تحميل رواية «انتقام بلا رحمة» PDF
بقلم Beroabood5
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
في احدى شركات العطار تجلس هذه الفتاة البسيطة على مكتب تابع لقسم الاعلانات والتسويق يقف امامها المشرف على تدريبها المؤقت بالشركة يتسلم منها الملفات التي قد عملت عليها مسبقاً ... فارس بابتسامة لطيفة : صباح الخير يا انسة ديالا ديالا تقف من مجلسها :صباح النور يا بشمهندس فارس فارس : كنت محتاج منك الملفات اللي كنتي بتشتغلي عليها الشهور اللي فاتت انتي عارفة خلاص الدراسة هتبدا وانتي هترجعي كليتك ديالا بابتسامة بسيطة : عارفة يا بشمهندس 10 دقايق والملفات كلها هتكون عند حضرتك ~~~~~~~~~~~~~~~~~~~~~~~~ يجلس...
رواية انتقام بلا رحمة الفصل الاول 1 - بقلم Beroabood5
في احدى شركات العطار تجلس هذه الفتاة البسيطة على مكتب تابع لقسم الاعلانات والتسويق يقف امامها المشرف على تدريبها المؤقت بالشركة يتسلم منها الملفات التي قد عملت عليها مسبقاً ...
فارس بابتسامة لطيفة : صباح الخير يا انسة ديالا
ديالا تقف من مجلسها :صباح النور يا بشمهندس فارس
فارس : كنت محتاج منك الملفات اللي كنتي بتشتغلي عليها الشهور اللي فاتت انتي عارفة خلاص الدراسة هتبدا وانتي هترجعي كليتك
ديالا بابتسامة بسيطة : عارفة يا بشمهندس 10 دقايق والملفات كلها هتكون عند حضرتك
~~~~~~~~~~~~~~~~~~~~~~~~
يجلس خلف مكتبه الفاخر ويتحدث في الهاتف ..
فهد : ازيك يا حبيبتي عاملة ايه
ميرنا : الحمدلله يا حبيبي انا مش مصدقة ان النهاردة خطوبتنا
فهد : وانا كمان حاسس اني بحلم حلم جميل اوي ...
فارس : يا عم الحبيب
فهد : حبيبتي اسف لازم اقفل معاكي دلوقتي واشوف الزفت دا عايز ايه اشوفك بليل يا قلبي
ميرنا : ولا يهمك يا حبيبي يلا سلام
فهد بنظرة غيظ : عايز ايه يا زفت انت وهو
فارس بنبرة خبث : متزعلش اوي كدا مانت هتشوفها بليل
فهد : عايز ايه انجز
فارس وزين بنبرة مستفزة : كنا جاين نطمن عليك
فهد : هتضربوا
فارس بابتسامة سخرية : متقدرش تعمل حاجه
فهد : لما نروح هنشوف ..ممكن نتكلم جد شوية بقى عملتو ايه ف اخر صفقة
زين : متقلقش كله تمام العمال قربو يخلصو الديكورات الداخلية فاضل بس الخارجي
فهد : لازم تتابعو معاهم اول باول عشان الشغل يبقا كويس انتو عارفين سمعتنا ف السوق
فارس : متقلقش يا معلم
فهد : فيه حد يقول لاخوه الكبير يا معلم ارحمني يا رب
~~~~~~~~~~~~~~~~~~~~~~~~~~~~
عند مكتب فارس ....
ديالا : ازيك يا غادة
غادة : الحمدلله ايه كل اللي انتي شيلاه دا يابنتي
ديالا : ملفات طلبها مني بشمهندس فارس
غادة : بس بشمهندس فارس مش هنا دا عند فهد بيه في مكتبه
ديالا : ايه الحظ دا بس انا لسه هتطلع اخر دور
غادة : طيب سيبيها وانا هطلع اسلمهاله
ديالا : لا خلاص انا هروحله هناك وانتي خلصي اللي وراكي بسرعة عشان اروحك معايا
غادة : شكرا يا ديدي
~~~~~~~~~~~~~~~~~~~~~~~~~~~~
في مكتب فهد طرقت ديالا الباب قاطعة حديث فارس و فهد وزين لتدخل حاملة الكثير من الملفات ....
ديالا : بشمهندس فارس دي الملفات اللي حضرتك طلبتها مني اي حاجه تاني
فارس : لا شكرا يا ديالا روحي كملي شغلك
ديالا : تمام بعد اذنكو
بعد خروج ديالا ...
زين : مين دي
فارس : دي بنت من اللي بيتدربو هنا في قسم الاعلانات بس شاطرة جدا بفكر نخليها تتعين هنا رسمي بس لما تتخرج
فهد : نبقا نشوف الموضوع دا بعدين يلا بينا نروح ولا انتو ناوين تباتو هنا وانت كمان يا زين يلا عشان نكمل شغل في البيت
فارس : ابات ايه بس ياراجل انا هموت وانام يلا بينا
زين : اهم حاجه فيه اكل ولا هنشتغل كدا بلوشي
فهد ينظر له باستفزاز : لا احنا صايمين ياله يلا انت وهو قال اكل قال
~~~~~~~~~~~~~~~~~~~~~~~~~~~
تركب سيارتها القديمة بعض الشئ التي ورثتها من والدها .....
ديالا : واخيرا هروح مش قادرة جعانة هموت
غادة : اه يلا بينا انتي عزماني عندك النهاردة مليش فيه
ديالا بابتسامة : هقول ايه حسبي الله ونعم الوكيل
غادة : طب يلا يا اختي اتحركي عايزة اكل
ديالا : طيب حاضر ماتكليني احسن
غادة : مليش في لحوم البشر 😂
ديالا : استرها يارب 😯
~~~~~~~~~~~~~~~~~~~~~~~~~~~~
تجلس ع سريرها تفكر في حبيبها و في خطوبتها التي ستتم مساء ....
ميرنا : يااااه اخيرا ربنا حققلي حلمي وهنتجوز مش قادرة اصدق بجد
الام صفاء : لا صدقي يا حبيبتي خلاص خطوبتك بعد كام ساعة
ميرنا : دا احلى يوم في عمري كله
الام : طب يلا يا لمضه لسه مجبتيش الفستان اللي حجزتيه وسبتيه في المحل دا قومي يلا عشان لسه الميكب ارتيست هتيجي بسرعة قومي
ميرنا : حاضر يا حبيبتي هكلم سهيلة عشان تنزل معايا
على الهاتف ...
ميرنا : سوسو حبيبتي عاملة ايه وحشتيني
سهيلة : ازيك يا عروسة مبروووك يا حبيبتي
ميرنا : عقبالك ان شاء الله ..كنت عايزاكي تنزلي معايا النهاردة عشان اجيب الفستان
سهيلة : اكيد يا بنتي هتنزلي امتا
ميرنا : يعني على الساعة 7 بليل تمام
سهيلة : تمام يا عروسة يلا عشان الحق البس
~~~~~~~~~~~~~~~~~~~~~~~~~~~~~
في بيت ديالا ....
غادة : مامتك اكلها حلو اوي تسلم ايديها
ديالا : تسلمي يا حبيبتي ..عاملة ايه يا مع خطيبك
غادة : الحمدلله .. انتي اللي قوليلي هتعملي ايه دا النهاردة خطوبته وواضح انه بيحب خطيبته
ديالا بدموع : ربنا يرحمني انا متوجع اوي وانا بشوفه مع خطيبته بس هبقا مبسوطة وسعيدة طول ما هيبقا سعيد معاها
غادة بحزن : ربنا يكون في عونك ..محاولتيش تنسيه ليه
ديالا : يارب ...انا مش عارفة هشوفه ازاي انا هموت لو روحت الخطوبة دي
غادة : ياااه انتي بتحبيه اوي كدا
ديالا ببكاء : واكتر من كدا فهد دا حب عمري من اول يوم اشتغلت فيه في الشركة ولما كنت بشوفه جاي ياخد فريدة كنت كل ما اشوفه قلبي يدق جامد بعد سنة من شغلي معاكو لما شوفته معاها ف الشركة اول ما حسيت بالغيرة اتأكدت من حبي ليه بقالي 3 سنين بس هو هو عمره ما شافني ابدا حتي ميعرفش اني بشتغل اصلا عنده في الشركة
غادة : طب بس اهدي يا حبيبتي ربنا يريح قلبك يارب ..بقولك يا بت بطلي نكد وقومي وصليني البيت عشان الساعة بقيت 8 وانا كدا هتاخر علي الحفلة
ديالا : يلا يا هانم
~~~~~~~~~~~~~~~~~~~~~~~~~~~~~
في شارع *** اكثر من سيارة اسعاف تعطل سير الطريق ..تجمع كبير من الناس يشاهدون مايحدث ...الاسعاف تحمل جثث حادث السيارة
~~~~~~~~~~~~~~~~~~~~~~~~~~~~~
الساعة 9 ونصف مساءاً في مستشفى ..في غرفة من غرف الطوارئ يتحدث الاطباء عن حالة مصابين الحادث....
طبيب 1 : البنت دي حالتها متاخرة جدا واحتمال كبير منقدرش ننقذ حياتها دخلوها انعاش فورا والبنت التانية دي في كسر ف دراعها الشمال ونزيف في المخ لازم تنزل اشاعة حالا عشان نعرف تطورات الحالة و البنتين التانين واحدة عندها خلع ف الكتف اليمين وبعض الرضوض في جسمها والتانية محتاجة تدخل عمليات دلوقتي عشان النزيف الداخلي دا نلحقه وكسر رجلها يتجبس فورا وحاولو توصلو لاهاليهم عشان نتعرف علي هوياتهم
مجموعة الاطباء والممرضين : حاضر يا دكتور
طبيب 2 : موبايلاتهم موجودة ف الاستقبال هنشوف ونتصل ع اي حد يعرفهم
طبيب 1 : ياريت بسرعة
الساعة 11 في مستشفى ** في غرفة الانعاش ....
طبيب 3 : للاسف فقدنا المريضة يا دكتور
طبيب 1 : حولو الجثة علي المشرحة واتصلو بحد من اهلها
يتبع .....
رواية انتقام بلا رحمة الفصل الثاني 2 - بقلم Beroabood5
الساعة 9 ونصف مساءا في مستشفى ..في غرفة من غرف الطوارئ يتحدث الاطباء عن حالة مصابين الحادث....
طبيب 1 : البنت دي حالتها متاخرة جدا واحتمال كبير منقدرش ننقذ حياتها دخلوها انعاش فورا والبنت التانية دي في كسر ف دراعها الشمال ونزيف في المخ لازم تنزل اشاعة حالا عشان نعرف تطورات الحالة و البنتين التانين واحدة عندها خلع ف الكتف اليمين وبعض الرضوض في جسمها والتانية محتاجة تدخل عمليات دلوقتي عشان النزيف الداخلي دا نلحقه وكسر رجلها يتجبس فورا وحاولو توصلو لاهاليهم عشان نتعرف علي هوياتهم
مجموعة الاطباء والممرضين : حاضر يا دكتور
طبيب 2 : موبايلاتهم موجودة ف الاستقبال هنشوف ونتصل ع اي حد يعرفهم
طبيب 1 : ياريت بسرعة
الساعة 10 ونصف في مستشفى ....في غرفة الانعاش ....
طبيب 3 : للاسف فقدنا المريضة يا دكتور
طبيب 1 : حولو الجثة علي المشرحة واتصلو بحد من اهلها
~~~~~~~~~~~~~~~~~~~~~~~~~~~~~
في بهو منزله الضخم يسير بتوتر فهي لا تجيب ع الهاتف والان اصبح الهاتف مغلق لا يعلم مايحدث ....
فهد بتوتر : انا مش عارف هي قفلة ام الفون دا ليه
والدته جميلة : ممكن تهدي نفسك هي اكيد في الطريق ومش سامعة الفون متقلقش خير ان شاء الله
فارس : ماتكلم والدتها كدا يمكن ترد هي عليك
فهد : بكلمها مشغول هحاول تاني
في نفس التوقيت عند والد ووالدة ميرنا ....
صفاء : لا كدا كتير اوي دي اتاخرت جدا انا هموت من القلق
محمد : انا مش عارف ازاي تتاخر بالطريقة دي هي مش عارفة معاد حفلتها ولا ايه ....
يرن هاتف والدة ميرنا من هاتف ميرنا ...
صفاء : بترن اهي ...الو ايه يا بنتي انتي فين كل دا بتجيبي الفستان
ممرضة : حضرتك تعرفي صاحبة الفون دا !!
صفاء : ايوة بنتي انتي مين بنتي جرالها حاجه هي فين خليها تكلمني
ممرضة : انا اسفة بس بنت حضرتك وصاحبتها عملو حادثة وهي دلوقتي في مستشفى *** ياريت حضرتك تيجي في اسرع وقت ولو تعرفي حد من اهل صاحبتها ياريت تبلغيهم
صفاء يسقط الهاتف من يدها ومازالت تحت تاثير الصدمة : ميرنا يا محمد ميرنا عملت حادثة و في المستشفى يعني ايه ها فهمني
محمد : ايه اللي بتقوليه دا
صفاء : اه
محمد : ومستنية ايه يلا بينا ونتصل علي فهد في الطريق
~~~~~~~~~~~~~~~~~~~~~~~~~~~~
في نفس التوقيت عند فهد ....
فهد بتوتر : هي كمان موبايلها مشغول لا كدا مينفعش بجد انا هروح اشوفها فين ...
فارس : طب والناس اللي علي وصول هنقولهم ايه
فهد : قولهم اي حاجه انا المهم عندي ميرنا يولع اي حد جاي الحفلة انا خارج
يرن هاتف فهد اثناء خروج والد ووالدة ميرنا من المنزل ...
محمد : فهد تعالي ضروري علي مستشفى .. ميرنا عملت حادثة وهي راجعة في الطريق
فهد مصدوم : ايه حصل ازاي وامتى انا جاي حالا
فارس و فريدة ووالدتهم في حاله تعجب
فارس : في ايه يا فهد ايه اللي حصل
فهد بخوف : ميرنا عملت حادثة وفي المستشفى دلوقتي انا لازم اروح هناك يلا تعالى معايا
فارس : يلا بينا
فريدة : انا جاية معاكو انا كمان
والدتهم : ربنا يسترها
~~~~~~~~~~~~~~~~~~~~~~~~~~~
بعد وصول فهد وفارس وفريدة الي المشفى الذي ترقد به ميرنا ....
فهد : بعد اذنك في بنت وصلت ف حادثة من حوالي نص ساعة اقدر اعرف هي في اوضة كام
موظف الاستقبال : اسمها ايه اصلهم اربع بنات مش واحدة
فهد باستغراب : اربعة .. اسمها ميرنا محمد المصري
موظف الاستقبال : دي اتحولت الانعاش الدور التاني اسأل عنها هناك
تركه فهد لم يستمع لباقي ما قاله حيث توجه الي الطابق الثاني باقصى سرعة لديه حتى يصل لحبيبته وبخلفه فريدة وفارس
في الطابق الثاني يسأل فهد احد الاطباء الذين مروا من جانبه
فهد بتوتر : لو سمحت يا دكتور كنت بسأل عن بنت وصلت ف حادثة من نص ساعة تقريبا اسمها ميرنا المصري
الطبيب : لحظة اشوف اسمها في الكشف ...للاسف
البنت دي توفت بعد ما وصلت علي طول
صراخ فريدة ... صدمة فارس ... سقوط فهد مغشيا عليه من الصدمة ......
~~~~~~~~~~~~~~~~~~~~~~~~~~~
في غرفة اخرى من غرف المشفى .....
فارس : لا اله الا الله اللي حصل دا هيأثر على فهد اوي يا فريدة انا خايف عليه جدا دا بس عرف الخبر اغمى عليه من الصدمة اومال لما هيحصل فيه ايه لما يفوق
فريدة : انا كمان خايفة عليه اوي اللي حصل دا صدمنا كلنا ربنا يرحمها ويقويه على فراقها دا روحه فيها ويعين اهلها على الخبر دا
~~~~~~~~~~~~~~~~~~~~~~~~~~~
في مكان اخر امام غرفة ديالا تجلس غادة تبكي من الم كتفها وايضا على صديقتها التي مازالت بغيبوبة من لحظة وصولها المشفى ولا تعلم متى ستفيق من غيبوبتها
الطبيب : للاسف هي في غيبوبة حاليا بسبب نزيف المخ اللي سببتهلها الحادثه ومنقدرش نحدد هتفوق منها امتا بس اتكلمو معاها هي هتحس بيكم وممكن دا يساعد في علاجها باذن الله
والدة ديالا : لا اله الا الله ربنا يقومك بالسلامة يا بنتي ايه اللي حصل يا غادة
غادة : والله يا طنط معرفش دا حصل ازاي احنا كنا ماشيين بالعربية عادي وفجأة ظهرت قدمنا عربية وحصل اللي حصل هي دخلت غيبوبة وانا كتفي اتكسر
والدة ديالا : الف سلامة عليكي يا حبيبتي ... روحي يلا عشان ماما متقلقش عليكي وانا هفضل معاها
غادة : لا يا طنط حضرتك تعبانة روحي انتي عشان معاد دواكى وانا كدا كدا قاعدة عشان عندي متابعة الصبح وماما هتيجي دلوقتي فانا هفضل معاها متقلقيش عليها
~~~~~~~~~~~~~~~~~~~~~~~~~~
في مكان اخر بالمشفى ......
مجهول1 : المهمة اتنفذت زي ما أمرتي يا هانم
مجهول2 : مش اوي كدا هي اه ماتت وارتحت منها بس انا رجلي كانت هتضيع يا فالح
مجهول1 : بس المطلوب اتنفذ بالحرف عايز باقي اتعابي عشان اعرف اعزي كويس فيها
مجهول2 : اول ما اخرج من المستشفى هتوصلك فلوسك "وتغلق الهاتف " ....تحدث نفسها "بس حلوة حكاية رجلي دي عشان ابقا فوق مستوى الشبهات"
...........يتبع
رواية انتقام بلا رحمة الفصل الثالث 3 - بقلم Beroabood5
بعد شهر من الاحداث السابقة لازالت ديالا غيبوبتها مستمرة ولكن فهد اصابته حالة اكتئاب شديدة ...
في غرفة فهد بالفيلا ....
فارس : مينفعش اللي انت عمله في نفسك دا يا فهد انت كدا هتموت نفسك
فريدة ببكاء : يا حبيبي اللي حصل حصل ربنا يرحمها احنا كلنا كنا بنحبها وعارفين قد ايه انت بتحبها بس دا قضاء ربنا وهي لو كانت موجودة كانت هتزعل من اللي انت عمله في نفسك دا
فهد بحزن شديد : لو كنت موجودة مكتش حصل كل دا
فارس : فهد ماما تعبانة اوي بسبب اللي انت فيه زعلانة علي اللي انت عمله في نفسك عشان خاطر ماما حاول تخرج نفسك من الدوامة دي
فهد بشرود : ان شاء الله هحاول
~~~~~~~~~~~~~~~~~~~~~~~~~~~
اليوم التالي ليلا في المشفى في غرفة ديالا بعد مغادرة والدتها وغادة يجلس على الكرسي المقابل للسرير الذي ترقد عليه كالجثه لا حول لها ولا قوة ينظر لها بكره شديد ويخطط كيف ينتقم منها على فعلتها ......
فهد : انتي السبب هي ماتت بسبب غبائك بس عارفة صدقيني انا هعيشك اسود ايام حياتك هكرهك في اليوم اللي اتولدتي فيه وهشرف على الموضوع دا بنفسي 'يقترب من اذنها ويتحدث بصوت يشبه الفحيح ' خليكي فاكرة الصوت دا كويس اوعى تنسيه ابدا ....سلام
يخرج من المشفى ويتذكر ما حدث بعدما افاق من اغمائته وتأكد من وفاة حبيبته ....
فهد يتحدث امام قبرها : وحشتيني اوي انا مش قادر اصدق اللي حصل ... ' وهو يمسح دموعه ' هاخد حقك من اللي كان السبب في موتك عمري ما هسامح نفسي لو ماخدتش حقك
Flash back .....
بعد الحادثة باسبوع في الاستقبال ......
فهد : لو سمحت من حوالي اسبوع كدا حصل حادثة وجه فيها اربع بنات وماتت منهم واحدة
موظف الاستقبال : ايوة بس حضرتك عايز ايه بالظبط
فهد : مفيش مجرد اني عايز اعرف مين اللي كانو ف الحادثة وايه حالتهم الصحية بس
موظف الاستقبال : بص حضرتك انا عندي بس الاسماء بتاعتهم بس الحالة الصحية دي تقدر تعرفها من الدكاترة المتابعين لحالتهم
فهد : طب قولي اساميهم عشان اكلم الدكاترة واطمن عليهم
موظف الاستقبال : حاضر لحظة واحدة .....فيه واحدة توفت اول ما وصلت ودي اسمها ميرنا والتانية اسمها سهيلة كانت معاها في نفس العربية والتالتة اسمها غادة والرابعة اسمه ديالا ودول كانو سوا في العربية التانية
فهد : طب الدكاترة اللي بيتابعو معاهم مين
موظف الاستقبال : هو دكتور للي بيشرف على حالتهم اسمه دكتور سيف علم الدين هتلاقيه موجود في الدور التالت اول اوضة
فهد : شكرا
يذهب فهد ناحية المصعد ليذهب الي الطبيب المشرف طرق باب غرفة الطبيب ليسمح له الطبيب بالدخول ......
الطبيب : اقدر اساعد حضرتك ازاي
فهد : كنت عايز اسأل عن حالة مجموعة بنات دخلو المستشفى في حادثة من حوالي اسبوع
الطبيب : حضرتك بتتكلم عن انهي حادثة احنا بيجلنا حوادث كتير
فهد : حادثة كان فيها اربع بنات ماتت منهم واحدة اول ما وصلت المستشفى
الطبيب : ايوة ايوة افتكرت بس حضرتك بتسأل ليه
فهد : اصل البنت اللي توفت دي خطيبتي والبنات التلاتة صحابها فكنت محتاج اطمن على حالتهم الصحية
الطبيب : البقية في حياتك ....هو فيه بنتين منهم حالتهم الصحية تعتبر كويسة الاصابات مش خطيرة بس البنت التالتة حالتها خطيرة شوية لانها لما وصلت المستشفى دخلت غيبوبة لان كان عندها ارتجاج ونزيف في المخ لانها اللي كانت بتسوق العربية بس
فهد : طب اقدر اشوفهم
الطبيب : اللي تقدر تشوفها دلوقتي البنت اللي ف غيبوبة انما الباقين مشيو لان حالتهم زي ما قولت لحضرتك كويسة
امام غرفة العناية المركزة التي ترقد بها ديالا يتحدث فهد الي الطبيب ......
فهد : كنت عايز اتكفل بمصريف علاجها كلها واي حاجة تحتاجها انا متكفل بيها
الطبيب : تمام مفيش مشكلة بس تقدر تتابع الموضوع دا مع قسم الحسابات تحت
فهد : ماشي شكرا لحضرتك
End flash back .....
ينهض من امام قبرها وهو شارد الذهن بالفتاة الراقدة بالمشفى
~~~~~~~~~~~~~~~~~~~~~~~~~~
بعد شهرين من الاحداث السابقة في مكان اخر تحديد مكتب زين بالشركة يتحدث مع فارس عن حالة فهد ......
زين : انا قلقان على فهد اوي حالة الاكتئاب اللي هو فيها دي غلك عليه واحنا مش هنفضل واقفين متكتفين بنتفرج عليه وهو بيموت ببطء
فارس : معاك حق انا وفريدة خايفين عليه اوي حتى ماما تعبت بسبب الحالة اللي هو فيها بس هنعمل ايه هو بردو كان بيحبها اوي ربنا يرحمها
زين : يارب ....عايز اتكلم معاك في موضوع تاني بعيد عن موضوع فهد
فارس : خير في حاجه ولا ايه
زين : خير ان شاء الله متقلقش اوي كدا
فارس : طب ايه اتكلم فيه ايه
زين : حاضر متزوقش يا عم بص انا مش عارف ابدأ الموضوع منين بصراحة انا عايز اخطب
فارس بابتسامة : بجد الف مبروك و دي مين اللي امها داعية عليها دي
زين بنظرة احتقار : قوم من هنا يا فارس انا مش هتكلم معاك في حاجه اطلع برا ياض
فارس : خلاص خلاص بهزر قول هي مين بقا يلا
زين بتردد : فريدة
فارس : فريدة مين ...فريدة اختي انت بتستعبط ياض
زين : ليه ان شاء الله فيا حاجة غلط ولا ايه
فارس باستفزاز : لا .... بس اديني وقت افكر
زين : لا والله طب اطلع برا بقى انا غلطان اللي بتكلم مع عيل زيك
فارس : بهزر معاك يا كبير انت بتقفش ليه ...بس مقولتليش اشمعنا فريدة يعني
زين : انت صاحبي يا فارس وانت عارف اني بعتبرك اخويا الصغير وانا مش بحب ابقا مخبي حاجة ابدا و في الموضوع دا انا مش حابب اخبي عليك حاجه وبالذات انها اختك ....بصراحة انا بحبها من زمان اوي من اول يوم دخلت فيه بيتكم وبقينا عيلة واحدة وانا كنت بشوفها وبحاول ابعد فكرة الحب دي عن تفكيري عشان مخسرش حد منكم بس صدقني انا بحبها بجد انا حتى معرفش ايه شعورها ناحيتي وانا محبتش الف وادور و عايز الموضوع يبقا رسمي و كل حاجه تبقا واضحة
فارس : انت عارف غلوتك عندي واني بعتبرك زي فهد بالظبط بس غلوتك دي كبرت اوي عندي بعد كلامك دلوقتي ...انا يا سيدي معنديش مشكلة بس الكلام دا مينفعش هنا ....
زين : قبل ما تكمل كلامك انا عارف هتقول ايه بس انا كنت باخد رأيك لاني بصراحة متردد اوي لاني مش عارف ايه مشاعرها هترفض ولا توافق ....عموما هكلم فهد واشوف هيقول ايه
فارس : بص رأي اجل الموضوع دا شوية عشان موضوع ميرنا و كدا يعني
زين : انا عارف وفاهم ومقدر وانا كنت بفكر ف كدا بردو
فارس : انا بقول كدا بردو
زين : ماشي يا عم اللمض قوم شوف شغلك بقا
فارس باستفزاز : بقى كدا طب انا مش موافق على الجوازة دي
زين : لا فارس دا انت حييبي انت متعرفش كدا ولا ايه
فارس : ايوا كدا ...انا ماشي بقا سلام
زين بغل : غوووووور
فارس من خلف الباب : ايه مسمعتش
زين ببرائة : مع الف سلامة يا حبيبي
~~~~~~~~~~~~~~~~~~~~~~~~~~~
بعد ثلاثة اشهر من الاحداث السابقة .....
تستفيق ديالا من غيبوبتها ولكنها مازالت بالمشفى تحت العناية الطبية ولكن قبل هذا بمدة قصيرة تقابل فهد مع والدة ديالا ......
يتبع .......
رواية انتقام بلا رحمة الفصل الرابع 4 - بقلم Beroabood5
بعد اربع اشهر من الاحداث السابقة يجلس شارد الذهن امام نافذة مكتبه بالشركة يدخل عليه فارس وزين .......
زين : فهد اللي بتعمله دا مش في مصلحتك ابدا وبعدين هي ربنا يرحمها ...بجد نفسي تخرج من اللي انت فيه وتشوف حياتك بقا على الاقل تتابع الشركة مش تيجي تقعد تقلب في الورق وانت سرحان كدا
فارس : زين عنده حق يا فهد لازم تشوف حالك وشغلك بقا
فهد بابتسامة بسيطة : تصدقو بدأت افكر في كلامك و بعدين الحي ابقا من الميت هي بقالها اكتر من اربع شهور ربنا يرحمها
زين : ايوة بقى الفهد هيرجع تاني عايزين نشوف شغلنا عندنا صفقات كتير مش عايزين نخسرها وحاجات تانية كتير
فارس : ناوي على ايه يا زين
زين : على كل خير ان شاء الله
فارس : فهد كان فيه موضوع عايز اكلمك فيه
فهد : خير فيه ايه
فارس : فاكر من مدة كدا قبل الحادثة كنت كلمتك عن بنت موجودة معانا في الشركة بس مش موظفة هي كانت بتتدرب بس هي كلمتني من فترة عشان محتاجة تشتغل
فهد بشرود : لا مش فاكر اسمها وكانت بتدرب في انهي قسم
فارس : كانت بتدرب في قسم التسويق اسمها ديالا هي المشكلة انها لسه بتدرس بس احتياجها للفلوس خلاها عايزة تشتغل
فهد بابتسامة بسيطة : مفيش مشكلة خليها تحضر ورقها وتيجي عندي المكتب عشان اعرف هتبقى في انهي قسم
فارس : بس هي كانت بتدرب في قسم التسويق اكيد مش هتبقا في قسم تاني
فهد : اشوف ورقها و ساعتها هقرر هتبقى في اي قسم
فارس : ماشي اللي تشوفه انا همشي بقا عشان الحق ابلغها
زين : وانا كمان بقا هروح اشوف ورايا ايه
بعد خروج زين وفارس ...
فهد بشرود : اللعبة بدأت تحلو اوي جيتي برجليكي سبقتيني بخطوة بس كويس اما اشوف بقى هنعمل معاكي ايه يا ديالا هانم
Flash back .......
قبل شهر من الاحداث السابقة اثناء غيبوبة ديالا يذهب فهد لغرفة العناية المركزة كعادته بالآونة الاخير ولكن هذه المرة مختلفه لانه ذهب في معاد تواجد والدة ديالا بالممر المقابل لغرفة ديالا ........
والدة ديالا اميرة : ازاي اللي حضرتك بتقوله دا يا دكتور مين هيكون دفع الحساب احنا معندناش قرايب وهي ملهاش اخوات ملناش حد يسدد الفلوس دي كلها
الطبيب سيف : انا كل اللي اعرفه ان الشخص دا محبش يقول مين هو وسدد المبلغ وبزيادة
فهد : سلام عليكم
والدة ديالا والطبيب : وعليكم السلام
فهد بابتسامة بسيطة : بعد اذنك يا دكتور انا عايزة اتكلم مع الحاجة شوية
الطبيب : مفيش مشكلة بعد اذنكو
اميرة : مين حضرتك يابني
فهد : انا الشخص المجهول اللي دفع حساب المستشفى وعلاج بنت حضرتك
اميرة : متشكرين يابني بس احنا الحمدلله مش محتاجين صدقة من حد وشكرا جدا لحضرتك وفلوسك هتوصلك باذن الله
فهد : ممكن حضرتك تسمعيني بس وان هفهم حضرتك على كل حاجه
اميرة : اتفضل انا سمعاك يابني
فهد : بنت حضرتك ديالا كانت بتدرب في الشركة بتاعتي وانا بصراحة ومن غير كدب انا كنت معجب بيها من فترة بس انا مش عايز حضرتك تفهمي غلط هي متعرفش بحبي ليها وكنت عايز اتقدملها بس حصلت الحادثة واجلت كل اللي كنت عايز اعمله وانا مش عايز حضرتك تضايقي من موضوع الفلوس انا معملتش حاجه لاني بجد كنت بموت لما عرفت الخبر وانها كمان في غيبوبة حضرتك متعرفيش انا بحبها قد ايه
اميرة : بص يابني انا مش عارفة ارد عليك اقولك ايه عموما انا عند كلامي فلوسك هترجعلك لما بنتي تقوم بالسلامة
فهد : يا طنط انا مش عايز حاجه مش هقبل اني اخد الفلوس دي وبعدين اعتبريني ابنك ولا مشرفكيش
اميرة : لا مش القصد يابني بس ميصحش
فهد : لا يصح غير كدا باذن الله اول ما تقوم انا هاجي واطلبها من حضرتك في بيتك انا عارف الكلام دا مش مناسب دلوقتي بس انا حابب اوضح موقفي
اميرة : ربنا يقومها بالسلامة الاول وبعدين ربنا يحلها من عنده
فهد : يارب .. بس طلب اخير مني مش عايز حضرتك تعرفي ديالا مين اللي دفع فلوس المستشفى لحد ما تبقى علاقتي بيها رسمي وهقولها انا ....استأذن انا بقا عشان الشغل مع السلامة
اميرة : حاضر ....مع السلامة يابني
End flash back .......
فهد بحقد : اول خطوة نجحت والتانية انتي قومتي بيها الباقي عليا انا
~~~~~~~~~~~~~~~~~~~~~~~~~~
العودة بالزمن قليلا ليوم عودة ديالا الي منزلها بعد تحسن حالتها الصحية .......
في منزل ديالا تجلس وسط اصدقائها يطمئنو على حالتها بعد عودتها من المشفى ....
رغدة : حمدالله على السلامه يا حبيبتي وحشتينا اوي بقا كدا تقلقينا عليكي كل دا
ديالا بتعب : الحمدلله اوي لحد كدا اللي فهمته من كلامكم وكلام الدكاترة اني كنت بموت وربنا رد فيا الروح
فريدة : الحمدلله ..المهم انتي عاملة ايه دلوقتي لسه تعبانة
ديالا : الحمدلله احسن بكتير بس عندي صداع ودوخة مستمرة الدكتور قالي انه هيستمر معايا مدة عشان النزيف والارتجاج اللي كان عندي والدكتور كتبلي مجموعة ادوية عشان الصداع دا
رغدة وفريدة : الف سلامة عليكي يا حبيبتي
ديالا : فريدة ممكن اطلب منك طلب
فريدة : قولي اللي انتي عايزاه يا حبيبتي
ديالا : انتي عارفة اني كنت بتدرب في الشركة عندكو و دلوقتي انا محتاجة اشتغل عشان المصاريف وكدا وبصراحة انا مكسوفة اكلم بشمهندس فارس فى الموضوع
فريدة : حاضر من عنيا اول ما اروح هكلم فارس وهو يكلم فهد متقلقيش وبعدين تتكسفي من مين دا اخوكي الكبير
ديالا : عارفة والله بس بردو الموقف محرج بالنسبة لي
فريدة : لا مش محرج احنا اخواتك وبعدين فارس بيعزك جدا وهيزعل اوي منك لو عرف الكلام دا
ديالا : لا خلاص انا مش بحب حد يزعل مني وبالذات انتم لاني بعتبركم عيلتي بجد
رغدة :طب ايه بقا نقوم نمشي احنا عشان منتعبكيش اكتر من كدا
ديالا : لا اقعدو معايا شوية كمان عشان خاطري انا مش تعبانة
فريدة : لا انتي تعبانة وبعدين احنا هنعدي عليكي تاني عشان نطمن عليكي ونجيبلك المحاضرات متقلقيش يلا سلام
ديالا : ماشي مع السلامة
~~~~~~~~~~~~~~~~~~~~~~~~~~
في الوقت الحالي بعد حديث فارس وفهد عن عمل ديالا بالشركة يهاتف فارس ديالا ليخبرها ما قاله فهد ......
فارس : سلام عليكم ازيك يا ديالا ايه اخبارك النهاردة
ديالا : الحمدلله احسن شوية من الاول بس الدوخة بتجيلي كتير بس الحمدلله حضرتك عامل ايه
فارس : الحمدلله عندي ليكي اخبار حلوة هتفرحك
ديالا : خير ان شاء الله
فارس : انا كلمت فهد ف موضوع شغلك ف الشركة وهو وافق بس حابب يقابلك الاول ويشوف ورقك عشان يعرف هتبقي ف اي قسم
ديالا باستغراب : ليه هو انا مش هبقا ف قسم التسويق اللي كنت بتدرب فيه !!
فارس : مش عارف والله على حسب ما فهد يحدد وانا قولتله انك هتروحي بكرا الصبح بورقك مكتبه
ديالا بتوتر : لازم يعني اروحله مكتبه
فارس : لازم عشان يشوف ورقك ويحدد هتبقي فين
ديالا : امري لله بقا شكرا لحضرتك جدا يا بشمهندس
فارس : على فكرة انا بعتبرك اختي يعني زيك زي فريدة فبلاش حكاية بشمهندس وحضرتك انا فارس بس ممكن ولا ايه
ديالا : حاضر يا بشمهندس
فارس : بردو قولنا ايه بقا
ديالا : اديني وقتي عشان اتعود
فارس : ماشي يا ستي عايزة مني اي حاجه تانية
ديالا : شكرا يا فارس
فارس : طب يلا اطير انا بقا سلام
ديالا : مع السلامة
~~~~~~~~~~~~~~~~~~~~~~~~~~~
اليوم التالي الساعة 9 صباحا بمكتب فهد بالشركة يجلس شارد في تفكيره في ديالا التي ستأتي بعد قليل وكيف سيتحمل رؤيتها بعد ما فعلته ويقطع هذا التفكير دخول سكرتير مكتبه يخبره بوصول ديالا ....
السكرتير : استاذ فهد في بنت برا اسمها ديالا بتقول انها عايزة تقابل حضرتك
فهد : اه دخلها بسرعة يا استاذ محمد
السكرتير : انسة ديالا اتفضلي
تدخل ديالا المكتب بتوتر وهي تنظر لقدميها لا تستطيع رفع عينيها لترى من ينظر لها بحقد شديد ولكن يخفيه خلف ابتسامة مرحبة ليتحدث اليها ....
فهد بابتسامة : اقعدي يا انسة ديالا مالك خايفة ليه
ديالا وخجلها يزداد ونبضات قلبها ترتفع : لا مش مش خايفة ولا حاجه ...اتفضل حضرتك دي اوراقي
فهد ينظر لها قليلا ثم للملف الذي بين يديه يتمعن النظر به ويقرأه جيدا ثم : ورق كويس ومعدلات نجاحك في الكلية كويسة بردو وورق تدريبك هنا بيوضح انك كويسة جدا بس انا عندي رأي تاني ف موضوع شغلك دا
ديالا بانتباه : من ناحية ايه مش فاهمة
فهد يتحدث اليها بعد ان نهض من مقعده ليجلس على المقعد المقابل لها : اقصد انك مش هتتعيني ف قسم التسويق ورقك يخليكي ف مكان احسن بكتير
ديالا : بردو مش فاهمة حضرتك تقصد ايه يعني هتعين فين
فهد : هتبقي سكرتيرتي الخاصة بدل استاذ محمد بصراحة محتاج حد جديد لانه كبر ومحتاج يرتاح من الشغل
ديالا باندهاش : طب واشمعنا انا
فهد بابتسامة بسيطة : فارس قالي انك نشيطة اوي وشغلك بتخلصيه ف مواعيده ومنتظمة والاهم انك مش بتنسي حاجه يعني المطلوب بالظبط وبصراحة اكتر مش هقدر استغنى عن واحدة بكل المواصفات دي انها تبقا اقل من سكرتيرتي ومتقلقيش مرتبك هنا هيبقا اعلى بكتير من موظفة تسويق
ديالا بتفكير : طب ممكن حضرتك تديني وقت افكر
فهد بابتسامة : اكيد بس هما ساعتين بس تشربي فيهم حاجة ساقعة وتقرري هتعملي ايه
ديالا بشرود : بس ساعتين قليل اوي
فهد : لا قليل ولا حاجه بالعكس دول كتير اوي
ديالا : بس انا مش بفهم حاجه ف شغل السكرتارية
فهد : متقلقيش استاذ محمد هيفهمك كل حاجة قبل ما يمشي ومش عايز كلام تاني غير بعد ساعتين
يتبع .....
رواية انتقام بلا رحمة الفصل الخامس 5 - بقلم Beroabood5
تسير ديالا شاردة الذهن بعد خروجها من الشركة بعد الحديث الذي دار بينها وبين فهد ....
ديالا : موافقة
فهد بابتسامة : كويس تحبي تبدأي شغلك امتا انا عارف انك لسة خارجة من حادثة وتعبانة شوفي تحبي تبدأي امتا
ديالا : لا مش تعبانة ولا حاجه واقدر استلم شغلي من بكرا باذن الله
فهد : مفيش مشكلة الوقت اللي تحبيه
عبرت الطريق لتقف على الرصيف تنتظر سيارة اجرة لتنقلها الي منزلها .....
~~~~~~~~~~~~~~~~~~~~~~~~~~~~
يجلس بمكتبه على شفتيه ابتسامة انتصار بعدما تاكد من نجاح اول خطوة من انتقامه يدخل عليه في هذه الاثناء زين ....
زين : فهد فهد انت يا شخص
فهد : عايز ايه يا قاطع الملذات ومفرق الجماعات
زين : كل خير ان شاء الله بس قولي الاول كنت سرحان في ايه يا جميل
فهد باستفزاز : خليك ف حالك
زين : شكلك بتحب جديد
فهد بابتسامة : ايه هو باين اوي كدا
زين : دا بجد بقا مين اللي امها وحمتها داعين عليها دي ها
فهد : مش هقولك
زين : ليه كدا بس
فهد : محتاج اتأكد من حاجة الاول وبعدها هقولك هي مين
زين : انا كمان عايز اكلمك في حاجة
فهد : استر يارب عايز ايه
زين : عايزك ف موضوع بس هكلمك فيه ف البيت باذن الله مينفعش هنا ف الشركة
فهد : ماشي اما نشوف ....عملت ايه ف اخر صفقة
زين : احنا محتاجين نرتب معاد عشان نطلع القرية السياحية اللي هنشتغل فيها ولازم تكون موجود عشان تقرر هنبدا بيها هي الاول ولا المشروع التاني اللي هنا
فهد : مفيش مشكلة رتب المواعيد وكلمني عشان اجهز نفسي
زين : تمام يا كبير همشي انا بقا سلام مؤقت
فهد : سلام
~~~~~~~~~~~~~~~~~~~~~~~~~~~
في منزل ديالا ليلا تجلس تحادث والدتها ......
ديالا : زي ما بقولك كدا يا ماما هبقا السكرتيرة بتاعته
اميرة : واشمعنا انتي يابنتي
ديالا : على حسب كلامه عشان اللغة اللي معايا والكلام اللي قالهوله عني فارس اني نشيطة وكويسة ف الشغل
اميرة : مش عارفة اقولك ايه يابنتي بس خدي بالك من نفسك
ديالا : حاضر يا ماما متقلقيش عليا
اميرة : ربنا معاكي يابنتي
~~~~~~~~~~~~~~~~~~~~~~~~~~
بمنزل فهد يجلس فهد وزين وفارس يتحدثون .....
زين : بص يا فهد انا وفارس حددنا معاد عشان الفريق اللي هيطلع من الشركة وانت معانا عشان صفقة القرية السياحية
فهد : امتا بقا
فارس : بعد بكرا الساعة 6 بليل هنتحرك عشان احنا هنروح نبات الاول وبعدين هننزل نشوف الموقع اللي هنشتغل فيه
فهد : تمام
فارس : اه صحيح يا فهد عملت ايه ف موضوع ديالا
فهد : اتعينت خلاص
فارس : مانا عارف انك عينتها انا اقصد فين بقت فين
فهد : عينتها سكرتيرة شخصية ليا
فارس وزين : نعم
فهد : فيه ايه انا قولت حاجه غلط ولا حاجه
زين: لا غلط ولا حاجه ما تتكلم يا فارس
فارس : ازاي يعني يا فهد تعينها سكرتيرة
فهد : مزاجي حاجة تخصني
فارس : بس
فهد : لا بس ولا حاجه انا عينتها وهي وافقت انا مش شايف اي مشكلة ممكن نكمل كلامنا بقى
زين : هو احنا كدا خلصنا كلام ف الشغل بس انا لسه عندي كلام معاك بس شخصي مش ف الشغل
فهد : خير يا زين
زين : لا خير متقلقش ...انا مش بعرف اذوق الكلام وبصراحة مش عارف المواقف اللي زي دي بيتقال فيها ايه بس انت عارف انك اخويا وانا هتكلم معاك بوضوح
فهد : انت كدا قلقتني اكتر
زين : لا مفيش قلق ولا حاجه باختصار انا عايز اتجوز فريدة
فارس باستفزاز : مش كنت عايز تخطبها الاول
زين : اخرس يا حيوان
فهد : ايه دا انتو متكلمين ف الموضوع من مدة بقا
زين : لا ابدا والله انا كنت باخد رأيه بس
فهد : بص يا زين انت اخويا وصاحبي من واحنا عيال صغيرة بس دا كلام ميخصنيش لواحدي فريدة رأيها اهم لانها اللي هتتجوز وهتعيش مش احنا
زين : خلاص انا هاجي ف اقرب وقت بعد الصفقة دي ما نخلصها واتقدم رسمي انا بس كنت باخد رأيك في الموضوع عشان اشوف انت هتوافق او لا
فهد : لا من ناحيتي متقلقش انا موافق و اكيد ماما مش هترفض بس خاف من فريدة
زين : طب ليه الرعب دا بقا
فهد : لما تيجي تتقدم رسمي ساعتها هتعرف
زين : ماشي ربنا يستر
~~~~~~~~~~~~~~~~~~~~~~~~~~~
يجلس ع شفتيه ابتسامة شر لان القدر في صفه ويسانده بالكثير من الامور في خطته الان هو يرتب كيف سيعترف لديالا بحبه المزيف في هذه الرحلة التي اتته لتكمل مخططته .....
يهاتفها ليخبرها عن موضوع السفر للعمل بالقرية السياحية .....
يرن هاتف ديالا ليعلن عن اتصال قادم من رقم مجهول ف لا تهتم ولكن بعد اصرار الرقم تجيب .....
فهد : ايه ساعة عشان سيادتك تردي
ديالا : مين معايا
فهد : انا فهد
ديالا بتوتر : اهلا ازي حضرتك بس هو مش غريبة ان حضرتك تتصل بيا دلوقتي
فهد ببرود : لا غريبة ولا حاجة ف شغل ضروري ولازم اكلمك عشانه
ديالا باستغراب : شغل ودلوقتي
فهد : لا مش شغل بمعنى شغل اقصد ان فيه معاد شغل لازم اقولك عنه دلوقتي عشان تبقي عاملة حسابك
ديالا : شغل ايه بالظبط
فهد وشبح ابتسامة خبيثة ع فمه : عندنا سفر بعد بكرا الساعة 6 عشان نشوف الشغل اللي ف القرية السياحية
ديالا : ودي فين
فهد : ف الساحل الشمالي خليكي عاملة حسابك وحضري نفسك تمام
ديالا : حاضر 'بهمس' امري لله
فهد : تمام ....تصبحي ع خير يا انسة ديالا
ديالا : وحضرتك من اهل الخير
تجلس تفكر في هذه الرحلة التي لا تعرف ما سيحدث بها لا تعلم ماذا سيكون رد فعل والدتها عن هذا السفر المفاجئ ......
يتبع .........
رواية انتقام بلا رحمة الفصل السادس 6 - بقلم Beroabood5
اسفة اوي ع التأخير بس كان عندي شوية ضغوط ف البيت عشان كدا ملحقتش اخلصه بسرعة اسفة مرة تانية ......
~~~~~~~~~~~~~~~~~~~~~~~~~~~
تخرج من منزلها مع اخيها ليوصلها الي جامعتها لتتابع دراستها .....
فارس برخامة : هو مقرر كل يوم عليا اوصلك الكلية
فريدة باستفزاز : مهو مش ببلاش مانت بتشوف حبيبة القلب متخلنيش اتكلم
فارس : انا اسف يا حبيبتي انتي تركبي وانا انزل
فريدة : ايوة كدا اتعدل
فارس بهمس : امري لله حسبي الله ونعم الوكيل
فريدة : بتقول حاجه
فارس : لا ابدا انا اقدر اقول حاجه
فريدة : طب اتحرك يلا ولا هنبات هنا
فارس : طيب
يوصلها حتى جامعتها وبعدها يذهب لمقر عمله دون رؤية حبيبته ....
ذهبت فريدة لترى صديقتها رغدة لتجدها بانتظارها ولكنها متوترة كثيرا ....
فريدة بقلق : مالك يا رغدة
رغدة بضيق : الولد اللي بيضايقني كل شوية دا جيه بردو النهاردة وقعد يقول كلام مستفز
فريدة : مش عارفة المشكلة دي تتحل ازاي بجد ربنا يبعدك عنه وعن شره
رغدة : يارب
فريدة : طب يلا نطلع المحاضرة
رغدة : لا مليش مزاج مش قادرة
فريدة : طب خلاص خلينا قاعدين هنا نفطر ونبقا نقوم نتمشى
رغدة : باذن الله .....مكلمتيش ديالا اليومين اللي فاتو دول
فريدة : لا كلمتها حتى فهد عينها ف الشركة
رغدة : بجد طب كويس اوي رينا يعنها مرض مامتها مضايقها اوي ربنا يشفيهالها
فريدة : لو مكانش مرض مامتها مكانتش اشتغلت اصلا ربنا يعينها
~~~~~~~~~~~~~~~~~~~~~~~~~~~
ستيقظت ديالا صباحا حضرت الفطور لوالدتها وتوجهت مسرعة الي خارج المنزل حتى تبدأ عملها تقف بالمحطة لتنتظر اي وسيلة مواصلات لتنقلها لتفاجئ بوقوف سيارة مديرها امامها .......
فهد : صباح الخير اركبي
ديالا باستغراب : اركب فين حضرتك ميصحش
فهد : بقولك اركبي مش هتفضلي واقفه كدا كتير وتتاخري انا مش بحب التأخير انجزي
لتركب ديالا مجبرة حتى لا تتأخر ....
ديالا بنفعال : ع فكرة ميصحش ابدا اللي حضرتك عملته دا
فهد ببرود : انا معملتش حاجة انا كنت يجيب حاجة من هنا وشوفتك بالصدفة دا اولا ثانيا بقى متعليش صوتك تاني
ديالا بحرج : انا اسفه بس بردو مينفعش
فهد : معلش عندي المرة دي
طوال الطريق لا يتحدثون ليحاول فهد فتح اي حوار ليكتشفها اكثر ......
فهد : هو ممكن سؤال لو مش هيضايقك
ديالا وهي تنظر امامها : اه اتفضل
فهد : هو انا بصراحة مستغرب اسمك اوي اول مرة اسمعه ايه معناه
ديالا بابتسامة هادئة : هو اسم مميز ماما اللي اختارتهولي ومعناه الوردة الجميلة
فهد : اسم جميل زي صاحبته
ديالا : شكرا
وصل كلا منهما للشركة ونزلت ديالا مسرعة لتذهب من امامه باقصى سرعتها اوقفت المصعد لتذهب الي مكتبها ولكنه يلحق بها ويركب معها ...تنظر للاسفل بحرج ليصلا مكتبهم .....
~~~~~~~~~~~~~~~~~~~~~~~~~~
بعد انقضاء ساعات العمل يذهب فارس ليقل فريدة ويرى رغدة ايضا ....يذهب ليجد شاب يضايق رغدة وفريدة ليترجل من السيارة ويذهب لهن ....
فارس وهو يقترب منهم : فريدة رغدة ف ايه ..انت مين
الشاب : طب مانتو ليكو ف الشباب اهو اشمعنا انا يعني
فارس : كلامك معايا انا يا اخ
الشاب : وانت بسلامتك تطلع مين
فارس : مش شغلك انت عايز ايه منهم
الشاب : ملكش فيه انا همشي دلوقتي بس راجعلك تاني يا رغدة
رغد بهمس باكي : حيوان
فارس بعصبيه يوجه كلامه لرغدة : تقدري تقوليلي مين دا
رغدة ببكاء : واحد معانا ف الكلية عايز يتعرف عليا باي طريقة
فارس يمسح بكفه ع وجهه ليهدأ قليلا : طب يلا عشان اوصلكو
رغدة : لا مش هينفع امشو انتو
فارس بعصبية : اخلصي ولا عايزاه يرجع يضايقك تاني شكلك مبسوطة من مضايقته ليكي
رغدة بصدمه من كلامه : احترم نفسك يا فارس معلش يا فريدة انا لازم امشي سلام
فارس ذهب ورائها وامسكها من ذراعها وتحدث بغضب : اركبي العربية ومتخلينيش ازعلك وانا هكلم زين واقوله
رغدة تركب معهم بصمت بعد ان هاتف فارس زين واخبره بما حدث وانه سيقل اخته الي المنزل .....
~~~~~~~~~~~~~~~~~~~~~~~~~~
تجلس ديالا بمنزلها وهي تفكر ماذا تفعل ف هذه السفرية المفاجئة وكيف تخبر والدتها وهي تعلم تماما انها لن توافق ابدا على هذا السفر ولكنها تسلم امرها الى الله وتخبرها ......
ديالا بتوتر : ماما عايزة اقولك حاجة بس من غير ماتتعصبي
اميرة : قولي يا حبيبتي مالك تعبانة ولا حاجه
ديالا : لا ابدا يا حبيبتي الموضوع عن شغلي بصراحة في سفرية شغل هتطلع النهاردة الساعة 6 ولازم ابقا فيها
اميرة بقلق : ليه يعني هي مهمة اوي
ديالا : اه هنشوف قرية سياحية هنبدأ شغل فيها فلازم المدير يروح المكان بنفسه
اميرة بتوتر : مش مرتاحة بس ربنا يحرسك ويوفقك يارب
ديالا : يعني موافقة
اميرة : لازم والا هتخسري شغلك ربنا معاكي
ديالا : يارب يا حبيبتي
~~~~~~~~~~~~~~~~~~~~~~~~~~
يجلس بغرفته يفكر ويفكر بهذه الفتاة رغم برائتها وجمالها البسيط الا انه لا يرى سوا ثأره منها هي التي لا ذنب لها ف شئ يفكر كيف يستغل هذه الرحلة ف انتقامه ماذا سيفعل معاها ليقطع تفكيره اقتحام فارس غرفته بغضب .....
فهد باندهاش : ايه يابني فيه ايه
فارس بانفعال : فهد محتاج اتكلم معاك
فهد : خير انت قلقتني عليك شكلك غريب
فارس يحاول تهدأت نفسه : انا عايز اتجوز
فهد بصدمة : هو اللي عايز يتجوز بيبقا عامل كدا
فارس بانفعال : انا مش بهزر انا عايز اتجوز رغدة اخت زين
فهد ومازال مصدوم : دا فجأة كدا
فارس وقد هزمته الدموع : بحبها بحبها من وهي صغيرة بحبها من ساعة ما بدأت اشوفها كل يوم وانا بوصل فريدة الكلية من تلت سنين وانا بحبها مش هقدر اشوفها لحد غيري
فهد يجلس بجواره ويجذبه لحضنه ويهدهده : اهدى يا حبيبي متقلقش وغلوتك عندي لتكون ليك انت بس وهخطبهالك من زين بنفسي
فارس ببكاء : لا انا مش عايز اخطبها
فهد باندهاش : اومال ايه يابني اعملك ايه طيب
فارس بدموع : انا عايز اتجوزها ع طول مش عايز خطوبة
فهد : الرحمة يارب ..حاضر ربنا يشفيك يا حبيبي
فارس بفرحة : ربنا يخليك ليا يا احلى اخ
فهد بابتسامة : طب يلا يا باشا اجهز عشان السفر اللي ورانا
فارس : عنيا يا باشا
ليذهب ويحضر نفسه هو وفهد الذي توصل الى افضل حل يبدأ به مهمته ف هذه الرحلة ......
~~~~~~~~~~~~~~~~~~~~~~~~~~
منذ لحظة وصولها الى المنزل لا تكلم زين وتغلق ع نفسها عرفتها جالسة تبكي ع ما حدث صباحا ......
رغدة ف نفسها : هو ايه قصده باللي قاله دا هو فهم اني ع علاقة بالولد دا قلبي وجعني اوي لما حسيت انه بيشك فيا ليه تعمل فيا كدا يا فارس ربنا يسامحك يا حبيبي ربنا يسامحك
زين يطرق ع باب غرفتها للمرة العشرين ليخرجها .....
زين بحزن : حبيبتي مالك بس عرفيني بس هو الولد دا عملك حاجة غير انه بيضايقك بالكلام ان هربيهولك بس متزعليش نفسك ....طب اخرجي عشان تكلي معايا انتي عارفة مش بحب اكل لواحدي عشان خاطري يا حبيبتي ...
لم تتحمل رغدة ان تترك اخيها هو ايضا حزين فجففت دموعها وفتحت له الباب وارتمت باحضانه وانهارت من البكاء وهو يهدهد عليها ليهدأ من روعها وهو غاضب من داخله ع ما حدث لشقيقته الصغرى .....
~~~~~~~~~~~~~~~~~~~~~~~~~~~
تحمل حقيبتها وتترجل من منزلها لتذهب لمقر الشركة لتجد انه لايوجد لها مكان بسيارة الشركة ولكن لا تعلم ماذا بانتظارها ........
يتبع ......
رواية انتقام بلا رحمة الفصل السابع 7 - بقلم Beroabood5
انا عارفه اني اتأخرت اوي عليكو بس كان عندي شويه ظروف .....مبسوطة اوي ان تفاعلكم زاد واسفه مرة تانية يلا نبدأ ...
~~~~~~~~~~~~~~~~~~~~~~~~~~~
بغرفه فهد تجلس فريده تحاول ان تقنع فهد بان تذهب معهم بهذه الرحله بعد معرفتها بان ديالا في هذه الرحله .......
فهد : انسي الموضوع دا تمام مينفعش
فريده : عشان خاطري
فهد بزهق من حديثها : خلاص بطلي زن ماشي روحي جهزي نفسك عشان احنا نص ساعه وهنتحرك
فريده بضحكه : لا مجهزه كل حاجه يادوب بس هلبس هدومي
فهد باندهاش : الرحمه يارب هموت ناقص عمر منك انتي واخوكي
فريده : بعد الشر عنك يا بيبي عن اذنك انا بقا عشان الحق البس
فهد بابتسامه خبيثه بعد خروج فريده : بجد مش عارف اشكرك ازاي يا فريده خدمتيني خدمه كبيره اوي لازم اكافئك عليها هانت .....
~~~~~~~~~~~~~~~~~~~~~~~~~
بنفس التوقيت عند ديالا تقف تحضر لوالدتها طعام ليومين قادمين لانها ستبيت هناك وبعدها تذهب لترتدي ملابسها وتأخذ حقيبتها وتنزل سريعا من منزلها لتذهب لمقر عملها ولكنها تفاجئ بتحرك الاتوبيس الذي سيذهب للمطار وانها ستضطر للركوب مع فهد بسيارته .......
ديالا بتوتر : بس دا مينفعش
فريده : لا عادي انتي هتركبي معايا ورا وفارس وفهد قدام
ديالا بتنهد : خلاص ماشي
تتحرك السياره باتجاه المطار يجلسون يتحدثون سويا ماعدا فهد الذي كان شارد الذهن يفكر ف خطته لاستغلال ديالا والايقاع بها ف حبه ولكن يخرجه من شروده صوت فريده ......
فريده وهي تنظر لفهد : ولا ايه رأيك يا فهد
فهد : ايه معلش مكنتش مركز معاكو كنتو بتقولو ايه
فارس : فريدة كانت بتقترح انه هي وديالا ينزلو ف نفس الاوضة وكانت بتسألك عن رأيك
فهد بابتسامة بسيطة : مفيش مشكلة لو دا هيبقا راحة بالنسبالكم خلاص اللي انتو عايزينه
فريدة بسعادة : ميرسي يا حبيبي
يكملو حديثهم حتى يصلو المطار ......
بالطائرة يجلس فهد بجوار فارس وفريدة بجوار ديالا ........
تتحدث كلا من ديالا وفريدة سويا .....
فريدة بابتسامة : ها بقا احكيلي فهد عامل ايه معاكي بالتفصيل الممل
ديالا بتعب : مابقتش قادرة اكتر من كدا بجد تعبت انا بحبه وانتي عارفة كدا المشكلة انه بيقربني منه اكتر مش عارف انه بكدا بيعذبني انا بتعذب وهو حتى ميعرفش مقدرش الوم غير نفسي عشان حبيت حد عمره ما هيكون من نصيبي
فريدة بحزن على صديقتها : طب اهدي عشان خاطري اهدي ربنا هيحلها من عنده باذن الله متقلقيش
ديالا وهي تحاول تهدأت نفسها : يارب ...المهم انني عامل ايه
فريدة : الحمد لله انا مبسوطة اوي اني هشوف زين انا مكنتش مصدقة لما فارس قالي انه هيجي يتقدملي كنت هطير من الفرحة بس مابينتش
ديالا بسعادة لفرحة صديقتها : ربنا يوفقك ويكتبلك اللي فيه الخير يارب
فريدة : ويوفقك انتي كمان يارب
يكملون حديثهم بينما فارس يتصفح هاتفه وفهد يفكر بديالا كيف يجذبهم للايقاع بحبه .....
فهد يحدث نفسه : مش عارف ابدأ معاكي منين اوصلك معلومة اني بحبك دي عن طريق فريدة ولا اخليها مباشرة بيني وبينك ..... لا اسلم حل اني المح لفريدة وهي اكيد هتقولها وبكدا ابدأ انتقامي الحقيقي معاكي
تستقر الطائرة ارضاً ويبدأ الركاب بالترجل منها ..... ينتقل فريق عمل الشركة بمن فيهم فهد وفارس وزين وديالا وفريدة الي الفندق المخطط المبيت به ....
تستقل ديالا وفريدة بغرفة وزين وفارس بغرفة وفهد بغرفه مستقلة والباقين بغرفهم ....
~~~~~~~~~~~~~~~~~~~~~~~~~~
ليلاً بمكان اخر تحديدا ببيت قاتلة ميرنا ......
سهيلة بخبث وهي تتحدث بالهاتف مع هذا المجرم : اللي بتقوله دا بجد
خالد : ايوة يا هانم زي ما بقولك كدا هي واقعة ف حبه ع الاخر وهو ميعرفش انها بتحبه اصلا
سهيلة : وانت عرفت منين
خالد : مصادري الخاصة يا هانم
سهيلة : هي المعلومة مش مهمة اوي بس يمكن تنفع بعدين
خالد : يمكن وبعدين انا حاسس انه بيحاول يتقربلها والا مكنش شغلها سكرتيرته الخاصة
سهيلة بتفكير : احتمال بردو ...تمام اقفل انت دلوقتي ولو فيه اي جديد بلغني اول بأول
خالد : تمام يا هانم
تغلق الهاتف وهي تفكر ف تدمير هذه البريئة .....
~~~~~~~~~~~~~~~~~~~~~~~~~~~
الساعة 5 فجراً تخرج من الفندق تذهب امام الشاطئ وتجلس وهي شاردة الذهن وتفكر بحبيبها الذي لا يعلم بحبها لتفاجأ بشخص يحدثها ......
يقف بشباك غرفته بنفس التوقيت ليراها تجلس مع احدهم لا يعلم ماذا حدث له لكنه كان يريد الفتك بهما معاً ولكنه تمالك اعصابه وانتظرها حتى تنتهي من هذا الحوار السخيف من وجهة نظره وسيذهب اعرف ماذا يحدث .......
تجلس بغرفتها تفكر به تحبه تعشقه ستوافق ع عرضه مهما حدث او سيحدث ولكنها ستوافق ....
يجلس شارد الذهن بحبيبته لا يعلم كيف يرتضيها كيف يصالحها يريدها ان تغفر له خطأه الغير مقصود يريدها انا تسامحه لانه تسبب ف حزنها ولكنها الغيرة ......
يتبع .....
عارفة انه قصير بس انا هنزل البارت اللي بعده اول ما هلاقي تفاعلكم عايزة توقعتكم ......
رواية انتقام بلا رحمة الفصل الثامن 8 - بقلم Beroabood5
تفكر سهيلة سريعاً وبعدها تهاتف خالد ليبدأ بتنفيذ مخططها باسرع وقت .....
~~~~~~~~~~~~~~~~~~~~~~~~~~~
الساعة 5 صباحاً .....
تخرج من الفندق تذهب للشاطئ وتجلس وهي شاردة الذهن بحبيبها لتجد من يجلس بجانبها ويحدثها ......
..... : حلو البحر وقت الشروق مش كدا
ديالا بتفاجئ : ايه دا مين حضرتك
خالد بابتسامة باهتة : خالد اسمي خالد انتي بقا اسمك ايه
تتركه ديالا وتذهب ف طريقها محاولة منها ان تعود للفندق
خالد يذهب خلفها ويمسك بيدها: لحظة لحظة انتي مستعجلة ليه احنا ماتعرفناش لسه
ديالا بانفعال وهي تنفض يده من يدها : ايه اللي انت بتعمله دا معتقدش ان فيه اي داعي ان احنا نتعرف واعتقد ان دي قلة ذوق من حضرتك انك تمسك ايد واحدة متعرفهاش
خالد : ومش قلة ذوق منك انك تسيبي حد بيكلمك وتمشي
ديالا : لا مش قلة ذوق ابداً مع امثالك وياريت تغور من وشي بقا
خالد وهو يفسح الطريق : ماشي بس خليكي فاكرة
لما تعيره ديالا اهتمام تركته ورحلت ذاهبة لغرفتها لتفاجئ بفهد واقف امامها وع وجهه علامة غضب واضحة ولكنه كاظم غيظه بدرجة كبيرة .....
تعجبت ديالا من تواجده بهذا التوقيت امام غرفتها ولكنها رجحت انه كان بالداخل مع فريدة ....
فهد اسمكها من ذراعها بقوة آلمتها واخذها لغرفته ....
ديالا بألم من ذراعها : ف ايه انت ماسكني كدا ليه
فهد يحاول ان يهدأ من عصبيته التي لا يعرف سببها حتى : مين اللي كنتي واقفة معاه تحت دا
ديالا باستغراب : مين
فهد بغضب اكبر : انتي هتستعبطي بقولك مين اللي كنتي واقفة معاه دا وانتي ايه اللي يخليكي اصلا تنزلي ف وقت زي دا برا
ديالا : معرفهوش والله وبعدين انا كنت مخنوقة شوية فصليت الفجر وخرجت حبيت اتمشى شوية لقيت دا بيكلمني
فهد : متاكدة انك متعرفيهوش
ديالا : ايوة متأكدة ممكن تسيب ايدي ...وبعدين حضرتك بتسألني بصفتك ايه اقدر افهم
فهد ببرود : باي صفة انا حر انتي ملكيش دعوة
ديالا : لا ليا حضرتك بتسألني انا يبقا ليا دعوة مفيش بيني وبين حضرتك صفة اكتر من الشغل واعتقد دا ميدلكش الحق انك تمسكني بالطريقة دي وتسألني كمان كنت واقفة مع مين او مين بيكلمني .. عن اذنك
بعد ذهاب ديالا جلس فهد يفكر ما الذي يحدث معه لماذا شعر بالغيرة لمجرد تواجد شخص اخر معها ....
فهد : انا ايه اللي مضايقني ما اللي يكلمها يكلمها هي حرة فعلا انا مالي
~~~~~~~~~~~~~~~~~~~~~~~~~~~
خرجت ديالا من غرفة فهد وذهبت غرفتها وهي تبكي لا تعلم لماذا يفعل معها هكذا ومن هذا ايضا الذي حدثها عند الشاطئ .....
انتفضت فريدة من منظر ديالا الباكي ....
فريدة بخوف : ديالا ف ايه ايه اللي حصل بتعيطي ليه
قصت عليها ديالا ما حدث واستغربت فريدة كثيراً من تصرف فهد الغير مبرر ....
فريدة باستغراب : فهد عمل كدا ليه انا مش عارفة ومش قادرة استوعب ....وبعدين مين الحيوان اللي كان واقف معاكي دا اصلا
ديالا ببكاء : انا والله معرفوش انا صليت الفجر وحسيت اني مخنوقة حبيت اخرج اتمشى شوية ع البحر وقعدت لما لاقيت الشروق بيظهر فجأة لقيت دا بيكلمني وعايز يتعرف عليا بالعافية انما فهد شافني فين انا معرفش ويعمل كدا ليه اصلا
فريدة : طب اهدي بس خير ان شاء الله انا هتكلم مع فهد بكرا باذن الله لما تخلصو شغل يالا ننام شوية ع ما تبدأو تتجمعو
ديالا : حاضر تصبحي ع خير
فريدة : وانتي من اهل الخير يا حبيبتي
جلست فريدة تفكر فيما فعله فهد هل هو يحب ديالا ولهذا تضايق من وجود اخر معها ام ماذا لا تعلم يجب ان تتحدث معه .....
~~~~~~~~~~~~~~~~~~~~~~~~~~
الساعة 10 صباحاً .....
يجلس يتحدث مع فارس وزين حتى يبدأ تجمع الموظفين ......
فهد : خلي الفندق يكلم اوض الموظفين عشان ينزلو ونروح الموقع ونبدأ شغل و كلم فريدة قولها تنزل عشان عايز اتكلم معاها
فارس : حاضر هروح اكلمهم عن اذنكم
زين : مالك يا فهد حاسس انك مضايق ف حاجة ولا ايه
فهد بانتباه : لالا ابدا مفيش حاجه بفكر في الشغل شوية بس
زين : هحاول اصدقك لحد ما تتكلم من نفسك
فهد بشرود : قريب قريب اوي
فارس : انا كلمتهم وهما كلمو الموظفين وهينزلو دلوقتي وفريدة وديالا نزلو وهما بيفطرو دلوقتي
فهد : تمام خلي الكل يتجمع قدام الفندق الساعة 11 عشان نتحرك انا هتمشي شوية ع البحر لحد ما تكلمني
فارس : تمام
بعد رحيل فهد يتحدث زين وفارس ....
فارس : زين هو فهد فيه حاجة متغيرة ولا انا غلطان
زين : انا كمان لاحظت دا مش عارف ماله بس حاسس ان فيه حاجه
فارس : اكيد الشغل
زين : الله اعلم
~~~~~~~~~~~~~~~~~~~~~~~~~~~
يمشي شارد الذهن يفكر بها لازال متذكر ما حدث البارحة ...
فهد يحدث نفسه : انا بفكر فيكي ليه انا المفروض بفكر ف انتقامي منك وبس واللي حصل امبارح هيأكد ع كلامي اللي هوصله لفريدة مش اكتر
يخرجه من شروده صوت فريدة ...
فريدة بابتسامة : صباح الخير يا فهد
فهد : صباح النور يا حبيبتي
فريدة : فارس قالي انك عايزني
فهد بانتباه : اه كنت عايز اسألك عن ديالا هي اخبارها ايه
فريدة : بصراحة انا كنت عايزة اكلمك ف الموضوع دا بس قوله لما تخلص شغل
فهد : لا اتكلمي ف ايه
فريدة : انت بتحب ديالا يا فهد
فهد بشرود : تقريبا
فريدة : ازاي بقا يا بتحبها يا لا
فهد : اه بحبها ومن فترة كبيرة اوي و دا اللي خلاني اعينها سكرتيرتي بس مش عايز اقول عشان مش عارف هي ايه مشاعرها من ناحيتي
فريدة : طب واللي حصل امبارح
فهد : كان غصب عني عارف اني زعلتها بس انا اضايقت جدا لما لاقيتها واقفة مع واحد كنت هتجنن
فريدة تريد ان تخبره بحب ديالا له ولكنها تراجعت : طب وهتعمل ايه دلوقتي هتقولها ولا ايه
فهد : مش عارف لسه بفكر اقولها هنا بس متردد
فريدة بسعادة : لا متترددش رتب نفسك كدا وكلمها وان شاء الله خير
فهد بابتسامة خبيثة : يارب ...طب لو ينفع قبل ما الكمها تحاولي توصليلها اني بحبها وتكوني مهدتيلي الطريق
~~~~~~~~~~~~~~~~~~~~~~~~~~~
يتجمع الموظفون في المعاد المحدد لهم ليبدأو العمل ويذهبون للقرية المقام عليها المشروع .....
تقف ديالا بجور فهد الذي يملي عليها بعض القرارات التي سينفذها لاتمام الصفقة ...
فهد : كتبتي اللي قولت عليه
ديالا : اه كله تمام
فهد : فارس جمع الموظفين عشان نرجع الفندق واحجز اول طيارة مسافرة بكرا عشان نرجع
يعود الجميع الي الفندق تذهب ديالا الي الغرفة لتخبر فريدة انهم سيعودون الي القاهرة غدا وعليهم ان يحضرون حقائبهم سريعا .....
ينتهوا من تحضير حقائبهم للسفر ويصلوا فرضهم وبعدها تخرج الاثنين ليجلسان امام البحر قليلا قبل حلول الليل .....
فريدة : انتي لسه مضايقة من اللي عمله فهد يا ديالا
ديالا بحزن : اكيد يا فريدة دا كلمني بطريقة وحشة اوي
فريدة بتوتر : مش يمكن بيحبك و دي غيرة حب
ديالا توقفت عن السير وهي مندهشة من كلام فريدة : انتي بتقولي ايه ....اللي بتقوليه دا عمره ما هيحصل عشان هو لسه بيحب ميرنا ومعتقدش انه هيبصلي ولو حتى لحظة
فريدة : ليه يا حبيبتي انتي مش اقل من ميرنا ف حاجة بالعكس انتي احلى و احسن منها كمان
ديالا بشرود : معتقدش انه هيفكر فيا اصلا ....يلا بينا نرجع الفندق عشان انا عايزة انام
فريدة : يلا
خالد يعترض طريقهما : ازيك مش عايزانا نتعرف بردو
ديالا بغضب : هو انت مابتفهمش ولا ايه انا مش قولتلك الصبح غور من وشي
فريدة : مين دا
ديالا : دا الباشا اللي قولتلك عليه النهاردة
فريدة : هو حضرتك عايز ايه بالظبط
خالد : ملكيش دعوة انا عايزها هي
ديالا بانفعال تحاول ان تسيطر عليه : يلا يا فريدة
خالد يمسك يدها للمرة الثانية لتلتفت له وتضربه ع وجهه بقوة لينظر لها بدهشة ....
خالد بانفعال : ايه اللي انتي هببتيه دا
فهد ببرود : هي عملت حاجة قليلة اوي من اللي هعمله فيك ..امشو من هنا يا فريدة
خالد باستفزاز : وانت مين بقا ان شاء الله المحامي بتاعها
فهد وهو يضربه : لا خطيبها يا خفيف
خالد وهو يهرب من فهد : ع فكرة بقا هي اللي مكلماني عشان اجي هنا
بعد ذهاب خالد يلتفت فهد لديالا بغضب : اللي قاله دا صح
فريدة : اكيد لا طبعا دا كداب
فهد بانفعال ويوجه حديثه لديالا: متردي ولا اتخرستي دلوقتي
ديالا : لو سمحت متكلمنيش بالطريقة دي مرة تانية وانا معرفوش اصلا عشان اقوله يجي هنا وبعدين انت ازاي تقوله انك خطيبي
فهد يمسكها من يدها بعنف : انتي تحمدي ربنا اني ممدتش ايدي عليكي
فريدة : مش كدا يا فهد لو سمحت سيبها
فهد : تمام تمام
تذهب ديالا سريعا من امامهم وخلفها فريدة تحاول تهدأتها
يقف يفكر بالذي فعله : لا مستحيل انا هكدب الكدبة واصدقها انا عايزها هي اللي تتعلق بيا مش انا اللي اتعلق بيها لالا لايمكن دا يحصل الموضوع دا لازم يخلص ف اسرع وقت
يتبع ........
رواية انتقام بلا رحمة الفصل التاسع 9 - بقلم Beroabood5
تجهز جميع الموظفون ف المعاد المحدد لذهابهم للمطار وايضا ديالا وفريدة وفارس وفهد .....
تخرج فريدة من الغرفة ولكن ديالا تتأخر قليلا بالغرفة ......
فهد باستغراب : اومال فين ديالا هي مش ناوية تنزل ولا ايه
فريدة : لا عادي اصلها بتتكلم ف الفون هتخلص وتنزل ع طول انا حبيت اسبقها بس
فهد : طيب انا هطلع استعجلها
فريدة : ماشي بس اتكلم معاها بالراحة ومتتعصبش عليها تاني عشان هي لسه زعلانة من ساعة اللي حصل
فهد : تمام
يذهب لها وعند غرفتها يقف مصدوما مما يسمع ....
ديالا : لا يا حبيبي مش زعلانة ولا حاجة ......لا متقلقش انا كويسة حتى انا بجهز عشان ارجع القاهرة ....حاضر هكلمك اول ما انزل من الطيارة ....خلاص بقا متقلقش .....ماشي يا حبيبي ترجعلي بالسلامة يارب .....مع السلامة
يذهب سريعا من امام الغرفة ليهبط السلالم ويخرج خارج الفندق تمام ليحاول استيعاب ماحدث .....
تخرج ديالا مسرعة وهي تحمل حقيبتها لتلحق بفريدة بعدما سبقتها الي الاسفل .....
ديالا وهي تهاتف فريدة لتصل اليها : ايوة انتي فين يا بنتي
فريدة : تعالي احنا خرجنا برا الفندق وقفين مستنين العربية
ديالا : طيب انا قربت اهو سلام
فريدة : سلام
تصل ديالا لتجد فارس وفريدة فقط المتواجدين .....
فريدة باستفسار : اومال فهد فين
ديالا باستغراب : اكيد معرفش
فريدة : ايه دا هو انتي مشوفتيهوش ازاي دا قال انه طالع يستعجلك
ديالا : لا ابدا مشفتوش خالص حتى انتي لما خرجتي نسيتي باب الاوضة مفتوح
فريدة : معلش مخدتش بالي .....طب كويس فهد جيه اهو بس هو كان فين
فارس : انت كنت فين يا فهد قلقتنا عليك
فهد ببروده المعتاد : هي العربية اتأخرت ليه احنا كدا هنتأخر ع الطيار
تصل السيارة التي ستقلهم الي المطار ....يصلون المطار ويركبون الطائرة كلاً بعالمه وتفكيره ليقطع تفكير فهد صوت فارس ....
فارس : بس مقولتش يا فهد كنت فين لما خرجنا برا الفندق انت اختفيت
فهد بشرود : كانت عندي مكالمة مهمة لازم اعملها
فارس : تبع الشغل يعني
فهد : لا كنت بكلم حد من صحابي بطمن عليه
فارس بعدم اقتناع : تمام
Flash back .....
بعد سماع فهد لحديث ديالا بالهاتف وخروجه من الفندق ذهب مسرعاً لا يعلم لما هو غاضب هل هو غاضب منها ام من نفسه لا يعلم سبب ثورته الحقيقية يريد ان يرتاح يريد ان تستكين روحه لا يعلم ما سيفعله صحيح ام لا ....
يخرج هاتفه ليطلب رقم معين .....
اميرة والدة ديالا : سلام عليكم مين
فهد : ازي حضرتك يا طنط انا فهد اللي قابلتك قبل كدا ف المستشفى
اميرة : ايوة ايوة افتكرتك ازيك يابني
فهد بابتسامة بسيطة : الحمدلله حضرتك اخبارك ايه
اميرة بقلق : الحمدلله ...فيه حاجة يابني ديالا حصلها حاجه
فهد : لا ابدا انا بكلم حضرتك ف موضوع يخص ديالا بس هي بخير متقلقيش
اميرة : خير يابني ف ايه
فهد بخبث شديد : خير خير ان شاء الله كنت عايز اكلم حضرتك ف ....
End flash back ......
فريدة باستفسار : هو انتي كنتي بتكلمي مين
ديالا : دا ياسر اخويا عرف من ماما اني مسافرة تبع الشغل فكلمني يطمن عليا
فريدة : اه صحيح هو عامل ايه انا مبقتش اشوفه خالص حتى لما زورتك ف البيت مكنش موجود
ديالا : هو مسافر تبع شغله برا مصر وكل يوم بيكلمنا يطمن علينا
فريدة بابتسامة : ربنا يخليهولكم
ديالا : يارب
~~~~~~~~~~~~~~~~~~~~~~~~~~
بعد هبوط الطائرة رحل كل الموظفون الي بيوتهم ورحلت ديالا مع فريدة وفارس وفهد .....
فهد : انتي رايحة فين يا ديالا
ديالا : هنزل اخد تاكسي عشان اروح
فريدة : تاكسي ايه بليل كدا انتي بتستهبلي ولا ايه
فارس : فريدة وفهد عندهم حق اركبي فهد هيواصلك مش هياكلك و احسن من تاكسي
ديالا باستسلام : ماشي
بعد ركوب ديالا وتحرك فهد بالسيارة .....
فهد وهو ينظر للطريق : هو ممكن اسألك سؤال
ديالا : اكيد اتفضل
فهد : انتي متعرفيش الواد اللي كان بيحاول يكلمك
ديالا : لا ابدا والله حتى عمري ما شوفته قبل كدا
فهد : ممكن سؤال تاني بس هو شخصي شوية
ديالا : اتفضل
فهد : هو انت مخطوبة او بتحبي حد مرتبطة بيه
ديالا باستغراب : لا ابدا ليه
فهد وهو ينظر لها : عايز اتقدملك
ديالا بصدمة : انت قولت ايه
فهد بابتسامة بسيطة : بقول وصلنا وكلميلي ماما عشان اقابلها ونتكلم
ديالا ومازالت مصدومة : لا بجد قولت ايه
فهد : مش وقت صدمة احنا وصلنا البيت انزلي دلوقتي و نتكلم بكرا ان شاء الله
ديالا ترجلت من السيارة وهي تحت تأثير الصدمة ولا تعلم ماذا تفعل صعدت منزلها وجدت والدتها نائمة دخلت هي الاخرى لتستريح من السفر وتفكر .....
~~~~~~~~~~~~~~~~~~~~~~~~~~
بمكان اخر تجلس مغتاظة جدا منفعلة لاقصى حد تريد الفتك بهما معاً ......
سهيلة : دا قال عليها خطيبته ازاي لالالالا يمكن اسيبه يروح لواحدة تانية ابدا لازم تبعدو عن بعض بأي طريقة انا قتلت مرة ممكن اقتل التانية ....
يتبع ............
رواية انتقام بلا رحمة الفصل العاشر 10 - بقلم Beroabood5
يجلس يفكر بما سمعه وكيف انخدع بمضهرها البريئ كيف لها ان تكون بهذا الخداع قد تمالك اعصابه وسألها ولكنها كذبت سألها حتى لا يظلمها ولكنه تأكد تماماً من قراره الان .....يقطع تفكيره دخول فارس وزين المكتب ......
فارس : فهد فهد مالك سرحان ف ايه بتحب جديد
فهد بشرود : اه يا خفيف
فارس يضحك : دا بجد
فهد بابتسامة : اه وهخطب كمان واحتمال اسبقكو انت وزين
زين : مين بقا تعيسة الحظ اللي امها داعية عليها
فهد : هتعرفو ف الوقت المناسب المهم دلوقتي اخبار الشغل ايه
زين : تمام احنا جهزنا العمال والمعدات كلها عشان شغل الشاليهات
فهد : طب تمام ابعتوهم النهاردة وتابعو الشغل اول باول وياريت تسافر انت يا زين عشان تبقا متابع العمال او ابعت حد بدالك
زين : تمام هشوف واقولك ...يلا بينا يا فارس
فهد : ابعتلي ديالا من برا يا فارس
فارس : حاضر
تدخل ديالا المكتب بشرود .....
ديالا : ايوة يا بشمهندس بشمهندس فارس قالي ان حضرتك عايزني
فهد بابتسامة بسيطة : مابلاش بشمهندس دي دا انا هبقا خطيبك ان شاء الله
ديالا بمحاولة لتغيير الحديث : حضرتك كنت محتاجني ف حاجة
فهد : اه كلمتي مامتك ولا لسه
ديالا : لا لسه
فهد : مستنية ايه كلميها النهاردة وردي عليا
ديالا بعدم اقتناع : حاضر هشوف واكلم حضرتك بعد اذنك
تخرج من المكتب لتجلس شاردة امام مكتبها .....
ديالا : ازاي ازاي عايز يخطبني وهو كان بيحب خطيبته جدا ... ايه لحق ينساها بالسرعة دي ....بس بردو متنكريش انك مبسوطة بعرضه دا بس بردو فيه حاجة غلط انا قلقانة اوي ....ربنا يستر
يجلس امام نافذة مكتبه بعد خروجها من مكتبه .....
فهد : عمري مانسيتك ومش هنساكي بس لازم اجيب حقك لازم تتعاقب ع اللي عملته مش هسيبها غير لما اشفي غليلي منها
~~~~~~~~~~~~~~~~~~~~~~~~~~~
جالسة مع والدتها يتناولان طعام الغداء وبالها مشغول محاولة منها للتفكير في طريقة لتوصل بها طلب فهد لوالدتها لتلاحظ والدتها شرودها وتسألها ....
اميرة باستغراب : مالك يا حبيبتي مش بتاكلي ليه
ديالا بانتباه : لا اكلت الحمدلله
اميرة : لا ماكلتيش مالك حد مضايقك ولا حاجة
ديالا : لا ابدا يا ماما هو بس فيه موضوع محتاجة اكلمك فيه
اميرة : خير يا بنتي
ديالا بتوتر : ف عريس متقدملي و عايز يقابل حضرتك
اميرة : وهي تعلم من هو : مين
ديالا : فهد مديري ف الشغل
~~~~~~~~~~~~~~~~~~~~~~~~~~~
عند فهد يخرج من غرفته بعدما قرر التحدث مع افراد عائلته عن موضوع خطبته .....
فارس برخامة : يااااااه اخيرا خرجت من صومعتك
فهد يضحك : بطل رخامتك دي مانا بقعد معاكو دايما
والدتهم جميلة : لا يا حبيبي بقالك مدة قافل ع نفسك وبتقعد لواحدك
فهد بابتسامة هادئة : معلش يا اني ببقا محتاج المساحة الخاصة بيا شوية اقعد مع نفسي بعيد عن اي حد
جميلة : ربنا يريح قلبك يا حبيبي
فريدة بضحك : و احنا ملناش ف الطيب نصيب ولا ايه يا ست ماما
جميلة : دا انتي الحب كله
فارس : ايه دا وانا ابن البطة السودا ولا ايه
جميلة : لا يا حبيبي كلكم عندي زي بعض غلاوتكم واحدة
فهد : ربنا يخليك لينا يا ست الكل ....كنت عايز اتكلم معاكم شوية يا جماعة
فارس : اشجيني
فهد : بطل يالا ....انا قررت اخطب
جميلة بفرحة كبيرة : بجد يا فهد
فريدة بتردد : ومين بقا سعيدة الحظ حد نعرفه ولا ايه
فهد بابتسامة هادئة : اه ديالا صاحبتك يا فريدة
فارس بسعادة : دا بجد عن حب بقا وكدا
فريدة بفرحة : بجد يا فهد
فهد : اه عن حب بقالي مدة كدا حاسس انها شداني ليها اوي
جميلة بسعادة لولدها : ربنا يهنيك معاها ديالا بنت محترمة وهادية ....انت كلمتها لا لسه
فهد : اه كلمتها وقالت انها هتكلم والدتها وهترد عليا بكرا
جميلة : ع خيرة الله
فارس وفريدة : الف مبروك يا فهد
فهد : الله يبارك فيكم عقبالكو
فارس : يارب بقا
~~~~~~~~~~~~~~~~~~~~~~~~~~~~
ديالا : رأيك ايه يا ماما
اميرة : رأي تعملي استخارة وربنا يسهل صحيح انتي قولتي لاخوكي ولا لسه
ديالا : لا لسه انا حبيت اقولك انتي الاول ولو وافقتي هكلم ياسر
اميرة : انا موافقة وفرحانالك اوي بس المهم اخوكي عشان هو هيبقا وكيلك ف الخطوبة والجواز
ديالا بابتسامة : هكلمه ان شاء الله
اميرة : بتحبيه يا ديالا
قبل ان تجيب ديالا ع سؤال والدتها رن هاتفها برقم فريدة ....
ديالا : هرد ع الفون يا ماما
اميرة : ماشي
لتدخل غرفتها وتجيب ع صديقتها ......
فريدة بسعادة : مبروك يا عروسة
ديالا بفرحة : مش مصدقة يا فيري
فريدة : لا صدقي يا دودو حبيبك هيبقا من نصيبك اخيرا
ديالا : اخيرا مع اني قلقانة مش عارفة ليه بس ربنا يكملها ع خير
فريدة : متقلقيش المهم كلمتي مامتك
ديالا : اه قالتلي صلي استخارة الاول وبعدين ارد عليه
فريدة : ان شاء الله خير انا فرحانة اوي يا دودو
ديالا : ربنا يكملها ع خير يارب
بعدما انهت حديثها مع صديقتها اتصلت على اخيها لتخبره بهذا الخبر السعيد .....
ياسر : ازيك يا حبيبتي عاملة ايه وماما ايه اخبارها
ديالا : الحمدلله بتسلم عليك انت عامل ايه يا حبيبي وحشتنا اوي
ياسر : الحمدلله وانتو كمان خلاص قريب هنزل ان شاء الله
ديالا بسعادة : بجد دا احلى خبر سمعته النهاردة وانا كمان عندي خبر هيفرحك اكيد
ياسر : خير يا حبيبتي
ديالا : ف عريس متقدملي
ياسر : بجد امتا حصل الكلام دا
ديالا : هو كلمني امبارح عشان اكلم ماما واقولها عشان يجيب اهله ويتقدم رسمي
ياسر بسعادة : مبروك يا حبيبتي اخيرا هشوفك عروسة بس ف مشكلة
ديالا : خير يا حبيبي
ياسر : مش هعرف اخد اجازة دلوقتي مش قبل شهر او اكتر كمان
ديالا : خلاص نأجل كل حاجة
ياسر : لا تممي انتي وماما الحاجة اللي مش هتبقا محتاجة وجودي ولما انزل نتمام باذن الله كل حاجه
ديالا : حاضر
~~~~~~~~~~~~~~~~~~~~~~~~~~
يهاتف اعز اصدقائه ليخبره عن خطبته .....
فهد : الناس اللي غايبة ومش بتسأل ....عارف والله المهم ايه اخبارك .....انا تمام الحمدلله انا بكلمك عشان اعزمك ع خطوبتي .....ايه ف حد تاني هيخطب تاني ولا ايه ......الف مبروك بس ازاي انت سايبها ومسافر ......اها عموما الف مبروك انا هعديلك الخطوبة بس الفرح مش هعديهالك ابدا انت فاهم .....يلا عايز حاجه ....مع السلامة
يتبع ..........