تحميل رواية «بنات الغجرية» PDF
بقلم بسمة البياتي
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
_ _ ( ) فتاة حسناء تغري النظر ملاك طاهرا اغلى من الدر طفلة ساذجة اطهر من الزهر تحمل قلباً انقى من الجوهر تجهل الشر والغدر اساء الزمان اليها كثير واقتاد لها وحشا خطير اصبحت تتعامل مع قلوباً كالحجر فقدوا احساسهم ووعيهم كشاربي الخمر تحملت الكذب والخداع والمرار ونظرا الناس اليها بأحتقار وماكان لها ذنب غير أن من ولدتها من الغجر __________ كاعدة كدام المرآيا عيوني متروسة دموع ماأكدر انزلهن الخاطر اصال ادري بيها اذا شافتني ابجي هم هم راح تبجي دخلن امي وصديقتها الضحكة تارسة وجهن مرجانة... بعدج ممبدلة دي...
رواية بنات الغجرية الفصل الحادي والعشرون 21 - بقلم بسمة البياتي
_بنات الغجرية _
( بقلم بسمة البياتي)
_البارت التاسع عشر _
مرجانة... ببتسامة شلونج جنة
... وكعت الفرشة من ايدي بعدني بحالة صدمة بلكي يطلع هذا حلم بس لا هذا مو حلم هذا واقع والي واكفة كدامي مرجانة بشحمها ولحمها
... شو صفنتي هههههه حقج اكيد من اشتياقج الي انصدمتي
اصال.. دخلت مرة للصالون ركزت بيها عزززا هاي مرجانة كمت وكفت وعيني عليها. حجت ويا جنة
وخطية جنة مصدمة حتى مكدرت تحجي
اشو هاي اندارت عليه كالت اصوووولة حبيبتي ياعيني اشكد كبرانة لو ما تشبهين عطر ولا جان عرفتج
اجت حضنتني وتبوس بيه خرب هاي شبيها منين نزلت عليها هالحنية
اميرة...همست الجنة هاي امج مو؟
.. اي للاسف هي
... روحي احجي وياها واني اكمل بدالج شوفي ايدج شلون دترجف
.. رحت عليها كتلها كعدي اهنا بين ميروحن النسوان ونحجي وانتي اصال تعالي يمي
... اي عيني اكعد ليش ما اكعد قابل شكو وراية
... خلت رجل على رجل وطلعت الباكيت اخذت منه جگارة ورثتها وظلت ادخن
اباوع عليها بعدها نفسها نفس القوة والأسلوب حتى شكلها ممتغير بالعكس زايده جمال وانيقة هه حتى السجن مكسرها
راحن النسوان فرغ الصالون
اميرة اخذي اصال وروحي بعدين اجي وراكم
... ياااا وشلون نعوفج وحدج
.. لاتخافين ماعليه شي اريد احجي ويا مرجانة وحدنا
اصال... مااه اني ما اروح اريد ابقة وياج
... لاتعاندين روووحي اني شوية واجي لاتشلعين گلبي
مرجانة... سمعي كلامها وروحي ولاتخافين راح اتشوفيني هواي ههههههه
... راحت اميرة واخذت اصال وياها مابية حيل ابقة واكفة جريت كرسي كعدت مقابيلها
كتلها شجابج وشلون اندليتي مكاني؟
.. ياعيني غير اشتياقي البنتي وحفيدتي هو الجابني
.... اكولج هاي الافلام عبريها على غيري اني حافظتج واعرفج زين متكدرين تضحكين عليه بهالكلاوات شلون اندليتيني
.... ههههههه وداعتج من زمان اعرف عنوانج ورا شهرين من طلعتي من السجن اندليتج
بس مثل متدرين الوضع جان تعبان اضطرينا اني وساهرة انسافر وقبل فترة يلا رجعنا
... هه اي اكيد انهزمتوا لان مصايبكم هواي والف واحد عنده عداوة وياكم ياما هجمتوا بيوت ناس وكسرتوا رگب بناتهم
.. طبهن طوب احنا مرايحين عليهن. هنا برجلهن يجن علينا
... مكتيلي شلون عرفتي عنواني
... انتي بس لا عبالج اني من دخلت السجن هاهيه انكسرت ومظلي ظهر استند عليه
لج اني مرجانة معارفي بكد شعر الراس ويتمنون يخدموني
كلفت جماعة وعن طريق مدرسة اصال القديمة كدروا يعرفون وين ناقلتها وخلال ايام عنوانج صار عندي
... خرب شلون غابت عني هالسالفة اوووف ولا اكدر المرجانة
اي وهسه شرايدة مني
.. ممم اريد اصال
... هههههههه والله ضحكتيني ترى اصال كبرت مو نفسها هذيج الطفلة التهدديني بيها وبعد محد يكدر ياخذها مني
... وداعتج اكدر اخذها اصال حفيدتي اني اولى بيها منج ولو اريد بالقوة اخذها منج
ترى اذا قبل جان ظهري قوي هسه صار اقوى نصيحة لاتلعبين وياي وهسه انتي مخطوبة ما ريد حفيدتي تعيش ويا رجال غريب
.... لا لا هاي منو الدتحجي ولا عرفتج معقولة مرجانة صارت تهتم بالشرف ههه اخاف مبدليج
.. العندي حجيتة ارجع واكولج لاتلعبين وياي
... خفت منها تحجي بثقة وادري بيها كولشي يطلع منها
كتلها اذا فكرتي تقتربين من اصال اكتلج خلاص واريح العالم من شرج
.. يلا كتليني هياتني كدامج شمنتظرة
بس انقهرت عليج لهذا راح انطيج خيار ثاني وانتي بعد بكيفج
.. شنو هو؟
... اجي اعيش وياكم حتى حفيدتي تبقى كدامي
... قبل شوية جنتي اتكولين ظهري قوي وعندي فلان وعلان هه وانتي طلعتي معندج بيت يلفيج
.... لو اريد اسكن بقصر بس اني عاجبني اعيش وياكم وهسه جاوبي ولادوخيني مظل وكت اريد اروح
.. اختنكت رجعت مرجانة لزمتني من الأيد التوجعني حسبي الله عليج موافقة تعالي
... عفية بالحبابة باجر انتظريني اتريك وياج ههههههههههه
من طلعت شبعت بجي هاي وين جانتلي رجع ضيمي من جديد تاخر الوقت كمت سديت المحل ورجعت للبيت
وصلت للبيت واني اسحل برجلي سحل تلكتني اصال مبينا خايفة
... ليش تاخرتي خفت عليج
.. لاتخافين مبية شي رايحة ابدل وانام
.. شنو مراح تتعشين
... لا ما اريد مو جوعانة وانتي سويلج شي اكلي لاتبقين بدون اكل
عفتها وفتت للغرفة بدلت وتمددت
ياربي ساعدني شراح اسوي اذا اطردها ادري بيها راح تاذيني باصال هاي حية كولشي يطلع منها ولو حتى الحبة تنظلم من تتشبه بمرجانة
باليل خالة والبنات اجوي يمنا
ام وليد.. اميرة كالت امج اجتج هاي شلون اندلتج؟
.. قسمتي السودة دلتها عليه
.. وشتريد منج
... اشرتلها برأسي على اصال بمعنى ما اكدر احجي كدامها خالة فهمت علية كالت
ثناء انتي واصال دوختوني كومي قريها بالغرفة
دخلن للغرفة
حجيتلهم على طلب امي ظلوا صافنين عليه ميعرفون شيكولولي
... زين كرار واهله اذا عرفوا شلون
.... والله اني هم حايرة مدري شلون راح اكوله
اميرة... الله يعينج على هالبلوة
من راحوا بيت خالة كلت الاصال باجر مرجانة راح تجي تعيش ويانة
.. ششنو لا عفية جنونة ما اريدها تجي اهنا
... ما اكدر امنعها بلكي تبقة فترة وتروح الاريده منج متكعدين وياها ولاتتعلمين شي منها
وما اريد مشاكل مفهوم
.. اهووو هاي الجانت عايزة تجي تعيش ويانة
اروح انام احسن وراية دوام
جنة.. ثاني يوم اجتي مرجانة
... شنو هذا البيت اشكدوتة وين حيكفينا
... والله هذا الموجود اذا ميعجبج تسوين فضل اذا ترجعين منين ماجيتي
.... هسه اني شحجيت اكلتيني
صدوك تعالي اكولج لعد موبعتي هذاك البيت وين وديتي فلوسة وانتي عايشة بهالبيت وتشتغلين عاملة بصالون
... الفلوس انباگن
... شلج بهالكلاوات
... مثل ما انباك الذهب هذن هم انباگن لعد اشو بوكتها مكلتي كلاوات
... هااا لا مو استغربت لان هنا لا فلس ولافلسين غير اديرين بالج عليهن
... شوفي مرجانة من هسه اكولج المنطقة اهنا الكل يعرفون اهلي ميتين بحادث ما اريد تكولين الاي احد انتي امي وما اريد تختلطين بالجيران اقل حجي اسمع منهم وحق ربج اخذ اصال واهج
وعود اريد اشوف هالمرة شلون تلكيني
... اووي شبيج اكلتي راسي طبج طوب انتي وجيرانج على اساس اني ميتة عليهم واختلط بيهم
اصال اجت جنونة اخذتني من المدرسة
شفتها دترجع للبيت سالتها شنو منروح للصالون اليوم
.. لا مابية حيل دايخة ومالي مزاج للشغل
.. ممممم مرجانة اجتي لو بعدها
.. اي اجت اصخامة
... ههههه حلوو هذا الدلع
وصلنا للبيت مرجانة ماكو يمكن نايمة دخلت بدلت ورحت غسلت وتوضيت طلعت من الحمام دخلت للهول
لكبتها كاعدة كالت هلا بحبيبة مرجانة تعالي ابوسج
.. همست لا هلا كتلها هستوني توضيت اذا تبوسيني راح ينكسر وضوئي
... شنو رجال بايسج حتى ينكسر وضوئج
...شوفي مرجانة ابقي بعيدة عني احسنلج ترى اني مو جنة الفقيرة والنبي اذا طخت براسي اهججج باليلة ظلمة
.... گرة عينج جنة هي هاي تربيتج الفرحانة بيها تعالي شوفيها اشكد صلفة وادبسز
جنة.. مديت راسي من المطبخ كتلها بعدج مشايفة شي ابقي بعيده عنها احسنلج
... ماشي يا بنات **** يجي يوم واطلع هالصلافة من عيونجن
اصال... همزين تعرفين بنفسج **** ههههههه
جنة... اصااااال دخلي للغرفة
.. كلفتي نفسج لج سزز جاي تغلط على امج وانتي هذا جوابج الها امده البطنج الشالتج
.. وراه الغدا دخلت للغرفة رزلت اصال لج شنو هاي الفاظج شو صايرة فدمرة
.. اني شعليه هي حجت.واني عدت كلامها
. كتلج معلييج بيها ليش متسمعين الكلام الخاطر الله رحموني ترى البيه مكفيني ما اريد مششاكل
.. هذا هو لاتتعصبين بعد معليه بيها
... هاي الفترة كلها كرار يم اهلة مدري شعدهم اخذ اجازة وبقة اهناك حتى مكلف نفسه يكولي شنو سبب بقيتة هلكد
مرجانة الحمدلله التزمت بكلامي جانت تطلع الظهر ترجع قبل حظر التجوال ومرات تبات برا وهذا الشي الصالحي حتى الجيران ميشوفوها
اليوم بالصالون كرار اتصل على اميرة لان هي جديد اشترت تلفون وهو اخذ رقمها
حجة وياي كالي أني رجعت واريد اشوفج خليت ايدي على گلبي بس لا عرف بسالفة امي قبل لا اني اكولة اتفقنا العصر يمر عليه ونطلع
اجة العصر طلعت من الصالون صعدت ويا سلم عليه عادي مثل كل مرة ووجها ممبين ضايج
.. حبيبتي وين تريدين نروح
... شوفلنا فد حديقة نكعد بيها عندي موضوع وياك
... اني هم عندي موضوع
.. بلعت ريگ هااا شنو هو
.. ههههه شبيج صفريتي ماكو شي من نوصل نحجي
... ركن السيارة كعدنا بمتنزة بعيد عن الناس
.... اي عمري شنو موضوعج
.... تنفست وتحسرت كرار صارت شغلة وانت مسافر وما اكدر اضمها عليك لان انت بيها وبلايها حتعرف اذا مو اليوم باجر
... اي شنو هي وشبيج هلكد مرتبكة وخايفة
... امي اندلت مكاني وهسه هي يمي بالبيت
.. شششششنو شششلون اندلتة انتي مو كلتي تركتها وهي متعرف عني شي شنو جنتي تضحكيين عليه
... لاتصيح اني مكذبت عليك فعلاً مجنت اعرف عنها شي وقبل جم يوم انصدمت بيها من اجتني للصالون هي كادرة تعرف عنواني عن طريق مدرسة اصال القديمة
.. اسسسستغفر الله وهسسسه ششعدها باقية عندج
... كمت ابجي ما اكدر امنعها هددتني اذا متبقة يمي تاخذ اصال مني
... اي خلي تاخذها هي بيبيتها
... انصدمت من جوابه ششنو انت اشتدتحجي شنو تاخذها كل عقلج انطيها المرجانة
... اي هذا احسن حل لان اني هم بعد ما اكدر ابقة اهنا طلع نقلي للديوانية وحتى بيت عمي راح يشيلون واذا تريدين نزوج لازم انعيش اهناك
... فكرت اي هذا خوش حل اخذها وانهزم من امي للديوانية كتله اي عادي اجي وياك وناخذ اصال ويانة
... اني مزوجج لو مزوج اصال امج مو تريدها عوفيها. الها
... مجاي اعرفك مو انت النطيت كلمة وتعهدت تربيها وياي وتشيلها بعيونك وين راح كلامك وهسه دتطلب مني انطيها الأمي
... اني ما اريد مشاكل وبا امج اذا اخذناها اكيد راح تلحكنا لهناك وتسويلنا فضيحة واهلي وعمامي اذا شافوها يگلبون الدنيا على راسي
واني وانتي راح انعيش ابيت اهلي مو راهمة تعيش ويانة بنفس البيت لان ولد اخواني كبار وهي موطفلة
... دموعي تجري ما اعرف شجاوبة احس گلبي انكسر وصار تستين وصلة همست هذا اخر كلام عندك
... اي جنة وانتي هسة لازم تختارين يا اني يا اصال
.. مسحت دموعي وبدون تردد نزعت الحلقة خليتها بيده كتله شوكت اطلكني.
... هيج بسهولة عندج تبيعني
... الكلام بعد ممنه فايده احسن حل كل واحد يروح بدرب الله يوفقك وتلكى الاحسن مني
... ماشي جنة يجرالج باجر امشي بمعاملة الطلاق
رجعت للبيت واني منهارة تمامآ دموعي تجري ممقهورة عليه بكد ما مقهورة على نفسي ليش اني من دون العالم هذا حظي جنت متاملة ارتاح واستقر بحياتي لكن الظاهر ممكتوبلي هالشي
محد بالبيت تمددت بالفراش بدون ما ابدل ملابسي بجيت بصوت اريد اطلع قهر گلبي
سمعت صوت اصال اجتي غطيت راسي ما اريدها تشوفني بهالحالة
... جنونة جنتي اشو نايمة انتي موتكولين موزينة نومت المغرب وفوكاها الغرفة ظلمة
كشفت راسها جانت مغمضة ووجها احمر وقطرات دموع على خدها
جنونة كووومي شبيج لاتخوفيني عليج
.. الخاطررررر الله رووووحي وعوفيني مابيه شي شششوية مريضة روووحي منا
. .. لاتتعصبين رايحة
... طلعت من الغرفة واني خايفة عليها عزززا بس لا كرار تعارك وياها من عرف مرجانة اجتي يمنا
رحت البيت خالة صحت اميرة كتلها جنة مدري شبيها وتبجي روحي شوفيها اني متقبل ابقة يمها
.. يبووو بس لا تعاركت ويا كرار المصخم
دخلت للغرفة شغلت الضوا
كومي جنة اني اميرة مراح تكدرين تطرديني مثل اصال وما اطلع منا اذا ما اعرف شبيج
.. والله مابيه حيل احجي فدوة عوفيني
... وربج ما اعوفج جريتها من ايدها. وكعدتها
اصولة عوفينا وحدنا
... مممم ولو الفضول يجلط بس يلا ميخالف راح اصبر
طلعت وسديت الباب افتريت شوية بالبيت مكدرت اتحمل وكفت يم باب الغرفة اتصنط
سمعتها تحجيلها شلون كرار خيرها بيني وبينا وكالت اني رضيت امي تجي تعيش اهنا حتى لاتاخذها مني يجي كرار بكل سهولة يطلب مني اتركها
لا إرادياً دموعي نزلن خليت ايدي على حلكي وخرت من الباب ورجعت للمطبخ ابجي
جنة... شفتي حظي اني شلون صدكتة وامنت بي
... كافي بجي عيونج راحن
انتي شمعرفج راح يطلع واحد نذل احنا كلنا انغشينا بي
جنونة انتي حبيتي
... تعلقت بي وتعودت عليه بس مو حب لان من اول لحظة گلبي ممرتاحلة
.. لعد ليش هلكد مقهورة
.. حقي انقهر جبت حياتي ضيم بضيم ومن كلت هاهية راح ارتاح واعيش حياة طبيعية بين يوم وليلة رجعت ادمرت حياتي
... سودة عليه كافي عمري كومي غسلي ترى اصال خطية خايفة عليج
... كمت غسلت وبدلت اميرة راحت دخلت للمطبخ لكيت اصال دتحظر العشا
حظنتها من وراه وبست راسها خوما. زعلانة لان صيحت عليج
... لا جنونة اني ما ازعل منج يلا جوعانة خلي نتعشى
كعدنا نآكل كتلها جنونة اني اريد اروح ويا ماما مرجانة
... شمرت اللكمة من ايدي رفعت راسي عليها
ماما؟
وتريدين تروحين وياها
وين تروحين
.. اعيش وياها
.. انتي جنتي تصنطين علينا موو شوفي لج اياج اسمعج تحجين هذا الحجي بعد فهمتي
.. لا مفهمت اني اريد اروح وانتي متكدرين تمنعيني
.. اصااااال سسسدي حلكج امنعج ونص اني امج
... لا انتي موو امي انتي خالتي
... كلامها مثل الطلقة وانضرب بگلبي _
يتبع
رواية بنات الغجرية الفصل الثاني والعشرون 22 - بقلم بسمة البياتي
_بنات الغجرية _
( بقلم بسمة البياتي)
_البارت العشرون _
من قهر گلبي لزمت اصال من شعرها وكمت اضربها بخبال وابجي
اني امج غصباً عليج اني الربيت وتعبت لج اتوقع هالكلام من الدنيا كلها ومنج ما اتوقعة دوم اكول اذا الناس كلها تتخلى عني اصال مراح تعوفني
وانتي بهالبساطة تحجيها
... جنة تخبلت ملختني من الضرب بقيت جوه ايدها متحركت خليتها تبرد گلبها رغم هاي اول مرة جنة تمد ايدها عليه
دموعي تجري
تعبت وعافتني انوب كامت تملخ بنفسها لزمت ايدها
.. وخررررررري عوووفيني وروحي المرجانة بعد معليج بيه
...الله عليج كافي والله ردت اروح وياها علمودج
... علمودي شنو تكسريني وتطعنيني وتكولين علمودج
... ما اتحمل اشوفج تبجين واني سبب دموعج
... لج اشتدتحجين انتي شعليج
.. شنو شعليه كرار راح يعوفج بسببي لان ميريدني وانتي مقهورة وجاي تبجين جنة كافي اضحين علمودي
... واني شلي بحياتي بدونج تريدين تعرفين ياوكت الي ابجي بدال الدموع دم هو بيوم التفاركيني بي
.. لزمت ايدها ابوس بيها وابجي والله اسفة لاتزعلين مني من حجيت هيجي ردتج تزوجين وتعيشين مرتاحة جنة اني لو اعيش طول عمري خدامة جوا رجلج هم ما اوفيج حقج
... رفعت وجها بيدي وعيني بعينها جنت احجي بشهكة اياج بعد تعيدين هالكلام اذا تربدين تموتيني روحي ويا مرجانة اذا تريدين توفين حقي ابقي يمي
... ما روح والله ما اروح هو اني الاموت بلياج
... سمعيني زين لا عبالج اني بجيت لان كرار عافني اني انقهرت لان وثقت بي ودخلتة بيتنا والحمدلله الله كشفة الي قبل لا اتورط بي وازوجة ومن هالحظة موضوعة ينسد نهائي مفهوم
... هزيت راسي ورجعت حضنتها
جنتي انتي بعدج زعلانة مني
... ما اكدر ازعل من روحي بنيتي كبرت وصارت تفكر بيه
... اني دوم افكر بيج شعندي غيرج احبل اجيب
... اشكد رعنة مدري منين تتعلمين هالسوالف
... من النسوان اليجن للصالون
اهاا وانتي متتعلمين غير السالفة العوجة
... والله يا جنونة هي ياكلمة تعجبني اخزنها براسي واجي اطبقها عليج وعلى بنات خالة
... اي مو احنا على كد ايدج كومي شيلي الصينية طلعتي العشا من خشمي
...اروح اسويلج جاي بدال العشا حتى لاتظلين كل شوية لازمة راسج وتكولين راسي يوجع من وراج ترى حفظت سوالفج
امشششي لج تقلد عليه العوبة قابل جذب هو محد يصدعني غيرج انتي ومرجانة
... على طاري مرجانة هسه تلكيها جاي تركص هجع
... اصاااااال شحجيت اني موكلت معليج بيها
... انتي ظلي كل شوية مخرعتني اصااال واصااال ترى اعرف اسمي اصال ميحتاج اتذكريني
... جاي هم ما اريد رايحة انام احسن
.
تم طلاقي من كرار وهالمرة انكتب بالجنسية مطلقة قبل لا ازوجة هه حياتي كلها بالمگلوب
اخذت عهد على نفسي بعد ما ادخل اي رجال الحياتي اعيش الاصال وبس اني موبحاجة رجال يكملني عشت ايام اصعب من هالايام واني بعدني طفلة وكدرت اتجاوزهن
اكيد اكدر اكمل حياتي وحدي بدون ما اعتمد على احد
مرجانة... اشو خطيبج ابد مشفتة غير تعزمي يجي حتى اتعرف عليه
اني ملاحظة حتى الحلقة نزعتيها
.. هه الظاهر مركزة وياي وتفتشين وراي على العموم انزعها البسها شي يخصني معليج بيه
.. ههههههههه ليش مستحية ومتكوليها اكيد عافج
.. اذا تعرفين شكو تسالين
...لج داده شلج بهالحافي همزين خلصتي منه مادامج ادورين زواج عندي الج شلون واحد اذا اخذتي تظلين طول عمرج تدعيلي
... قصدج ادعي عليج مممم هسه يلا طخت وعرفت انتي ليش صممتي تجين تعيشين اهنا
جنتي متاكدة اذا جيتي كرار راح يعوفني وبهالطريقة يخلالج الجو وترجعين تبيعين وتشترين بيه
... هههههههه صايرة ذكية شغلة الصالون مخليتج تصيرين فطنة وتلكفيها وهي طايرة
...انتي ليش هلكد تحبين الاهانة معقولة الهدرجة الاحساس معدوم عندج وعادي اذا بنتج تتجاوز عليج وتهينج
.. واني شسوي اذا بنتي وحدة ادبسسز
...اي بالضبط اني ادبسز لهذا ديربالج مني
عفتها وكمت شوكت تجوز مني ما ادري
مرجانة... اصولة هاي خالتج وحدة فگر مو وجه نعمة ادري بيج انتي ذكية وطالعة عليه
شنو رايج انتي تاخذي مليان فلوس شتريدين يجيبلج ذهب بيت سيارة حتى سفر يسفرج
فكري بكلامي ولاتصيرين بومة مثل خالتج
... ممممم اذا كل هاي مواصفاتة ليش متاخذي انتي
.. غير هو ارعن يدور وحدة صغيرة
... هههههههه شوفي اعترفتي بنفسج انتي عجوز
.. انجبي لج اني قصدت يريد من العشرين وجوا مو ثلاثينيات صاكات مثلي
... هههههههههههه هاي منو ثلاثينية العجوز الشمطاء ثلاثينية
... بنت الكلب انعل ابوج لابو عشيرتج منو عجوز مشطاء
.. ههههههههه مششطاء ههههههه دلفظيها عدل هم عجوز وهم مخرفة
كمت وكفت وحجيت بجدية اذا بعد اشوفج تضوجين جنة لو تحجين بطاري الزبالة التعرفيهم تدرين شسوي بيج
عندنا شلون سجينة حاده انتي نايمة اذبحج واكطع جسمج قطع صغار واذبهن بالزبالة ومحد راح يحاسبني لان مثل متدرين هسه الذبح والقتل صار شي عادي ومثل شرب المي
ههههههه لونها انخطف عاطت لج جنة مربية مجرمة بعد ولا اامن على نفسي بهالبيت
بدلت وطلعت من خوفها واني خربانة ضحك
جنة....سمعت الكلام الدار بين اصال وامي ما انكر متت خوف من عرضت عليها تزوج لكن من سمعت كلام اصال مي بارد نزل على گلبي ههههههه شفت امي شلون انرعبت يمكن حتى نعالها لبستة مكلوبي. وطلعت
من يومها بعد مكامت تبات يمنا تجي بالنهار شوية وتروح
أصال نجحت صارت رابع اعدادي
ومن كثر جيتها للصالون هي هم تعلمت واكثر الايام تساعدنا وحتى تفوقت عليه وعلى اميرة
الشغل بالصالون صار قليل لان انفتحن هواي صالونات ومراكز تجميل
باليل رحت البيت خالة وفاتحتها بموضوع
..خالة شنو رايج انكبر الصالون ونطورة اكثر
.. يايمه اذا نكبره اكيد نحتاج كومة فلوس منين انجيبهن
... اني ابيع البيت هسه خوش مبلغ يجيب لان هو مرتب وبمنطقة راقية وبفلوسة اخذ مشتمل والباقي اشكد الصالون يحتاج اني انطيج حتى لو تعتبريهن دين
.. لا ما اكدر اخذ شي منج ولج انتي شلون تامنين تنطين فلوسج بهالسهولة
... قابل ما اعرفج الله يشهد مستعدة انطيجياهن واني مغمضة
اميرة... اني عندي اقتراح ثاني هاي اذا امي وافقت عليه
ام وليد... شنو هو؟
... جنة انتي مو تريدين تشترين مشتمل
بلكي امي تقبل تبيعلج هذا المشتمل الساكنة بي واحنا بفلوس المشتمل نشترك وياج ونفتح صالون جبير
ام وليد.. واني موافقة اذا تريدة ابيعة الها
جنة... ياريت اني تعودت عليه وهو مكفينا وباقي فلوس البيت احسن ما اصرفهن اشاركم بيهن
بس شلون ابيع البيت اني كولشي ما اعرف
ام وليد... راح اخابر ابو سرمد يعرضة الج ولاتستعجلين عليه الحد ميجيب سعر زين
... عرضنا البيت للبيع وخلال فترة قصيرة انباع بمبلغ مجنت متوقعتة
اشتريت المشتمل وبنفس الوقت دفعت فلوس الشراكة بالصالون
مع هذا ظل عندي مبلغ زين اثثت بي المشتمل واشتريت كم قطعة ذهب الي والأصال
امي مستغربة منين جبت فلوس الاثاث كتلها بالقسط اخذتهن
اخذنا صالون جبير بمكان زين وجهزنا ودلينا معارفنا القدامى عليه
وبدء شوية شوية تصير عليه حركة والشغل تحسن
قبل لايبدي دوام اصال اخذناها اني واميرة للسوك ناخذلها ملابس مدرسة ومناك نسوك كم حاجة للصالون وللبيت
افترينا المحلات كلها وست الحسن ميعجبها العجب
اميرة... توبة اذا بعد اطلع وياج
لج بابا فهميني شنو التردي الف صدرية شفنا ولا وحدة عجبتج
.. اوووي هنا محلوات اني شسوي
جنة... هنا هذن موديل هالسنة اختاري عاد ترى ارجعج للبيت واخليج تلبسين مالت العام
.... خلي نفوت هذا المحل دخلنا اكو صدرية عجبتني رحت قستها حيل ضيقة عليه كتلة اريد قياس اكبر كال هاي اخير قطعة باقية
عاندت اله اخذها وجنة متقبل كتلها لعد ما اريد زعلت وطلعت امشي وروحي بخشمي
جنة... اكو ثنين لحكونا وين منروح يجون ورانا
ويذبون حجي يكول يمكن اليوم امي داعيتلي بصلاة الفجر
الثاني.. ليش امك من اشوكت كامت تصلي
.. من كتلوا بيت جيرانة من خوفها ليل ونهار فارشة السجادة لك عوفك من امي وشوف الله شخالق
.... اي يمكن الحور نزلن يتسوكن منا
.... هههههههه اي مبين اليوم عطلة البياعين بالجنة ملكوا دكان مفتح اجوي علينا
اميرة.. همست شلون راح ابتلي بيهم عليت صوتي ما اعرف منين تلفينا هالشكولات
جنة.. عوفيهم خلي يولون
... اكو محل شالات عارضيهن خارج المحل وكفنا نختار
وهم اجوي يمنا لزمت شال داشوفة الولد كال اي هذا اللون اكيد يلوك الهلوجه
.. نفخت بضجر شمرت الشال من ايدي
سمعت صوت طبة قوية انداريت لكبت اصال بالعلاكة البيدها نازلة دك ضرب بالولد
. ركضنا اني واميرة لزمناها الولد وجها احمر مبين ضاربتة بالعلاكة عليه اتقدم يريد يضربها الزلم والشباب لزموهم
اصال... اني صايرة اعصاب وهذولة سطروني من قهري شلت العلاكة ولفختها بوجها
اجة يريد يضربني عطت
عووفوا خلي يجي اريد اشوف شلون يكدر يضربني
جنة.. كافي امشششي فضحتينا
... عوفيني اربيهم
هالعارات طيح الله حظهم وحظ تربيتهم الخايسة امهاتهم هم فرحانات بيهم واحدهم عبالك مرة اول مرة اشوف ابنية تتحارش ببنية وانت ابن ام سجادة اليوم انعل والديك يريد يضربني السكط
جنة.... صارت هوسة والزلم ادخلوا بالكوة سحبناها من كدامهم بس اريد نطلع الناس كلها يباعون علينا
رجعنا للبيت اميرة طول الطريق تضحك واني افور من دخلنا استلمتها لج وتالي وياج شوكت تعقلين انتي موصغيرة
... واني ششسويت هما ادبسزية شتريدين اعوفهم يحجون وابقة ساكتة
... اي سكتي حالج حال الناس بهذا تصرفج فضحتينا وخليتي امة محمد كلها تتفرج
... عادي خلي يتفرجون المهم بردت گلبي
اميرة.... هههههههه حطت قهر الصدرية بيهم لوماخذتها الها مو احسن من هالهوسة
... انتي ظلي ضحكي على سوالفها هو محد طلع عينها غيرج
.... ههههههه فديتها اصولة معليج بيها وعاشت ايدج صوت الضربة الحد هسه باذني
اصال... يوم المرجانة ان شاء الله واسحلها مثل هالسحلة
جنة... بالعباس راح يصير بيه ضغط من وراها
على اساس هي مقصرة بمرجانة اشون من تجي والحد متروح هنا بتمالخن واني الواكعة بيها
... والله اني بحالي هي تتحارش بيه وتضوجني
... سودة عليه اشكد فقيرة
اصال... من بداية الدوام جنونة لزمتلي خط يوديني ويرجعني
الصبح يجي عليه للبيت ومن اطلع من الدوام يوديني للصالون
اليوم كاعدة بالدرس دزو عليه بالادارة رايدني من دخلت الغرفة المعاونة انصدمت بمرجانة كاعدة
المعاونة... اصال بيبيتج اخذتلج اجازة جيبي جنطتج وروحي وياها
... عگدت حواجبي باوعت المرجانة كتلها وهاي الاجازة علمود شنو
مرجانة... جنة مريضة ووحدها بالبيت اريدج تبقين يمها لان اني عندي شغل ما اكدر ابقة
... بين المصدكة والممصدكة رحت جبت جنطتي وطلعت وياها
كتلها گلبي ممرتاحلج تدرين اذا طلع هذا فلم من افلامج انتف هاي عطوبج
... انجبي روحي شوفيها وتاكدري بنفسج
مشينا مسافة النهاية المدرسة يم الركن اكو سيارة سودة اخر موديل واكفة والراكبها واحد يطلع عمر بالاربعين سنة شكلة مومريح كصني كص بعيونة
اشو مرجانة توجهت للسيارة
وكفت بنص الشارع ونترت بيها منو هذا.؟
... شبيج وكفتي امشي صعدي لاتخافين هذا صديقي هو يوصلنا للبيت
... اجت جرتني من ايدي واخذتني بتجاه السيارة.......
يتبع
رواية بنات الغجرية الفصل الثالث والعشرون 23 - بقلم بسمة البياتي
_بنات الغجرية _
( بقلم بسمة البياتي)
_البارت الواحد والعشرون _
وكفت بنص الشارع ونترت بيها منو هذا.؟
... شبيج وكفتي امشي صعدي لاتخافين هذا صديقي هو يوصلنا للبيت
... اجت جرتني من ايدي واخذتني بتجاه السيارة
عيوني صعدن الرأسي سحبت ايدي بقوة رفعت جنطتي وضربتها بظهرها من قوة الضربة عثرت وتكومت بالكاع
كامت تصرخ الظاهر تاذت
صديقها العار فتح الباب يريد ينزل صرررخت بعلوا صوتي يبووووووو لحكوني هذا يريد يخطفني هو سمعني هيجي گلت صار مثل بربا الشاطر كمز للسيارة شخطها وطلع
مرجانة. ااااخ رجلي لك كوا.... وين وليت وعفتني ابن الكلب اني اعلمك عزززززا راح امووووت
.. ردت ارجع اضربها شفت الناس التموا شلت جنطتي صكيت على اسناني كتلها بختج بالناس ولا جان خليت دمج بطولج بنت ابوج وعتبي باب البيت اذا ما ارتكبت بيج جريمة فلا اتسمى اصال
مشيت وعفتها كاعدة بالكاع تلوب من الوجع الزلم كوموها
بعد منداريت ولا شفت وين اخذوها
طول الطريق واني شايطة وصلت للبيت الباب مقفول والمفتاح يم جنة نفخت بضجر دكيت الباب على بيت خالة
ام وليد... يااااا هاي شرجعج خوما صاير شي
.. لا ماكو شي شوية بطني وجعتني مكدرت ابقة اخذت اجازة واجيت
... فوتي يووم ليش واكفة
... دخلت جوا كعدت بالمطبخ كتلها خالة اريد تلفونج اخابر جنة
... اذا سمعت بيج مريضة يظل بالها ابقي يمي الحد مترجع
فوتي الغرفة البنات ارتاحي واني هسه اجيبلج علاج
... لازم اخابرها حتى تبلغ السايق اذا راح وملكاني ويكول الجنة حتخاف اكثر
كالت اي والله صح
راحت جابتلي الفون دكيت على جنة
عبالها خالة من سمعت صوتي فزت
... شجاب خالة يمج لج احجي خوما صاير شي
.. يمعودة شبيج اخترعتي ماكو شي اني يم خالة بطني وجعتني ورجعت للبيت
... شبيها بطنج هسه اجيج انتظريني
.. يبوووو عليه وين تجين ماكو شي مغص عادي وراح لايظل بالج
عفية جنونة دزيلي مفتاح البيت ويالسايق لان نعسانة اريد انام
... اصال متاكدة مببج شي شو گلبي ممرتاح راح اجيج
... وين تجين اليوم مو عدكم عروستين وكومة مرافقات اميرة وين تكدر تكملهم وحدها والله مبيه شي لاتخافين وهياتها خالة يمي يعني مو وحدي
... اووف ماشي راح ادزلج المفتاح ويا السايق وغدا هم اخلي يجيبلج
... لا ما اريد لادزين اني من اجوع اسويلي شي اكلة
خالة واكفة يم السنك من سمعتني اندارت عليه
كولي الجنة تبطل هالسوالف ليش انتي بالشارع وادزلج اكل مو عيب عليها
يمكن اكلي مطيب وميعجب
كلت الجنة ارتاحيتي وهاي ترزلت من خالة بسببج
.. هههههه فدوة العينها هو وين اكو اطيب من اكلها نفسها بالطبخ فد شي
... اي والله طبخها يخبل
على عنادج شميت ريحة بامية اويلي الريحة تارسة المطبخ
... كافي ترى جعت يلا روحي ارتاحي ومن تتغدين اخذي علاج
سديتة منها كمت اريد اساعد خالة شفتها مخبوصة وحدها
... هاي اشدتسوين؟
.. اساعدج
.. امشي كعدي معندي شي كملت بس بقة اطبك التمن
اذا جوعانة خلي اصبلج البامية مستوية
... لا ما اريد كومة نساتل اكلت بالمدرسة
... ماشي لعد من يجي كامل والبنات انصب
كامل.. سمعت اسمي خير
... بسم الله هاي منين طلعت.
... من الفانوس
... انجب واحجي عدل شجابك من وكت شنو انت هم مريض
اصال .. اكيد انهزم من سياج المدرسة
كامل ظل يغمزلي حتى اسكت
... صخام الصخمك كامل واني اكول ليش ملابسك تنفتك وما الحك عليهن طلع من التكمز مالتك
... اي يطلع من المدرسة حتى يلعب طوبة
كامل... غضب الله على راسج منين طلعتيلي اليوم
.. من الفانوس وعيبت عليه
... اكولج اخاف انتي هم فالتة لان مدرستكم بعدهم مطالعين
... شوف اعترفت بنفسك خو اني محجيت خالة ترى كمولي من يكمل لعب طوبة يوكف كدام مدرستنا يباوع على البنات واكو بنية يظل رايح جاي وراها
... عزا العزاني هذا الناقصتني الجيران يهدون عليه ويكولون ابنج يتحارش ابناتنا لك ليش هي هاي تالي تربيتي تباوع على عرض الناس مو عندك خوات يا ارعن مثل متباوع عليهن الله يسلط الي يباوع على عرضك
... اي بعد بعد كملي ست اصال كوليلها شفتة واكف يدخن وببده البطل والاقوى يكبسل هم
... لا اني ما اتهم حظي وبختي مشايفتك تشرب وادخن من اشوفك اجي افضحك
راح كامل حضن امه يبوس براسها يكلها يوم لاتصدكين كلامها هاي وحدة حاروكة
اني صح اطلع من الدوام علمود الطوبة وساحة الطوبة كدام مدرستهم لهذا اشوفهن من يطلعن لا لاحكهن ولا مصخم
لج احجي الحق مو حركتي الدنيا وسكتي
.... خالة زعلت منه ههههههه كتلها والله اشاقة موتدرين بيه احب اخبث عليه
شمرت عليه المنشفة كالت الله يطيح حظكم لاكيني على كد ايدكم
وانت امشي جيب خبز مخلصين
... صار ست الحبايب من عيوني
وانتي صلصالة حسابج بعدين.
... اجة السايق جاب المفتاح ردت اروح للبيت خالة مقبلت كالت تغدي واخذي وحدة من البنات وياج وروحي
اجن دعاء وثناء من الدوام
صبوا تغدينا
من كملنا انتظرت البنات غسلن المواعين واجن ويا اثنينهن
جنت متمددة ودعاء وثناء يمي
دعاء.. اصولة شبيج اليوم صح تحجين وتتشاقين بس مو من كل قلبج احس اكو شي غاثج
.. ايباه صايرة حساسة هاي من شوكت
... انجبي اني دوم ذكية الكفها وهي طايرة الطير الطايرة اذا فات من يمي اعرف اصلة وفصلة
ثناء... كلنا احمي بس مو هيجي الغرفة صارت نار
... مضغوطات مني
يلا اصال احجي شبيج لاتخليني اتوسل بيج
... هو غير يسكوت هيثم يوسف
شبيه كولشي مبيه مثل الوردة
ثناء... جديات اصولة انتي اليوم موطبيعية ولو صدوك بطنج توجعج مثل مكلتي جان ظليتي رايحة جاية للحمام
.. عابتلكم مراقباتني جربت نفس عميق كتلهن اريد وعد اذا حجيت متكولون الاي احد خصوصا جنة
....عززا خوفتينا احجي منكول
احنا مو اسرارنا كلها يمج
... اعرف واني معندي صديقات مقربات غيرجن صح بعيرات واكبر مني بس اتوالم وياجن
ااخ شعري شبيجن مجلوبات قابل شحجيت
... احنا بعيرات يا جاموسة دشوفي نفسج تبينين اكبر منه
... وشبي البعير ضجتي منه حيوان اليف ويخبل يتحمل الجوع والعطش ولقبة سفينة الصحراء مو مثل بعض ناس لقبهم سفينة المطبخ والحش
... والنبي راح ابتلي بيج
المصيبة ضحكت على امي وجنة اتكوللهن مريضة وهي هياتها مثل الحصان
... جاموسة لو حصان اشو كمتي تخلطين
... ضيفي عليهن مطية
... ممممم لعد ولن ولا احجيلجن
ثناء.. لا حبابة احجي معليج بهاي الحب اثر على عقلها صايرة متنطاق
... قنعتيني يلا ححجي
اليوم مرجانة اجت اخذتلي اجازة كالت جنة مريضة ومن طلعت لكيت واحد كاعد بسيارتة ينتظرها
... عزززززززا اي كملي
... رادت تصعدني بالسيارة
... وصعدتي؟
...لا مصعدت بس خليت جنطتي تصعد على ظهرها هفيتها بيها وكومتها بالشارع
... هههههههه خرب يعني ضربتيها
... لا لا عيب شنو هالحجي اكو وحدة تضرب بيببتها كتلج الجنطة ضربتها مو اني وصديقها العار اول مسمعني صرخت عافها كاعدة بالشارع تلطم وانهزم
... هههههههه ليش تلطم
... يمكن رجلها انكسرت
.... اصولة جنة لازم تعرف حتى توكفها عد حدها اليوم الله سترج وما اخذتج
اخاف مرة الجاية اتجيب اكثر من واحد وبالغصب يصعدوج مرجانة موسهلة
... شحدها بعد توصل
واني صارلي درس منها
جنة اذا عرفت اظل قلقة وخايفة اعرفها خوافة يمكن تجي اداوم وياي
.. اي صح لعد صيري حذرة وديري بالج على نفسج
... اوووي عوفكم من مهرجانة احجي اخر اخبارج شسويتي ويا ابو كرعة
دعاء.. كم مرة منبهتج لاتكولين عليه ابو كرعة
ثناء... هههههه هو صدوك اكرع صلعتة هلكد متلمع اشوف بيها انعكاس وجهي
...والنبي حلوة ولايكتلة لاتصنفون ترى ازعل
اصال.. اوووي عيني تزعل العوبة مو سبينا العنب الأسود يلا بعد ما احجي
اي استاذ وسام شوكت يجي يخطبج ضايجة اريد حفلة حتى اركص
... السالفة معقدة الظاهر ممكتوبلنا ننجمع
.. يااا ليش بعدها امه تريدلة بنت خالتة
... اي والمصيبة بدون علمه رايحة حاجية ويا اختها وحاجزتها اله
ثناء... اشو اني مداصدك هالفلم معقولة امه تتصرف بدون علمه شنو هو طفل مو رجال
... ما ادري اني هم حايرة مرات اريد اتركة بس من اشوفة خوفة وحرصة عليه وحبه الي اتراجع
والله مفديوم كعد وياي وحدنا حتى ايدي ملازمها بالكلية من نكعد ثناء وباقي زميلاتنا ويانة
...الله يجعلة من نصيبج
.. امييييين يارب اي عفيه اصولة دوم ادعيلي
وادعي الله يهدي امه عليه
ثناء... اذا خليتيني باجر ألبس تنورتج الجديدة اني هم ادعيلج من صمصوم قلبي
... لا عيني ما اريد استري عليه دعواتج كلها حزك لزك اول مترفعين ايدح تخبطين خبط بحيث تكلبين حتى الأسماء تسوين اميرة سمارا واني أميرة وكامل وليد استغفر الله حتى الله يحتار بيها
أصال. ههههههههه خرب صدوك تحجين لو تشاقين وشنو حزك لزك
.... اي والله مرات انصلي سوا وترفع أيدها تدعي بصوت عالي اكطع صلاتي واظل صافنة عليها
ومعنى الكلمة ما ادري سامعتها من صديقتي وطبقتها عليكم
ثناء... هذا الحجي كله عليه صدوك لو كالوا خيراً تعمل شرا تلكى فوك ما ادعيلها هي ام الراهي ومعاجبها ترى الاعمال بالنيات واني نيتي صافية
اصال.. هههههههه ذكرتيني بسالفة الشيخ والمرة قبل كم يوم سمعتها
وحدة اتصلت على شيخ كالتلة زوجي ديخوني ويعرف وحدة ثانية اريدك تدعيلة الله يهدي ويبعدها عن طريقة
الشيخ بده يدعي بكل خشوع ونية صادقة كال اللهم اجعل في قلبه نور وفي عقلة نور وفي دربة نور واجعل لسانة ينطق نور على نور
المرة كامت تبجي بصوت عالي الشيخ كاللها بارك الله فيكي يا اختي انها دموع الخشوع
المره حجت وهي تناشغ يا خشوع اني جاي ابجي على الساعة السودة الفكرت اتصل عليك بيها
يا شيخ حبيبة زوجي اسمها نور
دعاء.. ههههههههههههه خرب اي والله هذا الشبخ مثل ثناء
ثناء.. ههههههههههه ولا اكدرلجن
جنة... بالي يم اصال ما اعرف شلون كدرت اشتغل اول مكملنا اخر عروس رجعنا اني واميرة للبيت
دخلت ادور الاصال لكيتها كاعدة ويا دعاء وثناء ديشربن جاي
كامت اجتي عليه اخذتها الحظني وافحص وجها بيدي شبيج عمري شنو يوجعج
... مابيه صرت زينة
دعاء... بربج هذا شكل وحدة مريضة دشوفيها شلون متفحة انتي مبين عليج تعبانة اكثر منها
ثناء.. جنونة لاتخافين صارلها ساعة تركص
جنة... عگدت حاجبي شلون بطنج توجعج وتركصين
... عادي جان عندي مغص اخذت علاج وراح
وتعرفين بيه من اضوج اطلع ضوجتي بالركص
... اهاا ومنو مضوجج
.. محد اني ضايجة من وحدي
... بله اذا ابتلي بيها هم احد يلومني اني زايعة العافية من الخوف عليها وهي كاعدة تركص
... اوووي يعني تريدين ارجع اتمرض حتى لاتضوجين
.. اسم الله هو منو يكدر يغلبج
.... محجيت الجنة على سواية مرجانة رجعت داومت عادي والعار اختفت
جنة كالت شعجب مجاي تجينا مو من عوايدها
.. عساها لا أجتي لازم اشتاقيتلها
.. يااا ششتاقلها بس مستغربة
... ما اريدها تبقة يمنا احنا على شنو متحمليها ناوية بس تجي اطردها
... اهووو اصال هم رجعنا الهالسالفة موكتلج معليج بيها خلي تولي هي حتى لو تجي تبقة ساعة لو ساعتين وتروح الخاطري تحمليها
... ما اتحمل وما اريدها تبقة اهنا اذا احد من الجوارين طلع يعرفها وشافها مو حننفضح
هي خلي تجي وشوفي شسوي بيها
... اصال صاير شي ليش هلكد متعصبة وتحجين بحركة گلب
... مصاير شي قابل شيصير اني ما اريدها وخلص
.... سكتت ما اعرف شجاوب كلامها صح وبنفس الوقت ردت فعلها غريبة احس اكو انه بالموضوع
ورا يومين دخلت علينا مرجانة رجلها ملفوفة وتعرج مبين عليها مرتبكة وتباوع عليه بترقب
سالتها شبيها رجلج؟
.... هااا ازحلكت ووكعت
اصال... سمعت صوتها تحجي ويا جنة جنت محظرة ملابسها شلتهن وطلعت من شافتني لونها انخطف
هاي شششجابج مو جنا خلصانين من شكولتج الزفرة شمرت عليها ملابسها يلا برا
مرجانة... لج جنة امج دتنطرد من بيتج واني واكفة تتفرجين
جنة.. انتي مو بحاجتنا ولا احنا بحاجتج روحي عيشي يم صديقتج هي من ثوبج وانتي من ثوابها احنا منفيدج
... شحجي وياجن الكح.... اشرف منجن بس بسيطة يجي يوم وادفعجن الثمن غالي وكولو مرجانة كالت
... اخذت ملابسها وراحت ارتاحيت باوعت الجنة صافنة كتلها شبيج
... سمعتي شلون تهدد كتلج معليج بيها اوووف من عنادج
... خلي تهدد هي ونعالي متهز شعرة مني
... الله يستر من تاليها
... طلعت مرجانة من حياتنا اني صرت خامس علمي
اليوم خميس من رجعت من الدوام كالعادة رحت للصالون
ماشاء الله هوسة كومة عروسات
ومخطوبات غير المرافقات
بدلت ملابسي وبديت اشتغل وياهن
جنة واميرة جابن عاملات اثنين. ورغم هذا هم ميلحكن
اميرة كالت اصال بلشي بهاي العروس مكيجيها صحتلها من شافتني عقجت وجها ورفعت حاجبها
... شنو ولويش هاي تمكيجني ترى احنا دافعين فلوس مو حصو على يا اساس تشمروني الهاي الزعطوطة هستوها دخلت بصدرية المدرسة
... الشياطين كامن يكمزن كدامي من كلامها
لج على منو زعطوطة
جنة... لحظة اصال سكتي
.. شسكوت مسمعتيها شتكول
.... داكولج سكتي وانتي عيني هاي التكولين عليها زعطوطة احسن وحدة بينا احمدي ربج لان هي راح تمكيجج
وحدة من البنات الوياها اعتذرت منا كالت عذروها عبالها متعرف شي
اميرة...ترى احنا النا سمعتنا والكل يمدح بشغلنا شلون تتوقعون انجيب وحدة متعرف وانسلمها الشغل
.. العروس صلفة نترت شبيكم اكلتونا احنا مكلنا شي اني دافعة فلوس من حقي اختار التمكيجني مجاي اهنا صدقة
اصال... شخبصتينا بفلوسج يلا اخذيهن وروحي الغير صالون ونصيحة انتي عروس شوية ثكلي لازم بهيجي يوم يكون عندج خجل مو صوتج اعلى من صوت الملاية
جنة... اصاااااال
.. لا اصال ولا صخام خلي تاخذ فلوسها وتطلع
اخت العروس.. وين نلكي حجز هسه
... هاي مشكلتكم
ظلن يتوسلن اميرة صاحت عهود كالت انتي مكيجيها
اني اخذت عروسة ثانية مكيجتها وحتى التسريحة اني سويتلها طلعت لعابة
هذيج العروس عيونها نطت البنات الوياها يتهامسن مبين يرزلنها
للمغرب يلا كملنا
جنة... تعالي لج مو عيب اتكوليلها ثكلي
... لا موعيب هي وكحة وصلفة تستاهل
... اي هي الوكحة وانتي الفقيرة
اميرة... ههههههه هاي امها داعية عليها ترزلت بيوم عرسها
... اني مقهورة على زوجها وعيالها الله يساعدهم عليها
جنة. والله يساعد الياخذج تهججي باليلة ظلمة
... عشششتو اصلا لازم يشكر الله بكل صلاة لان اخذني
اميرة... العكس هو الصحيح بكل صلاة يدعي على نفسه لان تورط بيج ههههههه
.... عابت مكروهات
اميرة... جنة امي هسه اتصلت اتكول امج ابيتنا كاعدة تنتظرج
اصال.. اهوووو وتالي ويا ام صكبان ولانخلص منها هاي شذكرها بينا
عهود...منو ام صكبان؟
.. ماهية زعم نعم شنو متعرفيها
... هههههههه اعرفها
... رجعنا للبيت اجتي مرجانة كعدت بالهول رجل على رجل وتخزر بيه
شجابج؟
.... انتي ما اريد اسمع صوتج كلمة لاتحجين اني مجاية عليج جيت اشوف بنتي
... سودة عليه اشكد حنينة هه ملاعيب العيد عبريهن على غيري
جنة.. وهاي شفتيني شنو المطلوب
... هههههههه احجوا بعد وجاوزو وطولوا لسانكم الحساب ديجمع وكولشي بوكتة حلوو
جنة.. دتهددين حضرتج
.... لا اني ما اهدد اني گول وفعل
اصال... مهرجانة الزيارة انتهت يلا من غير مطرود برا بيتك بيتك
كامت عليه مثل الثور الهايج جلبت بشعري عززا بعينها ملخته
كمت اعيط ولج عااااارررر عوفي شششعري
جنة. انكسسسسرت ايدج عوفيها ششششبيج جاية حامية علينا
مرجانة... بنت الكلب اذا ما بجيتج دم اوكفيلي
ورجلي التآذت بسببج راح ادفعج ثمنها غالي
... بالكوة عافت شعري كومة شعر اجة بيدها الحقيرة
كتلها طبج مرض وهسه اذا مطلعتي اكسر رجلج الثانية
جنة.. اصال شدخلها بالصار برجلج
..هههه احجيلها ليش ساكتة عبالج اخاف منج ومنها بسسسسسيطة ***** اني الجن
...طلعت مرجانة وهي تغلط
جنة وكفت كبالي كالت راح تحجين لو شنو
لزمتها من ايدها خليتها تكعد وكعدت بصفها بديت احجيلها على سواية مرجانة
... لج ليششش مكلتيلي
من شششوكت صرتي اتضمين عليه
... والله بس هذا الموضوع ضميتة عليج لان اعرف اذا كتلج راح تخافين
... سودة بوجهي لو صاير بيج شي اني شجان سويت
... لاتخافين ميصير شي اني تربيتج وتعلمت القوة منج
... اشو تعالي حضنتها راسج خوما يوجع
... بلي والله شعري اجه بيدها
... الله ياخذها مدري ليش داخاف من تهديداتها
... يمعودة صارلها اشكد اتهدد وكولشي متكدر تسوي هاي وحدة بوخة
... بعدج متعرفيها زين مرجانة كرصتها والگبر الله يكفينا شرها
مر شهرين بالضبط واحنا مشايفيها
اليوم المغرب رجعنا من الصالون اني وكفت اسوي عشا واصال دخلت نامت
خطية هواي تتعب
دوامها كله صباحي ومن ترجع تجي تساعدنا منعتها كتلها معليج بشغل الصالون هي عنودي اتكولي تعودت ما احب ابقة كاعدة لهذا من نرجع المغرب تدخل تناملها ساعتين بعدين تكعد تتعشى وتدرس
اندكت الباب لبست حجابي وصحت منو؟
اجاني صوت المصخمة امي لا هلا بيها
فتحت الباب تفاجئت من شفتها مو وحدها وياها رياجيل اثنين ردت اطبك الباب بوجها دفعتة بيدها وفاتت
عطت اوووكفي وين رايحة ومنو هذولة
اجاني صوت رجفني انداريت المصدرة ركزت بشكلة اي والله هو واني ممتوهمة كمت ابلعم اريد اوكف ما اكدر حسيت حيغمى عليه
منصف.. شبيج جنة شنو معرفتيني..........
يتبع
الي ناسية منو منصف حبيت اذكركم هذا ابو اصال...
رواية بنات الغجرية الفصل الرابع والعشرون 24 - بقلم بسمة البياتي
_بنات الغجرية _
( بقلم بسمة البياتي)
_البارت الثاني والعشرون _
اجاني صوت رجفني انداريت المصدرة ركزت بشكلة اي والله هو واني ممتوهمة كمت ابلعم اريد اوكف ما اكدر حسيت حيغمى عليه
منصف.. شبيج جنة شنو معرفتيني.
... اريد انطق ما اكدر راح صوتي
مرجانة....ياااا ليش بعدكم بالباب فوت ابو اصال انت مو غريب
جنة...كلامها صحاني نترت بغضب وين يفوتون اخذيهم وطلعي وجودكم ممرحب بي بيتي
منصف... معقولة هيجي تستقبلين ضيوفج احنا اول مرة ندوس عتبت بيتج وجايين من طريق طويل وهذا أستقبالج النا
.. اني مرة عايشة الوحدي اذا ادخلكم جوا الناس شراح اتكول عليه انتوا زلم غربة
مرجانة... كافي لج خلي يفوتون موبصالحج يبقون برا
... صكيت على اسناني انتي ششششرايدة مني شوكت اخلص من بلاويج شجمعج بيهم
منصف.. خيتي خلي ندخل موحلوة وكفتنا بالباب احنا نبقة اهل وبينا عشرة وصلة رحم
.... وخرت من يم الباب واشرتلهم يدخلون واني گلبي ينزف
فاتوا كاعدوا كتلهم اي وهسه شرايدين ممكن تحجون العدكم وتروحون
منصف... الله بالخير جنة خوية انه عندي امانة صارلها سنين يمج وهسه اجة الوكت الي لازم ترجعلي
... معندك اي شي يمي الي جانت تربطك بينا هي عطر وهذيج صارلها سنين من سكنت الگبر بسببكم مرجانة
... بنتي وين؟
...يا بنية دكولك انت معندك شي يمي
مرجانة... شوفوا المكر امشي صيحيها تسلم على ابوها
.... كلمة وحدة ما اسمعلج وحق الحق روحي بخشمي اذا اكوم محد يخلصج من ايدي
... شفتوا اشكد وكحة وادبسز ومعدها اخلاق هي هاي الربتلك بنتك اخذها واستر عليها وعلى نفسك لان اخلاقها صارت انكس من اخلاق جنة
... اريد اصرخ اريد املخ نفسي واملخهم بس ما اكدر اخاف اصال تكعد
كتلهم اصال بنتييييي اني امها انطي روحي وما انطيها
منصف... خوية لاتصعبين الموضوع انه بنتي بعد ما اعوفها اخذها يعني اخذها برضاتج او غصب عنج
... ششتاخذ ورا 16 سنة هسة مذكر عندك بنية
... ماجنت ادري بيها ولو اعرف من زمان اخذها
... تضحك على منوووو
مو بوكتها اجتك مرجانة وكالتلك عطر ولدت بنية وانت شككت بابوتك الها وكلت ما اريدها
... الله وكتبة ورسلة من اجتي حسبالي هاي لعبة منها لاتنسين السوتة بيه امج مو قليل انه طلعت من حلك الموت بمعجزة وجنت هستوني طايب وبعده اثار المرض بيه
وفكرت لو صدك عطر الله يرحمها حامل جان اول مادرت بحملها بلغتني مو جايين ورا سنة اتكولون صارتلك بنية حتى المخبل يشك بالسالفة
... اي وهسه شنو التغير مونكرتها ابقة ناكرها موكلت منو يكول هي بنتي اي صح مو بنتك يلا روح
... اصال بنتي انه متاكد من هالشي
... وشلون تاكدت بله معقولة هسه صرت تثق بكلام مرجانة
... لا طبعاً واكولها كدامها كلامها ما اشتري بفلس
هالمرة امج جابت الدليل
... وشنو هو؟
... شعر من اصال وسويتلة تحليل DNA
وتاكدت هي بنتي
... خليت ايدي على حلكي وكمت اشهك طلعت مخططة الكولشي
... خوية لاتبجين شوكت ماترديها تعالي شوفيها نخليج على رؤوسنا وراح تبقين امها الربتها وجميلج مراح انساه
... شششنو تاخذها كل عقلك تريد تحرمني منها محد اله حق بيها غيري اني الربيت وكبرت شفت الضيم علمودها تحملت ذل واهانة وفقر وجوع الخاطرها
وانت بكل بساطة تريد تاخذها لان التحليل ثبت هي بنتك
لو عندك ذرة غيرة جان بوكتها جيت وسالت وتاكدت مو جاي هسه
شلون جنت تنام الليل وبنتك يم مرجانة مافكرت اذا ربتها شراح تطلع
مافكرت شلون عاشت ووين ابيت مشبوه لو بملهى لو انباعت
لاتجي اتكولي ماصدكت كلامها يا ابن الشيوخ جان لازم تكطع الشك باليقين وتتاكد موتنكر وادير وجهك
مرجانة... اشو فتي زايد مو اجي اركعج بالنعال على حلكج شنو ملهى شنو تبيعها
..... من حركة گلبي كمت اريد املخها منصف صار بينا
... خوية استهدي بالرحمن مهما كانت هاي امج مايجوز تمدين ايدج عليها
.. هاي عارررررر مو ام حسسسسبي الله عليج عساج بمرض متشفين منه
حجة الرجال الويا منصف كال البنية وين نريد نشوفها
نترت بي وانت منو الثاني
... انه عمها باهر اخو منصف
خوية بطلي بجي وصيحيها مثل مكالج ابو سيف اصال تبقة بنتج واي وكت يعجبج تشوفيها هذا حقج
... تريدون تاخذوها وتكولولي حق اي حق الدتحجووووون عنه وانتوا تريدون تحرموني منها ومن اريدها اجي اشوفها حالي حال الغربة
كعدت يم رجل منصف احجي وابجي عفية ابوس رجلك لاتاخذها والله ما اتحمل بلياها اذا ضروري تاخذها الله عليك موتني وبعدين اخذها اصال رووووحي لاتاخذ روووحي مني
... بروح اختج كومي لاتسوين هيجي شلون تريدين اعوفها وانه ماصدكت لكيتلي شي يربطني بامها
وروح ابوبة بعدني لهسه اعشك عطر لاحسبالج انه حبيتها بسبب السحر
انه حبينها من كل گلبي
و الله ينتقم من البعدني عنها
... لاتكول تحبها لوتحبها مجان عفتها اختي ماتت من كثر حبها الك جانت وردة وانت وامي ذبلتوها عطر فتحت عينها على حبك مرادت شي من الدنيا غير تاخذها وياك وتلمها الحضنك وتخلصها من مرجانة وشرها
.... والحسين من تحسنت حالتي ورجعت الطبيعتي جيت دورتلها رحت للشقة الجنتوا ساكتين بيها كالوا شالوا
سآلت جم واحد من المنطقة ميعرفون شي عنكم ومنهم عرفت عطر ميتة
سألت على الطفلة كالوا هاي بنت جنة حسبالي صدك بنتج وامج رادت تلزكها بيه
... بيا عقل صدكت معقولة بعمر 11 سنة اصير ام حججك ممقبولة
واني مرايده شي منك غير تعوفلي بنتي
اصال... نايمة سمعت صوت عبالي صوت التلفزيون غلست ورجعت غمضت
الصوت صار عالي شلت راسي من المخدة افتح بعيني واسدها اريد اركز
هذا صوت مرجانة وصوت رجال يحجي
طفرت من الجرباية طلعت اركض حتى منتبهت شلابسة وبدون حجاب دخلت للهول وكفت مصدومة
مرجانة وياها رياجيل اثنين والصدمة الاكبر جنة كاعدة يم رجل واحد منهم وتتوسل بي وتبجي
صرخت بعلو صوتي جننننننة هاي اشدتسوين
الكل انداروا عليه الرجال الجنة جانت تتوسل بي وكف لحيله ويباوع عليه
ركضت لزمتها من جتفها وكومتها
عطت انتي تخبلتي شلون تنزلين يم رجلين هالزبالة وتبجين
مرجانة... هههههه هاك استلم كتلك اخلاقها مثل اخلاق خالتها صلفة ووكحة
... لج يا ساقطة هاي شجابج انتي متوبين مصرة تريديني اطيح حظج وهالمرة بمكان رجلج افصل راسج عن جسمج
وفوكاها بكل صلافة جايبة زبالتج وياج
وانتوا بله متستحون متخجلون على نفسكم واحدكم بكد الثور ادورون سوالف مكسرة ومرافقين هاي الكاولية امداكم ياعديمين الشرف والقهر محسوبين على الزلم
تعبت واني ارزلهم وهما ساكتين
جنة... كمت الطم كعدت بالكاع املخ بروحي اووويلي الله متدري هذولة منو
... جيت حضنتها ولزمت ايدها
فدوة اروحلج كافي انتي شلون ادخليهم البيتنا
مرجانة... مراح احجي شي شفتوا بعينكم شلون لسان اذا متلحكون عليها راح تشهركم وتسويلكم فضيحة وتنزل رؤوسكم بالطين
اصال.. حجت العفيفة الشريفة ام الأدب والأخلاق لج تسكتين لا اجي انتف عطوبج
الرجال الواكف دموعة تجري يمكن صار عنده احساس وخجل من نفسه
يلا طلعوا برا قبل لا اصرخ والم عليكم الناس
منصف... نسخة من امج تعالي بوية
... عگدت حاجبي انت منين تعرف امي
... انه ابوج منصف
شنو شكلتج عيد مسمعت
مرجانة... شنو اطرشيتي. هذا ابوج داده ههههههه
.... تعالي الحضن ابوج بنيتي اريد اشمج
.... بعدني الحد هاللحظة ممستوعبة كلامة ضحك مرجانة وشماتتها وحالة جنة ثبتولي اني ممتوهمة وهذا الرجال نفسه الاسمة مكتوب بجنسيتي
راد يجي يتقدم اشرتلة يوكف هووووب هووب وين جاي
صفكتلة واووو احيك على هذا التمثيل جبت دور الاب المشتاق ابراعة مممم هذا المشهد هواي شايفتة بالافلام الهندية والمسلسلات التركية
يجي الاب بعد غياب يذبلة جم دمعة وبعد العتاب تشمر البنية نفسها بحضن ابوها ويعيشون عيشة سعيدة
وهسه خلص المشهد المؤثر اخذ هاي العار وطلعوا برا
منصف... حقج بكل التحجي بس لاتظلميني قبل ماتسمعيني
... لا اسمعك ولاتسمعني كلامك مراح يغير شي اني ما اعرفك ولا اريد اعرفك خلي عندك كرامة واطلع
باهر... انتي ليش ماتحترمين الواكف كدامج ابوج من تحجين احجي ويا بادب
... وانت منو وجاي تعلمني الادب والاجترام هههههه من صار عمري 16 سنة جايين هسه يريدون مني احترام
باهر... بعدج صغيرة وراح نرجع نعلمه الج من جديدة روحي جمعي ملابسج تجين ويانة للبصره
.... ترى روحي وصلت الخشمي منك امشي اطلع لا اخرب ديكور وجهك
منصف... مانطلع منا بدونج رضيتي لو مرضيتي ناخذج ويانة
... اي من البداية اظهر على حقيقتك مو جاي تبيعهن براسي وماخذ دور الأب الحنون
انتوا منو وتجبروني لا اعرفكم ولاتعرفوني على يا اساس اروح وياكم
باهر... عايني على جنسيتج وانتي تعرفين ترى اسمج اصال منصف وهذا وحدة ينطينا الحق ناخذج باباتي لادوخينا امشي لمي ملابسي بدون عناد
... ما اجي وشسوون سووا عسى ماتضربون راسكم بالحايط
مرجانة... هههههههه هذولة مو مرجانة وتستهنين بيهم ذولة شيوخ ومعارفهم بكل مكان لاتجربين تلعبين وياهم روحي وانتي ساكتة
... اشكد جنت امثل دور القوية لكن داخلي خايف كمزت على مرجانة اريد ابرد نار قلبي ادري هي السبب بجيتهم
كفشتها من شعرها
... اااااااخ شششعري وخروا هالمجلوبة عني شوفوا الادبسسسز تضرب بيبتها
... نمت فوكاها هلست شعرها جنة ومنصف يريدون يشيلوني من فوكاها ميكدرون
خمشت وجها باظافري خليت خدها يجري دم
اجة هذا الاسمه باهر قيدني وشالني مكدرت افلت منه لان ضخم وطويل
كمت اعيط عوووفوني اموتها واخلص الناس من شرها
باهر... لاتتسودنين اهدي شوفي خالتج شصار بيها راح تتخربط
انتبهت على جنة صدوك تعبانة شوية وتوكع دفعت ايده ورحتلها حضنتها خلصت طاقتي مكدرت ابقة حابسة دموعي بجيت بقهر وهي تبجي وياي
مرجانة... انكسرت ايدج بكد النعال ومحد يكدرلج بس هينة اجة اليربيج من جديد ويكسر خشمج
منصف... اذا حجيتي كلمة زايدة حسابج يصير وياي واطلع ضيم السنين بيج
... اهااا هيجي صار الحجي ماشي اني رايحة وانتي جنة من تروح هالمكموعة الي جية ثانية عليج
جنة... صرت عاجزة عن كولشي حتى عن الكلام اصال بحضني مفرفحة كل دمعة توكع من عينها تحركني بتيزاب ونار
.. عفية جنونة ما اريد اروح وياهم ليش هسه يلا اذكروني مو جانوا ناسيني خلي يبقون ناسيني مثل قبل ما اريدهم اني ما اعرفهم
منصف.. مال اعوفج كطنة وشيلها من اذنج جنة شوكت ماتريد تجي تشوفج محد يمنعها
... انت اسسسسسسكت اني محجيت وياك جاي احجي ويا جنة لاتحشر نفسك
باهر... اكو بنية مؤدبة اتكول الابوها لاتحشر نفسك
... عفت الأدب الك يا ابن الشيخ شنوو نسيتوا اني حفيدة مرجانة
.. ههههههه جاا منو قبل شوية ملخ مرجانة اشو هسه صرتي حفيدتها
... اني بكيفي اسحل اصلخ اذبح معليكم
.
... مظل وكت امشي بدلي حتى نتوكل
جنة... حجيت بصوت مبحوح اصال دخلي للغرفة
... ما اعوفج وحدج وياهم
... الخاطري حبيبتي
... سمعت الكلام ودخلت صاح وراية منصف بدربج بدلي
دخلت للغرفة وطبكت الباب قوي
جنة... منصف احلفك باغلى شي عندك لاتاخذها اني معندي احد بهالدنيا غيرها شلون ينطيك گلبك تحرم ام من بنتها ولاتكولي انتي مو امها اني امها ونص الام التربي مو بس التجيب
عطر من ولدتها اول وحدة شالتها هي اني فتحت عينها عليه صرتلها ام واب واخت
اهنا على ايدي اتنام مفديوم فاركت حظني شلون هسه بكل برود تريد تاخذها
... خوية انه مقدر كل كلمة حجيتها صدكيني بعد ماترهم ابقيها اربدها يمي اعوضها السنين الفاتت اريد اسمع كلمة بابا منها وعلي من اول مادخلت من باب هالغرفة وتكحلت عيني بشوفتها روحي صارت بيها حتى غلطها وصياحها نزل مثل العسل على گلبي
جنة... شهكت وحجيت بغصة تاكد منصف اذا تاخذها راح تحكم عليه بالموت
باهر...وحدي الله خيتي وتعوذي من ابليس انتي مبينا قوية لاتخلين الشيطان يسيطر عليج
... على الأقل عوفها تكمل السنة لاتضيعها عليها اصال شاطرة ليش اتريد ادمر مستقبلها
منصف... انطيج كلمة واخذيها من. هالشارب اخليها اتكمل بس مو هالسنة لان ماكو نقل وانه ما اكدر اعوفها يمكن تاخذيها وتنهزمين واظل بحسرتها العمر كله
... تعبت واني اتوسل وماكو فايدة يأست وضاقت عليه الدنيا بكبرها كال صيحيها نروح
كتله على الاقل عوفها يمي بس هالليلة والصبح تعال اخذها انت بيها وبلايها مراح تكدر تسافر اليوم
رفض لان يخاف اخذها وانهزم
كتلة ابقوا اهنا بالهول واني وياها بالغرفة وافق كمت اجيبلهم افرش ودليتهم على الحمام
دخلت للغرفة دموعي ميقبلن يوكف من شفتها كبالي صرت مثل الطير المذبوح
.. هااا شصار وينهم
... بعدت نظري عنها رحت طلعت فراش وهي تفتر ورايه
.. هاي ششنو المن هذن عززا لاتكولين حيباتون اهنا
... هزيتلها راسي وطلعت
فرشتلهم ورجعت للغرفة حتى مسألت اذا متعشين او لا البيه مكفيني
.. جنة ليش ساكتة ومتحجين حياخذوني مو؟
... دفنت راسي بالمخده وكمت ابجي بصوت عالي اجت خلت راسها على ظهري حرارة دموعها يم ركبتي
اخذتها الحضني اني وياها ماعدنا غير الدموع اترجم حجم الألم والقهر البگلبنا
... ششلون اروح يم ناس ما اعرفهم شلون راح اكدر اعيش وياهم والاهم من هذا شلون حكدر اعوفج جنة گلبي كام يوجعني
... اروح فدوة الج والگلبج ياربي كون ميتة قبل لايجي هاليوم
.... اسم الله عليج يروحولج فدوة هما ومرجانة
...اذن الفجر واني وياها على نفس الكعدة ونفس الدموع كتلها كومي انصلي بلكي الله يرحم بحالنا
طلعنا توضينا ورجعنا صلينا سوا
سمعت صوتهم مبين كعدوا
اجة وكت الفراك اه يانار گلبي
وكفت الم ملابسها واني جسد بلايه روح اليوم راح ياخذون روحي مني
كتلها عوفي نصهن اني ماراح انركج وراح اسوي المستحيل حتى ترجعيلي
... محجيت شي كمت بدلت وبراسي الف وسواس وناوية اطين عيشتهم واخليهم يلعنون الساعة الأخذوني بيها
جنة.. رايحة اسوي ريوك انتي حتى عشا ممتعشية
... ما اريد كعدي لاتسوين شي دشوفي حالج وين بيج حيل توكفين
.... عادي لاتخافين ما اموت طلعت وعفتها
من شافني منصف كال وينها كعدت لوبعدها
....اي كاعدة عفتة ودخلت للمطبخ حيل مابية وجسمي يرجف بالكوة واكفة
اصال... اخذت فون جنة ودكيت على اميرة اعرف راح تخاف بس معندي غيرها طولت يلا جاوبتني ومثل متوقعت حجت بخوف
... الووو جنة شعجب متصلة هيجي وقت خوما صاير. شي
... اني اصال لاتخافين ماكو شي
... اصال شبي صوتج ليش تبجين
... فدوة اميرة تعالي يم جنة لاتعوفيها وحدها
... لج احجي مو متت من الخوف
... من تجين تعرفين سديتة منها ظليت كاعدة ورا شوية سمعت صوت اميرة وخالة طلعت من الغرفة منصف واخو كاعدين باوعوا عليه
دخلت خالة للهول ركضت الحضنها متت بجي
... سودة عليه كافي بنتي هاي شصاير بحالجن
... بعد 16سنة اكروني وصاروا حريصين عليه
خالة وكفت تحجي وياهم وتحاول تقنعهم يعوفوني وبدون فايدة عبالك تحجي ويا نفسها
.. ام وليد مراح اكول شي غير اتقوا الله بهالبنات مو من تالي وكت جايين تحرمون وحدة من الثانية ترى الشافنة مو قليل لاتصيرون انتوا والزمن عليهن
.... جنة تبقة امها وخالتها محد بينا يحرمها منها وشوكت تريد تشوفها هلا بيها
جنة.... اميرة كملت الريوك بدالي ودتة الهم
اصال مقبلت تخلي شي بحلكها
اميرة... الله لايوفق مرجانة تعالي احضنج ولج شلون راح اتحمل ما اشوفج
... همستلها جنة بأمنتكم بداعة ليث ديربالج عليها لاتعوفيها
.... جنة بعيونة انتي هم ديربالج على نفسج ادري بيج سباعية ممحتاجة توصية
... كملوا ريوك واجة وقت الوداع دخلت للغرفة لبست حجابي اميرة طلعت ملابسي انطتهميا
من شافني باهر كال هم زين لبستي حجاب
جنة... نترت بغضب اصال ملابستة حتى ترضيكم لابستة حتى ترضي ربها بنتي محجبة من هي صف سادس ابتدائي وتصوم وتصلي من ثالث ابتدائي الشرف والستر مو بس يمكم يا ولد الشيوخ
منصف...ونعم منج ومن تربيتج رحمه الله والديج خوية
... للاسف والدية عارات متجوزلهم الرحمة
شلت موبايلي خليتة بيد اصال هذا خلي يمج اخابرج عليه
منصف... خوية خلي عندج انه اخذلها غيره
... بروح ابوك عوفه يمها ولاتاخذه منها لو حتى من صوتها هم تريد تحرمني
...هذا هو خلي يمها ماعاش اليحرمج منه
... وكفت كدام جنة نزلت على رجلها بستها عاطت لج كومي شجاي تسوين.
رجعت حضنتها وحجت بصوت عالي انتي كل اهلي انتي امي وابوي وعشيرتي كلها تختصر بيج ماعندي ولا راح يكونلي اهل غيرج
.... بوستها بكل مكان بوجها حتى من ايدها
وانتي بنتي الماجابتها بطني اروح فدوة الكل حرف من حروف اسمج
..... بالكوة وخرت منها ودعت خالة واميرة وطلعت بدون ما اندار لان احس قلبي على دقيقة يوكف
صعدت بالسيارة بهذا اليوم ودعت بغداد العشت بيها ايامي بحلوها وبمرها ودعت جنتي وما ادري راح يجي يوم ارجع انجمع وياها لولا
راح اروح يم ناس عمري مشايفتهم ولا اعرفهم ورايحة المحافظة ما اعرف شي عنها غير اسمها.......
يتبع
رواية بنات الغجرية الفصل الخامس والعشرون 25 - بقلم بسمة البياتي
_بنات الغجرية _
( بقلم بسمة البياتي)
_البارت الثالث والعشرون _
مشت السيارة باهر يسوق. ومنصف كاعد بصفة واني ورا
دموعي مسكتن منظر جنة ميروح من بالي وصوت بجيها لهسه باذني
منصف كل شوية يندار يباوع عليه
كرهتها اكثر من قبل لوبيده احركة هو مرجانة
منصف... بوية عيونج راحن كافي بجي
... معليك بيه يقتل القتيل ويمشي بجنازتة والله يا الله
باهر... يبتلي على عمره اليحجي وياج كلمة
... يكون افضل لو متحجون وتكرموني بسكوتكم
... اكلك منصف انه بحياتي محد غالط عليه من البارحة ولليوم شبعت مسبة صرت ثور وزبالة وادور مكسرات
منصف... ههههههه اليكول مترزل وحدك
اصال... استفزوني كتلهم والله محد كاللكم تعالوا عليه اليدك الباب يسمع الجواب
باهر... وهسه انتي منو حجة وياج انه واخوية ليش تحشرين نفسج
... درت راسي على الشباك عود يقلدني تهي بهي
كل شوية ادز مسج على فون اميرة اطمئن على جنة
وهي تجاوبني تكول مابية شي لاتخافين
ما اعرف اشكد السيارة مشت ووين احنا فقدت الاحساس بالوقت وجع گلبي طاغي على كل حواسي
وكفت السيارة يم مطعم
منصف... انزلي نتغدا انتي حتى ريوك ممتريكة
.... ما اريد اسمم والف مرة كتلك معليك بيه
... لا اله الا الله بنتي بطلي عناد الطريق طويل ميصير تبقين جوعانة راح تتخربطين
... يطبني مرض كون اموت قبل لا اوصل البصرتكم واعيش ويا ناس مثلكم
باهر...جوابها بطارف لسانها تغلب عجايزنا بسوالفها
.... اني مخنوكة منك وادري بنفسي تالي اخلي قهري كوله بيك واخليك تنام مستشفى اليوم
... وعلي انه الروحي طكت منج وخايف لا ابتلي بيج
.. عششتو يبتلي بيه مو تايهتلك ابن ابوك وتعال مد ايدك عليه وراح اشوفك اصال منو
.... منصف على ششنو تضحك سكت بنتك هاي اذا حجت هيجي كدام احد تخزينا
منصف.. ههههههه امشينا انجيب اكل عوفها بعدها اصغيرة ومقهورة
... نزلوا وقفلوا السيارة يخافون لا انهزم اتصلت على تلفون اميرة
اول مرة مجاوبت بالمرة الثانية يلا
... هلا حبيبتي اصولة
... هلا بيج وين جنة
... هااا نايمة
... انتي وين؟
.. بالبيت
... اميرة جنة شبيها وشنو هالهوسة اليمج فدوة احجييييي جنة شبيها
... لج لاتعيطين والله مبيها شي لاتخافين
... لعد احجي وينها انطينيها اريد احجي وياها
... احنا بالمستشفى
... عززا عزززا وتكولين مبيها شي
... خررب غيرتج شكو تلطمين ولج ضغطها نزل لان مماكلة ولا نايمة هسه شكلولها مغذي وصارت احسن بس يخلص انطلعها
... احلفي مبيها شي
... وادعت ليث مبيها شي بس ضغطها نزل
.... مسحت دموعي ماشي خلي ترتاح بوسيها الي وكوليلها لاتنقهر ولاتخاف عليه مصيري ارجع خلي يوكفولي اله اخبلهم
... هههههه كدها ادري بيج تخبلين عشيرة كاملة ولاينخاف عليج
انتي هم صوتج تعبان اكلي شي لاتظلين بدون اكل انوب ينزل ضغطج مثلها
ماشي لاتشغلين بالج
سديتة منها خليت ايدي على حلكي وكمت اشهك سودة عليه جنتي بالمستشفى واني مو يمها الله لاينطي كلمن جان السبب
منصف... شجاج من نزلنة جنتي ساكتة شبيج
... هم الك عين وتسسسسألني الله لاينطيكم جنة بالمستششئشفى بسببكم والله اذا صار عليها ششششششي اشششرب من دمكم
باهر... كافي عياط فهمينا شبيها خالتج
... اشششك اهدومي اكوله بالمستشفى يكولي ششبيها
منصف.. صوتج راح من الصراخ اذا اظلين بهالحالة انتي هم تتخربطين اهدي واحجي منو كالج جنة بالمستشفى وشبيها
... اميرة كالت ضغطها نازل ومتخربطة
... ماعليها شي لاتخافين
... ششنو من گلب عندك حجر خوما حجر
باهر... امشي اخذج للحمام تغسلين وجهج صار بلون الطماطة
.... هالمرة مناقشتة ولاعيطت محتاجة اروح للحمام واغسل لان احس راح فعلا اتخربط
مشيت ويا
باهر...كون دوم هيجي حبابة وتسمعين الكلمة
... ترى ارجع والله
... هسه انه شكلت عمييييي سكتت توبة ما اعيدها
... دلاني على الحمام دخلت غسلت شوية صحصحت من طلعت واكف ينتظرني
رجعت للسيارة وبعد محجيت وياهم
جانوا جايبيلي اكل توسلوا مقبلت اكل ولا عبرتهم
الطريق طويل الدوخة زادت عندي وعيني ثكلت جنت اكابر واسوي نفسي عادي
باهر... اكلي شوية لاتظلين معاندة
زين نامي وارتاحي بين منوصل
اووف من العناد
.. وصلنا للبصره وتحديدا للمنطقة الساكنين بيها
استغربت من شفتها عبالي قرية وبيوت عادية
اشو طلعت حلوة واكثر وبيوتها فخمة
باهر.. الحمدلله على سلامتج والله يستر من لسانج
منصف... ههههههه خايف منها
... الله وكيلك قنبلة مؤقوتة وراح تنفجر بوجه الكل
.... اسمعهم وما اكدر اجاوب مبيه حيل مسطورة ودايخة
وكفنا كدام بيت يخبل
منصف.. نزلي البيتج بنتي
.... اني بيتي ابغداد مو اهنا
حجيت بداخلي عايش بالعز واني وجنة اجتنا ايام اللكمة حسرة علينا
وهسه صار بيتي وعندي اب ههه
نزلت من السيارة لازمة نفسي حتى لا اوكع
باهر صار بصفي وهمس من ورا عنادج حتى حيل مبيج اشكد راسج يابس
... صكيت على اسناني هسه انت شعليك قابل اني شاكيتلك
طلعوا من البيت ثلاث. ولد صغار اكبرهم يمكن عمره 12 سنة اجوي يركضون على منصف اخذهم الحضنة
كاللهم شوفوا شجبتلكم هاي اصال اختكم الجبيرة
شششنو شوف شجبتلكم احد كايلك اني العابة يلعبون بيها
...يتورط اليغلط كدامج بكلمة
بوية هاي اختكم راح تعيش ويانة وتنور بيت ابوها
... اني معندي لا اب ولا اخوان
باهر... يرادلها گلب هالكبرة فوووتي جوا
... الجهال صافنين عليه فتت جوا صوت هواي نسوان اخذوني للديوانية كومة نسوان كاعدات وكلهن عينهن صارت عليه
منصف وباهر سلموا عليهن
اكو مرة جبيرة كالت خايب منصف لاتكول هالبت الحلوة هي بنتك
باهر.. شفتي الحظ منصف الاجلح طلع مخلف هالحورية
... اللهم صل على محمد وآل محمد تعالي يمه ابوسج
باهر.. انلاصت وعلي
... زفرت بضجر احترام العمرها رحت يمها سلمت عليها
وبدون ما احجي شي رجعت وكفت بمكاني وهذا باهر ولايسكت
كال شعجب رحتي سلمتي عليها بدون ماتغردين وتقسمين
... هو غير يسكت ويفضني شلون ورطة هاي
... اششش الله لايثرد الاحد بماعونج
.. اجني نسوان اثنين بوسني والباقيات كاعدات يباوعن عليه من فوك ليجوا
بنين.. انه عمتج بنين وهاي عمتج بيداء فدوة الهالخلقة مال كرط
منصف.. ام سيف ليش مكمتي سلمتي
... كامت من ورا خشمها باستني واني حتى مبادلتها السلام
يحجون ويسوالفون واني واكفة بمكاني الدوخة عاميتني متحملت نترت بغضب
احد كايللكم اني مزهرية حاطيني وتتفرجون عليه اريد مكان انطمر بي
... حقج بوية اكيد تعبانة بنين رحمه الاهلج اخذيها الغرفتها
... مشيت وياها واني اسمعهن يتهامس عليه
بنين.. شبيج ضايجة حبيبة
... اي قابل من شنو اضوج اصلا لأزم اشد وصلة واركص احتفالا بجيتي السعيدة الهالمهجوم
... اسم الله خايبة بيش طالبتة وسويتي مهجوم
... بكيفي واحجي اليعجبني
... هاي غرفتج وهذا الحمام قريب منج هذا الطابق بس الج والسيف اخذي راحتج بي
. دخلت للغرفة مثل غرفة الاميرات كولشي بيها وردي مرتبة وحلوة
ههه عبالة اذا جابلي هيجي غرفة راح اتقبلة
صعدولي ملابسي بدلت طلعت غسلت ورجعت تمددت
فتحت الفون اتصلت على اميرة. وهالمرة جنتي جاوبتني
من كالت الووو. دموعي جرن سكتت واسمع صوت شهكاتها وبجيها
بالكوة حجيت شلون صرتي ياروح اصال
... شششلون اصير واني كطعوا الهواء مني
.... لاتبجين يروحون فدوة الكل دمعة نزلت من عينج
... انتي شلونج وصلتوا لوبعدكم
... اي وصلنا
... شلونهم وياج
...عدلي السؤال وكولي انتي شلونج وياهم
... حبيبتي لاتسوين مشاكل الخاطري والله اخاف عليج هذولة عشاير طبعهم يختلف عن طبعنا ميحبون البنية التلاسنهم اخاف ياذوج
... عشاير على روحهم مو عليه الزلمة البيهم خلي يندك بيه وشوف شراح اسوي
... كلامج ديخوفني فدوة حبيبتي تحمليهم هالفترة الحد ما الكي حل وارجعج يمي
... ماشي عمري مراح اسوي شي جنونة امانة ديربالج على روحج ترى معندي غيرج لاتاذيني بيج
... اني عايشة علمودج والله لاتخافين عليه وانتي اهتمي بنفسج وبأكلج لاتهملين روحج
وهسه روحي ارناحي ادري بيج تعبانة
.. سديتة منها حظنت المخدة ورجعت بجيت ربي ارحمني الديصير بيه فوك طاقتي
اني شسويت وهيجي دتعاقبني انحرمت من اغلى انسانة الي بالهدنيا شلون حكدر اتحمل فراكها
بنين...خوما نمتي جبتلج اكل كومي حبببة اكليلج جم لكمة سندي گلبج بيهن ابوج كال طول اليوم على لحم بطنها وممخلية شي بحلكها
.... ما اريد منكم شي عوفوني بحالي لاتظلون كل شوية طابين طالعين عبالك كاعدة بگراج العلاوي مو بغرفة
... هههههه باهر كالي ديربالج من لسانها مصدكتة هذا الاكل يمج من تجوعين اكلي
... عافتني وراحت اني من التعب والدوخة بسرعة غفيت
مدري اشكد نمت فزيت احس جسمي مشتعل نار وعظامي تصل عليه من الوجع كمت اون عبوني ثكال ما اكدر افتحهن
كلما اغفى افزع من الوجع حسيت ايد باردة تخلت على كصتي وصوت يمي
منصف... هاي مصخنة ليش عايفيها وحدها ومحد منتبه عليها
بنين... من جبتلها الأكل ضاجت كالت لاتبقون طابين وطالعين اريد انام
... بوية فتحي عينج واحجي وياي شنو اليوجعج
... ظليت مغمضة معندي طاقة اجاوبة
... بنين كوميها اخذها للمستشفى
... اجت بنين تريد تكومني نفضت ايدي منها رجعت تغطيت
... موزين تبقين هيجي لاتعاندين كومي
... حجيت بصوت تعبان ما اروح الاي، مكان بلكي اموت واخلص منكم
بنين... اسم الله عليج
منصف عوفها انه راح اسويلها كمادات وانت روح جيب دكتور قاسم بلكي بنطيها علاج
... بنين ظلت تسويلي كمادات جنت افز من برودت المي
ورا شوية سمعت صوت واحد يحجي بس منتبهت شبحجون
رجعت نمت وهالمرة بعد محسيت بشي
كعدت نص الليل عركانة ملابسي مي ردت احرك ايدي انتبهت مربوطة بشي باوعت بيدي كانولة واكو مغدي معلك
انداريت للجهة الثانية شفت وحدة نايمة بصفي ومنطيتني ظهرها نسيت اني وين وشصار ويمكن عقلي الباطني وهمني وخلاني اتخيل البصفي جنة حضنت ظهرها واشم بيها بس عطرها يختلف عن عطر جنة
فزت واندارت عليه حجت بصوت نعسان شلون صرتي
ابتعدت منها همست انتي مو جنة اذكرت اني مو يم جنة كمت ابجي بشهكة من الخنكة والحسرة البصدري اختنكت
بنين... اسم الله بنيتي يااا شجاج هاج شربي ماي سودة عليه لاتبجين اعتبريني مثل جنة
... صحت بقهر واني اشهك محد مثل جنة اريدها حرام عليكم حموت بلياها ارحموني وارحموها
.. اهدي بعد گلبي انتي تعبانة ومريضة عهد عليه من تصيرين زبنة احجي ويا منصف عسى ولعلى يرجع الها
.... صدوك حتحجين ويا لو جاي تضحكين عليه
...وداعت وليدي راح احجي ويا
اكوم اجيبلج ملابس بدلي حتى لاترجعين تتمرضين
.. جابتلي ملابس ساعدتني بدلت فصلت المغذي عن ايدي كمت واني استند على الحياطين رحت للحمام غسلت
دخلت للغرفة بنين ماكو رجعت للفراش ورا شوية اجت بيدها صينية بيها كاسة شوربة
.. بداعت جنة شربي شوية حتى تتقوين
... عفية والله نفسي متريد
... حلفتج بالغالية بس شوية ضوكها اشكد طيبة
... شربت شوية وراها انطتني علاج اندكت باب الغرفة دخل منصف
كال شلون صرتي بالي يمج ماكدرت انام
.. هه ابد ميلوكلة دور الأب الحنون درت راسي للجهة الثانية ومجاوبتة
بنين.. لايظل بالك الحمدلله وضعها احسن روح نام انت هم تعبان وجاي من سفر
... عافنة وراح تمددت اجت بنين يمي كالت ليش مجاوبتي خطية لو شايفتة شلون جان خايف عليج
...هههه خايف عليه وصارلة سنين شامرني وميعرف شي عني وبعد كالهسنين صار، اب براسي
... هو لو يدري بوجودج مجان عافج ولايوم
... عفية سدي الموضوع اذا تظلين ادفعيلة عوفيني وطلعي
... ههههههه سكتت انه ماصدكت حجيتي وياي جنت مايسة منج خفت على لحظة وتكبين عليه
... مبين عليج طيوبة انتي وهذاك اخوج ابو لسان
... هههههههه انعل يومج والله لويسمعج يعلكج بمكان البنكة
. وداعتج سمع الاضرب من هالكلام
... صخام وشكال
... كولشي مكال اكولج منو شدلي الكانولة والمغذي
... ابن عم ابوية دكتور وبيتة قريب علينا راح باهر جابة شافج وكتبلج علاج
... عزززا خوما جنت بدون حجاب
... رجال جبير موصغير وجنتي مستورة مشاف منج شي
هنيالها جنة عليج اشكد تحبيها
... فز قلبي من ذكرت اسمها شلون ما احبها وهي روحي من الدنيا
..... خايبة طول اللبل تهذين باسمها وينج جنة اريدن جنة تعالي جنة
... فدوة العمرها
انتي. عايشة بهذا البيت؟
.. لا حبيبة انه عندي بيت بنفس الفرع اليوم بقيت اهنا علمودج
.... يعني مزوجة؟
... اي ماخذة ابن عمي وعندي وليد واحد اسمة حسن عمره عشر سنوات
... اهاا ربي بحفظة الج بس بعدج صغيرة مو كولش جبير
... ازوجت وانه عمري 16 سنة وبداية زواجي صار عندي حسن وبعد مصار عندي والحمدلله على كل حال
.... اهاا ربي يرزقج باخو الحسوني
منصف كم طفل عنده
.. هههههههه خايبة كولي بوية يابة بابا مو فد شطحة منصف
.. اهووو بطلت ولا اريد اعرف ولو اموت ما اصيحة بابا اني معندي اب
. ماشي لاتتعصبين منصف عنده ثلاث ولد سيف ومنتظر ومحمد
... وبنات معنده
... اخاف اكولن عنده انتي وتعطين بيه
.. على اساس هسه انتي مكلتي
...هههههه خايبة نعست خلي انام وراية كعدة من الصبح باجر اسوالفلج على كل العشيرة
...كعدت تفريبا ساعة عشرة بنين مموجودة اول مفتحت عيني لزمت التلفون اتصلت على جنة
اول مرن رفعتة وجاوبت بالهفة
الووو اصال وينج من البارحة كومة اتصلت عليج وانتي ماكو
. جنت تعبانة ونايمة شلوتج عمري
.. موزينة بدونج انتي شلونج
.. . حالي نفس حالج
...شبي صوتج ليش هلكد تعبان
.. مابي شي لان هستوني كعدت من النوم
... تريكتي
لابعدني
... اصال اكلي ما اريد تتمرضين
لاتحافين عليه راح اكل انتي هم ديربالج على صحتج
.. ان شاء الله حبيبتي اليوم اشتري تلفون واتصل عليج منه تلفون اميرة من البارحة يمي عيب اريد ارجعة
.. ماشي عمري
سديتة منها وكمت غسلت ورجعت للغرفة
جنة.. حياتي بدون اصال جحيم بمعنى الكلمة دموعي ليل ونهار يجرن عليها البيت بدونها مثل الگبر مرات افتر بي مثل المخبلة ادور على صوتها
من اتعب اروح انام بفراشها واحضن ملابسها
اكلي صار قليل ونوم بالكوة انام صحتى يوم بعد يوم دتدهور
حتى للصااون ما اروح خالة الله ينطيها الصحة والبنات متركوني دوم وياي اميرة كامت تبات يمي متعوفني وحدي
منصف قبل لاياخذ اصال ويسافر اخذت منه رقمة يومية اتصل عليه اتوسل وابجي وماكو اي نتيجة جوابة مثل كل مرة اني مصدكت لكيتها شلون تريدين ارجع اعوفها
اشب وانطفي من القهر وهو ولا يمه
اصال من تحجي وياي امثل دور القوية واحجي عادي واني داخلي يتكطع
مرات اكول احسن خلي تعيش يم ابوها اذا بقت يمي يطيح حظها مثلي ومرجانة مراح تعوفها بحالها والناس اذا عرفوا اصلها ومنو بيبيتها حتى زواج مراح تتزوج
ويرجع گلبي يكولي لا هاي انتي الربيتها وشفتي الضيم علمودها محد اله حق بيها غيري هاي بنتي اني
اميرة.. جنة الى متى حتبقين هيجي حابسة نفسج ومأذية صحتج لا اكل ولا نوم وبس بجي دشوفي شصاير بحالج
... شسوي قابل بيدي لج فراكها دمرني تعرفين يعني شششنو دمرني
....حقج والله حقج ومحد يلومج بس هم ميصير هبجي تاذين نفسج اصال يم ابوها مو يم واحد غريب وهي مو صغيرة اعتبريها مزوجة
قابل انتي جنتي حتبقيها طول العمر يمج هم يجي يوم مصيرها تتزوج وتتركج
فكري بنفسج جنة انتي هم لازم تشوفين حباتج وتكونيلج عائلة مادامج بعدج صغيرة اذا تكبرين منو الج
... مو جربت اعيش حالي حال الناس وفشلت كوليلي منو اليرضى ياخذ وحدة امها غجرية كاولية
حتى التقدمولي كلهم كبار بالعمر ومطلقين لو زوجاتهم ميتة ويريدوني مربية الاطفالهم
اني المثلي صعب تعيش حالها حال باقي البنات لان عار امها يظل يلحكها للموت
... اول مرة اشوفج هيجي ياسة ومستسلمة
... لا مو ياسة هذا الواقع لا اني ولا انتي نكدر انغيره
... زين عوفج من الزواج ارجعي للصالون اقلها تلتهين وتنسين همج شوية
... ماشي باجر ان شاء الله اجي وياج
اصال... مرت كم يوم واني حابسة روحي بالغرفة الأكل يجي اليمي منصف هواي حاول يقرب المسافة بينا واني اصده اخير شي تعاركت ويا كتلة ما اريدك بعد تجي للغرفة
مرتة اسمع صوتها ومرات تجي تجيبلي الاكل سبحان الله لا اني اطيقها ولا هي طايقتني مبينا على عمى عينها متقبلتني
بنين الوحيده ارتاحلها واكعد اسوالف وياها تعودت يومية تجي يمي
كاعدة ويا بنين اندكت باب الغرفة صوت باهر كال يا الله يصير افوت
بنين... فوت خوية
فتح الباب ومد راسة ابتسم كال اريد الوكحة اتكلي فوت احاف تطردني انه هم مثل ابوها
... ابتسمت كتله والله اذا رجعت كلت ابوها اكيد تنطرد
باهر...ههههه لاطرديني ولا اطردج عندي سالفة وياج احجيها وارد منين ماجيت
.. اجة كعد كبالي اي شنو هي السالفة واذا جاي تنصحني اتقبل اخوك واصير البنية المطيعة وهو الاب المثالي ونعيش عيشة سعيده
اذا هذا موضوعك لاتحجي احسن
...على كيفج بوية اكلتيني اكل يتورط اليكعد وياج
... والله انت اجيت عليه مو اني صحتك
.. هههههه تحمليني هو انه الله غاضب عليه وجابني عليج
ادخل بالسالفة احسن شوفي بنتي اليوم اخواني وعمامي يجون يريدون يشوفوج ويتعرفون عليج
... لا اشوفهم ولايشوفوني اصلا زين مني احجي وياك انت وبنين احمدو الله
بنين. ههههههه اطكها بالكصة ولاتعرف اتجذب
باهر.... سمعيني بالأول وبعدين قرري بوية احنا ناس عرب واي تصرف غلط يعتبر عيبة بحقنا
اخواني وعمامي موصغار زلم الهم هيبتهم الناس كلها تحترمهم هما لوما حبن بيج مايجون بنفسهم حتى يشوفوج
.... قابل اني قردة ويجون يشوفوني ويتفرجون عليه
.... حشى القردة انتي بلوة وعقاب من الله دزة الاخوية
... دام اني عقاب وبلوة شجابة عليه
... ههههه حظة المصخم
اصال جديات عيب ماتنزلين
.... ما انزل ما اريد اي شي يربطني باخوك انتوا ناس غربة وتبقون غربة بالنسبة الي
... ترضين يحجون على خالتج ويكولون ماعرفت تربيها؟
.... شحد اليكول اكص لسانة واخلي بيده
.... اذا مانزلتي وفشلتيهم راح يكولون خالتها ممعلمتها الاحترام باباتي الميحجي كدامج راح يحجي وراج
خالتج تعبانة على تربيتج لاتجيبلها كلمة موحلوة بحقها
نزلي سلمي عادي وتعرفي عليهم مو الخاطر ابوج الخاطر خالتج
... تحسرت ماشي حنزل الخاطرها والله
... عفيه عليج واهم شي ضبي لسانج وعد اذا عدا هاليوم على خير اطلعج افترج بالبصرة واي مكان يعجبج اخذج اله
... ممممم ماشي اذا تراجعت بكلامك افضحك والله
.... شنو مارايد روحي واتراجع
... ورا المغرب لبست دشداشة مستورة ولفيت الشال اجتي بنين كالت اجوي تعالي نزلي
نزلت وياها دخلنا للاستقبال متروس زلم عززززا هذولة كلهم عمامي جنت داخلة بثقة اشو من شفتهم خجلت.......
يتبع
رواية بنات الغجرية الفصل السادس والعشرون 26 - بقلم بسمة البياتي
بنات الغجرية _
( بقلم بسمة البياتي)
_البارت الرابع والعشرون _
... ورا المغرب لبست دشداشة مستورة ولفيت الشال اجتي بنين كالت اجوي تعالي نزلي
نزلت وياها دخلنا للاستقبال متروس زلم عززززا هذولة كلهم عمامي جنت داخلة بثقة اشو من شفتهم خجلت
المرة الجبيرة لشفتها هذاك اليوم هم كاعدة واكو وياها نسوان
كالت سلمي على عمامج يمه ولاتستحين ماكو غريب
... حجيت بگلبي هاي بس لا تريدني اروح ابوسهم واحد واحد بس هاي العايزة
اكتفيت بكلمة هلا بيهم
صاحتني اكعد يمها اشرتلي المكان بينها وبين رجال شفتة جبير مو صغير عادي كعدت
فاضل.. هلا يبعد عمج شلونج بنيتي ان شاء الله مرتاحة
..اكتفيت بالأبتسامة لان بس احجي اخرب الأول والتالي شمرتاحة يحضي
ام فاضل... هذا عمج الشيخ فاضل ابني الجبير
وهذاك عمج رحيم
.. اني مثل الثولة بس اهز براسي عرفتني على عمامهم كلهم كبار بالعمر بس اكو شباب اثنين واحد ابن الشيخ فاضل والثاني ابن رحيم علي وخالد
صح اني كارهتم بس طبعهم حلو وكعدتهم تونس كلهم مبينين طيبين ماعدا رحيم گالب خلقتة مدري شبي
فاضل. بنيتي تعالي البيتنا وتعرفي على بناتنة لاتظلين حابسة روحج بالغرفة انتي منا وبينا لاتحرمينا منج
منصف... اي والله خوية احجي وياها حتى انه حارمتني منها
.... حقها ومحد يلومها من تالي عمرها طلعولها اهل وكرايب اكيد موبسهولة تتقبلهم اصبر عليها الصار كله من ايدك لازم تتحمل
... خوية ردتك تحجي وياها مو تقويها عليه وتخليها تقفل بالزايد
... اني كاعدة احمس بروحي اريد اجاوبة بس مستحية من الشيخ لان مبين خوش انسان وحباب
رحيم... دامج صرتي منا لازمين تنسين حياتج القديمة
... رفعت راسي وباوعت عليه بتعجب وشبيها حياتي القديمة؟
... بوية حياتج اهناك غير عن اهنا واي شخص من هذيج العائلة انسي
... انسى الدنيا كلها وما انسى جنة تبقة هي النفس اليصعد وينزل وكت الاموت وينكطع نفسي هذاك الوكت تطلع جنة من حياتي
.... مو هي رفعة راس وهيجي هيج كاتلة روحج عليها خالتج بنت امها والخلف على الخلفوا
.... لو ضاربتي طلقة ولا هيجي حاجي الحرارة صعدت الرأسي اريد اكوم امخلة ردت اعيط باهر باوع عليه واشرلي براسة اسكت اذكرت كلامة هسه اذا حجيت شي وأجاوزت راح اثبت للكل صحة كلامة راح يكولون هاي تربيتها
باهر.. حجيك ممقبول ابو علي خالتها ليرة ذهب ربت ونعم ماربت
منصف... جنة فضلها ما انسى الحد ما اموت الله يحبني خلى بنتي عدها
فاضل... افا عليك خوية مامرجية منك
هاي عود انت ابن دلة وديوان وهذا كلامك شبقيت للغريب احنا من شوكت صرنا نطعن باعراض الناس ونعيب اخلاقهم
الحجيت عنها خالة بنتنا ربتها وتعبت عليها بالوكت الاخوك عايف بزرتة وموداري شي عنها
... شبيكم انه شحجيت حسبالي البت مثل امها والكل اهنا يعرفون منو امها.مرجانة سيطها يلعلع صايرة انگس من قبل
.. مصيبتي اشكد احاول اظل ساكتة ما اكدر متحملت كتلة مبين متابع اخبارها بس لاتطلع من جماعتها
العيون كلها اتجهت عليه
عاط بيه منوووووو من جماعتها اذا اكوم ادوس راسج احد يمنعني
الشيخ... صوتك لاتعلي انه امنعك جان استحيت مخلي عقلك بعقلها مو حتى احفاد صار عندك شوكت تبطل سوالفك انت جاي تسلم عليها لو تهينها
... رحيم بعد محجة شي ظل يخزر بيه عمامة هم حجوا عليه اختنكت ترخصت اريد اروح
لزمتني ام منصف الي هي بيبيتي كالت وين رايحة لاتضوجين حبيبة عمج عصبي بس گلبة طيب ظلي كاعدة
.. عادي مصار شي ومضايجة بس اريد اروح للغرفة
.. يمه عود نزلي ولاتظلين حابسة نفسج بالغرفة الكعدة وحدج تكدر الخلك
ام سيف.... من يوم الأجت وهي معلكة فوك حتى الاكل نصعدة الها ومن تخلص نرجع احنا انزل الصينية
.. هو اني روحي طاكة انوب هاي عليه خزرتها ومشيت سريع صعدت فوك
ظليت الوب اريد شي افرغ بي غضبي شششلون حتحمل هذولة الناس ما ادري
بنين صعدت تهدي بيه تكولي لاتضوجين رحيم هذا طبعة ويا الكل هيجي
مجاوبتها ظليت اكل بروحي من العصبية
من شافتني ساكتة نزلت وعافتني
من صبوا العشا اجت بنية يمكن بنت اخت ام سيف بيدها صينية
كالت هذا عشاج
اني اريدها من الله حتى انفجر كتلها اخذيها وياج انطيها الخالتج خلي تشبع بيها وتترس كرشها وبعد الي يجيلي شي. اضربة براسة
كالت بكيفج اخذتها ونزلت طلعت وراها وكفت يم الدرج اريد اسمع شيكولون
سمعتها تحجي بعصبية شفتي عمة شلون تربية فوك مجاي انداريها لسانها اطول منها انه وبنات اختي صايرات خدامات الها ومعاجبها بس باقي نصعد انحط الأكل بحلكها
... نزلت اركض وأخيراً راح اطلع قهر گلبي
وكفت كبالها من شافتني سكتت كتلها ليش سكتي كملي
... شششكو نازلة مثل البارود شكمل
.... انتي منو صخم وجهج وكالج صعديلي زقنبوب
... شوفي لج لا حسبالج انه ابوج واسكتلج اطولين لسانج اكصة الج انتي اهنا بيتي تنجبين وتسكتين هم نزل وهم يدبج على السطح
... اي مو كاعدة بيت الخلفج لج لاتخليني اخليج براسي واهججج من هالبيت باليلة سودة اذا عبالج تكدرين تفرضين سيطرتج عليه وتاخذين دور مرة ابو ساندريلا وتخليني خدامة الج انسي هاي باحلامج اني هذا الكلام ميوكل خبز يمي
ام منصف... يااا شجاكم خايبة زهيرة انصمي وسكتي وانتي بيبي عيب تحجين هيج ويا الاكبر منج
... لا مو عيب وبعد اذا اندكت بيه اسوي اكثر
منصف... شنو هالصياح صوتكم طالع البرا
باهر.. مو كتلك هاليلة مراح تعدي سلامات
ام سيف.. ترضاها بنتك تنزل تصيح عليه وتغلط وانه ممسويتلها شي بس دزيتلها العشا
.... ما اريد شي منكم واكلكم بعد ما اخلي بحلكي كدام الكل تهيني علمود ماعون اكل
... حلفي بالعباس انه هنتج علمود اكل ردتج بس تنزلين ويانة وماتظلين وحدج فوك
.... هم. حية وهم جذابة
.. سسسسسمعتها شكالت
منصف... صوتج ما اسمعة واذا حسبالج راح افوتلج السالفة الحجيتها كدام الخطار، انتي غلطانة انه سكتت احترام للموجودين ولو جان بيدي اكوم اكطع الحزام عليج
... هاي تاليها تهين ام ولدك علمود هاي
... هاي بنتي اليرشها بورد ارشة بدم
.... رفعتلها حاجبي وابتسمتلها
كلت اني بعد مالي مكان بهالبيت
طلع البيت بيتها واني نزل وادبج على السطح
منصف راد يضربها باهر لزمة
..... هذا بيت ابوج يعني بيتج والمعاجبة هو يطلع
... يبوووووو راح تهجم بيتي من تالي عمري انضرب وانهان اكيد رجعوا سوو سحر حتى هالمرة تاخذ خالتها
. توخروها من كدامييييي لا اخش بخطيتها
اصال... خالتي جوهرة ويوم التريد تتزوج متشارك مرة بزوجها بس ترى فكرتج عجبتني لهذا حذري مني حتى ما اهججج واخليها تصير ام البيت بمكانج
ههههههه كامت تكمز ومنصف وباهر فاتحبن عينهم عليه
درت ظهري اريد اصعد حجيت واني ماشية اكلج الخابصة الدنيا بي بعد ما اريده حشى نعمة الله هو حتى مينوكل لعد لو تعرفين تطبخين شجان سويتي كملت الدرج دخلت للغرفة واني مرتاحة فرغت عصبيتي بيها بس بقة رحيم اني اعلمة
جنة... وراه المغرب كاعدة ويا اميرة ودعاء، وثناء اندكت الباب
دعاء راحت تفتحة
ثواني ورجعت عافسة الوجهه قبل لا اسألها شبيج
دخلت مرجانة من شفتها وكفت لحيلي
مرجانة.. ههههههه خوش صديقات عندج وين ضامتهن عن امج
اميرة.. بعصبية بنات رجعوا للبيت
... راحن دعاء، وثناء اني الله ذب عليه برود رجعت كعدت واميرة بصفي
.... گلبي منطاني اعوفج وحدج كلت شلون اكدر ارتاح وبنتي حبيبتي باقية بوحدها
اميرة..ليش انتي هم عندج ضمير ومشاعر وتهتمين البناتج حالج حال باقي الأمهات
وهو منو سبب بقية جنة بوحدها مو حضرتج
... انتي بيا صفة تحجين وياي عم وليد خال بنية طلعي منها احسن وياريت لو تشوفينا عرض اجتافج اريد ابقة ويا بنتي بوحدنا
... اني اختها لاعبالج اصال صكارتج راحت راح تكدرين تستفردين بجنة اوصليلها وشوفي شلون راح اوكفج عد حدج
جنة... امورة عمري عوفيها تحجي اريد اسمعها للاخير
اي مرجانة كولي شنو سبب هاي الزيارة
مرجانة... بعد ما اعوفج راح ارجع اعيش اهنا
.. اهاا اي وبعد
... اريدج تتزوجين حالج حال باقي البنات هنا بشنو احسن منج
... اي واكيد عندح عريس الي
... اي طبعاً
.. ممممم ومثل كل مرة مال وجاه ومنصب وفلوس وذهب
اي وداعتج وبعد اكثر اذا وافقتي عليه حتى اصال يكدر يرجعها الج بلمح البصر يهزمها ويسفرها وتكدرين تعيشين وياها بعيد عن منصف واهله
امير...عجيييب يعني انتي بيدج انطيتها الهم وهسه جاية تريدين تهزميها بس لو اعرف لوين تريدين توصلين
جنة... اني اكولج لوين تريد توصل هاي الخطة حتى ارضخ المرجانة واقبل اخذ واحد من ربعها ومن اخذة راح يساعدني اهزم اصال واذا انهزمنة انصير اثنينا تحت رحمة مرجانة وجماعتها وبهذاك الوكت راح نمشي بطريقها ونصير مثلها
اميرو... انعل ابليسج شنو من مرة انتي لج حتى الشيطان يصفن عليج
.... لاتخبطين بكيفج منين جبتي هالكلام اني رايدتلج الخير اريد اشوفج مستقرة ومرتاحة
... كمت وكفت شلت المخدة مالت القنفات وتوجهت المرجانة
ششوفي يا امي العزيزة
الي جنت عايشة علمودها راحت
سنين واني الخاطرها تحملتج وتحملت قذارتج بس هسه خلص بعد ماكو شي اخاف عليه اصال يم ابوها بالحفظ والصون هسه من راح اموتج وادخل السجن راح ادخلة واني مرتاحة
قبل لاتنطق حرف صرت فوكاها وخليت المخدة على وجها خنكتها طلعت ضيم گلبي بيها كامت ترافس اميرة تسحل بيه ما اعرف منين اجتني هالقوة شوية وتموت جوه ايدي
اميرة كدرت تلزمني
مرجانة وجها صار احمر وتكح
... بنت القندرة تريد تموتني انكسرت ايدج باعار
... ردت ارجع اهجم عليها من خوفها طلعت تركض عطت وراها اياج توصلين عتبة الباب لان المرة الجاية محد راح يكدر يخلصج مني
ومن يومها مرجانة اختفت بعد مشفتها
اصال... زهراء مرت منصف لوبيدها تلزمني من ايدي وتشمرني بالشارع بس خوفها من منصف مسكتها
اكلها كمت ما احطة بحلكي ومنصف مبتلي كل وجبة يجيبلي من برا يحير شيسوي بس حتى يرضني ساعات اتعجب عليه شنو المخلي هيجي يتحملني واني ويا صلفة ولساني متبري مني
كمت من اضوج انزل جوا او بالاحرى انزل حتى اضوج زهيرة على كولتهم ههههه اطب واطلع بكيفي اذا اجوع اسوي اكل الروحي وهي تنجن تظل عينها عليه تخاف على غراضها وبيتها
اختها وبنات اختها اثنين ليل ونهار يمها هنا ينظفن ويطبخن طلعت وصخة كولشي متسوي لو ما اختها وبناتها البيت يخيس
بنين بومية تجي يمي هواي بنات اقاربهم اجوني واكثرهن حبابات
سالت بنين شعجب اخت زهراء هواي تجي وتبقة لليل
كالت حالتهم صعيفة يبقن اهنا حتى يستفادن
وزهراء تستغلهن بالطبخ والتنظيف
... طيح الله حظها يعني حتى الخير التسوي لازم بمقابل
.... هذا طبعها
باهر اجاني كال بدلي اطلعج مثل ما وعدتج
... طرت للغرفة بدلت جنت ضايجة ومحتاجة اطلع
اخذني فررني بالبصرة مجنت متوقعتها هيجي حلوة بصراحة تفاجئت بيها
اخذني كعدنا قريب من الشط
اصال.. اريد اسالج سؤال واريد جواب مقنع
.. اي وشنو هو؟
.. انتي ليش هيجي كلامج وتصرفاتج كلها بتهوور وعصبية ماعندج شي اسمه تفاهم
.. هذا اني وهذا طبعي ما اكدر اغيره ولا راح اغيره
... عليمن طالعة انه السامعة من منصف امج الله يرحمها جانت فقيرة ماينسمعلها صوت وابوج هم ففير بس وكت الينداس ابطنة يصير نار، وشرار
وحتى خالتج صح شفتها مرة وحدة مبينا انسانة قوية كلامها برزانة وثكل مو متهورة مثلج
بنتي لازم تغيرين طبعج انتي موصغيرة هالسنة لو مكملتها جان سنة التجي بالسادس
لا كلشي تأخذي بالصياح والغلط تدرين هذاك اليوم من اتجاوزتي على رحيم جانت كلمتج جبيرة لو ما فاضل سكتة جان الله الستر من ردت فعلة
....اهااة يعني الغلط مني مو منه عادي يحجي على تربيتي وعلى شرف خالتي متزعلون بس اني اذا حجبت عيب وغلط
... ومنو كالج قبلنا كدامج حجينا عليه وحتى بعد الكعدة فاضل ومنصف تعاركوا ويا
احنا لو ساكتيلة جان الج الحق تجاوبين بس اوف من لسانج واكف على طكة يريدها من الله حتى يغرد
... كتلك هاي اني وهذا طبعي ما اكدر اغيرة
... زين ابوج ليش ماتنطي فرصة وتتقربين منه بلكي تحبي وتتعودين عليه
... هسه اني اريد اسآلك اريدك تتخيل انت بهذا عمرك يجي عليك رجال يكولك اني ابوك ولازم تجي وياي وتعوف اهلك الربوك وتعيش بوسط ناس متعرفهم ولا شايفهم
حتى لو انت رجال وجبير راح تكدر تتقبل هالشي
... ههههههه ما اكدر اغلبج ابد رغم انه محامي وشغلتي اقنع الشخص المقابيلي، وادافع عن حقوق الناس بس كدامج افشل حتى مهنتي انساها
.... متكدر تغلبني تدري ليش لان البگلبي ميتسوالف
.... احجيلي شنو البگلبج اعتبريني صديق اخ انسي انه عمج واخو منصف
... باوعت على المي وبديت احجي تريد تعرف شبيه وليش اني هيج تريد تعرف شنو شعور طفلة ميجاوز عمرها خمس سنوات وهي تسمع صوت اغلى انسانة عدها وهي تنضرب وتصرخ
جنت اروح اوكف يم الباب واباوع من زرف المفتاح اشوف اكرم شلون يسحل جنة من شعرها ويدفر بيها وهي تخلي ايدها على حلكها تكتم وجعها وصراخها حتى لا اسمعها
اركض من يم الباب واختل جوا البطانية واني ابجي بصوت مخنوك هم خايفة على جنة وهم خايفة لايجي يضربني اني هم
ومن يصبح الصبح ويروح اكرم تدخل جنتي للغرفة تعبانة وعيونها مورمة تبتسملي وتاحذني الحضنها وكانوا مصاير شي واني حتى اخاف اسالها هذا ليش ضربج
جان من يجي تقفل عليه الباب بالمفتاح واذا تاخر واحتاجيت اروح للحمام تاخذني وتظل عينها عليه وعلى الغرفة تخاف يطلع ويشوفني
عبالي تخاف عليه لايضربني ومن كبرت عرفت خوافها جان اكبر من الضرب تخاف لا هذا الوحش يطمع بطفلة مثل ما طمع بيها
راح اكرم وبدت معاناة جدبدة الي هي الفقر والجوع مرات الخبزة منلكيها اشوف جنة فارشة السجادة وتبجي بگلب محروك تدعي الله يسهل عليها ويرزقها الخاطري لان خايفة عليه مخايفة على نفسها
تعلمت شتخلي كدامي اكله حتى لو شي ما احبه اغصب نفسي عليه ومن اخلص اكوللها الله اشكد طيب حتى لاتنقهر وتحس هي مقصرة بحقي
من داومت مدرسة واحنا بمنطقة راقية البنات يجيبن اشكال والوان من غير اليشترنة من الحانوت
صديقاتي يسالوني انتي ليش متجيبين شي وياج اجاوبهن اني ما احب اكل بالمدرسة بس بالبيت وصلت المرحلة كمت ابتعد عن صديقاتي حتى لايسالوني شي
وبالبيت مشاكل مرجانة وصديقتها متخلص يومية لاكيات واحد الجنة يريدن يبيعنها اله جنت اشوف الخوف بعيونها تمنيت لو بيدي شي واكدر اساعدها
اتصور حتى بنومها مترتاح باب الغرفة تقفلة وتخلي كومة غراض وراه وتحضني بكل قوتها عبالك راح يجي احد ياخذني منها
ومن يومها قررت اصير انسانة ثانية وادافع عن جنة حتى لو اجاوز عادي المهم احميها واخذ حقها من اكبر واحد
جنت حالفة بس اكبر اموت مرجانة واكرم وساهرة وكل واحد خلى جنة تبجي
بس للاسف دوم دموعها تنزل علمودي وبدال ما اخليها ترتاح هسه عذابها بسبب فراكي
حتى الانسان الوحيد الخطبها تركها بسببي لان خيرها بيني وبينا وهي اختارتني
باهر صافن عليه ويهز برجلة جرني حضني مدفعتة جلبت بقميصة دفنت راسي بصدره وبجيت
باهر... خرب روحك منصف كل هذا شايلتة بگلبج
.... اريد جتة فدوة ساعدني ارجعلها
... لاتبجين اليوم العب بي فلك خلي يوكفلي...
يتبع
رواية بنات الغجرية الفصل السابع والعشرون 27 - بقلم بسمة البياتي
نات الغجرية _
( بقلم بسمة البياتي)
_البارت الخامس والعشرون _
من رجعنا بالطريق باهر سألني
... اصال منو اكرم وشيصير الجنة قبل شوية جنتي منهارة مكدرت اسألج
... جان زوجها
.. شنو يعني جنة مزوجة
... اي جانت ونفصلت عنه من زمان
.. اشكد عمرها من ازوجت وليش جان يضربها
... يوووو هاي سالفة طويلة جنت صغيرة من ازوجت رجال اكبر من ابوها
... وليش وافقت تاخذة
.. موكتلك قصة طويلة جنة صح محاجيتها الي بس اني اعرف كولشي جنت اسمعها تحجي ويا خالة ام سرمد وعرفت بيها وافقت تزوج علمودي لان مرجانة هددتها اذا متوافق راح تبيعني
... انتي اشتحجين شنو تبيعج
... هههههههه لاتتعجب هاي نقطة بحر من معناتنة ويا مرجانة انسى الموضوع ما اريد اذكره
... ماشي برلحتج
... رجعني للبيت وهو راح جنت متأملة بلكي باهر يكدر يقنع منصف وارجع الجنة
مر يومين باهر اختفى يومية انتظرة وماكو
اجت بنين سألتها عليه
اكولج باهر وينه اشو مديجي هو جان يومية يجي ويا منصف
.. ياااا مادريتي باهر ومنصف تعاركوا وهسه زعلانين ميتحاجون
... عززا ليش
. خايبة علمودج باهر كال المنصف لاتظلم البت ورجعها الخالتها وحدة متعلقة بالثانية حرام تظلمهن وتخليهن يتحسرن على شوفة بعض
منصف تخبل يكوله من كل عقل تحجين انه ماصدكت جبتها يمي وخليتها جوا جناحي وهسه تريدني اعوفها
كلمة منا وكلمة من باهر صار مصايح بينهم اخوية الشيخ ورحيم ادخلوا ووكفوا ويا منصف كالوا البت بتنا وتبقة اهنا
ومن يومها منصف وباهر مايتحاجون
.... اووووف بس لو اعرف اخوج ليش مجلب بيه شمستفاد مني وباهر خطية صارتلة مشكلة بسببي
... عادي حبيبة يومين ويتراضون لان واحد روحة بالثاني وبينهم صداقة مو بس اخوة
... ايست فدمرة لا مفر من عيشتي اهنا
اني وجنة طول اليوم نتراسل ونتخابر
وياي لحظة بالحظة
كمت انزل اسوي النفسي اكل مليت من اكل الجاهز بنين خطية وقت الغدا اشتطبخ ادزلي
باليل كاعدة بالغرفة وبيدي الفون اتراسل ويا جنة اندكت الباب كلت منو
.. انه سيف
... فوت فتح الباب يحجي وهو مستحي كال هاي العلاكة ابوية دزاها الج
اجة خلاها يمي باوعت بيها جبس ونساتل وعصير
راد يطلع راجع اندار عليه
...انتي ليش انتضوجين منه وتكرهينا
. هههههه ومنو كال اني اضوج منكم واكرهكم
.؛ انتي كلتي انه معندي اخوة وما اريد ابقة يمكم
... اشرتلة تعال اكعد اهنا اجة كعد شوف سيوفي اني ما اضوج منك ولا من اخوانك ومن حجيت هذاك الكلام جنت متعصبة
اني مشكلتي ويا ابوكم مو وياكم
جااا هو ابوج انتي هم مو بس ابونة
.. شعجب امك مخليتك تصعد اهنا يمي
.... وامي شعليها بيه انه رجال محد يحاسبني وانتي اختي مو غريبة
هههههههه ونعم منك سيوفي
من صدوك تصرفاتة وكلامة عبالك رجال مو طفل ظلينا نحجي اني ويا
..... انه من ارجع من المدرسة دوم اطلع للشغل ويا ابوية وعمامي ووكت القرأية ارجع للبيت
من اجيتي ابوية كال هاي اختك اريدك تصيرلها حزام ظهر تحميها وتخاف عليها ومن انه ماموجود انت تصير بمكاني ابوها واخوها ولاتخلي احد ياذيها حتى لو جانت امك
... لمتت عيوني من كلامة كرصتة من خدودة واني من اليوم راح اعتبرك اخوية وسندي لان من صدوك حبيتك
صارت صداقتي قوية بي حنين عليه بشكل مو طبيعي اذا يطلع مايرجع اذا ميجيبلي شي امه متكدر تمنعة مني تخاف من منصف
بس منتظر ومحمد متخليهم يقتربون مني
صار خمس ايام مشايفة باهر اشتاقيتلة
اليوم المغرب اجاني منتظر كال بابا وعمو باهر، يردوج
مممم اكيد تراضوا نزلت جوا جانوا كاعدين بالديوانية
باهر من شافني كال انعل يومج عبالك صارلي خمس سنين مفاركج مو خمس ايام
.... ههههه خوش عليك عبالك تقشمرني بهالكلمتين لو مشتاقلي صدوك جان جيت وسالت عني
رحت يمه جرني باسني من راسي وكعدني بصفة
منصف صافن علينا كال ترى انه ابوج مو هو
باهر..انت اسكت معليك بينا
اصال... بعد لاطول عليه هلكد ترى لو ما انت وبنين وسيف جان من زمان هجيت من هالبيت
.. اي وكت ترديني اتصلي تلكيني يمج احنا جم اصال عدنا هي هالوحدة وتدلل علينا
... فدوة الگلبك
... لا هيج هواي من صدك كمت اغار بنتي انه ابوج مو هو شمالة حظي ماكاعد وياج
... منصف خليها كاعدة ولاتضوجها
.. عمي سكتنا نصبر والله كريم بلكي تحن علينا
... ظليت كاعدة ويا باهر شقة وضحك ومنصف من كل عقلة ضايج ومدلغم
لليل يلا راح
قبل لا انام دكيت على جنة
من كالت الووو
حجبت بصوت عالي ترى ميصير هيجي مششششششتاقة والحمزة
... مو بكدي على كولة حاتم كون انا طير وعندي جناح ياخذني وعليكم يوديني
.. الله الله صايرة تسمعين اغاني
.. شسوي من ضيمي شلونج يابعد جنة واهلها
....شلوني و اني محرومة منج اكبر امنية صارت عندي هي اشوفج واحضنج
.... طك گلبي من كلامها دموعي نزلن اصولتي بس هو الله وحده يعلم شلون حالي بدونج
... جنونة تعاليلي حتى لو بس يوم اشوفج ورجعي
.. كافي لاتبجين وعيونج اجيج
.. كولي والله
. والله خلال هلايام تلكيني يمج
.... فدوة رحتلج انتي منو يمج خوما تبقين وحدج بالبيت
... لا مو وحدي اميرة ابد متعوفني
... سلميلي عليها وعلى البنات وعلى خالة مشششتاقتلهم كومة
.. ماشي حبيبتي يوصل
سديتة منها وقررت اروح اشوفها
ثاني يوم رتبت وضعي وكلت الخالة والبنات
ام وليد... شلون تسافرين وحدج المكان بعيد
... مشتاقتلها والله ما اكدر اصبر بعد
.... اني اجي وياج ما اعوفج وحدج
.... دمعت عيني كمت بست ايدها وراسها بلياكم اني اضيع
اميرة.. والله لو ما الصالون والبنات جان اني هم اجيت وياكم مشتاقتلها العوبة
... اني واميرة نزلنا للسوك كومة ملابس واغراض اشتريتلها
ولميت باقي ملابسها اكيد محتاجتهن
تحظرنا اني وخالة باجر من الصبح نطلع للبصرة
ثاني يوم ساعة تسعة طلعنا طريق طويل وسيطرات ازدحامات كل شوية واكفين
للعصر يلا دخلنا للبصره
اني قبلها جنت متصلة على منصف كتلة اني بالطريق جيت اشوف اصال
كال كل الهلابيج قبل لاتوصلين للكراج اتصلي عليه حتى انتظركم اهناك
من وصلنا للكراج شفنا اخو الأجة ويا من اخذوا اصال ينتظرنا اجة سلم علينا واخذ الجنط خلاهن بالسيارة
....هلابيكم نورتوا البصره لو قبلها كايلين جان دزبنا سيارة تجيبكم من بغداد لهنا احسن من بهذلة سبارات الخط
.... مشكورين متقصرون منريد انتعبكم
... تعبكم راحة خوية
اصال.. كاعدة بالديوانية اقري سيف عندا امتحان ومندمجة ويا
باهر... اكو نسوان يريدن يشوفنجن ادخلهن لو لا
.... ههههه هاي شوكت اجيت
لا ما اريد خلي يروحن لزهيرة
جنة....واني هم متريدين تشوفيني
.... من الصدمة والمفاجئة صرخت بعلوا صوتي كمت اكمز ركضت عليها
حضنتها واحس هسه روحي ردتلي
جنة.. ابوس بيها من كل مكان بوجها اريد افتج گلبي وادخلها بي اشم بيها ولج جنت ميتة وهسه عشت
... زهراء واختها اجن يركضن من سمعن صوت بجينا اني مجلبة بجنة ما اريد اعوف حضنها اخاف اهدها وتروح مني
ام وليد... لج جنة تركيها انطيني مجال اسلم عليها
.... عفت جنة وحضنت خالة فدوة اشكد مشتاقتلج
.... ولج البيت ظلمة بلياج
.. باهر دخل الجنط ترخص وراح
كعدت ويا جنة وخالة حتى واني كاعدة حاضنتها
زهراء تاكل باظافيرها اجت كعدت كبالنة حتى مسلمت
زهراء.. انتي خالتها
.. موبس خالتها اني امها واختها
اصال. ليش منطيتني خبر بجيتج
..حبيت اسويلج مفاجئة
... واحلى مفاجئة
زهراء.. مبين باهر جان يعرف بجيتكم لان هو جابكم
جنة.. معجبني اسلوبها بالكلام كتلها هو جابنة من الكراج يمكن منصف كايلة
... يااا ومنصف منين يعرف بجيتكم
....اني اتصلت بي حتى يدلينا
.... يعني رقم منصف عندج؟
اصال... شكووو نازلة تحقيق واذا يمها يعني شنو
... قابل شحجيت دنسوالف عادي
جنة... صرت اعصاب الخاطر اصال محجيت شي
هاي الأسمها زهراء طلعت وانوب رجعت كالت
شنو هالجنط بس لا ناوية تعيشن اهنا خية ترى منصف غريب عليج مايصير لا الدين ولا الاصول يرضون بهالشي
ام وليد... جنة تعرف الاصول احسن من غيرها مو تالي وكت انتي تعلميها الأصول والدين
جنة.. هاي ملابس اصال مو ملابسي لاتخافين عيني احنا شوية ونروح منطول.
...هههههه لاتزعلين البيت بيتكم انه حسبالي تردين تبقين يمها
اصال... اني اسمع وساكتة جنة وخالة وجهن انگلب
اجوي منصف وباهر
منصف سلم عليهن كال ليش بعدكم كاعدين اهنا اخذوا راحتكم لاتتقيدون البيت بيتكم
...اجتي الفرصة اسحل زهراء بيها
باوعت الباهر كتلة فدوة اخذ جنة وخالة الفندق يكون على ضمانتك يباتون بي اليوم
منصف.. اصااااااال موعيييييب هيج تحجين تريدين خطارنا يباتون بفندق
باهر... باباتي عيب هالحجاية هاي اهانة النه
... لعد من مرت اخوك صارلها ساعة تهين بيهم مو عيب
جنة... اصال سسسكتي مصار شي
منصف.. لحجي اصال شصار
.. شافت جنة جايبة جنط اتكوللها بس لا ناوية تعيشين يمنا وعيب وحرام واصول ها يالشيوخ هو هذا استقبالكم الخطاركم.
منصف وجها صار احمر ترخص وراح لزهيرة هههههه.
باهر ظل يعتذر من جنة وخالة
كال صعديهم فوك خالي يرتاحون
اخذتهم الغرفتي راحوا للحمام واني نزلت اشوف شصار
باهر.. نازلة تشمشمين اخبار مو
... ههههه اي وين زهراء.
. انطردت وراحت الاهلها
.. الله عاشششو هذا الكلام الحلوو
... هههههه كيفتي يلا انه رايح اجيب امي والبنات يبقون اهنا اليوم
..... صعدت واني فرحانة خالة خطية نايمة وجنة تنشف بشعرها
. . اشوفج فرحانة وتصحكين
.... حضنتها شلون ما افرح وجنتي اليوم يمي
.... هههههه الله عليج بس هذا السبب
... طبعاً لا زهيرة انطردت وراحت زعلانة هههههههه
... يااا عززا بسبنا زعلت اووف منج ليش ماسكتي
عششششتو تريدها تهينج واسكت
.. اني راضية
.. واني مراضية وانتهى النقاش
اجتي ام منصف وبنين وبيداء وبنات وياهن كعدن ويا جنة وخالة
وسوون عشا من غير الأكل الجابو جاهز
استقبالهم الجنة وخالة احلى استقبال
بنين... وانه اكولن اصالة عليمن هيجي حلوة طلعت الخالة بعد اضرب
جنة.. عبونج الحلوة عمري اصال كلما تتصل تحجيلي عنج فدوة من ارجع اريدها تبقة بامانتج ديربالج عليها
...بعيوني متدرين اشكد احبها وتعلقت بيها
.. باليل جنة طلعتلي الملابس المشتريتهن الي حتى مكياج جايبتلي
كالت حتى تتسلين بي ولاتكولين راح انسى شغل. الصالون من ورا حبستي بالبيت
.... هههههه عفية عليج هذا الحجي المضبوط
لعد خوما تريدني انسى مهنتي العزيزة
. ولج كومة زبونات يجن يسالن عليج
... اوووي فدوة شفتي اشكد اني محبوبة وشغلي حلو
. هههه اي ادري
.. للصبح اني وجنة كاعدات ما اريد انام ولا اريد اترك حضنها اريد اشبع منها لان الله اعلم بعد شوكت اشوفها
جنة... ثاني يوم صار وكت الرجعة بالكوة كدرت أعوفها عيونها ورمت من البجي واني نفس حالها
اخو منصف كال اني ارجعكم صعدنا ويا وعيني من الشباك على اصال لوبيدي اجرها من ايدها واصعدها وياي بس للاسف هذا بس حجي لسان
من مشت السيارة غصيت بالبجي
خالة وباهر يحجون وياي واني ولا اسمعهم
اصال...راحت جنتي الي ملحكت اشبع منها
سيف وبنين دوم وياي يحاولون يطلعوني من كأبتي
زهراء ورا كم يوم رجعت للبيت وابد متدخل بيه مبين مجرورة اذنها وتخاف مني
نزلت للمطبخ حميت الجاي وصبيتلي وسويت لفة جبن اخذت الكوب رحت سحبت كرسي وكعدت
زهراء اطب وتطلع عينها عليه جانوا مخبوصين مدري شعدهم
هي واختها والبنات كل وحدة تسوي شغلة وبالكاع كومة صناديك مي وببسي وعلى الكاونتر علب حلويات وكيك
اندفعت باب المطبخ دخلت مرة وبنات وياها
زهراء واختها سلمن عليها
باوعت عليه بطارف عينها كالت هاي بنت منصف
زهراء عوجت حلكها كال اي
.. جااا شمالهم خبصوني بجمالها حسبالي راح اشوف حورية
... انه هم نفس كلامج بس اذا حجيت يكولون مرة ابوها تغار منها
... فتحت عيني عليهن هاي شبيهن
. نترت شكو داخلة حامية اليسمعج يكول كاتلة واحد من اهلج اذا حلوة او لا ترى النفسي مو الج
... ياا يااا شوف الماتستحي كومي ضربيني احسن لا عاب حلكك رحيم من كال لسانها زفر وادبسز
... وانتي شصيرين من رحيم.
...مرتة
... ههههههه صدوك الطيور على اشكالها تقع
... اشو تعالي مبين انتي مالاكية اليربيج
... رادت تجي عليه زهراء واختها لزمنها بناتها ادبسزيات ظلن يغلطن
زهراء... عوفوها اذا يجي منصف ويسمع ست الحسن مغثوثة انه اطيح بيها وشيفكني منه
... دخل ولد للمطبخ نتر بيهن شششنو هذا صوتكم وين كاعدات بكهورة امشن طبن جوا.
.... قاتوا جوا بقت وحدة يمه. عاط بيها موكتلج فوتي
عافتنا وهي عينها علينا
كال شلونج بت عمي
. الحمدلله
... لاتزعلين من امي والبنات بعدهن ميعرفنج
.... لا اريد اعرفهن ولا يعرفني يكون افضل لو يبقن بعيدات عني
... اروحن فدوة للزعلان
نعم نعم شكلت
بوية لاتتعصبين ماكلت شي بالمناسبة انه ابن عمج رحيم اسمي علي
.... اي وشسويلك
.... شبيج بس تريدين تنهدين
.. ردت احجي دخلت زهراء، كالتلة ليش واكف اهنا فوت جوا
... لا انه رايح عندي شغل سلم وطلع
زهراء..ام علي اختي الجبيرة ما اسمحلج تجاوزين عليها حتى منصف اذا عرف راح يحاسبج
.. ههههه واني اكول ليش مرتاحيتلها هم مرت رحيم وهم طلعت اختج
عود من يجي منصف كوليلة واذا نسيتي اني اذكرج جاي تهددني والله يا الله
... لا اهددج ولاتهدديني كتلج مرة جبيرة لاتتجاوزين عليها خوما كفرت
... عافتني وفاتت صوتهن عالي ومن خلال كلامهن عرفت باجر مشيت بنت اختها وخطوبتها
ومبين حيسوها اهنا
البنية اسمها هديل تتوسل بأمها تأخذها باجر للصالون والام متقبل تكولها شكو رايحة علمود هالساعتين البنات اهنا يمكيجن
انقهرت عليها اذكرت البنات الجانن يجن للصالون بيوم خطوبتهن واشكد يفرحن بالتسريحة والمكياج لان اكو بيهن اول مرة يضربن
اجت للمطبخ ويا اختها والدمعة بعينها
هديل....هما مو انطوا فلوس البدلة والصالون ليش مايرضون يودوني
هبه... مو تدرين ابوية خذاهن ايسي وسكتي
اصال.. البنات اثنينهن فقيرات مشايفة منهن شي موزين
كتلها باجر قبل الحفلة صعدي الغرفتي اني امكيجج وعندي فستان جديد اخذي لبسي
باوعن عليه بصدمة شكوو ليش هيجي تباوعن
هبه.. انتي تعرفين تخليلها مكياج
... اي اعرفو وهي بعد بكيفها اذا تريد او لا
كمت وكفت على السنك غسلت الكوب ورجعت صعدت الغرفتي
ورا شوية اجتني هديل
... وينها البدلة الكلتي عليها
... هههه ترى مو بدلة فستان مناسبات
طلعتة الها لونة زيتوني بدون ردن طوبل وبي فتحة جانبية ودلعة من الصدر
جنة من اجت جابتة الي
هديل... كلش حلو يعني ماتضوجين اذا خذيتة لبستة
.... لا حبيبي ما اضوج مني الج بالعافية عليج
... طلعتي حبابة جااا شبيهم يحجون عليج
... ابتسمتلها عادي خلي يحجون ميهمني
.... اريدن اكلج شي بس خاف تزعلين
..ما ازعل كولي
.... البنات مايقبلن اجي يمج تمكيجيني يكولن وين تعرف انوب ادمر وجهج
..عادي لاتهتمين خلي هما يمكيجوج المهم تطلعين حلوة.
... عود نزلي باجر للحفلة راح انسويها اهنا لاتظلين وحدج بالغرفة
... الله كريم حبي
ثاني يوم ظليت بغرفتي اسمع الهوسة جوا اجني البنات كالن نزلي مقبلت ما اريد اختلط باي احد
للظهر صعدت بنين وهديل اباوع على وجها مثل المهرج لاعبين لعب بيها ممبقين لون ممخليلها
بنين.... انتي البارحة مو كايلتها تمكيجيها جاا ليش ماضربتيلها
... واني شعليه هي مرادت
... يالعوبة خالتها عدها صالون اكيد هي هم تعرف
هديل... وانه شدراني امي وخالاتي كالن منين تعرف هاي تريد تتعلم براسج
بنين.. على اساس هنا ماتعلمن براسج وهذا ابوج مال حرك فلس مايقبل يصرف من فلوس مهرج
اصالة حبيبة تكدرين تعدليها خطية شوفي شلاعبات بيها
.... اني اكدر هسه ارفض لان من البداية كتلج تعالي وانتي سمعتي من امج ومجيتي الخاطرج والخاطر بنين راح انسى كلامهم
اخذتها كعدتها مسحت مكياجها
وبديت امكيجها كملتها طلعت تخبل لان هي اصلا حلوة ونازكة بنين واختها صافنات عليها
تريدين ارتب شعرج هم؟
... اي عفية
.. رتبت شعرها تسريحة بسيطة من فوك والجوا بقيتة مفتوح
بنين... فلك صابج گلبتيها على البطانة مكياجج احلى من الصالونات العدنا
.... باوقات فراغي جنت اشتغل ويا جنة بالصالون
... خايبة غير تكوليلي حتى اجيج تملطخيني اريد اسودن عباس واخلي مايندل دربه
.... ههههههه من عيوني على الجايات
هديل عيونها تلمع من الفرح اجت حضنتني
.. لو ما انتي جان تخزيت وللكل ضحك عليه
.. انتي حلوة من الاساس اني مسويت شي يلا روحي نزلي
مكيجت بنين
.... تعالي نزلي وياي
... لا ما اريد عوفيني براحتي
دخلن بنات رحيم يريدن مكياج كتلهن تعبت ما اكدر
ضاجن وطلعن اشكد صلفات البارحة. يغلطن وهسه جاياتني
ثاني يوم باليل ما اجاني نوم اتصلت على دعاء اسولف وياها ظلت تحجيلي على حبيبها وان اصنف عليه ظلينا هواي نحجي سمعت حركة يم الباب
كمت اشوف منو من فتحتة شفت زهراء دتنزل من الدرج مهتميت سديت الباب ورجعت المكاني
كملت المكالمة وسديتة
الصبج منصف صاحني شكلة مبين ضايج
... بوية بعد مكالمات باليل ما اقبل حدج للتسعة وتجيبلي التلفون
... على يا اساس انطي الك وانت منو حتى تتحكم بيه
... بطلي طولت لسان انه ابوج غصب عنج تسمعين كلامي
.... لا ما اسمع وشتسوي سوي
ترى ادري بيك البارحة دزيت مرتك الحية تراقبني
... اصال بطلي تجاوز انه ماداز احد ومامنعج من التلفون بس باليل ما اقبل تحجين بي
... وليش من البداية محجيت هذا الكلام ليش هسه جاي تحجي
.. ماجنت ادري تسهرين النص الليل تخابرين
...شششنو قصدك يعني عندي علاقات واحجي باليل
.... لاتحجين حجي اني ماكايلة لو ادري عندج علاقات اكص راسج بس انتي بنية. وموحلوة لزمت التلفون تالي الليل
... كمت وكفت وعطت انت معليك بيه اخررررر شخص بهالدنيا يحاسبني هو انت مو صاير عربانة مرتك دفعتك وجيت تركض تحاسبني
ما ادري شلون هيجي حجيت كملت الكلام وتندمت
عيونة صعدن الراسة اجة عليه بغضب كال منووو العربانة ضربني راشدي فر راسي فر خدي اشتعل نار
لزمت خدي عيوني انترسن دموع هو واكف وبالكوة لازم نفسه عني
مشيت سريع فتت من بين زهراء واختها
زهراء تبتسم بشمانة
صعدت الغرفتي قفلت الباب فرفحت من البجي
اجة دك الباب مفتحتلة
اجتي بنين ظلت تتوسل بالكوة قبلت تدخل
ظلت تحجي وياي واني ما انطي اي ردت فعل بيومها حتى باهر اجة
حجة عليه كال صح ابوج غلط من ضربج بس انتي هم غلطانة اكو وحدة عاقلة اتكول الابوها انت عربانة
عفتة يحجي الحد ماتعب وراح صار الليل واني بعدني مطالعة من الغرفة قررت اعوفلهم البيت وارجع البغداد انهزم ويا جنة وما اخلي احد يندلني
الفجر بدلت واخذت فلوس ونزلت على كيف الكل نايمين رحت اللمطبخ الباب مقفول وما ادري وين المفتاح
ظليت ادور شفتة معلك بالتعلاكة اليم الباب فتحت الباب وطلعت مشيت بالكراج فتت من يم السيارة ايدي طخت عليها
اشو هاي خبصت الدنيا بالعياط طلع بيها جهاز انذار قطرة دم مبقة بيه اشاهدت على روحي.....
يتبع
رواية بنات الغجرية الفصل الثامن والعشرون 28 - بقلم بسمة البياتي
بنات الغجرية _
( بقلم بسمة البياتي)
_البارت السادس والعشرون _
من الخوف كمت أرجف اريد الكاع تنشك وتبلعني ولا هذا الموقف الأني بي سمعت صوتهم كعدوا ظليت جامد بمكاني لا أكدر انهزم ولا أكدر أرجع الغرفتي
طلع منصف من باب المطبخ بيده السلاح وصاح منو اهنا
شافني انصدم فتح عيونه على وسعهن
اني من شفت السلاح بيده قطرة دم مبقة بيه كلت هاهية هاي نهايتي هسه يفرغة برأسي صرت دجاجة من الخوف لا والله مو دجاجة صرت فارة طلعت بس لسان بوخة وكت الجد اجر بوش
منصف اجة عليه انهزمت من كدامة وكمت اصرخ بهستريا
لا تموتني والله مسسويت شي بس ردت اروح يم جنة
كلما يقترب ازيد بالبجي والصراخ
وهو بعده مصدوم
منصف... بووووية شششبيج سكتي شهرتينا ما اسويلج شي لاتخافين
... دتكذب عليه لعد ليش بيدك المسدس كنبصت بالكاع وخليت ايدي على رأسي وابجي
انطة المسدس بيد زهراء واجة يريد يكومني كمت ازحف ليورا خايفة منه
.. بروح ابوي ما اسويلج شي لاتخافين
زهراء.. اكيد مسويتلها مصيبة وهيجي خايفة
... اذا حجيتي كلمة زايدة افرغ المسدس براسج انتي
... هو ابوي مايكدر غير على امي
.... زهرااااااااء فوووتي جواه وحسابج بعدين
....حجيت واني اناشغ والله مسويت شي
اجة لزمني من جتفي وكومني من الكاع ارجف مثل السعفة شجاني ما ادري من شاف هذا خوفي
سحبني الحضنة يريد يطمني ويهديني
اشكد اكرها وحاقدة عليه بش من حضني احساسي اختلف ما ادري شصار بيه رأسي على صدره وكمت ابجي بقوة مو خوف بس رهبة
شفت بعيونة خوف نفس خوف جنة عليه
منصف... بعدج خايفة
.... هزيت راسي بمعنى لا
.. امشينا انفوت جوا واريدج تكليلي وين جنتي تردين ترحين
... بعده محاوطني بيده معافني اخذني جواه
زهراء... فوك سوايتها المصخمة حاضنها واطبطب على جتفها
... وحق من انزل القرآن اذا بعد فتحتي حلكج ما ابقيج على ذمتي
.. زهراء تريد اطك من الحقد والغيرة
اخذني صعدت الغرفتي كعدت على الجرباية انطاني مي شربت من سكتت اجة كعد بصفي وجحة وياي بهدوء
... هسه كليلي وين جنتي رايده ترحين
... كمت ابجي بهدوء كتلة اريد اروح الجنة
... شلون ترحيلها وحدج بهالفجرية وانتي حتى ماتندلين اي مكان اهنا
.... ما ادري جنت اكيد حسأل ويدلوني
... زين فرضاً طلعلج واحد كلب ابن كلب طمع بيج هذاك الوكت شجنتي تسوين
كليلي جنة تدري بهذا تصرفج
.. لا والله متدري
... السويتي ماينسكت عليه لو غيري واحد اكسر راسج هالمرة راح اسامحج وانسى الخاطر هاي دموعج وخوفج وبعد اذا انعادت السالفة لا تلوميني على الراح اسوي
... خليت ابدي على وجهي ورجعت ابجي بصوت عالي ليش جبتني اهنا اذا هلكد عزيزة عليك وخايف عليه ليش دتعذبني
.... يعني بقيتج يم ابوج عذاب
... اي عذاب اني ما اعرفك 16 سنة عايشة بدونك لاتنتظر مني بين يوم وليلة اتعود عليك وانسى تركك الي
... انه ماتركتج كتلج ماجنت ادري بوجودج
... لاتكول متدري اجو كالولك امي حامل ليش بوكتها مجيت وتأكدت
انت جيتني متأخر لاتنتظر مني اعيش وياك عادي حالنة حال اي أب وبنتة
.. عندي استعداد انتظر العمر كله الحد ماتتعودين وتحبيني
.. باوعت بوجها واني عيوني متروسة دموع زين وانت تحبني؟
... شلون ما احبج وانتي بنت عطر الي بعدني لهسه اتحسر عليها
يشهد الله غالية بغلات الروح يكولون الجفة تميل للولد وانه من يوم الشفتج الجفة مالت ألج بوووية وعلي احبج بطلي عناد وحني على أبوج
... اذا تحبني لعد ليش ضربتني كدام مرتك الحية وشمتتها بيه
.... هههههه تنكص اذا بعد مديتها
انتي هم على كيفج الكلمة الحجيتها البارحة لو غيري واحد اجنزج عليها بس شسوي كلبي ماينطيني آأذيج
.. ماشي وانت هم لاتظل تسمع من مرتك وتجي تحاسبني ترى اني تربية جنة ما اسوي شي غلط
...اليوم غلطتي وهاي طلعتج جبيرة لو ما الله ستر جان صارت مصيبة
... بعد ما اعيدها وهسه كافي نعست اريد ارجع انام هاا ونسيت اكولك وصي زهيرة مو من تشوفني تسممني بكلامها ترى اسحلها
.... ههههههه بنت ابوها وتوصلج
... باسني من راسي وطلع
غميت روحي امداني اشكد خوافة من الهبطة ذبيت تنكر دموع
بدلت ونمت مكعدت غير الظهر نزلت جوعانة هبه بالمطبخ كتلها بنين دزتلي أكل
... اي موجود بالفرن
.. طلعتة جان كبة وكباب عروك سويت وياهن زلاطة وطرشي وكعدت اتغدا
اكولج هباوي اشو البيت هدوء لعد خالتج وامج وين؟
راحن البيت خالة ام علي
.. ام علي مرة رحيم مو؟
.. اي
... اهاا واشو بهالظهرية رايحات
... مو يردن ياخذن مرة علي توديهن للدكتورة مالتها
... ليش شبيهن؟
... خالة زهراء تريد جاهل
هديل.. ههههه تريد تراجع علمود يصيرلها جاهل
... ههههههه هاي بعدها بيها حيل وأدور اطفال ولاتكعد راحة زهيرة خانم
.... تريد هالمرة يصير عدها بنية سمعتها اتكول الامي منصف يحب البنات لازم اجيبلة بنية
..... هههههههه غصيت بالأكل
... يااا شبيج اسم الله
.... هههههخ مبية شي تفكير خالتكم تفكير يهودي ههههههه
هديل....ههههه ولو مافهمت شي بس خلي اضحك على الواهس
.... كولولي خالتكم هم قبل جانت تريد بنات
... لا اصلاً هي دوم تتباها بخلفة الولد وتعيب على امي لان جابتنا اربع بنات اتكوللها اشدعوة هلكد سطرتيهن
... ممممم اي بيها الخير هههه
.. باليل اجة باهر رزلني وعاد نفس كلام منصف لو صاير بيج شي لو احد خاطفج شجان سوينا
وجنة هم من حجيتلها تعصبت مني وزعلت بالكوة راضيتها
مر يومين والوضع هدوء واني نوعاً ما علاقتي شوية تحسنت ومنصف مكمت اضوجة ولا اطول لساني عليه واذا جابلي شي اخذه منه عادي
اليوم المغرب كاعدة بالغرفة جنت سابحة وجاي انشف شعري بالشسوار دخلت بنين
مو من عوايدها تجي هيجي وقت طفيت الشسوار وكمت بوستها
... شلونج حبيبة
... الحمدلله شعجب جيتي هسه
... هااا تردين ارجع
.. هههه لا لا بس جاي اسألج
بنين مدري شبيها مو مثل كل جية تكعد تصنف وتضحك نزعت عبايتها وراحت كعدت على الجرباية
بنونة شبيج شو مو على بعضج؟
... تعالي كعدي اهنا عندي سالفة وياج
.. خير ياربي ولو من شكلج مبينا عندج مصيبة
... اصالة صدك رايدة تشردين من بيت ابوج
.. عكدت حاجبي منو كالج هالكلام
.... جاوبيني وبعدين انه اجاوبج
... اي ردت اروح الجنة واصلا مطلعت من البيت ولابطيخ وصلت للحوش والسيارة عاطت
.... خايبة ليش هيج سويتي وخليتي اليسوا والميسوا يحجي عليج
... ششنو منو الحجة اشحدة اليجيب طاريي بكلمة اكص لسانة
.... ابشرج حجوا وسوها سالفة
... منو هما وشحجوا؟
.. مرت رحيم وين ماتكعد تحجي بسالفتج اتكول رايده تشرد وابوها لازمها والله اليدري ويامن جانت متواعدة
... گلبي وجعني صرت نار انكص لسسسسانها اتي اشرف منها ومن الخلفها
... اششش سكتي وخلي اكملج اذا تبقين تتصارخين مراح احجي شي
... بالكوة لزمت نفسي اي كملي
... رحيم هم داري بالسالفة وبديوان الشيخ حاجي الحمدلله ماجان احد غريب موجود بس الشيخ وعمامنة والولد
حاجي نفس كلام مرتة
منصف متخبل گالب الدنيا وباهر هم متعارك ويا رحيم
ومن شايف الكل ضده مغير كلامة كايل هي غلطت شلون تطلع الفجرية لو احد شايفها من الكرايب جان تخزينا
... هذا اخووووووج ليش هلكد يكرهني اني ششمسويتلة اليوم اكلب الدنيا عليه وعلى مرتة
.. اهدي مو من صالحج تسوين مشاكل فكري بعقلج
وهسه سمعي الأكبر منها رحيم كدام الكل كايل احسن حل انزوجها الواحد من الولد البت مايصير تبقة بدون زواج لازم رجال يحكمها حتى تنسى بغداد وماترجع تشرد
وهنا عمامي كلهم مايدينا وكايلين هذا خوش اقتراح
رحيم.. منصف انه هسه اطلبها الأبني علي ابن عمها ماتلكي احسن منه
منصف... بنتي ماسوت شي غلط حتى اشمرها هالشمرة وبعد اليجيب طاريها بكلمة مايلزم الا نفسه وهذا الحجي للكل
رحيم... وشبي ابني وموعاجبك ابن عمها من لحمها ودمها اولة بيها من الغريب
باهر.. شنو نسيت ابنك مزوج وعنده كوم جهال
... عادي. الشرع حلل اربعة والرجال مايعيبة غير جيبة
اصال.. حيشكل بيه ضغط من الصدمات والأعصاب عطت امووووت نفسي وما اخذ ابنه العار جنا ابو بريص منتول
... ههههههه خرب ضحكتيني وانه القهر كاتلني
كعدي خلي اكملج
... ليشش بعد اكو تكملة
... الشيخ ماراضي على طلب رحيم وخصوصاً هو الكبر السالفة وحجة كدام عمامنة
الشبخ... البت أدب واخلاق والسوتة شي عادي المسكينة صارلها سنين عد خالتها وحاسبتها امها اكيد اشتاگتلها ورادت تروح تشوفها
وبنت اخوي محجوزة الأبني رضا وانه كدامكم اطلبها من اخوي منصف
اصال.. ومنو هذا رضا شنو اني سلعة يبيعون ويشترون بيه هاي شبيهم
.... حبيبة ماتلكين احسن من رضا شاب حليو ومن عمرج ومادام الحجي صار كدام عمامنة لازم ترضين
.... افهم من كلامج منصف وافق؟
.... منضف انحط بموقف صعب مايكدر يرفض
.. عززززا بعيني عزززززا عززززا
... يااا شمالج كمتي تلطمين
... الطم على حظي وعلى الساعة السودة الجيت بيها اهنا
انتي منو كالج هذا الحجي
.... عباس خابرني وحجالي جان موجود وياهم بالكعدة
.... زهرررراء اليوم موتج على ايدي ماكو غيرها النقلت الحجي
نزلت اركض وبنين وراية جانت بالمطبخ ويا اختها يسوون عشا
لج كلبببة عبالج بالسويتي تخلصين مني اليوم انعل اهل اهلج
... بنت الكاولية عليمن تغلطين
... هجمت عليها جريتها من شعرها بس للأسف هي ضخمة مثل الهايشة نومتني بالكاع وصارت فوكاية شعري مفتوح هلستة بنين واختها يجرون بيها وميكدرولها
.. صارلي اشششهر متحملتج على عمة عيني اليوم اطلع القضى والمضى منج بنت الكح بنت ام الزلم الدايحة الجانت تركض ورا الشباب
.....ملخت ايدها اريدها تعوفني نفسي انكطع كاعدة على صدري
سمعنا عيطة رجت المطبخ رج فزينا اثنينا كامت وهي تتعاير وتبجي
.... تعال شششوف بنتك ترضاها تمد ايدها علبه وانه مثل امها من غير الغلط الغلطتة مايتسولف
... قبل لا احجي شي اجة لزمها من شعرها سحلها بالكاع شبعها دفرات
.. بنت الكلب تحجييييييين على شششششرف بنتي
.... جانت تعيط وتصيح وتحلف انه ماحاجية
..... رحييييييم ومرتة منيييييين عرفوا مو كتلج ممنوع تفتحين حلكج بنت القندرة وبكل عين وكحة تضربيها تغلطين على امها ترحين فدووووة للتراب النايمة بي عطرررر هو الموت دائما ياخذ الزين ويبقي العار
.... الشفتة كدامي مو منصف الهادئ جان عبارة عن بركان لزم راس زهراء وصربة بالكاع الجهال يبجون اختها.وبنين ميكدرون يلزموا
يمكن باهر جان برا من سمع صوت العياط ذخل كتف منصف ولزمة اني حضنت بنين من خوفي
.... هاي بعد ماتبقى اببتي دقيقة وحدها خلي تطلع قبل لا اموتها
اختها ركضت جابت عابيتها لبستها وبالكوة كومتها
زهراء... حسبي الله عليج من يوم الجيتنا هجمتي بيتنا
... منصف راد يرجع يضربها باهر وكف كدامة وقبل لاتطلع كاللها المتصون بيتها وماتحفظ اسرارة لو بس هي تظل مرة بالدنيا ما اريدها انتي طالك
زهراء من صدمتها وكعت خربت
منصف دخل وعافها اني هم ركضت للغرفة
الوب ما اعرف شسوي لا اكدر احجي ويا واسألة ولا اكدر ابقة انتظر دخيلك ربي بس لا يزوجني بالغصب
بنين... يبووو بعدج تبجين
... لعد شسوي اهلهل واركص بمناسبة زواجي
.... هههههه لا بعرسج عوفي الركص والهلاهل عليه
... ترى مو وكت شقه گلبي راح يطك من القهر
... اسم الله على گلبج حبيبيتي خايبة فرحي زهيرو العكربة انكتل وانطردت عساها بالطكاك
... منصف وين؟
... كاعد ويا باهر جوا
... اريد احجي ويا بس اخاف
....ياااا ليش انتي هم تخافين
.... لعد مو بشر حالي حال الناس لو اني مخلوقة من حديد
.... والله. اليسمع هذا لسانج يكول هاي ماكو شي يخوفها
هسه لاتحجين شي ويا بعده متعصب خلي يهدا والله كريم
... ظليت لليل بالغرفة اجة سيوفي كال ابوية يكول خلي تنزل تتعشى
ما اريد مو جوعانة
راح سيف مبين ضايج علمود امه حقة ما الومة تبقى امة ويحبها
ورا العشا هم رجع دز عليه نزلت اسحل برجلي منصف وباهر كاعدين
رحت كعدت يم باهر لان خايفة من منصف شكلة بعده ضايج
باهر...هاي شبي خدج احمر
... السعلوة ضربتن... مكملت كلامي وسكتت عزاا مو وكتها اكعد اجفص
... هههههه كمليها ليش سكتي
...همست عفية اسكت ترى روحي بخشمي
منصف... اعتقد عمتج بنين حجتلج الموضوع وصار عندج علم بي
... صدوك تريد تزوجني؟
... تحسر وحجة بقهر لو عليه ابقيج العمر
كله يمي على عمة عيني راح انطيج
... لهنا بعد مكدرت امثل دور العاقلة عطت من كل عقلكم ازوج واحد ما اعرفة وبالغصب اموووت وما اوافق
باهر... رجعي كعدي وخلي نحجي بهدوء ترى الصار كله من ايدج ابوج انحط بموقف صعب كدام اخواني وعمامنة وماكدر يرفض.
... لا مو اني السبب الصوج صوج مرتة الراحت حجت عليه وشوهت سمعتي
... ام سيف اخذت جزاها وراحت والصار مانكدر نغيرة اصولة رضا خوش ولد زلمة من ظهر زلمة ماتلكين احسن منه
... اني ما اريده ولا اريد ازوج احجي ليشششش ساكت انت مو جبتني من بغداد وحرمتني من جنة حتى اعيش يمك ليش هسه جاي تريد تشمرني الغير ناس وين وعودك موكلت اعيشج احسن عيشة واعوضج عن السنين العفتج بيهن وين راح كلامك وييييين كمت ابجي قوي
منصف وجها صار احمر وشكلة اختنك بدون ميحجي عافنة وراح
... كافي بوية ششوفي رضا واحجي ويا اكيد راح يعجبج انطي النفسج فرصة تتعرفين عليه
... ما اريده والا اريد اششوفة سسسسمعتني شكلت لو اعيد
... وعلي سسسسمعت احد كايلج انه اطرشش
.... يبووووو كاعد يصنف واني جاي امووووت شششنو من بشر انتوا
... اي عفية بعد لطمي وهوسي يلوكلج تصيرين ملاية خوش تحصلين
...راح اشك اهدومي من وراك اكص ايدي اذا انت محامي عفتة وصعدت للغرفة ابجي
لزمت التلفون اتصلت على جنة
اول مكالت الووو انفجرت بالبجي
جنة...أصال شكووووو شبيج ليشش تبجين
..... اريد احجي ما اكدر الشهكة جلبت بيه
... لج احجي مو گلبي راح يوكف
.. جنة لحكيني يريدون يزوجوني بالغصب
... يمكن ماسمعت زين اصال عيدي شكلتي
..... لج ششششعيد منصف حبزوجني الأبن اخوو فدوة الكيلي حل راح اموووت
... كمت الطم على رجلي اميرة فزت تباوع عليه
اميرة... جنة شبيج ويامن جاي تحجين
. سسودة بوجهج جنة صخام الصخمني شششنو يزوجوج هذولة اكيد تخبلوا
... جنة ساعديني فدوة ما اريد ازوج لج حتى مشايفة الولد ولا اعرفة
... اليوم أگلب الدنيا على رأس منصف ليش بكيفة
سديتة من اصال اتصلت على منصف حتى مهتميت الوقت متاخر ومرتة يمكن اتضوج كل فكري باصال
اميرة تحجي وياي واني أأشرلها تسكت
كال الو بصوت تعبان عطت بي انت شششششجاي تسسوي وشمفكر نفسك لك والخلقك اگلب الدنيا على راسك اذا انطيتها..........
يتبع
بنات اضطريت اغير اسم بشار الى رضا..
رواية بنات الغجرية الفصل التاسع والعشرون 29 - بقلم بسمة البياتي
_بنات الغجرية _
( بقلم بسمة البياتي)
_البارت السابع والعشرون _
جنة... عطت بي انت شششششجاي تسسوي وشمفكر نفسك لك والخلقك اگلب الدنيا على راسك اذا انطيتها
منصف.. خوية ترى البية مكفيني لاتزيديها عليه
...جم شهر مكدرت تتحملها وتريد تشمرها على غيرك اذا مو كد المسؤولية ليش اخذتها مني ليششش
... فهمي السالفة وبعدين احجي لاتحكمين عليه بدون ماتسمعيني
... الخاطر ربك ششششفهم بعده عمرها مصاير 17 سنة وتريد تزوجها واني الثولة جنت مصدكتك واكول مبين صدوك يحبها وراح يعوضها عن غيابة عنها لعد اشكد جنت غبية ومخدوعة بيك
... اذا ماتسمعيني راح اسده انه مو ناقص عتب ولوم
... وششتريد تكولي حججك واعذارك بعد متفيد ولاتشفعلك
نقطة برأس سطر على جنازتي اخليك تنطيها بهذا العمر انعل ابو هيجي عادت وتقاليد ابن العم لازم ياخذ بنت عمه حتى لو غصب عنها
.. جنة كافييييييييي ومنو يكلج انه راضي الصار انجبرت عليه حالي من حالها بطلي صياح وسمعيني
... بالكوة هدءت روحي وظليت اسمعة اشكد جنت مسيطرة بس من حجالي خوفني المسائلة اكبر من ماتصورت
... فهميني انه بهاي الحالة شسوي الحجي صار بديوان اخوية وكدام عمامي صح هما ماقبلوا على كلام رحيم بس ايدوا بسالفة الزواج واذا ما انطيها راح يطلع اشكال الحجي عليها الزلم اذا سكتوا النسوان مايسكتن
... كمت ابجي واصال شنو ذنبها بنتي ماكو اشرف منها ليش تظلموها وتخشون بخطيتها هاي يتيمة حرام عليكم وهذا اخوك مفكر بحوبة اليتيم شنو ممكن تسوي بي
صوت منصف اختنك يمكن بجى سد الخط
اميرة... شراح تسوين؟
... ما اعرف. راح اموت شوريني انطيني حل شلون اعوفها تتزوج بهاي الطريقة ليش بس احنا الله كاتب علينا نزوج غصب
لزمت التلفون رجعت اتصلت باصال جاوبتني وهي بعدها تبجي
ارتاحيتي هسه الف مرة وصيتج ديرين بالج ومتسوين شي غلط هذولة مو مثلنا وطبعهم يختلف عنه ليش مسمعتي كلامي
.... واني شسسسويت هو بس ردت اجي يمج خوما كفرت
.. لا مكفرتي بس هاي نتيجتها
.. انتي منو حجالج
... اتصلت على ابوج وفهمني الموضوع
.. وهسه شنو معناها حيزوجوني؟
... ما ادري كولشي ما ادري
... جنة فدوة تعالي اخذيني وخلي
ننهزم اني وياج لاتعوفيني يمهم
... اششش لاتعيدين هالكلام محد طيح حظنا
غير هالسالفة
اميرة اخذت مني التلفون تحجي وياها تهديها واني بقيت الوب ما اعرف شسوي وشلون الكي حل الهاي المصيبة الله لايوفقج مرجانة شيصير بينا انتي سببه
للصبح مانايمة حتى للصالون مرحت
كعدت ويا خالة وحجيتلها. بلكي تلكيلي حل وتساعدني
ام وليد... خلي تزوجة
... شلون تزوجة وهي متريده
... انتي مو تكولين الولد ابن شيخ وبعده شاب ومثقف ماتلكي احسن من هيجي قسمة وهو ابن عمها اكيد راح يراعي الله بيها ويحافظ عليها هي مصيرها تتزوج اذا مو هسه بعدين
... عمتها بنين الصبح حجت وياي ومدحت بالولد
... احجي وياها وحاولي تقنعيها
... ثلاث ايام واني مسكومة لا ليلي ليل ولا نهاري نهار كل شوية اتصل بيها وكلما اسمع صوت بجيها وشهكاتها اتملخ من القهر
عمتها كالت بعد يومين المشية والعقد تخبلت شبيهم هذولة هلكد مستعجلين على الأقل انتظروا الحد ماتقنع وترضى بقسمتها
كالت الشيخ حاجي بالديوان كايل بعد يومين. اخذكم ونروح البيت اخوي نطلب بنتة الأبني والزلم كلهم صار عدهم علم بالموضوع مانكدر نغير الموعد
قررت اروح للبصرة ما اعوفها وحدها
خالة هذيج المرة هواي تعبت من اجت وياي هالمرة مكدرت اكولها تعالي استحيت منها
فاحئتني اميرة كالت اني اجي وياج
... والصالون شلون تعوفي
... عادي العاملات موجودات وامي تروح يمهن
ثاني يوم من الفجر طلعنا كامل اجة ويانه حتى كرايب بيت خالة لايحجون على اميرة ويكولون تطلع واطب بكيفها
اخوها شاب ويانه محد يكدر يحجي
وصلنا للبصرة هالمرة مخابرتهم اخذتا سيارة ورحنا المنطقتهم قبل لا نوصل البيت منصف خابرت بنين حتى تجي علينا ومن وصلنا لكيناها بالباب ويا منصف
ضايجة من منصف بالكوة سلمت عليه
كامل راح ويا واني واميرة صعدنا الغرفة اصال
لان من يوم السالفة حابسة روحها بالغرفة
فتحت الباب ودخلت جانت متمدده
سودة عليه وجها ذبلان وعيونها مورمة
من شافتني طفرت من مكانها اخذتها الحضني
اصال... اكثر بشر احتاج اشوفة بهذا وضعي واشكيلة همومي هي جنة من شفتها مصدكت
عيني من حضنتها يلا صدكت
كمت ابجي شفتي شجاي يسوون بيه عبالك اني حيوان مو بشر
اميرة... اذا بقيتي متجاهلتني ومجلبة بحضن جنة صدوك اعتبرج حيوان وعديمة احساس
.... اشكد مقهورة بس ضحكت هههههه رحت حضنتها
... اي ضحكي مو ناصبة عزا بدون ميت
... منو يكولج ماكو ميت اني ميتة
جنة... اسم الله اروحلج فدوة لاتحجين هيجي
... رجعت حضنتها وابجي ما اريد ازوج شبيهم ميفهمون الكلام
اميرة.... ترى تعبانين وانتي استقبلتينا بالدموع حتى مكلتي كعدوا
.... ومتكعدين شنو محتاجة عزيمة لو حضرتج صايرة تخجلين
.... ياااا شوفوا المصخمة ليش احد كايلج اني ما اخجل
.... منيلج خجل هسه قابل اني ما اعرفج وجاي تبيعيهن براسي
... هاي عود مقهورة وضايجة
... وين ليوثي جبتي وياج لو لا؟
.... اي جوا يم كامل
.
.. عااا كمولي هم جاي
... اي هو جابنة
... جنة وأميرة راحن سبحن لان بداية صيف والجو. حار
بنين اجت كالت نزلوا اتغدوا
جنة... ليش كلفتوا نفسكم أكلنا بالطريق
بنين... ياااا مو عيب هالحجي هو احنا شمسوين حتى كلفنا نفسنا
امشن نزلن حتى لو ماكلين اكعدوا ويانة على الواهس
اصال... نزلت ويا جنة واميرة البيت مابي احد هدوء
ومبين الأكل كله جايبي من برا مشاوي وسمج مسكوف
كعدت وياهن نفسي متريد الخاطرهن أكلت اجة ليوثي خليتة بحضني وابوس بي وهو حبيبي حاضني مبين مشتاقلي
سألتهم شخبار بيت خالة ام سرمد لان اعرف بيهم سافروا
هما من بداية السقوط قدموا على لجوا ولان عمو ابو سرمد مريض طلع اسمهم
اميرة...الحمدلله وضعهم زين ومستقرين
... والله مشتاقتلهم ربي يوفقهم ان شاء الله
كملنا الغدا ورا شوية اجتي بيبتي وبيداء وبنات عمهن ظلن كاعدات يم جنة واميرة
بيداء... مبين عليجن تعبانات من الطريق روحن ارتاحن لاتتقيدن بينا
.... اخذتهن وصعدنا الغرفتي ومن صرنا وحدنا ظلن يقنعن بيه واني كاضيتها بس بجي
اميرة... دخيل الله اشكد صايرة تبجين
... صيري بمكاني وشوفي حتبجين لو لا
...شفايتلي لو بمكانج واخذلي ابن شيخ غير اسوي حنتي سبع ايام واشبع ركص بيهن
..... اذا عاجبج اخذي بدالي تسوين فضل
... اي مو هو طوبة وحدة تشمرة على الثانية
... جنتي ليش ساكتة عفية رجعي احجي ويا منصف وقنعي
.... اصال عگب باجر خطوبتج بعد ميفيد الحجي بداعتي ارضي بقسمتج وكافي تبجين جاي تحركين روحي بهاي دموعج
... حضنتها وكمت اشهك هاهيه ما ابجي بعد لاتنقهرين
ورا العشا بنين كالت رضا راح يجي حتى تشوفي وتحجين ويا
....هسه يلا اذكرتوا لازم اشوفة ليش مكلفين نفسكم جان بقيتوها للعرس والله يا الله على اساس اذا شفتة او مشفتة راح يتغير شي اني صاعدا ولحد يجي يكولي نزلي
اجة رضا
وبنين جنة اميرة توسلن بيه انزل واني معانده اخير شي عافني ونزلن
اقل من ساعة صعدن
اميرة... امداج يالعوبة ليش منزلتي ولج والكعبة حلو وشخصية حتى كلامة بثكل ورزانه
.. اي وتالي يطلع يشبه عليوي ابن رحيم لا خلقة ولا اخلاق
جنة... اشش عيب شنو هالكلام
. لا مو عيب هما السبب بهذا وضعي
جنة... لج والله مبين خوش ولد ومتاكدة لو تشوفي يعجبج
اميرة... رعنة هذا المعاجبج طالب صيدلة السنة التجي مرحلة رابعة والاهم من هذا كليتة ابغداد
اذا اخذتي شوكت يعجبج يجيبج النه
.... شعجب يداوم ابغداد
... شمعرفني هو كلية اهليه
.... راح لو بعده؟
.. هااا لازم عجبج وتريدين تنزلين تشوفي وغمزتلها
... لا طبعاً اريد انزل اشوف كمولي مشتاقتلة
... كاعد جوا ويا ابوج وعمج
.... ماشي رايحة اشوفة
نزلت جوا صارلي كم يوم مشايفة لا باهر ولا منصف
دخلت للديوانية الكل رفعوا راسهم
باهر... هلا بهالطول
.... مجاوبتة انداريت على كامل كتلة شلونك كامل
... الحمدلله انتي شلونج
... اني زفت والحمد لله هاي شنو شبسرعة هلكد كبرت
... اعتقد الناس بمرور الأيام يكبرون ميصغرون
... طاح حظك مو جاي امدحك
.... هو وينه المدح
... منصف وباهر صافنين علينا
اي كمولي شخبارك اكيد ضايج بدوني لان بعد ماكو احد يفتن عليك ويحرك فلمك يم خالة
....وجه البومة من وراج كمت اني افتن على روحي من اسويلي مصيبة اظل احوص تالي اكابل امي واحجيلها صار جلدي يحكني
ما احس يومي حلو بدون رزالة من امي
.... هههههه شفت اشكد جنت فايدتك ومخلية حياتك كلها اكشن ومغامرات
جنة...من نزلت اصال مرتاحيت اعرف بينها وبين كامل ميانة قوية وشقى لان هو نفس طبعها لسانه فالت
كلت الاميرة امشي ننزل يمهم هذولة وجودهم سوا خطر
بنين واختها جانن بالمطبخ راحنا يمهم وبعدين دخلنا كلنا للديوانية ومثل متوقعت اصال وكامل نازلين دوسة ونص وابوها واخو صافنين عليهم
كعدت يم اصال وهمست كافي شقى وتالي وياج
.. اووي قابل شمسوية ترى اختنكت كولشي اهنا عيب وممنوع
... هذا الموجود اتحملي وسكتي
باهر...شببج گالبة خلقتج عليه وماتحجين وياي
.... اي بعد ما احجي وياك انت هم طلعت مثلهم
... ههههههه انه شعليه شو شمرتيها براسي
... درت راسي منه ظلينا كاعدين شوية وبعدين رحنا نمنا
ثاني يوم اجتي اخت رضا كالت خلي تبدل
نروح. ناخذ الذهب
واني كالعادة عاندت ما اروح
اميرة. بالعباس مصختيها كافي عناد
.... ما اروح خلي هما يجيبوا مو هما اختارولي العريس خلي هما هم يختارون الذهب
بنين... والحلقة شلون وين يعرفون قياس اصبعج
جنة.. اميرة فدوة انتي وبنين روحن ويا اختة واختارولها واخذي محبسها جيبوا الحلقة نفس قياسة
... راحن اميرة وبنين للمغرب يلا رجعوا مختاريلي طقم وحلقة وحتى فستان مشتريلي
اليوم موعد الخطوبة والمشية من كعدت من النوم واني ابجي
جنة تبجي وياي البيت انترس نسوان بيهن
ما اعرفهن ولاشايفتهن
كعدت اميرة تمكيجني عيوني مورمة من البجي ودموعي متقبل توكف
عاطت بية وتالي وياج لج مرمرتيني كل شوية مخربة المكياج
جنة فدوة احجي وياها
جنة.. حالتي مو احسن من حالها دموعي تنزل ويا دموعها وكفت يمها من شافتني حضنتني تشهك وتبجي
اصال.. جنة فدوة ما اريده وما اريد ابقة اهنا خلصيني منهم حموت
... اسم الله عليج ياروح جنة وعمرها ولج شبيدي عليج الله لاينطي الجان السبب
الله ينتقم منج مرجانة
حبيبتي الخاطري بطلي بجي الولد دره ما الله صدكي حيعجبج
.. استلمت مسحت دموعي اميرة عدلت مكياجي
اجت بنين كالت يلا نزلوها وخلوا شي على راسها حتى الشيخ يعقدلهم
لبسوني جادر فوك البدلة ونزلوني جوا وكفوني يم باب الاستقبال
بدا الشيخ بالعقد وسالني مجاوبتة
جنة همست جاوبي حبيبتي
النسوان يكولن ولج جاوبي واني صافنة بوجهن مااريد اكولها
جنة...خفت لا تروح تعاند وترفض وهذولة عشاير وشيوخ اذا كالت لا يأذوها
همست بغلات جنة عندج جاوبي
اصال... وكعن دموعي جاوبت بشهكة نعم انت وكيلي
تم العقد اخذوني للديوانية مسويلي كوشة رحت كعدت بدت مراسيم الحفلة جنة واميرة كاعدات قريب مني وادري بيهن مقهورات عليه
.. النسوان كامن يهوسن بالكولات والهوسات الجنوبية والبصراوية بعدها شغلن الديجي وكامن يركصن
ام العريس كالت راح يدخل رضا
من سمعت اسمة بطني مغصتني
همست الاميرة هذا شجابة ليش يدخل ما اريد اشوفة
... ولج عوبة الولد صار رجلج غير تشوفي وتتعرفين عليه صارلج سبوع معاندة هسه ماكو مهرب ارضي بالامر الواقع
.. درت راسي قحط ما اريد اشوفة خوما كوة
النسوان كامن يهلهلن مبين دخل اني مرفعت راسي بعدين كلت بگلبي دخلي اشوفة هو انحسب علية رجال بعد
رفعت راسي ظليت باهتة عززززا شنو هذا شهالطول شهالأناقة شهالشكل
هو مدنك مبين خجلان اجة كعد بصفي بدون ميحجي
لكزت اميرة وهمست اكولج هو هذا رضا
.. اي هو
... هو هذا الصارلي اكثر من اسبوع ابجي لان ما أريدة وكاطعة الأكل والشرب
... اي نعم هو بشحمة ولحمة
...غميني الله عليج غميني
... يااا البنية تخبلت
... طيح الله حظي اكو واحد يبجي من نعمة الله دباعي شلون شخصية
... عزززا بعينج لج ثكلي والله اذا جنة تسمعج تنجلط
... خايبة شثكل وجينات مرجانة يمشن ويا دمي
... لا عاد بهاي حجيتي الحق
... امه وخواتة كالن يلا لبسها الذهب اخذ الحلقة واندار عليه عينة اجت بعيني يفدوة شلون عيون دنك بسرعة لبسني الحلقة
واني اخذت حلقتة لبستهيا
انطوا السوار كالولة لبسها همس بصوت رجولي هاي سوالف نسوان انتن كملن اني طالع
بنين.. خايب بوسها صارت مرتك من شنو مستحي
... باسني براسي وطلع واني لهسه مسطورة من بوستة وعطرة
رجعن البنات يركصن
لكزت اميرة اكولج اريد اركص صارت عندي طاقة للركص
.. وتالي يربي شحيفضها اليوم عليج العباس اتحملي وكعدي عاقل الحد متخلص الحفلة
.. يااا شبيج هي مو خطوبتي غير اكوم اركص
... هو انتي لو تركصين مثل البنات العاديات جان بيها مجال الله وكيلج اذا دخلتي بنصهن هسه عبالهن جايبين راقصة من غنوة حتى تحيي الحفلة واني وجنة انظل كل شوية نسحلج تكعدين وانتي تغافلينة وتكومين تهزين تصيرين مثل عبود خطبولة مرة ههههههه
... منو هذا عبود؟
... واحد يحب الركص مثلج ههههه
بداعت مرجانة العلمتج هالسالفة الطايح حظها كعدي عاقل اني ادري اليوم جنة تنشمر مستشفى بسببج
... لا يمه اسم الله عليها هياتني كعدت عاقل
ورا شوية اجتي اخت العريس كومتني اركص كمت واني خربانة ضحك
حركت حواجبي الاميرة هي وجنة وجهن صوفر ههههههههه
من شفت العين عليه وجنة شلون تباوعلي بقلق كلت خلي اركص بادب مال وحدة مستحية ظليت اتمايل على كيفي
بديت احمه كلت ارجع المكاني واستر على اذا ابقة شوية يمكن اكوم اردح هههههه
جنة.... صافنة على اصال عبالك بدلوها همست الاميرة
شنو الفلم لعد وين راحت الدراما التركيا
.... هههههه وداعتج الدراما تحولت هندية بنت اختج عجبها العريس
... صدوك تحجبن لو تشاقين
... وربي صدوك لج كامت تتغزل بيه
... اووف هسه خفت بالزايد
.... يااا ليش لازم تفرحين لان الحمدلله كدرت تتقبلة ويعجبها
... اميرة اصال بعدها مراهقة ومتعرف شتريد والدليل صارلها اسبوع تبجي متريده ومن شافتة كيفت عليه وعجبها هذا حب مراهقة الله يستر منه
...بدال التشائم تفائلي اعتبري حب من اول نظره ترى هي مو صغيرة بعد شهرين تدخل 17 سنة
... ان شاء الله يطلع زين وتكدر تحبه وتعيش مرتاحه
... امين يارب
.. اصال خلصت الحفلة وسبحان الله مزاجي تبدل هههههه
العرس اتحدد خلال اسبوعين ما اعرف على شنو هلكد مستعجلين
جنة... كلت البنين اريد احجي ويا منصف تعالي وياي كعدنا سوا
... التريدواصار بس بقت شغلة وحده محد جاب طاريها
منصف.. شنو هي؟
... دراسة اصال انت وعدتني تخليها تكمل وهسه راح تتزوج دراستها شلون؟
... لاتخافين انه شرطت عليهم تكمل دراسة وهما قبلوا اطمئني خوية ترى احنا بناتنة التريد تدرس محد. يمنعها
... الحمدلله هسه ارتاحيت لان اصال شاطرة ما اريد يضيع مستقبلها
... خوية اريدج تحجين وياها وتلينين گلبها عليه من يوم السالفة ولاتباوع بوجهي
... الله كريم اليوم احجي وياها لان باجر راجعين البغداد
بنين.. ليش ماتبقين يمها مابقة شي للعرس لاتعوفيها
... ما اكدر محلوة بقيتي اسبوعين اهنا
.... خوية اذا عليه انه اروح ابقة بيت اخوي وانتي اخذي راحتج اهنا
لاتعوفيها بهيج ايام وحدها كل بنية تحتاج امها يمها وانتي امها
... نزلن دموعي خوية والله على عمه يعني داروح بس صدكوني مترهم الناس شراح اتكول عني مرتة مموجودة وهي باقية بالبيت
بنين... انتي واصال تعالوا يمي ورجلي يجي اهنا حتى انه وياج نطلع سوا انجهزها
ها شكلتي
... ماشي ان شاء الله
اصال من عرفت راح ابقة كيفت اميرة متكدر تبقة ثاني يوم هي وكامل رجعوا
اني واصال رحنا البيت بنين
وكمنا يومية نطلع انجهزها ابوها والشيخ مقصروا وياها بشي
قبل العرس عقدوا محكمة وعزمونا عدهم ناس طيبين مشفت منهم شي محلو بالعكس شالونه بالصلوات
اصال.. اني ورضا الكلام بينا قليل اني اخجل وهو مثل مكالوا رزن مو ملطلط
هواي حبيت شخصيتة عقدنا محكمة
جان كولشي سريع سريع لان مظل شي على موعد العرس
جنة... من نطلع للسوك اخو منصف هو يودينا ويرجعنا صح محترم ومشفت منه شي موزين بس مرات اشوفة يباوعلي ومن يشوفني شفتة بسرعة يدور راسة
لهذا قررت اتعامل ويا برسمية اكثر ومن احجي ويا بكل جملة اكولة اخي
اليوم كعدت احجي ويا اصال علمود ابوها
اصولة شوكت تحنين على ابوج ترى خطية لاتظلين متجاهلتة
.. ومنو يكولج ما احن عليه بس مدري شبيه كلما اريد اكسر الحاجز البينه ما اكدر
... ممممم يعني بديتي تتعلقين بي اتصرفي ويا على طبيعتج وبمرور الأيام مراح تبقة اي حواجز بينكم
.... ماشي راح احاول
اليوم حنتي رجعنا البيت منصف
الظهر تفاجئنا اني وجنة بدخلت خالة والبنات كلهن ركضت ابوس بيهن وحدة وحدة
خالة.. والله كبرتي اصولة وراح اشوفج عروس
دعاء... اي كبرت والاكبر منها محمضات على گلب امهن
.. ياااا ولج ادورين زواج
...يوووم مو وكت ترزليني ترى احنا جايين خطار عيب
اصال. ياالله متتصورون اشكد فرحانة بجيتكم
... شلون نعوفج بهيجي يوم انتي حالج من حال بناتي
.. اووي فدوة العينج خالة رجعت حضنتها
ارتاحن البنات واستلمني حفافة وصبغ اني مردت ميش وشقارات لان متعودة يا عروس جانت تجي للصالون شعرها اصفر ههههه
ردت تغيير صبغتة اسود فاحم
لاكلي لان اني بيضة وبرز لون عيوني اكثر
لبست بدلة مارونية تجنن ومكياج اميرة ضربتلي
من نزلت جوا النسوان ظلن يصلن على النبي
بدت الحفلة تونست بيها لان جنة والبنات يمي ركصت براحتي هههههه
الليل يلا خلصت جنت تعبانة سبحت وتمددت
بنين... اصالة ابوج يريدج
... عفية والله تعبانة شينزلني
دعاء... حقج اتعبين لعبتي جولة
.... ترى جنت اركص بأدب لان عيب من النسوان
بنين.. فلك طرج هو وينه الادب
... حتى انتي صرتي مثلهن اكوم انزل احسن
دخلت للأستقبال منصف كاعد واكيد باهر ويا ههههه ابد ميفاركة
منصف... تعالي كعدي يمي لو هم ماتريدين
... بدون ما احجي رحت كعدت بصفة
... اريد فرصة اصال لاتظلين دايرة وجهج عني
.. اني مدايرتة بالعكس داتصرف عادي
... وينه العادي وانتي حتى حجي ماتحجين وياي ادري ظلمتج بدال المرة مرتين مرة من ماصدكت مرجانة من كالت عندك بينة والمرة الثانية انطيتج وانتي ماراضية وراح ارجع انحرم منج
...لاتهتم اني مزعلانة ولا ضايجة منك
باهر.... مادامج مو ضايجة شراح تسمي ؟
... شنو هذا السؤال
... اخذيني على كد عقلي وجاوبي
.... هو غير اسمه منصف
... منصف بدون بابا
منصف... عوفها اتكول اليعجبها شينطق لسانها راضي بي
.. سمعت شكال ياريت اتبطل اتصير محامي اهنا احنا مو بالمحكمة
..... الله يساعد ابن اخوية الراح يبتلي بيج
.... شوف اخوك شيكول يعني اني بلوة
منصف.... هو رضا وين يلكي منج لويدور البصرة كلها لازم يشكر الله لان صرتي اله
..... ممممم اي هذا الحجي الحلو
منصف... هذا بيتج وبيت ابوج مفتوحلج بكل وكت واشوكت ماتحتاجيني تلكيني يمج اليغثج بكلمة ارده ابطن امه
جنت اتمنى ابقيج يمي واصبح وامسي بهالوجه بس الله مكتب هالشي مكتوبلي ارجع انحرم منج
.....خوية مو جنك زودتها قابل وين رايحة هو بيت اخوك يم بيتك
.... ليش ماتطلع وتعوفي وياها وحدنا ماتنلام بيك من اتكول صاير محامي براسنا
.... ههههههه كمل خوية كمل بلكي ابجيلي جم دمعة وياكم على الواهس
اصال... ولاتخلي الواحد يتاثر ويعيش اللحظة
...انتي ليش اكو شي ياثر بيج
.. خزرتة وانداريت على منصف كتلة لاتظن اني اكرهك لا والله ابد كل مافي الموضوع اني ممتعودة عليك اني مصارلي فترة طويلة من عرفتك
.... ادري بوية وانه عاذرج وكل الرايده منج لاتنسيني وتعالي زوريني
ولو انه يومية راح تلكيني يمج
...ابتسملة احسه بسيط حتى بكلامة لا إرادياً حضنته
العبرة خنكتني نزلن دموعي وهو هم بجة
باهر ..اكوم اطلع لا اروح ابجي وياكم وتدرون بيه گلبي رجيج بسرعة يتاثر
... وخرت من حضنة ومسحت دموعي اكولك شنو يعني رجيج
منصف.... يعني ضعيف
.... وميكول ضعيف شكو يصعبها عليه
ظلوا يضحكون عفتهم وصعدت نمت
واجة يوم عرسي.......
يتبع
رواية بنات الغجرية الفصل الثلاثون 30 - بقلم بسمة البياتي
_بنات الغجرية _
( بقلم بسمة البياتي)
_البارت الثامن والعشرون _
وكفت كدام المرآيا اتأمل شكلي واني بالبدلة البيضة
بساطة التسريحة ويا فخامة البدلة والتاج والمكياج الهادئ حسسني اني ملكة من ملكات القصص الخيالية
البنات داير مدايري بنعكاس المرآيا عيني راحت على جنتي واكفة تتأملني وكلما تنزل منها دمعة تحاول تمسحها بسرعة
غمضت عيني بقهر اااه يا جنة جنت اتمنى انتي التلبسين البدلة البيضة قبلي واشوف السعادة بعيونج فنيتي عمرج علمودي شوكت ترتاحين وتستقرين
رفعت راسي ليفوك وهمست ربي اطعم جنتي هاي الفرحة ولاتحرمها منها يارب ارزقها على كد نيتها وطيبة گلبها
ام وليد... اللهم صل على محمد وآل محمد هاي شطالعة ربي يكفيج شر العين
... ابتسمتلها شلت اطراف البدلة ورحت وكفت كبالها بستها من راسها وحضنتها الله لايحرمني منج ومن البنات
دعاء... عفية ادعيلي وتعالي خلي اكرصج بلكي الحكج بسرعة
... هههههه بوستهن كلهن واخير شي توجهت النور عيوني جنة
لزمتها من ايدها وبوستهن اخذتني الحضنها وكامت تشهك
.... عطر بنتج اليوم عروس اتمنى اكون حافظت على امانتج خيتي
...رجعت حضنتها بقوى وحجت بصوت عالي واني متروسة فخر من هالأنسانة الي شما اكول عنها ما اوفيها حقها كفيتي وفيتي يا تاج رأسي لو اظل طول عمري خدامة جواه رجلج مراح اكدر انطيج حقج
... حقي اشوفج فرحانة ومرتاحة ودوم تذكريني وماتنسيني
... معاش الينساج ياعمري انتي
بنين... يااا فدوة العينكم كافي بجيتونا وياكم هاج هذا القرآن خلي بيدج
... اخذتة منها
... منصف يريد يسلم عليج قبل لاتنزلين
... خالة والبنات طلعن دخل منصف للغرفة عينه دمعت من شافني
... شنو هالحسن بوية طالعة فلعة گمر
.. يعني بس هسه اني حلوة
اجة تقدم عليه وباسني من راسي كال
هو وين اكو بحلاتج
...ابتسمتلة فتح علبة جبيرة وطلع منها حزام ذهب
فتحت عيني من شفتة فخم وثكيل ومبين صياغة خاصة لان مشايفة مثلة يمكن سعره بهذاك الوكت فوك العشرة مليون لف ايده على خصري ولبسنيا
كتلة هذا ثكيل ومبين غالي
... ماكو شي يغلى عليج انه اختاريتلج احزام حتى كلما تلبسي تذكرين ابوج احزام ظهرج وشوكت تحتاجيني تلكيني يمج
حضني وهمس انه من هسه. ضمنت حقوقج اذا الله اخذ امانتة اريد اموت وانه مرتاح
تركتج قبل للضيم ما اريد اكرر نفس الغلط
....كمت ابجي بصوت عالي عفية لاتحجي بالموت الله ينطيك الصحة والعافية اذا تريد تعوضني عوضني بحبك وحنانك مو بفلوسك
...لاتبجين بوية ترى اطخ براسي اخرب العرس واعوف اهلي وناسي واخذج واهج
....ههههههه مسحت دموعي جاااا من كتلك ما اريد ازوج ليش ما اخذتني وهجيت
..... هههه اروحن فدوة للتكول الجااا
بنين... الزفة راح تجي يلا نزلي
... ونزلوني جواه كعدوني بالديوانية
النسوان الموجودات من شافن الأحزام عيونهن نطت عليه
جنة وخالة ظلن يقرن المعوذات الأحزام لفت نظرهن اكثر من شكلي هههههه جابولي الكبوس لبستة لان الزفة حتوصل
من كالوا اجتي وسمعت السيارات بطني مغصتني
دخل رضا لابس زي رسمي مو عربي لايكلة يمشي برزانة اجة كعد يمي
خواتة وكرايبهم حركن الجو بالردح والهلاهل والكولات
كالوا يلا خلي نطلع البنات نزلن الكبوس على وجهي لزمني من ايدي وطلعنا
صعدت ويا بسيارتة جنت اتمنى جنة تجي وياي بس كالوا ميصير
ساق السيارة ومشينا ساكت كولشي محجة واني هم مرتبكة وخايفة حتى رأسي مرفعتة
انتبهت الفونة مخلي بصفة كل شوية تضوي الشاشة
فترينا شوية وكفنا يم مصور اجة اخو كال المصورة مموجودة بس رجال
رضا... موكتلكم ما أريد صور عود ناخذ بالموبايل يلا خلي نرجع ماظل وكت
.... ضجت لو بيدي اعيط بي هذا شبي حتى صور ميريد نأخذ دلغمت وهو اصلا ممعبرني
رجعنا البيتهم حتى فندق ماكو دخلوني جوا كعدت والبنات شالن الكبوس من راسي
جنة... شبيج ليش ضايجة؟
... بله بربج هذا هم عرس لاصور لا.حفلة حتى فندق هم ماكو
... اشش نصي صوتج هاي عاداتهم شسوين
.... يا عادات واني الي جنت احلم اسوي عرسي بارقى قاعة وادخل مثل الاميرة واركص سلو واقطع الكيك تالي حتى صور محصلت
... متت قهر عليها بس شسوي الأزم اصبرها ماأريدها تنقهر
سودة عليه لاتضوجين ترى الحفلة والصور مو شي مهم المهم هو خوش ولد وقسمة زينة وتعيشين ويا مرتاحة
.... مجاوبتها لان ضايجة
أميرة..شبيها مبوزة
... لان ما اخذولها صورة
... حقها لعد شكو لبست البدلة والمكياج غير تاخذ بيهن صور يبقن ذكرى وتشوفهن الجهالها اذا الله راد
... اسكتي يمعودة لاتسمعج وتسويلنا سالفة الله وكيلج بالكوة سكتت
... صبوا العشا النسوان كعدن يتعشن
ام رضا كالت صعدوها الغرفتها لان بعد شوية يزفون العريس
من سمعت بطاري الزفة الزعل والضوجة تحولن قلق وخوف
اخذوني البنات للغرفة اني الغرفة شفتها مرة وحدة من اجيت بيوم العقد حتى ملابسي مرحت اني رتبتهن دزيت البنات يرتبوهن
رغم حرارة الجو جنت ارجف
أميرة... يااا شجاج ترجفين لعد وين راح لسانج ووكاحتج
... بهالوقت بالذات ما أريد مداهر وتصنيف
.. شمعنى هالوقت بالذات وغمزتلها
... اهووو فدوة سكتوها
جنة.. حبيبتي اهدي ولاتخافين كل بنية تمر بهذا الموقف وتعدي والحمدلله وتصير أحلى ذكرى بحياتها
... اجت امال اخت رضا كالت يلا نزلن راح يزفون العريس
لزمت ايد جنة ما اريدها تروح عفية وين رايحين وعايفيني على الأقل ساعدوني انزع البدلة وين حدبرها بوحدي
اميرة... هههههه هاي الشغلة على العريس مو علينا
... انتي اسكتي كلما تحجين توتريني اكثر
امال... حبيبة مظل وكت لأزم ننزل وهذا الحمام يمج بالغرفة ابوية كبر الغرفة وبناءه مخصوص الج حتى تأخذين راحتج
... اجوي البنات بوسني جنة همست اريدج تصيرين سباعية وتبيضين وجهي
نزلن وعافني
هي مال سباعية بهالزلك هو اني شوية ويغمى عليه كعدت على الجرباية وافرك ايد بايد
صار صوتهم قريب دكات گلبي زادن الخوف. سيطر عليه تماما
انفتحت الباب ودخل رضا
دنكت راسي مستحية هو ولاعبرني عبالك مموجودة راح يم الكنتور اخذ ملابس ومشى بتجاه الحمام قبل لايدخل كال راح اسبح وانتي نزعي بدلتج شمنتظره
عقدت حواجبي هذا شبي
كمت من مكاني وكفت يم المرآيا هسه اني شلون اكدر افتح القيطان كمت ادردم
كتلهم ساعدوني عاندو شون بلوة يربي
حاولت افتحة مكدرت جريت وعتيت وماكو فايدة
عفتة وشلت الطرحة وكعدت افتح التسريحة جانت بسيطة مبيها ماشات وسبري هواي بسرعة انفتحت
طلع الافندي سابح لابس بجامة وفانيلة والمنشفة بيده ينشف شعره
شافني بعدني ممبدلة رفع حاجبة
... مو كتلج بدلي شنو سالفتج
.... مكدرت ايدي متلوح القيطان وهو مشدود قوي شسوي يعني
... اشو تعاي
... وكفت يمه وانطيتة ظهري ارتبكت من قربة اوويلي معت من المستحة
فتحة الي بطارف اصابيعة حتى مطخني عبالك بيه مرض معدي بديت اشك بامرة
.... يلا بدلي وتعالي
... وين اجي
.... نفتر بالمول الخاطر الكعبة لاتسوين نفسج غشيمة
...اختنكت من اسلوبة الجاف الدموع لمعن بعيوني
البنات محظريلي سيت نوم اخذتة ودخلت للحمام
كمت اتنفس بعمق اريد اهدء روحي
اهدي اصال اكيد هو هم مرتبك مثلج لهذا هيجي حجة ملأزم احكم عليه من اول يوم بدلت وتلفلفت بالروب وطلعت
رضا متمدد على الجرباية وبيده الفون مشيت من كدامة رحت للطرف الثاني وكعدت بحافة الجرباية
اكثر من خمس دقايق اني بمكاني وهو بمكانة نتر بيه وتالي راح اظلين كاعدة هيج
انداريت عليه همست لعد وين اروح
.. تعالي يمي اريد افض السالفة وانزل
.... متت خوف متحركت من مكاني
رضا تافاف بضجر واجة سحبني من ايدي محسيت بنفسي غير اني بوسط الجرباية
يتعامل وياي برود قاتل
من خوفي وارتباكي حاولت ابعده مني
... اشكد تتحركين شلون ورطة هاي
.... خفت منه من شكله مبين متعصب ظليت جامدة بعد متحركت
حاول ياخذني مكدر ابتعد وهو موجر نار
ظل يفتر بالغرفة ويفرك بوجها
لملمت روحي وسترت نفسي كمت ابجي خايفة منه لان شكلة ميتفسر
راح فتح الشباك ووكف يمه ظل يتنفس سريع
وراه خمس دقايق سد الشباك ورجع يمي وهم حاول يتقرب ونفس الحالة مكدر
ذب حرگتة بيه يعيط عليه
... مو اكلج لاتتحركين شنو بيج صرع انعل هيج قسمة خرب بالزواج والي يزوج
... كمت اشهك اني ششعليه شبيك تعيط عليه
... رحمه الأهلج لاتعوين ترى روحي وصلت لهنا ويأشر على خشمة
... دخلت جوا الديباج وغطيت راسي دخيل الله اني شجابني على هذا الخبل
سكت وبس اسمع صوت انفاسة الغاضبة
مرت نص ساعة واحنا على حطتنا اني خاتلة جوا الغطى وهو كاعد وساكت هم زين الغرفة باردة جان انصمط ابو ابوية بهالحر
صوتة كام من مكانة كشفت راسي شوية باوعتلة راح طفى الضواه وتوجه للبردا سدها كلها الغرفة صارت ظلمة هندس
صافنة هذا اشديسوي اجة تمدد بصفي وتغطى وياي رجع يحاول يتقرب بس هالمرة بهدوء عبالك بدلوا ولانفسه القبل شوية گلب الدنيا على راسي
ظل يتلمس بجسمي ويبوس بيه اني منطيت اي ردت فعل خايفة منة
همس قريب من اذني حضنيني بوسيني اتفاعلي وياي لاتظلين جامدة
شيكولي انفذ بس أريد هالليلة تعدي على خير لان هالمرة اذا هم مكدر يسوي شي يمكن يخلي قهره بيه ويخنكني
اشكد تأذيت ظليت كاتمة وجعي
اخذني وصرت مرتة
ابتعد لبس ملابسة راح شغل الضواه اخذ دشداشتة ودخل للحمام
كمت بسرعة طلعتلي دشداشة لبستها وكفت كدام المرآيا انصدمت من شكلي صاير فلم
مسحت المكياج الباقي بوجهي
طلع من الحمام لابس دشداشة بيضة
رغم السوا بيه مدري ليش من اشوفة گلبي يرجف عليه وكولشي بي يعجبني
رضا... انه نازل جواه من يصعدنلج النسوان اياج تحجين شي عن الصار بالبداية مفهوم
... هزيتلة راسي بمعنى اي طلع من الغرفة رجعت كعدت واني متوترة ومستحية
سمعت صوت الهلاهل جواه اووف ياربي شهالفضايح
دخلن عليه امه وخواتة وجنة واميرة وهم استلمني هلاهل عبالك محررين القدس وديحتفلون
اميرة... شسويتي بالولد عبالنة اليوم مراح ينزل ههههه
امال... حقه شاف هالجمال وتسودن
.. حجيت بگلبي والله هذن بطرانات مايدرن سوا الغرفة هندس حتى لايشوف وجهي
جنة.. مبروك حبيبتي همست خوما متأذية
... لا عمري مبيه شي
ام رضا... جبنالكم العشا حتى تتعشون
يلا بنات امشونا ننزل
.. رجعن نزلن وعافني ورا شوية رجع رضا
. تعشيتي لو بعدج
... لا بعدني
... كومي اكلي انه موجوعان لاتنتظريني
.. مناقشتة كمت جبت الصينية اكلت شوية وشلتها
اخذت ملابس دخلت سبحت
من طلعت رضا بيده التلفون ومن شكلة مبين مهموم
نشفت شعري ورجعت لفراشي لا اني احجي ويا. ولا هو يحجي وياي
غمضت عيني ولان تعبانة بسرعة اخذتني النومة
جنت كلما افز اشوفه بعده كاعد وبيده الفون
والأن كابس عليه النعاس بسرعة ارجع انام
... نص الليل فزيت وهذا على نفس كعدتة الغرفة ظلمة وبس ضوا الفون بوجها ظليت صافنة عليه
هو ولا حس بيه عبالك مموجودة الشك ترس گلبي
حتى النومة طارت هذا ابد وضعة مو طبيعي وسالفتة مو خالية
ظليت اراقبة جنت مخليه ايدي على كصتي حتى لايعرف اني كاعدة
ركزت بملامحة مرة يعقد حاجبة مرة يتافاف مرة يتحسر
راد يكوم من الفراش باوع عليه
بسرعة غمضت حتى لايعرف بيه كاعدة سمعت صوت خطواتة فتح عيني شفتة توجه للحمام والفون بيده
مكدرت ابقة بمكاني الفضول يقرأ الف شعنده ياخذ التلفون ويا للحمام
كمت من مكاني بهدوء بدون صوت مشيت على اطراف أصابيعي وكفت يم الباب
گلبي يدك سريع اخاف يطلع ويشوفني بس ما اكدر ارجع المكاني لازم ارضي فضولي
سمعتة يحجي بهدوء الشك صار يقين ركزت بكلامة
رضا... بعد روحي لاتبجين بالعباس دموعج ذبحني
دشوفيني سهران وياج وعايفها
تدرين بيه اشكد احبج. وعيني ماتشوف غيرج
.. خليت ايدي على حلكي اريد. استوعب الداسمعة لعد اذا مرايدني وهلكد يحبها ليش اخذني
كمل كلامة يكولها وداعتج مالي نفس بيها بالكوة كدرت اتقرب منها حتى رجولتي ماتنثار اتجاها
بالظلمة يلا كدرت اخذها ولوما حجي اهلي والناس ماجان وصلتلها
اصال....الله ياخذك لو بيدي ادخل املخة الحقير
.. وعد بعد ما ادنالها
ومن اهلج يوافقون على زواجنا اطلكها وشيصير خلي يصير حتى لو تتبرى العشيرة مني طز بيهم المهم انتي تصيرين الي
...متحملت ابقة واكفة لان دخت ورجلي بالكوة شايلتني رجعت لفراشي واني مذبوحة ومكسورة هي هاي ليلة العمر الحجولي عنها هو هذا ابن العم الي راح يحافظ عليه ويصوني
بجيت الحد ماتعبت وهو بعده بالحمام يحجي وياها حتى ماهمه اذا اكعد واكبسه
لوجه الصبح يلا اجة نام
اني عيوني كامن يحركني من البجي حايرة شسوي اكول الجنة عليه لو انجب واسكت
ساعة سبعة الصبح رن فوني رقم جنة جاوبتها
من كالت الو
لوبيدي اصرخ واحجيلها على قهر گلبي
... اصولة شبيج ليش ساكتة
. مابية شي عمري بعدني ممصحصة
.. ردت اسلم عليج قبل لا ارجع البغداد
... ششنو وين ترجعين لا عفية جنة ابقي لاتروحين
... حبيبتي والله بعد ما اكدر ماترهم بقيتي وانتي هسه ازوجتي لأزم تتعودين على حياتج الجديدة
.... سكتت وكمت ابجي لو بيدي اكولها اخذيني وياج ولاتعوفيني
.... ليش دتبجين بيج شي
... انتي هم دتبجين مو بس اني جنونة تعالي اشوفج قبل لاتروحين
... ماشي حبيبتي راح نجي
.... سديتة منها. رحت للحمام غسلت
شفت عيوني حمر ووجهي تعبان عدلت شكلي ما أريدها تحس بيه وتضوج لبست الشال وكعدت انتظرها
رضا بسابع نومه هه حقة هو قبل ساعة يلا نام
اندكت باب الغرفة كمت فتحتها
ربى اخت رضا... گرايبج جوا يردنج
... نزلت وياها اول مشفت جنة حضنتها وغصيت بالبجي
ام وليد...شبيج بنيتي ليش كل هالبجي
.... ما اريد جنة تروح
اميرة... لج بابا انتي بعد أزوجتي شسوين بيها
ام رضا... رضا وينه ليش مانزل
... بعده نايم
امال. ههههه من شكلج مبين سهرتكم صباحية
... هه اليدري يدري والميدري يحجي بكيفة حجيت بگلبي اي صباحية بس مو وياي ويا غيري
سلموا عليه وراحو جنة من راحت اخذت روحي وياها
ام منصف... تعالي يمه تريكي ويانه
امال... يااا غير تتريك ويا رجلها
.... رحت كعدت يم بيبي هدية حطت ايدها على كتفي كالت لاتضوجين بنيتي شوكت ماتردين خلي رضا ياخذج الها
ام رضا. شنو رضا ماعنده شغل وعمل يظل ماخذها وجايبها
.. باوعتلها بستغراب هاي شبيها فجأة انگلبت
هدية.. هو مو يداوم اهناك من يروح ياخذها ويا
.... جااااا تردينا يعوف الدوام ويظل يفتر بيها
..... اني مطالبة منه ياخذني ماكو داعي الهذا الكلام
ام رضا خزرتني رادت تحجي امال بسرعة غيرت الموضوع صبتلي الجاي وانطتني كالت تريكي ولاتستحين
اكلت شوية ورجعت صعدت العاشق اللولهان بعده نايم
تمددت بعيده عنه الف سالفة براسي من التفكير والقهر حسيت راسي حيطك
مدري شلون اخذتني النومة
صارلي اسبوع مزوجة حياتي ويا رضا من سيئ للأسوء النهار كله. التلفون بيده وكلامة وياي على كد السؤال والجواب
باليل للفجر يسهر ويا حبيبتة يطلع برا يحجي وياها ومن يرجع للغرفة يظل يراسلها للصبح
امه طلعت احقر من مرة رحيم تباوع عليه بالعين الصغيرة تحسسني اني جاية من الشارع
كدام الشيخ وباهر تمثل دور العمة الحنونة ومن يروحون تستلمني اهانات وكلام جارح
خلال هذا الأسبوع انكسرت اصال القوية ومبقة منها غير اسمها
يطخ براسي اعوف الاول وتالي وانهزم منهم وبعدين اتعوذ من الشيطان واتراجع عن تفكيري
باليل كالعادة رضا طلع يخابر
اختنكت اريد احجي البگلبي لزمت التلفون واتصلت على دعاء
سلمت عليها وسولفنا شوية
دعاء... شبيج اصولة شو مو على بعضج معقولة الزواج غيرج وخلى دمج يصير، ثكيل
... متحملت بجيت كتلها البيه ضيم وقهر اني جاي اموت ومحد حاسس بيه.
... اسم الله ليش هيجي تحجين شصاير لحظة خلي ادخل ثناء ويانة للمكالمة لان كاعدة بصفي
.... حجيتلهن ضيمي وكسرة گلبي
ثناء... لعد ليش قبل يزوجج اذا يحب غيرج شنو بنات الناس لعبة
.... انصحوني شسوي گلبي حيطك
دعاء.. عوفي انعل ابو لابو شرفة شنو انتي نايهتلة احجي الابوج خلي يطيح حظه
ثناء... لحظة دعاء ترى الموضوع جبير مو مال عصبية وتهور
...الديسووا بيها لا يرضي الله ولا عباده شنو هي لعبة ويلعب بيها ومن يمل يعوفها
ثناء... اصال سمعيني ومعليج بكلام دعاء انتي بعدج عروس اذا زعلتي ورجعتي البيت ابوج الناس مراح يرحموج لاتنسين انتي ازوجتي بسبب اتهامات عمج ومرتة من تزعلين
الكل راح يحجون عليج ويكولون هذا عافها لان شاف عليها شي
.... فوك سوايتة يحجون عليه شنو هالظلم هذا
.... للآسف احنا عايشين بمجتمع ذكوري دوم حق المرأة ضايع شيسوي الرجال يكولون عادي من حقة واقل تصرف من المرة تقوم القيامة وبحالتج انتي الحق راح يصير ويا رضا والكل يوكفون ضدج ويشوهون سمعتج
وابوج اذا دافعلج راح تصير عداوة بينا وبين اخو ويتقاطعون وبهذاك الوكت الناس راح يكولون بسببها طلق زوجتة وهسه تخارب ويا اخو واللوم كله يصير عليج
.... وبهاي الحالة شسوي اني؟
.... اسكتي هسه وفوضي امرج لله حاولي تكسبي بلكي الله يهدي ويعرف قيمتج واذا ظل على نفس وضعة انتظري مدة وبعدها فكري بالأنفصال ويجوز هو بنفسه يطلب منج تنفصلون وبهالحالة الحق كله حيصير وياج انتي
دعاء... اول مرة تحجين شي برأسة خير
.... كلام ثناء صح هسه اذا حجيت اطلع اني الموزينة والكل يلومني خصوصاً اني حفيدة مرجانة محد راح يصدكني
قررت اسكت واتحملة ومثل مكالت ثناء احاول اكسبة لأن للأسف گلبي الأرعن وكع بحبه.......
يتبع
ممكن متابعة للآخ المبدع الكاتب علي الفتلاوي aliAbas036