تحميل رواية «أهُنتُ عليك؟» PDF

أهُنتُ عليك؟

للكاتبةNuha-d-h

حٍٍِْــًبٌٍـــٓيبتي ان شاء الله

الله يكتبلكم يصير عندكم اخو يصونكم ويدير بالة عليكم

رشا

طبعا انتي صحيح راح تسئلين ليش هيج مهتمين للولد

لان احنا هنا بالبصرة مو مثلكم اهل بغداد

انتو عندكم مساحة حرية وحقوق هواي للمرة بس احنا

هنا جدا محدودة الحرية صحيح عندنا الدكتورة والمهندسة وغيرهة بس تبقى بالمجمتع مغلق ويتحكم حتى بمصيرهة

فالاخ هو بطاقة الائتمان الي تمشي بيهة البنية بين المجتمع خصوصا بعائلتنا ماكو يصير مصيرهن لازم يتزوجن من الصغر

رسل

والله قهرني كلام رشا

خطية هذني البنات وين ينطن وجهن وهاي امهن مرعبلة

ومرت الايام واصبح زامل هو ابوي وهو امي واخوي

جان جدا حنين علية وجان يجي اليوم الي احمل بي وصار حملي ورة شهر من زواجنة

وبعدهة اشوف زامل گام يوم عن يوم يذبل گدامي

واني مابيدي شي

لكن رغم الالم زامل ابد ما تغير اسلوبة وحنيتة علية مرات اكعد اسولفلة على ايامنة اني واختي وامي

وشلون امي كسرت ظهرهة علينة

زامل -الله امج اشكد عظيمة اتمنة سهير تكون مثل امج وتصون بناتي بس اعرفه كلش زين مادبرهة وهذا عمي ابوهة نذل ادري بي راح يصرف ورث بناتي على السكر والعربدة مالتة لان لايحلل ولايحرم

انتي الله انطاكم اهل يخافون الله

لاتحجي هيج زامل طولت العمر الك

وابوك موجود وامك موجودة وجراح

صحيح بس محد دايملهم مو مثل امهم ابوي مادايم وامي مرة جبيرة هم شكد تريد تعيش وتربيهن وتحميهن وخواتي متزوجات ورشا هم ما بقالهة شي وتتزوج اخو جراح عزام

يعني برايج من الة الاحقية بالحرص على بناتي

كان فعلا كلام عزام ويوم عن يوم اگول حقة من يريد ولد الة يسند خواتة صحيح منا على مايكبر ياعونت الله بس يبقى الدم يحن

ويوم عن يوم صار زامل ما يبتعد عن البيت الجبير وصار مرة بالاسبوع يروح لمركز المدينة لبيتهم حتى بناتة يجيبهم وياه وامهن كضتهة ايفاد وسفرات عمل

وقرر زامل ان يشوف للبنات سايق حتى ياخذهم للمدرسة مالتهم يرجعهم لهذا البيت رغم بعد المسافة بس

كان هو راضي والبنات فرحانات بالترتيب

والله صرت اموت عليهن لان كلش حبابات

وخواتة يجون كل خميس واني مرات اسويلهم حلويات رغم ممانعة زامل وعمتي يخافون علية

رشا

رسل اشو ما اشوفج تطلعين او تسئلين عن السوق

يعني مثل كل البنات يموتن على هاي السوالف مالت المشترة

رسل والله عندي خير من الله وملابس كومة لكيت بالكنتور

رشا بضحك ولج هذني مالاتي واني خليتلج كم قطعة من عندي

قابل تظلين عليهن

زامل

اي صدك كلام رشا والاحظ بطنج كبرت

واخذنة زامل ورشا وابن عمهم جراج وطلعنا لماكس مول

كانت اول مرة بحياتي اطلع بيهة لماكان وراهة اخذنا زامل لمطعم كلش راقي وتعشينا وكان على حساب جراح

قبل لا اطلع لبست بنطرون وعليه مانتو عريض يجنن علية

واخذونا لمول ثاني عندهم اسمة تايم سكوير جان كلش ضخم وبي مآرب سيارت دخلنا السيارة ونزلنا لان رشا كالت ماكس مول مابي هواي خيارات الج بالملابس بس تايم سكوير بي هواي محلات تكدرين تكملين الاحتياجات

والله عبالك عالم ثاني مو طبيعي

زامل -رشا اخذي رسل وافتري انتي وياهة واني وراجح راح ننتظركم بهذا الكوفي من تخلصون اتصلو علينا

رشا

وك^_^ تٌـٌـمــام يالله رسل امشي

جراح -لالا شنو وين رايحات لوحدهم لايابة انتة ماتشوف الشباب شلون صايرين لخة ونصة صوتة وشوف مرتك راح تنوكل بالعيون دروح خل نمشي وياهن

رشا

اهو شكد معقد هسة مو زامل وياك شوفة شلون حباب

دحترمي نفسج وامشي گدام

رسل اباوع لجراح شلون كلساعة يخزر واحد

هذا شكد صعب

اخذتني رشا لLC واشتريت مناك هواي ملابس

رشا

شي اكيد انتو عندكم مولات اكثر من عندنا ومتعودين على الطلعات والمولات

رسل ضحكت عليهة من كل گلبي

اذا اكلج هاي اول مرة بحياتي اطلع تصدكين

سمعت صوت قريب علية

صدقة لهلضحكة تگول عبالك الشمس طلعت

والله ماحسيت الا الولد انزنك من قميصة واشوف جراح نايم فوكاه وشبعة ضرب واجة امن المول اخذو الولد

ومحد حجة وية حراج

زامل

زين يسوي وخليه يتربى

ورجعنة للبيت

كان جراح يسوق واحس بي من الغضب كلساع يريد يدعمنة

ومرت الايام

واتعلقت بزامل مثل الطفلة الي تتعلق بابوهة

كان يصيحني كلة بنيتي

كنت في بداية حملي وكنت اتنسة وهو ما يخلي شي بالسوك مايجيبة الي

صرت يوم عن يوم استصعب فكرة ان هذا الشخص الطيب الحنون يموت ويغيب عن الدنيا

بس ارجع واذكر نفسي ان انة ما دايمة وياه يعني حتى لو مو مريض هم بس اجيب الطفل لازم اعوفة وارجع لاهلي اني لازم اذكر روحي دائما ان هذا كلة اتفاق

لان هو لحد هسة ما يوم شفتة لمح على بقائي بعد ولادتي

دائما من يحجي عن مستقبل ابنة يكون التخطيط بس لابنة يعني مايشملني واني تحز بخاطري بس ليش ازعل

مو حان هذا اتفاقنا من الاول

اتعلمت اول درس ان ما اتعلق بشخص ما حاطني بحساباتة

وفد يوم سوة عمي عزيمة وعزم خوانة واولادهم وبناتهم يعني باختصار العشيرة كلهة على المزرعة مالتهم الي احنا ساكنين بيها

بيوم العزيمة لبست الگلبية الخليجية لونه ماروني وفوگهة حجاب جانت گاعدة على جسمي مدوزنة ومرتبة كلش

رشا

ماشاء الله عبالك فستان مو دشداشة

زامل

يالله بنيتي امشينا حتى نسلم على عمامي واعرفج عليهم هسة همة كلهم گعدو يم الشط هناك گالو نتغدة يكولون الاجواء حلوة والجو طيب

والله اخذت الحلويات الي سويتهم بيدي ورشا اخذت جدر الدولمة الي سوتهة خالتي

كانت المزرعة تصير خلف الفلة ما شاء الله شلون طبيعة تجنن وعمي مسوي نافورات تجنن وبيهة سمك زينة يخبل

وصلنا الهم اني وزامل شايل الحلويات عني وصلت الهم واباوع للبنات اكولني بعيوني

وحدة من بنات عم زامل تكلي انتي مركبة رموش

رسل. لاوالله هنة رموشي هيج من الله حتى مسكارة ماحاطة والثانية هاي شنو زعطوطة اصغر من زامل عبالك بنتة والله خرف الرجال

اجة يمنة عزام اخو جراح وسلم علية وسئلني ما اعرف وين شايفج

رسل ببتسامة اذا مستوصف مستشفى اكلك اي بس بغير مكان ما اتوقع

وظل يقلد علية شوف بنات بغداد شلون يحجون كلة اني

واني ولعد دة أگول كوووولش

اني بس اصحك على سوالفة

بس العرفتة من هذا كلة ان بيت عمام زامل مايعرفون بالاتفاق ماعدا جراح

وحسبالهم زواج عادي

صاحتني رشا حتى نفتر اني والبنات من گمت شفت جراح صار بوجهي ابتسمت وسلمت عليه

شفت هذا خزرني

هذا شبيه يخزر بية مو صوجك صوجي اني سلمت عليك

شوية اجت رسالة لرشا واباوع لرشا كعدت تگلب بعيونهة ماعجبهك جنك الموضوع

رسل

شنو شبيج

رشا هذا جراح راسل رسالة يگلي احجي وية مرت اخوج خل تستر روحهة

اني اتفاجئت شنو قصدة علية

اي عليج لان سهير مو هنا بس انتي

بالله شوي امشي گدامي

خلي اشوف ملابسج رشا بستغراب

اي ولج رسيلة ملابسج ضيگة ومخصرة جسمج جان شمرتي على روحج عباية خليجية مفتوحة استر

عمي حقة من يحجي دشفوي جسمج يجيب التايه

سمعت صوت زامل يصحني ورحتلة واخذني ومشيتا اني وياه وهو لازم ايدي وكعدنا بجرف الشط

والله اتمنى اعيش عمري هنا ماتنمل الگعدة وهاي احلى لحظات حياتي اني عشت بحرمان وعوز من اباوع عليهم شلون حلوة لمتهم وگعدتهم سوية وسوالفهم وشلون يقلدون ويصنفون كنت افتقد لهذا النوع من الالفة رعم حبيبتي امي دائما تخلق النة الجو العائلي الدافي لكن العائلة تحتاج رجال لان هو السكف الي يكمل الدفو بي

وجريت حسرة وغمضت عيوني

وخليت راسي على كتف زامل وهو خلة ايدة على كتفي

رسل

الشط شكد حلو

زامل ببتسامة على وجهة مثل ابتسامة الاطفال

تردين نسبح اني وياج بالشط

رسل متفاجئة صدك تحجي خاف عيب منا اهلك وخاف واحد يشوفنة

زامل شبيج هذا كلة النة ملك خاص محد يكدر يقترب واهلي مايشوفونة احنا معزولين عنهم بالزرع

اتصل زامل على رشا حتى تدز على مناشف رحعنا وتغدينا وخلصنا بعدهم ماصابين الجاي

شفت زامل غمز لي واشر على الشط يعني يالله خل نروح

واني بفرحة مثل فرحة الطفل اخذت جنطة المناشف وكمت

اتبعني زامل

رحنا لمكان ثاني اكثر انعزال ودخلني بالشط بس بملابسي بس نزعني الشال گلي لاتخافين محد هنا يكدر يشوفنا

وصل الماي لخصري وحسيت على زامل شالني واني من الخوف لفيت ايدي على رگبتة وخليت راسي برگبتة ودخلني جوة بالماي اني من الخوفة صرخت وهو خلة شفايفة على شفايفي كلي صوتج لاتفضحينة واني الابتسامة متروح من وجهي لان جان شعور كلش حلو

كان زامل الضحكة الي انحرمت منهة طول عمري

وطلعني من الشط وصار ثوبي لطش على جسمي

زامل وبحسرة اخ ربي شنو هذا الحسن يگولون حورية البحر خرافة اشو هاي حوريتي گبالي واكفة

جنت اشوف الحسرات بعيون زامل لان من بدة ياخذ العلاج الكيميائي بدة عندة الضعف بكلشي حتى بالممارسة

ربي يشفيه ويسلمة من كل شر لكن صدفة وطلع علينا من ورة الاشجار جراح وبسرعة دار وجه عني وانطانة ظهرة وحجة وية زامل

زامل مايصير هيج مو زين على صحتك

ولك ياخوي لو تشوف النعمة الحسيت بيهة راح تكول حقك

بس حسيت علىيه كأن داخ ولزم راسة بس كوة كمل طريقة ولفني بالمنشفة ودخلنا للفلة ورحنا على الغرفة زامل

رسل طفي الضوة اريد انام احس بتعب

رسل بخوف خاف لان سبحت بالشط

لا اصلا انة من الصبح كنت احس بتعب

ومرت الايام ودخلت بنص الشهر الخامس وطمنا الدكتور عن زامل ان اكو تحسن كلش ملحوظ بشفاءه بالعلاج والورم جاي يخف ويكاد ان يقضي عليه بالعلاج الكيميائي حتى كام ياخذ حبوب مايحتاج اشعة

وكان زامل حيل فرحان واخذني للدكتورة حتى اجيك وضعي جنت مكتفية بالاشهر الاولي اراجع بالمستوصف الي قريبة على البيت واخذ لقاحاتي بنتظام والصحة الحمدلله تمام لكن ما راجعت دكتورة تشرف على حالتي حتى خاف تصير عندي ولادة تكون ولادتي تحت اشرافه

فاليوم اخذني زامل ورحنا للدكتورة وطلبت مني بعض التحاليل واخذت سونار واحنا بالسونار گالت انتي حامل بتؤام كانت هاي مفاجئة الي ولزامل وبعدهة الفرحة الكبيرة من گالت اثنينهم ولد حسيت بساعتهة زامل بجة من الفرحة ربي شكد كريم

كانت الفرحة والضحكة تعم الوجوه لكن على لحظة اتذكرت انة الام وحامل لاثنين اولاد ولازم اتنازل عنهم بعد ماحسيت بنبضهم وحركتهم داخلي كان الشعور جدا جميل من يتحرك واحد منهم واني نايمة

لكن بعد هذا كلة لازم اسلم اطفالي واتركهم

والله شعور يمزق القلب يعني حتى الحيوانة ماتترك اطفالهَ ولاتبتعد عنهم

ربي لاتفجعني كنت بالاؤل خايفة على امي الي ما اعرف مصيرهة وين اتصل وماكو مغلق ورفل اتصل عليهةاريد اسمع اخبار عن امي همم مغلق ما استغرب لان هي كل فترة مغيرة شريحة فعادي عندهة

يارب كان خوفي على امي خاف افقدهة وهسة صار همي اولادي خاف افقدهم كنت اخاف على شخص

هسة صارو تلاثة والله توجع ضربات الدنيا

ادري يالقهر عندك اقامة وياي اشوماشفتك يوم فارگتني

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

مرت الايام وحملي كان يكبر وصرت امشي كوة

لان بطني جبيرة حملي ثگل وكان حمل همي يكبر

جنت كل يوم بالليل ابجي شلون راح اعوف اولادي وهمة لحمة حمرة شلون ياناس ياعالم ما اكدر اتحمل صار من البجي ارتفع عندي الضغط

زامل گام ينام لوحدة بغرفة وكلش هزل من العلاج الله يساعدة

اخذتني رشا وياهة للسوك

واشترينا جهاز وملابس اطفال بالحمل مالت الملابس خنگتني العبرة وصارت غصة بصدري

ربي موبيدي يعني اشتريلهم هديمات وشغلاتهم اشم ريحتهن والله موبيدي شلون اعوفهم والله اتخبل

مسحت دموعي قبل لاترجع رشا

وطلعنا واخذت رشا الهة كم شغلة تخص جهاز العرس

رشا

كون تلحگين على عرسي وتحضرينة لان حددناه بعد شهرين وانت هسة بشهرج احتمال على ما اعرس انتي ببغداد راجعة والله راح اشتاقلج

هذا الكلام نفسة حجتة خالتي

بس اني سجاجين تكطع بگلبي يعني شنو ما كسرت خاطرههم يعني الكل مسوي حسابة ابتعد عن حياتهم واني الفطيرة كنت اتعشم ان يبقوني يمهم والله صعبة على بشر يظل يستعطوف ويتوسل شعور الانتماء لعائلة

حتى يصير فرد من افرادهم يهتمون بي ويهتم. بيهم

والله وفي ليلة من اليالي دخلت على زامل بغرفتة

زامل هلة رسولة شلونج خيرج موجوعة

رسل ببتسامة لا تخاف مابية شي بس ردت احجي وياك شوية

اتفضلي احجي

زامل انت بعدك على قرارك ان اسلم الاطفال الك باول يوم من ولادتي واتركهم

زامل عقد حوابة

هَـا رسل بدينا نلعب بذيلنا انت تعرفين كلش زين شنو جان ينص الاتفاق

اي صحيح بس زامل انت ان شاء الله ربي يشفيك والتنائج كلهة تبشر بخير يعني ماتحتاج تخاف على اولادك اروح واخذهم بعد موتك وخلينة نبقى متزوجين منين تخاف بعد

زامل رسل ترة كلامي عن تقدم حالتي الصحية والعلاج الي جاي اخذة يأخر انتشار المرض بس مايعالج هذا كلة كان كذبة اختلقتهة

انتي شتحجين ترة هذا كلامي جان كلة علمود امي وابوي وبناتي يتطمنون لان نفسيتهم كلش تعبت من ورة الخوف علية والتفكير اسراء بنتي حتى مستواهة هبط من ورة الخوف علية

هو صحيح المريض يعاني لكن اقربائه وناسة واهله راح يعانون ويحسون بالالم اكثر من المريض نفسه

فانتي يا بنت الناس انطيج اياهة من الاخير انة ما دايم

ماانكر ان انة حبيتج والله الشاهد لو الله كاتبلي عمر ما افرط بيج لكن لان احبج فلازم اتمنالج الخير ففتحي صفحة جديدة من حياتج وعيشي حياتج من جديد وتزوجي انتي تستحقين رجل شاب يصونج وبعمرج يتفهمج مو بكد ابوج بكدي

رسل تحط ايدهة على حلك زامل

لا زامل لاتگول هيج انة اموت اذا ابتعد عن اولادي صدگني اموت ما اتوقع راح اكدر استمر بحياتي واعيش واني اعرف ان تركت وراي جهال صغار بعدهم لحمة حمرة حشاك الجلبة ماتسويهة شلون راح يتحمل گلب الام الي بداخلي

زامل ببتسامة

تتعودين وتكبرين وتنسين

هسة مو هاي سهير شوفيهة شحلاتهة ماتعرف الله وين خالق بناته

لا لا اني مو سهير لك اني عشت طول عمري مكطوعة من شجرة وجان حملي من واني صغيرة اكون لي عائلة واحميهم واهتم بيهم شتحجي انت سهير ماتعرف طعم العائلة لان شبعانة من الاهل والاقارب والاصدقاء لكن اني ما الي احد

ففاقد النعمة هو اكثر حرص عليهة من المتبطر

واني احجي حسيت اكو تقلص قوي من اسفل ظهري وامتد لبطني اني صكيت سنوني

واتبعهة صقوط كمية ماي كلش كبيرة من بين رجليهة اني هنا اتخبلت

زامل الحكني ما اعرف

زامل وبصدمة وخوف

ظلي بمكانج لاتتحركين

رشاااا رشااا يمة يمة

ضل زامل يصيح بصوت عالي واجتني عمتي ورشا يركضون

واتصل زامل على جراح

الو جراح الحك المرة تطلك وانة لوحدي ماعندي حيل

والله دقايق واجة جراح يركض

وركبنا بالسيارة وعمتي وعمي وياي وزامل ورشا ورانة بسيارة ثانية واني بس ارجف احس بالالم كام يزيد وصلنا بسرعة للمستشفى واخذوني دخلوني جوة بعد الفحوصات امرة الدكتورة ولادة طبيعية لان عندي توسع

واصلة كلش حالتي ماتتإجل

والله اخذني لصالة الولادة واسمع السسترات ادفعي اي عفية دفعي

وبعد كل معاناتي واجو احلى ثنين تشوفهم عيوني

حسن وحسين

مثل ماكان يحب يسميهم زامل

كنت كلش تعبانة وماحسيت على روحي من نمت وراهة بساعات كعدت لكيت روحي بالمستشفى لوحدي

بالسرير واجة الممرضة ضربتني ابرة كالت انتي

فقدتي دم هواي

عفية حبوبة اولادي وين اريد اشوفهم

الممرضة شنو اسمهم حتى اجيبهم الج

اسمهم حسن وحسين

بعد فترة رجعت الممرضة

حبيبتي كاتبيلهم خروجية وماخذينهم للبيت لعد شعجب ما طلعوج وياهم يعني حالتج ماتستدعي ان تبقين بالمستشفى

بلحظة سمعت حجي الممرضة اني

غصيت بالحجي يعني صفيت بالدهر لاوالي ولامعين

يعني صدمني تصرف زامل واهلة. يعني هيج جانو مستعجلين حتى يتخلصون مني

ماجان مبين عليهم ان عندهم هيج گلب بارد وياي

يعني شنو راح يخسرون لو خلوني يمهم كم يوم اشبع شوف من اولادي ولكم الله واكبر بعدني نفسة خضرة اباوع على البنات الي وياي بالردهة اهلهم شلون حايطينهم بالرعاية ويوكلونهم ويكومونهم ويغلسولهن

بس اني باقية لوحدي حتى مايمي كلاص ماي

يعني جان سووهة لله واعتبروهة صدقة او شغلة انسانية

كانت صدمتي بزامل واهلة اكبر من صدمة فراق اولادي

يعني كنت عايشة بكذبة طول هاي الفترة اسمع كلام من عمتي اذا رحتي راح اشتاقلج ورسا نفس الكلام يعني بنو عواطفهم وياي وكأن خدامة بعقد وياهم من تخلص فترة الخدمة تطلع من حياتهم هذا حالي وياهم مو مشكلتهم انة اتعلقت بيهم وحبيتهم مثل اهلي صحيح حسيت على تعامل خالتي وياي برسمية شديدة وعبالك خطار هو اني صحيح خطار

بجيت من الالم الي داخل گلبي وبجيت من الوجع مابعد الولادة اريد وحدة تعيني حتى اغسل وابدل ملابسي ماكو

ليش ماشفت مرة جبيرة فراشة تشتغل بالمستشفى وطلبت منهة تعيني گالت خالة كلهة زلم برة بس خلي تخف الرجل حتى ادخلج اسبحج لان الدم واصل لظهرج

ربي اني مسني الضر وانت ارحم الراحمين

يبو الايتام ناخيتك يتيمة ومالي احد ترة عاندت وياي دنياي وما لگيت واحد للوعد وفاي

والله راحت المرة واني ايست منه گلت هاي حلت وخلص دوامهة ونستني

بعدين شفتهة دخلت علية واخذتني بالعربانة ودخلتني بالحمام وكعدت تسبحني ومالعبت نفسهة وتحجي

خالة انتي وين اهلج شلون يعفون ابنية صغيرة لوحدهة بالمستشفى لامرافق وياهة شلون مايصير اني بس ابجي صوبنتني وغسلت جسمي ونشفتني لان جنت جايبة وياي جنطة مالت ملابس الي ولبستني ملابسي وحتى جابتلي من عندهم حفاضات تگول يوزعون بالمستشفى على المريضات

هي تلبسني واني ميتة خجل والله موقف عمري ما راح انساه ولا راح اسامح زامل

ليش هيج يسوي بية

كمت اريد ارجع للسرير حسيت بقفدان توازن

لاتخافين يمة هاي لان جايبة ستوج وفقدتي الثكل فماجاي تتوازنين

خالة عفية كلش جوعانة الله يرضة عليج حتى لو بس خبزة شي اسد جوعتي بيهة

ياسودة علية خالة جا شنهي وين هلج كاعدة وية يهود

ولج خاف مسويتة بالحرام

لالا خالة والله متزوجة واهل زوجي اجو وياي

بس اخذوا بزري وراحو

اجت المرة جايبة وياهة خبزاية وطماطية وكلاص جاي

خالة عذريني بس هذن جوة ايدي وانتي الله يحفظج ما حجيتي من وكت جان ظميتلج من اكل المستشفى وجبتلج بس هسة تالي الليل لا اكو محل مفتح ولا اكول واحد واوصي ويجيب

هي انطتني الاكل واني دست علهم دوس والله اطيب طعم ضگتة بحياتي لان جنت بوقتهة حيل جوعانة

حسيت بصدري گام ينمل ويدر

من شفتة كام يدر كمت ابجي مثل المخبلة والوب من القهر وتذكرت اولادي

كامن يوجعني

يمة وليداتي تعالو خل اشمكم واحطكم بحضني واضمكم يمة اريد ارضعكم واهودكم

تعالو يمة تعالو صدري در وحن عليكم اشوجنكم يايمة جوعانين اني سامعة اذا در الثدي وكرصني معناهة ابني جواعان يمة سودة علية جعتو وامكم مو يمكم ربي حرگة گلب والدة رجعلي بزري لحضني ارضعنهم وامشم ترافت عطرهم والمس ايدياتهم راح انجن

بقيت ابجي طول الليل

كعدت الصبح وكعدت شوية على حيلي

كمت اكدر اگوم لوحدي

جنت جوعانة اريد ريوك شفت ام جايبة رويك لبنتهة كلشي جايبة ظليت اباوع الهم وهمة ياكلون اتمنيت تجي هاي الفراشة مالت الليل حتى اوصيهة تجيبلي اكل اي شي حتى لو بسكت وعصير ما اعرف ليش هيج الجوع جاي يغزي معدتي يمكن لان صدري يدر حليب

احس بصدري صار صخر من الحليب ونوب كعد يخرز

وصخنت ما اعرف شصار بية اجت الدكتورة انطتني علاج

خطية هاي المرة الي جانت توكل بنتهة جايبة كومة اكل وفواكه وعصاير واباوع لبنته تتدلع ما تشتهي

ونوب شفتهم جابو الاطفال لامهاتهم يرضعونهم واني الغصة تكسرت بحنجرتي

اخ ربي الهمني الصبر ما اريد اوصل للجزع ربي امتحانك صعب وحملة ثكيل علىً جتافي

انتبهت علية المرة واقتربت مني خالة ماشفتج اكلتي شي من گعدتي لحد هسة اهلج وين

ترة انة منتبه عليلج لان جنت جاية من الصبح اباوع عليج كلساعة تعاينين للباب شفتهة جابت ماعون بلاست بي كباب باقي من بنته ما اكلتة كلهة وكم قطعة من الفواكه وصمونتين ووعلبة عصير

والله احس الله سخرهة الي لان بس هو اعلم بداخلي وبحالي الهي مدبر الامور دبر امري ويسره ولاتعسره

ونزلت على الاكل فد نزلة والله اذا اگول ايدي گامت ترجف من الجوع تگلون هاي تبالغ

يعني من الخبزة مالت الليل ولحدة ثاني اليوم العصر يالله دخل شي بمعدتي والله ينطي هاي المرة الصحة والعافية

عمي الله مايكطع ببعبده

نمت وراتاحيت لليل الساعة ١٢يالله كعدت

وشفت نفس المرة الجبيرة الفراشة

هلة خالة وينج الصبح ماشفتج

خالة احنا شفتات اني دوامي يبدي من ورة اذان المغرب للصبح مناوبات

والصبح غيري تجي بنية اصغر مني مسؤلة عن نظافة الردهة كولي يمة محتاجة شي ترة انة مثل امج

من عاشرت اهل البصرة واختلطت بناسهة

عرفت عنهم شغلتين رجال ونساء

اول شي همة صاحبين كرم موطبيعي

والثاني صاحبين نخوة ويحبون يساعدون الغريب بدون مقابل

بس طلعو من عندهم بيت زامل

وگامت المرة واخذتني للحمام وهالمرة امشي على رجلية بس على كيف

وهلمرة اني غسلت لنفسي احس الالم شوية خف

شفت المرية جابتلي صابون رگي وملح بحر

شوفي هذا جبتة الج وياي من بيتنا محد يفيد بتنظيف رويحتج بس هذا الصابون والملح يلمج لم

ترة هاي الخرابيط مال الغسولات والمراهم كله كلاوات

ابتسمت على كلامه كان مثل نسوان قبل

ولو هي وحدة منهم اخ الله صدك مابترك عبدة احمدك

اكلج يمة تعشيتي لولا لان من اجيت شفتج نايمة

لاخالة ما اتعشيت بس مرية حبابة انطتني اكل العصر

لايمة هذا موكافي انتي نفسة لازم تتغذين على العموم سويت حسابج وجبتلج من اكل المستشفى حافظة شوربة عدس وخبز وباكيت عصير برتقال

خالة شنو همة يوزعون اكل

لايمة مايوزعون بس مالت الموضفين

جابتهم واكلتهم والحمدلله شبعت وضميت علبة العصير بالجنطة وية البرتقالة والتفاحة الي انطتني اياهم اليوم المرية كلت كلشي يصير يفيدوني

صاحتني المرية وگالت خالة انتي الظاهر صرتي زينة واحتمال الباجر يكتبولج على خروجية لان مايصير تبقين بعد شاغلة سرير اكو مريضات اولى بمكانج الشاغلتة

خالة اتصلي على اهلج يجون ياخذونج

اجتني فكرة اتصل على زامل اخر محاولة بلكت الله

ويحن علية ولو هو الماحن علية واني لاحول ولا قوة ويعرفون حتى لو لفوني وبقوني مراح اكدر ااثرعليهم

لان لاحول ولاقوة

بينية ضعيفة حال ومال شكدر اسويلهم والله شفت جهازي بجنطتي وتصلت على زامل اسمعة يدك بس ما يجاوب دكيت خمس مرات وبالسادسة يكلي الجهاز مغلق معقولة غلقة هيج گلبة اسود والله ما راح اسامحة طول حياتي وخطيتي برگبتة كمت ابجي واجتني الفراشة

هَـا خالة ليش تبجين شنهو اهلج مامنهم رجة

خالة اني اهلي ببغداد مو هنا واهل زوجي وزوجي هنا بس ما يقبلون يردون على اتصالي

شفت المرة انقهرت على حالي

لاتضوجين يمة ترة انة امج وهذا شغلي بالمستشفى عدت علية هواي قصص واسوالف تشيب الطفل

گولي شتحتاجين

خالة انة غريبة بهاي المحافظة وحتى بيت عيالي ما اندلة وحتى اذا طلعت وشوفت عينج ماعندي فلوس اوصل لاهلي ببغداد

شفت المرة راحت اتأخرت علية نص ساعة واجت

گالت هاج خالة هاي اربعين الف لميتلج من الممرضات الدكاترة المقيمين وكم واحد ابن حلال من الحرس من كلتلهم اختكم غريبة محتاجة فلوس تسافر بيهن لاهله وهي غريبة ومالهة احد خطية شفتهم كلهم طلعو من حيبهم وانطوني وواحد منهم دكلي صدر گال الصبح انة اخذهة للكارج حتى ااجرلهة واحد سايق ثقة يوصلهة لبغداد

يتبع

أهُنتُ عليك؟

لاتبخلو علية في تعليقاتكم وابداء اراءكم

للكاتبةNuha-d-h

أهُنتُ عليك؟

للكاتبةNuha-d-h

انطتني المرية الفلوس وكالت اكو حارس بباب المستشفى كال انة اوصله للكراج بعدين خلصت شغلهة بالردهة واجت سلمت علية ودعتني

مودعة بالله يايمة

اني سمعت هاي الكلمة واتذكرت امي ونهاريت بالبجي وحضنت المرة حيل عبالك راح استمد منه القوة مثل ماكنت اسوي وية امي بستهة من راسهة وراحت

وفعلا يوم ثاني كتبت الدكتورة على الخروجية مالتي واخذت جنطتي على حطت ايدي مستمساكتي ونقالي الصرصور شفتة مغلق يالله شسوي قابل منو راح يتصل علية اشو مكطوعة ومنبوذة

لبست عباتي الجبة كانت هم موجودة بالجنطة مالت الملابس جان تفكيري غير جنت متوقعة يرجعوني وياهم

للبيت ماتوقعت ولو للحظة يطلعون هيج طلعة ناقصة

سودة علية اولادي هسة شنو مصيرهم يعني شنو راح يأثر عليهم لو خاليني يمهم وارضعهم فد شهر اي مو حرامات المادة الصمغية البصدري كلهة راحت هاي احجي وية روحي وابجي

يستفاد منة الطفل اول يرضع تكسبة المناعة من الامراض كعدت احاجي بروحي واشرح لروحي وهمة مويمي عبالك وحدة مخبلة

طلعت خارج المستشفى بالباب وشفت الرجال الكالت عليه المرة وركبت وياه بالسيارة

من وصلني الرجال للكراج واخذني عند صديقة

وشافني ميتة من الخوف احس بروحي تايهة بهاي الدينا موحشة

خوية لاتخافين امنتج عند ولد ثقة وكال يوصلج لحد منطقتج ترة احنا ناس عدنا غيرة وغيرتنة ماتسمح النا اختنا غريبة ومحتاجة العون ومانوكف الهة وانتي مثل الامانة

شفتة

جابلي بطلين ماي وجيس بي عصاير وكيك

الله يرضى عليك خوية ويرزقك ويدفع البلاء عنك

رحمة الله والديج خوية هذا دعاءج يسوة الدنيا يالله في امان الله

والله وتوكلت على الله

كان الطريق كلش طويل

وصلني الولد للمنطقة مالتي طبعا هو لازم ينزلني بكراج بغداد ومناك ااجر تكسي واجي هنا بس خطية انة على گلوتهم لان امانة وصلني لمنطقتي

اخ منطقتي نزلت من السيارة وجنطتي نفسه والجبة نفسه الي طلعت بيهة من بيت اهلي رجعت بيه

لكن الشخص مو نفس الشخص

جنت بقايا رسل مو رسل النشيطة الحلوة الي جانت تكطع هذا الطريق كل يوم مشي وتضحك للهوى ذيج راحت وهسة هاي مجرد حطام

جنت امشي بالطرق واتذكر ايامي

وجان الي بهذا الطريق بكل خطوة ذكرة بقيت امشي ودموعي تصب

وصلت للركن براس الفرع وتذكرت يوسف وگلبي حن لزهرة صباي عشگتة عشگ براءة بحلم امشي واتذكرت المرة ام قصي جارتنا

وعبرت على بيت صديقتي سما وتذكر شلون رحنا لعرسهة وصديقاتي هنا بيوتهن وهنا من هذا الطريق جنا نمشي انة ورفل اي وجانت مرات الدنية تمطر ونخلي جنطنا فوك روسنة ونرجع للبيت منگعات ماي ونفرش الكتب يم الصوبة حتى تجف الله يا ايامي منو يرجعلي ايامي لذاك الوكت جانت اكبر همومي شلون نقنع امي. حتى تخلينة نسهر على فلم

وصلت قريب على باب بيتنة ودكيت الباب طلعت لي مرة غريبة

اتفضلي خالة طالبة منو

خالة هذا مو بيت ام رسلً

اني احجي واحس بحلگي جف والرجلين بادن

لاخالة غلطانة احنة جدد بهذا البيت شوفي دكي هذا الباب الي بصفوي همة يعرفون صاحبة البيت

والله رحت على بيت خالي وطلعلي ابن خالي مصدوم رسل

دخلي فوتي طبي جوة

بس سمعت صوت خالي من باب الحوش

لا لا رسل ماتعتب بيتي تبقى برة البنية العاقة الي موتت امه مالهة محط رجل عندي

موتت امهَ موتت امهَ

الكلمة ظلت ترن بذاني

دخيلك يا الله دخيلك ربي صبرك ربي امتحانك جبير وما اتحملة امي ماتت امي

ليش يمة ليش بعت نفسي على مودج يمة اتحملت المر علمودج يمة بعت ولدي حتى تعالجين فرطت بوصلة من گلبي

حتى اشتريج يمة وتاليتج تموتين

ربي اني خسرت كلشي بحياتي وفلست من امي وولدي هذا هواي علية ربي ارحمني

طردني خالي من البيت

خالو ماعندي مكان وين اروح

روحي للشردتي وياه هو يلفيج

اني ما شردت وية احد اني تزوجت ليش تحجي هيج خالو

خالي تزوجيته وخليتي امج بحسرتج

طردني خالي

بالشارع واني ما اعرف احد وين انطي وجهي

رجعت منين ما اجيت امشي مدنگة مكسورة وخايفة وين اروح المن گعدت

فرحت لبيت صاحبتي ياسمين عند اهلهة ودكيت الباب وطلعتلي ام ياسمين وسلمت علية ودخلتني جوة وجابتلي

ماي وقدمتلي عصير وكليجة

هلة برسولة خالة شلونج شخبارج ولو احنا زعلانين عليج

لاتجين ولاتسألين

هلة بيج خالة والله عذريني التهيت بالدنيا ياسمين شلونهة

والله خالة ياسمين اتزوجت بالكوت ولد قرابتنا من ابوهة

رسل الف مبروك خالة واللع عذريني جنت مشغولة

يبوي يعني حتى ما راح اتجرء واطلب يلفوني عندهم صعبة اذا صديقتي ماكو

راحت ام ياسمين للمطبخ

واني باوعت محد موجود كمت شلت ماعون الكليجة وكلبت الكليجة كلهة بالجنطة جنت اريد اامن مستقبلي ووفر الاكل ماعرف الله شضاملي وسنو مصيري بعدين استأذنت منهة وطلعت امشي وما اعرف وين تاخذني رجلية وكعدت على الرصيف رفعت راسي للسما

ربي شوفت عينك هاي اني اخذني والله ما اتحرك من مكاني اريدتسويلي حل احجي مثل الهاجرة الما عدهة عقل

كمت احجي مثل المخبلة احجي وابجي ساعة ابجي على امي ومرة ابجي اولادي احس الجبة تنگعت من منطقة الصدر من ورة الحليب

وساعة ابجي لنفسي الضاعت

جنت كاعدة وسمعت اسمي

رفعت راسي واشوف ابن خالي الي فتحلي الباب

عبالك جان يركض لان شفت نفسة سريع

وين اختفيتي گلبت المنطقة عليج

جنت ببيت صديقتي ياسمين

هاج لزمي اخذي هذا رقم اختج رفل اتصلي عليه بلكي تجيج وتاخذج لبيتهة

لان انة مابيدي شي وابوي هو صاحب الكلمة بالبيت

ويعز عليه اشوفج بهيج وضع لان مهما كان انت بنت عمتي

مشكور ماتقصر بشرني انت شلونك نجحت من السادس

ابتسم اي وانقبلت صيدلة وانشاء الله هالسنة اداوم

اخذت الرقم من عندة

ماعندي شحن بالنقال

طلع نقالة وكلي هاج اتصلي عليه

انة ما احجي وياهة

ليش

لان اخر مرة اتعاركت وياهة من سمعتهة شوست بسالفتج جانت تحجي وية صديقة الهة اسمهة سولاف وتگللهة ورطت اختي وذبيت السالفة براسهة وعرفت الصار بيج كلة من جوة راس رفل

صديگيني رحت حجيت لعمتي كل السمعتة وردت احجي لابوية لكن ابوي قافل حيل عليج لان ميت قهر على عمتي ماتت وتصيح يمة رسل بنيتي ظلمتهة

جنت ميت قهر عليج منسمعت حجي رفل مع صديقتهة وبوكتهة كلش حقدت عليهة

اتصلت على رفل وانة على اعصابي بس مجبورة ماعندي احد يلفيني منا لحد ما الله يفرجهة علية

جاوبت رفل

الو رفل انة رسل

رفل بستغراب رسل اختي

اي اختج بنت امج وابوج الضيعتيهَ

شوفي لوما الدنيا ضاربتني فلا اقترب منج ولا احاجيج بس مجبورة

گولي انتي وين واني جايتج

اني بنفس منطقة اهلي

كاعدة قرب كشك عمو نبيل

سدي النقال اني هسة جايتج مسافة الطريق

رحمة الله والديك ماتقصر اصيل يبن خالي روح الله يرضى عليك ويبارك بشبابك

ووانتظر قريب علية على ما تجي رفل وتاخذني

يبقى الولد صدك عزوة ما ينلام زامل من يگول اريد اخو لبناتي هسة هذا اين خالي اصغر من عدنا ب١٥سنة بس رغم صغر سنه لكن ما انطاه گلبه يعوفني لوحدي

اثاري صحيح الاخو والي

وصلت رفل وجانت راكبة سارة هي تسوقه وركضت علية وحضنتني حيل وشمتني واني مثل الصنم ما شلت لا ايد ولا بادلتهَ الحضن

التفتت على ابن خالي روح خوية ماقصرت رايتك بيضة

ابتسم لي يالله في امان الله

رحت وركبت وية رفل بالسيارة واني مانطقت وياهة اي حرف

رفل وهي تحجي

رسل امي توفت وتعبت من المرض والعلاج كام ما يمشي بجسمه واتوفت بعد رحيلج بخمس اشهر

وانة اتزوجت مروان وخلفت منة وبعت البيت وقسمت الفلوس بالنص بين احنا الاثنين وانتظرتج تجين وانطيج اياهة وحتى فلوس العقد مالت الاتفاق زاد منه هواي لان امي ماكملت علاجه

انتي شلونج

رسل

اني بقيت بس اسمعهة تحجي وما ردت انطق وياهة اي كلمة لان بس احجي احتمال انفجر

رسل شبيج احجي گولي غلطي عيطي ضربي صيحي بس لاتسكتين هيج

شبيج اشو شكلج كلش تعبان ووجهج اصفر

وصلنا لبيت كلش فخم

هذا بيت عيالي ساكنة بي بس عمتي وعمي مسافر ومروان لازم شغل ابو عندهم معرض مال سيارات

فمحد بالبيت

واني توضفت وابني اوديه للحضانة

تعالي نزلي

نزلت وراهة ماعندي اي شعور او اي احساس بتجاهة ما اعرف ليش حتى شعور الغضب هم ماكو

وصلت لمرحلة ان استخسر بيهة اي شعور باتجاهة

لان الغضب بتجاه شخص معناهة تكمن الة مشاعر بقلبك سواء كان كره او حقد لكن حتى هذا استخسرة بيهة وما اريد ابقي الهة اي ذكرى بگلبي

راح اخليهة مجرد وسيلة اعبر بيهة طريقي وكمل حياتي

وعدت الايام واني باقية بنفس الغرفة الي انطتني اياهة رفل ما اطلع منه ولا سملت على احد من عيالهة مرات اسمع صوت ابنهة ورجلهة وگعدت احسب اني صارلي عشر ايام من جبت اولادي حسن وحسين فدوة رحت لاساميكم يايمة

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

ومرة الايام وصدفة

اجت صديقة رفل للبيت وعرفتني رفل عليهة وحجت وية رفل واني بالي مو يمهم گالت تعالي ويانة غيري جو عند الحلاقة

اي صدك انة ليش ما اغير من نفسي واصير انانية واعيش على حساب غيري

كمت احجي وية رفل بس من احتاج منهة شي وابد ما جبت سيرة امي او اولادي

واحس بيهة ميتة قهر من اسلوبي البارد وياهة

كانت تتمنى ان نگعد اني وياهة بجلسة عتاب. واگعد اعاتبهة لكن نست ان العتاب بس بين الاحبة

وهي لاعدوتي ولا اختي حتى كمت استخسر وما اكن الهة مشاعر

رحت وياهن للصالون وكعدت تحف وتنظف بشرتي وسوتلي شعري وماقبلت الحلاقة اغير لونة گالت سواد شعرج حلو لاتخربينة وجان واصل لاسفل ظهري واخذتني للمول وگعدت تشتريلي ملابس وبجايم ومعطرات جسم وغيرهة واشتريتلي كم لبسة للطلعة بناطير جينز وقمصان قررت بعد ما البس جبة على شنو حارمة نفسي خلي اطلع واتنفس

بس هذا كلة القشرة الخارجية من رسل الجديدة لكن رسل القديمة ترجع من يجيهة الليل وتحس بصدرهة يدر وتظل تلولي لروحهة وتعاتب اولادهة ليش انة مو امكم ماحنيتو ا علية

بقيت على نقالي الصرصور بس شحنتة لان ما اهتم للبرامج وهاي السوالف مو بالي

المهم خالصنة ورجعنة للبيت وكعدت البس الملابس الي اشتريتهم واقيسهم علية والبنات تعجبو علية وعلى جسمي وخصري اللي كلش نحف من بعد الولادة ووركي كبر شوية لكن حسب كلام سولاف

واو حسمج صاير الا بشدة يجنن هنيالج بحيث شتلبسين يلوكلج

لبست بجامة برمودة قصيرة ودخل علينة رجل رفل

واني بسرعة كمت دخلت للغرفة بس حسيت عليه اكلني بعيونة

قررت احجي وية رفل حتى تقدملي وارجع للمستوصف اداوم ابن رفل ابد ما اقتربت منة احس عبالك اتكهرب ومن يريد يقترب مني اشرد منة لان خاف تخوني مشاعري وانهار

ورة يومين حسيت على مروان هواي يباوعلي بنظرات مو حلوة وكام يسمعني كلام مقزز مثل وجهة

واني احاول اتجنبة مو خوفا على مشاعر اختي لان رفل اخر وحدة اهتم لمشاعرهة لكن احترام لنفسي

وجان يجي اليوم الي يستفرد بية مروان وصادف كانت امة ورفل وابنة كلهم طالعين

جنت بالمطبخ اسويلي لفة وجاي وحسيت على واحد يقترب علية وصار نفسه كلش قريب على رگبتي من الخلف واني بسرعة نزيت ودرت عليه واشوف مروان گبالي وگمت دفعتة على حيلي وركضت وهو ركض وراي جنت لابسة بجامة برمودة جاي اركض وهو لحگني ولزمني من التشيرت ودفعني على وجهي بالگاع حسيت بي صار فوكي واني گعدت انطيه دفرات اريد اخلص روحي منة يارب خلصني والله وجان تجي عيني على تحفية يم راسي تصير على الطبلة ولزمت التحفية وظربتهة براس مران بعدما دارني على على ظهري ودنگ علية وگام يبوس بية بعدهة من ضربتة بكل قوتي وقهرتي على راسة شفتة وكع من علية ودفعته بسرعة من فوكي

گمت من الكاع واني جسمي بس يرجف الله لايوفقك لادنيا ولااخرة رحت ركض لغرفتي وقفلت على نفسي الباب

وبسرعة لميت ملابسي واخذت غراضي وحضرت نقالي وبدلت بسرعة جينز وعلية بدي وفوگاة جاكيت شلون ماجان بدلت ولبست شالي وطلعت على كيف من غرفتي

حتى اشوف النذل وين

وشفت على نفس وضعه لكن شفت طالع من راسه دم

يطبة طوب الخسيس يستاهل

ورحت على غرفة رفل ودورت بالمجرات وشفت اگو خمسين الف اخذتهن ورحت

طلعت من البيت بسرعة واجرت تكسي ما اعرف اروح وين يارب المن انطي وجهي المن الجيء

والله واذكرت وتصلت على اخر شخص ممكن الجيء الة لكن ماعندي غير حل

اتصلت عليه لان كان رقمة بالنقال وماغيرتة

من سمعت صوتة الخشن بجيت اي بجيت لان اريد واحد يجتثني من الضياع

الو جراح

اي نعم تفضلو

اني رسل

حسيت بي جان گاعد ومن سمع باسمي نهض رسل انتي وينج وين اختفيتي

رسل بستغراب

خوية جراح الحكلي اني تايهة ومالي احد وانجبرت اتصل عليك ولو انة حالفة ما ادك بابكم لكن الزمن جار علية وشمرني يم بابكم

ولج رسل احجي وين مكانج

اني ببغداد

اي بيامكان

اني راكبة بسيارة تكسي وما اعرف وين هسة اني

انطيني السايق من يمج

انطيت النقال للسايق وحجة وية جراح والظاهر جراح شرحلة وين يوصلني

ورجعلي النقال

شوفي السايق راح يوصلج للمكان الي انة بي هسة

والله ورة عشر دقايق ووصلنا للمكان المطلوب وشفت جراح واگف قرب سيارة عالية وكفت التكسي واجة جراح حاسب ابو التكسي واخذ مني الجنطة وكعد يباوع على ملابسي وخزرني حسيت بي ما راضي على لبسي

اهووو وهسة اني وين وهذا وين و

اني شلي غرض بي واشيل همة راضي لو ما راضي هي نفسي واني حرة بيه

جراح شلونج ام حسن

ركبني السيارة گعدت گدام وهو يسوق وين اختفيتي من بعد ولادتج

درت وجهي عليه ورفعت حاجبي انة الي اختفيت الي ماعندي لاحول ولاقوة اشيل روحي اعوفكم لو انتو الي اخذتو الجهال بنفس اليوم وتركتوني لوحدي بالمستشفى وماعندي احد يعيني وخليتوني بحسرة اولادي منو عاف منو فهمني وين الخلل بيمن

جراح-مو زامل

رسل واني احجي بقهر وحرگة گلب

اش لاتجيب طاري زامل ما اريد اسمع اسمه والله ما راح اسامحة

لا تحجين هيج وتظلمينة ترة محد تركج وخصوصا زامل

لكن بيوم ولادتج زامل اتخربط ونتكست حالتة ووگع والتهينة بي والدكتور كال هذا ماراح يطول بس اهم شي خطية شاف اولادة وطلعناهم بنفس اليوم من المستشفى واخذناهم اله ووطول يومين بعد ولادتج وقبل لايموت گال حلمت برسل جن تمشي بشارع اظلم وهي تعبانة وتبجي وتصيح ما راح اسامحك زامل انة يتيمة ومالي احد وانت كسرتني

فاخر يوم اله وصاني ان اخليج تعشين وية اولادج بس لازم تكونين تحت حمايتي فانتي لازم تلزمين عدة

لان زوجح مات

كان جراح بحجي وانة مثل المخدرة ما اعرف شحجي ابجي على زامل ان هو طلع خوش انسان وماتركني بس الظروف جبرتة يعني اذا اگول الدمعة شاطت من ورة تضارب المشاعر الي صار عندي يعني بين لحضة واخرى تتبدل الافكار من شخص حاقدة عليه لان اذاج الى شخص طلعت ظالمتة وعيشني احلى لحظات ثمينة بحياتي لاي الافكار اركن

وخطية عمي ابو زامل انطاج عمرة وظلت بس مرت عمي ورشا دايرين بالهم على الاولاد

اني هو يحجي واني انهاريت من البجي

جراح داخلة على الله واهلة البيت نخيتك ولاترجعني اريد اشوف ولدي فدوة اروحلك اخذني يمهم واعتبرني خدامة الهم والله ما ااثر على احد ولا راح اخليكم تحسون علية وحتى اقدم على وضيفة وما اخليكم تصرفون علية بس عفية خليني اعيش وياهم لان انة مالي احد بهلدنيا غيرهم امي ماتت واختي رجلهة اتحارش بية وفشخت راسة وخليت دمة بطولة حتى يتوب بس ما اگدرارجع الهة حتى ما اعرف شنو مصير رجل اختي

جراح

ولج انتي شنو من يا ملة اخ الله انة. شنو سويت بحياتي

حتى الله يبليني بهيج اشكال شگول عليك زامل بيوم الورطتني هاي الورطة

اني اسمع كلامة وابجي حقة منو يريد يلفي ليبتة هيج انسانة

شوفي يبنت الناس انتي لازم تلزمين عدة فراح اخذج وياي لبيت عمي بالبصرة بس بدون علم احد كون تختفين عن لانظار لان كلهة حادة سنونهة عليج لان زامل ترك الورث كلة لاولادج وانتي الوصي الوحيد على الاولاد والمصيبة الجبيرة حتى امنج على حلال بناتة كلشي خلة بيدج

والمصيبة الاكبر ما تصيرين وصي على اموال الايتام الامن تقبلين الزاج مني وهي جانت عايزة والتمت على راسك ياجراح

أهُنتُ عليك؟

للكاتبةNuha-d-h

اتحفوني بتعليقكم

أهُنتُ عليك؟

للكاتبةNuha-d-h

رسل بين المصدومة وبين المتعجبة على حجي جراح

اطلع من مصيبة وقهر ادخل بمصيبة وقهر اكبر

هذا شبيه الزمن ناشب وياي حتى حزن ماحزنت على احبابي مثل البشر اشو كل لطمة تجيني على عيني ولاثانية حتى ما الحك احزن عليهم الاوتجيني بمصيبة اكبر من الهم

عفو عليك يازمن غربلتني وانة مغربلة من الهم

وصرت ويالهم تفصال بفدثوب اشو چنة الحزن لايك علية

ومگدر اگدار

جراح شوفي ترة كلهة حادة سنونه عليج سهير واهله متخبلين لان ما يكدرون يتصرفون اي شي من تركة المرحوم واملاكة.

وترة كلهة تدور عليج ودمج ينهدر هسة اذا لزموج وهمة يعرفون ما وراج ظهر فلازم تخلصين العدة بمكان امن وكون محد يشوفج ويلكاج فمزرعة عمي هي اامن شي لان محد يوصللهة الابالسفرات والعطل وتبقين يم مرت عمي ام زامل هي تداريج وانتي حتى بعدج نفسة منا لحد ماتطلعين من العدة اعقد عليج واثبت ان انتي تحت حمايتي ومن راح يعرفون انتي صرتي مرتي محد يكدر يتجرأ ان يمسج بشعرة

اريد استوعب كلام جراح جان كلش صعب استيعابة على عقلي

جراح انة ما اريد هذا الورث هذا حمل وثكيل وانة يصعب علية حمله

لاتخافين انة موجود ما اخليج تشيلين هم بس انة اعرف زامل لوما يعرفج ان انتي كفو وراح تصونين اولاد ماجان خلة شي باسمج جان صرتي حالج حال سهير

ولو انة مامقتع بالله شنو شاف بوحدة زعطوطة باعت نفسهة واولاده ان تشيل هيج حمل راح اتخبل شلون اقتنع بيج

التفتت عليه بصدمة من كلامه

يعني هاي نظرات جراح الي كانت عدم الاقتناع بشخصي ان ما مرتاح لي

دنگت

لاتستعجل بحكمك علية وتظلمني مثل ماالزمن ظلمني بس انطيني فرصة حتى اثبتلك ان انة مو مثل ما انت متوقع

شوفي انة هذا الشي مايخصني شنو انتي منو شتسوين ما يهمني

بس اهم شي عندي اولاد المرحوم وحلاله لذلك انتي اخر شيخص افكر او اهتم بي كل شي راح اسوي يظل تحت مسمى لخاطر المروحوم فما احتاج انطيج فرصة حتى تثبتين ان انتي مظلومة هالشي مايهمني

يالله خلي نتوكل وراح نسافر للبصرة ماعندج شي هنا اجيبة الج من بيت اختج

رسل وبصوت اقرب للهمس لا كلشي جابية ما احتاج شي

كلام جراح الي كلش قهرني يعني شكد الانسان يتعرض للقهر بعد شضاملي الزمن

مرت الساعات وصلنا للبصرة وخلال الطريق اجاني اتصال من اختي رفل

لج رسل ليش هيج تطعنيني وتتحارشين بزوجي ليش حتى تنتقمين مني على السويتة بيج ليش هيج سويتي مو لفيتج لبيتي

رسل وبكل برود وجراح كان يسمع لمحادثتهم لان كان جو السيارة هاديء ورسل ماتگدر تلكة غير فرصة ترد على اتهام اختة

شوفي رفل كلمن يشوف الناس بعين طبعة وانتي حسبالج الناس مثلج خاينين ليش بسرعة صدگتي زوجج اني المتحارشة لان تعرفين نفسج مذنبة وياي والسويتيه بية موهين فحسبالج استغل الفرصة واطعنج بظهرج بس يا الاسمج اختي اني مو مثلج ولاتستحقين من عندي حتى مشاعر الكراهية اشوفهة هواي على شخص مثلج

قدمت اخته ضحية ودارت وجه عنه بدون ماتفكر ولو للحظة شنو مصيري

بس حبيت اگلج شي بس لاتحسبينة ان جاي ابرر موقفي لا بس فحي عيونج كماتدين تدان

ما سئلتي نفسج ان كنت انة المتحارشة بالمصون زوجج ماسئلتي ليش اني ضاربتة براسة

رفل بمفاجئة زوجي ما مضروب براسة

اي شي اكيد ما يطلع سبب خيبتة من راد يعتدي علية روحي حبابة جيكي راس زوجج الشريف وشفي هَـا وانطيج المكان على هماتة وطلعت دم واعتبري هذا اخر اتصال بينة اني هواي قدمت تضحيات وما مستعدة اقدم حتى لو على حساب اختي

غلقت الجهاز وانة ميتة قهر من حجي اختي مشكلتهة رعنة وتبقى رعنة وتأذي كل الحولهة برعونيتة وواني همزين طلعت من حياتهة لان ما اگدر انصدم بيه بعد

جراح وبخزرة

انتي شنو سالفتكم ذيابة مو خوات استغفر الله ياربي

والله راح اتخبل زامل شجاه وهيج سوة

رسل انتبهت على سيارة ورانة

جراح هاي سيارة ورانة من طلعنة لحد هسة

اي هاي سيارة حمايتي

شوفي رسل

اي حركة توحيلي ان انتي تلعبين بذيلج من وراي وتستغلين موقفج من الوصية صدگي اوديج ورة الشمس انتي والخلفوج موحسبالج ترة هواي اعرف عن عائلتج اختج تاريخهة زبالة وابومتوفي وانتي صايعة وبايعة روحج وبايعة جهالج وعفتي وراج ام تتحسر عليج

فتاريخج ابد غير مشرف

والمصيبة لازم اتزوجج حتى ادير املاك المرحوم على للاساس انة فارغ وتجيني مسؤلية المرحوم على راسي

اهو هذا طلع داهية والله يستر منة

شوف جراحح انة موجودة او ماموجودة انت راح تبتلي باطفال واملاك المرحوم فلا كالساعة ذالني وعبالك عالة عليك

گول ما اگدر على مسؤليتكم

والله اني يوم ثاني اكتبلكم على تنازل بكل املاك المرحوم بس بشرط ان تتنازلون عن اولادي اخذهم واروح

جراح

وهو يلزم رسل من زندهة قوية

شوفي ولج اذا محد عرف يربيج فانة اربيج مو حسبالج انة زامل ترة زامل كان يباوعلج بعين بنتة الصغيرة التكسر الخاطر

لكن انة غير انتي بعيني الشيطان فلا تگعدين تجريبن حظج وياي ترة تتدمرين ثقي بالله ادمرج

رسل وهي تسحب ايدهة من عندة وتفرك بيهة

اخ اذيتني

والدموع ظلت معلگة بعيوني

بس حسيت بالخوف منة خصوصا من اتصل واحد عليهة وسمعته يصيحة بأسم باشا

عزة بس لا هذا الباشة الي مرة سمعت باسمة من حجو بي الحرس

اخ يالله اني الظاهر طلعت من ظيم رفل ودخلت يضيم جراح والله يستر

وصلنا للفلة مالت زامل ودخلنا وركضت مثل الملهوفةعاى شوفت اولادي

وتلكتني خالتي تبجي ورشا يبجون واني ادور بعيوني

حضنت خالتي من شفتهة اتذكرت امي ابقيت ابجي بحضنهة حسيت ان اني وخالتي ام زامل وحدة تكمل الثانية بالمصيبة هي فاقدة الابن واني فاقد الام

واجت رشا ووياهة روان اخت زامل وكل وحدة شايلة طفل باللفة يالله لو شكد ما احجيلكم هاي اللحظة ما اوفيهة تعرفون من الام تفقد امل بشوفة ظناهة وتحرم من اهم لحظات بحياتهة وياهم وتحس بالضعف والقد وعلى لحظة تشفين بزرج رجع لحضن فشنو من شعور بالامتنان بالكوت راح يكون عندي

وركضت عليهم واخذتهم اثنينهم وايدي ترجف عبالك مصنوعين من الزجاج الرقيق واخاف عليهم خاف يتأذون كعدت اشم بريحتهم -اففسيييييييييشششش ياربي

صدك جبرتني بشوفتهم من وفاة امي وزامل

جانت عمتي تباوع علية وتبجي على منظري يكسر المابگلبة رحم

وبقة وجود هنا ببيت عيالي سر بينة لان الظاهر عمتي عندهة معرفة سابقة بافعال سهير واهلة وهي خايفة على الاولاد وعلية اني بالذات لان زامل بالوصية منطيني الاولوية بكشلي

واخذتني رشا بغرفة الاولاد شلون حلوة تجنن طلبت منهة تجيبلي فراش بغرفتهة احطة بالگاع ما اريد انام عنهم بغير غرفة ما اريد اضيع بعد اي لحظة بعيدة عنهم

أهُنتُ عليك؟

للكاتبةNuha-d-h

ا

دعوني ارى تعليقاتكم للتشجيع

أهُنتُ عليك؟

للكاتبةNuha-d-h

ومرت الايام واني ابد مافارگت اطفالي احس برحمة الله شكد جبيرة الف الحمدلله رجعوا اطفالي لحضني

كعدت ارضع بيهم بس ما قبلو وشكل صدري كعد يجف حليبة صحيح انقهرت لكن كلشي يهون اهم شي همة بحضني

وكلساعة ابدللهم والبسهم واباوعلهم وارقب حركاتهم فدوة لله شلون حلوين اتذكرت اسراء بنت زامل خطية تگول خالتي لحد هسة ماشايفتهم بس بالصور رشا رسلتلهة صور

خطية كانت تتمنى تشوف اخوانهة حتى تتطمن

ربي يقدرني واربي اولادي على محبة خواتهم

خلصت العدة مالتي واجة جراح ورة اسبوع وجايب وياه سيد وعقد علية

ما اعرف احس رايحة للمجهول برجلي وما ادري شنو ضاملي الوكت الجائز خايفة لان ما اعرف شي عن حياة جراح

اجتني رشا وخالتي

گعدت خالتي وباستني من راسي وگالت الله يبارك بعقلج يمة واحمد الله واشكرة ان زامل الله انطاه هيج ذهب تحافظ على اولاده توقعتج درتي وجهج ورحتي وما اهتميتي لبزرج

رسل

عفية خالة لاتذكريني بذيج ايامي عشت اسود ايام بحياتي حسيت بوقتهة من عفتوني لوحدي واني تعبانة من الولادة شفت محد يمي جنت حيل حاقدة بگلبي عليكم

ام زامل -والله ياخالة ما اعرف شكلج اكلج المصايب گامت توگع على راسي وحدة ورة الثانية موت زامل وراه عمج انطاج عمرة باسبوع وانوب مصبيت سهير وابوهة

الي كل يوم هادين على البيت يردون ياخذون التوم يگولون عودك الجهال سهير اولى وحدة بالاولاد المرحوم بتربيتهم وية خواتهم

ولان اني مرة جبيرة وما اگدر اعيشهم واعتني بيهم ورشا راح تتزوج

وشوفت عينج شلون سهير الشيطانة

دبرتلهة فلم ووكلت محامي ورفعة قضية حتى تاخذهم مو حباً بيهم لا بس حتى تكدر توصل لورثهم

بس لو ما الله واهل البيت وجراح

وگفلنا جان هسة الاولاد مشمورين الله العالم وين

بس ربج زامل كاتب وصية وتفاجئنة بقراره

وان شاء الله يطلع قراره صائب

ويمة وهسة هذا جراح صار رجلج ديري بالج عليه

وعينج على اولادج لان انة مادايمتلج ترة جراح متزوج بنت عم سهير وعندة بنية منهة

رشا-اي وهسة انتي صرتي مرت حماي وثنينة راح نعيش ببيت واحد لان اني مخطوبة لاخو جراح

ويوم عن يوم اكتشف شي عن جراح واهله

من خلال كلام رشا عنهم

عرفت ان كلهم ساكنين ببيت واحد يكون قريب على بيت عمي وجراح هو الامر والناهي بهذا البيت لان هو الجبير بالعائلة

عندة ثلاث خوان وباقي بس عزام مامتزوج ومن تدور السنة مالت زامل يتزوج رشا

ورة كم يوم اجاني جراح

وشافني لابسة دشداشة سودة تصير فانيلة

ولازكة عالجسم بس مو ضيقة

دخل هو واخوه عزام وتفاجئ بية وخزرني اني باوعت لروحي لابسة شال على راسي ودشداشة هذا شبيه يخوزر من شفتة وشافني يخزر بية

رحت گمت للمطبخ اجيب الهم شي يشربونة ولكيتهم جايبين مسواك للبيت خطية همة منقصرين ويانة ابد

سمعت صوت من وراي شفت جراح واكف بباب المطبخ

-شوفي بوية هذا لبسج مايصرفلي كل مرة اشوفج بيهة احس بيج تتعمدين تسوين عرض ازياء

رسل

يعني وين عرض الازياء بالموضوع دشداشة وسودة

جراح

انا ابن عم زامل متزوج بنت عمي واحبه واموت عليها واتزوجتها على حب وعندي بنية وحدة منها

واكتفيت لان هي بيها ضعف بالقلب واخاف عليها

وانا اكبر خواني وراس العائلة وعندي شركة مقاولات وشغلي كلة بعقود وية وزارة التعمير والاسكان هواي تجيني عقود من الوزارات لذالك دائما على سفر

بس مرة

كلفني ابن عمي زامل الله يرحمة قبل فترة اشوفلة بنية بنت بيوت تقبل بالشروط

المهم كان صاحبي هم عندة هيج سوالف من تدبير البنات ويكونون نظيفات ما ملموسات وينطن نفسهن لكن باسعار غالية وبشرط مو من بيوت دعارة يعني الشغلة تدبيرها صعب ومن رتب لي صديقي الشغلة

ولگة البنية الي تنطبق عليها المواصفات

دزيت واحد من حمايتي يراقبها بعد ما اخذت عنوانها ومعلومات عنها

وسمعت بيهة وافقت ووقعت العقد واجت وية عمي للبصرة

بس من قريت العقد واطلعت عليه استغربت ماتشبه صورة البنية الطلعت من مكتب المحامي اتفاجأت بيهة هاي احلى منهة بقاطات

اباوع عليها احس ابن عمي جبير عليها ومرة طلعت وياهم للمول شفتها تتمضحك اتخبلت منها ماتصرفلي

هيج بنية ونوب اتخلبت من شفتها هي وزامل بالشط وملابسها لاطشة عليها جذبت نضري لجسمها شايلة جسم الله يستر عليها

ضجت منهة احس بيهة ماكلة عقل زامل

لكن بهاي الفترة شفت الضحكة مرسومة على وجه زامل لاول مرة اشوفة هيج يضحك مثل الطفل

-شوفي ولج انة مو زامل وتلعبين علية بهاي سوالفج

تحترمين نفسج ما دامج على ذمتي وارجع واگلج لاتحطين راسج براسي ترة انتي موگدي ينت الناس خافي على رگبتج لتنكسر

وهذني ملابسج تحرگينهن ما اريد اشوفج بيهن

كمل كلامه وطلع من المطبخ

رسل ظليت اباوع وراه

اني لازم اهدي لعب وياه وما اجاوب

اني ماصدكت عافني اعيش وية اولادي

طلعت اخذتلهم الجاي .......

شفتة يحجي وية خالتي وعفتهم ورحت لغرفة اطفالي

يوم ثاني اجانة تهديد ظرف بي ورقة تهديد ورصاصة ومكتوب اسمي على الورقة

اجيت اتخبل گمت بس ارجف دخيلك ياربي هذولي شيردون مني رحت بالغرفة على جهالي وضميتهم بحضني

ربي انة ما اريد شي ردت بس اعيش وية اولادي بامان شنو هواي علية احط راسي علمخدة وما افكر بباجر شيصير علية وعلى اولادي

والله اضنها صارت امنية

اتصلت خالتي على جراح

واجة جراح

وشاف الورقة والطلقة

حسيت بي عرف منو ورة هاي السالفة

التفت علية

-رسل حضري غراضج وغراض الاولاد وتعالي وياي انتي لازم ماتبقين هنا بالبيت لان حياتج وحياة الاولاد بخطر وهاي سهير قذرة الظاهر عمي وصلت بي المواصيل يدز عليج الحبربشية مالتة حتى يهددون

بس بسيطة انة اعلمهم محد يندگ بجراح ويفلت

وراح اسويلة كرصة اذن اليوم .......

واعلمه جراح منو .......

ام زامل -لايمة لاتتعارك وية عمك ترة هذا عمك مايصير

جراح -عمي ما احترم اهل بيتي واتعدة على حرمتي وانة راح اشوفة شغلة حتى يتوب يعيدها بعد

خالة انتي ماعليج هاي حرمتي وهذولي اولادي وما اقبل من اكبر واحد يتعدة عليهم

اني رحت گبل بسرعة لغرفتي وحضرت الملابس مالت حسن وحسين وكلشي يخصهم ولميت هدومي واخذت المستمسكات الي تخصني وتخص الاولاد

ورحت وية جراح لبيتهم جان بيتهم اكثر عملي من بيت عيالي يعني مبين ساكنين بي ناس على طول دخلت وياه

للبيت وشفت امة اني من قبل شايفتهة

وگوة سلمت علية من ورة خشمهة واجت اختة هم اعرفهة صابرين الي حجت على فرق العمر بيني وبين زامل

جراح -يمة هاي امانة زامل جبتها وياي

وهي هسة صارت حرمتي وعقدت عليه

لطمت امة على صدرهة عزة وبنت عمك سلوى شراح تكللهة جبت عليج مرة والله تگلب الدنيا

يمة بنت عمي دابرهة عندي وماعندي مرة تمشي رايهة

علية طبعا يعز علية زعل بنت عمي زوجتي ان اخذ عليها ضرة بس لتخافين ما راح اكسرها

نزلت سلوى من فوك تركض وتبجي وتعيط

لا لا جراح مستحيل تسوي بية هيج مستحيل

والله اموت جراح اني شسويتلك وانت تاخذ علية مرة

والله اتخبل اذبحها وما تعيش وياي بنفس البيت ولاتاخذك مني

سحبها جراح لحضنة

وحضنها حيل

ولج تعاي لحضني لتبجين من تروحلج كل نسوان العالم فدوة لاتضوجين ترة هي مرة زامل واني عقدت عليها

حتى احميهم

اي تگدر تحميهم من غير ماتتزوجه تخليلهم حراس

والله اغار ما اگدر ما استحمل مجرد التفكير بأن انت تتزوج علية ووحدة تشاركني بيك

لابوية السالفة مو مثل ما انتي متصورتها ترة السالفة وراهة عمي رضى ابو سهير المايحلل ومايحرم

واتوقع كلشي منة نجس فعقدت عليها

لان ادري بي ما يگدريتعدة على اهل بيتي ويخاف يندگ بية

لتخافين انة كلي الج هي زوجتي بس بالاسم

رسل

اباوع على جراح شلون يلاطفهة ويراضيهة يعني ابد مو جراح الي كلها الناس تخاف منة هذا غير شخص اباوع له شلون يحاول يرضيه ويطمنها

الله الحب يلين اقسى الگلوب حتى ولو كانت من حجر

اشوفهم شلون العصافير ..........

خطية ربي يحفظهم لبعض .........

سلوى- خوش بس ماتعيش ويانة بنفس البيت والله ما اتحمل اشوفها تعيش وياي بنفس البيت والله اموت من القهر

جراح -ولج يسلوى اتوقعتج اكبر من تزلين نفسج وتقارنيهة بهاي

من حجة جراح هذا الكلام احس خنجر دخل بصدري

ليش هاي مالهة اسم لو هي الدنيا خلتني ذليلة

لان ماعندي ظهر بس يالله شعلي بيهم

و رأيهم اخر همي اني الي يهمني ان ابقى يم اولادي ومحد يفرقني عنهم

سلوى-خليهة تعيش بملحق الخدم واني وعد مني الك اجهزة واثثة الهة وما اخلي ينقصها اي شي حتى اطمأن ارتاح ماتلتقي بيهة واتأكد ماتحط راسهة براسي

شفت جراح موافق هو اهم شي عندة

اني والاودي صرنا قريبين منهم

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

اخذتني صابرين اخت جراح لملحق الخدم اني اولادي وغراضي وياي

والله ما رايدة شي ولا طمعانة بشي ولايهمني المكان الي اكعد بي اهم شي سكف يلمني اني اولادي لان ماعولت اجمع اولادي واكعد يمهم

صارهذا حلم عندي كل يوم اصبح بوجه ابتسامتهم والعبهم ويناغولي بعد شريد من رحمة الله الواسعة دخلت للملحق شفت بي غرفة

بيها سرير مبين كان المكان شاغلة حارس البيت

والله يوم ثاني نفذت سلوى وعدها لجراح

اشترتلي غرفة الي اني وجهالي حلوة ومرتبة ومطبخ ومستلزماتة

وكان الملحق مثل المشتمل صغير وبي هول واشترتلي كعدة سفنج يعني جهزتة من جميع المستلزمات وتلفزيون بلازما هذا كلة حتى تضمن ان ما اطلع من البيت

هذا هو رحمة الله والديها وكثر الله خيرها على السوتة غير وحدة ما تقبل تلفيني لا اني ولا اولادي

((تضحكون علية احلى شي سوتة سلوى وياي ان اني اسكن لوحدي وية اولادي براحتي

صرت كل يوم اكعد الصبح اسمع صوت العصافير الي بالمزرعة وصوت الديج والدجاج ياربي شكد حلو

كان باب الترك يصير على حديقة خلفية متروكة مهملة

كانت متروسة غراض وسكراب

وصرت شوية شوية اعدل بيها وارتبها

كعدت يوم عن يوم ازرع بيهة نباتات ورد كانت حديقة مهجورة وهامليهة هم اضيع بيهة وقت

لان اني بية طبع ما اعرف اكعد بدون شغل ممتعودة عالگدة

زرعت بعض الخظار مثل الكرفس والنعناع والريحان والرشاد كلشي مربع خاص بعد ماحرثت الكاع وزرعت طماطة

من خلال عملي بترتيب الحديقة اكتشفت عندي هواية الزراعة كمت احب اشوف وارقب الزرع شلون ينمو ويكبر كبال عيني احس بروحي مسوية انجاز

اتذكر من جنت صغير جنت اتمنى تصير عندنا حديقة وبيها مرجوحة

وكدرت بمرور الايام اسويلي عالم خاص بية وبأطفالي

يسودة الامان والاستقرار كان كل همي ان اوفر الاطمئنان الي ولاطفالي هاي اكبر امنياتي

بعد خمس اشهر حسن وحسين صارو كلش حركين فجنت اكعدهم بكراسي الاكل الخاصة بالاطفال خطية هاي رواء حماتي اخت المرحوم جابت الكراسي

وحجلات للاطفال

اتعودت كل يوم الصبح اول ما اگعد من النوم افتح باب المطبخ الي يطل على الحديقة الخلفية الي صارت

حالياً صدك حديقة اتغيرت هواي

بشغل ايدي البسيط سويتها جنتي الخاصة بية اني واطفالي جنت من افتح الباب جانت تجي بزونة تگعد يم الباب

واني اسوي لاولادي ريوك شوربة خضروات من اللي ازرعهم بالحديقة

جنت اوكلهم ويتلفون نفسهم وهمة شكولهم مدنفشة وبيض طالعين علية يشبهوني اكثر مما يشبهون ابوهم

واكعد اسمع صياحهم من يشوفون البزونة واني اخرب عليهم من الضحك واشوفهم شلون يسولوهة حركات بعيونهم وايديهم حتى تجيهم

وبهاي الفترة ابد مطلعت برة الملحق ولا واحد دك بابي غير عمتي ام زامل وحمواتي خوات زامل

طبعا ملحق الخدم يصير بطرف المزرعة مالتهم ويطل على حديقة بيتهم بس مفصول فصل تام عنهم ويصر قريب على بوابة البستان

كانت ام زامل تجيني بالاسبوع مرتين

واذا احتاجيت شي اوصي عليه رشا وهي تجيبهم الي

اتذكر عمتي ام زامل من اجتي تزورني وشافتني هنا بملحق الخدم انقهرت ونصبت مناحة عبالك زامل مات

اسمعها تحجي وتگول يمة زامل وين عفت وليداتك يمة تعال شوف وين ذابيهم بمكان الخدم يمة هذولي اولاد العزيز هيج يتبهذلون

لايمة ما نريد هاي الذلةً تجون ببيت الغالي معززين مكرمين

رسل-كولي يالله عمة. ترة خطية جراح واهلة مقصرو وياي لتنقهرين

بس اني گعدت هنا علمود اخذ راحتي اني واولادي سكنا بهذا الملحق بس والله خالة مرتاحين وماخالينة بعازة وكلشي نحتاجة يجينا لعدنا للبيت

خالة حبوبة لاتسوين مشاكل على شي مايسوى

ولاتنسين ترة حياتي وحياة اولادي بخطر واحنا الي بعازتهم ومحتاجين حمايتهم

-والله يمة كلامج صحيح بس مو بيدي والله

لو ابوهم عايش جان ميصير بيهم هيج

رسل-خالة الحمدلله على كل حال

غيرت عليها الموضوع حتى ماتنقهر وكعدت اسولفلهة عن حسن وحسين على حركاتهم وشلون يلعبون وطلبت منه تشتريلهم كتاكيت

طبعا هاي الفترة ابد ما شفت احد من اهل جراح بس مرات ام جراح تدخل علية الصبح للملحق هيج من باب الفضول مرات تصدف

تجي وتكعد عندي ونكعد نسولف عن

الطبخ وغسل الملابس وتشوفني گاعدة من الصبح مخلصة شغلي وطابخة

اسمعهة تحجي وية نفسة بصوت ناصي

جا شمالهن التنابل العندي الله صايبهن شو جمال ومعدلة وطباخة والحظ من حظج يسعدية

اي يمة وهاي شنو مسوية ورة البيت بالله خلي اشوف

وتفاجئت من شافت الحديقة مسويتها حلوة جنت زارعة بيها نبات متسلق على ورد على خضروات

ام جراح -الله شلون ترتيب والله فتحتي نفسي على الگعدة بالحديقة جا احنا حديقتنا هاجرينها والفلاح

المبتلي بيهة

اتذكر مرة طلبت من خالتي ام زامل تجيب كراسي بلاستك وميز بلاستك جابتهم حجم صغير دائري وخليتهم على صفحة تحت الفي مالت النخلة تصير بالزوية كانت الحديقة قبل لا ازرعها بس نخلة موجودة

صحت لخالتي ام جراح تعالي خالة خلي نگعد بالحديقة الهوى طيب

وجبت كم قطعة كيك من الي مسويتها البارحة

لان حسن يحب الكيك لكن حسين يحب الكاكو وصبيت النا جاي وجان الوقت بالعشرة الصبح وحسن وحسين فراشتلهم فراش على الثيل وحطيتلهم ملاعيب ومكعبات

من كمت اجيب ماي اشوفها تباوعلي جنت ماخذة راحتي باللبس بنطرون وتشيرت ابيض

لان بوقتها خالتي ام زامل فرضت علية انزع الاسود تگول موزين على عيال بيتج يجب الفگر. والفال الموزين على اهل بيتج

ام جراح -ماشاء الله خالة عين الباردة عليج تخبلين

ويوم عن يوم صارت خالة ام جراح تجيني كل يوم بهيج وقت ونگعد اني وياهة نسولف ونشرب گهوة ومرات تگعد تساعدني تلكط العدس واني اكعد يمهة اغسل هدوم

-خالة ليش تغسلين الملابس بيدج

خالة ماعندي غسالة واصلا اتعودت اغسل هدوم بيدي

عادي

-لايمة ميصير ذكريني اوصي الولد حتى يجيبون غسالة

طلبت من خالتي ان تجيبلي مشبك مال اقفاص وخشب ومسامير وخطية جابتهم الي واشوفه خطية شلون تتقرب على حسن لان ميستغرب وبس يضحك

لكن حسين عاكد حواجبة وشخصية وبالك عني ومو اي واحد يضحكلة بس وية خالتي ام زامل وانتبهت عليهن شلون بدة التنافس بيناتهن على الاولاد

لان ولد ام جراح كلمن عندة ولد وبنية وهنة وزوجاتهم موظفات فدائما يدزون اطفالهم للحضانة

طبعا هذا الكلام حجتة الي خالة ام جراح

وفد يوم الظهر شفت الجهال نايمين فقررت اسويلهم المفاجئة واكعد اسوي القفص مالت الكتاكيت

فكان وقت الظهيرة كانت الشمس عمودية وبما ان الملحق معزول ومحد يقترب منة غير الحيوانات البزونة والدجاج فاني خليت مثل السياج المشبج يوصل لنص الساق حتى الدجاج ما يعبر ويخرب الزرع مليت بالبداية كان يعبر ويتلف الزرع كلة

واركض وراهن وبعدين اجتني الفكرة

فجهزت العدة جاكوج والمسامير والخشب

رحت لغرفتي ولبست ملابس قديمة

گعدت على الثيل بعد ما اختاريت المكان الي راح اسوي بي القفص. وبلشت بالشغل

جراح

جنت راجع للبيت وكت ظهر

وسمعت صوت واحد ورة ملحق الخدم يدك دگ مستمر عبالك عندنا تصليح انة ما اتذكر احنا عندنا عمال يصلحون البيت اشو محد گلي مشيت باتجاه الصوت

الي كان خلف الملحق عبرت الترك ااستغربت منو مسوي الحديقة هيج شنو دازين على الفلاح وانة ما ادري

مشيت وانضربت رجلي بسياج مشبك قاطع الطريق بين الترك والحديقة الامامية رفعت رجلي وعبرت السياج شفت باب المطبخ مالت الملحق مفتوح وگعدت اتقدم شوية شوية و

اتفاجئت بالي شفتة

شنو هاي رسل راكعة على ركبتهة ولازمة جاكوج وتسوي قفص وكانت جالسة بوضعية ااااخ يابة

انتبهت عليها

كانت عركانة وشعرها ملزك على وجهة وشفت نقطت العرگ نزلت وتزحلكت على طول رگبتها واختفت بين طيات صدرها العامرالوردي

الي بي لطخة تراب ايدية كامت تكرصني حتى اروح اوخر التراب من عليهن اباوع عليها شلون تمسح عرق الجبين بظهر ايدهة وترجع تكمل شغلهة انة باقي صافن فاتح حلكي وعيوني تتبع قطرات العرك الي تنزل وتختبئ بين طيات الجسم

واخر شي سوت الحركة القاضية من شفتهة لزمت بطل ماي بصفهة وكعدت تشرب. ماي انة بوكتها

لااا عاد لهنا وكافي هاي طغت وغربلت حالي استغفر الله

بلعت ريگي وگعدت احم حم

شفتها اتفاجئت بوجودي شهگت وگامت على رجليها

اخ الله صاعقة هاي لو ظالة گاعدة وساترة علية احسن طلع كدام عيني بياض بطنها لان مانت لابسة تيشيرت قصير عالخصر

انتبهت عليها ارتبكت و ماتعرف وين تنطي وجهة من الارتباك وجان حيل عاجبني خجلها

وكنت انة لازم عنها الطريق لداخل البيت وصارت حمرة من الخجل والعرك مبلل البدي مالتهة اوف هاي هسة لو بس اقترب

منها احتمال اكلها كلهة مثل الحلقومة وما ابقي شي بيهة

وانتبهت على نفسي انة شجاي اصخم وشجاي اسوي

شبيك جراح اتخبلت دثگل

احجي وية روحي اي شثكل وهاي بنت اللذين لعبت بعصابي لعب احسن شي خلي استر على روحي

زمخت بيها بعصبية فوتي جوة شعندج هنا بعز الظهاري كاعدة ومفرعة

بس بسيطة. حسابي وياج بعدين

ورحت مفول گبل على الحمام سبحت بماي بارد من وراهة

انة شورطني ورحت ورة الملحق ادري هاي جنها مفخخة

ااخ الله هاي بس لاهيج تفتر هنا گدام خواني مفرعة

ضربت الحايط وانة جوة الدوش حيل سديت الماي الحار وبقيت بس الماي البارد واني جوة الدوش لحد ما حسيت نفسي الهايجة بردت الله يلعنك يالشيطان

شفت سلوى نايمة على السرير ورحت نمت بصفهة جوة الغطة وسحبتهة علية وگعدتهة وبعدين خليتهة تصحة حتى تطفي ناري اللي ماطفت ولابردت من ساعة الشفت رسل جنها صاروخ بنت الاوادم

حسيت انة بهذا تفكيري اخون سلوى خطية مالهة ذنب وحقدت بنفس الوكت على رسل لان هي اثارت عندي شهوة جانت خامدة من ايام المراهقة ما حاس بهيج مشاعر بتجاه مرية

جراح-سلوى

سلوى-اممممم

انة احبج

واني اموت عليك

واخذتة لحضني ووووووووووووووووووووو

أهُنتُ عليك؟

للكاتبةNuha-d-h

لاتنسون التعليق

أهُنتُ عليك؟

للكاتبةNuha-d-h

رسل

شكد عيب ياربي ما اعرف ليش هذا الرجال الله يسلطة عليةبالمواقف المحرجة

يبوي ونوب شنو هاي سالفة حسابي وياج بعدين

والله ياربي عايزة شنو اني يمه بگرباه

مر يومي كلة واني تفكيري مشغول بالي صار اول مرة انحط بهيج موقف حرج نمت وهو صورتة مترضة تروح من بالي

اهووو رسل اصحي على حالج لانصيرين طماعة هو عندة عائلة خاصة بيوانتي دخيلة

لتگعدين تبنين امال من جديد وتتمسكين باوهام

عيشي حياتج بس لاولادج

جراح

كعدت يوم ثاني وقبل لا اروح للشغل شفت امي دخلت للملحق على رسل

ردت اروح احجي وياها حتى

تصير اكثر حرص على نفسهة واأكد عليهة تحرم طلعت الحديقة او اعلي السياج المشبج لان ناصي

حتى محد يكدر يعبر ويشوف الي انة شفتة البارحة

بوية غير اتخبل لو واحد غيري شايفهة ومستمتع بنظره بمفاتنه انعل ولديهة والله خل اسمع بيها

طالعة بدون علمي برة الملحق

بس المصيبة يام حسين جنتي بوحدة صرتي بثنين

يعني انة لحدهسة ماطالع منظرها مالت البارحة من راسي ليش هسة من دخلت ورة نبع الحنان من فتحتلي باب الملحق ودخلت وانصدمت بمنظره كاعدة تعلق بمخيلتي

شكلهة جان يجنن شلون جانت تضحك حسين وترجع كلساعة تكمز وهو يرجع يضحك بس اخ

الله شنو من شكل وهي كاعدة تغسل هدوم

والله لو بيدي جان كل يوم اخليهة من الصبح تغسل هدوم وبعد اهجم عليهة ا غسلهة غسل مثل ماخلتني البارحة اغسل بالماي البارد هسة بالله بيمن اغسل بتيزاب حتى ابرد نفسي

لا والاطكع شفتهة اتخردلت من انتبهت علية وكامت وهي گومة زلكت رجلها

وانة عبالك شلون جان ينتظر نعمة الله تطيح بالكاع وطاحت بين ايدية

وانا ماعولت اخ يابة من صار ملمس جسمهة بين ايدية كمت ارجف مو عبالك رجال مشورب طول بعرض ما اتحملت نزلت عيوني على شفايفها الي ترجف

وهي حاصرتهة البجية

ماحسيت على نفسي من دنكت عليهن

گلت لنفسي بس اضوك طعم شفايفهة

اشو هو انة حطيت شفتي على شفتهة وانة اريد اسحب روحي مينطيني گلبي

موبوسة دوختي بنت اللذين وهذا كلة بصفحة واستجابته الي بصفحة اخ بوية اجيت اتخبل

ماعت مثل الزبدة بين ادية اخ بوية

لو اطول بعد ثانية ما اكون مسؤل عن تصرفاتي

ودخلت علينة نبع الحنان فرقت وطشرت شمل اللحظات

يعني ما اعرف شيصير من اكون انة وهاي البنية بنفس المكان ماعرف وين عقلي يروح يعني كل الوعود الي قطعتها لنفسي البارحة

ان مايصير هيج اسوي او اباوع عليها بهيج نظرات اشو گلهن طارن من الشباك من شفتهة

عافتنة وطلعت من المطبخ ورجعت لابسة ثوب عريض وشال

بس مو جنج ياحلوة شوية متأخرة على هاي الحشمة

وحشمتج هاي. ما. راح تكدر تمحي صورتج وانتي بحضني

احم اة احم شلونج ام حسن

(هاي شلك بيهة ستوك يالله تذكرت تسلم ليش مساعة شجنت تسوي تأدي تحية الاسلام )

-الحمدلله زينة

-مامحتاجة شي

-لاسلامتك ممقصر ويانة

جراح وهو يتذكر على شنو اجة والله حتي نسيت شردت احجي

-شوفي رونق ترة مااقبل تطلعين هيج مفرعة هاي اخر مرة اشوفج بالحديقة لابسة هيج فاهمة

رسل بخجل ومرفعت راسها

-ان شاء الله صار

التفتت على امي

بس اريد اعرف نبع الحنان كاعد بيناتنة و راسها بس يتلفت من واحد لواحد عبالك بندول الساعة

انة شفت حسن اقترب مني وشلتة ما شاء الله كبران

- هذا ازوجه لزينة بنتي راح يصير صهري

ام جراح -اي عفية اخذ حسن لاتاخذ حسين لان مطنگر اربعة وعشرين ساعة يذكرني بيك من جنت صغير

جراح -همة كلش يتشابهون شلون تمييزون بينهم

منو حسن ومنو حسين

وانفتحت امي بالشرح

شوف هذا ابو الشامة على صدره جنهة شامة امة هذا حسن وهذا ماعندة شامة بصدرة هذا حسين

اخ الله

الله يسامحج يمة على هذا الشرح المفصل يعني انة ناقص وانتي تجمليني وتگليلي بصدرهة شامة وماحسيت على نفسي من سألت امي

زين وين تصير والشامة على ياجهة بصدرهة اة ةةةة اقصد بصدره

يمة تصير بالنص

يعني وين انطي وجهي احس هاي البنية انخلقت للفتنة

التفتت على رسل

-رسل عندي بعض الاوراق اريدج تقريهن وتوقعين عليهن اريدج تسولي وكالة حتى ادير الشغل مالت المرحوم وراح اعين واحد امين يدير الاملاك بيدة ولاتخافين راح اخلي واحد ثقة وامين واني قسمت الوارد بينج وبين بنات زامل

رسل

-ابو زينة اني ممحتاجة شي عندي خير من الله وكلشي احتاجة يجيني للبيت تكدر تصرفلي راتب شهري بسيط حتى خاف عندي بعض الخصوصيات اشتريهن بس غير شي ممحتاجة انطي الوارد كلة للبنات خطية هنة احوج مني الة هنة دوام ومدارس ومصاريف كومة وسواق

ظليت صافن عليها هي تحجي وتحرك شفايفهة وانة بغير عالم بس اسمعهة شتحجي واباوع شلون تحرك بيهن بالكلمات البغدادية وتلوف بشفايفهة ياااااابة الحك على ابنك راح بيه خلي اطلع احسنلي هاي الوقوف يمها خطر

بس فاجئني كلامها واهتمامها ببنات زامل ما طالبت مثل الافة سهير

احس بيهة هاي البنية قنوعة

يالله ام حسن انة اترخص

واجت وراي امي

-هايمة شفتهة شلون معدلة مرتبة كل يوم ادخل عليهة الكاهة كاعدة هي والجهال ومرتبتهم من الصبح ومعدلة البيت وتطبخ ذاك الطبخ اليجنن واشوفها كل يوم تعدل بالحديقة وتزرع ولك حتى مرات اخذ منهة خضرة صدقة لربها شلون معدلة هاي يسموهة مرة

وام جراح وهي تجر حسرة اي مو مثل بعض الناس

جراح عرفت امي تلمح على شي

يمة فوتي بالموضوع گبل شعندج حجي احجيه لاتظلين تلمحين

ام جراح-اي يمة بس انت التفهمني يمة الى متى تظل بس على هاي البنية الوحيدة هم ينرادلك بزر يشيلون حملك لو كبرت ويشيلون اسمك وهاي البنية هلگدامك حلالك شحلاتهة شلون مرتبة ومعدلة دخليهة تسويلك ولد ما دام هي هنا وكدام عيونة

يمة كل عقلج تحجين انة اخذ هاي واخليهة مرتي وببيتي غير حتى تخبلني لاما ارتاح الهة

ويمة هاي اخر مرة اعيدها عليج انة احب سلوى ومقتع بحياتي وبنتي زينة ربي يحفضها الي من كل شر عندي بالدنيا كلها

رسل

سمعت كلام خالتي ام جراح وجواب جراح لان كان شباك الصالة مفتوح عالحديقة مالتهم

من طلعوا وهمة يحجون وصلني حجيهم كلة موقصدي اسرق السمع لكن كان الكلام بي اسمي بس متت قهر من جواب جراح

حسيت بي يستنكف مني او يستعار من عندي

وانة مو من ثوبهم حتى الواحد يتشرف بزواجة مني ويسويني ام بيتة

ليش اني شبية شناقصني

بس ارجع واكول احسن شي يسويه يبعدني عن فكره ومايخليني براسه

انة همي الاول والاخير اولادي وبعد اي شي ما يهمني وهاي ام جراح فاهمة السالفة غلط شافتني مرة صرت حاضنة مالت اطفال عبالهة ياهو اليجي يأجرني واخلفلة

استغفرك يارب والله ابتلائك كبير وصعب علية

أهُنتُ عليك؟

للكاتبةNuha-d-h

اتمنى لكم قراءة ممتعة شاركوني بآرائكم

أهُنتُ عليك؟

للكاتبةNuha-d-h

ومرت الايام

وظل الوضع على ماهو عليه

كل وقتي لاطفالي صحيح اني لوحدي

وتربيتهم صعبة وعانيت كلش هواي وياهم خصوصاً

اني لوحدي وهمة صغار طلباتهم سوية ونومتهم سوية واكلهم سوية حتى يكعدون سوية مرات احس روحي

لاحول ولا قوة ومرات لا اگول لازم انهض واصير قوية لخاطرهم

صحيح كنت اجهل هواي اشياء تخص الاطفال وعنايتهم لكن كنت اغلب الاحيان استعين بام زامل لو ام جراح

بس الحمدلله كدرت اجتاز هذا الحاجز واتعلمت وصرت خبرة بالتعامل مع التوم

وسمعت من عمتي ام جراح

ان مرت جراح حامل ومرت جاسم حامل بس مرت قصي موظفة مكتفية بالاطفال الثنين ولد وبنية وصابرين انخطبت وما بقة شي على مهرهة اباوع عليهم مرات يتجمعون بالحديقة فتوصلني اصواتهم العصرية واسمع اصوات الكوابة مالت الجاي والضحك فياخذني الفضول اباوع عليهم من فتحة صغيرة موجودة بالشباك مالت غرفتي مطلة على حديقتهم الامامية

ههه طبعاً هذا الشباك صار نافذتي للاتصال بالعالم الخارجي كنت

اشوفهم شلون متجمعين ويسولفون ربي يديم لمتهم عليهم الواحد من يشوف لمتهم وضحكتهم مجرد النظر يحس وياهم بالونسة.

لعد شنو يكون الشعور اذا كان فرد من افرادهم وينتميلهم ويبادلهم الكلام والضحك

(هَـا يرسل اشو جنج رجعتي وكعدتي تتتمنين يكون الج مكان بينهم لا يرسل اصحي الي مثلج هواي عليه يعيش بين عائلة يحبهم ويحبونه ويفتقدون مكاني اذا غبت عنهم لاتتمنين اكتفي بالنعمة العندج اولادج )

و اباوع لعزام اخو جراح شلون يقلد على صابرين على الناس الي اجو عليها يخطبونهة ودخلت عليهم بالصينية وهي ترجف وموگعة الشربت على الولد اسمع عزام يگللهة صار عندة حب من اول وگعت شربت هذا شكلة يحب الثولات واشوف صابرين شلون تتدلع على خوانهة

وانتبهت على جراح شلون معتني بسلوى وحملها ويعدللهة التكية مالت الكرسي حسب ما سمعت من خالتي ام جراح تكول الدكتور يكول حالت سلوى الصحية تسمحلهة ان تحمل وتجيب وهذا الشي فرح جراح وسلوى خطية ربي يسعدهم حتى جاسم شكلة فرحان بحمل زوجته الظاهر الرجل يشعر بالفخر من تكون زوجته حامل

طبعا انة اي اختلاط بيهم ماعندي ولا اعرفهم

واسمع البنات مرات شلون يجهزن لحفلة المهر وسمعت بيهم عازيمين قرايبهم كلهم واسمع صابرين تگول اريد حفلتي كلش جبيرة وفخمة بس خلي انتظر تدور سنة المرحوم زامل وبعدين اسوي الحفلة بعد رجوعنا من الزيارة

اباوع للولد شلون يسولفون والبنات شلون يحجن ويضحكن على شغلات مسمعتها زين لان صوتهم ناصي بس من يضحكون انتبهت على نفسي اضحك وياهم

جراح

صرت اتجنب شوفت رسل بشكل مو طبيعي لان احس بيهة خطر على سلامة عقلي يعني من اشوفهة ماعرف شيصير بية وتتخربط كل علومي واليدقني انة كلش اصير ضعيف يمهة يعني هاي القساوة والجلد كلها بس من اشوفهة تتبخر

واذا اكول شي حتى بيني وبين نفسي ما اتجرء اگولهة كمت احس بأتجاهة بقوة تربطني ما مارة عليه هيج مشاعر حتى بيوم حبيت سلوى وهذا الشعور بحد ذاتة خلاني ابتعد عن رسل

عبالك بيهة طاعون واتهرب منها رغم ما شفتها

يوم تطلبني اجيهة او اشوفها تترزز كدام ولدنا ابد بالعكس احس بيهة ثكيلة ورزنة

مرات من اشوفهة بالصدفة لازمة اولادهة كل واحد بأيد

وتمشيهم اشوفهة فخورة باولادهة تحيط بيهة هي واولاده هالة الخصوصية (ليس لك مكانٌ بيننا)

مرات تكسر خاطري من اشوفها تركض ورة واحد من التوام لوحدهة اكول خطية بعدها صغيرة لوحدها وية هذولي الصغار واشوف ولاوحدة من البنات كلفت نفسها واختلطت بيها وصادقتها

اتذكرت مرة شفت حسن جان يمشي على السريع جنة شارد من شي وطالع من باب الملحق وجنة اني وابن عمي نواف اخو مرتي سلوى گاعدين بالحديقة واخواني قصي وعزام وجاسم فشفنا حسن شلون ركض عبالك واحد يركض وراه وشفت حسين يركض هم شارد عبالك مسوين جريمة وبقينة نضحك على شكولهم المدنفشة شلون حلوين وگوة يركضون لان ستوهم بدوا يمشون

لكن الصدمة بانت على الوجوه من طلعت رسل وهي ما منتبهة علينا لان كانو الاطفال يركضون للساحة كدام الملحق واحنا كانت گعدتنا جانبية بالحديقة فكان مبين عليها تركيزه كلة يم اولادها طلعت رسل ولابسة صدرية مالت المطبخ وكانت لابسة تحته ثوب قصير صاير لطش على جسمهة ولابسة نعال منزلي ابو الفرو شكلة عبالك ارنوب برجليهة

وجانت رافعة شعرهة بأهمال بقراصة وواگع كم خصلة منه على رگبتهة والزنود طالعة هي والسيقان عبالك مرمر

ركضت وراهم بهذا شكلهة جانت لازمة بيدهة جمجة مالت صب الاكل طلعت ووصلت قريب عليهم شفناهة دنگت عليهم وهنا الضربة القاضية من دنگت وهي مطيتنة ظهرهة وشالت جهالهة اثنينهم كل واحد على صفحة جوة ابطهة بطريق جدا سهلة وكأنما متعودة تحملهم ثنينهم بوقت واحد لكن منظرهة كأم واولادهة بجفة وجسدها وحركاتة التلقائية بجفة

انتبهت على المطاية الي بصفي شلون فهة حلگهم وكطعو ضحكتهم من اول ما طلعت من الملحق ودخلت جهاله جوة وهذا كلة وهي بالهة مو يمنة

بس انة عودك شنو من حرگة گلبي اتمنة كل واحد انطي لطمة على حلگة

جراح

احم احم الله بالخير شباب خير وين صفنتو طبعا احجي واخزر بيهم خواني دنگو اتلاحكو لروحهم وتذكرو

هاي مرت اخوهم

لكن العلة نواف

نواف-ولك بوية هاي شنهي تي ان تي لاتگولون هاي مرت الحارس

لان اذا هاي مرت الحارس جا كل يوم تلگوني اشرب جاي يم الحارس علمود بلكن اشوف طلة من هالغزال الفات ولك بوية شوفتها عيشة

جراح

هو يحجي وانة دخان ما اذاني يطلع اتمنيت اكسر سنونة

نواف ترة دست زايد هاي حرمتي

نواف اخ الله لاتكول هي هاي التزوجتهة على اختي

اي هي هاي

وانتبه

جراح على نواف شلون طگهة صفنة من سمع بيهة زوجتي

وانة النار احس شبت بظلوعي لان كامت الحسبات تتوافد على عقلي شي اكيد سلوى حاجية لاهلهة عن قصة رسل والتوم وان زواجنة بس على الورق بوكتهة حيل تندمت من كلت لسلوى طبيعة زواجنة لان شي اكيد نواف عندة علم بالسالفة

ما اتحمل احد يفكر برسل ان هي متاحة متوفرة لان ماعندها رجال يقضي عليهة وحشتهة وينطيهة احتياجاتها مثل اي مرة

رسل يوم عن يوم افرح من اشوف اولادي جاي يكبرون ومابقة شي ويصير عمرهم سنة صارو يخطون ويمشون من فدوة رحت للرياجيل شوكت تكبرون وتصيرون سندي

رفل

كل يوم ابحث عن اختي رسل واريد اعرف اخبارهة

كان كلام رسل اختي صحيح ان مروان هو المتحارش بيهة مو مثل ماهو حضرتة حجة وكال مروان-طردتهة من البيت لان كعدت تتحارش بية الماتستحي وان صديتهة وطردتهة وكعدت تسمعني كلام والله اخجل احجي

رفل

انة بالبداية كنت مصدگة مروان وگلت هي زعلانة مني وضايجة وحتى تكرهني لان اني ضيعت حياتها ومستقبلهة

قهرتني من اتصلت عليهة ورزلتهة وشفتهة مانطقت اي كلام تدافع عن نفسهة بي مو خوفا مني بس حسيت حتى ماتريد تبررلي وتعب نفسهة لاصلاح علاقتها بية ابد بس كل الخسرتة ان كالت التتحارش ماتضرب راس واحد وتشكة وتطلع دمه المشكلة من دخلت للبيت ما شفت اثار دم على مروان لكن بعد كلام رسل انتبهت على راسة بس اثر دم متجمد بشعره

اتعاركت بوكتها وية مروان ورجع يتوسل لي حتى ارجع له وانة اتقبلت الموضوع لان ماعندي احد اروح الجيء هي بس هالاخت الوحيدة وضيعتها من بين ايدي مثل كل مرة رعونيتي تسبقني

صرت مثل الطير المذبوح اريد اعرف وين اراضيهة لان هي من رجعت وعاشت وياي غصب عنها لان ماعندهة احد تروح عندة واني الهة وهي الي

صرت ادور عليهة مستشفيات مراكز وبكل مكان اروح اسأل عليها

ربي اختي وحيدتي ومالي غيرها جنت اتذكر من رجعت من عيالها وتاركة ابنها وشفتهة وجها

شلون اصفر عرفت بوقتهة بحساباتي الخاصة ان هي من اجتني كانت بعدهة نفسة سودة علية وجهه اصفر كركرم من التعب وتاركة ابنها غصبن عنها بوقتها نظرت لابني حمودي وعرفت عظمة مصيبة اختي حاولت بقدر الامكان اتقرب منها بس هي كانت ردة فعلها

البرود والصد كنت اتمنى تصيح بوجهي تعاتبيني تغلط تضرب اي شي بس كون تنبع منها مشاعر اتجاهي حتى كمت ارحب مشاعر الكره ميخالف حتى لو تكرهني اتقبلها

على الاقل تكن الي بگلبة مشاعر بس مع الاسف اختي رسل اني موتتها بيدي وهاي فقط طيف رسل

اشوفها دائما باحلامي تعبانة

ومرة حلمت بيهة الدنيا تمطر ورسل

شايلة جنطتها مالت المدرسة من كنا صغار وخالتهة على راسهة ومدنگه حت تحمي ثنين عصافير نايمات بحضنهة وهي تبجي

كعدت من الحلم مفزوعة

ومرة ثانية انعاد علية نفس الحلم

بس هلمرة واحد من العصافير طار من حضنهة واجة لعند حضني وفزيت

وظليت بس افكر بيها وختى صرت ما اكدر انام

واخذ الحلم يتكرر علية

سالت سولاف كالت هاي لان تفكرين بيهة هواي و

ضال بالج عندهة

سولاف صديقتي رغم هي مخربطة ومابطلت سوالفهة واشوفه شلون تقشمر بنات البيوت الي يجونهة بالصالون حتى ترتبله كم بنية للزباين الكبار الي هي عايشة بحمايهم لكن اشوفهة دائما يمي من احتاجه

أهُنتُ عليك؟

للكاتبةNuha-d-h

نورني بتعليقاتكم فهي السبب لاستمراري في اكمال روايتي

أهُنتُ عليك؟

للكاتبةNuha-d-h

رسل

اليوم دورت السنة مالت المرحوم زامل

و صارت السنوية ببيت عمي زامل واجة عزام اخذني لبيت عمي بعد ماطلبت من خالتي ام جراح

ردت من احد ويودني لبيت زامل

واني بالطريق اجة اتصال لعزام وشوية كلي هاج هذا جراح يريد يحجي وياج

-الو هلة جراح

جراح-اكلج انتي اشو مابعينج احد شنو مالج رداد

وبكيفج تلعبين تطلعين من البيت بدون علمي

شوفي ولج هسة ترجعين بسرعة للبيت

وانا اعلمج يالله بسرعة طلقة الكاج بالبيت

-عفية جراح لاتسوي مشكلة على شي مايسوى

واليوم سنوية زامل

وردت اخذ الاولاد حتى خالتي ام زامل تشوفهم

ويبرد گلبهة

جراح -انة گلت ترجعين گبل بوجهج للبيت

رجعنا من نص الطريق للبيت بس ميتة قهر من استاذ جراح

وحسيت اكو سيارة تراقبنة من بعيد بس ما اهتميت ما دام انة زوجة الجراح والكل صار عندة علم انة مرتة فمحد راح يكدر يأذيني

فرجعت للبيت ودخلت بوجهي للمحلق جنت لابسة جبة سودة

انتبهت لعزام اخذ الجهال وفوتهم وياه لبيتهم

احتمال يعرف بطباگات اخوه

فما حب الجهال يسمعون صوتة العالي

فاخذهم وياه واني عرفت من حركة عزام

ان جراح ماناوي يجيبها لبر

ما اعرف ليش لاؤل مرة بحياتي اخاف من رجال واسويلة حساب وما اتمنى زعله

موحبا بيه لكن

احتراما الة لان هو يفرض احترامة وين ماكان

ومو من صالحي اعاديه

لحظات ودخل جراح للملحق

-شوفي يبنت الناس تجرين عدل وتغيرين تصرفاتج

لا قسماً بالله لاراويج وجهي الثاني

لان ما راح يعجبج

فلتگعدين تجربين حظج عندي لان ماهو بالكثير

فخليني اگول خطية ويتيمة وصاحبة اطفال لكن اذا تتجاوزينِ وتتعدين احترامي وكلمتي

بوكتهة لاتوگف بعيني يتيمة ولاخطية ولا اي شي وساعتهة جيبي اليفكج مني

رسل بخوف

-شنو قصدك تمد ايدك علية

طبعا اني احجي وابلع بريگي ومبين علية من رجفة صوتي انة ميتة من الخوف منة

جراح

اشوفهة خايفة بس عجبتني من تتصنع القوة وتبين گدامي هي قوية لكن خانتهة رعشت صوتهة

انة اقتربت منها وعيوني مثل الثعلب عليه

اترقب ردة فعله على كلامي

جراح- اي امد ايدي عليج بس مومثل ما انتي متصورة

امد ايدي على جسمج بس مو بالضرب بالملس

رسل شفتة قرب علية وانة ارتبكت ماجنت مهيئة نفسي لتصرفة المفاجئ

رجعت ورة حتى ما يقترب مني

لان بعدها كلماتة بذاك اليوم وية امة

ترن بإذنِ لحد الان ما ناسيتها

لزمني جراح من خدي وهو يقترب

اني بسرعة نترت ايدة عن خدي وبعدتها

وابتعدت من عندة وحجيت بعصبية

-شيل ايدك عني

دير بالك تتجرئ وتلمسني

جراح- اعرف بيج ليش ترفضين المسج بايدية

رسل بكل تحدي وعناد-لا ماحزرت لان ما اقبل لكائن من كان يقلل من قيمتي واحترامي

جراح وعجبة ردهة

وكلما تحجي كلمة

تشد تلفت انتباهة لشفايفهة الي قضت على مضجعي بالليل وبالاحلام

جراح-لا ماحزرتي مو هذا

السبب انتي تعرفينة كلش زين ماتقبلين المسج

لان انتي راح تضعفين بين ادية

وماراح تگدرين تقاومين بين ايدية هواي

وراح تسلمين نفسج بكل سهولة

والشاهد على كلامي بوستنة بذاك اليوم

هي ارتبكت حست بروحها مكشوفة امام جراح

لدرجة يسهل قراءة وجها وتصرفاتها

-انت صدك ماتستحي على دمك كون بگد كلمتك ولاتقترب مني لان والله اگلب الدنيا بالصياح اذا اتجرأت ولمستني

هنا الجراح حب التحدي لان هي ماتعرف

ان تزيد اعجابي واثارتي بيهة من تتحداني

واشوف عينونها شلون يجدحن

وكان عليهن علامة ممنوع اللمس

الله وكل ممنوع مرغوب

شوفي ياحلوة لو باقية ساكتة وماحاجية

هذا الكلام جان اكتفيت بس بالتحذير وياج

لكن انتي جبتيهة لنفسج

وما حست الا وجراح شالها على ظهره مثل جيس الطحين

ودخل بيه للغرفة وشمرهة على السرير وانظم الهة بالسرير ما انطاهة اي مجال تستوعب الي جاي يصير

وهي گعدت تعيط بصوت عالي

-والله اذا اقتربت مني ااذيك والله

اباوع عليها تهدد وهي بموقف الضعيف

صرت فوگهة

لزمت ايدهة الثنين بيد وحدة

ورفعتهم اعلى من راسهة ووباليد الثانية فتحت سحابة الجبة وجانت لابسة تشيرت اسود نصف ردن ما انتظرت انزعه مزقت البدي ونزلت عليهة بوس بشغف حسيت برجفة جسمهة جوة جسمي وهاي الحركة ثارتني

دارت راسها وهي تريد تبجي

-لك جراح اتركني حرام عليك لتكسرني

وبدت تقاوم وصارت ترفس برجليهة

گمت حبست رجليهة الاثنين بين رجلية وكلما تقاومني كلما تزيد من اصراري حتى اخذهة

وامتلكهة واوشمها بختم ملكيتي الخاصة

حتى الكل يعرف هي ملك حصري لجراح

حسيت على مقاومتها بدت تضعف

اول مرة كنت اتوقع ان هي ماعندها قوة حتى تبعدني لكن استجابتها وياي للمساتي كانت تحجي غير لغة فعلا كانت لغة الجسد تخلتف عن ماكانت تهدد بيه قبل قليل استجابتهة كانت وكأنها الاشارة الي جنت منتظرهة حتى انطلق بامتلاكهة

لكن

فجأءة سمعنا صوت باب الملحق اندك حيل وسمعت صوت امي

ام جراح-يايمة جراح عوف البنية لاتضربهة ترة هي ماسوت شي

ولك جراح افتح الباب

ولك تعال عزام اكسر الباب بس لاموتهة للفرخة مالهة حس

من سمعنة حجي امي

صارت عيني بعينهة واني فوگهة

بوقتهة صدك ضحكت على كلام امي

ولج يمة دتعاي شوفي منو موت منو

وهي بسرعة دفعتني عنها و وگعتني من السرير

وكعدت تعدل بجبتهة وملابسهة برتباك وخدودها حمرة وعيونهة تجدح نار وتخزر بية

بس تخاف تحجي خاف ارجع عليها

اكمل الي بقى على النص وما انتتهى

انتبهت على البدي شلون مشكگ هاي شوكت شگيتة

والله ما حسيت على روحي

شوفي ياحلوة هذا خليه درس الج

حتى توبين تعتبين باب البيت بدون علمي

ولاتعاندين موخايف عليج

بس اولاد زامل حياتهم تهمني

وما اريدج تطلعين بدون علمي

تصرفج هذا يعتبر غير مسؤل عن حماية اولادج

رسل حسيت على نفسي شلون نست امان وسلامة اولادي صدك شلون نسيت التهديد

رسل وهي مدنگة -اسفة جراح غلطة وبعد مراح تتكرر

واعرض حياة اطفالي للخطر فعلا كان تهاون من قبلي بهذا تصرفي

لكن حركتك هاي السويتها

قبل شوية كانت موحلوة بحقي

مو لان تشوف موقفي ضعيف وما اگدر اسويلك شي انت تكوم تستغل هذا الشي لصالحك

لا جراح راجع حساباتك لا انت تريدني الك مرة ولا اني بوضع يسمحلي ان اهتم باحد غير اطفالي

جراح كان يسمع كلامها بس گلبة نار منها

طلع وتركها لوحدها تتقاتل وية نفسهة مع مجموعة المشاعر المتضاربة الي هبت عليها قبل لحضات

خوف على. ضعف على استسلام اني شنو جاي يصير بية

كمت بعد فترة وبدلت ملابسي

وانتبهت على الاثار الي تركها جراح على جسمي ورگبتي خلصت تغيير هدومي

وصار وقت الظهر اجتني خالتي ام جراح

يمة حضري نفسج حتى نروح لبيت المرحوم هناك منتظرينة. وجراح راح يوصلنا بالسيارة

ركبنا بالسيارة وبذلت اقصى ما بوسعي حتى ما ابين لجراح ان هو كدر يأثر علية بتصرفة وياي

لكن بالحقيقة هو گلب كياني گلاب وغزة مشاعري

مثل المحتل

واحنا بالطريق

رسل وبكل قوة شخصية- جراح اريد بنات زامل يزورون

الاولاد كل خميس وهاي الزيارة يبقون يداومون عليهة مستمرة وما اريدهة تنقطع

واعتبروه هذا شرط من شروطي بما ان اني الوصية والموكلة على اموالهم اشوف ان الي الحق اطالب بشوفة البنات لاخوانهم

واذا انت شفت معارضة من قبل سهير خبرهة

ا ن رسل راح تسحب منهة المصرف والرواتب الشهرية وتوقفهن لحد ما توافق على الشروط

اسحبهم هاي بحالة اذا بقت رافضة بقدوم البنات لزيارة اخوانهم

لان الاولاد هسة كبروا وبدوا يتعلقون بالناس وبدو يتعرفون على الاشخاص

فاريد اولادي يكبرون ويتعرفون على خواتهم حتى تبقى تنطبع صحبتهم لخواتهم دائما وياهم بذكرياتهم من يكبرون

تفاجئ جراح من طلب رسل

وفعلاً بوكتهة كلش كبرت بعينة بهاي طلعتهة وطلبهة

وهسة عرف ليش زامل خلة كلشي بيدهة ووكلهة على املاكة واملاك البنات كان فعلاً محق من خطة هيج خطوة لان يمكن التمس بيهة الجرئة وقوة الارادة والعناد

وعرف ان هي راح تبذل ما بوسعها حتى تلم شمل اولادة وبناته

أهُنتُ عليك؟

للكاتبةNuha-d-h

حبيباتي انتظركم لتطلعوني بآرائكم