تحميل رواية «الاصداف» PDF
بقلم بمبش
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
الكاتبه بمبش الروايه للبالغين فقط 🔞 هلاو اسمي هيلين عمري23 بشرتي عاديه لا بيضه ولا سمره عيوني لونهن اسود شكلهن حاد شعري طويل اسود وزني 55طولي 165 الوحيده لاهلي عايشه مع امي وابوي عمامي وخوالي بغير محافضات بس عم واحد. ساكن يمنه محجبه كضيت شبابي دراسه لحد ما وصلت لحلمي طبيبة اسنان خل اوصفلكم بيتنه حتى لا تتيه عليكم نحنه بيتنه نص قطعه لان اربع نفرات اول متطبون بابين باب يروح للاستقبال وباب يطلع للمطبخ باب من المطبخ للهول وباب من الاستقبال هماتين للهول هول كبير وطخم وبلازمه وترتيبات وغرفتين غرفة لا...
رواية الاصداف الفصل الحادي وأربعون 41 - بقلم بمبش
بقلمي الكاتبة ♕ردّديbmbsh_beme
حروف الهوى فَكِلانا في هواهُ معذّبٌ مقتولُ، لا تَقولي سَينتهي فهو اختيار وقدرٌ فلن يَردّهُ المستحيلُ.
........................................................................ شافني لو عيونه صارت بكصته
مهتميتله مشيت عبرت من يمه لزم ايدي وكال
وهو صاك على اسنانه ووجها احمررررررر حتى عيونه حمر من العصبيه
شعندي وهيج طالعه رجعي غيري
نترت ايده وحجيت
هيلين...عيب منا العالم تريد تفضحني
ومشيت
حسيته صعد بالسياره ومسه وراي اول ما صرت خارج الفرع وعالشارع العام وكف سيارته ونزل باوعلي وكال
ضرغام... اصعدي ما ترحين هيج
ما رديتله
ضرغام.... تالييي مو دا احجييي اصعدي
ما رديتله جرني من زندي وسحبني يجر بيه واني ادفع بي وصلني لباب السيارة نترت ايده وصعدت وسديت الباب قوي
افتر صعد تأفأف واندار عليه صار قريب مني. وصاح بكل صوته
ضرغام..؟. شنو هاييييييي لبسججججج
هيلين... رفعت حواجبي وباوعتله...شبي لبسي
ضرغام...هيلين جاي تتعبيني
هيلين... قربت شفايفي يم وجها وحجيت وهو عيونه تباوع لملامحي وحجيت...شتريد
ضرغام.... هيلين كافي بطلي هاي سوالفج جاي تتعبيني
هيلين... ليش شسويت
نفخ نفس بعصبيه
اني توترت وكلت
هيلين... شبيك عبصي العفو عبصي العفو عصبييي
ضحك وكال...
ضرغام... عبصي بسببج غير انتي
هيلين.... ههههه
ضرغام... شو الوجه يضحك اليوم
هيلين... ما اعرف
ضرغام.... te amo
هيلين.... يسلمو
ضرغام... ما ترجمتيها
هيلين... اي ترجمتها
ضرغام... شنو معناها
هيلين... احبك
ضرغام... واني هم احبج
هيلين... لا قصدي
ضرغام.... قصدج غير بهاي العشر ايام. لاجت روحج تدوريلي بالوجوه
هيلين....بس لا صدوك
ضرغام... اي والله صدك والف صدك
هيلين... وانت شمدريك
ضرغام... هههه يعني صدك
هيلين... لا مو، صدوك
ضرغام...عيوني هو انتي يوميه من تطلعين عيونج تدور يم بابنه شنو عبالج ما اشوفج وكامرات الباب وين راحت،
كلت بكلبي امداج هيلين على هذا، الغباء
ضرغام.... اكلج
هيلين... هممم
ضرغام... شبيج البارحه بليل
هيلين... كلشي
ضرغام.... تريكتي
هيلين... اي
ضرغام... كلت نتريك سويه
باوعتله بغرور وحجيت
هيلين.. شنو شو عاجبك الوضع اريد اروح لدوامي يا ريوك وبعدين
ضرغام... باوع بعيوني وحجه... اي وبعدين
هيلين بتمتمه.... وبعدين اذا جوعانه اروح اتريك وحدي انت شنو تجي وياي
ضرغام..... يلا على باجر
هيلين.... الله كريم هسا يلا امشي خل اوصل دوامي
ضرغام... تروحين هيج
هيلين... اي
ضرغام... شنو اي
هيلين... اروح هيج
فر السيارة ورجع باوعت للشارع وحجيت
هيلين... هاي وين
ضرغام... نرجع تروحين تبدلين
هيلين... شعليك بلبسي
لا رد
هيلين... ضرغام هسا اهلي مراح يكولون ليش تغيرين ملابسج
شو شفته وكف يم المرطبات راح واجه جايب عصير برتقال واجه يمشي اباوعله
زي الدوام والبيريه وشواربه وحواجبه العريضه وعيونه تضرب بيهم الشمس لونهم يجنن
دمارات ايده اللي شايل بيها العصير يمشي وينفض بأيده الثانيه واني اباوعله وهايمه
اول ما صعد بالسيارة اني سويت نفسي العب بأسوارة ايدي
كعد واخذ نفس عميق لأن بره حاره نار والسيارة تبريد اخذ شهيق قوي ورجع زفير بهدوء وكال...
ضرغام.... ها هيلين شقررتي
هيلين... شنو
ضرغام... ارجعج تبدلين
هيلين... اهلي شراح يكولون اذا رجعت وبعدين انت شعليك
مسح شواربه واخذ العصير فتح العلبة وفرغها على بنطروني
شهكت
هيلين... لااااا ضرغام
ضرغام... هسه اذا سألوج تكليلهم تكبه عليه العصير
صكيت على اسناني وحجيت
هيلين.... اوففف ما اللك جاره اوففف اوففف
والتفتت فتحت باب السيارة، دا انزل رجليه واتذكرت اشون اروح هيج
غمضت وفتحت بعصبيه ورجعت تعدلت بمكاني وسديت الباب قوي
وصلني للبيت واني جايتني البجيه بسبب تصرفه كلش انقهرت وتنرفزت
دا انزل كال ضرغام... انتضرج مو تتأخرين من كد ما ضجت كتله
هيلين... روح ما اجي انت خليت بيها دوام ونزلت حتى قبل. لا يحجي امي شافتني كتلها تبده عليه العصير ومراح اداوم خابرت انسام انطيته خبر
طبيت لغرفتي سبحت وسويت جهازي صامت ونمت كعدت جسمي متكسر تكسير باوعت لتلفوني واني اتثاوب شهكت حيل شكد نايمه باوعت الساعه 11ونص وضرغام حاركها بالاتصالات
ما اهتمت كمت شغلت ضوه الغرفه ونزلت جوه كلهم نايمين اكلت شي خفيف وشربت جاي ورجعت لغرفتي كاعده اقلب بالاستوديو وسمعت باب البلكونه اندك تعوذت الشيطان
شوية ورجع اندك شجعت نفسي وتقربت من الباب اول ما فتحت باب البلكونه تفاجئت بضرغام. واكف كبالي
هيلين... هاي شجابك
ضرغام... شو دوخري واني ابالي صايرلج شي..وشلح حذاءه تكرمون وراح تمدد على تختي
رحت وكفت يمه وحجيت
هيلين.... انت شو ما تستحي
ضرغام... رفع ايده وكال تعالي يقصد بحضنه
اني تذكرت باب الغرفه بسرعه رحت قفلته وكعدت يم اللابتوب.وضرغام ماخذ راحته تقريبا نص ساعه بقه متمدد ويباوعلي واني مسويه نفسي ملتهيه
بعدين كال...
ضرغام... مدام تطمنت عليج اني رايح وخلي ابالج كلما يضل بالب وما تجاوبين اجي هنا واذا دكيت الباب وما طلعتي اجيكم من باب الحوش
هيلين... ضرغام
ضرغام... عيون ضرغام كلب ضرغام
خجلت منه حتى استحيت اكله شي
هيلين.. لا سلامتك بس جنت نايمه يعني ما ادري التلفون صامت
ضرغام....ديلا خوش يلا مع السلامه وراح للبلكون بسرعه كمز وصار بالشارع اني لحكته من صار بطرف بيتهم التفت واشرلي اطب جوه
عرفت شكد نيته صافيه يعني حتى ما تقرب مني اجه تطمن وراح
طبيت وسديت باب البلكون وكعدت تعللت لل2تقريبا ونمت ثاني يوم كعدت من وكت نزلت للبيت طلعت فولت السيارة بانزين ورجعت للبيت اكلت وتحضرت واجيت اطلع ضرغام بالباب
ابتسمتله وصعدت بسيارتي مشيت واشوفه بالمرايا يمشي وراي بمسافه شوية بعيده
ومن رجعت من دوامي مجان موجود
خلص الاسبوع وهو يوميه اشوفه يمشي وراي بس ابد ما يراسل.
الخميس بليل اجتني رسالة باوعت من ضرغام فتحتها كاتب
ضرغام... اشونج
هيلين... الحمدلله تمام وانت اشنك
ضرغام....ليش متبطلين هاي سوالفج
هيلين... مفهمت
ضرغام... ليش متراسليني الا اراسلج
هيلين..... ليش
ضرغام... اني جاي اسألج ليش
هيلين... معرف يعني يوميه من اطلع اشوفك على شنو اراسل
ضرغام... اهاااا
هيلين... اييي
ضرغام... باجر ما عندج دوام اجي اخذج نطلع
هيلين... شنو نطلع ضرغام
ضرغام.... هيلين ايمت تفهمين نيتي وياج شنو يعني شراح تستفادين من هذا غرورج
هيلين... اني مغروره
. ضرغام.... اي
هيلين... شكرا شكراااا
ضرغام... عفوا ولو
هيلين..... اني اترخص
ضرغام... وين بعد هستونا حجينه
هيلين... تعبانه انام
ضرغام... تمام باي
هيلين... باي
ثاني يوم الجمعه صادف رحت لبيت عمي تعشيت عدهم واتعللت ورجعت
وراها بيومين بليل سبحت ومعطرات ومرطبات وشعري عفته مفتوح لبست بنطرون عريض خفيف مريح باللبس وتيشيرت ضيق واندك باب البلكون
عرفته ضرغام قفلت باب غرفتي وفتحتله الباب اول مشافني قرب وجها باسني من خدي ووكف بالغرفه يتلفت
باوع للميز مالتي وراح عليه شال العطر شمه ورجع بخ على ملابسه وباوع للمرايا عدل شعره بالمشط واني مندمجه اباوعله لابس تراكسود(تراك) رصاصي
نص ردن وعضلاته بارزه مندمجه اباوعله وهو التفتت لحيته يبقى يحددها ورموشه اللي ماخذات كل عيونه ونضراته الناعسه عليه شافني مندمجه واجه يتمشى باتجاهي وصل يمي واني مندمجه اباوعله تقرب حسيت على نفسي. من لف ايدينه على خصري
ايديه على صدره ووجهي يم حنچه (ذقن
واباوع لرموشه
حرك حنچه على انفي دغدغتني لحيته وانتابني شعور كلش غريب ضحكت
ونزلت عيوني اباوع لايديه اللي مخلتهم على صدره باس راسي غمضت عيوني كال..
ضرغام...هيلين
باوعتله وحجيت... هممم
ضرغام... رموشج رباني لو اصطناعيات
هيلين... مديت ايدي على رموشي جريتهن وحجيت.. لا. رباني
من سويت هيج كال باهتمام
ضرغام... لا تلزميهن
ضحكت وكتله... عادي ما عليهن شي.. واتلمستهن
مسك ايدي وخرها عن عيوني وباس عيني ورجع باس عيني الثانيه
باوعتله وكلت
هيلين... كافي بوس بوس بوس ما مليت
ضرغام...هههه لا ما مليت وكام يبوس بخدودي
رجع باوعلي وجر ايدي ومشه باتجاه التخت كال
ضرغام... تعالي
هيلين.. طككت عيوني.. ويننن
تمدد وجرني كال...
ضرغام... تعالي بحضني شبيج
هزيت كتوفي يعني لا
ضحك وكال...
ضرغام... حسام متزوج
هيلين... لا
ضرغام... ولا خاطب
كعدت عالتخت يم رجلينه وهو متمدد وحجيت
هيلين... لا
ضرغام... هيلين بطلي ميانه وياهم
هيلين... انسام اخويه بالرضاعه يعني عادي بس حسام لا ما اتشاقه وياه رغم هو يشاقيني ويضوجني يقلد عليه
تعدل من مكانه وكعد يمي ونزل رجلينه عالارض وكال
ضرغام...بعد لا تتواجدين بالمكان اللي حسام بي
هيلين... ت
ضرغام... لا تقاطعين يطير عقلي والا واحد يقاطعني ما تطلعين كدامو مفهوم
هيلين... لا
ضرغام.... هيلين لا تعصبيني لان تشوفين غير وجه
هيلين... امنعني من الدنيا كلها ومن بيت عمي لا تمنعني
ضرغام... ما منعتج حبيبي بس حسام لا تتواجدين بمكان هو بي
هيلين.... احاول
ضرغام... ما عندي شي اسمه احاول ضرغام ما تطلعين كدامه
هيلين... تمام
رفع رجلينه واتربع عالتخت وجر ايدي كال..
ضرغام... احبج ام عيون الواسعه
دنكت وابتسمت كلش خجلت
مد ايده على رقبتي مسك قلاده لابستها شكل فراشه كلش نازكه كال
ضرغام... اشلحيها
هيلين... ليش
حجه وهو يباوه لرقبتي.... اشلحيها
مسكتها بايدي وحجيت....
هيلين... لا محتفضه بيها من زمان ما اشلحها
ضرغام... حجه بصوته اللي مليان بحه... اغاررر
هيلين.. بس هي كلاده
ضرغام... عقج حواجبه... حبيبي اشلحيها
هيلين... ما اشلحها
دا يحجي واندك باب غرفتني هنا اني تصنمت ضرغام كبل كرص خدي وطلع من البلكونه وسد الباب واني فتحت باب غرفتي
طبت امي باوعت للغرفه تتفقد وكالت
امي.... ويا منو جنتي تحجين
شجاوبها تلفوني عالشحن واللابتوب مسدود
باوعت للدبدوب وحجيت
هيلين... مع دبدوبي
امي... عقدت حواجبها واتلمست كصتي... ماما خوما تعبانه
هيلين... لا ماما مبيه شي
باستني وبستها وكالت...
امي... اني رايحه تصبحين على خير وعوفي الدبدوب لتحجين وياه
طلعت امي واني قفلت باب الغرفه ورحت اتفقد البلكون هستوني فتحت باب البلكون وشفته بوجهي شهكت خفت دصيح من خوفي وسد حاكي واني اباوعله مطككه عيوني من الخوفه عبالي راح
ضرغام... اهدئي شبيج هلكد خوافه
غمضت عيوني وفتحت بهدوء وخر ايده من حلكي وحضني كال..
ضرغام.....حبيبي ما لكيتي غير الدبدوب تشبهيني بي
ابتسمت لان بعد بيه خوفه كال...
روحي نامي وانوب قبل لا اجيج اتصل اكلج جاي حتى لتخافين
هزيت راسي بمعنى اي وهو باس راسي وراح
طبيت للغرفة قفلت باب البلكون ونمت ثاني يوم من رجعت من دوامي طبيت امي وسهام وايه كاعدين يسولفون
هيلين... ها اشون الحبايب
الكل... هلا هلونه
طلعت بدلت ونزلت كعدت اكل كالت ايه
ايه... ولج خطوبة انسام شهر الجاي
هيلين...اي بيها الخير
ايه... شراح نلبس
هيلين...ننزل للسوك ونشوف اليعجبنه
ايه.... خوش بس تدرين من هسه انلبكنه
هيلين... حقكم هاي الاعراس كلها هيج
ايه... اي والله
هيلين... وكبل يزف لو اشون
ايه.. اي الخطوبة وبعدين العرس
هيلين... اشون اقتنع اخو بنو
ايه... خلينه ابوج يخابره وتعرفينه اخو براء مصلحجي ومعرف شعنده بالمحكمه ما يكدر يرفض لعمي طلب
هيلين... زين لعد نسويلها حنه هم حتلو بيناتنه
ايه... اي هم هيج الخطوبة وبعدين الحنه
هيلين... خوش لعد
ايه... اني لازم اخيط كردي ما عندي
هيلين... اي اني هم ودوب تلحك الخياطه
امي... باجر نروح عالسوك نشتري قماش ووراها على خياطه مضبوطه بنهاية الفرع تخيطهن
ايه.... خوش لعد
سهام... ايه كولي لامج هم علمود كردي الحنه مال براء حتى نمر ناخذها
ايه... تمام
اني وضرغام بيناتنه المراسلات قليل اراسله دائما هو يراسلني نحجي بشغلي وبشغله بس حجينه كله عن الشغل مرات يكعد يتغزل واني اخجل منه كبل اترخص منه وهو يضحك يكول ضلي انهزمي تاليتج بحضني عود نشوف وين تترخصين
طلاقي ابد ما ذكرته ما اريد افتح مواضيع هيثم اضوج وانقهر واكضيها مغثوثه يومين ثلاثه
بليل
راسلت ضرغام كتبتله
هيلين...ضرغام
جاوبني كبل
ضرغام... هاا
هيلين... باجر حروح ويه امي للسوك
ضرغام...منو انتي
ضحكت ورديتله...
هيلين...هههه
ضرغام... مو دا اسأل منو انتي
هيلين... ضرغام شبيك
ضرغام.... اني خطيبته منو انتي
ضحكت ورديت
هيلين... هههه بطل هاي سوالفك
اجاني بصمه فتحتها صوت بنيه تكول
البنت... خير شرايده من خطيبي شنو ما تستحين انتي بعد لا تراسلين حتى هو كالي هاج التلفون جاوبيها ما ليه خلكها ترا بزعتني وسمعت بنهاية البصمه صوت مره تكول
.... شنو جنتي هنا ايمت اجيتي وخلصن البصمه
اسمع بالصمه ودموعي تنزل عالشاشه شفت الرسائل صارت تنحذف لدى الجميع راحت ايدي للحضر حضرته وذبيت التلفون ورحت لباب غرفتي قفلته ورحت لباب البلكون قفلته وكعدت عالتخت خليت راسي عالحائط ودموعي تنزل ليش هيج اني ما عندي حظ اذا خاطب ليش يضحك عليه ما فكر بحبي تعلقت بي وحبيته اول مره بعمري احب ليش يخذلني ويكسرني ما فكر كال ليش اضحك على بنات العالم
بحركة كلب رحت، لتلفوني حذفت الخزنه لان صوره بيها
ورحت حذفت محادثاتنه سويت جهازي وضع طيران وطلعت. من غرفتي نزلت للهول
شغلت البلازمه، واتمددت حتى بدون غطه رغم الهول بارد، ثلج من المكيف
احس جسمي نار وشعور بداخلي مقرف احساس فضيع لا اكدر انام ولا اكد اصيح واطلع حركة كلبي تمددت اباوع للبلازمه طالع فلم اجنبي بقيت اباوع ودموعي ما. وكفت
حسيت صوت، امي كبل درت وجهي للحايط وسويت نفسي نايمه امي طلعت للمغاسل ورجعت جابت غطه غطتني وسمعتها كالت..
امي... يا يمه سوده عليه نايمه بدون غطه
وراحت لغرفتها من طبكت الباب اني تكشفت اختنكت
كلت اني ليش ابجي خلي يولي
بقيت اباوع للفلم طفل كام يبجي بالفلم واني بجيت وياه اتمددت كرفصت بردت بس كلبي احس يطلع منه نار ودكات كلبي مو نضاميه بقيت دموعي تنزل لحد ما سمعته يأذن فجر كمت توضيت وصليت ورجعت تمددت نمت كعدت على صوت ماما تندهني
امي...هيلين هيلين ماما
هيلين...بتعب...همممم
امي...شبيج ماما متكليلي ليش هيج نايمه بدون غطه
هيلين بخنكه...عوفوني اريد انام
امي...وليدي ورانه روحه للسوك ودوامج خوما نسيتي
هيلين بخنكه ....يمه تعبانه اريد انام
احس غصه ببلعومي متوقعته هيج حيسوي بيه بس هسا تأكدت انو بعد ما اثق بشخص
امي مدت ايدها لمست كصتي ورجعت لمست بطني وحجت
امي... ابو هيلين مصخنه لشتها نار
ابويه.... لبسيها عباتها خل اخذها
هيلين... ما اروح بمكان خلوني انام
ابويه... يلا بابا لبين ما اشوف انسام انتو تتحضرون راح ابويه وامي جابت العبايه لبستها وجسمي احسه ثكيلللل ومتكسره تكسير وكلبي رايح وراسي يريد ينفجر امي جابت عباتي لبستني اياها بالكوه لبست
وابويه طب هو وانسام وايه وحسام
كال...
ابويه... سهام اجو حسام وايه يمج لبين ما نرجع
سهام... بس طمنونه عليهت عود
امي... اي اني عود اخابركم
انسام... هل هلونتنه مريضه
ابتسمتله بتعب
طلعوني وكايديني كتلهم... اكدر امشي وفعلا طلعنا للسيارة رحنا للطبيب علاج وابر اني اكره الابره ف بابا كاله شدلها كانونه بالوريد تضربهن شديت كانونه من طلعنا من المجمع حسيت دخت اتكيت على امي لزموني
رجعنا للبيت نزلو وامي نزلت فتحتلي الباب ولازمتني اجت عيني بعين ضرغام يم بابنا هو وحسام
درت عيني عنه ما اريد اشوفه وامي لازمتني طبينه للبيت
بقيت يومين علما صرت زينه واتحسنت تلفوني ما اجيت يمه وحتى قماش كالن ما نشتري الا تصير زينه هيلين ونروح كلنه
ثاني يوم الصبح طلعنا ويه انسام مرينه اخذنه براء واني الدنيا طالعه من عيني كلما اتذكره اكره نفسي لان ثقيت بي وحبيته
وصلنا السوك مشينه ندور بالمحلات براء تباوعلي تريد تحاجيني ومتكدر طبينه لمحل وامي وعمتي واكفات يقلبن بالقماش وايه تسولف ويه ابو المحل على لون هي رايدته
براء اجت. يمي وكالت
براء... شبيج يولي شو احسج مو على بعضج
هيلين... كلشي ما بيه بس تعبانه
براء... هاي سوالفج ما تعبر عليه حافضتج حفظ من ترجعين للبيت نتخابر وبعدين تعالي شبي تلفونج مقفول
هيلين... وضع طيران مسويته من تمرضت
براء.... ها خوش من ترجعين نتخابر شيلي وضع الطيران
هزيتلها راسي بمعنى... اي
اشترو قماش واني عجبني لون اسود واحمر اختاريت للكردي لون احمر وللصايا لون اسود
من طلعنا اشترينه احزمه مال كردي وامي ومرت عمي اشترو مجند هم
رجعنا. للبيت بليل فتحت وصع الطيران بس مفتحت نت لان ميكدر يراسلني غير عالماسنجر ما عنده رقمي
اتصلت على براء جاوبتني
حجينه وكالتلي
براء... ما حجيتيلي شبيج
هيلين... براء ضرغام طلع خاطب
براء... عزاااا صدك تحجين
هيلين... راسلته دا اكله علمود نطلع للسوك لمن جنه متفقين نطلع قبل كم يوم
براء... اي
هيلين... حجيت والدمعه بطرف عيني
جاوبتني بنيه كالت منو انتي اني اول شي عبالي ضرغام يتشاقه بس الأكدلي دزتلي بصمه
براء... وانتي من هاي مقهوره، ليش تخليني انزل بي مسبه ولو ابوه شنو ذنبه شكد حقير شكله يبين رزن وما. عنده هاي السوالف خيولي لا تغثين نفسج البسي واكشخي
حسيت راح ابجي فغيرت الموضوع
هيلين... ممصدكه راح تصيرين قريبه علينه يولي راح تصيرين مرت اخويه
براء... هيلين فدوه لخاطري لا تبجين الغصه اللي بصوتج تبين شكد انتي مغثوثه منه عمري فدوه لا تبجين ولا تغثين نفسج
كالت هيج لو احس جروحي انفتحت بجيت وحجيت
هيلين.. ليش ما عندي حظ تعبت براء تعبتتت
براء... ميخالف يا عمري هسا اني ما افيدج توكلي على ربج صلي واقري قرأن وهو يريح كلبج ويفرجها واذا كملتي قرءان خابريني نحجي
هيلين... تمام بنو باي
براء.. بايات هلا يروحي
سديته منها وسويت مثل ما كالتلي صدك من قريت قرأن ارتاحيت بس ما خابرت براء خطيه بس اقهرها فتحت نت اجاني رسائل من حساب مكتوب
ليش حاضرتني
فتحي الحضر
وينج
ليش ماكو
شبيج مريضه،
ردت اراسله بعدين كلت على شنو احجي وياه ميستاهل اخليله قيمه وارد حضرت الحساب
وره ربع ساعه اندك باب البلكون دكه خفيفه رحت وره الباب وحجيت بغضب
هيلين... روح منا
ضرغام... فتحي الباب
هيلين... شتريد مني
ضرغام... اريدج
هيلين... بطل تمثيل وروح منا
ضرغام... اذا ما فتحتي الباب اكسره وبكيفج
هيلين... ما افتح الباب روح
ضرغام... وخري من وره الباب لا تتأذين
.......................................................................
ضرغام خاطب لو لا اذا كان خاطب ليش خطب وشنو السبب او يمكن ميكون خاطب حنعرف هالشي بالبارت القادم وكلشي راح يتوضح
لهنا وينتهي البارت تصويتكم عمري
رواية الاصداف
بقلمي الكاتبة
bmbsh_beme
رواية الاصداف الفصل الثاني وأربعون 42 - بقلم بمبش

التعليقات مجاي اكدر انزل صورها راح اكتبها هي واليوزر حتى المقصود يعرف نفسه نزلت الصور وما اعرف اذا فتحت لو لا
اول تعليق
اليوزر.. ddsfhhrjefjj
الاسم.. ddsfhhrjefjj
مو كاتبة ضيم مع احترامي لباقي الكاتبات لو تبيع علج ماي احسللها 😁😁
طبعا للي يكولون عوفي الانتقاد وكملي معليج اذا غيري يسكت على هيج شي اني مراح اسكت لأن عبرت حدها عدنا هنا الاخت متابعه الرواية من اولها بس ضاجت كالت خل اقلد واغلط عالكاتبة احد جابرج تقرين لا ليش دتقرينها ما اعرف معاجبتج طلعي منها ليش الغلط يعني ما بقه مستحاه
التعليق الثاني
بنت بغداد user677614692675
كاتبة جيس حب بابا طولي البارت تكتبيلج كلمتين وتروحين شنووهاي
تكدرين تغادرين ما مجبوره تقرينها +اي بنيه تعرف اشون تحضر الشخص تتواصل وياي خاص ححضر شكو شخص متجاوز
شي اكيد اتقبل الانتقاد عالرواية بس مال اقبل تتجاوزين عليه لا هاي شيليها من بالج ممجبورة تقرينها
لو اريد اتجاوز عليجن جان خليتجن شهور تدورن كرامتجن بس حخلي البنات يردون عليجن
طبعا هواي يكلولي طولي البارت عمري انتو البارت طويل الله شاهد حالي حال باقي الكاتبات انزل 20300كلمة بس انتو لأن تتشوقون للبارت تحسوه قصير +اول شي هاي السنة حبدي بالسادس جاي ادرس يعني تخيلو اليوم عندي دوام ب 1 درس خصوصي وارجع من الدرس ب4 اغسل وب 5عندي مراجعه عند الطبيب يعني مراح ارجع لل6لل او 7 اتعشه وادرس واكتبلكم بارت ما اخلص البارت لل2 وعوفونه من هذا كله امي عدها دوام وابويه عنده شغل واني اكبر كل اخوتي يعني المسؤلية كلها عليه بالبيت
مع احترامي لكل الكاتبات بس والله العضيم ماكو كاتبة مثلي مستلطفتكم. وكلما يصير بيدي مجال ارد على تعليقاتكم وحتى بالانستا نشرت، بعض من التعليقات مالتكم
رواية الاصداف الفصل الثالث وأربعون 43 - بقلم بمبش
رواية الاصداف
بقلمي الكاتبة.. bmbsh_beme..
يكول عࢪيان السيد خلف:
"لاغرنا المدح بشفاف المحبين"
"ولا همني بشماته شما حجو عني"
"يلتمن عليه مشتتات الباب"
"وانفضهن نفض وانهض ولاجني" ♡
فتحت الباب وحجيت والدموع بعيني واكفه وغصه بكلبي واباوعله واحجي لو بيدي اصرخ الا اتعب واطلع شكو قهر بكلبي حجيت بغصه...
هيلين... شتريد. مني روح على خطيبتك معندك شي غير تضحك على بنات الناس
احجي بصوت همس بقهر وعصبيه ودموعي واكفه بعيني
عقد حواجبه طب للغرفه سد باب البلكون باوعلي وكال
ضرغام... شدتحجين يا خطيبة
هيلين... جان استحيت لحد هسه مستمر بجذبك
ضرغام... صك على اسنانه وكال... لا تتجاوزين معرف اصلا شجاي تحجين
هيلين....اطلع بره
ضرغام..... تحجين لو هسا افلش الغرفه. على راسج
هيلين.... صكيت على اسناني... اطلععع برههه
ضرغام... ضرب باب البلكون بوكس وصاك على اسنانه وكال... احجييي
خفت لان رفع صوته شويه وصوت ضربة الباب ركضت لباب الغرفه قفلته والتفتت عليه وحجيت...
هيلين... راسلتك علمود اكلك دروح للسوك دزتلي بصمه خطيبتك كالت ليش تراسلين ما تستحين تراسلين رجال خاطب وصوت مره يمها تكللها هاي جنتي ايمت اجيتي
عض شفته بغضب وكال... حواسمم يا حواسممم
هيلين.... دومكم انت وحواسم يلا اطلع
تقرب مني راد يلزم ايدي وخرت عنه ودموعي اعلنت استسلامها بعد متكدر توكف نزلت دموعي وحجيت
هيلين... ديربالك تلمسني
ضرغام... حبيبي بس سمعيني والله لا خاطب ولا شي اني بحياتي ما مرتبط بس باعيلي
هيلين... والسمعته شنو شفتني غشيمه
تقرب مني لزم ايدي نترت ايده ووخرت عنه تقرب مسك ايديه بقوه اريد ابتعد عنه بس مسيطر عليه ماسك ايديه بأيده اليسار طلع التلفون بأيده اليمين وكال...
ضرغام... وداعت. عيون امي هذا تلفوني هسا اذا لكيتي مرتبط ويه بنيه شتسوين سوي هاي بنت عمي اختلت بتلفوني ما ادري بيها وامي تسميها جنتي لان تريدها اكثر من مره حاجتني علمودها وما قبلت اكللها هاي اختي
من سمعته كلبي ارتاح واعصابي بردت بس لهسه ممقتنعه كتله
هيلين... عوف ايدي
ضرغام.. واذا ما عفتها
هيلين... اكرهك وخر
ضرغام... سد حلكج كافي مكر ولواكه كتلج بنت عمي فقط ما بيناتنه شي وحسابها عندي من ارجع للبيت
هيلين... وخر عني
كال اصبري فتح تلفونه وطب للاسماء طلع اسم مكتوب عافيتي باوعتله ورجعت باوعت للتلفون
اجاه رد عالاتصال وصوت مره كالت
.. ها وليدي
ضرغام... اشونج حجيه
.. زينه يمه
ضرغام... حواسم. موجوده
باوعتله كالي...
ضرغام.... هاي امي
هزيت راسي بمعنى اي
رجعت امه كالت
... اي موجوده
ضرغام.. انطيني اياها
... دقيقه
شوية وسمعت صوت بنيه نفس صوت اللي بالبصمه كالت
حواسم... الووو
ضرغام... حواسم
حواسم... ها عيوني
ضرغام...اني وانتي اكو شي يربطنا
حواسم... اي
ضرغام... شنو اي شيربطنا
حواسم... ولد عم
سد الخط بوجها وباوعلي كال
ضرغام... اذا كلتي ما اصدك لو شي بعد هاي هيه كلشي ينتهي
هيلين... تهدد يعني
ضرغام... هذا مو تهديد بس انتي ما سمعتي مني وكبل حضر
هيلين... شسوي حركة كلبي
ضرغام.... مثل ما حركت كلبج بس ارجع الا احرك كلبها
هيلين... وعليش عدكم
ضرغام... ضحى راحت لعيالها تزورهم وتزور جهالها وحواسم بقت يم الجهال
هيلين... يا جهال
ضرغام... هههه جهال اختي يسموني بابا مو نهار تسمعينهم وتكليلي ها طلعت عندك جهال
عقدت حواجبي مفاهمه شنو يحجي رد كال
ضرغام بحسره.... سالفة طويلة من نتزوج نكعد كعده طويله ونسولف
هيلين... اخ ضرغام ايديه
ضرغام... اشتعل شيب الخلفج ههههه هاي عفتج عاف ايديه ويبعد شعري عن عيوني باوع لرقبتي وكال
ضرغام... مو كتلج اشلحيها
هيلين... اهووو ضرغام..
ضرغام... لا اهو ولا مدري شنو شو وخري دارني صار وراية فتح القلاده وذبها عالتخت
ورجع باوعلي وكال...
ضرغام... اشون صرتي
هيلين... زينه
ضرغام...حبي مريض وتعبان واني لاجت روحي لا بيه اجي اشوفه ولا بيه اتطمن عليه
خجلت منه من الخجل ثولتها وكفت على اطراف اصابعي وكمت العب بشعره حسيته مشه ايده من خصري وصعد لفوك تجرء بلمسته اني كبل دفعته خجلت كلش
هيلين... ضرغامممممم
ضرغام.... ههههه شبيج
هيلين... ليش تسوي هيج
ضرغام... شسويت
هيلين.... دا احجي وعرفت راح اجفص كلت
... كافي روح روح انت ادبسزز
ضحك وكال...مسويت شي وتكولين ادبسزز وغمزلي
كتله...يلا روح... وادفعه بايديه للباب فتحت الباب وادفعه طلعته للبلكونه كرص خدي وكال... اروح فدوه لليخجل يلا نامي زين
راح ضرغام واني احس كلبي يدك بوجهي من الخجل نمت مرتاحه كلش الصبح من كعدت رفعت الحضر عن ضرغام.... بليل اخذنه حسام عالخياطه رحنا مشي وبراء كالت نفس قياسات ايه لأن هي ويه نفس القياس ودزتلنه صور الفصال
وصلنه للخياطه طبينه جانو شاطفين البيت وبوخه تخنك طببتنه للاستقبال كعدنه وبنتها الصغيره جابتلنه ميه
انسانه بشوشه وكلش فقيرة اخذت القياسات والفصالات كملنا وطلعنا بالباب لاكانا شاب ديطب للبيت خطيه خجل ما يعرف شيسوي
رجعنه للبيت لكيت ضرغام دازلي
ضرغام... ابد ما يفيد بيج اكلج ابتعدي تولين وياه وانوب مشي ناقصكم فلوس حتى ما تاخذون تكسي
شهالطبع البيكم
شفت رسالته قبل 3دقائق كلش ضجت ليش هيج يحجي قابل هي عالفلوس بس هي كريبه ورحنا نتمشى مرات الانسان يحب يطلع يتمشى
كتبتله.... رحنا عالخياطه وقريبه علينه ردنه نتمشى واذا عالفلوس محد بكد عائلتنه خوارده هذا طبعنا ما مجبور تحجي وياي يلا باي
ضرغام... وين رايحه
شفتها وما رديت
ضرغام... لا تضوجيني هيلين
رديتله... ضوجاتهم ودزيتله ايموجي عصبي
دز ايموجي يضحك وكاتب... لا تتعصبين اني ضجت شفت حسام وياكم وحجيت هيج
رديتله... اي
ضرغام... زعلتي
هيلين... اروح اتغده
ضرغام... غده بليل
هيلين... باي
ضرغام.. ههههه باي
ضجت من كلامه كأنو يقصد نحنا بخيلين وكلشي الا البخل اكره البخيل واكره شكو شخص بخيل
ثاني يوم من طلعت ما ابتسمتله طبيت للمجمع انسام بعده مجاي شعجب
طبيت للغرفة لبست الصدريه وخابرت انسام كال رحت فولت بانزين هسه جاي
جفلتني براء من طبت للغرفه وكالت هلاوووو
هيلين... شجابج
براء... هو اني صدكت تروح الكدمات دا اجي
هيلين... عفيه همزين اجيتي غير طكت روحي بلياج
اجت كعدت يمي وسألتني على ضرغام من شوفتها المحادثه كالت
براء... يولي يغار عليج من غيرته وحركة كلبه يحجي هيج
هيلين... اي بس لو مهما يكون ميصير هيج يحجي
براء... اي عفيه لأن من تنطينو مجال راح يتعود يضل يحجي وبعدين توصل للغلط
هيلين... اي صح
بقينه نسولف لحد ما جا انسام طب للعياده وكال
انسام... هيلين ضرغام جارنه اجه علمود جاروشته وما سويتله حجز كتله هسه اطببك يلا بسرعه
براء تباوعلي وتبتسم
وانسام طلع اني وكفت انتضرو طب وكال
ضرغام... السلام عليكم دكتوره
هيلين... وعليكم السلام
راح تمدد عالكرسي واشر على حلكه كال...
ضرغام.... جاروشتي ماذيتني يمكن تحتاج حشوه
هيلين... عليش جيت
ضرغام... ادي واجبج كدكتوره
تنفست بقلة صبر ورحت كعدت يمه وجهت الضوه عليه وهو يباوعلي
اني من يسوي هيج ما انتبه على اسنانه واتخربط خليت ايدي على عيونه وباوعت داخل حلكه عنده تسوس ويحتاج حشوه
ردت افحص التسوس اشوف ماثر عالعصب ف اخذت الأبره مال الفحص ووخرت ايدي عن عيونه مركزه على جاروشتنه نغزت التسوس مرتين
هيلين... توجعك
ضرغام... تردين توجعيني
هيلين... دتأكد من العصب توجعك يعني
ضرغام.. اي
هيلين... تحتاج حشوه
ضرغام... اي عادي
اخذت ابرت البنج ومركزه كلبي ما ينطيني أءذي ضربته ابر البنج وكتله
هيلين... هذا هو انتضر بره اني اصيح اسمك عود
ضرغام... خوش بس
ديكمل وطب انسام كال...
انسام... المراجع اللي ما اجه قبل فتره هسا اجه يكول صار عندي ضرف اخلي يطب لو يلزم سره
هيلين... لا خلي حاله حال الباقي انتها الحجز مالته
طلعو ضرغام وانسام
من صار وقت الحشوه انسام صاح ايم ضرغام طب ضرغام كال...
ولج جنت ناوي ابوسج شي. شو هذا حلكي احسه انعوج
واتمدد كملتله الحشوه وكال..
ضرغام... شكد
باوعتله بنضره معاجبني حجيه
ضرغام... شبيج شكد
هيلين... ضرغام ترا كلبي مثل النار هسه اذا الزمك انتف شعرك
طلع محفضته وحجه... شكد يولي هذا تعبج
هيلين... راح ازعل وربي شنو ما حسابني منك وبيك
تقرب يمي حضني كال اشون ما مني وبيه باس خدي كتله
هيلين.. يبوو وخر كلك ريحة بنج ضحك وراح واني كملت دوامي ورجعت..
قرب عرس انسام بقالة اسبوع واحنا نزلنه اشترينه ملابس وثاني يوم رحنا قسنه الملابس طلعت فيت وتجنن
وضرغام يتحلف كصير ماكو
باجر الخطوبة لبست وكشخت وطلعت اني واهلي بسيارتنه وبيت عمي بسيارتهم من
وصلنه لهناك اول ما نزلنه حسام شغل الديجي وشاله وطبو واني اختنكت احس صارت بيه خوفه اجيت ابجي طبيت واحس شي خانكني واذا احد كالي بش ابجي طبينه للاستقبال
براء لابسه فستان شفقي ومكياج شفقي وتسريحتها مع طول شعرها تجنن
بس بدو يهوسون اني طلعت للهول ودموعي نزلت
ياالله يا رب عليك توكلت
خليت الاكلينس بطرف عيني ومسحت دموعي والخنكه موتتني احس ببلعومي غصه جبيره
شوية واجتني ايه
ايه... وينج خرببب دمشي ديلبسون الحلقات
هيلين... هياني جايه
باوعت لعيوني وكالت...
ايه... دتبجين
هيلين... لا بس ضرب الشال مال عمه بوجهي وكله لمع فطب لعيوني واذاني روحي هسا اجيج
ايه... يلا انتضرج يولي وحدي اني وهيام بنص بنات خالات براء
هزيتلها راسي بمعنى اي
هي راحت. واني اخذت، نفس عميق وكلت بيني وبين نفسي... قوي نفسج هيلين لا تبقين ضعيفه قابل شنو حتستفادين اذا بجيتي قابل راح يرجع الماضي وما توافقين بهيثم هاي خطوبة صديقتج يولي صديقة عمرج واختج هسا عيونها تدورلج
مشيت باتجاه الاستقبال واني اعدل الشال على راسي اول مطبيت براء باوعلي جانت تدورلي ابتسمتلها وابتسمتلي.
لبسو الحلقات وقصو الكيك كصينه صور وياهم ورجعنا اني حتى ما نزلت من السيارة ماما خطيه نزلت فتحت الباب وطبينه
كبل بدلت وسبحت ولكيت ضرغام مراسلني
ضرغام... ها الحب اشونه
هيلين... هلاوو زينه وانت
ضرغام.. الحمدلله وين انتي
هيلين... بالبيت هستوني رجعت طبيت سبحت وطلعت راسلتك
ضرغام... تدرين تعبان متكسر اريد اسبح اتكاسل
هيلين.... لو بيدي اشيل التعب منك واخلي بروحي
ضرغام... شو صايره تتغزلين انتضريني جاي فتحيلي الباب مال البلكون
هيلين.... هههه ترا بعد ما اتغزل
ضرغام... لا هلونتي اتشاقه كصيتي صور
هيلين... اي كصيت
ضرغام... دزيلي خل اشوفهن
دزيتله صورتين لابسه بنطرون وجاكيت رسمي وشعري كويته وذبيت عليه الشال وميكب كلش خفيف
ضرغام... ليش ما محجبه
هيلين... ماكو احد بس انسام وحسام
ضرغام... وشعليهمن صخمان هيلين وتالييي
هيلين... ترا اجي اموتك ضرغام مدا تشوف من وراك حتى مكاشخه كال حسام وحجه حسام
ضرغام....تعالي
هيلين.. ضرغاممممممممم
ضرغام...عيون ضرغام
هيلين..... حروح انام والله تعبانه ونعسانه
ضرغام... ميحتاج تحلفين نوم العوافي حبيبي وباجر الحنه بليل قبل لا تتحضرين رمشيلي على هذا الرقم 07.......
هيلين... الله يعافيك تمام باجر ارمشلك منه باي
ضرغام... بايات
نمت وثاني يوم الصبح كعدت رحت لبيت عمي شفت شيحتاجون ورجعت للبيت الحنه بليل العصر سجلت الرقم واتصلت شو رفضني ضجت
رجع اتصل جاوبته
هيلين.. هاا
ضرغام... شكو شنو ها
هيلين... ليش تسده بوجهي
ضرغام... اني مشترك
هيلين... ميخالف انوب لترفض اني هم عندي رصيد
ضرغام... اي هيلين دوصيج حتى لا بعدين تكولين ما كال
هيلين... اي كول
ضرغام... الشال تلفينه مو تخلينه اشون من جان البارحه هو والماكو سوه بس ما ردت اخرب ونستج
هيلين... لا ما البس شال ضرغام الحنه بس نسوان ومن يطب انسام يحني العروس وحسام يصور نلبس شالات وعود الف الشال زين بس يصورون الحنه وبعدها يطلعون
ضرغام....وشراح تلبسين
هيلين... كردي
ضرغام.... كصي صور بي ودزيلي اياهن من تلبسينو
هيلين... تمام
ضرغام... يلا حبيبي اني اروح لان بدوامي وملتهي
هيلين... تمام باي
ضرغام... باي
سديت الخط منه ورحت سبحت وسشورت ولبست الكردي كصيت صورتين ودزيتله ورحت خليت مكياج ورتبت شعري طوخت المكياج باوعت حيل الساعه ب6المغرب
نزلت للبيت رحنا لبيت عمي شغل وهوسه ل8 ورحنا للحنه تونسنه مع العلم هم مخنوكه بس ردت اعود نفسي
خليت حنه بكفوف ايديه نفس الهنود دوائر بس
وركصنه وتونسنه لل11رجعنا بالطريق ابويه كال
ابويه... بيت ابو باسم كلهم جايين
ردت امي... عليش جايين
ابويه... يمعوده صارت شغلة مساحاه
امي... ليش
ابويه... خابرني البارحه كال ام باسم تريد تحجي ويه ام هيلين كتله بالخطوبة كال ها بيها الخير منو عرس كتله ابن اخويه كالي جا واحنا ما تعزمنه كتله امبله معزوم
فراح يباتون عدنه باجر يحضرون العرس ويروحون
طبعا هيثم حذفته من حياتي ماكو شي يجمعني بي واي مشاعر معندي تجاها يعني اعتبره انسان عادي فما اهتميت اذا يجون بس الصراحه راحه ضجت لأن ما اريد شي يذكرني بيهم محجيت ولا كلمة دار حوار قصير عن بيت ابو باسم بين ابويه وامي وعمتي بس ما شاركت والتهيت بالسواقه
وصلنه للبيت اول ما كنك تلفوني الاشعارات طن وطن بابا راح لبيت عمي علمود بيت ابو باسم
طبيت للبيت شوية ارتاحيت واكفه اشرب حليب وطب بابا وبيت ابو باسم
باوعت جايين ابو باسم وهيثم ونور وساره وام باسم
اختنكت من شفتهم بس سويت نفسي ممهتمه خليت الشال على راسي وطلعت سلمت عليهم
هيثم اكلني بعيونه وامه بس تتبسملي ونور معاجبها الوضع تسالمو وطببناهم للاستقبال امي نقلتلهم عصير وماي واني كملت ورحت يمهم كلت فد مره من اطلع لغرفتي اغسل وابدل
طبيت كعدت يم ساره كال ابو باسم
ابو باسم... اشونج عمو
هيلين... الحمدلله انت اشونك
ابو باسم... الحمدلله زين كالو رجعتي لدوامج عفاج بويه
هيلين.... تسلم اي والله رجعت
ابو باسم... ما تنلامين احسن اللج
هيلين.... احسن بهواي دوامي كلش احبه ومتعلقه بي
سولفنه وضحكنه وحسيتهم كلهم متغيرين عدا نضرات ضرغام اليه ممتغيره ولا حقد وكره نور متغير
شوية وام باسم كالتلي...
ام باسم...هيلين ما تدليني وين اغسل
هزيتلها راسي ب اي وطلعنا كالت اروح للحمام طلعنا للحوش راحت للحديقه كعدت عالدكه واشرتلي اروح يمها رحت،كعدت يمها كالت....
اشونج هيلين
هيلين... الحمدلله
ام باسم..... انا جيتي كلها علمود احاجيج
بقيت ساكته انتضرها تكمل كالت...
ام باسم... هيثم يحبج حبيبة انتو صحيح تطالكتو بسينه هو يحبج ويريدج يعشكج عشك
هيلين..... حتى لو يحبني ف احنا انفصلنه وكلشي خلص وعشقه وينه شو ما شفت منه غير الأذيه
ام باسم... حس بقيمتج لهسع يتانيج
هيلين.... لا ينتضرني ولا يتعب نفسه احنا ما نرجع سوه
ام باسم... ليش ترا ما تلكين مثلنه يحبج ويريدج
هيلين... مردت اجيب طاريكم بس انتي فتحتي موضوعكم وراح احجي انتو واحد من الاسباب اللي خلتني انفصل ششفت منكم شو جنت اطعمكم العسل وتنكرون فضلي اكثر من افنان رادت تسوي سحر وما حجيتو لو كعداتي بالغلط والضرب جنتو بس ما اشتغل شي لان اتعب من يجي هيثم تسوينها قصة وتخلينه يكتلني
اني ما اعيش عدكم وابنج واحد متخلف ما عنده ثقه بيه وما استحه طب لبيتنه وجرني كدام اهلي وضرب بنت عمي ودفع امي وما احترمها
ام باسم... كلام من اللج رجعي وتكعدون ابيت وحيدكم يا حبيبة بالبيت ينفخ نار النهار كله حتى اني صار ضدي شصار وكالي انتي السبب يعاملني احسن معامله بس ما اشوف. حبه لامه مثل كبل
لو خواته اللي بس حجن وياه يكوم يصيح ويكلبلج البيت كلاب ما يخلي شي صاحي ما يكسر انا غلطت وياج كدام الكل اعتذر منج يا حبيبة
هيلين... ام باسم فدوه لعمرج سدي الموضوع احنا ما النه اي رجعه كلمن راح بطريقه وانتهى وهسا من، رخصتج مشيت وكفت لحيلها وكالت..
ام باسم... جا ما طول صار هيج الحجي راح ازوجه افنان وتفض السالفة مبين ما منج خير
ما رديتلها طبيت، للمطبخ كلش ضجت مصلحة نفسها بس علمود ابنها تقنع بيه. علمود ترجعلها خدامتها اللي جانت النهار كله تكرف وبنهاية اليوم تنضرب وتنهان طلع وجها الحقيقي بس رفضت ابنها وهيثم مثلها ناخته نخت
هم يتندم ويتعذر ومن ميلكه مسامحه يسوي الاكبر مرات ايه تكلي يحبج ليش عفتي
افهمو يا ناس هو بس حب لا اهتمام لا احترام لا مخليلي قيمة اهانه وضرب وعدم ثقه لهسه اثر السجينه بجتفي ما انساها للموت اتناساها وما انساها
لو تقربه منها واني موجوده
البشر اذا داس نملة ينقهر عليها مو انوب بشر زين وياه ودلال واهتمام ونضافة وتالي ينهان وينضرب
البنيه تريد سند مو واحد يمشي بكلام امه
بقيت بالمطبخ اجت امي كالت جيبي فرش دا نفرشلهم
اني وسارة ننقل فرش وامي ونور يفرشن بالاستقبال نور وسارة كالن ننام بالهول هنا وهيثم لان يردون يتعللون
وابو باسم وام باسم بالاستقبال كلمنا فرشنالهم وسارة ونور بالهول صاحولي جبتلهم ميه ورحت يمهم اجه هيثم تمدد على ضهره بفراشة واني والبنات كعدنا شوية بعيد باتجاه راسه
كاعدات يسولفن واني استمعلهن كالت نور
نور.... اكلج شوفي هاي الصوره مو حلوه
باوعت افنان كتلها اي حلوه
نور.... دشوفي يولي اخويه مدلل امي كالت اذا ما ترجع هيلين راح ارجع افنان
رديتلها... الف مبروك مقدما شايف الف خير
ورجعنا نسولف
شوية واترخصت منهن لان تعبانه
وطلعت لغرفتي كلت اشوف شنو جايني رسائل ف فتحت التلفون طبيت للماسنجر واني اطلع المشط من الجرار علمود الم شعري حتى امسح الميكب واسبح
لكيت رسائل من ضرغام كاتب...
ضرغام.... هلونتي لا تبدلين وتخربين كشختج اريد اجي اشوفج
دزيتله...
هيلين.... تمام لعد
كعدت اخذ صور لمكياجي واجاني رسالة
ضرغام... فتحي الباب
شاهدت الرساله والتفتت. للمرايا رتبت شعري بحركه سريعه وطلعت العطر مالتي خليت شوية وطلعت عطر الشعر خليت شوية وبحركه سريعه رجعتهن للجرار هنا والمشط
ورحت فتحت الباب شفته هستوه وصل حايطنه
باوعتله ابتسمتله ردلي الابتسامه وصعد للحايط وصعد للبلكون
اني طبيت للغرفه واشرتله يطب لأن اخاف احد يشوفنه
طب ضرغام وسد باب البلكون
وباوعلي بتركيز اجه تقرب واني اباوعله بمكر وارجع لوره
اخر شي بحركه سريعه جرني من حزام الكردي الا انضربت بصدره
باوعتله وبرطمت...
هيلين... اذيتني
ضرغام.. حساسه زياده عن اللزوم
هيلين.. مشيت اصبعي على رسمة اللي عالتيشيرت وحجيت... هوايي حساسه رقيقه
ضرغام... جر ايدي وباس باطن كف ايدي وكال...
te amo
هيلين.. ليش تكولها بغير لغة
ضرغام... ليش ميعجبج نغير لغير لغة
هيلين... لا حلوه مميزه
ضرغام... وانتي هم حلوه ومميزه
ابتسمتله بخجل لف ايدينه على خصري وكال..
ضرغام....نضوك
هيلين... شتضوك
اشر على شفايفي بعيونه
هيلين... طككت عيوني عليه ضحك وكال...
ضرغام.... بس لا اخاف ههههه لعد منو من ابوسه ينسه نفسه ولج جا غير اخر مره بستج لوما الزمج تطيحين
هيلين... طوختها
ضرغام...تعالي ابوسج ونشوف
هيلين... هههه لا ميحتاج
جاي يحجي واندك باب غرفتي كلت منو محد رد ضرغام ركض للبلكون
رديت كلت منوووو محد رد
رحت للباب فتحته شفت هيثم بوجهي
هيلين... شجابك وليش جاي
هيثم..... خلي نحجي
هيلين... ماكو شي نحجي روح...
دا اسد الباب دفع الباب وطب للغرفه رجعت لوره واشرت للباب وحجيت
هيلين... لتخلي صوتي يطلع اطلع من الغرفه
هيثم... ليش هيج متغيره وين حبج ووين اهتمامج
هيلين... هيثم كلشي انتهى اطلع رجاءا
هيثم.... ما اطلع اجيت بسبب كلامج
هيلين... يا كلام
هيثم... شنو تكولين خل يرجع افنان وشايف الف خير
هيلين..شسويلك مثلا.... توهمت دا اكله هيثم كلت...
ضرغام
عقد حواجبه
هيلين... العفو هيثم اي شسويلك مثلا افرحلك اذا ترجعها هي هم تحبك
هيثم... بس اني احبج انتي انت اولى بحبي اللج
هيلين.... رجاءا هيثم اطلع برا كافي طوختها
هيثم... وين اطلع يولي غير مرتي وبكيفي
هيلين صكيت على اسناني وحجيت... جنتتتت جنتتتتت مرتككككك هسا اني ما احل عليك هيثم اطلع من. حياتي كافي والله تعبتني
بجيت كمت ابجي واحجي والغصه بكلبي وببلعومي
هيلين... ششفت منكك شي زين هيثم انت دمرتنييي ما. خليت خط رجعه لهسه اثار ضربك احس لهسه تأذيني وتنغز بكلبي
شهكت واشرت على كتفي وحجيت بحركة كلب .... لحد ما اموت. ما انسه
كلت باستهزاء...
الوشم الرسمته بكتفي اموت وما انساه ومنا وهيج اعرف شكو بكلبي تجاهك
هيثم... مرجوعج اليه لا افنان ولا غيرها تعوض مكانج البيت خالي بدونج والجو باهت والاكل ماله طعم كلشي بغيابج تعبني
هيلين... رجاءا اطلع براا
تقرب راد يلزمني رفعت ايديه بمعنى لا تتقرب هز راسه بمعنى اي وطلع
سديت باب الغرفه وخليت ضهري عالباب غمضت وبجيت ولفت نضري البرده وباب البلكون وهو ينفتح واني كل ضني ضرغام راح بس الصدمه الاكبر شفته صار يم باب البلكون وشكله ميتفسر
اجه تقرب مني واحس النار تطلع من عيونه لزمني من ركبتي كلت خنكني راح اموت بس بسرعه عافني لازمني من شعري وايد الثانيه لازم فكي وانفاسه بوجهي نار من العصبيه
عرفته سمع حديثي ويه هيثم واني مكايلتله انو اني منفصله حجه بعصبيه وانهيار حسيته حيبجي صاك على اسنانه ويهمس بقهر وتعب وخذلان عيونه تحجي كلشي
ضرغام... ليششش تجذبينن عليه ليششش هاي تاليتي رجال تضحك عليه طفلة لو ناوي وياج نية سيئة جان مسويتي كل هذا اكلججج زوجج تكليلي لااا
هيلين... دموعي تجري واحجي.... والله مو زوجي انفصلنه اني وياه
دفعني وكال..
ضرغام....طلعت الاحبها وشم رجال غيري على چتفها ومناسيته وجابه تلعب ويايي مشكوره انطيتج عيوني وبجيتيهن
ردت احجي عافني وطلع
لحكته ركض كمز بسرعه وراح
ركضت اخذت الفون وايديه وشفايفي لزمتهم الرجفه
اتصلت عليه ماكو رد اتصلت مره ثانيه رفض خمس مرات اتصل ويرفضني
حاولت يمكن 15مره اتصل ويرفضني
اخر شي فتحت الماسنجر لكيته حاضرني طبيت للرقم حتى ارجع اتصل وهم حاضرني
انهاريت بالبجي احبه ما اكدر بدونه اي تحبه وتعلقت بي صار سندي تمددت بفراشي بقيت ابجي الى الصبح صارت الساعه 6 رحت للتلفون عسه ولعل فاتح الحضر
لان اعرف كلبه محروك حرك هو هسا اباله اني لهسه احب هيثم واباله الوشم رسم صدك ميدري جرح
فتحت التلفون اتصلت على رقمه لهسه حاضرني
طبيت للماسنجر حاضرني
اخذتلي ملابس وطبيت للحمام سبحت وتفكيري كله يم ضرغام
احس هيثم اذيه كلما يجي ياذيني حتى بعد انفصالي ما خلصت منه
طلعت سشورت ولبست دشداشه لان بيت ابو باسم عدنا
نزلت جوه لكيت لهسه محد كاعد طبيت للمطبخ فتحت الثلاجه بيها انواع الاكل بس نفسي ما تريد الاكل
طلعت كعدت بالمرجوحه شباك غرفته كبالي بقيت شوية كاعده ومرجعه راسي لواره واباوع للسما وافكر اشون اكدر اتواصل وياه وافهما هو. ما خلاني حتى ابرر
صحاني من تفكيري صوت سارة وهي تكول...
سارة... شو كاعده تنبل
هيلين... احسن
سارة... على صوتج من فتحتي الثلاجه كعدت
هيلين... نومج خفيف
سارة... مو حيل
حجيت هيج وراحت للحمام واني رحت للمطبخ احضر ريوك سارة شفت امي اجت للمطبخ
امي... سوي جاي بقوري الجبير حتى يكعدون يتريكون
هيلين... تمام
سويت الجاي وسارة راحت غسلت واجت يمي كعدت
اني خليت طبقة البيض وجبت طاسه جبيره علمود كله اكسره واخلي بطاوه جبيره وبعدين اوزعه بصحون
واكفه كبالها اكسر بالبيض وهي تسولف واني بس اجاوبها بكلمات بسيطه لان تعبانه وجسمي تعبان
سارة...اشون ناس بيت عمج
هيلين... تسلمين
سارة... ابنهم حسام
هيلين...شبي
سارة... خوش ولد اكلج
هيلين... كولي
سارة.... ما رفع عينه عني الكعده كلها هاي هو هيج خفيف يباوع على كل بنيه لو شنو
هيلين... لا ثكيل
سارة... لعد ليش هيج نضرته اكلتني اكل
هيلين... معجب
سارة... هههه يبووو
ابتسمتلها بتعب وحضرت كاسات للالبان وصحونه للاجبان وامي ونور يلمون المنام ويعزلون
كملت واكفه اخلي الاستكانات وطب حسام للمطبخ كال...
حسام... ها صباح الخير
رديناله صباح النور وسارة خجلانه منه ومن نضراته حقها نضراته كلش وكحه اول مره اشوف حسام هيج
وكف كال....
حسام... هيلين صبيلي الجاي
صبيتله جاي انطيته الاستكانه وكتله..
هيلين.... صار الريوك
حسام... لا متريك بس بالبيت هوسه مو مال شرب جاي اجيت هنا شوية ارتاح
هيلين... هلا بيك
امي ونور اجو اخذو الاكل وامي كالت لساره وحسام
امي... يلا شو كاعدين كومو دا تتريكون
حسام... اني متريك الف عافيه بس اسرب الجاي وارجع للبيت لان يحتاجوني اني واكف يم الطباخين
امي... يلا سارة يلا هيلين تريكو حتى تلحكون للعرس
ساره... اني ما جوعانه ما اتريك
امي... دكومي ميخالف اكليلج شويه
سارة... عمه والله ما جوعانه
امي...لعد تريكي ويه هيلين شوية اللخ
راحت امي واني جريت كرسي وكعدت يمهم كال حسام وهز يشيل الاستكانه يشرب جاي ..
حسام.... انتي طالبة
سارة.... لا
حسام...متحبين الدراسه
ساره...حيل احبها بس اخوتي بطلوني
حسام... ما يفتهمون
ساره هزت راسها بمعنى اي
بقينه كاعدين حسام ما رفع عينه عن ساره واني كاعده وساكته خلص جايه ووكف فر السبحه مالته وكال...
حسام... عود تعالو من وكت لا تتأخرون لان العالم تبدي تجي خوما تجون من نصهم
هيلين.. نخلص شغلنه ونجي
راح حسام واني اعرف سارة ما تريكت علمود تكابل حسام هذا حب من اول نضره شو بس شافته وشافها صارو جنهم عشاك من سنين
ف حضرت ريوك وامي ونور بدن ينقلن ريوكهم لان خلصو اكل
وكعدت يم سارة كتلها...
هيلين... يلا اكلي وراج هز وركص تجوعين والنهار طويل
اكلنا اني وياها اني كل شوية اكل لكمه ما ليه نفس بس علمودها ميصير اخليها تاكل وحدها
كملنا اكل وواكفه اغسل الاماعين نور وامها راحن على بيت عمي اني رتبت البيت وكمت اطلعلي شغل من جوه الارض من الضوجه والقهر
جاي امسح البلازما وطلعت امب من الغرفه لابسه عبايتها كالت...
امي... شو لهسه ما مبدله ولج يمه مو مابقه وكت هسه وكت البلازما مو البارحه، مسحناها روحي جيبي ملابسج وغراضج وانزلي يلا
هزيتلها راسي ب اي........
وطلعت فوك طلعت ملابسي والجنطه وتلفوني ولبست عباتي وذبيت الشال باهمال لأن من الباب للباب ونزلت
طلعنا اني وامي وبابا بقه بالبيت لان عشا الرجال ابيتنه والنسوان ابيت عمي
طلعنا بسرعه من الباب للباب علمود ذابات شالاتنه باهمال
طبينه عدهم جانو بالحديقه هيثم وحسام وانسام شعجب ضرغام هنا باوعتلهم شافوني انسام رفع ايده سلم عليه ابتسمتله وهزيت راسي بمعنى... هلا
وطبيت جوه باوعت الساعه ب11هاي شكد صار وتوها 11احس الوقت كلش طويل
ايه تفتر تشتغل ما كعدت والبيت مليان نسوان عمي عازم كل الفرع
ذبيت عباتي وبقيت بالدشداشه وبديت اشتغل، وياها بدون اي صوت اقدم ماي وجاي ورجعت للمطبخ ايه جانت ترتب الكاونتر بسبب الهوسه بديت اعاونها
ضرغام مطلع من تفكيري ليش منطاني فرصه ابررله ليش حضرني هيج غلاتي عنده ويسوي هيج معقولة كلشي انتهى وكلمن يروح بطريقه اني ليش حبيته اني ليش تعلقت بي وبالذات اخر فتره صرنه، هواي نتواصل
صحاني من تفكيري كرصت ايه من زندي
هيلين... اخخ شبيج
ايه... هاي ليه ساعه احجي عبالي منتبهتلي تالي اكول هيلين هيلين ما تردين
هيلين... ممنتبها
ايه... هاي ليه ساعه ارطن يولي
هيلين... شنو كولي
ايه... بيت الرحنا خيطنه عدهم
هيلين... اي
ايه... شفتي الشاب اللي لاكانه بالحوش
هيلين... اي
ايه.... البارحه بالحنه مو امي عزمتها فهي اجت بالحنه
هيلين... اي
ايه... اي جنت واكفه اخذ صور للعروس واشرتلي رحت يمها كالتلي... انتي متزوجه..كتلها.... لا
كالتلي....اذا نخطبج اهلج ينطوج
اني ارتبكت وخجلت ف ثولتها وكتلها امي تصيحلي ورحت، يم امي اسولف وياعا بحجة صاحتني
هيلين... اي
ايه...هيلين اذا خطبني اوافق
هيلين... الشاب مبين زين وشفتي حتى ما رفع عينه
ايه... اني هم هيج اكول بس افكر اكول هم ما عدهم يعني منين يصؤف عليه باجر وخاف ما اعيش عدهم لأن ما عدهم مصدر رزق على خياطة امه اني هم اريد لبس وكشخه وفلوس هاي شي مهم بالزواج
ضوجني كلامها ما احب هيج تفكير وهيج نضره رديتلها......
هيلين..... انتي ليش دتفكرين بالفلوس ليش شنو اهم الراحه لو الفلوس اكو عدهم فلوس وممرتاحين ابسط شي اهل هيثم شكد عدهم حلال وبساتين بس هالشي كله مجان بعيني لان اني تأذيت بسبب هيثم شفتي شكد اذاني
اعيش بخيمة ويه شخص يحبني ويححسني بقيمتي ولا اعيش مع غني ويذلني صراحه حكلج شغله وانتي تعرفيني ما اكدر ابلع الحجي بس مدام هذا تفكيرج انتي متستاهلين رجال متوضع وزين وياج ينرادلج واحد مثل هيثم عنده فلوس ويذلج وتفكيرج ابد محلو اتمنى تغيري
وكملت شغلي وهي كالت...
ايه... لا. عادي احب صراحتج واساسا صح كلامج الفلوس مو كلشي واني اهلي موجودين شحتاج منها وهو هم الا ما يوم يلكه مصدر رزق
هي تحجي واني استمعلها
ايه... اكلج اني جاي اخطط وهو اصلا ما خطبني
ضحكت على ضحكتها وبقينه نشتغل، لل1
اجت مرت عمي للمطبخ كالت.
ام حسام... عوفن من ايديجن واطلعن تحضرن يلا كافي
ايه... هيام وينها
ام حسام... ما اجت لأن اجت عالحنه ما يقبل يدزها، عالعرس
ايه... تستاهل خلي يسجنها هي متنطي علي لو زلمتي هيج اجي لو مدري شيصير غير عرس اخويه
طلعنا للغرفه ونور وساره، ويانه تحضرنه، اني لبست بدلة رسميه جاكيت زيتوني وبنطرون زيتوني مثل القاط الرجالي بس الجاكيت مسدود وشكله بناتي حلو
وشال اسود وحذاء زيتوني وجنطه لون اسود وخليت مكياج كلش خفيف
والبنات كشخو وترتبو
شكد رادو مني اروح بسيارات العرس ما رحت بقيت ابيت عمي
كعدت عالدرج اقلب بتلفوني وروحی طاکه لکیت ضرغام فاتح الحضر کلش فرحت بس خربت کل فرحتي من طبیت اشوفه شناشر وچانت الصدمه اللي خلتني احتقره واکرها
چان ناشر..
لهنا وینتهي البارت تصویتکم کرزاتي
رواية الاصداف الفصل الرابع وأربعون 44 - بقلم بمبش
حزن ابتعد عنّي ودع جرحي يزل همّي
وإنّي بك يا حزني غير العذاب لا أجني أيا حزن مالك منّي؟
ألا ترى الذي بي يكفيني تعبت من كثرة التمنّي، ولست أنت بحائلٍ عنّي
أيا حزن لا تسئ ظنّي، فأنت في غنىً عنّي فلي من الآلام ما يبكي،
ولي من الجروح ما يدمي ألا يا حزن أتعتقد أنّني منك اكتفيت ألم يحن الأوان بعد،
ألم يحن زوالك يا حزني
~~~~~~~~~~~~~~~~
شكد رادو مني اروح بسيارات العرس ما رحت بقيت ابيت عمي
كعدت عالدرج اقلب بتلفوني وروحی طاکه لکیت ضرغام فاتح الحضر کلش فرحت بس خربت کل فرحتي من طبیت اشوفه شناشر وچانت الصدمه اللي خلتني احتقره واکرها صورة لشيخ مبين جاي يعقد ويمه رجال
وصورة ثانية ايد رجال وبنيه ماسكين ايدين بعض ولابسين حلقات ومكتوب....
تم عقد القران والحمدلله
دموعي نزلت عالتلفوني وكفت بالحديقه واروح وارجع مثل المخبله حسيت ايديه بدت ترجف خفت احد يشوفني طبيت بسرعه للبيت رحت للحمام طبيت وسديت الباب بجيت وشايفي وايديه رجفن خليت ايدي على حلكي لا يسمعون صوتي
بقيت ابجي ما سكتت ومن اسكت دموعي تنزل بصمت بس احس بحركة بكلبي مثل الجمره الله لا يضوك هالشعور لاحد من تحب شخص وتشوفه يكمل حياته وي غيرك وانت جنت من تغمض عالمخده تنخيل مستقبلك. وياه بلحضه كلشي ينهدم ويصير مستقبلك بدون محبوبك وغيرك بدون ميحلم بمحبوبك ياخذه منك بسهولة
سمعت صوت مره بباب الحمام تكول... منو هنا دا نطب نغسل
رديتلها بتمتمه،... ه هسا ب بس اكملل
شلحت الشال وغسلت وجهي واهفي على وجهي لان عيوني ما اريد ابين باجيه باوعت بالمرايا شوية بيهم حمار
بقيت اهدي نفسي لحد ما شوية صرت احسن وطلعت اول ما طلعت شفت المره واكفه وماسكه طفل من ايده والطفل كله وحل يمكن واكع
طلعت للمطبخ وكمت اوزع ميه وجاي الهي نفسي واني جمره بكلبي ابلع ريكي احس بلاعيمي وارمه من البجي البجيته
هيج ما متقبلني لان منفصله وراح كبل تزوج غيري
ما اريد كلشي بس الجمرا اللي بصدري اريدها تبرد دائما شبعانه قهر ابد ما افرح
بقيت التهي لحد ما كالو اجت السيارات وكفت بشباك المطبخ من طبو للاستقبال طبيت اني رغم اختنك من الهوسه بس طبيت
باوعت براء مربربه شوية وخدود وانسام شويه ضخم يجننون
بقيت شوية اباوعلهم ورجعت للمطبخ اعاونهم صار العشه بدينا نوزع الصياني للناس كملنا وكعدنا بالمطبخ كالت ايه
ايه... ليش مجيتي فاتتج
هيلين... تعبانه شوية
اجت جرت الكرسي وكعدت يمي كالت...
ايه... خاف بيكم شي انتي وهيثم
هيلين... استغفر الله يا صخمان... ضربت كفوفي ببعض وحجيت.. هيثم هيثم هيثم كله هيثم ترا تعبتوني ما احبه والله كافي خرب حياتيي خربها
ايه.... يولي شبيج ضجتي مو هذا قصدي بس كلت.خاف هو مضوجج
هيلين... لا ما اهتمله حتى انغث منه خربت حياتي واتفصلت منه وهم خرب حياتي
ايه... اشون يعني
هيلين... كلشي اريد اكل جوعانه تاكلين
ايه... دصبري خل اشوف اجيبلنه واجي
هيلين... جيبي بصحونه
ايه... تدللين
راحت ايه شويه واجت جايبه اكل كعدنا ناكل كالت...
ايه... ولج هذا صاك المنطقه
هيلين... منو
ايه... منو غير ضرغام
عقدت حواجبي شنو ممهتم واني محروك كلبي
هيلين... اجه للعرس اشون شفتي.
ايه... هو وحسام ما تفاركو حتى بالسيارات واحد يجاكر الثاني ردنه نندعم من وره حسام
ايه... وانوب امه هنا تدرين
هيلين... ام ضرغام
ايه... اي امه واخته بس يولي شنو من اخت غير تخبل بس يمكن متزوجه
هيلين... اني اعرف عنده اخت بس متزوجه لو لا ما اعرف
ايه... امبلا اخته متزوجه وهو هم متزوج
هيلين... شمدريج
ايه... من وديتلهم الصينيه طفل كال اريد بابا وردت اخته كالت للحجيه... على طريفة ضرغام يمه ضرغام مدري شبي البارحه طلع بليل معرف بالاشكد ومن اجه وجها ميكصه السيف
عرفت جاي تحجي على جهال اخته لان هو كال يصيحولي بابا
مهتمت بس حز بكلبي كلامها من كالت اجه وجاكر حسام هلكد اني ما ليه قيمه وحب بكلبه وهيج بسرعه راح خطب وعقد
كمل اليوم وصارت هوسه بالحوش اجو الشباب يزفون انسام طبو وياه ضرغام وحسام واثنين ما اعرفهم ضرغام اول ما التفت اجت عيني بعينه درت عيني عنه بتعب ما اريد حتى اشوف وجها زفو انسام وراحو
اني تعبت وحسيت صار عندي دوخه
كلت لامي اريد اروح للبيت كالت هسا اخابر حسام يجي ياخذج بعدين تذكرت براء ما اريد اخليها وحدها كلت لامي لا تخابرينه
بقينه كاعدات لحد ما طلعو انسام وبراء والكل صار يباركلهم اخذت نفس عميق وابتسمت ابتسامه تبين من كل كلبي علمود ما تشوفني مغثوثه اعرفها تنقهر وهي عروس
باركتلها والفرحه ما سايعتها طلع انسام بره واني وبراء كعدنه سويه شاقيتها شوية
هيلين... اشون العروس
براء بخجل... زينه
هيلين... ولكم صديقتي مستحيه
براء... هششش يولي فضحتيني
هيلين... هههه من اليوم قريبه علينه
براء... اي ومن اليوم بحضن انسام
هيلين... انتي مو مستحيه
براء... بس من تكلولي عروس استحي
هيلين... ههه وجهج منور بعد يم الحب شتريدين
براء... اي شخباركم انت والحب
مردت احجيلها شي هسا فكتلها...
هيلين... زينين
براء...شفتي اليوم
هزيتلها راسي ب اي وغلست طبيت بغير موضوع وبقينا نسولف لحد ما صفت الناس واني وامي رجعنا بالباب قبل لا طلعنا رجعت لزمتني دوخه قوية
سندت نفسي بالباب وامي طلعت كدامي مخليتها تنتبه
وازنت نفسي ومشيت وره، امي صوت حسام وضرغام بالفرع بس ما التفتت عليهم
طبينا للبيت سبحت وبدلت وجسمي كلش تعبان وباجر عندي دوام
تمددت بفراشي لل2ما يجيني نوم واني عيوني تحركني عالنومه ةحس عيوني تعبت بس مشاعري ملخبطه وكلبي احس بي فراغ بقيت افكر لحد ما توصلت لحل وهو
فتحت تلفوني طبيت للماسنجر جان اخر ضهور الصبح دزيتله....
هيلين... لكيتك فاتح الحضر وحبيت اكلك
اني انجبرت على هيثم زواجي منه جان غصب انواع الأذيه شفت منه ومن اهله اهانه وضرب وكلشي سيء اجو لعدنه لان عمي عازمهم واني هيثم حاذفته من حياتي والوشم مو مثل اللي ابالك هو اذه كتفي لدرجه خيطو اربع طعنات ولهسه الأثر مراح بس متوقعتك هيج ثقتك ونضرتك اليه معرف ايمت لحكت تخطب حتى تعقد بس احب اكلك الف مبروك العقد وشايف الخير مشكور على حبك اليه وعلى كلشي قدمته اليه يا عوضي الله وياك
دزيتها وحذفت الفيس بوك والماسنجر وحضرته من الرقم طبيت للواتساب اني وياه ممتراسلين عليه حضرته وتلي وغير برامج ما عندي ضرغام بيهن
كلت بيني وبين نفسي اني ما بقيد شخص اني كاملة ما احتاج شخص يكملني نمت والغصه بكلبي
الصبح رحت لدوامي مجان حتى موجود العياده الصالة ما بيها لا انسام ولا براء معرف اشون دبرت شغلي بس موضوع ضرغام لهسه يحز بكلبي
رجعت من دوامي بالطريق اول ما وصلت البيت شفته ويه حسام واكفين يسولفون مهتميتله وسويت نفسي قوية صفيت السيارة ونزلت
طبيت للبيت غسلت وبدلت واكلت شوية ما ليه نفس اكل شي
وكلت لامي رايحه لبيت عمي
طلعت على بيت عمي مجانو موجودين وسيارة غريبة يم بابهم
طلع حسام فتح الباب سلمت عليه وتلكوني بنو وايه طلعن من الاستقبال
سلمت عليهن وطبينه للاستقبال
حسام روح للهول
هيلين واني انزل شالي من شعري.... شو ماكو احد
ايه... امي وابويه راحو للسوك وانسام نايم
براء.... اخبار الدوام رحتي
هيلين... اي بس باهت وكلش كأبه لأن انتو مموجودين والناس بدون حجز ودور كلمن يريد يطب يراجع هلكت
براء....السكرتيرة مالتي اليوم اراسلها واكللها باجر تجي يمج
هيلين... اي والله ياريت
كامت ايه دا تطلع وحجيت اني
هيلين... وين
ايه.... دجيب كيك
راحت ايه وسألت براء...
هيلين.... شو ماكو احد اني اعرف بهيج يوم البيت يمتلي كلها تجي تبارك
براء... منو يجي بليل
هيلين... والله معرف بس الناس تجي
براء... ههههه والله معرف
رواية الاصداف الفصل الخامس وأربعون 45 - بقلم بمبش
يا أوّل قلب أُحبّه وآخر قلب أنا أهواه، يا أطهر وجه في الدّنيا، وأطيب ما رأت عيني، المعزّة حنين، الحنين حبّ، الحبّ حياة، الحياة قلب، القلب أنتَ.
هيلين... بقيت عدهم شوية ورجعت للبيت سبحت ونمت سمعت صوت باب البلكون يندك فتحت عيوني عبالي. حلمانه بس تأكدت من سمعته لهسه يندك كلت...
هيلين... منووو
اجاني صوته من وره الباب كال...
ضرغام... فتحي الباب
هيلين... شتريد
سمعته صوته يحجي بنتر... فتحي الباببب
هيلين... روح ضرغام
ضرغام... لا تطلعيني من طوري وفتحي الباب
هيلين... ما افتح روح
ضرغام... لا تخليني ابتلي بيج فتحي البابب
هيلين...روح انت مو تزوجت
ضرغام.... اكسر الباب
هيلين... اكسر وشتسوي سوي
ضرغام.... فتحي الباب يا بنتتت
هيلين.... شلت مخدتي والغطه وحجيت.... اكسره اني نازله جوه
تقربت للباب مال الغرفه وطبكته شوية قوي حتى عباله طلعت
من سمع الباب كال..
ضرغام بصوت خافت... هيلين هيلينن هلونه
اني اسمعه وكاتمه اتفاسي مسويه نفسي طلعت صدك رجع كال...
ضرغام... حبيبيي هلونتي
هيلين... لا رد كاتمه انفاسي وعيوني مغوركه اريد ارد عليه اريد افتحله الباب بس ما اريد اراضي بسرعه لأن اذا زعلني وشاف مراضاتي سهلة يبقى يزعلني ويكول بينه وبين نفسه ايي حتى اذا ازعلها بسرعه ترضى بس اذا شاف مراضاتي صعبه ميزعلني بقيت خانسه بمكاني لحد ما سمعت صوته كمز عالحايط مشيت، بهدوء للبلكون فتحت الباب عالكيف شفته، يتمشى بالفرع راجع للبيت ومخلي ايدينه بجيوبه من وصل زاوية بابهم طبيت للغرفه حتى لا يلتفت ويشوفني
نمت واني ممرتاحه
الصبح شفته يم الباب
من صعدت بالسيارة، صار وراي يمشي ميكدر يكسر عليه
لأن مره كسر عليه واندعمت
وصلت للدوام كبل صفيت سيارتي لأن صغيرة وهو مكدر يوكف كبل واني طبيت للدوام كبل طبيت لعيادتي اجتني سكرتيرة براء
ريوك ما. تريكت ضايجه لأن براء وانسام ماكو
طبت السكرتيرة كالتلي
السكرتيرة... دكتورة الاشخاص اللي موعدهم اليوم 6واللي خابرو وحجزو 4
هيلين... تمام شوفي كلما يجي شخص وتسجلينه تعالي كليلي على اسمه
السكرتيرة... تمام
بقيت اعقم الادوات ولبست وبدلت الكفوف واجت السكرتيرة انطتني اسماء اشخاص اجو
ورة تقريبا ساعه طبت السكرتيرة كالت
السكرتيرة... دكتورة اجو شخصين مصطفى وضرغام
هيلين.... لا تطببينهم وكوليلهم اليوم بس مواعيد المراجعه والحجوزات واذا حجو وكالو ميخالغ معرف شنو كليلهم اعذروني اصلا اليوم الدكتوره هيلين مموجوده
السكرتيرة بأستفهام... تمام
مراجعين يطبون ومراجعين يرحون لل6مبقه احد وكلت للسكرتيرة هذا هو اليوم انتهى دوامنه
وطلعنا
طلعت من الصالة مال المراجعين شفته بالصالة مال الخروجيه
انداريت عنه ومشيت
اجه باتجاهي يمشي وياي ويحجي..
ضرغام..هيلين
هيلين... هسا اذا احد شافك شيكول تريد ينحجي عليه هنا
ضرغام بعصبية....انضف بي المجمع اللي يجيب طاريج
مارديتله حجه...
ضرغام... اليوم بليل نتفاهم خوش
هيلين... نزلت الدرج واحجي... لا تتعب نفسك وتجي
ضرغام... وتالييي
هيلين... روح هسا مرتك تنتضرك
ضرغام... يا نع....
هيلين... الفاضك
ضرغام... اششش لا تنترين
هيلين... ما نترت وروح كافي
ضرغام...هلكد تغارين
هيلين... ما اغار روح ضرغام
ضرغام... ولج يا مره، هو اني ايمت تزوجت متكليلي شوف مره سويتيني خاطب وهسا متزوج بالقادم تسويني مخلف
وصلت السيارة وحجيت
هيلين... لا تستهزء. منشورك شنو
وصعدت بالسيارة
هو صعد يمي بالسيارة وكال..
ضرغام... صديقي مسك عقد ونشرت صورة العقد ولج بس لا على هاي
شغلت السيارة، ومشيت وما رديتله
ضرغام..... هههه متكليلي اشون صرتي دكتوره بهيج عقل
هيلين بضوجه... ليش
ضرغام... يعني شفتي الصورة، كاصها واني كبال العرسان كاعد لو اني العريس جان صارت، الصورة، عكسية وبالعكس
مرديتله وصلت التقاطع كال.
ضرغام.... اوكفي خل انزل سيارتي بقت هناك
وكفت قبل لا ينزل كال..
ضرغام... تبقين زعلانه.
هيلين ببرود... مو زعل اعتبر كلشي بيناتنه، منتهي اني وانت منتراهم انت متثق بيه وانسان متسرع بسرعه تحكم عالشخص
ضرغام... اني هيج
هيلين... اي
ضرغام... براحتج
سد باب السيارة وكال
.. ضرغام... مع السلامه
هيلين... الله يسلمك
راح هو واني شخطت السيارة ومشيت سريع مرتين ردت اندعم وكل شوية شخص بالترفك لايت اول ما امشي يصيح ويحجي
ضجت لان اني مثل الخبلة زعلانه منه شبيه هيج نهيت كلشي وتوقعته مراح يروح
وصلت البيت نزلت فتحت الباب ضرغام ما اجه ورجعت طببت السيارة للكراج وسديت الباب وطبيت للبيت
جان حسام عدنه كاعد بالمطبخ ياكل كبة تمن كال...
حسام... هلا ببنت عمي
عقدت حواجبي بأستغراب معقولة هذا حسام
هيلين بابتسامه... بيك المهلي
خليت الجنطه عالميز وطلعت ميه انطيت حسام كال تسلمين ما عطشان
شربت ميه والتفتت للجدور لأن ريحة شوربة واني احبها علمود الدايت امي تطبخها علمودي رغم ابويه يحجي عليه ويكلي اليشوفج شكد، تاكلين شوربة ميصدك ابوج موضف بس اني احبها ومو مطبوخه بالتمن، لا جاهزه اكياس
بس اضيفلها كلاصين، ميه وابقه اخوطها شوية وتصير كلش طيبه
اخذت كاسه وبديت اخلي شوربة كال حسام...
حسام....اكلج
هيلين... اي كول
حسام... اخبار عيالج
هيلين... شبيهم زينين
حسام.. لا اقصد وياج
هيلين... اكل شوربة واحجي بدون انتباه..... مبيهم شي متندمين
حسام... زين يعني ترجعين
صدمني كلامه نزلت الخاشوكه وحجيت...
هيلين... شنو ارجع اتطلكت يعني اذا تندمو ارجعلهم
حسام.... هواي تطلكو ورجعو
امي طبت للمطبخ حسام كبل سكت وكالت...
امي... ها ايمت جيتي
هيلين... هستوني جيت
امي... ها خوش
طلعت امي وحجه حسام.... هيلين ابغظ الحلال عند الله الطلاق ارجعي وصلحي كلشي
هيلين... لا تحكم عليهم من لسانهم وحجيهم طيبين ويه الغريب وويه القريب عقارب
حسام...بس تندمو
هيلين... اذوني حسام تعرف شنو اذوني كرهت نفسي عدهم
حسام... كلشي يتصلح
هيلين... وكفت كباله شلت استكانه لأن خلص شرب الجاي تمالكت اعصابي وحجيت... تريد سارة روح اخطبها وناسبهم سارة زينه بس اني لتدخلني بيكم ابد
حسام... هيلين دسمعيني
التفتت عليه دا احجي وامي طبت بس ما سكتت حجيت...
هيلين... ما توقعتك هيج مصلحجي
وطلعت من المطبخ واسمع امي تحجي تكول لحسام شبيها
كلش ضجت منه لأن قبل جان كلش معقد وبس يقلد على اي شي يقلد
مره جنت عدهم وجو بيت خالو ومرت عمي ما خلتني اروح بقيت عدهم اعاونهم بالعزيمه ف طب للمطبخ شاف ابن خالو الصغير بس صاح الطفل بأسمو وكال.. روح على امك الطفل خاف واجه يبجي طلع يركض
وايه من طلع حسام كالت..... حتى بنات خالي الكبار تقصد على اللي عمرهن 11سنه... حتى بنات خالي الكبار يخافن منه ويضل يخجلهن طبعا ابد محلو
متوقعته مصلحجي ابد يخاف لا ما ينطونه الا يرجعني
بليل كاعده اخابر براء لأن انسام طالع يتعلل ورادت تحجي وياي واندك الباب بالاول عبالي ضرغام بس ركزت باب غرفتي
وكفت مشيت باتجاه باب الغرفه واحجي ويه كتلها براء باجر نحجي وفتحت الباب امي بالباب سديت الخط وامي طبت جوه
امي كبل كالت... شبيكم انتي وحسام
رديتلها... كلشي
امي... شنو كلشي واللي سمعته شتفسرينه
هيلين....يمه شغله
امي... بيناتكم شي
اني ضايجه ومقهورة من موضوع ضرغام وانوب سالفة حسام وهسا امي رديتلها بقهر....
هيلين.... اني بنتج هيلين شنو متثقين بيه متعرفيني
لهنا وينتهي البارت تصويتكم عمري
رواية الاصداف الفصل السادس وأربعون 46 - بقلم بمبش
أنا حزين، ومجروح، وغاضب، ومجنون، وخائب الأمل، لكن أتعلمين ماذا؟ سأضع ابتسامة وأمضي قدمًا، سيؤلمني ذلك، لكنني سأنجو في النهاية.
ويلوح لي وجهك، فأضحك باكية سبحان من سواك وحدك مانحي الفرح المحال ومانحي الزعل الأشق.
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠
امي... اثق بيج بس فهميني شنو شبيكم
هيلين....يمه ض العفو حسام حاجاني علمود عيالي وكالي هيثم زين وصار صاحبي ارجعيله
كلت بكلبي همزين ما حفصت وكلت ضرغام
امي...مبيها شي الولد يريد يعمل صلح شنو تحجين وتكولين مصلحجي
هيلين....لأن تعصبت يمه اعذريني
امي... معذوره بنيتي لا تضوجين مني
هيلين... عادي مصار شي
سكتت وامي راحت مر 9ايام ضرغام ما بين
يوميه كلما اروح للدوام ماكو ضل بالي عليه مرت ال9ايام واني روحي لايبه متت حتى اكلي صار قليل
ما اهتميت لا لدايت ولا لصحتي حتى نفسيتي تعبت
طلعت الصبح جان
يوم اربعاء كالعاده باوعت لبابهم عسا ولعل اشوفه وهالمره صدك شفته جان واكف ببابهم يدخن كلبي
ارتاح من شفته جان بالي يمه بس تجاهلته مشيت وعفته اساسا كلش ضايجه منه لو مهما كان
المفروض ميروح هيج وقت طويل كلش
هو هم ما اهتم مر 15يوم وهو على نفس الحاله اشوفه بالباب من اروح لدوامي
بس صدك تعبت احس شي بحياتي ناقص وحتى تهسترت كمت على ادنى شي اضوج
اول مره بحياتي اتعلق بشخص هيج احسه صار كل حياتي حجيت لبراء وكالتلي المفروض ترضين لأن انتي غلطتي بحقو
هو يحبج ويريدج ونيته صافيه وياج المفروض تكليله منفصله من البداية ليش تغبين ماكو داعي تغبين
صدك ما اكدر بدونه واشتاقيتله بس كرامتي ما تسمحلي لان اني نهيت كلشي وهو هم ما مهتم
بليل راسلتني براء وكالت..
براء... هيلين اشونج شخبارج
هيلين.... زينه الحمدلله
براء... دومج
هيلين... وانتي اشونج
براء.... زينه اكلج
هيلين.... كولي
براء....يمكن اني حامل
فرحت من كالت هيج حسيت الدنيا مسايعتني من الفرحه
هيلين... اشون يمكن ما تأكدتي
براء... لا باجر نروح نتأكد
هيلين.... بيها الخير يروحي اويلي كون يطلع صدك حامل وبنيه تشبهني
براء... هههه تدورين تشبهج يولي النهار كله مكابلة انسومي غير الطفل يجي يشبهو
هيلين... ولي عابت من اخذتي انسام بعتي صاحبتج
براء... ههههه يولي ابيع الدنيا كلها وما ابيعج
هيلين... لا تصبغين
براء.... ههههه شرايحلي لو بنتي تشبهج غير اضمها بالبيت وما اطلعها
هيلين.... تسلمين هههههه
نمت وثاني يوم الصبح رحت لدوامي ضرغام مشفته بالباب
بالدوام وخابرتني براء عرفت راحت اخذت فحص جاوبت واني اتسأئل شنو الطلع بالفحص
هيلين... الوو
براء.... اخذت فحص
هيلين بفرحه ... اي وشطلع
براء... ماكو حمل
من كالت هيج ضجت وانقهرت عليها لأن هي البارحه جانت فرحانه عبالها اكو حمل رديتلها
هيلين... لا تضوجين عمري بعد هستوكم عرسان تلحكون عالخلفه
سمعت صوت براء كالت... لا انسام لا.... وصوت انسام كال.... ههههه يولي تضحك عليج ناصبه عليج
هيلين... على شنو
براء... انسام ما تكدر يعني الا تخربها
هيلين... شكو
براء.... طلعت حامل
سمعتها كالت هيج لو الفرحه ما سايعتني ردت اعرف شغلي واروح عليهم بس ما اكدر ف باركتلها والفرحه مبينه بصوتي
هيلين... الف مبروك يروحي
براء... الله يباركلج حبيبي
كملت شغلي ورجعت للبيت مرت الأيام عاديه مر على فراكنه اني وضرغام 20يوم جنت اتأنل يجي يراضيني بس تبين ما ابالي اصلا
كاعدين نتعشه ودك تلفون بابا رحت للتلفون باوعت عمي ديتصل جاوبت وانطيت التلفون لابويه ورجعت اكل وياهم كال ابويه....
الووو هلا ابو حسام
اي بالبيت
شنو من موضوع
خير خوما اكو شي
لا بس جاي نتعشه
اي
كل الهلا بيكم
هلا هلا ابو حسام منتضريكم
سد الخط رجع ياكل وكال.
ابويه... ام هيلين سوو جاي بيت ابو حسام جايين علينه
امي... شكو خوفتنه
ابويه... ما اعرف بس ابو حسام كال رايدينكم بموضوع وراح يجون علينه هم كل مره يجون بدون ما يخابرون شعجب خابرو
كملنا اكل لميت السفرة وخليت الجاي بالمطبخ
ضرغام ما نسيته بس تناسيته لأن مراح يراسلني بعد
واني صوجي اني جبتها لنفسي كالي ما عاقد على شنو اني هيج سويت
هسا صدك حيكول لهسه تحب قديمها
شوية واندك الباب طلعت فتحت الباب تلكيتهم جايين كلهم رحبت بيهم طبو للاستقبال وايه وبراء يمي بالمطبخ ايه كالت..
ايه.... اني اروح بالهول اتمدد لأن تعبان جسمي بس لا اصخن شو كاضبتني البارده
وراحت حجت براء...
براء بهمس... ما راسلج
هيلين... ضرغام
براء... اي
هيلين.... لا
براء... يبووو شجايكم انحسدتو
هيلين.... هههه بعد هستوج اتزوجتي صايره سوالف العجايز متكليلي منو يعرف بينه حتى يحسدنه
براء... شمدريني هاي حسيمه
هيلين.... هههه حسيمه
براء.... هسا تكليها مدبغه. لعبان نفس وصخه
هيلين..... هههههه
رحنا ودينالهم الجاي كال عمي...
عمي...هلا هلونه تعالي عمو عدنه موضوع وياج.
هيلين... اني استغربت شنو الموضوع
خليت صينية الاستكانات عالطبلة وكعدت كتله...
هيلين... شنو الموضوع احجي عمو
عمي...انتي وهيثم كلشي انتهى بيناتكم وما الكم خط رجعه
هيلين... اي صح
عمي....احنا رايدين نخطب بنتهم لحسام وجايين مخصوص عليكم لأن ما نمشي خطوه الا برضاتكم
كلش حبيت كلامه وتقديره اليه ابتسمتله وحجيت...
هيلين...عمي مثل ما انت كلت كلشي انتهى اني وهيثم يعني عادي اخطبوله وشايفين الخير
عمي... احنا ما نريد نغثج
هيلين... عمي ما انغث بالعكس اني ما اهتملهم يعني اعتبرهم ناس عاديه ما يرجعولي بشي واني وياكم نروح نخطب
عمي... اعرفج كلبج طيب وما تحقدين ولا تخربين واني حسام كالي هيلين تحمد بيها وكتلهم لعد هذا هو
هيلين... هي كلش حبابه انسانه فقيرة
عمي... لعد نتوكل بعد باجر
ابويه..تدللون
ثاني يوم طلعت باوعت ضرغام يم الباب باوعتله ما التفت عليه رغم حسيته حس بيه
ثانييوم هم شفته بالباب وما اهتملي بليل طلعت اشطف الحوش اجانه الميه سمعت صوته ويه حسام يسولفون
بديت اشطف بالبيت كملته وطبيت جوه ثاني يوم الصبح طلعنه سيارتين هلكنا لحد ما وصلنه
بالطريق من طبينه الديوانيه جان اكو طسه بمنطقه واني وعمي خففنا من الطسه والجهال يهوسون عكربه وعكربه
وصلناهم
استقبلونه بترحيب حسيت بخوف اول مدخلت بيتهم لدرجه كمت افكر اكول بيني وبين نفسي
هسا تخيلي هيثم يروح يجيب العشاير مالتهم
ويحجزج هنا ويعقد عليج غصب
طردة افكاري المخيفه وكاعده يم امي ايه كاعده يمي كالت..
ايه...شفتي العجايه(الجهال)شايفين عكربه وطايرين وراها شنو عدهم عكارب
هيلين...لا
ايه...شفتي بساتين وهاي شي اكيد عكارب تجيهم
ايه من جانت صغيرة مره بالمدرسه بنيه لدغتها عكربه وحتى مو بمدرستنه سمعنه بيها متوفيه كالو رايحين لكرايبهم ومنطقتهم مثل الصحراء وبساتين وشغلات ف لادغتها عكربه وف صار عدها خوفه
هيلين... لا تخافين ما عدهم عكارب
ورجعت التفتت عليهم تذكرت اول مره من اجيت جنت خاطره
وثاني جيه جنت عروس
وهسا رجعت خاطره
احس امي تحميني منهم ومستحيل ترجعني عليهم
طب هيثم كال السلام عليكم
لابس دشداشه لون اسود وشايل سبحه وعطره قوي
وسلم عالزلم
كعد كبالي والابتسامه شاكه حلكه شك
باوعت تلفوني اجتني رسالة من حساب غريب ومكتوب
وين انتي
شفتها وما رديت رجع كتب
اني ضرغام وين انتي
رديتله ببرود..
بالديوانيه وبعدين تعرفني حتى تراسلني هو انت صارلك شهر ماكو كلت يجوز نساني
ضرغام... ها صار بيها ما تعرفني ولا اعرفك
شفتها وما رديت
رجع كتب..
ضرغام... ليش ترحين عليهم
شفتها ولا رد
كتب..
ضرغام... جاوبي
ما رديتله
اتصل عليه واني تفشلت تلفوني بنص الكعده مال الاستقبال يدك ابويه كال...
منو
رديتله..
صاحبتي
وسويت تلفوني صامت
وكتبتله....
انت مو طلعت من حياتي ونسيتني على شنو راجع
ضرغام... هسا ترجعين
هيلين.... بليل نرجع حنطلع المغرب يا دوب نصل بليل
ضرغام... مشكلتج محد كالج تولين عليهم
هيلين... لا تصيح
ضرغام... شنو اصيح واذا اصيح وين تشوفيني
هيلين... احس بيك
حسيت امي كرصتني
سديت التلفون والتفتت عليهم هيثم عاقد حواجبه ويباوعلي بعدم رضى
وحجو بالخطبه كالولهم يردون سارة لحسام ورايدينها وسوالف مال خطبة
مع شوية همبله وتصفيط جذب عود خوش عريس كال ابو باسم نشور البنيه ونردلكم الخبر
كالت ايه اريد اغسل واصلي ردتلها امي....
امي... روحن يمه غسلن وصلن وانا هم اريد اصلي
ردت ام باسم كالت...
ام باسم... تعالن حبيبات
اخذتنه اني وامي وعمتي وبراء وايه وسهام
طبينه للهول ايه كالتلي...
ايه بهمس .... من جنتي هنا شكم مره كتلو عكربه
هيلين بهمس ... ولا مره هم بعيدين عن العكارب والحشرات يولي وبيتهم شوفي اشونه شيطبب العكربه بنص هاي الهوسه
براء بهمس... هههه شيطبب العكربه بنص عكارب هذا البيت الكبار ام باسم من ذنه العكارب المخيفه حيل
ايه بهمس... اهووو الا تجيبن طاريها دسكتن
ضحكنه عليها باوعت
افنان طلعت من المطبخ ووجها يضحك
اجت علينه وتهلي وترحب وتبوس بينه وهلا بيجن حبيبات ام باسم كالت للحبايب
هاي افنان زوجة هيثم
رجعت ساره كالت... يعني زوجته قبل حاليا هي طليقته
مشينه للحمام علمود نغسل براء كرصتني وكالت..
براء... متكليلي اشون جان يحبها دمها جامد الا لعبان نفس بس الخلقة حلوه وضحكت
هيلين...ضحكت. وياها توضينه ومشينه باتجاه الغرفه قبل لا طبينه ام باسم كالت...
ام باسم... يمه قاسم اطلع ديكبون الحبايب يصلون تمشي وتحجي واحنا وياها
ما رد فردت ام باسم كالت...
يجوز راح طبو حبايب طبو
طبينه للغرفه قاسم نايم على ضهره ومخلي ايده على عيونه ايه تباوعله جنها اول مره تشوف شاب كرصتها صاحت
اييي ايديي عكربههه
الكل تتراكض وقاسم كعد من النوم يباووع للاض ويصيح
قاسم... وينها وينها وينهاا
ايه تبجي.... كرصتني من ايدي
قاسم يركض بالغرفه وام باسم نفضت الفرشات وايه واكفه بالباب تبجي وعمتي وامي شلحن ايه، الشال وينفضن بيها عبالهن بملابسها كلت خوما اخليهم يبقون يدورون حجيت بفشلة وصوت هامس....
هيلين... هاي اني كرصتها بس هي خايفه عبالها عدكم عكارب
الكل وكفو وصافنين عليه
قاسم باوع لأيه وكال...
قاسم.. شفتيها العكرب
ايه مبرطمه ووجها احمر من البجي وتحجي..
ايه... لا بس حسيتها كرصتني
باوعلي قاسم وكال...
قاسم... اشونج هلونه
هيلين... الحمدلله انت اشونك
قاسم... والله الحمدلله... ول بويه طلعتي انتي العكرب بس عكرب يكرص ما يلدغ
ضحكت ايه وكلنه التفتنه عليها خجلت وسكتت وتمسح بأنفها من البجي البجته
سلم قاسم على امي ومرت عمي وسهام وبراء ومشه باتجاه ايه كاللها
قاسم.... الخوافه اشونج زينه
ايه... زينه
طلع قاسم وام باسم هم طلعت وياه وعمتي ترزل بينه كال فضحتنه وحجه فضحتنه
وايه همستلي... ولج. غير صاك هذا، قاسم شو ما شفته بعرسج
هيلين... جان بالسكن الجامعي
ايه... اها اي
صلينه وكعدنه ارتاحينا شوية واجه قاسم كال...
قاسم... حجيه يردوكم بالاستقبال
راحن الحبايب واني والبنات بقينه حسيت الحجيه مموجوده شعجب ماكو وسمعت صوت ساره اجت تمشي قريب من الغرفه
طبت كالت...
ساره... يا هلا يا هلا
هيلين... بيج المهلي
ساره... اي اشونجن
ردينالها زينات وكتلها...
هيلين... سوسو لعد الحجيه وين
ابتسمت وكالت..
سارة... الحجيه يم بنيتها يولي
تفاجأت كتلها....
هيلين... ها شعجب
ساره.... اجو هي والحجي اخذوها وراحت وياهم هي من صارت اخر، سالفة علمودج تكول لابويه انتو وحوش ما ينعاش عدكم وضحكت عود دتحجيها بشقه
هيلين... يعني بعد ما تجي عليكم
سارة... لا يولي اشون ما تجي كل فتره يجون علينه اخر مره اجو تغدينه سويه
هيلين.... ها زين
فرحتلها كلش جانت تحن لبنتها
لهنا وينتهي البارت تصويتكم كرزاتي +احبكم نفر نفر
رواية الاصداف الفصل السابع وأربعون 47 - بقلم بمبش
رواية الأصداف
بقلمي الكاتبة... bmbsh_beme
احبك حاولي ان تساعديني
فإن من بدأ المآسي ينهيها
وإن من فتح الابواب يغلقها
وإن من اشعل النيران يطفيها
................................................................................................................................................
بقينه شويه كاعدات نسولف واجو نور وافنان كالت افنان...
افنان... اكلج نور حبيبي هيثوم وينه
همستلي براء.... لو مسميته راس ثوم احسن
اني بالكوه لازمه ضحكتي وهاي تضل تحشش كرصتها يعني اسكتي رجعت نور كالت....
نور... بالاستقبال
افنان.... يعمري كالي سويلي اكل بس التهى وما كدر ياكل
سارة....حبيبتي هيثم تغده واصلا شكد ردت منه ياكل كال كيك كال انمعدت
افنان باوعت لسارة وعوجت حلكها وكالت...
افنان... هو بليل ياكل كيك اصلا هو كال سويلي كيك
سارة..... هههههههه
افنان بعصبيه... شبيج
سارة...... خلينه ساكتين
نغزتني براء وكالت بهمس.... ولج هاي سارة تبرد الكلب ما تسكتلها
شوية وكالتلي نور...
نور... ما تتزوجين
سارة... اصلا قبل فترة هيثم كالي احجيلي وياها ارجعها وحجيت وياها كالت ما اتزوج بعد
اباوع لافنان كامت تطحن بروحها وبراء متشمته بيها
افنان باستهزاء..... ههههه يريد يرجعها علمود تحلب البكر وتنضفلكم البيت علمود تساعد عمتي
اني هنا ما كدرت اسكت رديتلها بغرور...
هيلين..... هو وام باسم كالولي نخليج تعزلين ابيت وحدج وما وافقت اصلا ام باسم تكول محارب الكل علمودج ف حبيبتي استقري شوية بلا مهزله انتي جبيرة بطلي هاي السوالف اللي متجيبلج غير الفشله
افنان... شنو تردين تتكاونين
هيلين..... شوفي ما ليه خلك اتعارك ويه احد ما ليه خلك نفسي
افنان.... تسوي نفسها مثقه اتعارك كولي اتكاون وفضيها
ما رديتلها التفتت على براء وحجيت...
ايمت يحجون بالخطبة ويفضونه اريد اروح للبيت اختنكت هنا
براء.... هسا اراسل انسام
دنكت تراسل انسام باوعت لتلفوني محروك عليه بالرسائل من ضرغام كاتبلي...
ضرغام.... يعني فوك ما انتي هناك هيج تسوين
ضرغام.... تالي ردي
ضرغام.... ترجعين واني اعلمج
بهاللحضه براء كرصتني وكالت...
براء.... هههه داز بس ثلاث رسائل غير رزن انوب هههه محروك كلبه غيره اقهري انوب يستاهل
ضحكنه شوية وكالو يلا نروح طلعنا اول ما طلعت الغرفه لاكيت هيثم طالع من المطبخ ويمسح بحلكه شاف سارة كال..
هيثم... منو مسويه الكيك
سارة.... هههه فنونه الحنونه المعدله
هيثم... خاليله ملح ابدال الشكر متكلولي اشون تشتغلون شغلجن كله بالعكس
ما اهتميتله وهو راح للاستقبال واحنا عدلنه شالاتنه وطلعنا
اول ما رفعت عيني هيثم يباوعلي درت عيني عنه طلعنا بالسيارات وابو باسم يكول ما جيه هاي نندعيكم جيه زينه نطلعكم للبساتين ونشوفكم الشط والزرع
مشينه بالطريق امي كالت...
امي... ما اعتقد ينطونها
ابويه.... مدام اني من خطب هيلين ما رديته هو ما يردني صاحبي واعرفه
هيلين... شكالولكم
ابويه... كالو بليل نردلكم الخبر
هيلين... اي زين
مشينه وصلنه البيت احس تكسرت السواقه تتعب هلكت متت تعب رجليه تكسرو وراسي يوجعني لأن اسوق بتركيز
وصلنه البيت وجاي الميه استلمته تنضيف وشطف خلصت شغل باوعت حيل الساعه ب9ونص
كبل طلعت سبحت وبدلت وبخيت عطور وخليت مرطبات ومعطر شعر
الأنسان من ينام ريحته طيبه ونضيف ينام براحه
والنضافع من الأيمان ماكو احلا منها
كملت ورحت تمددت بفراشي فتخت تلفوني ضرغام دازلي...
ضرغام....اني اعلمج خل بس اشوفج واذا لكيت باب البلكون مسدود راح ادك الباب واكول لابوج اجيت اشوف هيلين وبكيفج بعد
ابتسمت على حجيه ورجولته بالحجي يحجي مسيطر وواثق
بقيت كاعده ما اجاني نوم لل1ونص اجاني رسالة من ضرغام..
ضرغام... فتحي الباب
شويه تدلعت كتبتله...
هيلين....وين شتريد مني
لا رد سمعت باب البلكون اندك بخفه
رحت للباب نزلت تيشيرتي لأن قصير والستريج ضيق
عدلت شعري اخذت نفس وسويت ملامحي عود زعلانه وفتحت الباب
اول ما شفته جان يدخن طب للغرفه وسد الباب راح كعد عالتخت يباوعلي بتركيز ويدخن ويحجي...
ضرغام.... ليش تطلعين ومتكليلي
هيلين... مو نهينه كلشي
ضرغام.... شنو نهينه كلشي انتي بكيفج تنهين
هيلين.... اي انت متثق بيه من هسا ما نتراهم
اجه وكف كبالي باوعت للجكاره قربها من شفايفي وكال تدخنين
هزيت راسي يعني لا وكتله اختنك
ضرغام... ليش مدخنه قبل هالمره
هيلين... اي جنت صغيرة والكبار ناصبين عليه خلوني ادخن بوقتها غصيت
تقرب حاوط خصري بأيده اليسار وأيده اليمين لازم الجگارة كال...
ضرغام... بس خليها بحلكج لا تاخذين نفس
قربها من شفايفي خليتها بحلكي ورجع اخذها جر منها نفس بقه لازم خصري طفاها بأيده وذبها بالارض وقربني عليه كال....
ضرغام....ليش رحتي
هيلين... ما كدرت ابقى وحدي بالبيت
ضرغام... بعد متروحين ولا تصلينهم
هيلين... تمام
جان شعري على عيوني وخر شعري بأيده عن عيوني وباوعلي وحجه....
ضرغام... ليش غبيتي عليه وما صارحتيني من البدايه
ردت اجاوب خله اصبعه على شفايفي وكال...
ضرغام... اششش اني اسأل واني اجاوب
مردت يبقى متذكر هالشي تجرأت وخليت راسي على صدره يحجي ويمسح بشعري
ضرغام.... ابد لا تغبين شي عليه احنا واحد اي احد يندك بيج تكليلي احنا شنو
هيلين... شنو
ضرغام.... هههه واحد
ضحكت ورديتله... اي واحد
ضرغام.... هاي حضنتيني وهيج انثولتي هههههه
ضحكت ووخرت عن صدره كتله...
هيلين... كافي روح
ضرغام.... ها تطرديني غزالتي
عقدت حواجبي....
هيلين... غزالتك
ضرغام... شايفه عيونها جمال عيونج يفوق عيونها
ملامحج بيها جاذبيه.... رجع شعري وره اذني....انتي كلج على بعضج حلوه
من كد ما خجلت ما رديتله بس ابتسم
ضرغام....شعرج شعجب مو كلش طويل
دنكت راسي بقهر وتذكرت من هيثم كص شعري
وخر ايده عن خصري
رفع راسي بايده وكال... احجي ليش ضجتي اكو شي
هزيت راسي ب لا
ضرغام....احجي لا تضوجيني مو متفقين نكون صريحين
هيلين... مو اني كصيته شعري جان كلش طويل واحبه
عقد حواجبه وكال...
ضرغام.... امج كصت شعرج
هزيت راسي ب لا
ضرغام... لعد منو
ما ردت اقهره واغثه ف كتله...
رحت للصالو وكلت لام الصالون طرفيلي اياه وهيج دقمت بي
مسح ايده على راسي وايده اللخ بجيبه وكال...
ضرغام.... عادي هيج هم حلو لا تضوجين
ابتسمتله كال...
ضرغام.... منو افضل ممثل تحبينه
هيلين...... مستر بين
ضحك وراح باتجاه اللابتوب باوعلي اشر للباب وكال...
ضرغام... مقفول
هزيت راسي اي ورحت للباب تاكدت منه
رحت وكفت يم ضرغام باوعلي وباوع للابتوب كال...
ضرغام... شكد الرمز
رديتله الرمز طب للبحث كتب..
حلقات مستر بين
اخذ اللابتوب وراح كعد عالتخت وخله اللابتوب بالارض واشرلي اكعد يمه
ف ضرغام كعد عالتخت واني كعدت عالدوشك اقدام ضرغام صارت يم ضهري واللابتوب بالارض
ف شغلت الحلقه ورجعت راسي للتخت نزل كعد يمي وكعدنا نباوع فتح ايده اللي بأتجاهي اشرلي عليها وكال...
ضرغام...تعالي
هزيت راسي بمعنى لا
عقد حواجبه
هيلين... لا تسوي هاي الحركه ما اجي..
ضحك وكال...
ضرغام... كلشي سوي بس لا تعانديني لأن يطير عقلي من العناد
هيلين... لعد صير حباب شنو اجي بحضنك ما تستحي
ضرغام.... هههه ليش قبل شويه منو جان بحضني
ابتسمتله وبقينه نباوع لمستر بين الا غفلت لأن كعدت من وكت وتعب الطريق كاعده وغفيت على كتف ضرغام سمعت صوت ضرغام يكول...
ضرغام... هيلين هيلين
رديتله بنعس وراسي على كتفه... همممم
عدل راسي ووكف مد ايده كال
ضرغام... شو ايدج
انطيته ايدي جرني باس خدي وكال....
ضرغام.... سدي الباب ورايه اني رايح
هيلين.... تمام تصبح على خير
ضرغام... وانتي من اهلو
راح طلع واني رحت سديت الباب ورحت نمت الصبح رحت للدوام ومن رجعت طبيت للبيت اكلت وكعدت ويه اهلي شويه امي كالت انطو سارة لحسام وحسام مستعجل يريد يعقد
فرحتلهم سارة احبها وتصير قريبه مني رغم اعرف راح ترجع تصير بيناتنه تواصل وياهم وحسام طبعه محلو وسارة فقيرة وكلبها فطير
وراها بأسبوع بدو يحضرون للعقد اني وضرغام على تواصل
انسام ميقبل براء تداوم لأن حامل وحملها ضعيف وهو هم ميداوم وكالو ما نرجع للدوام الا براء ترزق
راجعه من دوامي باوعت ضرغام ورجال واكفين ما اهتميتلهم صفيت السيارة بالباب انطيتهم ضهري وطبيت للبيت
تقريبا ثلاث ايام ضرغام اختفى ما اشوفه من اروح ولا اشوفه بسيارته يمشي ورايه وحتى يم الباب بس نتواصل ف بليل جاي نتراسل وجنت تعبانه فكلت ادزله بصمات احسن
دزيتله بصمه كتبلي...
ضرغام.... سماعاتي ماكو واسياد يمي شنو كولي
اسياد اسمه ما غريب عليه احس سامعته بمكان
ف كتبتله...
هيلين.... دزيتلك بصمه اكلك بيها تعبانه ما اكدر اكتب
ضرغام... حبيبي روحي نامي
هيلين... تمام تصبح على خير
ضرغام... وانتي من اهلو
نمت وثاني يوم رحت لدوامي ايام عاديه وروتين عادي
ف بيت عمي اسبوع اللخ يروحون عالعقد
مريت على بيت عمي
شفت براء بالمطبخ تغسل اماعين وضايجه
كعدت وحجيت...
هيلين... شبي الحلو
براء.... يمعوده طاكه روحي
هيلين... خير شكو
براء... انسام ما يقبل اروح وياكم عالعقد
هيلين... اني مراح اروح
براء... ليش
هيلين... ضرغام اذا كتله اروح الا يتخبل
براء.... اني اريد اروح
هيلين... ليش ضايجه بالعكس خايف عليج
براء... مو خايف عليه خايف عالطفل
هيلين.... خايف عليكم اثنينكم والطريق بعيد وشفتي منطقتهم كلها طسات انتي حملج ضعيف المفروض انتي منج ومن ذاتج ما تروحين
سكتنه اثنينه خلص الاسبوع وراحو اهلي وبيت عمي عالعقد وبقينه اني وسهام وبراء وأيه وانسام
بقينه سوالف وشقه وضحك اهلي رجعو وره المغرب وبيت عمي حددو العرس بعد شهر انكضه الشهر بيت عمي مخبوصين وبراء يخافون عليها من الهوى الهاب
اني وضرغام منتعاوف يوميه بليل نتراسل ومرات يكول تعبان من الدوام نتخابر اني من اسمع بحة صوته انبهر بيها يبقى يركز بتفاصيلي كلها شنو تحبين تاكلين شنو يعجبج بالالوان ما خله شي ما سألني عليه بس متنرفز من هيثم لأن عمي خطب منهم متحلف بيه ما اصلهم واذا يروحون على بيت عمي ما اروح مره بليل
كاعده اباوع للحلقه واجاني رسالة منه كاتب...
ضرغام.... خابري
عرفته تعبان اتصلت عليه اول ما دكيت جاوب..
ضرغام.... الووو
هيلين... هلاوو
ضرغام.... هلا حبيبي اشونج
هيلين... الحمدلله انت اشونك
يحجي وصوته مبحوح من التعب..
ضرغام... الحمدلله
بقينه نسولف كال...
ضرغام.....تعبانننن اريد انام
هيلين.....روح نام
ضرغام... لا ما انام
هيلين..... هههههه انت مثل قاسم من يكول اريد انام ويروح يلعب بوبجي
ضرغام... يا قاسم
عرفت نفسي جفصت هو بلا شي يفور دمه غيره اذا كتله احب ممثل تركي يغار كلش حتى مرات اضوج من كثر غيرته
ضرغام... مو دا احجي ردي منو قاسم
هيلين.... ابن صديق ابويه
ضرغام... اييي
رجع كال...
ضرغام... يلا اني اروح انام
هيلين....تمام
ضرغام... باي
هيلين... تصبح على خير
ضرغام...تسلمين باي
وسد الخط ضجت كلش لأن اعرف اغثه
ف خلص الشهر وبيت عمي راحو عالعقد اني كتلهم عندي دوام ضروري امي كالت لعد مدام متروحين اني ما اروح وسهام هم متكدر من الطريق بقينه بالبيت وبراء وانسام اجو عدنه بقينه سوية
رجعو بيت عمي من العقد راحو انسام وبراء وايه دزتلي الصور
كملو تحضيرات بس ما سوو خطبة لأن بعيدين وكالو ما مهمه الخطوبة بعاداتنه
وهم بعيد كلش ف عمي انطاهم فلوس وكاللهم سوولها خطوبه تردون تشترولها شي بيهن
باجر العرس واني من هسا ما اعرف اشون راح احضر
بليل كلت اخابر ضرغام بس اذا كالي ما تحضرين الا اتخبل لأن هذا عرس ابن عمي
اجه راسلني صعدنه اتصال بقينه نسولف كتله....
هيلين... حايره شلبس باجر
ضرغام... على شنو
هيلين... عالعرس
ضرغام...ما تحضرين عليش تحضرين
هيلين.... هاي صدك تحجي غير عرس ابن عمي
ضرغام... وشسويله ابن عمج
هيلين.... شنو شتسويله ليش ما احضر
ضرغام....انجبي
هيلين....شنو معندك ثقه بيه وبعدين ليش تغلط باي
ضرغام.... تردين تتكاونين حتى تحضرين براحتج
رديتله... اي
جان يسد الخط بوجهي تنرفزت ولو اني تكاونت وياه حتى احضر براحتي
الصبح رحت لبيت عمي مرت عمي كالت سارة جايبينها للصالون لمحافضتنه لأن الطريق بعيد نزفها من الصالون
رحت دا اتحضر شفت ضرغام دازلي رساله...
ضرغام.....لا تحضرين هيلين
ما اهتميتله ما احب شخص يفرض كلامه عليه وهذا عرس ابن عمي
ب3 لبست فستان سمائي كلوش وبالخصر حزام عريض الفستاي يسوي الخصر يجنن
شعري كويته ورتبته ولبست شال سمائي ذبيته بأهمال وخليت مكياج فخم وتكرمون حذاء اسود
طلع العريس ووياه الحلاق والشباب لابس قاط زيتوني هو حلو مو محلو بس اشوف القاط الأسود احلا
صارت الهلاهل والركص ومشينه بالسيارات للصالون نزف العروس
اغاني وطربكه اني اسوق وبابا وياي بالصدر وامي وسهام بالخلف شالي وكع. من راسي امي انطت تلفونها لأبويه كالتله صورها
اخذ التلفون ابويه يصورني واني اسوق واغني
وصلنه للصالون شفت سارة ووياها امها
لابسه فستان شكري مو ابيض
وتسريحتها ومكياجها كلش كلش ضخم وفخم
زفيناها من الصالون والطريق كله هوسات واغاني وركص
وصلنه البيت وبس طلعو الشباب ركصنه اني والبنات وام باسم ما شالت عينها عني النسوان كلها تباوعلي
خلصت الهوسه صار وقت الغدا
باوعت براء مبوزه ههههه لأن انسام مخلاها تركص ف كلت احاجيها حتى تروح ضوجتها
رحت يمها باوعتلها وحجيت...
هيلين..... شنو هالجمال متكليلي
براء... يعمري انتي التخبلين طالعه جنج من اميرات ديزني
مديت ايدي على بطنها وحجيت...
هيلين... اشون الببوني
براء.... الببوني شرايحله الببوني بس من. وره الببوني ضايجه اني
باوعت لبطنها وحجيت وياها عود دا احجي ويه الطفل ههههه هي بعد بطنها ما كبرت..
هيلين... تسمع ماما
هيلين.... لا تضوج
هيلين... يبووو
براء... شنو
هيلين.... زعلان منج
باوعتلها تحجي بجديات...
براء... لااا
هيلين... هو ديكول زعلان منها
براء... ليش
هيلين... يكول شنو تضوج مني علمود الركص ليش ياهو اهم
براء.... لا ما اضوج منو اني كليلو ما اضوج
ضحكت باوعت لبطنها وحجيت...
هيلين... تكول لا ما اضوج منه
براء... ها شيكول
هيلين.... يعمري يكول اني احبها ما ازعل
براء... لزمت بطنها وكالت.... اني هم احبك
ضحكنه سويه وكتلها تعالي ناخذ صور رحنه لغرفتها اخذنه صور وطلعنا بقينه ركص وشغل ههههه لليل زفو حسام
بقينه كاعدين نسولف وام باسم حتجي تبات عدنه لأن الوقت تأخر
كاعدين بالاستقبال ف طبيت للماسنجر سويت الحاله خاصه يعني بس ضرغام وامي وبراء يشاهدونها
نشرت الفيديو من جنت اسوق وخليت ايموجي متحرك على وجهي على اساس منزلته عالكل مو خاص ونشرت الصور هم خليت ايموجي
طلعو حسام وسارة باركنالهم ورجعنا للبيت
باوعت دازلي...
ضرغام.... كتلج لا تحضرين وحضرتي وتعرفيني ما ليه رضى تطلعين شعرج وسويتي بالقصد بسيطه هيلين
رديتله....
هيلين... ضرغام انت صح حبيبي بس اني بحكم ابويه هسا مو بحكمك تمام
ضرغام.... شتقصدين نيتي وياج ما صافيه
هيلين... ما اعرف
ضرغام.... يصبح الصباح والله كريم
هيلين... شتسوي مثلا
ضرغام... اشوفج الما صافيه نيته من الصافيه نيته تحجين على ثقتي بيج راجعي نفسج اول شي
كتبتله... مو هذا قصدي
حتى ما شافها بس خوفني كلامه شنو اشوفج النيته ما صافيه شنو خوفني كلامه نمت واني خايفه
ثاني يوم صبح جمعه الصبح ام باسم تريكت واجه قاسم اخذها كملنه شغلنه وسوينه غدا برياني وحتى موضوع ضرغام نسيته رحت لبيت عمي طلع انسام فتحلي الباب وكال طبي للمطبخ بسرعه لا احد يطلع
طبيت للمطبخ ايه واكفه تصب جاي وكفت اعاونها وطبت سارة يمنه باوعتلها لابسه فستان احمر ومكياجها كلش حلو باركتلها طايره فرح خطيه
واكفات واجه حسام شاف سارة اجه يمها خله ايده على كتفها وجرها عليه حضنها وهي صارت بهدومها من الفشله
وهو ولا تكولين حسام الثكيل
حسام....احجن الصراحه اشون الاحمر عليها
هيلين...طالع من نص كلبها يخبل
ايه...اي حلو كلش هي يلوكلها هي الوان لأن بيضه
شو حسام باسها من خدها وكاللها..
حسام...ها شكتلج
ابتسمنالهم هي ابتسامه هي خجل احنه من يمنه استحينه ساره وجها صار احمر
رجع باس راسها وراح ويه طلعته طبت براء كالت...
براء....ها هلونه ايمت جيتي
هيلين...هستوني
براء.... اخخخ ضهري حموت
ايه... مو كتلج كافي تشتغلين
براء.... لا اشون اعوفج وحدج
سارة... كتلجن دعاونجن كال عروس وحجه عروس
ايه... لازم تريدين حسام يذبني من فوك السطح
ضحكنه واني شوية ورجعت للبيت
العصر اندك الباب ابويه طلع باوعت طبت ام ضرغام وضرغام وبنيه حلوه ورجال مو كلش جبير بالعمر
شفتهم لو حسيت مشاعري تلخبطت
لهنا وينتهي البارت تصويتكم كرزاتي
رواية الاصداف الفصل الثامن وأربعون 48 - بقلم بمبش
كرزاتي اول شي احبكم نفر نفر على تفاعلكم بالأنستا
تنزيل البارتات اليوم بارتين وباجر احتمال بارتين
وصلنه للبارتات الأخيره
تغشيش البارتات حيكون بالأنستا
اليوزر تبعي.. wraa444
الأسم.... ال شيخه
صورة، الحساب...
لبوه
وصلنا للبارتات الأخيره حتكون جدا مشوقه والغش حيشوقكم اكثر وأكثر
اي استفسار يخص القصة راح، اجاوبكم عليه بالانستا
اي شخص يريد يكتب قصة حياته يتواصل وياي انستا
رواية الاصداف الفصل التاسع وأربعون 49 - بقلم بمبش
مشاعري تلخبطت فرح على خوف معقولة اجه يخطبني لا لعد على شنو اجه
حسيت احتريت اجت امي للمطبخ كالتلي
امي... سوي جاي وخلي كيك بصحونه
هيلين......اكو شي
امي... ما ادري
راحت امي واني سويت جاي واشون ترتيب طلعت صينيه خليت بيها 9صحون خليت
3صحون كرزات
و3صحون جكليت وككو
و3صحون كعك
وطلعت ببسي صبيتلهم
ورحت من وره باب الاستقبال دكيته
ورجعت للمطبخ اجت امي
باوعت للصينيه وعقدت حواجبها مثل الصار عدها شك كالتلي
امي...سويتي جاي
هيلين.. ببسي احسن
امي.... ديلا خوش
دا تحجي امي وطب انسام امي كالتله
امي.... شصار عليك
انسام... ما راسلتيني كبل اجيت باوعت للصينيه وكال
انسام... اوديها
امي... اي
اخذ الصينيه وراحو هو وامي
طبيت للماسنجر وايدي ترجف شي بيه يتسأءل ليش اجو وشنو يريدون واني اعرف جايين يخطبوني
بس خايفه محاسه بهذا الشعور ابد
باوعت مدازلي شي واخر ضهور من حجينه البارحه وحتى اخر رسالة لهسه مشايفها
بقيت كاعده والحيرة موتتني لحد ما سمعت صوتهم دا يطلعون كبل سديت باب المطبخ
راحو وامي وابويه وانسام طبو يسولفون وما اعرف شنو ديحجون
رحت للاستقبال لملمتها وكنستها وشطفتها وسديت بابها ورحت للهول يم اهلي دشوفهم يحجون شي عن اهل ضرغام
بقيت كاعده يمهم وما جابولي اي طاري كلت يجوز مو هسا
بليل اجاني رسالة من ضرغام...
ضرغام.... هاي عرفتي شنو نيتي تجاهج لو بعدج بتفكيرج الاعوج
هيلين... شنو
ضرغام... شنو شنو شبيج
هيلين.... شنو الثبتت بي نيتك اني مصدكه نيتك تجاهي صافيه بس شنو تكول هسا عرفتي
ضرغام.... غير خطبتج
هيلين..... خجلت منه ما رديت وما كتله اهلي مفاتحوني بالموضوع
كتب..
ضرغام... يلا تصبحين على خير
هيلين... وين
ضرغام... باي
عرفته زعلان كتبتله...
هيلين... تكدر تجي اشوفك
ضرغام... لا
هيلين... ضرغام مخنوكه فدوه لعمرك
ضرغام.... هسا جايج
وكفت كبال المرايا مثل كل مره عدلت شعري ورتبته وخليت عطر وواكفه اعدل ملابسي لأن لابسه دشداشه خفيفه وقصيرة شوية وعريضه
شويه واندك باب البلكون
اخذت نفس وفتحت الباب طب ضرغام سديت باب البلكون وتذكرت باب الغرفه قفلته ورحت يم ضرغام واكفه كباله وهو مخلي ايدينه بجيوبه ويباوعلي عاقد حواجبه كال..
ضرغام... هاي اجيت راحت الخنكه
هزيت راسي بمعنى اي ومبتسمه كتله
هيلين... ضايج مني
كال... جق
هيلين... زعلان..
رفع حواجبه يعني لا
رجعت شعري لوره وحجيت...
هيلين... ضرغوممم
ابتسم ويحاول يخفي ابتسامته
باصبعي مديت ايدي على حواجبه وحجيت بدلع ونعمت صوتي ...
هيلين... حواجبك تكول ضرغومي زعلان مني وبرطمت
رجع ضهره انتكه عالحايط طلع جكاره وكال...
ضرغام...راح اسألج وجاوبيني
هزيت راسي وكتله اي..
ضرغام ورث الجكاره وكال....شي يوم طلبت منج صورة
هيلين باوعت لأصابع ايديه وكمت اوخر الصبغ وكتله..... لا
ضرغام....... شي يوم كتلج شي غير لائق لو طلبت منج
هيلين... لا
ضرغام....شي يوم حضنتج لو بستج بدون رضاتج
باوعتله وحجيت...
هيلين... اي كل مره اكلك لا تحضن لا تبوس وما يفيد
ضرغام.... عوفه الشقه هسا
خجلني سكتت وكتله... لا
ضرغام... لعد ليش تكليلي ما اللك حكم عليه اني اكول غالي وغالي عليها وتحبني وانتي لخاطر تحضرين العرس تزعليني منج وتضوجيني وتغثيني
هيلين....بس انت غالي عليه
ضرغام... ما يوم سويتي شي ثبتلي حبج ما يوم كلتي ضرغام احبك ترا الشي من ينطلب محلو
تقدمت خطوه صرت كلش قريبه منه رافعه راسي اباوعله لأن هو ضخم وطويل..
وكفت على طارف اصابعي حتى ابوسه ما وصلته بتقدمي وكعت سندت نفسي بايديه على صدره
دنك يمي واول مره هيج اتجرأ بسته من خده وهمست... احبكك وتيني
حاوط خصري وهمس...
ضرغام...... اريد اسمعها اكثر واكثر
هيلين بهمس... احبكك وتيني
ضرغام... احبج غزالتي
ابتسمتله وحجيت
هيلين... تعرف شنو وتيني
ضرغام... اعرف بس اريد اسمعها منج
هيلين...الوتين شريان متصل بالقلب اذا انقطع يتوقف القلب
ضرغام.... اني بدون وجودج ما عندي كلب لأن اصير انسان خالي من الحب مشاعر الحب كلها اللج بس
ابتسمتله كلش خجلانه
ضرغام.... ترا ما راضيتج
باوعتله وحجيت......
هيلين... اشون ترضى
اشر على شفايفه.......
وخرت عنه وحجيت....
هيلين... شكد طماع
ضرغام.... يعني ابقى زعلان
هيلين... برطمت وحجيت... يعني كل الحجي الحجيته وبستك من خدك ما بعينك
جرني عليه حضني وكال...
ضرغام...... ههههههه بعيوني وكلبي وحتى على معدتي نزلن
ضحكت وكتله...
هيلين.... مخرب الرومانسيه
ضرغام....... ههههههههه اخخخ شحبج غزالتي
ضحكنه بقه شوية حاضني ويسولف وياي واني اسمعله سألني كال...
ضرغام... ما حجيتيلي اهلج شكالولج
هيلين... لهسا ما حاجوني
ضرغام.... بس ابوج كال باجر اردلكم الخبر شنو ما حاجوج
هيلين... ما ادري يجوز لأن شافوني ملتهيه بالشغل
هز راسه بمعنى اي وكال..
ضرغام... اني رايح لأن خويي عندي وضل يم الباب ينتضرني
هيلين... منو
ضرغام... اسياد صاحبي كل فتره يجي يضل عدنه فتره اعز صاحب على كلبي
سمعت اسمه ورجعت حسيت سامعته حضنته واستجمعت ذكرياتي وتوصلت لليوم اللي سمعت بي نفس الاسم
لمن انهزمت ولزموني بالمركز واحد ضربني يصيحوله اسياد كلت بكلبي كرهت كل واحد بهيج اسم انوب صديقه اسياد
صحاني من تفكيري ضرغام وهو يكول...
ضرغام.... حبيبي اذا بقيتي حاضنتني راح ابقيج بحضني وما اعوفج ههههه
وخرت عنه وكتله...
هيلين...... لا عمري. روح
ضرغام... اويليي انوب بيها عمري
هيلين... دفعته وكتله ههههه يلا روح هسا صاحبك نام يم الباب
راح ضرغام واني نمت والفرحه مسايعتني كلش كلش فرحانه
نمت وثاني يوم كعدت نشيطه سبحت وتحضرت وطلعت بالباب ضرغام يم الباب من شافني صعدت بالسيارة هو هم صعد
واني مشيت بسيارتي وهو يمشي وراية
وصلنه الترفك لايت وسيارته بصف سيارتي
نزل جام السيارة باوعلي ورفعلي حاجب
رفعتله حاجب
سوه حركه بحواجبه
سويتله نفس الحركه بحواجبي
غمزلي
ضحكت وغمزتله
دزلي بوسه بالهوه خجلت التفتت اباوع لكدام واضحك التفت عليه هو هم ديضحك
اتصل عليه
جاوبته واثنينه مسوين تلفوناتنه عالبث بالسيارة نصيت الصوت لأن اكو سيارات بصفنه وكتله...
هيلين... نعم
ضرغام.... ما جوعانه
هيلين... ميته جوع
ضرغام...... ههههه يلا امشي على مطعم...... فلان......
مشينه والطريق كله نحجي
وصلنه للمطعم نزل من سيارته اجه بأتجاه سيارتي
فتحت الباب ونزلت وهو وصلني مد ايده خليت ايدي بأيده
وطبينه للمطعم ماسك ايدي ويمشيني وره ضهره حتى لا احد يباوعلي
طبينه بجناح خاص طلبنه اكل
باوعلي وكال...
ضرغام.... اليوم دوامي يتأخر احتمال ما اخابرج
هيلين..... اها تمام
طبب الرجال اكل وهو يباوع للرجال بكل عيونه يخاف لا يباوعلي ههههه
اخذ الاكل منه طلع الرجال وضرغام بده يخليلي مقبلات وكل شويه ياكل مقبلات
انطاني اللفه مالتي واخذله لفه
اباوعله اول لفه اكلها بثلاث نهشات
شرب ببسي واخذ الثانيه واني اكل بفهاوه واباوعله اشون ياكل
باوعلي وكال...
ضرغام.. اكلي
هيلين... جاي اكل
لبين ما خلصت اللفه مالتي ضرغام اباوعله مخلص 3لفات باوعلي وكال........
ضرغام...كل هالشخصيه وحلكج فاهي بالأكل حبيبي اكلي
ابتمستله وكتله جاي اكل
فتحلي قوكي الببسي وكال اكلع اغسل واجي
راح غسل ورجع اخذ كلينس نشف ايدينه وكعد كبالي يباوعلي اشون اكل اني خجلت منه
هيلين... لا تباوع
ضرغام... ليش منو مباوعلج
هيلين... انت ومن تباوعلي ما اكدر اكل
ضحك وكال.... دكلي يلا مراح اباوعلج كلع تلفونه وكل شويه يباوعلي خطف
اكلت نص اللفه ورجعتها اني مسويه دايت اكدر اكل لفتين بس الدايت يخرب كال ضرغام...
ضرغام... خلصي اللفه
هيلين... شبعت ما اكدر
ضرغام... يعني لفه ونص وشبعتي
هزيت راسي ب اي
ضرغام... دشربي الببسي
شربت شويه وكتله يلا خل نروح
ضرغام... يلا...
طلع فلوس من محفضته وطلعنا مخليني وره ضهره انطه الفلوس ومشه كبل
وصلنه السيارة صعدت بسيارتي وهو واكف ومدنك يباوعلي من الجام
طلعت فلوس وانطيته كتله
هيلين... هاي مال اللفات
خزرني ونفخ نفس بعصبيه وكال...
ضرغام... يلا حبيبي اني رايح انتي صار طريقج كريب عالمجمع
هيلين...... ضرغام اخذ الفلوس لا تضوجني
ضرغام... ليش ما تنجبين يعني الا تضوجيني
هيلين.... عود من نتزوج اصرف عليه
ضرغام.... انتي من زمان جزء مني ف بطلي هاي سوالفج لا تضوجيني وبعد لا تعيدينها
ابتسمتله كرص خدي وراح واني رحت لدوامي
رجعت من الدوام ضرغام واكف بالباب ويدخن يبين طافره الدنيا من عينه
اول مطبيت البيت فتحت نت ودزيتله واني جاي اطلع لغرفتي
هيلين.... ضرغام
وصلته الرسالة ومشافها
اتصلت عليه رفضني
دزيتله..
هيلين... ليش متجاوب
لا رد وحتى ما شاهد رسائلي
اتصلت عليه رجع رفضني
دزيتله...
هيلين.... ليش ترفض
طلعلي شاهد الرسائل ذبيت الجنطه عالتخت واباوع شنو ديكتب
دزلي..
ضرغام.....اني مو مضحكه عندج ولا عجي صغير وهيج تسوين
كتبتله..
هيلين... شكوو مدا افهمك
ضرغام.... لمن مترديني ليش تخليني اتقدم
هيلين.... شدتحجي
ضرغام.... كولي يابه ترا اني ما اريدك اريد واحد دكتور ومن نفس قسمي ماكو داعي تخليني اتقدم وترفضين
كال هيج صدمني اني ايمت شاروني اهلي حتى ارفض دزيتله..
هيلين.... الرفض جان من ابويه وابويه حتى ما شارني ولا كالي جايين يخطبونج
ضرغام... اشون يعني
هيلين.... يعني ابويه معنده شي اسمه رأي بنتي الخاص يجبرني عالشخص الما اريده ويرفض الأريده
كلت هيج وذبيت تلفوني عالتخت اشلح الشال بحركة كلب ابويه ابد ممخليلي قيمة ومكانه بالبيت
اني مو طفله اي اني مو طفله وهيج يسوي
تذكرت شصار بيه ويه هيثم وجان كله من، ابويه كمت ابجي التلفون ضرغام ديتصل جاوبته واني ابجي
اول مكال الووو
شهكت وكمت ابجي
ضرغام... خربب شبيجج هلونتي حبيبي ليش البجي
ممنتبها اذا راح اقهره واءذي وحجيت واني اشهك ايديه وشفايفي ترجف
هيلين.... ت ت تع تعرف ابويه شنو سوه ا ا ابويه ج جب جبرنيي على هيثم... شهكت وكملت... بجيت وكتله بابا ما اريده ما اريده ما اعيش عدهم ولا كأن سمعني اخر شي وكع وتخربط لأن ما وافقت تعرف ليش.... بلعت ريكي.... تدري ليش لأن يرضي صديقه
ضرغام... كافي حبيبي بس لتبجين
هيلين.... زوجني لهيثم بقيت شهور اني تحت الأهانه والضرب اجت فترة يضرب كدام اهله لخاطر امه ما تضوج لأن جنت اتعب اكللها ما اكدر اسوي هالشي يجي هيثم يشبعني كتلل
دموعي تنزل وكلبي محروك وابجي...
هيلين.... شعرييي كص شعري ولا رفله جفت بأيده كص شعرييي لأن عاندته تزوج حبيبته
اخابر اهلي ميجون ياخذوني والله شنو ضروفهم ضروفهم اهم، من، بنتهم
بقيت ابجي وهو ساكت ويستمع لصوتي اخر شي حجه وصوته مخنوك
ضرغام.... هو كص شعرج ولج انتي روحي واخذ حقج من عيونه بس لتبجين لخاطر ربج لتبجين
هيلين... شنو يكلك بابا يكلك انطيها لدكتور
ضرغام... لا اني من حركة دمي كلت هيج هيلين
رديتله.... هممم
ضرغام... كافي لتبجين لا هسا اجي كدام اهلج اخذج للمحكمه اعقد عليج
هو عباله لأن بابا ما انطاني وبس ميدري محروك دمي بسبب تصرفه
هيلين... لا سكتت
ضرغام.... الفرع فارغ اكدر اجي اشوفج
هيلين... لا الدنيا بعدها ضويه خاف احد يشوفك
ضرغام... هسا روحي غسلي واكليلج شي
هيلين... ما اريد ما جوعانه
ضرغام.... شنو اكثر اكله تحبيها
هيلين... سبايسي
ضرغام....دروحي ارتاحي هسا وناكل اني وانتي سوه
هيلين... اشون
ضرغام.... شعليج
هيلين... تمام
ضرغام.... يلا بسرعه روحي غسلي ربع ساعه واخابرج
هيلين... تمام
راح ضرغام واني رحت سبحت وطلعت ما سشورت شعري بس نشفته ومشطته وعطرته ولبست تراكسود مرسوم عليه سبونج بوب
طاكه روحي من تصرف ابويه كلش مستصغريني لدرجه ما يشوروني
باوعت تلفوني يتصل شفته ضرغام جاوبت
هيلين... الووو
ضرغام...طلعي للبلكون
رحت لباب غرفتي قفلته وطلعت للبلكون لكيته عالحايط وبيده علاليك
انطاني العلاليك حتى يكدر يصعد للبلكونه اخذتهن منه وهو صعد للبلكون
طبينه للغرفه سديت الباب وهو كعد عالدوشك اللي يم التخت وصاحلي اروح يمه بس ابد ما باوعلي
كعدت كباله
ضرغام... لا تكعدين بدون دوشك بارده
كمت اخذت دوشك من كنتوري وخليته وكعدت كباله يفتح بالعلاليك ويحجي بدون ميباوعلي
ضرغام... اشونج هلونتي
رديتله بتعب.... زينه وانت
ضرغام...... من اشوفج هيج تتخربط احوالي مو كايلج لا تبجين
هيلين... انقهرت
ضرغام... على شنو تنقرين انتي ما تصيرين لغيري واخذج يعني اخذج
خجلت منه باوعت للأكل جايب سبايسي
ضرغام... يلا اكلي
هيلين... وانت
ضرغام.... ما جوعان
هيلين... اذا ما تاكل اني هم ما اكل
ضرغام....اكل اكل بس اكلي انتي
بديت اكل واباوعله ياكل بدون نفس كملنه اكل لميت الاكل بسرعه وخليته بالعلاكه ضرغام كال...
ضرغام.... ذكريني اخذ العلاليك اذبهن لا انساهن ويشوفوهن اهلج
هيلين... تمام
باوعلي وكال... تعالي
كمت من مكاني وكعدت يمه هو متربع حضني وحجه
ضرغام... لا تفكرين بيوم اعوفج او اخليج تصيرين لغيري اذا قبل ابوج جبرج ف هسا اني موجود ومحد يجبرج على شي
انتي صرتي قطعه من روحي انتي جرحي وانتي دواي لهسه ما اقاوم اباوع. لعيونج وانتي باجيه وعيونج تبجي بدون دموع ونضراتج تبجي
كلبيي اخخخ كلبي هيلين بعد لتبجين تتعبيني من تبجين اني اتعب
هيلين.... احبك
دنك باس راسي واني مغمضه وحاضني بكل قوته
هيلين... ضرغام
ضرغام.... عيونه
هيلين.... تحبني
خفف حضنته ورجع حضني اقوه وباس راسي وكال...
ضرغام.... مو بس احبج احسج بروحي عايشه
حضنته وغمضت كال...
ضرغام... ليش شعرج مبلل
هيلين... مصارلي واهس اسشور
ضرغام... مو هيج تتمرضين
هيلين... لا عادي
حسيته وخر، ايده اللي حاضني بيها وسحب البطانية الفوك التخت ولفني بيها وحتى راسي غطاه بيها ورجع حضني
هيلين....ليش بابا هيج مستصغرني وما ياخذ رأيي
ضرغام... مو مستصغرج بس ابوج من النوع اللي يحسب انو اهم شي رأية وهو دائما صح
سكتت محجيت بقيت خانسه بحضنه لحد ما صارت الساعه ب1كال
ضرغام... هلونتي نامي بفراشج واني رايح
هيلين... تمام
كام وكف واني هم وكفت ومتلفلفه بالبطانيه باس راسي وكال..
ضرغام... جنج بطريق صرتي
ابتسمتله كال..
ضرغام... لا تشيلين هم ابوج يوافق يعني يوافق واذا تحبيني بعد لا تبجين وصيري قوية اني احب الانسانه القوية وهسا روحي نامي وتغطي زين شعرج مبلل
هزيتله راسي ب اي
راح ضرغام واني نمت وعطر ضرغام بملابسي كعدت الصبح باوعت نسيت ما انطيته العلاكه البارحه
رحت لدوامي هلكت تعب رجعت للبيت شفت ضرغام بالباب يدخن هواي يدخن تدخينه بكثره كل انسان عنده هموم
طبيت للبيت مر اليوم عادي بليل تخابرنه اني وضرغام وكالي باجر هم نجي نخطب
اني رحت لدوامي ومن رجعت بالطريق خابرتني امي جاوبتها
هيلين... هلا يمه
امي..... ايمت ينتهي دوامج
هيلين.... اني بفلان مكان خمس دقايق اني بالبيت
امي.... ديلا تعالي
هيلين.... خوما اكو شي
امي... لا مو شي مهم تعالي سمعت ابويه صاح..
خلي تصل واني اتفاهم وياها محد طلع عينها غيرج
شصاير ضرغام كال باجر اجيب اهلي وارجع اخطبج معقولة عرفو بعلاقتي وياه
حرت الف تساؤل اجه على بالي
لهنا وينتهي البارت تصويتكم كرزاتي
رواية الاصداف الفصل الخمسون 50 - بقلم بمبش
رواية الاصداف
بقلمي الكاتبة.... bmbsh_beme
وصلت البيت نزلت من السيارة، اخذت، نفس بخوف وقوه بيه خوف واقوي نفسي
فتحت الباب طبيت للبيت اول ما طبيت الهول ابويه وكف كبالي وكال...
ابويه..... همزين جيتي
عقدت حواجبي واحجي بقوه واني الخوف بجسمي
هيلين..... خير خوما اكو شي
ابويه.... تعرفين ضرغام
هيلين....ابن جيرانه اي شبي
صك على سنونه وحجه ويأشر باصبعه بتهديد
ابويه.... تسوين روحج ما تعرفينه هاااااا شنو تربيتي وين راحتتت
بقيت ساكته صاح......
ابويه.... احجييييييي
تصنعت القوة وحجيت...
هيلين.... ما اعرف شنو الموضوع وعلى شنو جاي تكاوني ضرغام شنو تربيتك شنو بويه شسالفة غير تفهموني
امي..... شوف مو كتلك ليش تضل تعاند على كيفك يا عيني اهدا راح يرتفع ضغطك
ابويه....يعني هاي ثاني مره يجي يخطبج وهو ما يحبج
هيلين.... شنو من خطوبه
باوعلي ابويه وحجه..
ابويه.... اطلعي من وجهي يلااااااااااا.
ما رديتله طلعت لغرفتي جانت الدنيا مغرب حتى ما سبحت بدلت ملابسي واتمددت بفراشي
ابويه ليش هيج متخلف اذا شاك بي يحبني ليش ميوافق شنو حيصير لو وافق ضرغام انسان كامل ما ناقصه شي اخلاق ورجوله وسند
طكيت قهر ضليت ابجي لحد ما اندك باب غرفتي كلت منوووو
امي.... كومي تعشي
هيلين.... ما جوعانه اريد انام
امي... ابوج ينتضرج ما يقبل يتعشه الا تجين تتعشين
هيلين... يمه ما اتعشه يعني توكلوني كوه كافي رحمه للانبياء تعبت عوفوني خل انام
راحت امي وبقيت اني بفراشي نمت وحتى تلفوني ما لزمته
كعدت باوعت تلفوني جايني رسائل من ضرغام ضل باله عليه
رديتله البارحه نمت
بسرعه شافها وكتبلي...
ضرغام.... ما خوش شغله هاي كل ما تضوجين هيج تسوين تعرفين يضل بالي
هيلين.... شنو الحل
ضرغام.... البارحه من اجينه ابوج شك اني رايدج واحبج وكبل كالي ما انطيها
هيلين... ضرغام شسوي والله مو بيدي اعرف جاي تنقهر بسببي
ضرغام... اششش ابد لا تكولين هيج يلا وراج دوام لا تتأخرين واني رايح لشغلي
راح ضرغام واني نمت
الصبح من القهر
بدلت وطلعت حتى ريوك ما تريكت كملت الدوام يوم عادي
رجعت من دوامي ابويه وامي وعمتي بالهول كبل طلعت لغرفتي
مر شهر ايام عاديه والبيت رجع الجو القديم وموضوع ضرغام انسد وضرغام هم سكت على موضوع الخطبه
بليل تخابرنه كالي باجر جايين نمشي وهالمره ابوج راح ينطيج
وثقت بكلامه وثاني يوم العصر اندك الباب بس الغريب من طلع ابويه وجان ضرغام وحده
تسالمو واشوف ابويه يسلم عليه بعدم رضى وطبو للاستقبال
توترت وخفت لا ابويه هم يرفض هاي المره الثالثه
رحت قريب من باب الاستقبال واول مره بحياتي كلها اسويها وكفت استمع الهم كال ابويه...
ابويه.... لو شكد متكول اني دا اكلك بنتي ما ازوجها
ضرغام.... واني رايد بنتك لو اليه لو متصير لغيري
جاي يحجون اندك الباب ابويه طلع عالباب ركضت للمطبخ شفت طبو وياه انسام وحسام وعمي عرفت ابويه داز عليهم
رجعت لباب الاستقبال طلع انسام حتى جفلني
انسام بهمس... شتسوين هنا
هيلين...اصيحلكم تاخذون الميه
انسام.. جيبي. بسرعه
احس كلبي دكاته الف اني رحت للثلاجه طلعت ميه خليته بالدولكه وصفيت كلاصات بالصينيه خليت بيهم ميه انطيتو اياهم راح انسام بس شفته طب للاستقبال وكفت وره الباب استمع رغم امي وسهام اجو كعدو بالهول واني واكفه امي مرتين اشرتلي اوخر من وره الباب ما وخرت سمعت ابويه كال...
ابويه..... هاي هسا صارت كعده ونحجي ونتفاهم
ضرغام.... على عيني وعلى راسي نتفاهم اني هم جايكم بتفاهم
حسام.... ضرغام احنه نحبك بس طلعت ما خوش طلعه
ضرغام.... متكلي شمسوي رايدها بالحلال وهاي المره الثالثه اني اجي البنيه شفتها وشفت اخلاقها وحبيتها
سمعت ابويه حجه بصوت شبه عالي
ابويه.... ولك شنووو حبيتها شنووو
ضرغام.... لو اريد اسويها معارك اخذها منكم وعيونكم تشوف صوتك لا ترفعه وخل نتفاهم
ابويه... وانت منو وتحجي هيج لوما ضيف ابيتي اعرف اشون اتعامل وياك
ضرغام..... انت مو تكول ما انطيها
ابويه.... اي
ضرغام..... انطيني سبب
ابويه..... ماكو سبب اني ما اريد انطيها
رجع عمي كال...
عمي... ابو هيلين ميصير هيج التفاهم حلو. ابني ضرغام ابوها ما ينطيها
ضرغام.... هذا اخر كلام اكوله واسمعوه زين.... هيلين يا ليه يا متصير لغيري جاي احجي وياكم بطيب واكللكم البنيه رايدها لا تتعبون نفسكم وتضلون ترفضون وتصير ما طيبه بعدين وشتريدون اني حاضر
رد ابويه جان من لفضه وضحكته بأستهزاء
ابويه.......اذا الدنيا مطرت ورد انطيك بنتي هههههه
ضرغام... يلا مسلم عليكم
ابويه... هلا بيك مع السلامه
طلع ضرغام واني عيوني مغوركه اريد ابجي طلعت الدرايج وسمعت امي كالت.. هيلين تعالي
ما رديت طلعت الدرج بسرعه بس طبيت للغرفه انهديت بالبجي اشهكككك
اندك باب الغرفه وطبت امي باوعتلي جاي ابجي
طبت للغرفه سدت الباب وحجت بهمس
امي.... تحبينه
هزيت راسي بمعنى اي
اجت امي وكفت كبالي وعيونها مغوركه ومليانه حنيه كالت...
امي.... ابوج قافل يا يمه
هيلين.... اي وتالي
امي.... متكليلي شسوي متكليلي بس نحجي وياه يسويله تمثيليه عود راح ينجلط
هيلين... واني شنو ذنبي
مسحت دموعي اباوعلها بقت ساكته كملت كلامي بنتر ودموعي تنزل شلال
هيلين...ها اني شنو ذنبي تعبتتتت اني تعبتتتت شو جبرتوني على هيثم ودمرتو حياتي وسامحتكم رب العالمين يسامح اليغلط مو انوب اني محبتي بيكم خلتني اسامحكم ترا اني انسانه بالغه والقانون وياي اذا اريد ابعد عنكم لو اريد جان اول ما عفت هيثم تدرين شسويت
بقت ساكته هزيت راسي وكلت.... تدرين شجان سويت
امي نزلن دموعها
هيلين.... لو اريد جان اجرت شقه وكعدت بيها وكملت حياتي مناقصني فلوس اكدر اطلع ابيت وحدي بس اني لأن خوش ادميه رجعت يمكم يمه كافي تعبتتت ابويه عنده كلامه فوك الكل
حضنتني امي واني رجعت اشهك وابجي وامي تبجي اخر شي كلت لامي...
هيلين.... يمه روحي نامي واني هم حنام معليح بيه هسا اسبح واصلي وانام
امي.... ديلا بنتي لا تقهرين نفسج
هزيتلها راسي بمعنى اي راحت امي طبيت سبحت وطلعت سشورت شعري واتمددت بفراشي
امي ما حجت شي لو غير ام جان سوت المستحيل لخاكر بنتها جان حاجت ابويه بس متحجي وياه ابويه روحها من الدنيا يمكن لو يموتني كدامها تلتزم بالسكوت
باوعت لتلفوني ضرغام دازلي...
ضرغام... اشونك حبيبي
رديتله..
هيلين... هلا عيوني
ضرغام.... شنو ضايج الحلو
هيلين....همممم لا
ضرغام.... اخذج كبال عيونهم بس اصبري عليه
هيلين.... ما ضايج من ابويه لان رفض مرة اللخ
ضرغام.......هو العنده بنيه مثلج يضمها بقوطية مو انوب يزوجها
ابتسمت على كلامه رغم اعرف ضايج اكثر مني
حجيت وياه شوية وراح نام واني هم رحت نمت
كغدت الصبح رحت لدوامي وضرغام ما شفته من طلعت
ب1باوعت تلفوني يتصل فتحت سبيكر لأن عندي مريضه اشتغل واحجي....
هيلين... الووو
ضرغام.... ايمت يخلص دوامج
هيلين.... تقريبا لل2تكمل المراجعات وبعدها اللي محاجزين
ضرغام.... كملي بس المراجعات وارجعي
هيلين.... ليش
ضرغام... ميحتاج اعيد كملي المراجعات وارجعي للبيت
هيلين... تمام
ضرغام... يلا هسا عندي شغل باي
هيلين... باي
كملت شغلي وب2ونص طلعت من الدوام واللي محاجزين كلت للسكرتيرة تسجل اسماءهم وباجر يجون اول شي اشوف حالاتهم
رجعت للبيت هم ضرغام ماكو
طبيت لغرفتي بدلت وكملت ونزلت حتى ما اشتهي الأكل اكلت شوية ورجعت لغرفتي
اندك الباب مال غرفتي كلت تفضل طبو ايه وبراء وساره سلمت عليهم ونزلنه جوه
كاعدات نسولف باوعت ضرغام راسلني رحت للمطبخ بحجة الميه باوعت دازلي رسالة
ضرغام..... اطلعي للحوش
باوعت ابويه طلع من الهول بخوف للحوش فتح الباب وكلنا لحكنا ابويه باوعنه وجانت الصدمه
كرزاتي لهنا وينتهي النصف بارت وباجر انزللكم تكملة البارت هذا هدية من عندي مو اكللكم اني قفلاتي مبيها خباثه +عمري انتو راح انزل غش بالانستا هذا اليوزر
wraa444