذا التقاطع الساعة.بالخمسة ترجعين حتى لو ما مشتغلة.ولا ربع

-ابتسمت هززيت راسي اي واللـــه اي ماروح.بعيد ولا اتاخر ...مديت ايدي بجيبي طلعت الفلوس وشريط الحبوب مال الحجية ...باوعي راح اروح اجيبلها علاجها

-روحي يـــــمة الله يجعلها بميزان حسناتج.ويغفر ذنبج

-طلعت من يمها لصيدلية اخذت شريط.واحد وكتلها باجر اشتغل واجيبلج الثاني .ورجعت للبيت بسرعة

بقى الحلم الوحيد اليلازمني لحظة الشارع والسيارة وشلون مديت ايدي على الفلوس ما مر يـــــوم وما اجه هل موقف الراسي

قربت امتحانات الكورس الاول واني مافاهمة شي ولا عندي ملازم ونص المحاضرات غياب

اجتلي غـــــدير اطكطك باصابعها ..

-عندج فلوس

-كعدت على حيلي ..ليش

-اريد اسحب ملازم اني كتبت كل المواد بــــس هاي المادة ماكدرت

-شكد يعني تحتاجين

-خمسة

-خوش باوعي باجر ماروح للكلية بــــس لاتحجين الامي راح اروح للمعمل اشتري مناك وابيع بتقاطعنا هنا لان انا هم محتاجة

هزت راسها موافقة ثاني يـــــوم طلعت وافكر

الصبح من كلنا نطلع امي كامت تعوف مصطفى وحدة وتطلع لسوك ترجع الضهر ويا رجعة هبة من المدرسة تغديهم وترتاح وترجع للسوك ..

.صعدت غـــــدير نفرات وراحت للكلية.واني مشيت مشي للمعمل رجلي يدكطعن يله اوصل.

اشتريت وطلعت رحت على جهة حتى اغطي.وجهي واغير قمصلتي

باوعت مــــحد موجود عفت اغراضي على جهة ونزعت القمصلة لبست الثانية ..لفيت الشاال فوك راسي.وفوكاه كبوس جاي الف الثام على وجهي

وشهكت من تخلت ايد بيها كلنس على وجهي ..جلبت بايدة اجر بيها واشهك ..وعيوني يغوشن.ايدي احسهاا شوية شوية ترخة.وتوخر من ايدة عيوني غمضن

اسمع صوت.واريد بــــس افك عيني ماكدرت

نعست حيل واستسلمت

من حسيت نغزات بجسمي حاولت افك عيوني ثكيلات واسحب بيدي ماتنسحب راسي احسة.مضروب بشي قوي على كد الوجع

جريت رجلية ورجعت مديتهن بــــس جفني ماينفك والساني ثگيل حيل

ندفعت برجلي فزز جسمي وسحبتهن مسطورة وكلشي مايجي بعقلي

-اششش هيييي اصحيي سنايبر

-فكيت جفني وما اشوف نجر شي من عيني فكيت عيوني على وسعهن واريد افك ايدي مشدودات ورا ضهري. ورجلية مربوطات

صيحت صوتي ررايح

منو منو انتة .....تقرب علية ملثم والسلاح بيدة خله عينه بعيني يحجي بصوت خافت

-باوعي بعيني سنايبر

-غمضت عيوني ارجف واصيح فك ايدي منو انتة شتررريد ...شهكت وسكتت من خلة اسلاحة بكصتي. النفس يرجف بريتي وگلبي ينخض خض فتحت عيني جفني يرجف

عيونة بعيني

-اسم واحد احجية قبل لا تموتين

منو موديج عليه

-غمضت عيني اشهك منووو انتة.منووو

رص السلاح على كصتي حييل

يحجي من بين اسنانة

-ميتة ميتة بــــس كليلي منو موديج علي

قسام دازج مو لو ابو الهيل لو منو احجي كتلج اسم واحد احجية

-ااااخ صرخت بعد السلاح من كصتي صيحت ودموعي...نزلن لاول مره اخاف اموت اجن حجايات امي كدام عيني وحدة.وحدة صلي ماتدرين شوكت تموتين هاي راح اموت وانا مطلوبة صلاة راح اموت وماعندي اليشفعلي

واح تخنگني وحشة الگبر

-رجع علية بعصبية لزم فكي بايد واسلاحة.براسي شهكت حيل تشاهدت  واردد امي امي امي مــــحد اجة.بعيني غيرها فكيت عيني بعينة حسيت هاي اخر نظرة للدنيا

-اااحجي.منو وداج الدربي

ويامن شغلج سنايبر منو انتي

-ماعرفك ماااعرفك واللـــه ماعرفك.

قوة.لزمتة الفكي وجر راسي عليه فاك عينة بعيني

-ماتعرفيني وماخذة هلكد فلوس مني اذا تعرفيني شتسوين .....شوفي من هل مكان ثنين مانطلع. وبينج. وبين الموت طلقة ..انطقي.وكولي منو وداج عـــــلي

-ماااااا اعرفك واللـــه ماعررررفك صيحت بصريخ ارجف ....دفع راسي وكام جر بطل مي

وكعد يمي

فك البطل ولزم.فكي يشربني غصب

-اشررربي لاتموتين عطشانة

-جر البطل شمرة ورفع سلاحة الراسي

جر الثام من وجهة.غمضت عيني

صاح

-فكي عينج باوعي حتى تعرفيني بجهنم

اخر مرة اكولها الج منو دازج

-رجعت غمضت عيني ونطقت اشهد ان لا اله الا الله واشهد ان محمد عبده ورسوله واشهد ان عـــــلي ولي الله

بعد السلاح مني سحبة.ورجعة الكصتي

-رجع جثتي الامي ..نطقتها وبجيت مغمضة.والموت كدامي حسيت شفتة

عصرت عيوني حيل وصوت تلفونة يدك

والسلاح بكصتي اجر نفس بقوة املي ريتي

كل جزء بجسمي يرجف

ابتعد السلاح مني فكيت عيني اباوعلة جر التلفون من جيبة صيحت

-ماعرفك واللـــه ماعرفك ..رفع المسدس بوجهي

فتح التلفون وشمرة بصفة بالكاع ..اجة الصوت من التلفون

-الو جـــــندل

-ها

-لك هاي مو.وي قسااام

-وي ابو الهيل؟

-ما ادري وي ابو الهيل ويا  الاستخبارات بــــس  امها مزوجة.عقيد مدري امر ويامن ورطتنا

-اثوووووول اثوووول اسبوع صارلك معلومة.صح ماجبت

جــــمرة: :دفع التلفون برجلة واني اصيح ::جذذب واللـــه جذب

كام على حيلة يفتر شكلة.مخيف ويلعب النفس.وجهة والجروح عينة المضروبة.وصايرة زرگة اثر جبير من حاجبة ونازل الخدة ... التفت عليه

- ليش ماتحجين ويامن تشتغلين تموتين احسن لو تنطين اساميهم

-والله ما اشتغل وماعرررفك

-لجججج لادكولين ما اعرفك وتجذبين ورقتج محروكة عليمن هل جذب

-ماااعرفك بشنو احلفلك مااعرفك ..واللـــه ماعرفك بجيت وسحبت رجلية الصدري اجة.كعد يمي مد ايدة الفكي ورفع وجهي عينة بعيني ...بلعت ريك

-تذكريني زين

-هزيت راسي لا ..وعيني فاكتهن حيل اغلط بنفسي لا مو هوا مو البگت فلوسة

-ويامن تشتغلين

-مو وي احد ..غمضت عيني اقتنعت هوا .::اسفة لان اخذت فلوسك جنت محتاجتهن والله. ضحك بقرف

-ههههه تحتاجين ثلث شدات؟ وين وديتيهن

اشو فكر بت فكر وكاعدة باتعس منطقة ابغداد

تجدين الربع من السيارات...

-رفعت عيني بعينة ..ما اجدي اني اشتغل

-هههههه انطقي منو وداج عليه

-محد واللـــه مــــحد اخذتهن لان محتاجة فلوس عملية البيبيتي

-شكد حنينة عمة عيني عليج

-رجع جر رجلية.وكعد عليهن صرررخت شايطة

رفع اسلاحة براسي

-اخر مرة اسئلج منو وداج عـــــلي

-اجر برجلية.واصرخ حسيت اعضامهن تكسر

بجيت واصيح ..مــــحد والله مــــحد

-كام مني جريت رجلية واصرخ من الوجع افتر

بمكانة بحيرة ورجع باوعلي ابتسم

ودنك يشيل تلفونة من الكاع جر الكرسي رجعة ليوره مقابيلي خلة التلفون علية والكامرة مبينة من بين فتحات الكرسي دنكت عيوني امسح دموعي بمتني ..واصيح.عليه ...افتر كدام التلفون.وباوع بية. ررفع حاجبة.ونزل شفتة راضي

-باوع واللـــه اشتغل وارجعلك فلوسك واللـــه. بــــس عـــــوفني ..ضحك

-شفتي وجهي وين اعوفج بعد

-ما احجي.واللـــه ما احجي ولا اجيب اسمك ولا انطق حررف ...يباوعلي يضحك.ويفتح بقميصة

بلعت ريك

صيحت. شجاي تسووي حــباب واللـــه ارجعلك فلوسك ..شمر القميص على الفراش البصفة

بصفة ثلاجة صغيرة مد ايدة فوكاها جر جيس حبـــوب من فوكاها

:عيوني تراقب والساني يحجي ويحلف. واللـــه ما اجيب اسمك ولا احجي شي ..دار وجهة يريد يطلع من الغرفة

ضهرة كلة مضرب واثار الضرب ازرك.وبنفسجي

دقايق ورجع. رفعت عيني بعينة

-والله ما احجي....:كعد على اركبي. صرخت خلة حباية بحلكي ..ميلت راسي اصرخ

-اشش ابلعي اشش هي ابلعي

-سد حلكي بيدة واحس بالحباية من دخلت البلعومي الاحسة تجرح كد ماصرخت

مد ايدة بجيبة جر شيشة.صغيرة ودار سحب قميصة

عافة بالكاع ورش علية من الشيشة فكيت عيني واحرك راسي بصريخ شال ايده من حلكي ..صرخت خلة القميص على وجهي تنفست بسرعة.واصرخ. ...ابتعد وخــــر القميص بــــس تنفست منة   طحت على الفراش

عيني تنفتح وتنسد بثگل والساني يثگل

غمضت عيني وفتحتها..صاح منو موديج عليه

ضحكت ..::امي ...همست وغمضت

رجعت باوعتلة كعد كدامي مد ايدة يفتح ايدي وضحك

ضحكت اني هم گـــــال

-اي امج خوش تشتغل

-اي هههههه

-شوية.وحسيت جسمي انكث نكث اااخ صرخت

وارجف حيل

-شبيج

-راح اموت

-هسه ترتاحين احلى راحة

-لاتموتني ما مصلية .....عصرت عيوني حيل.وجريت ايدي الصدري أريـــــد اسيطر على رجفتهن وصوتة يضحك

جراني.وكعدني حسيتة مد ايدة يفتح القمصلة

دفعتة

وجر الحجاية جر

-وخررر

-اشش سنايبر اشش

-وخررر اشربتني ....ثكل راسي بديت افقد كلمة اسمعها منه وكلمة لا فعل احس عليه وفعل لا

فكيت عيني احس نفـــــسي بــــس بالتشيرت والقمصلة ماكو

رفعت ايدي أريـــــد ادافع عن نفـــــسي ماكدرت

من يضحك اضحك ومن احس ايدة على جسمي ابجي واحاول ادفعة فقدت وماحسيت بشي

لحظات حسيت صوتة باذني

-اصحي سنايبر خليج وياي

-فكيت عيني ورجعت غمضت احس صدرة نلزك على جلدي تيقنت اني بدون ملابس ..غمضت عيني واحس بادية رفعهن وخلاهن على ركبتة

وجهة حسيتة بركبتي ..فكيت عيني ..اباوع للتلفون ورجعت غمضت حلكة.ونفسة احسهن باذني يهمس

-سنايبر بــــس مو على جـــــندل

-غمضن عيوني اخذني لظلام ماكدرت اقاوم النعاس وجسمي الحسيتة فقد كل طاقتة

يتبــــــع⋆𓍯

الكــــاتبة أيـــــــلول⋆𓄼𓂁

#الريحانات 🌿💚

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

جــــمرة ::مكان دافي غطة ناعم... سكون بدون اي صوت يجبرني ابقى مستسلمة للنوم ثگل جفني يجبرني ما اصحة

جريت البطانية انلف بيها عدل احسها راسآ تصير على جسمي نغزات ابطني  وعقلي

احسة مايجمع المواقف

فكيت عيني بثگل ورجعت غمضت من شفت وجهة كدامي مبتسم . مثل الشريط ينعاد كلشي براسي بلقطات متقطعة

بقيت مغمضة واجر بالبطانية على جسمي شهكت مختنكة قطعة ملابس ماعلية عاصرة عيوني بكل قوتي ولازمة بالغطة بأثنين ادية عقلي رافض يستوعب احس نار بدت تحرك بروحي

سحب ايدي حيل يريد يكعدني دفعتة بكل قوتي صرخت حيل ياصرخة التطفي نار گـــــلبي

-اششش سدي حلكج حتى اراويج

-رفع التلفون يأشرلي مبتسم احس بمعدتي تگلب دنكت امسح عيوني رفعت راسي اغلط. واسب

اجة بسرعة سد حلكي بيدة

-السانج السانج ماتردين تشوفين امج؟؟ اخوج؟؟

-فكيت عيني بوجهة رجف داخلي برعب .. رفع التلفون الي مبتسم

بلعت ريك احس رجفة جلبت بجسمي دفعت ايدة من حلكي مجلبة بقوة بالغطة مادري شنو الرايدة احافظ علية وانا خسرانة اعز شي

.كعد بصفي

-اول شي شاهدي انجازاتج

-عيني متبسمرة على التلفون واصبعة اليتحرك على الشاشة اضفرة الصاير ازرك يحرك ايدة بدون مايشغل الفيديو احس النفس ثانية عن ثانية.يقل بريتي ...

شغل الفيديو گدام عيني ما مبين منة غير ظهرة

واني اااني وجهي وجسمي ..يصير سواد بالفيديو ويرجع يكمل من يسحب ملابسي قطعة قطعة.واني مستسلمة الافعالة القذرة واحضنة لو اضحك... جريت نفس اشهك سد.الفيديو

-هاج اشربي مي ارتاحي واكملج الفيديو

-دفعت ايدة.واشهك بكل حيلي أريـــــد اسحب نفس احس الهواء يوكف أبلعومي ..لزمت بأيدة

جسمي جبرني حاجتي للهوه جبرتني انتظر المساعدة منة

-هوب هوب تنفسي تنفسي لاتموتين احتاجج

- حتى الغطة عفتة ومجلبة بأيدة حيل دك على ظهري وفتح البطل شربت شوية.ودفعتة مختنكة.

دفعني على الحايط ومد ايدة يسد حلكي ويحجي بدون مبالاة

-من خشمج تنفسي ااي بعد جري نفس

-دفعت ايدة شايطة روحـــــي أريـــــد اوكف اي طريقة توصل الهوأ الگلبي .. رجع دفع راسي على الحايط وضغط باصبع واحد على رگبتي

-بس اطي صبر وجري نفس اي حيل من خشمج وازفري من حلكج بعد حيل

-مغمضة عيني واتنفس بــــس حسيت روحـــــي  گدرت اجر نفس دفعت ايدة وضربتة على وجهة

-وخررررر وخرررررر وخــــر عووووفني ..خليت ايدي على اذاني وصرخت بكل صووتي 

-كام على حيلة جر الكرسي كعد مقابيلي واني

اغطي برروحي القذرة شنو الاسترة خسرانة بيا وجهة ارجع الامي بيا عين

.مدنكة وارجف واجر بالفراش على جسمي

صاح

-باوعي سنايبر

-رفعت عيني أريـــــد اغلط وجمدت كلي عيني بالتلفون ونبض گلبي ثگل حييل حيييل. صوت ضحكتة. يدك براسي ..دار الصورة شهكت

كام من الكرسي واجة بصفي وعيني بعدها مانازلة من التلفون رجع قرب على الصورة

-روحي دنيتي امي ابسطيتها بالسوك ..رافعة ايدها تنطي علاكة الخضرة للمرة الواكفة كدامها

حجابها حد وحد وي الحاجب والعباية ماتنزل

من راسها جفوفها السود المايوم طلعت بدونهن

ينشكن وتخيطهن ...يقرب بالصورة على كل جزء بيها

دار الصورة الثانية

حيلي وصبري قوتي ومجازفاتي. صوفي

امدد بفراشة ومسدس على مخدتة بصف راسة

..يقرب الصورة على المسدس ويدك باصبعة عليها مرتين

قفل التلفون.وگام وكف أدية بجيبة.ونظرتة كلها انتصار

-شتريدددد امي. ما مالها ذنب واللـــه مالها ذنب  اني البگتك ودفعتني الثمن اغلة من فلوسك بألف مرة ..واخوي مريض ...

-شفتي خوش مصورهم لقطات

-شتررررريد شتررريد

-هاي هسه تــــدرين ..اخوج بالبيت وحدة.وامج بالسوك ...تردين يفتحولج فيديو؟

-موتني شنو شنووو التريدة سوي عذبني اذبحني وعوفهم واللـــه مالهم ذننب واللـــه مالهم ذنب ..باوع هاي اني كدامك اذبحني عوفهم

-شنو استفااد اذا ذبحتج ....احجي ويا منو تشتغلين؟

-ما اشتغل والقرااان ما اشتغل وي احد ليش ماتفهم

-اختج الصغيرة ترجع للبيت بعد نص ساعة!!

-ماراح تستفاااد شي من اذيتهم لا هم البايگينك ولا هم اليعرفونك ..اذيني اني اني الاخذت فلوسك

-ضحك حيل ..وجر الكرسي قريب علية كعد كدامي يباوع بوجهي ...

-نطيني فكرة. شنو اسوي بيج حتى اعوفهم

-بلعت ريك ...عيوني جمر. وكلبي يرجف..احس اذا عبرت ثانية.واني عايشة يموتون اهلي

-اذبحني. احركني. موتني. اي شي شتريد اي شي بــــس عوفهم

-هههههه....شذبح منج وامج الحلوة مال المركز

اليشوفها يگول هاي فاتحة.جامع ...وهي فاتحة ......

- گـــــلبي يدك حيل وراسي مسطور كلساع احس راح اغمض وعقلي مثل الينطفي ويرجع

دفع الكرسي ليورة كعد علية داير وجهة مني

ويحجي..جريت التشيرت لبستة بسرعة وروحي وگلبي يرجفن. تجة راسة على الكرسي ساكت منطيني ضهرة ..لبست بسرعة

وكمت على اطراف اصابعي طلعت من الغرفة رغم ادري بية كاعد ويعرف بية بــــس اريد اطلع أريـــــد الحك باهلي

صارت صالة بوجهي ونهايتها باب رحت اركض

اجر بالباب وماينفتح التفتت على صوتة مكتف ادية اواكف بالباب

-رفع حواجبة للحايط ::_بصفج المفتاح

-مديت ايدي الترجف جريت المفتاح واحاول افتح الباب وكل ذرة بجسمي تهتز بمجرد حسيت المفتاح اندار

وراح اطلع منا تنفست حيل واول مافتحت الباب وخطيت خطوة خارج رفعت عيني للباب الثاني ابعد خطوتين اتلفت منا ومنا مجرد حايط ابيض وحتى شباك مابية..مديت ايدي للباب اقنع بروحي ما مقفول بــــس كلشي انتهى بمجرد سحبت الباب ومانفتح ..التفتت من صاح

-راح ارجعج الامج وتنفذين المطلوب منج

-رجعت دخلت خطوتين للصالة واهز براسي ااي روحـــــي احسها بدت تطلع ::- اي بــــس لاتخليهم ياذونهم

-ضحك ورجع للغرفة صاح. ::- تعالي

-مشيت أبسرعة وامسح وجهي برداني

كعدت على اركبي گدامة وجريت الكبوس لبستة

ابتسم گـــــال

-نوب حتى شعرها ولادي رجال بــــس يحتاجلج شارب

-ليش ماصرت انت رجال رغم عندك شارب

-اختفت ابتسامتة دنكت عيني ساكتة خسرانة مو بموقف يخليني ارادد واحجي 

-ارفعي عينج سنايبر

-رفعت راسي اباوع بوجهة عيوني احسهن يردن ينفجرن وبطني متكطعة من الوجع

-راح ارجعج للبيت بعد ساعة دكعدين ويا امج ام الضباط. السالفةومابيها

عندج صديقة بالجامعة ابن خالتها عايش بالخارج

اجة.زيارة للعراق وشفتة بالجامعة صدفة حبيتة.وحبني ومن هاي السوالف بعد انتي لغمطيها شلون ماتحبين

اهلة ميتين وعايش وحدة  بالنرويج .

اسمة الأبـــــهر عمرة 28 مجـــرم بــــس انتي  كليلها مكمل دراسة وموظف  بشركة وبعد شتگليلها

خالتة وزوجها  راح يجون يخطبوني ونعقد لان لازم بعد يومين نسافر علمود شغلة.

مهمتج هنا تقنعين امج باسلوب حلو لازم تقتنع احنا متزوجين مو خاطفج ومغتصبج

بالاضافة تجيبيلي اسم زوجها وشنو وظيفتة بالضبط ..عقيد امر ضابط  لواء

-هههههههه دنكت اضحك من كل گـــــلبي وهوا هم يضحك. دك صوت رسالة التلفونة واني مدنكة واضحك سكت وصاح

-باوعي سنايبر. :: رفعت عيني اباوع وامسح بعيوني اتلاشت ضحكتي. ..صورة البيتنا من السطح دار الصورة الثانية هباوي تفتح بالباب الصورة البعدها  هستوها داخلة لطارمة جنطة المدرسة بمتنها

-مباشر هاي!"

-اباوع بوجهة وبس ارمش بعيني قفل التلفون وكام من الكرسي دنك سحبني من ايدي امشي وراه ساكتة. دفعني بالحمام

-غسلي ورتبي روحـــــج ماريد شي يبين غلط

كلما تتأخرين تعرضين اهلج للخطر وانتي بكيفج

-سد الباب واني بعدني متصنمة بمكاني بــــس فاكة عيني. نزز جسمي وفزيت من صيح بصوت عالي

.التفتت اباوع للحمام انجانة بيها مي وماكو حنفية ولا اي شي تقربت عليها ارجف قربت ايدي الزم المي ثلج. ادموعي ينزلن وامسحهن بسرعة بسرعة كارهة كلشي صاح: :- خمس دقايق بعد

-نزعت البنطلون بسرعة. اشيل مي بيدي واشطف برجلية.وافركهن باضافري حيل التفتت للباب من صاح

-دقيقتين

-جريت البنطلون لبستة باستعجال. فتح الباب

ودخل سحبني من ايدي للغرفة

-حجابج وبسرعة أريـــــد ارجعج

وانطيج فد معلومة ترحين تشتكين تسجلين دعوة تنطين اسم معلومات مواصفات

راح يطلعلهم شخص عايش بالنرويج وانتي تتبلين علية بالاضافة تخسررين كلشي شفتي اني يمج ومدخل واحد البيتكم اواحد يفتر ورا اختج البلكلية اواحد مكابل امج بالسوك بمجرد تفكرين تلتجئين للشرطة ودعيهم

- باوع واللـــه ارجعلك فلوسك وانت اخذت حقك مني لوثت روحي وجسمي عوووفني وعوف اهلي

- هـهــهــهــهه حلوه هاي مال لوثت لا تحاولين

...شكد رايدج تحجيلي اسم الوداج علية بس حتى لو حجيتية ماراح اعوفج يعني لاتعبين نفسج

-باوع شتريد ارجعلك فلوسك اجمعهن واللـــه اجمعهن

-ههههه لا السالفة صارت اكبر من الفلوس يلة خلصيني ماعندنا وقت

-جريت الشال الفة على شعري والكبوس بيدي واحجي بحركة: :- واللـــه تتندم اذا انتة مجـــرم اني ما اخاف على شي غير اهلي شلون تأمن بية اموتك والله مستعدة اموتك عـــــوفني ...

-ضحك حيييل ::- هوا منو الراح يخليج صاحية هاي ايدج الهسة تحذريني بيها اذا ماخليتها من الرجفة كلاص مي ماتگدرين اتلزمين بيها..ما اتسمة جـــــندل

-دار وجهة جر شيشة لونهــــا ابيض يختلف عن القبلها وسحب منديل من جيبة يرش علية رجعت ليوره

-لاااا لاا عفية واللـــه ما احجي. اذا تريد شد اعيوني وحلكي  ومانطق حرف ما احجي واللـــه ما احجيييي بــــس لاتخليني من هاي

- سد الشيشة واجة علية غطيت حلكي وخشمي بيدي مفرفحة. واكمز ..جر ايدي يعت بيده وما افلتها من وجهي دفعني للفراش وثنة ركبتة فوگ بطني. جر ايدي من وجهي صرخت متوسلة

-والله ما احجييييي عفية لااا ..لم ادية بايد

جر المنديل.  غطة بية.وجهي وخشمي كطعت النفس ماريد اتنفس وافقد احرك براسي واصرخ بخنگ

-اشش جري نفس يلة بــــس جري نفس حيل يلة

-اختنكت وتنفست عييني بعينةة. .نزلت ادية وبالكوه فاتحة عيني يثگل جفني وينزل على فص عيوني ..گام وكف ويحجي

-نامي يلة

-غمضت عيوني ماعندي اي طاقة كلشي خارج ارادتي

حسيت نفـــــسي شبعانة نوم بــــس جفني ماينفك كلما تفوت ثانية احس بروحي جاي استوعب اكثر صوت اذاعة مشتغلة فزيت كعدت على حيلي اتلفت متمددة بسيارة بالكشن الوره فاكة عيني على وسعهن ما مستوعبة اني وين

-صباح الخير

- رفعت عيوني اباوع ليگدام فاكة عيوني على وسعهن ...منو ...من منو انتو زحفت للباب اجر باليدة أريـــــد افتحها واصيح ..منو انتة منو شسويتوا بية

-عبد مأمور.... جـــــندل طلب اوصلج الهل مكان

وگال من تصحة كلها سنايبر لاتغلطين وي جـــــندل مــــحد يخسر غيرج

-افتتتح افتتتح الباب فتح السيارة ونزلت ارجف  واتلفت بس أريـــــد اعرف اني وييين ماكو انسان ماكو طير امشي واتلفت فر سيارتة وراح وكفت افتر بنفس المكان مسطورو المكان شايفتة واعرفة بــــس ماجاي اميز اني وين

كعدت على حيلي مغمضة عيني ورجعت فتحت.   اركز عدل هاي الدربونات الوره دربونة الحجية

مهجورات كلهن كمت بسرعة

امشي ومستعجلة فتت على دربونة الحجية

وعبرتها بخوف لاول مرة اشرد وما التجئلها

لاول مرة اخاف احجيلها دكيت باب بيتنا وصوت هبة اجالي تصيح

-اجيت اني اجيت ..من الطارق

-اني اني  افتحي جــــمرة اني

.فتحتلي الباب الضحكة شاكة حلكها اول ماشافتني صاحت

-نطووني النتيجة كلة عشرات

-بلعت ريك اباوع بوجها ...امي هنا

-اي جاي تسوي شوربة المصطفى

-وغدير اجت

-اي شبيج انتي

-مابية شي روحـــــي جيبيلي ملابس راح اسبح

:: راحت تركض. دخلت للحمام قفلت الباب وكعدت وراه شلون اباوع بوجه امي شگول. شحجيي ربي شحجي فزيت على دكات الباب وصوتها اليذبحني

- جــــمرة

-بلعت ريك اضيع الغصة البلعومي: :- هــــا يـــــمة

-شبيج بله افتحي الباب

-ماكو ماكو شي أريـــــد اسبح وكعت بالطين

عضيت شفتي ارجف وكمت بسرعة نزعت التشيرت كالت: :- هاج هاي ملابس ..صرت ورا الباب ومديتلها ايدي خلتهم بأيدي وكالت

-بسرعة خلصي راح اخليلج شوربة بصحن

-سديت الباب وكعدت افرك بجسمي مراية مكسورة بالحمام وامي مغطيتها بقطعة سودة

كمت جريتها حيل ..واباوع بوجهي

وبركبتي اوخر بشعري واباوع بخوف ماكو اي اثر دنكت اباوع بجسمي ..بــــس. افخاذني مشطبات بزراك خفيف ..وكدمة.صغيرة ابطني هستوها تصير زرگة

دكت الباب غـــــدير وتحجي همس

-هاا همست وسكتت ..

-باوعي كلت العمه جــــمرة خلصت محاضرات ورجعت من وكت للبيت وطلعت لشغلها خاف تسئلج مو تحجين غير شي

-اي اي تمام ... شطفت روحـــــي وكمت  اكو رجفة بايدي وجسمي خفيفة ومجاي اكدر اخفيها واسيطر عليها طلعت صاحت امي

-تعالي صبيتلج

-دخلت للغرفة هي مگعدة مصطفى بحضنها وتوكل بية اصابيعها زرك لان لازم تخلي الگمة بحلكة.وتدفعها باصبعها يلة يگدر يبلعها ومرات

يسد اسنانة على اصبعها تشيط روحها تضل بــــس مغمضة عينها وتجر بأيدها

شالت الصحن مالتي خلتة يم الصوبة وتاشرلي اكعدي ادفي

كعدت يمها كالت: :- اشتريتي علاج الحجية

-مدنكة واهز براسي لا: -بالليل اشتري

-جا كنالها تجي تعيش يمنا بــــس اخاف نبتلي

يصير عليها شي ومية الف واحد يطلع وراها

-لاا ماتعوف بيتها هي ..

-ديلة اكلي راح تبرد

-جريت الصحن يمي اكل بدون نفس وعقلي بعيد حيل وكعت الخاشوكة من ايدي ..ورفعت عيني مرتبكة اباوع الامي تباوعلي عاكدة حواجبها

-شبيج ترجفين

-بلعت ريك  ...::- بردانة الماي بارد سبحت بية

-مسحت ايدها وكامت جرت بطانية ولفتني

بيها وتحجي عـــــلي ::- جا ارتاحيتي من رجعتي من الكلية اكعدي ادرسي مو راح تبدي امتحاناتج

-عفتها وكمت على حيلي. ::- راح انام يـــــمة تعبانة ...

-بيج شي مريضة؟

-ابتسمت اتلافة خوفها ::- لا كلشي مابية بــــس نعسانة هزت راسها اي

عفتها ورحت للغرفة الثانية فتحت البوفية

ادور وارجف صاحت غـــــدير

-شجاي ادورين

-الشاال الشال وين عفتة هنا الصبح وينه

رفعت اكتافها تسوي ما ادري ..رجعت ادور كومة الملابس كلهن بالگاع ..وينه ووينه

غـــــدير ::كمت على حيلي مبتسمة ..هي فضحتينة عمرج 20 سنة وبعدج ماتنامين الا الشال بيدج يجوز عــــمة شمرتة......لزمتها من كتفها أريـــــد اكلها وخري اني ادورة ..دفعتني بقوة وصرخت بوجهي

- ووووووينة

-رجعت ليوره مصدومة وهي ترجف وتشمر بالملابس ..اجت عمة تركض صاحت

-شكوو

جــــمرة :: الشال وين شمرررتية.صدك شمرتية

غـــــدير: : اشاقة جــــمرة ..هنا شفتة بالجام وخري اني انطيه الج ....عافتني وراحت لجام جرتة وجرت بطانية.ومخدة تمددت بالگاع وتغطت والشال بيدها

التفتت على عــــمة مختنكه والدموع مجمعة بعيني همست مختنگة ::- اشاقة وياها واللـــه

-اشرتلي عــــمة بأيدها ميخالف وملامح وجهة. ميخالف اعذريها

سكتت ورجعت كعدت بصف هبه اكتب

الشال من جانت جــــمرة طفلة ماتنام اذا ما تلزم عــــمة من شالها وعمه تريد دكوم تشتغل كامت تخلي الشال بيدها ودگوم وكبرت جــــمرة والشال وياها بحيث مافات يـــــوم ونامت بدون ماتلزم الشال بأيدها

ومره عــــمة كالتلها شمرته وهي ضامتة ...الليــــل كله جــــمرة مانامت وبس تفتر

- رجعت عــــمة طلعت للسوك درست هبه وكملت دروسي وجمره ماكاعدة

بمجرد تخشن معاملتها وياي احس بخاطري ينكسر رغم اعرف بيها شكد تحبني وشكد ضحت علمود توفرلي ملازم وملابس بــــس هوا هذا اليتيم ابسط كلمة.تكسر بخاطروة

مسحت دموعي واني اتذكر شكل امي لاخر مرة

شفتة شيصير لو معايفتني ومتعلقة بية مثل ما عــــمة ضحت بسنينها وعمرها علمود اطفالها

ليش فضلت الزواج عليه وياريت لو رجعت سئلت

انا انا التنازلت من شفت عمة محتارة بالعيشة كتلها عــــمة اريد اروح اعيش ابيت جدي

ورحت بــــس اول يومين مشن عاديات وثالث يـــــوم تحرش بيه جدي دنت نفسه على بت بنتة قشعر بدني واني اتذكر لمساتة الجسمي

عبالة غشيمة. مايدري بعمة.شمعلمتنا ..من يومها رجعت العمة ابجي واتوسل لو اموت من الجوع خليني عايشة عندج لاا تعوفيني اروح الغيرج

ذاك يـــــوم وهذا يـــــوم عــــمة تقصر على جــــمرة وهبه وماتقصر بشي وياي كلمة تكسر بخاطري ماسمعت منها

-التفتت على صوت جمرة تحجي بهدوء

-امي وين

-راحت لسوك ...بقيت اباوع بوجها كعدت مقابيلي مدنكة وساكتة ...:- جــــمرة بعد ماريد الملزمة صديقتي عدها نسختين ونطتني وحدة.والباقي كتبتة

-زعلتي مني

-لا واللـــه بــــس انتي شبيج اليوم

جــــمرة ::-  هزيت راسي مبية شي عافتني وكامت شلعت المراية من الحايط وجابت خيط واجت يمي كاعدين بالطارمة. شدت الخيط

بالشبااك وكعدت تحف شواربهاا وحواجبها. دارت كدامي

-اكلج جــــمرة شوفي حواجبي متساويات

-هزيت راسي اي. رجعت تباوع بالمراية وتحجي

-هسه خشمي شدعوه هلكدة  نوب شوفي خدودي صاير بيهن مثل النمش بشرتي صايرة تلعب النفس

-كلة من هاي ورك سدر مدري شنو التخلينة الوجهج

-جا شنو اخلي اشوف البنات وجهن جنة مراية والخدود تفاح وحمر شحلاتهن ..تكرص خشمها يصير احمر انا اكرصة يكبر

-هههه احسن يفيدج ما اتعبين جرة.وحدة تشفطين هوا مال خمس اشخاص

-اي صح بــــس انتي خشمج زين حلو

-هسه وجهي وشكلي ولد لو فعلا ولد ...جرت المراية خلتها كدامي وتحجي

-شبيج.ولد خلي احف شاربج وحواجبج وعوفي شعرج يطول لاتكصينة ..وشوي تسمنين تصيرن شحلاتج ترا انتي مخربة شكلج

-ركزت عيوني بملامحي ..جفني من افتح عيني ينطبك عيوني سود.وداير مادايرهن صاير احمر  حلكي شفايفي متكشرة  اعظام فكي واضحة  شعري اسود قصير من كدام حد ويا حاجبي وينزل حد ويا اذني ليوره يغطي شوية.من رگبتي وينلف ليفوك.

جسمي حيل ضعيف ماعندي مـــلامح انوثة بحيث من البس القمصلة العريضة.وبجامة.عريضة.ما ابين بنية ابد ابـــــتسمت غـــــدير

-شفتي حلوة بــــس هاملة روحــــــج ومن تزوجين تسمنين بسرعة

-ههههه انتي تدررين اني مرات انسة مـــلامح وجهي اني حتى بالمراية ما اباوع

- واني باليوم عشر مرات اباوع. حباية جدية طلعت بوجهي اثر جديد شعرة جديدة مراقبتة

بــــس واللـــه احجي صدك ترى مـــلامحج حلوة

مخربتهن بضعف بــــس حلوات

-دنكت ساكتة أريـــــد احجيلها ومترددة كامت

صاحت :: عــــمة متسوكة نسوي عشا؟

-بكيفج همست وسكتت

-اطبخ تمن واكصص بتيتة وبصل احمسة

واخليهن عليه وعدنة روبة

-تمام ....كامت للمطبخ عفتها وصعدت لسطح افتر وادور هــــــدوء وماكو شي.كعدت محتارة

شنو الاسوي ....اجازف واروح للشرطة خاف اخسر اهلي مو كدهم شنو الورطني.

رفعت راسي للسماء ...ربي مديت ايدي للحرام وتندمت والله تندمت مو كد هيج حمل انا ليش تعاقبني اشد عقاب تبت واستغفرت ليش عقوبة الحرام هلكد صعبة ليشش مر هواي وقت واني على كعدتي

.كمت من سمعت غـــــدير تصيح نزلت الها

محضرة تمن بجدر صغير وكاسة.روبة باوعتلي مبتسمة

-الليلة جمعة ودية للحجية وكليلها تقرأ الفاتحة البيبي

-لبست واخذتهن منها تمشيت لبيت الحجية

راسي الجان يطخ السما من امشي نزلتة للكاع

هسه اني مو شريفة هسه اني ماشية بدرب غلط

قبل امشي ورافعة راسي واليحجي كلمة اردها عشرة لان ماشية بطريقي وماعندي شي غلط حتى اليعرفني اشتغل بالتقاطعات مايكدرون يحاجوني ..بــــس هسة.امشي وخايفة احد يشوف شنو بداخلي وشنو الصار وياي امشي.واكول هسه ينشر الفيديو هسه الكل يشوفة

دكيت باب الحجية طلعتلي

ماقبلت ادخل بــــس انطيتة الها ودرت أريـــــد ارجع التفتت فازة على صوت هورن سيارة بلعت ريك اباوع للسيارة

بنهاية الدربونة.شغل كلوبات.ويطفيهن مو نفس السيارة الوصلتني ...هاي صغيرة بيضة

عفتة.ومشيت بسرعة.رجع دك.هورن ما التفتت مشيت حيل سمعتهــــا تمشي  قوية مشيتي واحسة.وراي ابد ما التفتت فات من ييمي تعداني وخفف يمشي على كيف ..وكف بالركن ومشيت بسرعة البيتنا دخلت مرتبكة لكيت امي هستوها جاية مشترية شال الغدير وجواريب وشكالات الهبة كاعدات يمها ويسولفن.وياها

باوعتلي وجرت علاكة من يمها فتحتها وطلعت تشيرت نيلي كالت: :- جبتلج هذا

-يمه انتي متزوجة؟؟

سئلتها وعيني بعينها فكت عينها حيل.واختفت ابتسامتها نزلت التشيرت لفتة وعافتة

رفعتلها حاجبي. صاحت غـــــدير

-شبيج جــــمرة

- يـــــمة جاوبيني ....هزت راسها لا

- لا شكو شبيج. شنو.مزوجة

-سكتت اباوع بعينها دك نفس الهورن اباب بيتنا نز جسمي وامي تباوعلي مستغربة حجيت بسرعة

-اكو ولد راح يجي.يخطبني بعد يومين. تنفست حيل. وهي صافنة.بوجهي وتبلع ريك متوترة

-شنو شبيج.جــــمرة احجي عدل

-حجيت ..باوعي اكو.ولد راح يجيي يخطبني

-جمرة فهميني لاتخبليني ياولد ..تعالي كعدي تعالي

-مسحت وجهي ومشيت كعدت كدامها ترجف كلها ::- بنية.وياي بالقسم وهوه ابن خالتها كالت نريد نخطبج واني قبلت هذا اختياري يـــــوم لا تعترضين لان تعــــبت اني أريـــــد ارتاح .....ابتسمت امي والدموع مالية عينها

-ما اعترض وحقج بــــس غير اعرف احجيلي بعد شعندي اني العشرة واشمر غير أمن عليج غير اعرف منو هذا

-هوه يتيم اهلة متوفين. اسمه الأبـــــهر عمرة ..سكتت وبلعت ريك نسيت العمر الگالة الي ..وامي دموعها ينزلن وتمسحهن بسرعة منتظرتني احجي

:- نسيت شكد عمره يشتغل بشركة هوه

-وين بيا منطقة

-بالنرويج ....عكدت حاجبها مافاهمة

-وين صايرة هاي ماسامعة بيها ماكو منطقة ابغداد اسمها النرويج

-بلعت ريك.ودنكت ...:-دولة يـــــوم بالخارج

سكتت رفعت راسي اباوعلها فاتحة.عيونها على وسعهن هزت راسها لا ورفعت ايدها تمسح دموعها

-لاا ارفضي ولاتفكرين بيه حتى

-اني اريده يـــــمة اني قابلة .....عافتني وكامت للمطبخ كمت وراها ....يـــــمة

-لاااا كتلج لااا لو تموووتين خوش لو تموتين

-جريت نفس ارجف وهي متخبلة وتحلف لا

باوعت بعينها ...بلعت ريك يمكن هيج يلة تقبل

::- يـــــمة

التفتت تباوعلي ودموعها على خدها

-اني اريدة ....هزت راسها لا

-انسية ما اقبل لو شيصير ما اقبل اي شخص اقبل واوكف وياج حتى لو من غير محافظة بس مو خارج العراق ما اقبل لااا

- اشرد ....فكت عينها مصدومة وترجف

:-اني تعــــبت عوفيني ارتاح  عوفيني اعيش حياتي ليش حتى ماتقبلين ليش

-دكدرين تفارگينة انتي؟ ؟

-همست بصوت يرجف وكلبي اشتعل ..دنكت عيني وهزيت راسي ااي.  ::- أريـــــد اعيش

رفعت راسي اباوعلها عاضة.شفتها ودموعها تصب

-انا ما اكدر ليلة افارگم اهم وياكل گـــــلبي الخوف اقبل ميخالف وعيشوا بالعراق

-شغلة بالخارج مايكدر. ...يـــــمة انتي ماتتمنيلي حياة.ارتاح بيها ..واخلص من الشارع اعوض السنين الضيعتهن واني اركض ابين السيارات

-جيرتتتج ؟؟ اني جــــمرة جبرتج تركضين ابين السيارات؟  مو خلصت عمري اتوسل بيج ما اطلعين

-ماجبرتيني بــــس تعــــبت أريـــــد ارتاااح .هزت راسها لا

-كتلج لا اسكتي وكافي

-دنكت عاجزة بــــس أريـــــد طريقة اقنعها بيها

:- ترديني اعيش مثل عيشتج ...التفتتلي ساكتة بلعت ريك گـــــلبي يدك حيل

ترديني اخلص عمري ظيم بظيم مثل الصار وياج ازوج اين كان وهم يموت ويعوفلي اطفال احير بعيشتهم

حسسسي بية 6 سنوات صار اركضلج وهسة مستثگلة الراحة علية ليش فهميني ليش حتى بهاي ترديني اكسر كلمتج وازوج بدون رضاج وتعرفيني زين اكدر اسويها واطلع من البيت بدون ما تحسين

.عفتها ودخلت للغرفة سديت الباب وكعدت اشهك

وكلبي يريد ينفجر ايدي على حلكي وابجي بكل روحـــــي. مجبورة على اذيتج مجبورة اقنعج بي طريقة زحفت للفراش لفيت وجهي بالشال وغمضت بس أريـــــد اشرد للنوم

حسيت عليها دكعدني ..فتحت عيني بوجها ..فص عينها احمر وتباوعلي بزعل

-اكعدي خلي احاجيج

-كعدت على حيلي. اباوعلها ساكتة

-ودوامج شلون

-ما احتاجة بعد ادرس هناك

-وسهري وتعبي علمود اوصلج كلة تضحين بية

-افهميني أريـــــد ارتاح ماريد شي ثاني غير موافقتج

-زين زين اذا قبلت شلون يعني وين تزوجون هنا لو شلون

-بس نعقد ماريد شي

-ليش اكو انسانة تضحي بهل يـــــوم حجيج شي وافعالج شي فهميني ولا تعلين گـــــلبي

- يـــــمة كل السالفة سهلة وانتي مكبرتها مو اول انسانة تطلع للخارج فدوة كـــــافي ...عصرت راسي ابين ادية شي بية مو صح احس اكو خدر براسي

كالت: - خوش كومي اكلي شي.

عافتني وراحت

كمت وراها اباوع للساعة ب11. بليل ....غـــــدير وهبة نايمات تمددت هي بفراشها

دخلت للمطبخ لكيتها محضرتلي اكل ضميتة بالثلاجة.ورحت بالغرفة يمهم تمددت ساكتة مغطية وجهي بالبطانية والشال مشدود على ايدي ويم خشمي مخليتة ..مرت اكثر من ساعة كالت

-جمره

-بقيت ساكتة والغصة خانكتني حسيت عليها من كامت طلعت ..وخرت البطانية من وجهي وبقيت بمكاني شفتها دخلت للغرفة الثانية شوية واسمع بجيها ونواعيها وكلبي تفلش

نــــهله: -

- يـــــمة من كبرج اكعدي وحاجيني

يـــــمة وللدرب العدل  وچديني

ضايعة خلاف عينج ييمه ومحد يدليني

واللـــه يايمة مهدود حيلي

جــــمرة الكبررت وما كدرتها

خايبة يـــــمة وتريدني افاركها

ولج يـــــمة لبعيد تريد تروح

يـــــمة على فراكها شيصبر الروح

اكعدي يـــــمة الليلة بعازتج

تهت ييمة من يـــــوم الشالو جنازتج

يـــــمة اشكيلج عن ياظيم وحال

انهد حيلي ييمة.وصرت ارماد

حاجيني يم المروة

حاجيني يم سالفة الحلوة

ولج يـــــمة يا يـــــمة

جــــمرة: :  سديت اذاني بثنين ادية.وصوت شهكاتها ينغز گـــــلبي حيييل مارجعت يمنة مر الليــــل كلة وهي كاعدة لمحتها من كامت توضت ورجعت صلت غمضت عيني من حسيتها يمي اجت غطتني وبتعدت ...اكتفيت بمسحة ايدها على راسي وغفيت

.مافزيت الحد ما اجت غـــــدير مرتبكة كعدتني

-كومي جــــمرة الناس اجوا

- يا ناس؟

-هذول الراح يخطبونج!

-عكدت حاجبني اباوع بوجها وفاتت امي مرتبكة كالت: :- كومي بدلي بسرعة

-المن ابدل انتي احجي وياهم ..باوعتلي خازرتني وطلع فلوس من النضدة صاحت: :- كومي

-كفيت البطانية اوكفت گـــــلبي معصور عصر

ودت هبه على عصير والتفتتلي شمرت. ملابس علية

غسلت وجهي وغدير. تفتر وراي دخلت للحمام بدلت احس بروحي بدون وعي اتصرف وامشي وكل شي احسة صدئ مو حقيقي

لكيت غـــــدير لازمة العصير اواكفتلي بالباب. شوية وطلعت امي

-لفي شالج عدل وادخلي سلمي السيد ابو هيثم  هم موجود اني نخيتة

-باوعت بعينها ساكتة أريـــــد اتراجع أريـــــد احجيلها الحقيقة واتذكر دخلتهم البيتنا وشلون خلوا السلاح يم مصطفى شلون صوروها وهي بالسوك جريت نفس اخذت الصينية ودخلت

مدنكة سلمت ورفعت راسي

فكيت عيني مصدومة من وكفتلي البنية رجفت الصينية بأيدي فعلا طالبة.وياي بالقسم تقدمت باوستني واني مصتكة وكفت امها هم سلمت وكعدت

رفعت عيني اباوعلة يباوع بأبستامة ورافع حاجبة ملابسة يختلفن عن البارحة كشختة تبينة ابن ناس مو مجـــرم. مخلي لزكات جروح على عينة. وعلى الاثر البحاجبة سمعتة من گـــــال تعرضت الحادث. ولاف اصابعة

سحبتني امي كعدتني يمها ..وتسئل وتستفسر

اباوع للمرة والرجال العلا اساس اخوالة فقيررين وجهم مابية مـــلامح شيطانية مثل ملامحة

يحمدون بي وباخلاقة سكتوا ثنينهم من سئلهم السيد على عمرة جاوب هوا

-28

نــــهله ::ليش ماترجع للعراق بلدك اهلك وناسك واذا امك.وابوك توفوا معناها تعوف العرق ليش مو عندك خالتك وخالك

- على عيني وراسي ام جــــمرة بــــس بعد تعودت بالخارج اسست حياتي وشغلي صعب ارجع هنا ...اعرف خايفة على بنتج بــــس احب

اطمنج كل سنة سنتين نجي

جــــمرة :: مراقبة حركات الكل وساكتة الرجال والمرة من يسئلونهم مايجاوبون الا هوه يرفع حاجبة الهم شوية شوية السيد عرف المرة وعرف اهلها وضل يسئل ابن منو من اخواتج

ويستفسر

ترخصت امي وكامت كمت وياها

وطلع السيد هم وكفت على جهة وهوا يحجي وياها ويحمد بيهم وبنسبهم ويعددلها اهلة وناسة رجع الدم الوجهة امي من طمنها السيد

بقيت كاعدة بمكاني وهمه رجعوا للغرفة مسطورة بس أريـــــد اعرف وين الحقيقة اوين الجذب وغدير تفتر عـــــلي خايفة ومررتبكة

طلعت امي ماقابلة باوعتلي وتاشر للغرفة

-شنو هذا يگول هسة نعقد

-شنو

-اندري يكول هسه نعقد سيد وعقد محكمة نسوية بالنرويج.وين اكو هيج حجي

-ها اي هوا هيج لازم

-لاتلعبين عليه شلون اقبل اطلعين ويا ومابينكم بــــس عقد سيد مخبلة انتي وشلون تسافرين وانتي ماعندج جواز

-التفتت على صوت فتحة الباب طلع هوا وكف كدامها وغدير ركضت شاردة بقيت على كعدتي خازرتة كالها

-هسه نعقد سيد واكمل اجرائات المحكمة يخلصونهن الي باجر. بفلوس والجواز سهل نطيني جنسيتها يكملونة الي بسرعة عندي واسطة

-الجواز مايكمل بيون ويومين

-يمي ام جــــمرة اني ادبرها

جــــمرة :: دارت امي تباوعلي بحيرة. وهوا وراها مخلي ادية بجيبة يباوع الامي ويرفع بحاجبة كمت بسرعة.وكفت :- يله خلي نعقد

-نظرات امي كلها اسف وخوف دخلت للغرفة يمهم بــــس أريـــــد اركز واسيطر نطقت مرة وسكتت ارجف سلمت رگبتي المجهول.

بقيت على كعدتي وهم ترخصوا وطلعوا امي لبست شحاطتها كالت رايحة وراهم اسئل عليهم بالمنطقة واجي

قفلت باب الغرفة وكعدت وحدي بــــس صافنة

استسلمت ...سلمتة حياتي انتهيت. ..للاربعة العصر يله رجعت امي

تحجي وماتباوع بعيني كالت: - يحمدون بيهم بالمنطقة بــــس هوا محد يعرف علية شي يدرون عدهم ابن اخت عايش بالنرويج بــــس لحد شايفة ولا احد ملتقي بية

نــــهله :: عيونها التتوسل ورجفة ايدها يخوفني

رحت للمركز لجئت الادريس مالكيتة ولا قبلوا ينطوني اي معلومة.عنه

كعدتها وحدها وصفناتها ..فزتها الكل مايصير صوت تاخذ روحـــــي ..لليل اجة الولد وهي نايمة دخلتة للغرفة ورحت كعدتها فزت خايفة وتتلفت

-اجة خطيبج...عكدت حاجبها مصدومة

-شيريد

-جاب الحلقات وفلوس المهر.

جــــمرة ::كمت على حيلي تقربت امي ايدها على وجهي

-مصخنة انتي

-اي ..عفتها ورحت غسلت وجهي بالمطبخ وعيني للسجينة مال انومها بگلبة بقيت واكفة اجر نفس دخلت غـــــدير تحضر مي. اجت امي وراها كالت:- فوتي عيب

-فتحت باب الغرفة على كيف كاعد والمخدة بحضنة بــــس لمحني ابتسم وكفت ورا الباب

_باجر الصبح عود نعقد محكمة والعصر ودعي اهلج

-راح تتندم ...رفعت ايدي اراوية الرجفة ....ليش جسمي يرجف؟

-لان اني اريدة يرجف

-رفعت ايدي امسح بعيوني ....:-يمكن هاي اخر فرصة حتى نبتعد عن طرق بعض اني اخلص منك وانتة متجازف تعيش ويا انسانة.. مستعدة تسوي  كلشي وممكن ابساطة.تموتك

-هههههههههه هواي شايفة نفسج سنايبر

اصبري الباجر الا اخليج ماتعرفين انتي بالشرق لو بالغرب

-ابتعدت من الباب من اندك مسحت عيوني.وفتحتة ...اخذت المي من امي بدون ما اباوع بعينها سدت الباب وراحت

عفتة على جهة. ودرت عيني اله: -منو الناس الجبتهم اليوم رفع ايدة ياشرلي بمعنى فلوس

-مأجرهم

-شلون الناس والسيد يكولون صدك ابن خالتهم

-شي اكبر من عقلج اساسا انتي مو صاحية ماتفكرين عدل حاليا

-كوم اطلع برا وديربالك تباوع الامي بهيج نظرة اشلع عيووونك

- ههههه ام مرتي شلون اباوعلها

-وكف على حيلة يعدل بملابسة ابتعدت من الباب وكف يمي وطلع تلفونة. غمضت عيني ساكتة

-باوعي

-بقيت مغمضة وطابكة اسناني بقوة

-سنايبررر

-بلعت ريك وفتحت عيني ردت اجر التلفون من ايدة سحبة

-ليش ليش ...اراوية الامج

-ههه راوية واحجيلها كلشي اتحداك اذا خلتك. تطلع من بيتنا عايش

-قوية

-دفعتة من ايدة للباب ضحك بصوت عالي وطلع وهوا يضحك ويحجي بصوت ::- سهل كلة سهل لاتفكرين انتي

-ترخص من امي وطلع ..ركضت بسرعة.للفراش خايفة من حجي امي واسئلتها خايفة تحاجيني شي غمضت عيني.وهي فتحت الباب كالت

-ماوديتي اكل للحجية.واني ما اندلها

-جريت نفس وكمت الدربونة الرابعة ورانا اخر بيت ..نطيني اليوم اني اودية الها وبعد انتي ودي لكيتها محضرة علاكة اخذتها وطلعت حسيت شي بعقلي فعلا مو صاحية مجاي اكدر افكر احس عقلي ينطفي يصير مثل السواد بكل روحـــــي ويرجع شي مثل الحلم. واني كاعدة احس بروحي احلم

.بــــس انطيتها الاكل رجعت

لكيت امي ايدها على خدها درت وجهي

معدتي تگلب كلساع صاحت  تعالي

كعدت يمها. طلعت الفلوس وحلقة گدامي خلتهن همست مختنگة

-مهرج خمسة بخمسة ...مالحك اشتريلج شي بيوم واحد شلون

-لاتشترين يولي ماريد

-لاا شلون هوا انتي شعندج. باجر اذا خلصنة من المحكمة من وكت اخذج لسوك كم شغلة تشترين والباقي ضمي وانتي اشتري هناك

-روحي انتي اشتري اروح ويا للمحكمة وحدي

نــــهله :: لا ..جريت نفس اباوع بعينها سحبتها من ايدي الحضني وبجيت حيييل ::- كسرتيني جــــمرة واللـــه كسرتيني. شلون افاركج شلون اطب للبيت بعد

.التمن غـــــدير وهبه عليها حاضناتها ويبجن عاصرتها بحضني بقوة وهي دمعة مانزلت من عينها بــــس شهكتها تزرف گـــــلبي

:-وخرتها مني اباوع بوجها ...جنت اتمنى ازفج واتمنى اشوفج ابدلة العرس ليش تنازلتي على كل هذا ليش

- ماريد شي يـــــمة عفيه اسكتي ماريد شي

-مسحت عيوني ولازمة وجها بثنين اديه :- نــــــامي بحضني اخر مرة .....فكت عينها دفعت ايدي من وجها وكامت تلوب

عافتني وراحت للغرفة الثانية ...جن اليلة ماتت امي نفس الاحساس صليت ودعيتلها بالحفظ والستر وكلبي گـــــلبي شنو اليطمنة احس موديتها للموت

اليل احسبة ثانية ثانية دخلت للغرفة ابـــــتسمت

راح تزوج وبعدها تشد الشال على ايدها كابلتها وكعدت ..:- شلون افارك.وجهج شلون يمر يومي بدون ما اشوفج جــــمرة يلاعز من الهوا

للسبعة كعدتها فزت لازمة راسها

-ب9:30 يجي الولد كومي هسه اخذج الهاي المرة تحفج وتنضف جسمج

-يا مرة يـــــمة رحمه الاهلج عوفيني

-ليششش مجبورة كليلي مجبورة

جــــمرة: :  فكيت عيني اباوعلها بلعت ريك ..:- لا شنو مجبورة صيحت بصوت عالي

:- جا اشبيج لابدلة ترضين تلبسين لاتحفين لا ترضين ترحين للسوك سوالفج هاي وين تردين توصلين بيها

-هاي هيه سوي شنو التردينة لامجبورة ولاشي

-كومي خلنتريك .واخذج للمرة

- تمام ..سكتت وامي عيونها ما مرتاحة تراقب بشك وخايفة كعدت غـــــدير عافتها بالبيت وطلعت وياها امشي بدون روح تحجي ويا المرة وبالي مو يمها

بــــس مغمضة عيني ومن تحاجيني اباوعلها

افك عيني من دكلي ماتحسين بوجع شنو ورجع اغمض

نتبهت الامي ورا فترة ما موجودا

-امي وين

-راحت لسوك البصفنة تشتريلج

-ها خوش دفعت ايدها ونزلت ملابسي خاف ترجع لهنا كليلها كملتها وراحت للبيت تباوعلي مستغربة ..عفتها ورجعت للبيت مدنگة وامشي هستوني أريـــــد ادك الباب والتفتت على صوتة

-سنايبر

-التفتتلة صاح :- نطيهم خبر انتي وياي وتعالي

-دكيت الباب ومادخلت بــــس كلت الغدير

رايحة للمحكمة ورجعت يمة فتح باب السيارة الورة صعدت ساكتة اول ماصعد هوا صيحت

-انتتتتة شمشربني ليشش عقلي مايستوعب ..عصرت راسي ابين ادية ارجف واصيح وهوا يضحك حرك السيارة

مشة المسافة مقطوعة وكف باوعتلة

-وين جبتني ....مو احاجيك ...بقى ساكت شوية

نزل فتح الباب وصعد يمي رجعت ليورا اباوع بوجهة مد ايدة بجيبة طلع حباية كسرها بحلكة صيحت

-ما اشرررب شي سويت كل التريدة نفذت كل كلامك ..جر ادية بايد

-اشش مو.مثل هيج. ماتسوي شي هاي بــــس تنومج شوية

-دفعت ايدة.وميلت راسي ..صرخت. مااااريد ماااريد سحبني حيل ....على رجلية خلة راسي

سديت حلكي بقوة سادة اسناني

-فكي حلكج اول وتالي تشربينها ليش تقاومين وتعبين

-ادفع بيدة وسادة حلكي حيل .. تلاوه وياي صرخت شمر الحباية بحلكي وسدحلكي بأيدة نزلن دموعي واحس الحباية مجلبة ابلعومي بس ابلع ريك اشربها بايدة الثانية عصر ركبتي بلعت ريك وونزلت ايدي مستسلمة

-غمضي هسه راح ترتاحين شوية

-غمضت عيني رغم صاحية بــــس جسمي احسة تعبان دقايق وثگل جفني حسيت علية من سحب ايدة ورجلة من جوا راسي بقيت مغمضة جسمي ينز كل شوية. مرة احس نفـــــسي بفراشي ومرة استوعب اني بالسيارة

ماعرف شكد مر وقت وحسيت على نفـــــسي

فكيت عيني وكعدت راسي ثكيل ويوجعني

-صح النوم

-رفعت عيني اباوعلة بالمراية ساكتة الساني احس مايتحرك دقايق

واجت سيارة سوده نزل منها واحد وهوا نزل الجامة انطاة اوراق وراح

التفتلي فتح الاوراق كدامي ..

-ابصمي هنا

-ليشش ليشش ليششش ابصم

- حتى تنطين عقد الزواج الامج

-جريت نفس ومسحت عيوني بصمت اوقعت شمرهن بحضني هنه وجواز فر السيارة.ومشة ساكت واني ساكت ماريد اغمض عيوني

-بالاربعة اجيج أريـــــد اخلص من هاي المعمعة.تعبتيني تره

نزلت من السيارة والاوراق بيدي معصورات دخلت للبيت صاحت امي ماقابلة

-شلون ترحين بدوني

-مستعجل جان هاج ..هاي العقد والجواز

:-اخذتهن من ايدي تباوع بيهن بحيرة صاحت غـــــدير ::- تعالي شوفي اغراضج

-عفتها ورحت للحمام. ثكل براسي مو طبيعي سبحت بــــس اريد اصحة شوية

طلعت من الحمام اباوع بعيونهن حمر ويحجن وياي مختنگات همست مصخنة اني راح انام شوية

سكتن ثنينهن ..

رحت لفراشي جسمي ذبلان بــــس لفيت نفـــــسي نمت ..فزيت على صوت بواجي غـــــدير وهبة امي كاعدة كدامي ودموعها تصب

فكيت عيني حيل ...:-شكو

-كومي بدلي اجة زوجج ياخذج

-كمت على حيلي صوت صدى براسي حتى صوت بجيهن احسة ياذيني. دخلت للغرفة وامي وراي وترجف طلعت فستان ابيض وشال ايدها ترجف حيل تهمس مختنكة

-جبتلج هذا البسية

-جريتة من ايدها كدامها بدلت فتحت علبة

وطلعت

محبس وكلادة والحلقة لزمت ايدي تلبسني وتهزني برجفتها

دخلت المرة العلا اساس خالتة. تصيح

:- يله خية مستعجلين

جريت الشال اريد اضمة وي الاغراض المحضرتهن امي وهي ماقابله

-عييب جــــمرة شوفي شكد قديم شدكولين الزوجج

-جريتة حيل من ايدها ..ماكدر انام بدونة ..ضميتة وغمضت عيني ضباب احس وماكو شي واضح

-جرتني امي الحضنها حيل حاضنتني وتبجي

واني دايخة.وحتى هم ماشوفهم بصورة واضحة ولا اسمع كل حجيهم

مصطفى نسيت ادنك علية وابوسة اميي الجرتني الة تبجي وتهمس

جبت تلفون.واخذت رقم زوجج حتى اتصل عليج هوا گـــــال اني اتصل ابين فتره.وفتره

-امي تحجي.وغدير وهبة.والمرة وراسي مسطور سحبتني من ايدي المرة طلعتني عيوني يغمضن وبالكوا افتحهن

واكفين بالباب هوا بسيارتة وزوج خالتة.بسيارة.ورا

التفتت عيني على امي والمرة تمشيني لسيارة وامي كعدت على حيلها بالكاع.وصوت بجيها يهد الحيل بــــس صعدت بالسيارة غمضت عيني وهوا راح الامي يحجي.وياها

فتحت اباوعله صعد بالسيارة وشغلها وعيني على امي وكفت وتقدمت خطوتين دك.هورن وحرك السيارة مشت ورانا وايدها مرفوعة ودموعها تصب. الحد ماطلع من الشارع مالنا

شهكت حيل اباوع بعينة. ضحك ومد ايدة جر منديل لونة رصاصي. .فتح الصندوك اليم ايدة طلع شيشة يسوق.ويباوعلي بحقارة

-خلي من العلبة علية وخليها على وجهج

-جريت نفس ارجف لااااا ما احجي. حرف ولا تسمع صوتي ...كلشي نفذتة ومجاي احجي ...مارريد....دخل بركن وكف رش شوية علية وجر ادية ماكدرت اقاومة.وجسمي حيل تعبان ...بــــس خلاها على وجهي جريت نفس وغمضت عيني ......

يتبــــــع⋆𓍯

الكــــاتبة أيـــــــلول⋆𓄼𓂁

اعتذر على التأخير عوضتكم ابارت طويل

#الريحانات .💚🌿

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

مفگوسة عيني بقلم مقطوط

و عـ المشو حيلي صاير خيوط !

..............................................

نــــهله ::- شلون قبلت شلون سمعت حجيها وين وديت بتي شسويت بروحي شسووويت

ررربي مالي غيرك اللهي امانة موسى ابن جعفر اللهي جــــمرة بنيتي

غـــــدير: : طلعت لشارع كومتها. اتوسل بيها

:- فدوه لاتتخربطين ولا تفاولين عليها .....

كامت وياي تبجي وتنحب. كعدت بطارمة مهدود حيلها وتحجي بعتب

-شيحمل فراكها ولج اطيت جــــمرة شلون

-خلت ايدها بحلكها وعضت اصبعها حيل وتبجي وتصيح

-من هسه من هسه اتندمت شلون بية يـــــمة يا جــــمرة يايمه عمت عين امج كون كسرتيني ولج والله كسرتيني فراگج يهد الحيل شيصبرني

-كعدت كدامها امسح بدموعها ..:- عــــمة فدوه اروحلج مو هيج كـــــافي حتى حرام تسوين هيج وموزين عليها

...مسحت عيونها وگامت توضت وصلت كابلتها وكعدت معصور گـــــلبي عصر أريـــــد ابجي خايفة من البعد ...خايفة اشتاقلها وما الكاها

لليل هي ايدها على خدها ودموعها تصب لو تحضن هبة تشمها وتبجي حيل لو تحاجي مصطفى ودكلة امك غلطت ما ادري وين وديت بتي ...للساعة بالعشرة ضلت لازمة التلفون وتفتر كل شوية وصاحت تعالي شوفي ما اتصلوا شوفي ماودي شي

اخذت التلفون من ايدها جان صغير وشاشتة بيها كسر اشترتة مستعمل لان زوج جــــمرة كالها اخابركم على الفايبر ...جابت رقم وفعلتلها فايبر. ونت على الرصيد

-اتصل عليهم عــــمة؟

-اي بــــس اشوف وين همه هسه

-اتصلت وماكو ماعنده نت ...ساعتين مرن وفزينا ثنينا على صوت الرسالة ركض. فتحتها داز صوتيات ثنين

-الله يساعدج عــــمة شلونكم

-لايضل بالج هسه راح نطلع وجمره نايمه من نوصل بخير وسلامة تراسلج

نــــهله :: مسحت عيوني اشر الغدير سجلي اشرتلي براسها احجي ...::- يحرسكم عـــــلي وتوصلون بالسلامة  ما اوصيك يوم اخذت روحـــــي مو بــــس بتي احلفك بروح امك ومعزتها عدك ضم جــــمرة بروحك ولا تحرك گـــــلبي عليها خل امك كدام عينك ولا تاذي بنيتــــي بيوم .

-شفتي عــــمة مابيهم شي بــــس لاتبجين وتفاوليلها مو زين .....رجع دز رسالة فتحتها وعمه مركزة بكل كلمة يحجيها

-بعيوني لايضل بالج ....

...........

جــــمرة ::  واقع او حلم نايمة بثگل احس بأيد الحجية تمسح على راسي وحجاياتها يترددن بأذني :- جــــمرة

همستلها بتعب والسان ثگيل :-تعبانة حجية

...عصرت راسي بأيدها

بسم الله الرحمن الرحيم

قال تعالى::

{ولاتخافي ولا تحزني}

-مشت ايدها من راسي الوجهي تمسح بهدوء وصوت يتردد. الحد رگبتي حسيتها اختفت

نز جسمي مثل الوكعت بحفرة وفزيت

فكيت عيني ساكتة اباوع احس بروحي صاحية بــــس راسي يوجعني وعيوني جفنهن منتفخ احسة ..اتلفتت اباوع بالغرفة ولنفسي

بطانية شرارة متغطاية بيها ابتعدت من المندر كاشة من شفتة قديم ..  الحايط محفر ...وبالجهة اليم الباب كنتور خشب قديم  ثلث بيبان بية

كمت على حيلي اسمع صوت خفيف ..فتحت باب الغرفة وعيوني تفتر صالة فارغة كدامي صارت ...طلعت اتلفت فزيت والتفتت على صوتة

-وراج سنايبر

-درت علية ..كاعد بالگاع گدامة سلاح مفصخ هواي..مخليهن على قطعة قماش ينضف بيهن

ويرجع يركبهن بقيت واكفة بمكاني مستوعبة وي منو ورطت نفـــــسي ..رفع بندقية وجها عـــــلي غمض عين وعين مفتحها .ورجع كلبها ورفعها باتجاهي مرة الثانية

-المطبخ عشرخطوات ليگدام على ايدج اليسرى خمس خطوات تفتحين باب الثلاجة عشاج هناك

-دنك يكمل شغلة ..مسحت وجهي وحجيت: :- وين اني ....وهوا مدنك جاوبني

-خارج العراق

-ههههههه ...رفعت عيني اتلفت بالبيت :-متوقعني هيج غبية وراح اصدكك ...اني حتى مو خارج بغداد

-ههههه شتتوقعين وين انتي يعني

-ما ادري بيا مزبلة انت عايش؟

شمر الاغراض من ايدة ورفع راسة يباوعلي

-روحـــــي تعشي واكعدي بالغرفة عندي شغل

-ماررريد أريـــــد اعرف منو انتة شنو من بشر

وشنو الجاي تشربنياة ....جر مخدة من وره ضهرها شمرها گدامة.واشر بيدة

-اكعدي اسولفلج شعندي

-جريت نفس اكذب اذا اكول ما خايفة بمكان مجهول ويا شخص ماعرف شي عنة غير انوا صار زوجي وهل شي ما متأكدة منة زواج صح لو هم كذبة ...تقدمت كعدت گدامة. دفعت المخدة وكعدت على الگاع جانت صبابة مو كاشي ومحفرة. ضحك وباوعلي

-البرودة تدخل الجسمج مستعجلة على المرض اصبريلي افرغلج

-غمضت عيني وفتحت رجعت ايدي ترجف انتبهلها وضحك بصوت جريتها الحضني وسألت

-منو انت

-مجرم

-سكتت اباوع بوجهة وهوا مدنك السؤال اليدك براسي وخايفة ومترددة اسئلة

-شنو اسمك الحقيقي

-بكيفج جـــــندل الأبـــــهر شتحبين

-منو الناس الجبتهم وشلون شلون عرفت وياي البنية.وياي بالقسم.  شلون كالو تعودلهم ...رفعت ادية اعصر براسي دايخة ومنسطرة ...منو انتة... شنو تستفاد من اخذتني ..اررريد اعرف راح اتخبل

-عاف الاغراض البيدة.ورفع راسة يباوعلي

-اخذتج لان لو كاتلج قضيتج ماتنسد امج علاقاتها ويا الضباط قوية تنبش سابع كاع عليج

ولو عايفج متأكد ماراح تسكتين مو اليوم

بعد سنة بــــس تحسين صار عندج ظهر وتأمنين على اهلج راح تحجين لصحبان امج وانا هل فترة عندي شغل ما مضطر ادخل بمعمة علمودج

-راح اسجنك

-ههههه

-اخليك تعض اصابيعك ندم وتتمنى لو عايفني اول ماشفتني تتمنى لو يرجع ذاك اليوم ومخليني رايحة بحال سبيلي

ضحك بصوت عالي كلش

-هههههههههههههه انا شي واحد مخبلني ليش ماتنطين اسم الوداج علية

-بلعت ريك صافنة بوجهة. ::- محد موديني

حجيت وهوا متيقن اكو احد دازني علية ..اختلفت ملامحة وحجة بحركة عكس البرود الجان عندة حتى من اغلط يضحك

-شلووون شلون مــــحد موديج ليش بهل يـــــوم مو صار 16 سنة انتظر هاي الفرصة

شمعنى تجين انتي وتضيعين كلشي من ايدي

اقنعيني مــــحد دازج ههههه من دون السيارات

تبوكين من سيارتي ثلث شدات

-ابتعدت من يمة مرتبكة وارجف جر القميص بعصبية. نزعة ودار ضهرة علية يحجي بحركة.وصياح

-كلة منج هذاا كلة ليششش حتى اعوفج ليشش اسامحج وانتي موتيني سلبتي تعب  16 سنة من عمري

- ماسويت شي اني ماسويت شي غمضت عيني من منظر ظهرة. مخطط كلة اثار ازرك.وبنفسجي. .:- لاتجذذذب

-هههههه سنايبر واللـــه سنايبر لج دقيقة نزلت من السيارة قنصتي الفلوس وطفرتي شادة محرك واوي بلمح البصرر اختفيتي

-مد ايدة بجيبة طلع حباية ...مبتسم ...كمت بسرعة ركضت للغرفة ركض وراي دفع الباب صيحت

-ما اشررررب واللـــه ما اشرب

-اتعبين روحــــــج اول وتالي تشربينها

-حشكت روحـــــي بالزاوية مفرفحة واصيح وهوا يتمشى على كيف مبتسم :- مااا احجي شي بعد ما احجي بــــس وخــــر

-لازم تبلعينها حتى اضمن ماتحاولين تشردين

-ما اشرررد ولا احاول .....وصل يمي كعدت على حيلي خليت راسي فوك اركبي وحاضنتهن بادية واصرخ بكل صوتي

-ترا بــــس اتعبين روحــــــج بالصريخ والتفرفح لو تبلعينها بدون هل مقدمات احسن

-جر ايدي هبتها حيل نرفعت كلي سادة حلكي بقوة بــــس عيوني فاكتهن وايدي افك بروحي منة ..  دفعني على المندر لازم ايدي ..ثنة ركبته فوگ صدري روحـــــي شاطت وتعب جسمي من المقاومة ..خلة اصابيعة بفكي وعصرهن حيل فتحت حلكي وصرخت شمر الحباية وسد حلكي. بلعتها. ومديت ادية من التعب وخر رجلة من صدري وايدة ساد حلكي

دموعي نزلن احسهن يمشن بشعري جر نفس وباوعلي

-ماتحبين ترتاحين..هاي عالم ثاني

-بس فاكة عيني ودموعي ينزلن عاض شفتة وعينة بعيني. :- شجابج علية

-شهكت حيل شال ايدة من حلكي جسمي خدر

حسيت ماكدر اتحكم بروحي. اهتزيت مثل السعفة وهوا كاعد يم راسي يباوعلي

-حبااااب. صيحت وجريت ايدي احضن بروحي

-هسه ترتاحين

-ما كدر ...عفية ..ااخ...

سحبني من ايدي كعدني گدامة..يوخر بشعري من عيوني نسطرت ماسمعة شيحجي شوية واحس بجسمي هدأ حيل وارتاح بــــس سمعتة يضحك ضحكت اني هم

-شفتي موكتلج

-امم هههه اي ..دنكت بحضنة ..:- راسي

-تعالي .....:- حجة.وسحبني من ايدي للفراش

-جر ملابسي من يم رجلية دفعت ايدة كلمة اسمعها وكلمة لا

-ارفعي ايدج يلة

-غمضت عيني احس غبت ورجع وعيي رفعت ايدي أريـــــد ادفعة وجهة برگبتي شهكت حيل

-اشش اشش بــــس غمضي عوفي

-غمضت ورجعت فتحت عيني لمحتة من طلع من الغرفة بــــس بالبنطلون بقيت بالفراش الوب

واضحك وحدي اغمض ورجع افتح حسيتة گاعد يمي على اركبة

- جري نفس شميها حيل

-احس بحركة جسمي. بــــس افعالي مو مدروكة ولا اعرف شنو الجاي اسوية

ولا اعرف شگد مر من الوقت وكعدت حسيت بروحي نايمة هواي كلش بــــس فكيت عيني اباوع بالفراغ أريـــــد اتذكر لقطات يجن بعقلي شوية شوية احس يتوضح كلشي

رجعت غمضت عيني وطبكت سن على سن حيل من شفت نفـــــسي بدون ملابس وملابسي مشمورات يم راسي ..صريخ بروحي مايبرد شعور جاي ياخذ جسمي بدون ارادتي يذبحني

بقيت بفراشي جسمي ينتفض وروحي محروكة.حرك ...مر هواي وقت ومعدتي تعصرني عصر جريت ملابسي لبستهم وكمت راسي يفتر طلعت من الغرفة افتر مــــحد موجود

ملابسي بجنطة لكيتهن باقيات بالصالة ..اخذتهن ودخلت للحمام ...حنفية وسطل صغير فتحتهن ارجف والماي ثلج شلت الماي لجسمي ارجف حيل.والطاسة احسها تريد توكع من ايدي كلساع شطفت روحـــــي  وطلعت

عفت كلشي.ورحت للباب اسود حديد. دكيت علية

وصرخت . الحد ماتعبت

رجعت للمطبخ ادور وارجف

الثلاجة.مقفولة. رزة وقفل صغير ..بالباب معلك.... جرارات صغار على جهة.بيهن اماعين وطباخ صغير بالكاع ..رجعت لثلاجة بــــس اريدها تنفتح بطني دكطعت ودايخة

رجعت افتر بالبيت اريـــــد شي اكلة

تمددت بالگاع حيل مابية انا الدموعي ماجنن يلوحن خدي هسه كلساع ابجي ..غصب دموعي ينزلن ..من احس ارادتي مسلوبة وجسمي حركاتة مو بارادتي

جريت شال امي شديتة على ايدي وغمضت عيني رجعت نمت وطعم اكل امي احسة بحلكي نز جسمي وفزيت عطش وجوع

رجعت لثلاجة اجر ابابها وكمت افتر أدور شي اكسر القفل بيها. مثل المخبلة افتر ...فكيت بيبان الكنتور بــــس ملابس مشمورات تشمر والباب الثاني فراش بية كعدت عاجزة ...

رجعت للمطبخ تمنيت لو خبزة يابسة اكلها

اختنكت حيل..ولمح درنفيس فوك الثلاجة ..جريتة اوكفت افك  بالقفل وايدي ترجف ..فكيتة كلة نص دجاجة وخبر ..وفواكة جريتهن وكعدت بالكاع اكل. اكلت هواي وحسيت معدتي تگلب نكثت ايدي وركضت للحمام اتقيئ

رجعت شلت الاكل ضميتة وروحي تلوب ماجنت اعرف شنو الاريدة اشرب ماي واحس ماعطشانة

ارجع اكل شوية.واكوم لعبانة نفـــــسي ما محتاجة الاكل

جبرت نفـــــسي ارجع انام وفزيت من حسيت ايدة على ركبتي فكيت عيني بوجهة يحرك اصابعة على ركبتي دفعتها وكعدت على حيلي

-حقيررر ابن زنا كافر

-السانج

-خليت ادية.بصدرة.دفعتة.وكمت ..وكع ليورا. اوكفت اني اصيح وروحي مفرفحة

-انت شنو من بشررر الحيوان ارحم.منك شتريد مني شتررريد

-بعدج على هل رنة

-مد ايدة بجيبة وطلع تلفونة بلعت ريك ساكتة.وروحي ترف من سمعت صوتها فكيت عيني حيل وهي مختنگة.وتحجي

-شلونج جــــمرة يـــــمة بنيتــــي رويحت امج

-جريت نفس رجف گـــــلبي حيل مديت ايدي أريـــــد التلفون ابتعد ورفعلي حاجبة

-اكعدي

-كعدت راسا امسح بعيوني واعدل بكعدتي ..

ثنة ركبتة وكعد كدامي منزل راسة ويباوعلي من جوا حاجبة

-حجاية منج غلط تضيعينها

-بس اسلم عليها واللـــه ما احجي شي ....هز راسة ودنك على التلفون اشرلي احجي

-صوتي يرجف ومختنكة. همست ..هــــا يـــــمة

شلونج ..اختنكت حيل امسح بعيوني واحجي

:-البنات شلونهن صوفي شلونة ..وديتي اكل للحجية ..يـــــمة مشتاقتلج حيل

جر. التلفون مدري شسوا وباوعلي گـــــال

-ماوديتها لاتبجينن بكيفج انتي اذا تبجين تخوفينها وتضل تفكر بيج

-جريت نفس مسحت دموعي ..:- لا ما ابجي. هاي هيه يله ...عض شفتة.ورجع اشرلي احجي

.الو يـــــمة شلونج اني زينة. البنات شلونهن صوفي ...

.وخر التلفون واني أريـــــد احجي بعد

:- بــــس خلي احجي بعد

-كافي

-بس اسئلها ششي واحد .... دار عينة بنفاذ صبر وقرب التلفون الحلكي

:- يـــــمة عفيه الحجية لاتنسينها

جر التلفون وكام كمت وراه..:-اوكف شوكت ترد امي ..التفتلي رافع ايدة

-لا اطلعين من الغرفة ولد راح يجون

-رجعت ليورا خايفة بلعت ريك فاكة عيني بوجهة ...:- ياولد؟

-شغلهم وياي انتي ابد لا تطلعين

-رفعت ايدي ارفع بشعري خايفة ..وصوتي يرجف....وهوا عاكد حواجبة مستغرب ..:-شيسوون؟

-شبيج شنو.شيسوون

-حدخلهم عليه؟ ..حجيتها وغصيت ..دفعني من ايدي

-مخبلة.انتي شبيج مو صاحية

-عافني وطلع ركضت كعدت ورا الباب .ويجي الحلم براسي وحجي الحجية

(ولاتخافي ولا تحزني ) اردد بيها سكتت من حسيت صوتهم. بالبيت سلموا علية وصوت ضحكهم عالي واحد يفشر اواحد ماقابل كلساع وصاح كضوا السانتكم لاتفشرون واللـــه خبلتونا

ريحة اكل شوي طكت بخشمي ..صوت جـــــندل صاح

-گوم علول فضها ورانا شغل مانلحك

جــــمرة ::مركزة بكل حرف يحجونة وكل حجيهم سلاح حبـــوب قسام ابو الهيل خطة تسليب سيارة ماعرف مال شنو  يحجون بيها الفهمتة ضد ابو الهيل  ويشتغلون عند قسام  عصرت راسي حيل واذكر كلمات جـــــندل من سئلني

منو دزج عليه قسام لو ابو الهيل اذا هوا يشتغل عد قسام ليش حتى يشك بية حسيت خطوات قريبة على. الباب اواحد صاح

-وين رايح جـــــندل المن هذا

-رجيت ظهري على الباب حيل واليدة تحركت

صاح الثاني بفزع

-لا تكووول البنية هنا؟؟

جــــمرة ::- جـــــندل ساكت وهذاك اتخبل

علول:-خرررب غيرتك خرب ساعة صار نفشر ونغلط ليشش ماتحجي ليش ماتكول مرتي هنا

جــــمرة :: دفع الباب حيل ندفعت وياة دخل يباوعلي ماقابل ..بيدة صينية صغيرة سد الباب وعافاها بالكاع

-اكلي ونامي

-باوعت بوجهة ...:-حرامية انتم مسلبجية؟

-اشششش

-انتة شنووو مجـــرم قــــاتل حرامي شنو انتة شنوو .....دفعتة حيل من صدرة ورفعت ايدي أريـــــد اضربة دفعني وطلع

كعدت بالكاع اغلط.واسب

شجابني على هيج بشر شجابني شجااابني

صوتهم اختفى اسمع بــــس صوت تركيب السلاح ومرات الولد الثاني يفشر والاسمة علول

يصيح علية ماقابل وجندل ساكت

الحد ماحسيت نفـــــسي حيل جعت يلة اكلت..

وماحسيت بنفسي من غفيت اول ما نفتح باب الغرفة فزيت. الكهرباء طافية يضوي بتلفونة على وجهة واكف بالباب ويباوعلي بــــس فاتحة عيني

-تبلعين الحباية؟

-هزيت راسي لا ....سد الباب واجة فتح باب الكنتور جر. فراش شمرة بصف فراشي وطلع بطانية ثانية شمرها عـــــلي

-تغطي بهاي ونطيني العندج

-دفرت البطانية برجلي ولميت رجلية الصدري باردة.حيل. فتحها وشمرها عـــــلي غطاني ...... :- ما أريـــــد تنام يمي

ما اهتملي نزع القمصلة.والتشيرت وطفة ضوا التلفون صارت الغرفة ظلمة.حيل...حسيت بجسمة على الفراش

-تخافين من الظلمة.؟

-ما اااخاف.من شي

-ليش تصيحين

-لا تنام يمي

-ليش

-والله اموتك بدون ماتحس بعت الدنيا والبيها

عادي عندي اذبحك وانتة نايم ومطبخك بية خوش سجينات

-هسه ابلعج الحباية وماتصحين انام مطمئن

-ماريد

-اذا ماعاندتي ما انطيج هسه

-سكتت منطيتة. ظهري الغرفة حيل ظلمة. غمضت عيني وعصرت رجلية حيل من حسيت راسة على نفس مخدتي يحجي بخفوت

-هم بعدج ناوية. تشردين

- اي

- من تدمنين الحبوب ماراح دكدرين تبتعدين عني تموتين بدونهن

- انت مريض

-من زمان

-منو الناس الجبتهم البيتنا؟

-قفلتي عليهم

-من تسألني شي اجاوبك بدون خوف ليش انت تخاف وماتجاوبني

-ههههه اسألي خلي اريحج

-حجاها ومد ايدة على ايدي دفعتها حيل ضحك

مستهزاء

-قصدي شريف

-تعرف الشرف انت

-لا لو اعرفه جا علمتج عليه

-اشرفك واشرف امك الما ادري من منو خلفتك

اما انت  لو تموت ماتعرف شنو يعني لان وين اكو ابن زنا وحرامي مجرم يعرف الشرف

-جر راسة وبتعد من فراشي

- السانج حيل طويل سنايبر

-ماحجيت شي غلط ....سكت واني سكتت. شوية ورجعت سألت ..:-منو الناس الجبتهم البيتنا .

-اكو ولد جان يشتغل ويانا نفس الشغل اسمة حسين

-اممم

-اي ..جان رغم عندة عائلة اخوال واعمام بــــس ظلموة.واجة هنا ..تلقبنا بنفس الاسم ثنينا جـــــندل ومحد عرف حقيقتنا احنا ثنين لو واحد ....جنة نسوي شغلتين بنفس الوقت

- شنو شغلكم

-معليج

-لاتصير جبان احجيلي

-ههههه مو جبان بــــس عقلج مايستوعب هيج اشياء

-ستوعبت شخصيتك واجرامك ماكو شي اصعب من هذا

- ذاك الوكت جان شغلنا حبـــوب ومثلا واحد يطلب الثاني فلوس ومايرجعهن اله احنا نطلعهن منه.والنة حصة يعني همه هم. شغلهم كله اجرام

وتزوير وخطف تهديد هيج اشياء

-عد الاسمة.قسام تشتغلون؟

-هواي تسئلين

-اجمع معلومات حتى يجي.يـــــوم.واكدر اسجنك

-ماراح تتذكرين امحي كلشي من عقلج.ماتشوفيني مجاريج.واجاوب

-وين راح الولد

حب بنية وعاف كلشي الخاطرها

طلع للخارج ...اخذت شخصيتة والجبتهم البيتكم اخوالة

-والاسم؟

-يعرفون بية مو حسين بــــس مايكدرون يحجون هوا يدزلهم فلوس من الخارج.واني ادفعلهم ...اكثر من مره احتاجيتهم بــــس

نضربت بوري من طلع السيد الجابتة امج.يعرفهم بكت طن هوا ..لو متذكر الاسم اتورط

-شيطان انتة

-ههههه وانتي مرة الشيطان

-زواجنا حقيقي؟

-عقد السيد حقيقي ...المحكمة تزوير...

-ماتكدر تموتني انت تخاف من امي

-اممم

-راح اخليك تتندم قابل اخلص كل عمري يمك لازم يتغير شي واطلع منك اسجنك اسجنك لو اخر يـــــوم بعمري

-قوية عمي رغم كل يـــــوم تصيرين جنازة بيدي واحركج مثل العجينة وين ما أريـــــد بعدج تهددين

-سكتت وهوا تحرك من فراشة ابتعدت حيل وغمضت عيني ..جسمي احسة يرجف أريـــــد شي جنت حاسة بنفسي رايدة الحباية واغلط روحـــــي الوب كمت ومتجاهلة شعوري....

مد ايدة الكتفي دفعتهــــا حيل وردت اكوم سحبني على الفراش حيل. قاومتة سادة حلكي حيل وهوا لازم ادية ويصيح

-جربتي قبل تقاوميني وماكدرتي اول وتاالي تبلعينها ليش اتعبين ليش

-عصر حلكي بيدة. غمضت عيني ومافتحت حلكي

-محد يتأذة غيرج ...... :- مد ايدة على بطني عصرها حيل دفعتها وغلطت...عصر فكي وبلعني الحباية دفعتة بقوة وكعدت على حيلي بسرعة

مديت ايدي بحلكي واستفرغت بحضنة

كام كاشة روحة.واني ركضت للحمام ظلمة.واتلمس تلمس  اغسل والوب وهوا يصيح

:-اذا ما اسطرج اذا ماخليتج يـــــوم كامل ماتعرفين حتى روحــــــج

-غسلت وبقيت كاعدة بالحمام ومتحلفة كل مايبلعني حباية اتقيئ عليه ...بقيت كاعدة واهز برجلي ارجف فزيت من دفر الباب وسحبني من ايدي

-وخرررر عـــــوفني

دفعني بالغرفة. وطبك الباب حيل كعدت وزحفت للحايط حاضنة اركبي الصدري ومغمضة حيل

وحتى من افتح ما المحة ..رفعت راسي من سكت اول ما التفتت نهبتت ايدي حيل وجراني للفراش اصرخ.وادفع بيدة بسرعة خلة اصبعة  بحلكي ودفع الحباية  عضيتة بقوة وهوا بيدة الثانية عصر فكي الحد مافكيت اسناني منة ثنة ركبتة على صدري وسد حلكي ..نهد حيلي ..وماكدرت اتحرك

-منو التعب هسه اني لو انتي؟ ..ابقي هيج بعد يـــــوم يومين تبقين انتي تطلبينها

-غمضت عيني وجلبت بيدة أريـــــد ابعدها من حلكي

- لاتحاولين اتعبين اكثر وخري ايدج

-وكلشي تغير بعد هالليلة ما اتذكر شنو الصار بيها كل المرات البلعني بيهن حباية اول شي انساهن ونوب اتذكرهن الا هاي ماكو شي يخطر ابالي .....

كمت احس جسمي فعلا محتاج الحبوب. اليوم كلة خلصتة الوب. افتر بالبيت وادك على الباب واصرخ شكد بدون اي فايدة ...رجعت للغرفة

افتر دخلت بالكنتور وسديتة ولازمة راسي ماعرف شنو الاسوية ..ومن تعــــبت طلعت

اكلت وكعدت على الفراش فز جسمي من اندك الباب هواي خفت خنست بالغرفة حرف ماحجيت خاف يطلع مسوي شي وهدوا علية

خاف اصدقائة اجو علية

سادة باب الغرفة وكاعدة وراه ميت الف مرة متت الحد ماراحوا.

كمت افتر باوعت فوك الكنتور فتحت الباب جلبت وصعدت فوكاة من اتمدد ما انشاف.تمددت فوك التراب وبس صوت دكة گـــــلبي بالبيت غمضت عيني وخنست من سمعت الباب نفتح

نفتح باب الغرفة درت عيني اباوعلة

علاكه سودا بيدة ..صافن على فراشي عافها بالگاع وطلع صوت باب الحمام نفتح وانسد..رجع دخل للغرفة بيدة صينية

كعد على الفراش جر الشال من جوا المخدة خلاة على خشمة وشماة حيل مبتسم

لفاة على ركبتة وفتح العلاكة خلة الاكل بالصينية وكعد ياكل من جهة.وحدة. ابد مارفع عينة ولا لمحني كمل اكل وغطاة عافة على جهة.وكام طلع شوية ورجع

نزع القمصلة والتشيرت وتمدد بفراشي لازم الشال ويضحك يشمة ويرفع حاجبة بضحك

سوا مثل ما اني اسوي شدة على معصم ايدة ونام مثل نومتي خلاة على المخدة وخشمة فوكاة..

درت عيني لابت روحـــــي على الشال احسة شي خاص بية وبامي ادين نكسة مايصير تلزمة

غمضت. عيني محتركة حرك وماحسيت بنفسي من غفيت ...جنت لو اموت ما اكدر اغمض بدونة هسه من الحبوب اكثر نوماتي بدون الشال

.نكرص جسمي من البرودة وفتحت عيني راسي يوجعني اول ماحركت راسي صارت عيني بعينة

وجهة.بصف.وجهي مجلب بالكنتور ويباوعلي مبتسم ..بلعت ريك ساكتة

-ماجعتي؟

-كعدت على حيلي جراني من ايدي ونزلني

ضحك حيل التفتتلة خازرتة

-امشي اسبحي نصج.تراب

-نكثت اهدومي وشعري وكعدت على الفراش ...منتظرتة بــــس يكلي اشربي الحباية وراسا ابلعها ..كعد كدامي ...

باوعت بوجهة يتصنع البراءة وهوا لو يموت يضل شكلة شكل مجـــرم الزراك البعينة اختفة بــــس الاثار والشطوب وأقوه اثر من فوك حاجبة ونازل على عينة النص خدة.واصل

شعرة خفيف من الجهتين ومن فوك شوية اعلة كصتة مربعية ..خشمة بارز وحواجبة نازلة على عينة صافنة وبدلي اتفل بنصها.

-تبلعين الحباية؟ .....سالني  مبتسم من رجفة جسمي عرفني محتاجتها

-درت وجهي ساكتة كارهة روحـــــي ومختنكة حيل طلعها ورفعها يم وجهي عيوني انترست ادموع ايدي كلساع تريد تتنازل وتاخذها منة.وروحي رافضة ..بقيت دايرة عيوني وارجف

قربها الشفتي مسح بابهامة على شفتي

غمضت عيني ونزلن دموعي غصب عني فتحت حلكي وبلعتها روحـــــي محتاجتها ...بــــس بلعتها جريت الغطا على وجهي بجيت بدون صوت

ايام فاتن من يشتغل بالصالة اكعد يمة حتى يتذكر ينطيني الحباية الوب اكوم بــــس اريدها

ينتظرني اطلبها والساني ماينطق ومن يحس بية حيل محتاجتها ينطيناها ..احس نفـــــسي مخبلة.بدونها

امي كمت اتنرفز احجي وياها لان صوتي يرجف اخاف يبين ومن دكلة ليش ماتتصلون يكلها النت ضعيف ويتحجج. اخر مرة دزيتلها صوت طلبت منها ما تفتح نت كل يـــــوم خليها بالشهر مرة....

..............

نــــهله :: كل اليصبرني صوتها. وحتى هذا حرمتني منه ...وريحتها الأشمها باخوتها اهدومها المن احطهن على خشمي جني شامتها الصبح ابيع خضرة.وكمت العصر اطلع لبيت ناس انضفة انهظم وينكسر گـــــلبي من اتذكر لوبة روحها وفرفحتها من جنت اكلها أريـــــد اشتغل ببيوت الناس .وماتقبل .....بــــس انجبرت

اجار شهرين مادافعه وزاد مصرفي الحجية علاجها اغلة من علاج مصطفى واجيب رصيد علمود النت بــــس كون اسمع صوتها

ارجع الغروب مهدود حيلي

اصلي واحمد ربي واشكرة

دام مستورة ومدبرة الكمة الجهالي وما مادة ايدي الواحد.ولا مدخلة البطنهم لكمة حرام الحمدالله الف مرة

.ادريــــــس اختفة مرات افرح بلكن ينساني

وارجع واكول اضل معلكة لاطايلة سما ولا كاع

ومن اباوع المصطفى يرجف گـــــلبي واكول بلكي صدك اله علاج بالخارج

.جمعت اجار شهر ورحت لابو البيت دكيت الباب ..طلعلي هوا گـــــال

-البيت بعتة عود هم يجون ياخذون الايجار منج

-رجعت البيتي بحيرة هسه اني مديونة.وماعرف المنو

اسبوعين مرن على زواج جــــمرة ونارها بكلبي ماطفت مامر يـــــوم مابجيت على فراكها

ياهو الاعز منها ويعوض مكانها

حتى مجافاها وتمردها جان حلو

اربعينية امي مابقالها شي والحيرة تاكل بكلبي

وين اعوفهم واروح غـــــدير تخاف وانا هم اخاف اعوفهم وحدهم ولا اني الاكدر اخذهم وياي

كعدت مرة الصلاة الصبح صليت وماكدرت ارجع انام عجنت لريوك اسويلهم شاتي هستوها صارت بالستة.وندك باب بيتنا

استغربت من ابعيد صحت منو رف گـــــلبي على صوتة من صاح

-انا عـــــلي خالة

-رجعت للغرفة اركض لبست عباتي وطلعتلة

فتحت الباب ودخل وكف بطارمة مبتسم وانا مدري شبية عتب بروحي لان احتاجيتة ومالكيتة لان دك صدرة.واختفة

سلم.وكعد بطارمة

-عيونج تعتب يمة خيرج

-ادريــــــس وين؟ ..دنك ينكث بشعرة مبتسم

-راح يسبح ويجيج بــــس انا ما اطاني گـــــلبي اجيتج كبل

-دنكت عيوني ساكتة

-شكو خالة بيج شي مصطفى بيه شي الحجية

-كعدت على حيلي جن فتح جرح متغضاية عنة بجيت ...توفت امي ساكت مكابلني امسح دموعي ورجع ابجي ..

-البقية بحياتج ...احنة جان عدنا شغل بالغربية

يعني هوا گـــــال اعوفها فترة ترتاح ماضغط عليها ...

-هزيت راسي ساكتة ومسحت وجهي كام گـــــال :- هنا اني بالباب راح اوكف ...

طلع بالباب رحت للمطبخ ركبت جاي ورجعت أريـــــد اطلع اشتري ريوك اسمعه يحجي بهمس

-اي والله حالها حال ....ما ادري سيــــدي ماسئلتها شوكت متوفية نصدمت ماعرفت شنو احجي ...شوكت تجي انتة .......امرك سيــــدي

-فتحت الباب كام وكف على حيلة

-ها خالة

-طلعت يـــــمة. :- أريـــــد اشتري منا من المحل

-اشتردين كليلي انا اروح

-خمسة بيدي رفعتها اله ...:- بيض.وجبن أريـــــد

-صار هسه اجي خبز تردين ?

-لا اسوي شاتي. ...تحبة ؟  ابتسم

-من ايدج كلشي طيب خالة

-مشة. ينكث بملابسة وعبالك يعارك الكاع بممشاة واني واكفة بالباب گـــــلبي يحن اله وحجايتة من گـــــال انا مكان مصطفى ادك.براسي ...اباوعلة وادعيلة ....

طلعت ام.حوراء بيدها سطل زبالة.

راسا دخلت ماريد اسمع سمها عفت الباب مفتوح

حضرت الستكاين وخبزت شاتي ..

صوت الباب انطبك. كمت على حيلي من سمعت صوتة بالباب

ادريــــــس ::- ام مصطفى

يتبــــــع⋆𓍯

الكــــاتبة أيـــــــلول⋆𓄼𓂁

.

مساء الخير ...

#أجرام_مستباح_لثلاث_ندبات

aylol بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

الدهر يحبابي هم مثلي وصلكم

وصل وتلمني بس ريحة وصلكم

درتو وجوهكم وادري وصلكم

حجي وخلاكم تكطعًون بيا

(اياد عبد الله )

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

نــــهله ::لبست عباتي وطلعت من المطبخ. لگيتة واكف بالطارمة لبسة عادي مو عسكري لام شفتة الحلكة بأسف تقدم خطوتين وحجة.

:-السلام عليكم

-وعليكم السلام ....التفتنا ثنينا للباب من دخل عـــــلي وشاف ادريــــــس بقى واكف بالباب رجع ادريــــــس باوعلي

-البقية بحياتج الله يرحمها ويجعل مأواها الجنة..

- البقاء لوجهة الكريم نحمد الله على ما ابتلانا

هز راسة ودنك ابتعدت على جهة واشرتلهم بيدي للغرفة الثانية :- اتفضلوا

مشة ادريــــــس وعلي اجة يمي اخذت العلاكة من ايدة گـــــال

:-ماعرفت شنو اجيب من جبن بــــس كون يطلعن طيبات

-ابتسمتلة :-هاي هي عاشت ايدك

نزع حذائة وفات للغرفة خليت الغراض بالمطبخ

بيتنا بارد وبــــس صوبة وحدة عندي ..دخلت

للغرفة النايمين بيها الجهال كثرتلهم غطا واخذت الصوبة

كاعدين يسولفون من دخلت رفعوا راسهم ثنينهم كام عـــــلي بسرعة اخذها من ايدي

رجعت للمطبخ احضر الريوك شوية سمعتة گـــــال :- يا الله ......بقيت واكفة بمكاني البس عباتي لو زحمة ...:- احم تفضل

-دفع باب المطبخ على كيف يباوعلي. دخل ورد الباب ورا..دنكت عيني على الطباخ روحـــــي ترجف تمنيت مايشوف مطبخي كلشي بية قديم ومتكسر.بــــس واللـــه نظيف ... خايفة اخليلهم الريوك وتكش روحة خايفة ينكسر بخاطري

-اعذريني لان عفتج جان عندي شغل غير محافظة وماردت اضغط عليج كلت خلي ترتاح وتفهم بنياتها ما اتوقعت يصير هيج

- الحمد لله على كل حال ....:-

سكت واني هم سكتت وتقربت اخبز اخر خبزة دكيتها ومديتها على صاج مال خبز. مخليتة فوك الطباخ متوترة ومترددة ..درت احضر الصينية وشفتة تقرب للطباخ ..گلب الخبزة وطبطب عليها گـــــال

:-الله شكد صارلي ما ماكل شاتي

-التفتتلة قسم شوية واكلها ..واكفة على جهة ساكتة وهوا جر القوري من الطباخ ودار يصب بالاستكاين المحضرتهن ...

طكيت البيضات جاي احوسهن صاح

-عوفيها عين

-تقرب اخذ الخاشوكة من ايدي يشيل بيها دهن من اطراف الطاوة يخلي فوك البيضة.

جراها بالخاشوكة وخرها من النار ويدور منين يطفي الطباخ ....يتصرف عادي عبالك بيتة .......تقربت اني طفيتة وجبت صحن أريـــــد اشيل البيض گـــــال

-لا ليش بالطاوة اطيب

-خلاها بالصينية وباوعلي ابتسم

-هسه عـــــلي يلزمها علية خليت سيــــدي يسويلي ريوك

-يقربلك عـــــلي؟

دنك ورفع ايدة الشعرة مبتسم خلة ايدة على گلبة وحجة

- قرابة دم لا ...بــــس معزة اول ابن

-سكتت دار يشيل الصينية گـــــال: - الجاي برد

-هسه احمي روح ....اخذ الصينة وراح رجعت الچاي للقوري حميتة منسطرة ..اذا سئلني على الفلوس شگول ...التفتت على صوت عـــــلي

-خالة أريـــــد صابونة نصي اتراب اذا اكل اتسمم

-كدامك بالحمام. باوعلي وضحك دار يباوع لباب الغرفة وحجة بهمس ..راح تشووفين فــــــاطمة اليوم بوسيها الي .....

حجاها ومشة للحمام لابس برجلة شحاطتي نص رجلة طالعة منها .... صافنة بكلامة مافاهمه

-اخذت الچاي وصينية الاستكاين وفتت للغرفة

نزل ايدة خجلان ..جان واكف والتلفون بأيدة صور صورة الامام عـــــلي عليه السلام ..ابتسم وكعد مثل الفشلان گـــــال

-ابالي الصورة ما ادري ليش كل يـــــوم تجي كدام عيني

-التفتت للصورة وكعدت على جهة

واني اصب جاي حجيت

-بيتكم مابي صوره؟

_ لا شلون مابيه ابو الحسنين معقولة اكو بيت يخلة من صورتة

بــــس ما ادري ليش من دون الصور احس المعلگة ابيتج حيل حنينة

-رفعت عيني بعينة وبسرعة دنكت دخل عـــــلي يضحك

-خالة وحدة من بنياتج مدت راسها من الغرفة وشافتني نخرعت كوميلها خطية

-كمت بسرعة اسمع غـــــدير تصيح

:-عــــمة

فاتحة الباب مطلعة بــــس عينها ترجف من الخوف دخلت يمها

-اسم الله شبيج

-عبالي مدري وين رحتي ....شيسوون هنا؟

-باوعتلها ساكتة وهي الخوف تارس وجها ..خايفة اعوفها خايفة ارجعها البيت جدها

دنكت تلم فراشها ساكتة

:-غدير. باوعيلي

-دارت علية سادة عينها وشفايفها يرجفن

:- وحگ من خلة لوعة مصيفي بگلبي

حد كطع النفس دربج يتماشة وي دربي

-فكت عينها وبجت اجت الحضني

:- فدوة لا تعوفيني واللـــه اموت

واللـــه امووت عــــمة فدوة لا تعوفيني

-وخرتها من حضني امسح بعيونها

:- شلون اعوفج شبيج يمة

-ترجف وتحجي ....

:- واذا هوا كالج وديها البيت جدها لو الامها اذا ماقبل اجي وياج

-ما اروح اني وياه نبقى ابيتنا ....كـــــافي. يـــــمة لاتحجين هيج ....عندج امتحان اليوم؟

-لا باجر .....:-زين عــــمة هسه اني شكول سيــــدي لو عـــــمو لو شكول واسلم علية لو اغلس ما ارد اخليج بموقف كليلي شسوي. اسلم لو اغلس واذا اسلم شحجي

-كولي السلام عليكم عـــــمو ..تعالي سلمي هسه حتى ماتنحرجين

غـــــدير :: هزيت راسي اي ..:- بــــس اغسل واجي

لبست شالي وطلعت غسلت ماكدرت اطمن وما اخاف خوفي اخلي عمتي بموقف اكثر من خوفي هي تعوفني خاف تنجبر تختار بيني وبين العيشة عدهم وامل شفاء مصطفى

مسحت وجهي ورجعتلها واكفتلي بالباب لبست صاية فوك ملابسي ودخلت وياها

مدنكة ..:- السلام عليكم

سمعتهم ردوا ثنينهم رفعت راسي باوعتلهم ودنكت گـــــال الرجال

:- شلونج عـــــمو

-الحمد لله ......كعدت عــــمة ولزمتني من اصبعي الصغير كعدت يمها وهم ياكلون انطاها استكانة وصبتلة من جديد رجع باوعلي گـــــال

-يا مرحلة انتي

-اولى

-ياكلية

- تربية قسم انگليزي.....رفعت عيني للولد من حجة وهوا مدنك

عـــــلي :: Do you have problems in your studies ؟

-التفتت العمة.مدنكة ساكتة رجعت باوعتلة. مرتبكة خاف احجي حرف غلط. صح شاطرة واعرف هواي بــــس من احد يحاجيني ارتبك حجيت بتردد

:- I do not have any problem

-رفع عينة باوعلي ورجع دنك گـــــال

::- Good ....... I wish you success

باوعت الادريس وعمه ثنينهم ساكتين.

حجيت واني اباوع العمة ::- Thanks

ترخصت ورجعت يم هبة ومصطفى

نــــهله :: طلع عـــــلي للباب بــــس غسلوا صاح ادريــــــس ::- بلا امر عليج تعالي شوية

-شلت المواعين ورجعت يمة للغرفة ثاني المخدة جوا رجلة ورافع ادية يدفيهن مقربهن للصوبة حيل

كعدت على جهة حتى ادي لافتهن بالعباية

دفع الصوبة قريب علية وجر نفس

- خاف اسئلج شي وتنقهرين

-بقيت اباوع بوجهة ساكتة دنك گـــــال

-شوكت توفت الوالدة

-حجيت كلشي والفلوس شلون ضاعن بــــس ماجبت طاري جــــمرة ماكدرت اكول بنتي باگت فلوس ... اسولف ودموعي تصب من اتذكر امي وحجاياتها سوالفها سكت شوية گـــــال

-حجيتي البناتج ؟

-مسحت وجهي مرتبكة اتخيل هسه جــــمرة تعرف انا متزوجة اتخيلها موجودة وتدري بية جاي ياخذنا شنو راح تحجي وشسوي

:- جــــمرة ماتعرف

-ليش غير تسولفيلها وتقنعينها

-باوعت بوجهة بحيرة :- تزوجت قبل اسبوعين

فك عينة كلها مصدوم وعدل. كعدتة

-لحظة لحظة ماجاي افهم شنو تزوجت شنو امج توفت

-حجيتلة على الولد وشلون استعجل هز ايدة

بأسف وسولفتلة على الحجية الداريها جمرة گال سهلة يومية.اخلي واحد.يجيبلها اكل وعلاجها .....شوية.وضحك

-مو انا. گلت ام السان ماطلعت توقعتها تتلگاني للباب وتطردني

- ابـــــتسمت ورفعت ايدي امسح بوجهي تحسر يباوعلي

-من اليوم بعد ماكو شغل بالسوك

انسيلي ايام التعب

-درت عيوني للفراغ اختنكت ...خايفة من المجهول خايفة اضيع انا والايتام العندي گال

- بــــسام وعلي شوية ويجون تحضرين اغراضكم؟؟ بس اكو فد شغلة ماكتلج بيها

البيت هذا اشتريتة انا

-بلعت ريك ساكتة همست. :- ليش

-صرتي مرتي والج حگ علية كون من اموت ما اتعبين وتعيشين براحة وبتعبي انا. اشتريتة حتى يبقالج كلشي يصير بالمستقبل

يجوز ماتعجبج العيشة عدي بيتج موجود ترجعيلة ....حجاها وابتسم

-رفعت عيني بعينة.مرتبكة ...:- عمرك طويل

-هز راسة گال....:- اهلي مسوين عشا علمود جيتكم لمة اهل واحباب يعرفونج وتعرفينهم

-شي واحد اطلبة منج لاتسولفين الاحد ولادكولين زواجنا صار علمود اداري جهالة ويعالج ابني والفلوس لاتجيبيلهن طاري ابد

ماخايف من شي بــــس للمستقبل ما أريـــــد حقج يضيع

-كمت من يمة وطلع هوا للباب ريگت مصطفى والبنات و لمية ملابسنا وايدي ترجف شنو المنتظرني الجاي اسوي غلط لو صح ضعت لحظات گـــــلبي يشتعل نار من الحيرة وارجع ..

رجعت افتر بالبيت لايبة. روحـــــي ريحة امي وبتي هنا تعبي وعيشتي ضحكات مصطفى ولعباتة ....اودع كل هذا اليوم ..

صاح من الطارمة

- بــــس ملابسكم نــــهله كلشي موجود

اجمع اغراضنا وكلساع ابجي صعب كلشي صعب

طلعتهن اباب الغرفة.

وهوا واكف بالطارمة كل ما اطلع يجر حسرة ويتلفت بقهر

طلعت اخر شي علاگة علاج مصطفى

صاح

- نــــهله

-رفعت عيني اباوعلة عيوني مدمعات وشفايفي يرجفن. ..فرك وجهة بيدة وجر نفس

-بالله الكريم حركتي روحـــــي حرك عليمن هل بجي هسه هدي على كيفج

شوكت ماتردين اجيبج الهذا البيت بــــس لاتبجين يابة

-بعباتي امسح بعيوني واباوع الاغراضنا شال تلفونة اتصل على عـــــلي وبسام طلع للشارع

ركضت للغرفة هيج هيج روحـــــي فرفحة.للصورة مديت ايدي افلتها امي جانت حييل تحب الامام عـــــلي وجايبتها قبل لاتزوج ابوي وانا احس كل روحـــــي معلكة بهل صورة

مسحتها وبحجابي الاسود غطيتها وخليتها وي الاغراض.

وغدير وهبة يلمن بكتبهن سمعت صوت الولد بالطارمة يحجي عليهم لان اتاخروا وهم واحد يذبها براس الثاني

طلعت للطارمة باوعلي بــــسام سلم وعلي ضربة على راسة

عـــــلي ::انگل يلة

بــــسام :: وعلي ابو الحسن ادفرك دفرة ......:-سكتت من شفت سيــــدي خازرنا حقة بالعباس حقة فشلانة كدام مرتة ..وكفت عدل اخذتلة تحية وعلي يهتز كلة يضحك

دنكنة نشيل اغراضهم طلعنا نخليهن بالسيارة صحت علية

- واللـــه اذا ما احرك فلمك كدامها اشوف فطيم لو ما اشوفها باجر

-اول شي لادكول افطيم احترم نفسك

-جا لا تضحكني كدام ابو اسمر زحمة وعلي يكضنا و يسجنا ...تتذكر من سواها

-ههههههه خان العشرة ازوج مرة الثانية واحنا ضالين

-ضل ضل على فطيم ياخذك الموت وما تاخذها

نــــهله ::طلعنا وكفنا يمة بالطارمة .شايلة.مصطفى .وهوا بطولي ...باوعلة ادريس

استغفر ربة

وتمشة للباب يحجي على الولد

- جنهم شرايج هذا اليبيع ميانة.ويا حمايتة حظة يطيح

-حجة.ومشة للشارع صاح عليهم دخلوا بسرعة

ثنينهم صفنوا على مصطفى البيدي يمكن عبالهم

جسمة بيه فد نقص لو ماينمو ...دنكوا اخذوا باقي الاغراض واجة.دريس علية

-انطينياه

-مد ايدة سحب مصطفى مني وشالاة باسة براسة.وضحك يحاجية ..:- مصطفى

رجع باوعلي گـــــال

:- يله تفضلوا

-مشينة.وراه اجة عـــــلي اخذ المفتاح مني. صعدت ورا ومصطفى بحضني وبناتي يمي اغراضناا بسيارة عـــــلي

حرك السيارة ساكت طلع من منطقتنا..بــــسام و وعلي بالسيارة الورانا يدكون هورن كلساع ويتزاودون وياة.يوصلون ليمة.ويضحكون جر تلفونة.واتصل عليهم عاط عليهم

-والله اذا مابيتتكم بالسجن انا مو ادريــــــس

-مشوا ورانا هادئين..وهوا كلساع وصاح :- استغفر الله

توتر وخوف ايد غـــــدير المجلبة بية موترتني اكثر من كلشي محشوكة.بية وطاير كلبها

هواي مشة دخل بفرع عبر ثلث بيوت ودك هورن

لاف السيارة الباب البيت رجع دكلهم هورن اكثر من مرة يله فتحوا الباب ولد شاب طلع فتحة وهوا طلع راسة من الجامة صاح علية

-شنوا عـــــمو نايمين

-دخل السيارة ورفع الجام رفع عينة للمراية باوعلي

-اخواني جوا واحنا بيتنا فوك

-سكتت عيني بعينة نزل وطلعن بنات شابات ونسوان بگدي يلفن بحجاباتهن اوحدة منهن تقدمت علية فتحلي الباب اخذ مصطفى من ايدي ويحاجي غـــــدير وهبة

-انزلن عـــــمو شبيجن انزلن

-نزلت رجلي ترجف صاحت المرة بابستامة

:- يا كل الهلا

-دنكلها راسة بوستة وتحجي: - شلونك خوية

شلون صحتتك

-تقدمت علية باوستني اوحدة ثانية اجت تمشي.وايدها على حلكها تهلهل

-مبارك خوية يالحنين مبارررك

-بس اباوس وماعرف احد وهوا واكف ومصطفى بايدة هواي بنات وجهال. صاح عليهن

-خلنا نصعد عود تنزل وتتعرفن مو.وكتها خلي يرتاحون

-صاحت وحدة من اخواته :- اي وعلي حكك تعبانين تفضلوا تفضلوا

-مشينا وراه درج بالكراج. من عندة صعدنة للببت الفوك والبنية.ويانا تهلي وترحب وصاحبة ملگة. دك الباب وفتحتة.بنية صاحت

-هلا بابا تفضلوا

دخل.واني ورا باوستني وباوسة البنات

وكفت بالصالة.وهوا دخل الوحدة من الغرف

وبسرعة طلع بدون مصطفى باوعلي گـــــال

:- هنا خليتة تشوفينة خاف مانومتة عدل

-هزيت راسي اي فلتت ايدي من ايد غـــــدير ومشيت وراه

مخلية على جرباية وبالجهة الثانية جرابي ثنين

اجيت يم.مصطفى اغطي گال

-خو ماضجتي لان بيتنا فوك

-رفعت راسي اباوعلة ..:- لا عادي ...دكت الباب البنية وصاحت :- هــــا خوية

-تعالي خوية تفضلي

-دخلت اختة تباوعلي .. وجهة.بشوش وكلساع وكالت كل الهلا خية. وتفتح الشال وتلفة مثل الشخص المستعجل ..

ادريــــــس :: ام مصطفى ..هاي اختي الجبيرة ام تبارك

ام تبارك ::ههههه اليوم هي معذورة ماتحفظ لا اسم ولا شكل

ادريــــــس :: الله يسلمجن كل وحدة مسويتلها فريق شتحفظ ..شو مروة ماجاية؟

-راح اسمر يجيبها ..دخلني افهم المرة وعلي تنخبص ماتفهم ياهوا اخوك ياهوا ابن اخوك

نــــهله :: خلت ايدها على ايدي وكعدتنا على طرف الجرباية.وهوا.واكف مقابيلنا مبتسم.گالت

-شوفي خية احنا ست اخوان ثلث ولد وثلث بنات

اخوتي ثنين عايشين جوا ويا امي ابراهيم وعيسى هسه هم تشوفينهم ولدهم.وبناتهم بطولهم

واحنا البنات مزوجات

واللـــه يحبج لا بينة.وحدة.خبيثة.

ولا عدنا مرة.اخو حية وامي من اهل الله اطيها

زيارة وتسوي قرايات وثواب لاهل البيت فدوة الاسمهم

ادريــــــس :: هيه من تشوفهم يـــــوم يومين وتعرفهم لا تشبشينها عليها

نــــهله ::كامت ام تبارك. تضحك كالته: - لعد خلني اروح ارتاحوا وانزلوا

طلعت وسدت الباب وراها اشرلي للباب

باوعت المصطفى وكمت طلعت كدامة

قنفات بالصالة.كاعدة غـــــدير وهبة والبنية تسولف وياهن ..باوعتلي من طلعت وكفت مبتسمة تقرب ادريــــــس يمي گـــــال

::- سمر بنتي

-تقربت البنية علية فتحت ايدي رجعت باوستني ...

-نورتي بيتج

-حبيبتي يـــــوم منور بوجودج ...حجيتها ودنكت منحرجة خجلوني بطريقة ترحيبهم ..گـــــال ادريــــــس: :- راح انزل اجيب الاغراض

بس طلع كالت سمر

:-تفضلي اكعدي

-كعدت بصف غـــــدير. وهي جرت كلاص المي نطتنياه ومن اباوع بعيونها يلمعن بدموع كعدت يمنا ساكتة

:- احم اخوانج الصغار ماكو

- ابيت جدي اهل ماما العصر يجيبهم بابا

-ابتسمتلها وسكتت متشنجة وشايلة هم وجودي ابين عائلة غريبة ..بين ليلة ويوم صارت عائلتي.وانا مسؤلة عنها

ندك الباب الداخلي وصوت بنات ثنين يضحكن ويحجن :-لج سمر

:- كامت سمر فتحتلهن الباب تضحك فاتن ثنينهن.وحدة لابسة.بنطلون وقميص وشعرها ضفيرة

.والثانية. صفنت بوجها لابسة دشداشة وشال ..وجمالها يحير اكبر واحد تقربن وكفتلهن

باوسناهن كالت سمر

- هاي فــــــاطمة بت عـــــمو.عيسي وهاي تبارك بت عــــمة

-كل الهلا حبيباتي ..حجيتها وفكيت عيني وحجي عـــــلي يدك براسي فــــــاطمة اليحبها هوا ..

فدوة شكد حلوة. وجها دائري وابيض والعيون رصاصيات من دون كل الشفتهم هي هيج حلوة وتتبسم بخجل ستر وعفة وخجل. دخيل محمد الله يجعلها من نصيبك يا عـــــلي

ابتسمتلها. وهي ادنك بخجل ... جرن غـــــدير من ايدها كاللها :-تعالي ويانا بــــس بنات جوا

وغدير تباوعلي بحيرة :- روحـــــي يـــــمة

جلبت هبه وياها اخذنها ونزلن كعدت سمر يمي

-بيتج هذا خالة لا تتقيدين

-ابتسمتلها تسلمين يـــــمة.. دنكت ورجعت سئلتها ..شوكت زواجج

-بعد اسبوع ... باوعي خاله اخواني شوية وكحين ومايحبون احد لان عاشوا بتشتت ابينا وبين بيت جدي. يجوز يتعبونج بــــس انا متاكدة دام بابا اختارج وكال حنينة وتربيتها صح معناها

ينعدلون على ايدج

- عافتني وكامت تفتح الباب الابوها. دخل الاغراض وراه ولد شاب اخذهن منة واخر شي الصورة شايلها ويباوعلي مبتسم

كالت سمر راح انزل اشوف البنات وين ودن غـــــدير عود انا اقرب الها وكذا

عافتنا ونزلت ضحك هوا يباوعلها

-متوتره هــــا

-شوية

-حقج بــــس هسه تتعودين

-رفع الصورة يباوعلها ويبتسم رجع يباوعلي

:- وين نعلكها

-اتلفتت بالبيت وحجيت بابتسامة: -مو كلت عدنا صورة.وينها ؟..ضحك.بصوت وصاح

:- تعالي اشوفج

-مشة.واني.وراة فتح باب الاستقبال وشغل الضوا صورة الامام جبيرة معلگة والاستقبال صغير وبية قنفات وطاولتين كزاز. سد الباب وطلع صاح

:-تعالي

-دخل الغرفة ثانية غرفة نوم خشب دخل وفتح باب ثاني بداخلها واني بقيت واكفة بالباب

باوعلي واكفة اشرلي براسة وحجة...::-تعالي

-مشيت ورا بثكل لمحتة من بعيد مكتب دخل ودخلت ورخ صغير المكان واحسة يخنك. ..اشرلي للصورة

-ها شفتي قابل مجذب عليج انا

-لا حشاك ما قصدي هيج ..خلة الصورة على المكتب ..

-ننزل نسلم على الوالدة

-هزيت راسي اي ودرت طلعت كدامة.وهوا وراي قفل الباب ويسولف على امة واخوانة

طلعنا من غرفة النوم بعدني بالعباية هوا طلع وراي ونفتح الباب. دخل ولد شاب ..فك عينة بغضب سد الباب واجة.مدنك يريد يفوت للغرفة الورانا عبرني صاح علية بنتر

-اسمررر

-وكف رجع خطوتين.وكف كدامة. :- هــــا بابا

-سلم

نــــهله :: من يمي تشنجت اتلفت ابينهم ادريــــــس خازة.واسمر منزل عينة بعصبية رفع وجهة.بوجهي ..

:- اهلا وسهلا

-هلا بيك ....حجيتها واباوعلهم بخوف ابتسم اسمر الابوة.وكالة

:- سلمت وهسه ممكن افوت الغرفتي اذا انتة وزوجتك ما تمانعون

-ابتعد ادريــــــس على جهة كالة

-لا ما نمانع تفضل

نــــهله :: فات الغرفتة وادريس ما متهم گـــــال تعالي اراويج اخر مكان. تمشيت وره ممر بنهاية الصالة.وباب فتحة بابتسامة

كعدة بمكان مفتوح زرع قليل ومرجوحة

-اذا تضوجون من البيت دكعدون هنا تنزلون

بالكراج. يم الحجية جوا. بكيفج

-شوية.ونزلنا جوا سلمنا عليهم اخوانة اكبر منة

معگلين يرحبون ويسئلون على مصطفى شنو مرض وليدج ...كعدت يم الحجية.والبنات اخواتة يسولفن ويشاقن ماعبالك غريبة عنهن

نسوان اخوانة وحدة فطيرة.تجفص كلساع تحجي اي شي في سبيل تضحكهن والثانية رزنة وثكيلة

وانا عيوني تفتر ابين البنات الشابات ادور على فــــــاطمة شوية.واجت عيونها حمر كعدت يمنا

كام ادريــــــس.گالهم

-يله بوية.نترخص

الحجة ::وين يمة وكت غده

-العشا يمج حجية.بــــس هسه غدانا من ايد ام مصطفى الله لايعوزنا الكم

عيسى :: خوية ام مصطفى كفيلج الله يومية ينزل والصحن بيدة. ..هــــا ولك ..وصاح

:- سمر طبخها ماينبلع .......عازل وياكل ويانا

سمر ::- يااااا بابا صدك

ادريــــــس ::- لا مو صدك بــــس غير اضوك اكلهم

نــــهلة :: ضحكوا كلهم.وكمنا وكفنا يحجون علية ماقابلين وهوا يضحك ويكلهم ::- جا احنا فوكاكم وين رايحين عود صعدولنا الغدا

جاي نصعد ودخلوا ولد اثنين شباب سلموا وباوسوا عمهم اشر عليهم وكال

-كرار ابن عيسى..وعباس ابن ابراهيم

-اهلا وسهلا

صعدت سمر گدامنا وياها هبه وغدير

صعدت وره والولد صاحوا علية

-شنو عمي خلنا نتعرف على مرة عمنا

-بعدين عـــــمو بعدين

نــــهله ::- ضحك يباوعلي وهمه يضحكون ويحجون دخلت وسد الباب وراي قفلة من جوا باوعلي وكال

-تسويلنا غدا

-هزيت راسي اي ...بــــس اصلي

-اخذي راحتج ...جايب سمج انا اشوية وانتي بــــس حضري

-صاح على سمر وطلعوا ثنينهم للكراج يشوون

اجتي غـــــدير تباوعلي بحيرة

- هبه كيفت كلساع تطفر المكان وتلعب. بــــس صلينا حضرنا الاغراض حاولت اتصرف بدون تقيد مثل ما اتصرف ابيتي. ..وسمر ساعة تنزل للكراج يم ابوها ساعة تجي يمي حبابة وتشاقي اخذت غدير.وياها ونزلن

جابوا السمجات وتضحك بصوت عالي صاحت

:- تعاي خاله مو محروكاات ههههههههههه

-طلعت من المطبخ اباوعلهم ميتة من الضحك على ابوها وهوا يكلب بيهن ويصيح ..:- لا واللـــه مستويات ....

وجهة احمر من الجمر وادية متربات ..باوع الغدير كالها: - احجي الصدك محتركات لو مستويات

سمر ::- لا اتجاملين احجي الصدك

-لا ما محتركات مستويات بــــس شوية محتركات

نــــهله ::- ضحكت على غـــــدير وهم ميتين ضحك عليها صاح عليهن :- ماعاجبجن لاتاكلن

اجة للمطبخ يضحك ويحجي عليهن عافاهن وغسل.

-صبوا انا اصلي واجي

-حضرنا الصينية وسمر كلساع وضحكت بــــس بصريخ كلساع وكالت. :- ابوي تزوج حتى يخلص من اكلي ..

ضحكت التفتتلي

:- واللـــه خالة انا لا احب اطبخ لا انضف نطيني شغل ودراسة وحب

غـــــدير::- تشتغلين انتي

-اي سكرتيرة بمكتب وادرس معهد راح اتخرج

نــــهله :: نقلنا الاكل للصالة صاح على اسمر

اجة.كعد ساكت الفهمتة ماعاجبة شي بــــس مايكسر كلمة ابوة ...لا اني.ولا غـــــدير كدرنا ناكل ..

الورا الغدا صعدن البنات يمنا وهوا طلع احاول اختلط وما اتقيد ابينهم اسولف وياهم واستفسر هذا منو وذاك منو .....

بالعشا تأخر ..وكلساع يخابرونة وين صرت يلة تعال. ...لثمانية.اجة.وجايب جهالة ويا البنية لينة واكدرلها بــــس الولد جان حجايتة واكفة حتى من كالولة سلم عليها ماقبل

البنات اخواتة.ورا العشا راحن هنه وبناتهن

شوية.وترخص صعدنا فوك صاح على غـــــدير

:-ترحين ويا فــــــاطمة بنفس الجامعة انتن

يوصلجن بسام

بالصالة كاعدين. وهبه كعدت عاقلة من شافت

غيث وغفران لا حبتهم ولا حبوها. يلعبون ويتعاركون ابيناتهم..

كام ادريــــــس دخل الغرفتة بــــس شافت ابوها فات اخذت الالعاب منهم ودخلتهم الغرفتهم تهددهم بأسمر

-بقينا وحدنا بالصالة كمنا دخلنا بالغرفة البيها مصطفى تمددت هبة على الجرباية وانا كعدت مصطفى اعصر بجسمة. واحركة

شوية ورجعت سمر

:- ارتاحن ذبن حجاباتجن اسمر مايدخل الهاي الغرفة وبابا دخل مكتبة بعد مايطلع

نــــهله ::اجت تقربت يم مصطفى وجها كاش بخوف لزمت ايدة تمسح عليها

-اووي ياعمري ...يسمعنا اذا انحاجية؟ يفهمنا

-بقيت مدنكة واهز براسي لا ..رفعت عيني الها يسمع بــــس مايفهم

-اجيبلج شي ترديلة شي توكلينة بعد

-لا حبيبتي ارتاحي

-جا كومي روحـــــي الغرفتج اخذي راحتج احنا يمه انا والبنات هنا انام

-بلعت ريك ساكتة.....وهي منتظرتني اكوم همست :- وينها غرفتي

-هههه صوج بابا تعالي انا اديلج

-كمت من يم مصطفى غطيتة منحرحة.واكفتلي بالباب ...وكلبي يدك حيل دكت باب غرفة ابوها وفتحتة بقيت واكفة بالباب وهوا طلع من غرفة المكتب صاحت

-شنو بابا تلحك على شغل عايف زوجتك حتى غرفتها ماتندلها

-خله ايدة على راسة يعتذر منها بضحك

:- اعتذر منج انا

نــــهله: :- ضحكت سمر كالت: - تصبحون على خير وطلعت سدت الباب ..بقيت واكفة بصف الباب منحرجة جر نفس يباوعلي

- نــــهله

-رفعت عيني العينة دنك وحجة

- انا انام بالمكتب اخذي راحتج. بــــس جيبيلي فراش واذا تردين تسئلين شي تعالي يمي

-دار وجهة ورجع للمكتب افتريت بالغرفة

ميز صغير وعلية فراشات مسفطة.اخذت بطانية.ومندر ودكيت الباب ...بــــس گـــــال

-:تعالي بوية لادكين الباب

-فتت فرشتلة وهوا يشتغل بالحاسبة واوراق كدامة ملابسة العسكرية معلكات يمة والصورة معلكها. بالجهة الثانية ابـــــتسمت من شفتها

باوعلي وكال

:- ملابسي وصخات وسمر غلست اليوم

- هسه اغسلهن ..مشيت فلتتهن من التعلاكة وطلعت من الغرفة جريت نفس ..اللهي ساعدني انا اسعى عيني

احاول اتوالم وياهم وامشي بالحياة رحمتك ولطفك اللهي

طلعت للحمام البيت هــــــدوء صار. غسلتهن واحاول انشفهن ماتشتغل احتاريت بيها

طلعت أريـــــد اصيح السمر واسمع دكات خفيفة على الباب. تقربت

-سمر يمعودا

-سمعتة صوت فــــــاطمة فتحتلها الباب ..فشلت من شافتني. بقت واكفة محتارة ابتسمتلها ..اتفضلي

-اسفة عــــمة ازعجتكم بــــس ردت اجي يم البنات

-تفضلي حبيبتي ماكو ازعاج.....دخلت وسديت الباب ..جريتها من ايدها وبستها بخدها

بقت فاكة عينها مصدومة ....::-هاي امانة

-من منو

- واحد.....تعالي شغليلي النشافة اريد انشف هدوم عمج ....تمشت كدامي للحمام. شكد لايگين البعض ليش. الهسة ما مزوجين ..شغلتها اوكفت على جهة ابتسمتلها

-من عـــــلي الامانة .......فكت عينها على وسعهن وخدودها اكتسن بحمار دنكت حيل خجلانة ......

:- الله يجعلكم من نصيب بعض لاتخافين ما احجي......

تحسرت وباوعتلي عيونها مدمعة

-اصلا كلها تدري

-ليش الهسه ما مزوجين؟ ..... دنكت عيونها وبجت تحجي بخنكة

-ابوي مايقبل وعباس ابن عـــــمو ابراهيم ناهي عليه وانا ما اريدة انا روحـــــي وكلبي انخلقن بــــس العلي اموت وما ازوج غيره

-مسحت دموعها ...:- لاتبجين الله يهديهم ويوافقون وهوا هم مبين كلش يحبج كل مايشوفني يكلي ادعيلي اخذ فــــــاطمة

-ههههه فدوة اروح الطولة

-ضحكت وراحت يم البنات اخذت الملابس كويتهن ورجعت للغرفة شغلت تلفوني ودزيت رسالة الزوج جــــمرة. نرسلت مني وما وصلتة

تمددت على طرف الجرباية متشنجة كلي ...

وماحسيت بنفسي من نمت

.............

جــــمرة. :: ضياع وبهتان وبرودة حياتي الموت ارحم منها واسهل شي بهل بيت الانتحار بــــس هيهات اموت قبل ما اخذ حقي منة اذا ما اكسرك كسرة ينحجي بيها اني مو جــــمرة الخلصت عمرها بالشارع

جان اصعب شي عندي من يتاخر ومايجي ابقى الوب بــــس أريـــــد الحباية أگلب البيت كلة ادور وما الكة شي. املخ شعري واصرخ جسمي ياكل بروحي.

بــــس سمعت صوت الباب ينفتح كمت طلعت من الغرفة دخل يبااوعلي رحتلة وامسح بوجهي مديت ايدي اله ..اباوع بعينة ::- الحباية

-جر نفس ودار عيونة عض على شفتة يباوعلي

:-ختولي اليوم

-اررررريدهاااا ....صيحت حيل عاف الاغراض البيدة على الكاع ومد ايدة بجيبة نطانياها بلعتها راسا وكعدت على جهة قفل الباب. وراح للمطبخ

كمت وراه التفتلي مسحت حلكي بكفة ايدي وحجيت ::- جوعــــانة

-شال راسة باوعلي ودنك ... ::- اكعدي هسه اجيبلج.

-رجعت لصالة كعدت ايدية يرجفن حيل ومن امشي الشال شادتة على ايدي بقوة ويسحل وراي ولبسي اي شي يجي كدامي البس وانزع وهوا يغسلهن ويشرهن بالغرفة. شعري بــــس اول فترة امشطة ومن ادمنت كمت بــــس انشفة من المي ومرات امشطة ومن اتعب اعوفة ما اسيطر على ايدي

جاب صينية واجة خلاها بالكاع وبقة واكف

:-كومي غسلي ايدج

-ما هتميت مديت ايدي على الخبزة جراها مني وكومنيي للحمام طبك ادية بجفة وفركهن حيل

رجعت كعدت من أريـــــد اكل شي الكمة اطيح من ايدي جر الخبزة من ايدي

-عوفي انا اوكلج

-بسرعة جوعاانة .....هز راسة موافق اكلت وشبعت اخذ الصينية وراح عيوني بقن يغوشن بنفس المكان تمددت. ..أريـــــد انام

-من المطبخ صاح

-سنايبر كومي غسلي حلكج

-غمضت عيني مغلسة غفيت وحسيتة يمي يمسح حلكي باطراف اصابعة. ويطبك اصبع على اصبع يعصر شفتي ..فتحت عيني دفعت ايدة

-غير لو تتنازل

-وخررر

-اششش

-سحب ايدي كعدني واخذني للغرفة. مد الفراش

بس خليت راسي غمضت عيني جسمي ذبلان

احس دماغي شابع نوم بــــس جسمي محتاج ينام اشياء غريبة جنت احس بيها

غفيت وعصرت عيوني حسيت وجهة بركبتي

من يم اذني يبوسني على كيف ويحجي بخفوت

يرجف

-شسويتي بية

-واني مغمضة اهمس صوتي كوا يطلع ..:- شسويت

-شم شعريي حيل ::- موتيني سنايبر

-اخذتني النومة ومكدرت اقاوم اكثر ..كعدت الصبح لكيتة يمي نايم على بطنة بدون تشيرت

راسا باوعت الملابسي لابستهم وهوا اول مرة اكعد والكاه بالبيت

كمت على اطراف اصابعي ..جريت قميصة من يم راسة سحبت المفتاح على كيف ماجانت نيتي اشرد ردت الحبوب ..وكع المفتاح من ايدي وفز. يباوعلي عيونة حمر

جراهن من ايدي وسحبني علية. دفعتة حيل وخرر

-تردين تشردين

-اي

-وين ترحين تنوكلين بــــس اطلعين من هذا الباب

-وخرررر دفعتة من صدرة. ابتعد. يفرك بوجهة

بقيت بوكعتي وهوا كاعد على حيلة. ومخلي راسة ابين ادي ..باوعت الظهرة والاثار

-رفعت ايدي خليتة عليهن نز جسمة ورفع راسة بصدمة ..همست ::- تستحق اكثر من هذا

-دفع ايدي ودار يباوع بعيني

بلع ريك ساكت تحسر ودنك رفع ايدة

باوع بيها فوك من جفة مشة اصبعة عليهن كعدت عدل اباوعله

اثر على شكل دوائر ثلاثة

مسح عليهن ورفع جفة خلة اصابيعة اربعة على شفتة وخشمة باساهن وشمهن حيل وخلاهن على كلبة مغمض عينة وشفايفة يتحركن

بس فتح عيونة سئلتة

:- شنو حجيت

-كام وكف كمت وراه ....:-شسويت

دخل للحمام وكفتلة بالباب. :- احاجيك

-شتردين

-شسويت

-بست ايدي

-لا حجيت وياها شحجيت ....سكت طلع للمطبخ رحت وره ....:- احجي ......طك بيضة وطلع خبز من الثلاجة

-وكفت يمة وجريت ايدة الباسها سكت ورفع وجهة ليفوك ..مشيت اصبعي عليهن

...:-شنو هاي

-سئلتة ورفعت راسي اباوعلة. بلع ريك وجر ايدة يريد يسحبها ماعفتها. :- كلي شنو هاي

-نزل عينة العيني عيونة انملن دموع. اوجهة تغير رجف وبلعومة احتقن جر ايدة مني اخذ الصينية وطلع صاح

:- تعالي تريكي أريـــــد اروح

-كعدت يـــــمة ما اتريك هوا بــــس وكلني وگام

جلبت بية ...:- أريـــــد حباية

-دفع ايدي

-من ارجع

-بس هسه انا محتاجتها

-لا ماتحتاجين بــــس وحدة بليل تبلعينها ...

تغدي ونامي خوش

-بقيت كاعدة بمكاني وهوا طلع. ...كمت سبحت وكعدت روحـــــي تلوب ما مرتاحة اريدها

رجعت نمت وفزيت للحمام هستوني طلعت من الحمام اسمع صوت يم الباب تقربت. علية جاي ينضرب بشي حديد بحديد

تقربت اكثر اسمع صوت همس

-خرب مو هيج اذا هسه هوه بالبيت يصيدنا

-فكيت عيني على وسعهن بصدمة.وخوف ركضت للغرفة ورجعت للمطبخ اركض وارجف سجينة جريتها ورجعت ..دخلت للغرفة سديت الباب اوكفت ورا ارجف ..ولاول مرة حسيت احتاجة لاول مرة تمنيت يجي ويحميني

الثانية من تعبر اختنك واحس راح يوصلولي

جريت المندر شمرتة فوك الكنتور وصعدت. رفعتة وصرت جوا والسجينة.بيدي ترجف. ندفع الباب الحديد بقوة وصوت دخلتهم للبيت هز گلبي يدفرن بالبيبان ادفر

عصرت عيوني حيل وجلبت بالسجينة كل قوتي من دفروا باب الغرفة ......

يتبــــــع⋆𓍯

الكــــاتبة أيـــــــلول⋆𓄼𓂁

💚🌿.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

ياگلبي وتظل متعوب

لامرسه ولامعبار لاتحتار..!

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة ::-كتمت صوت نفـــــسي ومغمضة عيوني بقوة. گـــــلبي يدك حيل. احس بــــس افتح عيني راح يشوفوني يفتر بالغرفة ويفتح بيبان الكنتور رجع الباب نركع حيل صاح الثاني

-ها

-ما لكيت شي وانتة؟

-خاف مو بيتة

-ارجع دور

جــــمرة ::حسيتهم طلعوا من الغرفة رفعت المندر من راسي على كيف بــــس أريـــــد اتاكد

شفت الباب مسدود وصوتهم بالصالة والمطبخ ردت انزل بسرعة البد بداخل الكنتور خاف يدورون هنا هستوني أريـــــد اوخر المندر ورجع الباب نفتح خنست وروحي حسيتها بدت تطلع

غمضت عيني استسلمت احس بعقلي يغيب ويرجع ما اعرف اذا كنت فعلا نايمة او مجرد اغماء احس بهمس يم اذني والصوت اعرفة كلش اعرفة صوت الحجية... يتردد بأذني

(وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ )

-حسيت روحي بظلام ومجبورة انام اشياء غريبة احس بيها ماعرف اذا. مجرد وهم لو دعوات امي والحجية الهن علاقة ..

نز جسمي وفزيت من نركع الباب الحديد بقوة وصوتة. يصيح حيل

- جــــمرررة

-بقيت بمكاني فوك الكنتور وهوا يدخل للغرفة ويطلع وصوت ولد وراه يصيحون ما مهتملهم يفتر ويصيح. :- جمرررره

بيبان. البيت باب باب نركعن وصوت الولد الاسمة علول يتعارك وياه ويصيح

-كتلك طلعهاااا من هذا البيت كتلك لو لااا مو عرفتهم ندلوووك

-رجع ركع باب الغرفة حيل غمضت عيني حسيت جر المندر مني ويردد بتعب ويجر نفس

مختنك

:- جــــمرة جــــمرة باوعيلي

-فتحت عيني بعينة مچلب بالكنتور بأيد وحدة والثانية يمسح.بوجهي ويبعد شعري من كصتي

يلهت ويحجي بتعب

_اجيتج اجيت جــــمرة باوعيلي

-التفت عليهم كالهم..:- اطلعوا

طلعوا ثنينهم مد ايدة.وسحبني من فوك الكنتور

وكفت وهوا يمسح بملابسي من التراب ساكت وجهة عركان وتعبان خليت ادية ثنينهن بصدرة ودفعتة حيل رجع ليورا يباوعلي

-وخررررر ليش تعوووفني مجـــرم كافر وابن زنا

واعدائك ماينحسبون ليش تخليني بالبيت وتدري بيهم يعرفونة

-رجع عليه يريد يسحبني قاومتة دفعتة حيل وضربتة على وجهة ابتعد ولزم خشمة من يم حواجبة مدنك

-بس رفع عينة تقدم بسرعة لزم زندي يعت بية ويحجي بحرگة

:- ايدج اكسرها اذا مرة الثانية مديتيها علية

-بأيدي الثانية ضربتة وصيحت ::-امدها وامدهااا

-لزمني من ادي ثنينهن ودفعني للفراش حيل

رفع ايدة بوجهي ::- ابقي هناااا

-دار يريد يطلع كمت وراه طلع وسد الباب من برا

-دكيت علية واغلط وافشر حجي كلة

جنت اسمعة بالشارع

الحد ماتعبت كعدت على حيلي بصف الباب واردد

-كافر ابن زنا امك عاهرة

-واسمعة يحجي وياهم علول يتعارك وياة وذاك الثاني عمر يهدي بيهم

-سمعت الباب الحديد انطبك وندفع باب الغرفة باوعلي كاعدة بالكاع بصف الباب كمت وكفت

-ابن الكلب

-السانج

-مسحت وجهي برداني ومشيت كعدت على فراشة فتح الكنتور طلع جنطة ملابس يلم بملابسي

-هيييي شسوي .....شمرها علية وصاح

-سديها

-سديت سحاب الجنطة وكمت ..صار ورا الكنتور وخلة رجلة على الحايط يحاول يدفع الكنتور

مرة مرتين بالثالثة اندفع افتريت يمة اباوع

ضرب الكاع برجلة. ودنك. شال جزء صغير من الصبة وكسر الباقي برجلة مد ايدة وطلع صندوگ وجنطة طلعهن ومشة

-شنو هذا .....ما اهتملي راح لجنطة.فتحها وخلة الصندوك بيها طلع صاية وشال. شمرهم علية

- البسي

-شمرتهن بالكاع ....::-ما البس وين راح توديني

-لازم نطلع منا

-هوا احنا ويننن

-انگس منطقة ابغداد وابشرج راح نروح للأنكس منها

-ما اررروح وياك رجعني الامي.....ضحك.يجمع باغراضة باستعجال

-هية امج ام الضباط تزوجت وعافت بيتها وين ارجعج

- انچب

-التفتلي مسحت عيوني حرگني حرك وكلبي يدك حيل هز راسة ساكت كعدت بصف اغراضي.. شلت الشال مال امي ضميتة بالجنطة......وهوا كلساع يطلع من الغرفة ويرجع جايب شي جديد شكد مدورة بالبيت ماشايفتهن

جمع كلشي وباوعلي كاعدة مالابسة جر الملابس

يريد يلبسني دفعتة لزم ادية بايد وفكي بأيد.خازرنيي

-اشششش تأذين نفسج

-لبست الصاية والشال وبالي بــــس يطلعنا منا

اصرخ وافضحة ..كعدت عاقلة.وافكر وهوا يفتر ويرجع يمي جاب حذائي شمرها على الفراش

-البسيها بسرعة

-بقيت كاعدة حاضنة اركبي الصدري وساكتة

اجة يمي جر رجلية حيل لبسني ويسد بسير الحذاء باستعجال. كمل ورجع دفع رجلية مثل ماجانن

شال الاغراض. طلعهن للصالة..بــــس اسلاحة بقة يمي لزمتة وعفتة بسرعة.خفت ثگيل ويخوف

رجع دخل سحبة خلاة جوا ملابسة ...باوعلي تحسر وفرك وجهة. مد ايدة بجيبة طلع شيشة ومنديل

شهكت وكمت وكفت بسرعة.احجي وهوا يرش منها على المنديل

نحشكت بزاوية الغرفة

-لا تخليلي من هذا ما احجي وما اسوي صوت بــــس ما أريـــــد من هاي والله ما احجي

-سداها ورجعها الجيبة من حلات روحـــــي

اكمز وفتريت أريـــــد اشرد من الباب جراني من خصري. ضهرري بصدرة ولازمني حيل خلة المنديل بوجهي كطعت النفس مچلبة بأيدة اجر بيها مني ماريد اتنفس

وانام

وهوا يهمس بأذني

-بس جري نفس

-حسيت گلبي وكف وانا ما متنفسة واقاوم أريـــــد اوخرها من وجهي عصر خصري بأيدة حيل وماكدرت اقاوم اكثر جريت نفس بقوة

ونزلت ادية منه حيل مابية بس عيني فاتحتها

سحبني للفراش وغمضت مكدرت شكد ما اقاوم ما اكدر

-فزيت شبعانة نوم. بس حركت راسي اتلفت. الضوا خفيف وفراشي دافي رفعت راسي من المخدة غرفة صغيرة كلش بيها كومدي صغير وفوگاة فراشات غمضت وفتحت وجع براسي مو طبيعي

اسمع صوت ورا الباب صوت اغنية وما اميز الكلمات شنو احسة كل شوية ينعادن نفسهن كمت على حيلي احاول اركز الكلمات يترددن باذني

-في حزن وسع المدى

-رجعت غمضت ما مسيطرة. كعدت شوية حسيت نفـــــسي راحت الدوخة من راسي يلة رجعت كمت اسمع الاغنية تتكرار كلساع

في حزن وسع المدى

في وجع جوا عميق

لا صوت باقي ولا صدى

ولا مين يكفي الطريق

فضيوا المطارح يازمن

راحوا اللي هون اتجمعوا

-تخلص.وتنعاد. نفس الكلمات كل شوية فتحت باب الغرفة على كيف شفتة متمدد على قنفة وايدة فوگ عيونة رافع تك رجل والثانية مادها

تقربت على اطراف اصابعي ..تلفون يم راسة والاغنية منة نفس المقطع ينعاد

ثنيت ركبتي وكعدت أريـــــد اركز بنفسة نايم لو كاعد فاتح حلگة على كيف وصدرة. يصعد وينزل بهدوء

-كومي اكلي

-رجعت فازة..كعد على حيلة سحب تلفونة وطفة الصوت عيونة مدمعات ومايخليهن بعيوني. مسح وجهة وباعلي

-جوعانة؟

-اريد الحباية

-اكلي بالاول

-وين جبتنا .......

رفع راسة يباوع ..هي مجرد غرفة وصالة وباب حمام ماكو شي ثاني وفارغات بــــس ثلاجة اكو

-ورطت روحـــــي بيج

-باوعت بعينة نزل من القنفة وكعد يمي وجهة بوجهي

-كارهج حيل شجابج عليه

-انتة جلبت بية .....

حجيتها ورفعت ايدي وخرت شعري من كصتي وادير بعيوني للمكان

- سنايبر

-ها ....

باوعت بعينة بسرعة خلة ايدة ورا رگبتي وسحبني علية باسني بشفتي ولازم ايدي حيل

حاولت افك روحـــــي معدتي گلبت. حس نفـــــسي خلص ابتعد ...اول ما ابتعد استفرغت على رجلية

اتقيء.واغلط وافشر علية

شفتة راح للحمام ورجع نازع بنطلونة.وغسل رجلية سحبني من ايدي ساكت كعدت بالحمام

يغسلي وانا اغلط

-الوصخ ابن زنا كافر

-كافي اسكتي

-ضربتة بجف ايدي على راسة خازرتة واصيح

:- اذا بستني بعد استفرغ بحلكك

-اششش

-وخررر اني انزع اطلع .....

دفعت ايدة طلع من الحمام نزعت ملابسي وشطفت جسمي دك الباب

-سنايبر

-ومرض

-المرضج. هاج ملابسج

-كمت فتحت الباب اخذتهن منة ارجف

البس وجسمي كلة يهتز أريـــــد الحباية

هسه اريدها طلعت من الحمام لكيتة ينضف بالمكان

-انتة عبااالك انا مثل امك عاهرة

......كام وكف منطيني ضهرة

-والله من تتقربلي بعد الا اموتك بيدي......

ما اهتم الكلامي عبرني راح للحمام ورجع مسح الكاع ورجع دخل غسل واجة باوع بوجهي

-باليل انتي تجيلي والحجي بختلف

-انچب

ضحك بطرف شفتة.راح للثلاجة ويحجي

-::انتي التحضنين وتبوسين انتي التموتين بيدي

مصورج اذا تحبين تشوفين انجازاتج

-كعدت على قنفة سادة اذاني بأيدي وهوه يحجي هيج تسوين وهيج صررخت

:-اررريد الحباية

-فكيت عيني اباوعلة جاب صحن من الثلاجة.واجة خلاهن على القنفة يمي

;-اكلي واني انطيج الحباية

-مديت ايدي اكل باستعجال وهوا ياكل ويشيل الاكل اليطيح من ايدي.

رفعت ايدي أريـــــد امسح حلكي

سحب ايدي

-لاا خلصتي؟

-هزيت راسي اي وسحبت ايدي منة بنتر كمت وكفت كمت الوب بــــس اريدها رحت للحمام غسلت ورجعت شفتة شال الصحن والاكل البقة بية بسطل الزبالة شمرة

-وين الحباية. ....

التفتلي ..رفعت ياخة التشيرت الابستة مسحت حلكي من المي.

هز راسة وراح للغرفة كعدت على قنفة. ادك برجلي بالكاع وارجف طلع بيدة مشط وكف كدامي مديت ايدي اله

-بالاول مشطي شعرج تخرعين

-نطيني الحباية

-مشطي

-اهووو انتة شكد تلح ارريد الزفت نطينياهااا

....صرخت حيل

رفع ايدة الثانية خله الحباية ابين شفايفي بلعتها وغمضت عيني بــــس أريـــــد جسمي يهدئ

حسيت المشط بشعري فتحت باوعلي حجه بهدوء

-امشط شعرج؟

-هزيت راسي اي ورجعت غمضت انسطر وكلشي ما افكر كلشي يروح من عقلي اصير بعالم ثاني احس عليةة من يخلي المشط وايدة فوگاه ولان شعري الحد اذني بسرعة خلص

مديت نفـــــسي على قنفة ورجلية بحضنة

-كومي لفراشج

-غمضت ما مهتمة بهيج وقت اكرهة الكل صوتة واهلي والدنيا وروحي اوجودي مرات الكة نفـــــسي لازمة السجينة واشمرها بسرعة واكو تصرفات اسويها بدون ما احس على نفـــــسي

مرن كم يوم رجعت الكة نفـــــسي بدون ملابس من انام وهوا يرجع للبيت متأخر مرات أريـــــد ادك الباب واصرخ بلكي احد يسمعني وارجع من افكر شلون ذا ردت الحباية منو ينطيني

الحد ما بيوم ما اجة كمت ابجي واشلع بشعري بــــس أريـــــد الحباية احس كمت احتاج ابلع اكثر من وحدة متمددة ودموعي تنزل على شعري. كلساع أريـــــد اروح اصرخ لو احس أريـــــد انتحر

تعــــبت حيييل هستوني نمت. والشال مخليتة على خشمي وحسيت بأيد امي على راسي. تنهدت براحة مجلبة بأيدها

-تعبانة جمرتي؟

-اريد اموت

-ليش ماتصلين

-ما اندل دليني

-كومي

-كمت وياها فتحت الشال الاشدة على ايدي فرشتة بالگاع اوكفت تصلي وانا واكفة وراها اراقبها

التفتتلي مبتسمة همست بصوت خافت

-لا تعوفين صلاتج!!

...فزيت تعبانة واتنفس بصعوبة اباوع للشال بعدة مشدود بأيدي والمكان الوكفت بية اتلفت بالغرفة عيوني ادورها

كمت بخوف دخلت للحمام سبحت وتوضيت فرشت الشال بنفس المكان اوكفت اصلي

سجدت وسمعت الباب نفتح رجعت وكفت

فتح باب الغرفة. ساكت نوب ضحك وراح كعد بمكاني كملت صلاتي وبقيت كاعدة صاح

-تعالي اكلي يله

-كمت على حيلي كعدت يم الصينية احجي بهدوء :-ابيش الساعة

-ب12 الظهر

-ليش ما اجيت البارحة

-عندي شغل .....تخافين وحدج؟

-ما اخاف بــــس احتاجك......

حجيت وعفت الخاشوكة بالصينية شالها هوا خلة بيها تمن ورفعها الي اكلتها

باوعت بعينية

-لاتنطيني حباية بعد

-ليش

-ماريدها ...نزل شفايفة

-بكيفج

-سكتت كملت اكل گـــــلبي يدك حيل طلع هوا للصالة واني غسلت ورجعت للغرفة تمددت وتغطيت ماريد اتنازل واحتاجها ماريد ابلعها

اتگلب بمكاني والوب كمت فتحت الباب

شفتة كاعد بنص الصالة هواي اسلحة گدامة

مفصخة ..رفع عينة باوعلي

تمشيت كعدت على القنفة وهوا كدامي بالكاع أريـــــد اي شي التهي بية وما اطلب الحباية. اهز برجلي. رفع ايدة خلاها فوك رجلي ماحركتها حجة عينة بعيني

-تردين حباية؟

-هزيت راسي لا ......رجع دنك يشتغل ..فركت وجهي دنكت ورجعت باوعتلة همست بخفوت

- الأبـــــهر

-رفع راسة جمد بلع ريك يرمش بثگل رجع دنك گال

:-ها

-شنو اكثر شي تحبة

-رفعلي السلاح .......:-هذا

-منو اقرب انسان الك

-علول وعمر وحسين

-كون يموتون وينحرگ گلبك عليهم ......:- رفع عينة بعيني خازرني شعرة ماتهتز مني

-لاتدعين على الناس ادعي علية

-لا أريـــــد اشوفك وانتة محروك دمك أريـــــد تعرف شنو شعور الخسارة من ينوخذ منك شي عزيز وغالي

-سنايبر لا تبقين تمسلتين اسكتي

-دنك يشتغل واني ساكتة رفعت رجلية وخليت راسي عليهن اكرص بايدي. ماريد اطلبها ماريد رجعت حجيت

-انتة منو رباك

-الشارع

-امك ماتعرفها منو ......سكت احتقن وجهة شوية وهز راسة لا بدون مايباوعلي

-اكيد خلفتك بالزنا وشمرتك بالزبل مو

...بقة يشتغل ساكت

-شنو. اكثر غلطة تضوج منها ......

رأسا جاوب

-كافر ابن زنا

-خوش ابن زنا ......

جر نفس بحسرة ورفع راسة يباوعلي مد ايدة بجيبة وطلع الحباية

بلعت ريك هادئة وعيني على ايدة

رفعها الشفتي غمضت عيني ماريد اضعف

مشة ابهامة على شفتي وعصرها ابين اصابيعة حسيت نفسة يم اذني يهمس بخفوت

-افتحي شفايفج

-بعدت شفايفي عن بعض خله الحباية بحلكي بلعتها مغمضة وجامدة بمكاني ..قرب وجهة الرگبتي جر نفس وباسني بشوغة

-عنادج واصل السابع سما

-رخة جسمي وتبندت بــــس أريـــــد اتمدد. سحب رجلية مداهن على القنفة وعدل نومتي

شوية.ونمت ومن كعدت لكيت نفـــــسي بفراشي.وهوا ما موجود

....

نــــهله :: ماكو شي بالدنيا سهل ..يومين فاتن على وجودنا حيل حسيت بغربة. ..اسمر ثاني يـــــوم الاجينة بية گـــــال الابوة رايح ابقى ابيت صديقي عندي امتحان صعب ندرس سوا

غيث.وغفران يكعدون من النوم ينزلون البيت جدهم من اكلهم تعالوا تريكوا غيث يصح

-مانريد اكلج

يبقون جوا الحد مايجي ابوهم يله يصعدون

-..سمر تخلص الصبح بالمعهد والعصر تطلع الشغلها.لو للسوگ تحضر الزواجها غـــــدير تروح ويا فــــــاطمة ومكيفة بيها لان حبابة ..هبه كارهة الكل وتنگ فوك راسي

:-رجعينا البيتنا

ادريــــــس قليل احجي وياه يجمعنا بــــس العشا ياكل ويدخل لمكتبة والصبح اكعد اسويلة ريوك ويروح الشغلة.

وبيوم كعدت لصلاة الصبح. صليت وخدرت الچاي

وهدرتة

نكعت لحم للغدا وبقيت كاعدة اقرأ قرآن ختمة نيابة عن امي

وبالي كلة يم جــــمرة زوجها گـــــال طالع سفرة وي صديقي وهي تدرس بقت بشقتنا قلق وخوف وكلبي ما مرتاح

صدقت وكمت من صارت ب6 ادريــــــس كل مرة يكعد هيج وقت علمود دوامة

دخلت للغرفة ودكيت باب المكتب على كيف مرة مرتين بثالثة صاح

-تعالي نــــهله

-فتحت الباب مديت راسي ....::-صباح الخير

-صباح النور ...تعاالي

-كعد على حيلة دخلت لازمة ايد بأيد

::- احم مو عندك دوام

-لا اليوم عطلتي

-هــــا اسفة كعدتك ما ادري ....ضحك وگاام

اجة..يمي

:-لا هاي هي عاشت ايدج ماحب اتاخر بنومتي

-دنكت عيني نظراتة تحرجني

:-ماشي غسل و صلي وانا اكمل الريوك

-الحمد لله مصلي شنو عبالج بــــس انتي ملتزمة بوقت صلاتج

-يحجي بابتسامة وانا منحرجة حيل طلعت من الغرفة حضرت الريوك ونتظرتة فتح باب المطبخ

-نهلة

-التفتتلة. ::-ها عيني

-هناك جيبلنا الريوك يم الحجية كاعدة بالحديقة

-صار ......

طلع وانا رفعت البردة وفتحت الشباك اباوعلها مخلية بساط بالحديقة وكاعدة وصوت حديث الكساء واصل يمي

نزل ادريــــــس باس راسها وايدها وكعد يمها

زيدت الريوك. لبست عباتي على متوني ونزلت شايلة الصينية .والدرج يكطع حيلي يلة انزلة

بــــس لمحني ضحك.ويا امة.وگام اخذ الصينية مني ..

مشيت وراه صبحت على الحجية وبستها

بقبت واكفة ودرت أريـــــد ارجع اجيب الجاي

وهوا يعض بشفتة.وياشرلي اكعد مثلي من أشر الهبة كتلة

::-اجيب الچاي واجي....

ضحك وقرب الصينية الامة صعدت

جبت الچاي ونزلت لگيت فــــــاطمة كاعدة يمهم

دكت الحجية بأيدها

::-اهنا يـــــمة تعاي يم رجلج

-ثنة رجلة وفتريت كعدت اصب چاي وهمه يسولفون

فــــــاطمة ::عـــــمو اكلكم احله من اكلنا

ادريــــــس ::اي عـــــمو راشينة عسل

نــــهله :: كرص خدها يضحك وياها. كالها ::- روحـــــي جيبلنا مي

...كامت تركض

-قرب الصمونة يمي يباوعلي

:- شبيج ماتاكلين

-قسمت الصمونة بايدي ...:- جاي اكل

الحجية خلت ايدها على رجلي وحجت

تباوعلي وتباوعلة

::- شدوا حيلكم وخلفولكم وليد يربط بينكم وبين الوليدات اخوتة من الصفحتين كبل لاياخذكم العمر

-التفتتلة فاكة عيني على وسعهن وهوا يضحك كالها

:- شنسوي بية حجية دخلي نعدل تربية هذول

::- ينعدلون يمة ينعدلون اسمعوا مني وخلفولكم وحيد يمة

-الله كريم حجية

نــــهله ::التفتلي ابتسم وحرك عينة بمعنى ميخالف او غلسي اجت فــــــاطمة وجهة مگلوب وعينها حمرة انطتة المي وكعدت ساكتة طلع وراها عباس

اجة يمنا صبح عليهم وهي مدنكة گـــــال

-عمو حمايتك شعدهم حتى بعطلتك يجون

نــــهله ::وكف ادريــــــس بعصبية خازره لزمة من ياختة ونتر بصياح

::- وشنو انتة تحاسبني

-لا عـــــمو العفو مو هيج قصدي

-شوف الحد هل ساعة ساكت احترام الابوك بــــس وروح الحسين اكضك افصم ضهرك

وبالك تحاجي فطيم كلمة فهمت

-دفعة من ايدة ليوره اعتذر وراح وفاطمة بــــس دموعها ينزلن وتشهك. گعد يمها وحضنها

والحجية تحجي على ولدها عيسى وابراهيم

الحجية ::- اخوتك مايخافون الله بــــس واحدهم اعگالة شكدة وشگال الرسول وشحجة الامام وزياراتهم ليلية ومدخلين هل بنية بخطيتهم ليش

الولد شني ذنبة اذا ماله اهل عاشگة وعاشگتة اطوهم جا الا ياخذها ويشرد ويغط روسكم بالوحل

نــــهله ::ساكتة كلشي مافاهمة اشرلي بعينة على فــــــاطمة كمت واخذتها من ايدها صعدنا فوك

غسلتلها وكعدت يمها

::- كـــــافي شبيج

-تعبت عــــمة واللـــه تعــــبت من وانا طفلة حبيتة وضميت بكلبي ماحجيت المخلوق ولا اله جنت بكل صلاة ادعي يحبني مثل ما انة احبة

ومن دخلت كلية صارت عد عـــــمو قضية وخاف علينا لان هددوة بينا

كامو حمايتة يوصلونة لجامعة وانا ميتة من الفرح لان عـــــلي يوصلني رغم واللـــه اتحسر على نظرة منة

بعدين گال انا احبج وراح اجي اخطب لو تــــدرين شصار بية بوقتها اسعد انسانة ابجي واضحك وطايرة من الفرح

تــــدرين منو الاجة خطبلة ...عـــــمو ادريــــــس

وصديقة بــــسام همه اجوا بــــس بابا فشلة.وكالة ما انطي بتي الواحد ماينعرف اصلة منين وعباس اجة.ونهى عليه

-شلون يعني عـــــلي شنو ....

غصت من البجي ورجعت تحجي بخنك

-عمو ادريــــــس لگاة بالشارع مريض وراسة ملفوف ومايتذكر اي شي عــــمة حتى اسمة مايعرفة ....اجة عـــــمو ادريــــــس وحجة الجدو ...ذاك الوقت عـــــمو بعدة يدرس جدو وعمو اخذوة وانطوة المرة عايشة وحدها كالولها ربية ومصرفج ومصرفة علينا

ربتة وتموت علية وهوا يتفدة عمو ادريــــــس بروحة ...كمل دراستة واشتغل ويا عـــــمو

ومثل ما ربي دزاله عـــــمو ادريــــــس ينقذة

زرع حبة بگلبي نبتة صغيرة جانت وكبرت يـــــوم.وره يـــــوم

-جريت راسها الصدري ممرود گـــــلبي على دموعها وعلى عـــــلي ..

كامت مني كالت راح انزل يبقون يحجون علية

كمت غيرت المصطفى كعدت سمر وغدير

نضفت البيت وكلساع اباوعلة بقى كاعد يم امة.والمواعين يمهم استحيت ارجع اخذهن خاف يحجون بشي خاص

شوية وصعد. خلاهن بالمطبخ وفات الغرفتة

دقايق وصاح

:-نهله

غـــــدير ::روحـــــي عــــمة اني اغسل المواعين

دخلت للغرفة فاتح الكنتور وبيدة.فلوس يحسب.بيهن باوعلي بالباب

گـــــال

:-تعالي

-تمشيت.وكفت يمة حسب.مجموعة.وعزلهن.طبگهن.ومد ايدة.ينطينياهن بقيت اباوعلهن.وما مديت ايدي الحد.ماحجة هوا

-500000 الف مصرف البيت مسواك ومي مصرف الجهال كلة عليج مالي شغل بــــس الغاز من يخلص اني ادفع. ...هــــا كـــــافي ؟

-اخذتهن من أيــــدة ساكتة هم يردون الاكل زين ماعرف للمصرف ولا اعرف شلون اقسمة. دنك.حسب. طلع خمسة.وسبعين الف ورفع ايدة

مديت ايدي اخذتهن گـــــال

-مصرفج هذا

-بلعت ريك اباوعلة.وهنه بيدي ...مترددة. همست. بــــس.ماريد ما محتاجة شي

-يابة غير ترديلج.ملابس شي.تردين تشترين لبنياتج تردين تلمين بكيفج المهم انا. مؤدي واجبي.وانطيج.حقج

.وهاج هاي وحدة السمر وحدة الغدير

.اخذتهن منة.ساكتة. وعاصرتهن بيدي جر نفس گـــــال

-ماريد الجهال ينزلون جوه اقفلي الباب وحاولي تلهينهم بأي شي ما احب احد يحجي وهمه يتعاركون ويا جهال ابراهيم

- درت ضميت الفلوس بالكنتور مشيت أريـــــد اطلع صاح

-نهله أسمر راح يجي ..

-باوعتلة ...بيتة هذا ......هز راسة وفات للمكتب

سمر كعدت خوانها...بسرعة رحت قفلت الباب وشلت المفتاح وكفت بالمطبخ اسويلهم ريوك

اجة.غيث ينتر وهوا كل عمرة 7 سنوات

-وين مفتاح الباب

-التفتتلة.وابتسمت عد ابوك روحوا غسلوا جاي اسويلكم ريوك

-بابا هنا

-اي بالمكتب ....باوعلي من فوك ليجوا عود يخزرني ...وطلع خليت ايدي على وجهي شلون راح ادبرها هذول ينرادلهم گلب ما مدشن وانا گـــــلبي خلصان

هستوني اطكلهم بيض.واسمع صوت هبة تبجي

طلعت اركض

تكمز يم المغسلة.ولازمة عينها گـــــلبي راح بــــس اجر بايدها أريـــــد اشوف عينها وهي مفرفحة.وغفران تبجي.وغيث يصيح بتج طكت اختي هيه طكتها بالاول

اجن غـــــدير وسمر يركضن وانا روحـــــي مفرفحة. ::- ولج.يـــــمة بــــس خليني اشوف

سحبها ادريــــــس من ايدي غسلها

وفتح عينها ..بس فتحت عينها هدت تريد تكتل غيث وهوا من يشوف ابوه ساكت بــــس مخنزر

جريتها بايدي امسح بدموعها عينها حمرة وشايطة ..بــــس اشرلهم بأيدة لغرفتة مشوا ثنينهم گدامة وسمر تتحركن كدامي

-خو مايضربهن سمر؟

-لا بابا مايمد ايدة بــــس يعاقبهم

هبه ::-خليه يطكهم مجلوبين

-اشش ماما عيب ....باوعتلي خازرتني ...

كمت دكيت الباب وفتت لكيتهم واكفين كدامه وساكتين وهوا يشتغل بالحاسبة حتى من دخلت مارفع راسة

-تعالوا تريكوا.....التفتولي ثنينهم غفران مبرطمة وتريد تبجي بــــس غيث مامتنازل. لزمتهم من ايدهم وسحبتهم طلعنا من الغرفة

كعدوا يتريكون واحد ماطايق الثاني

غـــــدير ::عــــمة انزل ويا سمر يم فــــــاطمة

-شسوين هي تجي يمجن عدهم ولد يـــــمة ماريد تطلع علينا احجاية

-هي اتلصلت على سمر دكول ضايجة تعالن يمي

-روحي .....لفت حجابها زين.ونزلن هي وسمر

والجهال كاعدين بالصالة يباوعون للشاشة صاح غيث

وخرن أريـــــد العب بلي

اراقبهم من المطبخ ..اشتغل وعيني عليهم أريـــــد اعرف بيا طريقة اكسبهم.

شغل البلي وهنه ثنينهن يـــــمة هبه وغفران

تذكرت سالفة.كبل امي حاجيتها الي

دكول واحد عده ثلث جهال و ماتت مرتة تزوج

وحدة هم ارملة.وعدها طفل واحد

رادت تكسب جهالة.ومايحسون هي مفضلة ابنها عليهم ...

سوت ثلث خبزات اطتهم.وعافت ابنها كالتهم

نسيت ابني ماسويتلة اقسمولة انتم كل واحد نص. وهيج ابنها ياخذ اكثر منهم وهم زرعت الحب ابينهم وحسوا هيه مفضلتهم على ابنها

.بــــس ركبت التمن طلعت تفاحتين وبرتقالتين قسمتة بصحنين ...طلعت يمهم

رفع عينة غيث يباوعلي ابتسمتلة

ونطيتة الصحن اخذة وهوا ساكت

ونطيت صحن الغفران باوعتلي هبه

-جا وانا ماما؟

-التفتوا ثنينهم يباوعولها حجت غفران بسرعة

-ناكل اني وياج

-ابتسمت واكلت وياها رجعت للمطبخ كعدن ياكلن بنفس الصحن ويلعبن بالايباد

شفت غيث. يباوع الصحنهن شال من صحنة.وخلالهن ورجع يلعب ...يارب ساعدني اللهي

هدرت التمن سويت صحن فواكة ورحت الغرفة ادريــــــس

دكيت باب المكتب

-تفضلي

-فتحت الباب ..ابتسم وسد الحاسبة خليت الصحن گدامة

-ااي عاشت ايدج

-بالعافية

-اذا ماعندج شي اكعدي

-كعدت على الكرسي الگدامة ...دنكت اطكطك باصابعي

-ابو اسمر.........

رفع راسة باوعلي

-باجر اربعينية امي

-تسويلها ثواب؟

-اريد اروح. ......

دنك جر نفس بحيرة گال

-نروح.ونرجع بنفس اليوم

-اكدر اروح.وحدي

-لا يابة شلون زين تسويلها ثواب نروح.نسوك

-من مصرفي. .....

ضحك

-هاي هي من مصرفج بــــس مايكفن 75 انطيج فوگاهن خمسين دين

-ابتسمت ...خوش ..رجعت باوعتلة يباوع الايدي

ضميت ايدي بايد فشلانة كلهن اثر جروح

گـــــال ورا الغدا نروح ..كمت من يمة.

شفت البنات يلعبن غفران مطلعة العابها توالمن هيه وهبة

رحت المصطفى حضنتة.وبوستة

حضرتلة.ملابس.وحضرت الحمام رجعت شلتة

واللـــه استهظم زلمة.بطولي.والله بطولي

خليتة بالحمام.وسبحتة.ودموعي تصب

وينكطع نفـــــسي من اشيلة. ..بدلتلة وشلتة أريـــــد اطلعة من الحمام ماكدرت تعــــبت ارتاحيت.شوية وشلتة هستوني طلعت من باب الحمام شايلتة.والهث فحطانة

لمحني اسمر هستوه داخل للبيت بقة يباوعلي

عبرتة ودخلت للغرفة خليت مصطفى بفراشة

وكعدت يمة ميته من التعب. مشطت شعرة.وعطرتة ودنكت ابوسة

:- ياروح امك يافرحة.روحـــــي المكسورة.

ندك الباب ابتعدت عنة.......:-تفضل

نفتح الباب

مد بــــس راسة

اسمر ::- بــــس تعالي كولي الابوية.اسمر راح يروح الكربلاء.ويا اصدقائة

-كمت على حيلي ..ساكتة طلعت من يمة.وهوا بقة.بمكانة حاجيت ادريــــــس راسا كالي لا

مكدرت احجي شي.طلعت

دكيت باب غرفة اسمر ماحاجاني فتحتها مالكيتة رجعت الغرفة.مصطفى لكيتة.واكف يم راسة يباوعلة بس دخلت التفتلي

-اشبيه هذا

-بلعت ريك.وبقيت ساكتة ...دنك.باوعلة

-شنو مايحجي

-لا مريض. ... مشيت تقربت يم.مصطفى عدلت غطاه

:- ابوك.يكول لا

-باوعتلة رفعلي حواجبة ثنينهن.وهز راسة.متحلف.طلع.وركع الباب حيل وراه

هسه اني اربي الكبار لو الصغار

للعصر هم تعاركوا غيث وهبه بــــس شوية.ورجعوا حاولت بكل صورة ما اخليهم

يضوجون ...

صاح ادريــــــس

-يله يابه مو بسرعة يصير ليل مانلحك

-اي اجيت ..البس وسمر تفتر وراي وتوصي وفلوسها بأيدها خالة جيبيلي هيج

اخذتهن.وطلعت ..

نزلت تلاكة.وياي. عيسى. بالكراج

سلمت علية وطلعت لادريس

صعدت يـــــمة

-بس حرك السيارة گـــــال

-نهله شعجب تلبسين حتى چفوف

-باوعت الايدي وسكتت دار عينة عـــــلي مبتسم

-شبيج احاول افتح حديث بــــس انتي ماتساعدين دوم ساكتة

-لا عادي ماساكتة

-شخبار جــــمرة هم مخابرتها

-زوجها طالع سفرة.وهي مادري شجاي تدرس مو يمة

-خير ان شاءالله ...باوعي بخصوص مصطفى بــــس ارتب الوضع واطلعكم للخارج بس انا ما اكدر اودي عـــــلي وياج

-يعني اكو امل يتعالج

-ماكو شي بعيد على رب العالمين

-جريت نفس متحسرة....::- ونعم بالله

نزلنا باالسوك خجلانة واول مرة امشي.ويا رجال

تسوك هوه ويدفع من جيبة مادفعت شي

كملنا المسواك

:- بــــس سمر رادت اغراض من محل مكياج

-اي تعالي نخلي اغراضناا بالسيارة.ونرجع

-عفنا المسواك.ورجعنا فتنا على عربات گـــــال

:- تعالي نشوفلنا.وحدة المصطفى

-افتر ابينهن.ويسئل على اسعارهن. سحب وحدة منهن وباوعلي

-هاي علمود دكعدينة بيها مايضل دوم على الجرباية

-دفع فلوسها 175الف ....احس روحـــــي غاطة.بهدومي ...وحتى الوصتني عليهن سمر نصهن نسيتهن.

رجعنا للبيت. نزل المسواك.وهم ملتمين علينا.سمر وغدير والجهال

اخذ العربانة.وفات للغرفة البيها مصطفى صاح

تعالي نــــهله مشيت وراه شايل مصطفى ومخلية بيها مبستم

-هيج احسن مو دوم نايم

:-كثر دينك

-توفينة شورانة.....ام تبارك شوي وتجيج اطبخن اليلة والصبح احنا نطلع لنجف وهي والبنات يوزعن لجوارين والاهلي. تمام?

-تمام ...وصدك لليل اجت ام تبارك وسمر وغدير وياي طبخنا وحضرنا كلشي والصبح طلعنا بــــس اني.وياه لنجف ...زرنا المگبرة.وزرنا الامام عـــــلي والعصر رجعنا البيتنا ...

.....

بــــسام :: شبيك راح تبجي ....

باوعتلة.اورثت جكارة ...كاعد وايدة على خدة

عـــــلي ::شوكت يرجعون يداومون

-هسه عطلتهم صغيرة. ...... تره مزودها انتة عوزك تبجي هيه كلها كلها فطيم

حجيتها اضحك

جر نفس بشهكة

-يابة كمرتي هاي

انا كل دنيتي ظلمة.واجت هية گمرة

ضوا الروحي المطفية

-هونها يابة ...شبيك صدك جذب

رفع راسة يباوعلي عيونة ذبلانة.وتعبان

-بسام خايف عليها وحك ابو الحسن خايف عليها ياذونها ويبجون عيونها الاحبهن

من ادزلي رسالة بصوتها اليرجف من الخوف اموت

-الله كريم يجي يـــــوم وازفكم

-خاف تزفني لنجف

-عار ماتموت

-هههههه اذا صارت وتزوجنا شرط علية حتى رجليها انا اغسلهن

-نزعت بسطالي وخليت رجلية.بحضنة

صارلي سنين.وياك من ايام الكلية هلبت غسلت رجلية

كضاهن بيدة رفعهن يگلب بيهن

-چنهن شيلمانة وخــــر

-عفتة.وفتريت كعدت بمكان ابو اسمر ..ورفعت ادية ورا راسي مرتجي ليورا وعلي حاط رجلية فوك الطبلة

نسولف منطلقين ونفتح الباب طفرنة ثنينا

اخذنا تحية ..ودرت أريـــــد البس بسطالي

مالحكت شلتة. بأيدي

-عاشت ايدكم

عـــــلي :: سيــــدي السفن راكسة لا ازيدها علينة

-كملتوا شغلكم

بــــسام:: لا واللـــه ما لكينة.شي ...

افتر كعد بمكانة.دك بأيدة على المكتب

-ساعة الكم اذا ماجبتولي كل الادلة

ابيتكم بالحبس سفلة عايفين شغلكم وتسولفون

تحرك يله

عـــــلي. ::- سيــــدي ترا انته عايف شغلك.وتفرفر ويا خالة. هااا هااا يـــــوم بالسوك.يـــــوم بالزيارة. خلينا ساكتين

بــــسام :: جريت عـــــلي وطلعنا بسرعة

عدنا قضية

يتبــــــع⋆𓍯 .....

الكــــاتبة أيـــــــلول⋆𓄼𓂁

🌿💚.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

انـه المالي كـل احباب

انـه الماينفگد لو غـاب

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

نــــهله ::  خلصت عطلة.نصف السنة ورجعت المدارس الحيرة بالجهال هبة تغار وهمه عناد من ادرسهم مايقبلون .....مرات اختنك احس مو.كد حملهم

سمر تطلع ويا عماتها تحجز للحنة والعرس مابقالها بــــس يومين

كاعدين بالصالة. اردلهم الاملاء ويكتبون

وغدير وياي تصحح وتعلم... غفران مرات تلين

وتجي على المرام واشوف غيث لازمها ويحجي وياها سكتة تتخبل حتى الكلمة التعرف تكتبها صح تضل تشخبط وتكتب غلط

-سحبت الدفتر من ايد غيث

::- ولك يـــــمة مو هيج باجر الصف كلهم ياخذون عشرات وانتة ترسب افتهمني

.جاي اكتبلة.وشفت اسمر كعد طلع من غرفتة للمغسلة ورجع كعد بالصالة على القنفات

التفتت الغدير كاعدة بصفي

-هاج رديلهم خلي اسويلة ريوك ....

أخذت القراءة مني هستوني وكفت گـــــال وهوا يباوع للشاشة والربموت بأيدة

-انتي ماتعرفين ادرسينهم شكو اتصيحين ثبرتينا

غـــــدير. ::لو ماتعرف ادرس ماوصلتنا للجامعة

بزودها مادخلنا بفلوس

...التفتت العمة خازرتني وهوا دفر الطبلة الكدامة ويصيح

-احترررمي نفسج لج لاتطاولين لا اشمرج بالشارع

-اجت عمة وكفت كدامي وتحجي وياه

دنكت شايطة روحـــــي اني وياه بنفس الجامعة بــــس مو نفس الكلية مرتين اجة الكليتي ويحجي وي طلاب قسمي يكلهم بت الخدامة مالتنا وساكتة ماردت مشاكل العمه

-روح رووح على اساس كاعدة ابيتك وتشمرني بالشارع

-اها مو ابيتي سهله

-عافنا وفات الغرفتة كعدت محروكة حرك وعمه ماقابلة على كلامي ....وماكدر اكلها شجاي يحجي علي بالكلية

شوية وطلع.  ::- روحة بلا رجعة

نــــهله ::غـــــدير شنو هاي التصرفات شبيج يـــــمة  شبييج ......

دنكت تبجي فاتت يم مصطفى كعدت ميتة قهر

اسمر مايواطنة بعيشة الله

شوية ودك تلفوني رحت اركض ابالي جــــمرة ومن شفتة ادريــــــس. غمضت عيني بحيرة

-الوو

-ها يابه الله يساعدج شلونكم

-الحمد لله انت شلونك

-اكلج حضري غيث وغفران راح يجي بــــسام يوصلهم البيت جدهم

-ها ليش

-خابرني جدهم يريدهم همه كل اسبوع كل خمس ايام يرحون

-ماشي ...جاي يسد الخط وحجيت ابسرعة

::- ابو اسمر

-ها يابة

-تجيب هدية السمر

-هدية شنو

-زواج

-ما ادري واللـــه ماجاية ابالي عدي شغل هسه من اجي نسولف

-خوش الله وياك .....سديت التلفون بدلتلهم واجة بــــسام عليهم للعصر اجن فــــــاطمة وسمر والبنات التمن وغيرن من نفسية غـــــدير

سوالفهن سخيفة ويخوفن بسمر وهي ولا الها شغل كل شوية دكلهن

-دام على حب ما اخاف ....

-سويتلهن عصير وفواكة وسمر بيها شي من اباوعلها تتحسر ..رجعت احضر العشا. نسحبت من البنات واجت يمي للمطبخ. كعدت على الكرسي تباوعلي ابتسمتلها

-شبيج....

بلعت ريكها ودنكت راسها

- خالة تــــدرين شكد محتاجة امي بهل وقت

- ااختفت ابتسامتي ..غسلت ايدي وكعدت يمها

::-خابريها خليها تجي

اطلعي وياها اختاري اغراضج .....واللـــه من رفضت اني الاروح وياج لان ما اعرف لا للسعر ولا المديلات وهوه زواج مرة بالعمر ماردت تختارين شي.وتتندمين علية بعدين

-ههههه تكرهني لو اموت گدام عينها مايرفلها جفن

-مديت ايدي امسح عيونها ترجف وتحجي مختنكة

:- مستحيل اكو ام تكرهة ضناها لاتحجين هيج

واذا أنفصلت عن ابوج انتم مالكم علاقة

-غطت وجها بيدها وبجت تشهك

-بسببي نفصلوا اني السبب تكرهني لان اني السبب

-سكتت محتارة وهي تبجي بحركة

::- لا. مالج علاقة انتي هم مامتوالمين من البداية

-رفعت راسها تمسح بدموعها وعينها بعيني

همست بخنك

::-خانت بابا على فراشة

- فكيت عيني كلها بصدمة ما مستوعبة وسمر تبجي مختنگة سحبتها من ايدها ودخلنة للغرفة

مسحت وجها ونطيتها مي

::- ارتاحي ....تردين تحجين مختنگة؟

هزت راسها اي ترجف

- ::- جان بيتنا وحدنا بغير منطقة وبابا مدللنا بحيث واللـــه مــــحد تسوق سيارة بمنطقتنا غير ماما هي الوحيدة.وسيارتها ارقة من سيارة بابا والفلوس هوا يشتغل من الصبح لليل وهي اطشر

ما احتضنتنا ولا حسستنا بحنية ام

جانت دائما تتذمر من وجودنا لان ابوها

وجدوا غصبوها على الزواج من بابا

دائما دكول انتم نقمة مو نعمة.

بالمناوبة مال بابا من يبقى مبيت بالدوام هي

طول الليــــل تخابر تــــدرين من حاجيتها وكتلها ...حرام عليج هوه طالع الشغلة  علمودج وعلمودنا وانتي تخونينة ...شكالتللي؟

-والله من تفتحين حلگج اصيح لگيت بتي وي واحد اخلي اعمامج يذبحونج

...تخيلي ام تهدد بتها

ردت احجي الاسمر ماكدرت جان يحب ماما رغم تقصيرها وياه

وبيوم بالليل لاول مرة سوتلنا عصير وكعدت ويانا سولفت ....اسمر شرب عصيرة. شوية.وكال نعسان گام نام واني اخذتة وفتت الغرفتي. رب العالمين يحبني وقتها لعبانة نفـــــسي ماكدرت اشربة خليتة بالبراد

ونمت فزيت نص الليــــل اسمع صوتها

وصوت ولد طلعت الغرفتها  والباب ما مسدود حيل

باوعتلهم على فراش بابا جانوا

رجعت الغرفتي اركض اتصلت على بابا بسرعة

حجيت بدون وعي

-ماما وي ولد بغرفتك

-دقايق وسمعت شخطة سيارتة طلعت لصالة وهم صوتهم مبين فتحت الباب امي

وباوعتلي بخزر. طلع وراها ولد واللـــه بكد اسمر أخـــوي

صاحت امي ::-شسووويتي ؟؟

وباب الشارع نركع حيل دفعت الولد وكالتلة من السطح اشرد

دخل بابا..اسلاحة بيدة بسرعة صيحت

::-من السطح شرد بابا

-ركض وراه لو تتخيلين امي شسوت هنا عافت الدنيا وعافت روحها واجت تضرب بية كطعت شعري بيدها موتتني

الحد ما رجع بابا طلعني من ايدها

ولاول مرة يضربها رغم خاينتة.وبفراشة سترها

وحجة بــــس الابوها وطلب مني ما احجي.

بــــس احس جبل على گـــــلبي تعــــبت واللـــه تعــــبت عرسي للانسان الاحبة.وغصة بكلبي

-.وي كل كلمة تحجيها گـــــلبي يدك حيل جريتها الحضني ماعرفت شحجي بــــس امسح على راسها وهي تشهگ

-الحد ماسكتت ابتعدت عيونها مورمة

باوعت بعيوني صوتها مبحوح

- بابا حنين وماتلكين انسان يفكر بنفس طريقتة بــــس

ماما كسرتة ..اجبري كسرة لاتعوفينة انتي هم.....

-وهسه امج مزوجة؟

-اي ومسافرة ....عافتني مسؤلة على اطفال وبيت اهتميت بيهم رغم انا احتاج احد يهتم بية ....خاله لو تــــدرين شكد تعذبت

-جانت تلعب نفـــــسي انضف اخواني واكرهة شغل البيت ما اعرف اطبخ وعندي شغل ودراسة

لو تــــدرين شكد تعــــبت

- اشش هاي هيه اني وياج لا تفكرين وتخلصينها بجي.وحزن وتضيعين.  ايام

راح يبقن ذكرة طول. العمر

خليهن ذكرة حلوة

...بقت ساعة متمددة على رجلة.وتشكي نفسيتها تعبانة.ورغم.عرسها بعدلة يومين نعكس ابشرتها كلساع.وصاحت

::- طلعتلي حباية.جديدة تدري بية عندي حفلة

.كامن كلهن وياي الشابات بنات عماتها واعمامها

حضرنا العشا بضحكة.وسالفة ..

الحد ما اجة ادريــــــس وجايب الجهال وياة وعلاكة مسواك بيدة

مسحت ايدي ومشيتلة

-الله يساعدك .....

ابتسم...واجن البنات التمن يباوسنة

يضحك.ويشاقي وهنه مكيفات يضحكن

كعد بالصالة حضرتلة ملابس بالحمام وغدير منطيتة مي

-ابو اسمر تسبح

..كام وكف من بيناتهن ...واجة وهنه وراه يضحكن سكتة ويتمركصن وتبارك تاشر بيدها ليفية طاحن بالكاع يضحكن خنك ..باوعتلهن فاكة عيني

عكد حاجبة والتفتلهن. كعدن على القنفات ساكتات

خانكات صوتهن رجع باوعلي واشر بايدة عليهن

وبس صوت خنگ الضحكة ينسمع

::- شبيهن هذني ؟

-بس حجة هيج نفجرن من الضحك

هز ايدة.وضحك دخل للحمام

وي صبة العشا اجة.اسمر وجهة.مايكصة السيف.

بــــس من البنات تشاقن.وياة.فك.شوية وما اكل شي اتصل عليه صديقة وطلع

الورا العشا البنات نزلن. جوه حتى غـــــدير

وادريس گـــــال رايح.يم امي

كعدت اريد ادرس غيث.وغفران لان هبة.كملت

اشو.متخبلين ينترون.نتر ويغلطون

حتى غفران البكلمتين اكسبها تغلط

-عود تردين تصيرين امي احنا مانحبج

- عيب تحجين هيج منو معلمج

غيث ::يلة.وخري خاله درستنة.مانريدج

احنه مانحبج رووحي الابنج هذا المگرم

المخبل

- فكيت عيني شاهگة ..النفس يرجف بريتي ودمعتي بعيني ....  ::- مو مخبل مريض وحرام تحجي هيج انتة.طفل منين تجيب هذا الحجي

غفران ::- اخذية وروحي البيتكم ما نرريدج

-جريت الدفاتر من ايدهم ضميتهن بالجنط

::-  خوش ابقوا باجر هبة تاخذ عشرة.وانتم ماتنجحون

عفتهم بغرفتهم وفتت يم مصطفى

تقربت علية وخرت الغطا وجريتة الحضني

اللهي انت اعلم بحالة

امسح عيونة من دون جهالي ارموشة اطخ بحاجبة ويا صفاء عينة وجرتها. شعرة الاسود

بياضة شريان ايدة يبين اخضر. جريت ايدة الشفتي بستها وبجيت

مو اعتراض على حكمك اللهي بــــس حيلي ينهد من اشوف ابني امدد.

اللهي ماعندي يئس من رحمتك اشفيلي ولـــــيدي

لا تكسر گـــــلبي بية.

حاضنتة حيل وابجي بحركة رفعت راسي من نفتح باب الغرفة دنكت امسح بعيوني

وكفت وعدلت غطاه وادريس . بقة واكف بالباب

خليت ايدي على وجهة اتأملة

يا اجمل طير ربيتة وهد حيلي "

-تنهد واجة يـــــمة سحبت ايدي وهوا مد ايدة يرفع بشعرة من كصتة اثر وكعاتة. مشة اصبعة عليهن

ادريــــــس ::وره عرس سمر اطلعون حضرت كلشي عـــــلي يروح وياج

-بقيت مدنكة مختنكة حيل وشفتي ترجف

-ام مصطفى الله كريم انتي صبورة ومؤمنة

لا تضعفين من اول يـــــوم عرفتج قوية خليج هيج

-رفعت ايدي مسحت وجهي ...

:- الحمد لله على كل حال ...ضحك گـــــال

-اي اتذكر وكفتي بوجهي كتيلي:-

يخسى شاربك اليساومني"

وكلتي.:-

سرب. طيور ربيت ولا فد يوم انذليت "

-يدكن براسي حجاياتج بــــس واللـــه للأمانة

مرة من مرة انتي

-رفعت راسي اباوعلة منحرجة مخلي ايدة على شاربة ومبتسم ضحك وانا هم ضحكت

:- عليج الله اشفتيني صايع مراهق

ودكليلي يخسى شاربك

زلمة شكدني شكبرني... نهديتي علية

صرتيلي لميعة عباس. طكيتيني بشعر

-ههههههه

-هههههه تكتبين شعر انتي ؟

-لا هوه مو شعر لا وزن ولا قافية بــــس مرات

الانسان من گد مايحس نفسة مختنك يلكة عقلة

ملخص يومية بفد شطر شطرين

-ارتجال يعني

-اي....نواعي هيج يعني مو شعر

-اي اي فهمتج صوتج بالنواعي حلو؟

-لا ...سكتت منحرجة بــــس.من يباوع بوجهي ويبستم اضحك وجهة بشوش وعيونة.تجبر الواحد.يضحك

-امي كل شهر تسوي قراية عدنا ملاية بفرعنا

مبتلية حتى لو مريضة امي تجيبها

واللـــه اذا درت بيج تعرفين ...تضل تسوي القرايات كل اسبوع

- هههه لا واللـــه ما اعرف هيج كتلك مرات من انحط بموقف يجن. وحدهن

:- ابتسم.وسكت وكف گـــــال

:- تسويلي گهوة ؟عندي جم.شغلة.ينرادلي خلك صافي

- صار بعيوني ...

-يسلمن هنه وصاحبتهن

-طلع وسد الباب وراه ..كمت للمطبخ

كصصت صحن فواكة الغيث وغفران بسرعة نطيتة الهم.. ورجعت جاي اسوي كهوة وصعدن البنات

حيل متوالمات سمر وفاطمة.وغدير

اخذتهــــا ورحت ...بعد الابتوب من گدامة

واخذاها من ايدي

-اااي عشتي

-بالعافية ...تريد بعد شي؟

- شخبار علاقتج بالمشاكسين غيث وغفران

-جريت نفس بحيرة يعني مرة هيج ومرة.هيج

يبقون اطفال

-واسمر؟ هم يسمعج شي؟

-هزيت راسي ...لا گـــــال

:- خير ان شاءالله

-طلعت من يمة رجعت الغفران وغيث من الباب

كتلهم احجيلكم قصة

بقو ساكتين ثنينهم

دخلت يمهم تمددت يم غفران على جربايتها

سولفتلهم حضنتها. واحجي بقى غيث يسئل

ويستفسر جا هذا وين راح وليش واني وياة شنو يسئل اجاوبة.واقنعة. الحد اخير القصة ضحكوا ثنينهم

كمت وكفت

يله تصبحون على خير

غفران خلت ايدها على حلكها سوت بوسة.وهمست بنعاس وانتي من اهل الخير

وغيث تغطى ساكت حضرت ملابسهم وطلعت

الملم بالبيت واعزل. حسيت مفاتيح الباب تحركن وكفت نفتح الباب ودخل اسمر

باوعلي وماحجة.شي فات الغرفتة ..بقيت امسح بالكاونتر وشفتة رجع طلع وكف يم غرفة البنات

يهمس بصوت ناصي ..::-سمرر يمعوده

.بقيت ساكتة ادري بيهن نايمات وحتى مصطفى نايم ...التفت للمطبخ واجة كعد بصالة

-جوعان؟

سئلتة ودرت للثلاجة ..بقة ساكت رجعت باوعتلة

هز راسة اي

-مقليات تاكل؟

-اي اذا اكو شي من العشا زاد

-طلعت كبة زايدة....وكشرة.بتيتة كصصتها وغسلتها خليتها على الطباخ اجة.يمي. ..فتح الثلاجة يباوع بيها

طلع تفاحة غسلها واكلها

رجع كعد يباوع الشاشة ..كصصت زلاطة وصحن فواكة سمعت باب الغرفة نفتح طلع ادريــــــس. واسمر بسرعة نصه الشاشة ونزل رجلية من الطبلة كعد عدل

احترام او خوف؟

باوعت الادريس. رفع عينة لساعة. شافاها بـ 12:30

-وين جنت؟

-ويا الولد بابا

-وين

-بالكوفي كاعدين

-ابيش الساعة رجعت؟

-قبل ال12

نــــهله ::تقدم كعد على القنفة اليمة يسئل.ويدقق.واسمر يجاوب راسا. شوية شوية بقى يسئل على محل.ماعرف شنو وعلى الشغل

نطلقوا يسولفون جريت نفس براحة مدري شبية اخاف من يتواجهون اسمر وادريس

شلت الصينية.وطلعت من المطبخ وكف اسمر اخذها من ايدي. وقرب الطبلة على ابوة

رجعت جبتلهم.صراحية مي ادريــــــس. اكل بــــس فواكة گالة اسمر

-باجر توصل بضاعة جديدة من تركيا

-خير ان شاءالله صير سبع واتعلم لشغلك ترى فلس احمر ماتشوف.مني تخسر

تنباك مادري شنو مالي علاقة

-ابيش مفاولي يابة

-جبت هدية الاختك؟

نــــهله :: عاف الگمة من ايدة التفت ابيني وبين ابوه گـــــال

-شجيب

-هدية زواج غير

-شدراني

- عود انته اخوها والمفروض اول الناس جايبلها هدية

-شعرفني ماعبالي لازم اجيب هدية شايفني أمزوج قبلها عشرة اصلا الهسه ما مقتنع راح تروح البيت زوجها ...انتة شجبتلها؟

نــــهله :: فر راسة ادريــــــس علية يباوع بحيرة.واسمر منتظرة.يجاوب رفع ايدة.مسح. شعرة.وحك.وجهة وكوه لازمة.ضحكتي كالة

- حتى انا ماجايب بعدني

- بابا انته تعلم على الصلاة.وماتصلي

-رفع ايدة ادريــــــس وضربة على ضهرة كام غسل. وفات الغرفتة رجعت للمطبخ اجة وراي

اسمر شايل الصينية ويحجي بدون مايباوع

-روحي اني اغسلهن

-لا. نطيني ..سحبت الصينية من يمة راح للطباخ شغلة وخله القوري علية ..غسلت المواعين ورجع هوه صب استكان جاي. وكعد بصالة ..طفيت اضوية المطبخ وطلعت أريـــــد اروح للغرفة گـــــال

-باوعي

-ها ...التفتتلة كام.وكف واجة.يمي

-شجيب هدية؟

-شنو المحل التشتغل بية شتبيع؟

-شالات

-مايفيد لازم شي يبين

-يعني ذهب؟

-تكدر؟

-طبعا اكدر بــــس شنو اجيب تراجي؟

-لا جيبلها زنجيل اكو يصير سعرهن 200 الف

لان عدها هواي تراجي

-هز راسة موافق.وراح الغرفتة ..اني هم فتت للغرفة

لكيت ادريــــــس واكف يم الكنتور

وباب المكتب مفتوح.  سديت الباب گـــــال

-تعالي كعدي هسه اروح اني

- ابو اسمر

التفتلي وبيدة اوراق يدور ابينهن

-انت متعود تنام بغرفتك ابقى هنا واني انام بالمكتب ..ابتسم ورجع يباوع للاوراق

- نــــهله؟

-ها.... باوعتلة مرتبكة هوا هم باوعلي ورجع دنك ضحك

-من نبقى وحدنا لادكولين ابو اسمر كولي ادريــــــس

-سكتت ...وهوه سد الكنتور. گـــــال

-تصبحين على خير

ودخل للمكتب سحبت نفس بقوة اشبية ارجف وانحرج من ابسط كلمة يكولها

فتحت حجابي بــــس الدمبوس افتحة واخلية على شعري تمددت بمكاني حضني بارد وجمرة مافات يـــــوم وما اجت على بالي گـــــلبي نار عليها مشتاقة الصوتها البرودها العركاتها

هستوني غفيت سمعت صوتة يمي يهمس بهدوء

:- نــــهله

-فزيت مخروعة  بسرعة كعدت على حيلي اعدل بحجابي والف بيه

-اسم الله

-رفعت عيني اباوعلة. انحرج من فزتي وانا مادري شبية كل ذرة بجسمي رجفت جانت جــــمرة ابالي قبل لا اغمض وهوه فززني

دخل للمكتب ورجع بيدة كلاص مي شربتة وجريت نفس

::- ما ادري بيج تفزين هيج جا ماكعدتج

-::-يمكن جنت احلم.

دنكت بس اريد نفـــــسي يهدأ ويستقر ..كعد بصف رجلية منحرج حيل كل شوية وكال

::- واللـــه ما ادري هيج تفزين

-ابـــــتسمت وبعدت رجلية من يـــــمة ماصار شي ..

باوع بعيني

-ها راحت الفزة

-هزيت راسي اي دار ليوره سحب علبة صغيرة

-مو جبت هاي الج نسيت اكلج

-عكدت حاجبي مافاهمة وهوا يفتح بالعلبة ويحجي اخذ بايدة كريم منها وعافها على جهة مد ايدة الي

-جيبي ايدج

-بقيت مخلية ايدي بحضني وهوا ايد مادها وايد لازم كريم

من ما مديت ايدي اله رفع راسة يباوع.بوجهي

-بس أيدج شبيج نــــهله؟

-بلعت ريك سحب اديه من حضني وزع الكريم ابينهن مسحة بأيدة يدلكهن

غمضت عيني حيل منحرجة ملمس ايدي خشن ومتروسة اثار وهوا ايدة ناعمة باطنها احمرر دم وتلمع رغم الشعر الخفيف البيها

سحب ايدي الثانية بابهامة يدلكهن بحركات دائرية. گلب ايدي يباوع اباطنها اثر باصبعي الصغير كلش قوي مشة اصبعة علية

-ابيش مجروحة؟

- بالباب ..رفع عينة مستغرب ويحرك اصبعة على الاثر

-شلون جرح قوي هذا؟

- اي جان الباب قديم والحديد ماكول جاي اعدلة وكصاني

-خيطتية ؟

-هزيت راسي لا. استغفر ربة

-هم ياذيج هسه؟

-لا ...قديم ...سحبت ايدي من بين ادية. طبك ادية ثنينهن ايد بايد ودهنهن بالبقة بأيدة سد العلبة ونطانياها

-كل يـــــوم خلي منها..وانطيني هم اخلي الادية

-حجاها مبتسم ...

-يله تصبحين على خير واعذريني لان فززتج

-لا ولا يهمك وانت من اهل الخير

-دخل للمكتب وسد الباب ثاني يـــــوم جان حنة سمر ...من اول ماكعدت كالت أريـــــد انتي مسؤلة على كلشي راح يجن خالاتي ما اريدهن يتشمتن بية ....

وفعلا تعــــبت وياها حيل غيث وغفران شحلاتهم كل شوية يجون ومن انزل جوا علمود اودي العصير والكيك.واتاخر يجون يركضون تعالي شوفي مصطفى يكح. .....

اسمر جاب زنجيل نطانياه علمود انطية الها

هبة تفتر وتلعب متونسة اخوات ادريــــــس تعرفت عليهن اكثر حبابات وينحبن وحتى نسوان اخوتة زينات

من صارت الحنة واجن خالات سمر ابد ما احتكيت بيهن كعدت يم الحجية... وهي حتى سلامها ثكيل وياهن

الحد يـــــوم عرسها ادريــــــس وجهة مايكصة السيف وعيونة حمر ..ومن اجة زوجها يريد ياخذها

حضنت ابوها تبجي وهوا نزلن دموعة بس طلعوا دخل المكتبة ...روحة.سمر كسرت البيت كلة حتى اعمامها بجوا ...عماتها واسمر ماكن طلعت من بيتهم عروس حيل حيل تاثروا ..

......................

جــــمرة :: عقلي مرات يصحه واحس شكد مشتاقة الامي.واخواني. اتذكر من اخلي ايدي على خد مصطفى وجسمي كلة يقشعر من اتذكر غـــــدير وسوالفها. صوت امي من تنعي وتبجي كلشي كلشي يجي ابالي هبه وبيبي والحجية الكلية والشارع وشغلي .. بــــس مرات ماعرف شيصير وارجع مثل الاكرهم وماريدهم ولا أريـــــد ارجع اشوفهم.

حاجتي للحباية زادت. وهوه مايجي الا نص ليل

ويلكاني واكفتلة بالباب ..

-انطيني الحباية

عافني وفات للحمام رحت وراه ..دكيت الباب

::- يله اررريدها

- يغسل ويطلع افتر وراه

-اكلتي؟

-الحباية نطينياها حــباب راح اموت

.

طلع اكل من العلاكة واجة.سحبني من ايدي كعدت يمة

وكلني. بــــس شوية ودفعتهن ...

::- أريـــــد الحباية

-عض شفتة وجر نفس بحيرة

::- لازم تعوفينهن

-اي بــــس أنطــــيني هسه مديت ايدي اله

مد ايدة بجيبة.طلع تلفونة

-اراويج.شصاير بحالج

-نزلت ايدي اباوع بعينة رفع التليفون غمضت من طك الفلاش بوجهي.

دار  علية

-شوفي شصاير بيج من.وره الحبوب لازم تعوفينهن

-دنكت عيني اباوع بالشاشة.ومركزة بكل عيني

ضعفانة حييل اكثر من قبل وجوه عيوني سواد

دفعت التليفون من كدامي ومسحت وجهي بيدي حيل

-مو اني

-ماكو حبـــوب بعد سنايبر

-مو بكيفك...أريـــــد نطيني ...مديت ايدي اجر بقميصة واتنفس بسرعة. اعصابي احسهن نار

بــــس اريدها

دفع ايدي

ركضت فوك الثلاجة سلة بيها خواشيك وسجينة جريتها واجيت علية وكف مضيك عينة ما مهتم

-انطيني الحباية

-عوفيها لا تتعورين

-تقربت علية.  ::- اخليها بكلبك علمتني عليهن وهسه ماتنطيني

-اصبعج راح ينجررح

-رجعت ليوره ورفعت السجينة الرگبتي

فك عينة وتقرب. رجعت

-جمررررة

-اريد الحباية جسمي دياكل بروحي اريدها

- هاج عوفيها انطيج

-شمرت السجينة من ايدي مد ايدة بجيبة طلع شريط حبـــوب اخذتها من ايدة بلعتها بسرعة

واحجي

::- مو نفس هذنيج هاي بشريط

- نفسهن بــــس هاي ماتخليج تضعفين

-هزيت راسي اي وكعدت على قنفة. شال الاغراض ..واني الوب. شوية واحس نفـــــسي دايخة. وعيوني تغوش. ماشوف صيحت

- أبــــــهر

-مديت ايدي. بــــس أريـــــد الزم بشي. فاتحة عيني بــــس ماشوف شي.واضح ..حسيت بايدة لزمتني

- يمج

- دايخة ما اشوف شي

-تعالي هسه تتمددين وتروح

-مجلبة بية بقوة ما اشوف اي شي وجسمي يرجف ..سحبني للغرفة مد الفراش. ..وتمددت لازمة بايدة

- يمج لا تخافين

-انچب

-اشش غمضي

-اشربتني انت؟

- معليج هسه يرتاح جسمج

-غمضت عيني ولازمة بردن القمصلة مالتة. حسيتة سحبها مني بقيت بمكاني

شوية وسمعت نفس الاغنية

في حزن وسع المدى

وراها اغنية عراقية بــــس تعالوا

الغرفة ضواها  حيل خفيف من جوا الباب يدخللها وفراشي دافي  وجسمي هادئ احس براحة وشوية راسي مسطور  غمضت عيني

سمعتة طفاهن وفتح الباب بقيت مغمضة ولفخني هوا. من مد فراشة بصف فراشي.

-سنايبر

-بقيت مغمضة.وساكتة .... وكلساع اسحب الشال اشمة واضبة على ايدي اقوه ....

حسيت ايدة على خدي

بعد شعري من وجهي. غمضت حيل من حسيت

شفايفة على خدي. باسني وتقرب الاذني يهمس

-مضيعج وضايع ماكو درب يلمنة

-نگلبت وفتحت عيني ..ابتعد بسرعة ودار لفراشة نزع تشيرتة. وخلة ايدة فوك اعيونة

بقيت فاتحة عيني وايدي جوا راسي اباوعلة

-جندل

-همم

-تحبني؟

-بعد ايدة من وجهة.وكعد يباوعلي. ضحك وهز ايدة

-خاطفج اني يابة احبج شنو

-ليش تبوسني ومرات تصير فقير وتخاف عليه

-ابوسج لان مرتي اكيد تعرفين شنو يصير بين المرة وزوجها ...واخاف عليج لان ماريد تموتين واتورط

-رجع تمدد ساكت مديت ايدي على ايدة سحبتها واصابعي ادور على الاثر. مشيت ايدي عليهن.على شكل دوائر وحدة فوك الثانية ثلاثة

-ليش تبوس هذني.

.سحب ايدة ماعفتها ...

-احم هيج

-عصرتهن بايدي حيل

::- يوجعنك؟

- لا

-عفت ايدة.وكعدت على حيلي

::- بله شغل ضوه تلفونك

-التفت سحبة من القمصلة وشغلة مديت ايدي أريـــــد اخذة ماعافاة

::- بــــس شوية

::- شسوين

-اريد اشوف ......اخذتة من ايدة ضويت على بطنة وصدرة. كلهن اثار مو شي صغير جروح جبيرة...

-رفعت الضوه على وجهة غمض

::- انت منو ضاربك هيج؟

-بلع ريك ساكت ومغمض عينة. ..رفعت ايدي

خليتها على صدرة شخط شگدة على گلبة

دفع ايدي وسحب التليفون مني

-نااامي

-اريد اسولف ......سحب ايدي لفراشي تمددت غطاني ورجع لفراشة

-وانتي بفراشج سولفي

-منو ضاربك وهيج مسوي بجسمك؟

-غير هذا السؤال

-ليش انته مو دكول راح تنسين كلشي جاوبني

-قسام

-هذا التشتغل عندة .......هز راسة اي ورفع ايدة مخليهــــا على عيونة

-ليش يضربك

-خطفتة

-شنو انته غير تشتغل عندة

-اي وخطفتة وصوبتة ومن فكيتة عاقبني

-ليش خطفتة

-ردتة يدليني بمكان ناس ...عبالي من اصوبة يخاف ويحجي ماحجة

-ماجاي افهم

-احسن نــــــامي يلة لا تسئلين

-مانعسانة ..زين صوبتة بالسلاح

-لا تفلت عليه وتصوب

-سكت واني هم سكتت ..رجعت كتلة.

::- ماتخاف من رب العالمين انته

-شمسوي

-مجـــرم.....بقى ساكت قربت مخدتي المخدتة

- أبــــــهر

-همم

- انته مجـــرم؟

-لا مطيرچي

- كاتل ناس؟ ....سئلت ورفعت راسي اباوع بوجهه بقى ساكت. رجعت سئلت

::- كاتل ناس ؟

نتر بصياح

-ماتنسين ماتنسين جانت نيتي اخليج تنسين كلشي اشربج انواع الحبوب الحد ماتتخبلين

وهسه ما اكدررر لا تسئلين

-رجعت ليورا فازة من صياحة بــــس سكت رجعت سئلت

-يعني كاتل؟

سكت شوية وجاوب مختنك

-اممم ....عمي

-شنووو....كعدت على حيلي مخلية ادية على راسي. مسطورة سطر

سحبني من ايدي الحضنة دفعتة

منو انته .... شنو عمك

شنو فهمني

لزم ادية وحضني حيل اختنكت دفعتة واصيح

منو انتة

-بس اسكتي اسكتي غمضي

-وخررر عـــــوفني. داهية انتة شلون تورطت بيك شلون

جريت ايدي وضربتة حيل دفعني من ايدي وطلع من الغرفة

وانا اغلط.وافشر

::- شيطان انته شيطااااان مو بشر كافر ابن زنااا

-دقايق ورجع بيدة كلنس ..جراني للفراش واني

ادفع بايدة وابعد براسي

خلاهن على وجهي جريت نفس ماكدرت اقاومة اكثر. ..بسرعة نمت

من كعدت مالكيتة كعدت تعبانة حيل كلبت البيت كلة بــــس أريـــــد حباية .حتى الثلاجة دفعتها ودورت جواها.  خاف حافر الكاع وضامهن

دفعت القنفة كاشية جواها تتحرك شلتها بسرعة

لكيت الصندوك الطلعة من.وره الكنتور

فتحتة واول شي صار بوجهي صورة

قديمة

مرة ورجال وبحضنهم ولد ثنين وبنية. اركز بصورة بقوة بــــس أريـــــد افهم ..وسمعت المفاتيح بالباب مالحكت ارجعهن ...

بــــس لمحني يمهن جراهن من ايدي حيل ودفعني

-منو هذول منووو انتة؟

رجع الصورة للصندوك ولفاة بالقماش الجان علية ...رفع راسة وباوعلي

-امشي لمي ملابسج لازم نطلع مناه

-نطيني الحباية

-جمررره تحركي

-تقربت علية ..لزمتة من ياختة ...

:- محتاجتها حــباب اريدها

...... دفعني من ايدي للغرفة واني اتوسل بــــس أريـــــد الحباية مجاي اكدر بدونها.

سحب الجنطة ولم الاغراض. واني افتر وراه

::- اخر مره بعد ما اكلك أنطــــيني

بــــس هل مرة اشرب وبعد ما أريـــــد

من باجر لاتنطيني بعد

-سحب الصاية والشال يلبسني واني احجي

:- جاي اموت اني اريدها اخر مرة والله اخر مرة

-عافني وراح للصالة مشيت.وراه شفتة رجع وبيدة نفس المنديل والشيشة

رجعت اركض للغرفة ركض.وراي

:- ما اااحجي ما احجي .....ولا أريـــــد حباية بــــس عـــــوفني.

..سحبني من ايدي.خليت ايدي الثانية على حلكي

شمرني للفراش. .راصة ايدي بكل قوتي

ما أريـــــد يغير مكاني واني ماحاسة على شي

سحب ايدي. من حلكي خلاهن على صدري.وثنة.رجلة فوكاهن

لزم.فكي.وخلة المنديل على وجهي تنازلت بسرعة تنفست ومايبعدها من.وجهي اتنفس هواي وانام يله يوخر

من حسيت على نفـــــسي وكعدت

بــــس بطانية علية ومخدة جوا راسي وابساط

الجنطة بصف راسي وفوگاها شال امي سحبتة بسرعة واتلفت باالغرفة

بيها بابين

فتحت الاول صار بوجهي حمام

والباب الثاني ماينفتح. ..دكيت عليه وصيحت

الحد ما حسيت جف ايدي تزلغ كعدت الهث

وتعبانة

اختنكت حيل تمددت بالكاع بــــس فاتحة عيني

واجر نفس احس ماكو هوا بالغرفة دموعي ينزلن بقهر وجسمي يرجف بقيت على نومتي اكثر من ساعتين ...

روحـــــي تلوب شمرت شال امي ودستة.برجلية صرررخت بكل صوتي واشلع بشعري. ...فتحت الجنطة.طشرت الملابس البيها. واشكك بيهن متتت. الحد ما انهد حيلي رجعت تمددت واجر نفس بقوة

زحفت للشال جريتة الصدري. ابوس بية.وابجي

:- وينج عني وينج يـــــمة تعالي شوفي شصار بية ....جمرة الجانت تحرك هسه صارت رماد 

-حضنت الشال وغمضت عيني فتحت من حسيت الباب نفتح كمت هادة اضرب بصدرة دفعني للغرفة وقفل الباب رجعت وكفت ودفعتة من صدرة حييل

::- أنطــــيني الحباية

-لو تموتين

- شهكت حيل ومسحت دموعي باثنين ادية

:- اخر مرة نطيني وبعد ما أريـــــد

-عافني ودنك يلم الملابس

:- جـــــندل حــباب بــــس وحدة عفية

-وكف على حيلة ورفع ايدة يمسح بوجهي

واني منتظرة بــــس ينطق ويگول اي

هز راسة لاا

خليت ايدي بصدرة دفعتة. مني ودكيت رجلي بالكاع اصرخ بكل صوتي

::- ارررررريدهاااا

-يفتر ولا مهتم جريتة من ايدة وحجي بهدوء بــــس ارجف لازمتة من وجهة بثنين ادية

-حباب بــــس حباية وحدة. بــــس حباية وبعد ما أريـــــد

- عض شفتة.وبلع ريك غمض عينة وجر نفس

هز راسة لااا

بجيت حيل اتوسل بــــس وحدة

عافني وطلع قفل الغرفة من برا

بقيت بالگاع مثل المكطوع عنها الهوا الوب.

حسيت حركة يمي فتحت واشوف الجنطة وحدها تنسحل من مكان المكان بالغرفة

صرررخت حيل متخبلة ....فتح الباب

كمت اركض مجلبة بية.وارجف واصرررخ

-اششش اششش اجيت

-طلعنييييي طلعني منااااا

- اشش باوعييلي ماكو شي باوعيي بعيني جمرة

-سحب وجهي واني عيني على الجنطة.واحجي

لزم.وجهي باثنين ادية. 

سحبني الصدرة حضنتة حيل ارجف.

::- طلعنييي مناا

-غمضي

- غمضت عيني بكل قوتي مجلبة طلعني من الغرفة واني مغمضة والخطوة من اخطيها ارجف.

كعدني على فراش فتحت عيني اباوع هم غرفة صغيرة حيل وبس فراش بالكاع

سحب ايدة يريد يگوم

جلبت بية

::- وين رايح

-بس اجيبلج مي

-فلتت ايدي منه وامسح بدموعي. واركز بقوة

خاف اكو شي شربت مي. منة واتلفت

-وين احنه

-بعيد عن كلشي

-وين يعني

-ماتفهمين حتى لو كتلج بــــس يومين ثلاثة ونطلع مناه مانبقى تحملي ولاتخافين

-فتحت عيني شهكت من سمعت شي انكسر رفع ايدة يسد عيوني وجراني الصدرة

-بس بالليل

-مصتكة مغمضة.حيل ومجلبة.بقمصلتة.بقوة وهوا حاضني ويحجي باذني

-يرردونج تخافين لاتخافين يرحون اذا ماخفتي

مايأذون بــــس يخوفونج

-احس راسي انسطر.وحتى هوه ما اسمعة شيحجي. شوية.واختفت الاصوات بعدني من صدرة.وجر صينينة الاكل.

فاكة.عيني على وسعهن افتر منا ومنا

::- منو منووو هذولي

..جر نفس ماكو شي يخوف. بــــس بالليل يجون لا تفكرين بيهم.ويرحون خوش لا تفكرررين بيهم

-هزيت راسي اي وعيوني تفتر رفع الخاشوكة

الحلكي اكلتها اتلفت سحب وجهي من حنجي

-جمرررة

-هاا هاا ...باوعت بعينة

-انا وياج بــــس عليه باوعي

-اكلت شوية.ودفعت الصينية لازمة.بايدة

كام.وكمت وياه دنك راسي على المغسلة غسلت

وغسل وجهي

رجعت وياه للغرفة. فرش فراش

-تعالي نامي.واني.يمج لا تخافين

-تمددت بالفراش لازم ردن قمصلتة والشال بيدي الثانية كعد يم راسي ويحجي بهدوء

-شحافظة من القرآن اقرية وغمضي

-لا تعووفني

-للموت ....غمضي يله

-غمضت عيني وكلساع اسحب أيــــدة الي اكثر

من فزيت مالكيتة يمي بــــس ورقة على الباب مكتوب بيها

:-لا تخافين الدنيا نهار واني اجيج قبل الليــــل

اكلي.واكو يمج شيشة. شراب اشربي قبق منها

-لزمت الورقة.وشككتها ...الوب واتلفت بالغرفة

دخلت للحمام سبحت بــــس أريـــــد جسمي يهدأ بــــس شسوي العقلي وكل تفكيري بالحباية

طلعت من الغرفة خايفة احس اكو شي وياي

كعدت لكيت اكل بصحن ومشدود

فتحتة.واكلت باوعت على العلاج العايفة

سحبتها اگلب بيها واقرة فيتامينات ومقويات

خليت شوية بالقبق وقربتة الخشمي شميتة

ريحتة تلعب النفس

ضكته شوية جنة دم لعبت نفـــــسي وعفتة

ماكدر ابقى كاعدة بمكان من جهة.خايفة. ومن جهة أريـــــد الحباية افتر

واحاول اهدي نفـــــسي بأي سالفة بأي ذكره

بردة.معلكة بالحايط.وماوراها شباك

حسيتها تحركت ومن التفتت فكيت عيني على وسعهن مسحوبة الجهة وحدة

بلعت ريك وتقربت عدلتها خاف مشتبها سحبتها عدلتها

وكعدت بمكاني ارجف من الخوف

بمجرد حسيت بعيني غمضت سمعت صوت البردة ومن فتحت هم لكيتها مسحوبة على جهة.وحدة

فكيت عيني وصررررخت بكل صوتي

يتبــــــع⋆𓍯

الكــــاتبة أيـــــــلول⋆𓄼𓂁

💚🌿.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

غربتي

وصوت النواعي ايــلوحني

ويلتم بديه

الصوت بي ريحة عيوني

وبي هلي اوحشة مسيه

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة :: كعدت بمكاني ارجف من الخوف

بمجرد حسيت بعيني غمضت سمعت صوت البردة ومن فتحت هم لكيتها مسحوبة على جهة.وحدة

فكيت عيني وصررررخت بكل صوتي

ومن الدوخة والرهبة والخوف ماكدرت افتح عيوني ومافزيت الحد ماحسيت شي بارد على وجهي

فتحت جفني بثگل تعبانة حيل وكلبي يوجعني

شفتة كاعد كدامي على اركبة يعصر الشال ويخلي على وجهي ..جريت نفس  وبالكوة نطقت

- أبــــــهر

- عيونة

- رفعت ايدي أريـــــد الزم ايدة.

::- طلعني منا

-اكعدي علمود تاكلين جبتلج علاج

-سحب ايدي كعدني لزمت راسي حيل موجوعة

اتلفتت بالغرفة وهوا سحب انجانة بيها مي خلة ادية بداخلها غسلهن ورفع ايدة يغسل وجهي

واني عيوني على البردة درت عليه اباوع بعينية

::- باوع البردة مساع تنسحب وحدها

اعدلها وترجع تنسحب واللـــه

لزم وجهي بثنين ادية ويمسح المي منة

- ما اعوفج وحدج بعد بــــس اصبريلي يـــــوم يومين واطلعج

-لا ترروح لا تعوفني

سحب راسي الصدرة يمسد علية ويحجي بحسرة وخنگة

- تروح روحـــــي وما اعوفـــــــج

-غمضت عيني ارجف وجسمي نحلان حيل بعدني من صدرة يباوع بعيني ويحجي

- اذا اكلتي هسه وشربتي علاج نتصل على امج

وتسولفين وياها

-امي

-اي نــــهله ما مشتاقتلها؟

-هزيت راسي اااي ولميت الغطا علية رغم الجو زين ومو بارد كلش بــــس اني ارجف من الصخونة سحب صينية الاكل خلاها على رجلية

يوكلني ويحجي علمود يلهيني وما اباوع منا ومنا

-باوعي بعيني لا تتلفتين انا يمج

-ركزت عيني بعينة بــــس ارمش وهوا يقرب الاكل الحلكي تعبن عيونة ونزلهن ...رجع باوعلي

بعدني مركزة بعيونة ماريد التفت ماريد اشوف شي يخوف اكثر من جـــــندل

تعب حيل اعيونة ذبلن يدير وجهة مني

سحب الصينية وكومني للحمام غسلت ادية گـــــال

-اسبحي حتى تخف الصخونة

-اتلفتت بالحمام اباوع ....::- اخاف

-هنا ابقى بالباب يمج ماعوفج

-هزيت راسي موافقة تقرب فتح المي بسطل كاسرة ابين حار وبارد وطلع صرت

-"من صوت خطوتي يفز گلبي "

الخطوة من اخطيها ويصير صوت التفت بشهگة فازة وراسا يصيح

- انا هنا يمج لا تخافين

-غسلت اوكفت ورا الباب

::-ملابس أريـــــد

-هاج افتحي الباب

-مديت ايدي اخذتهن منة لبستهن وسمعت صوت فزيت وصيحت ..

-وينك  جـــــندل

-يمج هاي. باعي

-مد ايدة من باب الحمام. كملت لبس ولزمتها عصر ايدي حيل وسحبني طلعت التفت الداخل الحمام شاف ملابسي النزعتهم شامرتهن بالكاع

سحبني للفراش شايل فراشي على جهة وماد

فراشة كعدت.طلع دشداشة من ملابسي

لف شعري بيها ونشفة. سحب ايدي يبعدني وكعد ورا ضهري يمشط شعري هادئة حيل ما ابالي اي شي فراغ عبارة عن فراغ حتى تفكير مافكر

غمضت عيني وشهكت من حسيت خلة وجهة بركبتي من وره باسني حيل... وحجة بأذني

-تشربين علاج ونخابر امج

-ميلت ركبتي على جهة وهوا ابتعد كام كعد كدامي يفتح بالعلاج سحبت ايدة

- جـــــندل

-هدأ ولم شفتة الداخل حلكة التفتلي بتعب حجة

:- هــــا

- محتاجة الحباية حس بية جاي اموت بدونها جسمي احسة تعبان ماكدر لا افكر ولا شي ولا اتنفس اريدها بــــس هل مرة وعد بــــس هل مرة

- اشربي العلاج ونخابر امج وانطيج ماشي؟

-هزيت راسي موافقة ...مد ايدة بجيبة طلع جكليتة فتحها وعافها بيدة ...خلة بالقبق من الشراب اليلعب النفس دفعت ايدة

::- لا ماريد هذا زفر

-ميخالف هاي جكليتة اشربية وتاكلين وراه يروح طعمة

- ماريدة

-سنايبر يله لا تدلعين يله ترا مانطيج حباية

-سحبت نفس مختنكة بلعت الشراب واكلت الجكليتة بسرعة لعبانة نفـــــسي واريد اتقيئ

فتح كبسول وحبوب اكثر من نوع بلعتهن

ورجعت مديت ايدي اله

::- يله نطيني الحباية

-نخابر امج بالاول

-ااي يله بسرعة...

..جاب تلفونة واجة كعد بصفي

اعيوني مركزة بالشاشة دخل على برنامج اول اسم جان مكتوب علول وراه رقم وراه

ام سنايبر

دخل على المحادثة وعلى الاتصال فتح الصوت

وياه تزيد دكاات گلبي فرفحت من سمعت صوتها تحجي بلهفة

-الوو

أبــــــهر ::الله يساعدج عــــمة شلونج

-هلا بيك يـــــمة شلونك جــــمرة شلونها وينكم اتصل وماكو

-اعذرينا هاي جــــمرة يمي

جــــمرة :: اختنكت اسمعها تصيح الو واني بــــس ساكتة روحـــــي راحت كلشي بروحي فز الها والحضنها الصوتها. مد ايدة ورفع راسي من الشاشة باوعت بعينة عيوني يحركني

::- حاجيها حتى انطيج الحباية

-هزيت راسي اي ومسحت دموعي فتح الصوت من جديد همست ::-الوو

-شهكت حيل وزرفت گـــــلبي من بجت

-: جــــمرة يـــــمة بنيتــــي

-شلونج يـــــمة

- ليش هيج ما تتصلين ولج بــــس أريـــــد اسمع صوتج بــــس أريـــــد اطمن عليج بخير كطعتي گـــــلبي

-سكتت ورفعت عيني اباوعلة حجة هوه

:-ملتهيه تدرس عــــمة شلونكم انتم شخباكم وليدج شلونة

::- الحمدلله بخير وين راحت جــــمرة

-ها يـــــمة

-شبيج يـــــوم سولفيلي بيج شي

_ :لا مصطفى شلونة البنات

-:نحمد لله كلنا زينين اذا انتي زينة

- غمضت عيني اختنكت حسيت كـــــافي ماريد احاجيهم اكثر جاي اكلة سد التلفون...سوالي بيدة احجي

-يله باي ......حجيتها وامي بقت ساكتة شوية كالت بخنكة.

-براحتج يـــــمة الله وياج

-دفعت التلفون من يمي بعدة.وقفلة

-يله أنطــــيني الحباية.......

لزمت راسي بايدي ودنكت ثگل براسي وعيوني احسهن جمر مصخنة حيل وصوتي محتقن وحاجتي للحباية ذبحتني. بقى ساكت رفعت راسي باوعتلة

:- أنطــــيني

-حبـــوب ماكو بعد انسيهن

- شنو انساهن بكيفك انساهن أنطــــيني معليك يله جيبها

.مديت ايدي على قميصةة أريـــــد ادور سحب ايدي للفراش

دفعتة.وصرخت سلاحي الوحيد جان صوتي لان جسمي تعبان ماكدر اقاوم بــــس اصرخ لازم ايدي بجف ايدة واني اصرخ

-لو تصرخين للصبح ما انطيج ايسي بعد

-جريت ادية منة وضربتة ابجي بصريخ ساعة اغلط واسب وافشر ساعة اتوسل واحجي بتوسل بأي طريقة اي شي اسوي بــــس أريـــــد الحباية

::- أنطــــيني بــــس هل مره وبعد ماكلك بــــس هل مره ونوب اعوفهن واللـــه احلفلك اعوفهن وماريد بعد

- لا

-ليشش ليششش تريدني امووت......

بجيت حيل واضرب بصدرة. ارجف :-حباب

بــــس هل مره اخر حباية. جـــــندل عفية

- انطيج من الشربتيها البارحة

- لااا أريـــــد من هذيج. ....

دفعني من صدرة ومد ايدة طلع شريط حبـــوب فتح وحدة ورفعها الي دفعت ايدة وبجيت بصوت

-ماااريد هاااي ....سحب رجلية نومني.وبلعنياها غصب

مغمضة عيني بقوة وهوا مخلي ايدة على حلكي ولازم ادية فوك بطني

بــــس ادموعي تنزل. فتحت وشهكت من سمعت صوت طبة.قوية برا الغرفة جلبت بايدة حيل نضرب باب الغرفة وانا فاتحة عيني على وسعهن

وخر ايدة من حلكي وسد عيوني مجلبة بية حيل ارجف اتمدد.وسحبني الحضنة بكل قوتي حاضنتة واحجي بهمس.

-اجووو اجوو.

-اشش اشش غمضي انا يمج لا تفتحين

-عاصرني بحضنة بقوة وانا أريـــــد اطب بضلوعة من الخوف اصوات غريبة البردة كلساع نسمعها تنسحب. ومي الحمام ينفتح وبكل صوت اشهك والزم بية حيل. برا الغرفة اصوات هواي. وبالغرفة بــــس صوت فتحت البردة وصوت مي الحمام الباب ينفتح وينركع

-اشش يمج لاتخافين نــــــامي يله

نــــــامي جــــمرة

-هدأت الحباية تنحل جسمي وتخليني انعس

غفيت بخوف واني اسمع الاصوات بــــس صوت جـــــندل جان الاقرب من يهمس باذني

-:لا تخافين يمج انا

.اقوي لزمتي كل ما احسة يتحرك الزم بية بقوة

حسيتة يبعد ايدي منة فزيت بخرعة

ارجف وعيوني احسهن محتركات من الصخونة

:-وين رايح

:-صخنتي حيل اسويلج كمادات

-غمضت عيني احجي بتعب ...:-بردانة لا تعوفني لا تروح

-حضني الگلبة واني اضم روحي بحضنه اكثر  ارجف وصوتي كوا يطلع ...

::-بردانة حيل

-عصرني بحضنة

-:نار جسمج صار نار صخنتي كلش

-رجعت نمت وفزيت الصبح احس بنفسي صاحية. شوية بــــس عقلي مايساعدني ويرجعني الواقعي. فاتحة عيني. رفعت راسي

أريـــــد اميز مكاني جررريت ايدي بسرعة من شفت نفـــــسي على صدرة كاشة روحـــــي وامسح بخدي الجان على گلبة

مركزة عيني على كل جرح بجسمة

خليت راسي ابين ادية واني اتذكر شلون جنت مجلبة بية واتوسل مايعوفني

وكلبي يدك حيل كل ما اتذكر تصرفاتي

دفرتة برجلي فز عاكد حاجبة

-ليش نايم. يمي

كعد على حيلة يباوعلي رافع حاجبة مد ايدة على كصتي دفعتها بنتر ..ابتسم بطرف شفتة مستهزاء

طبك اصابيعة اربعة خلاهن على شفتة.باساهن وشمهن بقوة نزلهن على كلبة خلاهن وشفايفة تتحرك نفس الايد رجع رفعها وباس الجروح الثلاثة البيدة

-احاااجيك

-شتردييين

-اذا الكاك يمي مرة الثانية اموتك

-ههههه خوش

-كام على حيلة وكف دخل للحمام واني اكل بروحي اكل الوب من جهة متخبلة على حباية ومن جهة اكرهة نفـــــسي من اتصرف شي وبعدين يله استوعب تصرفاتي مثل توسلاتي بية حتى مايعوفني

اتلفتت بالغرفة شفت ملابسة شامرهن على الفراش جريتهن ادور بيهن باستعجال وخوف

وكلبي يدك حيل

لكيت جيس بلعت ريك احسب بالحبايات البية بــــس اثنين ونفسهن الجنت ابلعهن. رجعت الملابس المكانهن وضميت الحبوب

كعدت هادئة رجع دخل.    بيدة اكل خلاة كدامي وسحب ملابسة يلبسهن

-اكلي يله

-رفعت عيني العينة خازرتة

::-طلعني من هذا. المكان

:- اذا كملت شغلي اليوم وما متت اطلعج

-بلعت ريك رافعة راسي اباوعلة وهوا يلبس بدون مايباوعلي همست

::- وين رايح

-للموت

-نزلت عيني وكلبي يدك حيل رجعت اباوعلة

طلع من الغرفة ورجع دخل بيدة أسلاحة ضماة بملابسة گـــــال

- اكلي

- اذا انت متت منو يطلعني منااا اكو احد غيرك يندلني؟

-رفع عينة يباوع بعيني جر نفس وهز راسة اي

-علول وعمر يعرفون مكانج موصيهم اذا متت يرجعونج

-سكتت وهوا تقرب للصينية سوه لفة رفعها الي يريد اكلها باوعت عيني بعينة وحجيت بهدوء

-ان شاءالله تموت وماترجع....

-جر نفس ساكت ويرمش بعيونة بثگل قرب الفة الحلكي اخذتها من ايدة اكلتها ودنكت...

-تتمنيلي الموت؟

-اكثر من كلشي

-وانا مثلج اتمناه بــــس ماكدر اموت

- أعيونة يلمعن وصوتة محتقن

سئلت ::-ليش ماتكدر

-مضيع شي لازم الكاه قبل لا اموت

-عكدت حاجبي مافاهمة وهوا رفع ايدة يباوع بنفس الاثار الثلاثة قربهن الخشمة وغمض عينة بقوة

-شنو هل شي.؟.....

فتح عيونة يباوعلي نزل ايدة ويحجي

-كملي اكلج يله أريـــــد اروح

-شبعت ...سحبت رجلية ليورا وهوا يلم بالاكل

وعلاكة ثانية خلاها بالكومدي گـــــال

-هاي بسكت وعصير خاف اتاخر عليج

-سكتت اباوعلة

جر علاكة الادوية صيحت

-ماريد .......ما اهتم يفتح بيهن. كمت وكفت أريـــــد اشرد جراني من ايدي رفع ايدة يحذر

-اشربج بالقوة وتتأذين لو تشربينهن وانتي ساكتة؟

-وخررر وخــــر ايدك ...

دفعت ايدة وكعدت اخذتهن منه شربتهن شداهن واخذهن وياه صيحت

-اخااااف ابقى وحدي

-وكف يم الباب. التفتت عليه جر نفس گـــــال

:- بــــس اليوم اذا بقيت عايش اجيج قبل الليــــل واذا متت يجي علول يدزج البيتكم

-هزيت راسي موافقة دنكت وحجيت

:-ان شاءالله هاي اخر مرة اشوفك بيها

-ثواني بقة بالباب واكف يياوعلي وطلع سد الباب وراح ..بسرعة جريت الحبوب وبلعت وحدة تمددت براحة مغمضة عيني مركزة بكلشي خاف هم ترجع الاصوات

كمت جريت البردة طيحتها ولفيتها يم راسي

مر الوقت هادئ ماكو اي صوت. كم ساعة مرن ماحسيت على نفـــــسي بيهن اثر الحباية

وفزيت على طبة قوية بالحمام شهكت وكعدت عدل. جارة الغطا علية بقوة يصير هــــــدوء  كلش نوب ينضرب شي بقوة لو الباب لو السطل

واجت ابالي امي بكل شدة تصيح

يا عـــــلي

بدموع ويا كل صوت اسمعة صوتي

يعلة واني اصيح

يا عـــــلي. يا عـــــلي

بسم الله الرحمن الرحيم

اعود بيهن.واتعوذ لفيت راسي ابجي واردد

بس ردت انام ماريد احس بشي بس أريـــــد اغفة

احس خطوات بالغرفة.وارجف گـــــلبي يريد يطلع من مكانة تمنيت يجي تمنيت اضم روحـــــي بحضنة وماخاف تندمت لان دعيت عليه تمنيته يرجع

ماحسيت بنفسي من رجعت غفيت وفزيت بطني متكطعة من الجوع. اباوع للغرفة مگلوبة كلاب الملابس مطشرات ومتسحولات.

كمت مفزوعة جريت المخدة لزمت الحباية بيدي

وبلعتها بسرعة ارجف وراسي عبالك مضروبة عليه بشي

ساعة اصررخ بكل صوتي ساعة اكطع بشعري

لو اخلي ايدي بحلكي. واعضها بقوة بس أريـــــد الوجع البراسي يخف

الحد.ما هدأ جسمي تمددت على ضهري ..اباوع بسگف الغرفة

راسي فارغ مابية اي فكرة وحتى لو تصير يمي حرب ماراح اخاف هيج احس روحـــــي بدون اي مشاعر ماعدا احساس الحباية الاخذتني المكان بعيدد

وبمجرد يروح تأثيرها انجن ابسط شي الاذية النفسي صرت اذي نفـــــسي بأي شي كدامي شعري تملخ كد ماكطعت بيه اعظام.وجهي احسهن يـــــوم عن يـــــوم يبينن اكثر

وشصار بحالي من خلص مفعولها ورجعت الاصوات ومر اليل عليه مثل الموت صريخ.وبجي واني اشوف الاشياء كدامي تتحرك والووب واتوسل بــــس تعال ارجع واللـــه مادعي عليك بعد

ليش عافني وسط الظلام وابيت مسكون

ليش علمني على الحبوب وحرمني منهن

عافني هنا اوعدني اذا مات يدزلي احد يطلعني وجذب علية مات ومحد اجالي

ادية تملخن كد مادكيت على باب الغرفة.وصوتي اختفى من كد ماصرخت

ازحف للكومدي جريت البسكت والعصير ارجف.ويوكع من ايدي بالكوا اكلت شوية.ورجعت تمددت عذاب وشفت الموت بعيني

واردد اذا فعلا ميت ذمة.بركبتك كل شي عشتة

الله يحاسبك على كل ثانية تعذبت بيها اللهي

ما مسامحتة ولا باريتلة ذمة. لا من كلب ولا من لسان

واذا عايش تعال حــباب بــــس طلعني منا بــــس خلصني من هل مكان خايفة بدونك خاايفة

-ابجي حيل واحجي بصوت حتى لو اسمع صوتي المهم مابقى ساكتة.واسمع اصواتهم

كمت انام واكعد بدون ماعرف شكد مر من الوقت ومن افكر احسهن يومين البسكت والعصير خلصن والجوع اخذ روحـــــي. ..

كمت من اسمع اصوات بالبيت اتجاهل وجودهن ما ابجي ولا اصرخ الحد ماتختفي ومن جسمي يأذيني على الحباية احس لو كدامي بشر اذبحة علمودها

الحد مانحل جسمي وحسيت نفـــــسي اندفنت هنا لا امي درت عن حالي ولا مخلوق عرف شنو العاشتة جــــمرة راح اندفن بهل غرقة

ومحد يدري عني

غمضت عيني مستسلمة نز جسمي وفزيت

من حسيت باب البيت نفتح. درت وجهي للباب

ماعرف اذا صوت حقيقي لو بــــس حتى يخوفوني انتفض جسمي من سمعت دكة على. باب الغرفة وصوت

علول ::خوية تستري راح افتح الباب

-غمضت عيني وهوا يدك على الباب زحفت للملابس جريت الصاية والشال على شعري

-هاا يابه افتح الباب؟

-بقيت ساكتة كلمة مابيه حيل احجي حسيت المفتاح بالباب فتحه دخل باوعلي وفك عينة على وسعهن. بصدمة حجة

-طاحضك جـــــندل

-رفعت عيني العينة ...همست...مات؟

هز راسة لاا وتقرب بيدة علاكة فتحها وخلاها بالكاع كدامي

-اكلي حتى اخذج اله

- جريت الاكل يمي بــــس أريـــــد اشبع بطني

وهوا يدور وجهة.ويستغفر ربة. شربت مي وحسيت نفـــــسي استقر مكدرت اسكت

-تستغفر على اساس تعرف الله انتة.......

دار  يباوعلي رافع حاجبة مسحت حلكي وحجيت

-اجلاب كلكم جلاب

-طاحضك جـــــندل

-انعل ابوك لا ابو جـــــندل لا ابو الرباكم

-روووح سلكتهم شد خالي شد

-دفعت الاكل من يمي. ارجف واغلط

:-  وينة.مو.دكول ما ميت وينه ليش ما اجة

-مايكدر. يجي گـــــال روح جيبها

- أريـــــد اروح الاهلي هوه گـــــال اوديلج علول

يوصلج الاهلج

- لا گـــــال جيبها الي

-ما ارررروح وياك يريديني خلي هوه يجي

ماطلع وياك انته هم كافر ومجرم مثلة

- الله يعينك ياجندل

-سكتت مدنكة.گـــــلبي يدك حيل وخايفة اسب.واغلط.بداخلي على جـــــندل ليش ما اجة ليش خلاني وسط هل خوف

شفت علول طلع شريط من جيبة. وحبل ثنينهن بيدة لازمهن ويباوعلي.

-شدي عيونج. واني اشد ايدج

-وخرر ما اشد شي كتلك يريدني خليه يجي .....

لميت رجلية الصدري ودنكت حسيت خطواتة يمي

-خوية

-هستوني رفعت راسي خلة منديل على وجهي وايد ورا راسي فكيت عيني على وسعها وشهكت اقاوم وغصب عني. عيوني يغمضن

وما احس بشي

فزيت على طبات السيارة تمشي بطريق عكر

أريـــــد افتح عيوني ماكدر عليهن شي  وادية مربوطات

رفعت ايدي اشيل الشريط من عيني بــــس أريـــــد افتح

شفتة يسوق واني وره..غلطت اول ماشفتة

ماخليت غلطة ماحجيتها وهوه ساكت بــــس يسوق

قربت ادية الحلكي فتحتهن ودرت اباوع. عبارة

عن زرع من الجهتين واحنة بالنص نمشي بشارع

ترابي والسيارة تهتز كلها من كد ماعكر

-وووين جايبني انتة....

بقى ساكت. واني مفرفحة.وخايفة

اكيد جـــــندل ميت وهذا هم خطفني وهسه ياذيني هسه يذبحني ويبيعون اعضائي

مابقت فكرة سودة ما اجت على بالي.

واليفرفحني من احاجية مايرد اغلط اسب افشر ولا يهتم ولا يحجي

ضميت وجهي ابين ادية وبجيت من كل كلبي

::- وين عفتني امنتني عد منو .....

الشي الوحيد الجنت ضامنتة بوجود جـــــندل ماكو خطر على حياتي ولا يفكر يموتني

وبلسانة معترف مايكدر يكتلني هسه هذولي يذبحوني مايرفلهم جفن ..ابجي واتمناه  يرجع لو ساعة بــــس يخلصني ...

سكتت من شفت بيت بنهاية الطريق. فاكة.عيني حيل بــــس أريـــــد اركز. شفت الولد عمر  كاعد بالباب على كرسي ويمة دجاج وهوا يكصم خبز

وينطيهن

علول ::انزلي زوجج هنا

-التفتت علية ..اتنفس حيل وكلبي يدك بقوة

:- ما. ما انزل وين جبتني انته

-الجندل

-لا تجذب وينة ليش ماطلع خاطفني انته جـــــندل ماااات وصاك ترجعني الاااهلي خنت صاحبك وخطفتني.

- هذااااك يابة هذا شخاطف منج انا

-التفتت للبيت شفتة طلع من الباب وعمر لازمة من ايدة ..جريت يدة الباب بس أريـــــد تنفتح وانزل

وعلول يصيح

:-عوفيها بــــس خلي افتح السيارة ولج عوفيها

-اجر بيها وعيني عليه بــــس أريـــــد اوصلة بــــس أريـــــد اضم روحـــــي عندة وأمن ماراح اموت...اول مانفتح الباب نزلت اركض. ابتعد عمر عنه وهوا فتحلي ايدة  حضنتة بكل حيلي  

ابجي.واعتب ...

::- وين عفتني وووين خليتني ليش جذبت علية

.معبر ايدة على ضهري وايد لازم بطنة وشايغة.روحة.بوجع يحجي

-اشش يمج ما متت ما استجاب دعائج

-ابتعدت من حضنة ارجف وهوا يجر بحجابي على شعري يلفة عمر وعلول واكفين على جهة صاح علول

-يا ما استجاب غير زرفوا بطنك يشنط دعائها ديربالك

-التفتت على علول مفرفحة منه راسا

كتلة ::- انچب

عمر ضحك حيل والابهر رص ايدي ماقابل

سحبني يدخلني للبيت واني احجي

واغلط على علول جنت متهسترة اجلب بكشاية

حتى انقذ نفـــــسي ومالكيت غير جـــــندل

جر بطل المي قربة الشفتي

شربت ودفعتة احجي بــــسرعة

::- انته مو كلت يرجعونج الاهلج وانا كتلة جـــــندل گـــــال خلي يرجعج الاهلج هوا اجة لزمني الحقير عندة مثل الدوه العندك خله على وجهي ولزمني من راسي

احجي واحجي وهوا عينة وي شفتي وايدة تبعد شعري من وجهي يخلية ورا اذني ويحركها على خدي

:- لا تأمن بيهم ولا تخليني امانة عدهم جلاب مايرجعوني الاهلي

:- غير ما متت شلون يرجعونج

-سكتت وبلعت ريك اباوع بوجهة اتنفس بقوة

وتعبانة كأن كنت اركض بطريق طويل

-مو كلت اذا ما اموت اجيج قبل الليــــل. يومين عفتني وي الجن وبدون اكل عفتني ميييتة

-سحب اايدي علية على حافة القميص خلاها لزمتها ورفعها هوه اباوع البطنة ملفوفة كلها.بشاش ابيض

-تصوبت ماجنت بوعيي وهذول صدك ما يتأمنون التهوا بيه ونسوج

-سحبت ايدي منة ولميت رجلية ندك الباب مد ايدة لف الشال عدل وكال تعال

فات علول بيدة صينية اكل وريحة تشهي

ضحك جـــــندل وعلول لازم ضحكتة كوا خلة الصينية. كدامنا

وبتعد باوع بوجهة جـــــندل وضحكوا ثنينهم حيل

علول ::- عمي بعد لا توديني منا لهنا ما اجيبها اهلي سلكتهم وشوتهم خيرهم دزتله مسبة وصلتها العاشر جد

جـــــندل ::- انته ناسيهم حتى ثواب ماتسويلهم مرتي تذكرهم

- الله يعينك

-ولي يله

جــــمرة ::ضحك علول وطلع تقرب جـــــندل للصينية لازم بطنة.وكل شوية يسد عينة.بوجع

-اكلي يله

-تقربت اكل. وهوا كوا يسويلة لكمة.ويبلعها متأذي حيل. كمل اكل واني بعدني اكل حيل جوعــــانة ومجاي اشبع

-ليش تبوكين حبـــوب مني؟

-عفت الكمة وباوعتلة بلعت ريك ساكتة.وهوه مبتسم همست

::- جنت محتاجتهن بــــس هسه ماريدهن بعد

- ماجذبت من سميتج سنايبر

-رفعت كتفي ما ادري ودنكت اكمل اكلي الحد ماشبعت. گـــــال

::- تعالي كوميني خلي اغسل

-بقيت اباوعلة وهوا ماد ايدة الي ضحك.

- تعالي ساعديني لا اموت.وتبقين بيد علول

-كمت من.مكاني خلة ايدة على كتفي ..ويضحك على ضعفي لان اذا يشد ايدة علية حيل اطيح ماعندي اي قوة دخل للحمام غسل. واني بصفة

سحب ايدي طبكم بجف ايدة غسلهن ورفع ايدة يمسح حلكي دفعتها وبعدت راسي

رفعلي حاجبة

-هشش هستونا حبابين شبيج

-رجع ايدة الشفتي يمسحها لو يخليها ابين اصابيعة  بعدت راسي منة

:- لتلزمني

ضحك وهز راسة موافق عبر ايدة على متني واني بمكاني

-رجعيني للغرفة

-مشيت أريـــــد ارجع النفس المكان اشر الغرفة ثانية بس دخلنا دفعني من كتفي  الداخلها ابتعدت عاكدة حاجبي وهوا دخل وقفل الباب

-شدسوي...

يباوعلي بابتسامة عبرني وتمدد على فراش ساكت اتلفتت بالغرفة نضيفة وريحتها حلوة

بيها بوفية وفراشات بنكة بنصها وملبسين ريشاتها قماش ابيض وبيةة شرايط مكسرة بلون وردي افر عيوني واركز بكل تفاصيلها

-رجعت اباوعله دك بيده على الفراش البصفة و گال

-تعالي اكعدي

- ما أريـــــد .....عفتة وكعدت على جهة...اخطط

اوهمة اني عاقلة وما أريـــــد اعوفة واشرد

دام احس روحـــــي ما محتاجة الحباية

بــــس هوا هيج عقلي جان خيط وخيط ساعة اعقل واحلف لو اموت بعد ما ابلع حباية وكل تصرفاتي افكرلها وساعة من تجي الاوقات الاحتاج ابلع حباية عندي عادي ابلعها واموت واي شي اخططله يروح تصير مهمتي الوحيدة انطي الجسمي الحباية لان محتاجها

تقربت عليه ايدة فوك عينة. مركزة ويا نفسهه أريـــــد اميز نايم لو لا فزيت من لزم ايدي يريد يسحبني للفراش صارت ايدي على بطنة صيح

وكعد شايطة.روحة يغلط ويسب بعلول وعمر

ابو الهيل وقسام ....سباهم كلهم وباوعلي عيونة محجرات من الوجع

-ثولة انتي

-كايلتلك الزمني ؟

...رفع القميص يباوع البطنة راسا طلع دم فوك الشاش ...غمض عينة.ورفع راسة ليفوك

-ام راس ايدها جنها هاون نبشت امعائي نبش

-ههههههههههههه

ضحكت حيل جانت اول مره اضحك وياه بدون تاثير الحبوب رفع راسة. يباوعلي ضحك

-شبيج رحمة للقدس فتحتي الخياط وشكيتي بطني متر

-انته لزمتني شسويلك

باوعلي بوجع يضحك بــــس وجهة صار احمرر وبطنة تنزف من الوجع ..كام على حيلة طلع واني بقيت بالغرفة

اتاخر كلش تمددت بفراشة ونمت .....

......

نــــهله :: كلشي كامل الجواز ولفلوس بــــس عـــــلي عندة شغل لازم يكملونها يله نطلع

من جهة كلي أمل بعلاج مصطفى ومن جهة خايفة على غـــــدير وهبة اسمر خبيث ومزعج حيل خايفة يسببلهم اذية

سمر كالت اني اجي يمهن يومية اشوفهن قبل لا اروح الييتي  وام تبارك وام فــــــاطمة كلهن وكفلي وكالن لا تفكرين يمنا

واني الحيرة ماخذتني غدور عدها دوام وترجع متاخرة هبة نقلها ادريــــــس ويا جهاله ويرجعون سوا شلون اذا يتعاركون يـــــوم زينين ويوم يندفعون وماينجرعون

ديون ادريــــــس كثرت حيل وانيي بكل شغلي واهتمامي ابيته وجهالة احس بروحي مقصرة

مثل ماجهاله عدهم ايبادات جاب الهبة وجاب تلفون الغدير جنت انحرج وحتى ما اعرف بشنو ارد عليه

فزيت من افكاري على صوت غفران

-خالة سبحيني

-هسه حبيبتي بــــس خلي اكمل الغده....

بقت واكفتلي بالمطبخ اسولف وياها بحب

لان بسرعة تنكسب احسن من غيث

دخلتها للحمام احاول اعلمهم يعتمدون على نفسهم لان سمر معلمتهم حتى الملابس هيه تلبسهم

رتبتلها كلشي وكتلها يله تعالي سوي هيح وليفي جسمج

اطبش بالمي وتضحك

خليتها غسلت نفسها وكملت رجعت اني غسلت شعرها وطلعتها. احجي وياها واضحك

- جاي امشط شعرها ودك تلفوني رحت اركض استغربت غـــــدير رديت عليها

تبجي وتحجي متهسترة

- عــــمة اني راح اروح الاخوالي

-شكو غـــــدير شبيج وين ترحين احد محاجيج

غـــــدير :: لااا....بعدت التلفون من. يمي وبجيت

رجعت احاجيها تندمت لان اتصلت عليها فرفحة.من القهر

-ماكو شي عــــمة ضجت وحجيت هيج اسفة

- ارجعي هسه تعالي عوفي الدوام

-اكمل اخر محاضرة.واجي مابيه شي لا يضل بالج ...بالكوه قنعتها وسديت التلفون ...

مسحت دموعي

عساها بحضك وبختك يا اسمر الله يحرك گلبك مثل ماحركت گـــــلبي

مطلع عليه سمعة عند الدكاترة على اساس اني امي خدامة واحتاج مساعدات دزت علية دكتورة لامتلي مساعدات ....مخليتهن بظرف واني من الصدمة بــــس ابجي. .....كتلها

-ما محتاجة شي وطلعت من يمها ....ميتة

تمنيت اشوف فــــــاطمة بس قسمها بعيد عن قسمي واسمر طول اليوم عايف كليتة ويفتر بقسمي

مسحت دموعي وكمت للحمامات غسلت وطلعت للكافتريا كعدت وي البنات يحجن ويسولفن واني بالي مو يمهن. فزيت من اتخلة شي كدامي صينية بيها عصير وبنية خلتها باوعت عليها اشرتلي

-اسمر دزاها الج

-التفتت فاتحة عيني على وسعهن كاعد ويا طلاب مرحلتي ..ابتسم ورفع ايدة ياشرلي.وهم كلهم يباوعون عليه ..كمت على حيلي دفعت العصير بالكاع وطلعت من القسم كلة. ناار بگلبي

كلها تباوعلي بنظرة استصغار من ورا كلامة.

ابجي وامشي طالعة من الجامعة كلها اسمع فــــــاطمة تصيح وراي

-غدير اوكفي ولج راح اعثر ..غـــــدير ما اكدر اركض

- طلعت من البوابة ودموعي تصب. التفتت وراي فــــــاطمة تمشي وجها احمر وتلم بعبايتها

الانسانة الوحيدة تلبس عباية ابيت اهل عـــــمو ادريــــــس امها سافرة وفاطمة عباية

مسحت دموعي.اوكفت اجر نفس. گـــــلبي يوجعني وصلت يمي تعبانة.وكوه تتنفس

-اشبيييج صار ساعة اركض وراج

-اريد ارجع للبيت

...دنكت امسح بدموعي مجاي اكدر اتحمل شي

بالقران لو السما تنطبك على الارض هم اكول

العمو على سوالف اسمر فلا اسكت بعد

-ياااا شبيج تبجين منو وياج

-محد بــــس أريـــــد ارجع للبيت .....

سحبت كلنس من جنطتها مسحت عيوني

واتصلت على بــــسام

-ها خوية تگدر تجي ترجعنا للبيت لو ناخذ تكسي

.... لا ماكو شي بــــس غـــــدير تعبانة شوية

...ماشي منتظرينك

-تعالي خلي نشتري مي هسه راح يجي بــــسام

-وكفنا على جهة راحت هي اشترت مي واجت

شربت منها عيونها تباوعلي بحيرة. رفعت ايدها الخدي وابتسمت

- منو مزعلج ....

- مــــحد.. ....

تمشينا كعدنا بمكان قريب على. السيارات منتظرين بــــسام وهوه اتاخر كلش. دك تلفون فــــــاطمة الضحكة شكت حلكها. باوعت بالتلفون كاتبة غـــــدير بت عــــمة عكدت حواجبي وضربتها على ايدها

:- هاي اني وهذا تلفوني

هفتت على وجها بيدها وضحكت

:- عـــــلي هذا جنت كاتبة عليه مريم وامي شكت غيرتة وسجلته باسمج

-ضحكت ...على توترها وهي جاوبت بخجل وادب لا حبي ولا حبيبي كالتله

:- وعليكم السلام

-الحمدلله بخير انته شلونك

- سلامتك ما محتاجة شي.......يعني باجر ترحون ....توصل وترجع بالسلامة ....الله وياك

- سدت التلفون والتفتتلي رفعتلها حاجبي

-اشو ماكو غزل لا حبي لا حبيبي

- ولج استحيييي منة اموت ...باجر يسافرون هوه وعمه

-هااا خير ان شاءلله .....

دنكت ساكتة ما احجي وعمه موجودة خليها من تروح يله اكل العمو على سوالف اسمر

فكت عينها فــــــاطمة على وسعهن وغطت وجها بالعباية وتصيح

-استغفر الله استغفر. الله استغفر الله

-اتلفتتت اباوع ماكو شي .....

::- شكو شبيج

-رفعت ردان العباية تريد تسد عيني وتستغفر

دفعتها

::- شبيج.ولج ...اباوع أريـــــد اشوف شنو الشافتة

وخرت العباية وباوعت ..واني مخروعة شكو.

-راحوا ماكو شي ..ايع استغفر الله ربي لا تعاقبني على ما رأت عيني

- شرأت عينج غير تحجين دحجي موتيني من الفضول

- امشي ما احجي كومي اجة. بــــسام

-لمت كتبها وكامت واني اركض.وراها واحجي

:- بــــس كليلي اشفتي بــــس احجي

- ولج حررررام

-ميخالف اموت من الفضول احجي

-وغلات عـــــلي ما اكول ..اسكتي واللـــه شي يلعب النفس

- شكد خبيثة ....مشيت وراها واني ميتة من الفضول دكلنا هورن بــــسام سلمنا وصعدنا.

لا احاجيها ولا تحاجيني اني افكر اسولف العمو

وهي من شافت الشي المو حلو نگلب وجها. التفتنا ثنينا ليكدام من حجة بــــسام

-فطيم بيجن شي

-لا خوية ماكو شي

غـــــدير ::- لمحت عيونة بالمراية ودنكت بسرعة عزا شكد استحي منة وصلنا للبيت وراح صعدت يم عــــمة لكيتها تحضر. باغراضها واغراض مصطفى

وقفلت الا تحجيلي شصاير ليش خابرتيني تبجين ماكدرت احجيلها. وراها سفر ماريدها تبقى تفكر بيه

..للعصر سمعنا صوت بالبيت الجوا من بينهم صوت فــــــاطمة تبجي

تخبلت بــــس ردتها تجي يمي ...ضليت الوب

صح فترة قصيرة ابينا بــــس حيل تعلقت بيها هي تنحب كلش

وعمه هم تلوب وتقرأ قران اباب الدرج

ماتقبل ننزل

صوت عباس وكرار كلبوا البيت وهي من بينهم تبجي وتصيح

:-لو اموووت يا عباس تحلم اصير الك

وهوا يصيح

:- اخليج طول عمرج كاعدة سهله

بــــس سكتوا شوية كمت ركض للمطبخ كصصت فواكة بصحن وعمه تصيح.

::-وين رايحة.

-انطي هاي للحجية اكلها عــــمة ودتها الج واشوف فــــــاطمة

.اخذته ونزلت. لكيت الحجية بصالة وبيتهم هوسة لان هواي جهال من لمحتني نزلت ابـــــتسمت

-هلا جده تعالي

-تقربت عليها بستها ...هاي دزتة الج عــــمة.....

انطيتة الها وطلعت مرة ابراهيم من الحمام

سلمت عليها وخجلانة اكلهن وين فــــــاطمة

الحد ما طلعت امها من المطبخ كالتلي

-فوتي خاله فــــــاطمة بغرفتها

- ابتسمتلها ورحت الغرفة فــــــاطمة دكيت الباب. محاجتني فتحتة. ودخلت متمددة ولافة روحها بالغطا عيونها حمر اوجها مطعون بحمار

-شكو شبيج ....

بجت وغطت وجها كعدت يمها

...

:-فطوم شبيج ..........كعدت على حيلها ورفعت شعرها من وجها

-شوفي اصابعه الهمجي المتخلف

-عززززا بعينه عباس ضاربج؟

-لااا كرار أخـــوي عباس ايدفعة اخذوا تلفوني

-احجي الابوج ...ليش تسكتين

-ههههه هوه ابوي حتى من الكليه يريد يبطلني لو ماعمو ادريــــــس من زمان بطلوني

-بقيت يمها لليل تبجي مختنكه حبها العلي عظيم بشكل ماينوصف صليت يمها واسمعها من تكمل صلاة.وتكعد تدعيله يفرفح گـــــلبي عليهم

ورا العشا صعدت من اجت عليه هبة لكيت عــــمة واكفتلي يم الدرج

نــــهله :: بعد ماتنزلين جوا

-عمه واللـــه كاعده يم فــــــاطمة

-ادري واعرفج شنو بــــس الناس ماترحم ماريد حجاية تطلع علينا هذا بيتنا وفطوم من تريدج تجي يمج .....

هزت راسها قابلة.ودخلت يم مصطفى

كل البقن اربع ساعات ونطلع گـــــلبي مقبوض

ساعات اخاف وساعات افرح بلكي صدك ولـــــيدي يتعالج

رجعت للغرفة اخذت فراش ادريــــــس ودكيت باب المكتب

- تعالي نــــهله

- فتحت الباب وفتت ..مبتسم وكام على حيلة اخذاه مني فرشة

::- محتاج شي.....

وكف على حيلة اشر على قنفة

::تعالي اكعدي

-كعدت وهوا كعد بصفي

:- خايفة هــــا؟

- شوية

-لا تخافين انا لو ماعندي شغل ماعوفج.وحدج بــــس مجبور

.الفلوس يم عـــــلي وكلشي يـــــمه لا تفكرين بشي انتي

- رفعت عيني اباوع بعينة. وصوتي يرجف.

..شلون اوفيلك دينك

- ما ابينه دين ابينا عقد واتفاق مو صح؟

-دنكت عيني وهزيت راسي اي

- نــــهله

- هــــا .....رفعت راسي اباوعلله عينة بعيني

- ترجعيلي بالسلامة

-عيوني تفتر ابين عيونة ابسط رد ماعرفت اردة

جمدة بمكاني وكلبي يدك حيل من عبر ايدة على راسي وقرب وجهة باسني ابين عيوني

لا اني البتعدت ولا هوه مغمضة عيني منحرجة.

رجعت راسي وهوا ابتعد وكفت بسرعة. متوترة وهوا دنك راسة ابين ادية

- تصبح على خير ....حجيتها ودرت أريـــــد اطلع بــــس وصلت للباب صاح

-نهله جيبي الكريم أريـــــد اخلي الادية

- هزيت راسي موافقة.وطلعت سديت الباب

وخليت ايدي على گـــــلبي

دخيل اسمك ياااارب دخيل اسمك

عندي ثلث جهال لا تخلي گـــــلبي يرف وهوه ميت. اللهي ارحم بحالي

-احس شفتة الهسة على كصتي سحبت الكريم من المجر ورجعت للمكتب لكيتة متمدد

بفراشة أيــــدة فوك عيونة ...تقربت يـــــمة واني واكفه حجيت

::- ابو اسمر.....

..وخــــر ايدة من عينة. مديتلة الكريم

:- خليلي بلا امر عليج

- بلعت ريك ساكتة كعدت يمة على اركبي فتحت الكريم اخذت منه بايدي رفعلي ايدة

تنفست حيل بــــس أريـــــد اهدأ.دلكت ايدة

وعفتها همست

:- أنطــــيني الثانية

..عبرها الي جاي اخليلها لزم ايدي ابين اصابيعه

وفتح عينة

-ليش ماتخلين الايدج

-انسه

-جيبي لا تنسين بعد

-عدل ظهره على مخدة وسحب الكريم

جريت ايدي منه ماعافاها ...حيل انحرج من منظر ايدي جذب اني ما انسه جاي اخلي منه بــــس ايدي اثارها قوية ماتروح ...انتبهلي شكد منحرجة.وبس أريـــــد اسحب ايدي منه گـــــال

-عبالج تلعب نفـــــسي من ايدج؟

-باوعت بوجهه ساكتة

-الجروح البيهن اثر تعبج وسعيج حتى تعيشين وتعيشين اولادج بشرف نهائيا ما استصغرج واكش منج بالعكس حاسد روحـــــي عليج حاسد روحـــــي مخلي ابيتي انسانة مثلج

-ابو اسمر

- ادريــــــس.........

كتلج ابينا خليه بــــس ادريــــــس

-سحبت ايدي اوكفت گـــــال

-روحي ارتاحي وراج سفر

-طلعت من غرفتة توضيت وصليت

الحد ماخلصن الاربع ساعات لميت السجادة ومن التفتت شهكت فازة

ادريــــــس: :- شكد مطلوبة وتصلين اربع ساعات ؟

- ما مطلوبة بــــس اصلي نيابة عن مصطفى جاي اقضيلة

- ما مطلوب منه

- اعرف بــــس ميخالف مادية.واجبي وقاضية كل البذمتي اقضي لوليدي

- كل البذمتج قاضيتة؟

- اي

-شكد عمرج.وصليتي

-6

- وتركتي ورجعتي تقضين لو شنو

- لا قضيت ل 6 سنوات مال الطفولة وللتسع اشهر البطن امي ....فك عينة مصدوم

-ولج ما مطلوبات

- اعرف مو.جاهلة باحكام ربي كلشي اعرف بــــس. منطيني نعمة لو اصليلة عمري كله ما اوفي

-بعدين من ترجعين نتقاهم عليها هاي سطرتيني

- ابتسمتلة وحضرنا اغراضنا طلعنا ويا عـــــلي مصطفى بعربانتة.وبالي يم. غـــــدير امشي.واوصي......

يتبــــــع⋆𓍯

الكــــاتبة أيـــــــلول⋆𓄼𓂁

💚🌿.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

ملاحظة / ماكو صورة طبق الاصل يعني مجرد تشابهة بسيط للابطال

الصور الاختاريتهم بيهن لمحة من شخصيات الابطال ممكن بنسبة 30_40%

الصورة الوحيدة الانطيها نسبة تشابهة 80%

جــــمرة

جمرتنا::- نفس الملامح ونفس كصة الشعر + من كانت تطلع بالشارع تبيع لبسها هل شكل

نــــهلة ::الام الحنونة الاعترضت انزللها صورة شبهة ونقذتني غـــــدير من قنعتها كـ مـــلامح تنطي شوية شبهة للممثلة ليلى علوي كـ لبس ودورة.وجهة تشبهة هذه البنية

غـــــدير ::

فــــــاطمة: : اجمل بطلة مرت عليه💚

عـــــمو ادريــــــس ::

الأبـــــهر ::حاولت قدر الامكان اقرب الصورة من ملامحه حتى الجرح البوجهة ضفتة للصورة

عـــــلي: : 💚

بــــسام:: مالكيت صورة تشبهة اكثر من هاي سلكوها 😁

اسمر: :

الريحانات 💚🌿

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

مثل خيط الضوة بسرداب

أحير شلون أضم حزني ⚘𖡼

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

غـــــدير :: رجعت للغرفة ابجي من كل گـــــلبي ماكدر افارك عــــمة اعز من روحـــــي

شلون وهي رايحة الغير دولة ومن جهة خايفة بدونها غريبة عن الكل اني وفوكاها عندي هبه وجهال عـــــمو ادريــــــس كلهم صاروا مسؤليتي

تمددت بفراشي ودموعي على خدي هبه نايمه لان لو كاعدة وتشوف عــــمة وهي تطلع تموت من البجي

هستوني نمت وفزيت على صوت شي وكع

لبست شالي. وطلعت لكيت عـــــمو بالمطبخ

لازم القبق بيدة ويباوع البيبان الغرف منو الفز

من لمحني ابتسم تقربت

:- صباح الخير

-صباح الورد هلا عـــــمو

- سكتت اباوعله يگلي طماطة وخالط بيضتين بكاسة والچاي يفور شكد عيب عود عــــمة وصتني من اول يـــــوم خليته هوه يسوي الريوك تقربت للطباخ

:- روح عـــــمو اكعد اني اسوي الريوك

اجة.يمي وسحب الخاشوكة من ايدي

-اكعدي انا اعرف اسوي ...اداومين اليوم غير

-رجعت ليوره وهوا طش البيض على الطماطة.وخله عليها قبق دنك قلل النار والتفتلي

مبتسم رفع حاجبة مثل اليدور كلمة.ويحاول يتذكرها گـــــال بطريقة الما متأكد من كلمتة.

-: Are you going to the university today?

- ضحكت هزيت راسي اي ...

:- Yes, I have an important exam

:- You are good in the English language, I wish you all the best

:- Thank you, uncle

- زين قوية شدي حيلج اكثر

- ان شاءالله بــــس ما اتوقعت انته تعرف .....

التفت للطباخ خله الاكل بصينية ويحجي وياي

- بشغلنا مهمة اللغة نحتاجها

:-سكتت گـــــال

-: اني اوصلج اليوم فطيم ما اداوم وبسام عندة شغل

.:- عفتة يتريك ورحت كعدت غفران وغيث ورجعت الهبه كعدت ساعة تبجي على عــــمة

ومتقبل اداوم حتى غفران وغيث يحاولون وياها ولازمينها من ايدها يقنعون بيها

ويكلولها هسه تجي راحت تضرب مصطفى ابرة

كعد يمها عـــــمو.وقنعها من تروح بليل ياخذهم المحل العاب يله سكتت بدلتلهم ومشطتهم اجة الخط.وراحوا وعمو كاعد بصالة من اسوي شي بالمطبخ يجي يمي كل شوية.وكال

:- ديربالج عـــــمو ...كهرباء طباخ روحـــــي بدلي. لا تسوين شي

:- بــــس غسلت المواعين وركضت للغرفة ابدل

مستعجلة .

ندك باب الغرفة صحت

:- تعالي فــــــاطمة

مانفتح الباب گـــــال

:- اني اسمر ممكن احجي وياج كلمتين

-لفيت شال على راسي بسرعة.وفتحت الباب طلعت من الغرفة. اباوعلة بخزر

:- نعم

.دنك راسة بيدة كيس هدية مرتب

:- اسف قهرتج امس كلش متندم...

اتمنى تقبلين اعتذاري وان شاءالله ماتنعاد

-سكتت ودنكت مغثوثة ماكدر انسه سوايتة گـــــال

-اسف غـــــدير الحقد عماني وهسه متندم حيل واحنا عايشين نفس البيت ماترهم ابينا المشاكل

-ما مسويتلك شي اني حتى تحقد حتى كلام ما ابينة ولا نفس القسم ولا نفس الكلية ليش عايف كليتك وتفترر بكليتي بــــس حتى تضحك الناس عليه

.حجيت. هيج وبجيتت رفعت ايدي امسح وجهي ميتة قهر

-سامحيني ماتنعاد

-بقيت ساكتة ومدنكة امسح بدموعي گـــــال

-ديله عاد فضيها خلي نتصالح ابوي منتظرج بالسيارة وين لاكيتها ادريــــــس افندي يوصلج الجامعتج بعمرة ماسواها

-جريت نفس وباوعتله هاي هي. خوية ماعندي شي وياك

-تصالحنا يعني سامحتيني

-هزيت راسي. اي .....

وبكلبي اكول همزين. ماريد اسبب مشاكل ابقى مسالمة وي الكل

-تفضلي هاي هدية صلح

-باوعت الايدة طلع شال

-لاا ماكو داعي هاي هي كتلك نسيت

-اي دام تصالحنا اخذية البسية اليوم داقتنع فعلا سامحتيني

-ماكدر عفيه كـــــافي كتلك مازعلانة منك

-ابد واللـــه اذا ما اخذتيه ولبستية اليوم معناها زعلانة

-رفضت وهوا يلح انحرجت حيل وعموا يدك هورن ...اخذتة منه صاح: :-اذا مالبستيه يعني زعلانة

- استغفرت ربي ولبستة بسرعه اخذت ملازمي وطلعت اركض. صعدت ووهوا يحجي مكالمة قريب على الجامعة سد التلفون وحاجاني

-عندج رقم بسام عـــــمو علمود من اطلعين تخابرينة

-لا .......عصرت التلفوتةن بيدي منحرجة استحي اخابرة. وهوا مد أيــــدة نطيته التلفون سجل الرقم ..نزلني وراح

مشيت بهمة لان متأخرة واول محاضرة عندي

امتحان امشي واحجي على فــــــاطمة لان عافتني وحدي وماداومت

اول ماوصلت لكيت الدكتورة بالقاعة

استأذنت ودخلت بعدني مكاعدة بالستيج والطلاب البأخر استيجين انفجروا من الضحك

-كعدت منحرجة واعدل بملابسي خاف لابسة شي غلط وهم كل شوية يضحكون

والاستاذة ترزلهم الحد ماخلصت المحاضرة

اتجاهلت ضحكهم لو يفوتون من يمي ويضحكون لو يتقصدون يباوعون بوجهي ويضحكون احتقرتهم حييل رحت للحمامات

ارتب بملابسي شككوني بنفسي لابسة شي غلط

اباوع بوجهي وارجف كله من اسمر

غسلت وجهي وطلعت شفتة واكف وياهم وميتين ضحك كلهم وكفت على جهة اباوعلة بــــس التفتلي نفجر من الضحك وهم وياه

گـــــلبي يدك حيل وبتعب اكو بنية جانت حبيبة واحد منهم وكفت ورزلتهم. ماكدرت اتحمل النظرات ابين اليضحكون وبين المقهورين

طلعت من القسم كله ودموعي تصب أريـــــد بــــس اتصل على بــــسام

من اول دكة جاوب. احجي وما اسمع صوتة الحد مافتحت مكبر الصوت وحجيت ابجي

:- أريـــــد ارجع للبيت

-منو انتي؟

- غـــــدير

-جايج

-سديت التلفون. واكع عليه مي وصايره بــــس السماعه الخارجية تشتغل .....كعدت ابجي لو اروح اشتكي عليهم لو انقل من قاعتهم ..وهذا اسمر الحقير الصبح اعتذر وهسه رجع يضحك عليه ..مسحت دموعي من اجت البنية الرزلتهم  كعدت يمي

- خيولون لا تنقهرين

-ليش حتى يضحكون شنو البييه ....

رفعت ايدها تمسح بدموعي

-لا تثقين بأسمر ابتعدي عنه انذل مخلوق

- ماثاقة بية. ومبتعده عنه هوا كارهني بدون سبب وعايف كليتة لاطش يمنا بــــس حتى يقهرني

- اذا مبتعده ليش تلبسين شال منعندة؟

-رفعت راسي اباوع بعينها تنفست حيل ....

:- شدراج؟

-ترا متراهنين عليج يلبسج شال على ذوقة وهم كلهم مختاريلج هذا الشال من محل اسمر

حبيبي سولفلي وتزاعلنة علمودج لان ماقبلت على تصرفاتهم

- احس دكات گـــــلبي براسي بــــس فاتحة عيني وهي تحجي...... مستحيل يكون اكو انسان بهل حقارة ..لميت ملازمي وكمت من يمها الهوا احسة قل بريتي ورجلية يرجفن بالخطوة الاخطيها.

ثكل براسي

وكفت يم البوابة ارجف ووين ارووووح

فزيت من دكلي هورن بــــسام مسحت اعيوني وصعدت حرك السيارة واني بــــس ابجي

-بيج شي؟

- رفعت عيني عاكد حاجبة ويباوع من المراية البلنص ..دنكت وهزيت راسي لاا امسح ادموعي ويرجعن ينزلن طلعنا من الازدحام نتبهتلة اتصل ويحجي على كيف

- سيــــدي ....اي بــــس تبجي

امرك سيــــدي

- سد التلفون ورجع حاجاني

- ابو اسمر جاي يتصل عليج جاوبية

-دنكت ادور تلفوني فتحت خط. والسماعة الزفت علكت ماتشتغل الا افتح مكبر الصوت فتحته وبس گـــــال

:- شبيج عـــــمو

-بجيت

:- منو وياج حاجيني

:- عـــــمو اسمر ضحك الكلية عليه

-شنو

-من اول يوم داومت اجة القسمي يكلهم هاي بنت الخدامة مالتنا خلة حتى الدكاترة يجمعولي مساعدات ومخله طالب ماضحكة عليه والصبح اجة اعتذر مني وحلف على اساس متندم انطاني شال گـــــال هدية اعتذار واذا مالبستية يعني انتي ما مسامحتني اخذتة منه وصدكت بيه طلع متراهن وي الطلاب ومخليهم هم مختارين الشال الراح البسة

..احجي واشهك وواا ساكت يسمعني گـــــال

:- ارجعي للبيت ولا تبجين جاي اني

-سديت الخط ومسحت وجهي واللـــه ما اسكت بعد لو اعرف ارجع للظلم العد اخوالي ولا اسكت

صعدت للبيت غسلت وجهي وبدلت لملمت البيت وكلبي يأذيني حازة بخاطري حيل 

نفتح الباب دخل عـــــمو.واسمر وياه وجهة.مايكصة السيف

كمت وكفت على جهة دخل اسمر كعد بصالة خازرني وعمو فات غسل.وجهة.اعيونة حمر واعصاب. رجع لصالة باوعلي

-انطيني مي عـــــمو وتعالي اكعدي

- رجعت للمطبخ جبتلة كلاص نطيتة اله اشرلي على القنفة المقابيل اسمر. كعدت وارجف كلي

التفتلي

- سولفي بابا

-رفعت عيني باوعتلة.وباوعت الاسمر راسا خزرني درت.وجهي منه لو مو.تخزرني

....::-باوع عـــــمو اني وياه لا نفس القسم ولا حتى نفس الكلية هوا اربعة.وعشرين ساعة.بقسمي مجمع شكو شلة.شباب ويضحكهم

عليه يكلهم بنت الخدامة.مالتنا والدكتورة لكيتها مجمعة مساعدات لان عبالهم فعلا اني محتاجة

واليوم الصبح اهنا وكف

رفعت ايدي اشرت على باب الغرفة ابجي

هنا وكف.واعتذر.ويتوسل اسامحة واخذ الشال

منه عبالي صدك تندم اخذت الشال منة طلع متراهن وياهم وهذا الشال همه مختارينة

اسمر ::جذااابة بابا

-والله مو جذابة روح اسئل القسم وشوفهم شيكلولك ...

التفتلة عـــــمو ادريــــــس خازرة مد ايدة اله كاله

-جيب مفتاح المحل وسويج السيارة ....

صاح اسمر بعصبية ماقابل

-شساالفة بابا منو هي وتصدكها

-جييييبهن

-بلعت ريك ارجف وخايفة كمت وكفت اسمر طلع السويج والمفتاح شمرهن على الطاولة وعمو تخبل شلون تشمرهن هيج دنك اسمر شالاهن وخلاهن بأيدة يعتذر كالة

- أريـــــد من الله تتعرضلها بعد اذا ماسجنتك انا مو ابن ابوووي ...كووووم  كوووووم اطلع ببراااا

- طلع اسمر من البيت واني واكفة على جهة خايفة شال المفاتيح والسويج ضماهن وجهة احمر وايدة من العصبية ترجف دخل الغرفتة ورجع طلع مبدل ملابس بيت صاح

-تعالي غـــــدير عـــــمو

-مشيت كدامة لازمة ايد بأيد

-تسوين غده لو اجيبلكم من بره

- اسوي اعرف .....ابتسم

-يله حبيبتي عمو راح انزل يم الحجية واوديلج فطوم

-هزيت راسي موافقة نزل جاي اسوي غدا واجو الجهال ثلاثتهم يحجون ويراووني بدفاتر. الاملاء ماخذين عشرات وفرحانين بدلتلهم ونزلوا يم عـــــمو شوية واجت فــــــاطمة

وجها تعبان وعيونها منفخة سولفتلها على اسمر

كالت

-هم مخابرة خاله نــــهله

-لا واللـــه .......دنكت راسها تلف بطرف ردنها وتفتح بيها

:-شكو فطوم بيج شي .....

رفعت راسها اعيونها يلمعن بدموع

:- بــــس احاجي عـــــلي من تلفونج اخذوا تلفوني وميخلوني الزم اي تليفون بالبيت

-ماعندي رقمة

-اني حافظتة

-كمت جبتلها تليفوني وكعت يمها تبجي وتمرد الگلب حيل تقهر دكت رقمة وتباوع للباب كمت قفلتة اشرتلي تعالي يمي. تقربت كعدت يمها متوترة وياها فعلت الواتساب واتصلت عليه

ماجاوب

دزتله بصمة مختنكة

:- عليي اني فــــــاطمة جاوب

-بمجرد وصلت وفتحها اتصل هوه جاوبتة.تبجي

فتحتلها السماعة علمود تسمعه و

كمت من يمها لزمتني من ايدي وتاشر براسها لا

رجعت كعدت يمها گـــــلبي متكطع عليهم من دكله

:- واللـــه تعــــبت

وهوا يكلها

- بكلبي ريت التعب. كمرتي شتــــردين كليلي

تردين تستسلمين مابيج حيل تقاومين وياي اكثر؟ تعبوج؟ روحـــــي وعيشي حياتج يطبني مرض اني بــــس لا اتعبين

- ما أريـــــد ما أريـــــد استسلم انت لا تمل وتعوفني عفيه لا تمل لا تتعب وتعوفني

:-ما اعوفج وحگ گـــــلبي المتلوع بعشگج

- " اتعب بلياج وبــــس يم طاريج اعيش "

-فاطمة لا تبجين فدوه لعيونج كـــــافي حاجيني ....فــــــاطمة

- هــــا

- منو.وياج

- كلهم عـــــلي كلهم

-بس خلي ارجع واللـــه من كل محافظة اجيب شيخ.وسيد واجي الابوج مرة.ومرتين.وعشرة.والف

غـــــدير :: كمت من يمها ردتها تاخذ راحتها دخلت للمطبخ شفتها كامت هي هم دخلت للاستقبال ....شكد بجت الله يجعلكم.من نصيب بعض.

شوية.ورجعت يمي الضحكة شاكة.حلكها غمزتلها

::- هاااا على اساس استحي وكلمة احبك مادكولينها شو صارت ملاطم

-غطت وجها باديها خجلانة.اوجناتها حمرر تضحك ميتة ضحك

:- ياااا عززا شبيج ....

..توخر اديها تباوعلي وترجع تسد عيونة وتضحك تقربت جريت اديها

:- شبيج.ولج

- هههههه شكرا غـــــدير ما انسة وكفتج

.....

نــــهله. :: بكل مراجعة افقد الامل مابقينا على دكتور واحد عـــــلي بــــس مايعجبة كلامهم يطلع ماجنت افهم شيحجون.وياه ..تعب حيل وياي وادريس كل يـــــوم يتصل ويسئل ويصبر

اخر دكتور رحنالة تعارك وياه عـــــلي وطلعنا وانا مافاهمة شي اعصاب ويرجف بس رجعنا

للفندق حلفتة يحجيلي

- خالة يردونة حقل تجارب يخترعون اجهزة مثل خلايا الدماغ يزرعونها براسة ....مجرد يردون يجربون

- انته هواي تحجي وياهم سولفلي شيكولون

..دنك ساكت ومحتار

:- عـــــلي احجيلي خليني اعرف ليش اتأمل

- كل مايتقدم بالعمر تتلف خلية من المخ الحد مايتوقفن كل الخلايا ماراح يكدر يتحكم حتى بالنفس ماكو خلية تتحكم بطريقة التنفس..... خالة مو جاي افقدج الامل بــــس اريدج تعرفين شنو حالتة

حجزت عد غير دكتور باجر نروح ..

- كمت من يـــــم عـــــلي رجعت يم مصطفى تمددت بصفة.وحضنتة حيل ياروح امك

امشي ايدي. بشعرة والوب شنو الاسوية.وترجعلي اطيك اعيوني وسنيني كلها بــــس كون ارجع اشوفك تمشي واشوف ضحكتك ولك طك گـــــلبي على حجاية منك

مصيفي يـــــمة

- ثاني يـــــوم اخذناة الدكتور جبير بالعمر وعلى اساس يفهم كايل العلي مجرد علاج انطية.ودام مرضة وراثي وضمور بالخلايا ما اله علاج الحد هل وقت ماكو اي علاج ...

رجعنا للفندق كابلتة.وبجيت من كل گـــــلبي

وين اروح بيك بعد وين اخذك يابلد وين علاجك الكاه ياطب اليشفيك....

..كمل الحجز عـــــلي ورجعنا للعراق كل ذرة امل ماعندي فقدت كلشي....لكينا بــــسام منتظرنا بالمطار ..تقرب على عـــــلي حضنة والتفتلي

-الحمدلله على السلامة خالة

- الله يسلمك يـــــمة

عـــــلي ::_جبت بدلتي

-هههههه اي بالسيارة مستعجل

-اشتاقيتلها ....خالة بــــس البس.واجيج اكعدي هنا

- ابتسمتلة ...روح يـــــمة كعدنا بالانتظار وبسام يضحك عليه كتلة

-هيج يحب دوامة؟

- ههههه غير ينوم الرتب بحضنة اول ما اتعينة حتى من ينام ماينزع البدلة.والرتبة مثل التربة كل مايصلي يبوسها

- ضحكت.واجة عـــــلي ابدلتة العسكرية ويرفع بشعرة.والضحكة تارسة.وجهة.وكف كدامي اخذ تحية

- تفضلي سيــــدي بخدمتج احنا والرتب

-وكفت مبتسمة شدعواك.مستعجل هيج...

جر ياخة.البدلة شماها وسوه

-افيششش مشتاگلها خالة البدلة.وفاطمة اعز من روحي

بــــسام ::- لا اختار فطيم لو رتبتك؟

-اول شي كول فــــــاطمة ثاني شي ....انا ورتبتي وانتة.ورتبتك نروح فدوة الگمرتي

نــــهله :: على اعصابي ابتسملهم.وانا كل تفكيري بمصطفى.....رجعت وكل امالي خايبة ...تلكني البنات للباب شكد محتاجة.احجي الجمرة شكد متمنية.اشكيلها

مو جانت دكول لو عدنا فلوس جان مابقى مصطفى مريض ..خلي تجي.تشوف ماكو.فلوس تشفي اخوها

دخل عـــــلي يدفع بعربانة.مصطفى يريد يصعدة فوگ وغدير وفاطمة نزلن على الدرج طلع عباس من باب البيت يصيح

- انته هي.وين.جاي. اطلع بره

-صاحت عليه امه. والحجية.ولا اهتم اجة هاد على عـــــلي. وكفت ابينهم... وهوا يباوعلي خازرني ويصيح.وعلي ولا مهتم يضحك.ويحرك بدمة

عباس:-وخرررري وخررري كتلج

- جنت محترمتة...ومن شفت اسلوبة حجيت بنفس طريقته

- انتة الوخر اجاي البيتي مو البيتك حتى اطردة

فك عينة.خازرني ::- صدكتي روحــــــج بيتج كلج خلك دايحة بالشارع لفاج عمي

- فتحت عيني على وسعهن مصدومة ..جرتة امة من ياختة وضربتة راشدي والحجية مجلبة بعلي اليريد بــــس يلزمة

- جرنه للبيت.وهوا يتهدد على عـــــلي ويتحلف

وام فــــــاطمة مشت بهمه على فاطمه تجر بيدها للبيت

عـــــلي

شال مصطفى صعدة لغرفتة. وجهة احمر ويرجف من الاعصاب اتخبل. من سمع صوت فــــــاطمة.تصرخ. يريد ينزل واني مجلبة بيه

:-هسه اخابر ادريــــــس بــــس لا تنزل انته تكبر السالفة ما الك حققق عـــــلي ما الك حق تدخل ..

- موووتوها عوفيني. هيج هيج من اهلهم

- قفلت البيبان ثنينهن وهوا كل مايسمع صوتها يتخبل ..جريت التليفون ارجف اتصلت على ادريــــــس بــــس كتله ..

:-الحك عباس كتل فــــــاطمة

.سديت التلفون.وعلي يتحركن. :-بــــس عوفيني ...

-انا راح انزل وخــــر .....طلعت وقفلت الباب وراي

نزلت اركض ملتمين عليها كرار اخوها وعباس

امها والحجية بــــس يردن يطلعنها من ايدهم

جريتها ورا ضهري. دفعتها للحمام وقفلتة

:- هم تنحسبون على الزلم انتم. يارخص الشوارب البوجهكم

يصايحون حتى اني يردون يضربوني وفاطمه تبجي وتصيح

:- عــــمة اعيوني ما اشوف عــــمة

وعباس يصيح

-ريتج بالعمه ساقطة. هد يريد يفتح الباب دفعتة من صدرة

:- ابن ابووووك وتعده هل باب

رفع ايدة بوجهي. ::- شنييي انتي متقوية بعمي وتهددين اشايفة روحــــــج منووو انتي

- امه كلساع تضربة راشدي وهوا يدفعها وكرار الخيخه شيحجي عباس يقلده والحجية تتحسب عليهم.

صياح وعياط شوية وسمعت صوت ادريــــــس من باب الصالة يصيح

جر عباس من قميصة ضربة ورجع وكف عباس منزل راسة رجع ضربة وضررب كرار...

جراهم من ياخاتهم مثل الطليان الباب الصالة

دفعهم

احقر كلمة سمعتها من ام فــــــاطمة صح دافعتلها وحاولت تحميها من عباس واخوها بــــس من اجة ادريــــــس ابتعدت على جهة.وكالت

:- حل تستاهل ما اتوب

- درت افتح باب الحمام اول مافتحتة صرخت

اجو يركضون. واكعة.على وجهة والحمام متروس دم

جريتها الحضني اصرخ.وامها ادك.وتلطم

اجة ادريس بــــس يريد يشيلها مايكدرلها

وعباس يكله وخــــر اني اشيلة دفعة.حيل وجراني من ايدي يصيح

:-عليييي وين

- كمت اركض فتحتلة الباب شفت ادريــــــس شالها وطلعها لطارمة نزل عـــــلي يركض ويرجف كله

صعد بالسيارة لكفت عباتي وركضت وراهم گـــــلبي يريد يوكف من الخوف والصريخ بالبيت

عـــــلي يسوق. ويتلفت ليوره يرجف وادريس مخليها بحضنة كلمة ماينطق الحد ماحاجاة ادريــــــس

- عليييي باااوع الطريقك

- وفاطمة تون ومجلبة بايد عمها وهوا يحجي بخوف

-مابيج شي عـــــمو هسه نوصل للمستشفى

- وصلنا للمستشفى ..هي صاحية بــــس تون وترجف. ماقبلت يشيلونها كالتلة اكدر امشي

مجلبة.بعمها يمشيها

وعلي يمشي.ورانا اعيونة حمر

دخل ادريــــــس.وياها للغرفة يخيطون.الجرح البراسها

بقيت برا وعلي كعد على حيلة خلة راسة ابين ادية.مدنك وضهرة.يهتز

-.عـــــلي كوم شبيك خاله يااا عـــــلي لا تبجي

..

شهك حيل ضام وجهة ابين رجلية

طلع ادريــــــس من الغرفة. وكف بالباب وصاح علية بأمر

- اووكف

-كام عـــــلي وكف يمسح بوجهة.ومدنك عيونة

- على أجتافك رتب مايحقلك تنزل ادموعك

- امررك سيــــدي

نــــهله ::باوعت بوجهه....::- شلونها فــــــاطمة

- الحمدلله خلولها مغذي بــــس يخلص نرجع للبيت..

- روح ارتاح عـــــلي

- سيــــدي بــــس اشوفها

- روح ارتاح ....

- سيــــدي

نــــهله.:: ابو اسمر ......التفت يباوعلي ...دنك.فرك.وجهة.بيدة اشرله ادخل للغرفة ...وعلي يمسح.بوجهة.ويعدل بملابسة

-ادخلي يمهم هسه اجي

- هزيت راسي موافقة.هوا طلع.واني فتحت الباب على كيف. وكفت على جهة گـــــلبي.ممرود

يتحركن من بعيد عليها.وهي دموعها تصب

-يهمس بصوت ناصي يمها يلوب ..الحد مارجع ادريــــــس كام عـــــلي وكف گالة

- سيــــدي باجر انا يمكم مروتك

- اجلها عـــــلي مو.وكتها روح هسه للبيت

نــــهله ::- طلع عـــــلي واحنا اخذنا فــــــاطمة ورجعنا. ماقبل يبقيها جوه صعدها ويانا

ونزللهم گلب البيت حتى من اجو عيسى وابراهيم. حجة.عليهم وعلى تربيتهم

رجع يمنا متحرگن الحجية و ام فــــــاطمة  مكابلة.بتها وكاعدة ومن اتذكر كلمتها يقشعر بدني وانقهر من يمي

ادريــــــس ماطلع من مكتبة وانا حيلي مهدود من تعب السفر من المشكلة من البيت سويت عشا وعزلت اكلة بصينة.وحد

صبيتلهم بالصالة..صاحت الحجية

:- ادريــــــس مايتعشة؟

-هذا عشاه حجية راح ادزلة عزلته..

ابـــــتسمت برضا

-اي بعد امج

- كعدوا كلهم ياكلون حتى الجهال عاقلين

اخذت الصينية ورحت دكيت باب المكتب

-تعالي نــــهله

- فتحت الباب على كيف كام وكف. يس لمحني

اخذ الصينية من ايدي. نزلها

ومد ايدة الي بسلام

بقيت اباوع الايدة صافنة

- من سالفة السالفة حتى سلام مالحكت اسلم عليج

- مسحت ايدي من المي بدشداشتي ومديت ايدي بيدةة بــــس لزمها سحبني علية باس خدي مو سلام عادي يتقصد يخلي شفتة على خدي 

:- الحمدلله على سلامتج

- سحبت ايدي ابتعدت ....:- احمم الله يسلمك

-اكعدي تعشي وياي

- لا اخذ راحتك عيب من الحجية .....

ابتسم ورفع ايدة يمسح على شعرة

- عفتة وطلعت كعدت ابين هبه وغفران صايرات حبايب وشحلاتهن ....عيني للسفرة خاف منقصة شي وغدير كل شوية دكوم تجيب شي مكابلة فاطمة وتسويلها لفات

ورا العشا ماقبلت تبقى يمنا نزلت ويا امها

-نضفت ودرست الجهال واني مسطورة وتعبانة بــــس أريـــــد اخلي راسي على مخدة

جاي امسح بارضية المطبخ وغدير تغسل بالكعدة كملت واجتلي

- عــــمة

- هــــا يـــــمة

-من تكملين عادي احجي وياج شوية

- جايتج بــــس اغسل ايدي ......فاتت للغرفة غسلت ورحت اول شي الغرفة غيث وغفران تاكدت نايمين حضرت ملابسهم وكتبهم غطيتهم وطلعت

جاي اطفي الاضوية مال الصالة وسمعت الباب الخارجي مال البيت انفتح وكفت دخل اسمر باوعلي بطرف عينة كلمة مانطق دخل للمطبخ شرب مي گـــــال بدون مايباوعلي

:- حاجي ابوي خلي يرجعلي سويج السيارة ومفتاح المحل

-عكدت حاجبي مافاهمة ...فات من يمي دخل الغرفتة وركع الباب حيل ....

:- صبرني اللهي

- دخلت يم غـــــدير هباوي نايمة ومصطفى نايم بــــس هي تكتب

كعدت يمها

طبكت كتبها تباوعلي بخوف

غـــــدير. :: حجيتلها كل سالفة اسمر. بــــس هوه من يـــــوم ماحاجاة عـــــمو بعد مابين ولا اجة لكليتي

- هاي هي انتي هم تجنبية ولا تاخذين اي شي من اي مخلوق....

كملي دراستج ونامي ...جاي اكوم لزمت ايدي

- بعد شغلةة

-رجعت كعدت يمها وهي مدنكة ...:-شكو غـــــدير

-اكو طالب وياي

-اااي

- باوعي عــــمة واللـــه اني ماانطي مجال الاحد بــــس هوه جاي يلح

- فهميني

- هوه اعترف على اساس معجب فـ اني راسا رفضت وكتلة اني جاي ادرس ما ادور حب

وابتعدت بسرعة

بــــس هوه ما بطل يومية يدز بنية عليه وخفت الهل سبب حجيتلج

- خليت ايدي على حلكي.  بحيرة ....

محتارة شسوي .... ::- خيولي ادرسي معليج

- عــــمة احس نفسيتي تعبانة أريـــــد بــــس ابجي ومختنكة ..عفيه مثل قبل من جنتي تقرين قران اقريلي

- رفعت ايدي امسح بدموعها ...:- اشش شبيج

رددي هاي الاية 40 مرة

بسم الله الرحمن الرحيم

{{وله ماسكن في الليل والنهار وهو السميع العليم}}

ردديها 40 مرة بنية تسكين الالام النفسية والفكرية

- بوستها. وطلعت واني اردد بنفس الاية

لان هم احس نفسيتي مدمرة بكلشي افكر

سبحت وطلعت صليت لمية السجادة لمحة ادريــــــس بالمراية واكف اباب المكتب مكتف ادية ويباوعلي

-تقبل الله

-منا ومنكم صالح الاعمال .....

..بقة ساكت واني الف بعباتي ارجعها المكانها

التفتتله بعده على وكفتة

:- محتاج شي

-سلامتج

-دنكت منحرجة وهو مدري شبية باقي اباب الغرفة ..تحسر رفعت راسي اله گـــــال

-تصبحين على خير

-وانت من اهل الخير .....فات وسد الباب

تمددت بمكاني. وتذكرت اسمر ..احتاريت احاجي ابوه لو ما ادخل ابينهم

كمت دكيت الباب. ماحاجاني

رجعت دكيتة

-تعالي

-فتحت الباب على كيف ضوه الغرفة حيل خفيف والجو معتدل لا بارد ولا حار.كعد على حيلة دخلت.گـــــال

-تعالي كعدي

-لم رجلية وتقربت اني كعدت مقابيلة

-رجع مفاتيح اسمر اله

-هوه حاجاج

-اي

-تعرفين شمسوي؟

-اي اعرف بــــس غـــــدير تكول من حاجاه عـــــمو ادريــــــس بعد ماتعرضلي .....

ابتسم ودنك

- دشوفي اسمي شحلاتة بصوتج شبيج.بعد مجلبتلي ابو اسمر ما ابو اسمر

-بلعت ريك ساكتة.وهوا يضحك مدنك من رفع راسة وباوع بوجهي ضحك.بصوت.ورفع ايدة مثل اليريد يضرب

-شوف سافرت واجت وجها مايكصة السيف

- ضحكت الضحكتة ودنكت ساكتة كام على حيلة طلع المفتاح والسويج نطانياهم

-باجر من يرجعوون الجهال من الدوام بدليلهم يرحون البيت جدهم

- هزيت راسي موافقة

-ها صدك نسيت اكلج ...الحجية بالمستشفى

-نغزني گـــــلبي بسرعة اجت ابالي جمرة

:- شبيها

-تعبانة حيل وازيدج من الشعر بيت ...طلع

عدها اخو متوفي وابن اخوها اجة.يريد يرفع

علينا دعوى على اساس احنا ناخذلها اكل بية دهن.ومرضناها

-ياااا وهسه شلون

-رضرضوا اضلوعة.شوية حتى يعرف ويامن يندك

-تتخبل جــــمرة من تعرف ...كون باجر نروح نشوفها

- تدللين من ارجع من الدوام نروح

- حجاها وطكطك ركبتة بوجع كمت من يمة

- يله تصبح على خير

-تلاكين الخير

- طلعت وروحي تلوب گـــــلبي يمها وتفكيري بجمره شلون اذا عرفت اخر رساله من زوجها قبل يومين.

ثاني يـــــوم حضرت العشا من وكت حتى بــــس يجي نروح نشوفها

واول ما اجة.گال

-توفت

.....

جــــمرة :: كذب اليگول يومين بدون حبـــوب تتعالجين من الادمان يومين مرن انا شفت الموت بعيوني صرت اتخيل الاصوات واتخبل بالبجي والصريخ اصوات البيت القديم. ماتروح من عقلي احسهم وياي بهاي الغرفة هم  بــــس ابجي واصرخ وتصرفات ما احس بيهن يومين بــــس تغفى عيني وافز متخبلة ساعة اكلة

سمعتهم يمي ساعة اكلة أريـــــد حباية

ابجي واتوسل وهوا بــــس يباوعلي. اهد اضربة

مايهتم  يجرني الحضنه الحد ما اتعب وانام .....

كعدت الصبح اسمع صوت الدجاج باب الغرفة مفتوح

طلعت امشي على اطراف اصابعي

من الشباك باوعت شفت عمر وعلول يرتبون صناديگ بالسيارة وجندل يحسب بيهن ويأشر

باوعت الباب الغرفة الثانية ودخلتلها بسرعة

اغراض عــمر وعلول. جريتهن ادور ابيناتهن

وارجف كلي. انفش. بملابسهم واتنفس بقوة

هدأت اجر نفس من شفت جيس اصغير وكع

سحبتة اباوع بية مو نفس الحبوب. ضميتهم بصدري

ورجعت الملابس بــــس مبينات احد مخبصهن

رجعت للغرفة راسا بلعت وحدة. ضميت البقيه وغمضت عيني

دقايق واحس جسمي اشتعل نار يحركني وراسي يريد ينفجر.

انفض جسمي حييل انشال ونركع. صاكة اسناني بقوة الحد ما هدأ جسمي وضحكت بعدها ماحسيت على اي شي من تصرفاتي

فزيت الأبـــــهر  واكف فوگ راسي. غمضت عيني ماكدر حتى افتح دغاني بكتفي

-وين الحبوب

-فتحت اباوعلة ورجعت غمضت سحبني من ايدي بقوة  للحمام شال السطل وورش المي عليه فزززيت وغلطت الم بروحي بردانة

- وين الحبوب

-وخرررر ما ادري ...اخ راسي

..جراني للغرفة يغلط ويسب بيهم

جر جنطة الملابس يطشر بيهن شفتة.شمر شال امي جريتة وشديتة على ايدي

-بعد لا تلزمة توصخة ......وكف سحبني من اكتافي يحجي من بين اسنانة

-وين خليتيهن

-ما اددددري ما ادري

رجع يدور گلب الغرفة كلها واني واكفة ارجف

جراني يريد يغير ملابسي واني ادفع بيه واغلط عليه بــــس اي قوة ماعندي. جبرني

غير ملابسي وكعدني بالغرفة

ماخلة مكان مادورة ...واني بنفسي ماتذكر بــــس احاول اجمع عقلي واتذكر وين عفتهن

ماكو

مل منعندي وطلع رجعت نمت ومن فزيت راسا تذكرت مكانهن. فتحت الشباك ومديت ايدي

برا الغرفة جوه التراب سحبتهن بلعت وحدة.ورجعتهن النفس المكان. فزيت من فتح الباب

سحبني للحمام.واني اضرب بية واصرخ

واتقصد اضربة ابطنة دخل ايدة بحلكي

عضيتها بكل قوتي واستفرغت.

دنك يغسلي وايدة تصب دم

-وخرررر عوفني

-اششش اتحركي ....

-والله الا اشرد منك ...جلب .....ضحك.وكعدني على الفراش يمسح بحلكي رفعت ايدي وضربتة على حلكة ابتعد مد ايدة على شفتة يباوع بيها عباله اكو دم...جر ايدي وعضاها حيل صرخت واجر بيها من حلكة عافاها تفلت عليه ابجي واغلط

-:-حتى بعد ما تمدين ايدج عليه

كل ماتمدين ايدج اعضج

-كافر ابو الحبوب المچلوب

-ههههه انتي هم تبلعين حبـــوب متساوين بهاي

- عافني وطلع تمددت ابجي هيج هيج صارت دمعتي رخيصة ابجي على الحباية هيج صرت مايهمني شي غير ابلعها عادي ابقة عنده عمري كله بــــس لايحرمني من الحبوب ماجنت اصحى واحس نفـــــسي فعلا جــــمرة غير كم دقيقة وارجع متخبلة على الحباية ....

من هدأت كمت ميتة من الجوع جريت باب الغرفة وطلعت هادئة حيل وصاحية.  نفتح الباب ودخل جـــــندل ملثم بــــس اعيونة مبينة  وياه طفل يجي عمر 8 سنوات

عكدت حاجبي اباوع للطفل يمشي وياه بدون مايحجي دخلة الغرفة علول وعمر ورجع علية

-اكلتي؟

-هزيت راسي لا .....

اشرلي بيدة اكعدي تقربت كعدت ..طلع شوية ورجع بيدة صينية اكل عافاها كدامي وعزل بصحن...غطه وجــــهة و اخذهن للطفل اراقب ساكتة

رجع يمي وكلني واكل  ...عيني على باب الغرفة البيها الطفل ...باوع بعيني واني بــــس ارمش

-بيج شي

-هزيت راسي لا ...قرب الكمة الحلكي. اكلتها وبجف ايدي. مسحت حلكي صاح

-لااا ..تعالي كومي

- كمت وياه للحمام غسلت ورجعت كعدت جاب العلاج يمي شربتة ساكتة استغرب مني شداهن وباوعلي بحيرة

-بيج شي جــــمرة؟

- هزيت راسي لا ....رفع ايدة غمضت عيني وداخلي يرجف ...بعد شعري من وجهي.

- ساعديني اعالجج مثل ما مرضتج

-فتحت عيني اباوع بعيونة ذبلن عيونة حيل

ويحجي بهمس

- جــــمرة جــــمرة مرضتج.ومرضتيني

-وجهه حيل قريب وعيني متركزة على الجرح البوجهة رفعت ايدي على مقدمة الجرح خليتها فوك حاجبة ونزلتها على كيف غمض. عيونة بقوة ..

:-شلون انجرحت .َ؟

....مغمض حيل وساكت

فزيت وجلبت بية من حسيت مثل الهوا انفخ بضهري....رغم البيت هذا هادئ بــــس افكاري توهمني باشياء ما موجودة

- وكف وجهة عركان ويتنفس بسرعة يباوعلي واني كاعدة.

-ارتاحي نــــــامي

- بــــس طلع وحسيتة قفل باب البيت كمت للغرفة الثانية فتحت الباب بقوة جان الطفل متمدد ومن دخلت فز اوكف بسرعة. تقربت علية اتلفت هوه خايف مني واني خايفة منة

راسا كتلة

::- نشرد. ....احجي.واتلفت للبيت. هز راسة لا

تقربت علية

:- لا تخاف ادري بيه خاطفك هم خاطفني نشرد اني وياك لان وحدي اتعب ....هزيت راسي واضربة بجف ايدي ..

.:- اتعب اتعب وانسة شنو جاي اسوي

-: لا هوه ساعدني ماخطفني

- لا لا ادري بية خاطفك هوه مجرم.

.لزمت ايدة اجر بيها. ::-تعال نشرد......

دفع ايدي

- شنو انتي مخبلة ماخاطفني هوه جاي يشردنا من قسام

-شنو ...التفتت للباب احجي باستعجال ..ولوليد ضرب كصتة بأيدة ...جان كلش مبهذل.وملابسة مو نضيفة

- باوعي احنا اهواي اطفال عد قسام

وعمو جـــــندل كل اسبوع يشرد واحد منعدنا

- اشش هوه يشتغل عد قسام يجذب عليكم

..

هز ايدة ماقابل

:- مخبلة انتي راح.يوديني للميتم هناك اعيش بنظافة ومحد يضربني. واصدقائي الشردهم قبلي كلهم اهناك

- فاتحة عيني ما مستوعبة ودخل جـــــندل

هم ملثم وحتى صوتة يغيرة. طلع ملابس نظيفة انطاهن للطفل كالة روح اسبح.حتى يوصلك علول

.اخذاهن الطفل وطلع

.تقربت عليه اجر بالثام من وجهة....نزلتة واباوع بوجهة

-تردين تشردين؟

-هزيت راسي لا

-بمكان مجهول احنا اذا شردتي تاكلج الذيابة

- ما اشرد.لا...مد ايدة رفع الثام.ولزم ايدي.فتح باب الغرفة شاف مــــحد موجود طلعني للغرفة الثانية لزمت بايدة

-وين رايح

-بالباب ما اروح المكان واعوفج

-سكتت والولد صاحوا علية عافني وطلع. عقلي صار عبارة عن فراغ ماكدرت افكر بشي تمددت هادئة غفيت وبسرعة فزيت مخروعة

كمت على حيلي من الشباك شفتهم كاعدين كدام الباب جـــــندل وعلول يسولفون بالسلاح وشكال قسام وشحجة ابو الهيل رجعت للغرفة لبست شالي وحذاء

لفيت شال امي على ايدي هواي لفات وطلعت من غرفة عمر وعلول لان ضعيفة كدرت اطلع من الشباك. ..

الزرع عالي حيل هاي الذرة. اطول مني عبرت بنصها بــــس أريـــــد اشرد ركضت ابينهن كلشي ما اشوف كدامي غير لزرع ادفع بيهن واركض مختنكة وكفت هادئةة من سمعت صوتة ارجف

-جمرررررة

- كعدت بمكاني بدون.ما اتحرك لان من اركض الزرع يتحرك. رجع يصيح بكل صوتة

- جمرررررة واللـــه المكان خطر وبية خنازير

- بقيت بمكاني اجر نفس بقوة وتعب وهوا صوتة.يبتعد ويرجع يقترب. كمت امشي بهدوء

احاول ما احرك الكصب حتى مايندل مكاني اختفى صوتة.

مشيت اسرع اوكفت حسيت جاي اسمع صوت شي يركض وصوت الزرع من يتحرك وينضرب بية شي ومن.وكفت هوه هم.وكف

رجعت اركض وي ركضتي هوه هم يركض حيوان او انسان الكصب ينضرب بقوة ومن اوكف هم يوكف.

لحظات تمنيت اصيح هاي اني تعااال

لحظات خفت يطلعلي حيوان

بــــس ماكدرت استسلم رجعت اركض.واتلفت وراي بخوف وارجف مخلية ادية.كدام.وجهي ابعدهن من الجهتين حتى يصيرلي مكان اركض بية والصوت اليركض وراي يقترب اكثرر

وراسا من اوكف يختفي توقعت نفـــــسي جاي اتخيل وكفت وباوعت ليورا  بخوف واركز من ماسمعت شي

التفتت جاي اركض.وشهكت فاكة.عيني على وسعها.....

يتبــــــع⋆𓍯

الكــــاتبة أيـــــــلول⋆𓄼𓂁.

غالياتي. اي تفاصيل وشي يخص القصة انزله الكم بالقناة