تحميل رواية «أجرام مستباح لثلاث ندبات» PDF

مساء الخير ...

#أجرام_مستباح_لثلاث_ندبات

                                           بقلم الكاتبة أيلول

          ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

انة من لوعتي غَنيت حَد البَچي ،

.................................................

جــــمرة ::- بقيت واكفه ارجف اجر نفس بقوة

شهكت ابجي رجعت على الحايط كعدت حاضنه رجليه الصدري وابجي بصريخ روحـــــي فرفحت

الحد ما تعــــبت ونهد حيلي تمددت ودموعي ما نششفت اغمض عيني واتخيل صوفي من تجي نوبات الصرع شلون يفقد وينتهي اصك سن. على سن وكلبي يتگطع

نفتح باب الغرفة على كيف باوعلي عاض شفته

بدون ما احجي رجفت شفتي ودموعي حركن خدي طلع وسد الباب وراه ضميت وجهي بالفراش اشهك

حسيت اكثر من ساعة مرت وسمعت صوت الاغنية في حزن وسع المدى مسحت عيوني وكمت على اطراف اصابعي امشي بهدوء

لمحته كاعد بالزاويه بصف الطباخ لام رجلية الصدرة صافن بالفراغ وبس دموعه ينزلن

مشيت بسرعة كعدت گدامه على اركبي لزمت وجــــهة ابين ايديه متهستره واشهك

::- باوع لا تبجي عفيه لا تبجي بسرعة الكي اخوانك وخلي اروح الاخويه عفيه والله يموت واموت وراه

- امسح دموعه ويرجعن ينزلن يباوع بعيني

::- بــــس ثلث ايام واخذج.

::- اي اي بــــس استعجل عفيه لا يمووت.

-  مسحت عــــــيونة وتقريت الصدرة ابجي حضني هو هم گومني للفراش لا اني الكدرت انام ولا هو

گـــــلبي رايح ساعه اكول معليه غصباً عليه ياخذني الاخوي ساعة اكول لا ضاع نص عمره وهو يدور عليهم اتحمل بــــس ثلث ايام

بــــس صار الصبح كتله

::- اكعد اتصل على امي

- كام رتب المكان حتى مايبين شي وراي بــــس البرده كعدت اتصل عليها كامره جاوبت صوتها رايح وعيونها مورمه الحجاب حد وحد ويا حاجبها ورافعته على حنكها تحجي بخنك

::- هــــا ماما جــــمرة

::- شلونه مصطفى

::- ادعيله

::- خلي اشوفة

- فرت التليفون عليه مغمض عــــــيونة وهاي مال الاوكسجين مغطيه وجــــهة رفعتلي ايده تراويني وتشهك و تحجي

::- باوعي شسووا بأيده .

- حجتها ورفعت الكامره الوجها تبجي وتمسح دموعها مختنكه وتتوسل

::- تعالي جــــمرة منو يصبرني اموت خلافكم واللـــه اموت

الأبـــــهر ::- يومين ثلاثة ونجي عــــمة بــــس نكمل الحجز.

::- فدوه العينك جيبها واللـــه خلص گـــــلبي

::- صار عــــمة صار بعيوني

جــــمرة ::- كل شوية اخابرج مو تطفين النت

- رفعت عينها مدري المنو باوعت صوت رجال حجه بخفوت كالها

::- گليلها لا ما اطفي اشتركتلج اسبوع

- رجعت امي باوعتلي وحجت

::- لا مفتوح ما اطفي

- سديت المكالمة منها وهو كام سوا ريوك ماكدرت اكل ولا احجي ويا شي بدل وطلع.

غـــــدير ::- راح بــــسام يجيب الجهال واني واكفتله بالباب گـــــلبي رايح شوية ورجع مصدوم گـــــال

::- شو هاي مرة اسمر ما تقبل طردتني؟

::- شنو هو بكيفها

- حجيتها ودخلت للبيت جريت ملابسي البس وهو يحجي عليها ويكلي

::- حيل حيل اكتليها وديربالج مو تكتلج .

- طلعت من بيتنا فتحت بابهم ودخلت واكفه بالمطبخ اول ما لمحتني صاحت

::- شجابج هيو

- عفتها فتت گبل غيث لامهن بحضنه وهن يبجن بــــس لمحوني وكفوا ثلاثتهن

::- كوموا ماما كالت اخذيهم يمج جييوا كتبكم

هند ::- امشششي اطلعي برا ما يرحون

- التفتت عليها بطرف عيني وفتت للغرفة اخذت ملابس المدرسة وهي وراي تحجي وتغلط ساكته عنها الحد ما عتتني من ملابسي درت عليها دفعتها حيل

::- وخري لا تجبريني امد ايدي عليج .

- عفتها تغلط اخذتهم وطلعت بــــسام راحلهم للمستشفى ورجع وجهه مخطوف مرد گـــــلبي من گـــــال

::- منتهي الوليد .

- بجيت الحد ما انسطر راسي غير تتخبل عــــمة

اذا صار بيه شي ثاني يـــــوم بــــس وصلنا الجهال للمدرسة رحنالهم يـــــمة متت من شفت حال عــــمة وجــــهة مورم من البجي وعمو مگابلها وكاعد ومصطفى منتهي من طلعنا اجه عـــــمو ويانا للباب وسأله بــــسام كاله

ادريــــــس ::- جاي يختنك شسوي بهاي انا غير  تتخبل.

غـــــدير ::- عفناهم ورجعنا هستوني نزلت للبيت وبسام راح دك تليفوني رسالة على الفايبر رقم زوج جــــمرة كاتب

::- انا جــــمرة جاوبي

-  فتحت الرسالة واتصل جاوبت مرتبكة اجه صوته واني ساكته

::- الو انا زوج جــــمرة

::- هلا

::- تعرفين اخبار مصطفى امه ماتجاوب؟

::- تعبان قبل شوية يـــــمة

::- زين راح اروح يم جــــمرة واتصل عليج طمنيها كليلها زين لا تخوفينها

::- بــــس هو مو زين تعبان

::- كليلها زين

::- ما اكلها

- سد التليفون بوجهي وكبل حضرني .

جــــمرة::- بقيت بفراشي بــــس ارمش بعيني ساعتين ورجع اول مافتح الباب كعدت على حيلي

::- اتصل على امي .

- هز راسة موافق طلع غسل ورجع يمي اتصل ما جاوبت كعدت عدل خايفة رجع اتصل مرتين وثلاثة ما جاوبت فزيت خايفة وابجي

::- مصطفى مات مصطفى ابهر

::- اششش لا باوعي عمر يمهم هسه اخابره واشوف مابيه شي قبل شوية كالي مابيه شي اششش بــــس على كيفج

- طلع من يمي واني الوب ما أريـــــد اتخيل يصير بيه شي وقتها لا اكدر اسامح نفـــــسي ولا الأبـــــهر طول يله رجع يمي كعد يباوع بعيني

::- تليفون امج مو يمها هي هابط ضغطها ونايمه بغير غرفة واغراضها بغرفة مصطفى

- اباوع بوجهه ساكته فتح تليفونه وتقرب يمي كلش نزلت عيني للتليفون كلب بيه دخل على صور ثبتت نظري على صورة مصطفى جريت نفس اشهك وانا اشوف بــــس وايرات وصوندات على جسمه الصوره الوراها امي نايمه على سدية

متغطيه بعبايتها ويمها زوجها من بعيد مصورينها

غمضت عيوني ابجي أريـــــد اروح هذول اهلي ما مجبورة ابقى يـــــمة الخاطر يلكي اهله

مد أيــــدة يريد يسحبني الصدرة دفعته اصيح

::- أريـــــد ارووووح تعــــبت أريـــــد اروح

::- جــــمرة

::- باوع والله ما احجي شي والقرآن ما احجي عنك شي ليش خايف توديني ما اجيب اسمك بحرف بــــس اريد اشوف أخـــوي

::- ما اكدر

- مسحت دموعي وتقربت يـــــمة احجي بهدوء وارجف

::- باوع بمنو تريد احلف ما اشتكي ولا احجي حرف وانتَ وياي بــــس اشوفة عشر دقايق ورجعني واللـــه رجعني

- هز راسة لا مدنك واني اجر نفس بقوة مختنكة مديت ايدي ارفع وجــــهة

::- زين من بعيد نشوفة من بعيد ونرجع اغطي وجهي ما اخلي احد يشوفني من امي تطلع من يم مصطفى اني ادخل بــــس ابوسة واشمه ونرجع عفيه عفيه حــباب اقبل واللـــه راح اموت .

- هم هز راسة لا رجعت ليوره ابجي واغلط

::- واللـــه اذا صار عليه شي واني يمك اكسر گلبك كسر ما تتوقعة والقرآن لا اهتم الاخوانك ولا الك حتى هم انطي اسمائهم

::- مو كلتي اصبر ثلاثة ايام بعد يومين

::- لعد استعجل ما اكدر

- كام طلع روحـــــي تفرفح من ابقى وحدي والافكار تاكل عقلي الأبـــــهر يجي بــــس اتصل على امي ويجبرني على الاكل يرجع يطلع يومين مرن كل ثلث ساعات يرجع نص ساعه للبيت اتصل وامي حالها يكسر الگلب تعاتب خايفة

::- ليش ماتجين

- واني ساكته حايره بهمي بأيدي وما اجي مصطفى حاله يـــــوم عن يـــــوم يسوء الحد ما اخر مره خابرتها فحطت من البجي وهي تكلي

::- ولج جــــمرة يكلولي ادعيله يمووت وما يتعذب ولج يردون ادعيله بالمووت يردون ادعي على مصيييفي.

- هي تبجي واني ابجي واصيح بخبال

::- اشش اشس ما يموت مو بكيفهم لا تدعين لااا تدعين .

نــــهله ::- النهايه الما ردت اوصلها ابني كدام عيني يتعذب ومابيدي شي راضية بيه لو بــــس جسد اللهي راضية بوضعه هيج بــــس لا تاخذه

مني ربي ما الي گلب يحمل فراگ ابني .

تقربت ابوس ايديه المزرفتهن الابر وادعي يصير زين

::- اااخ يـــــمة يا مصيفي ياعزيز روحـــــي يا يـــــمة

ادريــــــس ::- جاي تعذبين روحــــــج وتعذبين مصطفى نــــهله واللـــه مايصير هيج

::- عوفوني انا قابله بهذا وضعه واخلص عمري بالمستشفى قابله والله قابله بــــس اشوفة كدام عيني ولكم اااابني هذا ابني

- سحبني الصدره محتار كد حيرتي واكثر

::- شبيدي عليكم بــــس تعب واللـــه تعب.

جــــمرة ::- على اعصابي مرن الثلث ايام اخذن حيلي كعدت من الصبح وهو متمدد بفراشة بــــس فاتح عينه بسرعة رحت غسلت وجهي ورجعت اركض للغرفة لبست وجريت ملابسه شمرتهن عليه كعد على حيله واني البس بحذائي

كملت وكفت يـــــمة

::- يله بسرعه البس يله أبــــــهر كوم

- وكف على حيله جر تليفونه يباوع بعيني لم شفته الداخل حلكه دنك ورجع باوعلي محتار

::- ما اكدر اوديلج

::- تكدر هسه توديني مثل ما اني تحملت الخاطر اخوانك ثلث ايام انـــتَ ماتغشني وتوديني الاخوي هسه يله عفيه لا تسوي هيج

::- ما اكدر جــــمرة

::- اشش تكدر واللـــه تكدر

- هز راسة لا تخبلت من ثلث ايام احسبهن دقيقة دقيقة حتى يخلصن وهو يضحك عليه هجمت عليه متخبله اضربه واغلط واصيح وهو ساكت ملخته وملخت نفـــــسي نهد حيلي. جراني للفراش رخى جسمي كله بــــس فاتحه عيني واشهك وهو فوكايه ولازم ايدي بقوتة مغمض عينه ويحجي بأذني

::- اضيع واضيعهم اذا وديتج

- باوعت بعينه هادئة  بعد مابيه حيل حتى للكلمة احس خلصت طاقتي كوه نطقت والدمعه جامده بعيني

::- ليش جذبت عليه؟

- رفع نفسه باوعلي ساكت

::- لو تموت بعد ما اعذرك وغلات صوفي الما عندي اعز منه اذا صار عليه شي واني يمك اخليك تعض اصابعك ندم مو بــــس اكسر كلبك احركك واخليك رماد.

- ابتعد كعد على جهه واني بقيت بفراشي ساعه اسكت ساعه ابجي واصرخ متت بــــس أريـــــد اروح أريـــــد الم أخـــوي بحضني طلع وبعد ما اجه يمي للظهر مسحت وجهي كمت صيحت عليه اتصلت على امي ما جاوبت رجع اتصل رد زوجها تنرفزت انتر ما ادري شبيه گـــــال

::- هــــا عـــــمو امج بالحمام هسه تجي

::- صوفي شلونه

-سكت شوية وكال؟

::- راح تجين؟

- رفعت عيني للابهر كاعد مقابيلي عيني بعينه همست

::- اي

- دار عــــــيونة مني الحد ما اجت امي حاجيتها

موتتني من كالت

::- تعالي لحكي بوسي عــــــيونة كبل لا يغمضن

- جمدت ساكته وهي تشهك سديت التليفون دموعي نزلن  زحفت على اركبي كعدت كدامه لزمت ايديه اتوسل

::- حــباب واللـــه راح يموت وانا ماشايفته گـــــلبي جاي يتكطع باوع

- جريت أيــــدة على كلبج ابجي

::- گـــــلبي وروحي متعلكات بروحه احسه ابني مو أخـــوي تعــــبت وتحملت كلشي الخاطر ماينوجع وهسه راح يموت وانا مو يـــــمة حس بالبگلبي ابوس ايدك اخذني واللـــه خلص حيلي

- جر أيــــدة وطلع مني قفل حتى الباب صرخت وبجيت اسب واغلط مهدود حيلي جريت حديده وادك على الباب تزلغن ايديه وتعبت وهو ما رجع

رجعت تمددت وانا ارجف غفيت تـــــعبانة حيل اخيراً حلمت بيه صوفي يا روحـــــي يلعب بالمرجوحه فرحان ويضحك يا عمري يا روحـــــي

فزيت اشهك لكيته يمي يباوع بعيوني دفعته ورجعت ليوره وكف على حيله بأيده علاكه شمرها على الفراش

::- البسي يله

- سكتت بــــس ارمش بعيني ابتسم باوعلي

::-گومي يله

::- هههه راح توديني؟

- هز راسة اي كمت بسرعه ركض حضنته ابوس بوجهه واحجي

::- واللـــه ما اغشك ولا اسوي شي واذا تريد ارجع وياك راح تخليني اشوفه

::- يله بسرعه البسي راح اسوي ريوك

- هزيت راسي موافقة وركض سبحت وبدلت حتى لو ابقى يم مصطفى ساعه والابهر يگول يله خلي نرجع اقبل المهم اشوف صوفي

طلعت لكيته هو هم.مبدل ومحضر الريوك كعدنا بــــس اكلت شوية كتله

::- يله كوم شبعت

- كام غسل لفيت شالي بسرعة مد أيــــدة الي ابـــــتسمت لزمتها حيييل طلعنا قفل الباب واني بكل قوتي لازمه أيــــدة مشينا مسافة طلعنا من الدربونة للشارع العام أجر سيارة وانطه عنوان المستشفى .

نزلنا بالباب وكفت وهو دفع الكروه ونزل مديتله ايدي مبتسمه وكلبي يريد يطلع من مكانه حيل لازمته واهمس

::- واللـــه ما اغشك ارجع وياك بــــس نشوفة

- وهو يقوي لزمته الي دك گـــــلبي حيل الخطوة الامشيها تاخذ روحـــــي ناس هواي واني مجلبة بأيده واتلفت ادور واحجي

::- وينهم

::- مو بهذا الطابق جــــمرة باوعيلي شبيج

- درت عيني اله متلهفه غمضت وجريت نفس بقوة

::- هههه راح اشوف مصطفى راح ابوس عيونه الاحبهن ابوس خدوده هل مره ما راح اخجل ابين شكد احبه وابوس امي واحضنها ما اضم بگلبي بعد

- هز راسة موافق صعدنا سحب ايدي باسها بحسرة يمشي يسحبني ويحجي

::- ساعة ونرجع

::- اي اي ميخالف لكيت دره انـــتَ؟

- التفتلي عقج وجــــهة بابتسامة يطمني

::- لا بــــس اخذت المعلومات الاريدها قربت اوصللها اورطت قسام بسالفة حتى مايفرغلنا .

::- هههه ماشي

- افترينا نمشي

شوية شوية ضحكتي تختفي اسمع صريخ ورافضة اصدك هذا صوت امي واخيراً خلص الممر كله ولمحتها بالنهاية واكعه تصرخ وتلطم وغدير وزوج امي يلزمون بأيدها وهي بكل صوتها تصيح

:::- يمممممه ولك مصيفي يـــــمة

- رخت ايدي حيل اسحب بيها من أيــــدة بــــس فاتحه عيني فتحت عينها كلها تشهك لمحتني صرخت ايديها كدام وجها ترجف

::- راااح مصيفي جمررره رااااح اخووووج ولج راح مصيفي

- كامت على حيلها من بينهم وهم مجلبين بيها جريت ايدي منه هي تركض واني اركض بكل قوتي حضنتهاا وهي تلمني حيل وتصرخ

::- ما لحكتي اخوووج راح ما لحكتي

غـــــدير ::- كمت على حيلي ابجي وكعت عــــمة وهي بأيد جــــمرة الي ما نطقت حرف ولا نزلت من عينها دمعه كعدت على حيلها وعمه فاقده بحضنها وهي تضرب على خدها وتحجي بهدوء

::- اكعدي ماما اجيت واللـــه اجيت باوعي لحكت تعالي نشوف مصطفى كومي يله

غـــــدير ::- تخبل عـــــمو ادريــــــس گلب المستشفى يصيح اخذوا عــــمة بسرعة وجمره على كعدتها هادئة حيل الحد ما اجه زوجها دارت تباوع بعينه كالتله وهي جامده

::- مصطفى مات

- سحب راسها الحضنه دفعته بنتر خازرته دارت عينها عليه مسحت دموعي أريـــــد احضنها أريـــــد اواسيها وتواسيني بــــس كل السوته صاحت وهي تمسح بعيونه الحمر ومانزلت دمعتها

::- ووين وووين مصطفى

- اشرتلها على الغرفة كامت على حيلها فاتت كمت من الكاع تليفوني يدك. وزوج جــــمرة وكف گـــــال

::- فوتي يمها

- مسحت وجهي جاوبت على التليفون ابجي وهو يباوعلي

::- هــــا بــــسام

::- سلامات

::- مصطفى توفى

- سد الاتصال مشيت أريـــــد افوت للغرفة مصطفى بعده على السدية وزوج جــــمرة لمحته راح فتت للغرفة جــــمرة ماده نفسها بصفه حاضنته وتهمس بخفوت

::- صوفي حبيبي لا تعوفني مو جنت تكول اكبر وما اخلي احد يكتلج هاي اني صار سنين منتظرتك تصير زين وتاخذ حقي ليش ليش تعوفني

غـــــدير::- جريتها منه ابجي حضنتها وهي ما انطت اي ردة فعل اجه عـــــمو ادريــــــس عــــــيونة حمر گـــــال

::- للبيت يله غـــــدير ديربالج يله عـــــمو جــــمرة روحـــــي

::- امي

::- بــــس تصحى اجيبها

غـــــدير ::- سحبت جــــمرة بايدي بدون روح تمشي طلعنا ويا بــــسام وصلنا للبيت لكينا اهل عـــــمو ادريــــــس كلهم موجودين.  دخلت جــــمرة بايدي ادور هبه اخوات عـــــمو ادريــس كالن

::- هنا بالغرفة

- وجمره بــــس فاتحه عينها فتحت باب الغرفة

هبه كاعده لامه نفسها وتبجي وغيث وغفران يصبرون بيها ودموعهم على خدهم بــــس لمحت جــــمرة صيحت وكامت من مكانها فاتحه ايديها وجمره مثل الفزت شهكت وكعدت على اركبها حضنت هبه نفجرت تبجي بصريخ كعدت يمها ابجي واحاول اصبرها بقت بالغرفه ماتحجي بــــس حاضنه هبه ودموعها على خدها غفران وغيث من بعيد يباوعولها

.طلعت من خابرني عـــــمو على فلوس نخبص بيتنا حيل هوسة وصياح عـــــمو ادريــــــس يريد فاتحه واخوانه يكلوله سوي استخلاف وهو ماقابل.

. انطيت الفلوس الام تبارك واركض وياهن هم هواي كلش اعمام واخوال وكلها تجي بحيث بعد لا عــــمة جايه ولا جايبين مصطفى وبيتا صار خبصة

لمن سمعت صريخ وكالن اجت نــــهله طلعت اركض كاعده على حيلها بالكراج تبجي وتصرخ

وهن وياها  من تصرخ تصيح

::- يا مصطفى ياجمره يا يـــــمة

- طلعت جــــمرة من بين الكل مابعيونها دموع بــــس عــــمة فتحت حضنها ضمت وجها ولامه روحها حيل العمه كومنهن النسوان لمحت السيارة اجت عليها التابوت وعمه من شافته تخبلت وهم يصيحون على عـــــمو ادريــــــس

::- لا تاخذها تتخربط لا تاخذها

- عـــــمو لماها بحضنه بالكراج وصاح عليه

::- كومي انتي وجمره وانتي خويه ام تبارك

سمر بابا عينج على خوانج

غـــــدير ::- اخذ سيارة كامله اخواته وامه واني وجمره وهبه وعمه المابطلت بجي الحد ما وصلنا النجف ونزلوا تابوته وهي تلطم وتصيح دارت على قبر بيبي شهكت حيل وصاحت بصوت عالي

(من نــــهله نصاً)

نــــهله ::-ولج يمة اكعدي وحاجيني

لفيتة بالجفن مصيفي نظر عيني

ولج يـــــمة من اطب مكبره

اعزاز كلبي بكل مجان

والله لو حجيت همي لجبل جا مال

عفتونيي وحدي بطرك الملامه

هد حيلي الوكت وحيرني بزمانة

اجيتج يمة وجبتلج ولـــــيدي انا

افتحي حضنج يالحنينة ومدي ايديج وسديلة

خد ولـــــيدي ترف مايحمل خشونة الگاع

هذا مصيفي الردتة الي ظهر وذراع

وسفة بالجفن لفيتة

وانا التمنيت يكبر وتنومس بخاجيتة

ولك يـــــمة يامصيفي يايمة ياعزيز روحـــــي يمة

غـــــدير ::- كلها تبجي على حالها وهي وكفت مفرفحه وبأيدها تأشر صاحت

::- افرررحي ياگاع النجف وهلهلي

المدفون بيج الليلة من ايتام عـــــلي.

- فقدت عــــمة انتهت لا خلت وجــــهة لا صدر ملخت روحها وجمره راحت لبعيد كعدت لامه رجليها الصدرها ما تريد تشوف شلون يخلون عليه التراب راحلها بسام بيده بطل مي غسللها وكومها احنا رجعنا وياهم وعمو حار بعمه اخذها وحدها رجعنا للبيت

مخبوصين ونركض جــــمرة كاعده بالغرفه ساكته وعمه بالمستشفى وبسام واسمر وكرار ابن عيسى يركضون بالفاتحه اجت غفران بأيدها تليفوني يدك

اخذته منها رقم عراقي ابتعجت للمر ورديت

::- الو

الأبـــــهر ::- الو شلونها جــــمرة

::- منو

::- زوجها

::- الحمدلله

::- انطي التليفون الها أريـــــد احاجيها

- سكتت ومشيت للغرفة اباوعلها كاعده وصافنه بالفراغ هبه متمدده على رجليها

::- جــــمرة

- رفعت راسها الي فازه مسحت وجها بسرعه

::- زوجج يريد يحاجيج

- مدت ايدها الي تقربت انطيتها التليفون وابتعدت

جــــمرة ::- جريت نفس اكتم بگلبي همست بصوت ناصي

::- هــــا

::- اسف جــــمرة

- تنفست حيل ساكته نار بروحي تحركه وتحرك اسفه واخوانه

::- شوكت تجي تاخذني ما أريـــــد ابقى هنا؟

- سكت ما مصدكني شويه وكال

::- هنا انا بالمستشفى يم امج وزوجها

::- تجي للبيت ؟

::- بالليل اجي ما اكدر هسه.

- سكتت سد الخط بقيت على كعدتي شلون اعيشك نفس الشعور شلون اكسرك نفس الكسره

اذا ما خليتك تعض اصابعك ندم انا مو جــــمرة

غـــــدير ::- كل شوية جايه وحـــدة تسألني على جــــمرة وليش ماتبجي مو اخوها ليش بــــس كاعده ليش ماتكوم توكف بفاتحته وانصي ساكته

بــــس لبسناها اسود مني وبقت على كعدتها الحد ما اجت عــــمة جرت جــــمرة الصدرها تشمها وتبجي مفرفحه نكسرت حيل الحد الليــــل اخذنا نص النسوان البيتنا فرشتلهن بقت سمر وياهن واني رجعت البيت عـــــمو فرشت للبقية بالاستقبال بقت بــــس الصالة الموزع فارغة عـــــمو گـــــال

::- افرشي للولد هنا

::- منو

::- زوجج وعباس واسمر وزوج جــــمرة هم يمكن يبات هنا .

- فتت للغرفة البيها عــــمة وجمره عــــمة دموعها على خدها وجمره غافيه على رجليها اخذت فراشات وطلعت فرشتلهم واجه اسمر  من باب الصاله صاح رحتله اركض

::- هــــا

::- صيحي الجمره زوجها يريدها

جــــمرة ::- فزيت من كعدتني امي صوتها رايح كوه تحجي الكلمه وغدير واكفه بالباب كالت

::- زوجج يريدج

- كعدت على حيلي صافنه امسح بوجهي امي مسحت على ظهري كالت

::- كومي يـــــمة

- كمت امشي وره غـــــدير ولد يغسلون بالطارمه واحد منهم صاح

::- تعالي منا

- فتت وكفت بالممر بالظلام وشفته اجه مدنك وصل يمي مد أيــــدة يحضن وجهي دنكت عيني

ما أريـــــد ابين اله رجعت باوعت بوجهه

::- هــــا نروح؟

::- لا خلي تخلص الفاتحه شبون اخذج   بــــس جــــمرة انا ما اكدر ابقى متوتر كاعد بنص ضباط وانا مجـــرم حتى لو سجلي نضيف اوجهي ما معروف ابقى متوتر

::- تمام

::- حاقده عليه؟

::- لا

::- ردت تشوفينه حاولت اكمل كلشي واجيبج بــــس ما لحكت

::- ههه

- سكت يباوع بعيني ما مقتنع التفت ليوره من فات زوج غـــــدير يباوع بطرف عينه گـــــال

::- باوعي هذا طول الوكت خازرني عبالك يكلي كاشفك

::- اكشفك؟

- هز راسه لا يباوع بعيني گـــــال

::- ما تسوينها

::- واذا سويتها؟

::- ما تكدرين

::- بمنو تهددني بعد؟

::- جــــمرة شبيج

::- ما بيه شي أريـــــد ارجع بسرعه ما ابقى كاعده ابيت زوج امي

::- بــــس خلي تكمل الفاتحه نرجع ثاق بيج جــــمرة لا تكسريني

- هزيت راسي ساكته واحجي بداخلي مو بــــس اكسرك لا اخليك تحس بنفس النار الحركتني

رجعت الحضن امي وهي تلوليلي وتبجي ابتعدت من اجو جهال زوجها يحضنون بيها ودموعهم على خدهم الطفل يگللها

::- ابقى انا ابنج لا تبجين ماما حتى كليلي مصطفى اذا تردين

- وهي تحضن وتبجي ليش حقدت ليش حسيتها امي بــــس الي

ابتعدت من حضنها خليت راسي على مخده مغمضة عيني وهي طول الليــــل تون وتبجي ساعة تكوم تقرا قرآن ساعه تنوعي بصوت ناصي

گـــــلبي حسيته حجر عقلي ما راضي يتخيل مصطفى جوه التراب احس بعدني بعيده عنه وراح اشوفة

تعب وقلق اخيرا غفيت وفزيت مفزوعه واتلفت خايفه اباوع امي نايمه وهم ثلاثتهم بحضنها

مسحت وجهي وكمت فتحت الباب لمحت غـــــدير بالمطبخ ولد نايمين بالصاله بــــس هي وزوج امي كاعدين يحسب فلوس بــــس شافوني التفتوا ثنينهم مشيت بدون ما احجي ادور

غـــــدير ::- اتغاضى عن تصرفاتها الغريبة ونظراتها الخايفه بــــس ما اكدر ما اركز طلع عـــــمو ساكت تقربت يمها خليت ايدي على كتفها فزت ورجعت ليوره خازرتني

::- تردين شي

::- مي

جــــمرة ::- جرت كرسي كعدت عليه المطبخ مفتوح على الصالة نطتني كلاص مي شربت اباوعلها وهي عيونها تلمع بدموع عفت الكلاص

::- باوعي غـــــدير

::- همم

::- حتى انتِ مشتاقتلج

- حجيتها ودنكت ساكته هي بسرعه حضنتني تشهك وتحجي همس ما تريد احد يفز

::- واللـــه اني هم مشتاقتلج والله

- ابتعدت من من ماحضنتها تمسح بدموعها راحت للطباخ درت عيني للصالة

::- منو النايمين هنا؟

::- هذا اول واحد اسمر ابن عـــــمو ادريــــــس

وهذا كرار ابن اخوه وهذا بــــسام زوجي

جــــمرة ::- هزيت راسي ودرت عليها

::- اعرفه اتذكره هو وهذاك الولد عـــــلي

::- اي الله يرحمه ويرحم گمرته

جــــمرة ::- سكتت اشرلها ادريــــــس من باب الصاله اخذت عباية كالت

::- راح نجيب ريوك خلي عينج على طباخ

- سكتت وهي طلعت تركض من يفتحون باب الصاله بعده فجر الضوه كوه مبين واني عقلي يخطط اسلمه بسهوله لو اكسره كد ما كسرني

رفعت راسي متحسره فز زوج غـــــدير كعد مخروع يتلفت خله راسة ابين ايديه واني اباوع من بعيد شوية ودار عينه يباوع اكو احد كاعد لو لا ما شافني

سحب أيــــدة طبك اربع اصابع باسهن وخلاهن على گلبه مغمض عينه ويحجي

شهكت فاتحه عيني على وسعها وكل ذرة بجسمي رجفت رجع طبك ردن القميص مسح على أيــــدة وكام للمغسله

واني على نفس كعدتي اجر نفس وارجع بــــس أريـــــد استوعب الصار شلون شلون منو

مسحت وجهي اتنفس حيل أريـــــد اهدأ وطلعت ركض وراه للمغسله شفته يتوضى وعيوني متمركزات على أيــــدة نفس المكان وشم ثلث نجمات

يباوعلي بصدمه واني عيوني يحركني أريـــــد اصيح اباذر ولساني مربوط حجه هو مستغرب

::- بيج شي خويه

- هزيت راسي لا ورجعت حيل مسطوره ما افهم شي شفته فرش سجادته صله واجت غـــــدير بأيدها اغراض حجت وياه وفاتت يمي للمطبخ ركضت طفت الطباخ تحجي

::- يا جــــمرة مو كتلج عينج على طباخ

- واني بــــس اباوع الزوجها اجت يمي سحبتني من كتفي درت عليها اباوع بعينها

::- زوجج شسمه؟

::- بــــسام

جــــمرة ::- غمضت عيني ما أريـــــد احجي شي أريـــــد افكر صدفه؟  مستحيل صدفة ثلاثتهم يبوسون ايدهم ويخلونها على كلبهم الصبح مثل ما علمتهم امهم يگولون الابوهم ويحاجونه بهل طريقة .

- درت فازه من اجه للمطبخ يحاجي غـــــدير ودار عليه

::- شلونج خوية شخبارج

- بقيت ساكته اباوعله وهو دار عينه الغدير منحرج مسحت وجهي ارجف

::- زينه

- همست اباوعله رجع  گـــــال

::- لعد زوجج ليش راح ما بقى هنا

::- عنده شغل

- سكت وراح للطباخ يم قواري الچاي بقيت على كعدتي أريـــــد اتأكد اكثر أريـــــد اعرف اكثر كتله

::- ليش تكول زوجج ليش ما تكول اسمه

- دار مبتسم گـــــال

::- ابو الجود سلمت عليه گـــــال ابو الجود

- دارت غـــــدير تريد تحجي سبقتها كتله

::- جـــــندل اسمه جـــــندل

- بلعت ريك ايدي ترجف وغدير عاكده حواجبها مستغربة هو گـــــال

::- عاشت الاسماء

-سكتت ا درت الغدير. حجه وياها وطلع وهي اجت يمي مستغربه

::-ليش كلتي جـــــندل هو اسمه الأبـــــهر شبيج جــــمرة؟

::- معليج بــــس ديربالج تحجين اسمه الاحد

- عفتها ورجعت للغرفة نسيت الفاتحه نسيت امي الدنيا وصار همي شي ثاني.

غـــــدير ::- ما مرتاحه جــــمرة من عــــمة تخربطت بقت بكعدتها بــــس صافنه حتى النسوان يحجن عليها وعلى عــــمة وحـــدة منهن تكول

::- شو كل جهالها مو صاحين حتى الجبيره جنها مخبله

- واني اسمع واسكت اريد الفاتحه تخلص واكعد ويا جــــمرة افهم منها الحد الليــــل يله جابوا عــــمة كوه تمشي جاي اسويلها عشا عـــــمو بالغرفه يمها طلعت جــــمرة كعدت بالمطبخ يمي ومرة اسمر فاتت من يمنا غمتنا ثنينا نزلت جــــمرة من الكرسي تصيح بصوت عالي

::- تعاالي شسويتي

- اسد بحلكها بــــس أريـــــد تسكت الناس نايمه وهي خلتني فاكه حلكي كد ما غلطت وفشرت بــــس تريد تلزمها طلع عـــــمو مصدوم بجمرة والسانها وهند بــــس ساكته تتمسكن عـــــمو كالها

::- عيب بابا مايصير تتلفظين هيج

::- معليك خووووش معليك لا تكلي بابا

غـــــدير ::- جريتها اسكتها فضحتنا دفعتني تصيح طلعت من المطبخ وهي تغلط وتسب وعمو صافن بوجهي رجع يم عــــمة بــــس انطيتهم الصينية

طلعت أريـــــد اشوفها وين راحت لمحتها بنهاية الممر واكفة يم بــــسام وصوتهم ناصي حيل ما اسمعهم شنو يحجون تمشيت يمهم سكت بــــسام وهي التفتت عليه بــــس شافتني رجعت للبيت بدون ما تحجي وبسام بقى واكف بمكانه تقربت اسأل

::-  شنو تريد جــــمرة؟

- سكت مرتبك شوية گـــــال

::- تسأل على زوجها اجه لو لا

- سكتت اباوعله بشك ثاني يـــــوم جــــمرة عينها على الباب ومن يفوت بــــسام تفز تباوعله زين وهو هم الحد  الليل هستوها الناس تروح لمحتها طلعت بــــس ردت اخلص البأيدي والحكها شوية وطلعت وراها ادورها جمدت بمكاني هم شفتها ويا بــــسام خاتلين بالممر الاظلم يحجون

مشيت يمهم سريع التفتوا عليه ثنينهم گـــــال بــــسام

::-سهله خوية سهله غـــــدير بعيوني

-بقيت اباوعله فاتت جــــمرة من يمي ابـــــتسمت. باستهزاء

::- شعندك بــــسام؟

::- ماعندي شي راح تروح وجاي توصيني عليكم.

::- ههه

جــــمرة ::- رجعت كعدت يم امي لزمت وجها ابين ايديه

::-ماما اني راح اروح

- فتحت عينها فازه وتهز راسها لا

::- وين ترحين لا تلوعين گـــــلبي اكثر

::- ارجعلج بــــس يومين واجي

ادريــــــس ::- شعندج عـــــمو ابقي هنا

- ما اهتميت بقيت لازمه وجه امي وتقربت ابوسها وامسح بدموعها

::- بسرعه اجي ما اتأخر

- احجي وهي مجلبه بايدي ماقابله اجه اسمر گـــــال زوجج بالباب رحت ابدل وطلعت رغم اعتراض امي غـــــدير التباوعلي باستغراب من بعيد وهبه مجلبه بيه وتبجي كم وحـــدة من نسوانهم يباوعن وينصن ما مهتمات فلتت نفـــــسي وطلعت للكراج بــــسام واكف يدخن حرك عــــــيونة يطمني وكف الوكفتي فتت من يـــــمة همس

::- لا تنسين .

- حجاها ودخل للبيت طلعت للشارع صعدت وياه ساكته وهو متوتر گـــــال

::- كتيلهم راح نسافر؟

::- لا

::- هــــا؟

::- كتلها يومين وارجعلج باقين هنا

- سكت حيل مرتبك واني ساكته ولامه ملابسي بقوة الحد ما وصلنا للبيت عمر منتظرنا بالباب نزلت وهو نزل الأبـــــهر كاله

::- اخذ السيارة وباجر كون انـــتَ يمي

- حجاها وسحبني من ايدي فتنا للبيت عفته يقفل الباب وبسرعه رحت نزعت ملابسي وضميتهم دخل للغرفة سد الباب مستند عليه يباوعلي من بعيد

::- مابعتيني؟

- هزيت راسي لا فتحلي أيــــدة تقدمت بثگل حضنته رافعه نفـــــسي حتى يوصل راسي الگلبه واسمع دكاته وهو يعتذر

::- اسف حرمتج من شوفة اخوج الخاطر اخواني جــــمرة اعذريني يا روحـــــي اعذريني

- ساكته ولازمته بقوتي شوية وابتعدت اباوع بوجهه

::- أريـــــد اسبح

::- فوتي للحمام احميلج مي واجيبه

- اخذت ملابس خفيفة وفتت كعدت بالحمام قافلة الباب وصافنه بالفراغ اعترف حبيتك بــــس كسرتك الي اخذت روحـــــي حرمتني من أخـــوي حرمتني اشوفة واوصل يـــــمة كبل الموت

مسحت دموعي النزلن مثل ما راح مصطفى وراح ابقى طول عمري بندم عليه انـــتَ هم ما ترتاح فززني من دك الباب كمت فتحته دخل خله المي يباوعلي بحيره

::- كارهتني حاقده؟

- ابـــــتسمت هزيت راسي لا وهو ما مقتنع طلع من الحمام كعدت خايفة شلون اقنعه اني ما حاقده عليه خاف يفكر خاف يعرف شسوي

جمدت بمكاني من الفكرة البراسي تقنعه؟  لو تزيد الشك؟ على الاغلب تقنعه

سبحت وطلعت كاعد بالصاله تليفونه بأيده تمشيت يـــــمة دخلت بحضنه

::-  أبــــــهر تـــــعبانة

- لماني ابين ايديه يبوس بشعري

::- يا روح الأبـــــهر تعالي امشط شعرج لا تتمرضين .

- سحبني من ايدي للغرفة جر البطانية لفاني بيها وكعد يمشط شعري كل شوية يعتذر ويسأل حاقده عليه كارهته وبكل مره اهز راسي لا عكس البداخلي

درت وجهي عليه تقربت لزمت وجــــهة ابين ايديه اباوع بعينه واحجي

::- أبــــــهر اني احبك

- رمش بثگل عــــــيونة تتفحص عيوني بحيرة تقربت بسته غمض عينه وجر نفس بتعب ابتعدت احجي

::- ما اريد اهلي لا تعوفني انـــتَ

- فتح عينه ورفع أيــــدة مسح شفتي لزم خدي يسأل

::- شنو البراسج جــــمرة

::- ما أريـــــد تعوفني يومين بدونك ما عرفت اعيشهن

::- جاي تنتقمين؟

- هزيت راسي لا ورجعت قربت الشفته بستها خله أيــــدة وره راسي يثبتني ويبوسني ابتعدت وهو لازمني

::- بعقلج شي احجي جــــمرة ليش هيج تسوين تعاقبيني؟

::- اريدك

- فتح عينه بعيني مصدوم ويهز راسة لا مديت ايدي افتح دكم قميصة

::- اريدك لان ما اكدر اعوفك أريـــــد نبقى سوا طول العمر مثل اي زوجين مثل ما امي تزوجت وكونت عائلتها اني هم أريـــــد ابقى وياك

- سحب ايدي لزمها ولزم فكي

::- لا ما تردين جــــمرة مغثوثة من امج وعائلتها ما تردين هل شي انتِ تتندمين بعدين

- حجاها وتقرب يبوسني حضنته غايتي اقنعه مدري اقنع گـــــلبي وارضيه نزلني للفراش يهمس بأذني

::- تتتأذين مني جــــمرة ليش هيج تسوين

- حضنته ابوسه واحجي

::- ما تكدر تأذيني

- كدرت اضعفه وماكدر يمنع نفسه عني خايف ومتردد حاس اكو شي ورغم كل هذا استسلم الشعوره وتقربلي

تمددت على صدرة ساكته وهو دكات كلبه قوية كام حمه مي گـــــال

::- تعالي اسبحي

- اخذت ملابسي سبحت قبله ورجعت لفراشي انتظرته الحد ما سبح واجه رجعت الحضنه يحضني حيل يبوس شعري ويهمس

::- شبيج جــــمرة

::- لا تعوفني

::- ابد. ما اعوفج كـــــافي تفكرين نــــــامي

- غمضت بــــس النوم جافة عيوني منتظرة الصبح وخايفه منه السويته صح يستاهل اسوي وياه هيج لو ظلمته هو هم اذاني وظلمني يستحق اعيشه هيج شعور يستحق اكسر گلبه

افكاري متناقضة گـــــلبي اله وعقلي ضده ودائما المنتصر عقلي وافكاره بــــس نام رحت سحبت الجهاز الخلاه بأيدي بسام شغلته ورجعته ابين الملابس رجعت الحضنه خايفه حيل

ماكدرت اغمض وانام الحد ما كعد باوعلي بقلق

::- شبيج جــــمرة

- هزيت راسي مابيه شي كام غسل سوا ريوك وهو كل شوية يسأل شكو شبيج ترددت وخفت باخر لحظه اكلت شوية ما اكدر من القهر والتفكير أريـــــد اتقيئ كام بقلق ما مرتاح وكفت على جهه

وهو دك تليفونه باوعلي رد اتسعن عــــــيونة بصدمة سد التليفون يصيح

::- شسويتي جــــمرة شسوويتي

- نزلن دموعي ساكته طلع الرقم من التليفون كسره باسنانه شمره وهو يصيح ركض جر الحجاب والصايمه يلبسني ويحجي

::- ليش هيج جــــمرة ليش.

- ندفر الباب وهو يلف بالشال ويحجي

::- لاتدخلين للمركز جــــمرة خلي يوصلج الامج كبل

- دخل بــــسام بملابسه العسكريه والجنود وياه رافعين سلاحهم ويصيحون عليه خاف يهددهم بيه وهو لازم ايدي حيل جراه بــــسام والابهر  يدفعه بــــسام رفع أيــــدة ضربة بوكس على وجــــهة وركض جتفوه وكف يباوع بعيني غمضت خايفة من نظراته وبسام يغلط عليه ويسب كالهم اخذوه جروه يردون يطلعونه التفتلي وهو بأيدهم گـــــال

الأبـــــهر ::- كسرتيني جنت اشوفج الصح الوحيد بهوسة سنيني.

يتبــــــع⋆𓍯

الكــــاتبة أيـــــــلول⋆𓄼𓂁

💚🌿

مساء الخير ...

#أجرام_مستباح_لثلاث_ندبات

                                           بقلم الكاتبة أيلول

    ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

أنتِ جمرة شوك بيدي

مدري أذبها مدري أچوي

سنيني بيها مدري أخلي

العمر يتباهى بضواها ؟.

.................................................................

جــــمرة ::- شهكت ارجف وهو عينه بعيني بــــسام فشر عليه وهو يضحك ضربوه الجنود صاح على بــــسام

الأبـــــهر ::- ويا منو تورطت

- اخر كلمه حجاها وجروه وكعت على اركبي ابجي واقنع بنفسي هاي هي خلصت خلصت كسرته مثل ما لوع گـــــلبي كعد بــــسام بمستواي يحجي

::- كومي يا عيني واللـــه اخيسه بالحبس العار

- رفعت عيني العينه ارجف گـــــلبي تگطع شسويت خليته يسجن اخوه بدل ما يحضنه احجي اكله انـــتَ اباذر والسجنته الأبـــــهر گـــــال

::- كومي اوصلج

- كمت جريت السوار لبسته وطلعت ويا بــــسام مختنكة وضايعه لحظه اتندم ولحظة احس السويته حق عشت بتناقض ضايعه صعدت مغمضة عيني رجعت النفس الوقت الحجيت بيه ويا بــــسام من شفته يريد يطلع وصحت عليه

::- بــــسام

- اجه يمي يتلفت گـــــال ::- هــــا خوية

::- محتاجتك بشغله بــــس توعدني ماتطلع الاحد بيني وبينك حتى زوج امي مايعرف

::- تفضلي مــــحد يعرف بشنو اكدر اساعدج

::- زوجي

- سكت يباوع بعيني عاكد حواجبه واني ارجف خايفه كملت كلامي

::- جذب احنا ما مسافرين هو مجـــرم جبرني اقبل بيه هددني باهلي ولهسه يهددني اذا احجي يأذيهم

- ضحك ما مصدكني الحد ما بجيت كعد يمي بصدمة سولفتله شلون خطفني وهددني وابد ماجبت طاري اسمه ولا قصتة وتجنبت اذكر قسام خاف يعرفة گـــــال خليها وراي سهله وثاني يـــــوم انطاني جهاز اتذكر كلشي سويته وكلبي ينعصر.

فززني صوت تليفونه من دك اتصال مسحت وجهي اباوع للطريق فتح التليفون على السيارة والصوت عالي جندي كاله

::-سيــــدي منتظرينك

::- هههه جاي خوش وليمه هــــا؟

::- على مزاجك مو تحب الصعب هذا مبين ماكو اصعب منه

::- يمي يسهل

جــــمرة ::- اباوعله فاكه عيني كلها سد الاتصال باوعلي ورجع باوع للشارع

::- شنو راح تسوي؟

-التفت ابتسم بطرق شفته ::- ناخذ حقج ونعلمه الله حق

::- تضربه؟

- ضحك عينه للطريق مسحت وجهي متخبله

::- ديربالك تمد ايدك عليه فهمت ديربالك لا تضربه هو متعذب لا تمد ايدك عليه

بــــسام ::- شبيها هاي مو صاحيه هزيتلها راسي اي بــــس أريـــــد تسكت وهي ساعه تبجي ساعة تصفن وصلتها البيت امها ونزلت وياها أريـــــد افهمهم دخلنا للكراج هي تبجي وطلعت امها متخبله وغدير وراها كعدت على حيلها ام مصطفى حاضنتها وتصيح

::- يـــــمة شبيج بــــسام بنتي شبيها

::- خاله زوجها واحد مجـــرم وكل هل فترة هو خاطفها مو مسافرين وين ابو اسمر

- يتصايحن ويبجن غـــــدير كالت راح للدوام

عفتهن وطلعت للمركز لكيت مرتضى بالباب يدخن ضحك گـــــال

::- مستعجل على وليمتك؟

::- كلش

::- هههه يعدل مزاجك مبين صعب مثل ما تحب

- دكيت على جتفة اضحك ::- مو على بــــسام

- عفته وفتت جابوه الغرفة التحقيق وكفت متنرفز من ضحكته يمي جندي يريد يكتب التقرير ضحك الضحكة جـــــندل خزرته

::- اسمك الكامل؟

جـــــندل ::- تعرفه

::- أريـــــد اسمعه منك

::- هههههههه السؤال الك شنو عقوبة اليعتدي على مواطن بريئ؟

- دكيت بأيدي على مكتب گدامه اصيح

::- منو البريئ؟

- رفع حاجبه يضحك وحجه بنبرة هادئة

::- انا

- اختفت ضحكته مركز بعيني بلع ريك ضحكت

::- هــــا استوعبت انـــتَ مجـــرم؟

- سكت أيــــدة على راسة. باوعلي ورجع نصه يهز راسة لا رجعت سألته

::- اسمك عمرك؟

- بقى ساكت بالعاده اليشلع كلبنا بضربة يعترف سحبته من ياخته ضربته رجع ليوره يمسح خشمه ويضحك مسح وجهه  باوعـــــلي يضحك حيل والجندي على ضحكته مبتسم گـــــال

::- الافضل الك ما ترفع ايدك حتى ماتخسرها من اطلع .

- رجعت ضربته حيل وأنفتح الباب صاح مرتضى

::- سيــــدي الـ.......... ادريــــــس يريدك.

- دفعته من ايدي وطلعت غسلت ايديه ورحت المكتبة اول ما دخلت وكف خازرني وبسرعة اجه عليه ضربني بلعت ريك ساكت منزل عيني وهو يغلط ويسب متخبل لزمني من فكي بغضب ينتر ويصيح

::- تشتغل عندي لو اشتغل عندك تلعب من وراي الف مره حذرررتك حيوان

::- سيــــدي ..

- جر الرتب من كتفي ودفعني للباب حيل يصيح على مرتضى وعلي

::- ما اشوفك هنا فصل امشي منا واللـــه وقسم بالله اليوصل معلومة اله اسجنهم ثنينهم حول القضيه للسيد

- بقيت واكف بمكاني عيني عليه مستهظم حيل ولا اكدر ارد   من ماتحركت كام من مكانه جراني من ياختي طلعني برا دفعني وهو يغلط هاني كدام جنودي وحتى السيارة اخذ سويجهاا بــــس اسلاحي بخصري.

احس نار تاكل بروحي هي بــــس وضيفتي بقت الي وهسه يريد ياخذها مني مسحت وجهي محتار اخذت تكسي ورجعت للبيت.

غـــــدير ::- احس عقلي ما يستوعب بــــسام عافنه وسط هوسة وطلع وجمره بــــس تبجي بحضن عــــمة كوه كومناها دخلناها للبيت وهي على فرد بجية عــــمة حاضنتها على كلبها تريد تفهم

نــــهله ::- كعدتها كدامي مسحت دموعها اباوع بعينها

::- معلول گـــــلبي لا تزيدين ناري فهميني

- جرت نفس تشهك وتحجي متهستره ما افهم شي منها

::- هو خطفني اغتصبني لا ما اغتصبني گـــــال اغتصبتج عذبني باوعي باوعلي خلاني اشرب مخد*رات وخلاني محبوسة بالبيت وحدي وخلاني ببيت مسكون ماما واللـــه هو أذاني هو يستاهل اسوي بيه هيج يستاهل اغشه واكسر كلبه

- رجعت ضمت وجها بصدري تبجي بنتي متخبله ساعة تحجي وياي ساعة تهمس بصوت ناصي ويا نفسها الحد ما غفت عفتها بفراشها وكمت مهدود حيلي بعده جرحي على ابني اخضر وطلعتلي جــــمرة بجرح اكبر

جــــمرة ::- حضنت السوار الگلبي المشتعل نار أريـــــد انام ما أريـــــد افكر ما أريـــــد احس نفـــــسي غلطانه هاي هي هذا الازم يصير غمضت حيل ما أريـــــد اتخيل يعذبونه الحد ما غفيت بتعب احس أيــــدة على وجهي وصوته بأذني يهمس

::- سنايبر

- فزيت مخروعة اصيح واتلفت بالغرفة ادور وارجف دخلت غـــــدير خايفة حضنتني اسمع صوت زوج امي يحجي بصياح باوعت الغدير

::- شبيه هذا

غـــــدير ::- مسحت عيوني مختنگة كتلها

::- فصل بــــسام وعمه ما قابلة عليه .

::- وهو كل يوم يصيح على امي هيج؟

::- لا واللـــه واصلاً ما جاي يصيح عليها بــــس محروك گلبه من بــــسام .

- عكدت حاجبها تتنصت عليهم صاحت عــــمة عليه طلعتلها كالت

::- روحـــــي الزوجج شوفيه نوب اليسوي خير ينفصل

ادريــــــس ::- لا حول ولا قوة الا بالله اكلها يشتغل من وراي محذرة اكثر من مرة

غـــــدير ::- عفتهم وطلعت مرت اسمر بالكراج بــــس شافتني صاحت

::- ايع شلون شكول تلفي علينا ما كـــــافي عليه خلقتج نوب هاي المخبله

- عفتها ورحت فتحت الباب درت عليها بعدها واكفه كتلها.

::- ديربالج هاي المخبلة ماعندها عيب ومايصير التلزمة تگطعه.

- سديت الباب ورحت البيتي دخلت ادور عليه لكيته بالغرفة يدخن  كاعد على حيله القراصة والسلاح والدفتر وصورة عـــــلي گدامه رفع عينه باوعلي عــــــيونة حمر اشر بأيده روحـــــي

::- بــــسام.

:;- روحـــــي ارجعي روحـــــي باقرب وقت ننفصل

- فتحت عيني على وسعهن كام على حيله سحبني للباب يحجي بحركة

::- ما اريدج  روحـــــي گبل ما ياخذج مني لو الموت لو اضيعج روحـــــي انا مايبقى الي احد كل الاعزهم افارگهم فارگيني من هسه

- دفعني للباب وسداه عافني بالشارع بصدمه امسح دموعي ويرجعن ينزلن نار اكلت گـــــلبي

رجعت خطوتي ترجف فتحت باب بيت عـــــمو دخلت هند بعدها بالمرجوحه غمتني وكفت على حيلها كالت

::- انتِ ما عندج كرامه نطردج وترجعين؟

- اباوعلها ساكته ودموعي تنزل فززتني جــــمرة وصياح عــــمة عليها طلعت مبدلة وتصيح

::- رايحه البيتنا اني ما ابقى ببيت هذا ابقي انتِ عنده

غـــــدير ::- جلبت بيها عــــمة تبجي جرت ايدها منها منهاره وما تعرف شتحجي رفعت اصبعها ترجف كالتلها

::- ابقي ابقي عند زوجج اصلا لو ما متزوجه جان خلصت منه لان شردت واجيت لبيتنا وما لكيتج لو ما متزوجه جا شفت مصطفى.

غـــــدير ::- سحبت ايدها حيل مفاتيح البيت يخرش صوتهن ويا رجفتها طلعت من البيت تركض وعمه وكعت على اركبها باوعتلها وباوعت للباب طلعت وراها ركضت التفتت تباوعلي وتمشي سريع وصلت يمها كوه اجر النفس مديت ايدي لزمت ايدها. التفتتلي ساكته عصرت ايدي وسط ايدها ومشينا.

نــــهله ::- بنتي ادريــــــس بنتي

::- بــــس على كيفج كومي عوفيها وبالليل نروحلها

::- شلون اعوفها شلون اعوفها بنتي متخبله

- بجيت گـــــلبي متكطع اجو الجهال من المدرسة يباوعولي بصدمة رفعت راسي اباوع الادريس مسحت دموعي عيني بعينه

::- راح اروح

- فتح عينه بصدمة وكفت على حيلي ارجف

::- ما اكدر اعوفها هيج بــــس افهمها وافهم منها اجيبها واجي

- وكف وياي مد أيــــدة على وجهي مسح دموعي

::- براحتج

- جريت الجهال للغرفة مستعجله ::- بدلوا بسرعه

غيث ::- وكتبنا ماما

::- لا حبيبي

- عفتهم يبدلون وركضت طلعت عربانة صوفي نكثتها ادريــــــس يباوعلي بالصالة احجي وياه وامشي

::- نبقى يمها الحد ما نقنعها واللـــه جــــمرة بــــس بالبداية تعصب وتهوس الدنيا وبعدين تننازل

احجي وامشي بالعربانة الغرفة صوفي أريـــــد اخليه بيها صاح ادريــــــس

::- نــــهله

- ما اهتميت فتحت باب الغرفة دخلت العربانة اعدل بيها اخذتها يم الجرباية ودرت عيني اله

وكفت اجر نفس اباوع المكانه فارغ رجفت حسيت ايد ادريــــــس على راسي سحبني الصدرة بجيت مختنگة

::- يـــــمة يا مصيفي يا روح امك شيعودني على فراكك ولك يـــــمة هديت حيلي.

- ابتعدت امسح بدموعي ضيعت جهالي واحد واحد صاحت هبه كملنا ماما

عفت ادريــــــس لبست عبايتي وجواريبي اخذت اغراضي بايدي جريتهم. طلعنا للكراج وطلع ورانا ادريــــــس صاح

::- غيث غفران

- وكفت التفتوا الابوهم اشرلهم براسة ارجعوا لزمتهم قوي ساكتة تقدم يمنا سحبهم من ايدي فتحت عيني مصدومة وهم يبجون

::- روحـــــي عوفيهم

::- ليش؟

::- جــــمرة تغار منهم تأذيهم

::- لا واللـــه لا تعالوا

- مديت ايدي الهم سحبهم حيل وهم يبجون ويصيحون

::- ماما

- گـــــلبي تگطع وين اروح كل الاختبارات صعبة الدفنته اعز من روحـــــي وهذيج بنتي وكلبي وهذول بمعزت جهالي شلون اعوفهم شلون اجر ايدي من ايدهم سد حلكهم وهم فرفحوا

::- ادريــــــس واللـــه ما اكدر اعوفهم وراي

::- روحـــــي.

- جراهم للبيت وهم شايطه روحهم بــــس يردون يفلتون من أيــــدة ويجون عليه وهبه تبجي على بجيهم

سحبتها وطلعت

غـــــدير ::- اخذنا تكسي وهي حتى ويا ابو التكسي تريد تتعارك نزلنا قريب على منطقتنا مشينا مشي لازمتني وتجر بيه وراها ترجف وتحجي وهي تمشي تغلط وتسب وترجع تصيح

::- كله منك اذيتني ما ردت اسوي هيج بــــس كسرت گـــــلبي حرمتني من مصطفى تستاهل

- وصلنا الباب البيت خفت منها سحبت ايدي وهي تفتح بالباب التفتت عليه خازرتني صاحت

::- شعندج لاحكتني ؟

- بلعت ريك مرتبكه اباوع بعيونها اشرت للشارع

::- لا ما لحكتج اجيت وياج بالتكسي.

- هزت راسها اي ورجعت تفتح بالباب دخلنا بيتنا نصة تراب وهي دخلت گبل للغرفة القديمة جرت فراش نكثته من التراب مدته وتمددت عليه تبجي وتبوس السوار البأيدها تحجي همس

::- يارب ما يعذبونه يا رب بــــس يسجنونه ومايتعذب

- طلعت من يمها ساكته دك تليفوني بايدي شفته بــــسام انطيته رفض شمرت الصايه والحجاب  وكمت انظف بالبيت وكل شوية افتح باب الغرفة اباوعلها وارجع الحد ما اجت عــــمة كعدت بالطارمه مهدود حيلها من اباوعلها ايديها يرجفن وتغص بالكلمه بــــس غسلت ايديها اوجها فاتت للغرفة كعدت جــــمرة حضنتها ساكته وهي تكلها

::- عفتيهم واجيتي الي خيولون اصلا يصيح عليج .

::- اي

جــــمرة ::- رفعت راسي من حضنها اباوع بوجها رفعت ايدي كدامها

::- هذا السوارع هو سواه الي

- عكدت حواجبها ما فاهمه كعدت على حيلي مسحت دموعي اباوع بوجها

::- احجيلج كلشي؟

- هزت راسها اي التفتت اباوع الغدير شمرت وصلت المسح واجت كعدت يمنا وهبه بصف امي

سولفت كلشي شلون خطفني شلون خلاني مدمنه شلون مات ابوه شلون عــــمة اغتصب امه شلون انتحرت شكد ساعد اطفال وشكد تعذب والاثار البجسمه سولفت هواي وتجنبت اذكر اسماء اخوانه ولا كتلها بــــسام هو نفسه اباذر هي فاتحه عينها على وسعها من سكتت كالت بقهر

::- كله من ايدي انا سلمتج اله بــــس جــــمرة جــــمرة حرام السويتيه وهو يدور على اخوانه

- فتحت عيني بعينها خازرتها ::- عذبني

- جــــمرة خطيه واللـــه خطيه شلون يشوف اخوانه بعد المفروض تخلصين منه بــــس ماتسجنينه.

::- وخرري لا يشوفهم اني ما شقت مصطفى بسببه لا يشوفهم وخري عوفيني

::- اشش ما اعوفج بعد ما اعوفج

غـــــدير ::- سحبتها حاضنتها وهي تفشر عليه تمسد على راسها ساكته رجعت نامت وهي تشهك كمت من يمهن ما مستوعبة رجعت لكيت مكالمات من بــــسام هم ما جاوبت يطردني شوكت ما يعجبه ويتصل شوكت مايعجبه للساعة عشرة بالليل دك تليفون عــــمة وهي غافيه يم جــــمرة اخذته ورديت اني

::- هــــا عـــــمو

ادريــــــس ::- هــــا غدوره عـــــمو شلونكم

::- الحمدلله

::- عمتج وين

:;- نايمه

::- راح اجيب غيث وغفران صار عندي واجب خارج المحافظة

::- وبسام

::- خلي ينام بالبيت ويتأدب من يتعلم الشغل يرجع

- سكتت وهو سد الاتصال رحت كعدت عــــمة فزت تفرك بأيدها هبه كالتلها

::- ماما متت من الجوع

نــــهله ::- هسه اروح اشتريلكم

- كمت غسلت صليت واجت غـــــدير تليفوني بايدها كالت عـــــمو كملت ورجعت اتصلت عليه جاوبني مستعجل

::- نــــهله بسرعه نريد نطلع اوكفيلي بالباب

- لبست عبايتي وطلعت فتحت الباب على كيف وكفن سياراتهم بالباب نخمش گـــــلبي نزل بايده غيث وغفران اشرلهم يتحركون وبقن بــــس سيارتين وره سيارته اجو يركضون حضنتهم اشمهم وابوسهم

::- يا روح امكم فوتوا.

- راحوا الهبه وكفت عدل دخل هو بملابسة العسكرية عيونه تتلافى عيوني گـــــال

::- ما اكدر اعوفهم بالبيت مــــحد موجود سمر اجت تعاركت ويا مرة اسمر وهو وداها الاهلها

::- وين راح تروح

::- واجب ما اطول يومين

::- وزوج جــــمرة

::- شبيه

::- جاي اسأل عنه ما اعرف

::- بعده ماةفارغله حولت قضيتة الانسان دقيق جــــمرة اذا الها حگ يـــــمة ناخذه لا يضل بالج

::- بــــس اكو هواي اشياء ما تعرفها تخصه

::- خلي ارجع ونتفاهم حيل مستعجل

- سكتت هزيت راسي اي تقرب باس راسي والتفت يريد يطلع رجع گـــــال

::- خاف ما تحصليني لايضل بالج مرات تغطيه ماكو .

::- بحفظ الرحمن

- طلع قفلت الباب وراه ادعي رجعت للغرفة جــــمرة كاعده تخزرهم من بعيد وهم يحضنون بهبه ويسولفون وياها كعدت يمها احاجيها واحاول اقنعها وهي بــــس ساكته كل شوية ترفع السوار الابسته تبوسه ودموعها تغرگ خدها

غـــــدير ::- عــــمة متنا من الجوع صارت بـ 12 واحنا لا مي ولا اكل

- هزت راسها موافقة لبست واخذت غيث طلعت تشتري شفت جــــمرة طبيعيه بــــس ساكته تمددت يمها دك تليفوني صوت رسالة وهي فزت.خايفة.

بــــسام::- جريت اخر نفس من الجكاره اباوع على خساراتي واحد واحد ابهري أخـــوي وروحي

درة ضي عيني اختي الوحيده عـــــلي صاحب روحـــــي الما عندي غيره امي الربتني وحاولت تعوض فقداني واخيرا سلاحي وضيفتي الحاولت اوصلها بتعب ما بقالي منهن شي.

مسحت وجهي شمرت القميص ورجعت ادخن مكابلهن شيصير لو امي ما انتحرت وضيعتنا شيصير لو باقيه لامتنا جوه عبايتها ومحاربة الدنيا علمودنا ليش عافتنا واحن اطفال ما نعرف نتصرف كل همنا نحمي اختنا وهم ضيعناها

رجعت حيييل لبعيد الوكت المخزن للحرك الوكت اخر حضن لمانه بيه الأبـــــهر الاخر دمعه مسحها بايده الخشنه من شغل الشارع الاخر شهكة بصوت درة نرسمن كدام عيني ينعادن مشاهد بروحي وبعقلي

من اخر نظرة بعيون الأبـــــهر من جرونه من حضنه وهو يبجي واحن نبجي نباوعلهم يضربونه وهو عينه علينا حضنت دره الگلبي صح خايف بــــس خوفي الاكبر على اختي مثل ما وصاني الأبـــــهر

اجوع بــــس اشبعها ابرد بــــس ادفيها

انضرب بــــس احميها.

بقينا انا وياها سوه بغير مكان ويانا اطفال هواي

جانت دائماً خاتله بظهري ومن يجي وكت الاكل

يشمروه النا مثل الحيوانات القوي ياكل والضعيف يبقى اعارك بــــس حتى اوكل دره وما تبجي من الجوع انومها واهمس باذنها هسه يجي الأبـــــهر

ياخذنه لاتخافين وهي تخلص الليــــل بجي من وجع الحرك بأيدها

اسبوع بقينا بهذا البيت الحد ما سمعتهم باعوا دره وثنين بنات بعمرها ماجنت اكدر اشرد ولا اقبل اعوفها سحبتها من ايدها ختلنا جوه الدرج لامها بحضني حيل وكاطع حتى النفس وخرتها من حضني اباوع بعينها درة سوي هيج سحبت اصابعي بستهن وخليتهن على گـــــلبي عيوني من الدموع احسهن يحتركن سوت مثلي كتلها

هيج كل شوية سوي هيج الأبـــــهر يسمعج وماما وبابا يسمعونا من نسوي هيج خوش هزت راسها موافقة رجعتها الحضني وهي كل دقيقة تبوس اصابعها وترجعهن الگلبها.

اختفى صوتهم جريت نفس براحه بست شعرها وشميته ايدي على ضفايرها مغمض عيني وفزينا مخروعين من حسيتها نهبتت من ايدي جلبت بيها بقوه ابجي وهي تصرخ وتصيح باسمي حيل لازم كصيبتها الحلوة جروها مني وفلتت قراصتها بأيدي بيومها ماكدرت افتح عيني من الكتل.

وراحت دره هاي اخر مره شفتها بيها بعدها باسبوع سحلوني شمروني كدام رجلين واحد رفعت عيني اله خايف وهو وكف على حيله انطه فلوس وسحلني وراه شمرني بالسيارة وكعد يمي خانگني بأيده ويحجي

::- راح تصير عندك عائلة انا ابوك وهسه تشوف امك اليسألك شنو اسمك تكول بــــسام عمرك 10 جنت عايش بالخارج من اول ما ولدت فهمت؟

- وقتها هزيت راسي اي خايف شيگلولي اسوي المهم ما انضرب ما اتجوه قبل لا نوصل عصر وجهي بأيده گـــــال

::- اذا سألتك المره تگول جنت بالميتم خوش؟

- هم هزيت راسي اي سحلني للبيت وكفت مره

تباوعلي بعيون مدمعه دخل هو وراي كالها

::- ارتاحيتي هسه تبنيت

- سحبتني المره الها تسأل وتستفسر ويفهموني على جذبتهم العرفته من قبل عشر سنوات هم مسافرين واول ما سافروا كايلين صار عدنا ولد وقطعوا علاقتهم بالعراق من قرروا يرجعون المره كالتله اتبنى ولد عمره عشرة بالميتم ماينطون الطفل بسهوله الا اكو شي بأسمه وتحقيق وسين وجيم الاسهل اله يشتري بدون مايخسر هواي بــــس كم فلس وهو هيج سوه اشتراني وذلاني 17 سنة ماكدرت امشي وياهم بخطتهم جنت دائما اشرد منهم وبكل مره يلزمني يگطع الحزام على ظهري الحد ماحجيت للمره كلشي وكتلها ماجابني من الميتم وحجيتلها على اهلي واخواني قنعتني اكمل دراسة وهي تحاول تدور عليهم

وهيج مرت السنين الحد ماعرفت عـــــلي بالكلية جان صاحبي الوحيد ورغم هذا كله ماحجيت شي يخصني اكتم بگلبي دائماً ادور عليهم وماكو اي اثر اروح للمناطق الجنا بيها الكاها مهجورة وفارغة ومن تعينت بديت ادور بالاسم سجل درة مفقود والابهر خارج العراق ضيعت اخواني وما وصلتهم ولا بأي طريقة.

سحبت القراصة ابوسها واشمها وين الكاج هاي الوضيفة التقربني منج راحت وين الكاج يا روح اخوج وين الكاج يا وصية الأبـــــهر .

غـــــدير ::- فتحت الرسالة وهي عينها وياي من رقم كاتب

::- خلي هذا الكرت وفعلي نت راح ادزلج صور مهم

- عكدت حاجبي ما فاهمه عندي رصيد بسرعة فعلت نت راسا وصلن صور على فايبر كعدت عدل فاتحه عيني على وسعها ودرت اباوع الجمره

جــــمرة ::- شكو؟

- كعدت عدل اخذت التليفون من ايدها اگلب بالصور وكلبي يدك حيل صورتي بالمرجوحه

صورة ثانية متمددين وهو نايم على صدري كالبه عيوني ليفوك اعيب صورة واني نايمه وصور زعلانه وخازرته. فزيت من دك التليفون بلعت ريك اباوع الغدير وهي تهز راسها لا تجاوبين

جريت نفس بقوة جاوبت بخوف قربت التليفون على اذني ماكو اي صوت همست خايفة

::- الو

::- سناااايبر

- فتحت عيني على وسعهن اشهك من سمعت صوته ايدي رجفت حيل وهو ضحك

::- كسرتيني

- نزلن دموعي ساكته مصدومة وما مستوعبة

::- مو كتلج انا ما انسجن ليش جبرتيني التجئ القسام.

- اختنكت ارجف  ::- شلون طلعت ؟

::- هههه مثل ما دخلت

::- شيطان انـــتَ

::- وانتِ مرتي شيطانة اكثر مني

- سكتت دموعي احسها تحرك عيوني وغدير كدامي تتحركن گـــــال

::- بعد ما اجبرج عليه انا رايح بــــس قبلها أريـــــد  اكلج شي

::- وين رايح؟

::- جــــمرة انا احبج

- شهكت ارجف امسح دموعي ويرجعن ينزلن همست ::- ادري

::- خسرت هواي واخر خسارة انتِ حاربت هواي حت اعيش بــــس بعد هذا حدي

::- أبــــــهر

::- ما اكدر اعيش اكثر ضيعت اخواني وضيعتج

جــــمرة النفس صار يچوي گـــــلبي أريـــــد ارتاح

- كمت على حيلي مفزوعه ::- وين انـــتَ؟

::- قريب عليج

- ركضت للغرفة الثانية  والتليفون على اذني اجر بحجابي واحجي

::- أبــــــهر حاجيني اني لكيت اخوك عرفته واللـــه عرفته وين انـــتَ وين

::- جــــمرة ادفني جثتي وخليلي قبر اذا لكيتي اخواني خلي يزوروني بلعت سم ههه وبدأ ياكل جسمي

- وكفت اجر نفس بــــس أريـــــد افهم وغدير تبجي وتسحب بأيدي تريد ارجع للغرفة

::- وووين انـــتَ وين أبــــــهر حــباب واللـــه اموت والقرآن لكيت اخوك واللـــه لكيته هسه اجيبه واجي لا تسوي شي عفيه عفيه

::- ما تلحكين انتهيت.

دفعت غـــــدير وطلعت بالشارع مثل المخبلة التليفون على اذني واركض منا ومنا وهو يشهك گـــــال

::-  اكو عماره مال مجمع متروكه وره دربونة الحجية بشارعين هناك عفتلج اغراض وهويات اخذيهن .

- ركضت بكل قوتي ابجي واحجي وياه

::- وانتَ وين انـــتَ وين أبــــــهر الولد السجنك اخوك هذا اخوك لا تموت عفيه لا تموت

::- هههه متت من زمان بــــس ابقي احجي وياي الاخر نفس.

- ركضت حيل بــــس أريـــــد اوصل جسمي كله يرجف صوته اختفه واسمع صوت الاغنيه يشغلها ويطفيها في حزن وسع المدى نفـــــسي نگطع واني اركض ظلام يخنك وهدوء ماكو اي صوت

التليفون يرجف بأيدي

::- أبــــــهر حاجيني عفيه حاجيني لاتموت عفيه لا تموت

::- هممم

::- وينك وينك؟

::- تحبيني؟

::- اي احبك واللـــه احبك هواي اسفة لان غشيتك ما اعيدها بــــس لا تسوي شي واللـــه ما اعيدها

::- سويت جــــمرة سويت .اااخ يابة

::- أبــــــهر أبــــــهر

- ركضت حيل بعد بــــس شارعين اركض وما ادري اذا هو موجود بهاي العمارة لو لا ارجف وخايفه.

غـــــدير ::- لطمت على وجهي متخبله بالشارع طلعت أريـــــد عــــمة ترجع ماكو رجعت اركض جريت تليفون عــــمة من ايد غفران اتصلت على عـــــمو ادريــــــس مغلق تخبلت رجعت اتصلت على بسام ابجي بسرعة جاوبني

::- الو بــــسام الحك عفيه الحك

::- شكو شبيج

::- جــــمرة خابرها زوجها وطلعت تركض ما ادري شصار

::- شنو شنو فهميني شتليصين انتِ

- شهكت ارجف اسولف وابجي صيح يسب ويغلط على الدولة والحكومة گـــــال

::- تليفونج عدهااا ؟

::- اااي اخذته هو على رقمي اتصل

::- خرررب ما يخلوني ارجع للمركز شلون احدد موقعها شلون تروحله هي شكد غبيه شبيها هاي

- كعد يغلط ويسب سد التليفون رجعت للغرفة يم هبه وغفران مخروعات سمعت عــــمة رجعت شهكت ايدي على گـــــلبي من كالت الغيث

::- ماما غيث خلي طبقة بسكت الصوفي

- طلعت كاعده بالمطبخ تريد تسوي اكل وغيث صافن عليها البسكت بأيده وهي تحجي مستمرة

::- اخليلك وياه بالچاي تريد؟

::- عــــمة

- حجيت ابجي التفتتلي فازة بــــس حجيتلها تخربطت لمن اجه بــــسام وهي تدك وتلطم نتصل على عـــــمو ادريــــــس مانحصله وبسام معاقب تخبلنا لمن واحد اتصل على بــــسام كاله راح احددلك الموقع وطلع  يركض.

جــــمرة ::- دخلت بالشارع البيه البنايه نهد حيلي واني اركض ::- أبــــــهر حاجيني لا تسكت

::- هممم

::- اجيتك وصلت راح الحك عليك

::- اممم

- بجيت كوه اجر النفس كمت اسمع صوت الاغنيه مو من التليفون ::- والله بسام اخوك عفيه لا تسوي شي

::- ههه احبج حيل احبج

- دخلت للعماره الهث وتعبانه صوت الاغنيه واضح كمت اسمعه بالعماره وبالتليفون افر بعيوني ادور ظلام وكوه اشوف

::- وينك أبــــــهر ظلمه

::- اجيتي؟

::- اي اي واللـــه اجيت

::- ليش بعتيني؟

::- بــــس كلي وينك

- فتريت ادور شغلت ضوه التليفون ماكو شي عباره عن مكان متروك رجعت التليفون على اذني

ارجف

::- أبــــــهر وينك؟

::- ليش بعتيني؟ ثاق بيج ليش كسرتيني ؟

::- وين انـــتَ؟

::- يمج!

- التفتت ادوره رجليه احسهن تكطعن مشيت للجهه الثانية الهث بتعب النفس ضاك بصدري

::- احبج

- شهك حيل يون بوجع تخبلت ابجي واصيح

::- وينك اني بالعماره وينك

- اختفى صوته واني اصيح حسيت حركه وره ظهري هستوني أريـــــد التفت گـــــال

::- وراج سنايبر!

- التفتت فازه صرخت مفزوعه سحلني عليه بسرعه ساد حلكي بقوة

::- تغدريني؟

- ادفر بايده مفرفحه وهو بكل قوة خانكني ورافعني من الگاع كعد على حيله حابسني بحضنه حجه بأذني

::- اشش راح ارفع ايدي من حلكج صرخي اذا تحبين

- بــــس وخــــر أيــــدة شهكت اجر نفس وارجف لزم فكي بقوة يحجي

::- كل عقلج اموت قبل ما اعاقبج

- جريت نفس أريـــــد احجي بسرعه خله أيــــدة بيها منديل على وجهي قاومت ما أريـــــد اتنفس

گـــــلبي وكف رجعتله برجليه استحق انحبس عنده عمر خدعني مثل ما غدرته.

بــــسام ::- لو مصيري ارجع الوضيفتي من خلال جــــمرة لو اخسره للأبد على ايدها مدري تورطت وياها مدري تورطت وياي كاعد بالسيارة احرك بروحي منتظر يدزلي الموقع شوية ودزاه وراها رسالة

::- اعذرني بسام جان طلعت وياك جنود بــــس سمعت كلام ادريــــــس

- ما جاوبت رحت بسرعه صفيت السيارة بعيد ونزلت بــــس السلاح بأيدي هسه اروح بيها استخدم سلاح الدولة وانا مفصول طبهم مرض غير ياخذونه مني المن عافوه.

دخلت اترصد لكيت بــــس تليفون غـــــدير بالگاع رجعت خابرت على الولد

::- بــــس أريـــــد اعرف شلون طلع؟

::- يا شلون طلع أمر اجه ما عليه ولا تهمه رجال جان بالخارج وسجله انضف من وجهك

بــــسام رحمه الاهلك لا تسحب الساني منعونه ننطيك اي معلومة.

::- بركبتك انا مــــحد يعرف ساعدني من بعيد لبعيد

::- مقابل

::- تدلل شكد ما تريد

::- صايرين.

جــــمرة ::-فزيت على مي بوجهي اسحب ايدي ماتنسحب.مشدوده  وره ظهري راسي يأذيني حيل وهو واكف بباب الغرفة يدخن غمضت عيني ورجعت فتحت

::- وين جبتني؟

::- الجهنم

::- أبــــــهر افتح ايدي خلي اسولفلك بــــس افتح ايدي

- ضحك حيل شمر الجكاره ومد أيــــدة بجيبة طلع حباية فتحت عيني على وسعها

::- لااا باوع اسفة واللـــه اسفة

::- ههه مو الج مو الج

- خلاها بحلكه بلعها عصر راسة ابين ايديه يرجف صيح

::- ليش فهميني ليش من لمسة ايدي اخاف عليج وانتِ تغشيني بحضني تهمسين بالحب

ناصبتلي خطه ليش سلمتيني نفسج ليش خليتيني اتقربلج ذبحتيني كسرتي روحـــــي

- غمضت عيني ساكته وهو بــــس الكرسي گدامه شاله يصيح ويضرب بالحايط غمضت عيني وسحبت رجليه الصدري ساكته فقد الحد ما انهد حيله كعد يجر نفس بتعب

::- تــــدرين منو الطلعني ؟ قسام ولج رجعتله رجعتله من وراااااج.

تغشيني بلمساتج البارده مو؟ تضحكين علي

تأكدتي ما اكدر على اذيتج استغليتي ضعفي يمج انشعل وانطفي وما اتقربلج بلمسة قاسية هسه اعلمج الاذيه شلون تصير جمرتي تدللين.

- فتحت عيني كلها اهز براسي لا والم برجلية الصدري اجه يمي

::- وخــــر أبــــــهر جاي اكلك اسفه

- بسرعه تقرب يمي بجيت احاول افتح ايدي وابعده عني ابتعد جريت نفس اشهك كل ما احاول احجي يرجع يبوسني سد حلكي بأيده يجر بملابسي خنكني حيل وتقرب الاذني ينتر من بين اسنانة

::- فعلاً ما اكدر على اذيتج استاهل تستغليني

أريـــــد أذيج أريـــــد ابجيج دم بــــس ما اكدر

" توجعين روحـــــي وانا بلمسة ما اوجعج"

- دك تليفونه ابتعد مني لميت رجليه ابجي جسمي كله يهتز صاكه سن على سن

ضحك ضحكة طويله وگال

::- هلا بيه اطلبة كم ضربة.

- سد التليفون واجه عليه حجيت بسرعه

::- ليش ما تصدكني واللـــه

- جر شالي بسرعه شداه على حلكي يسويلي

::- اششش

- بلعت ريك ساكته من شفته سحب سلاحه اباوع الضحكتة سحب اقسام واجه يمي غمضت عيني مستسلمة راح يكتلني وخــــر شعري من وجهي

::- أنفصل وما بطل بعده يركض وراي

- فتحت عيني بعينه ما فاهمه قرب شفتة الراسي باسني وابتعد

::- اكسر أيــــدة السلمتيني اله بيها

- فتحت عيني كلها اصرخ أريـــــد يفتح حلكي واحجي بــــس سمع صوت كام طلع من الغرفة تخبلت اصرخ بــــس أريـــــد افتح حلكي واصيح هو اخوك متت اجر بايدي حسيت الجلد نسلخ ويا الحبل بكل قوتي اسحب بيها اشهك وكلبي يريد يطلع من مكانة.

بــــسام ::- دخلت البيت فارغ واحجي بداخلي استحق انفصل اكو غبي يجي الهيج منطقة وحـــدة ركزت زين جاي اسمع صوت رفعت سلاحي اعد الخطوة الامشيها التفتت بسرعة رافع السلاح على صوته

الأبـــــهر ::- شموازيك تجي الي برجليك

::- هههه اجيتك بعد استعجلت بــــس  مو وحدي لا تخاف كلت اوصل قبلهم نزل سلاحك

::- ليش قابل رافعة على رجل دولة المفروض انـــتَ الما تستخدم سلاحك مو مفصول؟

::- ننفصل ونرجع هذا شغلنا بــــس انـــتَ تنحبس ما تطلع لو مو واسطة

- نزل اسلاحة يضحك اذا استخدم رصاصة وحدة ينهوني رافع سلاحي كشخه حديدة لايكش ولا ينش والظاهر هو فاهم زين لذلك ماخايف مني.

::- وين البنيه

::- قطعتها ما لحكت عليها

- رجع رفع سلاحه عليه عــــــيونة تفتر سحبت اقسام مابيها مجال بعد لو انسجن لو اموت فزيت كل ذرة بجسمي فزت وانا اسمعها تصرخ بكل صوتها

::- الأبـــــهر اباذر الأبـــــهر

بــــسام ::- نزلت سلاحي بسرعة التفتت الباب الغرفة رجلي رجفت اريد ادخل أريـــــد اتاكد سمعتها صح صاح عليه وكفت بــــس ارمش بعيني وهي تصرخ بكل صوتها وتصيح

::- اباذر هذا اباذر .

- ثگل جفني اباوعله وهو فتح عينه بصدمة أيــــدة والسلاح شوية شوية ينزلن عاكد حاجبة يسأل دفعت باب الغرفة اباوعلها تبجي وهو اجه يركض كعد كدامها يحجي

الأبـــــهر ::- جــــمرة جــــمرة ماتجذبين جــــمرة حاجيني؟ شكلتي شكلتي

بــــسام ::- منين تعرف اباذر؟

جــــمرة::- بجيت غاصة اهز براسي اي والزم بوجهه ايديه يصبن دم كتله

::- هو اباذر واللـــه هو اباذر شوف أيــــدة

- باوعت الاباذر باقي واكف بــــس يرمش كام الأبـــــهر يمسح بدموعه ما مصدكني مختنك گاله

::- شنو اسمك انـــتَ ؟

بــــسام ::- منين تعرف اباذر والابهر منين؟

جــــمرة ::- بجو ثنينهم دك الأبـــــهر بأيده على گلبه بحركه يبجي گاله

الأبـــــهر ::- انا الأبـــــهر واخوي اباذر اختي دره

- ضحك بــــسام يمسح دموعه ويگله

::- اشش لا تجذب كدرت تعرف معلومات عني وجاي تخدعني؟

الأبـــــهر ::- بــــس كلي اسمك برد نار گـــــلبي

بــــسام ::- اباذر وأخـــوي الأبـــــهر اختي دره

جــــمرة ::- حط أيــــدة على راسة يرجف دموعه ينزلن والابهر متخبل من يـــــمة بــــسام رافض يصدك وهو بــــس يريد يلمه بحضنه كاله

الأبـــــهر ::- باوع باوع شنو علمتك باوع

- حجاها وبوس اصابعه خلاهن على كلبه وبسرعة سحب أيــــدة طلع الندبات يبجي واباذر حاله اتعس يرجفون ركض. اباذر للابهر حضنه يصيح وهو بكل قوته يحضن ويصيح

الأبـــــهر ::- ولك متتت ولك متت وانا ادور روحـــــي راااحت وينك وينك عني وينك

جــــمرة ::- گـــــلبي نعصر وجع بروحي على منظرهم واحد يبوس بالثاني بايده بوجهه ويرجع يحضنه يبجي ويحجي كعدوا على حيلهم يشهكون مثل الاطفال الحد ما الأبـــــهر مسح دموع اباذر يحجي بلهفه

الأبـــــهر ::- دره وين دره شلونها دره تعرف وين دره تعرف؟

::- لا لا اخذوها مني اخذوها وره اسبوع ما كدرت احميها اخذوها

::- ضابط انـــتَ ههه انا مجرم أخـــوي انـــتَ اخوي

::- هههه افديك بروحي برتبتي  اصير التريده بــــس لا تعوفني بعد لا تعوفني اروح فجوه الروحلك

::- ااخ اباذر انـــتَ اباذر

اباذر ::- ضميت روحـــــي الحضنه مثل من جنا اطفال اااخ يا روحـــــي يا أخـــوي يا عمري لكيتك واللـــه شفتك حضنتك ولك متت واللـــه ماساكت دورت عليكم الحد ما نهد حيلي

الأبـــــهر ::- عرفت عيونك بالمركز عرفتهن گـــــلبي حسني  بــــس ماعقلتها أخـــوي ضابط اااخ يا نظر عيني شلعتوا گـــــلبي وحك الله الخلقكم تبهذلت بدونكم لا اني عايش مثل الاوادم ولا اني الميت ومرتاح تلوعت عليكم تلوع گـــــلبي بفراگكم

جــــمرة ::- غمضت عيني جفني ثگل وهم عتبهم يهد الحيل انتبهلي الأبـــــهر اجه يركض يلزم وجهي يبوسني ويحجي ما مستوعب

::- لكيتي اخوي لكيتي أخـــوي جــــمرة لكيتي اباذر لكيتيه

- يحجي بسرعه وجمد بمكانه فاتح عينه على وسعها باوع بعيوني عاكد حواجبه

::- عرفتيه أخـــوي وخليتيه يسجني؟

يتبــــــع⋆𓍯

الكــــاتبة أيـــــــلول⋆𓄼𓂁

💚🌿

مساء الخير ...

#أجرام_مستباح_لثلاث_ندبات

                                             بقلم الكاتبة أيلول

       ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

ورديت مو من الصفر!

حته الصفر ما يبدي

رديت منك منگسر،

. ..........................................................

جــــمرة ::- هزيت راسي اي عيني بعينه وبسام يسحب بأيده بــــس يريد يرجع يحضنه وهو مكابلني يرجف ابتسم ما مصدك

::- جذابة ما جنتي تعرفين مستحيل تسوينها

::- سويتها اذيتك ولو ربع الاذية السببتها الي

::- جــــمرة

- حجاها وسحبه اباذر رجع حضنه ويبوس بايده والابهر عين ويا بسام وعين الي لميت رجليه حاضنتهن الصدري اباوعلهم وهم مــــحد مصدك حاضن الثاني خايفين يوخرون من حضن بعض لام اباذر بحضنه مثل ما جان يلمني سحبه مسح عــــــيونة مبتسم بوس وجــــهة

اباذر  ::- دره دره مالكيتها دورت شكد عليها سجلها مفقود

جــــمرة ::- سكت الأبـــــهر واباذر صافن يفكر يريد يستوعب التفت عليه گـــــال

::- شنو تعرف انا اباذر شلون؟

- دنكت ساكته اجه الأبـــــهر يمي واباذر خله أيــــدة على راسة يصيح

اباذر ::- مديت ايدي عليك ضربتك خلصت عمري ادورك ومن شفتك ضربتك ليش شسويتي انتِ شسويتي .

الأبـــــهر ::- سويتيها جــــمرة كسرتيني اخذتي حگج

جــــمرة ::- باوعت بعينه رموشة المبللات اثر الدموع وجــــهة احمر يباوعلي وبسرعة يلتفت على اباذر مد أيــــدة لزمه وضحك شفته ترجف

الأبـــــهر ::- يمي بــــس خايف ارجع اضيعك اضمك بروحي أريـــــد

جــــمرة ::- تقرب اباذر دموعه كل مايمسحهن يرجعن ينزلن  يضحك ويحضن بيه ابتعد من دك تليفونه

غـــــدير::- ميتين خوف اتصل على بــــسام وما احصله وين يله دك جاوبني بسرعة فتحت الصوت وعمه مكابلتني وتبجي صاح بضحك

::- ولج غدوره

::- هــــا بــــسام لكيت جــــمرة

::- ههههههههههه ولج لكيت أخـــوي غـــــدير لكيت أخـــوي لكيت روحـــــي لكيت اهلي وهويتي

غـــــدير ::- باوعت بوجه عمه وهي تباوعلي مافاهمين وهو يضحك بفرح

::- شبيك بــــسام تخبلت؟

::- أبــــــهر أبــــــهر أخـــوي

نــــهله ::- اخذت التليفون من غدير مفرفحة

::- بنتي وين بــــسام شبيك

::- هاي يمي خاله أبــــــهر أخـــوي زوجها أخـــوي

جــــمرة ::- تقرب اباذر مبتسم انطاني التليفون وهو رجع الحضن أبــــــهر وامي تصيح ما فاهمه

::- هــــا ماما

::- وينج ولج وينج موتيني

::- هنا لا تخافين

::- راح انجلط جــــمرة راح انجلط فهميني

::- باوعي مو كتلج اخوان الأبـــــهر يدور عليهم اباذر اخوه

::- اي؟  لكاهم شنو؟

::- اي هو بــــسام؟

- سكتت امي اسمعها تحجي بصوت ناصي ويا غـــــدير تگلها

::- مدري شيحجون هذول

- كعدت اشرح وافهم وهي ولا مصدكة كل شوية تصيح تضحكين عليه تردين تموتيني بالي يمها ويمهم اباذر يسولف للابهر بطفولية عبالك رجع طفل يشكي ويحجي شلون اخذوا درة منه.

سديت التليفون الأبـــــهر يباوعلي بقهر صارت عينه على ايدي وخــــر اباذر من حضنه جراها يباوع بيها. شك قميصة من جوه بدون ما ينزعه واجه لف ايدي وهو مدنك حجه

::- كوم وصلها البيتهم اباذر

جــــمرة ::- باوعت بعينه ساكتة اباذر يكله لا انا ما اعوفك وهو يقنعه يوصلني ويرجع لبسني شالي مشيت وياه بالباب سحبني الحضنه يحجي بأذني

::- ارجعج الحضني بــــس اليوم راح تبتعدين عني

- خليت ايديه بصدرة أريـــــد ادفعه قوة لزمته الي يهمس

::- بيننا غدر وغش محاسبة وعقوبة جمراية

- حجه وباوع الاباذر كاله

::- تگدر تخلي حراسة على البيت ؟

اباذر ::- اخلي ام مصطفى تبلغ ابو اسمر يخلي جنود بالباب لا يضل بالك يمي بــــس مو ارجع ما الكاك

::- منتظرك يا روحـــــي منتظر رجعتك ما اضيعك بعد

اباذر ::- مسحت وجهي اضحك اخذت جــــمرة ورحت ماكو شي يكسر فرحتي لكيت أخـــوي

بعد دره بالطريق خابرت الولد الحددلي موقع الأبـــــهر كتله يخلي جنود على البيت ما قبل .

قنعتهن ارجعن البيت ابو اسمر اريد بــــس اوصلهن وارجع للابهر وغدير مجلبه تريد تعرف شكو جريتها من ايدها للكراج سحبتها حيل حضنتها وبستها

::- احجيلج كلشي كلشي بــــس ارجع هسه رايح الاخوي

- عفتها وطلعت مستعجل بــــس أريـــــد اوصل حتى الباب ما دكيته دفعته ودخلت

::- الأبـــــهر؟

- تلفتت ادوره گـــــلبي ينتفض وعيوني تدور نفتح باب الحمام طلع مبتسم

::- يا عيون الأبـــــهر

- ضحكت تقدمت احضنه كعدت يـــــمة گـــــال

::- بــــس اليوم نبقى سوا راح اعوفك فترة

- عكدت حاجبي مقهور ::- ليش ما صدكت لكيتك

::- اذا قسام عرف انـــتَ أخـــوي يضغط عليه من خلالك خلي احدد مكان دره واخلص منه

::- قسام نفسه الجلاد؟ بعدك وياه

::- اي شلون اعوفه وهو حلقة الوصل بيني وبينكم

::- يعرف مكان دره؟

::- لا بــــس عندي معلومات عنها اوصلها مابقى شي ههههه تعال لك تعال

- سحبني الصدره حضنته حيل ونزلت راسي على رجله

::- تتذكر اخر ليلة من نومتنا بحضنك؟

- ضحك هز راسة اي

::- نومني مثل قبل بحضنك هههه

- كمنا من الكاع نزل فراش تمددت وهو كاعد يباوع بوجهي رفع راسة ليفوك يمنع دموعه ينزلن ورجع باوعلي

::- اباذر

::- عيون وروح اباذر ابهري

::- احجيلي شلون عشت وين أريـــــد اسمع

::- اتعس حياة اخذوا اختي من حضني جنت ابجي اخاف منك اخاف تعاتبني ليش ما حميتها خفت تكلي مو وصيتك عليها ليش عفتها

- خله أيــــدة على حلكه ودموعه نزلن يمسح عيوني ويرجع يركز بحجيي

الأبـــــهر ::- ما الومك هم اخذوكم من حضني

::- اي كم يـــــوم بقيت وباعوني العائلة ههه كل يـــــوم يضربني يگطع الحزام على ظهري من جنت طفل لان اشرد يضربني ومن كبرت هيج حقارة وجنت اتحمل حتى اوصل للسلك العسكري وادور عليكم تالي طلعلي انـــتَ مسافر فد حقدت عليك ههههه

::- ههههه وين مسافر مخلصها بالبتاوين والطوايل بــــس لعبة مال السفر حتى يبقى سجلي نظيف

::- متورط أبــــــهر؟

::- حيل صرت مجـــرم من گلب والسان

::- ابريك لو اشوف اخذ كل التهم العليك

::- خلي نلگه دره واشوفكم سوه وبخير وخلي اموت انسجن كلشي يهون

اباذر::- جاي نحجي ودك تليفونه التفتت وياه جر نفس بغمج باوعلي جاوب فاتح الصوت على السماعة الخارجية

::- ها قسام

::- راح اوديلك المعلومات باجر العصر تكمل شغلك

::- خوش

::- هههه عفيه عليك ابقى هيج تسمع الكلمه

::- هههه صار

اباذر ::- سد التليفون دار عــــــيونة مني بعد ما خله عينه بعيني كعدت مقابيله

::- أبــــــهر شغل شنو ليش؟

::- طلعني من السجن بكلمة يخلي سجلي اسود انسجن بشخصية جـــــندل ما مستعد اخاطر قبل ما اندل دره

::- شنو يريد منك فهمني؟

::- اقتل شخص واجيب الفلوس

- باوعت بعينه ساكت ما مستوعب جر نفس ورفع راسة باوعلي

::- تسويها؟

::- لا بــــس اخذ الفلوس . وضروري تبتعد عني ما أريـــــد يعرف انـــتَ أخـــوي

::- هههه شلون ابتعد انا اريد اكابلك واكعد عمر

::- اباذر يا روحـــــي افهمني ما مستعد اضيعك مرة ثانية انا اجيلك .

- دنكت ساكت فجأة حسيت راشدي قوي على وجهي رفعت عيني ضحك حيل وسحبني الحضنه

::- هاي ليش ضربتني؟

::- ما ادري ههههه شايف من نلكي دره انام مثل قبل هيج هيج المكم ثنينكم بحضني

::- اول سولفلي شلون عشت وشسويت

- بدأ يسولف من اول يـــــوم اخذونه منه الحد ما اخذ جــــمرة وكمل ليوم السجن جر ايدي صفاها ويا أيــــدة نباوع للندبات مبتسمين وگلوبنه محتركة

تمددنا ساكتين بــــس لازم أيــــدة درت عيني عليه

::- أبــــــهر

- باوعلي عــــــيونة مدمعه تقربت الحضنه

::- أريـــــد ارجع اباذر الطفل التضمه بحضنك وينام.

- لماني بايده غمضت عيني هسه حسيت روحـــــي بشر هسه حسيت عندي هوية وانا انسان حقيقي.

جــــمرة ::- فاتحه عيني اباوع للسكف ساكته جسمي بارد حيل بــــس حسيت الباب نفتح غمضت عيني حسيت امي دخلت يمي مسحت على وجهي وحجت بحسرة

::- اكعدي اكلي جــــمرة

- فتحت عيني رجف گـــــلبي حيل وانا اباوعلها

::- توكليني؟

نــــهله ::- هزيت راسي اي كعدت مسحت عيونها تقربت اوكلها ايدي ترجف وهي لازمه ايدها البيها سوار بقوة تلوب كامت دفعت ايدي تصيح وتبجي

::- مو هيج مو هيج ما تعرفين مو مثله مو مثله

::- جــــمرة

- بجت حيل وانا فاتحه عيني على وسعهن مصدومه بضعفها احسها مو جــــمرة زحفت الحضني تبجي وتصيح

::-حرك روحـــــي أبــــــهر حرك روحـــــي

- مسحت دموعها جامده احس صدمات هل ايام وحـــدة وره الثانيه حركت رجليه الحد ما غفت وطلعت اسمر كاعد بالصالة أيــــدة على خده گـــــال

::- خاله بابا يگول خلي تخابرني

-:هزيت راسي موافقة غسلت وفتت للغرفة اتصلت عليه بسرعة جاوب

::- الله يساعدك

::- هلا ام مصطفى الله يساعدج.

شنو صاير احجيلي.

::- اول شي انا طالبتك ما تردني

::- غير اعرف الشنو يا عيني

::- من جهه شي انساني ومن جهه ثانية يمكن انـــتَ تشوفة خيانه لرتبتك ومسؤوليتك

::- جــــمرة متورطه بشي؟

::- لنفرض راح تساعدها؟

::- احجيلي بشنو متورطه؟

::- قتل مثلاً.

- سكت دقايق اسمعه تحرك من مكانه صوت خطوته مبين شوية وحجه باعصاب

::- شنو هل حجي نــــهله شبيج تخبلتي

::- ادريــــــس مو جــــمرة

::- واللـــه العظيم سطرتيني فلا جاي افهمج

- سولفتله كلشي حجته جــــمرة تخبل اعصاب وما يعرف شنو يحجي

-  لا تطلعين احد من الجهال للمدرسة هسه يوصلون حماية للبيت ولا تطلعن نــــهله تسمعيني لا تطلعن

- حجاها وسد التليفون ومن الصبح وكفو جنود بباب البيت

اباذر ::- كعدني الصبح فزيت مبتسم اباوعله واضحك واللـــه ما مصدك

::- كوم روح يله

::- خليني يمك باجر اروح

::- لا حبيبي هسه اباذر مابقى شي وننجمع

::- زين وين الكاك بعد؟

::- انا اجيلك

::- تندل بيتي شوكت تجي حتى اعوفلك الباب مفتوح

-ضحك وهو يلبس جفوف بأيده باوعلي وحجه بضحك

::- لك انا مجـــرم مجـــرم يلزمني باب؟  انا ادخل معليك

::- هههه خوش خلي ابقى بعد ساعة واروح

::- أريـــــد اطلع لازم اروح

::- أبــــــهر وياك ما اعوفك

::- ارجع الوظيفتك حتى تكدر تساعدني يله مابقى شي ونخلص بــــس اصبر كم يـــــوم

- هزيت راسي اي وكفت اعدل ملابسي وهو يضحك گـــــال

الأبـــــهر ::- انا من اشتاق الواحد أريـــــد اشبعه كتل هسه كل شوية أريـــــد اجي اضربك والزم روحـــــي

::- لا هاي لان ضربتك بالمركز تريد تنتقم عود انـــتَ أخـــوي

::- ههههههههههه يا روح اخوك

- حضنته حيل وطلعنا سوا هو بطريقه وانا بطريقي بعدني ما واصل للبيت واتصل ابو اسمر

صفيت السيارة وجاوبته بزعل احنن كلبه

::- سيــــدي

::- انجب

::- أمرك

::- ليش ما حاجيلي لك حاسبكم ولدي وانتَ تضم عليه

::- سيــــدي اتمنى ما تزعل مني بــــس جنت اخاف احجي عنهم الاي انسان حتى عـــــلي صاحب روحـــــي ما حاجيله واللـــه

::- هاي هي تبقى هل سالفة نتحاسب عليها بعدين

هسه ارجع الشغلك فد ساعتين ونوصل احنا

::- ههههه الله يجزيك خير سيــــدي

::- حبيبي ابني يله ما اوصيك

- سديت الخط منه وركض للبيت لبست البدله العسكرية وطلعت الشغلي. بقيت اتبع موقع الأبـــــهر من رقم تليفونه خايف ارجع اخسرة

لمن اجه ابو اسمر راساً سحلني المكتبة حجيتله السالفة اول شي گاله

::- اخوك ينسجن

::- مستحيل اسمح بهل شي

::- ورتبتك؟ وقسمك باداء الواجب

::- ادوس على رتبتي اذا خلت أخـــوي الخلص عمره متعذب الخاطري يوصل للسجن.

::- بــــسام كون واقعي جاي تگول متورط بقتل ينحكم اعدام

- كمت من يـــــمة منتفض عيوني احسهن نار والحجاية كوه تطلع مني

::- نگدر نطلعه من كل السالفة سيــــدي

- باوعلي ساكت اشرلي على الباب اخذت تحيه وطلعت .

غـــــدير ::- مــــحد فاهم شي كل واحد بينا تفكيره بعيد عن الثاني عــــمة وحيرتها جــــمرة الاغلب وقتها نايمه ومرات نسمعها تبجي وتحجي وحدها تغلط وتسب على زوجها شخصيتها تخوف كل شوية بشخصية ساعة جمرتنا القديمة وساعة شخصيه ما تنعرف وساعة انسانه ضعيفه ومثل الطفل .

عفت كلشي وطلعت للكراج الجو بارد تريد تمطر كعدت بالمرجوحه ورفعت رجليه حضنتهن الصدري ورفعت راسي مغمضة عيني كل تفكيري ببسام شنو الصدفة الخلت زوج جــــمرة اخوه ههه وشلون فجأة طلع يتيم ويدور على اخوانه

عصرت راسي احس صعب استوعب سمعت طكه ببيتنا شنو معقولة هسه يله رجع للبيت وين جان

ركض صعدت على الدرج وجلبت بالسياج اباوع دنكت بسرعة الجنود بــــس واحد يفتر بالباب اباوع سيارة بــــسام موجوده رجعت نزلت ما شفت شي طلع عـــــمو ادريــــــس وكف مصدوم

::- شعندج الهسه كاعده عـــــمو الساعة 3 ؟

- تمشيت يـــــمة خجلانه ما اعرف شنو اجاوبة

::- ما نعسانه هسه راح انام

- عفته ودخلت اركض.

اباذر ::- انتظرت يجي اتأخر حيل اتصل مغلق نغثيت انا بــــس أريـــــد اكابله واكعد وهو غلق تليفونه قفلت البيبان وتمددت مقهور منه وعليه

ما اريد شي غير اكعد وياه واعوض ال17 سنه الفاتن

منتظر اي صوت اي حركه اركض افتح الباب بــــس ماكو ما اجه الحد ما غفيت حسيت ايد على رگبتي تريد تخنكني فزيت مفزوع ضحك ومد روحه بصفي

::- ليش تأخرت؟

الأبـــــهر ::- ليش قافل الباب خايس؟

::- اشلع كلبك لان ما اجيت من وكت

::- لا تتسوفل غير عندي شغل اكمله واجيك هذا شعنده مخلي جنود بالباب

اباذر ::-صفنت بوجهه وهو مخلي أيــــدة جوه راسه يباوعلي مبتسم ستوعبت انا وابو اسمر نفذنه امر الأبـــــهر ضحكت حيل

::- لك غير انـــتَ كلت خلو حرس على البيت نفذنه

::- شفت شلون مجرم واخليكم تمشون بأوامري

::- وين ما تريد امشي حتى على الموت

- كعد على حيله خله أيــــدة على كتفي مبتسم طلع ورقة من جيبة

::- تگدر تجيبلي عنوان؟ ومعلومات؟

::- بسهولة

::-:هاي الاسمين باجر اريدهن

::- يخصن دره ؟وشسويت على قسام والشغل

::- اي يخصن دره قسام يمي ما الك علاقة

::- أبــــــهر اريد اسجنه أريـــــد احقق وياه انا اخذ ثارنا

::- وحگ عيونك وحگ گـــــلبي التوع عليكم ما يوصل للسجن انا كتاله كل عقلك اعوفه

::- لااا دير بالك لا تتورط اكثر

- كام نزل من الجرباية غطه وجــــهة گـــــال

::- عود بعدين نتفاهم يله انا اروح

::- وين؟

::- ههه شبيك خايف ما اعوفك بعد.

- جريت تليفوني نزلت الثام من وجــــهة اخذت صورة اضحك

اباذر::- حتى تصبرني لمن تجي مرة الثانية

::هــــا ذكرتني خلي هذن عندك

- فتح القمصله وطلع اوراق وصور هوياتنا وصور الطفولة عافهن بأيدي وطلع مستعجل

جــــمرة ::- ما اكدر انام  وجع ينهش گـــــلبي حتى النفس احس ما اعرف اتنفسه بدونه غمضت عيوني احاول اغفى هستوه النوم يسيطر على عقلي  وميلت رگبتي مقشر بدني من الملمس العليها

::- سنايبر

- فتحت عيني فازة بــــس لمحت عــــــيونة طبع شفته على شفتي يبوسني بلهفة وشوگ لازم ايدي بقوة احس اصابعي نكسرن ابين اصابعه ابتعد ساند راسة على راسي جريت نفس بقوة ارجف

التفت فاز على يدة الباب من تحركت والباب مقفول نزل بسرعة صار جوه الجرباية صوت امي تهمس

::- جــــمرة ماما نايمه؟  ليش قافلة الباب جــــمرة؟

- كمت بسرعة خطوتي ترجف فتحت الباب باوعتلي عـيونها مورمه بلعت ريك ارجف كلي

::- انام يمج؟

- هزيت راسي لا ::- روحي نــــــامي ما مابيه شي بــــس عوفيني وحدي لحد يجي يمي

::- جــــمرة

- جريت ايديها الشفتي بستهن ورجفت ايدي تهز ايدها

::- باوعي ما زعلانه منج بــــس عوفيني روحـــــي الزوجج وجهالج انا ارتاح من ابقى وحدي

::- تعالي بهذيج الغرفة فرشتها الج

::- أريـــــد ابقى بغرفة صوفي

- باوعتلي ساكته هزت راسها موافقه وعيونها مليانه دموع مشغلة قرآن بصوت ناصي بالصالة سديت الباب وراها قفلته ارجف وكوه اجر النفس

التفتت لكيته كاعد على الجرباية ينزع الجفوف من أيــــدة أشر بثنين اصابع تعالي مشيت بخطوات ثگيله احس روحـــــي اتوهم وهو ما موجود ومن الزم شفايفي احس فعلاً موجود

وكفت كدامه ابتسم وهو كاعد مد أيــــدة على اصابع ايدي غمضت عيني مقشعر جسمي حرك اصابعه يمشيهن على طول ايدي برخاوة رجعت خطوه ليوره مبتعده

::- شلون دخلت؟

::- لو تضمين روحــــــج بقفص اجيج

::- شلون دخلت

::- ما يخصج المهم هسه يمج

::- شلون؟

::- هههه طفرت من بيت اباذر ودخلت من المشاي بابة مفتوح.

- بلعت ريك ساكته سحبني من ايدي ابين رجليه

::- مشتاقلج جمرايتي

- شهكت ساحبه نفـــــسي من خله وجــــهة ببطني وايده وره ظهري جسمي يرجف

::-أبــــــهررر

::- اششش انسي كلشي حسي بــــس بلمساتي

- سحبني للجرباية دفعته عيوني ذبلانة وجسمي متبند ضحك وجر ايدي الملفوفة باسها من فوك الشاش

::- روح

::- اروح بس قبلها اريدج

::- دفعت أيــــدة أريـــــد انزل بسرعة طبك ايديه فوك راسي ومد نفسه عليه غمضت عيني تـــــعبانة وجسمي منتهي ما بيه اتدافع واعارك

::- تـــــعبانة بدوني؟

- فتحت عيني بلعت ريك اهمس ::- لا ابد

- نزل وجــــهة الركبتي يحجي بخفوت ونفسه الحار بأذني

::- منو يوكلج منو يمشط شعرج منو يداري جمرتي ؟

- تقلص جسمي كله من حركاته لميت رجليه ومغمضة حيل شهكت متبنده

::- ابهررر

- رفع أيــــدة يسد حلكي كاتم نفـــــسي من هدأت مستسلمه ضحك بخفوت ونزل راسة الصدري هادئ

::- شفتي شلون حتى انا جنت اكدر اضعفج بلمسة واخليج انتِ التريديني بــــس ما سويتها ما كدرت استغلج بهل طريقة ولا راح اكدر

- ابتعد وسحب ايدي كعدني طلع نستله من جيبة فتحها قربها الحلكي وهو يحجي

::- قسام عرف رجعتج الاهلج

- اباوعله ساكته وهو يباوع بعيوني اشر على النستله وقربها اكثر اكلت منها رفع أيــــدة مسح حلكي وكمل حجي

::- اذا وصل الج انتهي اضيع الاول والتالي

::- مايكدر يوصل

::- هههه لان زوج امج ضابط مو؟

- سكتت مدنكه رجع قرب النستله الي اكلت وهو بكل مره اكل منها يمسح حلكي باصابعه الحد ما كملتهــــا كلها گـــــال

::- ترحين وياي ؟

- هزيت راسي لا اباوعله لبس القمصله والجفوف

وتقرب يمي رفعت راسي اله مد أيــــدة على خدي غمضت عيني وجريت نفس بقوة گـــــلبي ما يريده يروح

::- باجر عندي شغل مهم وبالوقت نفسه مجازفة

اذا ما رجعت اعرفي كل الزين

"الأبـــــهر يعشگ جمرته"

::- وين رايح؟

::- نــــــامي واكلي خوش لا تضعفين بالكوه سمنتج

::- وين رايح أبــــــهر وين

- رجعني على المخده وسحب الغطا فوكايه جلبت بايده

::- وين تروح

::- شغل

::- ليش خطر؟

::- حتى اوصل الدره

::- ما تموت؟؟؟

- سكت جريت أيــــدة الكلبي وغمضت گـــــلبي ينتفص بقوة وصوت دكاته مسموع

::- عفيه لا تموت

::- ليش هيج يدك كلبج

- فتحت عيني بعينه بلعت ريك الدمعه متحجره بعيني ::- لان انـــتَ يمي

- ابتسم وشفته رجفت رفع راسة ليفوك وحجه بقهر

::- اذا متت لا تنسيني

::- ما تموت!

::- اجيج هيج وقت اذا ما متت تسبحين وتنتظريني امشط شعرج متفقين؟

- هزيت راسي اي ::- شكد الساعه هسه؟

::- بالاربعه الصبح

::- خوش اسبح وانتظرك اذا ما اجيت اكص شعري