تحميل رواية «الاصداف» PDF

الكاتبه بمبش

الروايه للبالغين فقط 🔞

هلاو

اسمي هيلين عمري23

بشرتي عاديه لا بيضه ولا سمره

عيوني لونهن اسود

شكلهن حاد

شعري طويل اسود

وزني 55طولي 165

الوحيده لاهلي

عايشه مع امي وابوي

عمامي وخوالي بغير محافضات

بس عم واحد. ساكن يمنه

محجبه

كضيت شبابي دراسه لحد ما وصلت لحلمي طبيبة اسنان

خل اوصفلكم بيتنه حتى لا تتيه عليكم

نحنه بيتنه نص قطعه لان اربع نفرات

اول متطبون بابين باب يروح للاستقبال وباب يطلع للمطبخ باب من المطبخ للهول

وباب من الاستقبال هماتين للهول

هول كبير وطخم وبلازمه وترتيبات

وغرفتين غرفة لامي وابوي وغرفه فارغه للخطار

وحمام يم الدرج والدرج يطلع لطابق الثاني بي غرفتي

ويم غرفتي غرفة عمتي

غرفنه كبار حمامات سويت بيهن

وهسا اعرفكم عن عائلتي

امي اسمها مروى عمرها ٤٥

ابويه اسمه حافظ عمره ٤٩

عمتي اسمها سهام عمرها ٣٠

مريضه بالروماتيز برجليها وعايشة عالعلاجات للأسف عمامي كلهم تخلو عنها الا بابا ما عافها

وحاسبينها وحده منه

بيت عمي صلاح ساكنين يمنه واحنه وياهم كأنو بيت واحد

جنت كلش متعلقه بوضيفتي طب اسنان حلمي جان والحمدلله وصلته وحققته

وأحب كوني

القويه اللينه

الواثقه والخائفة

المنطلقه والخجوله

المستهترة المسؤلة

الحالمه والعاقله

الساذجه الذكيه

الهادئة الشقية

المعاصره والكلاسيكيه

الخفيفه والوقوره

العاديه والأستثنائية

الثرثارة والكتومه

الطفله البالغه

المستقلة الخاضعه

البسيطه المعقده

البكائة والحساسه في مشهد او روايه

الصامدة في كل نواحي الحياة

القارئة في اي مجال وحكاية

اللاهيه الصغيرة للأبد

بقلب عاطفي وعقل منطقي وحيرة ما بين الأمرين ......

احب

كوني انسانه متفائلة لا اطمح لأبهار احد

أكرمك الله بالعَقـل ، فلا تُهين نفسك بأفعَالك...!

مقتطف من المستقبل.....................................................

مخليه راسي على جام السياره واباوع عيون ابويه بمراية السياره كلها ندم وأنسام يتوعدلهم اني بغير عالم عالم مليئ بالأهانه والضرب والجوع طلعت من هذا العالم بس مجاي اكدر اتجاوزه خايفه يلحكنه اي خايفه يلحكنه ويوقفنه وياخذني غصب ويرجعني لعالمه المخيف غمضت عيني وكلت ربي اكفيني شر عبادك يا ارحم الراحمين يا الله تعبت امتحانك صعب تمنيت الموت ما متت انتحرت ما متت يا ربي افتحها بوجهي وخلصني منه كافي تعبت يا ألله دمر حياتي وأحلامي وقف تفكيري سيطرة نزلو ابويه وانسام هاذهوا عشايرهم تسوي كلشي رحت بيها رجعتي على عذابج هيلين

........................................................................

كعدت على صوت المنبه طبعا شكد اكرها لو بيدي الزم الجهاز اكسره كمت من فراشي مفتحه عين وحده من النعس كله من وره العوبه خلتني اسهر طلعتلي ملابس اخذت البرنص (مثل الخاولي ينلبس) طبيت للحمام سبحت وطلعت سشورت شعري كلش طويل دمرني الى ما سشورته لبست وخليت ميكب خفيف لفيت الشال لبسي بنطرون كيلوت جويتي (حبري عامق) وتيشرت ابيض والشال اسود رسمت شفايفي بالحمره لون وردي فاتح (شفقي)خليت المستلزمات اللي تحتاجها كل بنت بجنطتها قلم الحمرا والتلفون والعطر مرطب ايدين وحبشكلات

تذكرت ما خليت عطر اخذته من جنطتي تعطرت ورجعته للجنطه لونها جويتي من لون البنطرون نزلت للمطبخ سويت لفة جبن ومربه هسه براء تنتضرني ناكل سوه

ماما نايمه

طلعت بابا ديرش الحديقه

صباحو.. .

هلا بابا شنو دتروحين

اي والله

شنو راح عليك المنبه

لا اليوم ما عندي شي مهم خابرت صاحبي اخذلي اجازه

اجيت بسته

مع السلامه باباتي

هيلين

ها بابا

تحتاجين فلوس انطيج

عندي

ميخالف تعالي اخذي هاي خاف تحتاجيها

عمريي

بابا عنده وردات وزرعات بالحديقه اشون مداريهم

امي تكله مدللهم اكثر مني هههه بكل وقت الحديقه مرتبه مداريها بابا موضف محامي انسان كلش فقير يقضي يومه يكتب يتعب هواي

طلعت لكيت انسام ديغسل بسيارته

انسام ابن عمي اروح وارجع وياه لان طريقنه سوه

هوا سكرتير بالمجمع اللي اني اشتغل بي

هسه وكت غسل سيارتك ما تشبع من التنضيف شكد وسواس مو البارحه جلفتها

ميخالف ما عندي شي اسوي كلت التهي بيها

هههههه النضافه من الأيمان

عاد انت شكد مؤمن

لعد شعبالج انكط ايمان

ههههه

ديلا صعدي دسد باب الحوش

صعدت طبب الصونده وقفل الباب ومشينه

مو تعرف ام بطن هسه تاكل راسي إذا تأخرت.

نشتريلها نفر كباب

هههه كبل تهدء

مشغل اغنية سارية السواس احبك موت دائما يشغل اغاني ابد ميمل

وصلنه صف السياره ونزلنه وصلنه المجمع بعد توهم جايين الدكاتره

فتت للغرفه. مالتي لبست الصدريه وطلعت لغرفة براء لسه مجايه

كتلني الجوع ههههه معدتي مثل مزاجي المتقلب

رحت لانسام

انسام اني نازلة لابو الكص تريد شي تاكل اجيب بطريقي

لا هسه اني اروح

اني هم دنزل محتاجه كم شغله من المحل هم اخذهم

للتوضيح المجمع صاير بداخل سوق

انسام انت روح جيب اللفات واحسب حساب براء اني هنانا اشتري شكم حاجه

هوا اني اكدر انسى براء هههه ديلا انتضريني يم باب المحل اشتري ونطلع

تمام انتضرك من تتأخر اطلع واخليك

تمام

اشتريت قلم حمره وماسكات واشياء نسائية. وطلعت انسام تأخر

وكفت انتضره يم المحل ما احس الا وشخص صدمني وكعت بالأرض وملابسي تدمرت تراب ولد لابس عسكري شكد خجلت كل العالم تصيح الله الله

العفو العفو ما شفتج

مدنكه امسح ملابسي واكول بيني وبين نفسي اعمى خوما اعمى

عفواااا شكلتي

كلت اعمى لو شنووو احجي وانفض بملابسي

استغفر الله استغفرالله هسه شحجي وياج

عفته وطلعت بدون حتى ما اباوعله ولا شفت شكله

طلعت دخلت الاغراض بغرفتي وجاي البس الصدريه لان شلحتها من نزلت اشتري

براء/هلاوووو شلون الحلو

هيلين/شو تأخرتي

براء/أنتي المتأخره ايمت اجيتي وعيادتج مفتوحه

لا اجينه قبلج اني وانسام نزلنه جوه نشتري أكل ورجعت وهوا هسه يلحكني لأن مريت لمحل الميكب واشتريت شغلات وهوا راح يشتري اللفات انتي ليش اتأخرتي

يمعوده اختي اليوم حنتها وبالكوه خلوني اجي كتلهم اجي من وقت هيه الحنه بليل لا تعالي الا تبقين واني عندي مراجعين اختي حتى زعلت مني كلت من ارجع بلكي اشوفلها هديه واراضيها.. خو ما تزقنبتي

هههههه اكدر اكل وانتي وراي

عفيه بنيتي

ههههههه

وين انسام لعد

مو كتلج رحنه نشتري اني طبيت لمحل الجوه اشتريت ذنه

وهوا راح يشتري لفات

يوووه خابري جوعانه

دخابره واجه

ها ام بطن جيتي متأخره

انساممممم اني ام بطن

لا حبيبتي ام كرش

انسامممممم

عيونه

جوعانه

يخسه الجوع جبتلج ويص اللفات صاص وخليته يكثرلج مقبلات

صدوك

اي والله

يا حبيبيييي اموت عليك

انسام/ تشوفين ترا بطنها اغلا مني

هيلين/هههههههههه

شكد تجيبلي اكل احبك بس اجوع ما احبك

ههههه اذا ما ادللج ادلل منو مو من عيوني

هيلين /انطوني لفتي وضلو اتغزلو شكد متردون

انسام/شعندج مستعجله

مو حيجون المراجعين واني مماكله شي وتعبانه يمكن راح اصخن البارحه سهرت من وره، الخاتون

انسام/براءءءءء

ها /أنسومي

مو كلتي نعسانه دروح انام

مو تذكرت لازم اخذ رأي هيلين بملابسي اللي حلبسهن بالحنه وخابرتها ووراها كبل نمت

ها خوش هاي لفاتج هيلين

اخذتهن منه وانطيته حكهن هوا كل مره ميقبل ياخذ حكهن بس اني اعاند. وانطي حكهن

اكلت وخابرني بابا

الووو هلا بابا

شموصيج بنيتي

والله بابا نسيت

يلا انوب لتنسين ضل بالي عليج

لا يضل بالك عمري باباتي

وصلتو

اي وصلنه من زمان

والله هذا يضل يسوق سريع اني اعلمه

ههههه

يلا بنيتي روحي لشغلج وبعد لا تنسين

انشاءالله

باي

باي هلا بابا

ابويه موصيني من اوصل اتصل عليه اطمنه

والله لو يدري من زمان وصلنه الا يخبل انسام

اجو مراجعين مثل كل يوم ما صدكت اخلص تعبت متت تعب

اجه دور بنيه اسمها سجى صاحو اسمها طبت

كلش حلوه وصغيره

امها /دكتوره جاروشتها صار هواي تشكي منها بنتي بس شوفيها

تمام تمددي حبيبتي هنا

البنيه وره امها خايفه يطلع عمرها ١٢سنه هيج

ما اسويلها شي بس اشوفها وانطيج علاج

مااا عليه اريد بابااااا

ما قبلت الا بالكوه اني وامها يلا قنعناها

جاروشتها تلفانه لازم اقلعها ضرروي اذا ما قلعتها راح تضر باقي اسنانها والتسوس يدمرهن

اقلعيها دكتوره والله دمرتنه ليل ونهار تبجي منها

حضرت ابرة البنج

شافتها لو تخبلت

اني وأمها ما كدرنه نلزمها

خالها بره اطلع اكله يجي يلزمها

تمام

وسجى تعيط ماااا مااااا عليه والله ما اقلعها

طلعت طب الرجال خالها

اجه نزلها وكفت كباله كاللها خالو شبيج

يردون يضربوني ابرة شوفها شكبرها

باوعلي مدري شنو دا يكول

هذا نفسه الصدمني الصبح

الشاب.. انتييي مو نفسج

ابتسمت اييي

ما عبالي دكتوره وبنت اختي. يمج مراجعه جان ما صدمتج

كتله عادي لأن حسيته ضرب ميانه ما احب احد غريب يشاقيني

ههههه عدكم بخاخ بدل الابره

دكوله لا اشرلي بمعنى اي

هيلين... اي عدنه

الشاب.... اي احنه ما نتعامل ويه الأبر وما اريد تضربون سجاوي ابره

هيلين... صار مو تدلل سجى

تمدتت كاللها

خالو غمضي

غمضت

ولزمها

بنجتها لو انهجمت الدنيا قلبت العياده ههههه

جنها جهاز انذار

طلعت اخذها البنج اريد اقلع جاروشتها ما تقبل وما يسيطرون عليها اجت براء على صوت بجيها حاولنه كلنه وماكو خلص وقت البنج وهم ما تقبل دمرتني لازم ارجع اضربها ابره بنج كلما. اريد اضربها الابره يا تحرك راسها يا تدافر رجليها بنجتها انوب وما تقتنع يحاجوها كبل تبجي ومحد يقبل يلزمها هالمره حتى خالها يكول عوفوها براحتها اني اقنعها واني وبراء ما نسيطر عليها

وهذا شي حساس ما اكدر لازم اسيطر عليها

وما يصيحون عليها ولا يخوفونها مدللينها

نترت تالييي وياج مو زهكتيني كافي عاد ترا تعبتوني شنو ما تكدورن تخوفونها

انتي دكتوره وهذا واجبج خوش وبعدين لو ادري هيج النفسيات بهذا المجمع ما اصل لهنانه

يلا كدامي امشن ذب الفلوس بوجهي وطلع محتقن

هذا شبي ششايفني هيج يذب الفلوس عابت هيج نفسيات

براء.. ولج غير ثوله دتشوفي معجب بيج أكلج بعيونه أكل ليش تروحي من ايدج شفتي اشون جمال

هيلين... يا جمال شحلاه

براء... هوا انتي ذوقج خايس دباعيله العيون كبار والحواجب سيف

والخشم احلا من خشمي شكدوته

والجسم اويلييي

هيلين.. اهووو ترا اني بلا شي ضايجه مشفتي ذب الفلوس بوجهي وبعدين ترا مراجع عيب هيج تحجين شنو. روحتي من ايدج

براء... اعصابج عيني اعصابج وين تعرفي

هيلين... مو سمعتي شكال هوا صدمني من جنت اشتري

هاي ايمت صدمج

من نزلت اشتريت وواكفه انتضر أنسام

ولج روحتي من ايدج غير يطك بالكاع وانوب نفس الافلام ما لم الكتب ونطحتي راسه

هسه اضحك ابجي وبعدين صخام منين كتب هههههههه كبش حتى انطح

مو نفس هذولا اللي بالأفلام وأنوب حلو

هوا مراجع وبعدين شفتي اشون نفسيات وبعدين اصبريلي هسه اطلع لانسام هوا يتعامل وياج

لازم تريدين يكنس بيه المجمع

لعد ثكلي وانجبي

ههههههه يحضي علواه اني مثلج ما تنعجبين. بواحد لو يسوولج فحص أنوثه تطلعين جبار

براء وربي ما ليه خلكج بعدين وراي مراجع انوب امشي ولي

هههه يلا رايحه

كاعده انتضر المراجع

اجه انسام كال بقه مراجع ترا ما جاي نطلع لو ننتضره

انسام يا ننتضره شوف الساعه شكد

والله حتى بلغته بالوقت

يلا لعد نطلع

اوك. اني اروح اجيب سويجي والفلوس تحضري

تمام

راح انسام

شلحت الصدريه ورتبت شالي وشلت والجنطه وبدلت تكرمون حذاء المجمع لأن من اصل البس حذاء طبي ولبست حذائي وشلت الجنطه وعلاكة الاغراض الاشتريتهم وطلعنه

رحت لبراء خطيه باقيلها مراجعين

براء اني راح اروح

روحي اني مبقالي شي واطلع

باي عمري

باي هنوشه مع السلامه

خطيه من اجت يمي تأخرت

انسام يحب براء وكلما دا يخطبها يصير شي اخر مره ديخطبها وابوها مات وتكله ما نتزوج الا يمر على وفاته سنه ويتأمل بلكي تقتنع يخطبها وره زواج اختها

رجعنه للبيت هلكانه وضايجه من تصرفه ما احترمني

أنسام/هيوووو

ها

شبيج صار ساعه احجي وين صفنتي

شنو

دسألج شبيج ضايجه

ما بيه شي

اكلج هاي البنيه سجق مدري سجى نسيت اسمها قلبت المجمع قلب غير وكحه

اي

لا الا بيج شي مبينه ضايجه احجي انتي مو هيج كلامج قليل

والله تعبت شفتوني شكد مراجعين انشلع كلبي وانوب

بالاخير فوك ما اني هلكانه انوب هذا الضابط مدري عسكري مدري شنو حتى ما انتبهت

ضوجني

منو هذا ليش ما كتيلي دكسره هناك

لا شغله عاديه عود خلي براء تحجيلك

براء اذا اكللها احجيلي تكلي بلفة كص يا، نفر كباب

ابتسمت عرفته يريد يطلعني من ضوجتي

بقيت ساكته لأن كلش مقهوره لحد ما وصلنه نزلت بابا واكف ينتضرني عمري يوميه هيج

وكفنه نزلت من السياره

اشونك بابا

هلا بنيتي

انسام مو كايلك لا تسوق سريع

عمو والله

اششش لا تحلف يول مو اني لمصحتكم اخاف عليكم

ما علينه شي والله

اييه ما يفيد بيك ما يفيد

طبيت ريحة الطبخ تجنن

ها شطابخين

والله بنيتي سويت فاصوليه وتمن وعمتج رتبتلكم الزلطه

عاشت اديديكم والشوربه

الشوربه روتين مو تعرفين ما انسالج اياها

حبيبتي ماما

ما طلعت بدلت لأن ملابسي مريحه غسلت وأكلت شوربه ومرك التمن ما اكله وسويتلي عصير موز شربته

دا الم السفره واسوي جاي

عوفي بنيتي اطلعي نامي وارتاحي اني اشيل

لا اني اشيلهن ما عندي شي

ميخالف هلكانه انتي اني اشيلهن

اكثر المرات تخليني اطلع ارتاح وهيه تشيل وحتى البيت دائما هيه ترتبه والطبخ اصلا حتى ما اعرف اطبخ ولا اخبز

عمتي تكلي تعلمي باجر عند العيال اشون اكللها ما اتزوج اصلا واذا اتزوج اخذ واحد يسكن ابيت وحده ونشتري سفري والتنضيف يوم عليه ويوم عليه

تكلي هذا حجي

طلعت لغرفتي رتبت الاشتريتهن ونمت كعدت 9ونص جسمي خمول من النوم شغلت كارديو يحرق 700 سعره حراريه هلكت وانوب اني تعبانه دطب اسبح وامي كالت دنروح لبيت عمج نتعلل كتلها اسبح واجي وفعلا طبيت سبحت بسرعه ولبست ولفيت شالي وطلعت اهلي ينتضروني لان يم بيتنه مو بعيدين من الباب للباب اكثر الايام يا احنه يمهم يا هما يمنه نتعلل واكثر المرات نتغده سويه مرات ايام الما عندي دوام اروح اتريك ويه البنات طلعنا وقفلنه الباب طلع حساب اخو انسام

هلا عمي طبو جوه طبو تسالمو هوا واهلي واني حتى سلامي وياه ثكيل ابد ما احبو واحد مغرور وشايف نفسو وهوا هم سلامه ثكيل

طبينه سلمنه على عمي ومرت عمي اخلاص

وطيبه وأيه جانن بالمطبخ سلمت عليهم ورحت عليهن

احم احم

هلاووو هاي ايمت اجيتي

هستوني والله

اجو اهلج

اي بالاستقبال

اصبري خل اخلص ذنه البلوه واروح اسلم عليهم

ههههه الاماعين شكد اكرهن اني من اغسلهن الا ينكسر بيدي شي وانتي طيبه ايمت جيتي شعجب شعتب

والله مدري الله هداه هوا وامه

شنو بكيف امه غير بكيفج

يبووو هيلين هيه رجلي مو هوا

يااا شجاه

ايه /هيه ماتت عليه اني من شفته املط لا لحيه لا شارب عرفته يمشي بكلام امه

انجبي انتي احترمي

اهوووو اجيت حتى هم تتعاركن ارجعع

ايه/يمعوده والله جنه دجاجه مهلوسه وامه الحيه امرمرتها وهيه ساكته اكثر من اخر مره يمعوده دخلينه ساكتين

هيلين/شبيها اخر مره

طيبه/ما بيها شي عوفيها تمسلت بكيفها

ايه/اي يولي اني امسلت تره ما تنطيي عليه ما تنطي هم لو يستاهل

طيبه/كافي عاد سدي حلكج

ايه/عبالها اني مخليه بجيبي شي كله لمصلحتها

هيلين/اني رايحه للاستقبال كملن شغلجن وتعالن لأن شوية اللخ حتصير بلنعل

طيبه/لا وين تعالي يمي اكعدي خل نسولف

كعدت يمها عالميز جاي تتكرز واني يدون عزيمه مديت ايدي وجهي متين وابد ما استحي الفقيره ما تعيش

اكلج هيلين ما تتزوجين

ليش

ابن عيالي اخو رجلي يعني حلو كلش قبل كم يوم جنه نشوف صور العرس وشاف صورتي وياج وعمتي كالت اسأليها تتزوج

وين تريدين تورطينها ديربالج هيلين والله ما ينحملون وانتي اللخ طيبه مو دا احاجيج

ها شبيججج

امي مو العصر كالتلج لا تحاجينها ما تقبل وحتلو تقبل اني ما اقبل تروح تدمر حياتها هيلين امي كالتلها العصر وين تجيبين هيلين عدهم هيلين ملسونه كبل تمسك. رجلها تكتلو هههههه وتحركهم هوا وامو وي والله ما ينحملون يحاسبون طيبه عالربع تعرفين شنو الربع عالربع يحاسبونها تخيلي قبل فتره لأن منطيه لأبن حماها خمسميه كايلتلو اشتريلي كيكه بربع واشتريلك بربع تكول راح شويه رجع اكله وين الكيكه يكول جده اخذتهن مني تكول هيه شكبرها خل تستحي مو مال حلويات وانوب بليل راجع رجلها. جاتلها لأن ماخذه منو خمسميه هيانها اسأليها تحلف تكول جان نايم كلت من يكعد اكلو اخذت منك كبل لازمها كاتلها يمعوده وانوب وانوب ليش واحد يحجي وهاي اختي فطيره بكلمتين غزل يرضيها ناس بخلاء لحد الجنون الربع عدهم شي جبير واليقهرج مو فقره زناكيل وهيج البخل عدهم بس اختي فقيره اكللها تعالي لهنا ازعليلج اسبوع شهر شهرين خليلج قيمة ما تقبل تكول خطيه

طيبه/صحيح خطيه هيلين مو هوا قابل بيه واني ما يصيرلي جهال

ايه /طبعا شوفي محشين راسها حجي على كال انتي متخلفين ورجلج متحملج ومدري شنو

هيلين/شوفي طيبه صحيح كلام أيه شلون تخلي يضربج خليلج قيمه وازعليلج شهر شهرين

واذا ما جا رجعني وطلكني

اي خل يطلك قابل الدنيا واكفه عليه يمعوده تطلكي منه وقدمي خارجي وكملي دراستج ابد كلام خلصي ثالث اوضفج سكرتيره بالمجمع اللي اني بي وترا ها تصيرين حالج حال الدكاتره والف واحد يتمناج جمال واخلاق وطيبة كلب شلون تتحملينه وهوا يضربج ترا انتي عندج ام واب واخوه بضهرج لعد اللي ما عدها شلون ما مجبوره عليه

طيبه/احبه

أيه/ما ينفع وياها نصايح يلا امشن للاستقبال اني هم خلصت شغل رحنه للاستقبال أنسام أشرلي يعني تعالي كعدي يمي احنه من النوع الميانه واهلي وبيت عمي يعرفون انسام يريد بنيه يمي بالمجمع ويعرفونه مثل الأخوه وحسام خاطب بنيه من قسمه الجامعي

كعدت يمه وكتله ترا من رجعت للبيت لهسه ما حاجيه ويه براء

هههههه لا ولج مو هاي بس خابرت براء وملتهيه بحنة اختها احجيلي شبي هذا اليوم وياج.

تنهدت والله مدري مجعوص شفت شسوت بينه هاي الطفله تصير بنت اخته

ترا اني ما منتبه ياهو لأن جو اثنين منتسبين المهم كملي

اي البنيه انتهى البنج بحلكها وما خلتني اقلع جاروشتها كمت كتلهم تالي دخوفوها وتعرفني من اتعصب

تبدين تمسلتين

ههههه عابت

اي كملي

كال اشون نفسيات وذب الفلوس بوجهي وطلع

والله لو بس طالعه كايلتلي الا اخلي المجمع يتفرج عليه جان خوش كتلته

لا تحمى..

افا عليج اني احمى

هههههه

هاي شنو الضحك ضحكونه وياكم

عوفي الضحك انتي ايمت اخر يوم اللج

بعد باجر نعطل

اي زين

بالله عليج هاي حاله دحكي على طيبه حتى ضاجت مني

هيلين /والله معرف شكلج حيرتني خل تزعلين بس اختج بلا كرامه

يمعوده مو بس رجلها حتى عمتها ما تقبل احد يحجي عليها اكللها بلكي تموت عمتج تخلصين منها تكلي شجاج عليها وترا حتى اني رادوني لحماها عبالهم فطيرة مثلها ما يدرون اهنكمهم

هههههه عاد توافقين وتجين. انتي وكومه جهال وياج

هههههههه خرب حضج، يا اوافق غير اموت وما اتزوج عدهم

هاي شجاي تبشبشن

انت شعليك بنات بيناتهن

دحكي هيلين تحجي هيج تتقاوه بيج بس ما تدرين تروحين وخوش الزمها اكتلها

حاجيها وشوف شسويلك.

أنسام /من تروحين اكتلها واني اعلمها الا تصير بالنعل وما اهدها

أيه /دحكي أيه خاف يكاونج اتصلي عليه كليلي اسويلج مجموعه ويه براء اكللها لا تسوين صوت راح اسويلج مكالمه ويه اخت انسام أيه وشوفي شلون تشكي منه وانتي احجي بكيفج

اكلج أ ا هئ هئ هيلين انسام كتلني لأن نسيت امسح الحذاء مالته لأن هواه عنده وسواس نضافه ومثل الوحش بالبيت النهار كله يصيح وزنيفطه ويدخن ويدور بنات والبارحه جان يخابر وحده اسمها هناء

هيلين /وتكولين ما يشتريلنه حلويات ابد لأن هيه عدها الأكل أهم شي

انسام /أن كيدهن عضيم اذا سمعت حجيجن كبل تحضرني على كل البرامج

هيلين /دضربها وشوف هاي الكبد مالي

أنسام /ترا اشاقيجن اني أنسان مسالم

ههههههه

بقينه سوالف وضحك

لهنا وينتهي البارت حيكون التنزيل يوميه

بقلمي الكاتبه ♡ (bmbsh_beme) ♡

♕

بقلم الكاتبه ♡(bmbsh_beme)♡

كاتبة روايات تابعوها

@hhooo66اذكر المستخدم

كضيناها سوالف وضحك براء ما راسلتني كلت حقها مشغوله بحنة أختها

وكان نفس الروتين يوميه اخت براء تزوجت

بعد مرور ٣شهور

كاعده اكتب وانتضر مسج من براء يوميه نتخابر

ما بينت طبيت لمجموعة الدكاتره مموجوده وبمجموعة الشلة هم ماكو اتصلت عليها يتصل الأ يفصل ماكو بقه بالي يمها شويه واجاني مسج منها

كاعده

اي كاعده مدا تشوفين حركتها عليج اتصالات وضل بالي

جنت اغسل اماعين

هيلين/اهااا اكلج

براء/كولي

هيلين/باجر شكد عندج مراجعين

براء/ما جيكتهم

هيلين/شبيج شو مو على بعضج

شهكت وكالت هيلين مخنوكهه مخنوكهه حموت وربي

ليش عمري شبيج

أريد بابا مشتاقتله شمعة البيت بدونه البيت ضلمه وما بي طعم اليوم اجتي اختي زعلانه بعد مصارلها شي من تزوجت تبجي واحمد ميقبل يريد يرجعها تكله اني زعلت اشون ترجعني يكللها ارجعج لعد عليش تزوجتي وتبجي تكول خوما فد مره بلا كرامه اني وهيج اخوي يسوي لو زايده بالبيت لو ابويه موجود جان هوا لمني بحضنه وكال بنتي مترجع واكسر خشمه وما ارجعها طلعنه صوره من التلفون اني وياها وأمي ونبجي هيلين ابويه من راح كسرني كسرني بعد ما بقالي سند أحمد يريد يزوجني يكول لأمي المهر مالها ويه مهر بيداء اختي اتزوج بي اني

أني بعد حزني على ابوي بكلبي واتمنى افرح بعرسي مو يكون حزن بكلبي تشهك وتحجي لعد تقبليها اكول لأمي اصبغ غرفتي مليت من لونها يكلي ارحلج ما تبقين براء يريد ينطيني لصديقو لأن زنكيل مره حاجه ابويه كاله وابويه تخبل كال واحد ساقط ما انطي براء وبوكتها احمد يكول لابويه فشله من صديقي وقبل كم يوم يكلي بس يرجع يحاجيني اكلو كبع وأخذ استحلو البيت من توفه ابويه وامي تعرفينها مقعده ما تكدر تسويلهم شي واني لو اعرف اكتل نفسي ما اخذ غير أنسام

بجيت وياها ما تحملت شهكاتها براء عمري اني باجر اكول لأنسام يخطبج

خاف عيب

لا مو عيب اكله امنتني ما احجيلك واحجيله

اي عفيه مجبوره ما، اريد اخذ غيره

كافي تبجين كطعتي كلبي والله

يجي انسام يخطبج وتعقدون ومحد يكدر يندك بيج

ت ت تمام اروح اغسل واجي

اني هم اغسل، واجيج رحت غسلت ورجعت حجينه شويه وهديتها وبقيت وياها عالخط الا نامت سديته ونمت

تحضرت ثاني يوم. ونزلت انسام بره يمسح بسيارته

أنسام /يلا نمشي

اي

مشينه والطريق كله انسام ساكت وضايج

اكلج براء ليش ما ترد عليه ولا. تخابر..

انسام متمكن تكدر ترجع تخطبها

اي علواه

انسام اخطبها واستعجل اعقد عليها اخوها يريد ينطيها لصديقه البارحه خابرتني وتبجي تكول اكتل روحي وما اصير لغير أنسام

أنسام/خل واحد يدنالها الا انسي اسمه بسيطه احمد زوج بيداء واندار على براء اليوم الا اشك....

ترا هيه مو بالعركات بعدين يخبث وياك روح اخطبها بالاول وعوف العركات والهمبله على جهه

اليوم احاجي اهلي وباجر نروحلهم اني من زمان محضر كلشي بس لا هذا الأفندي يخربها ويطلعلي بسالفه

منوو

يمعوده حسام صار اسبوع من فلش الخطوبه بس لا تحجين لاحد لأن ما يقبل

واشدخلك بي انت

مو هوا الجبير لازم يتزوج كبلي من حاجيت اهلي على براء كاللهم ما ياخذها الا اني اتزوج

هذا ششايف روحه اخوك

اسكتي ترا طاك كلبي منه صاير من يتحاجى من فلش الخطبه لهسه

ليش فلشها

شمدريني بس مغثوث والله اول يوم الخرب الخطوبه اهلي ضغطو عليه كام يصيح لا تدخلون وطلع بره رحت وراه لكيته يكهد ويبجي وتخيلي يعني رجال مشورب يبجي لوما مكسور ما هيج يبجي

الله كريم لعد معذور

براء ما اجت للدوام كملت شغل ورجعت حتى ما اكلت وكل شويه ادوخ وأنسام بطريق الرجعه كله ينافخ

من رجعت للبيت اهلي متفقين يروحون باجر لبيت صديق ابويه وثاني يوم طلعنه من للديوانيه لبيت صديق بابا معزومين جان يضل يعزم بابا وبابا ميقبل لحد ما هالمره كال اطلعكم هم نتونس اخذت اجازه وكلت لبراء تخابر الحاجزين تأجل المواعيد

وصلنه الديوانيه جانت مكان يجنن بمعنى الكلمه

هلكنه من الطريق

اول موصلنه بابا كال

هذا بيت ابو سيف

باوعتله مو بيت هذا ابو مو بيت قلعه الله مصلي على محمد بيت شكبره ويجنن

وحديقه يمه وبساتين عالجهه اليمنى

الصراحه يعني مصدكت انزل من السياره دستكشف المكان

نزلنه تلكونه شباب جانو كلهم لابسين دشاديش يا اخي هيبه والله تحسهم هيبه

نزلنه بابا سلم عليهم اني بقيت مدنكه امي كبل كالتلي دنكي راسج عيب هههه واذا نطلع لمكان تكلي من نلاكي شباب امشي وراي عمري شكد تريد مصلحتي

فتنه للبيت تلكانه رجال بعمر بابا رحب بينه

وتسالمو هوا وبابا

وهوا ماما هم تسالمو وتسالمو هوا وعمتي

واني عيني على ولد جان منطينه ضهره بالمطبخ ضخم وايده سمره ولاف عليه مسباح اريده يندار دشوف وجهه

بابا كالي

هيلين بابا سلمي على عمج

اجيت سلمت 🤝وكتله اشونك عمو

والله الحمدلله عمي انتي اشونج

والله الحمدلله

اشون الطب وياج خوب ما متعبج

والله متعبني بس احبه

بابا خله ايده على كتفي وكاله

تدري هاي هيلين شكد تعبتني علما كبرت شكد خفت عليها من كلشي جنت اوسوس عليها هسه هيه البكر مالي

الله يحفضها ماشاءالله

اجت مره جبيره تسالمو هيه وامي

واجه هذا الولد الاسمراني

صفنت عليه صفنه لم يصفنها الصافنون من قبل صفنة طويلتا ههههههه انوب الله مصلي على محمد

العيون خضر طالعه توب ويه سماره

والعكال

هاي هيج اهل الديوانيه حلوين الله شكد تجي عليه حالات ما يوم شفت بجماله ورجولته ها رجال حوك مبين والله كلهم هيج

خربو صفنتي عليه كالو طبو ارتاحو

............. ........

حبايبي دا احجي بلهجتنه لأن ما متعوده احجي بلهجتهم

............ ...............

طبو عمي طبو ارتاحو

طبينه ارتاحينه جامو كلش ناس كريمين بمعنه الكلمه اول مره اطلع بمكان وارتاح بي لان نفسيتهم حلوه

كلهم العيون خضر قليل عيونهم مو خضر

طبعا كعدنه النسوان وحد والزلم وحد اجت مره جبيره بالعمر وياها بنيه كلش حلو سلمنه عليها العرفته هاي ام صديق ابوي

كالت لام سعد زوجة صديق بابا شمالجن يحبايب خلهن يطلعن يبدلن يرتاحن

ام سعد اي خل يرتاحن ويكومن

الحجيه ارتاحن ارتاحن تطلعن تبدلن

امي... اي والله ياريت

اخذتنه ام سعد طلعتنه لطابق ثاني جان البيت كلش جبير يضيع بي الشخص طببتنه لغرفه وكالت ارتاحن

ام هيلين اروح اجيبلجن ماي

طلعت وسدت الباب

ماما شكد حنبقى هنا

ابوج كال شكد متردون

حيللل هواي

انتي مو اخذتي اجازه

اي بس عيب هلكد نبقى

اسبوع انوب إذا خلونه نرجع زين ذوله ناس عيونهم فضيه ويكيفون عاليجي عليهم ابوج يضل يسولفلي

بدلنه لبست فستان قصير بس مو كلش يعني فوك القدم بشبر هيج

امي مقبلت الا تلبسين جواه ستريج

جان الفستان نمور لبست عليه شال اسود وعدلت مكياجي عيوني كلش اعتنيت بيهم ولابسه عدسات خضر كثفت رموشي بالمسكاره وكعدت يم امي

جعت

والله بنيتي اني هم جوعانه

تعبانه

تمددي الى ما يجون

خاف عيب

لان من احد يجي نسمع صوته وعود تعدلي

ههههه على هاي الجهال يا صوت

ميخالف ريحي جسمج شويه

تمددت خليت راسي بحضن ماما

اجتني رساله من بابا

ها بنيتي ارتاحيتو خوما ضايجين طلعتي ويه البنات عالبساتين

هههه حبيبي بابا بعد هستونا اجينه وين اطلع وهم جوعانه متت عصافير بطني كامت توصوص

هسه بابا ما بقى شي ماما وين

ماما يمي

هاه بوسيلي اياها

ههههه ولا يكعد راحه روميو

ههههه يلا ارتاحو عيب ابقى لازم التلفون

هلا بابا اخذ راحتك

بابا من النوع السبورتي ومرتب وامي كذلك

خطيه عمه من طبت هيه هلكانه بسبب الطريق

كاعدين وجابو الأكل تعدلت كبل استحيت

ماشأءالله الصياني والزلطه صح اكلهم دهين بس دنت نفسي عليه وانوب جوعانه والحلو بيهم خلو الأكل وطلعو وسدو الباب خلونه وحدنه

اكل وافصخ لعمه لحم وهيه بالكوه تاكل تعبانه بس اني مسويه دايت واكلت اكل كتلت نفسي ههه اجو بمو الأكل وكالو نامو ارتاحو شويه نمنا وامي نزلت جوه ويه النسوان

هيلين هيلين

ها عما

كعدي ديأذن عصر عيب كافي نوم

وانتي ايمت كعدتي

هستوني واريد اتوضه دصلي

كومي لعد اساعدج تعدلت ذبيت شالي شلون ما كان وسندتها وطلعنا لأن متكدر تمشي الا شخص يسندها

طلعنا جانو جهال صغار ماشألله حتى بطابق الفوك جهال سألت ولد صغير

وين المغاسل

اشرلي بيده باوعت حمام سبح

وين المغاسل قصدي

شنووو عماا

ردت عمتي

يمه وين تواليت تكرمون

اي عما ههههه تكول حمام عبالي

رحنه للحمام غسلنه واني هم غسلت مكياجي وتوضيت دصلي وساعدت عمتي هم

رجعنا وطلعت بدون شال عمتي كالت شالج كتلها اووو نسيته بالحمام من غسلت

روحي جيبي عيب هنا مو ناس منفتحه مثلنه

وانتي اشون

هسه اسند نفسي عالحايط

كتلها تمام ورجعت اجيب شالي ممر طويل وبي غرف وبنهايته حمام هيه تكدر تمشي بس الدرج الا احد يساعدها وخفت عليها بس الممر مبي درج ورجعت اجيب شالي

لفت نضري من دا اعبر غرفه مفتوح بابها جان مسدود من اجينه لفتني الها عطر البخور

فتحت الباب عالكيف وطبيت ماكو أحد باوعت بيها حمام سويت والغرفه خشاب تجننن ذهبيه ومرتبه كلش باوعت صورت هذا الحلو معلكه صفنت عليها شلون لابس دشداشه وشايل سلاح والجراويه والمسباح

وقف صفنتي من طلع من الحمام لاف الخاولي على راسه انداريت عليه صفنت شلون كافل ارادنات الدشداشه يمكن جان يتوضه ديصلي

داير وجهه عنه ويحجي والبحه بصوته خشن يحجي طبيعي بس كأنو جاي يصيح

شنوو مضيعه وووو وحجابج عيب منا احنا ما نحل عليج

اااا اسفه اسفه بس ارتخص العفووو ارتخص خرب طلعت كبل حتى لساني انعوج هاي شبيج هيلين احجي وامشي

عمتي...شو رجعتي وينن شالج.

يربي انصطرت درت وجهي ورجعت اجيب الشال باوعت بنيه شايله شالي وكله ماي رحت ركض اخذه وجان احس راسي ضرب بشخص رفعت عيني نفسه

باوعلي واستغفر ومشه

حجيت شبيككك هلكد شايف نفسك

شكلتي

مو وياك على شالي

وراح نزل الدرج ويسمعني نهروان لبسو شالاتكم

اخذت شالي من البنيه ورجعت توضيت لأن شافني خرب وضوئي ورجعت

ها عمه وين غطيتي

جنت احجي ويه البنات

اييي يلا صلي حتى ننزل يمهم عيب

مو خفه بس بنت مدينه اول مره اشوف هيج لبس درست وتخرجت والاقسام والدكاتره الوياي بس اول اصادف هيج شخصيه

صلينه واجيت اخلي ميكب

هسه واحد شلون يخلي ميكب ومرايتي شكدوتها

لازم عمتي هههه هاي معلكه مرايه بالحايط

رحت للمرايه باوعت لوجهي ورجعت اطلع الميكب وادردم

شوفي وجهج وجه خبله وشافج وعيوني عين بيها ايلاينر وعين ممسوح

شبيج تدردمين

لا هيج ههههه

خلي شي خفيف عيب منا العالم

مو تعرفيني دائما الميكب خفيف

خليت شي خفيف ميكب ولبست دشداشه اسود لونها وجاي الف شالي وطبو بنات خمسه مدري اكثر

طبو تسالمنه وسلمن على عمتي واجت بنيه وكفت يمي

انتي هيلين موو

اي

امج تناديج جوه تكول صار شكد اتاني خل تجيب عمتها وتجي

تمام نازلين

ونزلنه وساعدت عمه هم ونزلنه امي بالهول الهول شكبره

الحجيه.. هلا حبيبة تعالي اكعدي بسدي

باوعت لأمي أشرتلي بمعنه اكعدي يمها

الحجيه هاي بس عدكم مووو

امي. اي حجيه هاي كبرتنه

ليش ما خلفتو انوب اكو احلا من الضنا

امي. والله حجيه احنه هم نريد حتلو طفل واحد بس ما صار عدنه غيرها

جان رحتو راجعتو دكاتره ساده

والله حجيه ما خلينه الله وكيلج ما خلينه دكتور يعتب علينه

خاف احد مساويلج سحر شي

لا حجيه ماكو هيج شي

شعجب شايبج ما تزوج عجل

اكله دزوجك ما يقبل يكول هيلين تكفي

زوجي يحبيبه زوجي قنعي خل يتزوج جا والورث غير تخلفولكم وليد

امي وابوي كلش حساسين من هاي الناحيه وينقهرون وانوب حجيها ابد معجبني هاي العجوز

حجيه اهلي مرتاحين والف الحمدلله وهاي كلها مكتوبه من رب العالمين

يمكموعه تردين الورث بس اللج حجتها وضحكت عود بالشقه

نسوان تطب ونسوان تطلع احسهم متعجبين بينه والبنات كلهم اشون تطولين اضافيرج هيج واشون ما تسمنين اني من النوع اللي جسمي رياضي ابد ما اترك الرياضه واكلي كله صحي فصاحبة خصر وجسمي كلش حلو وشكلي مبين على عمري اكو بيهم صغار يبينون كبار وكبار يبينون صغار اني لا اليشوفني كبل يعرف عمري بالعشرينات

بقينه سوالف وشقه وضحك لحد ما مغربت الدنيا وبدو يحضرون العشه صار العشه وصبو عشه هالمره تعشينه كلنه النسوان سويه

بناتهم هواي هسه اذا اعدد ادوخكم فراح اعرفكم عليهم كل شخص بدوره

تعشينه واني كضيتها اشرب شنينه هما يسمونها لبن كلش طيبه واكلت هم ضربت الدايت واني من النوع اللي مو خجوله عادي يعني أكل ما استحي هههه

بدو يلمون الأكل أمي كرصتني يعني كومي عاونيهن بديت اعاونهن وكلهن خطيه يكولن لا تشتغلين وانتي جايه تتونسين

اجيت اعاون بنيه جانت تغسل أماعين عيونها لونهن أخضر وذابه الشال ذب شعرها اشقر وبيضه ثلج من شفتها صليت على محمد جمال ورشاقه ومبينه فقيره كلش

جيبي اعاونج

لا تسلمين معندي شي اكعدي وانسينه بس

نور بنت صديق بابا كالتلي

حبيبه عوفي من ايدج افنان تشتغل اكعدي العرفته افنان بنت عم نور بس هيه باقيه عدهم اليوم كاعده وياهن وطب هذا الولد

ها فنونه ايمت اجيتي

اجيت المغرب

ما شفتج

جنت فوك توني نزلت

تعشيتي

لا اشتريت كيك من جيت بالطريق وما اشتهي

اهااا نور الجاي ثكيل شويه خففي

اخذو هيلين وياكم ب8هيج للبساتين خلها تشوفهن

منين عرف اسمي ما ادري ومن حجه هيج شفت افنان التفتت عليه ورجعت التفتت عليه

نور... هيثم خاف الشباب يطلعون للحديقه

لا ما يطلعون اني ما اخليهم حجه هيج وراح

معرف شعجب هيج حجه واصلا منين عرف اسمي

بقيت يمكن اشوفهن يتفنن بالتنضيف سريعات وما يتعبن

نور.. يلا امشو نروح للبستان مدام خلصنه افنان روحي شوفي البنات اذا خلصو شطف دنروح

أجاني مسج من براء

لهنا وينتهي البارت تصويتكم ومشاركه للروايه

عمري انتو

♕

بقلم ♡(bmbsh_beme) ♡

«تصويتكم لتشجيعي على الاستمرار»

لم الكاتبه♡ (bmbsh_beme) ♡٠

........... ♕........... ♕......... ♕........... ♕..........

" يساء فهمي كثيرًا، وانا لست من محبي التبرير"

بنو ارسل رساله

اريد افتح الرساله. وايدي ترجف  هل يا ترى انطوها اهلها لأنسام او يمكن رفضو ينطوها او انطوها لصديق اخوها  الف فكره ببالي شجعت نفسي وفتحت المسج

أسامه أمانه بركبتج

شتقصد معقوله انطوها اهلها

يااااا بس لا تريد تنتحر

اتصل عليها متجاوب بالأخير أيست وكلبي صار مثل النار عليها ضل بالي شويه ورجعت  هيه اتصلت عليه جاوبتها وحتى حيلي يرجف هسه تكولون تبالغ بس معندي خوات واحسها عوضتلي مكان الاخت وتعلقت بيها كلش..

الووو

ولج كلبه حقيره موتيني خوف عليج

هيلين احمد رفض ينطيني منين من اشوف حقتل نفسي

يمه اسم الله استهدي بالرحمان واحجيلي شصار

أجو خطبوني وأحمد طلب مهر ٥ملايين وانسام معنده كاله انطيني مهله شهر كاله شوف أنسام بيدك أسبوع تجيب المهر يا اهلا وسهلا متجيبه انطيها لان اجتها مشيه الحقير حس أنسام يحبني الطماع الله لا يوفقه يريد يحرمني منه

وتالي شصار..

خابرني أنسام يكلي شوفي حياتج اني ما افيدج

هاي صدك تحجين

اي والله هوا هيج كال

اوفففف

يلا هيلين مشينه

ثواني واجيكم

روحي عود من ترجعين نتخابر اذا ما نمت احجي وياج راسليني اذا مرديت لا تتصلين يعني نايمه ما اريد اكعد

تمام عمري

باي

باي

يلا جيت

طلعنه اخذوني البنات بساتين عدهم والزرع عالي يجنن

نور... بنات باجر شرايكم اكول لهيثم ونطلع عالشط نتغده بس أحنه البنات انتي شتكولين هيلين

تمام نطلع لعد نسوي دولمه

خوش والله

افنان/إني اذا قبل العينتين إجي

نور/ما يكول شي أني اكلو

منو العينتين ما اعرف وجنت ضايجه ما ليه واهس اسأل على شي شويه وسمعنه صوت شباب والبنات كالو خل نرجع طبينه كعدنه بالمطبخ نسولف معرف بس يعجبهن كعدت المطبخ وهم يكولن علمود نصب چايات

طب بنيه صغيره كالت

تعالن اخذن الچاي من يم الحبايب

نور /اي جايه

أفنان /كعدي هسه أني أجيبه

راحت أفنان تجيب الاستكانات

ونور سألتني هذا تلفونج

اي تلفوني

شو فتحي اقلب بالصور

اتدللي فتحنه التلفون وكاعدات نقلب بالصور طب شاب جاي يغسل عالسنك مال الأماعين وراد چاي للزلم ما أحس الا وصينية الأستكانات بحضني أنكبت كمزت من خوفي

نور /يمه اسمالله خوما احتركتي

ما حسيت الا وكلاص ماي انكب على ملابسي

هيلين /هاي ليش

الشاب /جا غير ردتي تحتركين

الأستكانات فارغات ما احتركت بس تدمرت ملابسي

نور/وجهج اصفر صار من الخوفه شجايج افنان لو مأذيتها

الشاب /افنان صيحي أمي وأمشي رجعي للبيت

أفنان /شبيك يوسف ترا ما عالقصد

يوسف /مو من افتح حلكي اسويها مهزلة أمشي كدامي يلا صيحي لأمي وارجعن عالبيت

أفنان/يو

باوعلها بغضب سكتت وراحت وأني ملابسي صارن مي

يوسف /أعذريني ترا ابالي احتركتي وصبيت الماي

هيلين /لا عادي

نور أشرتلي على صدري باوعت الفستان يخايل بسبب الماي كبل ولازك على صدري وخرت الفستان وكلت لنور اروح اغير ملابسي واجي

ديلا أنتضرج..

سارة أخت نور /اجي وياج

اي عادي تعالي

صعدنه فوك جاي اطلعلي ملابس من الجنطه

سارة /ترا متعمده هيج سوت

منو

يعني منو غير أفنان

لا خطيه مشفتيها خافت

علمج بالغدير الجان مليان حيه من تحت تبن كدامج لسانها عسل تخجلج بالسانها بس وراج تحجي عليج

ممسويتلها شي اني

اعرف بس هيه

هيه شنو

لا كلشي غلسي اني اطلع انتضرج يم الباب الى ما تبدلين

تمام

غيرت ملابسي ورتبت شالي وطلعت

ساره/تعالي نكعد يم الحبايب شويه

يلا امشي

مزلنه من الدرج صاير من الهول يعني الدرج بنص الهول معرف اشون مصممينه حسيتهن حياكلني بعيونهن رحنه كعدنه يم امي والحجيه

الحجيه /ها حبيبه شو بدلتي

تنكعت

شنكعج

كلت بكلبي هسه شجاوبج

ساره/حجيه وكعت عليها صينية الچاي

يمكموعات خوما احتركتي حبيبه

لا حجيه ما بيه شي

اي زين بعيد الشر عنج

تسلمين حجيه

انتي ما تتزوجين اخذج لوليدنه الجبير

حجيه ما أتزوج أني شلون اعوف شغلي

الشغل مو اهم من العرس تستقرين وتملينه البيت جهال

همست هوا بيتكم مليان جهال

شنوو ترا ما اسمع شويه سمعي

حجيه اني  ما اكدر اعوف شغلي  احبه انشاالله تلكوله بنت الحلال

انشاالله انشالله راح نبقيج يمنه ما نرجعج ويه اهلج ناخذج لوليدنه الجبير

ابتسمتلها ابتسامه مزيفه تعبتني ههههههه

ساره/تعالي اشوفج غرفة هيثم

يلا امشي كلت بكلبي بس دخلصيني

طلعنه وكالتلي

ساره /لا تضوجين الحجيه دومها هيج ويه الكل

لا عادي

طببتنه لغرفة هذا الحلو نفسه

هاي غرفة هيثم مصار شي من اشتراها متشوفين حبوبه تريد تزوجه

كلت بكلبي اويلييي شكد احب عجوزكم وسوالفها طلع تريد تخطبني لهذا الحلو

هيلين /اي مبروك حلوه شايفين خيرها

خير يصيبج امشينه نفتر اشوفج بيتنه افنان وراحت

افنان شعليها

يبووو عبالك هيه ام البيت ونشبع رزايل ووجهه متين وكلهم يحبونها اني يطير عقلي منها مع انها بنت عمي

ليش

شوفي مره حبيت شاب سن مراهقة وانعجبيت بي شوفي جنت من اروح للمدرسه اشوفه يوصل اخته يلي هيه صديقتي اخر شي جنت رايحه للمدرسه واخته بالمدرسه كالتلي يحبج وراح يتقدملج جنه سادس ابتدائي اني وافنان وكالتلي كدام افنان اني جنت ثاقه بيها ما عبالي راح تتنيعل حيشاج وياي ومن رجعت كبل بحلك هيثم بوكتها مسكني صالح موتني اخ ومن حقه يخاف على اخته بس افنان عدها غيره ورايح عالولد ماسكه جاتله وبطلوني اهلي من المدرسه لأن احنه البنت من تخلص سادس تبطل والولد حتى ما شفت وجهه وراها وهواي شغلات هاي زلاطه نكعد كعده طويله واحجيلج

خيرها بغيرها الله يعوضج بشخص احسن منه شوفي رب العالمين يحبج وبعده عنج هذا مو رجال يعني هيثم رايح كاتله المفروض ثاني يوم يجي يجيب اهله ويخطبج ولينضحك عليج ويكلج ما عندي اذا اجه وخطب مراح يدفع فلس واحد بس راح يضمنج ما تصيرين لغيره ومن يتمكن يسوي عرس ف هوا لو رجال حوك جان اجه وخطبج بس يجوز جانت نيته يضحك عليج فراح يعوفج ويكسرج  او اذا كان صدك  يحبج بس خاف من اخوج فهذا اذا تزوجج مراح يكونلج سند راح يبقى جبان  شوفي رب العالمين شكد رحيم بعدج عنه قبل لا يأذيج ويكسرج

هم صحيح تدرين جنت انقهر واكول من وره اخويه خسرته وابجي بس كلامج قنعني تسلمين حبيبه وباستني.... انتي هم تحبين

لا

ليش انتي شوفي ابوج منطيج الحرية بلبسج وكلشي تكدرين تحبين

شوفي حبيبتي سوسو الحب هدية من رب العالمين والشخص المقسوملج لو كلها ترفض حيصير من قسمتج وعلى طاري الحريه شوفي مو لازم اذا شفت حرية انتهز الفرصه واسوي علاقات تدرين هذا اكبر غلط اثنين ابويه انطاني حريه لأن واثق مني شلون اخون ثقته واروح اسوي علاقات شنو وجهي منه الشخص المناسب اللج مكتوب اللج وبالوقت المناسب... جاي نحجي وطبت نور

هاي وين رحتن مساع ادورجن اكول وين تفرهدن

هههههه اجيت اشوفها غرفة هيثم.... صدك اكلج النان راحت. لو بعد....

لا راحت ما شفتي اشون نتر بيها خجلها خطيه وهيه ما مسويه شي

بنات اني غفلت اريد انام دلوني عالمنام حتى افرشلي

مو دا نتعلل

هاي شبيج نور تدورين تعاليل وخطيه هيه هالكها الطريق.. حبيبه امشي ادليج وينهن رحنه ونور ويانه

نزلولي فراش وغطه ومخده....  نور خل ناخذ فراش امي هيلين وعمتها نفرشلهم

ديلا خوش... تعاونه واخذنه فرش ورحنه فرشنه

تصبحين على خير حبيبه

اي والله تصبحين على خير

وانتو من اهل الخير عمري

يربي ما صدكت سديت الباب وراهن شلحت الشال وتمددت خابرت براء مشغول عرفت دتحجي ويه انسام

طبيت لكروب الدكاتره مقلوبه شكد مسولفين سائلين عليه وين هيلين وهيلين ليش ما اجت... محبيت ارد واكللهم بالديوانيه نشرت فيديو. اول من طبينه الديوانيه عالستوري وغمضت واني افكر بجماله وشخصيته لهيثم بقيت احجي ويه نفسي الا غفيت ... كافي نامي شبيج تفكرين بي اصلا هوا مغرور وما ينعاش عدهم انتي متعوده عالدلال وبعيدين انتي متكدرين تبعدين عن اهلج وشغلج هما ميخلون مره تشتغل  ضليت هيج افكر الا نمت

كعدتني ماما الصبح ما اكدر افتح عيوني مشبعانه نوم

يمه خليني نايمه والله تعبانه

كومي عيب من ايمت كاعدين الناس بس يستحون يجون يكعدونه

فتحت تك عين وشهكت

يمههههه

اسم الله شبيجج

دشوفي الساعه توها ب٨

اصلا اكو بيهم كعدو عالصلاة ومرجعو نامو طلعت دتوضه واصلي نور وساره يشطفن

ليش ما كعدتيني عالصلاة

مليت واني اكعد بيج حتى ما تدرين بنفسج

اهاااا

ديلا كومي غسلي دنرتب فراشنه وننزل نتريك

عمتي.. يبوو اني شينزلني

اني انزل واكللهم هيلين بقت يم عمتها لأن ما تكدر تضل تنزل وتصعد ودرجكم عالي

تمام

بس امي طلعت الغرفه غطيت راسي

كومي لا عبالي امج راحت اني ما اخليج تنامين من قبل لا كعدتج وصتني ما اخليج ترجعين تنامين

ايباه ايباه

هههههه ديلا كومي عزلي وروحي غسلي

كمت رتبت الغرفة واخذت فرشاة الاسنان وكلينس انشف بي وجهي مو اتنجس منهم لا بس متعوده بشرتي كلش حساسه والخاولي من وجه على وجه

ورحت دغسل شفت ساره جاي تمسح بلول (كزاز) كطشر وافنان طلعت من غرفة هيثم

اشون ميانه طابة لغرفته مو عيب اذا جا ولكاها بغرفته باوعتلي وعوجت حلكها كلت بكلبي... هاي شبيها... والله مدري خبله

غسلت وكملت ورجعت لكيتهم مخلين صينية الريوك

يمه شبسرعه هاي

من انتي طلعتي شويه واجت ساره كالت شفت افنان راحت تغسل عرفت كعدتو نزلت محضرين الريوك سألت عمه كالت ما يكدرن ينزلن وجبت ريوكجن

اني ما ليه نفس العسل نفسي دتلعب انتي أكلي

ما اكل الا انتي تاكلين انعل ابو الدايت راح تموتين ترا

ههههه مو قصة دايت بس نفسي ما تشتهي شي

دشوفي الدهن حر والزبده والكيمر والمربه والخبز حار

هسه تخلين كيمر بالخبزه وفوكه شويه مربه اويليي شطعم

والله راح تكسبين خطيتي هاي من جيت بس أكل وكله دهين واني معدتي ما متعوده

يمعوده دكلي وهجام

ههههه كعدت اكل وياها عالواهس ولو ما ليه نفس بس خطيه تضوج تاكل وحدها

ها يحبيبات شلونجن

هلا نور الحمدلله انتي شلونج

والله الحمدلله

اكلن حبيبة اكلن اني بس جيت اشوف خاف تحتاجن شي

لا حبيبتي سلامتج وعاشت ايديكم عالريوك

والله حبيبة وكت غده بس لان توكم كعدتو فواحد ما يشتهي الطبخ

اني بالبيت ب٩ بعد ما كملت اشرتلي عمه يعني اسكتي

اي شبيج ب٩

هيلين /كلت بكلبي خل اتفيك واتجذب كدامها خاف تسولف كدام اهلها وفشله من هيثم الحلو  هسه يكول بكلشي عوجه.. يوووه  لو تشوفيني بالبيت ب٩ تشوفيني فاره البيت فر تنضيف وترتيب وجاي احضر الغدا بس لان تعبانين نمت

عفاج ماكو احسن من الشغل واحد بشنو يلتهي غير هيج يلا الف عافيه اكلو على راحتكم اروح هسه يريدوني لان ما يكدرون بلياي

هلا عمري اخذي راحتج

راحت وعمتي كالتلي.. شبيج عيب هسه يكولون ما ماخذين راحتهم عدنه ويتشكونون

هيلين.. بس صحيح احنه ما مرتاحين

صريحه الأخت

هيلين. كلششش

من هذا هستوج جذبتي جذبة اكبر من راسج شكد عيب ولا استحيتي هههههههه

هيلين.. هههههههه

كملنه اكل ونزلت جوه عمتي كالت اني ما اكدر الروماتيز  مأذيها فبقت فوك كالت وكت الغده انزل

نزلت وجانو ملتمين الهوسه رايحه بس موجودين افنان ويوسف واهل وبيت صديق ابويه حتى الحجيه مدري وين رايحه

صباح الخير

كلها كالت الدنيا ضهر يا صباح

ضحكت وكعدت يم ماما... لعد بابا وين..

ابوج راح عالبساتين اخذوه.... هسه يجيج ماخذله كومه صور.... هههه والله هوا من راح يكلي تعالي هم نوخذ صور

بس هنا الحجيه كالت العصر تروح هيه والحبايب

اي روحي شوفي اشون خضار مكان يجنن

يوسف.. رحتي للشط شفتي

اي رحت ويه البنات

نور... لو تشوف شلون جدر دولمه حضرنه الا يخبل حامضه ورغده على طلب هيلين

يوسف... يلا اني اوصلكم. بالسياره.. ردت عليه ساره... لا تعيش ورحمالله والديك كريب نروحله مشي

ردت نور.. اللوتي عباله دتعبؤ علينه هوا ما يعترف ويكول دا اجي حتى اقطكم بصحن دولمه

عاد هوا صحن شجاج عليه شكد جلف... اشوف شكد حلوه لمتهم بدون ما اشارك.. ردت عليهم ساره كالت يلا وصلنه وتدلل خوش صحن دولمه ننطيك

والله مو عالدولمه بس صعبه انتن والغراض والجدوره ترحن مشي

ساره... اي والله اني اتكاسل امشي منا لهناك..

يوسف لابس دشداشه وجراويه والسبحه بيده ابيض وعيونه خضر ولحته ضاربه على اشقر بس كلش ناعم وضعيف احس ملايكتله الدشداشه

نزل هيثم من الدرج بهيبته وعطره سبقه بس. العطر اليستخدمه حسيت معرف ريحته مو كلش طيبه

قويه عبالك صابون

هيثم. ها شنو الحجي وين

ردت عليه امه

اخذ ابو هيلين ونزلو عالبساتين

ها خوش والحجيه وين

الحجيه راحت ابن فطيم الجرجيس مات وراحت عالفاتحه

هااا الله يرحمو مريض ارتاح من مات

مبين من ربعي اللي ينامون للضهر..

جاي يسولفون واجاني مسج من براء كاتبتلي اجو أنسام وأهله

رديت عليها.. اي وشصار بشري

شبشر اخوي راكب راسو يا المهر كامل يا ما انطي وهسه كاعدين بالاستقبال معرف شنو حيصير

لا تتوترين انشاءالله خير

يا ما اتوتر حطك حموت خايفه خايفه

توترت وياها وخفت

يلا اجو يريدون نفاضات اروح انطيهم

كملي وتعالي

لا دشوف شيصير واطلع اخابر السكرتيره اجيك الوضع مال العياده دشوف اشون طامسه اليوم حتى شغل ما اشتغلت وانتي داكه عليه

اي والله دكيت

يلا حروح بليل نكمل

اوك

اوك باي

باي هلا بنونتي

بقه بالي يمها رفعت عيني يوسف عينه عليه صافن

بسرعه درت نضري عنه  دنكت العب بأضافري لأن توترت كمت اكشط الصبغ مالهن شكد عينه قويه ليش هيج جان يباوعلي

رفعت راسي  جان عينه عليه من شافني انتبهت كبل كال..

يا الله يا رب عليك اتكه على افنان وكام كال تردون شي من الدكان

هيثم كاله جيبلي جكاير باكيتين

والبنات رادو حلويات علمود السفره

ب ١١ونص البنات كامو يحضرون للسفره واني وياهن عالواهس اعاونهن بس افنان وما ادراك ما افنان كلما اسوي شس ميعجبها

كالولي خل شكر من السطل علمود اهم شي الجاي

بديت اخلي شكر بالشكردان (علبة للشكر)

اجتي افنان جرت مني الشكردان كالت روحتي الشكر جيبي اني اخلي سوي غير شي

شكد خجلتني يعني فشله واني ما وكعت شي بالارض بالعكس شغلي يترتيب وحرص

دنطلع والبنات خابرو يوسف سألو وين صارن الحلويات وهم علمود يوصلنه كال  اشتريتهن بس والله طلعتلي شغله ورايح خلي هيثم يوصلكم

نور كالت نروح مشي ردت عليها افنان اي والله نتمشى اطيب

طب هيثم كال وين تتمشن خلن الغراض بالجيب مال العذاري باوعتلهن مستغربه شنو عذاري ضحكت ساره كالت... يولي هذا البيكم يسمي عذاري والجيب صندوق البيكم.. ردت نور كالت ترا احنه هم نسمي بيكم بس اخوي ماخذ لهجة صديقو ههههه

كتلها هسه غير عايش وياكم لهجتكم تكون واحد ردت عليه افنان عيني صديقه ساعه وكت وياه وهوا هيج يسولف شعليكم بي اكلتو اكل

... وانتي شبيج دقتج الشوكه اني وخواته ننجاز..

خطار وتتفيكين براسنه وفارضه نفسج والله شجاني كلام...

ردت ارد عليها تذكرت احنه خطار عدهم عيب

كلت لساره يلا نمشي

اي يالله

مشينه  واسمعها مدري شنو تدردم ويه نور ما ردتلها بال بس حجيها ضوجني خطار عدهم ومن جيت مراكبه راسها وياي ومنغوزه (ضايجه مني)

طلعنه هيثم مشغل السياره

لهنا وينتهي البارت

بقلم الكاتبه ♕(bmbsh_beme) ♕

احنه نسمي علبة الشكر شكردان انتو شتسموه 😂

♕بقلمي.. الكاتبه bmbsh_beme♕

جمال هذا الگون

قلوب تدعو لبعضها بِـ الخير ،،

فَـ اللَهُم إني أسالك راحة القلب والبال

لي ولگل من يقرأ أحرفي🥺🤲

اللهم صلى وسلم وبارك على سيدنا محمد

........................................................................

طلعنه هيثم ينتضرنه واني نفسي كامت تلعب اريد اتقيئ(استفرغ) افنان كبل كمزت كعدت يمه من كدام يااا شنو من بشر المفروض خواته يصعدن وضجت منها ليش تصعد هيه جاي افكر وصاح هيثم

يلا هيلين شبيجج صافنه مو دوصلجن وورايه شغل

كلت بكلبي شكد زنيفطه(عصبي وميعجبه شي )

صعدت بحوض الوره يم نور وساره

نور كالت لهيثم ودينه نروح نجيب لبنى ورحنه العرفته لبنى بنت عم هيثم شويه ووصلنه لأن كريب نزلنه شويه بعيد عن المي وكال انزلن يلا

نور... هيثم يم المي نريد وين دتنزلنه... وين تردين كبال الرايح والجاي....

نور... منو يجي محد يجي

لا تناقشين نزلي يلا... نزلنه جان الجو يجنن بشهر العاشر نسيم بارد يجنن والمنضر رتبنه المكان وحضرنه الزلطه وكعدو البنات واني احس شي ببلعومي اختنكت

يلا هيلين اكعدي خل ناكل

أكلو أنتو اني نفسي دتلعب.... احنه علمودج اجينه

معليكم بيه أكلو انتو الف عافيه... ساره شالت سلك من الدولمه ولحت عليه الا تطعمني تكلي من تضوكينها شكد طيبه تاكلين اكلتها منها لو تسممت ركضت بعيد عنهن وبديت اتقيئ (استفرغ) وخطيه ساره تطبطب على ضهري جابتلي ميه غسلت حسيت شويه ارتاحيت ...كلت لساره

هيلين.. ساره امشي روحي تغدي معليج بيه

ساره.. لا ما بقالي نفس من اشوف واحد يتقيأ كدامي اني هم اتقيأ بس لأن معدتي فارغه ما تقيأت

انقهرت عليها من وراي ما تغدت كعدت اقلب بالفون خلصن غدا وشالن السفره وطلعن كرزات وحلويات

نور كالت.. بنات تروحن عالمي.. ردت عليها ساره.. مو هيثم كال لا تروحن

نور.. دمشينه ناخذ صور بموبايل هيلين يضلن ذكره

ساره...يلا امشينه وباوعت على افنان وكالتلها

ما يحتاج نوصيج ما.نريد هيثم يعرف نزلنه للمي بعدين نترزل وناكل خ.... حيشا السامع

أفنان... شبيج عليه ساره شدخلني بيجن واني هم اريد اخذ صور وياجن

ساره... خوش

رحنه وبدينه ناخذ صور وافنان هم اخذت صور ويانه وضحك وسوالف لحد المغرب ورجعنه مشي نور كالت ما نخابر هيثم هنا خطوتين والاماعين وفرغن..

رجعنه نتمشى بس امشي ومعدتي احسها تتقطع من الوجع ودوخه براسي

ما صدكت اوصل طبينه بابا جاي وكلهم كاعدين بالهول

كال هيثم ليش ما خابرتوني اجي اخذكم.. ردت افنان ماكو داعي الطريق قريب اشوفه عيونه صارت بكصته هذا شبي عصب

واكفه وحسيت الدنيا صارت ضلمه بعيوني وكلبي راح وحسيت رجليه ما عاد يشيلوني واريد امشي رجليه ارتخو وكمت اوكع وامسك بالحايط لحد ما سمعت صوت بابا صاح هيلين وما عاد دريت شصار فتحت بابا واكف يم راسي وماما ماسكه ايديه تفركهن والباقين واكفين

هيثم... هاي عمي مابيها شي شوفها

بابا... ألف الحمدلله بابا شبيج خوفتينه عليج

معدتيي

هيثم. شبيها معدتج

نور... من جنه بالبستان استفرغت وما تغدت

يوسف.... اروح اشغل السياره وناخذها عالمستوصف

رد بابا اي والله بلا زحمه عليكم

رد هيثم ماكو اي زحمه عمي

ساعدوني تعدلت واخذوني للسياره وماما تكول وجها اصفر من فاتت اخذوني بابا وهيثم والحجيه ماما رادت تجي بابا ما قبل

وصلنه المستوصف طبينه جان مليان

هيثم... عمي ابقو هنا اشوف دكتور جهاد بلكي موجود يطببنا كبل

بابا. خوش

شويه واجه كال ميحتاج نروح كلنه هوسه المكان

ابقي عمي انت والحجيه شيطببكم بنص هالعالم

ابويه ما راد يبقى يريد يجي وياي بالو يمي بس علمود ما يعرف جهاد منو فخله هيثم ياخذني عليه

طبينه لغرفة الدكتور

اني اباوع للدكتور ولهيثم انتضره يحجي

كال هيثم

هيثم.. هاي منج للدكتور احجيله

دكتور معدتي من الصبح عندي لعبان نفس واريد بس اتقيأ الضهر تقيأت وشويه ارتاحت معدتي بس حسيت صار عندي خفقان

هيثم...اي ووره الخفان داخت ووكعت

الدكتور.. زين انتي شكلتي ششربتي الصبح

اني متعوده عالأكل الصحي علمود الدايت

الدكتور.. جيد جدا

اي ف البارحه تغديت اكل دهين وكثرت وتعشيت عشه دهين واتريكت ريوك دهين

الدكتور... هسه اكتبلج علاج وانشاءالله تصيرين زينه

هيثم.. زين دكتور ليش صارت هيج

الدكتور.. واضحة هيه معدتها ما متعوده عالاكل الغير صحي واكلت غير صحي ولو ماكله وجبه وحده ما تأذيج. بس ماكله وجبتين عوفك من الريوك لان ما يأذي

بس الدهين اذاها وهيه مبين ماكله بكثره

مبقالي حيل احجي انطاني علاج وطلعنه وبابا تلكانه ملهوف من خوفه عليه طمنه هيثم ورجعنه

بالطريق كالت الحجيه.. يحبيبة انتي مو. دكتورة جا ما تعرفين شبيج ما بيج.

رد ابويه.. حجيه هيه اختصاصها أسنان

الحجيه.. اي بس دكتوره غير درسة عالدكاتره

هيثم... حجيه كل دكتور اختصاص شكل هسه دكتور الاسنان يدرس عالاسنان ودكتور الجراحه يدرس عالجراحه

الحجيه..... هااااا زين زين

وصلنه وبابا مقبل يبقى يريد يرجع وما خلونه نرجع صديق بابا حلف ما نرجع الا اني اصير زينه

طلعت للغرفة الفوك ماما طلعتي اخذت العلاج واحس نعست وعمه خطيه تمسح بكصتي وكل شوية تسألني خوما يوجعج شي لحد ما غفيت

كعدت على صوت امي والحبايب. وام يوسف هم موجوده

امي.. ها وليدي اشون صرتي... كتلها لا الحمدلله زينه

حسيت جسمي تعبان وبي خمول بس مكتلها خطيه يضل بالها

شويه وطبت ساره جايبه علاليك كعدت يمي وكامت تفتحهن كلهن أكل

ساره... وهاي هيثم راح اشترالج شي صحي تا تاكلين

حسيت نفسي جوعانه لان معدتي فارغه طلعتلي شوربة ومركه حمص وفلافل وتكه وزلطه وكاسه بس كرافس مثروم ناعم يشهي عالأكل أكلت وشبعت واحس ام يوسف نضراتها اكلتني اكل احسها تباوعلي بقرف بطرف عينها ابتسمت بوجهه شو عوجتلي حلكها همزين ما منتبهات الحبايب كلت بكلبي هاي شبيها

طلعت غسلت ورجعت اخذت علاج برجعتي سمعت صوت خطوات عالدرج التفتت هيثم من شافني كالي..

هيثم.. ها خويه اشون صرتي

كلت بكلبي خويه بعينك امداك اخذني عالدكتور وجابلي عشه عبالي معجب اني هم راح اصير اضوج منك بسيطه

هيلين... لا الحمدلله خويه صرت احسن

شفت نور جايه وره هيثم بس لونها مخطوف

طب هيثم للغرفة ونور كالتلي دزي ساره بطريقج من تروحين خل تجي كليلها هيثم يناديج

رحت ساره دتشيل الأكل كتلها

ساره هيثم يكول خل تجي

ردت ام يوسف... يعني هيثم كالج صيحيلها

هيلين.. لا نور كالت كوليلها هيج

ساره حسيتها كامت تشيل باستعجال لملمت الأكل بالعلاليك وراحت عالسريع

اني كعدت يم الحبايب ارتجيت راسي هالحايط وفتحت بيانات براء دازتلي مسج.. وينج هيلين

دزيتلها.. هلاو عمري موجوده من تشوفين راسلتي ردي عليه طمنيني

ورحت اشوف صور الأخذناهن طبت ساره كالتلي تعالي كمت وياها تونه دنطلع الغرفه كالت

ام يوسف.. خير انشاءلله خوما اكو شي شو وحده وره اللخ يصيحها هيثم شنهي مسويات مكسوره ولكفجن

ردت ساره... فال الله ولا فالج بس بنيتج ما تكضب لسانها تشد فتن بهالبيت تراها سوتلنه مشكله

توها دتحجي ام يوسف وساره جرتني من ايدي كالت امشي ما عليج منها

نمشي بالممر ونحجي

هيلين... شكو شبيج

ساره... هسه تعرفين

طبينه لغرفة هيثم

نور كالت... تعالي هيلين مو افنان هيه اخذتنه للشط

معرفت شحجي هيه نور اخذتنه للشط افنان شعليها هسه شكول اكول نور انتي اخذتينه خاف يرزلها واذا اكول افنان ف اني راح اكذب واتهم البنيه شنو خطيتها

هيلين... ماكو داعي تغبين عليه باوعت لهيثم وكتله

اني لحيت عليهن هنا ما رادن حتى كالن هيثم ميقبل بس اني ردت اخذ صور وكتلهن ورحنه اخذنه صور ورجعنه ما تأخرنه

هيثم... خوش هاذهوا روحي

طلعت واسمعه يكول لنور لمن هيج الحجي عليش تتهمين بأفنان

رحت بالممر ووصلتني رسالة من براء وكفت وفتحتها دازتلي مسج.... اني موجوده انتي وينج

هيلين... اشونج

براء... والله ما اعرف شكلج بس

هيلين... بس شنو دحجي

براء... البارحه من جا انسام

هيلين... اي وشصار ترا بقه بالي دحجي

براء... اي جان جاي علمودي

هيلين... ترا حركتي اعصابي لا تفهين بحجيج كولي شصار

براء.... اجه انسام

هيلين.. ايي

براء... اجه علمودي

هيلين... دولي لا. تحجين هسه اروح اخابر انسام واسألو

براء... لا لا الله عليج تعالي

هيلين... احجي

براء.... باركيلي بكوني خطيبة أنسام

هيلين... تالي مو كتلج عوفي الفهاوه والشقه واحجي

براء.. والله شبيج البارحه جا جايب المهر(السياك) وعمامي جانو موجودين كاللهم هاي كدامكم اخو المحروسه كالي خلال فتره قصيرة جيب هلكد مهر واني اقل من هالفتره وجبت المهر هسه مو المفروض تصير حلالي

ردو عليه عمامي.. اذا هوا ما ينطيك اياها احنه ننطيك اياها

من فرحتي معرفت شكتبلها وشكللها

هيلين.. اهلهل

براء.. لا عيب عند العالم

هيلين.... ههههه اروح ابشر امي

براء... هههه دروحي يلا اني هم دروح اكل جوعانه

هيلين.. ألف عافيه

رحت لأمي كعدت يمها كتلها أنسام خطب براء

لان كلهم يدرون بانسام يريد براء

ردت امي.. اي عمج خابر ابوج كاله هيلين.. شعجب ما كتولي

أمي.. نايمه وين نكلج

بقيت يمهن وساره اجت كعدنه نسولف ونتعلل والنسوان وامي كاعدات يتعللون

هيلين... ساره شبي هيثم وياجن

ساره.. يمعوده خليني ساكته بقهري

هيلين.. ليش

ساره.. شوفي مو رحنه واشون تونسنه هاي العوبه رايحه كايلتله نزلن للشط اخذن صور

هيلين... يعني هيثم كالج افنان كالت

ساره.... لا يكول شفتجن من بعيد يم الشط

هيلين.. لعد لا تتهمين ألبنيه خطيه

ساره... حقج تحجين هيج لأن ما تعرفينها

ساره.. ولج يووه حتى

هيلين... اي

ساره... غلسي...

بقينه نتعلل لحد ما راحو كلمن راح نام وامي نامت وسهام اكللها ابقي تعللي وياي تكلي انتي لا نمتي المغرب كله وتدورين تعاليل ونامت طكت روحي ما اكدر انام

اتصلت على براء مشغول

احسن شي اشوف الكروب مال الدكاتره منو كاعد

فتحت الكروب بس كم دكتوره

بقيت كاعده اسولف ويه الدكتورات اللي بالمجموعه لحد ما صار وقت النوم وكلها نامت واني اتقلب بفراشي ما اكدر انام من العصر لليل اني نايمه يربي شيصبرني دورت رقم براء رجعت اتصلت مشغول خرب ببليسج براء اريد يوم اخابرها بليل ما دتحجي ويه انسام ماكو كمت قلبت بتلفوني ساعه هيج

تقريبا وماكو مليت باوعت. للساعه هستوها ب١٢هسه شلون كلت بكلبي هسه كلها نايمه اطلع للحديقه شويه باوعت لابسه تراك كلت عادي كلها نايمه خليت شالي على اكتافي وطلعت يووه الطابق الفوك ضلمه شويه الدرج يجي منه ضوه

طلعت اتمشى على اطراف اصابع اقدامي حتى لا اطلع صوت احس الحديقه صارت شبعدها خل بس اصل المطبخ أمان هههه

طلعت صوت الحجيه كحت

الحجيه... احم احم

كلت بكلبي الا هسه تكعدين يلا شيطلعها للحديقه

طبيت للمطبخ ارتاحيت اخذت نفس باوعت للثلاجه استحيت افتحها وأكل احسها مو من الاصول طلعت من المطبخ للحوش ضربتني نسمة هوه تجنن

رحت للحديقه كلها جانت كلش جبيره بيها مرجوحه كعدت بالمرجوحه ورجعت راسي باوعت للسما شكد صافيه وصوت الهوه غمضت ريحة الخضار بالحديقه ويه برودة الجو مريحه للأعصاب مغمضه وحسيت

اهتزاز تلفوني لأن سويته عالرجاج خفت يجيني اشعار شي ويسوي صوت باوعت براء بعثتلي مسج

بنو... هيلين انتي اتصلتي عليه جنت احجي ويه انسام

وهسه راح واجيت دنام شفت مكالمتج

هيلين... تنامين

بنو... اي انام

هيلين.. مو من عوايدج

بنو... تكاونه اني وانسام وانقهرت اريد انام

هيلين... يبووو شبيكم شكد تتكاونون

بنو... يكلي ليش تنشرين صورتج عالحاله

هيلين.. حقو ليش تنشريها

بنو... ترا خليت ايموجي على وجهي ونشرت

هيلين... غيري يغار عليج

بنو... ترا خانكني بهاي غيرته

هيلين.. عوفي وفلشي الخطوبه

بنو... لا وين اعوفه

هيلين... لعد لا تتبجبجين انتي عاجبج

جاي تكتب براء وسمعت صوت كلبي رجف

الحجيه كحت  وفتحت باب المطبخ صوته عالي يزقزق يمكن دتطلع للحمام تكرمون ختلت وره المرجوحه لأن ضخمه وبيها (أأس مثل الحائط يتقلم ويصير اشكال محاوط الحديقه)

بس طبت الحجيه الحمام طلعت ركض فتحت باب المطبخ وصوته يزقزق يمه حسيت شبح وديركض وراي مشيت على اطراف اقدامي خوفي  كله لا احد يكعد ويشوفني ديكول شعدها ابيت الغريب تفتر والف حجايه تجيني طلعت الدرج وانفت احس

نفسي انقطع مشيت بالممر سمعت صوت هيثم يضحك وصوت ضحكته عالي

امشي واحجي ويه نفسي

يربي هذا شبي مخبل شبي يضحك  يااا شبيج عالرجال يجوز ديخابر صديقو لو شي طبيت للغرفة وحسيت بالأمان كمزت لفراشي  واتغطيت

وكلبي يدك عالسريع ونفسي سريع هديت شويه  لحد ما انتضم نفسي ورجعت احجي ويه براء كاتبتلي

بنو... غير هوا شويه يفتك ويبطل غيره

بنو... الووو وينج

بنو... هيووو وينج

بنو... انطمرت ما تكدر

رديتلها... جنت بره وسمعت صوت وطبيت جوه

بنو.... صدوككك من ترجعين اريدج تحجيلي عالجوله الفريتيها

هيلين... الله كريم خل بس اجي اشتاقيت لدوامي

بنو... شوفي دوامج رغم يتعبج تحبي واني أنسام رغم يتعبني احبه

هيلين... اوي اشتغلت المياعه خل اروح انام

بنو... روحي اني هم دنام

هيلين.. ديلا تصبحين على خير

بنو... وانتي من اهل الخير

نمت

وكعدتني امي الصبح كالت دا نرجع للبيت ابوج كال تريكو واتحضرو

هيلين /عمه سهام انتي تحضري حتى من تنزلين ما ترجعين تصعدين

سهام/عمه بعينج انتي بكد عمتج  مو كايلتلج صيحيلي سهام

هيلين/هههه هاي لأن نفس الطول سويتيني بكدج

ديلا سوهاممم

سهام/يلا انطيني عباتي

هيلين /يلا وهاي علاجج هم

نزلنه جوه خطيه مخبوصين ديسوون الريوك كعدنه جابو صينيه شكبرها انواع الألبان هما عدهم ابقار واغنام ودجاج وبالسطح طيور العرفته طيور اخو هيثم بس ما شفته لأن بالخارج

تريكنه اني اكلت لبن شويه وشربت چاي ما اكدر أكثر بالأكل ورايه طريق وتعب بعدين ترجع  تتخربط معدتي 

الحجيه كالت... حبيبة.. عاد هيه تطول الياء حبيييبه... أكلي اﻧتي تريدين تنكطعين أكلي وراج طريق بعيد

كملنه أكل وماما كالتلي... هلونه وليدي تحضري ونزلي الجنط والأغراض

تمام ماما.. طلعت لفوك وساره وياي طلعت طلعتلي ملابس شي مريح وراي طريق وطلعت رحت للمغاسل بدلت وطلعت واني اعدل ملابسي وشالي على كتوفي لاكاني هيثم كبل خليت الشال على راسي

هيثم... خويه مو كتلج شالج لبسي

هيلين... مستعجله شمدريني انت تطلع بوجهي وبعدين ما تدنك راسك

حسيته ضاج عافني ومشه طب لغرفتو رحت لساره مخليت ميكب لأن بشرتي محافضه عليها كلش صافيه خليت واقي شمس ومرطب شفايف وخليت ملابسنه والهوسه الجبناها ويانه بالجنط وشلناهن اني وساره ونزلنه

امي... يلا يا بنتي شصار عليج ابوج خبصه يكول دا نطلع من وكت، حتى نصل من وكت

هيلين.... خلصت يلا مشينه

طلعنه بره، بالحوش سلمه عالكل وجابت ام هيثم بطلين حليب وشايله علاليك وعلبه بيها دهن حر  ،،،،

امي مقبلت تاخذهن بس مقبلو كالو ما ترجعون ايديكم فارغه هاي اطباعهم يمكن

ابويه كال اصعد دحكت وين نصعد أشر على سيارة هيثم

العرفته هيثم ديوصلنه

احنه بابا ميشتري سياره ميعرف يسوق ويكلي  تعلمي حتى اشتريلج وكل مره اكول بعدين اتعلم وأجينه بتكسي

وصلنه هيثم للبوابه مال نهاية المحافضه عبرنه ونزل وكفلنه سياره نزلنه لغير سياره والطريق كله حاره نار هلكنه علما وصلنه

لهنا وينتهي البارت

بقلمي الكاتبة (bmbsh_beme)

حبايبي كاتبة مبدعة ادعموها(@hhooo66 الكاتبة حوراء)

تصويتكم عمريي

اللهم أصلح ما أفسده خلقك بقلوبنا، فأنت بها أحن وأرحم يا الله ، 🤍💫صلو على حبيبنه وسيدنه محمد

(اللهم صلي وسلم على سيدنا محمد)

.....................................

بقلمي الكاتبه♡(bmbsh_beme) ♡

.... ♕..... ♕...... ♕..... ♕.... ♕.... ♕..... ♕.... ...

نزلنه ابو التكسي وراح احس حيلي راح من الحر والتعب على حضي هذا اليوم صار حار مدري من الطريق احترينه لان الشمس تضرب بوجهنه فتحنه الباب طبينه للحوش رمينه الاغراض بالمطبخ ورحنه للهول اني وسهام

وابويه يفتر بلبيت يشغل المكيفات هوا وامي وأني جبت مي لسهام شربت ورجعت شربت مي اني هم وفتحت. الثلاجه فارغه كلشي ما بيها متعودين قبل

لا نطلع لازم نفرغها بابا يكول خاف يطفه الكهرب ويخرب الاكل وتصير ريحة عفونه وجراثيم تصير نكله ميطفه مستمر يكول يعطل شي

واني ما اكلت هواي عالريوك والطريق احس عصافير بطني كامت تزقزق

هيلين.. اني رايحه لبيت عمو تردون شي

بابا... لا روحي ما نريد شي بس اسأليهم ملولنه مي لو لا

تمام... طلعت دكيت عليهم الباب طلعلي عمو سلمت عليه

وكتله... عمو ابويه يكول ملولنه مي لو لا

عمي.... اي ملينه هسه انه رايح للاسواق أمر عليهم اكللهم واشوف يحتاجون شي من الاسواق

هيلين... ماشي لعد

راح عمو واني رحت للمطبخ لكيت عمه بالمطبخ احنه من النوع الميانه واني ما استحي منهم.

هيلين...اشونج عمه

عمتي....هلا بنيتي والله الحمدلله ايمت جيتو

هيلين... بيج المهلي تونه جينه

فتحت باب الثلاجه اشوف شبيها وأحجي ويه عمه.... عمه شنو تغديتو

برياني واشون برياني عالطباخ بعده حار

اخذت صحن جان بي شويه زلطه خليته يم عمه جانت تخلط كيك

وفرغت صحن برياني اخذت خاشوكه وكعدت يمها أكل واسولف

هيلين... شنو ايه وينها كل مره على صوتي تجي

عمه.... البارحه تدرين بيها من تعطل تشخلها بالسهر اليوم ب ٦كعدت دكعدها نروح نشتريلها ملابس اجتها المدرسه لكيتها متابعه فلم وما نامت رحنه عالسوك من رجعنه نامت

جاي تسولف وطب حسام

حتى ما سلم مدري شبي شكد معقد يربي واني هم ما سلمت عليه شرب ميه وطلع

هيلين... عاشت ايدج الطبخ كلش طيب جيت مشتاكة لطبخج وانوب جوعانه

عمه.. هههههه ألف عافيه وسلامات ابوج كال مريضه شجايج

هيلين.... الله يسلمج والله طبخهم طيب بس دهين وكثرت منه واني ما متعوده وتخربطت معدتي

عمتي... ما بيج غير العافيه انشالله

هيلين.. الله يعافيج عمه لعد أنسام وين

عمه.. والله مدري وين طلع

شلت الأكل وغسلت صحني وشربت ميه وكتلها عمه من تكعد ايه خل تجي والله مشتاقتلها

عمه.... دروحي كعديها

هيلين... لا خطيه عوفيها نايمه اني هم اروح اخذلي غفوا ومبروك خطوبة انسومي

عمه.. الله يباركلج

هيلين... يلا مع السلامه

عمه... مع السلامه هلا بنيتي

واني بالحوش جاي اعدل شالي لاكاني حسام بالباب

طلعت كبل وطبيت لبيتنه لكيت بابا بالحديقه يرش بيها

وماما وعمتي سهام وجيرانه ام أثير بالاستقبال

طبيت سلمت عليهن وكعدت يم سهام

كرصتها وحجيت وياها بهمس

هيلين... شنو عمتج شتريد

سهام... سدي حلكج

هيلين.... أحم أحم يجوز محمود اشتاقلج

سهام... اني اعلمج خل بس تروح

هيلين... هههههه

مره أمي جانت تحجي لأم اثير تكللها سهام ما خلينه دكتور ما وديناها وما تتحسن حالتها

ف ردت ام اثير كالتلها عندي ابني محمود اختصاصو هيج شغلات بس حاليا بالهند

وراها تقريبا سنه اكثر أجت علينه ام اثير وكالت لأمي ابني محمود بفلان مكان العياده مالته حجيتله على سهام وكال خل يجيبوها

وأمي اخذت عمه سهام وودتها فهوا انطاها علاج عمه سهام جانت متكدر حتى تمشي ورجليها بيهم ورم

على علاجه صارت احسن وكامت تمشي

وراها فتره راحت امي ودت عمه سهام عالمراجعه من رجعو بليل وره العشه كعدنه اني وعمه سهام علمود انطيها العلاج

.......

جاي اطلع العلاج واقره ياهو بعد العشه شفت مكتوب عالباكيت رقمه وكاتب جوه رقمه ارجو الاتصال

هيلين.... ياااااا هذا مرقمججح

سهام... دنجبي شهالحجي

هيلين.. وربي مسجل رقمه وكاتب ارجو الاتصال

شو كبل عمه سهام جرت مني الباكيت وكالت

سهام... ايا ما تستحي واني مطلعه رجليه تفحصهن كل. ما اجي حاط عينك عليه ايا ادبسزز اياا ما تستحي دشو بعد من يجي عليك

هيلين... كافي اكلتي حاصل فاصل

سهام.... مو عيب عليه رجال مشورب ولحيته طاكه

هيلين.... بس صدوك دكتور ايش هوا

سهام.. شتسوين

هيلين.. دكولي...

سهام... دكتور محمود مزاحم

بحثت عليه عالانستا كبل طلعتلي صفحته

طبيت للستوري منزل صور بالهند وشكله شباب كاتب ليت الشباب يعود

قلبت باقي الصور يطلع عمره ٣٠بس كلش مرتب باوعت لعمه مندمجه وياي هههه

وكفت دا اطلع لغرفتي وكتلها.... راح اروح وواثقه بيج ما تسوينها

سهام... شسوي

هيلين.. تخابرينو

شو هاي رفعت الباكيت وضربتني

عفتها وطلعت رحت نمت

وراها بشهر عمتي أجت مرجعتها وقافله متقبل تروح وكلنه نحاجيها كالت خلوني اموت ما اروحله وأحنه نخاف عليها

وعاندتنه وما راحت

وراها بيومين اندك الباب جان انسام عدنه طلع فتح الباب اسمعه يكول هلا هلا بيكم تفضلو

تباوعت من شباك المطبخ اهل محمود كلهم واشون كاشخين ومرتبين ووياهم مره جبيره يمكن جدة محمود

رحت للهول وكلت لسهام... اجه الحلو تعنالج شافج ما انطيتي مجال وما اتصلتي عليه وانوب ما رحتي على مراجعتج اجه عليج

سهام... شسويله

هيلين... مو جاي تعليله مثل كل مره هالمره اهله وياه

اباوع لعمه ضاجت وحتى ما حجت

اجه انسام كال

انسام... هلونه ميه وجاي

هيلين.. تعال خل انطيك ميه ودي

انسام... يلا امشي

طبيت للمطبخ اخذت دولكه وبديت امليها من ثلاجة الميه هاي المصفيه وتبريد واحجي ويه انسام

هيلين... معرفتهم شيريدون

انسام.... ولو انتي عرضي ما يصير احجي بس خوما اجذب عليج

هيلين.. خير شكو.

انسام... يمكن جايين يخطبونج

هيلين... ههههه شكد مطفي

انسام... ليش

هيلين... جو يخطبون عمه سهام وهسه تشوف

انسام... شمدريج

هيلين... هسه تشوف

انسام... اكو شي ما اعرفو

كلت بكلبي خوما اكله يريدها مدا يكلي شمدريج

هيلين... اكثر من. مره ام اثير لمحت لامي يريدون عمه سهام

امتلت الدولكه انطيته اياها هيه والكلاص وكتله

واثير متزوج وباقي ولدهم متزوجين بس محمود اعزب

انسام... والله يابه طلع عندج عقل

هيلين... لعد عبالك مثلك

انسام... خوش تقصفين اسكتي احسن

ضحكنه اثنينه وراح يوديلهم ميه واني اسوي جاي

اني وانسام مثل الأخوه وميانه..

ضليت اتراسل ويه براء والجاي فار وانكب عالطباخ

طفيت جواه يمه هسه امي الا تخبلني

وصبيت جاي ورحت دكيت باب الاستقبال صحت لأنسام انطيته صينية الجاي ورحت يم عمه سهام

هيلين... والحلو اجه يخطب الحلو احجي بهمس وامشي

عمه سهام باوعتلي بضوجه ودنكت كعدت يمها وسالتها

هيلين... شبيج عمه

باوعتلي بضوجه اكثر

هيلين... يابه سهام شبيج سهومتي

سهام... ما بيه شي

هيلين... دحجيلي انتي مو تكولين انتي مو بس بنت اخويه انتي بنتي وصديقتي

سهام... اي هسه وبعد.

هيلين... لعد دحجيلي منو مضوجج

باوعتلي وكالت

ما اريده يجي يخطبني

هيلين... ترا مبين نيته صافيه ويحبج

سهام... اني بحياتي ما مفكره احب بس مدا يطلع من بالي بس اني..

هيلين... شبيج انتي

.

كامت تبجي وكالت..... اني انسانه مو على حيلي اذا نزلت درج احتاج تساعدوني انوب ترديني اوافق بي وادمر حياته

. هيلين... ليش شناقصج باعي جمالج ترا انتي تخبلين وربي وردة وهوا شرايحله عليج كلشي ما بيج وهوا يريدج دتشوفي خطبج

عمتي من نوع اللي صاحبت خدود تنكرط وربي وكلش فقيره

سهام... ما اعرف الله كريم

امسح بدموعها وعيوني مغوركه بس احد يكلي بس تنز دموعي امسح بدموعها واحجي... كافي تبجين راح تبجيني وياج.. مسحت دموعها ورحت غسلت ورجعت يمها شويه وراحو بيت ام اثير

شويه وأجت امي يمنه كعدت عرفت الحجي الراح تحجي انو تجو يخطبون

امي... سهام بنيتي دحكي جيت احجي وياج بموضوع

سهام... اي احجي

امي... هذا دكتور اللي تراجعين عنده كل مره محمود تعرفينه ابن ام اثير

سهام... اي شبي

امي... اجه علمود يخطبج والولد حيل رايدج شوفي بنيتي اي بنيتي الله شاهد عليه حاسبتج بحساب هيلين ونحبج ونريدج ولا تكولين فاتحوني بموضع الخطوبه ما يردوني لا والله شوفي اني اكيف اذا تبقين يمي طول العمر بس اكول خاف هيه الها نفس بالزواج ف انتي وقرارج لا ترديلي خبر هسه ابو هيلين كاللهم يومين نشور بيها البنيه وهما خوش ناس تعرفينهم انتي فكري بهاي اليومين ايام وبعدها رديلنه الخبر

سهام... ام هيلين ما اريد افكر اني ما موافقه

ام هيلين.... بكيفج انتي هم فكري هاي بيدج يومين

سهام... الله كريم

بقينه كاعدين شويه واجو بابا وانسام كعدو يمنه مشغلين البلازما(التلفزيون) بابا ديتابع فلم واحنه نسولف حجه انسام

انسام... ها سهيمم تزوجين نريد نركص

هيلين... ليش احنه اهل محمود لو اهل سهام

اهل العروس يصيرون اثكال عيني

انسام... ميخالف نطرب اسبوع ونجيب محمود هنا نقشمره شويه ترا فطير ومطفي

هيلين... هاي الدكتور فطير لعد الماخذ شهادة السادس شنو

انسام... لو بس تسدين حلكج

هيلين... هاي لأن اقصفك

انسام... هههه ضحكتيني هوا انتي وينج ووين القصف

باوعتله وعوجت حلكي وكتله خايسسس

وهوا يضحك

صار وقت النوم انسام راح للبيت واحنه كلمن راح لغرفته طبيت للغرفه بدلت ومشطت خليت ماسك وبعدين عدلت حواجبي وشلت شوارباتي ههههه وكمت للتخت(جربايه) توني دنام كلت اراسل براء كمت ادور تلفوني ماكو ادور ماكو يربي وين راح

بقيت ادور لحد ما تعبت ماكو مليت هسه اذا انزل اكللهم اتصلو على تلفوني اريده هم ماكو داعي مو شي مهم وهم هسه نايمين

تمددت وغطيت راسي دنام وتذكرت تلفوني بقه بالمطبخ كمت نزلت جوه البيت هدوء وضلمه عفت ضوه الهول طافي طبيت للمطبخ ضلمه شغلت

الضوه واجيت للميز تلفوني ماكو اعوذ بالله من الشيطان الرجيم وين راح اني اتذكر من اجيت سويت الجاي عفته عالميز دنكت ادور جوه الميز

جاي اشوف تلفوني وين راح وحسيت شخص عبر بداخل الهول تعوذت الشيطان دورت تلفوني عالكاونتر ماكو خل

ادورله بالهول يجوز اخذته من رحت على عمه سهام او يجوز ما جبته للمطبخ اصلا شغلت ضوه الهول واجيت اشوف جوه المخده بمكان ما جنه كاعدين

وما احس الا وشخص لزمني وسد حلكي اريد اصيح ماكو اريد اعضه لازمني قوي حسيت للحضه اسناني حتتكسر اريد اتحرك ما اكدر كمت احرك ايديه وراسي دا

اوخره واصيح وما احس الا وخله شي على بطني وهمس اذا سمعتلج صوت هاي السجينه اطببها ابطنج خوش فصيري حبابه ترا اذا هسه اذبحج محد

يحس بيج ايديه ايد لازم حلكي وايد مخلي السجينه على بطني دموعي بدت تجري وهوا يردد بهمس هشش اذا سمعتلج صوت راح تموتين بيدي

يمشي ويمشيني وياه للحضه كلت حموت بأيده يربي ما اريد اموت خايفه واذا انذبح متلكون بيه دم من خوفي.. يمشي ويمشيني وياه

مشاني وياه للمطبخ وهمس... راح اعوفج بس اذا صرختي ارجع اذبحج وما اهتم لا لسجن ولا لموت

تروحين تجيبين شكو اوراق تخص ابوج تجيبيهن

واذا سويتي شي منا منا بيدي سلاح اكتلج انتي واهلج""""

شغل بابا حساس و اي غلط منه ينسجن او ينقتل

فكرت احسن شي بس يوخر عني اروح اكعد ابويه واكللهم ابويه بي ضغط وذبحه كبل يموت واذا

طلع عالحرامي حيكتل اهلي لا ميكتلهم ميكدر بس يسمع صوت بابا حينهزم

وخر ايده عن حلكي وكال

ها شكلتي

هزيت راسي يعني اي

ومشيت عنه لغرفة اهلي واني ناويه اكعدهم وكل ضني حينهزم وميسوي شي بأهلي

لهنا وينتهي البارت...

تصويتكم عمري

بقلمي الكاتبه (bmbsh_beme)

ماذا لو أهديتَ.. الصاحِب #هديةً

كَـ الصّلاةِ علىٰ الحبيبِ مثلًا!

اللهُمّ.. صَلِّ علىٰ مُحَمّدٍ وآلِ مُـحَمّد ♡🌱

♕

بقلمي الكاتبة♡(bmbsh_beme)♡

««««««««««««««««»»»»»»»»»»»»»»»»»»

امشي وكلي خوف مخايفه على نفسي اني انسانه شجاعه بس خايفه على اهلي طبيت للغرفه بابا نايم

وصلت يمه وخليت ايدي على كتفه وحاجيته بابا بابا

كعدت امي نومها خفيف باوعتلي وكالت

ها يمه شتردين من ابوج

احس لساني مكضوب

اريد احجي بعد ما اكدر كمت أاشر لأمي  على باب الغرفه ودموعي تجري امي خافت

كمزت عليه تنفخ على وجهي وتقره أياه اسمالله بنتي مدري شلون نطقت وكلت حرامي بالمطبخ

أمي شهكت وكامت تكعد بابويه وتصيح يمههه حرامي دخل للبيت ابويه كبل حفز من مكانه

وطلع واني وامي لحكناه ركض

ويصيح وينه وينه

باوعنه للمطبخ لازم السجينه بيده ويصحيح اليقرب اطبب السجينه ابطنه ادججكم واحد واحد

طلع الاوراققق طلعهنننن

ابويه.... دزوك عليهن مو

الحرامي... انت شعليك جيبهن

ما انطيك اياهن لو على قطع رقبتي انسان براءته وتخليصه من الاعدام بهاي الاوراق تريد انطيك اياهن انتو ما تخافون ربكم خافوه خافوه يحجي ويصيح

اجه يتقرب علينه ويحجي أاذيكم والله جيبهن وفضها يحجي بحزم بس حسيته خايف من رجفة ايده

ديحجي هيج وما نحس الا بابا هجم عليه واحنه نصيح  تقربنه اني وامي نوخرههم عن بعض

وجان نسمع ابويه صاح والحرامي ذب السجينه وركض طلع لمن شفت ابويه اشون بطنه بس تنزف دم وأمي تصيح اني بغير عالم شنوالديصير موقف

ما اتمناه لعدوي للحضه كلت خسرت ابويه

صحاني من صدمتي امي وهيه مخليه ابويه بحضنها وتصيح.. راحح يموتتتتتت سوييي شيييي ركضيي لعمامج

اني ركضت لبيت عمي وادك بالباب وادموعي تجري هجمت الباب هجم طلعو وهما يصيحون شاكو شاكو وفتحو الباب مخروطين من الخوفه

هيلين... ابويه

عمي... شبي ابوج

هيلين... ابويه اا

انسام وحسام ركضو لبيتنه وعمي يريدني احجي من خوفي رجع انكضب لساني عمي شافني ما احجي  عافني وركض للبيت

واجه حسام يركض طب للبيت طلع السويج وطلع السياره واني اركض وياه معرف شسوي تالي صيح عليه وخريييي شنو تردين ادعمج احنه بيه حال

طلع السياره حسام وانسام وعمي وامي شايلين ابويه وعمه سهام منتكيه عالباب وتبجي وامي تبجي وعمي وانسام يصيحون كلمن من جهه ويحاولون يصعدون بابا بالسياره واني اريد اروح وياهم عمي يصيح ماكو مكان رجعي للبيت  ابجي اريد اجي عفيه

حسام...حجه ويه امه وايه كال طببوها جوه

عمتي... شيصير انطونه خبر وطمنونه تحجي ويه حسام وعمي وامي ملبوكين يخلون ابويه بالسياره وانسام يقفل بباب الحوش.. وحسام شخط السياره وراح

طبينه ابيت عمي اني وعمه سهام وخطيه يهدون بيه وأيه بس تبجي ايه من النوع الخوافه

ايه... يمه عمو كله دم شبي خوما يموت  تحجي وتبجي

اني تخبلت... شلون تكول يموت

كمت اصيح عليها... شنوووو يموتتت يوليييي لسانج لا تفاوليننن

ايه.. و و والله مو بقصدي اني خايفه عليه

هيلين... انجبيييي لا تسولفين شي احجي ودموعي تجري حالي يبجي رفعت اصبعي بطريقة التهديد وايدي ترجف   اشششس الله يخليج لتكولين هيج عفيه بابا ما يموت ويعوفني اني ما اعيش بدونو سندي وقوتي حجيت هيج وشهكت وبجيت بصوت عالي

عمتي حضنت راسي وتمسح على شعري وتهدي بيه

عمتي... كافي تبجين بنتي كافي هسه يجيبوه كلشي ما بي شي

احجي وابجي واشهك... عمه كبال عيوني اخترق بطن ابويه بسجينته ح حتى طلع السجينه من بطن ابويه والمفروض يعوفها حتى لينزف ويموت طلعها من بطنه والدم جنت حنفيه وانفتحت

عمتي... كافي يا بنيتي كافي تبجين كومي غسلي حتى نخابرهم ونتطمن عليه هسه شويه ويخابرونه يكولون صار زين يلا يا وليدي

جاي تحجي وطب انسام

عمتي... سنو ما رحت وياهم

انسام... ما ليه مكان وخوما اعوفجن وحدجن

شو هلونه تعالي

وين شتريد ابجي واحجي

تعالي نتوضه ونصلي وندعيله يلا

كمت وياه وأيه ويانه توضه انسام للصلاة وراح يصلي وكمت اتوضه دصلي ايه حاجتني

ايه.. هاي فتحي المي الحار حتى يتكاسر ويصير دافي الجو بارد

مرديتلها ليش تكول يموت وتفاول على ابويه خلي تولي توضيت للصلاة ورحت وعفتها طبيت للهول لأن انسام بالاستقبال لفيت شالي ودموعي تجري توجهت للقبلة وبديت اصلي سجدة وبديت وكلت سبحان ربي الأعلى وبحمده ثلاث مرات وبديت ادعي لأن يكولون اثناء السجود تكونين قريبه من رب العالمين فتقرين سبحان ربي الأعلى وبحمده ثلاث مرات وتدعين التريدي بديت ادعي وأكول...

دموعي تنزل لا ارادي وابجي ربي ما اللي أخ يسندني ما اللي غير ابويه واني لجأت اللك ياربي لا تكسرني بي ياربي صيام لوجهك الكريم ١٠ايام اذا ابويه صار زين يا ربي يا ألله دخيلك ما النه غيرك بيتنه مبي رجال.وسند غير ابويه يا رب

كملت صلاتي وصدقت وبقيت كاعده بمكاني وأسبح وادعي لحد ما نعست حسيت راح اغفه وسمعت عمه تكول ها حسام..

كمزت للمطبخ واباوعلها اريد افهم شجاي يكللها بس تكله

اي

اي

تمام

انشالله يكوم بالسلامه

لا لا ما اخليهن يروحن.

اي خوش وشيصير خابرنه هاي بنيته هم كلبها محترك على ابوها

ها اي خوش تمام

سدت من عنده الخط وكالتلي

عمتي.. صار زين وباجر يطلع

هيلين... والنزيف

عمتي.. وقفوه

بس حسيت ملامح وجهه متتفسر

هيلين... الحمدلله شويه ارتاحيت طبت ايه كالت

ايه.. سهام فرشتلج انتي وهيلين يلا كومن لفرشجن نامن شوفن الساعه شكد

كمت ما حجيت وياها رحت للفراش تمددت وتغطيت ووجع بكلبي تذكرت الحرامي انهزم الله لا يوفقه عالسواه انشالله تطلع بي حوبتنه

نمت لأن عمه طمنتني كعدتني عمه الصبح كالت امج تكول جيبوها عالمستشفى تشوف ابوها

كلش فرحت يعني صار زين ابويه

هيلين... يعني بابا صار زين

عمتي... دتحضري اي

رحت للهول دا اخذ المفتاح مال البيت من انسام دروح ابدل والبسلي شي لأن اجيت بالتراك

هيلين... انسام مفاتيح البيت وينهن

انسام... عليش

هيلين... دروح للبيت

انسام ادري تروحين عليش

. هيلين... دا اجيبلي ملابس

انسام.. امشي اجي وياج اكفلج بالباب علما تكملين..

هيلين.. تمام.. مشيت للمطبخ بعدني بالباب اسمع عمه تكول لأيه

شلون اكللها تريدينها تتخبل

ايه.. لعد تروح وتشوف حالته

اي تشوف حالته شمدريها هوا مخطر ومحد يكوللها وهسه اوصي انسام لا يجفص كدامها

أيه.. يمه زين حالته يعني فد نوب

عمتي... البارحه حسام يكول كالو هاي اليومين يجوز الله ياخذ امانتو لأن حالتو ميسؤؤس منها وهسه اسكتي لا تسولفين شي كدامها

سمعتهن ومعرفت شحجي شسوي لا لا ابد ابوي ما يموت ابد ما يعوفني كمت ابجي اباوع انسام ماكو طالع كدامي طبيت عليهن وكلت

هيلين.. عمه يعني ابويه راح يموت.. اباوعلها متكدر تحجي متعرف شتحجي كالت... لا لا بنتي

عفتهم ورحت للبيت واحس رجليه كوه شايلتني طبيت للبيت مثل المخبله ووسام بالحديقه يدخن ويصيح شبيج يولي على كيفج لا توكعين طبيت للغرفة رجلي ضربت بحافة التخت دائما تصير بيه كمت ابجي بالزايد طلعت عبايه لبستها ولفيت الشال عدل حرام احد يشوف شعري

وطلعت امسح بدموعي واصبر بروحي طلعت للحوش قفلت باب المطبخ 

لكيت انسام بره ينتضرني عمتي بالباب واكفه كالت بنيتي انشالله يكوم بالسلامه لا تشيلين هم واني لوما ايه ما يصير تبقى وحدها بالبيت جان اجيت وياكم

طلعنه لطارف الشارع  اخذنه تكسي لأن السياره يمهم بالمستشفى

احس الطريق صار شطولت وصلنه ونزلنه انسام يمشي واني امشي وراه وهوا يمشي سريع وخطواته كبار ف اني اركض ركض وراه

المستشفى كلش نضيف لأن أهليه هابر انسام حسام وسأله وينهم بالضبط ورحنه عليهم باوعت بنهاية الممر عمو كاعد وأمي ماكو اكيد جوه يم بابا

رحت مستعجله صرت اسرع من أنسام وصلت عمي وكتله

وين بابا

اشرلي كباله فتحت باب الغرفه باوعت بابا ميبين من الأجهزه العليه وأمي ماكو خفت اتقرب عليه لا اطخ شي بالاجهزه ويتأذه بقيت معرف شكد اباوعله من بعيد وابجي لحد ما طبت دكتوره وكالت

عيني ممنوع من سمحلج تدخلين

هيلين... بعيده عنه مدا تشوفيني

ممنوع اني اتحاسب طلعي تجر بيه تريد تطلعتي  

حجيت برجفه... اباوعله من بعيد ما اقرب ابويه اللي كبالج ابويه شوفيه وهاي الصوندات اللي بحلكه والأجهزه تأذي باباتي ياذوك موو حشيلهم

قربت منه واجت مسكتني وادفع بيها واحجي وهيه تصيح للدكاتره اجه انسام لزمني يجر بيه يردون يطلعوني واني اصيح وابجي... عوفوني بابا ديتوجع خلوني اشيلهم بابا سندي اكعد والله لو يصيرلك شي اموت وراك...

جروني وطلعوني واني تهسترت ابجي سكتني عمي من كال

اعمي.. هيلين هدي شويه احنه هم تعبانين ومقهورين مثلج امج تعبانه البارحه ارتفع ضغطها ترا لو تجي تشوفج تنجلط

حجه هيج لو حسيت ضربني براسي ضلمت الدنيا بعيوني وما عاد دريت بنفسي الا وكعدت باوعت متمدده بغرفة اباوع للسقف شويه وركزت اني وين باوعت أمي يمي

حجيت.. ماما.... وبجيت

تعدلت حضنتها واحجي

يمه ليش هيج تردين تقهريني فوك قهري على ابويه عفيه لا تمرضين ولا تقهرين بنفسج

تمسح على راسي وتكول..

الله كريم نفوض أمرنه لرب العالمين ادعيلو وليدي

شويه وامي طلبت تشوف بابا وكالو. حولوه لغير غرفة شوفو من وره الجام

رحنه أني وأمي بس أمي حيلها مهدود وصلنه يم الغرفة موجودين انسام وعمي وحسام يمكن راجع للبيت وكفنا شكد نباوع لأبويه

صونده بحلكه وكانونه وبطل دم جنت قبل اذا تمرض ابويه اموت قهر واكول اخاف يعوفني ويموت اليوم جاي اشوفه وهوا يواجه الموت ما نعرف بيه لحضه نخسره نعرف نحنا خسرانينه كالو ميبقى عايش العلم عند الله بس بابا تعبان صافنه على ابويه وعمي حجه

عمي... ام هيلين ولو مو وقتها احجي بس ضروري اكلج الشرطه جايه عالبيت والجيران كايلتلهم شفناهم طلعوه من البيت مطعون بسجينه وتوصلولنه ويردون تحقيق

امي... خلي بس ابو بيتي يصير زين والله كريم

عمي... الله كريم

جاي يحجون وما نحس الا وأجو الدكاتره يتراكضون لغرفة بابا واحنا نصيح شكو وشبي امي رادت تطب وياهم مخلوها

ونصيح ونبجي اني كعدت بالأرض وخليت ايديه على راسي عرفت خسرته بعد انتهت الله لا يروي شعور فقدان شخص لأحد أبجي واشهك وأنسام يهدي بيه

شويه وطلعو الدكاتره كلها ركضت عليهم  وتكللهم بشرو الأ اني أيست راح سندي وكل دنيتي راح اللي عيشني بدلال واللي من اطلب شي حتلو كان مستحيل يسوي

أبجي واشهك لحد ما سمعت كلمات لدكتور اللي حجاها وأحسها نزلت لكلبي حرف حرف

المريض

تعده

مرحلة

الخطر

الحمدلله عالسلامه

ما اوصفلكم الفرحه اللي صرن بيها لوهله حسيته يكذب علينه ديهدينه وكفت على حيلي وباوعت لبابا وهما يشيلون الصونده من حلكه دا يطلعوه

بجيت هسه ليش جاي ابجي من الفرحه شعور مدا اكدر اوصفه باوعت لعمي باچي عمي يحب ابويه  وابويه هم يحبه

حضنت ماما واضحك وادموعي تجري صارت خبط شي مع شي دموع فرحه وضحك وكلوب طايره وتفكير مرتاح ألف الحمدلله يا ربي أنسام خابر أهله وبشرهم حولو بابا لغير غرفة وعمي رجع للبيت يرتاح

هيلين... يمه رجعي ارتاحي وغسلي وتعالي اني وانسام هنا

طول ما ابوج تعبان ما ارتاح حتلو ارجع واغسل

بقينه لليل واني ما اكلت شي ما اشتهي من عشه البارحه وأمي كذلك مماكله

كأعدين يم بابا أني بتلفوني احجي ويه براء بهمس علمود بابا نايم وبعد ما صحه وسمعت صوته كال

أريد مي عطشان

يمه عمري اليريد مي امي شربته بالقبق وكوه مفتح عيونه واني أبوس بخدوده وعيونه وكصته وشلت ايده بستها

هيلين... خوما يوجعك شي بابا

لأ

هيلين... سلامتك يروحي..

هز راسه بمعنى أي ما بي حيل يحجي

أني تعبت وورايه دوام تطبيق طب الاسنان اطبق ويه دكتور معروف بابا توصطلي يمه

أمي كالت رجعي للبيت

ما ينطيني كلبي اعوف بابا

رفعلي أيده بابا بمعنى لا

أمي... شوفي حتى ابوج يكول رجعي

بابا اشر بيده بتعب يعني انتي وياها يقصد اني وامي

أمي.. اني مرتاحه ما ارجع بس هيه علمود دوامها باجر

رجعني انسام مخليه راسي عالجام وصافنه

انسام كال..

انسام...خابرني رقم جاوبت بنيه اسمها براء كالت وين هيلين بالي يمها وماكو حجيتلها وكالت خل تخابرني من تفتح نت

هيلين... هاي صديقتي نطبق سويه اني وياها ومره كالتلي اريد رقمج خاف يوم يبقى بالي كلشي يصير ف اني انطيتها رقمك لأن اول واحد جان بالسجل وجنت مستعجله كتلها هذا رقم اخويه ووراها سألتني كالت مو كلتي الوحيده لاهلي شلون اخوج كتلها ابن عمي بس بمقام اخويه

اها اي الله يستر عليها حجه وخابر ايه كاللها سوي عشه جينه اني وهيلين

وصلنه بيت عمي ايه واكفه يم الطباخ تسوي عشه 

أني كلش غلطت وياها وتعصبت عليها من الخوف والقهر فقدت اعصابي خل اراضيها

وكفت يمها اغسل اني من النوع اللي مستحيل اعتذر استصعب هالشي واستعصب كلمة اسف ف كتلها

هيلين... ايوته

ايه.. ها تحجي وملتهيه بالطبخ

هيلين... خوما زعلتي مني ترا مو بقصدي جنت بدون وعيي والله العضيم مضروبه براسي

ايه... عادي مصار شي بس اني مجان قصدي اغثج

بستها وكتلها.. اني ما انغث منج اكو واحد ينغث من هيج خلقة تخبل

ايه.... ههههه ببوسه ترضيني شكد عوبه تعرف من احد يصبغني لو شي ارضه

هيلين... والله مو صبغ هنياله الياخذج

ايه.... عمري انتي دروحي اسبحي وطلعيلج ملابس من كنتوري واسبحي لبين ما اكمل العشه

رحت لفوك طلعتلي تراك وطبيت سبحت وطلعت نشفت شعري بس بقه مبلل ف لفيته بالخاولي ورحت يمها دا اعاونها كالت خلصت

هيلين... خل نسوي قسمين لأن دحكي صدري ما ملفعه حرام

ايه... ديلا خوش

قسمنه الأكل قسمين واتعشيت لميت ويه ايه الاكل بلكوه قبلت اعاونها ورحنه نمنه كعدت الصبح انسام مموجود مريت لبيتنه اني وأيه اريد البس شي وأيه كلما اطلع شي تكلي محلو غيره

اخر شي ثبتنه على بنطرون وستراب لون ابيض واسود

رحت للعيادة مال الدكتور سلمت وبديت اباوعله شلون يشتغل اجه مريض كال انتي شوفي وجيكي

خفت بس شجعت نفسي لازم اتعلم كعدت يم المريض ونزلت الضوه

لهنا وينتهي البارت تصويتكم عمري

بقلمي الكاتبة (bmbsh_beme)

إنَ الله لا يَنسى قلبًا لجأ إليه .

.. بقلمي الكاتبة (bmbsh_beme)

قراءة ممتعه

باوعت سالت المريض وصفلي مكان الجاروشه باوعتلها التسوس مدمرها دمار

هيلين... تسوي واذا احاول احشيها ف اثناء ازالة التسوس تخلص جاروشتك ف لازم نقلعها

كال تمام بس حسيته انتبه عليه انو تطبيق مبين عمري وسمع الدكتور من حاجاني اني مطبقة بس عالالعاب ما مطبقة على شخص

سويت الابره والدكتور يعلمني خطوه خطوه اجيت اضربه الابره ابنجه مقبل يقلعها وانطه كشفيه وراح

يمكن خاف انتبه عليج مبتدئة بسبب ارتباكج

هيلين... بس دكتور انت حجيت كدامه

هسه يجي مراجع غيره والله كريم اني متأكد وواثق منج ما تخذليني

شجعني كلامه كتله ما عاش اليخذلك

بقو هواي يطبون مراجعين والحشوه. كلش سهله بيدي بس خايفة من القلع شويه وأجه شخص ولازمه قلع ف ضربته ابرة البنج وطلع علمود ياخذه البنج اخذه البنج ورجع لزمت العده وحيلي يرجف تذكرت كلام الدكتور هديت نفسي سميت بسم الله وقلعتها بكل سهوله بس من شفت الدم تذكرت حادثة ابويه..

باوعت للدكتور وحيلي يرجع وعيوني مغوركه

الدكتور ما فسر نضرتي شنو عباله من فرحتي

طلعت ركضت للمغاسل وانهديت بالبجي احس كله سيناريو ورجع انعاد كدامي

شويه هديت نفسي وطلعت للدكتور كلمنه شغلنه لكن اكتفيت بالنضر فقط ورجعت للبيت براء مجانت جايه اليوم وراها بيومين اجت ام اثير وجانت عمه سهام رافضه

وراها باسبوع جابو بابا وطايرين بي بلبيت وفرحانين بعد فتره تحسنت حالته ورجع مثل قبل زين صار شهر عالحادثه وبابا ربح القضيه والحرامي ما انلزم والروتين اليومي تطبيق ومحمود 4مرات

يخطب عمه سهام وترفض لحدما مل ورجعت تراجع يمو وكالولها الروماتيز بده يصعد لكلياتج وهالشي خطر وجاي تكافحو بالعلاج

وبعد ما ممرت 3شهور

ف اجو بيت عمو علينه وكاعدين نتعلل

شويه وأجت ايه كالت انسام بالحديقة يصيحج رحت كتله

هيلين.. ها انسام

انسام... هلا هلونه

هيلين... الوضع ما يطمن بيها هلونه معناها جاي بمصلحه..

انسام... اني مصلحجي شكد بذاته

هيلين... ههههه

انسام... احم احم اكلج

هيلين... هههه ومستحي هم شكو احجي

انسام... صديقتج هاي

هيلين... اي شبيها

انسام... من اخر مره حجيت وياها صوتها ما راح من بالي

هيلين... هلاووو الزاحف

انسام... مجبور اتحملج.

هيلين.. هههه كمل

انسام.. اي ف خابرتها

. شهكت وكلت عزااااا انسام شسويت

انسام... أي والله وحجيت وياها وبالاول جانت رافضه احجيلج تكلي استحي من هيلين

هيلين.... شرافضه شتحجيلي

انسام.... صارلنه فتره على علاقه

هيلين.. وما كتولي ولا حجيتو

انسام... دسمعي

هيلين.... الله يسعدكم عبالي مخليلي قيمة وتحجولي لعد شكد غبية جنت بينكم عفته وطبيت جوه نو صوجه بس صديقتي اني كلشي ما اغبي عليها كلشي احجيلها ليش هيج يسوون بليل خابرتني براء وكامت تراضي بيه

تراضينه وجاي نحجي

هيلين... اشون اعترفلج

براء.... اني من جان يوصلج جنت عاجبني بس اسوي نفسي ما مهتمه

ومن تخابرنه رجع اتصل حضرته

وراها بيومين خابرني من غير رقم كال والله نيتي صافية تجاهج وهم حضرته

بعدين من مره وصلني للبيت جان ابو الاشتراك متأخر صارت بيناتنه نضرات وحبينه بعض بس هواي مواقف صارت بهاي الثلاث شهور صار بيناتنه حب زعل قهر غيره كلهن

وبعدين رجع راسلني عالانستا

هيلين.. شلون عرفج

براء... انتي مو بكروب الدكاتره اللي يطبقون ويانه

هيلين.. اي

براء... ف... توها دتحجي وقاطعتها

هيلين.... اياااا لوتي مره حجيتله عالكروب وقبل فترة يكلي طببيني بكروبكم جا راسلج موو

براء.... هههه اي اخذ صفحتي من الكروب وراسلني وصارت علاقتنه

بس هاه صدييقتج الكفو شكد معجبه بس بس تدللت عليه

هيلين.. خوش بس الكفو ما يغبي على صاحبه

براء... اشتغلت البسامير هههههه

مرت الايام بقيت اواجه صعوبه بشوفة الدم لحد ما تعودت عليه

كمت اخاف اذا شفته بجرح لو شي اما بألاسنان عادي

..... نرجع للحاضر......

الكاتبه ما ردت اخربطها عليكم بس من اجت ام اثير رجعنه للماضي حكينه شويه من. الماضي ورجعنه سويه للحاضر

ههههههه خطيه حن عليج

بقينه كاعدين وياها وسوالف وشقه وهيه بس تلمح لسهام

ام اثير.. اخبار سهوم اشونها

سهام.. والله الحمدلله على الله

ام اثير... محمود يكول الروماتيز صاعد

سهام.. اي والله

ام اثير... اي خابصنه بيج عود هذا الثكيل كال يمه سهومتي وحجه سهومتي

كرصتها وكتلها.... طلع يسميج سهومتي

سهام... اني اعلمج خل بس تروح الحرمه

هيلين.. ههههههه

ام اثير.... انتي اخبارج هيلين

هيلين.. والله الحمدلله

ام اثير.. اخبار شغلج

هيلين... والله زين بليل اكضيها عالاوراق وبالنهار بالشغل ووقت النوم نايمه احس خلصت حياتي دراسه وشغل

ام اثير... ما تتزوجين

هيلين... لا ما اتزوج

ام اثير.... ليش

هيلين... شعندي اصير بحكم الرجال ومشاكل وعيال وقهر هيج احسلي

ام اثير... الله كريم قسمتج مكتوبه وين ما كانت

شويه وراحت واحنه كلمن راح لفراشه

مرت الأيام والأسابيع جنت كاعده الصبح يوم جمعه ومرايحه لدوامي كضينه اليوم عادي

كاعده اثرم زلطه وخابرتني براء

هيلين... هلاو بنو

براء... هلوات عمري

هيلين... هاي شبيج ليش تبجين

براء... تكاونه اني وانسام

هيلين... ليش..

جنه صاعدين اتصال وابن عمي هذا الحاجيتلج عنه اللزكه شاقاني وسمعه انسام وتخبل

تحجي وتبجي ضليت اهدي لحد ما جا بابا وبدينه نفرغ الغدا العصر اجت ايه وقنعتها تبات عدنه

بليل كاعدين بالغرفة والجو كلش طيب مشغلين البنكه ومطفين المكيف وكاعدين وأيه عدنه كاعدات اني وياها نقلب بالأنستا وبابا متابع حلقه ويه ماما لازم شتتابع هيه هوا يتابع مو بكيفه غصبن عنه ههههه

هيلين... شوفي أيه هذا حلو

ايه.. لا اذا مو كلوش محلو

هيلين... لا الضيك احلا

ايه... انتي هم خبله شنو ضيك

هيلين... شبيج مثلا حفله بناتيه

ايه... اي كولي هيج من البدايه

ترننننن ترننن ترننننن

أيه.. هذا تلفون عمو يتصل

هيلين ناوشيني اياه هوا جان يمها عالشحن اخذته منها باوعت المتصل صديق بابا اللي بالديوانيه

هيلين... بابا صديقك... انطيته التلفون

جاوب وسلام وسوالف وطلع بره يسولف واني وأيه مندمجين بالتلفون

جرت من ايدي التلفون ايه كتبت يوزر وضغطت بحث طلع حساب شاب كلش حلو وسبورت فد شي

هيلين... شنو هذا

ايه... شرايج بي

هيلين... حلو مبي شي بس شنو هذا

ايه... حجت بهمس... الحببب

هيلين... يا حب

ايه... دمشي نطلع لغير مكان نحجي

رحنه لغرفتي جانت عمه سهام بيها كاعده تخلي صبغ اضافر اسود

هيلين... ها شتسوين

سهام... ردت لون اسود واني خلصان عندي اجيت اخذت منج

هيلين... اخذي اللج اني من انزل اشتري

جاي احجي وجرتني ايه كالت دمشي يلا شبيج

مشينه

للسطح الجو طيب وضلمه واكفات ونحجي

هيلين... اي احجي وين عرفتي

ايه... راسلني انستا واعترفلي

هيلين.. وتصدكين بواحد لا شايفج ولا حاجي وياج يجي يكلج احبج تصدكين

ايه... اي بس سامع صوتي

هيلين... قبل لا اعترفلج سمع صوتج

ايه... لا وره ما اعترفلي وصار يحبني اكثر

هيلين... ديري بالج منو وصور لتدزيله

ايه... لا ما ادز

هيلين... خوش دمشي ننزل لا احد يشك نزلنه ونحجي كتلها... ايه والله كلبي لعب منه خاف يضحك عليج

ايه. لا

هيلين... ليش ميجي يخطبج

ايه... ضروف..

هيلين... شنو الضروف

ايه... ما عندو

بس اذا جا وخطبج مراح يدفع فلس عالاثل يثبت حبه

ايه... ما ادري

هيلين.... شكد صارلكم سويه

ايه... تقرييا سنه

هيلين... ما يحبج

ايه... لا يحبني

هيلين... والله احسه ما يحبج على هذا الحجي والا شباب النت البعض مو امان وانتي فطيره بسرعه ينضحك عليج

ايه... هيلين رجاءا سدي الموضوع

هليلين... تمام براحتج بس اني لمصلحتج والله

ايه... اني اعرف مصلحتي

هيلين... والله اني علمودج

ايه... هيلين يعني الا اكلج لا تدخلين

هيلين... هسه صارت نصيحتي تدخل براحتج

ايه... لا تزعلين فدوه

هيلين... على شنو ازعل امشي ننزل ناكل كيك وككو وهم انتي ديري بالج منه هسه مو كلها ثقه

. ايه... تمام يلا امشي

نزلنه بس لكيت وجه بابا توه ديطب للبيت حان بالحديقه يخابر وجهه ميتفسر معرفت ليش

رتبت الكيك بصحونه ووديت لاهلي ابويه مدري شجان يحجي ويه امي وامي تبين هاديه

خليت يمهم صحن الكيك والككو واخذت صحن لعمه سهام وطلعنه فوك..

انطيت الصحن لعمه سهام وكعدنه ناكل بس بقه ابويه ببالي ليش هيج انقلب وجهه 180درجه

ايه ناسيع تلفونها بالبيت وكاعده تتابع منشورات حبيبها بتلفوني رادت تراسله من تلفوني بس ما قبلت كلشي يصير وهيه حتى ينصيحتي ما سمعت وهسه مو كلها أمان وثقه اخذت الصحون وره ما كملنه اكل ونزلت جوه

اهلي رايحين نايمين وحتى كيك مماكلين شلت الصحن مالهم خليته بالثلاجه باجر ياكلوه ووكفت اغسل صحون الكيك

وبالي يم اهلي ليش هيج ضاج بابا شصاير شكو وهيج معرف باجر اسألو

طلعت فوك أيه فارشتلها فراش وسهام رايحه لغرفتها

ايه... ترا خابرت انسام من تلفونج علمود يجيب تلفوني

هيلين... اي عادي خل يجي علمود دكله شغله

ايه... شنو..

هيلين شغله بيناتنه

. ايه... اها اي

كعدنه شويه وخابر انسام

كال اطلعو افتحو الباب ما اريد انتضر درجع انام

كلت احاجيه علمود بنو

طلعت فتحت الباب انتضرت شويه وأجه..

انسام... لعد ايه وين

هيلين... جوه اني جيت اخذ التلفون ودحاجيك

انسام... اعرف عليش لا تتعبين نفسج رايح انام.

هيلين... انسام دسمع

انسام... احجي شسمع

هيلين... ترا ابن عمها هوا من زمان يضل يشاقيها وهيه جانت كبل تضل تكول يشاقيني واضوج منه لزكه ماكو داعي تزعل منها وتقهرها هيج على شي ما يسوه ترا هاي اعصاب بعدين تتعصب وتخرب الخطوبه وعود كبل اخوها ينطيها لصديقو

انسام... لازم كالتلج هيج

هيلين... والله خطيه كلشي ما كالت بالعكس مقهوره علمود انت زعلان

انسام... كلشي ما بيها تكاونه اني وياها وراها بشويه تنشرلي فيديو ابن عمها جاي يقلد البطريق مصورته وتضحك صوتها

هيلين... وانت تغشم بروحك ما تدري بيها تكابر

خابرتني تبجي وتشهك ونشرت هيج دا تحرك كلبك ضل اقهرها ضل اخذت تلفون ايه من ايده وكتله يلا تصبح على خير..

دا يحجي عفته ومشيت اني براء احبها وهيه ما الها شغل ويتيمه وذكرت أيه بسورة«الضحى»( ڣم اليتيم فلا تقهر وإما السائلة فلا تنهر)

وبراء يتيمه واخوها مو خوش ادمي وأمها مريضه المفروض يفكر بيها ما ألها غيره طلعت انطيت التلفون لأيه كامت تراسل حبيبها واني نمت ورايه شغل كعدت الصبح ايه رايحه

هيه كل مره تكعد تتريك ويه امي وتروح

اكلت ورتبت غرفتي لحد ما صار وقت دوامي تحضرت وطلعت انسام واكف يغسل بالسياره ابو السواس ما يكدر من شافني طبب الصونده للبيت

اني كتله صباح الخير

رد صباح النور هلا هلونه

ورحنه

كال انسام

انسام... كافي ضايجه على صديقتج راضيتها

هيلين... ايمت

انسام... البارحه من رجعت من يمج

هيلين... عفيه انسام والله ما الها احد بالدنيا غيرك

انسام... اعرف والله بس شسوي

. هيلين... يلا ميخالف هاي من كثر حبك وغيرتك عليها

رحنه للدوام وكان يوم عادي

رجعت للبيت وعسه ما رجعت

لهنا. وينتهي البارت +تصويتكم عمري

بقلمي الكاتبه(bmbsh_beme)

بقلمي.. الكاتبة (bmbsh_beme)

مشهد1......

رفعت التلفون اشوف شنو هالرقم اللي جاي يتصل

هيلين... الوو

الشخص... يبنت الحلال لا تدمرين حياتج وياي الأفضل تخربين كلشي

اجيت للبيت وعسه ما اجيت...

طلعت مفتاح البيت النسخه الثانيه قتحت الباب وطبيت للبيت بابا يوميه اجي بالحديقه اليوم ماكو

طبيت للمطبخ مسوين الغده ومتغدين والبيت هدوء

قفلت باب المطبخ وفتحت الجدور الغدا بورانيه وتمن وجدر صغير شوربة

طلعت للهول امي وعمه نايمات

رحت. لغرفة اهلي نايم بابا

طلعت لغرفتي سبحت وطلعت مشطت شعري ما نشفته ونزلت جوه للمطبخ

فرغتلي اكل وشغلت البنكه مال المطبخ لأن جيت من بره حاره بديت أكل شويه واجه بابا للمطبخ

بابا... ها هلونه ايمت جيتي

هيلين... مصارلي شي شعجب نايمين

بابا...كعدت على. صوت الطركعه مالتج

شغل الطباخ خله القوري عالنار وكعد يمي

هيلين... بابا جان كتلي اني عملت الجاي

لا بنيتي خوما اكومج من الاكل علمود الجاي وهوا جاي وبس احمي جاي الغدا

جاي اكل وبابا حجه

هيلين بنيتي اسبوع الجاي جايين بيت ابو باسم

.... يقصد الرحنه عليهم

هيلين... اي بابا كل الهلا بيهم

بابا... بنتي جيتهم مو خاليه وابو باسم يكول جايينكم بطلب وانشالله ما تردونه....

اني من النوع اللي كبل الكطها وهيه طايره

هيلين... بس لا البالي

بابا... شنو البالج

هيلين... جايين يخطبون

بابا... حسيت حجيهم هيج

هيلين.... اي هلا بيهم

بابا... يعني اذا يخطبوج توافقين

باوعت على بابا تعجبت بسؤاله المفروض هوا يكلي ما انطيج

بابا... خايف خايف وتعبان خايف يخطبج

هيلين... وشنو اللي مخوفك بنت الحلال والزينه الناس تخطبها واني تعرفني ما اقبل فمن شنو خايف

بابا.... ما اكدر ارفضو اذا خطبج تعرفين كبل راح يكولون خوش قسمه ليش ما تنطوها ويلحون

هيلين... وما يلحون شنسويلهم ترضيهم وتنطيني واني ما موافقه

بابا... الله كريم

من كال هيج تخبلت احس بركان بداخلي يفور شنو يرضي صديقو ويكسب خطيتي وين اعش عدهم اني 

عفت الأكل ورحت لغرفتي طبيت وقفلت الباب شغلت المكيف احتريت من العصبيه طبيت للحمام غسلت وجهي وطلعت تمددت  ابويه صح محامي ويحبني وكلشي ما مخلي عليه قصره بس عندو ارضاء اصدقاءو اهم الكل

وعندو اهم شي سمعتو وشخصيتو كدام الناس رغم شكد فقير بس هالشي مخربو ولو يهجمون الدنيا ما اوافق اني ما اعيش بينهم

ما ادري شلون نمت كعدت على دكت الباب عمه سهام كعدت فتحتلها الباب طبت يمي كعدت وكعدنه نسولف. بس اثنينه ما جبنه طاري شي

وعرفتني واصلني باص لأن طاكه روحي اني من النوع اللي من اتعصب احس وجهي يصير نار باوعت للساعه ب8 كمت صليت مغرب وعشه ورجعت يم عمه سهام سولفنه سويه على دوامي

وراحت همه سهام تنام واني مكدرت انام تقريبا لل2 بقيت اقلب بالفيس بوك ضوجتي راحت واعصابي هدت ومدايره بال بابا ما يسويها ويجبرني

نمت وبقيت عالروتين نفسه لحد ما اليوم بليل جاي نتشغل بالغده لان باجر يجون

عملنه الحشيه مال الكبه  وعملنه جدر دولمه وعملنه اللحم بالثراما هلكنه وبابا كل شويه يروح للاسواق يشتري شي مره راح جاب ربطه ببسي وبعدين كال نسيت اجيب  حلويات راح وجا جايب  بقلاوه وزنود الست وعش العصفور

والبيت نضفنه ورتبنا من الليل وابويه خبص امي لا يوكع شعرايه بالاكل لا يخرب هالشي اخر شي امي تعصبت كالتلو روح عالاخبار من تضل فوك راسي اعوف الشغل انتو تكملون واني وعمه نهدي بيها لأن ما ندبر شي بلياها

هلكنه بليل كبل نمت حتى بنو ما تراسلنه اني وياها

الصبح امي تكعد بيه باوعت للساعه

هيلين... يمه دشوفي الساعه شكد هسه وكت كعده

امي.. دكومي ب 10يصلون ابوج يكول يطلعون من هناك غباشي

هيلين... يمه ب 9حبابه  اكعد

امي.... اني نازله اعمل الريوك اكمل الريوك واجي اذا لكيتج نايمه اصب عليج ميه

باوعت لامي وبالكوه افتح.. عمري من شافتني هيج كالت

امي.... نامي ب8اكعدج هاي ساعتين نامي بيهن والله لوما احتاجج ما اكعدج خطيه عمتج هم ما تكدر توكف

كتلها... اممممم وغفيت

كعدت باوعت للساعه يااااا الساعه 9ليش ما مكعديني

حتى ما سبحت رفعت شعري ونزلت ركض للمطبخ

امي وعمه سهام كاعدات يعملن الكبه والزلطه عالميز مكملاتها وماما وترتيبها

هيلين.... ليش ما كعدتوني

أمي... ما صخيت اكعدج

هيلين... لا اعاونكم

امي... ما احتاجيناج

رحت غسلت ورجعت كلت لعمه

هيلين... عمه عوفي من ايدج

عمه سهام.. عمه بعينج شحاجيه اني وشكايله

هيلين... هههه سهام

صح تريد احاجيها بأسمها احترمها ف اكللها عمه

وهيه كلما اكول عمه ترزلني وبديت اتعود اكول سهام بس مرات انسه

هيلين... عوفي من ايدج هلكتي اني اكمل

امي...والله خطيه سهام  ايدها وايدي اشتغلنه سوه

سهام... شسوينه يمعوده سوينه الزلطه وبدينه نكبب

من يجون بس نشيش الكباب ونخلي حامض الدولمه ونسلك الكبه

باوعت جدوره عالطباخ

هيلين... هاي شطابخين فتحت الجدوره مركة بامية على لحم  وتمن وطبخ ماما كلش طيب

طلعت الخبز والجبن والمربه وكعدت اسويلي لفات واسولف وياهن فرحانه اكيد حتجي ساره

هيلين... يمه جايه ساره غير

أمي... جايين  ابو باسم وام باسم والحجيه وباسم ومرته  وهيثم

هيلين... باسم اخو هيثم الجبير ومرته ما شفتهم

امي... احنه هم ما شفناهم من رحنه هما عازلين

هيلين... واني مكيفه عبالي يجن البنات وياهم

امي. لا مو من اطباعهم

هيلين... عوععع شكد معقدين

سهام... لا هيلين عيب هيج تكولين هما هواي فما يكدرون يجون كلهم

شويه واجت ايه

هيلين... ها ولج شنو شميتي ريحة  لحم.... اني وياها ميانه

ايه... بوياييي طلع بيها لحم عبالي بس كباب

هيلين... شمدريج مناخيرج، غيررر لو شنو

ايه.... حلمت بيكم تسوون كباب وكبه واجيت

هيلين... ههههه علينه كولي امج دزت عليه علمود اعاونكم فيكاتج ما تعبر عليه

ايه... ههههه اي امج من البارحه كالتلي باجر تعالي

كعدنه نسولف ونكبب ويه امي وسهام

كالت ايه... سهوممم

سهام... ها

ايه... اخبار حموداتج

سهام... رفعت الخاشوكه.... ترا هسه افتح وجهج سدي حلكج ما تستحين

ضحكنه اني وأيه وامي رزلتنه... انجبن عمتجن لا تضوجنها كومن ما منجن فايده شوفن المغسل بي صابونه وخاوليات يمه

كمنه نشتغل ونسولف وخابصتني بالحب مالها

ب11الا ربع سمعنه صوت هورن بالباب بابا طلع فتح الباب واحنه لبسنه شالاتنه وطلعنه نسلم

ويه طبتهم اجه انسام بابا دز عليه علمود الجاي وتوزيعه احنه نسوان ما نكدر يتعاونون هوا وابويه

كرصتني. أيه وهمست... باعي شكد حلوين ذوله الاثنين... تقصد باسم وهيثم يتشابهون سبحان الله نسخه من هيثم بس شعره ولحيته بيهن شيب

سلمنه عليهم وطببناهم للاستقبال ورجعنه للمطبخ

اجه انسام اخذ الميه وراح، رجع جاب الدولكه وأشرلي يكلي اجن النسوان باوعت طبن للهول رحبنه بيهن ودليتهن عالمغاسل يغسلن واحنه بدينه نحضر الغدا

ونقلنه الأكل للنسوان وانسام وابويه نقلو للزلم

كملنه نقل الغدا كملو ولمينه وراحن النسوان يم. الزلم صبينه الجاي وماما اخذته وراحت

واحنه رحنه لغرفة اهلي واخذنه الاكل متنه جوع هههه اكلت ب10 وجوعانه اني من النوع اللي كل شويه اكل بس اكل شي قليل

رحت دكيت باب الاستقبال طلع انسام كال ها شتردون

تعال تغده

انسام... ما جوعان

هيلين... امشي عالواهس

انسام... ما جوعان اكلو انتو الف عافيه

هيلين.... بداعت بنو

انسام... خرببب امشي وبعد لا تحلفيني بيها

هيلين.... ههههه دمشي يلا

رحنه تغدينه ولمنه الاكل شغلت المكيف ورشيت معطر جو بالغرفه وطلعنه سهام طلعت نامت

وأني وأيه كاعدات اني اراسل براء وهيه تراسل حبيبها

هيلين... حيجي يخطبج

أيه... هيلين

هيلين... سدي حلكج وجاوبي لا تضلين فطيره

أيه... مبله يجي بس يصير عنده فلوس

هيلين... شوفي من سألتج تردين اسد الموضوع ليش لأن تعرفين هذا مو عذر

ايه... اليحب يصبر ويضحي

هيلين... يطلب منج صور

ايه... اي

هيلين... مو كتلج لا تدزين

ايه... منو كالج دزيت

هيلين... حجيج ابد ممقتنعه بي

ايه... شقصدج اجذب

هيلين... ما ادري بس والله حيجي يوم تندمين هذا لو نيته زواج جان خطبج هاي شكد صارلكم اليحبج ما يرتاح الا تصيرين حلاله ويضمن مياخذج احد منه

ايه... انتي هيج تكولين

هيلين.... اي والله

ايه... وشسوي

هيلين.... كوليله تعال اخطبني اذا طلعله عذر انهي كلشي وعوفي

ايه... واذا عذره صحيح

هيلين... كليله بس تعال اخطب لا تلبس حلقه ولا كلشي

ايه... خوش

ارتاح كلبي من قبلت بنصيحتي اخاف عليها محد يتأمن هالوقت

لهنا وينتهي البارت

تصويتكم عمري...

بقملي الكاتبة (bmbsh_beme)

يمكنهم أن يخدعوا من يعتقدون أنهم يستطيعون.

They can conquer who believe they can.

......... ♡............. ♡............. ♡............ ♡.........

راحو أيه وانسام لان ديطلعون لاربيل

وخطارنه راحو العصر

بليل محد تعشه لان كثرو عالغدا بس اني تعشيت

جاي اكل واجت ماما كالت ابوج يصيحلج دا اروح كالت كملي عشه وتعالي

اوك

كملت عشه ورحت جانو بالهول كاعدين

ها بابا

تعالي بابا كعدي هنا واشر يمه... كعدت يمه وكتله

محتاجين. شي بابا لو اكو شي جنت ناسيه موضوع صديقو بالي يم ايه لا يطلع يضحك عليها ويقهرها ويكسرها

بابا.... هيلين بنتي كتلج قبل جيتهم يمكن جايين يخطبون وصدك جو يخطبون واني اريد رأيج بيهم

بابا مبيهم شي ناس ذهب بس مال اصيرلهم جنه ما اكدر

انطيني سبب

السبب واضح اني خوما اعوف شغلي وكلشي واروح عدهم وهما بعيدين اني ما اكدر على فراككم

بنتي اذا عالشغل ف هناك تحولين عيادتج واذا على فراكنه كل البنات على هذا الطريق وهما يجيبوج علينه كل فتره نشوفج

زين بابا حسألك سؤال

اي اسألي

اني مثقله عليكم

لا والله بنتي مو هاي المشكله

لعد وين المشكله

هسه ابو باسم راح يكول ليش ما تنطيني اياها اكلو ما تقبل راح يكلي شنو ما عدكم كلمه بهالبيت..

بابا هذا حجيك ما بي اي ربط

لتنسين نفسج اللي كبالج مو عجي ابوج

حيشاك بس شيكولون خل يكولون وموافقه ما موافقه.. كمت وعفتهم صاح..... شنو تفرضين قرارج عليه لا تعاندين

التفتت عليه.... اعاند واعاند وشتسوون سوو هاي تاليتكم تصيرون ضدي بابا احسك تغيرت 180درجه

بعمري ما طالب منج طلب وهسه طلبت انرفض

انت مو جاي تطلب مني شي جاي تدمر حياتي

مشيت وعفته طبيت لغرفتي  اجاني اتصال من براء مرديت ما ليه خلك شي

مطلعت من الغرفه لثاني يوم كعدت لبست وطلعت ما ليه واهس كشخه قهرني حجي بابا نزلت ماما وعمه بالمطبخ يتريكون

هيلين... صباح الخير

ماما وعمه... صباح النور تعالي تريكي

الف عافيه اتريك ويه براء

طلعت بالباب انسام رايح ويه اهله اخذت تكسي طلعت  للشغل لكيت بنو جايه

هيلين... صباح الخير..

براء... صباح النور شكو معبسه

هيلين... جريت كرسي وكعدت يمها.... من الدنيا

براء... شكو شبيج

هيلين... بابا يريد ينطيني لبيت صديقو

براء... ياهو

هيلين... اللي بالديوانيه

براء... يا صدوك تحجين

هيلين... اي والله طاكه روحي 

الله كريم يروحي لا تنقهرين واني اعرفج ما تنجبرين على شي محد يكدرلج وهم ابوج مستحيل يجبرج

هيلين... الله كريم

بدينه بشغلنه حتى ما تريكنه بنو انقهرت وياي

خلص دوامي واحس متت جوع خل اكول لبراء نتغده بره... بنو تجين نطلع للمطعم نتغده ونطلع للبيت

اي والله اني هم متت جوع يلا امشي

طلعنه نتمشى لأن المجمع داخل السوك طبينه لمطعم نتغده اني طلبت شوربة ولفات وبنو بيتزا

تغدينه وطلعنه

وصلت البيت كالعاده متغدين ونايمين اني هم طلعت نمت

بليل ورجعنه لنفس القوانه

كاعدين نتعلل كال بابا

ها شكلتي هيلين

شكلت بابا على قراري ما اقبل

انتي تضلين بهاذا عنادج اني انطيتهم موافقه

شنوووووو

منو اول من جو انطيتهم موافقه كلت احسسج بقيمتج واخذ رأيج وراح توافقين ما ابالي معانده

صرخت والله باحلامكمممم اوافققق

عفتهم وطلعت لغرفتي هنا انهاريت بالبجي شنو انطاهم موافقه شنو يحجي بكيفه خلصت عمري ابني بمستقبلي تالي هيج يصير جاي ابجي وطبت امي وسهام كالت امي

تعالي بنيتي كعدي هنا خل نتفاهم وكعدت

ساعدت. عمه تكعد وكعدت يمها كالتلي..

شوفي بنيتي تعرفيني اني شكد احبج واغليج ومن يوم الابوج كالي يمكن يجون يخطبون كتلو ما ننطيها وابوج قافل يكول شنو وجهي ارفض وهوا كالي اول مره اطلب منك طلب

اي بس مو معناها تخربولي حياتي يا يمه

سمعيني بنيتي حاولت وياه شكد قافل انتي اذا على عيشتهم تتعودين وهيثم خوش رجال وشفتي خلقه واخلاق واهلو عيونهم فضيه وهوا كايل لابوج جاي يرمم بيته بس اول اسبوع يم اهله وينتقلون لبيته

يعني ما اللج دخل بعيالج وهوستهم واطباعهم

زين واشون اني شغلي ولا اعرف اطبخ ولا ادبر كلشي

شوفي بنيتي انتي متمكنه وهوا متمكن اثنينكم تشتغلون ويوميه اشتري طبخ سفري وكل يوم تعلميلج طبخه من النت او هاه خابريني واني اعلمج

والشغل شينراد هوا انتو نفرين..

حجيها قنعني وانوب اني حاطه عيني عليه كتلها دفكر حجو وياي وكل شويه وحده منهن تبدي تنصح وتقنع بيه الا تعبن وراحن

بقيت افكر بالاخير خابرت براء حجيتلها كالت خوش قسمه ومدري شنو ومدام هيج. وافقي

ثاني يوم من دروح عالشغل انطيتهم موافقتي ومشت الأمور عاديه

كاعدين نتعلل واهلي

كالو حيجون بعد باجر علمود  العقد والمهر والذهب والتحضيرات

شعوري كلش غريب احس حنسجن

صار وقت النوم طلعت نمت وثاني يوم رحت على شغلي رجعت نفس الروتين بليل لعبت رياضه وسبحت جاي اسشور شعري وصوت السشوار عالي

باوعت تلفوني اتصال رفعت التلفون اشوق شنو هالرقم الجاي يتصل كلت..الووو

اجاني صوته هيثم اي هيثم

هيثم...يبنت الحلال لا تدمرين حياتج وياي الافضل تخربين كلشي 

دا احجي.. ش شنووو.. وانسد الخط بوجهي

صفنت للحضه شنو ديصير شبي ليش هيج ديحجي مو هوا الخطبني هسه شسوي ابويه بلا كلشي اهم شي نضرت الناس اله انوب اخرب الخطوبه الا ينجلط

شسوي نزلت لاهلي قبل ليجي باجر نزلت الدرج سويته بايتين باوعت بابا ديطفي البلازمه كتله....

بابا عادي نحجي

اي تعالي

امي طلعت من الغرفة من شافت ارتباكي لحتكنه

كعد عالقنفات اجيت كعدت يم رجليه اخذت ايده

بستها وكتله.... بابا بلا هالزواجه الله يوفقك.. رد

لعد ليش وافقتي هاا

انتو جبرتوني لتدمرون حياتي عدهم الله يوفقك

مسح على راسي وكال اكو شي احجي

اي والله

شنو

هيثم خابرني وكال خربي كلشي

واحنه شعلينه بصخام ابو جا وخطب ما عليج منو وروحي نامي هسه

بابا فدوه والله ما اريده

بنتي هاي اخر قرار واني باجر اكول لاهله هيج وهيج ابنكم كايل وانشوف شيكولون والتردينه يصير

ابتسمتله شويه ارتاحيت من حجه هيج بست راسه... الله يحفضك خيمه النه يروحي

وعفتهم وطلعت لغرفتي نمت

كعدتني امي الصبح كالت اكعدي يلا حيجون العالم كعدي

كعدت وبدلت ورتبت شالي ونزلت امي شالتني بلا مكياج كامت تحجي ما سمعت منها وبقيت بدون مكياج كل تفكيري بابا حيكللهم ويلغون كلشي

ب 9هيج اجو علينه نزلو وطلعنه سلمنه وهيثم مشفته طبيت للمطبخ وهما طبو للاستقبال ماما كالت اغسلي الدولكه وجيبي ميه

هيلين.... الا اني تعالو انتو اخذوها

اني رايحه يمهم عيب اعوفهم وحدهم يلا

وكفت اغسل بالدولكه وشفت هيثم طب يمكن جان يوقف السياره

باوعتله هيبه وأناقه ونضافه

طب للاستقبال اني خليت ميه ورحت دكيت الباب حتى بابا يطلع ياخذ الميه بس كالي.... طبي بنتي ماكو احد غريب

طبيت كلت السلام عليكم استحيت اسلم على هيثم وحده

ردو السلام بابا اخذ الدولكه مني وبده يوزع ميه

ام باسم يلي هيه ام هيثم كالتلي تعالي حبيبة اكعدي يمي

كعدت يمها واباوع لهيثم مدري شبي

شويه وطلعت وعفتهم صبيت جاي وجبتلهم ووزعته ورجعت للمطبخ كاعده واجتني نوركالتلي... يخايبه شو لا حفافه لا مكياج لا صخام شبيج

ما بيه شي

دكومي كدامي اخليلج مكياج

ما اريد

ردت سهام... لا عوفيها وكت العقد هسه وراها سوك

كلت بكلبي لا مكياج ولا غيره اساسا بابا راح يخربها   شويه وإجت ماما كالت يلا بسرعه لبسي دا تروحون تشترون الذهب

اباوعلها بنضره جاي استنجدها كالتلي... شعليه اني باعي لابوج هيج

وراحت يمهم ونور يلا ويلا امشي شسوي هسه

طلعت وياها لبست بنطرون وستراب باوعتلي نور وكالت... هاي شنو صلوخ هذا

وين الصلوخ بالموضوع شفتي شي من جسمي طالع لو شفتي شي ضيك

على كيفج حبيبه ما قصدي شي واذا عالضيك البنطرون مفصلج تفصال... رديت عليها

الستراب الى ركبة القدم ما بيهن شي ملابسي وبعدين اني حره

تعدلت ونزلنه جوه

اباوع لامي تريد تاكلني بعيونها علمود لبسي

رحنه للسوك اني وأمي ونور وأم باسم وصلنه هيثم

شاف ملابسي ما اهتم ولا حجه وهاه منو هوا ديحجي طبعا ميحجي

رحنه والذهب صار من اختيار نور كله

رجعنه احس الوقت يركض ركض يربي شهالحاله هاي ليش هيج ديصير بيه

وصلنه البيت كالو اجه الشيخ علمود العقد جان بابا وابو باسم بالحديقه

اباوع لابويه واستنجد بي من شافني غمض عيونه بهدوء يعني اصبري

طبو نور وهيثم وامهم للاستقبال واني وأمي للمطبخ

اول مطبينه اندارتلي امي

شنو هاللبس الزفت هذا

هسه صار زفت مو انتو ما تحاسبوني وتكولون مستور مدام ما ضيق

اششش ولج حلكج لا يسمعوج وعيب هيج لبسج كدامهم هما معدهم هيج شي

اهاااا اشتغل الخنك اصلا راح اخرب كلشي بس صبرولي

جا بابا صاك على سنونه كال صوتجن

باوعتله وعيوني غوركت كتله... بابا مو كتلي اني اتفاهم وياهم

جرني من ايدي للغرفه كال صوتج ما اسمعه منا العالم والولد ما كال شي وتوني جنت احجي ويه ابوه كال صارت عركه بالبيت ومن اعصابه مصار شي

شنو مصار شي دكللكم ما اريده ما اريده

هدي شويه وتفهميني

شنو هدي شنو اتفهم دتشوفها دتصير ركض ركض بيوم واحد مهر وذهب وعقد هاي خطوبة لو مسابقة

صوتي لا تعلينه وروحي تحضري يلا الشيخ جا دا يعقدلكم وباجر تنزلون عالمحكمه هم تعقدون

طبت امي كالت صوتكم تره ديعله ومنا العالم شيكولون علينه

باوعتلهم وكلت... اخر كلام عندي هاي القسمه متصير وخل يرجعون الذهب واني هسه بس تطلعوني عالشيخ وتجبروني اكله ما موافقه وما اقبل حجيت هيج ومشيت خطوتين وسمعت امي تكول يمه

شبيك انداريت بابا متمسك بايدين امي ديوكع ويكول حبايه ضغدي جبناله حبايه كال اختنكت وكنت نهفي عليه ابجي واكول

بابا حباب والله هياتني قبلت لا تنقهر شويه وبابا هده  عفتهم وطلعت لغرفتي

دموعي تجري غيرت ملابسي ولبست الفستان الابيض الجابوه فستان عادي بس لونه ابيض

فتحت الشال امشط بشعري كبال المرايا  لفيت شعري مسحت دموعي

أخلي مكياج ودموعي واكفه بعيني ما اريدها تنزل

خليت مكياج كامل وخليت شال الابيض على راسي

باوعت للمرايا اني ومكياجي ولبسي جان شكلي كلش حلو بس ناقصة ضحكتي وفرحتي وواهسي وكلشي هوا ميريدني ليش جابريني عليه

هوا كالي ما اريدج هسه يكول شكد بلا كرامه

نزلت دموعي صارت شلال وعيوني صار لونهم احمر

جاي امسح بدموعي وطبو نور وأيه  من شفت أيه حضنتها وكمت اشهك وابجي تخبلت من شافتني هيج

ايه... شو تعالي كعدي هنا شبيج

باوعت نور يمنه كتلها.... معرف لان راح اعوف اهلي

أيه... يا عمري انتي هوا عقد خوما هسه تعوفينهم

وبعدين شهالجمال شهالأناقة

جاي تسولف وصاحولنه كالو يلا دتعقدون اخذوني للاستقبال  لكيت بيت عمي هم بالاستقبال كلت السلام وعليكم

ابويه يباوعلي وفرحان لان شافني هيج عباله فرحانه عيونه تشوف كشختي ليش كلبه ميشوف حزني تعبت ما اريده اني الا الكرامه ومن اولها انداست كرامتي لعد شمضموملي بعد

كالت الحجيه... حبيبه اكعدي يم خطيبج

رحت كعدت يمه وبده الشيخ يعقد سال هيثم اذا كان موافق لو لا لفت نضري أيد هيثم

أباوع لأيديه يرجفون ديحاول يتمالك نفسه يطكك اصابعه بس ماكو فائدة ايديه ترجف خفت منه شكد عصبي لعد جاوب هيثم بالموافقه وبعدين اجه دوري سألني اذا كنت موافقه

جاوبت بنعم

والرجفه بأيده وكفنه وافترينه عالكل باركولنه وخابرو اهلهم كالولهم  كاعده بين هيثم وجدته

اجه اتصال لهيثم وطلع  واني احس بشي خانكني شي ببلعومي اختنكت مصدكت يكولولي كافي روحي بدلي مدري شكد بقينه وسهام انتبهت عليه تعبانه كالت روحي ارتاحي هلكتي من الصبح

كبل طلعت فوك مسحت مكياجي وابجي وبدلت وابجي واشهك قفلت باب الغرفة ونمت كعدني تلفوني بنو دتصل جاوبتها

هيلين... الووو

براء... يمه شنو هاي تعقدين وما تكليلي الا انسام كالي

براء... الوو وين رحتي

هيلين... وياج

براء... هاي شبي صوتج

بجيت وكمت احجيلها وأني أبجي وهيه تبجي ضليت احجي وياها لحد ما امي دكت باب الغرفه كالت عيب كافي طلعي منا العالم

لانعل ابو العالم ما اطلع

براء... لا تعاندين امج روحي عيب

هيلين... تمام باي

براء.. باي

اي هياني جايه بس اغسل

غسلت وطلعت لكيت امي والنسوان بالهول كعدت يمهن جاي يخططن عالصالون وعالزهاب واني مو وياهن... كل هالشي اللي ديصير بيه بسبب كرامتي

صار وقت النوم فرشنالهم وكلمن راح نام بفراشه الصبح كعدت ب5مجايني نوم تريكت وحفيت وجهي متين مو بيدي

وسبحت سمعت صوت جوه يعني كعدو

نزلت عاونتهم حضرنه الريوك تريكو وكالولي بسرعه تحضري نروح للمحكمه تحضرت وكشخت ومكياج طوخت الحمرا ورحنه هيثم ما حجه ولا كال عقدنه ورجعنه للبيت كعدو شربو الجاي وراحو

العرفته فوس الزهاب منطينها لامي كايليها انتو اشترو والسياك مليونين

بابا ما حجيت وياه هوا وامي وراها بيومين واكفه بالمطبخ اغسل اماعين اجه بابا كال... رايح للدكان تريدين شي اجيبلج

كتله.. لا بوجه ثكيل

تضلين هيج زعلانه ما تبطلين عناد

عفت الاماعين فيعت ايديه وعفته وطلعت لغرفتي

بليل كالو شهرين ويسوون العرس

شكد مستعجلين هاي حضي شسوي

مرت الشهرين وأني احجي ويه امي  وابوي بس وجهي ثكيل لا اكدر ارفض اخاف ابويه ينجلط ويموت انوب هوا بي ضغط وذبحه

كاعدين بالمطبخ قبل اسبوع من عرسي

دك تلفون امي جنه نباوع لحلقه بالهول

جاوبت كامت. تحجي وتعصبت وبنتي شتختلف عن باقي البنات وحالها حالهن ومدري شنو بالاخير كالت تمام تمام وسدته

باوعنالها كلنه بنضرة سؤال كالت.... يكولون نبعثلكم فلوس مال خطوبة بس الحنه احنه ما عدنه هيج شي وشدعوه بس تكاليف وانوب الخطوبة الأفندي ميقبل يجي يكول شيجيبنه ويرجعنه

بابا اخذ تلفونه وطلع بره شويه وأجه كال لأمي

الحنه تكاليفها عليه والخطوبة يسوونها هناك

ردت عليه امي... شلون هناك

يجون نهار الحنه يحنيها مدري شيسوي هاي سوالفجن وياخذها هناك يسوي خطوبة ويزفها من الصالون

باوعتلهم وكلت.... هيج تاليتها بابا ابدال متكللهم بنتي الوحيده ما تنزف غير ابيتي بس مدام هيج صار الحجي ما اريد لا خطوبة ولا حنه بالعرس نلبس حلقات ونفضها

ردت سهام.... لا حالج حال باقي البنات

لهنا وينتهي البارت

تصويتكم عمري

بقلمي الأصداف

bmbsh_beme