تحميل رواية «أجرام مستباح لثلاث ندبات» PDF

مساء الخير ...

#أجرام_مستباح_لثلاث_ندبات

                                     بقلم الكاتبة أيلول

                                                          ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

يالحزنك عُمر نخلة

عِشت فيّ ومتت جمرة

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

غـــــدير ::- كلشي طلع من نفـــــسي هاي هيه التريده يصير

حضني حييل متحسر وعيونة مدمعه ابتعدت لزم وجهي ابين ايديه مختنك يمسح باصابعه على وجهي وعيونة تفتر ابين ملامحي

::- اضمج وسط روحـــــي هيج وصاني علي "

-  باوعت بعينه احتقن بلعومي وهو رفع راسة ليفوك مايريد يتنازل ويبجي سحبت أيــــدة من وجهي لزمتها ابين ايديه

::- بــــسام باوعلي

- نزل عينه الي مدمعات وبلعومه الغصه تصعد وتنزل بيه

::- اني الك مثل روحك اضعف وابجي گدامي لاتضم بگلبك لاتخجل تنزل دموعك يمي "

- اخذ ايديه يبوسهن ودموعه تنزل عليهن ويحجي مختنك

::- أريـــــد اموت غدوره هاد حيلي موت صاحبي

- لميته الحضني اتمدد راسه على رجليه ثنينا ساكتين فترة وكال

::- هسه الخميس لو الاسبوع اليجي

::- بكيفك

::- الخميس لان خاف اطلع بواجب الاسبوع اليجي

هزيت راسي تمام گال يله انا اروح طلع واني رحت العمه لكيتها توكل مصطفى كعدت يمها

::- هــــا شلونه بــــسام

::- الحمدلله عــــمة يگول الخميس اجي اخذج

::- هذا الخميس؟

-  اي

سكتت عــــمة محتارة عيونها مدمعة

::- هم خابرتي جــــمرة

::- لا ماتقبل.

خابرت زوجها دزالي صورها بدون ماتدري شوفيهم

- اخذت تليفونها فتحته ودخلت للفايبر بسرعة فتحت محادثتهم مبتسمه عفت الفيديو ورحت للصورة جانت نايمه والصورة قريبة على وجها

::- فدوه سمنانه

شغلت الفيديو هم قريب على وجها وزوجها يسد بخشنها ويفتحه الحد ماتحركت وهي مغمضة ضربته على أيــــدة وغلطت عليه ضحكت وخلص الفيديو كالت عــــمة

::- تغلط عليه ههههه

::- ماكملت امتحانات؟

::- يگول بعدها

-سكتت ورجعت اباوع بصورتها اختفت ابتسامتي كبرت الصورة شويه من طرف البطانية مبين جنها بطانيتنه

اخذت التليفون وگمت دخلت للغرفة نزلت البطانية فرشتها خليت مخده جواها وصورت طلعت بــــس طرفها

واقارن ابين الصورتين دخت معقولة اجوا للعراق وجمرة ماتريد تجي تشوفنه

كتبت رسالة ودزيتها

::- جــــمرة اني غـــــدير محتاجتج

كعدت انتظر خايفة اذا طلعوا جايين للعراق وجمرة ماتريد تجي يمنا عــــمة تموت من القهر

دقايق ونفتحت الرسالة دزتلي بصمه

::- شكو مصطفى بيه شي

- كتبتلها لا بــــس اني محتاجتج

دزيتها وانتظر جوابها ما اعرف شحجي دزت بصمة

::- لا تحتاجوني التهوا بحياتكم جــــمرة الجنتوا تحتاجونها ماتت

راسا كتبتلها

::- ليش تغيرتي من سافرتي

أريـــــد كلام يستفزها بلكي تگلي اني بالعراق لان الشك ذبحني دزت كتابة

::- شتردين

-كتبت وايدي ترجف ::- ليش تغيرتي عليه حتى من تخابرين عــــمة واكلها أنطــــيني اسلم عليها ماتقبلين وتسدينه بوجهي شسويتلج

دزت صوت

::- كم يـــــوم واجي وعود نحجي

سمعتها وبعد مادزيت شي رجعت اقارن بالصور

محتارة

لا ما معقولة جاية للعراق وماتجي تشوف مصطفى

طردت الافكار من راسي ورحت العمه كتلها حجيت ويا جــــمرة ما انتبهتلي تفكر بغير شي رجعت حاجيتها

::- عــــمة

التفتتلي فازة

::- هــــا يـــــمة

::- شبيج

ابـــــتسمت عيونها مدمعة

::- ليش لا انتِ ولا جــــمرة جهزت عرسجن ولا وحـــدة منجن لبست البدلة البيضة شنو اليفرق عرسج عن عرس جــــمرة

::- قدر قابل شبيدج

هزت راسها موافقة وساكتة يـــــوم الاربعاء بالليل اجه بــــسام اخذ اغراضي ونزلت وياه للكراج خلاهن بالسيارة وحجة

::- جبتي شي الوان؟

::- لا اسود

::- ماتلبسين ابيض خلي احجزلج بدلة خاف يضل بنفسج

::- ابد ما اكدر

هز راسة موافق گـــــال

::- باجر العصر اجيج

حجاها وراح رجعت صعدت فوگ جانوا الجهال يتعاركون غيث يغلط عليهن وهبه وغفران يردن ياكلنه عــــمة بالحمام تسبح مصطفى واني مالي خلكهم

حاجيتهم ولا اهتمولي الحد ما تمالخوا كمتلهم وطلع عـــــمو ادريــــــس من غرفتة

لزم  غفران وغيث لأول مره يمد أيــــدة عليهم بحيث من الصدمة صوتهم ما طلع . يضربهم وهم ساكتين هبه الجانت تباوعلهم وتبجي ما مد أيــــدة عليها

بــــس ردت اطلعهم من أيــــدة

طلعت عــــمة شايلة مصطفى وعركانة تلهث

مشت سريع وتصيح

::- يااا ادريــــــس

.زلكت رجلها اوكعت هي ومصطفى ركضنالها

لامه مصطفى على گلبها وعمو يلزم بيها وهي تصيح

::- ابني ااابني

:- اخذه عـــــمو منها ويحاجيها خايف

::- ما بيه شي والله مابيه شي

غـــــدير ::- خلاه بغرفتة وعمه مغمضة ومتمدده

::- بــــس حاجيني عــــمة شيوجعج

رجع عـــــمو سحبها من ايدها خايف

::- شيوجعج نــــهله حاجيني.

- تقربت الزم ايديها واحجي مختنكة وخايفه

::- هــــا عــــمة احجي

بلعت ريكها كوه تحجي كاتمة بگلبها ونطقت

::- رجلي وظهري شوية

ادريــــــس ::- كومي كومي اخذج للمستشفى

غـــــدير عـــــمو جيبي عبايتها بسرعة

نــــهله ::- مسحت وجهي وبقيت كاعده مدنكة وهو مكابلني ويحجي

::- الف مره كتلج صيحيلي لو الاسمر ماتكدرين وحدج ماتسمعين مني نــــهله ما تسمعين

- بقيت ساكتة وهو اعصاب ويرجف رفعت عيني اباوع للجهال مخروعين وخدودهم حمر اثر اصابع ابوهم  

اجت غـــــدير بأيدها العباية اخذها منها سويت حجابي وجلبت بايده وايد غـــــدير وكفت لبسني العباية ونزلنا لازميني هو وغدير رجلي ما اكدر احطها بالگاع صعدت وعيني للبيت

::- غـــــدير عفيه مصطفى غطي لايتمرض

- طلع السيارة من الكراج ساكت واني نار مشتعله برجلي. وظهري صيح بصوت عالي

::- ليش ماتدخلينه للحمام بالعربانة ادري المن جايبينها عبالج جاهل وتكدرين تشيلينه رجااال ترا

::- لا تصيح

حجيت بهدوء واباوع گبل دار عينه عليه

::- نعم؟

::- اخر مره تصيح عليه

::- هاي وياي نــــهله؟

::- اي وياك

-سكت واني سكتت مختنكة وصلنا للمستشفى وساعدني انزل گـــــالوا صاير تمزق برجلي انطونا علاج ورجعنا ساكتين بــــس مو الطريق البيت بقيت ساكتة الحد ما وكف وافتر فتحلي الباب نزلت لازمة بايده كعدني على مصطبات وكعد يمي المكان هــــــدوء وناس قليلة وين يله گـــــال

::- شبيج ليش ضايجة مني

::- ماضايجة

::- لا سولفي شوكت انا مصيح عليج وتكليلي اخر مره تصيح

::- تقبل اصيح عليك واخليك بموضع المتهم وسبب الاذيه رغم انـــتَ المتأذي

::- علمودج انا مشلوع گلبج كتلج من تردين تشيلين مصطفى كليلي لو كولي الاسمر

::- ما أريـــــد. خلي هيج عزيز من ابقى بكل وقت هــــا تعالو ساعدوني تعالو خلولي مصطفى بالحمام خلوه بالعربانه تملون ويجوز تتمنون بگلبك يموت

::- نــــهله ؟؟؟؟؟ حجي هذااااا نــــهله؟؟؟

- دنكت امسح عيوني وهو نجن ماقابل رجعت باوعتله

::-  هذا الواقع واللـــه صدك مو بيدك من تشوفه هو يتعب وانتَ تعبان من ثگله بكلبك راح تگول لو يموت احسن اله اما اني امه لو يبقى كدام عيني العمر كله هيج ما راح امل

::- ما ادري شبيج اليوم حجيج مدري شلونه

::- مابيه شي بــــس انـــتَ جاي تغثني

- التفت عليه فاتح عينه على كبرها

::- هااااه لج شمسوي بشنو غاثج شو اشوفكم بــــس على الاكل من الدوام للمكتب من المكتب للدوام .شوكت لحگت اغثج

::- ليش تمد ايدك عليهم

::- ما ادري جنت اعصاب وصارت

:- بعد يومين هم تصير اعصاب حتى عليه تمد ايدك ؟؟

هاي وحـــدة الثانية

من اول ماتزوجنا توصي لاتفرقين ولا تفرقين

ورغم بتي جانت تعارك وياهم انـــتَ عزلتها

ثالث شي

صارلك اكثر من شهر ماكعدتلك ويا طفل وسولفت وعلمت مخلي تربيتهم براسي وهسه بــــس ضوجوك شوية اجيت بدون ماتسمع ضربتهم مو جنت ماتمد ايدك على احد ليش تغيرت ؟.

- دنك راسه ساكت

::- ادريــــــس يا تحاسب بتفاهم وتعلم يا لا تمد ايدك عليهم

::- تره جهالي من اضربهم ما اكرهم بــــس مالي خلك وهم يتعاركون

::- مو مشكلتهم واخر مره تفرق بينهم وبين هبه

::- نــــهله صدك تحجييين منتبهه النفسج شوكت فرقت بينهم

- دنكت راسي احاول احجي بهدوء عيوني يحركني يفقد اعصابه يصيح وينتبه يرجع ينصي صوته باوعتله

::-  اي تفرق من تزوجتك لليوم اني بــــس مرتين مديت ايدي عليهم وضربتهم لان غلطوا وما اجو بالسياسة نجبرت استخدم وياهم الضرب وانتَ بعينك شفت ماعاقبت بــــس هبه ماعزلتهم عنها

اما انـــتَ امس لكيتهم يلعبون بالكراج صيحت عليهم وخزرتهم وتبسمت الهبه وحجيت وياها بهدوء

واليوم كتلت غفران وغيث وعفت هبه راح تخليهم يكرهونها يا تعدل بينهم يا لاتدخل

::- حقج اعذريني هل فترة تعبان وحقكم عليه

صح مقصر وغلطان بــــس تحملوني واللـــه مو بيدي

- لميت ايديه الصدري ودرت عيني حجيت مبتسمه

::- نتحملك يـــــوم يومين اذا عدتها انطردك البيت اهلك

::- ههههه 

::- كـــــافي حزن ادريــــــس حقك ماكلنا شي انـــتَ ربيته وتعبت عليه وحاسبة ابنك بــــس ليش ما تستوعب هذا امر مكتوب وهو راحته بالشهادة يم فــــــاطمة

يعني لو باقي عايش وتشوفه متعذب ومتلوع بفراگها

ترتاح انـــتَ؟

::- ولـــــيدي نــــهله اتذكر من لكيته واخذته افتر بالمركز ابلغ اذا واحد ضايعله طفل جان مجلب بيه ويحجي بخوف احجاياته الهسه باذني يبجي ويكولي

::- لا تعوفني عـــــمو يكتلوني الاطفال الموجودين بالشارع

ولج روحـــــي تعلكت بروحه كل يـــــوم اروح اشوفة حتى من يطلبون ولي امره انا الاروح دكتور ملابس حلاق كلشي كلشي انا الاخذه شلون انساه

::- الله يرحمهم هو وگمرته ويجعل قبرهم روضة من رياض الجنه

::- امين...رجلج بعدها توجعج

::- لا عادي

-رفع عينه يباوعلي بحيره ابتسمتله ما أريـــــد اضغط عليه اكثر تحسر وكال

::- ايام وانا احاول اخليج تنسين شكو وجع عشتيه واليوم انا السبب بوجعج

- باوعتله ساكته رفع أيــــدة خلاها على خدي

::- حيل احبج انا

- دك گـــــلبي حيل دنكت راسي متوتره وهو سحب أيــــدة زفر النفس وگال

::- هــــا نروح

::- اي

رجعنا ومر على محل اشترالهم حلويات اول ماوصلنا صالحهم من ضربهم مابجوا ومن صالحهم بجوا بقى يشاقيهم ويسولف وياهم عفتهم وفتت يم مصطفى اجت وراي غـــــدير

::- عــــمة اكول البسام يأجل السالفة خو ما اعوفج وانتِ رجلج هيج

::- لا يـــــمة مابيها شي بــــس غـــــدير مايصير ترحين باسود باجر اروح اشتريلج شي ابيض

:- ما أريـــــد عــــمة واللـــه مالي واهس بشي ما أريـــــد ازوج بهل وقت بــــس وصية عـــــلي جابرتني

:- هزيت راسي اي ساكته وبكلبي اكول مالي شغل بيها اخابر سمر تجيبلها شي

لمن ناموا الجهال بقيت بالصالة منتظرة اسمر يجي اتأخر هواي دك تليفوني بايدي بسرعة رديت

::- وينك اسمر اتأخرت

::- هــــا خاله اجيت بالكراج بابا وين ؟

::- اصعد ابوك بغرفتة

- سديت التليفون وكمت اعرج فتحتله الباب وأشرله بايدي تعال اجه يركض اول ما دخل لصاله جاي اسد الباب واحجي عليه

::- كالك حدك ل12 ليش تتأخر ماتكلي ليش

قفلت الباب والتفتت عليه

ادريــــــس واكف اباب الغرفة مكتف ايديه واسمر مدنك ساكت راسا كتله

::- احتاجيت اغراض من سمر ودزيته يجيبهن

::- وينهن الاغراض

اسمر ::- نسيتهن بالسيارة

نــــهله ::- حجاها اسمر وفر عينه يباوعلي عبالك متهمين گدامه خازرنا ثنينا أشر على قنفة وحجة بأمر

::- اكعدوا

فكيت عيني كلها واسمر يسحب بايدي كعدنا

مد أيــــدة للمطبخ سحب الماسحة واجه كعد على الطبلة كدامنا خزرته گـــــال

::- كل يـــــوم تتأخر استاذ اسمر وانتِ تضمضميله مو؟

اسمر ::- بابا ترا كاعد بالكوفي

::- وكل الوقت مايكفي الا تبقى الوره 12 شدراني وين تصيع وين تولي ويا منو يجي يـــــوم الكاهم نفسهم اصدقائك كاتلينك وشامرينك باقرب زباله

نــــهله ::- حقك لا هو يوميه يجي بالوحدة حقك تحجي

اسمر ::- هــــا خاله هيج كالوها اطي صبر بعتيني من اولها ويل حالك يالتيم مرة الابو ماترحمك

ادريــــــس ::- تضحكون عليه انتم؟

نــــهله ::- لا حشاك جاي اناقشك من حق المتهم يدافع عن نفسه بما انو انـــتَ حاب اطبق شغلك بالمركز علينا بالبيت نجاوبك بنفس الطريقة

::- هيج صارت خوش ليش من اكلج اسمر رجع تكليلي اي بغرفتة وهو صايع بالشوارع

::- للوحدة ويجي يخلص يومه بالمحل وبالليل يطلع ويا اصدقائة يغير جو سجن خو ما سجن

::- ومايكتفي من 8 لل12 الا للوحدة

نــــهله ::- جنا نحجي ثنينا منفعلين واحد خازر الثاني وانتبهت الاسمر انسحب شوية شوية عفت الصياح وكتلة

::- شرد

راسا رفع الماسحة ضربة واسمر طفر شارد ويضحك وادريس يصيح عليه

::- واللـــه اقفل الباب ب12 اخليك بالشارع

::- اقفله بابا عندي مرة أب حبابه تدخلني حتى لو من الشباك

نــــهله ::- دار عينه يباوعلي ابـــــتسمت وهو يصيح

::- خربتي تربيتة ارتاحيتي

::- معليه واللـــه اكله ارجع ب12 واتصل عليه ب11:30 يكلي عشر دقايق واوصل العشر دقايق يصيرن ساعه ونص مدري شلون

::- يله عمي يله گومي

- ابـــــتسمت ومد أيــــدة الي جلبت بيها ودخلت وياه للغرفة جاب العصارة وكعد يدهن رجلي

::- الله يخليك الشبابك يـــــوم

- رفع راسه الي فاتح عينه

::- انتِ اليوم ناصبة عليه؟

::- لا

:-مد نفسه بصفي يحجي عليه ضحكت وتقربت

خليت راسي على صدرة لماني بحضنة باس شعري

::- مشتاق الحضنج شكد احس بحنيه ودفو يمج

::- اني هم

سكتنا ثنينا أيــــدة بشعري مغمضة عيني هادئة وين يله حجه

::- نــــهله انتِ اجيتي الحضني

- عبرت ايدي حضنته وحجيت ::- اي بــــس ماقصدي شي

::-هممم نــــــامي الله يساعدني الزم الساني وما اغردلج

- ابـــــتسمت واني مغمضة رفعت ايدي خليته على حلكه اسكته باس اصابعي ويحجي

::- عوفي ايدج هيج لاتشيلينها

.

غـــــدير ::- ماكدرت اغمض عيني وانام طول الليــــل كاعده فتحت فيس اباوع شفته هو هم نشط دخلت على ستورياته ناشر صورته هو وعلي وكاتب

" ياصاحب روحـــــي "

وراها فيديو العلي على قراية يـــــمة اذكريني

طلعت منهن فتت للاستوديو اباوع بصورهم وابتسم

ماحزنانة مرتاحة انتم سوه هسه اتمنى تجولي بالحلم بــــس اكحل عيني بشوفتكم

فززني صوت رسالة من بــــسام فتحتها بسرعة

::- هــــا غدوره كاعده؟؟

:- اي ماجايلي نوم

::- ضايجة من شي؟

::- لا....انـــتَ ليش كاعد؟

::- جنت بالنجف هستوني رجعت

- قريتها وسكتت دقايق ورجع دز

::- نــــــامي ارتاحي العصر اجي اخذج

- سديت التليفون ولفيت راسي احاول انام بــــس الافكار تاكل عقلي فزيت الصبح على صوت سمر تهمس باذني

::- اكعدي ام راس

- فتحت نص عين اباوعلها شمرت عليه ملابس

كعدت احك بشعري وعمه تحجي وياها. كتلها

::- هــــا شلونج

::- زينه كومي عروس جيس طرشي انتِ اكو وحـــدة اليوم زوجها ياخذها نايمه للظهر

::- اهووو

حجيتها ورجعت راسي للمخده أريـــــد انام جرتني اني والبطانية كومتني بالگاع وتدوس عليه برجليها تصيح

::- حتى يصير عندج نشاط

::-خررب وخري دستي بامعائي

::- تكومين لو لا راسج صاير صفح من النوم

- دفعتها مني وكعدت امسح بايدي العظم انسحك جنها تريله

::- شبيج من الصباحيات .

جرتني من ايدي للحمام دفعتني ودخلت وياي قفلت الباب ونزعت دشداشتها رفعت ايديها مثل التريد تهجم

خليت ايديه على صدري ورجعت ليوره

::- يماااا

::- انزعي

::- انجبي

::- اشعل وانعل اليوم

::-سمر شبيج

::- أريـــــد انضف جسمج وحمس

::-امشيي ولي اطلعي انظف من وجهج

:- خلي اشوف بلَا

::- هههههههه اطلعي لا اصيح

لبست دشداشتها مبتسمه طلعت وشمرت مقشرات وصوتها رج البيت من تجي سمر بيتنا يتغير تشاقي الكل تضحك تسولف تسوي شغلات جديده

كملت وطلعت يمها جانت كاعده تسولف ويا عــــمة بــــس لمحتني رفعتلي فستان بايدها

راسا اشرتلها لا

::- ما انزع الاسود

::- لا تنزعينه بــــس اليوم البسي ابيض مايصير رايحه بالاسود

- عفتها ودخلت للغرفة أريـــــد امشط شعري لحكتني تحجي واني مغلسه الحد ما اجت عــــمة صفن ثنينهن يحجن بقيت ساكتة الوره الغدا اتصل بــــسام گـــــال ساعة واجي اخذج نروح للنجف نزورهم ونطلع للأمام عـــــلي وراها نرجع مسوي عشا بــــس الاهله وقرايبة

.اقتنعت بسرعه بدلت لبست الجايبتة سمر وفوكهن عباية وعمه ماقابله على روحتنا للمقبرة بــــس اني جنت مكيفة أريـــــد اروحلها

نزلت البسام سلمت وصعدت يـــــمة وجــــهة تعبان ومتغير حيل قربنا نوصل يله مد ايده ولزم ايدي وصلنا للمقبرة اشتره مي ورد ونزلنا من السياره نمشي مسافة امشي واوعد بنفسي ما ابجي ما ابجي هم سوه ليش حتى ابجي ما انزل دموعي حتى ما اقهرهم بــــس كل هل حجي راح بمجرد شفت اسمائهم على قبر رجفت كلي كعدت ابينهم اصرخ وابجي من كل گـــــلبي

::- ووووين وعدكم وين اتفاقنا فــــــاطمة ولج ليش عفتيني ليش كسرتي گـــــلبي

- كعد بــــسام وراي جر راسي الصدرة يبجي وحاله اتعس من حالي الحد ماتعبنا من البجي شغلنا قرأن وبقينا كاعدين يمهم وبسام يحجي ويا عـــــلي كأنوا كاعد مقابيله الجكارة ترجف بايده ويسولفله على الواجبات وعلى الولد الوياهم شوية وسكت عينه القبر عـــــلي گاله بوننة وحسره ويهز راسة بقهر

::- يا صاحب روحـــــي يا المايشبهك صاحب

"اشگ گاع النجف ريتني اكدر واكعد يمك دقيقة مو اكثر

اعاتبك واغثك واشاقيك انا روحـــــي مفرفحة يا عـــــلي عليك "

- دنكت راسي على رجليه ابجي وهو من كل گلبه يصيح بحرگة

::- مهدود حيلي عـــــلي كسرت بصاااحبك ولك موتتني كرهت الدنيا من بعدك

-كام من مكانه اجه يمي من سمع صوت رجال حجه ويانه وكعد يم الگبر يقرأ قرآن كومني بــــسام وكفني على جهه وطلع فلوس من محفظتة انطه للرجال وكف ترحملهم ومشه

رجع اشتره مي ورد رش على القبور البصفهم

سلمنا وطلعنا من يمهم گـــــلبي مشتعل  نار

طلعنا من المقبره ساكتين الحد ماوصلنا للأمام عـــــلي

بــــس زرت وصليت گـــــال يله رجعنا ويا الصلاة البيتهم دك.گـــــلبي حيل خايفة ومرتبكه

افتر نزل جلبت بايده

::- منو هنا؟

:- اعمامي وامي

::- وابوك

::- زعلان مني مايجي هسه بالليل من يجي سلمي عليه بالمكتب مالته هسه

- سكتت وفتت وياه تلكتني البنيه بت عمته بوستني وترحب بيه بــــس هي الوحيده التلكتني البقيه من بعيد سلمن ويباوعلي باشمئزاز جان لازم ايدي ويعرفني على اعمامه

يحجي وياهم من وره خشمه لا هو عاجبه ولا هم عاجبهم طلع من الاستقبال

دخل للغرفة البيها امه ....عمته جانت كاعده يمها بــــس شافتني وكفت وابتسمت اجت باوستني وامه جبيرة متمدده على جرباية وتباوعلي التفتت البسام أشرلي بعيونه روحـــــي

تقربت يمها ودنكت بستها ماعرفت شحجي بــــس بوستها اوكفت كوه رفعت ايدها لزمت ايدي وعمته كالت

::- اكعدي اكعدي يمها

- مرتبكه وخجلانة كعدت بصفها على طرف الجرباية تريد تحجي وماتكدر كوه تنطق الحرف وتسحب نفس تنطق الحرف الوراه مافهمت شي من كلامها وما أريـــــد ابقى ساكته وتضوج باوعت البسام الباقي واكف بالباب مسح وجــــهة وكال

::- تگول نورتي بيتج

- منور بوجودج حجيه ....مسحت ايدها حركت شفايفها واني مركزه وياها أريـــــد افهم شتگول بتعب وكوه تنفهم كالت

::- حبيبتي

- ابتسمتلها ::- الله يخليج

- بقيت كاعده يمها وبسام يم اعمامه اجت بت عمته رقية جرتني باستني مرة الثانية وتحجي

::- شلونج شخبارج

::- الحمدلله حبيبتي

دنكت ما اعرف اختلط ويا الناس بسرعة ابقى متشنجة وما اعرف احجي صاحو عليها وطلعت بقت بــــس عمته وياي سألتني على اهلي على امي اكتفيت بجمله وحـــدة  حاسبة عمتي امي وهي من شافتني ما اناقش هم سكتت وين يله كالت

::- اعتبري الحجية امج وديربالج عليها مو تاخذين بــــسام منها ترا هوا هل واحد سنين تلوعت وسافرت وكوه يله صار

::- بعيوني

- سكتنا اجت رقية جايبه العشا وكعدت يمي هي وامها بــــس هنه جانن شوية لطيفات وينحجي وياهن كالن يله اكلي باوعت الام بــــسام

::- لعد ولحجية ......

سوتلي بايدها حركه عود لا ما أريـــــد وتهزلي راسها مبتسمه مثل الاكلي معليج كالت رقية

::- هستوها تغدت ماتاكل هيج وقت

- تمام ...اكلت شوية على اعصابي احس ما اعرف اكل من الاحراج وكمت ويا رقية غسلت بناتهم جانن بالمطبخ يسولفن ويضحكن وصوت الولد بالاستقبال دغتني رقية بايدي كالت

::- تعالي يمهن شوية بــــس لا تحجين ولا تسولفين شي ترا بــــس اليوم ماتشوفينهن بعد

:- لا ما أريـــــد رجعيني يم الحجيه

رجعت يمها بالغرفة وهن شوية شوية يجن يسولفن ابينهن ما مهتمات اجت رقية كعدت الحجية خلت وراه ظهرها مخدات ونطتها مي

جنت بــــس اباوع كلمن يحجي بصفحة الحد ما فتح الباب وفات بــــسام گـــــال

::- تعالي غـــــدير عمي يريد يسلم عليج يردون يرحون

::- كمت من بينهم مديت ايدي اله لزمها ومشة وهن كامن ورانا يلبسن جانو اعمامه واكفين اولد اعمامه شباب يتشاقون ويضحكون عمه الجبير

مدلي أيــــدة يريد يباوسني بــــسام لزمها كاله

::- تستحرم عمي

:- رفعت ايدي خليتها على گـــــلبي مثل رد السلام كاله

::- جا ما ننطيها فلوس لازمينهن هم تستحرم

::- ما عازمكم علمود تنطوها فلوس احسبوهن واصلات

::- هاي هيه سمعتي فلوسج عد رجلج اخذيهن منه

::- ابتسمتلهم مجامله وهم يتشاقون وياه بــــس يبسمرون بحجة الشقة صاحو على النسوان وطلعوا بقت بــــس رقية وجهالها منتظرة زوجها

من رجع دخل بــــسام وكفتله سلمت عليه باوسته لان مساع ماكدرت وضربتة على كتفة تحجي وياه لان حزين ماقابله وتنصح وكل شوية تمد ايدها لو ترفع شعره لو تمسح خده لو تلزمة من حنجة رفع عينه باوعلي خزرتة

وخــــر ايدها من وجــــهة وتحمحم

دارت عينها باوعتلي وضحكت كالت

::- بــــس لا تغارين ترا أخـــوي

::- لا حبيبتي على شنو اغار اخذوا راحتكم

ابتعدت من يم بــــسام تضحك كالته

::- تغار هاي الله يساعدك بــــس ولج خال جهالي واللـــه

- ابتسمتلها ::- اعرف حبيبتي ماكايله شي

:- سكتنا واجه زوجها سلمت وراحت

دخلنا يم امه حجه وياها واني بكل عقلي اركز أريـــــد افهم شتحجي وياه كالتله بتعب

صعدوا الغرفتكم

باوعت البسام مرتبكة وخايفه بوس امه ولزم ايدي طلع من الغرفة امشي وراه ايدي ترجف

دخل للغرفة ملابسي مرتبتهم رقية  گـــــال

::- اخذي راحتج بدلي ارتاحي راح انزل اعشي امي واجي

::- تمام ....

بــــس نزل اخذت الروب الابيض طلعت من الغرفة الحمام بصفها لبست ورجعت جسمي كله يرجف مشطت شعري وخليت عطر وادعي

اخلص وتسهل عليه

فتحت كنتوره ملابسه معلكات دشاديش سود ثنين

اتراكات بيت مسفطات هم سود

وقمصان وبناطير وبدلته العسكرية معلكة ونضيفة كل ملابسه مغيرهن للاسود رغم شايفتة قبل بالالوان خاصة القميص الابيض وبنطلون بيجي جان دائما يلبسه هواي اشوفة من ينشر ستوريات الوان ملابسه فاتح بــــس هسه نگلبت وخيم السواد على حياته

دك تليفوني صوت رسالة من عــــمة نــــهله دازتلي ايه قرآنية قريتها مبتسمه وراها دازه

الله يسعدج غـــــدير ماما

رغم هي شكد ساحكة بالرسالة بــــس اني قريتها مبتسمه كانوا دتحجيها الي بصوتها

شوية ورجع دك الباب ودخل ابتسملي

::- هــــا مليتي؟

::- هـه لا عادي جنت احجي ويا عــــمة

راح للكنتور طلع ملابس ويحجي

::- بــــس خلي اسبح اذا اجي يمج بريحتي تكرهيني

:- ابتسمتله وطلع .

ميت مرة قريت الايه الدزتها عــــمة بــــس ردت گـــــلبي يطمئن وما اخاف

رجع دخل لابس قميص وبجامه اسود ابتعدت من يم الميز كعدت على جرباية وهو وكف ينشف شعره ويمشط رش عطر وكل شوية يباوعلي بالمراية ويتبسم بمجاملة بــــس حتى يطمني

فلت الشاحنة مال التليفون ويحجي

::- يمكن الشاحنة عطلانة صار شكد مخليه على الشحن

-التفتت يمي شاحنتي مخليتها على النقطة اليم راسي

::- خليه على شاحنة تليفوني

.اجه يمي خله تليفونه واني اباوع وياه شحن لو لا

خلاه على الميز وراح طفه الاضوية القوية وشغل اضوية النوم دنكت عيني مرتبكة رجع كعد يمي سحب ايديه من حضني اله

::- خايفه؟

- هزيت راسي لا

::- ليش ترجفين؟

- رفعت عيني باوعتله خله أيــــدة على خدي وتقرب بهدوء يبوسني لمساته هادئة

يحاول يسحب خوفي وخجلي منه مجان قصدي انو أريـــــد افتح قميصة بــــس دالزمه سحب ايدي يبوسني ويحجي بتعب ويجر نفس

::- عوفيه

استسلمت المساته كدر بهدوئة ياخذ خوفي اندمجت وياه وفكيت عيني جامده من خله حلكة باذني باسني وهمس يجر النفس كوه بدون مايحس نطق

::- بتول  ( طليقته)

نطقه وكرره مندمج ماحاس بنفسه

- احس حتى النفس ضاك بصدري وهو ماحاس على روحه يلزم بوجهي يريد يرجعني اله الا اني احس تصلب كل جسمي روحـــــي احسها احتركت ابتعد وره فتره وهو يطبع بوساته على راسي

.عيوني جمدت بيهن الدمعه لميت الغطا عليه

كعد كدامي حضن وجهي ابين ايديه مرتبك

::- بيج شي ؟

- هزيت راسي لا

::- ضجتي ؟

:- نزلن دموعي مدنكة سحب راسي الصدرة

::- شبيج غدوره موجوعه؟ حاجيني شبيج

::- أريـــــد اسبح وخــــر

ابتعدت مدنكه عيني ما أريـــــد اباوعله طلع من الغرفة لبست بسرعة اخذت ملابسي وطلعت للحمام كعدت گـــــلبي ممرود

ابجي واحس گـــــلبي مايبرد اعض باصبعي متندمة ويا احساس الندم اليخنگ

سبحت وطلعت لكيته مغير الفراش وطالع من الغرفة ما موجود نشفت شعري مشطت والنار تاكل بگلبي

مسحت عيوني وفتحت باب الغرفة ادوره البيت هادئ مابيه اي صوت نزلت بهدوء على بايات الدرج حافيه باب غرفة امه بصف الدرج كعدت على اخر بايه اسمع وكلبي يدك حيل

من ابوه كاله

::- ما اخذت حجايتي وسويت البراسك تزوجت؟

::- الخاطر امي محتاجتها مو علمودي انا من بعد عـــــلي مابقى بنفسي شي لا زواج ولا حتى غـــــدير

::- واضح واضح كتلك اجيب احسن ممرضة الها بــــس البراسك تسوي

::- البنيه فقيرة ويتيمه وفوگ هذا كله وصية عـــــلي وادري بيها راح تداري امي بنفس راضية ما تأذيها مثل الممرضات التجيبهن

::- وتريد تقنعني الخاطر امك

::- وروح المحد اعز منه لا الي نفس بعرس ولا بزوجة وحتى الوظيفة طالعة من نفـــــسي رخصانة بعيني الدنيا ومجبور. اسايرها وزواجي كله الخاطر امي والوصية

غـــــدير ::- كاعده على البايات ساده حلكي بأيدي ودموعي على خدي. نفتح باب الغرفة وطلع بــــسام بــــس لمحني جمد بمكانة بلع ريك مرتبك

باوعتله ورفعت ايدي مسحت دموعي وصعدت بهدوء

اكلت ايدي كد ما متندمة احس أريـــــد املخ روحـــــي شجابني وشورطني شلووون قبلت شلووون ....

جــــمرة ::-   رافعه الصاية واركض شاكة حلكي من الضحك فتحلي الباب صعدت بسرعة شخط السيارة واني ميته ضحك وهو خايف ويباوع ليوره

::- هــــا جــــمرة احجي

::- ولك هاي مو حلوه

::- لج راح تجليطيني جمررررة

::- شبيك مو هيه ايديها اصفه من وجهك

::- كلش مابيهن ولا شوية اثر؟

::- كلش حتى زلغ مابيهن

- سكت ضايج صار ظلام اني هم سكتت مشه مسافة وكمزت اضحك بصوت عالي صاح

::- خرب شبيج الخاطر الأمه العربية شبيج

::- ليش تصيح عليه هاي فوك ماساعدتك وماغدرتك وماشردت. امداني لو كايلتلهن مخطوفة ومخابره الشرطة عليك فوكاها يصيح عليه اصيح هسه واللـــه اصيح

درت وجهي للجامه وصرخت بصوت عالي

جر راسي يسد بحلكي وبالايد الثانية لازم الستيرن عضيت أيــــدة وفلتت نفـــــسي رفعت ايدي بوجهه احذرة

::- جرب تصيح وشوف شسوي

::- مچلوبة صوج اليطلعج

- درت وجهي ساكتة وكف على جسر نزل الجامه شوية وقفل السيارة عليه نزل وخرت المظلة اباوعله كعد على حيله وطلع تليفونه

شغل نفس الاغنية

في وجع وسع المدى

ويباوع بالندبات البأيده اباوعله مقهورة بقى هواي كاعد وحـــدة اكثر من ساعة مرت ورجع للسيارة ساكت

رفع الجامات ورجع المظلة اليمي  وحرَك مسافة مشه ودك تليفونة

جاوب وشخط السيارة وكفها دك گـــــلبي بخوف

::- شبيها؟

- يا مستشفى؟

- روح وطمني انتظر جواب منك

- سد التليفون ودار عينه عليه مرتبك

::- شكو؟

- هز راسه ماكو شي

::- منو الشبيها؟

:;- ماكو شي جــــمرة

- سكتت وكف بمكان حديقة عامه واشجار مجان موجود بيها احد

مديت ايدي لزمت وجــــهة درته عليه

::- أبــــــهر باوعلي شكو دره بيها شي كالولك شي يخصها؟

- هز راسه لا ورجع دك تليفونه مسح وجــــهة وجاوب

::- هــــا .....وين هسه دزلي الموقع بالضبط تمام

- سد التليفون يباوعلي بتردد رفع أيــــدة يلزم وجهي ويحجي بخفوت خايف

::- جــــمرة امج جانت بالمستشفى

:- فكيت عيني جامده بــــس گـــــلبي تسارعت دكاته بلعت ريك كوه اتنفس ::- لا تجذب تريد تحرك گـــــلبي

::- مابيها شي واكعه ورجلها صاير بيها تمزق

::- اش لا تجذب تريدني حتى اتصل عليها واحاجيها ادري بيك

مسحت وجهي دايره عيني منه واحجي

::-جذاب اعرفك تجذب

وصلته رسالة فتحها وحجة

::- جــــمرة اخذج تشوفينها من بعيد هي كاعده هسه بمكان قريب واذا حاولتي تصرخين اخدرج

::- التفتتله بلعت ريك ورفعت ايديه امسح عيوني امنع دموعي تنزل

::- ما اصرخ واللـــه ما اصرخ

بــــس اشوفها ما احجي بــــس اشوفها واللـــه ما احجي شي عفيه

هز راسه اي كعدت امسح بعيوني مرتبكة وكلبي يدك حيل فر السيارة ورجع بنفس الطريق وكف بعيد واني اتلفت وادور وينها

::- جــــمرة جمرررة بــــس باوعيلي

::- وينها

::- باوعي الايدي

- دنكت عيني الايده محضر منديل وشيشة المخدر هزيت راسي

::- ما اصرخ بــــس اشوفها

- سحب سجينة صغيرة ومد نفسه للجامه اليمي شگ المظلة شك صغير ودار وجهي عليها عيوني ماجانت مركزه اباوع بكل مكان أريـــــد اشوفها

::- وينها وينهاا

:- هذيج الكاعده ويمها رجال زوجها

- استقر نظري عليها عيوني حركني واني ما أريـــــد حتى ارمش فاتحه عيني كلها واباوعلها من بعيد. ظلمة وملامحها مو كلش واضحه بــــس امي هي امي نــــهله روحـــــي

اشوف الرجال يلزم وجها وروحي تنشعل وتنطفي

ماكدرت فقدت وصرخت نكتمت صرختي بالمنديل سحبني على صدرة خانكني واني اقاوم وما اتنفس الحد ماتعبت وغصب عني سحبت نفس وغمضت عيني

وفزيت على وجع راسي اليذبح كعدت على حيلي

خليت راسي ابين ايديه اعصره واسب واغلط روحـــــي مفرفحة من الوجع

دخل بيده صينية اكل

كمت بسرعة دفعتها من أيــــدة تطشرت وهديت عليه اضرب واصيح واغلط

غمض عينه ساكت واني متخبله ملخته مايبرد گـــــلبي لزمني من زندي حيل وصيح بصوت يفوق صوتي بقاطات

::- كااااافي

- سكتت خازرتة وبس النشغة خانكتني جريت ايدي منه ورجعت لفراشي محروكة حرك

::- اكبر حقير واللـــه ماتستاهل واحد يوكف وياك ماتستاهل واحد ينقهر عليك جـــــندل واللـــه والقران من كل كلبي اتمنالك الموت واخلص منك لو ااااني موجودة امي ماتتزوج

ضربت ايديه بالگاع ثنينهن اصرخ وابجي

::- هذااا الضابط ابن الكلب هو من قبل راد يستغلهاا كله منك كله منك سكتت ورفعت راسي اله

::- الهالسبب ماتعوفني تخاف احجي الامي وهو يسجنك

::- اي

::- لعد اسمع وحك حركت گـــــلبي على شوفتها.

اذا ماسجنتك شكد تريد ابقى يمك سنة سنتين ثلاثة يجي يـــــوم واخلص منك والقران اسجنك لو اخر يـــــوم بعمري

::- اذا عفتج الج الحق تسجنيني

::- مراقب اهلي انـــتَ؟

::- ما مراقب بــــس حاسب الكلشي

- حجاها واجه كعد كدامي ابـــــتسمت مستهزئة

مسحت عيوني ورفعت ايدي فتحت اول دگمة من قميصة ودخلت ايدي الصدرة خليتها على گلبة غمض عينه وجر نفس بقوة

::- مرات اگول گلبه ابيض بعده محبوس بروح هذاك الطفل الاخذوا اخوانه منه ونجبر يمشي للظلام علمودهم ورغم كل العاشة گلبه بقى ابيض بــــس هسه تأكدت انـــتَ شكلك وروحك وگلبك اسود منهن ماكو انتميت العالم قذر وصرت منه وبيه مابقى بيك شي نظيف لا گلبك ولا ضميرك وما مجبور انـــتَ حاب الاجرام وعاجبك تعيشه وتقنع نفسك بحجة مجبور وحتى لو لكيت اخوانك راح يخجلون يگولون عنك اخوهم ويتمنون لو ما لاگيهم وماعارفهم.

-حجيت كلشي واني اشهك دفع ايدي وطلع من الغرفة قفلها وراه مسحت عيوني احس نار تاكل بروحي كل ما اتذكر مد أيــــدة على خدها اموت كل ما افكر ساومها على فلوس لو استغلها گـــــلبي ينطحن

شوية ورجع الأبـــــهر شمر عليه الصاية والشال غاسلهن وريحتهن حلوه گـــــال

::- لا تطلعين وصوتج ما اسمعه

::- اكل ...ابن ال.......

- دار عينه خازرني

واجه عليه سحب ايدي طلعني من الغرفة مقابيلي صاله صغيرة الباب مقفول جر البرده وسحب راسي للشباك يراويني

جانو ولد هواي وياهم عمر صناديگ اسلحة گدامهم وهم يضحكون ويتشاقون رجعت ليوره خايفه بلعت ريك

::- شنو؟

::- كل هل شغل لازم اكمله اليوم شوية اسمعي كلمتي مررره وحـــدة ولا تشلعين گـــــلبي

::- منو هذول

::- ولد وياي يشتغلون معليج هسه ترحين تسبحين وتاكلين وتكعدين بالغرفة عاقلة ماشي؟

:- هزيت راسي اي ومشيت اتلفت طلع من الصالة ورجعت ركض للشباك وخرت البرده باوعتلهم گام واحد منهم ضخم حيل وكف گدام الأبـــــهر مبتسم والابهر ضربة ابطنة ضحك وحضنه

رجعت للغرفة سبحت واكلت وبقيت وحدي طول حيل يله رجع يمي

گـــــال

::- راحوا اخذي راحتج صرخي

- حجاها ومد نفسه بفراشة بصفي مديت رجلي دفرتة بخاصرته

::- وصخ

::- ترا اجيج سنايبر اليوم دستي زايد وساكتلج

::- يمه يمه خوفتني بقيت ارجف تعال وشوف

- فتح عينه رفع حاجبه يباوعلي ورجع غمض دفرته

::- أريـــــد اسأل

::- يا صبرررر أريـــــد انطمر

::- أريـــــد اسأل

:-تفضلي انطقي

::- شلون تجيبون اسلحه اهل المنطقة مايبلغون عليكم

- فتح عينه باوعلي وضحك حيل گـــــال

::- على اساس اهل المنطقة يهربون چاي هم انگس منعدنا

::- انـــتَ وين معيشني

::- بازقة بغداد الجميلة والبهيه

::- بهيه التبهبه اعظامك المجرم

- جر رجلي الدفرتة بيها. سحلني لفراشة واني ادفر واضربه. كعد لزم ايديه بايد وحـــدة وكعد على بطني عود ما مخلي كل ثگلة

::- وخررر خرب الثور

::- ليش تغلطين رجلج وايدج طويلات

::- يـــــمة اختنكت وخرررررر

::- كولي التوبه

::- وخررر واگول أبــــــهر وخررر ما جاي اشاقة

خزرته حيل وهو يضحك وينزل ثگله اكثر

مد أيــــدة على وجهي ضربني راشدي على كيف

::- ام السان

::- الارعن لا تضرربني امووتك واللـــه

::- ههههه ولج مو صايره بايدي عجينة ليش تهددين

::- بــــس وخررر شبيك مردتني تراااا كاافي

- رفع نفسه بــــس بقى على كعدته لازم ايديه بايد وحده فوگ راسي وايده الثانية لو يسد خشمي لو يفرك وجهي.

::- اياا حقيرر ادب.....

سد حلكي ماخلاني اكمل بــــس شال أيــــدة رجعت اغلط رجع سد حلكي

::- ليش ماتصيرين خوش بنيه

- خزرته احرك براسي تعــــبت وخــــر أيــــدة يضحك

::- شبيييك انـــتَ ارعن؟

::- اي

::- وخررر وخرر

- ابتعد كعدت على حيلي اغلط والزم ابطني رفعت التشيرت بيه خرز وكله انطبع ابطني اباوع الاثرهن الاحمر واغلط

- رفعت نفسي على اركبني اراويه

::- شوووف شسوويت اكله وخرررر جنك ثور وخــــر عباله اشاقة ويااااه

رفعت عيني اله بسرعة نزلت التشيرت من انتبهت رفع راسه باوعلي وحجه حابس ضحكتة

::- ماشفت بلا

::- انجب

::- شمسوي انتِ راويتيني

::- نسيت

::- خلي اشوف بعد

::- ......... غلطت كلمة سمعتهم هم غلطوا بيها مساع فك عينه وجراني من ايدي للمخده لازمني من فكي

::- انا مو كتلج لا تتسوفلين سنايبر

::- .......غلطت مرة الثانية كلمة اقوة من القبلها كلهن سمعتهم منهم عيني بعينه فتح عــــــيونة على وسعهن وعصر فكي بايده حيل

-نزل نفسه وباسني بشفتي جمدت وراها قاومته دفعته رفع راسة مبتسم واني اغلط واسب رجع باسني

زلغته من رگبتة ابتعد مغمض عينه ومبتسم

::- فشري بعد !!

::- انعل.......لا ابو.......ابن........

مفرفحة اغلط وهو جر ايديه بايد وحـــدة فوگ راسي ثبتهن وايده الثانية لازم فكي بقوة ورجع باسني  الحد ما اختنكت. ابتعد تنفست حيل مغمضة عيني

::- اغلطي بعد !!

- فتحت عيني خازرته واجر بايديه من أيــــدة مبتسم يباوعلي والضحكة ماليه وجــــهة

::- بــــس وخرررر

::- اعلمج غلط جديد كلمات بحياتج ماسامعتهن وكل ماتحجين وحـــدة ابوسج

::- .....فشرت بكلمة خلته صافن

::- اني العشت عمري بالشارع ابين السيارات كلشي سامعه وكلشي اعرف ما اتلفظ بيهن بــــس ويا اليستحقهن امثالك

ابتسم

::- للصبح ابقي فشري احله شي

- حجه ودنك يريد يبوسني لميت شفتي الداخله حلكي باسني غصب ابتعد كصته على كصتي يتنفس بتعب جريت نفس ساكتة

::- هممم عندج بعد شي ماحجيتيه عندي استعداد ابقى اعاقبج هيج للصبح

::- وخــــر

::- الوخر هم تنحسب كلمه مو زينه وبغير دول تعتبر  مسبه

::- راح اتقيئ وخــــر

بــــس حجيت عافني وابتعد بسرعة

كمت للحمام غسلت وجهي وبقيت كاعده مخليه رجليه بالطشت مال المي

دك باب الحمام وحجه

::- جــــمرة راح اروح اشتري تردين اجيبلج شي

::- فتحت الباب وطلعت يباوعلي مبتسم حجيت واني امشي للغرفه

::- ابيش الساعة

::- بالوحدة يله حتى انام

:- شتشتري

::- ريوك لان الفجر اطلع وما اكدر بدون ريوك

::- خلي اروح وياك واللـــه ما اصرخ

::- ههههه مخبل اثق بيج بعد واصلا حتى لو تصرخين ثقي لو اذبحج بالشارع مــــحد يطلع ويگول ليش كلمن عايش النفسه هنا لو يشوفون الجريمه بعيونهم ماينطقون ويعبرون ولا كأنو شايفين شي

::- اي خوش دام هيج خلي اطلع وياك مختنگة

سكت عاض شفتة فرك وجــــهة وگال يله بدلي

::- ركضت للغرفة ونيتي جانت غير شي  أريـــــد اشوف المنطقة وين اني بيا مكان واخليه يثق بيه ويطلعني ويا لبست الصاية والشال شفتة خله المخدر بجيبة وكفت بسرعة

::- كتلك ما اصرخ ليش اخذته وياك

::- الحذر واجب اذا ماصرختي مستحيل اخدرج

::- هزيت راسي موافقة لزم ايدي وطلعنا يسب ويفشر بصوت ناصي عليه وكل شوية وكال خلي ارجعج هسه اشتري واجي

لزمت أيــــدة حيل

::- لا عـــــوفني وياك أريـــــد اشوف

:;- اجو مجموعة شباب يمشون ويضحكون بصوت عالي واحد يفشر على الثاني دخلنا بدربونة گـــــال

::- هذا معزل لا يا......

::- عدت الكلمة وراه

::- عاشت ايدج حصلت شي من ارجع اخذه

:;- ماكو غير محل؟

مشه بغير دربونة يجر بايدي وراه ظلمة جانت ومطفين الاضوية قليل اكو اضوية بعدهي مشتغلة وصوت بزازين وچلاب

مشينا هواي دخلنا دربونه حلوه بيوتها عالية

لكه محل وكفني بالباب لازم ايدي ومد أيــــدة للولد يشتري ويحجي وياي تردين شي

::- سمسميه وحب وككو وجبس

- ابتسم وعددهن للولد خلاهن اله بعلاكة اخذهن نطانياهن وكاله

::- أنطــــيني بيض بألف وجبن مثلث

:- حاسب الولد ومشينا ثنينا كل واحد بيده علاكة فتحت الككو بالشارع اكل وهو يتبسم دخلنا بدربونه قديمه واحد من البيوت جانو يتعاركون وصوت الغلط والفشاير صاير بفلس

::- اوووكف اووكف

::- هــــا

::- خلي نسمع على شنو جاي يتعاركون

حجيتها وتقربت للحايط اتنصت وهو يسحل بايدي

::- امشي شعلينه

::- اسكت خلي اسمع

وكف بصفي صارت بالنعل كلها تغلط جنها منطقتنا قبل. دنكت عيني للگاع فلتت ايدي ولزمتلي بلوكه فك عينه كلها

::- شجاي تسوين

::- نضرب الباب ونشرد

::- هاي شنو

- دنكت لزمت وحـــدة ثانيه انطيتها اله ومشينا گدام الباب گـــــال

::- جــــمرة يلزمونه يكتلونه بالنعال

::- نشرد بسرعه مايلحگون بينه

- هز راسة موافق ويضحك وكفنا عدل رافعين ايدينا متحضرين وايدينه الخ كل واحد عنده علاگة. شمرنا البلوكات على الباب نضرب حيل  لزم ايدي  وركضنا شاردين  ونضحك نسمع بــــس الغلط ورانا

وصلنا البيتنا نلهث وتعبانين بــــس دخلنا سد الباب وجراني على الحايط دفعني وباسني حيل

دفعته من صدرة كوه اتنفس  ضربته راشدي

::- ادبسز تماديت

::- اطلبج

::- ارعن

::- على اساس ما مكيفه جــــمرة

- عفته ومشيت للبيت لو تدري بنيتــــي لو تعرف شضامتلك

كعدت بالغرفة غسل واجه يمي تمدد بفراشة فتحت السمسمية اكلت منها شوية واجيت يـــــمة

::- أبــــــهر اكل طيبه

- فتح حلكه اكل هواي منها وجلب بايدي يضحك مايقبل يعوفها يريد ياكلها كلها ضحكت اتلاوه وياه

::- لااا مو كلها أبــــــهر لااا

:- كعدت على بطنه مثل ماهو سوا داخلي يرجف عكس مظهري حجيت بزعل

::- ليش اكلتها كلها

.بلع ريكه همس

::- طيبة باجر اشتريلج منها

:- أبــــــهر اذا اكعد كلي على بطنك ماينشكن الخياطات

::- لا طابن

- رفعت رجليه تربعت على بطنة دكيت على صدرة بايدي

::- ثور ثور ماشاءالله

ضحك ورفع رجليه وراي خله رجل على. رجل وضربني برجله

::- مو اصير حبابة واحجي وياك ليش تضربني الا اغلط

::- اممم أريـــــد تتسوفلين

::- حتى تبوسني؟

:- امم

::- ما اغلط بعد لو تموت

باوعلي مبتسم وفشر بكلمة من المستحيل الفظها يباوع بعيوني راح اخجل لو راح اعيدها وراه دنكت عيني

رجع كررها

::- اغلطي بــــس مره وحـــدة وهاي هيه

::- ليش

- رفع أيــــدة خلاها على شفايفة وحجة مغمض عينه

::- أريـــــد ابوسج حد السكر

::- اكلك شي

::- اممم

::- من تحجي هيج مدري شيصير گـــــلبي احس يجي شعور ما اعرف اوصفه وبطني احسها تنشفط

::- لو ما اخاف عليج تتوصخين بافكاري اشرحلج شنو شعورج ؟

::- اشرحلي أريـــــد اعرف

- هز راسه لا

نزلت من بطنه كملت اكلي ومسحت حلكي أريـــــد اتمدد صاح

::- گومي غسلي

- تعال وياي اخاف

::- جــــمرة هي مال دروب تخافين

::- كوم

::- تعبان

::- انام بدون ما اغسل

هز راسه وكام وياي دخلت للحمام خله معجون اسنان بالفرشة وانطانياها

سويتهن سريع صاح مو هيج غسلي

غسلت ورجع خله معجون بالفرشة

::- افتحي حلكج

- وكفت كدامه فاتحه حلكي  فرش اسناني ويحجي بطفولية

::- هسه يصيرن نظيفات وحلوات يله غسلي

- فتحت المي غسلت ودرت عليه اراويه

::- هــــا هسه صارن حلوات

::- ابوسهن

::- لا

ضحك وسحبني من ايدي للغرفة جراني الحضنه مغمض عينه اني هم حضنتة ادعي البراءه وداخلي يختلف ......

يتبــــــع⋆𓍯

الكــــاتبة أيـــــــلول⋆𓄼𓂁

الريحانات 💚🌿

.حسابي ضيفوا گـــــلبي 💚

مساء الخير ...

#أجرام_مستباح_لثلاث_ندبات

                                      بقلم الكاتبة أيلول

   ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

يا تابوتي شكبر حزني

منو يلمني

منو من الناس يندلني

شما اعاين على الدنيا

اشوف الدنيا مو مني

انا بروحي وطن

يبچي على روحه

و وادمه تغني !

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

غـــــدير ::- دخلت للغرفة ارجف واكل بنفسي نار بروحي شلون قبلت شورطت نفـــــسي شجااااابني عليه شجااابني فتحت الكنتور  ابجي اجر بملابسي والتفتت عليه من فتح الباب دخل وسند ظهره عليه يباوعلي عاض شفتة درت وجهي للكنتور اسحب بملابسي واحجي

::- وديني الاهلي شورطني وياك شجابني عليك

::- مو قصدي الحجيته واللـــه مو قصدي

- شمرت الجنطه والملابس بالگاع حيل وصرخت

::- شنوو المو قصدددددك شنوووووو

- غمض عينه لام شفته الداخل حلكه

::- اهدائي خلي احاجيج

::- شكد جنت متخيلتك رجال

- فتح عينه خزرني

::- الزمي حدج وخليني افهمج

::- ودددديني الاهلي ما ابقى ويا واحد مثلك

دنكت لميت ملابسي  اشهك كل جسمي يرجف اجه يمي يسحب بايدي يريد اعوف الملابسي واني مفرفحة واصيح

::- وخررر واللـــه ما ابقى

- لح يسحل بايدي ويجر الملابس مني دفعته حيل

رجع ليورا مصدوم مد أيــــدة رفع شعره وحجه بهدوء

::- جنت رايدج من الاول قبل لا اتزوج وخفت من ابو اسمر

::- ههههههه اي صح.

تقربت يـــــمة وكفت طول بطول وياه رافعه راسي اباوع بعينه وعيوني من الدموع مغوشة دكيت باصبعي على صدرة

::- صح جنت رايدني قبل لا تزوج بحيث من تزوجنا اني بحضنك وسميتني باسم طليقتك واضح شكد جنت رايدني

- بلع ريك جامد نظرتة بعيوني همس بهدوء

::- شجاي تحجين

::- ماحاس على نفسك وانتَ تگلي بتول مو؟

::- غـــــدير والله ما ادري

::- اعرف اعرف ما تدري مو تحبها مو ماتروح من بااالك ليش ورطتني وياااك شلون ارجع العمتي هسه شلووون

ضميت وجهي ابين ايديه ارجف وابجي  تقرب يريد يحضني دفعته

::- وخررررر البينا اليوم بدأ واليوم انتهى

::- مستحيل

::- ما كو مستحيل هسه ترجعني العمه ولو يصبوك ذهب يا بــــسام ما اباوع بوجهك بعد

.هز راسة لا

::- وروح عـــــلي ما احبهااااا بــــس جانت اول بنيه اتقربلها يمكن الهذا السبب اجت ابالي واللـــه ما احبها ولا اطيقها

- عفته يحجي وجريت الصايه لبستها والف بحجابي راح على الباب قفلة وكعد يـــــمة ساند ظهره عليه

::- ما اعوفج غـــــدير اسمعيني أنطــــيني فرصة اوضحلج

- ما اهتميت الكلامه اجر بملابسي وامسح بدموعي سديت الجنطة وجريت تليفوني التفتت عليه

::- كوم وديني

::- اسمعيني

::- اشش مو تگول طلعت من نفـــــسي لعد اسمع وحق هو الله انـــتَ هم طلعت من نفـــــسي ومتندمه كد شعر راسي قبلت بيك تكوم توديني لو اخاابر عـــــمو

- كام على حيله جر التليفون مني

::- شدكوليلهم راجعه بليلة زواجج

- شهكت اباوع بوجهه ::- اكلهم الحقيقة

::- ليش ماتسمعيني. انا محتاجج اريدج

::- اخدم امك مو؟ وحتى تحقق وصية عـــــلي؟

::- لااا مو بــــس هيج احتاجج

- ابـــــتسمت ورفعت ايدي امسح دموعي ::- اذا كملت كلامك يله وصلني

-زفر النفس بحركة ورفع أيــــدة مسح وجــــهة حجه بهدوء يذبح

::- تأذين عمتج اذا رجعتي بليلة عرسج يطعنون بيج ويأذونها هي راح يحجون عليج وعليها والله مو علمود نفـــــسي بــــس اعرف الحجي الراح ينگال

::- مايهمني خلي يحجوون وخررررر عني افتح الباب

- جر الاغراض من ايدي شمرهم وسحبني للجرباية فرفحت أفلت بنفسي منه واصيح. شمرني عليها وسد حلكي بايده مخلي وجــــهة برگبتي ويحجي

::- ما اكدر اعوفج بعد جاي اكلج محتاجج اطلبي التردينه بــــس ما اطلك ولا اعوفج

- مجلبه بايده وابجي بــــس أريـــــد اوخرها من حلكي وابعده مثبت راسه بركبتي نهد حيلي رفع راسة يباوع بعيوني ويحجي

::- جاي اتوسل بيج تبقين وياي اذا مو الخاطري الخاطر امي الخاطر فاطمه وعلي اوصيته

الخاطر عمتج مستحيل تتحمل رجعتج الها بليلة زواجج فكري شيحجون عليها

- سحبت أيــــدة من حلكي حيل دفعته وصيحت ::- وخررر كتلك وخــــر

كعدت على حيلي لميت رجليه الصدري ابجي وهو كعد كدامي يرجف

::- زين بــــس اسمعي اتفاق سنه وحـــدة سنه وحـــدة اذا ما اتفاهمنا ننفصل بـــالشروط الانتِ تخلينها شلوون ارجعج هسه شگول الابو اسمر شلون اخلي عيني بعين عمتج شحجي

::- وخرررر وخررر عني حركت گـــــلبي شسووويتلك بشنو مأذيتك

::- كل الصار مو بقصدي بشنو احلفلج جنت رايدج قبل لا اتزوج وحتى ما اتعلق بيج اكثر رحت تزوجت تذكري زين شلون زواجي صار باستعجال بــــس حتى ابعدج من تفكيري خفت اغلط وياج خفت اخيب ظن ابو اسمر

- مسحت عيوني بايدي الترجف باوعتله ::-لو تموت ما اثق بحجاية منك ريتني ميته قبل لا اقبل بيك

::- اشرطي التردينه بــــس مستحيل ارجعج اتعب واتعبج وما اخليج ترجعين هسه بــــس أنطــــيني فرصة سنه وحـــدة اذا ما اتقبلتي زواجنا ننفصل واي شرط تخلينه انا قابل بيه

فكري وياي انتِ تنضرين واني انضر اذا رجعتي هسه عمتج من جهه تخيلي الكلام اليطلع عليها وعليج وانا شلون اقبلها على نفـــــسي كاسر كلبج وغلات امي "وحگ الوعوا گـــــلبي بفراگهم"

رايدج ما أريـــــد تعوفيني

::- واني ما اريدك كرهتك كد ما جنت اعزك

::- ميخالف اكرهيني بــــس ما ترحين كل انسان اله فرصة وانا جاي اطلب منج فرصة بــــس ابقي وياي اصحح موقفي واذا شفتي نفسج ماتكدرين تكملين وياي ننفصل وهيج لا ينحجي عنج ولا انا الوم روحـــــي

- دنكت راسي ابجي ومختنگة وداخلي محترك

ضعت ما عرفت شنو الاسويه نزل من الجرباية جر سويج السيارة يحجي بتعب

::- راح اطلع. ارتاحي وفكري براحتج غدوره

- طلع من الغرفة لميت روحـــــي وبجيت ارجع وشيصير خلي يصير ما مجبورة اتحمل ضيعت روحـــــي ورطت نفـــــسي

الحد ماتعبت من البجي كمت غسلت ونزلت البيت هــــــدوء دخلت للمطبخ شغلت الچاي وطلعتلي شوية صمونه أريـــــد اكلهن قبل الاذان قربتها الحلكي ارجف وفززني صوت ابو بــــسام بالباب وخازرني

::- سويلنا سحور راح يصيح امساك

::- مسحت وجهي وهزيت راسي اي طلعت من الموجود بالثلاجة گليته.

بــــسام ما موجود لا هو ولا سيارته كعدت على حيلي بــــس أريـــــد عقلي يصفه واعرف افكر وين اروح ارجع العمة لو اتحمل نتيجة اختياري الغلط شسوي كمت غسلت وجهي واخذت الصينية يم الحجية بالغرفة جانت متمدده بجربايتها بــــس عيونها للشاشة تباوع وياه من دخلت لم رجليه وكعد عدل خليت الصينيه كدامه گـــــال

::- الچاي وينه؟

::- هسه اجيبه.

رجعت للمطبخ اخذت الچاي صبيتله والتفتت للحجيه ابتسمتلي درت على ابو بــــسام همست

::- عـــــمو الحجية تصوم؟

- رفع عينه باوعلي ماعاجبة ونتر

::- ماتشوفين حاجتها جواها شلون تصوم؟

- صعق عقلي بلعت ريك مرتبكة والتفتت عليها انحرجت وعيونها تلمع بدموع تقربت يمها لزمت ايدها

::-  اكعدج تاكلين شويه؟

-هزت راسها لا ونزلن دموعها وهو ولا مهتم مدنك ياكل رفع راسه گـــــال

::- رجلج الشفيه وين

::- ما ادري

::- اكعدي اكلي اكعدي

::- بالعافيه اكلت شبعانه ....سكتت وجريت صراحية المي شربت اباوعله ياكل ماد رجله وكرشة شوية بعد ويطخ بالصينيه عين للأكل وعين للشاشة يباوع اخبار

لمن كمل اخذت المواعين للمطبخ غسلتهن واباوع للباب مدري شبيه خفت منه رجع دخل للمطبخ فتح الثلاجة اخذ فواكه اكلها والجامع يصيح اشربوا الماء واذكروا عطش الحسين

وراها صاحوا امساك وهو ولا اله شغل وين يله شرب مي وحجة نية الصيام جريدة ردد انتظرت الاذان توضيت وصعدت صليت بقيت على السجادة حتى ما اعرف شنو الادعيه شنو الاريده

كمت تمددت جريت تليفوني أريـــــد احاجي عــــمة وترددت لمحت بــــسام ناشر ستوري فتت عليه

صورة قبر عـــــلي وكاتب عليه

" دست المگابر نص الليــــل

حتى اشوفك ويردلي الحيل

ياصاحب روحـــــي تعذرني اريدك

اجيتك مدري بيا عين وانا كاسر گلب وصيتك "

- قريت كلماته ودموعي تحرك خدي دزلي

::- تسحرتي؟

- فتحتها وما رديت دز

::- نحجي مراسلة ماجاي نگدر نتفق وجــــهة الوجهه؟

::- شتريد؟

- دزيتها وجريت نفس بحيرة منتظرتة يكتب طول يله دز

::- ما اكدر اعوفج  اي شي تردينه انفذه الا الانفصال واذا شفتي شي مايعجبج الج الحق تسوين التردينه وقتها حتى لو طلبتي الانفصال ما اكول لا

::- كارهتك ما اكدر اباوع بوجهك كل شوية اتذكر شلون نطقت اسمها باذني وشلون تحجي الابوك عني شلون انساهن بــــسام انـــتَ ماتستاهل حتى انو افكر ابقى وياك.

::- حقج شما تحجين حقج وانا غلطان بــــس اطلب منج فرصة اخيرة احسبيها فترة تعارف فترة خطوبه اي شي فترة خلينا سوا اذا ماتفاهمنا ننفصل هــــا؟

- قريت رسالتة ومارديت قفلت تلفوني ولميت رجليه الحضني مختنكة من طول عمري ما اعرف اتصرف خلصت عمري محتمية بجمره وعمه بكلشي معتمده عليهن ضعيفة الشخصية وماعندي قرار شوكت اغير نفـــــسي شوكت اعرف اتصرف وابطل خوف من الحجي ابطل احس نفـــــسي اسبب مشاكل الغيري ليش دائما احسب روحـــــي ثگل على غيري.

.غفيت واني اشهك وفزيت من حسيت احد كعد على الجرباية التفتت عليه شفتة كاعد يمي مشغل الضوه وعيونه حمر مد أيــــدة يريد يوخر شعري من وجهي دفعته بسرعة همس

::- تسامحيني؟

- هزيت راسي لا عيني بعينه دنك محتار

::-شنو التردينه؟

::- توخر من يمي شهر وارجع العمتي

:;- سنه! اتفقنا سنه اذا مانفاهمنا ننفصل

::- ما أريـــــد تبقى يمي نفس الغرفة

:- ما انام يمج بــــس ما اكدر اطلع من الغرفة

- حجاها وگام جر فراش من الكنتور شمره گدام الجرباية طفه الضوة ونام ابقى اكل بنفسي الحد ما ارجع اغفى فزيت على صوتة يهمس يمي

::- غدوره

- فتحت عيني اباوعله كاعد على اركبه كدام الجرباية كعدت على حيلي فازه گـــــال

::- انا ريگت امي بــــس تعالي غيريلها وقفلي الباب وراي أريـــــد اروح للدوام .

- كفيت الغطا مني ودرت ادور على شالي

::- مــــحد هنا الحجي بالمكتب مالته يجي ب12

- غسلت وجهي ونزلت وراه لكيته كاعد على اخر بايه من الدرج بيده اغراض الغيار وكف ورفع أيــــدة ينطينياهن اخذتهن منه همست

::- ما اكدر شلون اغيرلها

::- بــــس تخلين هاي جوا رجليها وتكلبينها للجهه الثانية

- مسحت وجهي محتارة وهمست: :- ادري بــــس يعني ما اكدر

حجيتها مختنگة رفع أيــــدة يلزم راسة بحيره سمعت صوتها مثل التصيح سحبت نفس بقوة وفتت يمها باوعتلي عيونها مدمعه ابتسمتلها ما أريـــــد احرجها

اعصابي ترجف وهي دموعها ينزلن منحرجة مني حيل احاول ابتسم وابين نفـــــسي متقبلة الجاي اسويه غيرتلها وكملت ايدي ترجف رشيتلها عطر وهمست بابتسامة

::- كملت حجية

حجيتها وطلعت للحمام اركض تقيئت وابجي

اظلم روحي واظلمها موكد هل سالفة اني شسويت بروحي غسلت ورجعت طلعت يمها خايفة تتحسس وتنقهر. كعدتها وشغلتلها الشاشة

::- جوعــــانة اجيبلج شي ؟

- هزت راسها لا تباوعلي وشفايفها يرجفن خليت مخده بالگاع وكعدت يمها خايفه حيل خاف يحز بخاطرها وينحسب ذنب عليه لان هي باقيه بالنوال ماعدها اي قوة

نفتح باب الغرفة ودخل بــــسام مبدل ملابسة العسكرية تقربلها مبتسم بوس ايديها ثنينهم .

شاقاها. والتفتلي مد ايده على خدي ابتعدت

::- تعالي اقفلي الباب وراي

- كمت وكفت باس راس امه وطلع طلعت وراه وكفت اباب المطبخ فتح باب الكراج طلع السيارة ونزل سداه يله رحت قفلته

رجعت اركض على صوت التليفون

::- الو هــــا عــــمة

::- الو شلونج هاي ثالث مكالمه عبالي نايمه

::- لا جنت جوا

::- هــــا اي شلونج عيالج شلونهم

- سكتت محتاره احجيلها لو ما ازيد همها واسكت

::- هاا غـــــدير؟

:;- الحمدلله عــــمة زينين لا يضل بالج

::- صمتي لو لا؟

::- فطرت ما كدرت باجر اصوم

::- الجهال صاموا ويانا وبعدهم الهسه نايمين

::- يا مايگدرون بــــس يكعدون يفطرون

.بقيت احجي وياها شوية وسديته رجعت نزلت يم الحجيه هي ساكته واني ساكته سويت الغدأ وصبيت اني وياها كعدت على كرسي گدامها اوكلها واكل وسمعت الباب نفتح دخل ابو بــــسام وجــــهة احمر والعرك يصب منه شافنا ثنينا ناكل گـــــال

::- هــــا فطرتوا ماصبرتوا لليل

- وكفت اللگمة ابلعومي اباوعله ساكتة طلع للحمام والحجيه تأشرلي بعيونها عود ميخالف

غسلتلها وغسلت المواعين وهو مثل الطفل يشمر ملابسة على الدرج. عندي استعداد اغسل الحجيه باليوم عشر مرات ولا الزم ملابسه كاشة روحـــــي منه مدري شبيه

مد مندره بالغرفة يمها ونام يشخر شربتها چاي

ودك تليفوني رسالة من بــــسام داز صور علاجات وكاتب

::- غدوره انطي امي من هذا العلاج

::- من كل شريط حباية؟

::- الاحمر نص حباية بــــس شربيها وارجعي نــــــامي لاتسوين فطور انا اجيب وياي

- انطيتها علاج ورجعتها تمددت عدلت غطاها رفعت ايدها كوه لزمت ايدي سكتت عبالي تريد شي سحبت ايدي الشفتها تريد تبوسها جريتها بسرعه ودنكت بستها براسها وطلعت من يمها افتريت بالبيت بــــس نظفت المطبخ وصعدت  رجعت نمت حيل طولت يله كعدت راسي مصدع اسمع صوت مشتغل

غسلت ونزلت اركز صوت الخلاط وصوت قرأن فتحت باب المطبخ

لگيت بــــسام يشتغل ومخلي امه بالعربانة يـــــمة البن بالخلاط وهو ينضف بالخضرة

امه من شافتني ابـــــتسمت وهو التفتلي ساكت وراها گـــــال

::- خو ماضجتي وحدج وحشه؟

-هزيت راسي لا وتقربت اخذت الخضرة من أيــــدة انظفها وهو راح للثلاجة طلع زلاطة وكعد يثرم يحجي ويا امه وهي ترد عليه بتعب يفهم كلامها ويجاوبها. يكصص ومرات ينطيها تاكل منه ويكلها

::- الله ربج خلصانه من رمضان هنيالج

- وهي تضحكله تكيف بالكلمه منه غسلت الخضرة ونفتح باب الكراج باوعت من شباك المطبخ دخل ابو بــــسام بيده علاكة بــــس فات للمطبخ وشاف بــــسام كاعد يثرم گاله

::- بعدنه بسم الله وبديت تشتغللها

- التفتت البسام بقى يثرم.ما مهتم وهو.مدنك كاله

بــــسام ::- جبت رطب وياك؟

:- اي جبت منا. بــــس غالي  بالسوك احسن

غـــــدير ::- اباوعلهم ساكته خله العلاكة على الكاونتر وفات جوا بــــسام رفع راسة ابتسملي درت ساكتة الطباخ ماعليه اي جدر خليت البن بصراحية ورجعته للثلاجة طلعت بطل عصير نومي خلطتة وعفته وهو كمل ثرم وكام ابتعدت من يم السنك وحجيت بدون ما اباوعله

::- شنو الفطور

::- هسه راح يوصل طلبت

- حجاها ودك تليفونه انطه العنوان بالضبط وطلع للباب ويا صوت القرأن وباب المطبخ مفتوح صوت الجامع قريب الجو رغم حار بــــس حلو جاب الفطور واجه

فتحهن خله الشوربة بجدر ورجعها للنار والباقي دخلهن للفرن ابتعدت حسيت ماعرف اسوي شي

الحد ما صاح الله اكبر

راح غسل حضرت كلاصات وفات ابوه يشرب وياكل رطب اجه بــــسام صب عصير بكلاص قبل لا يفطر قدمة الي باوعتله ساكته وحجة ابوه

::- اشرب انـــتَ هي فاطرة ماصايمه

- رفع حاجبة بــــسام ساكت وراها گـــــال

::- اعرف حتى انا فاطر

- اخذت الكلاص منه رغم هو جذاب صايم مبين من تعبه وشفايفها التغير لونهن من العطش شربت وهو صب بعد شرَب امه يله فطر

راحوا يصلون اخذت الحجية بعربانتها للغرفة ونقلت الاكل يمها. ابو بــــسام كمل قبلة واجه كعد شما اخلي اكل بالصينيه يكلي بعد فلان شي بعد فلان شي

خليت كلشي بالنهايه وكعدت من دخل بــــسام كعد بجهة امه حتى يوكلها وياه گـــــال ابوه

::- اكو ليمون جيبي

- كمت بسرعه كصيت ليمونه وجبتها اول ما انطيتها اله وكعدت گـــــال

::- ملح ملح

- خليت ايدي بالگاع أريـــــد اكوم بــــسام لزم رجلي

::- اكعدي انا اگوم

- حجاها وطلع جاب الملح انطاه اله وكعد يوكل امه وياكل واني كوه ابلع الگمه

::- ليش ماتاكلين؟

-رفعت عيني باوعتله سوا لفة ورفعها الي ما اخذتها مديت ايدي للصحن ::- جاي اكل

- سكت.

كلنا كملنا الا ابوه يمد رجله ويبقى ياكل رغم شكله يبين تضايق من الاكل بــــس مايگوم لمن شبع كلش صاح على بــــسام تعال كومني

افتر بسام سحبه من أيــــدة طلع يغسل وهو كعد يعزل المواعين وياي اخذتهن وفتت للمطبخ نقل البقية غسل أيــــدة وغسل القوري خله بيه مي وخلاه على الطباخ گـــــال

::- من يفور بــــس خلي ورگ

:- تمام .

نظفت وصبيتلهم چاي فتت يمهم للغرفة مركزة بتصرفات بــــسام ويا امه هاكد يحبها يشربها الچاي ويمسح حلكها وكل شوية مدنك بايس ايدها

وهم نفس الشي غيرتلها وشربتلها علاج من اغيرلها ادخل للحمام ابجي شي مو بيدي احس جاي اغصب نفـــــسي على شي ما متقبلته ومن اشوفها شلون تباوعلي ينكسر گـــــلبي واحاول ابتسم حتى ما احسسها بشي كملت وصعدت سبحت ورحت لفراشي هستوني غفيت وحسيت دفوا على ايدي بقيت مغمضة عيني وكلبي ينتفض باس ايدي ويحرك شاربة اباطن ايدي يهمس

::-غدوره

رجع لفراشة فتحت عيني باوعتله الضوة مطفي وبس ضوة شاشة تليفونة گلب شويه بالفيس وطفاه اني هم شوية ونمت فزيت على صوت المنبهه شغلت الضوا

وهو كعد خله راسة ابين ايديه نعسان باوعلي وحجه بتعب

::- غدوره ارجع انام حتى لو عشر دقايق وكعديني

- هزيت راسي تمام ونزلت اسوي سحور خمس دقايق ونزل وراي كوه فاتح عينه جر كرسي وكعد يمي بالمطبخ رجع راسه للحايط غمض عينه وفك حلكه تعبان حيل

واني اركض اسوي سحور.مستعجلة وخايفه اتأخر. الحد ماكملت ياكل وهو مغمض وابوه ولا كأنوا هستوه كاعد ومايشتهي. .

...

جــــمرة ::-فزيت الصبح على صوت تليفونه ابتعدت من صدرة افرك براسي كعد عاكد حواجبة وجر التليفون بــــس باوع بالاسم رفع عينه باوعلي

::- امج

- جاي اكله ما اريدها ونوب ابـــــتسمت::- نطيني خلي احاجيها

- باوعلي مستغرب سحبت التليفون من أيــــدة هو رجع اتمدد جان الاتصال كامرة درته عليه

::- شلون اجاوب

- فتح الاتصال ودفع ايدي من گدامه بلعت ريك ساكتة من لمحتها

ماعرفت نفـــــسي  حاقده؟ لو مشتاقة؟ اعتب؟  لو اسايرهم؟

- هي هم ساكتة همست ::- شلونج

:;- انتِ شلونج

:;- الحمدلله زينه مصطفى شلونه وينه مشتاقتله

:;- هذا بحضني

- حجتها ورفعت التليفون حتى تراويني رجف گـــــلبي وبلعومي احتقن فاتحة كل عيني

::- مصطفى. يا روحـــــي صوفي يا عيون جــــمرة

- مسحت عيوني ما أريـــــد ابجي وامي رفعت الكامره الها حجت مختنگة ::- ماتجين جــــمرة طك گـــــلبي

::- رجعي الكامره على مصطفى أريـــــد اشوفه بعد

رجعت نزلتها عليه مركزه كل حيلي

::- سمنان ههه راجعات خديداته

:;- اي تشوفين هبه اصيحلها

::- اممم.

رفعت عيني للأبهر متمدد كدامي مبتسملي وامي كامت تصيح الهبه فتحت باب وصاحت

::- هبه تعالي جــــمرة تريدج

وراها صوت اطفال صاحوا

::- خلي نشوفها ماما

- اجت هبه تحاجيني واني ما اركز.وياها كد ما مركزه ويا الاطفال الوراها يسوولي هلو ويحاجون امي ليش گـــــلبي ينطحن من يگلولها ماما اخذت التلفون وبتعدت منهم كعدت وحدها

::- يگلولج ماما؟

::- اممم

::- بالعافيه عليهم ههه

::- لو كل الدنيا تگلي يـــــمة تبقى كلمة اليمه منج تختلف بنيتــــي انتِ اول فرحة بعمري

:- هههه

حاولت ابين نفـــــسي طبيعيه اسأل على زوجها واسولف وطول هل فترة الأبـــــهر ساكت وامي مكيفة تفتر والجهاز بأيدها الحد ماحجتلي على زواج غـــــدير وعلى فــــــاطمة وعلي

حسيتها ماتريد تسد الاتصال اكثر من ساعه مرت اخر شي كتلها

::- جوعــــانة راح اروح اتريك

سكتت شويه وكالت

:;- شعجب ماصايمه

::- ليش اصوم شكو.

حجيتها رافعه راسي ودفرني الأبـــــهر برجلي سوالي بحلكه

::- رمضان

- بقيت ساكته وهو كعد صاح

::- لا عــــمة ماتگدر تصوم عدها فقر دم الدكتور منعها

-رفعتله حاجبي اخذ التليفون مني هو بــــس يسلم على امي تكله اخذوا راحتكم وهو يصيح

::- بــــس تشوفني تطفر شبيه اعض

::- اي تعض مو كلت اطلع للشغل الفجر شو بقيت نايم

::- اجلناها لليل

- سكتت وهو كام گـــــال

::- كومي غسلي راح اسويلج ريوگ

- كمت طلعت قبلة غسلت وهو واكف اباب الحمام يباوعلي بطرف عينه مبتسم باستهزاء

مدري مستغرب تصرفاتي مدري كاشفني

فتحت حلكي وحجيت

::- اسناني ابيض من حياتك

::- غير جايبلج معجون اسنان بخمسة وعشرين واغسلهن الج باليوم اربع مرات شلون مايصيرن بيض

::- اني اغسلهم مو انـــتَ

::- ومن جنتي مدمنة

::- ما اتذكر

::- اي انا جنت انضف اسنانج و...

- رفعتله حاجبني ::- وشنو؟

::- واسبحج !

::- لا تجذب

::- صدك ماتتذكرين؟

:- لا تجذب اتذكر كلشي ما مسبحني بــــس من جنت اخاف تطفي الضوة وتفوت وياي للحمام

بــــس تبقى يمي ماتسبحني

::- لا والزمج

- خزرته وهو يضحك دخل غسل وطلع للمطبخ رحت وراه

::- أبــــــهر صدك مسبحني؟

::امممم

::- احجي الصدك ما مسبحني جنت تخلي الصابون بأيدي وتكلي غسلي جسمج بعد ليش تجذب

.طك بيض بالطاوة والتفت عليه مبتسم

::- هاي مره واكو غيرها مرتين

- لا تجذب

التف للطباخ نزل البيض خلاهن بصينة صب چاي وخلاهم كدامي الضحكة كوا لازمها

::- ما مجذب وقتها انتِ كتيلي سبحني وجبرتيني انا رجال فقير ماقبلت جلبتي بيه وسبحتج كلج

::- والقران احط راسك بالبيضة جذب لا تجذب

::- ههههههه يله هاي هيه انا جذاب

- حجاها وسوا لفة اكلتها خازرته لمن بلعت السالفة ورجعت حجيت بهدوء

::- أبــــــهر خلي اشتغل وياك

- رفع راسه باوعلي مضيگ عينه

::- شتشتغلين

::- اجرم

حجيتها وهو ضحك يباوع بوجهي ويرجع يضحك بصوت

::- ترا اعرف اشتغل انا وحتى شايفة جريمة مره

- سكت يباوعلي اختفت ضحكتة حجة بجديه

::- اشايفة؟

- جريت نفس مقشعر جسمي من تذكرت الموقف

::- مره ابو البيت راد فلوس الأجار قبل بأسبوع من موعدهم وامي ماعدها واحتارت كمت اطلع بالاربعة الفجر اروح للمعمل اشتري مي واطلع للتاقطع ابيع جانت صايرة مشكلة ابين ناس مقابيلنا ويا جوارينهم

من طلعت والجو بارد وظلمة ماكدرت امشي خفت ختلت ابين حايطنا وحايط جوارينا علمود شوية يصير ضوة واروح مارجعت دخلت للبيت امي تقفل وماتخليني اروح لان تـــــعبانة ماحسيت بنفسي غلبتني النعسه وغمضت عيني وفزيت على شخطة دراجة شفتهم ثنين ولد من جوارينا لزموا الطفل كعدوه على ركبة بالرصيف كدام بيت اهله وحزوا ركبته ذبحوا گدام عيني

- شهكت اجر نفس ايدي كامت ترجف دفع الصينية وتقدم يجرني الحضنه لميت نفـــــسي ابجي

::- الطفل شافني جانت عينه بعيني بــــس هم ماشافوني دفعوه وكع على الرصيف وشردوا بقيت ساكتة خفت احجي خفت اهلي يتأذون لان الذبحوه الكل يعرفهم شغلهم مخدرات ويخوفون اذا حجيت يأذون اهلي

::- اششش جــــمرة اششش اسكتي

::- كرهت نفـــــسي لان ماحجيت بــــس هم اهله جانوا يعرفون منو كتل ابنهم وسكتوا ما اشتكوا مو ذنبي اذا حتى اهله يخافون

::- باوعيلي بــــس باوعيلي

- لزم وجهي ابين ايديه مسح دموعي وحجه

::- ما الج اي ذنب انتِ خوش

- هزيت راسي اي ...كومني من ايدي غسلت وكلبي يدك حيل تعلك المشهد بعقلي رجعت للغرفة جريت المخده وتمددت بــــس ردت انسه شذكرني فتحت عيني دفعته من صدرة من باسني من خدي سابح وشعره يقطر مي لابس تشيرت صحراوي نص ردن ضاب على زنده حيل

كعدت على حيلي اباوع لزنوده

::- راح تطلع؟

:- هههه لا شتدرين بيه اطلع بهيج لبس

::- شراح تسوي

:- اسولف وياج هذا هم شغل وجهاد للنفس

- دنكت راسي ابين ايديه ما أريـــــد اميل اله والغي الفكرة البالي أريـــــد ابقى افكر بحقارة رجعت رفعت راسي مبتسمه

::- هسه شنو ماتخليني اشتغل وياك

::- بالسلاح؟

::- تعلمني؟

::- خاف تكتليني؟

::- لا بعد ما اكدر اكتلك

.رفع عينه فاز بلع ريك وحجة بخفوت

::- ليش

::- أريـــــد تشوف اخوانك

- كام على حيله وسحبني من ايدي دخل للغرفة الثانية جر اسلاحة خلاه بايدي وصار وراي لزمنياه ويعدل باصاابعي

::- منا تسحبين اقسام ....وبس تضغطين على الزناد

::- بيه طلقة هسه؟

::- اي

::- وخــــر ايدك بلا

بــــس سحب أيــــدة من ايديه نزلت ايدي ثگيل جان ضحك رجعت لزمته عدل

::- لا تضحك

:- يله اسحبني اقسام

- حاولت اسحب ماكدرت هو خله أيــــدة سحبها درت عليه بسرعه وجهته عليه مبتسمه وهو ولا مهتم

::- اجذب عليك أريـــــد اكتلك

::- ادري بيج سنايبر غدار

::- شنو وصيتك

- رفع عينه ليفوك وراح كعد على كومدي خله رجل على رجل گـــــال

::- تكتلين نفسج وراي

:- لعد المن كاتلتك

::- اعد للخمسه اذا ما وخرتي اعاقبج عقاب الغلطة وترا جذب مابيه طلقة

::- راح تموت ياعقاب ...

اني احجي وهو يعد بالارقام سريع گبل گـــــال واحد ثنين خمسه طفر رقمين

نزلته بسرعه واشرتله بأيدي

::- اشاقة ترا

- مد أيــــدة سحبني من خصري وحجه بسرعه

::- انا ما اتشاقة

:;- مالحكت ادفعه اخذ السلاح مني وباسني مادفعته عبرت ايديه على ركبته احضنه مشاعري بارده شي جنت اسويه بغايه ابتعد هوو دنكت راسي توترت گـــــال

::- جــــمرة

-::هممم

رفعت عيني اباوعله عاكد حاجبة

::- ليش قبلتي ابوسج ما منعتيني مثل البارحة

- رجعت دنكت افرك بايدية جراني من ايدي حضن خصري ورفعني بتك ايد خله وجــــهة برگبتي يجر نفس ويبوسني بقوة شهكت لازمه أيده كرهت نفـــــسي من تأثرت

::- وخــــر ابهرررر وخــــر

- نزلني ورفع راسه لام ايديه بايد وحـــدة وره ظهري سند راسة على راسي وحجة بتعب كوا يجر النفس

::- اي خليج هيج امنعيني حتى ما اتمادى ديربالج تخليني اتقربلج جــــمرة ديربالج تنطيني وجــــهة

::- انـــتَ لا تتقرب

::- بــــس من تتسوفلين ابوسج هــــا متفقين؟

:- مو بكيفك

::- مالي شغل كل ما تفشرين ابوسج

::- ما اخليك

::- هي حلاتها غصب عنج

- رفعت عيني بعينه واجر بأيديه من وره ظهري قوة لزمته عليهن وابتسم

::- براسج شي مو جــــمرة التخليني اتقربلها وتبقى ساكتة شنو التردينه

- جريت ايدي حيل من حسيته كشفني شطت بس أريـــــد افلت نفـــــسي منه

::- وخــــر كتلك لا تجلب

- لزم فكي بأيده ورفع راسي اله

::- شجاي تخططين سنايبر

- غمضت عيني اعت بأيدية منه وهو يحرك خشمة على خشمي مثبتني بقوته

::- وخرر أبــــــهر جاي اكلك وخررر

:- اعترفي جمرايه

:- مابراااسي شي بــــس انـــتَ بستني البارحة غصب عني بقت ابالي ماكدرت ارفضك هسه ردت ارجع اجربها بــــس هيج وخرر يله لو تموت ما اخليك بعد

- ارجف كمت ما أريـــــد يفكر ابالي شي تخبلت من حس عليه فتح عينه بعيني مبتسم وقرب شفتة الشفتي

::- شتــــردين؟

::- توخرر لاتخليني اغلط

::- اريدج تغلطين

::- اسب اهلك ....

بــــس حجيتها عافني وابتعد مسح وجــــهة طلعت من يـــــمة رجعت للغرفة الثانية گـــــلبي يدك حيل وخايفة كعدت احاول اهدأ نفـــــسي واقنعها الاسوي صح

:- بقى برا ما اجه يمي طول يله فتح الباب جان مبدل گـــــال

::- طالع انا البيت مقفول تصرخين بــــس اتعبين نفسج مــــحد يسمعج مــــحد يساعدج

::- شوكت ترجع

سكت صافن بوجهي

::- ساعتين واجي

- هزيت راسي تمام وراح كمت للحمام الوم بنفسي التناقض الاعيشة ذابحني صرت احس نفـــــسي مريضة ومجنونة الف فكرة ورأي عندي من ساعة الساعة يتغير تفكيري وارسم الف خطة وما امشي ولا على وحـــدة بكل ثانيه تخطر ابالي خطة واحاول اتبعها .

كعدت على حيلي لامه رجلية الصدري

::- اذاني ليش ينكسر گـــــلبي عليه ليش من اشوف عــــــيونة اخاف أسببله أذيه ليش من افكر بأخوانه اتراجع عن اي فكرة براسي

- رفعت راسي ليفوك ماعندي غير هل حل

.اول مافتحت باب الحمام صار بوجهي خليت ايدي على گـــــلبي

:;- فززتني

:; شكد صارلج بالحمام طولتي شسوين

:;كاعده

::- شسوين؟

:;افكر

::تفكرين بالحمام؟

- رفعت متني ما ادري وفتت للغرفة جاب زيت شعر والمشط واجه وراي ابتعدت من الحايط حتى يگعد وره ظهري ويمد رجليه من الجهتين يخلي  زيت بايده يمسحهن ابعض ويمسح شعري هادئة وساكتة كمل شعري سحبني الحضنه وحجه

::- جــــمرة اسأل ولا تجذبين عليه

::- اممم

::- ليش صايره حبابه

::- هههه اني حبابه بــــس انـــتَ اذيتني وخليتني حقيرة

::- صح

- وخرت نفـــــسي من حضنه درت عليه

::- وين راح تروح بالليل

::- شغل

::- خلي اروح وياك

مد أيــــدة على كصتي ويحجي

::- شبيج مصخنه اليوم

- سحبت أيــــدة من وجهي ولزمتها بحضني

::- اني ما أريـــــد اعوفك بعد حتى من تلگي اخوانك شرط تعوف شغلك هذا

.ابتسم ما مصدوم وهز راسة اي رفع أيــــدة الخدي گـــــال

::- صار تدللين

- سكتت مدنكة كام سوا غدا رحت وراه اشاقية واتحرش ساعة يضحك ساعة يباوعلي بنظرات احسه يكلي

::- لو منجبة ولا محاوله تلعبين عليه احسلج

- تغدينا وغسل المواعين كاعده يـــــمة واسولفله شلون جنت اشتغل قبل احجي مندمجة كل الجنت احجيه حقيقة ومواقف كلهن صايرات وياي كمل سحبني من ايدي للغرفة ويسأل وبعدين شصار وشلون كعدت اكمل سوالف وهو وياي الحد ماوصلت الموقف وسكتت گـــــال

::- اي كملي

:;- شي سخيف

:;- احجيه بدون سخافة شبيها بلقيس

:- باوع هي جانت تكرهه امي ويحجن عليها فـ مره كعدت بالاربعة أريـــــد اروح للتقاطع امي قافلة الباب وماتقبل

اني من تقفل الباب اصعد للسطح اطفر بالمشاي مال جوارينة واطلع من بابهم

بيوم امي قافلة الباب هم صعدت للسطح هستوني فتحت باب السطح وسمعت صوت ختلت وبعدين حسيت الصوت مو بسطحنا طلعت عرفتة صوت بلقيس مشيت على اطراف اصابعي فضولي جبرني اسمع واشوف باوعت من سطحهم وشفتها هي اولد بالسطح فارشين

::- شيسوون؟

::- يصلون

- باوعتله مستهزئة وهو يضحك 

::- سترتيها لو فضحتيها؟

::- فضحتها من حجت على امي وهاا باوع  اكو واحد مقابيلنا هو يطلع الشغلة الفجر من يطلع اخو يصعد المرتة كلهم شفتهم

- كش وجــــهة مامتقبل الحجيته جر روحة ابتعد ليوره گـــــال

::- سنايبر خاف انتِ استخبارات

- ضحكت اباوعله تمدد عينه عليه مبتسم

:- راح تنام

- كعد على حيله گـــــال اي ونزع التشيرت شمره بصفه تقربت يـــــمة لزمت الاثار البجسمه غمض عينه وانا روحـــــي توجعني

::- أبــــــهر شلون ماتموت كل هذا بجسمك

::- بالجلد مايموتن

::- هم يوجعنك

مد أيــــدة فوك ايدي وسحبها الگلبه على الجرح الجبير الي كل مايطيب قسام يرجع يفتحه  مغمض عينه ويحجي بخفوت

::- هذا يأذيني

- حجاها وسحب ايدي البطنة على اثر ثاني

::- وهذا

- مسحت عليهن بهدوء احس وجعهن بجسمي

::- ليش تخلي يعذبك

::- مريض يرتاح من يعذبني

::- ليش

::- شفتي رجله

::- اي

::- لان صوبته بيها وصارت هيج خسر هواي شغل بسبب رجله اثرت عليه كل مايحس نفسه ضايج يرتاح بتعذيبي

::- ليش تقبل اضربة لاتخليه

::- يهددني يأذي اباذر ودره انجبر اقبل

::- مو اكلك عوفه واللـــه مريض هذا زين شدراك ماجاي يعذب اباذر هيج

::- مراقبة واعرف وين يروح وين يجي يخاف يروح على اباذر واندله باعده مني حيل

- حجاها وسحب ايدي اله

::- تعالي نــــــامي

::- مو يأذنك

::- لا تعالي معليج

- تمددت على صدره ورفعت رجليه فوگ رجليه حضني ساكت ::- أبــــــهر

:: روحه

::- انـــتَ بگد افراشي

::- وانتِ بگد ايدي

::- ثوور ثور يا ماشاءالله

- ضربني على راسي ضحكت حاضنته وهو بثنين ايديه لامني على صدرة الحد ماغفيت

وفزيت مالكيته يمي بس اغراضة موجوده تليفونة وملابسة كمت فتحت باب الغرفة ادور مالكيته طلعت للمطبخ شفت بابه مفتوح مشيت بهدوء

شفتة. ماد نفسه مخلي ايد وحـــدة بالگاع وايد وره ظهره

ورجلية مثبتهن على اصابعه ينزل ويصعد ويعد بالارقام سندت ظهري على باب المطبخ مكتفية ايديه واباوعله

حول ايديه ولمحني وكف عدل عركان وتعبان

::- شدتسوي عود تريدني انعجب بيك واكول الله بطل قوي

::- ههههههههه لا كتلج عندي شغل بالليل

- تربعت كدامه ::- كمل كمل لا تخجل

::- ضحك ونزل مرة الثانية عديت الارقام وياه 25 وكعد هزيت ايدي

::- ترا قليل نمونه لو اني اوصل للخمسين

- متأكده

::- متأكده طبعا

وكف على حيله سحبني من ايدي يجرني وراه للغرفة ويضحك مد نفسة. گـــــال

::- يله بيج خير نشوف منو يوگع بالاول

::- خليت ايديه بصف اديه ومديت طولي أريـــــد رجليَه يصيرن ويا رجليِه بعيدات وهو يضحك جنت عبالي اكدر بــــس من اول وحـــدة وكعت تشنجن ايديه وكعد يضحك ويفرك بيهن جريتهن منه

::- لان خليتني مدمنه لو جــــمرة قبل جان كدرت

::- ههههههه شلج بيها هاي

::- مره شفت فلم

- ااي؟

::- الولد يدرب هيج والبنيه صاعده على ظهره

::- بعد لا تشوفين افلام

::- هو احسن واقوه منك

::- ميخالف

::- باوع مو كتلك انـــتَ جنك ثور بس مو قوي

::- ظهري بعده الحرك يوجعني

::- جذاب شلون جاي تنام على ظهرك

.ضحك مد نفسه وكال ::-يله تعالي

- كمت كعدت على ظهره متربعه بقى منزل بطنة للگاع

::- صوجي اعلف عليج اربعة وعشرين ساعة وسمنتج لو باقية ضعيفة

- ضربتة على اكتافة ::- يله صير بطل

- اهتز ظهره يضحك ورفع نفسه واني اعصر باكتافة اعد ارقام واكله ::- عفيه البطل عفيه

وهو يصعد وينزل بتعب

وصل للعشرين مسحت على راسة

::- أبــــــهر صير احصان واركض بيه

- كام على حيله شمرني بالگاع ويصيح

::- انطيتج وجــــهة

::- شكتلك هسه اني

::- صوجي

::- كتلك احصان مو احمار

::- كتيلي احصان بــــس قصدج حمار

- ضحكت وكمت اخذ ملابسة وفات للحمام دك تليفونة تقربت اقرأ الاسم جان بــــس رقم وكفت اباب الغرفة وصيحت

::- تليفونك يدك

- خلصت المكالمة يله طلع من الحمام يباوعلي وينصي كتله

::- تليفونك دك

- راح اخذه اتصل خلاه على رجله ونشف شعره اول ما اجه الصوت عرفته قسام كاله

::- وين انـــتَ جـــــندل

::- موجود

::- كملتوا شوكت تطلعون

::- اي مكملين كلشي بالعشرة نطلع

::- ما أريـــــد ولا غلطة

::- من شوكت جـــــندل يغلط؟

::- هههههه مشتاقلك

جــــمرة::- مركزه بملامح الأبـــــهر من قسام گاله مشتاقلك رفع عينه باوعلي بلع ريگ كاله

::- اجيلك؟

::- لا كملوا شغلكم

- سد التليفون يباوعلي همست ::- شقصده؟

- سكت گام جر باقي ملابسه يلبس حتى جفوف بحيث مايبين منه غير عــــــيونة كمت ورا جريته من كتفة

::- أبــــــهر شقصده قسام

- دنك عينه يعدل الجف البأيده متجاهلني غطه راسة بكبوس وتلثم سحبت أيــــدة بحركة

::- شيقصدددد

- دنك عينه يباوعلي عــــــيونة تفتر ابين ملامحي رفع ايده على وجهي. ::- ماقصده شي لا تفكرين اكلي ونامي اتأخر انا

- عافني وطلع يقفل باب الصالة وباب المطبخ والباب الخارجي احس الوكت يمر مثل السم مره اخاف عليه ومره اكول يطبه الم مالي علاقة ومره اتخيل قسام راح يعذبة تشيط روحـــــي

انتظرتة هوواي مارجع الحد ماتعبت وغفيت فزيت عليه يحضني ويحجي بتعب

::- اجيتج جــــمرة

::- اتأخرت

:: اجيت يمج الوب على ريحة رگبتج بــــس ردت ارجعلج

:- سكتت مغمضة وحاضنتة نعسانه احس بوساته برگبتي ومغمصة عيني هدأ ونمت لازمه بأيده

-حسيت نفـــــسي سمعت صوته فزيت مالكيته يمي سمعته يسولف واكو صوت يجاوبة توقعته عمر باوعت الملابسي ماينطلع بيهن  غيرت التشيرت لفيت شالي وطلعت ادور شفت ظهره عليه بدون تشيرت واكف بالمطبخ مشيت كل ظني عمر شهكت ورجعت ليورا فازه من شفت قسام گدامه واكف

التفتلي الابهر ومدلي أيــــدة جلبت بيها خاتلة بظهره كل ذرة بجسمي رجفت النفس حسيتة ضاگ بصدري تذكرت شلون حركني حسيت حرورة الحرك اكلت گـــــلبي من جديد مد راسة مبتسم يباوعلي

::- اوووه مرة جـــــندل الباعته باول حرك

الأبـــــهر ::- روح انا اجي وراك

::- ججج ما أريـــــد اتعبك هذا البيت ما مستخدمينه

:- قسام هواي جاي تلعب رجلك الثانية تحكك

::- ههههه تهدد؟

::- مو گدامها

::- عاجبني اشوف ردة فعلها

جــــمرة ::- مجلبة بظهره حيل سحب ايدي وحجة

::- روحـــــي للغرفة لاتطلعين ابد

- لزمت أيــــدة ارجف واهمس بخوف ::- راح يحركك راح يحركك

::- اششش روحـــــي جــــمرة لاتطلعين لو شيصير اقفليها

- هزيت راسي اي ورجعت للغرفة اركض سديت الباب وكعدت وراه خليت ايدي بحضني لازمتها بايدي الثانية ما اريدها ترجف والخوف اكل روحـــــي متت خليت ايدي ابين اسناني عضيتها ودموعي تحرك خدي احلف بكل امام

::- جذب ما اريده يتعذب ما أريـــــد قسام يأذية مسامحته والله مسامحته يارب انقذة يااارب واللـــه ما ادعي عليه بعد واللـــه

- بالنص ساعه مرت واني بــــس دموعي تنزل اسمع صوت قسام وصوت الأبـــــهر اختفى

مخليه راسي على رجليه وادعي

وفزززني صياحة

صيح بشوغة موجوع  كمت بسرعه فتحت الباب وطلعت جمدت بمكاني ارجف رفعت عيني. وهو بوجع يحجي من بين اسنانه

::- ارجعيييييييي

::- ابهررررر

- كطعت النفس وفاتحه عيني على وسعها رجليه يتلولحن وايديه بحبل مربوطات ومعلگات بالسگف بجنگال مال بنكه الدم ينزل من صدره نفس الجرح البگلبه نفسه رجع جرحة ركضتله اصرخ وما وصلته نجريت من شعري اني وحجابي شمرني حيل نضربت بالحايط غوشن عيوني وكعت بــــس فاتحه عيني ودموعي تنزل اسمع صياحة على قسام ويجر بأيده حيل

::- ايدك اكسررررها جربت گبل مديت ايدك عليها وشفت شسوووويت بيك قساااام وياي مشكلتك ويااااي عوفهااا

::- والك عين تهدد كتلك اليشتغل وي قسام مالازم عنده نقطة ضعف انـــتَ الوحيد نقاطك هواي اباذر دره وهسه هاي الحلوه كثرن

::- جمررررره گومي فوتي للغرفة جمرررره

جــــمرة::- فتحت عيني اباوعله حيلي كله راح عيوني مغشوات من الدوخة والدموع اغمض وافتح... عينه بعيني لم شفتة الداخل حلكة وغمض عينه من قسام رجع تقرب ورفع السجينة. يحفر الجروح القديمه اني صرخت وهو كتم وجعه ..

::- عووووفه حــباب عووووفه

يتبــــــع⋆𓍯

الكــــاتبة أيـــــــلول⋆𓄼𓂁

🌿💚

.

مساء الخير ...

#أجرام_مستباح_لثلاث_ندبات

                                    بقلم الكاتبة أيلول

     ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

امس مارحت من بالي

امس وي كلشي كمت الكاك

بضحكتي بدمعي بخيالي..

امس لو جايني گتال

اصيحن هلا بگتالي .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة ::- بــــس ردت اگدر اكوم من مكاني بأي شي اساعده من عجزت غمضت عيوني ما أريـــــد اشوف وهو كاتم صوته الحد ما صيح رجعت اباوعله ابتعد قسام جر الكرسي كعد عليه وابهر عــــــيونة عليه والدم ينزل من جسمه  يغص بالكلمه يله يحجيها

::- كومي فوتي للغرفة جــــمرة تحركي

قسام::-  لا وين تروح خليها تباوع

::- جاي تلعب بالنار قسام انسه كلشي واكتلك ديرباااالك تفكر خوش ديربالك

جــــمرة ::- بــــس دموعي تنزل ماكدرت اشيل عيني منعنده ضحك قسام طلع تليفونه والابهر يغلط ويهدد بغضب تقرب قسام يـــــمة رفعله التليفون يراويه سكت الأبـــــهر وجمدن عــــــيونة على الشاشة همست صوتي رايح

::- الأبـــــهر

- مارفع راسه من التليفون وقسام يضحك الحد ما وخــــر التليفون منه والابهر عــــــيونة  على الفراغ حتى مايرمش متروسه دموع مايباوعلي

::- ابهررر

صيحت حيل ابجي وهو ولا يباوعلي قسام رجع تليفونه الجيبة وفات للمطبخ السجينه بيده شغل الطباخ ورجع بدونها كعد على الكرسي وحجه

قسام ::-شجابج عليه انتِ شورطج وياه

- وكف على حيله واجه يمي قرب رجله الايدي داس على اصابيعي بجيت اصرخ نطق الأبـــــهر صوته متحجر

::- عوفها

- التفتله قسام ضحك كاله ::- تدري بيه ماحب اعذب هيج اشكال مطمن هاا؟

- لو تجيبلي راس اخواني هم احاسبك على اذيتها الاحسن الك تبتعد

جــــمرة ::- ضحك قسام وابتعد رافع ايديه باستسلام جريت ايدي البطني رجليه يرجفن ماكدرت اوكف عليهن ماكدرت اكوم  راح قسام  للمطبخ ورجع بيده السجينه حمره فتحت عيني على وسعها اباوع للأبهر وهو عــــــيونة بعيوني بلع ريك وهمس

::- غمضي

::- لااا لااا لاتحركه اااني احركنيييي اني لا تحركه لاااا

الأبـــــهر ::- اشش جــــمرة باوعيلي جــــمرة

- رفعت عيني اله ابجي وارجف ابتسم ونزلن دموعه حرك شفته ::- غمضي "

قسام ::- ججج باوعي زين ديربالج تغمضين

- حجاها واتقرب مني مد أيــــدة بجيبه والسجينه بايده لون الحمار صار فاتر شمر حبايتين بالگاع ورجع للمطبخ

الأبـــــهر :: اموتج اذا بلعتيهن جــــمرة ديربالج

- هزيت راسي لااا ما ابلعهن

ورجع اجه قسام والسجينه صايره جمر تقرب للابهر صرخت ابجي

::- لااا تحركه

قسام ::- ابلعي الحبايتين وانا ما احركه

الأبـــــهر ::- لااااا ....قسام .......

جــــمرة::-  فشر وغلط وقسام يضحك ويصيح ::-يله.

عيني على السجينه المابقى شي وتلزك بصدر الأبـــــهر مديت ايديه ارجف جريت الحبايتن من الگاع ابجي واحجي

::- بــــس لا تحركه حبااب لا تحركه

::-ابلعيهن وما احركه وعد

الأبـــــهر ::- باووعيلي جــــمرة لاااا اموتج

- خليتهن بحلكي ثنينهن بلعتهن وصيحت ارجف وامسح بدموعي

::- بلعتهن بلعتــ.. بلعتهن يله عووفه

- بمجرد نطقت خله السجينه على. صدرة وهو رفع راسه ليفوك وصيح بوجع جمدت حسيت گـــــلبي طلع من مكانه ونسلبت روحـــــي اخذني الظلام وماكدرت افك عيني اكثر

.وره فترة حسيت نفـــــسي نرفعت من الگاع بــــس ماكدر افتح عيني غصب عني انام ماحسيت بشي بعدها

ما اعرف شكد وقت فات يله كدرت افتح عيني بتعب جفني ثگيل وعيوني يحركني بــــس لمحت نفـــــسي بحضنه وهو نايم رجعت غمضت تـــــعبانة فتحت عيني فازة من سمعت باب انفتح كوه اشوف .عمر فتح الباب بيده سطل بدون مايباوعلنا تقرب خله مي بالمبرده وجها علينا وطلع رجعت نمت جسمي مهدود حيله

الحد ماحسيت راسي نقسم نصين من الوجع يله كعدت كفيت الغطا مني كعدت على حيلي عاصره راسي ابين ايديه أريـــــد اركز تلفتت بالغرفة مو البيت الجنا بيه اكو صوت عصافير مدري دجاج درت اباوع للابهر صدرة ملفوف بشاش نايم بتعب بلعت ريك من تذكرت الصار

رجعت مديت نفـــــسي وقربت روحـــــي الحضنه حيل أريـــــد ادخل بين اضلوعه شهك فاز من طخت ايدي بجروحه يريد يدير وجــــهة موجوع واني بايديه حاضنه وجــــهة الي واحجي بخفوت

::- أبــــــهر

::- هااا جمررة هاا

- جريت راسه الصدري كل ما اتذكر گـــــلبي يتكطع حيل لميته بحضني

::- شبيج يا روح الأبـــــهر

- ابتعد مني كعد على حيله كاتم نفسه ولازم جرحه شايغه روحه من الوجع  واني بقيت متمدده اباوعله ودموعي تنزل على شعري مد أيــــدة يحاول يبتسم مسح عيوني لزمتها

::- التوبة بعد ما ادعي عليك

::- جنتي داعيه عليه؟

- غمضت عيني وهزيت راسي اي سحبني من ايدي كعدني مقابيله ولزم زندي جراني الحضنه

حضنته خايفه اطخ جروحه

::- اسف خليتج تعيشين هيج موقف .

- ابتعدت وحضنت وجــــهة ابين ايديه اباوع بعيونه واحجي بخوف

::- تعوف قسام بعد ماتشتغل وياه وتروح للشرطه همه يدورون اخوانك ويساعدونك أبــــــهر عفيه لا تتحمل تعذيب قسام

.دنك عينه هز راسه لا ورجع باوعـــــلي

::- ياشرطة جــــمرة عنده واسطة ينقل مركز شرطة من مكانه

- التفتنا على دكة الباب صاح عمر

::- ابو الجود

::- اجيتك

- وكف يريد يطلع جلبت بأيده

::- وين احنا

::- خارج بغداد

- فكيت عيني مصدومة جر أيــــدة مني وطلع

- عصرت راسي أريـــــد اتذكر شي شنو خارج بغداد شجاي يحجي تلفتت ادور صايه والشال مالاتي مشمورات يمي واغراضي بعلاكة على جهه دنكت عيني اباوع الملابس متغيرات ومو نفسهن كمت بسرعه جريت الحجاب وطلعت من الغرفة اتلفت

هو باب الغرفة من افتحه تصير بوجهي صاله بكد الغرفة بيها ثلاجة صغيرة وطباخ منضدي مخليه على ميز وباب ثاني فتحته فتت للحمام غسلت ورجعت طلعت ادور عليه ابالي باب الصالة مقفول تقربت فتحته التفتولي ثنينهم

رفعت عيوني منهم اباوع بالمكان وارجع اباوعلهم اشجار خضار ونخل وهم كاعدين بفيهن على مصطبة خشب گام الأبـــــهر موجوع الخطوه من يخطيها يغمض عينه شايطه روحه  وكف كدامي جر الحجاب على شعري. من كدام همست اباوع بعينه

::- وين احنا؟

::- فوتي جوا بــــس اعقم الجرح واجي.

- درت عيني على عمر كاعد ويمه شاش ومعقم مدنك رجعت باوعت للابهر مخلي أيــــدة على خدي

::- بــــس كلي وين

::- خارج بغداد

::- وين

::- لا تسألين

::- ووين؟

::- ادخلي هسه اجي

- دفعت أيــــدة من خدي وفتت رجعت كعدت بالغرفة الجو مبين بعده صبح صوت العصافير حيل حلو وريحة الزرع واني كاعده مديت ايدي على البرده جريتها على جهه وفتحت الشباك

وبكل عيني اركز بالمكان عبارة عن بستان اشجار ما اعرف مال شنو والكاع كلها خضرة والحمام فوك النخل النازلات عثوگ التمر منه جريت نفس بقوة واراقب دقايق مرن ودك گـــــلبي حيل جسمي تصلب واحتريت غمضت عيني ما أريـــــد مو مدمنه التفتت على فتحت الباب

بــــس لمحني اجر النفس بصعوبة بقى واكف بمكانه واني اباوعله ارجف اجه عليه بسرعه سحبني من ايدي. وغمض عينه انوجع حجه

::- ادخلي اسبحي حتى يرتاح جسمج

.هزيت راسي اي امسح بوجهي خله ملابسي بايدي وفتت بسرعة سبحت وكعدت هادئة

لمحت ملابسي الجنت لابستهم مشمورات بالحمام شطفتهن وعفتهن على جهه طلعت من الحمام  لكيته متمدد بمكانة أيــــدة على عــــــيونة صدرة ملفوف بشاش وبطنة من الجهتين عليها شاش وفوگاهن لاصف جروح

تقربت كعدت على اركبي كدامه مديت ايدي على خده فتح عينه ونزل أيــــدة يلزم ايدي

::- ليش بلعتي الحبايات؟

::- عبالي صدك مايحركك اذا بلعتهن.

::- ليش خفتي عليه؟

::- لان اعرف الحرك شگد يوجع.

::- تعرفين شكد يوجع وكتيله احركني وعوفه ليش؟

::- ما أريـــــد تتأذا.

::- ليش جــــمرة؟

- رفعت عيني اباوع بعيونه الذبلانه سحب ايدي من خده الشفته يبوس اصابعي واحد واحد مغمض عينه

::-انتِ الصح الوحيد وسط هوسة هالسنين "

- فتح عينه باوعلي ساكتة ومراقبته مركزه بكل كلمه ينطقها

::- انتِ ذنبي الاحبه جريمتي المستباحه غلطتي الصحيحه "

- رفعت حاجبي مركزة بوجهه وسألت

::- تحبني؟

- غمض مبتسم هز راسة ::-لا

::- جذاب

::- ما احبج

::- تحبني ادري