تحميل رواية «الاصداف» PDF

بقلمي الكاتبة..

bmbsh_beme

من بعد ما تطرقنا لحياة هيلين وتفاصيلها الحلوه والمره  وعرفنا تفاصيل قصتها نروح جولة صغيرة لحياة ضرغام بأدق تفاصيلها

مشهد 1....

ضرغام...  كاعد ويه اسياد واجاني اتصال باوعت رقمها حافظة شعجب اتصلت بيه مو تعرفني ما اريد احجي وياها كلبي خلاني اجاوبها ...

ضرغام... الوووو

ضرغام الحكنييي ضر....بعدها ما مكمله 

وانسد التلفون

طلعت اباوع الاحذيه ماكو البنات منضفات البيت وهسه لازم افتر للترك اجيب حذائي تكرمون عفته وركضت حافي للسياره  نسمة هوا باردة ضربت وجهي صعدت والطريق احسه صار كلش طويل والأفكار ببالي شكو شصاير ليش تصيح بس ما يكون احد مأذيها وصلت البيت  وممتأكد هوا نفسه لو لا نزلت بسرعه

دكيت الباب ماكو احد يطلع كلت هذا هوا راحت من ايدي شوف وينها وما لحكت حتى تكلي  معقولة صارلها  شي

دكيت الباب اقوى واللي خلاني انجن سمعت صوت ابنها يصرخ وره الباب ويدك بالباب من الداخل

مكدرت اكسر الباب والطفل وراه صعدت عالحايط وقلبت للبيت اللي ما خله بيه نقطة دم شفت اثار اقدام شخص كلها دم شخص دايس فوك دم وماشي والأثار جايه من الاستقبال وواصله الاثار للحديقه

وابنها حاضن رجلي ويبجي ركضت لجوه باوعت جان منضر ما اتمناه لعدوي لوهلة صفنت اريد استوعب اني بحقيقه لو حلم

رواية الأصداف

بقلمي الكاتبة..

bmbsh_beme

بقلمي الكاتبة...

bmbsh_beme

نايم وحسيت على ايد على كتفي وصوت امي تحاجيني

اكعد امي الساعه ب6مو زين النوم المغرب

كعدتني وراحت اريد اشيل جسمي من الفراش ما اكدر من النعس والتعب

سبحت وطلعت مشطت وسبحت بالعطر عادتي هيج امي تسميني الوسواس بس النضافه ما الها دخل بالوسوسه

نزلت ضحى مسويتلي ريوك تريكت وطلعت مريت لربعي شويه ورحت للسوك اشتريت مسواك للبيت ورجعت صارت الاربعين مال ابويه اخذت امي وضحى زرناه ورجعنه اشوف امي واختي يبجون وكلبي يوجعني عليهم بس ما بيدي شي اسوي البجي ما يرجع الميت

رجعنه للبيت ثاني يوم كاعدين نتعلل وسجى تاكل حلويات وككو ما تكدر بلاهن كامت تبجي اسنانها توجعها

كلت لضحى باجر ناخذها على طبيب اسنان لأن اذا تبقى هيج تأذيها

رحنا ثاني يوم وابن ضحى ضرغام بقى يم امي وحواسم بقت عدنه كالت يتعب جدتو

مرات اكول اني اذا، يصيرلي شي امي واختي منو يداريهن امي الوحيده لاهلها وابويه عنده هواي اخوه ساكنين بمنطقة بالديوانية بس عندي عم واحد ساكن يم بيتنه هوا الوحيد الزين

باقي عمامي ف... مرت الأيام وعايش بالبيت مع امي وضحى وسجى وضرغام

اجيت من شغلي تعبان طبيت للبيت بيت عمي عدنه جايين علينه ابو حواسم

طبيت سلمت عليه ورحت سبحت وبدلت ورجعت كعدت يمهم جانت العصر

امي تريد حواسم كال اخطبلك اياها وحجه اخطبلك اياها صرت اكره حواسم من وره امي البنيه ما ناقصها شي جمال وأخلاق بس ما اريدها ما اتقبلها كزوجه بنت عمي وانتهى

كاعدين نشرب. جاي كالت امي... اشونه الجاي يمه

رديتلها... زين طعمه مخليله شي

اي... لمسات حواسم يمه

باوعت لحواسم وحجيت... عاشت ايدج

كلت بكلبي يا يمه جاي شنو من لمسات

احسها مختلفه عن باقي بنات عمامي ما يوم رفعت عينها. ولا يوم بدر منها شي غلط

بقينه نتعلل اندك الباب طلعت فتحت الباب باوعت....

الله حيوووو

اسياد... من گال يحيا

ضرغام... جان خابرتني كتلي اجي دوصيك تجيبلي جكاير

اسياد... اول مره اشوف واحد كسول مثلك

امشي خل نروح نشتري ونرجع واحجيلك ششفت اليوم

صعدت بالسياره واسياد مشغل تدفئة الجو بارد

حجه اسياد... اليوم تدري شصار

رديتله... دحجي شصار لزكت تدري وتدري كتهن

اسياد... ههههه اليوم صارتلي روحه للديوانية وصارت شغله اندزيت للمركز اللي هنا بوياييي وجان تطبلك بنيه الا تكشم

ضرغام... اي مو هي قنبلة

اسياد... صدك قنبلة ولك

ضرغام.... اذا سالفه لعبان نفس اسكت

اسياد.... ههههه لا مو لعبان نفس ما بيها هيج شي اصبر خل احجيلك ليش تقاطع

ضرغام... كحيت وحجيت... كمل اسمعك

اسياد.... طبت البنيه البنطرون والشعر مفتوح سافره بس لبسها وكشختها مو مال بناطير البنطرون لابسته بنفسجي وتيشرت ابيض والعلك بحلكها حبيبي.. المهم طبت للمركز ما تعرف اني ضابط سمعتها كالت. للشرطي الوراي.... اجيت اقدم بلاغ

التفتت عليها باوعتلها تباوعلي بمكر كالت... احمم اكو بنيه شارده من اهلها ودتنهزم واني كتلها اوصلج جبتها لهنا

رديتلها وينها كالتلي بسيارتي

ضرغام... هههه وليش تحجي مثلها جنك نثيه هههه

اسياد..... اهو ضرغام ما نحجي

رديتله... لا كمل دشوف تاليتها هاي البنيه

اسياد... وصلنه السياره واشوفلك بنيه تصطر العيون حمر من البجي والخشم احمر وعيونها كبار

اني خليتهم يوصلوها للغرفه مال الاعتراف كلت للبنيه ام البنطرون انتضريني راجعلج ضحكت

جاي اسمعه بدقة دشوف تاليتها هاي البنيه

اسياد... هذا الحجي كله بليل طبيت لغرفة الاعتراف البنيه تبجي وترجف ووجها يبين اثر زراك مضروبه يمكن متعرضه للتعنيف

البنيه عجبتني دقمت بيها فريت وجهه براشدي وخوفتها بعدين اللي عرفته شارده من بيت رجلها احو اخذوها وهي بس تبجي

ضرغام... ليش تضربها هاي لان صرت ضابط

اسياد... شسوي هي شكلها مال واحد يدقم بيها خوس دقمه تدري لوما جايين ماخذينها

ضرغام... كافي لا تكمل

اسياد.. ليش

ضرغام.... تقبلها على خواتك

اسياد... لا ضرغام بدون تجاوز

ضرغام... لعد تسوي هيج باعراض العالم

اسياد... هيه لو خوش بنيه ما تنهزم هيه مو خوش ادميه وبعدين اني تعرفني اذا دقمت بالضرب مو بغير شي

سدينه الموضوع شسويله يضل بطبعه ما ينعدل مكضيها نسوان شكو شي حرام الكه اسياد اول واحد مشارك شكد نصحته ما يفيد وهالشي كله ياثر علي مستقبله

مرات شكد يحاول يقنعني ياخذني وياه بس اكله ابد اكو ناس تستغرب ومتصدك تكول معقوله اكو هيج نوع من الرجال اي اكو هواي ما يعجبهم يقربون للحرام

اخذنه جكاير ورجعنه

اسياد كال جيب الناركيلا نكعد بالحديقه مو بواهس البيت

همزين كال هيج لأن بيت عمي عدنا وين يكعد رحت جبت الناركيلا ووصيت ضحى تسوي جاي

كاعدين نتعلل وأجت سجى كالت... خالو تعال اخذ الچاي

رديتلها... جاي خالو

وكفت وكلت لأسياد... هذا. المعسل طعمه ما طيب اروح اشوف عندي غير طعم واجيب الجاي

ردلي... اي والله جيب غيره هذا، معرف اشونه

طبيت للمطبخ جانن واكفات حواسم وضحى اخذت صينية الجاي وباوعت لضحى وحجيت.... خويه بالجرار الثاني بغرفتي انواع مال معسل ناركيلا ما تجيبي ودزيلي اياه بيد سجاوه

سجى كلش احبها مو بنت اختي احسها بنتي

اني حاليا عمري 28سنه

نرجع للماضي جنت عمري 19سنه

عمري سن مراهقه عايش مع امي وخواتي اثنين

ريماس اختي الجبيره وضحى اختي الاصغر منها واني اصغر منهن اثنيهن بس ضخم

كاعدين نتغده وامي حجت كالت...

امي.... يمه بعد باجر جايين عمامك يخطبون ريماس لحارث

عقدت حواجبي باوعتلها ورديت... شنو تتشاقين لو تحجين الصدك

باوعتلي بتركيز... ليش يمه شبي حارث خوش رجال

طلعت جكاره من الباكيت وحجيت....وعمامي نسيتي حقدهم وكراهيتهم ولو بيدهم ينهشون لحم بعض

جرت الجكاره من ايدي وكالت... لا تورث شمتفقين احنه

اني امي احبها واغليها ومنطيها كلمة ما ادخن غير نص باكيت باليوم مو خوفا منها لا بس هي تخاف عليه تكلي اذا تريد ارضى عليك قلل

اخذت منها الجكاره ورثتها وحجيت... ما مدخن النهار كله وعمامي كليلهم ما الكم مره يمنه

ردتلي... يمه حارث خوش رجال وبيته وحده بالانبار يعني شيجيبه على عمامك بالسنه حسنه دا يجي

اخذت نفس من الجكاره وحجيت.... اي وشمدريج حارث مو مثلهم يمه ما اريد اكسب خطية وحدة من خواتي اريدلهن القسمه الزينه ولو يكملن دراسه احسن بهواي

امي... يمه ريماس من توفى ابوك تركت المدرسه جانت تعيني بيكم ما تحب الدراسه واني من كتلها راح يجون يخطبون اختك من حجيتلها سكتت يعني يعني موافقة وانت تكول ما اكسب خطية احد

ضرغام...احجي وياها واشوفها شتكول

امي... انت حاجيها يمه اختك مو صغيره 29سنه يعني هم فكر بيها

اكلت شوية وكاعد ادخن جكارتي واشرب جاي ولد عمامي مو كلش اختلط وياهم بيناتنه بس السلام لا هم يجرعوني ولا اني اجرعهم وحارث قليل اشوفه لأن شغله بالانبار

رحت للمطبخ كلت لأمي. اليوم اتأخر لا يضل بالكم والبيت اقفلو عندي النسخه الثانيه باوعتلي وكالت... يمه والشغله الحجينه بيها

رديتلها.... باجر نتفاهم

هزت راسها بمعنى اي

طلعت اني من اطلع اكضيها بطارف الفرع مصاحب اثنين من المنطقه ما اكدر ابعدعن البيت لأن اخاف على امي وخواتي ف بطارف الفرع يعني باب بيتنه كبال عيني

بقينه نتعلل والشباب معمرين الناركيلا كعدت دخنت وياهم رغم امي ما الها رضى بس اكول مو حلوه يدخنون واني ما ادخن اني مو صغير جبير واعرغ الصح من الغلط

صارت الساعه ب1ترخصت منهم ورجعت للبيت فتحت الباب وطبيت للبيت لكيت امي بالهول تقره قرأن

تخاف عليه ما تنام الا ارجع اشكد اوصيها يمه لا يضل بالج ما عليه ما ابتعد بس امي حريصة بالذات بعد ما فقدنه ابويه صارت تخاف علينه من الهوا الهاب

رحت يمها بست راسها وحجيت... ليش كاعده يا نضر عيني مو تعرفيني ما ابتعد بطارف الفرع

كعدت يمها فتحت تلفوني اباوع لبين ما امي تصدق

شويه. وسمعتها كالت صدق الله العضيم وسدت القرأن باسته وخلته بحضنها كالت... ها يمه شقررت

رديتلها... يمه اني حارث ما اعرفو بس يجي يخطب واشوفو وهم اسأل عليه بالانبار

امي... ها يعني نوافق

باوعتلها بابتسامه خفيفه... لازم متفقات ومقررات تنتضرن بس جوابي

امي... يمه لا بس اخيتك ما كالت لا وانت باجر هم احجي وياها

رديتلها واني اوكف دروح انام... اي هم هيج تصبحين على خير

وكفت ودت القرأن بمكانه وتحجي... وانت من اهل الخير يمه نوم العوافي

ثاني يوم كعدت ب1الضهر اطلع ضيم الشغل من اجي للبيت اكضيها نوم

كعدت الغدا صاير وريحة الطبخ غسلت ودخنت جكاره جابو الغدا تغديت وكعدت اقلب بتلفوني

ضحى خامس ابتدائي كعدت تدرس وامي كاعده يمي وريماس شالت الغدا جابت الجاي ورجعت للمطبخ اخذت استكان الجاي ورحت للمطبخ كعدت اشرب جاي وادخن وهيا واكفه تنضف حجيت...

ريماس خويه عوفي من ايدج وتعالي

اجت كعدت كبالي كالت... ها خويه

باوعتلها وحجيت... امي كالتلج على حارث

دنكت راسها مستحيه وكالت ايي

انتي تعرفين اهله اشونهم خويه وهوا عايش وحده الزواج مسؤلية

حجت وهي مدنكه... اي خويه

طفيت الجكاره باوعتلها وحجيت... انتي شتكولين

ردت وهيه مدنكه ما رفعت راسها... بكيفك

بعد كاعدين نتعلل وامي وريماس راحت تفرش وضحى كاعده تدرسها امي كالت امي... يمه ها شقررت

رديتلها... على ريماس

امي.. اي يمه على ريماس

انتي هم اسأليها واذا وافقت بيها الخير

ردت. امي... اي يمه.... باوعت لضحى وكالت... جيبي تلفوني اخابرهم انطيهم الموافقه

ضرغام... يمه مو كتلج اسأليها

امي... سألتها يمه وكالت اذا انتو توافقون اني اوافق

ضرغام... ها خوش متفقات الحبايب... وضحى جابت التلفون

ضحكت واخذت التلفون من ضحى... باوعتلها وحجيت

شراح تسوين... تدور بالاسماء وتحجي... يمه دخابرهم انطيهم خبر

اني تعصبت هسه يكولون ما مصدكين ينطون بنتهم باوعتلها وحجيت...شتخابرين يمه عوفيهم هما يخابرون ويردولكم الخبر استغفرالله اسغفر الله

وراها بيوم مخابرين امي وماخذين الموافقه

وره شهر تقريبا امي كالت راح يزفون ضلو يحضرون واوديهم واجيبهم لحد ما اجت وقت الزواج اني الخطوبة والعرس كضيتها يم اسياد

تزوجت ريماس والبيت فارغ وامي تشتغل مرات اشوف ضحى كاعده تدرس وامي تشتغل احاجيها ما تسمع كلام الا ارزلها

جانت كاعده تدرس الصبح وامي تشتغل وكت الغده كملت اكل ورجعت تدرس باوعتلها وحجيت

شنو ما ناويه تعاونين امي

حجت بدون ما تباوعلي تكتب وتحجي... دا ادرس

رديتلها بهدوء ما اريد اصيح عليها... خويه درسج شنو ما يخلص امي تعبانه

ردتلي وهي تقط القلم... انت دعاونها اني ددرس

كالت هيج لو احتركت اعصابي امي تعبانه ومريضه واختي تستصغرني

كلت ضحى صوتي صار عالي تدريجيا

باوعتلي شافتني متعصب كالت بخوف... هااا ضرغام

اشرت بيدي بمعنى تعالي وكلت تعاليي

اجت كعدت كبالي وحجت... ش ش شن شنوو

سكبت نفس من الجكاره. اشرت للجكاره وحجيت... تشوفين هاي الجكاره

هزت راسها بمعنى اي

امي طبت كالت شكو يمه رديتلها... ماكو شي يمه عوفي من ايدج هسه ضحى تشيل

باوعت لضحى وحجيت واني اباوع للجكاره واباوعلها.... هاي اطفيها بلسانج انوب تتجاوزين ششايفتني كبالج...

عيونها غوركت وتحجي....م ما ما ك كلت ش شي اسفه

اشرت عالأكل وحجيت...بعد ما اشوف امي تشتغل وحدها واذا على دراستج اخت اسياد فاتحه دوره تدريس اسجلج يمها ويوميه اوديج وارجعج واخليها تنضملج جدول وهسه كومي عاوني امي

راحت تعاون امي اعرف قسيت وياها بس امي مريضه ما تكدر عالشغل وحدها وما اريدها تتعلم تتجاوز

طلعت تعللت يم اصدقاءي وخابرت اسياد سألته على اهله لهسه يدرسون كال اي حجيتله على ضحى كال اني باجر ما اداوم تعال ونتفاهم

ثاني يوم اخذتها جانت خايفه مني وصلنه اهل اسياد

وكالي تعال للاستقبال طبينه كعدنه اسياد كال... يولي وينج

تعجبت من تصرفه واللي صدمني اكثر طبت اخته للاستقبال ضحكت وكالت... شلونكم شباب

رديتلها هلا بيج خويه

البنيه... نورتو هاي بنت منو الحلوه بنتك

اسياد... لا اخته اجينه علمود تدرسينها

اجت قدمتلي الميه وكالت... كل الهلا بيكم

اخذت رشفة ميه وانطت لضحى وكعدت كبالنه باوعت لضحى وكالت... شسمج يا حلوه

ردتلها ضحى.... اسمي ضحى وانتي

ضحى ملسونه بعكس ريماس

البنيه... اني ريام اي بيا صف انتي

ضحى... خامس

ريام.. لافت رجل على رجل وكالت... اي وشاطره

حجيت اني... هي عالشاطره شاطره بس مكضيتها دراسه ما منضمه وقتها

ريام... لا ميصير ترهقين نفسج اني راح اسويلج جدول وتدرسين عليه واني هم ادرسج

اجت مره جبيره جابت ميه طبت جابته وطلعت ضحى كالت... هاي امج عمه ريام

ردتلها ريام... لا مساعده بالمطبخ

من جهة تدرس طلاب ومن جهة عدهم مساعده

حجيت وياها عالفلوس ما قبلت تاخذ بس اصريت على هالشي

طلعنا من عدهم اخذت ضحى اشتريتلها من المرطبات عود رشوه مال صلح

رجعنا للبيت ومرت الأيام بين دراسة ضحى وريماس

ريماس اجو علينه هي وحارث يوم جمعه

وكاعدين نشرب جاي وره العشه

شفت بنتها جانت كلش حلوه كالت ريماس... ضرغام تدري شسميتها

رديتلها.. شسميتيها

شالت الطفلة خلتها بحضني وكالت... تتذكر من جنت صغيره ويعجبك اسم سجى دوم تكلي سجاوي سميتها سجى

باوعتلها وحجيت... مدام هيج الحجي تراجيها باجر تجيها

رد حارث... تسلم خويه اعتبرها واصله

ضرغام.... لا ما يصير باجر الصبح نروح نشتريلها وكل ما تكبر اخذها للصايغ ابدل تراجيها بأكبر

ثاني يوم الصبح اخذتهم ورحنا اخذنالها تراجي ورجعنا وصلتهم للبيت ومريت اخذت سجى من المدرسه اني ما اريدها تدرس عند اهل اسياد من شفت شلون طبعهم ما ردتها تتعلم طبعهم بس كلما اكللها تبجي وتكول تحرمني من الدراسه واني تعودت على شرح ريام

مرت ثلاث سنوات وريماس اجاها طفل سمته ضرغام اللي سمعته من امي كالت حارث ضايج لأن مسميته على اسمك بس هيه كايله يا ضرغام يا اعوفه ما اريده

جنت دائما اراقب تصرفات ضحى خوفي عليها لا تتعلم طبع اهل اسياد

كل مره اسألها تكول اني من اروحلهم تدرسني ويه طالبات ما تدرسني وحدي وجانت تدرسها العصر صارت تدرسها الضهر لأن ويه طالبات الثاني متوسط واني مرات اروح اخذ ضحى ريام تطلعها للباب تشوفني تسلم عليه وتضحك عادي

ناس منفتيحن هيج طبعهم جنت ابالي خفيفه بس لا هما هذا طبعهم مره رجعت للبيت كلش تعبان اريد بس انام كلت لضحى استعجلي خويه دا اوديج وارجع انام

باوعتلي وكالت... ما اروح

استغربت... ليش خويه اليوم ماكو عطله

ردتلي بنتر... ما اروح يعني ما اروح ليش تلح

تقربت عليها لزمتها من شعرها وحجيت.... عليمننن وليش ما تروحين اكو شي احجييي

تصويتكم كرزاتي + اعرف، البارت قصير غدا انشاءلله اعوضكم، ببارتين طويله..... عمري شكرا، على تفاعلكم وتعليقاتكم الحلوه مثلكم

م

bmbsh_beme

ضرغام.... لزمت شعرها وحجيت عليمن هيج تنترين هاااا

ضحى... ردها بقوة.... ما انتر ما اريد اروح ادرس وخلاص عوف شعري دتأذيني

شفت عيونها غوركت اجت تبجي عفتها وطلعت

رحت لأهلي اسياد طلعنه اني ويه للكافي دخنت ناركيلا وما رجعت للبيت لليل الا حسيت اعصابي بردت

اني اختي ما اريد اضربها اذا شفتها قويه وتحجي بقوه اذا ضربتها اكسرها واخليها تضعف وبعدين اذا تتزوج الرجال راح يستضعفها واني ما اريد شخص يستضعف خواتي

ريماس من شفت حارث شكد فقير وافقت انطيها

وضحى صوجي اني تعصبت ولزمت شعرها

وكلش مقهور على هالشي السويته

البنيه اذا، شافت دلال مراح يجي يوم ترفع صوتها على امها او ابوها او اخوها لأن راح يوكف بعينها دلالهم اذا انضربت راح تكره الشخص. اليضربها وما تهتم اذا رفعت صوتها عليه

واذا، انطيتها الثقه مراح تخونها البنيه من تخنكها وما تثق بيها راح تغلط وهالشي اكبر غلط البنيه رب العالمين اللي هوا اكبر الكل وصى بيها البنيه شي كل ثمين بالبيت اللي يكول بنيتي شمعة بيتي لا تصدكون انو كلامة مبالغة البنية شمعة البيت

واني المفروض ما اتصرف، وياها هيج إني ابوها مو بس اخوها....

مريت للمحل اشترتيلها تشكيلة مال حلويات وقرطاسية للمدرسه هي تحب هيج اشياء

اخذتهن ورحت للبيت

جانت امي تنتضر رجعتي دتقره قرأن بست راسها وحجيت.... الله يساعدج يمه

رحت لغرفة ضحى طبيت جانت كاعده تقره باوعتلي من شافتني وكفت دنكت راسها وكالت....

ضحى... اسفه

تقربت منها خليت العلاكه على صفحه لزكت وجها بأيديه الأثنين ورفعت راسها وحجيت...

ضرغام... راسج ما اريد بيوم تنزلي لا كدامي ولا كدام غيري راسج يبقى مرفوع شو باعيلي

رفعت عيونها حمر من البجي

حجيت..... ليش بأجيه يا عيوني والله ساعة عصبية

ضحى.... اني ما ابجي منك هوا شعندي غيرك

رحت كعدت يم جنطتها والدفاتر اللي جانت كاعد تكتب بيهن وحجيت

ضرغام... تعالي هنا كعدي يمي... اجت كعدت يمي

باوعتلها وحجيت

ضرغام... كولي ليش تبجين

ضحى... ما اريد اروح ادرس

ضرغام... يعني تتركين دراستج

ضحى.... لا ما اتركها بس على بيت اهل صديقك ما اروح ادرس

ضرغام بتركيز.... ليش شنو السبب

ضحى... اكو بنيه هناك تكاونت اني وياها وبعد ما اريد اداوم

ضرغام... اني ما اكدر احجي ويه البنيه بس باجر اخذج انتي وامي وتتفاهمن وياها

ضحى... اني ما اريد اتفاهم وياها واصلا ريام مدري شلون صايره تشرح واني جاي افتهم على شرح المدرسات اللي بمدرستي ما احتاج ريام بوقت اللي اروح لريام وما استفاد من شرحها شي ادرس بالبيت

بقيت مركز بحجيها ما اعرف شنو جاي احس بحجيها

ضحى... تشيل الكتب تخليهم بالجنطه وتحجي.... لا تباوع هيج اني اريد اتكئ على نفسي خويه شكد تونست من جنت اروحلهم وادرس وشكد خوش ناس بس ما بقى داعي تدرسني ريام

رديتلها....

ضرغام.... هاذهوا وليدي باجر اكول لاسياد انطيهم خبر يكول لريام بعد ضحى ما تجي تدرس

اشوفها دنكت راسها وكالت.... خوما زعلت مني

حجيت واني اخذ العلاكه من وراها...

ضرغام... اكو واحد يزعل من بنيته وشمعة بيته شوفي شنو اشترتيلج... وانطيتها العلاكه

اخذتها فتحتها شافت الحلويات وكالت تسلم من شافت القرطاسية كمزت باستني وحضنتني وكالت بفرحه

ضحى.... شكرا شكرا شكرا

ورجعت تقلب بالقرطاسية وتحجي... يايي شكد حلوات باجر اخذهم وياي اشوفهم لصديقاتي

بست راسها وعفتها وطلعت امي نايمه رحت لغرفتي نمت كعدت رحت لشغلي وفورا بعد رجعتي نمت ما كعدت للمغرب

تعشيت وطلعت لاسياد شافني وسكت

كتلها شبيك صرت اخرس اشونك ولك

ضحك وكال... هههههه زين انتي اشونك

ضرغام... زين اكلك اليوم اجيت اخذك نتعلل ابيتنه لأن الأهل يضل بالهم من اتعلل برا

خله ايده على كتفي وكال...

اسياد... يلا امشي نروح نتعشه وناخذ شغلات للناركيلا وابات يمكم باجر نطلع للدوام سويه

رديتله....

ضرغام... هلا بيك ضلعي بس اني اكلت واجيت بس تعال تعشة عدنة اشون مركة حمص

اسياد... صار بيها حمص خل انطي خبر للأهل لعد

راح ديطب للبيت تذكرت وحجيت...

ضرغام... اكلك اسياد ضحى بعد ما تجي تدرس انطي خبر للأهل

اسياد... عقد حواجبه وكال... ليش

ضرغام.... هسه دروح من ترجع نحجي

كتله هيج حتى اغلس عالموضوع ما اريد افتح وياه مواضيع تخص اهلي ما احب هالشي

رحنا للبيت طب اسياد للاستقبال واني رحت لامي حجيت وياها ووصيتها تكول لضحى تحمي الحمص وتقلي دجاج المسلوك

رحت للاستقبال امي دكت الباب اخذت منها العشه وتعللنه والصبح طلعنا للشغل

مرت سنتين وضحى ساءت حالتها. كل فترة تزيد تنتر وتصيح ودائما اصيح عليها وارزلها بس ما اضربها

مرتين وازتني وضربتها راشدي لأن فد مره صوتها يصير عالي بوجهي وتغلط

مسكتلها اشتراك لامتحانها الوزاري للثالث لان طلع تنسيبها بغير منطقة تمتحن

خلصت الامتحانات واجت نتيجتها واللي صدمني وصدم امي من طبت ضحى للهول وراحت تريد تطب لغرفتها امي حجت

امي... ها يمه شطلعتي جيبي الكرت اشوفه درجاتج

ضحى اجت يم امي انطتها الكرت وراحت دتطب لغرفتها امي صاحت

امي. هاي شنو ولج اشون

باوعت لامي وحجيت شكو يمه

ردتلي... اختك راسبه

باوعت ضحى طبت لغرفتها صحت... ضحىىىىى

طلعت باوعتلي وكالت

ضحى.... هااا

ضرغام... شنو هاي وليدي ليش الرسوب شكو

ضحى... شنو شكو واحد يطلع راسب شكوو اسئلة صعبة

امي... ولج كل سنة ما ترضين غير ب90واذا اخذتي، 80تكضيها تبجين ليش يمه هاي عود انتي

ضحى... بنتر وصياح اني اكره الدراسه وما اريدها خوش

ركضت يمها بحركة سريعة ولزمتها من شعرها وحجيت... شو تصيحين على امي مو جاي نحجي وياج بهداوه

بجت صاحت.... ما اريد المدرسة ما اريدهاااا

ضرغام.... يطبج طوب لا تردين

امي... يمه عوفها ملخت شعرها عوفهاا يمه لخاطري يا وليدي

عفت شعرها امي حضنتها وتطبطب على ضهرها وتحجي معليج منه معليج لا تنقهرين ما تريدين الدراسة طز بيها بس لا تبجين

باوعت لامي واني اعصابي نار وحجيت... مستقبلها هذا شنو تعوفها

اشرتلي امي بمعنى اهدء

عفتها حاضنه ضحى وطلعت منطقتنه بطارفها اكو شط رحت لهناك كعدت ادخن والدنيا طالعه من عيني اختي ليش هيج وشنو السبب ما ادري ليش تكره الدراسه او ليش هالسنة بالذات طلعت راسبة

ما رجعت للبيت ضايج من امي ما يصير امي تدافعلها بوقت اللي ترفع بي صوتها عليه اني اعتبرها بنيتي مو اختي

بقيت يم البحيرة سويت تلفوني صامت طلعت كعدت بسيارتي وبقيت ادخن خلصت الباكيت ما اخذت عيوني نوم للصبح

طلعت كبل للشغل خابرت باوعت تلفوني يمكن 30مكالمه اذا مو اكثر

واسياد هم متصل

وصلت الشغل، شافني اسياد اجه عليه يمشي وكال...

اسياد... وينك يمعود قلقتنه ايمت تبطل هذا طبعك

ما رديتله خابرت امي كبل جاوبتني وكالت

امي. الووو وينك يا يمه

ضرغام... بالشغل لا يضل بالج

امي... قلقتنه ما نايمة لهسه بالي يمك واختك مريضه

ضرغام... هسه جايكم

امي... لا لا تعوف شغلك هسه اني اخذها لهذا المستوصف القريب علينه صخونه بس

ضرغام.... هسه اجيكم اصبري لا تطلعين بمكان

امي... اني هسه راح اطلع لا تعوف شغلك يلا مع السلامة وسدت الخط بوجهي

ما اعرف شسوي كلما ضحى جاي تكبر العائلة تكثر مشاكلها وريماس بالشهر لو تجي لو ما تجي لأن ابيتها وزوجها يشتغل ما تكدر تعوف البيت

مرات اودي امي وضحى يشوفوها وسجى كلما تكبر تحلى

وضرغام هم كبران

من خلصت شغلي رجعت للبيت سألت امي على ضحى كالت صخونه خفيفه انطاها علاج

رحت عليها جانت نايمة بست راسها ورحت لغرفتي مغفل ما نايم بس خليت راسي عالمخده نمت

كعدت باوعت الغرفه ضلمه الدنيا ليل

طلعت غسلت وصليت وضحى يم امي كاعده تسولف وتضحك من شفتها تضحك شوية ارتاحت نفسيتي امي من شافتني

باوعت لضحى وكالت... سوي لاخوج عشا يمه

اني ما اريد احجي وياها اريد اسويلها جرت اذن

رديت لأمي... ما اريد لا تسوون شي

امي... يمه من الضهر شلون مو جوعان

ضرغام...اذا انتي تطبخين أكل

امي... ليش شبي طبخ اختك ما بيها شي يمه صارت زينه

رديت..ما جوعان اكلج يمه

امي باوعت لضحى وكالت...

امي... كومي احمي لاخوج العشه

ضحى... صار

كعدت يم امي وحجيت... تروحين باجر لريماس اخذكم باجر استلم راتبي

امي... يا وليدي كلبي صاير مثل النار عليها صايره حتى ما تخابر

ضرغام... لعد باجر من اروح للدوامي استلم الراتب تحضرو من ارجع اخذكم

شوية واجت ضحى خلت الصينية كدامي

اني عفت الأكل ووكفت باوعت لأمي وحجيت...

ضرغام... اني طالع افول السيارة بانزين

ضحى... مو سويتلك العشة تعشة وروح

حتى ما باوعتلها ولا رديت

مشيت وصلت ل باب الهول وسمعتها كالت...

ضحى... ضرغام

ما رديتلها عفتها وطلعت غثتني حيل ابد ما يوم ضوجتها لو قهرتها وعاملتها بسوء بس هي ما احترمتني

طلعت فولت السيارة بانزين ورحت يم اسياد شويه ورجعت طبيت للغرفة تمددت على صفحة صار باب الغرفة وراي اندك الباب ...

ضرغام... درت وجهي للباب وحجيت... منوو

ضحى.... فتحت الباب وكالت... اني

درت وجهي ومنطي للباب ضهري رجعت كالتلي

ضحى... زعلان مني اسفة

لا رد

ضحى... لتبقى تسوي هيج رد

لا رد

ضحى... مو كتلك اسفه بعد ما اعيدها

هي كل مره تكول هيج وترجع تعيدها

ما رديتلها بقت تحجي الا شافت ما مني امل ارد عليها راحت واني نمت

الصبح كعدت كاتلنب الجوع طلعت للمطعم تريكت ورحت للدوام استلمت الراتب

تسوكت بخمسين الف لريماس لأن شغل حارث مو شي وحالتهم مو كلش اني كل شهر اشتريلهم مسواك بحدود الخمسين لحوم على اجبان والبان وخضراوات وفواكه وانطيها خمسين

رجعت للبيت دكيت هورن ونزلت للبيت امي حانت تلبس جواربها وضحى تعدل شالها طلعت للغرفة سبحت وبدلت ونزلت

امي وصحى جاي يحضرن الاقفال مال البيت

اخذت المفاتيح والاقفال وكلت لامي اني اقفل روحو كدامي

قفلت الابواب وطلعت بالطريق ضحى كالت...

ضحى... ضرغام هاي المنطقة شسمها

ما رديتلها

شكد حاولت تحجي وياي ما اردلها واتجاهلها

وصلنه الانبار ريماس طارت بينه تلكتنه وسجى خالو وخالو طبينه جوه جان حارث بعده ما جاي من الشغل

كاعدين وامي كالت لريماس

امي.. شو لا تخابرين لا تسألين

ريماس... يمه ضرغام متعبني هالفترة اخر مره تخربط وديته طلع كلبة ضعيف كلش هسه نخاف عليه من الهوى الهاب

وتعرفين سجى تغار منه تضل تكاونه وهذا كلبة ضعيف

سجى كاعده بحضني كالت.. لا اني ما اكاونه بس لمن يصير وكح

كلنه ضحكنه على سوالفها

بقينة عدهم للمغرب ورجعنا

ضحى بقيت اسبوع ما احاجيها كاعد بالاستقبال

اجت ضحى باوعتلي وكالت

ضحى... حتبقى هيج

لا رد

ضحى... شلون تبقى زعلان اني لا ليلي ليل ولا نعاري نهار لأن انت زعلان مني

ضرغام.... كملتي

ضحى... ضرغام كافي هيج تعاملني تريد تعاقبني هاي عاقبتني صارلي اسبوع معاقبة كافي عاد

ضرغام... طبعج صاير ابد ميعجبني

ضحى... وعد ضرغام وعد بعد اذا اسوي هيج لا تحجي وياي ابد

ضرغام... نشوف

ضحى... يعني رضيت اي هذا هوا انت رضيت

اجت باستني وكالت عمري انتي ابويه مو بس اخويه

وراها بيومين صار عرس لصديقي رحت حضرته

وثاني يوم امي كالت اجو خطابة لضحى انت جنت بشغلك واجت جارتنه واختها خطبوها لابنهم رديتلها...

بكلمتين... ضحى بعدها صغيره

امي... خوش يمه

بليل من رجعت من التعليله امي صدقت جانت تقرا قرأن وكالت... يمه اريد احجي وياك بموضوع

ضرغام... اي احجي.

امي... ضحى تقبل

ضرغام... بشنو تقبل

امي... ضحى تقبل بهذوله اللي اجو خطبو

ضرغام... يمه شنو تقبل وليش اخذتي شورها، هي مال زواج حتى تاخذين شورها

امي... اختك مدري شبيها واصلا تكول انتو لا تتدخلون لا انتي ولا ضرغام واني رايده هالشي

عقدت حواجبي ورديت..

ضرغام..... ترا ضحى شكد دا ادللها دا تزيد اني اعرف اشون اتعامل وياها

امي.... يمه ميفيد ضربتها حتى بوجهي تصيح

ضرغام... خاف بيها شي عوفيها اني احاجيها

رحت دكيت، باب غرفتها صاحتت... خيررر شتريدون

رديتلها...

ضرغام... خويه فتحي الباب خل نحجي ما نريد شي نريد نشوفج

فتحتلي الباب جانت دتبجي باوعتلها وحجيت.... هاي شنو هاي الدموع بنيتي تبجي لعد اني وين تعالي

رحت كعدت وصحتلها تكعد يمي احت كعدت وكالت..

ضحى... شتريد

ضرغام... ضحى احجيلي

ضحى... ما بيه شي

ضرغام.. لعد ليش هيج تتصرفين ويانا. اذيناج بدون قصد

ضحى..بجت وكالت... لا

تقربت يمها مسكت ايديها وحجيت

ضرغام...اعتبريني صديق مو اخ واحجيلي احد مأذيج ما معقولة امي تأذيج ضايجه من عدنه احجي وكولي ضايجه وما اريدكم

ضحى... لا مو هيج

ضرغام... لعد شكو مو مرمرتي كلبي غاليتي انتي

ضحى... ماكو شي لا توكفون بقسمتي

ما اعرف انخلطت عليه اعصاب على قهر على خوفي عليها تمالكت اعصابي وحجيت...

ضرغام... تحبينه هذا اللي اجه خطبج

ضحى... والله ولا اعرفه

.............................. part 35............................

رواية الاصداف

بقلمي الكاتبة bmbsh_beme.

........................................................................

ضرغام.. لعد شكو الا اكو. شي احجي ولتخافين وانطيج كلمة ما احاجيج شي بس احجي

ضحى... كلشي ماكو اني ما احبكم وما اريدكم اريد اتزوج

ضرغام...شنو احجي وشنو اوصف عن كلامها اللي كالته احسه خناجر وصابت كلبي اختي وبنيتي تكول هيج كأنو مو نفسها ضحى الاعرفها الحنينه

خذلتني رغم محبتي تجاهها

باوعتلها بعيوني اللي مليانه تعب وقهر وحجيت

ضرغام... متحبينه اقبلها منج بس بعدج صغيره عالزواج

ضحى.. مو صغيره اني

ضرغام... بس اني ما اريد انطيج

ضحى... اكتل روحي

ضرغام... تسوينها

ضحى... اسويها اي يا تنطوني يا اكتل روحي اني ما اريدكم افتهمني ما اريدكم ولا اريد عيشتكم كأنو عايشة بكبر لا عندي اخت وياي لا عندي اخ انت مكضيها بشغلك ما سائل علينه ابويه من راح ما بقالي احد تريدني ما اتزوج حتى اخدمك انت وامي

ضرغام... اذا توافقين بهاي القسمه بعد ما اللج حجي وياي ف انتي تريدين تختارين هاي القسمه تردين تختارين اخوج

رجعت كلت عسه ولعل تفتهم قصدي انو بعدها صغيره ومو مال زواج

ضرغام... ومن تصيرين 18تجيج قسمه زينه وانطيج

حجيت واني متأكد من جوابها حيكون طبعا راح تختار، اهلها وما تختار، هاي القسمه بس اللي صار مو هيج صار العكس صار الشي اللي مجنت متوقعه هو ردها واللي جان اكثر كلام طول عمري ما انساه

ضحى.... لا احاجيك ولا اصل بيتك

مجنت بيوم اتوقع ميبقى بيه حيل اشيل نفسي واليوم احس حيلي انهد جنت اشوف ضحى بأعلى المراتب شايلة شهادتها وتبتسم بفخر بس اختي فضلت زواجها عليه وعلى امي

ردت اوكف ما كدرت سندي نفسي ووكفت لحيلي باوعتلها جانت مدنكه وحجيت

ضرغام.....ضحى اللي اعرفها ضيعتها اللي كبالي مو اختي وتدللين دامج خاطره ابيتي التردينه يصير

طلعت من الغرفه رحت لأمي وحجيت...

ضرغام... انطيهم خبر موافقين

وطلعت من البيت رحت للمكان اللي ارتاحله رحت للشط بقيت كاعد ادخن وانفض التتن بالمي

شي خانكني مثل خنكتي بموت ابوي

سويت جهازي صامت وبقيت يم الشط للصبح

ما رحت لشغلي طلعت لاربيل يومين واني عيوني حمرا اغفه واكعد اغفه واكعد ما انام

وره يومين رجعت للبيت دكيت الباب

خلال دقايق انفتح الباب امي بس شافتني حضنتني وصاحت... يمه وليدي كلت راح مني وليدي وينك وينك

طبيت للبيت ضحى ماكو عرفت بغرفتها باوعت لامي وحجيت

ضرغام... ما غيرت رأيها

امي.. لا اصلا فرحانه وطايره

ضرغام... اها فرحانه والله خوش

امي رادت تسويلي اكل ما ردت رحت نمت بليل امي كالت باجر يجون يعقدون ونسوان عمامك يجون

ثاني يوم اجو نسوان عمامي ما

-

ما جايين عمامي بس نسوانهم واجت ريماس اجو اهل العريس سلمنه عليهم طبو

واجه شيخ العقد كعدنه بالاستقبال اني وعمي ابو حواسم والعريس وابوه واخو ونسوان ما اعرفهن

شوية وكالو خل تجي البنيه طبت ضحى لابسة ابيض اختنكت من شفتها يمكن لوما الناس الكاعده ابجي عليها وعالشي اللي جاي تسوي بنفسها عقدلهم الشيخ وكال ابو العريس

الحجي... اذا ماكو اشكال نجي نزفهم اسبوع الجاي

رديتله...ماكو اشكال حجي بنيتي بأمانتكم اني من هي وصغيرة لحد هذا عمرها مدللها ما اريد بيوم اسمع احد محاجيها لأن بعدين تصير ما حلوه بيناتنه عشرة عمر احنا وياكم جيران واهل انتو

رد الحجي... انتو منا وبينا وبنيتكم بنيته وحالها حال بناتي

راحو اهل العريس وهوسة ومشغلات الديجي البنات عفتهم ورحت يم اسياد لأن بعده بدوامه.

شافني وكال... ها مو مجاز شجابك

ضرغام... اجيت يمك شوية

اسياد باوع للمنتسب وكال استكانتين جاي ورجع حجه وياي ... هلا بيك تعال احجيلي شعجب اخذت اجازه

ضرغام..... الاهل بيتهم هوسه كرايبنه عدنه واجيت اصفي راسي

اسياد... هلا بضلعي اني هم اريدك بموضوع

ضرغام... احجي

اسياد... مبين جادحات وايراتك بعدين نحجي

اني هم غلست خليها غير مره اشوفه شيريد هسه مالي واهس

شوية بقيت يمه وامي خابرتني كالت طفو الديجي والهوسه طشت وحتى نسوان عمامك راحو اعرفك تضوج من الهوسه وطلعت

رديتلها... شويه واجي

بقيت يم اسياد تقريبا ساعه وشربت الجاي ورجعت للبيت بليل اجه حارث

كاعدين نتعلل كالتلي ريماس...

ريماس... شبيكم خويه شسالفة ليش هيج مكلوبة بينكم بالبيت

ضرغام... سدي الموضوع

ريماس... شسد الموضوع ترا خويه تكدر تلغي كلشي مو شرط اللي كلشي برضاتها وانت ما اللك رضى يعني قابل ما تكدر تحجي وياها

ضرغام... امي اخ من لسان امي ما تكدر

ريماس... ليش اني مو منكم وبيكم واذا كالتلي امي

اجت سجى كعدت يمي وكالت...

سجى... خالو انطيني موبايلك

فتحت تلفوني وانطيتها اياه ورديت لريماس

ضرغام... مو هيج خويه بس ما اريد اغثج

ريماس.. شنو خويه مشي كلامك عليها ليش تخلي كلمتها الماشيه

ضرغام... افااا عليج محد يمشي كلمته عليه اني خيرتها وهي اختارت ولو اسويها شغلة معاند اسويها واكسر راسها بس خيرتها واختارت

ريماس... شخيرتها

ضرغام.. اذا، توافق بهاي القسمه ما احجي وياها بعد وهي اختارت قسمتها

ريماس... ما اعرف، شكول بس يجي يوم تتراضون

رديتلها ب... الله كريم تهون

بقينة نتعلل شقة وضحك وسوالف حارث وريماس والجهال راحو، ينامون تعبانين من الطريق وضحى كاعده تباوع بتلفونها واني هم كمت دروح لغرفتي وصلت باب الاستقبال وحجت امي...

امي... يمه اسبوع الجاي يجون يزفون ماكو داعي لزعلك من اختك تراضو

امي ما تدري اني خيرتها اللي تعرفه انو اني قبلت انطيها

رديتلها...خلي يزفونها من الصالون واذا، زفوها من البيت الا اهجم العرس على روسهم وطلعت من الاستقبال

متمدد وافكر اني ليش ما اخليهم يزفونها من البيت بنيه وبنفسها هالشي ما اريد اغثها بشي

ثاني يوم الضهر تغدينا وكاعدين نشرب جاي حجه حارث

حارث... ريماس ليش ما تأجلين روحتنه للسوك

ريماس... ابو سجى وين اضل أأجل بيها اريد اخذلها هدوم واني جيت وجيت

حارث... الانبار شكبرها ما بيها هدوم وهنا اكو، هدوم

ريماس ضحكت وكالت... اي ما بيها

حارث ضحك وكال.. والله عليج سوالف

ريماس... لعد شعبالك

حارث باوع لامي وكال...

حارث...عمه مريتي مو حليانه

ريماس...ايييي حارثثثث

حارث... هههه ليش تستحين شوفيها عمه مو سمنانه وصايرلها زنود صايره مال كرط

ضرغام.... تنحنحت لأن نسو اني كاعد وحجيت.... ولك حارث اخوها شكبرة شضخمه كبالك ما تشوفه

حارث... هاي ضرغام هم شفته ضرغام، شلون مريتي مو مال كرط،

ضرغام... اخذت، الكوشه ضربته بيها وحجيت...ولك غير صاير ما تستحي وكلنه نضحك

رادو يروحون للسوك وسجى تبجي تريد تروح وريماس ما تقبل تاخذها تكول تبزعني اني اشتري على قياسها اعرف قياساتها

كلت لسجى

ضرغام.. سجى تجين نروح نشتري حلويات وعصاير ونفتر ناخذ ضرغام هم ويانه عوفي امج تروح للسوك ما طيبه السوك

سجى... ما عليه اذا تاخذ ضرغام ما اجي

امي... لا ضرغام يبقى يمي شيودي مريض اخاف عليه

اخذت سجى ورحنا افترينا اشتريتلها حلويات وطايره مشغلين اغاني ونفتر يم المدينه

رادت تنزل بالمنتزه مال الالعاب نزلنه من السيارة اخذت منها علاكة الحلويات لأن العلاكه بكدها هي ناعمة

وطبينه للمنتزه ما خليت لعبة ما صعدتها

مصعدها بالمرجوحه وواكف كبالها لا توكع اجت بنيه جايبه اختها صعدتها بالمرجوحه ووكفت يمي ما اتذكر شحجينه بس سألتني على اسمها وجاوبتها اسمها سجى وسألتني اذا بنتي

وجاوبتها لا

وبقينه نسولف شوية وراحت اهلها صاحوها واني اخذت سجى وطلعنا الدنيا مغربت

بالطريق مشغلها اغاني وهي ما بطل حلكها اكل الف عافيه الاطفال كلها تحب الحلويات مشتغلة اغنية هيلي دن دن وهي تاكل وتركص

سمعت صوت تلفوني يتصل نصيت المسجل وجاوبت

الووو ها يمه

امي... الحكناااا ولك الحكنا اختك مدعومه

ذبيت تلفوني بدون ما اشوف اذا الخط انسد لو لا وشخطت السياره واني ما اعرغ اشون اندل طريقي واشون جاي اسوق مرتين ردت اندعم

وصلت الجسر واني ما اعرف اروح للبيت لو اروح للمستشفى ويا مستشفى يجوز ما بالمستشفى

دكيت مرتين امي متجاوب انوب قلقت بالاكثر

بقيت ادك الا جاوبتني ضحى كالت

ضحى... الووو وينك امي هم تخربطت الحكنه

فريت السياره ورحت للبيت سجى خافت واني القلق عندي الف

وصلت البيت نزلت ركض طبيت للبيت وسجى طبت وراي باوعت ضحى يم امي جاي تهفلها

ركضت عليها سندتها دا اشيلها كالت

امي... لا يمه اكدر امشي وخرت عني وعدلت شيلتها كالت... امشي خل نروح لمستشفى... فلان....

اخذتها وطلعنا بالطريق خابرت عمي كلتله ضحى بقت وحدها بالبيت روح اخذها.

حنزللكم التكملة هسه مو انزلها وتكولون بارت قصير 😂😂😂بعدين اخليكم بالخلاط واعملكم عصير كرز حتكون التكملة نصف بارت لان هنا كتبت بارت ونص احبكم كرزاتي نفر نفر

بقلمي الكاتبة

bmbsh_beme

كلت عود امشي لحبابي وراهم

لكيت الواشي صاحبهم وراهم

مشو جدامي وانه امشي وراهم

..عثرت وسمعهم يشتمون بيه🥺💔

..................

عمري للي يكول صارت قصتين بقصة لا حبايبي. جاي اكتبلكم قصة بطل الرواية حتى لا تتخربط عليكم ما احجيلكم اللي يصير بالحاضر

..................

وصلنه المستشفى وامي ما بطلت بجي سألنه عليهم دلونه رحنا نركض وامي تركض وتدعي

وصلنا الصالة مال العمليات جان اكو زلم اثنين وصلناهم سلمت عليهم وطلعو الدكاترة

باوعتلهم وحجيت...

ضرغام... اشونهم خوما متأذين

رد الدكتور... حالتهم خطرة

ضرغام... نكدر نشوفهم

الدكتور... اي تكدرون بس الافضل الكم ما تشوفونهم

ضرغام... ليش

الدكتور...لأن كلش متأذين

باوعلي واحد من الزلم الواكفين وكال

.. انفجرت عبوه بالسوك اكو ناس تكطعو تكطع بس لان بعيدين اذيتهم صارت بسبب الضربة والشضايا الرجال رhله ماكو والمره وسكت

من كال هيج وسكت اني باوعتله وكلت شبيها احجيي

الرجال... المره ضاربتها شضية جبيره ببطنها

واكف ومصدوم باللي جاي اسمعه

الرجال... الانفجار صار الفجر ما عرفنه معلوماتهم الى قبل ساعة على تلفون اللي بجنطة. المره اخذنا الرقم وخابرناكم

ضرغام... مشكورين ما قصرتو

امي تخربطت اسعفوها الدكاتره واني راسي يريد ينفجر خابرني عمي حجيتله وكتله ادعيلهم

بقينه لل2بليل وكالو ريماس نزيفها مجاي يتوقف

امي ما حجيتلها لان كبل تنجلط

بقيت الوب لل 3 الفجر اجو الدكاتره يركضون طبو لصالة ريماس بقو بالصالة لل5 الفجر طلع الدكتور وكال..

البقية بحياتكم المريضة توفت بسبب النزيف مكدرنه، نسيطر علية الضهر والبطن مفتوحه بسبب الشضيه وهالشي اده للنزيف القوي والمستمر مما ادى لوفاتها

رديتله... حياتكم الباقيه

راد يمشي باوعتله وحجيت...

ضرغام... اكدر اشوفها

الدكتور... اي عادي تفضل

طبيت للصالة جانو الدكاتره والدكتورات يشيلون الاجهزه عنها

وكفت وكتفت ايديه واباوعلها مغطين جسمها ووجها مشكوك بشضية بقيت واكف اباوعلها لحد ما شالو الاحهزة الدكاترة وطلعو رحت كعدت يمها

باوعت وجهه شاحب وشفايفها لونهن ابيض من النزيف

لزمت ايدها باردة ثلج وكلها جروح باوعتلها وحجيت بحركة كلب وصوتي رايح مبحوح..

ضرغام... ما عندي اخوه ولا عندي خوات غيرج وتالي تخليتي عني زين اني يطبني مرض جهالج شلون بيهم شكد كالج حارث ما نروح عاندتي الا تروحين هاي تالي روحتج رحتي وما رجعتي

غوركت عيوني عفتها بالصالة وطلعت واني اشون اكول لأمي ما ادري

رحت طبيت للغرفة جانت كاعده تصلي كعدت عالكرسي امي سلمت واندارت عليه با عتلي حجيت

ضرغام... يمه... بعد ما كملت امي كالت... ماتت موو

هزيت راسي ب اي

اباوع لأمي رجعت التفتت وكامت تصلي عرفتها مصدومه

انتضرها تخلص صلاة وطبت الدكتوره كالت منو اهل حارث

اهل حارث لهسه ما اجو ميكدرون يطلعون بليل وساكنين بالديوانية بعيدين كلش عنا

طلعت بسرعه باوعت للدكتور دنكت راسها وكالت حارث توفه البقية بحياتكم

ما رديتلها طبيت لأمي جانت لهسه دتصلي كعدت يمها انتضرها تخلص صلاة امي خلصت صلاة باوعتلي وكالت هاي يمه

رديتلها.. حارث هم توفه

امي ما ردتلي هم رجعت تصلي يعني ممعقوله هيج صبورة خابرت عمي انطيتهم خبر وامي تصلي تقريبا ساعه امي تصلي خلصت صلاة

ووكفت تلم عباتها لان جانت فارشتها وتصلي

باوعتلها وحجيت...

ضرغام... يمه خوما بيج شي

امي... لا

ضرغام.... ابجي لا تحبسين بكلبج مو زين عليج

امي.... على شنو ابجي

ضرغام... على ريماس

امي... شبيها ريماس توفت غير

ضرغام.... عرفتها مصدومه

بقيت يومين الفاتحه وامي ما حركت ساكن يا تصلي يا تقرا قرأن

ب يوم الثالث بليل سمعته تبجي رحت يمها كعدت باوعتلها وحجيت...

ضرغام.... يمه لا تبجين فدوه لعمرج ما اريد اشوف دموعج

امي... ابنها يوميه الليل كله يبجي وسجى تبجي اليوم من تعب البجي نامو بنيتي الجبيره راحت دومها متعوبة عافت دراستها وربتك من انت وصغير وتزوجت حارث واجاها ضرغام مريض تعبها الطفل فرفح هاي يومين بنتي هسه جوه التراب بنتي تخاف شلون هسه بيها يا يمه اخيتك راحت يا يمه وتبجي

تقربت عليها حضنت راسها وحجيت... راحت وهي مأمنه بيج انتي راح تكونين ام لجهالها عوفي البجي واستعدي لطفلين دخلو حياتنه وراح يكونون سعادتنه لا تبجين تعذبينها ترا

ابتعدت كعدت كبالها اني ادخن وهي تبجي والجهال يم ضحى

جان البيت مبي روح ابد كلنه على صرنه على روتين الأكل القليل والسكوت لحد عشر ايام وشوية بده يستعدل جو البيت لحد مصار شهر على وفاتها

امي كالت راح يجون ياخذون اختك رديتلها... خل يجون ياخذونها سكته بسكته واذا يريدون هوسه ياخذونها من الصالون

ردت امي كالت... يمه اهل العريس هم كال سكته بسكته علمود ريماس توفت

رديتلها... اي بيها الخير.

وره اسبوع اجو ياخذونها كاعدين بالاستقبال وكالو صيحوها علمود ناخذها طلعت من الاستقبال جانت بالهول لابسة عباية سودة باوعتلي رادت احجي وياها

اني باوعت لامي وكلت... يلا يردوها

امي سلمت عليها وحضنتها وتبجي وتبوس بيها

وتكول... بنيتي اثنينهم راحو وحده للكبور والثانيه لبيت رجلها

اجت رادت تسلم عليه عفتها ورحت للاستقبال

اخذوها وراحو وامي تبجي وسجى تبجي وضرغام يبجي اني طلعت للحديقة ادخن واشوف كبال عيوني اشوف عائلتنه خلصت

وراها بشهر خابرتني امي كالت بيت عمك عدنه تعال

اني اخذت اذن من دوامي ورحت للبيت

طبيت للاستقبال سلمت وكعدت ابو حارث وام حارث

قدمنالهم الجاي وكعدنه نسولف رادو يروحون كال عمي....

عمي... يلا وين الجهال

عقدت حواجبي وباوعتله... تريد تاخذهم

عمي.. اي اخذهم يومين ثلاثه وارجعهم

سجى مسكت رجلي وكالت...

سجى... ما اروح اني ما اريدكم انت تكتلوني

وكامت تبجي

باوعت لعمي وحجيت... ما يريدون يجون

عمي... شنو بكيف هاي العجيه جيبوهم لا تعصبوني

تقربت لزمته من ياخته وحجيت

ضرغام... البينه مكفينه واني تحجي بنتر وما تريد نعصبك منو انت يعني وايمت اعترفتو بيهم مو جان حارث بحاجة الفلس وانتو ربع ما تنطوه وجهاله واكعيلهم كتل

عمي بخوف... شبيك تعصبت ما قصدي شي بس نشتاكلهم

ضرغام عفته وحجيت... تشتاكلهم تجي عدنه تضل يوم يومين اسبوع شكد متريد تشبع منهمم شوف

عمي... خوش لعد يلا مسلمين عليكم

سلمنه عليهم راحو وسجى ماسكه رجلي من شافت سيارتهم مشت سيبت رجلي وكالت

سجى... الحمدلله خلصت منهم

ابتسمت على سوالفها طبينه جوه امي كالت

امي... يمه ما نعزم اختك باجر خميس نعزمها

رديتلها..... ما نعزمها وهي ما تجي اصلا حتى اذا تعزمينها

امي... ليش

ضرغام... ما يحتاج احجيلج بس ما تجي واذا رادت تجي ف اني اطلع من البيت واستقبلي بنتج

كلت هيج احسن ما اكضيها مصايح ما اريد اقهر امي

امي... يمه شكو اعصابك يا وليدي

ضرغام... خابريها واسأليها

سجى دائما تكول اريد امي وابوي ومرات ضرغام يسمعها ويكوم يبجي

وره يومين امي كالت مدام هيج السالفة بعد حتى مخابره ما اخابرها رديتلها...

ضرغام... شنو من سالفة

امي... حجتلي اختك كلشي

بليل تعشيت وخابرني اسياد كال جايك كتله هلا بيك

اجه اسياد طببته للاستقبال كعدنه نسولف اسياد كال...

اسياد... ضرغام اريد احاجيك بموضوع اخر مره دا احجي وياك وصارت وفات المرحومه ف كلت أءجلها  على غير يوم بس اني ما بقه عندي صبر واجيت احجي وياك الموضوع بخصوص ضحى

ضرغام... إني جنت شاك الا اكو شي وهسه راح تبين

رديتله....

ضرغام... اي احجي

لهنا وينتهي البارت تصويتكم عمري

يكول اياد....

وعلي لمن يجيني بطيف --ويهاك

هلي للمغرب أيگـــعدون بيــه

ضرغام.... اي احجي

اسياد... اني تعرفني شكد صداقتي وياك قوية اعتبرك اخوي مو صديقي واني وانت طبة وطلعة سوية

ضرغام... اختصر

اسياد....اني اريد اجي اخطب ضحى على سنة الله ورسوله اني اريد اطور صداقتنه واناسبك واني البنيه من مره جبتها حانت صغيرة كلت تكبر واخطبها منك

اني صريح فرديتله اياها طك بطك وكتله

ضرغام... البنية انطيتها واني حتى لو ما منطيها ما انطيك اياها

اسياد..... ههههه ولك انت عليك سوالف المهم غلس اصير حباب وخوش رجال ما يدور نسوان خرب كلشي وانطيها اللي

ضرغام... اني اقصد انطيتها يعني زوجتها

باوعتله تغيرت ملامحه

كتله...

ضرغام... شبيك اكو شي

اسياد... لا ولك شبيه مثلا بس لان صديقك صار شايب يريدله مره

سكتنه بقه عدنا يتعلل ل12ونص وراح

واني تفكيري كله يم ضحى اذا حجي اسياد طلعمو هو الموضوع اللي توقعته يوصلني لحل  ما بقه تفسير لتصرفها غير حجيها الكالته اللي نفسه

هي كرهتنا ومتريدنه

نمت وبقيت فترة بشغلي وبالبيت وسجى بدت تتعود على نمط بيتنه وعيشتها بدون امها وابوها

وضرغام نخاف عليه من الهوى الهاب علمود كلبة

ضرغام وسجى يبقون بأمانتي الا يخلوني بكبري

اسياد صار قليل يجي علينه

وامي شويه صحتها تعبانه اركض بيها بالمستشفيات عالعلاجات من وره الضغط والسكري

ضحى ما اجت علينه واكثر من مره خابرتني وما اجاوبها

امي اكثر من مره حاجتني علمود اراضيها بس ارفض هالشي رغم هي. اختي

طالع للشغل اجيت طلعت السيارة ونزلت سديت الباب والشمس تصطر الجو حار نار حتى نسمات الهوا حاره قفلت الباب واجيت اصعد بالسيارة باوعت اجت كيه وكفت يم عيال ضحى صعدت بالسيارة وما مشيت بقيت واكف اسوي التبريد

درت عيني شفت  وشفت عيال ضحى ينقلون غراض للكيه

شنو دا يتحولون وين يروحون بس لا يكون بمكان بعيد

طلعت لشغلي ومن رجعت طبيت للمحل اللي بطارف فرعنه

مشغل مبردة هواها يذب نار من الجو

شلت حلويات وانطتيهن لابو المحل

خلاهن بالعلاكه وانطاني اياهن

كتله اشكد

كال ثلاثه ونص متعود كلما اروح للشغل من ارجع اشتري لسجى لأن تتلكاني وصلت البيت دكيت هورن باوعت سجى فتحت باب الحوش يوميه كلما اجي تفتحلي الباب

فتحتلي الباب طببت السيارة ونزلت انطيتها علاكة الحلويات هي طبت للبيت واني قفلت الباب حتى الباب حار وطبيت

وكفت بالاستقبال الاستقبال ثلج  خليت تلفوني عالشحن وطلعت للهول باوعت امي وحواسم بالمطبخ جاي يلفون دولمه

باوعت لامي وحجيت... ها حجيه

اي... هلا بيك يمه

حواسم جانت مدنكه رفعت راسها كالت...

حواسم... اشونك ضرغام

رديتلها... الحمدلله انتي اشونج خوية

حواسم... دنكت عدلت شالها وكالت.... الحمدلله

طبيت سبحت وطلعت سمعت سجى تبجي

طلعت انشف شعري شفتها بالهول مفرفحه بالبجي

خليت الخاولي على كتوفي وحجيت....

ضرغام... شبيها بنتي منو حاجاها

سجى..... خالو اخذو حلوياتي جده وضرغام وحتى حواسم وياها مسوين فريق عليه

ضحكت على سوالفها بعدها بطول الشبر وهيج لسان

باوعتلها وحجيت.....

ضرغام... تعالي دشوف منو ماخذهن

اجت تمشي باتجاهي وتحجي....

سجى... تعال شوفهم..

وصلت يمي برطمت وباوعتلي  عيونها كلهن دموع وخدودها حمر كالت....

سجى... هسه خلصوهن

طبيت للمطبخ وهي تمشي كدامي باوعتلهم وحجيت

ضرغام... منو محاجي سجى

ردت امي.... ما تقبل تطعم اخوها تريد الحلويات كلهن

رحت كعدت عالكرسي وكلت لحواسم

ضرغام... خويه بس نفاضه

انطتني نفاضه خليتها يمي وباوعت لسجى وحجيت...

ضرغام...  بينتي اني مو علمتج شتلكلين تطعمين اخوج

سجى..... اني اطعمه بس هو. يريد النمبر ون مالتي واني اشتريتها ليه

ضرغام.... يمكن اشتريت اثنين

سجى... لا وحده بس

ضرغام... مرت اللخ اشتريلكم كل واحد بعلاكه

سجى... اي احسن ما اريد ويه ضرغام

امي... شوف شلون لسانلا تعلمها عالدلال

ضرغام.... هاي بنيتي شلون ما ادللها

امي... دللها مو تكلع عينها ولا تفرق بينها وبين اخوها

ضرغام.... جريت ضرغام حضنته وحجيت... شنو افرق ذوله قطعه من روحي ماكو بينهم فرق اثنينهم نفس الغلاة

دخنت جكارتي ورحت للاستقبال اشوف فلم  وسجى عالايباد تلعب كاعده يمي وضرغام يم امي خلص الفلم ونمت عالقنفات كعدتني امي المغرب متكسر من القنفه

كالت...

امي... يلا يمه كوم صلي حتى تفتح شويه ونتعشى

ضرغام... كمت بالكوه افتح ما شبعان نوم غسلت وتوضيت وصليت وكعدت ادخن امي وحواسم جابن العشة

شعجب حواسم عدنه مو من عوايدها

تعشينه وحواسم وسجى شالو العشه

شربت جاي وامي كالت

امي.... يمه لا تطلع بمكان لأن احس راسي يوجعني يمكن ضغطي مرتفع خاف اتخربط

حواسم كاعده كبالنه ومندمجه تباوع للتلفزيون

تقربت يم امي وهمست

ضرغام... شنو مسويه خطه جديده ترا اكطعي نفسج من هذا الموضوع

باوعتلي باستغراب ورجعت ضحكت وكالت...

امي..... خوش بنيه تحبك

ضرغام... شتحب مني

امي... مبينه تحبك مشاعرها. فاضحتها كبل لا تجي كل شويه تكلي ايمت يجي وعزلتلك. غرفتك

ضرغام... حجيت بصوت شبة ناصي يعني حواسم ما تسمعني.... يمه شكتلج مو كتلج اعتبرها مثل اختي

امي.... يا يمه ايمت اشوف جهالك

باوعتلها ورجعت باوعت لضرغام وسجى وحجيت... هاي جهالي كبالج

امي... اني جاي اتعب بالبيت ما اكدر عالشغل وحدي

ضرغام.... ضحكت وباوعتلها بضحكه وحجيت.... اجيبلج وحده تساعدج بالبيت اءءجرلها بيت اللي كبالنه هي وعائلتها وراتب شهري

امي... ترا مو خوش كلما اجيك بدرب تسده بوجهي

ضحكت وصحت لضرغام خليته. بحضني شكد غالي عليه ريماس سمته على اسمي

  بقت عدنه حواسم يمكن تبات ما ادري احنا كاعدين نتعلل وهي كاعده تلاعب ضرغام

دك تلفوني كلت لسجى انطيني تلفوني باباتي

حواسم جانت يم البلك والتلفون عالشحن

حواسم اخذت التلفون من الشحن باوعتله عقدت حواجبها ودفعت التلفون اخذته باوعت فاطمه

جاوبتها...

فاطمه... وينك ضل بالي عليك

ضرغام...موجود

فاطمة... حجت بمياعه... اشتاقيتلك

اني شلت باكيت الجكاير والجداحه والنفاضه ورحت لغرفتي طبيت للغرفة شغلت المكيف  وفاطمه تكول الووو وينك رديتلها

ضرغام... اصبري بس خلي اكمل

فاطمه بمياعه ... شدتسوي

كعدت وحجيت...

ضرغام.... وياج احجي

فاطمه بمياعه ودلع... شخبارك حبيبي

ضرغام.... فاطمه

فاطمه.... ها حبيبي

ضرغام.... بطلي هاي السوالف واحجي عدل وبلا حبيبي

فاطمه...ياييي وليش

ضرغام.... تالي

فاطمه..   هههه اسفه بعد ما اكول سكتت

حجيت وياها شوية بالكوه جرعتها بسبب مياعتها

سديت الخط منها واتمددت. دنام

فاطمه معلمة سجى مره رحت علمود اخذ لسجى اجازه وطلعتلي معلمه كلش حلوه جانت تراسيمها طفولية حجيت وياها علمود الاجازه شفتها وشفت مياعتها اخذت رقمها وكلتلها حتى انوب اخابرج واخذ اجازه ما اتعنى للمدرسه

فهي ردتلي كالت... انت هم انطيني رقمك حتى اذا انطيتهم واجب اراسلك وانطيك الواجب رديتلها رقمي ووراها نسيت السالفة بعد فترة اجاني اتصال منها وبدت تاخذ وتنطي بالحجي

واكثر من مره كالتلي احبك واريدك تبادلني نفس شعور الحب واكللها ما عندي اي مشاعر تجاهج

جانت مو شكل معلمة شكل طالبة شكلها ما بي شي تراسيمها طفولية جنت اردلها بكلام واحد..

اذا تعيدين هالشي احضرج اخر مره كالتلي وعادت نفس الموضوع

فحجيت وياها وكتلها بعد لا تراسلين ولا تخابرين هاي الصداقة بلياها

وراها بيومين اجاني فيديو فتحته جانت بالمستشفى وبنت خالتها تصور بيها دزتلي الفيديو كالتلي هاي تاليت ضميرك هيج تسوي بيها

بوكتها ما درتلها بال بس هي من رجعت من المستشفى خابرتني وحجينه وكالتلي خليها بيناتنه بس صداقه ووعد بعد هالموضوع ما اعيده

واني ما احب سوالف المياعه ولا احب سوالف الحب يطير عقلي منها حتى مرات اضوج منها من تتموع

بقيت متمدد وعيني ما يجيها نوم من وره نومت المغرب

اندك باب غرفتي عرفت سجى مرات امي تنام وسجى تجي تنام يمي تكول اخاف

تعدلت من مكاني رحت للباب فتحته وانصدمت شجابها وليش اجت

فتحته وانصدمت حواسم كبالي باوعتلها وحجيت

ضرغام.... عقدت حواجبي وحجيت... شعندج هنا

حواسم... اكدر اطب

ضرغام.... تفضلي طبت للغرفة واني خليت الباب مفتوح ومشيت خطوه صارت كبالي بيناتنه مسافة متر

حواسم... اريد اسألك سؤال

ضرغام... اي كولي

حواسم..... فاطمة حبيبتك

ضرغام.... شي ما يخصج

حواسم.... جاوبني

باوعتلها بغضب وحجيت...

ضرغام....  عيب شجابج لهنا وكتلج شي ميخصج

حواسم....ليش هيج دتسوي

ضرغام.... شنو تحاسبيني طلعي برا حواسم

حواسم.... بس ميصير تحبها واني على ذمتك

باوعتلها وصكيت على اسنوني....شنو بذمتك اسمعي دكلج حجي امي كله ما عليج بي لني اعتبرج وحده من خواتي

بجت وباوعتلي كالت...

حواسم وهي تبجي.... بس اني احبك

ضرغام.... شدتحجين حواسم ترا انتي مشاعرج جاي تحكمج وتخليج هيج تحجي باجر تتذكرين وتتندمين عالحجيتي

حواسم... ابد ما اتندم اني من زمان اريد اعترفلك واخاف من رفضك بس من شفت بنية اسمها فاطمة جاي تتصل عليك روحي فرفحت

ضرغام... شوفي خوية طلعي اريد انام وراح اعتبرج ما حجيتي شي ومن تطلعين باب للغرفة اثنيناتنه ننسه الحجي الصار

واشرتلها عالباب وحجيت... هسه روحي اريد انام

طلعت وهي تبجي حتى لو كلامي كسر كلبها وقهرها بس احسن حتى ما تعيدها غلط البنيه تبادر وتعترف، للشاب اني حواسم جبيرة بعيني ما اريدها تنزل من عيني بنيه حبابه وفقيره ومتأكد باجر الصبح راح تكعد وتكول لو ادري ما. اعترفله اني اشون سويت هيج

سمعت بضحى جايها توم وهم مسميه ضرغام ههههه ابعائلة كلها ضرغام وضرغام هي مو تكرهنا ليش تسمي باسمي

مرت ثلاث سنين سجى كبرت وتروح وترجع للمدرسة وامي شوفتني صور جهال ضحى هم كبار

نمت وثاني يوم ما جان عندي دوام

كعدت ب11جانت حواسم رايحة وامي كاعده بالهول هي والجهال كعدت يمها سألتها

ضرغام... اكلج حجيه شنو عيال ضحى تحولو

امي.... اي تحولو اختك

ضرغام... وين تحولو

امي.... بمطقة.......

سكتت كمت اقلب بالتلفون امي كالت

امي... ايمت تراضيها

ضرغام... شحجينه يمه يعني تالي اهج من البيت يوميه نفس الموضوع هاي صار 3سنين ما شفنه وجها لا اجت ولا وصلتنه تردين اراضيها هاي هم تتسمى اخت

امي... اختك تحبك يا يمه لا تسوي هيج وليدي هاي اخيتك ما اللك غيرها اخت

اجه ضرغام يركض عليه ويكول بابا بابا ضرغام من بده يحجي يصيحلي بابا من اجه ضرغام اني سديت موضوع ضحى امي ما تدري بضحى هي ما تريدنا

ورة ثلاث سنين

اجو حواسم وبنت عمي جانت عدهم هم اجت ويه حواسم علينه امي دزت عليهن دا تغسل وتنضف وما تكدر وحدها العصر طلعت توضيت وصليت البيت حتى ريحتة طيبة وامي والبنات بالهول

حان تلفوني يدك. خلصت صلاتي واخذته باوعت اسياد جاوبته

ضرغام... الووو

اسياد... ها ولك دايح وينك

ضرغام... بالبيت

اسياد... سده سده جايك

ضرغام... انتضرك

كلت لامي سوو جاي ورحت للاستقبال شوية واندك الباب طلعت امي وحواسم جاي يشطفن الحوش

باوعتلهن وحجيت...

ضرغام...طبو جوا سوو طريق

طبو جوه واني فتحت الباب  اسياد سلمت عليه وطبينه للاستقبال

اسياد جان كاعد يشاقي سجى واني كاعد اباوع عليهم ونضحك

ضرغام... اجاني اتصال باوعت رقمها حافظة شعجب اتصلت بيه مو تعرفني ما اريد احجي وياها كلبي خلاني اجاوبها ...

ضرغام... الوووو

ضرغام الحكنييي ضر....بعدها ما مكمله 

وانسد التلفون

طلعت اباوع الاحذيه ماكو البنات منضفات البيت وهسه لازم افتر للترك اجيب حذائي تكرمون عفته وركضت حافي للسياره  نسمة هوا باردة ضربت وجهي صعدت والطريق احسه صار كلش طويل والأفكار ببالي شكو شصاير ليش تصيح بس ما يكون احد مأذيها وصلت البيت  وممتأكد هوا نفسه لو لا نزلت بسرعه

دكيت الباب ماكو احد يطلع كلت هذا هوا راحت من ايدي شوف وينها وما لحكت حتى تكلي  معقولة صارلها  شي

دكيت الباب اقوى واللي خلاني انجن سمعت صوت ابنها يصرخ وره الباب ويدك بالباب من الداخل

مكدرت اكسر الباب والطفل وراه صعدت عالحايط وقلبت للبيت اللي ما خله بيه نقطة دم شفت اثار اقدام شخص كلها دم شخص دايس فوك دم وماشي والأثار جايه من الاستقبال وواصله الاثار للحديقه

وابنها حاضن رجلي ويبجي ركضت لجوه باوعت جان منضر ما اتمناه لعدوي لوهلة صفنت اريد استوعب اني بحقيقه لو حلم

يم رجل ضحى وضحى غركانه بالدم وزوج ضحى بطنه مشككه وينزف

ركضت عليهم ضحى من سمعت صوتي فتحت عيونها جانت تبجي ومخلية زوجها بحضنها

باوعتلي وكالت....

ضحى... الحكنيي ضرغام زلمتي راح يموت

اني ركضت عليها واباوعلها بقلق واشوف ايديها واشوفها خاف هي هم متاذية كالت

ضحى... ما بيه شي ما بيه بس الحك راح يموت

باوعتله شفت نبضات ايده ماكو نفس باوعتلها بقلق ما ردت اكللها مات باوعتلها وحجيت...

ضرغام... اخذي جهالج وروحي لبيتنه اني اخذه

ضحى... ما اعوفه زلمتي ما اعوفه 

اني خابرت اسياد مجياوب خرببببب شسوي هسه

خابرت عمي كتله عمي تعال لبيت ضحى الجهال وحدهم

ورجعت رفعت زوجها وهي مفرفحه بالبجي متعرف زوجها منتهي أمره

باوعتلي وصاحت

ضحى... ليششش صافنننن راح يموتتتتت

اني من قهري واعصابي صحت بوجهاا

ضرغام.... منتهييي متوفيييي رجلج متوفيييي

اني كلت هيج وهي تخبلت حضنته وتبجي واني كبالها تقربت حضنتها وهي كلها دم وهي حاضنه زوجها وتبجي والجهال. يصرخون

بقيتها بحضني تبجي وتكول...

ضحى... شوف اشون عافني اني ليش هيج دائما ما يدومولي الاحبهم

امسح راسها وكل شوية ابوس راسها

لوهلة تذكرت زوجها اشون صار هيج

مسكت وجها باثنين ايديه وحجيت

ضرغام... ضحى منو سوه هيج

باوعتلي رجعت حضنت زوجها وتبجي بصوت عالي

شوية وطب عمي شاف المنضر وتخبل يصيح ويكول ليش صافنين ليش. ما اسعفتوه

رديتله بصوت خافت....

ضرغام...  ماتت

ضحى.    لا لا ما مات دتشوفه... مسكت وجها وكالت.  ... دتشوفونه ديبتسلمي وتبوس بوجها ايديها كلهن دم لطخت وجها بالدم وتبوس بي وتكول

...

ضحى.... شبيك كافي تبتسم بوجهي شوف دمك يروح ضحى لا تبتسم اعرف دتسوي هيج حتى ما انقهر

ضرغام... باوعتله مجان يبتسم ميت وضحى تحجي وياه وتضحك كأنو دخلت بصدمه او يمكن انجنت

باوعتلها رفعتها حتى اسندها نترت ايدي

ضحى.... وخررر عني  وين تريد تاخذني

اباوعله وكلبي ممرود تقربت جريتها وهي تبجي وحجيت ويه عمي يدبرها

اخذتها للسيارة وهي متقبل تجي تبجي قنعتها كتلها عمي يغسل لزوجج. ويجيبه ويجي قفلت السيارة ورجعت اخذت الجهال عمي لحكني

وصلتهن السيارة صعدتهم وانداريت على عمي

ضرغام... عمي البيت بي كامرات تعرفلي منو مسوي هيج وشنو السالفة وتخابر اهله تنطيهم خبر

عمي... ما عندي رقم احد

ضرغام..... خابر امي واخذه منها ولا تكوللها كلشي

عمي... خوش

بالطريق خابرني اسياد....

رديتله..... هلا اسياد

اسياد.... وينك وين طلعت

ضرغام... بعدين نتفاهم هسه ما اكدر احجي

اسياد.... خوش

سديته منه وطلعت رقم فاطمه اول ما اتصلت اجاني جوابها

فاطمة.  ... الوووو

اسياد.... وين انتي

فاطمة.... بالبيت

ضرغام... اكو احد لو وحدي

فاطمه... مو تعرف بس اني وجدتي يعني منو موجود

ضرغام... فاطمة فرغيلي البيت لا تخلين احد عدكم اذا اجاكم احد وجدتج خليها بغرفة اني جاي

فاطمه... شبي صوتك اكو شي

ضرغام... من اوصلج نحجي

فاطمه... تمام انتضرك

سديت الخط وتوجهت لبيت فاطمه لأن اذا اروح للبيت امي بس تشوف ضحى تنجلط من الخوف

وصلنه لهناك دكيت الباب طلعت فاطمة باوعتلي ورجعت باوعت للسيارة

فاطمة... يمه شكو شو كلك دم

ضرغام... فاطمه بس خل نطب ونحجي

فاطمة..  طبو طبو

رخت للسيارة نزلت الجهال احت فاطمه اتلكتني اخذتهم مني وضحى نزلت ويانه تضحك وتبتسم

وفاطمة عيونها تتبعنا واحد واحد ونضراتها مليانه تساؤلات

طبينه الاستقبال وفاطمة اجت جابت ميه والجهال ما سكتو بس يبجون

باوعت لفاطمة وحجيت

ضرغام... فاطمة اخذي صحى خل تسبح وتبدل هدومها علمود نرجع للبيت

فاطمة.... يلا تعالي عمري ضحى

اخءت ضحى والجهال يمي يبجون ورثت جكاره ادخن وافكر الف فكره ببالي

تقريبا نص ساعه وطبت فاطمة وضحى

باوعتلي ضحى وكالت...

ضحى... بلا ضرغام هسه زلمتي وحده بالبيت

عرفتها صار بيها شي من الصدمه.. رديتلها

ضرغام... خلي فاطمة تسبح الجهال ونوميهم ونروح

اخذت فاطمة الجهال سبحتهم وضحى وياها ولا كأنو شي صاير حتى خفت عليها

شوية واجو ضحى وفاطمه جايبين الجهال كعدت صحى تنومهم وفاطمه اجت كعدت يمي كالت

فاطمة... ضرغام شكو

ضرغام... بعدين نحجب عقلي تشوش

فاطمة... تروح تسبح لو شلون

ضرغام.... شسبح ما عندي هدوم

فاطمة... لعد اشون...

ضرغام.... هسه اخابر اسياد يجيبلي شي البس

كلت هيج ضحى رفعت عينها كالت

ضحى.... بس لا لهسه ويه صديقك الع.... هههههه ولك عوفه يحضييي

ضرغام... ليش شكو

ضحى.... هو جا علينه وضرب رجلي واجت ريماس هم وياه

ضرغام...  اني هنا انلاخت بعقلي اختي تخبلت اسياد جان يمي وريماس ميته

فاطمة باوعتلي وكالت....

فاطمة... ضرغام احجيلي شكو ترا راح اموت احجي

عفتها وكمت طلعت برا خابرت اسياد وكتله على. ملابس ودليته عالبيت كتله بيت عمي

ووكفت افكر شنو سالفة ضحى مره تتخلى عن اهلها ومره تختار الزواج ومره تتركنا سنوات بدون ما تحي علينه ومره تكلي صديقك واختك جتلو رجلي

معقولة من قبل جان عقلها بي شي لا هي اول ما طبيت جانت تبجي بس من كتلعا مات صارت هيج

اجت فاطمة انطتني كلاص جاي واكف ادخن واشرب جاي حجت فاطمة

فاطمة... شكو ضرغام

ضرغام... اليوم خابرتني اختي رحت لبيتها لكيت رجلها مكتول

شهكت وكالت... يمهه واشون منو كتله اكلك هاي اختك اللي جبتها مرته يعني مرت اللي مات

ضرغام.... اي

فاطمة.... شنو بيها شي اختك

ضرغام.... انصدمت واصلا ما نعرف منو الكتله لسه

فاطمة... بس هي كالتلك اسد مدري شسمه وريماس

ضرغام... اسياد جان يمي وخابرتني ضحى صاحت الحكنه. وانسد الخط ورحتلها واسياد ابيتنه ريماس اختي فاطمة اختي متوفيه صارلها اكثر من سنه

فاطمة.... يا عمري مصدومه

ضرغام.. اي ضحى اريدج تبقينهم بأمانتج لحد ما ارجع

فاطمة... من. عيوني وجدتي مريضه حتى من غرفتها ما تطلع واخويه صغير ما يفتهم

فاطمة اهلها متوفين بس هي واخوها اللي عمري 10سنين وجدتها ابيت

بقينة واكفين واثنينه ساكتين لحد ما خابرني اسياد دليته عالطريق بقيت وياه عالخط وطلعتله بالباب شفته طبت سيارة من نهاية الفرع كتله اني كبالك هذا هوا سده

واجه وكف السيارة مشيت يم السيارة انطاني علاكة الملابس وعقج حواجبه كال

ضرغام.... شنو هاي الدم وليش طلعت هيج مت البيت

ضرغام.... اسياد بعدين نحجي وراي شغل

اسياد... اخذ راحتك بس من يصير بيدك مجال خابرني واي شي تحتاج خابرني

راح اسياد واني طبيت للبيت رحت للاستقبال لاكتني فاطمة كالتلي اششش نامو باوعت نايمة ضحى والجهال نايمين فاطنة مغطيتهم

طلعت من الاستقبال باوعتلي وكالت

فاطمة.... حضرتلك الحمام روح اسبح

رحت سبخت وطلعت فاطمة رغم تحبني بس من النوع الثكيلة يعني لوغير بنيه ما تتصرف هيج فاطمة كالتلي حضرتلك الحمام وراحت اني طبيت سبحت وطلعت نشفت شعري طبيت للمطبخ جانت واكفه يم الطباخ كالتلي

فاطمة... اسويلك اكل تاكل

ضرغام... لا بس كلاص انوب جاي

فاطمة... تدلل

صبتلي جاي اجاني اتصال باوعت ابو زوج ضحى جاوبته وكال

وينكككككك ويننن وديتها كتالت ابني ولك خل بس الكفكم اني اعلمكم

سديته بوجها ما ليه خلكه

رجعت للبيت وضحى بقيتها يم فاطمة وصلت للبيت امي ما تدري لهسه  بليل كعدت يمها باوعتلي وكالت

امي... خير شكوو

ضرغام... ماكو شي

امي... احجي

ضرغام... راح اكلج بس لا تخافين لان صارت بعد

امي... شكو احجي

ضرغام... زوج ضحى مات

شهكت وكالت.... يماااا اشون وكامت تبجي

ضرغام... هسه يرتفع ضغطج

امي.... شلون احجيلي

حجيتلها تخبلت وكل شوية تكلي روح جيب اختك ضل بالي عليها

بقيت يم امي شوية هديتها واجاني اتصال من عمي جاوبته كال...

عمي.... الكاميرات طلعوها وطلعو الشخص يعني ابتعدت تهمتهم عن ضحى

ضرغام... دخلي واحد يجيب طاري ضحى الا اخلي يهج حتى من المحافضه

عمي.... خوش المهم الستجيلات طلعت الشخص اللي طب وكتل زوج ضحى

ضرغام... اي منو

لهنا وينتهي البارت تصويتكم كرزاتي احبكم

بقلمي الكاتبة

bmbsh_beme

يبعد رموش عيني وجفني والعين وصبيها ونضرها وذيج الاحلام سنه ما شايفك بس انت موجود لهسه اشتم عطر من شوفت العام 🥺

عمي... ما مبين شكله ملثم وضخم كلش

ضرغام.... وتالي يعني

عمي... ضحى شي اكيد تعرف كلشي وهي راح تعترف اسألها انت

ضرغام.... عمي ضحى تسولف وتضحك وعبالها بعده عايش دخلت بصدمة

عمي.... اوووو ما بيها غير العافيه يلا مسلم عليك كاعدويه الزلم  وانت هم تعال

ضرغام.... خوش يلا مع السلامه

عمي... مع السلامه

سديت الخط من يمه واني متحلف باللي كتل زوج ضحى بس اشوفه اكتله واخل عليه خل بس الزمه لان دمي فاير عليه هسه اهله احتركت كلوبهم

رحت لامي ووصيتها تلبس عباتها وتتحضر اخذها لعيال  ضحى واني اروح اوصل الجهال لبيت عمي

اخذت سجى وضرغام لبيت عمي شايل ضرغام وسجى ركضت كدامت دكت عليهم الباب لأن بيتهم بصف بيتنه

طلعت مرت عمي سلمت عليها وعرفت ضرغام وسجى هسه محد ينتبه عليهم  ويدير باله عليهم ف طبيت ويه مرت عمي امي حواسم تصير جانت حواسم بالمطبخ باوعتلها وحجيت

ضرغام... خويه سجى وضرغام بأمانتج ما تخلينهم يطلعون باب الحوش

حواسم... بابتسامه.... صار من عيوني

ام حواسم كالت.... ضرغام اريد اروح للفاتحه شلون منو يبقى يم حواسم

ضرغام...اني لوما دا اروح جان بقيت يمها بس اريد اروح انتي لا تروحين وتخلينها وحدها عود باجر روحيلهم وخلي حواسم يم امي وهسه وين اكو فاتحه باجر تبدي الفاتحه

ام حواسم.... اي خوش لعد

ضرغام.... يلا مع السلامه والباب لا تفتحونه من يندك اذا ما تشوفون بالكامرات منو

ام حواسم.... يا يمه عالشي الصار بعد لو ينهجم الباب اذا مو كرايب ما افتحه

ضرغام... اي احسن

رجعت للبيت امي جاي تقفل الابواب اخذتها وطلعنه

وديتها للبيت عيال ضحى وبقيت هناك وكل شوية يجي واحد من اخوت المتوفي ويتعذر مني لأن تهمو ضحى بقتلة

رجعنا من عيال ضحى وابو حواسم ويانه بالطريق امي كالت....

امي.... يمه شو سألتهن على ضحى يكولن شبيج حجيه ضحى مو عدكم

ضرغام... اي ضحى والجهال اخذتهم لبيت صديقي

امي... شلون تعوفهم هناك

ضرغام.... صديقي ثقه ومتزوج وضحى ويه مرته

عمي... شلون توديهم بمكان بعيد افرض اللي قتل زوج اختك يحاول يقتلها ويقتل جهالها

ضرغام... عمي شهالمفاول وبعدين القاتل عايفهم لو نيته يقتلهم جان قتلهم من قتل زوجها

عمي... ها هم صحيح ما فكرت بيها

وصلنه البيت نزلتهم ابيت عمي وخليت امي هم. عدهم بس الى ما اجيب ضحى وارجع

رجعت لبيت فاطمة اول ما دكيت الباب ما طلعت اخر شي اتصلت عليها جاوبتني بخوف

فاطمه... ا ا الووو وينك

ضرغام... شبيج

فاطمة... واحد يدك بالباب

ضرغام.... هاي اني اطلع افتحيلي الباب

فاطمه.... تمام

ثواني وانفتح الباب اول ما شافتني كالت

فاطمة... رعبتني احد يجي بهيج وقت الدنيا ليل

ضرغام... شسوي اجيت اخذ ضحى والجهال

فاطمة... ضحى لسعها نايمه

طبيت للبيت امشي واحجي...

ضرغام... ما تشوفينها خاف بيها شي

فاطمة... لا ما بيها شي بس نايمه وتون

طبيت للاستقبال نايمين

فاطمة كالت بهمس..... اذا تريد تاخذهم فالافض تخليهم هنا لان هسه ضحى من ترجع للبيت خاف تتذكر الصار خليها تخلص الفاتحه وبعدين هم تاخءعا لطبيب نفسي علمود صدمتها وهم ترجعها وياك للبيت

ضرغام....لعد اني رايح وانتي هنا ديري بالج عليها

فاطمة... ابقى هنا لسه خوفتي ما راحت واخاف ضحى تكعد بليل خايفه

ضرغام....هسه خل اخابر امي واشوف اشون

طلعت بره وفاطمه وياي

خابرت امي

امي.. الووو ها يمه

ضرغام... حجيه ابقي ابيت عمي باتو عدهم لا تروحون عالبيت

امي... ليش خوما اكو شي

ضرغام.... لا ماكو شي بس راح ابقى ابيت صديقي

امي... تمام راح نبقى وانت لا تخلب بالي خطك خلي مفتوح

ضرغام... تدللين

امي... يلا لعد مع السلامه

ضرغام... مع السلامه هلا يمه

فاطمة... ضرغام راح افرشلك بغير غرفة لان خاف يجيك اتصال شي وتكعد ضحى

ضرغام.... تمام

راحت فاطمة واني بقيت ادخن شوية واجت وكفت يمي كالت....

فاطمة.... ما يجيك نوم مو

ضرغام.... لا

فاطمة... تشرب كهوه

ضرغام....اي

فاطمة... تعرف تسويها

ضرغام... اي

فاطمة.... دتعال علمني

ضرغام... ما يحتاج لعد

فاطمه... لا حباب اني هم اريد اتعلم

ضرغام.... فاطمة غير مره كلام اعلمج اشون تسوينها

فاطمة... وعد

ضرغام... وعد

فاطمة... لعد تعالي نكعد بالمرجوحه

راحت كعدت بالمرجوحه واني هم كعدت بس بيناتنه مسافه

حجت فاطمة.... ضرغامم

ضرغام.... ها

فاطمة.... ليش ما ادري عندك اخت اسمها ضحى

ضرغام.... سالفه طويله فاطمة ما ليه واهس احجي

فاطمة... لعد راح اعوفك ترتاح وحدك وغرفتك اول متطلع متطلع من باب الاستقبال تصير كبالك

ضرغام... لعد خوش وباب المطبخ اقفلي واني عود اقفل باب الاستقبال من الداخل

فاطمة... كامت وكفت كبالي دتروح وكالت.... عادي اكلك شي

هزيت راسي بمعنى اي

فاطمة.... لتاخذ عني نضره غلط اني صح حبيتك بس من اخر مره طلعتك من كلبي واعتبرتك اخويه الجبير يعني اني من كتلك ابقى بات لا تاخذها بغير نضره

ضرغام... اعرف فاطمة اني البنيه من نضرتها اعرفها شنو من شي لا تهتمين وروحي نامي

راحت فاطمة واني شوية وطبيت للاستقبال قفلت بابها ورحت للمطبخ تأكدت منه مقفول وطلعت من الاستقبال صرت بداخل الهول

باوعت معلك بي صور رجال ومره كبار يمكن اهل فاطمه الهول مليان صور

طبيت للغرفة اللب كبال الاستقبال نمت والصبح ب7كعدت توضيت وصليت ورحت للاستقبال ضحى كاعده تلاعب الجهال والحجيه يمها

سلمت عالحجيه وكعدت شوية واجت فاطمة جايبه صينية الريوك اني بس شربت الجاي وكلت لضحى تتحضر علمود نروح باوعتلي ضحى وكالت

ضحى.... وين نروح

ضرغام... للبيت

ضحى... ههههه ليش تزوجت

باوعتلها باستغراب وانداريت لفاطمة غمضت عيونها وفتحت يعني اهدء

ضحى.... متجيب مرتك لهنا اذا متزوج وانوب امي وينها شو البيت فارغ لا امي ولا ريماس وينهن شنو ريماس ما احنا هنا

ضرغام... بتنهيده...ليش احنا وين

ضحى... ابيتنه يعني وين

طلعت من الاستقبال ما تحملت اختي تبقى كبالي بهيج منضر كعدت عالدكه وصافن انفتح باب الاستقبال باوعت الحجيه

وكفت ساعده كعدت يمي وكالت...

الحجيه... ها يمه مبين مهموم

هزيت راسي بمعنى اي وحجيت.... احس هموم الدنيا فوك ضهري

الحجيه.... ماكو انسان خالي من الهم

اني جدة فاطمة ما اعرف فاطمة حاجيتلك لو لا

طلعت الجكاره وحجيت... ايي

الحجيه.... فاطمة امها وابوها حبو بعض واهلها رفضو تتزوج التحبه ف انهزمت وياه

وما عرفنه اخبارهم وين لا هي ولا الحبته

وعشايرنه تبرت منهم فد يوم واجه ابن بنتي كال شفت عمي وبقيت اتبع اخبارهم لحد ما وصلتلهم

وبقيت يمهم العشاير حتى مني تبرو

بوكتها جانو متزوجين ومخلفين فاطمة

وابن عم ابن فاطمة جان يحب ام فاطمة ف نحش العشاير عليهم وكاللهم مخلفين بنيه وبعدهم ما عاقدين

عشايرنه من بعد ما تبرو ما يكدرون يتدخلون بس بليلة ضلمة طبو ملثمين وكتلو ام فاطمة وابوها واني بوكتها ختلت وما اندلوني لا اني ولا فاطمة وانهزمت بيها لأن رادو يكتلوها من اجو كتلو امها وابوها يصيحون نريد نلكه البنيه المو شرعية ونكتلها

ولحد وكتنه هسه لا يندلونه ولا يندلون بينه وفاطمة اذا يشوفونها ما يعرفونها لأن كبرت هالتشوفها كضت عمرها تدري حتى تأمن عيشتنه اني وياها ولا ام ولا اب كل فترة تكابل صورة امها وابوها وتبجي

جنت اتمنى اصادف شخص ثقة واخلي فاطمة بأمانته فاطمة بأمانتك يا يمه اذا صارلي شي حالها حال بناتك

ما كتلها انو اني ما متزوج وانتي متوهمه خليتها تكمل

الحجيه.... اني مريضه وما اعرف بيا دقيقه امو يا يمه فاطمة بأمانتك ولو اعرف حملها ثكيل بس ما اليه غيرك وفاطمة البارحة حجتلي كلشي عن اختك

اخيتك مصدومه وينرادلها وكت حتى تتحسن

ضرغام... فاطمة بأمانتي هسه وبعد وحالها حال ضحى

كعدت تدعيلي الحجيه ومرات تهون عليه بقيت يمهم شوية ورحت للبيت اخذت امي للفاتحه شوية ورجعتها وضحى رحت لبيت الحجيه اخذتها

الطريق كله تكول وين موديني من وصلنه البيت

باوعت لباب الحوش وعقدت حواجبها

دكينه الباب طلعت امي اخذت جهال ضحى تبوس بيهم وضحى عافت امي وطبت للحوش تباوع للبيت مثل الرسام اليرسم لوحة تعاين بالبيت بقيت تقريبا خمس دقايق هي مثل اللي مستغرب لو بي شي شوية واندارت لأمي

تقربت من امي بهدوء حضنتها وتبجي ونطقت الكلمات اللي خلوني شوية اتطمن عليها

ضحى... يمه شكد حبيته ليش مات وعافني ليش رملني وليش يتم جهاله اثنينهم

امي حاضنتها وتبجي اني عفتهم بالحوش خل يبجون شوية خليها تبجي ترتاح

وطبيت للبيت شوية وطبو امي وضحى

ضحى عيونها حمر من البجي وامي كذالك

بقينة اسبوع وما فتحنه موضوع ويه ضحى لحد ما خابروني عيالها وكالو كافي صار هواي اسألها وشوف منو اللي قتل ابنه

كعدت كبالها جانت تطعم ابنها ومبين الهم بعيونها

باوعتلي وكالت....

ضحى... لتباوع هيج اعرف شتريد تحجي اني بس شوية ارتاح ما ابقه هنا

ضرغام.... ليش منو كال اخليج تطلعين من هنا

بسرعه باوعتلي وكالت...

ضحى... سامحتني...

ضرغام.... اني ما زعلت منج حتى اسامحج وهذا بيتج ما تخطين عتبة الباب.. وهذا الموضوع ينسد هسه اجيت اسألج ولازم تجاوبيني

ضحى... اي اسأل

ضرغام... اللي طب لبيتكم بيوم الحادثه احجيلي تعرفينه

ضحى... نزلت دموعها دنكت وكالت.... لا

ضرغام.... زوجج عنده عداوه ويه احد

ضحى... لا

ضرغام...  ما شفتي شكله ما حجه كلام واشون جان صوته

ضحى.... جان ملثم وما حجه شي

ضرغام.... ضحى فكري خوية عالاقل ناخذ حق زوجج

ضحى.... بنتر وهي تبجي.... لا تضلون تجيبون طاري قتله لا تضلون شنو ما تفكرون بيه كلبي محروك واني وين اعرف اللي قتل زوجي وزوجي ما عنده عداوه ويه احد

ضرغام.... اشش بس كافي تبجين هاذهوا مصار شي

اجت امي تسكت بيها واني عفتها ورحت لاهل زوجها حجيتلهم وكالو هذاهوا الموضوع ينسد واحنا حتى بهاي المنطقة ما نبقى بس نريد جهالنه

ضرغام... جهالكم

الحجي... اي جهالنه

ضرغام... حجي هما جهال ابنكم وابنكم مات ما تحرمون امه منه خوش واللي يتدخل يجي يحجي وياي ونتفاهم واذا على شوفتهم اندزلكم اياهم كل فترة تشوفونهم

طلعت وعفتهم ابنهم مات ما يحرمون اختي من جهالها وهما خوافين حتى موضوع ابنهم كبل سدوه..

نرجع لحياتنه للحاضر نشوف ضرغام عايش مع امه وضحى واربع اطفال وعمر ضرغام حاليا 28 وعايشين ومرتاحين ولو الماضي ما ينسي بس طلعنه من محافضتنه للديوانية وبيتنه متروك ما خلينه عمي يأجرو لأحد

فاطمة كل فترة امر عليها واشوف اشون صارت جدتها ومن تحتاج شي تخابرني وموصي عمي عليها اذا تصير شغلة فجأة لو الحجيه تتخربط كبل اخابر عمي يروحلهم ضحى من بعد وفاة زوجها صارت مشكلة علمود الاطفال وكالت خليهم يم جدتهم جدتهم تريدهم شكد حاولنه وياها ما قبلت تكول يذكروني بالمرحوم كل فتره اجيبهم تشوفهم وعيالها هم ما مخلين قصرة عليهم شايلينهم بعيونهم

نرجع للوضع حاليا بعمر ال28 كلت للبنات عالمعسل ورحت كعدت يم اسياد كال اسياد

اسياد... ولك هاي مدا تطلع من بالي الجو البارد وعطرها الا صار بخشمي يا اخي هذوله اللي عايشه وياهم شرايحلهم على هيج نعمه

ضرغام....  صفنت وبتفكيري موضوع العطر قبل اشهر كلش طويلة صادفت بنيه بمركز الاسنان صدمتها لأن جنت مستعجل وهي تنفض بملابسها وترطن بالحجي واني عيني على رموشها جانت مزله عيونها تنفض بالتراب وجان عطرها مميز كلش وهادء

جنت مستعجل وما اخذتها بالعين مشيت جنت مستعجل بس الصدمني بوكتها نفسها الدكتوره اللي حاجزين عدها علمود سجى

طبت ضحى للعياده شوية واجت صاحتني طبيت وشفتها وهوا هذا الشي الصدمني هي نفسها الصدمتها باوعتلها جانت ملامحها حاده وشكلها وكحه جنت متكاون ويه واحد بالمجمع سكرتير وانوب هي نترت واني ما احب شخص يحملني مانية تعصبت وذبيت الفلوس بوجها بس من طلعت كلش ضجت حسيت تصرفي جان غلط

بعد فترة رحت للمكان اكثر من مره حتى عيادتها مقفولة

صحاني من تفكيري صوت سجى تضحك

باوعت اسياد هم يضحك ويكوللها

اسياد... ولج عوفي هايم عايم بالعشك شوفي الصفنه وين ماخذته

اخذت المعسل من سجى وكتلها طبي جوه بابا راحت وهي تضحك واسياد يضحك

ضرغام.. ليش ما تسد حلكك ابو نسونجي عبالك مثلك

اسياد.... على هاي صفتك اتفL..... بوhهي

اذا مو بنيه

ضرغام.... اكلك جاي افكر ارجع لمحافضتنه

اسياد.... دتزحزح كافي صارلك شكد هنانا عايف شغلي هناك وجاي هنا علمودك

ضرغام.... محافضتنه عيشتها اطيب وهنا عمامي كال فلان وحجه علان ما عدهم غير شغله وعمله

اسياد... خوش ولك ارجع لعد واذا عالبيت البيت ماله دخل البيت بيت ابوك حتى حرامات تعوفه

ضرغام... راح اكول لامي اني راجع لمحافضتنه امي ما تخليني ارجع وحدي هي بعد ما ترفعت وتخاف عليه

اسياد.... خوش كوللها انتو هنا بنص عمامي اني ارجع للبيت وهناك اسكن

ضرغام... الله كريم

بقينه نتعلل وثاني يوم طلعنه لعمامي هم علمود اسنان سجى تضل تعاني منهن بسبب الحلويات

رحنا للمحافضه والطريق كله مشغلين اغاني ومنطربين

نصيت للمسجل وحجيت

ضرغام.... حجيه اني ما راح ارجع وياكم

امي... ليش

ضرغام... انتو ارجعو اني ابقى بالبيت بعد ما ارجع للديوانية

امي.... وشلون احنا

ضرغام... انتو ما عليكم شي هنا كلها عشاير وبنص عمامي

امي... شلون تريد تخلي بالي

ضرغام...حجيه اني اريد ارجع للبيت اللي عشت بي وهذا بيت ابويه ما اريد اعوفه

امي.... بكيفك يمه ارجع احنا ما نرجع خلينه بنص عمامك حتى حقنا ماكول

ضرغام..  مشكلتكم انتو ما تردون الرجعة

ضحى..  علواه نرجع اني هم اشوف بيت اريح شو من اجينه للديوانية وبقينا بين عمامي ما ارتاحينا يوميه مشكله

ضرغام..  لعد نرجع اني وانتي والجهال وامي تبقى يم عمامي

باوعتلي امي مطككه عيونها وكالت.... يووووه شنو سالفتكم تتردون تعوفوني

ضحكنه اني وضحى وردينه... تردين تجين ويانه هلا بيج هذا اخر ترحيب

امي.... يا مصكوعين اجي شنو ما اجي بدون ترحيب لعد تخلوني وحدي بنص عمامكم حتى بليله ضلمة يسووني باچه ويتغدون بيه ثاني يوم

ضحكنه كلنا وبقينه الطريق كله اغاني وسجى وضرغام يركصون

وصلنه محافضتنه طبينه لعمامي كعدنه ارتاحينه وحجينالهم راح نرجع طارو من الفرح

خابرتني فاطمة طلعة مشيت بالفرع واحجي وياها هي هم فرحت من عرفت راح نرجع كالت يلا حتى توفيلي بوعدك وتعلمني الكهوه لهسه مل تعلمتها علمود تعلمني اياها

وصلت المحل سديت الخط من يمها وطبيت اشتريت جكاير ورجعت امشي باوعت بيت عيال ضحى ساكنين بي ناس هذاك الشهر من اجينه مجان بي احد

رجعت لبيت عمي وثاني يوم اخذت سجى على دكتور معروف علمود اسنانها ومنعها من الحلويات كال تاكل بس بكميات قليل والحلويات اللي بيها حلو لا تاكلها

رجعنا ووراها باسبوع كملنه تحويلنه واستقرينا بمنطقتنه جان البيت اليمنه بي رجال. محامي واللي يمه جان بي رجال جبير وشباب اثنين حسام وانسام صارو ربعي

واكف بغرفتي وشباك غرفتي صاير كبال جيرانه الشباك عبالك بحديقتهم

جاي احجي ويه فاطمة وتكلي اليوم تجي تعلمني عالكهوه واني جاي اكللها اي اجي

انداريت اشغل البلازمه واحجي وياها وحضرتلي ملابس ونحجي جانت تسولفلي على موقف صار وياها مع الطلاب

كملت ورجعت وكفت كبال الشباك شفت بنيه بس وجها مو كلش واضح وملامحها ما اعرف بشنو ذكرتني صارن يتشاقن هي وبنيه وياها

ووحده رشت مي عالثانيه واني صاقن عليها وعلى ضحكتها جانت عالم ثاني غمضت وفتحت بهدوء حتى ما اباوعلها بس مكدرت امنع نفسي منها انوب شفتها اشون تنكعت وملابسها بينت  وميلان جسمها وخصرها المنحوت وانوثتنه اللي برزوتها قليلة ما بيها مبالغة حسيت احتريت 

بقيت صافن عليها واشوفها اشون تضحك وتكمز من المي البارد ابتسمت على ضحكها وضحكت وياها

طلع رجال يمكن ابوها ما ادري طببها جوه هي والبنيه الوياها باوعت الخط مسدود

عفت التلفون وتمددت اباوع للبلازما وبالي وتفكيري بيها احتلت كلبي ضحكتها تذكرت هاي نفسها الدكتوره معقولة هيج الصدفة جابتها يم بيتنه

ناوي اروح بليل علمود اوفي بوعدي لان بالنهار اخاف عليها من حجي الناس اذا يشوفوني راح يكولون عدها شي

رحت علمتها عالكوه وهي اني اعلمها واحجي وهي تصور وتضحك تكول حتى كلما انسه اشوف الفيديو

وبقيت هناك شربنه كهوه والحجيه تعللت ويانه ورجعت

طالع الصبح يم الباب وادخن ما احس سيارتي اندعمت سبيت وغلطت بكلبي وتحلفت اني اعلمه هذا اللي دعم سيارتي

انوب شفتها نزلت من السيارة ولبكتها وخوفها وتحجي وترطن واني سطرني عطرها نفسه القديم

ووراها صرت اتقرب منها ومتنطي مجال احس من متنطيني مجال تجذبني عليها اكثر

صرت احب اضوجها والعب باعصابها واكللها الدبه وهواي استفزها

هيثم اللي كتلته شكد ردت اعرف شنو علاقته باهلها اللي عرفته ابن صديق ابوها وابوها مينطي حجي ابد

لمن اندعمت واني تخبلت ما اريد اشوف دموعها انوب حرك اعصابي اللوكي المستسهر الدكتور عينه على رجليها

ولمن وصلتني خابرني اسياد وحس اني ويه بنيه. ومن وصلته اشتغل بوضيفته يحقق وياي تالي كتله بنيه صديقتي بس ما عندي مشاعر، تجاهها

بليل من رجعت، خابرني اسياد كال....

اسياد.... ولك منو هاي اللي خابرتني على سيارتها ولك لكيت عطر بسيارتها غير سطرني نفسه العطر اللي اجتني بنيه للمركز معطره منه

اني فقدت انوب اسألها كالت اي عطري هيج اسمه تخبلت معقولة هي لا شيوديها للديوانيةة

رحت لاسياد واول ما شفته اجيت اضربه صاح.... استفزيتك لا تضرب ولك وانك كاسر مناخيري(خشمي) دشوفك تحبها لو شنو هاي

تقربت منه مسكته من ياخته وحجيت..... شلون تقرب للعطر وانت شلون تمد ايدك عالعطر وتعرف هالانسانه تخصني

اسياد... بس اسمعني ولك ويضحك... ولك دشوف ردت فعلك بس اصلا العطر جان مكسور ومكبوب وشميت ريحته ومن قطع الكزاز عرفت اسمه

مره كعدت من النوم نزلت شغلت السيارة ما تشتغل ضجت وهاي اكثر شي اضوج منه

بس من شفتها اجت بسيارتها اللي جنها فاره فرحت هههه خوش حظ

وصلتني ومن رجعت للبيت باوعت للسيارة وكلت

ضرغام.... علواه يوميه تعطلين..... وتقربت يم بوند السيارة طبطبت عليه وحجيت..... شكد احبج

ومشيت ضحكت على تصرفاتي

مرت الايام وهالبنيه كل يوم احسها تكبر بروحي كل يوم بالباب انتضرها تطلع حتى اشوفها 

لهنا ونكون تطرقنا لحياة ضرغام وعرفنه عن عائلتة كلشي وهسه نروح لهيلين هم خطيه هسه اشتاقتلنه ههههه

..........

اكلكم ولكم اني ضحكت ويه ضرغام من شافها من الشباك وضحك انتو هم ضحكتو  لو بس اني اكتب وابتسم وياه

يلا اريد تفجرو تصويت لخاطر ضرغام

ها اجيت تصوت لخاطر ضرغام لعد واني بيها ضرغام تجون ركض بسيطه

بقملي الكاتبة.... bmbsh_beme

آمــســح دمــوعــك ، فــمــن ابــكــاكـك ظــلــمــاً ســيــبــكــيــه الله قــهــراً....

هيلين.. من بعد ما راسلته ونرفزني كلت بعد ما ارد عليه

على شنو يسألني يكلي هيثم زوجج شنو البيت كلها تضل تسأل بيه

بقيت اسبوع يراسلني حتى ما اطب للمحادثه والسيارة بابا معاند ما يقبل مخليها بالبيت وما يقبل احد يطلع بيها واني روحي طكت بسبب الكسر

بقيت اسبوعين بالجبس وبابا اتفق ويه انسام يودوني علمود اشيله لان الكسر خفيف

رحنا والطريق كله انسام مو على بعضه

وصلنه للميتشفى وريحتها اللي تعقد الشخص اني بعيادتي ابقى مشغله معطر الجو

شالولي الجبس وضمدو رجلي كالولي هم اسبوعين

والاسبوعين كلها كضيتها حتى نت ما فتحت من كد ما تعقدت واكلي صار قليل طكت روحي

من رحت علمود اشيل اللفاف فرحانه جيك رجلي الدكتور وكالي اسبوع انوب وشيلي اللفاف ومن تشيلينه  حاولي تمشين عليها شي قليل يوميه اكدر هسه اشيل اللفاف بس ما نريد نخاطر

رجعنا والطريق كله ابجي وابويه يسكت بيه

رجعت للبيت وابويه ينوه انو ما امشي عليها

بليل انتضرتهم ينامون ووكفت على رجلي وجعتني بس وجع خفيف طلعت عالكيف للهول وامشي ورجلي بيها وجع قليل لحد ما طلعت الحوش واني كاتمه انفاسي من طلعت اخذت نفس قوي

ورحت للمرجوحه كعدت وكل شوية اكوم امشي عالحشيش والحشيش بارد واني حافيه لحد ما مليت وطبيت تمددت دنام بس رجلي تون عليه كامت حيل توجعني

غمضت ونمت وكضيتها يوميه اكلع وره ال2بليل امشي لحد ما خلص الاسبوع وكمت ما اهتم لوجعها

شلت اللفاف واستلمتها تمثيل عود ما اسيطر امشي ولازم عالكيف

لحد يومين استعدلت مشيتي  وكامت ما توجعني بليل كلت لابويه

هيلين... باباتييي

ابويه.... بيها باباتي معناها تردين شي كولي

هيلين... باجر اروح لدوامي

ابويه... روحي بابا مدام تحسنتي

هيلين... باوعت لامي وحجيت... اويلييي باجر اجك المدنفشه مالتي (قصدي عالسيارة) واروح للدوام اروح اغسلها كمت دا اروح اغسلها وابويه كال

ابويه.... ما تروحين بيها تروحين ويه انسام

هيلين... اني اريد سيارتي

ابويه... ماكو

هيلين... حباب حبيبي بابا

ابويه... ماكوووو.

هيلين.... لا دشوف الا اروح بيها

ابويه... ما تروحين

هيلين.... اذا ما تخليني اروح بيها يوميه اروح وارجع تكسيات

ابويه... لو يوميه تروحين مشي ما تروحين بيه

هيلين... خوش

ضجت  سيارتي احبها كلش وبابا ميقبل اروح بيها وبقيت على اصراري اروح مشي

ثاني يوم لبست وكملت وشلت جنطتي وتريكت جوعانه كلش وطلعت بالباب واكفه دا اسد الباب وضرغام قريب مني واكف يم بابهم يدخن

ابويه وكف بالباب كبالي وكال....

ابويه.... اذا ما عندج كروى دنطيج لو تروحين مشي

رديتله بزعل وضوجه...

هيلين....لا ما اريد وحتى السيارة بعد ما اريدها

ابويه ردلي ببرود الا حرك اعصابي.... خوش لعد مدام ما ترديها بعد احسن

باوعتله وعيوني غوركت من القهر ضحك وكال... لا تبجين حرامات هاي المخليته بوجهج يخرب يلا مع السلامه العنوديه

اني ضجت وتفشلت منا ضرغام يسمع

مشيت من يمهم وامشي واخلي الكلينس بطرف عيني حتى تسحب الدمعه وما. تنزل تخرب مكياجي

هديت وصرت احسن وصلت نهاية الفرع طلعت للشارع وسمعت هورن زرف اذني

التفتت سيارة ضرغام

مشيت فتح الجام اليمي وكال

ضرغام... اصعدي

ما رديتله

ضرغام.... مو جاي احجي...

ما رديتله مشيت وسمعت صوت السيارة وكفت وسمعت خطواته اجه وراي

حسيته سحب ايدي انداريت عليه باوعت عيونه اكلت عيوني ويحجي... اصعدي بسرعه

خفت لا احد من المنطقة يشوفني عود شيكول نترت ايده ومشيت باتجاه السيارة دا اصعد باوعتله بغضب وسحبت اليده مال السيارة ما ينفتح الباب

لميت شفايفي وسحبت اقوه مينفتح باوعتله بفشله

ضحك وكال..

ضرغام.... هههه يجوز مقفول اجه تقرب صار يمي مد ايده من جام السياره فتح القفل وفتحلي الباب باوعلي وكال... تفضلي

صعدت هوا سد الباب واجه صعد

شغل السيارة وسد الجامات حجيت..

هيلين... ليش هيج دتسوي هسه الناس اذا شافتني صاعده وياك شتكول

ضرغام... السيارة مضلله محد يشوفج

شوية ارتاحيت من كلامه رجع كال

ضرغام.... تلفونج بي شي

هيلين... لا

ضرغام... لعد ليش معندج نت

هيلين... ما ليه واهسه

ضرغام... متكولين احد يضل باله

هيلين... معندي احد

ضرغام... معندج صديقات

جان يحجي وعيونه مليانه غضب واني معرف بس سكتت وبس اجاوبه مثل الطالب واستاذه

هيلين... باوعت لايديه والجنطه بيدي وحجيت.... عندي ونتخابر عالخط

ضرغام... وليش مو عالنت

هيلين.... ما عندي احد عالنت بس كروب الدكاتره

من كلت هيج التفتت عليه باوعلي لم شفايفه  وفتح عيونه وغمض بقلة صبر وحجه...

ضرغام... دكاتره الوياج تتراسلين وياهم بالكروب

هيلين.... اي

شخط السيارة ومشه والعصبيه مبينه بوجهه ويحجي بنتر..

ضرغام.... كلهم تحذفينهم هيلين ما اريد تحجين ويا رجال ابد

هيلين.... صدك واني ليش جاي احجي لعد

كلت هيج مسك سطاب وضرب عالستيرن وصاح...

ولججج ما تكوليننن بشر يضل باله صارلي اسبوعين يوميه اكول هسه اشوفها وبالي يمج شنوووو دكاتره شنو صخام تعرفينهم يعرفونججججج حتى تتصخمين وياهم

اني خنست محجيت اندرت لجام السيارة وساكته ما رديتله

حسيته هدء وسكت والتفت عليه اني بحركه خفيفه وبطيئة انداريت عليه باوعتله

خوفني بحركته السريعه عض اصبعه وصاح اخخخخ منججج هيلننننن

رجع التفت للستيرن ويضغط على ستيرن السيارة ويردد

ضرغام... استغفر الله استغفر الله استغفر الله

بقيت ساكته

هوا شغل السيارة ويستغفر ومشه

مشه بالسيارة والسكوت يعم بالسيارة ليش هيج ديتصرف معقولة يغار

تذكرت صياح هيثم عليه وأهانته نزلت دموعي بصمت

جريت كلينسه ومسحت دموعي باوعلي شافني ابجي وكف السيارة بصفحه وحجه... اشون اذا كل شويه نوكف ايمت نصل

باوعتله وعيوني مليانه دموع ورجعت انداريت كدامي وامسح بدموعي وهو حجه

ضرغام.... تنهد وكال... تالي وياج يعني مصره هيج تسوين تقاصديني

رديتله بغصه...

هيلين..... شسويتلك اني ليش هيج دتخوفني

باوعلي واتكئ على ايده خله وجها على ايدي وحجه وهوا يباوع بعيوني

ضرغام.... بس لتبجين

شهكت... هئ هئ هئ

شال ايده وتقرب باس راسي واني تصنمت حجه

ضرغام.... لتخافين مني منو شنو تخافين ما أءذيج اني يا عيني

ورجع خله ايه على وجهه ويباوعلي وهايم بعيوني مثل الطفل اذا صفن بعين شخص اني احجي وهوا يغمض ويفتح بحركه بطيئة ويحجي

هيلين... ابتعد عني

ضرغام.... ما ابتعد واشكد تكولين هيج اقترب منج اكثر

هيلين... شتريد مني

ضرغام....كلج

هيلين... شنو

ضرغام... كلج اريدج

هيلين.... ضرغام شدتحجي هو صوجي صعدت وياك انداريت انزل قفل الباب من يمه ومشه بالسيارة

هيلين... افتح الباب

ضرغام.... نوووو

هيلين... بلا هاي الحركات افتح الباب

باوعتله فتح القفل وضل يمشي سريع

هيلين... احجي واتهدد... وكف السيارة

ضرغام.... بعد ما وصلنه

هيلين... ادري ما وصلنه وكفها

لا رد

هيلين... اذا ما وكفت السيارة هسه افتح الباب واذب نفسي

ضرغام... ههههه وهم ترجعين تكسرين واكضيها شايلج بالمستشفيات يلا انتضرج

حجيت بعصبيه....

هيلين.... هفففففف شكد غثيث

ضحك ضرغام وكال....

ضرغام.... اذا حجيتي ويه الدكاتره او راسلتيهم كبل  اخترق تلفونج واطب عالدكاتره واحد واحد اطردهم واحضرهم

هيلين.... ما تكدر

ضرغام.... افاااا عليججج اني ما اكدر اصلا اي حركه تتحركينها راح يصير عندي علم بيها

جر تلفوني من فوك  الجنطه وكال...

شكد الرمز

ما رديتله

رجع تلفوني

ووصلني للعياده ومن دا انزل كال

ضرغام... اكو بنيه بالمجمع اعرفها وراح اوصيها عليج اذا كالتلي هيلين حجت ويه اي دكتور يا هيلين ما تلومين الا نفسج واجي هنا للمجمع شوف يا دكتور حجيتي وياه اطيح حضه واسحله انضف بي المجمع وهسه يلا انزلي

باوعتله بطرف عيني ونزلت

طبيت للمجمع وادردم

هو شحاسب نفسه ويتأمر عليه شنو يعني ما عنده شغلة غيري طبيت للمر مال عيادتي ولاكيت براء جانت ضايجه حيل ودتروح لعيادتها

هيلين... ها بنو وين رايحه

براء... لعيادتي

هيلين... تعالي خل نحجي

هيلين... انتي بالذات ما اريد احجي وياج ومشت وخلتني صحت... ولج وينن ما ردتلي راحت

طبيت للصالة اللي ينتضرون بيها المراجعين بعد ماكو احد جاي

شفت انسام جان كاعد يكتب بالسجل مال المراجعين وعاقد حواجبه

رحت جريت الكرسي وكعدت يمه

باوعلي كال...

هلا بيج،..

ورجع، يكتب

جريت، الدفتر باوعلي بضوجه، وكال

انسام... جيبي هيلين بلا هاي السوالف

هيلين.... شبيك

انسام.... كلشي

هيلين.... دحجي شبيك

انسام بضوجه....هيلين ما اللج، علاقه سدي الموضوع

باوعتله باوعلي وكال... يعني قصدي

هيلين... صح كلامك اني شنو دخلني منو اني واتدخل

عفته ومشيت وهوا يصيحلي ما رديتله فوك ما ضايجه، من، ضرغام، وجايه اشوفه شبي حتى هو هيج خلي يولون هو وبراء صوجي مهتمتلهم

طبيت للعياده كملت شغلي واكثر من مره، حاول يحجي وياي واكله ما دخلني تنحازون

من صارت استراحتي طلعت اغسل وشفت انسام وبراء واكفين يضحكون همزين تراضو

عفتهم ونزلت لطابق الجوه غسلت وطلعت بالدرايج ولاكتني براء تحجي ومتخليني اعبر

براء... شبي الحلو زعلان

هيلين.. عقدت حواجبي وحجيت... منو كال زعلانه

براء... تعالي الله عليج والله جنت ضايجه

هيلين.. ما زعلانه

براء... لعد ليش هيج ضايجه. ضوجج انسام

هيلين... مشيت من يمها، صعدت الدرايج وهي تمشي وراي وتهمس من المراجعين..

براء... دحجي شبيج

هيلين.... كتلج ما بيه شي ليش تردين نتغاثث

طبيت للصالة مالتي ولغرفة العياده وهي لحكتني طبت للغرفه وطب انسام وراها

ما درتلهم بال كمت التهي باغراض الاسنان وحجه انسام

انسام... خويه اسفين ونعتذر وخلي نتصالح اشتريلج نفر، كباب

براء... ولج درضي حتى اني هم مثلج يشتريلي

ابتسمتلهم وحجيت... ما زعلانه والله بس من اليوم بعد ما اتدخل بيناتكم

باوعلي براء وكالت...

براء... ليش

انسام باوع لبراء وحجه..

انسام... من وراج، مو ضوجتيني هيلين اجت تشوفني ليش ضايج وكتلها لا تدخلين

براء.... انت بعدين حسابك هسه هيلين كومي خل نطلع نتعشه

هيلين.... وين نطلع يا عيني مدا تشوفون المراجعين خطيه اخليهم ينتضرون عود الجمعه نطلع نتعشه سوية بس ها كلمن يتعشه على حسابه

انسام.... حضن براء وباوع لبراء وكال.... شوفي

رجع باوعلي....

شوفي هاي اختي اشون كلب بسرعه ترضى

شوية وراحو واني بقيت بالدوام لحد ما هلكت براء طلعت واني بعد عندي خمس مراجعين كملتهم وطلعنا اني وانسام

رحنا نتمشى للفرع لان يصف سيارته بالفرغ لمحت سيارة نفس سيارة ضرغام معقولة ضرغام لا يجوز

رجعت بعدت هاي الافكار من راسي قابل سيارة ضرغام صنع خاص الف سيارة مثلها

طبينه للفرع ومشينه وصلنه جانت سيارة ضرغام بالباب معناها مو هو الشفناه

الدنيا ضلمه قبل لا ننزل كال انسام

انسام... اخبار ساره

هيلين... زينه وبعدين هسه تكلي شنو سالفتكم انت وياها وليش تضل تسأل عليها

انسام.... ايه كالت يتراسلن صحيح

هيلين... تبقى تغلس

انسام.... باجر نتفاهم واحجيلج السالفه من اولها لأخرها

هيلين.... تمام يلا مع السلامه

انسام... مع السلامه

نزلت باوعت لسيارة ضرغام وطبيت للبيت

اهلي كاعدين بالهول  دا يتعشون طبيت سويت نفسي هلكانه ومتكسره من الطريق

اول ما شافني كال....

ها بابا

هيلين... هلا بابا

على اول العشه

هيلين... الف عافيه ما اريد

امي... شلون تبقين ما تاكلين

هيلين... اي تعبانه لان ما رحت بسيارتي

ابويه... عوفيها جاي تقاصدني وهي متدري طالعه على ابوها بالمقاصد عبالها راح الين وياها

ضجت كلش طلعت لغرفتي واني ادردم على نفسي كلش جوعانه

صوجي اني مهتمه من بيها هاي السيارة الكشره بقبت بضوجتي حتى ما تعشيت ب10تقريبا اجتني رسالة منه باوعت كاتبلي مساءو

هو شحايب نفسه وكل يوم مراسلني عباله من ذنه الخفيفات رديتله

هيلين.... شتريد

ضرغام.... ما رايد شي بس اجيت ابلغج باجر انتضرج بطارف الفرع

هيلبن.... اكلك شنو تريد اختصر واذا عبالك من ذنه اللي ابالك

ضرغام.... شنو اللي ابالي

هيلين... ما ادري

ضرغام.... اجيت ابلغج حتى باجر ما تصير نفس فضيحة اليوم

جاي اكتب واجتني منه رسالة

ضرغام.... لا تدزين شي اعرفج دا تمسلتين باجر اوصلج ولا تخافين ما انطق وياج كلمة واوديج بكروه هم

هيلين.... مشكور خوية

ضرغام.... تمام لعد اخذي راحتج

نمت واني ضايجه الصبح حتى على اهلي ما صبحت طلعت لدوامي جاي امشي ونفس الرنه سمعت صوت الهورن مال سيارته غلست ومشيت

واني امشي والشمس حركتني وهو يمشي ويدنك هورنات باوعت حتى الناس تباوعلي شكد فشله وهو بعناده جنت اكول محد يغلبني بالعناد

التفتت على سيارته كبل وكف مشيت يم سيارته صعدت وهو ساكت

الى متى يضل وراي وراي حتى لو يحبني ف اني ما عندي اي مشاعر  تجاهه واساسا جربت الزواج مره وشفت المر بعد ما اكرر غلطي واساسا هو حتى ميعرف اني منفصله

بقيت ساكته من وصلت طلعت فلوس وخليتهن كباله

رجع دفعهن عليه

وثلاث مرات واحد يرجعهن للثاني اخر شي دفعتهن عليه ونزلت سمعته صاح لولد يكدي وانطاه اياهن

شعليه اني اهم شي انطيته فلوسه

ويوميه هيج مر اسبوع وهو يوميه بنفس الموقف حتى الفلوس صار المكدي ينتضر ضرغام بنفس المكان حتى ينطي الفلوس

ومن اطلع اشوف سيارته ومن اوصل الببت الكاها يم البيت

يوميه يراسلني ما ارد ومرات يتصل ما ارد

خلص الاسبوع واجه يوم الجمعه العصر اجاني اتصال من بنو

جاوبت

الووو

براء... ها هيلين تحضرتي

هيلين... ليش اتحضر

براء.... خرب ببليسج ولج مو اليوم نطلع نتعشه با بكره

هيلين... دنجبي ناسيه

براء.... يلا اني وسام خابرني كال ربع ساعه احنا يمج يعني هسه جايكم

هيلين.... خربب اذا هيج ليش دتلهيني ولي يلا اروح اتحضر

براء... خوش انتضركم اكلج

هيلين... كولي

براء.... البسي ليموني

هيلين... شسوي بي

براء... حبابه حتى نفس الشي يلا بسرعه

هيلين... تمام

سديته من يمها لبست تيشرت اسود وروب  ليموني وشال اسود وبنطرون  اسود وبوتين ليموني وجنطه ليموني طلعت جني ليمونه

جاي اتحضر وامي اجت طبت باوعتلي وكالت

امي... انسام يكول دا نطلع مدري اشون

هيلين... اي يمه ناسيه حتى الطلعه لوما هسه خابرتني بنو

امي... ديلا انسام كال بالباب انتضرها... وراحت

واني

خليت ميكب خفيف وعطر وشلت تلفوني وطلعت

نزلت الدرج اهلي بالهول اجيت اطلع من المطلخ حجه ابويه

ابويه... يا بابا شنو هذا العطر شدعوه هلكد مخليه

هيلين... بابا تعرفني ما اكدر اذا ما اتعطر  يلا مع السلامه

طلعت جان انسام بالباب باوعتله بصدمه وهو يباوعلي بصدمه

لابس تيشرت ليموني وبنطرون اسود

واثنينه حجينه سوه

هيلين. وانسام.... هاي شنو

انسام... سنو السالفه غرتي مني الا ليموني

هيلين... انت غرت اووو هاي سوالف براء

ضحكنه ويه ضحكتنه طلع. ضرغام

سلم على انسام وعيونه اكلتني حسيته راح ينفجر

طلعنا والطريق كله نسولف وكلت اجت الفرصه اسأله عن ساره

هيلين... اكلك انسام

انسام... كولي

هيلين... صارلك اسبوع تتهرب هسه تحجيلي شنو سالفة سارة

انسام.... هههه حقج راح احجيلج

هيلين.... اي احجي

انسام.... هاي سارة

لهنا وينتهي البارت تصويتكم كرزاتي

بقلمي الكاتبة

bmbsh_beme

سبحانك اللهم وبحمدك

أشهد أن لا إله إلا أنت

استغفرك وأتوب إليك .

انسام... هاي سارة سالفتها سالفة

هيلين... شنو هالسالفة احجيها

انسام.... حسام يريدها

هيلين... اشون يريدها وين شايفها

انسام... عفيه الذكيه وين شايفها هسه اني اكلج وين

هيلين... اي

انسام...اني وانسام مو. ربع صح اخوه بس اطباعنا مختلفة بكلشي هو هادء واني مرح اني حجاي وهو سكوتي وحتى لبسنا مختلفه شفتي لبسة كله دشاديش وتراكسودات(تراكات)  هو طلعاته كلهن يا وحده يا ويه واحد من ربعه وتلكين طلعتهم سفرة على شي أكله اني بعكسه يعجبني طلعات العائلة احس جوهم اطيب ويعجبني طلعات المنتزهات والألعاب

هيلين... اي

انسام... حسام اجاني كعد يمي يريد يحجي ومتردد تالي اني كتله بيضهن عقج حواجبه وكال لا تمضرط خل احجي

هيلين... ههههه كمل

انسام... كالي اكلك اكو بنيه اجت بخطوبة هيلين وانطاني مواصفات بنيه بس اني ما شايف ساره فما عرفتها وكتله ما اعرفها لا كالي اسأل ايه واني كلما دا اسألج انسه

المهم جاي اباوع بتلفونه ولعب بعقلي الشيطان اني اعرف بسوالف الخزنه لعبت بالاعدادات مالتها وفتحتها طلعلي بيها فديوهات اربعه شفتهن مقاطع بيهن صور بنيه يمكن حبيبته السابقة اني كلما اطب للفيديو بس اشوف صور اخرج ميصير اشوفهن المهم طبيت للفيديو الثالث شفت بنيه تركص بس مليان وجها مكياج يعني رغم شايف سارة بس ما عرفتها المهم سمعت صوت امج صاحت جيبو السجينه ديقطعون الكيك وعرفت معناها هي لان شفت مواصفاتها نفسها اللي انطاني اياها حسام

صورت الفيديو ومن شوفتج. اياه عرفتها ساره

هيلين... ومنين جاب الفيديو

انسام....هسه يصلج الحجي

هيلين... هزيت راسي ب اي

انسام... اني مره من المرات جان كاعد وكعدت يمه كتله اكلك حسام

حسام... كول

انسام... تريد تعرف منو هاي البنيه السألتني عليها

حسام... اي

انسام... بس تحلفلي بشاربك ما تتكاون وتصيح

حسام... بشاربي ما احاجيك كتهن يلا

انسام... منين جبت الفيديو مال البنيه التسأل عليها

حسام... وسمدريك بالفيديو انت

انسام... طبيت للخزنه وشفته

حسام... بس بيها رمز

انسام... اعرف اخترقها

حسام... اخذ نفس بقلة صبر وحجه... كمل منو البنيه

انسام... بالاول كلي منين جبت الفيديو

حسام... تكول لا لو

اني اعرفه بس يريد يعرفها منو فرديتله

انسام... لا

حسام... صبري نفذ يا ولد

انسام... كمت من يمه وحجه..

حسام... كول منو واني اكلك منين

انسام... لااااا خويه انت ما تتأمن

حسام..... مره اجاني طلب من حساب واني وافقت شفت منشوراته مبين بنيه من قرية لأن تنشر بالزرع  وره فتره نشرت صورة نص وجها وعجبتني طبيتلها خاص حجيت وياها من عرفتني اني من صمن الاصدقاء تخبلت كالت ضايفتك بالغلط دضيف هيلين مىت اخوي وضفتك لان شفتك ضمن اصدقائها

وكبل لغت طلب الصداقة

بس يمكن ما حاذفة المحادثه لأن ورة فترة

اجاني فيديو طبيت شاهدته وحفضته كبل خفت لا تتراجع وتحذفه المهم وره عشر دقايق طبيت الفيديو محذوف لدى الجميع

انسام... واشون لكت حسابك

حسام...  يجوز بالغلط دزتلي الطلب او يجوز متعمده ما ادري المهم هسه كلي منو هاي لأن صوت مرت عمي بالفيديو ولان كالت هيلين تأكدت كرايب

انسام... هاي بنت عيال هيلين

حسام... خوش لعد متزوجه لو لا

انسام... يمكن مخطوبة وعيال هيلين مو خوش اوادم احنا يلا يلا خلصنا منهم

هيلين... لا انسام كله خربت خطوبتها وصدك بنيه كلش فقيرة جانت دوم هي التوكفلي

انسام... ما ادري اني من كتله بقه ساكت وحتى ضاج

هيلين... لا خطيه انت احجيله عليها يلا علواه يحبها خطيه انكسر قبل هالمره عالاقل يتعوض بالاحسن وساره كلش حبابه

انسام... عود احجيله واقطه ببشراوية لان طلعت مخربة خطوبتها

هيلين... هههه ما تجوز

وصلنه براء عجيب ما لابسه ليموني

اول ما صعدت بالسيارة كالت

براء... ههههه سووها صدك طالعين جنكم صواصي ام الربع دينار

انسام... شوف شنو غايتها هل هيج ملبستنه

براء... هههه من نصل اكللكم ليش

انسام مشغل اغاني ويغني وبراء كضتها حبيبي وحبيبي

واني اباوعلهم وابتسم على حبهم اشكد ارتاحيت من عرفت حسام اللي يريد سارة مو انسام جنت خايفه يطلع يريد سارة ويخون براء

براء بعدها صغيره وابوها توفه

براء تضل تكلي احس انسام ابويه  لأن ابويه ما شايفه حنان وشفت حنية انسام رغم مرات يقسه

عليها بسبب غيرته يتخبل اذا يشوفها لابسه ضيق وبالعياده لازم ما تحجي مع دكتور وبكروب الدكاتره

مسموحلها تحجي بس مع الدكتورات غيرته كلش صعبه مرات تكول احسه يخنكني بغيرته الزايده

بس حنين عليها مرات ما يتريك الا هي وياه وكل مره بالدوام يشتريلها حلويات ويوديهن لعيادتها

المجمع كله عرف بخطوبتهم بسلامة انسام تكول جاب حلويات ووزع ويكول بمناسبة خطوبتي من براء بس حتى الدكاتره يبتعدون عنها

الغيره بالحب شي مهم اللي ميغار ميحب

الحب يبني الغيرة والاهتمام والثقة

للأسف جان هيثم ميثق بيه ولا يهتملي واذا داريته بحقوقه الزوجيه يكون زين واذا مداريته وما نفذت طلباته ولا كأن هيلين موجوده

هم وخلصت منه مثل الجرثومه جان بحياتي وعقمت روحي منها وبعد ما الوث نفسي ابد اكو اشخاص حيكولون تبالغ بس شعور المنفصلة متحس بي غير اللي مجربته

مبقى عندي ثقه بالرجال وصرت اخاف الزواج لا انضلم واتأذه

وصلنه المطعم باوعت كأنو ضرغام ومنطيني ضهره كمت اتخيله بكل مكان قطع صفنتي كرصة بنو وهي تحجي

براء... ولج هيووو وين صفنتي

هيلين... وياكم

انسام... بلا فكرو شنطلب

هيلين.... اني اريد سكالوب

براء.... اني اريد سبايسي

انسام... اني راح اطلب كباب

براء... اني هم اريد كباب

انسام.. يعني نفرين كباب ونفر سكالوب

براء... مو كتلك اريد سبايسي

هيلين... ما افتهمنا عليج سبايسي لو كباب

انسام...غمز لبراء وكال... اني اعرف مريتي شتريد

هيلين... هههه شتريد

انسام... تريد سبايسي وكباب

براء... يمه فدوه لليفهمني

هيلين... اشتغل الغزل كتلني الجوع بعد خيتك

ضحكو اثنينهم

راح انسام علمود يطلب وكلت لبراء

هيلين... بنووو

براء... انجرت الواو تفضلي

هيلين... باعي هذاك مو جنه ضرغام

براء... كامت تتلفت... وينه وينه

هيلين.... هذاك ابو القميص الابيض

براء... يبين ضخم نفسه بس شيجيبه لهنا

هيلين.... معرف يجوز اجه

براء... هههه صديقتي عاشكه واني ما ادري

هيلين... دكلي تبن

براء... عشاج هذا اشون اكله

هيلين... معرف بس احسه ضرغام

براء... اخذت قائمة الأكل وتحجي... ضلي تخيلي الرجال واكلج عاشكته تغلسين اذا ما طلعتي عاشكه اني مو اسمي براء

هي تحجي واني مركزه بي من بعيده اجه شخص اخذ طلبة وشفنه انسام اجه  يمشي وكف يم ابو قميص الابيض وسولف وياه

هيلين... مو كتلج ضرغام شوفي يمه واكف

وبراء مندمجه تباوعلهم لحد هسه ما شفنه ضرغام لو لا

سلم عالرجال واجه كعد بتعب وكال...

انسام... اني شوداني اطلب لو منتضرهم يجون ياخذون الطلب مو احسن

براء... ليش شكو

انسام...ما شفتيهم يفترون عالعالم الا اني رحت عليهم ويمهم هوسه

هيلين... من. هذا الوكفت وياه

انسام... هذا ضرغام ساكن بالبيت اليمكم

اني وبراء وحده تباوع للثانيه وسكتنه

بقينه ناكل والمطعم كلش بارد اني كل شوية ابوك عيني على ضرغام لحد ما شفته دفع الحساب وطلع

شنو معقولة علمودي اجه لا لا هيلين على شنو علمودج صدفه اكيد من دنطلع باوعت للميز الجاي كاعد بي الاكا مثل. ما هو ما ماكل منه

تعشينه وطلعنا كالت براء

براء....انسام ميحتاج نروح للمرطبات نشتري من المدينه

انسام... لا للمرطبات احسن بيها مكان للعوائل

براء... يااا انسام تريد تخنكنه

انسام... لعد تردين تاكلين بالمدينه كبال الرايح والجاي

براء... شوفي هيلين من اكلج لا تكولين لا ولا شوفي حقي

انسام... على شنو

هيلين... غلس ولا شي

براء تحجيلي عن غيرته واكللها ميخالف فهذا قصدها

وصلنا للمرطبات طبينه لمكان العوائل اول مطبينه جان شخص واكف يبيع للي يجون يشترون ويرحون حلو شكله ولابس شفقة سوداء

باوعلي حسيته فصلني تفصال ونضرته كلش خبيثه

متهميتله طبيت ويه انسام وبراء لمكان العوائل

شوية واجه نفسه الشاب ابو الشفقه طب يحجي ويه انسام علمود الطلب اني طلبت ايسكريم بطعم فراولة التفت انسام على براء يشوفها شتريد

والشاب  ابو الشفقه ما نزل عينه عني باوعتله بخزره ضحك صفح

اني تنرفزت كلش منه راح شوية واجه جايب الطلبات ايسكريم الفراولة جان فوكه قطع شوكولاته

كاعدين ناكل وبراء مدت ايدها عالايسكريم مالتي اخذت قطعة شوكولاه وكالت

براء.... شسالفة مدللينج بالطلب وضحكو

كملنا اكل وطلعنا وكفنا ويه انسام انطه الحساب بس رفعت عيني ابو الشفقه غمزلي اني خزرته وجريت براء طلعنا قبل انسام

براء حجت...

براء... ههه ولج شفتي هذا الولد اكلج بعيونه

هيلين.... اي وكلش ضوجني

براء... بس حلو

هيلين... والفايده ناقص اخلاق جمال بدون اخلاق يعكس نضرية الناس عليه

براء... قصدج على ابو الشفقه نفسه

هيلين... اي نفسه كلش نرفزني

اجه انسام ورحنا للمدينه اني ما احب الالعاب بس اتطمش (اباوع)

جانت الدنيا ليل ونسمات هوى تجنن والأضواء والضوضاء هيج اماكن تتشوقين تطبيها علمود تغيرين جو اني من عشاق هيج طلعات ميعجبني الانعزال احب الاختلاط

دفعنا الدخولية وهالشي كله جان على حساب انسام مرتين ردنه ندفع ويزعل واخر تهديد جان مخيف كال اذا وحده بيجن طلعت فلس ارجعجن كبل

طبينه نتمشى اباوع للناس

شفت ثنائي كلش حلو رجال ومره وطفل الرجال شايل الطفل وكايد. المره ماسك ايدها يعني

الرجال لابس تيشيرت ابيض وبنطرون اسود وحذاء تكرمون ابيض والشفقة سوداء

والمره لابسه ستراب ابيض وبنطرون اسود وشال اسود وحذاء تكرمون ابيض

والطفل تيشيرت ابيض وبنطرون اسود وحذاء اسود تكرمون وملبسينه مثل الشفقة لون اسود

وانسام وبراء يتمشون ويحششون

كالت براء...

براء... دباعو لهذا، جنه ديج مهلوس

هيلين... ليش تقلدين يولي لا يعيب الا المعاب

براء... هسه هو مبي شي بس شوفي بنطرونه ناصل راح يطلع ما خلق الله وشنو هاي شعره صدك جنه ديج وانوب لابس اكسسوارات رجالي ههههه

انسام... عينج يا بنت لا افكسها

براء... اهووو دخلينه نتونس قابل كايلة حلو اني

ضحكنه ونتمشى براء رادت تكصعد بالالعاب اني ما قبلت لان ما احب اصعد بيهن يعجبني بس اتطمش واضوج وهم اخاف من ناحية الالعاب

كاعده عالكرسي وانسام وبراء باللعبه مال القناص معرف اشون التفتت شفت ضرغام كلت لا اتخايل مو انوب هنا

وبراء وانسام ما خلو لعبة تعتب عليهم واكو العاب جددو بيهن

صارت الساعه ب11ونص براء كالت

براء... انسام وهيلين اكعدو سوه اخذلكم صور

عقدت حواجبي وحجيت... عليش

براء... هسه تفهمون صبرو يلا يلا

ضحكنه وكعدت يم انسام اخذتلنه صوره وكالت

براء... احلا حدث باجر اغطي وجوهكم وامنشنكم واكتب

اخير اجت حملة الصواصي

تضحك وتحجي ردلها انسام

انسام... دسويها وشوفي شسويلج

براء... شتسوي...

انسام.... اعاقبج نفس عقاب اخر مره

براء... لوت راسها على كتفها وحجت بدلع... لعد هسه انشرها

هيلين.... شكد تافهة يعني علمود الصورة تخلينه نلبس اصفر

براء..... ههههه

كعدنه  نسولف شويه وناكل جبس وحجيت اني

هيلين... ما تعبتو

براء... اني تكسرت من الكعب

انسام... يلا امشو لعد كافي

طلعنا نسحل بروحنه سحل وبالطريق حتى اغاني ما شغلنه

تذكرت دسأل براء اشون اجت ويانه واخوها اشون قبل تجي

هيلين.. بنوو

براء... ها كبدبد

هيلين... اسون خلاج اخوج تجين

براء... تهي بهي لو يدري الا يقلي على اذاناتي بصل بس راح لاربيل ويه صديقه واني اجيت

انسام... يعني وحدكم بالبيت

براء... لا خالو عدنه وكلت لامي وخالو خالو كال روحي عقد وعقدنا بعد

هيلين... بس محلوه مسويتو حفل اكو احلا من العقد

براء... خلينه ساكتين هو العندي يقتنع

هيلين... انسام

براء... لا اخويه ما قبل

هيلين... يلا عالجايات

براء... هم هيج وبالحنه الا. احركها حرك

هيلين... وخطوبة

براء... اخويه ميقبل

انسام بعصبيه...هذا اخوج ينرادله جرت اذن شبي متكليلي شبي

براء... يا انسام لتحجي عليه

انسام... طبج طوب هو صوجي اسود وجهي

براء... اهووو انسام تريد تقهرني يعني وتطلع الونسه من خشمي اخويه لو مهما يسوي يبقى اخويه

شفت انسام اخذ ايد براء باسها وحجه

انسام.... ما عاش اليقهرج شعندي غيرج حبيبي بس ما اريدج تنحرمين من شي

براء... متكلي شسوي

انسام... ولا يهمج من اخذج نسوي خطوبة بالبيت

براء باست انسام واني اباوعلهم وادعيلهم يدومون لبعض

انسام... ولج بلا بوس لا اندعم

براء... هههه شنو متعرف تسوي هي بوسه

انسام... مو تشلين احوالي بالبوسه

براء... انسامممم

هيلين... ههههه اول مره اشوف بنو تخجل

ضحكنه وصلنه براء ورجعنه بالطريق كال انسام

انسام.... والله مغثه لا طلعه مثل باقي البنات لا خطوبة لا عقد زين حارمها ولا تكولين اخوها وفوك هذا كلبهاطيب متنطي عليه

هيلين..... رغم حبها لاخوها بس تحبك اكثر

انسام.... ادري بيها

هيلين... بس لتضل تضغط عليها بكلشي تغار هيج تخنكها وتمللها

انسام..  لو بيدي اهليها بقوطيه ومحد يشوفها بس اني

هيلين.... هههه دومكم

انسام.... هيلين اريد اكلج شي ولا تعتبري تدخل ابد تعرفيني دائما انصحج

كلت بكلبي هذا هو شافني ويه ضرغام اكيد

هيلين... اي احجي

انسام....هيثم خوما ديضايقج او ديريد يتواصل وياج

هيلين... لا من اخر. مره من ضربه ضرغام ما رجع

انسام... اي زين خويه اذا راد يتواصل وياج ابعدي عنج ترا مو رجال اليطب لبيت بس نسوان لو يفتهم مو يبهذل امج وشيباتها ويخليها تتوسل بي والرجال ميضرب مره وهو ضرب ايه

هيلين.... اسفه  هو ضرب ايه بسببي

انسام....لا مو بسببج لا تتأسفين

هيلين... اكثر من مره راد يتقرب وابعده حتى بدوامي ثكلت وجهي منه من يجون اخر مره من صارت المشكله خابرتني سارة تكول يصير اشد التقويم يم غير دكتور كتلها ليش تكول خجلانه منج كلش

وحتى مرات من تجي تراجع هو يجي وياها وهي من ترجع تراسلني تكول يتخبل اذا عرف اريد اجي ويه غير شخص للدكتور اني كرهته انسام مستحيل اتواصل وياه مريض نفسي ومتخلف اذاني كلش اذاني

انسام... هو يحبج ومو حب عادي لا حبه اللج جبير بس اطباعه كلش محلوه وما عنده شخصيه

بقينه نسولف لحد ما وصلنه البيت  وانسام سواقته رزنه ميمشي سريع كلش ممرتبه سواقته

نزلنه خطيه نزل وياي  ضرغام يم الباب يدخن  دكينه الباب وطلع ابويه للباب وانسام راح للبيت

طببت للبيت طلعت بوجهي للحمام سبحت وطلعت بالبرنص تنشفت ولبست تيشيرت عسلي نص ردن عريض شويه  وستريج اسود ورفعت شعري بأهمال بالطوقه شعري استخدمله شامبو ريحته كلش طيبه يعني من اسبح بالشامبو يضل شعري ريحته طيبه الا ارجع اغسله

خليت مرطب لأيديه كلش زين المرطب للبشره تبقى الايدين ناعسه. مثل بشرت الطفل عندي باودر مال جسم ريحتها تجنن خليت منها واخذت تلفوني باوعت ضرغام متصل عالماسنجر عفتهن وطلعت للحديقه

باوعت لشباك البلكونه ابد مطالعه بيها فتحت الشباك وطلعت ضربتني نسمة هوى كلش طيبه اخذت نفس عميق وغمضت وفتحت

باوعت يمنه ويسره ورجعت باوعت للشارع اللي جوه البلكونه الحايط صاير جوه البلكونه يعني اللي يخلي رجلينه عالحايط يمد ايده للبلكونه جاي اباوع وحسيت شخص طب للشارع اللي يفصل بين بيتنه وبيت اهل ضرغام الاضويه كلها متركزه عليه باوعت ضرغام

شايل جكاره اشرلي بمعنى جايج يمه انخرطت خوف اباوعله وخايفه شو هذا صعد عالحايط وكمز عالبلكونه اني هستوني حسيت هو صار قريب مني ركضت طبيت للغرفه

توني دا اسد باب البلكونه جان يمد ايده ويفتح الباب طب للغرفه وسد باب البلكونه

لهنا وينتهي البارت تصويتكم كرزاتي الحلوين

اعتذر ع قلة النشر

بس جاي افكر اذا اشتريت قطار

وين اغسله؟😹😹

لاصدك_وين_اغسله😹

بقلمي الكاتبة

(bmbsh_beme)

أنه الفاتو البيـتهہ وڪسࢪو البيبـان!

أنه بأخـࢪ نفسہ بسہ ماگدࢪت أشࢪد!

أنه الدلـهہ الأخيࢪهہ واللـچفوفہ أهوايہ!

ڪل سـا؏ــهہ الـزمہ بسہ نـاࢪي ماتبࢪد•♡

كمت اتمتم بالحجي خايفه من اتصرف هيج تذكرت من هجم عليه هيثم مره حيلي رجف

هيلين... هاي ص ص صد صدك ت تحجي وو وي وين ط ط طا طاب

يحجي بعصبيه وصاك على اسنانه

ضرغام.... ليش متجاوبين من اتصل ليش تبقين تتجاهليني

هيلين... م م

ضرغام.... انسام خطيبج مووو

هزيت راسي ب لا

حجه بصوت شبه عالي

ضرغام.... لعد شنووو

هيلين.... خ خ خطيب ب براء صاحبتي

ضرغام... والشفته اليوم وليشش طالعه وهذا القن....

اكلج بعيونه انوب يتحارش بيج كدامي شتردين اسوي هاااا ولج على نار مصدكت ترجعين انوب اخابرج متردين

هيلين... ج ج ج

كمت اتمتم ما عدت اكدر انطق بحرف من خوفي

تقرب مني صار ضهري عالحايط ولزم زنودي بحيث صار قريب مني لدرجه صوت انفاسه العاليه اسمعه وانفاسه بوجهي

ضرغام...ليش خايفه

هيلين... م م

يحجي ويباوعلي واني وجهي كبال وجها ومنزله عيوني

ضرغام.... ولج شنو اسوي وترضين

تمالكت نفسي وحجيت....

هيلين.. ا ا انسام اخويه وبراء نصبت علينه ولبستنه نفس لون الكتاكيت

تقرب اكثر وكال...

ضرغام... ليش تمرمرين كلبي

هيلين... اني شعليه

ضرغام.... يعني ايمت تفهمين

فهمت قصده بس متردده حجيت

هيلين... فدوه ابتعد عني

ضرغام... شكد تكولين ابتعد اتقرب فكولي اتقرب حتى ابتعد

هيلين... اتقرب

رفع حنكي باصابعه باوع لعيوني نزل ايديه من زنودي يمشيهن عالكيف واني متصنمه وصل لكفوف ايديه رفع ايده اليسار فتح شعري  ورفع ايدي خلاها على صدره 

صدره يدك عالسريع واني ايدي ترجف

دفن راسه بشعري  وحسيت كلبي صارت دكاته الف واحتريت احي وجهي يطلع منه نار وكأنو فراشات ببطني

ضرغام.....te amo

هيلين.. ش شنو

ضرغام.... من تحسين عندج مشاعر تجاهي ترجميها

باوعلي جنت اباوعله اول مره هيج يكون قريب مني عيونه ناعسات ورموشه اللي مزينات الجفن بطولهم

حاجبه اليسار مطبور من الطارف

جاي اباوعله غمضت وفتحت بهدوء

حسيت ايديه لامست خصري لأن تيشيرتي عريض من اجه يلزم خصري انرفع التيشيرت حسيت بدفو ايديه على خواصري

معرف ليش غمضت عيوني

حسيت انفاسه صارت كلش قريبه اول مفتحت

باسني وشد ايديه على خصري غمضت على لمسته اول مره احس بهيج شعور غريب

ما اعرف اشون وعيت على نفسي فتحت عيوني  ودفعته هو ضخم وخر شفايفه عني بس قريب مني

بقه لازم خصري ويحجي

ضرغام... اكيد معندج مشاعر تجاهي

هيلين... ضرغام ابتعد عني الله يوفقك ابتعد

رخه لزمة ايديه من خصري وكال

ضرغام... ليش

هيلين.... اني ما اريدك انت ليش تبقى تحوم عليه روح شوف الدنيا مليانه بنات يعني ما اجيت الا عليه

خله كصته على كصتي وحجه

ضرغام... ليش دتسوين هيج يعني معندج مشاعر تجاهي

هيلين... لا

ضرغام... متحسين بقربي منج بأمان

هيلين....لا

ضرغام... اذا ابتعد صدكي ما ارجع

هيلين... ياريت

وخر كصته عن كصتي وشال ايديه من خصري صار كبالي وحجه

ضرغام.... هيج اني زاعجج

هيلين... اي وكلش يوميه اتمنى من اطلع ما الكاك تنتضرني

ضرغام... بس

هيلين... عفيه ضرغام كافي لا تصير لزكه فد نوب دا اكلك ما عندي اي مشاعر تجاهك يعني عالاقل شوية حس وابتعد اكثر من مره. كتلك ابتعد يا اخيي ابتعد

ضرغام... اخيييي

هيلين..... ابتعد جنت مرتاحه حسيت دخولك لحياتي قلب كل الموازين ورجعني وينننن

ضرغام... ما يكون خاطرج الا طيب ومشكوره على تجاوزج متوقعت يطلع منج هيج كلام

بحركه سريعه فتح باب البلكون وكمز عالحايط ورجع كمز للشارع باوعتله راح يمشي سديت الباب وطبيت للغرفه

معرف اني شسويت او ليش سويت هيج بس اخاف يتكرر الماضي وينعاد وياي ما اكدر بكل لحضه جاي امر بيها جاي ترجعني لذكرى بيها ضرغام وأذيته وخوفي يزداد

ما اهتميت للجمله الكالها شنو او ليش اجذب اهتميت واجيت فتحت اللابتوب بس رجعت سديته وتراجعت

ما اعرف قربه حسسني بشعور او مره احسه صح جنت خايفه منه بس من تقرب وشفت هدوئة صدك حسيت بأمان ومشاعري تلخطبت معقولة احبه لا لا هيلين مستحيل تحبين ابد ولا تفكرين بهالشي هيثم ما حبيتي وتأذيتي منه انوب تحبين الأذيه اذيتين

اجيت انام دشيل الطوقه من راسي تذكرت هو شالها من شعري تمددت بفراشي  وافكر واحجي مع نفسي والف فكره ببالي بس اعرفه ميعوفني باجر من اروح حيوكفلي ويوصلني بعدين خلي فكره، ببالج يا هيلين هو ميدري بيج منفصلة ميدري يعني اذا يدري شنو حيسوي يجوز ميتقبلج ويجوز يطلع من الناس اللي ميتقبلون المنفصله وحيكول ليش تطلكت يجوز هي مو زينه

هيلين شبيج هيج مهتمه يعني شنو يوصلج ترا انتي متحبي على شنو هيج تفكرين بعد احسن بعد متشوفينه انتي مو تردين هيج

غمضت ردت انام بقيت للفجر اتقلب بفراشي تذكرت اني منفصله وهو اعزب كمت ابجي ليش ما ادري كلبي ناغزني للفجر اني عيني ما غمضت

كعدت توضيت وصليت وشوية ارتاحيت وهديت على شنو مفكره بي وبعدين المنفصله مناقصها شي وهسه خلصت منه بعد ميضايقني ولو متأكده حيجي وراي من اروح

بقيت منمت الى وقت الدوام طبيت سبحت وطلعت جريت ملابسي حتى اشمرهم مع ملابسه الغسل واشتميت بيهم عطر قربتهم اكثر شميتهم عطره مالي الملابس ملي

عجبني العطر خليت التيشيرت على صفحه نزلت للمطبخ تريكت واخذت علاكه طلعت اخذت التيشيرت بالعلاكه حتى ليروح العطر

وحجيت ويه نفسي....

هيلين شبيج تخبلتي اغسلي شتسوين بعطره شنو لازم تحبينه لا مستحيل ما احب ولا ارتبط

بسرعه طبيت للحمام وشي بيه متردد ما اغسله ذبيته بالبانيو وبعصبيه خليت فوكه شامبوات وفتحت الميه عليه

ورجعت اخذته للغساله غسلته ونشفته شميته بي ريحت الشامبو شريته وطبيت للبيت بدلت وكملت تبديل وشلت اغراضي وطلعت للدوام

بقيت امشي بالشارع ماكو مشفته امشي وكلما تعبر سيارة اباوع لرقمها بلكي اشوف سيارة ضرغام لان رقمها حافضته، كلش بسيط

وكفت اوكف تكسي وشفته عبر بسيارته تعاملت عالمكان وصعدت بالتكسي اني ما اصعد بالتكسي غير ويه شايب لان اخاف كلشي يصير بالدنيا

صاعده بالسيارة وافكر

ليش ما وكفلي ووصلني مو كل يوم يوصلني اهوو على شنو مفكره بي اني مو ما احبه ولا اريده

حاولت اتناساه وصلت للدوام وبالرجعه ويه انسام كل مره اشوف سيارته من اطلع من المجمع هالمره ماكو

وهم رجعت طردت افكاري اللي ضرغام بيها وكملت طريقي رجعنا للبيت حتى ويه انسام محجيت

بس كتله....

هيلين انسام باجر انتضرني اجي وياك توصلني ابويه معاند مينطيني السيارة

انسام... تدللين هلونه همزين عالاقل بالطريق ما اضوج وهم حتى. ما تروحين بالتكسيات

طبعا انسام اخويه بالرضاعه يعني يحرم عليه ولهالسبب اني وياه نحجي بميانه مو مثل حسام

وصلنه للبيت نزلت وهم ضرغام ماكو

كلت بكلبي اي بعد احسن همزين ما شفته اليوم

طبيت للبيت تغديت وطلعت لغرفته سبحت ونعسانه كلش طبيت. للماسنجر حتى ما نشط واخر ضهور البارحه بليل لان لمن اتصل عليه نمت وثاني يوم انسام وصلني نهائيا ما شفت سيارته ولا شفته

بالطريق   انسام نصه صوت المسجل وكال

انسام... اكلج هيلين

هيلين.... كول

انسام... حجيت ويه حسام علمود ساره بويايي لو شايفه فرحته يعني اني من شفته هيج كلت ما حاب اخويه اول مره يحب

هيلين.... اي

انسام.... وحجه ويه اهلي علمودها بس امي معارضه

هيلين... ليش

انسام.... غلسي

. غلست لان عائلة وخصوصياتها ما احب اتدخل اساسا

وصلنه للمجمع براء ما جايه

هيلين...انسام شو براء مجايه عدها شغل لو هي اليوم متأخره

انسام.... لا امها مريضه

هيلين... يبووو خطيه يلا هسه اخابرها

طبيت للغرفه لبست الستره واتصلت عليها وفتحت مايك وبديت اعقم الكفوف والادوات مال الاسنان

براء... الووو

هيلين.... هلا عمري اشونج

براء... زينه وانتي اشونج

هيلين... اسأل عليج شجايها خاله رحاب (ام براء اسمها رحاب)

هي متقربلي شي بس اني اسميها خاله

براء... معرف هيلين بس صحتها كلش تعبانه ادعيلها

هيلين... يا روحي لا تضوجين ما بيها غير العافيه عمري انتي

براء...هيلين البارحه الليل كله مستشفيات

هيلين... اني هسه لوما انسام ما ادري

براء... شسويلج غير انتي ما راسلتي كلتي صديقتي وينها

هيلين... عود نتواجه واحجيلج

براء.... تمام

هيلين... وتالي من رحتو للمستشفى شبيها خاله رحاب

براء... جلطه يولي اخخخ على حضي لو تدرين ليش

هيلين... ليش

براء... مو رحنا وشفتي اشون تونسنه

هيلين... اي

براء...اخويه البارحه اجه

هيلين... اي

براء.... اي اكلج خوما يسمعني انسام

هيلين... لا انسام بالصالة ثواني خل اسد المايك

سديت المايك وحجيت

هيلين... كملي

براء... هيلين هو على اساس يبقى اسبوع شو فجأة وانو جاي احنه فرحنه بشوفته حتلو يومين بس اشتاقيناله

هيلين... اي

كامت تبجي وتحجي

براء... هيلين اول ما طب للبيت لزمني ووين اليوجعج يا براء ضرب وغلط وتفشير ما خله يولي ابوي بكبره وما خله ما غلط عليه بجيت لحد ما انتهيت

هيلين.... ولج لتبجين لتبجين والله تكطعين كلبي بس يكمل دوامي اجيج

براء... وي علواه تجين حموت من القهر  هيلين امي بسببه هيج تخربطت

هيلين... وتالي هذا الحقير ليش ضربج

براء... امي كامت تصيح تعرفين متكدر توكف وتحجي عليه كاللها انتي هم تك... لبنتج اشون تخلينها تطلع وياه

هيلين مدري منين عرف طالعين للمدينه ولج وخالي جان بالدكان امي تخربطت واني ابجي وهو يصيح ويشيل بامي همزين خالي اجه وكبل شلناها للمستشفى

اول مطببو امي يفحصوها خالي اجه تقرب وكف يمي وكال خالوو شبي وجهج

براء.... شبي

خالي كاله

خالي ... اني اللك يا حيوان لأن مموجود تضربها بعد هستوك اجيت

اخويه... بس

وخالي. قاطعه

خالي... انت ما اللك جاره وهاي اختك اذا تبقى يمك ما تعيش بس تصير امك زينه اخابرهم يزفونها وامك اخذها يمي حالها حالنه

اخويه.... خالي بس

خالي بعصبيه ... انجب وسد حلكك.... واندار عليه كال امشي بويه تغسلين...

اخذني للمغاسل طبيت وشفت وجهي بالمرايا  هيلين تجين وتشوفين حالتي الله وكيلج بجيت لحد ما تعبت وطلعنا امي من المستشفى ولهسا حالتها تعبانه

هيلين.... الله كريم... ما بيها غير العافيه خاله رحاب متستاهل وتكوم بالسلامه

براء... يلا روحي على دوامج ولا تكولين لانسام شي ديربالج لان اذا، يدري يتكاون ويه اخويه وامي ما الها خلك انوب تصير مشكله. كبل تنجلط انوب وتموت

هيلين.. لا ما اكله واني اليوم امر عليج

براء... ديلا انتضرج مو ما تجين واني اروح انطي لامي علاجها

هيلين... تمام

سديت الخط من يمها وخابرت امي

امي... الووو

هيلين... ها يمه اشونج

امي... هلا وليدي زينه انتي اشونج

هيلين... الحمدلله يمه ردت اكلج خابري ابويه وكليله اليوم من ارجع من الدوام امر على براء لان خاله رحاب مريضه

امي.... يا يمه لعد تعالي بليل نروحلهم وره العشه اني هم اروح اسلم عليها

هيلين... تمام

بدت المراجعات طب اول مراجع جان رجال جبير بالعمر يحتاج حشوه خليتله بنج وكتله احنا نصيح اسمك

طلع الحجي وطبت سارة وهيثم شفته لو الدم وكف بجسمي لحيته. طويله ووجها كله شعر وعيونه تعبانه

كعد عالقنفه بتعب وسارة سلمت عليه وهو كال

هيثم... اشونج

هيلين... الحمدلله وانت اشونك

هيثم... على الله وعلى شوفتج

ساره بسرعه شديتلها التقويم وهيثم شكله تعبان حجت سارة

سارة... ها هيثم شتشوف نفسك صرت زين نمشي

هيثم هز راسه ب اي

باوعت لساره نضرة سؤال كالت

ساره... ضهره متأذي والسيارة اذت ضهره وانوب بره الكراسي مو مريحه وتعب كلش ضهره ديأذي

هيلين... ابقو هنا ثواني

معرف بس كلبي انكسر عليه

طلعت لأنسام رحت كعدت يمه عالكرسي وحجيت

هيلين... انسام

انسام... ها هلونه

هيلين....غرفة الاستراحه فارغه

انسام... علمود هيثم موو

هيلين... اي كلش تعبان

انسام..... اني اضوج منه تعرفيني اني دليهم عليها

هيلين... تمام...

رحنا تاكدت الغرفه مال الاستراحه مبيها احد

ورجعت للغرفه طبيت باوعت لساره واشترتلها يجون

ساره كالت

ساره... تعال هيثم

هيثم... وين.

ساره... معرف هيلين تصيحلنا

طلعت واجو يمشون وياي رغم وجع ضهره بس ما منحني ويمشي برزانه هاي عادته

طبيت لغرفة الاستراحه وحجيت

هيلين... ساره هاي الغرفه شوفي وهناك الجودليات افرشيلة وخل يبقى متمدد لحد ما يخلص الدوام

باوعلي هيثم وكال... ليش تعبتي نفسج

هيلين... هذا واجبي لو شخص غيركم جان هيج سويت

حجيت هيج حتى يعرف ممهتمه لأمره بس انقهرت عليه لو مهما يكون عشرة عمر بيناتنه وطلعت كلت لانسام يصيح اسم الحجي حشيتله جاروشته وكملت باقي المراجعين

طلعت ورحت لغرفة الاستراحه هاي اني  وبراء ودكتورات اثنين ويانه تشاركنه واجرناها وجبنه شغلات واغراض كأنو مو بمجمع كأنو بالبيت

تجينه ايام مراجعين ميجون كلهم ويصير حجز نضطر نبقى

طبيت لكيت هيثم متمدد ومخلي ايده على عيونه وساره يمه كاعده ولايفه رجل على رجل ومدري شدتسوي بالتلفون وتبتسم

هيلين... ها سارة اشون صار

ساره غلقت التلفون بتوتر وخلته بالجنطه وكالت

ساره... لا زين بس غفه من التعب

هيلين... اهااا

فكرت بيني وبين نفسي اشون ابقى بحيره يعني لا اكدر اعوفهم بالمجمع عيب ردت اكول لساره بعد اكو دكاتره تكدرون تبقون بس مكدرت يعني ما تدبر توازيت وكلت

هيلين... يلا ساره امشو نروح علينه خلص دوامي

ساره كعدت هيثم وكالت

ساره... هيثم اكعد دنروح لبيت ابو هيلين لان انتهى دوامها منكدر نبقى هنا

هيثم... لا يلا احنا هم نرجع للبيت هي يوم يومين واصير زين لان اجيت بطريق طويل هسه حتلو ارتاح من نرجع هم راح ياذيني حتى من هناك نروح لطبيب الرحنه عليه اخر مره

تقرب كال...

هيثم... يلا هيلين مع السلامه ومد ايده تسالمنه وراحو

واني رجعت للبيت مشفت ضرغام  معرف بس احس شي بيه يدورله واكذب افكاري ومشاعري واكول لا مستحيل اني ما احبه ولا اريد شوفته

رجعت للبيت وبليل حسام وصلنه اني وامي وسهام لبيت براء

لهنا وينتهي البارت تصويتكم كرزاتي

bmbsh_beme

وانته شمامة حيَاتي ".

-"سالفه ࢪوحي الوحيده" .

- "انـت بيڪ سطوريي تحلى".

-"وبيڪ تتباها لقصيده ".

وصلناهم سلمنه عليهم وطبينه جوه براء ما طلعت من طبينه خاله رحاب كالت براء بالمطبخ يمه ما تدري بيكم جيتو روحيلها

رحت للمطبخ باوعت جاي تغسل اماعين اول ما كلت بنوو التفتت عليه وتمنيت ما شايفتها لأن شبعت قهر

تقربت يمها واني اباوع لشكلها ومصدومه جوه عينها ازرق وجوه شفتها ازرق وركبتها ضرب حزام اباوعلها والمس جروحها بأيدي  مثل ضرب هيثم اليه اخوها وهيج لعد لا عتب عالغريب  

هيلين... عسه ايده بالكسر هذا وحش

براء كبل بجت حضنتها وابجي وياها سمعنا صوت اخوها من الحوش تحمحم وهي من خوفها منه كبل وخرت عني فيعت ايديها من الوغف وتغسل بوجها بحركة كلب

مسحت دموعي واباوعلها حسيت اخوها ورايه صوته كال

براء سوي جاي ربعي بالاستقبال احسبي حسابهم

ردتله براء... اي.... وما وخرت من الميه بقت تغسل خوفا لا يشوف دموعها حجه اخوها

ها اشونج مخربتها

انداريت عليه وحجيت

هيلين... شنوو

اخوها... محد خرب براء وطلعها من الطريق الصح غيرج

هيلين.... باوعتله بغضب وحجيت.... شوففف خاف عبالك ما عدها احد هسه اذا اخابر ابويه واحجيله يطببك سجن يخيسك بي تمد ايدك عليها وهي مو بحكمك هي مره متزوجه

اخوها... على كيفج وياي ليش شحاجي

هيلين....خلي خاله رحاب تصير زينه وشوف شيجرالك

عافنه وطلع صدك جبان

براء... هيلين عوفي لا يسويلج مشكله

هيلين... يمعوده ليش ما تسكتين اذا تبقين جبانه يبقى مستقوي عليج يولي شفتي جبان كدرته بس عليج لان انتي مو قويه

براء... اني قوية ومستحيل اضعف بس بشي واحد وهو امي اني اضعف كدامه علمود امي اعرف امي التتأذه يولي تعلميني باهلي

هيلين... تهون لا تنقهرين ولا تخلين بكلبج امج تصير زينه وترجع لحيلها

براء... ياريت يولي ادعيلها

هيلين... تدللين هاي امي اشون ما ادعيلها

براء... تدرين احسج اختي لان اختي تزوجت وعافتني احبج اكثر من اخوتي

هيلين... احم احم خجلتيني خل اصب جاي وانتي تكملين

براء... لا لا عوفي من ايدج هسه اني كملت

كملنه وصبينه جاي وودينه يم الحبايب وبراء صاحت لاخوها اخذ الجاي لاصدقاءو بقينه شويه وخابرنه حسام يجي ياخذنه

امي سألتني شعجب براء ما اجت سلمت كتلها خطيه ملتهيه شغلها شكثره بالمطبخ

مر اسبوع واني مشايفه ضرغام وبراء متداوم بس مخابرات اني وياها وحجيتلها عالصار رزلتني كالت فرصتج وخسرتي وهو مبين يحبج من حجيج وكالتلي انتي هم تحبي اكللها لا ويوميه تكلي تحبي اكللها لا

انسام كل يوم يضل ساعه يتسأل على براء لان يكول الا اكو شي ومتقبل تحجي

وبيت عمي يردون يخطبون لحسام بس اجلوها الا يتزوج انسام الخميس بليل شفت ضرغام نشط كلت خل اتصل عليه اعتذر منه لان تجاوزت عليه اخر مره

دكيت الا تعبت وما جاوبني طكت روحي ليش مدا يجاوبني طفيت نت وحتى الجمعه مفتحت نت حتى يضل باله عليه

وما فتحت نت السبت مداومت كلت حتى خاف ديراقبني ميشوفنؤ ويضل باله بليل باوعت من البلكون ضو غرفته مشتغل وماكو طكت روحي ردت ابجي

ثاني يوم صادف الاحد طلعت كلت اشوفه اول مفتحت الباب كلت حشوفة يم بابهم ينتضرني يتطمن عليه

طلعت باوعت يمين يسار ماكو عجيب هالرجال ليش هيج ديسوي

طلعت ويه انسام بالطريق وحاولت افتح موضوع دشوفه خاف بي شي

هيلين... اكلك انسام

انسام... ها

هيلين... هذا ضرغام شنو شغله

انسام... ليش السؤال

هيلين... هيج فضول

انسام... مدري شنو جان وترقة

هيلين... اهااا شنو متصاحبين لو لا

انسام... امبلا البارحه خابرني اني وحسام كال طالعين نشوي اني واسياد تعالو ورحنا وياه تغدينه عالشط

هيلين.... اهااا يعني مرتاح

انسام... شنو

كلت بكلبي يعني الا تجفصين

هيلين... اكلك يعني انت مرتاح

انسام...ليش شبيه وما ارتاح

هيلين... هههه اشاقيك

ضحك عليه ومشينه واني اكل بروحي

طالع يتونس ومداير بال ولا ضال باله وانتي يا هيلين تريدين تطمنين عليه بعدين منو هو واتطمن عليه خيولي شسويله

بليل اجاني اتصال من براء جاوبتها كالت

براء... ها عوبه

هيلين... هلاوووو

براء... اووو هاي الهلاو مدام الواو طويله اكو شي كتيهن

هيلين... براء هاي صارلي يومين مختفيه من الانضار وكلت هسه ضل باله تالي طلع ديطلع سفرات

براء... شمدريج

هيلين... انسام كال طلعنه

براء... اي كالي انسام دطلع سفره بس ما ذكر ويا منو

هيلين... اي

براء... وشمو مضوجج

هيلين... ليش هيج انب ما اهمه وبس يتفخفخ ويسوي نفسه يريدني

براء... ههههه على كولة اهلنا قبل طامسه بالحب ومجلبه بالطاسه

هيلين...مو صحيح كلامي هو ميحبني بس جان يمثل

براء.. تحبينه شو اعترفي كولي كولي احبه

هيلين... واحد جان يضحك عليه لا ما احبه خيولي

براء.... ههههههه نشوف اذا ما فد يوم اجيتي تبجين علموده

هيلين...نشوف

حجينه شويه  وبراء راحت تحجي ويه انسام واني نمت وره يومين او ثلاثه تقريبا ضرغام بهاي اليومين اشوفه ولا يعبرني ولا كأنو اني موجوده وهم طلعو هو والشباب سفرة اللخ

رحت لبيت عمي واتفقنه نباوع فلم

كاعدات اني وأيه كاعدات. بالاستقبال نتكرز حبس شمس ونباوع فلم  وطب انسام كال

انسام... خرببب ما لكيتن غير الاستقبال ولجن شنو هاي الهوسه بسرعه بسرعه عزل دا يطب ضرغام

اني سمعت اسمه انوب اثولت شلت الحب شمس وركضت صدمت ايه وتطشر الحب شمس

انسام... علواه ثول الثولجن يولننن راح ننفضح يعيبة العيبة

يحجي مثل العجايز واني وأيه فاطسين ضحك

انسام طفر للحمام  جاب الماسحه ووكف يمسح الحب شمس باوعلنه بحركه سريعه ورجع يمسح وكال

انسام.... خل اكمل مسح واشوف الكوشات ما معدله الا اكسر الماسحه على ضهورجن

ركضنه نشتغل ونضحك وهو يمسح بهمه شكبره شضخمه ماسكله ماسحه

ايه ركضت تشيل الكشور من القنفات واني اعدل الكوشات عدلت اول جهه وركضت على ثاني جهه دا اروح اعدل الكوشات وجان اعثر بالماسحه واوكع وانسام ما عافها يمسح ويكول

انسام.... لا تكسرين هسه ولج لا هسه

واجت ايه عدلتني اعرج وانضم بالكوشات ونضحك سمعنه صوتهم طبو بالحوش ركضنه للباب مال الاستقبال حتى نطلع للهول وانسام ما عرف وين يودي الوصخ دفع الوصخ جوه القنفات 

وايه كامت تكمز هسه شينضفه وطلعنه ونضحك ايه سحبتني ورحنا للمطبخ غسلنه وجوهنا وخلينه الجاي واني طلعت بطل ميه صبيت بالكلاص وشلته وطلعت اشرب ميه   اجه انسام صوته بالهول يسولف ويه مرت عمي طلعنه وكفنا يمه انسام كال

انسام... اكلج يمه متشوفين هيلين شو احسها شمالها جاي تسمن

هيلين... لا تخليني اكرهك

انسام.... ههههه بس صدك سمنانه

اني هم بيدي كلاص شلته وفرغته فوك شعر انسام والميه ثلج. انسام يكمز ويصيح

انسام... ولجج لااااا هيلين الا الميه يحححح بارد ثلج

ينفض بملابسه وشعره وراح للمطبخ واني وايه نضحك

جاي اضحك وما حسيت الا ميه تبده فوك راسي الميه بارد ثلج 

هيلين.... لااااا انسامممم

انسام... ههههه هاي مدري شنو سال على وجهج سكماره ههههههه

اني سمعته كال سكماره عالمسكاره لو فطسنه ضحك

جاي نضحك وما نحس الا باب الاستقبال انفتح وحسام عيونه تطلع منها شرار كال...

حسام... صوتكم يا بويه صوتكم

شكد فشله هسه ضرغام يكول شكد ما يستحون

سكتنه ورحنا للمطبخ وراح انسام للاستقبال ينفض بشعره ويكول ان اللج بسيطه يولي

ايه واكفنه يم السنك تصب جاي وشفتها صفنت وكالت

ايه... ولج دباعي

كمت وكفت يمها وباوعت

ضرغام بالخوش ديخابر ويضحك 

هيلين... ضرغام شبي

ايه... شوفييي

هيلين... شبي

ايه... ولج هذا وين جان مضموم غير يخبل

تنرفزت من كلامها كلش ضجت وحجيت

هيلين... عيب ايه شهالحجي عوفي الرجال لتباعيله

ايه... اكلج صدك امه شنو تنست عليه حلغوم وربي يايييي دشوفي شواربه هذا نضره منه تسحل روحي سحل

شكد احب ايه لو بيدي الزمها اشبعها كتل

ضجت كلش وحتى نسيت ضرغام بالحوش رحت للهول اخذت عباتي لبستها ورحت للمطبخ ذبيت الشال على راسي باهمال وكلت لايه

هيلين... يلا اني مستعجله حروح بعدين نتشاوف

قبل لا ترد عليه طلعت وعفتها احس نار بكلبي ووجهي احسه كام يطلع منه نار

اول ما طلعت اعدل بشالي وصدمت بضرغام

جفلت وشهكت رفعت ايديه مثل المستسلم من الخوفه ومطككه عيوني

راد يحجي كبل مشيت وطبكت الباب ورايه قويه وصلت باب حوشنه طلعت مفتاح النسخه فتحت الباب وطبيت تلمست وجهي صاير نار من العصبيه

اول ما وصلت طلعت بالسطح شفته، لسه ديخابر بالحوش هيه اكيد دتباوعله

اخذت حجره وذبيتها على حوش بيت عمي التفت يمنه يسره شاف ماكو احد ورجع يخابر خرببب حضي اخذت حصو ناعم وجان اذبه عليه باوع شافني

وأشر بيده شكو

رديت اشرتله بمعنى ما اعرف

ضحك وسوالي حركة بسيطه بايده

لامه شفايفي واأشر بهمه بايدي يعني طب جوه طب

هو افتهم عليه وما طب بقه يخابر

باوعلي اني لميت ايديه وصكيت على اسناني وكالت بهمس وعصبيه ياااااااا

هو ضحك اني ضجت منه لا عاف الاتصال ولا طب جوه رجعت طبيت للبيت واحوص معرف شسوي فتحت باب البلكون وكل شويه اكول هسه يطب بالفرع يشوفني ويجي واكله بعد ميروح لبيت عمي

بقيت ساعه ونص الوب بالغرفه واحوص اخر شي شفته عبر باوع للبلكونه شافني مطلعه راسي اباوع ما اهتم كمل طريقه للبيت

طبيت للغرفه جني رجال مو بنيه وعدها انوثه خربت التخت وشلت المخدات ذبيتهم بصفحه وكلبي محروك

شوية وهديت نفسي يعني هو ممهتملي واني هيج ضجت بس هو جان مهتملي وااني رفضته  ليش ايه تتغزل بي وعاجبها  هو مو يريدني اني خاف تتهور وتعترفله بشي طكت روحي لا هو ميحبها يحبني ويريدني

خابرت براء اول ما اتصلت جاوبتني

براء... اشون الحلو

هيلين... منعول هوفه هوفاه الحلو

براء... ليش يا حلو

هيلين... حجيتلها كامت تضحك كالت

براء... تحبينه يولي

هيلين... ما اعرف

براء.... هيلين هو يحبج اني اكلج اعترفيله انتي هم

هيلين... ما اعترفلي

براء... حتى لو ما اعترفلج بس مبين يحبج

هيلين... مستحيل اعترفله

براء... لعد عوفي يكمل حياته يا عيني

هيلين... اي خلي يكمل حياته هذا هو

براء... بكيفج عمري اني نصحتج

حجينه شوية وراحت براء واني تمددت بفراشي وافكر شسوي شسوي

كمت من فراشي فتحت اللابتوب فتحت كوكل بحثت عن كلمة (te amo)

كتبت ما معنى كلمة  te amoطلعلي

كلمة te amoاحبك باللغة الايطالية

شفتها لو احس صخنت ليش مكال احبج ليش راد اترجمها واشوف او يمكن هو جان متردد يكول ما اعرف طلعلي هواي اشياء عن الحب ومن ضمنها

الحب يكون من

أعماق المرء، حيث إنّ حبه لشريكه سيدفعه للعناية به ورعايته، وتوطيد العلاقة معه، وبالتالي الاجتهاد في إسعاده ومنحه الوقت الكافي دائماً وعدم إهماله، إضافةً لتفقد أحواله في حال الانشغال عنه، وإظهار الاشتياق له، والاستماع له عندما يكون مهموماً أو مُنزعجاً، أو عندما يرغب في التعبير عن شعوره ونقاش شريكه أو طلب نصيحته، بحيث يُحافظ كليهما على نقاشٍ ودّيٍّ هادئٍ في كلّ الظروف، فيحترمان وجهة نظر بعضهما، ولا يُسيء أحدهما للآخر أو يتعمد إزعاجه مهما كان الخلاف أو عند تعارض وجهات النظر بينهما.التعبير اللفظي الصريح والاعتراف بالحب يعمل الحب بالنسبة للعشاق كمُحركٍ يجعل الكرة الأرضيّة تدور، وسبباً حقيقيّاً للاستيقاظ بأملٍ وبهجة كل يوم، وقد تكون المشاعر العظيمة أكبر من أن يُسيطر عليها المرء أو يُحاول كتمانها، فيبوح لشريكه بها ويعترف له بتلك المشاعر، وقد يستخدم الكلمات الرومانسيّة العميقة والدافئة لشرح وإيصال مشاعره، أو يستخدم العبارات البسيطة لكنها حقيقيّة وصادقة، فيُخبره كم هو عظيم بالنسبة له، وكم أنّ حياته مميّزة بوجوده، وأنه نصفه الثاني الذي يشعر بالكمال بوجوده، وأنّ جميع الأشياء الموجودة في هذه الحياة هي له، وخلقت لإرضائه، وغيرها من كلمات الغزل المُختلفة والمؤثّرة.

تُعبّر بعض الحركات والإيماءات الجسديّة عن سلسلة من المشاعر القويّة، وعاطفة الحب الصادقة التي تسكن المرء، ومنها ما يأتي:التواصل غير اللفظي من خلال نظرات العيون البريئة بلُطفٍ ورقة، والتحديق في الشريك بشكّلٍ جذّاب يُعبّر عن الاهتمام ويُخفي وراءه مشاعر واضحة تكاد تنطق بها العينين. السعادة التي تُرسم على وجه المرء والتي تتمثل بالابتسامة التي لا تختفي عند وجود الطرف الآخر في المكان، والضحك معه بشكلٍ لطيف وإلقاء الدعابات أو المجاملات اللطيفة والضحك على نكاته، وجمع أكبر رصيدٍ ممكن من البهجة والفرح الذي يشعر به الشخص عند رويته والالتقاء به. التركيز على الحبيب والرغبة الواضحة في مُجالسته والبقاء إلى جانبه والجلوس بجواره بشكلٍ مُتعمّد، أو اختيار الوقوف على مقربةٍ منه بدلاً من أيّ شخصٍ آخر، إضافةً للمسات الوديّة والعفوية التي تُشير إلى الانجذاب الواضح له.

تمددت بفراشي واجتني فكره جهنميه اني اللك يا ضرغام راح اعلمك اشون ما تلتفتلي

نمت وثاني يوم كعدت الصبح طبيت سبحت وطلعت سشورت وفتحت الكنتور اباوع لألوان الملابس

يا لون البس يا لون اريد لون يلفت النضر جويتي لا عوع شعندي شفقي لا

اخر، شي وبعد محاولات كثيره اختاريت بنطرون رسمي اسود وقميص احمر وحذاء احمر وشال اسود وجنطه احمر

لبستهم

خليت ميكب رموشي كثاف ولعبت بعيوني جوله خليت لون اسود طلع يجنن مع كبر عيوني

شفايفي منفوخه وطوخة الحمرا لون احمر يسمونه دم الغزال من كد ما احمر  وصبغت اضافيري احمر

اتصلت على انسام

انسام... ها هلونه

هيلين... انسام انت اطلع لا تنتضرني

انسام... ليش

هيلين... دا اروح للسوك اشتري شكم حاجه واجي

انسام... اني اوصلج

هيلين... لا حروح اني انسام

حسسته انو دا اشتري شغلات نسائية حتى ليلح

انسام...خوش خويه مو تتأخرين وياكلون راسي المراجعين

هيلين... لا لا ما اتأخر

انسام... ديلا مع السلامه

هيلين... مع السلامه

سديت الخط ونزلت امي شافتني كالت

امي... اللهم صلي على محمد وال محمد يمه شهالجمال.

ابتسمتلها بستها وباوعت لابويه كال

ابويه... ترحين هيج بالتكسيات

هيلين.... بابا شسوي غير اكشخ واترتب وبعدين شسوي سيارتي وما اكدر اطلع بيها

ابويه... بس اليوم ومن ترجعين ترحين تفولينها بانزين ويوميه ترحين بيها

كال هيج لو طرت بسته وطلعت

والكعب صوته طك وطك ههههه

اول ما باوعت لبابهم شفته وهو حس عليه بس ما التفت مشيت خطوتين سمع صوت الكعب والتفت عليه

لهنا وينتهي البارت تصويتكم كرزاتي  الأنستا تبعي اليوزر nnosh8287

الاسم... ننوشه

رواية الاصداف...

بقلمي الكاتبة

bmbsh_beme