تحميل رواية «أهُنتُ عليك؟» PDF

أهُنتُ عليك؟

للكاتبةNuha-d-h

ومرة الايام وصدفة

اجت صديقة رفل للبيت وعرفتني رفل عليهة وحجت وية رفل واني بالي مو يمهم گالت تعالي ويانة غيري جو عند الحلاقة

اي صدك انة ليش ما اغير من نفسي واصير انانية واعيش على حساب غيري

كمت احجي وية رفل بس من احتاج منهة شي وابد ما جبت سيرة امي او اولادي

واحس بيهة ميتة قهر من اسلوبي البارد وياهة

كانت تتمنى ان نگعد اني وياهة بجلسة عتاب. واگعد اعاتبهة لكن نست ان العتاب بس بين الاحبة

وهي لاعدوتي ولا اختي حتى كمت استخسر وما اكن الهة مشاعر

رحت وياهن للصالون وكعدت تحف وتنظف بشرتي وسوتلي شعري وماقبلت الحلاقة اغير لونة گالت سواد شعرج حلو لاتخربينة وجان واصل لاسفل ظهري واخذتني للمول وگعدت تشتريلي ملابس وبجايم ومعطرات جسم وغيرهة واشتريتلي كم لبسة للطلعة بناطير جينز وقمصان قررت بعد ما البس جبة على شنو حارمة نفسي خلي اطلع واتنفس

بس هذا كلة القشرة الخارجية من رسل الجديدة لكن رسل القديمة ترجع من يجيهة الليل وتحس بصدرهة يدر وتظل تلولي لروحهة وتعاتب اولادهة ليش انة مو امكم ماحنيتو ا علية

بقيت على نقالي الصرصور بس شحنتة لان ما اهتم للبرامج وهاي السوالف مو بالي

المهم خالصنة ورجعنة للبيت وكعدت البس الملابس الي اشتريتهم واقيسهم علية والبنات تعجبو علية وعلى جسمي وخصري اللي كلش نحف من بعد الولادة ووركي كبر شوية لكن حسب كلام سولاف

واو حسمج صاير الا بشدة يجنن هنيالج بحيث شتلبسين يلوكلج

لبست بجامة برمودة قصيرة ودخل علينة رجل رفل

واني بسرعة كمت دخلت للغرفة بس حسيت عليه اكلني بعيونة

قررت احجي وية رفل حتى تقدملي وارجع للمستوصف اداوم ابن رفل ابد ما اقتربت منة احس عبالك اتكهرب ومن يريد يقترب مني اشرد منة لان خاف تخوني مشاعري وانهار

ورة يومين حسيت على مروان هواي يباوعلي بنظرات مو حلوة وكام يسمعني كلام مقزز مثل وجهة

واني احاول اتجنبة مو خوفا على مشاعر اختي لان رفل اخر وحدة اهتم لمشاعرهة لكن احترام لنفسي

وجان يجي اليوم الي يستفرد بية مروان وصادف كانت امة ورفل وابنة كلهم طالعين

جنت بالمطبخ اسويلي لفة وجاي وحسيت على واحد يقترب علية وصار نفسه كلش قريب على رگبتي من الخلف واني بسرعة نزيت ودرت عليه واشوف مروان گبالي وگمت دفعتة على حيلي وركضت وهو ركض وراي جنت لابسة بجامة برمودة جاي اركض وهو لحگني ولزمني من التشيرت ودفعني على وجهي بالگاع حسيت بي صار فوكي واني گعدت انطيه دفرات اريد اخلص روحي منة يارب خلصني والله وجان تجي عيني على تحفية يم راسي تصير على الطبلة ولزمت التحفية وظربتهة براس مران بعدما دارني على على ظهري ودنگ علية وگام يبوس بية بعدهة من ضربتة بكل قوتي وقهرتي على راسة شفتة وكع من علية ودفعته بسرعة من فوكي

گمت من الكاع واني جسمي بس يرجف الله لايوفقك لادنيا ولااخرة رحت ركض لغرفتي وقفلت على نفسي الباب

وبسرعة لميت ملابسي واخذت غراضي وحضرت نقالي وبدلت بسرعة جينز وعلية بدي وفوگاة جاكيت شلون ماجان بدلت ولبست شالي وطلعت على كيف من غرفتي

حتى اشوف النذل وين

وشفت على نفس وضعه لكن شفت طالع من راسه دم

يطبة طوب الخسيس يستاهل

ورحت على غرفة رفل ودورت بالمجرات وشفت اگو خمسين الف اخذتهن ورحت

طلعت من البيت بسرعة واجرت تكسي ما اعرف اروح وين يارب المن انطي وجهي المن الجيء

والله واذكرت وتصلت على اخر شخص ممكن الجيء الة لكن ماعندي غير حل

اتصلت عليه لان كان رقمة بالنقال وماغيرتة

من سمعت صوتة الخشن بجيت اي بجيت لان اريد واحد يجتثني من الضياع

الو جراح

اي نعم تفضلو

اني رسل

حسيت بي جان گاعد ومن سمع باسمي نهض رسل انتي وينج وين اختفيتي

رسل بستغراب

خوية جراح الحكلي اني تايهة ومالي احد وانجبرت اتصل عليك ولو انة حالفة ما ادك بابكم لكن الزمن جار علية وشمرني يم بابكم

ولج رسل احجي وين مكانج

اني ببغداد

اي بيامكان

اني راكبة بسيارة تكسي وما اعرف وين هسة اني

انطيني السايق من يمج

انطيت النقال للسايق وحجة وية جراح والظاهر جراح شرحلة وين يوصلني

ورجعلي النقال

شوفي السايق راح يوصلج للمكان الي انة بي هسة

والله ورة عشر دقايق ووصلنا للمكان المطلوب وشفت جراح واگف قرب سيارة عالية وكفت التكسي واجة جراح حاسب ابو التكسي واخذ مني الجنطة وكعد يباوع على ملابسي وخزرني حسيت بي ما راضي على لبسي

اهووو وهسة اني وين وهذا وين و

اني شلي غرض بي واشيل همة راضي لو ما راضي هي نفسي واني حرة بيه

جراح شلونج ام حسن

ركبني السيارة گعدت گدام وهو يسوق وين اختفيتي من بعد ولادتج

درت وجهي عليه ورفعت حاجبي انة الي اختفيت الي ماعندي لاحول ولاقوة اشيل روحي اعوفكم لو انتو الي اخذتو الجهال بنفس اليوم وتركتوني لوحدي بالمستشفى وماعندي احد يعيني وخليتوني بحسرة اولادي منو عاف منو فهمني وين الخلل بيمن

جراح-مو زامل

رسل واني احجي بقهر وحرگة گلب

اش لاتجيب طاري زامل ما اريد اسمع اسمه والله ما راح اسامحة

لا تحجين هيج وتظلمينة ترة محد تركج وخصوصا زامل

لكن بيوم ولادتج زامل اتخربط ونتكست حالتة ووگع والتهينة بي والدكتور كال هذا ماراح يطول بس اهم شي خطية شاف اولادة وطلعناهم بنفس اليوم من المستشفى واخذناهم اله ووطول يومين بعد ولادتج وقبل لايموت گال حلمت برسل جن تمشي بشارع اظلم وهي تعبانة وتبجي وتصيح ما راح اسامحك زامل انة يتيمة ومالي احد وانت كسرتني

فاخر يوم اله وصاني ان اخليج تعشين وية اولادج بس لازم تكونين تحت حمايتي فانتي لازم تلزمين عدة

لان زوجح مات

كان جراح بحجي وانة مثل المخدرة ما اعرف شحجي ابجي على زامل ان هو طلع خوش انسان وماتركني بس الظروف جبرتة يعني اذا اگول الدمعة شاطت من ورة تضارب المشاعر الي صار عندي يعني بين لحضة واخرى تتبدل الافكار من شخص حاقدة عليه لان اذاج الى شخص طلعت ظالمتة وعيشني احلى لحظات ثمينة بحياتي لاي الافكار اركن

وخطية عمي ابو زامل انطاج عمرة وظلت بس مرت عمي ورشا دايرين بالهم على الاولاد

اني هو يحجي واني انهاريت من البجي

جراح داخلة على الله واهلة البيت نخيتك ولاترجعني اريد اشوف ولدي فدوة اروحلك اخذني يمهم واعتبرني خدامة الهم والله ما ااثر على احد ولا راح اخليكم تحسون علية وحتى اقدم على وضيفة وما اخليكم تصرفون علية بس عفية خليني اعيش وياهم لان انة مالي احد بهلدنيا غيرهم امي ماتت واختي رجلهة اتحارش بية وفشخت راسة وخليت دمة بطولة حتى يتوب بس ما اگدرارجع الهة حتى ما اعرف شنو مصير رجل اختي

جراح

ولج انتي شنو من يا ملة اخ الله انة. شنو سويت بحياتي

حتى الله يبليني بهيج اشكال شگول عليك زامل بيوم الورطتني هاي الورطة

اني اسمع كلامة وابجي حقة منو يريد يلفي ليبتة هيج انسانة

شوفي يبنت الناس انتي لازم تلزمين عدة فراح اخذج وياي لبيت عمي بالبصرة بس بدون علم احد كون تختفين عن لانظار لان كلهة حادة سنونهة عليج لان زامل ترك الورث كلة لاولادج وانتي الوصي الوحيد على الاولاد والمصيبة الجبيرة حتى امنج على حلال بناتة كلشي خلة بيدج

والمصيبة الاكبر ما تصيرين وصي على اموال الايتام الامن تقبلين الزاج مني وهي جانت عايزة والتمت على راسك ياجراح

أهُنتُ عليك؟

للكاتبةNuha-d-h

اتحفوني بتعليقكم

أهُنتُ عليك؟

للكاتبةNuha-d-h

انطتني المرية الفلوس وكالت اكو حارس بباب المستشفى كال انة اوصله للكراج بعدين خلصت شغلهة بالردهة واجت سلمت علية ودعتني

مودعة بالله يايمة

اني سمعت هاي الكلمة واتذكرت امي ونهاريت بالبجي وحضنت المرة حيل عبالك راح استمد منه القوة مثل ماكنت اسوي وية امي بستهة من راسهة وراحت

وفعلا يوم ثاني كتبت الدكتورة على الخروجية مالتي واخذت جنطتي على حطت ايدي مستمساكتي ونقالي الصرصور شفتة مغلق يالله شسوي قابل منو راح يتصل علية اشو مكطوعة ومنبوذة

لبست عباتي الجبة كانت هم موجودة بالجنطة مالت الملابس جان تفكيري غير جنت متوقعة يرجعوني وياهم

للبيت ماتوقعت ولو للحظة يطلعون هيج طلعة ناقصة

سودة علية اولادي هسة شنو مصيرهم يعني شنو راح يأثر عليهم لو خاليني يمهم وارضعهم فد شهر اي مو حرامات المادة الصمغية البصدري كلهة راحت هاي احجي وية روحي وابجي

يستفاد منة الطفل اول يرضع تكسبة المناعة من الامراض كعدت احاجي بروحي واشرح لروحي وهمة مويمي عبالك وحدة مخبلة

طلعت خارج المستشفى بالباب وشفت الرجال الكالت عليه المرة وركبت وياه بالسيارة

من وصلني الرجال للكراج واخذني عند صديقة

وشافني ميتة من الخوف احس بروحي تايهة بهاي الدينا موحشة

خوية لاتخافين امنتج عند ولد ثقة وكال يوصلج لحد منطقتج ترة احنا ناس عدنا غيرة وغيرتنة ماتسمح النا اختنا غريبة ومحتاجة العون ومانوكف الهة وانتي مثل الامانة

شفتة

جابلي بطلين ماي وجيس بي عصاير وكيك

الله يرضى عليك خوية ويرزقك ويدفع البلاء عنك

رحمة الله والديج خوية هذا دعاءج يسوة الدنيا يالله في امان الله

والله وتوكلت على الله

كان الطريق كلش طويل

وصلني الولد للمنطقة مالتي طبعا هو لازم ينزلني بكراج بغداد ومناك ااجر تكسي واجي هنا بس خطية انة على گلوتهم لان امانة وصلني لمنطقتي

اخ منطقتي نزلت من السيارة وجنطتي نفسه والجبة نفسه الي طلعت بيهة من بيت اهلي رجعت بيه

لكن الشخص مو نفس الشخص

جنت بقايا رسل مو رسل النشيطة الحلوة الي جانت تكطع هذا الطريق كل يوم مشي وتضحك للهوى ذيج راحت وهسة هاي مجرد حطام

جنت امشي بالطرق واتذكر ايامي

وجان الي بهذا الطريق بكل خطوة ذكرة بقيت امشي ودموعي تصب

وصلت للركن براس الفرع وتذكرت يوسف وگلبي حن لزهرة صباي عشگتة عشگ براءة بحلم امشي واتذكرت المرة ام قصي جارتنا

وعبرت على بيت صديقتي سما وتذكر شلون رحنا لعرسهة وصديقاتي هنا بيوتهن وهنا من هذا الطريق جنا نمشي انة ورفل اي وجانت مرات الدنية تمطر ونخلي جنطنا فوك روسنة ونرجع للبيت منگعات ماي ونفرش الكتب يم الصوبة حتى تجف الله يا ايامي منو يرجعلي ايامي لذاك الوكت جانت اكبر همومي شلون نقنع امي. حتى تخلينة نسهر على فلم

وصلت قريب على باب بيتنة ودكيت الباب طلعت لي مرة غريبة

اتفضلي خالة طالبة منو

خالة هذا مو بيت ام رسلً

اني احجي واحس بحلگي جف والرجلين بادن

لاخالة غلطانة احنة جدد بهذا البيت شوفي دكي هذا الباب الي بصفوي همة يعرفون صاحبة البيت

والله رحت على بيت خالي وطلعلي ابن خالي مصدوم رسل

دخلي فوتي طبي جوة

بس سمعت صوت خالي من باب الحوش

لا لا رسل ماتعتب بيتي تبقى برة البنية العاقة الي موتت امه مالهة محط رجل عندي

موتت امهَ موتت امهَ

الكلمة ظلت ترن بذاني

دخيلك يا الله دخيلك ربي صبرك ربي امتحانك جبير وما اتحملة امي ماتت امي

ليش يمة ليش بعت نفسي على مودج يمة اتحملت المر علمودج يمة بعت ولدي حتى تعالجين فرطت بوصلة من گلبي

حتى اشتريج يمة وتاليتج تموتين

ربي اني خسرت كلشي بحياتي وفلست من امي وولدي هذا هواي علية ربي ارحمني

طردني خالي من البيت

خالو ماعندي مكان وين اروح

روحي للشردتي وياه هو يلفيج

اني ما شردت وية احد اني تزوجت ليش تحجي هيج خالو

خالي تزوجيته وخليتي امج بحسرتج

طردني خالي

بالشارع واني ما اعرف احد وين انطي وجهي

رجعت منين ما اجيت امشي مدنگة مكسورة وخايفة وين اروح المن گعدت

فرحت لبيت صاحبتي ياسمين عند اهلهة ودكيت الباب وطلعتلي ام ياسمين وسلمت علية ودخلتني جوة وجابتلي

ماي وقدمتلي عصير وكليجة

هلة برسولة خالة شلونج شخبارج ولو احنا زعلانين عليج

لاتجين ولاتسألين

هلة بيج خالة والله عذريني التهيت بالدنيا ياسمين شلونهة

والله خالة ياسمين اتزوجت بالكوت ولد قرابتنا من ابوهة

رسل الف مبروك خالة واللع عذريني جنت مشغولة

يبوي يعني حتى ما راح اتجرء واطلب يلفوني عندهم صعبة اذا صديقتي ماكو

راحت ام ياسمين للمطبخ

واني باوعت محد موجود كمت شلت ماعون الكليجة وكلبت الكليجة كلهة بالجنطة جنت اريد اامن مستقبلي ووفر الاكل ماعرف الله شضاملي وسنو مصيري بعدين استأذنت منهة وطلعت امشي وما اعرف وين تاخذني رجلية وكعدت على الرصيف رفعت راسي للسما

ربي شوفت عينك هاي اني اخذني والله ما اتحرك من مكاني اريدتسويلي حل احجي مثل الهاجرة الما عدهة عقل

كمت احجي مثل المخبلة احجي وابجي ساعة ابجي على امي ومرة ابجي اولادي احس الجبة تنگعت من منطقة الصدر من ورة الحليب

وساعة ابجي لنفسي الضاعت

جنت كاعدة وسمعت اسمي

رفعت راسي واشوف ابن خالي الي فتحلي الباب

عبالك جان يركض لان شفت نفسة سريع

وين اختفيتي گلبت المنطقة عليج

جنت ببيت صديقتي ياسمين

هاج لزمي اخذي هذا رقم اختج رفل اتصلي عليه بلكي تجيج وتاخذج لبيتهة

لان انة مابيدي شي وابوي هو صاحب الكلمة بالبيت

ويعز عليه اشوفج بهيج وضع لان مهما كان انت بنت عمتي

مشكور ماتقصر بشرني انت شلونك نجحت من السادس

ابتسم اي وانقبلت صيدلة وانشاء الله هالسنة اداوم

اخذت الرقم من عندة

ماعندي شحن بالنقال

طلع نقالة وكلي هاج اتصلي عليه

انة ما احجي وياهة

ليش

لان اخر مرة اتعاركت وياهة من سمعتهة شوست بسالفتج جانت تحجي وية صديقة الهة اسمهة سولاف وتگللهة ورطت اختي وذبيت السالفة براسهة وعرفت الصار بيج كلة من جوة راس رفل

صديگيني رحت حجيت لعمتي كل السمعتة وردت احجي لابوية لكن ابوي قافل حيل عليج لان ميت قهر على عمتي ماتت وتصيح يمة رسل بنيتي ظلمتهة

جنت ميت قهر عليج منسمعت حجي رفل مع صديقتهة وبوكتهة كلش حقدت عليهة

اتصلت على رفل وانة على اعصابي بس مجبورة ماعندي احد يلفيني منا لحد ما الله يفرجهة علية

جاوبت رفل

الو رفل انة رسل

رفل بستغراب رسل اختي

اي اختج بنت امج وابوج الضيعتيهَ

شوفي لوما الدنيا ضاربتني فلا اقترب منج ولا احاجيج بس مجبورة

گولي انتي وين واني جايتج

اني بنفس منطقة اهلي

كاعدة قرب كشك عمو نبيل

سدي النقال اني هسة جايتج مسافة الطريق

رحمة الله والديك ماتقصر اصيل يبن خالي روح الله يرضى عليك ويبارك بشبابك

ووانتظر قريب علية على ما تجي رفل وتاخذني

يبقى الولد صدك عزوة ما ينلام زامل من يگول اريد اخو لبناتي هسة هذا اين خالي اصغر من عدنا ب١٥سنة بس رغم صغر سنه لكن ما انطاه گلبه يعوفني لوحدي

اثاري صحيح الاخو والي

وصلت رفل وجانت راكبة سارة هي تسوقه وركضت علية وحضنتني حيل وشمتني واني مثل الصنم ما شلت لا ايد ولا بادلتهَ الحضن

التفتت على ابن خالي روح خوية ماقصرت رايتك بيضة

ابتسم لي يالله في امان الله

رحت وركبت وية رفل بالسيارة واني مانطقت وياهة اي حرف

رفل وهي تحجي

رسل امي توفت وتعبت من المرض والعلاج كام ما يمشي بجسمه واتوفت بعد رحيلج بخمس اشهر

وانة اتزوجت مروان وخلفت منة وبعت البيت وقسمت الفلوس بالنص بين احنا الاثنين وانتظرتج تجين وانطيج اياهة وحتى فلوس العقد مالت الاتفاق زاد منه هواي لان امي ماكملت علاجه

انتي شلونج

رسل

اني بقيت بس اسمعهة تحجي وما ردت انطق وياهة اي كلمة لان بس احجي احتمال انفجر

رسل شبيج احجي گولي غلطي عيطي ضربي صيحي بس لاتسكتين هيج

شبيج اشو شكلج كلش تعبان ووجهج اصفر

وصلنا لبيت كلش فخم

هذا بيت عيالي ساكنة بي بس عمتي وعمي مسافر ومروان لازم شغل ابو عندهم معرض مال سيارات

فمحد بالبيت

واني توضفت وابني اوديه للحضانة

تعالي نزلي

نزلت وراهة ماعندي اي شعور او اي احساس بتجاهة ما اعرف ليش حتى شعور الغضب هم ماكو

وصلت لمرحلة ان استخسر بيهة اي شعور باتجاهة

لان الغضب بتجاه شخص معناهة تكمن الة مشاعر بقلبك سواء كان كره او حقد لكن حتى هذا استخسرة بيهة وما اريد ابقي الهة اي ذكرى بگلبي

راح اخليهة مجرد وسيلة اعبر بيهة طريقي وكمل حياتي

وعدت الايام واني باقية بنفس الغرفة الي انطتني اياهة رفل ما اطلع منه ولا سملت على احد من عيالهة مرات اسمع صوت ابنهة ورجلهة وگعدت احسب اني صارلي عشر ايام من جبت اولادي حسن وحسين فدوة رحت لاساميكم يايمة

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

مرت الايام وحملي كان يكبر وصرت امشي كوة

لان بطني جبيرة حملي ثگل وكان حمل همي يكبر

جنت كل يوم بالليل ابجي شلون راح اعوف اولادي وهمة لحمة حمرة شلون ياناس ياعالم ما اكدر اتحمل صار من البجي ارتفع عندي الضغط

زامل گام ينام لوحدة بغرفة وكلش هزل من العلاج الله يساعدة

اخذتني رشا وياهة للسوك

واشترينا جهاز وملابس اطفال بالحمل مالت الملابس خنگتني العبرة وصارت غصة بصدري

ربي موبيدي يعني اشتريلهم هديمات وشغلاتهم اشم ريحتهن والله موبيدي شلون اعوفهم والله اتخبل

مسحت دموعي قبل لاترجع رشا

وطلعنا واخذت رشا الهة كم شغلة تخص جهاز العرس

رشا

كون تلحگين على عرسي وتحضرينة لان حددناه بعد شهرين وانت هسة بشهرج احتمال على ما اعرس انتي ببغداد راجعة والله راح اشتاقلج

هذا الكلام نفسة حجتة خالتي

بس اني سجاجين تكطع بگلبي يعني شنو ما كسرت خاطرههم يعني الكل مسوي حسابة ابتعد عن حياتهم واني الفطيرة كنت اتعشم ان يبقوني يمهم والله صعبة على بشر يظل يستعطوف ويتوسل شعور الانتماء لعائلة

حتى يصير فرد من افرادهم يهتمون بي ويهتم. بيهم

والله وفي ليلة من اليالي دخلت على زامل بغرفتة

زامل هلة رسولة شلونج خيرج موجوعة

رسل ببتسامة لا تخاف مابية شي بس ردت احجي وياك شوية

اتفضلي احجي

زامل انت بعدك على قرارك ان اسلم الاطفال الك باول يوم من ولادتي واتركهم

زامل عقد حوابة

هَـا رسل بدينا نلعب بذيلنا انت تعرفين كلش زين شنو جان ينص الاتفاق

اي صحيح بس زامل انت ان شاء الله ربي يشفيك والتنائج كلهة تبشر بخير يعني ماتحتاج تخاف على اولادك اروح واخذهم بعد موتك وخلينة نبقى متزوجين منين تخاف بعد

زامل رسل ترة كلامي عن تقدم حالتي الصحية والعلاج الي جاي اخذة يأخر انتشار المرض بس مايعالج هذا كلة كان كذبة اختلقتهة

انتي شتحجين ترة هذا كلامي جان كلة علمود امي وابوي وبناتي يتطمنون لان نفسيتهم كلش تعبت من ورة الخوف علية والتفكير اسراء بنتي حتى مستواهة هبط من ورة الخوف علية

هو صحيح المريض يعاني لكن اقربائه وناسة واهله راح يعانون ويحسون بالالم اكثر من المريض نفسه

فانتي يا بنت الناس انطيج اياهة من الاخير انة ما دايم

ماانكر ان انة حبيتج والله الشاهد لو الله كاتبلي عمر ما افرط بيج لكن لان احبج فلازم اتمنالج الخير ففتحي صفحة جديدة من حياتج وعيشي حياتج من جديد وتزوجي انتي تستحقين رجل شاب يصونج وبعمرج يتفهمج مو بكد ابوج بكدي

رسل تحط ايدهة على حلك زامل

لا زامل لاتگول هيج انة اموت اذا ابتعد عن اولادي صدگني اموت ما اتوقع راح اكدر استمر بحياتي واعيش واني اعرف ان تركت وراي جهال صغار بعدهم لحمة حمرة حشاك الجلبة ماتسويهة شلون راح يتحمل گلب الام الي بداخلي

زامل ببتسامة

تتعودين وتكبرين وتنسين

هسة مو هاي سهير شوفيهة شحلاتهة ماتعرف الله وين خالق بناته

لا لا اني مو سهير لك اني عشت طول عمري مكطوعة من شجرة وجان حملي من واني صغيرة اكون لي عائلة واحميهم واهتم بيهم شتحجي انت سهير ماتعرف طعم العائلة لان شبعانة من الاهل والاقارب والاصدقاء لكن اني ما الي احد

ففاقد النعمة هو اكثر حرص عليهة من المتبطر

واني احجي حسيت اكو تقلص قوي من اسفل ظهري وامتد لبطني اني صكيت سنوني

واتبعهة صقوط كمية ماي كلش كبيرة من بين رجليهة اني هنا اتخبلت

زامل الحكني ما اعرف

زامل وبصدمة وخوف

ظلي بمكانج لاتتحركين

رشاااا رشااا يمة يمة

ضل زامل يصيح بصوت عالي واجتني عمتي ورشا يركضون

واتصل زامل على جراح

الو جراح الحك المرة تطلك وانة لوحدي ماعندي حيل

والله دقايق واجة جراح يركض

وركبنا بالسيارة وعمتي وعمي وياي وزامل ورشا ورانة بسيارة ثانية واني بس ارجف احس بالالم كام يزيد وصلنا بسرعة للمستشفى واخذوني دخلوني جوة بعد الفحوصات امرة الدكتورة ولادة طبيعية لان عندي توسع

واصلة كلش حالتي ماتتإجل

والله اخذني لصالة الولادة واسمع السسترات ادفعي اي عفية دفعي

وبعد كل معاناتي واجو احلى ثنين تشوفهم عيوني

حسن وحسين

مثل ماكان يحب يسميهم زامل

كنت كلش تعبانة وماحسيت على روحي من نمت وراهة بساعات كعدت لكيت روحي بالمستشفى لوحدي

بالسرير واجة الممرضة ضربتني ابرة كالت انتي

فقدتي دم هواي

عفية حبوبة اولادي وين اريد اشوفهم

الممرضة شنو اسمهم حتى اجيبهم الج

اسمهم حسن وحسين

بعد فترة رجعت الممرضة

حبيبتي كاتبيلهم خروجية وماخذينهم للبيت لعد شعجب ما طلعوج وياهم يعني حالتج ماتستدعي ان تبقين بالمستشفى

بلحظة سمعت حجي الممرضة اني

غصيت بالحجي يعني صفيت بالدهر لاوالي ولامعين

يعني صدمني تصرف زامل واهلة. يعني هيج جانو مستعجلين حتى يتخلصون مني

ماجان مبين عليهم ان عندهم هيج گلب بارد وياي

يعني شنو راح يخسرون لو خلوني يمهم كم يوم اشبع شوف من اولادي ولكم الله واكبر بعدني نفسة خضرة اباوع على البنات الي وياي بالردهة اهلهم شلون حايطينهم بالرعاية ويوكلونهم ويكومونهم ويغلسولهن

بس اني باقية لوحدي حتى مايمي كلاص ماي

يعني جان سووهة لله واعتبروهة صدقة او شغلة انسانية

كانت صدمتي بزامل واهلة اكبر من صدمة فراق اولادي

يعني كنت عايشة بكذبة طول هاي الفترة اسمع كلام من عمتي اذا رحتي راح اشتاقلج ورسا نفس الكلام يعني بنو عواطفهم وياي وكأن خدامة بعقد وياهم من تخلص فترة الخدمة تطلع من حياتهم هذا حالي وياهم مو مشكلتهم انة اتعلقت بيهم وحبيتهم مثل اهلي صحيح حسيت على تعامل خالتي وياي برسمية شديدة وعبالك خطار هو اني صحيح خطار

بجيت من الالم الي داخل گلبي وبجيت من الوجع مابعد الولادة اريد وحدة تعيني حتى اغسل وابدل ملابسي ماكو

ليش ماشفت مرة جبيرة فراشة تشتغل بالمستشفى وطلبت منهة تعيني گالت خالة كلهة زلم برة بس خلي تخف الرجل حتى ادخلج اسبحج لان الدم واصل لظهرج

ربي اني مسني الضر وانت ارحم الراحمين

يبو الايتام ناخيتك يتيمة ومالي احد ترة عاندت وياي دنياي وما لگيت واحد للوعد وفاي

والله راحت المرة واني ايست منه گلت هاي حلت وخلص دوامهة ونستني

بعدين شفتهة دخلت علية واخذتني بالعربانة ودخلتني بالحمام وكعدت تسبحني ومالعبت نفسهة وتحجي

خالة انتي وين اهلج شلون يعفون ابنية صغيرة لوحدهة بالمستشفى لامرافق وياهة شلون مايصير اني بس ابجي صوبنتني وغسلت جسمي ونشفتني لان جنت جايبة وياي جنطة مالت ملابس الي ولبستني ملابسي وحتى جابتلي من عندهم حفاضات تگول يوزعون بالمستشفى على المريضات

هي تلبسني واني ميتة خجل والله موقف عمري ما راح انساه ولا راح اسامح زامل

ليش هيج يسوي بية

كمت اريد ارجع للسرير حسيت بقفدان توازن

لاتخافين يمة هاي لان جايبة ستوج وفقدتي الثكل فماجاي تتوازنين

خالة عفية كلش جوعانة الله يرضة عليج حتى لو بس خبزة شي اسد جوعتي بيهة

ياسودة علية خالة جا شنهي وين هلج كاعدة وية يهود

ولج خاف مسويتة بالحرام

لالا خالة والله متزوجة واهل زوجي اجو وياي

بس اخذوا بزري وراحو

اجت المرة جايبة وياهة خبزاية وطماطية وكلاص جاي

خالة عذريني بس هذن جوة ايدي وانتي الله يحفظج ما حجيتي من وكت جان ظميتلج من اكل المستشفى وجبتلج بس هسة تالي الليل لا اكو محل مفتح ولا اكول واحد واوصي ويجيب

هي انطتني الاكل واني دست علهم دوس والله اطيب طعم ضگتة بحياتي لان جنت بوقتهة حيل جوعانة

حسيت بصدري گام ينمل ويدر

من شفتة كام يدر كمت ابجي مثل المخبلة والوب من القهر وتذكرت اولادي

كامن يوجعني

يمة وليداتي تعالو خل اشمكم واحطكم بحضني واضمكم يمة اريد ارضعكم واهودكم

تعالو يمة تعالو صدري در وحن عليكم اشوجنكم يايمة جوعانين اني سامعة اذا در الثدي وكرصني معناهة ابني جواعان يمة سودة علية جعتو وامكم مو يمكم ربي حرگة گلب والدة رجعلي بزري لحضني ارضعنهم وامشم ترافت عطرهم والمس ايدياتهم راح انجن

بقيت ابجي طول الليل

كعدت الصبح وكعدت شوية على حيلي

كمت اكدر اگوم لوحدي

جنت جوعانة اريد ريوك شفت ام جايبة رويك لبنتهة كلشي جايبة ظليت اباوع الهم وهمة ياكلون اتمنيت تجي هاي الفراشة مالت الليل حتى اوصيهة تجيبلي اكل اي شي حتى لو بسكت وعصير ما اعرف ليش هيج الجوع جاي يغزي معدتي يمكن لان صدري يدر حليب

احس بصدري صار صخر من الحليب ونوب كعد يخرز

وصخنت ما اعرف شصار بية اجت الدكتورة انطتني علاج

خطية هاي المرة الي جانت توكل بنتهة جايبة كومة اكل وفواكه وعصاير واباوع لبنته تتدلع ما تشتهي

ونوب شفتهم جابو الاطفال لامهاتهم يرضعونهم واني الغصة تكسرت بحنجرتي

اخ ربي الهمني الصبر ما اريد اوصل للجزع ربي امتحانك صعب وحملة ثكيل علىً جتافي

انتبهت علية المرة واقتربت مني خالة ماشفتج اكلتي شي من گعدتي لحد هسة اهلج وين

ترة انة منتبه عليلج لان جنت جاية من الصبح اباوع عليج كلساعة تعاينين للباب شفتهة جابت ماعون بلاست بي كباب باقي من بنته ما اكلتة كلهة وكم قطعة من الفواكه وصمونتين ووعلبة عصير

والله احس الله سخرهة الي لان بس هو اعلم بداخلي وبحالي الهي مدبر الامور دبر امري ويسره ولاتعسره

ونزلت على الاكل فد نزلة والله اذا اگول ايدي گامت ترجف من الجوع تگلون هاي تبالغ

يعني من الخبزة مالت الليل ولحدة ثاني اليوم العصر يالله دخل شي بمعدتي والله ينطي هاي المرة الصحة والعافية

عمي الله مايكطع ببعبده

نمت وراتاحيت لليل الساعة ١٢يالله كعدت

وشفت نفس المرة الجبيرة الفراشة

هلة خالة وينج الصبح ماشفتج

خالة احنا شفتات اني دوامي يبدي من ورة اذان المغرب للصبح مناوبات

والصبح غيري تجي بنية اصغر مني مسؤلة عن نظافة الردهة كولي يمة محتاجة شي ترة انة مثل امج

من عاشرت اهل البصرة واختلطت بناسهة

عرفت عنهم شغلتين رجال ونساء

اول شي همة صاحبين كرم موطبيعي

والثاني صاحبين نخوة ويحبون يساعدون الغريب بدون مقابل

بس طلعو من عندهم بيت زامل

وگامت المرة واخذتني للحمام وهالمرة امشي على رجلية بس على كيف

وهلمرة اني غسلت لنفسي احس الالم شوية خف

شفت المرية جابتلي صابون رگي وملح بحر

شوفي هذا جبتة الج وياي من بيتنا محد يفيد بتنظيف رويحتج بس هذا الصابون والملح يلمج لم

ترة هاي الخرابيط مال الغسولات والمراهم كله كلاوات

ابتسمت على كلامه كان مثل نسوان قبل

ولو هي وحدة منهم اخ الله صدك مابترك عبدة احمدك

اكلج يمة تعشيتي لولا لان من اجيت شفتج نايمة

لاخالة ما اتعشيت بس مرية حبابة انطتني اكل العصر

لايمة هذا موكافي انتي نفسة لازم تتغذين على العموم سويت حسابج وجبتلج من اكل المستشفى حافظة شوربة عدس وخبز وباكيت عصير برتقال

خالة شنو همة يوزعون اكل

لايمة مايوزعون بس مالت الموضفين

جابتهم واكلتهم والحمدلله شبعت وضميت علبة العصير بالجنطة وية البرتقالة والتفاحة الي انطتني اياهم اليوم المرية كلت كلشي يصير يفيدوني

صاحتني المرية وگالت خالة انتي الظاهر صرتي زينة واحتمال الباجر يكتبولج على خروجية لان مايصير تبقين بعد شاغلة سرير اكو مريضات اولى بمكانج الشاغلتة

خالة اتصلي على اهلج يجون ياخذونج

اجتني فكرة اتصل على زامل اخر محاولة بلكت الله

ويحن علية ولو هو الماحن علية واني لاحول ولا قوة ويعرفون حتى لو لفوني وبقوني مراح اكدر ااثرعليهم

لان لاحول ولاقوة

بينية ضعيفة حال ومال شكدر اسويلهم والله شفت جهازي بجنطتي وتصلت على زامل اسمعة يدك بس ما يجاوب دكيت خمس مرات وبالسادسة يكلي الجهاز مغلق معقولة غلقة هيج گلبة اسود والله ما راح اسامحة طول حياتي وخطيتي برگبتة كمت ابجي واجتني الفراشة

هَـا خالة ليش تبجين شنهو اهلج مامنهم رجة

خالة اني اهلي ببغداد مو هنا واهل زوجي وزوجي هنا بس ما يقبلون يردون على اتصالي

شفت المرة انقهرت على حالي

لاتضوجين يمة ترة انة امج وهذا شغلي بالمستشفى عدت علية هواي قصص واسوالف تشيب الطفل

گولي شتحتاجين

خالة انة غريبة بهاي المحافظة وحتى بيت عيالي ما اندلة وحتى اذا طلعت وشوفت عينج ماعندي فلوس اوصل لاهلي ببغداد

شفت المرة راحت اتأخرت علية نص ساعة واجت

گالت هاج خالة هاي اربعين الف لميتلج من الممرضات الدكاترة المقيمين وكم واحد ابن حلال من الحرس من كلتلهم اختكم غريبة محتاجة فلوس تسافر بيهن لاهله وهي غريبة ومالهة احد خطية شفتهم كلهم طلعو من حيبهم وانطوني وواحد منهم دكلي صدر گال الصبح انة اخذهة للكارج حتى ااجرلهة واحد سايق ثقة يوصلهة لبغداد

يتبع

أهُنتُ عليك؟

لاتبخلو علية في تعليقاتكم وابداء اراءكم

للكاتبةNuha-d-h

أهُنتُ عليك؟

للكاتبةNuha-d-h

حٍٍِْــًبٌٍـــٓيبتي ان شاء الله

الله يكتبلكم يصير عندكم اخو يصونكم ويدير بالة عليكم

رشا

طبعا انتي صحيح راح تسئلين ليش هيج مهتمين للولد

لان احنا هنا بالبصرة مو مثلكم اهل بغداد

انتو عندكم مساحة حرية وحقوق هواي للمرة بس احنا

هنا جدا محدودة الحرية صحيح عندنا الدكتورة والمهندسة وغيرهة بس تبقى بالمجمتع مغلق ويتحكم حتى بمصيرهة

فالاخ هو بطاقة الائتمان الي تمشي بيهة البنية بين المجتمع خصوصا بعائلتنا ماكو يصير مصيرهن لازم يتزوجن من الصغر

رسل

والله قهرني كلام رشا

خطية هذني البنات وين ينطن وجهن وهاي امهن مرعبلة

ومرت الايام واصبح زامل هو ابوي وهو امي واخوي

جان جدا حنين علية وجان يجي اليوم الي احمل بي وصار حملي ورة شهر من زواجنة

وبعدهة اشوف زامل گام يوم عن يوم يذبل گدامي

واني مابيدي شي

لكن رغم الالم زامل ابد ما تغير اسلوبة وحنيتة علية مرات اكعد اسولفلة على ايامنة اني واختي وامي

وشلون امي كسرت ظهرهة علينة

زامل -الله امج اشكد عظيمة اتمنة سهير تكون مثل امج وتصون بناتي بس اعرفه كلش زين مادبرهة وهذا عمي ابوهة نذل ادري بي راح يصرف ورث بناتي على السكر والعربدة مالتة لان لايحلل ولايحرم

انتي الله انطاكم اهل يخافون الله

لاتحجي هيج زامل طولت العمر الك

وابوك موجود وامك موجودة وجراح

صحيح بس محد دايملهم مو مثل امهم ابوي مادايم وامي مرة جبيرة هم شكد تريد تعيش وتربيهن وتحميهن وخواتي متزوجات ورشا هم ما بقالهة شي وتتزوج اخو جراح عزام

يعني برايج من الة الاحقية بالحرص على بناتي

كان فعلا كلام عزام ويوم عن يوم اگول حقة من يريد ولد الة يسند خواتة صحيح منا على مايكبر ياعونت الله بس يبقى الدم يحن

ويوم عن يوم صار زامل ما يبتعد عن البيت الجبير وصار مرة بالاسبوع يروح لمركز المدينة لبيتهم حتى بناتة يجيبهم وياه وامهن كضتهة ايفاد وسفرات عمل

وقرر زامل ان يشوف للبنات سايق حتى ياخذهم للمدرسة مالتهم يرجعهم لهذا البيت رغم بعد المسافة بس

كان هو راضي والبنات فرحانات بالترتيب

والله صرت اموت عليهن لان كلش حبابات

وخواتة يجون كل خميس واني مرات اسويلهم حلويات رغم ممانعة زامل وعمتي يخافون علية

رشا

رسل اشو ما اشوفج تطلعين او تسئلين عن السوق

يعني مثل كل البنات يموتن على هاي السوالف مالت المشترة

رسل والله عندي خير من الله وملابس كومة لكيت بالكنتور

رشا بضحك ولج هذني مالاتي واني خليتلج كم قطعة من عندي

قابل تظلين عليهن

زامل

اي صدك كلام رشا والاحظ بطنج كبرت

واخذنة زامل ورشا وابن عمهم جراج وطلعنا لماكس مول

كانت اول مرة بحياتي اطلع بيهة لماكان وراهة اخذنا زامل لمطعم كلش راقي وتعشينا وكان على حساب جراح

قبل لا اطلع لبست بنطرون وعليه مانتو عريض يجنن علية

واخذونا لمول ثاني عندهم اسمة تايم سكوير جان كلش ضخم وبي مآرب سيارت دخلنا السيارة ونزلنا لان رشا كالت ماكس مول مابي هواي خيارات الج بالملابس بس تايم سكوير بي هواي محلات تكدرين تكملين الاحتياجات

والله عبالك عالم ثاني مو طبيعي

زامل -رشا اخذي رسل وافتري انتي وياهة واني وراجح راح ننتظركم بهذا الكوفي من تخلصون اتصلو علينا

رشا

وك^_^ تٌـٌـمــام يالله رسل امشي

جراح -لالا شنو وين رايحات لوحدهم لايابة انتة ماتشوف الشباب شلون صايرين لخة ونصة صوتة وشوف مرتك راح تنوكل بالعيون دروح خل نمشي وياهن

رشا

اهو شكد معقد هسة مو زامل وياك شوفة شلون حباب

دحترمي نفسج وامشي گدام

رسل اباوع لجراح شلون كلساعة يخزر واحد

هذا شكد صعب

اخذتني رشا لLC واشتريت مناك هواي ملابس

رشا

شي اكيد انتو عندكم مولات اكثر من عندنا ومتعودين على الطلعات والمولات

رسل ضحكت عليهة من كل گلبي

اذا اكلج هاي اول مرة بحياتي اطلع تصدكين

سمعت صوت قريب علية

صدقة لهلضحكة تگول عبالك الشمس طلعت

والله ماحسيت الا الولد انزنك من قميصة واشوف جراح نايم فوكاه وشبعة ضرب واجة امن المول اخذو الولد

ومحد حجة وية حراج

زامل

زين يسوي وخليه يتربى

ورجعنة للبيت

كان جراح يسوق واحس بي من الغضب كلساع يريد يدعمنة

ومرت الايام

واتعلقت بزامل مثل الطفلة الي تتعلق بابوهة

كان يصيحني كلة بنيتي

كنت في بداية حملي وكنت اتنسة وهو ما يخلي شي بالسوك مايجيبة الي

صرت يوم عن يوم استصعب فكرة ان هذا الشخص الطيب الحنون يموت ويغيب عن الدنيا

بس ارجع واذكر نفسي ان انة ما دايمة وياه يعني حتى لو مو مريض هم بس اجيب الطفل لازم اعوفة وارجع لاهلي اني لازم اذكر روحي دائما ان هذا كلة اتفاق

لان هو لحد هسة ما يوم شفتة لمح على بقائي بعد ولادتي

دائما من يحجي عن مستقبل ابنة يكون التخطيط بس لابنة يعني مايشملني واني تحز بخاطري بس ليش ازعل

مو حان هذا اتفاقنا من الاول

اتعلمت اول درس ان ما اتعلق بشخص ما حاطني بحساباتة

وفد يوم سوة عمي عزيمة وعزم خوانة واولادهم وبناتهم يعني باختصار العشيرة كلهة على المزرعة مالتهم الي احنا ساكنين بيها

بيوم العزيمة لبست الگلبية الخليجية لونه ماروني وفوگهة حجاب جانت گاعدة على جسمي مدوزنة ومرتبة كلش

رشا

ماشاء الله عبالك فستان مو دشداشة

زامل

يالله بنيتي امشينا حتى نسلم على عمامي واعرفج عليهم هسة همة كلهم گعدو يم الشط هناك گالو نتغدة يكولون الاجواء حلوة والجو طيب

والله اخذت الحلويات الي سويتهم بيدي ورشا اخذت جدر الدولمة الي سوتهة خالتي

كانت المزرعة تصير خلف الفلة ما شاء الله شلون طبيعة تجنن وعمي مسوي نافورات تجنن وبيهة سمك زينة يخبل

وصلنا الهم اني وزامل شايل الحلويات عني وصلت الهم واباوع للبنات اكولني بعيوني

وحدة من بنات عم زامل تكلي انتي مركبة رموش

رسل. لاوالله هنة رموشي هيج من الله حتى مسكارة ماحاطة والثانية هاي شنو زعطوطة اصغر من زامل عبالك بنتة والله خرف الرجال

اجة يمنة عزام اخو جراح وسلم علية وسئلني ما اعرف وين شايفج

رسل ببتسامة اذا مستوصف مستشفى اكلك اي بس بغير مكان ما اتوقع

وظل يقلد علية شوف بنات بغداد شلون يحجون كلة اني

واني ولعد دة أگول كوووولش

اني بس اصحك على سوالفة

بس العرفتة من هذا كلة ان بيت عمام زامل مايعرفون بالاتفاق ماعدا جراح

وحسبالهم زواج عادي

صاحتني رشا حتى نفتر اني والبنات من گمت شفت جراح صار بوجهي ابتسمت وسلمت عليه

شفت هذا خزرني

هذا شبيه يخزر بية مو صوجك صوجي اني سلمت عليك

شوية اجت رسالة لرشا واباوع لرشا كعدت تگلب بعيونهة ماعجبهك جنك الموضوع

رسل

شنو شبيج

رشا هذا جراح راسل رسالة يگلي احجي وية مرت اخوج خل تستر روحهة

اني اتفاجئت شنو قصدة علية

اي عليج لان سهير مو هنا بس انتي

بالله شوي امشي گدامي

خلي اشوف ملابسج رشا بستغراب

اي ولج رسيلة ملابسج ضيگة ومخصرة جسمج جان شمرتي على روحج عباية خليجية مفتوحة استر

عمي حقة من يحجي دشفوي جسمج يجيب التايه

سمعت صوت زامل يصحني ورحتلة واخذني ومشيتا اني وياه وهو لازم ايدي وكعدنا بجرف الشط

والله اتمنى اعيش عمري هنا ماتنمل الگعدة وهاي احلى لحظات حياتي اني عشت بحرمان وعوز من اباوع عليهم شلون حلوة لمتهم وگعدتهم سوية وسوالفهم وشلون يقلدون ويصنفون كنت افتقد لهذا النوع من الالفة رعم حبيبتي امي دائما تخلق النة الجو العائلي الدافي لكن العائلة تحتاج رجال لان هو السكف الي يكمل الدفو بي

وجريت حسرة وغمضت عيوني

وخليت راسي على كتف زامل وهو خلة ايدة على كتفي

رسل

الشط شكد حلو

زامل ببتسامة على وجهة مثل ابتسامة الاطفال

تردين نسبح اني وياج بالشط

رسل متفاجئة صدك تحجي خاف عيب منا اهلك وخاف واحد يشوفنة

زامل شبيج هذا كلة النة ملك خاص محد يكدر يقترب واهلي مايشوفونة احنا معزولين عنهم بالزرع

اتصل زامل على رشا حتى تدز على مناشف رحعنا وتغدينا وخلصنا بعدهم ماصابين الجاي

شفت زامل غمز لي واشر على الشط يعني يالله خل نروح

واني بفرحة مثل فرحة الطفل اخذت جنطة المناشف وكمت

اتبعني زامل

رحنا لمكان ثاني اكثر انعزال ودخلني بالشط بس بملابسي بس نزعني الشال گلي لاتخافين محد هنا يكدر يشوفنا

وصل الماي لخصري وحسيت على زامل شالني واني من الخوف لفيت ايدي على رگبتة وخليت راسي برگبتة ودخلني جوة بالماي اني من الخوفة صرخت وهو خلة شفايفة على شفايفي كلي صوتج لاتفضحينة واني الابتسامة متروح من وجهي لان جان شعور كلش حلو

كان زامل الضحكة الي انحرمت منهة طول عمري

وطلعني من الشط وصار ثوبي لطش على جسمي

زامل وبحسرة اخ ربي شنو هذا الحسن يگولون حورية البحر خرافة اشو هاي حوريتي گبالي واكفة

جنت اشوف الحسرات بعيون زامل لان من بدة ياخذ العلاج الكيميائي بدة عندة الضعف بكلشي حتى بالممارسة

ربي يشفيه ويسلمة من كل شر لكن صدفة وطلع علينا من ورة الاشجار جراح وبسرعة دار وجه عني وانطانة ظهرة وحجة وية زامل

زامل مايصير هيج مو زين على صحتك

ولك ياخوي لو تشوف النعمة الحسيت بيهة راح تكول حقك

بس حسيت علىيه كأن داخ ولزم راسة بس كوة كمل طريقة ولفني بالمنشفة ودخلنا للفلة ورحنا على الغرفة زامل

رسل طفي الضوة اريد انام احس بتعب

رسل بخوف خاف لان سبحت بالشط

لا اصلا انة من الصبح كنت احس بتعب

ومرت الايام ودخلت بنص الشهر الخامس وطمنا الدكتور عن زامل ان اكو تحسن كلش ملحوظ بشفاءه بالعلاج والورم جاي يخف ويكاد ان يقضي عليه بالعلاج الكيميائي حتى كام ياخذ حبوب مايحتاج اشعة

وكان زامل حيل فرحان واخذني للدكتورة حتى اجيك وضعي جنت مكتفية بالاشهر الاولي اراجع بالمستوصف الي قريبة على البيت واخذ لقاحاتي بنتظام والصحة الحمدلله تمام لكن ما راجعت دكتورة تشرف على حالتي حتى خاف تصير عندي ولادة تكون ولادتي تحت اشرافه

فاليوم اخذني زامل ورحنا للدكتورة وطلبت مني بعض التحاليل واخذت سونار واحنا بالسونار گالت انتي حامل بتؤام كانت هاي مفاجئة الي ولزامل وبعدهة الفرحة الكبيرة من گالت اثنينهم ولد حسيت بساعتهة زامل بجة من الفرحة ربي شكد كريم

كانت الفرحة والضحكة تعم الوجوه لكن على لحظة اتذكرت انة الام وحامل لاثنين اولاد ولازم اتنازل عنهم بعد ماحسيت بنبضهم وحركتهم داخلي كان الشعور جدا جميل من يتحرك واحد منهم واني نايمة

لكن بعد هذا كلة لازم اسلم اطفالي واتركهم

والله شعور يمزق القلب يعني حتى الحيوانة ماتترك اطفالهَ ولاتبتعد عنهم

ربي لاتفجعني كنت بالاؤل خايفة على امي الي ما اعرف مصيرهة وين اتصل وماكو مغلق ورفل اتصل عليهةاريد اسمع اخبار عن امي همم مغلق ما استغرب لان هي كل فترة مغيرة شريحة فعادي عندهة

يارب كان خوفي على امي خاف افقدهة وهسة صار همي اولادي خاف افقدهم كنت اخاف على شخص

هسة صارو تلاثة والله توجع ضربات الدنيا

ادري يالقهر عندك اقامة وياي اشوماشفتك يوم فارگتني

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

زامل

ليش تبجين

رسل اريد امي بس متقبل تحجي وياي زعلانة

زامل وهو يفكر محتار

رسل ممكن سؤال بدون لف ودوران

اسأل

انة من طلبت اتزوج بنية كلفت اين عمي جراح بهاي المهمة ودزيت ابوي عليج حتى يجيبج لان انة جدا مشغول وماعندي فراغ

لكن العجبني

بالمقابلة الاولى الي شافج بيهة جراح هو والمحامي مالتة گال انتي سافرة غير محجبة

ودزلي الج صورة بالنقال وشفتج لابسة تنورة قصيرة وسترة قصيرة صحيح كنت ضعيفة كلش

ما انكر انتي بالحقيقة احلى من بالصورة الصورة ماناصفتج بس جراح

نبهني على شغلة ان انتي گلتي اني مخلصة معهد تمريض وانتي موضفة بالمستوصف لكن شكلج جان ابد ما يمت بصلة للوضيفة والمكان التداومين بيه يعني لبسج عبالك وحدة رايحة تعرض ازياء

لكن من شفتج دخلتي علينا بالديوان جراح هاي موالبنية الي التقيت وياهة

زامل -شتقصد جراح يعني انضحك علينة راوونة شي وسلمونة شي

جراح -تريد الصدك لو ابن عمة هاي احلة بس اشو كلش منغيرة شمسوية لروحهة وهيج متغيرة

زامل -هسة ما افتهمنة هي لو موهي

جراح-هي بس متغيرة بنت اللذين

زامل بخزرة -احترم نفسك ترة هي بحسبت حرمتي

جراح -اهوو ابو الشباب عايش الدور

رسل من سمعت كلام زامل دنكت وزاد البكاء

رسل-احجيلك الصدك وتنطيني الامان متسويلي شي

احجي الج الامان ما اسويلج شي

رسل وبغصة

اني مو نفسهة البنية الي وقعت وياكم العقد

هنا زامل انتفض وگام من السرير

شنو قصدج

رسل

الي اتفقت وياكم على العقد كانت اختي تؤامي تشبهني وهي محامية بشركة ..... قدمت على الطلب مالتكم عن طريق ابنية وياهة بالشغل لكن اختي صار عندهة امر طارئ حال بينهة وبين ان تكمل العقد لكن المشكلة كانت وقعت وياكم العقد واستلمت قسم من المبلغ وعالجت بي امي لان هي قدمت علمود مرض امي

لكن كملت اجراءات العقد بالمستمسكات مالتي وخلتني اوقع العقد بدون علمي ولا علم امي

لان هي تعرف كلش زين احنا سابع المستحيلات نقدم على هيج سالفة

زامل وبحيرة

هاي سالفة ماتنحجي يعني اختج قدمت بدون ماتاخذ رأي احد دخيل ربه شكد جريئة بس اسف ما اكدر اصدكج عذريني يعني ترديني اصدك هذا الفلم الهندي

ومنو يگول ان انتي تحجين هيج حتى تتهربين من الاتفاق

رسل وبقهر -ماعندي اي اثبات غير كلمتي

زامل

اسف يبنت الناس اني حتى ماعندي وقت اخلي سبيلج واكعد ادور من جديد على ابنية ثانية وحتى لو انتي اخذتي مبلغ مالي موهين يعني منا على ماترجعينة يكون انة تحت التراب

رسل باجفال

اسم الله عليك

زامل ببتسامة

وين لحكتي تخافين علية

رسل

لا مااتمنى الشر لاحد حتى لو كان عدوي

زامل

كومي اخذي راحتج ورحي غسلي وبدلي واليوم اخذي راحتج ما راح اباشر وياج

لان بعدج جديدة وما تعرفينني على الاقل انتظرج لحد ما تتأقلمين وية الوضع

گامت رسل وخذت الدشداشة ودخلت للحمام

زامل بأعجاب

اخ الله شنو هاي بوية جمال رباني وجسم صاروخ

هسة انة شورطني وصرت كريم وگلتلهة اخذي راحتج اليوم

هسة انة مجرد شوف عرگت

رسل

طلعت من الحمام وشفت زامل مطفي الضوة

ومبقي بس ضوة النوم بصف السرير

دخلت واني مستحية جنت لابسة الثوب الابيض

زامل ضل يباوع علية وعيونة اكلتني اكل احس كلبي كام يدك حيل

شفتة رفع طرف الغطة وكال

تعالي نامي بصفي هذا مكانج اني رحت وقتربت ورجل تطك برجل

ودخلت وياه تحت الغطة

هو قربني منة وخلة ايدة تحت راسي وحضني وگلي تعاي باباتي نامي بحضني وباسني من راسي

بوقتهة غفيت وماحسيت على روحي فعلا حسيت بالامان الي حسيت بيه واني بحضن امي يمكن هيج يكون شعور البنية بحضن ابوه

ويوم ثاني كعدني

زامل وانتبهت على روحي خالة راسي قرب رگبته وحاضنتة

گلي صباح الخير ياوردة

ابتسمت بخجل

شكد حلو واحد يصبح بهيج وجه

سمعنا صوت طرق على الباب

راح زامل فتح الباب ودخلت رواء وبيدهة صينية

صباح الخير عروستنا

اني بخجل ودنگت

صباح الخير حبيبتي

زامل

رحمة الله من زار وخفف جبتيلنا الريوك يالله راوينة عرض اكتافج

رواء بضحك مهنة خوية مهنة

اقتربلي زامل وكال كومي خسلي وتعالي تريكي

رجعت وكعدت بصفة وكعد ياكل واني مستحية شفتة يسوي لفات صغيرة ويخلي بيدي حتى اكل

واكلت

من خلصنا ردت اشيل الصينية حتى انزله لكن هو لزمني من ايدي

لا عوفيهة عندي حجي وياج

وبيومهة

من اقترب مني جنت كلش جامدة وما اعرف شنو اتصرف او شنو المتوقع من اسوي

وهو انتبهلي ماعندي اي معلومة عن الموضوع

وكعد يفهمني شرحلي بكل وعي وطمني واخذني للسرير

اني كلش استحيت من فهمني شنو اليصير بين المرة والرجال

واقترب مني واخذني للسرير گلي لاتخافين ماراح ااذيج

بس سلميني نفسج ولاتتشنجين

واني سمعت كلامة وووووووووووووووووووووو

بعدهة بيوم جان زامل جدا سعيد بزواجنة

مرات نظل سهرانين ويكعد يحجيلي عن اهلة واقاربة.

الي عرفتة ان هو وحيد لاهلة وعندة خوات اربعة الي شفتهن اول ما اجيت للبيت

وابو وامة وكال هذا البيت الي احنا ساكنين بيه مسوينا بس للسفرات والعطل واكثر الاحيان الحجي والحجية گاعدين بي يعني من اگلج سفرات معناهة العشيرة كلهة تجي هنا وكلمن جايب غداه ونروح يم الشط نتغدة لان احنا بستانة عالشط ماخذينة

احنا بالاصل بيوتنا كلهة بمركز المدينة لان اشغالنة هناك

رسل

يعني بيتك انت وزوجتك وبناتك هناك بالمركز

اي بحكم عملي اني عندي شركة ادوية استيراد الوكيل الحصري بالبصرة

وعندي شركة ثانية ببغداد نديرهة انة وجراح تجهيز مستلزمات طبية من كلشي اجهزة من ادوات بكلشي

وعندي خير من الله وبنت عمي زوجتي دكتورة عندهة عيادة نسائية وكانت معارضة زواجي بالبداية كنت اتوقعه غيرة لكن الله سلطني عليهة من سمعتهة تحجي وية ابوهة ان اذا اتزوجت راح احد يشاركه بالورث وعرفت بوقته ان هي طامعة بممتلكاتي واني الغشيم سجلت بأسمهة عقارين عمارة وبيت

والاخت من سمعت راح اتزوج گومي بيعهن

واخذي فلوسهن

واني رجعت اشتريت العقارين ورجعتهن باسمي

مرتي رعنة واعرف ان بناتي راح يضيعن من وراهة لان ابوهة حيل مسيطر عليهة

يعني اتخيلي اتصلت علية بنت الكبيرة تصير بالاول متوسط تريد ادفع اقساط المدرسة يعني هاي الفلوس كلهة وادزلهة مصرف وماصارلهة هواي من باعت العقار وتكول ماعندي فلوس ادفع اقساط مدرسة يعني هاي شلون راح اعوفهة واغمض عيوني واامن على بناتي عندهة

وهذا ابوه كاضيهة سفر للبنان براسهة و

هذا الكلام تحجي بنتي اسراء

رسل

انت كم بنية عندك

٣اسراء وعُلا وعلياء

هذني روحي من الدنيا لذلك انة متحمل امهم لخاطرهن

لكن من ضاگت على الدنيا وابتليت بمرض خفت على بناتي ماعدهن سند بالدنيا وكلت اتزوج بهاي الطريقة اضمن ان اخوهم يتربة بينهم خاف انتي تردين تتزوجين من بعد وفاتي هذا من حقج لان بعدج صغيرة لذلك كان هدفي من الاتفاق

انتي تتنازلين عن ابني

وعندي اخوي وابن عمي جراح هذا يعرف عني كلشي صحيح هو اصغر مني بس مرات بسوالفة ومواقفة احس بي هو اكبر مني يعني كافل صغير وجبير وهو جبير اهلة وعندة ثلاث خوان هو شريك وياي بالشركة مالت بغداد لكن هذا مو شغلة الاساسي بالاصل عملة شركة مقاولات معروفة

والله بعد يومين من زواجنا. كنت گاعدة وية عمي وعمتي

ودخلت علينة وحدة مرة جبيرة ولابسة نظارة طبية وكعدت تغلط وتسب وتفشر حتى على عمتي وهدت عليه رشا اجت تكتلهة لو ماعمي صاح عليه وشفتة ركضت بتجاهي تريد تهجم علية ورشا ردتهة

عرفت بعدين هاي تصير زوجة زامل

خرب حظي مامبين عليهة دكتورة ابد عبالك بياعة خضرة باللسان الزفر

وخطية اثنين من بناتهة وراهة يباوعن علية بفضول والجبيرة بقت تباوعلي وبعوينهة حجي ماتكدر تحجي لان امه هنا

والله عدت الزوبعة مالت زوجة زامل اسمه سهير

بالتوعد الي ان الا تضيعني وتوديني بتهلكة

مو على الاساس انة ناقصة ضياع فوك العندي

راحت وتركت بناتهة لان جانت جايبتهم علمود عطلة نصف السنك متعودات يخلصونه هنا عمد جدهم وجدتهم

بعد ما طلعت سهير اخذت البنات للمطبخ حتى اصبلهم غدا لان كانو بملابس المدرسة الظاهر من الحلة وجايبتهم للبست كسرو خاطري احس بيهن مثلي ظايعات بين ام غير مسؤلة وابو مريض وجاي يعد لايامة

افتربت مني اسراء وهي تبتسم

شنو اسمج

رسل

حلوً اسمج مثلج

انتي صدك راح تجيبين النا اخو ويصير النة سند ويوكفلنا ويحمينا كلما نحتاجة

منو كلج هذا الكلام

بابا گال

والله كسرن خاطري احس بيهة اكبر من عمرهة بهذا تفكيرهة وتهم بلمستقبلهة هي

أهُنتُ عليك؟

للكاتبةNuha-d-h

و

أهُنتُ عليك؟

للكاتبةNuha-d-h

رسل

وصلنا للبصرة وبالتحديد لابو الخصيب كان الوقت ليل

حسيت على السيارة توقفت

وشفت السايق نزل وداس على جرس قرب البوابة وحجة بيهة وبعدهة ركب السيارة وانفتحت الباب

ماشاء الله رغم كان الوقت ليل لكن كان البيت او بالاحرى الفلة تجنن بالاضاءة

اتجهت السيارة على الكراج يصير بصف الفلة ونزل الحجي ونزلت وراه

تفضلي بوية فوتي اعتبري هذا بينج

دخلنا واتلگتنا مرة جبيرة وسلمت على الحجي ودخلتني جوة اسمعهة تحجي وياه

يا هي هاي البنية خطية صغيرونة اهلهة شلون انطاهم گلبهم يفرطون بهيج جمال يالله دخيلك واستر على بناتنا

توصل بالاهالي يبعون بناتهم علمود الفلوس

اني من سمعت كلامهة انمردت من القهر لان الناس عليهة الظاهر

هو صح ماكو اي شي بالدنيا يخلي واحد يبيع نفسه لو مهما كان حتى لو جان السبب علاج لامه

لان اني متأكدة امي ما ربتنة وتعبت علينا وادت رسالته علمود بالاخير تجي وتبيعنة حتى تتعالج

لو كان گلب امي من هذا النوع كان من الاول سلمتنة لعمامي وراحت تشوف حياتهة وتتزوج ولاتگعد تكسر ظهرهة وتعب نفسهة علمودنا لان احنا عندهة غاليات ومستحيل تفرط بينا حتى لو على حساب حياتهة

رفل جانت حيل غلطانة بهاي السواية وعلاج امي مو مبرر يخليهة تبيع نفسهة او بالاحرى تبيعني

دنكت راسي ودخلت من المطبخ للبيت وشفت اربع بنات مترواحة اعمارهم بين العشرين والثلاثين

مبين عليهن مثقفات من ملابسهن

من دخلت سلمو علية والظاهر كلهم يعرفون بالسالفة

ابو زامل

بوية رواء اخوج زامل وصل لو بعدة

رواء لا

بابا ماوصل كال فد شوية ويجي هو وقصي وجاسم

بس يمرون يجيبون السيد ويجون

هَـا خوش بوية لعد اخذي البنية خليهة شوية ترتاح وتغير ملابسه وشوفيهة شتحتاج

رواء

ببتسامة شنو اسمج ياحلوة

اسمي رسل

شكد عمرج

عمري ٢٣

شمخلصة

مخلصة معهد تمريض

شنو بوية راح تگعدين تفيتحين وياهة محضر تحقيق

دخذيها وروحي

رواء

هههههههههه شبيك بابا غير اريد اتعرف عليهة

تفضلي منا وياي

من مشينة اني ورواء

شفت البات البقية اجن ورانة

دخلتني لغرفة كلش مرتبة مبينة بناتية وحلوة

رواء

حبيبتي رسل

اعرفج على نفسي اني رواء اخت زامل يعني راح اصير حماتج اني اصير اصغر من عندة

اشرت على وحدة حلوة صغيرة بس شوية سمرة

وهاي اختي الاصغر مني اسمهة رنا

وهاي الدبية اختي روان

وهاي القزومة رشا هاي بزر الكعدة

رشا اني بزر الكعدة ووزارة الداخلية لهذا البيت محد يكدر يسوي شي اذا ما اني اعرفة ههههههههههههههه لان الله يسلطني عليه واداوم بكلية فنون جملية

رنا وانة ان شاء اختج ام احمد متزوجة ومدرسة احياء

روان واني احد الدببة الطيبون اختج ام زينب مهندسة نفط

رسل

اهلاوسهلا اتشرفت بيكم

مبينات طيبات رغم مبين عليهم الله رازقهم من وسعه ومنعم عليهم بس ابد ولا عندهن غرور او تكبر

شوية ارتاحيت حسيت بالامان

ربي هيء من امرنا رشدا

طلعت روان ورة شوية دخلت وشايلة صينية بيهة اكل

تفضلي حبيبتي

اكليلج لگمة

رنا بضحك بس هاي المرة انخدمج ونقدملج اكل المرة الثانية انتي تخدمينا لان احنا حمواتج الشريرات

رشا دخيل ربج يا شريرات والله اذا ما الكاجن كل يوم جافتات علينة بنص البيت وتاخذنهة تفرن بيهة السوك

موستوج تحجين وية امي وتكولين اذا اجت مرت زامل اخذهة وياي للسوك حتى اجهزهة غراض

مديت ايدي عالصينية وكعدت اكل من خلصت

رشا

نزعي عباتج واخذي راحتج محد هنا غريب

ايستحيت لان اني باقية على ملابس مالت المستوصف واني متعودة البس جوة الجبة كلة كابوي جينز بوري يصير وعليه بدي نص ردن قصير وضيق ابيض مرسوم عليه كارتون بنية انمي

رسل بمستحة استحي انزع لان لابسة كابوي جوة الجبة وما لحگت اجيب وياي شي

رشا

يابة دنزعي عادي محد يجي ماعندنة احد غريب

والله فتحت الدكم مالت الجبة

نزعتة وعلكتهة على كرسي

اباوع على نظراتهن متعجبات

روان اولي يابة شنو هلعود الريان الوكف گبالي

رشا

گولي ماشاء الله لاتحسدينهة

رواء

بالله نزعي شالج خل نشوف شعرج

رنا بضحك

ولجن اشو انگلبتو عليهة رية وسكينة درتن على البنية تتفحص بيهة

رواء

لا والله بس اخذني الفضول

رسل

نزعت الشال وفتحت القراصة نزل شعري واصل لخصري واني جنت مرتبتة فبل اربع ايام من اخذتني رفل

الجائز هذا الشي الوحيد الي اتذكرة من رفل سوة وياي

روان

يبوي تجنن والله اذا شافتهة سهير تتخبل

رسل

منو سهير

شريجتج

سمعنا اندك الباب ودخلت الحجية

ما شاء الله تبارك الرحمان گمرة والله

سودة علية زامل

كون يتهنة وية هالگمرة

رشا بس انت اندعلية وربي ان شاء الله يشتفية

الحجية والله نخيت العباس ان يشفيلي اوليدي ويسلمة الي ولعائلة

رسل

في بعض الاحيان من ترى مصائب القوم تهين عليك مصيبتك

يعني عائلة تنعي ابنهة وهو عايش جدا صعبة

واقصى امنياتهم ان يخلفلة ولد يورثة ويحمل اسمة بالدنيا شكد صعبة

الحجية

يالله يمة لبسي عباية ونزلي وياي حتى تعقدون سيد لان وصلو الولد وهسة همة بالديوان

اني احيت البس الجبة

الحجية

لايمة تلبسين عباية راس

انطتني رواء عبايتهة ونزلت وية خالتي والبنات نزلن وياي

ودخلت بالديوان وسلمت عليهم عمتي واني مدنكة ولا رفع راسي بس شفت ست رجلين على مد النضر گاعدين مقابيلي

وابد ما رفعت راسي

سمعت السيد بدء يعقدلنا واني اتذكرت يوسف وخانتي دمعة ووكعت على خدي واتذكرت

ايام مراهقتي ومعهدي والتعين والطريق والتقائي اليومي وعيونة التحجي واخر كلمات كانت بينا

اي هسة لو باقي على سكوتة كان هانت علية المصيبة وان ماكو شي بينة حتى يخليني اتعلق بي

وكأنما جان بعرف ان هذا اخر حجي بيناتنة وراد يعترفلي باعجابة بية ويدز اهلة مثل جنت اتمنى كل يوم بحلمي بالليل ان يجي يتقدملي

اخ الله من وصل الحلم للباب لعندي

انذبح بعتبة الباب مثل كل حلم يتحطم والذباح دائما رفل اختي

يمة وين صافنة السيد يحجي وياج

رسل نزيت على الحجية هَـا اي خالة وياكم

اسمعكم

كمل السيد العقد وسفت اثنين كامو ووقعو ونوب اقترب الحجي وانطاني القلم حتى اوقع على العقد

اتذكرت امي

والله احتاجهة بهيج لحظة مثل كل ابنية تحتاج امه

كمل العقد

وطلعنا اني وخالتي من الديوان والبنات يباركن

الف مبروك

الله يبارك حبيبتي

الحجية

اخذيهة يمة لغرفته الجديدة

اخذتني رواء للغرفة وكانت غرفة كلش مرتبة وحلوة

دخلت وشفتهم محضريلي ملابس عروس روب نوم وشفتهم معلكين دشداشة بيضة شغل خليجي كلش حلوة

كالت هذا الحمام واخذي راحتج

حبيبتي رسل صيري سباعية ولاتخافين ترة زامل كلش خوش رجال

طلعت رواء وعافتني بحيرتي الي مالهة اول ولاالهة تالي

يعني والله اذا احجي سالفتي للمخبل ما يصدگني

كلشي ما اعرف وشنو راح يصير والله حتى ماعندي اي معلومة تخص هاي الليلة لان محد حاجي كدامي بهاي السوالف

صحيح اني دراسة بالاحياء عن كيف يتكون الجنين بس والله ما اعرف شلون بَـــاي طريقة عندي فقط المعلومات العلمية بس غيرهن ماعندي لان امي ما تطلعنة هواي واني بالمعهد هم ماجنت امشي بس وية ياسمين وياسمين مثل حلاتي مامتزوجة وحتى البنات المتزوجات مايفتحن گدامنة هيج مواضيع

يعني والله استحي اسئل منو حتى يفهمني

كمت اتصلت على امي حيرتي ما اعرف شسوي

بس امي ماردت علية شوية وصلني مسج من رفل

كاتبه

امي ماتقبل تحجي وياج وتكول بنتي رسل بالنسبة الي ماتت بعد لاتتصلين لان جاي تأثرين على صحة امي

اني هنا انهاريت من البجي من قريت الرسالة

ربي هونهة علية وفرج همي ترة ضاگت الدنيا

بوجهي وماعندي ملجاء غيرك ربي يتيمة ومكسورة

سمعت صوت الباب

احم احم

يمة يمكن هذا صوت زامل

رفعت راسي واجت عيني بعينة وظل صافن علية بتعجب واني بقيت اباوع علية بجمود من الرهبة

كنت باقية بنفس ملابسي ما غيرتهن

دخل زامل وكان شكلة يوحي عمرة بحدود الاربعين يعني اتوقع ٤٠عمرة كان مرتب وشكلة مبين عليه مثقف وكان اكو شيب قليل على اطاف شعره مامبين عليه مريض

خطية احتمال ببداية المرض بعدة

شكلة كان عندة لحية خفييفة وعيونة سود واسمراني وضخم طويل وشوية عندة كرش

اقترب مني

السلام عليكم

رسل بخجل

هلو

زامل

هذا مو سلام

اسفة وعليكم السلام والرحمة

اي هسة صحيح

رفعي راسج خلي اشوفج

رسل واني صارت دكات گلبي مثل واحد راكض وراه جلب

زامل ليش تبجين

رسل وهي تبجي

اريد امي

يتبع

أهُنتُ عليك؟

للكاتبةNuha-d-h

ا

و

أهُنتُ عليك؟

للكاتبةNuha-d-h

رفل

رسل انتي عشتي طول عمرج تباوعين بس للامام وتحسبين نفسج انتي صحيح وتقدمين الاحترام واخلاق وطاعة لماما

واشوف امي دائما تفضلج اكثر مني

لكن مع الاسف انتي وحدة انانية

ماتفكرين بمشاكل غيرج يعني امي جاي تعاني من مرضهة وانتي حتى ماحسيتي بيهة ح

رسل

ولج ماما شدخلهة بهاي المصيبة

رفل

ماما مريضة وبيه مرض خبيث وفضلت ان تسكت وماتكلج واني بالصدفة عرفت بخبر المرض

وانتي حتى ماكلفتي نفسج تسألينهة ليش هيج حالتهة الصحية جاي تتدهور

وعلاجهة يحتاج مبلغ مالي كلش هواي

فقررت اضحي بنفسي ومستقبلي وما احسسكم بالي ردت اسويه لكن مروان ضحك علية واخذ شرفي وهسة اني حامل والاتفاقية تنص على ان اكون بنت بيوت وماعندي علاقات وسمعتي ماعليهة غبار والمشكلة اني اخذت جزء من المبلغ وبلشت باول جلسة علاج لامي هذا كلة وانتي ما تدرين عنة وجاية تتهميني بالانانية وهسة منو بينة الانانية

بس ماكدرت اكمل لان اذا عرفو بسالفة حملي احتمال حتى امي مايبقوهة على قيد الحياة

فكنت احاول ان اهرب واسحبكم وراي لكن همة كانو اسرع مني وصلولج عن طريق المعلومات الي جمعوهة عنج

شوفي اني جان سقطت الطفل ورحت كملت اتفاقي وياهم لكن ماكدرت طلع الموضوع من ايدي ومروان راح يتقدملي

رسل من سمعت كلام رفل

واني كعدت بالگاع من كمية الخوف والالم والضياع الي اني بيه

رفل شلون انطاج گلبج تسوين هيج بأختج ولج ليش اني مو اختج

لاتگولين امي مريضة شتتوقعين امي ترضى بالي سويتيه

هذا مو سبب ابيع شرفي الا الشرف رفل ولو الي مثلج ماتعرف معنى هذا كلامي

رفل

اهووو هسة شتردين الموضوع انتي متورطة بي واني ما الي يد بَـــاي شي ولاتحاولين وتحجين لامي لان انتي مو بكدي وراح اكدر الوف السالفة عليج لان كلشي ضدج انتي الي موقعة بيدج وباصمة ومستلمة المبلغ المالي كلة

رسل

زين تعالي رجعي المبلغ الي اخذتيه منهم وفسخيً العقد

رفل حبيبتي الفلوس باح طارن صرفت على علاج ماما

رسل

وبقهر شوفي رفل انتي لزمتيني من الايدً التوجعني امي

بما ان هذولي الي متفقة وياهم گاعديلي بالباب

اذن ماعندي خيار غير ان اوافق عن العقد الدنيئ

الي سويتيه

والله لايوفقج

بعد انسي عندج اخت اسمه رسل بس كل الي اطلبة منج ان ترجعين تكملين علاج امي

زين ماما شنو راح اكللهة

رفل

خليهة علية ماما

زين انتي شوكت راح ترجعين

اني راجعة بالمطار نص ساعة واوصل الكم انتي روحي

رسل

رحت على امي وسلمت عليهة وبستهة وضميتهة لصدري حيل وكأنما اريد استمد منهة القوة

ماما اني طالعة اجيب النة عشا

ام رسل-لايوم عوفي العشا اني اسوي

رسل وبقهر-لا احنا ثنينة تعبانات خلي اجيب واجي ما راح اتأخر

عرفت من رحنا للمركز واجاهم اتصال ان يكملون شغلتي بسرعة عرفت الناس المتعاملة وياهم رفل ناس مو هينة واحنا موبگدهم

يعني قابلة او ماقابلة لازم انفذ شروط العقد

م

رحت وقبل لا اطلع اخذت من كنتوري مستمسكاتي وسلسلتي الذهب تكون شكلهة ناعمة وبيهة مدالية سيف الامام علي ماما اشترتهة لبستهة واني ادعي الله اني يحفظني بدرعه المتين

طلعت من البيت

شفت سيارة اقتربت مني. وعرفت هذولي نفسهم الي جانو يراقبون

نزل واحد منهم وفتحلي باب السيارة الخلفي وركبت وانة

خايفة وما اعرف شنو مصيري ووين راح ياخذوني

وصلت لنفس المزرعة الي اخذوني الهة بس هالمرة مادخلوني للبيت من نزلت كنت مدنكة راسي واني ميتة خوف ربي سلمتك امري الهي افعل بي ما انت الهله ولاتفعل بي ما انا اهله

سمعت الخال يحجي وية رجال صوتة خشن

لابس دشداشة وعگال

الرجال الملقب بالخال -ما اوصيك ابو زامل ترة البنية بنت ناس فقرة

وعلى گد حالهم ويتيمة ديربالك عليهة

رفعت راسي شفتة رجال شايب

لاتخاف بوية طلعت من اهلة تدخل ببيت اهله الثاني احنا ناس نخاف الله بس الوكت احوجنة

ركبت سيارة الرجال كانت كلش حلوة كعدت ورة السايق والرجال الشايب كعد بصفي وما حجة شي وياي غير السلام كان ويانة سايق الظاهر يشتغل عندة

المهم مشت بينا السيارة واني ما اعرف وين وجهتنا

بس ظلت تمشي بينا هواي واني نعست ونمت وراهة حسيت على السيارة وكفت التفتت شفتنا واكفين بانزين خانة يفول السيارة التفت علية الرجال گال

بوية مامحتاجة شي اجيب الج تاكلين ماي شي

اني حسيت على روحي ماحطة شي بمعدتي من الريوك وهسة الوقت عبر المغرب

حجيت وني مستحية لان اول مرة بحياتي راح اطلب من شخص غريب عني يجب لي شي

بكيفك حجي بس اكدر اسألك سؤال

كولي بوية

احنا وين رايحين

بوية جاهمة ماگلولج

لاوالله حجي كلشي ما افتهمت

والله بوية مسافرين للبصرة

شوفي بوية انتي من شكلج الظاهر محد معلمج عن السالفة

اي والله حجي محد حجالي ولا عرفت غير انتو تنطوني فلوس واني اتزوج واخلف ولد شلون؟ وين ؟منو ؟ما اعرف عفية حجي نورني الله يرضى عنك

شوفي بوية

احنا ناس الله رازقنا من وسعة حلال خير من الله وفوك حلالنا وصار وابني زامل عندة املاك خاصة بيه بس الله

بلاه بمرض واحتمال مايعيش

فقرر ان يتزوج ويخلف ولد يشيل اسمة بس

رسل وهي تجر نفس عميق يعني ما راح ازوج هذا الحجي الحمدلله ياربي

زين حجي هو يكدر يتزوج اي بنية يريدهة

اي صحيح كلامج هو يكدر يتزوج اي وحدة بس هو بالاصل متزوج بنت عمة وخلفتهة كلهن بنات

بس حشاج بوية طلعت ناقصة وجانت تحوم عليه يسجل املاكة باسمهة بس بالصدفة سمعهة زامل تحجي وية ابوهة عن بيع املاك زامل بمجرد ان يسويلهة توكيل وزامل من بعدهة قرر ان يتزوج ويجيب ولد بس كان الشرط صعب مو اي وحدة توافق ان تجيب طفل وتركة وتروح

رسل وتحس بگلبهة انعصر مجرد التفكير بام تترك طفلهة يوجع گلبي ما بالك يكون الطفل ابني والله اتخبل

ياربي شسوي

زين عمي لنفرض ان اني ماخلفت ولد شلون

عمي هو مكتوب انتي تخلفين ولد يالله يفسخ العقد يعني اذا ما طلع ولد تجربين الثاني

رسل وبخوف يمة صخام

زين عمي انت موتگول ابنك مريض

اي بوية بس احنا سوينة تأمين على الحيامن والنطف بالمركز الطبي سوينالهم تجميد

حتى خاف لاقدر الله يكون الحيامن موجودة ترة ابني دكتور ويعرف هاي الاحراءات وهو ماخذ احتياطاتة

يمة صخام الصخمني احنا وين گاعدين

بوية احنا مجبورين نسوي هية لان اذا توفة ابني ما عندة ولد هاي راح تورثة هي وبناته

شنو جاي يصير بالدنيا

اني راح تتحطم حياتي لحد البارحة جنت عايشة مثل اي ابنية بفرحة منتضرة حبيبهة يجي يطلبهة من اهله

شلون دارت بية الدنيا الاقدار وهسة اني متوجهة لغير عالم

وهسة شنو شعور يوسف من ما راح اطلع لاهلة من يجون علية امي شنو راح تگللهم

ظلت الافكار تاخذني وتجيبني والله عقلي راح يوگف من التفكير

وكفت السيارة

ونزل منهة الرجال والسايق

بوية تحتاجين ترحين للحمام

رسل

ليش هو شأكلت حتى اروح حمام اشو لاماكلة ولا شاربة

ي من الصبح

لاعمي اخذ راحتك ما محتاجة اروح

انتبهت للجنطة مالتي يطلع بيهة ضوة فتحتهة لكيت عشر مكالمات من امي وستة من خالي و١٤مكالمة من رفل

اتصلت على امي حتى اطمنهة علية لان هسة شي اكيد رفل شرحتلهة كلشي

الو هَـا يوم شلونج

ام رسل بقهر وصياح وبجي-ولج ليش هيج تسوين بروح رسل ولج يمة

رسل باعتقادهة ان امه تتكلم عن الموقف الي دخلتهة بي اختهة

رسل ببكاء-يمة والله موبيدي مجبورة

ام رسل وبكل قساوة -روحي يمة مودعة بالله بس انسي بعد عندج ام

عرفت رسل ان امه ماقابلة على تضحيتهة علمود تقدم فلوس بعلاج امه

لكن بالطرف المقابل كانت هناك مؤامرة خداع احيكت ضد رسل بدون علمها

رفل هلة يوم شلونج

ام رسل هلة بيج يمة رفل الحمدلله على سلامتج

اكلج رفل اشو اختج طلعت تجيب النة عشاء صارلهة نص ساعة اشو اتأخرة

رفل يوم اني لازم احجي وياج بخصوص رسل

ماما رسل عرست من رجال شايب غني وانطاهة فلوس حتى تدفع ثمن علاجج وهسة هي سافرت وياهة حتى

يعقدون

ما حجت لامه الحقيقة بان هي ودت اخته للتهلكة

ام رسل -يايمة اصخام الصخم وجهي منين جبتي هذا الحجي ولج بنتي ماتسوي هيج شي ولح انة مربيته واعرفه زين ماتطلع هيج طلعة ناقصة

ومنو كللهة انة اريد اعالج وهذا موسبب تبع نفسهة علمودي

والله اذا مسوية هيج والله ما راح اسامحهة

جأهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

كان المبلغ كلش ضخم ومايتفوت والشغلة سهلة ما ينرادلهة شي بس اسوي ترقيع يعني اعادة غشاء البكارة

رفل تكدرين تنطيني نسخة من العقد حتى اقرة الشروط وادرسهة قبل لا اوقعهة

صادف يوم طلعت من الشركة وشفت مروان منتظرني كبال واشوف مروان وين رايح الحلو

من شفتة خفت لا احد يشوفة خصوصا اني جنت ناوية على الموافقة على الاتفاقية ومن ضمنهة محد لامسني ولاعندي علاقات وشي اكيد الطرف المقابل راح يبقة يلم معلومات عني لحد ما يصدر موافقتة وهذا العلة شجابة الي هسة اوف

هلة مروان شتسوي جاي هنا

اجيت مشتاق

مروان گول من الاخير شرايد

اجيت مشتاق لحضنج اوعدج بس هلمرة

والله انت اكبر ناقص وحيوان نسيت من سويت سوايتك وياي حتى ما درت وجهك وشفتني شصار بية من بعدك انت مو وعدتني بالزواج

مروان -والله اتزوجج بس تعالي وياي بالشقة خل انسولف

رفل اتمنيت اروح وياه اريد واحد يطمني ويگلي اني سندج لاتخافين على امج او اختج واني يمج

صحيح الناس تتهمني بالانانية بس عندي شعور بالمسؤلية بأتجاه اهلي وكملت الكلية على حساب مستقبل اختي لكن اني اقوى منهة اختي جدا ضعيفة عكس ماتدعي للمقابل يحسبهة قوية لكن هي توأمي وانا اعرف شخص باختي

كان هدفي الم فلوس وافتح مكتب محامات خاص بية وحتى كلت اطلب من رسل تقدم اوراقهة على كلية الصيدلة وتبدي تكمل حلمه

كان هواي طموح اعالج امي وواقدملهة على الحج حتى تحج بيت الله

اقتربت من سيارة مروان وركبت وياه -اطلع بسرعة مروان

رحنا ودخلنا للشقة. شوف مروان انة ما افيدك راح اتزوج وابدي حياة جديدة فالارجو منك لاتخرب حياتي وانت هم عندك عرض والله يستر عليهم

مروان بعشق بس هلمرة واوعدج ما اقتربلج الا من انتي تطلبين مني

رفل تضحك شطلب منك اني ما اريد شي غير الامان والسند

بس الظاهر هذني الشيين جدا ثمنهم غالي

بعد ما رجعت من شقة مروان وافترقنة وشفت ماما ورسل

طلبت من رسل تعدل شوية من نفسهة خطية عمرهة ٢٣وامي ساگمتهة باللبس اليقهر مال العجايز والحواجب الثخان تكول واحدهم شوارب

اخذتهة بعد ما الحيت على امي بالگوة قبلت

من اخذتهة للحلاقة وخلصتهة طلعت مو رسل طلعت وحدة ثانية اية من الجمال ما شاء الله الخدود تفاحة والحلك عبالك مسويتلة فلر يجنن والحنك روعة وحتى ابيض من عندي لان اني مخربة وجهي من ورة الميكاب

وبية شوية حبوب

خطية كلش فرحت وظلت كلساعة تباوع لروحهة بالمراية

مامصدكة

انطيت موافقتي لسولاف وهي وصلتلهم الكلام

وبعدهة صار التعامل مباشر وية ابو الانة ايعني كل الاطراف الي كانت حلقة وصل بيني وبنهم خلصت بقة بس هذا المدير يكون عجوز اسمع موضفينة يصيحونة هلة بالخال منو يدخل عليه يگلة خال

فوقعت بموافقة مبدئية ودفع لي جزء من المبلغ وبعد اسبوع ويوقعون بس طلب مني كم معلومة اجيبهم الهة الباجر

لكن وبطريق الرجعة وجان وكت ظهر

قريب على الشركة اغمى علية جنت راجعة من مكتب الرجال صاحب الاتفاقية

اخذوني للمستشفى وبقت يمي سولاف

سولاف باستغراب اكلج رفل انتي ويامن تلعبين

رفل شنو ماافتهمت قصدج

سولاف انتي حامل. شلون حامل وتردين تفوتين بتفاقية بگد راسج تدرين هذا الرجال اذا شم ريحة ان انتي تلعبين بذيلج من وراه راح يطيرج انتي والخلفوج

رفل انا حامل والله مااعرف بروحي حامل

وبعدهة اتذكرت مروان بذاك اليوم بالشقة من اتوسل

اخ مروان

ربي اني ضيعت نفسي وراح اضيع اهلي وراي

وربي صحيح ما استحق الرحمة وانة خجلانة منك يالهي انت الرحمن ربي انة عبدك الذليل ارحم عبدك الضعيف

رحت اتصلت على مروان وخبرتة عن الحمل حسيت بي خاف

كلي اوكفي اني جاي

اجة علية وگلي سقطي الجنين كتلة جان سويتة بدون ما اجيك بس اتعدة الطفل مرحلة الاسقاط واي اسقاط احتمال اخسر حياتي وانة مامستعدة اكون احد ضحايا نزواتك

شوف تجي مثل العالم انت واهلك وتطلبتي من خالي ونتزوج العاجبك نكمل سوية اهلا وسهلا ماعاجبك كلمن يروح بطريقة بس اهم شي سمعتي كدام الناس

مروان اقتنع بالحل

بس المصيبة

الاتفاق وقعت علية واخذت جزء من المبلغ وكعدت اصرف على البيت من عندة وامي اخذت الهة اول جرعة واني ماقصرت اشتريت كومة ملابس بكل اعتقادي ان راح اتزوج فكعدت اجهز نفسي

اخ يالله شورطت نفسي فجأءة اجتني فكرة جهنمية

اخذت مستمسكات اختي رسل ومعلومات عنهة

وديتهم للرجال. ورة اسبوع من جمع المعلومات عن رسل كانت النتيجة مرضية اي طبعا لان رسل انسانة محافظة وملتزمة والناس كلهة تحلف باخلاقه

لذلك انة من هذا الجانب كلش مرتاحة واجتني الموافقة

بفترة كلش سريعة

رحت اخذت الاوراق مالت الاتفاقية ودبرت حجة لرسل حتى توقع عليهم وتبصم وطلعت عذر بان ايدي مفصوخة وعندي شغل مكتبي مهم

وهي خطية كعدت تكتب وتوقع وتبصم بدون ماتعرف ان هي توقع على موتهة

اني كانت خطتي ان اسافر لاربيل بيوم الي استلم باقي الفلوس وادز بعدهة على رسل وامي ونسافر مناك الخارج

لكن تجري الرياح بما لاتشتهي السفن

اختى رسل هسة وگعت بين اديهم والله العالم هسة شنوحالهة

رسل

كعدوني مقابيل الرجال المدعي خال

هارسل جهزتي نفسج ترة مانريد اي تقصير وتمشين حسب المتفق عليه

راح اغض النظر عن سوايتج الي سويتيهة من اتصلنا عليج وطلبناج للقدوم ورفضتي عدم قدومج بنفس الموعد فاحنا ماخذين احتياطاتنة ونعرف كلشي عنج مو حسبالج اخذتي باقي الحساب حسبالج تشردين ومانكدر نيجيبج وهاي شوفت عينج جبناج ماغصبن عليج

شوفي هسة يجي العميل الي وكلني بترتيب هاي الشغلة

تحضرين نفسج وشوفي قبل لاجي راح ارجعج لاهلج لان حضرتج بسوايتج هاي خليتي الناس تبلغ الشرطة وامج مقدمة بلاغ عنج ان انتي مخطوفة

الي راح يخبلني من بداية الاتفاقية شفتج واثقة ومسيطرة من الي راح تسوينة اشو هسة كالبتهة دراما

وهسة ترحين حتى تخلين امج تتنازل عن البلاغ وان انتي رجعتيليهم سالمة واي حجاية اهلج يتضررون

رسل من كان الرجال يحجي كلشي ما افتهمت شنو يقصد بكلامة وياي وعن اي اتفاقية يحجي

من كال من شفتج معناهة الرجال كان يتعامل وياي وشايفني وهسة وصلت الفكرة وعرفت ان رفل الهة يد بالسالفة

لازم ارجع وافتهم من رفل واعرف شمخربطة وتجي تصلحلهم سوء التفاهم الي صار همة حسبالهم اني رفل لان اشبهة بس خل اطلع

رجعت للبيت وطلعتلي امي وهي مامصدكة عيونهة ان اني مابية شي وان رجعت ورة اختطافي بساعتين واجة خالي يركض لبيتنة واني حجيت وياهم ان مابية شي جان تشابه بالاسماء وهذولي كانو من روس كبارمن قبل الدولة بس من اتأكدو مو اني اطلقو صراحي فروحي انتي وخالو سحبو البلاغ

ورحنا وكملنا الاجراءات والغريب بالامر ان الضابط ما طول بالغاء كلشي يخص الموضوع شي اكيد اجاه امر من الادارة العاليا بألغاء كلشي

رجعنا للبيت واني احس اكو سيارة تتبعنا وخالي ماحاس عليهم بس لان همة نفسهم الي وصلوني للبيت دخلت وخالي رجع لبيت

كانت امي كلش تعبانة حتى ما استجوبتني مثل ماجنت متوقعتهة ان هي ما راح تفك مني ياخة الا تعرف شصار لكن شفتهة دخلت للغرفة مالتهة والله كسرت خاطري تكول اريد ارتاح

اخذت النقال وصعدت فوك حتى احجي وية رفل

اتصلت وردت بسرعة

رفل منو رسل

اي اني رسل اختج بس فهميني شمخربطة ولج اختطفوني حسبالهم انتي

كولي احجي شمسوية وانتي وين هسة ولازم ترجعين بسرعة حتى تفهمينهم بالاشكال الي صار كليلهم هاي تؤامي

رفل

رسل شوفي اني راح احجيلج كلشي وانتي سمعيني ولاتقاطعيني لحد ما اكمل كلامي

حجت رفل لاخته كلشي حتى عن كيف اخذت توقيعهة و

رسل

انتي شجاي تحجين ولج تعرفين نفسج شمصخمة

انتي شلون تتجرأين وتاخذين مستمسكاتي وتسوين اشياء مو من حقج تسويه

شوفي هسة ترجعين وتحلين هاي الكارثة وانتي تتولين كل مشاكلج اني مالي دخل بيج ومو مشكلتي تكونين طماعة

رفل

شوفي رسل جنتو كلة تصيحوني الانانية

وهسة بهذا موقفج ثبتي انتي الانانية

ولج وين الانانية بالموضع شنو اخذلي واحد لمدة سنة علمود اخلف ولد وانطي ابني وادور وجهي ولج مافكرتي بية شراح يصير مافكرتي شلون ام تنطي ابنهة مافكرتي بية وبحلمي ان اتزوج واكون عائلة خاصة بية

اني اسفة رفل ما راح اضحي هلمرة واوافق على نزواتج اخطائج انتي تتحمليهة يكفي ضحيت بمستقبلي علمودج حتى انتي تتسلقين على حسابي

فلهنا وكافي بعد ماكو تنازل

يتبع

أهُنتُ عليك؟

للكاتبةNuha-d-h

أهُنتُ عليك؟

للكاتبةNuha-d-h

رحت لدوامي يوم ثاني واني فكري مشغولة باللي عرفتة

عن رفل واحس وراهة شي وهذا الشي كلش جبير طلبت من امي تنطيني رقم رفل الجديد لان هي الله يحفظهة اخر ايام كل يوم مبدلة شريحتهة

اني صار عندي نقال صرصور نوكيا البسيط اهم شي يفكلي عازة

وصلت عالمستوصف واتذكرت عدنا حملة تلقيح على كم زقاق التابع للمستوصف مالتنة

فحضرنا ادواتنة والجنط والصناديق وطلعنا عبالك عندة حرب الجهال من يشوفون شكولنا عبالك شايفين ملك الموت ويبدي الرفس والدفرات واحدهم عبالك جاكي شان

جنت اني وزميلي وياي بحملة التلقيح وجاي نشطب على البيوت العدنا ونشوف بعدلنة شكم بيت

شفت سيارتين وحدة جبيرة عالية سودة مظللة وحدة بيك اب بيهة مسلحين احنا انخطف لونا اني والبنات وظلن يعيطن والمسلحين على فد صوت منو بيكم اسمهة رسل محمد

البنية اشرت علية واني ظليت بس ارجف من الهبطة ماعرف احجي صوتي ماكام يطلع

سئلني انت رسل محمد

اني هزيت براسي بمعني اي

سمعت الي بصفة حجة وكال اي هي نفسهة الي بالصورة بس هاي محجبة

جوابة الثاني مو الاخت حسبالهة ماراح نعرفهة من تلبس حجاب يالله ياحلوة راوينة شطارتج وصعدي كدامنة بالسيارة

يمة عزة العزاني

لا ما اركب شنو تردون مني ما اعرفكم خطية لاحظت زميلي طلع نقال وراد يغافلهم حتى يتصل يطلب النجدة

ليش ما واحد من الولد انتبهة علية وضربة بالاخمس مالت السلاح على ركبته ووكع الولد بالگاع والبنات ظلو يعيطون والله بوكتهة كطرة دم مابية والثاني من شافهن يعيطن رمة طلقة ليفوك وخرعني سكتن لابالعباس الطلقة اللاخ احطهة براس وحدة بيكم

يمة تعالو لحكو علية كعدت اراجع بذاكرتي اني شمسوية معقولة ضربت احد ابرة واتسمم من وراي

شفت الجامة مالت السيارة السودة نزلت وشفت وراهة رجال عندة لحية بيضة ولابس ثوب اشر للولد گلة شمنتظرين دسحبهة ودخلهة للسيارة حتى لو متقبل

رسل بصريخ

لالا ولك وخر. شيل ايدك عني لا اكصهة و

ظليت اصرخ اريد واحد يفزعلي ماكو وجروني كدام الناس وشمروني بالسيارة البيك اب وحركت السيارة بكل سرعتهة وراهة السيارة السودة وانة ميت الف حسبة ببالي

يارب معقولة هذا الولد الي تقدملي هيج سوة لان رفضت الزواج هاي اسوء الاحتمالات لان احنا ماعدنا عداوة وية احد ولاطلابة

بعدفترة حطو شي اسود على الراسي بالقران اذا ما راح اموت من طلقة فراح الموت من الخوف

ربي يتيمة ومالي والي اوكفلي ربي راح اضيع والله اضيع وظليت بس ابجي وكعدت اتخيل امي شراح يصير بيهة وهسة شي اكيد وصلهة الخبر دخيلك يارب

والله امي تموت اذا درت يمة وخالي خالي من غير كلشي يحاسب علصغيرة والجبيرة ربي وكعت بيد ناس مخافوك

حجيت وية الولد الكاعد بصفي همة ثلاثة اثنين نزلو واسحبوني للسيارة وواحد يسوق

رسل -عفية الله يستر على عرضك رجعوني لاهل والله يتيمة واعثر

الاول -ههههههههههه جا من تعرفين هيج جاشوداج للنار

جا كعدتي ببيتج عند امج

لو تعلبن وبعدين تتمسكنن

رسل هذا شجاي يحجي مافهمت عليه

سمعت الثاني

بس عودك شنو والله عمي خوش يدور حاتات

الاول-اكل تبن وسد حلكك

هاي ماتخصنا تخص الباشة

عزة عزة هذا شجاي يگول صخام

حسيت على السيارات وقفت بعد مدة سير ساعة اني كمت احسب الدقايق واسمع الاصوات حتى خاف الله وكتبلي عمر جديد واشرد منهم اروح للمركز واشتكي عليهم وانطيهم المعلومات

حسيت واحد لزمني من زندني وجرني ونزلني واني اعت

بيدي قوي

شيل ايدك عني لابالقران اطيح حظك

الاول -والله عمي نجرة

الثاني -هسة هاي الباشا يفرح بيهة

الاول -اخ والله محظوظ

ياباشة ياصخام هذولي عن شنو يحجون

يارب اوگفلي بمحنتي ربي مالي غيرك وما اعرف هذولي شناوين علية

دخلوني حسيت ببنسمة هوة باردة دخلونا للبيت كمت اتسمع واحس البحوالية اريد بس اعرف اني وين وسمعت باب انفتح ودخلوني وشوية اندك باب لاخ وسمعت صوت خشن

ادخل

دخلوني دفع لان جنت امانع واعت بروحي منهم بس هيهات حلم افك نفسي منهم

سمعت الصوت الخشن

هَـا هي هاي جبتوهة

اي عمي

بالله شو ارفع لغطة من على وجهة خل اشوف

رفعة شفت گبالي واحد على ميز مكتب وجان المكتب راقي عبالك مال مسؤل

وجان وجهة اسمر وهو ضخم وعندة شوارب

سمعتة وعيونة سود شرهة ما ارتاحيتلة

ماشاء الله خوش قطعة

شنو ياحلوة جهزتي روحج

رسل عزة هذا مبين يعرفني

ام رسل -اجاني اتصال من رفل بعد ما طلعت رسل للدوام بساعة ونص

رفل وهي صوتهة مفزوع

-يمة رسل وين

ام رسل-يمة بالدوام ليش

رفل-يمة هسة تلبسين عباتج وترحين تاخذين خالي وترحون تيجبون رسل من المستوصف وتجون بسرعة

يمة ماعدنا وكت

ام رسل زين بس فهميني شصاير

رفل يمة سوي الاكلج عليه وبعدين اشرحلج شصاير

ام رسل سديت التلفون من رفل وركضت على عباتي لبستهة وعفت الباب مالت البيت حتى ماقفلتة من الخوفة رحت لاخوية ما لكيتة لان جان بالشغل اخذت وياي ابن اخوي بصف الرابع عام ورحنا وصلنا للمستوصف شفنا سارتين مال شرطة وناس ملتمة اجينا ندخل ماقبلو يدخلونة ووراح ابن اخوي بطقص عن الاخبار رجعلي

خالة يكولون خاطفين ابنية من الموظفات وضاربين واحد براسة وهسة الامة مگلوبة جا. شلون اشو جاي اتصل على رسل ماكو شبكة يطلع الجهاز مغلق

بالله خالة روح گللهم بتنا هنا ونريد نتطمن عليهة

والله شوية واجاني ابن اخوي يركض مفزوع

ولج لحكي عمة طلعت رسل الخاطفنهة

واني افترت بية الدنيا ووگعت بالكاع ما اعرف شصار بس لكيت كم بنية من البنات اعرفهم زميلات رسل بالدوام

هاج خالة شربيلج شوية ماي بللي ريكج

ام رسل -يا ماي يمة يا ماي من عساني شربت سم

خالة بنيتي شجرة عليهة

البينة والله خالة جاي يحققون ويانة الشرطة ولحد هسة مانطونة نشدة والولد الي انضرب على راسة كعد يوصف لهم هو والبنات اشكال الي خطفو رسل

اجة علية ضابط وكلي

خالة خالة انتي والدة البنية المخطوفة رسل محمد

ام رسل وهي تبجي -اي يمة انة

الضابط-خالة تفضلي ويانة للمركز نحتاج نثبت اقوالج بالتحقيق بس عدنا كم سؤال

اجة اخوي يركض علية

هَـا ام رسل شنو شبيهة رسل

خوية ابو احمد الحك علية خطفو رسل

الضابط خالة تفضلي ويانة

ررحنا وياهم للمركز ووبعد السين والجيم شهود العيان كالو الخاطفين عندهم معرفة سابقة وية رسل هذا ما استنتجهو شهود العيان حسب كلامهم

رجعنا للبيت واني الحسرة والقهر راح اموت من القهر

على بنيتي الي ما اعرف اراضيه وين انشدمن عليه يارب يتيمة ومالهة احد

رجع اخوية لبيتهم الي بصف بيتي وظليت لوحد الوب وين انطي وجهي

وتذكرت فجاءة اتصال رفل وطلبهة المفاجئ رجعي

زين رسل شمعرفهة بهذولي

بتنتي واعرفهة ماعنده شي

ام رسل -الو يمة رفل لحكيلنة اختج خطفوهة

هذا الجنت خايفة منة عزة العزاج يارفل والله راحت اختي بالرجلين كلة من ورة ايدي -هايوم شبيهة رسل احجي خوفتيني ترة

سوت نفسهة ماعندهة علم لان والله اليدري بسوايتهة يذبحوهة

ام رسل وهي تبجي - ولج اختج انخطفت ماعندج عرف

انتي ليش اتصلتي علية وكلت روحي بسرعة لرسل وكلتي بعدين افهمج احس بيج عندج علم بالي جاي يصير باختج

رفل- لايوم بس جنت حلمانة حلم كلش مو زين برسل جنك وهي بالدوام يصير عليهة حادث وكعدت مفزوعة واتصلت عليج لاتنسين هي تؤامي واحس بالي يصير بيهة بس يمة خاف شردت وية واحد

ام رسل -ولج يمة رفل بنيتي واعرفهة من البيت للشغل ومن الشغل للبيت لاطلعة ولاماشية

رفل

اني رفل خريجة كلية قانون ومثل متعرفون ااني واختي توام متشابهين بس هي اجمل مني لان اني جدا ضعيفة والضعف مخرب على شكلي

بس تصرفاتنااطباعنا كلش مختلف اني طموحة جدا لكن رسل قنوعة فلذلك مرت السنين وهي على حطتهة ماتغيرت

واعرفت ان الطموح يحتاج فلوس يالله تحقق الاهداف

وعليهة قررت استغل الزبائن الي يجونة للشركة اشوفهم كلهة روس كبار اول ايام جانت بنية زميلتي بالمكتب واشوفهة بين يوم ويوم مغيرة سيارة اومشترية سلعة ذهب او يجي واحد للمكتب يجيب الهة نقال حديث من خلال مراقبتي الهة عرفت دربهة وصخ اني احب واحد اسمة مروان من ايام الكلية وهذا وحيد اهلة وحالتهم المادية زينة فوهمني ان هو يحبني وميت علية

فديوم اخذني للشقة مالتة وكعد يتحارش بية هو ما يعتبر تحرش لان اني جنت اعرف الي تطلع للشقة وية ولد نهايته معروفة واخذ يغريني وانتي خطيبتي وبمثابة زوجتي ومن هذا الكلام الى ان سلمتة نفسي واخذني

وخسرت اغلى شي عندي هو شرفي

فالبنية جانت تعرف بقصتي وكعدت تقنعني ان اطلع وياهة للشقق هاي تكون تابعة للروس الكبار

بس ماقبلت لان من جانت تطلع وية واحد منهم تغيب ورة الطلعة اسبوع وترجع بس لو ايدهة مجبسة لو عين زركة

افتهمت ان الشغلة موبس شغلة وتنطين نفسج لا وانما اكو سادية بالموضع

فكنت ارفض رفض قاطع بان اخطي هيج خطوة

صحيح الي تطلع وياهم يغرگونهة بالفلوس تغرك بس الهة سلبياتهة

وفديوم واني راجعة للبيت شفت امي جانت دايخة وواكعة باب البيت كمت اخذتهة للمستشفى وبعهدة حولنة لدكتور اخصائي المهم بعد الاجراءا والفحوص الروتينية عرفت امي عندهة مرض خبيث بصدرهة

وماحجت النة اني عرفتهة بالصدفة

وماحجيت لرسل

شفت امي يوم عن يوم تذبل گدام عيوني

واباوع عليهة ماگامت تراجع الدكتور على حالتهة لان اعرف الحالة للمادية زفت

ويحتاج الهة كومة فلوس علمود تعالج

بس ربي ترضاهة احنة ماعندنا غير امنا ليش يصير هيج بينا

رحت وبكل تمرد وطلبت من البنية كان اسمهة سولاف

تحدد لي موعد مع زبون

رفل

ليش مافد يوم سولاف حجتلي عن شغلة عجيبة

سولاف -شوفي حبيبتي ادري بيج بحاجة الفلوس

واجاني عرض من زبون بس شروط الاتفاق غريبة يريد بنية بنت بيوت محد لامسهة يتزوجهة لمدة سنة وتجيبلة ولد وتنطي الولد الة وترجع لحياتهة وكأن شيئا لم يكن

رفل-يمة هاي منو التنطي ابنهة

صعبة والله

سولاف -هسة دسمعي شكد المبلغ

من ذكرت رقم المبلغ اجة يغمى علية

كالت اذا هسة وافقتي هسة وقعي على ورقة استلام الفلوس ورحي عالجي امج لان ماعندج وكت

اخذت المبلغ ورحت بوقتهة اشتريت غراض للبيت وامي فرضت عليهة العلاج بس كان الكل ينصحني اسافر بيهة للبنان حتى هناك تاخذ الاشعاع العلاج الكيميائي اضبط

أهُنتُ عليك؟

للكاتبةNuha-d-h

يتبع

أهُنتُ عليك؟

للكاتبةNuha-d-h

بعد

الجدال الي صار بيني وبين رفل

حسيت برفل ظلت تلوب ماتعرف شتسوي

يوم ثاني اجو بيت اهل يوسف ودخلت امي علية للمطبخ

الام-يالله ماما رسولة عدلي حجابج واخذي الصينية ورحي قدميلهم

رسل واني گلبي مثل الطبل وبس ارجف-دخلت ولازمة بيدي الصينية وكعدت اسلم وقدمت الهم

المرة الفضولية هم جاية وياهم فوصلت لعند يوسف اقدملة ورفعت راسي

وطاحت الصينية هي والعصاير

سمعت صوت من وراي امي تصيح -الله الله غدة الشر غدة الشر يعني طرد الشر

رسل

هذا يا شر والولد هذا ما اعرفة هذا مويوسف

عزة العزاني بس لاجان يقصد يخطبني لهذا الولد

يمة هذا حتى يخوف هو وكرشة شكبرة

شفتة اكلني اكل بعيونة وتندمت على الملابس الي جنت لابستهن جنت ضاربة دقلة لابسة بطرون جينز كاحت وعليه بدي مخصر مسوي جسمي مثل جسم العارضة (كايلي كارداشيان )

بعدهم ماطالعين شفت الولد عيونة نطت علية من وكف ورحت دخلت جوة شفتة كام يمسح بالعرك

من طلعو

ورة خمس دقايق اتصلت ام يوسف كالت الولد رجع متخبل عليج ويكول لوهيج مرة لو ماكو جنهة صاروخ

رسل-ماما انة ماموافقه على الولد

الام-ليش يمة مبين عليه خوش ولد وابن حلال

رفل -اي يمة كالت ماموافقة لاتجبريهة

الام-انتي سكتي ماعليج

رسل بس فهميني ليش ماموافقة

رسل-ماما شكلة يخوف وكرشة شكبرة ترة مو لهدرجة انة

جبيرة حتى استعجل بالزواج

رفل-لاحبيبتي بعدنا صغار هو كلة على بعضة عمرنا ٢٣

الام-ماما اني اريد ازوجكم حتى من اموت مرتاحة مأمنة عليكم

رسل ورفل-طولت العمر الج يمة

اتصلت بعدهة ماما على اهل الولد ورجعتلهم الخبر بالرفض

يوم ثاني اني كنت مثل كل مرة اروح للمستوصف مشي وجنت متعودة البس كلة جبب استرلي لان مرة وحدة لبست تنورة اجة خالي لامي ظل يحجي يكللهة ستري بنتج فضحتنا بالمنطقة

زين رفل مو هالتلبس لو بس اني من البس اصير اافظحكم

ام رسل-لا حبيبتي رفل مو مثل جسمج رفل ضعيفة فمن تلبس ماتلفت النظر

بس انتي ماشاء الله جسمج ريان ويلفت ويطيح الطير من السماء

رسل -هههههههه شدعوة يمة لو الشاذي بعين امة غزال

ام رسل-لايمة والله اخاف عليكم شعندي غيركم بهالدنيا

رسل ومن يومهة اني كمت البس كلة جبب بس ملونة

واليوم من طلعت لبست جبتي والشال كالعادة بس كان الشي الجديد اني حافة وجهي كلشي ما اخلي على وجهي امي ماتقبل

من اجيت اطلع صادفتني امي

ام رسل-بالله شو تعاي هاي شمصخمة بوجهج

رسل -شنو ماما شبيج خوفتيني شبيه وجهي

ان رسل وتلزم كلينس بيدهةوتمسح وجهة-ولج عبالي حاطة كحل بس هاي يمكن لان حافة بارزات اكثر عيونج

رسل بضحكة -والله يا يمة عليج سوالف بالله هسة شحجي وياج بنية طول بعرض حتى اطول منج وكاعدة تمسحين بوجهي دتعاي شوفي البنات صغار بالمتوسطة لاطشات وجهن بالمكياج

رحت وعفتهة واتذكر سالفتهة واظل اضحك

بس الغريب بالامر من جاي امشي بشارعنا احس العييون علية عبالك تكرص بجسمي وبوجهي وشفت من بعيد يوسف كاعد كالعادة ويصلح بسيارة بالفترة الاخيرة فتح محل من بيتهم قطع غيار وتصليح سيارت بعد البحث والتمحيص عرفت ان يوسف مهندس ميكانيك

شفت يوف ويمة نفس الولد الي اتقدملي البارحة اني بسرعة دنكت ودستلهة حتى اعبرهم بسرعة

لكن الصدمة كانت واضحة على وجه يوسف من شافني

دخلت للمستوصف وصديقتي منى شافتني

ولج رسل هاي شمسوية نافخة شفايفج هاولج

اجت الفراشة الي تنضف المستوصف كالت ماشاء الله خالة رسل طالعة تخبلين اليوم

رسل وتذكرت رفل اختي من خذتني للصالون قبل يومين

خرب يعني الحفافة والتنظف يبدل الجهرة وغيرهة

المهم ما احجيلكم من بعدهة ازداد توافد المعجبين عالمستوصف من ضمنهم يوسف بس هلمرة اني جدا زعلانة على يوسف لان خذلني وصدك كمت ابيع براسه هلمرة ثكل لكن حسيت بي يريد يلمحلي واني ابد مو مثل كل مرة من اشوفة وية امة اكوم بيهم بالصلوات وافرح بيهم لان كلش انقهرت من عرفت بي هو ما خالني على بالة وان هاي الحركات الي جان عقلي التعبان يوحيهة للحب طلعت كلهة وهم جنت خادعة نفسي بألاوهام

يوم ثاني حسيت على رفل كلش انتكست حالتهة وتعبت لكن كل ما اسئلهة تكول مريضة معدتي

وبيومهة اجت رفل لامي

رفل-يوم حبوبة عدنا ايفاد سفر لاريبل اني وصديقاتي ومديرة القسم فدوة لطولج يمة قبلي والله راح اموت كلهة البنات تطلع وتسافر وتتونس الا احنا وحتى الله من يريد يرحمنا احنا كبل نسد باب الرحمة يعني سفرة وبلاش وامان ليش ماتقبلين

امي جانت ذيج الايام خايفة على صحة رفل فقبلت ان

تخضع لطلبهة وحضرت رفل ملابسهة وكالت رسل ديري بالج على ماما

اني ما راح اتأخر

بعدهة اني طلعت الصبح للمستوصف

وشفت يوسف اجة يمشي وراي

يوسف-رسل

رسل-نعم يوسف ليش تابعني

يوسف -رسل ممكن طلب

رسل -انة مو مرتبطة ولا اريد ارتبط بَـــاي واحد من جماعتك واتوقع ماشاكيتلك علمود اتزوج

يوسف-لوك لوك لوك ولج شنو ماطور اريد بس احجي وياج اكلتيني بكشوري

شوفي هنة كلمتين انة اريد اخطبج توافقين لو لا

حتى ادز الوالدة

رسل يمة لو ما شارع جان ذبيت روحي بالگاع من الفرحة

رسل بخجل-ما اعرف اسئل ماما

يوسف بضحكة -هسة صارت ماتعرفين واسأل ماما هو انة راح اتزوج منو مامة لو انتي

رسل بضحكة -لا اني

ابتسم -على العموم اني اليوم راح ادز الوالدة تجي تشوفج

رسل-يوسف شنو الغير رايك وخلاك تجي تخطبني الك والبارحة جنت دازلنا صديقك يتقدملي واليوم انت

يوسف وبصدق-جنت اعمى واثول ان هذا الجمال كل يوم جان يعدي علية وانة مامنتبه

وصلت للمستوصف وكان اليوم عندنا حملة لقاح والباجر لازم نطلع على البيوت

رجعت للبيت وشفت ماما واكفة عالطباخ وجاي طبك التمن والريحة واصلة للجوارين

يمة شنو اليوم مطبك برياني دجاج

اي يمة سويتة ثواب لابوج لان اليوم خميس ثواب للموتة

الله يرحمة اكول ماما وين رفل اشو لحد هسة رجعت من الدوام

-رفل سافرت اليوم لاربيل

رسل -رحت فتحت الكنتور وكعدت ابدل ملابس انتبهت على الكنتور مهوس كگالبتة كلاب ست رفل

فبالصدفة فتحت باب الكنتور مالتهة اتفاجئت ان رفل ناسيتة مفتوح ماقافلته واجت عيني على جنطة غريبة ماشايفتهة

دنگت عليهة وفتحتهة اتفاجئت شفت بيهة كومة فلوس وموجود على صفحة شدتين ام ميت دولار

هاي شنو هذني منين اجن وشسون بكنتور رفل

كمت اخاف على امي وعلى نفسي من افعال رفل بعد ماجنت اخاف عليهة هسة انگلب الوضع اكو شي مو مريح

سديت الجنطة ورجعتهة لمكانة وقررت من ترجع رفل ادز على خالي واگعدة هو وامي واحجيلههم السمعتة من لمى والفلوس الي شفتهة

لان سالفة رفل ما ينسكت عنهة

يتبع

أهُنتُ عليك؟

للكاتبةNuha-d-h