تحميل رواية «هَيْصَم» PDF
بقلم Zahraa_Ahmed
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
الكاتبة زهراء احمد ___ سواد، ظُلم نال العِباد ذلك الفارس اعتلى الجواد يُكنى بالأسد قوي الوتد لديه أعداء شرسين أقوياء مجرمين حُقراء وعلى جنبيه إثنين أحدهم يتعامل بالدين والآخر يدعي انهُ مسكين هذه الحرب اقامها طرفان كلامها ليس لديهِ عنوان غموض سرى في جسمان وبين طيات الصفحات نكشف لكم سر سببهُ الملذات اوصل بنا إلى دار الأموات اصوات سيارات الشرطه هي الوحيده المسموعه قريب هذا البيت، دخلوا جميع العناصر والقوا القبض على كل المشبوهين الموجودين جوه، شويه شويه ابتعد الصوت بعد مراحوا للمركز وبدوا تحقيق مع ا...
رواية هَيْصَم الفصل الحادي عشر 11 - بقلم Zahraa_Ahmed
للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
شاركوا القصه حتى تكبر عائلتنه ونستمتع وي الهَيْصَم مع بعض.
هَيْصَم
(الكاتبة زهراء احمد)
_________
ما يجعلني أراهن على إنكِ معجزه ، هو إنكِ الغرق والنجاة في آن واحد .
سمعت فتحت الباب القويه التفتت اله وهو شغل الأضويه شفت نظرة مليانه خوف استغربتها بعيونه التنتقل من وجهي لأخر جسمي اخذ نفس وغمض بقلة صبر وگال.
هَيْصَم: فكرت صار عليج هجوم مسلح اكو شخص عاقل يصيح بهاي الطريقة بهيج وقت متأخر؟!
كمت من مكاني ورحت يمه وگفت مقابيله رفعت أيدي وأشرتله على الشباك اللي يصير قريب من الجربايه وحجيت بتلعثم:
خ.ي.ا.ل.
قاطعني وهو يگول.
هَيْصَم: اخذي نفس شهيق احبسي بداخلج وعدي حتى ثلاثه بعدين زفير بنفس الطريقة يلا.
سويت مثل ميگول حسيت اعصابي هدأت وگدرت اسيطر على خوفي رفعت عيني اله وحجيت بسرعه:
اكو خيال جان يم الشباك لهذا السبب صحتك.
تركني وراح بسرعة يم الشباك فتحه وبقى يعاين يمين وشمال بعدين سده مجان اكو بردة عليه فجان الخيال واضح رجع وگف كدامي وگال.
هَيْصَم: مجان اكو شي غير بزونه شفتها جوه بالحديقه الخلفيه واصلاً ماكو بلكونه يعني اطمأني ماكو احمار يخاطر بحياته بهذا الشكل بس حتى يخوفج ارجعي كملي نومتج ولتخافين بما إني موجود محد يقتحم هذا المكان.
فيروز: متأكد؟
هَيْصَم: مخلفت بكلامي وياج سابقاً.
طلع من الغرفه واني رجعت لفراشي غمضت عيوني غصب وحاولت انام طردت الخوف من داخلي واني أطمأن نفسي بوجوده بصعوبه يلا دخلت للنوم مره ثانيه،
اشعة الشمس اللي تضرب بعيوني من خلال الشباك جبرتني اگعد من نومي ماكو ساعه اشوف بيها الوقت فتحت الموبايل شفتها عشره الصبح طلعت بسرعة ورحت للحمام ايصير مقابل الغرفه و قريب عليها دخلت غسلت وجهي وتوضيت صليت الصبح قضاء ونزلت ادور عليه عبالي موجود بالصاله بس خاب ظني من ملگيته طلعت للحديقه اشوفه هم ملكيته موجود رجعت واني الأفكار تلعب بعقلي وين راح وعافني وحدي بهذا المكان؟
هاي ثاني مره ايسويها بدون ميفكر بيه، لو صار شي وياه؟
رجعت دخلت للبيت وسرقيت الباب حتى اطمأن محد يدخل بدون ماعرف گعدت على القنفه دقايق وسمعت صوت رساله على الموبايل فتحته جانت من عنده.
هَيْصَم: صار عندي شغل ضروري، راح احاول ارجع قبل المغرب لتخافين هاي المره البيت عليه حراسه اشويه وراح يجي شخص ينطيج اكل وبعض المستلزمات خلصي وقت بالتنظيف ومن ارجع نكمل سوا.
من طلع شويه وندك الباب عرفته نفس الشخص اللي حجه عليه، رحت يمه وفتحته او وكفت وراه، دخل شخص ميشبه اللي شفتهم من اجينه، ترك مكناسه ومنظفات وعلبه مربعه عرفتها بيتزا حجم عائلي مفكر بأكلي ليوم كامل، عافهم على الكاع وطلع واصلاً ملتفت ابداً وحتى منطق ولا كلمه أصدقائه محترمين حيل،
دخلتهم للداخل اكلت كم قطعه وسويت حملة تنظيف على البيت بديت من المطبخ الأجهزة الكهربائية كلهم شغالين الشغله الوحيده الصح ،تركت الأكل الموجود بالثلاجه ونظفت كل المطبخ الأرضيه سيراميك لكن من التراب ممبين من عدها شي شغلت الماطور ودخلت الصوندة وغسلته كله بعد مشلت الفراش ارتاح اشويه وارجع اكمل حتى صار وقت الأذان كملت صلاتي ورجعت كملت تنظيف بقيت للساعة سته المغرب مابين تنظيف وشويه راحه صار البيت شكله حلو ومكان مناسب للسكن اخذت نفس عميق من ريحه المنظفات الترست البيت، شمرت نفسي على القنفه ومن التعب غفيت بسرعة.
بهذا البيت الخالي من الشُبهه وفي مكان نائي وبعيد عن المدينه، في حي سكني بسيط وقف سيارته ونزل لابس مناظر شمسيه والكمامه مغطيه نصف وجه يقال انو الجميع يرغب برؤية هذا الشخص الغامض والغريب دخل بينهم عنوه وخلال فتره قصيرة عرف نقاط ضعف الجميع واصبح المسيطر بينهم محد يعرف هو منو وشنو ومنو الواقف خلفه ويدعمه لكن المعروف انو مو بأستطاعتهم مخالفته تحت اي ظرف كان والشيء اللي يرغب بيه شرطاً وبدون نقاش لازم يكون بين أيدة، مشتغل وياهم بالتهديد فكلها تخاف منه، اول ماوصل للباب حاجيته: السيد الأسود بأنتظارك بغرفته.
لّهيم: كله لّهيم ميلتقي بأحد وره ابواب مغلقه اني مو احد نسوانه.
:تأمر حضرتك.
دقائق قليله وسمعت صوته من جوه وهو يحجي وي تصفيك ونبرة سعادة واضحه.
الأسود: عفيه عليك گدرت تخلصنه من هذا الضابط المزعج مبقى غير تنفذ الخطه ويموت نهائي وهو بالمستشفى.
لّهيم: مو قاتل تحت امرتك لتنسى اني منو قبل ما انتزع روحك من عندك وانسيك منو تكون.
الأسود: مو مشكله اندبر شخص يقتله لكن كُلي سبب زيارتك لبيتي المتواضع بهذا الوقت مو بالعادة اتنورنا بهيج وقت من النهار؟!
لّهيم: طرح الأسئلة من حقي وانت عليك الأجابه فقط.
الأسود: اسمع.
لّهيم: ليش لحد الأن مگدرت تعرف مكانها؟!
الأسود: دورت عنها بكل المستشفيات بغداد ملگيت عنها اي معلومه بس آخر مستشفى العرفته هي انتقلت الها بسبب جرح بطنها وجان عميق جداً وتوفت اثناء العمليه، شهادة الوفاة جانت موقعه من قبل أدارة المستشفى وهذا دليل يثبت هي ميته من صدگ.
لّهيم: الجثه.
الأسود: غير موجوده منعوا احد يستلمها غير اقاربها وفي حالتها اتكفلت المستشفى بدفنها بأحد المقابر.
لّهيم: غبائك هو سبب بقائك وره ومتقدمت.
الأسود: مفهمت؟
لّهيم: بعدها عايشه والنقيب هو اللي يحميها والخبر الصادم الك هو مبيه شي حي يرزق ويدور عليك بهاي المدينه، اخذ الحيطه والحذر لأن مستحيل انقذك اذا صرت بقبضته والأعلى من عندي راح يقتلوك تعرف اني ما الوث أيدي بدماء قذرة.
الأسود: مو جماعتك اللي هجموا على البيت وهو تصوب وهسه بالمستشفى من وين جبت هاي المعلومات؟!
لّهيم: بعدك ماعرفته عدل فمستحيل تگدر تغلبه بهذا عقلك الفارغ، النقيب نشر معلومات عن وجودها يمه وجان يريدنه نعرف حتى تكمل خطته بعدها انتقل للخطوة الثانيه وخله جماعته يشمرون سيارة ثانيه على انو هي سيارته وهو صعد بسيارة شبيها الها وانتقل للبصرة و الحادث اللي صار جان مدبر من عنده ولعلمك الموجود بمكانه هم مبيه شي وفريقه يحتفلون بنصرهم وهزيمتنه بعد معتقلوا خمس اشخاص من عدنه الشاركوا بالهجوم على البيت،
هاي جانت خطتك وانت قيس مدا غبائك من هذا الفشل الذريع والما أله مبرر.
الأسود: مو دائماً تسلم الجرة لابد يجي يوم وينهزم بيه ويصير ماضي.
لّهيم: هاي المره ما اوافقك الرأي هو رجع وكلبه مليان حقد وانتقام انصحك خاف لأن جروحه تطالب بالشفاء وهذا ميتحقق حتى يوصلكم لحبل المشنقه.
الأسود: انت واحد من عدنه لتنسى.
لّهيم: عرفتك من جديد وملطخت أيدي بالدم والتعرفه عني معلومات قليله فشنو هاي الثقه التخليك تگدر تهددني بهاي الأمور؟
وبعدين انت مگدرت للهَيْصَم تگدر عليه؟!
اعرف تماماً شنو مخططك في حال سمعت او لمحت احد اكلابك مقترب من شي يخصني وقتها صلي على روحك لأن راح اقدم كل الأدلة اللي املكها اله وادس السم وانت داخل السجن صح اني ما اقتل لكن من يصير الموضوع يخصها ارتكب مجزرة مو جريمة قتل وحدة وانت تعرف منو لّهيم.
: مر كم يوم على وجودي بهذا المكان من صدگ غيرت جو ونسيت اجواء السادس نزلت جوه يمهن حتى انحضر العشا صارت بوجهي ريهاف ابتسمت بادلتني عيونها بيهم كلام بس محجت حسيتها خجلانه بعدت عني ودخلت للمطبخ اني هم رحت وراها شفت آمندا و آريا يشتغلن سوا، اتقربت من آمندا وسحبتها ويايه خارج المطبخ وصعدنه للغرفه فوگ غلقت الباب وانطلقت بأسئلتي:
ريهاف شنو بيها؟!
آمندا: خبله انت؟!
حوري: احجي صدگ والله ليش دائماً منعزله ومتحجي واقرأ بعيونها اسأله هوايه من تباوعلي؟!
آمندا: ومنو گلج اني ام عباس حتى اشوف شنو داخل الناس؟!
حوري: مدا اضحك احجي جد.
آمندا: شوفي بهذا البيت مستحيل تلگين جواب لأسئلتج صفه الغموض تمشي بدمهم كلهم اخذيها نصيحه ولتعبين عقلج الجميل وامشي حتى نكمل عشا قبل متسوي آريا حرب عالميه ثالثه.
حوري: زين هسه اني اشلون اعرف دائماً اكبح فضولي بس نظراتها تجبرني مو بأيدي والله،
نزلنه وبدت حرب آريا و آمندا الكلاميه.
آريا: اي يحلوه وين اخذتي وجه البومه وشردتي؟
آمندا: عرفتني على جحرج.
آريا: محجيت وياج لتدخلين.
آمندا: رهوف اضربيها على راسها ورجعي عقلها لمكانه قبل ما أجرب آخر حركه شفتها من جاكي شان بيها.
آريا: بيج حيل؟!
آمندا: كلاثم سكتيها.
كلاثم: خلص انتِ وياها عوفن سوالف الصغار وشتغلن بدون صوت وانتِ آمندا احترمي نفسج مو بنتج أني.
آمندا: اي يوجه العافيه هو اكو احله من اسمج لتزعلين من عندي نبع الحنان.
كلاثم: لتضحكين عليه بهاي الطريقة ما احب هذا الأسلوب لو اخوج اهنا.
سكتت مگدرت اتكمل كلامها بسبب ادموعها اللي خانتها ونزلت بسرعة ركضن وحضننها كلهن منظرهن كسر گلبي وخلاني احقد عليه ليش يسوي بيهن هيج وهو يعرف ماكو احد الهن غيره؟!
كلاثم: اخوجن ناوي على موتي هاي المره ميرتاح گلبه حتى يشوفني بصف ابوه.
ريهاف: اسم الله عليج عمري قبل عمرج لتحجين هيج انتِ تعرفين هو ميگدر يخاطر بجيته لو ميخاف علينه مسوه هيج.
كلاثم: على الأقل يتصل مو يخليني اقلق عليه صار ثلاث اشهر مشايفته وحتى حارمني من صوته هذا معند وذلك مغترب ياريت مخلفت ولد مجان عشت بهذا العذاب.
آمندا: اي والله اتخيلن هَيْصَم ابنيه واني وياه نتعارك على الطبخ لا شلون اكيد هو متزوج ويجي كل شهر وياه خمس اطفال وكلهم لازمين بيه وهو لا هي اتصيح بيها ،
ملعون اگعد احترگ ابوك على هيج خلفه.
كلنه ضحكنه على كلامها بعدين ضربتها خالتي على متنها وهي كملت بضحكه.
آمندا: اي هيج واضحكي بما انو مبيه شي أو لائِث ايطمنج عليه ليش حتى تخافين وتنقهرين ادعليه ربي يحفظه ويوفقه ويرجع سالم.
كلاثم: واني شنو اريد غير الله يوفقه ويحفظه النه ابني ممرتاح بحياته خلصها بس قهر وتعب الله يعوضه خير ويبدل حزنه فرح وراحة بال.
آريا: آمين وهسه خلصتن نكمل عشا راح اموت جوع تره؟
آمندا: سكتوا بطنها اللي يسمعج ايفكر احنه بمجاعه مو كأن قبل ساعتين اكلتي.
آريا: عاشت ايدج قبل ساعتين مو دقيقتين هذا شغل المعدة يروحي تهضم الأكل حتى ناكل مره ثانيه.
آمندا: لو يفتحون مخج ميلگون بيه غير الأكل ماعرف شنو الفايدة من وجودج بهذا العالم بس تستهلكين بدون انتاج.
آريا: لتخليني ابدي بيج هسه كملي شغلج وانت ساكته على الأقل اني اصرف جهد على معدتي مو شي ثاني.
آمندا: لشنو تلمحين؟!
ريهاف: كافي اشتغلن على الساكت بدون ازعاج.
حوري: خلص اليوم جميل آخر بهذا المكان وحان وقت النوم الكل يصعد لغرفته واني رحت يم آمندا اللي جانت تراسل اول مشافتني تركت موبايلها ماعرف ليش خطر على بالي محمد بهاي اللحظه ياترى لساته يتذكرني لو اصلا اني مو مهمه عنده؟!
جاوب على هذا السؤال الأشعار اللي وصل لموبايلي فتحته جانت رساله من عنده.
محمد: وعدتج ما أراسلج طول هاي الفتره واخليج تاخذين راحتج بالتفكير بس گلبي المشتاق مخلاني واتمرد وأصر احجي وياج هسه ياترى أگدر اتصل بيج واسمع صوتج اذا مشغوله وزعجتج اعتذر مره ثانيه اخذي راحتج حوريه.
حوري: شي داخلي منعني اتجاهل رسالته ماعرف شنو بس لوهله حسيت كلامه صادق دزيتله رسالة ،
هسه ما اگدر خليها غير وقت،
رجع دزلي.
محمد: تمام سرگي گلبي.
حوري: ابتسمت رفعت راسي شفتها گاعده على سريري ورافعه حاجبها وبأنتظار اجابه.
آمندا: راح اكبح فضولي بس باجر انت مجبرة تنطيني معلومات كامله عن هذا محمد.
حوري: كامت من يمي وراحت لفراشها اني ايضاً خليت راسي على المخدة واداخلت افكاري مع بعض حل النزاع اللي صار بعقلي النعاس اللي احتل خلايا جسمي فجأة ودخلت بنوم عميق.
: فزيت على حركه وصوت ضربات على الباب نهضت من مكاني بسرعه وفتحته صار بوجهي و بأيدة اكياس انطاني واحد واخذ البقيه للمطبخ تبعته واني احجي وياه ،
وين جنت؟
جاوبني برود وهو يرتب الأغراض بالثلاجه.
هَيْصَم: هوايه عايشه الدور انتِ ملاحظة؟!
فيروز: من تخليني بمكان ومنطقه غريبه لازم اعيش الدور هَيْصَم افندي.
هَيْصَم: اعتقد كتلج البيت محمي وماكو اي خطر بالأضافة جان عندي عمل مهم جبرني اطلع صحيح مرجعت مثل موعدتج لكن بالنهايه رجعت قبل ميتأخر الوقت أكثر.
فيروز: كلامي ميفيد نتيجه راح تسوي اللي يعجبك دائماً.
هَيْصَم: عملي يطلب من عندي هذا الشي كلما اعتاديتي اسرع كلما كان افضل.
فيروز: مخبرتني شنو اللي بهذا الكيس؟
هَيْصَم: ملابس ومجانوا من اختياري الموظفه بالمحل هي اللي خلتهم.
فيروز: وليش تخبرني بهاي التفاصيل؟
هَيْصَم: حتى متصير اخدودج حمر وتسبيني بالخفاء اذا شفتي داخلهم.
فيروز: وشلون عرفت شنو داخلهم؟!
هَيْصَم: ميحتاج اشغل مخي بهيج موضوع بسيط شنو يكون غير ملابس نسائية.
: تركته يرتب الأغراض وصعدت حتى اخذ دوش، خلصت بعد وقت غيرت ملابسي ولفيت المنشفه على جسمي وطلعت طبعاً مشتري كل الأحتياجات النسائية بالأضافة لتراكين وقميص وبنطلون وكلهن باللون الأسود ومناسي حتى المشط، دخلت للغرفه ورتبت اغراضي بالكنتور نشفت شعري ومشطته وظفرته لأن ماعندي شسوار كملت كل شي ونزلت حتى احظر عشا،
شفته يطبخ وگفت بصفه واني اباوعله شلون يقطع الزلاطه، اتذكرت أيدة و الجرح حجيت بصوت عالي واني اقترب حتى اخذ السجين من عنده.
انت مصاب راح تتأذه خليني اكمل اني.
بعدها عني وهو يگول.
هَيْصَم: شنو رأيج تبتعدين وتخليني اشتغل براحتي شوفي شي ثاني تنشغلين بيه.
فيروز: بهذا الوقت ماكو اهم من أيدك.
هَيْصَم: وانتِ ليش مهتمه بيه لهاي الدرجه خيرج لَّباءَة ؟!
فيروز: لتفهم مثل متحب، افكر اذا تأذيت اكثر متگدر تنقذني في حال صار هجوم على البيت مثل المره السابقه.
هَيْصَم: بريئة جداً انتِ.
فيروز: وضح مفهمت؟
هَيْصَم: برأيج هل من السهوله يهجمون على بيت داخل منطقه سكنية هي الأقرب من الدوريات مالت الشرطه بالأضافة هذا المكان مأمن اكثر من غيره يعني مستحيل يگدرون يوصلوه حتى ب GPS او اي وسيله ترقب ثانيه.
فيروز: افهم من عندك الهجوم مدبر؟؟
هَيْصَم: على الأقل مراح يحاولون يقتربون من عندج واني موجود.
فيروز: لهاي الدرجه انت تخوف؟!
هَيْصَم: ليكون مو بعينج ست لَّباءَة؟!
فيروز: ضخم انتَ عيني متكفيك سيد افندي.
هَيْصَم: طلعي البيتزا من الثلاجه حتى نخليها بالفرن.
فيروز: صدگ عندي سؤال ليش الأجهزة الكهربائية شغاله ولا كأن بيت مهجور؟!
هَيْصَم: ومنو كلج هذا بيت مهجور؟!
فيروز: ممبين اكو احد ساكنه قذر والتراب ماليه اول متدخل اله بسرعة تخطر على بالك انو ممسكون لفتره طويله.
هَيْصَم: اجي لهنا بين فتره والثانيه لكن ميكون عندي وقت حتى انظفه بالأضافة عاصفه وحده من عواصف هذا البلد الجميل تخلي البيت مو فقط مهجور وانما صحراء.
فيروز: سؤال ثاني بس لتفهمني خطأ ياترى انت مصاب بالوسواس القهري؟؟
هَيْصَم: هاي المره اني فضولي اتفعل من وين اتجيبين اسئلة مثل هاي؟!
فيروز: لأن هوايه ترتب ودقق بأبسط الأشياء ونظيف على غير عادة الرجال اللي اعرفهم.
ترك السكين وباوعلي بخزرة مع رفعت حاجب وگال.
هَيْصَم: وانتِ كم رجال تعرفين ست؟!
فيروز: لتفهمني خطأ اقصد اللي بالمجتمع المتعارف عليهم بين الناس.
هَيْصَم: لتعممين مو كل الرجال مثل بعض لكل قاعدة شواذ وهذا ايضاً ينطبق علينه اني رجل احب الترتيب ويكون كل شي نظيف وانيق وما احب احد يخدمني او يقدملي شي وهاي عادة من الطفوله ما الها علاقه بمرض نفسي او تعنيف جنت المدلل بين اهلي ومازلت وهذا جواب مسبق لسؤال راح يدور بمخج لاحقاً.
فيروز: التزم الصمت اشويه ورجع كمل.
هَيْصَم: عرفت البقاء وياج ينطي طاقه غريبه تخليني احجي هوايه على غير العادة كسرت هوايه قواعد التزمت بيهم اسنين طويله ياترى شنو السبب؟
فيروز: قوة تأثيري اعترف.
هَيْصَم: ما اريد اعقد وياج اي علاقه غير اللي حتمها علينه القدر هذا افضل النه اثنينه بعد متكمل هاي المهمه كل شخص يرجع لحياته الطبيعيه لَّباءَة.
فيروز: تقنع نفسك لو تقنعني؟!
هَيْصَم: ممكن الثنين.
فيروز: سكتنه وكان صوت التقطيع هو الوحيد المسموع بالمطبخ ابتعدت عنه وفتحت الثلاجه شفت شنو مشتري فواكهه وخضروات ولحم تاركه بالفريز واجبان وبيض ايضاً ومناسي الخبز والصمون يعني ماليها بكل الأشياء الضرورية طلعت البيتزا وقطعت هذا الصمت بسؤال،
عندك شغل بالليل ؟
هَيْصَم: لهذا اليوم لا.
فيروز: شنو رأيك نلعب بعد العشا البقاء اهنا ممل بدون وجود أنيس يضيف نكهه لأيامك الوحيده.
هَيْصَم: لَّباءَة شلون تقتنعين اني مو طفل بعد كل هذا العمر ترديني العب!!!
فيروز: وليش بس الأطفال يلعبون منو الغبي اللي خله هاي القاعدة ما الضير اذا احنه لعبنه اني وانت نتعرف على بعض اكثر ونغير جو ونطلع من مود الوحدة.
هَيْصَم: ميحتاج نلعب حتى نتعرف على بعض اني اعرف عنج كل شي وانت اذا حبيتي تعرفين شي عني خارج عملي اسألي واني اجاوبج.
فيروز: معقد.
كملنه تجهيز العشا اكلنه وغسلت المواعين هو طلع للحديقه واني بقيت گاعدة بالصاله ماعرف شنو اسوي اصلاً ماكو عمل أگدر اسويه عصفت بيه الذكريات لأيام زمان من گد مجنت مشغوله بحياتي مفكرت يجي يوم واگعد بيه بدون عمل سبحان مغير الاحوال بهاي الطريقة العجيبه.
ضَرْضَم: سيدي عرفوا بالخطه شنو الخطوة البديله؟
هَيْصَم: ننتظر بكل الاحوال اني هسه مصاب وما اگدر اطلع من المستشفى وعملي اهنا مخلص.
ضَرْضَم: لكن صارت مشكله بس متوقعه من عدهم يقبلون على هاي الحركه حتى يخلصون من عندك ويتنفذ مرادهم.
هَيْصَم: قدموا أمر بنقلي لغير مركز.
ضَرْضَم: صحيح وبهاي الحاله شنو راح تسوي سيدي؟
هَيْصَم: منسوي شي خليهم يلعبون على راحتهم بالنهايه ميصير غير اللي يريدة القدر.
ضَرْضَم: معقولة تستسلم الهم بهاي السهوله؟!
هَيْصَم: لتستعجل الأكلة الطيبه اللي تكون على نار هادئه ضَرْضَم.
ضَرْضَم: صحيح اتذكرت اتصل ب لائِث وخبره ليسوي شي يندم عليه بعدين هو ميسمع من عدنا لذلك حلها بطريقتك.
هَيْصَم: ليش شنو صاير بدون علمي؟؟
ضَرْضَم: هوايه امور محد نقلها لأن مشغول ومحبينه نزعجك بهذا الوقت وانتظرنا عودتك حتى نخبرك وانت تقرر شلون نتصرف.
هَيْصَم: راح نتفاهم من ارجع واني اشوف شنو مشكلة لائِث.
لائِث: واخيراً سمعنا صوتك للحظة فكرتك مرتاح وانت بعيد عنه.
هَيْصَم: شنو هذا الأسلوب الجديد كأن نسيت اني مديرك او واجبك تحترمني؟!!
لائِث: مديري السابق اكو غيرك احتل المنصب وقدم بنقلنا جميعاً مو فقط اتفكك الفريق وانما راح يتفكك شملنه.
هَيْصَم: وليش ماعندي علم؟
لائِث: ضَرْضَم مقبل نحجي حتى متشتت بينه وتنتبه لعملك بس اذا ابقى ساكت تصيبني نوبة قلبيه واني اشوف الثعالب ماخذه مكان الأسد وقبيلته.
هَيْصَم: العرين مخصص للأسود والثعالب مكانها اوكارها اربع ايام مو اكثر وشوف شنو اسوي بيهم خلي يكون هذا عزائك.
لائِث.
لائِث: سيدي.
هَيْصَم: اعتاديت على فكاهتك بالمركز اريد ارجع واشوف نفس لائِث اللي تركته واعتبرة هذا أمر من مديرك في حال عصيته تتنفذ بيك عقوبه.
لائِث: أمرك سيدي شنو عندي غيرك احبل اجيب.
هَيْصَم: على آخر علمي سويت عقد ابو الجهال ميقبل تخلف بعد.
لائِث: غير انت جبرتني شفتني ما اهتم بيك حرمتني اسمع كلمة ماما من ابنه.
هَيْصَم: متنطي مجال بسرعة تاخذ ميانه، كمل اللي متفقين عليه اريد كل شي جاهز.
لائِث: تدلل سيدي.
: دخل بعد فتره طويله خلصها بره كتف أدية لصدره وبقى يراقب بيه اني ايضاً سويت نفس الشي ومبعدت عيني من عنده زعجني هذا الوضع أشرتله براسي بمعنى شكو، صغر عيونه وگال.
هَيْصَم: مو ردتي نلعب؟
فيروز: اي.
هَيْصَم: كومي ويايه مرتبلج لعبه تعجبج اني متأكد.
فيروز: وين تاخذني بهذا الوقت؟
هَيْصَم: اتخافين وانتِ بحمايتي لَّباءَة؟!
فيروز: الغريب بالموضوع والسؤال اللي ابحث عن جوابه هو وعلى الرغم من الصدفه اللي جمعتنا والوضع اللي التقينا بيه مع كل هذا جنت دائماً احس بالأمان من اكون الى جنبك گلبي يجبرني دائماً على الثقه بيك ولتسأل عن السبب لأن اني ماعرف جواب مناسب.
هَيْصَم: شنو مكان هو اكيد مو حب لتسمحين لنفسج تقعين بهيج مصيدة لا للهَيْصَم ولا لأي أحد ثاني اعتبريها نصيحه مجانية من رجل يكبرج بعقد.
فيروز: كسرك الحب سابقاً؟
هَيْصَم: كومي راح نتأخر.
: تركني وطلع بدون مينطي جواب لسؤالي صعدت للغرفه غيرت ملابسي لبنطلون وقميص اسود ونزلت لگيته منتظرني اول مشافني طلع بره واني تبعته صعدنه بالسياره وبقى يسوق بصمت بعد فتره مو قصيرة وصل لمكان شبه معزول صحراء وماكو حتى حايط بيها وقف السياره ونزل واني سويت المثل أو وكفت بصفه،
شنو هذا المكان هَيْصَم؟؟
هَيْصَم: المكان اللي راح نلعب بيه.
فيروز: شنو نلعب بهيج منطقه معزولة؟
هَيْصَم: لعبة الضباط.
فيروز: عدكم لعبه خاصه بيكم؟!
هَيْصَم: نوعاً ما نلعبها مع المجرمين والخارجين عن القانون واني حاب اعلمج اياها بما انو الفرصه سنحت وعدنا وقت فراغ.
فيروز: شنو هاي اللعبه؟!
هَيْصَم: حمل السلاح وشلون ترمين على شخص في حال صار عليج هجوم وتردين تنقذين نفسج لذلك لازم تتعلمين على رغم اني عازم بكل الاحوال ادربج لكن لاضير اذا عرفت رأيج حابه تتعلمين؟؟
فيروز: اي اصلاً اني احب سوالف الشرطه من جنت اصغيره العب وي بابا شرطي وحرامي تعرف ماعندي أخت او اخ العب وياهم لذلك جان ينزل لعقلي ويلعب ويايه،
سكتت واني اذكر ايامنه نزلت ادموعي وهو قاطعني من گال.
هَيْصَم: الموت هو نهايه كل المخلوقات على الأرض لذلك انزعاجج من أمر ألاهي شيء مو صح اعرف من الصعب تحمل خسارة انسان عزيز لكن لازم تكونين اقوة، هو اكيد ممات حتى يشوفج هيج حزينه ومدمره جميعنا في يوم ما خسرنه لكن خلينه هاي الخسائر مصدر قوة ونهضنه من جديد أطلب هوايه وقت وجهد لكن بالأخير گدرنه نتجاوز بشكل أو آخر.
وهسه لازم اشرحلج الطريقه بشكل نظري بعدين نطبقها عملي واضح؟
فيروز: دائماً تغلق النقاش مثل ميعجبك ومتنطيني مجال أجاوب ياترى من حقي اسأل عن السبب؟
هَيْصَم: ربما اعرف شنو راح تسألين لكن مو بالسهوله اكشف اوراقي كدامج،
اما الكلام اللي گلته ماهو الا نتيجه خبرتي بالحياة بعملي الخسارة اكثر من الربح واذا بقينا نحزن على كل شخص فقدنا وقتها نكتب على نفسنه الموت واحنه عايشين وهذا الشي اللي ميردوة لو جانوا موجودين مقبلوا على حزنه عليهم لذلك ملازم نزعلهم وهم ميتين.
فيروز: وكأن اتريد تسمع نفسك هذا الكلام؟!
هَيْصَم: شنو رأيج نترك هذا النقاش و نكمل اللي اجينه علمودة ؟
فيروز: اخذت نفس، يلا حلو الأنسان يتعلم شي جديد.
هَيْصَم: شوفي وانتبهي على الشرح تلزمين المسدس بهاي الطريقه لازم اتكون اديج ثابته مترجفين وبدون خوف وانتِ مركزه على الهدف،
الأيد تنقسم الى قسمين الراحة مالت الأيد والأصابع ، راحه أيدج تخليها على جهة من المسدس والأصابع خليهم على الجهه الثانيه وبكل قوتج تسحبين اقسام هذا كله بعد متتأكدين المخزن بيه رصاص واضح،
وبعدها ترجعين على هدفج وتضغطين على الزناد وترمين الرصاصه هذا على شكل مبدأي وهسه خلينا نطبق عملي حتى تستوعبين أكثر.
فيروز: سحبني اله ظهري على صدرة سحب أيدي اليمين وخله بيها السلاح وثبته بأيدي اليسار خله أيده على أيدي وسحب أقسام حجيت بتوتر من هذا القرب،
هَيْصَم شنو تسوي؟
جاوبني واحنه على نفس الوضعيه.
هَيْصَم: لازم تتدربين مو دائماً راح اكون حواليج وفي حال صار شي سيء اليه تگدرين تنقذين نفسج لَّباءَة.
فيروز: ارتعدت اطرافي فقط من سماع هذا الكلام من عنده و شعور خوف داخلي اتولد من ذكر سيرة الموت فجأة لذلك حجيت بسرعة ،
من وين طلعت بهذا الكلام هسه؟؟
لتنسه انت وعدتني راح تبقى يمي وتحميني من كل خطر مهما صار ليش تريد متنفذ وعدك شنو صاير؟!
هَيْصَم: احنه منكتب يوم وفاتنه هذا الشي القدر يحدده مو اني لَّباءَة.
فيروز: الله يوفقك لتخوفني مراح يصير شي مو زين راح تنجح بمهمتك وكل واحد بينه يرجع لحياته الطبيعيه انت هيج وعدت.
هَيْصَم: او وعدي بصمه وشاهد ومع ذلك لازم ادربج في حال مخططي منجح وصار شي غير متوقع فجأة مو فقط الموت.
: دام صمت ثواني بعدين صار هوه قوي همس قريب أذني.
هَيْصَم: من اگول رقم ثلاثه تطلقين رصاصه ماشي،
واحد ،اثنين، ثلاثه ،يلا
فيروز: غمضت عيوني من طلعت الرصاصه من المسدس بلعت ريگي واخذت نفس عميق جنت دائماً احب اتعلم هاي الأشياء بس لأن صار كل شي فجأة اتوترت،
بقينا على نفس الوضعيه لساته حاضني على رغم رميت وخلص، حجيت بصوت ناصي،
مو على اساس تكره لمس الجنس اللطيف؟!
انفاسه تلفح رگبتي يحجي بهمس قريب أذني خلاني افقد شعوري بجميع اعضاء جسدي واختل توازني بالكامل.
هَيْصَم: احد القواعد اللي كسرتها وياج برأيج كم قاعده لسه راح تنكسر لَّباءَة؟
فيروز: حاولت اسيطر على نفسي وجليت صوتي
وحجيت ،
والحرام اللي جنت تحجي بيه سابقاً سيد هَيْصَم؟!
جاوبني بنفس النبرة.
هَيْصَم: هاي مو اول مره ما اندم على ذنب ارتكبه وياج ولتسألين عن السبب.
: ابتعد بعد آخر كلمه مثل الشخص اللي صحه على نفسه فجأة بقى ينظر للمكان فتره قليله بعدين اقترب من عندي وگال.
هَيْصَم: لازم تدربين هاي الرصاصه لا شيء اتعلمي أكثر واني راح اشرف على تعليمج بنفسي.
فيروز: ليش مُصر تعلمني كون واضح ويايه ولو لمره وحده ولتخليني اصنع افكار من مخيلتي.
هَيْصَم: الأعداء ناوين قتلج بأي لحظه ،يردون ايشوفج ميته والسبب تعرفيه لذلك في حال مگدرت اكون متواجد لأي سبب كان بوقتها تگدرين تدافعين عن نفسج.
فيروز: وادافع عن نفسي بهاي الطريقة؟!
هَيْصَم: راح ادربج على بعض الحركات المهمه اللي تستفادين من عدها بالأضافة اعلمج على بعض الخدع في حال تعرضتي للأختطاف اتسويها ،
وهسه خلينه نكمل تدريب لكن هاي المره طبقي اللي علمته ألج قبل قليل أريني مدا براعتج.
فيروز: حاولت ارجع الزم المسدس بأيدي بس والله ثگيل اجيت احجي وياه شفته صافن لمكان ما اتقربت من عنده وقبل ما احجي اي كلمه سحبني وخلاني وره ظهره بذات الوقت اتقربت من عدنه سياره گدرت اشوفها بسبب الأضويه مالت سيارة هَيْصَم اللي تركها شغاله حتى تضوي المكان،
صاحبها يسوق بشكل جنوني وصلت يمنه وتوقفت ونزل من عدها ثلاث اشخاص ملثمين.
يتبع..
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
تصبحون على الف خير شمعاتي انتوا.
حسابي الأنستا شمعاتي نسولف بيه عن القصص.
رواية هَيْصَم الفصل الثاني عشر 12 - بقلم Zahraa_Ahmed
للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
شاركوا القصه حتى تكبر عائلتنه ونستمتع وي الهَيْصَم مع بعض.
هَيْصَم
( الكاتبة زهراء احمد )
___________
نحنُ الواقفون سهوًا في منتصف الطريق خلف الأبواب المُغلقة، العالقون عند المنعطفات، المنتظرون لما لا يأتِ، المُعلقون بحبالٍ من خيال.
اقتربوا من عنده وهو بقى ثابت بمكانه وصلوا يمه وبقوا يحجون بصوت ناصي الى درجه اني اللي جنت واگفه بصفه مسمعت شي بس همس، دقائق قليله سحبني من أيدي وأخذني يم السياره صعدني وقفل الباب ورجع لنفس المكان بقيت أراقب بيهم، أحد الأشخاص الموجودين يمه طلع ماعرف شنو من جيب بنطلونه وقدمه اله استمروا فتره طويله يحجون بدون مينزعون اللثام وكأن خايفين ينكشف أمرهم للحظه فكرت متواعد وياهم يلتقون هنا لكن لغيت هاي الفكرة من اتذكرت انو هو كلي ماعنده شغل الليله، وإذا جان عنده مستحيل يخليني اعرفه.
فتره من الوقت مرت رجعوا لسياراتهم وأنتظرهم حتى يصعدون ورجعلي فتح الباب على بالي نرجع بعد كل هذا لكن خابت توقعاتي من گال.
هَيْصَم: مكتمل التدريب لازم تنزلين ويايه حتى نكمل يلا.
فيروز: مو تأخر الوقت شنو رأيك نأجلها لبعدين؟
هَيْصَم: لاتؤجل عمل اليوم الى الغد لتتقاعسين عن العمل لَّباءَة.
فيروز: اموت واعرف ليش كل هذا الأصرار على تدريبي اللي يشوفك بكل هذا الجهد اللي تبذله علمودي ايفكرك اتريد تخليني ضمن فريقكك.
جاوبني وعلى شفايفه ابتسامة.
هَيْصَم: أو ممكن اني هيج أريد.
فيروز: أي لا مستحيل.
هَيْصَم: لتكوني واثقه ممكن بأي لحظه افكر بخطه تخليج ويايه.
فيروز: على شنو ناوي هَيْصَم؟
هَيْصَم: على تدريبج لدرجه اخليج محترفه حتى اضمن سلامتج بأي زمان ومكان ما اكون متواجد بيه.
فيروز: علمود شنو كل هذا؟
هَيْصَم: الوعد اللي قطعته هو حمل على عاتقي ما ارتاح حتى اوفي بيه انتِ وحيدة بهذا البلد وحتى لو رجعتي لخالتج ماكو رجال عدها حسب كلام ابوج ،اريدج انتِ تحمين نفسج وتثبتين بغياب الأسد انتِ اللبوة اللي تحمي العرين.
فيروز: على هذا لطفك المفروض اشكرك هوايه واني مسويه العكس مخلصتها بس عركات.
هَيْصَم: ميحتاج تشكريني فائدتنا متبادله.
فيروز: لتنغر مجان قصدي اللي فهمته يبقى هذا واجبك سيد افندي.
هَيْصَم: نرجسية.
فيروز: ثقه عاليه بالنفس لتربط كل التصرفات البشريه بمرض نفسي.
هَيْصَم: اضطراب شخصيه وكما يقول اطباء النفس مو الجميع يمتلكون هاي الصفه وعلى رغم تصرفاتهم أدمر الأعصاب بس مجذبه بشكل ملفت.
فيروز: شنو المجذب بشخص متكبر؟
هَيْصَم: مو متكبرين هم لطفاء وقلوبهم طاهره لكن الناس متعرف تتعامل وياهم.
فيروز: احنه النساء نعرف نتعامل مع الجميع الخلل بيكم انتوا.
هَيْصَم: اني مع النساء دائماً لكن في بعض الأحيان الجنس اللطيف ميعرف شنو يريد الرجال وهاي النقطه المهمه تسبب شرخ بالعلاقات ميگدر يمليه غير الأنفصال.
فيروز: تحجي بثقه وكأنك عايش هذا الشعور من قبل، صدك اريد اعرف ليش انت غامض لهاي الدرجه؟
هَيْصَم: راح ازعجج بماضي سيء غير مناسب لجو لطيف مثل اليوم.
فيروز: كلامك صحيح شهر آب حلو بوقت الليل.
هَيْصَم: بما انو الجو حلو خلينه نكمل تدريب يلا راويني شجاعتج وذكائج بحفظ المعلومه.
فيروز: مستعد تندهش بمدا براعتي؟
هَيْصَم: ادهشيني كد متكدرين لَّباءَة.
ابتسمت مكمله.
فيروز: لازم تذكر هذا الأسم وي كل حديث ممكن اعرف السبب؟
هَيْصَم: احب اشوفج منزعجة من عنده المقولة اتگول " اذا لم تستطع اسعاد نفسك عكر مزاج الأخرين ".
فيروز: غير مقوله غريبه،
عافني ومشى كدامي واني صفنت صدگ هاي الأيام صايره احب اسمع من عنده هذا الأسم بكثره وماعاد يزعجني مثل أول،
نفضت الأفكار ونزلت من السياره ورحت يمه أخذت المسدس من أيدة ولزمته عقدت حاجبي بتذمر وحجيت:
حتى مسدسك ضخم مثلك شنو المشكله؟!
هَيْصَم: بعد متعتادين عليه يصير خفيف مثل الروج تماماً هيج سهل الأستخدام.
فيروز: يضيف هيبه للي يلزمه.
التفتلي وكال بغمزة.
هَيْصَم: احنه من الله خلقنه معدلين.
ابتسمت مكمله الشعر.
فيروز: وصيتنه بشويه اعلى من صيت النجم.
ابتسم وكمل كلامه.
هَيْصَم: ميحتاج مسدس حتى نثبت شجاعتنه العراقيين ينضرب بيهم المثل بالقوة والبسالة من آلاف السنين.
فيروز: سؤال يلعب بعقلي اريد اعرف جوابه.
هَيْصَم: الزلم الشفتيهم، منو ومن وين وليش اجو بهيج وقت وشلون عرفوا مكانه وهل جان عندي علم بالموضوع صح؟
فيروز: عفيه اشلون عرفت هذا اللي فكرت بيه؟!
هَيْصَم: مو عبثاً خلص عمري بالجيش و الشرطه هاي اقل ميزة بهذا الشغل، او اصلاً هو سؤالج مبين ميحتاج ذكاء خارق حتى اعرفه.
فيروز: كل البسلك هيج اذكياء ويلكفوها على الطاير؟
هَيْصَم: انخلقت البشريه مختلفه وهذا ايضاً يشمل ابناء
السلك.
فيروز: شنو تخصصك بالضبط؟
هَيْصَم: وشنو تستفادين بمعرفه هذا الجواب؟
فيروز: حتى اعرف الى أي قسم ينتمي الهَيْصَم.
هَيْصَم: اني مدير المركز.
فيروز: يعني انت اللي تنطي أوامر للبقيه؟
هَيْصَم: نعم.
فيروز: وانت تتبع منو؟؟
هَيْصَم: الأعلى والأعلى من عندي يتبع الأعلى من عنده وهكذا يعني مثل السلسلة متواصله حتى تنتهي بالمسؤول عن الجيش و الشرطه العراقي.
فيروز: في وضعك انت على منو دور يعني منو اللي تلقي القبض عليهم ومسؤول عن اعتقالهم؟
هَيْصَم: لكل مهمه فريق مختص ولكل فريق مسؤول واني عندي معرفه بجميع الفرق وهذا يكفي حتى أروي فضولج أما الأن طبقي التعاليم اللي علمتها الج.
فيروز: من شنو نبدي؟
هَيْصَم: الهدف لازم تركزين عليه اتخيلي اكو غزالة لونها ابيض ناصع واگفه كدامج على بعد مترين وانتِ لازم تصوبين عليها اريد تصويبج يكون دقيق.
فيروز: مستحيل ماسويها، شايفني مجرمه حتى اصوب غزالة بريئة؟!
غمض اعيونه بقلة صبر واني ابتسمت على ردة فعله بعدين فتحهم وگال بنبرة أمر ونظرة تخوف.
هَيْصَم: في حال منفذتي التعليمات العقوبه منتظرتج واضح.
نعمت نبرتي وحجيت برقه.
فيروز: هاي شبيك غير اشاقه وياك أيدك والعقوبه.
هَيْصَم: لأن متجين الا بالعين الحمره.
فيروز: ياعين حمره هو باب وتقفله لو تكلبج أيدي، تعودت صارن ميخوفني عقوباتك.
اقترب من عندي وقرب راسه من وجهي حيل وكال بهمس ونبرة ماكره.
هَيْصَم: او نتبع طريقه ثانيه للعقوبه التجديد حلو شنو رأيج؟
رجعت راسي ليوره وعقدت حاجبي واني اكول.
فيروز: اتعلمني لو تنتقم من عندي!!
هَيْصَم: بالمدرسه ميتعلم الطالب بدون اسلوب الترهيب والترغيب اللي يتبعه الأهل والأساتذة واني احب اتبع هاي الطريقه بالتدريب اللي مينفذ يتعاقب وكل مره بشيء مختلف لدرجه محد يخطر على باله طريقتي الجديده بالعقوبات.
فيروز: اقسى عقوبه نفذتها شنو جانت؟
هَيْصَم: ماكو شي قاسي على الجنود في ساحة التدريب لأن ابطالنه يدربون بشكل قاسي جداً لذلك اعاقبهم بشي ميخطر على البال على سبيل المثال ما اخلي أحد يتواصل وياه حتى لو جان بوسط مجموعة.
فيروز: شنو هاي ماعندك كلب.
هَيْصَم: هذا ابسط شي ممكن اعاقب بيه المتهاون وخلي بالج اخليج تكرهين حياتج اذا متبعتي التعليمات.
فيروز: على اساس اني اللي عايشه بوسط ألف شخص هو بس انت!!
هَيْصَم: العقوبه تختلف من شخص لأخر ومن جنس لأخر، اني اعرف عدل نعومة الفتيات متتقارن مع ضخامه الرجال لذلك اختارلج شي مناسب يليق بحضرتج.
فيروز: اويلي على استفزازك وطريقتك بالمراوغه الله ليسلطك على أحد الاهي.
هَيْصَم: دعاء غير مستجاب ربج هوايه سلطني على ناس وراح يسلطني مستقبلاً.
فيروز: جميعهم طلعوا مصابين بمرض نفسي صح؟
هَيْصَم: او اعاقه دائمة حسب كل شخص وقوة تحمله.
فيروز: نبدي؟
هَيْصَم: يلا.
رفعت المسدس ورجعت نزلته واني اباوعله بنظرة بريئة حجيت:
والله ثگيل شنو اسوي؟
هَيْصَم: حابه نعيد المشهد لَّباءَة؟
فيروز: اي مشهد مفهمت؟
وكف ورايه ورجع سحبني لصدره، ولزم أيدي بأيده ورفعها لفوك وبده يشرح وهو يحرك أيدي.
هَيْصَم: ترفعين أيدج بهاي الطريقه، اعيونج مثبته على الهدف بدقه، المسألة حياة أو موت مو لعبه، فتحي مخج أذنج واعيونج وانفج جميع حواسج خليهم يم الفريسة انتِ لبوة وبأنتظار تصتادين وجبه لأبنائج بهاي الأهميه الموضوع واضح؟!
حركت راسي بمعنى أي وهو رجع كمل كلامه وخله أيدة الشمال على أيدي الثانيه وقربهم من الأقسام مالت المسدس حتى سحبه سويت مثل ميگول واتبعت الخطوات اللي انطاني اياهم.
هَيْصَم: الخطأ غير مسموح لأن أي حركه ممدروسه اما تخلي الفريسه تهرب أو تهجم عليج كوني حذرة ودقيقه بتركيزج على الهدف وهسه اتخيلي الغزالة كدامج صوبي عليها ورمي.
اتخيلتها و مجرد وجود هيج منظر بمخيتلي خله گلبي ينكسر حجيت بتذمر بسبب أصرارة على قتل هيج حيوان أليف حتى لو مجرد خيال:
هسه بشنو عايله وياك الغزاله ميصير شي لو غيرتها لخنزير هو صح اثنينهم حيوانات لكن ماعرف يا اخي لطيفه ما اگدر اقتلها.
سمعت قهقهته قريب أذني وايدة اللي ماسك بيها أيدي تتحرك نتيجه الضحك اني هم ابتسمت لا أرادي وماعرف شنو اللي بداخلي جبرني التفت حتى اشوف معاني وجهه شلون تصير من يضحك،
انفاسه تضرب بوجهي، وشفايفه قريب شفايفي حيل، حركه وحده بالخطأ تصير بوسه بدون قصد، هذا القرب خله مشاعر ملخبطه اتولدت داخلي ما اگدر اوصفها ارتباك على توتر، خوف وأمان، لهفه مجنونه ورغبة ماكدر اكبحها، گلبي يخفق بطريقه عنيفه وكأن واگفه على مرتفع عالي و رجليه بعيدة عن الكاع، مردت هذا الشي ينتهي بنفس الوقت مردته يستمر تناقض عجيب صار عندي بهاي اللحظات القليله،
حجيت كلمات مجنت ناويه احجيها بس طلعت من لساني غصب، هيج مواقف تفقدني السيطرة وماكدر اتحكم بنفسي وهذا اكثر شي اكرهه بشخصيتي وهو التعبير عن شعوري بدون ماحسب حساب لأي شي ثاني خاصه لو جنت متوترة:
هاي الوضعيه هَيْصَم ،
جاوبني بدون ميحرك ساكن واعيونه عبثت بملامحي بطريقه وقحه جداً.
هَيْصَم: شنو بيها وضعيتنه لَّباءَة؟!
فيروز: خربطتني،
كلمة وحدة نطقتها خلته يبتعد مسافه عني شفته يمسح جبهته بأيدة واني لعنت نفسي على مدا غبائي طلعت من دون أرادة بس اشلون أگدر ابرر موقفي وهو ماشاء الله مثل الرادار ميفوته شي ابد.
الله يلعنج لَّباءَة على هذا التفكير،
لحظه بس لَّباءَة منو اسمج فيروز واضح فيروز ياويلج تخربطين، حذاري يميل گلبج لشخص راح يعوفج ويمشي وطريقج وياه معروفه نهايته، من قبل ماحبيتي وهسه نفس الشي تسوين.
هدأ عقلي بعد العاصفه الصارت بيه من شويه من شفته يمشي بإتجاهي بلعت ريكي واني اشوف نظراته مثل اول يوم التقيت بيه، عيونه فارغين وبدون حياة أجيت اقرأ على نفسي الفاتحه بس أجلتها من گال كاسر هذا الصمت المريب اللي صار بيناتنا.
هَيْصَم: خلي نرجع للبيت تأخر الوقت نعاود التدريب باجر ان شاء الله.
حبيت اصحح اللي صار قبل مياخذ عليه نظرة، ماحب احد يعرف من اتوتر ماحسب حساب الكلمه التطلع مني وبنفس والوقت ماريده يشوفني بطريقه ثانبه وخاصه هو مخلصها لتحبيني ولتحبيني، حجيت واني كلي ثقه:
ممكن فهمت كلامي غير شي بس اني بالعادة بهيج مواقف يخوني التعبير.
جان جوابه صادم نوعاً ما بس انطاني الأحساس بالراحه من سوا نفسه ممنتبه.
هَيْصَم: ليش اني شنو فهمت؟!
فيروز: مفهمت شي خلينه نرجع اني حيل تعبت.
مشيت كدامه سابقته وقفتني أيدة الزمت أيدي، سحبني عليه طخيت بصدرة نزلت راسي حتى ميصير اي تواصل بصري بيناتنا هو مجرد الشعور اللي انتابني من هذا القرب عذبني اذا شفت عيونه شنو يصير بيه،
لكن منجحت بهاي الحرب العقليه القلبيه بعد مخله اصبعين من أيدة الثانيه على فكي ورفع راسي بيهم يحجي بنبرة لطيفه ذوبت كل حصون القوة والثبات البانيتها.
هَيْصَم: لتسمحين لمجرد كم موقف صار بدون تفكير مسبق ايخليج تقعين بدوامة ما ألها مخرج لأن اني شخص ما أؤمن بالحب ولا بسوالف العشاق گلبي مغلق تماماً ومستحيل ينفتح كدام اي وحدة فلتعذبين نفسج لأن بهاي الحرب الخسران الوحيد هو انتِ،
وجودي بحياتج كمنقذ شي جيد لكن إذا صار حب بهاي الحاله اصير اني الخطر عليج.
غرغرت عيوني بالدموع بس مسمحت تنزل منهم قطرة رجع كمل كلامه بعد جولة نظرات مباحه من عنده على ملامحي وكأني ملكه الخاص.
هَيْصَم: اعتذر اذا سببتلج تصرفاتي اي فكره غلط البداخلي ولا ذرة حب ولا حتى بصيص أمل أنو احب وعلى رغم اني ما اقدم تبريرات لأحد لكن حسيت تستحقين اكلج قبل فوات الأوان وتمشين بطريق مابيه رجعه،
وشغله مهمه لتنسيها لَّباءَة، راسج مينزل سواء جنتي الى جنب الأسد ام بعيدة عنه اريدج تكونين هيبتي بكل مكان تتواجدين بيه وهسه خلينه نرجع للسيارة.
قبل ميمشي وقفته واني الزمه من أيدة حجيت بنبرة غضب طفيفه وعصبيه حاولت اكبحها بسبب كلامه المحسسني كاتله نفسي عليه واني ماعندي علم.
فيروز: تبوس وتحضن وتلزم وحده متربطك بيها اي علاقه لا زواج ولا حب هاي اسمها قلة أدب سيد متدين، ولتفكر انت انسان حلو وهيبه واسمك معروف معناها احبك، احاله، حتى لو كلبي دك غصب عني اشمره للكلاب وما اسأل عليه المهم ميدك خاصه ألك.
ابتسم وهو يكول.
هَيْصَم: اعرف انتِ قوية مراح تحبيني ومتحبين اي واحد ثاني همات.
رفعتله حاجبي وحجيت بقوة.
فيروز: تصحيح، ماحبك اي بس هذا مايمنع احب واحد ثاني غيرك.
قرب راسه يم أذني وهمس بمكر.
هَيْصَم: بس مراح تنسين اول بوسة الج اني أخذتها.
باوعتله بحقد وحجيت بعصبيه من استفزازة المستمر حتى واحنه بهيج وضع:
اكرهك سيد افندي.
جاوبني برود.
هَيْصَم: ولتحبيني أني حذرتج.
بعد هذا الكلام رجعنه للسياره صعدنه واني اريد انفجر بيه بسبب اسلوبه بس سكتت مالي خلك اتجادل وياه، وبعد فتره جان بيه الصمت سيد الموقف وصلنه البيت نزلت وهو ورايه اول مفتح الباب دخلت وبوجهي لغرفتي غلقت الباب وشمرت نفسي على الجربايه بدون ما اغير ملابسي صفنت بوضعي وياه،
ليش من اكون قريبه من عنده افقد التحكم بنضبات گلبي شعور اللي يتولد داخلي من اشوف عيونه مينشرح وما أگدر اعبر عنه معقوله هاي علامات....؟!
مستحيل ماممكن اني اعرف من البدايه الغايه اللي خلاني بيها قريبه من عنده مراح اكون غبيه لدرجه اسلم مشاعري لشخص اعرف مراح يجمعني بيه شي غير هاي المهمه وياريتها تخلص من وقت وارجع لحياتي السابقه جنت مرتاحه و بعمري مفكرت يجي شخص يسلب من عندي حريه التفكير واتخاذ القرار الصح وحتى ميخليني اتحكم بضربات گلبي من يكون موجود.
ليش هيج صار ونقلبت حياتي رأساً على عقب فجأة؟ اتنفست بعمق وكمت غيرت ملابسي ورجعت لفراشي مگدرت انام وخلصتها بس اتگلب، گعدت منزعجه ورحت يم الشباك فتحته وبقيت اباوع للمنطقه ، الحديقه مو صغيره اگدر اشوف الشارع بوضوح تسائلات عصفت بمخي فجأة واني اشوفه يتمشى بالحديقه كدامي ،
عنده اطفال؟
متزوج اكيد ممعقولة رجال بهذا العمر باقي أعزب،
تزوجها عن حب لو تقليدي؟
همات يسمعها كلام رومانسي هسه؟
اكيد هو ديتصل بيها وي منو يحجي بهذا الوقت المتأخر اذا مو هي.
معقوله كللها عليه وشنو قدملها عذر؟!
ايحبها؟!
قبلها مثل مسوه ويايه؟
محظوظه هي تگدر تتمتع بحضنه وقت متريد هنيالها هسه تسمع صوته وهو يحجي وياها بأريحيه زوجته وكل شي بيه ملكها وخاص بيها.
اطردي هاي الأفكار من عقلج ولتصيرين خبله وكافي تتجسسين على الرجال شوفي اشلون دياكلج بعيونه هسه شنو من نظرة اخذها عليج؟
عقلي يحجي ويايه من رفع راسه وباوعلي بسرعة سديت الشباك ورجعت لمكاني ودگات گلبي تقرة الف نفضت كل اوهامي وضربت جبيني على اسألتي التافهه وقنعت نفسي انو هو عايش حياته و مرتاح وي عائلته ملازم اعلق نفسي بشيء مستحيل يصير وهو أكدلي هذا الشي الف مره مو مره وحده،
محبيته، فيروز مستحيل اتحب اصلاً هي متؤمن بهيج موضوع اني اللي اضحك على كل وحده تذكر اسم حب وحبيب تاليها اوگع هيج وگعه اكيد لا هذا مجرد وهم زرعه عقلي لا أكثر ارجعي للواقع وانسي اللي صار وادعي تخلص مهمته على خير حتى اگدر ارجع لبيتي ولحياتي السابقه ومن بين افكاري و كلامي وي نفسي حتى اروضها اتذكرت المره اللي گال عليها خالتي باجر ان شاء الله اسأله عليها واشوف شنو التطورات الصارت لكاها لو بعده، على رغم اكو هوايه غموض بهذا الموضوع يعني بعد كل هذا العمر تطلع عندي خاله زين ليش بابا محجالي شي عنها اصلاً مجان يفتح ويايه مواضيع تخص أقاربنه ودائماً يتهرب من اسأله، اندفن وندفنت اسراره وياه وتركني وحيدة بدون سند أوووف شگد مشتاقتله ومشتاقه لحضنه الدافي ولكلمة بنيتي من يدخل للبيت، اريد واحد يربت على كتفي ويگلي تهون يجي يوم و تگدرين تتجاوزين هذا الألم ک العادة،
راح تعيشين فيروز وتكملين حياتج ويبقى اشتياقج لوالدج نار ملتهبه ميطفيها غير الموت اللي هو الحقيقه الوحيده بحياة مليئة بالأكاذيب،
غمضت عيوني واني ادعوا النعاس لسهره خاصه في عالم الأحلام.
هَمَّاس: سويت مثل متگول وهسه احنه نتعقب اجهزتهم بالكامل.
هَيْصَم: منو دفع الكفاله؟
هَمَّاس: أحد جماعتهم شخص من عدهم منو غيره برأيك.
هَيْصَم: على يوم اسجنه بأيدي محمد هوايه صاير يلعب بذيله لازم نلگيله حل لكن مو هسه هو ميعرف الفايدة اللي يقدمها النه بدون علم.
هَمَّاس: المكان صاير يخنك بدونك، ارجع قبل ميفوت الأوان اصدمهم برجعه الأسد قبل مينتهي الموعد المحدد.
هَيْصَم: اشوكت يصدر أمر النقل؟
هَمَّاس: بعد يومين.
هَيْصَم: أي مركز تم نقلي اله؟
هَمَّاس: موجود بالموصل.
هَيْصَم: ناوين على موتي بحجه الأرهاب، سهله معرفوا بمنو اندگوا ارجع أو اراويهم سليل الأسد شنو يگدر يسوي.
هَمَّاس: كلنه بأنتظارك سيدي لتنسه احنه وياك وين متروح منسمح فريقنه يتفكك ببساطه.
هَيْصَم: موعدنه نفس المكان جمع المعلومات حتى لقائنا.
هَمَّاس: أمرك سيدي.
هَيْصَم: شنو سويت بالي طلبته؟
هَمْهَام: الأسود ديخطط لقتلك عرف المكان اللي انت بيه و بأي لحظه ممكن يسوي عليك هجوم مستغل فرصه تواجدك بالمستشفى حتى ميخلي عليه اي اشتباه.
هَيْصَم: عندي علم بهذا الموضوع اريد شي جديد.
هَمْهَام: راح ادز قوة دعم في حال صار شي يگدرون ينقذوك.
هَيْصَم: هَمْهَام اريدها عايشه اذا صار بيها شي ما اگدر اضمن ردة فعلي لذلك لتدخلوها في حال صار هجوم.
هَمْهَام: كلنه نريد سلامتها ميحتاج توصي حريص سيدي.
لائِث: ليش دائماً اتصالاتك تصير بهيج وقت ليكون مفكرني صاحبتك واني ماعرف تره زوجي يغار لتسوي هيج.
هَيْصَم: عوف الشقه وركز، اريدك مزروع يمي الساعة سبعة الصبح.
لائِث: مو اني ام الروبه حتى اطلع من الفجر ابني بيك شي؟!
هَيْصَم: لائِث شغل مخك ويايه بدون استهبال الموضوع جدي باجر لازم تجي لهنا حتى ترجعها لبغداد.
لائِث: مستعد للهجوم انت؟
هَيْصَم: مو اول مره انغدر متعود على هجمات الجبناء.
لائِث: انتبه لنفسك هَيْصَم لتسمح يصير بيك شي قبل متاخذ انتقامك.
هَيْصَم: انتقامنه لائِث لتنسه.
لائِث: أنتقام لكل شهيد وجريح ولجميع ابناء البلد.
هَيْصَم: عاش العراق وسقطت جميع أيادي التخريب.
لائِث: اعذرني بس ذكرتني بالأبتدائية من يدخل الأستاذ ونكوم كلنه ونگول عاش العراق وهو يجاوب استريحوا احنه نرجع نگول شكراً استاذ بس لحد الأن اتسائل ليش نمط بيها ونسويها لحن ليش منحجيها بصوره طبيعيه والله شي محير؟!
هَيْصَم: شنو رأيك تنام ساعتين وتصحصح وتجي لهنا بلا هاي السوالف اللي متجيب نتيجه.
لائِث: تدلل تصبح على حب هَيْصَم الغالي.
هَيْصَم: تبقى مثل ما انت متتغير،
رفعت راسي شفتها واگفه يم الشباك وعينها عليه نظرتلها بأسى وگعت بمشكله ما الها اي داعي تورطت بمهمه متعرف عنها شي، شلون اگدر اطلعها من عدها بدون ميصيبها خدش؟
حمل ثگيل على اكتافي بعد مرور سنين طويله خلاني القدر بمواجهة نفس التحدي بس مستحيل اسمح تكون النهايه نفسها هي بريئة ملازم تتلوث بهيج حياة الموت هو الشي الوحيد المتيقن بيها.
: فتحت عيوني على صوتها وهي تصيح بأسمي رفعت راسي شفتها الساعه سبعه باوعتلها وحجيت بصوت ناعس:
خيرج من الصبح ذكرتيني بأيام السادس خليني انام اشويه وبعدين انسولف.
آمندا: والله ماكو نوم لازم تحجيلي كل شي ضامته عليه، يلا غردي يحلوه شنو اللي يربطج بمحمد؟
گعدت ومسحت وجهي بكف أيدي وحجيت بعصبيه بسبب النعاس:
ابن عمي شنو يربطني بيه مثلاً؟!
آمندا: وشنو المبهر بلي حجيتيه اعرفه ابن عمج اني اسأل شنو نوع العلاقه التربطكم سوا؟
حوري: ميربطنه شي بالوقت الحالي مجرد يريد يسأل عليه لا أكثر.
آمندا: وتردين اصدگ؟
حوري: والله هاي مشكلتج خليني ارجع انام احسن،
رجعت راسي على المخده سحبتني من ايدي وعدلت گعدتي زفرت بغضب واني عيوني تريد تفترسها:
وتالي وياج خليني انام.
آمندا: اللي تسويه غلط ابتعدي قبل متتندمين حوري، انتِ اكثر وحدة تعرف أرفد ونسر ميقلون غضب وغيره من هَيْصَم اذا مقتلوج يتبرون من عندج والله وميسمحون تزوجيه لو شنو يصير حافظي على نفسج ولتوگعين بمشكله الها اول ما الها آخر.
حوري: لتخوفيني واني ممسويه شي مجرد يريد يطمأن عليه وبس، بعدين الثنين عاشوا مثل ميردون ليش حتى يمنعوني اعيش حياتي ما افهم؟!
اني انسانة مثلهم اريد احب وانحب وين المشكله بكل هذا؟!
وللعلم هو ابن عمي مو شخص غريب مستحيل يسوي شي يضرني.
آمندا: انتِ مو نفس البنيه الترجف بس من ذكر اسم أرفد على رغم هو مدللج ويعتبرج بنته مو اخته شنو سوه هذا وخلاج تغيرين نظرتج عن اهلج لا وتحجين عليهم همات؟!
حوري: مسوه شي غير انو حبني من اعماقه هذا ميشفع عند خواني على رغم اللي سووه مينسي، أرفد اللي دخل مثل العصابه وتزوج اخته بدون حتى مياخذ أذنه ونسر اللي سجنه حتى ياخذ راحته بالعقد واخوها الوحيد ماعنده علم برأيج ميستحقون الكره من عنده على هاي عمايلهم؟!
آمندا: ارفد ينضرب المثل بحبه لريفان ونسر نفس الشي، بعدين هم خطبوهن من ابوهن هو شنو دوره اذا ولي امرهن قابل!!!
اني من وعيت للدنيا الكل يگول ريفان وأيفلين لنسر وارفد بعدين اللي سوته ريفان هو الخطأ ابن عمها ناهي عليها كدام اهلها وكللهم ممنوع تتزوج احد غيره بسبب مرضها راحت هي واخوها واستغلوا غيابه حتى تعقد اصلاً خلي تحمد ربها بهذا الوقت منو تلگي هيج انسان محب ومضحي مثله؟
حوري: لو اني بمكانهن هم قبلوا؟
آمندا: اخوها يعرف اخته متتحمل تخلف لو ميعرف؟
مع هذا قرر يضحي بأخته فقط لأن يكره ارفد برأيج اخوج وعلى رغم رزانته وحكمته او وعيه ليش سوه تصرف همجي كدام عائلتها وكدام الناس؟
مخاف على سمعته وفكر بسلامتها، اهلها كلهم يعرفون ميصير تتزوج حتى العلاقه الزوجيه تعتبر خطرة بدون عمليه وهم قدموها بطبق من ذهب لذلك الغبي اللي ماعرف اسمه برأيج اللي مبيه خير لأهله بي خير ألج؟
تركتني وطلعت وخلتني بحيرتي معقولة ايسوي هيج حتى ينتقم من اخواني بيه؟
نفضت افكاري من شفت رقمه ينور شاشة الموبايل فتحت الخط وخليته على اذني اجاني صوته اللي بيه بحت نوم.
محمد: صباحي صفاء عيونج حوريه.
حوري: صباح النور ليش متصل بهيج وقت حلمان بيه ليكون؟
محمد: جاوبتي على السؤال اللي سألتيه، هاي الأيام متغيبين حتى عن احلامي دائماً اشوفج وين ما اكون وعطرج وابتسامتج متفارقني واذا سألتيني عن السبب فجوابي واحد مراح يتغير،
كل خلية بمحمد واقعه حد النخاع لحوريته.
اتذكرت كلام آمندا وحجيت مقاطعه هذا الغزل:
اترك عدم استيعابي للحب المبكر اللي انت بيه هسه وجاوب على سؤال مهم.
محمد: اسمع.
حوري: شنو تريد من عندي؟
محمد: شنو هذا السؤال الغريب شنو اريد من عندج مثلاً؟
حوري: لتجاوب سؤالي بسؤال.
محمد: احبج واموت عليج واتنفسج هم، شنو تردين اكثر من هيج حتى تقتنعين انو ما اريد انتقم بيج من اخوانج ماكو ربط بالموضوع اني اكرهم وهاي منتهين من عدها ومشاعري ناحيتهم مستحيل تتغيير يوماً ما بس انتِ تختلفين، حبيتج من اول مره شفتج بيها بكل مساوئي، گلبي اختارج بشنو احلف حتى تصدگين؟
حوري: مع هذا اخواني مراح يوافقون على علاقتنه وانت تعرف السبب ميحتاج اشرح كل مره.
محمد: خلي حبنه يتحده الظروف وينتصر عليها انتِ بس وافقي وشوفي شلون احارب الدنيا علمودج.
حوري: تمام اوعدك هاي المره راح افكر من صدگ لكن رجاءً لتشوش عقلي بأتصالك عليه حتى ارجع للبيت.
محمد: موافق مو مشكله صبرت كل هاي الفتره ما اصبر كم يوم؟
غلقت الخط وانفتح الباب بقوة دخلت وهي كلها اعصاب.
آمندا: يلا كومي حتى نتريگ سوه.
حوري: وليش تعيطين عليه؟
آمندا: ماعرف بس اني معصبه من عندج حيل اليوم لتلوميني على تصرفاتي.
حوري: من خوفج عليه اعرف، اني اعتبرج اختي وعليه اتقبل كل مزاجيتج المتقلبه.
آمندا: لتسوين شي تندمين عليه بعدين عائلتج متستاهل اللي ناوي عليه محمد.
حوري: ليش تفكرين بسلبيه ممكن يحبني صدگ ونيته مو سيئة شنو اخسر اذا انطيته فرصه؟!
آمندا: بكل الاحوال ميقبلون اخوتج وتعرفيهم اكثر من عندي عداوتهم توصلنه من امج شوفي الى أي درجه يكرهوه لعد؟
حوري: امشي ننزل اذا ابقى بهذا التفكير راح اموت اليوم لامحاله.
فتحت عيوني على طرقات خفيفه على الباب كمت من مكاني و فتحته صار بوجهي لابس قميص اسود وبنطلون اسود كاف ردن القميص ومزين أيدة الشمال ساعة فضيه واكيد حضرته ميستغني عن فتح اول دگمتين من قميصه واضح من عدهم السلسله و ثغره بيه حامض حلو ابتسمت على مضهره مجذب بشكل ساحر للعين رفع حاجبه وهو مخلي أدية بجيوب البنطلون وينظرلي بعمق بقيت صافنه بيه شويه وصحتني اصابعه من فرقعهم كدامي وهو يگول.
هَيْصَم: أجلي الصفنه لغير وقت لازم نطلع هسه، غيري ملابسج و انزلي منتظرج بالصاله.
نزل قبل ميسمع جوابي تبعته ورحت للحمام سويت الروتين المعتاد ودخلت للغرفه صليت بسرعة وغيرت ملابسي وجمعت البقيه بعلاكه ونزلت شفته ديتصل ومشغول التفتلي وأشرلي اتبعه سويت مثل ميگول وطلعنه صعدنه بالسياره ونطلق و الموبايل منزل من أيدة أخير مره بعد وقت طويل انفتح الخط وقبل ميسمع جوابه عاط بيه.
هَيْصَم: شنو هذا الأستهتار صار ساعه واني اتصل بيكم حتى لو جنت كلب ينبح هم جان احترمتوني وجاوبتوا شفتوني ابتعدت اخذتوا راحتكم على الآخر.
لائِث: حقك تعصب سيدي شنو بأيدنه نسوي اجت الأوامر اليوم نسوي هجوم على بيت مشتبه بيه اني والفريق بالكامل مگدرنه نجي واعتقد هاي خطه حتى يوكعوك كون حذر راح اتواصل وياك بعد متخلص العملية.
عصب وشمر الموبايل من ايدة وضرب الستيرن بغضب.
هَيْصَم: ابناء الملاعين يردون يوكعوني بنص النار بس هين اذا معرفتهم منو هَيْصَم ما اطلع ابن ابوي.
لائِث: هَمَّاس اشبيك صافن ذكرتني بأبو صابر صاير شي ضلع؟
هَمَّاس: حادث على طريق البصره بغداد السياره مالته لائِث، هَيْصَم...
لائِث: لتگولها ميسويها الأسد ميعيف العرين مالته مستحيل ما اصدگ.
هَمْهَام: لازم نطلع حتى نروح للمستشفى بسرعه اخوان استعجلوا.
لائِث: ولكممممم لااااا ميموت هَيْصَم مستحيل يخلف بوعده.
ضَرْضَم: الجميع دخل مرحله من العصبيه والغضب منو بينه يصدگ ممكن أسد مثله ينغدر بسهوله..
يتبع..
تفاعلكم اللي يسوي واهس وتعليقاتكم بين الفقرات وتصويتكم للبارت يحلوين
تصبحون على الف خير.
حسابي الأنستا نسولف بيه عن القصص شمعاتي.
رواية هَيْصَم الفصل الثالث عشر 13 - بقلم Zahraa_Ahmed
للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
شاركوا القصه حتى تكبر عائلتنه ونستمتع وي الهَيْصَم مع بعض.
هَيْصَم
(الكاتبة زهراء احمد)
_____________
ويبقى داخل الروح شيء .
لا يترجمه حبر ولا يستوعبه ورق .
بعض الشعور لا بوح يكفيه .. ولا حرف يحكيه .
خلق ليسكن داخلنا دون أن نخبر به أحد
بالقلب شعور لا يحكي ولا يوصف بالقلب فقط.
ضَرْضَم: اهدأو خلي نعرف الموضوع بالكامل قبل منقرر شنو نسوي،
هَمَّاس من وين جبت الخبر؟
هَمَّاس: احد الأشخاص اتصل بيه وكلي.
ضَرْضَم: عرفته منو هو؟
هَمَّاس: ابحث عن الرقم دقائق ونعرف.
لائِث: اكيد واحد من عدهم هذا البربري اللي مسوي نفسه مديرنه الجديد اگص ايدي اذا مطلع أله ايد بعملية الأغتيال.
هَمْهَام: اهدئ خلي نفهم كل شي وارد ممكن اصلاً ميكون صار بيه شي وهاي كلها خطه من عنده لتستعجلون بأتهام الناس وانتوا اكثر الأشخاص تعرفون طبيعته بالعمل.
لائِث: لتخليني اطلع اخبالي بيك بعمره مسوه شي بدون علمنه هو دائما ينطينا خبر بكل خططه شنو الداعي حتى ميحجي شي هاي المره؟!
ضَرْضَم: كافي لائِث كلنه خايفين عليه مو بس انت مع هذا هاي العمليه مو سهله لازم نعرف كل الخيوط وشلون صار التخطيط وشلون عرفوا بيهم راح يطلعون الصبح بهيج وقت والمحير بالموضوع ليش هو طلع اصلاً؟
هَمَّاس: عرفته.
هَمْهَام: لتلعب بأعصابنه احجي منو؟
هَمَّاس: مابيه عنوان ولا اسم اعتقد مثل مگال لائِث اللي اتصل واحد من عدهم حب يخبرنه بموت قائد الفريق.
لائِث: قسماً بعز الله اذا گلت مات احفر گبرك وادفنك بصفه واسوي عزاء واحد.
ضَرْضَم: لائِثثث.
لائِث: شنو اتريد من خ***
ضَرْضَم: السانك انتبه.
لائِث: شنو اتسوي مثلاً تگطع راسي لو تعلقني فلقه؟
هَمَّاس: اهدأو ميصير هيج مثل الروضه خلونه نتأكد من السياره عن طريق جماعتنه.
ضَرْضَم: راح اتصل بيه البارحه بالليل هو التقي بيه وانطاه الخطه خلوني اشوف اذا يعرف شي لو لا:
الوو
نعم.
ضَرْضَم: الخبر صح؟
للأسف اي اني هم اتفاجأت من اللي سمعته متوقعت راح ينفذون الخطه بهاي السرعة مجان عدنه علم سبقونه بخطه ممتوقعه.
ضَرْضَم: لكن شلون صار كل هذا؟!
جانوا مراقبين البيت وتبعوا السياره بعد ساعه تقريباً هجموا عليه على الطريق السريع اللي يربط بصرة بغداد محد اقترب من عدها ونقذهم لأن جانت خطتهم محكمه سوو الهجوم بوقت جان بيه الطريق فارغ بعد فتره قصيرة احترگت وحتى أثر الهم ماكو.
ضَرْضَم: فريق بحث من المركز طلع حتى يتأكدون ابقى وياي على تواصل وخبرني بالمستجدات.
ما اوعدك مشددين علينه النطاق لهذا مراح اكون متاح بجميع الأوقات انتظر من عندي اتصال اذا عرفت شي تعرف خطورة الوضع اذا اكتشفوا أمري.
ضَرْضَم: الخبر أكيد شباب اكدلي الموضوع هَيْصَم...
قاطعه وهو يصرخ بصوت عالي.
لائِث: ياويلك اتكملها ممات لو اشوفه كدامي أمدد ما اصدگ وشوفوا اشلون راح يدخل من هذا الباب هسه ويعيد سوالفه ويانه ويطلب من عندي اكون شاهد على سوالفه الأستفزازيه.
هَمَّاس: محد گال مات وانما مفقود ماكو أحد يعرف هو وين اترحموله بكل الاحوال الرحمه على الحي والميت.
لائِث: والعباس راح اخلي كل اللي بالمركز يترحم على روحك قبله، تسكتوه لو اشلون لتخلوني اتخبل واسوي مصيبه.
هَمْهَام: اني مراح ارتاح اذا مرحت لمكان الحادث تجون وياي؟
لائِث: اي اصلاً ليش اني موجود اهنا كلنه خلي انروح ونتأكد.
طلعنه من المركز ورحنه لمكان الحادث تقريباً ثلاث ساعات أو وصلنه لنفس المكان الفريق البحثي موجود وانضمينه الهم،
الحرارة انتشرت بكل جسمي واحس النار تطلع من اعيوني شعور داخلي يحفزني اروح وأحرگ كل الموجودين بالمركز أو اولهم اللي مسمي نفسه مدير واني اشوف السياره مالته مباقي بيها شي، اقترب من عدنه واحد من اللي يبحثون بيها.
ماكو أثر لأي شخص موجود بالسياره.
هَمَّاس: يعني ممبين اذا جانوا ميتين او لا؟
لائِث: غير يترك سيرة الموت يا أخي ليش تحسسني قاطعين رزق عزرائيل وتريد ترزقه بهَيْصَم؟!
هَمْاس: شبيك غير نعرف شنو صار بيهم او وين هم هسه.
ضَرْضَم: كافي انتوا الثنين، وانت كللنه اشلون نعرف هو وين هسه؟
ماعرف بس اللي اعرفه مموجود احد بالسياره لاميت ولاعايش.
هَمْهَام: ممكن بسبب الأحتراق معاد ألهم أثر؟؟
ما اعتقد لو موجودين باقي الهم أثر لكن هم مموجودين اصلاً ماكو ولا دليل يثبت انهم ماتوا
ضَرْضَم: اكو كاميرات مراقبه بهاي المنطقه؟
هَمَّاس: ماخذين احتياطهم من هاي الناحيه ماكو اي تسجيل لوقت الحادث ولا بعده.
لائِث: والله بس يصير بأيدي أخ شنو اسوي بيه.
هَمْهَام: خلونه نرجع للمركز وجودنه اهنا بدون فائدة.
لائِث: مستحيل ما أرجع، راح ادور بالمستشفيات وبكل مكان اعرفه يروح عليه.
هَمَّاس: اذا هاي خطه لازم يتصل بينه و المستشفى اتصلت بيهن كلهن ماكو اي وحدة استقبلت هيج حاله اليوم خلونه نرجع وبعدين نفكر شنو نسوي.
لائِث: مستحيل متنتهي بهاي الطريقة السيئة شخص مثله ميموت بسهوله اني اعرف.
ضَرْضَم: كلنه مثلك مصدومين بس شنو بأيدنه نسوي؟
رجعنه اول منزلنه من السيارة صار بوجهنه وهو يحجي بسرعة ونبرة حزن جبيره.
أرفد: صحيح اللي سمعته؟
لائِث: لا نشاقه وياك حضرة الدكتور نلعب وياك ختيلان بس حتى انشوف مقدار حبك أله.
ضَرْضَم: للأسف أي كل شي صار فجأة حتى احنه ممستوعبين هيج خبر.
أرفد: خالتي عرفت؟
هَمَّاس: حاولنه قدر الأمكان منوصل الخبر الهم لكن منعرف اذا سمعت من جهه اخباريه.
هَمْهَام: شلون نعرف هسه هو وين؟!
ضَرْضَم: ممكن انخطف؟
هَمَّاس: احتمال وارد.
لائِث: اتركوا الأحتمالات مالكم وفكروا وياي شلون نگدر نعرف هو وين هسه؟
أرفد: اتصلوا بمدير المركز الأساسي هو اكيد عنده علم لابد يعرف شي.
ضَرْضَم: ماكو احد يعرف شي عنه للوقت الحالي فص ملح وذاب.
هَمْهَام: والحل اكيد منبقى مكتفين ادينه وبأنتظار نسمع خبر وفاته.
لائِث: اني ما لعب نفسي وكرهني بحياتي غير سيرة الموت اللي على السانهم ليش تفاولون عليه بس اريد افهم؟!
هَمَّاس: الموت حق بعدين كل الأحتمالات واردة حتى جماعتنه هيج ظنهم.
لائِث: طز بالكل هَيْصَم حي يرزق لحد يقنعني بغير شي فاهمين.
أرفد: اني مو من حقي ادخل بهيج موضوع يخص عملكم لكن اذا صار شي ياريت تنطوني خبر ماشي.
ضَرْضَم: تدلل دكتور.
هَمْهَام: خلص ماخذ الممر رايح راجع مثل واحد ينتظر زوجته بصالة الولادة.
لائِث: اسكت عني لتخليني اتجاوز.
ضَرْضَم: على اساس انت مؤدب حتى متگدر تتجاوز هسه؟!
لائِث: يا أخي لتدخلون بيه عوفوني بحالي،
هاك استلم جانت عايزة التمت.
عاصم: ليش معصب قابل بس هو مات انت هم تلحگه يوماً ما ايجوز يكون قريب بعد محد يعرف شنو يصير باجر دنيا غريبه.
لائِث: ممكن الله كاتب اموت باجر بس صدگني اذا مراويتني ظهرك اخليك تلتقي بعزرائيل شخصياً واليوم مثل ميگول سيد هَيْصَم.
عاصم: قصدك المرحوم شو نسيتها؟!
هجم عليه ولكمه بوكس بنص وجهه وحجه بعصبيه.
لائِث: اذا مات فريقه عايش ويطيح حظك لتفكر ايموت الأسد تصير الغابه بأيد الكلاب الكرسي ميلوگ لغير اصحابه اما انت حضيرة الحيوانات متليق بيك.
نهض بألم ويحجي بتوعد.
عاصم: اليوم اتنام بالزنزانه مثل المساجين واني اشوفك الكلاب شنو تگدر تسوي.
لائِث: اوي داده رجفت ذيلي.
عاصم: استهزء براحتك دقايق ويجيك الأمر.
لائِث: مو زلمه اللي يخلف بوعده شوفني شنو تسوي يلا.
ضَرْضَم: عاصم لتسوي مشكله تعرف الوضع اللي احنه بيه لتسبب مشاكل اكثر من هيج.
عاصم: اكيد ادافع عن كلب هَيْصَم شنو اتوقع من عندك؟
لائِث: كلب عند هَيْصَم ولا فاره يم الأرعن مالتك،
اسمعوا الغبي ايفكر ازعل اذا لقبني هيج حقك تغار من مدا ثقته وحبه النه على عكسك تماماً حتى تحقيق منعك من عنده غاثكم لدرجه صرتوا تحلمون تاخذون مكانه لو يوم واحد،
مو عادتي انصح واحد فاسق بس هاي لخاطرك ابقى واگف على الباب وترقب بأي لحظه يصدمك بطلته البهيه وهيبته اللي ترجفكم.
هَمْهَام: عاصم شوف شغلك خلي كل واحد بينه يكمل عمله كما لو هو موجود ونشوف بعدين شنو يصير.
عاصم: انتظر العقوبه.
لائِث: هذا من عقله يحجي!!
هَمَّاس: تعرف بيسار ايميل اله ويحبه ومستحيل يقبل عليه شوف شنو راح يصير وياك بسببه.
لائِث: قصدك بسطال.
هَمْهَام: ليش السانك اليوم فالت شنو الفلم؟!
لائِث: انطيني درنفيس واضبه.
هَمْهَام: مو وقت سخافتك ابداً.
لائِث: كول لنفسك هاي الجمله قائدنة ما معروف عنه شي وهذا الغبي ايريدني الزم الساني اني اصلاً لازم ايدي غصب حتى ما أروح واضرب بسطالنه الجديد.
هَمْهَام: ليش والقديم؟
لائِث: ذلك تاج راسك لتحجي عليه.
هَمْهَام: انت اللي گلت بسطال جديد معناها اكو قديم.
ضَرْضَم: تسكتون لو اشلون؟!
لائِث: اتفضل مكتفه من كسر خشمه ايريد اكسر شي ثاني بجسمه حتى يتوب وميندگ بيه يا اخي ليش متقبل تفهم منطيق وجهك ليش كل دقيقه گامز يمنه مثل القرد؟!
هَمَّاس: السانه يولد.
عاصم: السجن راح يأدبه السيد بيسار يطالب مثولك يمه حالاً.
لائِث: بسرعة شكيتي لزوجج متحملتي ابد تسكتين.
عاصم: احترم نفسك لتحجي وياي بهذا الأسلوب لتعرف شلون اتصرف وياك.
لائِث: اللهي ليش مخليني وي مخابيل بشنو علت وتبليني بهيج ناس؟!
ضَرْضَم: مجرد سوء فهم ليش سويت هيج عاصم وانت تعرف الوضع اللي نعيشه هسه؟!
عاصم: انتوا ضايجين على نقيبكم اني شنو دخلي؟
لائِث: مو مشكله ماعندي شي يدلل رجلج يحلوه انشوف شنو يريد.
هَمْهَام: والكافل راح يبهذل نفسه على هذا الأسلوب الأعوج.
لائِث: سمعتك.
هَمْهَام: خوفتني.
ضَرْضَم: انتوا شو ماتحترمون صدگ لو گال المثل اذا ذهب القط العب يا فأر.
هَمَّاس: لائِث روح واحجي وياه خلي نعرف شنو العقوبه.
حتى ميدمر تعبي كله مشيت بخطوات واثقه وكفت كدام الباب مجبر احترم هيج شخص ميستحق الأحترام ابداً بس الظروف اقوة من عندي طرقت الباب وسمعت صوته يسمحلي ادخل نيران مستعرة داخلي ما اگدر اعبر عنها بكلمات من شفته گاعد على كرسيه صار ثلاث أيام من اخذ هذا المنصب غير بيهن هوايه اشياء اهمهن فكك فريق الهَيْصَم لمتابعه هاي القضيه وأستعان بفريق أقل خبره جان شخص حاقد عليه من سنين وما زال لذلك يكره كل شخص معَ هَيْصَم واحنه نبادله نفس الشعور،
حجيت بهدوء قاتل عكس البركان اللي يثور داخلي:
طلبتني؟
بيسار: تعرف العقوبه صح؟
لائِث: الجميع يعرفها واني واحد من عدهم لكن قبل متصدر حكم العقوبه لازم تعرف هو اتجاوز عليه قبل ما أضربه.
بيسار: عندك دليل على صحه كلامك؟
لائِث: اصدقائي شهود.
بيسار: مديرك السابق مجان يعترف بالشهود عنده الدليل أقوه وعليه لكون انت احد افضل الأشخاص بالقسم اخولك أمر تسجن نفسك وتمتثل للعقوبه.
لائِث: ضابط بهيبتي ونجماتي اهان بهاي الطريقة علمود واحد أرعن بس هين اليوم الله سلطك عليه باجر يسلطني عليك و انشوف من أدور الدنيا،
رجعت بخطواتي للخلف يلوموني بتعلقي وحبي واحترامي للنقيب هَيْصَم لكن هو بعمره متجاوز علينه جميعاً يعامل بالمثل من اول يوم تعرفت بيه عليه مجان يقلل احترام مع أحد حتى المتهمين ومن اسأله ليش يجاوبني بالطريقه المعتادة،
هَيْصَم: المتهمين بشر مثلنه حتى نعرف الأسباب اكو طرق هوايه غير العنف اكسب محبتهم مثلاً راح يعترفون بدون تعب بس اتذكر مو الجميع يستحق نفس المعامله مع مرور الأيام تعرف معنى كلامي.
هسه عرفت معنى كلامه صحيح مو الجميع يستحق نفس المعامله الأشخاص اللي جان يعتني بيهم ويساعدهم سابقاً ولا واحد بيهم مهتم ولا كأن رأيسهم مختفي وميعرفون عنه شي اول مره جانت خطه من عنده بس هاي المره گدروا يصيدوه بالغدر،
الحادث خلانه ننصدم لذلك ماكو فائدة من الأستمراريه وعليه اعلنه اللي صار قبل هو خطه لهذا اهل المركز يعرفون انو اللي جان بالمستشفى مو هَيْصَم وانما هو بالبصره لكن محد يعرف غير الفريق المقرب من عنده انو مجان وحده بهاي الرحله.
قبل ما اطلع من الغرفه انطرق الباب بقوة سمحلهم يدخلون ومنصدمت من شفتهم سانديني بطولهم ويدافعون عني.
ضَرْضَم: سيدي احنه نعترف اللي صار خطأ والقانون يفرض عليه عقوبه مع ذلك ارجوا تسامحه انت تعرف اللي صار اليوم مو قليل والسيد هَيْصَم لحد الأن منعرف عنه شي لذلك صارت عنده ردة فعل غير مقصودة والا الجميع يشهد بمدا حبه لأخونه عاصم.
لائِث: حجيت بصوت ناصي حتى محد يسمعني غيره:
طاح حظك اي والله على هاي الجمله لو ساجني سنه ومحاجيها.
ضَرْضَم: مو وقت تفاهه خلينه نطلع من هاي المشكله على خير.
بيسار: القانون ما اگدر اخالفه اني هم ما احب اسجنه بس اذا عاصم قدم شكوى للآمر مالتي اروح بيها وانتوا متقبلون بأذيتي.
لائِث: منو ضاحك عليك اصلاً أرگص اذا صار بيك شي مو زين واطش چكليت بصحن ابو فاضل ربي تسمع؟
ضَرْضَم: لائِث لتخبلني شوف اشلون يباوعلك، هسه يسجنه كلنه مو بس انت.
هَمَّاس: سيدي احنه مستعدين نعتذر جميعاً من عاصم المهم الموضوع ميوصل للسجن.
بيسار: صيحولي عاصم.
لائِث: بعد هذا الأتصال دقائق وتواجد عاصم يمنه منظر خشمه وهو ملفوف خلاني اضحك غصب هم يعيلون ويردوني اسكت والله بأحلامهم.
بيسار: عاصم زميلك واخوك يريد يعتذر من عندك وتحلوها وديه على رغم هاي مخالفه بحقي بس احتراماً لخسارتهم الكبيرة وحزنهم على فقيدهم نعذره شنو رأيك؟
عاصم: مو مشكله لكن خلي ايكون اعتذارة صادق ومن گلبه.
لائِث: رضاك مو غايتي عزيزي لكن احتراماً للسيد بيسار اعتذر من عندك او وعد مره ثانيه راح انتبه على تسديداتي لدرجه اخلي النتيجه النهائيه اتكون صادمه مثل فوز برشلونه على مدريد محد يتوقعها.
عاصم: تعتذر لو تهدد حضرتك؟!
لائِث: افهم اللي يعجبك.
هَمْهَام: اذا منسعفه يروح بيها الأخ.
ضَرْضَم: نعتذر من عندك جميعاً نتمنى تنغلق بوجود هاي الوجوه الكريمه.
لائِث: تره مگاعد بديوان.
هَمْهَام: اسكت انت خلي نطلع اختنگت.
هَمَّاس: وجودي اهنا يضيق نفسي استعجلوا قبل ما انسجن مكان لائِث.
عاصم: اعتذارك مقبول لكن اكتب تعهد متطخني مره ثانيه.
لائِث: لهاي الدرجه اني اخوف؟!
عاصم: على راحتك اذا متقبل.
ضَرْضَم: هو توقيع مو مشكله لتكبر الموضوع لائِث.
لائِث: وقعتها وطلعت ايفكر تگدر ورقه تمنعني انو اكسر اعظامه اذا اتجاوز واحد غبي.
ضَرْضَم: من الأول كتلك سيطر على اعصابك ماكو داعي للأنفعال انت تعرف العقوبه ليش تخالف القانون؟!
لائِث: وانت مقصرت باقي بس تبوس رجله حتى يتنازل؟
ضَرْضَم: انجب.
لائِث: شو صاير ماتحترم؟!
ضَرْضَم: ليش انت خليت بيها احترام؟
هَمَّاس: وتالي وياكم شوكت نخلص من هذا اليوم المشؤوم؟
هَمْهَام: لائِث ضايج مستحيل تخلص.
لائِث: طالع عندي مكالمه ضروريه.
حوري: اني بالمطبخ وي ريهاف دنحضر كيك وسمعت صوت صرخة قوية من الصاله ركضنه اثنينه واني اشوف خالتي متربعه على الأرض وتلطم على وجهه حيل وتبجي بألم وتصيح بصوت عالي.
كلاثم: راح من أيدي اخوجن مخلاني أشبع من طوله الحلو واسمع صوته عافني بدون ميودعني اويلي يمممه راح ابني.
حوري: ركضت يمها ريهاف وتبعنها آمندا و آريا اللي نزلن على الدرج ركض اني عيني راحت على الأخبار
" تعرض النقيب هَيْصَم للأغتيال اثناء قدومه على الطريق بصرة بغداد ومازال البحث عنه قائم كون لم يتم العثور الى الأن على جسده"
رحت بسرعة يمها وحجيت مُطمأنه.
خالتي ممات والله هياتها الأخبار يگولون يبحثون عليه يعني بس سيارته متعرضه للحادث ادعي ان شاء الله مبيه شي ويطلع مجرد حادث طبيعي.
ريهاف: صحيح كلامها خلينه نتأكد اتصلي بيه وشوفي.
كلاثم: جيبي الموبايل خلي اشوفه ماكو غيره واحد يريح گلبي،
السلام عليكم ابني طمن گلبي فدوة لگلبك وكلي وين هَيْصَم صار بيه شي وشنو هذا الخبر اللي سمعته بالأخبار؟
لائِث: وعليكم السلام خاله بعدنه منعرف شي عنه لكن اطمأني البحث عليه قائم وان شاء الله ابشرج برجعته للمركز سالم انتِ بس ريحيلي نفسج ليصعد عندج الضغط وانتم مايمكم أحد.
كلاثم: اشلون اتريدني اطمأن واني ماعرف شنو صاير بيه هسه، الله عليك احلفك بحليب أمك احجي الصدك شنو بيه هَيْصَم؟؟
لائِث: وغلاتج خاله ماكو أي خبر صحيح السياره مباقي من عدها شي بس ماكو اله أثر انشگت الگاع وبلعته.
كلاثم: وهسه اشلون لعد؟؟
لائِث: اذا سمعت شي انطيج خبر صدگيني بس انتِ لتحرگين اعصابج اتعرفين ابنج أكثر من عندي عنيد وراسه يابس ميستسلم للموت بسهوله.
كلاثم: الله يحرسكم بحراسته محفوظين ابني ولتنسه أي خبر تسمعه اتصل بيه فوراً لأن هو مستحيل ايسويها.
لائِث: ايخاف عليكم لو مو حبه الكم مجان خلاكم بمنطقه بعيدة عن عينه ادعي نسمع عنه خبر ويكون مبيه شي.
كلاثم: الله يسمع من عندك شنو أريد غير هيج أني،
روح شوف شغلك يمه أخرتك بسوالفي محفوظ اوليدي بعيون اللي متنام.
ريهاف: شنو گال؟
كلاثم: ميعرفون عنه شي بعدهم يدورون، گايمه اني اصلي وادعي بلكي يطلع سالم منها ومبيه شي.
حوري: الأجواء متوتره وكل وحده اخذت جزء من الصاله يبجن صار اليوم شبيه بيوم عزاء اتمنيت انو يطلع من عدها مبيه شي لخاطر عائلتة بقى الكل ملتزم بوضعيته مرت فتره طويله ونطرق الباب بعنف طلعت ريهاف فتحته ودخلت تصرخ بصوت عالي.
نيجار: هَيْصَم خوويه اويلي عليج يمه اشفت من حياتك وهيج صار وياك ملحگت اشبع من عندك ولج يووم راح هَيْصَم عاف خواته وحدهن بدون سند يحميهن.
گعدت على الأرض وتبجي وتضرب على خدودها انفعلت الى درجه فقدت الوعي وصحنها بالمي ورجعت نفس الحاله طلعت خالتي من غرفتها وگعدت مقابيلها وثنينهن يلطمن حسسني انو هو مات صدگ مو محد يعرف عنه شي او يمكن تكون خطه عسكريه كل شي وارد حسب موصفنه خواته على شخصيته الغريبه والغامضه احساس داخلي قوي حيل مستبعد انو صاير بيه شي بس هن ميصدگن او ميردن يصدگن انو هو بخير وحي يرزق،
اول مره بكل حياتي اشوف هيج مشهد صحيح اخوي ضابط، ولفتره معينه صار مدير المركز بس مجان يتعرض لهيج اشياء او يتعرض لكن أرفد وهو يحلوها بدون متوصل ألنه، بعد كل اللي صار خلاني متكتره وماعرف شنو اتصرف غير ماخذه زاويه وصافنه على ردت فعلهن القوية الجميع يبجي ومنفعل لكن اكثر وحدة من بعد أمه هي نيجار الأخت البعده طلعت فوگ وتركتهن بعد مشفتها صعدت دخلت بعدها للغرفه جانت لازمه بأيدها صورة تمسح بيها وتبجي اقتربت من عدها وحضنتها وخرت عني بعد فتره وتحجي بغصه مليانه دموع وقهر.
آمندا: جان دائماً من يجي يزورنه يودعنه قبل ميطلع ويوصي كل وحده بينه ويأمنه على أمي و البيت ومن استلم هاي المهمه لسه مشايفيه من ثلاث أشهر وحتى ميتصل خفت حيل ليصير بيه شي واني مشايفته كل هاي المده وابقى بحسرتي عليه بالماضي من جنت اگله لتروح وتعيفنه واذا علمود الفلوس دور عن اي شغله ثانيه نگدر نعيش بيها بدون متعرض حياتك للخطر من يسمع من عندي هيج كلام يزعل وميحجي ويايه ولأن اني ما اتحمل اروح اصالحه فوراً وهو يجاوبني ک العادة.
هَيْصَم: ما ازعل من اسمع هذا الكلام من الجميع بس من تحجين انتِ بيه بدون متحسين بلي داخلي حيل انقهر مختاريت هذا العمل علمود الفلوس ولا لمنصب ولا حتى يحترمني الناس ويخافون من عندي اني مو بحاجة النجمات حتى اثبت منو هَيْصَم وانت تعرفين عدل شجاعة اخوج وسمعته بالمنطقه هدفي واضح هو الأنتقام و تحقيق العدل بما انو قادر عليه اريد اسلم القضاء كل متهم دمر حياة الشباب وأهاليهم وكل واحد كان سبب بدمعة أم او زوجه وحتى يتيم.
آمندا: وهسه اتسببوا بدموع أمه شفتي اشلون الحياة مو منصفه ابداً ليش الموت يلاحق الناس الزينه ويترك العارات؟!
حوري: لتحجين هيج اني متأكدة مبيه شي وانت سمعتي شنو كللها صديقه لساتهم ميعرفون عليه شي.
آمندا: بلكي مات او صار بيه أعاقه دائميه وقتها شنو فائدة تضحياته؟؟
حوري: اسم الله لتفاولين عليه وأدعيله وان شاء الله نسمع خبر عنه.
آمندا: اتذكرت نسر مو وياهم اتصلي حتى نتأكد اني ما اثق بكلام لائِث تلگيه من خوفه على أمي محجه شي.
حوري: تمام بس اهدأي،
فتحت الموبايل واتصلت عليه،
الو
نسر: هلا بنيتي شلونج محتاجه شي يروحي؟
حوري: تمام أني بس اريد اسألك تعرف شي عن هَيْصَم خواته كلهن يبجن وماكو احد يطمأنهن اذا سامع أي شي كلي وطلعنه من هذا القلق الله يوفقك.
نسر: منو موجود يمج؟
حوري: آمندا والباقي كلهم جوه ناصبين عزاء.
نسر: لسه ماكو أي خبر طلعت دوريه كامله للبحث عليه وراقبنه جميع الكاميرات بذيج المنطقه بس ماكو أله أثر اختفى فجأة ومحد يعرف حي او ميت.
حوري: شگد فات على اختفائه؟
نسر: تقريباً ساعه تسعه الصبح من اليوم يعني بحدود سبع ساعات.
حوري: اكو احتمال انو يكون لاسامح الله ميت؟
نسر: رب العالمين فقط عنده الجواب صلوا ودعوله واذا صار شي انطيج خبر، خلي بالج يمهن وخاصه خالتي.
حوري: تمام راح انتظرك انتبه على نفسك لتنسه.
نسر: وانتِ هم.
آمندا: شنو كال؟
حوري: مثل مگال لائِث ماكو أي خبر للأسف.
آمندا: اللهم صبرك.
ضَرْضَم: ماكو خبر حتى الأستخبارات ماعدها علم شلون راح نعرف وينه؟!
هَمَّاس: اعتقد شباب هاي خطه من عنده والا مو بسهوله يختفي بهذا الغموض الغريب.
هَمْهَام: او ممكن انخطف؟
لائِث: لو صح فيروز وين؟
حتى هي مختفيه وياه.
ضَرْضَم: لحظه هذا من فريق البحث يتصل،
الوو
سيدي لگينه موبايل نوكيا واگع تحت الكشن متضرر بالحريق بس السيم كارت مبيه شي راح ادزه وي واحد من الفريق.
ضَرْضَم: ملگيتوا شي ثاني؟
لا للأسف مثل مكتلك ماكو أي شي ايدل على وجود أحد بالسياره او موت أحد بس اكو شي مهم لازم تعرفه نسيت احجي بيه من جنتوا موجودين.
ضَرْضَم: اسمع.
باب السايق جان مفتوح قبل عمليه الحرق يعني اذا ردت تحللها بطريقه منطقيه فالصاعد بالسيارة جان يعرف بالمخطط مال محاولة الأغتيال فطلع من السياره قبل متحترك اذا مجان الحريق من فعله الشخصي.
ضَرْضَم: باب السايق بس هو مفتوح متأكد؟
أكيد ألف بالميه شخص واحد بس جان موجود بالسياره.
ضَرْضَم: تمام انتظرك بالمستجدات.
أكيد سيدي.
ضَرْضَم: الكلام اللي حجيته ما أريد احد يعرف بيه غيرنه خلي نشوف شنو المخطط مالته واضح؟
بأمرك.
لائِث: غرد.
ضَرْضَم: اللي بالسياره مو هَيْصَم هذا الخبر أكيد اما شلون ومنو وليش هذا السؤال ينطرح من يرجع.
ضرب على فخذه بأيدة بقوة وصرخ بصوت معبر عن فرحته بسلامة الهَيْصَم.
لائِث: مو گلت هَيْصَم مو بسهوله ايموت بس أخ محد صدگني.
هَمَّاس: خلونه نلتزم الصمت ولنبين شي كدامهم مسوه كل هذا بدون سبب.
هَمْهَام: متحمس حتى اشوف اللقاء الأسطوري بين بيسار و هَيْصَم.
لائِث: حتى لو كلامكم صح لازم انطمئن اهله اكيد امه هسه مرتفع ضغطها،
اتصلت على رقمها محد يجاوب مره مرتين بعدين انفتح وصلني صوتها.
ريهاف: الو.
لائِث: خالتي وين؟
ريهاف: ارتفع ضغطها وهسه هي بغرفتها.
لائِث: شلونج؟
ريهاف: مو زينه اللي صار اليوم خربط أوضاعنه كلنه طمأني ماكو خبر عنه مو والله راح يوگف گلبي.
لائِث: اسم الله.
دام صمت ثواني وقطعته،
مبيه شي اطمأنوا اول ميرجع اخليه يتصل بيكم كولي خالتي حتى متتعذب بالتفكير.
ريهاف: صدگ والله؟
لائِث: اي والله.
ريهاف: شكراً الك راح ابشرها هسه اكيد حتفرح.
لائِث: الفرح ميفارقكم انتبهي على الأهل.
ضَرْضَم: احم احم.
لائِث: انجب أهل مديرك.
هَمْهَام: سمع نفسك هذا الكلام يولد بشرفكم منو سامع لائِث يحجي بهذا الأسلوب من قبل؟
لائِث: ليش عزيزي انت شنو سمعت؟
هَمَّاس: لتفكر بكلامهم يردون يسحبون من عندك حجي لأن مسمعوا شي.
ضَرْضَم: نرجع لقضيتنه هَيْصَم وين؟
حوري: دخلت ريهاف للغرفه مالت خالتي بعد مرتفع ضغطها وبقينه يمها حتى نتأكد من سلامتها علامات الفرح باديه على ملامحها.
ريهاف: ابشركم هَيْصَم بعده عايش ومبيه شي.
حوري: بعد هاي الجمله گعدت خالتي بسرعة من على فراشها وحجت بفرح.
كلاثم: صدگ الله عليج ومنو كلج؟
ريهاف: لائث اتصل بيج ولأن انتِ نايمه اني فتحت الخط وهو گال طمنيهن انو هو بصحه وعافيه بس يجي يمهم يخليه يتصل بينه.
كلاثم: الحمد الله ربي.
آمندا: راح اصلي ركعتين شكر.
آريا: اني اروح وياج همات.
حوري: بلحظة تغير الحزن لفرحه والدمعه اتبدلت لضحكة زينت وجنات الجميع غير رب العالمين الحال فجأة وهاي هي الحياة للي يفهم معناها الصحيح.
لائِث: كلما ابتسم واحس نفسي منعنش تطلع هاي البومه بوجهي وتعكر مزاجي.
عاصم: شباب اريد ملفات التحقيق الجمعتوها بالفتره السابقه المدير يريد يدقق بيهم علمود المهمه.
لائِث: ضَرْضَم شوف شنو يريد قبل ما اكسر شي ثاني بوجهه.
ضَرْضَم: تدلل اخونه الغالي لكن اكو مشكله ماعرف اذا نگدر انحلها او لا.
عاصم: شاركني بيها ممكن نلگي حل.
ضَرْضَم: الملفات كلها موجوده مع المدير هَيْصَم احنه مجرد اعضاء بالفريق ميحق ألنه التدخل بهاي الشؤون.
عاصم: انتوا فريق واحد اكيد عندكم علم متگدر تضحك عليه بهذا الجواب المو مقنع.
هَمْهَام: كلامك صح لكن نسيت شغله مهمه النقيب هَيْصَم هو مو بس مدير المركز وانما هو مسؤول عن جميع الفرق الموجوده بيه، المعلومات كلها يمه وعليه ايها الضابط المحترم اللي تريده مموجود عدنه.
لائِث: انزع رتبتي اذا هذا محترم.
مر الوقت بدون اتصال أو خبر عن الهَيْصَم انقضى الليل الحالك والمليئ بالسواد على قلوبهم اللي تريد تسمع ولو مكالمه بسيطه تطمأنهم انو هو بخير وممتعرض لشيء ما، صحيح مجان موجود بالسياره وقت الحادث لكن هذا ميمنع احتماليه تعرضه لأصابه معينه،
اشرقت الشمس وبثت أملها في قلوب من البشر اما قلوب آخرى جان الظلام والحقد مخيم عليها.
توقفت سيارته كدام المركز فتح الباب ونزل من عدها لابس نظارات سود والنجمات مزينه كتفه، ساعته الفضيه بأيدة الشمال ونظراته الحادة خلف النظارة توقف ثواني وهو يعدل ياخة قميصه بعدين اتحرك بخطوات رزنه و الجميع يضربله تحيه، البعض احترام والبعض حقد وغيره مخبأة تحت نظراتهم المكشوفه امام عينه جاوبهم بأبتسامه على ثغره يثبت بيها هو الأسد وهذا المكان عرينه توقف امام الباب المكتوب عليه،
المدير بيسار.
ابتسمت ودخلت بدون ماطرق الباب مجان أحد موجود لسه او يمكن طالع ، اتقدمت للكرسي وسحبته وگعدت عليه نزع نظارتي وتركتها على الميز وبديت أقرأ بالملفات وتحقق من كل شي صار خلال فتره غيابي، سمعت حركه قريبه من الباب خليت رجل على رجل فوگ المكتب ورجعت ظهري على الكرسي رفعت حاجبه للي دخل وعلامات تفاجئ على ملامحه اكتفيت بقول كلمه وحدة وعلى العادة لازم يظهر بيها جانبي الأستفزازي،
سبرايز..
يتبع..
تفاعلكم اللي يسوي واهس وتعليقاتكم بين الفقرات وتصويتكم للبارت يحلوين
اليوم حجاوب على كل الأسئله بخصوص القصص مالتي للي تحب تتفضل يمي على الأنستا شمعاتي.
رواية هَيْصَم الفصل الرابع عشر 14 - بقلم Zahraa_Ahmed
وبعد جهد وعناء طويل واخيراً لگيت شبيهين لأبطالنا.
هَيْصَم ينطي شبه الى حد ما بس شواربه شويه اطول بالاضافه اعيونه سود وحواجبه مرفوعه عن اعيونه مو هيج قريبه من العين وقميصه دائماً هيج مفتوح ههه.
اهنا السلسله اللي يلبسها شبيها ألها لكن باللون الأسود يتوسطها رأس أسد باللون الذهبي.
لائِث لكن حتى لحيه خفيفه ماكو وشعره عالي أكثر وحواجبه مو هيج خفيفه.
شعره تقريباً هيج وايضاً بدون لحيه هاي صفه مشتركه عند جميع الأبطال عدا محمد.
هَمَّاس هو الهادئ مالتنه يتميز بالهدوء والحكمه واجمل ايضاً من البقيه هههه واللي تگلي عنده لحيه اشلون يصير اموتها لأن ماعنده لحيه هاي مجرد صورة تشبيهيه كلهم بس شوارب لأن يتعاقبون عليها.
ضَرْضَم
هَمْهَام ايضاً بدون لحيه.
اما هذا محمدنا لكن لحيته محددة أكثر ومو خفيفه بالأضافة شعره عالي مو هيج.
والأن ننتقل للبطلات.
فيروز لَّباءَة الهَيْصَم.
ريهاف البطله الهادئه الكيوت ملامحها كرديه بأمتياز.
آمندا
آريا لكن اعيونها بنيه مائلة للسواد.
حوري لكن اعيونها خضر.
الشبه مو ميه ميه خلي انكون متفقين لكن نسبه جبيرة شكلهم هيج يوحي.
لنا موعد ان شاء الله يوم الأحد
التقيكم على خير تحت عناية العليم.
تصبحون على الف خير شمعاتي
رواية هَيْصَم الفصل الخامس عشر 15 - بقلم Zahraa_Ahmed
للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
شاركوا القصه حتى تكبر عائلتنه ونستمتع وي الهَيْصَم مع بعض.
هَيْصَم
(الكاتبة زهراء احمد)
___________
كان يليق بي ، وأنا خُلقت خصيصاً لأليق به .
هَيْصَم: اي سيد بيسار سولفلي كل شي صار خلال الأيام القليلة اللي مجنت متواجد بيها ياترى شنو التغييرات اللي طرأت بغيابي؟
بيسار: مصار شي مهم سيدي.
هَيْصَم: سيدي؟!
بعدك تذكر اني أعله من عندك رتبه فاجأتني الصراحه!!
بيسار: احترام الأعلى من عدنه رتبه هذا واجب يحاسب عليه القانون وانت تعرف هذا الشي سيادتك.
هَيْصَم: تعرف شنو هو القانون اللي نمشي عليه لو تريد اذكرك؟
بيسار: اعرفه سيدي.
هَيْصَم: اذاً صيحلي اعضاء فريقي حاب اجتمع بيهم بما انو انت النائب مالتي كللهم أجتماع طارئ اريد الكل موجود حتى يسمعون القرارت الجديده.
دخل بدون ميطرق الباب وبعد مطلع بيسار من يمي،
اي سيد لائِث كأن نسيت القوانين حضرتك؟!
لائِث: عوفك من الرسميات بعدين وكلي ليش ماعدنه علم بغيابك المفاجئ من شوكت متحجيلي بخططك نسيت كل أيامنه بهاي السهوله هَيْصَم؟!
هَيْصَم: راح نحجي بالتفصيل لكن الأن خلي نلعب اشويه وياهم.
لائِث: شنو اتريد اتسوي ممطمأن لنظراتك لعلمك تره.
هَيْصَم: تعال وياي اكو اشياء صارت خلال اربع وعشرين ساعه اتغيرت بيها هوايه اشياء تعرفهم بأجتماعنا هسه.
لائِث: طلع واني مشيت وراه وگف كدامنه واحنه وراه الفريق الرئيسي التابع لسيادة النقيب هَيْصَم، انطلق بالحديث امام اصغاء الجميع.
هَيْصَم: الحمد والشكر الكبير لرب العباد اللي وفقني التقي بيكم وجهاً لوجه على رغم محاولة الأغتيال اللي تعرضتلها يوم أمس لكن لم يشئ القدر اترك هذا العالم وبالأخص هذا المركز بهيج وقت مبكر وعليه حفظني الرحمان واحتفظ بيه لهذا اللقاء وشوفتكم مره ثانيه،
يوم أمس فكرت ببعض الأشياء واتخذت القرار بكم أمر بعد استشارات الأعلى من عندي وموافقته على طلبي أولهم تم ابعاد السيد بيسار عن منصبه الحالي واستبداله بالضابط ظافر كون غير قوانين وقرارات تم الموافقه عليها وتصدير أمرها من الأعلى بناءً على امور شخصية بالأضافة تفكيك الفريق اللي تم تشكيله على يد الضابط بيسار وعودة الفريق الأصلي،
احنه منشتغل اهنا علمود مكافأة ولا لأستلام منصب معين احنه هنا من أجل خدمه هذا الوطن وما فيه بكل اخلاص وحُب اما اللي يريد يبحث من مناصب وسمعه خلي يجتهد بشغله ويحصل عليها ليمشي بطرق ملتويه، غضيت البصر عن طلب نقلي لغير مركز اللي نرفع للمدير العام لشرطه بغداد وبهاي المناسبة حاب اضوج اللي رفعه انو تم الغاء الطلب لكون ماكو أي سبب يخليهم يقبلوه،
واللي مرتفع ضغطة وميتحمل ايشوفني بشكل يومي كدام المركز اكو سوبر ماركت قريب ايبيع ليمون يشتري من عنده ويشرب مو صح لائِث؟
لائِث: كلامك دُرر سيدي.
هَيْصَم: وهسه الكل لشغله وانت عاصم.
عاصم: سيدي.
هَيْصَم: تعال ويايه،
أي عاصم سمعني.
عاصم: بشنو اكول سيدي؟
هَيْصَم: شنو مهمتك بهذا المركز؟
عاصم: احقق مع المجرمين وانطيك التقرير الكامل لأعترافاتهم.
هَيْصَم: اذاً انت تعرف شنو القوانين وعقوبه كل شخص مو؟
عاصم: اكيد سيدي.
هَيْصَم: ليش متجاوز على لائِث امس؟
عاصم: سيدي هو اللي ضربني وتشوف اشلون خشمي ملفوف.
هَيْصَم: لكل فعل رد فعل مساويه له بالمقدار معاكسه له بالأتجاه هذا قانون نيوتن اذا تذكر الفيزيا،
عرفت سبب ضرب لائِث الك مع هذا قدم أعتذار و احترم أمر بيسار كون هو مديره لكن اللي معجبني هو معاقبته وغض النظر عن كلامك وسبك للمدير وكون انت تعرف العقوبه هاي شنو اگدر اسميها؟
عاصم: بس أني مسبيتك سيدي.
هَيْصَم: اللي يسب واحد من اعضاء فريقي ايسبني اشلون تسمح لنفسك تسب واحد اكبر من عندك بالعمر؟
عاصم: بوقتها جنت متأذي وحجيت بدون وعي اعتذر سيادتك.
هَيْصَم: بس انت مسبيتني أليه ليش تعتذر من عندي؟
عاصم: بشنو تأمر سيدي؟
هَيْصَم: اعتذر من اللي سبيته شخصياً كدامي،
صاح بصوت عالي: تفضل فوت.
دخلت وضربتله تحيه.
لائِث: طلبتني سيادتك؟
هَيْصَم: هذا المكان هو أكثر الأماكن المفروض يصير بيها ألتزام بالقانون والنظام وعلى العكس تماماً اشوفكم تخالفوه حابين تتعاقبون انتوا؟!
لائِث: عرفت خطأي وي اخوي الغالي عاصم و اعتذرت كدام النائب السابق بغيابك امس سيادتك وللعلم هو اللي خلاني انفعل والا انسان مسالم وخلوق مثلي ينزل نفسه لهيج مستوى؟!
شبح ابتسامة نرسم على ثغرة وگال.
هَيْصَم: اي عاصم احجي انت؟
عاصم: اعتذر من عندك البارحه اثنينه خطأنه ارجوا نفتح صفحه جديدة وننسى الماضي.
لائِث: اعذرني اخي بس ماعرف ليش حسيتك واحد يعتذر من صاحبته الخاينها وي صاحبتها، تگدر اتگول انلاصت عليه اعتذار وصفحه جديدة مره وحده اطلب شي واحد لتصير طماع.
هَيْصَم: لائِث بما انو اعتذر من عندك اتكفل بكامل العلاج مال خشمه وأحرصوا ايكون آخر خلاف يصير داخل مكان العمل والا تتنفذ بيكم العقوبه القانونيه.
عاصم: تأمر سيدي.
رجع بخطوات حتى يطلع من الغرفه وقفه.
هَيْصَم: راح ترجع للتحقيق من اليوم لكن لتضرب النساء مره ثانيه الا في حال اطلب الأمر.
لائِث: شنو هاي سيدي؟
هَيْصَم: اللي صار يوم أمس عندي علم بيه بكل خطوة او كلمه نگالت بغيابي وحتى عصبيتك الزايدة بسبب قلقك عليه بعيداً عن العمل شكراً الك بهيج مواقف تعرف الأنسان اللي مستعد يحارب علمودك والميهتم بيك اصلاً.
لائِث: تعرف غلاتك عندي بعمري كله معتبرتك مديري وانما صديق وأخ لذلك اكيد راح اقلق عليك هيج الأخوة هَيْصَم.
هَيْصَم: خلي نعوف العواطف على صفحه وكول للفريق يلبسون مدني راح نطلع بعد نص ساعه.
لائِث: خطه جديدة؟
هَيْصَم: اشرحلكم من نطلع كونوا جاهزين على الوقت.
كملنه وبقينه منتظريه كدام المركز على الموعد طلع هو بعد وقت قصير، بالعادة احنه منجتمع خارج المركز بملابسنه ولأسباب أمنيه.
ضَرْضَم: يولد فرحان حيل وحاب نحتفل برجعته سالم مره ثانيه فأريد اعزمكم على غده.
هَمْهَام: صحيح كلامك الحمدلله من رجع سالم.
هَمَّاس: جنت متوقع هذا الشي الف الحمدلله والشكر.
لائِث: اسمعوا منو يحجي!!!
ولك انت مو نفسك اللي گلت اترحموا عليه أو لو رجع الأمر الك جان سويت فاتحه بدون جنازة.
هَمَّاس: انت شعرفك بأحساسي الداخلي؟!
لائِث: الكتاب امبين من عنوانه حضرة المساعد.
ضَرْضَم: اريد بالمسدس تتعاركون ويارب عقوبة سجن مؤبد أو اخلص من ازعاجكم.
هَمَّاس: هسه لائِث ممكن متحب اتشوف شكله بس اني بشنو مأذيك؟!
ضَرْضَم: عجبني عندك مشكله.
هَمْهَام: كافي مثل الروضه وصل السيد هَيْصَم.
دينه التحيه وصعدنه بالسياره اني بالصدر و باقي الفريق بالوره:
سيدي.
هَيْصَم: نعم.
لائِث: الشباب يردون يحتفلون بمناسبه رجعتك النه سالم وعازميك اليوم على الغده
هَيْصَم: اليوم عندي شغل ما اعتقد اگدر خلوها غير يوم والغده على حسابي.
لائِث: بما انو متريد خلينه نحتفل على طريقتي.
ضَرْضَم: بشرفك الا هاي الطريقه منريد نصدع من الصبح.
لائِث: بكيفك اني امشي.
هَمْهَام: شغل الأغنيه بالسياره وعله الصوت وصار ايغني وياها.
لائِث:
يا ستار
دخلنة يا عراق انذار تحزم جيشك الباسل
جف غيرة والثاني نار
يا ستار .. يا ستار
بين زودنة من بعيد البطل ع الموت لا ميهيد
منخاف احنة ابد بأيد نسويهة الزلم طشار
يا ستار ... يا ستار
بالروح والدم افديهة هالكاع شحدة يطب بيهة
الطلقات انا مخاويهة ... للمنشار
واشهك بارود بريتي ع العوز صارت تربيتي
ميفوت اي حاقد بيتي .. خطار
خزرة من عيونة .. الكل يهابونة .. الموت يسمونة .. معزب للكلفة .. بي كي سي بجفة .. رايح للزفة .. دمة محنينة
يا ستار ... يا ستار
عدنة المكبرة مشوار عدنة بيهة الف تذكار
هاي الكاع بيهة رجال من تهد ولا تندار .. يا ستار
يالرايد عراق تفوت احجية ولك بسكوت اذا متصدك اتقدم باول خطوة راح تموت ... يا ستار
يابوية عكال الهيبة لو راح الحق نجيبة
بس هاك لو تكظي الطيبة ... ياستار
ياروح فدواتك والله يعراق دمنة ما يغلة
من نفوت كلنة بأسم الله ... ياستار ... يا ستار
يالدمك دمي ياليومك يومي .. ما اغفة بنومي .. اذكر تضحيتك .. يعراق وصيتك .. ابنك تربيتك .. وماهد الشيلة
يا ستار ... يا ستار
احب توصلة الفكرة اذا التاريخ مايقرة
احنة منين ما نندار احنة سباع مو فقرة .. يا ستار
ع الباطل زلم ننهد الشمس كدامنة تبرد
ادينة للكرامة تلوح تضوك المر ولا تنمد .. يا ستار
يانار بس بردا كوني لعراق انطيه عيوني ع الساتر راضي يخلوني بس تذكار
يايوم ابنج ادعيلة وجفني بيديج بشيلة من ابعيد بيدج توميلة يالمغوار ... يالمغوار
متهمنة الدنيا .. نقاتل ع النية .. نكثر يومية .. منخلص غيرة .. احنة اهل الغيرة .. حوبتنة جبيرة .. وللحق ردينة
يا ستار ... يا ستار
هَمْهَام: يلا شباب لفو واطردوه من المسابقه.
لائِث: احلام اسكتي لتخبثين لجنة الحكم شنو بي صوتي ومعجبج؟!
هَمْهَام: احترم نفسك كل هاي القيافه والأناقه وتشبهني بأحلام هسه لو گايل راغب علامه بيها مجال.
لائِث: ليش انت تلحگها والعباس عدها رجولة أكثر من عندك بعدين انت وين عايش متدري طردته وجابت عاصي لأن سمعت يگولون اربع و عشرين ساعه مناگر مثل الدجاجه والديج.
ضَرْضَم: لو الله خالقني أحلام ولا مخليني اگابلكم.
لائِث: هَمَّاس علق شنو رأيك بصوتي حتى اشارك وي عرب أيدل.
هَمَّاس: لابأس بيه بس يحتاجلك تدريب أكثر.
لائِث: اتعلموا طول عمري انصحكم بس ميفيد.
ضَرْضَم: اتريد تصير مطرب وانت عمرك خلصته بس بالمهمات؟!
لائِث: شكو بيها تغيير وظيفه يمكن اصير مشهور وعالمي مو هيج سيدي؟
هَيْصَم: ليش لا راح ارفع بيك طلب انهاء خدمات وسوي اللي يعجبك.
لائِث: اذا هيج اني اشوف مكاني ببرنامج المواهب ويطلع علي جابر يگول،
حيو هايدة العرائي يخرب بيتك شو ئوي.
هَمْهَام: ونانسي تعيفهم وتركض عبالها حيوان مفترس هارب من حديقه الحيوانات.
لائِث: اذا تقصد على الأسد بحديقة الحيوان اهنا وداعتك ياكل شاميه ويضحك على نفسه ملك الغابه وأسمه ينحلف بيه مذلول ذله بس الله يعرف بيها.
هَمَّاس: الأسد يبقى أسد شنو مكان وضعه.
هَمْهَام: مثل الجنود العراقين تماماً يبقون أسود على رغم أنوف الخونه والعدائيين.
ضَرْضَم: عم صمت بالأرجاء وبعد فترة قصيرة وقف السياره بمكان فارغ دقائق قليله وصلت دراجه بيها اثنين لابسين خوذ و ملابس سودة ممبين من عدهم شي نزل الهَيْصَم وراح يمهم مسمعنه شنو يحجي ولفهمنه الموضوع خمس دقائق ورجع للسياره.
ضَرْضَم: سيدي انريد معرفة اللي صار البارحه بالتفصيل ياترى اللي صار خطة مسبقه لو أجتهاد من عندك؟
هَيْصَم: الكلام اللي راح ينگال ينسي من ننزل من السياره ما اريد احد يعرف اشلون صار الأغتيال ولا طلعتي من عنده سالم حتى الجميع يخاف من الهَيْصَم ويحسبلي الف حساب قبل ميخطو اي خطوة.
لائِث: بدون متوصي اسرارك على جثثنه سيدي.
Flash back
بقى ايسوق تحت صمتنه احنه الثنين بعد معصب وشمر الموبايل رجع سحبه بسبب اتصال مفاجئ فتحه وخلا على أذنه بدون مينطق كلمه تقريباً نص ساعة دخلنه بأزدحام سير وكف على صفحه وأشرلي اروح يمه، اني سويت مثل ميگول نزلت وحتى نسيت اغراضي بالسياره والموبايل همات متذكرته حتى صعدنه بالسياره الثانيه انتبهت عليه وكتله:
هَيْصَم.
هَيْصَم: نعم.
فيروز: الموبايل بقى بالسياره نزلتني بسرعه ونسيته.
هَيْصَم: مو مشكله هو كله صرصور.
فيروز: زين ليش نزلنه صاير شي؟
هَيْصَم: بلش فضولج يشتغل متفاجأت ابداً.
فيروز: كلش طبيعي اسأل لأن حسستني احنه بفلم أكشن تتصل وننزل من السياره فجأة حركات المغامرة اللي أسويها تجبرني سيد أفندي.
هَيْصَم: شنو حابه تاكلين لَّباءَة؟
فيروز: صدگ والله!!!
هَيْصَم: ليش متفاجأة شنو الغريب اذا اكلتي ليكون انت شبح ومتاكلين؟!
فيروز: هَيْصَم سؤالي واضح ليش غيرت الموضوع؟!
هَيْصَم: من تسألين شخص سؤال ويغير الموضوع هذا ايدل على أنو ميريد ايجاوب بنفس الوقت ميريد يحرجج افهميها.
فيروز: لازم توضحلي اللي صار شنو سيادتك.
هَيْصَم: اللي يسمع كلامج ايفكر خاطفج و خايفه من عندي ولا كأن راح يصير اسبوعين انتِ ويايه.
فيروز: الحيطه والحذر واجب وين المشكله؟!
هَيْصَم: لتحتاطين من اتكونين يمي اني الشخص الوحيد اللي بأستطاعته يحميج لَّباءَة.
فيروز: ومع هذا اريد توضيح ليش غيرنه السياره؟
هَيْصَم: احتياط أمني.
فيروز: اللي اعرفه الأحتياط الأمني ميصير الا في حال الشك بمحاولة الملاحقه من العدو حياتنه مهدده بالخطر يعني؟
هَيْصَم: وين شايفه هذا المشهد؟
فيروز: يا مشهد شنو قصدك؟
هَيْصَم: اعتقد بكونان لو شارلوك هولمز صح؟
فيروز: بأحد الأفلام الأجنبية ريحلي مخك.
هَيْصَم: انت سهله الأنقياد عندج علم.
فيروز: وضح.
هَيْصَم: سابقاً كتلج لتنطين معلومات خاصه عن حياتج او افكارج تحت أي ضغط الواضح بعدج متعلمتي الدرس وراح تعبيني هوايه.
فيروز: انت مو أي احد حتى اتبع وياه هاي القاعدة،
عرفت نفسي شنو خبصت من شفت نظراته وحتى اغطي على كلامي كملت:
لتفهم خطأ لأن انت نقذتني ودتساعدني وكذا لهذا السبب بس.
جاوبني بطريقة اتمنيت عندي قوة خارقه حتى اختفي من هذا العالم.
هَيْصَم: بس اني مسألت ومطلبت من عندج تبرير لَّباءَة.
فيروز: نرجع لموضوعنا شنو صار حتى اخذت احتياط أمني مفاجئ؟
هَيْصَم: نوصل للبيت ونبقى اهناك طول اليوم احجي شنو تردين طول هاي الفتره احاول ارضي فضولج لدرجه ما.
فيروز: تمام متفقين.
سكتت وخليت راسي على الجامه ولأن گعدت من الصبح نمت بسرعة فزيت على حركه فتحت اعيوني شفته نزل كدام بيت عقدت حاجبي واني اسأل نفسي، كم بيت عنده بوقت اللي ناس هوايه نايمه بالشارع معقوله الضباط اغنياء لهاي الدرجه؟!
نزلت وراه فتح الباب ودخلنه نفس البيت الطلعنه من عنده للبصره حجيت واحنه نمشي للداخل:
أبريني الذمه.
هَيْصَم: الكلام اللي بينج وبين نفسج وميسمع بيه أحد ميعتبر غيبه ماكو داعي حتى ابري ذمتج.
فيروز: عندك معلومات دينيه كثيره هاي هم هوايه مثل الطبخ وغسل المواعين؟
هَيْصَم: مو معلومات دينيه وانما أحكام شرعيه وبعدين منو كلج عندي هوايه بغسل المواعين؟
فيروز: تخمين بسبب تصرفاتك.
هَيْصَم: اغلب وقتي بالمركز او بعيد عن اهلي فأكيد اطبخ لنفسي وغسل مواعيني ماحب احد يخدمني فقط لاغير.
فيروز: متعتبر خدمه الحياة مشاركه وي البقيه وين المشكلة؟!
هَيْصَم: حتى المعروف البسيط راح يخليج يوماً ما بموقف سيء وبما إني شخص مناقصني شي ميحتاج اخلي نفسي بهيج مواقف.
فيروز: ماعندك ثقه بأحد ومتأمن بأي شخص شخصيتك متناقضه مع شغلك سيد متدين.
هَيْصَم: الحياة تجبرج عن طريق التجارب والدروس تتعلمين بعض قواعد العيش السليم اهم درس عدم الثقه خلي ابالج الجميع ممكن ايخون بهاي الطريقة فقط متنكسرين في حال تعرضتي للخذلان.
فيروز: منطيت احد زر الأمان بحياتي عشت كل عمري لأبويه الله يرحمه ولمستقبلي لذلك متعرضت للخذلان من أحد.
هَيْصَم: جيد، تعالي نحضر شي ناكله عفت الأجهزة الكهربائيه شغاله تلكين الأكل بعده نظيف مصاير بي شي.
دخلنه للمطبخ وبدينا بالتحضير احله شي بيه هو وجوده ويايه طول فتره الطبخ حتى يكمل كل شي ميعوفني ابد على رغم متجمعنا علاقه حقيقيه هي مجرد أيام وتصير كل هاي اللحظات ذكرى،
فكره وحدة فقط خطرت على بالي خلتني انقهر وتغير مودي بالكامل ماعرف شنو السبب او يمكن اني ما اريد اعترف لنفسي بالسبب دا احاول قدر الأمكان ما اخلي گلبي بمكان ما اگدر ارجعه من عنده شيء ما يجذبني أله ربما،
قيافته؟ لو اسلوبه؟ لو جماله؟ لو تفكيرة؟ او يمكن السلسله اللي يلبسها ويضهر جزء من عدها من يفتح قميصه، حركاته مثلاً، لو طريقة تقطيعه من يطبخ، وحتى كلماته ويايه ورزانته، وهدوئة أو يمكن نظراته ورفعه حاجبه، شي بيه يخليني انسحر وياخذ گلبي للهاويه ولكن بعد عندي بصيص امل ومُصره ما اوكع بشباك المصيدة حتى متنتهي قصتي بطريقه مأساويه وابقى ابجي كل ليله مثل المجانين وانشر استوريات عن الخيانه أو وجع الگلب،
انتبهت لنفسي على صوته وهو يصيح بإسمي أو الأسم اللي بديت أميل أله واحب أسمعه ينطقه احسه مميز لدرجه ميحق لأحد غيرنه يعرفه او يناديلي بيه ما عدا.
هَيْصَم: لَّباءَة.
فيروز: نعم.
هَيْصَم: منو ماخذ عقلج؟
فيروز: انتَ،
اقصد انت شنو اتريد ليش تصيحني؟
هَيْصَم: الجزر اللي يمج مرريلي اياه.
فيروز: تدلل ، انطيته اله ورجع كمل كلامه وهو يقطع هذا الرجال مهووس بالزلاطه ياكلها بجميع الأوقات.
هَيْصَم: صايره متعترضين على الأسم اللي اطلقته عليج ممكن السبب حبيتيه لو شي ثاني لَّباءَة؟
فيروز: لا ثاني ولا ثالث كل ماهناك حتى لو كتلك لتصيحني بيه متسمع من عندي شنو الفائدة من اعتراضي اذاً؟!
هَيْصَم: مو نفس البنيه اللي اجت لهنا لأول مره هوايه تغييرات طرأت خلال 15 يوم برأيج شنو هي؟
فيروز: ممكن لأن عرفت السبب اللي خلاك تجيبني لهذا المكان وحمايتك الغريبه نوعاً ما.
هَيْصَم: وبالسهوله اقتنعتي بكلامي ومحاولتي تلكين أدله على صحته؟!
فيروز: مو لأن اثق بيك وانما مجان اكو فرصه حتى ادور عن الحقائق ولتفكر ابداً انو نسيت الأسئله اللي طرحته عليك ويجي يوم واعرف بقيت اللغز.
هَيْصَم: لتقصرين اني هم عندي فضول كليلي وياج.
فيروز: تستهزء حضرتك؟!
هَيْصَم: الأشياء المخبأة لسبب ما لتحاولين تبحثين عنها ممكن بيها أذيه اكثر من منفعه اتركي الأسرار محفوظه بقلب المقابر لأن بكشفها هواي اشخاص ينضرون اولهم انتِ.
فيروز: اكو سر مخبأ وره موت ابويه اعمق بهوايه من اللي انت گلته صح؟
هَيْصَم: احتمال وارد.
فيروز: ليش مو من حقي اعرفه؟
هَيْصَم: ﴿ يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِن تُبْدَ لَكُمْ تَسُؤْكُمْ﴾
فيروز: مع هذا من حقي اعرف بما انو الموضوع يخص وفاة والدي وابعادي عنه بطريقه بشعه وغامضه وهذا اقل من حقي اصلاً.
هَيْصَم: تعالي ناكل وبعدين نسولف يلا.
فيروز: ک العادة لازم تنهي النقاش بأسلوبك البارد.
هَيْصَم: بالعكس كلش حاره تعرفين جو أب ميحتاج اشرح.
فيروز: مستفز.
كملنه غدة وغسلت المواعين هو راح لغرفته واني دخلت للغرفه الثانيه لأن بيها تلفزيون حبيت اتابع شي لأن منعسانه شغلته وصارت بوجهي الأخبار الخبر اللي شفته خلاني انصدم يعني السياره اللي نزلنه من عدها اتعرضت لحادث واحنه هسه مفقودين والجميع مستنفر بالبحث عنه!!!
طلعت بسرعه ورحت لغرفته طرقت على الباب وبقيت منتظره مسمعت صوت لذلك حاولت مره ثانيه هم ماكو صوت گعدت على الكرسي وبقت عيني على باب غرفته منتظره اريد جواب مقنع كون حياتي جانت معرضه للخطر أو يمكن لأن احساس داخلي خاف من خسارته ردعت كل الأفكار اللي بمخي ودخلت في مرحله سكون تام من طلع من الغرفه ويجفف شعره بالخاولي لابس بدي اسود وبنطلون اسود طالع يجنن ابن الأوادم ،
اتحمحمت من شفته يباوعلي ورافع حاجبه مثل الصفعه اللي ذكرتني اني شنو اريد من عنده لذلك قطعت صفنتي بيه وحجيت:
السياره اتعرضت لحادث هَيْصَم.
هَيْصَم: اعرف.
فيروز: لو باقين بيها هسه احنه ميتين وحياتنا منتهيه مو؟
هَيْصَم: متنتهي لأن جان عندي علم هيج راح يصير و لذلك نزلنه من السياره وغيرناها هاي هي.
فيروز: واللي بيها شنو ذنبه ايموت؟!
هَيْصَم: انت من وين تجيبين هاي الأفكار الغريبه؟!
فيروز: مو وقت هذا الكلام اريد جواب من عندك.
هَيْصَم: التدريب اليخضعله الجنود العراقيين بجميع رتبهم ميخليه يموت بحادث بسيط مثل هذا واذا شغلتي مخج وانتبهتي للأخبار ماكو شخص موجود يعني الماخذ مكاني طلع من السياره ولأن هو متدرب على هاي الأمور فجان الموضوع سهل أو لو انت مموجوده وتعيقين طريقي مطلعت من عدها.
فيروز: اشلون صار الحادث لو هاي خطه مثل القبلها؟
هَيْصَم: مو كل شي بحياتي عباره عن خطط كلما في الأمر الأتصال اللي اجاني واحنه بالسياره خلاني اسوي هيج، معقولة بذكائج هذا متوقعتي ممكن ايكون عندي حمايه او جواسيس؟!
لَّباءَة اني مو شخص عادي مسؤول عن مركز أمن في بغداد، على خطورة حياتي هناك اشخاص يحموني بالعلن والخفاء، المعلومات اللي احصل عليها حتى بخيالج متجي لتفكرين بمهنتنا اكو شي سهل، حياتنه معرضه للخطر وي كل خطوة فلازم تتأمن النه حمايه، وبعدين الصار هو مجرد رصاصه صابت التاير الخلفي للسياره السائق المتمرس يعرف القواعد حتى ينقذ نفسه ما بالج بشخص متدرب؟
اني انسان عندي مشاعر واحاسيس على رغم قسوة گلبي امام الأعداء لكن ابقى بشر بالنهايه اكثر شي بشع واكرهه بهاي المهنه هي منظر الأمهات والنساء و الأطفال اليخسرون شخص عزيز عليهم وانتِ غريبه عني مع هذا نقذت حياتج وأجاهد لدرجه متتخيليها حتى احافظ على سلامتج معقوله عقلج يتصور إني مجرم حتى اعرض حياة شخص ثاني للخطر مقابل سلامتي؟!
الصعد مكاني انسان مّدرب وعنده خبره وجنت متأكد من سلامته ومن نمتي بقيت على تواصل وياه وهو الأن حي يُرزق ويمارس شغله بشكل طبيعي.
فيروز: ليش انت ملاحق من العصابه؟
هَيْصَم: الثعبان اذا اقتربتي من عنده شنو يسوي حتى يحمي نفسه؟
فيروز: يلدغني.
هَيْصَم: هذا الجواب، ايسوون هيج حتى يحافظون على سلامتهم يعرفون نهايتهم اعدام محتم لذلك يسعون بجميع الطرق حتى ميتعرضون للمحاكمه.
فيروز: اتعيش مع الموت بشكل يومي شنو الهدف من حياتك هَيْصَم؟!
هَيْصَم: ﴿خطّ الموت على وُلد آدم مخط القلادة على جيد الفتاة﴾
وين المشكله الجميع معرضين للموت بكل الأوقات مهنتي متعتبر خطرة لهاي الدرجه على العكس تماماً اني استمتع بكل يوم اقضيه واني بالسلك العسكري ودعائي الدائم اموت واني بالزي وأدي الواجب الوطني ، وهسه عوفي هذا النقاش حاب استمتع بهذا الوقت لأن باجر يوم مميز مليان مغثه لبعض الأشخاص اللي ما احبهم والطاقه الأيجابيه تحوم حواليه الآن.
فيروز: متفكر بعائلتك لو سمعوا الخبر شنو وضعهم؟
اتغيرت نظرته وجوابه خلاني اندم لأني سألته.
هَيْصَم: ينقهرون ساعة ولا انقهر عليهم عمر.
الجو توتر لذلك غيرت الموضوع:
شنو خططك لهذا اليوم؟
هَيْصَم: نكمل تدريب حاولي ترفعين المسدس وتصوبين على الأهداف بدقه المطبخ راح يساعدج بيه هواي اشياء تگدرين تركزين عليها والأهم ماكو غزاله تعيق عملج.
ابتسمت على كلامه وگلت:
شنو رأيك نتعرف على بعض حابه اعرف عنك بعض الأشياء على الأقل اتكون عندي فكره منو هو هَيْصَم.
هَيْصَم: اسألي واني اجاوب في حال سؤالج جان مناسب.
فيروز: انت منو؟
هَيْصَم: زومبي.
فيروز: بديت استهزاء.
هَيْصَم: بشرفج هذا هم سؤال؟!
فيروز: يا أخي انت غامض أو اريد اعرف انت منو؟
باوعلي بطريقه حسيت نظرته دخلت لروحي وگال.
هَيْصَم: أني مو اخوج لَّباءَة لتگولين هاي الكلمه مره ثانيه.
ردت اعرف شنو حيكون جوابه لذلك كملت بمكر:
شكو بيها اني ماعندي اخوه وين المشكله اذا اعتبرتك مثل أخوي؟!
جوابه خلاني ابتسم والتمس أمل ربما اني فقط حسيت بيه هيج.
هَيْصَم: سكان الكره الأرضيه سبعه مليار صيري اخت للكل ما عدا الهَيْصَم.
فيروز: اعتبر هذا اعتراف؟
هَيْصَم: عندي اربع خوات ماكو داعي حتى اظيف الخامسه الهن.
فيروز: حيل حلو شنو اسمائهن؟
هَيْصَم: نيجار ، ريهاف ، آمندا ، آريا.
فيروز: اسمائهن غريبه.
هَيْصَم: الأسم يتبع الأصل وهن كرديات.
فيروز: انت كردي؟!
هَيْصَم: اكو شي بوجهي ايدل على هذا الشي برأيج؟
فيروز: يعني ابوك متزوج اثنين؟
هَيْصَم: لَّباءَة.
فيروز: اشرح الموضوع عدل حتى افهم لتگول كلمه وتخليني اكمل من افكاري.
هَيْصَم: ابوي متزوج امي.
فيروز: اكيد قابل يتزوج خالتي!!!
هَيْصَم: اذا مسكتي ما اكمل.
فيروز: سكتت والله بس سولف.
هَيْصَم: امي كرديه والبنات طلعن يشبهنها على عكسي اني و زَيَّاف نشبه ابوي، وبالنسبه للأسماء مالتهن امي حبت اتسميهن على ذوقها او الوالد معترض جان يحبها فجان الها تأثير عليه لدرجه معينه.
فيروز: ومنو زَيَّاف؟
هَيْصَم: أخوي الصغير.
فيروز: ربي يحفظهم.
هَيْصَم: ويحفظج أليه.
فيروز: هاا.
هَيْصَم: لأن وجودج مهم لتفهمين خطأ.
فيروز: وانت هم وجودك مهم حتى تنقذني لتفهم خطأ.
هَيْصَم: عندج سؤال ثاني؟
فيروز: عائلتك وين عايشين هسه وليش انت بعيد عنهم؟
هَيْصَم: بمكان آمن وبعيد عنهم حفاظاً على حياتهم.
فيروز: حياتهم مهدده بالخطر؟
هَيْصَم: اذا شخص حب ابنيه ويريد يعرف عنها معلومات معينه المنو يلتجئ؟
فيروز: للمقربين من عدها.
هَيْصَم: واذا جان الهدف مو حب عداوة وقتل شنو ايسوي حتى يحصل على هدفه؟
فيروز: ايهدد بالمقربين من عنده.
هَيْصَم: هاي مو اول مره اتصير هوايه اشخاص اتعرضت عوائلهم للخطر بسبب هيج مهمات واني ما اريد يكون عندي نقطة ضعف خليتهم بعيدين احسن للطرفين.
فيروز: وجودي مو نقطة ضعف؟
هَيْصَم: وين تردين توصلين لَّباءَة؟
فيروز: مجرد موضع نقاش مو لمكان ما.
هَيْصَم: انتِ نقطة قوة كونج شيء مهم يدورون عليه، وجودج يمي يحميني وميشكل خطر لأن يعرفون ميگدرون يحصلون عليج بدوني.
فيروز: منو غيرك يعرف بقضيتي؟
هَيْصَم: فريقي، الأشخاص اللي جانوا موجودين بوقت طلعتنه من هذا المكان.
فيروز: على نفس السيرة ليش رجعنه لنفس المكان مو كتلي مراقب؟!
هَيْصَم: مجان مراقب مجرد خطه.
فيروز: واللي صار اليوم؟
هَيْصَم: كتلج محاولة اغتيال مفاجأه.
فيروز: اعتبر حديثنه اليوم مرحله جديدة من حياتنه؟
هَيْصَم: اللي عرفتيه عن الهَيْصَم مجرد اشياء ردت تعرفيها مو اكثر وما خُفي كان اعظم.
خلص اليوم بشكل طبيعي وادربت همات على السلاح خلص اليوم بشكل طبيعي وصار وقت النوم وكل واحد بينه دخل لغرفته وداخل هاي الغرف الكثير من الأسرار المخبايا، بأرواحنه غموض غريب وقادم مجهول ومصير لابد نعيشه بالغصب او الرضا.
لائِث: سيادتك.
هَيْصَم: نعم.
لائِث: فقط هيج؟!
هَيْصَم: شنو اتريد تعرف اكثر من هيج يعني اتصلوا بيه وكالوا جماعة الأسود ملاحقتني نزلت من السياره ورجعت للبيت بسيارة ثانيه وفضت خلصت.
لائِث: على تحذيرك النه فكرت الموضوع خطير.
هَيْصَم: انظيف بعض الدراما وين المشكله؟!
هَمَّاس: سيدي لازم نرجع للمركز حالاً سيادة الأمر مسوي جولة تفقديه.
ضَرْضَم: اي وليش انت خايف هيج؟!
هَمَّاس: لأن احد السجناء مات بعد مقدموله أكل والسيد هَيْصَم راح يتعرض للتحقيق بسبب سوء الأدارة.
هَمْهَام: يعني راح يتم اعتقاله مثل المجرمين؟!
لائِث: سيدي شنو الخطه؟
ابتسم بطريقه مميزة وگال،
يردون يشوفوني انحني الهم بأي طريقه وعليه لازم يعرفون اللي يلعب وي الهَيْصَم شنو تكون العاقبه مالته.
يتبع..
تفاعلكم اللي يسوي واهس وتعليقاتكم بين الفقرات وتصويتكم للبارت يحلوين
تصبحون على الف خير شمعاتي.
حساب الأنستا لأي شي يخص القصه..
رواية هَيْصَم الفصل السادس عشر 16 - بقلم Zahraa_Ahmed
للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
شاركوا القصه حتى نستمتع وي الهَيْصَم مع بعض.
هَيْصَم
(الكاتبة زهراء احمد)
_______
لَـم يعُد يرعبني الحنين، ترعبني قُدرتي على تحويل أثمن الأشياء إلى العدم .
دخلت للمركز ، ويايه فريقه المقرب بالسراء والضراء اثنين على اليمين واثنين على الشمال واني اتوسطهم ،لابس ملابس مدنيه، اقتربت من الباب مالت غرفتي، فتحته بعد مطرقت عليه لأن عندي معرفه بالشخص الموجود داخل واحتراماً أله طلبت الأذن،
قبل ما ادخل أشرت لواحد من الشباب بفتح ايدي، بمعنى خمس دقايق، بعدها دخلت وسديت الباب اقتربت من عنده وأديت التحيه لأن الموجود،
نهض من الكرسي و اقترب من عندي وكال برزانه.
ضَيْثَم: رخي هَيْصَم ،
انت تعرف سبب جيتي لهنا؟
هَيْصَم: نعم سيدي اني متهم بسوء الأدارة، يبذلون كل جهدهم حتى ينحوني عن منصبي والعملية.
ضَيْثَم: اريد دليل على برائتك حتى نكدر نسد القضيه المرفوعه عليك والا راح ترجع ضابط عادي بهذا المركز وغيرك يستلم المكان بالأضافة للعقوبه القانونيه وممكن اتكون صارمه نوعاً ما.
هَيْصَم: هذا دليلي سيدي،
دخل و بأيدة ملف كامل بالأضافة لشريحة كاميرا التسجيل الجانت موجوده بكل مكان بالمركز بدون علم أحد، مخفية تختلف عن الظاهرات للعلن.
هَمْهَام: اشرفت على التحقيق الكامل سيدي، هذا الشخص اتوفى قبل يومين بسبب تسمم غذائي لكن هاي مو الحقيقه الكامله لأن المتوفي كان أحد الأشخاص التابعين الهم محاكمته بعد اسبوع هو أدلة بشهادته أو وعدنه راح يعترف بكل شي يعرفه كدام القاضي لذلك انقتل، وصل للمستشفى قبل ميفارق الحياة واحد الممرضين كال صحته زينه لكن بعد ساعة وصل خبر وفاته،
بعد شك السيد هَيْصَم أمرنه بأجراء تحقيق سري مع الكادر الطبي واكتشفنه الشخص اللي سممه جان من خارج المستشفى بعد وجود الأدلة والشهود أستخدم هويه مزوره ودخل بينهم سممه وهرب وفي حال جان موضوع تسممه وهو بأمانتنه فلازم يتعاقب المدير المؤقت السيد بيسار لأن السيد هَيْصَم جان متعرض لحادث وبالمستشفى و حضرتك عندك علم بكل شي صار.
ضَيْثَم: هَيْصَم تعرفني مو بحاجه دليل ابداً حتى اثبت برائتك لكن اني اعرف انك ذكي كفايه حتى تطلع نفسك من هاي المشكله لازم تعرف الطريق اللي تسلكه يشبه الى حد ما طريق الموت مراح اتكون هاي آخر محاولة الهم، اعيونهم عليك وعلى كل تحركاتك، اخذ الحيطه والحذر وبالنسبه للبنيه الوياك دور عن خالتها ورجعها الها لتخليها تبقى بخطر وانت اكثر شخص يعرف خطورة هذا الموضوع.
هَيْصَم: هي بأمانتي سيدي الموت ميوصلها قبلي كون مطمأن.
ضَيْثَم: راح اخذ هاي الأدلة حتى اثبت برائتك ونغلق القضيه تابع عملك لخدمه الوطن وجميعنا وياك.
هَيْصَم: أمرك سيدي.
لائِث: برأيكم هاي خطه منو؟
هَيْصَم: الأسود اكيد، هو ايريد اتنازل عن القضيه حتى يگدر ياخذ راحته ويشتري اي ضابط حتى يمارس اعماله الغير قانونيه تحت غطاء الدوله لكن هو ميعرف وي منو يلعب هاي المره ،
نهايته راح تكون على أيدي وهذا وعد الهَيْصَم.
غيروا ملابسكم عدنه مداهمه لأحد البيوت المشبوهه.
لائِث: مكان للرذيله؟
هَيْصَم: نعم.
لائِث: بعدني بلا ريوگ ليش اتريد تلعب نفسي؟
هَيْصَم: هذا الواجب، كدامكم عشر دقايق اريد الكل هنا، راح نطلع دوريتين يجتمعون حتى انطيهم الخطه ونتوكل ، لتصفنون بوجهي اتحركوا،
لبست الزي مالتي وطلعت من الغرفة لگيتهم مجتمعين انطيتهم الأوامر:
أحد الدوريات راح تكون بقيادة ضَرْضَم و هَمْهَام اما الدورية الثانيه بقيادة هَمَّاس و لائِث، خلونه ننطلق توكلنا على الحي الذي لايموت ونبارك طلعتنه بقرآة سورة الفاتحه وان شاء الله الفتح والنصر حليفنه بكل خطوة للأمام،
أنطلقنا لأحد البيوت المشبوهه،
نداء واحد تسمعني اجب؟
لائِث: نعم سيدي اسمعك.
هَيْصَم: أخذ الدوريه وره البيت وعيق محاولتهم للهرب.
لائِث: تأمر سيدي،
أمر بالتوجه وره البيت تحركوا شباب.
هَيْصَم: أربعة تسمعني اجب؟
ضَرْضَم:نعم سيدي.
هَيْصَم: داهموا البيت من الباب، جميع الموجودين خلي يتم القبض عليهم وجه فريقك بلأمر.
ضَرْضَم: أمرك سيدي، هَمْهَام افتح الباب وخلي انداهم المكان.
هَمْهَام: نداء للجميع راح نداهم المكان يرجى التوجه لباب البيت.
ضَرْضَم: القوا القبض على الجميع بدون متعوفون واحد.
هَمْهَام: تمت العمليه بنجاح تم القاء القبض على 24 متهم بين رجال ونساء بينهم امرأه متوسطه العمر.
هَيْصَم: الى جميع العناصر المطوقه المكان الأنسحاب الفوري تمت العمليه بنجاح بتوفيق الرب الجليل.
: رجعنا للمركز ويانه المعتقلين اخذوهم لغرفه التحقيق، واني نزلت من السيارة ودخلت للمركز وتوجهت لغرفتي اول مفتحت الباب صارت بوجهي.
هَيْصَم: شنو تسوين اهنا؟
: أريد اطلع من هذا المكان الله يخليك ساعدني والله العظيم جابوني غصب اني ما ألي علاقه بيهم صدگني.
هَيْصَم: مو هم اللي اعترفوا احنه القينه القبض عليج متلبسه بالجرم المشهود وبعدين انتِ شلون ادخلين بدون علمي وتستغلين عدم وجودي؟!
هذا الفعل يترتب عليه عواقب وخيمه متكدرين تتحمليها، عندج علم؟
: مدخلت بدون علم، واحد من المنتسبين جابني اهنا بعد متوسلت بيه، الله يوفقك اعتبرني اختك واسمعني بعدين احكم بشنو اتريد.
هَيْصَم:منو هذا الشخص الدخلج بدون أذني؟
: ما أعرف اسمه بس عنده شوارب كثيفه واسمر.
هَيْصَم: راح انصدم اذا مجان هو ، كولي ليش طلبتي اتشوفيني تحديداً؟
: راح احجيلك من البدايه وانت احكم ،أني اسمي ألين و عمري 18 سنه بأخر يوم امتحاناتي السادس جنت راجعه من المدرسه فرحانه لأن خلصت السنه وأرتاحيت من هم جبير لكن هاي الفرحه مدامت قبل ما اوصل للبيت اجيت اعبر الشارع وقفتني سيارة سودة مضلله نزل من عدها ثلاث ملثمين حاولت اهرب بس واحد من عدهم مسكني من أيدي ورجعني وماعرف شنو خله على خشمي فقدت الوعي وصحيت على وجودي بهذا المكان وصار تقريباً شهر واني يمهم اتعرضت لأنواع العنف الجسدي ويرغموني على اشياء غصب عني والله سيادتك هاي الحقيقه.
هَيْصَم: شنو الدليل؟
ألين: ماعندي اي دليل الجابني بس هو يعرف واني اصلاً ماعرفه منو لكن عندي شهود البنات الموجودات ويايه يعرفن بالحقيقه الكامله اصلاً اغلبهم اتعرضن لنفس الموقف.
هَيْصَم: يعني من كلامج جميع النساء في بيوت الرذيله شريفات؟!
ألين: والله ما اكذب عليك سيدي الله ياخذني اذا اسويها.
هَيْصَم: هو كريم جداً وياي اكيد ميقصر بهاي الشغله لكن مو هسه لازم نكتشف حقيقتج ست وبعدين عدنه نقاش طويل عريض نعرف بيه مدا صدقج.
لائِث: طلبتني سيدي؟
هَيْصَم: اخذها للسجن الأنفرادي وتعال اكو موضوع مهم.
ألين: راح اطلع مو؟
لائِث: انتِ طرشه گال سجن انفرادي مو الزوراء.
هَيْصَم: شوفي اني ما اشتغل بالشهود لأن بالأمكان شراء الجميع عندج دليل يثبت صحة كلامج اساعدج بلي اگدر عليه اما تگولين ماعندي اهنا لازم احنه نبحث عن الدليل لكن شغله مهمه في حال طلعتي جذابه ابذل كل جهدي حتى تنسجنين حتى لو طلع الجميع براءة متكونين من ضمنهم.
ضَرْضَم: سيدي.
هَيْصَم: البنيه اللي اخذها لائِث هسه سوي بحث عنها بالكامل واطلب دكتوره تجي لهنا حتى تفحصها اريد سلالتها حتى جدها السادس عشر.
ضَرْضَم: أمرك سيدي.
هَيْصَم: نعم هَمْهَام اسمع.
هَمْهَام: المحامي اهنا حتى يطلعون بكفاله.
هَيْصَم: راح اتفاجئ اذا منورنا ، خلي يتفضل،
اهلاً وسهلاً تعرف انت اكثر شخص مشتاق اشوف وجهه؟
محمد: شعور متبادل.
هَيْصَم: بشنو اساعدك محامي المجرمين؟!
محمد: تعرف شگد الموضوع مزعج انت تعتقل واني ادافع برأيك هذا مو تعب على الفاضي؟
هَيْصَم: طلعت ادافع عن بنات الهوى شي حلو فكرتك انسان شريف طلعت عكس توقعاتي للأسف.
محمد: هذا عملي ولازم أأديه بأكمل وجه مو صح؟
هَيْصَم: اليوم لازم ايباتون اهنا الفاعل والمفعول به والحر تكفيه الأشاره.
محمد: نادي للرياضه مرخص ليش حتى متخليهم يطلعون ما افهم؟!
هَيْصَم: نادي رياضه!!
شنو يدربون بيه رفع اثقال لو تايكواندو؟
محمد: رشاقه وجمال تعرف الشعب العراقي عدهم سمنه مفرطه.
هَيْصَم: غلطان طياح حظ مفرط بعدين ولا واحد بيهم ضعيف كلهم اسمان وعليه اتخذت قرار راح اخليهم يركضون طول الليل حتى يصيرون رشيقين تعرف احب فعل الخير،
انتهت الزيارة منسمح دخول اي محامي بعد الساعه الثانيه عشر ظهراً يرجى زيارتنا في الوقت اللاحق.
محمد: وعد من عندي اطلعهم كلهم ماكون رجال وگد كلمتي اذا مسويتها.
هَيْصَم: لتفتخر بنفسك المحامي القبلك هسه انشالت من عنده الرخصه وصار يشتغل بتكسي اذا متحب تصير عاله على العم محسن اتفضل بدون مطرود،
واني ألوم أرفد ليش ميحبه يا أخي لايطاق.
دخل للغرفه وعينه على محمد وهو يطلع.
لائِث: شنو يسوي هذا اهنا؟
هَيْصَم: يأدي عمله.
لائِث: ليش شنو شغله وي الشسمهن؟!
هَيْصَم: نادي رياضه للرشاقه و الجمال،
هذا مو موضوعي، ليش خليتها تجي لهنا هاي مو غرفة التحقيق مثل متعرف.
لائِث: شكيت بيها من حركاتها مو شخص عادي واني اعرف محد ياخذ من عدها معلومه مثل مسوي انتَ مثل متعرف العمليه سريه وهي الواضح تعرف اشياء راح تفيدنه، اخذتها وجبتها يمك بدون علم احد منعرف منو الخائن والمدسوس بينه.
هَيْصَم: عقلك صاير يشتغل رفقتك اليه خلتك تصير ذكي عمل جيد.
لائِث: اني ذكي من يوم يومي بس انت متقدر جهودي انسان جاحد.
هَيْصَم: يول مديرك انا لتنسه.
لائِث: هسه يجي واحد اعله من عندك رتبه ياخذ هذا المنصب وتصير حالك حالي حضرة النقيب.
هَيْصَم: اتريد تنطرد لائِث گول لتستحي؟
لائِث: اصلاً اني نسيت ليش اجيت دائماً يصير هيج ويايه من اشوفك جمالك يبهرني وينسيني سالفتي بس انت ممنتبه لنفسك سيدي.
هَيْصَم: اترك هاي السوالف انت اجيت تحجيلي شنو صار وي البقيه بالتحقيق.
لائِث: صحيح، كلهن نفس الأقوال لكن يضيفن بعض البهارات وحده بايعها والدها والثانيه طارديها اهلها قصص حتى شاروخان ممسويها.
هَيْصَم: العراق العظيم كل شي بيه لتتفاجئ،
أريد المسؤوله عن النادي الرياضي الأم والراعيه الهن و بالنسبه لهاي البنيه وراها سالفه ممعقوله ايكون عدها جرئة تدخل لغرفة المسؤول بهاي الشجاعه، كل الأدلة احسها متورطه وياهم بشي ولازم نعرفه.
لائِث: المسؤوله مموجوده جان عدها علم وشردت بس المساعدة مالتها هي موجوده، على الأساس متفقات يسوون هروب جماعي سوا لكن المساعدة اتأخرت بجمع الأشياء الضروريه وبعد المداهمه مگدرت تفلت.
هَيْصَم: هذا النادي تابع الهم اكيد والا محمد ميجي يدافع عنهن هاي اول مره ايسويها حياته كلها ممدافع عن هيج قضايه.
لائِث: انت شنو رأيك بهذا المحامي سيادتك؟
هَيْصَم: المهم عمله بيه فائدة النه بدون ميعرف اما نيته مو مهمه.
دقق بكل شي ايخصهن اريد اعرف كل شاردة أو وارده عن حياتهن، واحرص ميصير تواصل بينهن وبين المساعدة وخلي عينك عليهن ما اريد اي خطأ لائِث.
لائِث: تأمر سيدي.
هَمَّاس: سيدي.
هَيْصَم: أريدك تاخذلي بصمات هاي الملفات والمكتب وللرفوف الموجوده واعرف هي تابعه لمنو.
هَمَّاس: تأمر سيدي.
ضَرْضَم: سيدي الدكتورة وصلت.
هَيْصَم: خليها تتفضل والبنيه السجينه خلي لائِث يجيبها لهنا.
ضَرْضَم: حاضر سيدي.
هَيْصَم: لنشوف هاي المره شنو مخطط الأسود.
بوران: طلبتني سيدي بشنو اگدر اساعدكم؟
هَيْصَم: البنيه اللي راح تدخل هسه معرضه للأعتداء على مدار شهر كامل أريد تشوفين شغلج.
بوران: تأمر سيدي.
لائِث: السجينه سيدي.
هَيْصَم: شوفي ست هاي الدكتورة تابعه ألنه كوني متعاونه وياها حتى نگدر نساعدج،
اخذهم للغرفه اللي بنهاية الممر.
لائِث: أمرك سيدي.
هَيْصَم: شگد مجان المجرم ذكي لابد يترك وراه أثر وهو بمثابه الدليل ألنه عن طريقه نلقي القبض عليهم من السهل جداً اتكون ضابط لكن يطلب وقت وذكاء حتى تگدر تعيش وسط ناس خونه ومجرمين بهاي المهنه اني استخدم عقلي اكثر من عضلاتي ولهذا السبب محد گدر يهزم الهَيْصَم.
بوران: ماكو اي شي يثبت انها متعرضه للأعتداء أو مو من شهر هي متمرسه بهذا العمل سيادتك.
هَيْصَم: جيد وشنو بعد؟
بوران: طلبت من عندي اشهد الصالحها حتى تگدر تطلع من هذا المكان.
هَيْصَم: التبريرات القدمتها؟
بوران: امها مريضه بالعجز الكلوي وكل هذا حتى تنقذها.
هَيْصَم: دائماً المرتكب ذنب ايحاول يجمله بأي طريقه.
بوران: تريد من عندي شي ثاني سيادتك؟
هَيْصَم: خلي موبايلج شغال دائماً بأي وقت نطلبج تنورينا.
بوران: بخدمتكم سيدي.
هَيْصَم: لخدمه الوطن دكتوره.
شنو طلع وياك؟
هَمَّاس: بصماتها الوحيده الغريبه من بين جميع البصمات.
هَيْصَم: مثل متوقعت جيتها لهنا مرسومه تريد تاخذ معلومات لجماعتها.
لائِث: نعم سيدي.
هَيْصَم: أريدها اهنا وانت تعرف شنو اتسوي بهاي الأثناء.
لائِث: لعبتي هاي الشغله سيادتك.
ألين: صدگتني مو صح سيادتك؟
هَيْصَم: شوفي كدامج 60 ثانيه حتى تحجين الحقيقه والا راح احولج للمحكمه الخيار بأيدج.
ألين: تمام راح احجي، اني ابويه ميت من سنتين وبعدها أمي انصابت بعجز كلوي وهسه هي تغسل الكلى مره بالأسبوع اني ما اگدر أأمن مبلغ مالي لعلاجها او بابا مجان عنده راتب يعني تگدر اتگول انو ملگيت غير هاي الطريقه.
هَيْصَم: من سنتين؟
ألين: سنه ونص.
هَيْصَم: ليش مطلبتي المساعدة من الأقارب او الجوارين؟
ألين: أقاربي هو اللي اخذني لهذا الطريق.
هَيْصَم: عنده عرف بيهم؟
ألين: نعم سيادتك.
هَيْصَم: شنو اسمه؟
ألين: اسمه الحقيقي شاهر.
هَيْصَم: والحركي؟
ألين: كهيال سيدي.
هَيْصَم: شنو تعرفين معلومات عنه؟
ألين: اذا انطيتك المعلومات تساعدني اطلع من هذا المكان؟
هَيْصَم: في حال اتعاونتي ويانه ، وهم اتكفل بعلاج امج بالكامل وأأمن الكم راتب رعايه واذا تحبين انقلج لغير محافظه وميگدر يعرف مكانج ولا انتِ اللي حجيتي شي بخصوص معلوماته.
ألين: هو مو وحدة وانما مجموعه من الأشخاص يشتغلون بمتاجرة النساء البعض ايخلوهن بالكديه بالنهار اما بالليل يتغير هذا العمل و البعض ايتاجرون بيهن لهيج أماكن.
هَيْصَم: العمل مجاني؟
ألين: حتى العلاج اذا تمرضت وحدة محد ياخذها للدكتور عدنه كم ابنيه ماتت لهذا السبب.
هَيْصَم: اتعرفين فقط كهيال؟
ألين: اي لأن هو اقاربي اما البقيه ملثمين ويحرسون فقط البوابه.
هَيْصَم: المسؤوله عنكم منو هي؟
ألين: مره عمرها 50 سنه تقريباً هي تتكفل بكل شي ايخصنه قويه وعقوباتها قاسيه حيل ومحد تگدر متنفذ أوامرها.
هَيْصَم: شنو اسمها؟
ألين: بديعه.
هَيْصَم: وين هي هسه؟
ألين: ماعرف آخر مره شفتها البارحه بالليل.
هَيْصَم: مكان عملكم هو البيت نفسه اللي داهمنا؟
ألين: حسب الوضع كل مره يجي أمر مختلف.
هَيْصَم: تعرفن الأمكان اللي ترحلها؟
ألين: لا يخلون قناع على روسنه من نطلع حتى منكدر نشوف شي.
هَيْصَم: ليش كذبتي اول مسألتج؟
ألين: ردة فعل لأن خفت من عندك سيدي.
هَيْصَم: خفتي وطلبتي تجين لهنا؟!
ألين: ماكو سبب ثاني غير الخوف صدگني.
هَيْصَم: اذا الأسد ينطي الأمان للغزالة بالغابه بوقتها تهرب من عنده ويخسر وجبته الرئيسيه.
ألين: مفهمت؟
هَيْصَم: اني اللي اسأل أو مو غايتي فهمج ست،
لائِث.
لائِث: نعم سيدي.
هَيْصَم: رجعها للزنزانه وخلي ضَرْضَم يجيني.
لائِث: تأمر سيدي.
ضَرْضَم: طلبتني سيادتك؟
هَيْصَم: شنو نتيجه بحثك؟
ضَرْضَم: باجر كل النتائج يمك ان شاء الله البحث مستمر على قدم وساق.
هَيْصَم: جمع الفريق يمي هسه.
هَمْهَام: طلبتنه سيدي؟
هَيْصَم: كهيال ابحثولي عن هذا الشخص ضمن السجلات اللي عدنه عن جماعة الأسود هو ايتاجر بالنساء اسمه الحقيقي شاهر ومره اجبيره اسمها بديعه هُمَ اهم عضوين بكل هاي العمليه اللي صارت اليوم.
هَمَّاس: واللي اعتقلانهم سيدي؟
هَيْصَم: كل وحده بيهن دوروا عن عائلتها وشوفلي السبب اللي خلاها تنخرط بهيج اعمال.
ضَرْضَم: تأمر سيدي راح نبدأ البحث من هاي اللحظه.
هَيْصَم: لائِث اريد مساعدة بديعه.
لائِث: بدع اسمها قديم.
هَيْصَم: مو حقيقي اكيد.
لائِث: اذا هذا حركي لعد اسمها الحقيقي كاظمية؟
هَيْصَم: لائِث.
لائِث: تغير جو هاي شبيك.
هَيْصَم: احترم ابني مو ابنك الصغير.
لائِث: دادا حبيبي يمه فدوة لأبني الحلو اضحك لبوك يروحي و تعال عضني خلي اشوف طلعت اسنانك لو لا.
هَيْصَم: توخر من يمي لو اكسر اسنانك؟
لائِث: عادي اكل تشريب.
هَيْصَم: راح انزل بيك عقوبه.
لائِث: طالع تأمر بشي سيدي؟
هَيْصَم: مساعدة بديعه اريدها اهنا،
اي خانم اسمع.
:أسمي إران سيدي.
هَيْصَم: ماعندي لعبة الحبل ما اسحب من عندج الكلام جمله جمله انطقي كل شي تعرفيه و اتركي الندم وسوالف التوابين هذا مركز شرطه مو جامع واني ضابط مو معمم.
إران: ماكو شي اعرفه سيدي اني مثل كل البنات الموجودات بهذا المكان.
هَيْصَم: واني مو مثل الباقين الموجودين بالمركز لتتأملين انو تطلعين من هذا السجن بسهوله عقوبتج مختلفه عن باقي النساء لأن انتِ مسؤوله عن هيج اعمال غير اخلاقيه ومتهمه بالمساعدة بقضايا متاجرة بالنساء.
إران: اطلع مثل كل مره مو جديدة سيادتك.
هَيْصَم: هَمَّاس.
هَمَّاس: نعم سيدي.
هَيْصَم: اخذها للحبس الأنفرادي حتى موعد محاكمتها أو وعد من عندي هاي المره راح تتحاكمين على أعمالج السابقه والحاليه.
: احضر بالعشا وصافنه بوضعي الحالي فجأة اخذتني افكاري اله،
شنو يسوي؟
اتغده لو لسه؟ أتعرض لمحاولة اغتيال مره ثانيه اثناء عمله لو لا؟
اتذكرت شكله من يلبس الزي يطلع شخصيه يجبرني اباوع بوجهه صايره هاي الأيام من اشوفه اذكر اغنيه اسراء الأصيل،
يزفوني اله امنيتي عروسه.
ضربت على جبيني صايره كلش ادبسز أني بقائي وياه خلاني قليله أدب فد مره ومن الثول اللي صابني بسبب تفكيري بيه وخرت الگدر عن الطباخ بدون شيالات صرت أطفر من الألم بالمطبخ مثل القرد، أخ اللهي الحرگ ايموت،
ماعرف شلون دخل بس مضهره وهو صافن بوجهي خلاني انسه ليش اني واگفه بنهايه المطبخ اصلاً اني شنو اسوي بالمطبخ ماعرف صحاني من گال.
هَيْصَم: صاير شي لَّباءَة؟
فيروز: لا ليش سامع شي؟
هَيْصَم: سامع صوتج وانتِ تصرخين فكرت صايره مداهمه وتطلبين النجدة.
ماعرف يمكن بسبب شكله الحلو والملفت حجيت وي نفسي بس للأسف جان الصوت عالي.
فيروز: وهمه كل النجدة حلوين هيج؟!
هَيْصَم: شنو؟
فيروز: سلامتك.
هَيْصَم: محضرة عشا؟
فيروز: اي.
هَيْصَم: راح ازعجج بهاي الشغله ممكن تصبيلي لأن ميت جوع.
فيروز: الف طلب مثل هل الطلب تدلل.
هَيْصَم: لَّباءَة بيج شي وضعج معاجبني بعدين شنو اتسوين بنهايه المطبخ تعالي لهنا.
فيروز: شنو اتريد؟
هَيْصَم: اقيس حرارتج الواضح امورج مخربطه حيل.
فجأة صحتني لسعة أيدي من كال حراره، تذكرت شلون نجويت، لزمت اصبعي بأيدي الثانيه وبقيت انفخ عليه وامتلت عيوني بالدموع صدگ يأذي محسيت الا وأيدي بين أيدة سحبني للسنك وفتح المي واهنا صدگ فقدت اخر ذرة من تركيزي بوجودة فززني من فرقع اصابيعه بوجهي.
هَيْصَم: اذا تبقين على هاي الحاله مطولين وادفنج بالمقبره.
رفعت حاجبي وكلت بتفاجئ.
فيروز: ليش شنو سويت؟!
هَيْصَم: اكو شخص عاقل بكامل وعيه يشيل الگدر بدون شيالات؟!
فيروز: مشلته مجرد حاولت متشوف بس أيد وحدة تأذت.
هَيْصَم: الله يصبرني، خليها جوه المي دقيقه وأرجع.
فيروز: وين رايح؟
هَيْصَم: اجيب ثلج لأيدج وين يعني!!
فيروز: ليش عصبت شنو حجيت قابل.
هَيْصَم: لَّبااااءَة.
فيروز: نعم.
هَيْصَم: صوتج مو طفل أني.
حجيت وي نفسي بصوت ناصي حتى مايسمع: يعني واذا صار صوتي شويه عالي شنو يعني، شنو هل تعجرف والغرور العنده.
طلع مكعب ثلج من الثلاجه و انطاني اخليه على الحرق فكرت راح يسوي مشهد رومانسي ويسحب أيدي ويخلي عليها الثلج وهو يباوع بعيوني بس اكتشفت افكار الهنود راح تاخذني لطريق ما منه رجعه،
اصحي على نفسج لتفكرين بيه ابداً وليسحرج بتصرفاته الكريزما والهيبه لتاخذ عقلج وتسيطر عليه،
اسمج فيروز مو لَّباءَة وانتِ متعنيله شي بعد ميعرف مكان خالتي يرجعني الها لتعلقين نفسج بحبال من وهم ومحد يخسر غيرج ، گلبج ملكج احفظي هاي القاعدة ولتسمحين الهَيْصَم يسحبج لمكان مغلق العودة من عنده مستحيله،
اني ما احبه هاي مجرد اوهام لأن صايره اشوفه بشكل يومي اسلوبه واحترامه اليه خلاني اصنع صورة ذهنيه خاطئة لذلك لازم ارجع اسيطر على نفسي وامحي هاي الفكره خلص،
رجعت لواقعي بعد رحله بين العقل والقلب على صوته وهو يگول.
هَيْصَم: الموت واقع حتماً والحياة مجرد كذبه جميله نحاول نصدگها كل يوم والأكثر مينتبه الا و النهايه مقتربه لدرجه اتصير صور الماضي كدام عيونه بهاي اللحظة المأساويه اللي من المفترض يلتقي بعدها العبد وي ربه شغله وحده تخطر على باله،
اني شنو سويت بحياتي؟
محققت حلم الطفوله ولا سعيت بأهداف الشباب ولاصار عندي اسم ينذكر بعد موتي غير الينكتب على كبري ويذكره بس احبابي المقربين وبرأيج منو الشخص اللي يبقى مخلص طول العمر؟
الجميع ينسى ولا واحد من الناس اللي تمديله أيدج راح يذكرج بسورة الفاتحه حتى، فهمتي مقصدي لَّباءَة؟
فيروز: اعذرني اذا گتلك لا ياريت توضح.
هَيْصَم: لتشغلين عقلج بأي شخص وتعرضين حياتج للأذى ماكو مخلوق بهاي الكره المدورة يستحق هذا النوع من الأهتمام المفرط بيه.
فيروز: وانت شلون عرفت اني جنت افكر بشخص ما؟!
هَيْصَم: المراهق اليوم يعرف هذا النوع من الصفنات ما بالج بشخص خلص عمره بالتحقيق والجرائم؟
فيروز: وانت ليش مخلي عقلك يمي؟!
هَيْصَم: لأن سألتج سؤال ومجاوبتي عليه، عرفت عقلج فاصل عن العمل حاولت اصحيج بصوت عالي حتى تنتبهين يمي.
فيروز: مسمعت اسفه شنو سألتني؟
هَيْصَم: ادربتي اليوم على حمل السلاح؟
فيروز: لا.
هَيْصَم: بعد العشا راح ادربج بشكل مختلف ونبدي بتنفيذ العقوبه في حال تهاونتي عن العمل.
فيروز: قاسي.
هَيْصَم: ک الأسد من يهجم على فريسته.
فيروز: هو على شنو گادر الأسد بس على الغزاله المسكينه ليش ميهاجم النمر مثلاً؟!
هَيْصَم: ايصير قوات مكافحه الأرهاب تهاجم قوات التدخل السريع؟
فيروز: وين الربط؟!
هَيْصَم: تگدرين تگولين أهدافهم مشتركه لكن عملهم مختلف.
فيروز: امثالك ليش عسكريه؟
هَيْصَم: لأن ميليق بينه غيرها.
فيروز: ماعندك اطلاع على غير هاي المهنه؟
هَيْصَم: كل شخص يجتهد بعمله هذا هو الأفضل.
فيروز: المعرفه العامه حلوه.
هَيْصَم: ماعندي وقت لهيج أمور لَّباءَة، افراد السلك اغلب وقتهم مشغول.
فيروز: مو صح من جنت اتابع بالتيك توك فيديوهات هوايه ضباط عدهم منشوارت عامه وحتى حكم والأكثريه يحششون.
هَيْصَم: كل انسان ايمثل شخصيته الحقيقيه واني رجل متهويني هاي الأمور ترديني مثلاً وي كل هاي الهيبه ارگص بمواقع التواصل لو القي نكت سخيفه احجي بالنساء؟!
فيروز: صدگ انتم ليش عليكم سمعه مو زينه؟!
هَيْصَم: كل مكان بيه زين ومو زين واحنه عدنه قانون لكل شخص مو زين لازم يتعاقب، قانون صارم يختلف عن القوانين المواطنين العاديين.
فيروز: يعني هسه انت تقنعني ملتزم بالقانون ومتسوي شي غلط؟!
هَيْصَم: غلط مثل شنو؟
فيروز: مثل باقي الضباط يعني مثل شنو.
هَيْصَم: وضحي أكثر.
فيروز: اوعدني متعصب وتكون متفاهم بس هو مجرد سؤال اتذكرته.
هَيْصَم: وعد مراح اعصب احجي.
فيروز: شوف مره قريت بأحد المنشورات اعتقد قصه ماعرف شنو مكتوب انو الضباط عدهم علاقات وي الشسمهن ويتزوجون متعه واغلب افلوسهم اتروح لهيج اماكن صح هذا الكلام؟
هَيْصَم: عقوبه بالقانون العراقي تنص على من مارس البغاء(علاقه غير شرعيه) ينسجن ثلاث اشهر و توصل ست اشهر في حالات ثانيه لكن بنفس الوقت البعض من عدهم ميتعاقبون اما برشوه او لأي سبب ثاني يعني مو الجميع يراقبون جنودهم.
فيروز: اذاً هاي الأخبار كذب؟
هَيْصَم: متواجدة بكثرة بالشارع العراقي مو فقط العسكري يسوي هاي الأشياء، خليها ابالج وحفظيها عدل بجميع الأماكن وبكل الوظائف والمهن وعلى مختلف البلدان يوجد الزين والموزين بس هي سمعه سيئة اتسبب بيها بعض الأشخاص لا أكثر.
فيروز: وبالنسبه لأخلاقكم؟
هَيْصَم: شايفتنه نازعين ملابسنه بالشارع لو معتدين على وحدة كدام الناس؟!
فيروز: مو قصدي هيج افهمني يعني مثلاً اسلوبكم بالكلام اغلبكم يسب ويشتم او يلفظ الفاظ بذيئه ما احب اگولها.
هَيْصَم: هاي الألفاظ موجوده بكل مكان حتى الأطفال يحجون بيها مو فقط اليشتغلون بالسلك العسكري واني شخص من السلك ميوم حجيت بأشياء غير مناسبه بمكان عملي لأن احترام الشخص من احترام نفسه بالأول اشلون المنتسبين يحترموني اذا اني محترمت نفسي؟!
كل كلمه محسوبه عليه الأنسان يعرف من منطوقه وهذا مو ربط بين العسكري وغيره الأخلاق والثقافه هي لجميع الناس مو حصراً بأحد لَّباءَة.
بعدين هاي شنو من أشياء اتابعيها وقتج ثمين ومحسوب عليج عمر مُحاسبه عليه بعدين، خلصي ساعاتج بأشياء ذات فائدة على سبيل المثال اللياقه البدنيه اتقوي العضلات وتفيد في حال اتعرضتي لتحرش او محاولة خطف.
فيروز: اللي يعيش وي ضابط لازم ايصير مثله؟
هَيْصَم: انتِ مختلفه لأن اني معلمت هاي الأشياء لخواتي حتى.
فيروز: شنو السبب؟
هَيْصَم: لأن حياتج معرضه للخطر فمن الجيد التعلم والتدريب حتى تگدرين ادافعين عن نفسج بوقت الضرورة وهسه اتركي هذا النقاش خلي نتعشا.
حضر العشا بالمواعين وخلاهم على الميز لأن ايدي محروگه ساعدني هو صح مو حرق جبير لكن هو اخلاقه عاليه،
كملنه وغسلنه المواعين اجيت اروح لغرفتي حتى انام وقفني صوته.
هَيْصَم: عندي الج مفاجأه راح تعجبج اني متأكد تعالي ويايه للغرفه حتى اتشوفيها.
يتبع.
تفاعلكم اللي يسوي واهس وتعليقاتكم بين الفقرات وتصويتكم للبارت يحلوين
البارت الثالث لهذا الأسبوع حيكون يوم الجمعه ونرجع لجدول التنزيل الأسبوع القادم بأذن العليم.
حسابي الأنستا لأي شي يخص القصه..
رواية هَيْصَم الفصل السابع عشر 17 - بقلم Zahraa_Ahmed
للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه.
شاركوا القصه حتى نستمتع وي الهَيْصَم مع بعض.
هَيْصَم
(الكاتبة زهراء احمد)
_______
كانَت لحظة مُحبطة جداً عِندما كُنت أراك
قمراً مُضيئاً بَينما تَراني نجماً كأي نجمُ آخر."
صار يمشي قبلي واني تبعته افكار تضاربت بعقلي شنو المفاجأة مالته؟
اتوقف كدام الباب اللي يصير بصف غرفته طبعاً هاي الغرفه الوحيده اللي لسه مدخلتلها لأن مقفوله دائماً عكس الغرف البقيه فتح الباب وشغل الأضويه وصاحني حتى أدخل بلعت ريكي ورجليه خدرن واكو شي يثبتني بالأرض ويمنع تقدمي يمكن الخوف من القادم لأن حركات الأكشن مالت البنات اشتغلت بعقلي بهاي اللحظة وتخيلت اكو سلاسل راح يربطني بيها ويبدي يعذب بيه نسيت هو ضابط و فكرته مجرم صحيت على صوته وهو يصيح بأسمي.
هَيْصَم: لَّباءَة شنو حجينه؟
حجيت بدون مقدمات:
اشكرك لأن فكرت بيه بس اني ممحتاجه شي من عندك ماكو داعي تقدملي شي بعدين اني نعسانه ولازم أنام تصبح على الف خير.
اتحركت كم خطوة حتى ابتعد عنه وقفني صوته وهاي المره جانت النبره حادة وبيها نوع من الأمر.
هَيْصَم: لَّباءَة تعالي.
التفتت اله و ابتسمت بوجهه وحجيت بنبرة لطيفه حتى استعطف مشاعره:
ميصير تأجل المفاجأه لبعدين حيل نعسانه؟
هَيْصَم: لا اصلاً وقتها مناسب جداً الأفضل تتعرفين عليها قبل النوم.
فيروز: ليش هي شنو؟!
هَيْصَم: وشلون تعرفيها اذا متشوفيها لَّباءَة؟!
فيروز: مراح تعوفني براحتي اعرف.
هَيْصَم: يلا هذا كله ينحسب وقت عليج كلما استعجلتي أكثر خلصتي اسرع.
دخل وتبعته وجحظت اعيوني من شفت الألات الرياضيه الموجوده ، بوكس معلكه بالسكف، وجهاز مشي وبايسكل واكو شاشه معلگها على الحايط مقابيل الأجهزة الرياضيه أشرلي بأيدة بمعنى اتقدمي سويت مثل ميريد وصلت يمه وهو بدأ يحجي.
هَيْصَم: لازم تصير عندج لياقه بدنيه، من اليوم راح تدربين ساعة كامله ک بدايه وبعدين انزيد الوقت بشكل تدريجي.
فيروز: يعني مجنت تشاقه؟
هَيْصَم: مو من عوايدي اضحك بهيج أمور، شوكت تفهمين انو حياتج مهدده بالخطر وانتِ معرضه للخطف بأي لحظه؟
فيروز: مفكرت انو الموضوع بهاي الأهميه بس شنو السبب فهمني؟!
هَيْصَم: القضيه اكبر من أنو افهمج لَّباءَة المهم هسه اتصير عندج لياقه وتگدرين تركضين وتقوين عضلات الأدين والرجلين حتى اذا تعرضتي لأي موقف سيء بأستطاعتج تنقذين نفسج على أقل تقدير حتى تتخبين وتتصلين بيه اساعدج.
فيروز: افهم من كلامك.
هَيْصَم: صح البحث عن خالتج قائم بعد معرفة مكانها لازم ترجعين لحياتج الطبيعيه بعيد عن الهَيْصَم.
حجيت بهمس بيني وبين نفسي حتى ميسمع.
فيروز: ومنو كال اريد اعيش بعيد عن الهَيْصَم.
رفعلي راسه وكال.
هَيْصَم: حجيتي شي؟
عضيت على الساني ابن الحلوه يمكن سمعني، بتسمت بوجهه وكلت نافيه.
فيروز: لا هيج مو وياك.
هَيْصَم: يلا تعالي لازم تمشين على هذا الجهاز نص ساعة بعدها ننتقل للبوكس ربع ساعة والبايسكل نفس الوقت وبهيج نخلص نص ساعه وتگدرين ترتاحين بعدها.
فيروز: بس أني ايدي محروگه ما اگدر.
هَيْصَم: مثل عراقي يگول الحمار يعرج من أذنه كلامج ذكرني بيه لتعتبريها أهانه.
فيروز: شبهتني بالحمار وتگول ما اعتبرها اهانه؟!
هَيْصَم: أگلها أركضي تگلي ايدي محروگه يعني شنو تردين ايكون جوابي؟
فيروز: اي تمام وخر.
هَيْصَم: راح اعلمج اشلون تشغليها وتتحكمين بسرعتها وتنطيها وقت كل يوم اتزيدين خمس دقايق واضح ادربي بأي وقت يعجبج مو مهم تحصلين على جسم نحيف اني اريد اتصير عندج مرونه بالحركه والسرعه ولعلمج هاي الغرفه بيها كاميرا مراقبه ثبتتها بيها حتى اعرف اذا أديتي التمرين أو لا اريد اتركج واني مطمأن تركت لبوة مينخاف عليها.
فيروز: ماكو حل ثاني غير هذا؟
هَيْصَم: قريت مقوله اتگول "لاتعطي السمك لفقير بل علمه كيف يصطاد"
اني اريد ادربج بأكثر طريقه مناسبه لأن اعرف انتِ مراح تكونين بأمان بعيد عني لكن هاي الأوامر واني اصلاً ما اگدر ابقيج فتره طويله الوضع يزداد سوء كل يوم وحياتي اكثر اتكون معرضه للخطر، أريد اطمأن عليج في حال صار شي سيء وياي.
فيروز: ليش تمشي بهذا الطريق وانت تعرف نهايته هَيْصَم؟!
هَيْصَم: الأمام الحُسين عليه السلام يعرف نهايته الموت في أرض كربلاء مع هذا سار لقدرة ببساله لأن يعرف طريق الحق نهياته سعادة ابديه.
فيروز: اتريد تموت لهاي الدرجه تكره حياتك؟
هَيْصَم: الموت راحة المؤمن عندي اشخاص عزيزين بذلك العالم اريد التقيهم.
فيروز: عادي اسأل منو هم؟
هَيْصَم: ثلاث اشخاص واحد من عدهم ابوي واذا صارت فرصه والقدر جمعنه من جديد راح اعرفج على الثنين البقيه وعد.
فيروز: كم قاعده كسرتها ويايه هَيْصَم؟
هَيْصَم: انتِ اول وحدة اشاركها مهامي العسكريه أو اول انثى اقبلها بدون زواج ، بوجودج ينتابني احساس غريب يجبرني اسولف بأشياء ما اشاركها مع أحد.
فيروز: انت اول رجال اثق بيه.
هَيْصَم: يلا على التدريب اني راح اطلع وانتِ اخذي راحتج.
آمندا: شنو تسوين وحدج اهنا؟
حوري: أراسل وحده من صديقاتي.
آمندا: نسيم ما غيرها؟
حوري: اي اشلون عرفتيها؟!
آمندا: لأن انتِ اربع وعشرين ساعة تحجين وياها بجميع الأوقات اشك حتى بالحمام اتراسليها حبيت اعرف منو هي حتى اطمأن بنت خالتي وي منو تحجي بنصاص الليالي.
حوري: ليش تحجين ويايه بهذا الأسلوب؟!
آمندا: تردين اربت على كتفج واني اشوف اسوالفج وي محمد؟
شلون تسمحين لنفسج اتخونين ثقة أهلج بيج بهاي الطريقه تعرفين شنو مصيرج اذا عرفوا اخوانج بلي اتسويه؟
انتِ ملاحظه الخطأ اللي ترتكبيه لو لا؟ رب العالمين مخلي عندج مخ لو شنوو؟!
حوري: هسه انتِ ليش معصبه لهاي الدرجه محيصير شي من التفكرين بيه خليج متفائلة بلكي اهلي يقبلون شعرفج شنو يصير بالمستقبل؟
آمندا: اذا مطلع غاسل مخج اگص ايدي والا انتِ متفكرين ابداً اتسوين هيج عمله طايح حظها.
حوري: خليج مطمأنه محمد ايخاف عليه اكثر من عنده ميسوي شي ايضرني اني متأكدة.
آمندا: اذا مطلع يضحك عليج عاتبيني وگولي آمندا گالت باجر تعضين اصابع الندم بوقت مينفع شي، وقتها گولي ابن عمي بالوقت اللي الناس متثق بأهلها تجي وحده حماره مثلج تگول ابن عمي وميسوي شي اليه عجيب!!!
حوري: اني مقتنعه بقراري و متأكدة هو يحبني مستحيل ايسوي شي يزعلني او يدمر مستقبلي واثقه بيه.
آمندا: ولج لتخبليني مصار يومين من اتعرفتي عليه اشوكت وثقتي بيه لهاي الدرجه؟!
حوري: اني معجبه بيه من زمان وهسه قوت مشاعري ناحيته، بس حبيت اتأكد انو احبه حتى انطيه فرصه ومن عرفت شنو اريد ليش لا ما الضير من تجربة شعور العشاق ما افهم؟!
آمندا: لا بالله انتِ مو حوري هذا محمد يحجي بالسانج ان شاء الله مترجعين بعد مسيرة العشق مالتج تبجين ومتندمه.
حوري: اطمأني محمد ميسويها اني متأكدة.
آمندا: ربي يعقلج ما گول غيرها.
محاولت حتى افكر بكلامها لأن داخلي مقتنع انو ميريد يضرني،رفعت موبايلي واتصلت بيه:
الو.
محمد: ياهلا بهل الصوت لو تعرفين شگد مشتاق اسمعج وانتِ تگولين اسمي بربج انطقيه تحسسيني انو عايش واتنفس وحياتي الها لون ثاني.
حوري: محمد.
محمد: فداج محمد وعشيرته يا أيامي وشمسها،
بيج شي حوريه صوتج معاجبني؟
حوري: لا ماكو شي لتهتم سولفلي شنو سويت اليوم؟
محمد: فكرت بيج على مدار 24ساعه.
حوري: لا مو هيج اقصد شغلك.
محمد: نفس الروتين اروح للمكتب تجيني قضايه التقي وي ابن خالتج المعقد اطلعهم بكفاله او ادافع عنهم بالمحكمه وخلص.
حوري: ماكو شي نسيته؟
محمد: انتِ على بالي دائما وين ما اكون حتى واني نايم همات احلم بيج صاير اشتاقلج بكل لحظه شوكت تعوفين بيت خالتج وتجين يمي على الأقل نفس المحافظه مو والله بعد ما اتحمل هذا الفراك اريد اشوفج شسوي بهاي الحاله؟
حوري: اتحمل مبقى شي وتخلص عطلتي وارجع للبيت وتگدر تجي تزورنا دائماً.
محمد: لتسوين نفسج متعرفين إني غير مرحب بيه عدكم اخوانج حادين اسنانهم عليه ويكرهون حتى اسمي مو اجيكم وگعد صدگيني تصير عليه بالنعل.
حوري: اذا انت تعرف شنو نهايتنه ليش مُصر انكمل بطريق مسدود؟!
محمد: انحارب مستحيل اسمح ينتهي حبنه بطريقة مأساويه وانتِ راح تساعديني، اوعديني حوريه متتركيني تحت اي ظرف كان وتحاربين حتى نصير سوه.
حوري: وأهلي؟
محمد: ينجبرون من يشوفون اصرارنه بس خليج ويايه يروحي.
حوري: وياك اني مستحيل استغني عنك ثق بيه.
محمد: معقولة ما اثق بيج يعني؟!
حوري: خايفه ميصير مثل منريد ويبقى ارتباطنا مجرد حلم.
محمد: أفااا لتفكرين بهاي الطريقه والخلقج ماكو مخلوق يگدر يحرمني من عندج لو ياخذوج لآخر الدنيا حتى يبعدوج عني اعرف مكانج أو اوصلج واخذج غصب عنهم كلهم وما يكون اسمي محمد اذا ما أسويها.
حوري: كلامك بيه نوع من التهديد انت متأكد تحبني ولهذا السبب اتريد نكمل بعلاقتنه؟
محمد: يعني لو ما احبج ليش عايف شغلي واحجي وياج بهيج وقت؟!
حوري: وين اكو شغل ساعه 12 بالليل؟
محمد: مو انتِ متعرفين القضايا تجيني بجميع الأوقات حتى بصلاة الصبح محامي مشهور مو بأيدي.
حوري: شلون ادافع عن الناس اريد اعرف.
محمد: بسيطه ادور على دليل او شاهد ومرات قضيتهم متحتاج غير كفاله.
حوري: تدفعها من عندك؟
محمد: لا يروحي من عندي شنو مزاد خيري اني، اصحاب المتهم هم يدفعون وبعدين انتِ ليش تسألين هوايه بهيج موضوع غيري واحجيلي شنو تسوين هسه؟
حوري: كاعده احجي وياك.
محمد: منو موجود غيرج بالغرفه؟
حوري: سالمين محمد.
محمد: شكو شنو حجيت وصرختي مجرد اريد اشوف عيونج السحرتني.
حوري: ما اگدر هسه بعدين نعست اريد انام تصبح على خير.
محمد: وانتِ من اهل الخير حوريه.
لائِث: ليش جبتنه مثل الحراميه شنو اتريد انسوي؟
هَيْصَم: انفتش البيت يلا امشي بدون صوت والا ايفزون اهل المنطقه وتصير مشكله.
لائِث: اي اعرف نفتش البيت بس شلون ندخل وماعدنه مفتاح؟
هَيْصَم: انت ليش اتصير غبي اذا منمت؟!
لائِث: هاي تركيبتي بعدين اذا تعرف اني غبي ليش مطلعني وياك؟!
هَيْصَم: هذا هم حظي والا اكو واحد عاقل ايجيبك بهيج عمليه مهمه.
لائِث: انتبه.
هَيْصَم: شكوو.
لائِث: طابوگه لتعثر.
هَيْصَم: راح ارگعها براسك واخلص.
لائِث: ومنو يطلع وياك يهجم على بيوت العالم بهيج وقت اذا متت اني؟!
هَيْصَم: الاهي الأوادم مالين الشارع ليش اني مبتلي بهذا السرسري؟
لائِث: هسه اني سرسري؟!
هَيْصَم: وبربري هم عندك اعتراض؟!
لائِث: شنو الفرق بين الثنين بشرفك اشرحلي؟
هَيْصَم: ادخل على گوگل وانت تعرف الله مخلقني حتى اشرحلك.
لائِث: بس والعباس احس بربري مال مثقفين احب اگولها.
هَيْصَم: لائِث ابني راح يطلع فجر الله واحنه نفس المكان اتحرك خلصني.
لائِث: غير انت القائد امشي قبلي واني اتبعك هذا هو القانون لازم احمي ظهرك سيدي.
هَيْصَم: اترك ظهري الله يحميه وامشي.
لائِث: ياذكي شلون نعبر؟
هَيْصَم: نطفر الحايط ميحتاجلها ذكاء.
لائِث: وشلون نطفره؟!
هَيْصَم: شايف الطابوك القريب من عندك؟
لائِث: اي شنو بيه؟
هَيْصَم: راح امددك اهنا وادفنك جواه بهاي الطريقه تنحل مشكلتي.
لائِث: خطيه وأبو البيت المنتظر يكمل بيته فكر بغير طريقه.
هَيْصَم: انت ليش مخلوق شنو فائدتك؟!
لائِث: والله هذا السؤال دائماً اسأله وكلما اتضوج اعرف جوابه.
هَيْصَم: وشنو الجواب؟
لائِث: حتى اضحكك برأيك اكو احله من هيج فائدة؟
هَيْصَم: اتحرك نجيب الطابوك حتى نصعد ونطفر قبل ميصير الصبح يلا.
لائِث: الله عليك طابوكه بگد ايدي تتحمل وزن مثل وزنك؟!
هَيْصَم: اصعد على ظهرك ونجرب شنو رأيك؟
لائِث: تعرف عندي انزلاق بالعصعصيه ما اتحمل وزن ثور اعذرني.
هَيْصَم: راح تنزل بيك عقوبه انت اتهين الأعلى من عندك رتبه منتبه لنفسك؟
لائِث: بداعة حية النبي موسى لتسويها.
هَيْصَم: ونملة النبي سليمان راح اسويها.
لائِث: تعرف تحشش ما عرفتك!!
هَيْصَم: وهسه؟!
لائِث: تتنسى.
هَيْصَم: كلش صاير انت فد مره.
لائِث: وهذا الطابوك انت اطفر واني اراقب المكان.
هَيْصَم: لائِث كدامي.
لائِث: نعسان مبيه حيل اعذرني اخوي والله ما اگدر.
هَيْصَم: للصبر حدود تره.
لائِث: هي بقت حدود ما نعبرت الله وكيلك الوطن داح من زمان الحمد الله و الشكر على كل حال ، تدري شيگولون؟
هَيْصَم: تم العثور على جثة رجل مجهول الهويه حدثت وفاته بسبب الضرب المتكرر على رأسه بالطابوق هذا اللي يگولوه بأخبار باجر اذا متمشي ويايه وندخل للبيت،
طفرنه من الحايط ودخلنه للبيت الباب الرئيسي مفتوح بعد حادث الأختطاف اللي تعرضت اله محد قفل الباب أو زار هذا المكان دخلنه وشغلنه لايت الموبايل وبدينه بحث.
لائِث: برأيك وين مخلي المعلومات؟
هَيْصَم: هو گال بصندوك اسود وره باب اصفر بس اني مشايف اكو باب اصفر اهنا وين ممكن ايكون؟
لائِث: شوف اني گوة واگف بسبب النعاس البيبان كلها خشبيه وين اكو باب اصفر؟؟
هَيْصَم: لتلغي زايد هو هيج گال.
لائِث: ممكن ايكون لغز ويريد انحله؟
هَيْصَم: احتمال وارد لكن وين الباب الأصفر؟
لائِث: الله يرحمك هسه احنه بينه حيل نفتح شيفراتك گول المكان وخلص هل حركات الأكشن ليش؟!
هَيْصَم: ميجوز على الميت غير الرحمه لائِث.
لائِث: يعني بشرفك عمله هاي اتحس مان علينه مو هو واجبه.
هَيْصَم: اكيد مو بمكان كدام الأنظار تعال انشوف غرف النوم يمكن مخليه جوه الجرباية لو بالكنتور اتحرك.
لائِث: اللي يسمعك ايگول اكو الف غرفة نوم هي وحدة خطيه المرحوم جان ينام بالستقبال.
هَيْصَم: وانت شعرفك؟!
لائِث: هيج احساسي يگول.
هَيْصَم: العن يومك على هيج احساس.
لائِث: حرك أيدك لتصفن بوجهي سيادتك.
هَيْصَم: على اساس هذا احترام من عندك من گلت آخر كلمة؟!
لائِث: شيلها وياي وعيف الأحترام للمركز مو هنا.
هَيْصَم: شوف هاي علبه صفرة مخليها جوه فراش الجرباية، طلعناها وفتحتها لگينه المطلوب اخذنا.
لائِث: هَيْصَم تسمع الصوت؟
هَيْصَم: اكو حركه من فوگ السطح امشي خلي نشوف منو دخل لهنا بهيج وقت.
لائِث: لنفس السبب اللي خلانا ندخل بهيج وقت.
هَيْصَم: اذاً معناها من جماعة الأسود.
لائِث: ما اعتقد جان يگدرون ياخذون اللي يردوه من قتلوه ليش يجون بعد كل هاي المده؟
هَيْصَم: كل الأحتمالات واردة لا ضير بأخذ الحيطه والحذر.
لائِث: راح اصعد واشوف شنو الوضع انت خليك مكانك.
هَيْصَم: مراح تصعد بهاي الحاله تخليهم يتأكدون من شكوكهم المعلومات يمنه وتصير مصيبه.
لائِث: ذكرتني بالمثل اللي يگول يم علي جنتِ بوحدة صرتي بثنين والله خطيه.
هَيْصَم: منو هي؟
لائِث: ام علي كسرت خاطري برأيك منو حل مشكلتها؟
هَيْصَم: امي.
لائِث: اي صدگ ذكرتني شخبارها متصلت بيها من يوم الحادث مالتك.
هَيْصَم: انت من كل عقلك تحجي شبيك يول؟!
لائِث: متقبل نصعد ومنگدر نطلع ومتريد انسولف خو گلي موت.
هَيْصَم: ومنو لازمك موت وخلصني.
لائِث: اي شنو هامك تگعد بالفاتحه وتاكل لحم واني شاعلين والدي والدية.
هَيْصَم: صير متدين حتى تدخل للجنه بدون حساب.
لائِث: لو النبي يوسف يغطيني بعبايته الغطه بيها زليخه هم اتعاقب آخرة هاي هي لعبه.
هَيْصَم: اشششش اقترب الصوت،
صرنه على الحايط اني بأيدي المسدس وهو هم منتظرين اي حركه من عنده ونهجم بقينه على هاي الوضعيه فترة من الوقت بعدين اختفه الصوت طلعنه بعد مأخذنه المعلومات ملگينه أحد رجعنه لنفس المكان اللي دخلنه من عنده.
لائِث: وهسه شلون نعبر؟
هَيْصَم: مثل مطفرنه نفس الطريقه.
لائِث: ماكو طابوگ.
هَيْصَم: بس اكو كرسي شفته بالصاله جيبه وتعال.
لائِث: وليش مو انت؟!
هَيْصَم: تعرف الساعه وحده هسه؟
لائِث: اي وشنو يعني؟
هَيْصَم: يعني اذا اكتلك اهنا ودفنك ماكو مخلوق يعرف بيك فشنو رأيك تمشي مثل الأوادم لو اتبع وياك طرق ثانيه؟
لائِث: شنو صاير فد مره!!
هَيْصَم: من رافق قوماً اربعين يوماً صار مثلهم اتحرك وخلصني يلا ابني.
لائِث: لتصدگ نفسك اكبر من عندي هي سنتين مو اكثر.
هَيْصَم: اكبر منك بيوم افهم من منك بعام حبيبي.
لائِث: جبت الكرسي منو يطفر اول واحد؟
هَيْصَم: الكبار أولاً.
لائِث: هو اني شنو محصل من عندك متگلي؟
هَيْصَم: يكفيك اتكون رفيق الأسد شنو اتريد أكثر من هيج.
لائِث: اگلك.
هَيْصَم: اسمع.
لائِث: الكرسي منو يرجعه؟
هَيْصَم: أمشي نرجع للمركز لا ابتلي بيك.
حوري: لتخلينه نستعجل بعدنا بأولها.
محمد: خير البر عاجله سرگي گلبي بعد الحب زواج شنو تردين لعد؟!
حوري: خايفه يعرفون بعلاقتنه وتصير مشكله.
محمد: ابن عمج ويخطبج وين المشكله ما افهم!!
حوري: بس انت اكثر واحد يعرف مقدار حب اهلي الك.
محمد: منخسر شي اذا جربنه اني عندي فكره لهذا الموضوع هسه انتِ نامي وارتاحي وباجر اكلج بلي يصير سرگي گلبي.
ظافر: سيدي المحامي محمد يريد يدخل.
هَيْصَم: خلي يتفضل،
شفت طوله البهي ابتسمت بوجهه:
حلمان بيه البارحه؟!
محمد: عندي موضوع حبيت احجي بي وياك اذا عندك وقت.
هَيْصَم: هاي اول مره تفتح ويايه مواضيع خارج نطاق الكفاله و العمل، اسمع اذا اگدر اساعدك اكون بالخدمه.
محمد: خادم ربك، اريد اخطب واريد من عندك تساعدني بهذا الموضوع.
هَيْصَم: اعرفها؟
محمد: احد اقاربك.
هَيْصَم: خواتي ميفيدنك شوف غيرهن.
محمد: بنت خالتك اني هم ما أحب اكون نسيبك.
هَيْصَم: حوري؟
محمد: اي بنت عمي لكن انت اكيد تعرف اني واهلها اعداء من سنين مجان عندي غير هذا الحل.
هَيْصَم: انت متريد تنتقم بسبب زواجهم من خواتك بهاي الطريقه.
محمد: مو منحط لهاي الدرجه البنيه عاجبتني واني حابها واريدها تصير من نصيبي مو كل شي بالحياة عداوة وانتقام.
هَيْصَم: صحيح كلامك لكن وحسب خبرتي بالعمل اني ما التمس الصدق بيه مع هذا وبما انك طلبت راح احجي وياه و ميكون خاطرك اله طيب على رغم اني اشوف خلي الأهل يحجون بهذا الموضوع اول ممكن ابوها يقبل يزوجها الك.
محمد: ما اريد اعرض الوالد لموقف محرج على رغم هو يوگف بصفهم دائماً ضدي مع هذا يبقى ابويه وكرامته غاليه عليه.
هَيْصَم: اذا رب العالمين كاتبها صدگني متصير لغيرك لو يخطبوها كل سكان الأرض خليك مطمأن.
محمد: اذن اني اسمحلي عندي شغل لازم ارجع للمكتب.
هَيْصَم: ماعندك نيه تغير طريقك بالدفاع عن المجرمين؟
محمد: كل انسان من عدنه يمشي بالطريق اللي يشوفه مناسب سيادتك.
هَيْصَم: اتمنى تعرض عن هذا العمل بالقريب العاجل لأن اول ما الزم عليك قضيه تزوير شهود او أدلة راح اعتقلك واحولك للمحكمه وانت اعرف بالقانون.
محمد: انت الدولة واني القانون اثنينه وجهان لنفس العمله برأيك تگدر تسخدم العمله بدون الوجهين مالتها؟
كال هيج وطلع اخذت نفس ورجعت راسي على الكرسي، السفينه تمشي حسب الرياح ولحد الآن هذا جيد بس اذا صارت العاصفه يتغير المسار وهنا يصير المحاسبله.
هَيْصَم: الو.
أرفد: عندي عمليه بعد ساعتين في حال اتريد اي مساعده اتفضل للمستشفى.
هَيْصَم: وعليكم السلام ورحمه الله اني بخير الحمد الله انت شخبارك؟
أرفد: اخي العزيز غلطان بالرقم حضرتك اعذرني اني مو الشخص المطلوب.
هَيْصَم: أرفد.
أرفد: هَيْصَم؟!
هَيْصَم: اترك حسك الفكاهي اريد اشوفك بعد العمليه حددلي وقت عندي موضوع مهم احجي بيه وياك.
أرفد: الساعه اربعه العصر.
هَيْصَم: تمام اشوفك بذاك الوقت مع السلامه.
لائِث.
لائِث: نعم سيدي.
هَيْصَم: حضر السيارت راح نطلع نعتقل الموجود بالقائمة اللي اخذنها البارحه.
لائِث: أمرك سيدي.
هَيْصَم: طلعنه للمكان المحدد بعد عمليه مراقبه وتدقيق عرفنه وين يتخبه نفذنه خطه الأعتقال والقينه عليه القبض.
اي سولفلي كل شي تعرفه ما اعتقد بعد كل هذا التعذيب عندك طاقه لأساليب جديدة.
سيدي احنه منسوي شي من عدنه أجتي الأوامر هو جان يشتغل ويانه لكن بعد معرفنه بخيانته صار لازم يموت لذلك انقتل.
هَيْصَم: منو القتله؟
ماعرف.
هَيْصَم: لائِث.
لائِث: سيدي.
هَيْصَم: اريده يعرف بعد خمس دقايق.
لائِث: لعبتي سيدي.
التعذيب المتبع ايكون مختلف بالحده نستمر بيه بتعذيب المتهم حتى يعترف على جريمته او اللي يعرفه من معلومات حول الجريمه او العمل الغير قانوني اللي يمارسوه.
هَيْصَم: وهسه تنشطت الذاكره؟
اسمه عادل ساكن بمنطقه*****
هَيْصَم: حضر الدوريه راح نطلع لهذا المكان هسه.
طلعنه وبعد محاولات نداء عليه حتى يسلم نفسه طلع و بأيدة مسدس،
لائِث: سيدي انتبه.
ضَرْضَم: ارمي السلاح وسلم نفسك اسمع من عندي ولتتورط يلا.
هَيْصَم: هَمْهَام روح من وره ومنعه بدون ميحس عليك.
هَمَّاس: عادل سلم نفسك واذا اعترفت على الأشخاص اللي انطوك الأمر وتعاونت ويانه اتخف العقوبه.
لائِث: اكو مطي أمدد براسه مستحيل يفتهم لغة الأوادم.
هَيْصَم: لائِث لتقترب انت غبي متشوف شلون يحاول يرمي.
هَمَّاس: يمكن ايكون مريض شو ممبين عليه واعي على تصرفاته.
هَمْهَام: او ايكون مدمن مخدرات او كحول.
هَيْصَم: لااا لتسويها ماكو شي ما اله حل وعد من عندي اوكلك محامي ايدافع عنك وهو معروف اصلاً ميدافع عن غير المجرمين بس لتقتل نفسك خليك عاقل أو ارجع لوعيك لتغضب ربك اكثر من هيج.
عادل: غضبته وخلص شنو الحل واني قتلت روح رب العالمين مستحيل يسامحني شنو اسوي بحياتي بعد افضل شي اموت واخلص من عذاب الضمير.
هَيْصَم: لاااااا.
لائِث: سيدي مات.
ضَرْضَم: شنو الفايدة، قتل نفس وهسه قتل نفسه بنار جهنم إلى بئس المصير.
هَيْصَم: اخذوا الجثه للطب العدلي واعرفوا اذا كان مدمن مخدرات او كحول او متعاطي شي قبل منجي ماكو انسان يعرض حياته للخطر بهاي السهوله.
رجعنه للمركز ونسدت هاي القضيه،
لائِث بحثت عن الكتلك بيه؟
لائِث: نعم سيدي موجود بيتها بأطراف النجف مرأة وحيدة راقبتها لمدة يومين ماكو احد يدخل او يطلع من عدها سألت عليها بالمنطقه ومذكروا عنها شي مو زين الكل تمدح بأخلاقها وطيبتها،
قررت مبيها مجال تغير رأيك؟
هَيْصَم: هذا اللي لازم يصير ماكو فايدة من البقاء بهذا الوضع وانت تعرف شنو الأوامر.
أرفد: اي طلبتني شنو صاير؟
هَيْصَم: موضع بيه خير وجمع راسين بالحلال.
أرفد: اني مرتبط و الحمدلله ونسر همات تخطب منو؟!
هَيْصَم: حوري اختك.
أرفد: انت اكبر من عدها بهوايه بعدين انت مو تحب البنيه الموجوده يمك شنو تسوي بحوري؟
هَيْصَم: مو اليه لشخص ثاني.
أرفد: هَيْصَم احجيها وخلصني لتبقى تجر طول وعرض.
هَيْصَم: محمد ايريد يخطبها الولد معجب بيها وطلب من عندي واسطة خير لأن انت تعتبرني اخوك وصديقك لخاطري يعني.
أرفد: وانت على عيني وراسي بس هي بعدها صغيره وممكمله دراسه ما اگدر اضحي بأختي بهاي الطريقه وانت تعرف منو محمد.
هَيْصَم: ردت اصير فاعل خير واجمع راسين بالحلال.
أرفد: اذا خليني اكون اني فاعل خير واجمعك وياها بالحلال شنو رأيك؟
هَيْصَم: أرفد انت اكثر شخص يعرف شنو قراري بهيج موضوع اني متغيرت نفس ذلك الشخص من عشر سنوات وراح ابقى طول عمري واذا حاول گلبي يوم أيزل الطريق ويتبع الهوى ادوس عليه واكمل وأحاله اخلف وعدي تحت جثتي واضح.
أرفد: اشوف بعيونك غير كلام بس مو مشكله خليك مُصر يجي يوم وتعترف بعظمة السانك.
هَيْصَم: عوفك مني وسولفلي عن وضعك شويه شنو صار بموضوع العمليه مالت مرتك؟
أرفد: تره بعدها خطيبتي كلما حجيت گلت مرتك!!
هَيْصَم: بما انك عقدت صارت مرتك شنو الفرق اذا لبست بدلة او ملبست؟!
أرفد: عمليتها بعد اسبوعين والخوف اللي بداخلي عليها مينوصف احاول ابين قوي حتى اشجعها بس ولخلقك اني خايف اكثر من عدها.
هَيْصَم: ان شاء الله تتعافى وتتزوجون وتصير أب من حقيقه مو لبنت عمك.
أرفد: وانت ان شاء الله بعدي.
هَيْصَم: قبل متكمل لازم ارجع للبيت اشوفك بعدين دكتورنا.
طلعت من المطبخ ودخلت للحمام اخذت دوش سريع ودخلت للغرفه، حياتي الحاليه هادئة احسها مثل ايام الربيع مزهره وبيها الوان هوايه، سلام داخلي فضيع احس اكو شي ايداعب مشاعري فرح على خوف مصحوب بتوتر مثل الشخص اللي يشوف نفسه واگف على نهايه منحدر يعرف شنو نهايته حتكون، اذا بقى منجذب لهيج مكان لكن ومع هذا ينسحر بجمال الطبيعة الخلابه وميحس على نفسه الا وهو واگع من اعلى مسافه وماكو سبيل للرجعه.
هذا احساسي الحالي گلبي يگلي حاربي بكل قوة حبيه وتعلقي بيه ولتفكرين بالعواقب لكن عقلي يرجعني دائماً اله من كال بقائي بهذا المكان مؤقت وراح يرجع كل شي لمكانه الصحيح،
رجعت لواقعي على طرقات خفيفه على الباب كمت من مكاني و فتحته صار بوجهي عقد حاجبه وهو يگول.
هَيْصَم: شنو صاير لَّباءَة ليش هيج ضايجه؟!
فيروز: مصاير شي ليش هذا السؤال؟
هَيْصَم: المهم جبت عشا تعالي ناكُل.
تبعته للمطبخ جايب همبركر ثنين وبيتزا حضرتهم على السفره واكيد متخله من الزلاطه مالته، بدينه ناكل داخل صمت هو بالعادة ميحجي اثناء الأكل خلصنه ونظفت المطبخ وغسلت المواعين،
معجبني الوضع ابداً لذلك سألته:
صاير شي هَيْصَم؟
هَيْصَم: لا ليش؟
فيروز: ماعرف حاسه اكو شي.
هَيْصَم: ادربتي اليوم؟
فيروز: اي الصبح،
صفن بوجهي شويه وبعدين كام و اتقرب من عندي صار وجهي مقابيله مباشره ميفصلنه شي يحجي بهمس.
هَيْصَم: لو مجنتي لَّباءَة ولا أني هَيْصَم جان وضعنه مختلف تماماً خلانا القدر داخل امتحان صعب منگدر نجتازه.
فيروز: لو مو نفسنه احنه الحالين ملتقينه اصلاً ،بعض انواع البلاء بيه خير هوايه.
هَيْصَم: صعب اكون غير شخص اني انخلقت بهاي الهيئة لَّباءَة.
فيروز: ومنو كلك صير غير شخص انت حلاتك بشخصيتك الحقيقه بدون تصنع.
هَيْصَم: بعدج تكرهيني مثل اول مره التقينه بيها؟
فيروز: لا ما اكرهك.
هَيْصَم: اتحبيني اذاً؟
فيروز: وهم ما احبك، بداخلي الك أي مشاعر ماكو، لتنسه هذا ايضاً تحذيرك اليه واني نفذته.
هَيْصَم: وهذا هو المطلوب لأن اني خطر عليج احنه منخلقنه للحب انخلقنه للمعارك فقط.
فيروز: عيونك بيها كلام هَيْصَم احجي.
هَيْصَم: اذا الحياة خلتج امام طريقين الأول هو الموت والثاني عذاب ضمير وحزن شنو تختارين؟
فيروز: الطريق اللي يختاره گلبي ايگولون القلوب متخطأ.
هَيْصَم: حضري نفسج راح اخذج لبيت خالتج لَّباءَة.
يتبع.
تفاعلكم اللي يسوي واهس وتعليقاتكم بين الفقرات وتصويتكم للبارت يحلوين
حسابي الأنستا.
رواية هَيْصَم الفصل الثامن عشر 18 - بقلم Zahraa_Ahmed
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه مع اصدقائكم حتى نستمتع وي الهَيْصَم مع بعض.
هَيْصَم
(الكاتبة زهراء احمد)
_______
كيف السبيل للنسيان، وكل تفاصيل الحياة مملوءة بهم.
نجيب محفوظ
: مجان كلامه صدمه بالنسبه اليه لأن اني اعرف من البدايه راح اتكون هاي نهاية القصه بس حبيت اكذب الواقع والقدر المكتوب واتبع احساسي اللي بدون فايدة،
حاولت ابين طبيعيه قدر الأمكان واسأله بهدوء عكس البركان اللي انفجر داخلي:
هسه؟
هَيْصَم: الصبح.
: حبيت اخلق موضوع وياه اريد هذا الوقت يطول واجمع اكبر قدر ممكن من الذكريات اللي استرجعها واخليها ونيستي كلما اشتاقيتله وحنيت لهاي الأيام:
تشرب چاي؟
هَيْصَم: اذا من ايدج اي.
: ابتسمت ورحت حضرته بقيت اعاين على المي والچاي اشلون يفورن سوه واحس گلبي اللي يفور مو هن،
اخذني عقلي لمكان مختلف وبقيت اصنع بمخيلتي قصص بعيدة عن الواقع تماماً لو جنه اني وياه اصدقاء بالكليه او زملاء عمل، لو مجان شرطي ولجمعتنه قضيه غريبه ياترى شنو يكون مستقبلنه وقتها؟
اكيد ماكو اسرار ولا كل هذا الغموض وعرفت هو منو وليش ميريدني احبه او اتعلق بيه، فجأة خطرت على بالي صورة العروسه اللي شفتها معقولة اتكون زوجته بس شنو صار وخلاه يحتفظ بصورتها بس هي؟
هوايه اسئلة ادور بمخي قطعها الچاي من فار أو وگع على الطباخ صبيته بكوبين ونظفت المكان ورحت للصاله اول يوم دخلتلها جان بيها كرسي واحد اللي گاعد عليه اما هسه بيها قنفه وكرسيين طلعهم من الغرفه الثانيه اللي بيها الشاشه طبعاً البيت بيه غرفتين نوم وغرفه بيها الشاشه وقنفات اثنين وحده من عدهم خلاها بالصاله يعني تگدرون تگولون غرفه گعدة واكو غرفه ثانيه اني اسميها غرفه بس هي شبيها للمنور بيها الغساله ومشراية ملابس والمكناسه والماسحه وباقي هاي الأشياء و الغرفه اللي بيها ادوات الرياضة والمطبخ منتبهت على اجزاء البيت بصوره صحيحه اول مأجيت بس هسه حفظتهم عدل،
انطيته الكوب مالته واخذت كوبي گعدت مقابيله والتزمت الصمت لكن مدام فتره طويله واتذكرت التهديد اللي عليه وحجيت:
انت مو گلت حياتي معرضه للخطر؟
جاوبني وهو يشرب بالچاي بدون ميباوعلي.
هَيْصَم: اي.
فيروز: شنو الأي؟!
هَيْصَم: يم خالتج مراح ايكون عليج خطر مثل اهنا.
فيروز: شنو السبب؟
هَيْصَم: مجرد احتمال.
فيروز: يعني ما اضمن سلامتي اذا بقيت يمها؟
هَيْصَم: على حد علمي خالتج ماعدها عصابه مرأه فقيرة متحب المشاكل.
فيروز: هو خوفك من الفقير تلگي بيه كل البله.
رفع نظره وباوعلي بعقدة حاجب وگال.
هَيْصَم: وين تردين توصلين لَّباءَة؟
فيروز: نزلني يمك على راس الشارع،
ابتسم وبانت غمازته ورجع يكمل الچاي بهدوء عكسي تماماً من اباوعله وهو بهاي الحاله احسده انو ميهتم ويگدر يسيطر على مشاعره وگلبه مو مثلي يمكن السبب انو اني مختلطت بأحد سابقاً ولعشت مشاعر الحب من قبل ولهتميت بشاب بكل حياتي وجان كل همي هو صحة والدي وسلامته واگدر اتعيين بمكان معين حتى اساعدة بمصرف البيت وبين ليلة وضحاها تنگلب حياتي بالكامل وادخل بموضوع ماعرف عليه شي نزاع بين طرفين واني جزء من عنده،
حبيته واكذب على نفسي اذا گلت لا بس شنو اتفيد مشاعري اذا هو مامنطيني اي اهتمام واصلاً ميشوفني انثى كدامه يعتبرني ضيفه لا أكثر.
قاطع افكاري سؤال خطر على بالي فجأة:
و التدريب؟
ايضاً رفع راسه وهاي المره ابتسم بوجهي وهو يگول.
هَيْصَم: يا تدريب؟
فيروز: شنو يعني يا تدريب انت مو گلت راح ادربني في حال صار اي شي ويايه اگدر ادافع عن نفسي اذا انت ماموجود.
هَيْصَم: هوايه متأثرة بمسلسلات الأكشن لَّباءَة قللي منها.
فيروز: هَيْصَم لتلعب بأعصابي واحجي الحقيقه.
هَيْصَم: متزعلين؟
فيروز: ما ازعل.
هَيْصَم: واذا زعلتي؟
فيروز: گلت ما ازعل ليش تلح؟
هَيْصَم: عندج كرش حبيت احفزج بطريقه غير مباشره حتى تلعبين رياضه الموضوع ما اله ربط بالتهديد على حياتج.
: فتحت عيوني على وسعهن وحجيت بصدمه: جنت تضحك عليه حضرتك؟!
هَيْصَم: بالعكس حفزتج اني حتى تضعفين بنفس الوقت ما اجرح مشاعرج اعرف النساء ميحبن احد يگلهن انتن سمينات.
فيروز: بنظرك اني سمينه؟!
هَيْصَم: تشبهين الدجاجه ام عشرة الاف.
فيروز: تشبهني بحيوان سيد افندي؟!
هَيْصَم: اني اسميج لَّباءَة تيمناً باللبوة شو معصبتي وعلى حد علمي اثنينهم حيوانات؟!
فيروز: عصبت وحجيت ورفضت هذا الأسم بس انت متقبل تغيرة.
هَيْصَم: لأن احبه اكثر من اسمج الحقيقي.
فيروو: صدگ اتذكرت وتعليم الرمي؟
هَيْصَم: حبيت اصنع شي تذكريني بيه مستقبلاً و ميكون شي عابر وانما محفور داخل الأعماق.
فيروز: ومنو گلك راح انساك اصلاً؟
هَيْصَم: بما انو هاي آخر ليله الج بهذا المكان راح اسمحلج تتمنين امنية و احاول قدر الأمكان احققها.
فيروز: انت اتحاول تسوي المستحيل لأن الأماني ماممكن تتحقق.
هَيْصَم: ولعيونج كل شي يصير وين المشكله!!
فيروز: تتزوجني؟
غص بالچاي وصار يگح بصوت عالي او وجهه انطعن احمر اختنگ الرجال من هاي الكلمه ماعرف اذا انصدم او شي ثاني گمت من مكاني بسرعة وضربته على ضهره شويه واستعاد عافيته رحت للمطبخ وجبتله گلاص مي شربه ورجعلي اياه حاولت اكتم ضحكتي بس وضعي مستمر هيج وصرت اسوء حال من عندة من رفع نظره اليه وگال برفعة حاجب.
هَيْصَم: والمهر منو يدفعه؟
فيروز: هه جنت اشاقه وياك سيد افندي وانت امبين عليك صدگت شگد تنطيني من عشره على تمثيلي؟
هَيْصَم: مقريت بعيونج انو هذا تمثيل بس راح اسايرج واعتبر نفسي مسمعت شي ومازال عرض الأمنيه قائم.
: هسه المفروض اني من الخجل متلگوني بس حاولت ابين الوضع طبيعي ولا كأن طلبت ايده للزواج قبل دقيقه، سكتت شويه وگلت:
نلعب؟
هَيْصَم: شنو نلعب؟
فيروز: صراحة جرأة.
هَيْصَم: منين اتجيبين هاي الأفكار؟
فيروز: من رحم الملل بعدين هذا آخر يوم اريد اعرف كم شغله عن الهَيْصَم قبل ما اطلع من هذا البيت ومن حياتك بالكامل.
هَيْصَم: اسألي بدون العاب راح اجاوب على اللي اگدر عليه.
فيروز: والدي ليش انقتل بدم بارد بجريمه غامضه؟
هَيْصَم: شوفي خلي نتفق على شغله مهمه قبل متسألين اي سؤال واضح.
فيروز: تمام موافقه شنو هي الشغله؟
هَيْصَم: كونان اللي ابداخلج امنعيه يطلع وبطلي سوالف العم توگو.
فيروز: متابع جيد،
يلا جاوبني ليش انقتل والدي وهو اصلاً شنو ايسوي يم المجرمين؟
هَيْصَم: والدج جان جاسوس يمهم ونكشف وهو ياخذ معلومات مهمه عن خطه تسليم كميه من الممنوعات، واحد من الأشخاص اللي يشتغل وياهم اعترف عليه من ذكاء والدج ضمهن بالبيت واجه للمركز هو يعرف انو مراقب، حجالي كل شي صار وانطاني مكان المعلومات وبعد فتره قصيرة انقتل من قبلهم بمعنى اصح والدج شهيد لَّباءَة.
فيروز: يعني مات من اجل الوطن؟
هَيْصَم: استشهد من اجل الوطن.
: نزلت دموعي ورجعت بيه الذاكره لنفس اليوم سكت ومحجه شي ويايه خلاني اعبر عن حزني براحتي مسحت دموعي بعد فترة وسألته:
واني شنو دخلي بكل هاي القضيه؟
هَيْصَم: الموضوع معقد راح واضحه الج بصوره ابسط وانت حاولي اتفهميه،
والدج الله يرحمه عمله يطلب من عنده عدم الأفصاح بيه اطلاقاً لأقرب الناس لأن بمجال خطر فقط اللي يعرفون بيه هم الأشخاص اللي يكونون على تواصل وياه واني جنت واحد من عدهم ،كون عملنه كان مرتبط ببعضه لذلك فريقي اللي شفتيه باليوم اللي طلعنه بيه من هذا البيت جميعهم عدهم معرفه بيج جان امر من الأعلى نحميج لأن انتِ امانته وندزج لخالتج وهناك تنتهي هاي العملية.
فيروز: طيب شلون عرفت مكاني؟
هَيْصَم: واحد من عدهم اتصل بيه وكلي اثناء هجومنه على البيت.
فيروز: منو هو؟
هَيْصَم: هذا السؤال ما اگدر اجاوب عليه خارج صلاحيتي.
فيروز: أو لّهيم؟
هَيْصَم: شغله مهمه ثانيه خليها ابالج المروجين وتجار المخدرات والقتله ماعدهم علامه على وجهم او والدج خير مثال طول عمره يشتغل بالسلك بشكل سري لكن هو مفصح عن عمله حتى لبنته الوحيده بمعنى ادق ممكن ايكون اي شخص من محيط عملج او دراستج هو لّهيم لأن اصلاً هذا اسمه الحركي مو الحقيقي.
فيروز: وشلون عرفت هو يحبني؟
هَيْصَم: كتلج سابقاً هاي الأسئلة تخص عملنه بالبحث والتحقيق ما اگدر افصح عن اي معلومه.
فيروز: ليش حجيتلي كل هذا؟
هَيْصَم: حتى تعرفين مجانت وفاة والدج بدون معنى بسببه گدرنه نعتقل كم شخص بحوزته كرستال بالأضافة لمعلومات مهمه ثانيه.
فيروز: مكتوب على قبره شهيد؟
اعترفتوا بيه من عناصر الشرطه بعد وفاته؟
هَيْصَم: اي في حال رحنه للنجف راح اخليج تزوريه.
فيروز: لتنطي وعود متگدر تنفذها.
هَيْصَم: بعمري منطيت وعد مگدرت عليه لَّباءَة.
فيروز: شنو قصدك؟
هَيْصَم: خالتج بيتها بالنجف باجر من انروح اخذج تزوريه قبل منروح الها.
فيروز: بقى سؤال عندي ،
ليش انت؟!
هَيْصَم: لأن الله هيج كاتب.
فيروز: عادي اشتغل؟
هَيْصَم: مارسي حياتج الطبيعيه بعيداً عن الهَيْصَم و لتنسين اشتركي بنادي رياضي الصحه اهم.
فيروز: راح ترتاح من عندي ومن ازعاجي وتنسه منو فيروز.
هَيْصَم: منو گال؟!
فيروز: يعني مراح تنساني؟
عينه بعيني شفت بيهم نظرة مختلفه عن اللي معتادة عليها حجه بصوت ناصي بس گدرت اسمعه.
هَيْصَم: لو القرار بأيدي مخليتج بعيدة عن گلبي لَّباءَة الهَيْصَم.
فيروز: انتبه على نفسه وخر عيونه ورجع نظرة للكوب اللي صار عبارة عن قطعه ثلج قطعت هاي اللحظات بسؤال خطر على بالي فجأة،
ليش انخطفت وصار كل هذا؟!
هَيْصَم: لّهيم اللي خطفج ليش وشنو السبب هذا الشي منعرفه.
فيروز: ومنو حاول يقتلني؟
هَيْصَم: حتى المجرمين عدهم اعداء لَّباءَة.
فيروز: صار دورك متريد تعرف عن حياتي شي معين؟
هَيْصَم: لَّباءَة مواليد 1995 شهر سبعه والدتج اتوفت بالولادة ولأن عمل والدج جان خطر ترك كل افراد عائلته وبقى يعتني بيج وحده بمساعدة مرأه جبيره لأن مگدر ياخذ الدورين بسبب عمله، كبرتي وحرص والدج على تعليمج، حياتكم الماديه مجانت اتساعد وهذا بسبب اعتنائه بأحد العوائل المحتاجه ودفع كافه تكاليف حياتهم بشكل شهري،
دخلتي جامعه وفرح بيج حيل وحس انو اوفى بوعدة لزوجته المرحومه اتخرجتي وتوظفتي بعد معاناة بشركه بسيطه على الحسابات واهنا بتدت حياتج واطلاعج على العالم الحقيقي ومعرفه الحياة مو لعبه تخلصيها بالنوم او التلفزيون.
فيروز: من وين جبت كل هاي المعلومات؟
هَيْصَم: بالأونه الأخيرة والدج اشتغل ويايه وشاركني جزء من حياته، العراقي تبقى عنده هاي العادة لازم يسولف بماضيه لأي شخص يعرفه.
فيروز: بس هو يعرف بمنو ايخلي الثقه ومنو لا.
هَيْصَم: صحيح جان مقرب من عندي اكثر واحد بالفريق تواصله ويايه مباشر كثير من المرات.
فيروز: محجه شي عني؟
هَيْصَم: اي جان خايف عليج يصير بيج شي من بعده مراد يتركج وحدج.
فيروز: ليش متخلي خالتي تجي لهنا ونعيش سوه بهذا البيت؟
هَيْصَم: هذا الشي خاص بيكم من ترحين انتِ احجي وياها وسوي اللي يعجبج.
فيروز: اذا هو من ضمن الشرطه ليش قضيته نغلقت ومقبلوا يبحثون على القاتل؟!
هَيْصَم: انتِ قدمتي بلاغ بعد فترة من وفاته و بالعادة بهيج جرائم منظمه صعب معرفه القاتل لذلك تنغلق القضيه حتى وجود أدلة كافيه.
فيروز: جوابك غير مقنع هَيْصَم انتم شرطه وهذا واجبكم البحث عن الأدلة ومعرفه المجرم.
هَيْصَم: لَّباءَة هاي عصابه مرتبطه بهوايه اعضاء ومن هم خارج البلد مو بالسهوله معرفه القاتل.
فيروز: انت وعدتني تعرفه وتفتح القضيه مره ثانيه.
هَيْصَم: لساتني عند وعدي بس المشتبه بيه قتله انتحر اليوم ومگدرنه نعرف اذا هو فعلاً اللي قتله او لا.
فيروز: يعني القيتوا عليه القبض ليش مكتلي؟
هَيْصَم: لأن متأكدنه اذا هو الشخص المطلوب او لا.
فيروز: وشلون عرفت مكانه؟
هَيْصَم: والدج ترك كم معلومه تخص العصابه گدرنه نلقي القبض على واحد من عدهم وهو اللي خبرنه عن القاتل بعد التعذيب بالعادة الأنسان يتملص من العقوبه بهاي الطريقه لذلك متأكدنه اذا هو او لا.
فيروز: رجعت قضيته نسدت مره ثانيه؟
هَيْصَم: بشكل علني اي لكن اني مستمر بالبحث عن كل دليل يخص هاي القضيه بعدني على وعدي ومستحيل اخلف بيه لَّباءَة.
فيروز: واني واثقه بيك.
هَيْصَم: تگدرين متثقين بيه يعني؟!
فيروز: لتنغر لأن ماعندي حل غير هذا.
هَيْصَم: لتكذبين مشاعرج، انتِ واثقه من كل گلبج بدون اجبار لَّباءَة.
فيروز: اترك هذا الموضوع و سولفلي عن خالتي شويه منو هي وليش ماعندي معرفه بيها؟
هَيْصَم: هاي الأسئلة اسأليها من تشوفيها باجر اما منو هي وشلون عرفتها والدج انطانا اسمها الكامل وخبرنه انو هي تسكن بكربلاء وبعد بحث عرفنه هي منتقله لغير مكان بسبب الظروف وسعر الأيجار الغالي مگدرت تبقى بالبيت اللي ساكنه بيه ومن شهرين انتقلت بعد مطردها ابو البيت.
فيروز: وشلون جانت عايشه قبل؟
هَيْصَم: اني كتلج انو والدج المرحوم جان يصرف على عائلة وهاي العائلة هي خالتج حجالي انو زوجها متوفي قبل خمس سنوات وهو متكفل بيها من ذلك الوقت ويمكن من زمان حتى لأن زوجها مجان عنده راتب لذلك مگدر يتخله عن اخت امج الوحيده واعتبرها اخته ايضاً.
فيروز: ليش مجنت اعرفها؟
هَيْصَم: زوجها جان يكره والدج ولسبب غير معروف أو هو مذكرلي شي عن هذا الموضوع لذلك ميقبل تجي وتزوركم على رغم هذا هو مقطع التواصل وياها وبقت مستمرة علاقتهم الأخوية.
فيروز: تعرفها؟
هَيْصَم: لا بس اعرف عنوانها باجر تتعرفين عليها ان شاء الله وهسه عندج سؤال بعد لو اكتفيتي؟
فيروز: لا عقلي ميجمع اسئلة هسه اذا تذكرت اسألك.
هَيْصَم: اذاً گومي نامي باجر عدنه طلعه من الصبح لَّباءَة.
دخلت الغرفة وبدت الأفكار تتضارب بعقلي: صدگ هاي آخر ليله اشوفه بيها؟
بعد ما المح ظله بالبيت وما استمتع بصوته وهو يصيحني لَّباءَة؟
ليش الأحلام متصير حقيقه وشنو السبب اللي يخلي الألم دائماً مصاحب لمشاعر الحُب؟!
قصة حبي من طرف واحد ابتدت وراح تنتهي بنفس الطريقة،
بعمري كله محبيت أو اول مره يدگ گلبي لشخص يطلع بارد وبدون مشاعر وميريد يبني اي علاقه وي النساء، مفكرت ابداً تصير بيناتنا اي علاقه غير شرعيه او علاقه حُب الله ميقبل بيها بالعكس تماماً اتخيلت ايكون زوجي وابو اولادي،
صنعت هوايه مشاهد داخل عقلي من عدها يرجع للبيت بعد الواجب واني احضر العشا يدخل للمطبخ ويجي يحضني ويهمس بأذني كلمات رومانسية وفجأة وبهاي اللحظة تدخل بنتنه،
هو اني بس اللي هيج افكر لو كل البنات اللي يحبن نفس الشي؟
نمت على الجربايه ورجعت سرحت بمخيلتي مره ثانيه، مضت هاي الليله مثل سابقتها من الليالي لكن اكو فرق بسيط وهو بعد ما اگدر اشوفه مره ثانيه،
واني مخليه راسي على المخده خطر على بالي سؤال ليش لازم الرجال يعترفون يعني شلون اذا جانوا خجولين ليش منصير احنه مثل الهنود و النساء هي اللي تخطب؟
ضربت جبيني على هذا التفكير منو عدها الشجاعه تسويها هم زلم وميسووها تالي احنه نسويها؟!
لائِث: يعني مراح تجي باجر؟
هَيْصَم: لا اذا صار اي شي خبرني.
لائِث: تعرف راح اشتاقلك؟
هَيْصَم: احضن المخده قبل متنام وتخيلها انا.
لائِث: صاير تحشش ابن الحلوه.
هَيْصَم: انجب لتحجي على امي.
لائِث: خابرتها؟
هَيْصَم: ممكن يطلعون مراقبين الخط ما اگدر اخاطر هيج.
لائِث: لتجذب عليه انت متتحمل تسمع صوتها وهي تبجي لتكابر هَيْصَم تره اعرفك.
هَيْصَم: اشم بيها ريحته اشوف بيها والدي لذلك ما اتحمل اضوجها واعرف اذا خابرتها تجبرني اروح حتى تشوفني وهذا الشي صعب هسه تعرف خطورة الوضع اللي احنه بيه.
لائِث: تبقى امك أو واجبك متحرگ گلبها.
هَيْصَم: تبجي وتنقهر وتدعي عليه كل شي اتقبل بس اتموت گدام عيني او يهددوني بيها هذا الشي مستحيل اتحمله ماكو مكان خالي بگلب الهَيْصَم للخسارات لائِث.
لائِث: اعرفك گدها وگدود تنحل صدگني وتصير سوالف.
هَيْصَم: ان شاء الله.
لائِث: شنو صار وياك؟
هَيْصَم: تعرف الأمر وبأي صفه اخليها اهنا؟
لائِث: زوجتك، اعرف انك تحبها بس اتكابر على نفسك وتقنع گلبك بغير كلام.
هَيْصَم: اكره هذا الموضوع لتجيب سيرة الحب على السانك مره ثانيه محبيت ومراح احب غيرها هي اللي خانتني وراحت وتركت الهَيْصَم بدون گلب.
لائِث: اطوي الصفحه وأفتح ورقه جديدة انسى هَيْصَم.
هَيْصَم: مستحيل حبيتها بكل قوتي وغدرتني وراحت بس حرصت انو تاخذ گلبي وياها ومتخليه اليه.
لائِث: والعباس حبيتها اشوف بعيونك هاي اللمعه من تحجي بسيرتها او من تترك شغلك وترجع للبيت بس حتى تتطمأن عليها لتجذب عليه واني حافضك عدل.
هَيْصَم: خليفه المحرزي شنو رأيك تروح تنام واتكفيني شرك؟
لائِث: منو هذا؟
هَيْصَم: مستشار علاقات أسريه ولو انت اشعرفك بهيج امور.
لائِث: اي والله اني رجل اعزب حد النعال يا اخي حلمي ارجع للبيت واشوف مريتي واگفتلي بالباب منتظرتني اويلي.
هَيْصَم: هوب هوب لتزحف على الترابي بشرفك بعدين متتزوج منو لازمك؟
لائِث: ميقبلن عبالهن اني ضابط اكو بصمه على گصتي اموت عن قريب بس والله غبيات حتى لو اموت يستفادن بالراتب، أخ هَيْصَم اخوك بالضيم يالتنشد عليه ليش متحن وتزوجني اختك؟
هَيْصَم: تعال اخطبها ودلل وين الگي شخص مثلك شريف نزيهه ورع متقي.
لائِث: غلطان بالعنوان خويه هذا انا ما ملتقي بيه ابد.
هَيْصَم: صير هيج وتعال اخطب.
لائِث: عليك العباس اذا خطبت تقبل؟
هَيْصَم: لائِث شنو فلمك عزيزي؟
لائِث: مصري يبعد اخوك وعادل امام وبوسي هسه گاعد اشوفه.
هَيْصَم: اذاً روح كمل الفلم ومن يصير شي اتصل بيه.
لائِث: انتبه على نفسك مو مثل ذلك اليوم وتخلينه نگمز من القهر.
هَيْصَم: محد گلك صير قرد.
لائِث: مقبوله من عندك يبعد اخوك،
صدگ سمعت بالخبر؟
هَيْصَم: شنو؟
لائِث: هَمْهَام ايريد يخطب.
هَيْصَم: ملعون مخبرني.
لائِث: هو فكر يگلك بس تعرف لازم تسمع من عندي حصري.
هَيْصَم: اذا كتلك اني غير مسؤول خلي ابالك.
لائِث: سوي نفسك متعرف مو جديدة عليك حبيبي.
شو مسألت منو هي؟!
هَيْصَم: ما الي علاقه اذا هو ايريد يحجي براحته.
لائِث: جوارين بيت عمه ايگول حبها من اول نظرة اويلي العشق الممنوع.
هَيْصَم: ليش ممنوع مو جوارين بيت عمه؟!
لائِث: اي صح بس المشكله انو هي اتصير صديقه بنت عمه.
هَيْصَم: اي المشكله وين؟
لائِث: انت ليش متخليني اكل خ**؟!
هَيْصَم: اكل هني مري منو مانعك؟
لائِث: خليني اكمل لا والله اخليها حسره بگلبك وما احجيها.
هَيْصَم: قصدك تبقى حسرة بگلبك ومتخليك اتنام.
لائِث: اي اسمع المهم اتفق وي بنت عمه تجس النبض.
هَيْصَم: بشرني طلع طبيعي ان شاء الله؟
لائِث: وتاليهاااا وياك هَيْصَم خليني اكل نعل.
هَيْصَم: اكل براحتك الف عافيه.
لائِث: اي المهم هي مو طلعت صديقه بنت عمه هي بدورها الأخيرة باگت السانها واخذت من عدها معلومات سودة شواربي وجان تطلع محجوزة لأبن عمها.
هَيْصَم: ناهي عليها؟
لائِث: لا حاجين بيها.
هَيْصَم: وهو شلون يخطب ابنيه حاجين بيها ايريد يخلي اهله بموقف سيء عاقل هذا؟!
لائِث: ميريد يتندم بعدين ايگول على الأقل اسوي اللي عليه واترك الموضوع لرب العالمين.
هَيْصَم: اذا هو ايحبها ويريدها احنه وياه للأخير وميكون خاطره الا طيب.
ريهاف: گاعده يم امي واجتني رساله على الموبايل فتحتها وجانت من رقم غريب.
: ليش مترحمين بحال گلبي الولهان لعيونج رهفي؟
ريهاف: كتبت رسالة ودزيتها اله،
طايح الحظ سود الله وجهك ماعندك غيرة؟
ماعندك خوات تخاف عليهن ليش تحجي هيج وي بنات العالم؟
رجع جاوبني،
: مقبوله من عندج بزونتي.
ريهاف: رجعت كتبتله،
انت ماعندك احترام ومو صوجك صوجي اني اللي احجي وي هيج نماذج سرسريه،
انطيته حضر وغلقت الموبايل ناس حقيرة متعرف شنو اخلاق ميدرون كما تدين تدان بالوقت اللي يحجي بيه وي ابنيه اخته تسوي نفس الشي بس مع ذلك ميتوبون الله ليوفقه حرگ گلبي واحد ادبسز،
بس اللي شاغل بالي وين يعرف اسمي بالأضافة من وين عرف رقمي وراسلني واتساب اني حتى گروبات ما ادخل وماعندي اي حساب غير واتساب وتلي ربي والله مشكله من وين تجي هاي الطاقه اللي عدهم اني اختي احجي وياها دقيقتين وأمل هُم مستعدين يحجون وي عشره بنفس الدقيقه اللهم ماريد شي بس الخلگ اللي عدهم،
نزلت حوري وعيونها حمر الواضح جانت تبجي حاولت ابين الوضع طبيعي وما اخلي احد ينتبه بس مگدرت اصبر اكثر وقررت اسحبها للمطبخ واعرف شنو بيها وضع هاي البنيه معاجبني صار كم يوم وهي مو طبيعية احس اكو شي ولازم اعرفه نهضت من مكاني وصحتها،
حوري حبيبتي تعالي ساعديني نحضر حبشكلات علمود الفلم.
حوري: تمام جايه.
ريهاف: دخلنه للمطبخ وحاولت ابين الوضع طبيعي واخذ من عدها معلومات بطريقه غير مباشرة حتى متحس عليه،
اي شخبار اهلج؟
حوري: الحمد الله كلهم بخير.
ريهاف: شوكت تطلع النتائج انريد نفرح بيج.
حوري: ايگولون الأسبوع الجاي.
ريهاف: اي احسن حتى نسويلج حفله اهنا قبل مترجعين.
حوري: ابتسمت بوجهه أو رجعت كملت كلامها.
ريهاف: تعرفين اني بمثابه اختج الجبيرة ومعزتج مثل معزت آمندا وآريا واخاف عليج مثلهن لذلك اذا عندج مشكله او شي حابه تحجيه اليه اني موجوده دائماً وصدگي سرج ابير ومحد راح يعرف بيه ابداً كوني واثقه.
: خفت اتكون عرفت بشي عن طريق ملامحي حاولت ابين نفسي طبيعيه وابتسم بوجهه.
حوري: ماكو شي بس خايفه من النتائج مو اكثر.
ريهاف: اذا هيج ماكو مشكله كلنه خفنه بالسادس ان شاء الله تنجحين وتصير ذكريات.
: صار وقت النوم وصعدت للغرفه غطيت راسي بالجرجف وسويت نفسي نايمه ما ألي خلگ أحد عرفت شنو هو مصير علاقتنه مع ذلك تبعت مشاعري وكذبت الواقع اني اكثر وحدة تعرف مدا كره أرفد ونسر لمحمد او العكس العداوة اللي بينهم مو طبيعيه اتحسهم مثل الفار والبزون،
الرفض هاي نتيجه متوقعه اصلاً اكثر من متوقعه وماعرف شنو راح يصير بالمستقبل بس گلبي ممطمأن ابداً يارب متدمر حياتي بسبب هذا الحب.
فيروز: فتحت عيوني واني اسمع طرقات خفيفه على الباب كمت من مكاني عدلت ملابسي وباوعت لنفسي بالمرايه وطلعت صار بوجهي لابس اسود حتى وجهه مخيم عليه الحزن اتمنيت ايگول خلص بطلت راح تبقين اهنا بس بالأخير احنه مو بمسلسل تركي واكيد مراح يگول غير هيج.
هَيْصَم: صباح الخير.
فيروز: صفنت بوجهه هاي أول كلمه اسمعها من عنده بأول يوم التقينه بيه وبين صباح ذلك اليوم وصباح هسه الف شغله تغيرت ومثل ميگول المثل الف اعمامه تنگلب وصدگ انگلبن وتغيرت مشاعري وهذا الشي اللي ديموتني على البطيئ،
فززني صوته وهو يگول.
هَيْصَم: رجعنه للصفنه بخير انتِ لَّباءَة؟
فيروز: بخير بس نعسانه شويه.
هَيْصَم: حضري نفسج راح نطلع بعد نص ساعة اذا تردين تتريگين استعجلي حتى منتأخر.
فيروز: لا ممشتهيه اغير ملابسي واطلع،
غيرت ملابسي ورتبت شعري بعد مصليت الصبح وطلعت لگيته منتظرني كدام الباب يمشي قبلي واني تبعته طلعنه من البيت وصعدنه بالسياره نظرتله نظرة وداع ونزلت دمعتي مسحتها بسرعه وحجيت،
تگدر تاخذني لبيتي؟
هَيْصَم: ليش؟
فيروز: اريد اخذ كم شغله اليه و ملابسي همات.
هَيْصَم: عندج جنطة سفر؟
فيروز: بابا عنده،
دام صمت منطقنه بأي حرف مشغل قرآن طول الطريق حتى وصلنه للبيت نزلت وفتحت الباب مجان مقفول دخلت ولفحتني ريحة الذكريات أيام الطفوله ومراهقتي، بهذا المكان حضني وداعب وجناتي، وبهاي الزاوية مسح ادموعي لأن ست نهله ضربتني على ايدي مجنت حافظة الدرس اما المطبخ جنت كلما ارجع من المدرسه اشوفه يحضر بالأكل مجان يعرف يطبخ غير التمن والبيض لذلك يوميه اكلنه تمن واكو مرأه جوارينه تذكرنه يوميه وتجيب النه اكل حتى كبرت اشويه وعلمتني وصرت اني اطبخ وكلما يجي ويشم ريحة الأكل يگول كلمتة المعتادة،
"الله ميحرمني من هاي الريحه ومن الوردة اللي تحضرها اليه".
بس اني نحرمت من ريحته مزعلني يوم ولا ضربني وخلاني بحريتي مات وماتت احلامي وأمالي وياه،
دخلت لغرفته نزلت دموعي اللي موگفت من اول مشفت باب البيت فتحت الكنتور وطلعت ملابسه شميتهم اويلي شگد مشتاقتله ياريت لو الگبر اللي ضمك ايضمني هم وارجع اشوفك من جديد بس الأمنيات مستحيل تتحقق رجعت ابجي بقوة اكبر لدرجه حسيت راسي راح ينفجر،
مسحت دموعي وحاولت اقوي نفسي طلعت الجنطه وخليت كل ملابسي والشغلات اللي احتاجها واخذت كم قطعه من ملابسه اتذكره بيهم بعدين اخذت صورنه اني وياه و صورة لأمي انطاني اياها كلهم مخليتهم بألبوم خليته وسديت الجنطه وطلعت اخذت المفتاح مخليته اني جوه الفرشه بالمطبخ غلقت كل الأبواب وباب البيت همات لگيته مكتف أيدة ومنتظرني يم السيارة اقترب من عندي واخذ الجنطه وخلاها بالصندوگ وصعدنه،
جذبتني القصيدة اللي شغلها وصوته وهو يدندن بيها بهمس شبه مسموع خلاني اغرگ بعالم ثاني ودموعي متوقفت ابد.
يازمن وين الأحبــاب
والله مليت العتــاب
يمته نشتم التــراب..
يمته نشتم التــراب..
ليش النحبهم نصير ابعاد عنهــم ؟
يازمن والله ڪــفر تحرمنه منهم
ملت احجاراتهم من ڪــثر ونهم
ياحسافة عاشو الغربة ابوطنهم
امنية ابخاطري اتدور
بس اقبل هالگبــور
اوگف ودمعي سچـــاب
يمته نشتم التراب
وگف كدام القبر قرأ الأسم المكتوب عليه نزلت ادموعه اللي يكافح حتى محد يشوفها، نزل وصار بمستوى القبر مرر ايدة عليه وگال بصوت مليان حزن..
يتبع.
لتنسون التفاعل ومشاركة القصه كبروا عائلتنه شمعاتي.
تصبحون على الف خير
حسابي الأنستا.
رواية هَيْصَم الفصل التاسع عشر 19 - بقلم Zahraa_Ahmed
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه مع اصدقائكم حتى نستمتع وي الهَيْصَم مع بعض.
هَيْصَم
(الكاتبة زهراء احمد)
_______
ﭑنتِ ﭑلتي لا تشبهها ﭑمرأةٍ
رغم ﭑنها تمثل ڪُل ﭑلنساء
ﭑنتِ ﭑلسهله ﭑلصعبه ﭑلقريبه ﭑلبعيدهَ .
فيروز: وصلنه للنجف الأشرف الأرض اللي تضم ضريح الأمام علي عليه السلام وقبور اشخاص حبيناهم وعشنه وياهم ايام حلوه متنسي وجانت أكبر امنياتنا نبقى عايشين بين احضانهم طول العمر لكن للقدر رأي آخر وانفرض علينه نفترق بوقت مبكر جداً،
وصلنه للمقبره نزل ونزلت بعده اشتره مي ورد بطلين وبخور انطاني نص واخذ النص الثاني مشينه بين القبور وعيني مبتعدت عن الأسماء على رغم الأمام علي عنده مقوله يأمر بيها الأبتعاد عن قرائتهن لأن يسببن الغباء لكن اللي جذبني للقراءة اغلبهم شباب هذا البلد يقدم اموات للمقبرة بكل يوم وميكتفي،
وصلني لقبر والدي قريت أسمه المرحوم (ياسر حسين) نزلت ادموعي نزلت لمستواه غسلته بمي الورد وشغلت البخور بقيت اعاين على التراب اللي ضمه وجبره يبعدنه،
ليش قبلت بنتك تبقى وحدها ومنو خبرك اني اريد خالتي ما اريدك؟!
ليش تركتني وقبلت اتكون بهذا المكان؟؟
معقوله محنيت لأيامنه ومشتاقيتلي؟
متريد اتشوفني ليش ابتعدت بهاي السهوله جنت تگدر تقدم استقاله من عملك وتبقى يمي من كبرت جنت دائماً اتگلي اتمنى اشوفج عروس و افرح بيج واسلمج بأيدي لرجال ايصونج ويحافظ عليج حتى اذا متت وامج سألتني اجاوبها واني مطمأن بس انت خلفت بوعدك وقررت تتركني قبل متشوفني عروسه والله العظيم مرايدة شي من هاي الدنيا غير يوم واحد انجمع بيه اني وانتَ تحضني وتخليني على رجلك وتقرالي،
دللول فيروز بنتي دللول،
جنت اتگلي الله ما رزقني بولد يحمل اسمي بعد ما اموت بس عوضني بيج عن الف والد ادري بيج راح تبجين عليه وتقريلي الفاتحه انت الوحيده اللي تسويلي العزاء مالتي وتزورين گبري وتسولفين عني لأحفادي،
ما اريد اعيش يوم واحد بدونك ارجع ولتخليني اتحمل كل هذا العذاب وحدي والله ما اگدر، اكذب عليك اني والله مو شجاعه ولا قويه مثل متگول وحدة جبانه اخاف من اي صوت اسمعه حتى لو الهوه يضرب بالباب،
ليش احجي ومتجاوب؟
رد عليه حتى لو بكلمه وحده لتخليني وحدي مثل المجانين،
مراح تحجي واني تعبت بما انو متريد اتجاوبني اسمعني لعد سلملي على ماما هوايه وخبرها اني احبها على رغم مشايفتها بس بالصور وگلها اسفه لأن جنت السبب اللي فرقكم انتبه على نفسك مراح انساك بدعائي وصلاتي.
نهضت ومسحت ادموعي لگيته واگف بعيد عني بس عينه عليه اتقرب من عندي وانطاني بطل مي غسلت وجهي وشربت من عنده ورجعنه للسياره فكرت انو خلص راح نمشي بس فاجأني من قفل الأبواب ورجع مره ثانيه للمقبرة.
وكفت كدام القبر ونزلت لمستواه غسلته بمي الورد والقبر اتفوح من عنده رائحة الورد شهيد سعيد ضحى بحياته من اجل الوطن وصار من شموع هذا البلد استشهد بحرب داعش وكان صديق عزيز عليه، نزلت دموعي عليه واني اشوف شاب بعمر الورود تحت التراب،
هَيْصَم: زوجتك بخير وابنك هم زرتهم الأسبوع الفات وصلتلهم سلامك مثل موصيتني راتبك يوصللهم كل شهر ابنك نجح بالأمتحانات وصار أول متوسط وزوجتك اتقدم واحد لخطبتها بس رفضته أمك على فراش الموت منتظرة تلتقي بيك على أحر من الجمر، اخوك تزوج من شهرين ومنتظر ابنه ينور الدنيا،
وک العادة اللي يكلي بكل هاي الأمور هو ابنك محمد تقي ايگلي ايريد يصير جندي حتى يستشهد ويلتحق بيك لكن امه متقبل وتزعل عليه اذا حجه بهذا الموضوع،
صار فتره طويله مزرتك بهذا المكان لكن تعرف ظروفي وانشغالي بالقضيه رجعت انفتحت من جديد وهاي المره اني استلمتها أو اوعدك راح اخذ انتقامي من كل واحد دمر شباب هذا البلد وزرع بذرة الفساد عن طريق المخدرات مراح يهدالي بال ولا يغمضلي جفن اذا معتقلتهم أو صلتهم لحبل المشنقه.
فيروز: رجع للسياره فتح الباب وصعد حجيت بسرعة وبغضب،
ليش تقفل الباب شنو هاي العادة السيئه معقوله لحد الأن تفكر اهرب من عندك؟!
هَيْصَم: بكل الاحوال راح تهربين شنو الفرق؟
فيروز: مو اني اللي اهرب انت اللي جبتني لهذا المكان سيد افندي.
هَيْصَم: على كل حال قفلت الباب حتى احافظ عليج مو كل المحيطين بهذا المكان أوادم.
فيروز: وليش انت مو واحد من عدهم؟!
هَيْصَم: قصدج اني مو أدمي لَّباءَة؟
فيروز: محجيت هيج لتحرف كلامي.
هَيْصَم: جوعانه؟
فيروز: لا شكراً ما اريد شي.
هَيْصَم: مگتلج اكلي گلت جوعانه اكو فرق بين الثنين لَّباءَة.
فيروز: انت مُصر تحرجني يعني؟!
هَيْصَم: لأن الأوقات اللي تنحرجين بيها تجي دائماً على بالج بدون أذن حتى بجميع اوقاتج تذكريني لَّباءَة الهَيْصَم.
فيروز: مو كأن تحجي بنبرة تملك لو اني غلطانه؟؟
هَيْصَم: واذا اريد اتملكج اكو احد يمنعني وخاصتاً گلبج اعلن استسلامه اليه من زمان؟؟
فيروز: واثق جداً سيد متدين؟!
هَيْصَم: متحبيني لَّباءَة؟
فيروز: لا.
هَيْصَم: متأكدة؟
فيروز: اي.
هَيْصَم: وليش معصبه هيج هو موضوع للنقاش!!
فيروز: هَيْصَممم.
هَيْصَم: صوتج يول زرفتي طبلة اذني.
فيروز: احسن حتى متسمع احد بكل حياتك.
هَيْصَم: افهم من كلامج تردين احتفظ بصوتج قبل ما اصاب بالطرم؟!
فيروز: وين ماخذني هَيْصَم؟!
هَيْصَم: وين تردين؟
اليوم كله اني متفرغ لحضرتج.
فيروز: تضحك عليه حضرتك؟!
هَيْصَم: ليش حتى اضحك عليج احجي جديات اني.
فيروز: ملايگه عليك اللطافه للعلم تره.
هَيْصَم: انت اتموتين على ربي بكل حالاتي لَّباءَتي.
فيروز: ليش دا احس هاي اعترافاتك اليه؟؟
هَيْصَم: كتلج قبل گلب الهَيْصَم ميت من زمان وماكو مكان للحُب بيه.
فيروز: اكون فضوليه اذا سألت عن السبب؟
هَيْصَم: انتِ فضوليه من اول يوم اتعرفت بيه عليج شنو الجديد بالموضوع؟
فيروز: انت تعرف عن حياتي كل شي بس اني لا برأيك هذا عدل؟
هَيْصَم: اعرف فقط المعلومات الواضحه والگالها والدج على سبيل المثال اني ماعرف اذا انتِ مرتبطه مع احد سابقاً او لا؟؟
فيروز: حضرتك اتريد تسرق الساني؟؟
هَيْصَم: جيد مضاع تعبي بيج طول الفتره الماضيه.
فيروز: اعجبك،
مجاوبت على سؤالي هَيْصَم.
هَيْصَم: شنو هو سؤالج؟
فيروز: حبيت من قبل؟
هَيْصَم: اي.
فيروز: منو هي؟
هَيْصَم: امي.
فيروز: تستهزء حضرتك؟!
هَيْصَم: ليش حرام احب امي لو هي مو من النساء؟!
فيروز: مجان قصدي هذا الحُب الفطري اقصد حب من نوع آخر.
هَيْصَم: قصدج حُب الشباب هسه؟
فيروز: وشنو الفرق هو كله حب!!
هَيْصَم: اكو فرق اكيد، شباب اليوم ايحب وحده ورابط فيشه وي عشره غيرها اما حُب الأسد مخلص للبوته ، ميخون وميخدع وميدور علاقات غير شرعيه اني رجل اقدس مشاعر الحُب واعتبرها شي عظيم لذلك مو اي وحدة تگدر تاخذ گلبي واگدر اقدملها وعود وعهود الزواج.
فيروز: فكرتك متزوج.
هَيْصَم: ومنو گال العكس؟!
فيروز: صدگ والله متزوج انت؟؟
هَيْصَم: اي وليش انفعلتي هيج شكو بيها اذا تزوجت يعني برأيج رجال جبير مثلي معقوله ممرتبط لحد الأن؟
فيروز: الصراحه اني ايضاً هيج خمنت بس من سمعتها من عندك اتفاجأت.
هَيْصَم: لتتفاجأين كل شي وارد بهاي الحاله لَّباءَة.
فيروز: عندك اطفال يعني انت اب؟
هَيْصَم: تعالي حتى ناكُل بعدين كملي الحديث.
عرفته ميريد يحجي بالموضوع لذلك سكتت نزلنه كدام المطعم طبعاً اني لابسه حجاب اشترالي على الطريق من أجينه كون منطقه مقدسه ما اگدر اخالف التعاليم الدينيه بهذا المكان و فكرت بنفس الوقت ابقى ملتزمه بيه وما انزعه واكبر سبب خلاني اتخذ هذا القرار هو سكني بهاي المحافظه بالأضافة اني مجانت عندي اي مشكله شخصيه وياه بس ماعرف ليش مجنت البسه أو والدي مفرض عليه هذا الشي،
طلب أكل بعدها رحنه للأمام علي عليه السلام هاي اول امره اجي لهذا المكان بدون والدي الله يرحمه اول مدخلت عصفت بيه الذكريات ورجعتني لأيام من العمر متنسي أحاله،
جنت طفله بوقتها عمري 11 سنه اول مره اجي بيها للزياره جان ايخاف عليه لذلك ميطلعني اهوايه لأماكن بيها ازدحام اول مدخلت للحضرة الطاهره صفنت بالجمال مالتها الشكل بالحقيقه يختلف هوايه عن التلفزيون من اتشوفها على الواقع اتحس بخشوع ورهبه، بهذا المكان امام معصوم بهاي الأرض الطاهره اندفن بقيت الله وخليفته على الأرض،
واني صافنه بهذا الجمال انتبهت على نفسي وبابا مموجود بجيت وخفت وانتابني شعور سيء جداً بقيت ادور عليه بين الوجوه ملگيته أجه رجال اعتقد جان من الموظفين التابعين للعتبه سألني اذا مضيعه أحد گلتلله بابا يمكن جان غباء اثق بشخص غريب واحجي وياه على رغم والدي منبهني ما احجي وما اختلط وي ناس ما اعرفها بس بوقت الخوف تسوي أي شي حتى تطلع من الوضع اللي انت بيه وشنو ممكن يصير اذا خسرت فرصتي الثمينه حتى ألگي أبوية؟؟
اخذني وياه لمكان المفقودين صاحوا بأسمي دقايق وأجه فكرت راح يضربني او ايصيح عليه بس سوه العكس حضني مثل شخص مفارق حبيبه من سنين ورجع القدر جمعهم شفت دموعه وسمعت صوته وهو يشكر الله والأمام علي عليه السلام لأن لگاني،
واليوم رجعت ادور بالوجوه مره ثانيه بس هاي المره اكو فرق لازم اصيح عليه بعالم الأموات وحتى لو جاوبني ما اگدر اسمعه لكل شي بالحياة حكمه وماعرف شنو حكمة ربي من وفاته،
دخلت للضريح لزمت الشباك بأديه مجان ازدحام اهوايه لذلك گدرت اوصل بسهوله نزلت ادموعي واني اتذكر أحد الشيوخ من يحجي بالأمام علي على انو هو ابو الأيتام،
فيروز: يمكن اني كبرت على انو اتسمى يتيمه مع هذا اني اريد اعتبرك والدي واحجي وياك اليوم بهاي الصفه،
بعد سنين طويله خسرت سندي بالحياة والشخص اللي جان عليه كل معتمدي بالدنيا وحياتي صارت عبارة عن ظلام دامس من بعده، ماعرف لمنو اشكي همي واشارك عزائي والقدر ياخذني لمكان ماعرف شنو مستقبلي بيه،
عندي حاجه وحدة واني متأكدة مراح اترجعني خاليه أبنيه تطلب من والدها وحاشاك متنطيني رغبتي وطلبي،
أريد انسان اتعوضني بيه عن كل معاناتي السابقه ايكون اليه كل شي واگدر اكمل حياتي وياه حتى ما اكون حمل على أحد مو لأن اني ضعيفه وما أگدر اعيش وحدي بس انت تعرف اللي اتعيشه النساء بهذا البلد فأذا صار زواج لتخليني اوگع بين أدين شخص ميعرف الله شنو وميحترمني وميقدر وجودي بحياته اريدك انت تختارلي الأنسان المناسب،
صليت الضهر كامله كوني ناويه أقامه اهنا وصليت صلاة الزيارة بعدها طلعت لگيته منتظرني بنفس المكان اللي واعدني بيه ابتسم بوجهي بادلته والأمام جان يعرف اني مدعيت يرزقني شخص غريب وانما هو نفسه اللي احتل كل جزء بفيروز على رغم حاولت اتبع عقلي هوايه وما انجرف خاصتاً بعد معرفتي هو متزوج اتغيرت ملامحي فجأة لوحده حزينه ومطايقه أحد من اتذكرت كلامه عنها على رغم هو محجه شي لكن ماعرف ليش حسيت يحجي بيها بنبرة حب وكأن يعترف بحبها علني من ايگول زوجتي،
اقترب من عندي وگال بعقدة حاجب تخلي نظرته تسحر بشكل خرافي.
هَيْصَم: بيج شي لَّباءَة؟
فيروز: لا بس تعبت شويه.
هَيْصَم: مبقى شي و ترتاحين من نوصل ان شاء الله.
همست وي نفسي بصوت ناصي: وين اكو راحه اذا ما اشوفك بعد؟!
هَيْصَم: گلتي شي؟
فيروز: اي ان شاء الله.
هَيْصَم: يلا خلي نرجع للسياره.
فيروز: رجعنه خليت راسي على الجامه وبقيت اعاين على الشارع والسيارات شلون تمشي وعقلي كله يم هَيْصَم وزوجته خطر على بالي سؤال والفضول اشتغل عندي بس استحيت اسأله لذلك حاولت احجي بطريقه غير مباشرة،
شلون طبيعه عملك هَيْصَم؟
هَيْصَم: مثل أي عمل آخر لكن بيه نسبة خطورة اعلى.
فيروز: توصل للتهديد؟
هَيْصَم: التهديد جزء ميتجزء من عملنه.
فيروز: شلون تتواصل وي عائلتك بهاي الحاله؟
التفتلي وابتسم بوجهي وگال.
هَيْصَم: ادخلي بالعميق من البدايه ليش تلفين ودورين؟
فيروز: شنو قصدك؟
هَيْصَم: اني رجل عزابي، غير متزوج بالوقت الحالي ومداخل بأي علاقة حُب وممفكر ادخل عن قريب لذلك ريحيلي عقلج من التفكير لَّباءَة.
انحرجت حيل شكلي نسيت هو يلگفها وهي طايره لذلك حاولت اغير الموضوع بسرعة،
فيروز: ليش جنت تهددني حتى ابقى يمك بحجه حياتي معرضه للخطر ليش محجيتلي الحقيقه من البدايه؟
هَيْصَم: مراح تصدگين لو احلف بحصان الحمزة.
فيروز: ومنو گلك مراح اصدگ؟
هَيْصَم: انتن النساء تعيشن حالة اكشن بكل مكان تتواجدن بيه على سبيل المثال اذا صعدتي تكسي وحدج تبقين طول الطريق تفكرين شلون تتخلصين من السايق اذا اتحرش بيج لذلك اني اتبعت هاي الطريقه وهي الترهيب بالعادة استخدمها مع المعتقلين اتخليهم يحجون كل شي يعرفوه بعد ما انطيهم الأمان والثقه الكامله.
فيروز: يعني جنت تضحك عليه واني الغبيه صدگت!!
هَيْصَم: وما زلتي تصدگيني وتثقين بكلامي لتغشمين نفسج لَّباءَة.
فيروز: خطر على بالي سؤال هَيْصَم.
هَيْصَم: راح اتفاجئ لو مگلتي هاي الجملة.
فيروز: ليش تحجي هيج؟
هَيْصَم: لأن من اليوم اللي اتعرفت بيه عليج انتِ بس تخطر على بالج اسئلة مو جديدة.
فيروز: المهم جاوبني احنه نعرف الشباب يتحرشون بالبنات بس اني سمعت يگولون اكو بنات تتحرش بالولد خاصه الضباط صحيح هذا الخبر؟
هَيْصَم: احنه رجال مشغولين بالعمل بشكل دائم والشخص اللي عنده وقت لهيج أمور تلگيه انسان تافه بدون نفع سواء بالسلك او غيره اما البنات فأي هوايه دخللي خاص وتغزلن بيه وجبرني اغير الحساب.
فيروز: يعني مجاوبتهن؟
هَيْصَم: ماعندي وقت اغلبهن مراهقات و الحقيقه يكسرن خاطري جان هكرت حساباتهن كلهن واحذفهن حتى ايتوبن ميسونها خاصتاً اكو اشخاص هوايه يستغلون هيج نوع بين قوسين ينضحك عليهن بسرعة للأسف.
فيروز: يگولون بسبب نقص العاطفه هيج يصير.
هَيْصَم: ليش هم شباب اليوم شنو مواضيعهم غير شلابسه وراويني؟!
فيروز: هَيْصَم.
هَيْصَم: شبيج قابل مجذب ادخلي اليوم بأي علاقه مع شاب بالتواصل وشوفي شنو حجيه.
فيروز: داخل بعلاقه انت شعرفك هذا حجيهم؟
هَيْصَم: لأن انتن مواضيع دسمه للشباب لو يحجون بيجن لو عليجن ماكو شي وسط وين ما اروح اسمع نفس الكلام اصلاً لعلمج اكو بعض الشباب وتگدرين تگولين نسبه جبيرة من عدهم يتراهنون من يجيب راس هاي البنيه اسرع واني شفتهم بعيوني لَّباءَة.
فيروز: وشنو سويت؟
هَيْصَم: قدمتلهم نصيحه على طريقة الهَيْصَم.
فيروز: ضربتهم؟
هَيْصَم: مو همجي اني فقط فرمتت موبايلهم.
فيروز: بس؟
هَيْصَم: نسيت ادفنهم اعذريني لَّباءَة.
فيروز: شباب هاي الأيام ماعرف شنو مشكلتهم ليش يضحكون على بنات الناس شنو اللذة بالموضوع؟!
هَيْصَم: كل هذا سبب التربيه وعدم مراقبة الأهل بزمن قبل جانت الأم تحرص على تعليم ابنائها على احسن مايكون حتى اوقات النوم منظمه اما هسه اول ميصير الطفل خلوا بأيدة موبايل شنو يتابع وعلى أي موقع يدخل مو مهم ، منو اصدقاءه شنو يسوي بالمدرسه وي منو يطلع محد يهتم يقدموله أكل وشرب وفلوس اما تربيه فهاي ماتت وي اهلها هذا الوقت صار الشخص المحترم ملفت للنظر، والبنات نفس الشي ايضاً.
فيروز: صحيح المجتمع تغير مو مثل قبل من جان يسولفلي والدي.
هَيْصَم: انتِ متعرفين هوايه عن جيل الثمانين
التربية قبل تختلف عن هسه.
فيروز: بشنو تختلف؟
هَيْصَم: الأب كلمته مسموعه والأم احترامها واجب مجان أحد يگدر يگول لا بس ايضاً منعمم لأن بكل مجتمع الزين والموزين،
سولفيلي انتِ دخلتي بعلاقه على النت؟
فيروز: ايع ما احب هاي السوالف.
هَيْصَم: ايجوز اللي راح تحجين وياه يشرحلج شلون تأدين الفروض الخمسه انتِ وحضج.
فيروز: هه تره متضحك.
هَيْصَم: هه مردت اضحكج.
فيروز: وين حتاخذني هسه؟
هَيْصَم: تردين تزورين مسجد الكوفه؟
فيروز: ما گول لا.
هَيْصَم: الواضح انتِ تعبانه نامي اشويه من نوصل اكعدج.
فيروز: سؤال قبل ما انام.
هَيْصَم: يا الله من اسألتج المتخلص.
فيروز: هو آخر يوم وترتاح من عندي ليش مستكثر عليه كم سؤال؟!
هَيْصَم: اسألي أمري لله.
فيروز: خالتي تعرف راح اجي يمها؟
هَيْصَم: لا.
فيروز: يعني انت مكلتلها؟
هَيْصَم: ردت اسويلها سبرايز.
فيروز: وبلكي متقبلتني ليش تخليني بموقف مينسي هَيْصَم؟!
هَيْصَم: سوالف الهنود بطليها الله يخليج.
فيروز: احجي جديات اني.
هَيْصَم: اگلها خالتج تگلي متريدني يعني شنو تردين ايكون جوابي مثلاً؟!
فيروز: هي مجرد فكرة خطرت على بالي.
هَيْصَم: مره ثانيه خلي افكارج مناسبه للواقع.
فيروز: اللي يسمعك يگول ماكو هيج ناس بالحقيقه.
هَيْصَم: اذا مرادتج اني موجود تبقين عندي معززة مكرمة كتلج سابقاً وارجع اعيدها بيتي مفتوح الج دائماً اعتبريني مثل متردين وبأي وقت تحتاجيني بيه تعاليلي احارب العالم كله علمودج وانتِ تعرفيني گد وعدي.
فيروز: هاي وحدة من سوالف الشباب العب لعب علمودج.
هَيْصَم: ليش اني مثل باقي الشباب؟
فيروز: بشنو تختلف؟!
عرفني على مميزاتك.
هَيْصَم: ميحتاج اسمي يعرف عني.
فيروز: مغرور.
هَيْصَم: عندي ثقه زايدة وين المشكله.
فيروز: يگولون الثقه الزايدة ادمر صاحبها.
هَيْصَم: اللي يگولها شخص ممجرب احساس يكون واثق من نفسه ويگدر يحقق احلامه وطموحاته بدون مساعدة احد.
فيروز: منو الشخص اللي متنسى فضله بحياتك بعيداً عن رب العالمين لأن أكيد مينسي فضله.
هَيْصَم: لائِث صديق الطفوله والشباب أخوي اللي مجابته امي حتى هو مقرب من عدها مثلي واكثر هم.
فيروز: تعرف اني ماعندي صديقات.
هَيْصَم: شعجب!!
فيروز: مره جانت عندي وحدة وخانتني وبعدها قررت ما أصادق احد خليني مكتفيه بنفسي احسن.
هَيْصَم: شلون يعني خانتج؟
فيروز: بأيام الجامعه انعجب بيه طالب واعترفلي بوقتها اني رفضته لأن هو ابن الدكتور مالتنه وشخص متكبر بفلوسه ومنصبه عرفت حياتي محتكون سعيدة وياه بنفس الوقت حجيت لصديقتي، تعرف احنه النساء منعرف نضم شي بگلبنه فتره طويله لازم نحجي حتى لو للحايط، بعد فتره تقريباً شهر او شهرين هيج حدود ما اذكر بالضبط اجاني للنادي ويحجي بنفعال يگلي ليش تضحكين عليه واني انطيتج كل شي ترديه وحتى رصيد ادزلج بعد كل هذا تخونيني وتگليلي اني مخطوبه لأبن عمي أو زواجي بالعطله، هواي كلام نسيته بعد، بقيت صافنه ومصدومه أي فلوس ماخذه من عنده وشوكت راسلته اني،
بعد فتره مو طويله ومثل ميگول المثل حبل الچذب قصير عرفتها صديقتي هي اللي مسويه هيج مخليه صورتي على حساب الأنستا مالتها ومراسلته بأسمي من وقتها قطعت كل علاقتي مع البنات وصرت انسانه منعزله.
هَيْصَم: شلون عرفتيها هيج مسويه؟
فيروز: تعاركت هي وصديقتها والثانيه اعترفتلي، الخيانه تمشي بدمهن مو بأيدهن هاي الشغله.
هَيْصَم: وصلنه ومنمتي.
فيروز: الحديث وياك يخلي الوقت يمشي بدون ما احس.
هَيْصَم: هاي احد ميزاتي الغير مُكتشفه لأحد الأن.
فيروز: نزلنه وزرنه ورجعنه للسياره طبعاً البس عبايه من ادخل للحضرة ميقبلون ادخل بدونها،
ومثل ميگولون الأوقات اللي نقضيها وي شخص انحبه تخلص بسرعة ماعرف شلون وصلنه للنهايه وحان موعد الفراق ماكو هَيْصَم وماكو لَّباءَة النهايه حزينه لقصة حب منكتب الها تبدي اصلاً.
وگف السيارة كدام بيت مثل اي بيت عراقي لعائلة متوسطه باوعلي بطريقه غريبه وگال.
هَيْصَم: أريد هاي اللحظة تتوقف اهنا وما انجبر اتركج، لَّباءَة لتعتبرين كلامي اعتراف لكن شغلات حسيت بيها و حبيت اشاركها وياج،
انتِ اجمل شي صار بحياة الهَيْصَم من عشر سنوات لحد الآن، غيرتي بيه صفات متخيلت يجي يوم تتغير، كسرتي القواعد اللي بقيت ابني بيهن عمر بشهر واحد، بس هذا مو حب واني اعرف عدل انو مستحيل گلبي يدگ لأي بنيه لكن هي احاسيس تضرب بگلبي وما اگدر اضمها اكثر من هيج.
فيروز: وشلون لازم اجاوبك هسه؟
شنو تريد اگول على هذا الكلام؟!
هَيْصَم: ما اريد اسمع شي لكن حاولي متنسين شي من الحجي اللي گلته.
فيروز: انت واحد اناني عندك علم؟
هَيْصَم: اي للأسف.
فيروز: ليش سويت هيج؟!
هَيْصَم: ما اريد اترك ندم ممكن كل شي يصير اني ماعرف شنو مكتوب بحياتي على الأقل لازم تعرفين انتِ مميزة بگلب الهَيْصَم بنفس الوقت مو مشاعر حب وانما تگدرين تعتبريها صداقه اذا متت او صار بيه شي اكيد راح تقرأين الخبر بالقنوات الأخبارية او على النت اقرأيلي الفاتحه.
حجيت بغصه لكن مو من گلبي.
فيروز: شهيد متحتاجها.
هَيْصَم: كلامج صح بس سمعت احد المعممين يگول الشخص الميت يعرف منو يدعيله او يسويله ثواب اريد يوصلني خبر لَّباءَة ذكرت الهَيْصَم ومنسته احلفي اتسويها لترديني لَّباءَة اريد اسمع اسمج حتى لو اني ميت.
فيروز: لتحجي هيج محيصير بيك شي بُعدك عني ميموت هَيْصَم.
هَيْصَم: القضيه اللي مستلمها خطره والتهديدات على فلس كل شي ممكن يصير وبأي لحظه لتعاندين واحلفي خليني اودعج واني مرتاح منتهت هاي القصه بهذا المكان.
فيروز: والله مراح انساك واذا متت قبلي اذكرك بكل صلاة وهسه غير الموضوع ضوجتني.
هَيْصَم: ما عاش اللي يزعل لَّباءَة الهَيْصَم.
فيروز: هذا الأسم غريب شنو يعني؟
هَيْصَم: اذا كتبلنه رب العالمين نلتقي اكلج شنو معناه وعد.
فيروز: راح تكمل حياتك بشكل طبيعي؟
هَيْصَم: مراح اتزوج هذا آخر شي ممكن افكر بيه بهذا الوقت.
فيروز: راح اشترك بنادي رياضي واضعف حتى اذا شفتني يوم من الأيام متگول عليه اشبه دجاجه ام عشرة آلاف.
هَيْصَم: بس مو تصيرين ام ثلاثه آلاف ما احب هيج اني.
فيروز: تستهزء حضرتك؟
هَيْصَم: لا احجي جديات.
فيروز: وعدتني تلگيلي وضيفه هَيْصَم لو نسيت؟
هَيْصَم: اول شي ارتب موضوع الراتب اللي ماعرف ليش لسه مطلع بعدين ادبر وضيفه الج ،طلب ثاني ست؟
فيروز: حتى لو اكو ماكو وقت حتى اطلب.
هَيْصَم: انتبهي على نفسج واي شي يصير وياج خبريني.
فيروز: طلع موبايل من الصندوگ مالت السياره وانطاني اياه وگال.
هَيْصَم: هذا موبايلي الثاني بي رقمي بس وكل الحسابات موجوده بيه تگدرين تستخدميهن اذا تردين.
فيروز: بيه جهاز تعقب؟
هَيْصَم: اي اذا متحبين اگدر الغيه.
فيروز: ماكو داعي.
هَيْصَم: تعالي خلي ننزل.
نزلنه كدام البيت طرق على الباب اكثر من مره سمعت صوتها وهي تجاوب.
إيفاء: جايه منو؟
هَيْصَم: اني خاله.
إيفاء: ومنو انت؟
هَيْصَم: شلون تعرفين اذا مفتحتي الباب؟!
فيروز: ابتسمت عليهم فتحت الباب مرأه جبيرة بالعمر سمره وملامحها حلوه سمينه بس مو حيل و طويله يعني جسمها كلش حلو حسيت بيها مثل نسوان قبل قريت بوجهها مرأه يُعتمد عليها امبينه ام بيت شاطره هيئتها هيج تگول.
إيفاء: منو انتم شنو تردون من عندي بهيج وقت؟
فيروز: صفنت شويه بوجهي وجحظت اعيونها وگالت بنبرة تساؤل.
إيفاء: فيروز؟
نزلت دموعي وحجيت بسرعة.
فيروز: تعرفيني؟
إيفاء: شلون ما اعرفج بنت الغاليه انتِ ابوج جان دائماً يسولفلي عنج من يزورني وحتى راواني صورتج بس رجلي مجان يقبل اجي واشوفكم و موبايل ماعندي حتى اتصل بيكم هو الله يسلمه ابوج يجي كل شهرين ثلاث اشهر يزورني يسلم عليه و يروح ويوديلي افلوس كل شهر بأيد واحد من جماعته بس صدگ هو وين ليش اجيتي وي هذا الرجال؟!
فيروز: البقاء لله خاله.
لطمت على صدرها وصرخت.
إيفاء: عزه اشوكت؟
فيروز: من اربع اشهر.
إيفاء: واني اگول ليش مشفته طول هاي الفتره مو عادته يغيب عني سودة عليه حتى فاتحته ما حضرتها عزه بعيني موفيت حقه جان خوش رجال،
شلون مات بنيتي؟
اجيت اجاوب سبقني.
هَيْصَم: قضاء وقدر صابته جلطه وتوفى ،واهنا گدرت اجمعكم وانتهت مهمتي بقيتوا بأمانة الرحمن راح احاول عن قريب ان شاء الله اخلي واحد من الشباب يوصللكم الراتب التقاعدي مالت المرحوم،
مع السلامه خاله،
لَّباءَة هذا آخر لقاء وفيت بوعدي أو وصلت الأمانه انتبهي على نفسج ومثل مگلت اي شي تحتاجيه اني موجود.
فيروز: راح الهَيْصَم أو بقت عيني عليه الى أن صعد بالسياره وساقها وابتعد عن نظري سحبتني خالتي من أيدي على كيف ودخلتني للبيت اول مفتت صارت مقابيلي الحديقه عاديه مبيها شي مميز دخلنه على جهة اليمين الأستقبال وبالنص الصاله و بالنهايه باب المطبخ على جهة اليسار وعلى جهة اليمين بالنهايه من الصاله غرفتين يعني المطبخ ايصير مقابل الغرف مباشره، تلفزيون يتوسطها على الحايط وقنفه مقابيله مرتب نوعاً ما وحلو،
حضنتني وتشم ريحتي وتبجي وتگول.
إيفاء: اويلي بيج ريحتها نفس شكلج وانتِ صغيرة بس صارت عندج خدود وكبرتي شويه.
فيروز: شايفتني واني صغيره يعني بالحقيقه؟
إيفاء: من جنتي طفله يجيبج ابوج يمي تبقين ساعه ساعتين ويجي ياخذج.
فيروز: شلون جان يعرف زوجج مموجود؟
إيفاء: يجي قبل يوم بالليل جواريني قبل صديقه فجان يعرف من يطلع زوجي من البيت وهو اصلا واحد مو خوش أدمي يخلص وقته كله يم جماعته لا شغله ولا عمله الله ابتلاني بيه وخلصني من مات انسي و سولفيلي منو هذا الرجال اللي جابج امبين عليه هيبه؟
فيروز: اسمه هَيْصَم گال انو والدي موصي اذا مات يوصلني يمج بس هيج اعرف عنه.
إيفاء: مو صاحج لبوه مدري شنو؟
فيروز: اي سماني لَّباءَة.
إيفاء: ليش اشبيه اسمج وميگوله؟
فيروز: ماعرف ستحيت اسأله، ماعرف ليش محجيت الحقيقه واصلاً ماكو داعي احجي شي بكل الاحوال مراح نلتقي مره ثانيه ليش حتى اعيش بوهم.
إيفاء: انتِ اكيد تعبانه تعالي نتعشا ونام وعيفي ملابسج باجر اني ارتبهن وياج فيروزة.
فيروز: على رغم هذا اسمي بس صرت اكرهه مصار كم دقيقه من راح وبديت اشتاقله شيصبرني على غيابه وشلون اتأقلم على هذا الوضع؟
ساعدتها بالعشا خلصنه وغسلت المواعين وكل شي اسويه اتذكره من جان يوگف يمي ويحضر الزلاطه او من يغسل المواعين وميقبل اسوي شي اني وميقبل ياكل مثلي لازم أكله صحي حتى ميسمن ويحافظ على رشاقته ابتسمت وضجت بنفس الوقت بقيت مجرد ذكريات ما ألها فايدة،
اجيت ادخل للغرفه حتى انام صاحتني خالتي.
إيفاء: تعالي نامي بحضني حبيبتي.
فيروز: خاله.
إيفاء: طول عمرج معشتي بحنان الأم سميني ماما او يمه بكيفج بعد انتِ بت بغداد وتبغددي علية مثل متردين.
فيروز: نزلت دموعي وركضت لحضنها صدگ اللي گال الخاله أم الله ليرحم الحرمني من حنيتها و شكرا للقدر اللي جمعني بيها.
هَيْصَم: يوم واحد ارجع الگي هيج صاير لائِث اني شنووو حجيت؟!
لائِث: هسه اني شعليه؟!
هَيْصَم: ليش انت منوو مو احد اعضاء فريقي لو اني غلطان؟!
لائِث: اتصلت بيك يطلع مغلق شنو ذنبي؟!
هَيْصَم: ذنبك انو وصيتك جان لازم تعرف شغلك عدل ومتسوي مثل هيج مصيبه.
لائِث: اللي يسمعك يگول مسوي مكسورة نزلت بيها راس عشيرتي هو كلها القينه القبض على مجرم مطلوب هاي هي.
هَيْصَم: امنزل راس عشيرتك ولا مسوي هيج من اشوكت تطلع تعتقل بدون ما يكون عندي خبر خراع خضره اني؟!!
لائِث: اريد كرفس وريحان كلش احبهن.
هَيْصَم: لااااااائِث.
لائِث: سم بگلب لائِث شسويلك والله حيرتني؟!
هَيْصَم: ليش ماعندي علم؟؟
لائِث: سيادتك عندك نائب هو انطانه أمر مصار شي.
هَيْصَم: ظافررررر.
ظافر: نعم سيدي.
هَيْصَم: ميت انه؟
ظافر: اسم الله عليك سيدي عمرك طويل.
هَيْصَم: ليش ماعندي علم اشلون تنطي أمر بدون علمي؟؟
دخل بسرعة بدون ميطرق على الباب وحجه بخوف واحنه عينه عليه.
ضَرْضَم: مصيبه سيدي صارت والآمر موجود يريدك.
يتبع..
شاركونا القصه شمعاتي وتفعالوا ويايه بالأضافة شكراً لتفاعلكم على البارتات السابقه غالياتي.
حسابي الأنستا.
رواية هَيْصَم الفصل العشرون 20 - بقلم Zahraa_Ahmed
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه مع اصدقائكم حتى نستمتع وي الهَيْصَم مع بعض.
هَيْصَم
(الكاتبة زهراء احمد)
_______
الميت بالحلم تفسيرة عمره طويل
الميت عليك اشلون تفسيرة؟
هَيْصَم: هو اني اعرف من وراكم راح ايطيح حظي اذا منجلطت.
لائِث: هسه نگلك حشاك اسم الله عليك مفتهمنه؟!
هَيْصَم: وخر عني لا ابتلي بيك والخالق.
طلعت من الغرفه ورحت للمكتب مالته حتى نكتشف ملابسات القضيه.
ضَيْثَم: شنو هذا هَيْصَم كم مره حذرت انك تنتبه ولتخلي العيون عليك حتى مينقلوك من المنصب وينزلون رتبتك؟؟
هَيْصَم: البارحه جان عندي عمل خارج المحافظه مگدرت اسيطر على الوضع اعتذر سيادتك.
ضَيْثَم: اعتذارك مراح يسوي شي خلوا عيونهم عليك معتقلين نسيب واحد بالدوله بدون أمر قضائي شلون تحلها هسه؟
هَيْصَم: على اساس المعتقل نبي، سيادتك اعذرني على هاي الكلمه لكن هو واحد سرسري كم مره لگينا ببيوت مشبوها.
ضَيْثَم: عندك أمر؟
هَيْصَم: مو اني اللي انطيت أمر القاء القبض عليه اصلا البارحه مجنت موجود سيدي.
ضَيْثَم: منو تتهم؟
هَيْصَم: استغفر الله جميعهم فريقي وأخوتي معقوله أدمر تعبهم على خطأ واحد؟!
ضَيْثَم: مصيبه مو خطأ هَيْصَم اكو فرق بين الثنين ابني.
هَيْصَم: شنو تقترح سيادتك؟
ضَيْثَم: قدم اعتذار واغلق القضيه بدون دليل متگدر تسوي شي هدفك اهم اترك كل الأمور الثانيه على جنب وركزلي بعمليتك سمعت خبر اكو شحنه تريد تعبر الحدود يوم الجمعه لازم نلقي القبض عليهم واضح كلامي هَيْصَم؟
هَيْصَم: تأمر سيدي.
مهتدي: ها اشوفك اهنا سيادة النقيب المحترم؟!
هَيْصَم: والله زين تعرف شنو محترم!!
مهتدي: اجيت علمود تعتذر گولها وخلصني عندي شغل مهم لازم اخلصه.
هَيْصَم: سندس تنتظرك حقك مستعجل.
مهتدي: احترم نفسك لتتجاوز وي اسيادك.
هَيْصَم: كُلي البنيه العندك علاقه بيها اخ زوجتك يعرف هي تشتغل ابيت للرذيله؟؟
لو انتم عائلة الشرف مبيوع عدكم؟
مهتدي: فاض صبري منك.
هَيْصَم: واني لعبت نفسي وراح اتقيء اتعجب من النساء شلون ينعجبن بهيج نماذج قذرة؟!
مهتدي: اذا منزحت من منصبك ما اكون مهتدي.
ضَيْثَم: خلص احترموا على الأقل وجودي وانت مهتدي اللي تحجي وياه وتهدده نقيب بالجيش عنده اوسمه شرف تسوه حياتك بالكامل لتنسى اني توسطتلك يمه حتى تطلع من السجن فلتتجاوز حلوها وديه وخلي تنتهي المشكله اهنا.
مهتدي: ما اعتقد اكو عقوبه على اللي يزوج بالسر حتى تعتقلوني بدون ذنب وعليه اريد اعتذار من السيد هَيْصَم.
هَيْصَم: شفتني كلبچتك لو منزعك بالشارع ومضحك عليك الجهال؟
الهَيْصَم ميعتذر بدون سبب حلم ميتحقق صدگني.
ضَيْثَم: هَيْصَم ابني شنو حجينه.
هَيْصَم: كلامك على راسي بس ما اعتذر من واحد طايح الحظ مثله بدون سبب.
ضَيْثَم: والحل نبقى هيج؟!
هَيْصَم: لا ليش نصنع سبب ايخليني اعتذر بس ماعرف اذا جان ايناسب حضرته،
دام صمت ثواني ورج صوت الكف المكان الهَيْصَم ضربه، ابتسمت بأنتصار.
هَيْصَم: اعتذر مأذيتك هوايه وهسه اتفضل وقع على اوراق خروجك وكول للي وراك لو اموت مستحيل اعتذر على شي ممسويه واخذ حذرك اذا خليت عقلي وياك اخليك تمشي وتباوع وره.
مهتدي: والله الا ادفعك ثمنها غالي وگول مهتدي گال.
ضَيْثَم: عمله هاي هَيْصَم؟!
على الأقل احترم وجود القائد مالتك.
هَيْصَم: سيادتك اشرفت على تدريبي وجنت وياي من اول يوم صرت بيه بالسلك وعلمتني ما اعتذر وانزل راسي لأحد وبهاي السهوله اتريد اترك تعليماتك متربيت على معصيه مديري سيدي.
ضَيْثَم: افتخر بيك انت اول شخص اعلمه واكون وياه على مدار هاي السنين والطالب الوحيد اللي منسى انتقامه وحربه، وياك اني ولتخاف ميگدر يسوي شي راح احلها.
هَيْصَم: يعني تتوقع من عندي اعتذر من عنده واني ابن والدي؟!
ضَيْثَم: اتوقعت راح تكسر راسه اني اعرف بغضبك بس فاجأتني من سيطرت عليه و اكتفيت بكف واحد بس.
هَيْصَم: لأن عندي عمل مهم لازم اكمله استأذن من عندك سيدي.
ضَيْثَم: تفضل ابني بأنتظار اخبار حلوه.
هَيْصَم: احترامي سيدي.
طلعت من الغرفه صار بوجهي مبتسم وهو يگول.
لائِث: بشر حمامه غراب.
هَيْصَم: چلب راح اهده عليك واخلي يعضك ويعلمك مسوي شي بدون علمي.
لائِث: لدخلني النائب مالتك هو اللي انطه أمر.
هَيْصَم: مو هي سايبه كل واحد يمشي بكيفه بدون مترجعولي.
لائِث: لا والله عندي سنتافي مو سايبه.
هَيْصَم: لائِث.
لائِث: حبيب گلبه.
هَيْصَم: وخر مني.
لائِث: واتركك وحدك مستحيل رجلي على رجلك.
هَيْصَم: شنو صار؟
لائِث: اليوم يتفقون على موعد التسليم.
هَيْصَم: الجمعه راح يكون.
لائِث: عندك خطه؟
هَيْصَم: اكيد حضر الفريق لأجتماع طارئ،
ضَرْضَم انت راح تبقى على المراقبه اما هَمْهَام راح يقود السياره و هَمَّاس راح ينطلق بالدوريه ويلتحق بيكم بعد خمس دقايق من توقيفهم ولائِث راح يكون مسؤول عن تعرض الطريق مالتهم واني موجود وياكم اكيد.
ضَرْضَم: أمرك سيدي راح اكمل كل التعليمات المطلوبه.
هَيْصَم: اعتمادي عليكم وانتكالي على رب العالمين ان شاء الله يكون النصر حليفنه ونگدر نلقي القبض عليهم.
لائِث: نسيت شغله مهمه سيادتك.
هَيْصَم: ولي هي؟
لائِث: المحامي البربري سيادتك شلون نخلص من عنده؟
هَيْصَم: والله منطي اهميه جبيره لواحد مثل هذا، على بالك كل اللي صار غير مدروس بالعكس هو اصلا ساعدنه بدون ميدري، الأنسان الذكي يتغلب على مشاكله بسهوله اما العبقري ميدخل بالمشاكل اصلاً، والغبي هذا دائماً يعيد نفس الخطأ وميتوب وجماعتهم على نفس الشاكله على رغم تم اطلاق سراحهم بس رجعوا لنفس الطريق وسهلوا العمليه علينه وهسه بمكان منعتقل واحد اثنين مشكوك بأمرهم نعتقلهم جميعاً بالجرم المشهود.
فيروز: گعدت من النوم كلي نشاط كل عقلي من اطلع هسه الگي موجود يحضر بالريوگ بالمطبخ هو صح مو دائماً يسويها بس من يكون موجود بالبيت يحضره اذا اني نايمه معروف عليه ما اگعد من وكت ابداً،
استوعبت اني وين هسه صابتني نوبه كآبه كرهت حتى نفسي بيها ،شنو ورطني وحبيت جنت مرتاحه بدون هذا الهم، طلعت من الغرفه كملت الروتين المعتاد ورحت للمطبخ لگيت خالتي تحضر بالريوگ ابتسمت وبسرعه خطرت على بالي امي الله يرحمها لو هي عايشه هسه واعيش وياها نفس الموقف مجان هذا حالي على رغم هي من ريحتها بس خلي نكون واقعين لسه ما اگدر اثق بيها يعني مره البارحه عرفتها ما اگدر اشاركها حتى اسراري واموري الخاصه، بس مع هذا رحت حضنتها بما انو عندي خاله ومن ريحه المرحومه وين المشكله اتقبلها واعيش وياها بسعادة.
إيفاء: حبيبتي صباح الخير.
فيروز: صباح النور شنو حتسوين؟
إيفاء: مخلمه اتحبيها مو؟
فيروز: اكو عراقي ميحبها؟!
خليني اساعدج بالتقطيع.
إيفاء: ميحتاج راح اكمل بس شوفي الجاي اني مهدرته اشويه واكمل ونگعد نتريگ.
فيروز: تمام ، كملت كل شي وگعدنه ناكل واني منطلقه وياها بالحديث،
سولفيلي على حياتج قبل وعن اجدادي وامي هم اريد اتعرف عليهم بابا الله يرحمه مجان يحجيلي شي عنهم.
إيفاء: عندي اخوان اثنين وامج أسارير الله يرحمها عائلتنه تجنن امج اصغر من عندي بسنتين قبل مو مثل هسه ماكو تلفزيون وموبايل قبل النوم من وقت والگعدة هم ماكو نفاق وغدر وماسمعنه واحد قتل امه او طردها بالشارع هسه صارت هاي السالفه عادي يوميه تصير ،ناس عايشه على الفطره كبرت والبنيه اذا كبرت بزمن قبل لازم تزوج بس يصير عمرها 13 يعني من تبلغ، حجزوني لأبن عمي ومطولت تزوجته واحد طايح حظ حشاج مدمن كحول ويلعب اقمار ومخلصها دين من افلان وعلان ماخله على حالي حال صبرت وتحملت الطلاق عيب وميصير البنيه ترجع لهلها اذا تزوجت عقول قبل ومازالت موجوده عند بعض العوائل عقولهم معفنه، والكمل الوضع التعبان مالتي ميصير عندي اطفال الله مارزقني ابد عالجت ودعيت وربج ماكتب ويوم اني گاعدة اطبخ غدة صارت دگه على البيت ايطلبون زوجي عشتوا طلع المرحوم الله لا يرحمه داگ الناقصه وي ابنيه هي قاتليها اهلها ويردون ياخذوه صارت مشاكل وروح وتعال تالي قررت العشيرة يطردوه ولأن اني مرته رحت وياه أجر بيت بأطراف كربلاء وعشت اهنا مدينه حلوه وهادئه وماكو واحد يدخل بحياة الثاني گدرت اعيش بس انقطعت اخبار اهلي عني وهو الله لايرحمه بقى على سوالفه المكسرة جنت اروح لأهلي بالمناسبات لأن طردوه صار يكرهم كلهم عائلتي وعائلته مجان يخليني اروح دائماً واصلاً مشبعهم ادعيه وگدامي هذا الحجي هم ساكنين العماره،
اما امج الله يرحمها جانت أخت وصديقه ابوج انعجب بيها ماعرف شنو يشتغل اهناك وشايفها بوقتها هي تدرس ثالث متوسط عدها حظ اشويه لأن بعد اللي صار وياي قرروا ميزوجونها گرايب صار عرسها وراحت لبغداد وبعد من ذلك الوقت ماگدرت اشوفها هوايه زوجها هم ميقبل تجي ومصيبتي ميقبل اروحلها بعد سنتين صارت حامل واجهضت گالوا رحمها ميتحمل واذا حملت بسرعه مره ثانيه خطر عليها وعلى الجنين هم مهتموا للموضوع لو ربج هيج كاتب بعد شهرين صارت حامل نبهتها الدكتورة وگالتلها تموتين رحمج ميتحمل حمل أو ولادة زوجها الله يشهد مقبل ونصحها وزعل عليها بس راسها والف سيف ومقبلت صارت الولادة ومقبلوا الا عمليه ماتت امج الله يرحمها بسبب النزف انفجر الرحم ومانقذوها.
فيروز: هي تبجي واني همات علمودي خسرت حياتها هسه لو مختاره نفسها ومتخليه عني وبقت عايشه ليش الأمهات رحيمات لهاي الدرجه؟؟
إيفاء: واخواني الله يسلمهم كل واحد شاف حياته محد يسأل ولا يزورني خاصتاً بعد وفاة امي وابوي بقيت وحدي بس ابوج اللي بقى يذكرني يگلي انتِ بقيتي من ريحتها والله يشهد اعتبرني اخته واني هم اخوي اللي مجابته امي بعض الأحيان الغرب أحن علينه من اخوة الدم.
فيروز: حضنتني ونسدت الشهيه وصار صباح عزاء علينه خلصناها بين الذكريات و الدموع اخير شي نهضنه وغسلنه المواعين ونظفنه البيت وگعدنه نسولف ونضحك حسيت نفسي عندي انفصام على التغير اللي صار فجأة من ادموع للضحك.
هَمْهَام: سيدي مشغول؟
هَيْصَم: شنو تريد هَمْهَام؟
هَمْهَام: اخطب.
هَيْصَم: الف مبروك مقدماً بس مفهمت بشنو اگدر اساعدك؟
هَمْهَام: تخطبلي، اريدك تروح وياي سيادتك انت والفريق.
هَيْصَم: متأكد من قرارك؟
هَمْهَام: اعرف انو لائِث خبرك بس اكو شي هم ميعرفوه.
هَيْصَم: عندك علاقه بيها.
هَمْهَام: شلون عرفت؟!
هَيْصَم: متخاطر وتخوض هيج تجربه بدون متكون واثق من مشاعرها اعرفك من سنين وحافظ طباعك كلها.
هَمْهَام: بس اكو مشكله وحده.
هَيْصَم: اللي يحب يضحي وماكو مشكله توگف بطريقة.
هَمْهَام: ما اريد اخليكم بموقف محرج.
هَيْصَم: بعيداً عن الرتب انتم كلكم اصدقائي وأخوتي والأيد اللي متنمد الكم تنمد المنو؟
وهذا رأي الجميع مو فقط اني.
هَمْهَام: عادي اعترفلك؟
هَيْصَم: خلي حبك لزوجتك المستقبليه.
طلع من يمه وصاح بصوت عالي.
لااائِث.
لائِث: استلم شيخلصك اليوم؟
ضَرْضَم: اكلتها وداعتك.
هَمَّاس: بدون گشور هم.
لائِث: انتم اصدقاء لو حقراء؟!
ضَرْضَم: حبيت على نفس الوزن.
لائِث: ظريف.
هَمْهَام: البلبل الفتان متسمع صوته وهو يناديك؟
لائِث: اسمع بس انت ماتعرف شنو يصير وره هذا النداء.
ضَرْضَم: بلاء عظيم.
هَمَّاس: لتعب نفسك العقوبه بأنتظارك.
هَيْصَم: لاااائِث.
ضَرْضَم: ثالث مره تنزل بيك عقوبه والعباس امشي وانقذ نفسك.
لائِث: اقرولي الفاتحه وسولي ثواب يوم الخميس وها اريد سمج غيره اسبكم وارجعه وقبل ما انسى وياه تمن احمر وطرشي.
هَمَّاس: ميت رايح لمطعم؟!
لائِث: وياها بطل لبن اويلي.
هَمْهَام: تمشي لو شلون؟!
لائِث: تعالوا وياي اخوكم انا تره.
ضَرْضَم: وصاك موصانه اذاً تحمل العواقب عزيزي.
لائِث: طلبتي سيادتك.
هَيْصَم: شتاقيت مو بيدي.
لائِث: تشتاقلك الجنه سيدي.
هَيْصَم: اويلي على الأحترام اللي نزل فجأة ماعرفتك.
لائِث: عفاا صديقك انا وماعرفتني هذا وانت رفيج الدرب، الله الك يا لائِث اتبره من عندك بسهوله.
هَيْصَم: انجب من رخصتك.
لائِث: تستأذن قبل متغلط والله انت محترم سيادتك.
هَيْصَم: غصباً عليك.
لائِث: انت صايحني علمود ترزلني تگدر تكتبهم برساله الله على ناس تحب تضيع وقت واني مشغول، انتبهت موبايله الثاني مموجود ،
سيدي موبايلك الثاني وين لعد؟!
هَيْصَم: ضاع.
لائِث: مو اثول لهاي الدرجه.
هَيْصَم: مسمعت؟
لائِث: گلت معقوله يضيع من عندك الموبايل بهاي السهوله وهذا صارله سنتين ومتقبل تغيره تگول احبه ومن هاي السوالف تالي تضيعه؟!
هَيْصَم: وهسه شنو المطلوب؟
لائِث: الحقيقه وين موبايلك؟
هَيْصَم: الك علاقه؟!
لائِث: صديقك اني لو نسيت؟!
هَيْصَم: خارج هذا المكان تگدر تسأل مثل متريد اما داخل المركز تعاملني مديرك واضح؟
لائِث: گول انطيته الها ليش تلف ودور؟
هَيْصَم: كسرته ورميته بالزباله عندك مانع؟!
لائِث: خلصنه قبل اشويه لو جاي من وقت انطيتك.
هَيْصَم: اترك سخافتك وحجيلي شنو صار بموضوع بديعه وكهيل؟
لائِث: ماكو وحده بهيج أسم سيادتك.
هَيْصَم: يعني تكذب؟
لائِث: لخاطر ربك قابل هي نبي كلها على بعضها بائعة هوى.
هَيْصَم: عرفتها متعامله وياهم و لهذا اخذت احتياطاتي وخليت تعقب بموبايلها.
لائِث: ذكرتني من جنه ندخل على حسابات المبتزين قبل والله أيام.
هَيْصَم: اترك حنينك للماضي وتعال ندرس هاي الخطه اريدهم يقتنعون بيها لدرجه يسلمونه الأمانه وهم مغمضين.
لائِث: منو راح يساعدنه بمعرفه خطتهم؟
هَيْصَم: هو نفسه لعد منو.
لائِث: برأيك ليش يسوي هيج شنو فائدته؟!
هَيْصَم: لحد الأن منطانه معلومه خطأ لتنسى هو نفسه اللي خبرنه بمكان لَّباءَة من جانت مخطوفه بالأضافة هو اللي خبرنه بخطة التسليم بما انو مفيد النه مو مهم منو يكون بالوقت الحالي المهم هو نلقي القبض على المتهمين جميعاً.
حوري: خلصت الأيام بسرعه واستلمت النتيجه بمعدل 96 يأهلني ادخل كليه طب اسنان بس اني ما احبها أريد اقدم غير اختصاص، بيت خالتي سوولي حفله فرحت بيها من صدگ بعدها بفتره قصيرة رجعت للبيت وبدت معاناتنه وي أرفد اللي ميقبل يحجي وي أحد وميرجع للبيت اصلاً الا بأوقات قليله حيل لدرجه مصرت أشوفه هوايه بسبب ريفان وعمليتها اللي جانت ومازالت محتله المرتبه الأولى بحياته هي الشخص الوحيد الميقبل على زعله ويكون مبتسم بنص حزنه اذا كانت موجوده، كل حياتي جنت احلم بهيج انسان يحبني ويحتويني ويخاف عليه ويحسب لمشاعري ألف حساب يمكن لهذا السبب قبلت بعلاقتي وي محمد اللي عشت وياه اجمل أيام حرفياً،
اتعلقت بيه خلال فتره قصيرة والسبب هو اسلوبه اللطيف مسمعني كلمه مو زينه ومطلب شي من عندي مثل شباب هاي الأيام يحترمني ويقدر مشاعري والأهم من هذا يحبني بجنون أو وعدني يتزوجني بس يوافقون أهلي لكن أرفد معند ميقبل ونسر على نفس الشاكله وماعرف سبب رفضهم شنو على رغم اني اعرف انو هم واحد يكره الثاني مع ذلك ميحقلهم ابداً يوگفون بطريق سعادتي واحلامي، كل واحد بيهم عاش حياته مثل ميريد اما اني حاكميني بكيفهم أو اصلاً محد ياخذ رأيي موافقه او لا واني اعرف عدل هو توسط يم هَيْصَم حتى يخطبني بس أرفد رفض وهمات حجه وي والدي وجان الرفض سيد الموقف احسهم ميردولي الخير ممعقوله كلها متفقه عليه مو خوش انسان عداوتهم وياه اني شنو دخلني؟!
صحاني من صفنتي صوت ماما.
ناهده: شنو تسوين وحدج بالغرفه تعالي انزلي يمي نحضر عشا اخوج على جيه.
حوري: نزلت وخلص اليوم ک العادة وبدت التحضيرات لعمليه ريفان وبهذا الوقت صارت اشياء غيرت حياتي بالكامل.
لائِث: شنو تلبس؟
هَيْصَم: البسك.
لائِث: مو قياسك انا لعلمك تره.
هَيْصَم: اسألتك غبيه واني مالي خلگ.
لائِث: حنيت مو عليك العباس؟
هَيْصَم: شلون راح تجيك عقوبه اتوبك بيها من هاي السالفه.
لائِث: على اساس اني ماشايفك حتى من نطلع مهمات تخلصها صافن لو من تگعد وحدك يبوو تنسى نفسك كلياً، لمعه عيونك من تذكرها تجاوب على اسئلة عقلك عزيزي اذا تحبها لتخسرها بلكي الخطوبه القادمه الكم.
هَيْصَم: ومنو گال اسوي خطوبه اعقد عليها واصدمكم بالخبر.
لائِث: والله تسويها خبيث اعرفك.
هَيْصَم: لتعيش الدور زايد وامشي الولد منتظرينه.
طلعنه ورحنه للمكان المتفق عليه اليوم خطوبه هَمْهَام السيارات سدن الشارع والده واخوته واصدقاءة همات تقريباً عشر سيارات هيج شي، دخلنه وستقبلونه بأحترام وكما هو متعارف بالقانون العشائري لازم يحجون الكبار بهذا الموضوع لذلك حجه والد هَمْهَام.
عَابِس: الله بالخير عليكم، الرسول صل الله عليه وآله يگول (من اتاكم ترضون دينه وخلقه فزوجوه) واليوم من هذا الباب احنه اجينه نطلب أيد كريمتكم لأبني هَمْهَام للزواج على سنة الله ورسوله واللي تردوه احنه تحت امركم المهم نجمع راسين بالحلال.
حيدر: جيتكم وانتم على عيني وراسي بس البنيه محجوزة لأبن عمها والا وين الگي ناس سمعتهم زينه وينحلف بيهم مثلكم؟!
عَابِس: اذا هيج الحجي بعد ماكو شي نظيفه الله يسعدهم ويفوقهم ويرزق ابنه بنت الحلال.
نطعن وجهه أحمر واعيونه صاروا حمر حيل كسر خاطري اتقربت من الهَيْصَم وهمست بأذنه،
لائِث: احجي جايبيك مزهريه.
هَيْصَم: محجوزة وابوه سكر الموضوع منو اني حتى احجي؟!
لائِث: انقذ الموقف بأي شي الولد راح ينجلط.
هَيْصَم: من اگول راح ايطيح حظي من وراكم تلوموني.
لائِث: ارجعها بعرسك وعلي.
هَيْصَم: وانت شبيك منفعل وكأن انت اللي تخطب مو هو؟!
لائِث: غير اخوي واحس بيه؟!
حيدر: أشربوا الگهوه ميصير ترجعونهن نفسهن.
هَيْصَم: من رخصت عمي والناس الخيره الموجوده بس بالعشائر ميصير تنشرب الگهوه قبل متنطونه اللي جايين علموده، كلنه ناس معروفين وعدنه اعمال واشغال بس لخاطر ابنه تركنه كل شي واجينه نطلب أيد بنتكم مع هذا مقدرتوا هاي الشيبات والشيوخ ورفضتوا ابنه بسهوله،
قبل متنطي جواب اسمعني للأخير، انت رجال جبير وتعرف مصلحة بنتك واني اعرف ابن عمها ماعنده وظيفه ولا شغله يگدر يعيشها بيها باجر عگبه وصار شي تمرضت الله لايقدر او شتهت فد أكله بمطعم او حبت تسافر مثل بنات اليوم تلبس تطلع يگدر يأمن كل هذا لخاطرها؟!
نعرف البنيه تنظلم بزواج الأجبار وبعد متتعب وتمر اسنين لو يتزوج عليها وحده ثانيه لو يطلگها بعد ميصير عدها كومه جهال انت اب وباجر مسؤول امام الله تگدر تتحمل تشوف بنتك بهذا الوضع؟!
اني والله يشهد ورسوله على كل حرف انطقه لو يريد من باجر ازوجه اختي بدون مهر يگبعها وياخذها لأن اعرف هو منو تربيتي وعايش وياي من سنين طويله اگدر اضمنه الك واذا صار شي رگبتي سداده،
قبل متنطوا جواب بالرفض فكر بالموضوع وستشير الأهل واحنه حاضرين لأي شي تطلبوه.
حيدر: والنعم من عدكم وميصير خاطرك الا طيب ان شاء الله نفكر بالموضوع بس گدام هاي الوجوه الطيبه گتلكم انو ابن عمها حاجزها يعني كل شي يصير مستقبلاً مو تگولون انطانه كلمه وتراجع وتصير عيبه عليه.
هَيْصَم: محشوم من العيبه بس انت ابوها وهي اللي راح تعيش وياه عمر برأيك مو لازم ناخذ رأيها ونشوف منو تريد؟!
و القرار الأول والأخير بأيدك من شوكت الصغار يقررون عن اهلهم حتى ابن عمها يحجزها بكيفه وما يكون عندك رأي بنتك اللي ربيتها وكبرتها و بسهوله تزوجها اله وتنطيها على طبق من ذهب، شوف الفرق بين ابن عمها وبين ابنه وانت قرر.
حيدر: اشربوا الگهوه و ميكون خاطركم الا طيب ان شاء الله.
شربوا الگهوه وطلعوا من البيت وكل واحد بيهم توجه لسيارته يكمل عمله بس احنه بقينا محاوطين الهَيْصَم اتقرب من عنده وحضنه كدامنه ورجفت أيده تشرح مدا فرحته اللي ميگدر يعبر عنها بالكلمات.
هَمْهَام: شكراً سيدي الله ميحرمني من عندك.
هَيْصَم: خلص ابني مسويت شي واجبي هذا.
لائِث: صورهم ضَرْضَم المشهد أثر بيه حيل راح ابجي.
هَمْهَام: نجب من رخصتك.
لائِث: احترم نفسك طايح الحظ لو مو اني جان مصار شي ومقبلوا يزوجوها الك.
هَمْهَام: ابوها انت؟!
لائِث: لا عزيزي اني اللي حجيت بأذن هَيْصَم حتى يسولف شعبالكم لعد هو يگدر يسوي شي بدون مياخذ رأيي؟؟
هَيْصَم: شباب بمناسبه هذا اليوم السعيد شنو تردون عقوبته؟؟
هَمَّاس: خلي ياخذ خفاره مالتي اريد ارجع لأهلي صار اسبوعين مشايفهم وامي مريضه اريد اطمأن عليها.
هَيْصَم: اتوكل اني انطيك اجازه يومين وطمني على الوالدة لتنسى.
هَمَّاس: شكراً سيدي.
لائِث: ولكم اليوم خطوبة هَمْهَام الغالي وتردون تمر هيج سلامات؟!
هَيْصَم: اذبحك قربان شتگول؟
لائِث: بس خليني ارگص اول مره وعلي مشتهي حيل افرح صار فتره طويله من حضرت عرس آخير مره.
هَيْصَم: ويمك سعدون الساعدي حتى ترگص ستجن لا تتعاقب.
لائِث: طز بعشرتكم
اني اللي بعتكم.
هَيْصَم: منو طز بعشرته؟!
لائِث: هَمْهَام لعد منو؟؟
هَيْصَم: يلا خلي نرجع للمركز لازم نبدي بتنفيذ الخطة.
فيروز: الأيام تمشي لكن احس حياتي متوقفه مثل ماهي كل ليله تمر عليه بعيد عنه هي عُمر بحاله اصعب شي بالكون من تحب شخص وتتعذب بسببه وهو ميحس بيك،
حاولت اتجاهل الموضوع وهوايه مرات قررت انسى واكمل حياتي لأن من البدايه طرقنه مختلفه واللي صار جان مجرد حادث اعترض حياتي لفتره من الوقت ورجعت الأمور لمسارها الصحيح لكن ما أن يخيم سواد الليل على نور المدينه ارجع أحن وتعصف بيه الذكريات لأحد أيام بقائي وياه،
فيروز: شنو تسوي؟
هَيْصَم: علاج اعشاب علمود جرحج خلي عليه يگولون يطيب بسرعة.
فيروز: عندي مرهم يخفي الأثر ماكو داعي تعب نفسك.
هَيْصَم: انتِ مو مصدر للتعب لَّباءَة.
فيروز: ليش متصيحني بأسمي؟
هَيْصَم: لأن لَّباءَة يليق بيج أكثر.
فيروز: بس اني احبه وأريدك تصيحني بيه افضل من لَّباءَة اسم ممفهوم.
هَيْصَم: تحبيه مع مرور الوقت لازم يكون أسم الشخص مميز مثل صاحبه.
فيروز: اني مميزه بنظرك؟
هَيْصَم: لَّباءَة.
فيروز: نعم.
هَيْصَم: تقبلي فكرة اني شخص ما احب اشرح الأمور ابداً تعرفين اجوبت اسألتج من تصرفاتي.
فيروز: واذا هي حتى تصرفاتك متنحرز؟؟
هَيْصَم: اذاً اتعلمي شلون تقرأين الهَيْصَم.
فيروز: صعب.
هَيْصَم: منو يگول؟
فيروز: انتَ.
هَيْصَم: بكل شخص ثغرة استغليها و ادخلي لحياتي لَّباءَة.
فيروز: تريد ادخل لحياتك؟
هَيْصَم: اني شخص اكره العلاقات بالجنس اللطيف لكن لاضير من انو تكونين صديقه.
فيروز: صديقه؟
هَيْصَم: اول بنيه يصادقها الهَيْصَم هي انتِ.
فيروز: وليش تنطيني هاي الميزة وانت متعرفني الا من اسبوعين؟!
هَيْصَم: شباب اليوم يدخلون بعلاقات على النت و ميعرفون اصلاً الشخص اللي يحجون وياه وانت بقيت وياج اسبوعين وعرفت منو اتكونين اني انسان واقعي جداً واحب الصراحه.
فيروز: ليش احس اعرفك من زمان؟
هَيْصَم: ممكن.
فيروز: تعرفني هَيْصَم؟
هَيْصَم: شنو تحبين تسمعين؟
فيروز: الحقيقه.
هَيْصَم: اي.
فيروز: من شوكت؟
هَيْصَم: من دخلتي لهذا البيت صرت اعرفج لَّباءَة.
فيروز: اجوبتك دبلوماسيه.
هَيْصَم: مو عبثاً خلصت عمري بالسلك العسكري لو تذبحيني متگدرين تاخذين من عندي كلمه.
فيروز: متدرب على هذا الشي؟
هَيْصَم: حسب طبيعه العمل واني هاي شخصيتي من الأساس.
فيروز: برأيك منو افضل الحُب لو الصداقة؟
هَيْصَم: الصداقه اكيد.
فيروز: السبب؟
هَيْصَم: لأن الحُب مؤقت اما الصداقه عُمر.
فيروز: ليش تحجي هيج هوايه اشخاص يحبون و عايشين طول عمرهم بسعادة.
هَيْصَم: ماكو شي يدوم لَّباءَة مثل الصداقه الحقيقيه تسوه مشاعر الحُب كلها.
فيروز: لهذا السبب اختاريتني صديقه؟
هَيْصَم: جاوبي على هذا السؤال.
فيروز: شنو هو؟
باوع بعيوني بتمعن بعدين گال.
هَيْصَم: عيونج ليش حلوات هيج؟
فيروز: لان بيهم انعكاس وجهك.
انتبهنه على نفسنه غيرنه الموضوع وشوية و نهض بعد متصلوا عليه.
رجعت لواقعي واني على الجرباية، خالتي نامت وهي تنام من وقت يوميه وابقى گاعده وحدي بالغرفه تغيرت هوايه اشياء خلال هاي الفتره اهمها كمل راتب بابا التقاعدي وگدرنه نستلمه طبعاً دز واحد خبرنه مأجه هو استكثر عليه اشوف وجهه،
كونت علاقات صداقه وي نساء المنطقه وحده من عدهم اقترحت عليه عمل بالشركه اللي يشتغل بيها ابنها بحاجه لموظفه مگلت لا اني احتاج الشغل الراتب وحده ميكفي للمصاريف والأيجار رحت اني و خالتي وشتريت ملابس مناسبه اليه وشالات هم بالأضافة للأحذية والجنط كملت تجهيز نفسي وقبل اسبوع باشرت بالعمل وظيفتي هي الحسابات،
فتحت الموبايل ومثل كل ليله لازم ابقى اباوع بصوره حتى اگدر أنام صار ادمان بالنسبه اليه خطرت على بالي اسئلة هوايه ، ياترى هسه هو شنو يسوي؟؟
همات مشتاقلي لو بس اني انكوي بهاي النار؟
معقولة يجي يوم وأگدر التقي بيه مره ثانيه وجه لوجه وينتهي هذا العذاب؟
واذا التقينه شنو راح تكون اول كلمه يگولها؟
الگلادة اللي يلبسها وفتحت قميصه بداية صدره والحامض حلو اللي بثغرة، عضلاته ورسمة وجهه وطريقه تحديدة لحواجبه، عيونه اللي اذا نظرلي بيهم انسى منو هي فيروز واتيه بعالمهم الساحر، لو من يگول لَّباءَة ويخليني ذايبة بطريقه نطقه لهذا الأسم، كل هاي الأشياء اتعلقت بيها بذات الوقت شتاقيتلهم حيل،
أريد أرجع التقي بيه حتى لو مره وحده بس تصير عيني بعينه واعبرله عن مدا اشتياقي اله وشنو سوه بيه كل هذا البُعد،
وحده قوية اني و اعترف بهذا الشي لأن مشاعري مبينتها لأحد ابداً وخليتهم داخل صدري وحبستهم على رغم رقمه يمي واگدر اتصل بيه بأي لحظة لكن اكتفيت بأنتظارة هو يبادر اذا جان يحبني حتى لو اشويه گلبه يخلي يجي أليه،
نمت و الموبايل بأيدي گعدت على صوت خالتي تصيح بأسمي.
إيفاء: فيروز ماما يلا حبيبتي راح تتأخرين على شغلج گومي بلا كسل يلا گدامي.
فيروز: صباح الخير.
إيفاء: صباح النور ،غسلي وجهج وتعالي حضرت الريوگ ابو الخط على جية.
فيروز: شگد اكره الخط بس علمودج مجبورة ابقى وياه.
إيفاء: الدنيا مو أمان بعدين انتِ متندلين وحدج ترحين، بعدج جديدة بهذا المكان.
فيروز: غسلت وجهي وكملت روتيني لبست بنطلون ثلجي وقميص اسود للركبة رتبت الشال وخليت عطر ومرطب شفايف ولبست الحذاء وطلعت شافتني مستعجله صاحت عليه مرات احس بيها امي من صدگ.
إيفاء: وين طالعه بدون ريوگ؟!
فيروز: تأخرت حبيبتي راح اكل بالدوام يلا باي واذا صار شي اتصلي بيه طبعاً شتريتلها موبايل وعلمتها عليه وخليت بيه رقمي ورقم هَيْصَم للأحتياط ماعرف ليش سويت هاي الحركه بس تبعت أمر گلبي،
صعدت بالخط عباره عن تكسي ويايه ثنين من الموظفات صبحت عليهم ونطلقنه للعمل خلصت ساعتين تقريباً تعبت حيل وردت اطلع اكل شي لأن ميته جوع بس بعد عندي معامله لازم أكملها واني مندمجه وي الأرقام فززني عطر مو غريب عليه والرئة مالتي حافظته وكأن هو الأوكسجين مالتها رفعت راسي واجت عيني بعينه لابس بنطلون اسود وقميص ابيض ابتسمت لا أرادي واني اشوف فتحت قميصه والساعه الفضية اللي مزينه أيدة والنظارات اللي مخليهم بفتحت القميص حجيت بسرعة وبدون مقدمات،
هَيْصَم..
يتبع.
شاركوا القصه شمعاتي وتفاعلوا وي البارت سوولي واهس للكتابه حبيباتي.
حسابي الأنستا.