تحميل رواية «انتقام بلا رحمة» PDF
بقلم Beroabood5
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
في احدى شركات العطار تجلس هذه الفتاة البسيطة على مكتب تابع لقسم الاعلانات والتسويق يقف امامها المشرف على تدريبها المؤقت بالشركة يتسلم منها الملفات التي قد عملت عليها مسبقاً ... فارس بابتسامة لطيفة : صباح الخير يا انسة ديالا ديالا تقف من مجلسها :صباح النور يا بشمهندس فارس فارس : كنت محتاج منك الملفات اللي كنتي بتشتغلي عليها الشهور اللي فاتت انتي عارفة خلاص الدراسة هتبدا وانتي هترجعي كليتك ديالا بابتسامة بسيطة : عارفة يا بشمهندس 10 دقايق والملفات كلها هتكون عند حضرتك ~~~~~~~~~~~~~~~~~~~~~~~~ يجلس...
رواية انتقام بلا رحمة الفصل الحادي عشر 11 - بقلم Beroabood5
بعد مرور اسبوع من الحاح فهد ع مسامع ديالا ....
يجلس فهد مغتاظاً منها فهي لم تعطيه رداً نافعاً ع طلبه فهو يريد ان يتخلص من هذا الامر سريعاً لا يريد له ان يطول اكثر من هذا فقرر محادثة والدتها ....
فهد : ازي حضرتك يا طنط عاملة ايه
اميرة : الحمدلله انت ازيك يابني
فهد : انا الحمدلله كنت عايز اكلمك ف موضوعي انا وديالا هي ديالا مش موافقة ولا ايه انا عايز اطمن
اميرة : مش والله يابني انا عن نفسي موافقة بس هي لحد دلوقتي مترددة ف انها تاخد قرار بس متقلقش انا هكلمها تاني النهاردة
فهد : يارب يا طنط حضرتك عارفة اني بحبها جدا ونفسي انا وهي نبقا تحت سقف واحد
اميرة : حاضر يابني هخليها تكلمك النهاردة تقولك قرارها
فهد : شكرا اوي لحضرتك يا طنط مش عايز اعطل حضرتك اكتر من كدا مش محتاجة مني حاجة
اميرة : لا تسلم يابني ...مع السلامة
فهد : مع السلامة
ينهي الحديث مع والدتها ويفكر ماذا سيفعل اذ لم توافق عليه هل سيغصبها ع الموافقة ام سيتركها ..
عند هذه النقطة لم يتحمل فكرة انه لن يتزوجها ولكن لماذا هل لانه يريد الانتقام حقاً ام لمشاعر لا يريد الاعتراف بها ....
~~~~~~~~~~~~~~~~~~~~~~~~~~~
تجلس تفكر لا تعلم هل توافق ام لا ...حائرة ف حرب العقل والقلب ......العقل يرفض الموافقة ع طلب فهد ولكن للقلب احكام اخرى فهو موافق وبشدة فهذا الحبيب الذي تنتظره من زمن مازالت مترددة ف اتخاذ قرارها ....يخرجها من شرودها رنين هاتفها ...
ياسر : ازيك يا ديالا عاملة ايه
ديالا : الحمدلله يا حبيبي انت ايه اخبارك طمني عليك
ياسر : الحمدلله بخير كنت بطمن عليكي و ع ماما
ديالا : احنا بخير بس هنبقا احسن لما ترجعلنا يا حبيبي
ياسر : تسلميلي يا حبيبتي سلميلي ع ماما انا كل مرة اتصل بتبقا نايمة
ديالا : حاضر
ياسر : قوليلي بقا عملتي ايه ف حكاية خطوبتك
ديالا : والله لسه مترددة مردتش عليه الموضوع خالص رغم اني حاسة انه واحد الموضوع جد بس خايفة بردو
ياسر : ايه اللي مخليكي مترددة هو مابيشتغلش ولا سلوكه مش كويس
ديالا : لا دا ولا دا شغله كويس جدا دا رئيس لمجموعة الشركات اللي انا بشتغل فيها وشخص محترم جدا
ياسر : وانتي عايزة ايه اكتر من كدا وافقي عشان ماما وافقي هي عايزة تفرح بيكي كفاية كسرة فرحتها بيا انا
ديالا : فرحتها متكسرتش بيك بالعكس هي فرحت جدا لما انت سبت البنت اللي خطبتها دي والحمدلله خلصت منها ومن شرها
ياسر : الحمدلله ع كل حال بس عشان خاطري اسمعي كلامي ع الاقل دي خطوبة مش جواز يعني لسة ع البر
ديالا : حاضر يا حبيبي
ياسر : سلميلي ع ماما لحد ما اكلمها بكرا ان شاء الله عايزة حاجة مني
ديالا : تسلم ....يلا مع السلامة
ياسر : مع السلامة يا حبيبتي
~~~~~~~~~~~~~~~~~~~~~~~~~~~
ملتفون حول المائدة يتناولوا طعامهم ويتحدثون ف موضوعاتهم اليومية ....
جميلة : عاملة ايه يا فريدة ف الكلية
فريدة : الحمدلله يا ماما الامتحانات قربت
جميلة : ربنا يعديها ع خير وينجحك يا حبيبتي
فارس بهزار : ايوة ادعيلها وسيبني كدا قاعد من غير حاجة
جميلة : هو انا ليا غيركم ادعيله انتو اللي ليا
فهد : ربنا يخليكي لينا يا ست الكل
جميلة : ويخليكو ليا يارب
فهد : كنت عايز اكلم حضرتك ف موضوع كدا
فارس : انت مش اتكلم ف موضوعك قبل كدا لدينا الفرصة بقا
فهد : تصدق انا كنت هكلم ماما ف موضوعك بس خلاص مفيش كلام
فارس : لا خلاص انا اسف انت بتاخد ع كلامي بردو مينفعش
فهد : ايوة كدا اتعدل
جميلة : موضوع ايه يا فهد
فهد : هو مش موضوع واحد بصراحة هما اتنين الاول فارس عايز يخطب
جميلة بفرحة : بجد مين بقا
فهد : رغدة اخت زين والموضوع التاني يخص زين
جميلة : ماله زين هو كمان عايز يخطب ولا ايه
فهد وهو ينظر لفريدة التي انتبهت لحديثهم بشدة : اه عايز يخطب
جميلة : ربنا يوفقو بس احنا ايه دخلنا
فهد : اصله عايز يخطب فريدة
تنهض سريعاً من امامهم وهي ف قمة خجلها وسعادتها
جميلة : احلي اخبار سمعتها النهاردة طب خلاص بقا كدا اعملو انتو التلاتة خطوبتكو سوا
فهد بابتسامة : دا اللي هيحصل بأذن الله بس ادعيلي ربنا يحنن قلبها عليا
جميلة : ربنا يهنيكو يا حبايبي
فهد وفارس : يارب
~~~~~~~~~~~~~~~~~~~~~~~~~~~~
يجلس مع والده وشقيقته ليتحدث معهما حول موضوع خطبته من فريدة بعدما انهى مكالمته مع فهد الذي اخبره بموافقة والدته ع خطبته لفريدة ....
زين : بابا .. رغدة عايز اتكلم معاكو شوية
احمد والده : خير يابني ف حاجة ولا ايه
زين : لا خير ان شاء الله انا كنت كلمت حضرتك قبل كدا ف موضوع اني عايز اخطب واني كلمت اخو البنت اللي بحبها عشان اخطبها
احمد : اه افتكرت و ايه اللي حصل رد عليك ولا لسه
زين بابتسامة : اه هو كلم والدته وهي موافقة نيجي نتقدم
احمد : صحيح انت مقولتليش هي تبقا مين
زين : فريدة اخت فهد وفارس
احمد بفرحة لانه سيتزوج من ابنة صديقه العزيز : بجد يا زين ربنا يتمملكو ع خير يا حبيبي خلاص حدد معاد ف اقرب وقت عشان نروح نتقدملها
رغدة بفرحة لصديقتها : بجد يا زين انا فرحانة اوي
زين بابتسامة كبيرة : لا ولسه كمان لما تعرفي الخبر التاني كمان
احمد : خير
زين : فارس عايز يتقدم لرغدة
لا تعلم اتسعد بهذا الخبر ام تحزن ولكنها خجلت وتركت المكان ورحلت لغرفتها
احمد بسعادة لابناءه : وانا موافق انا مش هلاقيلها عريس احسن من فارس بس بردو رأيها هي اهم
زين : اكيد طبعا انا كمان موافق ع فارس
احمد : ربنا يسعدكو يارب ...اقوم انام انا بقا عايز حاجة
زين : لا يا بابا تصبح ع خير
احمد : وانت من اهل الخير
يجلس يفكر ولكن هذه المرة ليس بأمر خطبته ولكن بأمر صديقه ....
زين : طب ازاي ...ازاي كان بيحب ميرنا وعايز فجأة يتجوز ديالا ...لا يمكن يكون حبها ...الموضوع دا فيه حاجة غلط انا لازم اتكلم معاه
~~~~~~~~~~~~~~~~~~~~~~~~~~~
تجلس مع والدتها لتخبرها بقرارها الذي اتخذته .....
ديالا : ماما انا موافقة ع الخطوبة
اميرة بابتسامة : انا كنت لسه هكلمك ف الموضوع دا انا كمان موافقة يا حبيبتي المهم انك تبقي مبسوطة
ديالا بتوتر : اكيد مبسوطة ربنا يعديها ع خير
~~~~~~~~~~~~~~~~~~~~~~~~~~~
اليوم التالي بالشركة تجلس متوترة فهي تريد ولا تريد ...تحبه ولكنها غير مطمئنة لما يحدث يقطع شرودها توقف فهد امام مكتبها ....
فهد : ديالا ديالا
ديالا بانتباه : ايوة معلش مكنتش مركزة
فهد بابتسامة مصطنعة : بتفكري ف ايه بقا
ديالا : لا ولا حاجة
فهد : لسه بردو مأخدتيش قرار ف موضوعنا
ديالا بتوتر : انا موافقة
فهد بسعادة : دا احسن خبر سمعته النهاردة ...بصي انتي تمشي دلوقتي عشان تجهزي انا هجيب والدتي وفارس وفريدة ونيجي النهاردة بليل ...
ديالا : بس ..
فهد بابتسامة : مفيش بس قولي حاضر بس يلا اشوفك بليل
تخرج بسعادة من الشركة لتعود منزلها وتخبر والدتها ولكن مازال هناك ما يجعلها خائفة
~~~~~~~~~~~~~~~~~~~~~~~~~~~
يدخل مكتبه بسعادة انتصار يعلم انها متوترة من هذا الموضوع ولكنه سيزيد توترها بقراره الليلة ....سعيد لكن لا يعلم هل هو سعيد لتنفيذ مخططه بنجاح ام لانها ستصبح زوجته ....
زين : فهد ايه يابني انت سرحان ف حاجة حصلت ولا ايه
فهد : اه ديالا وافقت ع الخطوبة
زين : كويس انا كنت جاي اكلمك ف الموضوع دا ع فكرة
فهد باستغراب : موضوع ايه
زين : موضوعك انت وديالا ...بصراحة انا مش مقتنع بانك بتحبها
فهد بابتسامة : ليه
زين : عشان انت كنت بتحب ميرنا اوي وفجأة بقيت بتحب ديالا طب ازاي
فهد : عادي ميرنا بقت ماضي بالنسبالي ربنا يرحمها بس ديالا هي الحاضر والمستقبل باذن الله
زين : انا هقولك ع حاجة عشان انا مش عارف اصدقك ديالا بتحبك بجد لو انت بقا مش هتبادلها نفس الحب دا يبقا بلاش تعلقها بيك من الاول عشان مترجعش تندم انك خسرتها ف الاخر
فهد : لا متقلقش انا عارف بعمل ايه
زين : ماشي يا صاحبي اقوم اشوف اللي ورايا انا بقت وعموما الف مبروك
بعد خروج زين يجلس يفكر ف حديثه هل هو سيندم حقاً ام ان انتقامه سيشفي غليله ويرتاح ام سيتعذب مرة اخرى حاول اقناع نفسه انه ع صواب ....
~~~~~~~~~~~~~~~~~~~~~~~~~~~~
ليلاً بمنزل ديالا بعدما اخبرت والدتها بمجئ فهد واسرته تجلس بغرفتها ترتدي ملابس وتضع اخر لمساتها ...يرن جرس المنزل يعلن عن وصول فهد و اسرته لتفتح لهم والدتها وتجلس معهم يتحدثون وتدخل فريدة لغرفة ديالا ....
فريدة بسعادة : مبروك يا دودو
ديالا بابتسامة : الله يبارك فيكي عقبالك يا فيري
فريدة : دا انا مصدقتش لما فهد قالي ان زين عايز يخطبني
ديالا : ربنا يتمملك ع خير يا حبيبتي
فريدة : وانتي كمان يا دودو
ديالا : يارب
فريدة : طب يلا عشان مستنين برا
يخرجا سوياً وتجلس ديالا بجانب والدتها لتتحدث والدة فهد ....
جميلة : بما ان عروستنا وصلت احنا نتكلم ف الجد بقا ولا ايه
اميرة : اكيد طبعا
جميلة : احنا طبعا عارفين ديالا من زمان عشان صاحبة فريدة وانا بصراحة مش هلاقي احسن منها تبقا مرات ابني ايه رأيك نعمل خطوبة وع اخر السنة يبقا كتب الكتاب والجواز
اميرة : والله انا من رأيك بردو عشان اخوها مسافر وهو وكيلها وهو احتمال ينزل بعد شهر او اقل
فهد : انا مش موافق
ليلتفت اليه الجميع ...
فهد بضحك : انا مش موافق ان دلوقتي تبقا خطوبة والجواز اخر السنة
فارس باستغراب : اومال ايه
فهد : الخطوبة دلوقتي والجواز لما اخوها يرجع من السفر
يتبع ........
رواية انتقام بلا رحمة الفصل الثاني عشر 12 - بقلم Beroabood5
بعد القرار المفاجئ الذي اتخذه فهد اثناء الحديث وافق الجميع رغم توتر ديالا وقلق والدتها من فهد تسرعه مخيف ولكن ما يريده الله سيحدث ....
اليوم التالي للخطبة تذهب لعملها كالعادة ولكن فهد ليس كالعادة ....
فهد : ايه اللي جابك الشغل
ديالا باستغراب : دا العادي ع فكرة
فهد بابتسامة : لا مش عادي انتي المفروض تاخدي اجازة عشان تجهزي نفسك عشان انا معنديش وقت وهنتجوز ف اسرع وقت ولو اخوكي منزلش ف معاده انا هتجوزك بردو
ديالا بابتسامة : بس مش هينفع عشان ...
فهد : مش عايز كلام كتير بقا ...اه كنت عايزك تيجي معايا مشوار
ديالا : مشوار ايه
فهد : عايز اجيب هدية لفريدة عشان عيد ميلادها وكمان خطوبتها وعايزك تبقي معايا عشان اجيبلها حاجة ع ذوقك
ديالا : انا نسيت خالص عيد ميلادها خلاص تمام شوف انت عايز ننزل امتا وانا موافقة
فهد : ينفع دلوقتي
ديالا : امممم ماشي
فهد بابتسامة : يلا بينا
~~~~~~~~~~~~~~~~~~~~~~~~~~~
بعدما ذهبا لاختيار هدية مناسبة لفريدة قرر فهد شراء هدية لديالا ايضا .....
فهد : انا مش عارف اجيبلها ايه
ديالا بابتسامة بسيطة : فيري بتحب اللون الاخضر الغامق والاسود فممكن تجيبلها حاجة ف اللونين دول
فهد : معنى انها بتحبهم انها اكيد عندها ف اللبس منه كتير انا فعلا اكتر من مرة شوفتها لبسة اللونين دول
ديالا : اكتر لون بتحبه بس مش جايباه ف لبسها البنفسجي
فهد : طب كويس احنا ممكن نجيبلها حاجة ف اللون دا
ديالا : اوك انقي انا ولا تشوف انت
فهد بابتسامة : لا انا عايز اعرف ذوقك ..هي بتحبه ايه كمان عموما
ديالا : بتحب قراءة الكتب والرسم
فهد : طب دا كويس اوي احنا كدا نجيب اكتر من حاجة ...بس مقولتليش انتي بقا بتحبي ايه
ديالا : ف ايه
فهد : ف كل حاجة اللبس الالوان الهوايات السفر فصول السنة اي حاجة وكل حاجة عايز اعرفك اكتر هو انا مش خطيبك ولا ايه
ديالا : انا بحب الاسود والازرق والبني بحب الالوان الغامقة اوي ..بحب السباحة بس مش بعرف اعوم خالص عايزة اتعلم السباحة وانا بحب قراءة الروايات اوي زي فيري وخصوصا الادب البوليسي ...اما السفر بقا فدا انا بحبه جدا لاي ما ...بحب الشتا اوي بحب ريحة المطر والجو البارد الهدوم التقيلة ...مش بحب قاعدة البيت ابدا بحب اخرج كتير ..اه نسيت انا كمان بحب الملاكمة اوي ..وانت احكيلي
فهد : ف حاجات كتير احنا شبه بعض فيها زي السباحة والملاكمة والقراءة انا واخد بطولات كتير ف الملاكمة والسباحة لو عايز اعلمك اعلمك لما نتجوز باذن الله
ديالا بسعادة : ياريت انا بجد نفسي اتعلم السباحة اوي
فهد : حاضر من عنيا بس عندي طلب
ديالا : اتفضل
فهد : كنت عايز اجيب هدية كمان لفريدة بس تكون دهب ممكن تيجي معايا
ديالا : خلاص يلا
ذهبا سوياً ليشتري فهد هدية لفريدة وديالا لانه لم يجلب لها شيئاً ....
فهد : ايه رأيك ف الخاتم دا
ديالا بابتسامة : بس فريدة مش بتحب الخواتم الدهب فريدة بتحب الخواتم الفضة اكتر بس بتحب السلاسل الذهب الرفيعة
فهد وهو يمسك يدها : وانتي بقا بتحبي ايه اكتر الخواتم ولا السلاسل
ديالا : انا ليه
فهد : عشان انا عايز اجيبلك حاجة ع الاقل خاتم عشان يبقا دليل انك خطيبتي
ديالا : بس ...
فهد : ممكن تقولي بس انتي بتحبي ايه
ديالا : انا زي فريدة بحب الخواتم الفضة والسلاسل الرفيعة
فهد يضحك : مهو مينفعش اخطبك بخاتم فضة ولا ايه بصي نقي خاتم وسلسلة ليكي ولفريدة ...وقبل اي حاجة انا مكلم مامتك وهي عارفة انك معايا دلوقتي بنشتري الدبلة لحد ما تبقى تنزل معانا عشان الشبكة
ديالا بضحك : دا انتو بتتكلمو من ورايا بقا
فهد : خليكي ف حالك حماتي وانا حر فيها ...يلا بقا عشان تختاري الدبلة
~~~~~~~~~~~~~~~~~~~~~~~~~~~~
عاد الي الشركة بعدما اوصل ديالا الي منزلها ليجلس ويتابع عمله ليقتحم زين مكتبه .....
زين : انت مش خطبت يا زفت انت
فهد بضحك : اه ليه
زين ينظر له باندهاش : انت نسيت موضوعي ولا ايه
فهد يدعي الغباء : موضوع ايه
زين : موضوع ايه احيييه دا انت نسيت بجد
فهد بضحك : لا متقلقش اوي كدا فاكر فاكر
زين : الحمدلله وقعت قلبي يا زفت ...حددلي معاد بقا عشان اجي اقرأ فاتحة
فهد باستفزاز : هشوف الموضوع دا وابقا ارد عليك
زين : بقولك ايه انا خطبتي هتبقا معاك انت وديالا مليش فيه
فهد : طب خلاص براحة علينا ...هات والدك وتعالو النهاردة بليل
زين بسعادة : بجد انا تمشي بقا دلوقتي
فهد : انت رايح فين ارجع كمل شغلك
زين : لا النهاردة اجازة يلا سلام
فهد بابتسامة : مجنون
~~~~~~~~~~~~~~~~~~~~~~~~~~~
ليلاً بمنزل فهد يجلس زين والده مع فهد وفارس والدتهما ....
فهد بابتسامة : انا موافق ع خطوبتك لفريدة بس ...
فارس : بس انا مش موافق
لينظر له الجميع باندهاش ليجلس ع ركبتيه ف حركة مسرحية امام والد زين
فارس : وحياة عيالك يا عمي جوزني بنتك
ليضحك عليه الجميع ليقول له والد زين : انا موافق بس لي طلب
فارس : اي حاجة تقولها انا موافق عليها
والد زين : تيجي تطلبها مني رسمي ف بيتها
فارس بابتسامة : خلاص بكرا زي دلوقتي هاخد اخويا دا واجي لحضرتك البيت
زين : مكملتش كلامك يا فهد
فهد بابتسامة : كنت حابب يا عمي ان لو حضرتك موافق ع فارس لرغدة يبقا نعمل خطوبة فارس وزين مع فرحي وتبقا فرحة واحدة
والد زين : وانا موافق
فارس : نقرا الفاتحة بقا
~~~~~~~~~~~~~~~~~~~~~~~~~~~
تجلس رغدة وفريدة بغرفة الاخيرة .....
فريدة بابتسامة : مالك متوترة ليه دا انا اللي بتخطب تحت دلوقتي مش متوترة كدا
رغدة بضيق : انا مدايقة من ساعة ما زين قالي ان فارس عايز يخطبني
فريدة بحزن : ليه انتي مش بتحبيه
رغدة بحزن : ايوة بحبه بس هو عصبي و بيتنرفز بسرعة اخاف ف مرة يمد ايده عليا وهو متعصب
فريدة : فارس قلبه طيب وهو بيحبك عمره ماهيأذيكي متقلقيش اقولك صلي استخارة وساعتها قولي رأيك
رغدة : حاضر ربنا يسهل ....صحيح هو فرح ديالا وفهد امتا
فريدة : والله نسيت بس تقريبا بعد شهر حاجة زي كدا ليه
رغدة : عايزة اعرف هتنزلي انتي وهي امتا تشترو الجهاز وكدا عشان انزل معاكو
فريدة : خلاص هكلمها بكرا واقولك
رغدة : تمام
~~~~~~~~~~~~~~~~~~~~~~~~~~~
تجلس وحيدة تفكر ف خطبتها التي حدثت سريعاً ليرن هاتفها فجأة ....
ديالا : الو مين
..... : واحد معجب بيكي اوي
ديالا : هتقول مين ولا اقفل
..... : مانا قولت واحد معجب بيكي
ديالا : تمام
اغلقت الاتصال ولكنه مستمر بالرنين عليها لم تعيره انتباه واغلقت الهاتف تماماً وذهبت للنوم .....
يتبع ..........
رواية انتقام بلا رحمة الفصل الثالث عشر 13 - بقلم Beroabood5
تتصل ديالا ع فريدة لتخبرها بانها ستذهب لشراء بعض مستلزماتها ....
ديالا : ها هتنزلي ولا ايه مش عايزة انزل لواحدي
فريدة : حاضر هلبس اهو ربع ساعة بالظبط وهرن عليكي
ديالا : اه واتصلي كمان ع البت رغدة عشان تيجي معانا ع ما البس اول ما انزل هكلمك
فريدة : لا متنزليش البسي بس واستنيني وانا هاخد العربية بتاعت فارس واعدي عليكي انتي ورغدة تمام
ديالا : خلاص تمام
~~~~~~~~~~~~~~~~~~~~~~~~~~
يتحدث بالهاتف مع اعز اصدقائه ....
فهد : وهتعمل ايه دلوقتي
ياسر : شكلي هنزل ومش هسافر تاني اولا لازم احضر فرح اختي و ثانيا هبدأ شغل هنا
فهد بابتسامة سعادة : لا دا احنا نتشارك بقا
ياسر : اول ما انزل هفكر ف الموضوع دا
فهد : انت لسه منستهاش يا ياسر
ياسر : متجبليش سيرتها بقا خلاص صفحة واتقفلت
فهد : حاضر ...بس متنساش انا اللي هاجي اخدك من المطار يوم ما توصل
ياسر : ان شاء الله
~~~~~~~~~~~~~~~~~~~~~~~~~~~
تستقل سيارة صديقتها ليذهبو ثلاثتهم الي المول لشراء بعض مستلزماتهم ....
رغدة : ها بقا هنبدأ بأيه اللبس ولا الشنط ولا ايه بالظبط
فريدة : فكرتيني انا كلمت فهد قبل ما انزل استأذن منه وبعتلي الفيزا بتاعته عشان لو فيه حاجة عجبتك تشتريها
ديالا : لا مينفعش ...
فريدة : مفيش لا هو قالي لو لاقت حاجة عجبتها من اللي هتحتاجها ف البيت تشتريها من غير ما تتردد
رغدة : ماتسمعي الكلام وخلاص انتي بس فالحة ف المناهدة
ديالا : طيب ربنا يسهل
~~~~~~~~~~~~~~~~~~~~~~~~~~
تتحدث مع منفذ جرائهم عبر الهاتف ليكمل ما بدأوا به من خطة خبيثة للايقاع بديالا ....
خالد : انا وصلت هو انتي فين الدنيا زحمة اوي هنا
سهيلة : انت فين يابني مش شايفاك
خالد : انا جمب محل الدهب اللي عند بوابة المول
سهيلة : اه شوفتك خلاص
خالد : اديني جيت اهو كنتي عايزاني ف ايه بقا
سهيلة : انت كلمت ديالا زي ما قولتلك
خالد : اه وردت عليا مرة وفضلت ارن تاني قفلت ف وشي
سهيلة : كويس خليك زي مانت وكمان ..ايه دا
خالد : ف ايه
سهيلة : بص هناك كدا
خالد لينظر بالاتجاه الذي تنظر اليه : ف ايه
سهيلة بابتسامة خبيثة : دي ديالا وصحابها .... كويس اوي جات لقضاها
خالد : ناوية ع ايه
سهيلة : بص خليك ماشي وراها من غير ما تاخد بالها منك والزحمة دي هتساعدك
خالد : وبعدين
سهيلة بخبث : خلي الباقي عليا انا بس خلي الفون ف ايدك عشان لما ارن عليك ترد بسرعة
خالد : حاضر اما نشوف اخرتها ايه
~~~~~~~~~~~~~~~~~~~~~~~~~~
يجلس بمكتبه يراجع بعض الملفات ولكن باله مشغول بمن خطفت قلبه ولا يريد ان يعترف ليقطع شروده دخول فارس المكتب .....
فارس : فهد ..فهد يا فهد
فهد : حد ينده ع حد كدا
فارس : يابني انا بقالي ساعة بنادي عليك وانت ولا هنا
فهد : ابنك طب اطلع برا ياض
فارس : خلاص يا عم بس قولي بصراحة كنت سرحان ف مين
فهد : خليك ف حالك
فارس : ماشي بس مسيري هعرف
فهد : انجز ايه اللي جابك
فارس : كنت عايز اوريك شكل الاعلان الجديد اللي هننزله ف السوق
ليعلن هاتفه عن اتصال من رقم مجهول ....
فهد : الو مين
سهيلة : فاعل خير
فهد : والله وعايزة ايه بقا
سهيلة : عايزة اوريك حقيقة خطيبتك
فهد باستغراب : مش فاهم
سهيلة : تقدر تيجي مول ...وتشوف بعينك سلام
فهد : الو الو ايه الهبل دا
فارس : ف ايه يا فهد
فهد : انا نازل دلوقتي واحتمال مارجعش ع الشركة خلي الاعلان دا ابقا اشوفه بكرا
فارس : ماشي بس قولي ف ايه ومين اللي كان بيكلمك خلاك تتنفض كدا
فهد : لما ارجع هبقا اقولك سلام
فارس : ايه الجنان دا
يستقل سيارته ليذهب ويتأكد مما سمع لا يعلم لماذا تضايق او غضب ولكنها قريبا ستكون زوجته ....
~~~~~~~~~~~~~~~~~~~~~~~~~~
ف المول .....
رغدة بتعب : ابوس اديكو كفاية لف بقالنا ساعة بنلف ممكن نمشي بقا
فريدة : احنا لسه مخلصناش كل اللي احنا عايزينه
ديالا : خلاص تعالو نقعد شوية ف المطعم دا ناكل ونرتاح شوية وبعد ما نخلص نكمل لف ع باقي الحاجات
رغدة : انا موافقة
فريدة بضحك : همك ع بطنك بس
لازال خالد يسير خلفهم ....
خالد : هما داخلين مطعم دلوقتي
سهيلة : طيب ادخل وراهم واقعد ع طربيزة بعيد لحد ما اكلمك تاني
خالد : تمام
~~~~~~~~~~~~~~~~~~~~~~~~~~~
تهاتف فهد مرة اخرى .....
فهد : انتي تاني
سهيلة : ايه مش مصدقني
فهد : لا
سهيلة : بس مش عارفة ليه حاسة انك عايز تتأكد وجاي ف الطريق
فهد : خلي احساسك دا ليكي انتي
سهيلة : عموما انا حبيت اأكد عليك خطيبتك واللي بتحبه قاعدين ف المطعم اللي ف المول الحقهم بقا قبل ما يمشو سلام
فهد : الو انتي يا بتاعة انتي .... اللي بتحبه ماشي يا ديالا والله لعرفك مين فهد ماشي
~~~~~~~~~~~~~~~~~~~~~~~~~~~
ف المطعم ....
رغدة : بيتزا وحشتيني اوي 😍
ليضحك عليها ديالا وفريدة لتقول الاخيرة : مش بقولك همك ع بطنك
رغدة : خليكي ف حالك انا هموت من الجوع يلا لحسن متلقوش حاجة منها تكلوها
خالد : ازيك يا ديالا
ديالا : انت تاني انت بتمشي ورايا ولا ايه
يصل ف نفس اللحظة فهد ليجدهم يتحدثان سويا ويمسك يدها .....
ديالا : سيب ايدي بقولك
فريدة : هي مش بتقولك سيب ايدها انت حمار ولا مابتفهمش
خالد : انا بحبها وهي بتحبني ما تقوليلهم خايفة ليه
ديالا تنظر له بصدمة الا انها لم تستطيع النطق بسبب وجود فهد .....
فهد وهو يمسك بيده بعد ان خلص يدها من قبضته : مش قالتلك سيب ايدها ايه البعيد غبي
خالد وهو يحاول ان يخلص نفسه من فهد : انت مالك انت ابعد عنها احسنلك عشان احنا الاتنين بنحب بعض وهي قريب هتسيبك
ديالا : كدب والله الكلام دا مش حقيقي
ليضرب فهد خالد ويتركه ليمسك بديالا من ذراعها : امشي قدامي يلا
فريدة بتوتر : استنى بس يا فهد
فهد : انجزي انتي وهي يلا قدامي عشان هنروح
ديالا بوجع : ممكن تسيب ايدي انت بتوجعني
فهد ينظر لها بغضب : انتي لسه شوفتي حاجة اصبري ع رزقك
ديالا : والله العظيم الكلام دا كدب
فهد بانفعال : اخرسي خالص مش عايز اسمع كلمة لحد ما نروح
يتبع ........
رواية انتقام بلا رحمة الفصل الرابع عشر 14 - بقلم Beroabood5
يقود سيارته بكل عصبية لا يعلم سببها ولكن هو غاضب لابعد حد ممكن .....
فريدة : يا فهد انت فهمت غلط
فهد ببرود : مش عايز اسمع حاجة انا هوصلك انتي ورغدة وبعدين ابقا اروح ديالا
فريدة : بس يا فهد ...
فهد : انا قولت مش عايز اسمع حس واحدة فيكم ...اتفضلو انزلو
تترجل فريدة ورغدة من السيارة ليتحرك هو سريعاً بالسيارة لتهاتف فريدة زين ....
فريدة : الحقنا يا زين
زين ينتفض من كرسيه : ف ايه انتي فين
فريدة : انا ورغدة عند البيت بس الحق فهد
زين : متوترنيش ماله فهد ف ايه احكي بسرعة
تحكي له ما حدث ليتحرك هو الاخر سريعاً ويحاول مهاتفة فهد ....
فهد : نعم
زين : سيبها يا فهد انت فاهم غلط
فهد ببرود وهو ينظر لها : خليك ف حالك
زين : يا فهد اللي حصل مش زي مانت شوفت
فهد ببرود : وبعدين يعني عايز ايه
زين : عايز اشوفك دلوقتي بس روح ديالا من غير ما تعملها حاجة لو سمحت انت فين اصلا
فهد : ملكش دعوة خطيبتي و بتكلم معاها سلام
زين : الو فهد الو انت يا مجنون ..اعمل ايه بس دلوقتي
~~~~~~~~~~~~~~~~~~~~~~~~~~
يجلسون بقلق وتوتر جلى لا يعلموا ماذا سيحدث .....
جميلة بغضب : ايه هو بيستعبط هي مش ليها اهل يرجعلهم
فريدة :انا مش عارفة يا ماما هو اتسرع ملحقناش حتى نفهمه ايه اللي حصل وحضرتك عارفة انها بتحبه والولد دا كان بردو بيضايقها ف الرحلة اللي فاتت
جميلة : عارفة ومتأكدة من كدا بس هو العصبية مش هتخليه يشوف الحقيقة
رغدة : زين بيقولي انه كلم فهد بس معرفش مكانه فين قفل ف وشه
جميلة : وبعدين هنعمل ايه دلوقتي
فريدة : مش عارفة يا ماما اكلم مامتها
جميلة : مش عارفة يا بنتي
~~~~~~~~~~~~~~~~~~~~~~~~~~
يجلس معها بالسيارة بمكان بعيد يحاول التخفيف من غضبه ......
فهد : اقدر افهم ايه اللي شوفته دا
ديالا بتوتر : اللي شوفته انت فهمته غلط
فهد : عايزاني افهم ايه وانا شايف واحد ماسك ايد خطيبتي وبيقول انكم بتحبو بعض المفروض افهم ايه يعني وانا شايف نفس الشخص اللي كان بيضايقك ف الرحلة
ديالا : انا معرفوش صدقني ومعرفش هو عايز مني ايه
فهد : المفروض بقا اني اصدق كلامك دا
ديالا : انا مش عارفة اثبتلك كلامي ازاي بس والله معرفش عنه حاجة
فهد : عايز اقابل طنط اميرة
ديالا لينقبض قلبها : ليه
فهد ينظر لها : عشان نقدم معاد الفرح شوية
ديالا : بس اخويا ....
فهد : انا هكلمه ونتصرف
لتتنهد ديالا : اللي تشوفه
ليتحرك سريعاً ليصل بها الي المنزل تترجل من السيارة وترحل ينظر هو بشرود لها وهي تختفي من امامه ليذهب سريعا يحاول ترتيب افكاره .....
فهد محدثاً نفسه : انت ايه اللي خلاك هتتجنن كدا لما شوفتها واقفة معاه ماهي كدا كدا مش فارقة معاك ...ليه قلبك وجعك من كلامه ...انا حاولت اصدقها عشان اكمل خطتي مش اكتر ...بس هتعمل ايه لو فعلا هي مش بتحبك يبقا ساعتها كل اللي يتعمله راح عالارض
ليتجهم وجهه مما توصل اليه : لا مش هيحصل هتحبني حتى لو غصب عنها
~~~~~~~~~~~~~~~~~~~~~~~~~~~
تصعد منزلها لتجد والدتها بانتظارها بقلق ....
اميرة : انتي كويسة فهد عملك حاجة
ديالا ترسم ابتاسمة بسيطة : لا يا حبيبتي اطمني هو بس اتكلم معايا شوية وهو عايز يتكلم معاكي ...بس انتي عرفتي منين
اميرة : فريدة كلمتني قالتلي ع اللي حصل حاولت اكلم فهد لقيت تليفونه مقفول فقلقت اكتر
ديالا : متقلقيش يا حبيبتي هو معملش حاجة اكتر من انه اتكلم عشان يفهم ايه اللي حصل بس
اميرة : الحمدلله ...قوليله يجي النهارده بليل
ديالا : تمام يا ماما يلا عشان نتغدا
~~~~~~~~~~~~~~~~~~~~~~~~~~
ليلاً بمنزل ديالا حضر فهد ليتحدث مع والدة ديالا ....
فهد : ممكن نتكلم لوحدنا يا طنط
اميرة : ديالا خدي فريدة وادخلو جوا
ديالا : حاضر يا ماما
بعد ذهاب ديالا وفريدة ليتحدث فهد ....
فهد : اكيد ديالا كلمت حضرتك عن اللي حصل النهاردة
اميرة : ايوا وصدقني انا اللي حصل كله سوء تفاهم
فهد : عارف يا طنط بس كان عندي طلب من حضرتك
اميرة : اكيد اطلب يابني انت زي اسر بالظبط
فهد : اسر هو ابن حضرتك اسمه اسر
اميرة : ايوا يابني ليه
فهد بشرود : لا ابدا ولا حاجة ....كانت علي اقول لحضرتك لو ينفع نقدم الفرح
اميرة : بس اخوها مسافر ومينفعش لازم يكون موجود
فهد : معلش يا طنط بس دا ضروري لان عندي شغل هخلصه برا وهسافر بعد اسبوع والمفروض ان الفرح بعد تلت اسابيع يبقا كدا الفرح هيتأجل كتير
اميرة : خلاص سبني يومين افكر وردي هيوصلك مع ديالا باذن الله
~~~~~~~~~~~~~~~~~~~~~~~~~~
بعد رحيل فريدة وفهد تجلس مع والدتها ....
ديالا : وايه رأيك يا ماما ف كلامه
اميرة : مش عارفة بس كدا بقا هكلم خالك يبقا هو وكيلك
ديالا : يعني موافقة يا ماما
اميرة : اه هو شاب كويس وبعدين مفيش داعي ابدا للتأجيل غير كدا انا كلمت اخوكي وهو موافق
ديالا : اللي تشوفوه عن اذنك
اميرة : استني يا ديالا
ديالا : ايوا يا ماما
اميرة : انتي مش عايزة تتجوزيه لو مش عايزة قولي
ديالا : لا يا ماما ابدا بالعكس حضرتك عارفة اني بحبه
اميرة : اومال مالك
ديالا : مفيش توتر بس من اللي حصل النهاردة وموضوع الجواز دا ..انا عايزة اروح انام بعد اذنك
اميرة : تصبحي ع خير يا حبيبتي وزي ما قولتلك وصلي كلامي دا لفهد بس بعد يومين ع ما اكلم خالك
ديالا : حاضر يا ماما
~~~~~~~~~~~~~~~~~~~~~~~~~~~
لم ينم جالس بشرفة غرفته ينظر بشرود ف اللا مكان لا يعلم ما الشعور المسيطر عليه .....
فهد محدثاً نفسه : ايه اللي بيحصل مش قادر اسيطر ع نفسي ليه فيه ايه شاددني ليها اوي كدا ..استحالة اكون حبيتها مينفعش طب بغير عليها ليه ليه زعلت اوي لما سمعت كلام الواد دا اضايقت ان انتقامي مش هيتم زي ما انا عايز ولا حاجة تانية ...لالالالا دا مش هيحصل ...انا بكرهك جدا
~~~~~~~~~~~~~~~~~~~~~~~~~~~~
بعد مرور ثلاثة ايام تجلس تتحدث مع والدتها ....
اميرة : انا كلمت خالك امبارح وكان لسه راجع من السفر حظك حلو
ديالا : وقالك ايه
اميرة : طبعاً موافق يا حبيبتي وقالي شوفي يوم ايه وانا جاهز ..اه وكمان كلمت اخوكي
ديالا : اكيد موافقش
اميرة : لا وافق وهيكلمك بليل بس المهم كلمي فهد وقوليلو اللي حصل
ديالا : حاضر يا ماما
~~~~~~~~~~~~~~~~~~~~~~~~~~~
جالس امام مكتبه متوتراً لم تحدثه الايام السابقة هل هي غير موافقة ام ماذا حدث ليقاطع تفكيره رنين الهاتف .....
فهد : ازيك يا ديالا
ديالا : الحمدلله انت عامل ايه
فهد : تمام ايه اخبار ماما
ديالا : الحمدلله بتسلم عليك ...هي كانت بتقولك ان خالي موافق وبيقول شوف المعاد اللي يناسبك
فهد بابتسامة : تمام يوم الخميس كويس
ديالا : كويس ع الاقل اكون جبت الفستان
فهد : لا خلي الفستان دا عليا انا دا هدية مني هبعتهولك قبلها بيومين
ديالا : بس ...
فهد : انتي مش بتسمعي الكلام ع طول ليه
ديالا : طب انا لسه فاضلي حاجات مجبتهاش
فهد : انزلي انتي وفريدة وشوفي الضروري بالنسبة لك وجبيه
ديالا : تمام
يتبع .......
رواية انتقام بلا رحمة الفصل الخامس عشر 15 - بقلم Beroabood5
انا عارفة اني متأخرة عليكم بس فعلا انتو لو مكاني هتتأخرو لاني بيبقا عندي افكار كتير وبحاول ارتبها واكتبها عشان اطلع احداث مظبوطة انا اسفة بس فعلا هحاول متأخرش عليكم ..عارفة البارت قصير بس البارت اللي جاي هيكون كبير باذن الله متزعلوش مني انا كنت تعبانة جدا اسفة بجد ....
~~~~~~~~~~~~~~~~~~~~~~~~~~
تجلس معها فريدة ورغدة لتختار الفستان المناسب لها ......
فريدة : ها ايه اللي عجبك عشان ابعتلهم يجيبوه
ديالا : دا حلو اوي ومش عريان زي الباقي
رغدة : اه حلو اوي والطرحة بتعته جميلة
فريدة : تمام هبتعتلهم الصورة وهما ساعة كدا وهتلقيهم هنا
ديالا : تمام
فريدة : اخوكي كلمك ولا لسه
ديالا : لا لسه هيكلمني بليل
رغدة : حساكي مضايقة او زعلانة
فريدة : وانا كمان مالك اتكلمي
ديالا : مفيش متوترة شوية مكنتش عاملة حسابي ان الفرح هيقرب كدا وخايفة وقلقانة بس عادي
رغدة : دا طبيعي جدا توترة عشان الحياة الجديدة اللي هتدخلي عليها
فريدة : رغدة عندها حق التوتر دا طبيعي بس حاولي تهدي نفسك متفكريش كتير بس
ديالا : حاضر هحاول
~~~~~~~~~~~~~~~~~~~~~~~~~~
يدخل زين عليه المكتب ليتحدثا بالعمل ......
زين : بقولك يا فهد فيه صفقتين قدمنا دلوقتي والعرضين احسن من بعض ف بصراحة بقا انا كمدير تنفيذي للمشروعات شايف ان مينفعش نرفض واحد منهم
فهد : اومال ايه رأيك
زين : رأيي نعمل فريقين عمل كل واحد من الفريقين دول يكون حد مننا رئيس عليه ومعاه مكان الشغل
فهد : دا رأيي بردو بس قولي فين اماكن الشغل
زين : فيه كامب فيه مجموعة شاليهات صغيرة ف منطقة سانت كاترين والتاني مجموعة شاليهات بردو بس ف العلمين
فهد : تمام شوف قسم الشغل والعمال وكلمني عشان هكون مع فريق من الاتنين
زين : يابني انت مش هتتجوز اخر الاسبوع
فهد : ايوا وهي عارفة انها هتسافر معايا ف شغل
زين : انت حر بس الشغل هيبقا كتير انت هتختار اي فريق
فهد : هدرس الاول المشروع وبعدين بليل هكلمك اقولك
زين : تمام ...ف موضوع عايز اكلمك فيه
فهد : خير ف ايه
زين : فاكر احنا كنا متفقين ع ان خطوبتي انا وفارس تبقا مع فرحك
فهد بابتسامة : اه فهمتك عايزين تقدمو الخطوبة وتعملوها مع فرحي صح
زين : فاهمني دايما
فهد بضحك : عيب عليك
زين : ماشي هروح ابلغ فارس وانت كلم فريدة عشان تجهز هي ورغدة
فهد : تمام
بعد رحيل زين جالس يفكر ويخطط ماذا سيفعل معها .....
فهد لنفسه : هتعمل ايه دلوقتي تصرفي هيبقا ازاي اقولها كل حاجة ع طول ولا اعلقها بيت اكتر وبعدين افهمها وبكدا الوجع يبقا اكبر .... بس هو انا لسه بحب ميرنا فعلا ولا انتقامي دا لاني عايزها هي نفسها اللي تبقا جمبي ومعايا كل ما اشوفها بحس باحساس غريب حتى لما كنت مع ميرنا ... حتى دلوقتي نفس الاحساس دا لما كنت متعصب وع اخري بسب الغيرة الغير مبررة دي ....لخبطتيني مشاعري وتفكيري حتى انتقامي بقيت متلخبط فيه مش عارف انتي عايزة مني ايه
~~~~~~~~~~~~~~~~~~~~~~~~~~
رغدة بسعادة : الفستان تحفة هياكل منك حتة
فريدة باندهاش : ماشاء الله جميل اوي يا ديدي بجد تحفة
ديالا بابتسامة : هو حلو اوي مكنش متخيلاه كدا
فريدة : طب يلا بقا اقلعي عشان ننزل نلحق نجيب الحاجات الباقية
ديالا : حاضر داخلة اهو
ليقطع حديثهم رنين هاتف ديالا برقم غريب .....
فريدة بصوت مرتفع : ديالا الموبايل بيرن
ديالا من داخل غرفتها : مين
فريدة : رقم غريب ارد ولا ايه
ديالا وهي تخرج بعد ان ابدلت ملابسها : اه ردي وافتحي الاسبيكر
لتجيب فريدة : الو مين
خالد : ايه لحقتي تنسي صوتي
لتلتفت ديالا لفريدة ورغدة لتجيب الاخيرة : لا مش فاكرة صوتك ومعرفكش اصلا عشان تكلمني هتقول مين ولا اقفل ف وشك
خالد : استني بس انتي متعصبة ليه
رغدة بعصبية : انت اهبل يا ابني ولا ايه هتقول انت مين ولا ايه
خالد : انتي عارفاني كويس اوي
ديالا بهمس : اقفلي ف وشه
لتغلق الهاتف وتنظر لها : مين دا تعرفيه
ديالا بشرود : لا معرفوش
فريدة : سرحتي ف ايه
ديالا : لا ولا حاجة انا هدخل اكمل لبس
~~~~~~~~~~~~~~~~~~~~~~~~~~
ليلاً تتحدث مع اخيها بالهاتف .....
ديالا : انت فعلا موافق ع التسرع دا
ياسر : بصي انا معرفوش كويس حتى متكلمتش معاه بس كلام ماما عنه خلاني ارسمله صورة يمكن انتي مش رسماها
ديالا : بس انا اللي اتعاملت معاه
ياسر : من غير لف ولا دوران انتي مش عايزاه ولا ايه
ديالا : مترددة خايفة متوترة مش قادرة اركز واحد قرار سليم اخدد بيه موقفي
ياسر : مش انتي صليتي استخارة
ديالا : اه ومرتاحة بس انا خايفة
ياسر : طبيعي يا حبيبتي انك هتبعدي عن الناس اللي عايشة معاهم ع طول هتعيشي حياة جديدة ومختلفة متوتريش نفسك بس وحاولي تهدي وربنا هيعديها ع خير ان شاء الله
ديالا : يارب يلا عشان معطلكش بقا
ياسر : مش معطلاني ولا حاجة بس هسيبك عشان تنامي يلا يا حبيبتي عايزة حاجة
ديالا : سلامتك ..تصبح ع خير
ياسر : وانتي من اهل الخير
~~~~~~~~~~~~~~~~~~~~~~~~~~
يجلس بشرفة عرفته يعمل ع اوراق الصفقات الجديدة ليقطع عمله رنين هاتفه .....
ديالا ببكاء : الحقني يا فهد
يقفز من كرسيه : مالك ف ايه انتي فين
ديالا : ماما مش بترد عليا ونبضها ضعيف جدا
فهد : طب اهدي وانا اتصل ع الاسعاف واجيلك ع طول
ليهرول ويغير ملابسه وينزل سريعا ليركب سيارته بعدما اخبر فارس ليست معه ....
فارس : ايه اللي حصل
فهد : معرفش بس ربنا يستر
فارس : خير ان شاء الله
بعد مرور قليل من الوقت وصل فهد لمنزلها ليترجل من السيارة وخلفه فارس يركض سريعا ليصل امام الشقة ....
فهد : ديالا افتحي
لتفتح بابا المنزل وترتمي باحضانه وتبكي : ماما يا فهد ماما تعبانة اوي انا خايفة
ليهدهدها : بس اهدي اهدي ان شاء الله هتبقا كويسة متقلقيش الاسعاف قدامهم 10 دقايق
لتفيق ديالا وتبتعد عنه لتدخلهم المنزل ف انتظار سيارة الاسعاف ليرن هاتف ديالا برقم اخيها ....
ياسر : ازيك يا ديدي عاملة ايه وماما اخبارها ايه
ديالا ببكاء : ماما تعبانة اوي يا ياسر
ياسر بقلق : طب اهدي بس هو ايه اللي حصل
ديالا : معرفش انا كنت بعمل الاكل ودخلت اصحيها عشان تيجي تاكل وتاخد الدوا مردتش عليا ونبضها ضعيف اوي
ياسر : طب انتي معاكي حد دلوقتي
ديالا : اه خطيبي واخوه
ياسر : طيب خليني اكلمه
ديالا : حاضر
طعتي الهاتف لفهد ليتحدث .....
فهد : الو ازي حضرتك يا استاذ ياسر
ياسر : تمام ازي حضرتك انت معلش كان نفسي نتعرف ف ظروف احسن من كدا
فهد : لا مفيش حاجة المهم بس طنط تقوم بالسلامة
ياسر : ارجوك خلي بالك منها ديالا امانة ف رقابتك
فهد : متقلقش ف عنيا
ياسر : انا هحجز ف الطيارة اللي نازلة بكرا
فهد : ترجع بالسلامة ان شاء الله
ياسر : تسلم ...انا هقفل دلوقتي واتصل بعد شوية
فهد : تمام مع السلامة
تصل سيارة الاسعاف لتنقل والدة ديالا الي المشفى لتدخل غرفة العناية المركزة ف حالة حرجة ....
الطبيب : الحالة حرجة جدا القلب ضعيف ربنا يستر
يتركهم ليدخل غرفة العناية لتجلس ديالا ع اقرب مقعد لها ....باردة لا تشعر بما حولها لا تدري ما ستفعل لا دموع ولا شعور ....
ديالا : هعمل ايه انا لواحدي يارب مليش غيرك استرها يارب لو حصلها حاجة انا هعمل ايه مليش غيرها بعدك يارب
يجلس بجوارها فهد يحاول معرفة ما يدور بذهنها ولكن وجهها متجهم بدرجة كبيرة يحاول تهدأتها ليخرج الطبيب ....
الطبيب : ادعولها هي بين ايدين ربنا دلوقتي
لتنظر له ديالا بشرود وتسقط مغشياً عليها ......
يتبع .......
رواية انتقام بلا رحمة الفصل السادس عشر 16 - بقلم Beroabood5
يجلس بكرسي بعيد قليلاً عن السرير الذي ترقد عليه غير واعية بما يدور حولها ينظر لها بطريقة لا يعلم هل هي نظرة شفقة ام قلق ام حب ام تشفي ام ماذا يريد تفسير لما يحدث بداخله يريد التخلص من الحديث الدائر بداخله افاق ع صوت فارس وهو يدخل الغرفة بهدوء .....
فارس : فهد الدكتور قال انها حصلها انهيار عصبي و مش هتفوق غير بكرا الصبح باذن الله
فهد : امممم تمام ..طب مقالش حاجة عن والدتها
فارس بتنهيدة حزن : بيقول انها تحت الملاحظة لمدة 12 ساعة لو مفاقتش يبقا دخلت ف غيبوبة
فهد : ربنا يعديها ع خير ...
ليقطع كلامهم رنين هاتفه ليخرجه ويجيب ع الرقم الغريب ....
فهد : الو مين
.....: استاذ فهد معايا
فهد : ايوا مين معايا
.....: فاعل خير
فهد يبتسم بسخرية : تاني وياترى بقا هتقول ايه المرة دي
.....: انا بس عايزة اقولك حاجة مهمة اوي عن خطيبتك
فهد باستغراب : ديالا !! وانت تعرفها منين
.....: لا الاتنين
فهد باندهاش : انت مين
.....: عايز تعرف ولا بلاش
فهد بفضول وقلق : قول اللي عندك مش فاضيلك
.....: براحة علينا يا وحش ....عايز تعرف مين قتل خطيبتك الاولى ابقا اسأل التانية ..سلام
فهد بعصبية : الو الو انت يا زفت
فارس : ف ايه يا فهد
فهد وهو ينظر بكل غضب بتجاه هذه الراقدة : مفيش حاجة رقم غريب
فارس غير مصدق لكلامه : ودا اللي عصبك
فهد : خلاص يا فارس سبني لواحدي لو سمحت وروح دلوقتي وانا هبات معاهم وبكره الصبح تقول لماما وفريدة وتكلم خالها
فارس : حاضر
~~~~~~~~~~~~~~~~~~~~~~~~~~
يجلس بالمطار يفكر هل عندما يعود ستعود ويراها مجدداً ام انها اصبحت فعلاً بالنسبة له مجرد ذكرى سيئة لايريد تذكرها حتى ..قلق ع والدته و شقيقته وما يحدث لهم بدونه يجب ان يبقا معهم ليخرج هاتفه ويجري اتصالاً ....
ياسر : الو ازيك يا فهد
فهد بقلق : الحمد لله انت عامل ايه ف حاجة ولا ايه
ياسر : انا اسف نسيت ان دلوقتي بليل عندكم بس كنت عايز اقولك اني نازل مصر دلوقتي
فهد باستغراب : انت ف المطار و ايه اللي غير رأيك انت قولت هتنزل بعد مدة
ياسر : حصل شوية ظروف لوالدتي ولازم انزل وهيبقا نزول نهائي
فهد : تمام قولي بس هتوصل امتا وانا اجيلك
ياسر : انا بس عايز منك خدمة
فهد : قول ف ايه
ياسر : عايزك تكلم اختي عشان هي ف المستشفى مع والدتي وخاطيبها معاها بس انا مش عارف رقمه
فهد : تمام اديني رقمها وانا اروحلها واطمن عليها هي وطنط
ليسمع نداء الطائرة الاخير لركوب المسافرين ...
ياسر : طب اكتب عندك بسرعة عشان لازم اتحرك دلوقتي
فهد ليكتب ع الورقة : قول
~~~~~~~~~~~~~~~~~~~~~~~~~~~~
ليصل فارس منزله ويجد الانوار مشتعلة و والدته جالسه بقلق ف الردهة ....
فارس : ايه اللي صحاكي دلوقتي يا ماما
جميلة بقلق : كنت قايمة اصلي الفجر روحت اطمن عليكم لقيت اوضكم فاضية روحتو فين انت واخوك
فارس : والدة ديالا تعبت فجأة و كلمت فهد فهو صحاني وروحت معاه وهي دلوقتي ف المستشفى
جميلة : طب والدتها عاملة ايه
فارس : الدكاترة مش مطمنين ربنا يسترها
جميلة : البنت دي غلبانة اوي ربنا يكون ف عونها
فارس : يارب ... انا هطلع انام دلوقتي و الصبح نروحلها
جميلة : ماشي يا حبيبي تصبح ع خير
فارس : وانتي من اهل الخير يا ست الكل
~~~~~~~~~~~~~~~~~~~~~~~~~~
ينظر بدهشة بشاشة هاتفه هذا الرقم يمسحه ويكتبه للمرة العاشرة ع هاتفه ولازالت الدهشة ع وجهه غير معقول من ستصبح زوجته هي شقيقة صديقه العزيز لا يمكن ان يصدق هذه الصدفة الغبية .....
فهد : وبعدين مينفعش اللي بيحصل دا ازاي تبقا اخت اعز اصحابي يعني كل اللي انا مخطط له هيضيع بس ازاي بعد ما عرفت انها ممكن يكون ليها يد ف قتل حبيبتي اسيبها كدا ولا اكن حصل حاجة لا مش هيحصل هكمل واللي يحصل يحصل
~~~~~~~~~~~~~~~~~~~~~~~~~~~
صباح اليوم التالي يتحرك فارس ومعه والدته و فريدة متجهين الي المشفى .....
جميلة : فهد ماتصلش عليك
فارس : اتصل قبل ما ننزل ع طول
فريدة : و ايه الاخبار طنط اميرة كويسة
فارس : فهد بيقول ان كل مؤشراتها الحيوية بتتراجع بشكل مش طبيعي هي فاقت بس لسه ف العناية المركزة
جميلة : ربنا يستر ان شاء الله
بعد وصولهم المشفى .... تدخل فريدة وفارس وجميلة غرفة ديالا ليجدوها مازالت فاقدة الوعي وفهد جالس امامها ....
فريدة : اخبارها ايه دلوقتي يا فهد
فهد ببرود : كويسة الدكتور كان لسه بيعلقلها محلول وخرج وقال شوية وهتفوق
جميلة : و والدتها مقالوش هتخرج امتا من العناية
فهد : لا بيقولو انها ف خطر لازم تفضل ف العناية بس مسموح بالزيارة
جميلة : ربنا يقومها بالسلامة
فهد : فارس تعالى عايزك ف موضوع
بعد خروجهم من الغرفة ....
فارس : خير يا فهد ف حاجة ولا ايه
فهد : بص انا مش عارف اوصلك الموضوع ازاي بس ...بص من الاخر كدا عارف ياسر صاحبي من ايام الكلية
فارس : اه طبعاً دا واحشني جداً هو صحيح عامل ايه مش بيكلمني خالص
فهد : مش دا المهم دلوقتي
فارس : اومال ف ايه
فهد : ياسر طلع اخو ديالا
فارس : نعم
بداخل الغرفة تجلس فريدة بجوار ديالا ع الفراش تمسد ع يدها وتنظر لها بقلق فهي صديقتها الوحيدة هي ورغدة فقط اما جميلة فهي جالسة تقرأ القرآن بخفوت تارة وتنظر الي ابنتها وصديقتها تارة اخرى ......
فهد : ايه يابني هتفضحنا
فارس بابتسام : اللي انت قولته دا حقيقي
فهد : ايوا يابني بس دلوقتي هو المفروض قدامه حوالي خمس ساعات ع ما يوصل المطار
فارس : تمام والمطلوب
فهد : انك تروح تجيبو من المطار وتجيبه ع هنا
فارس : خلاص اشطا ماشي بس ابقا فكرني عشان هنسى
فهد : ماشي دلوقتي بقا اتفضل روح ع الشركة عشان الشغل اللي ورانا
فارس : طب اقعد ارتاح شوية وبعدين انزل
فهد : ماشي بس انجز
فارس : اعوذ بالله منك يا اخي ربنا يكون ف عونك يا ديالا
فهد : خليك ف حالك
فارس : رخم
~~~~~~~~~~~~~~~~~~~~~~~~~~
بعد مرور ساعة ذهب فارس الي الشركة ...يدخل الطبيب غرفة ديالا ليطمئن ع حالتها ....
جميلة : ايه اخبارها دلوقتي يا دكتور
الطبيب : هي كويسة ممكن نص ساعة وتفوق ان شاء الله
فهد : طب و والدتها عاملة ايه
الطبيب : حالتها حرجة جدا احنا بنحاول نعمل اللي نقدر عليه
فهد : ربنا يقومها بالسلامة
الطبيب : بعد اذنكم
~~~~~~~~~~~~~~~~~~~~~~~~
بعد مرور اربع ساعات يجلس فارس ف سيارته امام المطار بانتظار ياسر لسمع رنين هاتفه .....
فهد : ياسر وصل ولا لسه
فارس : هي الطيارة وصلت من ربع ساعة كدا ولسه كنت لسه هكلمه دلوقتي
فهد : طيب اقفل انا عشان تلحقه
فارس : تمام ....ليهاتف ياسر
ياسر : الو مين معايا
فارس : انا فارس يا ياسر فاكرني يا حيوان
ياسر بضحك : انا عارف اني مقصر معاك بس غصب عني والله المهم انت فين
فارس : انا عند البوابة برا مستنيك انت خلصت اجراءاتك ولا لسه
ياسر : اه وانا واقف برا اهو عربيتك لونها ايه
فارس : ازرق اه خلاص شوفتك
يحتضنا بعضهم بقوة ليربت فارس ع كتف ياسر بقوة ....
فارس : وحشتني جدا ايه الغيبة دي يابني خمس سنين متفتكرناش غير بمكلمتين بس طول الوقت دا
ياسر : معلش يا فارس والله الشغل كان واخد كل وقتي هناك حتى كنت بكلم فهد قليل اوي
فارس بابتسامة : ولا يهمك يا كبير المهم انت عامل ايه والدنيا اخبارها ايه معاك
ياسر : طب نتحرك ولا هنبات هنا
فارس بضحك : حاضر نطلع ع البيت ولا ع المستشفى
ياسر : اكيد ع المستشفى علي اطمن ع ماما
فارس : ربنا يقومهالكم بالسلامة
ياسر : بس مقولتليش انت عرفت منين ان ماما ف المستشفى
فارس : احكيلك يا سيدي
~~~~~~~~~~~~~~~~~~~~~~~~~~
بالمشفى بعد رحيل فريدة ووالدتها جالسة ع الفراش تبكي خائفة من ما يخبئه القدر لها ولوالدتها ليدخل فهد عليها الغرفة ....
فهد ببرود : عاملة ايه دلوقتي
ديالا لتنظر له ببكاء : الحمد لله ماما عاملة ايه
فهد يحاول طمئنتها : هي كويسة الحمدلله بس لسه ف العناية المركزة
ديالا ليشتد بكائها : يارب
لينظر لها دون اي تعابير ع وجهه قبل ان يتحرك يدخل فارس وياسر الغرفة ليجري ع ديالا ويحتضنها تحضتنه بشدة وتبكي ايضاً بشدة وهو ايضاً ...يبتعد بعدها بقليل لينظر لها ويهدهد ع رأسها ...
ياسر بدموع : عاملة ايه يا حبيبتي وحشاني اوي
ديالا : الحمدلله انا كويسة بس ماما تعبانة اوي يا ياسر انا خايفة عليها اوي
ياسر : هي فين اصلا
فهد : ف العناية المركزة ربنا يقومهالكم بالسلامة
لينهض ياسر ويحتضن فهد وهو الاخر يحتضنه بشده فهما كانا وجهان لعمله واحدة فكل منهم متشوق الاخر بدرجة كبيرة ليتحدث فارس .....
فارس بضحك : ما كفاية احضان بقا انت جاي تحضن بس
ليضحكم جميعاً عليه ....
ياسر : انا عايز اروح اطمن ع ماما
فهد : بص هي الزيارة ف العناية المفروض بعد حوالي ساعة اقعد استريح شوية وبعدين نروح نطمن عليها
ياسر : طب هو الدكتور قالكم ايه عنها
فهد : يابني اقعد ارتاح شوية وهوديك للدكتور نفسه تتكلم معاه
فارس : وانا هقوم بقا اشوف ورايا ايه سلام
فهد وياسر : سلام
لينظر فهد باتجاه ياسر بابتسامة : احكيلنا بقا عملت ايه طول الوقت اللي فات دا
ياسر بضحك : قبل ما اتكلم انا واحكي احكيلي انت ايه حكاية انك خطيب اختي دا
فهد : اسمع يا سيدي
ليقطع حديثهم دخول الممرضة ....
الممرضة : لو سمحتم حد هنا باسم ديالا
ديالا تنظر لها بقلق : ايوا انا ف حاجة
الممرضة : المريضة اللي ف العناية فاقت وبتنده باسمك وعايزاكي ضروري
ديالا تنظر بقلق تجاه ياسر : مش تقدر ادخلها يا ياسر انا خايفة اشوفها كدا هموت
ياسر : طب تعالي نروح كلنا
الممرضة : مينفعش حضرتك لازم واحد بس
ياسر : هنروح معاها بس هنستناها برا
الممرضة : تمام اتفضلو معايا
بعد وصولهم امام بوابة العناية تراجعت خطواتها لتنظر له : لا مش هقدر ادخل انت الاول انا خايفة
يحتضن وجهها بين يديه : حاضر بس بطلي عياط واهدي متقلقيش ان شاء الله خير
ليدخل هو وتجلس هي وفهد بجانب بوابة العناية ليمسد ع ظهرها بهدوء : متقلقيش ربنا مش هجيب حاجة وحشة ابدا
ديالا بدموع : يارب
بعد قليل يخرج ياسر من الغرفة بوجه متجهم ينظر امامه بشرود ...
ديالا : ياسر ماما كويسة صح رد عليا
ينظر لها ويحتضنها بقوة ويبكي بشدة : انا اسف
يتبع ........
رواية انتقام بلا رحمة الفصل السابع عشر 17 - بقلم Beroabood5
بعد اسبوع من انتهاء العزاء ورحيل الجميع ليظل فقط المقربون منهم ....
زين : ديالا عاملة ايه دلوقتي
ياسر بحزن : من ساعة اللي حصل وهي ف دنيا تانية مش بتتكلم ولا بتاكل ولا اي حاجة
فارس : دا مش كويس عشانها لازم تحاول تتعود ع الوضع دا
ياسر : بحاول معاها بس مفيش فايدة
لتخرج رغدة وفريدة من الغرفة ....
فهد : بردو مش عايزة تاكل
فريدة : لا مش راضية خالص عايزة تنام بس
رغدة : ع فكرة كدا غلط ممكن يجيلها انهيار عصبي من اللي بتعمله ف نفسها دا
فارس : رغدة عندها حق
رغدة : انا رأيي يا استاذ ياسر اعرضها ع دكتور نفسي يحاول يخرجها من اللي هي فيه دا
زين : طب يلا احنا يا رغدة نمشي عشان الوقت اتأخر
ياسر : لسه بدري خليكم قعدين معايا انا وهي شوية
فهد : لا لازم نمشي عشان انت لازم تدخل تنام وترتاح ويا سيدي احنا مش مسافرين هنجيلك بكرا باذن الله ... يلا يا جماعة
ياسر : استنى يا فهد
فارس : طب هنسبقك احنا بقا
ياسر : انا عارف ان الفرح كان المفروض يبقا اول الاسبوع اللي جاي صح
فهد : اه بس ايه اللي جاب سيرته دلوقتي
ياسر : الفرح مش هيتأجل الفرح هيبقا ف معاده باذن الله
فهد : ايه ... انت بتقول ايه
~~~~~~~~~~~~~~~~~~~~~~~~~~
نائمة ع فراشها حزينة بشدة لا تعلم ماذا يحدث او ما سيحدث تريد فقط ان تظل نائمة هكذا لا تريد شيئ اخر ... يدخل اليها شقيقها ينظر اليها فترة يريد الحديث معها لكن حالتها لا تحتمل
~~~~~~~~~~~~~~~~~~~~~~~~~~
مجتمعين ع مائدة الطعام بعد رحيلهم من منزل ديالا ....
جميلة : هي عاملة ايه دلوقتي
فريدة : حالتها صعبة اوي يا ماما ربنا يصبرها
جميلة : يارب
فارس : ع فكرة كلام رغدة صح هي لازم تتعرض ع دكتور نفسي ف اسرع وقت
جميلة : للدرجة دي
فريدة : ايوا لان اكتر من كدا ممكن تدخل ف اكتئاب وحالة هياج عصبي
جميلة : ربنا يصبرها ويعدي الايام دي ع خير ...اومال فهد طلع ع طول ع اوضته مقعدش ياكل معانا ليه
فارس : مش عارف بس اكيد مضايق من اللي حصل
فريدة : اكيد اللي حصل مش سهل وكمان الحالة اللي فيها ديالا مزعلاه
جميلة : شوية وابقا اطلعله
نفس الوقت بغرفة فهد جالس بشرفة غرفته شارد الذهن يفكر بما قاله ياسر له ....
فهد : ايه اللي انت بتقوله دا
ياسر : اللي سمعته الفرح هيبقا ف معاده مش هيتغير
فهد : انت ف وعيك يا ياسر حبيبي انت والدتك متوفية من اسبوع يا بابا
ياسر : عارف وعشان كدا بقولك الفرح هيبقا ف معاده
فهد : لا انت اتجننت رسمي لما تبقا كويس ابقا اتصل عليا
ياسر : استنى هفهمك انا بقولك كدا ليه
ليقطع شروده دخول والدته الغرفة .....
جميلة بابتسامة : ايه يا حبيبي مالك منزلتش اتعشيت معانا ليه
فهد : ولا حاجة يا حبيبتي
جميلة : بس انا حساك مضايق
فهد : لا بس بفكر ف الشغل ورانا شغل كتير عايزين نخلصه
جميلة : ربنا يعينك يا حبيبي ..قولي بقا ديالا عاملة ايه
فهد بشرود : مش كويسة خالص وفاة مامتها مأثر فيها جدا
جميلة : وهتعملو ايه دلوقتي
فهد : لو فضلت كدا هنعرضها ع دكتور نفسي
جميلة : انت هتزورهم بكرا صح
فهد : اه
جميلة : ابقا قولي قبلها عشان اروح معاك عايزة تقعد معاها
فهد : حاضر
جميلة : تصبح ع خير
فهد : وانتي من اهل الخير يا حبيبتي
~~~~~~~~~~~~~~~~~~~~~~~~~~~
صباحاً بمنزل فهد يتجهز ليذهب لمنزل صديقه مع والدته لتدخل عليه والدته : صباح الخير يا حبيبي
فهد : صباح النور يا ست الكل عاملة ايه
جميلة : الحمدلله يا حبيبي ها جاهز عشان ننزل ولا ايه
فهد : اسبقيني انتي وانا عشر دقايق ونازل وراكي
جميلة : بسرعة بقا عشان نلحق نفطر
فهد : حاضر
تجلس فريدة وفارس ع مائدة الطعام يتناولا افطارهم ...
فارس : عندك حاجات مهمة النهاردة ف الكلية
فريدة : اه عندنا محاضرة مهمة اوي بس لسه قدامي وقت
فارس : خلاص نخلص اكل واوصلك اكيد رغدة هتحضر صح
لتنظر له فريدة بمكر : بتسأل ليه
فارس : ماتجوبي ع قد السؤال وخلاص يا لمضة
فريدة : اه اكيد هتيجي عايزها ليه بقا
فارس : خليكي ف حالك يا رخمة
جميلة : صباح الخير يا ولاد
فارس وفريدة : صباح النور يا ماما
فارس : انتي رايحة ف حتة يا ماما
جميلة : اه تروح ازور ديالا انا وفهد
فريدة : صحيح يا ماما انا هادي عليها بعد ما اخرج من الكلية انا ورغدة
جميلة : ماشي يا حبيبتي
فارس : يلا فيري
فريدة : سلام يا ماما
جميلة : مع السلامة يا حبيبتي
بعد خروج فارس وفريدة يهبط فهد ليجلس مع والدته يفطران سوياً وبعدها يذهبان ....
~~~~~~~~~~~~~~~~~~~~~~~~~~~
نفس التوقيت بمنزل ياسر يستيقظ ع رنين هاتفه ...
فهد : صباح الخير انت لسه نايم
ياسر : صباح النور اه اصلي نايم متأخر امبارح
فهد : المهم اصحى كدا وفوق عشان انا جاي ف الطريق انا وماما
ياسر : ماشي هقوم اصحي ديالا انا بقا
فهد : ماشي يلا سلام
ياسر : سلام
يخرج من غرفته ليذهب ويطرق ع غرفة شقيقته ليوقظها .....
ياسر : ديدي حبيبتي صحيتي ولا لسه ..ديالا ديالا
ليفتح باب غرفتها ليجدها فارغ ليبحث عنها بأرجاء البيت كاملاً لا يجد لها اثراً ....
ياسر بقلق : راحت فين دي لا اله الا الله
ليسمع طرقات ع باب المنزل يسرع بفتحه يعتقد انها هي ليجد فهد امامه ....
فهد : صباح الخير
ياسر : صباح النور
فهد : مالك ف ايه وشك مخطوف كدا ليه
ياسر بتوتر : صحيت من النوم قولت اصحي ديالا نفطر سوا وتقعد معاكم ملقتهاش لا ف اوضتها ولا ف البيت كله
فهد باستغراب : ازاي يعني
جميلة : طب ما ممكن تكون نزلت تشتري حاجة من تحت وجاية
ياسر بتوتر : طب ازاي وليه طب مانا موجود كان ممكن تصحيني وبعدين دي حالتها كانت وحشة جدا امبارح انا دماغي هتنفجر
جميلة : اهدا يابني بس وكل حاجة هتتحل باذن الله
فهد : يهدا ازاي بس يا ماما ازاي اصلا تخرج لواحدها من غير ماتقول لحد
جميلة : ممكن تكون راحت عند حد من قرايبكم
ياسر بتفكير : ممكن تكون عند خالي ف اسكندرية
فهد : قوم اتصل بيه مستني ايه
~~~~~~~~~~~~~~~~~~~~~~~~~~~
ف سيارة فارس امام الكلية ....
فارس : فريدة ممكن لما تكلمي رغدة
فريدة : ليه
فارس : فريدة بجد بلاش رخامة كلميها لو سمحتي وقوليلها انك عايزة تطلعلك برا الكلية متقوليش اني معاكي
فريدة : حاضر
بعد قليل تخرج رغدة لمقابلة فريدة تتفاجئ بوجود فارس يقف بجوار فريدة ....
فريدة : قابلي ... اطير انا بقا
رغدة : انتي يا زفتة رايحة فين يا حيوانة
فارس : ممكن نتكلم شوية
رغدة : ماشي
فارس : طب منك تركبي العربية
رغدة : هنروح فين
فارس : اركبي بس مش هأخرك
رغدة : تمام
~~~~~~~~~~~~~~~~~~~~~~~~~~
ياسر : ماشي شكراً يا خالو مع السلامة ...مش عنده هنعمل ايه دلوقتي
فهد : انا هكلم زين وفارس هخليهم هما كمان يدورو معانا
ياسر : ماشي
~~~~~~~~~~~~~~~~~~~~~~~~~~
عند فارس .....
فارس : ف ايه بقا
رغدة : ف ايه
فارس : ف اللي بيحصل دا
رغدة : لا مش فاهمة
ليقطع كلامهما رنين هاتف فارس ....
فارس : ايوا يا فهد
فهد : ديالا مش لاقينها
فارس باستغراب : ايه
فهد : مش وقت استغراب دلوقتي خالص
رغدة : ف حاجة ولا ايه
فارس : طيب هتعمل ايه دلوقتي
فهد : اسمع اللي هقوله دا كويس وكلم زين عشان يبقا معاك
فارس : تمام
بعد قليل من حديثه مع فهد ثم زين ....
رغدة : ف ايه ديالا مالها
فارس : مش عارف فهد قالي ياسر صحي الصبح ملقهاش ف البيت وكلمو قرايبهم محدش يعرف عنها حاجة انا لازم ماشي دلوقتي
رغدة : انا هاجي معاك مش انت رايح عندهم البيت
فارس : لا
رغدة : طب ممكن تكلم فريدة وتوصلنا لبيتها
فارس : ماشي
بعد مدة وصلت فريدة وتحركو متجهين لمنزل ديالا ....
~~~~~~~~~~~~~~~~~~~~~~~~~~~
بمكان بعيداً عن ابطالنا تجلس شاردة امامها حزينة لا تعلم ماذا يحدث حولها لكنها تريد ان تصبح بعيداً لفترة تريد ان تصبح وحيدة قليلاً
يتبع .......
رواية انتقام بلا رحمة الفصل الثامن عشر 18 - بقلم Beroabood5
جالسة شاردة حزينة تنظر امامها بشرود لتجلس بجانبها صديقتها تنظر لها بحزن ....
ملك : هتفضلي قاعدة كدا الوقت اتأخر قومي معايا ندخل جوا
ديالا : مش قادرة مليش نفس اتحرك
ملك : اللي بتعمليه دا غلط انني كدا بتقلقيهم عليكي اكتر قافلة الفون ومش معبرة حد
ديالا : مش عايزة اتكلم مع حد ارجوكي سبيني ف حالي
ملك : انا خليفة عليكي مش اكتر
ديالا : انا عارفة بس مش قادرة بعد ما سمعت كلام ياسر وفهد مبقتش مستحملة اني افضل قاعدة قف البيت
ملك : انا فاهمة ومقدرة اللي انتي فيه والله بس اكيد هو عنده وجهة نظر ف اللي قاله
ديالا : ايه وجهة النظر ف انه عايز يجوزني حتى وماما مفتش ع موتها كتير
ملك : مش عارفة بس ع الاقل كنتي قعدتي اتكلمتي معاه و فهمتي منه و اكيد هو مش هيفرض عليكي حاجة
ديالا : مجاش ف بالي ساعتها غير اني مش عايزة افضل قاعدة هناك
ملك : انا هسيبك براحتك بس لو مكلمتيش اخوكي وطمنتيه عليكي ع الاقل هيكون ليا تصرف تاني و يلا قومي عشان ندخل البيت
~~~~~~~~~~~~~~~~~~~~~~~~~~~
ليلاً بمنزل ديالا يجلسون جميعاً قليقين ع هذه المختفية دون سابق انذار .....
ياسر : مش عند حد من قرايبنا ومفيش حد يعرف عنها حاجة هتكون راحت فين يعني
فهد : يبقا اكيد هي عند حد من صحابها
فريدة : المشكلة ان احنا منعرفش كل صحابها غير كدا هي ملهاش صحاب كتير عشان تروح عند حد منهم
ياسر : انا هبلغ البوليس
فهد : لا يا ياسر مينفعش
ياسر : انت هتجنني ايه هو اللي مينفعش
فهد : مينفعش تتصل بالبوليس افرض انها كانت عند حد من صحابها واحنا هنبقا كأننا معملناش حاجة اصلا
ياسر : وافرض كان جرالها حاجة
فهد : ياسر افتكر انها كانت خارجة بمزاجها يعني مفيش حالة اختطاف
ليجلس بتعب : طب اعمل ايه انا خلاص هتجنن
فارس : اهدا هي بالحالة اللي كانت فيها دي اكيد كانت محتاجة تبعد شوية عن جو البيت واكيد هترجع او ع الاقل هتتصل
زين : فارس كلامه صح هي كانت محتاجة تخرج شوية من حالة الحزن اللي فيها حاول تهدا انت بس وان شاء الله خير متقلقش
بعد رحيل الجميع ماعدا فهد الذي اصر ع المبيت مع ياسر ....
فهد : تعالى يلا عشان ننام
ياسر : انام ازاي بس .....
فهد : لازم تنام انت لو قعدت هتتعب نفسك ع الفاضي هتعمل ايه يعني لم هتسهر اسمع الكلام وادخل نام
ياسر : وانت كمان هتنام صح
فهد : هكلم فارس وبعدين احصلك
ياسر : تمام
~~~~~~~~~~~~~~~~~~~~~~~~~~~
اليوم التالي تهاتف صديقتها صباحاً لتحاول اقناعها بالعودة .....
رغدة : اظن ان انا وملك ساعدناكي ومن حقنا دلوقتي انك تنفذي اللي اتفقنا عليه
ديالا : يا جماعة صدقوني مليش نفس ارجع انا مرتاحة كدا ارجوكم سبوني شوية
رغدة : انتي لو شوفتي حالة اخوكي امبارح مكنتيش هتعملي كدا
ديالا بحزن : حاضر هحاول ارجع النهاردة
رغدة : وارجوكي اسمعي كلامي انا وملك .. اقولك بلاش يا ستي ترجعي دلوقتي ع الاقل كلميه طمنيه عليكي
ديالا : حاضر حاجة تاني
رغدة : لا خلي بالك من نفسك
ديالا بابتسامة حزينة : وانتي كمان خلي بالك من نفسك ... مع السلامة
ملك : اخبارها ايه
ديالا : كويسة وبتسلم عليكي
ملك : ها قررتي ايه
ديالا : هبعت رسالة من موبايلي واقفله تاني وبكرا ابقا ارجع
ملك : ماشي اهو يبقا اطمن عليكي
~~~~~~~~~~~~~~~~~~~~~~~~~~
لم ينم طوال الليل لم يغمض له جفن فهو قلق عليها بالفعل يريد عودتها غاضب منها كثيراً ولكن تعود فقط ويطمئن عليها ليقطع تفكيره خروج ياسر من غرفته .....
ياسر : صباح الخير
فهد : صباح النور عامل ايه
ياسر : الحمدلله ...شكلك منمتش
فهد : لا مجاليش نوم
ليقطع حديثهم رنين هاتف ياسر ليجدها رسالة من ديالا ...
فهد : ف حاجة ولا ايه
ياسر : دي رسالة من ديالا
فهد : ايه بتقول ايه هي كويسة
ياسر بحزن : بتقول متقلقش عليا انا كويسة قاعدة عند واحدة صحبتي حبيت اغير جو لاني كنت زعلانة وتعبانة ومكنتش حابة اقعد ف البيت عموما انا هرجع بكرا باذن الله متقلقش عليا
فهد : هي بعتت من رقمها صح
ياسر : اه ليه
فهد : هكلم زين يعرفلي اخر مكان الرقم دا فيه دلوقتي
ياسر : ياريت
~~~~~~~~~~~~~~~~~~~~~~~~~~
رغدة : بص بصراحة انا مستغربة ليه ساعدتها رغم ان انا مكنتش موافقة ع اني اوافق ع الجنان دا من الاول
زين : مفيش حسيت انها فعلا محتاجة ترتاح وتبعد شوية عن الجو دا وبالذات بعد اللي قالتلك عليه
رغدة : فعلا انا مستغربة ازاي ياسر يقبل انه يجوز اخته ولسه والدته متوفية مبقالهاش كتير
زين بشرود : كل واحد بيبقا عنده اسبابه اللي بيتصرف ع اساسها ممكن تكون الاسباب دي غلط وممكن تكون صح بس مش الكل بيقول الاسباب دي
رغدة : ممكن بس اكيد اسبابه غلط
زين : يمكن ويمكن
رغدة : ماشي انا تنزل بقا اروح الكلية
زين : ماشي يا حبيبتي ....
flash back ....
زين : عاملة ايه مع ديالا
فهد وهو يراجع بعض الاوراق امامه : تمام
زين باستغراب : تمام ومالك بتقولها كدا ليه
فهد : عادي
زين : هو انت بتحبها بجد
فهد : هتصدقني لو قولتلك مش عارف
زين : ازاي يعني
فهد : يعني ساعات بحس اني مقدرش اعيش من غيرها وعايزها معايا وحوليا وساعات تانية بحس اني عايز اموتها مش عايز اشوفها
زين : اومال خطبتها ليه
فهد : بقالي مدة عايز اتكلم معاك ف الموضوع دا هقولك ليه
بعدما اعترف فهد بماذا يريد ان يفعل .....
زين باندهاش : لا انت اكيد مجنون
فهد : لا مش مجنون هي السبب
زين : لا مجنون الاتنين كانو ف نفس الحادثة واحدة ماتت والتانية دخلت ف غيبوبة وكان احتمال وفاتها كبير وبعدين ايه اللي هيخليها تعمل كدا
فهد : لاني عرفت انها بتحبني
زين : تقوم تعاقبها بانك تنتقم من حاجة موجودة ف دماغك انت بس
end flash back .....
زين : فعلا كل واحد عنده اسبابه بس اسبابك يا فهد استحالة تتصدق لازم اتصرف ف اللي المجنون دا هيعمل
ليقطع شروده رنين هاتفه ...
زين : ايوا يا فهد
فهد : بص الرقم دا تاخده وتعرفلي اخر مكان كان فيه فين بالظبط
زين باستغراب : رقم ايه
فهد : رقم ديالا اصلها بعتت رسالة تطمنا عليها
زين بتوتر : وبعدين
فهد : ولا حاجة انا قولت لو عرفنا الرقم دا فين دلوقتي هنبقا قطعنا نص الطريق
زين بخيبة امل من ما فعلته ديالا : تمام ابعتلي الرقم وانا هتصرف
فهد : تمام
ليتصل بعدها ع رغدة ليخبرها ....
رغدة : المجنونة طب ما كانت ترجع وتريحنا
زين : كلميها قوليلها ع اللي حصل
رغدة : تمام
لتهاتف رغدة ديالا وتخبرها بما حدث ...
ديالا : انا لما عملت كدا مجاش ف بالي انهم ممكن يدورو ع مكاني
رغدة : طب هتعملي ايه دلوقتي
ديالا : مش عارفة طب اقفلي انتي دلوقتي
تلتفت لملك الجالسة بجوارها ...
ملك : ف ايه حاجة حصلت
ديالا : فهد بيدور عليا
ملك : طب ما هما بيدورو عليكي من امبارح
ديالا : لا بعد ما بعتت الرسالة هيدور ع اخر مكان كان فيه الرقم بتاعي اللي هو هنا
ملك : وبعدين هتعملي ايه
ديالا : ولا حاجة انا كدا كدا كنت هرجع بكرا ف مش فارقة كتير النهاردة او بكرا
ملك : هتتكلمي معاهم
ديالا : اكيد قبل ما ارجع لازم ابقا فاهمة كل حاجة
ملك : متأكدة
ديالا : ايوا
~~~~~~~~~~~~~~~~~~~~~~~~~~~
بعد قليل ارسل زين مكان تواجد ديالا لفهد ....
فهد : زين بعتلي اخر مكان كانت فيه
ياسر : طب فين
فهد : دا ف الغردقة
ياسر : و ايه اللي وداها هناك
فهد : مش عارف احنا لازم نتحرك دلوقتي هو قالي الرقم متحركش من المكان دا
ياسر : تمام يلا بينا
بعد اكثر من ثمان ساعات ف الطريق ولم يصلو بعد ...
ياسر : ادخل الشارع اللي جاي دا
فهد : تمام
ياسر : هو الشاليه دا تقريبا
فهد : تعالى هنسأل يمكن ف مكان تاني
ياسر : يلا
ليذهبا سويا ويطرقان ع المنزل لتفتح لهم ملك ....
فهد : لو سمحتي احنا بنسأل عن بنت اسمها ديالا
ملك : اه اهلا اتفضلو
ياسر : هي موجودة عندك
ملك : اه انا صاحبتها اتفضلو هي جوا
ليدخلا ويجلسو قليلاً تذهب ملك لتخبر ديالا بوصولهم لتخرج معها ....
عندما يراها ياسر يسرع اليها ليحتضنها لتبادله ....
ياسر يتنهد بارتياح : ليه عملتي كدا قلقتيني عليكي
ديالا : انا كويسة بس كنت محتاجة وقت عشان افهم
ليبتعد عنها قليلاً : تفهمي ايه ايه اللي حصل بس
ملك : طب اقعدو الاول وبعدين اتكلمو
فهد : اتكلمي عايزة تفهمي ايه
ديالا : انا سمعتك لما كنت بتتكلم انت وياسر عن ان الجواز لازم يتم ف معاده طب ازاي وماما لسه ميتة من اسبوع بس
لينظرا لها ثم ينظرو لبعضهما ليتحدث فهد : بس وصية والدتك الله يرحمها
يتبع ......
رواية انتقام بلا رحمة الفصل التاسع عشر 19 - بقلم Beroabood5
ياسر يتنهد بارتياح : ليه عملتي كدا قلقتيني عليكي
ديالا : انا كويسة بس كنت محتاجة وقت عشان افهم
ليبتعد عنها قليلاً : تفهمي ايه ايه اللي حصل بس
ملك : طب اقعدو الاول وبعدين اتكلمو
فهد : اتكلمي عايزة تفهمي ايه
ديالا : انا سمعتك لما كنت بتتكلم انت وياسر عن ان الجواز لازم يتم ف معاده طب ازاي وماما لسه ميتة من اسبوع بس
لينظرا لها ثم ينظرو لبعضهما ليتحدث فهد : بس دي وصية والدتك الله يرحمها
لتنظر لهم باندهاش : ازاي وامتا انا مش فاهمة حاجة
ياسر : دا اللي حصل ودي فعلا وصية ماما ...لما دخلت عندها العناية المركزة اخر مرة دي كانت اخر حاجة قالتلهالي قالت لو حصلي اي حاجة مهما كان فرح اختك ميتأجلش ابدا ...انا مكنتش موافق ع كلامها ف الاول بس هي اصرت وقالتلي دي وصية ميت ولازم تتنفذ
ديالا : الله يرحمك يا ماما
لتجلس بجوارها ملك وتمسد ع ظهرها : انا قولتلك اكيد هو عنده سبب قوي عشان يعمل كدا بس مصدقتنيش
ياسر : صدقيني انا مكنتش موافق ع الكلام دا بس دي وصية ولازم تتنفذ
ملك : طب ممكن اقول حاجة
ياسر : اكيد اتفضلي
ملك : ايه رأيكم اعمل و كتب كتاب ع الضيق القرايب والصحاب بس والفرح يبقا بعد الاربعين
ياسر : هي فكرة كويسة بس مش دي رغبة ماما
ديالا : انا موافقة ع اقتراح ملك بس مش عايزة دخلة
فهد وياسر : قصدك ايه
ديالا : قصدي ان كتب الكتاب هو الفرح بس من غير زفة او حاجة يدوب الحفلة ع الضيق وبس انا عايزة انفذ رغبة ماما بس لسه جوايا حزن عليها مش تقدر اني اعمل فرح واحضر وانا حزينة ع امي
فهد : انا موافق ع كلامك بردو الميت ليه احترام
ديالا : شكرا انك موافق ع رغبتي
ياسر : كويس ...يلا بقا عشان نروح
ديالا : تمام هدخل اوضب شنطتي تعالي معايا يا ملك
بعد دخولهم الغرفة تجلس ملك ع الفراش وتقف ديالا لتحضر حقيبتها ....
ديالا : شكلك عايزة تقولي حاجة
ملك : بصراحة اه
ديالا : ايه
ملك : فهد باين انه بيحبك
ديالا باستغراب : ايه اللي اكدلك كدا
ملك : كان قلقان عليكي اوي ممكن مكنش واضح عليه وهو قاعد بس ساعة ما كان بيسأل ع وجودك القلق كان واضح ع وشه اوي
ديالا بتنهد : اومال انا ليه كل ما تشوفه بيبقا عندي احساس بالتوتر والخوف اول ما اشوفه منكر اني بحبه بس كل ما بصله احس بحاجة غريبة حاجة بتقبض قلبي اوي
ملك : ممكن يكون دا بسبب قرب معاد الفرح والدربكة اللي حصلت دي كلها بس صدقيني هو بيحبك وهترجعي تقولي ملك قالت
ديالا بضحك : ماشي ياست العرافة
ملك وهي تحتضنها : ابقي كلميني دايما هتوحشيني اوي
ديالا : وانتي كمان يلا محتاجة مني حاجة
ملك : تسلمي
ديالا : لا اله الا الله
ملك : محمد رسول الله
~~~~~~~~~~~~~~~~~~~~~~~~~~
اليوم التالي بمكتب فهد بالشركة يجلس يتابع عمله وزين معه ....
زين : مقولتليش انت هتتابع اي صفقة
فهد بتفكير : صفقتين الشاليهات
زين : اه
فهد : انا بقول بتاعة العملين كويسة ومنها يبقا شهر عسل
زين : انت لسه مصمم ع اللي ف دماغك
لينظر له بشرود : مبقتش عارف
زين : يعني ايه
فهد : يعني مش عارف كل ما اشوفها بيبي جوايا مشاعر كتير شوية كره شوية حب وعشق شوية انتقام صدقة مبقتش عارف
زين : سبها ف حالها سبها لحد يكون بيحبها اكتر منك
فهد بغضب : لا استحالة اسيبها هتموت معايا انا مش هسيبها لحد غيري
زين : اللي يريحك
فهد : اه افتكرت
زين : ايه
فهد : حضر نفسك خطوبتك انت وفارس هتكون بكرا
زين بسعادة : اخيرا دا انا كنت هموت يا شيخ
فهد يضحك عليه : للدرجة دي
زين : و اكتر وحياتك ...طب ايه مش هتنزل تجيب البدلة
فهد : لا انا مجهز كل حاجة حتى بعتت الفستان لديالا النهاردة
زين : ياريت تنسى وتكمل حياتك معاها
فهد : تفكر بس موعدكش
زين : اروح اشوف شغلي انا بقا
فهد : اشوفك بكرا بقا
~~~~~~~~~~~~~~~~~~~~~~~~~~
عند فريدة .....
فريدة : تحفة الفستان دا يا ديدي
رغدة : فعلا دا احلى من اللي قبله
ديالا : بجد يا بنات
فريدة : اه والله دا هياكل منك حتة
رغدة : احسدي البت بقا ...قومي انتي كمان عشان تقيسي فستانك
ديالا : وانتي كمان يا انسة رغدة ولا مش ناوية تحضري الخطوبة
فريدة بضحك : دا كان فارس يقتلها
رغدة بخوف : لا خلاص قايمة قايمة
ديالا : انا هخرج اعملكم كوبايتين عصير ع ما تلبسو
بعد ارتداء كل منهما فستانها ....
ديالا بابتسامة : حلوين اوي تحفة الفساتين
فريدة : بجد
ديالا : اه والله لونه حلو اوي عليكي
رغدة : ساعدوني مش عارفة اقفل السوستة
ليضحكو عليها وتشاركهم الضحك لينتهي يومهم بسعادة .....
~~~~~~~~~~~~~~~~~~~~~~~~~~
ليلاً بغرفة فهد يتحدث مع ياسر ع الهاتف ....
فهد : بص هنكتب الكتاب وبعدين اخدها ونسافر ع العلمين
ياسر : اشمعنا
فهد : عندي صفقة هتتنفذ هناك وبالمرة يكون شهر عسل
ياسر : تمام هكلمها واقولها
فهد : هي عاملة دلوقتي
ياسر : كانت عارف هي خلاص تقبلت الامر الواقع
فهد : تمام اقفل انا بقا سلام
ياسر : مع السلامة
~~~~~~~~~~~~~~~~~~~~~~~~~~
نفس الوقت بغرفة فارس الذي يهاتف رغدة ....
فارس : عاملة ايه
رغدة بتوتر : تمام الحمدلله ..انت ايه اخبارك
فارس : تمام ..جهزتي نفسك
رغدة : عشان بكرا يعني
فارس : اه
رغدة : اه تمام
فارس : انني مش بتحبيني يا رغدة
رغدة بتفاجئ : ليه بتقول كدا
فارس : ليه بقول كدا
رغدة : اه سؤالك غريب
فارس : تمام يا رغدة تصبحي ع خير
ليغلق قبل ان تكمل حديثها معه ليحدث نفسه بعدها : هي دلوقتي بتحبني ولا بتكرهني عايزاني ولا لا انا مبقتش فاهم حاجة بس اللي ف دماغي هنفده ويحصل اللي يحصل ..
فهد وهو يقف بجوار باب غرفته ويضحك عليه : انت اتجننت خلاص ..ياعيني البت جننتك
فارس بفزع : ايه دا مش تخبط يا عم قبل ما تدخل
فهد : اولا انا اخوك الكبير ادخل براحتي ثانيا انا فعلا خبطت ع الباب بس سيادتك كنت سرحان
فارس : معلش بقا
بعد ان جلس امامه : مالك حاسس انك مدايق
ليتنهد فارس : معرفش هي ليه بتتعامل معايا كدا
فهد : مين رغدة
فارس : ايوا بتتعامل معايا ببرود تام
فهد : طب مش يمكن انت عملت حاجة دايقتها وانت ماخدتش بالك
فارس : لا خالص بالعكس تماما انا بعاملها كويس
فهد : بص ريح دماغك دلوقتي من اي حاجة ممكن تدايقك عشان بكرا تبقا رايق وساعتها اتكلمو سوا براحتكم
فارس : انا عايز اطلب منك حاجة يا فهد
~~~~~~~~~~~~~~~~~~~~~~~~~~
صباحاً بمنزل فهد مجتمعين ع المائدة يتحدثوا سوياً ....
جميلة : فهد كلم ياسر عشان يجيب ديالا و زين عشان يجيب رغدة انت عارف الحفلة هتتعمل ف الڤيلا هنا
فهد : حاضر يا ماما
جميلة : اه صحيح انت مش هتاخد النهاردة اجازة
فهد : لا هروح اخلص شوية اوراق عشان الشغل اللي بعد الفرح
فريدة وهي تنظر اليه بتعجب : ايه دا انت هتشتغل كمان بعد الفرح
فهد : لا دي صفقة هخلصها ف العلمين منها شغل ومنها فسحة
جميلة بتفكير : فكرة مش وحشة
فهد : قولت حتى لو الشغل خلص بدري هتفضل هناك او نكمل شهر العسل ف منطقة تانية ...يلا يا فارس
فارس : يلا سلام يا جماعة
جميلة وفريدة : مع السلامة
~~~~~~~~~~~~~~~~~~~~~~~~~~
بعد وصول ديالا ورغدة منزل فهد ....
جميلة : عاملين ايه يا بنات
ديالا : الحمدلله يا طنط حضرتك عاملة ايه
جميلة : الحمدلله يا حبيبتي عاملة ايه يا رغدة
رغدة : الحمد لله يا طنط
جميلة : يلا يا فريدة خديهم عشان تجهزو بسرعة
فريدة : يلا بينا
ليلاً بغرفة فريدة بعدما تجهزو جميعاً ليطرق بابهم فارس ....
فريدة : ايه يا حبيبي هو المأذون وصل
فارس : لا لسه قدامه شوية بس كنت علي اتكلم مع رغدة
فريدة : طب لحظة هندهالك
ليقف بعيدا قليلاً يجدها تخرج من غرفة شقيقته لتقف امامه وتتحدث : ازيك
فارس : تمام انتي عاملة ايه
رغدة : تمام
فارس وهو يمسك يديها ليشعر بتوترها المفاجئ : كنت علي اتكلم معاكي ف حاجة
رغدة وهي تحاول سحب يديها من يديه ولكنه متمسك بها بقوة : ايه عايزة تسيبي ايدي ليه
رغدة بتوتر : عشان مينفعش لو سمحت سيب ايدي
فارس : مش هسيب ايدك قبل ما اقول اللي انا عايزه فاهدي بقا تمام
رغدة تحاول الهدوء : هتفضل اتكلم
فارس : انتي موافقة عليا ولا لا
رغدة : لو مش موافقة عليك مكنتش هبقا واقفة قدامك دلوقتي وجاهزة عشان الخطوبة لو مش موافقة مكنتش هتكلم معاك اصلا ...ممكن تسيب ايدي بقا
ليقترب منها ويهمس بالقرب من اذنها : حضري نفسك لمفاجئة النهاردة ...بس حلو اوي الفستان عقبال فستان الفرح ان شاء الله
لتسحب يدها من بين يديه وتدخل مسرعة غرفة فريدة لينزل هو سريعاً ليجلس مع اصدقائه ...
بعد مرور القليل من الوقت ليحضر المأذون وينتهي من كتب كتاب فهد وديالا لتصبح زوجته شرعاً وقانوناً ...
فارس : استنى يا شيخنا
ليلتفت اليه الجميع ويتحدث المأذون : خير يابني
فارس : انا كمان عايز اكتب كتابي
فريدة وهي تنظر لرغدة : ايوا يا عم اوعدنا يارب
لينظر لها زين الجالس بجوارها بضحك : نعم اؤمريني مانا خطبتك اهو عايزة ايه اكتر من كدا
فريدة : فعلا يعني دا اخرك خطوبة بس
زين : لا مسمحلكيش ع فكرة وعشان كدا مفيش حاجة هتتكتب يا فارس ها
فارس : وانا ذنب امي ايه
زين : مليش فيه انا وانت سوا يا معلم
فارس : حسبي الله ونعم الوكيل
فهد : حضرتي شنطتك
ديالا : اه جاهزة فوق ف اوضة فريدة
فهد ببرود : كويس عشان نمشي ع طول
ديالا وهي تنظر له بتعجب من برودته : احنا هنمشي بليل كدا
فهد ببرود : اه انا متعود وبحب اسافر بليل وبعدين انتي مع جوزك مش حد غريب
ديالا : لا مش قصدي انا اقصد الوقت متأخر والطريق مش بيبقا كويس
فهد : متقلقيش
بعد ان تمت مراسم الزواج لفهد وديالا وفارس ورغدة تجهزت ديالا لترحل مع فهد لتبدأ حياتها الجديدة الغير متوقعة بالنسبة لها الخائفة هي منها ....
يتبع ......
رواية انتقام بلا رحمة الفصل العشرون 20 - بقلم Beroabood5
انا حابة اقول حاجة انا بقالي اكتر من 6 سنين من متابعين الواتباد ودايما بقراء روايات عليه من الحاجات اللي بتريحني جدا وف روايات كتير اصحابها بيتأخرو ف تنزيل البارت عادي انا مش بحاول ادافع عن نفسي ولا حتى اخليكم متلغوش المتابعة انا بس عايزة اقول اني بكتب الرواية دي عشان انا حابة اكتبها مش عشان متابعة زيادة او اي حاجة انا بس يكتبها عشان ببقا فرحانة وانا بكتبها ببقا مبسوطة وانا بعمل حاجة بفرح بيها حد وببقا مبسوطة جدا وانا بشوف تعليقاتكم الحلوة ع كل بارت او ع الرواية عموما ....
اخر حاجة عايزة اقولها انا ف 3 كلية والسنة دي مهمة جدا عندي عشان اقدر اجيب تقدير واعوض السنتين اللي فاتو عشان كانت والدتي تعبانة ومكنتش بنجح بتقدير غير كدا عندنا تقريبا كل يوم امتحان ...انا مش بقول كدا عشان استعطفكم او اخلي حد يشفق عليا بالعكس انا حابة اقول كدا لاني بحسكم عيلتي التانية بس انا مش هغصب حد عشان يقراء الرواية او لا الرواية كدا كدا هتبقا موجودة والف مين هيدخل ويقرائها و فيه اللي هتعجبه وفيه اللي مش هتعجبه بس ....
شكرا جدا لتقديركم ليا وانتظركم للبارت بشوق واسفة لو كنت بتأخر عليكم ف التنزيل بس "التمس لاخيك سبعين عذراً " وشكرا ليكم ع المتابعة وشكرا ليكم ع صبركم عليا ☺