تحميل رواية «أهُنتُ عليك؟» PDF

اهنتُ عليكِ

للكاتبة

Nuha-d-h

-

رفل امشي بسرعة والله راح نتأخر علمدرسة

- اهوووو ولج والله مابية حيل لعد هاج لزمي انتي شيلي جنطتي

-جيبي خل اشيلهة امري لله بس امشي علسريع والله عندنة اول درس احياء وهاي ست فائزة عكرة

-ترة والله خبصتينا شكد تنگين

-اي انت ظلي هيج ومن يجي وقت الامتحان تكعدين تدگين يم راسي اليتيمة

(وهكذا مضيا يدا بيد مشيا في الطريق )

مرحبا اني اسمي رسل وعندي اختي توأمي المتطابق اسمهة رفل نحن الاثنين نتشابه بالمعاني والشكل بس رفل شوية اطول واضعف مني مواصفاتنة عادية عيون كبار محاطة برموش كثيفة الي يشوفنا عباله ماسكارة وبشرتنة حنطية مائلة للبياض وفم ممتلئ واغلب الناس ماتكدر تفرق بينا

وعلى كد ما نتشابه بالشكل على كدما اطباعنة وشخصياتنة تختلف يعني الاختلاف بينا فرق السما عن الارض

رفل شخصيتهة قوية وعنيدة غير مسؤلة تحب امي وتحبني بس بطريقتهة الخاصة لكن انة شخصيتي اكثر رزانة وهدوء من رفل اميل شوية للعناد لكن صاحبة مسؤلية اتجاه اهلي

احنا عايشين بمشتمل قرب بيت خالي مع امي لان والدي استشهد واحنا صغار وانطو لامي قطعة ارض لان بوقتهة وزعو قطع اراضي على عوائل الشهداء

فأمي باعت نص من القطعة لخالي وبنت الباقي بفلوس القطعة و احنا من سكنة بغداد ووضعنا المادي تحت الوسط بس عايشين ومكفين احتياجاتنة ولاطالبين ولامطلوبين

كنا نعيش على تقاعد امي وخوالي طيبين على الرغم من حالتهم المادية اقل من عندنا بس ماتركونا دائما يسئولون عنا ويحطون مصرف بيد ماما و حالتنة المادية لاتسمح لنا بالتمتع بملذات الحياة من ملابس وموديلات وجنط وحضور حفلات

واغلب الاحيان من تجينة دعوة لحفلة زفاف تروح بس امي لوحدهة على الرغم احنا نتمنة نروح وياهة

ومرة من المرات تزوجت صديقتنا بالمدرسة تصير بنت جوارينا

وعزمتنا وكان ماعندنا حجة لعدم حضور عرسهة

انة مايهمني شنو راح البس بكد ماجان يهمني ان راح اشوف عرس لاول مرة بحياتي

يعني. راح اشوف عروسة لابسة ابيض ويوزعون كيك وعصاير هواي يعني شكد ما اريد اكل

وبنت خالي تكول يقدمون مرات حتى عشا صواني مفطح يعني تمن وعليه لحم الله

طبعا اني اموت على الاكل بس هَـا موسمينة جسمي تارس والمعالم الانثوية بارزة اكثر من اختي رفل

رفل بنزعاج-اوف يمة شلون نروح للعرس واحنا ماعندنا شي نلبسة

الام-ولج رفل انتي بالذات ماتحجين عن الملابس ولج موذاك اليوم اشتريتلج تنورة وقميص ماصلي شهرين من اشتريتهم الج

رفل -اوف يمة وهسة انتي جاية تحاسبيني على هذني الخرك دتعاي شوفي صاحباتي شيلبسن من ملابس تجنن كلة ماركة

الام-ولج يالمعزاية هذني الملابس الماعجبتج غيرج بطلاع الروح يالله يحصل عليهن

جا شكول على خطية رسل الماعندهة لبسة تروح بيهة للعرس

رسل -يمة عندي جبة كلش حلوة وكاعدة علية فيت انطتنياهة بنت خالي رشا

الام-لله يرضى عليج يمة خوش لعد من اروح للسوك اشتريلج شال وياهة واشوف شجيب لهاي الغبرة اكلت گلبي بس تون براسي

رسل گعدت بغرفي واني بيدي كتاب الاحياء اقرة

بلكي هلسنة اشد حيلي واجيب معدل علمود ادخل كلية زينة وتوظف واساعد امي

خطية امي هواي تعبت علينا وكافحت علمود عيشتنا

ربي لايضيع تعبهة

وكالعادة

دخلت رفل وشغلت المسجل وكعدت تركص وفاتحة شعرهة وهي بغير عالم اباوع عليهة ولاهامهة شي اصلا

لاتلزم كتاب ولاتفكر بدراستهة

رسل-رفل عفية طفي المسجل اريد اقرة مابقة وكت على الامتحانات

رفل بضجر-اي عودك من تجي الامتحانات اني اكعد اقرة على شنو كاسرة ضهري من هسة وبعدين جسمي وجمالي يخرب

رسل تهز بيدهة-والله موطبيعية انتي اشدخل الجمال بالشهادة

رفل -حبيبتي اني اذا بقى حلوة مو اي واحد راح يوصلني الا عندة فلوس اني عندي الجمال وهوعندة الفلوس تبقى الشهادة وسيلة حتى التقي عن طريقهة زوج المستقبل الغني

رسل-اللهم ثبت العقل والدين

رفل -وانتي ظلي هيج جنج غراب كلة عيب وكلة مايصير

الام-يالله عفية بنات استعجلو هم يالله نروح للعرس اي مو اتأخرنا

رسل-هياتني اجيت خلصت

رفل وين صرات

رسل-جاي تعدل نفسه

الام -صدك ماتستحي وهسة هي وينهة الخاتونة لحد هسة ما خلصت

نزلت رفل جنهة لعابة باربي بالترتيب والنزاكة

-يالله خلصت امشوناخل نروح اكلتو راسي

وصلنا لحلفة العرس لصديقتنا وجان زوجهة حالتة المادية كلش تـُـــوب كان مسوين العرس بنادي راقي بس الاغنياء يكدرون على تكاليف العرس بهيج قاعة

رسل

اول مادخلنا اني وامي ورفل للقاعة ماشاء الله عبالك قاعة حفلات اميرات (وول دزني )تجنن ظليت بس فاكة حلگي على الترتيب والفخامة

رحنا كعدنا على ميز كان من جهة اقارب العروس يعني اهل العريس على جهة واهل العروس بجهة الظاهر همة مرتبيهة هيج جنا اول الحاضرين للقاعة هههههه مامصدكين رايحين عرس امي اختارت ميز يصير مكانة بالزوية يعني ماعليهة الانظار

رفل-ليش ماما هنا نكعد خل نتقدم شوية كدام حتى نباوع زين على العرسان

الام-لايمة نكعد هنا احسن خاف يصير تصوير ونطلع بي

رفل-اي وشنو يعني خلنتصور حالنة حال الناس قابل بايگين

الام-يمة انة لو بس اعرف هذا السانج عليمن طالع هيج طويل وينرادلة كص جان ارتاحيت يالله انطمي وسكتي وكعدي هنا

رسل

بدت الناس تجي وكعدت اشوف البنات شلون اية من الجمال بالفساتين والذهب تكول وحدتهن عبالك طالعة من مجلة (لك سيدتي)

اشوف رفل شلون كعدت تكمز من شافتهن

رفل-امدة حظي واني امي مگابلتني وكاعدة كلساعة تعيرني بهذن الخرك دتعاي شوفي هذني البنات شلابسات هذولي يسمونهم ملابس مو هذني (تاشر على ملابسهة)

ورة شوية دخلت صديقتنا سما هي وزوجهة وطالعة تجنن عبالك برنسيس بالنزاكة وزوجهة كان اكبر منهة بالعمر كان الفرق واضح بينهم

وكعدو المعازيم بالتوافد على قاعة العرس كان مختلط و

كان واضح على اهل العريس اغنياء فاحشين الثراء

بدة الركص والاغاني واباوع عليهم عادي عدهم الولد والبنات يركصون سوية عكس اهل سما شفت بناتهم وصديقاتنا يركصون على صفحة مو وياهم

اجت صديقتنا لمى وكعدت يمي.

لمى-هلة رسل البقية بحياتج

رسل بستغراب-عليمن

لمى-على المروحم رجلج الراح شهيد وهو بعز شبابة

رسل -شبيج لمى شاربة شي

لمى-اي مو دشوفي شكلج عبالك مرت شهيد وعندة كومة جهال ادري هي هاي هم ملابس جاية بيهة للعرس ولج هذني حتى فاتحة استحي اطلع بيهن

رسل

لمى صديقتي وياي بنفس الصف بالسادس علمي ونسيت اكلكم ان رفل داخلة للسادس ادبي

لمى حالتهم المادية زينة وكلش حبابة بس بيهة خصلة مو حلوة هي التهور اشوفهة مرات تكگعد وية شلة سمعتهة مو زينة وتجي يمي تحجيلي عليهن شيسون بالولد والكبلات وشلون مستغلين الولد حتى يصرفون عليهن اني من اشوف لمى تگد وية هاي الشلة اتخبل اگوم عليهة وارزلهة رزالة معدلة مااقبل عليهة لان مجرد الجلوس وية هاي الشلة تجيب الشبهة للبنت

رفل -لمى امشنا هناك خلنشوف شلون راح يقطعون الكيكة وعوفي هاي المعقدة هنا گاعدة

رسل

اباوع لرفل اخذت لمى صديقتي وراحت هناك وكانت تتجه لصفحة المعازم الخاصة بأهل العريس

وشفت بدوا يقدمون الاكل اول شي قدمو صحن بي مقبلات بعدهة اشتغلت الموضفات المهتمات بالتقديم بدفع العربات بيهة جميع اصناف الطعام يعني مثل البوفيه المفتوح وانت تختار

واني الحمدلله من وصل لحد عندي التقديم ماقصرت وترست صحني بماتشتهيه النفس واخذت حصة لرفل العوبة ولمى الراحن ولحد هسة ما رجعو

امي وهي تضربني بالعكس بخاصرتي - بالله گومي شوفي هاي المگموعة وين صارت والله هاي تاليتهة تموتني ناقصة عمر من وراهة ادري الناس كلهة هادت

رسل -اهوو يمة هسة تجي قابل راح تطير خليني اكل قبل لاياخذون الصحون

الام-بس گومي شوفيهة

رسل

رحت ادور على رفل واتوجهت للمكان الي اخر مرة شفتهة بي واني امشي شفت وگعت بالگاع جداحة لونهة ذهبي گدام صارت يم رجلي

دنگت اشيل الجداحة

ورفعت راسي صارت عيوني بعيون لونهة عسلي شفتة رجال گاعد على ميز بس مميز الظاهر عذا الميز خاص بس للشخصيات المهمة

باوعلي من فوك ليجوة. بتكبر

انطيتة الجداحة ردت اكمل طريقي سمعتة يصيح

-انتي يبنية

رسل وهي تأشر على نفسهة بستفهام -تحجي وياي؟

-اي وياج اكو غيرج منظفة هنا

رسل بتردد

- شيلي هاي الصحون من گدامي ونظفي الميز

للكاتبة

Nuha-d-h

يتبع

أهُنتُ عليك ؟

للكاتبة

Nuha-d-h

رسل

سمعت طلب الولد

جاوبتة ببرود - اخي متوهم اني مو منظفة وعفتة

سمعتة حجة من وراي-عمي سترالله على المنظفة

بعدهة سمعت كلام ولد جان كاعد بصفة -بس والله حاتة دشوف. جسمهة شلون يملخ وهاي هي لابسة جبة

يمة اني سمعت كلامهم واني رجلية گامت تطك رجل برجل

انتبهت على رفل ولمى واكفات قرب شلة مختلطة واكفين على جهة معزولة بزاوية بنهاية القاعة

شفت رفل تضحك وتسولف وية ولد وهويباوع عليهة بنظرات غريبة اشوف هي تحجي وهو يباوع على جسمهة شفتة شلون مد ايدة على خلفيتهة واختي ملتهية وية البنات بالسوالف شفتة اتمادة وكرصهة من وركهة ورفل كمزت وظلت تباوع عليه متفاجئة بحركتة وياهة

بس انصدمت من ردت فعل اختي رفل من ابسمتلة بخجل

رحت اقتربت منهم وخزرتهة

رسل-رفل امي تريدج تريد ترجع للبيت يالله

رفل وبعصبية وبارتباك -يالله يالله جاية

انتي روحي واني اجي وراج

رجعت واتذكرت لازم ارجع بطريق هذا المكروه وعديت عليه واني مدنگة راسي سمعت الولد يكلة ولك لوهيج خلفية لوماكو دباوع باوع شوف رحمة الله

والله لو ما اخاف جان نزعت قندرتي وعلى حلگة الادبسز

هذولي شنو من بشر والله عالم غريب

رجعت وشفت صديقتي سما كامت تركص سلو مع زوجهة

الام-هَـا ماما لگيتيهة

رسل -اي ماما كاعدة وية صديقاتنا وهسة جاية وراي

اجت رفل وهي بس تنافخ وضايجة مني حيل

رسل-الحمدلله والشكر يعني الج عين وتحجين

رفل برتباك -اش نصي صوتج لاتسمعج امي

مرت الايام ومضت

وتفارقت الطرق

اني نجحت من السادس وجبت معدل ٩٠ورفل نجحت وجابت معدل٧٦

امي كالت لازم وحدة بيكم تدخل كلية لان ما اكدر على المصاريف كسران ظهر

وخالكم يگول خلي رسل هي التكمل دراستهة لان شاطرة وسباعية وماراح تضيع فلوسنة بيهة

رفل سمعت كلام امي وهي حركت البيت حرك وظلت تكسر الصحون وتصيح

اخذتلهة فترة صارت جدا متمردة

ووكعت مريضة واخذناهة للمستشفى وطلعت حالتهة النفسية تعبانة

اخير شي اضطرت امي تستسلم لارادة رفل مثل كل مرة

رفل قدمت على كلية قانون واني قدمت على معهد تمريض

صادف مكان المعهد يكون قريب علينا واروح مشي للدوام على الرغم حلمي انبتر وماكدرت احققة لكن كلة يهون لاجل اختي لان اني استحمل واقوى منهة واكدر اتعايش بسرعة ويه الظروف

ومن بعد مشكلته الاخير وية امي صرنا نتجبهة وما نزعجهة

امي صحيح مرات تعصب علينة وشديدة ويانة لكن هي تموت علينا وتخاف علينة من الهوى الطاير تربيتهة النة كانت حب مع بعض الصرامة والقساوة

لاحظت على رفل اختي بعض التغيرات من بعد عرس سما صديقتنا

مرة بالليل ردت اروح للحمام شفت رفل خالتة جوة الدرج وتهمس اقتربت علصوت سمعتهة تحجي وية واحد بنقال ماما

رحت عليهة بوقتهة وطيحت حظهة على التسوي

هو يا ريت كان بس كلام بالنقال مع الولد لا اللي خبلني كانت تتكلم وياه بالفاظ قذرة مقززة واسمعهة تگلة بس شوية اصبرلي حبيبي

رسل -اخر حيوانة شنو هاي التصرفات الحقيرة انتي ماتستحين

رفل وهي تحط ايدهة على حلكي -اش اش صوتج فضحتينة

دخلتني للغرفة وسدت الباب حتى امي ماتسمع حجينا

رفل -شوفي حبوبة اني ماخايفة منج وما عندي شي اضمة لكن اني ومروان اتفقنا بس اخلص كلية يجي علية يخطبني يعني هو هسة بمثابة خطيبي

رسل-اي بس بعدكم ماكو شي رسمي بينكم يضمن ان هو صادق وياج

رفل -لا حبيبتي قابل شگلولج علية قابل اني رسل المطفية اني اعرف شلون اخلي يجي ويتوسل

وتصرفاتي وياه مجرد اغراء بس ما اخليه يطول شعرة مني الا وهو خال بيدي حلقة زواجنة

رسل-شوفي رفل اني والله اخاف عليج ومن الي جاي اسمعة من البنات وشنو جاي يصير من كوارث ومصايب ببنات العالم

انتي تعرفين محد النة بهاي الدنيا واحنة بس بنات خصوصا خالي من قدم على لجوء واخذ عائلة وهاجر

وبقة بس هذا خالي وهذا مايتفاهم

رفل -اهوووو رسل انت شكد سلبية وتكسرين مجاذيف الواحد يعني اني وين احجي وهي وين تحجي

انتي بس طلعي من السالفة وماعليج لان من تحشرين روحج بشغلة تخرب

رسل

ويوم عن يوم بديت اخاف على رفل من تصرفاتهة

بدة دوامي وباشرت بالمعهد وتعرفت على مجموعة بنات حبابات بيهن اثنين متزوجات وووحدة مامتزوجة بعمري

كان اسمهة ياسمين كان بيتهم يصير بطريقي مالت المعهد فقررنا ان كل امر عليها ونروح سوية

رفل كانت طايرة من الفرح بالكلية وجانت تحجي عن حياة الكلية ولبس البنات والشباب

من اول شهر بالكلية لرفل لاحظت التغيير على ملابسهة وستايلهة وكامت تروح للحلاقة وتسوي حواجبهة وكصت شعرهة صارت كل شي تسوي بعناد ماما

جانت ماما ماتقبل على تصرفاتهة بس رفل جدا متمردة

مرات احس امي مابيدهة حيلة حتى توقف رفل عند حدهة رفل سافرة ماتلبس حجاب بس انة لبست الحجاب

اني مو مثل رفل ما اميل للجانب الجمالي والعناية وسوالف البنات من حب التسوق والمولات يعني مو ما احب هاي الاجواء بالعكس اتمناهة لكن ما اهتم حتى لو ما توفرت ما اضوج لكن رفل تأثر عنده هاي الاشياء لان هي جدا طموحة

الام -يمة رسل ضميتلج لفة البيض والبتيتة بالجنطة ولفيتهة بجيس

رسل -اي يوم عاشت ايدج

الام-زين بس شربيلج كلاص جاي فتحي ريگج قبل لاتطلعين

رسل-لا يوم والله ما لحك

باست امهة من راسهة وطلعت تركض

الام-الله ييسر امرج يابت بطني

رفل بدلع-اي الدعاء والكلام الحلو كلة لست رسل واني بيت البطة السودة

الام-لايمة ليش هيج تحجين انتو اثنينكم اعزاز عندي اشعدي غيركم

رفل -يالله مامي چاو سلام

الام-بالله هاي شحجي وياهة هسة هذا سلام حتة لغة القران نسوهة الله يستر من جيل هلوكت

واسترمت الايام

لمى -رسل سمعي كلامي بس هلمرة والله الولد كاتل روحة عليج واكل گلبي اكل بس كون اخلي يحجي وياج حتى لو من نقالي بس يريد يفهمج

رسل وبممانعة-مستحيل شتحجين انتي لايمكن اقبل بهيج شي وعلى كلٍ هذا واحد صايع ومدلل امة وتلگينة متعود ياخذ اليريدة

لمى -ولج شبيج عوبة ولج حتى لو بس تحجين وياه وتضحكين وياه ولج يغركج بالفلوس ويعيشج اميرة

رسل -لاعيني شنو شفتيني قابل شكيتلج اشو الحمد عايشة وقانعة

لمى -يطبج طوب انتي مو وجه نعمة ضيعتي علية نقال ايفون حديث

رسل بشهكة-ايا حيوانة جاي تاجرين بعرضي والله قهرتيني

لمى -لا لا والله موقصدي هيج شنو انتي صديقي العزيزة قابل افرط بيج بس والله اتمنالج الخير واحبج تعيشين وتلبسين مثل البنات هسة موهاي اختج رفل شوفيهة شلون عايشة حياتهة حتى لو على حساب سعادت غيرهة لو تعرف تدوس عليج انتي وامج في سبيل الوصل لسعادته تسويهة وتدوسكم

رسل بغضب-لا انتي اليوم مو طبيعية وزودتيهة كلش

شنو معنى هذا كلامج اختي رفل مو هيج وما اسمحلج تحجين عليهة هي رغم تصرفات الرعنة بس تموت على امي وعلية

لمى بضحك-والله انتي مسكينة وعلى نيّاتج بابا دروحي سئلي على سمعة اختج بالكلية وبعدين كعدي احجي براسي

للكاتبة

Nuha-d-h

يتبع

أهُنتُ عليك؟

للكاتبة

Nuha-d-h

رسل-لا انتي كلش زودتيهة رجاءا ثمني كلامج قبل لاتحجيه لان راح تبيعين صداقتنا بهذا اسلوبج

لمى -لاحبيبتي اني مثمنة كلامي بس انتي حضرتج الي فضلتي ان تتغاضين عن تصرفات اختج وادري بيج كلش زين انتي بنفسج ما مقتنعة بيهة

رسل -اسفة لمى بيتنا يتعذرلج انتي ما احترمتي حرمتنا وتجاوزتي حدودج ما اسملحلج تطعنين باخلاق اختي

لمى -لج الثولة انة شحجيت وانتي گبيتي بوجهي وهم ياريت تستاهل تدافعين عنهة تردين تطرديني عادي اصلا اني راح اطلع بدون ماتحجين لان ما راح اتحمل عنادج وتغافلج بحق اختج المتستغلتكم انتي وامج

وسمعيهة مني اختج لاعبة شلم بلم بالكلية وما ظال واحد مالاعبة عليه حبيبتي روحي سئلي قبل لاتجين تدافعين عن شرف المصونة اختج

بس تعرفين شنو القاهرني قاهرني انتي وامج مسوين نفسكم متدرون وهي على مستوى من الانحراف

رسل بقهر-لمى طلعي برة وبعد انسي عندج صديقة اسمه رسل

رسل من بعد كلام لمى عن اختهة ظلت تراقب بيهة وتشوف تصرفاتهة بس ما لاحظت عليهة شي يخليهة تشتبه بيهة.

رسل-رفل منينلج هاي الملابس

رفل-مو مالاتي مالت صديقتي واني اطلب منهة والبس لو حتى هاي ماتقبلون عليهة لاتقبلون تشترولي ملابس ولاتقبلون اطلب من صديقتي. يعني لا انطيك ولا اخلي رحمة الله تنزل عليك

بوكتهة عرفت رفل سالكة طريق خطاء وان كلام لمى كان صحيح

على الرغم من بساطة العيش لكن احب من ادخل للبيت اشم ريحة مركة السبيناغ الي تسويهة امي بحيث من باب البيت اشم ريحتهة امي حبيت گلبي هي التخلق النا الجو الدافي داخل البيت واتذكر من نكعد ونسهر اني وياهة ورفل على فلم خصوصا اذا كان الفلم نهاية حزينة نظل وحدة ماتباوع لوجه الثانية بس من نشغل الضوة ونباوع لشكولنا وعيونا وخشومنا شلون حمر نظل نضحك

رفل وبيدهة علاكة-هاج اخذي ضميهة للسهرة اليوم خميس لاتنسين عليج الشامية انتي تسويهة

الام اي صدك اليوم بيت خالكم يجون

رسل وبفرح -يمة بيت خالي كلهم راح يجون؟

رسل اني احب بيت خالو اسعد واحب بناتة كلش حبابات واحب گعدتهم وسوالفهم هنة مثل حالنة لاطلعة ولامشية واذا رادو يطلعون من بيت لبيت تصير طلعتهم مثل حلاتنة. واذا كلش كلش طغينا نروح سفرة للسندباد وناخذ غدانة ونروح

الام -اكلج رسل كومي يمة لبسي عباتج روحي اشتريلنة ربع كيلو لحم مثروم حتى اسوي كباب عروك للعشا

رفل-عوع كباب عروك شنو لاماما حبوبة روحي اشويلنة كباب عند الكصاب القريب عالسوك

الام -لايمة منيلي فلوس ووبيت خالج جايين واحنة كومة هسة لو بس انة وانتي واختج حان رحت لبست عباتي وشويتلج

رحت لبست عباتي وجنت امشي بالمنطقة كان اكو بيت ركن بي شاب مرتب اسمة يوسف هيج يصير عمرة ٢٥

جنت كل ما افوت من بابهم الكاه كاعد ودائما الكة يمة عدة مال تصليح سيارات

جنت معجبة بي بيني وبين نفسي وجنت كلما احط راسي علمخدة اظل اتخيل نفسي ان هو يجي يتقدملي ويكول لو هاي البنية لو ما اتزوج جانت احلامي بسيطة

جان اكبر همي امي وشوكت اكون عائلة خاصة بية

جان الولد جدا خلوق ومحترم وابد مايوم سمعني كلمة مثل الشباب البقية الي من اعبر عليهم لازم يصجموني

اني اشوف روحي عادية مو ذاك الزود وبنظري ان اختي رفل احلى مني بقاطات بس لمى جانت دائما تكول انتي احلى من رفل وتقاسيم جسمج نادرة الامتلاءات كلهة بالمكان الصحيح اني مايهمني لاتقاسيم ولا موصفات اني يهمي هذا الحلو الگاعد بباب بيتهم وجاي يشتغل بالعدة مالت السيارة وخدة بي لطخة دهن اسود مالت السارة وايدة كلهة زيت اسود

اني امشي واباوع عليه اخ الله شلون شكل طالع اشو الصخام زادة وسامة من فدوة رحت لامة

اخ لوبيدي اروح اكللهة خالة ما تردين جنة اوف اوف

بس الحلو بالموضوع من امر من يمة يظل بس يباوع علية لكن ابد ما فديوم سمعني حجاية

اتقربت على بيتهم امر من يمة سمعتة جان يحجي وية ولد من مريت من يمهم شفتة سكت هاي الحالة دائما تصير كلما اعبر من بيتهم وهو موجود اكثر من مرة

اني هذا الموقف اظل اجمعة وية المواقف البقية واظل اتحلم بي كل يوم احس مثل الي عندهة محصلة وتجمع بيهة فلوس واگعد اجمع هاي اللحظات

وصلت للكصاب وطلبت منة ربع كيلو لحم انطيتة الفلوس وانتظرتة يرجع الباقي سمعت من وراي احد دخل للمحل وكعد يحم حم -احم احم -عفية فدوة ابوشاب وين صار كباب الشوي مو گلت ربع ساعة وتعال درت وجهي وشفت يمة هذا يوسف اجة وراي يمة گلبي شفتة اتفاجئ من شافني يعني جانت صدفة مو جاي وراي يالله احسن من ماكو رب صدفة خير من الف ميعاد

الكصاب -ماعندج ٥٠٠ دينار جوة ايدج حتى ارجعلج ٥٠٠٠ الاف

رسل -ماعندي

دخلت علينة مرة اسمهة ام قصي تصيرمن نسوان المنطقة بس ثقيلة جدا

رسل وبگلبهة اهووووو شجابهة هاي حظي

ام قصي-هلة برسولة شلونج يمة وامج البذاتة شلونهة

يوسف-احم احم انة عندي جوة ايدي ٥٠٠دينار هاك

رسل -لالا اخوية ميحتاج هسة هو يرجعلي حتى لوخردة

بس عودك انة شنو من حجة يوسف هيج عبالك ماكال عندي خردة لا عبالك گال هذا المقدم مالت العروس جا غير اتخبلت جاغير حبيت ام قصي ومتت عليهة وردت احضنهة من الفرحة

ام قصي-منو يمة هذا خطيبج

عااااااا لا لا ام قصي راح اسميج بعد كلة ملاك الحب

اني بخجل ابو الحلك المشكوك بس بصوت عالي -لاخالة موخطيبي اني مو مخطوبة

ام قصي -چا شبيهم العرسان انعموا مايشوفون هذا الجمال كلة

لالا بعد هاي هي كعدت اهتف فلتحيا ام قصي حبيبت الكل

انطاني الفلوس الكصاب بس خردة ونصهن مشكك بس ميخالف اهم شي حصلنا شوفت العزيز

رسل -خالة حبيبتي عودك هم مري علينا نشوفج ونشوف البنات

اي رسل هاي من ليمتة انت هيج حبابة

وعفتهم ورحت

والله وجاي امشي بالشارع واشتريت وياي صمون بدربي واشوف واحد يركض وراي ويصيح بسمي التفتت واشوفلك يوسف لا لا هذا اليوم ناوي علية بسكتة قلبية

احم عودك سويت روحي ابيع ثكل وبالك عني شفتة اقترب مني ويبتسم يمة عزة العزاني هسة راح يكلي وين بيتكم اريد ادز الولدة تطلب ايدج

يوسف-اسمج رسل

رسل بخزرة مصطنعة -اي نعم شرايد ليش تتبعني ترة موحسبالك عبرت علية سالفة الكصاب وشفتني ماعبرتك

وهسة جاي راكض وراي

يوسف وهو يضحك -اي والله دوختيني من طلعتي

رسل گلبي گام يگمز -شنو قصدك دوختك احترم نفسك

يوسف ويمد ايدة الية حتى اخذ منة شي

يوسف -هاج اخذي لزمي

رسل-لالا احترم نفسك اني ما اخذذ ارقام من ولد

يوسف -هو شنو فتهمتي والله خبصتينا بس لوك لوك لوك انطي مجال خليني احجي

هاج لزمي علاكة اللحم نسيتيهة عند الكصاب

يبوي يبوي دورولي حفرة اطم روحي بيهة

رسل وبفشلة -احم احم اة شكرا

بس عودك اني شصاربية درت وجهي وكبل مايشوف بس غباري عبالك مثل هذا (البيببيب)

رسل

دخلت للبيت واحجي وية نفسي واغمهة

والله عوبة چاهي العوبة شلون شكلهة يصير

الام-هاخيرج شبيج تحجين وية نفسج شنو جبتي اللحم

رسل -اي هياتة بالعلاكة

والتهيت وية امي بالمطبخ اثرم الكرفس وبالي وية المحبوب اخ هسة شيكول علية بس والله من الفشلة بعد ما اراوي وجهي بعد كلة اطلع من الفرع الورانة حتى ما اشوفة بس كم يوم علما ينسة بلكي

رفل -اكلج يمة راح انضف بس الهول غرفتج خليهة على باجر اطلعهةً

الام -اهووو بدة شغل التلزك اريد مرة تكملين شغلج على اكمل وجه ماكو

رفل-يمة شنو بس تحجين علية انت قسمتي البيت انة علية شغل البيت ورسل عليهة المطبخ زين ليش من ست رسل تدخل لشغل المطبخ الكاج وياهة تساعدينة وانة اكرب كراب المطي ما فديوم سمعتج كلتي تعاي اساعدج

والله ظلم هذا

الام-يمة يمة اكلتنة بلسانهة هاي كلة هيج تكضيهة بس تتبكبك والله عمي بهذا السانج صدك تستاهلين تصيرين محامية لانج ام السان (حشة اخواتنا المحاميات )

اجو بيت خالو اسعد

وكلش تونسنة وياهم حطينة العشا خطية خالي جان جايب وياه ركية

ورحت قطعتهة وزعته بصحون ونزلتهة علسفرةز

بعدين من خلصنا راحت رفل وطلعت جيس كرزات وجبس حجم عائلي وكاكوبانواعة وعصاير وكعدنا نكرز واني اباوع لرفل هذني الغراض منين اجن بس ماگدرت احجي لان بيت خالي عدنا

من طلعو

اني كبل رحت ورة رفل ودخلت عليهة بالغرفة وسديت الباب-رفل من وين جبتي فلوس هذني الغراض

رفل-اهو اشتغلت رحمة الله

انتي تاليتهة وياج بابا توبي مني وخري عن طريقي

رسل-لا والله ما اوخر عنج واشو الاتگليلي منين جبتي فلوس هلغراض

رفل -تدرين شنو صوجي اني الي فكرت بيكم واتنغصتلكم عليهن وحبيت تاكلون منه

رسل انت هواي تخنكيني بهاي التحقيقات مالتج اني هم اختج بس اشو ما ادخل بحياتج وبخصوصياتج

تدرين شنو مرات احس بيج مو اختي احس بيج حجر عثرة واكفلي بكل طريق

رسل -انعم الله عليج خية ماتقصرين

للكاتبة

Nuha-d-h

يتبع

أهُنتُ عليك؟

للكاتبة Nha-d-h

رسل

مرت الايام

والحال على نفس ماهو عليه لكن ماما بدت بهاي الام اشوفهة هواي تدوخ وتطيح

اسألهة تكول عندي دوار بالاذن الوسطى

واختي رفل من ذاك اليوم واني علاقتي بيهة متضعضعة

مرة قررت ان اخطي الخطوة الي لازم اسويهة من زمان

رحت لكلية رفل وبقيت بالباب مقبلو يدخلوني فكلتهم اني اخت رفل محمد بكلية القانون وذكرت المرحلة والله ورة شوية واجت رفل وعيونهة تجدح نار

رفل-انتي شجابج هنا

رسل -شبيج ضايجة اجيت اسأل على اختي حبيبتي

رفل-خوماكلتيلهم انتي اختي وعرفوج

رسل-وليش يمة ما اكول انة اختج لوخايفة من عندي

رفل-نصي صوتج ويالله امشي ولي منا

فضحتيني جنج مگدية بهذني ملابس

رسل بوكتهة اني عرفت رفل جانت مستنكفة ان يعرفون اني اختهة

رسل -هاي مشكلتي مو مشكلتج سامعة

شوية وطبكت قريب علينة سيار جكسارة حديثة نزلت جام السيارة شفت شاب كاعد بيهة ويمة شاب ثاني نزل الجامة وحجة وية رفل

يالله ماتمشين ترة صارلنا ساعة منتضريج

رسل جريت رفل من ايدهة -والله اليوم الا احجي لامي عليج شدتسوين من وراهة

رفل -اعلى مابخيلج اركبيه بكيفج تردين تموتين امي وتقهريهة هذا الشي راجعلج

وعافتني وركبت بسيارت الشاب

بس متت قهر

بعدهة مرت سيارة شفت بيهة لمى صاحبتي وية اخوهة راكبة شافتني ودارت وجهة بس قبل لاتدور ابتسمت

لان كانت بنفس الجامعة

والله متت قهر وعرفت اختي ضاعت والله اليستر من الجاي

مرت السنين واني تخررجت من معهد التمريض واختي رفل اتخرجت من كلية القانون واصبحت محامية

بعد سنة

رفل اتعينت بشركة اهلية كلش معروفة تعينت بواسطة عن طريق صديقتهة حسب ماتدعي

واني اتعينت بالمستوصف الي بمنطتنة

وبقيت مستمرة بنفس طريقي وكلما اشوف يوسف

ياربي شوكت تفرجهة علية حتى الاحبة يصير الية

كل يوم اردد هاي الكلمات

صار حبنا بس بالعيون احس بنظراتة اكو بيهن اعجاب بتجاهي وصرت اتمنى يحجي وياي

على الرغم انة مو النوع الي يحب التكبيل بس وية يوسف الشغلة غير

رفل -ماما عندي ايفاد للبنان ولازم اروح اني وكم زميلة والمدير بشغل جدا مهم

امي-لايمة مااعندنا بنية تسافر لوحدهة بديرة غرب

رفل -اهووو يمة اني جبيرة وواعية ومسؤلة عن تصرفاتي مو مراهقة وجاي تحجين وياهة هذا الكلام اني ماجاي اخذ رايج اني جاي انطيج خبر حتى تكونين على علم

الام-عزة العزاج ياصلفة ولج اليوم الا اوكلج تبن شنو ولج شفتي نفسج كبرتي حسبالج كبرتي علية

وركضت امي وضربت رفل بالقوري

وجة براسهة

اتفاجئت من شفتهة هي ورفل دخلت علية بالمستوصف حتى اضمد الهة الجرح لان نبع الحنان فاتحة راسهة بالقوري

بس خطية جان وجه امي اصفر

وبوكتهة رفل ما سافرت بس البيت بذيج الايام انكلب جحيم

مرت فترة وصادف وقت شتة والجو جدا بارد يجرش

خطية جنت ارجع من الدوام مالتي الكة امي مشغلة الصوبة وخالة عليهة جدرية لبلبي الله واوح اغير مبلابس واكعد يم الصوبة واصبلي كاسة لبلبي حارة واخذلي صمونة واكعد اكل واحجي لامي عن يومي لكن اليوم جان جدا مميز

شفت يوسف اليوم جاي بالمستوصف وجايب امة كانت امة قوية زينة موجبيرة بالعمر جان جاي يجيك ضغطهة

واني كمت بيهم بالصلوات وجيكت ضغطهة ووهو يباوعلي ويبتسم

امة من طلعت ماطلع وراهة بسرعة

يوسف -احم احم ممكن سؤال

رسل رفعت راسي من المكتب جنت جاي ارجع جهاز الضط لمكانة -نعم تفضل

يوسف-انتي مرتبطة

رسل وبخجل-لا مو مرتبطة

يوسف -عادي اذا واحد يتقدملج

اني -عادي ذاك بيت اهلي وهلة بيهم اذاكان انسان محترم ليش لا

الله يارب شكد تحبني

يعني يوسف راح يصير زوجي والله الصبر حلو

من يتكلل بالزواج بعد انتظار

كانت رفل اختي خلال هاي الايام اشترت سيارة حديثة وامي كعدت تستجوب وكعد السين والجيم يشتغل على راس رفل

والله حرام عليهة شلتة لحال امي

رفل -شبيج ماما هاي سيارة جنت مقدمة عليهة بالتقسط بس للموضفين مسموح الهم ياخذون واشتريتهة لان تفيدنا

وكالعادة عبر الموقف علية وعلى ماما

لكن ورة شهر اختي رفل اتغيرت احولهة وصارت ما تاكل وبس تفكر

واني اختهة وتؤامه احس بيهة لان مهما كان تبقى اختي وجان شكلهة يكسر الخاطر اسمعهة بس تبجي بالليل

بعدهة اجت رفل وبيدهة جنطة

وخلاهة بالكنتور مالتهة وقفلتة بالسنتين الاخيرات تعودت على رفل اختي صارت دائما تقفل الكنتور

رفل-رسل بس لحظة عوفي البيدج وتعاي محتاجت بشغلة

تركت الجلافة على السنج ونشفت ايدي ورحت وراهة

شفت اوراق مطشرة على الميز مالت الهول واشرتلي وهي لازمة ايدهة

كالت عفية كتبي عني ايدي مخلوعة عندي شغل مكتبي كلش مهم ولازم اخلصة اليوم والله وكعدت اكتب ومبين عليهة كلة شغلات تخص القانون ومن علي السوالف

والله خلصت شغلهة وسئلتة -اجيبلج دهن امرخ ايدج خاف تأذيج

رفل-اي والله ياريت خية

رسل الله صارلي شكد ما سامعة هاي الكلمة -هسة دقيقة

رحت سويت الهة حليب واجيت وجبت المرهم

رجعت لكيتهة غافية على القنفة شكلهة يكسر الخاطر وهواي ضعفانة

رفل بالفترة الاخيرة هواي تغير اسلوبهة وتصرفهة وية امي وخطية اشترت النا غسالة اوتماتيك وثلاجة بدل الثلاجة جانت كل فترة لازم موديهم لمصلح

واشترت سبلت لامي وسبلت لغرفتنا

وكالعادة غراض بالتقسيط المريح وحتى الذهب صار عندهة هواي ذهب

رفل-رسل اليوم حضري روحج اخذج وياي للحلاقة

رسل -خاف امي ماتقبل ولج

رفل-شنو امي ماتقبل انتي جبيرة ولج بنات بالمتوسطة يحفن ويلعبن طوبة وانتي بكد السليمة وتخافين من امي

والله عاد كدرت رفل تقنع امي وتاخذني للحلاقة وكعدت الحلاقة تشتغل بيه اربع ساعات غسل وتشحيم يعني حف على شيرة على كص على صبغ من كمت من الكرسي والله اتفاجئت بشكلي حتى نزيت يمة هاي اني

الحلاقة-ولج شنو جنتي دافنة نفسج بالحياة هذا الجمال كلة وهيج هاملته تعاي شوفي البنات بحسرة هذا الجمال وما كاعدات راحة وانتي مبينة طيبة وعلى نياتج

رفل-سولاف عوفي اختي بحالهة ترة ماتعرف شتقصدين لو تحجين منا لباجر ما راح اخليج تقتربيلهة كافي عليج انة

رسل ما افتهمت حجي اختي

وبذاك اليوم العصر اجن نسوان وكعدن يحجن ويباوعلي وعرف ان همة خطابة جايين من طرف يوسف

يالله اجيت ابجي من الفرحة

اباوع للمرة الي اجت وية ام يوسف بس تتلمس بية وتصح صلوات على محمد خالة هذا شكلج كلة طبيعي لو عمليات تجمل ترة ياخالة صارت بينا خوفة من البنات

بالله خالة شو كومي امشي كدامي جنت لابسة دشادشة قصيرة لطش على جسمي صايرة عبالك فستان

كمزتني من كرصتني من الخلفية مالتي وتكلي يمة هذا طبيعي لو ابو السفنج

رسل بستغراب-خالة ما افتهمت شتقصدين

امي -كولي خية ما شاء الله طبيعي هذا

رسل

ادري ام يوسف جايبة هاي المرة حتى تفحصني عوزهة بس مادخلتني للغرفة وكشفة علية

استغفر الله

حجت ام يوسف -عيني الباجر الولد يجي يشوف البنية

امي-ان شاء الله على بركة الله

يوم العرفت بي رفل بالناس الي اجونة لعبت طوبة بالصياح

ما اعرف ليش

رفل-ولج عوبة تدفنبن نفسج بهيج مكان ليش

رسل-همة خوش ناس والولد محترم وشنو يعني اذا كان نفس منطقتنا

رفل-ولج تدفنين نفسج بالفكر

رسل -اني ماتهمني المادة يهمني الشخص الراح اتزوجة

رفل -ما راح اخليج تتزوجينة لو على كص رگبتي

رسل -لاحبيبتي هذا الشي راجعلي مايخصج فاهمة ولاتدخلين نفسج وكوني ولو مرة وحدة بحياتج غير انانية وتصرفي تصرف عدل يخليني اذكرج بخير

للكاتبةNuha-d-h

يتبع

أهُنتُ عليك؟

للكاتبةNuha-d-h

بعد

الجدال الي صار بيني وبين رفل

حسيت برفل ظلت تلوب ماتعرف شتسوي

يوم ثاني اجو بيت اهل يوسف ودخلت امي علية للمطبخ

الام-يالله ماما رسولة عدلي حجابج واخذي الصينية ورحي قدميلهم

رسل واني گلبي مثل الطبل وبس ارجف-دخلت ولازمة بيدي الصينية وكعدت اسلم وقدمت الهم

المرة الفضولية هم جاية وياهم فوصلت لعند يوسف اقدملة ورفعت راسي

وطاحت الصينية هي والعصاير

سمعت صوت من وراي امي تصيح -الله الله غدة الشر غدة الشر يعني طرد الشر

رسل

هذا يا شر والولد هذا ما اعرفة هذا مويوسف

عزة العزاني بس لاجان يقصد يخطبني لهذا الولد

يمة هذا حتى يخوف هو وكرشة شكبرة

شفتة اكلني اكل بعيونة وتندمت على الملابس الي جنت لابستهن جنت ضاربة دقلة لابسة بطرون جينز كاحت وعليه بدي مخصر مسوي جسمي مثل جسم العارضة (كايلي كارداشيان )

بعدهم ماطالعين شفت الولد عيونة نطت علية من وكف ورحت دخلت جوة شفتة كام يمسح بالعرك

من طلعو

ورة خمس دقايق اتصلت ام يوسف كالت الولد رجع متخبل عليج ويكول لوهيج مرة لو ماكو جنهة صاروخ

رسل-ماما انة ماموافقه على الولد

الام-ليش يمة مبين عليه خوش ولد وابن حلال

رفل -اي يمة كالت ماموافقة لاتجبريهة

الام-انتي سكتي ماعليج

رسل بس فهميني ليش ماموافقة

رسل-ماما شكلة يخوف وكرشة شكبرة ترة مو لهدرجة انة

جبيرة حتى استعجل بالزواج

رفل-لاحبيبتي بعدنا صغار هو كلة على بعضة عمرنا ٢٣

الام-ماما اني اريد ازوجكم حتى من اموت مرتاحة مأمنة عليكم

رسل ورفل-طولت العمر الج يمة

اتصلت بعدهة ماما على اهل الولد ورجعتلهم الخبر بالرفض

يوم ثاني اني كنت مثل كل مرة اروح للمستوصف مشي وجنت متعودة البس كلة جبب استرلي لان مرة وحدة لبست تنورة اجة خالي لامي ظل يحجي يكللهة ستري بنتج فضحتنا بالمنطقة

زين رفل مو هالتلبس لو بس اني من البس اصير اافظحكم

ام رسل-لا حبيبتي رفل مو مثل جسمج رفل ضعيفة فمن تلبس ماتلفت النظر

بس انتي ماشاء الله جسمج ريان ويلفت ويطيح الطير من السماء

رسل -هههههههه شدعوة يمة لو الشاذي بعين امة غزال

ام رسل-لايمة والله اخاف عليكم شعندي غيركم بهالدنيا

رسل ومن يومهة اني كمت البس كلة جبب بس ملونة

واليوم من طلعت لبست جبتي والشال كالعادة بس كان الشي الجديد اني حافة وجهي كلشي ما اخلي على وجهي امي ماتقبل

من اجيت اطلع صادفتني امي

ام رسل-بالله شو تعاي هاي شمصخمة بوجهج

رسل -شنو ماما شبيج خوفتيني شبيه وجهي

ان رسل وتلزم كلينس بيدهةوتمسح وجهة-ولج عبالي حاطة كحل بس هاي يمكن لان حافة بارزات اكثر عيونج

رسل بضحكة -والله يا يمة عليج سوالف بالله هسة شحجي وياج بنية طول بعرض حتى اطول منج وكاعدة تمسحين بوجهي دتعاي شوفي البنات صغار بالمتوسطة لاطشات وجهن بالمكياج

رحت وعفتهة واتذكر سالفتهة واظل اضحك

بس الغريب بالامر من جاي امشي بشارعنا احس العييون علية عبالك تكرص بجسمي وبوجهي وشفت من بعيد يوسف كاعد كالعادة ويصلح بسيارة بالفترة الاخيرة فتح محل من بيتهم قطع غيار وتصليح سيارت بعد البحث والتمحيص عرفت ان يوسف مهندس ميكانيك

شفت يوف ويمة نفس الولد الي اتقدملي البارحة اني بسرعة دنكت ودستلهة حتى اعبرهم بسرعة

لكن الصدمة كانت واضحة على وجه يوسف من شافني

دخلت للمستوصف وصديقتي منى شافتني

ولج رسل هاي شمسوية نافخة شفايفج هاولج

اجت الفراشة الي تنضف المستوصف كالت ماشاء الله خالة رسل طالعة تخبلين اليوم

رسل وتذكرت رفل اختي من خذتني للصالون قبل يومين

خرب يعني الحفافة والتنظف يبدل الجهرة وغيرهة

المهم ما احجيلكم من بعدهة ازداد توافد المعجبين عالمستوصف من ضمنهم يوسف بس هلمرة اني جدا زعلانة على يوسف لان خذلني وصدك كمت ابيع براسه هلمرة ثكل لكن حسيت بي يريد يلمحلي واني ابد مو مثل كل مرة من اشوفة وية امة اكوم بيهم بالصلوات وافرح بيهم لان كلش انقهرت من عرفت بي هو ما خالني على بالة وان هاي الحركات الي جان عقلي التعبان يوحيهة للحب طلعت كلهة وهم جنت خادعة نفسي بألاوهام

يوم ثاني حسيت على رفل كلش انتكست حالتهة وتعبت لكن كل ما اسئلهة تكول مريضة معدتي

وبيومهة اجت رفل لامي

رفل-يوم حبوبة عدنا ايفاد سفر لاريبل اني وصديقاتي ومديرة القسم فدوة لطولج يمة قبلي والله راح اموت كلهة البنات تطلع وتسافر وتتونس الا احنا وحتى الله من يريد يرحمنا احنا كبل نسد باب الرحمة يعني سفرة وبلاش وامان ليش ماتقبلين

امي جانت ذيج الايام خايفة على صحة رفل فقبلت ان

تخضع لطلبهة وحضرت رفل ملابسهة وكالت رسل ديري بالج على ماما

اني ما راح اتأخر

بعدهة اني طلعت الصبح للمستوصف

وشفت يوسف اجة يمشي وراي

يوسف-رسل

رسل-نعم يوسف ليش تابعني

يوسف -رسل ممكن طلب

رسل -انة مو مرتبطة ولا اريد ارتبط بَـــاي واحد من جماعتك واتوقع ماشاكيتلك علمود اتزوج

يوسف-لوك لوك لوك ولج شنو ماطور اريد بس احجي وياج اكلتيني بكشوري

شوفي هنة كلمتين انة اريد اخطبج توافقين لو لا

حتى ادز الوالدة

رسل يمة لو ما شارع جان ذبيت روحي بالگاع من الفرحة

رسل بخجل-ما اعرف اسئل ماما

يوسف بضحكة -هسة صارت ماتعرفين واسأل ماما هو انة راح اتزوج منو مامة لو انتي

رسل بضحكة -لا اني

ابتسم -على العموم اني اليوم راح ادز الوالدة تجي تشوفج

رسل-يوسف شنو الغير رايك وخلاك تجي تخطبني الك والبارحة جنت دازلنا صديقك يتقدملي واليوم انت

يوسف وبصدق-جنت اعمى واثول ان هذا الجمال كل يوم جان يعدي علية وانة مامنتبه

وصلت للمستوصف وكان اليوم عندنا حملة لقاح والباجر لازم نطلع على البيوت

رجعت للبيت وشفت ماما واكفة عالطباخ وجاي طبك التمن والريحة واصلة للجوارين

يمة شنو اليوم مطبك برياني دجاج

اي يمة سويتة ثواب لابوج لان اليوم خميس ثواب للموتة

الله يرحمة اكول ماما وين رفل اشو لحد هسة رجعت من الدوام

-رفل سافرت اليوم لاربيل

رسل -رحت فتحت الكنتور وكعدت ابدل ملابس انتبهت على الكنتور مهوس كگالبتة كلاب ست رفل

فبالصدفة فتحت باب الكنتور مالتهة اتفاجئت ان رفل ناسيتة مفتوح ماقافلته واجت عيني على جنطة غريبة ماشايفتهة

دنگت عليهة وفتحتهة اتفاجئت شفت بيهة كومة فلوس وموجود على صفحة شدتين ام ميت دولار

هاي شنو هذني منين اجن وشسون بكنتور رفل

كمت اخاف على امي وعلى نفسي من افعال رفل بعد ماجنت اخاف عليهة هسة انگلب الوضع اكو شي مو مريح

سديت الجنطة ورجعتهة لمكانة وقررت من ترجع رفل ادز على خالي واگعدة هو وامي واحجيلههم السمعتة من لمى والفلوس الي شفتهة

لان سالفة رفل ما ينسكت عنهة

يتبع

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

رحت لدوامي يوم ثاني واني فكري مشغولة باللي عرفتة

عن رفل واحس وراهة شي وهذا الشي كلش جبير طلبت من امي تنطيني رقم رفل الجديد لان هي الله يحفظهة اخر ايام كل يوم مبدلة شريحتهة

اني صار عندي نقال صرصور نوكيا البسيط اهم شي يفكلي عازة

وصلت عالمستوصف واتذكرت عدنا حملة تلقيح على كم زقاق التابع للمستوصف مالتنة

فحضرنا ادواتنة والجنط والصناديق وطلعنا عبالك عندة حرب الجهال من يشوفون شكولنا عبالك شايفين ملك الموت ويبدي الرفس والدفرات واحدهم عبالك جاكي شان

جنت اني وزميلي وياي بحملة التلقيح وجاي نشطب على البيوت العدنا ونشوف بعدلنة شكم بيت

شفت سيارتين وحدة جبيرة عالية سودة مظللة وحدة بيك اب بيهة مسلحين احنا انخطف لونا اني والبنات وظلن يعيطن والمسلحين على فد صوت منو بيكم اسمهة رسل محمد

البنية اشرت علية واني ظليت بس ارجف من الهبطة ماعرف احجي صوتي ماكام يطلع

سئلني انت رسل محمد

اني هزيت براسي بمعني اي

سمعت الي بصفة حجة وكال اي هي نفسهة الي بالصورة بس هاي محجبة

جوابة الثاني مو الاخت حسبالهة ماراح نعرفهة من تلبس حجاب يالله ياحلوة راوينة شطارتج وصعدي كدامنة بالسيارة

يمة عزة العزاني

لا ما اركب شنو تردون مني ما اعرفكم خطية لاحظت زميلي طلع نقال وراد يغافلهم حتى يتصل يطلب النجدة

ليش ما واحد من الولد انتبهة علية وضربة بالاخمس مالت السلاح على ركبته ووكع الولد بالگاع والبنات ظلو يعيطون والله بوكتهة كطرة دم مابية والثاني من شافهن يعيطن رمة طلقة ليفوك وخرعني سكتن لابالعباس الطلقة اللاخ احطهة براس وحدة بيكم

يمة تعالو لحكو علية كعدت اراجع بذاكرتي اني شمسوية معقولة ضربت احد ابرة واتسمم من وراي

شفت الجامة مالت السيارة السودة نزلت وشفت وراهة رجال عندة لحية بيضة ولابس ثوب اشر للولد گلة شمنتظرين دسحبهة ودخلهة للسيارة حتى لو متقبل

رسل بصريخ

لالا ولك وخر. شيل ايدك عني لا اكصهة و

ظليت اصرخ اريد واحد يفزعلي ماكو وجروني كدام الناس وشمروني بالسيارة البيك اب وحركت السيارة بكل سرعتهة وراهة السيارة السودة وانة ميت الف حسبة ببالي

يارب معقولة هذا الولد الي تقدملي هيج سوة لان رفضت الزواج هاي اسوء الاحتمالات لان احنا ماعدنا عداوة وية احد ولاطلابة

بعدفترة حطو شي اسود على الراسي بالقران اذا ما راح اموت من طلقة فراح الموت من الخوف

ربي يتيمة ومالي والي اوكفلي ربي راح اضيع والله اضيع وظليت بس ابجي وكعدت اتخيل امي شراح يصير بيهة وهسة شي اكيد وصلهة الخبر دخيلك يارب

والله امي تموت اذا درت يمة وخالي خالي من غير كلشي يحاسب علصغيرة والجبيرة ربي وكعت بيد ناس مخافوك

حجيت وية الولد الكاعد بصفي همة ثلاثة اثنين نزلو واسحبوني للسيارة وواحد يسوق

رسل -عفية الله يستر على عرضك رجعوني لاهل والله يتيمة واعثر

الاول -ههههههههههه جا من تعرفين هيج جاشوداج للنار

جا كعدتي ببيتج عند امج

لو تعلبن وبعدين تتمسكنن

رسل هذا شجاي يحجي مافهمت عليه

سمعت الثاني

بس عودك شنو والله عمي خوش يدور حاتات

الاول-اكل تبن وسد حلكك

هاي ماتخصنا تخص الباشة

عزة عزة هذا شجاي يگول صخام

حسيت على السيارات وقفت بعد مدة سير ساعة اني كمت احسب الدقايق واسمع الاصوات حتى خاف الله وكتبلي عمر جديد واشرد منهم اروح للمركز واشتكي عليهم وانطيهم المعلومات

حسيت واحد لزمني من زندني وجرني ونزلني واني اعت

بيدي قوي

شيل ايدك عني لابالقران اطيح حظك

الاول -والله عمي نجرة

الثاني -هسة هاي الباشا يفرح بيهة

الاول -اخ والله محظوظ

ياباشة ياصخام هذولي عن شنو يحجون

يارب اوگفلي بمحنتي ربي مالي غيرك وما اعرف هذولي شناوين علية

دخلوني حسيت ببنسمة هوة باردة دخلونا للبيت كمت اتسمع واحس البحوالية اريد بس اعرف اني وين وسمعت باب انفتح ودخلوني وشوية اندك باب لاخ وسمعت صوت خشن

ادخل

دخلوني دفع لان جنت امانع واعت بروحي منهم بس هيهات حلم افك نفسي منهم

سمعت الصوت الخشن

هَـا هي هاي جبتوهة

اي عمي

بالله شو ارفع لغطة من على وجهة خل اشوف

رفعة شفت گبالي واحد على ميز مكتب وجان المكتب راقي عبالك مال مسؤل

وجان وجهة اسمر وهو ضخم وعندة شوارب

سمعتة وعيونة سود شرهة ما ارتاحيتلة

ماشاء الله خوش قطعة

شنو ياحلوة جهزتي روحج

رسل عزة هذا مبين يعرفني

ام رسل -اجاني اتصال من رفل بعد ما طلعت رسل للدوام بساعة ونص

رفل وهي صوتهة مفزوع

-يمة رسل وين

ام رسل-يمة بالدوام ليش

رفل-يمة هسة تلبسين عباتج وترحين تاخذين خالي وترحون تيجبون رسل من المستوصف وتجون بسرعة

يمة ماعدنا وكت

ام رسل زين بس فهميني شصاير

رفل يمة سوي الاكلج عليه وبعدين اشرحلج شصاير

ام رسل سديت التلفون من رفل وركضت على عباتي لبستهة وعفت الباب مالت البيت حتى ماقفلتة من الخوفة رحت لاخوية ما لكيتة لان جان بالشغل اخذت وياي ابن اخوي بصف الرابع عام ورحنا وصلنا للمستوصف شفنا سارتين مال شرطة وناس ملتمة اجينا ندخل ماقبلو يدخلونة ووراح ابن اخوي بطقص عن الاخبار رجعلي

خالة يكولون خاطفين ابنية من الموظفات وضاربين واحد براسة وهسة الامة مگلوبة جا. شلون اشو جاي اتصل على رسل ماكو شبكة يطلع الجهاز مغلق

بالله خالة روح گللهم بتنا هنا ونريد نتطمن عليهة

والله شوية واجاني ابن اخوي يركض مفزوع

ولج لحكي عمة طلعت رسل الخاطفنهة

واني افترت بية الدنيا ووگعت بالكاع ما اعرف شصار بس لكيت كم بنية من البنات اعرفهم زميلات رسل بالدوام

هاج خالة شربيلج شوية ماي بللي ريكج

ام رسل -يا ماي يمة يا ماي من عساني شربت سم

خالة بنيتي شجرة عليهة

البينة والله خالة جاي يحققون ويانة الشرطة ولحد هسة مانطونة نشدة والولد الي انضرب على راسة كعد يوصف لهم هو والبنات اشكال الي خطفو رسل

اجة علية ضابط وكلي

خالة خالة انتي والدة البنية المخطوفة رسل محمد

ام رسل وهي تبجي -اي يمة انة

الضابط-خالة تفضلي ويانة للمركز نحتاج نثبت اقوالج بالتحقيق بس عدنا كم سؤال

اجة اخوي يركض علية

هَـا ام رسل شنو شبيهة رسل

خوية ابو احمد الحك علية خطفو رسل

الضابط خالة تفضلي ويانة

ررحنا وياهم للمركز ووبعد السين والجيم شهود العيان كالو الخاطفين عندهم معرفة سابقة وية رسل هذا ما استنتجهو شهود العيان حسب كلامهم

رجعنا للبيت واني الحسرة والقهر راح اموت من القهر

على بنيتي الي ما اعرف اراضيه وين انشدمن عليه يارب يتيمة ومالهة احد

رجع اخوية لبيتهم الي بصف بيتي وظليت لوحد الوب وين انطي وجهي

وتذكرت فجاءة اتصال رفل وطلبهة المفاجئ رجعي

زين رسل شمعرفهة بهذولي

بتنتي واعرفهة ماعنده شي

ام رسل -الو يمة رفل لحكيلنة اختج خطفوهة

هذا الجنت خايفة منة عزة العزاج يارفل والله راحت اختي بالرجلين كلة من ورة ايدي -هايوم شبيهة رسل احجي خوفتيني ترة

سوت نفسهة ماعندهة علم لان والله اليدري بسوايتهة يذبحوهة

ام رسل وهي تبجي - ولج اختج انخطفت ماعندج عرف

انتي ليش اتصلتي علية وكلت روحي بسرعة لرسل وكلتي بعدين افهمج احس بيج عندج علم بالي جاي يصير باختج

رفل- لايوم بس جنت حلمانة حلم كلش مو زين برسل جنك وهي بالدوام يصير عليهة حادث وكعدت مفزوعة واتصلت عليج لاتنسين هي تؤامي واحس بالي يصير بيهة بس يمة خاف شردت وية واحد

ام رسل -ولج يمة رفل بنيتي واعرفهة من البيت للشغل ومن الشغل للبيت لاطلعة ولاماشية

رفل

اني رفل خريجة كلية قانون ومثل متعرفون ااني واختي توام متشابهين بس هي اجمل مني لان اني جدا ضعيفة والضعف مخرب على شكلي

بس تصرفاتنااطباعنا كلش مختلف اني طموحة جدا لكن رسل قنوعة فلذلك مرت السنين وهي على حطتهة ماتغيرت

واعرفت ان الطموح يحتاج فلوس يالله تحقق الاهداف

وعليهة قررت استغل الزبائن الي يجونة للشركة اشوفهم كلهة روس كبار اول ايام جانت بنية زميلتي بالمكتب واشوفهة بين يوم ويوم مغيرة سيارة اومشترية سلعة ذهب او يجي واحد للمكتب يجيب الهة نقال حديث من خلال مراقبتي الهة عرفت دربهة وصخ اني احب واحد اسمة مروان من ايام الكلية وهذا وحيد اهلة وحالتهم المادية زينة فوهمني ان هو يحبني وميت علية

فديوم اخذني للشقة مالتة وكعد يتحارش بية هو ما يعتبر تحرش لان اني جنت اعرف الي تطلع للشقة وية ولد نهايته معروفة واخذ يغريني وانتي خطيبتي وبمثابة زوجتي ومن هذا الكلام الى ان سلمتة نفسي واخذني

وخسرت اغلى شي عندي هو شرفي

فالبنية جانت تعرف بقصتي وكعدت تقنعني ان اطلع وياهة للشقق هاي تكون تابعة للروس الكبار

بس ماقبلت لان من جانت تطلع وية واحد منهم تغيب ورة الطلعة اسبوع وترجع بس لو ايدهة مجبسة لو عين زركة

افتهمت ان الشغلة موبس شغلة وتنطين نفسج لا وانما اكو سادية بالموضع

فكنت ارفض رفض قاطع بان اخطي هيج خطوة

صحيح الي تطلع وياهم يغرگونهة بالفلوس تغرك بس الهة سلبياتهة

وفديوم واني راجعة للبيت شفت امي جانت دايخة وواكعة باب البيت كمت اخذتهة للمستشفى وبعهدة حولنة لدكتور اخصائي المهم بعد الاجراءا والفحوص الروتينية عرفت امي عندهة مرض خبيث بصدرهة

وماحجت النة اني عرفتهة بالصدفة

وماحجيت لرسل

شفت امي يوم عن يوم تذبل گدام عيوني

واباوع عليهة ماگامت تراجع الدكتور على حالتهة لان اعرف الحالة للمادية زفت

ويحتاج الهة كومة فلوس علمود تعالج

بس ربي ترضاهة احنة ماعندنا غير امنا ليش يصير هيج بينا

رحت وبكل تمرد وطلبت من البنية كان اسمهة سولاف

تحدد لي موعد مع زبون

رفل

ليش مافد يوم سولاف حجتلي عن شغلة عجيبة

سولاف -شوفي حبيبتي ادري بيج بحاجة الفلوس

واجاني عرض من زبون بس شروط الاتفاق غريبة يريد بنية بنت بيوت محد لامسهة يتزوجهة لمدة سنة وتجيبلة ولد وتنطي الولد الة وترجع لحياتهة وكأن شيئا لم يكن

رفل-يمة هاي منو التنطي ابنهة

صعبة والله

سولاف -هسة دسمعي شكد المبلغ

من ذكرت رقم المبلغ اجة يغمى علية

كالت اذا هسة وافقتي هسة وقعي على ورقة استلام الفلوس ورحي عالجي امج لان ماعندج وكت

اخذت المبلغ ورحت بوقتهة اشتريت غراض للبيت وامي فرضت عليهة العلاج بس كان الكل ينصحني اسافر بيهة للبنان حتى هناك تاخذ الاشعاع العلاج الكيميائي اضبط

أهُنتُ عليك؟

للكاتبةNuha-d-h

يتبع

أهُنتُ عليك؟

للكاتبةNuha-d-h

كان المبلغ كلش ضخم ومايتفوت والشغلة سهلة ما ينرادلهة شي بس اسوي ترقيع يعني اعادة غشاء البكارة

رفل تكدرين تنطيني نسخة من العقد حتى اقرة الشروط وادرسهة قبل لا اوقعهة

صادف يوم طلعت من الشركة وشفت مروان منتظرني كبال واشوف مروان وين رايح الحلو

من شفتة خفت لا احد يشوفة خصوصا اني جنت ناوية على الموافقة على الاتفاقية ومن ضمنهة محد لامسني ولاعندي علاقات وشي اكيد الطرف المقابل راح يبقة يلم معلومات عني لحد ما يصدر موافقتة وهذا العلة شجابة الي هسة اوف

هلة مروان شتسوي جاي هنا

اجيت مشتاق

مروان گول من الاخير شرايد

اجيت مشتاق لحضنج اوعدج بس هلمرة

والله انت اكبر ناقص وحيوان نسيت من سويت سوايتك وياي حتى ما درت وجهك وشفتني شصار بية من بعدك انت مو وعدتني بالزواج

مروان -والله اتزوجج بس تعالي وياي بالشقة خل انسولف

رفل اتمنيت اروح وياه اريد واحد يطمني ويگلي اني سندج لاتخافين على امج او اختج واني يمج

صحيح الناس تتهمني بالانانية بس عندي شعور بالمسؤلية بأتجاه اهلي وكملت الكلية على حساب مستقبل اختي لكن اني اقوى منهة اختي جدا ضعيفة عكس ماتدعي للمقابل يحسبهة قوية لكن هي توأمي وانا اعرف شخص باختي

كان هدفي الم فلوس وافتح مكتب محامات خاص بية وحتى كلت اطلب من رسل تقدم اوراقهة على كلية الصيدلة وتبدي تكمل حلمه

كان هواي طموح اعالج امي وواقدملهة على الحج حتى تحج بيت الله

اقتربت من سيارة مروان وركبت وياه -اطلع بسرعة مروان

رحنا ودخلنا للشقة. شوف مروان انة ما افيدك راح اتزوج وابدي حياة جديدة فالارجو منك لاتخرب حياتي وانت هم عندك عرض والله يستر عليهم

مروان بعشق بس هلمرة واوعدج ما اقتربلج الا من انتي تطلبين مني

رفل تضحك شطلب منك اني ما اريد شي غير الامان والسند

بس الظاهر هذني الشيين جدا ثمنهم غالي

بعد ما رجعت من شقة مروان وافترقنة وشفت ماما ورسل

طلبت من رسل تعدل شوية من نفسهة خطية عمرهة ٢٣وامي ساگمتهة باللبس اليقهر مال العجايز والحواجب الثخان تكول واحدهم شوارب

اخذتهة بعد ما الحيت على امي بالگوة قبلت

من اخذتهة للحلاقة وخلصتهة طلعت مو رسل طلعت وحدة ثانية اية من الجمال ما شاء الله الخدود تفاحة والحلك عبالك مسويتلة فلر يجنن والحنك روعة وحتى ابيض من عندي لان اني مخربة وجهي من ورة الميكاب

وبية شوية حبوب

خطية كلش فرحت وظلت كلساعة تباوع لروحهة بالمراية

مامصدكة

انطيت موافقتي لسولاف وهي وصلتلهم الكلام

وبعدهة صار التعامل مباشر وية ابو الانة ايعني كل الاطراف الي كانت حلقة وصل بيني وبنهم خلصت بقة بس هذا المدير يكون عجوز اسمع موضفينة يصيحونة هلة بالخال منو يدخل عليه يگلة خال

فوقعت بموافقة مبدئية ودفع لي جزء من المبلغ وبعد اسبوع ويوقعون بس طلب مني كم معلومة اجيبهم الهة الباجر

لكن وبطريق الرجعة وجان وكت ظهر

قريب على الشركة اغمى علية جنت راجعة من مكتب الرجال صاحب الاتفاقية

اخذوني للمستشفى وبقت يمي سولاف

سولاف باستغراب اكلج رفل انتي ويامن تلعبين

رفل شنو ماافتهمت قصدج

سولاف انتي حامل. شلون حامل وتردين تفوتين بتفاقية بگد راسج تدرين هذا الرجال اذا شم ريحة ان انتي تلعبين بذيلج من وراه راح يطيرج انتي والخلفوج

رفل انا حامل والله مااعرف بروحي حامل

وبعدهة اتذكرت مروان بذاك اليوم بالشقة من اتوسل

اخ مروان

ربي اني ضيعت نفسي وراح اضيع اهلي وراي

وربي صحيح ما استحق الرحمة وانة خجلانة منك يالهي انت الرحمن ربي انة عبدك الذليل ارحم عبدك الضعيف

رحت اتصلت على مروان وخبرتة عن الحمل حسيت بي خاف

كلي اوكفي اني جاي

اجة علية وگلي سقطي الجنين كتلة جان سويتة بدون ما اجيك بس اتعدة الطفل مرحلة الاسقاط واي اسقاط احتمال اخسر حياتي وانة مامستعدة اكون احد ضحايا نزواتك

شوف تجي مثل العالم انت واهلك وتطلبتي من خالي ونتزوج العاجبك نكمل سوية اهلا وسهلا ماعاجبك كلمن يروح بطريقة بس اهم شي سمعتي كدام الناس

مروان اقتنع بالحل

بس المصيبة

الاتفاق وقعت علية واخذت جزء من المبلغ وكعدت اصرف على البيت من عندة وامي اخذت الهة اول جرعة واني ماقصرت اشتريت كومة ملابس بكل اعتقادي ان راح اتزوج فكعدت اجهز نفسي

اخ يالله شورطت نفسي فجأءة اجتني فكرة جهنمية

اخذت مستمسكات اختي رسل ومعلومات عنهة

وديتهم للرجال. ورة اسبوع من جمع المعلومات عن رسل كانت النتيجة مرضية اي طبعا لان رسل انسانة محافظة وملتزمة والناس كلهة تحلف باخلاقه

لذلك انة من هذا الجانب كلش مرتاحة واجتني الموافقة

بفترة كلش سريعة

رحت اخذت الاوراق مالت الاتفاقية ودبرت حجة لرسل حتى توقع عليهم وتبصم وطلعت عذر بان ايدي مفصوخة وعندي شغل مكتبي مهم

وهي خطية كعدت تكتب وتوقع وتبصم بدون ماتعرف ان هي توقع على موتهة

اني كانت خطتي ان اسافر لاربيل بيوم الي استلم باقي الفلوس وادز بعدهة على رسل وامي ونسافر مناك الخارج

لكن تجري الرياح بما لاتشتهي السفن

اختى رسل هسة وگعت بين اديهم والله العالم هسة شنوحالهة

رسل

كعدوني مقابيل الرجال المدعي خال

هارسل جهزتي نفسج ترة مانريد اي تقصير وتمشين حسب المتفق عليه

راح اغض النظر عن سوايتج الي سويتيهة من اتصلنا عليج وطلبناج للقدوم ورفضتي عدم قدومج بنفس الموعد فاحنا ماخذين احتياطاتنة ونعرف كلشي عنج مو حسبالج اخذتي باقي الحساب حسبالج تشردين ومانكدر نيجيبج وهاي شوفت عينج جبناج ماغصبن عليج

شوفي هسة يجي العميل الي وكلني بترتيب هاي الشغلة

تحضرين نفسج وشوفي قبل لاجي راح ارجعج لاهلج لان حضرتج بسوايتج هاي خليتي الناس تبلغ الشرطة وامج مقدمة بلاغ عنج ان انتي مخطوفة

الي راح يخبلني من بداية الاتفاقية شفتج واثقة ومسيطرة من الي راح تسوينة اشو هسة كالبتهة دراما

وهسة ترحين حتى تخلين امج تتنازل عن البلاغ وان انتي رجعتيليهم سالمة واي حجاية اهلج يتضررون

رسل من كان الرجال يحجي كلشي ما افتهمت شنو يقصد بكلامة وياي وعن اي اتفاقية يحجي

من كال من شفتج معناهة الرجال كان يتعامل وياي وشايفني وهسة وصلت الفكرة وعرفت ان رفل الهة يد بالسالفة

لازم ارجع وافتهم من رفل واعرف شمخربطة وتجي تصلحلهم سوء التفاهم الي صار همة حسبالهم اني رفل لان اشبهة بس خل اطلع

رجعت للبيت وطلعتلي امي وهي مامصدكة عيونهة ان اني مابية شي وان رجعت ورة اختطافي بساعتين واجة خالي يركض لبيتنة واني حجيت وياهم ان مابية شي جان تشابه بالاسماء وهذولي كانو من روس كبارمن قبل الدولة بس من اتأكدو مو اني اطلقو صراحي فروحي انتي وخالو سحبو البلاغ

ورحنا وكملنا الاجراءات والغريب بالامر ان الضابط ما طول بالغاء كلشي يخص الموضوع شي اكيد اجاه امر من الادارة العاليا بألغاء كلشي

رجعنا للبيت واني احس اكو سيارة تتبعنا وخالي ماحاس عليهم بس لان همة نفسهم الي وصلوني للبيت دخلت وخالي رجع لبيت

كانت امي كلش تعبانة حتى ما استجوبتني مثل ماجنت متوقعتهة ان هي ما راح تفك مني ياخة الا تعرف شصار لكن شفتهة دخلت للغرفة مالتهة والله كسرت خاطري تكول اريد ارتاح

اخذت النقال وصعدت فوك حتى احجي وية رفل

اتصلت وردت بسرعة

رفل منو رسل

اي اني رسل اختج بس فهميني شمخربطة ولج اختطفوني حسبالهم انتي

كولي احجي شمسوية وانتي وين هسة ولازم ترجعين بسرعة حتى تفهمينهم بالاشكال الي صار كليلهم هاي تؤامي

رفل

رسل شوفي اني راح احجيلج كلشي وانتي سمعيني ولاتقاطعيني لحد ما اكمل كلامي

حجت رفل لاخته كلشي حتى عن كيف اخذت توقيعهة و

رسل

انتي شجاي تحجين ولج تعرفين نفسج شمصخمة

انتي شلون تتجرأين وتاخذين مستمسكاتي وتسوين اشياء مو من حقج تسويه

شوفي هسة ترجعين وتحلين هاي الكارثة وانتي تتولين كل مشاكلج اني مالي دخل بيج ومو مشكلتي تكونين طماعة

رفل

شوفي رسل جنتو كلة تصيحوني الانانية

وهسة بهذا موقفج ثبتي انتي الانانية

ولج وين الانانية بالموضع شنو اخذلي واحد لمدة سنة علمود اخلف ولد وانطي ابني وادور وجهي ولج مافكرتي بية شراح يصير مافكرتي شلون ام تنطي ابنهة مافكرتي بية وبحلمي ان اتزوج واكون عائلة خاصة بية

اني اسفة رفل ما راح اضحي هلمرة واوافق على نزواتج اخطائج انتي تتحمليهة يكفي ضحيت بمستقبلي علمودج حتى انتي تتسلقين على حسابي

فلهنا وكافي بعد ماكو تنازل

يتبع

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

رفل

رسل انتي عشتي طول عمرج تباوعين بس للامام وتحسبين نفسج انتي صحيح وتقدمين الاحترام واخلاق وطاعة لماما

واشوف امي دائما تفضلج اكثر مني

لكن مع الاسف انتي وحدة انانية

ماتفكرين بمشاكل غيرج يعني امي جاي تعاني من مرضهة وانتي حتى ماحسيتي بيهة ح

رسل

ولج ماما شدخلهة بهاي المصيبة

رفل

ماما مريضة وبيه مرض خبيث وفضلت ان تسكت وماتكلج واني بالصدفة عرفت بخبر المرض

وانتي حتى ماكلفتي نفسج تسألينهة ليش هيج حالتهة الصحية جاي تتدهور

وعلاجهة يحتاج مبلغ مالي كلش هواي

فقررت اضحي بنفسي ومستقبلي وما احسسكم بالي ردت اسويه لكن مروان ضحك علية واخذ شرفي وهسة اني حامل والاتفاقية تنص على ان اكون بنت بيوت وماعندي علاقات وسمعتي ماعليهة غبار والمشكلة اني اخذت جزء من المبلغ وبلشت باول جلسة علاج لامي هذا كلة وانتي ما تدرين عنة وجاية تتهميني بالانانية وهسة منو بينة الانانية

بس ماكدرت اكمل لان اذا عرفو بسالفة حملي احتمال حتى امي مايبقوهة على قيد الحياة

فكنت احاول ان اهرب واسحبكم وراي لكن همة كانو اسرع مني وصلولج عن طريق المعلومات الي جمعوهة عنج

شوفي اني جان سقطت الطفل ورحت كملت اتفاقي وياهم لكن ماكدرت طلع الموضوع من ايدي ومروان راح يتقدملي

رسل من سمعت كلام رفل

واني كعدت بالگاع من كمية الخوف والالم والضياع الي اني بيه

رفل شلون انطاج گلبج تسوين هيج بأختج ولج ليش اني مو اختج

لاتگولين امي مريضة شتتوقعين امي ترضى بالي سويتيه

هذا مو سبب ابيع شرفي الا الشرف رفل ولو الي مثلج ماتعرف معنى هذا كلامي

رفل

اهووو هسة شتردين الموضوع انتي متورطة بي واني ما الي يد بَـــاي شي ولاتحاولين وتحجين لامي لان انتي مو بكدي وراح اكدر الوف السالفة عليج لان كلشي ضدج انتي الي موقعة بيدج وباصمة ومستلمة المبلغ المالي كلة

رسل

زين تعالي رجعي المبلغ الي اخذتيه منهم وفسخيً العقد

رفل حبيبتي الفلوس باح طارن صرفت على علاج ماما

رسل

وبقهر شوفي رفل انتي لزمتيني من الايدً التوجعني امي

بما ان هذولي الي متفقة وياهم گاعديلي بالباب

اذن ماعندي خيار غير ان اوافق عن العقد الدنيئ

الي سويتيه

والله لايوفقج

بعد انسي عندج اخت اسمه رسل بس كل الي اطلبة منج ان ترجعين تكملين علاج امي

زين ماما شنو راح اكللهة

رفل

خليهة علية ماما

زين انتي شوكت راح ترجعين

اني راجعة بالمطار نص ساعة واوصل الكم انتي روحي

رسل

رحت على امي وسلمت عليهة وبستهة وضميتهة لصدري حيل وكأنما اريد استمد منهة القوة

ماما اني طالعة اجيب النة عشا

ام رسل-لايوم عوفي العشا اني اسوي

رسل وبقهر-لا احنا ثنينة تعبانات خلي اجيب واجي ما راح اتأخر

عرفت من رحنا للمركز واجاهم اتصال ان يكملون شغلتي بسرعة عرفت الناس المتعاملة وياهم رفل ناس مو هينة واحنا موبگدهم

يعني قابلة او ماقابلة لازم انفذ شروط العقد

م

رحت وقبل لا اطلع اخذت من كنتوري مستمسكاتي وسلسلتي الذهب تكون شكلهة ناعمة وبيهة مدالية سيف الامام علي ماما اشترتهة لبستهة واني ادعي الله اني يحفظني بدرعه المتين

طلعت من البيت

شفت سيارة اقتربت مني. وعرفت هذولي نفسهم الي جانو يراقبون

نزل واحد منهم وفتحلي باب السيارة الخلفي وركبت وانة

خايفة وما اعرف شنو مصيري ووين راح ياخذوني

وصلت لنفس المزرعة الي اخذوني الهة بس هالمرة مادخلوني للبيت من نزلت كنت مدنكة راسي واني ميتة خوف ربي سلمتك امري الهي افعل بي ما انت الهله ولاتفعل بي ما انا اهله

سمعت الخال يحجي وية رجال صوتة خشن

لابس دشداشة وعگال

الرجال الملقب بالخال -ما اوصيك ابو زامل ترة البنية بنت ناس فقرة

وعلى گد حالهم ويتيمة ديربالك عليهة

رفعت راسي شفتة رجال شايب

لاتخاف بوية طلعت من اهلة تدخل ببيت اهله الثاني احنا ناس نخاف الله بس الوكت احوجنة

ركبت سيارة الرجال كانت كلش حلوة كعدت ورة السايق والرجال الشايب كعد بصفي وما حجة شي وياي غير السلام كان ويانة سايق الظاهر يشتغل عندة

المهم مشت بينا السيارة واني ما اعرف وين وجهتنا

بس ظلت تمشي بينا هواي واني نعست ونمت وراهة حسيت على السيارة وكفت التفتت شفتنا واكفين بانزين خانة يفول السيارة التفت علية الرجال گال

بوية مامحتاجة شي اجيب الج تاكلين ماي شي

اني حسيت على روحي ماحطة شي بمعدتي من الريوك وهسة الوقت عبر المغرب

حجيت وني مستحية لان اول مرة بحياتي راح اطلب من شخص غريب عني يجب لي شي

بكيفك حجي بس اكدر اسألك سؤال

كولي بوية

احنا وين رايحين

بوية جاهمة ماگلولج

لاوالله حجي كلشي ما افتهمت

والله بوية مسافرين للبصرة

شوفي بوية انتي من شكلج الظاهر محد معلمج عن السالفة

اي والله حجي محد حجالي ولا عرفت غير انتو تنطوني فلوس واني اتزوج واخلف ولد شلون؟ وين ؟منو ؟ما اعرف عفية حجي نورني الله يرضى عنك

شوفي بوية

احنا ناس الله رازقنا من وسعة حلال خير من الله وفوك حلالنا وصار وابني زامل عندة املاك خاصة بيه بس الله

بلاه بمرض واحتمال مايعيش

فقرر ان يتزوج ويخلف ولد يشيل اسمة بس

رسل وهي تجر نفس عميق يعني ما راح ازوج هذا الحجي الحمدلله ياربي

زين حجي هو يكدر يتزوج اي بنية يريدهة

اي صحيح كلامج هو يكدر يتزوج اي وحدة بس هو بالاصل متزوج بنت عمة وخلفتهة كلهن بنات

بس حشاج بوية طلعت ناقصة وجانت تحوم عليه يسجل املاكة باسمهة بس بالصدفة سمعهة زامل تحجي وية ابوهة عن بيع املاك زامل بمجرد ان يسويلهة توكيل وزامل من بعدهة قرر ان يتزوج ويجيب ولد بس كان الشرط صعب مو اي وحدة توافق ان تجيب طفل وتركة وتروح

رسل وتحس بگلبهة انعصر مجرد التفكير بام تترك طفلهة يوجع گلبي ما بالك يكون الطفل ابني والله اتخبل

ياربي شسوي

زين عمي لنفرض ان اني ماخلفت ولد شلون

عمي هو مكتوب انتي تخلفين ولد يالله يفسخ العقد يعني اذا ما طلع ولد تجربين الثاني

رسل وبخوف يمة صخام

زين عمي انت موتگول ابنك مريض

اي بوية بس احنا سوينة تأمين على الحيامن والنطف بالمركز الطبي سوينالهم تجميد

حتى خاف لاقدر الله يكون الحيامن موجودة ترة ابني دكتور ويعرف هاي الاحراءات وهو ماخذ احتياطاتة

يمة صخام الصخمني احنا وين گاعدين

بوية احنا مجبورين نسوي هية لان اذا توفة ابني ما عندة ولد هاي راح تورثة هي وبناته

شنو جاي يصير بالدنيا

اني راح تتحطم حياتي لحد البارحة جنت عايشة مثل اي ابنية بفرحة منتضرة حبيبهة يجي يطلبهة من اهله

شلون دارت بية الدنيا الاقدار وهسة اني متوجهة لغير عالم

وهسة شنو شعور يوسف من ما راح اطلع لاهلة من يجون علية امي شنو راح تگللهم

ظلت الافكار تاخذني وتجيبني والله عقلي راح يوگف من التفكير

وكفت السيارة

ونزل منهة الرجال والسايق

بوية تحتاجين ترحين للحمام

رسل

ليش هو شأكلت حتى اروح حمام اشو لاماكلة ولا شاربة

ي من الصبح

لاعمي اخذ راحتك ما محتاجة اروح

انتبهت للجنطة مالتي يطلع بيهة ضوة فتحتهة لكيت عشر مكالمات من امي وستة من خالي و١٤مكالمة من رفل

اتصلت على امي حتى اطمنهة علية لان هسة شي اكيد رفل شرحتلهة كلشي

الو هَـا يوم شلونج

ام رسل بقهر وصياح وبجي-ولج ليش هيج تسوين بروح رسل ولج يمة

رسل باعتقادهة ان امه تتكلم عن الموقف الي دخلتهة بي اختهة

رسل ببكاء-يمة والله موبيدي مجبورة

ام رسل وبكل قساوة -روحي يمة مودعة بالله بس انسي بعد عندج ام

عرفت رسل ان امه ماقابلة على تضحيتهة علمود تقدم فلوس بعلاج امه

لكن بالطرف المقابل كانت هناك مؤامرة خداع احيكت ضد رسل بدون علمها

رفل هلة يوم شلونج

ام رسل هلة بيج يمة رفل الحمدلله على سلامتج

اكلج رفل اشو اختج طلعت تجيب النة عشاء صارلهة نص ساعة اشو اتأخرة

رفل يوم اني لازم احجي وياج بخصوص رسل

ماما رسل عرست من رجال شايب غني وانطاهة فلوس حتى تدفع ثمن علاجج وهسة هي سافرت وياهة حتى

يعقدون

ما حجت لامه الحقيقة بان هي ودت اخته للتهلكة

ام رسل -يايمة اصخام الصخم وجهي منين جبتي هذا الحجي ولج بنتي ماتسوي هيج شي ولح انة مربيته واعرفه زين ماتطلع هيج طلعة ناقصة

ومنو كللهة انة اريد اعالج وهذا موسبب تبع نفسهة علمودي

والله اذا مسوية هيج والله ما راح اسامحهة

جأهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

رسل

وصلنا للبصرة وبالتحديد لابو الخصيب كان الوقت ليل

حسيت على السيارة توقفت

وشفت السايق نزل وداس على جرس قرب البوابة وحجة بيهة وبعدهة ركب السيارة وانفتحت الباب

ماشاء الله رغم كان الوقت ليل لكن كان البيت او بالاحرى الفلة تجنن بالاضاءة

اتجهت السيارة على الكراج يصير بصف الفلة ونزل الحجي ونزلت وراه

تفضلي بوية فوتي اعتبري هذا بينج

دخلنا واتلگتنا مرة جبيرة وسلمت على الحجي ودخلتني جوة اسمعهة تحجي وياه

يا هي هاي البنية خطية صغيرونة اهلهة شلون انطاهم گلبهم يفرطون بهيج جمال يالله دخيلك واستر على بناتنا

توصل بالاهالي يبعون بناتهم علمود الفلوس

اني من سمعت كلامهة انمردت من القهر لان الناس عليهة الظاهر

هو صح ماكو اي شي بالدنيا يخلي واحد يبيع نفسه لو مهما كان حتى لو جان السبب علاج لامه

لان اني متأكدة امي ما ربتنة وتعبت علينا وادت رسالته علمود بالاخير تجي وتبيعنة حتى تتعالج

لو كان گلب امي من هذا النوع كان من الاول سلمتنة لعمامي وراحت تشوف حياتهة وتتزوج ولاتگعد تكسر ظهرهة وتعب نفسهة علمودنا لان احنا عندهة غاليات ومستحيل تفرط بينا حتى لو على حساب حياتهة

رفل جانت حيل غلطانة بهاي السواية وعلاج امي مو مبرر يخليهة تبيع نفسهة او بالاحرى تبيعني

دنكت راسي ودخلت من المطبخ للبيت وشفت اربع بنات مترواحة اعمارهم بين العشرين والثلاثين

مبين عليهن مثقفات من ملابسهن

من دخلت سلمو علية والظاهر كلهم يعرفون بالسالفة

ابو زامل

بوية رواء اخوج زامل وصل لو بعدة

رواء لا

بابا ماوصل كال فد شوية ويجي هو وقصي وجاسم

بس يمرون يجيبون السيد ويجون

هَـا خوش بوية لعد اخذي البنية خليهة شوية ترتاح وتغير ملابسه وشوفيهة شتحتاج

رواء

ببتسامة شنو اسمج ياحلوة

اسمي رسل

شكد عمرج

عمري ٢٣

شمخلصة

مخلصة معهد تمريض

شنو بوية راح تگعدين تفيتحين وياهة محضر تحقيق

دخذيها وروحي

رواء

هههههههههه شبيك بابا غير اريد اتعرف عليهة

تفضلي منا وياي

من مشينة اني ورواء

شفت البات البقية اجن ورانة

دخلتني لغرفة كلش مرتبة مبينة بناتية وحلوة

رواء

حبيبتي رسل

اعرفج على نفسي اني رواء اخت زامل يعني راح اصير حماتج اني اصير اصغر من عندة

اشرت على وحدة حلوة صغيرة بس شوية سمرة

وهاي اختي الاصغر مني اسمهة رنا

وهاي الدبية اختي روان

وهاي القزومة رشا هاي بزر الكعدة

رشا اني بزر الكعدة ووزارة الداخلية لهذا البيت محد يكدر يسوي شي اذا ما اني اعرفة ههههههههههههههه لان الله يسلطني عليه واداوم بكلية فنون جملية

رنا وانة ان شاء اختج ام احمد متزوجة ومدرسة احياء

روان واني احد الدببة الطيبون اختج ام زينب مهندسة نفط

رسل

اهلاوسهلا اتشرفت بيكم

مبينات طيبات رغم مبين عليهم الله رازقهم من وسعه ومنعم عليهم بس ابد ولا عندهن غرور او تكبر

شوية ارتاحيت حسيت بالامان

ربي هيء من امرنا رشدا

طلعت روان ورة شوية دخلت وشايلة صينية بيهة اكل

تفضلي حبيبتي

اكليلج لگمة

رنا بضحك بس هاي المرة انخدمج ونقدملج اكل المرة الثانية انتي تخدمينا لان احنا حمواتج الشريرات

رشا دخيل ربج يا شريرات والله اذا ما الكاجن كل يوم جافتات علينة بنص البيت وتاخذنهة تفرن بيهة السوك

موستوج تحجين وية امي وتكولين اذا اجت مرت زامل اخذهة وياي للسوك حتى اجهزهة غراض

مديت ايدي عالصينية وكعدت اكل من خلصت

رشا

نزعي عباتج واخذي راحتج محد هنا غريب

ايستحيت لان اني باقية على ملابس مالت المستوصف واني متعودة البس جوة الجبة كلة كابوي جينز بوري يصير وعليه بدي نص ردن قصير وضيق ابيض مرسوم عليه كارتون بنية انمي

رسل بمستحة استحي انزع لان لابسة كابوي جوة الجبة وما لحگت اجيب وياي شي

رشا

يابة دنزعي عادي محد يجي ماعندنة احد غريب

والله فتحت الدكم مالت الجبة

نزعتة وعلكتهة على كرسي

اباوع على نظراتهن متعجبات

روان اولي يابة شنو هلعود الريان الوكف گبالي

رشا

گولي ماشاء الله لاتحسدينهة

رواء

بالله نزعي شالج خل نشوف شعرج

رنا بضحك

ولجن اشو انگلبتو عليهة رية وسكينة درتن على البنية تتفحص بيهة

رواء

لا والله بس اخذني الفضول

رسل

نزعت الشال وفتحت القراصة نزل شعري واصل لخصري واني جنت مرتبتة فبل اربع ايام من اخذتني رفل

الجائز هذا الشي الوحيد الي اتذكرة من رفل سوة وياي

روان

يبوي تجنن والله اذا شافتهة سهير تتخبل

رسل

منو سهير

شريجتج

سمعنا اندك الباب ودخلت الحجية

ما شاء الله تبارك الرحمان گمرة والله

سودة علية زامل

كون يتهنة وية هالگمرة

رشا بس انت اندعلية وربي ان شاء الله يشتفية

الحجية والله نخيت العباس ان يشفيلي اوليدي ويسلمة الي ولعائلة

رسل

في بعض الاحيان من ترى مصائب القوم تهين عليك مصيبتك

يعني عائلة تنعي ابنهة وهو عايش جدا صعبة

واقصى امنياتهم ان يخلفلة ولد يورثة ويحمل اسمة بالدنيا شكد صعبة

الحجية

يالله يمة لبسي عباية ونزلي وياي حتى تعقدون سيد لان وصلو الولد وهسة همة بالديوان

اني احيت البس الجبة

الحجية

لايمة تلبسين عباية راس

انطتني رواء عبايتهة ونزلت وية خالتي والبنات نزلن وياي

ودخلت بالديوان وسلمت عليهم عمتي واني مدنكة ولا رفع راسي بس شفت ست رجلين على مد النضر گاعدين مقابيلي

وابد ما رفعت راسي

سمعت السيد بدء يعقدلنا واني اتذكرت يوسف وخانتي دمعة ووكعت على خدي واتذكرت

ايام مراهقتي ومعهدي والتعين والطريق والتقائي اليومي وعيونة التحجي واخر كلمات كانت بينا

اي هسة لو باقي على سكوتة كان هانت علية المصيبة وان ماكو شي بينة حتى يخليني اتعلق بي

وكأنما جان بعرف ان هذا اخر حجي بيناتنة وراد يعترفلي باعجابة بية ويدز اهلة مثل جنت اتمنى كل يوم بحلمي بالليل ان يجي يتقدملي

اخ الله من وصل الحلم للباب لعندي

انذبح بعتبة الباب مثل كل حلم يتحطم والذباح دائما رفل اختي

يمة وين صافنة السيد يحجي وياج

رسل نزيت على الحجية هَـا اي خالة وياكم

اسمعكم

كمل السيد العقد وسفت اثنين كامو ووقعو ونوب اقترب الحجي وانطاني القلم حتى اوقع على العقد

اتذكرت امي

والله احتاجهة بهيج لحظة مثل كل ابنية تحتاج امه

كمل العقد

وطلعنا اني وخالتي من الديوان والبنات يباركن

الف مبروك

الله يبارك حبيبتي

الحجية

اخذيهة يمة لغرفته الجديدة

اخذتني رواء للغرفة وكانت غرفة كلش مرتبة وحلوة

دخلت وشفتهم محضريلي ملابس عروس روب نوم وشفتهم معلكين دشداشة بيضة شغل خليجي كلش حلوة

كالت هذا الحمام واخذي راحتج

حبيبتي رسل صيري سباعية ولاتخافين ترة زامل كلش خوش رجال

طلعت رواء وعافتني بحيرتي الي مالهة اول ولاالهة تالي

يعني والله اذا احجي سالفتي للمخبل ما يصدگني

كلشي ما اعرف وشنو راح يصير والله حتى ماعندي اي معلومة تخص هاي الليلة لان محد حاجي كدامي بهاي السوالف

صحيح اني دراسة بالاحياء عن كيف يتكون الجنين بس والله ما اعرف شلون بَـــاي طريقة عندي فقط المعلومات العلمية بس غيرهن ماعندي لان امي ما تطلعنة هواي واني بالمعهد هم ماجنت امشي بس وية ياسمين وياسمين مثل حلاتي مامتزوجة وحتى البنات المتزوجات مايفتحن گدامنة هيج مواضيع

يعني والله استحي اسئل منو حتى يفهمني

كمت اتصلت على امي حيرتي ما اعرف شسوي

بس امي ماردت علية شوية وصلني مسج من رفل

كاتبه

امي ماتقبل تحجي وياج وتكول بنتي رسل بالنسبة الي ماتت بعد لاتتصلين لان جاي تأثرين على صحة امي

اني هنا انهاريت من البجي من قريت الرسالة

ربي هونهة علية وفرج همي ترة ضاگت الدنيا

بوجهي وماعندي ملجاء غيرك ربي يتيمة ومكسورة

سمعت صوت الباب

احم احم

يمة يمكن هذا صوت زامل

رفعت راسي واجت عيني بعينة وظل صافن علية بتعجب واني بقيت اباوع علية بجمود من الرهبة

كنت باقية بنفس ملابسي ما غيرتهن

دخل زامل وكان شكلة يوحي عمرة بحدود الاربعين يعني اتوقع ٤٠عمرة كان مرتب وشكلة مبين عليه مثقف وكان اكو شيب قليل على اطاف شعره مامبين عليه مريض

خطية احتمال ببداية المرض بعدة

شكلة كان عندة لحية خفييفة وعيونة سود واسمراني وضخم طويل وشوية عندة كرش

اقترب مني

السلام عليكم

رسل بخجل

هلو

زامل

هذا مو سلام

اسفة وعليكم السلام والرحمة

اي هسة صحيح

رفعي راسج خلي اشوفج

رسل واني صارت دكات گلبي مثل واحد راكض وراه جلب

زامل ليش تبجين

رسل وهي تبجي

اريد امي

يتبع

أهُنتُ عليك؟

للكاتبةNuha-d-h

ا

و

أهُنتُ عليك؟

للكاتبةNuha-d-h

زامل

ليش تبجين

رسل اريد امي بس متقبل تحجي وياي زعلانة

زامل وهو يفكر محتار

رسل ممكن سؤال بدون لف ودوران

اسأل

انة من طلبت اتزوج بنية كلفت اين عمي جراح بهاي المهمة ودزيت ابوي عليج حتى يجيبج لان انة جدا مشغول وماعندي فراغ

لكن العجبني

بالمقابلة الاولى الي شافج بيهة جراح هو والمحامي مالتة گال انتي سافرة غير محجبة

ودزلي الج صورة بالنقال وشفتج لابسة تنورة قصيرة وسترة قصيرة صحيح كنت ضعيفة كلش

ما انكر انتي بالحقيقة احلى من بالصورة الصورة ماناصفتج بس جراح

نبهني على شغلة ان انتي گلتي اني مخلصة معهد تمريض وانتي موضفة بالمستوصف لكن شكلج جان ابد ما يمت بصلة للوضيفة والمكان التداومين بيه يعني لبسج عبالك وحدة رايحة تعرض ازياء

لكن من شفتج دخلتي علينا بالديوان جراح هاي موالبنية الي التقيت وياهة

زامل -شتقصد جراح يعني انضحك علينة راوونة شي وسلمونة شي

جراح -تريد الصدك لو ابن عمة هاي احلة بس اشو كلش منغيرة شمسوية لروحهة وهيج متغيرة

زامل -هسة ما افتهمنة هي لو موهي

جراح-هي بس متغيرة بنت اللذين

زامل بخزرة -احترم نفسك ترة هي بحسبت حرمتي

جراح -اهوو ابو الشباب عايش الدور

رسل من سمعت كلام زامل دنكت وزاد البكاء

رسل-احجيلك الصدك وتنطيني الامان متسويلي شي

احجي الج الامان ما اسويلج شي

رسل وبغصة

اني مو نفسهة البنية الي وقعت وياكم العقد

هنا زامل انتفض وگام من السرير

شنو قصدج

رسل

الي اتفقت وياكم على العقد كانت اختي تؤامي تشبهني وهي محامية بشركة ..... قدمت على الطلب مالتكم عن طريق ابنية وياهة بالشغل لكن اختي صار عندهة امر طارئ حال بينهة وبين ان تكمل العقد لكن المشكلة كانت وقعت وياكم العقد واستلمت قسم من المبلغ وعالجت بي امي لان هي قدمت علمود مرض امي

لكن كملت اجراءات العقد بالمستمسكات مالتي وخلتني اوقع العقد بدون علمي ولا علم امي

لان هي تعرف كلش زين احنا سابع المستحيلات نقدم على هيج سالفة

زامل وبحيرة

هاي سالفة ماتنحجي يعني اختج قدمت بدون ماتاخذ رأي احد دخيل ربه شكد جريئة بس اسف ما اكدر اصدكج عذريني يعني ترديني اصدك هذا الفلم الهندي

ومنو يگول ان انتي تحجين هيج حتى تتهربين من الاتفاق

رسل وبقهر -ماعندي اي اثبات غير كلمتي

زامل

اسف يبنت الناس اني حتى ماعندي وقت اخلي سبيلج واكعد ادور من جديد على ابنية ثانية وحتى لو انتي اخذتي مبلغ مالي موهين يعني منا على ماترجعينة يكون انة تحت التراب

رسل باجفال

اسم الله عليك

زامل ببتسامة

وين لحكتي تخافين علية

رسل

لا مااتمنى الشر لاحد حتى لو كان عدوي

زامل

كومي اخذي راحتج ورحي غسلي وبدلي واليوم اخذي راحتج ما راح اباشر وياج

لان بعدج جديدة وما تعرفينني على الاقل انتظرج لحد ما تتأقلمين وية الوضع

گامت رسل وخذت الدشداشة ودخلت للحمام

زامل بأعجاب

اخ الله شنو هاي بوية جمال رباني وجسم صاروخ

هسة انة شورطني وصرت كريم وگلتلهة اخذي راحتج اليوم

هسة انة مجرد شوف عرگت

رسل

طلعت من الحمام وشفت زامل مطفي الضوة

ومبقي بس ضوة النوم بصف السرير

دخلت واني مستحية جنت لابسة الثوب الابيض

زامل ضل يباوع علية وعيونة اكلتني اكل احس كلبي كام يدك حيل

شفتة رفع طرف الغطة وكال

تعالي نامي بصفي هذا مكانج اني رحت وقتربت ورجل تطك برجل

ودخلت وياه تحت الغطة

هو قربني منة وخلة ايدة تحت راسي وحضني وگلي تعاي باباتي نامي بحضني وباسني من راسي

بوقتهة غفيت وماحسيت على روحي فعلا حسيت بالامان الي حسيت بيه واني بحضن امي يمكن هيج يكون شعور البنية بحضن ابوه

ويوم ثاني كعدني

زامل وانتبهت على روحي خالة راسي قرب رگبته وحاضنتة

گلي صباح الخير ياوردة

ابتسمت بخجل

شكد حلو واحد يصبح بهيج وجه

سمعنا صوت طرق على الباب

راح زامل فتح الباب ودخلت رواء وبيدهة صينية

صباح الخير عروستنا

اني بخجل ودنگت

صباح الخير حبيبتي

زامل

رحمة الله من زار وخفف جبتيلنا الريوك يالله راوينة عرض اكتافج

رواء بضحك مهنة خوية مهنة

اقتربلي زامل وكال كومي خسلي وتعالي تريكي

رجعت وكعدت بصفة وكعد ياكل واني مستحية شفتة يسوي لفات صغيرة ويخلي بيدي حتى اكل

واكلت

من خلصنا ردت اشيل الصينية حتى انزله لكن هو لزمني من ايدي

لا عوفيهة عندي حجي وياج

وبيومهة

من اقترب مني جنت كلش جامدة وما اعرف شنو اتصرف او شنو المتوقع من اسوي

وهو انتبهلي ماعندي اي معلومة عن الموضوع

وكعد يفهمني شرحلي بكل وعي وطمني واخذني للسرير

اني كلش استحيت من فهمني شنو اليصير بين المرة والرجال

واقترب مني واخذني للسرير گلي لاتخافين ماراح ااذيج

بس سلميني نفسج ولاتتشنجين

واني سمعت كلامة وووووووووووووووووووووو

بعدهة بيوم جان زامل جدا سعيد بزواجنة

مرات نظل سهرانين ويكعد يحجيلي عن اهلة واقاربة.

الي عرفتة ان هو وحيد لاهلة وعندة خوات اربعة الي شفتهن اول ما اجيت للبيت

وابو وامة وكال هذا البيت الي احنا ساكنين بيه مسوينا بس للسفرات والعطل واكثر الاحيان الحجي والحجية گاعدين بي يعني من اگلج سفرات معناهة العشيرة كلهة تجي هنا وكلمن جايب غداه ونروح يم الشط نتغدة لان احنا بستانة عالشط ماخذينة

احنا بالاصل بيوتنا كلهة بمركز المدينة لان اشغالنة هناك

رسل

يعني بيتك انت وزوجتك وبناتك هناك بالمركز

اي بحكم عملي اني عندي شركة ادوية استيراد الوكيل الحصري بالبصرة

وعندي شركة ثانية ببغداد نديرهة انة وجراح تجهيز مستلزمات طبية من كلشي اجهزة من ادوات بكلشي

وعندي خير من الله وبنت عمي زوجتي دكتورة عندهة عيادة نسائية وكانت معارضة زواجي بالبداية كنت اتوقعه غيرة لكن الله سلطني عليهة من سمعتهة تحجي وية ابوهة ان اذا اتزوجت راح احد يشاركه بالورث وعرفت بوقته ان هي طامعة بممتلكاتي واني الغشيم سجلت بأسمهة عقارين عمارة وبيت

والاخت من سمعت راح اتزوج گومي بيعهن

واخذي فلوسهن

واني رجعت اشتريت العقارين ورجعتهن باسمي

مرتي رعنة واعرف ان بناتي راح يضيعن من وراهة لان ابوهة حيل مسيطر عليهة

يعني اتخيلي اتصلت علية بنت الكبيرة تصير بالاول متوسط تريد ادفع اقساط المدرسة يعني هاي الفلوس كلهة وادزلهة مصرف وماصارلهة هواي من باعت العقار وتكول ماعندي فلوس ادفع اقساط مدرسة يعني هاي شلون راح اعوفهة واغمض عيوني واامن على بناتي عندهة

وهذا ابوه كاضيهة سفر للبنان براسهة و

هذا الكلام تحجي بنتي اسراء

رسل

انت كم بنية عندك

٣اسراء وعُلا وعلياء

هذني روحي من الدنيا لذلك انة متحمل امهم لخاطرهن

لكن من ضاگت على الدنيا وابتليت بمرض خفت على بناتي ماعدهن سند بالدنيا وكلت اتزوج بهاي الطريقة اضمن ان اخوهم يتربة بينهم خاف انتي تردين تتزوجين من بعد وفاتي هذا من حقج لان بعدج صغيرة لذلك كان هدفي من الاتفاق

انتي تتنازلين عن ابني

وعندي اخوي وابن عمي جراح هذا يعرف عني كلشي صحيح هو اصغر مني بس مرات بسوالفة ومواقفة احس بي هو اكبر مني يعني كافل صغير وجبير وهو جبير اهلة وعندة ثلاث خوان هو شريك وياي بالشركة مالت بغداد لكن هذا مو شغلة الاساسي بالاصل عملة شركة مقاولات معروفة

والله بعد يومين من زواجنا. كنت گاعدة وية عمي وعمتي

ودخلت علينة وحدة مرة جبيرة ولابسة نظارة طبية وكعدت تغلط وتسب وتفشر حتى على عمتي وهدت عليه رشا اجت تكتلهة لو ماعمي صاح عليه وشفتة ركضت بتجاهي تريد تهجم علية ورشا ردتهة

عرفت بعدين هاي تصير زوجة زامل

خرب حظي مامبين عليهة دكتورة ابد عبالك بياعة خضرة باللسان الزفر

وخطية اثنين من بناتهة وراهة يباوعن علية بفضول والجبيرة بقت تباوعلي وبعوينهة حجي ماتكدر تحجي لان امه هنا

والله عدت الزوبعة مالت زوجة زامل اسمه سهير

بالتوعد الي ان الا تضيعني وتوديني بتهلكة

مو على الاساس انة ناقصة ضياع فوك العندي

راحت وتركت بناتهة لان جانت جايبتهم علمود عطلة نصف السنك متعودات يخلصونه هنا عمد جدهم وجدتهم

بعد ما طلعت سهير اخذت البنات للمطبخ حتى اصبلهم غدا لان كانو بملابس المدرسة الظاهر من الحلة وجايبتهم للبست كسرو خاطري احس بيهن مثلي ظايعات بين ام غير مسؤلة وابو مريض وجاي يعد لايامة

افتربت مني اسراء وهي تبتسم

شنو اسمج

رسل

حلوً اسمج مثلج

انتي صدك راح تجيبين النا اخو ويصير النة سند ويوكفلنا ويحمينا كلما نحتاجة

منو كلج هذا الكلام

بابا گال

والله كسرن خاطري احس بيهة اكبر من عمرهة بهذا تفكيرهة وتهم بلمستقبلهة هي

أهُنتُ عليك؟

للكاتبةNuha-d-h

و