تحميل رواية «أجرام مستباح لثلاث ندبات» PDF

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

عناوين الاحبهم فوك جلدي جروح

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة ::- حسيت عليه اتمدد بفراشة نگلبت لجهتة لاول مره اخاف يموت لاول مره يوجعني گـــــلبي من افكر يموت ومايشوف اخوانه همست صوتي رايح

::- الأبـــــهر

- مد ايدة يلزمني سحبني الصدرة ويحجي

:- ياروح الأبـــــهر

-:راح تروح؟

-:بعد ساعتين

- عبرت ايدي على خصرة حاضنتة

:- لاتموت عفيه

:- ههه ليش تخافين مــــحد يطلعج منا لو تخافين عليه

:- ثنيهم لا بــــس أريـــــد تلتقي بأخوتك بالي يم درة

جر حسرة وباس شعري اصابعة تخللن بفروة راسي

:- جــــمرة اموت من افكر بدرة بــــس ما اتصور اباذر عايفها اذا بعدهم الهسه سوا يعني هي بخير لأن يتفداها بروحة بــــس خوفي مايكونون سوا خوفي نجبر يعوفها مثلي

:- ان شاءالله تلكاهم ان شاءالله يارب

:- دوري عليهم اذا انا متت

- رفعت راسي من صدرة الغرفة ظلمة كوه اشوف ملامحه سديت حلكة بايدي

:- ماتموت راح تلكي اخوانك وترجعني الاهلي واسجنك واخذ حقي منك ماتموت خوش

رفع ايدة فوك ايدي. لزمها باس اصابعي ونزل راسي الصدرة حاضني حيل

:- نــــــامي يله

:- كعدني من تروح ....

حجيتها وغفيت. وهو يبوس براسي ويحضني بقوة حسرتة تهز گـــــلبي من كعدت مالكيتة بقيت وحدي

الوب وبطني متكطعه من الوجع فتت للحمام اغلط عليه

:- جلب حقير منو كاله يشربني حبـــوب يلعب بكيفة عود هو يفتهم

رجعت لفراشي احس روحـــــي صخنت نمت وكعدت العصر منتظرتة يجي فات هواي وقت وهو ماكو مليت من الانتظار رجعت نعست وسمعت الباب نفتح كمت على حيلي طلعت من الغرفة

بــــس فتح باب المطبخ لمحني گـــــال

:- دخلي للغرفة عمر وياي

- رجعت دخلت للغرفة الوب منتظرتة شوية واجه وجــــهة تعبان اخذ ملابسه يريد يسبح ويحجي وياي

:- اكلتي؟

:- فواكة

:- بــــس؟

:- اي

:- اسبح واسويلج اكل

- سكتت وهو اخذ ملابسة وطلع جريت الحجاب لبستة وطلعت شفت عمر بالمطبخ التفتلي.

:- لكيتوا الفلوس؟

بقى يباوعلي ساكت يمسح بوجهه

هزيت راسي شنو؟ التفت للطباخ ورجع باوعلي

:- ما ادري

:- شنو ماتدري مو رحتوا تاخذون الفلوس

:- يا فلوس

- خزرتة ساكتة وهو مدنك لمن طلع أبــــــهر باوعلي وباوع العمر

عمر ::- نقذتني

- من شنو نقذك اشايفني اكل بشر سؤال هو ماعرفت تجاوب مثل الاوادم شسألتك هو اني

جراني الأبـــــهر من ايدي يريد يفوتني للغرفة واني مستمره احجي على عمر غثني حيل

سد الباب باوعلي

:- شبيج

:- خلي يحترم نفسه اشايفني اعض ويكلك نقذتني

:- لان مايكدر يحجي شي

:- اي خوش لاتحجون طبكم طوب

عفتة ومشيت للفراش كعدت ردة فعلي مو بيدي ابسط شي يخليني انفعل وافقد وين يله اهداء وانتبه لنفسي نفعلت على شي مايستحق بــــس كل هل تصرفات موبيدي اكتسبتها وره الادمان

طلع من الغرفة ربع ساعة ورجع بايدة صينية اكل وكلني ساكت لا هو حجة ولا اني سألت

طلعت غسلت ورجعت لفراشي وهو بقى ويا عمر شوية واجه لكه فراشة ممدود ابتسم وتمدد عليه يباوعلي وحجة بدون ما اسأل

:- وصلت المكان الفلوس بــــس ماكدرت اخذهن

:- ليش

:- ماكدرنا صعب

:- يعني؟

:- باجر نرجع

:- خلي اروح وياك اساعدك ...

ضحك حيل. ونكلب على جهة كابلني رافع راسة بايدة

:- بشنو تساعديني سنايبر

:- اي شي ترا ما اخاف اني انت تتعارك وياهم واني ابوك الفلوس واشرد

:- هههههه هواي تشوفين افلام اكشن

- ابـــــتسمت اباوعله

:- ترا صدك ما اخاف اخذني وياك

:- ادري بيج ماتخافين مرة راقبتج قبل لانتزوج نص الليل وانتي رحتي للحجية الله يرحمها.

- لتفتتلة فاتحه عيني على وسعها وهو عض شفتة بلع ريكه يباوع بعيني

:- الحجية الله يرحمها؟؟

- مد أيــــدة يرد يلزمني دفعتها وصرخت بكل صوتي

:- لا تجذب لاااااتجذب

- اشش جــــمرة بــــس على كيفج

:- مااااتتت لا تجذب. لا تجذب

كمت على حيلي اسد اذاني واصرخ من كل گـــــلبي

:- واللـــه وصيت امي تاخذلها اكل واللـــه وصيييييييتها وصيت عليها كله منك كله منك

تخبلت واني اتخيل امي ناسيتها وماتت من الجوع دكيت ولطمت الحد مانهد حيلي اعزها حيييل اتذكر حجاياتها وافرفح جريته من ياختة

:- هسسسسه تتصل على امي هسه

- الصبح هسه نايمه

- دفعته من صدرة امسح بدموعي

:- عساك بوجع گـــــلبي

ماكدر ادعي ماتشوف اخوانك بــــس ....

تقربت عليه مسحت عيني ودكيت بايدي على كلبة وكملت حجيي غاصة

:- ماكدر ادعي ماتشوف اخوانك بــــس بــــس اعرف شكد كلبك متعلق بيه

ان شاءالله ياخذني الموت وتجرب الوعة من يموت شخص عزيز عليك

- سد حلكي بيده دفعتها واحجي

:- اللهي يحرك كلبك عليَ مثل ماحركت گـــــلبي على اعز ناسي

الله ياخذني وتحس بلوعة الفراك

سد حلكي حيل وجراني للفراش

:- لا تدعين لاااتدعين اش كـــــافي اسكتي

- دفعت أيــــدة وصيحت

:- وخررر عني وخررر

- درت وجهي منه لامة رجلية الصدري وابجي

اتذكر كلماتها واموت وهو طلع من الغرفة مارجع مادري شوكت نمت وكعدت مالكيته بــــس قافل البيت

دعيت مايلكه الفلوس وينشلع كلبه كد ماحرك گـــــلبي على الحجية

العصر اجه بــــس دخل للغرفة كتلة خابر امي ....

جاب التليفون واجه كعد يمي

اتصل عليها فاتح المايك اول مانفتح الخط نطقت

:- الوو

- اجالي صوت غـــــدير تبجي ...جمدت كلي.

...

نــــهله::- واكفة بالمطبخ اسويلهم جاي واجالي ادريــــــس يدور على الماسحة

:- هــــا شسوي بيها

:- نطينياها بربج هاي انطيتهم مجال مسويني منصبة يضحكون عليه

:- يا شكو

بــــسام::- ابو الـ...... ارتاحيت هسه ارتاحيت

عـــــلي::- شبيك راح ياخذ رأي مرتة ويجي شفت شلون معدل خطبتلك

بــــسام::- باوعتله بطرف عيني رجع دخل ابو اسمر وكفنا اثنينا خزرني دنكت عيني بسرعة شدعي عليك عـــــلي ورطتني

ادريــــــس: :- اي استاذ بــــسام شوكت نفصلت شوكت لحكت تحب ناصب علينا انـــتَ

:- لا سيــــدي العفو منك ما احب ولا مخلي عيني عليها

عـــــلي ::- جذاب

بــــسام::- واللـــه سيــــدي رايدها على سنة الله ورسوله وغلات امي ما مباوع على البنية بنظرة غلط بــــس ما اشوف انسانة تناسبني اكثر منها

عـــــلي::- جذاب

بــــسام::- سيــــدي بكيفك

ادريــــــس::- اكعد اكعد وعوفوا الضحك والشقة حاجيني عدل مو. لعبة السالفة. ماصارلك شهرين تزوجت ونفصلت مو صح

:- صح وتعرف سبب الانفصال

:- اذا انـــتَ ماتشوف انسانة تناسبك اكثر من غـــــدير ليش ما تقدمتلها من الاول ليش رحت الغيرها وهسه يله رجعتلها

عـــــلي::- تسمحلي اتدخل واوضحلك

جان خجلان منك خاف تلومه وتكله مأمنك عليها وثاق بيك وانت مخلي عينك عليها رغم نصحتة وكتله ابو اسمر مايفكر بهل طريقة بــــس ما اخذ بنصيحتي

ادريــــــس::- مطلق انـــتَ ما انطيك مره لو هي الصارلها شهر منفصلة تخلون بيها الف لوله وعيب بيك خير متقدم من الاول مو رحت جربت غيرها يله رجعت عليها اعذرني

عـــــلي ::- شنو سيــــدي ترا هي تحبه وهو يحبها حرام توكف بوجهم

بــــسام::- هاي هي سيــــدي التشوفة انـــتَ مناسب يصير من رخصتك

اخذت عـــــلي وطلعت مغثوث ماجان يشاقة وحجية بجدية..

نــــهله::- طلعو الولد اجه يمي للمطبخ يحجي عاكد حاجبة

:- غـــــدير تحب بــــسام؟

- التفتتلة فازة هزيت راسي لا وكلبي دك حيل

:- بــــسام خطبها

:- شنوو مو هسه نفصل

:- اي وهسه اجه على غـــــدير گـــــال اذا تقبلون اجيب اهلي شوفي نــــهله بــــسام معدل بــــس غـــــدير تتعب عنده حاجي البنية انتِ وسولفيلها كلشي

:- شسولف غسلت ايدية ومشيت كعدت يـــــمة محتارة گـــــال

:- شوفي اول شي ابوه واحد غثيث ماينجرع ثاني شي امه خطيه مريضة ثالث شي اعمامه حقنة واللـــه مره صارت عدهم مناسبة ورحنا لعبت روحـــــي بــــس اخذي بــــسام ذهب صافي سبع

:- صفنت ساكتة محتارة واتذكر حال غـــــدير بيوم عرسة معقولة تحبة

انتظرت الجهال اجو من امتحانهم ونوب اجت هي. بقيت ساكتة العصر دخلت يمها للغرفة اوكل مصطفى واحجي وياها

:- اجو عليج خطابة اليوم

- فزت تباوعلي

- منو

- ناس بــــس كنالهم تدرس شتكولين انتِ

غـــــدير ::- دنكت اشخطب بدفتري وكلبي يدك حيل نفـــــسي وروحي وكلبي رايدات بــــسام بــــس بلوقت نفسة أريـــــد أخلص عــــمة من حملي كبرت واني بعدني اخذ مصرفي منها لشوكت رجعت باوعتلها ابـــــتسمت

:- شتفصلين البس التكولين عليه اسوية بدون ذرة تردد

- بــــسام الخطبج

:- شهكت وفكيت عيني على وسعها مصدومة التفتتلي. رافعة حاجبها

:- تحبينة ولج غديره؟

- دنكت ساكتة وكلبي ينتقض بقوة ارجف كمت مرتبكة وخايفة كالت

:- عمج يكول تتعب بــــس بكيفج شنو الانتِ تردينه يصير

- رفعت راسي اباوعلها احس وجهي راح ينفجر

:- بشنو اتعب؟

ابـــــتسمت تباوعلي

:- ليش ماكتيلي تحبينة ليش تضمين بكلبج

:- خفت عــــمة ماكدرت احجي

:- ادريــــــس يكول ابوه غثيث وقرايبة حقنة

ومن جهه ثانية امه مريضة لازم انتِ ادارينها وماتقصرين بشي وياها لان باجر عكبة تتحاسبين عليها هي لاحول ولاقوة يعني تبقى مسؤليتج لازم ادارينها اكثر من روحــــــج وبيت وزوج ودراسة مستعده الهل مسؤلية انتِ

:- هزيت راسي اي ودنكت ميته خجل كامت عــــمة طلعت اسمعها تحجي ويا عـــــمو واني بــــس أريـــــد انزل الفاطمه واحجيلها

نــــهله::- ما مقتنعه متردده وماكدر اكسر بكلبها وخاصة ادريــــــس يحمد بــــسام واني هم اعرفة بــــس خاف ماتتحمل كل هل مسؤلية

اخذت مي أريـــــد اغسل مصطفى وهي كاعده بجربايتها وجها احمر ابـــــتسمت وجريت صوفي الحضني غسلته ورجعت نومته وكفت

سحبت المنشفة امسح حلكة بالغلط اجه يفوت اصبعي بعينة بعدت ايدي فازة بلعت ريك ورجعت قربت اصابعي العينة مايرمش

:- مصطفى

- شمرت الاغراض بالكاع وجريتة الحضني

اقرب اصابعي لعيونة مايرمش ابني مايرمش

مصطفى

غـــــدير:- كمت فازة اجيت يمها. وهي تخبلت. تحرك بعيونه وتصيح

:- مايشوووف ابني مايشوف.

اجه عـــــمو ادريــــــس يركض. وهي تلطم على صدرها وتبجي سحبه عـــــمو منها يحرك أيــــدة كدام عيونة ..تخبلت عليه ملخت نفسها وعمو يتوسل بيها بــــس كومي ناخذة للمستشفى

يابة روحـــــي راحت. عـــــمو واسمر يردون يشيلونة وينزلونه الدرج مايكدرون. كوه نزلوه وعمه نزلت وراهم تركض وتبجي.

شخطو السيارة بسرعة راحوا

كابلت الجهال ابجي من كل گـــــلبي خاصة من شفتها بالبداية رادت هي تشيلة وماكدرت طاحت

لان سمن بشكل مو طبيعي قبل جان ضعيف

مايكدر ياكل هسه هنا تخلطله الاكل بالخلاط

وكاعده يـــــمة اربعه وعشرين ساعه كلساع توكله قبل جانت تخلص طول اليوم بالسوك تشتغل..وماتلحك

سمعت تليفونها يدك ركضت للغرفة. جــــمرة كاتبة

رديت بسرعة ابجي

جــــمرة::- شكو غـــــدير امي وين شكوو

- جمرره اخذوا مصطفى للمستشفى

جــــمرة ::- سكتت احس النفس انكطع حاجاها أبــــــهر

:- شكو شبيه

:- تخربط عــــــيونة مايشوف

:- شوكت راحوا

:- قب قبل شوية

:- من يرجعون طمنينا

جــــمرة::- سد التليفون يباوعلي واني بــــس ارمش بعيني

::- اخذني الهم

- نزلن دموعي بسرعة ااخ يلذلة الاتحملها الخاطر شوفة اهلي ..سحبت ادية ثنينهن بستهن ودموعي تنزل

:- ابوس ايدك بــــس خلي ارووح مصطفى هذا روحـــــي اموت اذا صار عليه شي امووت

سحب ادية مني وكام من يمي

:- هسه يطمنونا عليه

::- ارررريد اروح أريـــــد اشوفه

عافني وطلع من الغررفة. تخبلت اغلط واسب ابجي وادعي احس راسي صار نصين يمكن مرت ساعة ورجع فات للغرفة التليفون بأيدة يحجي

:- وهسه شلون صار ....الحمدلله على سلامتة هاج عــــمة هاي جــــمرة وياج

- اجه كعد يمي واني متمددة سمعت صوت امي رايحه روحها وكوه تحجي

:- هــــا يـــــمة جــــمرة

:- شلونه مصطفى

:- الحمدلله لايضل بالج زين

::- عــــــيونة الاحبهن يـــــمة عــــــيونة صدك عمن يـــــمة احجي

- سمعتها تبجي گـــــلبي احسه يتفتت اخذ التليفون حاجاها وسد الخط يباوعلي

:- اخذني اشوفة عشر دقايق ورجعني واللـــه حرف ما احجي بــــس اشوفة

هز راسه لا

وطلع من البيت فرفحت روحـــــي كد مابجيت وين يله رجع ملابسه متربة وايده مجروحه وجــــهة تعبان حيل حرف ماحجة بــــس سبح ومد فراشة ربع ساعة وفك حلكة

جريت تليفونة من جوه المخده شفتها ب12:10 بالليل

رجعت شمرت التليفون يـــــمة لمحت المفاتيح كمت على اطراف اصابعي اخذتهن وشلت الصاية والشال طلعت من الغرفة ارجف

لبست بسرعة وصوت المفاتيح يهتزن بايدي

وكفت أريـــــد افتح باب المطبخ الداخلي وايدي ترجف حيل ماسيطر على المفاتيح ولان ماريد اطلع صوت شكد مر وقت يله كدرت افتحه

وركضت للباب الخارجي اجرب بالمفاتيح. فتحتة وطلعت

الباب الرأيسي ولا مفتاح فتحه شمرتهن بالطارمه ورفعت ايدية جلبت وصعدت فوك الباب طفرت للشارع مــــحد جان موجود جان البيت بفرع وبنهاية الفرع شارع عام

مشيت مستعجلة واتلفت ارجف كلي كل شوية عاثرة بشي.نكطع نفـــــسي بــــس كملت الفرع وصلت للشارع الرأيسي كله. محلات وهوسة وازدحام سيارات حسيت نفـــــسي هاي هي خلصت بقيت واكفه بمكاني اتلفت أريـــــد اشوف تكسي فارغة وأأجرها حسيت ايد على خصري شهكت حيل وهو سحبني ويحجي بأذني

::- عمر بالمستشفى يم امج جــــمرة لاتخليني اتصرف شي اندم عليه بالج تصرخين

فاتحة عيني على وسعها رفع أيــــدة يجر بحجابي على كصتي ويقرب ايدة من خشمي حسيت نفـــــسي دخت وعيوني غوشن مشاني بيدة فتح باب سيارة صعدني

دنكت راسي ما اشوف شي واريد استفرغ. بقيت مغمضة عيني وكلبي يوجعني.

حسيت عليه يسحب ايدي من السيارة فكيت عيني مسطورة دخلني للغرفة يفتر ويصيح بكل صوتة

:- شسووويتي شسووويتي

- تقيئت روحـــــي راحت اجه يركض عليه سحبني للحمام يغسلي. كعدني بالحمام وطلع جابلي ملابس والتليفون على اذنة يحجي ويا عمر

:- ارجع هسه أريـــــد شقة هسه مادري دبرها بسرعه أريـــــد اطلع من البيت

- رجع كعد يمي يريد يغير ملابسي دفعتة من ايدة. رجع سحب ملابسي غيرهن وسحبني من ايدي للغرفة خايف ومرتبك وكل شوية يتصل بــــس اني مسطورة ماعرف شمالي من يميني.

لم الاغراض بسرعة وطلع من الغرفة رجع بأيدة منديل ويباوعلي متمدده بــــس فاتحة عيني كعد على اركبة كدامي

:- وين اوديج اذا عرفج قسام وين اضمج منه شسويتي جــــمرة شسويتي

- حجاها ورفع المنديل خلاه على وجهي تنفست باستسلام طاقتي صفر غمضت عيني وماحسيت بشي

كعدت لكيت نفـــــسي بغير مكان راسي يوجعني

حيل وجفني ثگيل. الغرفة الاني بيها ظلمة وحارة بقيت متمدده جسمي مهدود ماكدر اكوم اكثر من نص ساعة اني بــــس فاتحة عيني

التفتت على فتحت الباب دخل بيدة علاكة عافها بالگاع واجه سحبني من ايدي كعدني دفعته امسح بوجهي

:- سنايبر

_ التفتت عليه خازرته

:- كومي غسلي واكلي راح تموتين من الجوع

- رجعت تمددت اجه عليه سحبني حيل وكفني

:- وخرررر وخررر عـــــوفني

:- دفعني للحمام غسلت وبقيت كاعده

شوية دك الباب فتحته اخذت الملابس منه

بدلت وغسلت وطلعت اباوع شقة صغيرة بــــس تشبهه تصميم البيت الجنة كاعدين بيه غرفة وحمام والصالة نفسها مطبخ

رجعت كعدت بالغرفة اباوعلة كعد يمي يريد يوكلني

:- ليش اجينا هنا؟

:- قسام مراقبني

:- اني شنو علاقتي رجعني الاهلي شنو ذنبي تفتر بيه من مكان المكان

:- اكلي بسرعة عندي شغل أريـــــد اروح

- دفعت ايدة مني ::- مااريد

عاف الاكل بالصحن يباوعلي ويتحسر

::- جــــمرة اليوم اطلع الفلوس وينتهي كلشي بالكثير تحملي يومين بــــس خلي اندل اخواني بــــس اصبري عليه هل يومين

:- حارك الدنيا على اخوانك مو المفروض تحس بيه أخـــوي بالمستشفى وحارمني منه حتى رب العالمين مايوفقك ويساعدك تلكه اخوانك

:- وعد اخذج بــــس الكاهم

:- أريـــــد ارجع الهذاك البيت اقلها اسمع صوت الناس وماحس نفـــــسي وحدي ماريد ابقى هنا

:- ليش شردتي ما اكدر اجازف اذا قسام فعلا مراقبني هاي مصيبة ثانية

:- مسحت وجهي ساكتة ورجعت باوعتله

:- خابر امي أريـــــد اطمئن على مصطفى

رجع خابرها حجيت وياها گـــــلبي متكطع عــــــيونة بعد مايشوف بيهن تبجي بقهر وانا روحـــــي احسها تطلع سد التليفون

لزم وجهي ابين ادية يمسح بعيوني ويحجي

:- وحك عيونج بــــس اعرف مكان اباذر ودرة هل يومين راح ارجعج الاهلج

:- نزلت عيني مابيدي حل ماعندي غير طريق

هزيت راسي اي شال الاغراض وطلع كمت غسلت واجيت يـــــمة

:- باوع

- التفتلي بسرعة

:- باوعت

:- راسي يوجعني حيل

غسل ادية واجه عليه يرص اصابعة على راسي

:- منين يوجعج

- اشرتله على نص كصتي. مغمضة عيني

:- منا

-:هسه اراوح اجيبلج بندول واجي تعالي

- مشيت وياه للغرفة كعدت وباوعتله

:- ماريد بندول مايصير

باوعلي ساكت ماسأل ليش اجه يمي كعد وطبك رجلية دك على رجلة

:- تعالي خلي راسج هنا اعصره بلكي ترتاحين

:- تقربت خليت راسي على رجلية. يدلك باصابيعة غمضت عيني بــــس أريـــــد ارتاح

وين يله حسيت عليه وخــــر راسي من رجلية نزلة على مخدة گـــــال

:- رايح انا جــــمرة

:- هزيت راسي اي مغمضة نمت وهو راح نز جسمي وفزيت من سمعت ضربات على الباب كمت على حيلي.

طلعت من الغرفة اسمع الباب الحديد ينضرب بحديدة بقيت واكفة بمكاني ساندة ظهري على الحايط ويا كل ضربة گـــــلبي يفز واقنع بنفسي

ضيع المفتاح وكسر الباب. نضرب اخر شي وصار هــــــدوء بقيت ساكنة بنفس المكان بــــس النفس يصعد وينزل منتظرة يدخل. نجر شيش بقوة من الباب فزيت وندفع الباب

ثواني وفات شخص بيدة حديدة

واني على نفس الوكفة لاحجاب ولاشي

بــــس اجر نفس بقوة وارمش بعيني دخل يباوعلي ويبتسم يهز براسة

وجــــهة يلعب النفس ورجلة تخط وراه

تقرب على جهة وكف شمر الحديدة من ايدة فزيت ورجعت ليورة اكثر أريـــــد انطق ماكدر التفتت للباب من سمعت صوت وهو بسرعة صار على جهة وجر سلاحة رفعة باتجاهي فكيت عيني وكلبي يدك بكل قوتة. عين على فوهة السلاح وعين على الباب.

دخل الأبـــــهر بهدوء راسا رفع سلاحة عـــــليه وصاح

:- قساااام

- قسام ضحك يباوع للابهر وسلاحة عليه تمشى أبــــــهر بهدوء وكف كدامي رافع اسلاحة باتجاه قسام الحد ماوصل يمي وكف جلبت بظهرة ارجف. وقسام يضحك من كل كلبة

قسام ::- هههههههه ترفع سلاحك عليه بــــس مو كدها جم مرة رفعته وماتكدر تسويها وتعرف شنو اليصير وراهااا ههههههه

الأبـــــهر -: نزل اسلاحك

- تلعب من وراي

- امانة عندي

:- هههههههههه قصدك نقطه ضعف الك انا ماحب اليشتغلون عندي تكون عدهم نقطة ضعف ياتنطينياها اخليها بمكان أمن يا ندفنها هنا وتأمن عليها وكل يـــــوم ترش كبرها بمي

جــــمرة ::- جلبت بقوة واهمس باذنة

:- ماريد اموت ماريد اموت اختل بروحي وراه ماريد السلاح يوصل الي. عاط قسام بصوت عالي فزينا ثنينا اني والابهر رجع ليورة اكثر من صاح

قسام ::- نززززل سلاحك تدري بروحك ماتكدر تكتلني

جــــمرة ::- نزل سلاحة شوية شوية واني مجلبة اتوسل بيه ::- ماريد اموت ماريد امووت لاتخليه يكتلني

رجع الأبـــــهر رفع ايدة خله سلاحة براسة وضحك

الأبـــــهر ::- ماكدر اكتلك صح هههه بــــس اكدر اموت وانت تنكتل وراي عندك يوم واحد بعد اذا ماسلمتك الفلوس تنكتل

قسام ::- تلعب وياي؟

-تربيتك الخايسة تعلمنا العب منك

:- نتحاسب على وكفتك هاي ورفعة ايدك ؟

:- نتحاسب ماورانا شي تعودنا!!

:- الساعة 9 تسلمهم الفلوس الساعة 10:30 الكاك بالمخزن

:- صار

:- تبقى طول عمرك تشتري ارواح التحبهم مني.

جــــمرة::- حجاها ونزل اسلاحة طلع من البيت والابهر وكع على اركبة كوه يجر النفس رجعت كعدت بالكاع ابجي وما مستوعبة شنو الصار

حسيت روحـــــي طلعت من الموت كلامهم يتردد بعقلي ومامتسوعبتة. التفت زحف علية صاح

:- ليششش شردتي ليشش كل ماتجي فرصة تضيعينها مني

- اباوعلة وارجف ما مستوعبة كلامه كام بسرعة سحبني من ايدي للغرفة صاح

:- بدلي بسرعة

- مسحت دموعي جريت الصاية البسها واشهك وهو اتصل على عمر ينتر بصياح

:- بسرعة تعال اخذ مرتي للبيت البـ المزرعة

بسرعة .....قسام عرف

راح انطية الفلوس

اروووح اروووح اذا مارحت يكتلها بسرعه عمر

- سد التليفون والتفت عليه بلعت ريك بخوف همست

:- ماتكدر تحميني انـــتَ؟

عافني احجي واجه شال الاغراض خلاهن بصالة كعدت هادئة ادري بيه لو شما احجي واقاوم هم راح يخليلي مخدر استسلمت من البداية بــــس اجة عمر دخل بيده الشيشة وكلينس غمضت عيني وجريت نفس مايباوعلي سحبني من ايدي نومني وخلاها على وجهي عيني بعينة واتنفس شوية ونمت

وره وين يله كعدت نفس البيت الجنة بيه قبل لايموت علول كمت طلعت من الغرفة مــــحد موجود جاي اطلع من البيت لمحت عمر كااعد رجعت للغرفة لبست شالي وطلعت. بــــس لمحني كام بسرعة

:- تعالي خوية كعدي هنا

- مشيت كعدت على كرسي باوعتله مرتبكة سألته

::- الأبـــــهر وين؟

- التفت باوعلي ورجع دار وجــــهة

::- عد قسام

-:شنو يعني؟

:- جانت عنده فرصة وحسب غير احساب بــــس نقلب كلشي ضده

:- يعني قسام ديضربة؟

- ابتسم وفرك وجــــهة بحيرة گـــــال

::- كل مره من جـــــندل يسوي شي غلط قسام يخلينا احنا نظربة اني وعلول قبل لايموت هسه مادري عنه شي

:- دنكت النفس حسيتة يوجع گـــــلبي راح برجلية ويدري بيه يعذبة رجعت باوعت العمر

:- ماتكدر تساعده

هز راسة لا

بقيت ساكتة وروحي تلوب اتذكر شكل الجروح البجسمة اول ماشفتة. وكلبي ينطحن

فززني صوت عمر من حجة

:- لو ماشاردة ماصار كل هذا

- رمشت بعيني اهز راسي لا ماريد اكون اني السبب عفتة وفتت للغرفة. . اقنع بنفسي مو اني السبب......

مثله اني مثله هو سوه كلشي حتى يشوف اخوانة واني شردت بــــس حتى اشوف اخوي

فات اليوم واني ساعة الوم نفـــــسي ساعة اكول لا مالي ذنب مو بسببي ساعة اتخيلة شلون يتعذب وتشيط روحـــــي الليــــل مر وماكدرت اغمض عيني وانام خايفة وما مأمنة

للصبح كاعدة. كمت طلعت للحمام عمر نايم برا البيت اشوفة من الشباك

ردت افتح الباب طلع قافلة وفز من سحبتة

فرك وجــــهة واجه فتحه

:- ماعرفت شي عن الأبـــــهر

- هسه راح اروح بــــس لازم اقفل عليج الغرفة

- هزيت راسي موافقة رجعت دخلت للغرفة قفل الباب وراح. اباوع من الشباك الزرع الجان اخضر كله يابس مابيه روح مثلي بالضبط

صار الظهر وهو ماكو بطني تكطعت من الجوع

شوية وسمعت صوت سيارة فزيت وكمت يم الباب. بــــس اريده يفتحلي الباب سمعت دخلتة للبيت والباب مــــحد فتحة الي دكيت عليه وصيحت

:- عُمر

- ما اجة رجعت دكيت وصيحت ..فتحلي الباب يلهث تعبان حجيت بلهفة

:- وين الأبـــــهر

- اشر راسة على الغرفة الثانية ركضت وهو صاح

:- اوكفييي

ماهتميلته فتحت الباب بسرعة

:- أبــــــهر

نطقتها وبقيت متبسمرة بمكاني ارمش بعيني حيل بلعت ريك داخلي يرجف. .....

نــــهله::- تعلم گـــــلبي على الصدمات اكول الحمدلله وشكر ارادة رب العالمين بــــس شبيدي يفرفح گـــــلبي على ولـــــيدي

طلعونا من المستشفى

كابلتة وكعدت

:- بعد ماتشوفني يا ضوة عيوني

دنكت بست عيونة الحلوات ودموعي تصب

لا اعتراض على حكمك اللهي

تذكرت حجي اول دكتور اخذتة اله كل الكاله جاي يصير. نمت يـــــمة بــــس احضن بيه واشمة حتى الجهال مادرستهم امتحانهم

كعدت الفجر صليت وكعدت ادريــــــس

الدوامة عفتة ودخلت اسويله ريوك اجة وراي

محتار شيحجي وبيا طريقة يواسيني

:- نــــهله

- التفتتلة صوتي محتقن :- هــــا عيني

:- واللـــه لو اعرف اكو علاج المصطفى باخر دولة هم اخذة بــــس مابيدي شي

:- هزيت راسي مدنكة ::- الحمدلله على كل حال

-مد أيــــدة يريد يسحبني الصدرة وخايف من ردة فعلي سحبني بهدوء الصدرة يطبطب على ظهري

:- لاتنقهرين تمردين روحـــــي"

- مسحت دموعي وابتعدت. ::- شيقنع گـــــلبي وما انقهر واني اشوفة يذبل كدام عيني يـــــوم وره يـــــوم

:- بيدج شي ومقصرة؟

:- هزيت راسي لا

:- الله خالقة وحر بعبادة تعترضين على ارادتة

:- لا اعتراض على حكمة

:- فدوه اروحلج لاتقهرين روحــــــج الله كريم

-بقى يمي بالمطبخ يصب جاي ويساعدني كعدت اتريك وياه گـــــال

:- شكول البسام هسه

:- انـــتَ شتشوف؟

::- بــــسام مايتعيب بــــس كتلج المشكلة الوحيدة ابوه واعمامة غثيثين

:- كتلها هل حجي

:- اممم

- باوعلي مبتسم ابتمست دنكت

:- هي رايدته

:- هاي هي دام هي رايدته نسحله الها

:- حجاها وباوعلي اكو سالفة بحلكه يريد يحجي ويضحك شربت الجاي وهزيت راسي

:- شكو

:- الله شكد يحبني ورزقني بوحدة مثلج يابة بــــس شوفتج ترد الروح

:- تراك جبتنا سحل مثل ماراح تسحل بــــسام سحلتنا

:- ههههههههههههه لا تصيرين لوتية عجبتج خليتي عينج عليه

:- ياااا

:- واللـــه لعد شنو

- ضحكت الضحكتة ::- لعد منو الكتل نفسه وبس اقبلي وعفية وفدوة هااا اذكرك

حك لحيتة مدنك گـــــال

:- واللـــه انا خليتج براسي كلت اخذها اخذها لو بعد عشر سنين

:- ديله بعد لا تكول خليتي عينج عليه ترا اطلع سوالفك

:- ضحك وكام راح الدوامة كعدت الجهال راجعتلهم امتحانهم وراحوا وغدير واسمر هم طلعوا

ساعتين ساعتين ونص واجه اسمر وجــــهة اصفر ويلهث. راحت روحـــــي بــــس اريده يحجي

مخلي راسه ابين ايديه ويلوب جبتلة مي واجيت اركض

:- ولك بــــس احجي شبييك شصاير

- رفع عينة باوعلي مختنك حجة بخوف يرجف

:- واللـــه يذبحني بابا

- لطمت على وجهي ::- صخااام الصخمني شسوويت

:- ما ادري ما ادري جنت طالع وياا زميلتي رحنا للمطعم ما ادري شصار كعدت لكيت نفـــــسي نايم وياها بغرفة واللـــه ما اتذكر شصار

:- يـــــمة ولك شسويت تعزززينا ولك اسمر شسويت منين البنية اسمر

تخبلت ادك والطم وهو يضرب براسة ويصيح

:- ما ادري شصار واللـــه ما ادري

يتبــــــع⋆𓍯

الكاتبة أيـــــــلول⋆𓄼𓂁

🌿💚

.

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

الجرح لو طاب هم يترك نياشين  ..

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة. ::- همست صوتي رايح وبلعومي متشخط

::- الأبـــــهر

نطقتها وجمدت بمكاني حرك راسة بصعوبة من المخدة التفتت عليه شهكت حيل ارجف حجة بتعب

::- طلعي ...طلعي بره

- سديت حلكي بيدي  متخبلة من منظرة عينه المورمة وزركة ملابسة المتروسة دم ورجلية الصايرات شكدهن من الورم

::- رووحي

عمر ::- بــــس ارجعي الغرفتج بــــس عوفيه

- درت عيني العمر جامدة كلي دخل وسد الباب رجعت للغرفة الثانية صريخ بروحي منظرة اكل گـــــلبي اكل

كعدت بالگاع لامة رجليه الصدري وارجف

يتخيلي وجع جروحه بجسمي"

دقايق وسمعت صياحة متوجع اسد اذاني گـــــلبي نزرف تمددت هادئة اسمع صوتة ودموعي تنزل بقهر الحد ماراح صوتة بقيت بمكاني أريـــــد اطلع أريـــــد اشوفة ومالي حيل اتحمل شكلة هيج

اكثر من ساعتين مرن وندك الباب صوت عمر

:- خوية هذا غداج

لبست شالي وفتحت باب الغرفة باوعلي ساكت بيدة صينية اكل. مسحت وجهي وحجيت

-: أريـــــد اشوف الأبـــــهر

:- عوفية هسه

:- تكدر تاخذة للمستشفى؟

هز راسة لا

:- هسه اروح اجيبله علاج بــــس الزمي اكلي

-: ماريد روح بــــس لا تقفل الباب خاف يحتاج شي

سديت باب الغرفة وكعدت منتظرة عمر يطلع من البيت بــــس سمعت صوت السيارة طلعت

فتحت الباب على كيف دخلت على اطراف اصابعي كعدت يمة على اركبي

عمر غاسل جسمة اوجهه بــــس شنو اليخفي اثر جروحة ماراحن بالمي مانغسلن اباوع بوجهة ودموعي غصب عني ينزلن

شضعفني هيج واثر جرح يبجيني "

عقج وجــــهة موجوع مسحت دموعي بسرعة يريد يسحب ايدة من جوه الغطا مديت ايدي أريـــــد اوخر الغطا عنه حتى يكدر يرفعها رفعتة عن ايدة واباوع بوجهة دنكت عيني الايدة من ماحركها. شهكت ورجعت ليورة فازة فك عينة يباوعلي بتعب واني عيوني ماكدرت اشيلها من ايدة المابيها اظافر مكان الاظافر عبارة عن قطعة حمرة ومورمة كل اصبع صاير بكد ايدي

::- روحــ..... روحـــــي

:- بجيت ::- والله ما ادري هيج راح يصير بــــس ردت اشوف مصطفى والله مادري بيه راح يعذبك.

زحفت يـــــمة رجع غمض عيونة مديت ايدي ترجف رفعت ايدة ابين ايدية امسح عليها واحجي صوتي يرجف كلمة مانطق ولا رجع فتح عينة رجعت نزلت أيــــدة يـــــمة مسحت وجهي

ما اعرف شنو الاسوية شنو الازم اكولة كل الاجة ابالي اتمدد يـــــمة رفعت الغطا وتمددت مخلية راسي على صدرة لف أيــــدة على راسي يون موجوع صك سن على سن وحجة بخنك

::- ااخ جــــمرة

:- ما اشرد بعد بــــس صير زين ما اشرد التوبة

بسته بخده واحلفله ما اشرد لمني بحضنة حيل من التعب والسهر بس أمنت نمت

وره وين يله حسيت نفـــــسي محترة ومختنكة

فتحت عيني صايرة جوة كتفة رفعت راسي اباوع بوجهة لاصق جروح على وجــــهة بخدة ويم عينة وبكصتة

رفعت ايدي مشيتها على خدة فتح عينة لمحني رمش بثگل وسحب أيــــدة مبتعد عني كعدت على جهة حاول ينگلب لجهة الثانية ويا كل حركة تشوغ روحة ويشيط

كمت على حيلي أريـــــد اروح للحمام حجة بتعب

::- لا ترحين لهذيج الغرفة عمر بيها

- لبست شالي ومشيت اريد افتح الباب گـــــال

:- غداج بالمطبخ اكلي !!

-طلعت للحمام غسلت ودخلت للمطبخ عمر عازل اكلي ومواعين وصخة الظاهر ماكلين هو وياه اخذت صحن وخاشوكة ورجعت للغرفة يـــــمة باوعلي ودار وجــــهة كل شوية يگول

::- ااخ يا يـــــمة

خليت الصحن يـــــمة وكعدت غمض عينة حيل وجر نفس بحسرة

:- أبــــــهر

- دار وجــــهة مني مايريد يشوفني ولا يسمع صوتي. اخذت الصحن ورجعت للمطبخ. اكلت شوية غسلت ورجعت فتت للغرفة كعدت يم الشباك وهو نايم بقيت اباوع على الزرع الاصفر

رجعت درت وجهي اباوعله يتكطع گـــــلبي من ينوجع ويون شوية وسمعت صوت بزونة من يم الشباك التفتت ادور لمحتها جبيرة وياها طفلاتها ثنين صغار مديتلها ايدي

::- بسبس بسسس

شردن لبعيد وندك باب الغرفة صوت عمر

فتح عينة الأبـــــهر باوعلي وتحمحم

::- لبسي شالج

- لفيت الشال على شعري وهو يباوعلي لمن كملت كاله

:- تعال عمر

- دخل عمر بيدة علاكة علاج

عمر :- هــــا شلونة ابو الجود

-حجاها وتقدم على الأبـــــهر خله ايدة جوة راسة كعدة واني اراقب من بعيد

-خله مخدة وره ظهرة والابهر،مغمض عينة موجوع  لمن استقر كعد عمر بصفة فتح العلاگة طلع منها شاش ومعقم راسا رفعت عيني بعين الأبـــــهر أشرلي،براسة روحـــــي هزيت راسي لا

الأبـــــهر ::- كومي بهذيج الغرفة

:- ما أريـــــد

:- كووومي

:- ليش؟  ....دنك راسة ساكت وعمر اتدخل

عمر ::- بــــس شوية وتعالي

-كمت طلعت من الغرفة لمحت باب البيت مفتوح طلعت بسرعة افتريت من ورة كعدت يم الشباك مخلية بــــس عيني ظهر،عمر،عليه والابهر،الا يباوع الجهتي يله يشوفني

نزعة قميصة وفتح الشاش من صدرة سديت حلكي بيدي. ماريد ينتبهولي كل جسمة ازرك اثار ضرب وفوك گلبة على الاثر القديم جروح ثلاثة بالطول ومفتوحات بدون خياط كاتم نفسة وعمر يعقم بيهن وهو كل شوية لازم ايد عمر وشايطة روحة لمن كمل. ولفاهن جر الغطا من رجلية جانن نص اصابعة بدون اظافر ومورمات منظرهن يبجي الگلبة من صخر اباوعلهن وعيوني طاكات فززني صوتة من نطق بفزع

::- جــــمرة

- رفعت عيني باوعتله وعمر راسا كام يركض حسبالهم راح اشرد وهو عينه بعيني

:- الزرع خطر بالج تفكرين

:- ما أريـــــد اشرد ليش تطردني من يمك

- سكت عينه بعيني وعمر وكف فوك راسي يلهث

عمر ::- صدك جذب منين طلعتي

الأبـــــهر ::- كتلك ديربالك هاي سنايبر

جــــمرة ::- كمت نكثت ملابسي من التراب واحجي وياه

::- انـــتَ عايف الباب مفتوح

- دمشي امشي شلون ورطة هاي بالابهر ومرتة

- مشيت گدامه الغرفة الأبـــــهر. اشرلي اكعد بصفة عبرتة وكعدت رجع عمر يريد يعقم رجلية واني مخلية عيني وياه. لحد ماحسيت ايد الأبـــــهر لزمت ايدي التفتتلة اجر النفس كوة وكلبي يريد يطلع من مكانة گال بصوت ناصي

::- لا تباوعين

- يباوع بعيني وكل ما أريـــــد التفت واباوع لرجلية يسحب ايدي عليه اكثر مانعني التفت. واني مراقبة نزة جسمه من ينوجع ويكتم بــــس يسد اسنانة بقوة يكز عليهن لو يعض شفتة. لمن كمل عمر

حجو باسماء غريبة علمود شغل سلم عمر وكاله مرتك تعشيك اشوفك باجر وعلاجك اخذة

الأبـــــهر ::- ديربالك وانتبه زين

عمر::- اقفل الباب؟

:- نطيني نسخة واقفلة من تطلع

- فتحوا المفاتيح اخذ نسخة الأبـــــهر ونسخة عد عمر سلم وراح.

:- شنو انـــتَ زعلان مني ...

ماحاجاني دنك حاول يرجع يتمدد تقربت نزلت المخدة اله نزل جسمة ساكت تغطه وغمض عينة

:- أبــــــهر

:- هممم

:-  زعلان مني

:- اخذتي فرصة عمري هاي ثاني مرة احسهم يضيعون من بين ايدية

:- مو ذنبي

:- ابقي ليصي الدنيا وكولي مو ذنبي

:- سكتت وهو رجع نام جريت مخدة بصفة خليت راسي مانعسانة بــــس صافنة شوية وگام يرجف ويسحب بالغطا عليه ابتعدت وهو بــــس يون

زحفت يـــــمة

:- شبيك أبــــــهر؟

:- غطيني

- كمت من يـــــمة جريت بطانيه غطيته هي الغرفة حارة وهو يرجف وعركان مسحت وجــــهة بايدي

:-  مصخن انـــتَ أبــــــهر اكعد

وخرت البطانيه منه وادغة بكتفة

:- اكعد كلي شسوي مصخن انـــتَ

- فتح عينه بتعب باوعلي ورجع غمض

:- أبــــــهر حاجيني ، تشرب علاج

:-كـ كمادات

:- والجروح شلون....

سكت. كمت من يـــــمة جبت مي ورجعت ابلل شالي واخلي على كصتة ينز جسمة فاز.... تعــــبت اكتافي احسهن تكطعن وهو بــــس يون وين يله نزلت حرارتة وفتح عينة باوعلي رفع راسة خلاه على رجلية

:- جوعان جــــمرة

:- تگوم تسويلنا اكل؟ اني هم جوعــــانة

فتح عينة باوعلي ورجع يظم راسة بحضني اكثر

:- للحمام مابيه اگوم

:- لعد اني ماعرف اسوي شي

:- اي شي شوفي المطبخ

:- خوش وخــــر اعرف اسوي بيض وچاي

:- اخذيني للحمام بالاول

- ابتعدت. وخرت الغطا منه أريـــــد اساعده ماكدر. ثگيل وهو مايعين نفسة كوه كدرت مخلي كل حمله عليه يمشي ورافع اصابع رجلية يخطي الخطوة وتشيط روحة دخلته للحمام وبقيت منتظرتة لمن طلع ورجعتة. للغرفة تمدد ....فتت للمطبخ محتارة شسوي اكو چاي أريـــــد اشعل الطباخ اجدح بالجداحة وماكو صاح

:- جــــمرة لا تحتركين

- اشتغل الطباخ عفت القوري عليه وفتحت الثلاجة اكو طماطة وبيضتين هو الأبـــــهر لو ياكل طبقة كاملة متشبعة سويتهن طماطة وبيض صبيت چاي واخذتهن

::- يله أبــــــهر اكعد

- فتح عينه

- اجيت يـــــمة كعدته واقرب الصينية اله أريـــــده يمد ايده رفعهن يراويني

:- وكليني ما اكدر

- بلعت ريك اباوع بعينة سويت لفة فربتها الحلكة اكلها

:- تكدرين كلشي تسوين ليش تكربين عليه

:- ما اعرف مجبورة هسه

- كملنا اكل وشلت الاغراض ورجعت يـــــمة احسه حاقد عليه حتى من احاجية مرات يغلس ومرات. يجاريني ويجاوب فرشت بصف فراشة وتمددت ساكتين ثنينا شوية وكتله

::- الأبـــــهر

:- هممم

:- لو اعرف راح تتعذب هيج بسببي ما اشرد...

تحسر حيل

:- حسيت روحـــــي ضحيت بيهم اصعب اختيار من اتساومت بينج وبين الفلوس التطلعهم

:- اني شدراني صخمان مراقبك

:- هههه ااخ

- كعدت على حيلي ::- هــــا شبيك

لازم صدرة ومغمض حيل لزمت أيــــدة

::- هــــا أبــــــهر شبيك

:- الشاش لازك على جرح يمكن ،  جاي يوجعني

- زحفت يـــــمة كلش ::- يااا شلون خابر عمر

::- عمر عنده شغل تعالي بــــس افتحي وعقمية

- وكفت بسرعة جريت علاكة العلاج والمعقم رفعت راسة على المخدات فتحت الشاش منه عقمته بخوف لزم ايدي رفعت عيني اله حسبالي اذيته

::- ليش ما اكدر احقد عليج

:- لان مالي ذنب ...

عاف ايدي رجعت ادور بالعلاجات اكو عصارة رفعتها اله

:- هاي مال شنو

:- ما ادري يمكن لهاي الجروح

- دنكت اباوع من غير الجروح اثار زرك وبنفسجيات مال سوط

خليت عصارة باصبعي وامسح الاثار على كيف احتركن عيوني غصة جلبت ابلعومي

::- شلون يكدر يضربك هيج

:- كلشي يگدر

- جريت نفس ارجف مسحت وجهي

::- اكو شي اسوية حتى ما يوجعنك؟؟

::-صايرة حنينة

مشيت ايدي على صدرة وعلى اثار الجروح غمض عينة حيل وبلع ريك

:- لان مريض من تصير زين ارجع جــــمرة التكرهك

جر ايدي من صدرة الشفتة باسها

:- يعني هسه تحبيني؟

- باوعت بعينة ::- لا هم اكرهك بــــس مقهورة وكلبي يوجعني. عليك

- بعد الغطا منه وفتح أيــــدة

::- تعالي

- تقربت بهدوء خليت راسي على زندة لماني بحضنة منوجع. وساكت نمت هادئة حيل

ثلث ايام مرن رجع يحجي وياي ويسولف بــــس طول هل ايام هو ماطالع من البيت اعقم جروحة والفهن والاكل عمر يسوية النا

باليوم الرابع جنا بالغرفة. هو نايم واني اباوع من الشباك شفت نفس البزونات الصغار ثنينهن بــــس امهن ماكو هم مديتلهن ايدي وحـــدة اجتي اوحده شردت

لزمتها اضحك دخلتها للغرفة امسح عليها

وهي تريدني اعوفها وتدور براسها تريد تعض اصبعي فز الأبـــــهر على صوتها عاكد حواجبة

::- شنو هاي

:- هههه شوف اجتي وحدها دخلت من الشباك

::- اييع شمريها

:- لا حلوه شوف ...اخذتها ومشيت يـــــمة هذا المريض ومايكوم من مكانة الا اني اساعده بــــس تقربت عليه والبزونة بأيدي طفر وكام على حيلة مبتعد

وكفت على جهه

::- شنو تخاف منها؟

:- هــــا لا ..ما اخاف منها شنو اخاف بــــس ايع لا تلزمينها بيدج عوفيها

:- اخذتها ورحت يـــــمة بقى واكف بمكانة وبس ارفع ايدي ينز ويرجع ليورة

::- شوفها شحلاتها يا باوع عيونها ملونات شوف

رفعتها كدام وجــــهة صيح ورجع لبعيد خايف

باوعتله

::- هاي صدك تحجي تخاف من البزونة

هز راسة لا يباوع لأيدي واني لطشت اجي يـــــمة أريـــــد اشمرها عليه وهو يصيح ويجر بالبطانية وراه يحمي نفسة بيها افتر وراه وارفعها أريـــــد اشمرها عليه واسوي اووووه ههههههه

:- لا جــــمرة كاافي خرب

::- هههههه شبيك ماتعض مو اسد هيه

::- بــــس وخررري عني لااااا

:- حطيتها يم وجــــهة ابتعد مشمئز اضحك من كل گـــــلبي والبزونة انجعصت بيدي تريد بــــس تشرد ..

:- عوفيها يابه راح تطلعين مصارينها

:- رخيت لزمتي الها مدري شلون ندارت عليه وخرمشتني شمرتها بسرعة لازمة ايدي وهي شردت صاح

::- حيييل تستاهلين

- لزمة الشخط عاصرتة.. :: حل يحلك وحمار يحبك

:- ادري بيج حمار

:- جبان يخاف من بزونة عود هي اسد

:- ما اخاف انجبي

::- اي اي ومنو شرد منها امي كون الله يگلبني بزونة حتى ماتلزمني

:- ههههههههههـهــهــهــهه لو شما يگلبج الزمج ..

....

نــــهله::- ماجنت اعرف شنو الاسوية وخوف اسمر زاد رهبتي دك تليفونة وباوعلي عــــــيونة مدمعة

::- هيه

- اخذت الجهاز منه جاوبتها وهي بــــس تبجي وتصيح

:- تصخم وجهي شسوووي شكول الاهلي يذبحوني واللـــه يذبحوني

:- كلشي لاتحجين احنا نحلها بــــس لاتحجين

:- بسترج وستر بناتج فدوه اني بركبتج يموتوني واللـــه

- حتى ما اعرف شنو. احجي وياها سديته منها الطم هــــا ياعلي يا حاضر الشدات. احضرنا شسوي شحجي وشگول المنو اسولف

دك التليفون بايدي خالتة وداد

اخذة مني رد وفتح مايك وهي صوتها يرعد

تغلط عليه وتسب وشلون وهسه رايحه للبنية وهيج وهيج

جريت التليفون وصيحت

::- وين رايحه وين تردين تصخمين وجهنا ويهدرون دمه

:- ايطبببه مرض لعد يذبحونهاا احسن

::- بــــس اطلعي منها ولا ترحين لاهلها وتنبهيم خلينا نحلها

::- شلون تحلينها شلون ست الحسن ياحل هذا البنية راح تموت نفسها

::- عليمن تموت نفسها مو هي هاي لعبتجن مو تفترين وراهم ماكفاج السويتيه بغفران وغيث لحكتي اسمر جهال اختج ياظالمة النفس

سديت التليفون بوجها واسمر ساكت مخلي راسة ابين ادية

جريت تليفوني ارجف صاح

:- راح تحجين البابا

:- بــــس اصبرلي ......

دكيت عليه رد بسرعة

::- هــــا عيني

::- الله يساعدك

:- سالمين شبيه صوتج

:- مابيه شي ماتجي للبيت؟

::- شكو نــــهله شصاير

:- ماكو شي بــــس تعال

:- نــــهله احجي

:- اسمر طالع ويا زميلته وقرايب البنية شايفينها وهي تبجي خاف اهلها. يسوولها شي

::- جايج

- سد الخط واني گـــــلبي رايح ما ادري شنو الراح يصير اجو الجهال من امتحانهم مستغربين من منظر اسمر غسلتلهم وكعدتهم بالغرفة

رجعت بصالة يـــــمة باوعلي گـــــال

::- واللـــه هي بــــس زميلتي

:- شنو الصار اسمر .....؟

فرك وجــــهة

:-  جنا بمطعم كاعدين اكلنا وطلعنا وصلتها البيت اختها وجلبت الا انزل اتعرف على اختها بــــس كعدت يمهن شوية وبعد ما اتذكر شنو الصار

::- ورطنك شيحلها هاي اسمر شيحلهاا....

سمعت صوت سيارة ادريــــــس فتحت البردة اباوعلة حتى ماطبكهــــا عدل نزل بسرعة والقلق مبين بوجهه فتح الباب مرتبك شمر السويج على الميز يباوعلي ويباوع الاسمر

ادريــــــس ::- هاا سالمين

نــــهله ::- نروح الاهل البنية

:- صلي على محمد غير تفهميني شكو

:- دنكت محتارة شحجي واسمر عيونة تتوسل

:- بنية وياه بالجامعة زميلتة

ادريــــــس ::- هاي هي هسه انتِ اسكتي

احجي انـــتَ استاذ اسمر. شمصخم

اسمر ::- بابا واللـــه ما اعرف شنو الصار بــــس جنا طالعين واكلنا ما ادري شنو بعد

:- شنو البعد احجييي

:- ما ادري واللـــه ما ادري لكيت نفـــــسي وياها بغرفة ... 

يتبــــــع⋆𓍯

الكــــاتبة أيـــــــلول⋆𓄼𓂁

🌿💚

...

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

هو آنةَ لو شايَل بخَت ، چا عَلى الاقَل لاگيتهم.

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

نــــهله ::- التفتلي ادريــــــس ما مستوعب رفع ايدة ياشر عليه ويحجي

::- شبيه هذا

نــــهله ::-بــــس على كيفك خليه يفهمك

اسمر::- بابا واللـــه ما ادري

- كعد ادريــــــس على حيلة كوه يجر النفس حاير بزمانه

::- شسويت ولك شسويت

نــــهله: :- تخبل ما مد أيــــدة على اسمر بــــس حيرتة وكسرتة وعتبه خلن اسمر يبجي ويبوس بأيدين ابوه يتوسل

نزل الأخوانة يردون يلمون السالفة بسرعة راحوا الاهل البنية واني بمكاني الوب ذيج هي مبينة لعبة بــــس شگول غير الحسبنا الله ونعم الوكيل

طولوا مارجعو واني ميتة وغدير مكابلتني وكاعدة محتارة الحيرتي وين يله رجعوا وصارت هوسة جوا بالنص ساعة يله صعدوا ادريــــــس واسمر

وكف اسمر يغسل وجــــهة وادريس فات المكتبة بدون مايحجي شي جبت المنشفة الاسمر اخذها من ايدي صوته محتقن باوعلي گـــــال

::- خاله واللـــه مارايدها ولا احبها ولا بنفسي مجرد حاسبها زميلتي

::- شصار؟

:- كالوا يومين ونردلكم خبر ...انا ما اريدها وبابا مايحجي وياي

:- عوفة هسه بــــس خلي تنلم وتخلص ترجع تراضية ولا تكول ما اريدها شنو ذنبها تنذبح

- هز راسة ساكت فات الغرفتة رحت الادريس دكيت باب المكتب ماحاجاني فتحتة على كيف ودخلت تمشيت كعدت كدامة ساكتة ما ادري شحجي تحسر ورفع راسة يباوعلي

:- شفتي من اكلج المشاكل والمصايب ماعدها غير ادريــــــس تلفي على راسة شمسوي بحياتي وربي عاقبني بولد لا هو عاق واغسل ايدي منه ولا هو زين واتأمل خيرة

اناا تالي عمري ابني يزني

لو ما مربي لو ما معلم لو ما مصادقه ولج واللـــه احجي وياه مثل صديقة مو. ابوه وهو يوميه يكسرني بسالفة

:- فقير ونضحك عليه اسمر حجاية تجيبة وحجاية توديه مو ملعب واللـــه فقير

:- ههه فقيريش ابني صاير شيطان

:- طايش وغلط

:- اشش لا تبررين ذنبة لا تجملين اخطائة وذنوبة بحجة طايش وينضحك عليه عقلة براسة يعرف خلاصة ماكو زلمة ينغش الا اذا هو قابل ينغش و ينضحك عليه

:- مجاي اجمل اخطائة يبقى ذنبة من الكبائر بــــس جاي اكلك هاي بعد غلط والصار صار تقهر نفسك شنو تستفاد؟ غير المرض والتعب

:- يعني انتِ تكليلي الزم النار وابتسم شلون ما انقهر

تعبني اسمر كسر ظهري لأول مرة احقد عليه

:-  يمكن احقد على كل الدنيا وما احقد على اسمر لأن  واللـــه العظيم فقيييير

::- اسكتي رحمة الامج اسكتي يا فقير مــــحد فقير غيرج

- جر سويج السيارة وطلع مفرفح من القهر واسمر ولا طلع من غرفتة كعدت ادرس الجهال واجتي غـــــدير تركض بيدها تليفوني يدك

:- عــــمة سمر تتصل

- اخذتة منها جاوبت بــــس كتلها الو اجالي صوتها تبجي

:- الو خاله

:- يا يـــــمة شبيج

:- تعالي اخذيني

:- شكو ولج شبيج

:- بــــس تعاالي مايخليني اطلع قافل الباب واذا اخابر بابا يجي  يكتلة

::- جايتج ....

سديتة منها وطلعت اركض حاجيت اسمر واني البس بعباتي كام مفزوع ويصيح

:- شكو شبيها

- نزلنا اني وياه حيل حيييل جان خايف عليها وصلنا البيتها يريد ينزل

::- لا تنزل اني اجيبها واجي

:- لا شلون ما انزل

:- لا تكبر السالفة ابقى بــــس اجيبها واجيك

كوه قنعتة ونزلت وحدي دكيت باب البيت وطلعلي زوجها نصدم

:- اهلا وسهلا خالة تفضلي

:- هلا بيك سمر وين

:- هاي نايمه تفضلي تفضلي

- دخلت للبيت واسمع صوتها تصيح عليه

:- اذا ما اخليهم يزينون شاربك لك تمد ايدك عليه الخايس من امدددداني حبيت طلي راسك ملفلف اشفت بجهرتك وحبيتك خشمك جنه سراديب النجف الوصخ افتح الباب وعلي ما ابقى لو يطلعلك كرون

- اسمعها تحجي بحركة وأدك على باب الغرفة والولد مبتسم ومنحرج

:- تفضلي كعدي كعدي جاي نشاقة احنا

:- ماجاي اكعد يـــــمة اجيت على سمر أريـــــد اخذها ترتاح يـــــوم يومين يمنا.

صاحت سمر

:- الزرك افتح الباب زنجوري عــــمة بعيوني اشلون شفتك قيصير زمانك وخليتك اصدك بنفسك حلو يمد أيــــدة عليه الخايس طلي امة روح روح تطيك ممية

- خليت ايدي على حلكي منحرجة من غلطها والولد گـــــال

:- شوفيها شوفي السانها بــــس نتحاجة تكلي زنجوري

سمر ::- وعلي اخابر بابا واكله اكتشفت زوجي مندس ومنظم ...... وعلي اورطك اكلهم لزمتة ويا ولد بغرفتي. افتتتتح الباب زنجووووري

راسك مصفح

نــــهله::- راح فتحلها الباب جانت مبدلة وجنطتها بايدها متحضرة بــــس شافتني برطمت تريد تبجي رفعت عينها عليه

::- انتظر ورقة طلاقي

- عافتة وطلعت طلعت وياها مافاهمة شي صعدنا ويا اسمر بــــس حرك السيارة بجت كسرت خاطري واسمر يصيح

:- شسوالج بــــس احجي شسوالج

:- وهي طول الطريق بــــس تبجي لمن وصلنا البيتنا غسلت وكعدت يم اخوانها اشاقت وضحكت شوية وفاتت لغرفة غـــــدير فتت يمها باوعت الغدير وباوعتلي

غـــــدير ::- راح اروح يم فــــــاطمة شوية واجي همزين اجيتي اليوم روميو وجولييت يلتقون هنا حتى نراقب اني وياج

سمر::- ههههه ما ملوا

- لا وين خطية عمج مسوي عليهم حصار مايخليهم يطلعون ويلتقون عود اليوم بالختلة يجي هنا وهي تصعد تشوفة يله يله خلي انزل يمها.

نــــهله ::- نزلت غـــــدير وسمر مبتسمه بــــس سدت الباب باوعتلي وبرطمت كعدت يمها عجيب شكد حبيتها وحسيتها بنتي وكلبي يتكطع. عليها

::- شبيكم يـــــمة شجاكم

:- خاله صاير ارعن .خبلنة واللـــه

:- عليمن

:- امه وخالتة هاي السوسة وجها جنه تبليط خربان

يومية عندي يوومية العصر يجن بــــس يطلعن نتعارك ويصير مصايحنا للضالين

گـــــال الا تطبخين شنو اكل من برا وكلت ميخالف

اطلع من دوامي قبل بساعة والحك اطبخلة مشة الوضع اخذلة سبوع جابلي تنور واللـــه اني أريـــــد خبز بيت كتلة ما اعرف گـــــال

امي تجي تعلمج بلعتها وسكتت وكامت تجي تعلمني بمنية وحجيها يسم

تعلمت وكمت اخبز هو يتعدل ياخذلة يومين زين ويجن يكلبنه كلاب بحيث حتى بنفس الغرفة.ما انام اني اتندم على الساعة التزوجته بيها وهو يتندم باليوم العرفني بيه

اخر شي الصبح يكلي عـــــوفي شغلج كتلة واللـــه اعوفك وما اعوف شغلي ضربني راشدي خالة اني عمري كله مــــحد ماد ايدة عليه يجي هذا كصتة مبطنش بيها حفار يمد أيــــدة عليه امدداني اذا ماندمتة الخايس الطلي

::- بــــس انتِ هواي تغلطين عليه مايصير وين الاحترام ابينكم

:- بــــس كدامة هو يغلط واني اغلط بــــس من يمنا احد ما اغلط احترمة عشتوا امداه من رجل

:- هــــا سمر جا وين الحب شجاكم

:- واللـــه يا خالة جان وردة اذا صخنت يبوس بايدي ويموت من الخوف اذا اصبعي انجرح يتخبل ومنو كالج تطبخين ومنو عاتب عليج هنه خبلنة عليه خلنا مايشوفني

- جاي تحجي ودك تليفونها هو الاتصل

::- جاوبية

::- خلي يولي اجاوبة مرض ضربني راشدي ضربتك الملائكة ان شاءالله

:- ولج جاوبية شبيج.

جريت تليفونها رديت وفتحت الصوت اكرص بيها اريدها تحجي كالها ::-الو

:- شتريد

:- ليش رحتي

:- طلكني بعد ما ارجعلك

:- غير اموت

:- ومن مديت ايدك عليه مافكرت اني مليت من المشاكل عازلة ابيتي ومبتعدة عن اهلك ليش مايكفون شرهن عني يردنك خلي ياخذنك وعلي خلي ياخذنك بــــس طلكني وخلصني منكم ومن الساعة الحبيتك بيها

:- لا تحجين هيج ولج انتِ روحـــــي سنين تعــــبت يله اخذتج شلون اطلكج هــــا حاجيني يهون عليج حبنا

:- يهون يهوون مثل ماهنت عليك ومديت ايدك عليه

:- واللـــه اني مدري شبيه من اطلع من يمج اشتاقلج ومن اجيج اتصنع المشاكل

:- عذر ملوح هذا لا تتصل عليه ترا احضرك

:- سمر نجبي وسمعيني

:- روح روح ولاتحاجيني بعد

نــــهله::- سدت الخط بوجهه باوعتلها ساكتة كالت

:- هيج يتخبل شوية ويرجع اسف ما ادري شصار. بيهه ما ادري شلون حجيت هيج وفعلا يتندم وره يـــــوم يومين يرجع نفس الشي .

::- سمر خاف مسوياتلكم شي

::- اي ادري بيهن مره رجعت من الدوام لكيت امه يمنا شاعلة بخور وراشة البيت

:- يااا ولج وشسويتي

:- كلشي ماسويت شسوي شعرف

:- غير تحجين تنطقين شبيج ...

عفتها وكمت لمكتب ادريــــــس جبت دفتري واجيت يمها...

::- من ترجعين البيتج

جيبي ملح وخل اخلطيهن سوا واقري عليهن

(جاء الحق) (313) مرة

و(71) مره ((يا معشر الجن والانس ان استطعتم ان تنفذوا من اقطار السموات والارض لا تنفذوا الا بسلطان) )

يا من ذل السحرة باعجاز موسى ازل سحر السحرة وكيد الفجرة بقدرتك برحمتك..

واعزلي من الخل والمي شوية خلي بكلاص وضمية كل يـــــوم اول ماتكعدين تشربين خاشوكة چاي منة وتشربين رجلج

والباقي تغسلين البيت بيه لمدة ثلث ايام

سمر ::- من ارجع اسويها بــــس الا اشلع كلبه الا اخلي يعض اصابيعة ندم ولا ارجع بسرعة ابو راس

:- هههه

:- شنو انتم شبيكم صاير شي؟

- سولفتلها على اسمر تخبلت وتحلف على خالتها وره السالفة كلها اكو انسان كله طاقة ويغير جو كل البيت سمر هيج اجت فــــــاطمة يمهن سون كيك ويضحكن ويسولفن متونسات ادريــــــس صار الليــــل وما اجة واسمر طالع

بنفس. اليوم اهل البنية ردوا خبر موافقين لمن اجة ادريــــــس بالتسعة تلكتة سمر

سمر ::-  ادري ادري كلت شنو هذا النور البيتنا اليوم ادري بيك

::- ههههه هلا بروح ابوها شلونج

نــــهله ::-  سلم عليها بعده ماكاعد كالتله غفران

:- بابا زوجها ضاربها

-  بقينا وحدة تباوع بوجهه الثانية ماندري بغفران سامعتها وهبه تسد بحلكها شمر جنطتة على القنفة يباوعلي

::-  شكو شصاير

- ماكو شي ارتاح اسويلك عشا .. هز راسة اي

فات. الغرفتة وصاح على سمر

::- تعالي بابا

- فاتت وراه واجت فــــــاطمة  تركض

::- عــــمة راح يجي عـــــلي

- هلا بيه يـــــمة

غـــــدير ::- غمزتلها دنكت ساكتة فاتت للغرفة ركضت وراها

::- لا تستخفين أريـــــد اصوركم مو تخجلوني

:- لا لا بــــس نكعد هنا بالكعدة

:- اي عفية تادبوا

:- دفضوها انتم اخطبو خلي نتزوج مليت

:- هو اليوم وصلني للدوام حرف مانطق يجوز السنة التجي خطوبتنا ....

ضحكت وعمه صاحت علينا طلعنا يمها اجت سمر تبجي بــــس باوعت على فــــــاطمة ضحكت تمسح بدموعها وتضحك

سمر ::- حتى بجي بأمان الله ماتخلني ابجي عاب هل شكول

فــــــاطمة::- ههههههههه امداج عليمن تبجين هسه نكلبها الج سينما كلشي ولا سميره تضوج

غـــــدير ::- سوولنا مشاهد حلوة احنا مراقبينكم ترا ...

حجيتها واتصل علي على تلفوني جاوبت هي كالها اجيت شاف مــــحد طالع صعد ركض يموت ضحك طلعتلة عــــمة سلمت عليه هي وفاطمة وطلعوا بالكعدة يسولفون سويتلهم عصير بسرعة علمود الحك اصور وسمر وياي

اخذت الصينية ومشيت صحتلها اجتي اخذتها مني كالت

:- صوري وروحي عليج الله لا تراقبين

:- خاف ترتكبون الفاحشة يافواحش

سمر::- تريد تاخذ راحتها الا اكعدلج كعده بــــس اشوفة يلزم ايدج اصيح الله اكبر

غـــــدير::- واني اصيح العمو ....

تفلت علينا وفااتت جرينا صندوك مال اغراض سيارة خلينا بصف الشباك وصعدنا اني وسمر نباوعلهم كاعدين بالمرجوحة وهي نايمة على جتفة لامها بحضنة ويسولفون صورتهم وسمر تضحك كالت

:- شوف فطيم الادبسز مسنحه

:- صوتج لايسمعنا عـــــلي فشلة

:- وعلي كبل اكله مرتك كالت صورونا

- ضحكت وهو يحجي وياها بصوت ناصي حيل مانسمعهم سمر فتحت الشباك على كيف نريد نسمع. جراها الحضنة حيل تشكيله شكد تشتاقله وتشكي على ابوها الحارمها من كلشي كالها

:- مابقى شي هسه اخذج

وحكج وحك عيونج ولوعة عشگنا الا اخلي كل العالم تحجي بقصتنا

بــــس خلي هذا الادبسز بسام  يخطب غـــــدير حتى نتزوج سوه

غـــــدير ::- التفتتلي سمر فازة صاحت بصوت عالي

::- هلوو هلووو هاي من وراي

- التفتنا ثنينا العلي يباوعلنا مصدوم طفرنا نزلنا خاتلين بلحايط فشلانات وهو يصيح

:- ابراج المراقبة ولن منا غديره ذليتيني تره ندري صاحبة فضل. عليه بــــس ما منصبج برج مراقبة ولي منا لا اخلي بــــسام يبطل منج

- شردنا ثنينا للغرفة نضحك وسمر لزمتني الا تحجين سولفتلها كلشي .

.

نــــهله ::- حددو موعد عقد قرآن اسمر بعد يومين وبسام وراه بيومين حرت شلون الحك صارت ركض حتى مصطفى ما الحك عليه يـــــوم أتسوك يـــــوم اخذ غـــــدير للصالون ومءطرة تحجز بدلة تعــــبت حيل وطول هل ايام اني وادريس ما ابينا غير الرسمية لان تعبان حيل عليه ضغط بدوام ومن جهه سوايت اسمر هدت حيله وسمر زعلانة. اجي للغرفة الكاه نايم ..

الحد يـــــوم خطوبة اسمر اجن اخوات ادريــــــس ساعدني بكلشي وهو يلوب كل ما اجي يـــــمة وصاح

:- ما اريدها واللـــه ما اريدها

- عقدنالهم ودخل يلبسها الحلقة وجــــهة مايكصة السيف لبسها واخذ حلقتة لبسها هو. باوعلي وكال

:- يله خالة يكول بابا اطلعن

- حجاها وكام طلع وهن كلهن ماقابلت يحجن

طلعنا منهم البيتنا ولاكانو خطوبة عبالك جايين من فاتحة امتحنوا الجهال اخر امتحان وعطلوا

بــــس غفران وهبه عدهن تصرفات ماتعجبني

علمت وحجيت باسلوب وتفاهم ما اجة بعينهن شفتهن عادنها عصابة صايرات

ولزمهن يم المغسلة من اذاناتهن

::- تعيدنها بعد

هبه ;:- ابد

غفران: :- ماعيدها

:- اجويجن على اصابعجن خووش.

جريت اصابيعهن عضيتهن.

::- كل ماتردن تسون هاي الحركة تذكرن العضة

بجن ثنينهن طردتهن للغرفة رفعت راسي شفت ادريــــــس صافن يباوعلي.

بلعت ريك ارتبكت يجوز مايقبل امد ايدي على بنته

:- تعالي شوية

:- هزيت راسي اي ولحكتة للغرفة. طك بايدة على الجرباية بصفة كعدت يـــــمة

:- شبيهن البنات

:- دنكت عيني واللـــه استحي اكله شنو الحركة اليسونها رجعت باوعتله

::- هيج عدهن تصرف مو حلو نبهتهن مايعيدنها وعادنها اكثر من مرة

::- شمسويات غير اعرف

::- حركة مو حلوة

:- شنو هيه

:- رفعت ايدي خجلانة ادبسزيات يسون هههو

ويحركن اصبعهن الوسط ويلون بحلكهن منا ومنا حسرة وحدة تحاجيهن يسولها هيج

- نزلت ايدي الحضني

:- ههههه جا تعضينهن

:- اي لعد مايتوبن اني احجي بتفاهم مرة مرتين بالكثير ثلاثة وراها اعض حتى يمشون عدل

حجيتها اباوعلة جر ايدي من حضني وعض اصبعي الوسط صرخت اجر بايدي منه وهو يضحك

::- انتِ هم سويتي نفس الحركة منو يعضج حتى ماتعيدينها

- امسح باصبعي طبع سنونة بين

::- اني شوكت مسويتها غير جاي اعلمك شيسون شوف اصبعي شصار ولا ابريك الذمة

موتكول عليها دية

::- تــــدرين شنو الدية؟

- ابتسمتلة رافعة حاجبي ::- شنو ؟

سحب ايدي يمسح على اصابعي ورفعها الشفتة باس اصبعي كزبر جلدي غمض عينة وحجة

::- تبوس الاثر التسببت بيه

- سحبت ايدي منه مرتبكة باوعلي عيونة ذبلانة

::- تعبان

- احم من شنو كلشي ينحل ليش اتعب نفسك على اسمر نحلت سالفتة على سمر خليها ترتاح فترة ...

هز راسة لا

::- مــــحد متعبني كثرج

- باوعتلة. بلعت ريك ضايعة

::- شمسويتلك اني ادريــــــس ؟؟

- كلشي ما مسوية ولا منتظر منج تسوين شي

- لذة التعب شوفتج "

-  عفتة وطلعت نومت البنات ورجعت يم مصطفى تمددت كالت سمر

::- شنو مزاعلة بابا اليوم

::- لا فالج ماكبلناه هسه اروح بــــس ينام صوفي

::- اي عفية داري بابا بحضنة بشمة

::- ما صرتي چريمة وزوجتية وحـــدة ادارية من الاول . منتظرتني اني أريـــــد واحد يداريني

::- ههههههههههههه غير ما قبل جان منتظرج الوتي يله واحد يداري الثاني ثنينكم عدكم تصحر داروا بعض خلفونا بيبي صغيروني

::- ماتولين مني خلفي انتِ  اني ويني وين الخلفة بعد

::- هههههه هسه اكول البابا اني أريـــــد اخو وهو يحسم الموضوع

- نجبي ولج حتى اموتج اركدي..ضحكت واشرتلي براسها على غـــــدير

- ضحكت وعفتهن حسبالي الكاه نايم طلع بمكتبة صليت وتمددت بمكاني حسيت عليه دخل للغرفة وتمدد

:- نايمه نــــهله؟

:- لا

:- بيج شي؟

:- خايفة على غـــــدير خاف اتندم

:- بــــسام سبع ماتتندمين

:- الله كريم ...

سكتنا ثنينا نمت لان تعبانة حسيت عليه يكعدني فزيت كعدت على حيلي عركانة واتنفس بسرعة گـــــلبي. يريد يطلع من مكانة وهو مشغل الضوة ويباوعلي مستغرب وعاكد حاجبة احلم جنت وايدي ترجف من الخوف بــــس كلشي ما اتذكر من الحلم غير الخوف

نطاني مي شربت لازمة گـــــلبي

كام من الجرباية وجهة وملامحها كلها تغيرت ماعرفت افسر نظراتة

::- ارتاحي

:- شجنت احلم؟ بقى يباوع بوجهي

::- ماتتذكرين؟

- هزيت راسي لا. ..بلع ريك

::- ما ادري. حتى انا ارجعي نامي

- وين رايح انت ...سكت مايعرف شنو يرد عليه مرتبك مدري شبيه گـــــال

::- رايح بالمكتب مجاي ارتاح هنا

- فات للمكتب عايفني بحيرة شنو الحلمت بية

حجيت شي معقولة؟...

جــــمرة ::- بدأ يتحسن وجروحة تلتئم دائما يتصل علية قسام مايجاوب ويرجع جهاز عمر يدك يجاوب ويطلعون هو والابهر يسولفون وحدهم ويرجعون يمي شفتة اتمدد بفراشة يباوع باظافرة ويهز راسة بأسف عفتة وكمت دخلت للحمام سبحت وجبت المشط ودهن الشعر اجيت يـــــمة شفته مغمض بقيت واكفة بالباب

::- أبــــــهر

- فتح عينة والتفتلي شاف المشط بأيدي كعد عدل

::- تعالي

- فتح رجلية وكعدت ابينهن نشف شعري ومشطة

::- جــــمرة باجر نطلع منا

- درت عليه اباوع بوجهه. ::- وين نروح

رفع ايدة يمسح خدي ويحجي

::- عندي مكان اكدر أمن عليج بيه

:- تبقى وياي غير؟

ابتسم

::- للموت وياج

بــــس صار لازم ارجع اطلع وما اكدر اعوفج هنا

::- وين تروح بعدك مريض من يتشافن جروحك روح

::- مايتشاافن جروحي بــــس من الكه اباذر ودرة.

- رفعت ايدي مسحت على الجروح البوجهه

غمض عينة حيل

::- قصدي على هذني مو على الجروح البروحك.

::- ههه هيج هذني مايهمني ..يله تعالي نــــــامي

- فتح أيــــدة ضحكت

:- ولي شنو يوميه هي بعد ما اريدك اتطمنت ماتموت

- سحبني من ايدي. الصدرة يضحك

::- حجي يفيدج علمتيني بعد

- كمزت من حضنة اصيح

::- بزوونة بززونة

- وهو طفر شايل البطانية ويصيح

:- وينهاااا

:- ههههههههههه واللـــه خواف انـــتَ

:- انتِ تــــدرين باجر وين راح نروح

:- وين؟

::- للبيت المسكون

- اختفت ابتسامتي خازرتة وهو يضحك

::- هــــا منو الخواف هسه

:- وخــــر يله صوج التشاقة وياك انـــتَ شكول واحد يشاقيك

مديت مندري وتمددت عليه وهو يضحك

گـــــال

::- حتى هنا اكو طناطله

::- لا تجذب احترم نفسك لا ادفرك

::- تارسات الزرع

:- جذاب واللـــه

:- حتى كرطة موجودة ..تعرفين شنو كرطة

:- لا شنو

:- تاخذ الاطفال البعدهم. بالكماط تاكلهم وتسلسل اعظامهم

:- اي الاطفال مو اني

::- اي تاخذج شعرفها انتِ مو طفلة

:- أبــــــهر والقران ادفرك بجروحك اشيط روحك

::- قاسية سنايبر

::- عيبت عليه ولفيت راسي منطيتة ظهري سكت شوية وكال

:- هاي مرة تــــدرين شصار

:- لا وما أريـــــد ادري

:- لا خلي اسولفلج ...شوفي اكو بنية جانت تكول اني ما اخاف من الطناطل واخوفهم وتغلط عليهم دائما

فـ مرة هي نايمة وحست الغطا ينسحب منها شووية شوية شووية شوية وبهدووء

:- اااابهر شبيك

:- دأسمعي. شصار ...نجر الغطا منها ونشمر لبعيد فزت هي خايفة اخذت الغطا ورجعت تغطت تباوع بالغرفة وجان تشوف شبح معلك بالسكف برجلية وادية ومنزل راسة عليها يقطر دم على وجها

- جريت المخدة وزحفت الحضنه اغلط عليه واحضن بيه

:- واللـــه انـــتَ خبيث بيك خير ماتخاف من البزونه

- حضني حيل يضحك

:- اكملج السالفة شسووا بالبنية؟

- رفعت ايدي وضربتة على صدرة صيح ولزم الجرح

:- بــــس تخوفني اضربك

:- بــــس توخرين من حضني اخوفج

- ضميت وجهي بركبتة وعبرت رجلية فوك رجلية

::- ما اعوفك ولا اوخر من حضنك. ولاتخوفني ولا اخوفك

لماني حيل باس شعري يضحك وايدة على خصري

:- سنايبري السباعية ماتخاف

:- نطمر أريـــــد انام

::- ههههه نــــــامي مرتي

- رفعت راسي اباوع بوجهه وهو كوه لازم ضحكتة

:- مصدك نفسك

:- ما اطلكج تره

:- هو بكيفك ..مايطلك واللـــه يا الله

:- وغلات اباذر ودرة ما اعوفج ولا اطلكج

:- ترا انيي ما اريدك احسب يـــــوم يـــــوم شوكت اخلص منك

:- انا اريدج

:- اي لان تحبني

:- ايع شحب منج شاربج طولان ينراد نحفة

- لزمت شاربي امسح عليه ::- لا تجذب ناعم شحلاتة مابيه .

ضحك ورفع راسي من صدرة

::- خلي اشوف

- رفعتلة شفايفي. اعيب ::- شوف بعد سنة مايطلع شعر

مد ايدة يلزم فوك شفتي ويضحك گـــــال

::- صدك ناعمة شحلاتها

:- شعبالك هو اني كلي ناعمة

حجيتها بضحك بــــس هو عيونة ذبلت يباوع الشفتي نزل اصابعة على شفايفي. يلزمهن.

:- جــــمرة عادي ابوسج؟

:- انجب سخيف

:- بــــس مرة

- وخرر. ...

دفعته أريـــــد ابتعد ما خلاني جراني الصدرة

:- يله ما أريـــــد بــــس ابقي كلشي ما أريـــــد

:- مثلك ادبسز ماشفت

:- ومثلج بدون احساس ماشفت

- سكتت. منه وغفيت كعدني الصبح مبدل

:- يله جــــمرة

:- أبــــــهر

:- يا روحه

:- حــباب لا تخليلي مخدر واللـــه ما اتحمل وجسمي يتعب منة

:- ماشي بــــس تريكي

- ابـــــتسمت مكيفة كمت غسلت. جاب الريوك وكعد يوكلني مستعجل. واني لعبانة نفـــــسي من طعم الاكل

:- تره مر

:- لا يمعودة منيله يجوز بلاعيمج وتحسين طعمة مر

:- ما ادري يمكن..

كملت اكلي گـــــال

::-راح اطلع انتظر عمر يجيب السيارة بدلي وكملي

- هزيت راسي موافقة بدلت وكعدت منتظرتة شوية احس عيوني يلزكن وحدهن تمددت على مخدة بسرعة غفيت

حسيت علية يكعدني وره فترة فتحت عيني اباوع بوجهه مسطورة وراسي يوجعني

::- جوعــــانة ؟ تكعدين تاكلين؟

- غمضت عيني. ورجعت فتحت اباوع بالمكان الاني بية مو نفسة

::- شكد حقير انـــتَ

::- الافضل الج جاي اسوية

::- وخررر وخررر عني

درت وجهي منه حقدت عليه حيل اكبر جلب ..

يتبــــــع⋆𓍯

الكاتبة أيـــــــلول⋆𓄼𓂁

.

💚🌿

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

أجيكم وشايل بگلبي تعب جيلين ...

الأبـــــهر.

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة ::-مغثوثة حيل راسي يوجعني وهو بقى ساكت شوية وكام طلع غمضت عيني بلكي ارجع انام بــــس أريـــــد الوجع يروح من راسي

رجع اجة للغرفة مد أيــــدة على كتفي

:- جــــمرة كعدي اكلي

:- وخررر مني اش لا تحاجيني حتى صوتك ما أريـــــد اسمعه وخــــر

دفعته ورجعت تغطيت كلي جراني من ايدي كعدني غصب اعصاب صاير. دفعني على حايط وكعد على رجلية بكل حيلي اضربة وادفر أريـــــد افك نفـــــسي منه طبك ايدية لزمهن ولزم فكي بأيدة الثانية عينة بعيني

حجيت من بين اسناني خازرتة

::- وخرررر عني

:- اكلي راح تدوخين ويغمى عليج.

:- ما أريـــــد سم ، وخــــر خرب.

سحبت رجلية من جواه ابتعد غلطت عليه ورجعت تمددت نار بكلبي محروكة حرك اغلط واسحب بالغطا عليَ  وهو ساكت

دقايق احس عيوني يغوشن بلعت ريك ساكتة اغمض وافتح وعيوني يغوشن اكثر درت عليه ارجف واصيح

::- أشربتني؟  انـــتَ شنو انطيتني؟

اجه يمي لزمت أيــــدة بسرعة مغمضة واغلط

::- حقير شنو شربتني جلب الله لا يوفقك

::- اشش ما منطيج شي بــــس اكلي تصيرين زينة

- اكلت من أيــــدة ارجف خوف ورهبة وعيوني احس عليهن ضباب كومني غسلت واني اصيح

::- ما اشوف شربتني شي جلب أشربتني؟؟

رجعني للغرفة لفراشي تمددت وهو يمسح على شعري اوجهي

::- ما منطيج شي

:- دايخة

:- هسه ترتاحين بــــس غمضي عيونج

- لزمت أيــــدة وغمضت شوية شوية احس ارجع اركز والدوخه تروح

درت عليه كاعد مقابيلي رفع أيــــدة يمسح على شعري غمضت عيني ورجعت فتحت اباوعلة

::- ليش تسوي هيج ليش كل ما اگول أبــــــهر مظلوم وانقهر عليك تسوي شي يكرهني بيك قاطات وارجع احقد عليك نفس الحقد

تحسر عينة بعيني جر نفس ودنك باسني بكصتي بحسرة وشوغة رفع راسة.

::- الحد هل يـــــوم انا ماعايش شي بأرادتي كلشي اسوي مفروض عليه ما اكدر اطلعج من مكان المكان وانتِ صاحية

::- لان جبان تخاف مني

هز راسة اي

::- صح اخاف منج وارجف يمج

هاي هيه مانطلع من هل مكان بعد يعني مستحيل اخدرج

- رفعت عيني اباوعله ساكتة وهو عيونة تفتر

ابين عيوني

::- انا راح اروح سويتلج عشا بالثلاجة من تجوعين اكلي حتى لو تطشرين ويتوصخن ملابسج ميخالف لاتبقين جوعــــانة والحمام

بيه دوش اسبحي وارتاحي

::- وين تروح

:- الشغلي جــــمرة بــــس ارجعلج لاتخافين

- مد أيــــدة على خـــــدي دفعتها ::- ما اخاف

حجيتها وكعدت على حيلي هو كام طلع جنطة

مسحت عيوني وركزت عدل شجاي يسوي

نزع التشيرت شمرة وكعد يمها طلع مسدس

شال المخزن منه وصندوگ صغير فتحة

وشال بأيدة مجموعة رصاص خلاهن بداخل المخزن ورجعة للسلاح عافة على جهة وسحب مخزن ثاني رتبة بنفس الطريقة ومد رجلة البنطلون الابسة اسود بيه جيوب يم فخذة ويم ركبة رجلة ضم المخزن بالجيب التفتلي شافني اباوع عليه ورجع لبس تشيرت ردن سحب شاش من الجنطة واجة كعد كدامي مد أيــــدة

::- لفيلي اصابيعي أريـــــد البس جفوف

:- وين رايح أبــــــهر ؟

دنك عينه مايباوعلي دك گـــــلبي حيل تقربت عليه اكثر رفعت وجــــهة بايدي باوعلي

::- حاجيني وين رايح لا تخوفني

::- راجعلج لاتخافين

::- وين رايح

::- من اجي اكلج هسه ما اكدر

::- ما تموت؟؟

هز راسة لا عينة بعيني عيونة نترسن دموع وانا الجنت اتمنى بــــس يموت صرت اخاف يموت وهو ماشايف أخوتة حسيت بلوعة گلبة من اشتاقيت الاخواني رغم هو الحارمني منهم

اخذت الشاش منه لفيت ايدية ثنينهن لبس فوگاهن جف وكعد يلف رجلية كملهن لف على راسة شماغ لونة احمر وابيض وبالطرف مالته غطة وجــــهة شكله صار مثل اليسلبون بالطرقات ضم اسلاحة بخصرة وكعد يلبس حذائة بــــس وكف وهو لابسها تأذن اصابعة وشاغت روحة مغمض عينة ولازم بالحايط كمت وكفت يـــــمة

::- هــــا توجعك؟

- فتح عيونه الصارن حمر يباوعلي

:- لا لا بــــس لان هستوني البسها

- حجاها ودك تليفونة اتصال جاوبة بسرعة

::- هــــا عمر يله اجيتك

- سد الخط دنك خلاه بجيب البنطلون ورجع وكف عدل يباوعلي مد أيــــدة وره راسي بهدوء ومتردد سحبني الحضنة خايف ومن شافني ما اعترضت رفع ايديه ثنينهم حضني حيل وابتعد بسرعة طلع من يمي

رجعت افتريت بالبيت ودخلت سبحت من اكون وحدي الوقت ملل حيل ومايخلص بــــس من هو موجود اتعارك وياه اغلط عليه اسولف يخلص بسرعة .

من الملل بقيت افتر بالبيت رجعت للمطبخ جبت خاشوكة وكعدت يم الباب المقفول بــــس ردت اسوي فتحة صغيرة واباوع ماكدرت واخاف اصرخ واتورط اكثر من هيج

بقيت يم الباب الحد مامليت ورحت اكل

ابـــــتسمت تذكرت اخر مرة من جانن اصابعة كلش يوجعنة واكلنا عود وكلتة لكمة بحلكة ولكمه توكع على ملابسة وهو يضحك ويصيح

::- ميخالف ميخالف عمر يغسل الملابس المهم توكليني

- باوعت الايدي ورجفتها مرات من انساها مابيها شي ماترجف ومن تجي على بالي واباوعلها راسا ترجف من افكر شلون راح اكل وايدي هيج ترجف تزيد ومرات انساها واكل انتبهه  ماترجف وبس الحظها ترجع الرجفتها.

اكلت وطلعت غسلت رجعت لفراشي متمدده هستوني بديت اغفي وسمعت الباب بسرعة كعدت سمعت صوتة فتحت باب الغرفة على كيف رجف گـــــلبي من شفت اطفال أثنين ابنية اولد كعدهم بالصالة وجابلهم مي يحجي وياهم بصوت خشن عود يضيع صوتة الحقيقي وعمر وياه ثنينهم ماطالع منهم غير عيونهم

والاطفال البنية خاتلة بظهر الولد وهو يحجي وياهم وخازرهم ينتر على عمر والابهر عمر فتح علاكة اكل طلع صينية خلاها كدامهم كالهم الأبـــــهر

::- يله اكلوا حتى تنامون علمود الصبح اوديكم

- بقو ثنينهم ساكتين الأبـــــهر قرب الصينية عليهم هو مو يصيح بــــس لان مغير صوتة كال للولد

::- اااكل حتى اختك تاكل

- والطفل تخبل رفع أيــــدة بوجهه الأبـــــهر وكعد على اركبة خازرة ويصيح

::- انااا ما أريـــــد اكل انا أريـــــد احمي اختي

حجاها ومرد گـــــلبي الأبـــــهر راسا وكف دار منهم انطاهم ظهره مسح عيونة ورفع راسة ليفوگ ايديه يرجفن. رجع دار عليهم كالهم

:-  انـــتَ سبع دافعت عن اختك وحميتها احسن مني وانا وفيت بوعدي من كتلك راح اجي واخذكم بــــس هسه ما اكدر ادزكم للدار باجر اخذكم هناك مــــحد يكدر يتعرضلكم.

وهسه اكل حتى اختك تاكل شوفها شلون خايفة اوجها اصفر .

:- ما ترجعنا الهم؟

الأبـــــهر :- لو اموت ما ارجعكم لو اموت.

جــــمرة ::- جاوبهم وماتحمل اكثر عافهم واجه للغرفة ابتعدت من الباب وهو دخل يرجف سد الباب وكعد على حيلة يجر نفس بقوة

تقربت عليه كعدت يـــــمة على ركبي وسحبت راسة الصدري شهك يرجف لميتة بحضني حيل

::- أبــــــهر .

:- خلص صبر الأبـــــهر جــــمرة خلص حيله

شوفية اصغر مني قــــاتل قتال علمود اخته وانا اكبر منه وضيعت اخواني اضحك على روحي واكول الكاهم يجي يـــــوم وتبرد نار گـــــلبي بشوفتهم ووووين الكاهم ولج ويييين

:- تلكاهم واللـــه تلكاهم بــــس لا تستسلم أبــــــهر حــباب كـــــافي

مديت ايدي امسح بوجهه مد نفسه خله راسة بحضني ساكت بــــس صوت نفسة وحسرتة لازم ايدي بايدة ومخليها على رگبتة.

:- خطفتهم مو؟

::- اممم بس الطفل حاقد عليه

لان قبل لا قسام يلزمني انا كتلة الليلة اجي اطلعك انـــتَ واختك وانطيتة وعد هو حسبالة اجي وانتظرة بالمكان الشفتهم بيه

شمسوي ماخذ اختة ورايد يشرد من لازمينة كاتلينة ومجوينهم ثنينهم

:- منو قسام المچويهم؟

- لا يا قسام

:- ابو الهيل؟

:- لا جــــمرة لا انتِ حسبالج بــــس ابو الهيل وقسام عصابة عراقج كله عصابات تــــدرين شكد احنا مسيطرين لان بالاساس قسام تابع الواحد مسؤول وعنده علاقة وياه بحيث حتى اذا نلزمنا بلمح البصر يطلعنا

::- لا تجذب عود تكول هيج حتى ما اسجنك ..لا اتعب نفسك اسجنك اسجنك لو تطلع ابن نور المالكي..

::- ههههه مسموحلج تسجنيني اذا خليتج تفارگيني

:- قريب ان شاءالله مابقى شي

:- هاه نوب قريب

- نگلب وخله وجــــهة ابطني يدغدني ويعضني

صيحت كاشة واوخر براسة مني رفع أيــــدة سد حلكي يضحك

:- شبيج

::- لا تخلي وجهك ابطني!

:- ههه ليش

:- يقشعر بدني

::- جا وين اخلي وجهي ...بركبتج؟ عادي مايقشعر بدنج؟

::- ترا سوالفك ماتضحك تلعب النفس

::- هنيالي على احساسج الصفر

:- وانتَ احساسك مرهف وعابر الألف

رفع أيــــدة كرص خشمي دفعتها وضربتة راشدي وهو امدد على رجلية

::- اشتاقيت الدفراتي لازم؟؟

:- لا تأدبي يله لا تمدين ايدج عليه بعد

- رجعت ضربتة على خده الثاني

::- مديتها.

رجع نگلب وخله وجــــهة ابطني قبل لا اصيح رفع أيــــدة سد حلكي ودغدغني واني ادفر وكلساع ضاربة الباب برجلي ابتعد ساد حلكي بايده ويضحك

واني متمدده وبس أريـــــد اتنفس واجر بأيده من حلكي وخرتها

:- ارعن يوكف گـــــلبي لا تدغدغني

:- صدك؟  شبيه كلبج خلشوف

- دنك اذنة الگلبي يتنصت وبايده ينغز خاصرتي يضحكني دفعتة اضحك واغلط

:- هههه وخــــر كافي ااخ خرب ههههه وخــــر ماجاي تضحكني

:- خلشوف شبيه كلبج اضحكي

::- وخــــر أبــــــهر اذيتني واللـــه كـــــافي

بعد أيــــدة من خاصرتي مد نفسه وخله وجــــهة بركبتي ميلت لعبانة نفـــــسي لزم ركبتي بايده الثانية رجعها الوجهه وحجة

::- بــــس شوية واوخر

:- شنو تاخذ مراد

::- اممم

:- لعبت نفـــــسي ترا

:- بــــس اسكتي هسه اوخر

- سكتت جسمي مكزبر وكاشة يمشي خشمة من اذني النهاية رگبتي

::- ايييع شجاي تسوي

رفع أيــــدة يسد حلكي ويحجي بصوت خافت

::- اسكتي جــــمرة عفيه بــــس اسكتي

- نزلت  أيــــدة من حلكي

::- اذا تركز شوية راح تعرف هاي ركبتي البوجهك يعني حقي احجي شنو اسكتي

باسني باذني ورفع راسة يشاورني

:- هي لو ما رگبتج ماشميتها

- وهاي كل ما اواسيك تتسخف وتنگلب عليه روميو

.ضحك وباسني بوسط رگبتي

::- جاي ترجفين جــــمرة ليش تجذبين وتكولين لعبانة نفسي

.حجاهن كلمة كلمة باذني ..بلعت ريك ارتبكت

صح لعبانة نفـــــسي بــــس مو بيدي من يقشعر جسمي .

::- وخــــر أبــــــهر

دفعته وكعدت وهو بقى متمدد بالگاع كمت شغلت الضوة اباوعلة مغمض عينة رافع تك رجل وجــــهة احمر .

بلع ريك وحجه

::- اسف جاي اجبرج على شي ماتردينه

.ماتنعاد.

- سكتت رحت لفراشي كعدت اباوعله بقى شوية متمدد رجع غطى وجــــهة وطلع من الغرفة

تمددت بفراشي رگبتي تنغزني من شاربة

رفعت الغطا ومسحتها شوية ورجع اخذ البطانية والمندر الثاني

::- شنو وين راح تنام؟

:- لا مو الي أريـــــد افرشه للبنية واخوها ماعدنا غيره

:- لعد وعمر. على شنو ينام

:- راح عمر يله نــــــامي هسه اجي انا

- اخذة وطلع شوية ورجع غير ملابسة بقت بــــس مخده بالغرفة غير فراشي

خلاها بالجهه الثانية ونام على الكاع لا فراش ولا غطا

::- شنو راح تنام هيج

:- اي ماعدنا فراشات عمر جايب بــــس اثنين.

:- ماكتله يروح يجيب هسه

انـــتَ جسمك مجروح ويأذيك شلون تنام هيج.

:- عادي نايم بجسمنا جمر ..ومتحملين قابل نتاذا من نومة الگاع

::- كيفك ...

سكتنا ثنينا اني مانعسانة

ومن ما انعس ابقى اطلع سوالف من جوا الگاع.

::- باوع أبــــــهر

::- همم

دار وجــــهة عليه. مسحت على فراشي بايدي

::- فراشي يجنن جديد ونضيف وجسمي فد مرتاح

واللـــه خطيه انـــتَ نايم بدون فراش

::- ههههه المهم انتِ مرتاحة بعدج كلشي يهون

- سكتني ماعرفت ارد عليه كمت طفيت الضوة ورجعت تمددت

:- أبــــــهر

:- روحه

:-  اكو فد سالفة احجيها الك؟

:- اي

:- شوف هاي يكولون اكو رجال هو جبير بــــس زمال وارعن زين؟

::- زين كملي

:- اي فـ يكولون هذا الرجال الزمال والارعن فد يـــــوم هو نايم بدون فراش وجان تدخل عليه بزونة للغرفة واول ما فتح عينة البزونة نگلبت عفريت. جبييييير وعضته من ركبتة خلت الدم يقطر

ضحك حيل

::- ليش تتحرشين بيه

::- لا شبيك السالفة صدك ما مجذبة عليك

:- اي مصدكج شبيج

::- ومره ولد هو يخاف من البزونة نام بدون فراش حس يـــــمة شي فتح عينه لكه البزونة تكرط باصابعة ..

حجيتها اضحك لمحتة وكف مخدتة بيده ويضحك

::- تدني سويلي مكان تتحارش بــــس تريد اجي يمها

:- ضحكت وسويتله مكان بصفي تمدد واخذ المندر كله صرت اني بالگاع

::- واللـــه اني استاهل اليصير بيه انـــتَ بــــس ايدك ورجلك ينرادلهن مندر وحـــدة

اصلا لازم تروح يفصلولك فراش تفصال على قياساتك وخــــر كوم ارجع نام بالگاع

دفعني ومد روحه كلش اخذ المندر كله

::- وخري. يله ..الله شكد مريح فراشج

:- اهوو وخــــر يـــــمة تندمت كوم عن فراشي راح يفش يبقى بــــس قماش

::- هههههه نوب بيه ريحتج

:- اي مو نايمه عليه صار سنة هو حتى فراشاتنا مايلحكن يتعودن علينه يوميه عايفينهن وشاردين نوب ناخذهن ويانا

::- ههههههههه كلمن يشيل فراشة ويشرد

::- يله وخــــر شنو ما اتشاقة وياك

::- انا عاقل وعايفج انتِ تحرشتي بيه

::- لعد انـــتَ ماتدري يكولون اذا ولد نام على فراش بنية ينگلب الفراش بزونة

- نكلب على ظهره يضحك. سوالي مكان

::- تعالي

- تمددت يـــــمة المندر هلكدوتة وهو شكده. ضجت عليه من شفتة كلش ابتعد للطرف حتى اني اصير على المندر

نمت على صفحة ولزمت أيــــدة

:- تعال لا تبتعد اتشاقة وياك يكفينا

::- لا بــــس تنگلبين تصيرين على الكاع نــــــامي معليج بيه

:- لا واللـــه تقرب

:- عندي حل بــــس ماتقبلين

:- شنو

:- وخري شوية

- ابتعدت وهو عاف مخدتة ونام على مخدتي شال المخده مالته خلاها وراي وفتح أيــــدة

:- تعالي اخذ فراشج واصيرلج فراش

:- شنو عود صاير لوتي انـــتَ قديم وفراشي جديد

::- ههههه تعالي

- رفعت الغطا وتمددت بحضنة حضني حيل يلم رجليه بين رجلية

::- أبــــــهر مو هيج تخنكني

رخه رجلية طلعت رجليه منهن وصدرة يهتز يضحك. رصيت راسي على كلبه حيل

::- اشش صير خوش فراش لا تدوخني

::- بالخدمه

- سكتنا هادئين اذني على گلبه اتنصت الدكاتة

:- أبــــــهر لا تتنفس أريـــــد انام كلبك يدك حيل سكتة

:- شمتعشية جــــمرة؟

:- غير انـــتَ عايف لفات بالثلاجة اكلت وحـــدة

:- هــــا

:- اي ليش

:- ما ادري حسبالي متعاطيه اليوم مو صاحية

:-شمتعاطية

:- مي ارو

::- تحشش عليه انـــتَ؟

::- لعد انتِ صارلج ساعة لازمتني اكس مربع

حتى خوفتيني مو من عوايدج تحششين معقولة لان شميت رگبتج؟

::- سوالفك بطلهن عود تكول هيج حتى ترجع تسوي مثل قبل شوية ترا مايعبرن عليه

::- ههههههههه كلشي ما أريـــــد بــــس نــــــامي بعد ساعتين لازم اكعد وانتِ لا نايمه ولا مخليتني انام

::- يله سكتت نام ..

لماني بحضنة حيل يبوس شعري الحد ماغفيت

وكعدت من حسيت عليه يريد يبتعد همس

:- جــــمرة بــــس شوية وخري

- ابتعدت وهو كعد يعصر جتفة موجوع

::- شبيك

:- جسمي منمل

- تقربت يـــــمة عصرت رجلية وايده

::- هاي هيه عاشت ايدج راح

:- وين راح تروح

:- منتظر عمر يجي يجيبلهم ملابس وريوك حتى اخذهم للميتم

:- خوش اني أريـــــد افوت للحمام شلون

::-خلي اشوفهم كاعدين لو لا واجيج

- هزيت راسي اي ...فتح الباب باوعلهم ورجع دار عليه

:- خلي شالج وتعالي

:- جريت الشال لبسته نحجي على كيف

وهو لف راسة اوجهه بالشماغ

طلعنا من الغرفة على اطراف اصابعنا مثل الحرامية فتت للحمام وقبل لا اطلع حاجيتة

::- هــــا اطلع؟

:- اي يله تعالي

- فتحت الباب اباوعلهم نايمين سوا يكسرون الگلب رجعنا فتنا للغرفة الأبـــــهر رجع لبس كلشي وهم رجعت لفيت اصابيعة وطلع ماكدر امنع فضولي فتحت الباب على كيف اباوعلهم غسلوا ورجعو كعدوا من اجه عمر جايب ريوك

الأبـــــهر عزل اكل والباقي خلاه كدامهم

شفتة اجه للغرفة ابتعدت دخل بيده صينية

:- كعدت يـــــمة وكلني من كد ما مستعجل كل شوية يوكع شي على ملابسي

:- عوف اني اكل.

- سكت يباوعلي مد أيــــدة مسح حلكي

ورجع يوكلني ويخلي أيــــدة جوه اللگمة

:- من نطلع يله تطلعين تغسلين

:- لا تتأخر عفيه وباوع

التفتلي بسرعة

::- صور البنية والولد الاخذتهم هذيج المره

- رفع أيــــدة اشر على عيونة ثنينهم

::- صار

غطة وجهه وطلع. خلاهم يسبحون ويبدلون ملابس جديده اخذوهم وطلعوا ......

نــــهله::- ماكدرت ارجع انام گـــــلبي معصور حيل كمت صليت وقريت قرأن بلكي ارتاح

ونفس الحالة عبالك گـــــلبي ملچوم

تذكرت عندي رقية للراحة والسكينة

كمت فتت المكتبة شفتة نايم مغطي حتى راسة اخذت الدفتر وطلعت. رجعت للسجادة

لراحة البال والسكينة والهدوء والتخلص من الطاقة السلبية

((  لا اله الا الله وحـــده لا شريك له

له الملك وله الحمد وهو على كل شي قدير))

الفاتحة 7 مرات

الاخلاص 7 مرات

الناس 7 مرات

الكرسي 7 مرات

بعد كل صلاة لمدة سبع ايام ...

كملتهن وكمت من سمعت تليفونة دك المنبهه

طلعت سويت چاي وهو طلع غسل ورجع للغرفة شوية وطلع مبدل باوعلي بالمطبخ

گـــــال

::- صباح الخير

:- صباح النور ...

كعد بالصالة يباوع بتليفونة اخذتلة الريوك انطيتة اله ورجعت للمطبخ شوية وصاح

:- وينج نــــهله

- طلعتله امسح بأيدي::- هــــا

:- شنو ما تتريكين؟

:- لا ما اشتهي .....

بقى يباوعلي محتار

::- بيج شي ؟

:- انـــتَ البيك شي بــــس مجاي تحجي

هز راسة لا ساكت دفع الصينية

::- انا هم ما اشتهي راح اروح

::- براحتك. اخذ اغراضة وطلع وانا من كل عقلي أريـــــد اتذكر بشنو حلمت شنو الحجيتة وخلاه يبتعد هيج عني كلشي ما تذكرت

كعدن سمر وغدير اخذتهن ورحت لصالون عفتهن بيه يحفن ويصبغن ورحت للسوك

تسوكت للخطبة اني مشلوع گـــــلبي والتليفون يدك مشيت على. صفحة من الهوسة وجاوبت تعبانة

::- هــــا ادريــــــس

::- هــــا عيني وين انتِ

:- بالسوك

:- كملتي منو وياج؟

:- لا بعدني ...وحدي عفت سمر وغدير بالصالون يردن يسون شعرهن

:- انتظريني راح اجيج

::- وصفتلة المحل الاني بيه واستأذنت من الرجال كعدت يـــــمة بالمحل عركانة وتعبانة مسواكي هواي ادية تكطعن ويا محل اشتري منه اعوف يـــــمة كومة علاليك

:- شوية ورجع اتصل طلعت وكفتلة اباب المحل لمحتة يمشي. ويتلفت يدور وعلي وبسام وياه شافني بــــسام اشرلة واجو وكف

يمي وعلي يضحك گـــــال

عـــــلي ::- كفو منج خليتيه يعوف شغليه ويجيج ساحلنا وياه

:- ابتسمتلة ساكتة. گـــــال ادريــــــس

::- بــــس هاي الاغراض

::- لا بعد عفتهن بهذاك المحل ماكدرت اشيلهم

ادريــــــس::- يله بــــسام اخذوا هذن للسيارة وامشي جيب كيكة شنو كله علينا

::- اني كايللكم اشتروا ؟؟

سيــــدي انـــتَ كلت انا اشتري

عـــــلي::- اشتري واسكت انا حتى الشريط الينلف على الكلاص خلوني اشترية انـــتَ بــــس الكيكة موزين هسه حسيت روحـــــي مضحوك عليه ليش اشتريت البسام وانا لا؟

ادريــــــس ::- لعد والمهر ابن الاوادم منو دفعة؟

:- شدافع هسه انـــتَ هنه عشرة نمونة لعد انا اربعين شتگول الگلبي

::- جيبهن رجعهن صوج اليساعدك

::- عند بت اخوك روح اخذهن منها وجيبلي الاربعين وياك

نــــهله ::- اباوعلهم ساكتة وابو المحل يضحك عليهم ما ادري بأدريس دافع شي للمهر ومساعد عـــــلي

اخذوا الاغراض واني وادريس رحنا نجيب البقية اشترة بطل مي ونطانيا

::- هاج اشربي شبيج فحطانة

::- حارة وتعبت من الفرة ..شربتة واخذنا باقي الاغراض هو  نص واني نص ومن امشي واشوف المحلات اتذكر الاشياء النقص واوكف اشتري.

::- يله يمعوده ايدج تكطعت

:- بــــس اوكف نسيت وصني على اغراض

فتنا المحل مكياج طلعت الورقة اقرأ واكول للولد ينطيني وادريس اتصل على ولد اجو اخذوا البقية. وهو يفتر. ويباوع بالاغراض ويسأل الولد شنو هاي وشنو هذا كاله

::- كلهن سوالف مكياج ومرطبات وغسولات

هنه النسوان يعرفن شنو

:- اي ادري بــــس كلي يجوز أريـــــد اشتري المرتي

نــــهله ::- التفتتلة والولد ضحك وباوعلي كاله

::- اذا تريد هيه تشتري ليش تدوخ نفسك

مو صح

::- اي يـــــمة صح بــــس عمك شيقنعة

:- ادريــــــس رفعلي حاجبة والولد يضحك صغير اصغر من اسمر يجي عمره 17 لو 18

اجة يـــــمة ادريــــــس تشاقة وياه وسألة على مدرستة ويكلة قدم عسكرية ياهو اليشوفة يگله قدم عسكرية وانا اساعدك ..

واني افتر اخذ باقي الشغلات الكاتباتها. عبرن الخمسين الف وهن ضحكن عليه انطني بــــس ثلاثين غـــــدير وسمر.

::- يله كملت ...

اخذناهن وطلعنا رجعني للبيت ساكتين طول الطريق بــــس نزلني راح وبسام جاب غـــــدير. وسمر صار اليوم ركضة من جهه متوترة وحاسة بروحي غلطانة انطيت غـــــدير وهم حتى اهله ما اجو گـــــال للعقد يجون.

بــــسام::- طلعنا انا وعلي نشتري ملابس وهو قفل

:- تلبس نفس لبسي حلو شبيك

::- يا اخي ما أريـــــد مثلك

دار عينة عليه يرمش حيل وعاقج وجــــهة

عـــــلي ::- هاي ليش تجرح مشاعري

::- دانعل ابو مشاعرك الخايسة خبلتني

::- تره ماتلگة صاحب اعقل واحسن مني

- درت عليه اضحك ::- اي وعلي انـــتَ صاحب

الروح الماكو منك اثنين

:- لعد البس نفس لبس خطوبتي

::- عـــــلي تفضحنا حسبالهم متفقين

:- اي لعد هو احنا صدك متفقين فــــــاطمة راح تخلي غـــــدير تلبس نفس الون تكول نصير كيوت اصدقاء ولبسنا نفس الشي بعقدنا

::- اهااااا هنا الحجي سوالف فطيم الخايسة

:- اول شي كول فــــــاطمة ثاني شي تروحلها فدوه

بــــسام ::- ضحكنا وفتنا. اشتريت نفس ملابسة حتى الحذاء قفل الا نفس الون البسة هوا من طلعنا من السوك جاي نمشي ضحك گـــــال

::- هسه يگولون عليك طالب ملابسة من عـــــلي

- وكفت بنص الشارع والعلاليك بأيدي وهو يضحك من كل گلبة كتله

::- اخلي العلامة بيهن ما اشيلها حتى يبينن جديدات

::- ههههههههههههه هم يضحكون عليك

- رفعت رجلي دفرتة ركض كدامي يضحك

::- امشي ولي صوج السمع حجايتك ومشة بيها الخايس

صعدنا بالسيارة راجعين للبيت گـــــال

::- ابوك قبل مو؟

::- لا وحلف مايحضر ولايحاجيني بــــس اعمامي يجون

::- انا ولا احب ابوك

::- التفتت عليه ساكت ...

يبقى ابوية عـــــلي يبقى ابوية لو شما سوا

::- اعرف بــــس هاي خطوبتك معقولة مايفرحلك

:- لان ماصار هواي منفصل ماقابل عليه

::- ديله الله كريم وره الخطوبة سبوعين نتزوج نفس اليوم بــــسام على الوعد

::- هاي هيه على الوعد ابو الحسن

زفة نفس اليوم واذا تابوت نفس اليوم

::- لا بعد ما أريـــــد استشهد أريـــــد اخذ فاطمتي أريـــــد ادللها واعوض كل دقيقة وثانية تعذبت بيهن علمودي الا اداريها مثل ما الأم اداري طفلها

::- خاف بــــس اول اسبوع نوب تضلون بــــس مشاكل

::- ههههههه نشوف بــــسام نشوف واللـــه وحگ عيونها اذا ماخليت كل الدنيا تحجي بقصتنا وكل بنية تتمنى الله يرزقها بحياة مثل حياتها

::- هههههههاي متحمس على كيفك اول تالي عـــــلي يحجي ويرجف صارت مرتك شبيك بعد

::- اريدها يمي بعدها بعيده عني تدري انام وانا راسم حياتنا واتخيل شلون راح نعيش

ههههه ومرات اتخيل عدنا اطفال صغار ونصيح عليهم بــــسام غـــــدير نوب من افكر هيج مايجي ابالي غير اسمائكم

:- وعلي اكبر جذاب هسه تصير صدك وتروح تدور اسماء حديثة يا بــــسام يا غـــــدير

::- والكفل زينب جهالي على اسمائكم خلي يصيرون وتشوف

بــــسام ::- ضحكت سولفنا شوية ونزلتة على بيتهم  وطلعت ...

غـــــدير ::- اصعب شي من تتحمس الموضوع منتظرة بــــس فجأة تحس بتردد وخوف حسيت بضياع أريـــــد شي يطمني ويكلي لا صح انتِ ماغلطانة هذا الشي الجنتي منتظرتة وبجيتي ودعيتي حتى يتحقق ورب العالمين سمع دعائج وماكسر كلبج. ...

حاولت انام من وكت وماكدرت قلق وخوف

كمت اغسل لكيت عــــمة بعدهي تنضف وتمسح بالثلاجة. التفتتلي

نهله::- هــــا شعندج كاعده ولج

::- عطشانة

- وكفت على جهه وهي دخلت شربت مي وطلعت. غسلت ايدية ادعي

اللهي كون ما اتندم وتنسعد بحياتها اللهي يتيمه وما الها غيري فدوتك ربي اسعدها بحياتها واحفظها من كل شر

شطفت ايدية وفتت الغرفة غيث نقلت جرباية مصطفى يـــــمة وغفران اخذتها يم البنات

ثنينهم نايمين عفتهم ورحت الغرفتي

ادريــــــس جان كاعد يقرأ بكتاب على الجرباية بــــس دخلت طبكة باوعلي. سكتت اخذت السجادة وحرام الصلاة مديتها اوكفت اصلي سمعت باب المكتب انسد من كملت شفته ماخذ فراشة للمكتب

نار حسيت بگلبي. من امس لليوم متغير

عفتة وتمددت بمكاني مدري شبيه ولا كدرت اغمض عيني التفكير ذبحني ساعتين مرن وانا ولا كدرت انام

:- غمضت عيني من سمعت باب المكتب انفتح حسيت خطواتة يمي هادئ شوية وحسيت ايدة فوك راسي مسح على شعري وخدي بهدوء. تحسر

::- شلون أنسيج وجعج

شلون. امسح اثار. الضرب من جسمج وروحج

- عصرت رجلية متوترة من دكة گـــــلبي حسيت نفسة صار على خدي من بعيد بدون مايطخني شوية وابتعد رجع للمكتب

التفكير ذبحني شنو الحجيتة وخلاه يبتعد عني شنو السويتة ليش يعاملني بهل برود

كلشي هو يقررة او ما اجيت قرر ينام بالمكتب واني بالغرفة وسكتت وره فترة قرر ينام يمي وهم ما اعترضت وهسه قرر يبتعد.

مسحت وجهي شلت مخدتي وكمت

- فتحت باب المكتب شفتة متمدد ومخلي أيــــدة فوك عيونة ثاني تك رجل تقربت خليت مخدتي بصف مخدتة وجريت من الغطا تغطيت وياه حس عليه بدون مايباع حجه

::- نــــهله روحـــــي

:- نــــهله تعالي نــــهله روحـــــي نــــهله تقربي نــــهله ابتعدي ما مجبورة انصاغ الاوامرك عندي حرية الاختيار

::- تتعبين مني اذا بقيتي يمي وبفراشي

:- ليش تغيرت ادريــــــس وين صراحتك وتفاهمك

على ابسط الامور جنت تكعد تناقش وتشرح ليش

شنو التغير وخلاك تحاجيني مثل اول يـــــوم شفتك بيه

:- ميت منج وعليج جاي تحركيني بقربج وتصديني

حتى باحلامج ماترديني

::- جاي تحاسبني على حلم؟

وخــــر أيــــدة من عــــــيونة ودار وجــــهة الجهتي يباوعلي

::- ما محاسبج على شي بــــس ما اكدر...

ايدج اذا لزمتها تخافين وتتذكرينة

انتِ ما منتبهه النفسج تــــدرين اذا كاعد اسولف وياج وارفع ايدي تفزين تــــدرين من أريـــــد الزم ايدج تفزين وتردين تسحبينها

تــــدرين من احاجيج اول ما اكول اسمج تفزين خايفة

- بلعت ريك ساكتة ...هزيت راسي لا

::- مافازة شوكت

::- ما منتبهه النفسج بــــس انا منتبهه الكلشي حتى اول ماتكعدين وتلكيني يمج ترجعين ليورة فازة بخوف

::- لا بــــس لان ما متعودة

::- ولشوكت نبقى على البر انتِ بوادي وانا بوادي

::- هو هذا اتفاقنا ادريــــــس مو صح

:- ما أريـــــد الاتفاق انا ...

- كعدت على حيلي متوترة وهو هم كعد مد أيــــدة لجهتي وفعلا رجعت ليورة شي مو بارداتي ولا منتبهتله قبل بــــس جسمي ينز

ارتبكت من طلع كلامة صح باوعت بعينة عض شفتة بقهر

::- شفتي؟؟ 

- مديت ايدي على أيــــدة سحبتها الخدي خليتها وايدي فوگاها

::- ماخايفة منك بــــس هل شي مو بأرادتي

::- ادري مو بارادتج

:- حتى لو حاولت انسه شنو الجنت عايشتة جسمي ماينسه

- نزل أيــــدة من خدي الكتفي بعد دشداشتي على جهه اكو اثر جرح. غمضت عيني اتذكر شنو الصار بوقتها وكم سنة مرت على هل جرح وبقى اثرة بجسمي وبگلبي. مره ضربني ودفعني بالگاع من رجعت وكفت كانت الشباك مفتوحة ونضربت بكفتي يم ركبتي

مشة اصابعة عليه

::- انسيج كل العشتية بــــس لا تصديني

امسح اثر جروحج من جسمج

:- فتحت عيني ارجف ودموعي ماكدرت الزمهن

::- البروحي شنو اليمسح اثرهن؟

:- كل اثر بروحج ابدلة بذكرة حلوة تنسيج شنو العشتية قبل

:- هزيت راسي لا ابجي شنو الانطية اله جسم

متروس اثار جروح

اذا من مجرد حلم ابتعد شلون اقبل انطية شي

قديم والاثار مشوهتة

سحبني من ايدي الصدرة وتمدد يمسح على راسي وظهري

::- بــــس لا تبجين اسف واعتذر

غلطان وياج

:- نمت هادئة وكعدت فازة ركض ركض اريكهم واركض الهذا وهذا

اسمر اخذ البنات للصالون ارتب واعزل ويا الغدا اجت ام غـــــدير اسمعها بالساحة تغلط وتسب لبست عبايتي بسرعة ونزلتلها

وهي بــــس تفشر ظليت الطم من طلعو الولد وهي تغلط كدامهم

لمن اجة ادريــــــس من برا جان طالع يجيب اغراض.

گبل كالها هسه اسجنج بتهمة التهجم على زوجتي وبيتي واطلعلج قضايا من جوا الكاع الا انومج سنين بالسجن

غلطت علينا وراحت ..

غـــــدير ::- ارجف كمت وسمر وفاطمة يضحكن

سمر ::- خطوبة واللـــه مو عرس شبيج

فــــــاطمة ::- عوفيها تحقق حلمها

::- هيو مو تحجن ما أريـــــد توصلة معلومة انا جنت احبة قبل لا يتزوج

فــــــاطمة ::- ولا يهمج سدج امين شوكت ارجع للبيت و اسولف العلي

::- هههههه اسكتن خرب خفت شو ...

اتصلت عليه فــــــاطمة من تليفوني هو يرجعنا للبيت رادوا التصوير قبل العقد بــــس عــــمة ماقبلت كالت وره مايعقدون يرحون يصورون. يـــــمة من گـــــال اطلعن متت

صعدت مدنكة وارجف. دخل السيارة بالكراج ونزل فتح الباب بــــس لمحتة ودنكت. سحب البدلة من السيارة اوكف بصفي گـــــال

::- شوية ونجي احنا

:- سكتت والبنات صعدني فوك. نسطرت كد ما مرتبكة حتى ما اركز لمن اجو ودخلونا يعقدولنا اصتكيت بــــس أريـــــد انطق ..

كملنا العقد ورجعت كعدت شوية واجه علمود يلبسني الحلقة. رفعت عيني باوعتلة من دخل وحـــدة من بناتهم تهوسلة والباقياات جانن بــــس يصفكن كعد يمي وهي بنص. تهوس وفرحانتلة وهو يباوعلها مبتسم تقرب اكثر گـــــال

::- عمتي هاي

::- بقيت ساكتة بــــس اوزع ابتسامات لبسنا الحلقات وطلع اجت هي العمه باوستني وحجت وياي وتاشر على البقية تعرفني عليهم

شوية وهم طلعوا وعمه اجت كالت يله روحوا للتصوير

ويانا سمر وفاطمة

ماحسيتة صار زوجي شرعا ..حسيتة غريب

واقنع بنفسي لان ما متعودة وهو من شافني متشنجة ومتوترة حاول يشاقيني گـــــال

::- شفتي هذول الزوج شلون خلونة نلبس نفس لبسهم ...

هسه انا ما اكدر على عـــــلي انتِ شبيج فطيم ضحكت عليج

::- ههههه لا بــــس حلو اقتنعت بيه

::- اي كلش حلو عليج ولايگلج

:- دنكت ساكتة كملنا القطات ولبست الكبوس دخل علي يضحك. ويهز براسة بــــس شفتة ضحكت گـــــال

::- هــــا ولج غديرة

فــــــاطمة::- لا تكول الصاحبتي غديره اسمها غـــــدير. لو غدورة

::- تأمرين واذا تردين اصيحلها مرة بسام

بــــسام::- خربانة واللـــه شمسويتله فطيم ؟

غـــــدير::- گلبوا الستوديو مسرحية يحششون على كلشي اخذنا صورة سوا وطلعنا رجعونا للبيت وراحوا ....

جاي ابدل واجت فــــــاطمة تركض

::- يگول عـــــلي راح اجيب بــــسام يتعرف على مرتة ...

يتبــــــع⋆𓍯

الكــــاتبة أيـــــــلول⋆𓄼𓂁

.💚🌿

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

مثل أثار چوية طفل فوگ الأيد

هلگد ذكرياتكم طابعة أبالي !

𓄼𓂁𓄼𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

غـــــدير - فكيت عيني كلها

::- وين يجي

::- هنا لعد وين

::- صدك تحجين

:- اي والكفل زينب

:- حلفت تضحك واني ضحكت لان هاي بــــس عـــــلي يحلف هيج وهي اخذها الواهس تحلف مثلة

::- ولج استحي شسوي شحجي وعمه وعمو ادريــــــس عيب منهم

::- يدرون هههههه عادي بعد صار زوجج هسه من تكعدون وتسولفون تتعودون على بعض شوية شوية تحسينة نفسج وروحج ومابينكم حواجز

- رفعتلها حاجبي اعوج بحلكي واهز بايدي اعيب عليها

::- عود هي مخطوبة قبلي وتعلمني امشي روحـــــي كل ما يجي عـــــلي تتخربطين من التوتر

::- ههههههه لا مو توتر بــــس احس بكل مرة اشوفة يترس گـــــلبي عشك كل  ما نلتقي احبة اكثر واكثر بكل بوسة بكل لمسة ياخذ. روحـــــي ويمزجها بروحة

::- هــــا فطيم لمسات وبوسات من وراي شو ما شفت

:- احجيلي واحجيلج ههههههه

:- شحجيليج ولج..

غمزتلي ترفع بحاجبها

::- من لبسج الحلقة شحجة وياج ومن رحنا نصور خلصتوها مشاور شسولفتوا .

- ضحكت حيل. ::- من لبسني الحلقة يكلي هاي عمتي وهاي مرة عمي

ومن صورنة يغلط عليج وعلى عـــــلي واللـــه شبعكم سب وغلط لان لبستونا نفس لبسكم

ضحكنا اني وياها مافتحت التسريحة ولا مسحت المكياج. بقينا بالغرفة لمن اجو واجت سمر كالت

::- تكول خالة خلي يطلعن

غـــــدير ::- ابوج وين استحي منه

:- نزل جوا واللـــه گـــــال الخالة خاف تنحرج مني رايح جوا

:- رشيت عطر. وخليت شال فوگ شعري هستوني فتحت الباب وصارت عــــمة بوجهي سوتلي بايدها

::-  ارجعي ارجعي ...عـــــلي وياه البسي شالج عدل

::- مافاتحة التسريحة وما اريدها تخرب أريـــــد اصور بعد.

::- لعد تردين تطلعين كدام عـــــلي هيج شعرج وركبتج المن مخليتة على راسج بعد يـــــمة فكري عـــــلي لا اخوج ولا من محارمج

فــــــاطمة ::- اني راح اخذ عـــــلي ونطلع بالكعده وانتِ فوتي يم بــــسام

غـــــدير ::- سكتت مدنكة ، زودتها لان اول ماخلص العقد هي كالتلي يله روحـــــي صوري حتى تسبحين وتصلين واطلبي من رب العالمين يسهلج حياتج بس ماسمعت كلمتها.

ابتسمتلي ومدت ايدها تعدل كذلتي الطالعة من الشال

::- يله روحـــــي الخطيبج

- هزيت راسي اي وفتت كدامها فتحت الباب مرتبكة كاعد والتليفون بأيده من فتت رفع راسة باوعلي وابتسم

:- نعست يمعوده وين صرتي تعالي

- ابتعد على جهه وسوالي مكان يـــــمة. تقربت كعدت وهو عدل كعدتة طبك رجلية حتى يصير مقابيلي

شال الكوشة من القنفة خلاها بحضنة واني بــــس ساكتة مدري شحجي

:- شنسولف؟

- سألني بضحك رفعت عيني بعينة مدري شبيه تنرفزت على شنو ما ادري من التوتر رفعت اكتافي ما ادري ضحك وكال

:- معقولة ماتدرين لعد ما سألتي فطيم

:- اجيبلك من الكيكة....

سألتة عيني بعينة بلع ريك يباوعلي ودنكنة ثنينا من دك تليفونة مخلية بصف رجلية بيني وبينة دك گـــــلبي حيل من قريت الاسم

بتول

اسم طليقتة رفعت عيني اباوعلة ارتبك سد الاتصال دنكت عيني اكل بشفتي هاي بدايتها هيج بدايتها

همست واني مدنكة

::- ليش الهسه تتصل عليك؟

بقى ساكت التفتت عليه اتصنع انو ما مهتمة وانا نار صارت بكلبي

::- الي الحق اعرف ليش طليقتك تتصل عليك؟

رفع راسة باوعلي جر نفس ورفع أيــــدة يمسح على شعرة

:- تصدكين اذا اكلج ما مجاوبها هي البارحة اتصلت وماجاوبت وهاي ثاني اتصال

:- لا ما اصدك شنو اليثبت اذا عندكم شي وحابين ترجعون كلي انسحب من هسه بعدنا

بالبداية مثل مادخلنا بالمعروف نطلع بالمعروف

انا ما مستعدة كل يومين تصير مشكلة واحرك اعصابي بسبب اتصال ورقم

حجيت كلشي بصورة سريعة ودنكت اجر نفس

::- عندج بروش

:- رفعت عيني مافاهمة شفتة طلع التليفون من الكفر هزيت راسي لا

مد أيــــدة على شعري بعد الشال وسحب ماشة باوعلها وكال

::- ماتصير روحـــــي جيبي بروش

:- طلعت من يـــــمة لكيت سمر تكنس بالصالة اخذت بروش منها ورجعت يـــــمة واني واكفة رفعت ايدي اله

::- هذا

::- اي تعالي

- دك بايده على مكان بصفة الكنت كاعده بية تقربت كعدت اخذ البروش من ايدي طلع السيمكارت طبكها وكسرها خلاها بالنفاضة

::- رضيتي هسه؟

:- راح تبقى بدون رقم؟

::- لا عندي رقمين رقم الاهلي ورقم للدوام

ماعدها رقمي الثاني

:- العندي يا رقم؟

سكت ومسح وجــــهة كام مايباوعلي دنكت ساكتة وين يله گـــــال

:- رقم الدوام العندج الكسرتة ما منطية بــــس القرايبي شوفي غـــــدير

::-هــــا ..

رفعت راسي اله عدل كعدتة تقرب اكثر ومد أيــــدة يحضن ايدية البحضني ويمسح عليهن باصابعة

::- الفات كله ماضي انتِ تكولين انا ما مستعده يومية احرك اعصابي بسبب اتصال لو رقم

شوفي انا بدون ما ارتبط ماعندي علاقات وسوالف وعمري كله مسولف بــــس ويا ثنين

وتليفوني عادي يبقى يمج وتشوفين بعينج

- سحبت ايدي من بين ايديه رفعت شعري من وجهي مرتبكة وهو يباوع بعيني رجعت سألتة

::- منو الاثنين الحاجي وياهن؟

::- بتول اول ما عقدنا والثانية بت عمتي

:- بت عمتك؟  يعني تحبها شنو

ضحك. وانا الوب كمت

::- معزة اخت مو اكثر شوفي مــــحد من ولد اعمامي يحبني من الطفولة يكرهوني بــــس هي جانت صديقتي والي ذكريات وياها بــــس ثقي بالله حاسبها اخت وحتى متزوجة وعدها اطفال يسموني خالو وزوجها صديقي ويعرف بعلاقتنا وخوتنا

:- هزيت راسي اي رجع ظهرة على القنفة وفتح تليفونة گـــــال

::- تعالي شوفي البارحة شتكول

- باوعتلة ساكتة وهو رافع أيــــدة مادها فوك القنفة تقربت راسا لف أيــــدة عليه وقربني الصدرة اكثر توترت ارجف فتح المحادثة طلعت بــــس رقم گـــــال

::- هاي لان كسرت السيمكارت راحت الاسماء

هو يحجي واني بــــس جامده وكلبي يريد يطلع من مكانة

مشة بالمحادثة الحد كلمة

::- هــــا بسيم لان اني مريضة خطبت

:- عمي ما اريدج تحضرين فكر تطيرين البنية

- مدري شحجت هي طفر الرسائل بسرعة الحد رسالة كاتبتلة

::- واللـــه وداعت جهالي فرحانتلك من كل گـــــلبي الله يسعدكم ويهنيكم انسه هذيج وابدي حياة جديدة ويارب البنية تطلع حبابة وتستاهلك

- وهو كاتبلها

::- حبابة كلش خاف اني الما استاهلها

:- لا هنيالها بيك اكو منك انـــتَ؟

- ضاحكين وسألتة على امه غمضت عيني حيل ارتبكت من أيــــدة التمسح على كتفي وايدي العلى صدرة

:- نتصل عليها؟

:- احم ما ادري بكيفك ...

رجعت دنكت وجــــهة كلش قريب من وجهي اتصل عليها كامره بسرعة جاوبتة وهي تلف بالحجاب على شعرها. وتسب بجهالها

::- ياهي هاي ...يا خطيبتك يـــــمة فدووه شلونج حبيبتي

::- هلو الحمدلله انتِ شلونج

:- حبيبتي فدوه ....ابن الزززززفت طفي الززززززفت .......حبيبتي فدوه الوجهج شحلاتج

- سكتت مصدومة هي تحجي بصوت ناعم وتعيط على جهالها بصوت عالي من يمي خفت وبسام صدرة يهتز يضحك عليها.

::- ما تدزولي صور خطوبتكم اشوفهن

بــــسام ::- لا اذا تردين من تجين نراويج

::- هــــا بــــسام هيج صارت وبعدين شعندك منومها بحضنك من هسه ادبسزز عوف البنية

::- شعليييج ليش تحشرين روحــــــج

رقية ::- شوفي حبي سوالفه كلهن يمي شكد مصادق بنات وين راح وين اجة شتــــردين احركلج

غـــــدير::- ابتسمتلها وعاطو جهالها نزلت عليهم عياط وسب وتركض وراهم بــــسام ضحك وسد التليفون حاولت ابتعد بــــس ما رخة أيــــدة

::- بله عوفي شالج ماشفتج عدل

- سحب الشال كله ومد أيــــدة يعدل شعري احس خدودي راح ينفجرن نزل أيــــدة من شعري الخدي يمسح عليه واني بــــس مدنكه واعصر باصابيعي

::- شنو جان لون شعرج قبل لا تصبغينة؟

- رفعت وجهي عيونة تفتر ابين ملامحي

::- نفس الون تمري بــــس جددتة

::- تخبلين

- حجاها وهستوه يقرب وجهه اندك الباب دفعت أيــــدة وكمت فازة وهو عدل كعدتة يمسح بوجهه فتحت الباب اخذت الصينيةة من سمر مخلية تليفوني وياها غمزتلي

::- خاف تردين تصورين شي

:- ابتسمتلها وفتت خليت الصينية على الطبلة كدامة بــــس رفعت راسي اله أريـــــد اكله اكل

مد أيــــدة  وسحبني من ايدي الحضنة شهكت مصدومة مجلبة بية رفع وجهي من حنجي وباسني غمضت عيني ارجف ابتعد كصتة على كصتي وصدرة يصعد وينزل بقوة

::- ما أريـــــد االكيك اتحلى بشفايفج"

- كل جسمي تبند سحبت أيــــدة أريـــــد ابتعد ماخلاني رجع تقرب

::- بعدين تكولين ماعشنا فترة خطوبة أريـــــد اسحب خجلج مني من هسه لان كل المدة البينا اسبوعين ونزوج لا تضيعين هل ايام بالخجل تعودي عليه وعيشي كل لحظة بمشاعرها شنو التردينة كوليه لا تستحين مني صارحيني بكلشي وناقشيني بالشي التحبينة ...تحبين تصورين مو؟  تردين نصور؟

::- هزيت راسي لا ...

مسح شفايفي باصابعة

::- غدورة باوعيلي

:- رفعت عيني اباوعلة برطمت مدري شبية سحبني الصدرة حضني يضحك

::- راح تبجين شبيج صدمتج موو؟؟ يله بعد ما اعيدها قبل لا ابوسج اكلج غدورة تحضري !!

- ضحكت وجهي بصدرة وامسح بعيوني احس وجهي تليص وخرني من صدرة يباوعلي ويضحك

::- هاي شسويتي بعيونج؟

:- صددك تصخمت مو؟

:- ونوب منا الحمرة وصلتها الحنجج والكحل وصل الخشمج شنو تضحكين عليه انتِ جنتي شحلاتج وهسه صرتي بانده محمرة

::- لا عليك الله صدك.

كمت وكفت امسح جوا شفتي ضحك وجر ايدي رجعني كعدني يـــــمة

::- لا اتشاقة بــــس منا شوية حمره تعالي انا امسحها

- اخذ طرف الشال ضميت شفتي الداخل حلكي رافعة راسي وهو مسح نهاية شفتي

::- هــــا وعيوني

::- اجذب عليج مابيهن شي عيونج

:- باوع اي صح اني احب اصور كلشي

.ابتسم يعدل بملابسة

::- نطيني تليفونج تعالي

- نطيتة اله وتقربت يـــــمة عبر أيــــدة يحضني ورفع التليفون يصور ويخرب الصور متقصد لو قبل لا اباوع للصورة لو جاي احجي لو هو يدور وجــــهة وخرت من حضنة

::- ما أريـــــد بعد بطلت

::- لا لا يله هاي اخر مره راح اكعد عاقل

- رجعت اله اخذنا صور گـــــال

::- يله كـــــافي احتر العصير

- مد أيــــدة يريد يلزم الجطل وياكل كيك ابـــــتسمت وحجيت

::- مو تكول ما أريـــــد كيك

-  اني هيج حجيتها مالي قصد بشي بــــس لان هو من البداية گـــــال ما أريـــــد ضحك رافع حاجبة

::- كتلج اذا ما اتحلى بكيك اتحلى بشفايفج وانتِ ماقبلتي رجعت للكيكة

::- ما قبلتتتت؟؟

عافهن ورجع ليورة يضحك

::- تقبلين؟؟ تعالي يله ما أريـــــد الكيك

:- لاا بــــس قصدي يعني

:- بستج مو؟

::- اي

::- وحـــدة ماتوكل خبز

::- ابـــــتسمت منحرجة ودنكت عيني گـــــال

::- بــــس واللـــه عسل

:- بــــسام شو طلعت مدري شلونك جنت مؤدب

ضحك حيل ومد أيــــدة يكرص خشمي

::- جنتي غريبة حرام وما الي حق احجي وياج اي كلمة زايده بــــس هسه بينا عقد يعني مرتي اتمنى ما اخيب ظنج بيه وماتندمين .

:- باوعتلة ساكتة ابتسم اكل كيكة وغص بيها مثل التذكر شي حتى ملامحه تغيرت يفرك بآيدية واحاجية يبتسم مجاملة. ترخص وراح طلع عـــــلي وراه ضجت حيل من تصرفة جنا نضحك وفجأة گلب

من جاي انام اكلب بالصور وين  يله دز رسالة

:- غـــــدير

- راسا كتبتلة ::- هاا

:- راح ادزلج رسالة من رقمي الجديد سجلية

وصلتني رسالة من رقم سجلتة ودزيتلة

::- تمام سجلت

:- فتحها وبقى ساكت دقيقتين مرن ودز قلب نوب شلون لون اصفر تمنيت اكدر اغمه واغم قلبة الدازة  طفيت التليفون ولفيت راسي گـــــلبي يوجعني ماعرف شخصيتة ما اعرف تصرفاتة المتناقضة ولا الكالها تفسير ركضت وره گـــــلبي والخوف من الندم عدم فرحتي وعيشني بقلق..

......

نــــهله::-  مــــحد خايف من خطوبة غـــــدير گدي اتوتر وحجي ادريــــــس يطمني دخلت الغرفتهن شفتهن نايمات بــــس سمر كاعده

::- اليوم حلوتنا سهرانا شعندج...

ماجاوبتني عرفتها تبجي دخلت  وكعدت يمها كعدت عدل تمسح بدموعها

::- شبيج سمر

::- مشتاقتله بــــس ما اكدر انسه ما أريـــــد اسامح ويرجع يعيد السواه

::- ما كو انسان معصوم من الخطأ

فكري زين ارفضي ترجعين مرة مرتين نوب ليني

::- خيولي واللـــه اتطلك منه وازوج مطيرجي افضل من جهرتة بــــس لو اعرف اني شلون حبيتة خاله راسة مصفح جنة كلانديزر

::- هههههه شبيه ولج بــــس تصالحون تشوفينة بــــس هو وبس

::- ااي بــــس ضايجة منه هسه احس نفـــــسي مختنگة واللـــه ما مرتاحة

::- سمر اكلج شي وماتزعلين مني ولو ما احبج وحاسبتج بنتي ما احجي

انتِ ليش ماجاي تصلين؟

دنكت ساكتة

::- سولفيلي شنو مشكلتج ليش تعوفين صلاتج كل سبب ومانع نلكاله حل

::- ماكو سبب بــــس كمت اتكاسل عنها اتعاجز وماراضية على نفـــــسي ضميري يأنبي واوصل مرات ابجي لان اتعاجز من صلاتي واكوم اصلي واحلف بعد ما اتركها. يـــــوم يومين وارجع اترك

:- تعرفين شنو فضائل الصلاة

::- لا

::- عادي نسولف شوية عن فضائلها وعاقبة تاركها لو تردين تنامين لو ماتردين تناقشين بكيفج

::- لا احجي  ياريت واكوم اصلي وما اتركها بعد

::- نجي اول شي فضائل الصلاة

اولآ نور للمسلم يـــــوم القيامة

تمحو الخطايا وتطهر النفس من الذنوب

لان في الصلاة يغفر الله تعالى للعبد

افضل الاعمال بعد شهادة لا اله الا الله

هي الصلاة

يرفع الله تعالى درجة العباد بالصلاة

تدخل الصلاة المسلم الجنة

يعني لا تتوقعين انسان مسالم ومؤمن بــــس مايصلي يدخل الجنة.

.تعد رابطآ بين العبد والخالق

تهذب النفس

عند صلاة العبد تصلي عليه الملائكة حتى يكمل صلاتة

سمر ::- ليش مايدخل الجنة اذا اني ما مأذية بشر ولا مسوية شي غلط بــــس صلاة ماكدرت التزم بيها مو يكولون الاعمال بالنيات اني اصوم واخاف ربي وماشية بالطريق الصح بــــس على الصلاة ما ادخل الجنة؟

مو اكو حديث يگول لا يدخل النار من كان في قلبه مثقال ذرة من إيمان

::- اها حلو جاي تدافعين وتناقشين لان تردين الجنة

الفاصل بين الايمان والكفر هي الصلاة

اذا انـــتَ ماتصلي شلون؟؟

لان الايمان قول وفعل مو مجرد كلام

تارك الصلاة مابقى عنده ايمان صحيح

يعصمة من دخول النار

اما اذا تصلي وارتكبت كذا ذنب هل من الممكن ينغفر ؟؟

اي ممكن لان الله غفور رحيم

الحد هنا تمام

::- اي تمام كملي

::- الذنب ممكن ينغفر زين اذا مؤمن  وتارك الصلاة ليش اذا تاب ورجع الصلاتة لازم يقضي التركهن اذا كانت ايام او اشهر او سنين لازم يقضيهن كلهن ...

لان الصلاة ماينغفر تركها لو شما تسوين

::- صخام بوجهي شلون بيه سنين تاركة اني

::- كلهن تكدرين تقضينهن. اذا حبيتي وردتي الصلاة

::- وبعد شنو عاقبة تارك الصلاة

::- بالدنيا رب العالمين يعاقبة

1-تنتزع البركة من عمرة

2-تمحي سمة الصالحين من وجهه

3-لايرفع له دعاء الى السماء

4-ليس له نصيب من دعاء الصالحين

5- اي عمل يعمل لايؤجر عليه

هاي العقوبة في الدنيا اما العقوبة في القبر

1- يضيق عليه قبرة حتى تختلط اضلعة

2- يوقد عليه النار ويقلب على الجمر نهارا وليلا

3- يسلط علية ثعبان اسمه شجاع الاقرع يعذبة على عدد ترك الصلاة

والعقوبة عند الموت

1- يموت جائعا وعطشانآ ولو سقى

2- يموت ذليلا .

اما العقوبة يـــــوم القيامة

.يحشر في جهنم اسود الوجهه

وله عذاب شديد

:- باوعي جسمي كله قشعر

:- رب العالمين رحيم بعبادة وينطي فرص لا تعد ولا تحصى بــــس العباد طماعة تستغل وجودها بالدنيا وتعدد الفرص وتستهان باعظم شي هي الصلاة

كلشي بحياتج يتمحور عن الصلاة

الخنكة التحسين بيها الضيق كلهن لان تاركة الصلاة اكو اية تگول

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى {طه}

كلشي مذكور بالقران اقري دائما وراح تحبين الصلاة وتتمنيين لو يخلص كل يومج وانتِ بــــس تصلين

.جرت ايدي من حظني باستها ودموعها تصب

سمر::- شلون اجازيج خالة  حسدت اخواني من شفتهم ملتزمين بصلاتهم تمنيت ارجع صغيرة وانتِ تربيني

- رفعت راسها مسحت دموعها مبتسمة يله كومي توضي وصلي من هسه وكل يـــــوم اقضي للصلاة الفايتج

.هزت راسها قابلة وكامت وياي هي راحت تتوضى واني فتت للغرفة.

تحسرت واني بالباب من شفتة ماكو بالغرفة يعني هاي هي. بعده عند موقفة ويريد يكون وحـــدة براحتة شفتة حتى فراشة ما ماخذة

ولا اخذتة اله وكفت اصلي صلاة الليــــل ودعيت الجمره صار يومين ما محاجيتها

مرات اكعد الكه رسالة صوتية مرات هي التحجي مرات زوجها ومن اكلهم اريد صور يتحججون

كملت صلاتي وكمت تمددت احس طك گـــــلبي عليها أريـــــد اتصل بــــس الوقت متأخر حيل واذا اتصلت احجيلها على خطوبة غـــــدير لو لا

مسحت وجهي محتارة

أريـــــد بنيتــــي تجي حتى لو تعرف اني متزوجة بــــس كون تجي وارجع اشوفها ماكدرت امنع نفـــــسي اتصلت عليها. بسرعة جاوب زوجها حجيت وياها سمعت شقاهم ضحكت الضحكتها واهمس بصوت ناصي

::- لا تغلطين عليه عيب ماما زوجج

::- خيولي اطيح حظة واللـــه

:- ابتسم اسمعة يكلها اضحكي اضحكي الجذابة وهي ساعة تضحك ساعة تغلط علية ماطولت سلمت عليها وسديت الخط ماكتلها شي

باوعت لفراش ادريــــــس ردت اكوم اخذة اله

هسه يگول مكيفة انام بالمكتب

اذا يريد هو ياخذة طفيت الضوة احاول انام وماكدر اتگلب بفراشي رغم التعب ماكدرت اغفى هدأت وغمضت من فتح الباب افتر بالغرفة شوية فتحت عيني المحه بدل ملابسة خلاهم بالسلة واجة للجرباية. تمدد

عدل مخدنة وسحب الغطا بقيت هادئة رفع المخده البلنص شمرهــــا ومد ايده سحبني من ايدي

::- تعالي

- مد أيــــدة جوه راسي واخذني الحضنة يبوس براسي بحسرة واني بــــس جامدة حرت وياه

لميت نفـــــسي بحضنة حيل وحجيت بعتب

::- مو ابتعدت ليش رجعت لعب هي ادريــــــس؟

- باس كصتي وضمني حيل

::- اذا اعوف حضنج وانام وحدي حتى الله مايغفرلي ذنبي

:- لا تعيشني بتناقض يـــــوم قريب ويوم بعيد تأذيني وانا ماعايزة وجع گلب

::- عساني ماشميت الهوا لو اذيتج بشي بــــس نــــهله اكلج شي

- رفعت راسي أريـــــد ابتعد ماخلاني

::- ابقي

:- احجي

- انا رايدج. اعرف هسه حسبالج مجرد شهوة وطمعان بيج لان زوجتي بــــس يشهد عليه ربي

اعشگج من كل روحـــــي "

شلون وشوكت ما ادري كل الاعرفة

روحـــــي ما والمتها غير روحــــــج "

لا اطلب منج تحبيني ولا اطلب نغير اتفاقنا

ولا اجبرج على اي موضوع شي واحد اريده. 

لا تخنسين. حاجيني و كافي ترجفين دكات گلبج هزن گلبي "

مو احاجيج نــــهله

:- بلعت ريك جسمي كله يهتز وصوتي راح كوه نطقت

:- همم

:- شغلة وحـــدة اريدها

:- شنو

::- كل يـــــوم انا الاخذج الصدري وحضني  بــــس اوعديني يـــــوم التحسين نفسج رايدتني كد ما انا رايدج ومستعدة تدخلين فراشي تجين الصدري انتِ بــــس هل أشارة اريدها منج. ما انتظر غير شي اشارة وحـــدة متفقين؟

- خنست ساكتة متقيده الساني نربط

:- لا ترجفين ذبحتيني متفقين؟

:- هزيت راسي اي وانا بحضنة. رخة أيــــدة ساكت وهادئ امنت وغفيت ...

جــــمرة ::- دائما من افكر بامي يجي الأبـــــهر يكلي تعالي اتصلي عليها وقبل لا اتصل يكعد ساعة يسولف اضحكي فرحيها لاتخلينها تفكر بيج

رغم ادري بيه يضحك عليه بهل حجي ويسطر جذب عليها بــــس قبلت بيه حتى ما اعيشها بقلق ..كعدت افكر بيها ومنتظرتة يرجع حتى اخابرها ..

طول حيل يله اجة اول مافتح الباب كتلة

::- صورتهم

:- ما اهتملي كعد على حيلة بالباب نزع حذائة وفتح الشاش من اصابعة يرجفن جانن ومكان الاظافر ملتهب

ابتعدت عنه ساكتة حيل  موجوع يسب ويفشر بصوت ناصي عود مايريد اسمع واني سمعتهن كلهن ..غلط غلطة سخيفة كلش ورفع عينة باوعلي گــال

::- سمعتيني؟

- هزيت راسي اي ..رفع حاجبة

::- شكلت؟

- عدت الكلمة الكالها فك عينة ونتر

::- لااا تلفظينها بعد

::- درووح

::- مو صوجج صوجي انا كلب واغلط يمج

::- همزين تعرف نفسك ...

رفع عينة خزرني هزيت ايدي

::- كل عقلك اني اخاف من خزرتك

انـــتَ كلك ما اخاف منك تريد اخاف من عيونك

رخت ملامحة ونرفع شاربة مبتسم رفع راسة باوعلي

::- شبيهن عيوني ليش مايخوفن

::- حاجبك نازل عليهن مضيعهن

::- تعالي كوميني عوفي حاجبي

:- مشيت يـــــمة سحبت أيــــدة اخذتة لفراشي كعد وماد رجلية حيل متأذيات. بقيت واكفة اباوعلهن مد أيــــدة بجيب البنطلون طلع تليفون

::- تعالي شوفي

- كعدت بصفة مبتسمة دخل على الصور

البنية صايرة تخبل تضحك وتسوي حركات واكثر من صورة الها

::- الولد وينه؟

- دار الصور هواي وطلع فيديو للولد شغلة يضحك ويحجي بصوت ناصي ويتلفت وراه

::- هلو شلونج باوعي انا زين لا تخافين علينا

عـــــمو مايعوفنا

:- دمعن عيوني شفتي ترجف الطفل تقرب للكامرة اكثر مخلي أيــــدة على حلكة يشاور

::- وشكرا لان ردتي تساعديني وتشرديني انا اعرف اسمج بــــس ما اكولة المخلوق

- باس التليفون وابتعد يضحك نسد التصوير

وانا گـــــلبي يرف مدري شبيه اجه ابالي مصطفى وبجيت من كل گـــــلبي ابجي بصوت عالي وهو يجر ايدي من وجهي ويحجي

::- شبيج جــــمرة صدك تحجين شبييج

لا تبجين خرب .........

- جريت ايدي منه وتمددت مغطية وجهي ودموعي تصب

::- بــــس فهميني شبيج. يمعوده خرب بالساعة الصورتهم بيها

- فزيت اشهك من صيح بصوت عالي موجوع

مغمض عينة ويصيح كعدت امسح بعيوني واباوعله ماعرف شبية

::- شكو أبــــــهر شبيك

:- وهو يتلوى وياشر على رجلية واني كلشي مافاهمة. بــــس الزم بأيده واكله شكو

::- رجلي جــــمرة اصاابعي

- درت عيني الرجلية شفت اصابعة مطبوكات ليجوا متشنجات كلهن شلون اعصرهن ولأظافرة مشلعة الچمهن بــــس الزمهن

اعصر فوك اصابعة وافركهن وهو انتهى من الوجع شاط شوية شوية رخت الاعصاب وفكن تمدد ساكت بقيت افرك برجلة واباوعلها مضروبة من كل مكان.

عفتهن من شفتة مغمض عينة زحفت على اركبي تقربت يم راسة

::- هــــا أبــــــهر

-وخر أيــــدة وفتح عينة تعبان بــــس يرمش بجفنة خليت ايدي على خده رجع غمض

::- شبيك؟

-سحب المخده جوا راسة ومد أيــــدة

:-تعالي

:- تمددت بحضنه حاضنتة من خصرة وهم ضامني بثنين ايدية

::-سابحة؟

:-اي

:- عفية

- جمرة اسألج شي

:-اي

:- مرات افوت للحمام واليف بليفتج وانتِ تفوتين وراي ومن تطلعين ارجع ادخل ما غاسلة بيها وبعد ماتغسلين بيها الا اشتري جديدة ليش؟

:- انـــتَ ليش تغسل بليفتي مو عندك نوب الكاهن ثنيهن مبللات

:- واذا. شنو يعني ليش ماتليفين بيها

::- غير تلعب نفـــــسي

سكت شوية يحرك حنجة على راسي

::-تلعب نفسج من جسمي؟؟

:-قصدك يعني لان بيه اثار وهاي؟

::- اي

:-لا حتى لو جان جسمك مابيه شي

:-ليش دائما احسج لعبانة نفسج مني

:-لا

:- كليلي اذا تلعب نفسج حتى القميص ما انزعة كدامج بعد بــــس لا تخليني اشوف نظرتج وانتِ متقززة مني اموت

- كعدت على حيلي اباوعلة وهو متمدد كوه فاك عينة فعلا اني ما تلعب نفـــــسي منه بــــس اضوج من يحس بشي وهو ماكو

مديت ايدي على نهاية القميص بسرعة لزم ايدي

::- شجاي تسوي

:- معليك وخــــر

- دفعت أيــــدة وفتحت الدكم رجع راسة للمخده يغمض ويرجع يباوعلي. كعد عدل نزع القميص والفانيلة ورجع تمدد