تحميل رواية «هَيْصَم» PDF

هَيْصَم

الكاتبة زهراء احمد

___

سواد، ظُلم نال العِباد

ذلك الفارس اعتلى الجواد

يُكنى بالأسد قوي الوتد

لديه أعداء شرسين أقوياء

مجرمين حُقراء

وعلى جنبيه إثنين

أحدهم يتعامل بالدين والآخر يدعي انهُ مسكين

هذه الحرب اقامها طرفان

كلامها ليس لديهِ عنوان

غموض سرى في جسمان

وبين طيات الصفحات نكشف لكم سر سببهُ الملذات

اوصل بنا إلى دار الأموات

اصوات سيارات الشرطه هي الوحيده المسموعه قريب هذا البيت، دخلوا جميع العناصر والقوا القبض على كل المشبوهين الموجودين جوه، شويه شويه ابتعد الصوت بعد مراحوا للمركز وبدوا تحقيق مع المجرمين لكن اني بقيت ثابت بالمكان، اراقب عن كثب، رجليه خذتني للداخل، فتحت الباب على كيف ودخلت، توقفت ودرت نظري، غرفه مفتوح جزء من عدها، اسمع ونات هادئة ومتكرره،ونات شخص يطلب الرحمه وبأنتظار منقذ، رحت بسرعة وفتحت الباب، بنية شابه واكعه على الكاع والدم ماليها، وگفت يمها ونزلت لمستواها قست نبضها وقربت راسي يم شفايفها اسمع شنو تهمس.

: س، ساعدني.

رفعت راسي واني ادقق بملامحها، وجهه أصفر ومبين خسرانه هوايه دم، غمضت عيني ومررت ايدي على بطنها اشوف منين تنزف، من عرفت المكان نزعت السترة وخليتها عليه وضغطت على جرحها بكل قوتي حتى ماخليها تنزف أكثر وتصلت عليه.

هَيْصَم: الو، وينك انت؟

أرفد: بطريقي للمستشفى محتاج شي؟

هَيْصَم: راح انطيك عنواني تعال بسرعة او وياك إسعاف.

أرفد: شنو اكو، صاير وياك شي؟

هَيْصَم: يمي جريحه اريدك تجي بساع ماكدر اسيطر على الوضع وحدي.

أرفد: راح اغير اتجاهي بس كلي الجرح بشنو او وين مكانه؟

هَيْصَم: بسكين حاده، الجرح عميق جداً وتنزف هوايه لدرجه مبقى شي وتخسر دمها اما مكان أصابتها ببطنها قريب الكلى.

أرفد: اكو اسعافات أوليه قريبه من عندك؟

هَيْصَم: شوف كدامي خيط واحد وافقد عقلي بالكامل فلتعصبني أرفد بأسألتك الغبيه.

أرفد: لازم تخلي الدم يوكف حتى ماتموت بين ما أوصل.

هَيْصَم: مخلي سترتي عليها انت بس ستعجل.

أرفد: مسافة الطريق واني يمك.

سقت بكل سرعتي بعد فتره وصلت للعنوان اللي دزه أليه نزلت بسرعة وفتحت الجنطه مالت السياره واخذت جنطه الأسعافات بيها كل اللي احتاجه اثناء عملي، معقم وخيط وأبره ومقص ومشرط وبلاستر، ركضت وفتحت الباب اعتقد الساعة 2 الصبح منطقة شبه صحراويه ومبيها أحد فقط كم بيت مبعثرات هنا وهناك، اول مفتت صحت بصوت عالي: هَيْصَمممم.

:سمعت صوته جاوبته بسرعه.

هَيْصَم: على جهة اليسار غرفه بابها أسود تعال بسرعة.

: دخلت وصار بوجهي هو وبين أحضانه بنيه ركضت ناحيتها وفتحت الجنطه، مزقت قميصها وعقمت الجرح اني سابقاً ولا مره بحياتي سويت عمليه جراحيه لغير القلب لذلك حاولت قدر المستطاع اسيطر على النزف واضمده بشكل جيد، بعدها تنزف والواضح اذا بقت هيج تخسر دمها بالكامل لذلك لازم نتخذ خطوة سريعه وهي نقلها الى اقرب مستشفى وللأسف بالعراق العظيم ماكو هوايه مستشفيات وبجميع المناطق السكينه ما بالك بمنطقه شبه سكنيه او تكاد تكون معدومه من السكان واذا اتأخرنه اكثر من هيج ممكن اتموت، اخذت نفس عميق قريت سورة الفاتحة والتوحيد وهديتهم لأم البنين فتحت تضميدي وطلعت الأبرة والخيط بعد متأكدت السكينه مواصله للشريان او الأوردة ومسببه تمزق بيهم لذلك راح ايكون العمل أسهل، عقمتهم وباشرت بروف جرحها بعد معقمته بما انو هي نزفت هوايه ميصير انطيها مخدر لأن هذا الشي ممكن ايخليها تدخل غيبوبه لأن هي فاقدة الوعي بشكل كامل كملت بألف يالله، رفعت راسي شفته يتنفس براحه حجيت بسرعه وبدون مقدمات: الأسعاف وعلى رغم اتصالي بيه مگدر يوصل لازم ناخدها بسرعة للمستشفى حتى ينطوها دم وهمات يتأكدون من الجرح سليم وماكو اي مضاعفات بالأخير اني دكتور جراح قلبيه مو باطنية.

هَيْصَم: شغل السيارة راح اشيلها أني.

أرفد: انتبه اي حركه ممكن اتخلي جرحها ينفتح اخذ حذرك وانت تمشي بيها.

هَيْصَم: حاضر آوامر ثانية؟

أرفد: في حال اطلب الأمر انت وشطارتك.

هَيْصَم: سؤال خطر على بالي واريد اعرف جوابه.

أرفد: اذا على الأسعافات اللي عندي لتكون متفاجئ من عدها لأن اني حريص دائماً على سلامة المرضى وذات يوم صار حادث وشخص فقد حياته بسبب النزف لذلك صرت اخذ هاي الأشياء وين مرحت احتياط يعني.

هَيْصَم: شوكت تفتح عيونها صار فتره طويلة غايبة عن الوعي؟

أرفد: خسرت هوايه دم لازم توصل للمستشفى بسرعة لكن اني عندي سؤال، من تطلع بهيج عمليه خطره ليش ميكون وياكم اسعاف ترافقكم في حال صار اي شي سيء؟

هَيْصَم: أرفد بشرفك ليش اتحسسني احنه عايشين بأمريكا وهيج مهم الحفاظ على حياتنا؟

خلي ابالك جمله مهمه انخلقنه حتى نحمي هذا البلد لكن الحمايه النه فهي من الله فقط، لتتأمل اكو مقابل لعملك، اهنا فقط تگدر تعيش مرتاح.

أرفد: حاول تخليها تُكعد ان شاء الله هاي المره تستجيب وياك.

هَيْصَم: انت مو گلت خسرت هوايه دم اشلون اگدر اخليها تفتح عيونها؟

أرفد: حاول مراح تخسر شي بالأخير هي بين احضانك استغل الفرصه وداعب وجناتها يمكن متگدر اتعوض الفرصه هاي مره ثانية.

هَيْصَم: الزواج صنع من عندك انسان سخيف وبلا اخلاق حيل.

أرفد: لتحاول تضهر شي ثاني غير احساسك هاي اللحظة لتخجل من عندي سوي اللي يعجبك اعتبرني ماشايف شي.

هَيْصَم: أررررررفد سوق وانت ساكت قبل ما اصب غضبي عليك.

أرفد: محد يگدر يحجي وي أرفد بهاي الطريقه غيرك.

هَيْصَم: ومحد يگدر يتجاوز الحد وي الهَيْصَم غيرك، لذلك خليني عاقل قبل ما أأذيك ابن خالتي.

أرفد: رخي أيدك گاعد تضغط على جرحها بقوة.

هَيْصَم: بسببك انت عصبتني، هسه شنو اسوي كول راح تتأذة؟

أرفد: ماعرف راح استعجل وانت ابقى ادعي بهيج حالات ماكو مساعدة جيدة افضل من الدعاء.

: وصلنه للمستشفى ونزل بسرعة وجاب سديه اتقرب ممرض حتى يشيلها ضربت أيدة: وخر اني موجود.

أرفد: أياد صيح الدكتور محسن يروح لغرفه العمليات بسرعة، وانت هَيْصَم سيطر على اعصابك احنه بمستشفى.

هَيْصَم: اللي يدنه أكسر أيدة احجي لموظفينك بهذا الشي حفاظاً على سلامتهم وحتى متلومني بعدين.

أرفد: تمام مثل متريد، خلاها على السديه وميقبل احد يساعده بسحبها حتى وصل لغرفة العمليات صحت أياد يدخلها وكفته بالباب: ميصير تدخل اكثر من هيج هذا المكان مخصص للأطباء فقط والمساعدين مالتهم.

هَيْصَم: انت طبيب هم، ليش حتى متدخل وياهم؟

أرفد: الف مره حجيت، اني عملي جراحه قلبيه شنو دخلني بالباطنيه!!

هَيْصَم: بس انت اللي خيطت جرحها شنو الفرق هسه!!

أرفد: اللي سويته حتى احافظ على حياتها لا أكثر اما الأن فهي عمليه رسميه بأطباء متمرسين.

: بعد فتره طلع أياد يركض من الغرفه شافه هَيْصَم وتغيير حاله تماماً ، اعيونه حمر ويريد ينفجر من الغضب.

هَيْصَم: ادخل وكللهم اذا ماتت أو صار بيها شي هاي المستشفى اتصير رماد وشهايدكم انگعهن واشرب ميهن.

أرفد: اهدئ راح يجيب بطل دم الها لا أكثر ليش معصب وكأن هي حبيبتك؟!

هَيْصَم: هي اهم من حبيبتي ليش متقبل تفهم!!

أرفد: ليش منو هي حتى انت مهتم بيها لهاي الدرجه؟!

هَيْصَم: شاهد مهم، هي الوحيده اللي تگدر اتفيدني بشغلي هسه لذلك سلامتها بسلامة كادركم الطبي بأجمعه.

أرفد: لتخاف هي شجاعه قاومت كل هاي الفتره حتى تبقى عايشه راح اتقاوم هاي الساعتين اني واثق لكن انت مطالب الأن بتسجيل اسم المريضة غير هذا الشي الشرطه راح تفتح تحقيق من وين أجت وشنو سبب أصابتها اول؟

هَيْصَم: ميحتاج الشرطه تفتح محضر اني موجود كلمتي هي بصمة وشاهد، اما أسمها لَّباءَة.

أرفد: من وين جبت هذا الأسم ؟

هَيْصَم: هذا اسمها يعني من وين جبته مثلاً!!

أرفد: تصرفاتك معجبتني بهيج أمور انت تلعب بالنار، في حال فاقت من العملية ونسألت وكانت اجوبتها مخالفه لأجوبتك بوقتها شنو راح يكون موقفك انت؟

هَيْصَم: أرفد اني احترم جداً العلاقه اللي تجمعنا ولكن لتدخل بشغلي، ولا مره سألتك شلون تخيط جروح مرضاك ولا العلاج اللي يحتاجه المريض حتى يتعافى، نفس الشي انت لتسألني عن السبب لأي شي اسويه، لأن جوابي مراح يعجبك ورأيك مراح امشي بيه، وأنت تعرفني عدل، وهسه محتاج مساعدتك، بشي مهم الفكرة والتنفيذ اني اتكفل بيهم انت بس صير بظهري وراح اردها الك ان شاءالله.

أرفد: قضيتي رفعتها لله عزوجل هو الوحيد اللي يگدر يسيطر عليك وعلى تصرفاتك.

هَيْصَم: اذاً لتعب نفسك للأن رب السماوات واگف وياي يعني ايامي السيئة بعيدة المُنال.

أرفد: بشنو أگدر اساعدك؟

هَيْصَم: بالعادة هيج عمليات شگد تستغرق حتى تُكعد منها؟

أرفد: هذا الشي يختلف من مريض لآخر بالأضافة يختلف بنوع الجرح والمكان ومدا خطورته ولكن ک تقيمي لحالتها فتگدر تطمأن خطرها الوحيد هو فقدانها لهوايه من الدم، مره ثانية من تطلع بمهمه اتصل بسيارة أسعاف ترافقك حفاظاً على سلامتكم او في حال حدوث أي طارئ.

هَيْصَم: اغلب اعمالنا تكون سريه شلون اتريدني اتصل بالأسعاف!!

أرفد: والحل؟

تبقى معرض حياتك وحياة فريقك للخطر!!

اليوم صارت بأحد المشتبه بيهم باجر اتصير بيك لازم تاخذ احتياطاتك وراك عائله لتستهان بمشاعرهم.

هَيْصَم: من دخلت بهذا المجال خليت روحي على راحه أيدي اما عائلتي ماكو واحد يموت وره شخص ثاني، شگد مجنت عزيز يجي يوم ينسوني ويتخطون وحتى الفاتحة ميقرأوها على قبري.

أرفد: لتكون متشائم لهاي الدرجه متعرف رب العالمين شنو كاتب بالمستقبل.

هَيْصَم: الأنسان هو اللي يحدد مصيره و الطريق اللي يريد يمشي بيه واني اختاريت اصعب الطرق او أسؤها لذلك لتتوقع من عندي اكون متفائل.

أرفد: مراح تقتنع ميبس راسك ومعند.

هَيْصَم: اذا تعرف ليش اتعب نفسك وتحجي؟

أرفد: فكرت بيك مجال ويمكن تستمعلي هاي المرة، ظنيت ونسيت بعض الظن أثم.

هَيْصَم: انت ليش مصرت دكتور نفسي هاي المهنه اتليق بيك أكثر من الأمراض القلبيه.

أرفد: ماشوف نفسي بمكان ثاني غير غرفة العمليات، بادئ الأمر جان عمل أجباري بسبب والدي وشغفه بالطب اما الأن فهو هوايه ما اگدر اتخلى عنها.

هَيْصَم: صار ساعتين وهي جوه مطلع طعن سكين لو مصابه برصاصه شنو يسوون؟!

أرفد: حظرة النقيب خليك بشغلك وخليهم بشغلهم انت مو افهم من عدهم.

هَيْصَم: اعذرني لكن اني ما اثق بأحد يمكن يشرحون بيها هسه او ياخذون اعضائها شنو يثبلتي عكس هذا؟

أرفد: مستشفى محترم مثل مستشفانا يقدم على هيج عمل انت صاحي!!

هَيْصَم: أرفد صحيح اني ماعندي خبره بالطب بس عندي خبره بالجروح واعرف عدل جرحها ميستغرق كل هذا الوقت حتى يتخيط هو مو خطر لهاي الدرجه المبالغ بيها.

أرفد: بس انت بالغت بيها لهاي الدرجه واكثر لو نسيت شلون جبتني بلمح البصر؟!

هَيْصَم: بعض الأحيان تستاهل اللي يصير وياك هاي عقوبه الأشخاص المبالغين بأداء عملهم بمهنيه عاليه لازم ترخي مرات.

أرفد: بحياة الناس مستحيل أرخي لأن هم مسؤولية وقسم قسمته امام ربي أو واجبي احافظ عليه.

: واحنه دنسولف طلع عمي من غرفه العمليات اتقدم من عنده بثبات وسأله بأحترام.

هَيْصَم: شلون صارت؟

محسن: الحمد الله على سلامتها على رغم الجرح مو عميق وممتأذي اي عضو من اعضائها الحيويه لكن مع ذلك خسرت هوايه دم، الدكتور أرفد گدر يسيطر على الوضع ويخيط الجرح بسرعه والا جان خسرتها لأن من وصلت النه دمها شبه مصفر مع ذلك الحمد الله گدرت تتجاوز مرحله الخطر راح ننقلها للعناية المركزه حتى نتأكد من سلامتها، راح اكتبلك علاج تشربه من تصحه، وبما انو هي شابه أكيد راح تنزعج من أثر الجرح لذلك راح اكتبلها مرهم تستمر عليه بعد متفتح الخياط ، وهسه من رخصتكم عندي عمليه ثانيه لازم احظرها.

هَيْصَم: شكراً جزيلاً الك.

أرفد: الحمدلله على سلامتها.

هَيْصَم: هسه لازم تساعدني مابقى وقت.

أرفد: صعب ليش متفهم اكيد راح يرفعون قضيه للشرطه لازم يفتحون تحقيق اذا مو العم محسن فأحد الممرضين اني ما أگدر اخاطر هيج ليش متقبل تسمعلي؟!

هَيْصَم: اني الشرطه بأكملها، كلمتي كفيله تسكت الجميع، هي شي يخصني ومحد من حقه يدخل لذلك سوي اللي اگوله قبل متشوف ورقه اغلاق هاي المستشفى و محد يكدر يرجعها تشتغل من جديد.

أرفد: اللي اطلبه شبه مستحيل وما موجود بس بالأفلام، انت شخص واحد مراح توگف كدام المركز بالكامل ولا شرطة بغداد، شلون تريدني اثق بجمله من عندك اذا صار شي منو راح يكون مسؤول غيري؟

هَيْصَم: متثق بيه ابن خالتي!!

أرفد: مثل ما انت عندك أهداف اني هم عندي، مستحيل اضيع تعب عمري بدون سبب وجيه يخليني اقبل على هذا الفعل بقناعه تامه.

هَيْصَم: من النهاية گول اتريد تعرف كل شي بأكمله لتلف ودور بنفس الحلقه الفارغه.

أرفد: احسنت، من البدايه وحجي ليش تخليني اخترع اجابات من مخيلتي؟

هَيْصَم: لكن الحجي يدخل باليمين أذنك الشمال متسمع بيه، انتبه مو فقط حياتك اتكون مهدده وانما عائلتك بالكامل واضح كلامي؟

أرفد: متفقين بنفس اللحظة اللي تحجي بيها اني نسيت، وعد.

هَيْصَم: تمام اذا هيج اسمع.

: فتحت عيوني بصعوبه، لگيت نفسي بغرفه ظلمة وباردة بنفس الوقت والألم بطني جبير حيل حاولت احرك جسمي مگدرت رجعت لمكاني ونظري يتنقل بأرجاء الغرفة، طابع السواد ماليها، ظلمه حيل وتنطي شعور سلبي، مجرد بقائي بيها حسيت بخنگه جبيرة متنوصف مثل الجاثوم على كلبي، سندت نفسي بأديه وكمت أجباري وگفت على رجليه بصعوبه واني عقلي كله مشغول، منو اللي جابني لهذا المكان وشنو السبب؟

وشنو صار البارحه؟

أخير شي أتذكره واحد دخل للمكان اللي جنت بيه وساعدني بس منو هو وليش اني اهنا؟

اسأله هوايه أدور بمخي، تقدمت على كيف خليت ايدي على اليده وفتحت الباب، ماعرف وين امشي احس نفسي بدوامه واگفه بالنص ويحاوطني اربع بيبان كلهن باللون الأسود، يفصلهم ممر طويل ماعرف شنو راح تكون نهايته لكن قررت امشي بيه شنو مصار مراح اخسر شي، اتبعت احساسي ومشيت بخطوات هادئة وأيدي مخليتها على مكان الجرح سمعت صوت حركه ورايه اتجاهلتها وكملت مشي، اتوقفت من سمعت صوته وهو يگول.

هَيْصَم: صباح الخير.

: التفتت ورايه، شفت واحد معضل گاعد على كرسي هزاز خشبي مثل اللي بالأفلام بأيدة اليمين مصاصه والأيد الثانيه يطرق بيها على الكرسي طرقات خفيفه، منظره وهو گاعد عليه خلاني اجمد بمكاني بلا قميص بس فانيله، ومخلي رجل على رجل، شكله مثل ابطال أفلام الأكشن الأجنبيه تماماً، أسمر وشواربه ثخينه، قرب المصاصه لشفايفه مررها عليهم وبعدين كام صارت عيوني على القلادة اللي لابسها، سلسلتها سودة ويتوسطها راس أسد محفور عليه حرف باللون الذهبي مگدرت اقرأه لأن هو بعيد، استغفرت ربي او وخرت عيني عنه، حجيت بدون مقدمات والأسئلة تلعب بعقلي لعب: انت منو، واني ليش اهنا؟

طقطق رگبته واتقدم ناحيتي بأستقامه، ابتسامه باردة مرسومه على ثغرة وصل قريب من عندي وگال بنبرة غريبه وهو يمرر عيونه بين ملامحي صعوداً ونزولاً.

هَيْصَم: لَّباءَة جوعانه؟

: فيروز أسمي و اعتقد اني سألتك شنو اسوي بهذا المكان ليش مجاوبتني؟

هَيْصَم: لَّباءَة اسمج اخيوط گلبي.

نرفزني وحجيت بعصبيه: انت اصم؟ دا اگلك اسمي فيروز.

هَيْصَم: لتعصبين بعدين ينفتح الجرح وماكو مستشفى قريب من هذا المكان لَّباءَة.

فيروز: تره اسمي مو صعب لهاي الدرجه!!

هَيْصَم: اسمج لَّباءَة لتعبين نفسج مراح اغيره.

فيروز: انت مريض متفهم شنو احجي صار ساعه واني اكولك اسمي فيروز، لَّباءَة منو هاي ليش تحجي ويايه بهذا الأسلوب؟!

هَيْصَم: مو شُغلي افهمج هاي الأشياء، تعيشين وتتعودين عليه، اخيوط گلبي.

: عصبني حيل كلامه واسلوبه البارد، حجيت بغضب ونسيت جرحي: انت واحد متستحي مخلي بنيه متعرفك بالبيت ومتجمعكم صله قرابه متخاف الله؟!

هَيْصَم: وانتِ اللي تخافين ربج ليش طالعه بهذا اللبس وبلا حجاب همات؟!

تستعرضين كدام رجُل اجنبي تردين تجذبيني يعني؟

: استفزني حيل، كلامه خلاني انفجر بوجهه.

فيروز: واحد حقيررر، بعمري مشفت انسان مثلك عديم غيره وشرف.

: اتقرب من عندي حيل وبأبتسامة، وكف قريب لدرجة انفاسه تضرب بشرتي، لفحتني ريحه الفراوله من شفايفه اعتقد طعم المصاصه هيج، حجه بهدوء.

هَيْصَم: اعتقد لهجتي واضحه جداً اسمج لَّباءَة وانتِ راح تسكنين ويايه بهذا البيت لفترة طويلة، كلما تأقلمتي اسرع كلما كان الأمر أفضل.

رجع بخطوات ليورة وخر عني ورجع المصاصه لثغره، بعدت نظري عنه واني احاول أدور بعيوني عن مكان الباب مالت البيت ما أدري المتاهة هاي، أريد ارجع لبيتي ميصير ابقى بهذا المكان أكثر، المكان اللي اني بيه غريب جداً ماعرف شلون اوصفه عباره عن ابواب للحظة حسيته مثل الأحجيه لازم اركز حتى احلها، اجت انظاري على باب أسود وعليه تاج ذهبي مديت أيدي وفتحت الباب نظري يتنقل بالمكان أو عقلي يحفظ الأشياء الموجوده بيه، اول متفتح الباب يقابلك بالجهه اليمين الطباخ وكاونتر طابقين بصفه، ويتوسطه الثلاجه اللي تكون على شكل بابين، اما الجهه اليسار فهو ميز طعام حواليه أربع كراسي، لون الحايط ابيض اما الأثاث كله اسود هذا الرجال عاشق للسواد مبين. صحيت من صفنتي على صوته التفتت اله بسرعة لابس قميص ابيض وبنطلون حشداوي مع ذلك فاتح كُل دُكم القميص الفوك، الأخ ديبرز عضلاته لو شنو الموضوع حجيت بتذمر من هذا الوضع: اولاً البس ملابس واحترم وجودي بهذا المكان ثانياً أريد ارجع للبيت بأي حق انت ساجني اهنا!!

راح يم الثلاجة وفتحها ولا كأن اني موجوده واحجي وياه مطنشني بالكامل، ضربت رجلي بعصبيه وحسيت شي انفتح ببطني لزمته بقوة وصحت بألم، اااااخ.

اتجاهلت كل شي وركزت وي ألم بطني ونسيته بالكامل ماعرف شنو اسوي او وين اروح لكن اللي اعرفه هسه اني بحاجه مساعدة احد رفعت راسي حتى اطلب من عنده المساعدة مشفته ياربي معقولة اني ساكنه وي جني يظهر فجأة ويختفي فجأة!!

نزلت دموعي على الألم ومن بين وضعي السيء شفت ظل قريب من عندي رفعت راسي شفته واكف يفتح بالاسعافات، دفعني الفضول اسأل عسى ولعل اعرف السبب اللي يخلي جايبني لهنا: ليش؟

رجع نظره اليه وبانت على ملامحه علامه استفهام ابتسم بطرف شفته وگال.

هَيْصَم: على شنو؟

فيروز: خطفتني بنفس الوقت تضمد جرحي وتباوعلي بطريقه سوداويه.

هَيْصَم: فسري الأمر بالطريقه اللي تناسبج.

فيروز: شنو قصدك؟

هَيْصَم: أرفعي أيدج خليني اشوف الجرح.

فيروز: اني اشوفه ميحتاج شكراً الك.

اجيت اكوم من الكاع سحبني من ايدي ورجعني لمكاني يحجي بعصبيه وضاغط على ايدي بقوة.

هَيْصَم: اتقي غضبي اذا ردتي اتحافظين على حياتج، للهَيْصَم خلگ ضيق جداً.

: بلعت ريگي بصعوبه الوضع اللي اني بيه لا احُسد عليه ابداً، مع ذلك مبينت ضعفي وصطنعت القوة وحاولت أوخر ايدي عنه لكن الواضح مسرته هاي الحركه من عندي وماعرف شلون صرت بحضنه وشالني بين أديه، ضربت على صدره حيل وحاولت انزل لكن ماكو فايدة، منتبهت بأي طريق مشى، لكن اللي عرفته اني على نفس الفراش بنفس الغرفه اللي جنت بيها اول مفتحت عيوني والأكثر من هيج ماعرف اشلون كلبچ أديه وره ظهري، اصلاً من وين جابهم؟!

كل حركه من عنده تثبتلي هذا انسان مو عادي بقائي وياه هو الخطر بحد ذاته لكن السؤال اللي يتكرر بمخيلتي وميقبل يتركني ولا لحظه اني شنو اسوي هنا وهذا الرجال الغريب منو وليش جابني لهذا المكان!!

يتبع..

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

حسابي الأنستا لأي شي يخص القصه.

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

لتنسون التعليق بين الفقرات والتصويت ومتابعه حسابي عيناي انتوا..

هَيْصَم

الكاتبة زهراء احمد

__________

وتظن أنك بحاجه شديدة للإختفاء بينما أنت في أمسّ الحاجة لمن يجدك فقط.

: راد يقترب من عندي ويرفع البدي اللي لابسته، بس لحظه هاي مو ملابسي معقولة!!

صرخت بيه بصوت عالي: انت صدگ ماعندك خجل بس اريد افهم شغله وحده لهاي الدرجه الأخلاق معدومة عندك؟!

رفع حاجبه وسوا حركه بيهن عود يگلي كملي وعينه تتفحصني، وطرف شفته مرفوع بأبتسامة، بقى دقيقه هيج يباوعلي بعدين كام من مكانه وفتح احد المجرات بميز المرايه اللي يصير بنهايه الغرفه على جهة اليمين، طلع من عدها مصاصه فتحها وخلاها بثغره صفنت عليه معقولة يكون مريض نفسي تصرفاته غريبه حيل للحظة ظنيته مجرم او قاتل ويريد يموتني.

مدام تفكيري فتره طويله وهو يقطع صفنتي بتقدمه من عندي بخطوات بطيئة دخل أيده بجيب البنطلون وطلع من عنده مكص، جحظت عيوني عليه وصرت احرك كل جسمي بأنتفاض فضيع، بيت غريب، ورجال غريب، و تصرفاته موموزونه حتى العاقل ايخليه يصير مجنون ف معقوله أگدر اثق بيه او اضمن سلامتي بوجودي يمه؟

فيروز: لتدنه من عندي خليك بعيد لتتوقع ابداً إني اقبل تلمسني واضح؟

: ضم أديه مع بعض وره ظهره وصافن بحركاتي و المصاصه بثغره، بعدت نظري عنه واني اتنفس بغضب واحجي بتذمر كمت من مكاني بصعوبه بسبب الألم وصلت للباب وهو منطق ولاحرف ابداً ويترقب خطوتي القادمه بصمت غريب، مهتميت وحاولت افتح الباب خليت ظهري علية وقربت أيدي حتى افتحه بس ياصعوبة الأمر واستحالته، شهگت برعب من شفته محاوطني بأديه الثنين طقطق رگبته ورفع احد أديه حتى يبعد المصاصه اقترب من أذني وهمس بنبرة غريبه.

هَيْصَم: تحبيها؟

جاوبت بسرعه بدون ما افهم شنو قصدة.

فيروز: لا ابداً مستحيل.

هَيْصَم: شنو السبب طعمها حيل طيب!!

فيروز: انت شنو تقصد بكلامك؟

هَيْصَم: المصاصه، ليش انتِ شنو فهمتي من سؤالي؟

فيروز: مفهمت شي لهذا جاوبت بغباء.

هَيْصَم: ارجعي.

فيروز: وين؟

هَيْصَم: للمكان اللي كُمتي من عنده، خليني اداوي جرحج قبل ميلتهب.

فيروز: مراح ارجع الأي مكان رجعني لبيتي، شنو فايدة بقائي بيت غريب مع رجال ماتربطني بيه اي صله؟

هَيْصَم: غريب امرجن معشر النساء دائماً تفكيرجن بالخطف والقتل أو الأغتصاب، ريحيلي مخج الصغير أو لتفكرين ممكن انعجب بيج وسوي شي مو من اخلاقي، وجودج اهنا لسبب وغايه راح تعرفيها بعدين.

فيروز: تفكيرنه بهاي الطريقه لأن انتم اشخاص غير مَوثوقين ابداً.

هَيْصَم: مبيج شي يجذبني كوني مطمأنه قلب الهَيْصَم مو بسهوله يخضع لأحد.

فيروز: اسمك هَيْصَم؟

هَيْصَم: اعرف حلو ميحتاج تمدحيه.

فيروز: لتنغر بس هيج سؤال طبيعي.

هَيْصَم: مغرور وبكيفي عندج مشكلة؟

فيروز: ميخصني بيك رجعني للبيت واعتبر مصار شي ابداً ومراح ارفع عليك دعوه قضائية بتهمة خطفي.

هَيْصَم: اتعافي واني اخذج للمركز وشرطاً قدمي الشكوى كدام المدير، اما رجعه للبيت انسي هذا بيتج ومراح طلعين من عنده غير للمقبره.

فيروز: احجيلي من الأخير، شنو تريد من عندي ليش تسوي ويايه هيج؟!

اني ما اذكر ابداً أذيتك بشي من قبل اصلاً اني مَلامحتك بحياتي كلها!!

هَيْصَم: خط القلم وانتهى الأمر لتسألين هوايه وتعالي جرحج ينزف خليني اعقمه.

: بقيت معنده ومتحركت من مكاني شنو ممكن يسوي اصلاً، سحب الكرسي وگعد مقابيل الجربايه وخله كاحل رجله اليمين على فخذه الأيسر، أيد لازم بيها المُكص و الثانيه لازم بيها مصاصه، يباوعلي بطريقة مستفزة وشبه ابتسامه مرسومه على ثغره حركاته ونظراته موتني، عنده قوة صبر غريبه وتحمل همات، ضابط اعصابه بطريقة عجيبه جان متأكد راح ارجع لمكاني لذلك اتعمد يسوي هيج وصار اللي راده بسبب الألم مگدرت ابقى لفتره طويلة ورجعت للجربايه، گعدت على اطرافها، كام من مكانه ورجع جاب الأسعافات فتحهم والمُكص بأيده بعده، ما أريدة يلمسني بس ماكو حل الأنسان المجبور ايسوي اي شي حتى يحافظ على سلامته وخاصتا اذا كان مع انسان مثل هَيْصَم الكل شي غريب بيه وغير مفهوم حق ام باطل مستحيل تگدر تعرف.

لبس كفوف و صب قنينة الديتول بالكامل على جرحي صرخت بصوت عالي الألم قوي حيل نزلت دموعي وحاولت اكوم رجعني لمكاني ويحجي ويايه حتى يهدأني.

هَيْصَم: الضماد لازك على الجرح و انتِ نازفه صعب انزعه بسهوله راح تتأذين أكثر اذا مسويت هيج.

: حجيت من بين دموعي و الألم.

فيروز: طلعت تگدر تواسي معرفتك!!

هَيْصَم: ومراح تعرفيني ابداً.

فيروز: وعلى أساس مهتمه اعرفك.

هَيْصَم: خلصت لتتحركين هوايه حتى مينفتح جرحج وتتأذين اسمعي الكلمه ولتعانديني بالأخير راح تكونين الخسرانه الوحيده مصيرج يم الهَيْصَم كلما حفظتي هاي الجمله اسرع كلما كان افضل.

فيروز: أريد اعرف ليش تجبرني ابقى يمك؟

هَيْصَم: مو احنا نختار الطريق، الطريق هو اللي يختارنه، اما السبب فهذا موجود بالقدر من تصعدين للرفيق الأعلى اسألي هذا السؤال ليش اختارج تكونين مع

الهَيْصَم من دون النساء البقية.

فيروز: تستهزء حضرتك!!

هَيْصَم: نامي افضل لصحتج اريدج تتعافين بالكامل عن قريب.

فيروز: جاوب على سؤالي شنو تريد من عندي ليش متقبل ارجع لبيتي؟!

هَيْصَم: ليش جنتي البارحه بذلك البيت ومنو الشخص اللي طعنج وشنو السبب؟

: بهتت ملامحي مستحيل احجي شي، منو هو حتى يعرف أسراري، بنفس الوقت هو شعرفه معقولة هو نفسه اللي ساعدني؟

حجيت بسرعة.

فيروز: انت اللي ساعدتني مو؟

هَيْصَم: جيد بديتي تذكرين ارجعي بمخج لقبل ساعه من وصولي وانقاذج منو هو اللي وصلج لهاي الحاله واللي راد قتلج بدم بارد؟

فيروز: ماعرف وحتى لو اعرف مستحيل أكُلك.

هَيْصَم: لعد ابقي ضيفتي، اني رجُل كريم وبيتي مفتوح الج طول العمر.

فيروز: انت منو؟ معقوله اتكون مجرم وتريد تقتلني؟

هَيْصَم: ممكن.

فيروز: اذا هيج ليش نقذتني وجبتني لهذا المكان؟

هَيْصَم: سؤال وجيه.

فيروز: لتستفزني وكول شنو تريد من عندي!!

هَيْصَم: الشخص اللي تتسترين عليه وتدفعين حياتج مقابل حياته ميستاهل كل هذا والدليل المكان اللي انتِ بيه هسه.

: غيرت الموضوع بسرعه ما اريد ادخل وياه بأي نقاش يخص البارحه فسألته.

فيروز: شنو تسوي بالمكص ليش استخدمته بعلاج جرحي؟

هَيْصَم: اشيل بيه الضماد.

فيروز: ليش متستخدم ايدك!!

هَيْصَم: ما المس النساء لكن وياج خربت هاي القاعدة.

فيروز: السبب؟

هَيْصَم: مو كل شي بالحياة اله شرح الأفضل انعيشه.

فيروز: غامض.

هَيْصَم: وضحيني.

فيروز: شلون؟

هَيْصَم: صعب.

فيروز: ليش؟

هَيْصَم: لأن اني الهَيْصَم.

فيروز: ليش سميتني لَّباءَة؟

هَيْصَم: حبيته.

فيروز: رجعنا لنقطة الصفر ومستحيل تشرحلي السبب.

هَيْصَم: ذكائج عجبني.

فيروز: اطراء!!

هَيْصَم: افرحي لأن احاله اطري احد بالعادة.

فيروز: اذاً هاي ثاني قاعده تكسرها ويايه لهاي الدرجه الي تأثير عليك؟!

هَيْصَم: وين تردين توصلين بهذا النقاش؟

فيروز: اعرف ليش جايبني لهنا وشنو علاقتي بيك.

هَيْصَم: تحتاجين عمرج بأكمله ومستحيل تفكين شيفرة الهَيْصَم.

فيروز: ومامهتمه افك الشيفره مالتك كل اللي اريده رجعني لبيتي وننهي كل شي اهنا ولا كأن صار اصلاً.

هَيْصَم: دخلتي عريني وصعب تطلعين من عنده سالمه لذلك صيري مطيعه وسمعي الكلمة حفاظاً على سلامتج.

فيروز: اريد ارجع لشغلي هسه يفصلوني لأن تركته بدون سبب، ميصير هيج تتعامل ويايه واني ما اعرفك اصلا هذا الشي مو من حقك فاهممم.

هَيْصَم: المرة بيت اهلها منو ايكون مسؤول عنها؟

فيروز: شنو هذا السؤال الغريب؟!

هَيْصَم: جواب خاطئ.

اخذت نفس وحجيت بقلة صبر.

فيروز: ابوها منو غيره.

هَيْصَم: اما اذا بيت زوجها؟

فيروز: زوجها يعني منو مثلاً!!

هَيْصَم: هذا جوابي الج.

فيروز: لحظه بس اني مو زوجتك حتى تتعامل ويايه بهذا الشكل اني وحده غريبة وحياتي كلها مشايفتك تضحك على عقلي انت!!

هَيْصَم: الحادث خلاج تفقدين هوايه اشياء من الذاكره لكن مو مشكلة يجي يوم وتذكرين ونعيش بشكل طبيعي سوا.

فيروز: انت متأكد اكو عقل داخل جمجمتك؟

هَيْصَم: اني مشايفه اذا انتِ تشوفيه عرفيني عليه حاب اشكره وجه لوجه.

فيروز: يا الله على هذا الرجال، وتالي وياك انت ليش متفهم!! اني ما اريد ابقى بهذا المكان اكثر من هيج عندي بيت أو وظيفه وحياة كامله بعيده عن أمور العصابه والقتل والأجرام، اللي تريده مستحيل تحصله من عندي لأن انت تتعامل وي الشخص الخطأ.

هَيْصَم: خطأ او صح، حرام ام حلال اني اللي احدد هذا الشي، راح تبقين بهذا المكان للوقت اللي اني اريده، سدي الموضوع وريحي جسمج بالنوم التقي بيج بعد مينتهي شُغلي.

: وخر من يمي وفتح الكنتور أخذ ملابس عسكريه دخل الحمام شوية وطلع خله الرتبه على كتافه ورش عطر كمل و التفتلي صفن بوجهي شويه مثل الأنسان اللي يفكر، لحظات أو وخر عيونه، فتح نفس المجر اللي بيه اسعافات أوليه شفت بأيده ابره اتقدم ناحيتي واني طفرت من مكاني بسرعة ونسيت جرحي حجيت بأنفعال واني خايفه من اللي يريد يسويه.

فيروز: ياويلك، اذا تدنه يمي تشوف شي ميعجبك والله.

: ابتسم شبه ابتسامة و اقترب من عندي اكثر واني ارجع ليوره حتى صرت على الحايط وانعادت حركته قيدني بجسمه ويحجي بهمس قريب وجهي.

هَيْصَم: شنو تسوين مثلاً وانتِ مقيدة بين احضاني هسه؟

فيروز: وخر عني وافتح ايدي وخليني اطلع من هذا السجن، أسمي نفسك رجل دولة وانت حابسني اهنا بدون ذنب برأيك هذا عدل لو هاي حقوق المواطنين اللي ادافعون عنها وتاخذون حق المظلوم وانتم أكبر ظلمة؟!

هَيْصَم: شأتي ام أبيتي انتِ تحت سيطرتي بالكامل حتى النفس ميمر بخشمج بدون أذني، مو مسموح تباوعين لشي ميعجبني أو تحجين مع أحد بدون علمي، انتِ مقيدة بسلاسل الهَيْصَم واللي يدخل لعريني ميطلع منه بسهوله.

جاوبت واني اتحدا بنظراتي.

فيروز: الى متى؟

هَيْصَم: الى ما لا نهاية.

صرخت بيه بصوت عالي بسبب أسلوبه اللي موتني.

فيروز: مو من حقك اتسوي هيج انت منوووو حتى تجبرني على شي ما أريدة بس فهمني؟

هَيْصَم: تعرفين بعدين وهسه لازم تنامين اتأخرت هوايه وأريد اطلع ،اذا عاندتي وقررتي تسوين شي ميعجبني اسوي شي ايخليج تعضين اصابعج ندم.

: خوفني بكلامه بس حاولت أبين نفسي قويه، من ايكون الخطر محاوطك من جميع الأتجاهات والنهاية مو واضحة لازم تصير قوي وتواجه الصعاب واذا مموجوده الشجاعه اصطنعها، خليت عيني بعينه وحجيت بجرأه واني ارفع حاجبي.

فيروز: شنو ممكن تسوي اكثر من اللي سويته؟!

ابتسم بمكر وقرب راسه اكثر وهمس قريب أذني.

هَيْصَم: رجل و إمرأه وحدهم أبيت ويگولون وي كل اثنين ثالثهم الشيطان اعتقد خيالج واسع أو وصلت

الفكره.

ابتسمت بثقه وحجيت بشجاعه مبالغ بيها خلتني اندم بعدين.

فيروز: مستحيل متسويها.

: صار قريب مني حيل وقيدني بين أديه لدرجه حسيت النفس صار صعب واني وياه صرنه شبه شخص واحد ميفصلنه شي ابد، اديه لازمهم بأيد وحده ورافعهم فوك راسي مخليني ما أگدر اتحرك، و رجليه مثبتهم برجليه، انفاسه تضرب بوجهي نزل نظرة لشفايفي ابتسم بطرف شفته وگال.

هَيْصَم: الثقه الزايدة تقتل صاحبها احياناً، هذا القرب مجرد تحذير، لأن ما احب بعض الأشياء ميعني ابداً ما أگدر اسويها لتتحديني وانتِ تعرفين من هاي المعركه الخسران الوحيد هو انتِ لَّباءَة، خليج مطيعه هيج افضل للثنين.

: نزلت دموعي ليش حتى انجبر اعيش تحت رحمته، بهذا العالم كله ماكو غير هيج واحد يحاسبني، من بين افكاري حسيت بنغزة بأيدي رفعت راسي اله وباوعتله بغضب بادلني بنظرة باردة، عيونه بيها ظلام دامس والتمس بيهن حزن عميق، وخر عني وگال.

هَيْصَم: ربع ساعة ويبدي مفعولها روحي نامي على الجربايه حتى متوكعين على الكاع من تغفين، و بالنسبه لأيدج راح افتحها اذا شفتج عاقله و مطيعه وتنفذين الأوامر.

: حجيت بعصبيه واني كارهه هذا الوضع اللي محسسني بيه اني سجينه عنده وبكيفه يأمُر وينهي وعليه الطاعه وملازم اسأل.

فيروز: تحلم مستحيل اكون مطيعه، اني انسانة إليه إحترامي وكرامتي، لتفكر مجرد تفكير أنفذ أوامرك بشكل اعمى حتى لو هددتني بالقتل افضل الموت بشرف على حياة ذليله فاهم.

هَيْصَم: لذلك اختاريتلج اسم لَّباءَة وميليق بيج غيره.

فيروز: لتلعب ب اعصابي بهاي الطريقه اللي تريده سوي وخلصني خليني ارجع لحياتي القديمه ولشغلي بعيد عن هذا الوضع اللي يلعب النفس.

هَيْصَم: راح يبدي مفعول الأبرة بعد دقيقه ارجعي لفراشج يلا بعدين ابرزي عضلاتج بكل الاحوال راح يجمعنا اكثر من نقاش بالأيام الجاية.

فيروز: واحد مستفز حقير اكرهك.

هَيْصَم: اعرف گولي شي جديد.

: بقيت واگفه بمكاني وصابتني نوبة اعناد اريد اشوف شنو يسوي مثلاً، مستمر صمودي لفترة طويلة سرعان مصابتني دوخه قويه واختل توازني لحظة حسيت الوقت اتوقف وهو مخلي أيدة تحت ظهري وساندني حتى ما اوگع على الكاع،عيني سرحت بملامحه شويه، وجهه رجولي حيل ،فكه حاد، وحواجبه مرسومه بطريقة مجذبه ،أسمر أنفه طويل و مناسب جداً وي تصميم وجهه ،عيونه سوادهن وحدتهن و الطريقه اللي ينظر بيها تجذب، مع هذا مجذبني ومحبيته ولا حسيت اتجاهه بأي مشاعر سوا الغضب مو مهم الجمال الخارجي اللي يهمني هو نظافة داخل الشخص وهذا الشي اللي ما التمسته بيه من طريقة كلامه وتصرفاته الكلها غامضه ومامفهوم منها شي.

ابتسم بمكر وقرب راسه من عندي وگال.

هَيْصَم: اعرف إني حلو.

نتبهت لنفسي ومسمحتله يفهم اللي يريده بسرعة حجيت: لتنغر اصلاً اني دايخه ومدا اشوف بصوره واضحه.

هَيْصَم: صحيح.

فيروز: لتستهزء.

هَيْصَم: تصبحين على خير، حاولي هم تحلمين بيه حتى متخافين بوجودج وحدج بالبيت.

فيروز: ليش انت منو حتى ما اخاف بوجودك؟!

هَيْصَم: هَيْصَمج.

: جانت هاي آخر كلمه سمعتها من عنده بعدها شالني ودخلت بنوم عميق محسيت على شي ابداً.

وكفت كدام المركز نزلت والجنود ادولي التحيه دخلت لغرفتي وكعدت على الكرسي والتفتت للشباك اللي صاير وره الميز.

محمد: صباح الخير.

هَيْصَم: ياهلا بالمحامي المو نزيهة.

درت الكرسي وصار مقابيلي.

هَيْصَم: شو منورنا اليوم.

محمد: النور نورك ولو انت اسمر مابيك نور.

هَيْصَم: انت تكفي مانريد نورين سوه هيج يتأذن عيوني.

محمد: ظريف.

هَيْصَم: اعرف عندي حس فكاهه.

محمد: مو موضوعي حس فكاهتك انت تعرف ليش اجيت اهنا اليوم لذلك خليني اكمل شغلي واطلع بسرعة عندي قضيه ثانيه لازم الزمها.

هَيْصَم: ماسمحتلك تكعد.

محمد: اللي بيناتنا اكبر من أذن و سماح سيادة النقيب.

هَيْصَم: على كل حال عملك ميهمني بالأضافة اني نقيب مو قارئ فنجان.

محمد: الأشخاص اللي اعتقلتهم البارحه اجيت حتى ادفع كفالتهم ويطلعون من السجن اليوم وبهاي الساعه.

هَيْصَم: وقع على هاي الأوراق و تگدر بعدها تطلع.

محمد: بهاي السهوله!!

هَيْصَم: ليش شنو الصعب بتوقيع الأوراق؟!

محمد: متوقعت اتكون متساهل لهاي الدرجة.

هَيْصَم: ما اعتقد احد اعمالي اكون عند توقعاتك.

محمد: مو مشكله بما انو انحلت بسرعة.

ابتسمت وصحتله.

هَيْصَم: لائِث.

لائِث: نعم سيدي.

هَيْصَم: اخذ المحامي حتى يشرف على طلعة السجناء من السجن ويتأكد على مدا نزاهة مركزنا.

لائِث: حاضر سيدي.

طلع محمد وي لائِث، رفعت اصابيعي وصرت اعد.

هَيْصَم: واحد، اثنين، ثلاثه.

صرخ  بصوت عالي ابتسمت على ردة فعله اتقدم بخطوات سريعه من عندي وحجه بعصبية.

محمد: انت تضحك عليه لو شنو ماكو ولا واحد من المعتقلين البارحه موجود بالزنزانه شنو تسمي تصرفك هذا هااا؟

هَيْصَم: لائِث عزيزي وين السجناء اللي البارحه اعتقلناهم؟

لائِث: انحالوا محكمه سيدي جميعاً.

غمغم بغضب: التحقيق ياخذ وقت ليش بهاي السرعه انحالوا محكمه؟!

هَيْصَم: باص.

محمد: تضحك عليه انت، شنو مفكرني بس اريد افهم!!

هَيْصَم: بشنو ضحكت عليك مجرد محبيت اجاوب على سؤالك اتبعت الطريقة اللي يسووها بعائلتي تربح معقولة ممتابع البرنامج؟

محمد: هَيْصَمممممم.

هَيْصَم: على صوت الهَيْصَم ميعلى صوت قبل متكون بخبر كان اطلع من هذا المكان، وأخذها نصيحه لتلزم قضايه اكبر من عندك من تكون العملية تحت سيطرتي ماكو مخلوق على وجه الكره الأرضيه يگدر ينقذ المجرم من بين اديه.

محمد: ليش منو انت حتى تحجي بهاي الثقه؟!

تهمه وحده عليك ارميك وره الشمس خلي هذا الشي ابالك واذا انت هَيْصَم اني محمد ونشوف بالأخير منو يفوز.

هَيْصَم: خليها قاعده بالغابه الحاكم الأسد اما بهذا المركز ف الهَيْصَم موجود.

محمد: يجي يوم ويظهر الحق وتاخذ جزائك المناسب بذلك الوقت راح اذكرك بتعجرفك وغرورك الزايد عن حده.

هَيْصَم: تعجبني الثقه الزايدة وتحمسك للعمل جميل جداً لكن يؤسفني انو اخبرك اوقاتي السيئة بعيده نوعاً ما فأنت مجبور تنتظر وقت اكبر اذا بقيت بمهنتك اكيد.

محمد: تهددني!!

هَيْصَم: لائِث اني هددت؟

لائِث: استغفر الله سيدي انت محجيت شي اصلا.

محمد: اني النار اللي راح تحرگك بوقتها ميفيد ندم صدگني.

هَيْصَم: واني البارود اللي يخلي نيرانك مستعره ومتهدأ حضر نفسك للخسائر بعمرك مراح تكون ند للهَيْصَم.

محمد: خسرت معركه لكن الحرب مازالت قائمة يجي يوم وانتصر عليك هذا وعد من عندي.

هَيْصَم: راح اعيش بأنتظار اليوم اللي تهزمني بيه.

محمد: بس انتظر وشوف شنو ممكن اسوي.

هَيْصَم: لائِث وصل محامينا للباب مو حلوه بحقنه منحترم الضيف.

محمد: ميحتاج لكن الكفاله أريدها رجعها قبل ما اطلع.

هَيْصَم: لائِث برأيك اني اخذ فلوس مو اليه؟!

لائِث: اشهد مشفت شي سيدي.

هَيْصَم: اعتقد سمعته ماعندي الك شي لذلك ارجوا ان تتفضل عندي شغل مهم واكو مجرمين هوايه منتظرين عقابهم وما أگدر اخليهم ينتظرون أكثر.

طلع من المركز وهو يتنفس بغضب مجان متوقع هَيْصَم سبق تفكيرة واتخذ خطوة سريعه بهاي البساطه، واني اباوع على منظرة واضحك عليه بداخلي، وصلته للباب ورجعت يمه.

هَيْصَم: اخذ هاي الفلوس وانطيها لأحد العوائل المحتاجه.

لائِث: عفواً سيدي ليش مرجعتهم اله هاي مو عادتك.

هَيْصَم: لأن فلوس حرام من ناس سراق مو مالته.

لائِث: مثل متأمر سيادتك.

هَيْصَم: كول لضَرْضَم يجمع الفريق اكو عملية ثانية ولازم تنحل اليوم.

لائِث: حاضر سيدي.

: دخل بكامل قوته لابس جاكيت اسود وبنطلون اسود السلاسل تمليه و بأيدة الشمال سلسله يلعب بيها بالهوه، يصدر اصوات صفير من ثغره بينما يمشي بثقه داخل هذا الممر، مكان مهجور بمنطقه نائية بعيده جداً عن المدينه الجميع يلقون التحيه عليه خوف؟

ام احترام، غير معروف.

لكن نگدر نجزم هو مجرم خطير وتاجر مخدرات عنده هوايه اعمال غير قانونيه ممكن توصله اعدام مع ذلك محد يعرف مكانه او مواعيد عمله.

هَيْصَم: ضَرْضَم انت راح تكون مسؤول عن مراقبه هواتفهم كل خطوه وحتى النفس، كم مرة يدخل للحمام حتى حركه ايدهم اريدها توصلني بالتفصيل اي تقصير تعرفون شنو العواقب.

ضَرْضَم: سيدي لحد الآن ولا واحد بيهم اتصل لكن اني عندي تساؤل جانت عمليتنا سريه جداً شلون عرفوا هُمَ معتقلين يمنه؟

هَيْصَم: احنه نتعامل وي مجرم خطير عداوتنا وي شخص يعرف تحركاتنا بالكامل لذلك لازم ناخذ الحيطه والحذر اي خطأ حتى لو جان صغير ممكن يخسرنا هواية اشياء.

ضَرْضَم: أمرك سيدي رگبتنه لهذا الوطن ودمائنا فداء اله.

هَيْصَم: قبل منبدي بهاي المهمه لازم يكون عدكم علم، اللي نتعامل وياهم قتل الأرواح الهم عادة وسفك الدماء اسهل من شرب المي ممكن تتهددون بعوائلكم امهاتكم او زوجاتكم وحتى ممكن يقتلون اولادكم بدم بارد لذلك اللي ميگدر يضحي لهاي الدرجة يگدر يتنازل عن القضيه واني انقله لمكان ثاني واكون حريص على سلامته، اعتبروا هذا الجنص الأخير بعد اول خطوه ايصير التراجع مستحيل أو اي خيانه راح ينعدم فوراً بدون اي نقاش.

هَمْهَام: فداك احنه سيدي وياك للموت بكل شي تأمر بيه.

هَيْصَم: نسائكم ترمل وامهاتكم تثكل وابنائكم يكونون يتامى، راح تكون نظرة الحزن بعينهم وهم يشوفون الأباء الثانين مع أبنائهم وتكونون حسرة بقلوبهم مدا الحياة، اما نسائكم اذا معاشن حياتهن وقررن يربن اولادكم بوقتها راح تعيش الذل والأهانه حتى تحصل على لقمة عيش محترمه، ممكن يتساومن حتى بشرفهن، وبالنسبه للأم هي اكثر شخص خسران بهاي المعادلة لأن روحك تطلع مره وحده من جسمك بس هي روحها تطلع الف مره بالدقيقة، من يتبدل وجودك وصوت ضحكتك الى صورة ترافق جيبها لا أكثر، اما انتم راح تكونون عناوين اخبار بالقنوات التلفزيونية وسبق صحفي، اسمك راح يبدل ويكون بداله الشهيد أول متوكع على الكاع ويجي عزرائيل كدامك عدها راح تفارق الأهل والأصحاب، افراشك الدافي راح يبدل بكفن ابيض والمخده الناعمه راح تكون حجارة تتخله جوه راسك، وجسمك اللي تحرص على تعطيره وتنظيفه كل يوم راح يكون طعام للديدان ويغطيه التراب بدل الثياب الراقيه، مستعدين لهيج تضحيه؟

جاوبنا بحزم.

لائِث: اول مدخلنه للعسكريه خلينا ارواحنه على كفوفنه والموت هو نهايه الأنسان شنو مجان منصبه ميفرق جندي او عامل لذلك انفضل انموت بشرف ونترك عوائلنه يحميها الرحيم ويتكفل بيها.

هَيْصَم: خلوا ايدكم بأيدي وخلونا نعزم على احد الحُسنيين اما النصر او الشهادة.

هَمَّاس: تحت امرك سيدي.

هَيْصَم: اول خطوة امنوا عوائلكم واذا گدرتوا تسفروهم يكون افضل، طول هاي الفترة مالازم ايكون اكو تواصل بينكم مطلقاً تحت اي ظرف كان، اما الخطوه الثانية هي الوصول لأحد اهم تجار المخدرات بالعصابه، عدو خطر وند اله مكانته، عن طريقة راح نگدر نوصل لجميع المجرمين بالعصابه راح نبدي بالأشخاص اللي عتقلناهم البارحه واحد منهم راح يخطأ ويتصل بيه لذلك راقبوا موبايلاتهم.

ضَرْضَم: ممكن نعرف اسمه سيدي.

هَيْصَم: لّهيم بمعنى الملتهم، ميخاف من احد، أسراره هي غايتي، تحطيمه هو طموحي، والوصول اله وحبسه هدفي.

: يا مرحبا بالموت نفسه، نورت بيتي المتواضع بقدومك.

لّهيم: لتتملق ماحب.

: بشنو أگدر اساعدك؟

لّهيم: وحده تخصني موجوده البارحه بالبيت اريدها يمي بغضون اسبوع غير هذا الكلام راح تشوف الموت بعيونك من صدك.

: حاضر تدلل كم لّهيم عدنا.

لّهيم: منو اللي طعنها؟

: ماعرف، لكن وعد راح احقق بالموضوع وخلي يركع تحت رجلك.

لّهيم: اكره الوعد اريد فعل بدون كلام واضح؟

: تأمر زعيمنا.

لّهيم: اتلذذ من اشوف الخوف يرتعد من عندي متعه غير شكل.

: سيدي احد السيارات منتظره موافقه الشرطه حتى تدخل للمنطقه لكن هم مانعين هذا الشي شنو تأمرنا انسوي؟

لّهيم: خليهم منتظرين ماكو مشكله بكل الاحوال البضاعه يمي من ساعتين، يعجبني العب وياه ماكو انسان يگدر يواجهني بشجاعة مثل ميسوي هو.

هو هَيْصَم واني لّهيم ، هو حاكم الغابه واني الموت بحد ذاته، متحمس جداً حتى اعرف منو اللي ينتصر بهاي المعركه.

هَيْصَم: ومحد راح ينتصر بيها غيري، خلصت ايامي السيئة وحان موعد نهايتهم واحد وره واحد راح اخليكم تلتقون بعزرائيل شخصياً واخليكم تنزفون دم بكثر الجروح اللي انطعنت بيها.

: فتحت عيوني على حركه بالغرفة، ضوه الشباك زعجني حيل هاي شگد نايمه!!

اجت عيني للواگف كدام المرايه وينزع بالقميص صحت بغضب.

فيروز: انت متستحي شنو هاي الحركات الطايح حظها؟!

التفت اليه ورفع حاجبه وگال بغرور.

هَيْصَم: اكره العنف مع الجنس اللطيف لتجبريني أكسر هاي القاعدة.

فيروز: لتتفلسف براسي واترك من عندك القيم و الأخلاق وانتبه على تصرفاتك شلون تنزع قميصك كدامي.

هَيْصَم: اعتقد هاي غرفتي واني حر أسوي اللي يعجبني بدون اعتراض.

فيروز: بس انت مو وحدك بيها، احترم وجودي يا اخي لو رجعني للبيت.

رجع نظرة اليه وهو يمشط بشعره گال بتساؤل خله خلايا جسمي تنتفض خوف.

هَيْصَم: غيري الجمله اذني صار بيها طنين من كد متعيديها وخليها ابالج لا احترم وجودج ولا ارجعج لبيتج، بعدين شنو هذا الحماس الغريب للموت عندج؟

كلت بتساؤل: قصدك؟

هَيْصَم: لتستغبين انتِ اكثر وحده تعرف حجم الخطر اللي انتِ بيه وطلعتج من هذا البيت هو انتحار علني، كوني شاكره لأنقاذي الج وحمايتج بهاي الطريقه.

فيروز: مطلبت من عندك تحميني لتحسسني بالمنيه منقذتني لخاطر عيوني وإنما حتى تعرف شنو اللي وصلني لذلك البيت ومنو المسؤول عن طعني صح؟

هَيْصَم: ذكيه لكن غبيه بنفس الوقت، اني اشم ريحة الدم على بعد الف متر وكل جريمة احضرها اعرف منو القاتل، مو صعب اعرف اللي حاول يقتلج هاي عندي اسهل من شرب المي.

فيروز: اذا هيج انت سباعي وكدها شنو فايدة وجودي بهذا البيت؟ رجعني لبيتي وخلص لتعذب نفسك وتعذبني.

هَيْصَم: بأحلامج ماكو طلعه من هاي الغرفة حتى يقرر الهَيْصَم هذا الشي ما بالج طلعتج من البيت.

: اخذت شهيق واني اكتم غضبي لازم افكر بحل ميصير ابقى وي رجال غريب لفترة طويلة، ما أگدر اضمن شنو ممكن يسوي، وخاصة هو تصرفاته غريبه وغير محزورة.

حجيت واني احاول اغير الموضوع.

فيروز: بما انك مصر على وجودي اهنا افتح ايدي اريد ادخل للحمام لو هاي همات لازم تكون بأذن؟

هَيْصَم: الحمام كدامج تگدرين تتدخلين بالوقت اللي يعجبج اخيوط گلبي.

فيروز: شنو هاي اخيوط گلبي من الصبح لحد هسه تحجي بيها؟

هَيْصَم: احبها مثل اسم لَّباءَة، وبعدين مو ردتي تدخلين للحمام يلا.

فيروز: افتح ايدي أول شي واطلع من الغرفه حتى أخذ راحتي.

هَيْصَم: انتِ عجبج المشهد حابه اعيده گولي لتستحين.

عقدت حاجبي بتساؤل وحجيت.

فيروز: أي مشهد مفهمت؟

: اتقدم ناحيتي بدون مينطق ولا حرف اتقرب من عندي حيل بعدت عنه رجع سحبني من ايدي وشالني لصدره، أيد جوه ظهري والثانية جوه رجليه، حاضني بقوة حتى ما اوگع بقيت اتحرك بشكل هستري واني صرت اعصاب مبقت كلمه سيئة مگلتها بوجهه وهو ولا كأن ياجبل ميهزك ريح حسيته للحظه انسان فاقد للمشاعر تماماً، اخير شي متحملت وصرخت بيه.

فيروز: نزلني اگدررر امشي اني مووو مشلوله.

هَيْصَم: فكرت حبيتي المشاهد التركيه اللي تصير بيناتنا فگلت ما اخليها بنفسج.

فيروز: حقير عديم احساس انسان مثلك واطي مشفت، عايش بغابه يا اخي ليش متقبل تفهم؟!

هَيْصَم: صح هاي غابتي واني الطرزان والحاكم وميصير غير اللي اني اريده.

: دخلني الحمام واني تهسترت اكثر شنو يريد ايسوي هذا المجنون!!

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين..

حسابي الأنستا لأي شي يخص القصه.

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه كبروا عائلتنا وخلونا نستمتع وي الهَيْصَم مع بعض.

هَيْصَم

الكاتبة زهراء احمد

_____________

تُنسى، كأنَّكَ لم تَكُنْ، تُنْسَى كمصرع طائرٍ

ككنيسةٍ مهجورةٍ تُنْسَى، كحبّ عابرٍ وكوردةٍ في الثلجْ تُنسى.

محمود درويش.

: حجيت بسرعة قبل ميفكر ايسوي شي و نظراتي مليانه قوة.

فيروز: اطلع بره و لتفكر وجودي وحدي اهنا ينطيك الحق تتصرف ويايه بهذا الشكل اذا جنت انت هَيْصَم فأني فيروز مستعدة ارتكب بيك جريمة ولا اسمحلك تلمسني، مفكرت شنو يصير بعدين كل اللي حسيت بيه لازم اظهر شجاعتي حتى ميفكر يستغل وضعي حالياً.

ابتسم شبه ابتسامة وگال بنبرة ثقه و نظرة اعجاب باديه على ملامحه استغربتها جدا فكرت راح يعصب او ينفعل من كلامي بس هو سوه العكس تماماً.

هَيْصَم: يوم بعد يوم اتثبتيلي اختياري لأسم لَّباءَة مو خطأ.

فيروز: اقسم عليك مريض نفسي مستحيل تكون انسان عاقل.

هَيْصَم: هاي اهانه للمرضى النفسيين متوقعت تكونين بهذا الأسلوب القاسي.

فيروز: انت مقتنع بلي اتسويه جاوبني؟!

هَيْصَم: ليش اني شنو سويت؟

ضربت رجلي على الأرض وصرخت بغضب.

فيروز: انت راح تخبلني اني متأكدة، كل هذا اللي صار مع ذلك تگول شنو سويت!!

يا اخي هاي جريمة اختطاف ليش متقبل تستوعب خطورة موقفك لو مستغني عن مستقبلك بس فهمني؟

هَيْصَم: اعتقد انتِ بوضع لازم تخافين بيه على نفسج اما مستقبلي اني مفكر بيه لتفكرين بيه، اريدج تريحين مخج من هاي الناحيه.

فيروز: مثلك انسان مستفز مشفت انت تشرب حليب مغثه.

هَيْصَم: ما اعتقد والدتي رضعتني طبيعي ما اذكر شربت حليب غير حليبها.

فيروز: مجنون والله.

هَيْصَم: ليش عيونج تخلي داخل جمجمتي عقل؟

جحظت عيني على كلامه وحجيت بتفاجئ.

فيروز: انت شلون تسمح لنفسك تتغزل بيه عيني عينك!!

هَيْصَم: ليش هذا غزل؟

فيروز: اطلع بره اذا ابقى وياك دقيقة اكثر تصيبني نوبة قلبيه.

هَيْصَم: بهاي الحاله اسويلج تنفس اصطناعي لتخافين.

: فكرت اذا ابقى معندة وياه وميبسه راس راح يبقى يتعامل ويايه بهاي الطريقة لذلك لازم اغير اسلوبي فكلت بهدوء.

فيروز: رجاءً اطلع ميصير تبقى يمي بهذا المكان.

هَيْصَم: خليني افتح ايدج، كدامج نص ساعة تگدرين تاخذين دوش و الملابس موجوده بالكنتور وانتبهي الجرح ميوصله مي حتى ميلتهب لذلك لفيه بنايلون تگدرين تاخذيه ايضاً بنفس المكان مالت الملابس.

اتقرب من عندي وطلع المفتاح وفتحلي الكلبچه حجيت بسرعة قبل ميبتعد.

فيروز: ما البس ملابس غيري.

التفت اليه وعقد حاجبه وگال بنبره استفزاز.

هَيْصَم: ليش اللي لابسته ماركه مخصصه بأسمج!!

فيروز: انت اللي خليتني البسهم مجنت بوعيي بوقتها لذلك لتتفلسف براسي.

هَيْصَم: مو اني اللي غيرت ملابسج الممرضه هي اللي غيرتهم كُتلج سابقاً ما احب المس النساء كوني مطمأنه من هاي الناحيه.

قبل لا يطلع التفتلي وكمل كلامه: ياريت تبقين ثابته وماتنطين مثل القرد وتسوين حركات علمود تطلعين منا.

: قبل مايسمع جوابي طلع من الغرفة، رحت بسرعة للكنتور ايصير على شكل اربع خانات فتحت اول خانه على جهة اليمين مقسوم قسمين القسم الأول بيه ملابس بيت متكامله كلها عباره عن تراكات اما القسم الثاني ملابس طلعه مدققت اكثر حتى ميخلص الوقت سحبت اتراك اسود وشفت نايلون موجود بصفهم اخذته ويايه لفيت بيه الجرح ودخلت الحمام خذت دوش سريع غيرت ملابسي بالحمام وطلعت جففت شعري ومشطت وگعدت على الجربايه منتظره يدخل بقى فتره تقريباً ربع ساعة يلا سمعت صوت خطواته تقترب من الغرفة طرق اكثر من مره على الباب حتى سمحتله بالدخول اول مصارت عيني بعينه رفعت حاجبي بنظرة تعجب وگلت: متوقعت ايكون عندك ذوق لهاي الدرجة فاجأتني.

هَيْصَم: ما اعتقد هنتج بتصرف معين لذلك خلي الأحترام متبادل بيناتنا يكون افضل، اتقي غضبي إني متحملج لهذا الوقت ميعني ابداً من حقج تتجاوزين وياي بهاي الطريقة واضح.

فيروز: وين الأحترام بخطفك اليه وحبسي بهذا المكان؟! لا امان ولا حتى ثقه ممكن احس بيهم بوجودي وياك.

هَيْصَم: مطالب من عندج تحسين بشي يكفي وجودج اهنا وتبقين مطيعه و هادئة.

فيروز: كُلي ليش اني اهنا شنو السبب؟

هَيْصَم: بالوقت المناسب راح اشرحلج كل شي وعد.

فيروز: ليش حتى اثق بوعودك؟

هَيْصَم: وعد الهَيْصَم بصمه وشاهد هو ضماني.

فيروز: اعذرني من هاي الناحيه مستحيل اعتبرك ضمان ابداً.

هَيْصَم: كلامج بدون فايدة الأفضل تكومين وياي حتى تاكلين من البارحه مأكلتي شي.

: الكبرياء والغرور يتوقفن دائماً عندي من يكون الموضوع بيه اكل ماعرف ليش يعني الشغله لا أراديه كمت من مكاني مثل الشاطره و تبعته دخل لنفس الغرفه اللي دخلتلها البارحه بابها اسود و عليها تاج باللون الذهبي گعدت على احد الكراسي المقابيل ميز الطعام خله كدامي صحن سلطة فواكه وصحن ثاني بيه بيض سلگ مقطعه بشكل دائري وكوب عصير برتقال وهو رتب صحن اله هم، مرتب الشوكه و السكين انتبهت على ادق تفاصيله مو اعجاب وانما فضول معقولة هاي الضخامه يكتفي فقط بهذا الأكل؟!

هاي الوجبه اني اعتبرها وجبه أضافيه بين الوجبات.

ياكل بهدوء ورقي يجذب المقابل ينتبه على الأتكيت مالته حفظت كل حركه ايسويها بمخيتلي هو ابداً ميرفع راسه من الصحن اثناء الأكل وحتى موبايله رن أكثر من مره مرفع الخط وحتى مشاف منو المتصل الصراحه اسلوبه عجبني حيل وتذركت مقاطع الأكل اللي اشوفه بالموبايل ضحكت واني اتخيله ياكل مثلهم، قطع افكاري وهو يشيل المواعين ملاته حتى يغسلهم انتبهت على نفسي مأكلت شي ابداً رفعت ايدي وبديت اكل وهو طلع من المطبخ ماعرف وين راح كملت اكلي وكمت حتى اغسل المواعين وگفت على السنك وماعرف شلون سحبهم من ايدي وهو يگول.

هَيْصَم: اتركيهم عنج اني اغسلهم.

رجعت سحبتهن من عنده مانعته: ماكو داعي اني اغسلهن.

جاوبني وهو يسحب بيهن مرة ثانية.

هَيْصَم: انتِ ضيفتي واهل البيت واجبهم يأدون كرم الضيافه.

فيروز: راح اصدگ هذا الكلام لو جنت ضيفه لكن اني اهنا مختطفه اذا ناسي حبيت اذكرك.

هَيْصَم: حتى المخطوفين ميغسلون مواعينهم لذلك ماكو فرق بالحالتين.

فيروز: مستفز.

هَيْصَم: شهادة اعتز بيها.

رجعت لمكاني وبدت اسألتي الفضوليه.

فيروز: هذا بيتك؟

هَيْصَم: لا.

فيروز: لعد بيت منو؟

هَيْصَم: بيت والدي.

فيروز: يعني بيتك ايضاً شنو الفرق!!

هَيْصَم: راح يكون البيت ملكج من تستحقين هذا الشي.

فيروز: بالبيت ملابس كاملة اكو وحدة غيري جانت هنا؟

هَيْصَم: شتريتهن وانتِ نايمة، شي بسيط يعني.

فيروز: شلون عرفت قياسهن؟

هَيْصَم: واضح مبين ميحتاج دراسة.

فيروز: اجوبتك غامضه مفهمت من عدها شي.

هَيْصَم: تتعودين مع مرور الوقت.

فيروز: ليش اشگد انت مقرر تخليني اهنا؟

هَيْصَم: الى إشعار آخر.

فيروز: بس ميصير هيج ليش متفهم اني بنيه وجودي وي رجال وحدنه بيت ما اعرفه غلط خليك ابمكاني و افهم هذا الشي.

هَيْصَم: مو من عادتي اشرح مخططاتي للأخرين لكن في حالتج راح اكسر هاي القاعدة، اولاً مجبتج اهنا حتى اتسلى او اغير جو وياج، ثانياً وجودج اهنا افضل من بقائج ببيت مشبوه وانتِ تعرفين شنو قصدي مداعي اشرح.

فيروز: لحظة بس شنو يعني بيتي مشبوه من وين اتجيب هذا الكلام؟

هَيْصَم: انتِ هسه مثل اللبوة المجروحه الجميع بأنتظار سقوطج، قدمج على حافة الهاوية ما أن ارخي وياج الحبل اتموتين.

فيروز: افهم من كلامك انت نقذتني صح ؟

لكن من منو؟!

هَيْصَم: من الجميع.

فيروز: شنو السبب؟

هَيْصَم: اللي عرفتيه للآن يكفي وزيادة، الأفضل مندخل بالعميق أكثر، معلوماتج ايضاً تعتبر خطر.

فيروز: ليش حتى اثق بيك ممكن اتكون واحد من عدهم.

هَيْصَم: مجبورة اتثقين ماكو خيار ثاني.

فيروز: اذا كلامك صح ليش ساعدتني؟

شنو غايتك من هذا الفعل؟

ابتسم شبه ابتسامة و اقترب من الكرسي اللي گاعدة عليه وگال.

هَيْصَم: اللي يريدج اني أريدة.

فيروز: شنو قصدك ؟

هَيْصَم: كوني صبورة بنهايه المطاف راح تفهمين كل شي.

فيروز: اذا عرفوا بمكاني شنو ممكن يصير؟

هَيْصَم: يقتلوج او اذا مسووها اقتلج اني بالحالتين الموت بأنتظارج.

: كل محاولاتي بأصطناع القوة كدامه بائت بالفشل وهو يحجي بسيرة الموت بلعت ريگي بصعوبه واني اتخيل شنو راح يكون وضعي حس عليه وكمل كلامه.

هَيْصَم: انتِ بأمان كوني مطمأنه مستحيل يعرفون مكانج اذا بقيتي عاقله وتصرفتي مثل ما اگول وانتِ مجبرة تسمعين كلمتي اذا ردتي تعيشين اكثر ومتموتين بطريقة مأساويه.

فيروز: شنو ذنبي اني مجرد بنية بسيطة عايشه مثل البقيه موظفه واسعى لكسب قوت يومي بشرف ليش حتى اعيش هيج وضع سيء؟

هَيْصَم: بعض الأحيان احنه مجبرين ندفع ثمن اخطاء غيرنه، لتعتبرين نفسج مظلومة و كوني شاكره لوجودي حتى انقذج، اشخاص ثانين ماتوا بطريقة مأساويه وحتى تشيع وعزاء مسوولهم.

فيروز: اريد ارجع للغرفه وبيتك بعدني محافظته تگدر تساعدني؟

هَيْصَم: فقط اربع بيبان اثنين على جهه اليسار وثنين على اليمين اللي بنص هي الغرفه بابها اسود و عليها راس اسد باللون الذهبي.

فيروز: صرت لطيف فجأة شنو موضوعك؟

هَيْصَم: لازم نعتني بيج قبل الذبح.

فيروز: مو اني دجاجه بنظرك حتى تذبحني.

هَيْصَم: لا انتِ لَّباءَة.

حجيت بتذمر واني افتح باب المطبخ حتى اطلع.

فيروز: واحد مزعج شايف نفسه على شنو ماعرف.

: دخل ورايه للغرفه وطلع ملابسه بسرعة ودخل للحمام ربع ساعة وطلع، من الفراغ اللي اني بيه عيوني تراقب تحركاته خله عطر ولبس ساعة فضية لزم النظارات بأيدة وقبل ميطلع گال.

هَيْصَم: تگدرين تغيرين مكانج و ترحين لأي غرفه تعجبج، اشربي العلاج و انتبهي على صحتج وبالثلاجه موجود اكل اذا جعتي أو لو تسمعين صار انفجار مطلعين.

فيروز: ليش تريد اموت وحدي يعني؟

هَيْصَم: لتخافين راح احرص على دفنج مثل ميليق.

فيروز: ان شاء الله اخلص من عندك عن قريب يارب.

هَيْصَم: نفس امنيتي سبحان الله.

: طلع بعد هاي الجمله وتركني بحيرتي وحدي والأفكار تلعب بعقلي ياترى القدر شنو ضاملي اكثر من اللي صار ويايه؟

هَيْصَم: الو ضَرْضَم.

ضَرْضَم: احترامي سيدي.

هَيْصَم: جمع الفريق راح نلتقي بالمكان المعتاد.

ضَرْضَم: تأمر سيدي.

: وصلت للمكان المطلوب نزلت ودخلت للمطعم بالعادة نلتقي بهذا المكان بي قسم عائلي ونگدر ناخذ راحتنه بالكلام اول مدخلت كامولي احترام وأدوا التحيه.

هَيْصَم: رخوا.

ضَرْضَم: سيدي احد المشتبه بيهم اتصل بواحد من جماعتهم، زعيمهم يدور عن بنية جانت موجودة ضمن المعتقلين قبل يومين بالبيت اللي رحناله وديبحثون عليها بشكل مكثف لكن لحد الآن محد يعرف مكانها وين لو هي عايشه أو ميته اللي عرفته من مصادري اتعرضت للطعن من قبل شخص مجهول وبدون معرفة السبب.

هَيْصَم: اريد معلوماتها الكامله يمي قبل ميحصل عليها احد سواء ميته او عايشه لذلك هموا ايدكم وخلونا نشتغل بشكل مكثف.

هَمَّاس: لكن سيدي حتى اسمها احنه منعرفه اشلون نگدر ندور عليها؟

هَيْصَم: اكيد راح ينذكر اسمها بعمليات بحثهم راقبوا جهات الأتصال اللي اتصلوا عليها المعتقلين لازم اكو ثغره نگدر نعرف من خلالها حل اللغز، كل مجرم لازم يترك دليل واحنه نستغل هاي النقطه.

لائِث: سيدي اكو خبر سيء وصلني هسه.

هَيْصَم: اسمع.

لائِث: اجه خبر من الأعلى احد الضباط قدم طلب حتى ينضم لمركزنا ويكون ضمن الفريق.

هَيْصَم: ماكو غيره مستقتل حتى يلزم القضيه.

هَمْهَام: عذراً سيدي لكن اني ماعندي ثقه بالغرباء ممكن ايخون او دازيه العصابه شلون نگدر انأمن بيه؟

هَيْصَم: ثق بيه مستحيل اسمح بالغدر وهو بضمانتي اذا بقى اصلاً.

ضَرْضَم: شنو الخطه سيادتك؟

هَيْصَم: نرجع للمركز وهناك راح تشوف بعينك.

رجعنا ودخلت مكتبي بقيت اشتغل على القضايه الثانويه اللي لازمها شويه ونطرق على الباب عرفته هو: ادخل.

: انت ليش اتسوي هيج شنو ايسمون هذا التصرف يعني؟!

هَيْصَم: وعليكم السلام ورحمه الله.

: لتستهزء احجي جد.

هَيْصَم: الواضح نسرنا يريد عقوبه؟

نسر: شنو قصدك؟

هَيْصَم: اني مديرك لو نسيت شلون تتجرء وتحجي وياي بهذا الأسلوب!!

نسر: وانت شلون متكُلي رجعت انفتحت هاي القضيه مرة ثانية معقولة نسيت جنت لازمها اني سابقاً؟

هَيْصَم: ونسدت بوقتها ورجعت نفتحت من جديد لكن هاي المرة هي بأيدي وفريقي مكتمل ايضاً.

نسر: مفهمت.

هَيْصَم: يعني اني مو بحاجتك ضمن فريقي نسر.

نسر: بعد كل هذا الجهد اللي بذلته تريد اتراجع مستحيل.

هَيْصَم: إذن راح تبقى مثل البقيه منتسب لهذا المركز لكن القضيه مراح تلزمها.

نسر: هَيْصَم لتعصبني انت اكثر واحد يعرف شگد حاربت على طول هاي الخمس سنوات وحتى بعد ما نغلقت القضيه اني بقيت مستمر بتجميع الأدله.

هَيْصَم: هباءً منثورا، مستفاديت شي طول هاي الخمس سنوات غير تعبت نفسك.

نسر: لأن ماكو دليل اركض وره سراب بدون فائدة.

هَيْصَم: ومتسائلت عن السبب!!

نسر: منطيت جهد اكثر شنو يكون غير هيج.

هَيْصَم: وهنا الفرق انت تجهد نفسك بدون تفكير اني اسوي العكس، العقل دائماً ايكون افضل من العضلات.

نسر: مع ذلك اريد اكون ضمن هذا الفريق.

هَيْصَم: لا.

نسر: وتالي؟

هَيْصَم: الله عالي.

نسر: متضحك.

هَيْصَم: مو هدفي اضحكك.

نسر: والحل وي عنادك؟

هَيْصَم: اريد موافقته بعدها اقرر.

نسر: اني مو طفل حتى اخذ موافقته، هَيْصَم انت تعرف عدل طبيعتي بالعمل.

هَيْصَم: الضاهر نسيت شنو صار وياك من خمس سنوات نتيجة اتخاذك قرارات خاطئة؟

نسر: لتلومني كل اللي سويته جنت احس هو الصح وبالأخير گدرنه نعتقل علاء احد اهم المروجين.

هَيْصَم: الخسائر اكبر من الأرباح اذاً عملك غير ناجح.

نسر: بشنو خسرت؟

هَيْصَم: حب حياتك، و علاء اللي انتحر بعد مرور وقت قصير من دخوله السجن لو ام ميار اللي رفعت عليك قضيه تحرش بنتها؟

كون شاكر طلعت منها سالم بعد سجنك اسبوع كامل واخضاعك للتحقيق وتوقفت عن العمل لمدة شهر كل هذا اللي صار نتيجة اتخاذك قرارات من راسك بدون دراسة، بعض الأحيان لازم ناخذ من نقاط ضعفنه قوة وهاي المره خلي هدفك واضح خلي معاناتها كدام عينك وخسائرك ايضاً، حارب هاي المره بِنية الأنتقام لكل الأضرار اللي تسببوا بيها سواء النه او للمواطنين.

نسر: هدفك شخصي هاي المره؟

هَيْصَم: شنو مكان هدفي المهم النتيجة وحده.

نسر: من وين راح نبدي؟

هَيْصَم: بعلم النفس مقولة تگول ( اطلب المستحيل لتصل الى الممكن ) واني هاي المره اريد زعيمهم.

نسر: اني وياك بشنو متقرر خطوة بخطوة.

هَيْصَم: اذا ارجع لمكانك ولتخلي احد يعرف يربطني بيك شي واني اكلك شنو لازم تسوي.

نسر: انت تعرف انزحت عن منصبي واستلم غيري ادارة المركز لذلك مراح يكون لعملي اهناك فايدة.

هَيْصَم: خطأ عملك اهناك هو قمة الفايدة، الأفضل نبقى على تواصل لكن اني اتصل لتتصل انت.

نسر: اللي يسمعك يعتقد صاحبتك اني وخايف زوجتك تكتشف، صدك تذكرت هَيْصَم، أرفد يريد تجاوب على اتصالاته ليش مطنشه صار يومين؟

هَيْصَم: كُله ليتصل اني اذا احتاجه اندله ماكو داعي لحركات المراهقين اعرف شنو اتصرف.

نسر: بينكم شي، معجبتني نبرتك؟

هَيْصَم: ارتكبت جريمة وهو مخبي سرها لذلك خايف عليه حتى ما اُعتقل.

نسر: أرفد يخاف عليك ويساعدك بقضيه غير قانونيه،

احجي هذا الكلام لواحد ميعرفه مو اني اللي عشت وياه كل اسنين عمري.

هَيْصَم: ارجع لشغلك نسر وكافي تضيع وقتي.

نسر: انتظر من عندك اتصال.

: طلعت من المدرسه اليوم آخر يوم امتحانات واخيراً خلصت اكثر مرحله مزعجه وصعبه تعبت بيها الى درجه متنوصف وحتى ملامحي تغيرت، بقيت منتظره يجي الخط حتى ارجع للبيت واني واگفه انتظر يم الحارس توقفت يمي سيارة بيضه ونزل من عدها شخص، انتبهت عليه جان لابس قميص ابيض وبنطلون نيلي، ازرار قميصه مفتوح من عدهم ثنين نزع نظارته السودة وخلاها بأيدة نظرلي نظرة غريبة اول مره يباوعلي بهاي الطريقة اني ملاحظة مراقبته اليه من فتره بس ماعرف شنو السبب ليش يجي يوميه بدون كلل وينتظرني ويبقى وره سيارة الخط يتأكد من عندي ادخل للبيت يلا يروح الصراحه عجبني تصرفه وكبر بعيني ولايوم فكر يجي يحجي ويايه او يسمعني كلمه محلوه حبيت هذا الجانب بيه على رغم هو اقاربي لكن متجرء وستغل هذا الموضوع، صفن بوجهي شويه بعدين گال والأبتسامة ماليه ثغرة.

محمد: راح نبقى واگفين اهنا متردين ترجعين للبيت؟

حجيت بتوتر لأن قليل حيل نجتمع سوا بمكان واحد.

حوري: اي ارجع لكن انتظر ابو الخط يوصل وياخذني.

محمد: ميحتاج اني موجود تعالي ويايه اوصلج طريقي على بيتكم.

حوري: لا ماريد اتعبك شكراً بس راح انتظر الخط.

محمد: لهاي الدرجه متثقين بيه ابن عمج اني مو غريب.

حوري: وأن، اني ماعرفك ولقائاتنا قليلة جدا بس الأغبياء يثقون بسرعة بأشخاص ميعرفوهم.

محمد: لعد خلينا نتعرف ونقوي علاقتنا معقولة احنه اقارب ومنعرف شي عن بعض ميصير.

حوري: اسمحلي لكن ما أگدر، اعتذر جداً من عندك اهلي ربوني وتعبوا عليه واني مستحيل اخون ثقتهم.

محمد: واني مثل اهلج مستحيل اخليج تندمين اذا نطيتيني فرصة بس وحده او وعد مستحيل اخونها.

حوري: انت ليش مصر لهاي الدرجه شنو تريد من عندي؟

: اخذ نفس عميق وعيونه تطلب من عندي اصدگ كلامه.

محمد: بأخر مره اجيتي بيها لبيتنه من شهرين تقريباً وانتِ لابسه فستان اسود وشال بيج ومخليه روج وردي وتحجين وي ريفان ومنطلقه وبدون متنتبهن على اللي ابتسامتج أسرت گلبه وسحرتة وحتليتي احلامه بهاي اللحظة قررت انسى كل مشاكلي وكرهي لخوانج وافتح صفحه جديده واخلي هذا الحب هو بداية قصتي وياج.

: صفنت على كلامه والتمست بنبرة صوته الصدق بهاي اللحظة اكو شي داخلي نولد، بنيه مراهقه مفتقدة الحب فقط اشوفه ب المسلسلات و الأفلام وهيج شخص يجي ويعترفلي بحبه خلة مشاعر الفرح تتهيج بداخلي وحسيت الدنيا مليانه ألوان عكس الحياة اللي عشتها وي اهلي صحيح أرفد انسان ماكو مثله ويدعمني ويسمعلي دائماً ومعتني بيه لكن كل واحد بينه يريد يعيش هذا الشعور مال الأهتمام ويحس بوجود هذا الأنسان اللي يهتم بيه ويدور عن راحته، خطأ وذنب جبير لايغتفر ارتكبته بوقتها واخلص كل عمري واني ندمانه عليه بعض الأحيان تخسر عمرك مقابل نزوة تافهه تمر مرور الكرام ، اللذه تنتهي ولكن التبعيه تبقى ملاحقتك على مرور السنين، اجيت اجاوب وقفني.

محمد: لتحجين شي هسه اخذي وقتج ب التفكير وإن شاء الله النه لقاء ثاني نسولف بيه على راحتنه، خليني اوصلج للبيت لتبقين اهنا وحدج بهيج وقت متعرفين الناس ونفوسهم السيئة.

: من شفته بقى يلح حجيت وياه بنبره بيها خوف من اخواني لو عرفوا.

حوري: اذا خواني عرفوا يسببولي مشكله بوقتها ما أگدر ادافع عن نفسي او اقدم مبرر حتى لو كان كلامك صحيح تبقى شخص غريب بالأضافة نسر وأرفد ثنينهم يكرهوك ومنتظرين عليك الزله لتخليها تصير بوجهي الله يخليك.

محمد: كلامج صح الصح مع هذا اني مصر متبقين اهنا وحدج راح ابقى منتظر وياج حتى يجي الخط وياخذج وهاي المره متگدرين تعترضين.

: بقه واگف يمي ومنطق ولا حرف حتى وصل الخط صعدت بالسيارة وصلت للبيت من نزلت انتبهت على سيارته يعني متركني ک العادة ليش حتى اكذب مشاعري، جانت هاي اول مره گلبي يدگ الشخص ومعرفت هاي الدگه هي اللي راح دمر حياتي وتخسرني اغلا ناسي.

لائِث: سيدي.

هَيْصَم: نعم لائِث شنو المشكله؟

لائِث: لازم تراقب الوضع اللي يصير حالياً بغرفة التحقيق.

جاوبني وهو يكوم من مكانه.

هَيْصَم: شنو صاير؟

لائِث: احد المنتسبين يستخدم العنف مع معتقله.

هَيْصَم: شنو تهمتها؟

لائِث: الشروع بالقتل لكن هي رافضه الأعتراف ومصره انو هي ممسويه شي والتهمه باطله.

هَيْصَم: منو رفع عليها الدعوة؟

لائِث: زوجها.

هَيْصَم: رادت قتله صح؟

لائِث: نعم سيدي.

: دخل للغرفة واول كلمه نطقها من شاف حالتها السيئة ومنظرها الكله دم.

هَيْصَم: الدليل.

عاصم: سيدي زوجها اعترف عليها حاولت تقتله بالسكين وهو نايم حتى ايدة مجروحه والشاهد اقوة من الدليل.

: همهم بعدين نطق.

هَيْصَم: گلت زوجها، جيد، احسنت.

لائِث سجل.

لائِث: حاضر سيدي.

هَيْصَم: المنتسب عاصم يمارس اعمال غير قانونية تم القبض عليه آثر تلقيه رشوة قيمتها خمسمائة الف دينار عراقي الشاهد النقيب هَيْصَم والملازم اول لائِث.

عاصم: سيدي شنو هذا الحجي اني مسويت هيج ليش تريد تورطني وتضيع تعب عمري بدون ذنب معقولة تظلم الناس بهاي البساطه؟!

هَيْصَم: لائِث اني ظلمته؟!

لائِث: حشاك سيدي انت رمز العدل بمركزنا.

هَيْصَم: سمعت حتى لائِث يشهد وياي بهاي الحاله حظك سيء جداً.

عاصم: بس اني بريئ سيدي وانت تعرف ليش تتهمني تهمه باطله؟!

هَيْصَم: اني شاهد هذا ميكفي شنو نسوي بدليلك.

عاصم: الله يوفقك لتظلمني سيدي عندي عائلة و اطفال.

هَيْصَم: تقبل زوجتك تتعرض لهيج موقف؟

بنتك مثلاً او اختك؟

عاصم: شنو دخل عائلتي بوحده مجرمه؟!

هَيْصَم: بعدك مصر تحجي بدون دليل، لائِث.

لائِث: نعم سيدي.

هَيْصَم: اريد زوجها يمي خلي ينول شرف الهَيْصَم يحقق وياه شخصياً محظوظ مو؟

: ابتسمت وجاوبته: اكيد سيدي فرصة من العمر مستحيل تتكرر مرة ثانية.

هَيْصَم: استعجل وخلي نشرح لملازمنا عاصم شلون يكون التحقيق على اصوله وشوكت يگدر يستخدم العنف ومنو الشخص اللي يستاهل الضرب.

لائِث: حاضر سيدي.

:ضربات خفيفه على الميز ناتجه من اصابعه، حامض حلو بثغره مثبته، وعيونه تراقب اللي صافنه بالفراغ ودموعها تنزل بطئ يمكن ذكرته بمشهد من الماضي وتخيلها بنفس الموقف السبب اللي يخلي النقيب هَيْصَم ميضرب النساء ابداً وحريص دائماً على سلامتهن هو مع مقولة "لاتضرب المرأه حتى بوردة" اعاين عليه شلون يباوع عليهم ثنينهم بعدين طلب من عندي اطلعها بره تنتظر، اخذت نفس واني ادعي بداخلي ربي يصبره وينسيه.

هَيْصَم: اعرفك عن نفسي النقيب هَيْصَم، تشرفت بمعرفتك داخل مركزنا هاي اول مرة وما اوعدك تكون الأخيرة هذا الشي يعتمد انت وطنيتك، وهسه يا سيد..

: دُريد سيدي.

هَيْصَم: اهلاً بيك دُريد، كُلي ليش تهمت زوجتك هيج اتهام قوي بدون وجود دليل يثبت صحة كلامك؟

دُريد: سيدي اني وياها متزوجين من خمس سنوات حبيتها حيل ودللتها ومقصرت وياها بشي ابداً بعدين صارت مشاكل بالعائلة بينها وبين اختي وامي مستمرت فتره طويلة وعندت الا نطلع بيت وحدنا بدون سابق انذار معرفت شنو السبب وليش تغيرت هيج بهاي السرعة وصارت انسانة ثانيه جان صوتها مينسمع ومتنزل من حلگها كلمه حاضر وتدلل، فكرت انو حقها وتريد تعيش مثل باقي النساء لذلك أجرت بيت صغير قريب من اهلي وطلعنا، صارت طبيعية فتره بعدين رجعت نفس الحاله، تصيح وتكسر وشبه نجنت لذلك ما أگدر احزر تصرفاتها و البارحه بالليل جنت نايم تعبان وفزيت عليها لازمه سكين وتصرخ لزمتها بأيدي وضربتها ونجرحت خفت حيل من عدها وتصلت بأخوي وهو ماعرف شلون وصل الحجي لأمي اجت لبيتي تركض وحلفت اذا ما اشتكيت عليها وسجنتها تتبره من عندي وهي مره جبيرة ومريضه مگدرت ما اطيعها.

هَيْصَم: هذا بس؟

دُريد: نعم سيدي بس هيج.

هَيْصَم: حاولت تقتلك سابقاً قبل هاي المرة؟

دُريد: لا سيدي هي تحترمني حيل وتحبني وتخاف عليه من الهوه حتى اني اتفاجأت من تصرفها هذا.

هَيْصَم: عدكم اطفال ؟

دُريد: للأسف لا.

هَيْصَم: شنو السبب؟

دُريد: هي عقيم.

هَيْصَم: ليش منفصلت عنها لعد؟

دُريد: زوجتي و احبها حيل وتزوجتها بصعوبة معقولة اتركها علمود طفل، لهذا اليوم اني مُصر ما اتخلى عنها وحتى لو تريد تقتلتني وقسماً بذات الله لو مو امي مجان شتكيت بس الأنسان ب لحظة العصبيه كل شي يسوي.

هَيْصَم: اختك عدها اطفال؟

دُريد: عدها اربعه وحامل هسه ب الخامس.

هَيْصَم: تجي فترة الحمل يمكم؟

دُريد: اغلب الأوقات يمنه زوجها يطلع من الصبح للعصر ب الشغل وميخليها وحدها بالبيت.

هَيْصَم: وامك شنو وضعها وي زوجتك؟

دُريد: هي وي بناتها اكيد متقبل عليهن حتى لو غلطانات.

هَيْصَم: طلبت من عندك الطلاق سابقاً ؟

دُريد: كذا مره ودائما اقابلها ب الرفض.

هَيْصَم: شنو ردت فعلها من ترفض؟

دُريد: تعصب وتكسر وتثور بوجهي بشكل عنيف جداً وتتغير معاملتها اليه لكن متبقى اكثر من اسبوع وترجع حياتنا طبيعيه لكن آخر مره جانت قبل شهر طلبت ننفصل بعد مسمعت امي قررت تزوجني لكن اني رفضت لذلك بدت تتصرف بشكل غريب وحاولت تقتلني.

هَيْصَم: شنو ردة فعلك على الزواج؟

دُريد: مستحيل اقبل لو آخر يوم بعمري اني احبها لزوجتي وما اقبل اتركها شلون اخلي على راسها ضره!!

هَيْصَم: و الأطفال انت مراح تگدر تعيش شعور الأبوة تتحمل هذا الموضوع ؟

دُريد: آخر همي الأطفال أو اني اكون اب كل اللي اريده اعيش وياها بسلام وأمان مطلبت اكثر من هيج.

هَيْصَم: لائِث.

: جنت واگف وره الباب وأراقبهم من الكامرات اول مسمعت صوته دخلت.

لائِث: نعم سيدي.

هَيْصَم: خلي زوجته تحضر لهنا.

لائِث: تأمر سيدي.

: دخلتها لغرفه التحقيقات ورجعت لمكاني وهو بلش يحجي وياها.

هَيْصَم: احجي الحقيقة وعد محد راح يأذيج ويصير اللي ترديه اكيد انتِ متردين تخلصين عمرج ب السجن مع اشخاص مجرمين وما اضمن سلامتج الجميع ممكن يتحرش بيج ويعرضوج لمواقف سيئة تتمنين الموت ومتعيشيها، ف يا..

: نياسم سيدي.

هَيْصَم: اهلاً بيج ست تشرفت بمعرفتج وهسه اذا ممكن تحجيلي شنو السبب ليش حاولتي تقتلين زوجج بهاي الطريقة؟

: نزلت دموعها وكمية الألم بعيونها لاتوصف تحجي بنبره مليانه قهر وحزن جبير.

نياسم: عمري 25 سنه وزوجي 28 حبينه بعض وتزوجنا بصعوبه هم عائلة عشائرية، الولد هو اهم شي عدهم حتى لو تزوج اكثر من مره مو مهم ومو مهم كم گلب راح يكسر بهذا التصرف المهم هو الحفيد، جنت اتمنى اعيش وياه شعور الأمومه كأي انسانة ثانيه لكن رب العالمين مقدرلي هذا الشي، صبرت وتحملت بداية الموضوع وتأقلمت لكن حماتي جانت تكرهني حيل ومتحبلي الخير ابداً، تحجي عليه كدام امه بين ليله ويوم صار البيت كله يكرهني ويسموني العقيم محجيت ومشكيت اله حتى مينقهر واني اشوف شلون يتعب بشغله كتمت بداخلي لدرجه مگدرت اتحمل اكثر وصارت عصبيتي على شكل انفجارات بوجهه، لكن رجعت ستغفرت ربي واني اشوف بيتي راح ينهدم لكن عذراً من عندك سيدي انت تعرف بعض النساء من يكرهن وحده يبدن يحرگن گلبها بأي طريقه، حماتي صارت حامل والله من گلبي فرحتلها لأن ماعندي شي وياها بس هي تكرهني بدون سبب، صارت تشمت ببلائي وتسوي حركات تغورني بيها هي راح تصير ام لخامس مره اما اني راح ابقى عقيم طول عمري.

هَيْصَم: شهگاتها علت وكملت كلامها بألم اكبر: طلبت من عنده الطلاق واني اعرف مستحيل اگدر اعيش من دونه بس هذا الحل الوحيد حتى يرتاح واني ارتاح و يگدر يتزوج ويصير اب مثل ميريد مقبل ورفض طلبي سويت مشاكل وطلبت من عنده نطلع بيت وحدنا فكرت راح يتخله عني بس هو سوه العكس وسمع كلامي ومعترض تندمت لأن ضغطت عليه شنو ذنبه يتحملني واني بدون فايدة وما أگدر اخليه يصير اب، مع هذا قررت افتح صفحة جديدة وانسى الماضي بس مستمر هذا الوضع فتره طويلة واني اسمع عمتي راحت تخطبله رجعت طلبت الطلاق مره ثانيه، اتركه افضل ما اشوفه يتزوج عليه أو وحده تشاركني بيه، لكن مجانت رغبتي اتركه ابداً اني احبه ومن سنين، رجع رفض هذا الشي اللي مخلاني اتحمل وخاصتاً من اتخيل يدخل يمها ويسمعها كلمات حب واني اموت قهر شخص ويدخل السجين لگلبي لهذا السبب فكرت اذا سويت هاي الحركه ممكن يتركني ويتخله لذلك جبت السجين وقتربت من عنده جان هدفي اخوفه والله مجنت قاصده القتل ربي يشهد.

هَيْصَم: عندي حل لمشكلتكم اذا حابين تسمعوا اكيد.

دُريد: اكيد سيدي تفضل.

هَيْصَم: كل اللي صار هو بسبب عائلتك لذلك اطلع من المنطقه واذا گدرت غادر المحافظة بالكامل وتبنوا طفل اذا تردون تصيرون اباء او تگدرون تعالجون واني راح اوكل طبيب هو يساعدكم بهذا الشي ولتفكرون بالمادة المهم ترجعون لحياتكم الطبيعية.

دُريد: رحم الله والديك سيدي ماعرف شلون اشكرك ساعدتني وحليتلي مشكلتي مجان عندي فلوس حتى اعالجها تعرف هيج امور تكاليف هوايه.

هَيْصَم: مسويت شي هذا واجبي و كُتلك لتفكر بالمادة المهم تصيرون اباء وتنحل مشكلتكم.

نياسم: ربي يرزقك ويفتحها بوجهك ويبرد نار گلبك ويرزقك اللي يضمد جروحك مثل مضمدت جروحنه.

هَيْصَم: شكراً الكم تگدرون ترجعون لبيتكم راح تنسد هاي القضيه ولا كأن انفتحت اصلاً اخذوا راحتكم.

دُريد: شكراً مره ثانيه سيدي.

هَيْصَم: مو كل المشاكل تنحل ب الضرب الهدوء والفهم الكثير الأحيان ايكون هو الحل سيمائهم في وجوههم مو آيه عبثيه مو صح لائِث.

لائِث: كلامك عين العقل سيدي.

هَيْصَم: انت الوحيد اللي مصبرني على هذا المركز عندك علم؟

لائِث: شهادة اعتز بيها سيدي.

هَيْصَم: لحظه ضَرْضَم يتصل، الوو نعم .

ضَرْضَم: سيدي وصلني شي مهم لازم اكلك بيه هسه.

هَيْصَم: اسمع.

: نايمه بصوره عميقه فجأة نفتح الباب بطريقة خلتني اطفر من مكاني عيونه حمر وشرايين رگبته بارزه سحب كرسي وخلاه مقابيلي ويحجي بكمية غضب جبيرة.

هَيْصَم: شنو اللي يربطج ب لّهيم ليش مستقتل حتى يعرف مكانج؟

فيروز: بلعت ريگي بصعوبة من الخوفه الصارتلي..

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

تصبحون على ما تتمنون.

حسابي الأنستا لأي شي يخص القصه..

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه حتى تكبر عائلتنه ونستمتع وي الهَيْصَم مع بعض.

هَيْصَم

الكاتبة زهراء احمد

__________

هناك أمور يكاد يستحيل على المرء أن يرويها، وأن أبسط الأفكار وأوضح الافكار هي بعينها أعسرها على الفهم.

عقدت حاجبي بتساؤل وكلت.

فيروز: منو هذا لّهيم؟

هَيْصَم: هذا سؤال موجه الج منو لّهيم وشنو العلاقه اللي تربطكم حتى استنفر كل جماعته يدورون عليج؟

فيروز: احنه متفقنا تحقق ويايه وانت مو بوعيك روح نام ورتاح وباجر نسولف بهدوء.

ضرب على الكرسي بقوة وصاح بغضب.

هَيْصَم: لتحاووولين تلعبين وياي بعدج ماعرفتي اني منو، اتقي غضبي وهااااي آخررر مره اسأل لّهيم منوو وشنووو علاقتج بيه؟

اخذت نفس عميق وحجيت بقلة صبر.

فيروز: ماعرفه وهذا الأسم اول مره اسمع بيه ماتربطني علاقه مع اشخاص يمتلكون اسماء غريبة مثلك ومثل لّهيم، اني مجرد بنيه حالي حال جميع نساء بقاع الأرض اطلع الصبح لوظيفتي الساعه ثنتين ينتهي دوامي أرجع لبيتي، وهكذا حياتي ماشيه بهاي البساطه حتى اجيت انت وعقدتها.

هَيْصَم: تصحيح اني نقذتج من موت حتمي جان ملاحقج سواء صدگتي ام لا هاي الحقيقة، شي ثاني فرضاً صدگت انتِ متعرفين لّهيم منو، شنو جنتي تسوين ببيت مشبوه ومثل متگولين انتِ بنيه مثل باقي النساء من العمل للبيت و العكس صحيح؟!

فيروز: ماعرف، اني همات اتفاجأت من شفت نفسي هناك ونصدمت اكثر من شفتك.

هَيْصَم: سولفيلي بالتفصيل شنو صار وياج بيوم الحادث من فتحتي عيونج من النوم حتى اغلاقهن من شفتيني.

فيروز: ليش حتى اثق بيك ممكن تكون انت هم خطر على حياتي وتريد تاخذ من عندي معلومات حتى تقتلني؟

هَيْصَم: اني وعدتج احميج بحياتي مستحيل اخلي شي يضرج كوني مطمأنه من ناحيتي.

فيروز: بس انت گلت اذا مقتلوج اني اقتلج اعتقد هذا كلامك.

هَيْصَم: اني گلت؟

عندج دليل؟

اخذت نفس بتذمر ورفعت حاجبي: معناها انت مينوخذ من كلامك حق وباطل يعني ضماناتك بدون معنى.

هَيْصَم: شنو تردين مقابل اعترافج؟

فيروز: شنو ممكن تقدملي؟

هَيْصَم: اللي ترديه.

فيروز: حريتي.

هَيْصَم: مستحيل.

فيروز: السبب؟

هَيْصَم: الخطر محاوطج من جميع الأتجاهات و كتلج من قبل، اذا رخيت الحبل ممكن تموتين بدون حتى ميكون الج قبر او عزاء او يمكن جثه يستدلون بيها اهلج عليج.

فيروز: لهاي الدرجه حياتي بخطر، شنو السبب ليش حتى يصير ويايه هيج شي؟

هَيْصَم: عن طريق الخطأ دخلتي بنص قوقعه مجان لازم تفوتين بيها دوامه جبيره وناس مجرمين لذلك اتحملي العواقب.

فيروز: وشنو سبب مساعدتك؟

على حد علمي اني ماعرفك شنو الدافع اللي يخليك تضحي بحياتك علمودي.

عدل گعدته وقرب راسه من عندي وأدية مثبتهم تحت فكه: الهَيْصَم ميدخل للعبه اذا ميعرف القواعد و الطريقه والشخص اللي يلعب والفائز محدد من قبلي قبل متبدي اصلاً لذلك لتحسسيني اني ضعيف لدرجه حتى احميج لازم اضحي بحياتي.

فيروز: شنو نهاية هاي الحرب؟

هَيْصَم: بكل حرب طرف خاسر وطرف فائز.

فيروز: يعني احتمال يقتلوني وارد جداً ؟

هَيْصَم: حتى يوصلون للَّباءَة لازم يعبرون هَيْصَم وحتى يعبرون الهَيْصَم لازم يسلمون على عزرائيل قبل.

فيروز: كلامك غريب ومو مفهوم ويزيدني حيره اكثر.

هَيْصَم: الغرابه تفيض من عندي من كل جانب، ويحتاج وقت طويل حتى تفهميني.

فيروز: ماريد افهمك ولا اريد ابقى يمك فترة طويلة وكعد اكتشفك، كل اللي اريده ارجع لبيتي وهاي هي.

هَيْصَم: وهذا الشي الوحيد اللي مستحيل يصير بالوقت الحالي.

فيروز: ماتنبلع.

هَيْصَم: اي مثل الحامض حلو، افضل نمص حلاته مانبلعه.

فيروز: مستفز.

هَيْصَم: غبيه.

فيروز: اكرهك.

هَيْصَم: بعد الكره حب عميق لَّباءَة.

فيروز: لتسميني هذا الأسم ما احبه.

هَيْصَم: لكن اني احبه إله لحن مميز وجماليه خاصه.

درت وجهي عنه رجع گال.

هَيْصَم: مكملنه الحديث لتتهربين من عندي وتفكرين تگدرين تتملصين من اسألتي بسهوله اليوم لازم اعرف كل شي صار وياج وقت الحادث من الألف الى الياء.

فيروز: واثق جداً منو كلك اني راح احجي اصلاً؟

هَيْصَم: تردين طلعين مو لو مو مو؟

فيروز: اي اريد اطلع.

هَيْصَم: اذاً صيري مثل البلبل الفتان وغردي.

فيروز: فيروز اني مو بلبل.

هَيْصَم: ماتضحك.

فيروز: لا عليك الله اضحك.

هَيْصَم: يلا غردي ماعندي وقت فراغ هوايه اريد ارجع للمركز عندي شغل مهم.

فيروز: ما اعتقد مقيدة حركتك روح براحتك وين متريد.

هَيْصَم: حابه تتعاقبين لَّباءَة؟

فيروز: عاقب مو مشكلة.

هَيْصَم: تتحملين تنحبسين داخل هاي الغرفة اسبوع كامل بدون متشوفين ضوه الشمس مثل السجناء تماماً وفي حال خطر على بالي عقوبه ثانيه انفذها على سبيل المثال اخلي اصوات اشباح يمج والأضويه مطفيه، تخيلي بس شنو يصير بيج وقتها.

فيروز: متسويها اعرف لتحاول تخوفني بهاي السوالف.

هَيْصَم: واثقه جداً.

فيروز: گتلك ماعرف شي ليش مصر احجي بشي اني ماعرفه؟

هَيْصَم: معقوله اخذوج من البيت وانتِ نايمه، دخلوا لبيتج عنوة وخلوا على انفج مخدر بعدين خطفوج وخلوج بذلك البيت المشبوه صح؟

رفعت اكتافي بحركه الممكن، اجوبتي عصبته أكثر كام من على الكرسي وحجه بغضب.

هَيْصَم: راح اعد للثلاثه اذا مسمعت جواب هاي المره راح انفذ العقوبه وبدون متاخذني بيج رأفه ورب الكائنات، واحد ، اثنين ، ثلا..

فيروز: تمام راح احجي بس قبل لا انطق اي حرف اريد من عندك ضمان متأذة او يصيبني مكروه من مهمتك.

هَيْصَم: وعد، خدش بسيط ميصيبج كوني متأكدة.

فيروز: وعدك ما اريده اقسملي على القرآن وخلي رب السماء شاهد على كلامك بوقتها فقط اگدر اثق ويطمأن گلبي.

هَيْصَم: مثل متردين.

كام من يمي وراح يم المجر مالت المرايا، فتحه وطلع من عنده قرآن خله ايدة عليه راد يقسم وقفته.

فيروز: لحظة.

هَيْصَم: شنو؟

فيروز: ممتوضي شلون تخلي ايدك على كتاب مقدس و اسماء طاهره بالأضافة قسمك بدون وضوء مينمشي بيه.

هَيْصَم: مجنت من كفار قريش حتى ما اعرف الأحكام لَّباءَة.

فيروز: متوضيت مشفتك.

هَيْصَم: مبقى شي لأذان المغرب لذلك توضيت حتى اصلي عندج سؤال ثاني لو نبدي بشروطج؟

فيروز: متوقعتك متدين ابداً فاجأتني الصراحه.

هَيْصَم: منو گلج اني متدين؟

فيروز: مو تصلي لو تكذب عليه؟

هَيْصَم: ليش كل واحد صلى معناها متدين!!

انتِ قاريه مقولة الف من قارئ القرآن و القرآن يلعنهُ؟

فيروز: لا بس سامعتها.

هَيْصَم: تحششين؟

فيروز: غريب امرك يا اخي اصلاً لو تتعبد بعد الف سنه رب العالمين ميتقبل من عندك على اللي دسويه وي وحده بريئة مثلي.

هَيْصَم: اذا تقبل من عندج ودخلج الجنة بذلك الوقت ردي معروفي اللي اقدمه هسه وسحبيني وياج اهناك، سمعت يگولون المؤمن يغفر لأربعين مؤمن وياه.

فيروز: تستهزء حضرتك.

هَيْصَم: استغفر الله تفيضين نكد انتِ.

هسه اتركي هذا الكلام و سولفي.

فيروز: بعدك ماقسمت.

هَيْصَم: استغفر الله على مابتلانا، اقسم بهذا القرآن المنزل على نبيً مرسل راح احميج مقابل حياتي ومستحيل اخلي اي شي يصيبج او يطخج حتى لو عن طريق الخطأ، تگدرين تحجين هسه؟

فيروز: ماشي راح احجي.

Flash back

: فتحت عيوني على صوت المنبه شفتها ساعة سبعه الصبح كمت من مكاني ركض، اني انسانه متكاسله جداً وما احب الألتزام واكره شي اسمه عوف النوم وروح للشغل ليش يعني ميصير دوامنا مسائي؟!

لو صرت مسؤولة بالدولة أول قانون انزله ماكو دوامات الصبح واخلي كل الناس ينامون، اخذت دوش سريع وغيرت ملابسي لبست جينز اسود وبدي اسود رفعت شعري ذيل حصان وطلعت من البيت أجرت سيارة ورحت لشغلي اني اشتغل بشركه وظيفتي محاسبه مديرنا نحس حيل ويعاقب على ابسط الأشياء ک تأخير خمس دقايق حتى لو مجنت متعمدة يخصم من راتبي شركه اهليه والموظف عدهم غير محترم ، كملت شغلي الساعه ثنتين الضهر رجعت للبيت بتكسي موظفه جديدة وبعدني ملگيت خط يوصلني و الصراحه ماعندي ثقه بأحد لذلك كتفيت بتأجير سيارة ابوية علمني احفظ رقمها قبل ما اصعد بيها للأمان لذلك التزمت بهاي النصيحه لأن مره واني راجعه من الدوام حاول ابو التكسي يلعب بذيله ويايه خفت حيل وقتها ومعرفت شنو اتصرف خطرت على بالي فكره اطلع موبايلي واتصل بأي احد يصير بوجهي لحسن حضي مرت من يمي سيارة شرطه فسويت نفسي اتصل بشرطي على اساس هو احد اقاربي السايق خاف وصلني لبيتي ومن ذلك الوقت صرت اخذ الحيطه والحذر كل مره اصعد بيها تكسي، المهم نزلت قريب سوبر ماركت صغير يصير بدايه الفرع مالتنه اشتريت من عنده كم شغله احتاجهم ورجعت، طلعت المفتاح حتى افتح الباب اتفاجأت مفتوح حجيت وي نفسي واني ادخل للبيت: اني متأكدة قفلته قبل ما اطلع منو فتحه؟!

بيتي عباره عن غرفتين واستقبال طابق واحد كلش بسيط لكن بيه ذكريات طفولتي وحياتي بأكملها مميز عندي بشكل مختلف، احلى شي بالكون هي البساطه ابويه الله يرحمه معلمني ابداً على التكبر او الغرور بنفس الوقت مجان يحرمني من شي ابداً مخلاني جوعانه يوماً ما ودائماً يخليني بحضنه من ينام يخاف عليه وكأني جوهره ثمينه الأباء هم هيج او ممكن فقط هو، اول مدخلت للبيت رحت بوجهي للمطبخ بصفه على جهة اليسار الغرفتين وحده مقابل الثانيه والأستقبال بابها خارج البيت ، خليت الأغراض اللي جبتهم نص طبقة بيض واجبان وعلبة حليب وتوست رتبتهم بالثلاجه ورحت لغرفتي سمعت صوت حركه اتجاهلت الموضوع واجيت اغير ملابسي بس وقفني صوت فتح القفل الخوف بهاي اللحظة والرعب اللي عشته لايوصف ابداً لو شنو محجيت مستحيل اوصف شعوري بهذا اليوم بقيت واگفه بمكاني والأفكار غادرت مخي بالكامل، منو؟ شنو؟ ليش؟

كل هاي الأسئلة افترت بمخي واني اشوفه يدخل، شخص معضل لابس اسود بأيدة سلسله يلعب بيها ويفرها على اصابعه ويرجع يفرها مره ثانيه واكو سلاسل فضيه بالبنطلون مالته ومخلي كمامه على حلگه مرسوم عليها شعار القراصنه ب الأفلام كارتون جمجمه وعضمين على شكل X، اتقرب من عندي واني ارجع ليوره وگعت على الجربايه واعضائي كلها دخلت في حاله سكون غريب بردت والرجفه سارت بكل انحاء جسمي معرفت شنو اتصرف ومنو الشخص اللي يگدر يطلعني من هاي المصيبه، سحب أيدي وصرخت بألم.

فيروز: الله عليك عيفني مسويت شي اني والله.

مسمع من عندي شنو احجي ترك أيدي وطلع من جيبه كلينكس ومن الجيب الثاني قنينه صغيره فتحها وخلاها عليه ورجع رفع راسه ممبين من عنده شي جان لابس جاكيت اسود بيه كبوس مغطي عيونه سحب أيدي وقرب الكلينكس من انفي حركت راسي واني اصرخ حتى يبتعد رجع ثبت راسي بأيد والأيد الثانية ضاغط بيها على خشمي فقدت الوعي ودخلت بظلام دامس صحيت واني بغرفه ظلمة اصوات غريبه وخيال قريب من عندي حيل سمعت صوت خشن يحجي وياه.

: "اقتلها قبل متفضحنه بسرعة".

:بس سيدي هي مسمعت شي ليش حتى تموت.

: حتى لو، منگدر نسيطر عليه اذا هي موجوده خلينه ننهي حياتها حتى يبقى تحت امرنه ومتقودة مره، اكبر عدوا للرجال هو الحب وللأسف هو حبها على رغم حذرته من عدها الف مره بس راسه يابس ومعند فكر اذا خطفها واخذها يمه يگدر يحميها ميدري هو سهل عليه الطريق.

: مفكرت اذا عرف شنو ممكن يسوي بينه هو ميحترم احد وتعرف طبيعته عدل انت تلعب بالنار بدون متحس.

: لو تقتلها بهاي اللحظه لو تموت بنتك شنو تختار؟

: مثل متريد اسوي اللي تريده بس اترك بنتي الله يوفقك سيدي.

: اوگف مو بمسدس اقتلها بسكين حتى محد يسمع.

فيروز: شفته اقترب من عندي و بأيدة سكين جسمي ما اگدر احركه احس اطرافي مشلوله ولساني مخدر ما اگدر الفض كلمه دعيت بداخلي رب السماوات يساعدني ويدزلي منقذ، صارت كل حياتي كدام عيني، خساراتي واخفاقاتي ونجاحاتي، ابوية اللي مگدرت اودعه تركني وحدي بهاي الدنيا الظالمه يم ناس وحوش لو والدتي اللي ملمحتها اصلاً لو اقاربي اللي ماعرف عنهم شي، منو الشخص اللي راح ينقذني واني وحدانيه بمكان مليان ناس مجرمه سفاحين، عدهم قتل الأرواح مثل شرب المي بداخلي اتشاهدت وستغفرت راح اقابل ربي واني عاصيه وممتبعه معالم الدين بأي وجهه اذا سألني اجاوبه واي عذر يكون مناسب لقبيح عملي،

من بين افكاري ودموعي اللي تنزل، سمعت صوت سيارات الشرطه والنداء اللي صار بالسماعه حتى يخلون المكان سمعت صوته وهو يحجي بأنفعال.

: استعجل راح يداهمون المكان يلا.

: حاضر سيدي.

فيروز: اقترب من عندي وحجه قريب من أذني.

"سامحيني بس اني اب وما أگدر اشوف بنتي تخسر حياتها كدامي".

فيروز: مرحم حالي ابداً وطعني بالسكين، الألم قوي حيل وحسيت عيوني بدت تنغلق وحدها قاومت حتى ابقى بوعيي واطلب المساعدة بعد مطلعوا من دخلت الشرطه جان عندي امل واحد منهم يدخل وينقذني وبائت كل مخططاتي بالفشل من هدأ الصوت وختفى صوت السيارات حسيت نهايتي قربت وبعد ماكو فايدة تعبت و الدم ملاني غلقت عيني واني اتخيل بابا لابس ابيض وصار قريب من عندي و ابتسامته مرسومه على وجهه، فتحت اعيوني على حركه قريبه مني فرحت واني اسمع صوت اقدام تمشي ناحيتي حجيت بصعوبه و جاهدت حتى اطلع الكلمه مشهد سينمائي من الأفلام عمري بأكمله متخيلت انحط بهيج موقف وانخطف شنو السبب اني حياتي مأذيت نمله ولدخلت بسياسة او دين وحتى اسماء الوزراء ماعرفهم ليش حتى يصير ويايه هيج؟

الصورة مو واضحه لهذا الشخص اللي اقترب حسيت بيه راح يساعدني لذلك بقيت اردد بهاي الكلمه.

: ساعدني.

بعدها غلقت عيوني ودخلت بظلام مرة ثانية وهاي المره من فتحهتهم وشفتك.

هذا اللي صار ويايه بدون تلفيق ومضفت ولكلمه زايدة.

هَيْصَم: معرفتي اسم معين يعني اثناء حديثهم اسم مميز او غريب؟

فيروز: لا، حتى اني اتفاجأت من سميت هذا الشخص صدگ منو هو؟

هَيْصَم: لّهيم عدوي والشخص اللي بسببه وصلتي لهذا المكان لو مجبتج اني لهنا جان هسه انتِ في عداد الأموات.

راد يكوم استوقفته.

فيروز: لحظة عندي سؤال.

التفتلي ورفع حاجبه وگال.

هَيْصَم: اسمع.

فيروز: شنو عرفك اني موجوده بذلك المكان على حد علمي الشرطه غادرت المنطقه والأصوات اختفت؟

هَيْصَم: لأن ما اثق ببحثهم ولازم اتأكد لذلك دخلت وشفتج عن طريق الصدفه لا اكثر.

فيروز: كلامك مقنعني.

هَيْصَم: اقناعج مو غايتي المهم انتِ هسه بأمان اكلي وأشربي ونامي.

فيروز: الى متى؟

هَيْصَم: حتى اگدر اطمأن ميصيبج مكروه و تگدرين ترجعين لحياتج الطبيعيه.

فيروز: وهذا اشوكت يصير؟

هَيْصَم: حتى القي القبض عليه.

فيروز: يعني اندفن بهذا المكان وانت ممسوي شي.

هَيْصَم: تفيضين تفاؤل.

فيروز: انسانة صريحه ما احب اجامل.

هَيْصَم: گومي صلي وتعشي ونامي اما باقي الأمور لتفكرين بيها بما إني موجود الخطر يصيبني قبل ميوصل يمج.

فيروز: وعودك وكلامك وحتى قسمك مو محط ثقه عندي على رغم انت مضريتني لحد الأن ومسويت شي يزعجني وحتى محاولت تستغل سوء حالتي لصالحك بس گلبي ممتقبلك ابداً وعقلي ميريد يسلمك الأمان.

هَيْصَم: لاحظت رجليج المتأذيه نتيجه محاولات الهرب الفاشله عندج حق حتى متثقين الصراحه.

فيروز: مستفز و مزعج، مكروه.

هَيْصَم: اتركي شتيمتي وكومي اذكري رب العالمين ممكن يساعدج ويخليني القي القبض على المجرم بأسرع وقت و ترجعين لحياتج الطبيعيه ولا كأن هَيْصَم دخل بيها اصلاً.

سألته قبل ميطلع.

فيروز: ماعندي أحرام صلاة.

هَيْصَم: كل شي تحتاجيه موجود بالكنتور كدامج.

: قبل ميسمع جوابي طلع كمت من مكاني وستعديت للصلاة كملت وطرق الباب رجعت كل شي لمكانه وطلعت من الغرفه ورحت يمه للمطبخ شفته طلع قطعة لحم من المجمدة وبدأ يغسلها نظيف جداً ومرتب حيل، حبيت اتعرف على الشخص اللي اني يمه ولو بجزء بسيط: شوكت عرفت تطبخ؟

هَيْصَم: من زمان.

فيروز: هوايه؟

هَيْصَم: ممكن.

فيروز: مزعج.

هَيْصَم: شهادة اعتز بيها.

كمل كل شي وبدينا ناكُل كملنه وتقدم ناحيتي حتى ياخذ الماعون منعته.

فيروز: ماكو داعي اني اغسله.

ابتعد عني وكال.

هَيْصَم: وجودي بهذا البيت فقط حتى اشوفج واطمأن عليج بما انو انتِ فهمتي الموضوع وهدفي من بقائج بهذا المكان لازم تعرفين اني مو دائماً اجي لهنا شنو مكان وضعنا الحالي تبقين انسانة غريبه ومتجمعني بيج اي صله قرابه وجودي لفتره طويله خطأ لذلك راح اجي فقط بالوقت اللي تحتاجيني بيه او حتى اشوف شنو ناقصج، تركت موبايل اهنا بيه رقمي اتصلي بأي وقت تحتاجيني او يصير وياج اي شي سيء، هذا البيت آمن وبمنطقه سكنيه جيدة لذلك لتخافين واخذي راحتج، في حال مأجيت باجر عندج كل اللي تحتاجيه بالثلاجه عقمي جرحج ونتبهي لنفسج زين، اخليج بحماية الله.

: تركني وطلع من البيت وبقيت وحدي، من توفى ابوية لهذا اليوم احس نفسي ميته بين الحياة ماكو طعم لحياتي واعيش بدون هدف، الأيام الفاتت مرت بصعوبه والواضح القادم أسوء، سوء الحظ هاي المره مرافقني بشكل جبير و ميقبل يعوفني، كملت شغلي ورحت للغرفة حتى انام اصلاً ماكو شي اسويه غير هيج، خليت راسي على المخده وعقلي راح لمكان بعيد ياترى منو هذا لّهيم وشنو الشي اللي يربطني بيه حتى مخلي هَيْصَم يحقق ويايه بهذا الشكل اصلاً هو ليش حتى يساعدني ما اذكر شفته من قبل!!

صفنت على نفسي اني ليش غبيه لهاي الدرجه شنو الشي اللي يخليني ساكته وما انطق بهاي الأسئله من يكون موجود بعيد عن كل هذا ليش سامحه لنفسي ابقى بيت غريب ماعرف عنه شي، ملازم اثق بيه هوايه وأأمن بلي كاله يبقى رجال غريب ماعرفه صح هو ماسوه شي غلط يخليني اكرهه بس مع هذا ماكدر ما احاول اطلع منا، بقت الأفكار تلعب بعلقي حتى غفيت.

ضَرْضَم: سيدي خبر خبر مهم من احد العناصر.

هَيْصَم: ولي هو؟

ضَرْضَم: لّهيم متخاصم مع احد الممولين.

هَيْصَم: السبب؟

ضَرْضَم: البنيه اللي يدور عليها لكو اسمها بأحد المستشفيات.

هَيْصَم: شنو وضعها؟

ضَرْضَم: ميته سيدي.

هَيْصَم: روح انت وأحد العناصر لهاي المستشفى اسحبوا شهادة الوفاة والطبيب المسؤول عن العمليه دبروا امره.

ضَرْضَم: حاضر سيدي.

لائِث: سيدددي.

هَيْصَم: اخذ نفس لائِث واهدئ واحجي شنو الموضوع؟

لائِث: الأسود يتصل بيك.

هَيْصَم: صيحلي هَمَّاس و افتح الخط.

لائِث: تأمر سيدي.

دخل هَمَّاس بعده لائث اده التحيه.

هَمَّاس: طلبتني سيادتك.

هَيْصَم: راقبلي مكان هذا الخط، لائِث افتح مكبر الصوت.

الأسود: واخيراً تشرفنا بسماع صوت النقيب هَيْصَم المحترم.

هَيْصَم: منو حضرتك؟

الأسود: الموت الأحمر اللي راح ياخذ عمرك عن قريب.

هَيْصَم: لتسرق اسم أمير المؤمنين عليه السلام، ميليق بيكم هيج اسماء مقدسه.

الأسود: مو هذا موضوعنا حضرة النقيب.

هَيْصَم: اختصر اللي تريد تكوله سريع ماعندي وقت فارغ حتى اخلصه وياك.

الأسود: من الأخير اريدها يمي الساعه 12 بالليل والا يصير غير حجي و اعتقد واضح كلامي ميحتاج اكلك شنو اگدر اسوي فهمك كفايه.

هَيْصَم: اجيت للمكان الخطأ اني مو دفان حتى اعرف اماكن الموتى.

هَمَّاس: رفعتله ايدي بأشارة الأوكي بمعنى عرفنه مكانه.

: اشرت ال لائِث يحضر فريقي حتى نطلع اليوم راح ينور مركزنا، طلعت واني اكمل كلامي وياه واستدرجه بالحديث صعدنه السياره ونطلقنه للمكان المحدد.

الأسود: لتفكر تلعب بذيلك تعرف الأسود شنو يگدر يسوي.

هَيْصَم: اني اللي اعرفك اصلاً محد يعرفك مثلي لكن وعد اذا مدست راسك بقندرتي اسمي مو أليه و ميحتاج اشرحلك تعرفني.

الأسود: اللي مگدرت اتسوي من عشر سنوات مراح تگدر تسوي بعد الف سنة، لتنغر برتبتك اگدر اسحبها من عندك بثانيه سيادة النقيب هَيْصَم.

: اخذت نفس عميق وسيطرت على اعصابي هاي المره اوقاتي السيئة انتهت واجت اوقاتهم مراح ارحم احد و الجميع راح يتعاقب على عملته هذا انتقام الهَيْصَم ومستحيل يمر بدون عقوبة جميع المجرمين اللي الهم ايد بلي صار.

هَيْصَم: كون مطمأن اسمي راح يناطح السحاب بوقت اسمك حيكون على احد القبور او عد مني بين فتره والثانيه راح ارش على قبرك مي من النجاسه وراح اكتب فوگ اسمك الملعون بدل المرحوم.

الأسود: احب هيج حرب من يكون عدوك واضح وتعرف مخططاته، بهذا الوقت تگدر تربح بدون تعب.

هَيْصَم: ما انصحك تفرح هوايه لأن متعرف شنو خطوة الأسد القادمه كون دائماً حذر وبأستعداد تام استنفر جميع قواتك لأن هاي المره انت مو عدو الهَيْصَم فقط وانما عدو اكثر شخص تثق بيه ومأمنه على حياتك، لّهيم.

الأسود: برجعت حبيبته راح يرجع يطيعني خاف على نفسك من يعرف انت اللي ضامها عنه شنو تتوقع يسوي.

هَيْصَم: احتفظ بخوفك لنفسك وكون مطمأن مراح التقي بعزرائيل قبلك ابداً انت فقط اكعد و اشرب فنجان القهوه بهدوء تام وغلق عيونك وتمتع بالمناظر الخلابه وبس تفتحهم راح تلاگيني كدامك ومخلي سلاحي بنص راسك اعد حتى ثلاثه، واحد ، ثنين ، ثلاثه.......بم، انتقل الى نار جهنم القاتل المجرم الأسود.

شنو رأيك مستعد لو بعدك؟

قهقه بصوت عالي وگال.

الأسود: مُخيلتك واسعة أحييك، ليش متترك الشرطه وتصير كاتب مسرحي وتربح جوائز صدگني اني شخصياً راح اجي اباركلك واسويلك واسطه اذا تحب.

هَيْصَم: شنو دوري كُلي حتى استعد.

الأسود: خادم عند الملك وتكون رفيقه دائماً وتحت امره.

هَيْصَم: واقدمله السم بأيدي واقتله واحتل المملكة، بالنهاية اني البطل وهاي قصتي راح اخطها مثل ما اني اريد و بالطريقة اللي تعجبني ومخططلها، ماعليك فقط تنتظر وتصبر حتى يجي موتك لابس هيئة هَيْصَم.

الأسود: متخاف اسجل هذا كلامك واقدم عليك دعوة بتهمة محاولة القتل مع سبق الأصرار والترصد؟

هَيْصَم: وشنو يمنعك سويها.

الأسود: لاعبها صح ومشوش عليه مراقبتك، لاعب محترف.

هَيْصَم: شهادة اعتز بيها من واحد مجرم.

لائِث: سيدي هذا بيته.

: غلقت الخط واشرتلهم يبقون بمكانهم واني انزل وگفوا كدامي ومنعوني.

لائِث: رجلي على رجلك للموت سيدي.

هَمَّاس: مستحيل نخليك تروح وحدك هاي حربنه كلنه لو نموت سوه لو نعيش سوه ماكو حل وسط.

ضَرْضَم: شباب معليكم بيه تحركوا.

هَيْصَم: هوب لحظة وين تتحركون؟

اني قائدكم وأمركم مترحون لأي مكان بدون اذني مخالفة أمري يخليكم تتعرضون للعقوبه ومراح اتهاون وياكم نهائياً.

ضَرْضَم: مو مشكلة فداك سيدي، مأجينه حتى نشوفك تروح وحدك ونبقى نتفرج هذا الشي مستحيل يصير.

هَيْصَم: لتعبوني ما اريد اخسر اي احد بيكم اسمعوا كلمتي ولتعاندون.

هَمْهَام: سيدي بما انو اجينه سوا راح نحارب سوا ونرجع سوا غير هذا الكلام منقبل بيه.

هَيْصَم: فريق الهَيْصَم مستعدين؟

ضَرْضَم: فداء لخدمة الوطن سيدي.

: هجمنا على البيت وماعرف من وين طلعوا قناصين صارت مناوشات بيناتنا گدرت اغافلهم وادخل للبيت، مشدد الحراسه لكن ميصعب علينه فتحت الباب ودخلت دورت بعيوني عليه ملگيت احد فتحت جميع الأبواب وصلت للباب الأخير فتحته وصار بوجهي.

هَيْصَم: منو انت؟

: سكرتير الأسود.

هَيْصَم: انت اللي جنت تتصل بيه.

: اتفاجأت صح؟

هَيْصَم: حركه حلوه بس مو دائماً يكون النصر حليفه وصله رسالتي يجي يوم والتقي بيه شخصياً ويكون هذا اخر يوم بحياته وعد من الهَيْصَم.

: لتخاف حركته مراح تكون مثل الحركه اللي تصير هسه.

فيروز: فتحت عيوني الساعة 11 بالليل شبعانه نوم و جوعانه همات، كمت من مكاني بكسل ورحت للمطبخ فتحت الثلاجة طلعت توست وخليت عليه قشطه، گعدت على الكرسي وبديت اكل بأول لگمه سمعت صوت فتح قفل تصنمت بمكاني والخوف جمد اطرافي مگدرت اتحرك ستجمعت قوتي بصعوبه وقررت اطلع بسرعة واتصل بيه حتى يجي يساعدني طلعت من المطبخ وصار بوجهي منظر بعمري كله ما اگدر انساه جحظت عيوني بصدمه وحجيت بتفاجئ: انت!!

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

تصبحون على الف خير شمعاتي.

حسابي الأنستا لأي شي يخص القصه

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه حتى تكبر عائلتنه ونستمتع وي الهَيْصَم مع بعض..

هَيْصَم

الكاتبة زهراء احمد

___________

جَاءتْ بـِ هدُوءٍ بَالغْ، ومَلأت رُوحَهُ ‏رِقّة، خطوَاتُها.

هَيْصَم: شنو تريد تسوي مثلاً اذا ما عندك علم فأحب اكلك رجالي محاوطين المكان من كل جانب أشارة وحده اخليهم يهجمون ويخلون هذا البيت حطام.

: لحظه بس قبل متسوي هذا البيت حطام الأسود حاب يحجي وياك وهاي المره متگدر تتعقب مكانه مثل القبلها فلتحاول.

هَيْصَم: خلي يكون شجاع ليوم واحد فقط ويواجهني بدل ميلعب ختيلان مثل الأطفال لو اسودكم ماعنده شجاعه؟

الأسود: لتخاف اني شجاع كفايه حتى اواجهك لكن منتظر الوقت المناسب لكن هسه بما انك دخلت بيتي لازم اضيفك الأصول هيج تگول.

هَيْصَم: هوب هوب لتتحمس وترفع مسدسك بوجهي ولازم تعرف جميع رجالك الأن تحت سيطرت فريقي وانت بقيت الوحيد حر حتى هاي اللحظه بس الغزاله في عرين الأسد لتتأمل تگدر تعيش هوايه.

: مو قبل ما انطيك هديتك حضرة النقيب.

هَيْصَم: استعجل لأن لازم تجي للمركز حتى نفتح وياك تحقيق.

: تعتقد ألقاء القبض عليه بهاي البساطه!!

هَيْصَم: بما إني قررت ف أكيد الهَيْصَم ميحجي شي عبثي.

: تعجبني ثقتك بنفسك وهذا الغرور والتكبر اللي حامله بس هذا الشي مراح يطول ابداً لابد يجي يوم وتنال جزائك اللي تستحقه وتكون مثل الأشخاص اللي ودعوا هاي الحياة تحت حكم " ادخلت بشي ميعنيك".

هَيْصَم: واني اطرائك اليه معجبني، غصب عنك ادوس روسكم جميعاً وكلكم تتعاقبون على كميه الدمار اللي سببتوا للشباب والأرواح البريئة القتلتوها بدون ذنب فقط علمود الفلوس هوايه امهات نثكلن والعديد من عدهن ترملن، كلكم راح توكفون كدام محكمة العدل، ومستحيل اتراجع قبل ما اوصلكم لحبل المشنقه جميعاً بدون استثناء.

: سحب ازناد وخله المسدس بوجهي، طلعت الرصاصه من المسدس صارت بكتفي، فقدت التوازن ودخل الفريق، اجاني لائِث ركض وسندني.

لائِث: سيدي الله يخليك لتعاند وخلي ناخذك حتى تتعالج.

جاوبني بصعوبة.

هَيْصَم: لا، اخذني للبيت ولتخلي احد يشوفك خلي نطلع بغير سيارة.

لائِث: سيدي.

هَيْصَم: لائِث لتعبني واسمع الكلمه.

لائِث: ماشي يلا خلي نروح.

سندته وطلعنه اول مشافونه البقيه ركضوا اليه وساعدوني هو ضخم حيل ما أگدر عليه وحدي خليته بالصدر وصعدت اسوق وطلبت من البقيه يرجعون للمركز ويسدون عن غيابه حتى محد يعرف بالموضوع غير اللي جانوا موجودين ويانه، وصلنه للبيت ساعدته حتى ينزل ومقبل ادخل وياه بقيت يم السيارة اطمأنيت عليه دخل يلا صعدت ورجعت لشغلي.

فيروز انصدمت من شفته مخلي ايده على الباب بصعوبه والدم مالي ملابسه، اجيت اصرخ من شفته بهاي الحاله بس منعني من خله اصبعه على حلگه بمعنى اسكتي اقتربت من عنده حتى اسنده بعد مشفت حركته الغير منتظمة بعدني عنه وگال بهمس شبه مسموع.

هَيْصَم: حرام لتلمسيني.

فيروز: للضرورة احكام ميصير اتركك هيج لازم تتعالج.

هَيْصَم: اللي يسمعج يفكرج دكتوره كلج على بعضج محاسبه شنو فهمج بالطب.

فيروز: تبقى مستفز حتى وانت بأسوء حالاتك.

هَيْصَم: وخري عن طريقي ماعندي وقت حتى اسمع كلامج اذا ابقى هيج اموت قبل وقتي.

فيروز: خليني اساعدك لتعاند، مرة وحده اسمع من عندي.

هَيْصَم: متعرفين اسعافات أوليه ولتخيطين الجرح شنو نوع المساعدة اللي تردين تقدميها؟

فيروز: فهمني شنو اسوي؟

هَيْصَم: اخذي هذا الموبايل واتصلي على أرفد هو الوحيد اللي يگدر يساعدني بهذا الوضع.

فيروز: تمام بس خلي اساعدك توصل للغرفه متگدر تمشي وحدك انتَ.

هَيْصَم: لَّباءَة لتعبيني وياج كتلج وخري عن طريقي اكدر امشي وحدي.

: عند وعند و مقبل اساعده، هسه فهمنه حرام بس للضرورة احكام شنو يصير لو خلاني اسنده حتى يوصل الغرفه قابل راح اكل جزء من عنده، نسى روحه من جان يوكف قريب مني لدرجة يطخ بيه، مشيت وراه واخذت الموبايل وعيني عليه شلون وجه صار اصفر وعيونه ذبلن، حسيته ديقاوم لكن بصعوبه على اي لحظه يفقد توازنه ويفقد الوعي سميت بأسم الله وطلعت الأسماء، طبعاً موبايله على بصمة أيدة لذلك فتحه قبل مينطيني اياه.

التفتت اله بسرعة وحجيت: منو من عدهم ارفد الأبرة لو النجمه لو التاج؟

جاوبني بصعوبه.

هَيْصَم: الأبرة.

:رفعت حاجبي بتفاجئ من تصرفاته غريب حتى بتسميه الأسماء عجيب هذا الرجال، دست اتصال دقيقه وسمعت صوته.

أرفد: يا مرحبا واخيراً اتذكرت عندك ابن خاله تسأل عنه.

فيروز: عفواً منك لكن تگدر تجي للبيت، هَيْصَم كلش متأذي.

أرفد: انتِ منو؟

فيروز: هسه انت شدخلك اني منو!!

تعال للبيت وشوف شنو بيه بسرعة لو تلحگ عليه لو لا حالته كلش خطره.

أرفد: بس شخص واحد اريد يتصل بأرفد و ميكون عنده مصيبه على يوم تسوون بيه انفصام وتخلوني اترك حتى الطب.

: غلق الخط بوجهي ليش عصب عليه هَيْصَم كلي خابريه، فتحت الكنتور طلعت احد قمصانه لفيته على الجرح اذكر بالأفلام يحضرون مي حار بسرعة خليت على الطباخ گدر مي نظيف حتى يكون جاهز من يوصل الدكتور ورجعت يمه اقتربت سمعت ونات خفيفه من عنده قربت أيدي لامست جبينه حرارته مرتفعه يا الله شنو اسوي المشكله اني ما احب امور الطب وماعندي فهم بيها ابد، ماحاضره ولادورة تعليميه طول حياتي فقط بعض الأمور اعرفها من الأفلام و المسلسلات تقريباً مستغرق وقت طويل وصل الدكتور عرفته من رنة الجرس.

فتحت الباب لگيته واگف شاب اسمر عنده لحيه محدده وشعره مرفوع لابس قاط رسمي اسود وقميص ابيض و بأيدة جنطه، صفنت عليه ونسيت لازم اگله اتفضل انتبهت على نفسي من أشر بأيدة وگال.

أرفد: اخابر الوالد يجهز الچادر والخروف؟

جاوبت بتساؤل: ليش؟

أرفد: لأن اكيد مات على هاي صفنتج.

فيروز: اها فهمت.

مخلاني اكمل جملتي قاطعني من گال.

أرفد: بعديلي حتى اشوف يحتاج طب عدلي لو تشييع سريع الله مبتليني بناس الطب النفسي ميتحملهم و الخالق.

فيروز: استغفر الله اخلص من هَيْصَم يطلعلي أرفد هو اني الله مبتليني بيكم مو انتوا، دخلت وراه بعد مغلقت الباب ورحت للمطبخ طفيت النار واخذت الگدر يمه للغرفه هو شافني لازمته صفن بوجهي بعدين گال.

أرفد: هَيْصَم صيح يا علي واضغط حيل ابني لتعبني وياك يلا بسرعة عندي هوايه مراجعين غيرك.

جاوبه بصعوبه وشفت شبه ابتسامة مرسومة على ثغره.

هَيْصَم: أرفد لتزعجها واشتغل.

أرفد: بالمي الحار؟

جاوبت بشجاعه واني مخليه أدية على خصري ونظرتي اله بعدم رضا: ليش شنو بيه المي فوگ محبيت اساعد هيج تعاملني!!

أرفد: ليش هي ولادة شسوي بالمي الحار؟!

فيروز: شعرفني هيج اشوف ب المسلسلات دارسه طب قابل.

أرفد: ومن اگلهم تعلموا ميقبلون!!

ياست افهمي هاي عملية جراحية يحتاج بيها خيط وأبره وديتول يعني معقم بوجوده منحتاج مي حار وهسه اذا ممكن اتفضلي بره خلي اشوف شغلي ابنه يستحي ينزع قميصه كدامج.

فيروز: واضح جداً حيل يستحي، تركتهم وطلعت دائما مذموم اللي يسوي خير ان شاء الله م.. لا خوش رجال ما ادعي عليه.

دخلت لغرفتي تصير قريبه على غرفته تشبه التصميم بس جربايتها نفر واحد و الكنتور اصغر اشويه، خليت راسي على المخده وغلقت عيوني ومنظره والدم ماليه مينمحي من عقلي ذكرني بالماضي وخله دموعي تنزل ونفتح جرحي من جديد.

أرفد: تحتاج دم ليش مأجيت للمستشفى واني دبرت موضوعك الى متى تبقى معند ومتسمع الكلمه؟

هَيْصَم: ميحتاج نفس الدكتور ونفس الأمكانيات، لكن البيت أأمن من المستشفى وانت تعرف السبب.

أرفد: محد يگدر يطخك واني موجود بس انت ميبس راسك ومتقبل تسمعني.

هَيْصَم: اذا وگع الأسد كل الحيوانات تتراقص على جروحه وهذا الشي اللي ما أريدة اكره نظرة الشفقه بعيون الناس و اكره الشماته هم.

أرفد: منو يگدر يتشمت بيك، اللي سويته لخدمه العراق المفروض تُكرم مو تُهان.

هَيْصَم: كمل شغلك أرفد بدون كلام مابيه حيل اخذ ونطي.

أرفد: خدرت المكان راح ابدي اخيط الجرح لكن يحتاج دم اني نطيت خبر لأحد الممرضين الموثوقين هسه يجيب بطلين ويجي.

باوعلي بغضب وگال بصعوبه.

هَيْصَم: أرفد دليته على البيت؟

أرفد: نام ولا كلمة، لتعرض بطلاتك وانت ضربه مابيك، ناقصك دم بعدين هذا الممرض ضمانتي ميسوي شي كون مطمأن.

هَيْصَم: اعرفه؟

أرفد: اياد اللي ساعدك من جبت لَّباءَة للمستشفى صدگ اتعافت لو بعدها؟

هَيْصَم: هي نفسها اللي جابت المي الحار.

أرفد: الواضح خايفه عليك هوايه نگول مبروك وشوكت نفرح بيكم ان شاء الله؟

هَيْصَم: اني فرحان بنفسي اما شوكت انت تفرح هاي براحتك عزيزي.

أرفد: مريض وما اخلص من السانك لكن الحق يقال تستحق تفتح وياها صفحة جديدة لاحظت بيها حنيه أم، انسانة لطيفه شفت هذا الشي اليوم على رغم هي متعرف بأمور الطب بس حمت مي علمودك، سكت شويه بعدين كمل كلامه بنبرة تساؤل.

: يول معقوله حبتك؟

هَيْصَم: لتمسلت أرفد حُب شنو اللي تحجي عليه مجرد احد المواطنات وساعدتها بس ترجع الأمور طبيعية أرجعها لبيتها ولا كأن شي صار.

أرفد: أريد اصدگ ودا احاول بكل جهدي بس وحقك صعب ما اگدر.

هَيْصَم: حاول بجهد وخيط الجرح واطلع بسرعة من هذا البيت ولتحاول ترجع مره ثانية حتى اني اطلب من عندك.

أرفد: انت ناكر للمعروف.

هَيْصَم: افضل متترمل ريفان بسببي بوقتها اكون سبب بقتل شخصين مو واحد.

أرفد: لتخاف ما اموت هسه.

هَيْصَم: صحيح وصلك عقد من عزرائيل قبل اسبوع واني وقعت عليه.

أرفد: لتستهزء، بعدين صدگ ليش تسوي اشياء بدون علمي هَيْصَم احنه شنو متفقين لو نسيت وعدك اليه بهاي السرعه؟!

هَيْصَم: جاسوسك كلك؟

أرفد: مو مهم منو كلي المهم عرفت وخلص، أرفض الموضوع بالكامل ونطي عذر بأي شي امي متتحمل خسارته.

هَيْصَم: لتخاف مراح يتعرض لخطر حمايته مسؤوليتي ثانياً هو رجال واعي وفاهم يعرف القرار الصح من الخطأ لتخنگه بهاي الطريقة حتى متتفاجئ بيه بعدين.

أرفد: انتوا الثنين عزيزين عليه ما اتحمل خسارتكم لكن انت عنيد ومتسمع الكلمة، ما اگدر اجبرك علي شي وعندك هدف معين واسبابك تجبرني ايضاً التزم الصمت لكن هو ماعنده سبب مقنع حتى يخاطر بحياته يكفي اللي صار بيه سابقاً ما اريد هذا الشي يتكرر مره ثانية و اتمنى تفهمني.

هَيْصَم: اللي صار من خمس سنوات دافع لنسر حتى يدخل بهاي المهمه هاي المره لا انت ولا اني نگدر نمنعه لذلك خلي يسوي الشي المقتنع بيه لتضغط عليه اتركه براحته.

أرفد: الرصاصه مواصله العظم لذلك سهلت عليه العملية، انتبه لحركة ايدك لتضغط عليها هوايه وحاول قدر الأمكان لتستخدمها هاي الفتره واذا گدرت ابقى بالبيت ولتطلع لمكان، كام من مكانه وهو يگول: أياد وصل راح اخليلك المغذي بأيدك و انتظر حتى يخلص بعدين اسحبه نفس الشي مع بطل الدم، طلعت للباب وفتحته اخذت الأشياء اللي جابهم أياد ودخلت خليت بأيد المغذي والأيد الثانيه بطل الدم وعلكتهم بتاج الجربايه وبقيت سهران يمه وهو غفى.

: فتحت عيوني على صوت طرقات خفيفه على الباب كمت من فراشي واني احجي بنعاس: تمام بس دقيقه.

عدلت نفسي كدام المرايه وطلعتله اول مشافني گال.

أرفد: صباح الخير، لازم يتغذه بشكل جيد اشويله كبد على سبيل المثال وكثري خضروات وخاصة الكرفس لأن مهمه جداً حتى يرجع الدم اللي فقده ويتحسن بشكل اسرع قللي كربوهيدرات بالأضافة بعدي عنه الكافيين ولتخلي ياكل مصاص او حامض حلو يعني الحلويات بالكامل.

فيروز: شنو السبب ليش مياكلهن؟

أرفد: هو شبه طلع من العمليه لازم يعتني بصحته بشكل جيد حتى ترجع عافيته بالكامل والحلويات مضرة بالصحه بشكل كبير لذلك لازم يبتعد عنها.

ابتسمت واني متأكدة كلامه مستحيل اگدر انفذه: دكتور بأعتقادك اگدر اسوي هيج اني؟ ليش هو اصلاً راح يسمع من عندي وينفذ بصمت!!

أرفد: راح ينفذ بصمت وفي حال مستمع الج استخدمي طرق ثانية انتن النساء ماكرات تعرفن شلون تسيطرن على الرجال مينخاف عليج سهله ان شاء الله.

: كمل كلامه وابتعد عني بعدين اتوقف والتفت إليه كايل.

أرفد: تركت العلاج بصفه مكتوب عليه المواعيد بالأضافة ممكن ترتفع درجة حرارته بالليل انطي خافض حرارة، دعواتي الج ب الموفقيه والثبات على العقل السليم وكليله أرفد يگول هاي ثاني مره بسببك اشتغل بغير اختصاصي خلي يحاول تكون الأخيرة.

: كمل طريقة وتركني بدون ميسمع جواب، رحت للمطبخ وغسلت وجهي اتوضيت ورجعت صليت الصبح قضاء الساعه سته والشمس بدت تشرق الجو لطيف كملت ورحت للمطبخ فتحت الثلاجه وصفنت هذا الدكتور مكال شنو لازم اسوي ريوك، طلعت اربع بيضات سلگتهم وقطعت خيارة وطماطه وخليت بصحن جبن وطلعت الصمون وحضرت كاسة عصير برتقال طبيعي ملگيت حليب جهزت السفرة ورحت لغرفته طرقت كذا مره مسمعت صوت قربت أيدي افتح الباب فتحه وصار بوجهي مغير ملابسه لقميص ابيض ردان طويله ممبين من عدها الجرح وبنطلون نيلي طالع صاك ابن الحلوه فزيت من صفنتي على كلامه.

هَيْصَم: بشر اني مو لوحه.

جاوبته بأبتسامه: هاا.

أشرلي براسه بمعنى وخري، وخرت عنه عبرني وهو يگول.

هَيْصَم: صباح الخير.

غميت نفسي شبيه نثولت ومصبحت بوجهه هسه يكول  نعجبت بيه،  جاوبته واني امشي وراه: صباح النور، شنو حاس اليوم؟

هَيْصَم: احسن من البارحه شكراً لسؤالج.

الفضول يقره مليار هذا الشي اللي ميسمحلي اسكت لازم اسأل: لتعتبره تدخل بس ليش نصابيت برصاصه؟

هَيْصَم: اني واصدقائي ندرب ونصبت بيها عن طريق الخطأ.

فيروز: زين ليش مرحت للمستشفى؟

هَيْصَم: ماعندي ثقه بالأطباء.

فيروز: بس انت وثقت بهذا الدكتور.

هَيْصَم: لأن هو موثوق.

فيروز: صحيح كلي انو اكلك هاي ثاني مره يشتغل بغير اختصاصه حاول اتكون الأخيرة.

هَيْصَم: في حال الثعالب مهجمت على الأسد.

فيروز: شنو قصدك مفهمت.

هَيْصَم: مو كل شي بالحياة اله شرح لَّباءَة.

فيروز: ماعندك نيه تغير اسمي تره محبيته ابد؟

هَيْصَم: لَّباءَة احد اسماء اللبوة لهُ من الهيبه ما يكفي، لازم تكونين فخورة بأختياري الج هيج اسم.

فيروز: ليش محسسني منطيني جائزة الأوسكار هو مجرد اسم بعدين اسمي على اسم عندليب الصباح السيدة فيروز العظيمه ميبدي اليوم بشكل جميل بدون سماع اغانيها.

هَيْصَم: العظمة فقط لرب  العالمين مو لغير أحد، وما اعتقد هي الشمس حتى اليوم ميبدي بدونها.

فيروز: مستفز حتى وانت مريض.

هَيْصَم: مريض او سليم اني الهَيْصَم متغير شي من حقيقتي.

فيروز: كمل اكله وقبل ميكوم گال.

هَيْصَم: تعبتج ويايه بسبب حالتي الصحية، شكراً الج.

فيروز: لتشكرني مسويت شي واجبي هذا، انت همات ساعدتني من جنت مريضه.

هَيْصَم: ان شاء الله بعد يومين نفتح الخياط حاولي متسوين حركات شجاعه مثل البارحه من شلتي الگدر بعدج متحسنتي بالكامل لتصيرين جون سينا.

سألت بأبتسامه حبيت الطف جو.

فيروز: تعرفه؟

هَيْصَم: لعبت وياه مصارعه قبل سنتين.

ضحكت وهو عافني وطلع اتذكرت عمليته رحت وراه بسرعة وقفته واني احجي سريع: انتظر لحظة بس.

التفتلي وعقد حاجبه وگال.

هَيْصَم: شنو الموضوع ؟

فيروز: لتطلع جرحك بعده جديد ارتاح اليوم وباجر تگدر ترجع لشغلك.

هَيْصَم: لتخافين ميصير بيه شي هاي مو اول مره اتعرض بيها للأصابات متعود.

فيروز: بس ميصير والله خليك بس اليوم وعد مراح اطلب من عندك شي ثاني علمود صحتك مو لشي معين.

هَيْصَم: عندي كم قضيه اخلصهم وارجع لتفكرين ورجعي نامي.

عافني وراح واني سويت مثل ما كال رجعت نمت.

حوري: صافنه وافكر بكلامه معقوله حبني لهاي الدرجة وبسرعه همات وبدون اي كلام دار بينه اكو هيج حب لو يضحك عليه؟

فرضاً يضحك شنو غايته مثلاً واني بنت عمه عرضه يعني، الأفكار شلت مخي شل ومگدرت اتخذ القرار الصح فززني من صفنتي صوت أشعار اجه على موبايلي فتحته قريته شعر غزل.

محمد:

معنى احبج . .

يعني اهد الناس كلها

وبيج الطش ما اهدج

معنى احبج . .

يعني اخاف عليج مو بس

مني لا بل حتى منج

ومعنى احبج . .

يعني لو بس باقي يوم

بعمري احطنه اعله عمرج

اول مخلصتها اتصل بيه ارتبكت ومعرفت شنو اسوي بقيت صافنه برقمه طبعاً اتصل بيه قبل مرة و مفتحت خط بعدين دز رسالة كاتبلي بيها اسمه لذلك سجلته بأسم صديقتي حتى اذا شافه احد ميعرفه، انفصل ورجع اتصل مره ثانيه اخذته بأيدي اللي ترجف و فتحته وخليته على أذني سمعته وهو يحجي بصوت ناصي مليان حنيه.

محمد: شلونج يبعد حيلي؟

حجيت بتوتر اداري خجلي من عنده: الحمد الله، انت شلونك؟

محمد: اني بخير من سمعت صوتج يبعد طوايف محمد وعشيرته.

خجلت وحسيت الحراره طلعت من وجهي حجيت بسرعة: لتحجي هيج عفيه تره اغلق الخط.

محمد: يمه فدوة، حتى تهديدج عسل مثلج سرگي گلبي انتِ.

ابتسمت: شنو هذا غزل جديد؟

محمد: مخصص فقط لحوريتي حصري جداً بس الها.

تحمحمت وگلت بتساؤل: محمد عندي سؤال.

محمد: الف مره فكرت اغير بيها اسمي بس من سمعته بصوتج هسه مستحيل اسويها لو ينطوني مليارات الدنيا يربي اذا حتى اسمي يصير بقلاوة من تلفظة شسوي بنفسي هسه؟

حوري: لتغير الموضوع محمد دا احجي جديات والله.

محمد: اسألي ضي عين محمد وحورية حياته.

حوري: اعرف اكو حب من النظره الأولى لكن ماكو غرام من نفس النظرة، انت تحبني صدگ لو تريد تستغلني؟

محمد: لا لا ازعل من عندج هيج، معقوله اضحك على بنت عمي يعني عرضي سمعتج من سمعتي ويهمني امرج حيل، كتلج من قبل ورجع اكولها اذا ضطريت طول العمر اكررها، جذبتيني من اول نظرة وبعمري كله مفكرت استغل هذا الشي بعدين انتِ بنت عمي معقوله اضرج بشي سيء؟!

حوري: لتزعل لكن كلامك واعترافك حالياً خلاني اشك وين اكو شخص يحب من صدگ يعترف بهاي الطريقه الرومانسيه من اول مره!!

محمد: صدگي اني اسويها، بعمري كله محسيت بلي حسيته وياج انتِ غير عن باقي البنات اللي عرفتهن بهوايه.

قاطعته قبل ميكمل: ليش عندي جناحات مثلاً لو ذيل سمجه؟

سمعت صوت ضحكته سكت لحظة بعدين گال.

محمد: ياويل قلبي تحشش حوريتي.

حوري: مدا اضحك محمد ليش تاخذ الموضوع بمسخره؟

محمد: بالعكس تماماً اني جدي جداً بخصوص ارتباطنا لدرجة حتى فكرة سفري خارج العراق علمود الدراسة لغيتها وركزت فقط على تقوية علاقتي بيج انتِ ليش مو واثقه بيه؟

حوري: وليش حتى اثق بيك انطيني سبب مقنع غير انك ابن عمي ومتريد مضرتي؟

محمد: حبي الج، مشاعري الصادقه، اشتياقي لعيونج طول اليوم، احلامي المليانه بيج، كلهم ادلة اقدمها لحضرتج وهسه اريد اعرف بعدج مواثقه؟

حوري: ماعرف ما اگدر اسلمك ثقتي بهاي السهولة اتمنى تفهمني.

محمد: اكيد هذا من حقج حتى جلسات الأستماع تحتاج كم جلسه يلا يحكم القاضي، بقضية الحب نحتاج نثبت حبنه دائماً للطرف المقابل.

حوري: بعد يومين راح اروح لبيت خالتي وابقى اهناك فتره ان شاء الله وخلال هذا الوقت افكر ياريت متتصل بيه وتتركني على راحتي.

محمد: تمام براحتج يراحتي انتِ.

: غلقت الخط ورجعت راسي على الجربايه فكرت انطيه فرصه واشوف شنو يصير لكن هاي مشاعر مو لعبه ممكن اذا سلمته گلبي يرجعلي اياه مدمر غير قابل للتصليح، يكسره مثلاً او يحطمه، الحب هو اصعب شعور يحس بيه الأنسان لأن بيه تضحية، فداء، تحمل، والأهم شجاعه اذا مجنت شجاع كفايه لتحب ولتعلق أحد بيك ابداً لأن الحب يحتاج رجال مثل (النبي محمد صل الله عليه واله والسيدة خديجه عليها السلام او الأمام علي عليه السلام والسيدة فاطمه الزهراء عليها السلام) مو شباب هاي الأيام ينطي وعود لكن بدون وفاء، يمسك حبل نجاتك ومن يتأكد من وصولك لمنطقه الأمان يكون هو اول شخص يترك الحبل، وسقوطك مؤذي الى درجه يكون النهوض بعده مستحيل، لذلك صعب اتخذ قرار مصيري مثل هذا لشخص لاسيما اعلن كرهه وبغضه لعائلتي، قبولي بعرضه هو التخلي عن الجميع بالمعنى الحرفي، تركت كل شي للقدر وقررت اقضي ايام حياتي بسعادة خلال هاي الفتره بدون اي تفكير ببيت خالتي.

لائِث: سيدي شلون صرت هسه ؟

هَيْصَم: افضل من البارحه لتفكر بيه.

ضَرْضَم: الحمد الله على السلامة سيدي.

هَيْصَم: الله يسلمك، وين المعتقل؟

لائِث: موجود بالسجن الأنفرادي تحب ناخذة لغرفة التحقيق ؟

هَيْصَم: ميحتاج بكل الاحوال هو راح يطلع.

ضَرْضَم: بعد كل هذا التعب والجهد اللي بذلنا يُطلق سراحه بهاي البساطه؟!

هَيْصَم: الأنسان بالعادة اول ميرجع من السفر بمنو يلتقي؟

لائِث: بأكثر شخص مشتاقله.

هَيْصَم: وفي حال جان هذا الشخص مهدد بالخطر بمنو يلتقي؟

لائِث: بالشخص اللي ينقذ حياته، قصدك هو؟

هَيْصَم: عفيه عليك نفس تفكيري، احنه فقط نبقى بنفس المكان والأخبار الحلوه توصل لعدنه.

ضَرْضَم: دائماً عندك خطه بديله لذلك اني اثق بقراراتك سيادتك.

هَيْصَم: اكو شي ثاني غير هذا الموضوع حتى نتناقش بيه؟

هَمَّاس: سيدي المحامي محمد يريد يقدم كفاله حتى يطلق سراح السجين المعتقل البارحه.

هَيْصَم: حياه الله خلي يتفضل.

دخل وهو مبتسم.

محمد: دخلنا لعرين الأسد حتى نتوسط يمه يطلع غزالتنه ياترى شنو رد الأسد؟

هَيْصَم: غزالتك طعمها مو طيم مراقت لي لذلك اخذها وبدون كفاله، سقطت عنه جميع التهم اشتبهنه بيه وعليه الهَيْصَم شخصياً حاب ايقدم اعتذار شنو رأيك لائِث؟

لائِث: لازم يكون سعيد بهذا الشرف سيدي.

هَيْصَم: خلي يجي يمي حتى يسمع اعتذاري وانت ضَرْضَم.

ضَرْضَم: نعم سيدي.

هَيْصَم: اخذ محامينه العزيز خلي يتعرف على باقي السجناء ممكن يريد يدافع عن واحد من عدهم.

ضَرْضَم: تأمر سيدي، اتفضل حضرة المحامي من هذا الطريق.

: وكف كدام الباب مالت الزنزانة فتحتها اله ودخلنا ثنينه سوه، ذلك من عيونه شرار يطاير، كره وبغض النا، و هَيْصَم مبتسم ويستفز بيه أكثر واني كاتم ضحكتي من سوالفه.

هَيْصَم: سمعت الجداحه عطلانه والطباخ ميگدر يطبخ اليوم شنو رأيك نستعين بنظراته اللي يطير من عدها شرار لائِث.

لائِث: بس شلون نستخدمها؟ عندي فكره نقلع عيونه حتى يصير استخدامهم سهل.

هَيْصَم: او تگدر تجرب طريقه ثانيه مثلاً نرمي عليه نفط بعدين هو يحترق بسبب الشرار اللي عنده ونطبخ عليه بهاي الطريقة مراح توصخ اديك بلمس عيون هيج شخص.

لائِث: انت فقط أأمر وراح تشوف شنو اسوي سيدي.

هَيْصَم: ميحتاج ابداً لتعب نفسك وي واحد ورقته محروگه بكل الاحوال راح تجينه اخباريه بمقتل شخص مجهول الهويه مشوه الوجه واعضاءة تم متاجرتها او يمكن مقطع لدرجه اهله ميتعرفون عليه، يلا لائث تعبنا هوايه وهو واگف افتح اديه خلي يطلع انزعجت واني اشوف هيج منظر تعب نظري حيل.

: رن موبايلي فتحت الخط وخليته على اذني اجاني صوته وهو يصيح.

أرفد: قسماً بذات العزيز راح اتخبلني تصرفاتك، يا اخي ليش مموجود بالبيت شنو حجيت اني؟!

يوم واحد بس او مو يوم مره وحده اسمع بيها كلمتي ولتعاند جرحك بعده اخضر ليش متفهم؟!

هَيْصَم: خلصت؟

أرفد: هذا اللي گدرت عليه؟

هَيْصَم: شنو اتريد اگول مثلاً اني رجال معايش لنفسي فقط، حياة الناس بهاي المنطقه مسؤوليتي شلون تريد اغفل عنهم بس لأني متصاوب بكتفي هذا مو عذر يخليني اترك عملي، ابوي مرباني حتى انام و الوطن بخطر.

أرفد: ومكلك تغفل صحتك ومتهتم بيها، مثل ما الوطن يحتاج اللي يحميه احنه بحاجه للي يحميلنه وطنه لتعاند وارجع للبيت يلا.

هَيْصَم: اصلاً راح ارجع بعد ميخلص شغلي بس انت شعرفك اني مو بالبيت؟

أرفد: نسيت كم شغله واجيت اخذهم وطلعتلي نفس البنيه سألتها عنك و اتفاجأت من شفتك مداوم.

هَيْصَم: لَّباءَة.

أرفد: اي مثل مگلت.

هَيْصَم: اسمها مو صعب لهاي الدرجه حتى متگدر تلفضه.

أرفد: مو صعب بس خاص احس هو لقب مال عشاق هيج يعني.

هَيْصَم: اسده قبل متبدي أرفد اشوفك بعدين.

أرفد: تمام لكن ياريت متكون عمليه هاي المرة.

هَيْصَم: احاول مو وعد.

: دخلت لغرفته حتى انظفها رتبت كم شغله ودخلت للحمام لگيته مخلي الملابس بسله اخذتها وطلعت، الغرفة اللي بصف غرفتي بيها غساله وسلة ومشر ملابس، خليتهم بالغساله ورجعت للغرفه فتحت البرادي والشباك حتى يتغير الهوه ورتبت المخاد، غرفته من اجيت لحد الآن مرتبه بس هسه تركها هيج لأن مصاب يمكن، نزلت راسي حتى اشوف شنو اكو تحت الجربايه هيج مجرد فضول دفعني اسوي هاي الحركه لگيت صورة لبنيه لابسه فستان زفاف ابيض الواضح بصفها عريس بس مگصوص من عدها هذا الجزء فقط ايدة اللي ماسكه ايدها واضحه بلعت ريگي واني اشوف خيال على راسي رفعت وجهي وتصنمت من شفته، عيونه حمر وجاحظة لكدام، وصافن على أيدي اللي بيها الورقة بسرعة كلت: آسفة بالغلط شفتها واني ارتب بالغرفة.

رفع نظره لعيوني كايل..

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

لأي شي يخص القصه تعالوا يمي انستا..

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه..

شاركوا القصه حتى تكبر عائلتنا ونستمتع وي الهَيْصَم مع بعض..

هَيْصَم

الكاتبة زهراء احمد

_____________

ماذا لَو إنَنا نَلتقيَّ بَعيداً عَن هذا العالم، أقبلُ عَينيكَ

واعانِقكَ وَ ليمسَحُ كُل مِنا حُزن الاخر .

هَيْصَم: خليني وحدي.

: حركت رجليه واني ابتعد بهدوء من كدامه اتوقفت بعد ماگال.

هَيْصَم: الصورة.

مديت أيدي منطيتها اله وطالعه من يمه، دخلت غرفتي وغميت نفسي على فضولي المابيه فايدة، رجعت تذكرت الصورة، عقلي سرح شويه، ممكن زوجته لو اخته او وحده جان يعرفها من أقاربه، حجيت وي نفسي اسكتها: ما الج اي علاقة بيه وبحياته فيروز، انتِ وجودج هنا مؤقت وان شاء الله عن قريب اتخلص من عنده.

طلعت من الغرفه ورحت للمطبخ حتى احضر غدة شويت سمج بالفرن وحضرت الصلصه مالته وطبخت تمن احمر ماعرف اذا هو ياكل هيج او لا سويت اللي يعجبني حضرت الزلاطه والطرشي، طفيت الطباخ وطلعت حتى اصلي كملت ورحت لغرفته طرقت على الباب اكثر من مره بعدين سمعت جوابه، صحتله، يجي حتى ياكل ورحت للمطبخ بسرعة حضرت الأكل على السفرة اني رتبت المقبلات قبل ما اصلي هسه بس صبيت التمن والسمج، طول وما اجه اجيت اطلع اصيحه، فتحت الباب وصار بوجهي أشرتله بأيدي على السفره وحجيت بهمس: الأكل جاهز اتحب تاكل؟

جاوبني وهو يمشي.

هَيْصَم: وليش ما أكُل ممتعارك وي معدتي.

كمل اكله وقبل ميكوم گال.

هَيْصَم: شكراً على الغدة صار فتره طويله مأكلت هيج اكل.

ابتسمت ديمدحني لو اني غلطانه؟!

اكتشفت نفسي غلطانه من كمل كلامه.

هَيْصَم: محبيت احرجج لكن اني بالعادة ما اكل هذا الأكل لذلك تگدرين فقط تطبخين هيج اكلات اذا حبيتي تاكليهم.

رفعت راسي و ابتسمت بوجهه: اني اعرف متاكل هيج لاحظت هذا الشي من اول يومين اجيت بيهم لهنا لكن مگدرت اسألك شنو تحب تاكل اليوم لذلك طبخت اللي خطر على بالي.

هَيْصَم: ميحتاج تبررين البيت بيتج سوي اللي يعجبج واطبخي اللي تحبيه اني اذا حبيت شي معين اسوي بأيدي، مرة ثانية شكراً على تعبج ويايه هذا اليوم وترتيبج للغرفة، لكن مثل مكتلج سابقاً انتِ اهنا مثل الضيفه اول متأكد من سلامتج ترجعين لحياتج الطبيعية، مامجبورة تسوين اي شي سواء اليه او بالبيت ياريت تكونين فهمتي قصدي لَّباءَة.

فيروز: فهمت اكيد واسفه لأن دخلت لغرفتك لكن صدگني كل شي بدون قصد صار.

هَيْصَم: مصار شي بالعكس اني اللي كلش اشكرج على تنظيفج للبيت وطبخج هم.

فيروز: مسويت شي ميحتاج تشكرني، شغلات بسيطة.

نظفت المطبخ ورحت لغرفتي اخذت دوش سريع ونمت بعد الف فكرة خطرت بعقلي.

حوري: باجر الصبح نسر ياخذني لبيت خالتي بأربيل حضرت جنطتي وكملت كل اشيائي من وقت، نزلت يم ماما تحضر عشا، اني قليل انزل خاصتاً هاي السنة لأن مرحله اخيره وتحديد مصير لذلك بقيت اكثر وقتي اقرأ لكن الأن وبعد مخلص العام الدراسي قررت اشوف شنو محتاجه أو اساعدها بتحضير السفره وهي انطلقت ويايه بالحديث.

ناهده: سمعت بعد شهر أرفد يسوي العمليه لريفان انتِ قبل ذلك الوقت لازم ترجعين بنتي.

حوري: تمام، اني ماعندي علاقه قويه وي بنات عمي صحيح ريفان جانت دائماً تجي يمنه للبيت ونلعب سوه لكن أرفد هوايه ايخاف عليها بسبب مرضها فجان الجميع ياخذ حذرة بالتعامل وياها اما أيفلين فهي شبه منعزله لذلك بعد مكبرت انعزلت اني هم وخلصت اغلب وقتي بالدراسه اثناء الدوام اما فترة العطله اخلص جزء جبير من عدها ابيت خالتي، اني متعلقه بيهم حيل وحتى اني ونسر هوايه نشبهم بالشكل، كملنه عشا غسلت المواعين ورتبت المطبخ وصعدت حتى انام اول مدخلت بمراحل النوم سمعت صوت موبايلي يرن سحبته بأنزعاج فتحته وخليته على اذني بدون ما اشوف اسم المتصل اجاني صوته الواضح امبين عليه التعب من كلامه.

محمد: احبج والله، ليش متحسين بيه؟ بس اخوج الحقير هو السبب لو مو هو اللي واگف بطريقنا گدرت اخطبج وتزوجنه مثل الأوادم بس لا، راسه والف سيف رافض وكأن اني مجرم خطير وراح ادمر حياتج، برأيج يروحي اخوج ليش يكرهني لهاي الدرجه؟

حوري: هذا السؤال المفروض اني اسأله ليش اخواني يكرهوك لهاي الدرجه!!

محمد: حوريتي لتصيرين مثلهم انانيه، گلبي متعلق بيج مثل طفل متعلق بريحة امه معقوله تذلين الأنسان اللي يتنفس هواج؟

حوري: انت لو تترك هذا الغزل الغريب اني بألف خير واذا تحب تعرف ليش اخواني يكرهوك اتصل بيهم واسألهم اني اريد انام نعسانه.

محمد: الساعه ثمانية قفل مشاعري وسرگيها نوم شنو هذا؟!

حوري: باجر لازم اگعد من الصبح لهذا انام من وقت بعدين انت شنو دخلك بأوقات نومي؟

محمد: ميصير تنامين بدون ما اسمح اني، معقوله تغفين واني گاعد اتحسر على صوتج ينطيج گلبج اتسوين هيج بيه؟

حوري: محمد لتحجي ويايه بهاي الطريقة الواضح انت نسيت من كتلك عوفني افكر بالموضوع على راحتي بعدين ارجعلك جواب ليش تزعجني بهذا الشكل؟

محمد: تمام اخليج على راحتج وماضوجج، بس خليني انبهج على شغله تونسي كد متكدرين لأن هاي آخر مره ترحين بيها لبيت خالتج.

: للحظه شكيت بيه مو بوعيه بسرعة قاطعته وگلت.

حوري: انت تخبلت زوجه شنو وتمنعني اروح لبيت خالتي شنو!!

منو مفكر نفسك وتحجي ويايه بهذا الأسلوب وكأن انت ولي أمري، احفظها زين وخليها بعقلك اني لا مُلك لأحد ولا أقبل بيك لازوج ولاحبيب ولا حتى صديق، وخر عن طريقي ليصير الموضوع بحلك اخوتي ومحد يكدر يخلصني، وبعدين انت محامي والك اسمك مثل متكول شنو تصرفات المراهقين مال اختنك وانتِ النفس مالتي!!

ارتقي شويه ولتسوي حركات تعبانه ويلا مع السلامة راح انام.

محمد: بحكم اني ابن عمج اكيد معروف شنو نهايتها، اخوانج الثنين اتزوجوا خواتي ومهتموا ومسئلوا عني اصلاً وهذا الشي راح يصير مو فقط نسر وأرفد اللي يحبون بشكل مجنون ابن عمج ايضاً راح يكسر القيود ويسوي المگدروا يسوي حتى اخوتج.

حوري: تهدد حضرتك؟

محمد: مستحيل اسمح تزوجين واحد ثاني غيري واني اعرف عدل مخططات اخوج ورغبته بتزويجج من ابن الخاله لكن بأحلامه انتِ انكتبتي بأسم محمد وما اتنازل عنج ابداً تحت اي ظرف كان.

حوري: انت مو بعقلك ابد، الواضح التعب امبين عليك، الأفضل تنام ومن تگعد الصبح اتمنى تذكر كل كلامك اللي حجيته وتفرزنه وتعرف نفسك شخربطت ويايه.

غلقت الموبايل وخليت راسي على المخده واني الأفكار موتتني معقوله محمد يريد ينتقم من أرفد ونسر و زواجهم بأخواته من عندي زين اني شنو اللي علاقه اصلاً بالثنين اني مجنت حاضره وسمعت بعقدهم مثل الغريبه بعدين يلا بعقد المحكمه والحفله يلا تواجددت وهسه لازم ادفع ثمن حب اخواني المجنون والتوأم، نفضت الأفكار عن عقلي وسمحت لنفسي ادخل بنوم عميق.

: حضرت عشا بس هو مأجه ياكل، بقى كل الوقت من الغده لحد الآن بالغرفة، رحت طرقت عليه الباب سمعت صوته يسمحلي بالدخول اول مفتحت الباب ودخلت انصدمت بالمنظر مثل اول لقاء النه بدون قميص والقلادة مزينه عنقه، درت وجهي من عنده وحجيت بأنزعاج: هاي ليش هيج؟

جاوبني وصوته غريب.

هَيْصَم: شنو موضوعج ليش منزعجه؟

فيروز: ليش بدون قميص؟

هَيْصَم: اعتقد هاي غرفتي.

فيروز: وليش كتلي ادخل وانت بهذا الوضع؟

هَيْصَم: ليش شنو بيه وضعي؟!

فيروز: هَيْصَم لتخبلني هاي وانت متدين وتتصرف بهاي الطريقة اذا جنت انسان فاسق شنو اتسوي؟!

هَيْصَم: منو كلج اني متدين؟

فيروز: انتَ.

هَيْصَم: شوكت؟

فيروز: البارحه من منعتني اساعدك مو گلت حرام اتلمسيني ومن هاي السوالف.

هَيْصَم: وعلى هذا الموقف حكمتي عليه بالدين!!

فيروز: ليش ملحد واني ماعرف؟

هَيْصَم: انتِ بدون حجاب كدامي اربع وعشرين ساعة هم حكمت عليج بالفسق؟

فيروز: ممكن بداخلك.

هَيْصَم: ماكو شي اسمه هذا انسان متدين او عديم دين اكو شي اسمه ايمان وهذا الشي مو اني ولا انتِ نحدده، اما على الصار البارحه مجان بيه حيل اناقش وياج لذلك اختصرت الموضوع بهاي الجمله كتلج سابقاً اكره لمس النساء بقصد او بدون قصد تگدرين اتگولين عندي مرض نفسي بهاي الشغله اكره التلامس وي الجنس اللطيف بالكامل.

فيروز: انت اول شخص يكره الجنس اللطيف.

هَيْصَم: مشكلتج اذا متعرفه بس على السرسريه.

فيروز: مو شرط تعاشر الناس علمود تعرفهم منظرك لتصرفاتهم يكفي.

هَيْصَم: غلطانه متكدرين تعرفين أحد بدون متعاشريه الأنسان يخفي اكثر مما يظهر.

فيروز: ممكن صح.

هَيْصَم: اكيد صح، هذا النقاش نساج شنو ردتي من عندي لَّباءَة.

فيروز: ليش متعشيت وانت مريض و بحاجه تغذية؟

هَيْصَم: بالعادة ما اتعشا اذا اكلت غدة دسم اما بالنسبه للعلاج اگدر اشربه بدون اكل.

فيروز: هاي معلومه جديدة مسامعه بيها من قبل.

هَيْصَم: اسوي اللي يعجبني بما انو الموضوع يخص صحتي ماكو داعي اسأل دكتور.

فيروز: اللي تشوفه صح سوية، طالعه اذا احتاجيت شي صيحني.

التفتت بنيتي افتح الباب وقفني وهو يكول.

هَيْصَم: سؤال بداخلي محيرني جداً وحاب اعرف جوابه من عندج اذا تگدرين طبعاً.

فيروز: حسب السؤال.

هَيْصَم: الواضح انتِ واثقه من عندي لدرجه ماخذه راحتج تماماً أو وجودي ممضايقج مثل قبل، ياترى هذا شنو اگدر اسميه ثقه لو....؟

فيروز: انت تكره اللمس لهذا السبب واثقه متگدر تلمس البنيه اللي تساعدها.

هَيْصَم: ومع ذلك انتِ واثقه انو اللي اسويه هو مساعده حتى مطلبتي دليل على صحة كلامي بقضيه خطفج وجيتج لهذا المكان هي للمحافظه على سلامتج لا اكثر.

فيروز: ماثق بيك بشكل جبير لكن بنفس الوقت التمست بيك الصدق، طول هاي الفترة اللي بقيت بيها بهذا البيت مشفت من عندك شي سيء وتعاملني بكل احترام ماعدا شي واحد.

رفع حاجبه وگال بتساؤل.

هَيْصَم: واللي هو؟

فيروز: قميصك هوايه تنزعه كدامي وماعندك احترام لوجدي وياك بهذا البيت.

هَيْصَم: اني متعود على السكن وحدي لهذا تشوفين بعض تصرفاتي غريبه مع مرور الوقت تعتادين لَّباءَة.

فيروز: افهم من كلامك مستحيل تغير عاداتك نهائياً.

هَيْصَم: هذا يعتمد على مدا قوة تأثيرج ب الهَيْصَم.

فيروز: بأعتقادك عندي قوة تأثير عليك؟

هَيْصَم: بعده مأجه الشخص اللي غير من عندي صفه وحده وعلى هذا المثال قيسي.

فيروز: لكن اني ماعندي نيه اغيرك، مقتنعه تماماً كل شخص من عدنه عنده شخصيته المستقله عن الثاني فهمها والتعايش وياها وتقبلها بسلبياتها وأيجابياتها افضل الف مره من محاولة تغييرها برأي هذا هاي افضل لِسُبل العيش الصحيح.

هَيْصَم: لكن اني حاب اغير بيج شي واحد فقط.

سويت نفس حركته ورفعت حاجبي وحجيت بتساؤل: شنو هو؟

هَيْصَم: الحجاب حاب اشوفج لابسته.

فيروز: شنو السبب؟

هَيْصَم: تعرفين ليش الإسلام خله الحجاب واجب على المرأة؟

فيروز: حتى تحافظ على نفسها من اصحاب القلوب الضعيفة، كوني ما البس حجاب ميعني ابداً ماعندي ثقافة دينية.

هَيْصَم: شنو فايدة الثقافة الدينية اذا مطبقيها على ارض الواقع؟

الكثير من البنات اليوم وحتى الشباب يعتقدون الحجاب أو بعض الأحكام الدينية الأخرى هي مجرد سجن للحريات والحقوق الإنسانية اللي فرضها الدين والدولة للمواطنين لكن هذا المعتقد خطأ والسبب الحريه والحقوق بعمرها مجانت بالملابس و الحجاب مجان تقيد اذا البنيه رادت تصير ناجحة وتحقق أهدافها، عقلياً ومنطقياً ماكو ربط ابداً بين قطعة القماش اللي تخليها على راسج واهدافج بالحياة والدليل السيدة زينب عليها السلام من خطبت بمجلس يزيد و سكتت جميع الحاضرين منعها حجابها؟

إمرأه محجبه واحده وملتزمه بقواعد الدين أحيت قضية الحُسين الى هذا اليوم وكانت السبب الرئيسي بأحياء عاشوراء وتخليدها.

الكثير ايفكر هذا جرم واستبداد من الأسلام بحق المرأه لكن هو محافظة على شرفها من اصحاب القلوب الضعيفة، وانتِ واني نعرف اغلب الشباب اليوم صايعين وماعدهم اي احترام للنساء اني شخصياً القيت القبض على هوايه اشخاص بتهمه التحرش بغض النظر عن العقوبة القانونية لكن في حال تم القاء القبض عليه هو والبنيه حتى لو جانت بريئة او شافهم اي احد ثاني تعرفين شنو يصير بيها؟ تدمر حياتها بالكامل وتصير عليها وعلى عشيرتها وصمة عار، لهذا السبب بالتحديد ولأن الشباب اغلبهم غير منضبطين الأسلام حرص على الحفاظ على المرأه بشكل كامل من الرأس حتى اخمص القدمين.

فيروز: كلامك صحيح لكن لو احنه عدنه قانون يفرض على المتحرش عقوبة قوية وصل حالنه الى ما آل اليه اليوم، واللي نشوفه بالمجتمع من تفاخر بين الشباب وتحرشهم العلني بدون رادع وحتى مرات اتكون البنيه وي اهلها ومع ذلك ميحترموها، اني شخصياً شهدت على قضيه تحرش كدامي زوجه يتغزلون بيها كدام زوجها بدون خجل، اذاً انت اردع بقانون يسكتهم ويخليهم يحترمون النساء بذلك الوقت مراح تسمع بقضايه تحرش ابداً.

هَيْصَم: منو اللي يقدم بلاغ في حال صدر هذا القانون؟ اغلب البنات وحتى النساء الكبار تخاف اليوم من انو تعترف كدام اهلها اذا تعرضت للتحرش وتسعى دائماً ماتسمع أحد شي ومتخلي يحس، احنه مجتمع عشائري اذا هو حتى في حالات القتل يتغاضى عن الجريمة في حال اتنازل اهل المقتول او دفعوا الديه الشرعية اذا كان القتل غير متعمد او قتل بقضية شرف على رغم الشرع يحرم هذا النوع من القتل ايضاً، لذلك القانون وحده ميقدم شي اذا مو المواطن يساعدنه حتى نلقي القبض على المتحرش، الأيد وحدها متصفگ صعب جدا، اتركي كلام نزار قباني وكاظم الساهر وخلي ابالج انتِ تعيشين بالعراق العظيم حيث المجتمع الذكوري متگدرين كلهم تخليهم هَيْصَم كارهين للمس.

فيروز: اذا هيج اني ما مجبورة اغير نفسي حتى ارضي المقابل مثل ما الأسلام فرض عليه الحجاب بذات الوقت فرض عليكم غظ البصر.

هَيْصَم: اضربلج مثل الجكليته اللي بيها غلاف واللي مبيها لو ميحتاج؟

فيروز: الجوعان ياكل كل شي لتخاف من هاي الناحيه.

هَيْصَم: عندج إصرار على رغم بداخلج تعرفين تصرفج غلط هاي الثقه اريد اعرف مصدرها شنو؟

فيروز: مو كل شي بالحياة اله تفسير بعض الأمور اتصير بدون أرادة الأنسان و اعتبر ثقتي وحده من عدهم.

هَيْصَم: حاب اتعرف عن لَّباءَة عائلتها والسبب اللي يدفع واحد مجرم يتعلق بيها ياترى منو انتِ؟

فيروز: معقولة تدخل بيتك وحده متعرفها!!

هَيْصَم: جلسه تعارف ما الضير اذا مجنت حابه تحجين مو مشكلة.

فيروز: اسأل شنو حاب تعرف بالمقابل اني همات اسألك.

هَيْصَم: في حال كان السؤال مناسب للطرفين ايتم الأجابه عليه.

فيروز: متفقين.

كعدت على الكرسي وهو على الجرباية وانطلق بكلامه.

هَيْصَم: لهذا اليوم ولا واحد سأل عنج ليش؟

فيروز: لأن اني وحيدة اهلي، والدتي اتوفت بالولادة او والدي لحقها من ثلاث اشهر.

هَيْصَم: انا لله وانا اليه راجعون، اعرف مو بمحله لكن اقربائج شنو جانت ردة فعلهم بوفاة والدج؟

فيروز: للأسف الشديد ابوية مذكرلي اي سيرة عن أهله ولا أهل امي ولا اني سألت، اصعب ايام حياتنا عشناها وحدنا حتى لو موجودين شنو فايدة وجودهم.

هَيْصَم: ابنيه وحدها في عالم مليئ بناس قذرة، اشلون گدرتي تستمرين بدون وجود احد بحياتج؟

فيروز: مو كل شي بالحياة يتمحور حول الرجل، هوايه نساء بنن نفسهن وحدهن وين المشكلة؟!

هَيْصَم: مخفتي؟

فيروز: منو بينه ميخاف؟

ليالي طويله مگدرت انام بيها واني ارتعد اذا سمعت صوت الهوه يضرب بالباب شنو مجانت شجاعة الأنسان لابد اكو موقف معين ايحس بيه بالضعف، وحتاجيت وقت طويل يلا گدرت اتأقلم واعرف شنو هي الوحده، عرفت انو اليتم الحقيقي اذا فقدنه وجود الأب لأن هو مثل الخيمه بضياعه تتفكك الأسرة وتدمر العائلة بالكامل، مخسرت فقط انسان عادي انما خسرت وطني بأكمله، خسرت أماني ودفو ليلي، بالوقت اللي غمضت عينه متت وصارت حياتي بدون طعم ولا فايدة، جان صديقي واخوي وامي واختي، مينام اذا ميجي يقبل جبيني ويغطيني ويتأكد مرتاحه ومابيه شي، مياكل اذا مأكلت، يزعل على زعلي وتنزل دموعه اذا نخدشت، بعد وفاته عشت الويلات اللي بقى من عنده هو فقط الذكريات والصور والشخص اللي جان اليه كل الناس تركني بوسطهم وحيدة وغادر، هنت عليه لدرجة مودعني.

هَيْصَم: شلون يعني مودعج؟

فيروز: لأن مات مقتول.

هَيْصَم: منو اللي قتله وليش مقدمتي بلاغ؟

فيروز: جنت راجعه من الدوام هو بالعادة يكون موجود بالبيت هيج وقت، طرقت على الباب مسمعت صوت احد فتحته وفتت صحت بأسمه كذا مره مسمعت جواب، خفت حيل وانتابني شعور سيء اتوقعت صاير شي فتحت باب غرفته ملگيت احد دورت بكل البيت مشفت احد، بيتنه مبيه طابق ثاني ومنصعد احنه فوگ اصلاً بس سمعت صوت الهوه وهو يضرب بالباب مال البيتونه صعدت واني متأمله اشوفه وصحيح شفته لكن منظرة يصعب على الكافر، جسمه كله ازرگ اقتربت من عنده وبعدني اني لليوم ممقتنعه هو تركني خلص وراح، فكرة مراح اگدر احجي وياه ابداً ما احضنه ولا اضحك على نكاته ماكو احد راح يغطيني اذا نمت او يواسيني بوفاة امي ويگعد ساعات يحجي بطولاته وشلون جان رجال حلو بشبابه ماتغادرني، گعدت قريب عليه وقربت أيدي من عنده حركته وتمنيت يطلع نايم بس خانتني الظنون وملگيت أستجابه رجعت مره ثانية حركته هم ماكو ردة فعل، لاحظت اكو خط ازرگ برگبته عرفت هو مخنوگ بس مو انتحار لأن ماكو اي آثر على محاولته قتل نفسه حضنته لصدري وبقيت ابجي واصرخ على صوتي اجوي الجوارين واخذوه من حضني غصب ركضت وراهم واني اتمنى يطلع مبيه شي مجرد وهم اصحه من عنده عن قريب، لكن بائت كل امنياتي بالفشل مرة ثانية من طلع الدكتور وشخص حالته وكلي هو انتقل للرفيق الأعلى من ساعتين بسبب انقطاع الأوكسجين عن الرئه، رجعت للبيت وحيدة، الجوارين هم اللي تكفلوا بدفنه و الفاتحه ولأول مره انام وحدي بعد سنين حياتي كلها، صحيح جانت كم مره اجبيره يمي بس كلهم مبيهم ريحته ودفو حضنه، الدموع ملت عيني واني اذكر أيامنا وسعاتنا اللي صارت ماضي ومستحيل ترجع تنعاد، لملمت نفسي بنفسي ومابيت ضعفي لأحد، ماكدر الوم احد خاصة من تكون الخسارة بيد القدر ولسبب مجهول خارج عن أرادتنه، انقتل وماعرف ليش وشنو السبب هو مجرد مواطن بائس مثل آلاف المواطنين بهذا البلد انتهت حياتهم بدون ذنب.

هَيْصَم: عزائي الج لكن مجاوبتي على سؤالي ليش مقدمتي بلاغ؟

فيروز: منو گلك مقدمت؟

هَيْصَم: وشنو صار؟

فيروز: انغلقت القضيه قبل متوصل للمحكمة وگالوا ماكو دليل و اللي قتله مجهول وبعدين شنو اليثبت مات قتل لذلك سديت الموضوع وعرفت مستحيل ينوخذ حقه بسهوله، وک وحدانيه قررت اسكت واكمل حياتي افضل ما انقتل اني همات.

هَيْصَم: متخيلت تكونين ضعيفة لهاي الدرجة، راح اندم لأن اختاريت اسميج لَّباءَة، دماء والدج ملازم اتكون نقطة ضعف بالعكس تماماً لازم اتصير قوة تنطلقين من عدها وتعرفين منو الحقير اللي سلب من عندج حضنج الدافي وأمانج وخله حياتج معرضه للخطر، الأنسان ايموت مره وحده والروح بيد صاحبها منو شنو تخافين بعد؟!

فيروز: كلامك صح بس القضيه انغلقت شنو اگدر اسوي؟

هَيْصَم: نرجع نفتحها من جديد مو مشكلة انتِ بس اتعاوني وياي وتركي الباقي عليه.

فيروز: ماعرف شنو اگول.

هَيْصَم: فكري هوايه، اني موجود وراح اساعدج وادعمج بقرارج شنو ماكان.

صفنت واني افكر بكلامه قاطعني من گال.

هَيْصَم: كوني مطمأنه الهَيْصَم عند وعده، مستحيل اخلي شي ايصيبج، مادام بالرئة هوه لَّباءَة حتى الموت ميطخها.

فيروز: واثقه بوعدك لذلك موافقه ارجع اقدم بلاغ مره ثانيه وهاي المره انت تكون مسؤول عن قضية مقتل بابا.

هَيْصَم: ان شاء الله راح ابدي تحقيق من هاي اللحظة وان شاء الله نلقي القبض عليه وتكونين شاهد على اعدامه هذا ايضاً وعد من الهَيْصَم.

فيروز: ثقتي بيك قويه هَيْصَم، صفن بوجهي شويه وهاي اول مره اشوف ابتسامته بادلته، مدامت هاي الصفنه فترة طويله كام من مكانه وهو يگول.

هَيْصَم: تخافين تبقين وحدج؟

فيروز: اعتاديت مو مشكله.

هَيْصَم: تارك انثى الأسد ابيتي، اني اخاف على الناس من عندج ما اخاف عليج، انتبهي على نفسج وروحي نامي، ان شاء الله اشوفج بعدين.

مفهمت شنو قصدة لكن قبل ميطلع وقفته: هَيْصَم.

التفت اليه وگال.

هَيْصَم: نعم.

فيروز: انتبه على نفسك لتسوق سريع وارجع باجر للبيت.

هَيْصَم: ان شاءالله.

طلع واني رحت للغرفة غيرت ملابسي وخليت راسي على المخده ورجعت بيه الذكريات لأيام زمان، اتمنيت لو يرجع يوم واحد من الماضي و اگدر اشوفه واشبع من عنده، جان ماخليته يبقى بالبيت لو اني اصلاً مرحت للدوام گدرت اودعه ليش مات وحيد، هم خطرت على باله بآخر لحظة، من لفظ آخر نفس يم منو أمني؟ جان شبعان، عطشان لو لا؟ زين هسه هو يم أمي؟ شنو يحجون؟ هم سولفلها شلون رباني وحده وخسر كل عمره وهو يخاف عليه ومگدر يعيش حياته مثل البقيه؟

جريت نفس بصعوبه ونزلت دموعي، مرت ثلاث اشهر، شتاقيتله، ياريت لو الگبر ضمني ولا ضمه، الحزن اللي بداخلي لايوصف ولياليي تحضنها الذكريات، للأسف العمر يخلص بهاي الطريقة واعز الناس اللي تعتبرهم سندك وقوتك بالحياة يصيرون مجرد صور تشوفها فقط من تغمض عينك، الندم والحسرة كلهن بدون معنى، غمضت عيني واني اطلب النوم يزور اجفاني وبعد عدة محاولات گدرت استسلم لعالم الأحلام.

هَيْصَم: لائِث اريدك تجي لهذا العنوان بعد نص ساعة لتتأخر.

: نص ساعة مثل ماكتله أو وصل، تعجبني ب لائِث هوايه صفات اهمها التزامه بالموعد لذلك اخليه قريب من عندي دائماً هو من الأشخاص الموثوقين لدرجه حتى لو تهدد بالسلاح مستحيل ينطي بأصدقاءة.

لائِث: سيدي.

هَيْصَم: خارج المركز احنه لائِث رخي.

لائِث: متعرف اشگد اتعب من اخذ دور المحترم الك يا اخي اصعب مهمه بالحياة والله.

هَيْصَم: ليكون متريد تحترمني يعني!!

لائِث: استغفر الله سيدي معقولة ما احترمك وانت الضلع؟!

هَيْصَم: عوف هاي السوالف بعدين اريدك بشي مهم هسه.

لائِث: اسمع.

هَيْصَم: جريمة قتل تم اغلاقها اريد تنفتح مره ثانية ويتم التحقيق بيها من جديد.

لائِث: منو المقتول؟

هَيْصَم: أبوها.

لائِث: عد اي مركز قدمت بلاغ؟

هَيْصَم: مو مهم لكن احنه الراح نلزم القضيه.

لائِث: اكو دليل على صحة كلامها؟

هَيْصَم: ادموعها، نبرة صوتها.

لائِث: مصخن هَيْصَم؟

هَيْصَم: المس جبيني وتأكد.

لائِث: من شوكت تثق بالدموع ونبرة الصوت؟!

لتميل زايد حبيبي بعدين توگع بفخها لحد الأن منعرف اذا جانت محل ثقه او لا احتمال جبير اتكون ضمن العصابه او متفقه وياهم اخذ حذرك كل شي ايصير حتى لو جان شعارك احترام الجنس اللطيف يبقى كيد النساء شي عظيم.

هَيْصَم: هَيْصَم اني لائِث مو أي احد، معقولة اخلي ابيتي وحده ما اعرفها؟!

لائِث: اعرفك ميحتاج تعرفني عليك مع ذلك الحذر واجب.

هَيْصَم: متوقعتك غبي لهاي الدرجة اني لو ماعندي دليل يثبت صحة كلامها مجنت قررت افتح القضيه من جديد بس انت صاير اثول هاي الأيام ومتلكفها.

لائِث: شعرفني بيك تشاقه عبالي تحجي صدك، بس دليلك وينه؟

هَيْصَم: حتى تضم شي مهم ويكون وجوده بمثابة حياة وموت وين اول مكان يخطر على بالك؟

لائِث: مكان آمن وقريب على گلبي ومستحيل احد يگدر يوصله.

هَيْصَم: اذاً ماكو أأمن من بيتهم و بمكان مميز بس هو يعرف بيه.

لائِث: شوكت تحب نبدي بحث؟

هَيْصَم: الأن صعب حتى فتح القضيه راح يؤجل لبعدين، اي خطوة في هذا الموضوع مو بصالحنه هم ينتظرون من عدنه الزله حتى يعرفون مكانها بعدهم مقتنعين هي عندي وفتح القضيه بهيج وقت اشاره خضره الهم مع ذلك لازم نبحث ونجمع أدلة.

لائِث: اني وياك بشنو تسوي.

هَيْصَم: اعترف لو مو وقته؟

لائِث: ادري بيك تحبني ماكو داعي تعترفلي ضلع.

هَيْصَم: واثق جداً!!

لائِث: ليكون مو بيعنك يعني؟

هَيْصَم: والله بعمري مشفتك انجلينا جولي حتى تجذبني واحبك.

لائِث: على اساس اتحب النساء انت حتى تحب الرجال.

هَيْصَم: الحب يحتاج شجاعه وتقبل للخسارة واني ماعندي طاقه اتحمل بيها خسارة احد خليني وحيد افضل، ما اريد اكون مرتبط بشخص يعكر مزاجي ويخربط مشاعري ويبعدني عن هدفي.

لائِث: ما اعتقد راح تستمر حالتك فتره طويلة على يوم تجيني وتبجي بسبب حبها وگول لائِث گال.

هَيْصَم: سد الموضوع وخلينا نروح للمركز.

لائِث: اتصلت بيه اليوم وكلتلي مشتاقتلك هوايه وتريدك اتروح حتى تشوفها تعرفها متتحمل فراقك فتره طويلة ليش تعذبها لهاي الدرجة هَيْصَم؟

هَيْصَم: ليش اتصلت؟

لائِث: هذا سؤال واحد عاقل يعني شنو تريد من عندك مثلاً طلبت شوفتك لتصير بخيل وتقسي عليها.

هَيْصَم: الله كريم افكر واذا اتصلت مرة ثانية كللها لتتصل اللي عندي كافي واضح.

لائِث:انشوف شنو نهياتها وياك هَيْصَم افندي.

هَيْصَم: كل خير ان شاء الله.

: فزيت من النوم على طرقات قويه على الباب كمت من مكاني بسرعة و فتحته..

يتبع

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

تصبحون على الف خير وعافيه شمعاتي..

لأي شي يخص القصه تعالوا يمي انستا..

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه حتى تكبر عائلتنه ونستمتع وي الهَيْصَم مع بعض.

هَيْصَم

الكاتبة زهراء احمد

____________

تعتقد أن جروحك التئمت، لكن نصًا واحدًا فقط كُتب بطريق صحيحة يجعلك تكتشف مدى عُمق الجروح الغائرة فيك.

فزيت من النوم على طرقات قويه على الباب

كمت من مكاني بسرعة و فتحته انصدمت بالمنظر الكدامي هاي ثاني مره اشوفه والدم مالي كتفه سألته بسرعة والقلق ماليني: شنو صار وياك ليش هيج حالتك؟

جاوبني وهو يحجي بصعوبه.

هَيْصَم: جيبيلي الأسعافات الأوليه حتى اغير الضماد.

ركضت بسرعة لغرفته فتحت المجر وطلعت الأسعافات ورجعت لگيته گاعد على الجربايه اتقدمت ناحيته اجيت اساعده و اغير الضماد مالته سحبه من عندي وهو يمنعني.

هَيْصَم: ماكو داعي تعبين نفسج اني اسويه.

زعجني بكلامه اعرف هو ميحب احد يلمسه اصلاً اني مكاتله نفسي عليه بس حالته متسمح يغير للجرح وحده رجعت سحبتهم من عنده واني اگول: ميحتاج لهاي الحركات مراح المسك اول مره اشوف رجال ميحب مره تلمسه مو العكس!!

هَيْصَم: ليش تردين اكون قليل ادب مثل البقيه واتحرش بيج مثلاً؟

فيروز: لتفكر ابداً وجودي اهنا وطلب مساعدتي الك معناها اني كاتله نفسي على لمسك، ميحتاج لهذا الكلام كل اللي اريده اضمد جرحك وراح البس كفوف اني هم محابه يكون بيناتنا تلامس انت مو ذوقي بالرجال احفظ هاي الجمله.

هَيْصَم: صحيح انتِ تحبين المايعين شنو تسوين بواحد مثلي.

فيروز: هَيْصَم خليني اضمد جرحك وبطل سوالف مراهقين.

قرب راسه من عندي ورفع نظره اليه عيونه واضح بيها ألم وتعب، همس قريب من عندي.

هَيْصَم: تحبيه؟

رفعت حاجبي وجاوبته بنفس النبرة: منو هو؟

هَيْصَم: اسمي.

جاوبت بسرعة وبدون مقدمات: وليش حتى احب اسمك يعني شنو المميز بيه مثلاً حتى احبه!!

هَيْصَم: لأن اسمي رائع مثلي تماماً بعدين ليش اني مو بعينج افيض تميز شنو تردين اكثر من هيج؟!

فيروز: انت اضخم حتى تشيلك عيني خليك بمكانك افضل.

هَيْصَم: لَّباءَتي عدها حس فكاهه جميل.

فيروز: لتستهزء بعدين شنو هاي لَّباءَتي؟

هَيْصَم: اذا تبقين تجادلين بهاي الطريقة اموت بسبب النزف وانتِ محاسه.

فيروز: شنو قصدك مفهمت بالأضافه مجاوبت على سؤالي؟

هَيْصَم: الجرح ضمديه واذا متعرفين تگدرين تتفضلين اني اسويه وحفظيها مو كل شي بالحياة اله جواب هاي قاعده.

فيروز: خطأ كل سر اله لغز وكل سؤال اله جواب هاي قاعده احفظها، و جرحك هسه اضمده، فتحت البلاستر بصعوبه بعد ملبست كفوف هاي اول مره اشوف هيج منظر صارت اديه ترجف واني اعاين على الجرح وشلون مخيط الحمد الله الخيط ممفتوح جان احتاج عمليه مرة ثانية، نظفت الدم بقطن وديتول بحذر جبير حتى ميتأذة بس ماعرف شلون طخيت الجرح رفعت راسي حتى اعتذر شفته عاقد حاجبه بألم: أذيتك؟

گال ونبرته واضح عليها الوجع.

هَيْصَم: لَّباءَة لتعبيني أكثر.

فيروز: اسفه والله مو قصدي أأذيك راح انتبه اكثر.

هَيْصَم: لتتوترين وكأن انتِ المجروحه مو اني، رخي ماكو داعي لكل هذا الخوف هو مجرد جرح بسيط يطيب مع الأيام.

فيروز: تمام راح اركز حتى متتأذة، كملت التعقيم بعدين لفيت عليه بلاستر نظيف نزعت الكفوف وحجيت بتساؤل: طلعت مبيك شي رجعت جرحك نازف شنو الموضوع؟

هَيْصَم: ثعلب هجم على غابتي لذلك انطيته درس حتى ميكررها.

فيروز: ثعلب منو ويا غابه اللي هجم عليها وشنو ربطها وي جرحك؟!

هَيْصَم: لَّباءَة تعبان تگدرين تطلعين، راح انام اليوم بغرفتج وأجلي اسألتج لباجر.

فيروز: تمام نام بس اني ابقى اهنا ممكن ترتفع حرارتك وانت نايم على الأقل اگدر اساعدك.

همهم وخله راسه على المخده واني رحت رجعت الأسعافات لمكانها ورميت اللي تلوث بدمه، غسلت اديه ورجعت للغرفة خليت الكرسي قريب من الجربايه رجعت راسي عليه وصفنت، حياتي الحاليه تشبه المسلسلات تماماً انقتل والدي بجريمه مبهمه وخطفي و المجرم اللي يريدني كلهم غريبين لكن اغربهم هو هَيْصَم، شنو غايته من مساعدتي وليش خلاني بهذا المكان المبين عليه خاص جداً وحتى ممسكون كل شي بيه مرتب وعلى أخر حبايه حتى التصميم و اللون المستخدم بالأثاث، من تشوفه يخطر على بالك هذا المكان اله قصة وكأن انبنى بكُل حُب، وجودي بيه غريب، اكيد اكو سبب وسر مختلف تماماً عن اللي گاله حاسه بهذا الشي ما معقولة اكو شخص عاقل يعرض حياته للخطر ويلعب هيج لعبه خطره مع المجرمين الا اذا عنده خطه او مشروع انتقام، حسيت نفسي ثقيت بيه بسرعة بالوقت اللي لازم اخذ حذري منه أكثر، صحيح تصرفاته واسلوبه ممبين عليه انسان مو زين ويريد مضرتي بس هذا هم مايعني يريد مصلحتي، منو الشخص اللي يخاطر بحياته هيج وينقذ وحدة يردون موتها، والشي اللي مامعقول اكثر ومخليني دايخه بابا جان رجال فقير ومن اهل الله كل عمره خلص من الشغل للبيت و العكس منو هذا اللي قتله بهاي الصورة البشعه وهذا التكتيك، معقولة ايكون متورط وياهم لهذا السبب تخلصوا منه؟

ضربت جبيني عشت حالة اكشن خلتني اشك حتى بأقرب شخص اليه و الوحيد اللي حتى لو اشوفه كدام عيني ما اصدگ يسويها، جان يعلمني على الأخلاق و الصح من الخطأ معقوله يصافح مجرمين ويلطخ اديه بعمليات غير قانونيه، مستحيل اله ايده وي المجرمين، اسئلة كثيرة بعقلي ما الها راس خيط أكدر الزمه واعرف الجواب، انقطعت هاي السلسله المتواصله اللي ادور بمخي على صوت أنين صادر من عنده كمت من مكاني او وكفت قريبه عليه حيل، يهمس بكلمات غير مفهومه مو واضح شنو يحجي نزلت راسي وخليت اذني قريب اشفايفه سمعته يردد هاي الكلمات.

هَيْصَم: لترحين ،لتعوفيني، ارجعي.

رفعت راسي وقربت ايدي من جبينه حرارته مرتفعه، طلعت من الغرفه بسرعه ورحت للمطبخ طلعت علاج خافض حرارة تركه الدكتور اهنا اخذت من عنده حبايه وكوب مي ورجعت يمه اقتربت من عنده وگعدته:

هَيْصَم... هَيْصَم تسمعني افتح عيونك حتى تشرب علاج يلا.

همهم ورجع نام مرة ثانية هسه هذا شلون اگعده هو ميحب احد يلمسه وليگعد من اصيح اسمه شنو الحل؟

تركت كوب المي على الميز اليمه ونزلت راسي  وحجيت قريب اذنه: هَيْصَم، هَيْاصَم، هَيْصَوم، هَصَمصَم، افتح عيونك يلا لتشلع گلبي.

رفعت راسي واني اضحك على نفسي لو يسمعني شنو لقبته يشمرني من الشباك، اجت عيني بعينه يفتحهم ويسدهم بتعب، بيهم احمرار نعاس ومرض هم، صفنت بيهم شويه ورجع سدهم بسرعة صحت اسمه حتى يصحصح وميغفى: هَيْصَممم.

فتح عيونه وأشرلي براسه بمعنى شكو: مرتفعه حرارتك اشرب الحبايه حتى تصير احسن.

عدل گعدته انطيته الحبايه شربها هي والمي ورجع لمكانه ويحجي ويايه بصوت ناصي.

هَيْصَم: روحي نامي لتبقين سهرانه يمي لَّباءَة.

رجعت للكرسي واني احجي بهمس حتى ميسمع: حتى وهو مريض مينسى هذا الأسم الغريب ترك كل الأسماء الحلوه بالعالم وسماني لَّباءَة.

ماعرف شلون غفيت واني على الكرسي فزيت على صوت الموبايل رحت يمه حتى اشوف منو المتصل شفت فقط صورة نجمة ماكو اسم اقتربت من عنده حتى اگعدة اجت عيني على ملامحه ارموشه كثيفه نوعاً ما حواجبه محددهم بطريقة كلش مرتبه انفه طويل بس مو حيل يعني مناسب تماماً وي وجهه، اسمر ونهاية وجه حادة، ماعندة لحيه الواضح يحلقها كل يوم لأن ممبين من عدها شي، واكثر شي مميز بوجهه هي شواربه تشبه تماماً اشوارب ابو اشهاب اباب الحارة لكن هو مرتبهم اكثر، واني صافنه عليه فتح عيونه بعيوني من الصدمه رجعت بسرعة ليوره وسويت نفسي اگح شربت مي من الگلاص اللي خليته اهنا البارحه وهو يحاول يكوم سألته: شنو تحس هسه صرت احسن؟

صفن شويه بوجهي ورفع حاجبه وگال بنظرة تفاجئ.

هَيْصَم: انتِ ليش اهنا؟

فيروز: لأن اتمرضت وبقيت يمك حتى اي شي يصير اساعدك بس مو اكثر.

رفع راسه اليه وگال بتساؤل.

هَيْصَم: شنو حجيت البارحه؟

حسيت لازم اكون صادقه واگوله شنو گال: لترحين، لتعوفيني، ارجعي، ردتتهم اكثر من مره لكن بعد مشربت الحبايه نمت ومسمعتك، انت جنت مريض و بالعادة الأنسان اللي يمرض يحجي اي شي يحلم بيه مو مشكله.

هَيْصَم: شكراً، تعبتي ويايه وبقيتي سهرانه علمود سلامتي تگدرين تنامين اني راح اطلع.

فيروز: لتشكرني اللي قدمته اليه لايقاس بلي سويته ابداً وقبل متطلع لازم تاكل وتشرب علاج حتى تتحسن بالكامل.

جاوبني وهو واكف يم الباب.

هَيْصَم: كل شي يزيد عن حده ينقلب ضده لَّباءَة انتبهي.

فيروز: شنو قصدك مفهمت؟

هَيْصَم: بالعادة اني شخص احذر قبل ما اتخذ اي اجراء اول مره تحذير ثاني مره متعرفين شلون تكون عقوبه الهَيْصَم وبأي طريقة لتلعبين ويايه لَّباءَة ولتفكرين ابداً من السهل تعبرين حصوني لأن اني صنعت من نفسي احجيه كلما اقتربتي من حلها زادت تعقيد.

فيروز: اذا انت مواثق من عندي ليش مخليني بيتك!! تگدر ترجعني لبيتي و لتفكر ابداً ولا للحظه اللي اسويه هو بحجه اقترب من عندك، آخر همي عملك واهدافك واللي تريد تسويه، كل الأريده ارجع لحياتي ولعملي السابق بلا حياة غصب عني ومذلوله بيها.

هَيْصَم: اوف اوف معقولة لهاي الدرجه حامله بگلبج عليه لو هاي ردة فعل لكلامي قبل قليل؟

فيروز: انت شنو برأيك؟

هَيْصَم: لَّباءَة معصبه جداً والسبب هي مفهمت قصدي اطلاقاً من اللي گلته، ركزي ويايه هاي آخر مره اوضح كلامي بالعادة اني احجي واليفهم والميفهم مشكلته، وجودج بهذا البيت هو لسلامتج ومعرفه السبب اللي يخلي مجرم يلاحقج مثل المجنون من تنتهي هاي العملية كل واحد بيناتنا يرجع لحياته الطبيعية واضح؟

في حال سمعتي الكلمه ومحاولتي تلعبين وره ظهري وقتها مراح تتأذين لكن في حال فضولج ثار وردتي ترضيه وبحثتي بأشياء من حياتي وماضيي او سويتي اي شي آخر بوقتها لتلوميني ابداً على تصرفاتي، احترم وجودج بهذا البيت وكونج ضيفتي وانتِ تعرفين للضيوف حدود، ياريت تكون وصلت الفكره وفهمتي المقصد.

فيروز: مو عادتي اتدخل بأشياء متعنيني بذات الوقت ياريت انت هم تستعجل بمهمتك حتى ارجع لبيتي ولحياتي.

هَيْصَم: يؤسفني اكلج مديرج فصلج من العمل، لتفكرين هوايه بموضوع الوظيفه وتصدعين راسج بلا فايدة.

فيروز: انطردت؟

بصعوبه يلا لگيت وظيفه وهسه انطردت شلون يا الله!!

هَيْصَم: كل همج الوظيفه فكري بحياتج المهدده يكون افضل برأيي.

فيروز: طبعاً انت شنو هامك موظف و مرتاح مثل الخريجين مثلنا يخلصون شبابهم وهم يبحثون عن وظيفه والحظ الحلو مالتي خلاني انفصل من عدها.

هَيْصَم: على شنو تحسديني اني اصارع وي الموت بكل ثانيه وين الراحه مثلاً؟!

بعدين ليش مطلعتي قسم مرغوب بيه بالسادس هذا الطالب الميجتهد هيج ايصير بيه بعدين.

فيروز: وعلى اساس انت شنو طلعت!!

هَيْصَم: احد حماة البلد في حال متت بوظيفتي شهادتي مضمونه ومن اهل الجنه اما بالحياة سمعتي وشخصيتي وافعالي هي اللي تعرف الهَيْصَم منو، برأيج هذا مو كافي؟

فيروز: وهيبتك وشخصيتك بشنو تفيدني اذا جعت؟

اقترب من عندي يحجي قريب وجهي بس مطخني.

هَيْصَم: معقولة اسمح تجوعين في حال ملگيتلج وظيفه اني اتكفل بكل مصروفج وأأمن الج راتب شهري.

حجيت بتوتر بسبب هذا القرب: من وين تخليلي راتب شهري؟!

هَيْصَم: راتب ابوج التقاعدي انقله الج، بعد وفاته انتِ وريثته الشرعيه وخاصتاً بعدج ممزوجه.

فيروز: وانت شلون عرفت ابوية عنده راتب تقاعدي اني محجيت بهذا الشي نهائياً؟!

ابتسم وگال.

هَيْصَم: يعني صح عنده.

فيروز: خليتني احجي من وحدي هذا مو عدل.

هَيْصَم: ابقي مصره على كلامج لتغيرين اقوالج تحت اي ظرف كان والا تخسرين وتعترفين بدون وعي، لكل شخص طريقة مختلفه حتى يسحب الكلام من المقابل لذلك كوني حذرة.

فيروز: حلو اگدر استخدم هاي الطريقه واسحب من عندك كلام.

قرب راسه يم أذني وهمس هذا القرب خله كل مشاعري تتخربط.

هَيْصَم: اللبوه خُلقت حتى تكون جنب الأسد مو ضده.

ابتعد مسافه وسرعان مرجعت لتركيزي انتبهت على شي بيه من يقترب من عندي يخلي اديه وره ظهره وميطخني ابداً تصرفاته تجذب غصب وتخليني اصفن بأسلوبه بالتعامل ، كل يوم اكتشف بيه شي جديد يجبرني اركز وياه اكثر ويغرقني بمتاهة الهَيْصَم.

قبل ميطلع التفتلي وگال.

هَيْصَم: من ارجع راح اخلي الدكتور يفتح الخياط مالتج تگدرين ترجعين تنامين هسه.

قبل ميروح حجيت بسرعة: متتريگ؟

هَيْصَم: لتفكرين بيه لَّباءَة بعدين تقعين بحب الهَيْصَم وهاي المشكله الوحيده اللي ماكدر أحلها.

تركني وطلع مفهمت شنو يقصد ضحكت على نفسي على اساس اني فاهمه من عنده شي قبل حتى افهمه اليوم، غموضه يثير الفضول بداخلي لكن الشي الوحيد اللي يردعني هو مسوالي شي سيء ليش حتى اورط نفسي وياه هو بس شكله يخوف وتهديده هم اذا شك بيه يشمرني من الشباك بدون ميسأل الأفضل ابتعد عن كل شي يخصه ونشوف شنو تاليها بعدين، خليت راسي على المخده وسرعان منمت بسبب التعب والسهر البارحه.

حوري: گعدت من النوم على صوت ماما تصحيني دخلت للحمام اخذت دوش سريع غيرت ملابسي ونزلت لگيت نسر ديتريگ اني ما اكل اذا عندي طلعه لأن اتمرض بالطريق بقيت منتظرته بالصاله فتحت موبايلي شفت اشعار ممنتبه عليه واصلني من نص ساعة من محمد فتحته جانت صوتيه خليتها على أذني وسمعت كلامه.

محمد: اسف البارحه جنت حيل مقهور وصارت بوجهج مجان قصدي ازعلج ابداً بس الأنسان مو معصوم خلي گلبج جبير وغفري هذا الخطأ، اتحمل زعل الدنيا كلها بس الموضوع من يوصل يمج يختلف ماعرف شنو يصير بيه اذا حسيت بيج ضايجه من عندي، كل اللي اريده نعيش قصة حب مميزة تتوج بالزواج، خلي ايدج بأيدي حوريه، انطيني فرصه وحدة واخذي كل وقتج بالتفكير راح ابقى منتظرج طول عمري واذا متحبين حتى صوتي ما خليج تسمعيه اهم شي عندي بالكون كله هو راحتج يراحتي.

حوري: مسحت المراسله والرقم همات وقررت اريح راسي وما افكر اصلا بأي شي خلال هاي الفتره يكفي اللي شفته من السادس وخصوصاً اني اعرف تماماً رأي اهلي بمحمد اذا اخواني اثنينهم ميحبوه ليش حتى ادخل بعلاقة حب عقيمه اعرف شنو نهياتها لكن ما انكر اكو شي داخلي اله مع ذلك ميتعده حدود الأعجاب لا أكثر، طلعت بعد مسمعت صوته يصيحني حتى نروح صعدنه بالسياره اول مساق فتره قصيرة ونمت محسيت اله وهو يگعدني حتى ننزل وصل يم بيتهم بأربيل هو هم نزل ويايه سلم بالباب على خالتي وراح عنده شغل بالمركز مقبل يبقى، حضنت خالتي، احبها حيل بيها شبه جبير من امي حتى بحنيتها عدها بنات اربعه او ولد اثنين واحد من عدهم الجبير بالعائلة اما الثاني فهو آخر العنقود وثنينهم مموجودين بالبيت، الجبير من عدهم موظف بغير محافظه اما بزر الكعده يدرس خارج العراق فقط البنات اهنا اما زوج خالتي فهو متوفي من سنين طويلة، دخلنه للمطبخ شفتهن ديحضرن بالغدة طبعاً البنت الكبيرة متزوجه والموجودات بس ثلاث بنات تقدمت من عندي أكبر وحده بيهن.

ريهاف: الحمد الله على سلامتج حوريه ليش نسر مدخل وياج على الأقل نسلم على ابن خالتنه.

حوري: الله يسلمج حياتي، والله كتله بس مقبل گال عنده شغل مهم و ميگدر يتأخر.

آمندا: اي راح تبقين بس يم رهوف واحنه ماعدنه حصه بيج؟

ركضت الها وحضنتها من بين كل بنات خالتي هاي اكثر وحده مرحه وبشوشه مليانه طاقه أيجابيه وفرح: حياتي مشتاقتلج موت متصدگين شگد تحمست اخلص

الأمتحانات حتى اشوفج.

آريا: صحيح مو احنه بنات البطه السودة تشتاقين بس لصديقتج واحنه المنسيين، رهوف خلينا نطلع حتى ياخذن راحتهن يمكن زعجناهن.

حوري: شنو هذا الكلام ازعل من عندج والله اصلاً اني اجي لهنا حتى اشوفكم كلكم واغير وياكم جو.

ريهاف: لتهتمين بكلامها حبيبتي تحب تشاقه مو أكثر.

حوري: عادي مو مشكله، فجأة دخلت خالتي اللي ماعرف وين راحت.

كلاثم: رهوف اتصلي بنيجار شوفيها ليش مأجت، اليوم موعد زيارتها النه.

ريهاف: اتصلت بيها زوجها مريض وأجلتها لغير يوم.

كلاثم: الله يشافيه خطيه.

آمندا: الله ليشافيه متشوفين شنو مسوي بيها ليش تدعين اله؟

كلاثم: زوج اختج هذا عيب بنتي هيج تحجين عليه.

آمندا: لو منو مكان اني مع الحق هو مطيح حظها وهي غبيه بسرعة تسامحه وتنسى شوفي شنو راح يسوي بيها غبائها الزايد.

ريهاف: خلص آمندا بلا كلام على الناس ما النه دخل هي جبيره او واعيه وتعرف شنو تقرر بعدين لتنسين عدها اطفال اذا تركته شلون تعيشهم؟

آمندا: هو هذا التفكير اللي مدمر المرأه اني استغرب جداً من النساء اللي ميدعمن بعضهن بهاي الحاله شلون نريد الرجال يحترمونه واحنه اصلاً منحترم حالنه الوحيد بهاي الحياة اللي اعرفه يحترم النساء هو بس هَيْصَم واني دعواتي الدائمة يارب هَيِصَم رجلي المستقبلي حتى ما اطلگه لا والله اخلعه.

آريا: هو خلي يجيج أول بعدين اخلعيه.

آمندا: تستهزئين حضرتج؟

ريهاف: خلص انتن الثنين وتعالن نحضر غدة يلا.

سحبت آمندا وهمست بأذنها: هَيْصَم بعده مجاي لهنا صح؟

آمندا: والله يروحي اني بقى شهر او شهرين بالأكثر وانسى شكله صار فتره طويلة مشفته بيها تقريباً ثلاث اشهر هيج شي.

حوري: ليش ميجي لعد؟

آمندا: ماعرف هو ميحجي شي عن شغله يتصل

بالمناسبات بأمي يطمأنها عليه ويسده، مرات اني انسى عندي أخ جبير.

نزلت دموعها وهي تحجي عنه: خلص لتبجين اكيد اذا صار عنده وقت فراغ يجي يشوفكم لتسوين بنفسج هيج.

آمندا: ميفكر بينه، لو عنده شويه حساس ميخلي خواته وحدهن وميسأل عنهن برأيج كل الأخوة هيج لو بس هو؟

حوري: أرفد ونسر نفس الشي همات ما اشوفهم دائماً، لازم تخلين عذر لغيابهم ماكو اخ يكره اخته بس الظروف تحكم.

آمندا: احبه ومشتاقتله هو الوحيد اللي من اشوفه اطمأن واحس بأمان مو طبيعي.

حوري: هو هم مشتاقلكم وان شاء الله عن قريب تشوفيه وتقر عينج بطوله.

آمندا: ان شاء الله.

آريا: خلصتن سوالف شنو رأيجن تجن نكمل الغده لأن اشويه وأموت جوع.

كملنه الغده واني ساعدتهم بعدين كل وحده صعدت لغرفتها واني بقيت يم آمندا سولفنه اشويه واني نمت لأن جنت تعبانه حيل من الطريق.

هَيْصَم: لائِث شنو هذا الصوت العالي؟

لائِث: حادث سيارة سبب موت شخص الولد اعترف وهسه هو بالتحقيق لكن عائلة المتوفي عشائرية وهسه هجموا علينه يردونه.

هَيْصَم: أعد شنو سمعت هسه؟

لائِث: هجموا على المركز سيدي.

هَيْصَم: بلد تايه بيد الصغار، صيحلي ضَرْضَم و هَمَّاس و هَمْهَام خلينه نشوف شلون يدگون مكان الدولة.

لائِث: هَيْصَم بطبيعته ميعصب بسهوله اذا جان الموضوع يخص العمل ياخذ احتياطاته ويحسب احساب كل خطوة يخطيها ويدقق بتصرفاته كون موقعه حساس ميگدر يخاطر بسمعته وهو يعرف احنه جميعاً معتمدين عليه، طلع لگاهم كلهم شباب وميسكتون، خلوا المركز روضه جاب صافره وبقى يصفر بيها واحنه سكتناهم اتقرب من شخص جان واگف مقابيلهم الواضح عليه هو الأساس بالمشكله حجه وياه بكل رزانه وأدب، طريقة مميزة ثانيه بيه ابداً ميضرب الا في حالات الضرورة يعني الا يكون الشخص هو اللي يعتدي عليه او يستاهل ينضرب عنده مبدأ خاص بالتعامل مع الناس و طريقه بالتحقيق يسحب الكلام من المقابل بدون تعب.

هَيْصَم: اقدملك عزائي والبقيه بحياتك متفهم جداً لتعصيبك وغضبك لكن لازم تفهم هم هذا مو مكان عادي الموجودين اهنا بشر حالهم حالك متگدر تجي وتهجم علينه بعدين تخوفنا وبهاي الحاله راح يضهر الأسد المضموم جواتنه ويسوي بيكم هيج.

لائِث: صاح بصوت عالي اني فزيت من عنده.

هَيْصَم: ضَرْضَممممم.

ضَرْضَم: سيدي.

لائِث: حجه وياه بطريقته المعتادة اسلوبه هذا ايخليني اضحك غصب حتى لو جنت بقمة ضوجتي.

هَيْصَم: اللي يجي يمنه خطار شنو نسويله؟

ضَرْضَم: نقدمله ضيافه سيدي.

هَيْصَم: أريدك تقدمله ضيافة مرتبه تناسب هاي الوجوه الحلوه ويبقون يتذكرون دائماً كرمنه واخلاقنا العاليه وفي حال احد طلبهم وراد يطلعون ضيفه وياهم لتقصر ابني اريد اسمع أصوات المديح بغرفتي.

ضَرْضَم: تأمر سيدي.

هَيْصَم: بالعادة اني انسان احذر قبل ما اسوي اي شي لكن راح استثنيك من القاعدة ، هذا مركز شرطه اللي يدخله لازم يحترم حماة الوطن الساهرين لسلامتكم، في حال تهدد هذا المكان من قبل اي شخص اني يحقلي اتخذ اي اجراء اخليك متعرف راسك من رجليك واعتبر هذا تحذيري مرة ثانية اذا لمحت ضلك أقره على نفسك السلام وعتبره تهديد مني.

:راح اخليك تندم على هذا تعاملك واني اشوفك وين منو لعبت.

هَيْصَم: لائِث.

لائِث: سيدي.

هَيْصَم: سمعت اللي سمعته؟

لائِث: اعذرني سيدي ما افهم لغة الحمير.

هَيْصَم: اكره التهديد لأن يبين مدا ضعفك صير رجُل بمعنى الكلمه وشوفني شنو تگدر اتسوي.

لائِث: اعتقلناهم بيهم عشرين شخص واتكفل البقيه بتقديم الضيافة الهم نص ساعه تقريباً وصلت السيارات مالت اهلهم نزل من وحده بيهن رجال جبير بس الهيبه واضحه عليه مبين عليه شيخ دخل صرت مقابيله: اتفضل بشنو أگدر اساعدك؟

معتز: اريد اشوف المسؤول اذا تگدر ابني.

لائِث: اتفضل ويايه بس وحدك.

معتز: اكيد طبعاً.

طرقت الباب سمعت صوته فتحته ودخلت: سيدي.

هَيْصَم: خيرك لائِث هاي المره شنو صار؟

لائِث: جبيرهم اهنا يريد يشوفك.

هَيْصَم: خليه يدخل او لحظة اني اروحله بالنهاية احترام الجبير واجب.

لائِث: بشنو تفكر؟

هَيْصَم: الأفضل اتشوف بنفسك.

لائِث: طلعله اول مشافه رحب بيه وذمني كدامه جحظت عيوني هذا عاقل اني شنو دخلني غير هاي الأوامر مالته!!

هَيْصَم: معقوله لائِث اتخلي هاي الشيبه المحترمه واگفه اهنا بدون مدخله؟!

لائِث: سيدي.

هَيْصَم: اقبل اعتذاري وأرجوا ان تتفضل وتحجيلي مشكلتك وان شاء الله محلوله.

معتز: الله يوفقك ابني ما اريد من عندك شي غير تحترم جيتي لهنا وطلع ولدي من الحبس وتغفر ردة فعلهم القويه بس تعرف اخوهم اتوفى قبل ميفرح بتخرجه لذلك سوو هيج.

هَيْصَم: 1700 شهيد واكثر بسبايكر، القوات المسلحة العراقية قدمت شهداء بعدد 34 الف اما الجيش العراقي قدم 26 الف شهيد والحشد الشعبي قدم 8 الاف شهيد هاي غير المدنين 29 الف شهيد واكثر بالأضافه للجرحى ولامرة شفت واحد من عوائلهم سوه هيج اوتهجم على المركز بحجه هو فاقد عزيز ولازم نتحمل ردة فعله ليش حتى اتفهم ردة فعل ابنائك اللي هجموا وهددوا أمن هذا المكان اللي هو يعتبر من اهم الأماكن بالبلد؟

معتز: متفهم كلامك ابني بس على الأقل لخاطر شيباتي وجيتي لهنا طلعهم.

هَيْصَم: احترمك جداً، وعلى عيني وراسي جيتك وتعبك لكن ميصير يطلعون بسهوله راح يكونون بضيافتي اليوم لتخاف ارجع لبيتك ورتاح أو وكللهم محامي يمشي بقضيتهم واني راح اطرح عليك اسم بضمانتي هو افضل محامي مدافع عن السيئين يمكن يطلعون بغضون اسبوع في حال منحالوا للمحكمه.

معتز: يعني ماكو احترام لجيتي؟

هَيْصَم: هذا القانون ما اگدر اخالفه، ابنائك بيدهم اسلاح من هجموا يعني العقوبة زادت في حال سامحتهم بقية السجناء راح يعترضون واني ما احب ازعل احد من المعقتلين مو هيج لائِث؟

لائِث: اكيد سيدي انت مثال حسن عن العداله والمساواة بالمركز.

هَيْصَم: ارجع لبيتك ونام قرير العين بما انو هم يمي اكيد راح يبقون بخير كون مطمأن.

معتز: ايصير خير ان شاء الله.

هَيْصَم: اكيد كل الخير بما إني موجود.

لائِث: طلع خائب جان مفكر يگدر يبتز الهَيْصَم بسهوله.

هَيْصَم: راح اسوي لائحه جبيرة واخليها على باب المركز مكتوب عليها هذا المكان مخصص فقط لمعاقبه المجرمين وليس مركز عبادة لقبول التوبة وتحرير العبد من ذنوبه، ماعرف الناس شنو مفكرتني كل شويه اجاني واحد يطلب مغفرتي اني متأكد ميطلبون من ربهم يغفر ذنوبهم مثل ميطلبون من عندي، هسه الساعة أربعة اني راح اطلع عندي شغل شنو يصير وياك انطيني علم.

لائِث: تأمر سيدي.

فتحت الموبايل واتصلت بيه: الو.

أرفد: عندي عملية بعد ساعتين مراح اسوي اي عمليه اذا تريد شي تعال للمستشفى.

هَيْصَم: نص ساعه وانت يمي بالبيت لازم تفتح الخياط مالتها اي عذر او تأخير ما اقبل.

أرفد: سد الخط بدون مايسمع جوابي، اللي يسمعه يفكر اخذت شهادة الطب حتى اخدمه بس هو، طلعت من المستشفى بسرعة ورحت يمه نص ساعه وصلت يم البيت طرقت على الباب وطلعلي: بسرعه وين هي؟

هَيْصَم: وعليكم السلام تفضل.

أرفد: ماعندي وقت اضيعه بهاي السوالف مستعجل تره.

هَيْصَم: كمل شغلك واطلع ماعندي لاصق بالبيت.

أرفد: هه متضحك.

هَيْصَم: هه مو هدفي اضحكك.

جنت بالمطبخ احضر لنفسي لفه مبيه حيل اطبخ فجأة دخل ويحجي سريع.

هَيْصَم: حضري نفسج دقايق والدكتور اهنا حتى يفتح الخياط.

طلع واني كملت لفتي وغسلت اسناني ورحت للغرفة، اني البس اتراكات عريضه صحيح اني غير محجبه بس مع ذلك ارتاح بهاي الملابس رحت لغرفتي وبقيت منتظرة اكو ألم صحيح بسبب العملية بس اني ما احب ابقى بالفراش فتره طويلة.

شويه وطرق الباب سمحتله حتى يدخل فات هو والدكتور اللي اول مشافني حجه بستعجال.

أرفد: بسرعة نامي حتى افتح الخياط واطلع ماعندي وقت.

هَيْصَم: اهدئ اشوي ابني ليش مستعجل وياها؟

أرفد: لأن اكو شخص منتظرني افتح گلبه واعالجه ماكو سبب ثاني.

هَيْصَم: قابل انت الوحيد دكتور الف واحد ثاني غيرك.

أرفد: هَيْصَممم.

هَيْصَم: لتصرخ كمل شغلك واطلع اني هم مشغول.

نمت على الجربايه وهو تقدم الخوف يقره الف لبس كفوف وطلع المعقم غمضت عيوني بأيدي وهو ماعرف شنو سوه يمكن خله مخدر حسيت بألم بس مو كلش قوي اتفاجأت مو هيج سامعه عن فتح الخياط لو لأن الدكتور يختلف كمل وطلع ماعرف شنو حجه وي هَيْصَم اللي الأخير اتقدم من عندي وگال.

هَيْصَم: الحمد الله على السلامه، حتى يختفي الأثر مالت الخياط ادهني بهذا المرهم وان شاء الله معافايه، اني راح اطلع عندي شغل في حال احتاجيتي شي اتصلي بيه.

عافني وراح طبعاً الموبايل اللي تركه هو نوكيا معروف عدنه اسمه صرصور وماعرف من وين اجت هاي التسميه لأن هو ميشبه الصرصر ابد، مگدرت انام وقررت اكوم ارتب البيت حتى لو هو منعني لكن ميصير ابقى بدون شغل بديت بغرفتي رتبتها ما انظف بسرعة على راحتي حتى ما اتأذة او اتعب كملتها ورحت لغرفته اول مفتحت الباب شميت العطر اللي يستخدمه يشبه المسك ممزوج بريحه الورد ماعرف شلون اوصفه بس هادئ ولطيف ومريح للأعصاب بنفس الوقت، مبيها شي ممرتب هو انسان نظيف جداً ميترك وراه شي ابد اجيت اطلع ولفت نظري دفتر غلافه اسود جلد وبيه خيط ذهبي موجود على الميز مالت المرايه اقتربت من عنده و الفضول يقره ترليون اخذته بأيدي وفتحته صارت بوجهي صفحه مكتوب عليها بحبر اسود وخط عريض.

"هَيْصَم".

جذبني اقره شنو مكتوب جوه السطر الأول بمنتصف الدفتر بقلم حبر اسود مكتوب: اليوم الثالث في الساعه الثانيه عشر بعد منتصف الليل..

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

تصبحون على الف خير شمعاتي..

لأي شي يخص القصه تعالوا يمي انستا..

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه وكبروا عائلتنه حتى نستمتع وي الهَيْصَم مع بعض.

هَيْصَم

الكاتبة زهراء احمد

______________

قال لهـاا : هل تحفظين جـدول الضرب؟

قـالت : نععـمہ !

فقال : عيناكِ فـي عينـي ڪم؟

فقالت : تساوي العـالم بأكملۿ

( اليوم الثالث الساعه الثانيه عشر بعد منتصف الليل،

خلصن ثلاث أيام بالتوقيت الميلادي لكن ليش احسهم ثلاث سنين؟ ثلاث أيام اخذن من عندي ثلاث أعمار وحطمن كل شي حلو بحياتي بالكامل، اتوقف الزمن وفقدت جميع قدراتي وهذا الصوت مقبل يترك اذني ابداً، المساعدة، التوسل، الرجاء، الهَيْصَم هاي المره عجز تماماً عن المواجهه، مگدرت اسوي شي واني اشوف اقتراب النهاية، سلاسل الموت محاوطتني من كل مكان الجميع يريد هزيمتي، بهاي الحرب استغلوا كُل نقاط الضعف وسيطروا بشكل كامل على حصوني لكن نسوا شي مهم الأسد دائماً يكون عنده مخرج ولازم اكو باب يفتح من تضيق بيك الدنيا وهذا الباب راح يكون سبب دمارهم وانتصاري، بوقتها فقط راح اخذ الثار وانتقم من كل شخص سبب أذيه و جرح إليه)

حسيت وره كلامه قصه عميقه وسبب يخلي ينجرح ويتأذه لهاي الدرجة، رجعت لدفتر لمكانه واني ضميري أنبني ليش ادخل بأشياء خاصة بيه واني اعرف عدل هو مراح يقبل مني هذا التصرف، طلعت من غرفته ورحت لغرفتي بقيت بفراشي والتفكير ميخليني ارتاح، حاولت انام بس عبث مگدرت باوعت للساعه شفتها 12 الصبح، شي داخلي كلي كومي اتصلي بيه ومفكرت هوايه ومخمخت للموضوع وشفت رأي عقلي اللي اريد أقدم عليه صح لو خطأ، اخذت الموبايل و فتحته بيه فقط رقمه اول متصلت وصلني صوته، عضيت على شفتي هذا اذا سألني شنو اگله شهل ورطه الدخلت بيها نفسي.

قطعت صفنتي من كال.

هَيْصَم: الرصيد مو مجاني احجي شنو رايده؟

جانت كلمه عوجه طلعت بدون وعي ومن غير قصد:

اريدك.

عضيت لساني من كال.

هَيْصَم: شتسوين بيه؟!

حاولت الملم فشلتي بدون ميحس: اريدك ترجع للبيت خايفه ابقى وحدي شسوي بيك قابل غير هيج؟

هَيْصَم: اخلص اللي عندي واشوف اذا اگدر اجي بالأضافة ماكو داعي للخوف البيبان مقفوله و البيت مُؤمن من جميع الأتجاهات اطمأني.

فيروز: تمام اخذ راحتك.

غلقت الخط وضربت جبيني بكف أيدي على غبائي شنو الداعي اتصل بيه وادعي الخوف هسه ياخذ عليه غير نظره ويفكرني وحده حقيرة بس والله مجان قصدي احجي هيج، هسه اني شورطني وخابرت، رجعت للغرفة بعد عملتي السوده خليت راسي على المخده وحاولت انام وهاي المره نجحت فتحت عيوني بعد فتره طويله على اشعة الشمس اللي تضرب بجفوني كمت من فراشي والنعاس بعده بعيوني، دخلت للحمام اخذت دوش وغيرت ملابسي جففت شعري وطلعت بسرعة للمطبخ لأن ميته جوع اتفاجأت بيه گاعد على أحد الكراسي وعيونه حمر من العصبيه حاضن أديه مع بعض على الميز وصوت نفسه واضح قريت الفاتحة على روحي وذكرت الشهادتين اكيد مراح يعدي هذا اليوم على خير فكرت بيني وبين نفسي لو يريد يسوي شي خليها وره الريوگ لأن والله جوعانه ما اگدر اتحمل مشكله على الريگ گرصت أيدي على هذا التفكير الغبي وگلت بنبرة هادئة اتمنيت انو تهدي الوضع المتوتر اللي موجود هسه ولسبب ماعرفه: صباح الخير.

جاوبني بسؤال خلاني اعض خدي من الداخل.

هَيْصَم: اني شنو حجيت وياج البارحه؟

فيروز: هوايه كلام على شنو تقصد بالضبط؟

صرخ بصوت فززني من مكاني.

هَيْصَم: لَّبااااااااءَة.

على رغم خوفي من صوته العاليه بس شجعت نفسي

وجاوبت بثقه هي موته موته فالموت بالكرامة احسن.

فيروز: وضح كلامك لأن قصدك مفهمته.

هَيْصَم: شنو الشي اللي حجيته ومفهمتيه كولي حتى اشرحه بالطريقه اللي عقلج يستوعبها غردي يلااا؟

فيروز: لتاخذني بصوتك العالي احجي شنو تريد بدون لف ودوران..قاطعني وهو يكوم من مكانه و تقدم ناحيتي ويضرب على الميز بقوة.

هَيْصَم: كم مره نبهتج تردعين فضولج؟

الف مره حجيت انتِ اهنا مجرد ضيفه يوم يومين ومغادرة ليش حتى تدخلين بشي ميعنيج؟!

عرفته يقصد الدفتر ولأن اعرف حقه واني غلطت من فتحته ويستحق من تبرير واعتذار.

فيروز: اعتذر جداً انو دخلت وفتحت دفترك لكن خلي عندك علم انو ماقريت شي من عرفته خاص بيك، جان فضول للحظه وبعدين اختفه.

هَيْصَم: والله جد؟

فيروز: اي جد، عتذرت وخلص ليش مكبر الموضوع وكأن سويت جريمه بحقك هي مجرد ورقه قريت شنو بيها ورجعته لمكانه وكان الله يحب المحسنين.

هَيْصَم: شنوووو شفتي وليش حتى تشوفين وشنووو الداعي تقرأين شي ميخصج؟!

فيروز: ممكن متعصب وتحجي بهدوء شنو الفايدة اذا صيحت بهاي الطريقة اللي صار صار وانتهي واني دا اعتذر من عندك سامحني وخلص.

رفع حاجبه بنظرة استهزاء اخذ الدفتر بأيدة وهو يگول.

هَيْصَم: اسامحج ليش لا شنو سويتي اصلاً حتى تتعاقبين هو مجرد ردتي ترضين فضولج وتدخلين بشي ميعنيج قابل هذا الموضوع يستحق العصبيه!!

بس لتخافين اني راح اريحج من التفكير لكن هو مو غلطج ابداً اني واحد حمار خليتج بهذا البيت وخفت يصير بيج شي وتتأذين ردت انقذج شنو جازيتيني بالمقابل؟

كلامه استفزني جدا لذلك حجيت بغضب وصوت عالي: اولاً اني مطلبت من عندك تنقذني ابداً كل اللي سويته هو لمصلحتك وانت اعترفت بهذا الشي بعظمة السانك ثانياً اني مو بحاجة مساعدة احد وخاصتاً انت رجعني للبيت وبلا تفضل ومنيه من حضرتك.

هَيْصَم: اخلي الكلاب تنهش لحمج ويتركوج عظم هاي مو رجولتي ولا مهنيتي ولا الشي اللي تربيت عليه، مردت من عندج مقابل فقط ابتعدي عن أشيائي الخاصه ليش متسمعين الكلمه؟!

فيروز: اني موافقه الكلاب تنهش لحمي ولا ابقى وياك دقيقه وحدة واضح؟ رجعني لبيتي او فقط كلي احنه وين واني ارجع وحدي.

هَيْصَم: حتى وأن قررت ارجعج للبيت لازم تتعاقبين حتى متكررين الخطأ وتذكرين كل مره يشتغل بيها فضولج شلون تگدرين تطفيه.

: اخذ الدفتر ومزگ كل الأوراق الموجودة بيه وطلع من المطبخ شويه ورجع بأيدة سطله صغيره شكلها حديد خله كل الأوراق بيها جاب شخاط شغلها ورماها بالسطله شنو من انسان هذا انتابني شعور خوف واني اشوفه صافن عليهن وهن يحترگن وهو ولا همه، النار اشوفها بلمعة عيونه، شلون گدر يسوي هيج وي دفتر مهم بالنسبه اله بدون ميرفله جفن؟!

معقولة كل هذا فقط لأن قرأت لو لسبب ثاني؟

بقى دقايق حتى انطفت النار بالكامل و الأوراق صارت عباره عن رماد حملها من الأرض غسلها بالسنك وطلع بره المطبخ رجعها لمكانها ورجع سحب الكرسي وأشرلي أگعد مقابيله مهتميت وبقيت بمكاني خله أدية على افخاذة وثبتهم تحت فكه رافع حاجبه ويباوعلي بطريقة غريبه بلعت ريگي بخوف ومازلت اصطنع القوة حتى ميشوف ضعفي ويستغله، دام الصمت فتره زمنية مو طويلة قطعه وهو يگول.

هَيْصَم: اي لَّباءَة شلون حابه يكون عقابج؟

جاوبته برفعة حاجب: بأي طريقه انت حاب تعاقبني؟

هَيْصَم: العقاب يكون ممتع بشكل مختلف اذا المذنب اختار طريقة يتعاقب بيها لذلك اختاري انتِ.

فيروز: راويني طريقتك المميزه بالعقوبات سيد افندي حابه اتعرف عليك عن قرب اكثر، فضولي فول بهذا الموضوع.

هَيْصَم: فكرت فضولج احترق وي الأوراق وماعاد موجود لكن هاي المره اني خطأت بتخميني.

فيروز: مو كل مره يطلع تخمينك صحيح.

هَيْصَم: وين تردين توصلين لَّباءَة؟

فيروز: رجعني لبيتي وخلي كل شي صار ينتهي بهذا المكان لا انت تعرف وحده اسمها فيروز ولا اني اعرف شخص اسمه هَيْصَم هيج افضل.

: همهم وحرك راسه كام من مكانه وسحب سجين حادة اقترب من عندي واني ارجع ليورة حتى صرت على الحايط صار وجهه مقابيل وجهي انفاسه الدافيه اداعب وجنتي رجفت رجليه واختل توازني من هذا القرب لكن صمدت وبقت عيوني تحارب عيونه بشجاعه مصطنعه قرب السجينه وبقى يمررها على اجزاء جسمي ابتدأ بيها من رگبتي نزولاً لأعضائي الثانيه وهو يهمس قريب وجهي انتبهت على حركه اشفايفه وهو ينطق الكلمه يحجي بنبرة خلت خوف العالم كله يصب داخلي.

هَيْصَم: شايفه اذا تركتج شنو يصير بيج؟

اول شي تنخطفين و تبقين بمكان اظلم لمدة اسبوع او اكثر بعدين يتم الأعتداء عليج من اكثر من شخص حسب عدد الأشخاص الخاطفيج اذا ممتي من النزيف اتموتين بطريقة ثانية وهي التعذيب شلون يعذبوج تعرفين؟

اكيد لا لذلك خليني اشرحلج شلون يتم تعذيبج، ايجيبون اسلاك كهربائية ويربطوها بجسمج يرمون عليج مي وبعدين يصعقوج بالكهرباء تبقين على هاي الحاله لمدة ساعتين بعدين تطلعين لغرفة ظلمة يعذبونج نفسياً عن طريق اصوات رعب وضوه خفيف يطفي و يشتغل ويخلون يمج حنفيه مالت مي تقطر وهاي طريقه مختلفه بالتعذيب حتى اذا طلعتي عايشه تصيرين مريضه نفسيه كلامج محد ياخذ بيه، باليوم الج وجبه وحده مو أكثر ولتفكرين اتكون دسمه لأن اصلاً شكلها مقرف وانتِ تنجبرين تاكليها بسبب الجوع بعد كل هذا التعب واكو بصيص امل يجي المنقذ على حصان ابيض تجي الأوامر من الأعلى يتم التخلص من عندج يتفقون وي دكتور من جماعتهم يبدون بيج من المنتصف بعد ميخدروج بالكامل يفتحون هذا الجزء من الخصر وهذا ايضاً، يحجي ويمرر السجين على خصري،

: يستخرجون الكلى بعدين يصعدون لفوگ ويفتحون هذا الجزء تعرفين الكبد كلش غالي بعدها المعدة ويستمر هذا الدكتور المحترم والشريف بسرقه اعضائج وقبل ميتوقف گلبج عن العمل بدقائق يفتحون صدرج وياخذون گلبج و بالنهايه تموتين وتصعد روحج للرفيق الأعلى وانتِ واني نعرف احترام الميت دفنه بس هم ميسوون هيج يقطعوج الى اشلاء ويخلوج بكيس ازباله وبما انو انتِ ماعندج اهل يرموج بأي قمامه اتصير بطريقهم.

ما انكر ابداً مدا خوفي واني اتخيل كلامه يصير حقيقه ويايه، شفت بعيونه نظرة رضا لكونه وصل لمرادة بتخويفي حجيت برفعة حاجب: شنو فايدة هذا كلامك، وين تريد توصل من عنده؟

هَيْصَم: حتى تعرفين قيمة وجودج بمكان محمي الى جانب الأسد، فقط يمي وداخل عريني انتِ بأمان وماكو مخلوق على وجه الكره الأرضية يگدر يمسج بسوء اما في حال رفعت أيدي من عندج ورجعتج لبيتج مثل متردين لتتأملين تبقين عايشه يوم واحد وهسه القرار عندج شنو تختارين هَيْصَم لو لّهيم؟

باوعتله بغضب وحجيت منتفضه من كلامه المستفز وشخصيته المتعجرفه على شنو رافع خشمه عليه ماعرف.

فيروز: حتى لو جنت خايفه وبقمة الرعب وماكدر انام ليلي ومن الخوف باب البيت ما اطلعله هم ماراح اختارك لا انت ولا لّهيم، لان ثنينكم نفس الشي عمله الها وجهين، بالأول شخصك اللي على اساس محترم جبتني هنا وكل شويه ذالني وذلك الحقير الخطفني بدون سبب، وهذا كله بعيد عن اسلوب تعاملك ويايه، لدخلين وطلعين لتسوين هيج ولتباوعين بهاي الطريقه، وهاي اني من الصبح لليل مكابله اربع حيطان من الملل اريد انتف شعري حتى يخلص الوقت، كل اللي سويته ردت انظف الغرفه صح انت منعتني بس نسيت وجل من لاينسى، حسستني مسويه جريمة ودتعايرني لو مو اني انتِ ميته، على اساس الموت والحياة متعلقه بيك ونسيت انو رب العالمين كل شي محدد وكاتب حجيك ميقدم ولا يأخر بحجم ذرة، ومع هذا تريد تعرف ليش بقيت اني اهنا بدون كلمه ومتحمله اسلوبك المزعج والمكروه؟

اكيد لا اني اجاوبك لأني خايفه ولهذا اليوم اني خايفه ... قطع كلامي بسحبه اليه من خصري وقربني من عنده حيل أيد مثبت بيها جسمي والثانية ثبت بيها راسي وجهي مقابيل وجه عيوني بعيونه نظرته تغيرت تماماً ماعرف افسرها فهمت شنو يريد من شفت نظره نزل لشفايفي عرفت نواياه ضربت على صدرة حيل بس هو ولا كأن دمج شفايفنا مع بعض صار يعبث بيهم براحته نزلت دموعي واني ادفع بيه بعيد حتى حسيت اكو لزوجه بأيدي تركني بعد فتره سحبت النفس بصعوبه ورجعت اضرب بصدره اقوة من اول مره لزم أدية مع بعض وكتفهم وره ظهري وخلاني على الحايط يحجي بنبرة تأنيب قريب وجهي.

هَيْصَم: اهدأي واسمعيني خليني اوضح لتتصرفين بطفوليه لَّباءَة.

ضوجي كلامه صرخت بيه بغضب: انتم الرجال كلكم نفس شي ثله من الحقراء تتبعون شهواتكم ومتفكرون بينه ابداً شنو الداعي حتى تبوسني شنو استفاديت هسه؟ هذا وانت ماخذ دور المحامي لعد شنو بقيت للكلاب اللي بالشارع وهاي انت من اول فرصة استغليت ضعفي وعدم مقدرتي على ردعك وتجرأت ويايه بوقاحه، تكره لمس النساء وحتى منعتني اساعدك بالجرح بحجة الحرام وتالي اول مصحة الفرصه اتبوسني، الشرفيات اللي بعتها براسي شنو محلها بالأعراب سيد متدين؟!

صفنت شويه بعيونه واني انظرله بغضب بعدين گلت بأسى جبير: خاب ظني بيك انت الوحيد اللي حسيت بالأمان واني وياه هذا السبب اللي خلاني ابقى لكن منو بينه ميخطأ وغلطة الشاطر بألف، رجعني لبيتي مستحيل ابقى يم واحد حقير استغلالي مثلك.

ضغط على أدية حيل وقرب راسه أكثر من وجهي.

هَيْصَم: بدون موافقتي باب البيت متگدرين تلمحيه واضح وبالنسبه للي صار قبل شويه بدون أرادتي اسف.

صرخت بغضب وعلامة استفهام بوجهي:

أسف؟

هذا اللي الله قدرك عليه بعد السويته!!

بعيداً عن الحرام انت اخذت اول بوسه اليه وحرمتني انو اعيشها وي حب حياتي.

هَيْصَم: شنو تردين هسه بأي طريقه اعتذار راح تسامحيني وتنسين؟

فيروز: ما اريد من عندك اي طريقه اعتذار والأصح ما أريد اسمع صوتك رجعني لبيتي لأن مستحيل اتحمل البقاء وياك بنفس البيت ليش متفهم؟!

هَيْصَم: برضاج أو غصب تبقين بالبيت تحت نفس السقف وياي وتتنفسين ذات الهوه اللي اتنفسه وظلج ميفارق اعيوني.

فيروز: اكرهك.

هَيْصَم: ولتحاولين اتحبيني.

فيروز: اترك أيدي ولتلمسني مره ثانيه فاهم،

اقترب من عندي اكثر وهو يحجي بمكر.

هَيْصَم: والا؟

فيروز: شوف اني وحده مخبله والله ارتكب بيك جريمة وادخل سجن لتختبر صبري أكثر من هيج.

هَيْصَم: سويها اني اصلاً اريدج بهاي الشجاعة و فكرت بخطه لهذا الموضوع ان شاء الله بوقت فراغي راح انفذها.

فيروز: انت حقير تدري لو لا؟

هَيْصَم: عجبتيني تدرين لو لا؟

فيروز: شنو فايدة اللي تسويه ليش مستقتل على وجودي يمك بهاي الطريقة؟!

هَيْصَم: كتلج سابقاً اللي يريدج اريده، لّهيم وجماعته يدورون عليج بكل مكان يمكن الولد يحب او ممكن ايريد اشياء أخرى.

فيروز: شنو قصدك مفهمت ليش حتى واحد مجرم يريدني شنو السبب؟

هَيْصَم: ابوج ليش نقتل بطريقة غريبة وقضية قتله تم اغلاقها بسهوله؟

فيروز: معقولة اللي يصير ويايه سببه بابا؟!

لحظه بس تريد توهمني وتخليني ابقى اهنا برضاتي لكن بأحلامك مستحيل ابقى حتى لو قفلت كل الأبواب لازم اكو مخرج أو وعد من عندي استغل كل الفرص حتى اطلع من هذا المكان وارجع لحياتي الطبيعيه بعيداً عن مشاكلك وتحقيقاتك الغريبه.

هَيْصَم: الى متى تبقين فاهمه الموضوع خطأ، الف مرة كلت اني منقذ وليس عدوا شوكت تفهمين هاي النقطه؟

فيروز: ممكن اصدگ قبل اللي صار لكن حالياً مستحيل.

هَيْصَم: واني ماعندي وقت حتى اشرحلج بالتفصيل طالع لشغلي و حاولي متلعبين وره ظهري لو تدفنين نفسج بسابع أرض متگدرين تبتعدين من الهَيْصَم.

فيروز: لو تخلي المسدس براسي وتهددني بيه واشوف الموت فرق عني شعرايه اني مصره اطلع من هذا المكان واللي توصله أيدك لتقصر بيه.

رفع طرف شفته بأبتسامه سحبني من أيدي وطلعني من المطبخ واني اضرب بيه حتى يتركني بس مو بشر ميتأثر ابد، دخلني للغرفة وقفل الباب صرخت بيه بصوت عالي واني اشوفه يفتح بالمجر مالت الميز: شنو تريد اتسوي مكتفيت من اللي صار قبل اشويه لهاي الدرجه طلعت منحط واني غافله؟!

احجي وحدي وهو ولا يمه عصبت حيل من تصرفه ضربت رجلي بالأرض بغضب ورجعت صرخت: احجي وياك ليش متجاوبني؟

التفتلي وكمل بحثه اتقرب من عندي وهو مبتسم سحب أديه ورة ظهري وسمعت صوت الكلبچه همس قريب أذني هذا الرجال تخبل والله مجان هيج معقولة حسدته؟

هَيْصَم: التقي بيج بعد ميخلص شغلي كوني بخير لَّباءَة.

فيروز: جانت هاي آخر كلمات اسمعها من عنده بعدين تركني وحدي وطلع خارج الغرفه سمعت صوت المفتاح قفلها حتى ما اطلع اموت واعرف ليش هيج يسوي ويايه!!

نزلت ادموعي و رجليه حضنت الأرض اعتله صوت شهگاتي واني اتذكر اللي صار قبل شويه ليش باسني فجأة خطرت علي بالي فكره انو هو حبني سبيت نفسي على هذا التفكير ليش هو اصلا يعرف الحب اللي صار حتى يذلني مو اكثر ويستغل ضعفي وجودي وحدي بالبيت وياه، بقيت وحدي جوعانه لأن مأكلت شي وهو قفل الباب وكلبچني هسه شنو اسوي يا الله، كمت من مكاني ورحت لفراشي خليت راسي على المخده سرحت بأفكاري خلصت عمري مشغوله وجنت احلم بوقت فراغ حتى لو يوم واحد ومن صارت أمنيتي حقيقة صرت اتمنى يرجع يوم واحد من الماضي على رغم حياتي البسيطه بس جانت السعادة وراحة البال متفارقني ابد، احساس الأطمأنان والأمان ماكو شعور احله من عنده بهذا الكون كله، الدموع صديقتي الوحيدة اما الوحدة هي الملجأ الآمن من ضجيج هذا العالم السيء، غمضت عيوني بتعب تنهدت واني ادعي بداخلي تخلص هاي الأيام وارجع لغرفتي وجربايتي واحضن مخدتي وانام بهدوء وسكينه.

ضَرْضَم: لائِث شنو هذا الصوت صاير شي؟

لائِث: الله اعلم دخل للغرفه ومنسمع بس صوت الصياح مالته مثل وحده عدها ولادة.

هَمْهَام: ليسمعك ويسويها مشكله اكبر تعرف الهَيْصَم من يتخبل علينه.

هَمَّاس: اجه يكحلها عماها، اخوان التزموا الصمت افضل حتى متتعاقبون بشكل جماعي هاي اني حذرت.

لائِث: مقصرت فضلك مينسي.

ضَرْضَم: ادخل وشوف شنو بيه يلا.

لائِث: وياي؟

ضَرْضَم: لا وي ابويه.

لائِث: لعد اني شكو روح احجي وياه.

ضَرْضَم: منو هو؟

لائِث: ابوك شبيك.

ضَرْضَم: لتخبلني وأدخل احجي وي هَيْصَم انت اكثر واحد يگدر يمتص غضبه يلا ابني.

لائِث: منو گلك اني بگه حتى امتص غضبه؟!

وبعدين اني رجال عزابي ممستمتع بحياتي ابداً تردون نسلي ينقطع وميصير وريث لعائلتي المحترمه.

هَمْهَام: خف علينا امنحوتب الرابع.

لائِث: تصحيح قصدك اخناتون مو صار موحد بنص المسلسل لو نسيت.

هَمَّاس: وتالي وياكم منو يدخل يحجي وياه ويفهم شنو الموضوع؟

لائِث: ميحتاج مصيبتنه وصلت وعلي اليوم ميعدي بدون عقوبه حضروا نفسكم.

طلع من غرفته وبأيدة ملف ضربه بصدري ويحجي بعصبيه.

هَيْصَم: اني شنوووو گلت؟

الف مره حجيت اريد تفاصيل كامله بخصوص التحقيق اللي صار بجريمة القتل من اسبوع، ليش متهاونين بهذا الشكل الى متى ابقى اني وراكم لازم ادقق وابحث شنوووو شغلكم انتوا اهنااا؟!

ضَرْضَم: سيدي المعلومات كامله بالملف اللي انطيته الك البارحه.

هَيْصَم: وينه ليش مشفته اني؟

هَمْهَام: لأن كنت مشغول بقضية اللي هجموا على المركز سيدي.

هَيْصَم: وهم وينهم هسه؟

لائِث: بعدهم بالتحقيق راح يجي محاميهم حتى يطلعون بكفاله بعد شويه.

هَيْصَم: ميطلعون اريدهم اسبوع كامل بالحبس حتى يتعلمون شلون يهجمون على مكان يخص الدوله مفكرين البلد تايه بيد الصغار.

لائِث: تدلل سيدي.

هَيْصَم: تستهزء حضرتك؟

لائِث: هسه اني شنو گلت؟!

هَيْصَم: شنو صار بموضوع لّهيم؟

ضَرْضَم: بعدنه ندور عليه وعممنه اسمه بكل مكان بشكل سري احنه مراقبين الوضع سيدي كون مطمأن.

هَيْصَم: اريد هذا الموضوع ينحل بأسرع وقت ممكن لازم تنتهي هاي القصه ونلقي القبض عليهم.

هَمَّاس: تعرف هذا الشي مستحيل بهذا الوقت، عدهم نفوذ واصل يحتاج تدقيق جبير ومراقبه مستمرة حتى نلقي عليهم القبض بالجرم المشهود وانت تعرف هم اذكياء لهذا اليوم متركوا اي دليل وراهم.

هَيْصَم: في هاي الحاله احنه نصنع دليل حتى نصيد السمج لازم نرمي السنارة ونبقى منتظرين بهدوء تام وهي من أرادتها تجي النه.

ضَرْضَم: شنو الخطه سيدي؟

لائِث: للسنارة؟

هَمْهَام: عوف حسك الفكاهي قبل متنزل بيك عقوبه.

لائِث: اكره هَيْصَم من يعصب يا اخي شخصيته مو كيوت تصير.

هَمْهَام: على اساس هو كيوت بالأيام العاديه حتى هسه استغربته.

هَيْصَم: سمعونا وياكم شنو تهمسون؟

لائِث: اكله اني جوعان شنو رأيكم نتغدة وبعدين نكمل الشغل؟

هَيْصَم: اني عندي شغل لازم اطلع شنو يصير انطوني علم.

هَمَّاس: صاير شي شباب؟

لائِث: بس لا رأيسنه سواها.

ضَرْضَم: شنو هي؟

لائِث: بلش يوگع بالحب.

هَمْهَام: شنو رأيك تنجب؟

لائِث: راح اشوف شنو مشكلته واعلمك على اهانتي من ارجع بس اصبرلي.

طلعت اركض قبل ميحرك السياره صعدت وياه رفع حاجبه وأشرلي براسه بمعنى خير.

لائِث: وياك والله ما انزل وتعرفيني اذا حلفت.

هَيْصَم: متدين ما شاء الله.

لائِث: شايفني اصلي بدون وعي؟

هَيْصَم: صلي انت اول.

لائِث: والله اصلي لو نسيت كم مره رحنه للجامع اني وياك؟

هَيْصَم: مجانت حبً بالدين وانما عملية، كلما تكبر تصير تنسى راح يصير بيك زهايمر مبكر.

لائِث: بسببك راح يصير بيه جنون البقر مو زهايمر.

هَيْصَم: لائِث انزل ماعندي وقت اضيعه وياك يلا ابني.

لائِث: مراح انزل حتى تحجي شنو بيك ليش اليوم نار مو عادتك متلزم اعصابك بالعمل صاير شي وياك؟

هَيْصَم: لا.

لائِث: لتكذب حافظك تره.

هَيْصَم: شنو تريد تسمع؟

لائِث: اللي مضوجك.

هَيْصَم: سويت خطأ جبير اليوم مجان لازم يصير بس.

لائِث: بس شنو؟

هَيْصَم: قبول التوبه بعد الذنب يشترط بيها الندم وهاي اول مره اذنب بيها واني مندمان هذا اللي معصبني كسرت احد قواعدي الملتزم بيها من سنين طويلة.

لائِث: مشكلتك حُب؟

هَيْصَم: مستحيل، گلبي ميتقبل وحدة ثانيه.

لائِث: حيرتني وياك احجي عدل حتى افهم لتستخدم اسلوب الغموض مالتك.

هَيْصَم: غلطت ومع ذلك ممتندم ولو يرجع بيه الوقت مرة ثانية راح اعيد نفس الخطأ وعلى رغم هو ميصير وحرام وقلة أدب وأصل من عندي لكن اني سعيد بيه داخلي فرحان ومع ذلك ما احب، گلبي مينبض بالحب لأحد ثاني فهمت؟

لائِث: هو اندفن بس بعده عايش لكن الطبيب گال مات من ساعتين فهمت؟

هَيْصَم: انزل مستحيل تفهم قصدي.

لائِث: اعتديت عليها؟

هَيْصَم: راح افجر جمجمتك على هذا التفكير.

لائِث: لعد؟

هَيْصَم: اللي صار بسبب الفضول لكن انت راح اموتك بسبب فضولك لتسأل هوايه مستحيل تاخذ من عندي جواب.

لائِث: ميحتاج وصلت.

هَيْصَم: شنو هي؟

لائِث: بستها.

هَيْصَم: انزل لا اطلعك من الجامه والله.

لائِث: تنكسر سيارتك اذا انت مضحي بيها بعد بكيفك.

هَيْصَم: رضيت فضولك وهسه انزل خلصني مستعجل لتأخرني.

لائِث: عندك موعد وياها؟

هَيْصَم: عيونك، باوعلي عدل لا اقلعهم والله.

لائِث: تمام اهدئ راح انزل اخذ نفس عميق وانسى اللي صار ولو انت مبين مراح تنسى بس شنو انسوي ننطيك دعم معنوي.

هَيْصَم: وتاااالي.

لائِث: نازل والله، نزلت وحجيت وياه من الجامه: سلملي على زوجه اخوي.

هَيْصَم: لاااائِث.

لائِث: ضحكت ودخلت للمركز.

: نايمه والحلم يجنن يوم زواجي والفستان يموت وقبل ما اشوف سعيد الحظ فزيت على صوت الباب ينفتح فتحت عيوني ورجعت غلقتهم منو غيره محسيت اله هو قريب من عندي نزل راسه وهمس يم أذني.

هَيْصَم: اعرف انتِ گاعدة لذلك گومي يلا حتى تاكلين اذا مجنتي حابه مشهد الصبح ينعاد.

كمت بسرعة وحجيت بغضب: لتتعامل ويايه بهذا الأسلوب المنحط اني مو مثل البنات اللي تعرفهن.

هَيْصَم: ليش منو هن البنات اللي اني اعرفهن؟

فيروز: المنحطات مثلك.

هَيْصَم: مو مشكله صيري منحطه على الواهس.

فيروز: بغيض مكروه ومزعج هم.

هَيْصَم: وراح تحبيني برغم صفاتي السيئة.

فيروز: واثق جداً!!

هَيْصَم: لدرجة انتِ موجودة اهنا هسه ومتگدرين اتطلعين من هذا المكان بدون أذني.

فيروز: ميبقى الوضع نفسه لابد يجي يوم ويتغير خلي ابالك سيد متدين.

هَيْصَم: كل قواعد الكون قابله للكسر او التغيير لكن اللبوة تبقى ملك الأسد و لَّباءَة تبقى للهَيْصَم ومستحيل هذا الشي يتغير يوماً ما.

فيروز: لتنغر بنفسك بس تسمح الفرصه ارجع للمكان اللي اجيت من عنده كدام عينك وانت متگدر تسوي شي.

هَيْصَم: حلوة من تعصبين واللون الأحمر يطغى على وجناتج مجذبة بشكل ملفت.

فيروز: والله بيك شي انت مو نفسك قبل يومين ليش تغيرت بهاي الطريقة؟

هَيْصَم: اني هم اسأل نفس السؤال اذا عرفتي الأجابة لتقصرين.

فيروز: اطلع بره خليني وحدي.

هَيْصَم: راح افتح أيدج والباب ما اريد حركات جيمس بوند البطوليه ابقي بمكانج بدون ابراز عضلات فهمتي؟

فيروز: الى متى تعبت اني هَيْصَم؟

هَيْصَم: ادعي رب الكائنات يخلينه نلقي عليهم القبض بوقتها بس اگدر ارجعج لبيتج واني مطمأن.

فيروز: و كلامك قبل شويه؟

هَيْصَم: لتهتمين بكل شي انطقه اني على وعدي مستحيل اخلي شي يضرج.

فيروز: واللي صار الصبح؟

هَيْصَم: اعتذر لكن مندمان ماعندي سبب للي سويته بنفس الوقت لو يرجع الصبح مرة ثانية عدت نفس المشهد.

فيروز: ماريدة يتكرر رجاءً اذا حاولت تتحرش بيه مره ثانيه شنو مكان السبب مراح ابقى وياك.

هَيْصَم: على اساس بيدج القرار؟!

فتحلي أديه او خر ماعرف منو اتصل عليه طلع بسرعة.

ضَرْضَم: سيدي وصلت معلومات سيارتك مراقبه وعرفوا مكان البيت استعجل واطلع بسرعة بأي وقت ممكن يسوون هجوم اني راح اجمع الفريق واجيكم،

انتبه لنفسك كلنه محتمين بالهَيْصَم.

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

لأي شي يخص القصه تعالوا يمي انستا..

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه وكبروا عائلتنه حتى نستمتع وي الهَيْصَم مع بعض.

______________

و آنة ضايّع بيَّن إيديَك الباردات وبيَّن گَلبي المحتَّرِكَ.

هَيْصَم

(الكاتبة زهراء احمد)

: دخل للغرفه ويحجي سريع.

هَيْصَم: اتحركي لازم نطلع من هذا المكان بسرعة ماكو بعد وقت.

فيروز: ليش شنو صاير؟

هَيْصَم: عرفوا المكان راح يهجمون بأي لحظه لذلك لازم نغير المخبأ حفاظاً على سلامتج.

: فكرت هاي فرصتي حتى اهرب من عنده ومستحيل اضيعها لذلك كمت بسرعة ولبست بنطلون اسود وبدي اسود للركبه حذاء رياضي ابيض وطلعت من الغرفة، صار بوجهي صفن اشويه وبعدين اقترب البدي بيه كلاو خله ايدة عليه ولبسني اياه ماعرف على منو اتصل بَعد عني و جاوبه.

ضَرْضَم: سيدي احنه كدام الباب الخلفي للبيت تگدر تطلع منتظريك.

هَيْصَم: و البقيه؟

ضَرْضَم: الجميع ينفذ بالخطه سيدي.

هَيْصَم: ممكن ما التقي بيكم اليوم لكن اخباركم اول بأول اريد اسمعها وشنو يصير وياكم سلامتكم اهم عندي اريد اشوفكم كلكم من ارجع بدون نقص واضح.

ضَرْضَم: أمرك سيدي.

رجعلي لزم أيدي سحبتها من عنده رجع لزمها بقوة أكبر وگال.

هَيْصَم: اعرف عدل كونان بلش يشتغل بداخلج ويبحث عن طريقه للهرب لكن هذا الشي مستحيل بوجودي لذلك عقلج الذكي اتركيه لأشياء ثانيه مثلاً وين راح اخذج وخلال هاي المهمه شنو تعانين وانتِ يمي.

فيروز: شنو قصدك؟

هَيْصَم: اكره الشرح النظري احب الدروس من تكون عمليه اهنا احس بمتعه اكبر.

فيروز: معقولة انت انسان عاقل؟

هَيْصَم: ماعندي شهادة من الطب النفسي.

فيروز: شنو اتريد من عندي؟

هَيْصَم: انتِ مهمه بالنسبه اليه لدرجه متنوصف و عقلج ليروح للحب لأن موضوعج اعمق من هيج بهوايه.

فيروز: يجي يوم و اخلص من عندك مراح ابقى بهذا السجن طول العمر.

هَيْصَم: تعجبيني من تحلمين احيج على هذا اصرارج وعزيمتج قله من الأشخاص المهددين يكونون بهاي العزيمة و الشجاعه وهسه خلينا نأجل هذا النقاش ونطلع من هذا المكان قبل متصيرين في فعل كانَ.

سحبني من ايدي وصار يمشي بسرعة طلعنه من باب البيت الخلفي لأن هذا بيه بابين اول مفتحه جانت اكو ثلاث سيارات واربع رجال نفس الشوارب والهيئة مالت هَيْصَم لكن بيهم واحد حلو حيل شكله ابيض يعني مميز بينهم مجانوا لابسين زي عسكري ولاسياراتهم عسكريه بس عرفتهم اصدقاءة لأن مبينين على نفس شاكلته ايضاً عضلات وكذا،

اقترب واحد من عدهم ردت استغل الفرصه من يحجي وياه اهرب وفعلاً بديت تنفيذ خطتي من ترك أيدي ونشغل بالسوالف بس ماعرف شلون انتبه عليه واني ارجع بخطوات بطيئة ليورة التفتلي وخزرني ويا الله من يخزر عيونه تجحظ لبره وتصير جبيره نوعاً ما يخوف من صدگ بلعت ريگي واني اشوفه يأشرلي على أيدة حتى ارجع الزمها وكأني طفله وأبوها يعاقبها، محبيت هذا التسلط من عنده لكن رجاله حاوطو المكان يعني المفر من عرينه مستحيل، اتقدمت وگفت قريب من عنده وحضنت أدية سوه، اخذت نفس بتذمر من رجع سحب أيدي وحضنها وي أيدة بادئ الأمر مجان يحب اللمس والتلامس وهسه صار يصنع موقف يلزمني بيه غصب، مشاعر ملخبطه تجتاحني من هذا القرب ومع ذلك مازلت مصره على التماسك وما احبه على رغم اني محبيته لحد الآن وماعندي اي شعور اتجاه ابد.

ركزت وياه وشنو يحجي وي هذا الرجال اعتقد جان اسمه لائِث هيج سمعت ايصيحه طلع مو هو بس يمتلك اسم غريب اصدقاءة همات نفس الشي.

هَيْصَم: التزموا بالخطه وبعد يومين اني ارجع لهنا تمام.

لائِث: ولو الموضوع كلش صعب لكن كون مطمأن ان شاء الله نگدر نسيطر على الوضع.

هَيْصَم: اريد تبقوني على اطلاع بكل شي يصير وياكم لائِث اعتمد عليك.

لائِث: تحت أمرك هَيْصَمنا.

هَيْصَم: احترمني اهنا على الأقل ابني لتذب ميانه.

لائِث: الزم بيهم بأيدك ورجلك متعرف شلون يغدروك ويهربون.

هَيْصَم: منو يگدر يهرب من عرين الأسد لائِث؟!

لائِث: والله اني شايف الأسد اللي ميگدر يتخله هاي المرة مو الفريسه، لتوگع تره الوطن بشاربك سيدي.

هَيْصَم: اترك هذا النقاش الماصخ واتصل بيهم صار ربع ساعة ليش اتأخروا؟

لائِث: خليله ملح و انتبه لتكثر حتى ميرتفع ضغطك حبيب.

هَيْصَم: بطل تفاهه واتصل بيهم يلا.

لائِث: تفاهه لو برتقاله؟

ضحكت على كلامه هذا الرجال والله يحشش حسيت بيه يضغط على أيدي حيل گرصته بأصبعه على باله هاي الحركات اتخليني اخاف من عنده واطيعه ميعرف اني حتى لو اخاف اتظاهر بالشجاعه المهم ميلزم عليه نقطة ضعف، شويه وتقدم من عدنه رجال ثاني طويل ولو هم كلهم اطوال لكن هذا الحلو بيهم يعني شكله نوعاً ما بريئ تشوف بملامحه هدوء وسكينه عكس البقيه نظرتهم شرسه وشكلهم غامض قترب من الهَيْصَم وگال.

هَمَّاس: سيدي اصعد السياره الجماعه وصلوا.

هَيْصَم: انتبهوا على نفسكم اريد اشوفكم كلكم من ارجع.

هَمَّاس: تأمر سيدي.

ضربوله تحيه الكُل حتى اللي واگفين بعيد عنه، اخذنه للسيارة صعدني بالصدر وطلع كلبچه خلاها بأيدي والثانية خلاها بالباب حجيت بيه بعصبية: لتعاملني بهاي الطريقة وكأني مُعتقل، افتح ايدي لتخاف مراح اهرب وانت مكثف مراقبتك عليه.

هَيْصَم: ولي صار قبل اشويه شنو تسميه؟

سد الباب ومسمع جوابي صعد مكان السايق وبقى اللاسلكي مالته يشتغل مسكت ابداً دقائق قليله سمعت صوت اطلاق نار ورانه صحت بيه بعصبيه: اذا انت حياتك متهمك حياتي مهمه معشت كل هذا العذاب حتى اموت بدون هوية من اجل تحقيق أهدافك.

هَيْصَم: اهدأي مراح يصير شي كوني مطمأنه اخذي نفس عميق وشغلي بالج بأشياء حلوة حتى نوصل.

فيروز: انت بوعيك جديات والله دا احجي؟!

يا اخي اطلاق نار على اي دقيقة ممكن يصوبون سيارتنه وبعدها بح نصير ماضي، معقولة لهاي الدرجة انت فاقد الأحساس؟

هَيْصَم: ممكن جداً.

فيروز: غثيث.

هَيْصَم: صفه جيدة لأن بالعادة الأنسان من هيج نوع يضر الأخرين ميضر نفسه.

فيروز: هَيْصَم الله يوفقك لتسوي ويايه هيج اني بشنو أذيتك حتى تعاملني بهاي الطريقة؟!

هَيْصَم: لَّباءَة اسمعي و ركزي ويايه تمام، هاي السيارة مضادة للرصاص بالأضافة الأشخاص اللي يرمون مراح يقتلونا كوني مطمأنه غير هيج لتسألين لأن ماعندي جواب.

فيروز: بس اني ما اتحمل هيج وضع ممجبورة اعيش حرب نفسيه عقليه، بحجه تحمي حياتي راح ادخل مستشفى مجانين.

هَيْصَم: بوقتها اضمن تلقيج العلاج من اشطر الأطباء وشرط ميكون عراقي.

فيروز: ليش شنو ناقصهم العراقيين؟

هَيْصَم: ما اثق بيهم كلهم ماعدا واحد.

فيروز: السبب؟

هَيْصَم: بدون سبب هيج من الله عندج مانع؟

فيروز: ماعندي صيدلية.

هَيْصَم: هه متضحك.

فيروز: هه مردت اضحكك.

هَيْصَم: جوعانه؟

فيروز: ليش هو الوضع الحالي ايخليني احس بجوع؟!

هَيْصَم: اني بنص الهجوم اكُل لذلك عندي هذا الوضع شي طبيعي جدا وعليه سألتج حتى اجيب شي تاكليه.

فيروز: من نوصل ناكُل ممشتهيه هسه.

هَيْصَم: راح انطول مسافه كلش بعيدة متگدرين تتحملين كل هذا الوقت بدون متتغذين.

فيروز: هَيْصَم خليني بالصورة على شنو ناوي حضرتك؟

هَيْصَم: كل خير ان شاء الله.

فيروز: انت من تگول هاي الجمله اقسم على انو ماكو خير منتظرنه.

هَيْصَم: جيد لتتفائلين احسن، متعرفين اشوكت يغدرج الحظ السيء ويخرب كل احلامج فجأة وبدون سابق انذار.

فيروز: حتى لو عندي ذرة أمل من اشوفك كدامي تتبخر.

هَيْصَم: اكو مقوله كلش احبها على رغم اني ما احب اقرأ لكن هي من ضمن بعض المقولات اللي ترسخت بعقلي يكول بيها الكاتب الروسي دوستويفسكي ( ‏لا تسمحوا لمجرد يوم جميل أن يشعركم بأن لديكم حياة سعيدة، حياتكم جحيم وستبقى كذلك).

فيروز: والله صارت جحيم من تعرفت عليك عيشتني بفلم من هوليوود.

هَيْصَم: جميل جداً لأن مستحيل توصليلها بالواقع كوني شاكره اليه على هذا المعروف القدمته لحضرتج ست لَّباءَة.

فيروز: اني متأكدة الطينه اللي نخلقت من عدها ممزوجه بمغثة وشويه ازعاج ونكد، انسان مثلك بعمري مشفت ماعرف من شنو مصنوع.

هَيْصَم: تصحيح اني مخلوق مو مصنوع بالأضافة انتِ دارسة علمي وتعرفين الأنسان بأي طريقة يتكاثر، اللي انخلق من طين هو فقط النبي أدم عليه السلام اما نحنُ جميعاً انخلقنه بالطريقه اللي درستيها بالسادس.

فيروز: انت شلون عرفت اني دارسه علمي تخصصي موجود حتى بالأدبي.

هَيْصَم: تتوقعين اخليج يمي كل هاي المدة بدون ما اعرف شي عنج؟

فيروز: شنو السبب، ليش بحثت بماضيي؟

هَيْصَم: وليش حتى ما ابحث؟

فيروز: لتجاوبني بسؤال.

هَيْصَم: اسألتج غبيه حيل لذلك ماعندي جواب الها.

فيروز: وين الغباء بالموضوع سؤال وجيه بس انت متريد تجاوبني وتريح عقلي من التفكير.

هَيْصَم: وهذا جيد حتى ينشط الدماغ وميبقى عقلج في حالة خمول.

فيروز: مستحيل اوصل وياك لنتيجة افضل شي ما اتجادل وياك.

هَيْصَم: واخيراً راح تخليني اعرف اسوق مثل الأوادم صدگ من كالوا النساء مزعجات.

فيروز: يعني فوگ مخاطفني تسميني مزعجه انت شنو من بشر؟!

هَيْصَم: ناقذج اني ليش متفهمين؟!

فيروز: رجعني لحياتي واني افهم افضل متاخذني لمكان ماعرف شنو هو.

هَيْصَم: بيت مثل اي بيت ثاني مراح اخذج للفضاء.

فيروز: لو تاخذني للجنه بما انو هي مو بيتي مراح احس بالأمان خلي عندك علم.

هَيْصَم: احاسيسنه مجرد كذبه جبيرة الواقع يدمرها كل يوم ومع ذلك نبقى عايشين بهذا الوهم ومنقبل نفيق من عنده على رغم جميع الأدلة تثبت على انو التغيير مستحيل لكن احنه مصرين لازم نغير وننصدم بحياة بائسة جداً ويبقى التغيير موجود بمخيلتنه فقط لا أكثر لذلك لتتوهمين بأمكانيه التغيير، اذا وگع الفاس بالراس لارجعه وماكو مفر، اتقبلي الواقع وبطلي احلام حتى لو انتهت هاي العملية مراح ترجعين لَّباءَة السابقة.

فيروز: ليش انت متشائم لهاي الدرجه؟!

هَيْصَم: الحياة تعلمج وتصقلج بطريقة عجيبه البعض ينولدون بفمهم ملعقه من ذهب ومقدر الهم حياة ورديه والبعض الثاني ينولدون بقدر اسود وغامض و غريب ومؤذي جداً ونكتب على جبينهم العناء والأنتقام.

فيروز: وانت اي واحد من عدهم؟

هَيْصَم: شنو برأيج؟

فيروز: انت اللي تحدد هذا الشي الأنسان منخلق مسير بالحياة احنه النختار طريقنه بالطريقه التعجبنه بالأضافة اكو قسم ثالث انت مذكرته المنتصف وهم اللي يختارون مصيرهم ويختارون طريقهم بأيدهم ويتبعون الأية الكريمه ( فأذا عزمت فتوكل على الله) بمعنى انت تگدر تعيش مثل متحب وممجبور ابداً تتقيد بشيء ما شنو مكان، الحياة حياتك وانت اللي تقرر بأي طريقه لازم تعيش.

هَيْصَم: غلطانه اني غير مسؤول عن حياتي مو اني فقط وانما جميع اللي بالسلك العسكري دمائنه وأرواحنه فداء للوطن لايجوز ابداً التهاون او الغفله، اي شي يصير اكون مسؤول امام الله وامام ابناء بلدي، انتقامي وحقدي مو شخصي ابداً وانما لكل أرمله وثكلى ويتيم لكل شخص سالت دماءة على هاي الأرض بدون ذنب ولكل شاب ادمن المخدرات حتى يربح كم شخص فاسد لكل ابنيه انقتلت بحجه الشرف من قبل ناس همج متعرف شنو دين ودوله، انتقامي لكل ابنيه متگدر اليوم تشتكي على المغتصب ولا على المتحرش، انتقام الهَيْصَم لكل عراقي شنو مكانت طائفته وفصيلته وعرقه اني ابن هذا البلد وانتمائي اله روحي ودمي و جسمي فداء اله لأخر نفس لذلك حياتي وقراراتي مو بيدي.

فيروز: قلة من الأشخاص الوطنين مثلك بعض الأحيان احسد نفسي عدنه هيج ضباط اكفاء يخافون على الوطن ويبحثون عن استقراره وحفظ أمنه.

هَيْصَم: بديتي تحبيني لَّباءَة؟

گال هيج ورفع حاجبه يباوعلي منتظر جوابي ابتسمت بستهزاء وحجيت بكل ثقه: بأحلامك، انت آخر انسان ممكن افكر اسلمه گلبي يوماً ما حتى لو كان عندي فيض مشاعر مراح اخسرها عليك كون واثق.

هَيْصَم: أفضل لتحبيني اني اصلا اريدج متقعين بحب الهَيْصَم لأي سبب كان.

بعد هذا الكلام اثنينه التزمنه الصمت بس بقيت انتبه على حركاته طلع حامض حلو من صندوگ السياره وخلاه بحلگه بقى يسوق فتره طويله واني من التوتر والخوف محسيت بنفسي شلون نمت فزيت على صوته وهو يگعدني.

هَيْصَم: لَّباءَة فتحي عيونج.

فيروز: خير شنو تريد ليش گعدتني من النوم؟

هَيْصَم: انتِ مأكلتي شي لحد الآن وجبتلج شي تاكليه وفتحت ايدج هم يعني تگدرين تستخدميها اجتازينه منطقة الخطر.

فيروز: فكرت وصلنه وين ماخذني انتَ، ليش اتأخرنه بالسياره لهذا الوقت!

هَيْصَم: فقط نص ساعه نمتي، يا وقت تحجين عليه هي مجرد ساعتين بعدنا بأول الرحلة لتنزعجين من بدايتها.

فيروز: راح تهربني خارج البلد صار ساعتين وبعدك اتگول بعد وقت حتى نوصل وين ماخذني هاي آخر مره اسأل والا.

هَيْصَم: شنو تسوين؟

فيروز: والخالق أرمي نفسي من السياره وما اسأل عن حياتي على الأقل اعرف المكان اللي اروح اله بعد الموت.

هَيْصَم: ابواب السياره مقفوله يؤسفني اخبرج انتِ مجبره تكملين الطريق وياي.

فيروز: لازم اكو حل ميصير نبقى هيج مثل توم جيري.

هَيْصَم: عادي نصير مثل عدنان ولينا.

غمز بنهايه جملته الشي اللي نرفزني حيل كميه البرود العندة متوصف: راح تصيبني سكته قلبيه بسببك.

هَيْصَم: اعرف اسوي تنفس اصطناعي انقذج وما اخليج تموتين بدون أذني.

: اخذت نفس عميق وقررت اسكت الحديث وياه يعصبني مو أكثر، شويه وخله علاگه بحضني رفعت راسي اله وگلت بتساؤل: شنو هاي.

هَيْصَم: عبوة حاب افجرج حتى تخلصين من عندي.

فيروز: استغفر الله.

هَيْصَم: عندج هوايه ذنوب عفيه استغفري.

فيروز: لمرة وحدة بس جاوب على سؤالي بدون لف ودوران.

هَيْصَم: سؤالج غبي اني كتلج اول مگعدتي من النوم إني جبتلج اكل شنو الداعي تسألين على العلاگه؟

فيروز: نسيت ليش انت اتخلي عقل عندي؟

هَيْصَم: لهاي الدرجه شاغل مخج وممخليج تركزين بشي!!

فيروز: صح لأن عقلي يتسائل ياترى انت شنو صنفك من البشر؟

هَيْصَم: المستذئبين.

فيروز: افضل شي اكُل الكلام وياك مبيه نتيجه، فتحت العلاگه جان بيها لفتين شاورما وبطلين لبن ومي باوعتله وگلت: وگف السياره بمكان فارغ، التفتلي وعقد حاجبه بتساؤل.

هَيْصَم: ليش؟

فيروز: ما اگدر اكُل وانت تسوق اتمرض وانت تتعذب ويايه هاي اني كتلد.

هَيْصَم: مسافه خمس دقايق ونوصل لمكان مناسب تگدرين وقتها تاكلين براحتج.

صفنت على الطريق مجرد شوارع فارغه مكان اول مره اجي بيه صحراء ماعرف وين احنه هسه لكن رغم عصبيتي من عنده ومحاولاتي للهروب اكو شي داخلي مطمأن اله بشكل عجيب احس بالأمان بوجودة هو شكله يبعث راحه لگلبي هذا الأحساس جان موجود فقط وي بابا وهسه وي هَيْصَم، صحيت من صفنتي من وگف السياره.

هَيْصَم: هسه تگدرين تاكلين.

طلعت لفه وقدمتها اله ابتسم شبه ابتسامة وگال.

هَيْصَم: منو كلج اني جوعان؟

فيروز: طلعت من البيت بدون أكل وما اعتقد اكلت شي طول الطريق لذلك لازم تاكل هسه.

هَيْصَم: ممشتهي شي اكُلي انتِ.

فيروز: اذا مأكلت مراح اكُل.

هَيْصَم: تهددين حضرتج؟

فيروز: من الأصول متقدم شي لضيفك اذا متشاركه بهاي الحاله الضيف يخجل من عندك.

هَيْصَم: انتِ والخجل متنجمعون بالأضافة انت مختطفة من قبلي مو ضيفه.

فيروز: اذاً ايصير اصراري اكبر منو يگول ممخليلي سم مثلاً.

هَيْصَم: لو نيتي القتل متعبت بالتخطيط حتى انقذ حياتج بهاي الطريقة.

فيروز: خصم الكلام اكلي مرتبط بأكلك وانت قرر.

هَيْصَم: ماعرف ليش لكن احساس قوي عندي و شعور غريب ينتابني وصوت يهمس بداخلي يا هَيْصَم لَّباءَة بدت تقع في غرامك.

فيروز: صاير هوايه تحلم وهذا الشي مضر بالعقل ويبعد عن الواقع سيادتك.

هَيْصَم: جعل محد غيرج يگول سيادتك.

فيروز: ملت زايد الف مرة كتلك لتتغزل.

هَيْصَم: ليش هذا غزل؟!

غمز و ابتسم بنفس الوقت، هوايه يخسر غمزات وانتبهت عندة غمازة بخدة اليمين تظهر بوضوح من يبتسم بقيت صافنه عليها فززني من گال.

هَيْصَم: متفقنه هيج لَّباءَة.

فيروز: مفهمت.

هَيْصَم: اللفه اتأخرنه لازم نكمل الطريق.

أكل لفته واني هم كملنه وساق السياره رجعت راسي على الكشن ودخلت بالنوم مرة ثانية، اني هوايه انام وعندي قابليه للنوم بجميع الأوقات فقط احتاج هدوء يمي و بسرعه ادخل لعالم الأحلام.

حوري: اوقات تجنن وايام ولاأروع هيج اتكون الأجواء بالقرب من الناس اللي تحبهم، گلوبهم بيضه وبسطاء الى حد بالتعامل مع الكل، استمتع حيل من اخلص وقت عطلتي يمهم، اهلي كلهم يحبون بيت خالتي ف ماعدهم مشكلة بالأضافة هم ماعدهم رجال هوايه بس ثنين ومموجودين، ابنهم الأكبر هَيْصَم صديق أرفد المقرب صح همَ مو نفس المحافظة جانوا عايشين بس هم مقربين شلون ماعرف، من جنت طفله ويجي زيارة أرفد دائماً جان يضحك وياه ويگله حوري متصير لغيرك، ما اذكر من عنده هوايه تفاصيل شايفته كذا مره مو أكثر حتى ملامحه ناسيتهم اما الأصغر فهو نسخه مصغره من الأكبر مثل متوصفه خواته هذا اني شايفته هوايه وعندي تواصل وياه بس هو غامض و تصرفاته غريبه بعض الأحيان يعني متاخذ من عنده لاحق ولا باطل يگولن خواته صار هيج بعد وفاة والدة ومن تخرج من السادس قدم دراسه خارج العراق وسافر و لهذا اليوم مشفته تقريبا صار سنتين هو ميقبل يرجع حتى بالعطل اما خواته اللي اهنا اصغرهم عمرها 23 واكبرهم 33، صحيت من صفنتي على صوت آمندا.

آمندا: الصفنه مو الج يحلوه.

حوري: لعد لمنو؟

آمندا: ابو صابر منو غيره.

: ضربتها بالمخدة اللي يمي: غبيه تشبهيني بأبو صابر!!

آمندا: ليش شنو ناقصه وانتِ مقابله؟

على الأقل متونس بحياته مو مثلنه محبوسين بالبيت صار اربع اشهر مشايفه شنو شارع وين العدل برأيج.

حوري: لو ميخاف عليكم ميسوي هيج انتِ تعرفيه اكثر من عندي.

آمندا: اللي يخاف يترك ميحتاج يبقى بعمل يعرف شنو نهايته راح يدمر حياته، الخطر محاوطه من كل جهة بس هو مصر ماعرف شنو مستفاد، مخلينه عايشين برعب، يوميه انزل لغرفة امي اسمع صوت بچيها تبقى هيج لصلاة الصبح شنو ذنبها هي حتى تخسر ابنها؟

حوري: لتگولين هيج، ان شاء الله يرجع سالم ومصاير اله شي تفائلوا بالخير تجدوة ليش متشائمة؟!

آمندا: انتِ متعرفيه هو مستعد يرمي نفسه بالنار بس حتى.

حوري: مكملت جملتها بسبب ريهاف اللي دخلت للغرفه وصاحتنه.

ريهاف: انزلوا ويايه الغده صار جاهز.

هاي البنيه كلش هادئه ومتقبل على الخطأ اتحب النظام والقانون لازم يمشي على الكل هي اكثر وحدة عاقله بالتعامل واتخاذ القرارات وخالتي معتمده عليها بكل أمور البيت، نزلنه وصارت بوجهنه آريا مكتفه أديها لصدرها وترمقنه بنظرات غضب.

آريا: اي الفتيات الحسنوات واخيراً شرفتن.

ريهاف: اسكتي و لتسوين مشكلة متنكلب الدنيا اذا محضرت الأكل ويانه.

آمندا: فديت أختي هفهوفه الوردة وانتِ الشوكه اليابسه وخري عن طريقي لا العب بخلقتج لعب، المفروض تحترمين اختج الأكبر بس انتِ تسوين العكس دائماً.

آريا: شنو الغلط بكلامي القانون على الجميع لو انتِ على راسج ريشه!!

آمندا: شفتها بجناحاتج وعجبتني لذلك خليتها حلوة مو؟

آريا: اليوم غسل المواعين عليج والله ما اغسلهم.

ريهاف: خلص انتِ وهي وتعالوا خلو نخلي الأكل على السفرة، وانتِ حوري بلا زحمة ممكن تصيحين امي تلگيها بغرفتها.

حوري: تدللين، رحت يم الغرفة مالتها وطرقت الباب سمعت صوتها تسمحلي بالدخول فتحت الباب وفتت يمها شفتها تمسح بعيونها و مخليه صورة بحضنها رجعتها للمجر اول مشافتني ابتسمت بوجهي وأشرتلي اگعد يمها ونطلقت بكلامها ويايه.

كلاثم: اني وامج خوات من نفس الأم والأب لكن اقدارنه مختلفه بس اكو شبه واحد ابنها وابني اثنينهم ملوعين گلوبنه بعنادهم، صار اكثر من شهرين مسامعه صوته اتصل بيه ويطلع مغلق ميفكر ام وگلبها عليه نار، الله يشهد حتى الليل ما أگدر انامه كل وقتي مشغول بيه، أكل لو لا، بردان لو جوعان، مرتاح لو متعذب، بالي يمه، اللگمه ما اتهنه بيها اذا هو مموجود وهو مامهتم كتلوا ابني بيدهم وحرموني من ضحكته الله ليوفقهم ان شاء الله.

حوري: مفهمت شنو تقصد ومحبيت اسأل عن معنى كلامها لأن شفتها ارتبكت و مسحت ادموعها وكامت وصاحتني حتى اكوم وياها ونطلع نتغدة وبين سوالف وضحك ومناوشات بين آريا و آمندا خلص هذا اليوم.

: فزيت من النوم التفتت ملگيته موجود بالسياره دقات خوف نبضت بداخلي ياترى وين احنه وليش هو مموجود انتبهت لللافته الكدامي "البصرة ترحب بكم". معقولة شنو نسوي بهذا المكان وليش جابني لهنا اجيت افتح باب السيارة بس مقفوله بقيت اباوع بتمعن والقلق موتني واني كل دقيقه فكره تطفر بعقلي، مره اگول تركني وراح ومره اگول راح يدز واحد يقتلني، من كثر التوتر اللي اني بيه حسيت نفسي بردت يمكن ارتفعت حرارتي بقيت اردد آيات قرآنيه وخاصتاً هاي الأيه ( الا بذكر الله تطمأن القلوب) ارتاحيت شويه واخذت نفس بقيت اباوع للطريق شويه وسمعت صوت الباب ينفتح التفتت ناحيته شفته هو وبأيدة بطل مي گعد على الكشن وسد الباب واني عطت بيه بدون مقدمات: اكو شخص عاقل يسوي اللي سويته شلون تعوفني وحدي بمكان غريب وتنزل هااا؟!

التفتلي وكان شكله غريب الحزن مخيم على وجه وعيونه حمر دم الواضح عليه التعب من شفت هيج حالته قررت اسكت وما ازيدها عليه وماعرف شلون طلعت من عندي هاي الكلمات: اسفه مجان قصدي شي بس لأن فتحت عيوني واني وحدي خفت مو أكثر.

حركلي راسه بمعنى مو مشكله انتبهت لنفسي شنو حجيت غميت نفسي بداخلي على هيج غباء شنو الداعي حتى اعتذر هو الغلطان مو أني.

استمر ايسوق والهدوء سيد الموقف فقط اصوات انفاسه واضحه امبين منزعج جداً بس ياترى شنو صار وخلا ينگلب هيج بهاي السرعه؟!

بقيت صافنه على حركه السيارات، اباوعلها و بداخلي اصنع قصه خيالية لكل شخص يمر من يمي، مو الجميع سعداء ولا كل غني مرتاح، كذبه جبيره الفلوس تجلب السعادة كانت حياتي كلش بسيطة بس مجنت اتمنى يومي يخلص، الأبتسامه متفارق وجهي والراحه النفسيه ملازمتني بكل وقت على عكس هسه ماعرف شنو راح يصير ويايه و القدر شنو ضاملي، هم يجي يوم وأرجع بيه لحياتي الطبيعية وتصير هاي المغامرة مجرد ذكرى تمر على بالي بوقت النوم؟

صحيت من صفنتي على توقفه كدام مطعم نزل من عنده وک العادة قفل السيارة وتركني وحدي دقايق ورجع بأيدة علاگه خلاها بالمقعد الخلفي ورجع لمكانه و استمر ايسوق فتره قصيرة او وكف السيارة كدام بيت طابقين، شكله طبيعي مثل باقي البيوت، بقيت صافنه عليه محسيت اله وهو يحجي ويايه.

هَيْصَم: مراح تنامين اهنا صح؟

فيروز: هااا.

هَيْصَم: انزلي وصلنه.

فيروز: شنو هذا المكان؟

هَيْصَم: البيت اللي راح تبقين بيه فتره من الوقت حتى نلگي حل ثاني.

فيروز: وحدي؟

هَيْصَم: خلال هاي اليومين راح اكون متواجد بعدها اشوف شلون نحلها لتفكرين لبعدين عيشي اللحظة لَّباءَة.

نزلت وهو اجه بصفي لزم أيدي وفتح باب البيت اول مفتت شجرة ذابله صارت بوجهي، التراب مالي المكان الواضح هذا المكان مهجور قبل ما اسأل گال هو جمله شرحتلي كل شي.

هَيْصَم: عدم وجود الأهل ماكو طعم للذكريات مو صح لَّباءَة؟

فيروز: ومع ذلك حابه احس بوجودهم حواليه هذا الشي يحسسني بالأمان والراحه.

هَيْصَم: ماكو راحه بمكان تمليه صور اشخاص فقدناهم واحنه بأمس الحاجه الهم، انو تحسين بوجود شخص يحضنج فرق شاسع بين هذا الشخص من يحضنج بالواقع، الذكريات هي مجرد سموم مؤقته تنخر بخلايا الجسم بطريقة بطيئه وتخليج تتعذبين بشكل مأساوي وكلما تفكرين وصلت النهاية تصدمج الحياة انو بعدنا بداية الطريق.

فيروز: اذا رب العالمين قرر احنه شنو بأيدنه نسوي؟

هَيْصَم: وهنا تُسكب العبرات، متعرفين تزعلين لو تشكرين لو تصبرين، الفقدان مشابهه للسرطان ينتشر بجسمج ويخليج بعذاب مستمر ما اله حل ابد.

فيروز: لكن للسرطان علاج ورب العالمين ميترك احد وحدة يسير بدروب الحياة لازم يدز شخص يكون اله سند وينسيه كل حزنه ويغيره لفرح و سعادة.

هَيْصَم: متفائله هوايه.

فيروز: بأصعب الظروف متركني وحدي هو ايضاً مراح يتركك، مخلقنه حتى يعذبنه وهو اقرب الينا من حبل الوريد.

هَيْصَم: ندخل؟

فيروز: البيت بيتك واني ضيفه.

دخلنه جوه، الأثاث كله مغطيه بنايلون اقترب من عنده وسحبه كله انتبهت على أيدة تنزف وهو غير مهتم اقتربت من عنده بسرعة وصحت بيه: هَيْصَمم.

باوعلي برفعة حاجب: ايدك تنزف عندك اسعافات؟

هَيْصَم: موجوده بالجنطه هسه اجيبها وي الأكل.

طلع اشويه ورجع بأيدة الأسعافات والأكل اخذته من عنده وخليته على القنفه على رغم البيت مليان تراب وبيوت عنكبوت وغبره وقذر الى درجة بس مع ذلك لازم اتحمل هذا الوضع حتى اعقم جرحه وابلش انظف حتى لو اني تعبانه على الأقل الصاله تصير نظيفه ونگدر نگعد بيها، سحبت الأسعافات من عنده وهو نزع القميص واني عطت بيه:

سوالف مهند التركي بطلهااا.

هَيْصَم: مراح تعقمين فوگ القميص للضرورة احكام مو هذا معتقدج؟

فيروز: انشوف شنو نهايتها وياك سيد افندي.

هَيْصَم: كل خير ان شاء الله.

اتذكرت الصبح من شفت اكو دم بأيدي من جان لازمني الضاهر أيدة نازفه واني طخيت بيها لذلك تلطخت بس ليش نسيت اكله ولو هو اصلاً مجان الوضع يسمح بعد كل اللي صار، هسه صار جاف على البلاستر ونازف مره ثانيه بس مو حيل هوايه، رفعت راسي صارت عيني بعينه ارتبكت وتوترت من هذا القرب بس حاولت اسيطر على نفسي واقطع هذا التأمل: شلون اگدر افتحه الدم متخثر على الجرح؟

جاوبني وهو يهمس قريب وجهي.

هَيْصَم: مثل مسويت أني من نزفتي.

: جاوبته بنفس النبرة: وانت شنو سويت؟

هَيْصَم: رفعت قميصج وصبيت كل علبه المعقم على الجرح حتى اگدر افتح البلاستر وميتأذة الخياط.

فيروز:تتأذة.

هَيْصَم: فدوة، المهم انتِ بخير لَّباءَة.

نبرته تغيرت و اقترب من عندي اكثر عيونه تعبث بملامحي براحتها مره يناظر عيوني ومره ينزلهم لشفايفي عرفت شنو نيته سحبت العلبه مالت المعقم وفتحتها وهو بعده صافن ماتحرك واني هم حاولت ابقى بنفس الوضعيه حتى ما أشتت انتباهه كبيتها على ايدة وهو عقد حاجبه بألم فتحت البلاستر وغيرته وكمت من مكاني حاولت ارتب المكان گد ما اگدر وصار شويه افضل بعد مشلت النايلون وطلعته بره وشغلت الأضويه سألته و الفضول يقره الف:

البيت الواضح عليه مهجور ليش الكهربائيات تشتغل بشكل جيد؟

هَيْصَم: لأن مرات اجي لهذا المكان لذلك احافظ على الكهربائيات سليمه.

فيروز: تجي لهذا المكان وهو هيج؟!

هَيْصَم: طالع عندي شي مهم ساعتين وارجع انتبهي لنفسج وها الباب راح ينقفل والمدينه غريبه و الناس مو أمينه لتسوين حركات بطوليه واضح.

: تركني وطلع، اني ميته جوع فتحت العلاگه وطلعت لفه گص مشتري اربعه مع بطالة مي اكلت لفه وشربت مي ونمت على القنفه من يرجع اسأله عن ادوات التنظيف حتى انظف المكان هسه تعبانه كلش، دخلت بالنوم بسرعه ومحسيت الا على صوت حركه بالبيت فتحت عيوني الكهرباء مطفيه وما اشوف شي وحتى السماء الليلة بلا قمر، خفت حيل والرعب دب بجسمي واني اسمع هذا الصوت يقترب أكثر..

يتبع..

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

تصبحون على الف خير.

لأي شي يخص القصه تعالوا يمي انستا..

للتواصل انستا zahraaahmedn99

اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.

شاركوا القصه حتى تكبر عائلتنه ونستمتع وي الهَيْصَم مع بعض.

_________

وكيفَ أُخفيكِ والأشعارُ تفضَحُني ولوعةُ الحبِّ، والأشواقُ، والصُّور؟

هَيْصَم

( الكاتبة زهراء احمد )

بقى الخوف ياكل بگلبي حسيت نفسي مثل المصاب بالشلل رجليه متگدر تحملني اكثر، وگعت على الكاع، اصوات الخطوات اقتربت وريحه جگاير وصلتني دقايق او يمكن ثواني ماعرف بالضبط صارت انفاسه تلفح بوجهي، جسمي رجف لدرجة حسيت اعظامي يتضاربون مع بعض، عرفته مو هَيْصَم لكن منو هذا اللي يتجرء ويدخل بيته بهاي الطريقة الأجراميه، عرفت معنى كلامه وشكد هو صح هم، لعد شگد جنت ظالمته اني، بلعت ريگي وهذا الشخص بقى بمكانه حسيته يباوعلي على رغم اني ما اشوف شي بسبب الكهرباء شجعت نفسي وحجيت بصوت متوتر: انت منو وشنو تريد من عندي؟

التزم الصمت ومحجه شي، فجأة خطر على بالي اللي خطفني جحظت عيوني واني اتخيل راح يحاول ايسويها مرة ثانية وخاصتاً الوضع يسمح كون محد موجود غيري،

اهنا حاولت اقوي نفسي اكثر ولو اللي اني بيه يعدم الطاقة بالكامل مع ذلك قويت نفسي ورجعت ليوره بس أيدة لزمتني من أيدي وسحبتني من عدها رجعني لنفس المكان انفاسه اللي ممزوجة بريحة جگاير تضرب بوجهي اتسارعت نبضات گلبي بالتزامن مع أيدة اللي مررها على وجنتي بهدوء صعوداً ونزولاً، الواضح جان لابس كفوف لأن حسيت بيهم، ثبت اصبعين الأبهام والسبابه تحت فكي ورفع راسي من عدهم اني ما اشوف شي غير النار الضاهره من جگارته بس هو امبين يشوفني بوضوح اشلون ماعرف،

سمعت الباب انضرب هو كام من مكانه وصارت الخطوات تبتعد دقايق واشتغلت الكهرباء، اني بقيت نفس مكاني واتنفس بسرعة لو مو الباب هسه اني شنو صار بيه؟

اذاً صدگ حياتي مهدده بالخطر وعلى رغم حمايته اليه لكن بقوا يحلاقوني زين اريد احد يشرحلي السبب مو والله راح انجن، كمت من مكاني وحاولت ادور على الموبايل اتذكرت إني مخليته بجيب البنطلون طلعته وحاولت اتصل بيه شفتها الساعة عشرة يعني صار اكثر من اربع ساعات هو مختفي، اتصلت بيه اكثر من مره موبايله مغلق لو خارج نطاق التغطيه بقيت اكل بنفسي معقولة صار بيه شي؟ اتصوب لو قتلوه، يا الله نخر عقلي التفكير واني وحدي بمنطقة غريبة وبيت مهجور من منو اطلب المساعدة واني اصلاً ماعرف احد، قويت نفسي ببعض الكلمات وبقيت اقرأ الأدعيه والأيات القرآنيه الحافظتها خطرت على بالي احد الأحاديث من الأئمة عليهم السلام اللي يقرأ خمس مرات آية الكرسي يكون بحفظ رب العالمين قريتها وقريت القلاقل الأربعة ( التوحيد ، الفلق ، الناس ، الكافرون) كملتهم ورجعت اقرأ التوحيد بقيت اكرر بيها وليلتها جفاني النوم ورجعت همات اتصلت بيه مع ذلك ميرد بجيت بحرگة گلب يعني شنو السبب ليش يصير ويايه هيج خلصت عمري كافيه الناس خيري شري ذنبي الوحيد مو محجبه معقولة رب العالمين ديعاقبني لهذا السبب؟

لا مستحيل هو ارحم من انو يعذب وحدة يتيمه وحيدة وما عندها احد يساعدها، رجعت گعدت على القنفه وعقلي يفكر بيه وين هو هسه وشنو يسوي، يارب تحفظة وتبعد عنه كل شر، بقيت ادعيله داخلي حماني وخلاني بيته غلطته الوحيده هو اللي صار البارحه مع ذلك اتحمل عناء نقلي لهذا المكان و خطورة الوضع اللي تحمله، مجان مجبر يسوي ويايه هيج بهذا اليوم حسيت بقيمته واهميته بحياتي لو واحد غيره مسوه اللي سواه، صحيح واجب الجندي حماية المواطن لكن مو واجبه ابداً ايضحي بحياته ويخاطر علمودي، كبر بعيني حيل وتغيرت نظرتي اله، بقيت للصبح بدون نوم والأفكار مفارقتني، شفتها الساعة سته وبعده مجاوب على مكالماتي اتأكدت وحساس قوي داخلي صار وياه شي لأن هو كلي ساعتين ويرجع، خلص اليوم واني على نفس الوضع أكلت بس نص لفه وشربت بطل مي حتى اسند نفسي والا شهيتي نعدمت بعد الصار، رجعت مشاعر الخوف سرت بداخلي من غابت الشمس،

عقلي يعيشني بأجواء البارحة فكره عابره اخذتني وهدت حيلي بالكامل ممكن يرجع نفس الشخص مرة ثانية اليوم واللي مگدر يسويه امس يسوي اليوم، ياربي شنو الحل التفكير راح يخبلني، ثواني، دقايق ، ساعات، مرن سنين عليه وصارت الساعة عشرة وبعده ماكو اي خبر عن هَيْصَم، نزلت دموعي والفكرة الوحيدة اللي احتلت عقلي هو انقتل لأن ما معقولة يعوفني وحدي كل هذا الوقت ويعرف اني ماعرف شي عن هاي المنطقة،

ومن بين افكاري ودموعي سمعت صوت القفل انفتح گلبي صار برجليه دخل بطوله الفارع اني شفته كدامي واگف على طوله، سالم مابيه شي، مشاعر جياشه داعبت گلبي و رجليه اخذتني غصب عني ركضت ورتميت بحضنه مثل طفله صغيرة غاب عنها ابوها ورجعوا التقوا مرة ثانية، شديت على حضنه اكثر وخليت راسي بصدره حسيت على ايدة من خلاها على شعري والأيد الثانية قربها من وجهي ومسح دموعي مجانت اكو كلمات بداخلي اگدر اعبر بيها عن سعادتي والراحه والطمأنينه اللي حسيتهم بهاي اللحظة، الأمان واني بين احضانه شعور لايعبر عنه الكلام، ابتعدت ومسحت دموعي رفعت راسي والتقت اعيونه مع بعضها، وقبل ما انطق اي كلمه گال.

هَيْصَم: اعتذر على تركج وحيدة بأول يوم الج بهذا المكان لكن عمل ضروري منعني ارجع.

فيروز: مع ذلك متخسر شي لو اتصلت وكتلي، مفكرت شنو ممكن يصير بيه بمنطقة غريبة وبيت مهجور يمكن انقتل او حتى انخطف بدون علم أحد لهاي الدرجه متهتم بيه انت؟!

رفع حاجبه اليه وگال وهو يمشي بأتجاة القنفه.

هَيْصَم: مو كأن عتابج غريب نوعاً ما.

فيروز: من اللي صار ويايه طبعاً والا ليش حتى اطالب بوجودك يمي؟

هَيْصَم: اهدأي وسولفيلي شنو صار وياج؟

فيروز: البارحه بالليل، بلعت ريگي واني اتذكر الأحداث مجرد رجوعهم لمخيلتي يصيبني بقشعريرة قاطعني من گال.

هَيْصَم: لَّباءَة انطقي مراح اسحب من عندج الكلام احجي شنو صار وياج بغيابي؟

فيروز: فتحت عيوني و الكهرباء طافيه صار صوت كمت من مكاني حتى اشوف شنو الموضوع لكن من اقترب من عندي خفت حيل ومگدرت اوگف وكعت على الكاع فجأة اقترب من عندي و انفاسه ضربت بوجهي سوه حركات غريبة وعلى رغم ماكو اضويه بالبيت مع ذلك ماعرف اشلون جان يشوفني بوضوح.

هَيْصَم: لتصفنين كملي.

فيروز: صار صوت بالباب اعتقد من الهوه او اي شي ثاني تركني وطلع بعدها اشتغلت الأضويه وتصلت بيك اكثر من مره وجهازك مغلق.

هَيْصَم: يعني اتجرأ يدخل لبيتي ويعتدي على ضيفتي بكل وقاحه هذا الحقير محتاج درس من الهَيْصَم حتى ميفكر يعيد فعلته، عهد عليه اخليه يكره جنس حواء بالكامل ويقاطعهن.

فيروز: وهسه شنو انسوي خايفه حيل لينعاد الموضوع وانخطف مره ثانيه.

هَيْصَم: راح نبقى اهنا كم يوم حتى يهدئ الوضع ببغداد و نرجع.

اقتربت من عنده وگعدت على نفس القنفه تفصلنه مسافه قليله باوعتله وحجيت لأن عقلي راح ينفجر لازم اعرف المضموم عني شنو وليش اني وصلت لهذا الوضع الغريب: احجيلي السبب، ليش حياتي مهدده بالخطر او أبويه اله ايد بالموضوع؟

رفع طرف شفته بأبتسامه وگال.

هَيْصَم: معجبج كونان غيرتي لشارلوك هولمز؟

فيروز: لتستهزء وجاوبني لأن التفكير راح يموتني من صدگ.

هَيْصَم: التفكير افضل من الصدمه خايف عليج اني.

فيروز: موافقة حتى لو اموت بعد ما اسمع مو مشكلة عادي، بس احجيلي ليش اني اهنا وشنو السبب اللي يخليك تنقذني.

هَيْصَم: ابتدت من ثلاث اشهر بيوم مشمس الساعة ثنتين اجاني رجال للمركز جان يلهث وكأنَ جان يركض، انطيته كاست مي شربها بسرعة، عطشان وتعبان ملامح الكبر واضحه على وجناته المتجعدة، كعد على الكرسي حجالي اللي بداخله ودموعه تنزل، 15 سنه خدمه هاي اول مره اشوف الشجاعه بعيون شخص الموت يطرق ابوابه اعترف بكل شي يعرفه مترك شي وهو جان واثق جداً بعد هذا الكلام ايامه تكون معدودة لكن هو اختار وطنه مسمح للأرهاب والمجرمين يستغلون الشباب، مافكر بمصيره وضحه بحياته وانتِ جنتي امانتة لَّباءَة،

و محبيت ايصير بيج نفس الشي كون المعلومات اللي يمتلكها يبحثون عنها وانتِ الوحيدة الموجودة بالعائلة وبأعتقادهم كونج الوريثه الشرعية ممكن ياخذوهن من عندج، لحسن الحظ مو نيتهم قتل لأن احد اعضائهم المهمين واقع بغرامج لكن تعتبر هاي النقطة سوء حظ همات، لأن هو معمي على عينه لدرجة مستعد يقتل او ينقتل لخاطر يحصل عليج، فأحتمال جبير يستخدموج وسيلة تهديد حتى يضغطون عليه، لهذا انتِ بحماية الهَيْصَم لخاطر ذيج الشيبات والعيون اللي تحاوطها التجاعيد وذلك الجسم اللي انحنى بسبب التعب، محبيت افرط بيج علموده.

نزلت دمعه من عيني تبعتها الثانية والثالثة كلامه عادني لذلك اليوم وشلون جان مرمي على الكاع و الشمس تضرب جسمه، بجيت من اعماقي وصوت شهگاتي عله خليت راسي بين أدية وتهسترت حيل شلون تحمل من لفو على رگبته الحبل والله جان انسان بريئ وبعمره مأذه نمله خلص عمره يساعد الناس ومات بدون ذنب ليش هيج ماعندي حظ بالدنيا اول شي ماما وبعدين بابا منو الشخص اللي راح يتركني همات؟

حسيت ايد نحطت على كتفي فزيت ورفعت راسي اله باوعلي بنظرة غريبه بعدين اخذ نفس وگال.

هَيْصَم: صدگتي كلامي؟

سألته بتفاجئ: ليش جنت تكذب؟

هَيْصَم: شگد تنطيني من عشره على ابداعي؟

فيروز: شنو قصدك مفهمت؟

كام من مكانه وكمل كلامه.

هَيْصَم: شنو رأيج اترك العمل بالسلك العسكري واصير كاتب؟ الواضح اني مؤلف جيد للقصص وهذا العمل مبيه خطورة صحيح؟

فيروز: لتلعب بأعصابي هَيْصَم بهاي الطريقة، اني مو طفله حتى تضحك عليها بهيج اشياء.

هَيْصَم: بشنو ضحكت عليج؟!

فيروز: مجانت نبرتك ادل على انك اتألف كلمات ولنظراتك همات فشنو الداعي حتى تغير اقوالك؟

هَيْصَم: اذا انت مقتنعه بكلماتي فهاي مشكلتج حليها لدخليني بتحقيقاتج لَّباءَة.

فيروز: ليش اختارك انت مو شخص ثاني شلون عرف راح اتكون أمين وتلقي القبض على المتهمين وتساعدة، ليش أبوية وثق بيك هَيْصَم؟!

هَيْصَم: مجانت تربطني بيه علاقه حب حتى اسأله ليش ختاريتني من كل الضباط اعذريني والله.

فيروز: لتحجي ويايه برودة دم دا اسأل جد أني، بالأضافة شلون عرف معلومات عن المجرمين وهو من الشغل للبيت و العكس وحتى مجان عنده اصدقاء هوايه ولا من الناس اللي يطلعون للگهوة جاوب على اسألتي لتخليني بنص المتاهه وتسكت.

هَيْصَم: مو واجبي اجاوب، اللي ردتي تعرفيه كتلج بيه اما الباقي اشياء تخص المركز مو من حقي انطيج اي معلومه بالأضافه لتنسين على رغم حمياتي الج دخلوا للبيت اللي انتِ بيه ومخافوا من شي هذا يعني يگدرون يخطفوج بأي لحظه وتحت التعذيب راح تحجين كل المعلومات اللي انطيتها الج وقتها دماء ابوج وشغلي يروح على الفاضي وشنو مجان السبب مستحيل اسمح يصير هيج شي، انطيت هوايه شهداء علمود هاي العملية، وصار سنين اجمع ادله واستعد بكل قوتي وعناصري الأكفاء حتى القي القبض عليهم متلبسين تردين لخاطر فضولج اضحي بكل هذا؟!

فيروز: مگتلك انطيني اسرار الدوله، كل اللي ردت اعرفه ابويه شنو وصله لهاي العمليه ليش حتى رجال فقير يدخل بقضيه تخص الدوله والشرطه من وين جاب معلومات بسببها صرت يتيمه بدون مأوى؟!

هَيْصَم: اهدأي لتعصبين مو زين.

فيروز: هذا اللي الله گدرك عليه اهدأي؟!

ما اريد اهدئ اريد اعرف الحقيقه كامله من عندك واليوم لازم تجاوب على كل اسألتي.

هَيْصَم: ما اگدر افهمي موقفي ولتصرين عليه.

فيروز: مطلوب الكم، يعني هو شخص مجرم اتعامل وياهم وبعدين ندم وحب يكفر عن اخطاءة لذلك اجه وكلك صح؟

لو شنووو فهمني من وين جاب هيج معلومات خطيره؟!

هَيْصَم: طلعت مخيلتج الواسعه مو مخيلتي ليش متألفين كتب؟!

فيروز: اني ممعصبني غير برودة الأعصاب اللي عندك مد شوف شلون گلبي محترگ ليش تعاملني بهاي الطريقة وكأني قاتله واحد من عائلتك؟

هَيْصَم: اللي عرفتيه هو الشي الوحيد الأگدر احجي الج اكثر من هيج لو تشنقين نفسج مراح تاخذين من عندي حرف واحد، شلون، ليش، شنو السبب، هاي الأسئلة الها جواب لكن مو بالوقت الحالي فقط شي واحد اگدر اكلج بيه جان طلب من ابوج ويكون اهنا حققت امنيته الأخيرة.

فيروز: احجي لتوترني أكثر شنو اللي عافه اليه؟

هَيْصَم: عندج خاله، الأخت الوحيدة الأمج الله يرحمها وصاني ادور عنها، جنت حاب اتركها مفاجأة حتى اعرف مكانها وين بس شفت الوضع هسه مناسب لهيج موضوع حتى يخف حزنج بمعرفه وحدة تحمل ريحه الوالدة موجودة وتكدرين تشوفيها، وها لتسأليني ليش معرفتيها سابقاً لأن هم مراح اجاوب.

فيروز: انت منو هَيْصَم؟

هَيْصَم: النقيب هَيْصَم المسؤول عن حماية ابناء بلدي وانتِ وحدة من عدهم، احد الجنود اللي يخلي روحه على راحة ايدة ويدخل للمعركه، ميفكر بأم دموعها هي عزائها الوحيد عليه ولا اخت تشك ثوبها من تسمع بخبر وفاته، ماعندي احد أو يمكن اني تخليت عن الجميع واللي برفقتي الأن هم اصدقاء الأسد وقبيلته، وعلى قمة الجبل اقف وانظر لأعدائي واني اتوعد للأنتقام من عدهم واحد واحد واهدي انتصاري لأبناء هذا الوطن، هدفي هو توصيلهم لحبل الأعدام وفقط بهاي الحاله احقق مرادي بالأنتقام.

فيروز: واني ليش دخلت ضمن هذا المخطط؟

هَيْصَم: قدرج هيج كتب ومن يقرر رب الكائنات اني وانتِ ماعدنه رأي.

: تركني وحدي وصعد فوگ رجعت ابجي مرة ثانية شوكت يخلص هذا الكابوس وترجع حياتي الطبيعية.

لائِث: الو سيدي.

هَيْصَم: شنو صار لائِث؟

لائِث: طلعت من العناية لكن دكتورك يزعجنه هوايه بأسئلته احجي وياه.

هَيْصَم: تمام انطي الموبايل.

أرفد: شنو هذا هَيْصَم ليش اتسوي هيج انتَ؟!

هَيْصَم: سوي اللي لازم تسويه هَيْصَم ما لازم يطلع من المستشفى قبل ميمر اسبوع فاهم؟

أرفد: اني اشوف الجميع ماعدا هذا هَيْصَم ليش ما اشوفه؟!

هَيْصَم: أرفد تعرف اني اثق بيك صح؟

أرفد: ومنو مطيح حظ أرفد غير هاي الثقه، مرات اتمنى اني مو دكتور حتى ما ادخل بخططك الغريبه.

هَيْصَم: ميحتاج تتمنى الأمنيات لاتتحقق، بالعادة احنه نخطط ونفذ وغيرنه يوگع بيها هذا قانون الإِسود.

أرفد: صحيح اللي موجود بأسمك منو هذا؟

هَيْصَم: شخص موثوق مستعد ينطي دمه لخاطري.

أرفد: هوايه اشخاص يردون يضحون علمودك شنو الموضوع؟!

هَيْصَم: من تصير مكان الهَيْصَم تعرف الجواب.

أرفد: خليني بقلوب الناس ما اريد اكون بمكان شخص ثاني غير نفسي.

هَيْصَم: لائِث.

لائِث: سيدي.

هَيْصَم: حليتوا الموضوع؟

لائِث: اللي هجموا على البيت خمس اشخاص تم اعتقالهم جميعاً وهسه همَ بالتحقيق بتهمه الأعتداء على النقيب هَيْصَم، كل الأدلة تثبت جريمتهم لذلك صعب يطلعون قبل مترجع عافيتك.

هَيْصَم: و البيت؟

لائِث: بحثنه البارحه ملگينه شي مهم.

هَيْصَم: المعلومات اللي يمتلكهم وين لعد؟

لائِث: ممكن تركهم بحساب بالبنك؟

هَيْصَم: وبهاي الحاله لازم اكو دليل يوصلنه الهم خليني ارجع واشوف شنو لازم نسوي.

لائِث: تعرف منو صار مدير مؤقت حتى تتعافى؟

هَيْصَم: منو؟

لائِث: حبيبك.

هَيْصَم: خلي يستمتع بيها مصيرها اليه محد يگدر ياخذ مكان الأسد ومع الوقت يتأكد بنفسه.

لائِث: وانت شنو سويت؟

هَيْصَم: اللي اجيت علمودة.

لائِث: وهي؟

هَيْصَم: البارحه لّهيم زارها بالبيت وهي خايفة لدرجة مراح تفكر تهرب من عندي.

لائِث: اتمنى اشوفه وجه لوجه.

هَيْصَم: شنو تريد تسويله؟

لائِث: ابوس جبينه ساعدنه بدون ميعرف.

هَيْصَم: هو ميشكل خطر عليها ميريد ايضرها لذلك اجه وشافها خلسه.

لائِث: شلون سمحت بهذا الشي؟!

هَيْصَم: لتتغابه انت تعرف اني وين جنت لتسوي نفسك غشيم.

لائِث: الأفضل تمنعه يجي للبيت احسن متتراقب هاي المره من صدگ وتنگلب لعبتنه ضدنه.

هَيْصَم: مو من السهوله يگدرون يفكون الشيفره وبدون أذني الهوه ميمر من عدها ما بالك ب لّهيم.

لائِث: انتبه لنفسك سيدي واحنه بأنتظار طلتك البهيه تنور المركز.

هَيْصَم: مجرد اسبوع وكل واحد يرجع لمكانه المناسب خليك متحمل عزيزي.

لائِث: ما احبه مو بأيدي.

هَيْصَم: اتخيل اشلون يسلمني المنصب من ارجع هذا المشهد خليه يكون دافع قوي للأنتظار.

لائِث: تعرف شنو اول أمر النه؟

هَيْصَم: فكك الفريق، وغيره.

لائِث: خله عاصم رئيس الفريق الجديد حتى يبدون بالعملية على اساس احنه مگدرنه انقدم شي لهذا الوقت لذلك عملنه مجاب نتيجة، بعد كل هاي السنين يتخلون عن جنود فدائين مثلنه وكل هذا التعب يروح هباءً منثورا.

هَيْصَم: على حزنك الحالي محضرلهم مفاجأة اتخليهم ميعرفون يفرقون بين السجود والركوع وهذا وعد من عندي.

لائِث: حسيت نفسي مرتك على هذا قلقك هَيْصَومي تره اني حيل مشتاق ياويلك تتأخر فاهم.

هَيْصَم: ملت زايد هيج الحماس يسوي بالأنسان؟!

لائِث: ليش شنو بيه ومعجبت حضرتك؟!

هَيْصَم: تعرف ما اگدر اتجاوز اخلاقي متسمحلي.

لائِث: ماميتك متسمحلك افهم يروحي.

هَيْصَم: عندما يتحيمر الأنسان هاي العوارض اتحب اهينك حبيبي؟!

لائِث: آخر كلمه ذكرتني بواحد كلش اعزه.

هَيْصَم: اي اعرفك تعزة حيل.

لائِث: يلا حبيبي بوسلي نفسك هوايه ولتنسه العرين بأنتظار مالكه.

هَيْصَم: من انثى لرجل انت الوحيد اللي يگدر يلعب الدورين.

لائِث: اعجبك بجميع حالاتي.

: گاعدة و افكاري اخذتني لأيامي وي بابا اتذكرت آخر أيامه تغير هوايه وصار يصفن بكثره ومن اسأله يطلع حجج، ينام من وقت ويطلع الصبح كلش، معقولة منتبهت على التغيير، جان يتعرض للتهديد لو اكو سر اكبر من هذا؟

مستحيل بما انو الموضوع يخص بابا مراح اسكت لازم ابحث عن أجوبه لأسئلتي بأي وسيله، صحاني من تفكيري صوته رفعت راسي شفته ينزل على الدرج وهو يگول.

هَيْصَم: شنو رأيج أنظف البيت بما انو راح نبقى اهنا كم يوم ميصير نعيش وسط هاي القذارة اشغال نفسج بعمل ما ينطي للمخ راحه بعدها تگدرين تفكرين بطريقة افضل.

فيروز: تركتني بمكان ما اگدر ارجع من عنده وتريد من عندي ما افكر واريح مخي؟!

هَيْصَم: متركتج على الحدود السوريه هي كم كلمه حتى ارضي فضولج واني كتلج سابقاً وعقدنه اتفاق انتِ متگدرين تسمعين شي بخصوص انقاذي الج شنو سببه، مع ذلك اصريتي ودگيتي رجل هذا الفضول الزايد عن حده ينقلب ضده، هاي قاعدة وانتِ مقبلتي تقتنعين بيها.

فيروز: لو اني مأصريت عليك مجنت حجيت شي صحيح؟

هَيْصَم: اني انسان مليان اسرار ماكو مشكله اذا انضاف سر الى الأسرار البقيه.

فيروز: انت قررت تحجيلي من وحدك، صح؟

هَيْصَم: برأيج اني من الأشخاص اللي تحكمني الظروف لو اني اللي احكمها؟

رفعت حاجبي: وضح.

هَيْصَم: قوانين هاي اللعبه اني اللي اتحكم بيها، كل شي يصير او حيصير ماممكن ميكون اليه أيد بيه سواء بشكل ضاهر ام خفي وضحت الفكرة؟

فيروز: السبب؟

هَيْصَم: احتفظ بالأجابه لنفسي وهسه يلا كومي ويايه عندي رغبه انظف البيت.

فيروز: مراح انظف سوي اللي يعجبك البيت بيتك وانت نظفه مثل متحب اذا ناسي حابه اذكرك حضرتك منعتني ادخل بشي ميخصني واني مجرد ضيفه.

هَيْصَم: بما انو ذكرتيني انتِ ضيفتي الواضح اني مو كريم ابداً خليت ضيفتي تجوع شنو حابه تاكلين؟

كمت من مكاني بعصبيه وصرت مقابيله رفع حاجبه وباوعلي بترقب يريد يعرف شنو اسوي خليت عيني بعينه وحجيت بغضب بسبب اسلوبه أو يمكن بسبب السر اليخص بابا الله يرحمه وميقبل يحجيلي عنه هوايه اسباب، من التراكمات نفجرت بوجهه واني بداخلي عكس الرأي تماماً: منحط ،حقير ،سافل، انسان عديم مشاعر وغير محترم ماعندك ذرة انسانية وقليل اصل اكرررهك.

ختمت كلامي وبقيت منتظره ردت فعله الغريب بالموضوع بقى يتمعن بعيوني ثواني ومحسيت اله وساحبني من ايدي طلعني من البيت واني منطقت ولا كلمه الخوف سره بداخلي بالتزامن مع الصور اللي رسمها عقلي اليه ترك ايدي صرت مقابيله وخلفي الباب تماماً يحجي ويايه بعصبيه ونبرة غضب.

هَيْصَم: خلص، اني بعد ما اگدر اتحمل اعنادج واسلوبج الغير محترم اتعامليني وكأني اصغر اطفالج، من هذا اليوم وهاي الدقيقة اني رفعت ايدي عنج ما ألي علاقه بأي شي يصير وياج تگدرين تطلعين من هذا البيت وتبتعدين عن انسان حقير ومنحط مثلي وشخص عديم الأنسانيه وغير محترم، ممجبرة تخلصين وقتج وي انسان مثلي.

حجيت بنفس نبرته: لتفكر تصرفك هذا يخليني اخاف وارتعد من حضرتك بالعكس تماماً اتربيت على القوة والمواجهه بالأضافة اني مطلبت من عندك تخليني يمك لتبرر تصرفاتك وتحملني نتائج قراراتك وقبل متفكر تطردني من البيت رجعني من وين مجبتني اذا انت ماعندك غيره ومتخاف شنو يصير بيه وخاصه بهيج وقت من الليل اني انسانه اخاف على نفسي.

: لزمني من ايدي وسحبني اله بقوة ضربت بصدره عطرة دخل لأنفي رفع راسي بأدية ويحجي بغضب وعيونه حمر من العصبيه.

هَيْصَم: اذا عدتي هاي الكلمه مرة ثانيه ثقي اسوي شي وياج اثبتلج شلون يكون الهَيْصَم بلا غيره، على رغم معرفتج بالحقيقه وصار عندج علم ليش انتِ اهنا هسه بالأضافة الى مخاطرتي بجيتج لهذا المكان وتركت كل اعمالي ببغداد بس حتى احافظ على سلامتج بشنو قابلتيني؟

سبيتي گلت مو مشكله بعدها مصدومه وحبت تعبر عن غضبها سامحها بعدها صغيره ومتفهم لتخلي عقلك وياها لكن توصل وياج تتهميني انسان عديم غيره اهنا واگفه، لو جنت ماعندي غيره محافظت عليج من واحد مجرم، مخاطرت بحياتي حتى انقذج تعرفين لو جنت بلا غيره صدگ شنو اسوي؟

الزمج من ايدج و اخذج الهم مقابل كم مليون مو أكثر يسوون بيج العمايل محد يگدر ينقذج غيري لأن اني الهَيْصَم، صنعت لنفسي قوة ومكانه حتى محد يگدر يقترب من عندي بسهوله لذلك انتِ بأمان او ابوج جان يعرف شنو منتظرة لهذا السبب خلاني انتبه عليج ودور عن اقاربج ولأن الوضع ميسمح تأخير او تهاون خليتج يمي وبعد كل هذا اطلع انسان عديم غيره مو هيج ست لَّباءَة؟!

فيروز: لتاخذني بصوتك العالي و لتفكر هذا الأسلوب يخليني ارتعد من عندك واقدم اعتذارات بكل الاحوال اني مجنت اعرف عن اتفاقيتك وياه، هاي اذا جانت اصلاً اكو اتفاقية بينكم، بعدك غامض نفس ما انت وهوايه اسرار محاوطتك بقائي وياك فقط لأن ما اريد اخاطر بحياتي مو اكثر وان طال الزمن لابد يجي يوم ينكشف الغطاء واعرف شنو ضام عني أكثر حضرة النقيب هَيْصَم افندي.

هَيْصَم: سوي اللي يطلع بأيدج، مراح تعرفين غير اللي اريدج تعرفيه تعيشين مثل ما اني اريد حتى نلقي القبض على المتهم ومو لخاطرج كل هذا ولكن لأن قدمت وعد لأبوج ومستحيل اخلف بيه.

فيروز: ليش اختارك انت هذا الشي اللي ميدخل لمخي.

هَيْصَم: اقرأي قبل النوم سورة ( الحديد، الحشر، الجمعة، الأعلى، الصف) بنية تشوفيه واذا حلمتي بيه اسأليه هذا السؤال.

فيروز: تستهزء حضرتك؟

هَيْصَم: ماعندي مزاج حتى استهزء جربيها متخسرين شي.

تركته ودخلت للبيت تبعني وهو يحجي بصوت عالي بهدف يسمعني.

هَيْصَم: سبحان الله اشخاص بدون احساس ينطردون ويرجعون مرة ثانية امرهم غريب.

فيروز: اتحمل عواقب افعالك هَيْصَم افندي.

هَيْصَم: احترمي لَّباءَة مو اصغر اطفالج اني.

فيروز: لتخليني القبك ألقاب ما انزل الله بها من سلطان.

هَيْصَم: مثل هَيْاصَم ، هَيْصَوم ، هَصَمصَم؟

فيروز: مجنت نايم؟!

هَيْصَم: لو نومي ثگيل لهاي الدرجة مشفتيني وصلت للي اني عليه اليوم.

خليت اديه على خصري: حضرتك اذا جنت گاعد ليش مجاوبتني؟

هَيْصَم: حتى اشوف شنو ممكن تسوين اذا مگعدت.

فيروز: شنو اسوي غير ابقى اصيح اسمك حتى تفتح

عيونك.

اتقرب من عندي حيل وصار ميفصلنه غير سانتيمات يحجي بهمس.

هَيْصَم: مثلاً يعجبج شي بوجهي وتقررين تسوين شيء ما.

: ابتعدت عنه صاير كلش سخيف بتصرفاته ويايه وغيرت الموضوع: شنو رأيك انظف؟

هَيْصَم: مو محبيتي الفكره شنو غير رأيج؟!

فيروز: لأن ماكو شي مفيد نسويه خلال اليوم خلي نقضي وقت بالتنظيف افضل.

هَيْصَم: هسه الساعه 12 الصبح اي وقت هذا اللي تقضيه بالتنظيف؟!

فيروز: جانت فكرتك مو فكرتي.

هَيْصَم: روحي نامي باجر الصبح ان شاء الله نطلع نشتري الأحتياجات الناقصه للبيت بالأضافة لشويه ملابس كون راح نبقى اهنا واحنه مأخذنه شي ويانه من انتقلنه لهذا البيت.

فيروز: روح وحدك ما أروح اني.

هَيْصَم: متخافين يصير بيج نفس البارحه وهاي المره تنخطفين من صدگ.

فيروز: تخوفني حضرتك!!

هَيْصَم: ممكن.

فيروز: شنو الفايدة؟

هَيْصَم: لأن تضهر شجاعتج الحقيقية بوقتها، ما احب لَّباءَتي تكون ضعيفه ابداً اريدج تواجيهن الأعداء ببساله مثل الهَيْصَم حتى اكون مطمأن من اترك لبوتي بالعرين.

فيروز: مو كأن ملت زايد نقيب هَيْصَم.

هَيْصَم: اميل على الجانب الماخذ گلبي وين المشكله؟!

فيروز: سيادتك وقعت في حبي؟!

هَيْصَم: بأحلامج مو هَيْصَم اللي يلين گلبه ويحب.

فيروز: افضل اني ما اريدك تحبني.

هَيْصَم: تقلديني لَّباءَة!!

فيروز: اسوي اللي يعجبني حضرة النقيب.

هَيْصَم: بلا نقاش ميجيب نتيجه راح اطلع اشتري شي تاكليه انتِ مماكله شي اليوم.

فيروز: ميحتاج مو جوعانه لتعب نفسك.

هَيْصَم: مو لخاطرج اني هم جوعان حابه تجين لو اروح وحدي؟

ماعرف شنو اجاوبه من شافني منطيت ردة فعل اخذ نفس ودار وجهه حتى يطلع بسرعة رجعت بذاكرتي البارحه ركضت يمه صرت بصفه باوعت بوجهه صارت عيني بعينه شبه ابتسامة انرسمت على شفته طلعنه سوه وصعدنه السيارة.

هَيْصَم: اي ست شنو حابه تاكلين؟

فيروز: اي شي مو مهم هاي اذا لگيت مطعم مفتح هسه.

هَيْصَم: اكو مطعم يفتح اربع وعشرين ساعة.

فيروز: تعرفه؟

هَيْصَم: احد اصدقاء الماضي جنت اكُل يمه مرات.

فيروز: ما اريد انزل خلينه ناكل بالبيت افضل.

هَيْصَم: لهاي الدرجه خايفه؟

فيروز: مو خوف وانما مو حابه ادخل مطعم.

هَيْصَم: لخاطرج ناكل بالبيت مو مشكله.

فيروز: لتكذب انت مردت اصلا ندخل مطعم لكن حجيت هيج حتى متحرجني.

هَيْصَم: تعجبيني من تصيرين ذكيه.

فيروز: اني ذكيه من يوم يومي بس انت متقدر مواهبي.

هَيْصَم: نعيش ونقدرها احنه بيها.

توقف كدام مطعم صغير نزل من عنده وقفل الأبواب جاب اكل ورجعنه للبيت اكلنه مع بعض غسلنه ورجعنه للقنفه الشي الوحيد النظيف بالطابق الأول سكتنه اثنينه لكن هو قاطع هذا الصمت من گال.

هَيْصَم: اصعدي نامي الغرفه اللي على جهة اليسار نظيفه اخذي راحتج اني موجود.

قصده ميحتاج اخاف بوجودة و الصراحه هذا شعوري بقربه ماعرف شنو السبب على رغم الساني وياه يكول العكس، كمت من مكاني وصعدت للغرفه اتذكرت السور القرآنيه اللي كلي بيهم توضيت وقريتهم، الغرفة جان بيها جرباية وحدة مال نفرين صايرة بالنص، وكنتور  بنهاية الغرفة على جهة اليمين، خليت راسي على المخدة ونمت، ما اگدر اوصف المكان لأن ممبين بيه شي مميز بس شفت احد يقترب من عندي لابس بنطلون اسود وقميص نيلي ركزت بوجهه من صار ميفصلنه شي، أبوية، حضنته حيل واني اعبر عن اشتياقي بهذا الحضن مگدرت اسأل او املي عيني بشوفته بعد مفزيت على صوت غريب فتحت عيوني شفت خيال يعكسه القمر من الشباك رجفت اطرافي وبقيت اصيح بصوت عالي: هَيْصَمممم..

يتبع.

تفاعلكم اللي يسوي واهس وتعليقاتكم بين الفقرات وتصويتكم للبارت يحلوين

هذا حسابي على الأنستا ممكن انطيكم تغشوشات اهناك وحتى اجاوب على اسألتكم بخصوص القصص.