تحميل رواية «الاصداف» PDF

..................................♡♡................................

كاعده وضايجه وما اعرف شلبس رجعو من السوك البنات وطايرات بملابسهم وافنان بالذات تقيس بملابسها وتشوفنه

اجت ساره يمي وحجت بهمس وهيه تنطيني تلفونها

ساره... هيلين شوفي ذنه الفساتين ياهو يعجبج اني ردت اجيبلج بس ما اعرف ذوقج اخذتلهن صور وشوفي اليعجبج

ليش تعبتي نفسج ماكو داعي

انجبي احنا خوات اختاري يلا قلبت هواي صور وعجبني فستان وسألتني ساره عندج عليه حذاء لو اجيب كتلها عندي وكالت بليل تكللهم اريد اشتري شغلات نسيت اشتريها واروح اجيبلج اياها واخذت قياساتي وكالت اكو شغلات تعمدت ما اشتريتها حتى بليل بحجتهن اروح اجيبلج الفستان رغم ما عندي خوات بس حسيت عندي اخت

وبليل ساره رادت يودوها عالسوك ومحد قبل يوديها كالولها مو رحتن الصبح كامت تبجي وهيثم حجه... امشي تحضري انتي وهيلين اخذجن للسوك يلا

مشينه اني وياها حجه.... بيدجن نص ساعه انتي متحضرات واي مكياج بوجهجن، ما نروح

فرحت من كال هيلين هم حتى اقيس براحتي

تحضرنه ركض ركض وطلعنه

حجه هيثم.... يلا امشن بيها سوك طبعن تتحضرن بسرعه

طلعنا صعدت من وره ويه ساره... حجه هيثم... وحده منجن تجي بالصدر

ساره كالت تحولي بالصدر كتلها تحولي انتي ووحده تكول للخ انتي تالي صاح هيثم... راح انزل ابسطجن

ساره راحت صعدت بالصدر ف اني ما احجي ويه هيثم كلت... ساره شنو ابسطجن

ضحكو وحجت ساره يبسطنه يعني يكتلنه هههههه

هيثم شغل اغاني وساره الطريق كله تغني وتصفك. واني اباوع من جام السياره

والتدفئة مشتغله وصلنه واني ما بمدي انزل من دفو السياره

نزلنه وحسيت ضربني الهوه. البارد

ساره كالت لهيثم عالمحل رحناله وطبينه للمحل واني وساره ساكتات وانقلب بالفساتين هيثم ما يدري جنه متفقات ساره تشتريلي ف هوا عود حباب وخوش زوج كال.... اختاريلج فستان

اني رحت عالفستان اللي اختاريته بالصوره

اشرلي بحواجبه يعني لا

رفعت حواجبي يعني لا

هز راسه يعني اي

اختاريت غيره وما قبل واختاريت وما قبل اخر شي وكف يمي وكال بهمس.... يعني الا شي كصير اختاري شي طويل

هزيت راسي ب اي وافتريت بالمحل اختاريت فستان لابسته اللعبه رفع حواجبه وكال جقق معرف اشون احجيها يعني جقققق يعني لااا

هزيت كتوفي بعناد يعني لا

اجه يمي وكال... لازك عاللعبه ترا تلبسينه هيج ضيك

بس ترا عادي البس شي طويل ومن ابقى وسه البنات البس شي قصير

هوا عافني وراح على فستان جان كلوش وضيق من الخصر كال اشتري هيج شي

افتريت بالمحل واشريته وعاند الا ياخذلي حذاء وجنطه

اشترينه حذاء وجنطه وطببنه على محل بي بنيه وشاب يبيعون مكياج البنيه ما شالت عينها عن هيثم ههههه

كالي اشتري بس ما ردت وساره ما خلت ما اختارتلي يمكن بس مكياج ب70 ساره تجي عالماركات

هاي عدا الفستان والحذاء كلهن تقريبا 500الف صارن

طلعنه للسياره شويه دافيه وانوب شغل التدفئة جنه بردانين

هيثم... هاي شغلتلكم التدفئة لأن هيلين خشمها صار طماطه ههههه

مشينه مسافه ووكف السياره ونزل وخله السياره مشتغله شويه واجه جايب كيك وعصاير وانطانه

جايب كيك مال قوالب بس مقطع وكله ككو

اويليي صار شكد ما طالعه هيج

شوف شيريد ابو المصالح هل هيج طلعنه

رجعنه للبيت واني ابد مو خبيثه تعرفوني مو اني خبيثه شي

فتحت العلاليك وافنان كاعده واشوفهم وساره كالت

هذا الفستان ذوق هيثم وكملنه وما قبل نرجع الا اشتره مكياج لهيلين

افنان حتطك

لميتهم واخذتهم لغرفتي جان هيثم متمدد عفته ورجعت نزلت

ساره شافتني كالت... وين اجيتي دبقي يم رجلج..

ليش دا ابقى يمه

يحضي افنان طلعة لغرفتها تركض تحضرت وترتبت

علمود بس يكبلها وهوا ولا ابالها رغم حبه الجبير الها نساها وحبج يحضي دشوفي من جنه بمحل المكياج يدحك على حلكج يريدج تطلبين حتى يشتريلج

اعرفج زعلانه من موضوع اخر مره بس انتي كتيله امك جذابه وانهزمتي ورجعج وهاي اسبوعين ملاحضتكم ما تتحاجون واذا طلب منج شي ما ترديله

هيلين... مصلحجي

ساره.... يجوز اليوم يصير مصلحجي هههه عالمقدمات السواها والطلعه والكيك..

هيلين... انجبي امشي نامي

عفتها تضحك وطلعت صح حجيها اني رغم السويته وضريت بسمعته بس هوا ليش يضربني واني متأكده مصلحجي هسه بس اروح يمه حيبدي يتقرب

طلعت للغرفه طبيت سبحت وطلعت سشورت واتمددت بفراشي

تمددت على ضهري وهوا تقرب حضني حضن خصري وخله راسه على كتفي واتنفس كال اسف ونام

معرف يمكن من اخر مره حجيت وياه ضلت بخاطرو

نمت وكعدت الصبح كتفي موتني من الوجع من وره هيثم الليل كله نايم على كتفي

نزلت للبيت تنضيف وشغل والبنات راحو للصالون

واني كملت شغل وطلعت لغرفتي سبحت وطلعت سشورت جان شعري واصل لجوه كتفي ف برمته صار لكتفي يجنن

وخليت المكياج ولبست الفستان باوعت للمرايا

الفستان لون جويتي (ازرق عامق _حبري)

كتوفه نفش من الصدر للخصر ضيق ومن جوه كلوشته جبيره وميلان خصري طالع توب ويه الفستان

والمكياج عيوني لبست عدسات اخضر وفوك عيوني خليت نفس لون الفستان ومسكرة رموشي لأن هنا كلش طوال جنت قبل اي حفله يكلولي عبالك رموش اصطناعيه

والحمرا خليت لون جوزي مايل للوردي اي يعني شفقي

والحذاء ابيض حتى يبين محلو كلو جويتي والجنطه بيضه بس ما لبستها شكلي صار يجنن

جاي انزل الدرج وهيثم جان ديغسل صفن عليه واني مخليه الشال على راسي بأهمال وشايله الفستان لأن كلوشته جبيره الهول مليان نسوان وحسيت العيون كلها عليه رحت يمي الحجيه حجيت... شلوني

يمه لا تنصابين من العين شنو هالجمال طلعت فركيت(دبوس كبس) وخلته بملابسي تكلي من العين

بس كالتلي يمه بدون عدسات احلا عيونج احلا

كتلها يمه تغيير شويه كالت... اخاف عليج من العين جنج بسه(بزونه)

هههه

جاي اضحك وابن باسم الصغير كال عمو هيثم يصيحلج فوك

دا اطلع الدرج وسمعت الجهال يكولون اجت العروس

طلعت ركض دشوفه شيريد وانزل اشوف البنات

فتت للغرفه لكيته يم المرايه يمشط شعره

باوعلي وعاقج حواجبه

هيلين... شكووو

. شنو هالمكياج

موكتلي تمكيجي بالبيت ما تروحين عالصالون تمكيجت

واني شمدريني مكياجج نفس ام الصالون

حجيت مبدعه مووو

ما حلو امشي امسحي

ما امسح روح حاسب مرتك مو راحت للصالون

كال... تعالي

حجيت بخوف... شنووو

هههه شبيج خفتي تعالي

رحت يمه دارني وصار كبالي وضهري على ميز المكياج

جر شالي وباوع لشعري وكال... شعرج طولان هذيج المره من سويتي هيج جان كصير حيل

نزل عيونه لصدر الفستان ورفعه كال صدره دلع ليش

انت اختاريته

تقرب مني خله كصته على كصتي وانفاسه بوجهي

حاوط خصري وكال اني شمدريني هيج شايله خصر وباسني بخفه وخر وتنحنح

هيثم.. احم احم نزلي جوه بس الشال ما تشيلي من راسج ومن يجون اهل العريس تطلعين لغير غرفه وراح اخلي واحد من الجهال يراقبج ف يا ويلج

هيلين... ياهو بيهم

هيثم.. ههههه عليش

هيلين... حتى انطي فلوس رشوه وما اخلي يحجيلك

هيثم... ههههه همزين كلتي حتى ما اكلج منو

تعصبت منه عفته ونزلت

باوعت لافنان جان شكلها كلش حلو

وساره ونور يجننون وعمتي لبخت بالبيت باودر وكحله والباودر مسويته بميه ف مركع بوجهه والعلكه بحلكها وتتأمر عليه وافنان مثل الخاتون

نسوان جانو هواي مدري منين اجو شويه واجت يسرى صاحتلي

ها يسرى

يسرى.... تعالي خالاتي يسألن عليج يردن يشوفنج

تمام يلا امشي

مشينه اني وياها مجموعه من النسوان يطلعن خمسه تقريبا بس ولا عبالك خالات يسرى مو كلش حلوات

درت عيني وشفت ام صلاح...ممصدكه اجت لهنا

رحت يمها سلمت عليها وكتلها

... لاجت روحي عليكم شفتي شلون صارت رجعتي

ام صلاح... داده ما حكيتي مع اهلكي شي اني لو بيدي ما ابقيكي هوني لحضه بس شفتي زوجكي مخبل

هيلين.... اتطمني حجيه بابا حيجي ياخذني اسبوع الجاي

ورحت ليسرى يم خالاتها

سلمت عليهن ويسألن بيه ليش لسه ما خلفتي وليش ما رجعتي لشغلج ويووه تعبوني بس كلش فقيرات

اجو اهل العريس وصارت الهلاهل والصفكه شو اني اختنكت تذكرت يوم زواجي احس كله انعاد عليه

ما اعرف ليش شكد ردت اطلع لغرفتي واسد الباب وما اسمع شي بس هسه ساره ونور يكولن ما فرحانه النه

اول ما طب العريس وطبو وياه شله شباب شكثرهم

اني كمت ادفع بالبنات اريد اطلع دعمت شاب حجه

... شنو شبيج تدفعين صغيره انتي

اني بلا شي عيوني مغوركه ومخنوكه ما رديتله ركضت لفوك لغرفتي واحس كلشي بيه يخنكني الفستان كمت اتخيله فستان عرسي شلحته واحس اتهسترت صارت بيه رجفه وبشفايفي واحس جسمي كله يرجف

رحت للحمام اغسل بوجهي بدون وعيي وايديه ترجف العدسات وحده وكعت واني اغسل واحس انخنكت فتحت الدوش عالحار وصرت جواه

الميه ينزل على راسي شويه هديت بس دموعي نزلت بسبب ضعفي للموقف ليش هيج صار شكد جنت متونسه وخربت ونستي

حسيت الميه صار حار كاسرت عليه

وشلحت باقي ملابسي وسبحت اخذت الدوشمه والبرد بجسمي خليتها على، جسمي وطلعت

تأكدت من باب غرفتي مقفول باوعت عدسه وحده بعيني شلتها سشورت شعري وبدلت دشداشه وكعدت يم ميز الكياج ومخليه ايديه على راسي وغمضت عيوني حسيت بتعب

كمت تمدد بفراشي وصوت الأغاني واصل ليمي بقيت بالغرفه لحد ما سمعت صوت الديجي طفه باوعت الساعه ب7ونص

نزلت البيت قليل بي ناس والبنات جاي يتصورن

حجت عمتي.... مدامج مبدله اشتغلي يلا خلصي شغلج

ضليت اشتغل والهي بروحي لحد ما صاحتلي ساره كالت

ساره... تعالي كصي صوره

هيلين.... ولج مبهدله شوفيني

هههه ميخالف تبقى ذكرى

رحت، يمها واخذتلنه يسرى صور

ورجعت كملت شغل عشينه النسوان البقن. بس ضربن العشه راحن ادري خطوبه والناس دترتاح واكلتو كيك

غسلت الاماعين وهيثم.وقاسم وباسم والحجي اجو واخذو صور ويه البنات ويحضنون ويبوسون بيهن تذكرت من ودعت ابويه حتى اجتني البچيه

باوعلي هيثم واجه يمي... جرني لحضنه كدامهم

دفعته ديوخر ولا فاد حاضني قوي... باوع لعيوني وحجه... شو مغسله ومبدله خوما احد ضوجج

ويباوع لشايفي دشوف ردي اني احجي وهوا يباوع.... لا بس تعبت وضجت منهم

.... هيج احلالج عالطبيعه

افنان كالت... هيثوممم واني

هيثم... وانتي شبيج

افنان..... اييي شبيك يعني حلوه

هيثم.... زينه

افنان وجهه صار ميتفسر حجت... لعد اروح اغسل حتى تشوف عالطبيعه ياهو احلا

هيثم.... ههههه بعشيرتي كلها ماكو بعيون هيلين ورسمتهن

عمتي... باوعتله وحجت.... شني هاللبخ والصبغ ليش افنان شبيها مو العيون خضر

جرني اقوه لحضنه وباوعلي واندار عليهم كال.... هيه مو بلون العيون بالكبر والرسمه دشوفيها غير رموشها طبيعيات نفس رموش اللي مخليتهم افنان

رد قاسم.... هيثم ياهو احلا امي لو هيلين

هيثم..... احم احم امي حلوه بس هيلين احلا

عمتي.... ايييه والله وكت هسه مريتك احلا من امك عاميتك يمه وستله طمامه(غمته)

وخرت عنه عيب اهلو كاعدين وافنان والبنات راحو يغسلون ويبدلون

بليل خلينالهم عشه تعشو

وكلمن راح لفراشه ينام

شفته متمدد عالتخت حجيت... انت ما يصير هيج لازم تعدل وتروح يم مرتك

هيثم.... ما اريد اروح هيه بكيفج يعني

ما رديتله رحت بمكاني واتمددت انطيته ضهري وغمضت دنام

حسيته حضني من وره

حجيت... هيثم وخررر

خله خده على وجهي وحجه.... ترا صار اسبوع يوميه اعتذر منج كافي مصختيها

وخر عني فدوه لعمرك

شنو شبيج هيلين وياي شاده ترا غلط وصار وبعدين السويتي انتي مو قليل

حجيت... ابتعد عمي ارجوك هاي جاي اتوسل بعد

حجه... مو بكيفج ترا مرتي انتي مو غريبه وهيج تسوين ودارني عليه صار وجهي بوجهه

...............................part 23..........................

بقلمي الكاتبة ♕bmbsh_beme♕

قراءة ممتعه.....

تقرب ديبوسني درت وجهي مسكني من فكي ودار وجهي عليه ويبوس بيه ابعدو ويرجع كمت ابجي وما ابتعد عني

وابجي واكله

عوفني الله يوفقك اتقزز منك تعرف شنو اتقزز منك

كلت هيج لو تخبل احتقن وجهه وتقرب مني جبر وابجي واصيح وما يقبل يبتعد

تعبت من البجي وسوه اللي يريده غصب عني وحضني وابجي اريد اوخر حضني كل قوته ونام وكلما اريد اوخر يسحبني الا بالزايد

اتقزز منه لأن اتقرب لغيري ما اريده يتقربلي بس هوا اصر وسوه البراسه غصبا عني

كلما احس بي حاضني تلعب نفسي واريد ابعده ماكو يقوي حضنته

سويت نفسي نمت وانتضرته ينام لحد ما سمعت نفسه انتضم ابتعدت عنه عالكيف واخذت ملابس من الكنتور وطبيت سبحت

وطلعت شلت ملابسي اللي بمكاني عالتخت ذبيتها بسلة الملابس فرشتلي بالأرض ونمت

كعدت الفجر صليت ورجعت نمت

كعدت ب7شلت ملابس اللي بالسله رحت غسلتهم وشريتهم ونزلت جوه

افنان ما راحت كعدت هيثم واني مرات من افنان تنسه ادز ساره تكعده هالمره سويت بالقصد وما كعدته تريكنه وخلصنه شغلنه وب10نزل. هيثم يصيح

ليش محد كعدني

عمتي... نسوان اثنين عندك ما يكعدنك ولو افنان مكضيتها شغل وملتهيه بس هيلين مخوتنه وكاعده

باوعتلها بصدمه وحجيتبصوت شبه عالي ... منو مخوتنه وكاعده مو من السبعه الصبح تزقنبت وكمت اشتغل مثل الحيوانه لهسه ما كعدت

هيثم... اششش صوتج لا ينرفع على امي

دنكت راسي وكملت شغلي ما اريد اشوف وجهو

وهيثم كضاها مخابرات علمود راح عليه وقت الشغل ويتعذر من المسؤؤل مالتهم هههههه

سد الخط من المسؤؤل وصاح.... انتو من انطرد ترتاحون واني معتمد عليكم تكعدوني

ما كال عليجن هههه ماله وجه مني

حجيت ويه نفسي بهمس... لو اشغل وضع الخباثه عندي جان يوميه خليتلك منوم بالماي وانطيك اياه وتنام ويروح عليك الشغل واكررها مدة اسبوع الا تنطرد من... بعدني ما كملت اتدردم كال

شكلتي

باوعتله بطارف عيني وانداريت على ساره كتلها... اخوج منو وياه

وهوا. راد يطك هههه مثل الجاي من يفور هوا صار يغلي

بليل كاعدين نتعلل ويسرى كاعده يمي تتراسل

شفتها كتبت... هههه الحلوه يمي كاعده

انداريت عنها شي اكيد قصدها على بتها الكاعده يمها

شو رجعت ضحكت وكرصتني كالت شوفي شفتها كتبتلو لو يسمعك هيثم يجنزك(يسوي جنازه)

همست... شنو

يسرى.. ولج هذا ابن اختي اصبري خل اشوفج صوره

شبي

يسرى.. اصبري اشوفج صورو وبعدين احجيلج

طبت للفيس بوك وطبت لحسابه لابس عسكري

كالت هذا ابن اختي باعيله

هيلين.... ههه وينه

يسرى.. ولج قبل فتره ترقى وصار ضابط فيخاف ومينشر وجهه بس جسمه

باوعت جسمه كلش حلو ضخم

يسرى... ولج هاي من الخطوبة شافج بالخطوبه انتي داعمتو مدري شنو ومن رحت لاهلي كالي شفت بنيه عيونها ملونات ههههه مو جنتي لابسه عدسات عباله عيونج فكالي لابسه جويتي

كتله عيونها كبار كال عيونها كلش ومن طبينه للاستقبال هيه اختفت

رديت كتله هاي مرت هيثم يكلي بلكي تتطلك واخذها

كتله سامر عالطبيعه احلا وكعد يتلوكلي يريد يشوف صورج عالطبيعه

هيلين.. اسمه سامر

يسرى... اي سامر ما تشوفين كاتبة عليه سامر توني جنت اراسله يسأل عليج

ابتسمتلها وانداريت باوعت هيثم عيونه عليه مدري شبي مدرتله بال ضجت من حجي يسرى شنو هذا ما يستحي ويكول هيج على وحده متزوجه..

بليل اجيت انام باوعتله متمدد عالتخت ويباوعلي بأستجواب

فرشتلي بالأرض واتمددت دنام كال... تعالي بمكانج

ما رديتله واتمددت بفراشي

هيثم.... شنو جنتي تحجين ويه يسرى

لارد

جنتن تحجن بهمس وتضحكن شكوو

لارد

لا تنرفزيني

لا رد نمت والصبح هم شغل وكرف وافنان هيه كعدت هيثم

بليل

كاعدين نتعلل حجه هيثم.... هيلين اهلج رجعو

باوعتله وحجيت.... ايمت

اليوم رجعو اذا تردين تشوفيهم حتى باجر. وخذج وانروح

فرحه فرحه ما تنوصف ما متوقعه حيوديني لهناك عباله حرجع معاه ميدري ابقى يم اهلي وافنان عبالها راح ارجع وياه ضاجت لان دا يوديني لو تدري اروح وما ارجع هيه تدزني بيدها وتذب ورايه سبع حجرات هههه

هزيت راسي ب اي واني مبتسمه

بليل طلع لصديقو خابرو ولكيتها فرصه تمددت عالتخت حتى لا يكول نامت بالارض وما راضتني ويخبث وما يوديني لاهلي بس ليش بابا ما خابرني وكالي راجعين نمت والصبح كعدت هيثم حاضني ونايم مليانه نشاط كعدت هيثم واتريكنه وكملنه وهيثم كال

هيلين بين ما اروح لصديقي اشوفه لان البارحه اندعم وبالمستشفى تحضري حتى نروح نشوف اهلج ب10اني هين الكيج متحضره

هزيت راسي ب اي

وخلصت شغلي ركض ركض توني دطلع لغرفتي اتحضر الساعه ب 9 دوب الحك اتحضر

عمتي.... امشي لملمي الكلاصات والدولكات واغسليهن

رديتلها... عمه توني غسلتهن وخليت بيهن ميه وخليتهن

شربو منهن وتزنخن

اجيت ابجي من القهر اخافا اراددها وتسوي مشكله وما يوديني

غسلتهن وكملت وشفت الهول كله كشور حب شمس كنسته وطلعت اركض تحضرت بسرعه واني الفرحه ما سايعتني حروح وما ارجع واخلص من كل هذا الضيم

كملت وكعدت انتضر هيثم وهيثم ما جا صارت ب10ونص وماكو

انخرط كلبي

صارت ب11وماكو

ضجت وانقهرت يعني مراح اروح بمكان شهالقهر هذا

ب11و20دقيقه طب هيثم مبين تعبان

وكفت كبل كتله شبيكك

هيثم... صديقي توفه

عرفت ضحي بديت اشلح عباتي وحجه هيثم..

شو جاي تشلحين يلا ترا ماضل وكت

يعني نروح

تقرب مني لزم زنودي وكال... ليش ما نروح اذا نروح متحجين كلشي صار هنا وياج تمام

تحيلت عليه رفعت نفسي على اطراف اصابعي جبرت نفسي وبسته من خده هوا انصدم وباوعلي وكال.... هاي لأن اوديج هيج هديه هههه

بسته من خد الثاني وكتله دتوديني لاهلي اشوفهم شريد بعد فرحتي متنوصف

واني اكول بكلبي جبر بستك بس وديني وشوف منو يرجع وياك

هيثم... اطب بس اتفيع الى ما قاسم يجي دزيته يفول بانزين.

ديطب يسبح واجاه اتصال

جاوب كال... تمام تمام عفيه اي زين

سد الخط وكال تحضري كامل وحضرت بطلين ميه لأن الطريق بعيد قاسم بطارف الفرع حتى ما يطفي السياره كبل نمشي

تمام

طب سبح واني حضرتله ملابس ونزلت حضرت بطلين ميه وساره انطتني علبة بيها كيك كالت تجوعون طريقكم بعيد خليتهن بعلاكه وكعدت انتضر هيثم عالدرايج

سمعت صوت الهورن مال السياره طلعت لهيثم جاي يمشط شعره

هيلين... قاسم اجه

تقرب حضني باسني وبقه حاضن كتفي ونزلنه

كلت بكلبي مجبوره اتحملك خل بس اصل اهلي

طلعنه بالسياره واني هنا حسيت بأمان يعني راح اروح لأهلي

مشينه شويه وهيثم اجاه اتصال جاوب كال

شكووو اييي جاييي ثوانييي

فر السياره ورجع

هيثم شكوو

افنان مدري شبيها محتركه يكولون

رجعنه واني صح انقهرت لأن ما رحت لاهلي بس خطيه افنان لو شمتسوي واحد الا كلبه ينقهر وانوب يكول حرك

وصلنه ونزل هيثم يركض واني وراه وصوتهم بطابق الفوك

افنان بالغرفه تصيح وتبجي وقافله الباب اخر شي قاسم صاح اكسرو الباب يلا خويه

كسرو الباب وطبو يركضون طلع هيثم شايلها ومنعرف شنو السالفه وهيه خربت الدنيا بالصراخات

وهيثم يصيح شبيج وهيه تصيح احتركتتتتت

اخذوها هيثم وعمتي وراحو وساره باوعتلي وكالت.... تمثل خوش تمثيل الحقيره بس دا لا تخليج تروحين

اني صافنه على باب الحوش ولازمه عباتي لان طويله عليه واحجي.... شتمثل محتركه البنيه

ولج هيه نزلت جوه كالت ايمت تروح هيلين على اهلها كتلها راحت شو هاي عافتني وطلعت فوك وسمعت صريخها طلعنه نركض نكللها افتحي الباب تكول اذا ما يجي هيثم ما افتحو

الا قاسم ركض خابر هيثم

هيلين... ادري هيه محتركه بحال هيثم

ساره... اذا طلع بيها شي عاتبي هالوجه

ورحنه طبينه جوه ننتضرهم

خابرتنه عمتي كالت رجليها مكشوفات خلي قاسم يروح لمكان لبين ما نطببها البيت وبلغنه قاسم كال لعد اروح لصديقي واجو هيثم شايلها

ورجليها القدم الكعب مالهن يعني تكرمون رجليها بس القدم مو رجلها كلها مدهنات وهيه عيونها حمره من البجي

اخذها هيثم وطلعها لغرفتها وراحن نور والحجيه وعمتي يمهت واني وساره وراها بشويه طلعنه نشوفها اني شلحت العبايه وبقيت بالدشداشه وشايله العبايه بأيدي

اول ما طبيت جان هيثم منتكي يمها وماسك ايدها وهيا كامت تصيح كلو من وراج اطلعي بره وتبجي

معرفت شسوي خجلتني باوعتلهم جانو ملتمين يمها كاعدين حجت عمتي... اطلعي بره مداتشوفين حالتها

هيثم ما حجه شي طلعت واسمع عمتي تكول... شفتوها شلون متشمته بافنان ولا استحت

من خجلي رحت لغرفتي ابجي المغرب توضينه وصلينه وبدينه بالعشه كملنه العشه

وبدينه نحضر العشه كملنه تحضير ونور اخذت صينية العشه لافنان وكالت اصيح لهيثم

نزلت نور كالت هيثم ما يقبل ينزل بقه يمها يتعشه

تعشينه. وجاي نشرب جاي حجت عمتي.... هيلين طلعيلهم. الجاي فوك

طلعت استكانين چاي وطلعت وعمتي طلعت وياي كالت اشوف افنان اشون صارت

طبينه اني وعمتي وافنان شافتني اندارت على هيثم وحجت... هاي شجابها

عمتي... جابتلكم الچاي يمه وليدي اشون صرتي

افنان... رجليه يحركوني موتوني وجع

انطيتهم الچاي وهيثم يباوعلي بكل عيونه

دا اطلع وحجت افنان... عمه تره اختنك مو هوسة الغرفة خل افنان تنضفها وتروح

عمتي... تعالي عزليها وانزلي

باوعتلها وحجيت... شعزل

عمتي... شتعزلين شحجيت اني

باوعت لهيثم... جان يكلي عزليها ما بيها شي نضيفه بس شويه

. كلت بكلبي مسطيره عليك. امك بعد چبدي

ضغطت على نفسي وعزلت واقنع نفسي انو من باب المساعده جاي اشتغل

مر الاسبوع وهيثم يروح لشغله بس يطب الغرفه مالتي عمتي تجي تصيحله

مليت ابويه كلما اخابرو عبالك يعرف اني دتصل ما يجاوب ويوميه اخابر من موبايل احد من العائلة بالختله ورسايل اخاف ادزله ويرجع يخابر بغير وقت

وعود انضرب واذا انهزم انلزم خل اصبر بين ما افنان تطيب واقنعو يوديني بحجة نتونس اروح وما ارجع وياه

ابويه انكطع املي منه كلت احسن شي اراسل يسرى وتدبرلي سياره بدون ما احد يدري وبليله ضلمه انهزم حتى على اهلي ما اروح

اروح لبيت عمي وحضي الاغبر لو بس حافضه رقم انسام

واكفه اشتغل وسمعت صوت افنان طلعت من المطبخ شفت هيثم نزلها شايلها

عفتهم ورجعت للمطبخ

اجه وكف يمي كال... شو صايره ما تسوين كيك

مو تعرفيني احبه

متحاجي خواتك لو مرتك يسوولك الا اني

هيثم.... هههه تغارين

حجيت واني امسح الكاونتر.... على شنو اغار بس هاي شكد صارلها ما بقه حرك لهسه طابت بس تتميع

ضحك وطلع شغل السياره ومدري وين راح

رجعت للهول البنات كاعدات للعصر كاعدين الكل وافنان اسمعها تكول شبيكم عليه ترا ما اكدر امشي

والحجيه استلمتها خلتها تكوم تكنس الهول

ونور تصيح انتو كدرتكم بس على فنونه

تالي ساره كالتلها انجبي كلشي ما بيها واتكاونن وساره تكول لنور يجي هيثم واطلعها منج ووحده تتحلف بالثانيه

المغرب اجه هيثم حضرنه العشه. ونور وساره متخامشات الا عمي صاح عليهن

لمينه العشه وساره زدت الچاي واني كملت الاماعين ورحت كعدت يمهم حجت ساره

ساره... اني بعد ما اكدر اسكت واريد احجي موضوع

نور... اي احجي كوليلهم غلطت على اختي الاكبر مني

ساره.. انجبي هاي قليله بحقج

صاحو عليهن الكبار كالت ساره

ساره... هيثم اذا ما احجي اطك واني هيلين كلكا اشوفها يأنبني ضميري عليها

هيثم... ليش

ساره... هيثم اني سمعت افنان ونور يحجن بموضوع

اباوع لنور وافنان صارت وجوهن كركم

ساره... اني دحجيلكم حتى لا بعدين يصير بهيلين شي واضل اكل بروحي

صاح عمي... دحجي وفضينه

ساره... مراح احجي بس هاكم شوفو التصوير

اني سمعت نور وافنان يحجن ومن الاستعجال ما اندليت تسجيل الصوت ف صورت

شغلة الفيديو ساره

نور... يعني قافله الا هالشي

افنان.. اي نور ولج اضبط شي

ما نحس الا نور كمزت على ساره وسحبت التلفون

وكمز عليها قاسم ضربها راشدي وجر التلفون وشغلو

نور... ترا اني ما ليه دخل بعدين ننكشف

افنان... انتي بس شوفيلي وين مكانها واني عليه

نور... ترا هاي سالفة الحرك تكفي يعني راح يحبج ويهتم بيج

افنان... لا ولج السحر راح يعمي عيونه وميشوف غيري

نور... ترا هيج تأذين اخويه

افنان... انتي طلعي منها

نور... شتسوين سوي اني ما ليه دخل

. افنان... انتي بس لا تحجين لاحد

نور.... انتي صايره تخوفيم ولج هيه سالفة الحرك دشوفي شلون فادتج

افنان... من حبي لهيثم الحب كلشي يسوي

نور... ههههه غير عندج شجاعه متوقعتج تسوينها كلت مجرد لجع تلجع رجليها ما توقعت هيج تحركينهن

وصوت ساره ركضت وطفه التسجيل

اباوع لنور كامت تبجي وافنان مو امدده رجليها غمضت عيونها عود نايمه

اباوع لهيثم استلم افنان ضرب

وعمي وقاسم موتو نور ونور تبجي وتصيح مفبركك

وهيثم يضرب بافنان ويصيح تريدين تسويلي سحر ولج مو صوججج صوج الك..... الرجعج وما طلكج وضربها على بطنها وافنان تصرخ

وخر عن افنان وجر نور عالمطبخ وعمتي تصيح نزلها بالارض وداس على راسها وصاح.... تسكتيلهااا هاااااا شمسويتلج هيليننننننن

جر السجينه. وخلاها على حلكها وعمتي تصيح وتبجي وهوا يكول اليتقرب اذبها هسه

صاح.... تعيدينها انوببببب

نور وهيه تبجي وتترجاه.... لا لا ما اعيدها بس لا تذبحني

هيثم... واذا ماشيتي افنانننننن

نور.... ما اتقرب يمهااا بس لا تذبحني وتبجي

عافها وراح للهول لافنان شافها ماكو صاح.... وينهااااااااا

عمتي.... عوفها عوفها يمه راحت لاهلها خافت لا تذبحها

صاح.... بعد خل احد يكلي رجعها افنان طالك طالك طالك

اباوع لعمتي لطمت وكامت تبجي ونور خاتله وره الحجيه وتبجي

والوضع ما هده هيثم طلع للغرفه الحجيه كالت عوفوه راح ينجلط

بليل رحت لكيته نايم عالتخت كمت اطلعلي فراش دفرشلي وانام

نفخخ نفس وكال بنتر.... شلون تردين يجي دورج انتي هم تعالي هنا

اجذب اذا اكول ما خفت خوفني سديت باب الكنتور ورحت تمددت وخايفه منه

وصافنه افكر

تقرب حضني ودفعته وتقرب ودفعته وجان يصيح ويروح عالميز يجيب مكس ويجي يدججني ببطني

صحاني من صفنتي من كال هيلين جفلت. وكتله هااا

هيثم... شبيج جفلتي خايفه مني تعالي تعالي وجرني بحضنه واني متصنمه حكني خشمي خفت امد ايدي على خشمي غمضت وما كدرت انام الا حسيته نفسه انتضم عاد تطمنت ونمت

مر اسبوع والوضع مو. طبيعي بالبيت عمتي تريد ترجع افنان تكله تعقد عليها وهوا ما يقبل

كاعدين العصر وخابرت يسرى كالت تأجل العرس كرايبنه توفالهم طفل بالاقماط وتأجل شهرين

كاعده وساره يمي كتلها حطلب منج طلب

ساره... اي اطلبي

اريد اطلب حساب كرايبي عالفيس بوك

ساره.. عليش

علمود أسأل على اهلي لأن هيثم ما يخليني اخابرهم

ساره.. تدللين هاج

اخذت تلفونها وبحثت على صفحة انسام ضليت ادور الا لكيتها

دزيت رساله

.... انسام اني هيلين اهلي شلونهم ليش انقطعت اخبارهم لا تراسل شي الا اني اراسلك انتضرني باجر ب3العصر اراسلك

وحذفت الصفحه والمحادثه ورجعته لساره وتشكرت منها

كاعده المغرب واجت افنان كالت اجيت اخذ اغراضي

وطلعت فوك وتنزل بغراضها ويوسف وياها ينكل بيهن بالاخير طلعت لكيتها يم باب غرفتي وتتلفت

عفتها وطبيت للغرفه بس كلبي ما ارتاحلها

بليل كلمن راح لفراشه نام وهيثم رجع مثل قبل يحضني يكلي اسف ويقوي حضنته وينام

الصبح طب هيثم يسبح واني واكفه ارتب التخت

طلع هيثم من الحمام نشف شعره وكمل وفتح الجكمجه(الجرار) دطلع المشط مشط شعره ورجع المشط ديسد الجكمجه رجع فتحها وطلع ورقه

كال... هاي اللج

هيلين... تقربت باوعتلها مسدوده بتيب والتيب مفتوح كتله... لا مو مالتي ودذبها بالوصخ كال... جيبي خاف شي مهم

مشيت وعفته وكلت... لا معدنه شي مهم ونخلي بالجرار والمستمسكات كلها بالكنتور

شو طلعها من الوصخ وفتحها اباوعله عيونه صارت بكصته ويباوعلي ويرجع يقره

خفت منه نضراته مرعبه حيل

حجيت... ش ش شكووو

كمل قرايه وتقرب مني صاح شكووووووو يعني متعرفينننننننننن

ش شنووو شن ششنووو

رفع الورقه بوجهي وصاح.... شوفييييي شنووووووو يلاااااا اقريها واتشاهدييييي قاريتها انتييييي بس راجعيها حتى تعرفين كتلج حلاللللللل

اخذت الورقه منه والخوف ماليني وايديه ترجف

غمضت عيوني وفتحت وبديت اقره

اول سطر قريت وكلت... ش ش شششنو شن شششنووو هئ هئ هاي

بعدني ما كملت كلامي وجرني من شعري وصاححح موتجججج اليوم على ايديييييي يا كلبههههه

صرخت... كذب كلها كذب مو اني جيب قرأن احلفلك عليهههه بس خل نفهم السالفه

جرني للكنتور وصاح بنت الك..... بنت الخ...... ك....... ك....... انعل..... هيج منج ومن الخلفججججح

ع......

طلع مثل الموس واني اصيح وابجي لا هيثم لا مو انيييي جيب قران احلفلك عليه مو انييي افناننن اليوم اجت هيه اكيد هيه بعدني ممكمله فتح الموس وداس الموس من فوك الدشداشه صار بين كتفي وصدري ومشه الموس واني حسيت نار بصدري صارت وهوا يصيح تحسيننننن بالوجعععع موووو ووجع الصار وياي هسه شنوووو صرختت هيثمممم وما حسيت شصار بعد

فتحت على راشديات الحجيه فتحت احس الجهه الفوك صدي بيها نار مديت ايدي من جوه الدشداشه والدشداشه دم وصرختتتتت من الوجع طلعت ايدي كلها دم والحجيه تخبلت ساره ركضت صاحت لقاسم

وجرجروني عالمستشفى وكتفي ينزف واني كل شويه يغمى عليه وارجع اصحى وصلوني المستشفى

وكبل بنجوني وخيطو كتفي وخلولي بطل دم والحجيه وقاسم كل شويه يتهامسون وقاسم كلما يجي اتصال يطلع يخابر بره

ثاني يوم رجعنه وهيثم مو بالبيت طبيت للغرفه منضفه تمددت والحجيه يمي كتلها اريد ساره

صاحو لساره اجت كتلها منو نضف كالت اني مو تعرفيني مبتليه بيج هههههه اتشاقه عمري اذا تسألين عالورقه فموجوده

والبارحه ابويه من جا دز على يوسف وسأله وكلشي انكشف ننتضر هيثم يجي مدري وينه من البارحه ماكو

ساره ابقي يمي

ساره... تدللين

نزلت الحجيه واني كلت لساره

اريد الورقه جيبيها دكمل قرايتها

ساره... لا ما اجيبها

ليش

بس تنغثين

لا لا جيبيها دشو احنه بيه عصر واخوج كبل تخبل

راحت جابتها وأجت لزمتها دقراها

لهنا وينتهي البارت تصويتكم عمري مو تنسون 😘♥

وبديت اقره الرساله

هلوو هلونه شلونج شخبارج حبيبتي

ضل بالي عليج صارلج يومين لا مرسال لا شي ولو مو صوجج صوج الحيوان العندج اللي ما مخلي بيدج تلفون

هيلين كافي تعبت واني انتضرج مو كلتي اتطلك منه ليش ما تطلكتي لسه ولج كلما اشوفه يحجي وياج كبالي احترك بنار ومن اشوف نضرته على عيونج اتعب حيلي يروح ما اريد غيري يشوف عيونج

حياتي انتضر منج رساله مو تنسين ترا اجيت اليوم عليكم علمودج وخابرت هيثم كتله دا اجي اخذ غراض افنان واجيت بحجة افنان

بس مو هم تتعصبين مثل رسالة اخر مره ههههه

حبيبة كلبي مشتاقلج المرسل يوسف

اقره وادموعي تنزل معرف شنو شعوري

جرت الورقه ساره وكالت... كافي تبجين اليوم نور الصبح من شافت الورقه ماخذتها وقرتها كدام اهلي المغرب من جا ابويه

ودزينه على يوسف شافها وكال هذا مو خطي واني هيلين اختي واذا علمود منو دز الرساله ماكو غير اختي لأن بس هيه جانت موجوده من خابرت هيثم واني هيلين كلشي ما اعرف عنها البنيه مجرد سلام بيناتنه مو اكثر

وراح للبيت اجه بليل جايب افنان وجهه ازرك يخوف كاتلها وكدام الكل اعترفت انو هيه كتبت الرساله

هيلين... ساره اريد تلفونج فدوه دشوف اهلي

ساره.. هاج اخذي واني اوكفلج عالباب اراقبلج من شخص يجي راح اكول ها فلان واطب يمج

هيلين... تمام

طلعت ساره وفتحت تلفوني باوعت الساعه شلون هسه الساعه مو 3واني كتله ب3بس لا مموجود ابحث على صفحته وادعي بكلبي كون الكاه نشط

طبيت لحسابه ما يطلع عندي النشاط لأن مو اصدقاء هوا وساره ف دزيت رساله الوووو وينك

ثواني واجاني الرد

منو حضرتج

اني هيلين تطمن

احجي شبيج هيلين

اتصلت عليه وسمعته كال الووو وبجيت

انسام... بس لتبجين وفهميني

هيلين... انسام اليوم اذا ما اجيتو واخذتوني باجر تسمعون بموتي حتكل نفسي

انسام... هيلين بلا هاي السوالف لتخوفيني عليج ولتبجين اذا تنطيني كلمه ترجعين مو مثل اخر مره فشلتيني حتى اجي

.

هيلين... لو يبجي دم كبالي هيثم هالمره ما ابقى

تعبت وكلبي تعبت اريد اهلي هما ميردوني اني اريدهم خلوني وحدي لهالناس كلي شلون انساهم كسر كلبي بعدهم وكسر كلبي هيثم

تأذيتتت شفت لجمات ما مرت عليه بيوم انساممم وبجيت

انسام.... اششش لتبجين اعتبري وقت الطريق واحنه يمج وهسه خليني اروح افول بانزين بسرعه واجي

هيلين.. تمام مو ما تجي

انسام... بويه اجي اشون ما اجي اختى تنشدني مو عيب عليه ما اجي يلا مع السلامه

مع السلامه

سديت منه الاتصال وحذفت كلشي وصحت لساره

ساره... هااا هيلين

هيلين... حروح لاهليي ساره كافي

ساره.. اخويه ما يستاهلج بس باعي لا تحجين كدام احد لا يدرون ومن هيثم يجي يكلوله..

تمام

بس ساره اثق بيها معندي ثقه بأحد هنا والبنيه اللي لاكتني بالشارع علمتني ما اثق بشخص لو مهما كان وجهه وملامحه بريئة

بقيت بأنتضارهم واحس الوقت صار سنه

تقريبا ب11بليل اجت ساره كالت هيلين اجو انسام وابوج

ركضت لبست عباتي واني ممصدكه مردت اخذ شي منهم خليني ارجع بس هذا الشي الاريده ما اريد غير شي وافنان خل ترتاح هاي الرادته صار وكلشي انتها بيني وبينه

ساره فتحت تسجيل صوت وانطتني تلفونها وكالتلي احجي ودعي عالاقل

ما رضيت وحلفتني حجيت....

مشكور على كلشي قدمته اليه من ضرب وأهانه وطعن وشكوك وهاي اخر جرح اللك بكتفي كلما اشوفه راح اتذكر اذيتك انت انسان عدمت شخصيتي وحولتني لأنسانه ضعيفه اول مره شفتك بيها شكد جنت جبير بعيني وهسه صرت ما. اشوفك بعيني

بجيت وساره سدت التسجيل وحضنتني وبجت وياي

كالت انزلت كبل لا يجي هيثم وعود يسوي مشكله وميخليج تروحين

نزلت سويت الدرج بايتين فتحت باب الاستقبال وباوعت

انسام ونضرته اليه بشفقه وابويه اللي نضرته جان نصدوم بضعفي وشكلي لأن شكلي تغير عدهم 180درجه ونضرة عمي جانت خجل من اللي سواه ابنه وعمتي اللي نضرتها تتوعدلي بنضراتها

باوعت لأنسام وحجيت... نروح

عمتي... وين تروحين وزوجج ما موجود

هيلين... ما كافيي خدامتكم استقالت جيبو غيرها

انسام... يلا مشينه

هيلين... اييي

ابويه باوعلي وفتح ايديه يعني تعالي احضنج صرت وره انسام ولزمت جاكيته وحجيت.... خل نروح انسام

ابويه... ليش خايفه مني

شلون تريد ما اخاف منك وانت سبب باللي جاي امر بي

تقرب حضني وكال بويه لتخافين

وخرت من حضنه وانداريت لأنسام وعيوني مغوركه

انسام خل نروح

انسام... يلا مع السلامه مشيت وعمتي تتحلف

انداريت رجعت للحجيه بستها وكتلها مشكوره على وكفاتج وياي يمه

وطلعت وراهم جانو ينتضروني بالسياره

دا اصعد بالسياره وقاسم  واكف على جام السياره يقنع بانسام يبقون ديحجي وأشر لأنسام يعني دقيقه ورفع تلفونه وجاوب

قاسم... وينك.. ضل بالنه... موجوده.... اي زينه.... ضل لا تجي وهيلين رايحه ويه ابوها

نزل التلفون وكال... يفصله بوجهي

اني كلبي انخرط كبل كلت لانسام

هيلين... فدوه لعمرك امشي قبل لا يجي انسام

انسام سلم عليهم ومشينه من طلعنه منطقتهم هيثم كال لابويه... شوق عمي مو كتلك اسمها فلان منطقه اني من دخلنه،، عليها قريت اللافته وعرفتها

من كال هيج حسيت شويه تطمنت

خليت راسي على جام السياره واباوع عيون ابويه بمراية السياره كلها ندم وأنسام يتوعدلهم اني بغير عالم عالم مليئ بالأهانه والضرب والجوع طلعت من هذا العالم بس مجاي اكدر اتجاوزه خايفه يلحكنه اي خايفه يلحكنه ويوقفنه وياخذني غصب ويرجعني لعالمه المخيف غمضت عيني وكلت ربي اكفيني شر عبادك يا ارحم الراحمين يا الله تعبت امتحانك صعب تمنيت الموت ما متت انتحرت ما متت يا ربي افتحها بوجهي وخلصني منه كافي تعبت يا ألله دمر حياتي وأحلامي وقف تفكيري سيطرة نزلو ابويه وانسام هاذهوا عشايرهم تسوي كلشي رحت بيها رجعتي على عذابج هيلين

نزلو ابويه وانسام شويه معرف وين اخذوهم وكف جندي شافني دا ابجي كال

هويه لا تخافين بس يدكون اسماءهم حاسبه

كلت بكلبي يا حاسبه وشنو هاي انوب

شويه وشفتهم جايين ومشينه بالسياره شويه وابويه اجاه اتصال جاوب واسمعه يحجي

الووو... وعليكم السلام... يعني اشوني شفت حالت بنتي اليرثى لها واتكلي اشونك...... لا تبرر افعالك ما ترجع وحتى اذا رادت هيه ورجع ما ارجعها..... وين انت دقيقه ضل وياي

باوع على انسام وكاله احنه وين

انسام.. عليش عمي

ابويه... هيثم جاي يكول دا احجي ويه هيلين

سمعته كال هيج لو تخبلت بعدني ما حجيت وكال انسام.... لا يجي ولا يشوفنه وجهو على شنو يجي

ابويه ما دار بال لانسام وكام يوصف لهيثم الطريق اني هنا صيحت وكف السياره وكفهااااااا اذا ما وكفتها هسه اذب نفسي

وكف انسام اني نزلت منها وركضت الشارع، عام

ولحكوني يركضون اركض بدون وعيي هسه يجي شايل سلاح ويكتلني خل اوكفلي سياره واروح، بمكان ما بي احد

ابويه كلت متندم بس الضاهر يريدهم وديوصفله الطريق

ما حسيت الا انسام، جرني من ايدي وابويه لزمني من جتفي واني صرخت، وبجيت

ابويه حس بلزمته جتفي ملفوف كال... شبي جتفج

رديتله... جتفي صار هيج بسبب الشخص اللي عيشتوني وياه هوا هيج سوه حان دا يذبحني واستخطاني

ابويه نضراته ووجهه ميتفسر وحلفلي يمين مقسم بس اصعد بالسياره، بعد ما يرجعني عليهم صعدت ومشت سيارتنه وهيثم رجع يخابر ببويه وابويه ما يجاوبه

طبينه محافضتنه واحس رجعلي النفس

السياره تمشي بشوارع محافضتنه واني دموعي ما وكفت طبينه لمنطقه باوعت انسام وكف يم بيت

هيلين... هاي وين انسام

ابويه... تحولنه بابا تحولنه لغير منطقة

ردت اسأل ليش بس ما اريد احجي وياه خليها عود اعرف من سهام

نزلنه واحس متكسره تكسر من الطريق

شي اكيد امي حتفتح الباب شلون احضنها وةني ما اريد احجي وياها لا هيا ولا ابويه

ابويه طلع مفتاح النسخه وفتح الباب الغريب انسام هم فتح باب اللبيت اليمنه باوعت باستغراب حجه

انسام.... هههه حقج تستغربين نكعد كعده طويله واكلج شجابنه لهنا

فتنه للبيت باوعت امي شافتني من شباك المطبخ وطلعت تركض عليه

باوعتلي وكالت يمه بنيتي وحضنتني وكامت تبجي

تصنمت شي بيه يريد يحضنها وشي بيه يكلي لتحضنيها خليها تحس بالتخلي مثل متخليتي عنها

مقاومت شوقي وحضنت امي وبجيت وياها حجه ابويه

شنو اني ما ترديني ليش متحجين وياي

مرديتله باوعت لأمي وكتلها.... سهام وينها

امي... ليش محجيتي ويه ابوج

اني اجيت من الضغط حتى انتو تضغطون عليه انداريت دا اروح لبيت عمي وحجه ابويه

... لا تروحين بمكان ما اجي يمج وحقج شما تسوين

امي... خل نطب جوه شويه ارتاحي يمه

طبيت جوه البيت غريب بس الاثاث اثاث بيتنه القديم

باوعت لعمتي متمدده بالهول وحالتها حاله تعباته وضعفانه شافتني وشهكت

سهام... هيليننن

ركضت عليه دنكت عليها وحضنتها وهيه ممصدكه تبوس بيه وتبجي

بقيت يمها شويه وامي كالتلي تعالي لغرفتج نحجي

رحت وياها فتحت باب الغرفه اثاث غرفتي كله موجود والغرفه نضيفه وحتى بيها ريخة بخور

امي.... احجيلي ليش رجعتي

هيلين.... هواي حجي بكلبي ارتاح واحجيلكم

امي.... ارتاحي يمه ارتاحي.. وعافتني وطلعت

واني نطيت عالتخت وممصدكه رجعت ركضت للكنتور فتحته وباوعت ملابسي معلكه

استغربت شعجب لهسه هنا والغريب ما متربات

خليت كلشي وره ضهري واتمددت عالتخت وغمضت وهاي اول مره من بعد زواجي اغفى بسرعه

حسيت على ايد على راسي فتحت امي يم راسي

هيلين... الساعه شكد

امي... الساعه 11ونص

هيلين.. حيلل شكد نمت

امي... من التعب

تعدلت وكلت لامي.... مشتاكه لطبخج

امي... تعرفين شطبختلج

هيلين... شنو

دولمه لفيت جدر اللج ولسهام وعافتني وكالت يلا غسلي وتعالي بين ما احضرها

جانت غرفتي سويت (حمام بداخل الغرفه) هاي ما بيها طلعت للحمام غسلت ونزل امي مخليه الدولمه بصينيه وخضره وزلطه وريحتها تجنن ابيت عيالي قليل يطبخوها

رحت كعدت يم سهام وشلت سلكايه اكلت

اجه ابويه من بره جايب علاكه خلاها عالقنفه وكال ها ايمت سويتي الدولمه

امي... قبل لا تعشيت

ابويه... مدام دولمه اني هم اكل وكعد كبالي ياكل

باوعتله ودنكت اكل احس الأكل بي طعم هناك عمتي من اكل تسممني بحجيها

ابويه.... هيلين

هيلين... هممم

ابويه.... باوعيلي بنيتي

هيلين... نزلت الخاشوكه وحجيت.... هسه تذكرت اني بنيتك

ابويه.... ليش شسويتلج بابا

هيلين... شسويتلي هسه ليش تخلوني افتح مواضيع واغثكم

امي... واني ليش تشمليني

هيلين.... اشملج لان وره زواجي بشهر نسيتيني

سهام.... محد نساج وكلنه كلبنه يمج كل جم يوم نكعد نبجي عليج لتغثين اهلج اعرفي ضروفهم وبعدين

باوعتلهم عافو الاكل شلت الصينيه ووديتها للمطبخ غسلت ورجعت واكفه وحجيت

امي... سهاممم انتي احكمي....

سهام اييي

هيلين... خابرت ابويه كتله هيج وهيج يكلي اسبوع الجاي اجي اخذج ويمر الاسبوع وما يجي

لعد تقبليها يتبره مني

صرخت ودموعي تنزل.... تقبليها ابويه يصدك الغريببببببب هوا من البدايه جبرني عليهم تهمني زوجي مرتين تهمني بشرفيييي.. مسحت دموعي وكملت حجي..... اخابره يحضرنيييي تقبليها ازعل عند الغربه وابويه عايشششش هااااا... رجعت مسحت دموعي اللي مجاي تتوقف وجريت دشداشتي..... تشوفين تشوفيننن زوجي اللي انطةني الا ابويه مختللل مو طبيعي راد يذبحنييي

اول ايام زواجي اقلب بصورهم وابجي عليهم وهما جابريني عليه

انتو شتعرفون عني تدرون بي من اتزوجني جان يحب غيرييييي فتحت ايديه واحجي.... تشوفين اضافيري اللي جنت ما اغسل اماعين من خوفي عليهن تكسرووو

وخرت الشال من، راسي وكلهم انصدمو بشعري.... دتشوفونننن بيده كص شعري ونزلت بالأرض ماسكه شعري وابجي

لحد ما ابويه تقرب كعد كبالي وحضني واني تعبت من البجي بس اشهك وامي وسهام يبجن وابويه يبجي صوت بجيه عالي شويه هدينه وامي كالتلي رجعي لغرفتج ارتاحي وطلعت رجعت تمددت وابجي اريد انسى كلشي

نمت فتحت لكيت نفسي بحضن هيثم وخرت عنه كال اسف ورجع حضني

صرختت وخرررر وكمت من يمه وحجيت... شجابككك يميييي

رد كال... مستحيل اعوفجج اجه يمشي باتجاهي واني صرخت، فزيت من نومي جان كابوس باوعت للساعه ب10وربع جوعانه نوم رجعت شربت ميه ونمت كعدت. على اذان الضهر سبحت وصليت ورحت للهول امي دتقره قرأن على عادتها القديمه كل يوم بهيج وقت تقره قرأن

وابويه رايح للشغل وسهام كاعده تباوع للتلفزيون

كعدت يمها وكتلها... سهومم ضعفانه

سهام.. يولي احلا

هيلين... خدودج. ذبلانه

سهام... ميخالف اهم شي ضعفت

غمزتلها وحجيت.... حقج تعبانه بعدتي عن حبيب الكلب

ضربتني بالريمون وكالت... انجبي انتي وسوالفج البايخه

جاي تحجي وجان تطلع ايه من المطبخ مالتنه وكالت كعدتي وأخيرا

كمت سلمت عليهن محاصن وبوس وكالتلي ولج شهالنوم من الصبح اني هنا البارحه ردت اجي وانسام كال تعبانه

هيلين.... شخبارج

كالت كلش زينه بشوفتج

طبينه للمطبخ اني وياها وحضرتلي ريوك

ايه... ولج اكلي شي بي سمنه حتى شويه تبرز انوثتج وترجع مثل قبل

ضحكت على سوالفها وكعدنه اكلنه وكتلها اريد اخابر براء

ايه.... تدللين... وانطتي تلفونها

اخذتها باوعت جايها اشعار... بسيطه أيه

هيلين... شبيكم انتي وياه

ايه... مكاونين ويتوعدلي واخذت التلفون مني طلعتلي اسم براء وخابرتها

بقينه يمكن ساعه نحجي وتعاتب بيه ليش خطي مغلق كتلها من نتواجه نحجي

وكضينه اليوم عادي ابويه وجهي ثكيل منه  أيه باتت عدنه وخابرنه براء بليل كضيناها مخابرات للصبح فاتحات اتصال وياها ونسولف وعمتي ويانه

وبقت ايه عدنه 3ايام يوميه نبات سويه ونصعد اتصال ويه براء ابويه محاجاني عافني براحتي وهيثم معرفة شي عنه او الصدك اني ما سألت عنه

كاعدين بالاستقبال نتعلل وبيت عمي عدنه وانسام ما جا وياهم تقريبا وراها بساعه طب انسام باوعلي وكال

انسام... طكووو الوصخين

هيلين... ليش

انسام.. دباعي.. وطلع من الكيس تلفون

ابويه.... هاي تلفون وهذا الخط مالتج

باوعتله بأستغراب... الخط مالتي القديم لو هذا جديد

ابويه... خطج القديم

هيلين... شجابه عليك

ابويه... اخذي هسه

انصدمت منه شلون منين ايمت جاب خطي

اخذته وانسام كال اشحني تلفونج وبعدين استخدمي

حجه ابن عمي العود المغرور... جيبه البلك يمي واخذه من انسام شكله عالشحن

بقو عدنه يتعللون وسوالف وضحك وراحو وره ال11وأيه هم راحت من راحو سألت ابويه عالخط

هيلين.... منين جبت الخط

ابويه... من هيثم

هيلين... شلون يعني يضل وراي وانت تضل منطي وجه

ابويه... لا هوا خابرني كال جبتلها الخط وتواجهنه بمكان وانطاني الخط

هيلين... خوما جاب طاريي

لا بس كال مرتاحه كتله اي وما جاب طاريج

هيلين... ايمت يطلكني

ابويه... ما حجينه بهيج موضوع

هيلين... احجي وياه وكله اريده يطلكني

ابويه... هاذهوا بنتي طلاك طلاك

ثاني يوم كعدت تقريبا ب1 كعدت اتغده وسألت امي على ابويه كالت ابوج راح علمود سالفة الطلاك

هيلين... شوداه عالديوانيه

امي... هيثم هنا

حسيت كلبي انكضب من قربه يعني بنفس المحافضه

كملت اكل وامي كعدت. تداويلي كتفي

ابويه رجع كعد امي انطته ميه وكالتله... ها بشرني

ابويه... يكول احجي وياها واذا ما اقتنعت هاذهوا اطللكها

باوعتلهم... شنو يحجي وياي

ابويه... بليل راح يجي يحجي وياج وينتهي كلشي هوا يكول اني اراضيها كتله تعال بس بنتي ما ترجعلك كال واذا هيه قبلت ترجع كتله تنجازون بس هالمره يا بنتي ما اجبرج على شي ما تردينه اطلكج منه كبل واذا يعاند اسحله بالمحاكم ابويه حان يحجي بعصبيه

رديتله.... ما يحتاج يجي اشوفه

ابويه... بنتي ما راح ياكلج بس يحجي وياج وصدكي ما اخلي يجبرج على شي

هيلين.... ليش دتجبروني اشوفه

ابويه... حتى بعد ما يضله اي حجه

هيلين... تمام خل يجي واني اعرف شحجي وياه

كلت خل يجي واقوي كلبي واواجهه

من خوفي من مواجهته حسيت الليل بسرعه اجه كاعدين واندك الباب ابويه طلع عالباب واني متصنمه بس طلعو انسام واخوه المغرور

هيلين..  يمه شعجب اجو يدرون بهيثم

امي... اي يدرون ابوج دز عليهم

هيلين... عليش وين الربط

امي... ما ادري

عمتي... يولي مو يخاف لا. يجرج وياخذج جبر وابوج جبير مو بحيله فكال اجيب الويلاد

باوعت امي اشرتلها بمعني لا تجفصين معناتها ابويه خايف من جيته مو بس اني

صبينالهم الجاي واندك الباب هيثم ما قربت للشباك من خوفي لا اشوفه واني مجبوره حشوفه كعدو شويه وصوته خشن واضح شويه وانفتح باب الاستقبال اللي صاير عالهول طلعو ابويه والويلاد

وابويه كالي. طبي يلا وبس يحاول يجبرج على شي صيحيلنه احنه هنت بالهول

هزيت راسي ب اي وتقدمت بخطوتي للباب

لزمت يدة الباب وخايفه تعصبت على توترت على انقهرت على خفت دخلت للأستقبال واني عيوني مغوركه وايديه وشفايفي ترجف

احس رجليه ما يشيلوني من خوفي

لهنا وينتهي البارت تصويتكم عمري مو تنسون 🥺✨✨✨✨✨✨✨✨✨✨✨✨✨✨

............... ................. ............... .........................

مشكورين ما بيكم اللي عذرني وكال خاف عدها ضرف غير كم بنيه

اللي علقو وكالو حنترك الروايه هذا شي حرية شخصيه بس اكو تعليقات كلش غثنتي

👇هاي تعليقاتهم

1 (منا الساعه اذا ما نشرت بارت اعوف الروايه)

2 (بعد ما اتابعها)

3 (إنيهم بعد ما اتابعها)

يعني معتبريني مثل الروبورت الألي اني هم بشر وتعبانه

اني مو بقيد القراءات انتي ما تتابعيها غيرج يتابعوها وغيرج يعذروني

+تعرفوني ما اقصر وياكم تجيني مرات اكتب بارتين بس مريضه ونفسيتي تعبانه

بس البعض مصلحة نفس فقط وهالشي بينكم انتو اللي قريت تعليقاتكم

أنشاء الله باجر اعوضكم بارتين واذا كفاني الوقت حنزللكم 3بارتات

..........   ............  .............  ............    .........   ..

روواية الأصداف

بقلمي الكاتبة.. ♕bmbsh_beme♕

رغم تعبانه كلش الله يشهد بس كلبي ما انطاني اخليكم بدون بارت بعد ما شفت لطقكم وياي ولو البارت قليله وحداثه بس حتى تتوضح البارتات الجايه

........................................................................

باوعتله جان كاعد من شافني وكف لحيله وباوعلي

هيثم بأهتمام... هلونه شلونج

اطكك اصابعي وكلني ارجف شفايفي  وايديه ما توقفت رجفتهم....

هيثم.. تقرب.... ليش متحجين

رجعت لوره وكأنو اريد انهزم منه

تقرب واني رجعت لوره لزكت بباب الاستقبال

تقرب مني وجرني وحجه

هيثم..تعالي هنا... وجرني كعد عالقنفات كعدت كباله واطكك اصابعي واحجي بدون ما التفتله

هيلين.. ليش اجيت

هيثم.. اجيت اشوفج واحجي وياج واشوف ليش تردين الطلاك

لا رد

هيثم.. لا تخافين احجي شكو بكلبج راح اسمعج للنهايه

لا رد

هيثم... مسك ايديه وكال... احجي لا تسكتين

باوع لأيديه وكال ليش ترجفين ما اسويلج شي ولا اجبرج على شي

هيلين... اريد اتطلك

هيثم... السبب..

هيلين.. واضح

هيثم... بس لو اي رجال بمكاني جان سوه السويته اني شفت الرساله وعميت من غيرتي والحقيقه انكشفت وافنان بعد ما الها طبه للبيت واساسا جاي ادور على بيت ايجار..

هيلين... هيثم ما النه رجعه طلكني وخلص

هيثم.. عصر ايديه بأيديه ودنك.... هيلين بعد ما اضربج

هيلين... انت واحد خاين وعباله الناس مثله انت اكثر من مره تضربني وترجع تكول بعد ما امد ايدي عليج هالكلام سمعته هواي اني انذليت عندك ما فهمتك ولا فهمت طبعك مراح اكول هذا مختل عقلي

هيثم... جان مدنك رفع عيونه وباوعلي... مختل

هيلين... اي مرات هيج احسك افنان جنت تحبها وبعدها صرت تريدني عمتي تحجي وياك تدفعك انت تجي تشبعني كتل شكيت بيه وبشرفي وضربتني

.... وخرت ايديه من ايدينه وخليت ايدي على كتفي مكان الجرح وعيوني مغوركه.... هذا جرحك للموت ما أنساه اليحب ما يأذي بهالطريقه وصلت الموت بسببك يمكن لوما استلحكوني جان بقيت انزف الا متت..

هيثم.... يأذيج الجرح

هيلين... مو مثل وجع كلبي عالشي الجازيتني بي

هيثم... هيلين اني حبيتج لأن شفتج صافيه يعني شفت صفات كلبج ونقائج افنان نزلت نفسها وكرامتها علمود تصير بذمتي وانتي شفتيني ممتقبلج ابتعدتي وبنفس الوكت جنتي قريبه مني ما مخليه قصره بشغلج

شفتج رغم صلابتج وقوتج تصرفاتج بريئة وعلى نيتج

صرت اشوفج احلا بنيه بدنياي

اني غلطت ومشيت بكلام امي وهالغلط اصلحه وما يكون خاطرج الا طيب

هيلين... تحبني

هيثم... مو بس احبج صرت قطعه من روحي من رحتي واني ضايع وعرفت قيمتج

هيلين... شطلب تنفذ

هيثم..  التردينه يصير وتأمرين أمر

هيلين... باوعت بعيونه وحجيت.... طلكني

هيثم وكف وحجه.... مبيها اي مجال فرصه بس

هيلين... انطيتك هواي فرص كافي اعتقني

باوعلي وعيونه مغوركه نزلت دمعته رفع ايده ترجف مسح دمعته وكال...التردينه يجرالج

هزيت راسي بمعني اي ودموعي تنزل احس بشي بيه مكسور عليه

هيثم... عادي احضنج لأخر مره

هزيت راسي بمعني أي واني مدنكه ودموعي تنزل شلال

تقرب  حضني وحجه.... تكدرين تطلكين مني بس متكدرين تبعديني عنج وابقى بضهرج شيصير وياج تلكيني موجود  هيلين اني حبيتج وتعلقت بيج احس يومي بدونج ماله طعم عيونج متروع من بالي وساعتهن ورموشج اللي لو بيدي احسبهن رمش رمش

وحاضني قوي واحس بي يمسح بدموعه

شويه هدء وخر عني تقرب باس كتفي ومسك وجهي مسح دموعي باس عيني اليسره ورجع عاليمنى وباس راسي وباس خدي اليمين وخدي اليسار باس انفي

وابتعد كال... مراح تبجين بعد هاي اخر دموع تنزل منج اني راح ابتعد وراح اكون وياج ابقى اشوفج من بعيد

مد ايده وكال يلا مع السلامه.. مديت ايدي سالمته وطلعت واني احس بعد اريد ابجي راحو ابويه والويلاد يمه سلمو عليه وراح

هيلين... يمه وين سهام

امي... راحت لغرفتها

رحت لسهام جانت  امدده رجليها ومخليه مخده ومخليه عليها قرأن ودتقره

تقربت خليت راسي بحضنها وغمضت عيوني امنع دموعي تنزل

سهام صدقت وسدت القرأن خلته على صفحه وصارت تمسح على راسي وحجت.... ها شحجيتو

فتحت عيوني مغوركات والدموع بعيوني تنتضر اطلق  صراحها... حكيت كصتي حتى عمتي متنتبه على دموعي

سهام... لا تكبتين ابچي وأحچي  اللي بكلبج

نزلت دموعي وحجيت... سهام راح نتطلك

سهام... انتي مو ردتي هالشي

اهيلين. ني رايده هالشي وما اتراجع عنه اني ما اعيش عنده بيئته تختلف عن البيئة الأني بيها يضربني ويعتذر ويكول بعد ما اضربج ويرجع يضرب معنده ثقه بيه كلمة امه تمشي عليه

سهام... يا روحي لعد ليش البچي

حجيت... سهام يبچي يبچي عليه يحبني بس طبعه مو بيده طبعه عم عليه

سهام...  خاف تحبينه

لا ما احبه بس احس صارله مكان بكلبي رغم أذاني بس تعودت عليه

سهام..... اذا تحبينه رجعيله وخلي شروط

هيلين... ما اكدر ما اكدر أذانييي.... وخليت ايدي على حلكي وأبچي على شنو دا ابچي ما اعرف بس غصه بكلبي

حسيت على نفسي متمدده على رجلين سهام وسهام خطيه رجليها روماتيز

تعدلت وكفت مسحت دموعي شويه هديت نفسي وسهام كالت

ليش كمتي ترا ما مضايقتني

هيلين... لا رجلينج هسه تعبو

سهام... وأخير كلتي رجلين جنتي اقدامج واقدامي وقدم واقدام عود لأن ام خشم صارت دكتوره

هيلين..ضحكت بتعب وحجيت... رجلين وخشم وهواي كلمات تعلمت منهم

دا اطلع وكتلها... تحتاجين شي

سهام... لا يروحي سلامتج بس جيبي فراشج وتعالي نامي هنا

رديتلها... تمام

رحت لغرفتي جبت مخدتي والغطه وتلفوني والسماعات ورحت يمها

سهام عدها تخت(چربايه) وغرفتها مخليه بيها فتل دواشك ميعجبها المكياج وهاي السوالف وكنتورها اللي من جدتي ذكرى متقبل تغيره تمددت واتغطيت

ومخنوكه مدري شبيه حچت سهام.... هيلين محمود سمنان شتكولين لكاله وحده

عرفتها تريد تغيرلي نفسيتي وتنسيني

رديتلها... لا هوا يحبج

سهام... ها هيج تكولين

هيلين... ايي

سهام... هلونه

هيلين... هااا..

سهام... لا تنقهرين ولا تبچين انتي قويه

ردت احسسها انو مبيه شي لأن اعرفها تضل مقهوره فكتلها... هههه ولج حتى نسيت بس اني لأن شفته يبچي

سهام.. ها خوش لعد نامي

هيلين... هههه شي اكيد انام مغفله عالنومه

غطيت راسي تغطيت وفتحت تلفوني دشوف براء مراسلتني شي باوعت النت اني مطفيته كلت بعد احسن غمضت عيوني وبقيت افكر وكلما اريد ابجي اسكت نفسي واغلس لحد ما نمت

كعدت صليت فجر وقريت قرأن ودعيت كون ما اواجه صعاب بعد تعبت

ومكدرت ارجع انام واريد التهي بشي

باوعت الحديقه ممداريها ابويه ليش ابويه يحب هالشي...  طلعت المقص وادوات التقليم وبديت بيها جبيره كلش وبديت ارتب بيها معرف للساعه شكد واهلي كعدو طلع ابويه كال... ها بابا شتسوين

حجيت واني اشتغل... اسوي الحديقه شكلها محلو

راح ابويه تريك هوا وامي وسهام وكالولي تريكي كتلهم ما اريد هسه الا اخلص اني من النوع من اشغل شغله لازم ما اعوفها من اعوفها واكعد ارتاح اتهدون(حيلي ينهد) واتكاسل اكمل

راحو تريكو شويه وأجو يعاونوني وعمتي سهام اجت يمنه بكرسي المتحرك ومتقبل تروح ترتاح شايله الأدوات ويمنه كلمه نحتاج شي ناخذه منها

كملنه الحديقه وامي سوت چاي

وكعدنه بيها ابويه كال.... المرجوحه بقت بهذاك البيت بلكي اروح اجيبها

امي.... لا تروح ولا تتعب نفسك هوا وين بقه البيت لهسه حتى تلكيها كتلك جيبها جيبهااا

شفتي شصار بينه بوكتها

هيلين... شبي البيت ليش

ابويه... بابا هدموه لأن تجاوز

صدمني من كالي هيج شكد انقهرت حرامات بيت شكبره

هيلين.... ميفيد الوضع ابد ميتصلح ويبقون هيج ميتغيرون

امي... هيلين لو شايفه شصار بينه ابوج ضل اسبوع ويه سهام مدخلينه مستشفى

وعمج هم شحاله من هدمو بيته شبعنه قهر

كل هالشي صار واني ما ادري وابويه تعب عليه البيت بس بعد راح..

ردت اغير الموضوع اني بلا شي كلبي صاير سكراب... زينه هاي المنطقه بس هذا البيت احد ساكن بي يبين وأشرت علي بيت كبالنه صاير يم بيتنه بس شنو يفصلنه الشارع والبيت بي شبابيك اثنين باتجاه حديقتنه يعني الجهة اليسار مال بيتهم صايره كبال حديقتنه اللي يوكف وره الشباك كأنو واكف بحوشنه

رد ابويه كال... لا مسكون بي ناس بس ناس هنا مثقفين ما يطلعون والعرفته ما عدهم رجال بالبيت

سهام... شلون نسوان وحدهن

ابويه... اي نسوان اثنين واطفال اثنين مدري ثلاثه

امي... بعصبيه... وانت شمدريك بيهن

ابويه ضحك

سهام.... هههه الغيره ابو هيلين شد راسك

ضحكو واني ضحكت وياهم رغم مالي واهس بس ما اريدهم ينتبهون

ابويه.... البيت اللي يم بيتهم من جهة اليمين جنت واكف ويه صاحبه يصيحوه ابو حواسم وكتله يمكن هذا البيت ما بي احد... كال لا بيت اختي هنا ساكنين اختي وبنت اختي وجهالهم بس يخافون وما يطلعون على احد واحنه فاتحين باب صغير من الحديقة مالتنه على حديقتهم علمود خاف يصير شي قريبين منهم

هيلين... وكل هذا البيت لاربع نفرات

ابويه... اي وبيت  ابو حواسم ما عدهم شباب بس ابو حواسم رجال بالبيت بس سكنهم قديم

اللي فهمته من ابويه البيت اللي يمنه لمره هيه وبنتها والبيت اليمها بيت اخوها وبيت اللي صاير على جهة اليسار بيت عمي لأن ويانه تجاوز

هيلين... اي زين محد مسلط علينه

ابويه كالي اي ورجع التفت لأمي كاللها باجر نطلع كلنه بالسياره نشتري مرجوحه وشوف شتردون من السوك

امي كالت.. اي علواه محتاجه مسواك

مر اليوم عادي بليل اجه الميه طلعت رشيت الحديقه ورجعت امي بالهول صاحتني رحت يمها واني اطكطك بسنوني من البرد... يمههه شبردها

هيلين... ها يمه

امي... شقررتو

. هيلين... نتطلك

امي.... خوش ورجلج هم هيج قرر يعني قبل يطلك

هيلين... اي قبل

امي... لعد ليش ما خابر واتفقتو على موعد الطلاك

هيلين... خل ابويه اليوم يخابره ويكله

امي... خوش راح اكله وانتي هم روحي اسبحي بمي حار لأن بردتي بره كتلها..

تمام تصبحين على خير

امي وانتي من اهل الخير

بستها ورحت بس غريبه ليش أمي متسألني شي

رحت للغرفة حضرت ملابسي وشغلت الصوبه  ورحت سبحت ورجعت ركض لغرفتي كعدت يم الصوبه رغم السبلت مشتغل بس بارده

مشطت شعري يم الصوبه ورحت للميز شغلت السشوار سشورت ورجعت يم الصوبه فتحت تلفوني وباوعت بنو شكد متصله عليه.

ادزيتلها.... وينج بنو

براء.. وينج ماكو من البارحه ضل بالي

هيلين... تعبانه شويه..

ليش سلامتح عمري

ما ادري بس نفسيتي زفت

ليش يا روحي احجيلي شصار

مصار شي وهيثم قبل يطلكني

براء.... واخيرااا كلللليش حتخلصين

هيلين.. ايي

براء... اسفه مو متشمته ترا اعرف هالشي من صالحج ولهالسبب هيج حجيت من فرحتي لأن مشتاكه نرجع مثل قبل ومنتفارك

هيلين.... لا تعتذرين قابل اني ما اعرف نيتج

براء... خوش ينرادلنه طلعه للمطعم عشويه زينه احنه والبنات شتكولين ايمت نطلع

معرف بس ما ليه واهس اطلع بكل مكان واريد اتطلك دا ارتاح اخاف يغير رأيه هيثم

رديتلها... مو هسه خليها بعدين

براء... خوش ايمت ترجعين للشغل ولج

هيلين... بنو ما ليه واهس شي حاليا خل بس شويه ترتاح نفسيتي

براء... تمام اكلج تصعدين اتصال ويه انسام مكالمه جماعيه

هيلين... لا روحي خابري معليج مني

براء... لا اني علمودج تغيرين جو

هيلين... لا ميحتاج

براء... هيليننن

هيلين... ها عيوني

براء... تابعي مسلسل زواج مصلحه طالعه جديده وتجنن ومتوفره عاليوتيوب تفطس ضحك تطلعج من الجو الانتي بي وتغير نفسيتج

هيلين... اليوم اشوفها

براء... ولج فتون تفطس ضحك

هيلين... يا فتون

براء... بطلة المسلسل..

هيلين... لعد اروح اشوفلي حلقة وانام

براء... روحي حب

هيلين.. باي عمري

براء.. بايات هلا يروحي

سديت الخط منها وخليت ايديه يم الصوبه اتدفه وتذكرت هيثم عيوني غوركن هفيت على عيوني حتى لا ابچي وفتحت اليوتيوب كتبت زواج مصلحة حلقة واحد

وكعدت اباوعلها تقريبا شفت 3حلقات جانت كوميديه بس ما ضحكت ما ليه واهس

ولمن رجعت البطله للبيت وشافت انو انغدرت من صاحبها بجيت عليها

نعست ونمت والصبح كعدتني امي كالت اكعدي دنروح للسوك

كعدت لبست العبايه والشال ما ليه واهس اكشخ واترتب وطلعة جاي يتريكون

امي كالت.. شبسرعه لبستي غير تاكلين

هيلين... ما جوعانه اريد بس چاي

ابويه... راح تخلصين هيج تعالي تريكي

هيلين.. بابا مجوعانه هسه من اجوع اكل

تريكو واني شربت جاي وكملت وطلعنه ابويه كال وني اروح اوكف تكسي بين ما تكملون

سهام.. اذا، علمودي ما اجي

امي... اذا ما تجين ما نروح

سهام..  رجليه مأذيتني

.

شكد ردنه منها كالت اروح لبيت ابو حسام على بيت عمي ف اخذنه تكسي وطلعنه

طلعنه للسوك اختارينه مرجوعه مرتبة وأمي تسوكت للبيت ورجعنه ابويه وكف يم الصيدليه وكال يلا هيلين خل نشوف كتفج اشون صار

هيلين... ميحتاج

ابويه... لا تتعبيني بابا يلا نزلي

نزلت وياه طبينه وابويه كال للمضمد المضمد كال الا افحصها وبعدين

اجيت اطلع كتفي استحيت مدري اشون فتحت العبايه وبابا كال للمضمد كص التيشرت من يم كتفها احسن

فكص التيشرت واني صرت بهدومي من الخجل شاف كتفي وبدل الضماد وانطاني علاج وكال يوميه تعقيم ولا تخلينه هواي يلامسه ماي

طلعنه بابا وكف يم ابو اللفات نزل شويه واجه

كال جبت لفات هيلين ما تريكت

رجعنه للبيت وامي راحت جابت عمتي

وكعدنه اكلنه لفات وبابا ملتهي يخابر ديشوف سياره تجيب المرجوحه

بليل بقيت اتابع الحلقه معرف كم حلقه وصلت باوعت الساعه ب3حيللل التهيت بيها

بقيت كلت ما تسوه انام باوعت للمسلسل للأذان طلعت. توضيت للصلاة ورجعت صليت كملت صلاتي وشكلت تلفوني عالشحن ونمت

ما كعدت لل1الضهر بس كعدت جسمي متدكدك من النوم طلعت سبحت ورجعت سشورت وصليت  ونزلت تريكت  وامي كاعده تسوي مكدوس هيه وسهام كعدت اعاونهن امي كالت...

امي... هيلين

هيلين... ها

امي... زوجج يكول خليها اسبوعين تفكر بلكي تغير رأيها

هيلين.. نترت وحجيت بصوت عالي... شنو افكر اني مفكره لا يجر طول وعرض ويماهي رأيي ما اغيره

امي دنكت وكالت هوا هيج راد

رديتلها... انتو الضاهر متردونييي وانتي حتى ما سألتيني على شي اني لو اموت احسلي اخلص منكم

امي كال اسم الله عليج وكامت تسوي بالمكدوس وتبچي وتحجي.... ما سألتج حتى لا تسولفين وتنقهرين وسهام سولفتلي واحنه نريدج يا يمه بس زوجج هيج راد قابل شنو راح يصير اذا بقيتي الاسبوعين وبعدها ما يبقاله حجه يا يمه ماكو داعي هيج تنترين

سهام باوعتلي بنضره وباوعت لأمي يعني قهرتيها

اعرفها انقهرت لأن صوجي مثل الثوله رفعت صوتي ونترت 

اني تقدمت يمها بستها ومسحت دموعها وحجيت..

يمه دموعج غاليه اسفه بس تعصبت بعد ما اعيدها لا. تزعلين

باستني وكالت... ما زعلانه وليدي بس انقهر من اشوفج هيج مكسوره

هيلين... خليها اسبوعين هاذهوا مثل ما كلتي نشوف حجته شنو

باوعت لسهام ابتسمتلي لأن راضيت امي وصلحت غلطي

مر الاسبوعين والوضع نفسه أكلي قليل وابقى مكتئبة

اجتني رساله عالواتس باوعت هيثم كاتب

هيثم... ها ما غيرتي رأيج

هيلين... لا

هيثم... خليها اسبوع انوب. فكري

هيلين.. هيثم باجر تخابر ابويه وتتفقون ايمت نتطلك

هيثم... اي هاذهوا

كتبتله باي شافها وما رد

وثاني يوم اتفقو على يوم الطلاك

ومر يومين وباجر طلاكي من هيثم او الافضل خلاصي وحريتي من هيثم

اجه عدنا بالبيت هوا وعمي وباسم 

وابويه كالي عود من ارمش على تلفونج اوكفي وره باب الاستقبال

رمش على تلفوني ورحت وره الباب

سمعت ابويه يكللهم  حتى لو تحجون وياها ما تقبل بنتي تعبانه حيل كافي ابو باسم خلينه نبقه بصداقتنه وما نخربها

ردله ابو باسم... التردوه يصير وغرفتها وكلشي يخصها اخليهم يجيبوه نهار

رد ابويه كاله... كلشي ما تريد عدها تسلم

وابويه كاله البنيه وره باب الاستقبال اوكف وره باب الاستقبال طلكها

لازم يطلكني محكمه وطلاك لسان

وره شويه

سمعته كال... هيلين

كتله.. ها

هيثم... انتي طالك طالك طالك

حسيت كلبي عصرني

طلع ابويه كال تحضري نروح للمحكمه

تحضرت وطلعنه هما بسيارتهم واني وأبويه بسيارة انسام

مشينه والطريق كله احس نفسي يروح ويرجع مخنوكه وابينلهم انو اني ماكو اقوى مني

وصلنه المحكمه نزلنه واباوعله ما اندارلي واني هم درت عيني ما اريد اشوفه كلبي ما ينطيني

رحنه للمحكمه طبينه كملنه الأجراءات بسرعه لأن ابويه محامي بالمحكمه وطبينه للقاضي طبينه بس اني وهيثم

بيناتنه مسافه كلش قليله ايديه كامت ترجف

حجه ويانه القاضي شكم كلام وكال هاذهوا انطاني الاوراق كالي وقعي

التوقيع حينهي كلشي بيناتنه

لهنا وينتهي البارت لا تنسون التصويت عمري لاڤيووو نفر نفر

صعوبة الشرح تجبرني عالصمت دائما

وقلبي مليان حچي والوكت يفرض عليه السكوت

رواية الأصداف

بقلمي الكاتبة.. ♕bmbsh_beme♕

لحظات صغيره تصنع ذكريات كبيرة

Little moments, making memories

........................................................................

اخذت القلم ووقعت وخليت القلم كدام هيثم

هيثم باوعلي وحجه بترجي ... هيلين

رديتله..... اعتقني

وقع هيثم وطلع وطلعنه هيثم مبين مدري شبي من وقع احواله تخربطت

وصلنه يم ابويه وباسم وابو باسم

ابويه.. ها كملتو

هزيت راسي بمعنى اي

ابويه باوع لأبو باسم وكاله

احنه صداقتنه تبقى اثنينهم ما تراهمو وما الهم قسمة يكملون حياتهم سويه مو تنكطعون من عدنه

ابو باسم... افا عليك ابو هيلين شنو ننكطع منكم بس اذا النفس ينكطع يبعدني عن صديق عمري

ابويه.... كل الهلا بيكم ايمت ما تجون

تسالمو وهيثم محتقن كال... بويه اني رايح كدامكم

راح هيثم واحنه هم طلعنه ابويه خابر انسام

وانسام كاله هسه دقايق اني يمكم باوعتله عبر شاخط راد يندعم

اجه انسام وبابا كاله

انسام روحلنه عالمعرض خل اخذ لبنيتي سيارة تتعلم سواقه عالأقل من تروح وترجع لدوامها وتصير سيارة جوه ايدنه

ردله انسام.... عمي سيارتكم هاي قصده على سيارته

وايمت ما تحتاجوها اخذوها

ابويه... لا بويه تعيش انت ما مخلي قصره

انسام.... طكت الوصخه صار بيها سياره

معرف شعور كلش غريب شنو ما ادري

وصلنه المعرض وبابا كال اختاري ما ليه واهس شي شفت سيارة حجمها كلش صغير يعني لعائلتنه تكفي

كلش كلش صغيره جنها تشبة سيارة اسمها ميني كوبر

كتله اريدها لون اسود

وطلعنه لأن بس اختاريتها ابويه كال باجر نجي اني وانسام نجيبها ونجيب المستمسكات اللازمه والفلوس

رجعنه بابا كال لأنسام نزلني بفلان مكان يم ابو المراجيح وروحو لأن سيارة النقل على جيه

رحنه وصلنه ابويه ومشينه حجه انسام وعرفته مقهور عليه ويشفق عليه واني ما احب هالشي

انسام... هيلين شرأيج نمر لمطعم مرتب نتغده

هيلين... تسلم ما جوعانه كثرت عالريوك

. انسام.. يم ابو المرطبات

هيلين... تسلم اشتري اللك اني ما اشتهي شي

انسام.... هيلين كافي على شنو مقهوره

هيلين... ممقهوره

انسام... اختي اللي تربت كدامي ما اعرف شبيها احجي شنو الغاثج

هيلين... ما اعرف شعور غريب بكلبي تفكيري مشوش

عيوني غوركت للحضه ردت ابجي بس سيطرت على دموعي ورجعت تمالكت نفسي

انسام... هيلين شوفي نفسج اشون صايره المفروض تفرحين يولي خلصتي منهم

سكتنه اثنينه رجعنه للبيت امي تلكتني وأيه عدنه

طبينه جوه وكفت اغسل عالسنك امي واكفه عالحشيه

وسهام تسوي بيذنجان وأيه كاعده عالميز

امي.. تقلب الحشيه عالنار وحجت... ها كملتو لو تأجلتو

هيلين... لا كملنا

أيه... يعني تطلكتو

هيلين... اي

سهام... يمعوده ارتاحت

غسلت ايديه وطبيت جوه وأيه وياي معافتني

رحنه لغرفتي شلحت شالي وشويه اخذت نفس أيه كالت اني انزل جوه وانتي بدلي وتعالي كتلها ماشي

أيه نزلت واني بدلت ونزلت وراها كضينه اليوم واني الشعور اللي بداخلي ما اختفه شعور كلش غريب خربط مشاعري

ابويه جا بسياره مال نقل جايب المرجوحه طببوها للحديقه كعدت توب ويه ترتيب الحديقه

بليل تعشينه شيخ محشي وتعللنه ف حسيت كلهم ديشفقون عليه مردت احسسهم مقهوره حتى يبطلون شفقه كلت لأبويه

هيلين... بابا باجر من تجيب السياره جيب حبشكلات مال زرع دنزرع ورد بالحديقه

امي... ها اختاريتي

هيلين.. اي اختاريت وبعدين تعالو ليش ما حجيتولي

سهام... رادو يسووها مفاجأة

أيه... دقيقة دقيقة شنو من سياره

هيلين... عدلت الياخه مال البلوز وحجيت بثقه.... احم احم اليوم ابويه اخذني للمعرض اختاريتلي سياره

ايه... لا صدك هالشي يستاهل كشخه اكشخي بعد

اني رجعت عدلت الياخه مال البلوز وكلهم ضحكو وباركولي

ايه ردنه منها تبات ما قبلت

طلعت للغرفه دنام شغلت المكيف واتمددت اريد التهي ف شغلت تلفوني وكعدت اباوع لزواج مصلحه براء 3مرات اتصلت عليه بس كلت هسه بس احجي وياها أبجي

باوعت للمسلسل اجاني اشعار من براء

ترا ضل بالي اذا موجوده جاوبي

وشويه واجاني اتصال خرجت من المسلسل واتمددت على ضهري وخليت السماعات وحجيت

هيلين... الووو

براء... ها وينج خربب حضج شلون بيج لمن صخامي موجوده ليش ما تردين

براء من احجي وياها احسها أماني ومن افضفضلها ابجي بس شويه ارتاح

هيلين... براء

براء... هاا خير

هيلين... براء هاذهوا فقدته وفقدت صوته صار اسوء شي اتمناه ليش هيج اريده وبجيت

براء... يروحي لا تبجين

هيلين بغصه... اخخخخ كله صوجي كله صوجي ليش من البدايه اهتميت بي تخيلي بعد ما اشوفه ولا يشوفني وانكطع كلشي بيناتنه

براء... ترا جنتي شمعة وطفاج هوا ضيع حبج يا روحي لتبجين

هيلين... بجيت بصوت شبه عالي.. براء اني ما احبه ليش هيج دا يصير بيه خايفه اكون حبيته

براء... لا متحبينه لتخافين بس لأن تعودتي على وجوده وفجأة اختفى زين سؤال

هيلين... اشهك.. ايي

براء... بس مشتاكه لصوته وقربه

هيلين.. ما ما اريد ما اريد قربه بس مخنوكه شي خانكني براء احس ضلمته ضميري ديأنبني

براء... ليش تخليني اغلط عليج هسه حبيبي اذاج اذاج لو وحده غيرج جان من زمان عافته ميستاهلج

هيلين... بس كام يبجي ويكلي احبج

براء.... الحب مو بس كلام الحب افعال وهوا شخص يحب التملك يعني يملكج ويخليج حيشاج مثل العبده عنده ايمت ميريد يضربج ويهينج الحب يتطلب الثقه والأهتمام هذوله اولوية الحب

الشخص اللي ميكلج احبج ويقدملج اهتمام ويثق بيج حتحبي وتكولين يستاهل حبي هيثم شيستاهل

هيلين... براء مخنوكه حجيت هيج وزدت بالبجي وهيه تبجي وياي اخر شي براء ضاجت كالت دقيقه سدي الخط

سديت الخط ما طولت واجاني اتصال منها

جاوبتها

هيلين..احجي وصوتي مخنوك.. وين رحتي

براء... جبتلج السند

انسام... شبيج هيلين ليش باچيه

هيلين... كلبي يوجعني... وبچيت

انسام... خويه ليش اكو احد قاهرج

براء... ديأنبها ضميرها لأن اتطلكت من هيثم وهيثم كايللها احبج وتكول معرف ليش مخنوكه

انسام... هيلين اسمعيني وركزي وياي تمام

هيلين... تمام

انسام... جان يضربج

هيلين... هواي وميثق بيه

انسام... زين هنا الربط كله ميثق بيج تعرفين ليش

دريتله... ليش

حجه... لأن كل شخص يشوفج بعين طبعه

يعني هسه اني اختي وانتي وبراء لو اعوفكم بنص عشر رجال راح اعرف متخيبن ثقتي ليش لأن اني ما اخون ف اشوف الناس متخون صدكي واعتقدي مدام ميثق بيج هوا هم مينوثق بي

كلت بكلبي خان الثقه خانها من بداية زواجنه

انسام.. فليش تقهرين نفسج عليه ولج اليحبج ميأذيج ولا ينزل دموعج على شنو يأنبج ضميرج تتذكرين بيوم اجيت اخذج رجعت لكيته باچي من عيونه انقهرتي عليه وكلتي روح ما اجي

وراها شو اذاج شو ضربج المفروض يخليج بعيونه العنده مثلج شيريد من الدنيا بعد اني حبيت براء لأن اختيارج انتي واعرف اخيتارج حلو ورزن وماشالله شوفيها هسه محتله كلبي

براء كالت... انجب مو وكت غزل

انسام... اني اعلمج صايره تتجاوزين خل بس نتواجه واني اعلمج

براء... هااااا انساممم

انسام... اتشاقه ليش دائما تاخذين كلامي بالجد

ابتسمت على حبهم وثقتهم براء دائما تكلي انسام سندج لأن يعتبرني اخته

انسام... اي هيلين مخنوكه صح

هيلين.. كلش

انسام... هيلين ليش ما ترجعين لشغلج هيج تتناسين

هيلين... حرجع اكيد

انسام... زين اكلج

هيلين.. كول

انسام... رادو يخلون دكتور بغرفتج وبراء تخبلت هههه رتبت الغرفه المتروكه وانطتها للدكتور ورجعت غلطت غرفتج

هيلين... والايجار

انسام... افااا عليج اخوج موجود

هيلين... انت من حالك دافع فلوس الايجار..

انسام... الفلوس ما تغله عليج

براء... احم احم

انسام... اشتغلت الغيره

براء... هههه

هيلين... اني حروح انام تصبحون. على خير

انسام.. وين تروحين ابقي

براء... وين رايحه شكد صارلنه ما حاجين

هيلين.... ارتاحت نفسيتي على حجيكم وغفلت

سلمت عليهم وسديت الخط بس سديته صرت ابجي بصوت عالي ما اعرف شنو جرالي بقيت لأذان الفجر اني ابجي كمت توضيت وصليت شويه ارتاحيت ونمت

كعدت حيلل الساعه ب2رحت غسلت وصليت ونزلت جوه . متغدين برياني ما صارلي نفس أكل شي شربت چاي شويه يصفي راسي

ابويه رايح علمود يجيب السياره ويه حسام

كعدت ويه امي وسهام واحجي وياهن واتراسل ويه براء للعصر اجه ابويه وحسام العصر امي تلكتهم

هوا وحسام طببو السياره للكراج ما ليه واهس شي

وحتى السيارة مفرحت بيها احس كلشي بحياتي بدون طعم

ما طلعت صعدت بغرفتي تمددت وغمضت ما ادري ايمت غفيت كعدت على اذان المغرب جسمي خمول

وبطني وضهري موتوني نزلت جوه ديصلون مغرب والجو بارد والصوبات احسها تخنك طلعت للحديقه

كعدت بالمرجوحه واحس جسمي تعبان رغم ما اشتغلت شي امي اجت صاحتلي كالت تعالي تعشي كتلها ما جوعانه

شويه وأجه ابويه واكف اباب المطبخ ويحاجيني...

ابويه... يلا كومي تعشي

هيلين.. ألف عافيه تعشو اني ما جوعانه

ابويه... امج تكول لا ريوك ولا غده يلا تحركي

هيلين... ما جوعانه

. ابويه... اني رايح وما اتعشه الا تجين انتضرج وطب للبيت

كلبي ما ينطيني ابويه ما يتعشه نزلت من للمرجوحه طبيت للبيت احس بخنكه للبيت من كد ما دافي

طفيت المكيف وكعدت يمهم

جاي اتعشه وياهم واندك بابنه طلع بابا اسمع صوت بيت عمي طببهم ابويه للهول ردنه منهم تعالو تعشو كالو ما جوعانين حسام كال اني من الريوك شنو عشاكم

امي برياني الغده ومقليات

رفعت عيني صارت بعين حسام نزلت عيني وكملت أكل وهوا بويايييي شكبر حلكه شلون ما يختنك ما ادري

كلت بكلبي شبيج هيلين عينج على أكله خل. ياكل الرجال

اقلب بالتمن وكل شويه اكل لكمه وصافنه بالصحن

صحاني من صفنتي سهام وهيه تكلي يولييي شبيج

باوعتلها وحجيت... شبيه كلشي ما بيه

سهام...الصفنه بس للجحش

اباوع ابويه يضحك وامي تضحك وحسام ابتسم ابتسامه خفيفه شكد تفشلت كدام حسام

حجيت... بقلة صبر وصكيت على اسناني... سوهامممم

رد حسام كال... سهام اربع حروف مو خمسه

هيلين.. حوسامممم

وياكلون ويضحكون عليه رد ابويه كال... الواو منين جبتي بابا شنو ما عنده اهل واتبنيتي

حسام..... سووهااام ما تناوشيني كلاص الميه

ابويه... هههههه حوسامم لا تقلد على بنتي

أيه...يبووو يهيلين لو ساكته احسلج

ويضحكون اني لكيتها حجه كتلهم... صوج الياكل وياكم ورحت باتجاه المغسل وامي تكللهم... ما خليتوها تاكل قشمرتوها

غسلت ورحت للمطبخ خليت الجاي ورحت كعدت يم ايه جانت تراسل حبيبها حجيت بهمس... حجيتي وياه مو كلتي راح احاجي هاي شكد صارلج

أيه... ولج اششش صوتج

عرفتها تريد تغلس كلت هسه احاجيها بالمطبخ هاي متسمع كلام ومراهقه ينضحك عليها بسرعه

كملو أكل كمت لميت الأكل وأيه تعاوني رحت للمطبخ حضرت الجاي وديتلهم وواكفه اغسل اماعين العشه وهيه يمي

باوعتلها وحجيت... ليش تغلسين اني لمصلحتج

ايه... يحبني بس حاليا ميكدر يجي يخطبني

هيلين... لو نيته صافيه يجي يخطبج من زمان زين من كتلج حاجي حاجيتي

ايه... اي حاجيته وكتله كال هاذهوا بعد كلشي بيناتنه انتهى مدام متثقين بيه هيلين ما اكدر بلياه ضليت الوب

هيلين... واشون رجعتو

توها دتحجي وعمي صاحلها كال تعالي شيلي الاستكانات كالت اكمل واجيج

كتلها خوش اني علما امسح الكاونتر

راحت أيه واني بديت امسح الكاونتر طب انسام كال..... هيلين اكلج..

هيلين... اي كول

انسام... تعرفين هاي البنيه شغل الفيديو باوعت ساره دتركص بعرسي

انسام... هاي منو

هيلين... شجاب ال

بعد ما كملت وقاطعتني ايه كالت شجاي تتبشبشون

انسام اشرلي بمعنى اسكتي

سكتت

رحنه يمهم وروحي لاجت شجاب ساره على تلفونه وليش ديسألني عنها الف فكره اجت ببالي مره اكول بس لا عجبته ورادها وحيخون براء كبل اكللها اذا فكر يخون براء

وبعدين اكول خاف تراسلو هوا وياها وهيج عنده الفيديو مالتها.لأن الفيديو بنيه مصورتها صح صوت الهوسه والاغاني بس التصوير بالهول ووحدها بالفيديو

كاعدين نتعلل وحجه ابويه

ابويه..... كال تعليم. السياقة على حسام لأن انسام ميكدر يعوف شغله

حسام... تدلل عمي

كلت بكلبي الا المغرور

رجعت امي كالت ليش ما رحت كلية ضباط مو انت شكد هويتها وردتها

رد عمي كاللها... البارحه حسمنه للنهائي وكال كلية ضباط

واني اريدله العسكريه اكول احسن أمان الضباط لكلشي يتعرضون

ردله ابويه... ابو حسام كلية الضباط احسن بس ليش وقسم الانت بي

مرت عمي... شلع كلب ابوه علما سوه تحويل تبهذلنه عالواسطات

ابويه... ابني اذا هيج خليها ادخلها بهاي الشركه مال التعليم

رد حسام... عمي الشركه بيها زلم يعلمون سواقه مو نسوان واني كل يوم اعلمها ساعه ساعتين ما تاخذ من وقتي

رديت اني... لعد الشركه احسن واذا زلم عادي هوا يومين ثلاثه اتعلم مو هواي

حسام... بنتر.. منو كالج السواقه يومين ثلاثه اذا تعلمتيها بأسبوع زين

باوعتله بنضره مو عاجبني كلامه وحجيت.... واذا تعلمتها بيومين شتخسر

حسام.. اذا وراها بيومين تعلمتي ازين شاربي

عصبني قابل اني ما افتهم رديتله... تحضر لعد على وجهك بدون شوارب

الكل ضحكو وهوا ضحك ضحكه مصطنعه

حجه... نشوف منو يزين شاربه هوا اني ما تعلمتها بيومين

هيلين... هاي انت عميي اني اختلف

هيثم هم من يتشاقه بثكل ورزانه بكلشي ثكيل بس هيثم مشايف نفسه هذا شايف نفسه هههههه بس صراحة مو بحلاة الرجال اللي مخلوط رزانه وثكل ويتشاقه ويضحك احسه احلا بهواي

ثاني يوم العصر كلش حلو الجو اجه حسام جنه بالهول وكف اباب المطبخ وكال... يلا نطلع

هيلين... خل بس اغير ملابسي

هز راسه بمعنى اي واني طلعت لبست بنطرون كيلوت عريض وتيشيرت

ولفيت الشال ونزلت جان مدنك عالفون وامي كالت البسيلج شحاطه تكرمون البوتين يضايقج

هيلين... لا يمه البوتين احسن

حسام... لبسي شحاطه تكرمون ترا بالسياره ما طالعين نفتر ونتونس

باوعتله بطرف عيني ورحت لبست البوتين بالقصد وطلعنه يم الباب

صعد حسام بمكان السايق واني كعدت يمه

صار يعلمني السواقه تدوسين هالشي وتسوين هالشي واذا ردت ترجعين بك هالشي واني مركزه وياه بسرعه حفضتهن

هوا يسولف واني مركزه وياه اخذ نفس اندار باوع لعيوني ورجع باوع لكدام كال... راح اسوق لنهاية وانتي تعلمي

هيلين... تمام

ساق لنهاية الفرع ورجع ديور السياره ورجعنه للفرع

تحول حسام واني تحولت بمكان السايق باوعت بوتيني تكرمون شثكله شلون راح اسوق حجيت

هيلين... حسام بس اطب للبيت اغير بوتيني

حسام..... انتي عاندتي ولبستي بوتين العناد ما يفيدج انتي جيتي اعلمج سواقه مو تعلميني العناد وتحركين اعصابي اشلحي بوتينج وابقي حافيه احسن

شكد تفشلت هوا هاي عنادي دوم مفشلني شلحت البوتين تكرمون مسكت الستيرن وحسام كال

حسام... دوسي البانزين بس عالكيف

ولا تستخدمين غير رجل اليمين اليسار ابد. متجين يمها

هيلين... واشون اذا ردت امسك سطاب

حسام... تعوفين البانزين وتدوسين السطاب ميصير انتي ودايسه عالسبانزين تدوسين اسطاب

هيلين... تمام

دست بانزين وصرخت السياره كمزت ومشت سريع كال حسام

شيلي رجلج

ودوسيها عالكيف كتله تمام

وصلت لراس الفرع وعلمني ديورت ورجعنه بنفس الفرع حجه حسام

ناس ما شيفين بنيه تسوق لو شنو

باوعت شباب صغار واكفين يباوعون

بقيت اروح وأرجع لحد ما تعبت وحسام وكف يم الباب كال افتحي الباب اطبب السياره

نزلت فتحت الباب طبب السياره للكراج ونزل كال

... اني رايح باجر هم اجي تتعلمين انوب لان بعدج ما ضبطتيها

هيلين... تمام هوا راح واني سديت الباب وطبيت للبيت وانكضه اليوم عادي ثاني يوم هم علمني عالسواقه وبعدين كالي

حسام... مستعده تطببيها للكراج

هيلين... هااا خاف ادعمها

حسام... لعد خليها باجر

كتله تمام

ثالث يوم علمني السواقه وكدرت. اطببها للكراج

رابع يوم كال

حسام... هيلين شتكولين نطلع عالشارع

هيلين... تمام

طلعت اسوق وهوا يمي كاعد كال روحي لهذاك الشارع لان فارغ

توترت وكلش خايفه الشارع فارغ قليل سيارات تمر بي

ديورت ورحت للشارع

لهنا وينتهي البارت لا تنسون التصويت....

رواية الأصداف

بقلمي الكاتبة.. ♕bmbsh_beme♕

بعيدا عن الشعر والعبارات اقروها لعلها حسنه لي ولكم

استغفر الله(٣)🌺

الله اكبر(٣)🌺

الحمدلله(٣)🌺

سبحان الله(٣)🌺

لا حول ولا قوه الا بالله(٣)🌺

اللهم صل وسلم وبارك على سيدنا محمد(٣)🌺

....................................... ............ ..…………....

رواية الأصداف

بقلمي الكاتبة.. ♕bmbsh_beme♕

توترت كلش بس شجعني كلام حسام من كال...

هيلين التوترمو من صالحج راح يخليج ترتبكين

شوفي اي غلط بسواقتج اني اوكف السياره كبل

هيلين... تمام

مشيت وجان الشارع بس روحه مشيت وحسيت سيارة اجت وراي كلت

هيلين... ح ح حس حسام س سيا سياره

حسام.. معليج ابقي بطريقج

نفخت النفس ورخيت ايدي عن الستيرن اجت السياره عبرت من يمي فرحت كلش من شفت تخطيت هالشي

حسام... هسه الاستداره صعبه تكدرين لو لا

هيلين... احاول

ابتسم وكال عفيه شجاعه يلا

مشيت كال اعلكي اشاره حتى الوراج يعرف راح تستدارين

علكت اشاره كال... هيلين شوفي انتضري السيارات تعبر وميبقى سيارات جايه واعبري

كتله تمام بس هم بكلبي خوف وتوتر

انتضرت السيارات يعبرن واجن سيارات بس بعدهن بعيدات كال اعبري

استداريت بس معرف اكمل الاستداره واجت السياره كبل حسام فرن الستيرن واني ارتبكت

حسام... هيلين روحي يسار يسار

هيلين... و و وين وين ... اشرت بيدي... منا لو منا... حسام... شبيج متعرفين يمين من اليسار منا منا

مشيت لليساره وكفت السياره وهوا حجه

حسام... هيلين لتخافين ترا استداره مراح يدعموج

هزيت راسي بنعم كال

حسام... ها نكمل سواقه لو نرجع

هيلين... راسي صار يوجعني خل نرجع

رجعنه وثاني يوم طلعنه هم كالي لازم تتخطين الاستداره كتله

هيلين... اخاف

حسام... شلون بيج هيلين شبيج وتنفخين بنفسج واني واني واني بيومين اتعلم هاي من ايمت اعلم بيج شنو هلكد جبانه

من كال هيج ضجت شنو عباله اني ما اكدر وجبانه دست بانزين شخطت السياره كال

حسام... هههه على كيفج 

مشيت وعبرت الاستداره بقوه وهدوء كالي كملي نرجع للاستداره انوب

كتله تمام

مشينه واجاني اتصال مديت ايدي بجيبي دا اخذ التلفون حجه

حسام... لا تجاوبين

هيلين... خاف اهلي بيهم شي

حسام... جيبي اني اجاوب

طلعت الفون من جيبي باوعت هيثم

حسام بصوت عالي ... هيلين لتركزين عالتلفون تاليي

نزلت البرده دا اسوي صامت جان حسام بحركه سريعه يفر الستيرن والسياره العبرت من يمنه دكت هورن قوي صاح حسام

حسام... تاليييي لو مدعومين عوفييي هسه

طبكت السياره على صفحه سويت تلفوني صامت وذبيته بالسياره من وره وباوعت لحسام كتله

هيلين... على شنو تصيح شنو محملني مانيه

حسام... مو مانيه بس ماكو داعي تجاوبينه

هيلين... حريتي الشخصيه اجاوبه او لا

حسام... اسمعي يا مره اني ابن عمج وانتي عرضي شنو مو اتطلكتي منه على شنو يخابر انتي هسه ما تقربيله شي غريب ترا

هيلين... وانت ليش دتحاسبني

حسام... خويه هيلين واعتقد كلمة خويه تفهمج مو نيتي شي بس ميصير هالشي وهسه يلا خل نرجع سواقه وتعلمتي

مشيت وصلت طارف فرعنه وكتله...

هيلين... اسفه

حسام... مقبول اعتذارج

طببت السياره للكراج وحسام راح طبيت للبيت باوعت لتلفوني طبيت للسجل 15مكالمه

خليت التلفون بصفحه وغسلت وجهي وطبيت للبيت

بليل دا انام واجاني منه اتصال كلت خل اشوف شيريد هيج حرك التلفون حرك

جاوبت وبقيت ساكته خل هوا يبدي يحجي

هيثم.. الووو

هيلين.... ها شتريد عليش دكيت جان تلفوني صامت وما، سمعته

سمعته كال بنتر  وصوته  نفسه عالي من العصبيه ....

هيثم... لا تجذبينننن ليش متجاوبين لازم اني ازعاج

هيلين... على شنو اجذب

هيثم... لا تكولين جان صامت

هيلين.. شنو تجذبني

هيثم.. اي اجذبج ازعجتج باتصالي لأن كاعده وياه ما تريدين تجاوبين

هيلين... شنوو

هيثم.. لا تغشمين هيلين وبس اشوفج انوب وياه اجس اسويله مشكله واكتله

هيلين... رجاءا لا تدخل اني هسه مو بذمتك فهمت

هيثم... هيلين لا تحركين اعصابي

هيلين... شتسوي اذا حركت اعصابك

هيثم... هيليننننن

هيلين... اذا قبل جنت انضرب هسه متكدر تمس شعرايه مني وسديته بوجهه

مرت الأيام  كتفي طاب بس الأثر ما راح وصرت اذا، اهلي احتاجو شي من السوك اني اروح بالسياره رجعت لشغلي اول يوم جنت كلش فرحانه رحت الصبح سلمت عالدكاتره اكو بيهم مموجودين براء كالت انقلو

وره يومين

كاعدين اني  وبراء كالت.. هيلين هذا اخو انسام خاطب متزوج

اجه انسام وسمعها كال

انسام... شبي اخويه

براء... مرتبط

انسام طكك عيونه وكال... براءءءءء

براء... شبيك مو علم هيلين السواقه كلت

انسام... كلتي شنو

براء... شي بيناتنه اني وهيلين معليك

انسام كعد كبالها وكال.. تحجين لو استخدم وياج غير اسلوب

براء... تهدد

انسام... اي اهدد

براء... مدام تهدد فلا اكلك

شاورتني براء وكالت...

براء... ولج غير جفصه جنت. دا اكلج بلكي يحبج شي حتى نصير جناين ابيت واحد

هيلين... هههه ما اجرعه اصلا

انسام... طبعا السالفه بيها أنه احجو شكو

هيلين.. براء تكول بلكي يحبج حسام حتى نصير

باوعت براء تخزر بيه

انسام... لا تباعين لبراء باعيلي واحجي

هيلين... تكول حتى نصير جناين ابيت واحد

انسام ضحك وكال.... بالبيت كلهم يريدون هيلين امي تكله بس اخذلك اياها بس هوا من صارت سالفة حبيبتة انكطعت نفسه من الحب

هنا صار صمت معرفنه شنجاوبه

حجه انسام... هههه يلا تحركو هسه يجون المراجعين

اجو المراجعين وتعب بتعب هلكت

رجعت بالطريق واجاني اتصال اني من اطلع بالسياره اول من اشغلها اربط التلفون عالبلوتوث

دست عالجواب بدون ما اباوع للتلفون

هيلين... الووو

انسام.... ها هيلين وين انتي

هيلين... بفلان مكان

انسام... حيللل لسه ما وصلتي

هيلين... ليش خوما اكو شي

انسام... لا بس علمود البنيه الشوفتج اياها وسألتج عليها

هيلين... ساره قصدك شبيها

انسام... اي هيه احجيلي عنها كلشي

هيلين... شبيك انسام ترا عيب عليك

انسام...اهووو هسه وكتج دحجي يا خويه

هيلين... ساره اخت هيثم الصغيره

انسام... مرتبطه

هيلين... مخطوبه

انسام... تتواصلين وياها

هيلين... لا ما نتواصل وانت شلون مخلي الفيديو كالها تركص عندك مو خطيه

انسام... هيلين اصلا ما شايفه لتحت الفيديو ودرته عليج

هيلين... ترا براء تحبك وبعدين ترا اكللها عليك

انسام... لا لا

جاي يحجي وسمعته كال... جاييي يا اخيي دصبرررر

انسام... ديربالج تحجين لبراء

توني دا احجي وسمعت يمه صوت شخص يسولف كال

انسام... بعدين نتفاهم سامر

كتله تمام باب

... بس معرفت شنو سامر هذا شديحجي

رجعت للبيت اجتني رساله كالعاده يوميه تجيني

هيثم... شلونج هيلين

.. شفت الرساله ومرديت لأن كل يومين ثلاثه يدز رساله

كمل اليوم عادي وثاني يوم ب1 بليل كاعده اراسل اجتني رساله

هيثم... شعندج لهسه نشط

مرديتله هوا شعليه

هيثم... ردي هيلين

هيثم... الووو وينج ردي

هيثم... هيلين ليش ما تردين

هيثم.. حسي بيه هيلين ردي

شفتهن كلت البراء رايحه انام وطلعت من الواتساب طفيت نت ونمت عسه ما يحترك كلبه لعد من تقرب

منها بنفس الغرفه اللي اني بيها ما فكر سنو حيصير بيه كمت ابجي كلما اريد انسه الصار والمريت بي يرجع يذكرني بي

نمت والصبح طلعت للعياده وقت الاستراحه مالتي نص ساعه من يكون نقص مراجعين اخذلي نص ساعه استراحه

فتحت نت لكيت هيثم دازلي

هيثم... هيلين بعد حسام ما تقربين يمه المكان اللي بي حسام ما تتواجدين بي

هيثم... ليش تسدين نت بوجهي

ورساله من رقم غريب

... هلاووو مشتاقين حب وين ما وين

رديت... هلوات بس منو

وصلتها الرسائل بس ما شافتهن

كملت دوامي ورجعت للبيت بليل سبحت وسشورت وطلعت أكلت شويه ورجعت لغرفتي

قريت كتب شويه مال الثقه بالنفس والثقاقه وعلم النفس

وفتحت تلفوني جايتني رساله من الرقم الغريب

اني ساره هيلين اشونج اخبارج

رديتلها... هلا عمري انتي اخبارج.. اكتب وحيلي يرجف معرف ليش

بسرعه شافت الرساله واتصلت عليه

الووو ها هيلين اشونج اخبارج علومج

هيلين... زينه الحمدلله انتي اخبارج

ساره... مو زينه

هيلين.. ليش..

ساره... دتصير مشاكل ويه اهل خطيبي

هيلين... ليش شكو

ساره... لأن باسم تزوج يسرى سكته بسكته جان جدي متوفي ف يكولون احنه هم نزف سكته بسكته

امي كالتلهم

خوما ناقصهن شي بناتي وسكته بسكته وبعدين باسم جان جدو متوفي وصارت سكته بسكته

ردت ام خطيبي كالتلها لا انتو علمود التكاليف

هيلين... يبووو وتالي شصار

ساره... حاليا الوضع كلش متوتر بالبيت وباسم يريد يخرب الخطوبه يكول من هسه صارت وحده بوحده

باجر ياخذونهن وهم بس يصير مشكله بيني اني ويسرى يسوون مشاكل ويه نور وساره ما عليج مني هسه انتي شلونج

هيلين... زينه رجعت لدوامي وكلش مرتاحه

ساره... تردين حتى اني من اتطلكتي ارتاحيت لأن جان كل ما هيثم يضربج كأنو جاي يضربني جان كلبي يوجعني عليج من تبجين واكول اخويه مخبل زين عافتو

هيلين... عمري انتي احسن هالشي للطرفين

ساره... هيلين بعدين نحجي حروح اهلي يصيحوني

هيلين... تمام اخذي راحتج

ساره راحت ثاني يوم الصبح كعدت لبست وطلعت فتحت باب الحوش وبابا وياي تجي ايام اوصله وياي وايام دوامنه مو سوه فا اروح وحدي

صعدنه بيها اني وابويه طلعتها من الكراج ونزلت سديت باب الكراج

والناس رايحه جايه هذا اللي لابس رسمي واللي لابس زي مدرسي وكلها

وصلت ابويه ورحت لدوامي ومن دا ارجع للبيت خابرت ابويه كال ما اطلع هسا  رجعت اني طبيت بيت عمي عدنه وأنسام بس انسام ما وياهم

انسام صار يتهرب ميريد يحجيلي عن ساره شي

حسام عادي تصرفاته وياي متغيره احسه لطيف وياي

مو مثل قبل

مرات من اروح عليهم يجيبلنه حلويات ومرات يشاقينه

ساره قليل تراسلني لأن كالت الشغل كله براسي

راسلتني بليل كالت اكلج هيلين

هيلين.. كولي

ساره... اخوتي قافلين يريدون يخربون الخطوبه

هيلين... تردين الافضل اللج

سار... اي

هيلين...  خلي يخربونها اخوتج يعرفون مصلحتج اخذي غريب حتى لا كال فلان وحجه علان

جاي احجي وساره غيرت الموضوع

ساره... اكلج هيلين

كولي

ساره.. ايمت اوقات دوامج واشون

هيلين... المراجعين قليل يجون حجز ف اللي يحجزون. انطيهم موعد ب3 واللي ما حاجزين قبل الثلاثه وبعد الخمسه

ساره... وايام دوامج

هيلين... كل الايام بس الجمعه ما اداوم

ساره... زين شنو تسوين يعني شنو تعالجين وهاي سولفيلي

هيلين... هههه شنو تحقيق شوفي قلع وحشوه واي شي يخص الاسنان

ساره... وتقويم

هيلين.... اي هم اشتغله

ساره... اسناني مو ضابطات اذا اجي  تستقبليني

هيلين.. كل الهلا بيج

سمعتها صارت تبشبش معرف شنو وويامن وبعدين انقطع الصوت يمكن كتمت عني

حجيت... تردين لو افصله الووو اذا تسمعيني ردي

ساره... باجر جمعه متداومين والسبت يجون عيالي لأن اخوتي دزو عليهم الأحد راح اجيج

مكدرت ارفض جيتها  ولو ما اريد اتقرب منهم هواي بس ساره ما تتجازه

هيلين... تعالي وتدللين انتي ومنو حتجين

سمعت يمها صوت بشبشه وبعدين كتمت عني ورجعت كالت

ساره... ما ادري دشوف منو يجيبني

هيلين.. شوف منو يجي وياج بس خل يكول لأنسام اجينه علمود تقويم ساره هوا حيطببكم بدون ما تنتضرون

ساره... تمام حياتي تسلمين يلا اروح انام لأن اليوم سهرت

هيلين... اخذي راحتج

سديته من يمها ونمت الصبح كعدت خابرت انسام كالت ما عدنه حجز كتله لعد ما نروح خليها استراحه ويه الجمعه كال خوش كتله علمود سالفة سارة كال نتواجه واحجيلج

مرت اليومين واني رحت للدوام حجست لابويه انو حتجي ساره كال عفيه بابا لا تشيلين بكلبج وانسي الماضي

رحت للدوام اكلنه وكلت لانسام ردت اشوف شنو ردت فعله

هيلين... انسام راح تجي ساره

رد بعدم اهتمام وبرود

انسام... عليش

.

هيلين... علمود تعمل تقويم

انسام... تمام

هيلين... تعرفها غير من شكلها

انسام.... اي هاذهوا

هيلين.. تمام من يجون كبل طببهم للعياده

انسام... ت.. بعده ما مكمل وحجت براء

براء... شنو وين شايفها

انسام رد بارتباك.... لا مو شفتها بالعرس

براء... هذا يا عرس انسام البنيه من طلعت مكبعه لأن لبسها ضيك احجي انسام وين شايفها

باوعتلي وكالت...امانه بركبتح هيلين مشوفته صورتها انتي شي..

هزيت راسي ب لا وكلت بكلبي شسوي بعد قابل اجذب براء هم صديقتي وما انطي عليها

توه دا يحجي انسام براء كالتله انت اسكت

باوعتلي براء وكالت... هيلين نضرتج هاي اعرفها احجي وين شفتها ولتجذب اني توني تذكرت انت

جنت بالغابات يوم الاجو هسه تكلي وين شايفها

تحجي وصوتها عالي الدكاتره كلها تباوعلهم

انسام صاك على سنونه ويحجي ... اول شي شفتها من رحت شفت هيلين وثاني شي متوقعت هاي عدم الثقه العندج وعدم الاحترام  جان استحيتي منا العالم سويتيني فرجه وعافنه وطلع

وبراء تخبلت وتحجي وتدردم اني وين ثقتي بي واني شبيه واني ليش هيج حجيت

اني اكثر من مره محاجيتها عالاحترام وهيه لسانها طويل ما يفيد بيها وكاعده يمها اهدي بيها لحد ما

بدو يحون المراجعين وانسام مطنش براء وبراء تروح وترجع عليه تكلي ولج حموت لا يتجاهلني

شويه وانسام فتح باب الغرفه كال تفضلي

باوعت طبت ساره ووراها هيثم يمه غير متت شجابه باوعت لساره ووكفت بارتباك سلمت عليها وعلى هيثم واكول بكلبي

ما يحتاج هيج تتوترين خلي الماضي وره ضهرج

حجيت واني اباوع لساره ما التفتت لهيثم

هيلين... خل افحص اسنانج اشوفهن شفتهن هيه رغم جمالها بس اسنانها متقدمه لكدام

شفتهن وخليتلها التقويم وكتلها شهر وترجعين رادت تنطيني فلوس ما اخذت رغم التقويم غالي بس اني مو بحاجه

طلعت ساره وهيثم ومرت الأيام نتراسل اني وياها وبراء يوميه تخابرني تبجي انسام ميقبل يحاجيها اباوعلهم براء عينها عليه وهوا متجاهلها من هيه تندار يبوك عينه يباوعلها

اكثر من مره حاجيته علمود يراضيها يكلي خليها تتأدب حتى بعدما تعيدها وساره اجت مراجعتها راسلتها كتلهت

خلي قاسم يجيبج. لا هيثم

ساره... ليش

هيلين... ما اريد اشوفه

ساره... بس هيلين ما عندي غيره يوديني ويجيبني وتعرفين اخوتي انتي

هيلين لو تشوفينه شكد متغير تخيلي بالبيت جان شتكله امي يكللها اي هسه فد مره محارب الكل وكل مره يكول لأمي من وراكم خسرت هيلين

تدرين افنان كامت تخاف تجي وهوا موجود بس يلكيها يتحجج عليها ويكتلها ويضرب بيها ويصيح كله من وراج خربتي بيتي وهجمتي

امي من الناس تكول علواه ترجع هيلين مالنه دخل بيها بس خلي تبقى يم هيثم تكول ابني تعب كلش

بلياها وحتى اني مرات من تصخرني وما اقبل تكلي لو هيلين ولو هيلين كلجن ما تلحكن هيلين كلت بكلبي بعد وكت هسه عرفو قيمتي

هيلين... ساره سدي الموضوع وباجر نتشاوف باي

كالتلي باي

شغلت اغنية طفاج القدر يا شمعتي وكمت ابجي اني ليش من عفتهم صارو زينين ليش ما استعدلو من جنت عدهم بس خربو حياتي

طلعت للكراج طلعت السياره جاي امشي وصافنه شلون راح اواجهه

ما حسيت الا طخيت سيارة ضخمه كلش يم بيت جيرانه السياره صار بيها هورن عالي واني رجعت سيارتي لوره ونزلت باوعت

السياره مشخوطه وسيارتي متأذيه طلع شاب ضخم من البيت اجه بأتجاهي

شنووو هاي شكو

هيلين.... مووبقصدي

هاي شصاير سيارج غير متأذيه

هيلين... سيارتك انشخطت اسفه واي شي تكاليف عليه

حجه يا تكاليف سيارتج انمردت

هيلين...ميخالف اني الغلط مني شكد تكاليف التصليح

حجه... ميحاج ما متأذيه كلش شخط صغير

هيلين... ميخالف

كال... هسه شكد تعاندين...باوع بتركيز.... دقيقه دقيقه تذكرتيني لو لا هههه

هيلين.... لا بلا صغرا بيك منو

لعد متوهم لا ولا شي اخذي راحتج

عفته ومشيت صعدت بالسياره كلت اذبها بالتصليح واكمل طريقي بس ما اشتغلت يمكن توقف المحرك لأن من الخوفه ضغطت. بانزين واسطاب سويه

لهنا وينتهي البارت لا تنسون التصويت حبشكلات كلبي

رواية الأصداف

بقلمي الكاتبة.. ♕bmbsh_beme♕

........................................................................

اشغلها ما تشتغل حجه بصوت عالي... ها عطلت اذا مستعجله اوصلج بطريقي

رديتله لا مبيها شي هسه تشتغل

اشغلها متشتغل دردمت.... شبيج تفشليني وصخمي اشتغلي

باوعتله ابتسمت بفشله ورجعت احاول عليها حتى تشتغل ماكو

خل اوصلج بطريقي وين تروحين

هيلين... لا يسلمو اخذ تكسي

براحتج حجاها ويضحك ونضراته غريبه

اخذت تكسي والطريق كله افكر

زين هذا شلون طلع من بيت النسوان مو ما عدهم رجال وبعدين شكله مو غريب عليه معقوله من كال تذكرتيني شايفني قبل هالمره لأن شكله احسه مو غريب

يووه شهالتفكير عايزني دوخه اني والمريت بس نساني نفسي مو انوب الناس

وصلت للمجمع طبيت صعدت بالمصعد للطابق الثاني طبيت انسام جان كاعد عالكرسي براء ما جايه

يوميه اشوفها تحوص بالمجمع الاكيها اول من اصل والبارحه ما راسلتني وصلت يم انسام كبل باوعلي وكال

انسام... هيلين شنو براء ليش ما اجت

هيلين... ما ادري يوميه تراسلني بليل اليوم ماكو

انسام شو دراسليها شوفي وينها

هيلين... ما عندي شحن

علمود هوا ينهي الزعل ويراسلها

طبيت للغرفه شكلت تلفوني عالشحن دزيتلها رساله وينج

الرساله ما وصلتها ضل بالي خابرتها

جاوبتني

براء... الووو..

رديتلها بهمس... وينج

براء.. خوما يسمعني انسام

هيلين.. اني البارحه من ما راسلتيني عبالي تراضيتو كلت ملتهيه تحجي ويه انسام بس الصبح من شفتج

ما جايه ضل بالي وهوا سألني عليج كتله ما اعرف كال راسليها كتله ما عندي شحن كلت حتى ينهي الزعل ويراسلج وصدك ما عندي شحن توني دا اشحن

براء... ديربالج تكليله راسلتها وعرفت شي عنها

هيلين.... لا ما اكله ايمت تتراضون مليت من السلبيه مالتكم طاقتكم السلبيه محاوطه المكان

براء... تعبت فعلت وضع الأختفاء مرمرني صار شهر

هيلين... السويتي مو قليل ام لسان لعد تصيحين عليه كدام الدكاتره

براء... اهووو هيلين لا تذكريني فدوه بعد ما اعيدها ابدد ينكص لساني اذا عدتها

. هيلين... اي عفيه هسه روحي خل اروح لشغلي..

براء... اي ولا تكوليله خابرتها

هيلين... لا لا ما اكول روحي

انسام كلما يجي علمود المراجعين يسألني وأني اثولها ما اكدر اجذب عليه اخر شي طب للغرفه كال

هيلين براء حتى نت ما فاتحه شلون

رديتله... يعني راسلتها

انسام... اي راسلتها ماكو

هيلين... يجوز صارلها شي من القهر

فرك كصته. كال... هسه شلون مو تعب كلبي شسويلها شسويلها وتكضب لسانها لعد قليله تسويني هالكداتني كبال المراجعين

عافني وطلع ووراها بشويه طبو ساره وهيثم تسالمنه كالعاده. غيرت لاستيك التقويم وشديته وكتلها حاولي تبتعدين عن الكرزات

تقرب هيثم صار كبالي كال شكد

هيلين... ما يحتاج

هيثم.... شكدد

ما رديتله

هيثم.. احسن شي ادزهن لابوج انتي تضلين بعنادج وراحو رجعت للبيت بابا من دره بالسياره كال فدوتج ثاني يوم الصبح

راسلتني ساره دازتلي...هيلين اسناني دتوجعني خاف اسناني تتأذه

هيلين... لا شي طبيعي يومين ويروح الوجع

ساره... مهدئات شي

هيلين... حاولي تاكلين ايس كريم وحاولي تاكلين اشياء هشه

ساره... مشكوره حبيبتي

هيلين... تدللين عمري

ساره... اكلج

كولي..

الخطوبه تفلشت

هيلين... راح تتعوضين عن كلشي بس توكلي على رب العالمين..

واللي عرفته هيثم شكد رايد من ابويه على فلوس التقويم ابويه ما قابل

ثاني يوم رحت للدوام براء وانسام متراضين ههه خوش هاي وضع الاختفاء مو قليله هههه

بعد نصائح براء وأيه وملحتهن رجعت للجيم رياضه وأكل صحي خلال اشهر جسمي صار يجنن عليهن

هيثم وساره يبقون يراجعوني وصرت لمن اشوفه ما اتأثر شي عادي

جنت لابسه تيشرت نص اردان وستريج ورافعه شعري بأهمال واندك الباب باوعت بالكامره ايه

طلعت فتحتلها الباب

ايه... هلاوو

هيلين... هلوات شخبارج

ايه... زينه وانتي

هيلين... تمام فوتي

ايه... لا نكعد بالحديقه اطيب

كتلها لعد اكعدي اروح اخلي اصب عصير واجي

ايه... اي اهم شي بارد

هيلين... مو تدللين

رحت صبيت العصير وجبته وجيت امشي باتجاه ايه جان تصفر وتكول

ايه.... خرب بالحظ ليش جسمي ميصير هيج

هيلين... شبي

ايه... ما اعرف بس جمسج على ميلان يجنن وصفات الانوثه بروزتها طبيعيه تجنن

باوعتلها بشقه بخوف... يمه عابت شنو من عيون عيب عليج

ايه.... هههه دكلي خره شكالولج عليه تف جيبي جيبي... انطيتها العصير وكعدنه نشرب عصير ونسولف

وكع تلفوني واني كاعده بالمرجوحه حسيت كلاص ميه انكب بركبتي وايه كمزت للحوش تضحك

اني ما قصرت اخذت دولكة الميه وركضت وراها رديتها عليها هيه كامت تكمز

راحت للصونده فتحت الميه وباوعتلي بخبث

ايه... هههههه وين تروحين وصايره يم الحديقه ما اكدر اصل المطبخ

هيلين... لا حبابه اكعدي راحه ما بيه حيل ابدل

ايه... لعد من سبحتيني بالدولكه ما كلتي شلون راح تبدل

باوعتلها مسكارتها سالت جاي اضحك عليها وما احس الا ورشتني بالصونده واني اصيح

ايه تضحك وتصيح ولج ملابس تخايل هههههه خرببب شكد ذوقج لعبان نفس مو لون جويتي عوعععع

باوعت تيشرتي لازك جاي اوخر التيشرت وابويه طلع باوعلنه بغضب وكال

ابويه.... صوتجن واصل لسابع جار فضحتنه... وصيح علينه... فوتن فوتننن

طبينه اني وياها وحده تباوع للثانيه وندردم وحاصرات الضحكه

رحنه لغرفتي انطيتها ملابس راحت للحمام واني سديت باب الغرفه وبدلت

وطلعت تعشينه بليل وايه اجاها اتصال كالت انسام ديتصل وطلعت للحديقه شويه واجتني رساله من ايه مكتوب

تعالي هيلين

طلعت بسرعه باوعت كاعدت بالمرجوحه ومدنكه عالتلفون

هيلين... ها ايه... كعدت يمها... باوعتلي عيوني تهل دموع

هيلين... شكو احجي اهلج بيهم شي ايه

ايه... هيلين ديهددني

هيلين... بشنو يهددج

ايه... بصوري

هيلين... شنووووو مو كلتي ما دزيتله

ايه... امبلا دزيتله

جريت التلفون من ايدها رسالة عالانستا مكتوب انتضرج والرسائل القبلها ما بيهن تهديد عرفت من خابرها

باوعتلها وحجيت... ايه احجيلي شكو

ايه... تشهك وتحجي... يهددني بصوري ابن كلبي اللي صار سنين احبه

هيلين... بس كليلي شلون ايمت

اخذت التلفون مني وطبت للتلي وطبت لمحادثاتهم وكالتلي باعي

اخذت التلفون باوعت كاتبتله

ايه... ايمت تجي تخطبني يعني ميصير هيج صار انتضرك

رد عليها... ضروفي ما تسمحلي

ايه... تضل تتحجج بالضروف ومكضيها تجذب عليه اذا نيتك وياي مو صافيه ليش هيج تعلقني بيك

رد عليها... اني جذاب وايموجي عصبي

ايه... اي جذاب واكبر جذاب

رد عليها... راح اعلمج شنو الجذاب اذا ما خليتج تتوسلين

ايه... اني اتوسل دولي ولي ودازتله ايموجي يضحك

رجعت قريت امس باوعت دازلها صورها وكاتبلها يا تحوليلي رصيد ب10يا انشرهن

ايه... ليش هيح تسوي

ما ادري بكيفي دعلمج منو الجذاب

ايه.. حبيبي صدك تحجي لو تتشاقه

ههههه كل عقلج. احب وحده ما اعرفها وتدزلي صورها ههههههه ضحكتيني واني ضايج صيري حبابه ودزي الرصيد لا اسويلهن فوتوشوب وافضحج اكثر

ايه... حسبي الله ونعم الوكيل على كل ضالم هسه اشتري وادزلك

ودازتله التحويل

هيلين.. هاي شلون وايمت

دايه... اوت البارحه تكاونه والبارحه طلب رصيد اني كلت لامي اريد رصيد احول لصاحبتي وامي اشترتلي واني حولتله اياه شافني تمكنت وعندي.. خابرني يكلي المبتز شخصيا وياج اريد 50الف يا افضحج

بجيت وكتله... ليش دتسوي هيج لا عفيه كالي

... خلي البجي يفيدج واتعلمي بعد ما تتجاوزين يا كح......

وكتله ما عندي يكلي مشكلتج دبري نفسج لليل اذا ما دبرتي صورج تنشر

هيلين شكد توسلت بي ماكو ما يفيد

هيلين... معليج اني ادبرلج الخمسين سدي حلكو بيهن لبين ما نشوف هكر شي شخص يساعدنه

وهيه تبجي وتكول رحت بيها انفضحت واني اهون عليها

ردت انطيها فلوس كالت اني بابا يضل ينطيني واجمع

مر ثلاث اسابيع وخمس مرات ايه تدزله على خمسين خمسين

ايه مبقى عدها فلوس اسبوع الرابع مرتين طلب على خمسين واني انطيها وهيه تدزله وشكد حاولت تتفاهن وياه ماكو

وبهذا الشهر يوميه من اطلع وامي اشوف يم بيت جيرانه هذا الرجال ومرات اشوفه لابس عسكري وواكف يدخن ومرات واكف يخابر

كلما يشوفني يبتسم بوجهي مرتين رديتله الابتسامه وبعدها صرت ما اردله الابتسامه

جنت رايحه للدوام اشرلي بمعنى اوكفي

وكفت نزلت جام السياره فهوا ضخم خله ايده على سقف السياره ودنك

عطره كفخ بوجهي باوعت لملامحه مو غريبه عيونه كبار ونضرتهم حاده وخشمه مو جبير وسماره خفيف ومزين لحيته بس شوارب وشعره نازل شعرايتين لكصته رجعهم ويه باقي شعره بغرور وحجه

سيارتي عاطله

رديتله اي تحتاج مستلزمات تصليح

لا بس تكدرين توصليني بطريقج

ياي هذا شبي يعزم نفسه خجلت منه وهوا هم ما اخذ فلوس لأن شخطت سيارته وتعاطف وياي

كتله تمام وين

كال انتي وين طريقج

رديتله لفلان مكان

كال انزل يم فلاس جسر لأن طريقي بعيد كتله تمام

صعد واني اجاني اتصال ناسيه مربوط عالبلوتوث جاوبت

براء... ها وينج الخايسه ام الدبك

باوعتله. بفشله وهوا حابس ضحكته

هيلين... من اصل نحجي

براء.... اكلج انتي ناسيه العلاكه البيها.. الح.... النسائية الاشتريتيها

معرفت شسوي كتلها... براء هاي مو اليه هاي مالت انسام العفو مالت غير دكتوره مو اليه

براء فطست ضحك وهذا الشاب فطس ضحك واني صرت بهدومي كتلها... من اصل نحجي وسديته كبل

فهوا غير الموضوع وكال... ما عرفتيني

هيلين... لا

مره اجيت للعياده مالتج انتي مو دكتوره

كتله اي دكتوره دقيقة دقيقه

انت مو خال سجى

كال اي خال سجى واعذريني ترا جنت ضايج بنت اختها ضاعت لمن اجيت وصدمتج جنت ادورلها وبعدين لمن رحت علمود اختي تسوي تلميع لاسنانها الدكتور يحجي بنفسيه الا لعبان نفس وانوب انتي صيحتي ف جدحن

حجيت... شنو جدحن

يعني يطبك واير الحار عالبارد ويجدحن

ضحكنه وكال

ما تعرفنه

هيلين.... اني هيلين وانت

عاشت الاسامي

شكرا

واني ضرغام

هيلين... ضرغام واحد من اسماء ملك الغابه الأسد

ضرغام.. شنو

هيلين... معنى اسمك

ضرغام... شلون عرفتي مار عليج هذا الاسم

هيلين.. اي بالكتاب اني احب من عشاق الأسماء ومعانيها دائما اقره معاني اسماء ومن اقراها احفضها

التفتت عليه فتح تلفونه ورجعت عيوني للشارع

حجه

... خل ابحث اشوف صدك لو لا

ضجت شنو قابل مجذبه عليه حتى ما مصدك

كال.. صح المعنى زين اسم ايسر

هيلين... . اعتقد الرجل اللين والهادء بتعامله مع المقابل رد كال

ضرغام.. اي نعم ايسر الرجل اللين والمرن في التعامل ذكيه

ابتسمت بتصنع مردت اضرب ميانه شنو ثارده وياه

مشيت والسكوت سيد المكان لحد ما اجاه اتصال جاوب

ضرغام... هلا بيك لا بعدني بفلان مكان

سيارتي عطلت وتأخرت واجيت بسياره السايق مالتها عبالك دا يسوك على بيض ويخاف يتكسر للمغرب اني يمكم ههههههه

من سمعته كال هيج مشيت سريع كال... على كيفج لا نندعم ما بيه حيل اليوم الترقيه مالتي خل اخذها وبعدين اموت وضحك... رد عالتلفون.... انجب يلا جايكم ما اتأخر.... مع السلامه.... خل اصل واني اعلمك... وسد الخط

وصلته للجسر طلع خمستالاف دا ينطيني

حجيت... ما اريد هوا اني فلوس السيارهىما انطيتك اياها... رد كال..

بس اني ما طلعتها دنطيج اياها ونزل خله ايده على سقف السياره ودنك باوعلي مسح شواربه وكال... طلع الفاره هم خوش تمشي والوحش العندي من الصبح عاطله

اني باقيه بفشلتي عالخمستالاف هزيت راسي ب اي هوا وخر واني مشيت وادردم

شبيج هيلين مخبله تفشلتي كدامه شكد عيب وفشله

وصلت الدوام خليت ايد براء تصير زركه من الكرص لأن فشلتني وحجيتلها وتضحك وتكلي

براء..هاي الحلو رجع شافج

رديتلها... ولج يمكن هوا بيوم عرسي نفسه الجان بالسيطره

براء... شنو من سيطره

هيلين... وكفونه السيطره وشخص جان منطيني ضهره مدري شيسوي كال عبرهم حسيت صوته مو غريب هسه تأكدت بس شوداه لسيطرة محافضه الديوانيه بس نسيت لو سائلته يجوز هوا

براء... اي شغلهم يصير كل فتره بمكان يايي شنو هالصدفه يعني هاي للمره الثالثه

هيلين... سدي حلكج كل صدفه نلتقي بيها ما بيها غير المغثه

اول مره ذب الفلوس بوجهي

وثاني مره بيوم عرسي

والثالثه بسببج يا قن...... فشلتيني وكرصتها

طب للعياده انسام كال صارو يجون المراجعين

براء.. برطمن وباوعت لانسام... انسومم باوع شسوت بأيدي زركتها

هيلين... تستاهل

براء... ليش اني شسويت احجيله وهوا يحكم

هيلين... دحجيله وشوف احجي وياج

براء... ههههه شكد فشله

كمل دوامي ورجعت للبيت بليل ايه خابرتني تبجي تكلي يريد ورقتين

رديتلها... ايه شلون يعني ما عدنه واحد ثقه نكله واخوتج اذا يدرون

قاطعتني وكالت... يمه شيدرون كبل يموتوني

هيلين... ايه شنسوي كليلي شنسوي

ايه... ولج اني جايه اسألج واني لو عندي حساب اخوه المنتسب جان راسلته هوا يكدر يطلعنه من هالسالفه

هيلين... شنو رأيج

ايه... اي شنو احجي شنو

هيلين.. ايه اهدئي وخليني اكمل

ايه... كملي اسمعج

بس دقيقه ليش ما نروح لبيت اهله ونحاجي أمه

هيلين.. اي حتى تصير فضاحه ايه خليها عليه باجر احلها اللج

ايه... اوك راح اعتمد عليج

هيلين... تمام هسه اروح اشوف حل

ايه... تمام...

سديته منها طبيت للفيس بوك كتبت هكرات طلعلي حسابات هواي ومن ضمنهم حساب ضرغام وكاتب عليه هكر وصورته الشخصيه كلش حلوه لابس قميص ابيض وبنطرون اسود

معرف ترددت بعدين كلت لا بلاها كل شويه براي تالي دزيتله...

ضرغام موو

وره ساعه تقريبا اجاني الرد

اي ضرغام تفضلي

اني هيلين

ها هيلين كل الهلا بيج

بيك المهلي

شلونج

مو زينه

ليش سلامتج

هيلين... ما اكدر احجي كتابه.. ردت اكله اكدر اشوفك بعدين كلت لا عيب... كال لعد شلون

كتله عادي اتصل

شو هوا اتصل كبل

جاوبته كبل كال

ليش ما زينه شبيج

حجيتله كلشي كالي دزيلي كلشي بنت عمج تعرفه عنه

كتله ثواني ضل. عالخط

راسلتها وسالتها وحجتلي ايمت دوامه وكلشي عنه

اخذت سكرين ودزيته لضرغام

ضرغام... اعتبري انمحه وكليلها خلي تحضره من كل البرامج وبعد ما تثق بكلمن يجي وحتى اذا تثق الصور مو، لعبه هذا شرفها

هيلين... شلون يعني شنو حتسوي

ضرغام... انتي اطلعي منها عوفيها عليه

هيلين... تمام اعتمد عليك

ضرغام... خلي تحسبلي شكد اخذ منها فلوس ودزيلي المعلومه برساله

كتله تمام اني اترخص اروح اكللها

ضرغام.. اخذي راحتج

سديت الخط واني شعور خوف بكلبي خاف يطلع مو ثقه زين اني شلون ثقيت بي وين اعرفه واثق بي

سألت براء. كالتلي هلكد دزيتله برساله

طلع ماخذ منها هلكد فلوس

كال تمام

معرفت على شنو سأل عالفلوس ما رجعت راسلته

. وره يومين

ايه كالت دزلي رساله كاتبلي مسحت الصور واسف واعتذر

معناها ما جذب عليه وما غدر بينه وساعدنه

كتبتله... مشكور معرف شلون اجازيك

ضرغام... جازيني بشوفتج

هيلين... شنو.

ضرغام... قصدي اكدر اشوفج علمود نتفاهم على سالفة هذا الولد واحجيلج الصار وهم رجعت الفلوس منه حتى اسلمج اياهن

هيلين... ما اريدهن خليهن اللك وكفتك ويانه تكفي

ضرغام... يلا تجازيني بعصير

هيلين... بس

ضرغام.... هههه ما اكلج

كتله تمام وين

ضرغام... من تروح لدوامج ببالسوك بفلان مرطبات

هيلين... تمام ثاني يوم تحضرت وطلعت لكيته مشغل سيارته امشي وهوا يمشي وراي لحد ما وصلت المرطبات نزلت طبيت للمرطبات وهوا وراها بشويه اجه

لهنا وينتهي البارت تصويتكم عمري

لا يُغريني مدح ولا يسقُطني إنتقاد جميعهم آراء وأنا "القرار"

رفعت التلفون دجاوب... هسه شيكول عليه كاعده لهسه

حذفت التطبيقات ومن ضمنها الماسنجر

الماسنجر بي خاصية اذا تخرج. منه وتترك التطبيقات مفتوحه يضهر عند الاصدقاء نشط

وفتحت الوضع الصامت لأن مرات الاشعارات تضوجني اسوي تلفوني صامت

وغمضت ورجلي توجعني شويه واجاني منه اتصال ما رديت سمعت تلفوني اجاه اشعار اخذته باوعت من الاشعارات

ضرغام كاتبلي... ليش متجاوبين

رديتله... شتريد

ضرغام... اويلييي شكد تفيكين مو صوجج صوج اللي ديشوف شلون صرتي

شفتها وما رديت انوب احترك دمه

اشوفه يطلعلي يكتب... ويرجع يطلع نشط الأن.. ثلاث مرات مدري اربعه يكتب ويتراجع

اريد اعرف شيريد مني ليش ديراسل ويتصل

نمت واني افكر الصبح كعدت ابويه جايبلي عكازه اخذتها وطلعت غسلت ورجعت امي سوتلي بيض وحليب

علمود العضم يجبر بسرعه

صليت صبح لأن البارحه فاتتني

وكعدت اتريك جانت الساعه ب11 كملت ريوك وامي كاعده تبحث عالنت اكلات تجبر الكسر عمري شكد خايفه عليه

وسهام يمي مشغلات اني وياها فيديوهات كوميديه ونباوع ونضحك

باوعت لامي وحجيت

هيلين... اريد اسبح

امي... مو اليوم يا ماما خاف الجبس يصير عليه ماي

هيلين... معليه شي ينلف بكيس وامدد رجلي ما اخلي يصلها ميه

امي... لعد اروح اجيبلج ملابس واحضرلج الميه حتى اسبحج

فتحت عيوني على وسعهن... تسبحيني

امي.. اي ماما

هيلين... لا لا اني اسبح اكدر

امي... لعد ما تسبحين

هيلين... اهووو لوك ما اني طالعه روحي تردوني ما اسبح

امي... هههه ديلا هسه اجيبلج شي خفيف البسج اياه واسبحج

هيلين.... يعني قفلت الكرديه

امي... هههه من تقفل تقفل

راحت تحضرلي الملابس احنه نعرف الاكراد يتصفون بالعناد يعني من يكول لا يعني لا يقفل

شويه واجت امي اخذتني سبحتني واني اجرجر بملابسي اخجل ذكرتني بطفولتي

كملت وامي طلعت وكفتلي بباب الحمام بدلت وصحتلها ودتني لغرفتي كعدت بالارض وامي جابت السيار شكلت السشوار وكعدت تسشور شعري وحجت

امي... هيلين

هيلين.. ها يمه

امي... مرتاحه

هيلين.. الحمدلله

امي... ضرغام ابن جيرانه وين شافج واشون صار الحادث

هيلين... شيصيرلهم

امي... ابن جارتنه عايش هوا وامه واخته وجهالها

هيلين... ايي

امي... ما حجيتيلي شلون

معرفت شكللها... كتلها

هيلين... معرف اني بطارف الفرع اندعمت وهوا ساعدني

امي... ها يعني قريب منهم مو اكول شجابه عليج

هيلين... ايي

كملتلي شعري ونزلت جوه اندك باب غرفتي كلت... منو... وسمعت صوت براء

براء... اني

هيلين... فوتي الباب مفتوح

فاتت براء وركضت عليه حضنتني وتكول...

براء... سلامتج يروحي شجايج متت مصدكت اوصل من كالي انسام طكت روحي اليوم بالكوه قنعت اخويه يجيبني

هيلين... الله يسلمج

كعدت يمي باوعت لرجلي وكالت.. اشون احجيلي

حجيتلها كلشي لحد لمن خابر وما جاوبته

براء... ياااا صدك شالج

هيلين... ههههه اي

براء... يمه الرومانسيه

هيلين... يا رومانسيه هاي غير متت من وجع رجلي

براء... بس تعالي شسالفة العطر

هيلين... ما ادري

براء...هوا حاجاج بعصبيه ويعرف اسم عطرج السالفه بيها أنه

هيلين... براء عوفينه منه ابقي باتي حتى ندز على براء ونتعلل

براء... هوا اخويه بالكوه قبل اجي اشوفج

هيلين.... هوا يستحي من امي نخلي امي تحاجي

براء.... علواه يقبل

هيلين... معليج خليها عليه

براء... خاف يحبج

هيلين... منو

براء... منو غير ضرغام

هيلين... هم رجعنه لنفس الفقره

براء... ليش ولج شاب مناقصة شي وتصرفاته كلها تدل انو يحبج

دنكت باوعت لأيديه وحجيت... براء ما اريد احب ولا اريد اتزوج وارجع للضيم والعذاب

براء... مو كل اصابعج سوه

هيلين... حجيت وعيوني مغوركه مدنكه ما اريدها تشوفني مكسوره... معرف صرت اخاف من شي اسمه زواج وعيال مشفت منه غير الاهانه والضرب

براء... شو باعيلي.. رفعت وجهي بايدها... باوعتلها وعيوني مغرغره دموع

براء راحت سدت الباب ورجعت كعدت كبالي كالت... ضرغام مبين يحبج وانتي تكولين ميخليني ابجي يعني ماكو هيج حب انسام شكد يحبني يبجيني

دنكت وبقت ساكته... رفعت عينها بعيني عيونها مغوركه كالت...اني اذا تزوجت انسام وبجاني ما عندي اب الجأ عليه انتي ابوج موجود وكامت تبجي

كطعت كلبي تذكرت ابوها حضنتها وابجي وياها واحجي.... ابويه ابوج واذا انسام يحاجيج ميلوم الا نفسه اني بضهرج ولج شحده يندك بيج شو دشوفي يتخبل عليج تدرين ايه تكول كلما يشتريلي شي يشتري لبراء ويخلي بكنتورها

اني وامي وابوي بضهرج محد يندك بيج

ردت. اسكتها وخرت عنها وحجيت واني امسح بدموعي.... براء حتكأب اني بلا شي شصاير بيه من الكعده بالبيت خل نسوي شي نغير جو

مسحت دموعها وكالت اني خل اكول لامي دبات واوصيها ما تكول لاخويه حتى امج تكله

هيلين تمام..

بقيت يمها خابرت امها وكالتها ووصتها متكول لاخوها وامها كالتلها ابقي واذا اخوج ما قبل خابريني اني احاجي

هيلين... لعد ساعديني ننزل جوه

براء... تعالي

سندتني براء ونزلنه جوه امي وابوي وسهام بالهول. بابا ديكتب وسهام على تلفونها تقلب فيديوهات دائما هيج عمري تلتهي بالتلفون لأن متكدر تمشي هواي وتتعب

وامي كالعاده دتباوع مسلسل

هيلين... يمه اجيناج بشغله

امي... ها بنياتي شنو كولي

هيلين... خابري اخو براء وساحي خوش مساحاه حتى يخلي براء تبات

ابويه... جيبي تلفوني بالغرفه عالشحن ورديلي رقمه هسه اني اكله

براء... عمو وينه هسه اني اجيبه هيلين متكدر من رجلها

ابويه... بهذيج الغرفه اول متطبين كبالج مشكل عالشحن

راحت براء جابت التلفون وانطته لابويه ورجعت وكفت يمي طلعت رقم اخوها واستحت من ابويه كالت بهمس... هاج ردي لعمو الرقم

رديت لبابا الرقم

ابويه... الوووو.... اني ابو هيلين صديقة براء..... بيك المهلي..... بويه بنيتنه تعبانه ومريضه وتريدها تبات يمها...... اني باجر بطريقي للمحكمه اوديها..... لا لا ماكو شي بس اني دوامي هناك..... شكد صار... اي عادي محلوله.... اي خوش خابرني على هذا الرقم حتى اتلكاك اباب المحكمه..... ها شكلت.... مشكور مشكور.... لا لا وين يطلعن هيلين متكدر من رجلها... تمام ابني... سد الخط باوعلنه وكال

ما يقبل...

شكد ضجنه اني طكت روحي

رجع كال... هههه اتشاقه كال خل تبات

همستلي براء... ممصدكه بحياتي ما بايته عدكم

هيلين... احم احم وتشوفين الحب

براء.... ههههه ولج طايره من الفرح

كعدنه يم سهام وكلت لبراء بهمس....

هيلين... راسلي كليلو يجي يشوفج بليل

براء... يا صدك تحجين خاف ميصير

هيلين... راح تشوفينه بس خلي حدود بينكم لأن بعده ما يحل عليج

براء... خل اراسله لعد

هيلين... واني اراسل ايه حتى تجي

ضحكنه وراسلت ايه كالت اي اجي شوية اللخ بس اكمل شغلي

باوعت لبراء وحجيت... ايه شويه وتجي

وهمستلها... ها كلتي لانسام..

براء... ما شالها لسه لان ساد نت

هيلين... هسه شويه ويرد

وره ساعه تقريبا اندك الباب طلع بابا جان انسام وايه طبو

انسام كبل باوع لبراء بغضب ورجع التفتت لابويه يسولف وياه

براء... هاي شبي

هيلين... مدري بيكم شي

براء... البارحه لل 2بقينه نحجي

هيلين... اليوم يجي وشوفي شبي

سلمنه عليهم وشقه وسوالف انسام مقبل يبقى كال

انسام... ابن خال امي جاي علينه بالطريق هوا وولدهم وبناتهم

هيلين... فتحيه ام الست بنات

انسام... ايي

براء... بهمس.... هيلين يا ست بنات شكووو منو ذني

هيلين... بهمس... الغياره شكد حلوات لو تشوفيهن

براء... مو صوجكم صوج الجا يبات ويشوف هذا الزفرر

هيلين... لسانج لا يسمعج

براء... ما يسمع ما تشوفي مطنكر

هيلين... هههههه

انسام... مع السلامه

سلم وراح وبراء تطحن بنفسها من العصبيه

العصر سوينه كيك وشغلات للتعليله انطينه حصة امي وابويه وبقينه حصتنه وبراء خلت لانسام

بليل طلعنه لغرفتي اني وبراء وايه وسهام

واهلي نامو

براء انطيتها من ملابسي وكعدنه ناكل ونسولف ونتعلل ايه شويه صحتها تعبانه مو قليل الصار بيها وبراء همستلي

براء... هيلين انسام يكول عليش بقيتي

ضجت منه اشون يكللها هيج وهيه بقت وتريد تشوفه كتلها اكتبيله.... بقيت علمود كلت تجي بليل اشوفك بس هاذهوا اساسا صوجي يلا باي

براء... خاف يزعل ويروح

هيلين... خل يزعل كليله ومعليج

كتبتله براء... كتبلها بايات

خطيه ما تهنت بجيتها تالي كلت بنات عندي اقتراح

ايه... شنو

هيلين... شوفو خل نشغل اغاني ونركص

براء... ورجلج

هيلين... اني وكاعده اهز كتف ههههه

ايه ما جذبت خبر كامت شغلت اغاني عالبلازمه وتركص وسهام تصفك

هيلين... كومي براء اركصي لا تعقدينها من وراه

ايه... نصت البلازمه وكالت.... منو شكو

هيلين... انسام ضوجها

ايه... تعرفين ليش ضايج

براء... اي ليش

ايه... اول شي ضايج ما يريد فتحيه تجي ولأن ما كتيله اجيت

من راسلتوني كتله براء هناك ودتبات خل اروح عقد حواجبه وكال شعجب ما كالتلي

براء... كتله راح اجي باجر اشوف هيلين كال تعالي

وبعدين ليس يضوج من فتحيه

ايه.....ههههه زمرد تحبه ومن تجي تضل تتلزك بي وهوا يضوج

براء...مبين من هذا يريد يكابلها وحتى مطنكر

ايه..... هههه هسه شوي... بعدها ما كملت

براء كالت... هاي شرف الافندي ديراسلني

سهام... تريدين نصيحتي

براء... اي

سهام... لا تجاوبينه شاهدي رسالته ولا تردين انتي ما غلطانه بشي لا تعلمينه يعاملج بمزاجه

ايه.. ادفعوها بعد ههههه

براء... عابت لازم اني عربانه اكلي نعل

ضحكنه وبراء كالت تمام... هاي شاهدتها... وهاي طلعت من المحادثه وهاي طفيت نت... وهاي صامت... وذبت التلفون عالتخت وكالت

اني محد يعاملني بمزاجيته... احم احم اريد شال

سهام ذبتلها شال... انشوف براء شدت الشال على خصرها وكالت... شبيكم صفنتو...

ايه اخذت الريمون علت الصوت وكامن يركصن

سهام تصفك واني اهز بكتوفي الا تعبت باوعت تلفوني ديتصل انسام بس مسمعته من الاغاني

جاوبته وحجيت

هيلين.... الوووو.... دقيقه كلشي ما اسمع

اشرت السهام تنصي لأن الريمون يمها

البنات كالو ليشش

هيلين... دقيقه ما جاي اسمع انسام من صوت الاغاني

انسام... يا اغاني

هيلين.... اني والبنات مشغلين اغاني ودنركص

انسام... براء هم دتركص

هيلين.... اي كلنه براء مؤسس الحفل

اباوع لبراء تأشرلي يعني شكوو

انسام.... مو جاي اتصل عليها ليش متجاوب

هيلين... دقيقه ابقى وياي براء وين تلفونج

براء... ما ادري يمكن عالتخت

انسام... كليلها ليش ما تجاوبين

هيلين... هاك احجي وياها

انسام... لا كليلها انتي

هيلين... براء انسام يكول ليش ما تجاوب

براء....دا اتعلل وياجن واتونس

انسام..... اني جاي خل تنتضرني بالحديقه

هيلين... تمام

انسام... اني جاي ما اكدر ادك الباب خلي هسه تنزل باي

هيلين... باي

باوعت لبراء وكتلها... جاي شوفي الساعه ب1هسه اهلي بسابع نومه اطلعي بدون صوت وافتحي باب الحوش وانتضري بالحديقه

اشوفها دنكت باست سهام وكالت... فديتج على هيج فكره

ايه... هههه الا اكله عليجن

كلنه باوعنالها وطككنه عيونه وحجينه ايهههههههه

ايه... هههه اتشاقه شبيجن يمه تخوفن

براء... اني رايحه ما اطول

هيلين.. هههه روحي

راحت براء واحنه بقينه نتعلل كل شويه نكول هسه تجي براء ب1ونص سهام كالت اني رايحه انام تصبحون على خير غفلت

شكد ردنه تبقى مقبلت عاد كتلها

هيلين... اكلي كيك وروحي

سهام... هلونه غفلت الف عافيه

هيلين... اذا ما اكلتي ما اكل اني هم

سهام... نعسانه هسه حتى اذا اكل ما استطعم بي

عرفتها تتنقصلنه بي

هيلين... لعد اخليلج حصتج..

سهام... اكلو لا تخلين شي

هيلين... سهوم الكيك هواي لا تتنقصين بي واذا يخلص هسه نسوي انوب

سهام... لا بس غفلت خليلي حصتي يلا تصبحون على خير

ردينالها اني وايه... وانتي من اهل الخير

راحت سهام وايه التفتت عليه وكالت... هيلين

هيلين... ها عمري

ايه.. هيلين احس اكو شي مغبي انسام

هيلين.. مثل شنو

ايه..... سألني كالي اكو بنيه بعرس هيلين جانت لابسه احمر تعرفينها

هيلين... اي وشكتيله

أيه..... كتله هواي اجو لابسين احمر بس اني صدك معرفتها يعني هواي اجو لابسين احمر

هيلين... بس. هاي

ايه... لا

هيلين... شنو احجي

أيه.... شاكه بي خاف يحب غير براء

هيلين... هاي شبيج شيحب غيرها

أيه... ما اعرف بس مرات احسه كلش متغير

هيلين... لا انسام ميسويها ولا يفكر بغير براء

جاي نحجي وطبت براء تتبسم واني وأيه خفنه سمعتنه بس طمنتنه من كالت...

براء... ها سهوم وينها

ردتلها ايه... سهام راحت نامت

براء... بنات متت جوع يلا هيلين صبي عصير خل ناكل

صبينه كيك وكعدنه ناكل وسوالف وضحك للصبح بقينه نتعلل حجت براء...

براء.... هيلين اذا الشخص يتغير عليج يعني شنو

شجاوبها اذا اكللها يعني يبطل يحب خاف تقصد انسام

هيلين... معرف شلكيتيني هههه

ضحكنه وسولفنه اذن فجر صلينه ونمنا

كعدنه على صوت هوسه بالبيت نزلو البنات يتراكضون من الخوف منعرف شكو واني انتجيت ردت اوكف مكدرت اسحل برجلي مثل الطفل كاعده واسحل بروحي وصلت الدرايج البنات واكفات بالهول وسهام دتخابر

شافوني البنات وركضو ينزلوني جوه كعدوني عالقنفه ومددت رجلي بالارض وحجيت...

شكوو شصاير

ايه... ها كلشي مصاير

هيلين.. صحت.... احجوو شبيكم

وره ما صحت انفتح باب الاستقبال مدا اصدك اللي جاي اشوفه

هيثم واكف كبالي باوعلي ورجع باوع لبراء وحجه... جيبي عباتها

براء.. ش شنوو

هيثم... مو دا احجييييي

ايه اباوعلها اباب المطبخ كالت... هسه اجيب اخوتي واجي وراحت تركض

امي صاحت... عيب عليك تطب لبيت مبي رجال وبنتي ما تاخذها بمكان

هيثم.... بقلة صبر... بنتج بنتج.. صاح.... مو اني مكرنننن ومرتي واحد مكضيها يشيل بيها

رديتله... لا مرتك ولا اخصك خوش كلشي انتها وانت هسه ما احل عليك وانت مو ابن عمي حتى تحكمني

جنت زوجيي جنتتتتت

هيثم... الضاهر طلعت عينج اجه تقرب شالني وهوا كلش ضخم

ويمشي واني ادفع بس واصيح كأنو حايط وأمي تجرجر بي وبراء تبجي

طلع شايلني للحوش ولاكتني ايه تبجي وتلهث... ولج يصخامي لا ابويه ولا الويلاد بالبيت واتقربت تدفع بهيثم هيثم دفعها عالحديقه وايه بس صاحت أخخخ أيدي وصرخت

سهام وبراء ركضن على أيه يشيلون بيها

لهنا وينتهي البارت أنشاء الله تكونون استمتعتو بالقراءة +تصويتكم عمري

رواية الأصداف

بقلمي الكاتبة.. ♕bmbsh_beme♕

بقلمي الكاتبة..

bmbsh_beme

لا تفقد الأمل ابدا ، ستأتي الاشياء الجميله قريبا

♡ ♡ ♡ ♡ ♡

امي جرته من شعره مدري شلون خلص نفسه ورجلي ضربت بالباب طلعني من البيت واني ابجي واضربه حسيت كأنو انتهيت رجعت للهلاك رجعت للوحش فقدت الأمل انو شخص يخلصني منه

خلاني بالسياره من وره وقفل الباب واضرب بالجام اني

افتر ديصعد وامي تضرب يكل قوتها بجام السياره وتبجي شعرها طالع صاحت.ولك لأن بس نسوان تستقوي علينه عوف بنتي وتبجي

ما. احس الا وشخص فتح باب السياره وجر هيثم رغم ضخامة هيثم اباوع ضرغام اي هذا ضرغام

جر هيثم ووكع فوكه ويصيح..... شلون تسويي هيج شلونننننننننن.... وردت امي كالتله.... بنيتي يريد

ياخذها مني شاف ماكو رجال بالبيت واستقوى علينه..

ضرغام فوك هيثم ويضرب بيه اني كلت حيموت جوه ايده

وامي ركضت لسويج السياره اخذته واجت فتحت الباب وتعاوني انزل وبراء طلعت عاونت امي

امي ساندتني وتبجي وتحجي بهمس... يمه شلون انطيت بيج وخليتج تروحين يم هيج ناس يا يمه يا عيني وليدي

كعدتني امي عالخطار بالحديقه واخذت الشال مال براء وركضت برا تحاجزهم

شويه وسمعت صوت ضرغام يصيح.... دخلي انوب تدنالهم لو اشوفك واصل عتبة الباب نثيه انت لو باقي ويه امك وخواتك تنضف البيت ولا هاي سوايتك

سمعت صوت حسام يكول لأمي طبي جوه

امي طبت كعدت كبالنه وتلطم على رجليها وتبجي وتكول... يمه ماتت ماتتت يمكن مات هيثم صار ما يبين وجهه دمايه

وره شويه اختفى الصوت امي خابرت حسام كاللها هيثم ماخذت ورايح للمستشفى لأن اغمى عليه

سدت الخط وباوعتلي كالت... شلون جنتي عايشه ويا هذا الوحش... بجيت وكلت... كافي لتذكرون اسمه كافي وايه الحمدلله ايدها مبيها شي

شويه وسمعنه صوت انسام يكول.. طبي حجيه طبي

طب انسام وحجيه

وكفنه سلمنه عليها امي كالت

طبي حجيه للاستقبال هنا حاره.. ردت الحجيه

لا لا تسلمين مو راعية طويلة وبره اطيب

ركضت ايه جابتلها فراش

وكعدت

انسام بقه واكف كال... براء كومي تحضري لأن عمي كال. رايح للمستشفى انت روح وصلها

براء... وشلون اخويه

انسام... انزلح يم الباب وامشي وانتي كليله عمي وصلني واني من يجي عمي هم اوصي

راحت براء جوه وهوا لحكها

وايه رحت جابت ميه

حجت الحجيه.... اني ام ضحى جارتكم

امي... كل الهلا بيج حجيه شو ما نشوفج ابد لا تجين لا تطلعين

ام ضحى... مريضه قليل اطلع هاي شوفتج مخلصني السكري

امي... الشفاء العاجل

ام ضحى... شلونكم زينين خوما احد بيكم تأذه

امي... لا الحمدلله شويه ايه وكعت والحمدلله ما تأذت

اجت ايه جايبه الجاي وزعت وامي كالتلها يمه بدون شكر الحجيه

راحت ايه ورجعت جايبه جاي للحجيه

ام ضحى....ام هيلين الرجال الضربه ابني خوما متأذي

امي... لهسه ما عرفنه شي عن حالته

ام ضحى... ابني مخبل من يضرب خاف يصيرله شي الرجال

امي... ام ضحى هالرجال. تعبنه

ام ضحى... كرايب لو غريب

امي... ابن صديق زوجي

ام ضحى.. كامت وكالت... دايمه.

امي... وين ام ضحى هستوج اجيتي

ام ضحى... ضرغام ايدي وارمه يمكن انكسرت اروح اشوفه من طب للبيت كالي روحيلهم كتله يمه بش اشوف ايدك كال روحيلهم خاف بيهم شي

امي... لعد تسويلج جيه

ام ضحى... الله كريم

ويه طلعة الحجيه طلعت براء وانسام وراها

وأيه وانسام واحد ياشر للثاني وانسام شفت مد ايده على خده

راحت الحجيه وبراء اجت بوستني وراحت وامي كالت تعالي يمه اساعدج تطبين جوه

هيلين... يمه خنكه بره اطيب

امي... خاف يجي ياخذج

ايه.... هههه. عمه صار بيج خوفه شيجيبه هسه حايرين بي الاطباء

امي... لعد اطب جوه اني خطيه سهام وحدها

طبت امي وايه اجت كعدت يمي

هيلين... شجنتو واحد يأشر للثاني انتي واخوج

قربت يمي وكالت... براء شفتي شالها كله لمع.. طلع انسام اباوعله لحيته لمع وحلكه لمع... وضحكت

اني اكول اخوي لحكها

دنكت اكطف بالخطار اللي بالحديقه وأفكر... ليش جا معقولع ما نساها من شافه شايلني شنو حيضل مراقبني ليش يريد ياخذني معقوله يرجع ياخذني الا اتخبل غير

خطيه أيه لهسه ما تريكت واني حتى نفسي مسدوده باوعت لايه كتلها..

هيلين.... خل نطب جوه ناكل

أيه... امشي كتلني الجوع

طبينه جوه ساعدتني أيه كعدنه بالمطبخ واني كاعده وايه تسوي الريوك

امي كاعده بالهول قريبه منه

سمعت تلفون امي مدري منو ديتصل سمعت امي جاوبت كالت...

امي... الووو ها بشر.... اي زين عفيه... ابو هيلين صدك تحجي ما اخليها تروح لو مدري شيصير لا حسام يجي ياخذها ولا غيره..... ياباه منك ما يفيد بيك خلي يجي هسه اخليها تتحضر

سمعت هيج لو وكف الدم بعروكي شنو تروح شنو تتحضر اذا يدزوني هالمره انجن غير صار تفكيري اذا اخذني يمهم ورجعني لضيمهم

حيرجع يذلني شنو حيسوي بيه لأن هيه عفته ولأن بسببي انضرب ووصل المسشتفى مجرد تفكير كلبي يخاف ضرغام مدام ساعدني مرتين حيساعدني وميردني احسن شي من اطلع لغرفتي اخابره واكله

لان اهلي ما يفيد يضلون هيج

لهنا وينتهي البارت اعرف قصير حبيايبي لأن تكملة البارت 30

••••• ♡ ••••• ♡ •••••• ♡

رواية الأصداف

بقلمي الكاتبة..

bmbsh_beme

بقلمي الكاتبة..

bmbsh_beme

حبيتك بعد بس لا تگلي شلون

ولأ تسئل حبيبي شلون حبيتك

خليني على بالك بيه فكر زين

لان من البدايه بالي خليتك

صحيح انته غريب وما اعرفك زين

بس روحي عنيده وحيل هاويتك

بروحي السكن عايش مع الروح

واقرب من أحساسي ألبيه حسيتك

احبن بيك مسجك الشفاف

واحب هاي الوكاحه أللي مخاويتك

صدگني احس هواي الك محتاج

واكثر ضرف هذا البي احتاجيتك

لان ماكو أللي يگلي شبيك

وتجي تمسح دموع العين ياريتك

اجت امي للمطبخ كالت...

امي.... هيلين يمه تريكي حتى تتحضرين دا تروحين

ابوج خابرني يكول

هيثم خشمه فطر وحاجبه مفتوح من صاحي

كايل اريد اشتكي انت يالدكتور روح عالشرطه اللي بالمستشفى جيبهم

المهم جايبهم ف ابوج كايل الحق ويه ضرغام لأن هيثم طاب للبيت ومحاول يخطف بنتي

راد هيثم كايل مرتي وابويه يكول اكللهم مو مرته قافلين كايلين لابوج تحضر البنيه الراد ياخذها ونتأكد منها

اذا طلع زوجها ف احنه راح نعتقل الرجال الضاربه

كلت لابوج ما ادزها يكول عيب الرجال لوما هوا جان هسه هيثم اخذ هيلين ووصل الديوانيه

ف كتله عادي بنتي عيب الرجال ساعدنه يروح ينسجن من ورانه ولا انسه ابوج وصاني على اوراق الطلاق والمستمسكات

معرف شسوي معندي غير حل الجنت خايفه منه ما صار جنت ابالي يريدون يرجعوني عليه

كاعدات نتريك اني وايه تسولف اني مبقالي واهس احجي بسبب الصار كلش خفت

ايه...ولج للحضه صرت مثل الابطال ركصت لبيتنه هجمت الباب محد طلع اتصلت بأبويه جاوبني كبل كتله وينكمم

كال شكو

وسمعت حسام اخذت التلفون من ابويه ما ادري بس هوا جاوبني كتله الحكنه

بس بطل عفطي ما فدتكم بكلشي

هيلين... عمري انتي ردتي تتاذين علمودي

اكلت بدون واهس وامي جابتلي عباتي والشال لبستهم تقريبا نص ساعه مدري اكثر اجه حسام

أيه بقت يم سهام واني وامي رحنه ويه حسام

حجت امي.. وينكم يمه شصار بينه

حسام.... فتحيه وسوالفها اللي متخلص البارحه الليل كله تدك على اهلي تريد تروح سفره ابويه كاللهم باجر اخذكم ب9نتغده هناك ونرجع

وطلعنا شفت ابويه ديخابر ووكف لحيله كال شكووو

جريت منه التلفون سمعت ايه كالت الحكنه صعدت سيارتي ومشيت نسيت حتى اهلي بقو ابويه هجمها عليه بالاتصالات

اخر شي من وصلت المستشفى وطببو هيثم يفحصو جاوبته عمي اشرلي يعني لا تحجيلهم

لهسه ما يدرون شصاير كتله جاي هيثم وايه مخابرتك خايفه ياخذ هيلين وهيثم راجع

رحنه والطريق كله خايفه ما. اريد اشوفه وصلنه المستشفى راح حسام جاب كرسي متحرك واجه امي نزلتني عليه

راد حسام يدفع الكرسي بس امي ما قبلت

طبينه للمستشفى طلعنه بالمصعد واني كلبي دكاته ألف

فتنه بممر مليان غرفه وريحة المستشفى شكد مكروها باوعت ابويه واكف يم غرفه وصلنه يمه شافنه كال لحسام...

روح بويه صيحلهم

راح حسام بابا باوعلي وكال...

اشونج بنتي خوما ضربج اذاج

رديتله...لا ما ضربني

شويه واجه حسام ووياه شرطي وصلونه ابويه انطاهم اوراق الطلاق حتى يتاكدون ما يربطنا شي

الشرطي شكله شراني باوعلي وكال بخبث....وشمدريني جايبين زوجته يجوز مو هيه خل نطب نسأله ونشوف

طبينه للغرفه جان هيثم متمدد شافني وبقه ساكت ما حجه شي

توقعت راح يهجم عليه بصياحه وعصبيته بس هادء معرف شبي من مرات اكول يمكن عقله بي شي هالمره بدون اليمكن اكيد

حجه الشرطي.... هاي زوجتك

هيثم... اي

ابويه... سيدي هاي الاوراق تصفحها بنتي مو زوجته طليقته وبالقانون وبالشرع بنتي ما تحل عليه هوا طاب للبيت ما بي رجال

حجه الشرطي... شو انطيني الاوراق... اخذهم قره منهم شويه وباوع لهيثم وكال... من ناحيتنه منكدر نعتقل الرجال الضاربك

طلع الشرطي وابويه كال لامي انتو ارجعو ابووباسم جاي بالطريق يشوف هيثم اني من يجي ابو باسم اجس للبيت

رجعنه احنه وصلنه دننزل ساعدني حسام نزلت باوعت جان ضرغام واكف بالباب ايده ملفوفه وديدخن بيها

باوعلي بنضره معرفت افسرها طبينه جوه انسام موحود وحسام طببنه للبيت وراح يجيب اهله

بقينه كاعدين نسولف كال انسام...ضرغام فد رجال كفو ماكو منه بس تنخاه

امي... لو شايف شلون كتل هيثم اني كلت مات صدك رجال حوك واخو خيته لوما هوا جان هسه شحالنه

شويه واجت عمتي وعمي وهيام

دنكت عليه هيام بوستني وكالت... البارحه ردت اجي اشوفج بس اجت فتحيه وخربتها واليوم راح ارجع لعيالي ومشتاقتلج ولج

حجه عمي.... شنو السالفه وين ابو هيلين

امي... بالمستشفى

عمي.... يا مستشفى... اندار على عمتي... شوفي ام حسام مو كتلج كلبي حاسني بيهم شي... باوع لامي... شكو بالمستشفى شصاير خوما بي شي ابو هيلين

حجتله امي كل الصار وكام يغلط على هيثم وكال اني رايح اتشكر من ضرغام واروح للمستشفى

واحنه بقينه كاعدين نسولف وحسام راح ويه عمي بقه انسام كاعد يقلب بالتلفون

امي كامت تطبخ غدا عمتي كالت احنه متغدين وايه كالت. اني سويت اكل لسهام بالكوه قبلت تاكل لوما علاجها ما تاكل واني قبل لا رحتو للمستشفى تريكت

امي كالت اني ما بقالي نفس لعد اسلك بيض لهيلين كتلها ما اكل احس الريوك صارلي سم ما اريد

انسام وكف وكال...

اني طالع هنا بالفرع ويا صاحبي وطلع

الحبايب كعدن يسولفن واني تمددت وغمضت تفكيري مشغول ليش هيج هيثم سوه شيريد مني ليش بقه ساكت ما صيح عليه معقوله بي شي عقله

زين اني لوما ضرغام جان هسه اني ابيتهم واتخيل نفسي هم يلزمني يكتلني وعمتي تاخذني احلب البقرات

حسيت على شخص غطاني باوعت امي درت عيني للساعه حيل الدنيا مغرب رحت توصيت ورجعت صليت ورجعت تمددت تغطيت وغمضت مشبعانه نوم نمت الفجر وكعدت مشبعانه نوم ما اعرف ايمت غفيت

كعدت على صوت امي تكعدني دا اكل

كتلها ما جوعانه ورجعت نمت

كعدت اخذت تلفوني حيلل شكد نايمه الساعه ب11

باوعت الهول فارغ كلهم رايحين نايمين

استندت عالحايط ووكفت رحت للمطبخ خليت الجاي عالنار وغسلت وخليت بالصينيه جبن ودبس شويه اعوض كلشي مماكله

اخذتهن ورحت للهول شغلت ضو الهول. وشغلت التلفزيون وكعدت اكل كملت اكل فتحت تلفوني طبيت للماسنجر

طبيت للمحادثه مال ضرغام باوعت نشط طبيت للصفحه مال الفيس اقلب بحسابه واشوف التعليقات شكد معلقاتله بنات ياايي هاي التكله احبك وهاي التكله فدوه هههههه

جاي اقلب بحسابه واجتني رساله منه

ضرغام... كاعده

لازم ارد واتشكره موقفه مو قليل رديتله

هيلين... هستوني كعدت

ضرغام... ها ليش خاف مريضه

هيلين.... لا بس البارحه سهرت ويه البنات وكعدت من وكت فنمت المغرب

ضرغام... نوم العوافي

هيلين.. الله يعافيك

ضرغام... اي شدتسوين

هيلين... كاعده ما دا اسوي شي

هيلين... ضرغام

ضرغام... هااا

هيلين... مشكور وكفتك اليوم ما انساها معرف شلون اجازيك

ضرغام...بس من اراسلج لو اخابرج لا تتجاهليني كلشي ما اريد

هيلين... ليش

ضرغام... تحبين تعرفين

هيلين... اي

ضرغام.... من اكل العيش

هيلين... ههههه هاي شنو

ضرغام....ترا ميصير رجال غريب يلزمج

هيلين... منو لزمني

ضرغام... حسام شفته اليوم

هيلين... متكول لنفسك لمن شلتني

ضرغام... جنت مجبور غير شلعتي كلبي شكد سمينه

طبعا اكثر شي اكرها شخص يكلي سمينه

هيلين...اني سمينه

ضرغام.... هههه على كولة جهالنه دبة حميسه

دزيتله ايموجي الغاضب دزلي ايموجي اللابس نضاره سوده وايموجي اليضحك

حجيت عود دضوجو مثل ما ضوجني.... انت هم سمين وكرشك شكبره... كل بكلبي جذب ما عنده كرش

رد عليه ببرود حرك دمي.... عادي اصلا اخبل

هيلين... شحلاتك وواثق

ضرغام... هههههه ضجتي لأن اكلج سمينه

هيلين... لا عادي ما اضوج

ضرغام.... ههههه الدبه ام كرش

هيلين... يووووه شكد تنرفز باي

ضرغام.... هههه باي

طلعت من المحادثه نرفزني بقيت اتعلل الا نعست ونمت

كعدت الصبح روتين يومي خابرتني براء العصر حجينه شويه وضوجه وملل لعبان نفس طكت روحي ممتعوده اكعد هيج ما اشتغل شيخلص الاسبوعين

الدكتور كال الكسر خفيف اسبوعين وتشيلين التجبيس واسبوعين لفاف

بليل اجت ايه تعللت عدنه هي وحسام كاعدات نسولف كالت.....

ايه بهمس... هيلين

رديتلها.. ها

ايه... هيلين راسلني

هيلين... منو حبيبج

ايه.. اي

هيلين... وشسويتي

ايه... مسويت شي دزلي رسالة من رقم غريب عالخط

هيلين... وشكاتبلج

ايه.... كاتب اسف واعتذر واني غلطت واريدج تسامحيني

هيلين... رديتي عليه

ايه.... لا اجيت اخذ رأيج ارد لو لا

هيلين... اذا سمعتي كلبج راح ترجعين تتأذين والشخص اللي ساعدنه كال خلي تحضرو، يعني اذا، انوب هددج بيا وجه اكلو واذا اكلو حيكلي شسويلها

ايه شخص هددج... صكيت على اسناني وطككت عيوني عليها واحجي بهمس... هددج تعرفين شنو هددج يعني شبيج انتي وترديله خيولي اتبعي عقلج لا تبقين وره كلبج

أيه... ادك كلبي بن.... وما ارجعله بس اجيت اسألج اذا، اردله شي يجرحه لو لا

هيلين....تجاهلي خيولي

ايه... هذا هوا بعد حتى ما اجيب طاري خيولي ابن نع.....

هيلين... لتغلطين اهله مالهم دخل يجوز حتى ميدرون باللي ديسوي ابنهم

ايه... لو مربينه ومشبعينه ما يهدد

هيلين... عمري انتي الفقر مو عيب اذا ابو فقير الفقر مو مقياس الشخص واحترامه بعد لا تجيبين طاري وامحي من حياتج رب العالمين يعوض كل شخص مخذول ومتأذي ومكسور بس الشخص يكون صبور والصبر مفتاح الفرج

ايه... عوفينه منه اخبار براء اشونها

هيلين... زينه

ايه... همزين ما نسيت هيلين منو اللي ساعدنه علمود الصور والتهديد

هيلين... شخص متعرفي

ايه... خاف عاشكه ومتقبلين تعلمين على حبيبج

معرف ليش ضجت وتنرفزت اني لا احب ولا شي لأن بعدين انكسر رديتلها..

هيلين....بطلي هاي السوالف اكره هالشي لتجيبين هيج طاري كدامي والشخص الساعدنه هكر عالنت مشهور يساعد شكو بنيه تتعرض للتهديد وحجيتله كلشي وساعدنه

ايه... تدرين هيلين شصار بيه من هددني من جهة اكول لو انشرت، صوري شنو وجهي من ابويه واخوتي وراح اذا، يمشون بشارع منزلين روسهم اني شلون انزل روسهم

تدرين... بعدها ما كملت واندك الباب طلع حسام شويه وطب كال لابويه ضرغام بالباب ردله ابويه... خلي يطب للاستقبال هياني جايكم.. يا الله يا رب عليك توكلت ووكف لحيله كال... سوو جاي.. وراح للاستقبال

حجت ايه... هسه اني اسوي جاي...

خطيه ايه من انكسرت تضل تساعد امي

رديتلها... لعد ساعديني اجي وياج للمطبخ

ايه... يلا تعالي... اجت سندتني رحنه، للمطبخ

حجت أيه وهي تخلي جاي بالقوري... تدرين جنت يوميه قبل لا انام ابچي شخص كلش احبه ليش هيج سوه

تدرين مجنت بيوم اتوقعها منه اخلي راسي عالمخده واكول شلون كلبه انطاه يهددني شلون هانت عليه سنين العشره ابقى ابجي لحد ما انام تخيلي نفسيتي تعبت بس فكرت

ميستاهل على شنو قاهره نفسي واني خلصت منه لو متزوجين جان هسه معاناتي اكبر اليهدد بنيه كلشي يسوي يبوك ويخون ويطعن وكلشي التهديد مثل شخص يبوكج كبال عينج ومغصوبه تسكتين

كرهته كره ما اصدك شخص كره مثل ما اني كرهته

هيلين... الله ينتقم من كل ضالم وعوض الله جميل

اجت كعدت يمي خلت صينية الاستكانات وخلت ايدها على خدها وكالت... تدرين كرهت شي اسمه حب صرت اخاف احب واكول اتزوج زواج مدبر ولا احب كرهت الحب

باوعتلها وبديت اصفط الاستكانات كالتلي...

أيه... هيلين تحبين هيثم

باوعتلها وحجيت بهدوء واصفط بالاستكانات.... ما اعرف اذا حبيته او لا بس يكولون الميغار ميحب واني لمن اتزوج ما اهتميت ومرات جان يهتم بيها ديغيصني بس ما اهتم ولا اعبرهم

ايه... ما يوم بجيتي عليه لأن شفتي وياها

تذكرت مره شكد جان قريب منها وما اهتميت بس لعية نفسي رديتلها.... لا

ايه.... لعد ليش من اتطلكتي تعبت نفسيتج

كملت الاستكانات وخرت الصينية بصفحة تنهدت وحجيت.... لأن ضميري أنبني عليه ولأن تدمرت حياتي بسببه صرت انسانه ضعيفه بسببه

أيه... راح يجي يوم تحبين

هيلين... ابد ما احب ولا افكر بهالشي

ايه... حيجي الشخص اللي يداوي جروحج جرح جرح ويحبج وينسيج الماضي

هيلين... جروحي عميقه متشفه ولا اكدر انسه الماضي

جاي نحجي وطب حسام كال...

حسام... ها وين الجاي

ايه... بعد شويه

حسام... فضونه عيب شكد صارلجن

ايه... شكد صار هستونه خليناه عالنار

محجيت شي ضايجه واحس كلبي معصور يمكن لأن جبنه طاريهم

ايه... روح اني من يصير الجاي ادزلك رساله

راح حسام وايه راحت فتحت الثلاجه كالت

اويليي برتقال العشق

طلعت برتقالتين كشرتهم وخلتهم عالميز ورجعت اخذت الجاي صبت جاي ودزت رساله لحسام يجي ياخذه

اجه حسام اخذ صينية الجاي باوع كال... ليش هاي الاستكانه ما بيها خاشوكه جيبي جيبي خاشوكه

ردت أيه وهيه تدور خاشوكه بطاسة الاستكانات.....

هاي انت لأن ما عندك مره نسيتك.... وخلت الخاشوكه بالاستكان

حسام ابتسملها بس ما. حجه كلما اشوفه انقهر عليه ما اخذ اليحبها كلها متأذيه بسبب الحب

ايه هددها

حسام يمكن خانته

سهام تحبه ومتريد تتزوجه بسبب الروماتيز

بقينه كاعدات نسولف وناكل برتقال لحد ما سمعناهم يم باب الاستقبال يسولفون يجوز ديروحون راحو

وحسام وبراء راحو اني طلعت لغرفتي بقيت اقلب بالتلفون راسلتني ساره

ساره.... الووو هيلين

هيلين... هلو ساره..

ساره... شلونج

هيلين... الحمدلله وانتي اشونج

ساره... زينه الحمدلله اكلج

هيلين... كولي

ساره... التقويم اشكد واشيله

هيلين.... حسب اسنانج

ساره.... هيلين تعبني يعني وره كل وجبه اكل انضف اسناني مثل مكلتي بس يتعبوني بالفرشاة الصغيره

دا اردلها واجاني اشعار عالماسنجر...

ضرغام دازلي اكلج

صار عندي فضول ف رديتله... كول

ضرغام... اشونج

هيلين... زينه الحمدلله كول شنو تريد تكلي

ضرغام... اني هم زين الحمدلله

خوش بسمار

هيلين... دومك بس ما كتلي شنو

ضرغام... شكد فضوليه دزيتلج اياها حتى تردين بسرعه

شفت الرساله ورحت رديت لساره

هيلين... ساره فرشات الناعمه عادي كل. يومين استخدميها بليل قبل لتنامين

ساره... اي خوش اكلج شغله بس لا تزعلين

رديتلها.... كولي

ورحت رديت لضرغام.... شتريد يعني ليش مراسل

ضرغام.... ما اعرف يعجبني

رحت شفت ساره كاتبتلي... هيثم يريد يحجي وياج

تنرفزت هذا شيريد ايمت اخلص منه رديتلها... اذا صدك يحبني ويقدرني خلي يعوفني بحالي ولا يتقرب مني بعد

رحت للماسنجر ضرغام كاتبلي.... مشغوله رديتله... اي جاي احجي ويه صديقتي

رد بسرعه... اها لعد اخذي راحتج

دزيتله باي ردلي باي

رحت واتساب ساره كاتبتلي.... يكول هاذهوا بعد ما اراسلها ولا اجي يمها اهم شي هيه ترضى

رديتلها... بلا هاي سوالفه اعرفه كلش وين ديتمسكن علمود اقبل ارجع بس عالسوايه السواها صدك اثبتلي انو اذا ارجع عليه ف اني بلا عقل وساره خلي بيناتنه الصداقه احسن ما تخرب بسبب هيثم

ساره... لا هاذهوا سدي الموضوع

حجينه وكالتلي على مراجعتها بعد اسبوع ف كتلها قبل لتجين بيوم ذكريني حتى اراسل براء اوصيها وتروحين عليها

ساره.... ها تمام

ترخصت منها ونمت

كعدت ب9 شبعانه نوم كضيت اليوم عادي وهم ايه اجت تعللت عدنه بابا كال

ابويه.... هيلين بنتي سيارتج لهسه بالتصليح يعني يومين ثلاثه انوب اجيبها

امي... طيبي بسرعه حتى ترجعين لدوامج وسيارتج رد ابويه

ابويه.... بس اجيبها انزلها ابيعها

شهكت... ليش بابا شنو تبيعها

ابويه... دتشوفين سيارتج من اجت للبيت ما شفنه الخير يا بابا اسويلج اشتراك او انتي وانسام تروحون وترجعون سويه

هيلين... لا بابا عفيه تعودت عليها ابد كلام بعد لا اسوق سرعه وامشي بهدوء

ابويه...باوعلي بغضب والتفت لأمي يسولف وياها شكد انقهرت طكت روحي

بليل هم راسلني المزعج دزلي.... اشون الحلو

شو هذا مسيطر ويتغزل واني طافره روحي عالسياره رديتله... شنو شلون الحلو ليش تتغزل

ضرغام... ههههه يعني هاي تسميها غزل

هيلين... اي غزل

ضرغام... لا هاي مو غزل الغزل عندي بي هواي طريق تردين اعلمج

هيلين.... اروح انام احسلي كلكم اليوم تقهرون بيه

ضرغام... منو كلنه ليش منو مضوجج

هيلين... ابويه يريد يبيع السياره

ضرغام... اذا محتاج فلوس اني انطي

هيلين... لا تسلم مو عالفلوس بس يكول ما ارتاحينه من جبناها لهسه

ضرغام... ليش تضوجين لعد غير خايف عليج

هيلين... كلمن يموت بيومه هيه موته لو موتين

ضرغام... ما تموتين بس تتكسرين

هيلين... لا تذكرني كلما اشوف رجلي تطك روحي تدري صار عندي ملل

ضرغام.... لعد المشلول والمعوق الله يساعده

هيلين... اي والله الله يساعده

ضرغام... اكلج هيثم شيقربلج

هيلين.... ابن صديق ابويه

ضرغام... لا قصدي هوا كايل اني زوجها وابوج ما تطرق لموضوعه انتي زعلانه عند اهلج هوا زوجج

ضجت شسالفه اليوم كلها تجيب طاري مره ايه مره ساره مره ضرغام رديتله

هيلين... لا مو زوجي سد موضوعه

ضرغام... شكو ضجتي سؤال وسألتج

هيلين.....معرف اني هيج

ضرغام.... هههه هوا هاي السمين شتكله يضوج لأن السمنه تخلي بسرعه يحتر ويتعصب

رديتله... هيلين.... انت كلما احجي وياك تنرفزني شكد غثيث

ضرغام.... هههه

هيلين... ت ع خ

ضرغام... شنو هاي انوب

هيلين... معرف باي

ضرغام.... ههههه باي

يووه دائما يعصبني ميكدر اذا، ما يعصبني واني بسرعه اتنرفز

لهنا وينتهي البارت تصويتكم عمري.. اليكول البارت قصير نتزاعل اني وياه طولتلكم البارت لعيونكم الحلوه وانتو دائما تطالبون، ببارت طويل فكلت انزللكم

رواية الأصداف

بقلمي الكاتبة..

bmbsh_beme