تحميل رواية «الابواب الخمس» PDF

#الابواب_الخمس

البارت الخامس والاربعون /الجزء الثاني

للكاتبة Reem

انا المفطوم بسموم العرابيد

يعلمني الغشيم اعله الحياية

مرات اتّشلبه الناس ع الناس

اهم شي عدهم يصعدون باية

وعدهم عادي كلش من يطيحون

لأن طاحوا بما فيه الكفاية

يونس : مردت ادخل لان عرفت بيها جوه بس اصدقاء مرتضى مقبلو اله يزفوه ودخلو للبيت وزحمه ماادخل وياهم وهم أكد على البنات يوكفون على صفحه وبدون شعور عيوني دورت عليها صار سنتين مشايفها وجان تصير عيني بعينها

ناي : عفت كل الهوسه الداير مدايرنا وركزت على حوراء ويونس منظرهم يگسر الگلب كل واحد بيهم يسولف بعيونه وهو بعد امتار عن الثاني مصار اي تقارب او كلام او حتى سلام بس شى واحد صار وهو اثنينهم عيونهم دمعت تلالي وتقاوم لتنزل الدمعه وتفضح الموجود بلگلوب بعيونهم واحدهم يشكي للثاني عن حاله وعن الصار بيه بعد هاي السنوات لحد ما حوراء دارت وجهه وبعد مباوعت على جهه يونس تقربت منها وحطيت ايدي على جتفها ردت تحس هي مو وحدها واني حاسة بيها وبألمها

باوعت عليه ونزلت دمعتها ومسحتها بطرف ايدي وهمست بخنكه وشاورتني

حوراء : شوكت انروح

ناي : اخابرلج مهدي يجي ياخذج لان لازم اروح وياهم للزفه

حوراء : ياريت غلطت من اجيت اليوم

ناي : ليش ياعيني غير تغييرين جو

حوراء : ليش المفتوح جرحه ويرشون عليه ملح ينكاله هااا تأذيت

ناي : اووف عساها بحضه وبخته الگسر بختكم

حوراء: خابريلي مهدي ماعندي رصيد اخابره

ناي : طبيت للغرفه هوسه ومزيقه وخابرت مهدي كال اني قريب منكم وجاي اخذها

ناي : شعجب قريب

مهدي : مرتاحيت لروحتها وياكم بس مردت اكسر خاطرها كلت بلكي فض كلشي واجي اخذها

ناي : بعدهم مخلصانين وهم لازم نزف مرتضى وبان لبيتهم

مهدي : دقايق واني يمكم واذا هوسه اني اصعد وانزلها لتخليها تنزل وحدها

ناي : ماشي

طلعت من الغرفه وكتلها اشرت براسها

حوراء : شوفته رجعتني لذكريات ماردتها تطلع لان حرام عليه شكد ميكون عبدالله موزين ويايه ومأذيني مااريد اتحمل اثم افكر بيونس بس الگلب دوم يفاجأنه ويسوي شغلات تأذينه مكدرت يجمعني مكان بيه رغم هواي ناس موجودين بينا بس حسيت اني وياه وحدنا دموعي اتوسل بيها لتنزلين بس خانتني ونزلت ردت اطلع وماالمح الانسان الوحيد الحبيتة وأذيته بنفس الوكت

ناي : جماعه مرتضى طلعو حتى ينزلون العرسان واحنا هم ننزل

عمشه :بلخير والتمام يمه انه مابيه حيل اروحن وياكم اضلن هنا انتظركم ضاله يم ام حسن

شرهب : عموشه تعاي ويانه نشبعج فر بلكي نلكالج عريس ونزوجج

عمشه : بيج خير عرسي ماضاله بايره ومكابله اخيج عفنتي يمكموعه

شرهب :باقيه على گلبج مااتزوج

عمشه : يااا والغسل ضلي چاانه شلي غرض اريدن فريخ يفرح گلبج وانتي مسودنه ضاله اطوردين من مجان لمجان اكلج هذا ابو الفخيتات ماجان رايدج وينه صفه الدهر بيه

شرهب : فضحتيني عمووش اسحبي بريك واسكتي

عمشه : الزلمه شرد بروحه العزيزه چا منهي يعاشر وحيده ملكوفه مثلچ

شرهب : يمعودين امشونا لك مرتضى ماتريد نزفك اليوم

مرتضى : زفوني مااريد العشا

ناي : ماطول هيج يله زفوه دك تلفوني شلته

مهدي : وينها خلي تنزل

ناي : راح تنزل فدوة راح ادز وياها سيف لان لعبها لروحي بس اركض وراه عينكم عليه

مهدي : خوش بس بسرعه قبل لتصير هوسه اكثر

ناي : يله حوري اجه مهدي واخذي سيف وياج عينج عليه ما اتأخر

حوراء : يله عمه امشي ويايه

مشيت وصلت قريب الباب صرت كباله

وتجاوزته ونزلت مكدرت اسلم خفت ترجع تخوني عيوني وتبجي

باوعت عليها وهي تنزل مردت اعوفها وحدها شوفتها اليوم گلبت گياني كله ورجعت كل خنكه وشهكه واني بحصرت شوفتها

ناي : يويو يله حبيبي خلي انزل مرتضى وبان مضل وكت

يونس : ليش راحت

ناي : غلطت من جبتها ردت اعدل مزاجها گلبت حالها وفوكاها انت شوف شگلك اتغير كله وبين عليك الالم اجاها مهدي خلي ترجع للبيت ويله ياروح اختك ورانه واجب نأدي

يونس : ماردت شى غير تصير من قسمتي والله ماطلبت شى جبير

ناي : كلمن وقسمته الله يكتبلك بت الحلال الداوي جرحك واطيب خاطرك وتراعي الله بيك وتروح تعب العمر الهدك

يونس : معناها كعد تحجين عنها لهذا مراح اشوف هذا اليوم

ناي : عافني وراح لمرتضى يبتسم ويحاول يبين للكل كلشي ماكو

بان : اخذني من ايدي جنت مااشوف زين اخاف اوكع لان وكت دخول جماعته نزل البركع والكبوس على راسي

مرتضى : ابد لتشيلي

بان : مكعد اشوف راح اوكع

مرتضى : اني لازمج واذا وكعتي اشيلج ياريت توكعين

بان : ابتسمت وكمشت ايده حيل نزلت وفتحو باب السياره جانت سياره حديثه مال ولد صاحبه وطلب مرتضى هو يسوق صعدت بصفه وناي وشرهب وامي ويايه ليوره

ويونس راح يه اصدقاء مرتضى بسياراتهم واخذ بلال وياه دخلنا استديو اخذنا صور وطلعنا متأخرنا الطريق كله يركص وشرهب تهلهل متكدر تهز لان طريق امي ساكته وكل شويه اندار اريد اشوفها الكاها تبجي

وصلنا للشقه اصدقاء مرتضى مقصرو ركصو لمن ملوو وهلاهل الحبيته بأن مرتضى فرحان وياهم صعدوني البنات

شرهب : اليوم يومك يابطل

ناي : لزمت حلكها اششش ايااج تكمليها

شرهب : ماكو احد بعده مرتضى ويونس مصاعدين غير أدي الواجب

ناي : واجبج وصل كفيتي وفيتي

بان : اضحك على شرهب واني انزع الكبوس

شرهب : اي عيني فرحانه حبيب الگلب صار الج

بان : تحجي على بيبي وهيه لسانها متبري منها اكثر من بيبي

بديعه : بلخير يمه

بان : حضنت ماما شبيج عفيه ليش تبجين

بديعه : من الفرحه احبيبة عشت وشفتج عروس تخبلين وفرحانه الله يكتبلج السعاده والرضا

بان : بوجودج بست ايدها وراسها

ناي : يله شنو ناوين تباتون يمهم

بديعه : ديري بالج على نفسج يمه مثل ماوصيتج

شرهب : لتوصين حريص عمه خافي على مرتضى منها

بان : نايه اخذيها فدوة

شرهب : معجبج كلامي لان صحيح تدرين جان امنيتي ساهره موجوده وصلوح يبوو جان زركنج سحر خلنج تلبسين البدله بلمگلوبي

بديعه : ياستار هو هذا شى ينذكر

شرهب : غير ذني الحبيبات وحده عمتها والثانيه خالت رجلها ونسوان عمامها كرت عينج على هذا النسب الحلوو

بان : ههههههه شوفي مال اضوج مااضوج اليوم فرحانه لدرجه اريد اكمز واهلهل واركص

شرهب : وشنو اللازمج شوو تعاي

لزمت ايدها وخليتها تكمز واني اهلهل الها واصفك وناي ويايه انفتح الباب

مرتضى : شسويتي بمرتي عفتها امانه يمج ربع ساعه اجي الكاها تدبج شويه ويوكع السكف علينا

شرهب : غير فرحانه بيك

مرتضى : ينطيكم العافيه ماقصرتو يله بره مااشوف وجهه وحدة بيكم حشه عمتي احنا نطلع وهي تبقى

شرهب : اشتغلت اللواكه

بان : خطيه عوفهم متونسه وياهم

مرتضى : اني اونسج حبيبي

شرهب : بدت الحموضه اترخص اني

بديعه : شايف كل الخير ابني الله يرزقكم الذريه الصالحه

شرهب : باتي عمه هنا اكيد تعبتي شيرجعج واغمز لمرتضى وهو صار نار يريد بس نطلع

بديعه : امشي ام لسان نترخص يمه ضلت يمكم العافيه امشن

بان : انسد الباب علينا هنا بديت اوعى اني وحدي ويااه

مرتضى : شطالعه تخبلين

بان : عجبتك

مرتضى : تاخذين العقل شووو

بان : لزم ايدي وافتر كدامه

مرتضى : احمدالله انطاني مره مثلج كلشي بيج احبه تعالي شوفي غرفتج شسويت بيها

بان : دخلت للغرفه لكيت فرشه العرس كلها نساتل الي احبهم

مرتضى : تمنيت اجيبلج ذهب الدنيا وافرشه على فرشتج بس تعرفين الحال وعلى ايدج بس كدرت اخذلج هذا

بان : طلع علبه من جيبه فتحها بيه محبس كلش نازك فرحت بيه وكأنه جايب كيلو ذهب

لبسه بيدي وباسها خجلت حييل وسحبت ايدي

كعدنا على الجربايه وكعد بصفي

مرتضى : اكو سؤال محيرني ولازم اليوم اعرفه

بان : سؤال شنو

مرتضى : اكثر من مره شرهب تبسمرني عود انتي تحبيني ومره عمه خوله قبل متروح كالت متلكه وحده تحبك بكدها دير بالك عليها شنو قصدهم

بان : هااااا ماقصدهم شى كمت افرك بيدي بلبدله من التوتر

مرتضى : اكو شى مااعرفه

بان : هزيت راسي لا تقرب مني باس خدي وكال

مرتضى : بروح ابوج انتي قبلتي بيه لان ابن عمج وعمه وبيبي رادوج اليه لو اكو شى ثاني

بان : ماكو اي شى ثاني

مرتضى : حلفتج بروح ابوج

بان : كمت اعض بشفتي كون تنفتح الكاع واختل بيها من الاحراج والمستحه

مرتضى : احجي ليش قبلتي بيه رغم اكو خطابه قبلي وضعهم احسن من وضعي بان اكو شى بگلبج اتجاهي قبل مااخطبج

بان : ليش تسأل عفيه هسه اتزوجنا وصرت الك المن تحرجني وبهيج يوم بلذات

مرتضى : احجي وريحيني انتظرت هوايه حتى اسألج وجهه بوجهه مردت اسألج وادورين عذر وتنهزمين وتسدين الموضوع

بان :لهاي الدرجه شايل هم

مرتضى : مو هم اريد اعرف اكو انسان يحبني لهاي الدرجه

بان : حسيت بكلامه يعرف شى اخاف يونس كايل اله بقيت متردده احجي وبقى يحلف ويتوسل تالي زعل وكاام لزمت ايده

بان : وين رايح

مرتضى : ادخن بره ضجت شويه

بان : تعال اكعد سحبته بهدوء وكعد بصفي وميباوع بوجهي حيل ضاج مني همست بكل خجل احبك وفتحت عيني على حبك انت اول حب بعمري اندار وابتسم وكال

مرتضى : من شوكت تحبيني

بان : اني ومراهقه

مرتضى : خرب عشيرتي وماادري كولي احجي عطسي

بان : شون تقبلها وكرامتي

مرتضى : من احتركت ابو الكرامه بله اتزوجت غيرج انتي تزوجتي

بان : جان عندي ايمان برب العالمين بأن هو اعرف بمصلحتي وجنت دوم اطلبك منه وكلت اذا صرت اليه تحقق حلمي واذا مصرت معناها اكو شى موزين وبعده عني جنت راضيه بقدره

مرتضى : جنتي ترفضين شكو واحد يتقدملج

بان : هزيت راسي ب اي

مرتضى : شكد تحبيني الله عليج كولي خلي فرحتي تكمل

بان : حبيتك لدرجه ماطلبت بعمري شى من رب العالمين غيرك

مرتضى : شون مشفتج شون مشفت الحب بعيونج هيج اني غبي بس لا انتي دوم تتعاملين ويايه برود ماكو اي ردت فعل او حركة تجذب الانتباه

بان : مااكدر احسسك صعبه عيب بحقي احبك وروحي بيك بس يوم متريدني بقناعه ومحبه مو تنقهر عليها وتستخطيني

مرتضى : لعد الله شكد يحبني لان حضيت بيج

بان : اني الي يحبني وحققلي امنيتي المستحيله حط راسه على صدري وحضني صوته تغير مثل الواحد يستنجد بواحد ويريد يبجي بحضنه

مرتضى :خليني دوم بحضنج وحسسيني بحبج ماكو بعد كرامه بيني وبينج اريد شكوو نقص عشته بعمري اكمله وياج بان الله عوضني بيج انتي من اليوم عائلتي كلها مرتي وامي وبنتي وصديقتي

بان : وانت تحبني

مرتضى : اعشقج واعشق كلشي بيج ومن عرفت انتي تحبيني كمت الليل ماانامه اريدج بحضني اريد اشوف عيونج شون تاكلني من المحبه

بان : منو كلك الله عليك

مرتضى : يونس كال تحبك من هي وصغيره ردت تفاصيل منه كال كلشي مااعرف غير شغلات بسيطه

بان : اشتعلت يونس شون يحجي هيج وشوكت حجه

مرتضى : قبل مده مو هوايه شافني اضحك واسولف وياج ومن سديته كال شتحس اتجاه بان كتله حبيتها هاي البنيه تجبر الواحد يحبها

جان يكولي خليها بعيونك واياك بيوم تأذيها البنيه صبرت سنين لتخليها تتندم على حبها الك دوخني ولحيت عليه لحد محجالي

بان : لعد ليش مكلت من البدايه يونس حجالك ضليت تحاول تجر لساني

مرتضى : ردت اسمعها منج عيدي بداعت مرتضى عندج شكد تحبيني

بان : ههههههه هااي بعد يوميه تعيدها موو

مرتضى : اطب واطلع اسألج مصدك مجذب اكو وحده تحبني هيج حب شكد بخيت اني كوولي شكد تحبيني

بان : تقربت بهدوء منه وتجرأت بسته من خده وكتله

امووووت عليك مرتضى انت دنيتي وكل حياتي

مرتضى : يبووووووو يروحلج فدوة مرتضى وعشيرته

بان : قبله بسيطه تجرأت على وضعها في خديه كانت مفتاح ليليه مملؤه بلحب والهيام

كل شى لمساته همساته قبلاته جرأته اروع من الخيال

فتحت عيني الصبح واني نايمه بصفه واكول بداخلي الْحٍمَدٍ للـّہ ربي من جبرت خاطري

واتزوجت الانسان الاحبه وبلطريقه الي اتمناها يارب ادمها نعمه عليه واحفظة اليه

ناي : رجعنا لحياتنا عمه وبيبي وبلال بقو يم يونس مؤقتاً بين ميشوف تالي سالفه البيت الي افترت حيه عليه

غراض بيت كربلا باعوهن وسلمو البيت وبس الملابس والشغلات الضروريه جابوها

شرهب بعدها يمي وانضافت حوري وياها ينامن بغرفه سيف اني كلش متونسه وياهن وبنفس الوقت يساعدني بسيف والبيت

لان الحمل خفيف صحتي تحسنت وبقيت ملتزمه بلعلاج وكل ماالزم سبحه السيد اقراله الفاتحه

ايام الامتحانات صعبه لان تخرج وشرهب هم ذبت حيلها بلدراسه حتى تنجح وحوراء استلمت البيت وسيف وكل مااكول الها اكعدي تكول مااريد اكعد حتى لا افكر وانمرد مرات ادخل عليها الكاها تباوع بصور بتها وتشهك من البجي حيل تأذت الايام الي عاشته جبال متحملها شكد نحاول نشغل وكتها ومرات نضحكها بس شغله بسيطه ترجعنه للمربع الاول وترجع تبجي

حوراء : مانزلت لامي ولا وصلت ولا عبالك جوايه بلطابق الارضي من نفس البيت كل يوم يفوت عليه واني محرومه من ماسه اكرهه امي وخالي لان شافو حالتي ومحد اهتم بشعوري اما مهدي من يومها وهو يأذي واجبه لامي من مسواك وادويه وبس حتى مينزل يمها وذاك البيت ماوصل ابد

لحد مااجه مهدي وكال خالي اشتره بيت وراح يشيل من بيت جدي لان كاعدين بيه

يعني مراد يكعد بهذا البيت عود ميريد فضل من مهدي الوضع بينهم تخربط حيل اني مردت هيج ردت اعيش مرتاحه ومحد رادلي الراحه

استلم مهدي بيت جدي وقرر يبيعه حتى يشتري واحد ثاني بغير منطقه ويشيلون بيه لان البيت الكاعدين بيه ايجاره غالي حيل المن يدفع ايجار واكو بيتين الي بديالى وبيت جدي القديم

البيت الي بديالى امي مقبلت تبيعه ولان ضمن بيت خوالي بقاه على حاله وباع البيت الثاني

ناي : بدلت الصبح حتى اجيب النتيجه مالتي جنت خايفه حييل لا دور ثاني وهم اكعد اقره

شرهب : خابرينا عود موتنسين

ناي : ادعولي جيبي التلفون على الشحن بسرعه

حوراء : ان شاء الله ناجحه ونفرح بيج مهدي وين

ناي : طلع يمعوده مدري شعنده خابرت خط شرهب يوديني بكروه

حوراء :اكيد شغله مهمه توكلي بالله وطمنينا

ناي : البس الشال مالتي واندكت الباب

حوراء : رحت افتح الباب حطيت شال على راسي ونزلت فتحته واشوف يونس كبالي

يونس : صباح الخير

حوراء : صباح النور

يونس : ادك على ناي وشرهب ماكو

حوراء : فوك مخبوصات

يونس : اجيت على ناي اخذها للكليه

حوراء : تفضل

يونس : لا مشكوره بس صيحيها اذا مصارت زحمه

حوراء : صعدت واني ارجف شون مصباح يربي

ناي اخوج جوه

ناي : يونس خير ياستار

حوراء : لتخافين كال اخذها للكليه

ناي : يافدوة لعمره معافني

شرهب : والله اگلب الدنيا اذا مراح ويايه للنتائج

ناي : انتي مو كلتي صديقتج تستلمها

شرهب : غيرت رأي يجي ويايه لعد بس ويااج وينه وخرن

يونس : صعدت متحملت جريت جكاره ورثتها وادخن اروح واجي مااريد اشوفها كل متفوت الايام وارجع يجمعني موقف بيها اتخبل حتى لو موقف بسيط

ناي : صباح الخير حبيبي شجابك

يونس : ذبيت الجكاره غير اليوم اريد افرح بتخرجج

ناي : واذا مو ناجحه

يونس : ناجحه متأكد

شرهب : اذا مرحت ويايه للنتائج ماارجع للبيت واعيش يم ناي

يونس : كولي صباح الخير لسانج ماخذ على التهديد

شرهب : تجي مالي علاقه مو بس لناي

يونس : صاار يله نايه على برد الهوا فد شويه تصير تنور

ناي : والخط راح يجي

يونس : لعد نروح وياه ونطي الكروه

ناي : احنا نحجي طبك ابو الخط وصعدنا وياه وصلنا

اول مره يونس يجي ويايه للكليه اباوع شون مرتب وملابسه جديده ومزين اني الي افتخر بيه مو هو

وصلنا لقسم التسجيل ودخلنا شفت بنات ويايه بلمرحله صديقات دراسه سلمت عليهم وعرفتهم على يونس بقينا كلنا واكفين بحدود الساعه ونسولف تمنيت يكول هاي حلوة هاي عجبتني اشكال البنات فاتو سواء اعرفهم والي من غير مراحل ابد ولا يمه تكول ولد يتمشون مو بنات

اخذت النتيجه وطلعت ناجحه من الفرحه ردت احضن يونس

يونس : جان فضحتينا

ناي : اخويه قابل غريب نجحت ممصدكه

يونس : اني الي ممصدك اختي تخرجت وصارت عدها شهاده

ناي : كله بفضل الله وفضلك

يونس : وبفضل تعبج رفعتي راس اخوج اليوم وماضيعتي تعبه الله يبارك بيج ويرحم امي ويسكنها فسيح جناته لان خلفتلي اخت مثلج طيبه وحنونه وسباعيه مانزلت راس اخوها بيوم

ناي : شون اريد احضنك بنص الكليه واعيط واكلهم هذا اخويه

يونس :اي خوش ويصورونا وينزلونا بلفيس

ناي : لو شرهب تسويها

يونس : مااروح بيوم التخرج وياها لو توكف على تك رجل هاي مخبله كلشي يطلع منها

ناي : هههههه اي والله

يونس : خابريهم وبشريهم

ناي : حرامات عندي اثنين مقبول

يونس : المهم نجحتي

ناي : الف الْحٍمَدٍ للـّہ والشكر

يونس : هديتج العصر توصلج

ناي : انت احلى هديه بلدنيا اني احسد روحي لان عندي اخ مثلك كافي معفتني وحدي اليوم

يونس :اني هذا اليوم صار انتظره سنين شون اضيعه مني

ناي : الله لايحرمني منك ومن حنيتك

خابرت البنات فرحتهم ورجعت للبيت توسلت بيونس يدخل كال مااكدر

شفت سياره مهدي بلباب انقهرت ليش لعد مااجه ويايه دخلت للبيت فتحت الباب واشوف ميز بلنص وكيكه وحلويات ونفاخ وباقه ورد حمرة جبيره تجنن

يعني اليوم مااعرف منين الفرح يجيني هم نجاحي وفرحه يونس بيه ومنا مهدي سوالي مفاجأه

مهدي : اليوم مرتي صارت خريجه

ناي : حضني وباسني من راسي

ناي : زعلانه منك ليش مااجيت ويايه

مهدي : ردت اسويلج مفاجأه معجبتج

ناي : كلش تجنن بس لو جاي ويايه احلى

مهدي : يونس قام بلواجب

ناي : زين شمدريك انجح

مهدي : على القرايه القريتيها جنت متأكد تنجحين واذا منجحتي عادي ناكل الكيك والحلويات ونعتبره احتفال بمناسبه صحتج تحسنت وعلى الدور الثاني اعيد المفاجأه الج

ناي : تسلم حبيبي

شرهب : احنا هنا ياايها القوم الكافرون

حوراء : حياتي الف مبروك النجاح

ناي : بست البنات جنت حيل فرحانه متوقعت مهدي هيج يسوي ويفرحني

انطاني الباقه ريحتها تموت وياها لبسني سوار جبير وثگيل ذهب ترس ايدي

حوراء : احنا مجبنا شى اطلبينا

شرهب : هم عايزه تريد هديه المفروض هيه تجيب النا

ناي : والله صحيح تعبتو ويايه وخاصه شوشه تحملتني هوايه وشالت بيتي وابني بمرضي

شرهب : شسوي اكسب بيج اجر

ناي : تعااي حقيره وحضنتها حييييل وبستها

شفت حوراء واكفه تبتسم بقهر سحبتها وحضنتها انتي هم اختي حالج حالها

مهدي : اليوم نخلصها حضن كصو الكيكه خلي اشوفها طيبه لو انضربت بوري بيها

ناي : صورت الميز والباقه والهديه يله كصيت الكيكه صار الكيك والحلويات ريوك النا

مهدي مطلع وبقى بلبيت وسيف يلعب يمنا جنت حيل محتاجه لمتهم داير مدايري بيهم تكمل فرحتي

وللعصر اجه يونس ومقبل يدخل مخابر على شرهب ونزلت اله انطاها هديته وكال هاي مال التخرج

فتحتها تراجي ذهب

شرهب : اي عيني اليوم الهدايا كلها ذهب

ناي : وانتي من تتخرجين هم نجيبلج

شرهب : موت يحمار الحك امشي على عكازه وسنوني توكع يله اتخرج

ناي : باوعت اكو شى ثاني بلعلاكه ايطار مال صوره حجمه وسط مغلف فتحته واشوف صوره متسوايه فوتوشوب بيها صوره امي بلنص وصورتي وصوره يونس وصوره شرهب مجموعات واحد بصف الثاني بصوره وحده اني شفتها لو طكيت بجي حتى شرهب صفنت على الصوره

جريت تلفوني وخابرته

ناي : عفيه هااي منيلك الصور

يونس : عجبتج

ناي : فوك متتصور

يونس : وليش تبجين

ناي : شون سويتها

يونس : ماعدنا صوره اربعتنا سوه لكيت عند بيبي صوره لامي قديمه واخذت صوره اليه وصور الج ولشرهب قديمات رحت لولد اعرفه يفتهم بهاي السوالف كتله سويهم صوره وحده وجمعنا سويت نسخه اليه ونسخه الج ونسخه للمشعوذه اليمج ادزها من تنجح

ناي : احلى هديه بحياتي كلها

يونس : والترجيه

ناي : لو مجايبها الصوره كافيه

يونس : هاي ذوق عمه بديعه

ناي : مااعرف شون اشكرك

يونس : صيري زينه ورجعي مثل قبل بصحة وعافيه هذا افضل شكر اليه

ناي : تمنيت احضنك هسه

يونس : لوما حوراء موجوده جان كتلج تعالي باتي انتي وشرهب يمنا

ناي : اجي زياره وارجع

اخذت التلفون شرهب وحجت ويه يونس وعدها بهديه لخاطر تنجح

وبعد يومين استلمت نتيجتها وجاب الها ساعه هيه رادت والصوره مرادت تكلفه بشغله ذهب وكالت من اتخرج غصبن عليك تجيب حاجه ذهب زينه

شرهب : بليل وصلت رساله من رقم مكتوب بيها

مبروك النجاح كلمتين خلتني ابتسم لان اعرفهن من عبدالرحمن مجاوبت وشمرت التلفون وجفي على وجهي ونمت

واكفه الدمعه بعيوني واني اشوف شرهب تلم بملابسها تريد ترجع للبيت تعلمت على وجودها ومجرد افكر هي مو يمي تنعصر روحي

شرهب : قابل مسافره يمعوده كلها ربع ساعه واني يمج

ناي : تعلمت عليج

شرهب : خلي الرجال يرتاح بله حوري اخته اويلي عليه اني موزين منه هاي الفتره كلها متقيد من ورايه

ناي : بلعكس والله هو هم يكول تعودت عليها

حوراء : واني بعد المن اشكي وتخفف عني

شرهب : اكو اختراع اسمه تلفون ومجاني البرامج خابري ونجرش للصبح

حوراء : تعاي عود

شرهب : اجي قابل اطير

اضحك وياهم عادي بس اني ميته قهر ومااظهر هذا الشى مثل ماهمه تعلمو عليه اني كذلك تعلمت بس الى متى لازم ارجع للبيت

اجاني يونس ومهدي مقبل اله يوصلنا اباوع الطريق كله ساكتين ذوله واحدهم اذا نطق يطك ورجعت لبيتنا وهلمره بيه بيبي وعمه

البيت صغير كمت انام بلهول لان يونس وبلال بغرفه وبيبي وعمه بغرفه واني انشمرت بلهول ضاله ياافرش يااشيل الفراش مهجره صرت

ناي : اليوم ارتاحيت سالفه الفصل انفضت وسلمو القاتل جنت ليل نهار افكر اخاف مهدي او احد من الولد يروح بلرجلين

رغم عبدالرحمن ابد معجبه وبقى يلوب ومهدي يحاول يسيطر عليه حتى ميخسره

مرات يطلع مهدي ويرجع مهموم موتت صلاح حيل أذتهم وصارت طلعاتهم تذكرهم بفقيدهم اما سدرة اخابرها بين فتره وفتره طفت ذيج الجانت ضحكتها عاليه ولسان وشخصيه صارت ورده ذابله كلها شوك وامها دوم مريضة اخذتها يمها تعيش مقبلت بعد تبقى يم خالهم عمران مرادت تخسر امها كافي ابوها واخوها الله يصبرها

شرهب :شغلة البيت حيل طولت وماكو شراي بيت شكبره محد يتقرب منه ومرت الاشهر واجه الشتا ومبقى شى وندخل ٢٠١٨

كاعدين نسوي ثواب لعمو فلاح السنويه الثانيه مالته

اجت بان ومرتضى وياها

الوجوه تبتسم

بديعه : هااايمه تأخرتي كلت راح تجين من الصبح

مرتضى : اني ماخليتها مااريدها تتعب

شرهب : غير الثواب مال ابوها قابل مال الجيران واني اكعد من الصبح واتعب ومرتك على رجلها نقش الحنه

مرتضى : مرتي مره حامل واني اخاف عليها

بديعه : طفرت من مكاني وشمرت البيدي ممصدكه حضنتها وابجي يمه راح تصيرين ام

بان : وانتي بيبي

شرهب : واني ابتلي اصير خاله

مرتضى : وخلخاله كولي مبروك ان شاء الله الولد الصالح

شرهب : على منو يطلع صالح خليها سكته

مرتضى : شفتي عمه شون تحجي على حفيدج

بديعه : شحدها اذا اول فرحتنا

شرهب : رجاءاً ثاني واحد بلنسبه اليه لتنسين ابن ناي الاول بلنسبه الكم

بديعه : لا الثاني مثل مكلتي لان يوم ماعرفت ناي حامل نفس الفرحه اثنينهن بناتي

عمشه : شمالكم عايفين الثواب وحايرات بحش الوادم

بديعه : عمه بان حامل

عمشه : على الخير والبركه يمه تكومين بلسلامه طلعت زلمه يلمكموع

مرتضى : شبيهه قابل احجي بان شنو هاي السمعه الموزينه عليه

عمشه : لا تبط جبدي وتعال ليه اريدنك تكض اخيك يونس وتسولف براسه اريدن ازفنه مايرضه يعرس

مرتضى : مايقبل ابد عوفي بيبي براحته

عمشه : انت شعليك كاض مريتك توالي الليل وهو حاضن بلال

مرتضى : واني قابل مااريده يتزوج

عمشه : دولبه بسالفه وحش براسه انه لون متت وماشفت وليدات يونس اطكن مااتحمل

مرتضى : غير انتي ميته يابيبي شون بعد اطكين

عمشه : حمس ولطم بيش مفاولني هذا شون تحبينه

بان : شعندي غيره يابيبي هو الروح والريه ولزمت ايده

عمشه : يلكرطه كضي زين لايطير والغسل

بان : صدك يوم خابرت مديحه

بديعه : شتريد

بان : تكول ماعندي مصرف للجهال

بديعه : لعد واخوتها وينهم لو بس يعرفون يزوجوها لرجال متزوج مو كالت تشتغل

بان : مكدرت اردها وكلت من استلم راتب ادز الها

بديعه : اني ماامنعج من اخوتج بس هم اسألي وتأكدي ماعدها اخاف هاي الفلوس ميرحن لاخوتج وهيه عدها انتي اولى بكل فلس يمه رجلج شغله على كده وراكم ايجار ومعيشه وهم لازم تلمين للولاده مو تضلين تنطين راتبج هنا وهنا انتي دزي بس مره ثانيه تأكدي ماعدها يله ادزين هيج وحده ما أمن بيها

بان : ان شاء الله

بديعه : اكعدي ارتاحي واحنا نكمل

بان : توقعت متسوين ثواب لابويه

بديعه : اذا هو ماوكفت بعينه العشره اني توكف وهو عند الرحمن هناك من نوكف يمه اخذ حقي سويت الثواب لخاطرج ولخاطر عمتي ودمجت وياه امي وذكرى

بان : ان شاء الله واصل

مهدي : امشي نطلع نغير جو

حوراء : مااريد اخذ ناي وسيف خطيه صار شكد مطالعين

مهدي : وانتي ويانه

حوراء :حتى لو طلعت مراح اشوف شى يمكن اشوف مناظر راح تأذيني بلزايد

مهدي : اي مناظر

حوراء : جهال بعمر بنتي مراح اتحمل

مهدي : لازم اروح لخالي الوضع حيل مصخ

حوراء : لا خليهم همه بنفسهم راح يجون

مهدي : امي كل متشوفني تسأل عنج

حوراء : محد حطمني غيرها

مهدي : حاير شسوي وياها لا اكدر اعوفها ولا اكدر اكابلها مثل قبل

حوراء : شسويت على البيت

مهدي : شفت بيت اني وعبد ومعجبنه وهذا خامس واحد

حوراء : شبيهن ليش

مهدي : اريد واحد مثل هذا حتى افصل ناي عن امي مستحيل اكعدهن سوه

حوراء : اشتري هذا البيت اسأل ابو الملك يبيعه وانطي سعر بلكي يبيعه الك وتخلص من هاي الهوسه كلها

مهدي : والله راحت من بالي وهم البيت مريح وتعلمنا على المنطقه واهلها

حوراء : شوفه عسى ولعل

الجو بارد كاعده يم الصوبه طلعو مهدي وناي شكد توسلو مقبلت اطلع اجاني اشعار على الواتس فيديو لبنتي تضحك وتزحف واني شفته لو انهاريت

خابرت شاله مباشره

شتريد مني

عبدالله : ترجعين

حوراء : انت مو تكرهني

عبدالله : ترجعين لبنتج انتي شنو من گلب شايله اكو ام صار ٦ اشهر متعرف بتها شبيهه مابيها مبقى شى ويصير عيد ميلادها

حوراء : مسحت وجهي وجريت نفس وحجيت ردت اهزه اكسره اطيح حظه انعل رجولته

واذا صار عود احتفل ودزلي صورها

عبدالله : تره حركاتج توصلني اول باول ادري بيج مطلعين لباب البيت المن بعد تعاي هنا يم بنتج وانجبي وابقى محبوسه

حوراء : غير من امي تعرل بس امي تشوف الظاهر اني مااطلع بس لتنسى عندي تلفون يعني اكدر كلشي اسوي ليش اني مو نفسي صادقت يونس ٣ سنوات وباب البيت مشايفته لتغرك المظاهر حبيبي

عبدالله : وتحجيها بوجهي گلبه

حوراء : قابل متدري لو هذا الشى هاي اللحظه عرفته مو انت نفسك جبت الولد حتى يبري مرتك لك دكاتك بيه مو تخليني اتنازل عن بنتي حتى مااشوفك اتنازل عن حياتي ولا اشوف جهرتك لحظة وحده وانجمع وياك بيت واحد شوف هاي سوالف الجهال مال الصور والفيديوهات متحرك شعره من راسي واذا على بنتي هيه يمك واعرف مداريها بدمع عينك واني لا اول ولا اخر وحده تذب خلفتها وتروح تتزوج

عبدالله: يازواج من كل عقلج غير بعدج على ذمتي

حوراء : مدوم وداعتك الاشهر تفوت سريع ويجي يوم واقدم معامله التفريق واخلص منك عهد عليه تطلع العده منه ثاني يوم انزف ليونس وهم ادزلك الصور اكيد راح تفرحلي تبقى ابن خالي

عبدالله : انتي وحده الساقطه اشرف منج

حوراء : مشكور ابو ماسه سديته بوجهه وسويتله حظر

حفظت الفيديو وكعدت ابوس بيها اختنكت خابرت شرهب وحجيت الها ردت افضفض وهي دوم تسمعني ولا يوم ردتني طبيت سبحت وتمددت مردت يشوفوني واني ابجي وهمه راجعين من طلعه واضيع ونستهم

وره هذا التلفون بيومين اجاني مهدي كال البسي شى وتعاي ننزل جوه

لبست بدون حتى ما اسأل طبيت للبيت نزلت مسيطره شفت امي ولا سلمت عليها ولا باوعت بوجهه

طب خالو عمران وزوجته ماسلمت عليهم ولا كمت من مكاني وخالو تخبل الوجوه مگلوبه ساكته واسمع كل واحد منهم شيكول كل واحد يفتي بكيفه ويحلل ويحرم حسب هواه كل هذا واني هادئه عيوني الوحيده الي تتحرك جان مهدي حيل عصبي

جدال .. نقاش .. تجاوز .. كلام جارح .. صياح بعلو الصوت وكلمن يحجي شكل

والكلمة الجنت انتظرها انكالت

عمران : شنو طلباتج وترجعين وتفضين هاي المهزله كلها

حوراء : بگلبي گلت اضربك واضرب امي لان لو ما انتم مجان تزوجت عبدالله ولوما انتم مجان اتجرأ ياخذ بنتي ويحرمني منها ويلوي ايدي وينومني ابجي عليها واكعد مخروعه صوتها بأذني واشم ريحتها بلملابس الضلت عندي وابوس ليل نهار بلصور المخزونه بموبايلي

كلت بصوت هادئ تخطبون شرهب لعبد الرحمن

تكول صبيت تيزاب عليهم الكل تخبل حتى مهدي فتح عينه مصدوم من طلبي

عمران : وشغلتج شدخلها بعبدالرحمن

حوراء : انت تكول شنو طلباتج هذا اول طلب

وداد : تخبلتي اكيد

حوراء : ياريت محد يدخل انتم عرضتو عليه ارجع واني راضيه ارجع بس بشروط اولهم ترحون تخطبون شرهب

عمران : وهذا الشى ميصير لتخبطين الاوراق كلها حوراء لهاي اللحظه ساكتلج

حوراء : شتريد تسوي خالو تضربني ابنك قام بلمهمه تأذيني واتعب نفسيتي لحد قبل يومين ابنك يلعب بأعصابي صارلكم ٦ اشهر تاكلون وتشربون وتنامون ولا واحد بيكم فكر بيه وكال شنو ذنبها تنام بليه بتها

عمران : محد حرمج منها انتي حرمتي نفسج ونشفتي راسج ومسافرتي وياه

حوراء : اني ردت اطلك ولوما دكت امي جان هسه مطلكه ومرتاحه

وداد : رجعتي لنفس الاسطوانه الف مره كتلج مالي دخل

حوراء : الج وانتي السبب اصلاً خالو رجعه ماارجع اله تخطبون شرهب

ام عبدالرحمن: واني مااخطب لابني جبيري وحده مثلها

حوراء : وشبيهه خاله لو امي خوش محشيه براسج وخلتج تحقدين عليها لان اعرفج مره مسالمه مالج دخل بهيج سوالف

عمران : غايتج شنو من زواج عبدالرحمن هو طلب منج هيج

حوراء : وداعت بنتي الي انحرمت منها ابد ولا طلب مني ولا حتى شفته صار مده طويله يجي من الباب على مهدي ياخذه ويروح

عمران : بله طلباتج الثانيه

حوراء : ميمد ايده عليه ولا يلمس شعره مني اذا ضربني ورب الكعبه اشتكي عليه وهناك مو مثل هنا مباشره يسحلوه من ياخته وبلسجن اخلي حتى مستقبله يضيع

عمران : وبعد

حوراء : الراتب الي يجي من الدوله مال الاقامه مالتي ينطي اليه مياخذه ابد واطب واطلع بلمكان الي اريده بعد ميحبسني

عمران : سالفه الراتب محلوله بس الطلعه شنو براحتج وين عدنا هيج شى

حوراء : لتخاف خالو ماانحرف تره اني مو موزينه حتى اسوي شى يغضب ربي اقصد اطلع اتسوك اشتري شى افتر بنتي ميقيدني اتعلم لغه

عمران : وبعد

حوراء : شوكت مااحب انزل للعراق وبنتي ويايه واذا منعني اسويله مصيبه اني وحده ماعدها شى تخسره طخه منه اهجم كلشي على راسه مو تكولون مكالت

واريد يقطع علاقته بأمي اذا حسيت بيوم مخابرها اسويها عزه عليه

وداد : هاي شتحجي انتي اكيد مو صاحيه

حوراء : هذا العندي واذا معجبكم ياريت يطلك وكلمن يروح لحال سبيله وبنتي خلي يحير بيها ابنك المثقف مهدي انت ويايه لو وياهم

مهدي : وياج بكلشي والتردي وياريت خالو يلتزم ابنك بالاتفاق

حوراء : هااا شى صغير اذا ابنك كال اي وگلب عليه بأقرب فرصه اطلع من شقته وبرجلي گبل للمركز اكول الهم معنفه ويأذيني حتى عندي قابليه اتجنى عليه اضرب روحي وأذيها وانترس دم واكلهم هو ضربني واروح لدوامه وافضحه هناك اخلي سمعته بلحظيظ خلي يصير رجال ويلتزم بكلمته واذا مقتنع حفاظاً على شكله وشكلكم وسمعتكم بين اهلكم لان مراح اسكت بعد خلي يطلك

عمران : شروطج كلها مكدور عليها اله سالفه شرهب وعبد

حوراء : وهذا اهم شرط مااتحرك خطوه ومااروح للمطار اذا ماعبد يعقد محكمه على شرهب وهذا العندي

وداد : انجبي انطيناج اكبر من حجمج كاعده وتبيعين بينا وتتأمرين اني معرفت اربيج ناقصه تربيه صوج ابنك ماكسر راسها واخذها وياه غبي المن نزلها مو جانت يمه

حوراء : باوعت على مهدي هااك استلم هاي امي هيج تحجي

مهدي : اطلعي منها انتي مو تكولين مالي دخل ابقي للاخير مالج دخل

وداد : هاي تاليها هيج تحجي ويه امك

مهدي : شتريد احجي وانتي دوم حاركه دمي وكل فتره مخليه عقلي يطلع من راسي من حركاتج وهلمره استلمتي حوراء شنو مو بتج عندج ابن اخوج اغلى منها يعني امه ماحجت مثلج

وداد : اني ردت مصلحتها وهي غبره يلعبون بعقلها وهاي الاشهر كلها اكول تعقل وتروح لبيتها وبنتها انت خليتها بيتك تتقرب من ذني العكارب مرتك واختها وهذا الكسبناه جانت اختك تستحي ترفع عيونها بعيون خالها وهسه مكابلته وكاعده وتتشرط عليه الادبسسز

عمران : عوفيها لا عبالج ساكت هاي الفتره كلها وراضيه عن تصرفاتج انتي طغيتي ولوما عندج بنيه قسماً بالله بيدي اخذج واخلي يطلكج واتبره منج البنيه التوكف بوجهي اتبره منها الواكف بعيني بنتج مااريدها تتربى بليه امها وتاليها تصير نسخه من شرهب

مهدي : خالي مع احترامي الك تجاوزت هوايه حوراء مو جليله حتى تصير بتها مثل شرهب واضافه شرهب مو طلعت بنيه موزينه حتى تضرب مثل بيها البنيه شريفه ومؤدبه عاشت بيتي اكثر من سنه ونص ماشفت العيبه منها حتى ملتزمه بصلاتها وصومها كافي منطت مجال لابنك وماسوت العيبه

وياريت بعد مينجاب طاريها لان عايده اليه خاله ابني ومااسمح كل متصير شغله تنذكر واذا على شرط حوري مال تخطبها اني اطلب منها تسحبه

حوراء : على كص رگبتي اعذرني مهدي هذا اول شرط واهمهم يخطب شرهب ويعقد محكمه وراها احجز واسافر بعد مااخذ الموافقه واسمعها بأذني من عبدالله بأن موافق على كل شروطي

عمران : مع الاسف ربيتكم وتعبت عليكم وفضلتكم على ولدي ياحيف التعب يله ام عبد كومي مالنه مكان هنا

طلعو وماما كامت تعيط ومهدي اتعارك وياها اني بهدوء انسحبت ولا درت بال وصعدت فوك لكيت ناي تنتظرني

حجيت كلشي الها وهم انصدمت من شرطي احلى شى من سمع عبدالرحمن شرطي اجه ساعه ١١ بليل علينه يريد يفهم

عبدالرحمن: ليش حطيتي هذا الشرط

حوراء : هيج عاجبني

عبدالرحمن: اريد احجي وياها وحدنا من رخصتك مهدي

مهدي : ياريت تفهم لان لهاي اللحظه شنسألها تكول هيج عجبني

كامت ناي ومهدي وبقيت وحدي ويه عبد

عبدالرحمن: طلع المستخبي بنت عمتي احنا دافني سوه ليش هذا الشرط

حوراء : اني ماسويت هيج شى لخاطرك ولا لخاطر شرهب رغم تستاهلون لان احبكم بس بالاساس سويته حتى أذي ابوك وامي همه اكثر اثنين يتخبلون اذا خطبو شرهب امي جانت يوميه تخابر امك وتحجي براسها حتى متوافق هي بنفسها تخابرني تتراجف وتكول ولا اخلي شرهب جنة اخويه ويصير راسها براسج هو ناي وحرت شون اهججها هلمره اختها يعني علتها ونص مرضها متريد شرهب تصير جنة عمران عدا ابوك الرافض

عبدالرحمن: صدك ضربه تحت الحزام

حوراء : همه وصلوني لهيج درب يوم ماحرموني من بنتي

عبدالرحمن: قسماً بالله لو بلعراق اله اجيبها الج

حوراء : اعرف متقصر زين تتوقع ابوك يوافق يخطب شرهب لو هاي هيه قفلت

عبدالرحمن: مده ويرجع يفتح الحجي طول ماشغلتكم معلقه لازم يجي يوم وتنحل

حوراء : اتمنى تتزوج شرهب والله هاي البنيه ذهب صافي

عبدالرحمن: من احترك ابوها يم ابولهب موتتني لا اكدر اعوفها واتزوج غيرها ولا تصير اليه من وره ابويه ضال اتحسر عليها

حوراء : اذا ماخليتهم ينجلطون

عبدالرحمن: واذا طلكج عبدالله

حوراء : يسوي فضل

عبدالرحمن: وبنتج

حوراء : هذا المطيح حظي بنتي هيه لعبه لعبتها ياتصيب ياتخيب

عبدالرحمن: نبقى ننتظر خالج شراح يتصرف

حوراء : اعصابي تلفت ماكو ولا حرف ولا تواصل منهم حسيت الخيوط گلها انكطعت لا حصلت بنتي ولا اطلكت تمرضت وكمت مااكل وادمرت نفسيتي وناي حارت بيه ويوم بعد يوم احس الموت قريب مني كمت انام واكعد اصيج جيبولي بنتي وضعي والديصير بيه خله مهدي يروح لخالو وماخذ وياه عم خالي الجبير وناوي يحرك اخر ورقه تربطنا بيهم

٢٠١٨ نهايه شهر الواحد

راجعه من الدوام وممجاوبه بالامتحان والي يحجي ويايه حرف احركة بانزين محسن طاكه فيوزاتي

طبيت شمرت البوت والقمصله واتأفأف لكيت الكل كاعد يباوع عليه

هزيت راسي خيركم شكوووً

بديعه : حضري نفسج يمه اليوم

شرهب : لا احظر ولا اطلع ولا اولي لاي مكان ممجاوبه وعكب باجر اخر امتحان عوفوني انخمد حتى اكل مااريد اكل

عمشه : يم شعفه ابو الفختيات جاي داك بابج

شرهب : بيبي ابوس ايدج مو وكت تغثيني دانزع البلوز جان تكول عمه

بديعه : اخوج خابر وكال اليوم عمران وعمامه جايين يخطبوج لعبدالرحمن حضرو البيت وبلغو شرهب

شرهب : عصه البلوز براسي وعطت شنوو عمران جايي بنفسه وجان اوكع على وجهي

كوه طلعت راسي وعمه تجر بلبلوز اختنكت جان تجيني رساله ركضت على جنطتي فتحت الفون مكتوب بيها

اشوف يامره اليوم ترفض لا احرك جدها وجد اليطلع وراها من سابع ظهر

يتبع .....

#الابواب_الخمس

البارت السادس والاربعون /الجزءالثاني

للكاتبة Reem

(بارت طويل لعيونكم )

لـــو كحلتـنـي بحلـــم بـگليبي يفتـك بـاب

وافرش سنين العمر ضحكـه وزعل وعتاب

شرهب : عصه البلوز براسي وعطت شنوو عمران جايي بنفسه وجان اوكع على وجهي

كوه طلعت راسي وعمه تجر بلبلوز اختنكت جان تجيني رساله ركضت على جنطتي فتحت الفون مكتوب بيها

اشوف يامره اليوم ترفض لا احرك جدها وجد اليطلع وراها من سابع ظهر

ابتسمت على كلامه

عمشه : شنهي تسودنتي وتضحكين ويه رويحتج چاهيج ابوالفخيتات مدولب حالج

شرهب : شبيج بيبي صديقتي دزتلي رساله وضحكت على كلامها

عمشه : انهجم راسج انه حاسه موش صويحبتج

شرهب : احنا بيا حال بيبي السمعته صدك جاي عمران يخطب

عمشه : لا نلعب وياج طم خريزه خايبه جايين يملجون على شعفتج وماضل وكت لجيتهم وانتي ضاله فاچه حلكج اكومن اطكها بنعال يفتح عگلها المجيم

بديعه : على كيفج عمه وياها حقها غير تفهم شكوو

شرهب : منو خابركم

بديعه : يونس وكال حضرو البيت وشرهب انطوها خبر

شرهب : بله اكو واحد ينطي خبر بنفس اليوم غير قبل ايام او اسبوع حتى واحد يتحضر بله البيت وصخ اني محافه متروسه شعر وممحضره روحي اطلعهم هيج جني ولد مراهق هستوه طالعات شواربه

عمشه : صحلها رجل كالت اعور خايبه ماتعينيني يبدعه اكومن اجسر عضامها هاي البت تعاير براسنه موزين من الزلمه كاض بيج ويريدج

شرهب : ليش عيني شبيهه ناقصني ايد لو رجل اخبل شعري يسوه عشيرته

عمشه : من كملاتج الطايحات على شواربج بسچ نافخه رويحتج يلبايره

شرهب : شفتي عمه بيبي شون تحجي عليه

بديعه : تتشاقه وياج واذا على الحفافه هسه احفلج وجهج وفضينا وتره ممبين شى وجهج والله يخبل

شرهب : اي هيج رفعي معنوياتي مو مثل غير ناس تريد تخلص مني

عمشه : صمي حلكج وادخلي تسوبحي اريدن الزلمه يطيح على جهرته من يشوفج مثل طيحتج الحين من عرفتي بلسالفه بيضي وجوهنه يلموغفه على افادي

شرهب : بعد وبعد طلعيهن عيني عمووش تكول اكل عشاها وتريد تخلص مني

بديعه : امشي اسبحي بين مااصب الاكل حتى اعدلج وجهج ونشوف شتلبسين وخلي اشسور شعرج

شرهب : ليش هذا الغش التجاري قابل ميعرف شعري كيرلي شايفني بأتعس حالتي المن بعد اتعب روحي واشسوره

بديعه : يابنتي هذا اليوم غير شكل قابل يوم عادي لتعاندين يله

شرهب : كمت واني ممصدكه اخاف ذوله ناصبين عليه مشيت ورجعت مديت راسي صدك تحجون

عمشه : اكومن اتولاها واهد حيلها واشرد الزلمه هاي موش وجهه خير

بديعه : هههههه عوفيها عمه ممصدكه

شرهب : طبيت ركض للحمام اسبح واغني والله صوتي بلحمام ام كلثوم متلحكني مكاني مو هنا بدار الاوبرا

طلعت اكلت لكمه على السريع وعمه لحت عليه اله اشسور شعري كتلها بكيفج واكلتها ماتت يله كملته لان طولان وهم حتى يتشسور عدل لازم ترجع اكثر من مره عليه ونزلت على ام حسن انبيع من ضمن شغلات الاقساط كاويات مال شعر جابت وحده وكمت اعيط راح يحترك شعري وتالي والله طلع يخبل طويل وسرح اباوع على عمه تفرك بأيدها وجتفها من التعب حييل تستاهلين عمه منو كلج تشسورين وكفختني على راسي

اجه يونس وماحجه اي شى لان هو هم مستغرب الوضع باوعت شلبس طلعت فستان شتوي عدل لونه نيلي وبيه خطوط بيض تحت الركبه طوله وكصيف مطلع جسمي بشده اشترته ناي اليه من ذاك الشتا الراح ومالبسته وين اولي شو كل الوكت بلبيت

حطيت عطر بالاحرى سبحت بلعطر ومكياج خفيف بشرفي طلعت اخبل لج شوشه شنو هذا الحسن يربي ماكو بجمالج اثنين

بديعه : هااا يمه تخبلتي تحجين ويه روحج

شرهب : شوني عمه بداعتي

بديعه : انتي من الاول تخبلين

شرهب : شنو اخبل كوني اجنن اكطع اهبل

عمشه : بطنج بطن شبوط بس المصارين كاضيه لحمه مابيج

شرهب : هااا بدينا عمشه غير رشاقه

عمشه : البت لون بيها لحمات يكضها الزلمه وترد رويحته موش كاض عظمة جنهه اخيه نايم جاره

شرهب : لتخلين بيبي تكعد راح تخزيني وتخلي الولد يغير رأيه

بديعه : صوجج شدت وياج من كالت الج خابريلي خوله ومخابرتي

شرهب : غير نسيت ابتليت على عمري صار جم يوم موتتني بس تعيب عليه مو خابرت وحجت وياها لعمه خوله ضلت شايلتها شون نسيتها

عمشه : جاانه لون فختيه مانسيتي عبن ذاك يهفهف على الگلب انه كاضيه كضيان مااروي

شرهب : يبوووو عليه شراح يخلصني

يونس : خيركم

شرهب : تعال لبيبيتك موتتني

يونس : شبيهه الغاليه كعدت وحضنتها وبست راسها

عمشه : يبعد بيتي انت الوحيد اطيب خاطري

يونس : شعدنا غيرج بيبي انتي الخير والبركه

عمشه : تعلمي يلمكموعه چاكاضيتها تفرفر بلمدرسه وماتعرفين جلمة عدله اطري خلكي

شرهب : كليه اسمها بيبي مو مدرسه

يونس : طالعه حلووة

شرهب : عيونك الحلووة يويو بربك الفستان كاعد ويه المكياج وشوكت يجون تأخرو

بديعه : اكو وحده يوم المشيه مالتها تسأل اخوها هيج وين الخجل مال البنات المستحه

شرهب : كلتيها مال البنات مو مال شرهب احد كلج اني بنيه تره غلطانه بلعنوان

بديعه : لسانج اطول منج

شرهب : فضونا شوكت يجون

يونس : يجون ان شاء الله كالو ساعه ٤ ونص همه يمنا

شرهب : وناي شوكت تجي حتى مخابرتني

بديعه : خابرت وانتي بلحمام كالت اجي ويه مهدي وكالت اذا محتاجين شى اجيبه ويايه كتلها ممحتاجين

يونس : واني بلغت مرتضى وبان وعلى جيه

شرهب : كعدت اعيش اللحظه واتخيل عبدالرحمن جاي واكول كون يجيب باقه ورد ويااه عجبتني هاي الحركه شفتها بلفيس واحد يخطب وحده وجايب الها باقه ورد شكبرها كون يحس ويجيب واتخيل شكله من اصير اله شعور غريب گلبي دك سريع لك هااا دكيت وابتسم على خبالاتي

اجه مرتضى وبان وبقى مرتضى ناصب عليه واضحك وياه والكل يضحك ومنتظر وبدت ضحكتي تختفي من مرت الاربعه ونص وصارت فوك الساعه ٥ وربع ومحد اجه اتصلت على ناي يدك ومحد يشيله

بدا القلق يسيطر عليه اباوع الوجهه هدأت من الضحك والعيون حايره كل واحد يسأل بعيونه شو ماكو لهسه

يونس : اخابر عليهم لو زحمه اخاف يكولون شبيهه مستعجل

مرتضى : همه هم تأخرو ساعه ٦ الا ربع صارت وماكو وصار الليل وأذن المغرب ولا بين احد ولا خابرو

شرهب : العب بأضافيري وبديت اكسر واحد واحد بأيدي اريد شئ يهديني زين ناي ليش متجاوب وينها

دك تلفون يونس كمزت

يونس : هااا نايه وينج نتصل وماكو ومابينتو

ناي : ممروده من القهر گلبي راح يوكف كوه طلعت الحجايه مني

مراح يجون لتنتظرون

يونس : شصار

ناي : ماادري مهدي خابرني وبلغني مكدرت اجاوبكم لان ردت حجايه اخيره وهسه خابرني وكال لينتظرون

يونس : ماشي عود افتهمي منه وخابريني

ناي : عينك على شرهب عفيه

يونس : الله كريم

شرهب : خير شكالت اباوع وجهه يونس انطعن وضاج اعرفه من يختنك هيج يصير

يونس : مراح يجون

عمشه : يايمه لويش ماعرفت

يونس : ناي تكول مهدي خابر وهي هم متعرف السبب

بديعه : والله عيب عليهم يخلون ناي تخابرنا لهاي الدرجه ماكو احترام النا مالهم نيه يجون على الاقل يبلغون گبل بوكت والمن بعد انطو موعد ناس متستحي

لتزعلين بنتي

يونس : يجوز صار ظرف عدهم ليش نحكم على الناس

بديعه : ابني ياظرف وهمه مصار كم ساعه من خابروك وبلغوك وداعتك هسه يطلع عمران گالب عليهم وكول كالت عمتي

بان : شوشه لتضوجين اكيد يجون غير وكت

شرهب : جريت نفس شك صدري شك اريد الرئه تنترس هوا حتى استوعب الصار لان شفت الكل توتر وميعرف شيسوي مباشره ابتسمت بهدوء وكلت

همه الخسرانين المن متوترين هيج

يونس : اكيد صار شى جبير عدهم مهدي من خابرني وبلغني جان مرتاح مامعقوله شئ بسيط يلغون بسببه الجيه

شرهب : وخلي يلغوها احسن شى سوه يله شناكل اني جوعانه بلغدا مااكلت زين

بان : شرهب بيج شى

شرهب : لا مابيه كتلكم جوعانه اني راح ادخل انزع لان تعبت من هاي الملابس ومن اطلع اريد تكولون شناكل مو اضل اتوسل بيكم

دخلت للغرفه سديت الباب قفلتها وكفت كبال المرايه واني اباوع على وجهي شون الفرحه طفت منه وشون جنت منتظره دقيقه دقيقه جيتهم صفنت على حالي ليش من دون البنات هيج يصير بيه ليش الفرح يدك بابي ومن افتحه ينهزم اني شنو السويته وگلبي يتوجع هيج ليش كل مااكول الدنيا نصفتني ترجع تضربني وتكسر شى حلوو بداخلي باوعت على مكياجي كمت امسحه بيدي حييييل اريده يروح مااريد اتمكيج ولا ابدل ولا افرح اني انكتب عليه اضحك الكل وابجي بداخلي

شلت شعري وردت انزع الفستان كمت اجر حييل بيه فتحت السحاب ونزعته محسيت بروحي غير لازمته وشكيته ذبيت حركتي بيه

جان تنزل المردتها تنذل وتنزل على خدي دموعي ذني عزيزات وغاليات وماانزلهن للي رخصني بس شون امنعهن واني منهاره الي طاقه تحمل واليوم صفرت بعد مااكدر كعدت بلكاع اضرب براسي على الكنتور وابجي

حطيت ايدي على حلكي مااريد احد يسمع شون ابجي وينقهر عليه

بان : يوم شرهب تأخرت

بديعه : روحي شوفيها خاف بيها شى سوده عليه كسرو فرحتها

مرتضى : شراح تسوي يونس

يونس : شسوي ناس انطت موعد ومااجوي قابل اعتب عليهم المايعرف الاصول لتعلمه لان ميفيد اني همي شرهب اعرف بيها تگابر وتبين ماكو شى وهي متأذيه حيل

عمشه : يمه كوم راضي اخيتك مايطيب الجرح اله من ضاك نفس الجرح وضاك لوعته كوم وليدي

يونس : تعاي بان اني اروح الها

كمت عليها دكيت الباب مجاوبت

شوشه افتحي الباب

شرهب : مسحت دموعي مخنوكه اريد الحجايه تطلع مكعد تطلع

يونس : شرهب حبيبتي افتحي الباب

شرهب : اريد اكول اله شويه واجي بس مكعد اكدر

يونس : بداعت يويو عندج افتحي

شرهب : كمت سحلت روحي باوعت بعدني نازعه جريت الدشداشه ولبستها وحاولت امسح عيووني بس ميفيد لان صارن دم فتحت الباب واندرايت بلعت ريك هاا حبيبي ثواني واجي

يونس : شوو بله درتها عليه هاااي شنوو ام گلب الحديد تبجي

شرهب : هزيت راسي وابلع بلغصه مالتي لا

جرني من ايدي وكعدني

يونس : ليش متكولين اي ابجي قابل عيب لو حرام اني اعرف متبجين اله من توصلين بقمه مراحل الانهيار تصيرين تراب يله تطلع هاي الدمعات شبيج ياجوهره گلب اخوج ورفعت راسه

شرهب : شمرت نفسي بحضنه وكمت ابجي بحرگة

يونس : ابجي حتى ترتاحين صدكيني البجي نعمه من الله حتى يخف الضغط على الگلب

شرهب : قهروني يويو وكسرو فرحتي

يونس : واني اشتم الهوا محد يكسر فرحتج شوشه يمكن هذا الشى زحمه احجي وياج بحكم اني اخوج بس خلي نكون واقعين الولد شاريج ورايدج وصار سنين ينتظرج واكثر من مره اجه وطلبج لوما شرطنا جان هسه انتي مرته اني من كلت عمران يجي يخطب ردت اطبين مرفوعه الراس محد بعدين يعيرج محد خطبج انتي ذبيتي نفسج علينا او يعيروج بسالفه تأذيج وادمر حياتج ويااه اني متأكد اليوم من مااجويه لسبب جبير حييل لان عبد الرحمن ميدك هيج دكه خلي نصبر وننتظر ناي تعرف شكوو وتبلغنا

شرهب : مااريد اعرف اي شى وبعد لو مو عمران يجي لو ابوه من الكبور وعشيرته كلها مااقبل بيه لخاطري اطردهم اذا اجوي اريد يتأذون وينذلون مثل مخلوني اليوم انذل وانتظرهم وتالي حتى مكلفو نفسهم يخابرون ويعتذرون خلو ناي تخابر

يونس : التردي يصير اني مااريدج هيج متأذيه

شرهب : گلبي يأذيني حييييل

يونس : ودموعج غاليه عليه حييل شوو خلي امسح هذا الذهب الكعد يوكع على الخد بله شنو هذا التبذير ماطلعتي على عمج حريصه

شرهب : خلي يولي هم عايزه اطلع عليه ابو الوصخ حتى سبح ميسبح حتى ليصرف صابون

يونس : ههههه ليسمعج مرتضى

شرهب : قابل اتبله عليه من باكته سهيره حتى سبح كام ميسبح المعفن صفن يونس عليه شبيك

يونس : دمعتج وكعن ملح على جرحي لتبجين يبعد روح اخوج مو انتي تكولين ياروح اختك انتي وناي انتم هم روح اخوجن عندي روحين شفتي شون مدلل اني كومي هزي طولج الحلوو واضحكي واضربي الكل عرض الحايط الي استفادينه منه اليوم اول مره اشوف طول شعرج واشوفه مشسور هم نعمه توقعت عمري كله اخلصه والكفشه كبالي

شرهب : بربك مو الكيرلي احلالي من شسورت صار وجهي شطوله جنه حصان

يونس : انتي تخبلين بكل حالاتج

شرهب : اني جعت

يونس : ههههههه عندي حل يرضيج ماطول بعد وكت اخذج ونروح للمطعم اعشيج احسن عشوه حاب اصرف وناخذ مرتضى وبان

شرهب : خلي يولون يخسروك دز عشا هنا اصرف

يونس : مو كتلج صايره مثل جوحي

شرهب : حضنته حييل الله لايحرمني منك ومن حنانك

يونس : هااا نطلع

شرهب : لا غير مره دز وخلي نكعد كلنا ناكل

طلع يونس كمت غسلت وجهي وحاولت اتناسه الصار واجذب على نفسي بأن الصار كله كابوس وهسه كعدت منه

قبل بيوم :

ناي : حبيبي فدوة مو تتعارك

مهدي : اني مااريد اتعارك بس خالي شيبني وتعب منه حيل وتعبت اكثر من اشوف حوراء كعد تموت كدامي هلمره دار وجهه وراح ابنه بلخارج مرتاح وبته بحضنه وخالي محتار بلعقارات والشغل وعايف شغله حوراء صار شهرين حتى تلفون مارفع وكال شبيهه مابيهه هذا الموضوع دمر اعصابي ولازم انهي اليوم

ناي : ليش اخذت عم خالك الجبير

مهدي : يأثر عليه هلمره اذا خالي ماسمعلي وماسوه حل قسماً بالله لساني ميخاطب لسانه لهاي اللحظه معبرها واكفه بعيني تربيته اليه ومحبته بس من توصل لاختي وفضل ابنه عليها لو اعرف انهي كل صله القرابه بينا المهم متموت لازم يرجع بتها ويطلكها

ناي : كلشي بلتفاهم ياحبيبي

مهدي : عينج عليه وانطيها علاجها مو تنسين

ناي : ليضل بالك كاعده يمها توكل بالله وطمني عود

طلع مهدي واني خايفه حييل كلش اخاف من عركات الزلم لان بسرعه تتطور

بقيت انتظر بلساعات وماكو اي خبر وحوراء ماخذه مسكن ومهدأ ونايمه بغير ملكوت لحد مصار المغرب يله اجه مباشره طفرت ليمه اريد افتهم منه لان اخابر ينطيني رفض وميجاوب هااا عفيه خير

مهدي : خلي اجر نفس واحجيلج جيبي مي عطشان

ناي : رحت بسرعه جبتله وكعد يسولف اليه كلشي بلتفصيل

عمران : هلمره مجاي وحدك

عم عمران : ليش مبين مامرغوب بيه

عمران : العفو عمي على راسي اشيلك والبيت بيتك اني استغربت لان جابك مهدي

عم عمران : ماكو فرق هو هم ولدنا لو تبريت منه

عمران : ياعمي انت مو غريب وجبيرنا الشغله سهله وهمه صعبوها

عم عمران : كلشي سولفلي واني اعرف جزء منها لا تنسى مره رحت ويه عبد خطبت البنيه

عمران : هاي وحده من دكات ابني وابن اختي ماخلو قدر اليه ولا حشيمه البنيه مرايدها ولا اريد تنحسب عليه يلون ذراعي ويجبروني بيا حق وفوكها بت اختي الربيتها وحسبتها بتي واعز كاعده وتتشرط عليه وماوكفت بعينها دلالي ومحبتي الها

مهدي : خالي عوف شغله عبد وشرهب اني اجيتك على حوراء

عمران : غير اختك حضرت جنابها جان شرطها الاول اخطب شرهب اخاف عبالها تلوي ذراعي ماعاش ولا كان اليمشي حجايته براسي هي الخسرانه تبقى هيج معلكه لا مطلكه ولا حره وتستاهل تنحرم من بتها هي الجابتها لنفسها لو باقيه على شروطها ذيج اكول حقها واخلي عبدالله ينفذها بس مال تحط او شرط خطوبه عبد ماارضاها الصار بيها من ايدها لتجي تلومني وهاي كدام عمي لوما وداد توسلت بيه وكعت دخيل مااخلي عبدالله يطلك حوراء جان من يوم ماطلعت منكم هي طالك منه وتحلم تشوف بتها اني ماارضى بت ابني تعيش ويه ام تفضل روحها على جهالها اكو ام تضل اشهر بليه طفلتها الرضيعه وكت منكول الها ارجعي وحطي شروطج تحط شرط زواج بربكم صاير دايره

مهدي : سالفه امي توسلت بيك بعدين احاسبها اني المخبلني شون تفضل ابنك علينا وتعرف بيه مأذي حوراء وباطل بتصرفاته وياها

عمران : واني ماشفت منكم الزين حتى افضلكم عليه كل واحد بيكم تجاوز عليه وماحسب احساب لمكانتي اولكم جبيري والشايل اسمي واخركم اختك الصارت تالي وكت تكعد كبال خالها بكل عين صلفه وتتأمر بعد مجانت تستحي ترفع عينها بعيني واذا سمعت صوتي تنهزم

عبدالرحمن: السلام عليكم

عمران : هاكم هذا اجه الجبير المفروض يعقل مرت اخوه ويرجعها مو يروح يحط سالفه براسها ويخليها تتشرط اخطب مره اله مرايدها ولا راح اريدها

عبدالرحمن: اني لا خليت سالفه براسها ولا طلبت منها هي من ذاتها سوت هيج واذا على شرطها الي يخصني اعتبره ملغي ونفذ طلباتها الثانيه ورجعها لابنك وخلي بتها تبات بحضنها كافي طيحتو حظها للبنيه نايمه بلفراش من وره ابنك المستهتر

عمران : لتحجي على اخوك انت لو بيك خير جان صرت مثله ورفعت راسي مو خلصتها طيور وتاليها تريد تتزوج وحده امها استغفر الله مااريد اشيل ذنبها

مهدي : وكفت عقلي شنو الغيرك انت مو بنفسك مزوجني ناي وكلت شرهب لوما متزوجه جان زوجتها لواحد من ولدي انت بيدك بيوم سحلتني من ديالى لبغداد حتى انعالج بيبيتهم بعد ماجنت مااطيق اسمع خبر عنهم

عمران : ولهاي اللحظه اذا نخوني مااقصر

عبدالرحمن: شو شئ ميشبهه شى

عمران : اذا نخوني هذا من اصلي اركض للغريب وللكريب ويوم ماكلت البت اخذها لواحد من ولدي ماجنت اعرف امها هيج وضعها جنت سامع امها ذبتها وراحت اطلكت حالها حال هواي نسوان ويوم مادزيت ناس تسأل وتستفسر جابولي سوالف تشيب شعر الراس امها وحده فالته وسمعتها على كل لسان وحده مشهوره بفسوقها تردون ادخل بتها جنه لبيتي

عبدالرحمن: والبنيه معليها وشفت اخلاقها وسمعتها وحتى مهدي اجه گلك عاشت ويايه اكثر من سنه ونص مدري سنتين وماشفت منها غير الاخلاق والادب والعشره الطيبه بعد ليش تاخذها بذنب امها

عم عمران : ولا تزر وازرة وزر أخرى كلمن واعماله ابوعبد

عمران : هاي يوم القيامه مو واحنا بمجتمع عشائري ننسأل عن النسب اني حتى عبدالله ماخليته يتزوج وحده اجنبيه وشرطت عليه ياخذ بت عمته لان اعرف اصلها وفصلها ومحسوبه علينا اجي بعد هذا التعب كله اجيب وحده تلوث سمعت عائلتي وتبقى نقطه سوده اله جوه التراب

عبدالرحمن: واني مااتزوج غيرها ولو اخوها منطيها جان هسه اني بيتي وهي صارت ام ابني

عمران : اعرف بيك عناد بيه تريد تاخذها

عبدالرحمن: ادري لو احجي منا لباجر متصدكني بس خليها بالك يابه البنيه احبها ورايدها ومثل ماانت تريد النسب الزين والسمعه الزينه اني اريد المره الاحبها والي ادري راح تشيل اسمي وتحطه على راسها وتعيشني مرتاح كلمن يدور على مصلحته

واذا مو اليوم باجر بعد سنه اضل انكل ناس وعمام لحد مايقبل اخوها

عمران : اعرف يونس مينطيها الك اله اروح برجلي وادوس عتبت بابهم واني مراح اريحك ولا اريحه

عم عمران : صلو على النبي مو هيج النقاش

عبدالرحمن: اني اجيت اشوف امي وشفت سياره مهدي ودخلت اسلم واله اني حتى جياتي لهنا لخاطر هاي المسكينه الجوه لان تخابرني تبجي

مهدي : اكعد عبدالرحمن

عبدالرحمن: شكعد مو كدامك اذا ابقى الوص شغلتك بلزايد مو انت تعرف ابويه اذا اثنين تعاركو واحد بروسيا والثاني بأمريكا راح يكول عبدالرحمن السبب خليك بلجاي علموده ليشيلك ذنب كلشي

مهدي : اكعد يمعود وخلي نتفاهم

عمران : واني ماعندي شى نتفاهم عليه تريد اختك بتها من باجر تحجز وترجع والاكدر اسوي انفذ شروطها لان من حقها مايضربها ولا ياخذ راتبها ويعاملها بلحسنى اما شرطها الاول تنكعه وتشرب مايه خطبه مااخطب

مهدي : واني مااريد اختي ترجع وشروطها اعتبرها مسحوبه اني اجيت عليك حتى ترجعون بتها ويطلكها

عمران : يطلك وبنتها تبقى يم ابوها غيرها ماعندي

مهدي : خالي لتخربها بينه لهاي اللحظه حاسب حساب الك

عمران : واني مااحسب حساب لاي احد على دكتكم الاخيره

عم عمران : بله اسكتو وخلي نحلها بلتراضي الكل تصلي على النبي

عليه الصلاة والسلام

عم عمران : خلي نلزم العصا من النص وكلمن اله طرف البنيه ترجع لرجلها وتنطي لعبد الله فرصه ثانيه اذا عوج وياها ثاني يوم ترجع للعراق والطفله من حقها

عمران : عمي ميصير هيج

عم عمران : لا يصير بلعقل كلشي يصير انت مو ابنك خير وتريد تركبه على الكل انت حقاني عمران ويه الناس مو تجي تالي عمرك ويه لحمك ودمك تعوج ابنك مكسراته هوايه وأذاها لو شافت الزين منه متشرد بليله ظلمه

وانت تكول حسبت بنتي واكثر ولو بنتك ماترضالها الاذيه والاهانه الطرفين عايدين الك انصفهم خلي ترجع لبيتها وبنتها واي تصرف من ابنك يسقط حقه وترجع للعراق وبذاك الوكت اني اوكف وياها ضدك وانت مهدي عقل اختك وخلي تكوم على حيلها وترجع لبيتها مااكول تتحمل بس على الاقل تصبر عسى ولعل يدخل الرحمن بينهم وتتحسن امورها وياه غير المره المعدله الي تبني الرجال وتعلمه على طباعها

مهدي : واذا راحت وانتقم منها

عم عمران : اذا لمسها ابوه كدامي اخلي غصب عنه يرجعها بيده للعراق وبحضنها بتها

وانت عمران خلي ابنك يثكل بنات الناس مو لعبه عنده وتبقى عرضه خلي يحطها على راسه حتى يشوف معدنها لاتقوي عليها لتنسى هاي يتيمه فأما اليتيم فلا تقهر وانت بحسبت ابوها

عبدالرحمن: واني

عم عمران : انت سالفتك غمه

عبدالرحمن: يابه مااريد شى منك غير نص ساعه نروح نطلبها وراها شتسوي بيه راضي

عمران : اله هاي السالفه

عم عمران : البت شفت شى عليها

عمران : لا

عم عمران : مرات الورده من تنزرع بكاع بور تصير قيمتها اعلى من ورده مزروعه بنص بستان لان تحملت اشكال لحد ماكبرت وفتحت صدكني حتى لونها وعطرها يصير مميز توكل بالله وروح اخطبها وعود لدخلها لبيتك ابنك متمكن يفتح بيت وحده

عبدالرحمن: يابه شلعت گلبي صار سنين مايوم طلبت شى منك ورضيت طالبك هلمره

مهدي : بقى يتوسل عبد والعم على سالفه الخطبه لحد مادكت الباب ام عبدالرحمن

وسلمت

ام عبدالرحمن: ارضى عمران وخلي الولد يفرح مو حتى انحرمت من شوفته

عمران : لا تضلون كلكم فوك راسي تحجون

ام عبدالرحمن: خلي ياخذها ويطلع انت مو تريد راحته خلي ياخذها قابل هو مره ونخاف يطلك اذا طلعت مو خوش ومو ادميه يطلكها ونزوجه اغاتها مشي وياه حتى بعدين لا يلومنا ليش زوجتوني فلانه ومااخذت شرهب طلعها من نفسه ومتأكده اذا عناد لو نزوه راح يمل منها بأسرع وكت وهو بنفسه يجي يگلك اختارلي لتضيعه من ايدنا كافي الثاني بلخارج والبنيه هم ضل بس هو عدنا وهاج من البيت اضل هيج عايشة كل خلفتي بعيده عني

عم عمران : ليصير راسك يابس وخلي نروح باجر نخطبها ونفض السالفه كلها

عمران :خلوني افكر

ناي : وبعدين

مهدي : باجر ينطينا الخبر وهذا عبد شايط حتى مقبل يطلع ويايه كال راح ابات يمهم حتى اضمن موافقته

ناي : وحوراء

مهدي :شرطها الاول انلغه بس اذا خالو راح خطبها لشرهب معناها الرادته هم صار وشروطها الباقيه محد معترض عليها خلي اطيب وتكوم بلسلامه ارجعها واذا أذاها عبدالله مره ثانيه بذاك الوكت حتى ويه خالي اتعارك وعمه ويايه اصير صاحب الحق واخذ كل حقوقها من عينه

ناي : خلي اكوم ابلغها

مهدي : لتحجين لشرهب على الصار اليوم اخاف خالي ميوافق مااريدها تتأمل

ناي : لا مااحجي ولا اني اريدها تتأمل

كمت ورحت لحوري الجانت شبهه واعيه بس دايخه كتلها على الصار سكتت اعرف هيه متريد ترجع بس مجبوره لان محد ينطيها بتها

ثاني يوم كاعده اغسل لحوراء وحاولت اوكلها بدت تاكل لان رادت اطيب بأسرع وكت حتى ترجع لبتها خابرني مهدي وكال عمران وافق يخطب شرهب واليوم نروح يخاف ليغير رأيه لابوه جنت ممصدكه حتى حوري الجانت طافيه فرحت وابتسمت مكلت لشرهب ردت تصير الها مفاجأه فرحتي جبيره بأختي وحوراء كالت اجي وياج حتى لو تعبانه

حضرنا نفسنا وبقينا ننتظر والوكت مشه وماكو اي خبر اتصل بمهدي وميجاوب وهلمره يخابرون عليه اهلي ومااكدر اجاوبهم شكول الهم ضليت ارجف وحوراء هم خافت لان منعرف شصار لحد مخابر مهدي وكال لينتظرون جانت صدمه الساني انخرس خابرت يونس واني وحوراء مصدومات وحده تباوع بوجهه الثانيه ومنعرف شصار لحد ساعه ١٠ بليل نطحن طحن دخل مهدي وعبدالرحمن وياه وايده مخيطه وراسه مشدود تخبلنا ركضت عليه شصار عفيه

مهدي : انطينا مجاال

كعد عبد الجان حاله مخربط ونخاف نعيد السؤال ليعيط مهدي

مدده وخله مخده جوه راسه حوراء كعدت گباله واني طبيت وره مهدي للغرفه اريد افهم شصار اباوع مهدي ملابسه كلها دم عفيه انت بيك شى

مهدي : مابيه لتخافين

ناي : اشصار مو حتى دم ماضل بيه من الخوف

مهدي : عبد تعارك ويه ابوه

ناي : صخام ليش

مهدي : من رحنا على الموعد طلع النا خالي كال مااروح اخطب لو عبد تصركع

ناي : زين هو مو الصبح كال موافق شغيره

مهدي : عبدالله

ناي : هذا شعليه

مهدي : خالي مخابر عبدالله وكايله مرتك راح ترجع ورايح اخطب لعبدالرحمن يعني مفهمه كلشي وذاك متخبل وضال يعيط اني الدكتور التعبان على نفسي مرت اخويه تصير

ناي : كمل ليش سكتت

مهدي : خلي اروح اشوف عبد

ناي : كمل مهدي كمل خلي افهم

مهدي : مااريدج تزعلين هذا واحد مطي حرامات الشهاده الماخذها

ناي : كمل ياعيني وشصار بعد

مهدي : ضل يقنع ابوه وكايله حتى حوراء مااريدها اذا خطبت هاي البنيه لعبد شون بنتي تصير بت عمها او ابن عمها من هيج بيئه وحجي هواي ماصخ وسخيف ومع الاسف خالي من زمان يحب عبدالله ويلبي طلباته وكله مراح اروح اخطب وهذا الي خله عبد ميشوف كدامه هستره لان كله اخوك ميقبل واني ويااه مااكسره واصغره لخاطرك حقه تعب دراسه ومستوى شون انزل من مستواه لو خالي كايل رجعت بكلامي ومااخطبها جان هواي ارحم بس حسس عبدالرحمن لا شئ واهم شى مصلحه اخوه والي يريده وطز بعبد خالي شكد جان حنين علينا كلنا اله عبدالرحمن دوم صارم وياه ودوم طلبات عبدالله بلمقام الاول حتى على حساب عبد لهذا همه مو على اتفاق التفرقه مال خالي زرعت الحزازيه بين الاخوه

وهاي النتيجه اليوم عبدالرحمن متحمل وتجاوز وكسر الغراض الكدامه وضل يعيط وخابر على عبدالله فشر فشار عليه مو طبيعي وخالي متحمل سحب السلاح عليه ولوما امه واني جان كتله

وضربه براسه خله دمه بطوله ربج عبد وعه على نفسه ومتجاوز على ابوه اكثر اول مره اشوف خالي وعبد بهيج وضع

ناي : ساعة السوده على هاي الخطبه خلي يعوف شرهب كاافي

مهدي : الشغله مو يم شرهب الشغله اكبر ناي التفرقه تأذي وعبد سنين يعاني منها وعقدته جانت خالي مااحتوه ابنه وكبره بعينه وبعين اخوه بلعكس جان دوم يقلل من قيمة عبدالرحمن ويفضل عبدالله بكلشي بأصغر الامور واكبرها واليوم كملها من صغر عبد كدام اخوج وشرهب ومراح ونفذ كلام عبدالله

ناي : ماادري انقهر على عبد والصار بيه لو على اختي وفرحتها الراحت

مهدي : اني باجر اروح ليونس واعتذر منه مكدرت اخابره حيل انحرجت معرفت شكوول ومنا عبد فاقد ودمه يجري وبلمستشفى اخيط جرحه خابرتج حتى تبلغين وباجر اروح اله

ناي : الله كريم سمعنا صووت عبد طلعنا جان يعيط من راسه مبين متأذي انطيناه مسكن اباوع خطيه ايده اليسره مشدوده وراسه مشدد خابرت على شرهب ردتها تعرف حتى لتحقد عليه مو هو السبب هو ماله ذنب مغلق تلفونها

شرهب : ضليت فاتحه رسالته واقراها مكان المره ١٠٠ مره اعيد بيها لزمتها ومسحتها وسويت حظر اله وطفيت التلفون مااريد شى يذكرني بيه طبيت حاولت انام عمه كالت انتي نامي بلغرفه واني بلهول جنت محتاجه ابقى وحدي وخطيه بيبي كالت اني انام يم بدعه فرغولي الغرفه هي الغرفه صغيره متكفي ٣ اشخاص ينامون بيها لهذا دوم انام بلهول

غمضت واتذكر كلمات رسالته المصيبه اسمعهن بصوته مو بصوتي من اقراهم حاولت انام وادردم على روحي اول تالي متغفين بسرعه كمت طلعت من الغرفه للهول سحبت المخده مالتي شايلتها وافتر باوعت الهول ضوا خافت بيه وبيبي نايمه وعمه هم واكو مجال بنصهن حطيت المخده ونمت على الزوليه بدون فراش ولا غطا ردت احس بوجودهم ردت ام تحس بيه تواسيني

بلحظتها احتاجيت ناي ويونس لان دوم اعتبرهم امي وابويه حطيت راسي على المخده جان تنشمر طرف من البطانه عليه رفعت راسي لكيتها بيبي

عمشه : تعاي يمه نامي جاري

شرهب : تقربت منها وحطيت راسي على صدرها مدت ايدها على راسي وتقرا الايات الحافظتهم رغم متعرف هوايه بس كم وحده وتعيد بيهم بس بيهم امان وسكون عجيب لگلبي بلحظتها غفيت بدون حتى ماافكر اباجر وشمرت حملي وقهري على الله هو جابر القلوب المنكسره

فتحت عيني ثاني يوم وبيبي تكرط يم راسي خيار تعروزي من الصبح

شرهب : هااا بيبي شسامعه من الصبح خيار

عمشه : چا غير الجالي صعد على افادي نايمه طابوكه راسج شكبره

شرهب : فركت عيني انتي تدرين الخيار هو يزيده ويهيج القولون مالتج

عمشه : مايهيجه غيرج عبن مدهربه ومشلوشه جنج عمتج طايره وفاره

شرهب :هذا كله لان نمت بحضنج اعتذر مااعيدها ولو النومه يمج طلعت حلووة اكول جدي خلف ٦ منج

عمشه : چالو ضال وما خذاه الموت اسويهم درزن

شرهب : لا دخيلج وخاصه اذا طلعو نسخ من جوحي وعبيد يممممه مجرد اتخيل صعد الجالي انطيني خياار وجريته من ايدها واكلت

عمشه : چاموش يزيده

شرهب : هااااا ماادري

عمشه : والغسل مسويه رويحتها دغتوره وهيه هايشه بجول مااحطها

كعدت اقرا احاول مااريد ارسب هذا اخر امتحان عندي شكد صعب الواحد من يقرا وراسه مشغول وگلبه يأذي قمه بلتعب حرب نفسيه

مجاوبت ناي حتى لتفتح موضوع عبد ولا حتى سألت شنو الصار كتلهم لحد يفتح هذا الموضوع كدامي ورايه امتحان والكل سكت

ثاني يوم رحت امتحنت ومجاوبت زين على كد نجاح ميخالف المهم مااوكع رجعت طافيه واسحل بروحي كلشي اظلم بعيوني

طبيت بدلت ونمت حتى غدا متغديت كعدت العصر غسلت وراسي صداع دمرني

سمعت عمه تخابر

خير عمه

بديعه : هذا يونس يكول مهدي مخابره يريد يجي يزورنا

شرهب : هله بيه وليش يستأذن

بديعه : مو عبدالرحمن ويااه

شرهب : وشكوو جاي خير

بديعه : ماادري والله وناي وياهم خابرتها كالت عمه من اجي احجيلج

شرهب : اني راح اطب انام لحد يكعدني

عمشه : مهروشه على النوم شجرالج توج كعدتي

شرهب : خلي انام بيبي اذا سمعت صوته راح اتعارك وعيب اطلع صوتي ويونس كاعد وياهم

عمشه : يايمه نوم الظالم عباده ولي نامي گله ولا حسج يلعلع

شرهب : عفيه افتهمتيني واخيراً

طبيت تمددت جذب يانوم اقشمر روحي غير من عرفت جاي لو بيدي الزمه مااخلي عظمه بيه صاحيه واحركه بيدي واطفي وارجع اكطعه

سويت نفسي نايمه ورجلي تتحرك من القلق

عمه اجت فتحت الضوا اخذت تلفوني كالت بيبي تريد عمه خوله فتحت الجهاز الها وانطيته ورجعت حطيت المخده على راسي

ناي : ثاني يوم عبد تعب وراسه يأذي ومراح مهدي وكال باجر نروح اندكت الباب فتحتها لكيتها عمتي ياستار خيرها ماسلمت كالمعتاد طبت جفت على عبد هداده

وداد : لك شون تتجاوز على ابوك وكسرت الغراض كدامه وتفشر على اخوك مستحيت كله علمود بت الكحبه هااي من انعل ابو الساعه الجابهن علينا من يوم ماطبن بيوتنا حركنا حرك

عبدالرحمن: عمه انزلي جوه مالي خلك لروحي

وداد :هاي تاليها تهد على ابوك

عبدالرحمن: اني ماهديت اله من أذاني حييل لو لان رجل بتج ادافعين اله ولو اني على شنو متعب نفسي هو انت يايوم صرتي من جانب الحق وحجيتي ضميرج حتى هسه تصيرين من جانبي انزلي عمه رحمه لابومهدي وخليني بحالي

وداد : ابوك جان انجلط من وراك

عبدالرحمن: عنده ابنه يجي يداري هو كالها انت متت بلنسبه اليه بعد عليمن جايه ادوخيني

وداد : كله من وراها اليوم اروح افضحها بلمنطقه هلساقطه هااي دخلت الشيطان بينكم

ناي : مجاوبتها لان اعرف تتحارش حتى تتعارك ويايه وتذب حرگتها بيه بقيت اتفرج

عبدالرحمن: خليني عاقل والله هاديني ليش حتى انتي انهد بيج ايااج تتجاوزين عليها واوصلي لبيتها وشوف شسوي

وتره البنيه مالها دخل اخوج عاال بيه هوايه وصغرني وفضل ابنه عليه وكل مره ابلعها واكول يمون ابويه واخويه مو غربه واصبر سنه وره سنه من اني وبالاعداديه واخوج شوفني الويل وخلصتها مشتري راحه بالي واتغاضه عن سوالفهم وزادو لحد مافشلوني وطلعوني اني والماكو سوه يلعبون عليه واحدهم مسويني تسليه لنفسه واكف يكولي اخوك ابده منك هو دكتور ومركزه وسمعته اهم انت خلك مطيرجي ميهمك حجي الناس ولا السمعه بربج اكو اب يكول لابنه هيج مرات اشك هو ابويه اي حنيه عليه ماشفتها وزع طيبته وحنيته وتعبه على الكل واني دفرني برجله كومي عمه انزلي لبيتج راسي موتني صوتج يرن براسي وكعد يأذي

وداد : لك ابني روح بوس راس ابوك وراضيه محد يفيدك غيره سندك بلدنيا النسوان خرابات بيوت كاطعات صله الرحم تركض وراهن متحصل غير الخراب

عبدالرحمن: لتحجين عن نفسج عمه

وداد : شقصدك

عبدالرحمن: ام سيف حبايه مسكن يرحم والديج اريد هذا الصماخ يهود

ناي : صار

وداد : ينلام ابوك من ضربك تستاهل وخليك وراهن لحد متضل بلشوارع محد يلفيك

خلت ونزلت واني انطيته المسكن

عبدالرحمن: خابرتي شرهب

ناي : مغلق تلفونها عبد انت مثل اخويه والله شاهد اعزك عوف سالفه الخطوبه وصالح ابوك وسد الباب هذا كله وعيش حياتك بين اهلك وناسك

عبدالرحمن: الباب الوحيده الي اريد اسده باب بيتي وبداخله اختج

ثاني يوم العصر قررو يرحون وعبد وياهم كتله خلي اجي حتى اشوف شرهب گلبي نار عليها بقت حوراء بلبيت وسيف وياها

وصلنا فتح الباب يونس سلمنا ودخلنا

قدمت عمه كيك مسويته وعصير وكعدت وبيبي موجوده تباوع

عمشه : سلامتك يمه منهي طاكك هيج

عبدالرحمن: ابويه

عمشه : بعد ايدي عبنك ماتنجرع وطكاك انه اعرفن عمران العيبه ماتطلع منه

عبدالرحمن: ويه الكل الناس متطلع بس ويايه

يونس : خير شصار

مهدي : اليوم اجيناك نعتذر منك لان خلفنا بموعدنا والمفروض نجي

يونس : خلي افهم بالاول ليش مااجيتو وشبيهه عبد هيج وضعه وبعدين نشوف سالفه الاعتذار

ناي : كعد مهدي يسولف كلشي بس احتفظ بشغلات الغلط الصارت بحق شرهب لان ميكدر يحجيها يونس ساكت وبس يسمع بالاحرى الكل ساكت لحد مكال

يونس : الله يبرد الگلوب بينكم واعتبرو الصار اول البارحه مصار انتم خطارنا وهذا بيتكم وسالفه الخطبه اعتبروها ملغيه تماماً وياريت بعد ماينفتح طاري هاي السالفه

عبدالرحمن: اجيتك مره وحده ومقبلت واجيتك وجبت عمامي كلهم وهم ماقبلت وجنت ناوي اجيب ابويه ومصارت وكدامك كبرت اكثر وبعد مستحيل بيوم يجي ويخطب شرهب

يونس : عادي تبقى اخونا وهذا بيتك وعزيز علينا وكلشي قسمه ونصيب

مهدي : اعرف بيك تحب اختك وتريد سعادتها وتريدها معززه مكرمه وتطلع من بيتك كدام اهل رجلها وهذا ابسط حق الها بس مرات الظروف تحكمنا وتجبرنا على شغلات غصب عنا في سبيل تمشي الحياه اني مايوم اجيتك وكتلك اريد شرهب لعبد صحيح اجيت وياه من اجو عمامه بحكم صديقي واقرب شخص عندي بس جنت رافض الفكرة لان مااريد تگبر حيل المشاكل بينه وبين ابوه بس اليوم جايك وعشمي بيك متردني واحلفك بلدم والنسب الجمعني بيك تقبل على زواج عبد من شرهب واني انطيك كلمة شرف اختك تعيش افضل عيشه ومدللـه وعبد يحطها بعيونه وحط معلومه قبل متنطي رأيك عمران من راد يجي يقرا فاتحه وبس ومايتقبل شرهب بيته ابد ولا بحياته يعني شى شكلي كدامك حتى ابنه مايرضى عليه صارت لحظة ضغط من الكل عمه واني وعبد وام عبد لهذا وافق وبكلمة من عبدالله رجع ورفض يعني جيته صحيح مهمه عندك بس مراح تاخذ من حياة شرهب غير نص ساعه وراها راح يتبره منهم يعني بلحالتين هو مامتقبلها ولا راح يتقبلها

شرهب عاشت مده لا بأس بيها يمي وحسيتها حالها حال حوراء وداعت ابني ولو اعرف عبد مو كفو ومو رجال مااتجرأ واخطبها واني اتحمل مسؤوليه وانطي كلمة شرف ثق بالله مراح تلكة انسان يصون اختك ويراعي الله بيها غيره انت تريد عائله لو رجال يصير الها عائلة ويعوضها عن كلشي وعبد كدها جاييك واحلفك بدم امك وابويه الي يسرون بينا لترد طلبي وخلي افرح اخويه الوحيد ماضلي غيره ولو انت هم مثل اخويه بس تعرف علاقتي بعبد وبصلاح الله يرحمه غير شكل ذاك مات بعز شبابه ومالحك يتزوج ويشوف خلفته وهذا ضال يفتر مثل المخبل على ساعه يضيع ويسوينا مكسوره

حجيه شنو رايج

عمشه : يايمه انه لون عليه كبع واخذ چاهيه هاي السوالف ماتگبر بخت ياما زلم معكله ينحلف بيها كعدت وكطعت الحك وتالي البت ايام ماتضل وترد لاهلها وبختها ضايع والزلم الكعدت مانشوف طولهم هيه مريوده موش مامريوده لجن كلمن وظرفه انه عندي الزلمه اهم من كلشي يراعيها ويحابي عليها ويحطها بگلبه ابرك من كل هاي السوالف

يونس : انطوني كم يوم وادزلكم خبر

عمشه : شنهي يمه الزلمه مدمه وضاله مشدد وصلعته هلكبرها والله كطعه عوزها بس حرث ارحم بحاله وفرحه

عبدالرحمن: اروح فدوة لهلوجهه ماكو غيرج مريحني

وهاي الصلعه جم يوم ويطلع شعر بيها لان انضربت زينوني

عمشه : لاتقشمر على رويحتك غير شعراتك طايحه يله الزلمه مايعيبه لون طاحن چا الرگيه صلعه ماتنوجل كشورها العينه على لبتهه لون حمره وحلوة هي المريوده موش بيضه وفاهيه تالي الكشور بلزبل تعلس بيها الحواوين

عبدالرحمن: هسه اني مفهمت ترزلت لو انمدحت

بديعه : ههههههه انمدحت ابني

عبدالرحمن: ينعم الله عليج حجيه

دك التلفون عمه خوله رادت يونس استأذن منهم واخذ التلفون وطب بقى حدود الربع ساعه وطلع اني كمت

طبيت على شرهب فتحت الباب وخرت المخده ادري بيج منايمه

شرهب : شتردون مني

ناي : عبد جاي بره ورايد يخطبج

شرهب : واني مااقبل لا كل شويه فاتحين الموضوع

ناي : جذابه تردي

شرهب : مااريده بعد لو يصبوه ذهب مااااريدددددددده اعييييط بعد

بعد عشرة ايام :

هلمره اذا مااجه احرك عشيرته

بديعه : شكد حجيتي عليه من الصبح لهسه

شرهب : گلبي مقبوض من ذيج المره

بديعه : يمعوده مو وكتها شوو خلي اشوفج

شرهب : هااا شوني

بديعه : طالعه تخبلين

شرهب : الله يستر

بديعه : عليمن خايفه هي دقايق يقرون الفاتحه ويطلعون

شرهب : دك تلفوني هذا عبد كون يكول مجاي حتى ادخل بيه اربعه ارها.ب

الوووو

عبدالرحمن: دقيقه وحده واحنا يمكم بس مدي راسج موو اطلعين بلباب اريدج تشوفين شى لتخلين احد يلمحج اشعل اهلج

شرهب : وتاالي وياك تره بعدني موو الك تره ارفض

عبدالرحمن: موو هيه بكيفج وصلنا

شرهب : ركضت اشووف شكوو طلعت من باب الهول اكو حايط مديت راسي شفت الشارع واضح كدامي وانصدم سيارات سدت الشارع سد ارقى انواع السيارات كلها حديثه وشباب وكم رجال معكل ومزيقه وكفت بلباب فتحت عيووووني مصدومه

دك تلفوني فتحته هاااي شمسوي

عبدالرحمن:مو راد اخوج مشيه جبت اهلي واصدقائي وكل شخص يحبني ويريد خاطري كله لعيونج لا اخلي الصغير والجبير اليوم يركص لان خطبتج

باوعت عليه من بعيد القاط يجنن بيه ومزين اصلع بس السكسوكه طالع ينكرط

دخل كم واحد منهم لان البيت ميكفي وبدو يقرون الفاتحه

ومااشوف غير الهلاهل والجكليت من كل مكان معقوله اني انخطبت وهذا الصاك صار اليه

حوراء : كاعده احظر جنطتي عكب باجر اسافر تمنيت احظر خطوبه شرهب وافرح لفرحهم بس مردت اسوي مشاكل ويه خالي وخاصه اكد مااوصل لذاك البيت اسمع امي بلتلفون تعييط واني ابتسم رغم مراح خالي يخطبها بس غصب عنها صارت جنتهم والله عبدالرحمن رجال وكد كلمته

بليل كملت كلشي واسمع ناي تكول لو مبقيني ابات ياعيني هم لازم ارجع باجر

مهدي : باجر اوديج لان شفتج تعبتي

ناي :كون يارب الفرحه فرحتين ونخطب باجر ليونس ونخلص

مهدي : هذا هو قررتو

ناي : ممصدكه واخيراً يونس قبل يخطب

يتبع .....

#الابواب_الخمس

البارت السابع والاربعون /الجزء الثاني

للكاتبة Reem

(بارت طويل لعيونكم )

بعدهن حارات اجروحي اجروح

!لچن عندي صلابه وروحي جسرة

!اروف جروحي بيدي وماگلت اخ

!والگه الخيط بس تضيع الابره

!يلاگوني يباس ارواحهم بور

!بس انه الوحيد الروحي خضرة

الخضار البيه يجبر خاطر الگاع

افرفح غيظ من طيح شجرة

عل جفى المحابس جانت اتغار

بيدي وضيعتهن شذرة شذرة

مهدي : باجر اوديج لان شفتج تعبتي

ناي :كون يارب الفرحه فرحتين ونخطب باجر ليونس ونخلص

مهدي : هذا هو قررتو

ناي : ممصدكه واخيراً يونس قبل يخطب

حوراء : حسيت رجلي وكفت والدم بعد ميجري بجسمي الصدر ضاك عليه والهوا اختفه المفروض مااحس هيج بحكم لان متزوجه بس اكو امور مو بيد الواحد

ضليت اريد استوعب السمعته لا ارادياً نزل دمع حرك خدي دمع بيه لوعه گلبي والظلم الي تعرضت اله مجرد فكرة يونس يرتبط بغير انسانه ويحبها وادري اي وحده راح يرتبط بيها راح تنسعد ويااه خلتني اكره نفسي واكره كل اهلي الظلموني

دخلت للغرفه احاول اهدي نفسي مااريد ناي تشوفني اكيد راح تعرف شبيهه

حوري وينج حوووري

حوراء : هنا بلغرفه كمت امسح بعيوني بس كل ماامسح تنزل دموع اكثر الشهكه نزلت بصدري

ناي : اصيح عليج شكعد تسوين

حوراء : دنكت سويت نفسي ارتب الملابس كعد ارتب الجنط

ناي : شو باعيلي مبين من صوتها باجيه ارفع راسج يمعوده

حوراء : رفعت راسي

ناي : شبيج منو وياج

حوراء : ماكو احد ابجي لان راح اسافر

ناي : تضمين عليه

حوراء : عفيه عوفيني وحدي

ناي : غير افهم شبيج

حوراء : مابيه

ناي : حتى ما سألتي عن شرهب وشصار

حوراء : الله يسعدها تستاهل كل خير ويسعد يونس بنت الحلال الي تريحه

ناي : كعدت بصفها سمعتينا مو

حوراء : واذا سمعت قابل راح يتغير شى ومو من حقي حتى ازعل اصلاً عيب عليه تنزل دموعي بس وداعت بنتي مو بيدي حاول اسيطر على نفسي مكدرت

ناي : حضنتها سوده عليه شكد متأذيه جان حييل تحضني وتناشغ بلبجي

مااكدر اكول الها من حقه يعيش لان بعد مترهم بينكم عفتها تفرغ الي بگلبها عسى من تسافر تعيش بوضع افضل من الوضع الراح

قبل ١٠ ايام

شرهب : كمت اعيط على ناي مااريد اتزوج وناي تضحك بوجهي شبيج فطيره كعد اكول نكته

ناي : والله جذابه تردي

شرهب : ودكتهم بيه نسيتيها

ناي : شوو كومي جريتها من دشداشتها كوووومي

شرهب : راح اوكع على كيفج كمت من الفراش وحافيه جرتني

ناي : مدي راسج وشوفي حاله

شرهب : مديت راسي بدون ميلمحني هااي شنو شبيهه مشدد

ناي : كل هذا من وراج وياريت مقدره

شرهب : ويه منو متعارك

ناي : ويه ابوه هيج واحد تحطي على راسج مو تتنعوصين ومااريده

شرهب : رجعت للغرفه حايره شوو تعالي فهميني وكعدت ناي تسولف كلشي الصار

ناي : شفتي شون يحبج لتأذي كافي خسر اهله لعيونج والله هيج حب مشايفه مو دوم تكولين اريد واحد مثل المسلسلات التركيه يحبني ويشبع كتل هااج اجاج وبلنسخه العراقيه

شرهب : لو كاسرين ايده ورجله وطلقه بطنه ويدخل مستشفى جان شويه صار اكشن واحلى واروحله للمستشفى والزم ايده واتوسل يعيش وانزلي جم دمعه وامسح خشمي من القهر وتالي يكوول مااعوفج حبيبتي عايش لعيونج ياااايمه المنظر فانتاستك

ناي : كفختها على راسها الرجال مفشوخ وانتي تردين طلقه مخبله

شرهب : كلت لووو لووو يعني الواحد حرام يحلم

ناي : عابت هيج حلم فضينا انخطبي وخلي نفرح سمعت صوت مهدي طلعت اركض

مهدي : ابقي هنا بليل اجي اخذج

ناي : ماشي حبيبي طلعو وصلهم يونس للباب وطب

هااا حبيبي شگلت

يونس : منو منكم مخابر عمتي ومبلغها

عمشه : شنهي تحاسبنا

يونس : يعني انتي بيبي

عمشه : چاغير عمتك ولزوم تعرف شنهي خراعه خضره وماتگللها

يونس : عمه تكول انطيها

بديعه : والله اني نفس رأيها وبعد شكالت

يونس : گالت

خوله : ياابني اقبل افضل لحياتها البنيه مطلگه وهذا الشى يأثر عليها وكبرت لشوكت تخليها يمك واذا مقبلت عليه المن تزوجها وشمدرينا شنو الناس حظها الاول وعرفناه اخاف تنعاد الكره وتوكع بواحد اتعس من عدي

يونس : اني مردت غير ابوه يجي حتى متتعاير

خوله : هي هيج هيج تتعاير ماطول امها جليله اقلها الولد شاريها وذابح روحه عليها هيج واحد راح يقدرها الي يتقدم بعدين ويسأل ويستفسر اكيد مراح يتقبلها بسهوله واذا تقبل هم راح يعايرها باول عركه بينهم

توكل بالله وانطيها وخلي يصير عدها عائله وبيت وجهال لتكسر بختها حبيبي واذا على ابوه يبقى ابنهم ويجي يوم يرضون عليه

كافي عبد واجهه الدنيا وابوه واجه يتوسل حتى تقبل هاي شكبرها خلي البنيه تفوت بفالها لتروح تاليها تصير مثلي بليه رجال وجهال وتعيش وحدها

يونس : واني مو ابنج

خوله : انت روحي ولو عندي ابن مستحيل يصير بغلاوتك اسمع كلامي وتوكل بالله وانت هم حظر نفسك

يونس : خير

خوله : شفتلك مره

يونس : هههههه وين يمج

خوله : لتضحك مكعد اتشاقه بدعه وام حسن شافولك ذيج البنيه الترد روحك وتشيل تعبك وتزيل قهرك بس تشوفها راح تحبها

يونس : خلي اكمل سالفه شرهب والله كريم الولد بره نتخابر بعدين

خوله : لتنهزم يونس وره خطوبه اختك تروح تشوفها وبله وجع گلب

يونس : الله كريم

بديعه : حجي عمتك عين العقل شرهب تعاااي

يونس : خلي اني ادخل عليها

شرهب : سمعت صوتهم مطلعت طب يويو عليه

يونس : هااا عروستنا

شرهب : منو كال عروسه

يونس : اني مااجبرج على شى وبكلشي انتي حره ولو عليه ولا ازوجج والله واخليج يمي بس مااريد اظلمج وعبد يستاهلج لان شاريج انتي اذا رفضتي حرف مااحجي ولا اعلق واذا قبلتي انطيني خبر حتى احدد موعد وياهم للمشيه شى خلي بالج الرجال الي يصير كد كلمته ويوكف بوجهه الكل وياخذ حبيبته هذا نامي وانتي مأمنه على حياتج وياه لان هو اكثر واحد يعرف ويقدر شكد تعب يله حصل الي يحبها وقبل ليأذيها راح يفكر الف مره ويخاف يخسرها

شرهب : سكتت ومنطيت جواب والكل عافني

وبليل دك تلفوني عرفته عبد مجاوبته يدك ومااجاوب فوك ال٧ مرات لحد مااجتني رساله

عبدالرحمن: اذا متجاوبين اطلع مو رجال اذا مااجيت دكيت بابج بهذا الليل وتعرفين بيه اسويها

رجع دك فتحت الخط

عبدالرحمن: ليش متجاوبين

شرهب : والله هاي حلووة بكيفي مااريد احجي وياك

عبدالرحمن: على الاقل كولي الْحٍمَدٍ للـّہ على سلامتك داخل حرب من وراج واكلت كتل من وره جهرتج واخابر متجاوبين

شرهب : احد كلك تتعارك

عبدالرحمن: شرهب

شرهب : نعم

عبدالرحمن: اشتاقيتلج

شرهب : خرب غير سحت

عبدالرحمن: احجي ليش ساكته

شرهب : شكول

عبدالرحمن: مشتاقيتي اليه

شرهب : لا

عبدالرحمن: جذابه والله معقوله هليومين مافكرتي بيه

شرهب : وعلى شنو افكر اني وحده اشتري راحه بالي ومااحب اغث نفسي اخاف على وجهي من التجاعيد المبكره وتساقط الشعر التفكير الزايد يكبرني واني بعدني صغيره ليش اكبر نفسي لخاطر اي احد

عبدالرحمن: هااا هيج صارت

شرهب : اييي هيج وهسه شرايد

عبدالرحمن: توافقين حتى اتصخم واتزوجج

شرهب : شوو تتصخم يمه

عبدالرحمن: لعد وحده داخل علمودها حروب طاحنه حتى اتزوجها وتالي تكولي اخاف على بشرتي وشعري ماافكر بيك حظ مصخم لو لا

شرهب : الصراحه مصخم الله يعينك

عبدالرحمن: صيري يمي وراح اشوفج التساقط والتجاعيد شون تطلع اله اشيب راسج قبل مترصلين ال٣٠

شرهب : شحدك قابل اسكتلك يوميه اتعارك وياك واخلي حتى السكسوكه يوكع الشعر البيها وضغط وسكر وذبحات قلبيه عبالك اني هينه لا عيني جان يكوول بهدوء

عبدالرحمن: انتي تعالي بحضني وراضي بكلشي

شرهب : مااجي

عبدالرحمن: شوف هااي عبالها بكيفها سمعي ولج من باجر تحضرين نفسج خلال اسبوع اخطبج

شرهب : شوو خلال اسبوع

عبدالرحمن: هاااا هوايه موو عمي مستعجله مبين يله افتحي الباب مستعد هسه اعرس عليج

شرهب : مووو هذا قصدي شكد متستحي اقصد ليش اسبوع شمعنه

عبدالرحمن: اطيب ايدي وراسي اجي مشدود حتى زحمه

شرهب : مااقبل بيك لتجي

عبدالرحمن: اكو حايط يمج

شرهب : باوعت اي طبعاً اكو

عبدالرحمن: جم واحد

شرهب : اربعه

عبدالرحمن: اركعي راسج بيهن اربعتهن لان خلال اسبوع راح تصيرين مرتي يله روحي نامي ليصير سواد جوه عينج وانزل من مهرج

شرهب : شنو هاي الثقه التحجي بيها مااقبل لو تطلع نخله براسك

عبدالرحمن: اذا ماامرد حلكج هذا بيدي صيري اليه وبعدين نتفاهم

خبله اني احبج

سده بوجهي خلاني افور اخابره ارزله رجعت فكرت وابتسمت واتذكر حجايته خبله اني احبج حتى غزله اعوج

دز يونس الموافقه وره كم يوم وشرط ميجي وحده حتى لو اصدقاء او اقارب المهم كدام الجيران عوف ابوك واهم شرط خلاه اكمل دراستي وماابطل واخذ كلمة منه بأن اكمل عنده وميضيع تعبي ومهدي كذلك انطه كلمة وكال مثل ناي ان شاء الله تتخرج وميضيع تعبك وتعبها

فزيت من صفنتي والكل يبوس بيه صاحوني كالو جايب شيخ يعقد مجنا نعرف اكو عقد توقعنا بس قرايه فاتحه بدا الشيخ يعقد واني ردت اكول نعم ناي حطت ايدها على حلكي كالت ٣ مرات يله تكولين هوايه والله مره كافي تالي كلت نعم واشتغلت الهلاهل مره ثانيه كومتني ناي بلغرفه توقعت يصيحوني مره ثانيه محد صااح وزعو الكيك والببسي والجكليت وطلعو وحتى عبد وياهم هذا وين راح جان نسمع المزيقه ادك اجتني ناي صاحتني تعااي شووفي ركضنا اني وناي وبان بطنها كبرانه جنهه طوبه كريكر ونباوع من السطح

ونشوف الشباب كلها تركص وشايلين عبد يهوسون اله وكفت بلسطح اردح

ناي : لحد يشوفج

شرهب : غير خطوبتي وافرح بيها لوما العيبه اله انزل جوه بنصهم اركص واذب لحم

ناي : هههههه حتى عبد يعلكج بلبنكه

شرهب : شحده

ناي : اممم ضلي انفخي وتالي تصيرين كتكوت بيده لاتحوصين ولا تنوصين

شرهب : نشوف يااختي منو الراح يصير كتكوووت

اسمع الكولات وضرب الطلقات والمزيقه ابتسامتي مابطلت على وجهي اي فرحانه ومن گل گلبي حتى خفت من كثر مافرحانه لان اعرفها مدوم اليه واتعوذ من الشيطان واكول الله موجود قادر يديم الفرحه بعمري

اشر يونس ندخل مبين روسنا ظاهره الهم خلينا ودخلنه

واستلمتني عمشه

عمشه : يايمه بلمبارك خلصنا من شرج

شرهب : صرت شر عمشه والله ميغزر بيج امشطلج شعرج واحني الج خلي يكتلج الشيب

عمشه : مابيج حظ الحنه تترس علباتي وظهري وملابسي گلها تخرب بدعه ايدها العافيه تمسدلي راسي وتحنيني

شرهب : شوفي بعد منو يحنيج وخلي تفيدج عمه

عمشه : تعالي ليه احبنج

شرهب : مااريد بوستج زعلت

عمشه : من خفت لهلبراطم جنهن مال بعير

شرهب : هاي الشفايف الي تخبل تعيبين عليهن ولكم منو لاعب بعدادات بيبي صايره بس تقلد عليه

جاان تجرني من شعريي اااخ وحضنتني وبجت هااا عمووش سالمين شبيج

عمشه : يايمه البيت راح يخله بلياج چا انه ويامن اتناجر واذبن همومي

شرهب : اي هيج صيري حبابه ولتعيبين لتخافين اجيج كل يوميه اتعارك وياج وارجع

عمشه : انتي حضني ابو كرعه چا حتى انه تنسيني بيش گيلو

شرهب : افاا عليج عموش انت الكبد والمزاج العالي شون انساج جان تعت شعري شيغت روحي ااااااااااخ والنبي تكطع

عمشه : ماتجين وتسألين عني احشن راسج حش واخلي صلعتج بكد صلعة زلمتج

شرهب : هو اني وليت تره بعدني يمج هسه الوحده يقرون فاتحتها الناس تبارك الها اني يكطعون شعري خرب بلعيشه

عمشه : اريدن گيكه جيبلي يلمدهربات

بديعه : سكرج موزين عمه

عمشه : چا انتي تفتهمين اكثر مني جيبلي لا اكلبنه عزه عليجن

شرهب : جيبولها رحمه للفحمه خلي تهدني وهذا عبد خلي يجي اشوفه لا ابطل اتزوج

عمشه : انهجم راسج تراجف عليه ومن تكضه تكولن مااريده عياره

شرهب : بقينا ساعه ناس تركع ناس وبان الفطيره من الضحك راح تجيب ولاده مبكره اندكت الباب عدلت نفسي وكعدت طب مهدي وعبد ويونس تقرب مني يونس وباس راسي

يونس : بلخير حبيبتي

شرهب : يوم الك حبيبي

مهدي : مبروك

شرهب : الله يبارك بعمرك

عبدالرحمن: احممم يله

شرهب : وين

يونس : استأذن مني ياخذج على العشا وكتله لتتأخرون

شرهب : وليش مو هنا

يونس : بكيفكم ابقو هنا كلنا نتعشى سوه

عبدالرحمن: لا بروح اهلك شويه ونرجع منتأخر يله شرهب حتى لنتأخر

شرهب : اباوع عليه يخزرني بله افكس عيوونه

يله امشي

عبدالرحمن: وين بدلي ملابسج مااطلع وياج هيج

شرهب : شبيهن فستان حلو

عبدالرحمن: بدلي ملابسج اذا مصارت زحمه عليج

شرهب : يريد يهجم ويكطعني طبيت للغرفه لبست بنطرون كابوي وبلوز جديد لون وردي وبيه وردات بيض وقمصله حطيتها بيدي وشلت شعري عالي ونزلت خصل منا ومنا على وجهي وعيووني وسبحت بلعطر وطلعت

نزلنا واني مستغربه الوضع كدام الكل اطلع ويااه والله شعور حلوو على غريب

صعدت بسيارته ابتسمت من صعدت قبل وجنا نتعارك هلمره مرته

حرك السياره وشخطها اني كلت لازم اصير هادئه وشويه ثكل

جان يشغل كاظم

ويغني ويااه جانت اغنيه احبيني بلا عقد

وصل مقطع وكام يغني بصوت عالي ومنطلق

أحبيني بطهري أو بأخطائي ... وغطيني أيا سقفا من الأزهارِ

يا غاباتِ حنّائي

أنا رجلا بلا قدرٍ ... فكوني أنتي لي قدري

أحبيني .. أحبيني ...

شرهب : هااا عبد الساهر شوكت تفض صدعت من صوتك الساهري

عبدالرحمن: هم الج عين وتعيبين على صوتي على اساس صوتج شونه

شرهب : جاان اغنيه مقطع من نفس الاغنيه

أحبيني ولا تتسائلي كيفَ ... ولا تتلعثمي خجلاً ولا تتساقطي خوفا

كوني البحر والميناء ... كوني الأرضَ والمنفى

كوني الصحوةِ والإعصار ... كوني اللين والعنفَ

باوعت فاتح حلكه هزيت راسي خيير

عبدالرحمن: اشتعلو عشيرتج شنو هذا الصوت الي يخبل مرتي مطربه

شرهب : شعبالك اضحك وياك اني مكاني مو هنا بأرب ايدول

عبدالرحمن: اذا سمعتج تغنين كدام احد اكسر سنونج بحلكج بس اليه

شرهب : على اساس لازمه المايك وافتر على الجيران

عبدالرحمن: تدرين شنو هسه انتي

شرهب : شنو

عبدالرحمن: مرتي مررررررتي

شرهب : فضحتنا والله جان يجر ايدي ويبوسها ويباوع عليه يريد ياكلني بعيونه بله اني مال هيج سوالف هسه شسوي استحي لو اجر ايدي لو شون

عبدالرحمن: وين حابه تروحين

شرهب : بكيفك ضل لازم ايدي ويلعب بأصابيعي جريت ايدي جان يرجع يجرها والله حصرتني الضحكه اتذكرت بيبي من اضفر شعرها وتجر ايدي تعضها اخاف هذا هم هيج يسوي بله بيبي سنونها مكسره هذا سنونه كامله اخاف يأذيني والله اركعه على وجهه اسويله طبره بصف طبرت راسه

عبدالرحمن: ليش ساكته

شرهب : شكول يعني

طبك السياره بمكان اكيد مااعرفه بس جان مقابيلنه حدايق كلش حلوو واندار باوع عليه

عبدالرحمن: من باجر نمشي بمعامله المهر حتى نكطع مهر محكمه

شرهب : ليش مستعجل

عبدالرحمن: وبعد منكطع مهر بأسبوع نتزوج

شرهب : انت صدك تحجي مستحيل ماالحك

عبدالرحمن: صبر مااصبر لو توكفين على جبل عرفه وتعيطين جم سنه انتظرج لخاطر الله اني لو بيدي هسه اخذج لبيتي

شرهب : اقلها اكمل هاي السنه وبلعطله نتزوج

عبدالرحمن: بتموز موو حتى نصير تشريب باگلا مااتزوج بلحر

شرهب : على الشتا الجاي

عبدالرحمن: لا خليها على يوم القيامه اقلها الشياطين تزفنه زفه مرتبه

شرهب : ليش تعيط كعد نتفاهم

عبدالرحمن: شوفي شرهب صبرت عليج هوايه وتعاركت وياج ولخاطرج اكثر ماتعارك الحمزه بفلم الرساله لطلعين خبالاتي وباجر اخذج لبيتي مرتي شرعاً شتردين تسوين

شرهب : مو هيه بكيفك

عبدالرحمن: تحبين تجربين

شرهب : شغل السياره وراد يطلع للبيت لزمت ايده بغلاتي اوكف

عبدالرحمن: بوسيني من خدي يله اوكف

شرهب : عبد احنا بلشارع شجاك

عبدالرحمن: تبوسيني لو اسوق اسرع

شرهب : حرك الشارع كلت هذا راح يسويها بسته من خده سريع وضحك

عبدالرحمن: بعد من اريد شى اصعدج بصفي واسوق سريع واهدد بيج

شرهب : سويها بعد اطلع اخبل منك وافتح الباب وبأول سيطره اكلهم هذا خاطفني واشبع طن گتل لحد متثبت اني مرتك

عبدالرحمن: انتي منوو

شرهب : مرتك

عبدالرحمن: اووويلي ربي كعد تشوف هي تجني على نفسها تكولي تعال تحارش بيه

شرهب : هههههه كافي وامشي نرجع خبطت معدتي من سرعتك

عبدالرحمن: خلي نتعشا ونرجع

شرهب : كعدنا بمطعم واول منزل الاكل

عبدالرحمن: بله نزاكه مال بنات وهاي القشامر عود نازوكيه وانتن وحدتجن بالثنتين بليل تضربن باجه وبصل وبلمطعم بلشوكه والسكين وشبعت والماعون على حطته اكلي لان دافعين فلوس

شرهب : ومنو كلك اني ابيع نزاكه بعدك مشايف شى كعدت اكل ولا يمي وهو هم جنت جوعانه الماعون بقى يصيح الغوث عوفيني

عبدالرحمن: والله وتبردين الگلب هذا الاكل وين يروح اذا هيج تاكلين المفروض هسه وزنج ١٥٠

شرهب : صلي على النبي ياهو اليجي تاكلين هوايه ومتسمنين

عبدالرحمن: عيني بارده لان احبج تدرين شرهب انتي اول وحده اتعلق بيها هيج لو افهم شنو المميز بيج وخلاني افقد عليج

شرهب : جمالي الخلاب وطولي الفارع وعقلي العبقري وضحكتي الرنانه وحركاته الجميله اعدد صفاتي الباقيه لان اذا عددت للصبح نبقى بلمطعم

عبدالرحمن: نسيتي اهم شى ولسانج اليراد كص

شرهب : كص لو فلافل

عبدالرحمن: صيري بيتي اله اسويج حمص بطحينه

شرهب : بعدك جوعان مبين

عبدالرحمن: تردين بعد ادلزج شى

شرهب : لا شكراً رجعنا والطريق كله يغني واضحك على صوته جنه سياره الصالنصه مالتها مزروفه

وصلني للبيت وقبل ماانزل باس ايدي مبين راح اشبع بوس من الايد

لكيت الكل كاعد ويضحكون طبيت سلمت

وكعدت لكيتهم يحجون بسالفه يونس

يونس : كتلكم لتنطون حجايه للناس بعدني مقرر

بديعه : ياابني شوفها بالاول والله راح تكول من باجر زوجوني

يونس : اذا انتم تردون تتفقون على كلشي باجر مو بس اشوفها

عمشه : شنهي تريد تبصبص وتعيف البت

يونس : بيبي اني مرايد اخطب من الاساس جم مره كلت وعدت

بديعه : لو تشوف البنيه من خيرت البنات حليوة وبت ناس وصغيره وامها كلش خوش مره كيفت لان اجيت من طرف ام حسن

ناي : شوفها ياعيني واذا كلت تمام نحجي بلتفاصيل نريد نفرح بيك انت مو فرحت بينا هم حقنا نشوفك عريس

عمشه : باجر نروح للوادم واريدن اشوفن ياوليد مايروح ويانه وحك علي افرهده تفرهد

يونس : نروح بيبي لتعيطين

ناي : اني مهدي راح يجيني وباجر الصبح ارجع الكم

يونس : نايه

ناي : هااا عيني

يونس : لتحجين شى كدام احد على سالفه الخطبه

ناي : افهمت قصده كدام حوراء اشرت براسي اي بس اني قررت احجي واسمعها لازم من تسافر تعرف بعد ماكو شى يرهم بينهم حتى ترتب حياتها

وهاي اني حاضنتها وهي تبجي وانقهرت حيل بس لازم تعرف وتعيش لنفسها ولبنتها

حوراء : نمت ودمعتي على خدي حلمت بيه حاضنته ويبجي بحضني جاان مو حلم من كثر ماجنت متأذيه حسيته حقيقه وصدك احس بلمساته ودمعاته من لهفتي حضنته حييل وابجي وياااه كعدت الصبح استغفر حتى الحلم اعتبره حرام باوعت ماكو احد وصوت الباب كمت كوه جسمي متكسر لا ناي ولا مهدي ولا سيف اتوقع راح يوديهم لبيت يونس صحت منووو سمعت صوت امي

فركت عيني وشلت شعري وفتحت الباب الها

وداد : شكد دكيت وين جنتي

حوراء : باوعت على الساعه بال١٢ الظهر جنت نايمه خير

وداد : اجيت اشوفج اخاف محتاجه شى قبل متسافرين باجر

حوراء : وحتى اذا احتاج انتي اخر وحده اجي الها واطلب منها حاجتي

وداد : شوفي بت فوزي اخاف هاي الاشهر كلها تحملت سوالفج وتجاوزج ولسانج الطويل هسه مااتحمل انزع الي برجلي واحطه على راسج نسيتي اني امج

حوراء : اي نسيت ومااريد اعرفج

وداد : كله لان دافعت عن بيتج وردت الج حياة بيها حظ وخير ومااريدج تصيرين مطلكه

حوراء : مشكورة مقصرتي دمرتي كلشي حلوو بيه والحياة الي تكولين عنها خليها الج لان حياتي لبنتي تدرين ليش قبلت ارجع لخاطر مااعيش بنتي مثل عيشتي ام موجوده بس بالاسم مااريدها تعيش العوز الضكته على ايدج

وداد : لتخليني اغلط عليج ياعوز وانتي غركانه بلخير والاكل والملابس والبيت الحلوو غيرج بنات يتمنون ربع عيشتج

حوراء : يابنيه تتمنى امها تشمرها شمرتج يابنيه تتمنى امها تصير قاسيه مثلج انتي عبالج العوز الاكل والشرب العوز من اشوف امي كبال عيني تفرقني عن اخويه وتعامله افضل مني وابسط حق من حقوقي ادوسه برجلها العوز من ابجي وحدي ومااتجرأ اشكي الها واشمر نفسي بحضنها واحجيلها الي مأذيني لان اعرفها قاسيه ومراح تفهمني العوز ياام مهدي من اكون يتيمه الام وامي عايشه

انتي زوجتيني ابن اخوج لمصلحتج وشكلج الاجتماعي ماميته عليه ولا تردين راحتي كل الصار لاجل ترضين روحج ورضيتيها لا تجين هسه تمثلين دور الام الحنينه الخايفه على بتها وتريد سعادتها كل تعاسه عشتها وراح اعيشها وكل دمعه وحسره راح تطلع مني انتي سببها ومن يوم ماحطيتي ايدج بيد عبدالله وانطيتي بتي وخليتي يستلذ بأذلالي اعتبرتج مو امي لهذا عفيه انزلي لبيتج وعوفيني بحالي وبله حنيه جذابه متوكل خبز

وداد : حرامات التعب والسهر والربه بيج تعضين الايد الربتج ناكره وناقصه مثل عمتج

ماطلعتي عليه مع الاسف

حوراء : همزين ماطلعت عفتها وطبيت وهي كالت بصوت عالي يطبج طوب عبالي ادميه واجيت اطمن عليج خلت ونزلت

كعدت بلغرفه اباوع على جنطي اخاف ناسيه شى

ناي : وصلت لبيت اهلي كعدت حوراء ماكعدت عفتها نايمه لان الليل كله منامت

اتغدينا سوا ومنطين موعد للناس بال٤ يمكم

رحنا اني وبيبي وعمه وام حسن ويونس شرهب بقت يم بلال وسيف رادت تروح مقبل يونس كال عيب هوايه نصير

شرهب : من يمي صرتو هوايه اني الكم بعرسي اليجي اطرده دوم ادكون بيه هاي الدكه اني كتلني الفضول اريد اروح اشوفها حلووة جكمه

ناي : اخذ كيه صديق مرتضى لان سياره خصوصي متكفي وانتظرنا الولد بلباب وصلنا لبيت البنيه فتحت النا امها ومرت اخوها كعدنا جان استقبالهم حلوو ومبينين خوش ناس شفت يونس متوتر حيل ممرتاح واني بگلبي اقرا ايات كون يرضى ونتفق حتى جم نذر نذرت بس يخطب

سوالف بيبي وامها وام حسن اخذهن الواهس لحد مطبت البنيه جانت ناعمه وكلش مرتبه وحلووة وابتسامتها هادئه اكو مرات وجوه من تشوفها من اول مره ترتاح الها اني بس شفتها گلبي انفتح يونس ماباوع لحد ماوصلت يمه وقدمت العصير وسلمت

رادت تطلع

بديعه : عيني ام كاظم خلي البنيه كاعده يمنا هم نشوفها وهم ابنه يحجي وياها تعرفين هاي نظره شرعيه حلال

اي عيني ابقي يمه وهم شعندج كولي ليونس لازم واحد يحجي ويه الثاني

ناي : الصاله جبيره كاعدين وهمه كعدو بعيد عنا

يونس : اباوع عليها ماكدرت بجرأه مااريد اخجلها عيوني اجت على ايدها وبعدين على وجهه كاعده بعد مسافه عني كتلها شسمج ردت ابدي الكلام وياها

اسمي ضحى

يونس : عااشت الاسامي

الله يسلمك

يونس : اجت عيوني على حلكها ابتسمت واتذكرت حوراء يابه هو گلب لو اسفنجه يشرب حب ويذبه جريت نفس وبديت احجي وياها واسألها وهي تجاوب البنيه هادئه واسلوبها حلوو

كاعده كبالي وكل صوره احاول اخذها واتمعن بيها تجي حوراء بوجهي واحاول خلال هاي الساعه بس اشيلج من راسي ليش صوتج يرن بأذني مكان صوتها وليش ملامحج تنرسم بعيوني بمكان ملامحها حتى تفاصيل طولها وهيئتها ماكدرت اركز لان اشوفج بيها

اشرتلي عمه يعني نحجي بلتفاصيل كمت وكلت نرفع الزحمه ان شاء الله نجيكم غير وقت

ناي : بهت وجهنا شبيهه مو جان كاعد وشكلهم حلوو من يسولفون سكتنا وسلمنا على الناس وحده تباوع بوجهه الثانيه نريد نعرف شقرر وليش كاام صعدنا للكيه اشر محد يحجي لان ولد غريب يسوق يابو يوصلنا للبيت

وصلنا واجت شرهب تركض هااا بشروو نهلهل

يونس : بله هلاهل

بديعه : ياابني شبيك كمزت غير تكعد بعد ويه البنيه تفتهم منها

يونس : البنيه مابيها اي عيب بلعكس كأي شاب ينعجب بيها

عمشه : شمالك تسودنت وتطافر جنك عكروكه ماانطيتنا مفگه نفهم الوادم

يونس : خاله ام حسن من يمج سدي الموضوع ومشكوره لان دورتي وتعبتي اني مااتزوج

بديعه : صخام انت صدك تحجي شجاك

يونس : عمه من اريد اتزوج انطيكم خبر خلي ابدل وانزل لشغلي

ناي : طب للغرفه لحكته وسديت الباب شبيك فدوة مو جنت كاعد ومثل الورد

يونس : ناي محد يفهمني لخاطر الله افهميني انتي لتصيرين مثلهم

ناي : من وره حوري

يونس : مااكدر اشوفها بكل البنات احبها لهاي اللحظه اتنفسها

ناي : وهي باجر راح تروح لرجلها وعائلتها

يونس : الله وياها ماكو حل بيدي لا اكدر اغير قدري ولا قدرها بس بنفس الوكت مااكدر اظلم بت الناس ويايه شنو ذنبها تعيش ويه رجال ميشوفها ويشوف مره ثانيه تتذكرين شصار بيج من وره مهدي

ناي : وراها حبني وتعلق بيه

يونس : لان مهدي ماحب بت خاله مثل مااني حبيت حوراء ولا ذب روحه للموت لعيونها اني هاي الانسانه حبيتها بعقلي وبگلبي واعتبرتها حبيبة وام واخت وكل ناسي شون تردين اخلي وحده ثانيه مكانها تردين اتحمل ذنب مره ثانيه اني ممسوي حرام وطايح حظي ويوميه طلابه شكل هلمره اتحمل ذنب وحده تدعي عليه لان ممرتاحه ويايه حتى تكمل

ناي : انطي لنفسك فرصه فترة خطوبه انت عاطفي ويجوز تتعلق بيها

يونس : شون اتعلق واني احب كل قطعه الله خلقها بحوري اني كاعد واشوفها كاعده كبالي شووون ابدلها واني حتى مااتجرأ ابدل الصوره بموبايلي هاااج شوفي كدامي طول الوكت

ناي : وهي تزوجت وخلفت وراح تكمل حياتها انت ليش توكف حياتك علمودها

يونس : ومنو گلج موكف حياتي علمودها اني حياتي وكفت من وحدها وغصب عني يوم ماشفتها بعيني تنزف عروس لغيري اني گلبي قفل روحه على روحه وضيع مفتاحه يوم ماعيني اجت على طرف بدلتها وهي ترفعها حتى تدخل سياره العرس وتروح لغير رجال

تعرفين من شفتها بيوم زواج بان شصار بيه

لج ناي ردت اروح احضنها وابجي بحضنها واشكيلها حالي بدونها مو رجعت للعراق وماشفتها بس مرتاح لان اني وياها نشتم نفس الهوا اني ٣ سنوات عشت وياها جنه ناكل سوه ونشرب سوه ونشكي همنا سوه حتى من انام ماانام اله على انفاسها جنت ارجف من الرصيد يخلص واروح اركض اشتري حتى بس اسمع صوتها

ومرات ماعندي مصرف واشتري الكارت واضل بليه اكل واكول صوتها هو يشبعني واشتغل واركض على العيشه حتى بس الم مهرها اذا خابرت ومجاوبت جنت اضل اتراجف هاااي روحي واعز من روحي شتحجين انتي مو كلشي ينكال اكو امور هوايه جمعتني وياها مااكدر احجيها حوراء انعجنت بدمي ولهاي اللحظه مرات مثل الطفل ابجي من اشتاق الها وتردين اعيش ويه وحده واظلمها ويايه خليني بحاله بروح امي مجرد ماعرفت باجر راح تسافر اني حسيت انشمرت بگبر وانذب عليه تراب واني عايش مااريد شى منكم غير تعوفوني بحالي هيج اني مرتاح خليني احير بروحي

ناي : براحتك حبيبي احنا ردنا سعادتك والله

يونس : عوفوني بحالي واني اصير سعيد

ناي : على راحتك گلبي طلعت جان يكولي

يونس : بس وصليلها من ترحين كوليلها يكول يونس مره كلتي صحتك ونفسك ابد لتضيعهم لان محد يستاهل واذا بيوم صار جرح بسيط لزكه بتيب قبل مايمشي ويكبر

ابشرج ضاع كلشي وعلى ايدج والجرح مالحكت الزكه لان صار ندبه جبيره الف تيب وعمليه ماتغطي كوليلها خلي تدعيلي تطلع من راسي مو حتى اتزوج حتى ارتاح ومااشتاق الها لان تعبت واني اشتاق والخلقني تعبت وماضل حيل بيه

ناي : دمعت عيني عليه عفته وطلعت ورحت لعمه وبيبي وكتلهم عوفوه براحته بمرور الايام من وحده يجي يطلب منكم يتزوج لتلحون عليه

اجه مهدي وسألني باوعت عليه بقهر وكتله ميقبل يتزوج اخويه مكسور گلبه ودرت وجهي منه اتذكرت هو احد اسباب الرفض

مهدي : نايه

ناي : مجاوبته لان مخنوكه ومردت ابجي

مهدي : مرات البشر مامعصوم من الغلط اني ردت لاختي القسمه الزينه

ناي : وهاي القسمه شفتها شصار بيها عاشت ايدك وايد امك وخالك دمرتوها

مهدي : لو ينعاد الزمن

ناي : لتكمل ميحتاج اعرف بيك نادم على زواج حوري من عبدالله بس الندم ميفيد ولا راح يداوي اخويه ولا يسعد اختك سد الموضوع مااريد انغث اكثر

سكتنا ودخلنا للبيت وبيومها حتى مانمت يم مهدي حجي يونس بحرگه والعبره الي بصدره وهو يحاول يكتم دموعه زرفت گلبي تمددت بصف حوراء الي متقل مأساة عن اخويه هم خلصتها بجي

كتلها كلام يونس ومجاوبت لان دموعها ترجمت كلشي

واكفه الصبح اودعها ومهدي يصعد بلجنط حضنتها

حوراء : وصليله ليونس راح ادعيلك بكل صلاة الله يريح گلبك ويرزقك بنت الحلال الي تسعدك واداوي جرحك السويته اني

ناي : دير بالج على نفسج وبنتج

حوراء : ربج موجود ميعوف عبده

ناي : صيري سباعيه ولتسكتين

حوراء : راحت ذيج الفاهيه المدمغه راجعه وحده ثانيه مااخلي بشر يأذيني وارد الصاع صاعين

ناي : الله يوفقج حضنتها حييل ودعتها وباست سيف ونزلت حتى مامرت على امها

حوراء : راجعه لبنتي وحياتي الي بمزاجي راح امشيها محد نصفني وماكدرت اخذ حقي واقرب الناس طعني نفضت الكل من گلبي وتوجهت لاكثر انسانه محتاجتني بنتي ماسه

يونس ياريت ماعرفتك ولا حبيتك ولا أذيتك بس هذا قدري احبك واتمنى الحياه وياك واكون لغيرك وقدرك تحبني وتعيش بدوني

شرهب : واكفه كبال القاضي نعقد وفرحانه عقد النا القاضي وطلعنا جان يونس ومهدي وناي منتظرينا

باركولنا كلنا وطلعنا للبيت نتغدا كلنا سوه

صعدت بسيارته وكاعده بصفه

عبدالرحمن: جايبلج هديه تخبل كلت ماانطيها الج اله نعقد

شرهب : بشرفك شنوو مااتحمل لحد مانوصل البيت

عبدالرحمن: لا حبيبتي نوصل ونتغدا حتى وراها تشوفيها حيل راح تعجبج بالاحرى اثنين

شرهب : هله هله غير تكول حتى اني هم اجيبلك

عبدالرحمن: بوسه منج تسوه الدنيا حني علينا الجفاف صاير بأوج عظمته موتيني

شرهب : من نتزوج

عبدالرحمن: لعد شسوينا هسه نلعب ختيلان

شرهب : اقصد بيتك

عبدالرحمن: يمكن راح نضرب بوري مامضروب بيه واحد

شرهب : ليش عيني

عبدالرحمن: اكو وحده مخطوبه متشتاق لخطيبها تتغزل بيه

شرهب : اليوم اترسلك علاكه غزل وانطيهن بيدك من تروح بس كولي شنو هديتي

عبدالرحمن: من نتغدا

شرهب : اهوووو طنكر بعد

وصلنا للبيت جان الغدا جاهز صبينا وكعدنا كلنا اريد بس نكمل حتى اعرف شجابلي

اكلنا وكملنا والبنات وعمه شالو السفره وصبينا الجاي أشر اله ولا يمه لحد مكام مهدي وكال رايح عاف ناي وسيف يمنا ويونس اخذ سيف بهاي الظهريه يشتريله

نزل للسياره وصعد

قبل ميدخل اشرت لناي تاخذ عمه وبيبي وبان ويدخلون جوه اذا منطاني الهديه هسه اشمره من الدرج

فتح الباب وطب علبتين بيده وحده صغيره والثانيه جبيره وجهي الابتسامه مالته وصلت لاذني

عبدالرحمن: هااج هاي بالاول

شرهب : اخذتها فتحتها بيها الحلقه وتخم ذهب

عبدالرحمن:نيشانج اشتريته على ذوقي

شرهب : وليش مو اني اشتري

عبدالرحمن: لان صار اكثر من سنه اشتريته الج وضامه بيوم مانجحتي من السادس واجيت لحضرت جنابج مشايه واني مشتري وانضربت بوري ورجعت ضميته اذا محبيتي بدلي وانطيج فلوس فوكاه

شرهب : باوعت عليه كلش حلوو وثكيل بلعكس ذوقك يخبل

لبسني الحلقه طلعت شويه بيها گبر كال اصغرها الج حبيت الذهب كلش وفرحانه جان ينطيني الهديه الثانيه فتحتها ركض جان تروح ابتسامتي وعيوني انفتحت هااي شنوو

عبدالرحمن: ارقى هديه ١٢ شال من كل الالوان والنقشات حتى لتكولين ماعندي اللون الفلاني واذا تردين نطلع نشتري بعد

شرهب : المن ذني

عبدالرحمن: لامي لان ماعدها الج غير

شرهب : بس اني ماالبسهم

عبدالرحمن: ادري هيج تحجين من اليوم لا مو من اليوم من هاي الساعه تحطين الشال على راسج وهذا الشعر اذا طلعت خصله منها اكصها لو اعرف اسكط شعرج الاحبه ولا اخليج هيج تفترين بدون حجاب

شرهب : عفيه عبد مااريد اتحجب

عبدالرحمن: مو بكيفج ولا انتي صغيره وتعالي المن مطلعه شعرج اني رجال اغار على مرتي ومااريد احد يشوف شعرها

شرهب : واني مااتحجب وانت تقصدت من تعقد يله تكول اليه لو ادري هيج راح تسوي ولا اقبل نتزوج

عبدالرحمن: سمعي شرهب بكلشي ارضى واكون وياج اله بهاي السالفه تاكل وتشرب ويايه سالفه حجابج وعنادج هذا ميمشي عليه تلبسي وانتي الممنونه وحجاب عدل مو نص كذله طالعه

شرهب : ماالبس وشتريد تسوي سوي ايدك الك

جان يطلع حجاب وحطه على راسي وعااط واجت ناي وعمه يركضون

خيركم

عبدالرحمن: عقلوها منا وغاد طلعه من الباب ماكو بليه شال واله ياشرهب حتى الكليه احرمج منها

شرهب : مو من حقك

عبدالرحمن: من حقي ونص لتنسين اني منو

شرهب : مصار ساعه من كطعت مهر وتريد تمشي كلامك عليه

عبدالرحمن: امشي واكسر راسج واريد اشوف يامره متسمع كلام

طب يونس متفاجأ

يونس : خير بعدنا بسم الله

عبدالرحمن: اعذرني يونس عليت صوتي وهذا كل من وره اختك اني ماردت شى منها غير تتحجب وهذا من حقي

يونس : حقك ونص

شرهب : يويو

يونس : الرجال يغار على مرته شون نكله لتغار وهي قطعة قماش راح تقل من طولج بلعكس كلش تلوك لوجهج

واني مردت اجبرج لان هاي الامور مو بالاجبار

شرهب : كلتها مو جبر ليش هو يريد يجبرني

يونس : لان زوجج ومن حقه

عبدالرحمن: لاعاب حلكك هاي كدامك شرهب متطلع من الباب بليه شال اختك على ذمتي وحالياً هي امانه يمك كلها جم يوم واخذها

شرهب : ولا اروح وياك وطلكني ماامشي بهيج اسلوب وسوالف التهديد مالتك حجاب مااتحجب

جان يتقرب عليه وعيونه براسه

عبدالرحمن: احتراماً لاخوج مراح احجي شى تنعاد هاي الكلمة والي تصرف ثاني وياج ونهايه الشهر زواجنه

يونس : توكل بالله وصلني بدربك

شرهب : شمرت الشالات بلكاع كدامه واخذه يونس وطلع

ناي : شجاج تخبلتي

شرهب : شوفي شون نافخ روحه ويتأمر عليه

بديعه : كل رجال هيج ياعيني يريد لمرته الستر ويخاف عليها من عيون الناس

شرهب : قابل اني ملكة جمال ويخاف عليه

بديعه : هو يشوفج احلى البنات واله مجان تكتل نفسه

شرهب : مااتحجب لو ينط ومااتزوجه نهايه الشهر

عمشه : هاذه الزلمه صكارهه بعد ايدي كون يكضج ويطك اعضاج گلها ويستر شعفتج

شرهب : طبيت ضايجه منه حتى الذهب عفته بلهول وماشوفته الهم اختنكت حييل اسلوبه ماحبيته حجت عمه وناي وبيبي واني انطيت للكل الاذن الطرشه لحد مراحت ناي لبيتها

بليل يتصل ومااجاوب حرك التلفون تالي طفيته ونمت عباله اسهر وانقهر ميدري بهيج امور محد يلحكني

نايمه على وجهه جفي بلهول احب انام على بطني ومتغطايه حسيت واحد وخر الغطا والشعر من وجهي وباسني من خدي والبوسه صارت اقوى مكعد احلم فتحت عيني تك لايت واشوف عبد فوك راسي كمزت شجابك

عبدالرحمن: من الباب اجيت

شرهب : يبووو اتذكر حالي من اكعد من النوم عبوه طاكه بوجهي طفرت اريد اغسل واعدل الخلقة المكلوبه جرني

عبدالرحمن: اريد اشوفج هيج المن رايحه بعد كلها جم يوم وهم تكعدين بهذا حالج

شرهب : وخر مني خلي اغسل على الاقل

عبدالرحمن: ميحتاج ريحتج تخبل حضني وكام يبوس برگبتي وبخدي واني معت تذكرت سالفه الحجاب دفعته صدك ليش جاااي

وشون دخلت للبيت

عبدالرحمن: عمتج فتحت الباب وطبت مره اصيله تعرف بيه مشلوع گلبي وعافتني وياج

شرهب : وشتريد

عبدالرحمن: اجيت اراضيج

شرهب : ماارضى اله تكول لتتحجبين

جان يكعد بلكاع يمي وسحبني عليه وكعد يرتب بشعري ويبوس بيه

عبدالرحمن: شون اقبل اعز من روحي الرايح والجاي يباوع عليها قدري غيرتي اترجاج اني لوما احبج مااريد ابعد انظار الناس عنج

شرهب : اني لبسي مستور مو اله احط على راسي قطعه قماش وهي مراح تمنع عيون الناس عني غلطان

عبدالرحمن: بس ارتاح من تجين من الدوام وتفتحين شعرج بس اليه شرهب من شعرج لاضفر رجلج اعشقه واغار عليه انجن اذا واحد لمح شى منج اذا الي معزه بداخلج مااكول حب لان اشك ماطول تردين حضرت جنابج تطلكين

شرهب : غير من سوالفك

عبدالرحمن: انتي عيديها لااخليج تندبين الساعه الي انولدتي بيها ابتعدي عن الشغلات الي تستفزني اني من اتعصب مااشوف كدامي

شرهب : على نفسك مو عليه جاان يجر راسي ويبوسني حيييييل كطع نفسي دفعته عزه ليجي احد

عبدالرحمن: انتي متجين اله هيج

شرهب : شتريد هسه

عبدالرحمن: البسي الحجاب وخلي نجهز لعرسنا

شرهب : واذا مالبست

عبدالرحمن: هم اتزوجج لان مااكدر بدونج

شرهب : ابتسمت على كلامه لان لو كايل غير شى جان علكت بينا

هذا هو راح البس

عبدالرحمن: فدوة للتسمع الكلام تعاي اشاورج

شرهب : لا عيني مااجي انت متكعد راحه عمه وينج

عبدالرحمن: افلتي وين ترحين تاليتج هنااا واشر على صدره وتتوسلين بيه حتى ابوس واتحارش بيج

شرهب : يااافدوة اتوسل كول انت راح تخلصها توسل

عبدالرحمن: اتوسل ليش لا غير حبيبي وبحضني شريد من الله بعد انطيني تصبيره الكدامج مسكين

شرهب : الله ينطيك روح يله خلي ارجع انام

عبدالرحمن: ضامهن كلهن الج بعيني ام خشم اليابس

سحبته من ايده وطلعته اشر على خده بسته وراح وركض للمخده العزيزه مالتي ورجعت اشوخر

مابقى غير يومين واروح لبيتي خلصتها ركض بركض من وره عبد حتى الدوام اخلص محاظرات واطلع للسوك

مارحت لبيته لان اعرفه ميكعد راحه لحد قبل الزواج بيومين واخذت عمه ويايه شفت البيت مأثث وكامل وحتى غرفه نوم بيها فرحت راح يصير عندي بيت ورجال يحبني توسلت بعمه تحجز وتجي كالت ماالحك ردت الكل ويايه

عكب باجر زواجي كملت كلشي اتفاقنا اطلع من البيت بفستان ابيض وكبل لبيتي ماردت عرس وهوسه مردنا تصير مشكله وعمران يتوقعها عناد بيه اهم شى الفرحه النا متهمني الشكليات

بليل ننتظر يونس ماكو نخابر عليه مغلق لعب گلبنا لان هو كال اجي من وكت علمودي

خابرت ناي وبلغتها سديته منها متحملت خابرت عبد وكتله شوف يونس بلمحل

بديعه : كال اجي قبل ال٩ وصارت بال١١ وهو ماكو زين تلفونه ليش مغلق

شرهب : اكل بشفتي من القلق لحد مااجه عبد وجهه الف حجايه بيه

هاااا بشر

عبدالرحمن:جايه قوة ماخذه يونس

بديعه : دخيلك ياابا الحسن ليش ماخذي ومنو ذوله

عبدالرحمن: محد يعرف ناس تكول حشد ناس جيش المهدي ناس داخليه والولد الي اسمه مصطفى رايد يعرف منو ذوله مامنطي نجده مخابر على مرتضى وصار ساعتين من مركز لمركز يدورون عليه وماكو اي خبر عنه

شرهب : كعدت بلكاع مصدومه واباوع على عبد اذا صار شى بيونس امووووت

عبدالرحمن: ماكو شى ياحبيبي هسه نفتهم ليش اخذوه

شرهب : خلي نعرف همه منو بالاول ماكو غير عمامي الجلاب يونس ماعنده عداوه ويه احد

طب مهدي وجايب ناي وحدتنا كوه حابسه دموعها ونقشمر روحنا راح يدخل هسه ويكول اشتباه وطلعوني

بيبي تخربطت والولد اخذوها للمستشفى

كاعده شاده راسي وحاطه ايدي عليه اريده يهدا من الصداع

اجه يوم عرسي والمفروض هسه رايحه ويه عبد بس مصار لان يونس صار يومين محد يعرف شى عنه كل واحد يذبهم على جهه شكل حارو وين يرحون حتى يسألون لا ليلنا انام بيه ولا نهارنا بيه طعم بدونه كاعدين على نار وننتظر بشر يطمنا على اخونا متحملت لبست عبايتي الاسلاميه وحطيت شال على راسي

ناي : وين رايحه

شرهب : لبيت عمج جوحي

ناي : شعندج ويااه

شرهب : سمعت عبيد وصالحه عايشين يمه اليوم اسحل صالحه بلشارع واخزيها

ناي : همه شعليهم

شرهب : محد عنده عداوه ويه يونس غيرهم تلكين منطين فلوس حتى يأذوه ويخلوه يتنازل عن البيت وهاي الحقيره صالحه متسكت متأكده هي دفعت ذوله الطليان حتى يأذوه

ناي : اكعدي لترحين لاي مكان خلي يجون الولد

شرهب : انتي ضلي انتظري اني اذا ابقى انجلط

ناي : يمعوده وين رايحه لبست وراها وطلعت ردت اجرها حتى متروح جانت متشوف كدامها اعرف شرهب اذا متتعارك هسه مراح ترتاح خابرت مهدي حتى يلحكنا كال بعيد خابري عبد خابرته كال جايكم

صعدنا تكسي بيتهم قريب علينا مو حيل بعيد ربع ساعه وصلنا

خلي نرجع فدوة اروحلج

شرهب : اسكتي بله كسرت الباب من الدك جان تطلع صالحه اول مفتحت الباب متحملت وجيتت عليه وملخت شعرها ذبيت حرگتي بيها تريد توخرني متكدر وكعت بكاع وصرت فوكاها لزمت راسها ودك بلكاااع واعيط اذا صار شى بأخويه حتى بتج اذبحها

صالحه : وخري مني بت الگلب جايه هداده عليه الحكوني راح اموووت

شرهب : اييي خلي يجون يشوفون السحاره وبتها العايقه وينها بتج خلي توخرج مني

ناي : يمعوده كوووومي كاافي ثور وحطو كدامه وصله حمره شرهب كطعتها لصالحه تريد ذيج تجر النفس متكدر كلت راح تموت بيدها

شرهب : اليوم اخليها تلحك امها بلكبر شتردون من عدنا مكافي دمرتونا رجلج والگبر وبعدج تخبثين عفنا الدنيا كلها الكم وجاي تركضين ورانه لج شيطان انتي شوكت الله ياخذج شكو زين مات وانتي ضاله على گلوبنا اختج الساقطه الحراميه هجت وعافتج عاله علينا واليوم انعل اهلج

دك راشديات فقدت كمت مااشوف كدامي خصل من شعرها تنهلس براسي لحد منشاليت حيييل وشفته عبد وخررر عوفني هاي دمرتنا وجايه تضيع اخويه

عبدالرحمن: شسويتي تخبلتي

شرهب : كتلك عوفني اليوم اموتها بيدها هااي رجلها واخوه وهي تكود بيهم مثل الطليان وضيعو يونس لخاطر البيت مستحيل ماالهم يد

عبدالرحمن: شووو تعالي

جرني حييل وغطه راسي وصعدني بلسياره وشفتي وايدي يرجفون من الاعصاب

ناي : دنكت على صالحه اريد اكومها هااي شسوت بيها الخبله جان تطبك سياره ونزلت سما منها شافتنا اخترعت

سما : شجابكم هنا

ناي : تعاي على امج يمكن تخربطت

صعدت بسياره عبد وعفنا صالحه منتهيه من الكتل

تخبلتي هاي سوايه تسويها

شرهب : كله من وراكم معفتوني اموتها

عبدالرحمن: شون اعوفج رادت تموت بيدج

شرهب : انهاريت واعيط متعرف هاي شسوت بينا ويريد عبد يهديني وهو يسوق منتبهه ابو ماطور صار گباله وجان يصير جوه السياره وعطت دير بالك

يتبع ......

مساء الـ🥀ـورد لاحلى متابعين

اليوم بطريقه سريعه رجعت للبارتات الاولى من الجزء الاول من القصه تفاجأت بعض المتابعات يحركون بأحداث القصه ويضيعون متعتها ممكن افهم شنو السبب ليش تحبون تضيعون تعبي هذا مكان متساعدوني بنجاح القصه

يعني بسبب تعليقاتكم وعرض الاحداث المستقبليه للقصه كثير بنات تركو القصه

انتم اكثر ناس تعرفون شكد تعبت بيها مريضة وظروف قاهره يشهد الله عليه وملتزمه معاكم بلتنزيل انقهرت لان بعض البنات ماقدرو تعبي طول هاي الاشهر وباقين يعلقون بلبارتات الاولى ويحرگون بالاحداث ومستمتعات فوك القهر اتمنى متضيعون تعبي اكثر واتركون هذه الحاله لان ظاهره جداً محلوة

اما جماعة التصويت والتعليقات والحماس انتم احلى من القصه وسبب نجاحها

شكراً من قلبي على تعليقاتكم وتصويتكم

رِّبًـــ♡̨ـــٍْيٌٓ يحفظكم

انتظروني اليوم والابواب الخمس

احـٍُــبٌــ💘ـٍَــْگُِم

#الابواب_الخمس

البارت الثامن والاربعون /الجزء الثاني

للكاتبة Reem

على سگف السجن راح ارسم نجوم

واوصي اهلي علي لمن يمرون

يجيبولي هوى من الشارع العام

خاطر مااحس بروحي مسجون

شرهب : كله من وراكم معفتوني اموتها

عبدالرحمن: شون اعوفج رادت تموت بيدج

شرهب : انهاريت واعيط متعرف هاي شسوت بينا ويريد عبد يهديني وهو يسوق منتبهه ابو ماطور صار گباله وجان يصير جوه السياره وعطت دير بالك

ضرب بريك قووي وعااط

عبدالرحمن: لتنزل اي وحده بيكم

شرهب : نزل والتمت الناس واني وناي نرجف بلحظه وحده السياره داير مدايرها انترست زلم وهذا الي يعيط وذاك يريد يلزم عبد اخاف يهرب

كلشي مكعد نفهم من العياط اجت سياره شالت الولد وكله دم اني شفته لو لشتي كلها ترجف مدري وين راح دقايق واجه

فتح باب السياره

عبدالرحمن: ناي اخذي اختج واصعدو لذاك التكسي الواكف

شرهب : وين رايح عفيه

عبدالرحمن: وياهم للمستشفى يله بسرعه

ناي : انزلي يله

شرهب : شون نعوفه

عبدالرحمن: مو وكتها انزلي

ناي : امشي بسرعه

نزلنا بسرعه نمشي عبد سوالنا طريق وصلنا للتكسي هو خطوتين مو بعيد صعدنا بلتكسي وهاي شرهب وجهه اصفر

ان شاء الله سهله

شرهب : ياسهله والرجال غركان بدمه

ناي : خلي اخابر مهدي دكيت عليه ميجاوب هسه وكتها غير يجاوب

شرهب : اكيد عبد خابره

ناي : سترك يارب جنهه بوحده صرنا بأثنين

شرهب : حظي واعرفه ماادوملي كوه هيه

ناي : كولي ياالله ان شاء الله تنحل والولد يطلع مابيه شى

وصلنا للبيت ولكينه عمه تنتظرنا

بديعه : وين وليتن

ناي : انطينا صبر عفيه خلي ناخذ نفس

بديعه : شبيهه شرهب وضعها مخربط

ناي : اكعدي احجيلج وكعدت سولفت كلشي لعمه الكامت تهوس وتعيط

بديعه : انتي متوبين مو كتلج لتوصلين لهناك لو مرايحه مجان هسه عبد واكع بهاي الشده

شرهب : ابوس ايدج عمه مابيه حيل الملامه

بديعه : شتردين اسكت على وكاحتج گبل اكول صغيره ومتفهم هسه شجاج مو صرتي جبيره وطالبه جامعيه

شرهب : وهاي شعليها بهاي اني احترك گلبي على اخويه ومتحملت اكعد ساكته

بديعه : ومنو يكول همه وراها ليش تتصرفين بكيفج

شرهب : نقشمر روحنا اخويه يمشي ويه الحايط ومايوم اندك بواحد ولا اتعارك بلشارع يروح بدربه ويجي بدربه منو بعد يشتكي عليه غير عبيد وجوحي علمود البيت الاكشر الماحصلنه من وراه غير المصايب لو عمارات وبساتين شجان صار بينا يمكن يحركونا واحنا نايمين

بديعه : وهسه عبد وين

شرهب : كال اروح ويه الولد للمستشفى

بديعه : دخيلك يارافع السماوات ارفع هاي الغمه عنا منا يونس ومنا عبد العين المصلت على النبي امشي ادخلي غسلي وجهج شوفي حالج

شرهب : ياحال واني عايفه عبد ماادري شراح يصير بيه

بديعه : من وراج لو كاعده وساكته

شرهب : ادري راح تبقين تاكلين بيه وتلوميني خلي اطب جوه احسنلي

ناي : على كيفج عمه وياها خطيه هبطت حيل

بديعه : انتي الثانيه ليش مامنعتيها

ناي : ليش هيه تنكدر عفيه مو تدرين بيها

بديعه : شوكت تگبر هاي البنيه وتبطل مشاكل

ناي : تدرين من ضربت صالحه كيفت والله جانت الكتله من زمان تصير حتى واحد يبرد گلبه بيها

بديعه : هااك استلم عود هاي الفقيره

ناي : بربج عمه ماردتي بيوم تلزمين صالحه واختها واطيحين حظهن

بديعه : يووو كومه مرات اتمنى حتى احركهن وهنه واكفات دكاتهن بينا ماتتسولف الله لا يوفقهن سرطان ياكل بينا اكل شوكت نخلص منهن

ناي : شفتي ياعمه وهاي شرهب راحت ذبت حركتها وحرگتنا بيها

بديعه : واذا عمج اجه هد علينا وسوانه طلابه شكبرها شون نحلها

ناي : مااعرف

بديعه : شفتي لتضلين تمشين وره اختج بدون فهم هاي مشلوشه من تتعصب متشوف كبالها لازم الواحد يفكر يله يقرر واختج تهجم ومتفكر ابد والي مخبلني ماتتندم ولا تخاف

ناي : عوفج من شرهب بيبي شون صارت

بديعه : نايمه المكروده كوه اكلت لكمه وحده علمود العلاج وكل متفتح عينها صاحت جيبولي يونس

ناي : هو وينه اااااخ نار بگلبي خوف عليه وهلمره محد ينطينا نجده خابرتي مرتضى

بديعه : كال رايح ويه مهدي

ناي : مهدي هم شيب راسي ولايجاوب المن شايل تلفون بله احتركنا صار شى

بديعه : ياستار هاي الناقصنا

ناي : خلي اشوف بيبي وشرهب كمت حسيت بألم بظهري وكعدت

بديعه : شبيج فدوة اروحلج لتوكعين منا عمتي وهلمره انتي

ناي : لتخافين مابيه شى لان بدايه حمل هيج يصير

بديعه : هااااااا فتحت عيووني حاامل

ناي : اييي

بديعه : وماحجيتي

ناي : والله ردت اكول الكم وصارت سالفه يونس خربطت كلشي

بديعه : انتي من كل عقلج ضامه هيج شى وفوكاها تصعدين وتنزلين ورايحه ويه اختج هداده بله صار شى بيج

ناي : شيصير ياعمه قابل ملزوك بعلج الْحٍمَدٍ للـّہ صحتي زينه ومابيه شى

بديعه : وظهرج وجعج اوكفي خلي استوعب حامل يمه نايه

ناي : شبيج عمه شنو الغريب

بديعه : يمه ابنج صار عمره ٨ سنوات اني كلت بعد ماوراج حمل

ناي : الله قسملي الف الحمدلله ادعيلي بلخلقه التامه واكوم بلسلامه

بديعه : مهدي يدري

ناي : لا

بديعه : خرب لشتج اذا صدك شون سكتي

ناي : عود ردت اسوي اجواء رومانسيه وابلغه ونحتفل اني وياه صار فتره ملتهي عني وسالفه حوري منا لحد مافضت كلت اسوي اجواء عشتوو عود مثل النسوان الفايخات تالي قبل مااكول بسم الله خابرت شرهب علمود يونس خلتني حتى اسمي انساه مو عاد ابلغ مهدي

بديعه : شوكت عرفتي حامل

ناي : بيوم سالفه يونس العصر تمشيت لابو الصيدليه وجبت اختبار حللت مرتين اني جنت شاكه

بديعه : غير ترحين للمختبر

ناي : ميحتاج عمه حامل مبين قابل اول بطن ومااعرف

بديعه : الله يكومج بلسلامه وتقر عينج بطفلج

ناي : امين والاهم يونس يرجع حتى الفرحه طفت والدنيا طالعه من عيني

بديعه : ربج رحيم وكريم قادر يرجعه النا ادعي يرده مثل مارد يوسف ليعقوب

ناي : امين وين بلال شو البيت صنطه

بديعه : وديته يم بان مابيه حيل اركض وراه منا بيبيتج تعبانه وهم مرتضى كايل خلي كم يوم يمي وتعرفي متعود على بان ويحبها

ناي : زين تسوين

كمت من يمه عمه ورحت للغرفه فتحت الباب شفت بيبي نايمه عفتها وطبيت للغرفه الثاني لكيت شرهب نايمه بفراش يونس

كعدت بصفها شوشه شرهب جاوبيني شبيج

شرهب : ليش حظي بلدنيا قليل

ناي : ومنو حظه هوايه كل واحد مقسوم اله شى من السعاده وشى من الحزن

شرهب : بينما اني الحزن كله قسمتي

ناي : دومج متشائمة

شرهب : كلت واخيراً راح تتعدل اموري واعيش ويه انسان يحبني ويقدرني واكمل شهادتي ويصير عندي بيت واطفال وعيشه مثل البنات وكلشي انگلب بليله

ناي : كل تأخيره وبيها خيره

شرهب : اني بمنو افكر بيونس الهاد حيلي لو بعبد الما اعرف شراح يصير وياه كل واحد منهم ماخذ جزء منه وكعد يكطع بيه

ناي : كومي توضي وصلي وخلي اصلي وياج وندعيلهم

شرهب : مابيه حيل اصلي

ناي : تعوذي من شيطانج وكومي اني هم ظهري يوجعني وراح اصلي وياج

شرهب : خايفه لا انفجع بواحد بيهم

ناي : عوذه منج ومن افكارج كومي وبله حجي ماصخ

شرهب : خابري مهدي شوفي شصار

ناي : ميجاوب خلي نصلي وراها ارجع اتصل

صلينا وبقينا ندعي دعاء رد الغائب

وضعنا وحالنا كله ميسر لا عدو ولا حبيب الكل ساكت ومنتظرين الفرج

يونس : رجعت مثل ماجنت محبوس ومظلوم اباوع على الحياطين بغرفه لاهو سجن نظامي لا اكو مساجين يمي زين اخاف مخطوف على شنو يخطفوني من املاكي وفلوسي شو على باب الله يوم اشتغل ويوم لا حتى من اخذوني قفلو عيوني حتى ماشفت وين اخذوني مافتحو عيوني اله بهاي الغرفه عافوني يوم كامل محد سأل عليه بس واحد طب دخلي مي وراح حتى ماكو اكل بقيت كاعد وساكت وانتظر مصيري بالي كله يم البنات وعمه وبيبي اعرفهن يتأذن

تعبت من الانتظار وماكو اي احد يفهمني شديصير نمت على كعدتي لحد منفتحت الباب ومبين طلع الصبح الوكت هنا معدوم

اجوني ولد شباب يطلعون بكصتي

تعال يله

يونس : وين اني محد جاوبني اخذوني من ايدي اندار على كل جهه ناس لابسين مدني وناس زي معين وسلاح دخلوني لغرفه جان بيها واحد جبير بلعمر كعدني مقابيله عرفت من ياجهه من ملابسه (بدون ذكر الجهه)

انت يونس صمد فرج

يونس : اي اني

اجتنا شكوة عليك

يونس : من منو

يكولون ماخذ بيت عمامك وطاردهم من عنده وموقع بيبيتك بالاكراه لان مره جبيره وعدها زهايمر مقشمرها وماخذ البيت بإسمك

يونس : مبين الشكوة من عمامي

اذا تعرف ليش تسأل

يونس : زين اريد افهم ليش مااشتكو بلمحكمه ليش عدكم

احنا جهه نرجع الحق المسلوب لاصحابه هواي اكو ناس ضاعت حقوقهم وماعدهم اثبات بلمحكمه حتى يرجعو واحنا فاتحين مكاتبنا لهيج شكاوي

يونس : خلف الله عليكم ومشكورين بس غير اذا واحد مظلوم مو ظالم

بله حجي زايد تتنازل عن البيت وانطلعك

يونس : اي تنازل وبيا حق انطي البيت عمامي ماالهم شى يمي ليش اتنازل وهمه باطلين

همه كالو البيت مشتري بفلوسهم ولا ميردون يكسرون خاطر امهم سجلوو بأسمها وانت استغليت مرضها وقعتها

يونس : ماكو هيج حجي والله

عمامك انطو الاثباتات واني مصدكم لهذا مثل الحباب تتنازل حتى ترجع لبيتك

يونس : على اي اساس اتنازل

راح تتنازل وحجايه ثانيه افرغ السلاح براسك

يونس : فرغه واگتلني ومااتنازل على الاقل من اموت يصير ورث لاهلي وماياخذون اي شى عمامي

كاام هذا الرجال وضربني على وجهي وحصرني بلحاايط كل السويته احمي وجهي منه يضرب ويعيط تتنازل لا انعل والديك فوك مابايكهم وضل يفشر ويسب اكلت كتل معدل منه لحد متعب وعافني مشمور بلكاع

بقيت على هذا الحال يمكن ساعه ورجعو اخذوني ورجعوني للغرفه الثانيه اريد واحد يفتهم مني يسألني خفت ليضيع حقي لان مبين عمامي خوش طابخيها وعلاقات وفلوس وفاريها عليه

ناي : بقينا على نار لحد الليل اجه مهدي ومرتضى ركضنا عليهم هااا بشروو

كعد مهدي ومبين حيل تعبان

مهدي : على منو بيهم ماشاء الله صارو اثنين

ناي : اثنينهم احجي فدوة

مهدي : لهسه منعرف منو اخذ يونس كل واحد يحجي شكل بس عندي ولد صاحبي اخوه قيادي بلعصائ.ب وكال اسألك واشوف

شرهب : واحنا نبقى ننتظر

مهدي : ماعدنا غير حل

شرهب : وعبد الرحمن

مهدي : اهل الولد رفعو شكوة عليه وذبوه بلتوقيف

شرهب : صخام الصخمني

مهدي : على كيفج باجر يتنازلون ويطلع

ناي : لعد المن دخلوه

مهدي : همه رادو عطوه حتى يصير فصل خابرت عم خالي الجبير وباجر راح يجيهم وياخذ عطوه منهم وتالي يتنازلون ويطلعون وتضل سالفه عشاير

ناي : والولد مات

مهدي : عايش بس متأذي كسور على رضوض الدعمه قويه مبين عبد جان سايق بسرعه

شرهب : كله من ورايه

مهدي : ليش جنتي ويااه

ناي : اني بعدين احجيلك

مهدي : رايح للبيت اسبح وشويه ارتاح من الصبح افتر ابقي باتي هنا لان من الصبح لازم اطلع لديالى اجيب عم خالي ونطلع لاهل الولد

ناي : وخالو عمران

مهدي : ولا تجرأت اخابره لان اعرف مراح يوكف لعبد وهو هم طلب محد يبلغ ابوه

ناي : مستحيل خالو يعوفه بهيج موقف

مهدي : لتنسين دكت عبد وياه جبيره هاي اذا متشمت بيه

ناي : شون حظ اسود منين طلعتنا

مهدي : محتاجه شى

ناي : سلامتك دير بالك على نفسك

مهدي : اذا احتاجيتي شى خابريني

ناي : طلعت وراه ونزلنا قبل ليفتح الباب ويطلع كتله

مهدي عندي شغله اريدها اكولها الك

مهدي : ياستار منو سوه مصيبه بعد

ناي : هااي شبيك روح الله وياك

مهدي : احجي نايه تعبان وابويه شفته بعيني اليوم من الفر والتعب

ناي : اني حامل صفن بوجهي

مهدي : صدك تحجين

ناي : اني بحال اتشاقه حضني حييل وباس راسي

مهدي : اكو وحده تكول هيج خبر بهذا التوقيت

ناي : شفتك تعبان ردت اريحك

مهدي : دومج مريحتني يااغلى الناس امشي ويايه للبيت ارتاحي مااعوفج هنا

ناي : لا عفيه مااريد اعوفهم وگلبي نار على يونس اذا تريد ارتاح جيبلي خبر عنه يونس ريحة امي وطيبتها اذا صار شى بيه مااكدر اعيش

مهدي : ان شاء الله البيدي اسوي والله اركض من مكان لمكان

ناي : الله يقويك

مهدي : طبي جوه ولتتحركين هوايه

ناي : باسني من شفايفي وراسي وطلع نفسيتنا تعبانه واحدنا ميعرف شيسوي

صعدت فوك اباوع الوجوه مگلوبه وبيبي مكعد تصحى وخايفين لتضيع منا

يونس :

صار ٤ ايام هنا كتلني الجوع مرتين بس جابولي اكل وراها خلصوها ويايه مي روحي بهتت وراسي يوجعني من الضرب سحلوني مره ثاني وهلمره مو وحده هذا الرجال ويااه ولد شاب ورجال ثاني جبير كعدوني نفس الكعده

هاااا شقررت

يونس : كوه ارفع راسي واحجي اسمعوني وراها التردوه يصير

مانسمع اي شى تتنازل بالاول

حجه الرجال الثاني

احجي خلي نسمع

جان يكول الضربني ومبين عصبي حييل كاله سيد المن نطي وناخذ وياه بلحجي عمامه جابولنا سند الكاع شون باعوها واشترو هذا البيت خلي يرجع البيت لاصحابه وانطلعه المن بعد كاعدين ومضيعين وكتنه ويااه

اباوع على نقاشهم مبين هذا الرجال يريد يفرها بدون ميسمع من عندي ردت احجي عاط بيه سكتني اباوع بلوجهه ادور على واحد بيهم استنجد بيه وجهت كلامي للرجال الثاني وكتله سيدي اني رجال على باب الله وهذا حالي كدامك شكلي مال واحد يبوك ويوقع بيبيته

كام يلعب بلحيته الطويله المتروسه شيب ويحجي

مالنا دخل بلشكل اذا نحكم بالاشكال نص السجون تفرغ

يونس : مو سمعتو من عمامي اسمعو مني

طفر ذاك وكاال ماله داعي نسمع راح توقع على اوراق التنازل وترجع الحق لاصحابه واذا عاندت اعتبر روحك متت

يونس : اني اوقع ماعندي مانع ولا اعاندكم بس اسمعوني وراها راضي بحكمكم

رجع حجه هذا الرجال الجبير

خلي نسمع منه ابو عباس ونفتهم السالفه كلها لتخبصنا

ابو عباس : عااط وكااال مو كتلكم اني السالفه يمي ليش تعاندون

حسيت هذا الرجال مدفوع مبين من حركت گلبه يريد يسد السالفه سريع سريع انرحم بحالي وكت ما كال الرجال الثاني اني حاب اسمع منه

البيت بأسم بيبيتي وتنازلت نص اليه ونص لاختي بعد ما أذوها ولدها وهي عايشه ويايه وقبل سنين تنازلت اليه وبدون ماادري وره وين يله عرفت والبيت اصلاً مو مالتهم اول مشترت البيت بيبي جان بفلوسها وذهبها وجان هيكل وهيه كملته وره سنين طلع الهم ورث كاع ابوهم وباعوها واشترو الخرابه البصف البيت ١٥٠ متر وكبرو البيت وصار بيت جبير هاي الكاع اليحجون عنها بيها حصة ابويه وحصة بيبي وحصة عمتي تنازلت اليه وحصة عمي فلاح وزوجته عايشه هم يمي يعني عمامي جوحي وعبيد الهم شى كلش بسيط واني مانكرت حصتهم كلت الهم شوكت ماابيع انطيكم بس همه يردون البيت كله بلباطل وبيبي لا بيها زهايمر ولا شى وتكدرون تتأكدون هي عايشه يمي روحو سألوها انتم تكولون نرجع الحق لاصحابه واني راضي ارجع كلشي اذا الهم حق بس قبلها روحو اسألو صاحبة الشأن واذا كذبت بحرف راضي بلي تسوه

ابو عباس : وعلى شنو نسأل الشغله يمي واني سألت واستفسرت

يونس : باوعت على الرجال الجبير وابد ماحجيت ويه هذا الي اسمه ابو عباس وكلت

احلفك بأهل البيت لتظلمني وروحو تأكدو عمامي كل خير ماشفنا منهم ولان يدرون قضيتهم خسرانه التجأو الكم والله اعلم لمنو دفعو حتى يركبوني الغلط وياخذون البيت بلقوه كاام هذا ابو عباس وضربني حيل على وجهي وكعني بلكااع ويعيط شنو قصدك ماخذ رشوه

سيد : شجاك تضرب بيه عوفه

ابو عباس : شفته شون يتهمني لك تتنازل هسه لاازوعك دم واطلع حليب امك من خشمك

تعالو يولد شيلوه

ابو عباس : وين ماخذه

انت مو تريد يتنازل اني اخلي يتنازل بس انطي مجال على شنو مستعجل

ابو عباس : ورانه كومه شغل فارغيله واني كتلك الشغله يمي انت ليش تريد ادوخ راسك بلشغله وشوفتك سند الكاع وكعدت ويه عمامه وانطيتهم كلمة يرجع حقهم شو حاسك رجيج صرت

مو رجيج خلي الولد ياخذ نفس شوف شمسوي بوجهه علي كال ضاربه مأذي هذا مو اتفاقنا

ابو عباس : غير عاند وتجاوز وكدامك تهمني بلرشوه

مكال انت ولا حدد حجايه طلعت منه هيج بليه قصد

ابو عباس : خلي اجيب الاوراق ويوقع لا اطشر راسه

يونس : كوه افتح عيني واسمع نقاشهم ضلو واحد يحاول يقنع الثاني لحد ما هذا الرجال كال باجر عمامه خلي يجون كدامه يصير التنازل اخذوني ورجعوني واني بلا حول ولا قوه وحاير اوقع واتنازل لو اموت بيدهم لان مبين جوحي وعبيد منطين خوش فلوس او واعديهم بمبلغ لان هذا ابو عباس ذبح روحه على التنازل

رافع راسي على السكف اباوع الجو بارد حيل ومحاس بلبروده لان وجهي يحرگني اجه كلشي گبالي طفولتي شبابي كلشي عانيت بيه

وكل ضربه اخذتها أذت گلبي ضليت وكت طويل لحد ماغفيت

نمت حلمت جني ابن ٦ سنوات وامي تمشط شعري وتبوس بيه واكف اباوع عليها وعلى حالي من جنت طفل وشون توصيني مااروح بعيد وماالعب بلطين واوصخ نفسي شفت حالي شون فرحان بوجودها وطلعت اكمز ومكيف وبلحظتها صعدت بلدرج واخر بايه شفت صالحه وساهره دفعوها وكعت كبال عيني ركضت عليها ودمها مله الكاع شلت راسها دمها ترس هدومي كمت اعيط عفتها وصعدت ضربتهن اثنينهن كمت اضرب بيهن لحد ماكطعن النفس انداريت شفت امي ماكو والدم اختفى نزلت ادور عليها وافتح باب باب وابجي اخر باب فتحته لكيتها كاعده تصلي لابسه جادر مال صلاه كله ابيض حتى سجادتها بيضه كعدت بلكاع بصفها واشهك من البجي لان منظرها مراح من بالي لحد ماكملت صلاتها اندارت عليه وابتسمت وباستني من راسي ومسحت دموعي بجادر الصلاه مالتها فزيت من النوم مخروع مديت ايدي على خدي لكيت دموع رجعت راسي للحايط وبجيت يمكن باقي الدموع الضلت بلحلم نزلتها گلبي تعب من كلشي مر

رحمتك يارب ماضلت طاقه بيه

بديعه : خابرت على خوله مدري ليش تاكل بگلبي سالفه ضربت شرهب لصالحه هاي ادور هيج مشاكل وتستغلها

خوله : مصار شى على يونس

بديعه : بعد منتظرين

خوله : ردت حجز منطوني اجازه

بديعه : وين جايه قابل شسوين

خوله : كاعده هنا واكل بروحي خايفه لا الولد يصير عليه شى

بديعه : ربج الحارس ان شاء الله يرجع النا

خوله : اكو حجايه بحلكج ذبيها شصاير

بديعه : هاي بت اخوج الرعنه رايحه وضاربه صالحه مطيحه حظها مكطعه شعرها عايفتها بلكاع تنازع

خوله : بعد ايدي وينها خلي ابوسها

بديعه : شوف البخت هاي فوك مااطيحين حظها وترزليها

خوله : تدرين بيه اني اخر وحده ارزل شرهب لان اعرفها متتعارك اله بلحق

بديعه : البنيه كبرت وعلى ابواب زواج ميصير تبقى هيج هبشه تتعارك ويه الرايح والجاي

خوله : لعد ترديها فاهيه مثلج

بديعه : مو مثلي بس شويه ثكل رايحه وهاده على مرت عمها بله اشتكت عليها حتى تكمل نفتح سجن بأسمنا وانلم العائله كلها بيها

خوله : اني هسه اخابر عبيد واحاجي

بديعه : وشرهب

خوله : شبيهه بنيه محروك گلبها وتريد اطفي قابل نمنعها

بديعه : تدرين من وره سوايتها خطيبها هسه بلسجن مو اكلج راح نفتح سجن بأسمنا

خوله : شصار احجي

بديعه : حجيت كلشي لخوله

خوله : تفض جم فلس وتخلص

بديعه : يابرود اعصابج واني خابرت حتى تحجين وياها وتعقليها

خوله : جان عقلت اني ابو طبع ميغير طبعه عوفي كل واحد ونفسه اكو ناس هيه طبعها من نار واكو ناس من مي ثلج امثالج واكو نص ونص وشرهب بركان خامل اي حركه بسيطه تثور عوفيها هيج بابا الفقير ميعيش بهاي الدنيا الكشره ناس تاكل بناس والفقير مديوس بين الرجلين وضال يتفرج شون ياكلون حقه

بديعه : واحنا مو بغابه ياهو اليجي يهجم ويتعارك اكو اصول واكو تربيه

خوله : والي عايش ويه امثال صالحه وساهره وسما وداد واخوتي يفيد بيهم اصول بله متسكتين كلمن نطي على كد حجمه والاصول والتربيه لاهلها وللي يستاهلها مو للشعوذه ذوله روحي خلي اخابر عبيد ليستغل الموقف ويأذي شرهب

بديعه : بعد ولا اخابرج واطلب منج تعقليها

خوله : رجلها هو يقوم بلواجب اطلعي منها

بديعه : هذا الفلحت بيه منج الله وياج صوجي خابرتج هو محد خبلها وانطاها عين لهاي البنيه غيرج

خوله : عفيه هيج صيري فطنه والكفيها يلفاهيه باي

خابرت على عبيد دك هوايه لحد مشاله

عبيد : توقعت انتي رقم دولي

خوله : مالي حيل انطي واخذ وياك بلحجي

اخاف الك نيه تأذي شرهب

عبيد : الج عين ومخابره على بت الگلب هاي نومت صالحه بلفراش

خوله : والله وعاشت ايدها

عبيد : خلي تكوم على حيلها اله اخذها بيدي واخليها تشتكي عليها

خوله : رجال وطالع من ظهر فرج وسويها شايف شسوي بيك

عبيد : تهديدج مياكل ويشرب ويايه مابيدج شى

خوله : لا عبالك بلسويد مااكدر اجي يومين والثالث اني يمك واول مااوصل اوكف بنص السوك ويم محلك ومحل اخوك اشهركم شهيره نسيت مرت اخوك طفرت واخذت ملايين وياها اخاف يم بيتكم الناس سكتت بلسوك محد يسكت يبوو يموتون على هيج فضايح يشتروها شرايه وهااا اكلهم طفرت ويه صاحبها اذب تهمه عليها مو هيه خربانه خلي تخرب على وجهه

عبيد : حتى ادفنج بمكانج

خوله : هاي اذا لحكت لم الهوسه حتى لتنفضح هي كتله على جم كفشه ومرتك مثل الصل كلشي مابيها قابل ماتت ولو اعرف حتى اذا ماتت تكيف تخلص منها

عبيد : اذا وصلت وحده من بنات اخوج اذبحها

خوله : ميوصلن بعد كافي فضايح مناقصك وحافظ على مي وجهك هاي هم مرت اخوك وهم اخت مرتك وهم بت خالتك يعني من كل صوب تجيك الفضيحه والسوك ماينسى ولو بعد سنين يكولون فلان مرت اخوه شردت ويه صاحبها وباكته سكت مرتك وكول الها تكول خوله تعيش وتاكل غيرها

سديته بوجهه شكد صايره اكرهكم

شرهب : كلشي راح طعمه وحتى دوام مداومت باقيه اداري بيبي وطول الوكت ساكته كلشي بعيني اختفت الوانه وگلبي مقسوم بين يونس المنعرف شى عنه وبين عبدالرحمن الي طولت شغلته ولهاي اللحظه متنازلو عنه صار يومين وبين بيبي ومرضها

كمت انام بغرفه يونس حتى بليل اشكيله براحتي واحس بيه يمي التزمت حيل بلصلاه والدعاء وكمت اقرا قران وحلفت بس يرجع بخير اتحجب عن قناعه والتزم بلحجاب كمت اتوسل ليل نهار واني كاعده واني اشتغل بكل وقت ولساني مابطل توسل برب العالمين حتى يرجع يونس لان كلنا بدونه ضعنا

عرفت ناي حامل كيفت الها لان من زمان رادت طفل ومصار والحمدلله رب العالمين جبر خاطرها بس الفرحه ناقصه لان عامود بيتنا وسندنا ماكو

اليوم بيبي وضعها شويه احسن كدرت تحجي واكلت شويه دك تلفوني باوعت عبد ممصدكه مباشره جاوبت

عبدالرحمن: هااا ام البلاوي

شرهب : انت وين حبيبي

عبدالرحمن: هسه صرت حبيبج من دعمت الولد

شرهب : فدوة احجي

عبدالرحمن: طلعت من المركز صرت رد سجون من وره حضرت جنابج بله اني شمسوي بدنياي الله يرزقني بوحده انكتل من وراها وانطرد وادخل سجن

شرهب : قابل اني كتلك سوق سريع انت متعرف تسوق بعد لتركب سياره اشتري بايسكل احسنلك

عبدالرحمن: هذا الي الله قدرج عليه مكان متبجين وتكطعين خدودج والكاج بلكاظم شاده علك وتدعين ارجعلج سالم

شرهب : شكوو قابل رايح تقاتل داع.ش هو انت دعمت واحد المفروض ادعي للولد يعيش انت شكوو عليك

عبدالرحمن: لو ممجاوبه هيج جانت كلت مغيريج

شرهب : تعال اريد اشوفك

عبدالرحمن: شسوين بيه

شرهب : عبدوو

عبدالرحمن: احتركو هااااا

شرهب : اشتاقيتلك

عبدالرحمن: احممم انتي منوو

شرهب : الله عليك تعال ضل بالي والله

عبدالرحمن: رايح لعش الزوجيه مالتنا اسبح واجي

شرهب :انتظرك لتتأخر

عبدالرحمن: يارب بقيها على هدوئها بين مااسبح واروح الها

شرهب : احد كلك مخبله وافتر واضرب الناس حجار

عبدالرحمن: المخبل ماعليه عتب اويلي على العاقل ويهجم على الناس بيتها من وره سوايتج جان ولد مات واني انحكمت

شرهب : روح عبد مااريد اشوفك

عبدالرحمن: احسن

شرهب : سده وراح شكد غثيث ولا احجي ويااه بعد

وره ساعتين اندكت الباب سمعت صوت ناي تصيحني

هااا عيني باوعت عبد واكف ابتسمت لا ارادياً صدك اشتاقيتله وخفت عليه بس اني بيه خلل بأظهار المشاعر هيج تركيبتي

ناي : الْحٍمَدٍ للـّہ على سلامتك

عبدالرحمن: الله يسلمج ام سيف

ناي : مهدي وين

عبدالرحمن: عنده شغل ويه عمامنا بليل يرجع

ناي : اخابر عليه ميجاوب

عبدالرحمن: مخبوص حييل طلعت من المركز وهو راح ويه الزلم

ناي : اخذو راحتكم

شرهب : عمه جانت بلسوك وناي طبت للغرفه وبيبي نايمه يعني وحدنا اشرلي تعااي وفتح ايده اشرت براسي مااااا

عبدالرحمن: يعني متجين

شرهب : لا

عبدالرحمن: لعد رايح

شرهب : راد يطلع جريته من قميصه ويييين

عبدالرحمن: مو مترديني

شرهب : لا اريدك بس انت ضوجتني

عبدالرحمن: تعااي بحضني هسه وبعدين ضوجي

سحبني من ايدي وحضني حيل

عبدالرحمن: اشتاقيتلج جامبو الجبار

شرهب : ضربته على صدره هااي عليمن

عبدالرحمن: عليج بعد ماكو شرهب كله جامبو

شرهب : وخر بعد مااحبك جان حييل يحضني مخلاني اوخر منه

عبدالرحمن: تدرين جان هسه انتي بيتي وحاضنج براحتي كلشي انگلب تكول عجاجه وخربت الوضع

شرهب : ابتسمت بقهر هذا اني دوم كلشي عكس يمشي ويايه طمني شصار بسالفه الولد

عبدالرحمن: تعااي اكعدي يمي

كعدت بصفه وكعد يسولف الصار وشون انطو عطوه

وابوك

عبدالرحمن: شبيهه

شرهب : مااجه

عبدالرحمن: اني بلغتهم لتنطوه خبر مااريد يتشمت بيه

شرهب : كله مني والله مجان قصدي أذيتك انت شجابك ورايه

عبدالرحمن: مرتي ورايحه تتعارك تردين اتفرج

شرهب : مقهوره حيل الله اعلم شراح يصير من وره هذا الولد

عبدالرحمن: فصل وفلوس اكو غيرها عدا كل علاجه تكفلت بيه

شرهب : يايمه شكديعني

عبدالرحمن: الناس الضربت ابنهم حادين سنونهم علينا ومبين راح ندفع كذا مليون

شرهب : هو ما مات وانت تكفلت بعلاجه المن هاي الملايين

عبدالرحمن: صار رزقها للعشاير هاي السالفه اذا تضربين طفل راشدي تطلع ناس معگله وراه ويطلع هو معيشهم خلي تفض بفلوس الْحٍمَدٍ للـّہ ما مات جان خوش خلصت شهر العسل بلسجن

شرهب : قصدك شهر البصل ضل عسل

تقرب مني وحضني

عبدالرحمن: انتي صيري بحضني وشوفي العسل شلوونه

شرهب : ليجي احد وخر عبد عيب

عبدالرحمن: اي مو اني صاحبج

شرهب : من نتزوج عود

عبدالرحمن: أيس يعبيس غسلت ايدي بمي زمزم على هاي الاوضاع

شرهب : عوفني لعد اذا هيج ضايج جان يجرني من اذني

عبدالرحمن: لا كل شويه وعوفني وطلكني هو اني شفت منج حتى اعوف ضوك بعدني ماضكت

شرهب : عوف اذني لتجرها جان يدنك ويعضها اااااخ شبيك

عبدالرحمن: عجبني مرتي حر بيها اعضها اكطعها

شرهب : اني بوضع مابيه حيل جان عرفت شون اردك

عبدالرحمن: ليش وجهج طافي حتى لهفه بعيونج ماكو شبيج ياگلب عبد وروحه

شرهب : حطيت راسي على صدره وبجيت يمكن هذا اكثر سؤال ردت احد يسأله اليه حتى اطلع الگبت الباقي بصدري

عبدالرحمن: هااااي شنوو اول تالي تبجين عبالي القنوات الدمعيه ملغيه عندج

شرهب : عفيه مالي حيل للشقه اني منتهيه على يونس وعليك وتعبت حيل نفسيتي معودت طلعت انت وعرفت وراك فصل وخساره شكبرها رجعت لخط البدايه منين ماافر راسي الكه شئ يأذيني

عبدالرحمن: بلنسبه ليونس مهدي مكاعد واني هم راح اساعده واعتقد بده يوصل لشى اما اني بلفلوس ولا بيج كلها تتعوض وعيونج

لتنقهرين تنحل بأذن الله ولتمسحين دموعج بلقميص ورايه طلعه

شرهب : لعد هاااك مسحت عيووني حييل بقميصه وكاام يضحك

عبدالرحمن: ههههه ماخذ طفله والله

شرهب : خلي طلعتك تفيدك

عبدالرحمن: محد يفيدني غيرج خلي اروح لان مهدي ينتظرني ادعيلي نخلص حتى اخذج واطلع اليومين الي انسجنتهم بيج كووول وبوكتها اتوبج تتعاركين ويه احد

شرهب : مااتوب لزم خشمي بيده وكرصه

عبدالرحمن: اتوبين صيري يمي ويصير خير

شرهب : انتبهه لنفسك

عبدالرحمن: ماكو منا منا بوسه ام المطكه ام الشمه لج مهدي من طلعت حضني وباسني وانتي مرتي متبوسيني

شرهب : تقربت بست خده

عبدالرحمن: ياسبحان الله نفس بوست مهدي اروح لمهدي اشرفلي خويي وضلعي انتي مخلصتها عليه خبز يابس

شرهب : روح هذا العندي

عبدالرحمن: واني هذا العندي جاان يجرني حييل وباسني من شفايفي

عبدالرحمن: افييييش شكد طيبه هسه اروح انطي فصول واني مرتاح

شرهب : خله وطلع يكولون عليه شاخطه والله عاقله بلنسبه لعبد

ناي : باقيه بيت يونس ومكعد اشوف مهدي لان مخلصها يفتر على شغله عبد ويسأل بدربه على شغلة يونس

عمه بديعه خابرت مرتضى يجيب بان يمنا لان عايفها اكثر الوكت وحدها لازم محل يونس ومرات يفتر يسأل ويرجع تالي الليل

اجوي يمنا العصر وجايب مسواك وياه وانطاني الدخل مال الشغل هلكم يوم اندكت الباب حيييل

مرتضى : اني اشوف منو

نزل وشويه وصعد

مرتضى : ادخلو بلغرفه

بديعه : خير ابني

مرتضى : ذوله جماعة (بدون ذكر الجهه) يردون بيبي

بديعه : يمه شجابهم علينا

مرتضى : دخلي البنات بغرفه يونس ومااريد نفس يطلع

ناي : دخلنا كلنا للغرفه ونتراجف ذوله شيردون من عدنا

بديعه : لبست عباتي وكعدت عمتي وبقيت يمها دخلو للبيت اثنين رياجيل

السلام عليكم

مرتضى : وعليكم السلام تفضلو ادخلو منكدر نطلعها للهول لان تعبانه

عادي ندخل الها اهم شى واعيه

مرتضى : اي واعيه

بديعه : دخلو سلمووو واحد كعد يم عمتي

شونج يمه

عمشه : هله يمه

اني جايج علمود ابن ابنج يونس

عمشه : يابعد بيتي يمه اريدنه تعرف مجانه

اي اعرف وجاي اسألج جم سؤال ونروح

مرتضى : انتم الي اخذتوه

هذا الشى ميخصك

بديعه : سحبت مرتضى للمطبخ فدوة اسكت

مرتضى : بأي حق ياخذوه لا همه حكومه ولا قانون شنو تايهه

بديعه : اي تايهه والحكومه الهم احبيب نغالط نفسنا هو وينه القانون كلمن يصيح الزود الي واليحجي يموت اسكت مالنا حيل ياخذوك ويه ابن عمك

مرتضى : غير نفهم ليش اخذوه

بديعه : نفهم بعدين عليك الله تسكت ومتفتح حلكك مالنا حيل نركض وراك انت هم

بديعه : رجعنا للغرفه نسمع الصار

حجيه البيت ليش سجلتي بأسم يونس

عمشه : عبنه يستاهل شيال همي وماعافني اطورد وحيدي بلشوارع حطاني على راسه

يعني مو هو طلب منج تسجلي

عمشه : ياخايب مايعرف كضاه الوليد تصفن انه بيدي رحت وتنازلت والزلمه عمران شاهد

منو هذا عمران

مرتضى : كرابتنا

زين حجيه ولدج مو همه اشترو البيت كالو بفلوسنا اشتريناه

عمشه : يااا من دهر فرهم گل المصايب من جوه راسهم منين يشتروه من شيب الخلفهم البيت بيتي وانه بچدي كبريته ريگي تمرمر لون صار هلكبره

زين حجيه والكاااع

عمشه : كااع ابيهم وانه اشتغل واحرث بيها وبعناها وكملنا البيت ونسوانهم تحود بيهم ومارضو يلفوني وبطيحتي شمروني على الغريب يداويني ترضاها يبعد امك

ويونس الله ينطيك وينطي حار بيه ولهذا يومك عيشتي عليه الوليد يمه فقير ويتيم وبرگبته خياته ردوه اليه احبن على يدكم انه بلياه وجعانه

يرجعلج حجيه بعون الله

عمشه : اگلك يمه اريدن منك شغيله گرب

امريني

عمشه : اريدن تكض ولدي كضه من هاي المعدله اريدن يصيحون الغوث كون يشوفون ملچ الموت جدامهم تمسدهم تمسد اريدن مايندكون بهذا اليتيم عبن طاك جبده من وراهم مالنا غيركم تردون حك هذا اليتيم عبن ماضل سالفه وماحطوها براسه مايتوبون منه مايخافون الله انه اريدن منكم حكي وحك اليتيم ثواب لاهلك ذوله عاقين ومابيهم گل خير

صار حجيه يجرالج

عمشه : اخذها من شاربك الحلوو يمه

ههههه تدللين من شاربي بعد مااخليهم يندكون بيونس

عمشه : يبعد طوايفي

ناي : طلعو واحنا ركضنا نريد نفتهم الصار كلشي معرفنه غير سألو بيبي وراحو

شرهب : الليل مانمناه كوه كل واحد بينا نام ساعه وفزينا من الصبح

بيبي اباوع بوجههه مرتاحه تكول عبالك يونس رجع عفناها على راحتها المهم متتخربط نظفت البيت وناي متمدده على ظهرها كعد يوجعها اندكت الباب

بديعه : وحده من عدجن تنزل

شرهب : شوو الباب انفتح قبل لا ننزل واندار

واشوف يونس گبالي

بعد اسبوعين :

شرهب : كاعده وفاتحه عيوني واسمع بتركيز لعبد

عبدالرحمن: واكفين باب اهل الولد المضروب انتظر عمامي اليوم الفصل طبكت السيارات ونزلو واحد وره الثاني واني اسلم عليهم واجت اخر سيارتين واتفاجأ وحده لمهدي والثانيه سياره ابويه

ركزت زين كلت معقوله

طبكت السيارات ونزل ابويه لابس العكال والعبايه بكل هيبه

يتبع ....

باجر بأذن الله بارت انتظروني

تحياتي لًلًـّــ💎ــجٌٓمٍَُٓيِّعَْٓ

#الابواب_الخمس

البــارت الاخيــــر

للكاتبة Reem

(اخر بارت طويل لعيونكم )

لا تقفل قفل وتحسبه مأمون.

اذا ترهم عليه كومه مفاتيح.

ولا تعاشر بشر وتورجه اسرار.

اذا ماي الحياة بكصته اشحيح.

ولا تتبع اثر بخدود الرمال.

اذا جانت مطر ومسودنه الريح.

العيد يجيب فرحه يوزع الناس.

وانا حصتي التعب مثل المراجيح

من اصابعها يسيل الخير جروان.

تالي البوح حصتها مراويح .

اذا بيت انهدم وتساوه باكاع.

يرد احسن بناء بشيش تسليح .

لجن بيت الاخلاق شلون لو طاح.

بعد لا سامح الله يصير تصليح

نظفت البيت وناي متمدده على ظهرها كعد يوجعها اندكت الباب

بديعه : وحده من عدجن تنزل

شرهب : شوو الباب انفتح قبل لا ننزل واندار

واشوف يونس گبالي

شرهب : عطت بكل صوتي ممصدكه شفته كدامي ركضت حضنته وابوس بيه من وجهه وراسه

يونس : اااااخ ولج ضلوعي توجعني على كيفج

ناي : كمزت على عيطت شرهب وطلعت للهول واشوفها معلكه بركبت يونس كعدت بلكاع ابجي مكدرت اروح ليمه ممصدكه رجع النا

شرهب : ياااا شبيها اختك

يونس : هاي الواحد هيج يستقبلوه لو كعد تبجين لان رجعت مترديني ارجع انضربتي بوري

ناي : دنك يريد يبوسني عااط من ظهره كمت وحضنته

يونس : اي هيج من الاول لو اله تكسرني

ناي : الْحٍمَدٍ للـّہ على سلامتك حبيبي

يونس : الله يسلمج

ناي : شنو هذا وجهك

يونس : ترحيب بيه شويه مكياج للتجميل

شرهب : انكسرت ايدهم يأذيك ومديت ايدي على وجهه

يونس : اااااخ اليوم ناويه تكمليها عليه

شرهب : غير اشوف تأذيك لو لا

تموتني مو بس تأذيني تره تعبااان وطاك من الجوع سولي اكل بين مااسبح

شرهب : ارقى صينيه اسويلك

يونس : الله عليج مو انتي خلي عمه بديعه مو مال تعب وجع معده

شرهب : خلف الله عليك هيج صارت اني هذا اكلي الينحلف بيه

يونس : احلف بيه غير مره مو هسه

ناي : خلي اخابر على عمه يمكن جوه يم ام حسن

يونس : بيبي وين وبلال

شرهب : بيبي بلغرفه جوه وبان وبلال اجه من الصبح اخذهم مرتضى وراحو العصر يرجعون

يونس : راح ادخل لبيبي واستعجلو بالاكل مصاريني تكطعني من الجوع

ناي : سوده عليه شويه والاكل يكمل وهم ادورلك عصاره عندي مال جروح

يونس : حضريلي مسكن ولا قطعة بأخوج صاحيه اريد من اكل اطك المسكن وانام ولحد يكعدني

ناي : صار حبيبي اووف الله يشيلهم ويخلصنا منهم

يونس : طبيت لبيبي لكيتها متمدده كعدت يمها رفعت عيونها شافتني كامت تبجي

عمشه : انه حاس ترد لحضني يبعد رويحتي

يونس : بست ايدها وحضنتني ليش تبجين هياتني يمج ماعليه شى

عمشه : شنهي هاي يمه ياهو ملطم وجهك جن مسحوك بتريله تك تاير منهي تولاك

يونس : مابيه شى بيبي هاي اجرائاتهم

عمشه : لا تكولن هذا ابو شارب الحلوو عنده شيبه كضك وعدم العافيه بوچهك انه طلبت يكض عمامك موش انت اخافن اطرش وماسمعني

يونس : لا مو هو غيره عرفت قصدج واحد عنده لحيه وشيبه طويله بنص اللحيه

عمشه : اي حبوبه جنهه سعفه خضره بوسط الجول شحلاتها

يونس : هههههه هاااا بيبي صايره مراهقه ادورين حلوين

عمشه : يمه العين هم تريد چا انه كضيتهه مكابله الجلح الملح مابيهه شى لون شفت حليوو تالي عمري چا من الصبر للگبر لا والحظ

يونس : ههههههه كون يسمعنج البنات شيخلصج منهن

عمشه : اداهر وياك يمه اريدن اشوفن سنيناتك طايحات عبن لاعبين شاطي باطي بيك ضال بطرك الخشم

يونس : سنوني كامله ارتاحي

عمشه : الحمد والشكر لله رديت سالم غانم بيتك انه ياحبوبه

گلت احاميك من عمامك الغمان تالي يذبوك بهبيه عساهم لا تهنو شجرالهم تسودنو گله من صويلحه هدامه الحياطين الله يهدم حيلها وياخذ عافيتها لا تهجع ولا تمل

يونس : همه عمامي ميحبوني ويردون اذيتي

لا صالحه ولا شى كولي هي تنطي الافكار وحشه اكول بوجهج بيبي المطايه يمشون وراها من زمان كلشي صار بيه من وراهم راحه نفسيه عدهم من اتأذه بس ربج رحيم يوكفلي الناس الزينه واطلع منها قابل تنلط من كل جهه لازم تلوحني رحمته

عمشه : ونعم بالله يمه سولفلي شعملو بيك المايخافون من الله

يونس : اسبح واجي اسولفلج

عمشه : چاانه اضلن انتظر واتحرمص شبيك شحلاتك

يونس : مو هستوج كلتي ملعوب بيه شاطي باطي

عمشه : ارگد وسولف ولاتشل افادي

يونس : كعدت اسولف كلشي الها وصلت وكت مايأست من الحال وقررت اتنازل اذا بقو يأذوني اني البيت ماهامني كل الي بالي خواتي وعمه وبيبي مااريد يتأذون ورايه وضامن نص البيت بإسم ناي

اجوني ثاني يوم وسلمت امري لله طبيت لنفس الغرفه وهلمره عمامي كاعدين وهذا ابو عباس والرجال مال البارحه

كلت مبين جايين يوقعوني بس استغربت وجوه عمامي مو فرحانه بلعكس كاتلهم القلق مدري الخوف مكدرت افسر وضعهم لحد ماحجه هذا الرجال

شوف احنا رحنا لبيبيتك وحجينا وياها وكلشي كلته طلع صحيح

يونس : ياالله بگلبي كمت احمدالله واشكره وبنفس الوقت خايف لايبقون مصرين على موقفهم رجع كاال

احنا ماعدنا شغل بعد وياك راح ياخذوك الولد لبيتك بس جبتك حتى كدامك الحجي يصير الحجيه نختني واني الينخاني لو على كص رگبتي البي من اليوم وكدام عمامك انت بحمايتنا اي واحد منهم يندك بيك معناها اندك بينا كل العليك تخابرني راح انطيك رقمي حسبت الطريق تلكانه يمك واكبر شارب بيهم اعلكه كدامك

يونس : رحمه الله والديك عمي مشكور اني مااريد شى بس خلي يعوفوني بحالي واذا على حصتهم الذبوها بلبيت بس ابيعه انطي الهم اني مااكل حرام

هاااي بعد بكيفك اني العليه مااخلي واحد يطخك واذا تجرأ واحد بيهم اعتبر شمس الله ماتطلع عليه بعد

يونس : باوعت عليهم شون خايفين والنكره الرادو اوكع بيها همه طمسو بيها ومحد يكدر يطلعهم شكلهم فار وانحبس بقفص صغير واحدهم النفس كوه يجره

وهذا ابو عباس مورث من الاعصاب وساكت

روح توكل بالله الشباب يوصلوك وعمامك يبقون شويه يمنا عدنا جم سالفه اريد اصفيها وياهم حتى يجرون عدل

يونس : عفتهم وطلعت وامشي وابوس ايدي وجهه وكفه لان طلعت منها اخذوني بسياره ونزلوني بدايه الشارع وهاي اني يمج

عمشه : راية الله بيضه رديت لينا

يونس : خلي اكوم اسبح واكل بعد مااتحمل

عمشه : يااايمه هني ومري وينجن يلمدوهنات كاضياتها نوم

يونس : كتلهن بيبي ارتاحي

شرهب : اجت عمه فرحانه وتبوس بيونس مو وكتها عمه الولد جوعان اذا متسوين اكل اله اني اسوي

بديعه : من عيووني رايحه اسويله الاكل اليحبه گلبه

شرهب : احسبي حسابج اني هم الله عليج جعت من شفت يونس

يونس : احسن شى كملو الاكل كله وخلي ناكل سوه بين مااسبح واخذ غفه

ناي : كاعدين كلنا على الغدا ممصدكين حتى مرتضى جاب بان وبلال

اباوع على وضعنا احنا احلامنا بسيطه ليش مكعد تمشي ويانه عدل كل واحد بينه ميريد شى غير راحه البال والستر

وكل فتره نوكع بمشكلة تگلبنا گلاب

ارتاحت نفسيتنا برجوعه عامود البيت وسعادتنا كاعد واحنا داير مدايره والضحكه على وجوهنا

خابرت مهدي وبلغته وكال العصر امر عليكم

طب يونس نام ومكعد لحد المغرب ويه جيت مهدي وعبد

عبدالرحمن: كفاره يمعود

يونس : المفروض اني اكولها الك

عبدالرحمن: غير من وره اختك يوميه هاده على الناس وتعال فاككها

يونس : ان شاء الله تعدي على خير

عبدالرحمن: اي سولفنا شصار

ناي : بيومها كلنا كاعدين نسمع كل الصار ماانكر گلبي وجعني على اخويه وعلى الضرب الاكله بله وجهه حق بس الي يشوف الموت يرضى بلصخونه واحنا رضينا المهم بينا ويمكن الصار بمصلحتنا لان اكيد بعد محد يتجرأ منهم يندك بيه

بقو الولد على العشا وكعدنا كلنا سوه وتالي الليل رجعت لبيتي جان هم وانزال بعد ايام من الدموع والحرگان الاعصاب والخوف

رجعت ارتب كلشي تخربط خلال هاي الايام ورجعت فرحتي بحملي ومترقبه ياترى اخ لو اخت لسيف

ابني گبر وعيوني تراقب شگله وطوله رغم وكح ومرات ميسمع الكلام بس هو حاله حال الي بعمره كام ابوه ياخذه مرات وياه من يطلع حتى مااتعب من طلباته مرتاحه لان شاطر وذكي وميتعبني بلدراسه مرات اكول لو اخوه عايش جان هسه اثنين عندي ويكعدون گبالي يلعبون وارجع واكول كلشي مكتوب ولهاي اللحظه لجمة ابني ماراحت ولا نسيته واتمنى اروح ازوره بس مهدي ميقبل بسبب صحتي والطريق

خابرت حوراء بالي يمها انكطعت فد كطعه ردت اطمن جاوبتني صوتها تعبان

سلمت وبديت اسألها

شصار احجيلي

حوراء : توقعت من زمان تخابرين جم مره دكيت عليج ومجاوبتي

ناي : هواي شغلات صارت مااريد ادوخج

حوراء : شعندي دوخيني

ناي : بعدين احجيلج كلشي شصار من وضعك

حوراء : وصلت بلمطار لكيته منتظرني وجهه الجينكو لابسه عليه

ناي : محجه شى عيط ضربج

حوراء : كلشي مسوه حتى سلام ماسلم ومهتميت ردت بنتي وصلنا للشقه معودت ادخل ركضت عليها الكطعني ياناي بنتي متعرفني وكامت تبجي من حضنتها وابوس بيها

ناي : عادي ترجع تعرفج غير صار اشهر بعيده عنها

حوراء : ضل يباوع ويهز بيده لان ابجي عليها

شبيك معاجبك الوضع

عبدالله : هاي الامور وسوالف القشامر لتعبريها عليه لو عندج محنه لبتج مجان عفتيها هاي الاشهر كلها

حوراء : عبدالله لاتبديها ويايه اني اذا رجع مو لسواد عيونك رجعت لخاطر بنتي وياريت تحترم الاتفاق الي بينا

عبدالله : الاتفاق ويه خالج مو ويايه

حوراء : اذا عبالك اخاف منك انت غلطان واذا تريد حياتنا تمشي لتحاول تستفزني لان الجانت يمك قبل الهادئه الفقيره المتحجي ذيج ماتت والميت ميرجع اني وحده خسرانه كلشي واجيت اكسب بنتي واعيش لعيونها اما انت اخر اهتمامي روح عيش حياتك اطلع ادرس صادق مالي دخل بيك

عبدالله : حتى انتي هم تاخذين راحتج وتلعبين بذيلج

حوراء : مااجاوبك لان الاناء ينضح بما فيه اجت مره سلمت تحجي بالانكليزي هااي منو

عبدالله : مدبره منزل منو يهتم بماسه

حوراء : واني اجيت لا اريد مدبره ولا احد

ناي : وليش مبقيتيها تساعدج

حوراء : لان شفت بتي متعلقه بيها وخفت تبقى ومتتعلم عليه

ناي : وتالي

حوراء : بديت اعلم بنتي عليه اول ايام تبجي وتتنحس ومتتقبلني واضل ابجي وعبدالله يفرح لان يشوفني مدمره هيج

ناي : الله يعينج

حوراء : وبعدين بدت تتأقلم وتتعلم عليه

ناي : ورجلج

حوراء : كل واحد بمكان حتى بالاكل مانلتقي

ناي : والى متى تبقون هيج

حوراء : لحد مايفرجها ربج

ناي : حاولي تتقربين منه تنطي فرصه

حوراء : البينا مكسور مايرهم يتلزك واذا صار شى بينا وهو تقرب مني راح يكون بدافع الرغبه مو المحبه عبدالله مطايقني ولا اني اكدر انسى السواه كل واحد بينا يشوف نفسه هو صاحب الحق ومحد منا يقبل يتنازل واذا نتناقش تگلب بعركه الفرق الوحيد يحاول ميمد ايده عليه لان اني حذرته اي يوم تمد ايدك عليه اشتكي عليك واخلي يتختخ بلحبوس الحق للطفل والمرأه كلش جبير هنا واي تصرف غلط منه مستقبله يضيع

ناي : الله يبرد گلبج ويدخل الرحمن بينكم وتعيشين مرتاحه

حوراء : اهم شى تالي الليل بنتي بحضني اني لا اول ولا اخر مره تتحمل رجلها لخاطر جهالها

ناي : كل حسره طلعت منها تزرف صدرها وهي تحجي حوراء مثل متكول دوم اني لوحه بليه الوان وانطبع هذا الشى بحياتها

صار كم يوم مهدي يطلع من الصبح يرجع بليل يركض على شغله عبدالرحمن واليوم الفصل وايدنا على گلبنا

شرهب : اروح واجي متخبله وادعي من كل گلبي تخلص شغلت عبدو داومت وحتى ماركزت بلمحاظرات لوما عندي امتحان ولا اداوم ومن رجعت اروح واجي

بديعه : دخت وروح امي اكعدي شبيج مو حتى راسي راح يطك من وراج

شرهب : ضال بالي حيل يمهم وخايفه ليخسروه ملايين هوايه

بديعه : شفتي اخر عنادج وخفيتج خسرتي رجلج ملايين انتي ويااه اولى بيها

شرهب : رجعنا اشك هدومي حتى ترتاحين

بديعه : اريدج تبطلين هاي الخبالات وتصيرين مره عاقله رزنه من تتعصب تفكر يله تتصرف

شرهب : هذا المنتج غير متاح عندي روحي دوري يم ناي يم بان

بديعه : الله يعين المكرود عليج

شرهب : عمه ادعي احسن ماضاله تحجين عليه

بديعه : هااج كدامج لازمه السبحه وادعيله شنو ذنبه هلمسكين يدفع ملايين حلوة تعبان بيها من وره جهرتج الزفره

شرهب : واني جنت اسوق تره هو يسوق سريع اني بس كتلت صالحه وطلعت ماسويت شى

بديعه : لا يابوي كلشي ماسويتي

انتظر ورجلي راحت من الروحه والجيه لهيت نفسي بلفيس ومافاد كعدت اگلب بلكروبات واختنكت وين صار هاي عود اكدت عليه بس تخلص سالفه الفصل گبل يجي

باوعت ساعه ٩ ونص جان تندك الباب هاي اكيد هو ركضت مثل المخبله ونزلت فتحت الباب

عبدالرحمن: اني مو كلت من تفتحين الباب تحطين شى على راسج

شرهب : بربك هذا وكته اني محترك اهل اهلي وبالي عليك وانت حاير بلشال نسيت سبحان الماينسى تعاال طب

عبدالرحمن: اخوج رجع

شرهب : هو لو راجع تلكيني هيج قلقه اقلها جان عرفت منه تعاال طب واحجيلي بسرعه بسرعه الصار

عبدالرحمن: عباس المستعجل خلي ارتاح

شرهب : صعدنا وكبل كعدته وركضت جبت بطل مي وقوطيه ببسي

عبدالرحمن: حطيهم بكلاص على الاقل

شرهب : قابل انت خطار اشرب هيج ابرد

عبدالرحمن: شوف العجز ياناس

شرهب : احجي بغلاتي مو نشفت ريگي

كاعده وفاتحه عيوني واسمع بتركيز لعبد

عبدالرحمن: واكفين باب اهل الولد المضروب انتظر عمامي اليوم الفصل طبكت السيارات ونزلو واحد وره الثاني واني اسلم عليهم واجت اخر سيارتين واتفاجأ وحده لمهدي والثانيه سياره ابويه

ركزت زين كلت معقوله

طبكت السيارات ونزل ابويه لابس العكال والعبايه بكل هيبه

شرهب : ابوك ابوك اخاف متوهم

عبدالرحمن: اني هيج جان حالي من شفته كدامي ويتمشى بكل هيبه كلت ياالله انحلت ابويه رضا عني وجاي يوكف ويايه تالي وكف بصفي وجان يكول اذا عفت شرهب هسه افضلك الفصل واذا ماعفتها اگلبها عليك واخسرك كل فلوسك

شرهب : شنوووووو وانت شگتله

عبدالرحمن: كتله اعوفها واجيت هسه انطيج الحلقه وكلمن يروح لحال سبيله

شرهب : وكفت على حيلي مصدومه انت شتكوول

عبدالرحمن: ماعندي غير حل حتى افض الفصل واتصالح ويه ابويه

شرهب : اني حسيت ضغطي صفر وشفايفي ترجف مباشره نزعت الحلقه اريد انطي اله جاان يكوم ويحضني ويضحك

عبدالرحمن: شكد بياعه انتي فد وحده كارثه شبسرعه بعتي تعاركي هوسي كولي ليش تبيعني اني احبك اموت اذا تعوفني

شرهب : وخر مني لا اعيط واطلع الكل عليك

عبدالرحمن: عيطي مرتي وحاضنها حلالي

شرهب : انت تلعب عليه لو شنو

عبدالرحمن: حبيت اسوي اكشن شويه ضايج راح ادفع من وراج ٥ ملايين وفلوس دراجه

شرهب : احجي عدل خبطتها عليه

عبدالرحمن: تعاي استهدي بالله وهاي الحواجب المطبوكه وسوالف عنتر بن شداد عوفيها وخلي افهمج

شرهب : كعدت واحجي الصار وقسماً بالله اذا تشاقيت او لعبت عليه اكوم ومااخليك تشوفني

عبدالرحمن: تأمرين سيدتي البياعه

شرهب : يله شصار وره مشفت ابوك

عبدالرحمن: اجه ابويه وكف يمي استغربت جيته

عمران : اخاف عبالك جاي علمودك اني جاي علمود الوادم لتاكل وجهنا اذا عرفو جبيري عنده فصل واني محاظر مراح نخلص من حجيهم ومااريد واحد من كرابتنا يسأل ليش اختلفت وياك حتى لا اضطر اكله عصه امري وراح اتزوج وحده مو من مستوانه ومراضي عنه

عبدالرحمن: توقعت هيج شى يابه مشكور لان اجيت وتعبت نفسك اعتبرني غريب وجاي لخاطر ابن اختك

عمران : كدام عمامي واهلنا اياك تسوي شى لو تذب حجايه راح اتعامل وياك طبيعي ونفض هاي الكعده كلها وكت مااطلع لا اعرفك ولا تعرفني

عبدالرحمن: صار

دخلنا لاهل الولد وبعد نقاش وناس تزايد وناس تنقص ولخاطر فلان وابويه جان بلكعده يعجبج نزلوها من ٣٠ مليون لل٥ ملايين ودراجه جديده

شرهب : ٣٠ مليون شون ناس متستحي غير انتهازيه قابل الولد مات

عبدالرحمن: لوما جايب ناس ثكال والها وزنها وابويه سبع بهيج سوالف بلميت اطلع منهم ب٢٠ تالي كالو ال٥ ملايين يعتبروها علاج لان متأذي ودراجه لان باب رزقه عليها

شرهب : وهذا هو خلصت

عبدالرحمن: طلعنا وابويه دار وجهه وراح حتى مباوع بوجهي

شرهب : زين منو بلغه

عبدالرحمن: مخابره عمه وراجع مخابر مهدي وداز عليه ومفتهم كلشي وكال لازم احظر والرجال حظر وبيض وجهه كدام اهله وعمامه ورجع لبيته ودار وجهه لابنه

شرهب : لزمت ايده وكتله من ورايه تكاطعت ويه ابوك

عبدالرحمن: اني متكاطع من زمان وانتي جنتي اخر خيط

شرهب : رفعت ايده بهدووء جان اعضها حيييل

عبدالرحمن: ااااخ شبيج تخبلتي

شرهب : حتى مره ثانيه متعيدها وتوكع گلبي

عبدالرحمن: تعاااي اليوم اشعلهم نفر نفر شون تنزعين الحلقه

شرهب : والله عيني الميريدني مااريده قابل اذب روحي عليه الكدامك متشيل واحد على راسها اله اذا حطها تاج على راسه

عبدالرحمن: مو بس اشيلج على راسي واخليج بحضني واشبع اكل بيج

شرهب : وخررر ايااك تتقرب عمه بديعه تعاي عبدالرحمن يريد يسلم عليج

عبدالرحمن: انتي تحارشتي هااج اكليها

بديعه : هله ابني شونك بشر فضت

عبدالرحمن: الْحٍمَدٍ للـّہ خاله فضت صدك شرهب تكول بعد مااتحمل لازم نتزوج تعبت واني انتظرك اخذني هسه اذا تكدر

شرهب : فتحت حلكي من الصدمه وانداريت على عمه والله عمه مكلت هيج

بديعه : كلشي يطلع منج

عبدالرحمن: واني رجال ابعد الفتنه عني وعنها وراح اخذها ويايه

بديعه : اخذها يمه براحتك هي مرتك

شرهب : عطت شتحجون والله مااروح من كل عقلك

بديعه : هههههه هاي اذا نبقى هيج نحجي وياها تحرگنا البيت

شرهب : هاي عود انتي عمه تتفقين ويااه عليه

بديعه : غمزلي يابنتي خطيه مبين شالعه گلبه

شرهب : بعيني

عبدالرحمن: باجر اجي ليونس حتى استأذن منه الجمعه اخذج

شرهب : شو بسرعه

عبدالرحمن: شعدنا البيت وكامل تنظيف عادي وانتي وجاهزه لتعرقليها رحمه لموتاج گلبي خلص من التأجيل

بديعه : توكلو على الله والجمعه ان شاء الله مرتك بيتك

شرهب : بقيت اباوع عليهم همه حجو وهمه حددو واني اباوع بعيوني وبيني وبين نفسي اكول اخاف أجلها وتنگلب الكره الارضيه حظي ويسويها بقيت اركض اكمل شغلاتي حتى اروح جاهزه لبيتي

اول مره لبست بدله بيضه جانت مستعمله كاتلها الوصخ جنت غاطه بلبدله لان مو قياسي و مخيطه من كل اتجاهه حتى تكفيني واكفه يمي اكثر اثنين يردون أذيتي صالحه وساهره واباوع بلوجوه اريد الي ينقذني رايحه برجلي لواحد اكبر مني ومااعرفه وناس مو ناسي اريد اخويه واختي الي اثنينهم ماكو

اريد ارجع لمدرستي والبس صدريتي بمكان هاي البدله التبجي على حالي

يوم مالبستها شفت ايام سوده كلها حرمان وبخل وضرب واذيه واهانه ويوم مانزعتها وشمرتها وشمرت صاحبها حلفت مااخلي شخص بعد يهيني ولا يأذيني

اني انسانه حره وراح ابقى حره وبوجود يونس وناي وكل الي يحبني عمه بديعه بيبي مرتضى بان بلال وعمه خوله بلتلفون فاتحه كاام

واكفه كبالهم اعدل بفستاني يجوز مالبست البدله البيضه الي تحلم بيها كل بنيه والي ياما حلمت البسها بس لابسه فستان ابيض طويل ناعم بيه لمع بسيط نفس لون الفستان الردن شفافه مقسم على جسمي راقي كلش ذوق ناي وطايره بيه

مو شرط البدله الي تبين الوحده عروس هاي اني بفستاني وهيأتي مبينه اسعد عروس شعري فتحته وشلت خصل صغار منه وحطيت فراشه صغيره صفح وحطيت مكياج يناسب الفستان وحذاء عالي رتبت روحي لاخر حبه

افتر كدامهم مثل الطفله الي تشوف فستان العيد لاهلها وضحكتها مرسومه على وجهه عاكسه الفرحه الي بگلبها شلوون طالعه

يونس : ملكة

شرهب : فدوة اروحلك دومك رافع معنوياتي

بديعه : اللهم صلِ على محمد وآل محمد عين البارده عليج متوقعت هيج حلوة اطلعين

شرهب : احد كلج ياعمه اني عوبه

بديعه : ست البنات انتي

مرتضى : لتكبرين راسها عمه راح تنغر علينا وشيخلصنا

شرهب : انغر وبكيفي اني شوشه على سن ورمح حير بلطوبه اليمك هاي يمكن من تريد تصيحها تتدعبل يله تجيك

بان : انتي ومرتضى اني شكوو تحجين عليه

شرهب : مو نقطة ضعفه انتي من احجي عليج يضوج

مرتضى : غير حبيبة گلبي اليحجي عليها اسويها دم للرچاب

شرهب : گچب خاف قصدك مو دم

خوله : بلخير حبيبتي

شرهب : الشيخه اروح فدوة تمنيتج يمي

خوله : همزين فتحت كاام طك گلبي ردت اشوفج

شرهب : شوني بداعت اخوتج العزاز

خوله : ههههههه تخبلين

شرهب : لعد جذبتي

خوله : الله يهنيج بنتي هديتي دزيتها يومين وتوصل

شرهب : كون هديه دسمه عمه

خوله : شتدرين بخوله

شرهب : علم تسوه ولد فرج كلهم بستها بلكااام وسديته لان بلشغل هيه

ناي : كملتي كلشي

شرهب : جاهزه بس يجي العريس ياخذني واذا مااجه انزع ونگلي طماطه فد مشتهيه طماطه لاجعه وطرشي وخضره اويلي

يونس : هههههه هاي راح تفضحني راح يكول عبد دازه اخته موتها جوع

شرهب : مو بلحيف ليش هو اكو اخ شبع خواته ودللهن بكدك

يونس : بيضي وجهي شرهب اريد مثل مهدي دوم يمدح بناي

شرهب : لا اخلي يمدح مدح بلاقطات الجوامع وداعتك

عمشه : تعالي ليه ام شعفه

شرهب : الله عليج اليوم فوتيها لتذبين قنبله اطشرني لزمت وجهي وباستني من كصتي ومن خدي بلحظتها جسمي كزبر والدمعه وكفت بعيني رغم الكل واكف وفرحانه بس نظرات بيبي وحركتها هزتني

عمشه : روحي يمه كون حياتج مهنايه وطريقج اخضر وعطره مسچ وعنبر ورجلج على گلبج يحابي عليج ويسعدج ويخضر بطنج وتشوفين بزرج يلعب جدامج واشوفن هاي الضحكه بكل صبح ومسيه

شرهب : يعني ملكيتي غير هذا الوكت تبجيني بيه حضنتها حيييل اذا راح المكياج ياعموش اخرب عباتج الجديده الجابها يونس

عمشه : طركاعه ولفت راسچ چا غير اجسر عظامج لون تكضيها

شرهب : مسحت عيووني وبست ايدها الله ينطيك الصحه والعافيه ويخليج خيمه على راسنا

عمشه : هلهلن ولجن شبيجن بالعات لسانجن وصامات حلوكجن

كامت تصفك بيبي وتذب هوسات

ول ول يالابيض جنك وغف صابون

فلفل_يالاسمر يامطيب الماكول

شرهب : بس اني حنطيه مو سمره

عمشه : والغسل چا غير گلها خلقة الله خلف الله على الاحمر والاخضر مسوي بيجن شوفه

شرهب : خلصت فقره الحنيه اقدملكم عمشه الاصليه

عمشه : وهلا بيج وبجيتج وام البنين تلكتج

وهلا بيج وبجيتج من بيت اخوج لعمتج

شرهب : لبيتي بيبي مطروده تره اني من بيت عمي وعمتي

عمشه : شنهي اليوم مانهوس خذوها ليغاد هاي البت سودنتني

شرهب : هههههه لا سكتت يله كمت اصفك وياها وكلنا انصفك

عمشه : مشهوده لبو الحسنين مشهوده ماخله عدونه ينبش بعوده

شرهب : هاي صالحه وساهره اعذرني ابن عم تطلع سهواً

مرتضى : على اساس اول مره اتجيبين طاريهن بلخير عروس منحاجيج

ناي : اباوع على يونس شون عيونه تتنقل على شرهب وفرحان الها كل واحد بينا يباوع على الثاني ويعرف گلبه والي بيه سمعنا صوت هورن نزل يونس وشويه وصعد عبد ومهدي

حطيت الشال غطيت راسها وصدرها لان الفستان مدلع

يونس : كل واحد بيكم ماخذ قطعه من گلبي مهدي اخذ الجهه اليمنى وانت اليوم اخذت اليسرى مااريد بيوم الوم روحي لان سلمتها الك

عبدالرحمن: سدك امين نام مرتاح بعيوني اخليها

شرهب : حضنتهم وبوست كل واحد بيهم

لزمت ايد عبد ونزلت وياااه

بلباب اجتي ام حسن تهلهل واطش جگليت

ام حسن : حلفت يوم مااشوفج عروس بنفسي اهلهل واطش واهليه على راسج

شرهب : بستها تسلمين خاله

ام حسن : سبع سعادات بنتي عينك عليها ابني هاي ذهب صافي مهنه بيها

عبدالرحمن: رحمه والديج خاله بعيني

شرهب : صعدت بلسياره ويااه والسياره الورانه ناي ومهدي

وصلت لبيتي طبيت برجلي اليمنى وسميت بأسم الله ودعيت يجعله عتبت خير عليه

ناي : محتاجين شى

عبدالرحمن: سلامتكم وكثر الله من امثالكم بس روحو

مهدي : والله ولا تستحي خلي نكعد نرتاح نشرب شى نتعشى سوه

عبدالرحمن: ماحلت الكعده اله يمي عندك بيت اخذ مرتك وارتاح بيه لدك الناقصه بيه مهدي اخوك على اخره

مهدي : هههههه شريد تسويلي

عبدالرحمن: رهن اشارتك بس اخذ مرتك وروح

مهدي : يله نايه انطردنا

شرهب : لا ليش خلي يبقون عفيه

عبدالرحمن: لا بربج اسكتي لا ابتلي بيج

ناي : يله حبيبي نروح لبيتنا الله لايعوزنا عليك واضحك على حركات عبد

عبدالرحمن: الله وياكم لتخلوني اشوفكم بعد

شرهب : سحبهم من ايدهم وطلعهم واني ابتسم شجاه ولا انطاهم مجال

طب وقفل الباب فرك ايد بأيد

عبدالرحمن: واخيراً حطيتج بيتي اليوم اهلس ريشج ريشه ريشه

شرهب : باوعت صفح وكتله اذا هلست ريشني بعد متشوفني اطير وتستمع بحركاتي

عبدالرحمن: زوج الي يخليج اطيرين غير قفصت عليج

شووو تعااي

شرهب : هههههه عبد اوكف شجاك جااان يشيلني وكبل للغرفه يمعوود نزلني راح اوكع

عبدالرحمن: اليوم شكوو ثگل بعتي براسي و عله طلعتيها بيه اخذها مربع منج

مشاعر عاشق ولهان ومتعطش للحب عيشها اليه عبد كل حركاته ويايه مثل السحر غزله رومانسيته لهفته المفرطه تغلغلت بداخلي انسجمت ويااه بسرعه ونسيت نفسي وكلشي عشته سابقاً كل لحظة وياه كانت تسوه عمري الراح كله وشكد جنت مظلومه ومدفونه وشون هسه عايشه بأوجى لحظات المتعه والحب ويه اكثر شخص حبه گلبي

هذا عبد طفل بحضني بهيئه رجل ومع الناس رجل واله كلمته وهيبته الفارضها على كل واحد يعرفه

ماابالغ اذا اكول معيشني بلعسل احنا تركيبه غريبه نكعد سوه نتعارك ونتمالخ ونهايه العركه واحد لازم الثاني ودك حضن وبوس ولهفه ولا تكول ذوله جانو مطاحن قبل شويه

مرات يتغزل بيه ويحاول يعيشني بجو رومانسي واني الفطيره ابقى اضحك وتالي يزعل ويلف راسه وينطيني ظهره وينام واني اتمدد بصفه وانطي ظهري وانام واكعد الصبح الوجهه مكلوب وزعلان مني شسوي انعس مالي خلك اصالحه بليل بس الصبح لا عيني اشبعه مصالح ونرجع عصافير حب

شهر السابع ٢٠١٨

واكفين كلنا نضحك على مرتضى جون مدمع عينه ويمسح بيها لان شايل ابنه

طلعناها من المستشفى والتمينا كلنا بلبيت عدا يونس بلمحل بعده مجاي

عمشه : چا انه خلفت خمسه وليدات وبت هلبت شفت فرج رحمت الله على روحه يغوركن عيونه يتراجف عليه اذب الفرخ منا ثاني يوم احوشن الكاع ويااه وهاي الزلم شطولها وتراجف على نسوانه

شرهب : لعد من ولدج يتراجفون على نسوانهم ماحجيتي بس مرتضى خطيه حجيتي عليه ماعنده بخت وياج

عمشه : بسچ كراطه الحجار من دخيلتي وتكرطين براسي

ناي : شكد كرطتي جزر شبيج

شرهب : عاجبني ميصير حتى بهاي تدخلون

بديعه : يمه بان اوكلج

بان : ممشتهيه يوم اريد انام

مرتضى : يله اطلعو خلي مرتي ترتاح

طلعنا للهول وحطينا كل وحده جوه راس الطفل واجب لان نعرف ظرف مرتضى مامستقر وماردنا نحرجه لهذا كل وحده حطت مبلغ جوه راس الطفل حتى يساعد

شرهب : نسيت اكلكم نجحت

ناي : اييي احلى خبر مبروك

بديعه : سباعيه خفت لا ترسبين لان تزوجتي

شرهب : صحيح كلهن مقبول بس نعمه خلصت السنه

بديعه : الله يوفقج بنيتي ماكو شى بلطريق

شرهب : جريت حسره لا ماكو

ناي : بعدكم مصار اربعه اشهر من تزوجتو

شرهب : خايفه لا ميصير وابقى اتعلعل بلدكتورات

بديعه : ان شاء الله فتره ونسمع بيج حامل التزمي بلتسبيح وصلاه الليل

وكولي دوم على وضوء رب ِلا تذرني فرداً وانت خير الوارثين ٧٠ مره يومياً

شرهب : ان شاء الله

بديعه : شبيك يمه حاير

مرتضى : خابرتني خالتي

شرهب : صللوح

بديعه : خلي نفهم شبيهه ياستار شتريد

مرتضى : هاي سما جايها عريس

بديعه : ومنين هذا

مرتضى : رجال اكبر منها ب٢٠ سنه ومتزوج هيه الثانيه ومرته داريه وكالبه الدنيا ومسويه عركة شكبرها يم بيتنا وهاي خالتي معانده اله تزوجها اله عناد بمرته

شرهب : اخاف عنده فلوس

مرتضى : اي تاجر بلشورجه

ناي : وهاي وين لكته

شرهب : هيج نماذج متصادق اله ادور صيده زينه حظ كح وسكتت

بديعه : وتالي ابني شتريد منك

مرتضى : تريد احظر الخطبه ابويه مقبل يحظر يكول ذيج المره ورطتنا واني شلتها وهلمره مااكعد اخاف هم تسوي مكسوره وماكو احد ويه عمو عبيد يكعد من اهلها

ناي : وراح تروح

مرتضى : توسلت بيه وحاير

بديعه : روح ابني تبقى بت عمك وعرضك خلي تتزوج وتنستر هيج وحده الزواج استرلها

مرتضى : كون هلمره تبطل سوالفها المكسره

بديعه : ماعندك خبر عن مهند

مرتضى : كطع فد مره حتى الرقم العندي ادك عليه ماكو ودوم خاله تسألني عنه متخبله لان سافر ومادار وجهه بعد ولا سأل عن اهله

ناي : ماانسى السواه بيه وشون راد يضيعني بس شون كدر هاي السنين كلها يبتعد عن امه واخته وابوه

شرهب : منو عمه كطعي مثله

ناي : منو قصدج

شرهب : عمو نجم اكو غيره مرات اشوفه نفس الطبع هم كطعي وماله علاقه بأحد ولا يسأل ولا يتعب روحه ولوما عمه خوله عايشه وياه جان لهاي اللحظه كلشي منعرف عنه كدامج جم مره عمه اجت للعراق وبقت يمنا وكفت ويانه اله هو كوه يشيل التلفون على بيبي ويطمن عليها وماكلف نفسه يجي يشوفها ويمكن عمه تتعارك وياه حتى يخابر هو ومهند وجهين لعمله وحده ماعدهم محنه گلوبهم حجر وعلى اقرب الناس الهم

بديعه : اي والله يابنتي صدك كلامج

مرتضى : الحل انطني حل

شرهب : روح هوس وذبلك كولات هذا عرس المهيوبه سما بنت عبيد

ناي : ماعندك غير حل روح واطلع من خطيتها

بديعه : بعدهم بيت ابوك كاعدين

مرتضى : اي بعدهم ومبين الوضع خربان بينهم مبين من كلام خالتي

شرهب : تريد تزوج سما حتى يخف حملها وهم بلكي تستفاد منها تعرف فلست من البيت الجبير ومن ورثها ومن البيت الي اشتراه عبيد واكيد ادور طريقه تحصل بيه مكان حييييل خلصت عمرها عينها ضيكه وماتحمدالله على الي عدها رادت كلشي وتالي فلست من كلشي ربكم عادل خليها شكد أذت علمود البيت وتاليها صفت بليه سكف نزل عن ابوك وعلى ساعه يطردهم

ناي : اللهم لاشماته

شرهب : اي متشمته وكلش متشمته وراح ابقى لحد مااموت شيصير بصالحه من اذيه اكول حيل وابو زايد كله من عمل ايدها هذا زرعها بلعافيه خلي تاكل

بديعه : اكوم اشوف بان اخاف محتاجه شى

شرهب : شراح تسموه

مرتضى : علي حتى يصيحولي ابو علي

شرهب : يتربى بعزك ابو علي

ناي : تستاهل ابن عمي وان شاء الله تشوف كل الخير ابو علاوي

رجعت كل وحده لبيتها ومشت حياتنا اليوميه بين البيت والمسؤوليه اني بطني كبرت والحمل متعبني عمتي مانزلت يمها ولا شفتها بعيده عنها تماماً ولا وصلت لحد مره اندكت الباب وجانت هاي المره اليمها تكولي الحكي عمتج متخربطه نزلت بسرعه

اشوف شبيهه طبيت لكيتها متخربطه

علاجها وين

خلصان

ناي : بربج اكو وحده تخلص علاج ومتجيبه اركضي جيبي

ماعندي فلوس ومااكدر امد ايدي على فلوس العمه

اهووو كمت ركضت وهم كلت اخابر مهدي يجي ياخذها للمستشفى صعدت ركض جبت الجزدان واخذت التلفون واني انزل بقن اربع بايات وجان اتكربس واوكع على بطني عطت بلحظتها حسيت الي بطني انتهى

اريد احد يكومني يعيني نزل شى حاار مني باوعت دم اريد الزم التلفون اسحل بروحي واشهك لكفت التلفون الوكع مني وخابرت اول مشاله مهدي كمت اصرخ الحكني ابوس ايدك بس هذا الكدرت اكوله رجعت نمت بلكااع والسما اباوع عليها وابجي ربي لاتفجعني بطفل ثاني مابيه حيل خساره شصار بعدها ماادري بسبب النزيف فقدت الوعي اسمع الاصوات الداير مدايري بس مااكدر افتح عيني ولا اوجد منو وشديصير

شرهب : واكفه امرد بأيدي واعضها من الخوف بممر المستشفى خابر عبد وكالي ناي واكعه حطيت العبايه على ملابسي وطلعت اركض ويه عبد ويونس كاعد على صفحه وخايف مثلي

الدكتوره كالت وضعها خطر ونازفه هوايه والنبض مال الطفل متوقف

كل الكاله مهدي اريد مرتي حتى لو الطفل يموت

انهاريت وكعدت بلكاع واني اتخيل الدكتوره تطلع وتكول صار بيها شى موزين

وره ساعتين طلعت الدكتوره تكول

فزيت على فتحت الباب طفرت من فراش بيبي

ناي : والله فززتني شبيك

يونس : من اجينا لهاي اللحظه وانتي تفترين بلبيت وكل شويه فاتحه باب وماخذتلج فره وضاله تتصفنين اصيح متجاوبين

ناي : ماادري من دخلت للبيت واني كل فكري بذكرياتنا والعشناها بيه تتذكر يونس اشفنه من عذاب بهذا البيت

يونس : وخلصتي صفناتج

ناي : اي خلصت مابقيت باب تعتب عليه كعد تشوف حاله شون وصخ

يونس : غير صار سنين مسدود ومهجور تلكين جماعه صالحه يكمزون كل الوكت هنا

ناي : لتخوفني

يونس : كومي هدومج كلها تراب

ناي : شبيهه التراب يابو كعدنا بيه

يونس : راح يجون العتاكه ياخذون الغراض البيه ميسوه نبيعهم كتلهم تعالو اخذ كلشي هنا اريد ولا قطعه بلبيت

ناي : توقعت تبيعهم

يونس : بيش ابيعهم وهمه رزقهم قليل خليهم يسترزقون من اشوفهم اشوف نفسي وشون من جان واحد ينطينا غراض نص عمر ومياخذ فلوسهن ونبيعهن شكد جنت افرح

ناي : الله لايرجع ذيج الايام

سمعت صوت مهدي بلباب هااي يمكن اجه

يونس : اي خابرني كال بتج خبصت الدنيا بلبجي

ناي : طلعت من غرفه بيبي الي بيتنا القديم ولكيت مهدي بلكراج واكف شايل بنتي افنان جبتها سبيعيه وجانت حالتها خطره وحالتي كذلك بس الْحٍمَدٍ للـّہ عدت سلامات كلشي يمر بينه اله بصعوبه يله نحصله

ودوم راضين بقضاء الله

شلت بنتي وبستها يماااي حياتي طاكه من البجي شبيج حبيبة امج

مهدي : كتلج اخذيها وياج

ناي : وين اخذها فدوة لعمرك مكعد تشوف حال البيت اخاف على صدرها والجو بارد موزين عليها

مهدي : تأخرتي كلتي شويه وارجع

ناي : اني اخرت يونس ضليت افتر واتذكر من دخلت هاجت هواي شغلات بداخلي

مهدي : هنا شفتج اول مره تغسلين فراش وصايره طماطه من الشمس

ناي : اي وشكد ضجت منك شايف روحك شجابك عليه

مهدي : غير بيبي الله يرحمها ذبحت روحها اله تجيبهم اليه جان هسه متزوج غيرج وخلصان منج

ناي : هاااااا خلصان مني يله روح بهاي اللحظه اخلصك مني انطيني جهالي والله وياك

جاان يحضني

مهدي : هو اني اكدر انام لو اطب البيت وام سيف مو بيه

ناي : اي اصبغ بعد

مهدي : وداعت افونه مو صبغ تعرفين بيه شكد احبج وشون مااكدر بلياج

ناي : احبك كلش فوك متتصور

مهدي:صايره وكحه

ناي : شكلت احبك تريد اسحبها

مهدي : لا اريد بيتنا تكوليها مو هنا وغمزلي

ناي : ابتسمت نوم ابنك وبنتك ويصير خير

مهدي : اشمرهم بلغرفه الثانيه وهم راح يصير خير

ناي : هاااك شيييل انطيته افنان ورجعت باوعت رفعت عيووني على حياطين البيت وشبابيكه التراسها التراب ورق الاشجار وبقايا الطيور

اليوم دخلت للبيت الجمع امي وابويه وجمع عائله عمشه ولدها هذا البيت اليامه شفنه بيه كوارث وقهر وسحوره

امي ماتت هنا ولهاي اللحظه من اشوف مكان وكعتها اتخيل دمها سايح يم الدرج واغمض عيوني

دخلنا٢٠١٩ والبيت منباع وتعب يونس من الايجارات هو ومرتضى لحد مكال مهدي

مهدي : البيت جبير وعليه شاش وانكسر سعره اذا يبقى هيج مراح ينباع لو بعد سنين ماعدكم حل غير تهدموه ويصير كاع عدله

يونس : وشراح نستفاد

مهدي : اول شى من يكون كاع تكدر تبيعه قطع المساحه ٣٥٠ متر مو قليل تكدرين ٣ اقسام تبيعه وبسعر اغلى اذا المتر بمليون يعني البيت يسواله ٣٥٠ مليون واذا صار كاع يصير اغلى هدموه حتى سالفه البيت مسكون تموت وتنتهي وهم جيب كرابات تكرب الكاع وتگلبها وتنظفها كون تصير كاع مرتبه وسيجها وطش بلمنطقه راح تبني الكاع بيت جبير الكم حتى الناس تطمن

يونس : وشراح استفاد

مهدي : راح الناس تصدك البيت مابيه شى واله مجان تقررون تبنوه وهم من يصير كااع بيعه اسهل وبشكل اريح من بيت كاتله التراب ومسدود واظلم اني مرتين فتت منه روحي انقبضت شون بعد الناس اكو واحد يدفع ملايين بيت مسكون

يونس : نهده ونجرب

مهدي : كون يصير كااع عدله حتى الانقاض تشيلها

يونس : ان شاء الله

ناي : توسلت بمهدي ياخذني اني وشرهب ونشوف البيت من راح يهدوه

كاعدات بلسياره من بعيد ونشوف البيت متروس عمال ويهدمون بيه رغم كلشي صاار هذا البيت عشنا ذكرياتنا وطفولتنا

كل ضربه بحايط وبشباك وباب من ايدهم تكول كاافي انسوني وروحو عيشو بعيد عني ماشفتو شى حلو داخلي بلكي من تعاشرون حياطين وبيبان غيري تشوفون راحه وذكريات تطبع بذاكرتكم تنسيكم الشفتوه مني

يونس : بيت عمشه ام العتيك صار تراب ورجع كااع عدله واندفنت كل ذكرياتنا القاسيه تحت انقاض انشالت وانشمرت بعيد

واكف ومتكتف واباوع شون صار كاع عدله نظيفه ولا جن اكو ناس عاشت وكبرت وماتت واولادهم سحلتهم الدنيا

انداريت واني اسمع صوت عبدالرحمن جايب الشراي حتى يشوف الكاع

اتفقنا على السعر وباجر نتكاتب وراها نمشي بلمعامله

ناي : بيوم ماوكعت عمتي منطيها العلاج وصاحيه ومن عرفت واكعه دعت يموت الي بطني وهذا الشى خلاني اتيقن هاي الانسانه مراح تتغير والشر والحقد مسيطر على روحها

البيت الكاعدين بيه اشتراه مهدي وبقينا كاعدين بيه كل السويته بأن اعتبرت ماكو ناس جوايه وحتى لو تموت بعد ماانزل الها اني من وراها وكعت وردت اموت تالي تدعي الي بطني يصير بيه شى مكالت هذا حفيدي او حفيدتي او على الاقل انقهرت عليه لهذا قررت انساها تماماً واسلمها بيد الله واعتني بيتي ورجلي واولادي كل الناس الاذونه الي بيهم اخذت جزاته والي بيهم بعده يسرح ويمرح مو كل انسان ظالم ممكن ينال عقوبته بلدنيا كافي نتيقن بأن عقوبته بالاخره جبيره عند رب العالمين

ساهره لهذا اليوم مختفيه ومالها اي خبر والله اعلم ميته او صاحيه

اما صالحه زوجت بتها سما وزوجها شرط عليها متروح لامها ولا تتواصل وياها مبين خايف منها تسوي مشاكل رجال عنده اثنين نسوان يخاف تهجم بيته وماشاء الله سما حيل غزر بيها كامت وابتعدت عن امها وسمعت كلامه وبهيج ضيعت مهند وسما من ايدها وضلت راسها وراس عبيد والجان متوقع جوحي لعب بيهم وطردهم بره بيته بخيل ميتحمل احد يكعد ويااه وكاعده ايجار متبهذله ب٥٠ متر ومشاكلها ويه عبيد ينضرب بيها المثل يوميه عركه يعني بقت معلعله لا طايله السما ولا الكاع وضيعت الجانت تركض عليه والله اعلم شسوي لان هيج بشر ميكل ولا يمل من المصايب والسحوره احنا ابتعدنا عنهم تماماً واتوقع البيه صالحه بليه اولادها وصحتها التعبانه وزوجها وعينه الزايغه وبليه سكن ومتهجوله اكبر عقاب لوحده مثلها

جوحي عاش وحده وبعده يدور على ساهره ويكوم ويكعد يلطم على الفلوس حتى مينطي گلبه يصرف على علاجه وهو مريض ومرتضى كل فتره يروح يشوفه ويرجع ميقبل يتقرب منه ومرتضى من باب ابوه يكول اخاف يموت وحده ومحد يدري بيه وهو ماقدر خوف مرتضى عليه ودوم يعيط عليه وميخلي يدخل عتبت الباب

اما عبيد ضال مشاكله ويه صالحه مخليه حياته سم ومرات يهج منها بلمحل يبات ماشاف يوم راحه ولا كدر يرجع لاشواق لان طردته واخذت البيت منه

وضل يعض اصابيعه ندم لان مشه وره خوله وره اشواق وتاليها صفه بيت ايجار ويه صالحه والنك مالتها

شرهب : لج ناي الحكيني

ناي : شبيج ياعيني مو كالت الدكتوره بعد مو وكتج

شرهب : هااي متفتهم الطفل راح يطلع من حلكي جيبووووووني راح اموت

عبدالرحمن: حبيبي على كيفج كلها جم ساعه واطلبين

شرهب : واني ابقى انتظر هيه عمليه شينتظرون

ناي : خلي تجي دكتورتج وتشوفج

شرهب : مااريدها جيبولي غيرها جيب ايدك

عبدالرحمن: زوج وانطيج ايدي حتى تعضيها شايفها بالافلام النسوان الي تجيب تاكل ايد رجلها

شرهب : حتى شعر ماعندك واجره راح اموووووووووت

عبدالرحمن: اسم الله عليج حياتي

شرهب : اي ضل حياتي وحبيبي واني اطلك

عبدالرحمن: قابل شسوي اطلك بمكانج

شرهب : نااااااااي من اشتعلوووو عمامج كلهم صيحي الدكتوره

ناي : اضحك عليها لو انقهر گلبت المستشفى تكول بس هيه حبله

لحد مجابت ركصتنا

وصارت ام غيث

اشرب كوب كهوه بلبالكونه كاعده على الجو البارد اشوف المناظر الخلابه الكدامي اتمنيت البنات ويونس وامي وبديعه ومرتضى وبان وحتى بلال يمي ضليت وحدي بدونهم مااكدر ارجع للعراق لان اتأذه بقائي وحدي هنا حتى ادور السكينه والهدوء الي انحرمت منها بحياتي

مقسومه نصين نص بلعراق يم احبابي ونص عايشه ايامي وانتظر اقابل وجهه الكريم ويتقبل مني اعمالي

اني خوله الي بابي جان المفروض متنفتح يوم ماانفتح ذب على الكل المرض والسحر والقهر والمشاكل ماتمنيت توصل الامور ويه اخوتي لهنا بس همه جبروني أذيتهم وجبروتهم موت كلشي حلو بداخلي الهم كتلو صلت الدم الي بينا ونسو اني اختهم الوحيده مشو وره نسوانهم وكل واحد بيهم تفنن شون يأذيني حتى الي مأذاني سكت واستسلم وتقبل بأذيتي ومدخل ومامنع الصار يمكن لو بوكتها اخوتي واكفين ايد وحده ومانعين نسوانهم من اذيتي جان اني هسه ام اذا مو بيبيه وفرحانه بأولادي واحفادي هذا السحر هيج يدمر ناس اكو ناس سكنت الكبور واكو ناس تخبلت واكو ناس الله رحمها وطابت واكو ضلت على الهامش عايشه بس ميته روحياً وهاي اني ميته روحياً والنسمه الي تلامس گلبي وتخلي ينبض كل فتره هي محبة اولاد صمد وابن جوحي وبت فلاح

اخوتي سكط بس سبحان الله خلفتهم طيبه

ولعيونهم اني ابتسم واحاول اعيش لان اعرفهم دوم محتاجيني وراح ابقى لحد مااودعهم درع يواجهون بيه المصايب وحمايه من اذيه اقرب الناس

مااكول غير عسى كل واحد يمشي بدرب السحر ويعمل بيه ويعلمه ويأذي غيره مايشوف الراحه بلدنيا ومايشم ريحة الجنه بالاخره مهما كان السبب لعنة الله عليكم دعاء من گلبي لربي

«اللهم إنك أقدرت بعض عبادك على السحر والشر، ولكنك احتفظت لذاتك بإذن الضر، فأعوذ بما احتفظت به مما أقدرت عليه بحق قولك الكريم: «وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ»

شرهب : صرت ام والحمدلله وجانت فرحتي جبيره كلت اكيد من يسمع عمران يرضى يتصالح ويه عبد بس مع الاسف ماقبل وحتى رفض يستقبلهم كلت خلي ابقى بعيده عنهم بس على الاقل ابني وابوه يرجعون لاهلهم بس عمران قاسي مسامح ابنه ابد

اما ام عبد تخابر كل فتره ونفتح الها الكام تشوف غيوثي وفرحانه حييل بيه بس متكدر تزورنا مانعها وحالف يمين عليها بأن متتقرب لبيتنا

عفنا الامور للزمن عسى بيوم يلين گلب عمران ويرضى يصالح ابنه ويفرح بحفيده اعرف بيه ومتأكده امنيته يشوفه بس كبريائه يمنعه اني ماحاقده عليه بلعكس دوم اضحك ويه عبد واكوله ابوك الصاك اول واحد تغزلت بيه واني صغيره هو ابوك ودوم ادعي الله يحفظة واشوف اليوم الي يدخل بيتي وهو راضي واشيله على راسي واشوفه تربيه يونس والي اختارها عبد شون بت اصل

يونس : بيدي مفاتيح البيت الجديد يله سموو وادخلوو

اباوع ناي وبيدها بتها والايد الثانيه ابنها وشرهب شايله ابنها وتهلهل

وبان ومرتضى وعمه بديعه الكل طبووو وجان اطب بعكازتها بيبي عمشه

عمشه : اللهم صلِ على محمد وآل محمد طبينا وطب الخير كله كون عتبت خير عليك يمه ويبعد عنك نفس بني آدم وشره

يونس : امين بيبي هااك مرتضى مفتاح المشتمل مالتك مارهم لزك ويه البيت بعد بيتين عنا

مرتضى : نعمه يمعود مصدك مكذب صار عندي مشتمل

يونس : اليوم تذبن جهالجن وتنظفن البيت اريده يلمع حتى باجر اجيب الاثاث وغداكم عليه اشويلكم احسن سمج مسكوف

شرهب : كثر الصلصه بداعتي

يونس : تدللين عيني ام غيوثي الولد شويه ويجون هم وصيتهم على غراض

ناي : اي خابرني مهدي

كاعدين وره ماكربو بلبيت طلعو يلمع تعبو جبت الغدا ناكل سوه ناي وعائلتها شرهب وعائلتها ومرتضى وعائلته وعمه وبيبي يجوز تكولون وانت

همه عائلتي وفرحتهم وراحتهم راحتي

اباوع بوجوهم المرتاحه احس روحي ملكت الدنيا بعد التعب

اني يونس اليتيم الشفت هواي بحياتي وعشت مراره الدنيا وصعوبتها اليوم لام اهلي بيت واشتغل وضعي مرتاح وعايش على ذكرى الانسانه الوحيده الي حبيتها لحد يلومني الگلب ومايهوى وهي الگلب ونبضاته مااكول الله يسعدها لان مينطيني گلبي

ماعندي غير كلمة الها الله يريح بالها ويحفظلها بتها

ويساعد گلبي الي من ينام الليل يشوف صورتها يله يغفى

اشتريت سياره لان زادن من فلوس البيت طبعاً انطيت لجوحي وعبيد حصتهم من الكاع وطلعت حسب القسام شى كلش بسيط تفاليس ومكدرو كلشي يحجون لان من ذاك اليوم من هددوهم وهمه جازو مني

اسووق ومتوجهه للمحل وكفت على طفل صغير يلم بلقواطي باوعت على حاله ابتسمت نزلت وصحتله

هااا عموو

يونس : شسمك

اسمي رائد

يونس : شكعد تسوي

اشتغل بلعتيك والقواطي

وين اهلك

ابويه ميت وعندي اخويه صغير واختي وامي تشتغل خبازه واني الجبير

يونس : صير سبع وعينك على امك

صار عموو

يونس : هاااك شلت ٢٥ الف وحطيتهن بيده روح للبيت ارتاح

رحمه الله والديك عمووً

اخذ الكونيه وركض اااااخ شكد اكوو ناس مثلي الله يعينك يلفقير افرجها عليهم ياارب

رجعت لمحلي وماشي رزقي وبعدني لهذا اليوم من اختنك اروح لامي ذكرى ولابو الايتام الامام علي (عليه السلام ) اشمر نفسي بحضنهم وارجع ذاب همي ومرتاح وتالي الليل ارجع لبيتي البيه بيبي وعمه وبلال وكل جمعه خواتي يجون يتجمعون يمنا كعدتنا على سفره وحده تخليني احس روحي ملك والله انعم عليه وفرجها من اوسع ابوابه

الابواب الخمس

باب السحر وهو باب خوله واذيتها وشكد السحر يدمر ناس

صالحه وساهره وايدهم المتلوثه بلسحر وأذيت الكل استغلو اقرب طريق للشيطان وسلكوه والنتيجه وحده سمعتها بلحظيظ ولهذا اليوم محد يعرف شى عنها ميته او عايشه والثانيه خسرت اولادها وباقيه متهجوله وكل فتره واكعه وغركانه بالامراض

باب الظلم باب ذكرى وشون ماتت مظلومه كل ذنبها كانت صادقه وانسانه طيبه وراحت نتيجه الحقد وبقت اولاد بعدها عاشو الويل بسبب اليتم

باب الموت : باب ناي المات بيها كلشي بعد موت ابنها ومعاناتها من عمتها انسانه كل همها تأذيها وتخرب بيتها وماصحت من الموت اله صارت حياة بداخلها وكفت على حيلها وثبتت للكل ماكو شى مستحيل واخذت شهادتها وبنت عائله متماسكه ويه انسان يحبها ويقدرها وحطتت اسس ثابته تمشي بيها حياتها

باب القسوة : باب شرهب يوم ماانشمرت وهي طفله كل ذنبها طلعت من ام قاسيه واب مهمل وبقت تحت رحمه عمام ونسوانهم وزوجوها زواج القاصرات ودمرو مستقبلها واليوم هي ام وعايشه مع انسان يعشقها حارب الكل لعيونها وتفوق بدراستها

وعن قريب راح تكون خريجه ونفرح بتخرجها

والباب الاخير

باب الاخوه : ثلاث ايتام جمعهم دم ابوهم ورغم كل الصار واحدهم متنازل عن اخوه ولا باعه ولا قطع صلة الرحم بلعكس تمسكوو كالبنيان المرصوص واجهو كلشي بصبر وايمان ومحبه وكل واحد بيهم فضل اخوه على نفسه لحد ماعبرو بر الامان

تعاالو انسد البيبان كلنا كل واحد منكم يتنقل معاي بين اروقه الابواب الخمس ويغلق بيبانها

اغلقو معي باب العمه خوله راح نشتاق لقوتج ولدهاء وعقلج ياشيخه خوله بوركتي وربي يطول بعمرج

انتقلنا للباب الثاني هذا الباب راح ينغلق لكن مو بگلبنا لان ياذكرى راح تبقين اجمل ذكرى عشناها الله يرحمك ويجعل قبرك روض من رياض الجنه

انتقلنا للباب الثالث نايه الهادئه الاخت و الام ليونس وشرهب الحنينه صاحبه الضحكه الجميله صاحبه الاراده نشكرك لان سمحتي النا ندخل بأعماقكم ونعرف خبايا عائلتكم

رِّبًـــ♡̨ـــٍْيٌٓ يحفظج ويحفظلج اولادج ومهدي ويبعد عنكم كيد كل حاسد وخاصه عمتج 😁

سدينا الباب

كملو معاااي انتقلنا لاجمل باب

باب الشقيه ام دم العسل القويه شرهب

الي ماتقبل تتنازل عن حقها لو مهما كان كنتي عسل القصه وقت هدوئها وكنتي ملحها وقت هيجانها

اجمل شى بلحياة من تصنع حياة بعيده عن مظاهر المجتمع الكذابه والمجاملات وتكون قوي وتكدر تواجهه تحديات ونظرات الناس بفخر ورفعت راس

واجهتي بصبر مغريات المجتمع واساليبه الملتويه ونظرته الظالمه وقدرتي تبنين عش جميل مع زوج محب الله يحفظلك عائلتك وخاصه الاصلع

يااجمل طيره متمرده

كلنا نودع اهم باب بلقصه الباب الخامس ونغلقه بهدوء

باب يونس الشاب الخلوق الي مهما وكعت عليه مطبات الحياة مااستسلم ومشه بلحرام

شاب كان نعم السند والخوه والقوه لخواته

اخطائه جعلت منه انسان قوي واجهه كل سيئ بگلب مؤمن وصبور تعثر وگع ورجع كام تأذه وصبر ورجع يعافر مااستسلم بيوم

كان لخواته الاب والاخ والصدر الحنون

ولهذا اليوم هو بيتهم الي من تضيق الدنيا يلمهم بين احضانه

ربي يجعل ايامك مثل گلبك الابيض ويحفظك سند الهم

ويطيب جرح گلبك 💔

انتهت القصه لعام ٢٠١٩ بسبب طلب من الابطال

اني ريام هادي اغلق بابي واودعكم على امل ان تكونو استمتعو بلقصه

اشكركم من قلبي لسعة صدركم وتعليقاتكم وتفاعلكم المميز والجميل جداً كنتم خير متابعين واروع معلقين واجمل متفاعلين

اشكر كل من سندني بهذه الرحله الصعبه ابتداء من زوجي الغالي واختي سونه صاحبه كل تصاميم القصه وانتهاء بكم يااجمل الناس

دمتم بحفظ الله ورعيته

احـٍُــبٌــ💘ـٍَــْگُِم

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]