تحميل رواية «أجرام مستباح لثلاث ندبات» PDF

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

هَلي آسف

‏كبرت بلايه ماگلكم

‏هَلي ومو قصدي اتعبكم

‏مشت بيه السنين بساع

‏مشيّ الچذب بالوادم

‏وخذن منّي الليالي هواي

‏گد ما من صدك نادم

‏هَلي وبس اسمي ظللكم .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة ::من اوكف يختفي توقعت نفـــــسي جاي اتخيل وكفت وباوعت ليورا بخوف واركز من ماسمعت شي

التفتت جاي اركض.وشهكت فاكة.عيني على وسعها.....

- الأبـــــهر

-:نطقتها وانا كوه اجر النفس وهو لازم الكصب من الجهتين بادية ثنينهن باعدهن عن وجهة ويلهث.

خطوة وحدة رجعت وركضت بغير اتجاة بسرعة لزمني من بطني ورفعني وانا اصرخ

اضرب بأدية ورجليه واصيح بكل صوتي. ..

كعد على حيلة لامني بحضنة ضهري بصدرة رفع ايدة سد حلكي فرفحت ادفر برجلية

واجر بيدة من حلكي

مد رجله فوگ رجلية ثبتهم وتقرب يحجي يم اذني بهمس

:- اششش اگطعي نفـــــس

-حجاها وابتعد يتلفت وكفت حركتي من سمعت صوت نفس الركض الچنت اسمعة چلبت بأيدة وهوه يسد بحلكي ويهمس على كيف

- اشش لاتحجين

-بلعت ريك ساكتة بــــس صوت نفـــــسي العالي ودكات گلبي. نزل راسي على رجلية

فاتح عينة بتركيز ويتلفت كل شوية الجهة

بــــس فاتحة عيني رجلية احسهم نار مشتعلة بيهن. الصوت يقترب النا اكثر. بــــس اختفى شوية

كام الأبـــــهر باستعجال سحبني من ايدي وركض بكل قوة طلعنا على الشارع دفعني من ايدي وكعت بالتراب وهوه كعد على اركبة لازم بطنة ومغمض عينة

الدم ينزل قطرات على الگاع وعلول اجة يركض

كمت على حيلي وصرخت من رجلية

متكصصات ويصبن دم رفع عينة بتعب باوعلي

اوكف سحبني من ايدي واني اجر بيها وادفع

:- وخررر عـــــوفني

لازم بطنة بأيد وايد يجر بية.وراه وعلول يمشي ويحجي وياه

:-بطنك. يمعود بطنك

-دفعني بالغرفة.وقفلها مثل المخبلة اضرب بنفسي واصررخ بكل صوتي. الحد ماتعبت

باوعت الرجلية ماكدر احركهن مجرحات

وبيهن اشياء تنغزني كل ما احركهن انوجع

مسحت وجهي وصحت بهدوء ابجي

- أبــــــهر

- عين على رجلية.وعين على الباب امسح بدموعي.رجعت صيحت

- أبــــــهر حــباب تعال

فتح الباب وجهة اصفر وتعبان

مغير ملابسه بــــس شفتة رجعت ابجي واباوع الرجليه احجي متهسترة واشهك اغص بالكلمة

:- رجليه باوع رجلي توجعني رجلي

-عاف الباب واجة.يمي كعد على اركبة رفع ادية ثنينهن حضن وجهي ابينهم يمسح بدموعي

ورجع باوع الرجلي مد ايدة يفتح سير الحذاء

جانت مفتوحة من الجهتين لزم رجلي صرخت ميتة وجع شمر الحذاء وسحبني

:- تعالي كومي اغسلج

-جلبت برگبتة ...::- مـ ما مااكدر ام امـشي

-خله ايدة على حلكي. ::- اشش لا تشهكين هيج اتموتيني

جر راسي الصدرة وانا بــــس ابجي رفعني بأيدة

رفعت رجلية خايفة اخليهن على الكاع دخل للحمام كعدني ورفع قميصة يباوع للجرح

كعد يم رجلية يريد يغسلهن كل مايلزمهن اصرخ

روحـــــي راحت رجعني للغرفة وكعد ينشف بيهن گام شوية ورجع بيدة نيدل لميت رجلية بخوف كعد يمي

:- اكو اشواك برجلج هنه الجاي يأذنج راح اطلعهن ما اوجعج

:- لااااا ...لميت نفـــــسي حيل واهز براسي لا

لزم وجهي بأيدة

- يبقن يوجعنج لازم اطلعهن

- مااا راح ر..راح مايوجعني. بعد. ما يوجعني

- دنك راسة بحيرة جر الفراش مداة بصفي

:- يله يولن نــــــامي وهنه يطيبن

-تمددت بالفراش متغطية بالبطانية ولازمتها حيل يمسح بگصتي ويتحسر. بقهر.

-غمضي جــــمرة

-تنفست بقوة.وغمضت عيني رجليه وجعهن قوي حسيتة گام من يمي بقيت مغمضة أريـــــد انام ...رجع فتح باب الغرفة فتحت عيني سد الباب واجة يمي مد روحة ورفع راسة على ايدة. يباوعلي

بأيدة الثانية خلاها يم وجهي رجعت راسي ليورا اباوع بيها خلاها كدام وجهي

:-شوفيها

طلعت أيديه ثنيهم لزمت ايدة. مبللة ::-شبيها ايدك

-عطر جبتة الج ....شمية طيب

:-قربت ايدة الخشمي اول ماشميتها دفعتها رجعها بقوة. خنگني تنفست نزل شفتة على راسي باسني وايدة ساد حلكي وخشمي

بسرعة نمت

فزيت من وجع راسي الغرفة ظلمة. وماكو اي صوت رجليه احسهن ملفوفات وخرت الغطة منهن ومديت ايدي اتحسسهن ثنينهم عليهم شاش

-تاكلين؟

-شهكت فازة التفتت وراي. يم راسي كاعد ضهرة على الحايط رجل مادها ورجل ثانيها ومخلي ايدة فوكاها

-هزيت راسي اي

-كومي اسبحي واني اسويلج اكل

بقيت كاعدة بمكاني گام هوه طلع ملابس

حتى ملابسي الداخلية جان هو يغسلهن وهوا اليطلعلي علمود البس ماجانت عندي طاقة اهتم

واغسل همي الوحيد حبـــوب

نز جسمي والتفتت مخروعة من سمعت صوت

الديج يم الشباك والابهر اجة بسرعة يمي ويحجي

- ماكو شي الدجاجات شبيج. باوعيلي ماكو شي

- بلعت ريك اباوع بوجهة لزم ايدي الترجف عصرها ابين ادية وكومني للحمام خلة ملابسي وفتح المي كاعدة على التختة ورجلي مادتهن گدامي خايفة ادوس عليهن

-حاولي لا تخلين المي يوصل الرجليج

-هزيت راسي اي دار يريد يطلع جلبت بيدة أريـــــد اكوم ....:- اخااااف

-لزم ايدي والتفتلي بحيرة يحجي

:- ابقى ؟

-لاااا هزيت راسي.واتلفت

-اطفي الضوه وابقى يمج؟

-لااااا مااا

-زين اوكفلج بالباب وامدلج ايدي من تخافين الزميها

-سكتت اباوع بعينة طلع وسد الباب على كيف بدون مايطبگة. ماد ايدة الي واني ورا الباب مايشوفني

سحبت الانجانة يمي بملابسي اشيل مي واصب على راسي وجسمي وعيني على ايدة. امسح وجهي من المي بسرعة واباوع الايدة

:- كملت .....حجيتها ورفعت ادية ثنينهن امسح بوجهي. دخل للحمام يباوعلي عاض على شفتة بقهر

رجع خطوة ليوره طلع ايدة من الحمام طفه الضوه

فتحت عيني على وسعهن أريـــــد اشوف ارجف

- ابـــــهر ؟

.لزمني بسرعة وتقرب كعد كدامي

:- يمــــج انا

-جلبت بية بقوة: - ليش ليشش طفيت الضوه

- بــــس اغسلج واغير ملابسج مايصير هيج

جسمج بية اتراب من الذرة وانتي بــــس تصبين عليه مي

- سحب ايدة جلبت بيها حيل وراسي يتلفت

ماكو صوت بــــس. عقلي يخترع اصوات وحركات اساسا ما موجودة

نزعني ملابسي يلزم ايدي يخلي الصابونة بنصهن يحركها من تصير رغوة يگلي

-:غسلي جسمج

-ويرجع من جديد يخلي الصابونة بيدي شطف جسمي من الصابون حسيت ايدة تخللت بشعري. واني بايدي لازمة بركب رجلية. خاف يبتعد

نزل ايدة على اعيوني سداهن

:-غمضي حتى مايحترگن عيونج

-غمضت غسل شعري وكومني يخلي الملابس بأيدي ويكلي :-البسي يله

لف شعري بلمنشفة وطلعني من الحمام مجلبة بأيدة. ماضغط على رجلي

وهوا ملابسة مبللات دخلني للغرفة كعدت نزع قيصة شمرة على جهة وباوع البطنة رجع باوعلي

:- مادام اسنايبر براسي جرحي مايلتئم

-دنكت عيني ساكتة الشاش البرجلية مبلل

رجع جاب معقم وشاش لفاهم من جديد كام

من يطلع من الغرفة يقفلها

رجع بيدة صينية اكل كعد كدامي سوه لفة

بلعت ريك اباوعلها واباوع لعيونة

:- أريـــــد حباية

سكت عينة بعيني قرب الفة الشفتي اكلها ومسحت حلكي رجعت حجيت

-:جسمي جاي يوجعني اني محتاجتها

- جــــمرة اسئلج شي وفكري قبل لا تجاوبين

-سكتت بــــس اتنفس وهوا مدنك يسويلي لفات اكلتها. واول مابلعتها. مد ايدة بجيبة طلع شريط حبـــوب وحجة بتردد

- اذا خيرتج ابين تبلعين حباية لو ترجعين الامج شنو تختارين

- عيني تركزت على الشريط رغم مو نفس الحبوب بــــس جنت قابلة ابلع اي شي

- هــــا اسنايبر

- رفعت عيني العينة عقلي وگلبي حرب دكات گـــــلبي احسهن براسي همست مدنكة

- الحباية

- رفعت راسي اباوعله لازم الشريط. بأيدة وعيونة تفتر ابين اعيوني هز راسة موافق فتح وحدة. وقربها الشفتي بلعتها. وغمضت عيني

-تمددت بسرعة كام طلع ورجع بيدة مي غسلت

وغمضت عيني بــــس أريـــــد احس بروحي مثل كل مرة من ابلع حباية

بــــس مصار هيج مجرد

اعصابي تبرد واصير هادئة ما اعترض على اي شي ولا اصيح ولا انام فاتحة عيني وهادئة الى ابعد حد

جان بــــس صوت الدجاجات مدري شبيهن وكلساع صوتهن يفززني رغم كاعدة بــــس افز

رجع دخل للغرفة اعيوني اتراقبة جاب مشط واجة سحبني من ايدي كعد وره ظهري

شال المنشفة مشط شعري ويحجي بصوت خافت خايف

:- لا تملخين شعرج بعد شوفي شكد وكع منه

-دفعت المشط من كدامي رجع الشعري مجرد يسرحة لان لاينشد ولا ينظفر.

- ابيش الساعة؟

سئلتة واني مدنگة تقرب الاذني يحجي

:-ب3 الفجر

- التفتت عليه عاكدة حاجبي ...

:-جا ليش الدجاجات كاعدات

-ضحك. :- مو وديت علول جاب بيض منهن وكعدهن

-هاااه

-اي يله تعالي نــــــامي

-تمددت بصف الشباك وهوا يمي. عيني على الشباك ...درت راسي اباوعلة مخدتة بصف مخدتي متمدد على ضهرة وايدة فوگ اعيونة

- أبــــــهر

- عيـنــاه

- نام انته يم الشباك .......

وخر ايدة من عيونة. وحجة

:-ليش

-سكتت وبعدت جسمي من يم الشباك طخيت بجسمة. شهك متوجع واني حتى ما التفتتلة اعيوني متبسمرات على الشباك اتخيل منا يسحبوني لو اتخيل ايد تنمد عـــــلي لو تنفتح

عبر من فوگي. تمدد بمكاني واني بمكانة سحبت المخدة بعدت عنة باوعلي ورجع دار وجهة ساكت. .. مانعسانة ولا أريـــــد اسوي شي متمددة ساكتة

وهو ساكت. اذا حرك رجليه التفت فازة

اذا صار صوت يم الشباك جسمي كله يرجف

بــــس فاتحة عيني واتلفت

التفتت علية ماد ايدة بصفي..

رفعتها خليتها على المخدة وخليت راسي فوكااها ورجعت بايدي الفها عليه. لفاها وسحبني كلي الحضنة. تقربت اكثر ومطلعه بــــس اعيوني من البطانية اباوع بالغرفة بخوف

لماني بحضنة حيل ورفع رجله يضم رجلية ابينهم

- يمج انا لا تخافين جــــمرة

-حركت راسي. متقشعرة من وجهة هدوء الغرفة بس صوت النفس وهو من يقوي حضنه الي ضجت حجيت بعصبية

- أبــــــهر ....

ابتعد وبقى حاضني. برخاوة سحبت رجلية أريـــــد ابتعد ماعافهم جريت ادية منه بنتر عصررهن حيل

-اششش يله

-بعدت راسي منة منطيتة ظهري لف ايدة الجوا راسي ورجعني الحضنة اكثر. سكتت وهو هم سكت مرت اكثر من نص ساعة وحجة

- من شنو خايفة؟

-حركت اصابعي ابين اصابيعة.وغمضت عيني

-احجي

- اكو اشياء اهنا مرات اشوفهن ومرات اسمع صوتهن

-تتخيلين ماكو شي

-بقيت ساكتة لان اني مرات هم جنت اكول النفسي جاي اتخيل ومرات احس فعلا جاي اسمع لو احس صوت الركض من شردت احسة بعده براسي ويرجع گـــــلبي يدك سريع

- انسولف حتى ماتسمعين صوتهم؟

-اي ااي سولف

-التفتي باوعيلي

-درت وجهي عليه ورفعت راسي حتى يوخر ايدة ماقبل. نمت عليها وبأيدة الثانية. يبعد شعري من وجهي

:- سولفي

-اسئلك؟ .....هز راسة لا

-اني اسئلج .......منو اكثر شخص اتحبينة

-دك گـــــلبي حيل وسكتت كأن ريحة.صوفي صارت بخشمي وكلبي نعصر عليه غمضت عيني ساكتة ..مشة أيــــدة على وجهي

-نحجي هسه والصبح ننسه؟

- فتحت اعيوني بوجهة مرتبكة. وحجيت

:- صوفي اخوية

-وامج

-هم احبها بــــس احب صوفي بالاول وراه امي

-ابتسم الطريقة كلامي ابهامة يتحرك على وجهي

- اكثر شخص اتكرهينة؟

-باوعت بعينة ...وهوا مبتسم منتظر جوابي

:- انت وبابا

-اختتفت ابتسامتة ورفع عينة يياوع بعيني

بلع ريك ساكت اعيونة ادور ابين اعيوني

- انا عذبتج وخطفتج حقج.. ... بــــس ابوج ليش

-ثنينكم اذيتوني

-شسوالج

-غمضت عيني واني اتذكر ضرباتة.وحدة وحدة

انا البنية الوحيدة من استشهد ابوها

گالت الف الحمدلله خلصنا. ..حسيت عليه يهز بايدي حيل ويصيح

- جمررررة

- هاا

-يمج انا

-سكتنا ثنيناا لا هوه الكادر ينام. ولا اني العقلي. مستقر

ساعة تلعب نفسي من قربة وبس أريـــــد ابتعد وساعة اخاف واضم روحـــــي بحضنة اكثر. الحد ماتعبت ونمت

من فزيت مصدومة وراسي مسطور ميتة من الوجع مو بنفس المكان النمت بية

كعدت على حيلي اباوع واحاول بس. اجمع عقلي. هوه اني فعلا جنت اهنا لو شنو الصار

اتذكر جنا بالبستان هذا غير بيت بــــس هم شايفتة مجاي اتذكر

خليت راسي ابين رجلية اعصر بية واضرب بايدي على راسي بــــس اريد عقلي يفكر

واستوعب اني وين جنت اوين هسه. ليش احس المكان شايفتة

حسيت حتى النفس وكف بگلبي رفعت راسي التفتت للغرفة بلعت ريك ارجف

كمت على حيلي ورجعت ليورة بخوف الحد مانضربت بالحايط كعدت على حيلي

اول مكان شفت بيه جـــــندل اول مكان

اول مكان سلب بيه روحـــــي واغتصبني

اول مكان شربني بية السم.

بــــس مركزة عيني على الجهة الجان مكعدني

بيها وكأن لحظة لحظة انعادن كدامي.

التفتت للباب من سمعت المفتاح بية

انفتح. ودخل أبــــــهر بيدة علاكة اكل

..وكفت ابسرعة ابجي واغلط افشر واضرب بية

بــــس يدفع ايدي خاف اضرب بطنة

جراني للفراش فرفحة روحـــــي اصرخ وهوه شد ادية ثنينهن بشال امي ودفعني للفراش

جاب الاكل واجة يمي

- ما اااااكل ما ااكل لو تمووت افتح اييدي

ابن الكلب ابو الحبووووب مجرررم كافر

وخررررر عـــــوفني

- اششش اذا ما اكلتي ارجعلج للبيت المسكون

- افتتتتح ايدي

-تمدين ايدج عليه هاي ثالث مرة اتفتحين الخياط....اكلي واني افتحهن

-اكلت شوية على اعصابي أريـــــد اتقيئ وارجف كلي بس أريـــــد افتح ايدي ..

فتح ايدي وگام بقيت بالفراش ابجي

جسمي يحركني. رجفت حيل واحجي متهسترة

:-حباية حبااية

- انسيهن ...هاي الثلاجة بيها مي واكل اتاخر عليج انا

- بــــس هل مرة ما اكدددر

-بقه واكف بالباب ادموعي التنزل تتوسل ينطيني حباية هز راسة لا وطلع صرخت وراه

- الله يحررك گلبك... مثل ماحرگت گلبي

:-بس طلعني من هااااي الغرفة ماريد ابقى بيها

...كمت للباب ادك علية وابجي

:- طلعني مناااه

.اختفى صوتة واني تعــــبت من البجي والصريخ

الووب اكوم من مكان المكان افتر وجسمي يرجف بــــس ردتها حتى لو اخر مرة متت

واحس بروحي تنسلب مني وكل الطلع بأيدي اذية النفسي

فتحت الثلاجة ادور على اي شي بــــس اكل ومي بيها سديتها ..

جان حايط الغرفة ما مصبوغ بــــس لبخ مشحفر ويأذي احك ايدي

بية الحد ماتصب دم. نزعت التشيرت. واضرب ضهري بالحايط حسيتة تجرح كلة يلة تمددت بفراشي هادئة

غفيت من التعب. وجسمي نار

حسيت صوت احد مختنك يمي ..غمضت عيني حيل وجريت الغطا الي خفت افتح الحد ما لزمني من ايدي يحجي بخنك يرجف صوتة

- جــــمرة

- فتحت بوجهة ابتعدت. ثاني ركبتة وكاعد كدامي اعيونة حمر ويرجف كلة رفع ايدة اليي

يحجي كلمة ويغص بالثانية

:- علميني....عل ..علميني ..ادعي رب العالمين

- جريت ايدي منه جنت هادئة بــــس الحقد عامي اعيوني ....فرك وجهة ابين ادية وحجة.مختنك

- علول اتصوب

- فكيت عيني على وسعها مادري ليش گلبي وجعني ..وهوا منظرة مايعرف شيتصرف يتوسل و يدير وجهة ويرجع يباوعلي

:- شسووي كليلي شسوي علميني

- باوعت بعينة يمسح وجهة فاقد.ومايعرف شيسوي همست بهدوء ..... اتصلي؟

- جر نفس يرجف. ......::- علميني

- هزيت راسي لا ...لا صلاتي ولا صلاتك تنقبل

-عصر راسة ابين ادية اختنكت من يمي

على خنكتة كوه تطلع الكلمة منه

:- ميخالف بــــس علميني

- هزيت راسي قابلة كومني من ايدي. ..

توضيت كدامة يقلدني وايدة ترجف

رجعنا للغرفة سحب الصاية والشال يلبسني

كل ذرة بجسمة تهتز مايسيطر حتى على ايدة

اشر بأيدة على اتجاة القبلة

:- شدراك

- علول هيج يصلي

-سكتت اوكفت بصفة احس نفـــــسي ناسية بــــس من وكفت وتوجهة.رجع كلشي العقلي احجي بصوت وهوا يقلدني. الحد ماكملت ..

التفتلي

:- شلون ادعي؟

- لزمت ادية خليتهن وحدة بصف الثانية ورفعتهن ..::- احجي

-نزل عينة.يباوعلي. يغمض ويفتح بثگل وتعب

:- شحجي.

-التريدة

- دار وجهة يباوع الايدة ساكت. نعصر گـــــلبي

بــــس شفايفة تتحرك

- كام حاني ظهرة طلع كمت وراه اصيح: - لا تقفلل البااااب

- مالحكت قفلة ابسرعة ...دكيت على الباب وغلطت ..واغم بكصتي لان علمتة كعدت بفراشي الوب ساعة ادعي عليه ساعة اكول الله يشافي علول

ساعة اخاف واخربط وماعرف شتصرف ساعة ماكو اهداء مني.

حسيت علية الصبح كعدني. ..اعيونة حمر ومنفخة. مايباوع بعيني

:- اكعدي اكلي

- أريـــــد حباية ......رفع اصبعة يسويلي

:- اششششش

- دفعتة من صدرة وكمت. .كام وراي سحبني

بقوة ودفعني النفس المكان.

لزم فكي ابين ادية

:- ليش هيج مسوية بضهرج

- دفعت ايدة حيل وضربت نفـــــسي بايدي

اصرخ: ::- أريـــــد حبااااية

من تاكلين انطيج ...

سكتت و

تذكرت علول راسا سئلته

- علول مات؟

-بقى مدنك ..دغيتة بأيدة

:- علول مات؟

-هز راسة اي وكام من يمي طلع من الغرفة شوية ورجع ...

بيدة اكل اكلت عافني وطلع بدون مايحجي

عاف باب الغرفة مفتوح طلعت منها ابسرعة

ركضت للباب وتذكرت حتى لو حاولت افتحة اكو باب حديد ثاني اقوة منه

افتريت بالبيت ودخلت للحمام سبحت

اي شي اسوية بــــس كون التهي عن الحباية

بــــس كل دقيقة رجفتي تزيد. واتهستر

طلعت من الحمام ارجف. شفت باب غرفة ابد مافاتحتة لا هسه ولا اول ما اجيت

تقربت فتحتها ...جانت فارغة مابيها اي

شي جاي اطلع ولمحت بنهايتها مراية. مكسورة من فوك وباقي بــــس نص

تقربت بسرعة أريـــــد اشوف نفـــــسي صفنت ساكتة ورفعت ايدي سحبت رداني ومسحتها

بلعت ريك

رفعت ايدي اتحسس ملامحي ...هاي اني؟

ثگل جفني ...وجهي باهت حيل. وشفايفي بيض

جوا عيني سواد. وضعفانة حيل

هزيت راسي لاا وامسح بالمراية حيل.

رجعت للغرفة الثانية ادور شال امي اخذتة

ورحت للمراية امسح بيها وابجي. مخروعة من شكلي

تعــــبت. كسرتها. ماريد اشوووف ..شديت الشال على ايدي

..مو اني. موو اني ....اتمدد واقرب الشال الوجهي ..واهمس.

:- مو اني يـــــمة مو اني

مو اني. انا جمرتج الحلوه اني التحبين وجهي

وعيوني ...

الحد ما اغفى وافز على نفس النومة بــــس احجي وي نفـــــسي وارجع انام ......

..................

نــــهله. :: اتعب حيل اكعد من الصبح للظهر وانا ما مكملة شغل.. لان شكد ما انضف الجهال يوصخون

للعشرة. يلة خلصت تنضيف اوكلت مصطفى

خليت الملابس بالغسالة وحدي بالبيت كلهم بالدوام

فتحت الثلاجة محتارة بالغده

لا عندي لحم لا دجاج

اتصلت على ادريــــــس كتله أريـــــد اروح للسوك گـــــال عـــــلي يجيلج. يتصل عليج من يوصل

نزلت للبيت الجوا. فــــــاطمة ما مداومة كتلها تجي يم مصطفى ..جاي البس بعباتي واجت يمي

:- منو ياخذج عــــمة

-ابتسمتلها ...:-عـــــلي ....

دنكت تخجل بسرعة

- عــــمة عادي اكتب رسالة بورقة تنطينها اله

حبابة

- ولج ليش ماتعوفين هاي السوالف واللـــه يفرجها

- عــــمة بابا كلبه من حجر مايقبل

- خلي نيتج تليين كل گلب قاسي ورددي

{يامن لين الحديد لداوود }

313 مرة

دنكت راسها ساكتة

:- ديله امشي اكتبي ابسرعة.....ضحكت وراحت تركض الكتب غـــــدير

نزلت جوا تركض واني اصيح عليها ولج فضيها

اجت بيدها عطرها ترست الرسالة عطر

خزرتها

:- حرررام مايصير

-حبااااابه حبووووبة عــــمة عفيه عفيه

- اخذتها من ايدها وطلعت صحت عليها اطبخي تمن وياج

:- بعيووووني

- طلعت. لشارع دكالي هورن عـــــلي

سلمت وصعدت ضامة الرسالة جوا العباية وهوه يلوب كلساع يلتفتلي. قريب على السوك حجة.ماكدر

:- ام مصطفى حاطة من عطر فــــــاطمة

- التفتت عليه ...::- وانته شعرفك بعطر فــــــاطمة

.ضحك.ودار وجهة يباوع ليگدام

:- غير انا جايبة الها

-خلو حبكم يرضي رب العالمين حتى يوفقكم....

تحسر وسكت شوية.وگال

:- والرضا. ابو محمد. مالازم حتى ايدها خايف عليها من الحرام اكثر من روحـــــي.

ولا جنت احجي وياها كل البينا نظرات

بــــس من رفضوني انجبرت احجي وياها

واصبر روحـــــي بحروفها ..ادعيلي خالة ادعيلي

- طلعت الرسالة انطيتها الة ..اخذها من ايدي

وطبك السيارة يريد يقراها

:- يااا عـــــلي وصلني وعود اقراها

:- بــــس اوكفي

:- عـــــلي يمعود متأخرة .......

ما اهتم فتح الرسالة يقرة ويضحك.

خلاها على وجهة يبوس. ويشمها ويصيح

:- ارووحلج فدوة كمرتي كمرررتي

- يكسرون الگلب ثنينهم ...وصلني للسوك وبقى منتظرني من رجعت انطاني علاكة حلويات الها سووني مراسل ابينهم اخذ رسايل واجيب حلويات

بقت يمي تضحك وتسولف مكيفة

:- فــــــاطمة شعجب انتي الوحيدة تلبسين عباية وبالبيت كله دشاديش

وشعجب ابوج وعمج معگلين وامج وام عباس

عادي اشوفهن يطلعن بدون عباية جبة لو تنورة

- مو باوعي ابوي حب امي وهي كردية تلبس كلة قصير وبدون حجاب عارك الدنيا عليها وتزوجها وهي على نفس لبسها كلها جانت تحجي عليه وماقابلة بــــس هو قابل المهم اخذها

عـــــمو ابراهيم هم حب وهم سافرة

شلعوا عليهن كاشي واخذوهن

بعدين من صار عدهن جهال يله اشوية غيرن لبسهن هسه كون بيبي تحجيلج عليهن جان كالتج

- يفترن علية مطلعات ازرورهن ايبرجن

وانا. يايابه يابوية شلون نسوان ولدي عراية

سويتلهن. حرز من القران وخليتهن ينهدن ويلبسن

:- هههههههه حبابة الحجية

- اي كلش وانا لبست عباية اول شي اقتدأ بمولاتي فاطمة الزهراء عليها السلام

وثاني شي احب مــــحد يباوع الجسمي بنظرة مو حلوة

- ابتسمتلها الله يحفظج الشبابج .....بقت شوية يمي ونزلت لمن اجو الجهال جانو حيل زينين هل فترة سبحتهم وغديتهم من وكت لان يردون يرحون البيت جدهم

غـــــدير ::- اصعب مرحلة من تحس كلبك يدك الشخص وتتجاهلة

رغم ما ابينا كلام ورغم معرفتي بيه قليلة

وما اشوفة بــــس من يوصلني للدوام. ويرجعني احس بگلبي يدك بــــس المحة. بــــسام اسمة صار

يتردد بعقلي الاف المرات واقنع نفـــــسي مو حب هذا مجرد عجبج لان. ثگيل. انسي لا تفكرين بيه وغصب عني الكة نفـــــسي راجعة افكر بية ..

كملت محاضراتي واني الوب امنع

روحـــــي ما اخلي احد يحجي على عــــمة

ما احب واخون ثقتها تعــــبت حتى توصلني

للكلية خلي همي بــــس دراستي

كل هل كلام جنت احجية قبل لا اوصل للسيارة

سلمت وصعدت ..حرف مايحجي لا يباوع

ولا اني الي الجراءة ارفع عيني واباوع

يوصلني الباب البيت ويروح ...ومدري شبية احس بگلبي معصور ومخنوكة صعدت للبيت

لكيت عــــمة تبدل للجهال

نــــهله :: الله يساعدج فوتي بدلي هسه اصبلج غده

-لا عــــمة اكلت بالكافتريا وشبعانة

- براحتج حبيبي فوتي ارتاحي .....اجة اسمر اخذهم ورجع مايحجي وياي

وماحاولت اسئلة.واشوف شبية كعدت درست هبة للعصر اجة ادريــــــس وجايبهم وياة

وجهم مايكصة السيف اسبوع اتعب اعدل تربيتهم بساعات اخوالهم يگلبونهم

دخل ادريس للغرفة وصاح عليه

دخلت لكيتة متمدد بملابسة على الجرباية بمكاني. بقيت واكفة بالباب

رفع عينة باوعلي وكعد. نكث شعرة بايدة وحجة.

:- راح نروح للغربية. اسبوع عشر ايام مادري

عـــــلي وبسام وياي

اذا ردتي للسوك اخذي وياج ام فــــــاطمة

غـــــدير يوصلها الجندي مرتضى وبعد ماعندج شي

بيتج.وجهالج اديرين بالج.وبليل اقفلي البيبان ثنينهن

- بلعت ريك ساكتة ....شسوي للغربية

-عدنا مهمة

-خطرة؟

باوعلي ساكت شوية هز راسة

:- اي بــــس بعون الله منتصرين

- بــــس انتة شغلك اهنا ليش تروح للغربية

-لا شغلي تخطيط وتنفيذ بكل المحافظات

خصوصآ الموصل

-شوكت تروح

-باجر ويا الوفد الامريكي

-يعني تحاربون وياهم لو شنو

- يعني تقريبا هيج شي مخلين الخطة سوه احنا انكون بلمقدمة وهم خلفنا من نسيطر

على الخطر يدخلون همه

-ليش مو هم بالمقدمة .....

ابتسم

- مو بلدهم بالإضافة مو شجعان تــــدرين قادتهم يگلولي نتمنى أجنودنا لو عدهم ربع شجاعة جنودكم يركضون للموت برجليهم ....

هم يتختلون ودائما الخطة.تكون احن البلمقدمة

وين ولد الملحة دگلة اوكف المكان خطر يركض وهوه يضحك مكيف على الموت واذا خطر

:- الله يحفظكم وترجعون سالمين ....

ابتسم.ودنك.وانا گـــــلبي اشتعل نار وخوف

من يصير شي شسوي بروحي كومة.جهال بركبتي ...حضرنا العشا اني وغدير

لكمة.ماكدرت اكل گـــــلبي انطحن طحن .واهم

من اتخيلة يروح مايرجع لو عـــــلي لو بــــسام

كلهم اعزهم

ورا العشا اجة اسمر....

ادريــــــس گالة امشي للاستقبال هسه اجيك ولزمة ساعة يحجي وياة

خايفة.والوب صح مايمد ايدة على اولادة بــــس

من يفقد يضرب شفتة من ضرب عباس وكرار

شوية.وطلعوا ثنينهم گال حضريلي

جنطتي راح انزل يم امي شوية

هستوني دخلت للغرفة أريـــــد احضر اغراضة

ورجعت اركض على صوت هبه

صايرات املاخ هيه وغفران. ....شبيكممم

غيث ::- اخذيها هي بتج لاتجي يمنا ولا تلعب ويانا

- ولك غيث شهل حجي

غفران ::- اذا تصيحين عليي بعد اكل الباب اخليه يطردج

- فكيت عيني حتى مايتقنون الكلمات وساعة يله يحجولهم جمله مبينين ملقنين ومو حجيهم

اخذت هبة وطلعت من يمهم بــــس خلي افرغلكم اعيد تربيتكم من جديد وشنو الفايدة

الاصلحة يخربونه اخوالهم

سكتت هبه وهي بــــس تريد تهد

تصرفاتها جنهن جــــمرة تتخبل ولا واحد يمد ايدة عليها تاخذ حقها منه

وغدير تضحك عليها ...رجعت الغفران وغيث

حضرت ملابسهم بدون ما احجي وياهم

طفيت الشاشة والضوه وسديت الباب مرات

هل اسلوب يجيب وياهم نتيجة.ثاني يـــــوم يكعدون يحجون ومتادبين علمود اعاملهم بلطف

فتت للغرفة كويت ملابسة وطلعت جنطة

حضرت اغراضة اخذتها ودخلت للمكتب

سديتها وكعدت بمكانة. اكلب بالاوراق طلعت ورقة فارغة واخذت قلم منة. كتبت

دعاء تحصين النفس

حتى يقراه اهناك

{{اللهم إني أعوذ بك من ساعة السوء ويوم السوء و ليلة السوء وصديق السوء وجار السوء وأعوذ بك من ذو الوجهين وذو اللسانين وأعوذ بك من إبليس وذريته وشياطينه وأعوذ بك من الحديد والحريق والطريق وساعة الغفلة ربنا عليك توكلت

وأنت رب العرش العظيم اللهم إني حصنت نفسي وجنودي جميعاً بالحي القيوم الذي لا تأخذه سنة ولا نوم ودفعت عني وعنهم

السوء بلا حول و لا قوة إلا بالله العلي العظيم اللهم إني أعوذ بك من بكاء يرهقني وهم يفجعني اللهم اجبر خاطری واشرح صدری

أستغفرك ربي من كل الذنوب و الخطايا رب لا تكسر لي قلباً ولا تصعب على أمرأ ولا تحرمني من تعلقت به الروح وأحفظ نفسي و كل من رافقني ..}}

هستوني كملتة جاي اطبگ الورقة ونفتح باب المكتب ..باوعلي ضحك رجع خطوة ليورة وتقدم اخذ تحية يضحك ..ابتسمتلة اني هم وكمت اشر بيدة.وتقدم

:- اكعدددي اكعددي يلوگلج يابة

-كعد على الكرسي الگدامي ..رجعت كعدت بمكانة خجلانة باوع الايدي

- شنو هاي

- دعاء تقرأ اهناك وتخلية بجنطتك .....

مد ايدة الي خليتة بيدة فتحة.يقراه مبتسم

سد الورقة.وباوعلي

-بخدمتج اسوية أمر واوزعة على السرية كلها تقراه

-سكتت ودنكت عيني جر نفس بحسرة وحجة

:- اشبيج نــــهله

- انتبة النفسك فدوة

-خايفة عليه؟

-باوعت بعينة مختنگة وكلبي يدك حيل ..هزيت راسي اي ودنكت اعيوني انترسن ادموع

- خايفة اموت واعوفج؟

لو خايفة اموت وانتي برگبتج كومة جهال

- رفعت ايدي امسح دموعي ساكتة گام على حيلة. افتر يمي كعد على حافة المكتب

سحب ادية من وجهي مسح اعيوني بأيدة ورفع وجهي من حنجي ...اباوع بعينة وكلبي معصور عصر

:- هسه عليمن هل بچي راجعلج بعون الله

-هزيت راسي موافقة :- الله يحفظكم.وترجعون بالسلامة ...

حجيتها وحركت راسي أريـــــد ابتعد من ايدة

ماعاف وجهي رفعت عيني اباوعلة

اعيونة ذبلانات. يحرك ايدة على حنجي بهدوء ومركز ويا ابهامة

رفعت ايدي ونزلت ايدة كام.وكف ابتعد واني هم وكفت مرتبكة

:- اخذ راحتك راح اجيب فراشك

- مانعسان ابقي يمي أريـــــد اسولف وياج؟

-بس اجيب فراشك؟...

- ماشي انتظرج

- طلعت من يمة ارجف ..دخيلك اللهي دخيل اسمك موتلي هل دكة لا هاوية قبل ولا أريـــــد اهوى تالي عمر موتلي گلبي

مسحت وجهي طلعت كريم الادين اخذت فراشة ورجعت دخلت للمكتب فرشتة اله ورفعت الكريم ...:- اخلي بجنطتك

:- لا لا ما احتاجة خلي عندج ...اكعدي هسه اجيج

- كعدت يم افراشة وطلع هوه. شوية ودك تليفونة كمت بسرعة اشوفة انسد الخط

ونقفل رجعت دستة اشتغل شفت خلفية التلفون

صورة الامام عـــــلي عليه السلام. الصورها ابيتنا. نفسها مخليه خلفية الجهازة رجع دخل لمحني التلفون بايدي نحرجت

- : مدري منو اتصل عليك. ::

تقدم كعد على فراشة والمنشفة بأيدة يمسح بوجهة حجة

:- جيبي تعالي

- تقدمت انطيتة اله فتحة ودك بايدة بصفة باوعلي بسرعة حجة ودنك

:- اكعدي

- كعدت بصفة وهو ما ادري على منو اتصل

بــــس انطة الوقت اليطلعون بية وقفلة. ورجع شغلة ضحك ورفع ايدة يراويني الصورة

- حيل مستعز بيها

-ابتسمت والتفتت للصورة المعلگة

:- بــــس راح اخذها اعلگها بالغرفة. مو عندك صورة بمكتبك

:- لا واللـــه ولا اقبل تاخذينها

:- هههه شنو الو لا تقبل غير صورتي هي

:- صارت الي بعد. اني ضحكت عليج علكتها هنا من الاول حتى اخذها

- اتروح الدوامك ترجع تلكاني ماخذتها

- فنج الكدرتي ماينطيج گلبج

- هههه ابـــــتسمت وسكتت مدنكة رفعت راسي وبس شفت وجهة ضحك واني على ضحكتة.ضحكت. ...مسح شاربة وحجة

:- يخسى شاربك اليساومني

- ماتنساها

-ههههه ابد. ...اراويج صورنا القديمة؟

- بكيفك .....اتمدد واني كاعدة يم راسة دخل على الصور وعلى اخر ملف رجع على اول صورة ماخذها. مسبح وبية اطفال ثنين بنية اولد

رفعلي الجهاز

-اتعرفينهم

-غيث وغفران؟

-لا اسمر وسمر

- يا يشبهون غيث وغفران ...ضحك وگلب بالصور طلعت صورتة. رفعلي التلفون يضحك

- تعرفينه

-ضحكت ..لا ماعرفة

-ادريس ماتعرفينة

-لا

-خوش خيولي

-ههههه بقى يگلب بالصور اهواي وقديمات ويحجيلي على اخوانة.اسئل ويجاوب. باوعلي واضحك وياة كل ماتطلع صورة للجهال خاصة سمر صورها يفشلن جانن ويضحكن

التفتت شافني مخلية راسي على ايدي واباوع وياة ابتعد النهاية المخدة

:- اتمددي

- رفعت راسي من ايدي مرتبكة ..لا مرتاحة.هيج

- ما اكل بشر واللـــه تخافين مني؟

-هزيت راسي لا رفع الغطا من جهتي

انحرجت ماعرفت اتصرف. تمددت بالطرف كلش

شال. الغطا غطاني گـــــلبي يدك حيل ومرتبكة

رجع يباوع بالصور ويسولف وياي عادي الحد مافكيت شوية.وندمجت اسئل عرفت اهواي اشياء عن اخوانة. ..

عدهم طريقة اعتبرها مو حلوة مــــحد اله علاقة بالثاني ..مثلا اذا عيسى هسه راد يزوج

اخوانة مايدخلون ولا يكلولة ليش وعندك عائلة

كلمن حر بتصرفاتة ..

طلعت صورة هوية گلبها ابسرعة.وراها هم جانت صورة عقد زواج داراهن رفعت ايدي ورجعتها على صورة الهوية اسئل

:- هوية منو هاي ....قريت الاسم عرفتها ام سمر

سحبت ايدي. وهوه عبر الصور ساكت يگلب بدون مايحجي شوية.وسئل

-تحبين المحاضرات

- اي

- منو

-الشيخ احمد الوائلي

- اسئلج سؤال صعب اذا عرفتية انتي فعلا

تعرفين بأمور الدين

- اسئل بــــس تره الاعرفة اني على كدي

- خفتي

-لا اسئل

- اسماء السموات السبع ومن شنو

-اسهل سؤال ....تحمست اجاوب تعدلت نطخ متني بمتنه رفع عينة يباوعلي ابتعدت راسا گـــــال

-اي يله جاوبي

-السماء الاولى اسمها رقيع من دخان

السماء الثانية اسمها قيدوم مثل لون النحاس

والثالثة الماروم. لونها نور

الرابعه ارف.......

سكتت نسيت اسمها جان صعب ضحك گال

:- ارفلون وهيفوف وعروس وعجماء

- اي هنه....تذكر ورجع گـــــال اراويج عـــــلي وهوه صغير ...

رجع يگلب بالصور يراويني ويحجي

ماحسيت بنفسي من نمت

فزيت على صوت المنبهة. فكيت عيني على وسعها من لكيت نفـــــسي بحضنة فز هو يباوعلي ابتعدت راسا سحب ايدة وكعد يعصر

بيها جانت جوا راسي ومنملة

طلعت من يمة ساكتة ومنحرجة. سويتلة ريوك

بدون ميحجي شي كعد اكل وطلع الدوامة

صليت ودعيتلهم بالحفظ

.بــــسام ::- سبع واواجهة كلشي بــــس من تصير بيها انگليزي اطفر واشمرها براس عـــــلي

يوكف وي الجنرال الامريكي

انا كلمة افهمها وكلمة لا ..فهمناه. وتحضرنا للتنفيذ

جاي نلبس. درت العلي يعدلي الدرع گال

:- دعوفة كلاوات بلكي تستشهد

- ليش تريد تبجي عليه ....... رفع راسة يضحك

:- لا مشتهي الطم

:- واذا استشهدت واطوك فطيم تعرس وصاحبك مستشهد ...تلبس القميص الابيض وتضحك وتهوس وصاحبك مستشهد هااا

:- لا والرضا يحرم عليه الالوان والبس اسود عليك حد الكبر وشرط اول ليلة ابات يم كبرك بــــس استعجل

- جذاب واللـــه تكرهه الاسود انتة

- والكفل زينب اذا استشهدت البس عليك اسود عمري كله

:- ضحكت وضربتة على متنة... رايدني اموت.

وكف الوكفتي

:- انا وياك فد تابوت حتى الموت مايفرقنا

:- ضحكنا ثنينا وطلعنا خوفنا الاكبر على ابو اسمر اواجبنا الاول حمايتة رغم يتفدأ الجنود بروحة. ...ساعتين يله سيطرنا على منطقة وخلصنا منهم

صاح الجنرال يريد يحجي ويانا دفعت عـــــلي

ضلوا يرطنون سوا وانا طفرت ...

نــــهله :: دك تلفوني رسالة فتحتها. جانت صورة الامام وياها

بصمة فتحتها يحجي بتعب ....كملت اول مهمة لايضل بالج ...

.....

يتبــــــع⋆𓍯

الكاتبة أيـــــــلول⋆𓄼𓂁

🌿💚

الصورة نفسها الصورها ادريــــــس ابيت نــــهله 💚

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

صرت هيّلة بوَسُط هَاون

العُطَر للغيَر وَالدَگات بيَة .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

نــــهله. :: عدت البصمة اكثر من مرة مادري شبية ردت اكتب ولان مو كلش اعرف للتيلفون ابقى ساعة يلا اكتب  كلمة ادور بالاحرف راحت اشارة المتصل. واني بعدني هستوني كاتبه

:-الحمد لله

رجع متصل

دز بصمة شغلتها

:-لا تكتبين دزي تسجيل

كتبت: -الحمدلله على سلامتكم

كتب ::-الله يسلمج

-فتحتها وسكتت اتصل وفززني بسرعة جاوبتة

-الو

- الو شلونج

-الحمد لله انت شلونك

-الحمدلله .....

حجيتها وسكتنا ثنينا ماعدنا سالفة شويه وگال

-تعشيتوا

-اي

-الف عافيه

-الله يعافيك ....

هم سكت واني ما اعرف شحجي وياه اخذلة شوية گال

-شتعشيتوا؟

جاوبت. متشنجة ماعرف احجي وياه

-سويتلهم شوربة وحميسة لحم وهسه اشتهوا حلويات ..غـــــدير جاي تسويلهم لقيمات

-ها عافيات ...

-سكت ماعنده شي يحجي لو يدندن وي نفسه

واگولة::- شنو ماسمعتك

يكلي::-لا هيج مو وياج.

سكت شوية  تحمحم گال باستعجال

:-اكلج نــــهله

-  هــــا عيني كول

- الطوشة شوبرة

- شنوو

- الشوربة طيبه؟

- ههههههههه ههههههههه

- الشوربة يابه الشوربة

-شوبرة؟؟؟ ادريــــــس ويا منو وكعت تسحك يمي تورطت ههههه

ضحك هو هم وحجة بهدوء

- لو ادري بسحكتي تضحكج وتخليج دكولين ادريــــــس  كل ساع اسحك

:- سكتت منحرجة. منه گال

- ما اوصيج بعد البيبان اقفليهن على ايدج

وب12 كون غفران.وغيث نايمين وتأكدي من اسمر ب12 لازم بالبيت وها تذكرت باجر جدتهم تريدهم بيت خالتهم جايين تريد تشوفهم مادري شنو اسمر يوصلهم

- صار

- اخذي راحتج

-سديت التلفون وكمت غـــــدير خبصت المطبخ وهمه وياها هستوهم تعدلوا باجر راح يرحون يعني يضيع كل تعبي  خلي يجي ادريــــــس واسولفلة اقلها يقلل روحاتهم كل ما يروحون يرجعون متغير اسلوبهم يوم يومين يلا يرجعون مثل قبل

اكلوا وغسلوا مرة اني احضر ملابسهم مرة اكلهم

:-انتم حظروا ملابسكم

اريدهم يتعلمون يعتمدون على نفسهم

ابسط شي اذا رادوا شغلة من المطبخ مايكومون

يجيبونها لا راسا يصيحون عليه اول بداية جنت انطيهم وراها كمت اكلهم

كوموا انتم بــــس باسلوب حلو وابتسامة حتى مايضوجون وياها كلمة عفية السباعية وعفية البطل يمشون مثل ما أريـــــد

ل12 جاي اقفل البيبان وصعدت فــــــاطمة يمنا كيفت عليها... صارت ب12:30 واسمر ماكو

اتصل عليه مايرد

للوحدة واني مكابلة الباب وكاعدة الوب يومية يخاف من ابوة يجي من وكت

ب1:30 اتصل عليه كال اجيتت بــــس بصياح

ومن اجة ينتر نتر.

::- شنو تتصلين عليه هالگد شكد تلحين

:- بـ 1:30 وين جنت ليش تتأخر

- تردين تحاسبيني ان شاءالله

- لاا على شنو احاسبك بــــس ابوك گال ب12 يرجع للبيت وتقفلين البيبان عود من يجي عسى ماتبقى ل3 مالي علاقة. بــــس بهل وقت. الابوك ما موجود. بيه ب12 اقفل الباب

- دطيرري اشايفة روحــــــج انتي امي شنو ؟

تردين تسيطرين عليه ادوسج واعبر فهمتي عبالج مثل غفران وغيث بكلمتين تضحكين عليه

-  احس اعصابي ترجف من اسلوبة عفته يحجي ودرت اقفل الباب شلت المفتاح

وفتت للغرفة سب وغلط وفشر كلهن اسمعهن وساكتة.

والصبح كعد مثل العاقل اتريك وراح الدوامة

والعصر اخذ اخوانة البيت جدة رجعهم ب9 بليل

كتلهم :-يله اسبحوا حتى تنامون

غيث ماقبل يخلي اصبعة براسة ويسووي

::- ابكييفي اسبح ما اسبح بكيفي

-غفران كالت اني اسبح ...

راحت تركض للحمام وفتت اجيبلها ملابس رجعت للحمام دكيت عليها الباب وفتحتة جانت كاعدة على جهة بدون ملابس وتحك ابجسمها

علكت ملابسها وكتلها

::- يله  حبيبتي ابسرعة اسبحي راح تبردين

:- هسه

:- جاي اطلع ورجعت التفتت عليها.

::- اشبيج ليش تحكين ....

دنكت ساكتة ..كومتها من ايدها وكفتها

:- وخري ايدج باله خلي اشوف

بعدت ايدها بخجل ...جسمها احمر

باوعت بعينها دمعت...

:- هسه اخليلج عصارة.وتصيرين زينة لا تبجين

-هزت راسها موافقة كعدتها اني اسبحها جاي افرك بشعرها ودك گـــــلبي حيل وخف ماادري شلون خطرت ابالي هالافكار ..غسلت شعرها ومسحت وجها

وحجيت بهدوء

:- غفورة حبيبتي اكو احد لازمج منا أشرتلها على جسمها......

هزت راسها لا مدنكة وعيونها متروسات ادموع خايفة تحجيلي

:- باوعيلي احجي علمود انطيج علاج وماتتمرضين لان هاي المنطقة مايصير واحد يلزمها غيرج تتمرضين ....شهكت حيل وبجت گطعت گلبي

تخبلت لفيتها بالمنشفة وبس أريـــــد افهم منها

:-  احجيلي منو لازمج

:-خاله وداد

-فكيت عيني بصدمة اعرفها وداد حاجيلي ادريــــــس عليها بكد اسمر وما متزوجة ....

وغفران مفرفحة تبجي

سألتهه

:-شتسويلج؟

وكف عقلي من سولفتلي عبالك مرة ورجال تجبرها على شغلات تخزي

بدلتلها ونومتها واتصلت على سمر بــــس سلمت عليها  واحس روحي أريـــــد انفجر  كلتلها

:-وديلي رقم خالتج وداد

:-ليش خاله صاير شي

:-لا حبيبتي

:- جا شسوين بيه هاي السانها زفر. ختولي

:-محتاجتة سمر دزي

... سديت الخط منها شوية ودزته خليت غدير تسجلة  الي واتصلت عليها  احجي وياهه مفرفحة وهي ولا مهتمة دكلي

::-جذابة غفران هسه اكول الاهلي تتهجمين عليه سدته بوجهي

تحلفت بــــس يجي ادريــــــس احجيله كلشي

باليوم الثاني بقيت كلش قريبة منهم الحد ما بگت السان غيث وهم طلعت تجبرة على شغلات تلعب النفس وتخزي ...خوفتهم اليسوي بيكم هيج يريدكم تتمرضون وهذا حرام مايصير

واول سؤال يسئلونة الي

:- يعني راح نموت؟

واجاوبهم:- لا اسم الله عليكم بــــس اذا نعادت اي........... لا تخلون اي شخص يلزمكم.واني بعد ماخليكم ترحون البيت جدوا

مرن ثلث ايام. ادريــــــس يـــــوم يتصل ويوم لا باليوم الرابع جان جمعة

وعازمة سمر وزوجها على الغده هوه راح وهي بقت يمنا العصرية طلعنا بالكعدة مسوين چاي وكعك ومصطفى بالعربانة يمنا. من يسمع ضحكهم هوه هم يبتسم حتى لو مافاهم شي والجهال يلعبون بالمرجوحة نسولف والبنات يضحكن والجو حلو

الحد ما اجة اسمر من بعيد گـــــال

::-حضري الجهال أريـــــد اوصلهم البيت جدي

-ثنينهم باوعولي صحت وراه

:- مايرحون ....اجوا ثنينهم كعدو يمي خايفين

رجع فتح الباب يباوعلنا ماعاجبة ضحك وهو يتحداني گال

:- وهوه شنو بكيفج؟

رديت

:- لا مايردون يرحون

ولا اهتم لكلامي صاح بيهم

- كوووم غيث كومي غفران انزلوا للسيارة

نــــهله ::رفعت عيني اباوعلهم ثنينهم اعيونهم تتوسل ما اخليهم يروحون وكفوا كمت وياهم وگتله ...

::-والله مايرحون

حلفت لو تخبل صياح  بعلو صوته وغلط واعمامة.من جوا يصيحون عليه الجهال يبجون وسمر تتعارك وياه  دخلتهم للغرفة قفلتها وشلت المفتاح المصيبة ماكدر احجي وافضحها. واني اتذكر

مقولة الامام عـــــلي عليه السلام

{{لو وجدتُ مؤمناً على فاحشةٍ لسترتُه بثوبي}}

ومذيع الفاحشة كـ فاعلها

اذا فضحتها كل ذنب مايبقى عليها واني اخذ ذنبها واتحاسب عليه

-شوية وصعد عيسى راسا سكت اسمر سلم وباوعلي كال

:-ام مصطفى خليهم ليش ماتقبلين يرحون

:- خويه هم ما يريدون يروحون الجهال اهناك يضربونهم بــــس يخافون يكولون لا مانروح

صاح اسمر :: دنجبييي

نــــهله ::سحبة عيسى من كتفة وضربة راشدي وهوا يحلف ياخذهم لو تنگلب الدنيا ياخذهم

صعدوا كلهم يحجون

:-عوفيهم يرحون ما الج حق تمنعينهم

واسمر اتصل على ابوه بصياح يگله

:- ماتخليني اخذهم

سد التلفون يباوعلي بشماتة گال

:- امشي يلا ردي على تليفونج اشوف شلون ما تخلينهم

اول مره انحط بهالموقف واني منحرجة حيل من عيسى وام فــــــاطمة ومرة ابراهيم

و صياح اسمر وي عــــمة

اجت غدير تركض وبيدها تلفوني ادريس يتصل واني لازمة يدة الباب جاوبته

-الو

- هــــا عيني نــــهله خليهم يرحون

يحجي مستعجل ويصيح على الولد اليمه بلعت ريك كتله

:- لاا ما اخليهم

سكت شوية وحجة بهدوء

-ليش؟

-من تجي اكلك ليش ماكدر احجي هسه

-صاير شي؟

-من ترجع بسلامة تعرف

- خوش هاي هيه يله

- سديت التليفون اباوعلهم دك تليفون اسمر ابتسم وجاوبة تشنطن اعيونة كام يفور من العصبية سد التلفون غلط وسب ونزل يركع بالبيبان

بقيت ساكتة وعيسى يتعذر بسبب اسمر

شوية ونزلوا. وسمر اجة عليها زوجها وراحت

كتمت بگلبي ماكدر احجي الاحد بــــس الابوهم

احجي حتى يقتنع مايخليهم يرحون بعد

غـــــدير. ::-  وگعت روحي بمتاهه وعلگت گـــــلبي بمصيبة ويا كبر هم گـــــلبي حتى الفاطمة ماحجيت رغم هي من تبات يمنا كل اسوالفها على عـــــلي لو تراسله من جهازي وماتحذف المحادثة تأرشفها تريدها ذكرى

واني اگولهه

- هسه تورطيني اذا عــــمة شافت المحادثة شسوي

-ارشفتها ولج ماتلكاها ....تحمليني من نتزوج اجيبلج تليفون من الغاليات

-ههههه عيش يحمار لمن يجيك الربيع

حييل صرنا قريبات البعض ورغم هذا ماكدرت احجيلها على بــــسام كل تفكيري بعمه ماريد احد يحجي عليها بسببي ادوس على گـــــلبي ويجوز مو حب يجوز بــــس اعجاب فترة وينتهي ......جنت اقنع نفـــــسي. بهذا الكلام الحد يوم رجعتهم...

نــــهله. ::- غيث وغفران صاروا شحلاتهم وبلسانهم اعترفوا بيبي وخالة يكولن اغلطوا وصيروا وكحين...

كدرت اكسبهم

وشوية شوية اعلمهم يعتمدون على نفسهم

حتى بالدراسة اخليهم يتهجون الاحرف واشجعهم يحلون وحدهم

ومن قررت اعلم هبه على الصلاة اخذهم الواهس وياها يردون يتعلمون صح يخربطون اهواي ويتلفتون ويحجون

مثلا اذا شافوا هبه رادت تسجد بــــس ما ركعت يكلولها لا ولج وانوب يكولون استغفر الله ويكملون صلاتهم يقدمون ويأخرون

وبس يسمعون الاذان يركضون يتوضون اوكف بصفهم اصلي وهم يقلدوني. رغم اخطائهم

بــــس

جنت مكيفة بيهم واحس براحة مأدية واجبي يتعلمون من هسه علمود من يصيرون مكلفين هم ضابطين الصلاة ..

العصريات انطيهم مصرف يشترون ويجون نطلع بالكعدة حلوة مرتبة وتفتح النفس اخلي مصطفى بالعربانة.واطلعه يمنا احسة يتونس لان يضحك.

وهم حتى معاملتهم تغيرت قبل يضوجون منة

هسه لا اذا عدهم حلويات يجون يركضون

-خالة تعالي وكلي هاي المصطفى يريد منها

وابد ما افشلهم بسرعة اروح اوكله واكلهم يگول شكرا مرات بصالة يشغلون اغاني اطفال ويركصون كدامة.ومن يضحك يكيفون ويجولي

-خالة مصطفى ضحكلي

اما اسمر اعتزل بغرفتة مرات يكعد ياكل ويانا ومرات يطلع. ما احتكيت بيه ولا حاولت احجي وياه ابد ....

بيوم جية ادريــــــس. اول مارجعوا من المدرسة سبحتهم وصلينا اني وياهم. مكيفين بأبوهم .اجت غـــــدير ب2 وادريس اتاخر لا يقبلون يتغدون ولا يدرسون منتظرينة

اتصلت عليه- گـــــال ربع ساعة يمكم

رحت الغرفتهم جاي اكلهم راح يوصل بابا

اوكفت اسمع حجيهم غفران

تگول لهبة

- انتي كولي البابا بابا واحنا انكول الخاله ماما

غيث ::- لا مايصير اذا هيه دكول البابا بابا احنه انكله عـــــمو وهي دكول الامها خاله احنه انكلها ماما

نــــهله. ::- دكيت الباب عليهم سكتوا وحجة غيث بضحك ::- اتفضل

صحتلهم

- يلا تعالوا راح يجي بابا ....

طلعوا ثلاثتهم يباوعون من الشباك فتت للمطبخ يم غـــــدير تسوي زلاطة. سمعتهم صيحوا واجوا يركضون

:-تعالي افتحي الباب اجة بابا

-وخرت البردة شفتة دخل السيارة للكراج أشر للولد روحوا راح يفوت الاهله فتحتلهم الباب ونزلوا

:- غدورة طفي الفرن .....حجيت وفتت اخذتلة ملابس علكتهم بالحمام طول يله صعد مجلبين بيه منا ومنا وثلاثتهم يحجون ويا ويضحكون.ويحجوله على درجاتهم

وعلى الصلاة غيث مايقبل يكله بــــس اني اصلي صح هنه يحجن بالصلاة

دخل يضحك. وكفت اني وغدير طلعت من المطبخ ع الصاله

گال

:- السلام عليكم

:-وعليكم السلام الله يساعدك

غدير:-الله يساعدك عـــــمو

- كعد على القنفة وهذول ثلاثتهم بحضنة.حتى هبه تغار صايرة شيسون تسوي مثلهم انطتة غدير كلاص مي....

گلتله:-تدخل تسبح ؟

رفع راسة باوعلي وگام من بينهم حرك.ركبتة يمنى ويسرى

گال:-اي

كام للحمام صبيت الغده دخل اسمر هستوه راجع من الكلية بدل وطلع كعد يم اخوانة يشاقيهم ..ومن طلع ابوه كام سلم عليه

كعدوا ياكلون عاقلين بــــس اسمر يسأله وادريس يجاوب ما كمل اكله شوية.وكام شكله تعبان استأذن ودخل الغرفتة

لميت السفرة وكمت اسوي چاي الجهال دخلوا الغرفتهم واسمر وكف صباله استكان وهوا على الطباخ شربة.وطلع.

اخذت چاي الادريس دخلت للغرفة لكيتة متمدد على الجرباية غافي وكفت يـــــمة محتارة هوا كايلي اذا اكلت وماشربت چاي راسي يبقى يوجعني ...

تقربت يمة همست بصوت ناصي

:- ابو اسمر ....ادريــــــس

فتح اعيونة فاز وراسا كعد لم رجليه ومد ايدة

ياخذ الچاي انطيتة اله گـــــال

-تعالي اكعدي

-تقدمت كعدت على حافة الجرباية وهو من النعاس اعيونة حمر.

گال:- احجيلي شصاير

- بعدين هسه نام من تكعد نسولف....

سكت يشرب ردت اكوم لزم ايدي ورفع اخر شي بقة بالاستكان شربة وعافة على الميز

:- لا احجيلي

- دنكت بحيرة ماعرف شلون احجيلة ومنين ابدي وهو يدنك راسة يريد يباوع بعيوني

:- هاي خالتهم الصغيرة وداد

-ااي؟

-اي تجبرهم وتعلمهم على شغلات مو حلوة

- نــــهله احجي بوضوح فهميني يابه هذا وهذا الصار حتى افهم واعرف شتصرف من يدزون عليهم

- لازمة ايد بايد ميتة ماكدر احجي بالكوه نطقت

::- تتقربلهم مثل زوج وزوجتة. تجبرهم على حركات تخزي وتلعب النفس اطفال بــــس معلمتهم على شغلات مالازم يعرفونها

-حجيت. ورفعت عيني اشوف صدمتة فاتح عيونه على وسعهن مصدوم. وما مستوعب راسا گـــــال

- خااالتهم ؟

-هزيت راسي

:-ااي واللـــه خالتهم .....

فرك وجهة يرجف مايريد يصدك هل شي

-شلون خاف فهمتي غلط خالتهم هاي مثل امهم وهم اطفااال ماتدني نفسها عليهم  اطفااال نــــهله

- لا واللـــه مافاهمة غلط ...من راحوا اخر مرة البيت جدهم ... اجيت اسبح غفران ولكيت جسمها متحسس

من سألتها خافت تحجي بعدين قنعتها وحجتلي كلشي وراها حاجيت غيث وطلعت هم متقربتلة

-  وينهم صيحيلهم

- لااا واللـــه تخوفهم يبقون مايحجولي اذا شخص تعرضلهم هسه مأمنين بيه جاي يحجولي كلشي .. اذا ما مصدكني ادخل للمكتب واني اجيبهم هنا احاجيهم وانت اسمع ....

خله راسة ابين ادية

:- مصدددكج مصددكج بــــس أريـــــد اعرف اليا مرحلة واصله اخااف مسوية شي بغفران

- لا مابيها شي تأكدت

-اخذتيها لدكتورة؟

-لا كل عمرها 7 شنو ذنبها تتعرض للفحص بهل عمر بــــس كدرت اتاكد بغير طريقة

-سحب السويج يريد يطلع لزمت ايدة

- وييين رايح

-عبالج اسكت اشو وحدة تزني اوحدة تمارس ويا جهااالي  ما اخلص من أ............

ما اخلص

-صيح بصوت عالي رفعت ايدي اسد بحلگه

:-اششش عفيه اسكتت الفضيحة حررام

جريتة كعدتة.

:-بسس اصبر افهمك

كعد يرجف وكل ساعو يعله صوتة گلتله

:- انت ليش حتى توديهم لجدادهم

- الخاطر عمي واللـــه وهو مريض من يدز عليهم استحي اكله لااا بــــس بعد مااسكت سكتت على القبله هااي ما اسكت عليهاا

- تفضحها ابين اهلها؟ ....زين تدري شنو عاقبة مذيع الفاحشة ...كـ فاعلها يعني كانما انت السويتها. تاخذ ذنبها وهي حتى ذنب مايبقى عليها

وراح تخلي نقطة سوده على غيث وغفران ماراح ينسون حتى لو هم نسوا العالم راح يذكرونهم

- باوعلي بحيرة اعيونة.حمر وايدة ترجف كام من يمي بدون مايحجي دخل للمكتب ...عفتة براحتة. درست الجهال ورجعت عصرت برتقالات اثنين بالعصارة اليدوية.

خليتها بكلاص ودكييت باب المكتب گال

- تعالي

- شفتة متمدد على القنفة تقدمت ..وهوا كعد سحب رجليه سوالي مكان يمة كعدت ومديتلة العصير اخذة من ايدي شربة وبقى لازم الكلاص بأيدة مدنك راسة

- لا تبقى تفكر بــــس بعد مايرحون واني شوية شوية اعلمهم شنو الصح وشنو الخطأ وهم اطفال ينسون شنو العاشوه بهل عمر........

بقى مدنك راسة مايحجي

- ادريــــــس ......حجيتها ودنكت ماعرف بيا طريقة اواسية ولا عندي الجرأة احجي شي كل الطلع مني خليت ايدي على ظهرة

:- كاافي لا تقهر نفسك

- جر نفس بحسرة وحجة مختنك

:- الاولى خانتني بفراشي خلتني افتر ابين المستشفيات علمود اتاكد هذول اطفالي

والثانية تزني بجهالي ...وياريتهن غريبات بنات عمي المستهترات

- سحبت ايدي من ظهره  ساكتة رفع عينه يباوعلي ما ردت  ابينله سمر حاجيتلي. .

.هز راسة اي

- وفرتلها كلشي رغم لا احبها ولا تحبني

بــــس جنت اكول ميخالف صاروا عدنا اطفال

وبينا عشرة عمر ...شتريد وشتطلب اكلها بلي

عود بلكت تتحسن

وتالي تجيب واحد بگد ابنها بغرفتي وعلى فراشي

-زواجكم من الاول خطأ لا هي رايدتك ولا انت رايدها وثنينكم بعمر صغير ما مناسب للزواج

- ماجنت اكدر اكول الابوي لا

شوفي هي من الله

المره التريد أتخون لو تضمها بقفص اتخونك

والشريفة لو تعيشها ابين اذيابة وبأنكس مجتمع هم تصونك

- دنكت ساكتة ولاول مرة يفتح گلبه ويحجي على طليقتة سولف اهواي عن معاملتها واسلوبها

جنت اسمع واني ساكتة

الحد ماغفى غطيتة وطلعت ....

اتصلت على الأبـــــهر ماجاوب بالي يم جــــمرة

ما مرتاحة ودائما من تحاجيني هو يمها

كم يـــــوم مرن ادريــــــس دوم ضايج وعنده شغل ..عفتة ابراحتة

دام الجهال زينين وكدرت عليهم مرتاحة

واسمر مرات يعقل مرات يخبث من ابوه ما موجود ..

غـــــدير. ::- نزلت ويا عـــــمو هو يطلع بسيارتة

واني وفاطمة نطلع ويا بــــسام وكفت يـــــمة بالكراج منتظرة فــــــاطمة تطلع گال

- شلونج بالدراسة

- زينة عـــــمو بالمرحلة الثانية ابقى حتى بالبيت احجي انكليزي حرف عربي ماتسمعون مني

- ههههههه احسن من الحمير العندي من تصير بيها انگليزي يطفرون

- ضحكت ودنكت طلعت فــــــاطمة تلبس بالعباية اوجها يضوي اني من اشوفها بدي هيج اكرص اخدودها اعضها خاصة من تضرب الشمس بوجها وعيونها يصير لونهن فاتح كلش گالها عـــــمو

- استفتحت بوجهج يعني يومي كله خير

- تقربت تضحك بوستة.

طلع محفظتة مدت ايدها. بمعنى أنطــــيني ودكلة

:- لا عمو لا رجع افلوسك

وهو ماكال باطل رجع المحفظة الجيبة جلبت بيدة خربانة ضحك

:- لاا لاا اشاقة طلعهن

- :لا عـــــمو اني ماكسر كلمتج كلتي رجعهن

-: زلت السان عـــــمو

-ضحكوا اثنينهم طلع عشرتين انطاها وحدة ودار مد ايدة والعشرة بيها بقيت اباوعلها منحرحة استحي اخذ منه واستحي ارفض. جرتها فــــــاطمة من ايدة كالتله

:- عـــــمو هاي تخجل اني انطيها الها

- ضحكنا وطلعنا البسام سلمنا وصعدنا

السيارة جانت مضللة بــــس الشمس حلوة مديت ايدي أريـــــد انزل الجامة ماتنزل رفعت عيني للمراية بسرعة من حجة

-عوفيها

- بــــس خليت عيني بعينة وكلبي يدك حيل نزلت عيني ابسرعة وهوا دخل بركن وكف لاا اني ولا فــــــاطمة فاهمين شي.  بقى واكف ثواني وانفتح بابي فكيت عيني بصدمة من لمحة عـــــلي گال

:- خوية اصعدي گدام

- درت الفاطمة ارجف وخايفة وهي حالها اخس من حالي بــــس تهمس :- شجاي يصير عـــــلي واللـــه يذبحوني شجاي تسوي ...

نزلت رجلي يطكطكن عـــــلي صعد بمكاني واني صعدت يم بــــسام ارجف كلي. ..

اسمع صوت فــــــاطمة تبجي وعلي يكلها

- بــــس باوعيلي تعــــبت ما كدر أريـــــد اشوفج من شنو خايفة. انتي

-الحد ماسكَتت وبقى يحجي وياها بصوت ناصي ..واني متشنجة.واباوع گبل

حتى عيني ماحركها.  لمن وكفنا بالازدحام

دنكت راسي لمحت ايدة يدك باصابيعة على الستيرن

باصبعة البنصر محبس خرزتة سودة والساعة فضية ... البدلة العسكرين ردنها حد وي معصم ايدة ساد الدگمة وضابة حيل عليه

حتى عـــــلي وفاطمة ما اسمعهم  مركزة أريـــــد اشوف شكلة بــــس بدون ماينتبهلي

أريـــــد احفظ تفاصيل مجنت اكدر امنع نفـــــسي. ..

دار وجهة يباوع للازدحام بسرعة رفعت راسي اباوعلة. واحفظ تفاصيلة. دنكت من التفتلي وكلبي يدك حيل

هستوه حرك السيارة. ودك تليفونة

جان مخلية بهاي البينا  لمحت الاسم مكتوب الحجي جاوب

:- هــــا يابة ... اي الممرضة تعرفة ....نص حباية تنطيها ...خير ان شاءالله الله وياك

- سد التليفون وحسيتة التفتلي بقيت مركزة ليگدام بعد ابد ما التفتت ناحيتة

وصلونا لباب الجامعة

نزلت اوكفت منتظرة فــــــاطمة. شوية ونزلت اعيونها حمر لزمتها من ايدها وفتنا

:- اشبيج اشكالج

:- اليوم راح يجي يتقدم جايب سادة ومعممين من النجف وجايب اشيوخ يارب تصير هل مرة ياارب مايرفضون

- ان شاءالله بــــس لا تبقين هيج ترجفين يحسون اهلج .....ماكدرت افوت ولا محاضرة

بقبت وياها بــــس تبجي وخايفة

ولا نكدر نرجع للبيت يحسون بينا الحد ماخلص الدوام ورجعنا دخلت وياها للبيت الجوه كلت الامها

:- خاله اريدها تتغده وياي وحدي ما اشتهي

-قبلت وصعدنا اني وفاطمة بــــس دخلت بيتنا راحت العمة تتوسل بيها تدعيلها وعمه حتى صلاة صلت وخافت على خوفنا.

للعصر اجو نباوعلهم من الشباك. ناس لابسة عمامات سود وناس بيض

وشيوخ وناس ابدلاتها العسكرية وفاطمة.ترجف وتحجي ::-هذا مدير عـــــمو ادريــــــس.

واخر واحد دخل.وياهم عـــــمو ادريــــــس وبسام. هستوهم دخلوا وصعدت ام فــــــاطمة تريد تكتل فــــــاطمة وعمه دكلها

:-واللـــه ما توصليلها

- هي هاي البنية حرثة والكل يمر عليها شلون بله كل ماواحد يخطبها تكتلونها

:- انتي تعرفين شي.وانا اعرف شي قفلت فطوووم بعد قفلت لو عـــــلي لو ما تاخذ. ولج شسوي بيج امووووتج اذبحج شسوووي يومية حاركة گـــــلبي

نــــهله. ::- ما مسوية شي البنية ليش تحللون على نفسكم وتحرمون على غيركم انتي وغيرج هم حبيتوا وتعرفون شنو الحب ليش هسه تظلمونا

- انا وبتي لا تحطين روحــــــج بنصنا

- من تنزل ابيتكم حاجيها اهنا اعذريني دام انا.واكفة تحلمين تمدين ايدج عليها

نــــهله. ::- فرفحت تتحركن شوية ونزلت وفاطمة بــــس تبجي. جريت التلفون ودزيت صوت الادريس

- بــــس يرحون الناس اصعد فاطمه يمي وخاف يحاجونها ماكدر احميها

دزيتها وسمعت باب الشارع انطبك ركضت للشباك اباوع شفت ابراهيم اخو ادريــــــس. دخل وادريس طلع للكراج گلب بتلفونة نوب رفعة الاذانة يسمع. باوعت. بالتليفون شفتة متصل. رجع يسمع من جديد وقرب التليفون الحلگة يحجي

وصلتني فتحتها بسرعة

:- بــــس يطلعون اصعد

- لمحتة رجع دخل رجعت يم فــــــاطمة وغدير

تكسر الگلب تبجي ورافعة اديها تدعي.

شوية وسمعنا صوتهم عله وراها بشوية طلعوا. ركضت بسرعة قفلت باب بيتنا. بعدهم الناس بالكراج وندك بابنا وصوت كرار اخو فــــــاطمة يصيح

عفتة واتصلت على ادريــــــس اباوعله من الشباك يتسالم وي الناس وكف عـــــلي يـــــمة مدنك حاجاة. ادريــــــس رفع ايدة.دك على متنة.

والتفت البيتنا اجة.يمشي بهمة

صوت كرار وامة.وعباس كلهم بلباب الثاني. فتحت الباب الادريس بسرعة كتله

:- اجو ......نزع احزامة. ولفاة على ايدة وهم يصيحون ويدكون على الباب ..فتح الباب. جاي يغلطون وفزوا ثنينهم من شافوة قبل مايححون شال الحزام وضربهم على رجليهم ويغلط عليهم وعيسى من جوا يصيح

:- حييل الزعاطيط فشلونة

نزلهم الدرج يدفعهم ويضربهم.وام فــــــاطمة مجلبة بايدة وهوا متخبل بــــس وصلهم لصالة

عيسى نزع اعكالة. وضربهم. ...ما ادري شحاجين بــــس مفشلينهم بالديوان بحيث مفرفحين كلهم ابراهيم وعيسى وخوا ادريــــــس حيل فشلان لان كدام مديرة

وكف عيسى يلبس بعگالة رفع ايدة گال

عيسى::- واللـــه يا عباس وروح ابوي وعافية امي لو

تصب روحك.ذهب ما اطيك اظفر افطيم

ادريــــــس. ::- ليش ماتنطيها العلي شنو ناقصة انا الربيتة شاريها بروحة  ليش فهمني ونطيني سبب. شنو اليخليك ترفضة

- بتي وبكيفي.زوجت بنتك انته حاجيتك اعترضت لا تدخل ادريــــــس

- اذا الاعمام مالهم سلطة معناها عباس خلي ينكع نهوته ويشرب مايها مادام حجيك هيج ماله حق ينهي عليها

- اي هاي هي ماناهي عليها ومانطيها اله ولا انطيهــــا العلي وكلية بعد ما اداوم تكعد وتنجب واي واحد يجي عليها اطيها

- الكلية شعليهاااا ليش ليش شنو هل ظلم

- ادريــــــس اخر مرة اكلك لا تدخل عائلتي وبكيفي اكو يـــــوم اجيت وكتلك لا تسوي هيج اكو.يـــــوم اعترضت على تصرفاتك

- اللهُ اكبر بــــس فهمني الكلية شنو.علاقتها المن تعــــبت كل هاي السنين سهرت ودرست... برد.وحر وتحملت كلشي تالي تجي دكعدهااا

نــــهله. ::- متت من القهر ادريــــــس يرجف كله.ويتصايحون.والحجية تهدي بيهم رجعت صعدت يم فــــــاطمة انتهت من البجي شوية.واجة ادريــــــس وابوها من جوا يصيح خلي تنززززل بسرعة

اخذها ادريــــــس ونزل وياها حتى مــــحد يحاجيها

حرموها من الكلية مــــحد جان يگدر يحجي ادريــــــس يتحركن عليها ومابيدة شي. يومين

واجو ناس عليها من طرف ابوها

خابرت ادريــــــس. ميتة خوف كالي

:- اسمر وين

:- نايم

:- كعدي بــــس خلي يدخل.ويگول انا ابن عمها ورايدها ناهي عليها

:- ركضت الغرفة اسمر ومن الاستعجال كعدتة.بخرعة فز. يصيح

:- هااا هــــا شكو

- جريت تشيرتة انطيتة اله :-البسس بسرعه البس. ..وكف يلبس ويصيح شكو.شصاير

:- ناس اجو على فــــــاطمة

:- اااي؟

:- ابوك گـــــال خلي يدخل لديوان يكلهم انا ناهي عليها

:- شنوو جا فــــــاطمة مثل سمر ماريدها

:- ادري ادري بــــس علمود الناس يرحون ....

الله هداه ونزل بسرعة كالهم.منهي عليها ورجع للبيت يركض

گـــــال ::- طافر اني  يكتلني عمي عيسى بــــس يلزمني

:- اخذ سويج سيارتة وراح

وهم من اجة.ادريــــــس صار اابينهم صياح. ودائما الجو.متكهرب. وادريس يحلف كل ماتجيب عليها واحد اخلي اسمر ينهي عليها لو تطيها العلي لو هاي هي مــــحد ياخذها

وفاطمة حتى البيتنا مايخلونها تصعد بــــس غـــــدير تنزل يمها ...شوية وترجع ميتة قهر عليها

....

بــــسام. ::- طلعت من بيتنا اتصل على عـــــلي. مايرد رحت البيتهم طلعتلي امه(المره الربتة) كوه تجر نفسها. اخس من امي

-فتحت باب غرفتة. وشغلت الضوه رفع راسة لمحني ورجع للمخدة

:-كووووم لك

:- عـــــوفني بــــسام كلش مالي خلك

:-  الك خوش خبر عندي يخص افطيم ...كعد على حيلة رافع ايدة بوجهي

:- اول شي كول. فــــــاطمة ثاني شي احجي ابسرعة

:- ههههه دكوم غسل وخلي نطلع واحجيلك

:- وين نولي

:- اي مكان

:- للكاظمية؟

- يله فضها ....اخذ ملابسة يسبح كعدت مقهور عليه حابها بكل روحة ويتخبل عليها من اشوفة متعذب احمد ربي واشكرة انا ماحب ولا أريـــــد احب

اخذتة وطلعنا للأمام الكاظم عليه السلام ...مرات كل الاماكن تخنگك وماكو اجمل من حضرة الامام تتنفس بيها

عـــــلي. ::- شسوي بعد اخطفها؟  اغدر عمي ادريــــــس؟

- انچب يابة شلون تفكير شو استسلمت خابصنا وهسه استسلمت

- ههه للموت واللـــه للموت ما استسلم وابقى اخطب كل فترة يملون همه وما امل اني

- اكلك على طاري الزواج أريـــــد ازواج انا

- ياهو الكاظك بــــس شعندك مو جنت ماتريد

- دنكت بحيرة واللـــه يا عـــــلي عليك تنظم على الله ما تنظم ...أول شي تعرف وضع امي

والحجي دوم بمكتبة. يعني  بــــس الممرضة تبقى وي امي  وهاي يمكن عاشر وحدة اجيبها لو تشوف معاملتهن الها مايدرن بيه مخلي كامرة بالغرفة

وبعد اكو سالفة خفت منها فـ خلي اشوفلي بنية هم ادير بالها على امي وهم اخلص من القلق العندي

-سالفتيش قلقيش احجي بله لا تظل تلطم

- البنية بت اخو ام مصطفى غـــــدير

- اي اعرفها شبيها

- اي اكثر من مرة اشوفها مدري شلون تباوعلي

انا اموت ولا سيــــدي يكلي غدرتني مأمني عليها مجرد افكر بشي اخاف من كلمتة

- اول شي حسيتك بسمرتني امني على فــــــاطمة وحبيتها ثاني شي لا حبيبي مشتبهة بشنو تنعجب خلقة اخلاق انتة

- هههه اشبية وسم. هسه شني كل للحجية ماتعرفلها ابنية منا منا

- خوش خوش بعدين ...

...............

جــــمرة. ::- احس بطني متكطعة بــــس حتى جفني ماكدر افتحة مرة احس روحـــــي بوعيي ومرة لا. ومن افتح عيني بــــس اتاكد شال امي مشدود على ايدي. وارجع اغمض

حسيت نفـــــسي انرفع من الكاع فتحت عيني شفتة دخلني للحمام ساكت كعدني على تختة همست ميتة.من الوجع

::- بطني

:- اي غسلي هسه جــــمرة بــــس فتحي عينج باوعيلي

::- فتحت اباوعلة. احس شي ينزل من رجلية

بقيت اباوع بعينة وكلبي يدك.حيل دفعتة من صدرة ولميت روحـــــي .. ارجف فرك.وجهة

:- راح اجيبلج اغراض واجي بسرعة.اسبحي

:- وخرررر وخرررر وخــــر.عـــــوفني

:- ضميت راسي وهوا كام.طلع ... كارهة روحـــــي حيل وبطني متگطعة من الوجع بالعادة الشهرية ماتجي الا كل ثلث اشهر وتبقى ثلث ايام جنت مكيفة بهل شي لان اكرها حيل

بــــس هسه كارهة روحـــــي

رجع دخل للحمام علگ ملابس همس

:- راح اجيبلج اغراض واجي اسبحي

فكيت شال امي من ايدي ...ارجف كلي كمت ما اسيطر على رجفة جسمي اعصابي دائما مشدودة والاشياء الالزمها لو تقفل ايدي عليهن لو توكع مني

اشطف بجسمي.وابجي ساعة اغلط عليه

ساعة اصيح.وينك تعال ساعة احس بنفسي وبالاحجية.وساعة ما استوعب تصرفاتي وكلامي

رجع دك الباب. بقيت كاعدة على التختة حاضنة رجلية الصدري وارجف ...گـــــال

:- ادخل جــــمرة؟

:- لل لاااا

:- جــــمرة بــــس اخذي هاج جبتلج هذني

:- بقيت كاعدة كل ما اتذكر شاف ملابسي متوصخات احتقر نفـــــسي واحتقرة اهز برجلية وارجف فززيت من طفه الضوه شهكت

:-  ووينك

- يمج

- حسيت ايدة على وجهي لف شعري بالمنشفة

جلبت بايدة ..

:- أريـــــد حبااية أبــــــهر. أريـــــد حباية

:- اشش هسه انطيج بــــس كومي خلي البسج

:- لا تباوعلي

:- ظلمة ما اشوفج بــــس البسي راح تبردين

- كمت ارجف لبست وجلبت بايدة

:- أريـــــد حباية

:- تعالي هسه انطيج من تاكلين

:- طلعت لازمة.بية.بقوة وما انطق غير كلمة أريـــــد حباية كعدني باوعت الايدي الشال ماكو

وكفت أريـــــد اروح اجيبة سحبني كعدني واني اصيح

:- الشااال الشال بقه الشال ع عـ عفيه الشال

:- هسه اجيبة اكعدي

- رجعت كعدت وارفع بايدي اوخر شعري من وجهي رجع بايدة الشال عافة بحضني وكام طلع

بــــس أريـــــد اكدر اشدة على ايدي. من كد ما ارجف ما اسيطر اسوي بية عكدة واضبة رجع كعد يمي خلة الصينية كدامي بــــس رفعت راسي اشوفة ودنكت اشد بالشال الايدي

:- عوفيه اكلي

:- بقيت مدنكة أريـــــد اضبة على ايدي شال الخاشوكة الحلكي اكلتها ورجعت اشدة

:- جــــمرة اكلي عوفيه

:- اشدة مايصير اعوفة اشدة ..مد ايدة يريد يشدة دفعتة ..

:- وخرر توصخ شال امي

:-  عووووفية اكلي

:- قرب الخاشوكة الحلكي دفعتها اطشرت

دفع الصينية وجر الشال من ايدي يصيح واني اصيح ومجلبة بية

:- هم ادمنتيييه شنو فلمج

- اخذاه من ايدي وطلع وكفت اركض وراه اصرخ وابجي. شفتة وكف بالمطبخ ركضت علية دفعني وبالجداحة شعل طرفة وشمرة. بالكاع

تخبلت ركضت على الشال اطفي بيدي وابجي

جراني منه. ولزم النار بيدة سد ايد على ايد طفاة نص الشال محروك

- اسف اسف ما ادري

- جريت الشال من ايدة فاتحة عيني على وسعها. خليتة على وجهي اشمة وخرتة بسرعة اصيح

:- رررراحت راحت ريحة امي ليششش حركتة ليشش راح عطر امي راح

كعدت على حيلي ابجي واصرخ واشم بالشال بــــس ريحة الحرك بية.  واصيح ..راحت ريحة امي راااحت

:- كعد على اركبة مقابلي بــــس يريد يلزمني واني مفرفحة

:- هسه اغسلة وترجع. بــــس على كيفج

:- رفعت ايدي ضربتة على وجهة.  ابتعد ورفع راسة ليفوك لازم خشمة

اخذت الشال وفتت للغرفة تمددت ومخليتة بحضني بجيت الحد ماتعبت ونمت. رجعت كعدت حسيتة كاعد كدامي جنت صاحية وهادئة. لكيتة كاعد مقابيلي بــــس رمشت بعيني ونطقت

:- ليش حركت الشال

:- لان غبي

:-حركت گـــــلبي

:- و گـــــلبي هم

:-  اكرهك حيل وحك عيون امي .....

هز راسة موافق. وسحبني من ايدي شكيت بيه منطيني شي لان جنت عاقلة واتصرف بعقلي دخلت للحمام غسلت ورجعت جريت الصينية من كدامة خليتها كدامي اكل بقى يباوعلي شبعت وبقيت اخربط بالاكل ماريدة ياكل وهو ساكت

:-غير الفراشات واجة اتمدد جان الضوه مشتغل ومن انطفت حتى صوت النفس صار ينسمع. متمددة ساكتة وكلساع اشم الشال بية ريحة عطر طيبة. وره فترة همس

:- اسف

:- بقيت ساكتة. الاوقات الاكون بيها صاحية احاول استغلهن كتلة

:- عمر هم مات

:- لا

:-علول شلون مات؟

غمضت حسيت ايدة على خدي

:-لا ادوخين نفسج

-رفعت ايدي لزمت ايدة ..

:-اريد اعرف

تحسر وحجة بخنك

:- اكو اطفال يشتغلون عد قسام واكو عد ابو الهيل ابو الهيل عدو القسام

تذكرين الطفل الجبتة للمزرعة

:-اي

- اي من. اخذناه احنا مثل النخطفة من. قسام

هوه اسمة محمد الطفل

:-اي

-اي قسام عباله ابو الهيل الاخذ محمد فـ رحنة المنطقتهم وهناك انكتل علول

:- كون انت بمكانة. ...

بقى ساكت وسحب ايدة من خدي

تمدد. بمكانة مايحجي. شويه شوية احس افقد وارجع الجمرة المدمنة الحد ما نمت

كعدت مالكيتة واني الوب على حباية

لو اعرف اموت وراها خلي اموت بــــس خلي ابلعها جسمي ياكل بروحي كل البيت احس يخنكني

كمت ادور بكل مكان وازحف ادك بالكاع بلكي يطلع مخلي شي

ومن ما الكه ارجع أذي نفـــــسي. حد الليــــل اني الوب الكمة الاكلها أريـــــد اتقيئها همي الوحيد اشرب حباية.

تعــــبت وغفيت حسيتة فتح الباب فتحت ابتعب شفته منطيني ظهرة ضم شي وره الثلاجة ورجعها مثل ماجانت كيفت

من اجة. يمي كعدت هادئة كلش من يحاجيني ما احاجية اكلت وكمت للحمام. رجعت تمددت گال

::-راح اروح اني ساعتين ورجعلج

;- هزيت راسي موافقة. بــــس سمعتة طلع كمت ركض للثلاجة

ماكدرت ادفعها تعــــبت حيل يلة كدرت احركها صندوك بينها وبين الكومدي جريتة تعبانة وارجف فتحتة طلع بيةة جيس فتحتة باستعجال وكعت بحضني هويات رفعتهن اقرأ بالاسماء

الأبـــــهر محمد جواد

اباذر محمد جواد

درة محمد جواد

محمد جواد محمد

زهراء عـــــلي راشد»

.......

يتبــــــع⋆𓍯

الكــــاتبة أيـــــــلول⋆𓄼𓂁

.💚🌿

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

لوَ نگدَر يَروحي .

نطير فوُگ الغِيم .

فوُگ الضيم .

فوگ دروبنَه الضَيگات

.حَتى الخطوه تَمتد .

والمَسافه تطول .

وتَكبر بـَ النهايه .

احَلامنه الحَلوات .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة ::- وكعت بحضني هويات رفعتهن اقرأ بالاسماء

الأبـــــهر محمد جواد

اباذر محمد جواد

درة محمد جواد

محمد جواد محمد

زهراء عـــــلي راشد»

اقراهن وما مستوعبة .....اعوفهن وارجع اقرة ابصوت گلبتهن اباوع بالمواليد وايدي ترجف

منو منوو هذول ..عفتهن بالگاع وطلعت ادك على الباب واصرخ.اروح وارجع عليهن حيل ما مستوعبة.

احس جسمي اشتعل نار ركضت للحمام اغسل بوجهي وادية واشهك بقوة كلشي جاي يصير يفوق طاقة تحملي

هدأت وكعدت بالحمام اباوع ملابسي مبللة

كمت بتعب رجعت جبتلي ملابس سبحت ومن طلعت ورجعت للغرفة ما لكيت لا الهويات ولا الصندوگ. تخبلت افتر بالغرفة وادور دفعت الثلاجة مالكيت شي

اجر بالفراشات وفززني صوتة

- على شنو ادورين

- وكفت اباوعلة واجر نفس تعبانة

:-منو انت

:- الأبـــــهر

- نعلللل ......صرخت ومشيت عليه أريـــــد اضربة يلزم ادية ويباوعلي واني مفرفحة

:- احجيييي. منووو اهلك منو وين الهويات

-اششش كـــــافي يا هويات

- سحبت ايدي منه والتفتت للغرفة أشرت على المكان ...

:- هناااا جان اكو هويات وين وديتهن. وين راحن

- نزع حذائة واجة عليه لزم وجهي ابين ادية

:- شعرج مبلل تعالي انشفة وامشطج

- جلبت بأيدة ارجف

:- ما اريدد بــــس كلي انت منو ...

ما اهتم سحبني. من ايدي كعدني وشال المنشفة على شعري احجي واسئل ولا يجاوب سكتت وهو يمشط بشعري كمل وحضني جراني الصدرة مجنت اسوي اي شي بــــس فاتحة عيني. باس خدي وحجة

:- جبتلج علاج

- أريـــــد الحباية

- انسيها اسنايبر

- فلتت روحـــــي من حضنة والتفتت عليه رفعت. ادية الزم وجهة واحجي بتوسل

:- باوع حــباب بــــس هل مره ما اكلك بعد والله ما اكلك. هــــا باوع. اخر مره عفيه حــباب

- رفع ايدة على ايدي نزلها من خدة الشفته غمض عينة وباساها. مثبت شفايفة عليها دنكت راسي اباوع بوجهة واحجي

:- عفيه اخر مرة باوع اذا كتلك بعد لا تنطيني بــــس هل مره هــــا أبــــــهر باوعلي ..

- نزلت ايدي ارفع وجهة الي رفع عينة بعيني تحسر

:- لا تتوسلين هيج تموتيني !!

:- أنطــــيني حباية

:- ما اكدر

- رفعت. ايدي رجعت شعري ليورة وتقربت عليه اكثر اريد اقنعة باي طريقة

:- باوع بــــس باوعلي

- رفع عينة بعيني.

:- هل مرة أنطــــيني ومن اكلك مرة الثانية لا تقبل حــباب عفيه اني ما اريد بعد بــــس هل مرة اذا ما بلعتها امووت

- رفع ايدة.وسحب راسي الصدرة اذني صارت على. كلبة وايدة فوگ راسي. يمسح على شعري بهدوء واني ساكتة.وافكر اقتنع لو لا

نزل راسة الشعري باساني بقوة.وحجة

:- ما اگدر اموتج اذا انطيتج

- دفعتة من صدرة وابتعدت اصيح وارجع احجي بهدوء من يرفض اغلط وصوتي عالي

ومن يسكت ارجع اتوسل

گال

:- تاكلين وتشربين العلاج وانطيج حباية

- باوعت بعينة ما مصدكتة ::- گول واللـــه

ضحك ولزم خدي بايدة

::- واللـــه

- من فطاريتنا اليحلف بـ الله نصدگة

هزيت راسي مقتنعة شربني علاج وكال

:- تعالي نحمي الاكل

- كمت وكفت وياه مبتسم لزم ايدي وطلع للمطبخ ..وكفت على جهة وهو طلع الاكل ويباوعلي بابتسامة گـــــال

:- جوعانه

- هزيت راسي لا

:- ليش

:- اكره اكلك .....حجيتها ورفعت عيني بعينة وكف مستغرب. اجه يمي

:- ليش مو طيب؟

:- كله حرام .........بلع ريك ساكت رجع كعد يم الطباخ گال

:- الحبوب هم حرام

:- انت علمتني عليهن ...وجبرتني اكل اكل حرام

طفة الطباخ وشال الجداحة خلاها بجيبة

:- هسه انتي ما جوعــــانة؟

:- لا

:- خوش انتظريني نص ساعة ساعة اجيبلج اكل حلال واجي

- جلبت بايدة. .... :- والحباية؟

ضحك

:- غير انتي ادورين حلال وحرام هي حرام تولي

:- لا ميخاالف

:- من ارجع انطيج

- هزيت راسي موافقة. طلع من البيت رجعت كعدت بفراشي ...الحد ماغفيت وفزيت على صوتة

:- جمراية جــــمرة اسنايبر

- فكيت عيني بثگل كاعد على اركبة يمي ومبتسم. رفع علاكة وحجة بضحكة

:- حلال وبعد ما اوكلج شي حرام

-كعدت على حيلي افرك بعيوني واباوعلة ادية وملابسة كلهن دهن عاف علاكة الاكل يمي وكام وكف گال

:- راح اغسل واجي

- شوية ورجع بدون قميص وبيدة صينية

كعد وفتح الاكل جانت دجاجة مشوية وخبز

:- منين جبته

:- اشتغلت

:- شنو أشتغلت؟

:- اندل واحد فيترچي اشتغلت وياه انطاني 15 الف وبعد كل ما أريـــــد اجيبلج اكل اروح اشتغل وياه واجيبلج

:- وانت؟

- شنو

- شنو تاكل ؟.......دنگ بضحك

:- انا حياتي كلها حرام بقت على الاكل

- دنكت ساكتة وهو تقرب يوكلني وياكل وحتى من شبعت ماكتله كـــــافي خاف يبطل وماينطيني الحباية. بقيت اكل ساكتة الحد ماشافاني كمت ابقى ساعة يلة ابلع اللگمة

:- هــــا شبعتي؟

:- اي

:- كومي غسلي وتعالي

- كمت للحمام غسلت حلكي وباوعت ملابسي باقيات بالحمام ..طلعت راسي من الحمام شفتة بعد ما طالع سديت باب الحمام وكعت اغسل بيهن وايدي ترجف. ماسيطر افركهن. على اعصابي كدرت. وفزيت من دك الباب

:- جــــمرة شنو تسوين

- كمت وكفت الملابس بايدي ...فتحت الباب باوعلي رافعة الملابس وهن يقطرن مي. والابستهن هم مبللات

- شسوين

-غسلت ملابسي

-اخذهن من ايدي ما قابل

:- منو كالج شوفي بللتي ملابسج روحـــــي بدلي هسه اشرهن واجي

-طلعت من الحمام وهوا دخل يعصر بيهن. نكثهن واخذهن للغرفة الثانية شراهن والتفتلي

:- روحي بدلي

- دخلت للغرفة بدلت رجعت طلعت لازمة اعصابي گوه. باوعلي بلعت ريك وحجيت متوترة

:- يله وين. الحباية

دار وجهة مني رحت بصفة. وسحبتة من ايدة

:- أبــــــهر وين الحباية

- من حسيتة ضحك عـــــلي تخبلت اضرب واصرخ ومن مايهتم اضرب نفـــــسي يجي يلزم ايدي واني افرفح. ...من شفتة مايقبل اضرب نفـــــسي كمت اعناد اخلي ايدي بحلكي اعضها لو اضرب ايدي بالگاع بقوة سحبني وكفني ويحجي

:- هسه انطيج بــــس تعالي لفراشج

- هدأت مكيفة مشيت وياه تمددت وغطاني

:- راح اجيبلج واجي هناك مخليهن

:- بسرعة .......

هز راسة وگام طلع. عيني على الباب شوكت يرجع وابلعها دقايق ورجع رفعتلة ايدي ما اهتم تقرب كعد يم راسي وقرب ايدة الحلكي.

جاي ابلعها ومديت ايدي ارفع ايدة اريد اشوف شكل الحباية بــــس لمحتهــــا مو نفسها ..راسا دفعتها وهو دفعني على المخدة حيل بلعنياها غصب ساد حلكي بايدة.

ادفر برجلية وأيدي اضرب بية مفرفحة الحد ماتعبتت

- بقى ساد على حلكي خاف اخلي ايدي واتقيئ

- رخى جسمي كله وهدأت حيل مغمضة عيني بــــس مانايمة حسيتة گام طفه الضوة واجة فرش بصفي فتحت عيني اباوعلة غير ملابسة وتمدد رفع ايدة يغطيني عدل

:- جــــمرة

- بقيت مغمضة وساكتة خله ايدة على خدي وقرب مخدتة المخدتي

:- ادري بيج كاعدة ماتنوم الحباية ...تعالي

- سحبني من ايدي الصدرة ..ما احس بنفسي اكدر ارفض تصرف كل الاريدة ابقى هادئة وجسمي مرتخي عبر ايدة يحضني ويبوس بشعري.

وماحسيت بنفسي من نمت فزيت مالكيتة يمي

لكيت يم راسي علاكة مخلي بيها حاجات بنات شمرتهن مفرفحة ما محتاجتهن بعد كل الاحتاجة حباية

طول اليوم ما اجة واني روحـــــي بدت تطلع ماكدر حتى اتنفس اريدها عقلي فارغ بدونها كل الاريدة حباية

بــــس أريـــــد افكر واعرف شلون استغلة حتى ينطيني ماكدر كل افكاري عبارة عن فراغ ومن حركة روحي ابقى اصرررخ الحد ما اتعب ادية وجسمي تملخ حيل اذيت نفـــــسي حيل

ومن ادخل اسبح تشيط روحـــــي وجسمي يشتعل نار من كد الجروح البية

تمنيتة يرجع للبيت لو ابوس أيــــدة بــــس كون ينطيني الحباية وكعدت اخطط شسوي وشلون اقنعه رجعت تمددت مخلية شال امي على وجهي اشم بيه وابجي من عجز روحـــــي من وجع جسمي من عقلي المايساعدني

فزيت احس يـــــوم كامل مر وهو ماكو غسلت واكلت شوية ورجعت كعدت عاجزة احس نار تاكل بجسمي. اكعد وارجع اتمدد لو اكوم الوب اتمدد بغير مكان مر اليوم وهو ماجة عجزت اتحمل اكثر وصلت النقطة النهاية استسلمت وردت الموت

كمت للمطبخ. أريـــــد افتح الغاز واشعل الجداحة بسرعه اموت ماراح احس بشي ادور بخبال. ومالكيتها

رجعت ادور سجينة ومالكيت. تنفست بقوة عيني على نقطة الكهرباء خفت خفت من الوجع

خفت وانا ماعايزة. فززتني

فتحة الباب. دخل. ودار يقفل الباب مشيت بسرعة بــــس التفتلي حضنتة ابجي واتوسل

:- حباية أريـــــد حباية راح اموت أريـــــد حباية

- وخرني من حضنة يلزم بوجهي ويحجي بخفوت

:- شبيج

- قربت شفتي الشفتة بستة ارجف ...ماجان عندي عقل جنت أريـــــد استغل ابسط النقاط حتى اقنعه ينطيني حباية مجنت افكر بشي غير الحباية ...

ابتعدت لازمة وجهة واحجي

:- بــــس هل مرة أبــــــهر بــــس هل مرة اريد حباية ...رجع سحبني من ايدي وباسني حيل حضنتة قابلة المهم ينطيني ....دفعني هو ولزم راسة من يم حواجبة

:- وخــــري مو بوعيي عوفيني

- رجعت تقربت عليه امسح بدموعي ابوس بوجهة واتوسل. :- ما أريـــــد اسمع كلامة أريـــــد قربة اريد انجح باقناعة ينطيني الحباية

سحب راسي باسني وابتعد بسرعة يحجي ويرجف

:- جــــمرة ما متقربلج وخري ماكدر اتحكم بنفسي مو واعي عوفيني

:- مكنت اهتم الكلامة ارجع اتقربلة ماهامني شي لا جــــمرة ولا جسمها ولا الراح اتعيشة هدفي واحد شمر الاغراض البيدة شالني بأيده ويمشي للغرفة سد الباب ورفع ايدة طفه الضوه كل مايبتعد اهمس أريـــــد الحباية عافني على الفراش يرجف اكثر مني

يحجيبصوت : - ما متقربلج جــــمرة ما متقربلج امنعيني

- بــــس ماجنت مهتمة الكلامة ولا افكر بيه

قابلة بقربة وقابلة ياخذ اليريدة المهم ابلع الحباية. خلة حباية ابين شفايفي بلعتها بسرعة

وما منعتة مني قبلت ياخذ جسمي الي على اساس ماخذة قبل هل. مرة تصرفاتي مو بحكم عقلي كلشي يتطلبة جسمي انفذة. ابتعد واني من التعب والحباية البلعتها بــــس غمضت عيني نمت

فزيت موجوعة وراسي يوجعني. اباوع النفسي بدون ملابس سحبت الغطا عليه واعصر براسي بــــس أريـــــد اتذكر شهكت حيل وجلبت بالبطانية بقوة اشهك واجر نفس مختنكة كلشي تذكرت كلشي. التفتت على صوتة كاعد يم راسي

:- انتي جبرتيني كتلج بالع صخااام مو بوعيي جلبتي ليشش ليشش

:- هو يحجي واني مسطورة طول هل مدة وهمني بالاغتصاب طول هل مدة اني بنية وهسه سلمتة نفـــــسي بنفسي. حرف ماكدرت احجي لفيت روحـــــي بالغطا وطلعت للحمام سديت الباب وكعدت اصررخ بكل صوتي

دك الباب ويحجي واني مو هامني غير روحـــــي الجاي تحترك

:- جــــمرة بــــس خلي احاجيج لا تصررررخين اسمعيني

- كتمت صوتي اضرب بالكاع بايدي وهو اباب الحمام يصيح

:- كااافي جــــمرة راح افتح الباااب

:- صرخت بكل صوتي :- حقييير ابن الكلب الله ياخذك ياااارب عمرك ماترتاح الله ياخذ. حق كل دمعة منك عسى حركة.روحـــــي ما تتعددداك

.دفع الباب وفات كعد. يمي واني بثنين ادية اضرب بوجهة واملخ بيه سحبني الصدرة مفرفحة أريـــــد احرك روحـــــي

:- اشش بــــس اسكتي على كيفج

:- ليشش ليشش وهمتني بالاغتصاب وهمتني انت مغتصبني جبرتني اتزوجك علمتني على كل سالفة خايسة ليشش بشنو اذيتك

ابجي واصرخ.وادفع بيه أريـــــد بــــس يفكني من حضنة

:- اششش

:- فكرة مغتصبني اسهل عليه من اسلمك نفـــــسي بنفسي ..دفعته حيل ورفعت ايدي اضرب بوجهه وحتى كلامي مجان مفهوم سحبني حيل ويصيح

:- ما اكددددر لو اموت ما اغتصب ولا اتقرب الانسانة غصب

- لطمت على وجهي اصرررخ

:- واناااا شنو شنووو مو.وهمتني مو استغليتني بحجة.مغتصبني شنو الفررررررق. ....

شهكت حيل اجر نفس وكلبي يريد ينفجر

:- انت حيوان مستحيل تكون انسان وبگلبك ذرة انسانية

.هز راسة موافق. وسحب ايدي يريد يسحبني دفعتة بكل قوتي

:- اطلع وخررر عـــــوفني عـــــوفني ...

كام طلع درت اتقيئ من حركة روحـــــي

شطفت نفـــــسي وازلغ بجسمي بقوة

شلون سلمتة نفـــــسي شلون حاجتي للحباية غلبتني وخلتني التجئ الهل طريقة

كعدت على حيلي امسح بوجهي ، ظهري وبطني يأذني ومن اتذكر شلون جنت ابوسة كلساع أريـــــد اتقيئ دك الباب يحجي بخنك

:- هذني ملابسج جــــمرة

- فتحت الباب اخذتهن من أيــــدة احس بنفسي استسلمت بس جسمي مشتعل نار لبست وفتحت الباب لكيتة واكف باوع الداخل الحمام الملابس والبطانية ثنينهن منگعات بالگاع مدنك.ويحجي

-::روحـــــي للغرفة

- عبرتة بدون ما احجي مخلي غير افراش بمكاني تمددت.غمضت عيني وشهكت

:- كون اموت كون ما ارجع افتح اعيوني

كون هذا اخر نفس اتنفسة ...احجي ودموعيي تنزل. واكطع نفـــــسي وارجع اتنفس

فتحت اعيوني من لزم. خدي. سابح وثاني ركبة كاعد كدامي

:- تاكلين؟

- دفعت ايدة ودرت وجهي بدون ما احجي. حتى صوتة ما أريـــــد اسمعة

كام طلع شوية ورجع خله يمي اكل

:- جــــمرة اكلي حتى تشربين علاج

-خله ايدة على كتفي سحبتة مبتعدة

:- جــــمرة؟

:- اذا ماشربتي العلاج راح تحتاجين الحباية

:- تنطينياها مثل البارحة

:- منوم انطيتج !

- التفتت عليه اباوع بوجهة رفعت ايدي خليتها على گلبه يدك حيل جريت نفس بقوة.وحجيت

:- اذا ماكسرتك اذا ماندمتك على كلشي سويتة اني مو جــــمرة

:- كاسرتني ومندمتني

:- ما مسوية شي بعدني......رفع ايدي الشفتة.يبوس اصابيعي ويحجي

:- ندمت على كلشي وتمنيت لو عايفج اتمنيت لو مبتعد من. اول يـــــوم

- عـــــوفني هسه وانسه كلشي رجعني الامي وما اشتكي ولا احجي حتى امي ما اسولفلها

:- ما اكدر متاكد راح تحجين ماكدر اضحي بكل هل سنين

- كعدت على حيلي من حسيت اكو مجال يرجعني

:- باوع ما احجي حتى امي اكلها انفصلنا ورجعتلج وما احجي شي بعد ...

هز راسة لا سحب ايدة وكام طلع

.بقيت بفراشي مفرفحة ساعة ابجي وساعة اصرخ صار مايرجع للبيت الا باوقات قليلة بــــس يخليلي اكل ويطلع ..وبكل مره ارجع اتوسل علمود الحباية صرت مخبلة الليــــل يمر واني كاعدة بــــس افتر والوب ومن اضعف كلش اكطع بشعري ........

...........

نــــهله. ::- كاعدة بالغرفة منومة مصطفى بحضني اوكلة. وكلساع شايطة روحـــــي من. يعض اصابعي .....ماكدر استخدم الخاشوكة لان اذا سد اسنانة عليها يسدهن بقوة ويلتهبن تصير ريحة.حلكة.مو حلوة واني حتى اسنانة انظفهن

دخل غيث صاح

:- بابا يصيحلج

:- كله هـسه تجي جاي توكل مصطفى ...

دنك باوع المصطفى گال خوش وطلع

مسحت حلك مصطفى حسيتة بعده ماشبعان

ماكدرت اگوم رجعت وكلتة امرد الاكل بيدي حيل يله اخليه بحلكه علمود يگدر يبلعة

هستوني خليت اللگمة بحلكة وطبك اسنانة على اظفري

غمضت عيني وسادة اسنوني حيل شايطة واسحب بيدي من حلكة فرفحت سحبتها. انكث بيها ميتة. دخل ادريس مدري شيحجي واني انكث بيدي واجر نفس. يحجي ويحجي. اني روحـــــي رايحة

مدري شلون طلعت مني وصيحت

:- اسكت اسكت

- اجه كعد يمي يريد يلزم ايدي

:- شكو شبيج

-:بــــس وخــــر مصطفى ...

دنك شاله من حضني خلاه على الجرباية واني ركضت غسلت ايدي اجه وراي ادريــــــس

:- شنو عضاج

- هزيت راسي اي اباوع بايدي اظفري احمر وسن مصطفى مطبوع باصبعي من الجهة الثانية شوية بعد وينزرف اصبعي ...

سحب ايدي يباوع بيها

:- وكليه بخاشوكة الا بأيدج

- يتكسرن اسنانة لان الخاشوكة قوية

:- دشوفي اصابيعج شصاير بيهن

- سحبت ايدي من ايدة مسحتها ..:- هسه اطيب

شنو.ردت دزيت غيث

:- ردت نسوي الحديقة. نبوك من سندانات اهلي نخلي بالگعده مالتنا

:- ههه خو اشتري ليش تاخذ منهم

- نروح للمشتل؟ وهم نمر على سمر

:- انته والجهال؟

- لا كلنا حتى صوفي بعربانتة نغير جو شوية

:- سكتت اباوعله ماردت ارفض هزيت راسي موافقة ضحك صاح على غيث اتزل صيح الغدير

:- وهباوي وغفران نخبصن شنلبس هبه ملابسه عاديات وغفران ملابسه حيل حلوات عفتهن يداهرن بالصالة ودخلت أريـــــد انطي ملابس الادريس

:- البس دشداشة لو بنطلون؟

- ما ادري بكيفك. بشنو ترتاح

:- أنطــــيني دشداشة

- طلعت دشداشتة وهو خابر سمر يضحك گال

:- هــــا بابا حبيبتي شلونج.......راح نجي نتعشا يمج بــــس مانريد عشاج احنه نشتري ويانا ...ههههههه لا بابا ماريد اكلج المحترك ....بنفسج شي اشتريلج؟ .....حبيبتي بابا حبيبتي الله وياج

- سد التليفون يباوعلي بضحك اخذ الدشداشة من ايدي. رحت اطلع شحاطتة وهو يلبس گـــــال

:- اكلج شنو هاي شبيها منا ..تقربت اشوف ياختها امسح بيها واكله

:- واللـــه غاسلتها منين اجاها. مال كوي يمكن

لازمة الياخة وافرك بيها بايدي

وغدير فتحت الباب جاي تحجي ومن شافتنة رجعت طلعت فشلانة سدت الباب بقوة گال

:- هسه هاي شيقنعها ماجنة انسوي شي

- ابتعدت مبتسمه..راحت. مال كوي من الاوتي...

التفت للمراية يباوع

:- بعد كملت راح انزل اكعد بالسيارة احركهم حرك كلساع ادكلكم هورن ومن تجون اعصب عليكم واكلكم واللـــه من بطل صوج اليطلعكم

:- ههههه لا لاتنزل نتاخر عليك. أريـــــد ابدللهم

هبه وغفران وغيث

:- يله براحتكم انزل يم الحجية من تكملون نزليلي غيث

- رش عطر ونزل. لكيت غدير بالغرفة تفتر منحرجة حيل وغلست ماحجت شي بدلت المصطفى ورحت الغرفة الجهال

لكيت غفران تگدر ملابسها على هبه. التفتتلي

:- خاله شنلبس

هبه ::- ماما البس مال غفران حلوات

- ابتسمتلها ::- يله البسن اختارن التردنه وروحن الغدير تمشط شعرجن ..

اخذن ملابسهن يلبسن وغيث اجه يريد البسة كتلة انت البس مو صغير تعرف مثل ابوك

:- لبس وبس عدلتهن اله اني ومشطت شعرة

الحد ما كملنا نزلت غيث الابوه صعد شال مصطفى نزلة وغدير نزلت العربانة

عائلتي حلوة والناقصها بــــس جــــمرة. نزلنا بالمشتل

خله مصطفى بالعربانة.ودفعة امشي بصفة وغدير والجهال ورانا يضحكون ومكيفين

كالهم كل واحد يختارلة.وردة. يفترون

ويصحون على غـــــدير :- تعالي شوفي هاي انا اختارها وكلهم يجرون بيها

وادريس يفتر ويسئل على اسماء الشتلات اجته غـــــدير تضحك وبيدها عصى موسى

:- عـــــمو اني أريـــــد هاي

:- اذا اخذتيها ما تاخذين وردة

:- اي ما أريـــــد أريـــــد هاي

غيث ::- بابا انا أريـــــد أثنين

:- لا وحدة ماكو اثنين والتموت وردته بعد ما اشتريلة

- خلاهم يفترون محتارين كل الورد حلو ويردونهن كلهن سئل على شتله حلوه وبيها ورد لون وردي گاله الولد هاي جهنمية

التفتلي

:- هاي المصطفى

- ابتسمتله اشتره اكثر من شتلة وباوعلي

:- شنو انتي ما اختاريتي

:- التفتت اباوع ورجعت باوعتله رفعلي حاجبه

عود هااا

;- أريـــــد ياسة

- اشتراها واشتره وردات الجهال وكالهم افتروا باوعوا

اخذ الولد وراحوا يصعدونهن بالسيارة اجت غـــــدير بيدها سندانة صغيرة.اوردة بنفسجية

:- عــــمة خلي اشتري هاي الجمرة. من فلوسي عندي

:- اختفت ابتسامتي اباوعلها واباوع للوردة هزيت راسي اي واجه ادريس شافها طلعت فلوس من كفر التليفون گالها

:- هــــا عـــــمو شتــــردين

- هاي الجمرة كلنا اشترينة نجيبلها وحدة هم

:- جيبيها ورجعي فلوسج واذا عاجبج شي بعد اخذي

نــــهله. ::- اشتراها. وتمشينا ابين الشتلات عطرهن حلو والجو طيب. امشي بصفة ومن يسمع مصطفى يناغي ...... يضحك مكيف ويكلي

:- شوفي متونس عبالج مايفهم

- وابتسم ساكتة كعدنا بمكان نباوع الغدير والجهال كدامنا التفتلي

:- اشبيج نــــهله ليش ضجتي

- رفعت راسي اباوع بوجهة ::- مابيه شي

:- ضجتي نرجع للبيت؟

:- باوعت للجهال مكيفين ويتشاقون واحد يشبهة الثاني بوردة وغيث كلساع يغثهن يشبهن بشتلات مابيهن ورد ويقهرهن.

:- لا ماضايجة

:- واعيونج؟

-باوعتله بسرعة ....::-اشبيهن اعيوني؟ ابتسم

:- يسولفن غير سوالف السانج....مشتاقة الجمره؟؟؟

- هزيت راسي اي اعيوني حرگني

- خابريهم خلي يجون

- عدها ادراسة وماتريد تجي

- شو حتى مو دائما تخابرينها؟

- سكتت مدنگة شگول. بنتي بــــس اكلها شلونج دكلي يله باي لاتخابرين كلساع بنتي حتى لو ابقى اسبوع ما متصله عليها ماتهتم

بنتي ولا مرة كالت اخواني شلونهم شلون عايشين ....

- شوية وكمنا غيرنا مكانا غـــــدير اخذت مصطفى بعربانتة ادفعة ويضحكون كدامة حيل متونسين. ابتسمتلهم ودرت اباوع الادريس لكيت عينة على ايدي بــــس لمحني باوعتلة گال

:- نــــهله دكدرين تنزعين الجفوف والعبايه انا عادي عندي دكدرين تلبسين صايات اذا تحبين

واذا دكولين امور دينية براحتج

- باوعت بعينة ساكتة ....يمكن اباله من تزوجت ابو مصطفى جابرني عليهن ...ابتسمتله هزيت راسي لا

:- مو.قصة امور دينية ....بالعكس اكو بنات مايلبسن عباية بــــس لبسهن مستور وعفة وشرف ودين والتزام وماكو احسن منهن واكو لابسة عباية.وماحاشمتها ولا تعرف عن الدين ذرة يعني القضية ابد ماتتعلق بالدين العباية ماتحدد هَاي ملتزمة ومتدينة وهَاي مو زينة ابدد مالها علاقة

بــــس اني احبها من واني طفلة لبستها. وتعودت عليها وعلى الجفوف ماكدر اعوفها بعد

:- احب تفكيرج كلش

:- دنكت مستحية بــــس ما اكدر ما ابتسم ضحك بصوت

:- واللـــه عود تخجل ادنك هههههه

-ضحكت وصاح للجهال كالهم يله نروح يضحك على غـــــدير شلون حالها حالهم

مر للمطعم جاب عشا ورحنا البيت سمر كيفت بينا وزوجها حــباب وبس يداهرون گدامنا هو يكول اني الاطبخ وهي دكول جذاب نطلب من المطعم كل يـــــوم حتى بيتنا مابيه مواعين

للعشرة بالليل يله رجعنا البيتنا...لمن ناموا لمن غسلت ملابس وحضرت. صارت ب12

توضيت ودخلت للغرفة انصدمت ادريــــــس نايم بمكاني. تقربت غطيتة. ودخلت للمكتب صليت صلاة الليــــل حيل ارتاح من اصليها

فرشت فراشة بالمكتب تمددت كلساع انگلب الجهة گلبي الميت من سنين ادريــــــس يـــــوم عن يـــــوم يرجعة للحياة ومجرد افكر اخاف وارتبك ......

غـــــدير ::- اصعب شي من تحب شخص تريد تبتعد وتريد تراقب عرفت الفيس مالتة من حساب عـــــمو ادريــــــس كل يـــــوم ادخل هيج بــــس اباوع واطلع ماكدرت امنع نفـــــسي شكد حاولت حتى الفيس حذفتة وبالليل ارجعه

بــــس علوود اشوفة

والمتصل اراقبها شوكت فتح نت وشوكت سد

اقنع نفـــــسي ميخالف اراقب من بعيد الحد ما امل وابتعد ويوم عن يـــــوم اتعلق اكثر

نزلت بيوم على اساس يوصلني للكلية انصدمت عـــــلي مو هو سلمت وصعدت. بــــس حرك السيارة سأل

:- شلونها فــــــاطمة

- الحمدلله زينه

- اذا انطيج رسالة بورقة دكدرين تنطيها الها؟

- سكتت محتارة ...ومن اتذكرت دموعها كتله

:- اي اكدر

- بالرجعة اوديها بأيد بــــسام وما انسالج وكفتج

_ وصلني للبوابة وراح رحت القسمي محتارة حيل وخايفة. خاف انلگف واورط فــــــاطمة اكثر وخاف ارفض وخطيه. خلصت اول محاضرة وطلعت وي بنية للكافتريا هستوني كعدت ودزوا عليه رئاسة القسم

طلعت اروحلهم وارجف جبانة مو.مال هيج مواقف. من خوفي وارتباكي احس ما اسمع رزايلهم ارجف وبس دموعي تنزل

جاي ادرسين لو تصادقين جاي تلعبين انتي هيج انتي هيج. تصادقين هذا وتواعدين هذا انفصلج انقلج نرقن قيدج لجنة انضباط

اسمع حجيهم ساكتة وارجف جملة وحدة طلعت منعندي

:- واللـــه ما مسوية شي

- طردوني من الغرفة طلعت ارجف وابجي حتى ماحاجية وي احد شوكت ضاحكة على ولد شوكت مصاددقة ليش. بــــس اني تجيلي تهايم

كعدت برا بــــس أريـــــد اجر النفس

من حركة گـــــلبي لكيت روحـــــي متصله على عـــــمو بــــس كالي الو شهكت ابجي

:- شبيج عـــــمو منو وياج

- يردون يفصلوني عـــــمو. تعال عفيه

- جايج بابا جايج ابقي بمكانج

- سديت التليفون وضميت وجهي ابين ادية ابجي بحركة شلون راح يكلوله تضحك على ولد باله صدكهم شلون يگلوله مصاحبة شلون يربي هسه يصدكهم ويكول على عــــمة ماعرفت تربي

اجن البنات يمي يسكتن بيه ويكولن

:- معليج هسه نروحلهم.ونشهدلج ماعندج سوالف معليج لا تضوجين

شوية ورجع دك جهازي جاوبتة يسئل على القسم دليتة. والبنات يقنعن بية افوت للمحاضرة

واني مطنكرة ابجي وساعه اكلهن بعد ما اداوم ساعة اكلهن بكيفة يفصلني كلية ابوه على اساس

لمحة عمو من بعيد ابدلتة العسكرية وعلي وبسام وراه وكفت خايفة. اشرلي بيدة تعالي شلت اغراضي ومشيت امسح بعيوني

- منو وياج

- عـــــمو واللـــه ما مسوية شي ويكلي انفصلج تضحكين على ولد والقران حتى وي ولد ماحاجية اسئل البنات واسئل فــــــاطمة من جانت اداوم كله وياهااا

.ارجف واحجي ..رفع ايدة يمسح بعيوني

:- انعلج والديهم واللـــه لاتبجين تعالي

لزمني من ايدي ومشه للمكتب دفع الباب وكف الدكتور والموجودين

:- اهلا وسهلا

- انت رئيس القسم

- اي اتفضل

- تعرفني منو

غـــــدير. ::- باوع على اكتاف عـــــمو وكاله باسم الرتبة. البيها ومن شاف عـــــمو اعصاب ضل هو هم يصيح ويلكه ارفع عليك دعوى شنو تهددني

تقرب عـــــمو على المكتب دك بايدة عليه ورفع اصبعة بوجهة

:- انقلك من المحافظة كلها والله انقلك واريد شريف ابن شرريف يطلع وراك

هل مره حجيت مرة الثانية افعال

- التفتلي عـــــمو گال العـــــلي وبسام وصلوها القاعتها. وحذروا الشريف اليندك بيها

- باوعتلهم اشرلي عـــــلي امشي واني بــــس اريد ارجع للبيت رجلية يطكطن وكلبي يدك حيل من الخوف اكبر جبانة. مشيت وياهم متشنجة دليتهم على القاعة دك الباب عـــــلي. ومد راسة سلم على الدكتورة گالها

:- العفو دكتورة اختي جانت عدها مشكلة ويا القسم ومحيناها تكدر تدخل المحاضرتها

:- خلي تتفضل

- دخلت كعدت بالستيج بعد حتى عيني مارفعتها. وبس كملت المحاضرة طلعت ماكدرت احضر الاخيرة اتصلت على بــــسام واجة رجعني رفع ايدة بيها ورقة گال

:- وصلي هاي لفطيم من عـــــلي

- اخذتها من ايدة ساكتة ..صعدت البيتنا ماكدرت احجي العمة خاف تلومني وخاف اسكت وعمو يحجيلها ودكلي ليش ضميتي عليه

بقيت ساكتة

وره الغدا اخذت الرسالة ضميتها بصدري.ونزلت

نطيتها الفاطمة كعدت على جهة تقره ودموعها على خدها كالت

::- هاج ضميها عندج اريدها. وعفيه جيبي تليفونج بــــس اراسله

- اذا هسه صعدت ورجعت نزلت امج تشك خليها باليل انزل واجيبه وياي ..

هزت راسها موافقة تكسر گـــــلبي كلساع تبجي ..شوية وصعدت اجة عـــــمو وبقى ساكت مجاب طاري للموضوع اني هم سكتت. بالليل جاي انزل. وعمة ماقبلت سمعها عـــــمو كالها ::-خليها يم فطوم

حلفتلها بسرعة اصعد. ونزلت بــــس راسلتة شوية.وكتبتلة رساله بورقة رجعت صعدت ثاني يـــــوم انطيتها البسام منحرجة.وكوه احجي

:- هاي من فــــــاطمة العلي .....

اخذها من ايدي. ضحك وگال

:- رجعوا بالزمن عشر سنين.واحنا نشتغل ابينهم ساعي بريد

- بقيت ساكتة بــــس طايرة من الفرح حجة.وياي وضحك حيل حيل جنت مكيفة

نــــهله. ::- من يـــــوم لگاني نايمة بالمكتب بعد ما تقرب للجرباية حتى بالغرفة مايكعد بــــس يدخل يفوت للمكتب. اسويلة عصير لو گهوة واكعد يمه اشوية.وارجع للغرفة عنده اهواي شغل.مرات اعصاب ويصيح بالتليفون

مرات ينزل للبيت الجوه ويرجع ميت قهر من عيسى

بيوم العصر جنت اسگي الشتلات الجاباهن

ونعصر گلبي من شفت من.دون.كل الوردات الجهنمية ذبلانة. .خليتلها سماد. ونضفت المكان

نفتح الباب التفتت شفتة ادريــــــس هستوه جاي من دوامة

:- الله يساعدج

:- مسحت وجهي متوصخة ..:-الله يساعدك ...روح هسه اجي ...

فات. واني وراه

شاف غـــــدير مكعدة الجهال بصالة ادرسهم

واسمر يلعب بلي

نطيتة.ملابس دخل يسبح.واني دخلت للمطبخ اسويلة.چاي

طلع كعد يمهم.يشاقيهم كامت غـــــدير اجت يمي

غـــــدير: - روحـــــي عــــمة اكعدي اني اصب جاي. ....

ابـــــتسمت ودخلت كعدت يم عـــــمو

يشاقه ويضحك وهي وياه الضحكتة تضحك اباوعلهم وابتسم. صاح اسمر

:-صبيلي وياج.

-كاله عـــــمو ::- لا تصيح

- ما مصيح بابا داكولها صبيلي وهي دتصب

- اي كلها بلا امر عليج صبيلي وياج

غـــــدير ::- مديت راسي من باب المطبخ أريـــــد اتشمت بية حيل اكرهه ومدقوقة منة بــــس لمحني رفعتلة حاجبني ورجعت جاي اغسلة كوب وكع من ايدي بالسنگ من سمعت عمو گال

:- نسيت نــــهله ماكتلج باجر عرس بــــسام

- رجفت ايدي اوكع الكوب مني بالسنك انكسر اريد بــــس اجر النفس احس بروحي اختنكت وكلبي. عبالك نضرب سجين اجت عــــمة تركض

بجيت

:- اسفة وكع مني اسفة .....ابجي وارجف

جرتني الحضنها متخبله

:- يا فدوة الج شبيج يا غـــــدير

- ما قصدي واللـــه ماقصدي اكسرة وكع مني

اجه عـــــمو مصدومين ثنينهم واني ماكدر الزم دموعي راح افضح نفـــــسي گـــــال

:- شبيج بابا واذا انكسر اكو احد يحاسبج فدوه الج

- مسحت دموعي اشهك أريـــــد اصب الجاي ايدي ترجف اجت عــــمة صبتة گالت روحـــــي ارتاحي

بــــس فتت للغرفة وسديت الباب.

خليت ايدي على حلكي ابجي

ليش. حبيتة ليشش. وهو حتى كلمة ما منطيني ليششش تعلقت بيه استاهل يصيرلي هيج استحق

مر الليــــل عليه مثل السم بــــس ابجي وعمة شكت بيه كلساع دكلي شبيج واتحجج بمشاكل الدراسة والقسم واني دمعتي مانشفت

ثاني يـــــوم مرتضى الوصلني للدوام ورجعني مابيه ذرت روح. وصلت للبيت كالت عــــمة

:-ادريــــــس يكول تحضروا نروح للعرس

- ما اروح اني عــــمة ...حجيتها وكعدت على الجرباية اجت كعدت يمي تباوعلي بشك

:- اني هم كتله ماروح بــــس گـــــال عيب الولد موصية ...شبيج انتي من امس لليوم مو.طبيعية ضامة شي عليه

- رفعت عيني بعينها هزيت راسي لا وابتسمت على اعصابي

- خاف صاير عليج ضغط من الدراسة. هم تتونسين تغيرين جو.شوية بالعرس ...وهم قاعة مو بيت حتى تضوجين

:- ماضايجة عــــمة بــــس واللـــه مالي خلك اروح

:- غـــــدير اكو شي؟

- بلعت ريك خايفة عــــمة ماينظم عليها شي

رفعت عيني ارسم ابتسامة جذبيه ....

:- لا هاي هي اروح مابيه شي صدكي

- عافتني وطلعت ما مقتنعة. شوية واجت سمر

تروح ويانا للعرس وكلساع دكلهم صديقي شلون ما اروح العرسة سنين جان يوصلني ويرجعني

..واني بــــس ساكتة واقنع بنفسي بلكي من اروح واشوفة.وي مرتة اكرهه واطلعة من گـــــلبي. بلكي اخلص من هذا الشعور. ...

بدلنا وطلعنا واني احس روحـــــي وي كل خطوة تطلع ..عــــمة ماجانت قابلة مارايده تروح وخاصة علمود مصطفى دكله

:- اليشوفة يسئلني شبية ونظراتهم اله تكسرني

كالها عـــــمو بسرعة نرجع مانطول

دخلنا للقاعة جانت مختلطة.بــــس كلها لبسها مستور

كعدنا بالاخير وعمو كلساع يگوم يسلم ويرجع يمنا

دك گلبي حيل من دخلوا لازمها من ايدها دنكت ماكدرت اباوع گـــــلبي يأذيني كمت للحمامات

سديت الباب ماكدر الزم دموعي

بجيت الحد ما اجت سمر مسحت دموعي وطلعتلها مبتسمه ...باوعتلي باستغرب

:- بيج شي؟

:- هههه لا بــــس مريضة وكوه اجيت ....

رجعت كعدت يمها. مرة وحدة رفعت عيني

شفتهم سوا وحاجيت

عــــمة يله خلي نروح

صاحت العمو وطلعنا يامن يرجعني لفراشي

يامن يخليني وحدي وابجي براحتي ...

بــــس وصلنا دخلت للحمام على اساس اسبح

واستغل صوت الدوش ابجي بصوت ...واقنع

بنفسي صفحة وانطوت الحمدلله لا اعترفتي

ولا اكو شخص يعرف بيج تحبينة

راح بطريقة واتزوج طلعية من كلبج بعد لا تفكرين بيه

جنت اوعد نفـــــسي وبس يجي الليــــل وعودي تتبخر وارجع النقطة الصفر أگلب بحسابة وابجي اباوع بصورة ودموعي على خدي ...

يتبــــــع⋆𓍯

الكــــاتبة أيـــــــلول⋆𓄼𓂁

💚🌿.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

كلبي تلوع تلوع بعد ما اضن يطيب.....

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

غـــــدير. ::- صرت اكابل فــــــاطمة ساعه اواسيها ساعة ابجي وياها ..الحد ما يـــــوم گـــــال عـــــمو

::- يله غـــــدير بــــسام منتظرج

دك گـــــلبي حيل ماريد ارجع اشوفه اخذت اغراضي ونزلت صعدت بالسياره نطقت واني مدنگه

:- صباح الخير

:- صباح النور

:- مبروك الزواج خويه. .....حجيتها واحس گـــــلبي نار اكلب بالملازم البيدي ..بقى ساكت شويه وكال

:- الله يبارك بيج يـــــوم الالج

- سكتت وصلني لجامعة وراح بالرجعة جانوا ثنينهن بالسيارة عـــــلي. وبسام قبل لا انزل رفع أيــــدة بيها علاكه صغيرة

:- انطيها الفاطمة

- مديت ايدي اخذتها منه ساكته

:- تكدرين ترحين يمها تتصل عليه ؟ .....باجر نروح بمهمة صعبة أريـــــد احجي وياها

- ان شاءالله بالليل انزل يمها

:- مشكوره خويه ...اذا تزوجنا الا اسمي بتنا غـــــدير على وكفاتج النا

بــــسام :- انا هم واكفلك ويوميه مودي رساله وجايب رساله

- ميخالف خلي تصير نسمي بــــسام وغدير ولا يهمك

غـــــدير. ::- باوعلي عـــــلي بالمرايه ابتسم وعقج وجــــهة ضميت العلاكه بالجنطة ونزلت

سلمت على عــــمة ردت بثگل كاعده توكل. مصطفى ..دخلت بدلت وطلعت يمها حاولت احجي وياها ترد على كد السؤال

وحتى الجهال يسولفون وياها ماتحاجيهم

وكفت أريـــــد اغسل مواعين الغده ماقبلت

:- روحـــــي ارتاحي اني اغسلهن

- لا عــــمة ماعندي شي ..عوفيهن ..

سحبت الجلافة من ايدي. اوكفت تغسل رجعت ليوره محتركه حرك ما متعوده على هذا اسلوبها

:- عــــمة اشبيج صاير شي ؟....

تقربت عليها اعيونها يصبن شهكت اجر بيدها

:- عــــمة شبيج شكو .....دفعتني من ايدي

:- ترردين ترحين الامج؟

-باوعت بوجها مافاهمه .....شنو امي؟ .....عــــمة انتي امي ماعرف ام غيرج

- مو اجت هنا تسب وتغلط وعلى اساس انتي رايحه تشكيلها شلوت عرفت انتي تغسلين مواعين الغده من ترجعين من الجامعة شلون عرفت انتي تگلين اذا اني اخبز شلون عرفت كل شي يصير ابيتنا ؟؟...

اني مشغلتج خدامة غـــــدير اااني؟؟

- منو شاكيلها اخر مره شفتها عمري 12

عــــمة شجاي تحجين

رفعت ايدها. تمسح بدموعها

:- الصبح اجت امج شرتني على الحبل أريـــــد بــــس اسكتها كدامهم اكلها اصعدي تعالي اهناك وهي بالكراج صوتها شعلوه گدام اهل ادريــــــس والولد

تصيح ....مشغلة بنتي خدامه عندج. وبنتي ملت وتشكي انتي متونسه يوميه مزوجه ومطلكه ام المتع وبنتي كاتلها الظيم

ولج صغرتني گدامهم انا وووين والمتع وين

ماطالعة گدام حماي بلا عبايه شلون دكلهم تزوج متعه

عيسى يصيح واللـــه اذا صدك ماتضلين ويانا

ولج عيسى يصيح بوجهي

عمرج كله وياي شفتيني بيوم زليت شفتيني غلطت شفتيني رحت الدرب اعووووج انا عمتج ولو غلطانة كليلي كليلي

- جريت اديها ابوس بيهن. ابجي واحلف

:- واللـــه ماشايفتهاااا واللـــه مارايحه ولا شاكيتلها ولو اطيج اعيوني ما اجازي تعبج اشرف منها الباعتني علمود رجال عــــمة فدوه لا تحجين هيج. ماتوصل لتراب رجليج

نــــهله. ::- جريتها الصدري ودموعي تصب ماكدر الومها ابنيتي انا مربيتها اعرفها شنو بــــس المخبلني امها تدري بكل تفاصيل بيتنا تعرف غـــــدير شنو تشتغل بالبيت

شلون اباوع بوجهه ادريــــــس من اخوانه يكلوله هيج يحجون على مرتك العصر شفته من اجه

وطلعت بت ابراهيم حاجته وفات گبل البيت اهله خلي يحجوله ما مسويه شي بــــس النظرات تموتني

هسه يگول هي من نطيتها فلوس قبلت تزوجني يعني مو صعبة عليها تزوج متعه جريت نفس ارجف ومختنگه

حاجيت الجهال شلت كتبهم كتلهم تعالو ادرسوا بالكعدة.

حضرت ملابسه علكتهن بالحمام وغسلت وجهي اباوع بعيوني حمر اوجهي ذاك هو مبين شكد باجيه

فتحت قفل الباب ...اوكفت بالصاله. شويه ودخل اعصاب بــــس لمحني واكفه بلع ريك.وحجه

:- السلام عليكم

:- وعليكم السلام الله يساعدك ....

عاف جنطته على قنفه واتلفت رجع باوعلي

:- الجهال وين؟

:- يدرسون بالكعده ....عفته وفتت للمطبخ ترست كلاص مي وتقربت انطيته اله اخذه من ايدي وكعد على القنفه شربه

:- تسبح؟......... جر ياخة البدله شماها وهز راسه

:- اي ريحتي تكتل

- كام وكف اباب الحمام وحجه

:- نــــهله حضري اغراضي عندي شغل خارج المحافظه

:-كم يـــــوم

- اسبوع .....حجاها وفات للحمام اخذت الجنطه طلعت اغراضه الوصخه عفتهن على جهه ورجعت سويتله جاي شفته من طلع راح للجهال بــــس سلم عليهم وفات المكتبه

خليت كعك بصحن وستكان جاي اخذتهن ورحت للغرفه ..لكيته كاعد على القنفه والتليفون بايده من باوعلي سحب الطبله كدامة

تمشيت اخذ الصينيه عافاها على الطبله ولزم ايدي يريد اكعد كعدت بصفه گـــــلبي جمر وميته من القهر. مدنكه عيني فشلانة بدون ذنب

مد أيــــدة على حنچي رفع وجهي يباوع بعيني

:- منو مبچي اعيونچ ؟

- باوعت بعينه شفتي ترجف والعبره خانگتني سحبني من ايدي الصدره بچيت واني احلف

:- كل حجيهم جذب واللـــه جذب ما متزوجه متعه ولا بعمري فكرة. بيها ولا بعت نفـــــسي

-ابجي واحجي بحركة فرفحني من القهر وهو

حاضن راسي ويحجي

:- كل عقلج اصدك بحچي غيرج

- ابتعدت امسح بعيوني واحجي ...:- عيسى صدكها وحتى البنات ضاجن مني

رفع ايده يمسح بدموعي

:- خلي يضوجون منج ينگطع الهوا لو توكف الحياة شعلينا بيهم

وعيسى يگول كلمن عليه بعائلتة ذكرته بحجايته مايحجي شي بعد. ومايدخل بعائلتي بس

" اعيونج لا يبچن ينهد حيلي "

حجاها وحرك ابهامه على خدي. بعدت أيــــدة ومسحت ادموعي. بحجابي. تحسر

:- بجت وخلت الچاي يبرد ام دمعه

- مديت ايدي على الاستكان. :- هسه اجيبلك غيره ..

:- لاا اشاقه عوفيه

- اخذه من ايدي گـــــال

:- اي احجيلي شتريد هاي

:- دكول مشغله بنتي خدامه عندج وغدير تشكيلي منج

:- لا تخلين غـــــدير تشتغل بالبيت

:- غـــــدير تحلف ماشايفتها ولا ملتقيه بيها اخر مره شافتها من جان عمرها 12 وهي مو من نوع تضوج من الشغل من وحدها تكوم ابد ما اكلها سوي هيج وسوي هيج

- يعني شنو التريده غير نعرف مثلا تريد تاخذ غـــــدير؟؟

- لو اموت ما انطيها

- جاي افرض أريـــــد اعرف شنو غايتها. شنو التريد توصله بالهوسه السوتها احجيلي بالتفصيل خلي نعرف شنو علتها

- ما ادري هيج اجت تهدد بنتي ترجع من الجامعة الظهر تخلينها تغسلج المواعين وبليل تسويلج العشا وادرسلج الجهال وانتي تفرفرين بالسوك.

:- لحظة لحظة شدراها خوما كاعده ويانا وتعرف هيج تفاصيل اكيد غـــــدير حاجيه

- غدير ما اتجذب وحلفت ومتأكده منها ماحاجيه .....عگد حواجبه

- هممم خير ان شاءالله... اسمر وين

:- تغده وراح للمحل ....هز راسه موافق وجر تليفونه اتصل على اسمر اول ماجاوبة گاله

:- تعال للبيت ابسرعة

- سد التليفون ودار يباوعلي ساكت دنكت عيني

صلينا على محمد اثنينا من سمعنا صوت الاذان من شاشة الصاله ..ضحك باوعتله

:- أريـــــد اكلج شي

- كول ........مدنك عينه يمسح ايد بايد تحمحم وباوعلي بابتسامة

:- الزوجه ليش تلبس حجاب كدام زوجها شنو حرام؟؟

- هزيت راسي لا ..وهو كوا لازم ضحكته

:- زين شنو. السبب خجل ؟؟ لو شنو ممكن يكون السبب برأيج

-دنكت منحرجه بطبعي حتى من انام الحجاب على راسي بس افتح الدبوس واخليه

:- ههههه يله جاوبيني ناقشي

- جريت نفس وباوعتله ....::- ماكو سبب

:- يعني مو حرام تنزع حجابها كدام زوجها

:- لا ....

قرب رجله الرجلي مد أيــــدة على حجابي غمضت عيني. الوب فتح الدبوس وسحب الحجاب من راسي اخذاه بايده وانا مغمضة

- نــــهله

- تنفست حيل وفتحت عيني بعينه وجهة يم وجهي بلعت ريك مرتبكه. مد أيــــدة على القراصه البشعري سوده صغيره سحبها من شعري. طبكها وي الحجاب وعافهن على جهه بصفه ايدي ترجف وكلبي يدك حيل

:- ليل

- رفعت عيني بعينه اعيونه ذبلانه وكلساع يتحمحم بلع ريك مرتبك گال

- وصلنا للشعر

رفعت ايدي الم بشعري وجهي احسه نار.وكلبي يريد يطلع من مكانه لفيته

رفعلي القراصه

اخذتها من أيــــدة خليتها بشعري

ومديت ايدي اله أريـــــد الحجاب اشر براسه لا

بقيت ماده ايدي وهو لازم الحجاب ويضم بيه بينه وبين القنفه

:- ما انطيه

- دنكت منحرجه ...::- ادريــــــس أريـــــد اطلع اشوف الجهال

:- البسي غيره

- كمت من يـــــمة ارجف طلعت للغرفة لبست حجابي ورحت للجهال.لكيتهم يتوضون ويتعاركون على المغسله غيث يكلهن

بالصلاة الرجال اولا

وغفران متخصرتله وتصيح

:- بابا يكول النساء اولا

وهبه صافنه عليهم ماعاجبها

غيث ::بــــس بصلاة الرجال

غفران ::- باااابااااا

نــــهله. ::- اشش حبيبتي صوتج مايصير تصيحين حرام وقت الاذان لاتحجون بــــس استغفروا

غيث: :- شكول؟

:- استغفرٌ الله ..ابقى ردد بيها .....

وكفت يمهم الحد ماكملو دخلت وياهم افرشلهم السجادات غيث يوكف كدامهن ضبط الصلاة اكثر منهن

ومن اشوف شكلهم.سبحان الله احس بفرحه تترس گـــــلبي. احس بانجاز وتعب ماضايع

اسلوبهم شويه شويه جاي اغيره جاي اعلمهم يعتمدون على نفسهم وافهمهم شنو الحرام وشنو الحلال احببهم بالدين وبأهل البيت عليهم السلام

ودراستهم تعدلت غيث جان كلش ضعيف وينسى كمت احفظه الدرس واكله يله قري اخواتك يگعد يقريهن سوه وهيج اكسب شغلتين

هوه يتقوه وماينسى

وهم يحسب هبه مثل غفران ومايفرق بينهن..

عفتهم وطلعت ..صليت يم مصطفى وغدير. كملت قبلي وطلعت بعدني ما مكملة واجتلي تركض.

:- عـــــمو ضرب اسمر راشدي ودخله للاستقبال

:- كملت صلاتي وطلعت. أريـــــد افتح باب الاستقبال مقفول دكيته

:- ادريــــــس.....

- روحـــــي نــــهله

:- برووح ابوك افتح الباب ...رجعت دكيته اسمع صوت راشديات وارجف يغلط ويسب واسمر بــــس ساكت. اجت غـــــدير تركض بيدها نسخة المفاتيح

فتحت الباب وفتت بسرعه دفعته وكفت ابينهم

:- وخررري. يس عوفيني.... اخياسة ونذالت اخواله كلها عده بــــس وخرري

:- فاتحه اديه منا ومنا وهوا بــــس يريد.يلزمه واسمر مجلب بجتفي ساكت .....

:- مو هيج شجاااك

:-هم اكول عندي زلمه بالبيت. هم اطلع ومطمن عايفلي رجال ...يمشي بحجي خالاته اليضحكن على عقله...

ابيش مقصر وياك وهيج تجازيني

عيشتك يحلم بيها كل شاب سيارة ..ومحل وكلية ......

خايس مو جنت تجي للبيت لگمة بيها خير ماتلكه ... بشنو مأذيتك البنيه ودور وراها هاي ثالث مره تغلط والاخيره أريـــــد من الله تعيدها

نــــهله. ::- طلع ادريــــــس من الاستقبال ورگع الباب وراه بقوه اسمر شال تلفونه وركعه بالحايط كعد على القنفه مخلي راسه ابين اديه

دنكت لميت التليفون خليته على القنفه

طلعت من يـــــمة بحيره البيت تكهرب حتى الجهال خنسوا بدون صوت.

دخلت يم ادريــــــس كاعد يگلب بالابتوب ساكت

:- ادريــــــس .....رفع عينه بــــس لمحني ودنك

- غلط تصرفك جاي تبعده عنك حاجي بتفاهم

:- مايفيد وياه

- ميخالف حاجيه فهمه حاول تعرف ليش هيج يسوي .......

طبك الابتوب وطلع طلعت وراه شفته فات للاستقبال

حضرنا العشا اني وغدير. سوتلها لفه وهي واكفه اخذتها ونزلت يم فاطمه. ..

طلعوا ادريــــــس واسمر كعدروا بالصاله متصالحين كيفت ....صحت الغفران وهبه

يمي

بــــس صبيتلهم عشا فتت اوكل مصطفى

اجت غفران تركض

:- اشغل الغلايه

:- لا حبيبتي كلي البابا لا تنتلين .....طلعت شويه واجه دريس باوعلي مفرفحه گـــــال

:- شلون نسيت جبتلج خواشيك .... :- اسمر

-ها بابا

:- اخذ السويج وونزل تلكه بالجكمچه مال السياره ...علاكه جيبها

نــــهله. ::- ماكدر اوكله بخواشيك

:- اصبري هسه شوفيهن. سيليكون

- دنكت امسح حلك صوفي واجه اسمر يفتح بالعلاكة ويحجي

:- شنو هذني مال اطفال بابا شسوي بيهن

ادريــــــس: - وحـــدة منهن الك حبيبي

- ضحك اسمر وانطاهن اله. اخذهن وفات للمطبخ غسلهن واجه كعد يمي

- شوفيهن سيليكون مايأذن اسنانه

- راد يوكل مصطفى ماگدر هو يحرك راسه بالكوه اسيطر عليه اخذتها من أيــــدة. وكلت مصطفى بيها مطمنه حتى لو سد اسنانه عليها مايتأذا

لمن كملته اسمع الماعين تنغسل عبالي غـــــدير صعدت شلت الصحن وطلعت

لكيت اسمر يغسل مواعين وادريس يسوي چاي ضحكت

:- عدل عدل الكاونتر وياكم امسحوا

التفتولي ثنينهم. ضحكوا گـــــال اسمر

:- اهوو اخذها الواهس

ضربه ادريــــــس على راسه كاله

:- اغسل واسكت .......تردين چاي اغاتي؟

:- اي بــــس كثر شكر .......

رفعلي حاجبه وضحك حيل واسمر على ضحكت ابوه يضحك

- ضحكت وتقربت اخذت المواعين من اسمر رجعتهن المكانهن.. وجريت وصلت المسح الارضيه مبلله لو ماغاسلين احسن. صب چاي ادريــــــس كعدوا بصاله كدامي ..واني امسح بالكاونتر صاح ادريــــــس

:- يله تعالي....

- غسلت ايدي وفتت كاعد بالكاع والصينيه گدامه كعدت بصفه وباوعت الاسمر

:- اخوانك وين راحوا؟ .....جاوبني وهوا يشرب

:- نزلوا يلعبون بالگراج. هسه يتعاركون ويا جهال عـــــمو ويصعدولج

- بــــس شربوا جايهم ادريــــــس طلع يشوف سمر واخواته ..واسمر طلع وي اصدقائه

فتحت الباب اباوع للجهال يلعبون حلية كعيده

بالكراج

ضحكت تذكرت جــــمرة من جانت تلعب مصطفى....

شويه وصحتلهم صعدوا سبحوا وكعدوا بغرفتهم يرسمون ..غسلت ملابس ادريــــــس وحضرت جنطته

اخاف من يروح بمهمة كل شغله خطر

نزلت غيث صاح الغدير كعدت اسولف وياها

ماريد يضل خاطرها مكسور مني. لمن اجه ادريــــــس وخابر اسمر رجع للبيت. وكعد ساعه يحجي وياه ويوصي عفته وفتت للغرفة

اخذت فراشة للمكتب فرشته وطلعت شفتهم بعدهم كاعدين رجعت بسرعه ادور على حجابي. مالكيته هستوني جاي اطلع ودخل ادريــــــس

وكفت بسرعه

:- فرشتلك فراشك ....دنك يباوع الايدي والوجهي ..ابتسم. ومشه كعد بمكانه

:- على شنو ادورين

- رفعت متني :- ما ادور على شي

:- ههههه..ما متعود عليج تنكرين

- حجابي

:- ما انطيه

:- ليش؟ ....فتح الابتوب شغله واني واكفه كدامه

:- تعالي كعدي أريـــــد احجي وياج ......

تقدمت كعدت كدامه وهوا يكتب بالابتوب

دقاايق وكمل سده وباوعلي

:- نــــهله اهواي اسئلة ابالي بــــس اتردد احاجيج خاف احرجج

:- اسأل الاكدر اجاوبك عليهن....

كام من مكانه كعد على فراشه گـــــال

:- تعالي هنا

كمت كعدت بصفه منتظرته يحجي

:-من استشهد اخوج وابو مصطفى ليش. ماطلعتي راتب

:- رحت وراجعت اهواي بــــس اخسر افلوس يوميه يدزوني المكان عفت المعاملات على النص

:- زين شنو اشتغلتي اول شي

:- باوعت بعينه ...دنك متلافي نظراتي همست

:- ابيع خبز وجمره تبيع كلنس ومي وبعدين اشتغلت بالخضرة

:- شكد جان عمر جــــمرة؟

:- 13 سنة

:- هههه اخاف منها ام السان لو هسه هي موجودة ماتخليج وياي بنفس الغرفة

:- ولا تقبل بالزواج كله

:- وكحة

:- قويه مو وكحه

:- نفس امها

-سكتت اباوع بعينه هو هم سكت ...كمت من يـــــمة. :- تصبح على خير

بقى يباوعلي مبتسم طفيت الضوه وطلعت الفجر كعدته سويتله ريوك..طلع وكلبي داعيله

اول يـــــوم عشته على اعصابي كلنا نتصل عليه وماكو. ...لليل يله جاوب وكال ماكو تغطية اهنا

اسمر زين خاف من ابوه تعدل شوية. انتبهتله صح يحقر وياي اويا غـــــدير. بــــس بنفس الوقت ينتبهه الهبه مثل اخوانه ويخاف على مصطفى. اذا جاي اوكله ويشرگ يجي يركض

:- هــــا شبيه ...

ويكعد يعصر أيــــدة ورجليه وياي حاولت اكسبه بــــس بدون نتيجه اكو ناس تترس راسه

.اليوم الرابع اخذ روحـــــي. مافهمنه شي بــــس.

السريه كلها محاصرة. ولا واحد يرد ...

يانازله جوا يا راجعه يم مصطفى. اررجف وابجي ماخليت نذر مانذرته بــــس يرجعون سالمين ....من الصبح لليل ماكو اي خبر عنهم

بــــسام. ::- اجمل شي الشهادة بــــس من تصير صدك شكو بشر عزيز يصير كدام عينك شلون راح يتحمل فراگك شلون يعيش بدونك.

كاعدين ابيت مهجور المستسلم وحاير بجرحة والما متنازل ويحسب بالرصاص الباقي عندة والمصيبة الاعظم ابو اسمر ماندري عنه ...اكو جندي تصوب وناده يبجي

:- سيــــدي انقذوني سبع بنات برگبتي

- ابو اسمر اخذ جنود وراح ماقبل لا اني ولا عـــــلي نروحلهم من الصبح طلبنة المساعدة ل3 العصر وماواصلين

- التفتت للجنود وعلي وياهم

:- لازم نطلع من البيت عرفوه يضربونه قاذفة يسوونه لحم

عـــــلي. ::- وين تطلع والقناص يصيدنا واحد واحد

- جريت الاسكلي صوت ابو اسمر يصيح وشايط

- سيددي

- اطلعووا من البيت بسرعه

:- قنااص من الجهتين مانكدر

-نكتل القناص اطلو اولادي استعجلو. بسااام مــــحد يبقى وراك ولا جندي متصوب مستشهد ماتعوف احد وراك

:- امرك سيــــدي

.ساعدنة المتصوبين وطلعنا. نمشي ونتشاهد لان الطلقة تعبر بصفنا نسمع بــــس سرعتها من تفوت من يم اذني.

كلساع نوصل المكان ونگعد ماكدرنا نطلع المتصوبين اهواي وحركتنا ثگيله واحد منهم گـــــال

:- سيــــدي روحوا اطلعوا تتكتلون ويانا مانگدر نطلع كلنا جاي نعيق حركتكم

عـــــلي. ::- نموت سوه بــــس مانشرد ونعوفكم ورانا

مرتضى:- ههه سيــــدي اطلع وراك حبيبة منتظرتك لا تفجعها باستشهادك

:- وانته وراك جهال وبركبتك عائلة اسكت... مو وصلت للموت ونشرد

بسام. ::- هسه نطلع بــــس صيروا اسباع وشدو حيلكم يله كولوا يا الله ... ...كمنا هستونا جاي نطلع وطاح عـــــلي

ركضتله مهدود حيلي ..عليي عـــــلي عـــــلي

:- مابيه شي بجتفي مابيه شي

:- بــــس باوعلي ..اكلب بيه ارجف دفعني

:-بجتفي يمعود مابيه شي فاتت كبل كوم

:- شديت أيــــدة..وكمنا عشرة احنا سته منا متصوبين

واحد يميل على الثاني بــــس طلعنه من يم البيوت اجو ولد الملحة بسياراتهم. مردوهم مرد

وصلنا الجنود. يساعدونهم وركضنا انا وعلي ندور على ابو اسمر.

كاعد يلفون بايده بــــس لمحني صاح

:- الجنوود وين

- مسحت وجهي. وعلي كعد على حيله لازم جتفة كام ابو اسمر وهم مجلبين بيه بــــس يردون يضمدون جرحه كعد يم عـــــلي على اركبه

:- عـــــلي. ...

:- مابيه شي سيــــدي ...خلي يضمدون جرحك اني زين

بــــسام. ::- وكف جراني من ياختي يصيح

:- الجنووود وين كتلك لا تعوف احد وراك وينهممم

:- ماعفت احد سيــــدي جاي يعالجونهم

:- وينهم كوم عـــــلي

عـــــلي. ::- سيــــدي بــــس خلي يعالجونك احنه مابينا شي

بــــسام. ::- سيــــدي .... عافنه ومشه يدور عليهم. اتاكد كلهم موجودين ويفتر عليهم واحد واحد يشوف جروحهم

طلعنا من الموت ...... رغم جنا كل جندي من طائفة مختلفة بــــس ثبتنا خوتنه ثبتنا للكل من يوصل الموضوع للارض والعرض نصير ايد وحـــدة وظهر بظهر لو نطلع كلنا لو نستشهد كلنا مــــحد يتخلى عن الثاني. والمايگدر يطلع الجندي المتصوب عنده يبقى يدافع عنه الاخر لحظة العراق النا وفخر اذا استشهدنا بارضنا ...

نــــهله. ::- يايوم اصعب من هل يـــــوم على منو ابجي. على سمر الاجت من الصبح وكلبت الدنيا بالبجي لو على فــــــاطمة الوكعت ماتحرك لا ايد ولا رجل واخذوها للمستشفى متخبلين لو على ادريــــــس الما ادري شصار وياه

لليل يله اتصل على عيسى وكاله طلعنا مابينا شي راجعين هسه بالطريق

:- ومن اتصل عليه اني مايجاوب لا هو ولابسام ولا عـــــلي ارقامهم عندي بــــس مــــحد منهم جاوبني بقيت الوب ماغمضت عيني وغفيت

مكابله الشباك وكاعدة كلساع اكول هسه يجي هسه يفتح الباب ويدخل

تالي صار الصبح وهو ماكو كعدت الجهال وديتهم للمدرسة. وسمر بايته عدنا

صعدت مرة ابراهيم كالت

:- ادريــــــس وي جنوده. بالمستشفى متصوبين

:- احس نضربت على راسي وعيوني غوشن وصياح سمر يدك.بگلبي نزلت العمامها تبجي وتصرخ ومرة ابراهيم تصيح

:- واللـــه مابيه شي يكولون عـــــلي متصوب وهو وياه

:- يا مستشفى لو صدك جا بقوا هناك يعالجونهم مايجي البغداد وجنوده مصوبين

اجه اسمر. باوعلي ابجي والطم على وجهي گـــــال

:- مابيه شي واللـــه هستوه حاجاني گـــــال كلها لا تجي اني راح اجي. ..

:- دخلت للغرفة البس بعباتي وابجي وادعي

سمعت بجي سمر طلعت اركض اباوع من الشباك

شفتها حاضنتة بالكراج وتبجي بصريخ. بادن رجليه ماكدرت انزل. فتت اغسل وجهي ودموعي يرجعن ينزلن دخلوه. البيتهم لبست عباتي ونزلت بسرعة

كاعد يم امه يسولفلهم وايده ملفوفة ومعلگة برگبته لمحني امشي على الدرج. سكت يباوعلي واني خطوتي ترجف من بعيد همست مختنكة

:- الحمدلله على سلامتك

:- الله يسلمج ام مصطفى

- حجاها والتفتت على عيسى الكلساع يمسح ادموعه والسبحه بيده ترجف. گاله ادريــــــس

:- عيسى انا طالع من الموت وطالبك

:- ترخصلك روحـــــي

:- عـــــلي بنص الموت ويصيح فــــــاطمة كافي تكسرهم هوا بالمستشفى وبنتك بالمستشفى يطيك كلبك معذبهم ثنينهم

:- يجرالك. ويجرالهم الترودنه رجعتلك النا بالسلامة تسوا روحـــــي شتطلب وشتأمر تدلل

نــــهله. ::- طفر عباس متخبل يصيح ويتهدد ادريــــــس كاله

:- ليلتين بالحبس يعقلنك

حجاها وكام وكف اترخص منهم ...يريد يصعد.

لازمه اسمر من أيــــدة صعده للغرفة تمدد على الجرباية وسمر تبجي وكلساع تبوس أيــــدة

سحبها الصدره

:- كـــــافي حبيبتي بابا كـــــافي

اسمر ::- كلشي مابيه بابا سبع جنه احصان لا تخافين

ادريــــــس: :- الله يطيح حظك وحظ ابوك ياباابا

- ضحكوا كلهم كامت سمر كالته :-يله ارتاح

طلعت من الغرفه بقى اسمر واكف ابينا نوب هز أيــــدة گـــــال

:- طالع قبل للا تطردوني

ادريــــــس. ::- سد الباب وراك

:- مستعجل اكعد راحه مو متصوب

:- راح اكوملك

- ضحك اسمر طلع وسد الباب ... نزلت عيني ارجف ودموعي تصب نزعت العبايه عفتها على الميز احس بروحي ماكدر اباوع بوجهه

:- نــــهله

- جريت نفس والتفتتله مد ايده الي. تقربت لزمت أيــــدة وكعدت بصفه امسح بعيوني

:- رجعت ليش هل بچي

- رفعت ايدي الثانية اضم وجهي بيدي. متعلمة على البچي اني گـــــلبي اتعلم على الوعات ما ارتاح

:- ليش ليش بــــس فهميني ليش هل بچي شبيج نــــهله ....كـــــافي بــــس باوعيلي

- رفعت ايدي امسح بدموعي بــــس أريـــــد اسكت ...وهو يعصر ايدي ابين اصابيعة. باوع بعيني بابتسامة

:- اروح فدوه ونذر لعيونج .......

.........................

جــــمرة. ::- انوي اتعالج ومن تجيلي الساعات الازم ابلع الحبايه بيهن اموت وانتهي ..كاعده وحدي بالغرفة وارجف كلي ....فتح الباب ودخل كعد كدامي.

:- أريـــــد حبايه.

- تنفست حيل اباوعله ما اهتم. ضربته على صدره. وهو بــــس يباوعلي ساكت. طكيت ايدي بالگاع. لزمها

:- مو زين عليج مابقى شي وتتعالجين منها

:- معليه ارررريد هسه أريـــــد ....انتبهت كل ما اضربة مايهتم بس من اضرب ايدي بالكاع يلزمها

::- اذا ماتنطيتي أذي نفـــــسي ...

مسحت وجهي اباوع بعينة رفع راسة ليفوك اعيونة يلمعن. ورجع باوعلي حجة مختنك

:- حتى لو اذيتي نفسج ما انطيج.

- جريت ايدي ارفعها كدام وجهة وبايدي الثانية املخ بيها باضافري ..مد ايدة بسرعة لزم ايدي ورجع سحبها عافني وگام وكف واني مفرفخة ازلغ بايدي واصيح

:- بااااااوع شوف شيصيرر بيه من ماتنيطيني شووف

. كمت افتر أريـــــد اصير گدام اعيونة اريد يشوف شكد متأذية وهو يدور اعيونه مني صرت گدامة ورفعت ايدي بوجهة املخ بيها واحس الجلد ينكشط باضافري

يوخر اعيونة مايريد يشوف واني اصرخ گدامة وازلغ بيها الحد ما سحب ادية اثنيهم طبكهن وحضني من ظهري ادفر واصرخ احس أريـــــد املخ شكو شي كدامي وهو يحجي باذني

:- اششش اهدي جــــمرة اهدي

- صرخت حيل بــــس أريـــــد اوصل ايدي الحلگي واعضها رفع ايدة وخلاها بحلكي سديت اسناني بقوة الحد ماحسيتهن سن انطبگ على سن

دفعت أيــــدة من حلكي تصب دم وهو حاضني سحبني للفراش كعد وكعدني بحضنة ساكت واني ارجف واجر نفس بتعب

خله وجهه بشعري ويحجي بتعب

:-بس هل اسبوع وترجعين زينة. بعد ما تحتاجينهن

اصبرري تحملي ساعديني

:- ما اررررجع ما ارجع انت مرضتني موو تشرب ليش ما تنطينييي ليششش ......

ضربت بطنه بايدي. لماني حيل

:- اعووفهن مو مدمن انا اعوفهن وعد ما. اشرب

اعوفهن وياج

- دفعته حيل وفلتت نفـــــسي من حضنه

:- جذاااب كل يـــــوم تشرب كل يووووم وتعوفني متوجعه وانت مرتاح

:- ما مررتاح ولا اعرف شنو راحة وجعج يدك بگلبي

- مسحت حلگي اباوعله هو هيج تجي الساعات الازم ابلع بيها حبايه انجن وراها اهداء واكول همزين ما انطاني. ...

اباوع الايده وايدي ثنينهن يصبن دم. باوعلي وراح جاب الشاش والمعقم كعدت عاقله بــــس ايدي مشتعلة نار عقمها ولفاها. وبس مسح أيــــدة التفتلي مبتسم

:- اصبلج اكل تاكلين

-دنكت ساكته ..كعد يمي رفع شعري من وجهي

:- مو حرام .....صلحت سيارة وجبته .....ام الحلال

حجاها وضحك ...دفعت أيــــدة من وجهي طلع شويه ورجع بيده صينيه مثل كل مره ما مديت ايدي انتظره هو يوكلني بــــس اكل وما انطاني ...بقيت ساكته وهو ياكل

:- أنطــــيني

- لا اكلي انتي

-ايدي ترجف........

باوع الايدي مجانت ترجف مخليتها بحضني هز راسه موافق وكلني وبس غسلت تمددت بفراشي أريـــــد انام بسرعه خاف ارجع أريـــــد حبايه

حسيت عليه من غطاني ونمت ..فزيت شبعانه نوم اسمع صوت احد يحجي غير جـــــندل فتحت عيني

متمدد بصفي والتليفون بايده ركزت بالفيديو المشغله

يحجي عن المخد*رات. ...كيفية علاج المدمن في البيت .....وهو يقرأ بالتعليقات ويدخل للردود من ضمن التعليقات واحد كاتب خطوات العلاج

اولا الارادة للتخلص من الادمان

لا تجلس بمفردك

اشرب السوائل

استحم بماء بارد عندما تشعر انك بحاجة للتعاطي

اخرج من المنزل

مارس الرياضة

والاهم الصلاة والقرأن

الشفاء للجميع

- قراهن وصورهن رجع يكمل التعليقات والتفت فاز ضوه على وجهي.

:- أريـــــد احجي. ويا امي

:- ب3 هسه نايمة .....الصبح تحاجينها

:- هزيت راسي موافقة ورجعت نمت على ظهري بــــس فاتحة عيني قفل التليفون وتقرب يمي رجعت ليوره ... رفع أيــــدة يريد يلزم وجهي دفعتها وخرها وحجه

:- جــــمرة نطلع؟

- التفتت عليه ابسرعه ... ::-وين

- اندل مزرعه من نوصلها الشمس هستوها طالعه تشوفينها اول ماتبدي تطلع والجو بيها حلو ترتاحين

:- كعدت ساكته أريـــــد اتعالج بــــس اخاف من جسمي من الوجع ...كام شغل الضوا وراح الملابسي

طلع اتراك والصايه المسحوله سحل وشال واجه يمي

:- البسي خلي نروح

- دفعتهن من أيــــدة ....:- ما اروح هم تخليلي منوم

- من نوصل دكعدين

- ما ارررريد ما اررريد. ......

بقى يباوعلي بحيره گـــــال

:- خوش بــــس اشد اعيونج وايدج؟

- بــــس ماتجذب وتخليلي منوم....

ضحك هز راسه لا

- ما اخليلج يله البسي

- طلع من الغرفه كمت لبست وكعدت بمكاني رجع دخل مبدل. سحب شال ثاني شد عيوني واني هادئه وقابله المهم ما انام ومن افكر اشرد گـــــلبي يدك حيل ونوب ارجع افكر مستحيل اشرد خلي اتعالج وافكر زين.

شد ايدي وره ظهري وغطاني بشي ثاني . مشاني وياه خطوه خطوه ما اسمع اي صوت كان المكان الاني بيه مابيه ناس غيرنا. كعدني بالسياره وشغلها بــــس حرك حجيت

:- خلي اشوف

:- هــــا مو متفقين؟

:-اريد اشوف

:- هسه نوصل

:-سكتت والسياره طريقها كله طسات مشه اهواي رجعت كتله

:- هم اكو سيطرات بالطريق.....

ضحك

:- ليش؟

-هيج اسأل اكو لو لا

- لا ماكو احد بــــس الأبـــــهر وسنـــايبر

-سكتت احاول افتح بايدي مد أيــــدة وره ظهري ولزمهن

:-اشش بدون لعب

:- تعــــبت ايدي توجعني ....حجيتها وهو وكف السياره ومد اديه ثنينهن فتح اديه بسرعة سحبت الغطا من عيوني التفتت عليه يباوعلي بابتسامه

:- يله انزلي

- درت اعيوني اباوع للمكان كله زرع وهستوه الصبح يطلع بقيت كاعده بمكاني نزل واجه فتح الباب لزم ايدي ونزلني. مد أيــــدة على صدر الصايه دفعتها ضحك

:- انزعيها مــــحد يجي اهنا

:- ما أريـــــد ..

-براحتج تعالي يله ......

لزم ايدي ومشه اكو تل عالي بمجرد باوعتله تعــــبت وهو يريد نصعد عليه سحبت ايدي منه

:- ما اصعد ماكدر

:- مو وراها شط والشمس تطلع من هناك. تنعكس بالمي منظرها حلو

:- ما اكدر ما اكدر .....رجع لزم ايدي گـــــال

:- يله خوش تعالي نفتر نكعد وراها يم الشط

- مشيت وياه افترينا فره جبيره تقرب للزرع شلعهن بيده واجه خلاهن بالگاع گال ... ::- اكعدي

- كعدت وهوا راح شلع بعد واجه خلاهن وكعد عليهن

واني اسحب نفس بقوه احس الهوا حلو وريحة الخضار تدخل للگلب ...الشط گدامنا. وبنهايته اشجار عاليه والزرع داير مدايرنا... غمضت عيني وتنفست بقوه دغاني بجتفي

:- باوووعي

:-باوعت الاتجاه أيــــدة بدت الشمس تطلع من وره الاشجار وتنعكس بالمي. شويه شويه تعله وصوت الطيور يزيد كلما تطلع الشمس اكثر

- جــــمرة

- هــــا ....درت عيني اله دنك ضحك ورجع باوعلي

- قبل كدرتي تسبقيني بالركض نجرب هسه منو اليركض اسرع

- هزيت راسي لا ودنكت

- جبانه

-مثلك

- اتحداج تغلبيني

- بــــس نركض اعوفك واشرد

- هههههه وين ترحين الزرع متروس حيوانات وبس هل طريق شوفي

- التفتت ورانا طريق ترابي السيارة بنص. سكتت وهو كام وكف

- تعودت عليج سنايبر بكلشي ...شو صايره تستسلمين وتخافين

- كمت وكفت نكثت ايدي وملابسي وهو يضحك

:- ما اخاف يله ..

مشينا سوا افترينا ورجعنا يم السياره فتح الباب نزع قميصه خلاه بالسياره بقى بالفانيله التعلاگه ..رفع راسه باوعلي

:- مادكدرين تركضين بالصايه انزعيها مــــحد يجي اهنا

- فتحت الصايه نزعتها عفتها بالسياره ورفعت ايدي أريـــــد افتح الشال صاح ::- لا

::- معليك

:- لا جــــمرة مو دكولين ما اكل حرام هم حرام تجازفين وتنزعين حجابج هنا

عفته ساكته شفته نزع حذائه ورفع بنطلونه اجه يمي باوع الرجلي ورجع باوعلي حرك راسه بمعنى يله

مشيت وياه وكفنا ورا السياره واحد بصف الثاني قدمت رجل وهو هم. عد من الواحد لثلاثه وركضنا بسرعه غلبني وصار كدامي بهواي كعدت بالكاع اتنفس. واكح رجع عليه يركض.كعد كدامي

:- شبيج جــــمرة. كوومي

- جريت نفس مختنكه. .كومني لسياره كعدت واتنفس بقوة. مد أيــــدة على صدري دفعتها

لزم اديه بايد وحـــدة وغصب عني خله أيــــدة على گـــــلبي.

وبتعد شويه ارتاحيت وجريت نفس

افتر صعد. يمي. غمضت عيني ساكته أريـــــد ارتاح

شهكت من خله أيــــدة على حلكي قاومت ما اتنفس

:- ما كدر ارجعج نفس ماجبتج اسف

:- حجاها واني بيدي املخ بيه الحد مانكطع نفـــــسي وتنفست غمضت عيني بتعب ورجعت للظلام ........

يتبــــــع⋆𓍯

الكــــاتبة أيـــــــلول⋆𓄼𓂁

🌿💚.

ajrammwst

يوزر البيج الخاص بالقصة

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

يجي يوم نرد لأهلنا

يجي يوم نلم حزن الأيام

و ثياب الصبر

و نرد لأهلنا.

(نـــــدبات)

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة::- افز تـــــعبانة وجسمي يوجعني راسي عبالك مضروبة عليه بلكوه افتح جفني. ..كعدت على حيلي الزم براسي واركز اسمع صوت كمت وكفت بصف الباب خايفة

فتحته على كيف

شفته كاعد منطيني ظهرة ومقابيله عمر داير مدايرهم صناديگ وگدامهم شواجير ورصاص يسابقون منو يعبي الشاجور اسرع وعمر كل ساعه صايح

:-جاي تغش جـــــندل

- ههه يله اكلك هو منو يروح وي قسام

-رادك انته وانا ولولد ثلاثه منهم

- لااا ماروح متفقين باجر اخذ البنية

- جـــــندل ليش ماتعوف هاي السالفة اذا نلكفت انته الجاي تشردهم تنكتل

- ما اعوفهم وقسام مايگدر يكتلني يبيع روحة ولا يتخربط شغلة تتوقع يجازف يكتلني؟

جــــمرة. ::- كعدت على حيلي لازمه الباب واباوعلهم بطرف عيني مركزه بحجيهم أريـــــد افهم....... عمر رتب اخر،شواجير خلاهم بالصندوگ والابهر طلع تلفونه اتصل

- هــــا قسام ...اي كملنه هسه نطلعهن ماكدر،اروح انا رجلي مضروبة شوف غيري حبيبي....

جــــمرة. ::- سكت شويه يسمع للكلام...اشر،العمر اخذ الدفتر والقلم وبدأ يكتب وهو يحجي وي قسام

- شسمه .....زين المنو تابع ...عنوان زين ماشي شكد الفلوس ...بــــس 15 مليون ....شوكت لازم عندك ...صار..

لعد عوف عمر وياي الليلة نطلعهن

الله وياك

عمر ::- هاا

- هاك شوف وين يروح وين يجي منو قريب عليه بالليل دزلي معلومات ونطلع

جــــمرة. ::- عصرت راسي مافاهمه گام ويا عمر طلعوا الصناديگ من البيت سلم على عمر وسد الباب بــــس شفته اجه باتجاهه الغرفة ركضت لفراشي مغمضة عيني بقوة بــــس ماكدر اتحكم بتنفسي العالي

حسيت عليه تقرب يمي واني عاصره عيوني حيل خله شفته على خدي ابتعدت ودفعتة بسرعه كعدت وهو ابتعد مسحت خدي بظهر ايدي

:- مجرررم حيووان

:- تاكلين؟

:-مجرررم انت مجررررم تكتلون بالناس وتبوگون فلوسهم

:- ما ابوگ

- سمعتك كتله 15 مليون .......

ضحك وكام وكف

:-هو هذا شغلنا

-حجاها وطلع من الغرفة ركضت وراه

:-شنو شغلكم تبوكون تهربون اسلحة تخطفون شنو شغلكم..

-احجي وافتر وراه. سحبني من ايدي كعدني وحجه

:-ابقي هنا خلي اسويلج اكل

-رجعت كمت التفتلي خازرني ويأشر،اكعدي مشيت يـــــمة. اباوع بعيونه

:-شنو شغلكممم؟

:-يااا صبرر ......شعليج بشغلنا لا تلوثين عقلج مكافي اني لوثت جسمج وروحج لاتزيدينهااا

:-تخطفووون تبوگون؟

عافني احجي وطلع الاكل خلاه بصينية وسحبني من ايدي للغرفة. كعدني وكعد يسويلي لفات. دفعت ايدة

- ماريد كلي شتشتغلون ....

باوعلي بحيرة اكل الفة البيده ودنك يسوي غيرها

:- أبــــــهر

- رفع راسه يباوع بوجهي ...

:- شترردين ليش تسئلين

:- أريـــــد اعرف

:- اي اخطف واسلب واهرب سلاح شنو التردين تعرفينه اكثر

:- منو البنيه الحجيت عليها العمر

:- طفلة تشتغل ويا الاطفال عد ابو الهيل

:- اي شبيها احجيلي ليش تسكت كمل شبيهاا

:- أريـــــد اطلعها منهم صغيرة حيل ماتعرف تشتغل ولا شي وجاي يضربونها حتى بوجها مچوينها

- رجفت كلي فاتحة عيني على وسعهن وهو بلعومة محتقن ويغص بالكلمه فرك وجــــهة بايده وكمل كلامه بخنگة

:- ست سنوات عمرها اذا ماطلعتها اليوم يمكن بضربة تموت بايدهم

:- ليش ليشش مادكل لشرطة عـــــلي عليهم هــــا ليش خلي ياخذونهم ويحبسونهم .....ضحك ودنك راسة

:- ماگدر

:- ليش ماتشردهم كلهم

:- انلزم

- سكتت محتارة ماريد اصدكه احسه هو اليخطف الاطفال ويجذب عليه رجعت سئلتة

:- والفلوس راح تبوكهن

- جــــمرة انتي خطر علي ماكدر احجيلج اذا طلعتي منا تضيعيني

:- لزمت اديه ثنينهن وتقربت اقنع بيه ...

:- ما احجي الاحد بــــس أريـــــد اعرف

:- تحجين متاكد تحجين ....بــــس اگدر اضمن شي واحد ما الج طلعة من يمي وكل ماتعرفين معلومة اكطعي الامل اعوفج

:- اي ااي لا تعوفني بــــس احجي

-ما ابوك. بــــس مثلا نفرض عمر وابو الهيل ثنينهم مجرمين....وصار ابينهم شغل مشترك عمر ساعد ابو الهيل بــــس بمقابل افلوس. اجه ابو الهيل كمل شغله وضحك على عمر ما انطاه افلوسة ....عمر يتصل على قسام يكله طلعلي فلوسي من ابو الهيل والك هلكد منهم ........قسام معروف ابينهم هو الوحيد اليگدر يطلع الفلوس

:- انته الطلعهن

:- اي انا الشخص المخفي بحياة قسام

:- مو كلت مــــحد يعرف وجهي قسام يعرفة؟

:- هههه هو المشتريني شلون. مايعرفني

- مشتريك من منو؟

بقى مدنك ساكت وانا أريـــــد اسأل كلشي ابالي ماريد اضيع وقت. مسحت وجهي

:- زين زين منو يعرفك يعرف وجهك واسمك

:- انتي وعمر وعلول الله يرحمه وقسام وحسين

تعرفون جـــــندل اسمة الحقيقي الأبـــــهر تعرفون شكلي

- الفلوس الاني بكتهن من سيارتك مالات منو ...

ضحك حيل

:- فلوس قسام

- كتلك لان انا بكتهن؟

-لا جان واعدني اذا طلعتله الفلوس راح ينطيني فد معلومة تهمني ....من ضيعتهن ورجعتلة گال تشتغل واطلعلي الفلوس مشكلتك .....ومن ماقبل يگلي المعلومة ضربتة ..بعدين علگني بالمخزن ايام وتخيلي خله منو يضربني

:- منو

:- عمر وعلول ...

:- دنكت اعصر براسي مافاهمة ودايخة: :- مو اصدقائك همه

- اي بــــس مايگدرون يكلوله لا........

من يكلهم اضربوة يضربون ومن يروح يعالجوني

:- دخت ......دنكت مد أيــــدة على راسي دفعتها

:- لا تلزمني

:- كتلج لادوخين روحــــــج

:-جذااب انت جذاب شلون اصدك بيك مرة دكول ماعندي اهل ومرة دكول كاتل عمي كلت ماعرف امي والكه هويات اهلك

گام وكف واني مفرفحة حسيت جسمي اشتعل نار. لازمة راسي والوب. الساني رافض يتنازل ويگله أريـــــد حبايه. سحبني من ايدي للحمام

:-اسبحي يرتاح جسمج

:-هزيت راسي اي. ودموعي تصب اريد اتعالج ماريد الحباية ماريدهااا كعدت اسبح بمي بارد وجسمي يرجف دك الباب

:- هــــا جــــمرة

:- هاا

:- بيج شي

- سكتت صافنة بالفراغ شوكت شووكت ارجع زينه شوكت اگدر اخذ حقي منه شوكت اخليه ينحبس مثل ماحبسني غمضت عيني امنيتي اشوفة مكسور

:- سنايبر ...هذن ملابسج

:- كمت اخذتهن من أيــــدة لبست وطلعت يباوعلي بخوف كعدت هادئة. فززتني أيــــدة من خله المنشفة بشعري. نشفة وكعد وره ظهري

:- شبيج جــــمرة

- بقيت ساكته سحب ظهري الصدرة واني حاضنة اركبي الصدري وهادئة حيل

حضني على گلبه غمضت عيني

:- اكرهك اكرهة لزمتك الي اكرهه صوتك اكرهه ريحتك اكرهه وجودك .....احجي وارجف مغمضة

....شم شعري من يم اذني باسني حيل وحجة

:- عكسچ بكلشي "

- رفعت ادية أريـــــد افك نفـــــسي من حضنة

:- بــــس خلي امشط شعرج واوخر

- نزلت ايدي ساكتة مشط شعري وابتعد. تقربت لصينية جوعــــانة كعدت يمها. باوعلي. وطلع غسل أيــــدة ورجع وكلني

احس بروحي اتعب من كلشي حتى من الاكل اتعب. جاب علاكة العلاج احاول اقره كل شي يشربنياه وكل حباية ينطيناها اسئل مال شنو واحلف بيه كل عقلي اصدك بحلفانة يضحك ويحلف

عافني وطلع شوية بقيت مرتاحة وراها صار كل تفكيري بالحبايه خاصة من ابقى وحدي مايجي ابالي غيرها اعيوني يحركني من النعاس وماگدر انام اتعب حيل يله اگدر اغفة

فزيت على احد لازم رجلي فتحت عيني بسرعه شفتة يقيس رجلي بجف ايدة سحبتها منه وكعدت على حيلي

:- شسووي

:- شكد قياس رجلج

- لميت رجليه وكمت وكفت اباوع البسة. مغطي كلشي بــــس وجــــهة طالع منزل الثام منه

گام وكف ورفع الثام غطه وجــــهة وحجة

:- لا اطلعين من الغرفة

- اااطلع

:- ساعة وحدة نوب اطلعي

- عافني وطلع ...طلعت وراه ابسرعة فات للغرفة الثانيه واني اتلفت بالبيت أريـــــد اعرف ليش. ماقبل اطلع ..رحت وراه للغرفة اول مافتحت الباب

جان كاعد بصف طفلة ومخلي كدامها اكل. بس دخلت سد اعيونها ويأشرلي براسة روحـــــي والبنيه ساكتة

صافنة عليها ومتبسمرة بمكاني

صح ينقذها؟

لو خاطفها؟

حجه يمها بصوت يختلف

:- لا ترفعين راسج ابقي مغمضة

- وخــــر ايدة من عيونها وهي مغمضة بقوة اجه عليه جراني من ايدي ورجعني للغرفة الثانية

:- كتلج لا اطلعين

- خاف جذاب خاطفها؟....فرك وجــــهة محتار. جر نفس ولزمني من اكتافي

:- اي خطفتها بــــس راح اوديها للميتم مو تردين اساعد كل الاطفال اذا واحد منهن عرفج خطر عليه

اذا نلزمت قبل لا اوصلهم للميتم

ويعترفون عليه وعليج اتورط ماگدر اخلي احد يعرف عنج ماريد احد يستخدمج نقطة ضعف الي

:- بــــس خاف تجذب وماتوديها للميتم

:- اصورها الج من اوديها؟؟

- هزيت راسي اي ....وابد ما اثق بحجايتة. بقيت بالغرفة الوب سمعت صوت عمر من اجه

حجوا ونوب طلعوا البنيه ثنينهم راحوا. طلعت

شفت ملابسها الجانت بيهن مشمورات بالغرفة

طلعت للحمام وكلبي يدك حيل خاف جذابين

خاف يغتصبون الطفلة ويكتلونها شلون صدكت

شلون ثقيت وماساعدتها

ونوب ارجع اكول لا صدك يوديها الطفل گـــــال يودينا للميتم وجان فرحان عقلي احسه خيط وخيط ساعة افكر زين ساعة جني مخبلة وافكاري جايفة.

اكلت وشربت علاج أريـــــد اصير زينه بسرعة

واول شي اسوي اخليه يثق بيه ويطلعني لو اخر يـــــوم بعمري ما انسه السواه بيه

وبس احس بجسمي محتاج حباية اركض للحمام اسبح بمي بارد واشرب علاج ارجف ابقى

بــــس ماريدها بعد من حسيت نفـــــسي عبرت مراحل صعبة ماريد ارجع عليهن

ردت بــــس انام ماكدر عيوني يحركني بــــس ماكدر اغمض گـــــلبي ينعصر واحس بجسمي شكد يوجعني جانت افكاري عبارة عن اذا مابلعت حباية راح ابقى هيج متأذية بــــس جنت اقاوم قبلت بالوجع. قبلت ابجي ساعة ساعتين الحد ماتروح حاجتي للحباية

دخلت للحمام غسلت ونطفت الكهرباء فركت ادية بسرعة وطلعت الزم بالحايط خايفة بــــس اريد ارجع للغرفة. واضم روحي بفراشي. فزيت ورجعت ليورا من سمعت مفتاح البيت نفتح ماشوف اي شي

بــــس اسمع صوت الباب نفتح ورجع انسد انقفل ..حجيت بخوف

:- الأبـــــهر؟

-ماحجه. رجعت ليوره اكثر احس خطواتة تتقدم عليه. فاتحة عيني بقوة بــــس أريـــــد المح شي

:- أبــــــهر؟

- شهكت وصرخت حيل من حضن خصري ورفعني من الگاع يحجي باذني

:- ياروح الأبـــــهر "

- ارافس بيده واصيح وهوا يصيح :-انا واللـــه انا

- دفعته فلتت روحي واضرب بيه واغلط:- تررريد تمووتني تريدني امووووت تجي مثل الشبح مو بشرر. شبيك انته شبييك

.سحبني الحضنة بــــس يريد يلزمني واني لكيتها من الله اطلع الحركة البگلبي بيه وين ما أيدي تلوح اضربة. الحد ماهدأت طلع تليفونة من جيبة وضوه على وجــــهة مبتسم. ابتعدت من حضنة

:- سحب ايدي وفتنا للغرفة كعدت الوم بنفسي

ليش هيج فجأة احس اعصابي ترجف واتهجم

كعد يمي وفتح التليفون

دخل على محادثة. شغل فيديو تقربت أريـــــد اركز ..جانت الطفلة كاعدة على كرسي وكدامها مكتب بيه مرة تسولف وياها وتكتب بسجل. كلب الفيديو الثاني

الوليد الخطفة واحنا بالمزرعة يضحك ويا الاطفال ويسوي بيده بيباي

:-هسه تأكدتي

-هزيت راسي اي ....اخذ تليفونه طلع غسل ورجع مد فراشة بصفي دفعته برجلي رجعه

:- لاتنام يمي

:-وين انام

:- ماريد تنام يمي ....رجعت دفعت فراشة من يمي صارت مسافة ابينا نزع تشيرتة وكل ما اشوفة بدون تشيرت اركز عيوني بالجروح بلكي اعرف شي. ...تمدد. واني هم تمددت ساكتة طفه ضوه التليفون

:-ليش

:- مابيه شحن ...شنو تخافين؟

:-لا ....غمضت عيني حتى ماشوف الظلام واقنع نفـــــسي ظلمة لان مغمضة رجعت فتحت من حسيت اكو ضوا شفته گلب بالتليفون نوب قفلة وعافة رجع الظلام

حسيت سمعت صوت. واختفة. مثل صوت الرعب بالافلام كلت اتوهم. رجعت سمعته فتحت فازه رفعت راسي من المخده ...

;-أبــــــهر جاي تسمع؟

:-لا شسمع

:-هيج ... رجعت تمددت ما مقتنعه فجأة صار صوت صرخة قوية واني ويا صوتها صرخت وطفرت مجلبه بالابهر وارجف واصيح

:- سمعت سمعتتت مسكون البيت مسكون. اسمع

- حاضنته بقوة واصيح وهو صدرة يهتز من الضحك. عبر، ايدة يحضن ظهري والصوت يطلع من جوه مخدته

:- لا تعوفيني وانتي ماتخافين

:- دفعت أيــــدة ...وخرررر

-حضني حيل وطلع التليفون طفه الصوت واني ادفر بيه

:-بس ابقي نايمة يمي

:- عـــــوفني كتلك ..وخرر هسه امووت من وراك هسه اامووت..

فتح أيــــدة ورجعت لفراشي اغلط وارجف صيحت

:- اررريد حباية

- اشش نــــــامي اشاقيت وياج مادري راح تخافين صدك

- ماجاي اكدر انام جسمي يوجعني ...بجيت لان فعلا احس كل ذرة بجسمي توجعني. ...اجه يم فراشي

:- من تبلعين حباية ترجعين النقطة الصفر موتردين تتعالجين

:- ااي بــــس جسمي يوجعني...شهكت حيل الزم برجليه وابجي. ...سحب ايدي يعصر بيها ويحجي بهدوء

:- هسه شويه وترتاحين بــــس اول ايام نوب تخلصين منهن ..تعالي تمددي

:- رفع الغطا وتمددت. امسح بدموعي وهوا يعصر بايدي. ويحرك باصابعي

كعد يم رجليه عصرهن ورجع الادية. يمرغهن ويمسح بوجهي

:- نــــــامي جــــمرة هسه ترتاحين غمضي عينج

- غمضت عيني والشهكة مجلبة ابلعومي. خله اصابيعة بفروة راسي يحركهن مثل المساج

الحد ماغفيت

-كعدت جسمي ثگيل اباوع الادية ابين اديه وجهة برگبتي ماكدرت اتحرك ولا التفت

صارت عيني على تليفونة مشمور بفراشة

تنحس فتح ايدي ونگلب ابتعدت بسرعه اباوعله

وجــــهة معقوج وعاكد حواجبة يتمتم ومدري شيحجي. تقربت اركز

:- درة ابـ... ذر

- حجاها بخفوت ورفع أيــــدة وهو مغمض مسح كصتة جريت التليفون وعفته هسه يكعد شكدر اسوي كمت بسرعة القمصلة مالته من الجو احتر كام مايلبسها يعوفها معلكة دورت بجيبها

طلعت الشيشة الكل مره يخليلي منها وانام .... ايدي ترجف وكلبي يدك حيل

جريت التشيرت ماله حطيت عليه منها

ورفعتة يم عيني اريد اتاكد راشة هواي بالغلط تنفست. احس روحـــــي دخت بعدته من يمي وكطعت النفس

تقربت كعدت يـــــمة على ركبي ارجف كلي

وايدي تهتز رفعت التشيرت بثنين ادية خليتة على وجهة وراصته بكل قوتي. ما اتحرك واني باقيه خانكتة وارجف

اكثر من دقيقتين بقيتها على وجهة وهو مايتحرك ...بعدت ايدي. ::- أبــــــهر

-بلعت ريك ودغيته بكتفة ...:- أبــــــهر ..

ماحاجاني اقتنعت مايحس بشي بعد..... كمت اركض طلعت المفاتيح من بنطلونة واجر بالشال والصايه مالاتي البس بيهن وارجف

وهو على نفس النومة اخذت المفاتيح

وتليفون

طلعت بسرعة فتحت الباب واهتز كلي صار بوجهي باب ثاني خطوتين بينه وبين هذا الباب. اجرب بالمفاتيح واتلفت خاف يگعد.

ولان ايدي ترجف ولا مفتاح اجه عدل

جريت نفس اهدي بروحـــــي واحاول اعزل المفاتيح الجربتهن عن الما مجربتهن..

كلهن جربتهن وبقن بــــس اثنين غمضت عيني وادعي ينفتح جربت الاول مانفتح بقى الاخير هستوني خليته بالقفل أريـــــد افرة...

..................

نــــهله ::- من اول يـــــوم اجو خطار مديرة وضباط حتى ماكدر ينام كاعد وياهم بالاستقبال ناس تطلع وناس تدخل واسمر لان هو يقدم الضيافة كلساع سابهم

من احد يجي لازم يفوت على الصالة يله يگدر يدخل للاستقبال. حابسة الجهال بغرفتهم وكلساع اروحلهم علمود الصوت. رجليه صارن خيوط من وكفت المطبخ

للعصر اسمر طفر گال خلي غيث يقدم

غـــــدير نزلت يم فاطمة من جابوها من المستشفى شوية وصعدن ثنينهن ...بــــس شفتها ضحكتلها وهي جلبت بيه تحضن وتبوس

:- عــــمة ادعي فدوة كون ابويه مايغير رأية

:- كلتي العلي

:- لا بعدني

غـــــدير. ::- الصبح چنها جثة وهسه احصان طكيتها على جتفها اضحك وكفنا ويا عــــمة بالمطبخ

وندك الباب.

باوعنا من شباك المطبخ عـــــلي وبسام بــــسام يجر بخروف. جبير وعنده گرون يريد يصعد بيه علدرج وعلي معلك ايدة برگبته ولازم عوده مرة يضرب الخروف ومره يضرب بــــسام يضحكون

طلعلهم عـــــمو ادريــــــس يكلهم عوفوا بلحديقة وعلي مايقبل الا يصعده البيتنا

ادريــــــس. ::- ولك عوفه بالحديقة وين اوديه

- شني سيــــدي ولعباس تره ارجعة فوك ماجايبله خروف يصيح عليه راتب خسران عليه

بــــسام ::- جذااب نص مني ونص منه واصلا طيحونه من سعره لان ضعيف وعلي گال بيه صوفة مايبن ضعيف

- والرضا جذاب ب400 الف شوف راسة شكده اكبر من راس بــــسام

غـــــدير. ::-مگابلين الشباك عـــــلي شال العوده وركض ورا بــــسام عافوا الخروف وهوا بــــس نفتح ركض وراهم. صعدوا على الدرج والخروف يركض بالكراج اي شي گدامة ينطحة

عـــــمو دفع بــــسام كاله: - اربطة بالحديقة

لزمة ربطة على الشجرة ويشم بايده ويسوي بوجه ايع صعدوا وعمه لبست وطلعت فاتوا لصالة سلمت عليهم وتحمدت العلي بالسلامة

واني وفاطمة مادين بــــس اعيونه نباوع

غسلوا وفاتوا ويا عـــــمو للاستقبال

ركضت فــــــاطمة جلبت بعمه

:- حبابة خلي عـــــلي يجي اهنا أريـــــد اكله اهلي قبلوا أريـــــد اشوف ردة فعله

- لا ......لاتسوين اشياء غلط حتى رب العالمين يوفقكم

- عــــمة عفيه فدوة فدوووة بداعت عـــــمو حبااابة

- ويطلع عمج يجي واحد شدكليلهم مايصير

:- هنا بالصالة كدامج

غـــــدير. ::- عــــمة خليهاا .... سكتت عــــمة محتارة جبت تليفوني واجيت الفاطمه كتبتلة

:- عـــــلي اني فاطمة اطلع لصالة

:- ماكدر استحي من عـــــمو ادريــــــس. ولايضل بالج مابيه شي ترا

:- اطلع أريـــــد احاجيك

غـــــدير. ::- فتح الرسالة وماجاوب شويه وسمعنا الباب نفتح طلعت عــــمة من المطبخ شافتة واكف بصالة لازم صينية بيدة اخذتها منه كالتله

:- تريد شي

- لاا بــــس هيج عدكم مي

- اي عدنا تريد؟

- لا شربت جوا

نــــهله. ::- باوع وراي عرفتها طلعتله تعلكن عيونة حتى مايرمش ..رجعت للمطبخ ضرربت غـــــدير على ايدها تصور بيهم وتضحك. وهم واحد.يباوع بوجهه الثاني ساكتين

رجعت وكفت يمهم. خاف يجي احد

من حسيتهم منحرجين مني وبقوا ساكتين رجعت للمطبخ هم لكيت غـــــدير تصور

:-شصورين انتي

غـــــدير. ::- لقاء العشاق ههههه ......

قربت الكاميره عليكم كطعوا گـــــلبي اريدهم بــــس ينطقون مدري شكالته ماسمعتها ضحك وكالها

:- من شفت عيونج صرت كلش بخير

- وفاطمه مدنكه. وتتلفت علينا كل شووة گالته

::- بابا قبل

بــــس نطقتها. جمد عـــــلي ساكت يرمش عيونة بثگل وهي منتظرته يحجي شي رجعت عادتها عـــــلي. ضحك

ودنك يمسح بعيونه كوه يحجي

:- احلفي

- وهي تحلف وتسولفله ..وعلى دموعهم لكيت دموعي تنزل وياهم على واهس. مسحت عيوني. فازه من طلع عـــــمو ادريــــــس

عـــــلي حضنه طاير من الفرح وفاطمة اجت يمنا خجلانة

واني افتر عليها اراويها بالتصوير

نــــهله. ::- فــــــاطمة لا تلتقين بيه ولا تراسلينة بــــس خليها تصير وتسمين باسمة

سكتت فــــــاطمة بقت يمنا شوية ونزلت ل7 يله طلعوا اخر شي ....عشيت الجهال وهوا عزلت عشا وحد

اخذته اله للغرفة. كوه فاتح عينه

:- تعشا ونام

- عشيني ماگدر

:- قربت الصينية عليه وكعدت اوكله اول لگمة كتله.بابتسامة :- الظهر مو تغديت وحدك

:- هسه ايدي ورمت ماكدر احركها

اذا مشغولة عوفي انا اكل ادبرها

:- لا جنت اشاقة وياك ....اختفت ابتسامتي من شفت جديتة بالكلام. گام يلوب ياكل الگمة ويعصر وجهة موجوع

:- شبيك ادريــــــس ..... دفع الصينية من يـــــمة

:- كـــــافي شبعت

- جريت علاجة افتحة اله موجوع حيل شربة وگام غسل بسرعة نام

اجن اخواته اولدهن ماكعدنة من لكنة نايم ولابقن يمنا نزلن جوا ..كلساع ادخل يـــــمة يون ويدگلب. دگطع گلبي

كل شوية يصيح

:- ااخ يابوية

-بقيت يـــــمة الحد ماحسيتة غط بالنوم طفيت الضوه وطلعت غدورة تنضف بالاستقبال والجهال ناموا.

:- كـــــافي غـــــدير روحـــــي نــــــامي وراج دوام اني اكمل ... ..

جاي امسح بصالة وشفتة طلع من الغرفة للحمام كملت مسح بسرعة

طلع من الحمام باوعلي ابتسم اعيونة مورمة ورگبته من جهة أيــــدة هم ورمت

:-بيج حيل تسويلي چاي

:- صار ....فات للغرفة سويتلة چاي وفتت لكيته جايب الابتوب مخلية على رجلية يگلب بيه بايد وحـــدة طبگة وخلاه بصفة كعدت يـــــمة خطت الكوب ونطيته اله

شرب شوية وباوعلي

:-اسف اذا ضوجتج جنت موجوع

- سكتت متلافية نظراتة

:- كولي مبري الذمة لاتخلينة ذنب عليه

:-ماسويت شي حتى ابريلك الذمة. ....ابتسم وسكت .... ::- وهسه شلونها ايدك؟

:- اهوون الحمدلله ....ماخذ مكانج انا وين تنامين

:-بالمكتب .....رفع حاجبة ماقابل

:-لا واذا ردت شي بالليل شلون

-سكتت وهو تمدد كمت من يـــــمة گال

:- مانعسان شبعت نوم. ابقي احجي وياي

-بقيت واكفة بمكاني محتارة. خله ايدة على جرباية من الجهة الثانية

:- تعالي هنا نــــهله

:- تمشيت مرتبكة كعدت بصفة من الجهة الثانية

عدل نفسة خله وجــــهة باتجاهي

بــــس يباوعلي ضحكت من نظراتة وهو هم ضحك

:- اباوعلها ساكت تضحك ...اضحك تخزر اوجها مايكصة السيف

:- هههه شوكت خازرتك انت اهواي تتبلى عليه

:- اي مسكينة كلش حسرة احاجيج كلمة تخزريني ودگلبين وجهج

:- ضحكت ...منحرجة ماخازرته ولا كالبة وجهي هو يتبلى عليه

:- ماعندج سالفة؟

:- سالفتيش؟

:- اي شي اضلين بــــس تباوعيلي وتضحكين

مرة سمعتج تسولفين قصص سولفي

:- دنكت احس كل القصص البعقلي طارن وكلشي ماتذكرت منهم ..اجت ابالي قصة للأمام الصادق عليه السلام ...رفعت راسي مكيفة من تذكرتها

حجيت بلهفة: :-احجيك قصة للأمام الصادق......

حجهه بنفس لهفتي

::- اي اي احجيي. بــــس سؤال بالاول تعرفين نسب الامام الصادق عليه السلام

:- اي طبعآ..... جعفر الصادق بن محمد الباقر ابن زين العابدين ابن الحسين ابن عـــــلي ابن ابي طالب عليهم السلام

:- ليش لقبوة بالصادق

:-لشدة صدقة في احاديثة ........ابتسم

:- ماتنغلبين انتي ...اي كملي القصة

:- بزمن الامام جانت اكو مره فقيرة كلش جهالها يبجون من الجوع هي خلت جدر على النار بيه بــــس مي وتحرك بيه علمود تلهيهم ومايبجون ....منتظرة بلكي زوجها يجي وجايب ويا شي للاكل

وتدعي ماينامون الاطفال وهم جوعانين

كل شوية تحرك المي البلجدر ودكلهم راح يكمل الاكل اصبروا ..

.

وزوجها خطية يفتر وكلشي ماكو صار ظلام وماحصل شي من رجع ابين البيوت

شاف. باب مفتوح تقرب على الباب ودكة طلعله خادم البيت

كاله انا سائل

.

الخادم دخل للبيت جاب ثلث حبات عنب خلاهت بايدة الرجال رفع راسة للسماء گال

.

الحمدلله الذي رزقني هذا

جاي يروح وسمع صوت من البيت صاح عليه تمهل

طلعلة الامام الصادق علية السلام

وبيدة عنب اهواي انطاهن للرجال الفقير الرجال هم گال

.

الحمدلله الذي رزقني من راد يمشي الامام گاله تمهل

شال دراهم وانطاهن اله الرجال گال

الحمدلله على مارزقتي

الامام نزع قميصة وانطاه للرجال گاله عد الى بيتك الرجال گال

.

الحمدلله الذي اطعمني عنبآ ونالني عنبا وكساني ثيابا واغناني مالآ

.واخذ اكل الاطفالة وراح.....

::- العبره من القصةالقناعة وحمد لله على القليل يرزقك الكثير

:-كلش حلوة الحمدلله

:-خليت ايدي على حلگي تثاوبت گال

:-نعسانة

-هزيت راسي لا ..ضحك

:-انتي ليش تنكرين نــــــامي يله حقج تعبتي

:-ابتسمت ولميت رجلية أريـــــد اگوم لزم ايدي

:-هنا نــــهله

:-باوعت بوجهه ساكتة اشر على المخدة اليمه

:-بعيد عنج انا

:- ارتبكت سحبت ايدي منه. ::- لا بــــس ماترتاح بنومتك. هنا انام بصف الجرباية ...

احجي واجر بالفراش منحرجة فرشت بجهه البيها هوا. بقى ساكت

طفيت الضوه وتمددت بمكاني مرتبكة. شغل التيبلام غمضت عيني

:-تضوجين من الضوه

:-لا ....حجيتها ونگلبت انطيته ضهري شلون انام واني ادري بيه اعيونه مراقبتني. ....سكتنا ثنينا وره فترة حجيت بصوت ناصي: :-ادريس

- ماحجة. فتحت الدبوس من حجابي احسه كاص بلعومي لان من الصبح لليل حركت ايدي على مكانة مثل الكصه صايرة ....غمضت عيني بعدني ماغافية وحجة

:-نمتي نــــهله

:-سكتت ...خاف يرجع يگلي تعالي للچرباية وانحرج غمضت عيني حيل حسيت أيــــدة على راسي سحب الحجاب بهدوء غمضت بقوة ودكات گـــــلبي فاضحتني. ابتعد ورجع اخذ القراصة من شعري ومد ايدة يفتح شعري مسح على راسي وحجة

:- ادري بيج كاعدة

:-بقيت بمكاني متشنجة. وهو رجع المكانة ماغمضت عيني ونمت الحد مانام...

غـــــدير. ::- غبت يومين اساعد عــــمة لان ماتلحك باليوم الثالث ماقبلت كالت داومي

محاضراتي متراكمات استنسخ وارجع ليوره تعــــبت حيل. ..ومن اتاخر بالنسخ وارجع اريد افوت للمحاضرة الدكتور مايخليني شلون تاخرت خمس دقايق

خلص اليوم بتعب ...اتصلت على بــــسام صار مايجاوب يرفضني ويدز رسالة يكتب جاي

ومابينا بــــس كلمة صباح الخير اول ما اصعد نهائيا ماحجي ويا ولا رفعت عيني عليه بعد

اجذب اذا اكول كرهتهه بــــس عفت گلبي بركن على جهه وحاولت امشي الحياة تخلص

طلعت من الجامعة وكفت يم البوابة وطبكت سيارة كدامي بيها ولد شاب. ومرة صاعدة كدام. ركزت بوجها جني اعرفها.

الشال مفتوح مقدمة شعرها طالعة ومكياجها قوي.

درت وجهي منها صاحت

:- غـــــدير

:- عصرني گـــــلبي من سمعت صوتها واغلط بنفسي لا مو هي ..بلعت ريك ...اباوعلها اعيوني حركني نزلت من السيارة والولد هم نزل من ركزت بيه عرفتة ابن خالي ...رجعت ليوره گـــــلبي وجعني حيل وهي تتقدم عليه

:- غـــــدير ماما

:- عثرت وكعن الملازم من ايدي دنكت الم بيهن ودموعي غدرني ونزلن ... كعدت كدامي

:- شلونج حبيبتي شخبارج

:- لميت ملازمي اوكفت. امسح بعيوني مديت ايدها تريد تلزمني دفعتها وصرخت

:- وخرررري

:- التفتت تباوع للناس كلها انتبهت

:- على كيفج بــــس تعالي وياي البيت اخوالج

عمتج مستثگلة ضلتج عدها انا موجودة رجعت حبيبتي تعالي

:- لزمتني من زندي تريد تجرني لسيارة

دفعتها حيل اصرخ وابجي

::- وخررري عني

ركضت ابين السيارات فاقدة ابجي واتذكر حجايتها من كالت هاي بتكم واني رايحه الاهلي عمري 12 وعافتني.

خابرتها من جدة وكتلها ابوج هيج يسويلي ابوج يتحرش بيه كالت اسكتي لو ماعمة خلصتني الله يعلم بحالي هسه

نهبتت ايدي حيل صرخت عبالي هي

بــــسام. ::- اشبيييج

:- التفتت اباوعلها. وارجف عابرة سايدين والسيارات سريعة.. شفتها تريد تعبر باتجاهنا بجيت حيل

::- وديني العمة لااا تخليهااا تاخذني

لزم ايدي من عكسي ..ومشه يعبر الشارع. وكفت هي گدامة كالتلة

:- روح انا ارجعها للبيت

:- ومنو انتي بلا زحمة

:- امها

- جلبت بايد بــــسام بــــس اريد عــــمة اجه ابن خالي يريد يسحبني من ايد بــــسام دفعة. بسرعة

:- انت ابن ابوك مد ايدك عليها مرة الثانيه الا اكسرهــــا واعلكها برگبتك

- تصايحوا هوا وياه والعلى اساس امي تحاول تهدي بيهم ودكل البسام ::- انا امها معليك انته

سحبني من ايدي لسيارة صعدت بطنش عليهم وفات ....خليت وجهي ابين ادية هزتني هز كلشي نعاد عليه من يـــــوم العافتني من يـــــوم الفضلت الزواج على بتها

:- صددك امج

:- بجيت مختنگة استغفر ربة اوكف على محل نزل ورجع مشتري مي فتح الباب اليمي. رفعت عيني اباوعلة واشهك ..

:- مدي ايدج غسلي

- مديت ادية غسلت وجهي ارجف كل الرايدته هسه اضم روحـــــي بحضن عــــمة اطمن مــــحد يگدر ياخذني منها.

بس حرك السيارة اتصل على عمو ادريــــــس وحجاله كلشي وصلني للبيت صعدت اركض

:-عـــمة

:- شمرت الكتب بالصالة ارجف واصيح بــــس اريدها. طلعت من يم مصطفى مستغربة ركضتلها حصنتها ابجي

:- لاااتنطيني عــــمة لا تنطيني فدوة لا تعوفيني

نــــهله :- اسم الله الرحمن شبيج يـــــمة اشبيج منو وياج غدوره بــــس باوعيلي منو محاجيج

..حضنتها الگلبي خايفة وهي تهتز مثل السعفة مچلبة بيه بقوة وتصيح: :- لا تنطيني لاتعوفيني

كعدتها امسح بدموعها بــــس اريد افهم منها شي تخبلت من سولفتلي

:- انجوم السما اقربلها تحلم تاخذج وانتي مو صغيرة ماكو امر ينفرض عليج ...

بس هدأت.. كمت من يمها خابرت ادريــــــس گـــــال بــــس خلي ارجع ويصير خير العصر هستوه دخل واجت هي واخوتها

استفبلهم ادريــــــس ومن شافهم مو محترمين طردهم وهددهم

غـــــدير صخنت بالفراش بــــس ترجف وانا گـــــلبي ممرود عليها

لثاني يـــــوم يله شوية صحت وماداومت كالت ابقى ويا فــــــاطمة اليوم يقرون فاتحتها

كسروا ظهر عـــــلي بالمهر وادريس من يـــــمة يتحركن خمسين بخمسين

وهي مگابلتني وتبجي تباوع من الشباك وتصيح

::- هسه يروح منين يجيب خمسين ماعندة

:- لمحت عـــــلي وادريس وبسام طلعوا بالكراج يسولفون عـــــلي يفرك وجــــهة بحيرة. شوية ورجعوا للديوان.

وراها بربع ساعة طلعت الناس. وصارت مصايح بالبيت الجوا مانزلنا بــــس نسمع صياح ادريــــــس متخبل

:- بايعهاااا انته كلي بايعهاااا خمسين مليون ليش تكسر ظهر الولد حسبالك يتنازل عنها اخذهاا غصبآ على اكبر شارب اخذها ماتهمة الفلوس رجال وعدها اوفة بوعدة

:- صعد ادريــــــس يفور لمح فــــــاطمة تبجي ..مسح وجــــهة يحاول يهدي نفسه گالها

::- عليمن تبچين عـــــمو هاي هي عگب باجر عقدكم حضري نفسج

- حجاها وفات للغرفة

:- وغدير حايرة بفاطمة تغسل وجها. وتهدي بيها هستوها البنية سكتت واجت امها تحلف ماراضية عليج ولا الي شغل بيج

:- حاولت اخلي فاطمة يمنا خفت عليها ماقبلت اخذتها ونزلت ..

ولا راحت وياها وحجزتلها شي ولا اني الاعرف بهل سوالف دزينا على سمر هي تعرف احسن فرحتها مكسورة. حتى بيوم العقد. تباوع بالوجوة تريد تشوف امها. البقت كاعدة بغرفتها ولا طلعت..طلعناها لباب الصالة علمود العقد عقدوا ورجعت

دخل عـــــلي ابدلتة والضحكة التارسة وجــــهة

غـــــدير حتى من يرمشون تصورهم

كعد يمها يريد يلبسها الحلقة يرجف والنسوان يضحكن عليه ويصيحن شبيك ترجف شجاك باوعلها وگالهن

:- اخذتها الجنت احلم اتخليني ابالها تستاهل ارجف يمها "

- شوية وطلع صاح عليه كدامهم مشييت يـــــمة

::- برگبتج انا ساعتين ورجعلج ناذر اغسل رجليها ونصلي باول يـــــوم عقدنا صعديها يمج

:- طلع واني محتارة شون اصعدها. .

بدت الناس تروح دخلت الامها باستها رادت ابد ولا رف كلبها عليها ولا تباركتلها

ابوها حضنها وتباركلها واعمامها ....

سحبتها من ايدها وصعدنا فوك. خابرت ادريــــــس كتله ::- عـــــلي راح يجي

::- ابقي يمهم

:- غير صارت مرتة شنو ابقى يمهم

:- يابة هذا گلبه رخي لايبلينا

:- يله عيني من تصعد صعد الجهال وياك لا تخليهم

:-بخدمتج.

غـــــدير. ::- صوورتلكم لقطات اتحده مصور يصور مثلهن....

ضحكت اگلب بصور كدامها هي وسمر. تلم بالبدلة مستحية سمعت عــــمة سلمت على عـــــلي ودخلتة للاستقبال ضلت ترجف وجلبت بيدي

:- فوتي وياي

:- سالمين شنو افوت وياج ابقى بالباب اصور بيكم

:- استحيييي مافوت وحدي. لو اموت

- ضحكت اجر بيدي منها واجت عمها دكلها يله تعالي جرتني وياها وانا متخبلة. وهي تحلف ماتفوت وحدها.

سلمنا ودخلنا. يبووي أريـــــد افوت بالحايط من الفشلة الولد حتى مارد السلام بــــس يباوعلها.

كعدتها عــــمة على القنفة. وهو كعد على اركبة كدامها خله رجليها. بالانجانة وغسلهم .....فتحت التليفون اصور بيهم سكتة بــــس هي تشوفني وتضحك من جوا ليجوا. نشف رجليها اوكف گالها

::- تغسلين وجهج ونصلي سوا؟ نذر

:- اي هسه اغسل واجي

:- هز راسة موافق والتفت عليه رفع اصابعة يحلف

:- والعباااس اسمي بتنا غـــــدير تستاهلين

:- ضحكت ::- الله يسعدكم خوية

- طلعت من يمهم اساعدها بدلت وغسلت وجها توضت وفاتت يـــــمة ركضت للشباك

هم صورتهم وهم يصلون. كملو وكعدوا لازم ايدها ويحجون .......رحت يم سمر وعمه تحجي عليه

:- مدمنة مال صور انتي

:- عــــمة حلوين الله يحفظهم بدلي هيج اكلهم

....ضحكن ثنينهن

رجعت اباوعلهم من الشباك. اصعد على دبة مال مي يله اكدر اشوف جاي اصور بعد ...شفتة لازمها من وجــــها حاصرها بينه وبين الباب وهي ترجف ومغمضة مسنحة على ايدة دنك يريد يبوسها.عزززززززا صخام ولج فطيم

:- درت عيوني قبل لا اشوف أريـــــد انزل ونجبحت من فوك الدبة. احس ركبت رجلي نكشطت ضليت اكمز بدون صووت.سادة حلكي وانكز واسب بفاطمة واغلط بكلبي من اول يـــــوم صارت ملاطم انا الهاااا ...

يتبــــــع⋆𓍯

الكــــاتبة أيـــــــلول⋆𓄼𓂁

.💚🌿

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

وإمتانين

مثل خيط الشمع بسكوت محترگين

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

غـــــدير: :- ساده حلگي واكمز تك رجل فكيت عيني عـــــمو ادريــــــس واكف بالباب صافن عليه من فشلتي نزلت رجلي  بدل ما استر فــــــاطمة فضحتها اشرت على الباب مرتبكة وبسرعه كتله

:- عـــــلي وفاطمة هنا

-انتبهت النفسي ورجعت بسرعة هزيت راسي

:- لاا جذب مو هنا

-غطيت اعيوني بايدي مدري شبيه وشجاي. امسلت وهو بــــس صافن عليه

::-شبيج عـــــمو؟

-:عمة تريدك ..... حجيتها والتفتت للمطبخ وهو هم عافني ومشه ركضت للغرفة دزيت رسالة التليفون عـــــلي: :- عـــــمو اهنا

مافتحوا الرسالة ..وين تفتحها فطوم ملتهيه بعد

نــــهله. ::- واكفين اني وسمر نسوي عشا وهي تحجي تشكي مثل ما البنية تشكي الامها واني اجاوب وانصح حيل حابتها انسانة على فطرتها تكصص زلاطة وتحجي

:- هو حــباب ويحبني ويخاف عليه بــــس من تجي امه النا ينجلب مدري شبيه كل شويه يصيح ويتأمر وسوي هيج وهذا ليش هيج وهي بــــس تحجي شنو ما اطبخين وتكعد بالمطبخ توكل بابنها وتحس على ظهرة على اساس اني اموته من الجوع

- سديت الجدر والتفتت عليها اضحك. ::- حاجي بتفاهم كعدي وياه كليلة ليش هيج تغير تصرفاتك كدام امك

- حجيت شكد يكلي لا انتي تتحسسين من كلامي اذا شفتي امي .....واللـــه ودي احركة هو وامه

:- هههه حرام هم يجي يـــــوم وتصيرين عــــمة

- اني ما اكرها بــــس هو يقهرني ليش يتغير كدامها يسوي نفسة عود مسيطر وكلمته تمشي عليه وحتى من تروح يبقى يومين متأثر بكلامها والا تطبخين وطبخج مو حلو وتعلمي ومدري شنو........ اني بابا سنين اوكله اكل محترك متحمل وساكت يجي هذا راسة ملفلف يتأمر عليه تقبلين

::-هههههه تعلمي الطبخ سهل بالليل اطبخي ومن تجون من الدوام بــــس حميه.

حجيتها وفات ادريــــــس شاف سمر بالمطبخ اشر عليها گال كاش وجــــهة

::- بــــس لا هي تسويلنا عشا

سمر ::-لا لا عيني لتخاف مرتك تسويلك عشا اي واللـــه حرامات تعب السنين بيك بابا بسرعة نكرتني

نــــهله. ::- ضحك وياها وهي ترد عليه السانها حلو وبس تشاقي رجع باوعلي گال

:- عـــــلي بعده هنا؟

:-اي

-جا مو كتلج ابقي يمهم

- التفتت وراه ماشفت الجهال رجعت باوعتله

::- اني هم كتلك صعد الجهال وياك ماجبتهم ؟

- هيج صارت وحدة بوحدة

:-ههههه لا بــــس يعني صار زوجها شعندي باقيه يمهم استحي

:-مو هذا طايح حظ ويروح زايد مايتأمن

- حجاها وراح للاستقبال دك الباب عليهم اجت فاطمة ترجف والوجه احمر غسلت بالسنك متخلي عينها بعينه وسمر لزمتها تحشيش

طلعت غـــــدير جرتهن للغرفة تضحك وتصيح

::-أريـــــد استفسر عــــمة

غـــــدير ::- سديت باب الغرفة والتفتت عليهن فــــــاطمة تمددت بجربايتي. تغطت ساكته باوعت السمر كتلها

::- شبيها هاي....... وسمر واكفه يمي رفعت اكتافها: :-مادري. ....

ثنينا صافنين على فــــــاطمة غطت حتى وجها نوب ضلت ادفر بالبطانية برجليها وتضحك وتحضن بالمخده وضم وجها بيها واني وسمر فازات ومحشوكين وحـــدة بصف الثانية

:;- سترررك ربي شبييييج؟

كامت وكفت تكمز ولافة روحها بالبطانية تفتر بالغرفة ساعة تكمز ساعه تضحك. غطت وجها مطلعه بــــس اعيونهااا تباوعلنا گالت

::- لقد قبلني

- حجتها وغطت روحها كلها. اتمددت بالكاع ترافس. .. وسمر. تهز بيدها

::- انرعصت هاي ..شبيج هيو بوسة لو صعقة خلاج ترافسين شبيج

فــــــاطمة. ::- اررريد بعد وكته عـــــمو اجه

غـــــدير: :- ياااااااا ....جريتها كعدتها ....شنو شعورج؟

ضربتني سمر على راسي

::-من تزوجين تعرفين

- اررريد اعرف هسه ....ضحكنا وبقينا نسولف وفاطمة تموت ضحك كل شوية تغمض وتلزم شفايفها وتجيبها سمر براشدي تصحيها للواقع

تعشينا احنا وحد وعمو وعلي وحدهم نضفنا المطبخ ونزلنا ثلاثتنا. بعدنا على الدرج وطلع عباس من غرفتة شاف فــــــاطمة ضحك اوكف منتظرها تنزل تقرب عليها گالها باستهزاء

:- مبرووك

:- الله يبارك بيك يـــــوم الالك

:- هههه بــــس واللـــه ماتتهنون دام نفـــــسي بيج "

- حجاها ومشه وفاطمة تلوب من حجايته ميته قهر ومن امها الماتقبل تحاجيها....

نــــهله. ::- شوية وراح عـــــلي طلع ادريــــــس

::- صيح للجهال وياك

:- خليهم جوا يلعبون

:- يتعاركون ويا جهال ابراهيم .....فتح الباب ومد بــــس راسة صاح عليهم واجو يركضون وتعبانين من العب

::- غسلوا وتعالو يله

- فاتوا كلهم للحمام وابوهم كعد بالصالة يباوع اخبار فتت للمطبخ اسويلهم شامية واباوعلهم كل شوية أريـــــد اشوف تصرفاتهم واحفظ اغلاطهم حتى اعدلها. ..شفتهم جابوا كتبهم ثلاثتهم يشوفون درجاتهم الابوهم وهو يتجاوب وياهم ويسئلهم ..يصفكلهم ويضحك انطاهم كل واحد الف تقربت غفران باسته كالتله شكرا بابا وغيث كذلك هم باسة وكاله شكرا بابا بــــس هبه لازمه الالف بيدها وتباوعله فتحلها أيــــدة ضحك اشرلها تعالي تقربت باستة ضحكت وكالته شكرا بابا

::-حبيبتي بابا تدللون هيج خليكم شاطرين دائمآ

- هبه تكسر گـــــلبي نحرمت من الاب فرحانة بادريس كل شوية دكله بابا وغيث مطنكر يباوع ماعاجبة الحد مانفجر كاله

:- اذا هي دكلك بابا ليش مايصير نكل الامها ماما

- ليش ...يصير كلولها ماما غير هي امكم المربيتكم كلولها ماما

نــــهله. ::- ضحكت اباوعلهم يسألون ويستفسرون كلهم يگدرون يكولون ماما وادريس يفهم ويجاوب على كل سؤال اخذت الشامية وفتت للصالة

كعدوا يردون يجربون يكلولي ماما بــــس يخافون ومترددين گـــــال غيث وهو يباوع للشاشة

::- ماما اني أريـــــد بصحن

- عزلتله بصحن. نطيته اله: - هاك حبيبي ...

اخذه من ايدي. ماباوعت بوجهه خلي يحس كلمه عاديه مايتقيد من يكولها ...غفران قلدته

شفتهم شكد بنفسهم بحيث كاموا يدورون اعذار علمود يحاجوني وهبه تحاجي ادريــــــس الاي سبب كان بــــس تريد دكله بابا

اخذوا الريموت من ابوهم خلوه على السنافر نباوع وياهم ونضحك. الحد ماخلص بقوا يتشاقون جان بيد ادريــــــس لاستيكة مال فلوس ويهددهم بيها ساحبها وبس واحد يلزم رجله يسوي نفسه راح يضربة وهم يتكامزون كدامه ويتعاندون وياه الا يضربون رجله

اضحك مكيفة بيهم. ودنكت الم الشامية الطشروها ما احس الا الاستيكة اجت على ايدي

فزيت موجوعة ولازمة ايدي. الجهال ضحكوا واني ضحكت الضحكهم افرك بيدي واحاجيهم

:- تكيفون اني اعلمكم خلي ابوكم ينفعكم...

حجيتها والتفتت عليه گـــــال بجدية

:- ما ادري جنت بــــس اسحبها فلتت من ايدي

- باوعت بايدي صارت خط كتله بابتسامة

::- اي اي ماتدري ...ودنكت شلت الاغراض اضحك رحت للمطبخ وصحت عليهم يله غسلوا حتى اتنامون نسيت الموضوع كله

فتت غيرت المصطفى وشربته علاجة. لمن اجه اسمر وصعدن سمر وغدير بقيت كاعده يمهن شوية ورحت الغرفتي كملت صلاتي وفتحت دفتر كاتبة بيه اذكار وهواي شغلات اخذتهن من امي خفت انساهن دونت كلشي بدفتر واني على السجادة والسبحة بايدي اردد

سورة الكوثر. 4 مرات و

بسم الله الرحمن الرحيم

((وهو القاهر فوق،عبادة ويرسل عليكم حفظه )) 31مرة

لابعاد المشاكل عن البيت ويبقى هادئ

-كملتهن وسجدت. كمت لفيت السجادة فتحت الدبوس من حجابي جاي اروح للكنتور.. لتفتت لكيت ادريــــــس كاعد على الجرباية

::- ليش بعدك مانايم

- بقى ساكت يباوعلي مدري شبيه مسح وجــــهة دك بايدة على طرف الجرباية

:- تعالي شوية

-تقربت يـــــمة كعدت اباوع بوجهة

::-شكو ادريــــــس

-مد أيــــدة الحضني رجعت ادية ليوره فازه باوع بعيني

::-بس جيبي خلي اشوف

-رجعت ايدي سحبها يباوع بيها ويمسح باصبعة على المكان الضربني بيه باقي اثر،احمر،بسيط كلش ....واني ساكتة اباوعله گـــــال

-  ماجان قصدي فلتت من ايدي جنت ساحبها قوي

:- ابـــــتسمت سحبت ايدي منه. ::- عادي شسالفة ادري

;- عليها اثم و دية

- شنو؟ ......مسح وجــــهة عينه على ايدي

;- اثم لان مكان الضربة صار احمر

- بــــس احنا جنا نتشاقة ماضربتني عن قصد حتى يصير عليك اثم ....يصير اثم  اذا ضربتني بقصد الاذية

:- لا بالاحكام الشرعية حتى المزاح بين الزوجين اذا ادى الى الاحمرار فـ هذا ا اثم على الزوج وعليه دفع دية الا اذا الزوجة. غفرت

:- هههه وانا مابگلبي شي لو كان بقصدك ومتقصد الاذية وقتها الكلام يختلف

.....دنكت

اجه ابالي ابو جــــمرة استغفرت ربي ما أريـــــد اذكره بــــس غصب عني ضرباتة الي حضرن الموقف وخطر وجعهن ابالي ماجان يمر يـــــوم اذا ما مد أيــــدة عليه وعلى الجهال حتى العلاقة الزوجية ضرب وعبارة عن اغتصاب من يـــــوم الزواج الحد ماعافني. واستشهد ....جريت نفس متحسرة ورفعت راسي الادريس ابـــــتسمت

:- انسه

- تذكرتي شي ؟

-عكدت حاجبي ورتبكت ليش يكشف حتى البداخلي كتله بنكران. ::- شنو شتذكرت؟

- اني جاي اسأل شنو تذكرتي ليش هيج اعيونج نعصرن؟

:- درت عيوني اتلافه نظراتة. ..::- لا ما متذكره شي ..

التفت طفه الضوا وخله بــــس التيبلام عدل اضائتة وخلاها خافته كلش مـــلامح وجها بالكوه تبين ارتبكت مدنكه. لزم ايدي

:- تعالي تمددي انا شويه واروح  بــــس أريـــــد احجي وياج .

:- احجي ماريد انام ....

لزم اديه ثنينهن كومني

:-تعالي نــــهلة

- صعدت لجرباية سحب المخدة يعدلها بالجهة الثانية تمددت مجلبه بالغطا بقوة ومبتعده لطرف وهو هم مبتعد ابينا مسافة.

:-تحبين الظلام؟

-بقيت ساكته ماخايفه من ادريــــــس كد ماخايفة گـــــلبي يغدرني ويراهق من تالي عمر

انكر كل شعور وكل فكرة تجي ابالي.

حسيته نزل جسمه وتمدد نطيته ظهري ساكته

::- نــــهله شنو العايشته انتي

- عصرت عيوني مغمضة بقوة ماريد ارجع اتذكر شي لا طفولة لا مراهقة ولاشباب شنو الاحجي اكله غصبوني الابن عمتي ومن اول ليلة تقربلي بالقوة والضرب رغم ماجنت مانعته بــــس هو هيج .....  اكله مافات يـــــوم اذا ما مد ايدة عليه وعلى جهالة شنو الاحجية

- احجيلي طلعي البگلبج ليش دائما تكتمين

:- اختنكت. وبين بصوتي من حجيت. ::- ماعندي شي ..عشت حياة عاديه...

حجيتها وامسح دموعي سكته ظهري عليه مجاي يشوفني ولا اشوفة

:- الحياة العادية ماتخلي الانسان بهل قوة والصلابة

احسبي نفسج وحدج وجاي تحجين النفسج

:-شحجي .....صوت نفـــــسي عالي وخنگتي مبينه وهو يحجي بهدوء احس بــــس يريد انطق..

:-كلشي عاشتة نــــهله الحد ما وصلت الي ....

-بقيت ساكته خانكه نفـــــسي ماعرف منين ابدي وشنو الاحجة گال

:-طفولتج شلون عشتيها

- ماكو اهواي فرق بيني وبين طفولة جــــمرة ....تحسرت بقهر .... وكملت كلامي،گـــــلبي معصور..... ابوي جان عنده اهم شي التزم وكل يـــــوم يدرسني احاديث واحكام. بس ايدة والضربة اذا سألني سؤال ديني وماعرفت اجابتة يضربني ويرجع يتعارك وي امي ويضربها

واخوي ولامرة حاسبة صلاة مجان يكله صلي واني اذا ماكعدت الصلاة الفجر يكعدني بكتله

تصرفاته خلتني اكرهه الدين جان عمري 6 سنوات من اوكف على السجادة لان مكتولة بــــس احرك شفايفي ما اصلي صدك

...بــــس امي تختلف كلماتها وطريقتها فهمتني ابساطتها

عشقت العبادة بفضلها صرت ما اهتم الابوية التزمت بصلاتي النفسي عرفت عندي صفيحة ولازم امليها بطريقه تشفعلي يـــــوم القيامة

بــــس ماكفوا اذيتهم عني لا هو ولا أخـــوي رغم واللـــه جنت اشطر وحدة بالمدرسة بطلوني

وبدأ أخـــوي يحاربني بكلشي 

الحد عمر 16 جبروني على ابن عمتي ....

حجيتها وسكتت ابجي. ماريد ينعاد شي من العشته

::- ظلمج؟

- من اول يـــــوم ...

-ضربج؟

-بكل وقت

- ليش

- يشرب ومايحس على نفسه

-ليش ماعفتية

-عفتة

-اي؟

- ابوي ضربني اكثر منه ورجعني

-تعبوج؟

-هدو حيلي

:-حجيتها وبجيت بصوت تقرب حضني الصدرة ابجي بحركة كل الوجع العشتة رجعت حسيت بيه كل اثر،بجسمي تذكرت شنو سببة ومن يا ضربة صار

::- اشش اعوضج واللـــه اعوضج " روحــــــج الترفة حرام تتعب "

ماينعادن ايام التعب راحن بعد

:- مغطيه وجهي بايدي وابجي گـــــلبي حسيته معصور عصر جر ادية يمسح دموعي ويحجي بهدوء بس يريد اسكت وانا لكيتها فرصة اطلع بجي كل هل سنين البگلبي

احجاياتهم والمواقف  يدگن بگلبي ماينسن

:- تعــــبت حيل تعــــبت

:- هاي هي اشش انسي بعد  ما تتعبين  وانا موجود كافي فدوه اروحلج

- لازمة بايده بــــس ردت اسكت كل ما اغمض عيني اشوف العشته گدامي العبرة الخانكتني زرفت صدري الحد ماغفيت واني الشهكة ابلعومي

فزيت مخروعة بسرعة شغلت الضوه اليمي ادريس نايم بجهتة بعيد عني ومخلي مخدة بوسطتنا وانا الاتذكرة جنت بحضنة التفتت اباوع للساعة. فكيت عيني مخروعة

بسرعة مديت ايدي على صدة مستعجلة

:- ادريــــــس اكعد متأخر دوامك

-فتح عينه ورجع غمض. دار وجــــهة باوع للساعة بس لمحها فز كمت بسرعة خليت قوري الچاي على النار وصليت مستعجلة من امس گـــــال لازم اروح من وكت لان وفد امريكي مدري شنو يجي وياهم.

طلعت بسرعة اسوي ريوك طلع هو كعد بالصالة ويحجي بالتلفون

:- رووحله للبيت افصلكم ثنينكم لا تستغلوني امشي يله امشي

- سد التليفون. وصاح عليه. ::- نــــهله حتى لو بــــس چاي

.طكيت بيضات بسرعة صبيت الچاي واخذت الصينية اعصاب صاير وتلفونة يدك. شال التليفون جاوب يتعارك ويا بــــسام مدري عـــــلي خطت الكوب وانطيتة اله شرب شوية ورجعه مايباوعلي بــــس يحذر بيهم وينطي. اوامر. سويتله لفة صغيرة اخذها من ايدي اكلها وعاط عليهم

:- انااا منطيكم مجال سهله

- سد التليفون واخذ الفة الثانية من ايدي كتله

:- شكو شبيك

:- عـــــلي احتاجة اليوم ويدري لازم يتواجد يريد يقدم طلب اجازة

:- يجوز مريض

- لايكول أريـــــد اطلع فطوم نفرفر شتفرفر لعد وشغلنااا

- هههه اعصابك خطية غير البارحة خطوبتة انطيه اجازة ....شرب الچاي وگام يغسل ويحجي

:- محتاجة نــــهله اقوة واحد عندة لغة عـــــلي

ما اثق بغير شخص

-لغة شنو ....غسل ايدة واجه يريد ينشف يدور على منشفة ماكو تقرب نشف ايدة بحجابي يضحك واني لازمه الحجاب خاف يفلت الدبوس وينبت ابلعومي

:- هااا نشف بملابسك

:- هههه حجابج انعم ....عـــــلي يحچي انگليزي

:- شلت المواعين وكعد هو يلبس حذائة من المطبخ وحجيت

:- وانته

:- شنو

;- ماتعرف؟ .......حجيتنا ومديت راسي اباوعلة شال اغراضة وباوعلي مبتسم گال

::-I could learn all the languages of the world for you

- ضحكت مافاهمة مشيت يـــــمة واحجي

:-شنو يعني مافهمت ....

ضحك ومشة يريد يطلع مشيت وراه حتى اسد الباب وكف بالباب گـــــال

:-هيج كتلج اي اعرف بــــس عـــــلي لازم يتعامل وياهم مو انا ...يله

:- الله وياك ...طلع وسديت الباب اول ما التفتت لكيت غـــــدير واكفة اباب غرفتها متخوصرة. ومبتسمة

:- صباح الخير

:- صباااااح الحب عــــمة ركصتلها حواجبي ...اجت يمي ضحكت

:-شبيج ولج

:- عـــــمو جذاب كالج اكدر اتعلم كل لغات العالم علمودج.

:- امشي روحـــــي صلي يله وراج جامعة

عفتها مستحية وهي تضحك دكيت الباب على غرفة اسمر صاح. ::- هااا

:- مو كلت كعديني من وكت اروح اتسوك

.حجيتها ورحت كعدت الجهال ..

وسمر كعدت من شافت الهوسة واركض ابيناتهم ضحكت كالت

:- همزين خلصت

.ضحكتلها هسه يصيرون عندج اطفال وترجعين النفس الشي ....

شوية وكلهم طلعوا بقينا بــــس اني وصوفي

اجت يمنا الحجية خطية كوا تصعد الدرج بــــس اكيف عليها من اهل گبل وكل كلمة تحجيها بيها حكمة جلبت بيها تبقي على الغدا.

وهم احسها تريد ترتاح من تشوف معاملتي الجهال ابنها من رجعوا من دوامهم وشلون ما افرق بينهم وبين هبه كيفت هي ...الورا الغدا

نزلتها غـــــدير لازمتها من ايدها كالت راح ابقى يم فــــــاطمة واسمر بــــس اتغدا راح للمحل

صاح غيث

::- ماما خلي ننزل نلعب بالكراج

-حارة هسه وكملوا دراسة ونوب اخليكم تنزلون

-تذمر ماقابل ...كعدت يمهم درستهم ونطيتهم مصرف اشتروا من المحل وبقوا يلعبون طوبة بالكراج كل شوية اباوعلهم من البردة خاف يتعاركون ويا جهال ابراهيم

.نزلت. خليت سطل الزبل بالحاوية ورجعت عفت الباب مفتوح.

ردت اطلع مصطفى بالعربانة. فتحت باب الغرفة واني بالباب حجيت

:- مصطفى يممه

- افترن اعيونة يدورني وشفايفة بينن مبتسم

:-صوووفي حبيبي يـــــمة

- ضحك وعيونة تتحرك ادور تقربت عليه بستة بضحكة بخدودة ابوس واهوسلة

روحـــــي وروحك فرد معلاك وثنينا مانحمل فراك صوووفي ياحلو ديرتنا يـــــمة يا وردتي

تسبح حبيبي تسبح ...طلعتله ملابس وحضرت الحمام واللـــه كمت من اشيلة احس ضهري ينفصم بنص 13 سنة عمرة بطولي

خليتة بالحمام سبحتة. ورجعته للغرفة

مخمرية جسم. عطرتة بيها وجبت المشط كعدت خليت راسة بحضني مشطت شعرة

:- ودنكت شميتة وبسته.  ::- يا يـــــمة ياحلاة ريحتك

.وهو كل مايسمعني احاجي بضحك يضحك

بــــس تعب گـــــلبي. جريت ايدة الوجهي فتحت اصابيعها بستها وشميتها. عفتها احرك برجلي جوا راسة ساكتة. ..نار بكلبي ماتنطفي

الشي الوحيد اليخفف عني النواعي والبچي

ريحتك عنبر ومسك

يلمدد يليلوكلك لبس البشت

احلام بيك اهواي خليت

ولا حلم اجه مثل ما اتمنيت

يلحسبت احسابك مو هيج

اداريني ردت مو انا الاداريك

ردتك تكبر والوذن بسدك

ماحسبت من وكت تذبل وردتك

يمصيفي يالمايلوگلك النوم

انا امك وجيتك مكسورة گوم

ترضاها عليك گـــــلبي دوم ملچوم

اعاتبنك ردت وخفت يغثك حچي الوم

اااخ يـــــمة يا مصيفي ياعزيز روحـــــي يا يـــــمة ولك هاد حيلي بنومتك يمه يارويحتي

سكتت اشهك حسيت باب وحدة من الغرف انطبك نزلت مصطفى وكمت اباوع منو دخل....

طلع ادريــــــس من الغرفة مبدل ابـــــتسمت ابسرعة

::- الله يساعدك شوكت اجيت ....

راسا گـــــال

:- نروح لزيارة

-منو

- هو على اساس انا وعلي بــــس بطلت نروح احنا بيت ادريــــــس كلنا بسيارتنا وعلي بسيارتة

- هي زيارة اكيف  ماكلك لا..... بــــس الجهال ومدرستهم

- انا اخذلهم اجازة بــــس ب8 كون نطلع

- كيفت صحت الغدير والجهال وادريس خابر عـــــلي كاله ماروح وياك وهذاك تخبل

:- جا انا عزمتك علمود اكلك جيب فــــــاطمة وياك اخذوها وياكم وهناك اخذها منكم

:- ماتكفي سيارتنا وماخليها وياك وحدكم  نشمر الجهال وياك وناخذها ويانا

:- اهوو بدت الميانة سيــــدي لاتبيع ميانة وياي انت تخلف وانا ابتلي لم جهالك بسيارتك ونطيني مرتي

- انجب ولي يله ب8 نطلع

:- سد التليفون بوجهه يضحك كتله

::-ليش خطية

-  اشاقة وياه هسه انزل احاجي ابوها بــــس غدورة تروح وياهم لان اول شي مايتأمن ثاني شي علمود المكان دكدرين تمددين مصطفى بين فترة وفترة حتى مايتعب

:- بديت احضر اكل وغدير مخبوصة بالجهال هو رجع يحجي ويا عـــــلي وشوية ونزل جاب فــــــاطمة واجه. ل8

طلعنا. خلة كرسي ثبتة على الكشن كعد مصطفى بيه والجهال مكيفين الفرحتهم فرحانة

......... .....

جــــمرة ::- هستوني افر المفتاح وفزيت والتفتت على صوتة

:-مو وياهن

- درت اتنفس بقوة وارجف ظهري على الباب وهو مرتجي على الباب الثاني مد ايدة سحبني الداخل الصالة وسد الباب وكفني بالنص.

::- عوووفني اررريد اطلع اختنكت منك عـــــوفني

- دفعت ايدة جر المفاتيح شمرهن ودار عليه فتح الصاية ساكت واني مفرفحة احجي وامسح بدموعي.

:- شتريد مني مو انتقمت مو اخذت روحـــــي مرضتني موصااحية واللـــه مو صاحية خليتني كل ساعة بعقل

رافعة ادية اشر واحجي بحركة جر الصاية والشال عافهم ورفع ايدة يمسح بدموعي. لزم وجهي ابين ادية يباوع بعيوني جر نفس بقوة وحجة

:- غسلي خلي اسويلج ريوگ

- دفعته حيل وصرخت. ::- ماررريد ما أريـــــد شي منك بــــس عوووفني أريـــــد ارجع الامي عوووفني

.مشة للمطبخ ركضت اجر بيدة اصيح

:- شتريد بعددد كلي شتررررريد

:- اعالجج

- خليت ادية على اذاناتي اصيح. ::- ما اتعاالج بعد ما اتعااالج خليتني مخبلة انته شلون بعد ارجع جــــمرة

-سحبني من ايدي الصدرة

::- اني ارجعج بــــس ساعديني

:- بجيت حيل مغطية وجهي بادية وهو حاضني ويمسح على راسي. ::- ما ارجع والله ما ارجع تمرضت بعد

::- ترجعين جــــمرة التهدد جــــمرة الناوية تسجني

شنو بطلتي

::- عـــــوفني وما اسجنك

::- ما اعوفج واسجنيني.......

-دفعتة وبتعدت اكو تصرفات مو بيدي الصريخ.. اتهستر،بالكلام ...رجفة ادية.. البجي.. اذية النفس ..التصرف بدون تفكير.. الجوء لاول فرصة وابسط حل...

ما اگدر اتحكم بشي من تصرفاتي

عفتة ورحت للغرفة كعدت افور شوية ودخل ييده صينية ريوك جريت التشيرت مالتة

اصيح

::-مو خليتك من هذا ليش مانمت

ضحك واجة كعد كدامي

::- لا تعودين هل حركة اذا عدتيها اخليلج منة

:-ليش مانمت؟

:- ما انام....اكلي يله علمود من تكملين نتصل على امج

:- سكتت افكر بامي واخواني والحجية شلون عايشين هسه كملت اكل شفتة راح للمطبخ طلعت وراه

:-يله تعال اتصل على امي ..

ابتسم واجه كعدت يـــــمة اتصل عليها فاتح مايك وي دكت التليفون گـــــلبي يدك حيل لمن اجه صوتها احس روحـــــي أريـــــد اصرخ

:- الو

- بقيت ساكتة بــــس فاتحة عيني وهي تصيح ::-الو ..

عصر ايدي الأبـــــهر باوعت بعينة اشرلي احجي

بلعت ريك وحجيت مختنكة

:- يـــــمة

:- هلا يـــــمة هلا ياروح امج شلونج جــــمرة يـــــمة

- زينة اني انتم شلونكم

- بخير اذا انتي بخير شخبارج زوجج شلونة وياج

- رفعت عيني من التليفون اباوع بوجهه وهو ساكت. تجاهلت سؤالها وسئلتها اني

:- صوفي شلونه

:- الحمدلله

:- الحجية شلونها هم ترحيلها توديلها اكل هم تسئل عليه شدكليلها كالتج جــــمرة وين.....

حجيت بسرعه وبطريقة مبينة بيه شي لزم ايدي الأبـــــهر وياشر على كيف احجي بقت ساكتة امي واني هم ساكتة شوية وحجت مختنكة

:-  جــــمرة غـــــدير تكول خلي تودي صورها مشتاقيلها

- ما مصورة مو حلوة ......بــــس حجيتهاا سد حلكي بيده وسد الاتصال

- ليش أريـــــد احجي وياهم

- دزي. صوت احسن تعالي كليلهــــا يـــــمة فصل غير وقت اتصل

- دنكت عاصرة راسي بايدي قرب التليفون الي حجيت مثل ماگال ودزاها قفل التليفون ضمه بجيبه

:- جــــمرة راح اروح ..

-التفتت عليه عاكدة حاجبي وهو مدنك خفت بسرعة صرت بانية حياتي وخلاصي من هل مكان عليه ...::- وين تروح

:- عندي شغل يومين وارجعلج. باليوم الثالث دكعدين من النوم تلكيني يمج

::- لااا ..دنكت ....لا ماا

سحب اركبي عليه ورفع راسي يخلي شعري ورا اذني ويحجي

::- مجبور وباوعي جبتلج هذا بيه العاب تتونسين الحد ما اجي ونطلع من هذا البيت

::- منو يوكلني منو يسويلي اكل

:- جبتلج اكل. بالثلاجة. وجبتلج حلويات

- بــــس اخاف وحدي ....

- تحملي بــــس يومين واجي

- سكتت محتارة وكلبي يدك حيل اخاف التفتت اباوع بوجهه

:- واذا متت ومارجعت منو يرجعني الاهلي

:-عمر يوصلج هو يندل مكانج

:-واذا مات عمر وياك

:-لا عمر مو وياي يبقي بالمحافظة بــــس انا راح اطلع

-حجاها وكام اخذ ملابسة يريد يدخل للحمام وانا اقتر وراه واحجي واذا صار هيج شلون واذا هيج وهو يجاوب طلع من الحمام فتح الايباد ودخل على الالعاب يعلمني عليهن دفعته بيدة

:- ما احبهن

- سكت عافني وطلع ...كمت كعدت يم الباب كل شوية اصيح بصوت عالي ومحد يرد حتى صدى صوتي ماكو

رجعت على الايباد العب وامل. مدري شلون عده اول يـــــوم بالثاني اختنكت أريـــــد بــــس انام علمود من اكعد الكاه يمي.

لعبة جانت مال عصافير دخلت عليها من رجفة ايدي خسرت شلت الايباد وشمرته على الحايط حيل رجعت عليه اريدة يشتغل ما اشتغل بعد زادت الخنكة وين اروووح بــــس متمددة واباوع للسگف

الحد مانمت متأملة اول ما اكعد الكاه يمي ومن مالكيته تخبلت اغلط وابجي. رحت للحمام اسبح محروك گـــــلبي

-طلعت مختنگة وكل ساعة اغلط عليه كعدت بصالة اوخر شعري،بقوة من وجهي ..بجيت اصيح

::- ويينه وووينه منو يمشط شعرري هسه منوو

عااافني الجذاب خلاني محبوسة صدكت بيه وجذب عليه ما اجة الله يموتك كوون عافني

دنكت راسي ابجي من كل گـــــلبي...كمت أريـــــد اغسل وجهي وصار. صوت رصاص احس طبلت اذني نزرفت من قوة صوته وكعت نكشطت ركبتي كلها .. ازحف واصرخ دخلت للمطبخ نحشكت بالزاويا سادة اذانتي ابجي متخبلة هاي هي راح اموووت

والرصاص يكثر. سادة اذاني واصرخ مافاهمة شي كل.  الاعرفة الرصاص بالبيت والباب

شوية وصار بغير جهة واني ارجف وكل ساعه انحشك بزاوية وين اضم روحـــــي راح يكتلوني وين اروووح ابجي بصرريخ

ابتعد الصوت كلش. وندفر الباب صرخت ويا الدفرة ومديت راسي اباوع احس حبل النجاة من شفتة هو وعمر فاتو كمت بسرعة ابجي واصيح تقرب يجر برجلة جر لمني بحضنة

:-اجيتج اشش كـــــافي اجيتج تعالي

-تجاهل كلامي ووبجيي سحبني من ايدي للغرفة يمسح بدموعي وانا مدري شحجي لازمة رجلي. وابجي كام بسرعة گـــــال

:- لازم نطلع منا

حجاها وجر الصاية والشال لزم وجهي ابين ادية

::- استعجلي جــــمرة بسرعة

كمت وكفت نسيت وجع رجلي من شفت الدم بالكاع رجعت ابجي حسبالي من رجلي.  التفتلي لزمتها

::-رجلي انجرحت

حجيتها غاصة عض شفتة بقهر مستعجل وعمر بالصالة كل شوية يصيح يله

كعدني رفع ملابسي عقم الجرح البركبتي لفاة. اباوع ماينزل منها دم والكاع نترست قطرات دم

صارت عيني على فخذة ينزف والدم اهواي باوعت بوجهه فاتحة عيني على وسعهن

::- رجلك أبــــــهر. رجــ رجلك

-لزم وجهي ابين ادية يريد اباوع بوجهه واني مركزة بفخذة متخبلة

:- بااوعيلي جــــمرة باوعي

:- رفعت راسي اباوع بعينة وابجي: :- رجلك

:- مابيه شي بــــس استعجلي كومي البسي بسرعه لازم نروح

عافني وكام يلم اغراضة كمت لبست اشهك

:- وين نروح عفيه بــــس كلي وين ...البس بالصاية واحجي وهوا يجر الاغراض بعصبية يرجف كله

::-أبــــــهر حاجيني عفية حاجيني

شمر الحذاء يمي فخذة ينزف والدم ينزل على الگاع  لبست مستعجلة وارجف طبگ كل الاغراض بجنطة وحـــدة ودار عليه صاح

:- وين شال امج

:- رفعتله ايدي شادتة شـ شادته بايدي ....هز راسة موافق

شفتة طلع الشيشة كمزت اجر بيدة واتوسل

::- لا حباااب اموت واللـــه اموت وجسمي يتعب منه ماحجي حرف وشدكلي اسوي بس لا تخليلي من هذا. حباااب

يباوعلي اعيونة مغورگة ونفسة يرجف

جر راسي عليه باس كصتي وحضني حضنتة اني هم ابجي واتوسل وخرني من صدرة يمسح بعيوني

:- مجبور وعيونج مجبور

حجاها ودفعني خلاها على حلكي ولازم راسي من وره .. مجلبه بيده وفاتحة عيني على وسعهن

مقاومة ما اتنفس نزلني للفراش

الحد ماتنفست ورحت للظلام

وره فتره احس نفـــــسي كلساع اوكع بحفرة فكيت عيني بثگل وجهي برگبته وهو بثنين ادية حاضني

صفنت أريـــــد استوعب احنا وين السيارة طريقها عكر وكل شوية تروح بحفرة ..بــــس مجاي اشوف منو السايق لان بردة بينا وبينه وحتى على الجام اليمنا والورانا كلشي ما اشوف سحبتها على كيف  لمحته وعفتها بسرعه ماعرفته منو ماشفته عدل خفت

درت اباوع للأبهر  شفت رجله ملفوفة فوك البنطلون ورافعها على الصندوك اليم السايق

من جوا البردة

رجعت قربت وجهي الركبتة احجي بصوت ناصي لان ماعرف مخطوفين لو  منو هذا

:- أبــــــهر

تقربت الاذنه اكثر بــــس اريدة يكعد

- :عفية اكعد الأبـــــهر

-حركته من صدرة فز يباوع بوجهي رفع ايدة الثانية رجعني الصدرة حاضني بقوة واني احجي همس

:- احنا مخطوفين أبــــــهر وين احنا منو هذا

- ابتعدت اباوع بوجهه رفع ايدة يضم شعري جوا الشال واني بــــس الغي لا اني افهم شجاي احجي ولا هو مركز بكلامي

::- عمر هذا لا تخافين هسه نوصل وترتاحين تعالي

- رجعني الصدرة حضنتة وصوت الرصاص احسة بعده باذني. ::-بعد ماتعوفني

:- التوبة

:- جذبت عليه كلت تگعدين تلكيني يمج وكعدت مالكيتك

حضني بقوة باس راسي يحجي بتعب وصوتة مبحوح

:- اجيتج اركض

:- منو الرمه على البيت ......بقى ساكت رفعت راسي

:- أبــــــهر منو

:- ابو الهيل

-ليش

-عرف انا الاخذت البنية منه

- راح يموتونا يعني؟

- لا جبتج بعيد مــــحد يگدر يوصل يمج

- سكتت محتارة وهو يغمض عينة بوجع وكفت السيارة نطبك باب السايق وراها باب ثاني انسحب ورجع عمر صعد ودخل السيارة وكف طفاها وحجة

:- هــــا جـــــندل

- أبــــــهر مد ايدة عدل شالي وكاله

:- ساعدني انزل

- ابتعدت وعمر فتح بابه نزلت وراه اباوع صوت ناس.  رفعت راسي بسرعه اباوع للبيوت. وافر بعيني الكل مكان. وكف الأبـــــهر رافع رجله صاح

:- تعالي جــــمرة

- تقربت. عليه سحبني من ايدي. ودخلنا للبيت

من باب المطبخ وراها صالة اتلفت وهو يسحب بيدي ومجلب بعمر من جهة الثانية دخلنا للغرفة

بيها قنفة وكرسي كعدة على القنفة ورفع رجلة

:- نص ساعة ورجعلك

:- روح

- طلع عمر وسد الباب وراه نزعت الشال بسرعة واجيت يـــــمة

شبيها رجلك

:- تصوبت

:-راح تموت ......كاعده على اركبي كدامة التفتلي ابتسم وخله ايدة على خدي

:- لا ما اموت انا ما اموت گبل ما اوصل للاريده

- حجاها ورفع ايدة وبايدة الثانية يمسح على الاثار الثلاثة البيده قربهن الوجهة خلاهن على خشمه وغمض عينة حيل

مديت ايدي ورفعت أيــــدة اباوع بيهن لزمتهن

بايدي

::- منو مچويك

- بقى ساكت بــــس يباوعلي واني لازمة أيــــدة واحرك اصبعي عليهن كاشة وموجوعة

:- منو سواهن.....ابتسم لزم وجهي ابين ادية

:- لا تسألين ..ارتاحي

- راح نبقى هنا

-اي بــــس ماتصرخين ولا تعلين صوتج لان اذا احد سمعج نرجع للبيت المسكون

- لا ما اصرخ ...بــــس تعوف الباب مفتوح؟....

هز راسة لا شوية واجه عمر دك الباب وطلعله. الأبـــــهر يسحل برجلة سحل

بقيت بالغرفة وحدي اكثر من ساعة يله رجع مضمدين رجلة. گـــــال

افرشي. من هذن الفراشات

- مديتهن واحد بصف الثاني قفل الباب واجه

تمدد ساكت

:- أبــــــهر شنو ماكدر اطلع من الغرفة

:- عمر هنا

-ليش

-بيته هذا

- سكتت شوية ورجعت كتله

:- أريـــــد افوت للحمام ......وخــــر أيــــدة من عــــــيونة چلب بالقنفة وكام وكف گـــــال

:- تعالي بــــس البسي شال

-لبست شال وهو طلع قبلي مــــحد موجود بــــس غرفة ثانية مسدود بابها فتت للحمام وغسلت طلعت لكيته كاعد وماد رجلة من طلعت رفعلي ايدة ::-كوميني

- تقربت اجر بيدة مايتحرك وانا بكل قوة اسحب بايدة عفتها بسرعة

:-شثكلك

:-ههههه مابيج خير

:- رجع مد أيــــدة بــــس لزمتها وكف يضحك معبر ايدة على متني امشي للغرفة ساعة خفيف وساعة يخلي ثگلة كله عليه ويضحك

:- رفعت راسي اباوع بوجهة ...::-واللـــه ترا اعوفك

::-ههههه وعوفيني مصوب وبايد وحـــدة اشيلج بــــس ايدي اثگل من وزنج زقجة

:-دفعت ايدة من كتفي ومشيت للفراش ::-ابقى ابقى. روح صيح العمر يمشيك

انا احجي وهو يضحك وصل لفراشة جلب بالقنفة وتمدد

::- تذليني هــــا

:-اي .....ندك الباب وصوت عمر يحجي

:-  هذا اكل ابو الجود

-عوفةة بالباب وروح مابيه اكوم سنايبر  تجيبة

-بخدمتكم

- ابتسم الأبـــــهر والتفتلي

:-خلي شالج على شعرج وروحي جيبي الصينية

-كمت فتحت الباب اباوع بالبيت مــــحد موجود

دخلت خليتها يـــــمة گـــــال اقفلي الباب وتعالي رجعت قفلت الباب

وكعدت يـــــمة

:- وكلني ......حجيتها ورفعت راسي اباوع بوجهه اشر على اعيونة ثنينهن

:-بعيوني

- من كملنا اكل هو اخذ الصينيى وطلع مارجع بعد وانا من الهبطة الاكلتها الصبح نمت. ماكعدت

الا على الباب من نفتح دخل الأبـــــهر

:- تموتين على النوم انتي

:-كعدت افرك بشعري باوعلي وراح جاب مي بطاسة صغيرة دهن ومشط كعد ورا ظهري ومد رجليه منا ومنا

مشط شعري ويحجي

:- ليش ماتمشطين من تسبحين

:- اتعب ايدي تبقى توجعني......

سكت كمل شعري عافة وتمدد گال

::-جوعانة

:- لا هستوني اكلت

;- ياهستوج من الظهر وهسه بـ 1 الصبح

-سكتت ورجعت لفراشي احس نفسي بعدني نعسانة تغطه. هو ومخلي ايدة فوك اعيونه

:- أبــــــهر

-ها

:-رجلك توجعك ....

سكت مجاوبني شوية وانطفت الكهرباء بقت الغرفة ظلمة حيل ماحاجاني ولا اني الحجيت وياه دام احس بيه وره ظهري مأمنة ومغمضة عيني

حسيت على نفسة بركبتي بقيت ثابتة ماعندي اي ردت فعل تقرب الركبتي من وره باسني وشمها شايغة روحة حجة بحركة

::- ضيعت كلشي قبلج ما اغلط وهم اضيعج

حجاها وابتعد كلش مدري شيحجي مختنك

بــــس حسرتة توصلي التفتتلة تقربت عليه راسا خليت ايدي على وجــــهة دفعها بسرعة

:- أبــــــهر

:- احم. ه هــــا احم هــــا جــــمرة

- شبيك ...مد أيــــدة لزم ايدي ماشوف شي منه

:- مابيه شي

:- جنت تبجي

:- لا

- تلمست وجــــهة خليت ايدي على وجــــهة مابيه دموع قربت اصابعي لعيونة رموشة مبللات ساكت بــــس صوت النفس لزمت وجــــهة بثنين ادية

:- أبــــــهر منو وياك ....جر نفس بشهكة

:- كلهم

:- تحجيلي؟.....سكت أيــــدة لزمتها ترجف

:- أبــــــهر احجيلي منو اباذر ودره احجيلي أريـــــد اسمعك

-بقى ساكت مختنك شوية وگال بخنگة

:- احجيلج بــــس خليني بحضنج

- بقيت ساكتة سحب رجلي طبكها وخله راسة عليهن سحب ايدي الركبته هادئة حيل كل همي اعرف. ...... ايدي تنرفع وي نفسه وترجع

يتبــــــع⋆𓍯

الكــــاتبة أيـــــــلول⋆𓄼𓂁

aylol_w

معرف قناة التليكرام للبنات. 💚

.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

وصوت النواعي يلوحني ويلتم بإدية

الصوت بي ريحة عيوني

وبي هلي و وحشة مسية

هلي يا من ضيّعوني

عريان السيد خلف

( الأبـــــهر )

صممتلكم فيديو يخص بارت باجر

حاولت انشرة الكم هنا بــــس ماحمل... موجود بقناة اليوتيوب هذه 👇

اتوقع راح تفهمون كثير شغلات من خلالة

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

تعب ..

واسنين محترگه

وجروحي

سعف مغتاض

تجدح لو لچمها عتاب

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة. ::-بقيت ساكتة سحب رجلي طبكها وخله راسة عليهن رفع ايدي الركبته هادئة حيل كل همي اعرف. ...... ايدي تنرفع وي نفسه وترجع

حركتها لزمها سحبها الشفته باسها وبايدي الثانية لزمت وجهه مستغربة

::- أبــــــهر تبجي؟

بقى ساكت لازم ايدي قوي حسرتة تهد الحيل سكتت محتارة أريـــــد اعرف ومن جهه خفت شنو الصاير وخلاه يبجي يمي ...وخــــر ايدي من شفتة وحجه بشهكة

:- ماتصدكيني اذا حجيت مــــحد يصدكني

- حضنت وجهه ابين ادية احجي بهدوء خايفة

::- احجي انا اصدكك أبــــــهر

نزل أيــــدة من ايدي مدري شيدور كلشي ما اشوف

:-وينه

- منو شجاي ادور ........

شغل ضوة التليفون خلاه بايدي ورفع أيــــدة يراويني

لزم اول ندبة بايدة يتحسسها باصابعة ويشهك گال

:- درة هــــاي اختي عمرها 5سنوات

-صافنة بيده نزلها الشفتة باسها يبجي بحركة ورجع رفعها واشر على الاثر الثاني

:- اباذر أخـــوي 10 سنوات عمره

-سوه نفس الشي باس الاثر الثاني وصفن بالاثر الاخير الثالث يتحسسة بايدة سكت فترة واني ساكتة وحتى صوت نفـــــسي كاتمتة فترة ونطق

:- الأبـــــهر 13 سنة

حجاها وشمر ادية ثنينهن منا ومنا ساكت بــــس دموعة تنزل طفيت ضوة التليفون مد ايدة واخذه منعندي حجيت بصوت ناصي

:- احجيلي وينهم .....

انگلب خله وجــــهة ابطني وعبر ايدة يحضني ويحجي بخنكة

::- اجمل عائلة جنا امي وابوي واخواني درة واباذر

مدللين الشي الوحيد اليقهر اهلي انا جنت مريض وضعيف بحيث اباذر أخـــوي يبين اكبر مني فترة اصير زين ونرتاح وراها ارجع اتخربط واخوف اهلي

وعندي عم واحد شاب ما مزوج جان

دائما يتعارك وي ابوي الحد ما تقاسمو البيت خلو باب ابينهم

بــــس ماكفت اذيتة منا ...

سكير ويلعب اقمار وكل سوالفة سكط .

. ويومية بالليل من يرجع سكران يتعاركون ومرة اجو ناس يطلبون عمي فلوس هددوا ابوي ....لمن اجه الشفية مكبسل ومايدري الدنيا وين حاطتة وابوي تخبل تصايحو عمي غلط وفشر،عليه وهو بنفس الحظة وكع متخربط امي لمت الناس بالصريخ اخذو ابوي للمستشفى بنفس الوقت توفى صارت عندة جلطة ومالحكوا عليه....

جنا حيل متعلقين بابوي ونبجي عليه نشتاقلة

متعودين الصبح من نكعد نكله صباح الخير ونبوسة كمنا من نكعد الصبح نروح الغرفتة نبجي كالت امي. ::- هو يسمعكم سووا هيج وهوا يسمع