تحميل رواية «هَيْصَم» PDF
بقلم Zahraa_Ahmed
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
الكاتبة زهراء احمد ___ سواد، ظُلم نال العِباد ذلك الفارس اعتلى الجواد يُكنى بالأسد قوي الوتد لديه أعداء شرسين أقوياء مجرمين حُقراء وعلى جنبيه إثنين أحدهم يتعامل بالدين والآخر يدعي انهُ مسكين هذه الحرب اقامها طرفان كلامها ليس لديهِ عنوان غموض سرى في جسمان وبين طيات الصفحات نكشف لكم سر سببهُ الملذات اوصل بنا إلى دار الأموات اصوات سيارات الشرطه هي الوحيده المسموعه قريب هذا البيت، دخلوا جميع العناصر والقوا القبض على كل المشبوهين الموجودين جوه، شويه شويه ابتعد الصوت بعد مراحوا للمركز وبدوا تحقيق مع ا...
رواية هَيْصَم الفصل الحادي وخمسون 51 - بقلم Zahraa_Ahmed
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه حتى نستمتع وي الهَيْصَم مع بعض
هَيْصَم
(الكاتبة زهراء احمد)
_______
البارت53 "نهاية الجزء الأول"
أنا معك
في حُب العشرين، وعشق الثلاثين
أنا معك حتى ضحكة الأربعين،
ومرض الخمسين، ووحدة الستين
ويأس السبعين،
أنا معك
قبل 24 ساعه من يوم المحكمه.
الأسود: اليوم السيد هَيْصَم منورنا خير ان شاءالله.
هَيْصَم: اجيت اودعك شخصياً قبل يوم المحكمة، لازم تكون فرحان حيل بجيتي.
الأسود: فرحان!!
باجر يوم محكمتي ليش حتى افرح؟!
هَيْصَم: ليش شنو جنت متوقع النهاية مثلاً؟
الأسود: مثل أي مجرم ثاني.
هَيْصَم: تستمر أعمالكم الإرهابية بدون محاسبة وتبقون مسيطرين على البلد، كل واحد حققت وياه جان عنده نفس الإجابة لذلك مراح اتفاجئ اذا كلتها انت هم.
الأسود: الإرهاب متفشي بالعراق حد النخاع، المجرمين يمشون بهذا البلد بكل رحابه صدر ومحد يكدر يلقي القبض عليهم لأي تهمه على رغم وجود ادله رادعه وحقيقية، شلون كدرت توصلني وتثبت التهمه عليه؟!
هَيْصَم: وليش حتى ما أكدر!!
الأسود: لان اني محاط بناس أوفياء مستعدين يموتون ومينطون بيه، اصدقاء عمر عندي ثقه مطلقه بيهم، من الغريب جداً انباع بهاي البساطه.
هَيْصَم: الغريب هو ثقتك بالناس على رغم انك مجرم وتعرف اغلب العلاقات هي مجرد كذبه يدعون الحب والاهتمام بيك لكن بوقت الجد ولااحد بيهم يمد يد العون ألك والدليل وجودك اهنا من فتره طويله ومحد سأل عليك حتى، لان خايفين من الحبس بتهمة التورط مع المجرمين.
الأسود: كتلك سابقا وأرجع اعيدها ينعدم او ينحبس الأسود، الف واحد يجي بمكاني لتفرح هوايه وتعتبره نصر ألك القادم اسوء صدكني.
هَيْصَم: لتخاف من هاي الناحيه انتم موجودين حتى ادمرون هذا البلد واحنه موجودين حتى نعتقلكم.
الأسود: عندي سؤال وأريد اعرف اجابته، كتلي انو لّهيم هو اللي دلك على مكاني بالوقت اللي هو اصلآ ميعرف مكاني وين لان انطيته عنوان غلط بحسب معرفتي بيه اكيد يفكر يبيعني مثل مابعته، شلون عرفت مكاني سيادة الضابط؟!
هَيْصَم: يعلق على رقبتك حبل المشنقه وتموت وبداخلك هاي الحسرة لان مو كل أسرار الهَيْصَم قابله للافصاح والمشاركة ومثل مايقال أسرار دولة بيعها هو خيانة الوطن والهوية والقسم اللي نتبعه.
الأسود: تمنيت اقتلك بأيدي وابيع اعضائك مثل مسويت وي ابوك وزوجتك الله يرحمهم بس للأسف ماصار هذا الشي لكن متأكد راح يجي واحد ياخذ حقي من عندك.
هَيْصَم: متفائل هوايه وهنا المشكله الأشخاص المتفائلين دائماً ميحسبون حساب للأمور السلبيه الممكن تصير وهذا اللي وكعك بشباك الهَيْصَم وبالنسبه لوالدي وزوجتي الله يرحمهم هم يم رب كريم متضوجني من تحجي هيج عنهم ولا تستفزني، متكدر تتحكم باعصابي بهاي الطريقة القديمة.
الأسود: انت ايضا جنت متفائل يجي يوم وتلقي عليه القبض بيه وين المشكله بتفائلي اذن!!
هَيْصَم: اعتقالك هو بناء على عمل سنين طويلة وجهد مضني من عندي والفريق وجهات أمنيه ثانية لذلك اني مو مجرد شخص متفائل وإنما رجل بمعنى الكلمة ميكدر احد مثلك يهزمني، متربيت على مبدأ الخساره اما النصر او الشهاده وبكلا الحالتين اني منتصر عكسك تماماً بدنيتك تهرب من حقيقتك ومخافتك من القانون واخرتك نار جهنم مخلد بيها يعني خسران بالحالتين وعلى هذا الفرق قيس بين الشجعان أبناء الجيش والشرطه واللي مثلكم، المنصب والمال والجاه والسلطه ماهي إلا أمور دنيويه منتهيه متقدم شي غير احترام زائف وقوة ما الها معنى يجي يوم وتنتهي وشخص ثاني غيرك يحل محلك اما الحياة الكريمة تكدر تحصل عليها بعرق جبينك وبتعبك وتوكل نفسك وعائلتك لقمه حلال افضل بالف مره من عمل حرام ياخذك لطريق لارجعه من عنده هذا الفرق بيني وبينك،
طول عمري امشي صح وماعندي مخافة احد الحياة نعيش بيها كم سنه لا أكثر اما حياتنا الحقيقيه فهي بعالم الآخره واني شخص ماحب ادخل للنار، الجنه هي هدفي.
الأسود: من تعيش الحرمان متفكر بالدين، من تشوف امك وابوك شلون يعانون بالمرض ومتكدر تأمن الهم علاج وسط بلد تسيطر عليه منضمات إرهابية وناس سيئة، من يصعب عليك توفر لقمه حلال مثل متكول لأهلك وينامون ودمعتهم على خدهم بسبب الجوع، سقف بيت ماعندك وابسط شي متكدر تدخل أولادك مدرسه لان ماعندك فلوس تشتري ملابس الهم ويصيرون حالهم حال الطلاب اهنا متفكر بيوم القيامة ويصير هدفك شلون تقوى اكثر ويكون ألك منصب وسمعه ومكانه حتى لو بعالم الإرهاب المهم تطلع نفسك من المزبله اللي عيشتك بيها الدوله العريقه.
هَيْصَم: وهاي الأموال والسلطة شنو قدمتلك هسه؟
انت راح تموت وتكون منبوذ من كل الناس حتى اقربائك، زوجتك راح تترمل وابنائك يتيتمون وبالنسبه لاموالك توزع على الورثه شنو الشي اللي أخذته انت غير حبل مشنقه وكفن ابيض وقبر من هاي الدنيا الكتلت نفسك عليها؟ لاشيء، خساره العقل البشري يفكر بهاي الطريقة، الف خساره تبيع دينك واخرتك علمود كم فلس بحجج واهيه ما الها قيمه ولو كلامك صحيح جانت نهايتك افضل من هيج مو كاعد على كرسي الحكم ومنتظر القرار اللي بقيت طول عمرك تهرب من عنده.
الأسود: هاي نهايتي وانتظر انت نهايتك لابد يجي يوم وتموت مراح تبقى مخلد للنهاية.
هَيْصَم: حتى لو اموت راح اكون مرفوع الرأس وبهيبه وشموخ اندفن قتل الابطال هو انتصار الهم لان صاروا شهداء بدفاعهم عن دينهم وبلدهم وتعلم من قضيه الحسين في معركه الطف يوم العاشر من المحرم بانتصار الدم على السيف وشوف اليوم بعد مرور 1400عام من المنتصر على رغم الحسين عليه السلام خسر بالحرب وقتها لكن انتصر رغم انف اعداءة وخلد التاريخ بدماءه وقضيته و اليوم يشرحلك مدا عظمته رغم انوفكم واحنه نستمد مبدئنا وقوتنا وعزيمتنا من سيدنا في الدنيا والآخرة فمستحيل نهزم وان كانت النهايه هي الموت.
الأسود: حبيت شجاعتك مع هذا لابد يجي يوم، متستمر هاي القوة دائماً خاصتا لو هددوك بعائلتك وقتها تنسى المبدأ والدين والعادات.
هَيْصَم: الواضح انت مهدديك قبل.
الأسود: بما انو راح اموت بكل الأحوال راح احجيلك سر صغيروني عن الشخص اللي ينطي الأوامر النا، الاسم مجهول محد يعرف عنه شي مجرد صوت نتبعه منو هو، شنو هو، ماكو احد يعرف، هذا الوحش يتحكم بحياتنا وحياة عوائلنا براحته يستمد قوته من أشخاص كبار ،منو هم أيضا محد يعرف، كل جرائم القتل اللي ارتكبتها مجموعتي جانت بأمر من عنده وسرقة الاعضاء وبيعها تابعه اله اكيد اما المخدرات هي لعبته وانت قيس مدا قوة هذا الوحش.
هَيْصَم: شنو لقبه؟
الأسود: لا هذا سر انت بشجاعتك راح تعرف اسمه لكن خليك حذر هو عديم الإنسانية لدرجه يستأصل الاعضاء تحت صرخات الضحيه يتمتع بمشاهدة الدم ويستمتع بأصوات الترجي انسان سادي وسايكو وبيه انفصام شخصيه اعتقد راح تتعرف عليه عن قريب لكن لتنسى ابقى حذر حتى متوكع بالمشاكل وما على الرسول الا البلاغ.
هَيْصَم: حياه الله، الهَيْصَم يستمتع وي هيج أعداء راح تكون مهمه عظيمه والاكيد الأسد هو المنتصر كالعادة.
لائِث: خلصت نطلع؟
هَيْصَم: وين نروح؟
لائِث: شبيك هَيْصَم الواضح نسيت بعد شهر العرس؟!
هَيْصَم: انت تحجي على اختي مو؟
لائِث: مرتي هي راح تصير لعلمك.
هَيْصَم: بس هي اختي.
لائِث: وشنو المطلوب هسه؟
هَيْصَم: لتذكر عرسك كدامي انزعج.
لائِث: جنت تحجي بعرسك كل يوم مانزعجت؟!
هَيْصَم: مجانت اختك.
لائِث: هَيْصَم تعرف ماعندي اخوان ولا أقارب بيهم حظ أكدر اعتمد عليهم اريد انت تكون ويايه بالأخير هذا هم عرس اختك.
هَيْصَم: والله بعمري مشفت واحد يفرح بعرس اخته.
لائِث: انت وافقت تنطيها اليه وين المشكلة هسه؟!
هَيْصَم: لو بأيدي ما أقبل مو برضاتي لعلمك تره.
لائِث: انت ليش تخلي الساني يفلت!!
هَيْصَم: جرب بس تتجاوز من باجر اطلكها.
لائِث: عاتبني اذا خليتك تشوفها بس تصير ابيتي.
هَيْصَم: ضَرْضَممممم.
ضَرْضَم: نعم سيدي.
هَيْصَم: أخذه من يمي لا ارتكب بيه جريمة.
ضَرْضَم: تأمر سيادتك.
لائِث: خاين بعتني!!
هَيْصَم: حتى تعرف شلون تتجاوز ويايه بالكلام.
لائِث: ماحبك بعد بطلت حتى ابنك ما اشتريله قندرة، نعال ابو الإصبع هوايه عليه ماطول ابنك.
هَيْصَم: على اساس ابني يحتاج قندرتك.
لائِث: تمشيه حافي اعرفك واحد بخيل.
هَيْصَم: اطلع من يمي لائِث خليني اكمل شغلي حتى ارجع للبيت من وقت.
لائِث: مو حرام عليك مخليني محروم من مرتي؟
هَيْصَم: وتالي وياك انت السانك مابيه دكمه توقفه عن الكلام!!
لائِث: طفيتها واصلا هي عطلت زوجني بسرعة.
هَيْصَم: شلون يعني ازوجك بسرعة؟!
لائِث: عقد وكملنه تجهيز وجهزنا، حفله وسوينا، مأخرين العرس ليش؟
هَيْصَم: طلبات العروس ،لازم تكول سمعا وطاعه لاخت الهَيْصَم.
لائِث: وما ايامكم الا عدد يوم ينادي المنادي الا لعنه الله على الظالمين.
هَيْصَم: وانا راح انادي بالعقوبه وحتى المحاكمه اللي تريد تحضرها تنحرم من عدها فشنو رأيك تطلع هسه وتخليني اكمل شغلي لو تبقى على راسي وتتعاقب؟
لائِث: ذبانه اني وابقى على راسك؟
هَيْصَم: اطلع خلصنيييي.
لائِث: ماشي رايح بس خلي ابالك اليوم لازم نطلع بالليل فهمت؟
هَيْصَم: لا مافهمت اليوم ما أكدر اطلع لازم ارجع للبيت من وقت.
لائِث: ليش؟
هَيْصَم: لان امي راح تروح يم خواتي مرت اخوك راح تبقى وحدها.
لائِث: ليش متخليها تعيش وياهن بنفس البيت؟!
هَيْصَم: معليك لتدخل.
لائِث: اذا متكدر اليوم فباجر لازم نطلع واضح.
هَيْصَم: فهمت والله بس اطلع خلصنييي.
كلاثم: يوم ولج لَّباءَة وينج؟
: ابتسمت على تسميتها اليه على رغم هذا الاسم احسه خاص بيني وبين الهَيْصَم بس حلو من صار اسمي الرسمي استمتع من اسمعه من عدهم يذكرني بيه فوراً، رحت يمها وجاوبتها.
فيروز: ها ماما شنو محتاجه؟
كلاثم: راح يجي نسر ياخذني يم البنات خالتهم متكدر تبات يمهن اليوم زوجها بالبيت اني قبل شويه اتصلت بالهَيْصَم وكتله وهو ساعة يمكن ويجي يمج واذا تخافين تبقين وحدج اني انتظره يرجع مو مشكله.
فيروز: لا يروحي اخذي راحتج ميحتاج تبقين منتظره.
كلاثم: الله يسعدج يابنتي ويوفقج على كلبج الطيب وروحج الحلوه.
فيروز: ربي ميحرمني من عندج حبيبتي.
كلاثم: ما اوصيج انتبهي على نفسج وعلى الطفل واي شي تحتاجيه بس اتصلي بيه تمام؟
فيروز: تمام اكيد.
: طلعت من البيت واني بقيت وحدي حضرت العشا وانتظرت هَيْصَم يرجع لكن تأخر هوايه اتصلت بيه ميجاوب القلق موتني والتفكير بسرعه اخذني لشي مو زين على رغم اني متعودة عليه دائما هيج بس مع ذلك وي كل مره يصير ويايه هيج اموت من الخوف وابقى فكره تاخذني وحده ترجعني حتى يرجع واشوفه بعيوني لو يجاوب على اتصالي، تعبت واني افكر اخر اتصال بعد الف مكالمه مرد عليها كلش عصبت ضربت الموبايل على الكاع وصرخت بصوت عالي.
فيروز: ألعن ابو الحب إذا جان هيج،
التفتت على حركه، شفته مكتف أديه وعاقد حواجبه وينظرلي عن كثب كلش عصبت وزادت عصبيتي برودة اعصابه المو طبيعيه الوضع سيء والموت ابلاش صاير وهو يطلع يومين او اكثر وميكلف على نفسه حتى يجاوب على اتصالاتي حتى يطلع روحي من مكانها لازم اواجهه لان ميصير ابقى وياه على هذا الوضع اللي راح يجلطني اذا استمر بهذا الشكل لذلك حجيت.
فيروز: هَيْصَم اني شنو بالنسبه الك؟
رفع حاجبه وجاوبني بأستفهام.
هَيْصَم: هذا هم سؤال لَّباءَة؟!
فيروز: ليش مستغرب هيج؟!
هَيْصَم: لان سؤالج غبي جداً.
فيروز: مع هذا اريد جواب حتى لو اني غبيه بنظرك.
هَيْصَم: اكو فرق بين السؤال الغبي والانسان الغبي لتصنعين مشكله من لاشيء خيوط كلبي.
فيروز: مع هذا مجاوبت.
هَيْصَم: مرتي وحبيبتي وام بيتي وام ابني ولَّباءَة الهَيْصَم، عندج سؤال ثاني بعد لو اروح اغير ملابسي؟
فيروز: اذا هيج ليش متجاوب على اتصالي؟!
هَيْصَم: اكيد مو لأن مشغول والجنود داير مدايري وباجر محكمه الأسود ولازم يتم كل شي على خير واحسن مايكون.
فيروز: متكدر ادز رساله وتكول اني بخير؟
هَيْصَم: لَّباءَة افهمي عندي مهمات واصله لراسي وشغلات مهمه حيل مكدرت اكل شي حتى من الصبح لحد الأن يعني برايج لو فارغ شويه شنو اليمنع ما اجاوبج؟!
فيروز: تعرف شكد خايفه عليك جنت موو؟
هَيْصَم: ولهذا السبب اني هادئ لحد الأن، خليج متفهمه انشغالي عنج سببه العمل لا أكثر واذا جنت بوضع خطر لائِث مراح يسكت ويتصل بيكم بسرعه هيج أمور متبقى مضمومه فتره طويله حبيبي.
: من كال هيج غرغرت عيوني بالدموع اتخيلت يصير بيه شي بجيت بصوت عالي وكمت اشهك حسيت نفسي صرت بحضنه حاوطت جسمه بأديه ونطلقت وي دموعي والغريب انو ماكو شي بالواقع مستاهل ابجي عليه، بقى يهدأ بيه ويحجي بكل حنان.
هَيْصَم: ماكو داعي للدموع حبيبي هياني يمج، أنثى الأسد لازم تكون قويه ميهزها شي يروحي، شو ارفعي راسج خلي اشوف عيونج الحلوه الاخذن كلبي من اول مره صارن بعيوني.
رفعت راسي ومسح دموعي بأبهامه حجيت بغصه.
فيروز: لتسويها مره ثانيه متعرف شنو يصير بكلبي من متجاوبني والله الف فكره تخطر بعقلي متخليني ارتاح هَيْصَم.
هَيْصَم: تدلل على كلبي لَّباءَة الهَيْصَم لو بنص المعركه مره ثانيه اجاوب على اتصالج ارتاحيتي هسه؟
ابتسمت وجاوبته.
فيروز: اي شنو اريد اكثر من انو تكون بخير.
هَيْصَم: الله ميحرمني من ضحكتج يروح الهَيْصَم وراحته.
فيروز: غير ملابسك راح احضر العشا يعمري.
هَيْصَم: تمام.
خلصنه العشا واكيد ميخله من غزله وسوالفه اللي تنسيني كل المي وحزني واعيش وياه كأني طفله بحضن أبوها، خليت راسي على رجله وأيده يمشيها على شعري مشتغل التلفزيون ودنتابع فلم هندي قديم لشاروخان وكاجول وكدامي شاميه ياكل ويوكلني ومن يصير مشهد رومانسي يغمض عيوني يكلي حرام تشوفيه، اخير شي تعبت التفتت اله وصارت عيني بعينه وسألته سؤال يلعب بعقلي وهو مينطيني اله اي إجابه بس هسه الفضول اشتغل عندي ولازم اعرف حتى متبقى حسره بكلبي.
فيروز: هَيْصَم عندي سؤال.
هَيْصَم: جواب لَّباءَة.
فيروز: ليش متقبل نعيش وي اهلك أبيت واحد؟
هَيْصَم: لان ما أريد تصير مشاكل بين الحموات والجنه هاي سوالف ماحبها واحس نفسي كبرت عليها اني ازورهم كل يوم واطمأن عليهن بالأضافة اخلص باقي وقتي وياج بعيد عن القيل والقال وفلانه سوت وفلانه رجعت انتِ مرتاحه واني مرتاح وكان الله يحب المحسنين.
نزلت دموعي وحجيت بغضب.
فيروز: لهاي الدرجه شايفني صاحبة مشاكل؟!
من تزوجتك لحد الان صوتي معله عليك ولاجبت سيرة احد بالعكس كلش احب خالتي وخواتك ليش هيج تضن بيه ضن سوء!!
هَيْصَم: خلصتي؟
فيروز: اي.
هَيْصَم: اني شنو حجيت وانتِ شنو فهمتي بابا انتبهي كلت اكره المشاكل مو معناها انتن صاحبات مشاكل بس الأشخاص اذا عشتي وياهم فتره طويلة لابد اكو واحد مراح يرتاح للثاني وهذا الشي يسبب خلافات وي البقيه، اني خواتي اعرفهن عدل يحبني ويغارن عليه خاصتا آريا من هي طفله متقبل العب وي آمندا لو اشتريلها شي مابالج تشوفني يمج ساعه احضنج وساعه ابوسج واتغزل بيج والله ترتكب جريمة، كل اللي سويته شتريت راحتنا لا أكثر لا أقل بالأضافة اني مناسيهن لكن ما أريد ارجع تعبان من الشغل وما أكدر اخذ راحتي وياج هذا كل مافي الأمر.
فيروز: كول والله.
هَيْصَم: والله وداعت عيونج اللي صايره هوايه تخسر دموع متكليلي شنو المشكله؟
فيروز: اني هم ماعرف صايره حساسه لاتفه شي وهذا الموضوع كلش زعجني والله، كلت هاي الجمله ورجعت بجيت حرفياً صايره ابجي على اتفه شي اذا استفرغت او حسيت بألم خفيف وحتى إذا حاجيت خالتي ومجاوبتني بسرعه خو اذا سمعتها تخابر وحده من البنات وتكلها حبيبتي وتنصح بيها هذا الشي يدفعني اكثر حتى ابجي بقوه، اغار عليها حيل مو حمل دماررر فعلياً.
سكتت من سمعته يتنهد ويكول.
هَيْصَم: نتحمل شنو عدنا قابل.
عقدت حاجبي وحجيت بتساؤل.
فيروز: شنو تتحمل؟
هَيْصَم: هرموناتج حبيبي اني السبب ولازم ادفع الثمن أستاهل.
فيروز: انت السبب بشنو؟!
هَيْصَم: بهاي الهرمونات لعد بشنو؟
صفنت بوجهه وهو عقد حاجبه قبل مينطق حجيت.
فيروز: المرة بأيام الحمل تتوحم على هوايه أشياء صحيح؟
هَيْصَم: اي وانتِ على شنو متوحمه؟
فيروز: متكدر تجيبه هسه.
هَيْصَم: شلون عرفتي ما أكدر وانتِ محاجيه اصلاً!!
فيروز: لان صعب بهيج وقت والله.
هَيْصَم: ماكو شي يصعب عليج، انتِ بس انطقي.
ابتسمت وحجيت بطفوليه.
فيروز: أكل فواتح، هيج صينية مال تمن وعليها لحم وتبسي وبطل ببسي ويمها بطل لبن.
رفع حاجبه وكان يفكر بعدين كال وهو يفتح موبايله وماعرف شنو يسوي بيه.
هَيْصَم: سهله اعتبريها صارت يمج.
فيروز: من وين تجيب هيج اكل بهيج وقت؟!
حتى لو فاتحه همات محد يطبخ بهاي ساعه.
: خله عينه بعيني ومد ايده لوجناتي مرر اصابيعه على خدودي ويحجي بهدوء قبل ميتصل بأحد اصدقاءه العرفت منو بعدين.
هَيْصَم: كتلج راح تجي يمج وتعرفين وعد الهَيْصَم بصمه وشاهد.
لائِث: متصل بيه بهيج وقت شنو عندك؟
هَيْصَم: صاير متحترم لو اني غلطان؟
لائِث: عمي احترمك والعباس بس حس يا أخي أريد احجي وي مرتي اتعلم عليها تتعلم عليه ميصير كل دقيقه متصل ومخرب اجوائي الجميلة.
هَيْصَم: تتصل بأختي بهيج وقت متأخر متستحي انت شو بعتها فد مره اني شنو منبه؟
لائِث: أختك هي مرتي شرعاً وقانوناً لذلك لتتفلسف براسي فاهم.
هَيْصَم: بعد تعال اخذ راجدي خاف زعجتك وقطعت اجوائك الرومانسيه.
لائِث: اي والله قطعتها بس شنو اسوي مديري ونسيبي مجبور ارد عليك.
هَيْصَم: كوم بسرعه ودورلي بغداد فرع فرع وشوف منو عنده فاتحه هاي عقوبه ألك.
لائِث: ليش تريد ادفن الميت لو شنو الفلم؟!
هَيْصَم: اريد عشا جوعان.
لائِث: ليش مرتك وين هي تطبخلك؟
هَيْصَم: مبيها حيل تعبانه.
لائِث: لعد بس يعرفن يتزوجن وقت الشغل كالت تعبانه مابيه حيل والله وكت.
هَيْصَم: ليكون مفكر تعامل ريهاف اختي بهاي الطريقه!!
لائِث: قصدك ريهاف مرتي، لا هاي تختلف اخليها على عرش السيار مثل زليخة وافتر بيها الازقه والمدن.
هَيْصَم: منظر هي والناس كلها تشوفها صدك ماعندك اخلاق ليش ورطت نفسي وزوجتك اختيي هاااا ليشششش.
لائِث: هسه شنو المطلوب تره حيرتني؟
هَيْصَم: ماعدنه بنات للزواج بطلنا باجر نطلك بالمحكمة والله يعوض خير.
لائِث: شلون يريدني اهج بيها وماتعرف ارضي من سماي.
هَيْصَم: سويها وشوف إذا ما ادفنك وانت عايش وكول هَيْصَم كال.
لائِث: هَيْصَم من الاخير تعبان ونعسان كول شنو تريد.
هَيْصَم: اريد اعرف اذا اكو مطعم مفتح هسه يبيع اكل فواتح؟
لائِث: اي اكو مطعم الخلفني هسه يدزلك دلفري.
هَيْصَم: لتستهزء احجي جديات اني.
لائِث: جديات امهات من وين اعرف اذا اكو مطعم يبيع اكل فواتح؟!
هَيْصَم: دورلي.
لائِث: وليش مدور انت؟!
هَيْصَم: ماعرف بهاي الأمور.
لائِث: شرط فواتح ميصير اعراس؟
هَيْصَم: اي شرط فواتح عندك مشكلة؟!
لائِث: معقوله مشتهاتك هاي شو ممقتنع.
هَيْصَم: ليش بلا ممقتنع؟!
لائِث: لان متاكل هيج اكل ابد من زمان شنو غيرك هسه فجأة؟!
هَيْصَم: عجبني اكل هيج اكل اليوم وين المشكله بطني لو بطنك هييي؟!
لائِث: اهااا عرفتت.
هَيْصَم: غرد بلا شنو عرفت؟
لائِث: مرتك حامل معناها هي المشتهيه كول هيج من الأساس ليش بقيت اتلف ودور وبما انو هي اللي تريد فتدلل ام ابن الهَيْصَم علينا هسه ادورلها مطعم وعلى حسابي هم.
هَيْصَم: مشكور منريد من فلوسك.
لائِث: انجب مو الك لابن اخوي.
هَيْصَم: راح اغلس على انجب هاي المره وعيدها مره ثانية وشوف.
لائِث: انجب مره ثانيه شنو راح تسوي.
هَيْصَم: باجر اراويك وهسه دورلي مطعم وروح نام إذا فتحت الموبايل وشفتك متصل صدكني تحلم تحجي وياها ليوم العرس وانت تعرف الهَيْصَم اذا خله شي بعقله.
لائِث: شنو مشكلتك وياي؟!
هَيْصَم: هذا اللي يخطب اخت الهَيْصَم لازم يتحمل اخوها.
لائِث: تصير ابيتي لو متصير واني اعلمك.
: غلق الموبايل، صفنت على اسلوبه وياه منطلق كلش حسيتهم اكثر من الأخوة بكلامهم، صوت الموبايل عالي شوي فاسمع لائِث شنو يحجي دعيت بداخلي ربي يحميهم من عيني وعين كل حاسد ويدوم صداقتهم،
ابتسمت بوجهه بادلني وكال.
هَيْصَم: شنو سبب هاي التعابير على وجهج؟
فيروز: ليش متقبل يحجي وي ريهاف هي هسه زوجته وين المشكله؟!
هَيْصَم: مجرد اضحك وياه اعرف عدل اخلاقه واخلاقها.
فيروز: للحظة صدكت كلامك صدك.
هَيْصَم: ماعندي شك بيهم مثل ماعندي شك بيج، اني اعرف منو أقرب من عندي ومنو ابعد لهذا السبب مطمان تماما ناحيته اعرف انو لو صار بيه شي يوما ما هو راح يكون الهن سند من بعد الله سبحانه وتعالى.
فيروز: الله يحفظك اليه والهن وميحرمنا من عندك الاهي.
هَيْصَم: ويحفظج اليه خيوط كلب الهَيْصَم ومريته.
فيروز: بما انو خلصت هاي العملية شنو القادم هَيْصَم؟
هَيْصَم: خلصت عملية لكن مخلصوا المجرمين، العمل مستمر حتى نهايه حياة الهَيْصَم.
فيروز: راح نرجع نعيش نفس القلق مره ثانية؟
هَيْصَم: هذا عملنا لازم نضحي من أجل الوطن.
فيروز: ربي يحميك من كل شر حبيبي.
هَيْصَم: ويحميج ويخليج اليه.
: نزل راسه لمستواي وقبلني على ثغري من أجمل الايام والساعات والدقايق هي الفترات اللي اخلصها بين احضانه احس نفسي ارجع طفله انتعش وانطلق وياه اتصرف على طبيعتي وافتح كلبي وافضفض براحتي ما احس نفسي مقيده بالحديث بالعكس تماما اشوف بيه فيروز الثانية وكأن أشارك نفسي اسراري هيج شعوري من اكون يمه، انسان وفي، حنون، وشايل لطافه الدنيا كلها داخل كلبه، بيه برائه أطفال، وحب رجل عظيم، وغيرة عراقي شهم، واحترام انسان مثقف، يكفي انو هو هَيْصَم مثل ميكول اسمه يعرف عنه، ابتعد عني من سمع صوت الباب عدلت كعدتي وهو طلع يفتحه شويه دخل وبأيده صينية ابتسمت بفرحه شايفين الطفل من يجيبوله لعبه حابها؟
هذا وضعي حاليا من شفت الاكل كلش جنت مشتهيته بنفس الوقت شبعانه من العشا خلاها كدامي واني كعدت على الكاع صفنت بوجهه رفعلي حاجبه بمعنى شكو حجيت بصوت هادئ.
فيروز: ممشتهيتها بعد.
هَيْصَم: ميخالف ضميها لباجر من تجوعين اكليها.
فيروز: مو هو شسمه.
هَيْصَم: شسمه؟
فيروز: تعبتك بدون فايدة.
هَيْصَم: تعبج راحه خيوط كلب الهَيْصَم انتِ.
: ابتسمت على كلامه، رغم كلش جنت مشتهيه أكل هذا الاكل بس نسدت نفسي فجأة، رجعت كل شي لمكانه وغسلت أيدي فرشت اسناني وكملت الروتين المعتاد قبل النوم، دخلت للغرفه لكيته نايم ومخلي ايده على عيونه مبين تعبان كلش تقربت من عنده بهدوء حتى ميفز ونمت بصفه بتسمت وهاي الفتره هوايه اخسر ابتسامات بسبب تصرفاته اللي يحسسني بيها بحبه اليه بدون مينطق شي، سحبني لحضنه التفتت اله وخليت راسي على صدره ودخلت بنوم عميق محسيت الا على صوت فتحت الكنتور شكد جان نومي ثكيل صار خفيف من تزوجنا صرت احس بكل شي وابسط حركه تصير يمي كفيله تفززني من نومي، التفتلي وكال بكل حب.
هَيْصَم: ارجعي نامي حبيبي طالع للشغل ويمكن اليوم أتأخر لتقلقين عليه.
فيروز: خلي اجهز الريوك لتطلع بدون اكل ميصير.
هَيْصَم: ميحتاج تعبين نفسج لائِث منتظرني جوه ناكل بالطريق أن شاء الله.
فيروز: مراح تروح للمركز؟
هَيْصَم: اليوم المحكمة مالت الأسود اريد احضرها بعدين اروح للمركز.
فيروز: لعد انتبه على نفسك زوجي العزيز واذا صار عندك وقت فراغ اتصل بيه.
هَيْصَم: تدلل لَّباءَة الهَيْصَم وحبيبه كلبه.
فيروز: خيوط كلب الهَيْصَم نسيت؟!
هَيْصَم: انتِ الخيوط والبكره والابره وكلهن يراحتي.
: قبل ميطلع اجه يمي وقبلني بجبيني ونزل شويه ابتعد عن وجهي لزمت أيده وحجيت بحب ومشاعر بداخلي مستحيل أكدر اوصلها عن طريق الكلمات بس.
فيروز: راح اشتاقلك لطول عليه، راحة عيوني هي بشوفه وجهك الحلو.
هَيْصَم: بهاي بالغتي كلها تكلي تخوف من وين صرت حلو!!
فيروز: يكفي عيوني تشوفك حلو ما ألك علاقه بعيون الناس.
هَيْصَم: احبج ولج.
فيروز: اني هم احبك.
هَيْصَم: اذا ابقى اهنا بعد دقيقه تخلص المحاكمه واني محاضرها اشوفج من اخلص شغلي حبيبي.
فيروز: الله يحفظك من كل مكروه ويبعد عنك بنات وأبناء الحرام ويحميك بعينه الماتنام ويرجعك لاحضاني سالم منتصر يارب.
هَيْصَم: ويلوموني بحبج وشلون اخذتي كلبي وميدرون انتِ بداخلي شنو محتله اذا هي روحي وعقلي استسلموا الج منو اني وارفض قراراتهم.
فيروز: اذا تبقى هيج تتغزل اقفل الغرفه وما اخليك تطلع لمكان.
هَيْصَم: اذا هيج الوضع طلع عن السيطرة لازم اطلع انتبهي على روحي اللي راح اتركها يمج.
فيروز: انتبه على نفسك لان مستحيل أكدر اكمل المشوار اذا صار بيك شي.
هَيْصَم: احنه بحماية الرب العظيم لتخافين علينه.
: طلع وتركني وحدي مطولت هوايه واجتي خالتي ودائما الوقت وياها ممتع حيل بسوالفها وضحكتها التملي عليه يومي.
وصل يم المحكمة بسيارته التابعه للشرطة نزل لابس الزي العسكري والحامض حلو يزين ثغره على العلم محد يعرف بيه ياكل حامض حلو بس واضح يمنا احنه فريقة، ومازال هذا السر محد يعرف بيه غيري من جماعته، الساعة الفضيه تزين معصم ايده الشمال وخاتم الزواج اللي مينزعه ابداً، البيريه على راسه، يمشي بخطوات مليانه ثقه حتى وصل يمنا، وانا عيوني ماوخرتها عنه.
ضربوله تحيه كلهم.
ضَرْضَم: سيدي.
هَيْصَم: خلونا ندخل.
هَمْاس: أمرك سيادتك.
لائِث: شو مسلمت؟!
هَيْصَم: اليوم اني فرحان ما أريد اعكر مزاجي وياك.
لائِث: اكو شغله وصلتني اليوم الصبح لازم تعرفها.
هَيْصَم: شنو هي؟
لائِث: راح تسمعها بالمحكمة.
هَيْصَم: سفيه.
لائِث: مع هذا تحبني.
هَمْهَام: سيادتك المحكمة راح تبدي.
لائِث: حسستني فلم هي محكمه.
ضَرْضَم: ممتحمس الها؟!
لائِث: محد يتحمس اذا النهاية معروفة.
هَمْاس: واثق حيل انت.
لائِث: اي وداعة عيونك صافينا.
هَيْصَم: يلا تحركوا.
: دخلنه المحكمة وجابوا المتهمين جنت دائما اتمنى اعيش هاي اللحظه على رغم مدا ثقتي بربي وانو لابد يجي يوم ينتصر بيه الحق على الباطل بس اكو شي داخلي جان خايف انو ما أكدر اسويها والقي القبض على اللي دمروا حياتي وقتلوا عائلتي واخذ حقي من عدهم بالقانون، شعورك من تخسر انسان عزيز عليك ميشبه شعور ثاني مستحيل وكذاب كل واحد كال تكدر تنسى، عشر سنوات وأكثر واني كل يوم بعقلي حادثتهم وبأي طريقه فارقوا الحياة، وجود المجرم اليوم كدام عيوني وهو مكلبج ومذلول ومنتظر القرار والحكم على كل جرائمه هو سعادة ما الها شبيه ابداً، صعد الأسود على المنصه حتى يدلي باعترافاته.
القاضي: اسمك الكامل.
: عمر حسن سيدي والمعروف بالاسود.
القاضي: ليش ملقب بهذا الأسم؟
الأسود: لان اني ظالم وبشع بجرائمي اللي رتكبتها على طول حياتي.
القاضي: راح تعترف اليوم على كل شي سويته بدون متعبنا؟!
الأسود: لان بكل الأحوال حتى لو طلعت عايش من هذا المكان راح اموت اني وعائلتي فليش ابقى ساكت مستعد اليوم اجاوب على جميع الأسئلة سعادتك.
القاضي: انت متهم بقتل الجندي البطل حيدر والد النقيب هَيْصَم بالأضافة لزوجته وابنه سولفلي عن هاي الجريمة.
الأسود: والد السيد هَيْصَم هو صديقي بالجيش سابقا بس اني قررت اعتزل بعد سقوط النظام السابق وهو لا، الحياة صارت قاسيه علينا هوايه بأعتبارنه نتبع البعث وهاي الأمور، وقتلنا حلال بقيت متخبي فتره طويلة يم عائلة معروفه بالناصريه بدون محد يعرف هويتي، بالعراق الدخيل حتى لو قاتل اهلك بما انو هو دايس بساطك متكدر تسويله شي وهذا اللي صار، بعد فتره عرفت ابنهم الجبير من اتباع النظام السابق هم وعنده جماعه يتواصل وياهم علمود البضاعة مال المخدرات والتهريب نصدمت مجان اكو هيج شي قبل وحتى لو اكو ميصير بهاي الطريقة من عرفني كشفته عرض عليه شغلتين اما اساعدة واصير ايده اليمين أو يقتلني ويقتل عائلتي اللي ماعرف شلون عرف مكانهم، من الخوف قبلت والحقيقه بعد اول عمليه تهريب نجحت بيها فرحت هوايه بالفلوس الحصلتها جان مبلغ ضخم على شخص تعود على البذخ انو يكون محتاج شي صعب لذلك قررت اكمل وياه بهذا الطريق ومحسبت احساب هيج يوم، بعد فتره تعرفت على الشغل اكثر وصارت العملية اكبر من تهريب مخدرات اتوسع الأمر وصار تجاره أعضاء وبشر وتهريب نساء واطفال علمود العمل وانت تعرف سعادتك شنو اقصد بعمل النساء والأطفال.
القاضي: كمل.
الأسود: هاي المره ميحتاج احد يهددني بشي استغليت الفرصه وصرت بالمقدمة حتى اخذ ثقه المسؤول علينه اكيد مجان نفسه اللي دلني على هذا الطريق وإنما الأكبر من عنده، مرت سنين واني ارتكب أعمال ارهابيه واجراميه هم لكن مقتلت ابد كل حياتي، الا انو اجه يوم سمعت بيه والد السيد هَيْصَم يردون يخطفوه ويستخدموا ورقة ضغط عليه حتى يتنازل عن القضيه الماسكها جانت متخصني شخصياً وإنما تخص الأكبر من عندي حتى لو صرت انسان عديم رحمه ابقى ما انكر العشرة اللي بيني وبينه ابد لان هو صديق وأخ بالنسبه إليه، قررت اساعدة رحت يم بيته ونتظرته حتى يطلع وبقيت امشي وراه بسيارتي حتى وصل راس الشارع تقربت من عنده ودكيتله هورن التفتلي وسلم عليه لحيت عليه يصعد ويايه حتى أوصله وين يريد رفض اول مره بعدين استسلم وصعد هو رجال قوي اعرف عدل مو بسهوله أكدر اخطفه فعزمته على الغده همات مقبل وستغرق اقناعه نص ساعة كامله أخذته لبيتي وحضرتله الاكل وخليت وياه حبوب منوم كدرت بهاي الخطه اخليه يمي بغرفه معزوله عن البيت والله يشهد كل نيتي احافظ عليه بقى يمي يومين اعتني باكله وشربه وحتى حجيتله كل شي من البداية بس المشكلة نكشفت وتهددت اذا ما اسلمه الهم يقتلوني ويقتلون اهلي صار الحمل ثكيل خاصتا بعد منخطف ابني شنو ماكان تبقى عائلتي اهم من عنده سلمته الهم عذبوا كم يوم بعدها ستأصلوا اعضاءة تحت البنج وفقد حياته بسبب هاي العملية.
القاضي: وقضية زوجته وابنه؟
الأسود: بعد هاي الحادثه اللي صارت ضميري عذبني وما زال إلى اليوم لكن تعرف الشغل شغل ما أكدر اخلف بشي والا انقتل والروح عزيزة، السيد هَيْصَم متاب من حادث والده بالعكس قرر يرجع وبقوة هم حتى يقدم للقضاء ادلة على الأعمال الإرهابية اللي دتصير بوقتها كدرنه نوصل لموبايله ونراقبه وعرفنا زوجته تريد تطلع من البيت دزينا سيارة تراقبهم وشوكت ميوصل تسوي حادث بيها وتقتلها والهدف جان موتها وحرك كلبه حتى يعرف مدا قوتنا وهذا اللي صار انو نحرمه من ابنه وزوجته وخاصتا اني اعرف شكد يحبها من والده الله يرحمه، من صار وياه هيج ابو السياره نفسه أخذها للمستشفى مجانت النيه انقاذها ابد وإنما استئصال أعضائها احد الأطباء اهناك هو من جماعتنا اي شخص يموت ياخذ أعضاء بحجه التشريح واحنه نستفاد ببيعهم وننطيه نسبه معينه على كل شخص.
لائِث: هَيْصَم اذا تريد نطلع منا حتى يصدر القاضي الحكم.
هَيْصَم: لا خليني اكمل الاعترافات مالته.
لائِث: شوف ايدك شلون صارت زركه من الضغط وعيونك حمر حيل راح يرتفع عندك الضغط خلي نطلع لخاطر الله.
هَيْصَم: كلت لا لتلح.
القاضي: هدوء، كمل شنو سويت بعد؟
الأسود: جان اللي يدخل احد الأشخاص الموثوقين ويكبر فريقنا اله مكافأة استغليت هذا الشي ودخلت احد اقاربي اللي هو لّهيم بالبدايه جان خوش يشتغل لكن خرب عليه من صار ياخذ ادله على كل واحد يلتقي وياه وصار يهدد الكل بحجه يحب وحده وهاي البنيه تابعه تصير بنت جندي عراقي يشتغل بالاستخبارات جان يتعامل وياه ضدنا بس حتى يتقرب من عنده من صار علينه تهديد هددنا يترك الشغل لو ينقتل، المفروض يخاف على نفسه وخاصه بنته ماعدها احد غيره لكن تعرف اغلب العراقين يمشون للموت برجليهم وميخافون من شي لذلك دزينا واحد من جماعتنا يقتله ونغلقت القضيه عن طريق معارفنا، لكن رجعت نفتحت مره ثانيه ومن نعرف مكان القاتل وقبل ماينمسك قرر يحجي كل شي لذلك هددنا أيضا بقتل عائلته فأنتحر ونغلقت القضيه، اما لّهيم صار هوايه يغلط وجان لازم ندبر حيله ونوكعه انطيت كل معلوماته للنقيب هَيْصَم من اول يوم تعاون بيه ويانه وكل مخططاته وحتى من خطف زوجته حالياً وحتى قضية المخدرات اللي تورط بيها جانت بسببه لذلك اني اللي ساعدته ودزيت الفيديو كامل والملفات اللي تثبت براءة السيد هَيْصَم من هاي التهمه عن طريق واحد من جماعتي لصديقه المقرب لائِث.
القاضي: ليش ساعدته؟
الأسود: دفع دين واحترام للعلاقة اللي جمعتني بابوه وهو من جان طفل هوايه يحبني ويسميني عمو حبيت اقدم شي حتى يطلع براءة مردت مقابل هاي المره ويمكن هاي أصح واحسن شغله اسويها بكل حياتي.
القاضي: احجي عن لّهيم وشلون كدر السيد هَيْصَم يوصله؟
الأسود: عرفت قبل لّهيم مخطط يروح يخطفها مره ثالثه ويستغل خطوبة اخته والهوسه المعروفه بالاعراس ويعرف عدل هَيْصَم ميطلعها من البيت إذا مو هي وياه فجان مراقب البيت من يومين قبل الخطبه وعليه اني خليت واحد من جماعتي يتصل بيه وينطي المعلومات كامله وهاي المره مو حتى اساعد هَيْصَم وإنما اريد لّهيم ينسجن واخلص من عنده.
القاضي: جنت تعرف انو لّهيم راح يبيعك ليش خاطرت هيج؟!
الأسود: الغايه من كل هذا ينسجن لّهيم ونخلص من عنده عن طريق قتله داخل السجن لان من الصعب جداً التعامل وياه بره كون هو إنسان ذكي حيل وماعنده مكان محدد يعيش بيه مثل البزونه يوميه بمكان لكن صار كل شي عكس المخطط من تعاون وي الشرطه وصار ضدنه وستغربت لإني أكثر واحد يعرف شكد يكره السيد هَيْصَم بسبب أمور شخصيه بينهم.
القاضي: تعترف بكل جرائمك وتقر بيها؟
الأسود: اعترف سعادتك انقتل تحت ايدي هوايه ناس لدرجه نسيت احسبهم بعت كيلوات من السم الأبيض وتاجرت بيه بالأضافة شتغلت بمتاجره الاعضاء والنساء والأطفال عشرين سنه من حياتي عشتها بالاجرام والحرام أقر بكل أعمالي الغير قانونية وانتظر الحكم من عندك.
القاضي: الحكم.
وكفنا كلنه طرق على الميز وكال الحكم.
القاضي: حكمت المحكمه حضوريا على المتهم عمر حسن والملقب بالاسود بالإعدام شنقاً حتى الموت جزاءً على جرائمه وليكون عبره لغيره، اما لّهيم وبناء على الادله المقدمه الينا والشهود وعلى مساعدته لجهاز الشرطه والجيش العراقي حكم عليه بالسجن لمدة لاتقل عن خمس سنوات مع الأعمال الشاقه.
: طلعنا من المحكمه وعلى عيونه فرحة انتصار بعد كل هاي السنين حق الحق واخذ كل مجرم جزاءة، متحملت وشبكته.
لائِث: الف مبروك هَيْصَم.
هَيْصَم: الف مبروك النا هذا النصر الحمدلله حق الحق وصار اللي لازم يصير.
ضَرْضَم: الف مبروك سيدي.
هَيْصَم: الله يبارك بيكم كل هذا هو مجهود الكل الهَيْصَم مكدر يسوي شي وحده.
هَمْاس: سعادتي اليوم ماتوصف ابداً وخاصه بعد الحكم بالإعدام للأسود.
هَمْهَام: بس قهرني لّهيم حرامات بس خمس سنوات حكمه.
هَيْصَم: لان جرائمه مو مثل الأسود بالأضافة هو كل الأعمال اللي يسويها مخليها براس الأسود ذكي إلى درجه مكدر يلعب عليه.
لائِث: ان شاءالله ميسبب النا مشاكل من يطلع.
هَيْصَم: نلقي عليه القبض مره ثانية مو مشكله.
لائِث: وهذا الخبر اللي ردتك تعرفه الأسود هو اللي ساعدك حتى تطلع من السجن.
هَيْصَم: وهذا الشي ميغفرله اللي سواه بعائلتي.
: خلصت هاي الأيام بكل هدوء حتى وصل يوم تنفيذ الحكم جان على بُعد ثلاث أسابيع من اصداره، وكفنا كلنه يمه وشهدنا احنه والهَيْصَم لحظه أعدام الأسود.
هَيْصَم: اهنا اعتبر نفسي اخذت الثأر لأرواح عائلتي وصار لازم نفرح من صدك.
لائِث: اذا هيج وافق نقدم العرس كل شي جاهز بشرفك لتخلينا نتأخر اكثر خير البر عاجله.
هَيْصَم: لخاطر فرحتي موافق يوم الخميس خليها وهسه راح ارجع للبيت وباجر ما أكدر اداوم اخذت إجازه.
ضَرْضَم: الله يحميك سيدي.
هَيْصَم: هَمْهَام شوكت زواجك؟
هَمْهَام: بعد سبوعين سيادتك.
هَيْصَم: شنو تحتاج كلي وان شاء الله منقصر كلنه اخوتك.
هَمْهَام: حشاك من التقصير سيدي لو مو وكفتك ويايه مصار هذا الزواج.
هَيْصَم: صبرت والله انطاك اني مجرد وسيله لا أكثر.
هَيْصَم: مع السلامه اشوفكم بعدين ان شاء الله.
هَمْاس: محروس سيادتك.
: كاعدة ارتب بالملابس وشفت خيال قريب من عندي رفعت راسي وابتسمت من شفته هو، اليوم صدك احس بيه حيل فرحان بعدام الأسود، نزل لمستوايه وكال.
هَيْصَم: ترحين ويايه للنجف؟
فيروز: شنو المناسبة؟
هَيْصَم: نجدد البيعه لأمير المؤمنين بالأضافة نكل لوالدي او والدج احنه صرنا عائله وحفيدهم راح يولد بعد كم شهر بتوفيق الرب الجليل.
فيروز: موافقه اصلا اني من زمان ردت ازورهم.
هَيْصَم: بشرط متبجين مو زين عليج.
فيروز: انت وشطارتك لتخليني ابجي لعد.
هَيْصَم: غيري ملابسج هسه نطلع ونبات اليوم هناك وباجر نرجع.
فيروز: ليش مستعجل هيج؟!
هَيْصَم: وعدتهم اول ما أخذ ثارهم ازورهم هناك.
: جان بعقلي سؤال من زمان وشفت الوقت مناسب حتى اسأله.
فيروز: هَيْصَم بعدك تحبها؟
هَيْصَم: من شفتج اول مره مشاعري تغيرت وصرت احبج الج لكن ما انكر انو هي لحد الآن بعقلي ومستحيل يجي يوم انساها بهاي الحاله راح اكون خاين للعشره واني مو من هذا النوع لَّباءَة.
: صفنت بوجهه وبتسمت يمكن البعض يكول اني انسانه ماعندي كرامه لان قررت ابقى وياه على رغم هو ضم عليه هوايه اشياء لكن رضا الناس غايه لاتدرك اعرف كل اللي صار من الماضي ومو مهم بكلبه هسه والدليل حبه إليه واهتمامه بادق تفاصيلي، يخاف عليه من الهوه وحتى العركات اللي ابدي بيها ينهيها باحبج وما أكدر أتحمل تزعلين عليه، من تزوجته لحد الأن أو من جابني لهذا البيت مشفت من عنده شي سيء ماعدا او ايام لان مجنت متعوده عليه، الشعور اللي بداخلي لهَيْصَم مميز جدا وطاهر ونقي وصادق لدرجه ما أكدر اعبر عنه بالكلمات، وياه حسيت نفسي عايشه للمرة الثانية بعد خسارة والدي، هو ربحي الوحيد مع كل الهزائم اللي عشتها من انولدت لليوم لذلك ما اندم على معرفتي بيه وأشكر رب العالمين جمعني بيه بصدفه وقدر غريب.
غيرت ملابسي لثوب اسود وعبايه واكيد النقاب بالبدايه جنت كارهته بس هسه صار عشق ما أكدر اطلع من البيت إذا ما البسه تغيرت وياه حيل حافظت على صلاتي ولبست حجاب غيرني بدون قصد ومن صدك صرت أنثى الأسد مثل ميسميني، صعدنا بالسياره وبقى كل الطريق حاضن أيدي بأيده ومشغلي شعر من كثر ماعاده حفظت الكلمات ولحد الان بعقلي كلما اسمعها حتى لو عن طريق الصدفه اتذكرها:
استراحي براحتي
وجفني العليج يميل ضلّه
وحلّي محبوس الشعر
آني استحي من الله من احلّه
شيلة زنودج وزن للكون
خاف يميل ,,,وتبيّن بحال الزمن خلّة
ويالاصابيعج جكاير (كنت)
من تومي بزعل يتطّشر الباكيت كلّه
****
انتي روحي وراحتي
وآخر نده الـ عالورد ينزل
انتي ليلي ولالتي وتفاحتي الجمعت حلاة الشمس والظل
يلّي رمشج يجمع خيوط الفجر
بتّ ويه بتّ وبيها يغزل
يلّي صوتج غفوة الغبشة
وخمر تينة نده وبيّن فعلها براس بلبل
يلّي بعيونج عزم مهرة عرب
من تشم ريح الطيب تصهل
يالحلاتج سومري يفوّح بخور وطيب
وشفافج توجّ بالبوس فلفل
ياغصــــن مضـــــنـــوك
ماشايف غصن هاكثر يحمل
كل كتر مني اشتـــــــعـل
والكل يريد يذوب بالكل
وكل كتر منج نبض فحطان
ومكهرب وبس ينجاس ينتل
ياحبيباتي العذر لـ لله
الحلاوة البيها تكتل
توعد وتوفي وتوج شمس بشمس ما يوم تنكل
خوفوهة محبتي ودكت رجل لليكره ولليحسد وللراد يعذل
وشتت ومطرت فرح وأمتلت روحي البور سنبل
فيروز: احبك وأمير المؤمنين.
هَيْصَم: كل شي بيه ينبض بأسمج لَّباءَة الهَيْصَم حتى صرت اشتبه بكلبي اذا هو يخفق بداخلي لو بداخلج، كل شي بيه رايدج خيوط كلبي يمج ومشتاقلج، احبج وارجع احبج من جديد، انتِ مثل الوردة وكلبي بعيونج ربيع تكبرين بداخلي كل يوم، جذاب اللي كال من محبتج راح امل اني احبج اليوم وهسه وقبل.
فيروز: وجودك بحياتي من أعظم الأشياء اللي صار بيها، محله بعيني احد ومفز كلبي بيوم لشخص مثل مصار ويايه من اول مره خليت عينك بعيني ماعرف شنو سويت بيه لدرجة هي مجرد ثواني كدرت بيها تحتل داخلي وتستوطن بالاعماق اخذت كلبي وأعلنت ملكيتك بيه، اذا جان حبك مرض خبيث اني قابله بيه لآخر نفس ومستحيل اقبل اتعالج من عنده.
اخذ أيدي وقبل باطنها وكال بكل حب.
هَيْصَم: الله يحميلي اياج من كل بلاء وميشوفني بيج يوم اسود الاهي.
فيروز: اريد ابقى وياك لآخر نفس وادعي ربي ميحرمني من هذا الشي.
هَيْصَم: خيوط كلب الهَيْصَم ومريته وحبيبته او وردة كلبه انتِ.
: خلصناها هيج غزل ابعض حتى وصلنه للمقبره هو راح يم اهله واني بقيت يم بابا وخالتي وامي واحد قريب على الثاني بس اول واحد راحتله رجليه هو بابا قريت اسمه مكتوب وصورته موجودة نزلت لمستوى القبر غسلته بمي ورد اشترالي اياه هَيْصَم هو والبخور وعلكت شمعه قريت الفاتحة والتوحيد وهديتهم اله ونزلت دموعي مكدرت اتحمل ونطلقت وياه بالحديث الفردي اللي ما اله جواب بس اني متأكده يسمعني.
شتهيت اسمي بعزف صوته
الحاضر ظل رغم موته
ابويه وصاحبي وخلي
وبعده ومن رحل شلي
أريد آخر حضن ينعاد
وشنهو اليوجعه يكلي
ويجي راس السنه وتبجيه
عيني وخاطري وكلي
اجيتك اليوم واني خجلانه حيل، قبل دورة سنتك تزوجت وكملت حياتي لكن الله يشهد ما يوم نسيتك بقيت عايش ويايه بكل لحظة، تمنيتك تجي يوم عرسي وتسلمني بأيدك اله وتكله ياويلك تزعلها بيوم بس بقت امنيات لا أكثر، نزفيت من بيتنا اللي عشنا بيه أجمل أيام العمر زوجي هو هَيْصَم نفس الشخص اللي امنتني يمه ولحد الان ماعرف ليش ختاريته هو بس للصراحه ونعم الاختيار رجل بمعنى الكلمه حافظ عليه وحماني من نفسه وبقى اليه السند والمحامي واليوم اريد اكلك اني حامل وراح تصير جد واذا نخلق بخير وسلامه وعد من عندي اجيبه لهنا واخليك تتعرف عليه ويوميه اكعد اسولفله عنك وشنو من أب عظيم انت، دير بالك على امي وسلم عليها هوايه وكلها احبها حيل، ودعت والدي بدموعي ورحت يم قبر الوالده الام اللي تركت الدنيا بس حتى اني اعيش ياريتها عاشت واني ميته بمكانها، الام عظيمه لدرجه رب العالمين خله الجنه تحت اقدامها، علكت شمعة وبخور وغسلت القبر بمي ورد وحجيت وياها، اكو ورد ينغسل ورد؟
اليوم محتاجتج أكثر من أي يوم قَبله، اريد نصيحتج وتعلميني شلون اعتني بابني وحدي واربيه، أريد اسمع من حلكج كلمه يمه ديري بالج على نفسج ليصير بيج شي،ليش عفتيني ورحتي؟
مفكرتي بمنو اليه بعدج؟!
بقيت ابجي واعاتب بيهم كلهم حتى تعبت.
هَيْصَم: بعد عشر سنوات من خسارتكم او وعدي الكم بالثار اليوم كدرت أحقق هذا الشي بفضل رب العالمين ومساعدته، تكدرون تنامون بسلام حتى ملتقانا مره ثانية من أموت، خلوني اسولفلكم سر بعد وفاتكم فكرت نفسي مراح أكدر اعيش لكن رب العالمين دزلي انسانه لاتقدر بثمن، اشوف بيها السعادة والحب والأمان مكدرت اتخطاها وبديت وياها صفحة جديدة وهسه هي حامل بأبنه ومن ينولد بخير وسلامه انجيبه اني وياها واعرفكم على مرتي وابني، هنا أكدر اكول انتهت علاقتي وي الماضي وبهذا اليوم راح افتح صفحة جديدة وي الحاضر والمستقبل.
: طلعنا من المقبره ورحنه للأمام علي عليه السلام اول مصارت القُبه كدامنه لزم ايدي وكال.
هَيْصَم: اخير مره جبتها لهنا طلبتها من عندك واليوم جبتها مره ثانية اشكرك لأنك مقصرت ونطيتني اياها وصار عدنه طفل يكبر يوم بعد يوم بداخلها.
: نزلت دموعي على كلامه دخلنه زرنا وصدك هاي المرة جنت مليانه سعادة تعشينا بالمطعم ورجعنا للأمام عليه السلام راد نأجر غرفه بس اني مقبلت بقينا بالحضرة كاعدين هو يقرأ القرآن واني صافنه عليه، شنو من جمال، شنو من هيبه، شنو من كاريزما، فدوة لربه شكد حلو وشكد كلبي يحبه ومتيم بيه، عيوني عليه حتى صدق ورفع راسه اليه واشرلي بأيده اقترب من عنده سويت مثل ميريد فتح القرآن مره ثانية وصرنه نقرأ سوا حتى مر وقت رجع صدق ولزم أيدي بأيدة ويحجي وي الإمام علي عليه السلام.
هَيْصَم: احفظها هي وابنه من كل شر وسوء ولتشوفني بيها يوم مو زين اريدها تدفني لتخليني ادفنها واذا تحتم عليها تموت قبلي اريد الكبر اللي يضمها يضمني وياها بنفس اللحظة، هي روحي وجسمي مابي فايدة بدونها والأسد كلبه ميوجعه الا على لَّبوته.
فيروز: الله ليحرمني من عندك هَيْصَمي واذا كاتب النه الفراق حتماً ان شاء الله انموت سوا وننجمع اهناك.
هَيْصَم: منموت ان شاء الله عمرنا طويل ونربي ابنا مع بعض لَّباءَة الهَيْصَم وخيوط كلبه.
فيروز: ان شاءالله حبيبي.
: خلصت هاي الليلة بضيافة الامير عليه السلام ثاني يوم الصبح رجعنا للبيت ومن التعب نمنا مباشره خلص هذا الأسبوع كالعادة وصار يوم الأربعاء رحنه لبيت خالتي حتى نبقى وي ريهاف ونودعها لان باجر عرسها شفت على عيونها التوتر ما احس بيها تحبه ابد بعيونها كلام مينفهم ومكدرت اقرأه لكن متأكده بعد متعيش وياه بنفس البيت وتشوف أطباعه راح تصير متيمه بيه، خلص الليل ضحك وسوالف بين آريا وآمندا وهي مخلصتها صفنات حتى شفت موبايلها يرن أكثر من مره متجاوب اخير شي وصلتلها رساله أخذته وطلعت محبيت ادخل لان شغله متخصني بالنهاية، ثاني يوم الصبح اخذتها خالتي للصالون واصرت عليه احضر وياها لبست فستان ابيض اكيد ،صدرة على شكل قلب وبدون اردانات سوت شعرها تسريحه بسيطه وخلت مكياج تركي كلش حلو عليها وخاصتا هي ملامحها كلش حلوه، بقى كلبي وياها واني كل عقلي هي متحبه ونجبرت بس اني اعرف لا هَيْصَم ولا خالتي يسووها ويزوجوها غصب اذا وين المشكله الفضول قاتل وهاي المره صدك متحملت ورحت كعدت قريب من عدها وحجيت وياها بلكي اكدر اعرف شنو بيها.
فيروز: الف مبروك يارب زواجه الدهر.
ريهاف: الله يبارك بيج حبيبتي.
فيروز: بيج شي ريهاف؟
ريهاف: لا يعمري شنو بيه مثلاً؟!
فيروز: من باب اني مثل اختج مهان عليه اشوفج هيج حزينه بيوم المفروض تكونين بيه اسعد انسانه بالدنيا.
ريهاف: كلش اشكرج واسفه لان شغلتج بيه بس مجرد ضوجه بسيطه لان والدي مراح يكون موجود ولا اخويه الصغير ويسلموني وي الهَيْصَم لزوجي.
فيروز: اكثر وحده اعرف هذا الشعور يارب يصبر كلبج واكيد والدج موجود ويكون حاضر بهيج يوم لتبقين زعلانه.
ريهاف: شكرا لكلامج حبيبتي، امي دائماً تمدح بيج اصلا ماعدها سالفه غيرج من تجي يمنا وهسه يلا عرفت السبب انتِ انسانه ماكو مثلج ربي يسعدج الاهي.
فيروز: ياعمري انتِ والله، انتوا اللي ماكو منكم ربي يحفظكم اليه.
كلاثم: وهاي اني ادور عليج كومي ويايه يلا.
فيروز: وين؟
كلاثم: غير تجهزين نفسج خلصتيها بس صافنه والسيارات راح تجي.
فيروز: تمام حبيبتي كايمه.
تقربت يمي وهمست بأذني.
كلاثم: اريدج عروس اليوم خبلي ابني الليله ولو هو مابقى عنده عقل من يوم شافج بيه.
: ضحكت على كلامها والمفروض انو أخجل لكن من عشت وي الهَيْصَم عرفت ماعندي هاي الخاصيه يمكن ناسيها ابطن امي بالولادة، لبست فستان احمر دموي وخليت مكياج ترابي وفتحت شعري يوصل لنص ظهري لونه اسود مصبغته لان حامل واصلا اني احب اللون الاسود، القلادة اللي هدالي اياها هَيْصَم بزواجنه هاي متفارق عنقي ابد هي والخاتم لبستهم ولبست عباتي والنقاب من وصلتني رساله من الحب مالتي وصلوا طلعنا، صعدت يمه بالسياره ورفعت نقابي بقى صافن بوجهي بدون ميتحرك رمشه، يباوعلي بكل حب ابتسمت وفرحانه بحبه من كل كلبي بس قاطع نظراتنه العاشقه لبعض صوت الهورن وصرخت لائِث.
لائِث: شلوون يعني حالف عليه ما اتزوج اليوم؟!
هَيْصَم: تره ابطل احنه بيهااا خليك عاقل لتخبلني عليك.
لائِث: ساعة السودة العرفتك بيهااااااااااا.
هَيْصَم: خلي اشوف منو ينطيك اخته.
: نزلوا من السياره ونزل لائِث وشغل اغنيه وعله الصوت حيل وبقى يطك اصبع ويركص بالشارع وياه هوايه شباب اني ما اعرفهم بس جان يوم ولا يوصف كلش ضحكت وفرحت من اعماقي بجمعتنا وفرحتنا سوا بعد كل هذا التعب.
صعدوا مره ثانيه بعد متعبوا من الركص بس الهَيْصَم هو الوحيد اللي بقى يباوعلهم ومبتسم على رغم هوايه تحركش بيه لائِث بس مكدر يحركه ولو شويه زوجي العزيز ثكيل حيل وهاي من أجمل الصفات اللي عنده، رحنه للقاعه وجانت الدخوليه لريهاف ولائِث تجنن المعروف عليها حفلة بنات بقى لائِث شويه يمها وطلع بعد فتره رجع مره ثانيه ركصوا مع بعض على احد الاغاني وقطعوا الكيكه وصار موعد الزفه اجه هَيْصَم لزم ايدها شفت عيونه حمر خلاها بأيد لائِث وحجه وياه وكأن اب خايف على بنته.
هَيْصَم: اذا زعلتها بيوم لو نزلت دمعتها مراح اكول هي غلطت وتستاهل وإنما اطيح حظك بدون ما اسألها حتى عن السبب اني صديقك اي واحبك او واثق بيك بس من يصير الشي يخصها تشوف الوجه الثاني للهَيْصَم.
لائِث: بعيوني هي لتخاف.
هَيْصَم: اعرف والا مقبلت انطيها ألك بهاي السهولة، ديري بالج على نفسج باباتي واي شي يصير وياج وبأي وقت لتتردين ابد تتصلين بيه.
ريهاف: الله ميحرمني من عندك والدي الحنين واخويه الماكو من عنده ثاني.
هَيْصَم: يلا كافي اخذ مرتك وروح ضوجتوني.
لائِث: غالي والطلب رخيص وعيونك.
: راحوا واجه يمي لزم أيدي واخذني وياه جنت محضره نفسي بسرعه طلعنه الموجودين كلهم اقاربهم ريفان وايفلين وحتى حوري لاحظت بطنها كبرانه يمكن دخلت الشهر السادس هيج سمعت ماعندي علاقة قوية بيها واني مو هوايه احبها ماعرف السبب بس هو الحب من الله يكولون، ريفان بعد كل اللي صار صارت صديقتي المقربه مرات هوايه نتصل ابعض وتحجيلي عن حياتها على رغم هي حيل كتومه بس نفتحت ويايه ويمكن السبب اثنينه نفتقد للاصدقاء الحقيقين، رجعت خالتي هي والبنات وي نسر واني هَيْصَم رجعني للبيت اول مدخلت نزعت العبايه والنقاب ماعرف شنو ردت من عنده التفتت لكيته صافن عليه الفستان اللي لابسته مخصر على الجسم وعندي بطون صغيرونه لان اني بشهر الرابع من حملي فواضحه حيل وبيه فتحه للركبه وظهره نص طالع وبس بيه اكتاف، بتسمت عبالي نظرته إعجاب لكن من شفت رفعة حاجبه عرفت اللي بداخله غير شي ومن حجه ثبت شكي.
هَيْصَم: هيج جنتي كاعده يمهن؟
اشرتله براسي بمعنى اي رجع كمل.
هَيْصَم: مشايفه من قبل عندج شوكت شتريتيه؟!
فيروز: خالتي جابته.
: تركني وراح للغرفه تبعته وبعقلي الف سؤال شفته طلع بخور وشغل مبخره واشرلي اجي يمه سويت مثل ميريد ورحت وكفت قريب عليه وبدأ يبخرني وهو يحجي بغضب.
هَيْصَم: وين اضمج بعد متكليلي مو حتى نقاب لبستج؟
فيروز: هسه انت ليش عصبي هيج حبيبي غير هو عرس ولازم البس شي حلو ومرتب تريد يضحكون عليه مرت هَيْصَم متعرف تلبس.
هَيْصَم: عرس هاي انتِ كلتيها ليش لابسه ملابس نومم؟!
فيروز: على بختك هَيْصَم منو يلبس هيج وينام؟!
هَيْصَم: هسه راح تتمرضين وكولي هَيْصَم كال.
فيروز: ليش مفاول عليه؟!
هَيْصَم: كمر طالع للناس ولابس احمر والعيون مالتهن ماشاء الله اذا متمرضتي اني معتب.
فيروز: انت موجود يمي وتعالجني وأطيب مو مشكله حبيبي.
هَيْصَم: وكلبي شنو يصير بيه اذا صار بيج شي مو زين؟
فيروز: ميصير شي وداعتك هسه مو بخرتني راحت العين لتخاف عليه.
: ترك المبخره من ايده وسحبني لحضنه حجيت بدلع واني اخلي أيدي على صدره.
فيروز: احبك يروح لَّباءَة.
هَيْصَم: اموت عليج وردة الهَيْصَم وخيوط كلبه ومريته.
ابتسمت وقضينا هاي الليله بين احضان بعض، خليت راسي على صدره وايدي حاضنه أيده وحجيت بتساؤل.
فيروز: عندي سؤال حبيبي.
هَيْصَم: جواب خيوط كلبي.
فيروز: شوكت عرفتني؟
هَيْصَم: سالفه طويله بيج حيل تسمعين؟
فيروز: ابقى اسمعك طول العمر.
هَيْصَم: والدج الله يرحمه جان صديق والدي المقرب بوقتها تزوج امج وأهله مقبلوا عليه وتبروا من عنده بقوا يمنه فتره من الوقت حتى نولدتي اتذكر شفتج وانتِ طفله كلش بالكماط وحتى امي دارت بالها عليج بأول ايام والدج يتركج يمنه ويروح لشغله واني ابقى العب وياج عندج خدود وقتها ابقى اعضعض بيهم وتبقين تبجين وامي تصيح بيه لكن للأسف مطولتي يمنه هوايه اجت شغله لعمي الله يرحمه ونتقل لبغداد ونقطعت اخباره بالكامل عنه، وبعد سنوات طويله وبعد ما صرت ضابط رحت فتره لبغداد وشفته عن طريق الصدفه بالامام الكاظم عليه السلام اجيت اقترب من عنده وشفت ابنيه تمشي ناحيته بنيه حلوه جذبتني من اول نظره وهي لابسه العبايه وبصعوبه مثبتتها اعتقد بوقتها جان عمرج 20 سنه رجعت للبيت وبعد ملتقيت بيه هذا البيت نفسه والدي جان مشتريه لكن مسجله بأسمي بقيت مستقر بيه شهر تقريبا وقبل متخلص مهمتي اهنا شفته مره ثانيه واني بالسوك اشتري كم شغله عرفني هو واجه سلم عليه وصارت علاقتنا قويه من وقتها ازوره ويزورني ومن صارت هاي العملية ساعدني هوايه وانطاني ادله ومن عرف نفسه راح ينقتل وصاني بيج وكلي اتزوجها، والدج امنج يمي وسلمج اليه بأيده لَّباءَة.
فيروز: ليش انت؟!
هَيْصَم: لان يعرف أنثى الأسد متليق بغير الهَيْصَم.
فيروز: من شوكت حبيتني لعد؟
هَيْصَم: من اول مره شفتج بيها بالكاظم بوقتها جنت ضايج حيل ومهموم ودخلت دعيته يخلصني من همي ويريح كلبي وعقلي من التفكير والحزن ومن طلعت شفتج كدامي وبهاي عرفت انو ابو الجوادين عليه السلام انطاني حاجتي.
فيروز: مشفتني بعد هاي المره؟
هَيْصَم: شفتج هوايه وحده من عدهن جنت جاي لبيتكم، ابوج محتاج شغله جبتها اله ومجان موجود بالبيت وانتِ اللي فتحتي الباب واخذتي الملف من عندي، من شفت شلون انتِ محترمه ومطلعتي اليه ومحجيتي شي سميتج بداخلي لَّباءَة وتخيلتج تصيرين مُلك للهَيْصَم.
فيروز: تذكرت هذا الموقف مرت سنتين عليه يعني من ذلك الوقت سيد افندي مسميني أنثى الأسد؟
هَيْصَم: لا بس لَّباءَة، بس من صرتي يمي وشفت مدا شجاعتج وشكد حافظتي على نفسج سميتج أنثى الاسد وصدقا هذا الاسم ميليق بغيرج.
فيروز: يعني معرفتك بيه قديمة.
هَيْصَم: نوعا ما بس حبي الج يجدد وي كل يوم يمر عليه.
: واحنه دنسولف حسيت بحركه خفيفه بطني كعدت بسرعه وسحبت ايده بدون ما احجي شي احساس ولا اروع واني اشوف ابني شلون يكبر بداخلي.
فيروز: ابنه هَيْصَم ديتحرك تحس بيه مثلي موو؟
هَيْصَم: اي يعمري احس ربي يحفظكم اليه يافرحتي وتعبي وعمري انتوا.
فيروز: ويحفظك النا ويخليك خيمه على راسنا طول العمر.
: رجعت لاحضانه وغمرني بحبه وحنيته مرت الايام ومقبل هَيْصَم اسوي سونار حتى نعرف جنس الطفل وحتى يكلي لنفكر بأسم هو من يصير ندورله اسم يليق بشبل لَّباءَة و الهَيْصَم، على رغم اني كل شهر اراجع الدكتوره مع هذا مجنت اقبل تكلي جنسه احترم جدا عدم رغبته بهذا الشي واني أكدر اعرف بدون ما اكله بس علاقتنا مبنيه على الثقه وما اريد اخرب شي أبد بسبب الفضول، ولأن ماعرف شنو اذا بنيه او ولد شتريت كل الملابس بيضه وهذا هو الصح مثل متكول خالتي بعيد عن الأزرق والوردي الأبيض هو لون النقاء والسلام، مرت الاشهر بصعوبه ممزوجه بفرحه وانتظار المولد القادم حتى حان موعد ولادتي هَيْصَم وكالعاده لازم ميكون موجود بالبيت حسيت بألم جبير ما أكدر اوصفه صرخت بصوت عالي ولزمت بطني وكعدت على الكاع.
فيروز: ماااماااااا.
اجتي تركض ودخلت للغرفه مفزوعه.
كلاثم: عندج ولاده؟
فيروز: ماعرف بس يمكنن، ساعديني فدوة لكلبج راح اموووت.
كلاثم: اسم الله عليج هسه اتصل بهَيْصَم يجي ياخذنه للمستشفى بس انتِ تحملي شويه يروحي، محضره جنطت الطفل؟
فيروز: ايييي بالكنتور بس استعجليييي راح اموووت.
كلاثم: بس لتذكرين الموت وصل على محمد وآل محمد وهسه ان شاء الله تولدين بالسلامه وميصير شي.
فيروز: رااااح اموووت الالمممم بكلبيييييي.
كلاثم: هسه اتصل بيه بسسسس هوووو غيررر يفتحححح.
هَيْصَم: خير أم الهَيْصَم صاير شي؟
كلاثم: مرتك كاعد تولد استعجل ناخذها للمستشفى.
هَيْصَم: لائِث وينننن.
كلاثم: ليش هوووو قابله!!
هَيْصَم: اقصد بيته قريب عليكم اتصلي بيه حتى اني اجي.
كلاثم: استعجل لتخبلنييي.
هَيْصَم: صعدت بالسياره دقايق واني يمج انطيني لَّباءَة خليني اسولف وياها.
هَيْصَم: حبيبي تسمعيني؟
فيروز: مو وكتتت حبككك رااااااح اموووت.
هَيْصَم: اسم الله عليج يعمري اسمعي وركزي ويايه اخذي نفس عميق وزفريه تمام.
فيروز: وهذا بشنوووو يفيييدددني؟
هَيْصَم: ميفيد بشي بس يدخل الأوكسجين للرئه مالتج بصور جيدة.
فيروز: هَيْصَم راح اموت إذا صار بيه شي ابريني الذمه وربي ابنه بأيدك فاهمم.
هَيْصَم: انجبي لا اطفر عليج من الموبايل راح تولدين بسلامه أن شاء الله ويصير عدنا طفل ثاني هم واضححح.
فيروز: وانننتتتت شنووو هامككك بطني هي لو بطنك وبكيفكك تريددد احبل وجيب؟!
هَيْصَم: ماشي ماكو أطفال بعد المهم راحتج.
فيروز: مو براحتي فاهمم راااح اموووت.
هَيْصَم: ضاربين السستم مالتج شو كل شويه رجعتي كلتي نفس الجمله غيريها وكولي احبك هَيْصَمي.
فيروز: اكرهك ماحبككك تسمع.
: بقى يحجي ويايه بالموبايل حتى وصل للبيت ساعدني هو وخالتي وصعدوني بالسياره بقيت اغلط واسب تغيرت شخصيتي تماماً بسبب الألم اللي احس بيه بهاي اللحظة ومن بين أخلاقي الزفت شفت ماما تبجي وتقرا على راسي وتدعي و هَيْصَم ميقل عنها مخلصها بس تحملي وهسه نوصل وتولدين.
هَيْصَم: ماكو أطفال بعد لو تموتين نفسج واضحح.
فيروز: اترك هاي السالفه خليني اوصل راح اموووت اني وانت تفكر بالأطفال.
هَيْصَم: لو يصير كتلج بيه ولابيج بس ماترهم.
: ضحكت بصوت عالي على رغم الألم على جملته ورجعت ابجي من رجع الألم مره ثانية، بقينا هيج اني اصرخ وهم يدعولي لو يصبروني حتى وصلنا للمستشفى شفت ارفد يمه ممرضات ثنين بأيد وحده من عدهم كرسي متحرك كعدت عليه و هَيْصَم هو سحبني مقبل وحده تساعدني غيره اول موصلت لغرفه الولادة لزمت ايده وحجيت بجديه.
فيروز: يمكن ما اطلع من هذا المكان عايشه اذا صار شي دير بالك على ابنه او بتنه وكلهم اني احبهم حيل.
هَيْصَم: انجبي للمره الثانيه راح طلعين من هذا المكان كل شي مابيج ماشي.
تركت ايده ودخلت للغرفه.
هَيْصَم: يا كافل الايتام وابوهم لتفجعني بيها هي يتيمه وعاشت كل عمرها بدون ام لتخلي ابنه يعيش هذا الشعور طلعها سالمه ومبيها شي.
كلاثم: يا ابني هدي شويه وتعال اكعد ميصير هيج تسوي بنفسك ياعيني.
هَيْصَم: ميصير بيها شي كولي اي.
كلاثم: ان شاءالله حبيبي ميصير بيها شي وان شاء الله تطلع بصحه وعافيه هي والطفل.
هَيْصَم: المهم هي شنو اسوي بالطفل.
دخل للمستشفى يركض وياه ريهاف اللي كبرت بطنها وهي هسه بالشهر الخامس من الحمل.
لائِث: هاا بشرر.
كلاثم: ليش اجيتي انتِ وبطنج هيج؟
ريهاف: خفت تحتاج شي اجيت اساعدها تعرفين ماعدها احد غيرنا.
كلاثم: واني وين رحت المهم تساعدين نفسج وانتِ متكدرين تتحركين حتى.
لائِث: ياخالتي ياحبيبتي شعندج وي مرتي بس اريد افهم؟!
كلاثم: انت لو ممنطيها مجال مسوت هيج.
لائِث: شنو مسويه؟!
كلاثم: متشوف حالتهااا وشلون متكدر توكف على رجليها؟
هَيْصَم: تسكتووون لو شلوووون؟
لائِث: نسكت ولا يهمك.
أرفد: ليش هذا الصياح انتوا بمستشفى مو بالبيت.
هَيْصَم: شلونهاا؟
أرفد: دكتور قلبيه ارجع اذكرك.
هَيْصَم: اذا متعرف شي عنها ليش اجيت؟!
أرفد: اضربك ابره مهدئ من تكعد تلكها والده الطفل وبخير ان شاء الله اذا تبقى بهاي الحاله وهيج متوتر ضغطك يفول.
هَيْصَم: وخر عني ما أللي خلكك.
أرفد: براحتك حبيت اقدم معروف لا أكثر.
هَيْصَم: شكرا جزيلا متقصر.
أرفد: اعرف نفسي ابو الخير كله.
: بقينا هيج متوترين وي الهَيْصَم حتى طلعت الدكتوره من الغرفه ركض ناحيتها هَيْصَم ويحجي بلهفه.
هَيْصَم: شلونها؟
: الف مبروك يارب تتربى بعزكم هي والام بالف خير الف الحمدلله على السلامه.
سجد شكر بنص المستشفى بجينا كلنه دموع فرح على حالته وخوفه عليها وفرحته بسلامتها أكثر من الطفل، طلعوها من الغرفه واخذوها لغرفه ثانية رجعنا للبيت كلنه وبقت بس خالتي يمهم، مثل الجبل اللي على ظهري ونزاح احس براحه مو طبيعيه نمت محسيت على شي و ماعرف شكد مر وقت فزيت على ضوه خفيف بالغرفه وصوت هادئ يمي وايد اداعب وجناتي ابتسمت بحب اله بادلني وهو يقبل جبيني.
هَيْصَم: الف مبروك حبيبي تتربى بين احضانج وحنانج اللي غمرتيني بيه قبلها.
فيروز: ويارب تبقى الحارس الحامي النه كل العمر، صفنت شويه واني اتذكر كلامه عقدت حاجبي وسألته: بنيه مو؟
هَيْصَم: اي يروحي واميره تشبه أمها.
فيروز: صدك والله؟
هَيْصَم: اي والله هيانها يمج.
: ساعدني حتى اعدل كعدتي وحملها وخلاها بحضني غرغرت عيوني بالدموع واني اشوف بنتي وقطعه من عندي بين حضني واديه، شعور لايمكن تعبر عنه الكلمات رفعت راسي اله وتحمست اعرف شنو إسمها فهم عليه وكال.
هَيْصَم: اسمها رويم ويعني الغزال الخالص البياض.
فيروز: حبيته حيل مناسب الها ولجمالها.
هَيْصَم: احبج يانعمتي الغاليه.
فيروز: واني احبك يروح لَّباءَة وعمرها.
خلصت هاي الأيام بكل حب ومابين شغل الهَيْصَم أو رويم خلصت اول سنه من عمرها ودخلنه بسنه 2022 خلصت معانات ثلاث سنين رويم اللي صار عمرها سنتين تقريبا و هَيْصَم اللي نشغل بعملية ثانية وصار صعب نشوفه نعادت معانتي وياه بسنه 2019_2020 ابدايه زواجنا، مقبل هَيْصَم يصير عدنا طفل بهاي الفتره يريد نربيها بأحسن مايكون بعدين نفكر بطفل ثاني، جهزت نفسي اليوم معزومين أبيت خالتي احنه وعائلة لائِث اللي صار عدهم ولد وهسه عمره سنه ونص تقريبا،
وعرفت من خالتي حوري صاير عدها بنية وبعد الولادة بفتره قليله سافرت وي زوجها حتى يدرس ماجستير خارج العراق،
لبست فستان وردي ولبست رويم مثلي كملت كل شي وطلعت لكيته منتظرنه يم الباب بابتسامته المعهودة، بنتي وحده حقيره حيل كلش تحبه وهو ممقصر هم دائما يغورني بيها يحضنها ويبوسها على رغم يعرف عدل اني اغار بس هو يسوي هيج على اعنادي.
هَيْصَم: هلا بحبيبه ابوهااا.
فيروز: الله يحفظها ألك.
هَيْصَم: وانتِ ليش زعلانه هيج خيوط كلبي؟
فيروز: بعدني خيوط كلبك؟
هَيْصَم: وخيوط الكلى والكبد هم مو بس الكلب.
فيروز: سامع أغنيه حسام الرسام؟
هَيْصَم: اي وحده بيهن؟
فيروز: بوسني هنا وبوسني اهنا؟
هَيْصَم: اي سامعها تذكرني بأمجادي وياج من سنين.
فيروز: بوسني هنا وهنا واني اراضيك.
هَيْصَم: غاليه والطلب ارخيص.
فيروز: رويم لتشوفك انتبه.
: خله ايده على عيونها وقبلني بمكان الثنين اربعه بتعدت عنه واني اضحك على رغم مر على زواجنا فتره طويله بس بعده الحب موجود ويكبر يوم بعد يوم بالرغم حيل اشتاقله بسبب شغله الماخذه من عندي مع هذا مقل حبه ودائما ادعيله وانطي عذر تغيرت هوايه خلال هاي الفتره القليله وصرت عاقلة اكثر من قبل، صعدنا بالسياره ونطلقنه للبيت مالت خالتي وشغل اغنيه لحسام الرسام ويغني وياه ولازم ايدي بأيده مره يبوسها ومره يخليها على صدره.
فيروز: احبك والجوادين عليهم السلام.
هَيْصَم: احبج والحسن وحسين، والعباس ثالثهم، اموت عليج واعشقج يا احلى شي صار بحياة الهَيْصَم، يا راحة كلبي وسعادتي انتِ.
رويم: اباااا.
هَيْصَم: فداج ابوج وعشيرته يروح اباااا شو تعالي يمي خلي اعض هاي الخدود، التفاح مو هيجج شنوو هل الجمال وين اضمكممم يربييي.
فيروز: بنص كلبك حبيبي.
هَيْصَم: انتِ اصلا معشعشه بيه من سنين لَّباءَة الهَيْصَم.
:وصلنه والضحكه مفارقت أوجوهنا دعيت ربي هاي السعادة تستمر طول العمر، نزلنه من السياره وصار بوجهي لائِث وهو يحجي وبصوت عالي بعد ماتقرب من الهَيْصَم.
لائِث: هلاا بالنسيب ومرت ابني المستقبلية.
هَيْصَم: تحلمم كافي اخذت ريهاف هم تريد بنتي بعد متشبع انت؟!
لائِث: انتم مصنع كيك اكو واحد يشبع من عدكم؟
هَيْصَم: فرح نفسك متمشي عليه هاي السوالف بنتي ما انطيها ألك لو تموت نفسك.
لائِث: خلي تكبر ونشوف صدكني انهي عليها.
هَيْصَم: ليش انت منو وتنهي عليها؟!
لائِث: بنت اخوي غير ومتصير للغريب.
: ضحكت على كلامهم ودخلت يم البنات نحضر الغده.
لائِث: شنو الاخبار؟
هَيْصَم: ماكو شي جديد دندور عليهم وماكو اي خبر.
لائِث: بعد ترقيتك صارت الشغلة أسهل ان شاء الله تنحل.
هَيْصَم: اي نقيب لائِث اثنينه ترقينا.
لائِث: اني من اشوف رتبتك اتذكر رائد ابو فتيان حضرة الرائد.
هَيْصَم: معاجبك الرائد؟!
لائِث: افااا غير انت بنص الكلب.
هَيْصَم: خلي بكلبك ريهاف شنو اسوي بكلبك اني؟
لائِث: هذا ابني الصخل روح حبيبي سلم على عمك وبوس زوجتك المستقبلية أريدك خوش تبوس اترك أثر مثل ميكولون المثقفين علامة ملكية، يكول طابو مو بوسه.
هَيْصَم: تعال حبيب عمك ابني البطل شوف كل الأبوك اني اخوه وزواج بنت العم حرام خوش؟
هَصَّار: ايي.
هَيْصَم: والعباس تفتهم احسن من ابوك اتعلممم.
لائِث: الله كريم عود نشوف، اكلك تذكرت سمعت بالخبر؟
هَيْصَم: شنو؟
لائِث: اكو واحد من الفريق يريد يصير نسيبك هههههههههه.
هَيْصَم: هَمْاس؟
لائِث: شلون عرفت السيد الصافي يريد يخطب اختك؟!
هَيْصَم: لان اني من زمان متخيله يتزوج اختي.
لائِث: موافق؟!
هَيْصَم: وليش لا وين الكي احسن من عنده لأختي؟
لائِث: خوش الله كريم سهله تفضل الصافي عليه!!
هَيْصَم: ليش انت تلحك الصافي؟!
لائِث: اريد اشوف منو يفيدك بعدين.
هَيْصَم: ربك موجود ما احتاجك.
لائِث: ونعم بالله.
: تغدينا وخلصنه وشربنا جاي هاي العادة الموجودة بكل بيت عراقي، رفع راسه اليه وعلى عيونه نظرة استفهام بعدين كال وهو يفتح خط.
هَيْصَم: هذا ضَرْضَم يتصل، ألوو.
ضَرْضَم: سيدي القينا القبض على احد المتهمين التابع للشخص اللي نبحث عنه.
هَيْصَم: دقايق واحنه يمك، لائِث يلا الواجب ينادينا.
لائِث: هاي المره منو المتهم؟
هَيْصَم: نعرف بس نوصل ابني.
لائِث: اويلي شكد احب الحماس.
وكف بالباب وصاح بصوت عالي.
هَيْصَم: لَّباااااءَة.
طلعتله ،ابتسم بوجهي وكال بصوت عالي.
هَيْصَم: احبج يانعمة الرحمان.
فيروز: واني هم احبك حبيبي.
لائِث: احبجججج مرتييي.
هَيْصَم: انجب لتتغزل بأختي عيب.
لائِث: مرتي هي ترررررره.
هَيْصَم: بس هي اختي غصب عنك.
: ضحكت عليهم ودخلت يم البنات بعد مشفتهم كملوا طريقهم للسياره.
لائِث: وصلنا للمركز ونزلنا بنفس اللحظه توقفت يمنا سياره بيضه عاليه نزل من عدها محمد مبتسم عقد الهَيْصَم حاجبه وكال بتساؤل.
هَيْصَم: جنت مسافر خارج العراق شنو رجعك؟!
محمد: حبي للوطن.
هَيْصَم: اجيت ادافع عن المجرمين مو؟
محمد: قصتنا مانتهت هَيْصَم خليها ابالك.
: تركنا ودخل تحت دهشتنه التفتلي وهو مبتسم وكال.
هَيْصَم: لائِث عملية الإِسود نتهت؟
لائِث: راح تبقى موجوده لنهاية حياتنا.
هَيْصَم: اذا هيج انتظروني اني والفريق بالجزء الثاني من الهَيْصَم.
حُب وحرب
غرباء ومن ثم أقرباء
أعداء أصبحوا اصدقاء
جمعهم القدر من أجل البناء
وطن مليئ بناس حمقاء
مخربين ويدعون الانتماء
في سبيل المال ونسوا الفناء
ارادوا السلطه وتفشوا في زمن الضعفاء
هنا وقفوا وقفت أناس شرفاء
واتحدوا يداً واحده انهم النزهاء
أُسود وأرض العراق أصبحت غابتهم، اقسموا على احدا الحسنيين اما النصر او الشهادة
وفي أرض السواد ولد شجعان
انهم جنود الرحمن
يعملون بدون اطمأنان
قلوبهم دروع حاميه
واسلحتهم قاتله داميه
ايديهم باطشه
لكل أعمال باطله
وارواحهم زاكيه
ليلهم عناء
ونهارهم بلاء
جميعهم أشقاء
وأخوه عظماء
أرادوا الإبتعاد وسلاسل العشق مكراء
نعم ياسادة انهن النساء
كيدهن عظيم وواسعات الدهاء
اوقعن الإِسود في شباك الغرام
وفي الختام تحيه وسلام
إلى ارواح بائت الاستسلام
وقدمت شهداء كرام
وزكت الأرض بدماء بدون ذنب حرام
أرادوا لنا حياة بكل احترام
دافعوا عن مقدسات عظام
تضحيات خطت بأقلام
وعيون ساهره للوطن لاتنام
حتى تركوا لنا أرامل وايتام
وودعوا الحياة تاركين في القلب جرحاً لا ينام
وقفة مشرفه لاجساد بات رفاتها حطام
وفي الرفيق الأعلى وجنة الفردوس وعد ربهم ليس به استفهام
فألف تحية وسلام
ختمت القصه يوم 2022/1/17
وبقلمي 2023/3/13
الساعة 11:00م
وفي الختام شكراً لتواجدكم ويايه طول هاي الفتره حب جبير لدعمكم وتشجيعكم اليه ولجمال تعليقاتكم اللي تنطيني حافز استمر بالأبداع.
دمتم سالمين شمعاتي.
حسابي الأنستا
رواية هَيْصَم الفصل الثاني وخمسون 52 - بقلم Zahraa_Ahmed
مساء الورد شمعاتي
اول شي رمضان كريم وعيد سعيد لان على أبواب عيد فكل عام وانتوا بالف خير سنه سعيده مليئة بتحقيق الاماني والأحلام والطموح يارب، ثاني شي كلش مشتاقتلكم حبايب كلبي الغالين ان شاء الله كلكم تكونون بخير وصحه وعافيه،
اعرف هوايه راح يفرحن عبالهم اعلان للجزء الثاني فكلش اعتذر لان راح اخيب املهن هو أن شاء الله ينزل الإعلان قريب لكن مو هسه لان بعد رمضان حتكون قصة مهيائيل مثبته بحسابي ويانه مو الهَيْصَم والسبب أحداث قصة هَيْصَمنا غير مكتمله لحد الأن،
نرجع لموضوعنا شمعاتي اي وحده بيكم تنشر تيك توك؟
اللي تنشر وفاضيه وعدها وقت فراغ هوايه تراسلني انستا محتاجتها ضروري واكون شاكره جدا هذا حسابي،
Zahraaahmedn99
رواية هَيْصَم الفصل الثالث وخمسون 53 - بقلم Zahraa_Ahmed
قراران ورجلين شرِسان
وعلى كرسي القانون يحكمان
فهل بالعدل يقتضي الأمران
ام الظلم يطغى في البلدان؟
نعود لنُرضي النمرود
ونفتح صفحات طويت من عقود
فهل ما حدث يُرضي المعبود؟
ساق تلتصق بالساق
والى ربُك المساق
يحاسب كل قاطع أرزاق
ومعتدي على الاعناق
بسكين وسلاح
وبدون فعل مباح
تراق الدماء
في أرض يحكمها الاطغياء
لايوجد قانون
والمجرم بريئ مظلوم
والمقتول مدفون مذموم
والأم تبكي منتحبه
والزوجه خائفة مرتقبه
اما تلك اليتيمه
ستقع فريسة الذئاب
منهم جائع ماكر
والثاني يعشق المخاطر
وبين هذا وذلك نفقد الأمان
ونعود من جديد نروي حكاية بدايتها خداع الزمان
اقتربت منه بخطوات متثاقله
مبتسمه مراقبه
بعينان راغبه
وقلوب طاربه
ومشاعر صاخبه
وبقدسية راهبه
عانقت اليدين
وقبلت الوجنتين
وحُضِنَ القلبين
وغُنت معزوفتين
حتى سمعت أصوات حُراس
ودق أجراس وعودة تخطف الأنفاس
هَيْصَم..
الجزء الثاني قريباً..
_______
خلص الدوام والناس رجعت لبيتها واني الوحيده واكفه بالشارع انتظر الخط يجي يوصلني للبيت لمحت من بعيد سيارة سوده مظلله عرفتها إله، شعور داخلي تولد وقلبي كام يتراقص يمكن خوف ويمكن اشتياق وحب، نزل من السيارة متقدم ناحيتي مشيت بخطوات سريعه مبتعده عنه وماكدر اتحكم بدكات كلبي السريعه، ما انكر خوفي الجبير من عنده بعد سوايتي، فجأة نسحبت أيدي وكف مقابيلي ينظرلي بعيونه السوداويه المسلوب منها الرحمه نزل راسه هامس قريب أذني..
:الوعود اللي تنكث تتوقعين التوبه بعدها تكون مقبوله؟
رفعتله راسي كايله بتساؤل مليان قلق من القادم.
: شنو ناوي تسوي بيه؟
طقطق ركبته مبتسم بتوعد، مخلي أديه بجيب البنطلون دفعني من صدري اجيت اوكع على وجهي لزم أيدي ساحبني بقوة ناحية السيارة فتح الباب مدخلني الها وقفله صاعد بالاتجاه الثاني التفتلي و الشخصيه تغيرت 180 درجه مو هو نفس الانسان العرفته من قبل، فتح الجكمجه مطلع باكيت جكاير قربها من شفايفه مورثها اخذ منها نفس وزفره بوجهي جسمي كله يرجف اوصالي ماحس بيها والنفس ماعرف شلون اسحبه، دموعي ماكدر احسبهم، ردت انطق كلمه اشرلي مخلي اصبعه على حلكه بخزرة، وصلنه لمكان مقطوع فتح الباب ونزل واجه فتح بابي منزلني سحل،
الهدوء والرزانه والعقل كلهن اختفن من عنده وهسه اشوف كدامي شخص ثاني مختلف تماماً، اجيت احجي وبرر وسولفله كل شي صار وياي منعني وهو يخلي المسدس على راسي ويكول بأبتسامه مليانه مكر وخباثه.
:عندج خيارين اما اموتج هسه لو تجين لجحيمي وفي كلا الحالتين انتِ ميته...
التنزيل حيصير بعد مهيائيل بإذن العليم..
اريد اشوف تعليقاتكم بين الفقرات وتصويتكم شمعاتي راووني حماسكم لبدايتنا القريبه..
حسابي الأنستا لأي شي يخص القصه تعالوا يمي..
الغلاف الجديد للقصه من إبداع zozllali1998
رواية هَيْصَم الفصل الرابع وخمسون 54 - بقلم Zahraa_Ahmed
في وسط الظلام
سمعت صوت زئير الشجعان
راودتني افكار عن معركة ستُقام
دقت الطبول وسكنت الاصوات والجميع نيام
وجهاً لوجه
العدو يريد الانتقام
هنا رأيت رجلان بالنظرات يتحديان
أحدهم على خصره سكين وسلاح
والآخر سيوف ورماح
خلفهمها يوجد باب وبه مفتاح
أردت معرفة السر فتوجهت نحو القفل وبدت من هنا الحكايه
بدايتها خيانه وسطها موت
وعلى سكة الحياة لابد أن نفوت
ونعرف ماذا سيحدث
ان تجلى الصوت
وطالب البريئ بحقه
والتزم المجرم الصمت
اليوم احكي لكم حكايتي
فهل من مستمع لروايتي؟
بقلمي زهراء احمد
لي قلب واحد نبض ذات يوم لإحدى العذروات، اسرتني بجمالها الفتاك وبرائتها، أخذتها ك مشتري زهور من بائع، اقتربت منها كي اشم عبق عطرها الخلاب وإذ بي أُجرح بالشوك، تساقطت جميع الأوراق واصبحت رماد بين يدي وانتهت الحكاية قبل أن تبتدأ حتى،
انغلقت الأبواب
وسكن في روحي العذاب
وإذ بي أرى جنية افقدت عقلي الصواب
سرت نحوها مسرع وبكل خطوة اقتراب
ينبض لها القلب والروح لاتستطيع الاستيعاب
سأعود والقي الوعود
وأتى اليوم الموعود
بخاتم وزفاف ظننت هكذا ستكون الحياة
حتى عرفت وذقت طعم الممات
بعد كل ماعشت وفات
واكفين كلهم بقلق وخوف باين على ملامحهم متوسطهم وماخذ الغرفة عرض بطول ويصرخ بصوت عالي مخلي الكل صامت مايكدر ينطق حرف.
ضَيْثَم: اروح شهرين بتدريب ارجع الكه المركز مكلوب فوك جوه مديررررركم ويننننن؟
لائِث: سيدي منعرف.
ضَيْثَم: لا بله!!!
لائِث: والله سيدي.
ضَيْثَم: كدامكم ساعتين أريد اشوف هَيْصَم مزروع كدامي بالمركز والا قسماً بجلاله العظيم كلكم احيلكم توقيف.
هَمْاس: خربت يولد منين نجيبه هسه؟
لائِث: من حضن امي.
ضَرْضَم: مو وكت شقاك انت فكر وانطينا حل بدون مسلته.
لائِث: يعني بشرفكم منينننن نجيبه اذا اني صديقة المقرب ماعرف أرضه من سماه، ما عفت مكان مدورته بيه وذيج امه وأهله مسودنين عليه شبيدي كلولي شبيدديييي؟
هَمْاس: اي لتعصب متنحل بهاي الطريقة اهدأ وكل شي بسيط ان شاء الله.
لائِث: شلون يعني بسيط؟
نزرعه ويخضر هنا بهاي اللحظة؟ انت ماشفته شلون عيونه تريد تحركنا شفته لو لااااا؟
هَمْهَام: انت شبيك مسودن علينا شعلينا احنه بلي صار؟
لائِث: لا الكم علاقة لأنكم ادبسزيه طايحين حظ لو مو انتوا مجان صار هيج.
ضَرْضَم: هذا حدك مصختها احنه شعلينه بلا؟!
لائِث: بذلك اليوم مو كتلكم خلي نروح وياه وطز بالواجب صديقنا وحده ومتعوب شكلتولي؟
هَمْاس: جانت عدنا مهمه لتخلط الأوراق ابعضها وطلعنا غلطانين!!! انت تعرف أمرنا مو بيدنا والقانون كاصبنا كصب منكدر نسوي شي واحنه بأمرة قائد ولازم نعتقل المجرمين، ولو هو موجود جان سوه نفس الشي.
لائِث: لا غلطان جان ترك كل شي وراح يساعدنا بس انا واحد طايح حظه خلصت عمري كله يمه وين مايروح اروح مثل ظله وبأصعب يوم تركته وحده يصارع الموت وختاريت الواجب ونسيت الصداقه واجبها اعظم.
هَمْهَام: اللي صار صار وانتهى واحنه ولد اليوم خلينا بالحاضر ونشوف شلون تنحل.
لائِث: ماتنحل، اعرف هَيْصَم اني اذا رجع راح يحرك الكل أو اول مايبدي بينا.
ضَرْضَم: لا هيج زودتها حيل، الصداقة وحد والشغل وحد لتخلط بالثنين لائِث.
لائِث: جانت عايزة التمت.
ميثم: تحجون بمنو؟
ضَرْضَم: منحجي بأحد، شنو تريد انت؟
ميثم: اشوفكم شتسوون.
هَمْاس: مو وقت تكعد وتشمت بينه اذا عندك حل كوله واذا جاي تتفرج فأحب اذكرك هذا مركز شرطة مو سينما.
ميثم: لا والله سينما واحله سينما هم، من اشوفكم محتارين ووجوهكم تلطم ارتاح نفسياً ومي بارد ينزل على كلبي.
لائِث: اي روح نشف قبل لتصخن الجو بارد ونخاف عليك.
ميثم: هه تستهزء بيه حضرتك؟
لائِث: انت مثل الدجاجة وهي عايشة ياخذون بيضها ومن يجي خطار يذبحوها عشا.
ميثم: شنو قصدك؟
غضنفر: قصده يحلو امك وجودك مفيد ومن يصير العكس تنوكل مثل الدجاجة يعني بحححح.
هَمْهَام: غضنفر!!
غضنفر: اجيت بناء على طلب القائد مالتي.
لائِث: ضَيْثَم؟ شنو يريد من عندك؟
غضنفر: لا عزيزي قائدنا.
لائِث: هَيْصَم!!!
هَمْاس: هَيْصَم طلب منك تجي؟
غضنفر: شبيكم متفاجأين؟
هَمْهَام: وينه هو هسه؟
غضنفر: ماعرف على اي ساعة يوصل، اني مأمور اسبقه لهنا مو انطيكم تفاصيل حياته.
لابس البيرية والزي الرسمي مالته على اجتافة نسر يميزه عن البقية، (الرائد هَيْصَم حيدر) القائد الشجاع الفذ، نزل من السيارة أمام المركز وكفو الجنود يردون التحيه وكلهم بصوت واحد خشن نادوا:
سيدي
نزع نظارته الشمسية وتقدم يمشي بخطوات رزنه ونظراته تتوزع على الجميع، شي بعيونه مسلوب يمكن الحياة أو الرحمة، على ملامحه غضب عارم، سكوت غريب، حزن عميق، تغيرت الآية ومن كان سابقاً يتعامل مع الكل برأفه وعطف صار جلاد، هل ياترى جلاد للناس ام لذاته؟
هذا السؤال طرحناه كلنه من شفنا، بأيده جكاره قربها من شفايفه اخذ منها نفس وشمرها بالكاع دايس عليها وداخل للمركز، عبرنا بدون ميلتفت، دك كلبي بعنف ولا كأن هذا صديق عمري متغير هواية، جليت صوتي وناديته.
لائِث: هَيْصَم.
توقف والتفتلي نص التفاته ورجع عدل راسه كال بصوت حاد وهو يخطي خطواته لغرفته قبل ميختفي فجأة.
هَيْصَم: سيدي لتنسى هاي الكلمة.
خلاني بصدمه جبيرة غرغرت عيني بالدمع بس ثبتت نفسي وقررت ارمم العلاقة بينه من جديد ونرجع أصدقاء واخوه مثل قبل حتى لو كلفني هذا الأمر حياتي.
ضَيْثَم: وين جنت طول هاي الفتره؟
هَيْصَم: بالمكان الصح سيدي.
ضَيْثَم: اي وشنو صار وياك؟
هَيْصَم: كل شي يمشي مثل مخططنا نحتاج بس شوية وقت بعد.
ضَيْثَم: صار فترة مشايف امك وخواتك تكدر ترجع للبيت اليوم وتجي باجر تمارس عملك كالعادة بشكل طبيعي اعتبرها اجازة الك.
هَيْصَم: بيتي هنا ماكو داعي الأجازة سيادتك.
ضَيْثَم: اسمعني هَيْصَم اني طول عمري معتبرك ابني مو شخص عادي دربته وبس لهذا السبب علاقتي بيك اقوة حتى من علاقتي بأقاربي، الحياة بيها هوايه دروس ملازم تبقى ماخذ وجه واحد تعيش بيه طول عمرك لأن دنيتنا دار بلاء والزين والموزين يمرون بيها علينه، الموت والغدر والخيانة والنفاق والناس السيئة كلهم نعيش وياهم ونمر بيهم بفترة من الفترات، اعتبر الكل محطة وانت القطار تبقى متقدم وميهم اللي صعد واللي نزل منو ياريت وصلك اللي اريده اكوله وفهمته وستوعبته زين، وهسه اترك كل شي هنا ونفذ أمر مديرك ورجع للبيت اهلك ينتظروك هناك امك ميته عليك وبنتك مشتاقتلك هم.
هَيْصَم: تأمر سيدي، كلامك على العين والراس اللي تريده يتنفذ بدون نقاش.
ضَيْثَم: حاول تترك التدخين لتغير عاداتك بسبب أحد حتى لو جان قطعة من كلبك.
هَيْصَم: كل شي بوقته حلو حتى التدخين.
تركه وطلع يمشي بهيبة كأنه جبل ميهزه شي، نظراته بخزرة وصوته الحاد، والجكاره اللي موكعت من أيده من دخل للمركز طفاها بس بوقت الجان بالغرفة اول مطلع رجع شغلها، يدخن وكأن مدمن عليها مو هذا الجان يختنك من ريحتها وميحب يشوفها أبد، تغير هوايه وتغيره هذا محبه واحد بينه،
طلع من المركز وطلع وراه غضنفر اخذت نفس بعمق وكلت بداخلي( الله يستر من الجاي)
غضنفر: هَيْصَم شبيك وي لائِث؟
هَيْصَم: هاي الفترة ملازم احد يطخ بيه خليني بعيد وحيادي وي الكل خاصة لائِث.
غضنفر: والله عندك سوالف تعبانة.
هَيْصَم: ينقهر شويه احسن ما انقهر عليه عمري كله ويتم إبنه وارمل اختي، اسوي هيج لمصلحة الجميع.
غضنفر: زين اني شوكت تخلص شغلتي؟
هَيْصَم: لتصير اناني وتفكر بنفسك خلينا نحسن الوضع بالأول بعدين يلا نتفرغ لسالفتك.
غضنفر: ولك لتخليني ابتلي بيك ومددك بنص الشارع واكعد على صدرك واخنكك بأديه الثنين، اللي اريده نعقد محكمة انا واختك كفرت قابل خو ماكفرت!!!
هَيْصَم: انت تهين مديرك تدري؟
غضنفر: طز.
هَيْصَم: هااا!!
غضنفر: وجعا حتى وجعا.
هَيْصَم: كاعد تغلط عليه انت لو اني اسمع غلط؟
غضنفر: لا عليه لتزعل نسيبي العزيز.
هَيْصَم: هتلي لتصير تره انت تعرف الوضع اللي تمر بيه، وربك وجلاله دمي حامي حيل اطلع حركة كلبي كلها بيك، جر عدل لا اروح ازوجها وخليك بعرسها تكون شاهد.
غضنفر: حتى اسحلك واسحل العريس واسويكم فرجة لأمة محمد، طايح الحظ يريد يزوجها وخشمي يشم الهوه غير ازوعك العافية وموتك بديه الثنين وخلي امك دك وتلطم.
هَيْصَم: عاد تدفني لو لا؟
غضنفر: يضحك اخخ ربي شوف القهر، عبدك راح يسوي بكلبي جلطة ثلاثية الأبعاد.
هَيْصَم: امي تسلم عليك وتكول الاسمر ليمر فرعنا لا ندوس بطنه.
غضنفر: بصراوي دمك حار شحجي وياك.
هَيْصَم: اي والله دمي حيل حار خاصة هسه اريد اكتل واحد وكلما يوصل لأنفاسة الأخيرة ارجع ابدي وياه من جديد عذاب غير منتهي، رايد انتشي بتعذيبه لدرجة يبوس رجلي اتركه وما اتركه.
غضنفر: راح يتحقق اللي تريده وداعتك بس شويه وقت نريد وكل شي يصير بين أدينه.
هَيْصَم: رايح اني بدون ماحجي انت تعرف شغلك.
الحياة بيها هوايه تقلبات ونعطافات كثيرة، مرات من شدة الفرحة عيونك تدمع، ومرات العكس تماماً وراسك يأذيك من كد متبجي لان داخلك مكسور، يقال انو العذاب يجي فقط من الشخص اللي تحبه، اللي تنطي كلبك وتشتري سلامته بسلامتك وصحته بصحتك، مافكرت بيوم حياتي راح تنقلب رأساً على عقب من مجرد تصرف سويته بدون دراسة، أو جنت ادري بس اهملت كل شي وعبرته وقررت اخطي هيج خطوة وجانت من أقذر الخطوات وابشعها وابقى طول عمري ندمانه عليها لو شنو مصار بعدين بحياتي من تغيرات وسعادة،
عيني على رويم اللي كبرت وصارت بنية دبدوبه حليوه، قبل أيام عيد ميلادها الثالث دخلت بالسنة الثالثة، مخلصه البيت بس ركض تركض من مكان لمكان متكعد أبد، الضحكة مالتها تردلي روحي وعافيتي وتنسيني همي وحزني، خليت أيدي على بطني مغمضه واحجي وياه بيني وبين نفسي: انت هم راح تنطي لأمك هذا الشعور لو ولادتك نهاية لقصتنا اني وابوك؟
فتحت عيوني من سمعت صوت الباب نفتح بلعت ريكي من شفته يمكن الحمل مخليني خبلة ماعرف الإشتياق مأثر بيه وصرت اشوفه حلو أكثر بزيادة من قبل صفنت بوجهه اللي مداره إليه أبد نزلت دمعتي رفعت ايدي بسرعة مسحتها، اتقرب من رويم شالها وبده يلاعبها ويبوسها بخدودها ويعضعض بيهم، منظرهم خلاني أقره المعوذتين حراسه من عيني عليهم، كمت من مكاني واني احاول اتقرب من عنده نزلها بالكاع عافني ودخل، سحبت نفس ومكدرت امنع نفسي ما ابجي كل اللي صار من أيدي بس والله جنت مجبورة صحيح غلطانه بس منو ميغلط بينه ليش مكبر الموضوع هيج ويمنعني احجي وبررله موقفي، والله هوايه حاولت احجي وياه بس رافض يسمعني وقطع كل الكلام وياي، صار شهرين ونفس المعاناة اني وياه هيج،
هدأت نفسي من حسيت بيها حاضنه رجليه نزلت راسي الها شفت ابتسامتها العريضة ابتسمت بوجهها ونزلت على الأرض كعدت وهي كعدت على رجلي مدت ايدها الناعمة وخلتها على بطني وكالت بضحكه.
رويم: اخوي هنا؟
فيروز: اي يروحي اخوج هنا.
رويم: ليش هنا؟
فيروز: لأن لازم يكون هنا.
رويم: اني هم جنت هنا؟
فيروز: اي يكلبي هم جنتي هنا.
رويم: لعد شلون صرت جبيره هسه؟
فيروز: من صرتي جنتي حيل صغيرة بعدين اكلتي وكبرتي وهسه عمرج ثلاث سنوات يعني مو صغيرة.
رويم: شلون طلعت؟
فيروز: ههههههه، يا ماما والله عندج سوالف ماعرف شحجي عنها، عوفج من هذا الموضوع وشنو رأيج نروح يم بابا؟
رويم: شاورني كال راح انام ماريد غده.
فيروز: وانتِ هم متردين غدة؟
رويم: مو كلتي كبرت لأن اكل، فأريد اكل أكثر علمود اكبر بعد واصير مثلج ويصير عندي اخ.
فيروز: ولج والله عندج سوالف بس بنت منو بعد، كومي نتغده سوه اني همات ميته جوع.
لازمه أيدي رحنا تغدينا وغسلت المواعين سويتلها حليب واني صبيت لنفسي جاي وكابلتها وكعدت، اشكر ربي بشكل يومي على نعمة وجودها بحياتي لولاها مكدرت اتحمل صعوبة هاي الأيام الكاعد تمر عليه بشق الأنفس، سمعت صوت حركة مال رجلين فتح باب المطبخ ودخل رويم بسرعة حاجته.
رويم: بابا تريد غده؟
هَيْصَم: يروح ابوج وبعد طوايفه كلهم اني اسوي لنفسي واكل بنيتي لتشغلين نفسج بيه ماريد اتعبج.
رويم: تعبك راحة.
هَيْصَم: ههههه، الراحة هي انتِ وضحتكج وصوتج وشكلج.
رويم: اذا هيج كابلني وكعد.
هَيْصَم: انتِ منيلج هذا اللسان؟ منو معلمج كل هل الحجي الحلو؟
رويم: بيبيتي.
هَيْصَم: اي مو اكول من جنتي يمي عاقله من اخذوج تغيرت اخلاقج.
حسيت الدم صعد لراسي وبديت افور خليت الكوكب على الطبلة مالت الأكل وحجيت وعيني مخليتها بالجاي.
فيروز: بيبيتج انسانة واعيه مثقفه علمتج شلون تحجين براحتج وتنطين رأيج بحرية بدون تعسف، خليج هيج وليهمج احد حبيبتي.
هَيْصَم: اللي بلا تربية هيج يشوف الحرية.
كلمته عاديه بس حسيتها طعنتني بنص كلبي شنو قصدة بلا تربية؟ يعني لأن أني يتيمه ماعندي أم ومحد رباني غير ابويه هيج يكول عني مكدرت اسكت درت وجهي اله مبتسمه بستهزاء مجاوبته.
فيروز: من عندك اتعلم الأخلاق سيد متدين.
هَيْصَم: اللي ياخذ كلامي على نفسه معناها بيه عيب لكن اللي يشوف نفسه متربي هوايه ملازم ينزعج من هيج حجي.
فيروز: مو من حقك تتجاوز بالكلام ويايه، حبيتك وحترمتك وكلت كل اللي سواه وكاله من حقه اني غلطت واستاهل بس توصل لهيج مواصيل ما اسمحلك.
دار وجهه يحجي وي رويم.
هَيْصَم: باباتي روحي فتحي كنتوري وجيبي ساعتي الفضيه ابقي دوري على راحتج لتجين بدونها وانتبهي ليوكع عليج شي وتتأذين.
هي كامت وهو اجه تقدم ناحيتي، نزل راسه قريب وجهي ضيعت نفسي بعيونه للحظه ضعفت ونسيت كل شي قديم صار بينه بس صحاني من اوهامي صوته وهو يكول بنبرة حادة، نفس أسلوبه الجاف وتجريحه بأول يوم اجيت بيه لهنا من شهرين.
هَيْصَم: لتنسين نفسج ست، وجودج هنا فقط علمود ابني اللي ابطنج وراها ترجعين من نفس المزبله الرجعتج منها، اني مو نبي ولا أمام ماعندي فرص ثانية للخونة.
راد يعبر لزمته من قميصه كايله بهدوء.
فيروز: ماخنتك اقسم بذات الله ماخنتك أبداً كل اللي صار غصب عني والله العظيم.
خله ايده على أيدي مبعدها وتركني وطلع، حسيت انو خلص من صدك الفجوة الصارت مستحيل يجي يوم وتتصلح وهذا كله من أيدي بس شنو بيدي اسوي؟
محمد: حوري يا قوري كلبي وينج تعالي شوفي هاي بنتج شلون دمرت ملابسي.
حوري: انت يوميه بأسم جديد ساعة سركي ساعة قوري تريد تفتح بيه محل لو شنو فلمك؟
محمد: منو مدلعج مثلي؟
حوري: هيج دلع خايس ماريده، بعدين شبيها أقمار وتحجي عليها شوفها شلون عاقله وحلوه وتخبل.
محمد: اي عاقله كلش على امها.
حوري: خو على أبوها ليش أمها!!
محمد: اكلج كافي عليه دوخة المركز وسوالفه التعبانة لدوخيني زايد بشرفج.
حوري: اي صرت ادوخك هسه مو جنك اللي موتت نفسك علمود اقبل بيك وتزوجك.
محمد: غلطة.
حوري: هاااا؟
محمد: واحله غلطة يا اساس اغلاطي كلها وأساس فخري وانتصاري.
ابتسمت مستهزءة بيه خله ايده على عيونها واجه يمي خلاها بنصنه واخذ بوسه من خدي وغمزلي وراح للمرايه يعدل ملابسة، بنتي عمرها ثلاث سنوات ونص واحله شي صار بحياتي وجودها، صحيح محمد ممقصر ويايه بأي شي بس اغلب وقته بره يشتغل حتى من جنه مسافرين على رغم شكد لحت عمتي نبقى ومنروح لكن ابو راس المستطيل دك رجل، اجلت دراستي وهاي السنة راح اكمل واستمر بحياتي مثل قبل بعد مرجعة المياة المجاريها، تصالحت وي والدي ونسر بس بقيت ماروح الهم بشكل متواصل لان بعيونهم بعدني ذيج البنية الغلطانة اللي طلعت عن الطريق بدون إذن اهلها ونزلت راسهم،
كل هاي الأمور صارت ماضي واحنه ولد اليوم ولازم نستمر، تغيرت هوايه بطلت اصير الخاضعه إله وانفذ كل شي يكول عليه حتى لو جان خارج رغبتي صار إليه رأي وقرار، نتناقش ثنينه يلا نسوي اللي نريده، حياتي بأكملها تغيرت ويمكن الأرجح بهذا التغير لكبر عقلي واستيعابي للأمور، فهمت الحب ماتمشي فقط المشاعر وتخليه يستمر وانما يطلب الأمر جهد وعمل وتعب وسهر وطاقه، وتربيه الأولاد هم نفس الشي تتطلب هوايه تضحية اهمها دراستي علمود ابقى يمها واعتني بيها وما خليها تحتاج احد ماطول أمها موجودة وتشم الهوه، الحياة صعبة وماكو شي يصير مثل منريد بهواية من المرات مع هذا وي حبيبك وشريك حياتك لازم يكون التفاهم هو الأساس والا مستحيل تستمر الحياة بشكل طبيعي وتكدر تتحمل المصاعب اللي تمر عليك،
اتقرب مني وبيده الجنطة يريد يطلع للشغل خلاها على الأرض رافع أديه حاضن بيهم أديه، ابتسم بحنان كايل.
محمد: حبي الج يشبه حب الطفل لأمه شكد متعذبه وضربة ميكدر ينام اذا مو بحضنها.
ابتسمت بوجهه اتقرب مني حتى يقبلني من ابتعد حجيت بنفس نبرته قبل شوية.
حوري: وحبي الك حب الأم لابنها شكد ميوصخ وبيه قذارة تبقى تحبه وتحب ريحته.
عضني بزندي ضربته على ايده بكل قوتي واني أضحك رفع رأسه إليه كايل بعصبيه.
محمد: طايحة الحظ فوكاها تضحك الهايشه البقرة.
جاوبته واني أضحك بصوت عالي واني احرك بأيدي على مكان العضه.
حوري: تره نفسهن الهايشه والبقرة عود صاير ذكي براسي.
محمد: تحتاجين تربية من جديد الواضح اني هوايه هاملج ومخليج على مايج الفترة الفاتت بس وليهمج كدامنا وقت طويل واربيج بالطريقة اللي يحبها كلبج.
غمزتله واني اعض شفتي.
حوري: البسلك احمر وترضا عليه مو مشكله.
فتح عيونه بوجهي كايل بتساؤل ويأشر على نفسه.
محمد: قصدج انا ثور!!
حوري: هسه مو انت تكول اني بقرة شو مضجت شكو بيها لو صرت ثور غير مزوجني يعني اكيد ثنينه من نفس الصنف.
محمد: لا صدك والله مستهتره فد مره صرتي كله من وره يلدز وندر اربع وعشرين ساعة عينج بالتلفزيون وتابعين بالغضب، ما طيح حظنه غير المسلسلات التركية بعد فنج ديرين على اي قناة هيج تعرض حدج الشرقية وشرط نيوز.
حوري: صح كلامك علمود اتعلم شلون اموتك بطريقة رحيمة.
محمد: غفرانك ربي اروح اكابل ابو شوارب احسن ما ابقى هنا وسودن أكثر.
راح واني بقيت اباوع على ظهره ومبتسمه، تعودنا هيج كل يوم الصبح نتعارك بحب وبعد ميطلع بشوية يتصل بيه ويخلص الطريق كله يسولف وياي لمن يوصل لدوامه وبالليل نكون سمنه وعسل، دعيت ربي يحميه ويحفظه شويه ودك الموبايل قريت اسمه فتحت الخط وبدينا نسولف وهاي المره الحديث عقلاني مال عشاق يختلف عن حديثه قبل شويه، حمادي يختلف عن البقية بكل صفاته وهذا الشي ميزه بعيني وخلاني احبه أكثر.
كلاثم: وين مرتك يمه؟
هَيْصَم: بالبيت.
كلاثم: ليش هيج تسوي بنفسك وبيها؟ ليش متسامحها وتبدون صفحة جديدة وتنسى اللي صار، هي تحبك وانت تحبها ولتجذب وتكول لا مبين حبك من عيونك اللي دور عليها وحتى وهي مو هنا ومن تجيني دقيقتين ومتبقى بسرعة تطفر للبيت.
هَيْصَم: يمه، رجاءً لخاطري عندج عوفيني منها اجي يمج ارتاح وصفي بالي لتذكريها وتضوجيني.
كلاثم: هاي هي وليدي ماجيب سيرتها اهم شي ترتاح انت.
هَيْصَم: آمندا وين؟
كلاثم: بغرفتها وين تكون يعني من ذلك اليوم لليوم هي ساكنه بهاي الغرفة ومطفيه الكلوب ونايمة.
هَيْصَم: خابري خواتي كلهن وعزميهن يجن لهنا وخليهن يباتن يومين.
كلاثم: قصدك آريا وريهاف مو؟
هَيْصَم: اي خليهن يجن ويغيرن جو الها.
كلاثم: بس علمود يغيرن جو؟
هَيْصَم: قابل شريد منهن يعني؟
كلاثم: مادري كلبي يلعب.
هَيْصَم: خلي ياخذ أستراحة مره كبرتي مو زين عليج.
كلاثم: شنو رأيك تجيب مرتك تخليها يمنه؟
هَيْصَم: شنو رأيج تجين تكعدين يمها بالبيت؟
كلاثم: ليش ترجع سؤالي بسؤال؟ شكو بيها من تحجي مثل الأوادم؟
هَيْصَم: لأن أني مو آدمي.
كلاثم: شغيرك وليدي؟
هَيْصَم: تردين اكابلج ولطم وانتِ تتنحبين وننصب مأتم مالت عزا مو؟
كلاثم: شكو بيها من تحجي اللي بكلبك وتشاركني همك امك مو غريبة انا.
هَيْصَم: اطمأني ماعندي شي هي هاي الدنيا دوام الحال من المحال بيها.
كلاثم: من تضوج وتنقهر تروح لمنو اذا حتى مرتك بينك وبينها فجوة؟
هَيْصَم: ليش محسستني احنه تايهين بالدنيا وماكو رب يحكمنا ويشوفنا ويسمعنا؟ الله موجود، اللي كدر يطلعني من حزني قبل وخلاني اخذ ثاري مربع ومن عيون أعدائي يكدر يساعدني اليوم وبكل يوم، ما محتاج مره او صديق يطبطب عليه ويكلي اني يمك واسمعك واني عندي الله اكبر من الكل، ف اطمأني ابنج بأيد أمينه.
كلاثم: والنعم بالله، كل شي من ربنا حلو شنو مجان.
هَيْصَم: ما نخلقنا علمود نرتاح يمه، الدنيا هي هيج، ماكو صديق صدوق ولا اكو حبيب يبقى وياك لآخر لحظة، ولا ابن يعينك من يكبر.
كلاثم: ياريت لو كل الولد مثلك، تسع اشهر طلعت تعبهن بيك وزيادة هم، الله يحفظك وليدي ويخليك إليه ولخوانك وبيتك بحق الحبيب محمد وآل بيته.
هَيْصَم: ويحفظج النه يالغالية، هسه اني اترخص لازم اروح سلميلي عليها من تكعد من النوم وكليلها باجر امر عليها العصر حتى يكون عدها علم.
كلاثم: اكعدها تحجي وياها هسه؟
هَيْصَم: لا ماريد ازعجها خليها مرتاحة.
كلاثم: بحفظ الرحمن وليدي حبيبي.
: هذا طلع من البيت.
: راقبه ولتخلي ينتبه عليك.
: تأمر حضرتك.
: ههه مابقى شي وتلحك ابوك.
طلعت من البيت وصعدت بالسيارة مخططي اروح للمركز دخلت بين الافرع طريق مختصر ومابيه ازدحامات وصلت للشارع العام لان ماكو طريق ثاني يربطني بالمركز غير هذا الشارع، واني اسوق وعيني على الطريق صارت بوجهي سيارة سودة مضلله نزلوا منها ثنين مسلحين مخلين لثام على وجهّم ضحكت مستهزء بالوضع الأمني الفالت اللي يعيشه البلد حتى صاروا المجرمين ماخذين راحتهم لهاي الدرجة ويحاولون قتل الناس بالشارع بدون رقابه، وقفت السيارة اني اشوفهم همه ميشوفوني اتقربوا من عندي متفصلهم مسافة ربع متر أقل، قفلت بيبان السيارة ورثت الجكاره ساحب منها نفس، عليت صوت المسجل رجعت راسي على الكشن وبقيت اباوع عليهم شنو راح يسوون، واحد منهم صار ذكي وتقرب من السيارة، دك على الجامة اليمي عباله راح افتح الباب وكله حياك تفضل تعال موتني وخلي القصة تنتهي هنا، بعض الأحيان الغباء مالت المقابل يجبرك تضحك وانت مالك خلك، بقيت ادرس حركاتهم وأريد اشوف وين توصل هاي المهزله، هذا الواكف يم السياره مالتي أشر لذلك البعيد عنه بحركة طلع موبايله المقابل وتصل شويه بقى يسولف بالمكالمة وبعدين اشر للثاني اليمي راح ناحيته وصعدوا بالسيارة، شغلت سيارتي لأن اعرف عدل شنو راح يسوون ماتعبر عليه هيج أمور، أجوا ناحيتي كسرت عليهم وطلعت كبل لافو وتبعوني وصلت للشارع العام وضيعتهم بين السيارات ابتسمت واني اتذكر شنو صار قبل دقايق قليلة.
Flash back
غضنفر: سيارة سودة وراك.
هَيْصَم: مضلله؟
غضنفر: اكو ثنين وحده مضلله والثانية لا.
هَيْصَم: صار هوايه منازل للساحة خليني استمتع وياهم.
غضنفر: شوف اكو وأحد بيهم شاك بيه يكون من جماعته.
هَيْصَم: كلهم جماعته بس واحد يراقب والثاني يأدي العملية.
غضنفر: شلون عرفت؟
هَيْصَم: قبل ثلاث سنوات هيج صار من جنه نحارب الأسود.
غضنفر: الطرق هاي المره تختلف.
هَيْصَم: بس الهدف واحد، يردون موتي.
غضنفر: وموتهم يجي قبل.
هَيْصَم: حتى لو الموت مكتوبلي لازم اخذ ثاري بالأول منهم كلهم وهذا وعدي للمهنه الطاهره الموجود بيها.
غضنفر: علي وياك حبيب واني راح ابقى مراقبلك الوضع خليك على اتصال.
هَيْصَم: ماكو داعي اشوفك بالمركز.
وقفت السيارة نازل منها توقفت من سمعت صوته وراي التفتت إله.
محمد: حي الله الرائد.
هَيْصَم: يحيي أصلك.
محمد: مشتاقين وين هاي الغيبة؟
هَيْصَم: ردت اريحك مني كم يوم.
محمد: لا بالعكس غلطان انت بهذا التفكير اذا ماشوفك بالمركز ما ارتاح.
هَيْصَم: الحمدلله اللي خلاني سبب لراحتك.
محمد: على كل حال اريد احجي وياك بقضية مهمه حيل وجنت منتظر اشوفك علمود احجي بيها.
هَيْصَم: تعال للغرفة واحجي وياي مو هنا كدام الناس.
دخلنا جوه فتحت الباب وفتت وهو بصفي يمشي كعد مقابيلي وبده يسرد حديثة.
محمد: قبل شهر اجتني قضية بخصوص مسجون تم إلقاء القبض عليه بتهمة الترويج، رادوني استلمها وطلعة برائة توكلت بيها وبقيت ادرسها بشكل مكثف ودقيق كتشفت انو هو مورط لا أكثر إنسان بريئ تم تهديده وهذا شجعني اطلعه برائة لأن مظلوم بس اللي صار عكس كل الموضوع والمخطط مالتي، قبل يومين من المحكمة اجيت علمود التقي بيه سمعت من الحرس الواكف بالباب انو مات بلليلة الماضية، ماسكتت وحققت بالأمر الدكتور اللي لازم حالته يكول انو صارت بيه جلطة قلبيه.
هَيْصَم: ايي.
محمد: قبل يومين اجتني للمكتب بنيه عمرها يطلع بالعشرين اجت حجتلي الموضوع بالكامل شلون تورط وي واحد عصابجي وكلوله لو تاخذ التهمه انت عنا لو نساومك بنتك.
هَيْصَم: وبنته وين؟
محمد: عدها عمام كاعده يمهم.
هَيْصَم: شلونهم؟
محمد: مبينين خوش ناس لان عمها اللي جابها.
هَيْصَم: جيبها لهنا.
محمد: تعال انت الها.
هَيْصَم: حدد وياها موعد باجر بالاربعة العصر اني يمك بالمكتب.
محمد: اعتبره تم.
هَيْصَم: بعد عندك شي؟
محمد: اي.
هَيْصَم: وهو؟
محمد: متغير هواي عن آخر مره شفتك بيها.
هَيْصَم: ماكو انسان يبقى على حاله.
محمد: اتقبل كلامي، هذا التغيير وراه حزن جبير، طعنه جديدة هَيْصَم؟
هَيْصَم: مو رجال الما يتعرض للطعنات.
محمد: يعني هسه انا مو زلمه بنظرك؟
هَيْصَم: انت ادره بنفسك.
محمد: هههههههههههههه، اترك التدخين لتعود نفسك على عادة ما موجوده بيك بعدين يصير بيك مرض مو زين ومابيه حيل احضر فواتح ماعندي وقت.
هَيْصَم: خارج العائلة كلشي بحياة الهَيْصَم مؤقت اطمأن ماتحضر لفاتحتي، هاي اذا مامتت انت قبلي.
محمد: الحديث وياك ممتع اشوفك باجر ان شاء الله خلص وقت الزيارة.
هَيْصَم: صاير محترم زيادة عن اللزوم خوفتني عليك.
محمد: عندي مصلحة.
هَيْصَم: ماطول شي لخدمة أبناء بلدي ميحتاج تسوي وياي مصلحة اروح وياك حتى لو كان الطريق موت.
محمد: رائد شريف.
هَيْصَم: غصباً عليك.
محمد: يلا باي حبيبي.
هَيْصَم: انجب وطلع بره مو مرتك انا.
محمد: هههههههه، أعوذ بالله شجابك على حوري انت، جان طلكتك من ثاني يوم.
هَيْصَم: احمد ربك مية الف مره لأن عندك مرة متحملتك لهاي الدرجه والا انت منو يعاشرك.
محمد: تموت عليه وداعتك.
هَيْصَم: عميه غيره.
محمد: وأن شاء الله تبقى عميه طول العمر، ههههههه.
هَيْصَم: صاير سفيه هوايه.
محمد: الحياة بدون شويه سفاهه ماتنعاش الله وكيلك.
هَيْصَم: روح بابا روح واري شغل ودوختني انت وضيعت وقتي.
محمد: مع كامل حبي.
ضحكت عليه صاير فد مره الناس من تكبر تعقل الا محمد، فتحت الأوراق اراجع شنو موجود بيها بآخر فتره نطرق الباب كلت تفضل من ريحته عرفته منو بدون ما ارفع راسي.
لائِث: زعلان هَيْصَم؟
صعب أكدر اخليه بهيج موقف لأن اصلا اللي صار هاي الفترة محجيت بيه لأحد واعرف هو مجبور وما اجه وعلى كل حال اني ما زعلان من عنده بس مع هذا سلامته اهم، كل شخص يخصني هاي الفتره يكون معرض للخطر، ما اكدر اثق بأحد احتمال وارد جدا اكو كاميرات مراقبة هنا، دست على نفسي وكلت.
هَيْصَم: سيادتك لتكول هَيْصَم حاف احنه بالمركز مو بالشارع.
هزني كلامه وأثر بيه حيل بس شلون أفهمه اني مجبور؟
لائِث: اعرف الرسميات بس اللي واثق منه الأخوة مابينهم هاي الأمور واني وياك كبرنا ثنينه، اكلنا من نفس الماعون ولعبنا بنفس البيت بعد هاي السنين كلها وسفة هيج يصير بسبب شي مو بيدي جان ويمكن ماعرفه شنو، اذا قيمتي عندك هذا حجمها فقيمتك عندي مازالت نفسها ما بيوم تتغيير خليك واثق.
جانت يمي ورقه شلتها بأيدي وكتبت عليها جملة اخذتها وكمت انطيتهيا وباوعتله بأبتسامة، قراها وتغيرت ملامحه.
(اني وياك نبقى خوان لو كل العالم صارت أعدائنا، اشوفك ب12 بالليل بنفس مكانة )
لائِث: على دجلة ياقيس.
هَيْصَم: بعدين احجيلك الوضع مايسمح هسه.
طلع واني اعرفه هسه يريد يحضني من فرحته ذات شعوري لان مشتاقله حيل، اعتبره مثل زَيَّاف ويمكن مرات أعزه أكثر من عنده، بس الحياة مو دائماً تمشي مثل منريد ولازم تصير بعض الأمور اللي تعكر صفو العلاقات.
:مكان اظلم، أصوات قطرات المي اللي تسقط على الأرض بطريقة متتاليه مصدرة صوت مزعج ومرعب بنفس الوقت، ريحة المكان التشبه الرطوبة والعفن تخليني انجبر اخذ نفس حتى اعيش، خطوات قريبة وذات العطر اللي صارت نفسي تشمئز من عنده، عيوني اللي يحيط بيها السواد بسبب الغطا الموجود عليهن مانعني اشوف رعبي منو، اقترب مني هامس بأذني بذات النبرة اللي تأذي كلبي لدرجة لا توصف.
:العد التنازلي، وره هذا اليوم ما الج اي راحه بعد..
يتبع..
البارت 4132 كلمة..
مسائكم عافية أو ورد وجمال عليكم شمعات روحي،
التنزيل يحدده تفاعلكم ياحلوات وبنات التلي يعرفن شجاي احجي،
اي شي يخص القصة تعالوا يمي انستا.
رواية هَيْصَم الفصل الخامس وخمسون 55 - بقلم Zahraa_Ahmed
لتنسون التصويت والتعليق ومتابعة الحساب شمعاتي ❤️
هَيْصَم
(الكاتبة زهراء احمد)
_____
كان يرى ماذا حل بقلبي وماذا جرى
هو استأصل من القلب عرقاً لم يروى
بماء الحب وطول حياتهِ لم يُسقى
كُنت معهُ وردة مزهرة حتى حال بيننا الصدى
انا وانت ياعزيزي لم يعد هناك بيت يجمعنا ولا حتى مأوى
وليس كل سقفٍ نسكُن تحت ظلهِ يُعتبر وطن وللروح ملجى
ان لم يكن الحب عنوان مابدأ معنا وما إنتهى
بقلمي زهراء احمد
الحياة بيها منعطفات هوايه، مرات تاخذك للهاويه بلمحة بصر ومرات تصعدك للقمة بذات اللمحة النزلتك بيها، مرات تشوف نفسك فوك بالعلالي ومرات ثانية تكون باسفل السافلين، الحياة ياحبيبي مو دائماً منصفة ويانه لازم تضرب وتقاتل وتصمد بهاي الحرب لنهاية مسيرتك بيها، بدون تعب وبدون متاخذ وقت أستراحة،
أيدي على خدي، الهدوء يعم البيت، لكن العاصفة الحقيقية هي بداخلي، افكار متضاربة، وهم وخيال صنع حكاية أقرب منها للواقع، وشنو يعني واذا سامحني ونسى الصار واذا بررلي الخيانة وكال فكرت بسلامتي وخافت عليه، شنو يصير مثلاً؟ شكو بيها لو نرجع أيد وحده الأسد ولبوته؟ شكو بيها لو تنحل الخلافات الصارت حاجز من حديد بينه قطعت كل وسائل التواصل ومنعت الغفران، الذنب كبير والحمل أكبر والهم، الهم اللي بكلبي منو يكدر يحمله؟ احس نفسي عايشة بالذل صحيح بيت زوجي وهو مسؤول عني أو واجبه يصرف عليه بس تبقى الفجوة اللي بينه أعمق تمنعني اسوي اي شي او لو ما اكون مجبورة بسبب الجوع حتى الأكل ما أمد أيدي عليه،
رجعت راسي على القنفه مغمضة عيني وعقلي سرح لبعيد لذلك اليوم البدت منه سالفتي.
Flash back
هَيصَم: كوني واثقة بيه ولتخافين بس سلمي عليهم وطلعي.
فيروز: هَيْصَم هاي ثاني مره يجون واني أرفض ماكدر افوت والله ما ارتاحلهم ابد ماعرف ليش.
هَيْصَم: اني وياج، اكسر ضلوعه اليسمعج كلمة، ماريد منج بس ثقين بيه.
سمعت كلامه وتبعته كلي ارجف دخلنا للاستقبال، كلهم كاعدين اكو بيهم ثنين معكلين والبقية ثنين لابسين دشاديش بس وثنين لا لابسين ملابس عاديه، بلعت ريكي وأخذت نفس سألني واحد بيهم لحيته كلها بيضه بس بعده صغير يعني مو حيل جبير بالعمر.
ابو رضا: انا عمج ابو رضا بنيتي، بعد سنوات جنت ادور بيها على أبوج وسألت واستفسرت وماخليت شبر بهاي المحافظة يعتب عليه عرفت انو هو مات صار خمس سنوات بس عنده بنية وأخذت عهد على نفسي اخوي الما وفيت وياه بسبب ابوي اوفي وي بنته، فشنو رأيج تجين ويانه اليوم، القرار بيدج وكدام الكاعدين وكدام زوجج تختارينه وتنسين عمامج طول عمرج لو تجين ويانه وتنسين رجلج وبكيفج انتِ.
هَيْصَم: عمامها صرتوا من تالي!! وين جنتوا بهاي السنين كلها؟ لو هسه تذكرتوها من سمعتوا عدها بيت وراتب وكلتوا ناخذ فلوسها والورث، بأسم عمامها موو؟
ابو رضا: احترم على الأقل شيبتي عوفك من الكاعدين أو اوزن كلامك وثمنه عدل، العدنا يغطي عين الشمس ما محتاجين جم فلس من وحده يتيمه وماعدها أحد، بس الصار مايرضينا، تزوجها بدون علمنه ومشورتنا واحنه اهلها وعزوتها عايشين ونشم الهوه.
هَيْصَم: ابو رضا هسه تذكرت عندك اخ ويتيمه كاسره خاطرك وتريد تعوضها وترجعها لحضنكم بعد هاي السنين كلها؟! بعدين شنو هاي الما عدها احد؟ وليش اني وين رحت؟ انا هَيْصَم زوجها شرعاً وقانوناً أمام الله وأمام الناس واللي يفتح حلكه اسوي وصله مال مسح لتاير سيارتي، مرتي بنص بيتي وأم بنتي ما اسمح لأي واحد بيكم يهينها ويسمعها كلمة وحده تغثها، ستقبلتكم عبالي خوش أوادم تردون تسلمون عليها وتشوفوها شمحتاجه ولو انا خشمي يشم الهوه لو تطلب الطير الطاير بالسما اصيدة وانزله الها وتدلل عليه، بس كلت واجب وما اكسر بخاطرك جايين وسائلين ودخلتوا بيتي وكاعدين على بساطي ماردكم وانا ابن شيوخ وناس معروفه منرد الضيف، بس اليجاوز حدوده اجاوز وياه القانون والعن والديه وابن منو ما كان واضح؟
ابو رضا: تجاوزت هوايه حدودك وانا ولدي حامين ولازمهم كوه اذا تريد الطك احنه أهلها.
قاطعه كايل بنتفاضه.
هَيْصَم: تهددني بنص بيتي ابو رضا؟ اذا تجيني بالقانون انا محامي سابق ورائد هسه والعن والديك بالقانون واذا تحجي بالطك انا ابن ولايتك نفسها وايدي معلمه على الرمي اسويك منخل وانت بعدك ما ساحب أقسام.
كام من مكانه لاف عبايته وكال جملة بعدها طلع.
ابو رضا: اللي جيه ثانية وصدكني وكتها لو كاتل لو مكتول.
مافهمت شنو قصده، بس داخلي ماعرف ليش رتعب وحسيت اكو معنى ثاني للي كاله غير المفهوم منه، يعني ما قصدة يقتل وانما شي ثاني، غميت نفسي على حظي المايل عمامي وين اني وين همه وجايني هسه يردوني اعوف هَيْصَم وختارهم والله بطرانين.
صحيت من صفنتي على ايدها المخليتها على بطني.
رويم: ماما اخوي شوكت يجي؟
ابتسمت على كلامها مجاوبتها.
فيروز: بعد كم شهر.
رويم: اريده هسه.
فيروز: قابل هو جبس وانطيج اياه هسه ميصير يا حبيبتي لازم تنتظرين.
رويم: ماا اريده هسه، ماريد انتظر.
فيروز: شنو رأيج نسوي كيكة وناكل وننتظره يجي؟
رويم: يعني اذا سوينا الكيكة يجي؟
فيروز: اي يجي بس لازم ننتظر.
رويم: ماريد انتظر اريده هسه.
فيروز: ماما لتعبيني منين اجيبه هسه متكليلي؟
رويم: اخلي بابا يجيبه.
فيروز: اي مو ابوج دكتور شو كومي مني مالي خلكج.
ماعرف ليش ضجت فجأة ونزلت دمعتي صار عندي واهس وره اول وحده واستمريت ابجي واحجي واغلط عليه جنت بكامل قواي العقليه لأن اللي ديمر عليه ميتحمله شخص، بعد سنين حب وعلاقة تجنن فجأة بسبب الميخافون الله تغير كلشي، احلف واقسم وتوسل وكله والله معليه اني جنت مجبورة بس هو راسه والف سيف: ابوج فد واحد ماينحمل ومحد يكدر يعيش وياه معتبر الحياة عبارة عن مجرمين وتحقيق لا يتفاهم ولا يسمع احد ينفذ العقوبه حتى بدون ميسوي جلسة استماع بالأول، ينطي الحكم بظلم والله، يعني اني شنو ذنبي اذا يهددوني بيه ويكلولي راح نموت ابو بنتج المثلي شنو تسوي!!!
هَيْصَم: تجي تحجي لابو بتها وهي تعرفه عدل يشك حلوك ومحد يكدر يخطي اله خطوة ومتاخذ قرار بنفسها بدون متفكر بالعواقب.
رفعت راسي اله من سمعت صوته متفاجأت لأن هو ميخليني وحدي بالليل أبد لازم يجي حتى لو نص الليل اذا عنده شغل الا اذا جان الوضع كلش مايسمح.
فيروز: كل العواقب تهون كدام حياتك وانت تعرف هذا الشي عدل بس معند ومتريد تسمع مني.
هَيْصَم: وما راح اسمع لأن السويتيه ما ينغفر أبد.
فيروز: خلص ماطول انت مصر على قرارك طلكني.
نزع ساعته وحجه وهو يمشي بإتجاه الغرفة.
هَيْصَم: بالأول ولدي ابني وبعدين يصير اللي تردي تدللين ام رويم.
فيروز: اللهي راح انجلط من هذا الرجالللل.
سمعت صوته وهو يصيح.
هَيْصَم: اعصابج ليصير بابني شي واحملج المسؤولية.
فيروز: تعال اخذه ودير بالك عليه لتبقى محسسني بمنيه لأن ابنك ابطني.
هَيْصَم: شبل الأسد هذا ليش تردين اتهاون بيه مثل مسويتي وي ابوه؟
ماتحملت أكثر رحت دافعه الباب ودخلت.
فيروز: شوف اني اعصابي صايره بطرف خشمي وحق ربك هسه اخليك تطلع عاجل بالشرقية نيوز وتصير ترند بالمواقع.
هَيْصَم: اي بلا شسوين؟
فيروز: جريمة قتل.
هَيْصَم: بالأول فتحي بطن السمجة يلا تجين ترتكبين بيه جريمة قتل هسه.
فيروز: لا خطية السمجة ممسويه شي بس انت مسوي وهوايه هم.
هَيْصَم: من ايدج اللي صار كله، ماضربتج على ايدج وكتلج طعنيني بكلبي وعوفيني وروحي اختاري عمامج وخليني وحدي عايش بغصتي، لا بررتي من طلعتي ولا كلتي حرف، سحبتج وكتلج لَّباءَة وبيتنا وحياتنا شكلتيلي؟ كتلج هذا الكلب من تعتبين بره البيت خطوة وحدة يموت شنو جان جوابج يمرتي وام بنتي؟ تذكرين لو اذكرج؟ ههه وهسه تجيني تردين اسامح!!!
اربع أشهر لا واحد ولا ثنين رسالة منج بالغلط ماشفت تردين بعد تعب كلبي ولوعته اغفر افاااا وانا هَيْصَم وانتِ تعرفيني عدل وتعرفين اني شخص انتقامي إلى حد وما انسى احاله.
فيروز: بس كتلك جنت مجبورة والله العظيم واصلاً ماعندي موبايل وممنوع عليه اطلع بره الغرفة الا بوقت الضرورة.
هَيْصَم: انتِ مالج غير هَيْصَم، تردين تسميه بلاء تسميه حب لو إنتقام، فيروز نكتبت بأسمي والدليل هسه محد سأل عنج واخذتج كدام عيونهم ومحد فتح حلكة لأن يدرون من يصير الموضوع بيه أهلي وبيتي ادوس جدهم السابع عشر ابسطالي، احفظيها عدل الصار مستحيل يجي يوم اسامحج عليه ولا اقبل منج اي عذر أو تبرير وياريت مترجعين تكررين ذات القضية لأن هي مختومة من يمي.
فيروز: اني غلطانه اعرف واللي سويته اكبر غلط بس منو بينه معصوم؟
هَيْصَم: اكو غلط واكو جريمة واللي سويتيه جريمة بحقي، انا ما استاهل منج الصار ابدد.
فيروز: وداعة رويم لخاطر سلامتك وروح أبويه كل اللي سويته حتى ماشوفك متأذي.
هَيْصَم: لتخبليني منو هذا الإبن ابوه يكدر يطخ شعرة مني؟ الأسود من حاول دسته وعبرت وهسه وينه؟ ميت وانا عايش ليش؟ اني اجاوبج لأن أني شجاع كفاية وعندي ثقة برب العالمين اللي مو يومه ميموت، متكدرين تغيرين قدر الله اذا مكتوب فسوالف الانقاذ والمسلسلات الهندية والتركية بطليها وحجيلي بالواقع،
من لزمت ايدج وكتلج ابقي وترجيتج شنو سويتي؟ عفتيني بحسرتي وبغصتي واذيتي كلبي ودمرتيني وعفت أيدي وطلعتي وشمتيهم بيه، نظرتهم واستهزائهم بيه وبكلامي وطعنج بروحي والدمار الصار بحياة الهَيْصَم والتغيير اللي يعيشه هسه والدخان والعجرفه والشيطان المولود بكلبي كله بسببج، اي اي بسببج انتِ السبب وعمري كله ما اسامحج عليه، وبس تولدين ارجعج للمزبله اللي رجعتج منها العمامج الفضلتيهم عليه.
فيروز: تعبت وانا ابرر واكول اللي سويته جان غصب عني، انت مقتنع بفكرتك وخلص قافل عقلك من انو تسمعني واني خلصت طاقتي بالكلام.
هَيْصَم: محد جبرج تحجين وتبررين شي صار كدام عيوني، هذا يسموه استغباء للطرف المقابل وانت اعرف بيه اذا كنت من هذا النوع أو لا.
فيروز: لهاي الدرجة كرهتني؟
هَيْصَم: بعلم النفس يكولون اللي كلبك دكله بيوم من الأيام مستحيل تكرهه، لكن الصار سبب ندب بكلبي وجرح مايجي يوم يلتئم.
فيروز: أكدر أصلح اللي صار؟
هَيْصَم: بيا طريقة تصلحيه؟
فيروز: استاهل فرصة هَيْصَم.
هَيْصَم: انتِ ام أولادي ومرتي اكيد تستاهلين.
فيروز: ليش مانفتح صفحة جديدة لعد؟
هَيْصَم: نفتح صفحات بس هسه الوضع مالتي مايسمح افتح اي صفحة.
فيروز: تمام ما اضغط عليك بقرار مقتنع بيه.
تركته وطلعت بداخلي هم جبير، اني اعترف بغلطي واستحق العقاب بس نفسيتي تعبت وماكدر اتحمل أكثر من هيج، قررت ابتعد اني عنه واتجاهله وما اهتم اله واعامله بالمثل، اللي صار علمود ماخلي يتعرض للخطر شكد مجنت غلطانة حاولت أصلح غلطي صار شهرين احاول وهو رافض يسمع ويسامح لذلك انسحب وعيش لنفسي وبنتي وما إليه اي علاقة بيه، ادوس على مشاعري كلها وما اطخ راس إله بعد.
حوري: هاي شنو بيدك؟
محمد: قضية الرجال الحجيتلج عليها، باجر اخلي هَيْصَم يلتقي بيها ويسمع منها.
حوري: شلون تثق انت؟
محمد: ما اثق ولهذا السبب اريد اعرف الفلم كامل ومنو المخرج والكاتب مالته.
حوري: بمنو تشك؟
محمد: مثل هيج قضية خطرة ما أعتقد احد يكدر يحجي بيها خاصة وهو نقتل الا اذا كان شخص مقتدر لو عنده أيد بالموضوع ويريد يخلي شخص ثاني يتحمل ذنبه.
حوري: اذا هيج راح تعرض حياتك وحياة هَيْصَم للخطر.
محمد: لهذا السبب دخلت هَيْصَم.
حوري: ليش تريد تموته!!
محمد: شغلي مخج وياي، هَيْصَم مو انسان عادي رائد بالجيش غير هو مايخطي اي خطوة بدون علم مديرة والاقربين اله، عنده جماعة مخصصة توصله المعلومات بكل مكان يعني هيج شي مو صعب عليه يعرفه بلمح البصر.
حوري: بس هم يبقى خطر عليكم.
محمد: والله ماكو خطر على روحي غيرج انتِ، يا قوري كلبي.
حوري: هاي شنو قوري وين لكيت هاي الكلمة؟
محمد: ذلك اليوم سويت جاي ونتبهت شلون يفور، هيج يصير بكلبي من اشوفج.
حوري: ههههههه، انت تحطم الرقم القياسي بالغزل الغريب.
محمد: جسر للحلوين اصير.
حوري: متخاف اعبر عليك وتتأذه؟
محمد: دوسي براحتج الجرح يلتم من يدوسه البلاستر.
حوري: هاي وين لكيتها؟
محمد: بالمتنبي نازله بيه شلون كتب جديدة تنهي.
حوري: انت والله فاصل فد مره.
محمد: اريد إعادة شحن ممكن؟
حوري: ممكن ليش لا ذيج النقطة وهاي الشاحنة روح اشحن شكد متريد.
محمد: شحن ولج شحن.
حوري: لعد الشاحنة شنو غير شحن!!
محمد: شحن معنوي حياتي انتِ.
حوري: روح نام تكعد البطارية فول.
محمد: اروح اجيب أقمار وخليها تنام بحضني وانتِ تنامين بالكاع هاي عقوبة الج.
حوري: ومنين تشحن؟
محمد: معليج بيه.
حوري: اوكي براحتك حبيب.
ابتسمت واني دايره وجهي حتى ميشوفني اضحك، اعرفه ميتحمل بعدي عنه، رحت كعدت بالصالة وشغلت التلفزيون شويه وسمعت صوته يصيحني درت وجهي محجيت وياه اجه سحبني من أيدي واخذني للغرفة غصب ضحكت بداخلي عليه فعلاً الحب الحقيقي الصادق هيج يكون محد يكدر يبتعد عن الثاني تحت أي ظرف كان.
هَيْصَم: بحثت عن الموضوع الوصيتك بيه؟
: نعم سيدي، الرجال صدك متوفي بجلطة قلبية وبالفعل كان بريئ والتهمة تلبست بيه.
هَيْصَم: شلون تأكدت؟
: الدليل الجان يدينه مقدم قبل شهر بأسم واحد ثاني كل الجرائم المكتوبة بملفه موجودة باسم ذلك الشخص، هذا غير التهمه السابقة سقطت بالكامل عنه واسمه نحذف وهذا الملف لكيته موجود بالارشيف.
هَيْصَم: شنو اسمه المتهم الأصلي؟
: نعمان قاضي سيدي.
هَيْصَم: هذا الأسم مار عليه مو غريب.
: اي جان من ضمن المتهمين اللي بحثنه عنهم قبل سنة وملكينا شي.
هَيْصَم: وين بيته؟
: راح ادزلك العنوان برسالة.
هَيْصَم: انتظرك.
صعدت سيارتي رايح لدجلة لابس مدني، هذا المكان دائماً نجيه اني و لائِث، من وصلت لكيته موجود نزلت من السيارة ورحت سلمت عليه مشتاقله حيل، الأنسان الوحيد اللي أكدر اخذ راحتي وياه بالحديث، صديق العمر واخ بالمواقف والوكفات لو شكد ماحجي عنه ماكدر اوصفه.
لائِث: مال هسه اشمرك بنص دجلة يا ناكر المعروف والعشرة.
هَيْصَم: سلامتك عندي اهم من المعروف والعشرة.
لائِث: شنو صاير وياك ليش تغيرت لهاي الدرجة؟
هَيْصَم: السالفة لازم تبقى سر هاي الفترة علمود سلامتك خاف كل شي يصير.
لائِث: مشتاقلك ملعون، كل هاي الفترة مبتعد ومن اجيت تحجي من وره خشمك أجيت اضربك طلقة والله.
هَيْصَم: وتنسى العشرة والزاد والملح!!
لائِث: انسى امك وابوك مو بس العشرة على سوايتك وياي.
هَيْصَم: بلا انت تفرح بس تريد شي علمود تعوفني وتنكر عشرتنا.
لائِث: افاا تتوقع اني اسويها؟
هَيْصَم: بعيد عن انك صديقي واخوي بس انا فقدت الثقة بالكل، وصرت اتوقع اي شي من اي أحد، العشته علمني درس قوي حيل مامكن يجي يوم أكدر انساه.
لائِث: ليش متشوف الجانب الثاني من الكاس؟
هَيْصَم: سواء الكاس مليان أو فارغ بالحالتين وكع من أيدي ونكسر وجرحني جرح ما يلتئم حتى لو مرت عليه سنين.
لائِث: مصعب الأمر حيل عليك.
هَيْصَم: اللي تخلي روحك بين أديه ويروح يدمرها رد فعلي جان بسيط جداً على الصار غيري مايرجع ويعيد نفس الغلط وهو ماعنده ثقة.
لائِث: بطلت تثق بيها؟
هَيْصَم: للأسف اي لان الصار مو هين أبد ولا انا انسان آلي وكدر اعبره بسهولة.
لائِث: ماكلك انسى بس تناسه هيج بس تكدر تكمل الطريق بأقل أذية ممكنه.
هَيْصَم: الاذيه سكنت بداخلي وستوطنت بكلبي شلون اكدر اتخلص منها؟ نظراتهم الشمتانه بيه، ايدها التركت أيدي باكثر وقت جنت محتاجها بيه وطعنتني وراحت شلون انسى؟ اكدر؟ يجي يوم اكمل بدون ماشوف كل شي صار بكل مره تمر كدامي بالبيت؟ كل خطوة تخطيها وهي رايحه للمطبخ لو لأي مكان بالبيت تصير كدامي روحتها، كدامكم كلكم سوتها لو بينه الموضوع باقي جان ماحجيت ولا ذكرته وكلت تغلط بس هي نزلت راسي كدام الكل واني الجنت مفتخر عندي لّبوة لو غبت هي تشيل البيت وتعتني بيه تالي كدامي واني موجود هيج سوت، انسى من اذكر يزيد قهري قهرين وكلبي مابيه طاقة بعد ويتحمل.
لائِث: تغيرت هوايه بهاي الكم شهر ماتوقعت هَيْصَم يجي يوم ويدخن ويترك مبادئة.
هَيْصَم: واني هم ماجنت اتوقع هيج يصير بيوم من الأيام بس شاء القدر وصارت بعد.
لائِث: احجيلي بعد شنو صار وياك بهاي الفترة.
هَيْصَم: كاعد ادور عليه بكل جهد وأعتقد هسه وصلت لراس الخيط مابقى شي ان شاء الله ونلقي عليه القبض بالجرم المشهود.
لائِث: لهذا السبب جنت غايب ذيج الفترة؟
هَيْصَم: جانت عملية سرية وخطرة حيل لدرجة ماكدر احجي وياكم بشكل طبيعي وبيتي مخلي عليه حمايه خاف كل شي يصير واني مادري غير كاميرات المراقبة المخليها ومع هذا كله كلبي يمهم بس ماكدر اسوي شي هذا واجبي ولازم انفذه بأحسن وجه.
لائِث: تحبها؟
هَيْصَم: لدرجة ماتحملت اخليها بعيده عني وباسرع فرصة سنحت رجعتها للبيت.
لائِث: مانوي تنفصل عنها؟
هَيْصَم: بحاله وحدة وهي موتي.
لائِث: سامحتها؟
هَيْصَم: من أول ماصارت عيني بعينها، اني ماسمعت منها اي تبرير لأن واثق اللي صار على رغم شكد اذاني بس سوته من خوفها عليه.
لائِث: لعد شبيك قبل شويه خبصتني ما أنسى وما انسى؟
هَيْصَم: ما انسى قدرتها على تركي، ما انسى شلون شافتني ضعيف وسوت شي من راسها بدون متجي تحجيلي شي، ما انسى شلون طاوعها كلبها تنسى كلشي عشنا سوه وتروح بدون ماتلتفت، سلامتي مو مهمه واني كايللها الف مره، الحياة حق والموت حق كل شي يصير مكتوب من رب العالمين ومقدر بورقة وقلم، على شنو تخاف بعد اذا الروح مياخذها غير صاحبها؟
لائِث: هي بفترة صعبة لا تقسي عليها.
هَيْصَم: اني اعرف شنو أسوي لتخاف، المخبر دزلي عنوان البيت تعال وياي نروح نشوفه.
لائِث: وربك شكد مشتاق لأيامنا بالمراقبة والطفرات على البيوت.
هَيْصَم: اليوم ندخل من الباب مانطفر.
كلاثم: لشوكت تبقين صافنة بالحايط بدون ماتحجين حرف؟
آمندا: تعبانه ومالي خلك اشم الهوه، اذا ممكن عوفيني وحدي اريد ارتاح شوي.
كلاثم: ياضوه عيوني بنيتي الغالية كافي تسوين بنفسج هيج انتِ ما الج ذنب بلي صار، ذكري ربج وستهدي بيه وحرام عليج تسوين بروحج هيج يا أمي انتِ.
آمندا: اريد احجي وي غضنفر اتصلي بيه.
كلاثم: اي حاجي صار شكد يريد يحجي وياج وانتِ متقبلين، هسه اتصل عليه وسولفي وياه براحتج ياماما.
اتصلت بيه ونطتني الموبايل وطلعت، خليته على أذني اجاني صوته بسرعة بجيت، من سمعني هيج كال.
غضنفر: فدوة يروحلج هَيْصَم والقضية والمهمه وغضنفر وعشيرته من أصغر واحد لاكبرهم ليش تبجين ياعيوني؟ منو مزعلج واني موجود؟ اكسر راسه وراس الخلفه بس كولي.
آمندا: ماكدر.
غضنفر: على شنو متكدرين؟
آمندا: اكمل بهذا الزواج ماكدر، خلي نترك انت تستاهل وحده احسن مني.
غضنفر: امج بالبيت؟
آمندا: اي.
غضنفر: دقايق واني يمج.
غلق الخط بدون مايسمع مني كلمة، شمرت الموبايل وصرخت صرخة حسيتها طلعت من روحي، اني شنو ذنبي وتعذب هيج؟ ليش هيج اعيش وشنو مسويه حتى استاهل هاي العقوبه؟ صفنت وعقلي اخذني لبعيد لذيج الأيام وشلون تعذبت بيها، كمت من مكاني اسحل نفسي سحل، رحت يم أمي فتحت الباب وحجيت باصرار.
آمندا: غضنفر راح يجي من تشوفيه كليله ماريد اكمل خلي يفصخ الخطوبة واذا هَيْصَم سألج كليله والله العظيم انتحر وموت نفسي اذا عاندوني وخلي يزفوه بجنازتي.
كلاثم: اسم الله الرحمن الرحيم شنو هل حجي وهاي عاد انتِ بنيتي الربيتها وكبرتها على حب الله والإيمان بقضاءه وقدرة، انتِ مو نفسها ذيج أبد غيروج الشيطان لعب بعقلج.
آمندا: لا الشيطان لعب بنتج، الشيطان دمر حياتها، الشيطان خطفها، الشيطان خلاها تكره نفسها، تكره شكلها، تكره روحها، الشيطان خلاني اتمنى الموت وماريد غيره، الشيطان هيج سوه، الشيطان الحقيقي بريئ من شياطين الإنس، بريئ، سمعتيني بريئ، زواج ما ازوج لو تطلع نخلة بروسكم كلكم، حتى لو تذبحوني ما زوج سامعتني؟
كلاثم: يمه ستهدي برحمانج انتِ شنو ذنبج بلي صار.
آمندا: مظلومه مالي ذنب، تعاقبت بسبب ابنج و شغلة، راحت حياتي بسبب هَيْصَم، هو السبب، جنت اتوسل بيه يعوف شغله وشوفي شنو صار بعدين منو وكع بيها؟ اني ذلك هو عايش حياته طول بعرض صار عنده أولاد وبيت عامر ما شاء الله واني؟ جاوبيني واني؟ ههه راح يتقبلني بكل شي بيه؟ مراح يجي يوم يعيرني ويطلع بيه عيب؟ مراح يحجي جاوبيني مراح يحجي ويفتح حلكه ويكول انتِ الرحتي برجليج منو جبرج تبقين يمه ليش ماشردتي منه، راح يصدكني من اكله حافظت على نفسي على رغم كل اللي صار، راح يثق؟
كلاثم: هو لو ما يثق جان مابقى داك رجل يريدج ومايريد غيرج وكم يوم يجي هنا ويبقى يتوسل بس يريد يشوفج كدامه ولو دقيقة ويطلع منا زعلان وضايج لأن براسج اليابس والمعند تقفلين الباب عليج ومتردين تحجين وياه، هاج تفضلي على سيرته ندك الباب، اسمعي وحق ربج الخلقج تجين تكعدين هنا وتحجين وياه مثل الأوادم وتسمعين منه وتحلين كل شي بينكم ماكو لا اني اعرفج ولا تعرفيني واعوف البيت وروح اكعد يم اختي ولا اجيكم، كافي تعبت ، مليت اني مره عجوز رجليه بالكبر وانتوا بعدكم نفس المشاكل، صبري نفذ ماكو هيج حياة، وين راح حيدر وعافني يم ولده المخابيل ان شاء الله يجي ياخذني ورتاح منكم خلص ماعندي طاقة بعد واتحمل.
آمندا: لا تدعين على نفسج هاي هي احجي وياه.
كلاثم: ورجليج فوك راسج، وريدج تغثيه بكلمة وحق ربج البس عبايتي وروح يم اختي بهل الليل ولا اريدكم بعد وما اعترف بيكم نهائياً.
آمندا: لتصيرين عصبية ويرتفع ضغطج اسوي مثل متردين بس لتقهرين نفسج هيج.
كلاثم: امشي روحي عدلي وجهج ولبسي شي بيه حظ يكول طالعة من الحاويه، واني اروح افتح الباب وكعت رجليه من الوكفه صار ساعة يدك.
دخلت الغرفة لبست بدون نفس ومشطت شعري شلون مجان ولفيته وخليت عطر وشال على راسي وطلعت، رجليه منعتني افوت يمهم بس من سمعت صوتها بلعت ريكي ودخلت غصب ماكدرت ارفع راسي وشوفه ماعرف شبيه خجلانه اريد هسه تنفتح الكاع وتبلعني بأي طريقة، رفعت راسي من سمعت صوته يحجي وي امي.
غضنفر: خالة اذا ممكن فد دقيقة وي بنيتج.
كلاثم: اي يمة دلل.
اول مطلعت امي حجه وياي هو.
غضنفر: تره هَيْصَم عنده علم انو راح اجي خاف تنحرجن يعني لأن جاي بهيج وقت بس بعد ماكدر اتحمل أكثر، وماعندي صبر، كلت اجي وحجي العندي وطلع بدون ماسمع منج حرف، شوفي يابنت الناس، اني ماخطبتج على الأدب والأخلاق مالتج وان كان هذا سبب مهم اكيد حتى اتقدم بس مع هذا ما كان السبب الرئيسي حتى اتقدملج، اخوج صديقي وعزيز عليه واني وياه نتشارك بالشغل وهو مديري هم مع هذا ماخلي قرار مصيري مثل الزواج يكون لهيج سبب وعلمود علاقتي باخوج، اني تقدمت لأن حبيت وكلبي دك ومستعد اسوي اي شي علمود يتم هذا الزواج، تردين تعتبريه تهديد أو تعتبريه حب وماكدر استغني عنج اللي يعجبج بس طلاك ماطلك وزواج يتم بغض النظر عن رأيج، ماجتبج بالساهل اني تعبت حتى اتقدم وماممكن اوصل للعنب وكول حامض وشمره وياريت وصلت لأن إذا مو بالرضا اوصلها بالغصب واخوج يعرف شكد اني خبل وما عندي تفاهم بلي اريده.
آمندا: هذا إجبار إليه على علاقة اني ماريدها.
غضنفر: تحبيني بعد الزواج ماكو مشكلة، مو اول وحده تزوج تقليدي.
آمندا: بس اني ماريد اتزوج.
غضنفر: اني ما عرفتج اليوم الصبح، صار سنة كاملة بنهارها ولياليها اراقب وباوع وخطط وخليت كلبج يدكلي، وهذا الشي ما يحتاج تعترفين بيه وتكوليه اني اشوفه بعيونج الحب يشع منهن بدون متدرين.
آمندا: متوهم ماحبك.
غضنفر: واضح من رجفة ايدج وعينج الما خليتيها بعيني من دخلتي لسه، شوفي باباتي اني اقرر وسوي ورأيج مو مهم، كولي همجي، كولي متخلف كولي عاشق مغرم،
بآخر جملة اجه وكف يم بلعت ريكي ورجعت ليوره شويه لزم أيدي وسحبني حاضني بين أديه، هامس بأذني.
: اني انسان مجنون بكل شي اسويه بحياتي، ادخل للموت واني أضحك ومستعد اسوي اي شي بالحياة ماطول دماغي عاجبه الأمر، ما بالج بالحب؟ احارب واحارب حتى اوصل واخذ اللي أريده، واني حبيتج ولو اعرف كلبج الصارت دكاته موسيقى بأذني مو بأسمي جان ماسعيت، اني من تأكدت حبيتيني تقدمت خطوة ومن وثقت بحبج تقدمت خطوات، وعلى هاي دكات كلبج وانتِ بين أديه هسه مستعد اتقدم أميال.
قبلني بخدي وطلع بدون مايسمع مني كلمة بقيت واكفه بمكاني وميته خجل هسه يلا بديت أستوعب انو اني تقبلت الصار وما دفعته غميت نفسي وطلعت لكيتها كاعده وبيدها ستكان جاي من شافتني غمزتلي ودزتلي بوسه بالهوه وبتسمت عفتها ورحت للغرفة بسرعة وحس كلبي صار طبل من صدك، احبه اي صح بس ماكدر اخطي هيج خطوة بعد كل الصار وياي.
نعمان: منوو، جاي، جاي، كافي دك بالباب سطرتنا.
فتح الباب رفعله هَيْصَم حاجبه وهو مكتف ايده لصدرة بقى نعمان صافن مثل الحمار بوجهه حتى فززه كايل.
هَيْصَم: شو ماكو تفضلوا خطارك احنه عيب توكفنا بالباب.
نعمان: ماعرفكم اني منو انتوا؟
لائِث: لا عيب عليك ماتوقعتها منك هيج تنكرنا واحنه جماعتك أو وياك من سنين.
نعمان: انتوا اللي دزكم عليه وصارلكم شهر تراقبوني مو؟
هَيْصَم: النا ثار وياك ولازم ناخذه حتى نكون متعادلين.
نعمان: اني سويت كل اللي طلبه من عندي، وجنت اوصل الجرعات للناس على الوقت مثل ميطلب هو، والفلوس اسلمها بأيد الشخص اليدزه بدون نقص ربع، بعد يا ثار ويايه تطالبوني بيه؟!
هَيْصَم: ثار تعرفه انت واحنه نعرفه.
نعمان: اني شاك بيكم، بعدين اني عمري كله مالتقيت بيكم من قبل منين عرفتوني؟
هَيْصَم: الواضح انت مثكل هوايه ودماغك فاصل عن العمل، راح اشوفك الصورة وانت جاوب تعرفه لو لا.
فتح الموبايل وطلع الصورة مخليها كدام عيونه ذلك فتحهن عشرة على عشرة بقى وجهه ينطي ألوان وبدون أي كلمة دخل وقفل الباب، رجعنا للسيارة اول مصعدنا نزعنا اللثام، باوعلي كايل.
هَيْصَم: جيب جماعتنا خليهم يراقبوه عدل بهاي اليومين راح يلتقي بيه لو بواحد من جماعته.
لائِث: شلون عرفت راح يحجي شي بخصوص تجارتهم؟
هَيْصَم: وصلتني معلومات اكو ثنين مراقبيه يلبسون اسود وجسمهم ضخم شويه وسيارتهم رصاصي، عرفت لو اجينه بنفس الهيئة راح يغرد مثل البلبل خاصة هو خايف والإنسان الخايف مرات يتصرف بدون تفكير، صار عدنا تسجيل صوتي وأن شاء الله يجي الدليل بعد حتى من نلقي عليه القبض يروح محاكمة ومحد يكدر يتنازل عنه.
لائِث: ايا ملعون اي والله وانا اكول منك من الشيطان تجيبني لدجلة بهل الليل طلعت تريد تاخذني وياك علمود شغلتك.
هَيْصَم: كُل مانقوم به هو لخدمة الوطن.
لائِث: ذكرتني بناعماً منعماً، هو شبقى منه وطنه متكلي تاه بيد الحرامية والما يخافون الله.
هَيْصَم: نأدي العمل هذا واجبنا وغصباً علينه نلقي القبض على كل الحرامية واللي يتاجرون بأرواح الناس.
لائِث: شغل اغنية وطنية اريد يصعد عندي الحماس.
هَيْصَم: انزل عزيزي وروح كمل طريقك وعوف حماسك على صفحة مايفيدني تأخر الوقت اريد ارجع للبيت، وذكرك كدامهم اني وياك بينه قضية قتل هيج تعاملني.
لائِث: هاي اخلاقك عزيزي مو اخلاقي.
هَيْصَم: عمت عينك وعين أخلاقك ابو أخلاق امشي روح خلصني منك.
لائِث: قبل ماروح اخوك مو تخرج لو اني غلطان؟
هَيْصَم: ليش تريد تنطي اختك؟
لائِث: سألتك سؤال جاوب مثل الأوادم بدون هاي اللغوة الزايدة مالتك.
هَيْصَم: راد يرجع واني كتله ابقى خلي تخلص قضيتنا وطمأن عليه يلا.
لائِث: هو ما يعرف شي من الصار مو؟
هَيْصَم: معرفته مراح تسوي شي بس ينحرك كلبه لا أكثر، عوفه بعيد وسعيد احسن من ما قريب ومتأذي واني ما ناقص.
لائِث: وصلني لدجلة خويه خليني اروح لسيارتي ومناك ارجع للبيت.
هَيْصَم: باجر اخذ ريهاف للبيت يم أمي وآمندا.
لائِث: ليش شكو صاير شي؟
هَيْصَم: خليهن ذني اليوم كلهن سوه قريبين بيت خالتي علمود حماية وحده كل شي يصير مادري، كل الهَمْاس هم ياخذ آريا للبيت، وصلوهن بسيارتكم ومن يدخلن للبيت يلا ترجعون ولتخلي احد يشوفكم لأن انتوا كلكم مراقبين مثلي اي حركة يضيع الأول والتالي.
لائِث: اويلي شكد اخرب على الاكشن دلل من عنيا ياباشا.
هَيْصَم: انزل، انزل لتصيرلي عادل إمام بعدين.
لائِث: سلمنا.
هَيْصَم: يوصل ان شاء الله وانت سلملي بطريقك.
: نايمة بسابع نومه وشلون حلم يجننن، فزيت على حركة قريبه فتحت عيوني مرعوبه بسرعة صارت أيده على حلكي مانعني احجي...
يتبع..
البارت 4143 كلمة..
التفاعل مالتكم يبجي حماسكم واضح كلش شمعاتي..
مسائكم عافية وخير وجمعة مباركة يارب..
لأي شي يخص القصه تعالوا يمي انستا..
رواية هَيْصَم الفصل السادس وخمسون 56 - بقلم Zahraa_Ahmed
لتنسون التعليق بين الفقرات والتصويت للبارت والمتابعه شمعاتي ❤️
هَيْصَم
(الكاتبة زهراء احمد)
______
يُدرك المرء أنه مُتعَب لكنه يجهل ما الذي يتعبه
إنها الهزائم المكبوتة •
_ مي زيادة
فزيت على صوت حركة قريبة مني فتحت عيوني مرعوبه صارت ايده على حلكي مانعني من النطق، الضوه مطفي والغرفة ظلمة رجفت اطرافي من الخوف بس من شميت العطر أخذت نفس، عرفته هو، بس شنو يسوي جاي لغرفتي نص الليل؟ سؤال دار بمخي للحظة حسيت اللي بينه راح ينصلح ونرجع أحباب مثل قبل بس خاب ظني كالعادة من كال وهو يمشي بإتجاه جرباية رويم.
هَيْصَم: اجيت اشوفها ارجعي نامي.
يانوم هذا اللي يزورني بعد مافززني والله يالله عباله كلها ماعدها كلب مثله، شفته نزل لمستواها بعد مشغل الفلاش مال الموبايل قبلها بجبينها وعدل غطاها وطلع بدون مايكول تصبحين على خير، من سمعت باب غرفته نسد كمت من مكاني رايحه للمطبخ شربت كلاص مي والنوم طار من عيوني كعدت على الكرسي وبالي سرح بعيد لأول مره عرفت بيها عندي عمام.
Flash back
هَيْصَم: اليوم بالمركز اجاني رجال جبير بالعمر يسأل عن ابوج الله يرحمه وبعد ما أخذت المعلومات الكامله مالته عرفته يقربكم، طلع عمج جاي يشوف شنو صار وي أخوة.
فيروز: عمي كلت!!
هَيْصَم: اي سمعتي صح عمج واسمه ابو رضا، اجه وياه ثنين.
فيروز: اي وشنو كتله؟
هَيْصَم: كتله وليهمك ندور عليهم ورجعلك خبر.
فيروز: ليش مكتله بالحقيقة؟
هَيْصَم: اني اعرف بيهم من زمان على حسب جنه ساكنين نفس المدينة لكن اعرف هم شرانين ويدورون العركة دواره لهذا السبب محجيت شي الهم لازم اتأكد من النية يلا.
فيروز: يعني شنو ممكن يردون؟
هَيْصَم: سالفة انو مايدرون بيه ميت هاي استبعدها، هم متأكدين انو مات لكن اني شاك بشغلة خليني اتأكد يلا اعرف شلون اشتغلهم عدل.
فيروز: يا شغلة؟
هَيْصَم: يردوج.
فيروز: ليش؟
هَيْصَم: ابوج اله حصه من الورث جدج من مات كتب بأسمه قطعة مال ارض بحكم الوصية ميكدرون يصرفون بيها وبما انو هو مات هسه انتقلت الج شرعاً كون امه وابوه ميتين قبلة وانتِ الوريث الشرعي الوحيد إله، هاي غير بيته والراتب مالته الصار بأسمج.
فيروز: بس الراتب من تزوجتك راح.
هَيْصَم: مايدرون مزوجة وأن دروا وقتها يخيروج بشغلتين اما تتنازلين عن حصتج من الميراث ويتركوج أو تنفصلين عني وبهاي يستفيدون براتبين، النفقة التندفعلج وراتب ابوج اليرجعلج كونج مو بذمة رجال.
فيروز: معقولة يفكرون بهاي الطريقة؟
هَيْصم: يفكرون ليش حتى ميفكرون، اصلاً هم تبروا من ابوج لأن تزوج وحده غريبة علمود الورث تخلوا عنه بس جدج تندم على فراش الموت وكتب بأسمه الأرض لهذا السبب هم يردوج هسه.
فيروز: وشلون عرفت هاي المعلومات انت؟
هَيْصَم: جنه نشتغل سوه أعتقد كايلج اني من زمان فهو حجالي كل شي غير اني جنت جبير من تزوج وتركهم وراح سكن غير مكان ومحد يعرف أرضه من سماه بآخر عملية النه سوه من اجيت اشتغل اهنا شفته صدفة اول مره بعدين صارت بينه عشرة وأن كانت لفترة بسيطة، تعرفت عليه من خلالها، يمكن اني الصديق الوحيد اللي وثق بيه وقتها.
فيروز: حرامات بعد اللي عاشه وحده من المعاناة هسه يدورون وراه ورث، شوف شلون الزمن حقير للأسف.
هَيْصَم: العلاقات اغلبها مصالح قليلة الأشخاص المرتبطين لله، لتضوجين وتفكرين بالموضوع يبقى هذا تخميني لا أكثر بعدني ما متأكد.
فيروز: اذا تأكدت تحجيلهم الحقيقة؟
هَيْصَم: اكيد قابل خايف منهم، اريدهم يجوني برجليهم حتى اطيح حظهم ثار اله وثار الج العافوج وحدج بدون سؤال.
فيروز: اني مامحتاجتهم هَيْصَم سواء وانت موجود بحياتي هسه أو قبلك من توفى والدي، عندي بيتي أو وظفيتي وراتب أبويه، عايشة معززة مكرمة والحمدلله.
هَيْصَم: مو بعدم الاحتياج وانما بالنكران علمود الفلوس، بفاتحته محد أجاه وذكره وهو عايش محد سأل عليه هسه من شمو خبر ميت أجوا حنو!! اريد اطيح حظهم على سوايتهم وياه وعلى الحياة الغريبة العاشها وهو عنده عشيرة تسد عين الشمس.
فيروز: العشيرة التحجي عليهم باعها كلها علمود امي وعلمودي وحتى قبل ميموت ماوصى احد بيه ولا عرفني بيهم حتى لأن يعرف نذالتهم كلهم، اني مكتفيه بحياتي وحابتها وياك أو وي بنتي، انتوا بيتي وعائلتي واقاربي وماريد غيركم.
هَيْصَم: ادوس اللي يحجي عليج كلمة ماتعجب، اني اجيبهم وطلعهم من بيتي فشلانين لتهتمين ابد وخلي راسج بارد.
فيروز: احبك.
هَيْصَم: اعشقج لَّباءَة الهَيْصَم أو وردة حياته انتِ.
ابتسمت على ذكرياتي وياه المليانه حب ولا مره اني وياه تعاركنا ودامت زعلتنا يوم ابدد دائماً نتناقش بأي مشكلة تصير ونحلها بوقتها واذا صادف طالع من البيت اما يتصل بيه لو اني اتصل بيه وينتهي الخلاف ومانرجع نفتح موضوعه ونكعد نعاتب، لان ثنينه عدنا قناعة تامة العمر مابيه رمشه بأي لحظة ممكن ينتهي فشنو معناها نبقى زعلانين على شي تافهه،
ضاعت ابتسامتي من فتح الباب اول مصارت عيني بعينه عقد حاجبه كايل وهو يمشي بإتجاه البراد مالت المي.
هَيْصَم: الساعة بالأربعة ليش بعدج كاعده؟
فيروز: مجايني نوم.
هَيْصَم: السهر مضر بالصحة.
فيروز: اسوء شي يصير اموت وعادي الله يرحمني مو اول وحدة ماتت ولا آخر وحدة هم.
هَيْصَم: تغيير حلو، بس خلي ابالج اذا صار بيج شي تجي وحده غيرج تربي رويم.
فيروز: الواضح والدي وحده اللي جان يحب من اعماقه.
هَيْصَم: اني مو ابوج.
فيروز: ولا راح تكون بيوم هو.
هَيْصَم: اذا عندج شي احجي لتخلي بكلبج.
فيروز: اذا ماعندك شي هنا ياريت تعوفني وحدي.
ابتسم ساحب الكرسي القريب عليه وكعد مكتف أديه لصدره مخلي كعب رجله على رجله الثانية من شفته هيج اني كمت سحبني من أيدي مرجعني لمكاني كايل.
هَيْصَم: ما اجيت علمود ترحين خليج كاعدة اريد اسولف وياج.
فيروز: واني ماعندي شي احجي بيه.
هَيْصَم: كلت اسولف ماكلت اريدج تحجين.
فيروز: واني ماريد اسمعك.
هَيْصَم: بس تسمعيني ماطول اني أريد.
فيروز: والله اذا تريد تحجي احجي اني ما امنعك لكن تنفيذ اللي تكوله يكون يمي والسما اقاربلك.
هَيْصَم: خليني احجي وعود كولي ماريد انفذ.
فيروز: تهددني؟
هَيْصَم: عادي مو اول مره اهددج اني.
فيروز: خلصني شنو تريد اريد أروح.
هَيْصَم: مترحين اريدج يمي.
رفعتله حاجبي بأبتسامه مستهزءة.
فيروز: شسوي بيه بلا يمك؟ اني الخاينة المصانت العشرة، والغدرتك والطعنتك والتركتك كدامها كلها ورحت للمزبله وعفتك بغصتك، شنو تسوي بيه؟
هَيْصَم: وجذبت بكلامي اني؟
فيروز: لا صادق بكل شي كلته اني الغلطانة اصلاً بكل الصار انت ماعندك اي ذنب أبد، ولهذا اكلك اللي بينه ينتهي بس اولد ابنك ماريدك تكون زوجي بعد اليوم.
هَيْصَم: متأكدة؟
فيروز: اي، اني ما احتاجك حتى اعيش ولا ردتك كوني اختنك من تكون بعيد، ولا عتذرت ولا بررت علمود اتوسل بيك حتى تبقى ويايه ومتتركني، اذا مفكر حبي ألك ضعف وتكدر تعاملني بيه بهاي الطريقة فأنت اكبر غلطان على الكوكب، اذا تريد تهدد بالاولاد أخذهم الك ماريدهم وربك يرجعها الك مضاعفه حرمان ام من أولادها، وإذا مفكر اروح لعمامي الرجعتني منهم فأنت هم غلطان عزيزي، بيت ابوي الطلعت منه ارجعله بكرامتي واشتغل وكدر اعيش بدون حتى ما أخذ منك دينار، اني فيروز هَيْصَم بدونك جنت عايشه وبدونك اعيش، وماكو واحد مات وره واحد.
هَيْصَم: حبيت هذا التغيير الصار فجأة.
فيروز: وما راح تشوف شي ثاني مني غير هيج، هاي المره اني الما اريدك مو العكس، هَيْصَم أفندي.
هَيْصَم: ههههههه، مفكرة يصير اللي تردي؟
فيروز: اذا تحب تخلي خاينة يمك فأنت حر، بس اني مابقى يم شخص طعني بشرفي ابداً.
هَيْصَم: انجبي، اني ماكلت خاينتني وي واحد اني كلت خنتي العشرة بطلعتج.
فيروز: الخيانه واحد عزيزي ماكو فرق بالثنين.
هَيْصَم: الواضح تردين حبس انتِ مثل بدايتنا سوه.
فيروز: هههه، هاي أديه احبسني وابنك بطني وكدام عيون بنتك.
هَيْصَم: تردين تحاربيني بنفس الطريقة؟
فيروز: هَيْصَم، خليها قاعدة بعقلك احنه النساء نعتذر، نبرر، نطلب الغفران وفتح صفحة جديدة، لكن من نشوف الصد من المقابل وعدم احترام لمشاعرنا نعبر ومن نعبر مانعبر مثلكم لااا احنه نترك بدون مانلتفت، لو جانت روحي بيك، ما ابقى وياك واني اشوف بنبرتك شوية اهانه وتجريح، ونطيت شهرين وكلت حقه مجروح مني واني غلطت بس خلص هاي هي، ما النه نصيب مع بعض وكل واحد يروح بطريق.
هَيْصَم: وبكيفج هي؟
فيروز: لا تنسى اني وياك طرف ثاني بالعلاقة وطرف مهم مو اي أحد عادي يعني رأي ينمشي بيه وبدون نقاش حتى.
هَيْصَم: حجيتي العندج وسمعت وهسه تسمعين العندي، واحد رويم كبرت وميصير تنام يمنه، ثنين من اليوم وهاي اللحظة تجين تنامين بالغرفة مالتنا، تلاثة والأهم موضوع الانفصال بيدي شوكت ماريد اسوي وماطول انتِ على ذمتي هسه مثل الحبابه تنفذين بدون كلمة، لتنسين هذا واجبج الشرعي اتجاهي كونج مازلتي مرتي.
فيروز: وحتى لو ادخل نار جهنم هم ما راح اسويها، ما اتشارك وياك مكان نطردت منه، كلامك مجان للحايط، دخل بنص كلبي وتربع بيه.
هَيْصَم: اني كلت العندي وانتِ حره بالتنفيذ.
تركني وحدي كاعده وطلع اني هم رحت للغرفة خليت أيدي على اليده اريد افتحه مينفتح، غمضت عيني بقلة حيله، يعني سوه هيج عناد بيه حتى اروح يمه او والله لو تبقى غرفته آخر مكان بالكوكب وأأمن مكان هم مادخللها هسه، رحت مددت على القنفة وغفيت ماحسيت على شي بعد.
كلاثم: آمندا ولج يمه تعالي انزلي خواتج اجني سلمي عليهن.
ريهاف: عوفيها نايمه خطيه.
آريا: شنو نايمه خلي تكوم تحضرنا غده شي ميته من الجوع.
كلاثم: ليش سوده عليه ميته من الجوع شنو مسوين عليج حصار بيت عيالج؟
آريا: لا والله بالعكس تريكت وجيت بس هسه جعت شسوي.
ريهاف: كومي المطبخ مو بعيد وسوي لنفسج شي مو خطار انتِ.
آريا: كافي طايح حظي من بيت العيال ترديني اطبخ هنا مايصير، راح اروح اكعدها واذا ماكعدت اشمر عليها دولكه مي.
كلاثم: وين صاعده دخيل ربج حامل انتِ تردين تموتينه وتبلينه.
آريا: بشنو ابليج غير هو ابني!!
كلاثم: من يصير بيج شي يطلع الوريث الوحيد لجلالة الملك اثبتي وكعدي مكانج اني اكوم اسوي غده.
ريهاف: لا وين رايحه اني اكوم بس ديري بالج على هَصَّار.
آمندا: اوكفي خليج يم ابنج اني رايحه اطبخ سم للخانم، تزوج وتجي يمي تبليني ماتبقين بيت رجلج اذا هيج ميته من الجوع.
كلاثم: اسم الله يمه شنو هل الحجي اختج هاي وحامل.
آمندا: وذا حامل اني شعليه بيها؟ لازم اخدمها يعني؟
ريهاف: شلونج آمندا؟
آمندا: عايشه.
آريا: شبيج خابصة نفسج هيج تره مالي علاقة بلي صار بيج.
آمندا: يمه سكتي بنتج تره والله انتحر بيها هسه.
آريا: صايرة عصابجية ما عرفناج هيج الخطف مسوي بيج لو الحب، ههه.
آمندا: عبالج اني مثلج دورين ختلات وي هَمْاس؟
كلاثم: لا قصرتن بنياتي قصرتن جان لازم وحده تجيب سجينه والثانيه قامه ويصير الحجي بالدم.
ريهاف: اسكتي آريا ولتزودين الطين بله تره مناقصيج احنه.
آمندا: يمه نطيني موبايلج اريد اخابر بيه.
كلاثم: بغرفتي تلكي.
آمندا: شكد راح يبقن هنا؟
كلاثم: يمه شهل الحجي عيب خواتج ذني.
آمندا: شكد تبقن خواتي العزيزات؟
ريهاف: ماكو داعي تحجين هيج اذا متردين تشوفينه هسه نروح المهم متضوجين.
آمندا: اني ماريد آريا خليها تروح وحدها ابقي انتِ.
آريا: ليش ماترديني؟ هههه اللي يسمعج يكول جايه لبيتج، شو هَيْصَم مشتري وأمي كاعدة بيه يعني بيت اهلي، اذا مو عاجبج تزوجي حبيب الكلب مو كتلتي روحج عليه وركصتي بالعقد لمن وكعت رجليج شنو منتظرة تزوجيه محد كلج ابقي على كلب الوالدة الله يحفظها وعظم بلعومنا كلما نجي بس تلغين زايد يكول ماكلين من بيتج.
آمندا: انتِ ليش مفكره الناس كلها مثلج بدون اخلاق؟ ياريت لو ما شاهده على وكفاتج بالمطبخ وغمزاتج لحبيب الكلب وكل شويه طلعتي بره بس علمود تصير الصدفة الهنديه وتشوفيه، عاد اني مو مثلج بعبايتي وحجابي نعجب بيه ودك بابي ومستعد يترك الدنيا والبيها بس علمود يتزوجني.
آريا: عاد متأكد منج لا، بقيتي سبوع يم واحد غريب.
بقيت جامدة بمكاني جنت متوقعة هاي الكلمة من الكل بس منها ما متوقعتها بسرعة راح عقلي لغضنفر هم راح يجي يوم ويكلي نفس الكلام سحبت نفسي بهدوء واسمع امي وريهاف يغلطن عليها ويحجن بس شنو الفايدة كلامها أذاني هوايه، أخذت الموبايل وتصلت بيه اول مسمعت صوته نزلت دمعتي وكلت بغصه.
آمندا: تستقبلون ضيف؟
هَيْصَم: انتِ الداخله واحنه الطالعين بعيونه نخليج بنيتي.
آمندا: راخ اتصل بغضنفر يجي يوصلني عادي؟
هَيْصَم: انطيني بس ساعتين واني اجيج اخذج.
آمندا: لا اريده هو علمود احجي وياه عندي موضوع خاص شويه.
هَيْصَم: عادي حبيبتي زوجج هو هسه اتصل بيه اخلي يمرلج.
آمندا: تمام اخذ راحتك خاف اخرتك عن شغلك.
هَيْصَم: الشغل واللي بالشغل يرحولج فدوة لتحجين هيج مره ثانية ازعل منج، شوكت متردين بس ارفعي الموبايل وحجي وياي.
آمندا: ربي يحفظك النه ويخليك حبيبي.
هَيْصَم: يلا بنيتي ديري بالج على نفسج.
آمندا: مع السلامة.
غلقت الخط ورحت للحمام أخذت دوش سريع ونشفت شعري وغيرت ملابسي ونزلت كلت لأمي رايحه يم بيت هَيْصَم اغير جو وراح يجي يوصلني غضنفر مكالت لا من سمعت الهورن طلعت، صعدت يمه بالصدر وهو حرك السيارة مانطق ولا حرف ولا اني هم، ردت اي حجه علمود احجي اللي بكلبي بعد ما اتحمل أكثر من هيج لأن راح انفجر، بلعت ريكي وكلت بهدوء.
آمندا: آسفة لأن تعبتك بس حسيت نفسي مخنوكه وردت اطلع.
غضنفر: راح اشمرج بنص الشارع.
آمندا: آسفة.
غضنفر: على شنو تعتذرين؟
آمندا: هيج بدون سبب اريد اعتذر منك.
غضنفر: راح اشمرج هاي المره من صدك.
آمندا: ليش؟
غضنفر: اني زوجج فبدون رسمية لخاطر شوارب هَيْصَم.
آمندا: غضنفر.
غضنفر: عيونه وكلبه وروحه ومعدته وكليته واعضاء جسمه كلها ادللي.
بقيت ساكته ماعرفت شنو احجي وجاوبه، بقينا شويه هيج الصمت يعم السيارة حتى قطعة كايل.
غضنفر: ليش خجلتي؟ احجي شنو الموضوع شنو ردتي تحجين؟
آمندا: ردت افهم منك شغلة بس هسه صارت مو مهمه انسى.
غضنفر: اكو احد مسمعج كلمة؟
آمندا: لا محد مسمعني شي، ليش؟
غضنفر: لأن هاي اول مره ترحين لبيت هَيْصَم تفاجأت.
آمندا: زوجته وحدها بالبيت وردت اروح اساعدها وهم اغير جو.
غضنفر: عين العقل زين ماسويتي.
آمندا: اريد اكلك شي.
غضنفر: اسمعج سولفي.
آمندا: اريد اروح لدكتوره نفسية اذا ماعندك مشكلة يعني.
غضنفر: ليش تكون عندي مشكلة بالعكس اني اشجعج تروحين، اعرف دكتورة اخت صديقي معروفة ومره جبيرة بالعمر متأكد تكدرين تاخذين راحتج وياها.
آمندا: أكدر اروحلها اليوم؟
غضنفر: لازم اتصل بيه وناخذ موعد منها اشوفهم بلكي يصير اليوم ترحين.
آمندا: ماعندك مشكلة؟
غضنفر: بالعكس اني اول واحد اشجعج على هاي الخطوة، تبقى المعالجة النفسية افضل بألف مره من اي شي ثاني، يرتاح كلبج وعقلج وافكارج تتوضح وتخلصين من الأمور السلبية بحياتج وتصيرين اقوة، لعلمج مره من المرات اخذت جلسة يمها، إنسانه لطيفة بكل معنى الكلمة ومتفهمه وعدها قدرة رهيبه بتوضيح الأفكار وترتيبها، بعد مجنت ضايع لكيت نفسي وياها.
آمندا: ليش ماخطبتها لعد؟
التفتلي، وهو مبتسم كال.
غضنفر: لأن هذا الكلب حب اخت هَيْصَم شيسوي بعد وغير هذا مزوجه وعدها ولد قريب من عمرج.
بتسمت دايره وجهي للجامه صافنه على الطريق، وصلنه للبيت نزلت انتظرني لمن دخلت يلا راح سلمت عليها ودخلت جوه جانت على ملامحها علامة تفاجئ الواضح هَيْصَم ما انطاها خبر.
آمندا: اعتذر لأن أجيت بدون ماكول بس صار كل شي صدفة.
بتسمت بوجهي كايله بهدوء، النبرة المتعودة عليها منها.
فيروز: لا يعمري على شنو تعتذرين البيت بيتج تنورين بأي وقت انتِ.
آمندا: رويم وين؟
فيروز: نايمة بالغرفة اذا تردين اكعدها الج.
آمندا: لا يروحي خليها نايمة بس لأن البيت هادئ فسألت عليها.
فيروز: لتتقيدين يمي اخذي راحتج والبيت بيتج تره.
آمندا: ربي يسلمج البيت عامر بأهله ان شاء الله.
فيروز: اكعدي خلي اجيبلج كلاص مي تشربي، اني مجهزة الغدة بس مهدره التمن دقايق ويكون جاهز حتى ناكل سوه، اي شي يعجبج موجود بالثلاجة وشنو تردين بس كولي اسوي الج.
آمندا: شكراً الج بس اني ماريد شي لتعبين نفسج.
فيروز: تعب شنو، شدتحجين عيوني اصلاً بالعكس والله بشوفتج حسيت البيت صارت بيه حياة.
راحت للمطبخ واني صفنت عليها شكد قهر من يكون الغريب حنين عليك ويحترمك أكثر من أهلك دمعت عيوني بس مسحتها بسرعة ماريدها تشوفني ضعيفة تحت أي ظرف كان.
حوري: اليوم حاول ترجع من وقت للبيت.
محمد: ليش مسويتلي مفاجأة؟
حوري: هسه انت شعليك المهم تعال من وقت وبس.
محمد: زين ماكو قبل ما اطلع منا منا؟
حوري: يعني شنو منا منا؟
محمد: ثولتها الفاهيه.
حوري: غير افهم عزيزي قصدك شنو؟
محمد: شبيج يعني اني زوجج شريد مثلاً تصنعيلي قمر صناعي!!
حوري: والله خوش فكرة بيها هوايه ربح بس منين نبدي؟
قاطعني ساحبني لحضنه كايل بصوت عذب يطرب حواسي كلها وياه.
محمد: أقمار تريد اخو يشيلها من ورانه.
حوري: ليش ميشيلها كدامنه؟
محمد: شوفي لاتصيرين ثوله فد مره اقصد بعد مانموت.
حوري: بهاي لتخاف عدها خوال وعمات هاي اذا متنه وهي صغيره واذا كبرت فتكون ان شاء الله بوقتها عدها عائلة وبيت ومتحتاج أخ بعيد عن كل هذا منو يكول الأخ اللي راح نجيبه الها يكون آدمي ويحافظ عليها يجوز هو السبب بتدمير حياتها.
محمد: صخمتيها ولطمتيها بعد.
حوري: ههههه، مو صخمتها ولطمتها بس هذا الواقع ولازم تفكر بكل الاحتمالات.
محمد: بعيد عن اقمار اريد اصير اب للمره الثانية، عاجبني نجيب طفل جديد.
حوري: بهاي لازم ندرس الموضوع من كل جهاته لان هاي السنة مثل ماتعرف اني طالبة وضيعت سنتين من حياتي ومستحيل اضيع هاي السنه هم، العمر ديمشي وماريد الفرصة تضيع.
محمد: متضيع اني وياج وامي وأبوي ليش مصعبة الموضوع؟
حوري: مو مصعبه بس حمل ودراسة ولتنسه أقمار هم يعني هي تصير الضغوطات من وحدها.
محمد: اني وياج متسوين شي بس تهتمين بدراستج وبس.
حوري: خلي على الأقل فد سنتين بعد بوقتها تكون أقمار كبرت وتكدر تعتمد على نفسها بهوايه أمور مو مثل هسه هي طفلة واجيب طفل ثاني هذا موت على قيد الحياة.
محمد: تمام مثل متردين.
حوري: حوحايتي لتزعل مني بس والله صعب الموضوع كلش بهاي الفترة.
محمد: متفهمج بدون متحجين شي لتهتمين، اني طالع عندي موعد وي هَيْصَم لازم اشوفه بالمكتب.
حوري: انتبه على نفسك وتصل بيه لتنسى.
محمد: اني اصلاً اخلص الطريق كله اسولف وياج وين لكيتيها مالت لتنسى؟
حوري: الذكرى تنفع المؤمن.
محمد: اكو وأحد ينسى نفسه بدون ملابس؟
حوري: شنو هذا المثل الغريب اكيد لا.
محمد: لعد شلون انساج يا فراش روحي وغطاها؟
حوري: انت تحطم الأرقام القياسية بالغزل الغريب.
محمد: احنه كل شي صار ويانه غريب مو بس الغزل.
حوري: يلا روح لتتأخر.
محمد: سامعة اغنية حسام الرسام؟
حوري: ما اسمع اغاني اني تعرفني قابل مثلك تغفه عليهن.
محمد: ميخالف اني اغنيها الج، يكول بوسني هنا وهنا بوسني على الخدين.
حوري: اي وشنو المطلوب هسه؟
محمد: بوسيني مو مرتين تلاثه، انطيني جزء من حقوقي قبل ما اطلع دكتورتي.
ضحكت على سوالفه ومطلع الا نفذ الأغنية وزاد عليها شويه من عنده، أخذت نفس عميق وبديت ارتب الغرفة، بالواقع الحياة الزوجية بيها هوايه مسؤوليات صعب أكدر اتهاون بوحده بيهن ويصير تقصير لأن ماعرفت انظم حياتي عدل، مو فقط محمد يريد طفل اني هم احب وتمنى يصير عندي ولد بس لو صار راح تزيد حياتي صعوبة وياه لأن احتاج هوايه وقت علمود اهتم بأولاد ثنين وبيت وعائلة وكلها بكفة ودراستي وتنظيم وقتها واني ماحب اعتمد على عمتي أبد لأن هي مره جبيرة تحتاج اللي يعتني بيها ويداريها مارجع اخبصها باطفال ودوخه وصياح، اليوم هو يزعل بس باجر يشكرني على كلامي وقراري المدروس.
هَيْصَم: شكد حلو من تجي على الوقت بدون تأخير.
محمد: اعذرني جنت أخوض نقاش مهم مع البيت.
هَيْصَم: سألت البلوك بيا لون تحب تصبغة؟
محمد: ميصير صبغ مباشر قبلها تخلي بورك.
هَيْصَم: ابو الصبغ اسمها مرتي مو بيت، ماتحجي وي طابوك انت بشر هاي.
محمد: اجيت اشوفك شنو تحجي، المهم عوفنه من كل هذا وتعال اريدك تشوفلي القضية وتدرسها بتفاصيلها.
هَيْصَم: البنيه شوكت تجي؟
محمد: شويه بعد مطول مستعجل يكول عندك شي.
هَيْصَم: اطمأن ماريد اخطبها.
محمد: شكو بيها تاخذ ثواب بيها والشرع حلل أربعة.
هَيْصَم: عفت الحلال الك ماريده، خلصني عندي شغل مهم ما ابقى مكابلك وكاعد.
محمد: شنو تشرب؟
هَيْصَم: ماريد شي تسلم.
محمد: لتخاف ماريد اخدرك وستغلك.
هَيْصَم: محمد ماعندي وقت.
محمد: عسى محد غيرك يكول اسمي.
هَيْصَم: وتالي؟
محمد: تشرب جاي اي اللي يدخنون يحبون الجاي، دلل هسه ادزلك على جاي بثخن شواربك يخبل.
هَيْصَم: كدامك ربع ساعة اذا ماشفتها اعوفك وطلع.
محمد: اهم شي لتعصب وسمعني، شوف اني شاك بعمها.
هَيْصَم: احجي كل شي تعرفه عنها.
محمد: عمها مبين عليه شراني وهي مبينه كلش فقيرة.
هَيْصَم: ماكو مره فقيرة كمل.
محمد: اني شاك مو عمها واصلا هي مو بنته.
هَيْصَم: وشلون شكيت؟
محمد: علاقتها واضحة مصلحة واتفاق.
هَيْصَم: من تجي خليها تدخل وحدها لتخلي عمها يجي وياها.
محمد: ليش؟
هَيْصَم: اسمع مني ونفذ.
دك الباب المساعد مالتي وكال اجت هي اشرتله يدخلها وحدها و هَيْصَم كام من مكانه وكف وره الباب اول مدخلت قفلة سمعت الصوت التفتت إله صفن بوجهه شويه وبتسم وكأن تذكر شي، حركته ماعجبتني والشك بأنو يعرفها تحول الحقيقة.
هَيْصَم: يا هلا ومرحب يا هلا.
: اني اجيت علمود قضيتي وي المحامي محمد مجنه متفقين تجيب ضابط، احنه مو بالسجن.
هَيْصَم: بس راح نصير إلين خانم.
إلين: تذكرني حضرتك.
هَيْصَم: احب الشغل على المكشوف حلو من تكونين شجاعة أو واضحة.
إلين: ماعندي شي اكوله واعتبرني ساحبة منك التوكيل بقضيتي، خليني اطلع وخر من الباب.
هَيْصَم: هو دخول الحمام زي خروجه يهانم، هههههه، اجيتي وجابج الله صارلي سنتين ادور عليج ضعتي وضاع الاتفاق وياج وهسه رجعتي ولازم يتنفذ الماكدرتي تنفذيه قبل وتنفذين بدون نقاش والا امحيج من الوجود كله.
إلين: تهددني كدام المحامي مالتي؟
محمد: اني لا اسمع لا أرى لا اتكلم بكيفك هَيْصَم سوي اللي تريده.
ألين: اشتكي عليكم والله، انتم حابسين بنية وحدها يمكم بالغرفة متخافون من الله والقانون انتوا أبد.
محمد: لتخافين من هاي الناحية مخلين كاميرات مراقبة بالغرفة، بعدين انتِ شايفه وجهج بالمرايه جنج قماش مغسول ومصفط.
هَيْصَم: اول مره تحجي شي بيه حظ عجبتني.
محمد: اني ناوي أعجبك منا وجاي هوايه.
هَيْصَم: يلا ست تفضلي وياي للمركز.
إلين: ما اروح ماعندك أمر إلقاء قبض بحقي.
هَيْصَم: محمد شنو رأيك اخذها لو لا؟
محمد: اخذها.
هَيْصَم: انتِ سجلج بعده مفتوح يعني بس اشوفج القي عليج القبض بدون أمر قضائي.
إلين: ماروح وعوف عمي وحده.
هَيْصَم: لتخافين تشوفيه بالمركز.
فتح الباب وصاح دخلوا مسلحين ثنين من الشرطة اخذوها وطلعوا وهي تصيح وتغلط معروف السان منو بدون ماكوله.
محمد: هَيْصَم ماشكيت ممكن يكون ملعوب اللي صار؟
هَيْصَم: مو شك وانما متأكد، خليني اروح وانت لطول تعال الزم قضيتها اريدها بعد يومين تطلع.
محمد: عندي قضايا هوايه ماكدر اجي اعذرني.
هَيْصَم: محمد.
محمد: دلل مسافة الطريق وتلكاني يمك.
رحت بسيارتي للمركز دخلت ورحت لغرفة التحقيق، اني مو محقق لكن اكو اشخاص لازم اشوفهم بنفسي حتى اتأكد يمشي كل شي حسب القانون خاصة إذا جانوا من ضمن المتورطين بالقضية اللي لازمها، جانت تماطل بالجواب تعبتني صرخت بيها.
هَيْصَم: عندج دقيقة وحق الخلقج وخلاج كدامي اسوي بيج فلم بس الله يدري بيه شنو، اركب عليج أربعة ارهاب وضيعج وره الشمس وتعرفيني شنو سويت بيج من قبل ومستعد اسوي بيج اسوء، انزع اخلاقي من يكون الموضوع بيه تستر عن ترويج بالبشر والارواح وصير مفترس وطيح حظج وانسى شي اسمه احترام الأنثى لأن المره الشريفه والعفيفه والتستحق الستر والتقدير ماتمشي بهذا الطريق، شايفه اللي بره؟ وحق ربج اخليهم يضربوج بطريقة مايبقى مكان بيج سالم فاحجي وكفي الشر احسن متشوفين شي يعجبج.
إلين: ماعندي شي اكوله.
هَيْصَم: شوف شغلك ميثم طلعتي من أيدي بعد.
رفع ردانه وتقدم منها يريد يضربها صاحت.
إلين: احجي والله احجي بس لتشوه وجهي.
سحبت الكرسي وحجيت.
هَيْصَم: غردي يلا اسمع.
إلين: امي جانت محتاجة عملية زراعة كلى، تفقوا وياي ينطوني مبلغ ويدبرولي كلية سليمة علمود عمليتها مقابل اسوي هيج، وماعرف السبب.
هَيْصَم: واللي ماخذ دور عمج منو؟
إلين: ماعرفه كلولي يجيج واحد ومشي وراه واني سويت مثل ميردون بدون مانطق حرف وهذا جان من ضمن الأتفاق.
هَيْصَم: وين جنتي هاي الفترة وليش رحتي بدون متنفذين اللي كلته؟
إلين: بعد ما مات كهيل ماكدرت استمر بالعمل وأخذت امي وشردت لغير مكان بس هسه رجعت علمود الشغله اللي نطوني اياها.
هَيْصَم: شلون وصلولج؟
إلين: عن طريق واحد اسمه مختار.
هَيْصَم: منو هذا؟
إلين: هذا شخص عندي علاقة شخصية بيه.
هَيْصَم: شلون يعني علاقه شخصية؟
إلين: صديقي، هو اللي يساعدني بتدبير شغل علمود مصرفي.
هَيْصَم: ماتركتي شغلج؟
إلين: ماعندي شغل غيره دورت هوايه ومالكيت وأمي تحتاج علاج واكل صحي ومنين اجيب؟
هَيْصَم: ومن توكليها حرام ترجع صحتها يعني؟
إلين: الناس البره وحوش محد ينطي شي بدون مقابل.
هَيْصَم: اريد عنوانه الكامل ورقم موبايله هسه تتصلين بيه وتحددين وياه موعد.
إلين: مايجي هيج وقت.
هَيْصَم: ليش؟
إلين: لأن هيج ايام زوجته تكون بالبيت.
هَيْصَم: شنو شغلها؟
إلين: دكتوره، يجيني بالأيام اللي يكون عدها خفر.
هَيْصَم: عنده أولاد؟
إلين: ثنين بس كبار عادي يعوفهم ويجيني بس هو يخاف من مرته يغلق موبايله من تكون موجوده حتى متشك بيه.
هَيْصَم: اكيد هو حاجيلج تفاصيل عملها.
إلين: اي، يكول هي قيادية وبنفس الوقت تفكر بالسمعة وماتريد ولدها يتأذون لأن تعرفه يدور هاي السوالف، هي اللي تصرف عليه وتنطي فلوس من راتبها، بين قوسين هي معيشته لهذا السبب يخاف يخسرها حيل لأن اهلها معروفين ويكدرون يورطوه بدقيقة بقضية مايطلع منها لو يموت.
هَيْصَم: اذا زوجته تصرف عليه شلون يصرف عليج؟
إلين: هو يجيبلي شغل يكلي هاي مساعدتي الج.
هَيْصَم: مسوي فضل كثر خيره، المهم اريد اسمها الكامل ورقم موبايله تكتبيه هنا.
أخذت اسمها بحثنه عليه طلعت المعلومات الكامله مالتها، بعد مكالت مكان المستشفى اتصلت بالمدير اعرفه جاوبني وكتله يخابرها يردوها ضروري يمهم غلقت ورحت يمها.
هَيْصَم: خابري وفتحي سبيكر كليله اني واكفة يم الصيدلانية الفلانية...... وطلعت ناسيه فلوسي بالبيت وماكدر اصعد تكسي اخاف والدنيا صارت ليل، العبي بطريقتج المهم يجي، اذا غلطتي بحرف انتٍ تضيعين بيها.
خابرته وهو حن عليها عراقي دمه حار يحب المساعدة الغيره منعته يبقى ساكت وكاعد بمكانه، أشرت لفريقي نطلع وهي اخذوها للحبس لأن ملفها منغلق وهوايه راح تفيديني.
هَيْصَم: هَمْاس اخذ القيادة انت و لائِث، وانت ضَرْضَم وهَمْهَام كونوا فريقين واحد راح يراقب وياخذ الاستعداد والثاني يكون محاوط الصيدليه بس ينزل علمود يحجي وياها تروحون تعتقلوه.
الينار: سيدي جاهزة.
هَيْصَم: اخذي حذرج ماريده يكشفج مو إلين.
الينار: اطمأن سيدي أخذت احتياطي.
انطلقنا اني والفريق للمكان المحدد اول ماجه نزل من سيارته راح باتجاهها، اني شفت صورته بموبايل إلين ونطيتها للولد، هدفي ما اجيبها وياي خاف تسوي حركة وتساعده، فأول ما شفته عرفته انطيت اشاره القوا عليه القبض بهدوء ورجعنا للمركز.
هَيْصَم: سولف.
مختار: انت معتقلني واني بريئ ماعندي شي اسولفه.
هَيْصَم: نعمان منو؟
مختار: ماعرفه.
هَيْصَم: منو راد ينطيها الكلى لإلين؟
مختار: ماعرف.
هَيْصَم: منو الشخص الماتريد تعترف عليه؟
مختار: لتعب نفسك مراح تاخذ مني حرف.
هَيْصَم: ميثم يمك ساعة اريده يصيح مثل الديج بكل شي يعرفة.
ميثم: تأمر سيدي.
:عيونه حمر، بيها ظلام غريب، وجهه نصه مغطيه، اكو وشم سيف وكلمة بلغة ما اعرفها على أيده، سلسلة لازمها وعطر نسائي يفوح منه عطر مو غريب شامته من قبل بس ناسيه وين، يمشي بدون وعي ولا وجهه، ضايع بس بداخله حقد ما معروف سببه شنو، قترب مني فتح شالي واني احرك براسي بمعنى لا لأن اكو لاصق على حلكي يمنعني من الكلام، نثر شعري بأيده رفعة يشمه وبتعد شويه عني مطلع من جيبه ابره يريد يضربني...
يتبع..
البارت 4155 كلمة..
مزعليني هوايه شمعاتي بتفاعلكم تردون ادخل مهيائيل بالقضية👻..
مسائكم عافية وخير وسعادة يارب..
لأي شي يخص القصه تعالوا يمي انستا..
رواية هَيْصَم الفصل السابع وخمسون 57 - بقلم Zahraa_Ahmed
لتنسون التعليق بين الفقرات والتصويت للبارت والمتابعه شمعاتي ❤️
_____
لو كان بيننا نهر عميق سأصنع جسر وأصل لك، لكي أخبرك لم يكن هناك وطن لقلبي غيرك انت
بلقمي زهراء احمد
هَيْصَم
(الكاتبة زهراء احمد)
_____
: جان الهدف معاقبة هَيْصَم بس الضحية اني، اني آمندا أخته الوسطانية، قبل سنة ونص قررت اتوظف على شهادتي أو باي مكان ثاني المهم اطلع واشتغل وما ابقى بالبيت كوني خريجة بالأول والثاني ماردت يصرف عليه أخويه يكفي عليه البيت وامي واختي الثانية، بعد ملحة وإصرار وافقوا هو وأمي شتغلت بشركة أهلية، استمر شغلي بشكل طبيعي وحبيته كلش وصرت يوميه احضر نفسي على الموعد حتى اروح للدوام بكل حماس، بعد فترة شفت واحد لابس زي عسكري كدام بيتنه شويه وطلع هَيْصَم صعد وياه منتبهت على شكله خجلت لأن هو صديق أخويه ولأن مو مهم عندي منو ميكون اني ما انجذب لأي أحد وعندي علاقات الحب اكبر غلط ممكن توكع بيه البنية، مرت ايام على هاي الحادثه ورجعت نفس الصدفة وصارت تتكرر بشكل يومي تقريباً ومرات اشوفه قريب دوامي بس للحقيقة ابد متجرأ وتقرب أو حجه وياي، استمر هذا الشي لتسع أشهر ضبط بعدها أجاني جنت طالعة من الدوام وأريد أأجر سيارة ارجع بيها للبيت، وكف مقابيلي حسيت صرت حمره من الخجل هو حس بيه واكفه على أعصابي اختصر الموضوع.
غضنفر: اذا اجوج خطابه بهاي الأيام وافقي عليهم ولتكسرين خاطر وليدهم.
تركني وراح بدون مايسمع مني اي كلمة، شفته بوضوح هاي المره يشبه اخوي بالجسم تقريباً ثنينهم عضلات لأن أعتقد هو يشتغل نفس شغله وتدريبهم مستمر، ماعرف ليش بتسمت، بعدها بثلاث ايام اجه هَيْصَم لأمي فاتحها بالموضوع.
هَيْصَم: صديقي غضنفر يريد يتقدم لآمندا واني كلت اشوف رأيها قبل متجي امه تشوفها، اسأليها ورجعلي خبر.
كلاثم: بيها كل الخير اني عني موافقة، استجابة دعوتي هاي.
هَيْصَم: اريد رأي بنتج يوم شسوي برأيج اني، بعدين تعالي كليلي ام الهَيْصَم داعيه تردين فريقي لبناتج؟
كلاثم: اي وين الكه احسن منهم.
هَيْصَم: بس غضنفر ماتعرفي.
كلاثم: المهم من جماعتك.
سألتني اني خجلت وكتلها بكيفكم، هَيْصَم عرف جوابي وحددوا موعد اجتي امه شافتني وبعدها بأسبوع أجوا شيوخهم وجماعته وتم العقد بهاي صرت زوجته رسمي، جنه نسولف بشكل يومي صار هو ياخذني من الدوام ويرجعني حتى وصل اليوم اللي دمر حياتي بيه،
سكتت ماكدرت أكمل كلامي حسيت أيدي رجفت وجسمي برد ودموعي صارت تنزل هي من شافتني هيج كالت.
خاتون: لهنا كافي اليوم اكمل حديثي وياج الاسبوع الجاي حددي موعد وي السكرتيرة.
آمندا: مراح تحجين شي؟
خاتون: اني عندي طريقتي الخاصة بالعلاج النفسي يختلف عن باقي الأطباء.
آمندا: بس لازم تحجين شي.
خاتون: شوفي ماما كل اللي حجيتي جان حديث قلب والابتسامه ما فارقت وجهج من البداية حتى وصلتي للنهاية، الحب واضح بكلامج عنه ومن جابج إليه وحجز وياي موعد عرفت انو الحب بينكم كبير جداً، فماكو شي ينحجي بخصوص العشتي وياه، جلسة اليوم هي تعارف تكدرين تسميها جلسة الاسبوع القادم هي العميقة وبيها حديث طويل.
آمندا: خليني احجي هسه.
خاتون: لا اريدج طلعين وانتِ بعقلج الذكريات الحلوه والابتسامة على وجهج خلي يشوف حيويه بوجه زوجته.
آمندا: ان شاءالله.
خاتون: تكدرين تاخذين راحتج.
من شفتها ماحجت ولا كلمة كلت حرامات التعب بالجيه لهنا طلعت واني فاقدة بيها الأمل ممكن تكدر تعالجني، بس بالواقع اكو سعادة داخليه نولدت من تذكرت كل شي صار بالفترة السابقة بيني وبين غضنفر، الحب الكبير الموجود بينه شي لايقدر بثمن خاصة ومع انو بقى مصر على زواجنا وماتركني رغم الصار،
شفته واكف كدامي من طلعت من الغرفة ابتسمت بوجهه بادلني واضح على وجهه القلق يمكن جان خايف عليه وهسه اطمأن، لزم أيدي بين أديه ضغطت عليها رفع وجهه إليه ماعرف شنو الصار بداخلي فجأة بس حسيت لازم احجي مابقى ساكته، كلبي يكلي اعترفي، باوعت بوجهه وكلت بمشاعر صادقة ومن أعماقي.
آمندا: احبك.
وجهه صار ينطي ألوان، عركت كصته ومسحها بكف ايده خجلت على منظره بس بقيت اباوع لردة فعله الفرحت كلبي وخلته يشغل معزوفه، ضحك من اعماقه ورفع أيدي خلاها على كلبه كايل بتعبير خلاني اشوف حبه أكثر من ما جنت اشوفه قبل.
غضنفر: كلبي جان بدون بلاد وصرتي انتِ الهوية والوطن.
ماعرفت شنو اجاوبه وبقيت ساكته بس ابتسامتي تشرح مشاعري كلها، رحنه للسيارة وعزمني على العشا بعد متصل بهَيْصَم، خلص الطريق كله لازم أيدي بين أديه وكل ثانية يلتفتلي ويبتسم ويرجع يباوع لطريقة، كلمة وحده سببت سعادة لكلبه وفرحه إليه لاتوصف، شعور ماعشته من فتره طويله ونسيته هو شنو اصلاً، تعشينا ورجعني للبيت وكف كدام الباب اجيت انزل وقفتني أيده وهو ساحبني لمكاني كايل.
غضنفر: كوليها قبل مترحين عن عيني.
آمندا: صفنت بيه شويه ونطقت، احبك وفلتت ايده ونزلت بسرعة للبيت.
هَيْصَم: عوفي مشكلتنا بينه لتخلين شي يبين يم آمندا، يكفي اللي هي بيه.
فيروز: لتخاف اني مامتعودة اشكي مشاكلي لأحد.
هَيْصَم: ماقصدي هيج.
فيروز: لا قصدك هيج داده.
هَيْصَم: شبيج هاي اليومين؟
فيروز: لاحظت الاختلاف لأن بطلت اتوسل بيك مو؟
هَيْصَم: منو كلج توسلي؟
فيروز: اني نفسي كوه اسحبه خليني ساكته احسن ماريد اخلق مشكلة بدون شي.
هَيْصَم: نامي بالغرفة اليوم لتخليها تحس على شي.
فيروز: واذا حست؟
هَيْصَم: راح تحس نفسها ثكيله علينه واني ماريدها تضوج.
فيروز: من هاي الناحية اطمأن راح أكلها مليت من اخوج اريد اكابلج وكعد هاي اليومين.
هَيْصَم: كل هذا حتى متجين يمي؟
فيروز: وكل خططك علمود اتراجع عن قراري ماتخليني اتنازل عن الكلته.
هَيْصَم: على هيج اليوم انتِ تنامين يمي، ونشوف كلمة منو تمشي بالأخير.
فيروز: اذا مشت كلمتك، تكون انسان مستبد ماتحترم رغبتي بالابتعاد عنك.
هَيْصَم: اني مستبد من يوم يومي مو شي جديد، راح تجي آمندا وعندي شغل اتأخر يلا اجي ومثل ماكتلج لتخليها تحس على شي راح تكونين مسؤولة عن أي شي يصير.
فيروز: اني أريد اكون السبب وحملني كل شي يصير وستعجل بطلاكنا شكد متريد.
هَيْصَم: ولأن انتِ ترديه مراح انطيه الج بسهولة.
فيروز: بس بالأخير يصير اللي اريده.
هَيْصَم: نشوف.
فيروز: اي ليش لا اكيد نشوف.
قبل ميروح للغرفة ندك الباب راح فتحه ابتسمت بوجهه هي بادلتني سلم عليها وطمأن على صحتها بعدين دخل غير ملابسة ومتفاجأت من صاحني كدامها، يريد يراويها اني وياه عايشين بسعادة سوه ماعرف سو هيج عمداً يخليني اروح يمه حتى يكلي شوفي اني اللي اريده يصير غصباً عليه،
كمت رحت للغرفة ومكدرت ادكها قبل ما افوت لأن هيج راح تشك اكو شي بينه لأن هي كاعده بالصالة ومقابيلها الباب، بس سوت معروف جبير من كامت دخلت للغرفة الثانية، ستغليت الفرصة ودكيت الباب وفتت، واكف يمشط بشعره التفتلي وبتسم، ترك المشط وجه وكف يمي خله أديه وره ظهره كايل بفخر.
هَيْصَم: شو اجيتي لغرفتي مو كلتي ما ادخلها.
بتسمت بوجهه وسويت نفس حركته، رفعت راسي لوجهه باوعت بعيونه وخليت نظرتي نظرة حب يفهمها هو اسويها دائماً من اريد اعترفله بمشاعري لو احتاج شي حتى ميكول لا ويوافق بدون ميتعبني.
فيروز: أكدر ما اجي وسيد أفندي صاحني بالإسم.
هَيْصَم: عيونج.
فيروز: ينعمن اذا ميشوفنك.
هَيْصَم: لهاي الدرجة تحبيني؟
فيروز: ليش هو الكلب يعيش اذا مينبضلك؟
هَيْصَم: كلامج حلو.
فيروز: بس مو احله منك زوجي العزيز.
هَيْصَم: اذا هيج عاجبج كدامج ماكول لا.
فيروز: لا بهاي لازم انت تبادر مو اني.
هَيْصَم: نبادر ليش لا، مشتاقلج حيل لَّباءَتي.
رفع ايديه حاضن خدودي بينهن، بتسمت بوجهه اريده يتقرب أكثر من عندي من صار البعد بينه مسافه شعره همست بصوت ناصي.
فيروز: اني خاينة أو وحدة حقيره معقوله تنزل مستواك وتنسى كلامك أو وعودك بأنو ماتتقرب مني؟
ابتسم مسوي اللي يريده بوجهي ابتعد شويه عني وهو يكول.
هَيْصَم: الحب اللي بينه اكبر من اي خلاف ثاني.
فيروز: لدرجة صرت لَّباءَة فجأة.
هَيْصَم: جنتي ومازلتي لَّباءَة بكلبي وماتغير هذا الشي ولا راح يتغير بيوم.
فيروز: بس انت نزلت من عيني هوايه سيد متدين ومارجعت مكانتك بكلبي نفس المكانه السابقة.
هَيْصَم: نرجعها نفسها مو مشكلة، ماعدنا شي المهم عندي رضاج.
فيروز: انت عصبت وتهمت حتى كدرت ترجع طبيعي وتتقبلني ولا كأن صار شي بس اني سكتت، سمعت اتهاماتك وطعنك وتجريحك وماحجيت كلمة والبكلبي ماتكدر تشفيه فقدت الثقة بعلاقتنا وهذا اصعب شي ممكن تعيشه اي زوجة، بررت وماسمعتني، توسلت وماهتميتلي، سمعتني كلام يهز البدن وبقيت ساكته وانت تعرف كل اللي صار جان علمود احافظ على سلامتك خفت يصير بيك واني ماعندي احد غيرك بهاي الدنيا، وللأسف الشخص الوحيد اللي بقالي بالحياة طعن بيه وتركني مذلوله وماسمعني ومن تعب وراد قربي منه لان شويه وياي وكال حقوق شرعية أو واجب عليج تنفذيه، ومشاعري؟ اني اجاوبك مو مهمه، فكرت اني ممكن اضعف واكون سعيدة لان فترة عقوبتك انتهت وقررت ترجعني أمارس حياتي الطبيعية وياك واشاركك نفس الغرفة،
من ينتهي الوجع الموجود بكلبي ومن ارجع اشوفك هَيْصَم اللي حبيته وتزوجته بذلك الوقت افكر ممكن اسامحك وبدي وياك صفحة جديدة بس هسه اعذرني حتى لو انطيك حقوقك راح تكون واجب لا أكثر أو ممكن رغبة مو حب مثل اللي صار قبل شويه.
تركته وطلعت بدون ما اسمع كلامه، كلامي قاسي بس حقيقي، جرحني هوايه صح ماحب اكون هيج وياه بس هو جبرني اوصل لهاي المرحله.
دخلت للغرفة من شافتني ابتسمت، صفنت بيها جانت حيويه تضحك وتسولف كلما اروحلهم للبيت اشوفها هي وآريا وحده تغلط على الثانيه ويتعاركن وشويه ويضحكن مسويات للبيت جو حلو حيل بس هسه لا تغيرت هوايه، هادئة ومنعزله وقليل تحجي، كعدت بصفها سحبت راسها خليته على رجلي وصرت العب بشعرها حسيت بيها تبجي، سولفت وياها ردت افضفض لأحد وريح كلبي.
فيروز: من جنت صغيرة ورجع من المدرسة اشوف ابويه واكف بالباب ينتظرني اركض لحضنه وشوف البنات اليمي كل وحده لازمه أيد امها وتضحك وتسولف وياها شنو ماخذه بداخلي ينولد هذا الشعور ليش اني ماعندي أم، شكو بيها لو هي عايشه وتجيني للمدرسة وكلها اليوم هيج أخذت من دروس وهيج سويت، تمشطلي وتغيرلي ملابسي؟ وتجي عيني على أبويه وابتسم ويجي صوت لداخلي لتضوجين عندج اب وأم بشخص واحد، عوضني عن الكل اشوفه الجميع، اب وام وحبيب واخ وصديق جان فعلاً كلهن، بس الأم وجودها يختلف لو شكد ماقدم الأب يبقى مكانها فارغ اذا هي ماكو، تمنيتها بموقفين من مات ابويه وبقيت وحدي بالبيت ومن تزوجت وردتها ويايه وما لكيتها، لاشميت عطر ولا حضنت جسد كبرت واني يتيمه، وتمنيتها مره ثالثة من اجه عمو للبيت واني وحدي فتحتله الباب وسحبني من أيدي بدون تفاهم وكال جملته.
ابو رضا: رجلج بالدوام أو ولدي واكفيله على الشارع ومتحلفين بيه يكتلوه، اذا ماتعوفيه وتجين وياي رجلج يموت وبنتج نشمرها على اهلها وناخذج تعيشين يمنه، يعني بكل الأحوال عايش ميت انتِ تجين ويانه، وبكيفج بعد، العصر اجيب ولدي واجي كدام رجلج اريدج تكولين اريد عمامي ماريدك وتتبرين منه بهاي بس بنتج ورجلج يسلمون.
فيروز: اتصل على ماعرف منو فتحلي كاميرا وخلاها كدامي شفت المركز كدامي اللي يشتغل بيه، رجليه ماكدرن يحملني من شفته طالع من المركز وصارت عيني عليه حتى لو الصورة بعيده بس أكدر أميز زوجي وابو بنتي من ألف واحد، ماكدرت اسوي شي غير اتبعه واسوي اللي يريده سلامته عندي بالدنيا كلها حتى لو على حساب سعادتي وبدون تفكير بالعواقب.
آمندا: ليش ماكلتي لهَيْصَم؟
فيروز: هددني اذا كتله لو سوه اي شي الهم ينقتل ينقتل، هددني بالعشيره مالته، خفت عليه ومجانت اكو فرصة لأن اول مادخل هَيْصَم للبيت دخلوا همَ، نخليت بموقف محرج خاصة وجماعته كلهم اجو مشيت بدون ما التفت واني ابجي دموعي مانشفت ولا يوم عشته يمهم خليتهم مرتاحين بيه ندمتهم على الساعة الجابوني بيها خبلتهم بس بقوا معندين وماقبلوا ارجع.
آمندا: مو بالبيت كاميرات مراقبة ليش هَيْصَم مشافهن؟
فيروز: ماعرف إذا شافهن لو لا.
آمندا: ومن رجعتي شنو ردة فعلة؟
فيروز: ماكو اي ردة فعل، ثنينه صامتين.
آمندا: سامحج؟
فيروز: مادري.
آمندا: يحبج هو.
فيروز: مثل حب غضنفر الج.
آمندا: يحبج أكثر من حب غضنفر إليه.
فيروز: شلون عرفتي؟
آمندا: من جنتي ماكو يجي يم أمي ويكعد يبجي يمها، حتى من ماتت زوجته الأولى مانزلت دمعته يمنه وكلما امي تسأله شلونك يكلها الحمدلله بخير لتهتمين، بس من رحتي عنه نزلت دمعته عليج وحضن امي وشكالها على فراكج جان يكلها اعوف الدنيا كلها علمود اشوفها تضحك ومرتاحه وهسه راحت ضحكتي وفرحت بيتي شسوي شلون ارجعها يمي؟
تعب بيج هَيْصَم هوايه فيروز لتزعلين منه شنو محجه تره كل عصبيته عتب عليج لأن رحتي بدون متكليله.
فيروز: ماكو مي يبقى عكر طول العمر لابد يجي يوم يصفى.
آمندا: يصفى بس تبقى الرواسب بالقاع بأقل حركة ترجع حياتكم تتعكر.
فيروز: الحياة هي هيج لابد يصير بيها مد وجزر، ماكو حياة سعيدة بالكامل ولا اكو علاقة متصير بيها مشاكل.
آمندا: مرات لازم نكبر عقلنا ونتجاوز بعض الأمور وان كانت قوية، حتى نكدر نكمل براحة وبدون تعب، التفكير المستمر متعب بشكل جبير.
فيروز: اني احب اتعب بالتفكير حتى أمل من الفكرة واكدر اتجاوزها.
آمندا: واجهي بلي تحسين بيه حتى تخلصين منه.
فيروز: المواجهه صعبة، ماريد أصغر نفسي أمام احد، اعيش الشعور وحدي واني اخلص منه بمرور الوقت بدون ما أذي احد، احب اكون مظلومة مو ظالمة.
آمندا: الله يهدي النفوس ويصلح بينكم.
فيروز: آمين يارب، احجيلي عنج انتِ.
آمندا: اني مثلج اتبع الصمت.
فيروز: اعتبريني اختج وحجيلي.
آمندا: الوجع مايحمله غير صاحبة.
فيروز: يمر هذا المر ويصير سوالف.
آمندا: بس السوالف هاي توجع الكلب وماعندي حيل اتحمل بيه بعد.
فيروز: تتحملين حتى تعبرين بأقل الخسائر ويكون داخلج نضيف من كل الرواسب، تكدرين بعدها تستقبلين حياة زوجية سعيدة بدون المشاكل والماضي.
آمندا: احس غضنفر أكثر واحد متأذي من الصار بس يسكت وميحجي شي.
فيروز: سولفيلي شنو صار وياج؟
آمندا: نخطفت من جنتي بيت عمج آخر شهر.
فيروز: منو خطفج؟
آمندا: فيروز اريد انسى ونام الليلة مرتاحة لتهيجين الألم بكلبي واني اجيت يمج علمود ارتاح.
فيروز: ارتاحي مراح أسألج شي بعد.
سكتت وحسيت بيها تبجي شويه وثكل راسها وخرته على كيف التفتت لكيت رويم نايمه هم، طلعت بره فتحت الباب وكفت بالحديقة الجو حلو نهاية التاسع أخذت نفس ورجعت بعقلي السوالف كلها حتى تعبت بس مدخلت جوه كعدت جوه نخله زرعها هَيْصَم بالبيت قبل سنتين وصفنت بالكمر والنجوم المضويه البيت بقيت الى ان تعبت ودخلت جوه.
محمد: هسه شنو؟
هَيْصَم: اريدها تطلع باجر.
محمد: ليش؟
هَيْصَم: راح تتواصل وي واحد من جماعتهم، اني سالفتها كلها ما مقتنع بيها وأريد اتأكد من شكوكي.
محمد: واذا طلع كلامها صح؟
هَيْصَم: بكل الأحوال احنه مخسرانين شي.
محمد: ومختار؟
هَيْصَم: هذا اريد مرته.
محمد: لا ابد هَيْصَم ماتوقعتك هيج تريد مره مزوجه مو عيب عليك متسحتي وانت مزوج وعندك بيت وزوجه واطفال.
هَيْصَم: وسيراميك وطابوك.
محمد: صدك شسوي بيها؟
هَيْصَم: اخذها سفرة سياحية حول العالم.
محمد: عوف حسك الكوميدي وسولفلي شنو تسوي بيها؟
هَيْصَم: مرته هي اللي راح توصلنا للبقية.
محمد: شلون؟
هَيْصَم: نساومها بزوجها وهي من خوفها راح تحجي.
محمد: خطية شكد فقيرة لعد.
هَيْصَم: انت شغلتك محامي حمار لا تصير، زوجته مبينه بنت عشيرة وناس وتخاف من السمعة وأهم شي عدها البيت والشرف ماراح تقبل الناس تكول على ولدها ابوهم خريج سجون وهي بكل قوتها كاعد تأمن الهم مستقبل مشرق، لهذا السبب راح تسوي اي شي علمود يطلع.
محمد: وراح يطلع؟
هَيْصَم: انت شتكول؟
محمد: التدخله السجن مثل اليدخل مقبرة ماله طلعه بعد.
هَيْصَم: المايجيني يروح يم ربه، وهسه اريدك تروح مثل الحباب وتبحثلي عنها وتجيبلي أياها لهنا.
محمد: ليش انا؟ ليش مو واحد من العناصر؟
هَيْصَم: انت ما راح يشكون بيك كونك عدوي وند إليه عكس الشرطة التشتغل بالسلك وياي.
محمد: منين ابدي؟
هَيْصَم: من مستشفى.....
محمد: تشتغل موظفه هناك؟
هَيْصَم: وعدها خفر الليلة تكدر تستغل الموضوع وتخليها تجيني طايره.
محمد: واذا ما اجت؟
هَيْصَم: تجي لتخاف.
محمد: رايح ادعيلي.
هَيْصَم: عين الباري عليك.
محمد: صاير حباب.
هَيْصَم: بيك فايده إليه.
ضحكت وطلعت للعنوان اللي انطاني اياه دخلت سألت عليها نطيت اسمها الكامل كلولي غرفتها وين رحتلها وكفت كدام الباب ودكيته صاحت تفضل صوتها ناعم فتت للغرفة لكيتها بنيه شابه عمرها تقريباً بالثلاثين سلمت ورحت كعدت مقابيل مكتبها وهي كالت.
الهام: تفضل بشنو أكدر أساعدك؟
بتسمت مطلع من جيبي هويتي خليتها على مكتبها.
محمد: وياج المحامي محمد، اني ستلمت قضية زوجج لأن ماعنده محامي واني توكلت بقضيتة.
الهام: عفواً اكيد حضرتك مشتبه اني زوجي ممسوي شي علمود تنرفع عليه قضية.
محمد: شنو اسم زوجج؟
الهام: جعفر.
مستغربت اكيد عنده اسمين طلعت موبايلي مراويها صورته فتحت عيونها مصدومة اكيد ما اجي الها وتعب نفسي بدون ماعندي ادلة على شغلي ويقيني التام انو اني امشي بالطريق الصح.
محمد: هذا لو مو هو؟
الهام: اي بس شنو تهمته؟
محمد: الد*** عفواً من حضرتج لهاي الكلمة لكن لازم تعرفين غير تورطه وي عصابة مخدرات، اني كدرت احصل ادلة ولو بسيطة لكن احتاج مساعدتج بهذا الموضوع.
الهام: شلون اكدر اساعدك؟
محمد: لازم تجين للمركز وتقدمين افادتج يم الضابط.
الهام: لا ماكدر ادخل للمركز اخابر اخوه يروح بمكاني.
محمد: قضية زوجج قضية بيها ركاب تروح وغير الفصول على الأعمال التسود الوجه، اذا تردين نصيحتي كمحامي لحضرته لازم تجين بنفسج بدون محد يدري.
الهام: حتى لو كلامك صحيح بس ماكدر ياريت تقدر وضعي، اني بنيه شابه شلون اكدر ادخل لمكان كله مجرمين مو حلوه بحقي.
محمد: ولا حلوه بحقج تجي على اولادج نظرة ابوهم خريج سجون، على الأقل الروحه تكون بضمانتي وياي ومحد راح يعرف بالموضوع غيرنه، تدخلين تنطين اقوالج وبعدين ترحين ولا كأن اجيتي اصلاً.
الهام: وراها يطلع من السجن؟
محمد: اني ما استلمت قضية وخسرتها وسألي عني، ماكو مجرم وخارج عن القانون اذا ماطلعته.
الهام: تمام، باجر ان شاء الله اجي للمركز بيا ساعة تكون متواجد هناك؟
محمد: التسعة الصبح.
الهام: ماشي ارتب جدولي وكون موجودة.
محمد: اشوفج على خير، طلعت واني مبتسم اجتني الركصه نص الممر بس ثكلت شويه عيب محامي ورباط وقاط وكذا، اتصلت ب هَيْصَم وبشرته.
هَيْصَم: عاشت ايدك تكدر تروح لبيتك هسه خلصت مهمتك لهنا.
واني امشي تصلت بيه باوعت لاسمها وشبعت هَيْصَم مسبه هسه شيخلصني من السانها.
حوري: وينك اكيد كاعد تخوني مووو؟
محمد: اللهم صل على محمد وآل محمد، بس اخذي نفس وستهدي بربج خيانتيش يمعودة ليش اني اشوف غيرج اصلاً علمود اخونج؟ الجسد هنا والروح يمج يابعد روحي وطوايفي وأهلي وعشيرتي كلهم.
حوري: ماتضحك عليه بهاي سوالفك افتحلي كاميرا بساع.
محمد: قوري كلبي العالم كدامي تردين تفضحيني كدام أمة محمد؟
حوري: شوف وحق ربك الخلقكك هسه اذا مافتحت كاميرا تجي تلكه الباب مقفول وتحلم تفوت للغرفة لو تصير نبي زمانك.
محمد: أعوذ برب الفلق، متلبس بيج جني لو شنو شبيج تسودنتي بهل الليل؟
حوري: تفتح لو شلون لتغير الموضوع؟
محمد: عمي افتح يا طلابة هَيْصَم طلابه عساك تنام بالشارع على سوايتك وياي.
حوري: لحظه تأخرت بسبب هَيْصَم؟
محمد: اي لعد بسبب ابوي قابل.
حوري: هاي هي تعال بسرعة لتتأخر.
محمد: بطلتي متردين كاميرا؟
حوري: لا ماطول هَيْصَم هو المحتاجك هاي هي.
محمد: طايحة الحظ ماتصيرلج جاره خليني اجي واني اعلمج بس صبريلي.
سديته ورحت لسيارتي راجع للبيت.
حجيت وي نفسي واني ارتب الورد الخربطته من العصبية لأن تأخر: هاي التزوج واحد محامي لو ضابط لازم يطيح حظها مابيها مجال، عود جنت مفكره اسوي مفاجأة واعيش اللحظة وياه وهو ضاربني بوري معدل ورايح مادري وين، صدك صرت عصبية ونويت اتعارك وياه لأن وصيته من الصبح يجي من وقت، اني ابد ما اطلب منه يجي من وقت بس اليوم لأن مميز عندي بس هو النادر شلون يذكر التاريخ ميصير ينقص منه عظم، اني هم صوجي اعتمد عليه ونتظره وخبص نفسي لو نايمه احسنلي بألف مره من حرك الكلب هذا.
مطول هوايه ونفتح الباب ودخل باوعتله بطرف عيني شغل الضوه صفن بالترتيب والكيكة اللي مجهزتها عقد حاجبه كايل بتساؤل.
محمد: اليوم عيد ميلادي؟
رفعتله حاجبي كايله بعصبية.
حوري: لا ميلادك ولا ميلادي اليوم عيد ميلاد زواجنا ياحبيبي، بس هو مو صوجك صوجي اني المنتظرنتك لسه والساعة عبرت 12 كلت بلكي يذكر التاريخ ويدزلي رسالة يعايدني بيها بس ماكو الأخ حتى متأخر مرجع للبيت مثل موصيته.
ابتسم بوجهي متقدم ناحيتي كايل بحب ونبرة هادئة.
محمد: هو اكو وأحد ينسى احله يوم بحياته؟ اني أصلاً ما اعترف بيوم واحد وكيكة نقطعها وناكلها وتنتهي وتخلص اني عندي كل يوم يمر عليه وانتِ كدامي تمشين بطولج وضحكتج الماليه البيت تسوه بروحي الدنيا ومابيها، وعيونج يقوري كلبي وناره اللهابه ماناسي بس شسوي اذا الشغل نخل عقلي نخل واليوم ماعرف تاريخه شنو.
حوري: هاي هي خلص انسى مو مهم.
محمد: شلون مو مهم واني اشوف شمعة بيتي هيج ضايجه ومالها خلك، وداعتج اعوضج باجر كله نطلع ونفتر وناكل ونشرب واللي ترديه، اهم شي عندي سنج يضحك وماريد من ربي شي ثاني.
حوري: ربي يحفظك إليه وما يحرمني منك.
محمد: آمين لأن ماتلكين مثلي لو تفرين الكوكب وجوارينه.
ضحكت حاضنته، احله شي بالزواج هو الشريك وقربه منك والباقي كل شي يهون من مشاكل وهموم اذا كان هو السند والحب والقوة اللي تخليك تحارب زعلك بضحكة.
:ايام الحمل كل يوم تصير اصعب من القبله، احس اكو ثكل بداخلي والنفس صعب ينسحب دخلت بالشهر السابع ومابقى شي لولادتي وكل ما اقترب يوم انقهر أكثر لان راح انجبر اتركه، حتى لو هو تراجع عن قراره اني مستحيل اتراجع لهوايه أسباب، كلما اشوفه اتذكر شنو سوه ويايه والكلام مالته لسه بداخلي ما كدرت أتجاوزة ولا راح أكدر بيوم، غمضت عيوني نايمة على الكاع وآمندا على الجربايه، دخلت بنوم عميق لان تعبانه حيل ماعرف شكد مر وقت حسيت بواحد يفتح الباب سويت نفسي نايمة واني اسمع خطواته تقترب مني أكثر عرفته من عطره هَيْصَم بس بقيت نفس وضعي بدون ما اسوي اي حركة اريد اعرف شنو يسوي، حسيت بيه نزل لمستواي تمدد بصفي وقرب راسي لصدرة مخلي ايده بشعري يحركه بهدوء، مقرب راسه مقبلني بخدي وجبيني، رفع الغطا مغطي نفسه ويايه، قترب يم أذني هامس بيها.
هَيْصَم: لتفكرين اذا بتعدتي عني ماكدر اجيج، تبقى رغبتي واني إنسان يمج يترك العقل على صفحة ويتعامل بعاطفته، تقبلي الأمر وخلينا نرجع أحباب مثل قبل بدون ما اركض وراج وتركضين وراي.
حجيت بنفس نبرته.
فيروز: وحده خاينه مافيدك ولا راح اركض وراك اطمأن.
هَيْصَم: وليش نايمه بحضني هسه؟
فيروز: انت الاجيت داده مو اني الدازه عليك.
هَيْصَم: اي حسيت ابني مشتاقلي كلت اشوفه.
فيروز: بما انو شفته كوم ليش باقي يمه؟
هَيْصَم: مشتاقله شسوي؟
فيروز: مابقى شي ان شاء الله وتخليه يمك على طول.
هَيْصَم: بس اني اريده هسه شنو الحل؟
فيروز: ماعندي حلول روح نام بغرفتك وعوفني انام.
هَيْصَم: شكد أنانيه تردين تبعديني عن إبني ماتخافين الله انتِ؟!
فيروز: شنو تريد هَيْصَم؟
هَيْصَم: مشتاقلج حيل، أريد قربج لأن البعد عذبني هوايه.
فيروز: اني ماكتلك ابتعد هذا جان قرارك.
هَيْصَم: وهسه ندمت عليه وربج غفور رحيم.
فيروز: ربي مو اني داده.
هَيْصَم: غير انتِ مره مؤمنه وتعرفين الله عدل، لازم تسوين الأشياء الترضيه.
فيروز: اني متنازله عن الجنة الك ماريدها.
هَيْصَم: واني ماريدها وانتِ مو بيها.
فيروز: وشنو المطلوب مني هسه؟
هَيْصَم: نامي وانتِ ساكته خليني استمتع بهاي اللحظة اللي انطي عمري كله وخليها متوقفه هنا.
فيروز: اختك موجوده هنا عيب منها.
هَيْصَم: كومي لعد لغرفتنا.
فيروز: مادخل وياك لذيج الغرفة.
هَيْصَم: اللهي صبرك ياعليم ياحكيم ما اطلب منك غير القوة والثبات.
فيروز: هسه كوم بديت اضوج تره.
هَيْصَم: ادغدغج وتضحكين.
فيروز: هَيْصَم ما اسامحك اني لو شنو تسويلي قرار وأخذته ننفصل بعد ما أولد.
هَيْصَم: ميخالف بس المهم هسه تنامين بحضني وتعطفين بهذا العبد المسكين.
فيروز: لتنتظر مني شي خلي نكون متفقين من الأول.
هَيْصَم: ماريد منج شي بس اسكتي ونامي.
فيروز: عوف أيدي بالأول.
هَيْصَم: حضنيني تعبان.
فيروز: أستغفرك وأتوب إليك ربي.
هَيْصَم: استغفري داده استغفري ربي يغفرلج ان شاء الله بس تحضنيني.
فيروز: اي فتى المرجع الأعلى.
هَيْصَم: لَّباءَة شكد صايرة قاسية ولج.
فيروز: مو بقساوتك حبيب كلبي.
هَيْصَم: يعني عترفتي اني حبيبج.
فيروز: ماكرهتك اني بعمري كله هَيْصَم وانت تعرف.
هَيْصَم: تعالي نعوض الأيام العشنا بيها بعيدين عن بعض.
فيروز: ماعوض وياك شي خليني انام باجر عندي كعدة من وقت.
هَيْصَم: شعندج؟
فيروز: مالك علاقة نام وخليني انام.
شد على حضني بكل قوته حتى ضربته على ايده خف شويه، صار فتره طويله منايمه هيج احس نفسي بنص الأمان، احبه ويمكن كلمة احبه قليله كلش بالنسبة لشعوري ناحيته، كل هاي السنين المرت واحنه سوه جان يحرص بشكل مو طبيعي انو ميزعلني، اني وياه ثنينه غلطنا صحيح الغلط الأكبر عليه بس مع هذا لازم أعلمه درس اني مو هينه علمود بكيفه شوكت ميريد يبتعد وشوكت معجبه اجاني،
كعدت الصبح لكيتها كاعده فوك راسي تباوعلي وتبتسم حسيت خدودي صارت حمر من الخجل كمت وشلت فراشي وطلعنا نسوي ريوك هَيْصَم مبين رايح للدوام لأن مشفته موجود تفاجأت من صاحني باوعتلي واشرتلي على الغرفة.
آمندا: اليوم اذا مانمتي بغرفتج اني اكعد اطردكم ثنينكم سويتوا عندي جفاف ورجلي مو يمي، هههههه.
ابتسمت بوجهه وماعرفت شنو احجي مشيت للغرفة وفتت بدون مادك الباب شفته واكف يم المرايه يعدل بقميصه باوعلي بأبتسامه كايل.
هَيْصَم: ليش هيج خدودج حمر؟
فيروز: كله بسببك كتلك كوم اختك هنا بس انت بقيت معند وخجلتني هسه يمها.
هَيْصَم: تستاهلين كتلج عدنا غرفة ليش ترحين تنامين يمها بس مسمعتي مني اكليها ياجميلتي.
فيروز: لتعيدها مره ثانيه هَيْصَم والله كلش اخجل.
هَيْصَم: ما تنعاد لأن انتِ تنامين هنا من اليوم واذا عترضتي يصير نفس الصار البارحة وبكيفج اذا تحبين تخجلين مره ثانية.
اجه يمي قبلني على خدي وطلع صاير عاقل صدمني صراحة، طلعت واني ابتسم ماعرف شبي رجعلي النشاط يمكن، هي من شافتني كامت تضحك بصوت عالي ضربتها على جتفها ورحنه نتريك سوه.
لائِث: هذا شيسوي هنا؟
هَيْصَم: يشوفني.
لائِث: صايره علاقتك قوية بيه تخوني هَيْصَم؟
هَيْصَم: اي وراح اخطبه الجمعة التجي.
لائِث: لا ابد ما توقعتها منك هيج تسوي بيه افاااا ليش هيج والوعد والعهد اللي بينه وابنك وين اوديه هَيْصَم معقوله تسوي هيج بيه؟
هَيْصَم: اني انطيك نفقة ودبر نفسك بس ماكدر يعني احبه حيل.
لائِث: شايفين يولد نكر العشره والعمر والسنين وراح خاني وي هذا الطلي ياحيف اي والله ياحيف.
هَيْصَم: قسمة ونصيب ابني اقتنع.
لائِث: ماكو قسمة ونصيب بين ثنين يحبون بعض اخذها من حلك السبع وانا خيالها.
هَيْصَم: هااا.
لائِث: ما واثق بيه مو سويتها كدامك وانت شاهد على عرسنا.
هَيْصَم: محمد ارفع قضية طلاق بأسم لائِث وريهاف خليني اشوف شلون اخذها من حلك السبع واني موجود.
لائِث: أعوذ بالله منك ومن سوالفك بينه ولد وحب هيج تسوي ماتوقعتك.
هَيْصَم: كل شي توقع اني رجال ما مضمون، خاف مني.
محمد: البنيه وصلت تحجي وياها.
هَيْصَم: اكيد، لائِث خليها تدخل.
عالم مظلم، سواد حالك، نفس بطيئ، ونات خفيفة، نفتح الباب بهدوء، جنت واكعه على الأرض والبرودة تسللت الجسمي، تعب، عذاب، حزن، أمل مفقود، عيونه قابلت عيوني، اقترب مني بلهفة شالني من مكاني حاضني لصدره سمعت صوت بعيد وسلاح نسحب ناحيتنا، صوت رصاصة طلعت واني دخلت بعالم اسود...
يتبع..
البارت 4101 كلمة..
هاي المره مراح احجي شي اسكت والسكته أولى..
مسائكم عافية وسعادة وخير..
لأي شي يخص القصة تعالوا يمي انستا..
رواية هَيْصَم الفصل الثامن وخمسون 58 - بقلم Zahraa_Ahmed
لتنسون التعليق بين الفقرات والتصويت للبارت والمتابعه شمعاتي ❤️
هَيْصَم
(الكاتبة زهراء احمد)
_____
وَهِـيَ التي مَـالَ الفؤادُ حِيَالَهَا
طَوْعاً و كَرْهاً حَيْثُ دَارَ خَيَالَهَا
هَيْصَم: سولفي كل شي تعرفيه حتى أكدر اساعده غير هيج اعذريني.
الهام: اني ماعرف هوايه تفاصيل بس أكدر انطيك كم اسم ممكن يفيدوك لكن بالمقابل يطلع من السجن.
هَيْصَم: مو مشكلة ننظر بالأمر.
الهام: شنو يثبت بعد متاخذ الأسماء طلعه؟
هَيْصَم: بس ينتهي حديثنه راح اعرفج على وحده تحبيها حيل وشوفي اذا بعدج تردين يطلع لو تغيرين قرارج.
الهام: اعرف عنده عشيقه وهذا مو مهم عندي اهم شي سمعت أولادي بالمدرسة متتأذه وتصير بيهم عقد وهم صغار.
هَيْصَم: صيري مطلقه وقتها ابوهم يكون مخلوع لأن بدون شرف وضمير وامهم هي المحاربه الدافعت عنهم.
الهام: اني بنت عائلة وناس عدهم الموت ولا الطلاق.
هَيْصَم: طلكي وكولي هو اللي طلكني وسافر اني اضمن الج ميطلع قبل عشرين سنة اذا مو مؤبد لأن الجرائم عليه ثكيله حيل، متاجرة بالنساء وترويج مخدرات هذا كله غير غسيل الأموال المتهم بيه وتورطه وي عصابة اتاجر بالأعضاء، زوجج غبي حيل داخل بطريق ميعرف شنو نهايته.
الهام: اذا هيج وضعه ميؤوس من عنده ليش ردتوا تحجون وياي؟
هَيْصَم: لأن انتِ تعرفين الشخصيات اللي يتعامل وياها تكدرين توصلينا الهم.
الهام: صعب ناس خطرة واني ماكدر اجازف.
هَيْصَم: انطيني اسماء وعناوين والباقي يمي.
الهام: اعرف بس ثنين منهم لكن ذولي أخطر شي بكل العصابة هم الايد اليمين للقائد وكل الأسرار يعرفوها عن كل الاعضاء البقية.
هَيْصَم: شلون عرفتيهم؟
الهام: اني فاتحة حساباته كلها يمي فكل شي يسويه ولأي مكان يروح اعرف.
هَيْصَم: محد شك بيج؟
الهام: ميكدر يشك بيه لحم جتافه من خيري.
هَيْصَم: نطيني الأسماء.
الهام: بركان، وبركات، معروفين بهاي الأسماء.
هَيْصَم: فقط هيج؟
الهام: اي بس هيج اعرف عن حياتهم الشخصية.
هَيْصَم: تمام تكدرين تطلعين هسه، المحامي الموجود يكدر يساعدج بقضية الطلاق.
الهام: اعرفه نفسه الشفته البارحة.
هَيْصَم: تمام تكدرين تتفضلين، لائِث.
لائِث: نعم سيدي.
هَيْصَم: طلع زيد يراقبها بسيارة عاديه بدون متحس.
لائِث: امرك.
ندك الباب صحت ادخل، فات عاقد حاجبه.
محمد: شو بسرعة طلعتها.
هَيْصَم: تكدر تسويلي خدمة ثانية؟
محمد: لتكول شاك بيها.
هَيْصَم: اي شلون عرفت؟
محمد: الصراحة اني همات شاك وياك بس انطيني السبب واني احجيلك ليش شكيت.
هَيْصَم: مره مثلها صعب تنخان، غير الثبات الواضح عليها هذا مو قوة هذا معرفة سابقة للموضوع اذا مجانت هي المدبره الأساس لكل شي ديصير.
محمد: يعني هي الكواليس.
هَيْصَم: عفية اريدك تكون وياها خطوة بخطوة حتى تكدر تاخذ موبايلها منها وتجيبه إليه.
محمد: ما أعتقد موبايلها هذا هو البيه أسرار الشغل.
هَيْصَم: كلامك صحيح واضح انو هي حذره بشكل جبير لازم نسوي الخطة ب.
محمد: وهي.
هَيْصَم: الباعته يبيعها.
محمد: وشلون هيج؟
هَيْصَم: رتبلي ورقة طلاق بسرعة.
محمد: توقيعها منين نجيبه؟
هَيْصَم: وقعت على هاي الورقة هي قبل شويه مال تسجيل افادة وعندي احد المنتسبين يقلد التوقيع بالضبط.
محمد: مدبر كل شي.
هَيْصَم: اكيد اني مادخل لمكان اذا ماعرف الطريق بكل افرعه وشلون ادخل ومنين اطلع وشكد يستغرق الموضوع.
محمد: سهله قضية الورقة موجوده عندي بس اكتب اسمها الكامل واسم زوجها.
هَيْصَم: اسمها الكامل موجود واسم زوجها، عندك خمس دقايق كمل كل شي هسه ادز عليه يجي يوقع توقعيها ونروح نحقق وياه ونعرف منه المعلومات كامله.
محمد: سهله لعد اذا هيج انطيني خمس دقايق وتكمل الورقة.
هَيْصَم: رتب بيها على راحتك وكل شي تحتاجه موجود هنا.
محمد: اني وياك من سنتين خلصناها عركات شو بسرعة تغيرت وصرت تريد مساعدتي.
هَيْصَم: هذا واجبك اتجاة الوطن لتضل نافش ريشك يكول دجاجة.
محمد: اني من الوطن اريد بس الفلوس اما الواجب فهو دفاعي عن المظلومين من السجناء وبس.
هَيْصَم: اي مظلوم اللي يوصل الناس للموت بعمر صغير علمود ياخذ جم فلس هذا الظلم متطور ماموجود بس عندك وعند الماعدهم ضمير مثلك.
محمد: الناس نوعين، النوع الأول يسوي كل شي علمود يدخل المجرم للسجن والنوع الثاني يسوي كل شي علمود يطلع المجرم من السجن والنوعين ديسولفون هسه.
هَيْصَم: والنوع الثاني ديساعد النوع الأول.
محمد: لو مجانت اكو فايده إليه مساعدت.
هَيْصَم: كمل شغلك بدون لغوه زايده خلينا نشوف شغلنا يلا.
آمندا: فيروز اريد اكلج شغله بس ماعرف شلون افاتحج بيها.
فيروز: احجي شنو الموضوع لتخجلين مني.
آمندا: اريد اخابر غضنفر بس اني ماعندي موبايل اكدر اخذ موبايلج.
فيروز: الموبايل وصاحبة الموبايل بخدمتج، هذا اللي مخجلج هيج؟
آمندا: مو ما اريد تصير وياج مشكلة بسببي.
فيروز: لا داده مشكلة شنو هَيْصَم ميحجي شي واني اكله لتخافين بعدين هذا زوجج عادي.
آمندا: شكراً.
فيروز: على شنو روحي اخذي الموبايل موجود بالغرفة مابيه رمز اكتبي رقمه وخابري براحتج.
آمندا: لا بس اريده يجي علمود ياخذني لبيتنا.
فيروز: ليش ترحين بعد وقت مصار يومين من اجيتي لهنا وتعودت عليج، وجودج مونسني ومغيرلي جو.
آمندا: امي وحدها ماكدر اعوفها.
فيروز: ليش وحدها؟
آمندا: لأن هن يبقن يومين بس ويرجعن لبيوتهن.
فيروز: يعني خواتج موجودات بالبيت؟
آمندا: اي.
فيروز: اتصلي بيها بالأول وشوفي بعدهن لو لا يلا تخابري حتى ترحين.
آمندا: تردين ابقى؟
فيروز: والله ياريت حابه وجودج يمي.
بتسمت لأن ضاع مني الكلام شكد قهر من يحبك الغريب عنك واخوك من امك وابوك ميريدك، هذا حال الدنيا للأسف، أخذت موبايلها وخابرت امي سلمت عليها وعرفت هن راحن البارحه بالليل غلقت الخط منها وخابرت غضنفر حافظة رقمه اني طول شويه يلا فتح الخط.
غضنفر: منو؟
آمندا: اني آمندا.
غضنفر: ياهلا ومرحبا بكلبي وحبشكلاته أمريني حبيبي شنو محتاجه؟
آمندا: سلامتك.
غضنفر: سلامتي من اسمع صوتج اللي اعشقه واخرب عليه، اخخخخ ولج شمسويه بكلبي انتِ مجنت ادري عندي شي بصدري ينبض الا من شفتج وصرتي كدام عيني يانظرها ونورها.
آمندا: اي شكراً.
غضنفر: شكرا شنو ولج صار ساعة اتغزل بيج واحصل شكراً وين اصرفها هاي؟
آمندا: لعد شنو اكول؟
غضنفر: كولي احبك كولي اموت عليك كولي مشتاقتلك شبيج زوجج انا.
آمندا: احبك.
غضنفر: من عسى كون ما اسمعها من غيرج وينخرس كل واحد يكولها عداج، شوكت استبشر بشوفتج وعيني تتكحل بيج؟
آمندا: اني اتصلت بيك علمود اكلك اذا فرغت تعال اخذني للبيت امي وحدها.
غضنفر: حاضر ودللي مسافة الطريق واني يمج.
آمندا: لا من تكمل شغلك مو هسه.
غضنفر: العن ابو الشغل خلي يطير اهم شي اشوفج، روحي غيري ملابسج قريب على بيتكم انا ربع ساعة وتكليني يمج.
غلقت الخط وتصلت ب هَيْصَم كتله رحت لبست شالي والعباية وسلمت على فيروز وطلعت من اتصل عليه صعدت يمه بالسياره اول مسديت الباب سحبني من أيدي وقبلني بخدي خجلت وبقيت جامدة بمكاني ماعرف شنو اسوي التزمت الصمت وهو هم حتى وصلنا للبيت نزلت بدون كلمة ودخلت وهو راح، يمكن خجل مني ماعرف شنو صار بيه، اول مافتت للصالة لكيتها كاعده وبيدها سبحتها سلمت عليها ورحت لغرفتي دقيقه يمكن مرت ودخلت بدون مدك الباب حتى، حجت وهي تلوم بيه.
كلاثم: ليش هيج سويتي مو عيب كدامج خواتج؟
آمندا: لا مو عيب اللي مايحترمني ما احترمه لو منو ميكون هذا العندي والميعجبه يضرب راسه بستين الف حايط ولا يجينا.
كلاثم: اريد افتهم شبيج وي آريا شو جنتن بكل شي سوه الضحكه والدمعه هسه شنو صار ليش الكلوب بطلت تتوالف؟
آمندا: جنه، هاي انتِ كلتيها، هسه الزمن والوقت والقدر تغير وصرت ما اتشرف تكون اختي حتى بجنازتي من اموت ماريدها تحضر وهاي وصيتي اذا متت اول وحده بيكم.
كلاثم: اسم الله يمه شنو هل الحجي شصاير بينكم فهميني خليني اعرف.
آمندا: بنتج تشك بيه احب زوجها وهاي السالفة من ايام خطوبتها.
كلاثم: استغفر الله شنو هاي منين جبتي هذا الكلام؟
آمندا: والله هذا الصار يا ماما، مره شافتني بره وشافته دخل جوه للإستقبال من وقتها وهي بعقلها اني خنتها، المشكلة مو هنا المشكلة هي تحجي يم زوجها بيه وتكله حلوه وماعرف شنو واذا متت تزوجها.
كلاثم: مستحيل ماصدك هيج تسوي، شلون تتجرأ وبعدين انتِ شلون عرفتي منو كلج؟
آمندا: هي كلتلي فرحانه عود بالإنجاز المسويته مفكرته فخر الها تتهم زوجها وي اختها، لهذا السبب اني ماحبها وما طيقها وبعرسي اذا عزمتيها اسويها عزه والله وكولي كلت، لا هي اختي ولا اني اختها.
عفتها مصدومة ورحت أخذت ملابسي ودخلت للحمام.
هَيْصَم: شفت شلون تبرت منك وقررت تنفصل علمود سمعتها وباعتك بالرخيص؟
مختار: مستحيل متسويها اني وياها عشرة عمر ما ممكن تبيعني.
هَيْصَم: اللي يبيع ضميره توقع من عنده اي شي، القرار يمك اذا تريد تبقى محافظ على هيج إنسانه ورطتك وطلعت منها لو تساعدنا والعقوبة مالتك تقل انت حر، عندك مهلة 24 ساعة وراها ارفع قضيتك للمحكمة علمود تاخذ حكمك.
عفته وطلعت واني مبتسم، افضل طريقة حتى توصل للي تريده هي زراعة الفتنه بين ثنين يثقون ابعض هيج تحصل مبتغاك بسهولة وبأقل خسائر ممكنه، واني طالع اجاني اتصال.
زيد: سيدي راحت لبيت مهجور بأطراف بغداد واكو سيارة سودة وكفت يمه هسه ونزل منها شخصين.
هَيْصَم: ابقى راقبهم من بعيد جايك اني.
زيد: تأمر سيدي.
هَيْصَم: لائِثثث.
لائِث: طلبتني.
هَيْصَم: خمس دقايق اريد الفريق كله جاهز بساع.
لائِث: تأمر سيادتك.
صعدنا رايحين للمكان المطلوب وصلنا بعد فتره نزلنه ورحنه محاوطين البيت، فتحت الباب ودخلت بيت متهالك وقديم حيل ومبين صار سنين مامسكون هذا أفضل مكان غير متوقع لاجتماعات آخر الليل، سمعت صوت غريب تمعنت بيه واني اقترب بخطوات بطيئة اللي بعقلي صح، الإجتماع خاص جداً، انطيت اشاره لجماعتي يدخلون سحبت أقسام ونطيت الباب ضربه قويه برجلي وايدي نفتح، المنظر مقرف لدرجه متكدر تباوعله اذا متلعب نفسك وتتقيأ، ابتسمت بوجههم الخونه، دخلوا جماعتي اخذوهم هم الثنين صعدوهم بالسيارة واني دورت بالبيت على اي شي ممكن يوصلني للراس الجبير بيهم، هذا الشخص اللي ادور عليه من سنتين ومالكيت اي ثغره ودليل ممكن يوصلني إله، لكيت جنطتها فتحتها شفت بيها جهاز تنصت عرفت هي مراقبة.
هَيْصَم: هسه صار اللعب حلو، حيل حلو، هههههه.
خطوات بطيئة وصوت سلسلة غمضت عيني اطرب لهذا الصوت كلبي ينتفض من مكانه اريده يدخل، نفتح الباب دخل شافني كاعد مكتف أديه منتظره انصدم وتفاجئ، هَيْصَم بجلالة قدره جاي لهنا ومنتظر يشوفه شي عظيم بالنسبة إله.
هَيْصَم: شايف شكد الصدف عظيمة واختيار القدر بدون غلطة لدرجة عاد نفس الموقف باختلاف الأماكن.
: ههههههه، جنت متحمس حتى اشوفك هوايه فوك ماتتخيل.
هَيْصَم: غضنفر كال مات بس اني اعرف العار ميموت بسهولة لازم راسه ينداس بالقندرة يلا يكدر يودع الحياة واني مرتاح، ما اسمح ابد تموت بدون عقاب.
: هذا انا كدامك كوم عاقبني، بس بالأول اسمعني شنو سويت وشلون خططت لكل هذا، واضح انت ماتعرف نص الأسرار، اني اللي دزيت عمام فيروز الك كتله انطيك شكد متريد اذا طلكتها منه وجبتها إليه وماريد جهالها اريدها بس هي، يم عبدة المال هذا الشي مو صعب أسهل منه ماكو، وسوه اللي اريده، بيوم المحكمه والقضية اللي نرفعت عليك واول جلسة حضور علمود انفصالكم جنت واكف بعيد من شفتك نزلت من سيارتك ورحت بإتجاهه، بوقتها ردت اموتك بنفس اللحظة ورتاح منك واخذها وانت متكدر تسوي شي بس لا ردت اعذبك بنفس الطريقة.
هَيْصَم: ههههههه، ههههههه، هههههههه، ضحكتني واني مالي خلك، انت مجرد واحد زعطوط حالم هوايه، شايف البسطال اللي لابسة؟ ايدك اذا وصلتله اكطعها مو مرت الهَيْصَم هنا ارتكب جرائم مو وحده وعيونك تشهدلي شنو أكدر اسوي وكدام عيونك من باب المحكمة رجعتها إليه ومحد كدر يفتح حلكة بحرف، هذا انا هَيْصَم ابن حيدر على سن ورمح انت منو؟ مجرد واحد زعطوط تافهه ماعندك شغل وعمل مجرد تتمنى والمثل يكول التمنى ماتهنه، هههههههه.
: يكفي بسببي تعذبت أشهر وبعدك تتعذب لليوم بسبب اختك.
هَيْصَم: ليش خطفتها؟
لّهيم: علمود احرك كلبك لا أكثر.
هَيْصَم: راح اطلعهن من عيونك وحده وحده، كفيت اردان قميصي وكمتله لزمت راسه وضربته بكل قوتي بالحايط، وكع لزمته من شعره ورفعته إليه ضربته بوكس بطنه، ضربت بيه حتى شفيت غليلي منه، كلات ضربات بالحايط دفرات مابقيت عظم صاحي بيه خليت دمه بطوله، بقى جثه مايسمع منه بس الونه، خابرت الإسعاف اجو اخذوه وطلعت صعدت بسيارتي حتى وصلوا واخذوا، احس كلبي مابرد اتمنى ارجع هسه وكسره أكثر بس لا ماريده يموت خلي بالمركز اعيد وياه نفس الضربات واني أعلمه شلون يندك بعائلتي، حركت سيارتي رايح لدوامي.
الهام: مو من حقك تعتقلني حياتي الخاصة مالك دخل بيها سيد هَيْصَم.
هَيْصَم: لا ازعل منج شلون تحجين هيج؟
الهام: خليني اطلع منا ليصير شي ميعجبكم كلكم متعرف اني منو بكلمة وحده اخليك تُقال من منصبك.
هَيْصَم: هههههههههه، اني اليوم هوايه ضحكت الله يديمها يارب كول آمين ميثم.
ميثم: آمين سيدي.
هَيْصَم: هههههههه خليني اكمل ضحكتي، ههههههههه، اعذرني دمعت.
ميثم: على راحتك سيدي.
هَيْصَم: عيدي، عيدي، انتِ بسببج انقال مو؟ ههههههه، ولج بابا اني ماسوي شي غير مدعوم اني هَيْصَم مو حي الله احد من ذولي المزعطه التعرفيهم، اذا ما سامعة بيه خليني اعرفج، قبل ثلاث سنوات اعتقلت اكبر تاجر مخدرات وصلته للمشنقه وتنفذ الحكم بوجودي وشهادتي، هاي غير الأطراف الصغيرة الموجوده كلها شتغلتها وهسه تشوفيهم بالسجن وتعيشين وياهم عشرة عمر أن شاء الله، وهسه بعد متعرفتي عليه اريدج تغردين بكل شي تعرفيه ماكو طلعه منا اذا متحجين كل شي ولعلمج اني معروف عني رقيق مع النساء لأن اشوفهن رقيقات ميصير ينضربن بورده لكن وياج انتِ بالذات لابأس بالضرب المبرح علمود تعترفين ونخلي لونج الأبيض يصير أسود، شنو تكولين؟
الهام: ماعرف شي اني.
هَيْصَم: استلمها ميثم، باجر الصبح من اجي اريدها هي وزوجها كل شي حاجين ماكو تتعاقب انت.
ميثم: تأمر سيدي.
: جنت كاعدة بالغرفة مشغلة الشاشة وتابع مسلسل خليجي واقمار يم خالتي جوه، نفتح الباب ودخل درت وجهي اله شفته ورجعت راسي لمكانه اكمل مشاهدة اجه كعد يمي على الجربايه سحب أيدي مقبلها سحبتها منه رجع سحبها كايل.
محمد: اسف والله بس تعرفين ظروف شغلي انتِ.
حوري: اني ماحجيت شي تره.
محمد: وجهج يحجي مو شرط السانج قاريج اني وحافظج.
حوري: لتهتم ماكو شي مهم عادي معذور.
محمد: هاي كلاواتج بطليها تكولين لتهتم وتعامليني مثل البطريق بالقطب الشمالي.
حوري: شنو تريد اسوي مثلاً؟
محمد: كومي غيري ملابسج نطلع عشا رومانسي بس اني وياج.
حوري: مابيه حيل.
محمد: تكومين لو اكومج؟
حوري: مالي خلك محمد عوف كل شي وروح غير ملابسك علمود ترتاح.
محمد: معليج بيه مرتاح كومي لتشلعين كلبي ياعيني.
حوري: محمد لتلح عليه كتلك ماروح.
عافني وكام فاتح الكنتور مطلع فستان نيلي وشالي اجه شمرهن عليه وكال بتهديد.
محمد: ادخل للحمام اخذ دوش سريع واغير ملابسي إذا طلعت ولكيتج نفس الملابس اغيرلج اني ونزلج من شعرج سحل وتعرفيني مسودن وسويها.
حوري: هو واضح العشا رومانسي من بدايته.
محمد: يجنن وعيونج بس كومي انتِ.
خليته لمن يطلع وكمت غيرت ملابسي وعدلت شالي طلعت صاكه وبقيت منتظرته حتى دخل للغرفة باوعلي وغمز، ابتسمت ودرت وجهي عود بعدني زعلانه، نزلنه جوه كلنه لخالتي وطلعنا تعشينا وشفنه فلم ورجعنا للبيت، الحياة الحلوه تكون هيج، شويه مشكله، شويه حب، شويه رزانه وعقل، تكون مشكلة حتى مايصير ملل بعيد عن هذا أقرب طريق يخلي الرجال يمشي عدل هو الزعل بس ها مو دائماً لازم الزعله تكون بمحلها، والزعل يكون التعامل بالتجاهل ولا كأن موجود ولا اهتم بوجوده اصلاً، هذا الفعل يخلي يموت ويطلب رضاي.
رويم: اريد بابا.
فيروز: بالشغل شويه ويرجع.
رويم: اريده هسه اريد احجي وياه.
فيروز: ماما ياعمري ابوج مو هنا منين اجيبه؟
رويم: اريده يجيبلي حظ يانصيب وياه خابري كليله.
فيروز: منين يجيلبج حظ يانصيب بهل الليل ياعيني؟
رويم: مااا اريد حظ يانصيب.
كعدت تربعت وكامت تبجي بكل قوتها اني متعودة على حركاتها بس تضوج تسوي هيج حتى تكسر كلبي وتجبرني اروح اسوي اللي تريده، بس مع هذا ما اطاوعها حتى ماتدلل زايد ويصير شغلها بالعناد ومتسمع كلامي بنفس الوقت ماخليها تبجي هوايه مو زين عليها.
فيروز: زين شنو رأيج اني وياج هسه نسوي بركانية حتى من يجي بابا نسويها اله مفاجأة؟
ضحكت ماسحه دموعها بكف ايدها كايله بتذكير.
رويم: بس تكليله يشتريلي حظ يانصيب.
فيروز: اكله وداعتج بس خلي يجي ميصير اخابره وهو مشغول، هسه يخاف علينه خطيه، تقبلين بابا يخاف علينا؟
رويم: لا خطيه لتكليله هسه خلي من يرجع.
فيروز: عفية ببنيتي العاقلة، يلا تعالي نسوي كيكة سوه،
لزمت أيدي رحنه للمطبخ نسوي الكيكه لعبت لعب بنفسها بالكوكو حتى خلصنا تشاهدت رحت غيرت ملابسها وخليتهن بالغسالة كعدتها يمي وكمت العب بشعرها وسولفلها قصة حتى غفت على القنفة ماكدر اشيلها خليتها بمكانها وغطيتها وبقت كاعده يمها وصافنه على الحايط مسترجعه بعقلي الصار من قبل.
Flash back
ابو رضا: صارلج ثلاث اشهر ونص يمنه لا تشتغلين ولا تسوين شي وشوفي نفسج شلون سمنتي حركي نفسج علمود تضعفين ماعندج خدم هنا.
فيروز: والله ماكتلك هددني وخليني اجي لهنا وعوف بيتي وزوجي.
كام من مكانه كايل بعصبية.
ابو رضا: اذا امج وابوج ميتين وماعندج احد يربيج اني موجود والعن والديج وربيج من جديد طايحة الحظ قليلة التربية.
فيروز: احترم نفسك ولتغلط على اهلي، تاج راسك التراب اللي جانوا يمشون عليه، انتوا اللي بلا تربية وأخلاق حارمين مره من بنتها وزوجها علمود ملذاتكم متخافون من الله باجر يحاسبكم وتوكفون يمه بيوم الحساب شنو تكولون إله؟ ظلمتوا وهضمتوا بنيه يتيمة عبالكم يغفرلكم لو اني يجي يوم اسامحكم على سوايتكم وياي؟ وحق ربكم العالي وسماه، دعائي عليكم دائم بكل وقت وكل صلاة دعاء وحده فاقده بنتها وميته على ريحتها ياخذ منكم حقوقي كلها ويعاقبكم واحد واحد وكولوا كلت.
ابو رضا: امشي ولي من خلقتي لا بارك الله بيج ولا بوجهج اليطرد النعمة، وخلي ابالج ذلك الرائد ماترجعين اله لو تموتين احفظيها مابقى شي وترحين وياي نقدم عليه بلاغ بالمحكمة حتى يجي يطلكج ورجله فوك راسه وكولي أبو رضا كال واني اعلمج على السانج الطويل هذا.
عفته ورحت للغرفة قفلت الباب عليه وكعدت ابجي، ابجي بحركة كلب، تعبانه حيل وماكو احد يمي اشكيله وين اروح المن انطي وجهي وفوك كل هذا شاكه بنفسي حامل اعراض حمل عندي من اول يوم اجيت بيه لهنا بس ماكدر احجي شي اخاف يسمعون ويجبروني اوكعه، لا مستحيل اموت وماخليهم يلمسون منه شعره ابني هذا مافرط بيه لو اعرف ارتكب جريمة بس علمود احافظ عليه.
حسيت على أيد تتحرك بهدوء على وجهي طفرت من مكاني أخذت نفس من شفته هو، شافني هيج مرتعبه عقد حاجبه كايل.
هَيْصَم: شبيج؟
عدلت كعدتي كايله واني دايره وجهي عنه.
فيروز: جنت غافيه وانت فززتني.
هَيْصَم: جنتي سارحة مو غافيه.
فيروز: ماكو فرق نفس الشي.
هَيْصَم: بشنو جنتي سارحه؟
فيروز: هَيْصَم شنو تريد؟
هَيْصَم: اريد اعرف بشنو جنتي تفكرين.
فيروز: مافكر بشي لتهتم، متعشي؟
هَيْصَم: اذا تكابليني اتعشا واذا متردين ماريد.
فيروز: شنو موضوعك؟
هَيْصَم: ياموضوع؟
فيروز: ليش تريد تفتح صفحة جديدة ويايه فجأة وانت الجنت معارض الفكرة من كتلك؟
هَيْصَم: لأن الشوق قاتل لَّباءَة الهَيْصَم.
فيروز: يعني مو حباً بيه.
هَيْصَم: لَّباءَة اني بدونج بدون هوية ولا رتبة ولا منصب، الهَيْصَم بدونج ضايع اذا تردين تبقيني ضايع بكيفج واذا تحبين خلينا نلكي نفسي سوه.
فيروز: كلامك عميق.
هَيْصَم: والجرح بكلبج أعمق لدرجة عيونج ماشوف بيها نظرة الحب نفسها قبل من جنت احجي شي حلو الج.
فيروز: لأن شفت حبك مجرد كلام، لان ماسمعتني ولاقدرت مشاعري والعشته، انت فكرت بس بجرحك واذيتك ومافكرت اني شلون عشت اربع أشهر بدونك شلون كدرت اتحمل واني اللي ما انام اذا ماشوف طولك كدامي واطمأن عليك بخير يلا تغفالي عين.
هَيْصَم: جان جرحي جبير حيل وردت اعاقبج على الألم الصار بيه، بس اني عاقبت نفسي وياج، اعترف اني بدونج لا شيء ماكدر اتنفس وانتِ بعيدة، الهوه شكد مالي الدنيا واكف يمي ومايدخل للريه، جنت اضحك على اللي يكول خابريني اريد اتنفس ختنكت حتى عشتها صدك اختنكت من ماشفتج كدامي البيت مادخلتله ابد ورحت بعملية حتى جبتج ورجعتي كدام عيني تمشين وتضحكين يلا كدرت اخذ نفس وبالي يرتاح، لتفكرين اني عاقبتج بس انتِ اني عاقبت روحي وياج لَّباءَتي.
فيروز: خليني افكر بكلامك عدل وبعدين اكلك شنو قراري.
تركته ورحت سحبني من أيدي حاضني بكل قوته نزلت دمعتي شكد مشتاقتله وشكد عندي عتب وسوالف وتعب بداخلي اريد اخليه على صدره واني حاضنته هيج وانسى كل الألم العشته.
هَيْصَم: احبج ولج، احبج فوك ماتتخيلين مرتي وام جهالي.
فيروز: هاي شنو؟ شنو هذا التغير المفاجئ؟
هَيْصَم: انتِ مو ردتي نفتح صفحة جديدة وننسى اللي صار؟ وهاي اني كاعد اسوي اللي ترديه وين المشكلة؟
فيروز: المشكلة قبل يومين كتلي ماكدر وهسه جايني تريد القرب اكو غلط بالموضوع.
هَيْصَم: لَّباءَة وين تردين توصلين بكلامج؟
فيروز: للسبب الرئيسي اللي يخليك تغير قرارك فجأة.
هَيْصَم: اذا عرفتي تزعلين.
فيروز: مازعل بس احجيلي لتخليني محتاره وياك وبتفكيرك.
هَيْصَم: سمعتج تحجين وي آمندا بلي صار، عرفت الصار كله فماكو داعي للبُعد بعد.
فيروز: ههه، يعني مو حباً بيه بس تأكدت اني وحده بريئة مو؟
هَيْصَم: فيروزه تعرفيني انتِ عدل او وياي عشرة عمر لازم تعرفين تفكير زوجج شنو ليش بعد هذا الكلام؟
فيروز: شوف حبيب القلب، لو تصير النفس هم ما اتقبلك ولا اريدك، ولو جانت بكلبي ذرة من التفكير اللي تخليني انسى ورجع لحياتنا القديمة هسه اغسل ايدك بصابون وتايت وزاهي، اني محرمة نفسي عليك ومن صدك بس يجي ابني للدنيا بخير وسلامة ننفصل رسمي ماريد اسمي يرتبط بأسمك من اليوم.
عفته ورحت للغرفة ميته قهر، جان ميقبل يسمع مني كلمة وهسه من سمع وقتنع اني جنت مجبورة صار يريد يرجعني، وعلى باله اكله حياك تعال فاتحه احضاني الك، والله يالله لو شنو يصير ماقبل بيك بعد هينه اني اعلمك.
فتح الباب شايل رويم بأيده مخليها بفراشها متقدم ناحيتي كاعد بصفي كمت سحبني من أيدي دفعت ايده وكمت طلعة من الغرفة اجه ورايه.
هَيْصَم: لَّباءَة كافي لعب مو جهال احنه اكعدي خلي نتفاهم مثل الأوادم.
فيروز: اني مو آدميه.
هَيْصَم: اللهم صبرك اللهم صبرك، شلون بيه وي هاي البنيه اليوم.
فيروز: طلكني وانت ترتاح.
هَيْصَم: شلون تريدني ابتلي بيها وهي حامل.
فيروز: شنو تسوي مثلا؟
هَيْصَم: ياعيني شبيج؟ ليش متقبلين نتفاهم ونكعد نسولف مثل العالم والناس الطبيعين؟
فيروز: لان اني مسودنه مو طبيعية علمود اتفاهم وياك عدل.
هَيْصَم: استغفر الله العلي العظيم، أستغفرك ربي واتوب اليك.
فيروز: استغفر، استغفر، هم يلا تنغفر ذنوبك.
هَيْصَم: شبيج وي زوجج حبيبج ليش متكعدين تسولفين وياي؟
فيروز: لأن من ردت اكعد اسولف وياك كتلي ماريد وحده خاينه، لتنسى هَيْصَم شنو سويت بيه وشلون طردتني من الغرفة وعاملتني مثل شخص منبوذ واني مرتك، شفت اسلوبك مقابل أسلوبي وهنا احكم انت منو الاكثر محترم وي الثاني اني لو انت.
هَيْصَم: انتِ محترمه أكثر مني.
فيروز: اي زين عرفت انو اخلاقك صايرة فد مره.
هَيْصَم: تره مصختيها ليش تخليني اسودن عليج صدك او اراويج الأخلاق الزفت على اصولها شلون تصير؟
فيروز: شنو تشوفني أكثر من الشفته؟
هَيْصَم: ترديني اروح اكابل لائِث؟
فيروز: روح منو لازمك؟
هَيْصَم: ماشي اروح بس اريد عشا لأن ميت من الجوع.
فيروز: العشا جاهز غير ملابسك بين ما اصبه.
هَيْصَم: لتعبين نفسج اني اسويه.
فيروز: واجبي هذا.
هَيْصَم: ماريد اتعبج كلت روحي رتاحي.
فيروز: اويلي على اللي يخاف عليه فجأة، هذا قلقك وين جان من جنت ادك ولطم وانت تسمعني ولا كأن وتسمعني كلام يهز البدن؟
هَيْصَم: جنت انيمج بحضني بالليل وانطيج طاقة إيجابية بدون متدرين.
فيروز: روح داده غير ملابسك وطلع الأفلام التركيه من راسك.
دخل للغرفة واني رحت للمطبخ وداخلي متحلف بيه اذا ما اعاقبة على اللي سواه بيه فلا اسمي فيروز هينه.
خليت الأكل على الميز وهو دخل عقد حاجبه كايل.
هَيْصَم: اريد اكعد بالكاع واكل بالغرفة مو هنا.
فيروز: ماكدر اشيل صينية.
هَيْصَم: ماكتلج شيلي اني اشيل بس فتحيلي الباب.
تفاجأت هاي اول مره يسويها وياكل بالغرفة هو ميحب ريحة الأكل تصير بغرفة النوم شنو هذا التغير المفاجئ!! اني مهتميت وين ميريد ياكل ياكل رحت للغرفة الثانية اللي بيها نايمه رويم قبل مافتح الباب ودخل سمعت صوته يصيح يريد مي، من صدك اجيت الطم صايرة اتعصب من اتفه شي وهذا الشي اللي يخليني تلعب نفسي من الحمل الهرمونات التموتني، أخذته ورحت دكيت الباب وفتت عود احترامات وكذا، باوعت ملكيته بس من سمعت صوت القفل درت وجهي شفته واكف مكتف أديه لصدره ومبتسم ابتسمت بوجهه كايله.
فيروز: افتح الباب اريد أطلع.
هَيْصَم: نوو مطلعين اريدج تبقين يمي مشتاقلج.
فيروز: بس اني ما مشتاقتلك.
هَيْصَم: الشوق العندي يكفيني ويكفيج وليهمج.
فيروز: هَيْصَم تخليني اصرخ والله.
هَيْصَم: صرخي هو منو بالبيت غيري وغيرج؟
فيروز: انت شبيك فهمني ليش تسوي هيج؟
هَيْصَم: لأن تعبت صار ست أشهر مفاركج وخلص صبري.
فيروز: الموضوع مو على مزاجك سيد أفندي، لتنسى اني طرف ثاني بالعلاقة وياك ورأيي مهم سواء قبلت او مقبلت.
هَيْصَم: انتِ مشتاقه مثلي لتكابرين.
فيروز: حتى وإن ماريد اسامحك وبدي وياك صفحة جديدة انسى.
هَيْصَم: لتنسين بس كافي بُعد ولج والله بعد ماكدر اتحمل افاركج ولو لحظة صعبة افهميني.
فيروز: اني ثوله ماريد افهمك وافتح الباب اريد اطلع اروح يم بنيتي.
هَيْصَم: وابو بنيتج؟
فيروز: مالي علاقة بيه هو يدبر نفسه.
هَيْصَم: مو هي بكيفج امشي اني.
تقدم ناحيتي حاضني بين أديه، هنا عقلي توقف تماماً وشتغل كلبي مكانه توقفت كل الحواس عن الاستيعاب انو قطعنا هذا الفراق الطويل بالوصل ونتهت المشكلة بس مع هذا ما ارتاح اذا ما اعاقبه ومايبرد كلبي.
هَيْصَم: على شنو دورين؟
فيروز: المفتاح وين؟
هَيْصَم: تعالي نامي ونسي المفتاح ما انطيج اياه للصبح.
فيروز: رويم وحدها بالغرفة ليصير بيها شي خلي اروح يمها.
هَيْصَم: اكو جهاز مخلي يمها اذا بجت تسمعيها تعالي نامي يلا اريد انام نعسان باجر عندي شغل.
فيروز: عزيزي شلون جنت تنام قبل نام هسه ماكو فرق.
هَيْصَم: اذا تردين اكوم اجيبج يمي كوليها بدون لف ودوران وتشلعين كلبي.
فيروز: استغفر الله ربي واتوب إليه.
هَيْصَم: على هذا الإستغفار يومية نتعارك علمود تدخلين الجنة من استغفارج.
فيروز: عفتها الك ياخادم الوطن ماريدها اني.
هَيْصَم: مادخللها اذا مو انتِ بيها.
فيروز: اي صدكتك سيد متدين.
هَيْصَم: اعطفي على العبد المسكين وتعالي يمه وعلي مشتاقلج.
فيروز: شلون يعني اضمك بنص كلبي شسويلك؟
هَيْصَم: شكو بيها ضميني بنص كلبج من الناس كلها، خليني احس بالأمان ولو ليلة وحدة، اكسبي بيه ثواب شبيج؟
فيروز: تحبني؟
هَيْصَم: اووف، ولج كلبي واج نار بحبج مو بس يحبج والسلام.
فيروز: اي جيد حبني استاهل انحب.
هَيْصَم: فيروزي شو صايره فد مره شنو فلمج؟
فيروز: باكستاني حبيبي.
هَيْصَم: تحبيني لَّباءَة؟
فيروز: لا.
هَيْصَم: ايااا ملعونة شوف شلون.
فيروز: هههههههههه، تستاهل ماحبك.
هَيْصَم: تحبيني غصباً عليج، اصلاً كلبج مايكدر يدك لواحد غيري.
فيروز: اي بكيفك هي مو.
هَيْصَم: بكيفي وراسج فوك رجليج.
فيروز: اي يلا افتح الباب اريد اطلع.
هَيْصَم: ولج فيروزي تعالي يمي خليني انام وبعدي عن خبالاتي مابيه حيل اكوم.
فيروز: ما اجي لتلح.
كام من مكانه اجه وكف يمي صارت عيني على الأكل.
فيروز: شيله.
هَيْصَم: منو؟
فيروز: الأكل ياعيني الأكل.
هَيْصَم: اي تعالي نامي واني اشيله معليج.
فيروز: ما انام مو نعسانة عوفني اطلع.
هَيْصَم: اريد اشوف شلون طلعين يلا راويني.
فيروز: تره ضوجتني حيل وتعبتني شنو تريد؟
هَيْصَم: اريدج، مريتي وأريد تنام يمي وين المشكلة؟
فيروز: بس مريتك ماتريد تنام يمك عوفها بحالها خلي تروح.
هَيْصَم: ماعوفها لو يصير بينه جسر ونهر اجيبها يعني اجيبها واني هَيْصَم وكلمتي ماتصير ثنين.
فيروز: راويني بلا شلون تجيبني؟
خله ايده جوه رجليه وايد جوه ضهري وشالني اني ثكيله حيل وهو حاس بهذا الثكل مع هذا بقى معند المسافه كلش قليلة يعني خطوتين بين الباب والجرباية بقيت عاقله اني ماسويت اي حركة مو لأن اخاف منه لا بس اخاف على نفسي اوكع حضنت ركبته بين أديه حتى خلاني على الفراش أجيت اكوم سحبني مقيدني بين أديه ورجليه كاتم نفسي وجابرني ابقى يمه نايمة.
: عيون تراقب المكان، هدوء ماكو اي صوت بس القطرات نفسها اللي توكع على الأرض مسببه صدى مزعج حيل إليه مخليني اتضايق وضوج وصرخ بس ماكو جواب، غمضت عيني اريد انام شويه تعبانة، الخدر يمشي بجسمي، حسيت اكو شي يوكع من حلكي ماعرف شنو، احس بالحركة، اسمع صوت خطوات قريبة مني الشال ينفتح واكو شخص يهمس يم أذني بس ماذكر شنو يحجي، دخلت بعالم اظلم كالعادة، عالم مابيه ضوه ولا صوت مجرد موت بطيئ إليه وماعرف النهاية شنو..
يتبع..
البارت 4282 كلمة..
راح تخلص القصة وماشفت تفاعل يسر تردون محبة اسوي لو شلون 👻👻..
مسائكم عافية وخير وبركة..
لأي شي يخص القصة تعالوا يمي انستا..
رواية هَيْصَم الفصل التاسع وخمسون 59 - بقلم Zahraa_Ahmed
لتنسون التعليق بين الفقرات والتصويت للبارت والمتابعه شمعاتي ❤️
متباركين بولادة الأمام الثالث، السبط المنتجب الطاهر المطهر ابا عبدالله الحسين عليه السلام اعادهُ الله علينا وعليكم بالخير واليمن والبركة والطاعة وجعلنا يارب من الزائرين له في الدنيا الشافع لهم بالآخرة..
هَيْصَم
(الكاتبة زهراء احمد)
______
تُطاردني الأحلام التي لم احققها ، و الأشخاص الذين لا استطيع تجاوزهم، و الأماكن التي لا يُمكنني نسيانها، و الأفكار التي تغلي بعقلي ولا تهدأ.
:شعور غريب ينتابني كلما اذكر الصار، شي مثل السلسلة اللي تحاوط ركبتي وتخنكني بقوة بكل مره تمنعني من النطق لو الحركة وارجع اعيش نفس المعاناة من جديد وكأن اني أكرر المشاهد واعيشها على أرض الواقع، تعب، هلاك، دمار شامل يطغي على حياتي، ماكدر أتجاوز وصعب أنسى، ولا أكدر اتأقلم، والحل بعيد، والعقل جزع من المحاولة، اني مثل الأنسان الداوم على معصية وكلما يقرر التوبة ترجع بيه النفس الإمارة بالسوء توسوسله وتجمل الحرام بعيونه هذا اللي يخلي يعود الكره مرتين وثلاثة وأربعة بدون كلل وملل، ايامي تخلص بدون هدف، مثل رجل مسن مقعد ميكدر يتحرك هو بفراشه ومنتظر الموت اللي راح يجي كملاك منقذ من العذاب اليعيشه، تفهمين معاناتي؟
سكتت من شفت ماكو منها رد التفتت للشباك عيني صارت على الشجرة مالت النبك ابتسمت عايده بذاكرتي ايام الطفولة من جان ابويه ياخذني علمود العب بالحديقة بهيج وقت، دمعت عيني من أدركت الموجود بعقلي هسه مجرد ذكرى ميته مالها اي وجود بالوقت الحالي واللي موجود بدماغي شخص توفى من سنين وصار جسمة عبارة عن تراب.
هَيْصَم: الواضح من وجهج اليوم البارحة نمتي نومه عميقة.
الهام: ماعندي قوة حتى انضرب هيج مره ثانية.
هَيْصَم: اعرف لهذا السبب تعاوني ويانه علمود ترتاحين.
الهام: الاعتراف عليهم مو شي هين ماريد اخسر حياتي.
هَيْصَم: اذا ماخسرتيها وانتِ تحجين عن المجرمين المتعاونه وياهم راح تخسريها بالتعذيب، وحرامات شابة مثلج تموت بسبب الضرب نهاية مؤسفه حيل.
الهام: راح تخف عقوبتي اذا عترفت؟
هَيْصَم: نسويلج خصم دللي.
الهام: لتسهزء بيه اني احجي جديات.
هَيْصَم: جديات بيبيات، انتِ هنا مجبرة تسولفين كل شي تعرفيه بدون ما انطيج خصومات، مداخله مول هذا مركز شرطة يعني تحجين وراسج فوك رجليج وانتِ الممنونة.
الهام: واذا ماحجيت شنو يصير؟
هَيْصَم: غير الضرب اللي راح تتعرضيله علمود الإعتراف راح نحملج كل القضايا وتكونين المسؤولة عنهن كلهم والعقوبة تكون مضاعفة، والقرار بيدج.
الهام: اني المسؤول الأساسي ماعرفه بس اعرف الشخص اللي يوصلي المعلومات واكدر اوصلكم اله.
هَيْصَم: شنو اسمه ومن وين؟
الهام: اسمه عاكف موجود بهاي المنطقة ..... وهذا رقم موبايله.....
هَيْصَم: شنو تعرفين عنه؟
الهام: هو يسلم الكل الأوامر علمود التسليم وهو يوزع الجرعات المحدده هم والفلوس نوصلها اله هاي غير البنات لو هو يدزلنه لو احنه ندزله يعني متاجرة تكدر تكول.
هَيْصَم: كم بنية سلمتي لليوم؟
الهام: هوايه باليوم يمكن ثنين أو أكثر ويمكن ولا وحده حسب الشغل.
هَيْصَم: شلون يصير الشغل؟
الهام: اما خارج البيت او داخله حسب ضروف البنية.
هَيْصَم: كم بنية نجبرت لهذا الشغل؟
الهام: الأغلب تنجبر ماكو وحده تحب تعيش بهيج شغل قذر.
هَيْصَم: منين تجيبوهن؟
الهام: البنات اللي يتركن بيت اهلهن ويشردن لو هم يخطفوها واكو يجيبوهن من غير دول.
هَيْصَم: عاكف شنو دوره هنا؟
الهام: يستلم ويوزع، اغلب شغله هيج.
هَيْصَم: بركات وبركان منو هم؟
الهام: اللي يساعدوه، من يوزع هو مايجي شخصياً يدز واحد منهم اما يوصل أوامر لو بضاعة.
هَيْصَم: رقمه منين حصلتي؟
الهام: لأن عندي علاقة بيه اعرف عنه بعض الأمور الخاصة.
هَيْصَم: مثل شنو؟
الهام: يومية الساعة عشرة بالليل ميطلع من بيته بعد، على رغم كل سوالفه التعبانة بس هو مخلص لزوجته واي وحدة تحاول تتقرب منه يتخلص منها، يساعد الفقراء انسان حباب بس الطريق اللي يمشي بيه اعوج للأسف.
هَيْصَم: اني اموت على المتدين ربع ردن عشقي من الدنيا هيج ناس، كملي.
الهام: شنو اكمل؟
هَيْصَم: شوكت تعرفتي عليه وشلون؟
الهام: وقتها زوجي جان واكع بمشكلة بسبب دين وهو ساعدنا.
هَيْصَم: دين من يانوع؟
الهام: أقمار وخسر بيها.
هَيْصَم: شكد مداين؟
الهام: خمسمية مليون، وهيج مبلغ ماكدر اوفره اله لو ابيع كل شي عندي واشتغل خمسين سنة ليكدام، فنجبر يروح بهيج طريق.
هَيْصَم: شجعتي انتِ.
الهام: اي والا نعيش بالشارع.
هَيْصَم: وانتِ سمعتج العائلية ماتسمح اكيد كلتليه امشي واني بظهرك.
الهام: طبعاً اللي اقترح عليه عاكف هو بركات هذا جان صديقة الجديد المتعرف عليه باللعب وصار مقرب منه حيل، كله اني ادليك على شخص يوفي دينك بس بشرط تشتغل جوه ايده وشنو يكلك تكله اي، اجه اخذ رأي وكتله ماكو مشكلة المهم نخلص من الدين ومتصير علينا فضيحة، بالبداية جان الموضوع بسيط بس يسلم الجرعات للناس ولكم شخص بالشهر بعدين تطور شويه شويه وصار يوصل بنات لأماكن معينه حتى تعمق شويه شويه بالشغل.
هَيْصَم: وانتِ شلون دخلتي؟
الهام: بوقتها جنت راجعه من الدوام الساعة سته الصبح لأن جان عندي خفارة شفت واحد واكف بالباب يحجي وي زوجي اني دخلت وعبرته من كمل مختار حجي وياه دخل ورايه وكلي انو عجبته ويريدني اشتغل وياهم علمود نخلص من الدين بأسرع وقت.
هَيْصَم: شلون يعني عجبتي؟
الهام: رادني اشتغل وياهم بنفس شغل البنات.
هَيْصَم: وزوجج شنو رأيه؟
الهام: زوجي من زمان مدمن كحول وعقله مايشتغل عدل لهذا السبب شنو متكله يسوي بدون اعتراض وميفكر بالعواقب.
هَيْصَم: وافقتي؟
الهام: اكيد لا بس بعد فترة صار اللقاء وياي اني من طلعت من المستشفى اخذوني من الباب بالبداية عبالي تكسي بس بعدين لا عرفتهم هم.
هَيْصَم: شنو صار وقتها؟
الهام: تهددت باولادي ونجبرت ادخل لهيج طريق بس شغلي جان فقط توزيع بحجة ادويه للمرضى يعني ماتعدا الأمر غير شي.
هَيْصَم: يعني تنطين للمريض اللي يجيج مخدرات بحجة علاج مو؟
الهام: اي.
هَيْصَم: هاي المهنه الإنسانية اللي لازم تكونون انتوا جنود بيضاء تساهم بشفاء الناس من آلامها تصيرون السبب بالألم علمود ملذات دنيوية لابد تجي لحظة وتنتهي، عوفي الآخره والعقاب مافكرتي باولادج شنو يكون مصيرهم من امهم وأبوهم يطلعون هيج يشتغلون؟ مخطر بعقلج ولو فكرة بسيطة عن مستقبلهم وشلون تصرفج هذا راح يدمرهم؟
الهام: اني دخلت بهذا الطريق الأظلم علمودهم.
هَيْصَم: غلطانه انتِ بتصرفج هذا خسرتيهم والنهاية صارت سجنج وعقوبتج وهم راح يبقون مشتتين وماعدهم اهل يحتوهم وممكن يرحون دار أيتام، هذا مستاهل كل شي سويتيه؟ واذا نريد نحجي بعقاب الآخرة فهذا يكون بحث آخر أعمق وأوسع ونار خالدة ما منها مفر.
الهام: اعرف بس مجان بيدي شي غير اقبل وقتها.
هَيْصَم: كملي كلامج عن عاكف وشلون طورت علاقتكم.
الهام: مره جان زوجي طالع بالشغل واني وحدي بالبيت او أولادي بالدوام يعني الظهر تقريباً الساعة ثنتين ندك الباب فتحته شفت واحد لابس ملابس عاديه وسيارة واكفه بعيد عنه بمسافة صغيرة جان مخلي بخصرة مسدس مكدرت ما اروح وياهم حتى بدون ما انطي خبر لزوجي انو رايحه، بيومها التقيت بيه بنفس المكان اللي لكيتوني بيه البارحة من عدها بدت علاقتي بيه.
هَيْصَم: خنتي زوجج؟
الهام: اي.
هَيْصَم: وبعدين؟
الهام: استمريت هيج اشتغل بشكل متواصل أخير شي البارحة.
هَيْصَم: ليش ذلك البيت؟
الهام: لأن مهجور ومحد يعرفه ولان اللي عندي علاقه بيهم ناس معروفين ويخافون على سمعتهم.
هَيْصَم: يعني الكل التقيتي بيهم هناك؟
الهام: لا مو شرط.
هَيْصَم: ليش عترفتي على عاكف؟
الهام: لأن قرر يبيعني ويعترف لزوجي عن كل شي سويته بدون علمه وقطع كل علاقاته بيه.
هَيْصَم: السبب؟
الهام: لكه وحده غيري صرت قديمة اني إله.
هَيْصَم: تحبيه؟
الهام: اي للأسف.
هَيْصَم: وهذا عقابج اله؟
الهام: مستحيل اوكع وحدي الكل لازم يشرب نفس الكاس الجانوا السبب بأنو اشربه.
هَيْصَم: اني هنا انفذ طلب واحد لكل متهم فشنو طلبج؟
الهام: ابويه رجال جبير بالعمر وعنده مرض قلب اذا سمع بيه معتقله يموت واني ماريد اخسره بسبب غبائي وذنوبي المقترفتها اذا تكدر ميوصله خبر اكون ممنونة.
هَيْصَم: ماكدر اوعدج يبقى سر بس اسوي اللي أكدر عليه.
الهام: شنو راح يكون حكمي؟
هَيْصَم: ماعرف خليها للقاضي.
أخذت العنوان والمكان مالت عاكف وأخذت الفريق علمود نعتقله، كعد على كرسي المتهمين شغلت الجكاره ماخذ منها نفس وميثم يمي، هو المحقق ميثم صح بس لازم اكون وياه واعرف كل شي يصير بهاي القضية والناس اللي نعتقلهم متلبسين بيها.
عاكف: وصلتلي وصعب تكدر توصله حتى لو عرفت مكانه وبيته واسمه الكامل وبشنو متورط وجان عندك ادله كافية علمود تعتقله مراح تكدر.
هَيْصَم: ماكو شي اسمه مانكدر اذا جان ويانه رب العالمين.
عاكف: مدعوم من ناس اقوياء مستحيل تكدر تلقي عليه القبض وبأمر واحد منه انت تروح بيها وتصير الشهد هَيْصَم.
هَيْصَم: ههههههه، انتوا طغيتوا بالأرض حتى بديتوا تعتقدون الحياة والموت بيدكم مو بيد الله، خليها بعقلك اذا سكت عنكم الرب بس علمود يختبركم وبالعالم الآخر يوقف جميعكم للمسائلة والعقاب بالمحكمة العضمى المابيها واسطة ولا دولة داعمه ولا غيرها، وأن كان صعب الوصول للأكبر منك نوصل للأصغر وبنتهاء الصغير الكبير يصير بدون قوة وطاقة علمود يستمر، النظام السابق شكد طغى بالأرض وشكد أفسد ودمر وقتل وبعدين وينه هو؟ استمر حكمة 35 سنة وبالأخير؟ مات معدوم وتحاكم أمام الناس ومابقى واحد من عائلته واللي بقى ميكدر يدخل للعراق مره ثانية نفس البلد اللي شربوا من دمه، هذا ابسط مثال اما البقية انت أخبر بيهم هارون وغيره ويوسف الثقفي شلون جانوا طغات بالأرض وافسدوا أو وينهم اليوم؟ حياة الدنيا هي مجرد مرحلة مؤقته للاختبار والامتحان ما أن يخلص تنسحب الورقة وتطلع بره وهيج راح يصير بيكم كلكم، راح ينادي المنادي من سبع سماوات وتكونون تراب ماله فايدة ينداس بالرجلين، فاطغوا شكد متكدرون لابد تحين موعد المحكمة الإلاهية بيوم من الأيام وتنتهي قصتكم بشكل مأساوي مضحك للناس.
بعد كلامي مسمحتله يحجي بشي وخليت ميثم يستلم التحقيق وياخذ منه المعلومات، وأن ماوصلنا اليوم للمجرم الأكبر باجر موجود ماطول بالرية نفس ورب يحمي ويحرس ومنطي عمر ماكو شي صعب.
: كاعده بالغرفة عيني على السكف وصافنه عقلي ياخذني ويرجعني بالأفكار بكيفة، عدلت نفسي من فتحت الباب ودخلت كايله.
كلاثم: زوجج يريد يحجي وياج.
آمندا: خطيبي ماما، شوكت صار زوجي؟
كلاثم: كومي بلا كلام زايد مالي خلكج.
آمندا: شبيج وياي اليوم؟
كلاثم: شوفي بالأول وبعدين احجي وياج حركي نفسج شوي ولبسي شي بيه حظ يكول طالعة من جنازة شبيج؟
آمندا: مالي خلك وداعتج.
كلاثم: سوي لنفسج خلك شلون مجان اريدج تطلعين وردة مفتحه كدامج ربع ساعة ستعجلي.
آمندا: والله اعرف سوالفج هاي بس تردين تخلصين مني.
كلاثم: اي احسن ارتاح من ما اكابل وجهج تحركي بدون لغوة يلا.
لبست فستان احمر شتريته بخطوبتي وملحكت استمتع بيه وقتها، يصير بينصل على الجسم وخليت روج احمر غامق وفتحت شعري مشطته سريع ورفعته بقراصه هم حمره، خليت عطر وطلعت من الغرفة خليت الخجل باب الإستقبال وتشاهدت داخله جان كاعد يحجي وي امي من سمع صوت الحركه التفتلي ابتسمت بوجهه كايله.
آمندا: صباح الخير، شلونك غضنفر؟
بقى صافن بوجهي بدون جواب امي بتسمت وغمزتلي رحت كعدت بصفها تحمحم مخلي علبه مستطيله على الميز اللي كدامه كايل ومبين التوتر من صوته.
غضنفر: هاي هديه بسيطة مني لآمندا خالة.
كلاثم: ليش تكلف على نفسك ياعيني هي جيتك وسؤالك وحده أكبر هديه.
غضنفر: لا بالعكس واجبي هذا وأقل هم، اني اجيت علمود اكلكم انو حددت يوم الخميس هو عقد المحكمة اذا آمندا ماعدها مشكلة اكيد.
اجيت احجي سبقتني كايله.
كلاثم: لا يوم شنو هل الحجي بالعكس ماعدها اي اعتراض اللي تشوفه مناسب سويه.
غضنفر: اريد اسمع منها اذا موافقه لو لا، شتكولين؟
التفتتلي وعضت شفتها ونطتني خزرة من النوع اللي تسوي مغص ابتسمت وكلت بهدوء.
إمندا: اللي تشوفه.
أجيت اكوم لزمتني من أيدي مثبتتني يمها اني هسه من شفت نظراته تندمت على الساعة السودة اللي لبست بيها هيج صارت عندي لحظة ادراك متأخرة حيل وامي ماعرف شبيها حابه الموضوع متخليني أفلت بريشي أخذت نفس من كال ناقذني.
غضنفر: اني اترخص منكم اروح لشغلي اذا حتاجيتوا شي بس تصلوا بيه.
كلاثم: كلك وكفات عيوني، روح بحفظ الله وأهل البيت.
من طلع حسيت رجع الدم بوجهي اجتني ضربه منها على رجلي خدرتها كايله بفخر.
كلاثم: اي هيج من البداية وخلي الزلمة يسودن عليج شبيج يحظي اعلم بيج وميفيد.
آمندا: انتِ ليش فرحانة أكثر مني؟
كلاثم: شلون ما افرح واني اشوف بنتي سعيدة ومرتاحة وانيقة؟
آمندا: لبست هيج علمودج تره.
كلاثم: عفية ببنيتي المطيعه العاقله هسه اريد منج تبقين هيج وتصيرين احله بعد وشويه اتصلي بيه، شلونك حبيبي شخبارك اني بس ردت اطمأن عليك واخذيه بالكلام، ربي يحرسك إليه ومن هاي السوالف المفروض ما اعلمج انا انتِ تعرفين هاي الدروب.
آمندا: بيمن اخابره؟
كلاثم: فتهمنه موبايلج ضاع موبايلي عندج وخابري بيه من الصبح لليل رجلج وحلالج محد يكلج لا وهو بعد عيني شلون مؤدب ومحترم قبل ميجي يتصل ب هَيْصَم ويخلي اخوج يتصل بيه وبعدين هو يتصل يكول راح اجيكم، ربي يحفظه لزهرة شبابه ويحفظج وياه وتخلفون درزن جهال.
آمندا: ومنو يربيهم؟
كلاثم: امي، دكومي منا لابارك بيج انتِ مال دعوة.
كمت صاحتني.
كلاثم: تعالي شوفي شنو هذا شجايبلج.
فتحت العلبه شفته موبايل ابتسمت هي ضحكت بصوت عالي كايله.
كلاثم: احلف عليه مجان ناوي يعقد محكمة بس من شافج لابسة احمر نثول.
آمندا: استغفر الله ماما شبيج هاي الأيام؟
كلاثم: ليش اني مجذبه؟ والله نسطر من شافج جان يدعي دعاوي بداخله علمود اكوم وينفرد بيج بس اني اعرف هاي السوالف ماتعبر عليه من اخوج وشيلي ايدج.
آمندا: ليش هَيْصَم شنو مسوي؟
كلاثم: ختلات يابو ختلات فوكاها يكلي مو هسه ازوج كتله عمي عرسوا قبل ميصير عدكم طفل أو وين انطي وجهي من العالم.
آمندا: هههههه، مخليه عينج على الناس انتِ.
كلاثم: اذكر ابوج بأيام شبابنا جان يجي يوكف يم الباب ويشمرلي ورقة أو وردة وياها ويروح، من افتحها الكاها رسالة مال حب، جان حب يجنن وقتها أو مواعيدنا كل شهر مره ابقى منتظرته على جمر شوكت يجي وينطيني ورقة حتى لكفتني امي وطلعتله كلتله متخاف على عرضك تجي وتشمر ورق لبنات الناس بيك خير جيب اهلك وخطبها مو تجي تتغزل من وره البيبان.
آمندا: وشنو سوه؟
كلاثم: نفس الاسبوع جاب اهله واجه وخطبني وماطولنا وربج بارك بزواجنا خلال شهرين كل شي تم ونزفيت لبيته.
آمندا: بعدج تحبيه؟
كلاثم: شلون لعد، اني ما انام بالليل اذا ماخلي صورته جوه راسي وادعي ربي يقرب موتي علمود انجمع بيه هناك يمه وكحل عيني بشوفته بعد كل هاي السنين.
آمندا: عمرج طويل يارب ربي يحفظج النه ويرحم الوالد.
كلاثم: يلا عوفج من كل هاي السوالف وروحي غيري ملابسج حتى نسوي غده عاجبني اطبخ وياج اليوم.
: واكفه يم الشباك مالت المطبخ وصافنة وبالي راح لبعيد.
ابو رضا: ابن عمج يريد يحجي وياج كلمتين انزلي جوه وسمعي اللي يريده وتنفذيه هم.
نزلت بدون حيله ماكدر اسوي شي خاصة بعد ما تأكدت نفسي حامل صار الحمل عليه ثكيل أكثر وكمت اخاف على روح موجوده بداخلي واني ماعرف شنو مصيرها.
ساجد: مرحبا بنت العم.
فيروز: وعليكم السلام.
ساجد: ولو اني ماسلمت بس يلا مو مشكلة تمونين.
فيروز: ياريت تختصر شنو تريد.
ابو رضا: احترمي ابن عمج وهو يحجي وياج ولتحجين كلام زايد.
فيروز: والله خليني اعترف بعمي بالأول يلا اعترف بأبنه.
ابو رضا: ولج شو صاير السانج طويل يريد كص.
فيروز: تقرب مني وشوف وحق الله ادمر احوالكم لا عبالك اني ساكته لحد الآن تره مجرد منتظره الفرصة المناسبة علمود اخلص وأن شاء الله عن قريب ينتهي سجني بهذا البيت.
ساجد: اهدي عمي اني احجي وياها، الفرصة الترديها اني انطيج أياها على طبق من ذهب بس اريد موافقتج بالأول.
ابو رضا: غصباً عليها توافق ورجليها فوك راسها ماعدنا بنية تكول لا.
ساجد: خليني اتفاهم وياها بدون عصبيتك، شوفي خيتي اني موظف بشركة ويردون وحده تعرف حاسبات وعرفت انتِ خريجة دائرة واقتصاد كلت ماكو غيرج وحده تليق بهذا المنصب.
فيروز: ماريد اتعين.
ابو رضا: تتعينين وبدون حرف زايد ما اصرف عليج من جيب ابوج انا.
فيروز: محد عاتب عليك رجعني لزوجي هو يصرف عليه.
ابو رضا: حلم فرعون بالجنة، موعدي وياج نفسه نروح للمحكمة علمود الطلاق.
فيروز: واني ماطول على ذمة رجال مستحيل اقبل اتوظف، ماطلع من شوره ماريد رب العالمين بعدين يدخلني نار جنهم علمود طمعكم.
ابو رضا: مجبورة مو بكيفج والا شايفه الحبل اللي نشر عليه الملابس؟ وحق ربج انزله وكطعه عليج ومايحتاج اشرحلج أكثر عن الاكدر اسويه اذا هو الرائد مالتج ماحجه وياي شي وصار الاريده انتِ تعصين كلامي!!
ساجد: لتهتمين اكو فترة اختبار مدتها عشر ايام بس تنتهي هم يقررون يردوج لو لا، باجر اجي عليج الصبح علمود نروح للدوام سوه وبعدين أبنية ويانه تصير نفس المنطقة تكدرين تشتركين وياها بالخط.
ابو رضا: هاي هي باجر تجهز وتروح للدوام بدون حرف والا تعرف شسوي.
خفت على اللي بطني وطاوعتهم وثاني يوم رحت للدوام مشتغلت عدل وسويت نفسي كل شي ماعرف بس علمود ما استمر بالعمل بس هم كالوا نعلمج بعدج جديدة وعلمود ابن العم اسم الله خلوني وياهم ومر اسبوع حتى وصل ذلك اليوم، خلص الدوام والناس رجعت لبيتها واني الوحيده واكفه بالشارع انتظر الخط يجي يوصلني للبيت لمحت من بعيد سيارة سوده مظلله عرفتها إله، شعور داخلي تولد وقلبي كام يتراقص يمكن خوف ويمكن اشتياق وحب، نزل من السيارة متقدم ناحيتي مشيت بخطوات سريعه مبتعده عنه وماكدر اتحكم بدكات كلبي السريعه، ما انكر خوفي الجبير من عنده بعد سوايتي، فجأة نسحبت أيدي وكف مقابيلي ينظرلي بعيونه السوداويه المسلوب منها الرحمه نزل راسه هامس قريب أذني.
هَيْصَم: الوعود اللي تنكث تتوقعين التوبه بعدها تكون مقبوله؟
رفعتله راسي كايله بتساؤل مليان قلق من القادم.
فيروز: شنو ناوي تسوي بيه؟
طقطق ركبته مبتسم بتوعد، مخلي أديه بجيب البنطلون دفعني من صدري اجيت اوكع على وجهي لزم أيدي ساحبني بقوة ناحية السيارة فتح الباب مدخلني الها وقفله صاعد بالاتجاه الثاني التفتلي و الشخصيه تغيرت 180 درجه مو هو نفس الانسان العرفته من قبل، فتح الجكمجه مطلع باكيت جكاير قربها من شفايفه مورثها اخذ منها نفس وزفره بوجهي جسمي كله يرجف اوصالي ماحس بيها والنفس ماعرف شلون اسحبه، دموعي ماكدر احسبهم، ردت انطق كلمه اشرلي مخلي اصبعه على حلكه بخزرة، وصلنه لمكان مقطوع فتح الباب ونزل واجه فتح بابي منزلني سحل،
الهدوء والرزانه والعقل كلهن اختفن من عنده وهسه اشوف كدامي شخص ثاني مختلف تماماً، اجيت احجي وبرر وسولفله كل شي صار وياي منعني وهو يخلي المسدس على راسي ويكول بأبتسامه مليانه مكر وخباثه.
هَيْصَم: عندج خيارين اما اموتج هسه لو تجين لجحيمي وفي كلا الحالتين انتِ ميته.
فيروز: هَيْصَم خليني احجي العندي لتستعجل فدوه الله يخليك بس اسمعني وبعدين سوي اللي يعجبك موافقة حتى لو تموتني.
هَيْصَم: اريد سبب واحد يمنعني ما اموتج هسه.
فيروز: حامل.
سكت حسيته هدأ شوي وراح مبتعد عني واكف يم السيارة دخل بيها واني رحت صعدت يمه اخذ نفس كايل.
هَيْصَم: ليش تشتغلين؟
فيروز: لان جبروني اشتغل.
هَيْصَم: هذا درس الج علمود تعرفين محد حبج بكدي ولا واحد خاف عليج مثلي.
فيروز: ابو رضا يريد يخلينا نطلك.
هَيْصَم: خلي يسوي اللي يريده وانتِ استمري بالحياة ولا كأن شفتيني ليوم المحكمة.
فيروز: البارحة رحت قدمت شكوى.
هَيْصَم: اعرف كل شي يصير من اول يوم اجيتي بيه لهنا لليوم ماكو داعي للشرح.
فيروز: يعني ماراح تاخذني هسه؟
هَيْصَم: لتسألين اسأله ما الها جواب.
فيروز: هَيْصَم.
هَيْصَم: اششش، اسمي طاهر على السانج الخاين لتنطقيه.
بلعت كل كلامي بعد هاي جملته مكدرت اسوي شي غير انو التزم الصمت وصلني للبيت ونزلت وهو راح، ماعرف شنو يخطط وشنو بعقله وعلى رغم أسلوبه الجاف بس جنت كلش سعيدة واخيراً اجه وراح يخلصني من ذولي الوحوش.
رويم: ماما دا احجي وياج ليش متسمعيني؟
ابتسمت نازله لمستواها حضنتها مقبلة وجنتها.
فيروز: الحلوة شنو تريد من امها؟
رويم: أكل.
فيروز: اصيرلج أكل، شنو تحبين تاكلين؟
رويم: اندومي.
فيروز: لا مو زين غيره.
رويم: ليش مو زين، هَصَّار ياكله.
فيروز: معليج بأكل هَصَّار اكلج انتِ يختلف.
رويم: مثل أكل بابا؟
فيروز: اي يعمري مثل اكل بابا.
رويم: اريد اخابره، خابريه.
فيروز: ميصير تحجين وياه، بالدوام هو هسه.
رويم: ميخالف بنته اني.
فيروز: هسه هو شويه ويجي تعالي نسولف اني وانتِ.
رويم: اريد بيبي.
فيروز: ماما لتعبيني وياج منين اجيبلج بيبي اني، روحي تابعي فلام كارتون واني اجهز الغدة ماشي.
رويم: لا يمج.
فيروز: بعد عندت بنت هَيْصَم على منو طلعين هذا الشبل من ذلك الأسد.
رويم: ياشبل؟
فيروز: ابوي، كومي روحي العبي مالي خلك ابد والله.
رويم: شبيج؟
فيروز: شبيه ياماما مابيه شي بس كومي العبي هناك خليني اخذ نفس شويه وجي يمج.
هي راحت واني تربعت بالكاع مالي خلك فد مره والدنيا طلعت من عيني كلها تذكرت اول يوم اجيت بيه لهنا ومنا اني اصلاً ضايجة صار عندي واهس وكمت ابجي بجيت وكأن اني بمجلس عزاء من كد ما بداخلي هم جبير ماكدر اشرحه ولا اعبر عنه بجميع الطرق الممكنة، خلصت هاي النوبه الحزينه مسحت دموعي وغسلت وجهي ومثل الشاطرة رحت احضر غدة ولا كأن قبل دقيقة جنت الطم، هرمونات راح تجلطني بنهاية الطريق.
حوري: ماتعبت؟
محمد: من حبج لا والله.
حوري: هاي كلاواتك مو عليه يحلو، انت تعرف قصدي لا تستغبي.
محمد: هاي المهنه هيج ماكدر ما اكون اناني مرات وافكر بس بمصلحتي.
حوري: الدفاع عن المجرمين نهايته شي مترضاه لنفسك محمد، دافع عن الناس المظلومه وترك هذا الطريق.
محمد: اني اشتغل بالمركز يعني حتى لو ما اريد المحكمة هي توكلني.
حوري: اشتغل وحدك كمحامي مستقل مو صعبة.
محمد: اني اسمي صار رنان بهذا المجال ماكدر اترك تعب هاي السنين بلحظة.
حوري: بس بلحظة تترك الحياة بكبرها، خلي نكون واقعين شنو تجاوب ربك لو سألك؟
محمد: هذا شغلي.
حوري: مكانك يكون جهنم.
محمد: حوريتي، هوايه أمور انتِ ماتعرفين عنها ابقي غافله احسن لأن اكو أسرار توديج للمصحة النفسية اذا كتشفتيها.
حوري: هيج صعبة؟
محمد: تخليج تكومين من النوم تهزين جتف وترجعين تغفين.
حوري: هاي خالة ساجدة مو حلم.
محمد: هههههه، كومي حضري ملابسي لازم اطلع هَيْصَم تصل بيه.
حوري: صاير هوايه تشتغل وي هَيْصَم شنو الموضوع؟
محمد: اني ماكول لا للفلوس حتى لو اتعامل وي حرامي.
حوري: هاي اول مره اعرف بيك طماع لهاي الدرجة.
محمد: مع الأسف عليج زوجج وعشرة عمر وياي يلا عرفتي بيه طماع؟
حوري: عندك فلوس هوايه بعد على شنو طماع ماعرف شنو سوي بيهن؟ عوف الحرام ميصير تجيب للبيت فلوس حرام متخاف الله بينه انت؟!
محمد: احنه منخلص من هذا الموضوع يوميه فاتحته وبعدين؟
حوري: بعدين اترك هذا الطريق تره صبري نفذ وياك والله العظيم الربع دينار اذا شفته عندك احركه وتعرفني اسويها.
محمد: سويها فلوسي فدوه الج كلي فدوه الج.
حوري: عوفني من سوالفك احجي بشي جدي اني.
محمد: جدي، عمي، خالي، اني ما اترك هذا الشغل لنهاية عمري وعلى راحتج قبلتي أو رفضتي رأيج مو مهم.
عافني وطلع، اني مو ضد ياخذ قضايا ابداً بالعكس ادعيله بشكل مستمر بالتوفيق والرزق بس اتخبل من يكلي راح اساعد مجرم، اني اعرفه يجيب ادله من جوه الكاع بس علمود يربح القضية وأن كانت لواحد قاتل، تعبت واني احاول وياه يترك هذا الطريق بس ميفيد تعبني، من عرفته لليوم هذا شغله ولا يتوب ولا يبطل والحل ماعرف شنو عجز الساني وهو ولا كأن يسمعني نهائياً.
هَيْصَم: شبيك؟
محمد: شغلي شبيه؟
هَيْصَم: وين واحد شامرته الدنيا بدفره وموصلته لنهاية طريقه بيها دافع عنه.
محمد: تعبت هَيْصَم محد يكدر يفهم شغلي ابد ومرتي مخليه عقلها ويايه مليت.
هَيْصَم: ماتفهم طبيعة العمل عوفها براحتها.
محمد: فوكاها حلفت تحرك فلوسي شوف المصيبة.
هَيْصَم: حاله عصبية لتهتم الحجي النسوان اسمع وسكت.
محمد: اني مو مثلك ماكدر اتحمل أعصابي بسرعة تنفجر وتعارك وياها.
هَيْصَم: مستحيل حياتك تستمر هيج، العلاقات تحتاج هوايه من التطنيش باوع بوجهه وابتسم بس كلامها لتخلي يوصل لأذنك بعدين احجي وياها كلام حلو وشوف إذا ما ماتت عليك.
محمد: انت تسوي هاي الطريقه؟
هَيْصَم: اني ما اتعارك اصلاً ماعدنه شي نتعارك عليه.
محمد: الله يسعدك.
هَيْصَم: ويسعدك.
محمد: ليش خابرتني؟
هَيْصَم: اريد اشوف وجهك الحلو.
محمد: هههههه صدكتك يلا احجيلي شنو تريد؟
هَيْصَم: اريد منك تستلم قضية عاكف ومتخلي محامي غيرك يستلمها.
محمد: ليش؟
هَيْصَم: حتى مايطلع من السجن.
محمد: تكدر تخلي واحد غيري يستلمها ليش اني؟
هَيْصَم: لأن علاقتك بيهم قوية يعني محد يشك بيك.
محمد: راح ينزل سوكي بسببك.
هَيْصَم: اني اعوضك لتخاف.
محمد: راح اخابر مرتي وحلفلها فلوسي حلال.
هَيْصَم: النسوان ميصدكن بالشي المايقتنع بيه عقلهن، انت عقلك مفرمت على شي معين وبس هو يشغل دماغك لكن هن عكس يفكرن بالف شغله بالدقيقة ويلكن الحلول لكل مشكلة بسهولة عكسنا.
محمد: يعني تعترف مرتك احسن منك.
هَيْصَم: اكيد طبعاً، اني ماكدر اهتم بأكثر من شغلي، اما هي متحملة مسؤولية البيت ورويم وغير هذا اكو طفل قريب يجي للحياة، وبعيد عن مرتي امي شلون ربت وكبرت وتعبت وهي بدون رجال يكون سند الها.
محمد: ليش وانت وين رحت؟
هَيْصَم: اني من ستشهد ابوي عفتها كلها ورحت قدمت على العسكرية وصرت ماروح الا بالمناسبات، ماطقت البيت وهو ماموجود بيه بس هي لا كعدت وتحملت وربت وكبرت وما شكت بيوم بالعكس من تشوفني مهموم ومكسور تجي تسندني وتقدملي النصيحة والكلمة الحلوه.
محمد: اني اعرف عندك اخ صغير وينه؟
هَيْصَم: هاي السنة تخرج، عايش بالخارج راد يرجع واني منعته ماريده يكون ورقة ضغط عليه وانت تعرف شغلنا شنو.
محمد: يعني ميرجع ابد؟
هَيْصَم: ماعرف المستقبل شنو يصير بيه بس لحد الآن لا ما اعتقد يرجع.
محمد: خير ان شاء الله.
هَيْصَم: ان شاء الله.
غضنفر: هلا بمريتي، وحبيبتي، وكلبي وعمري وجلاويي وجبدي، وضلعي وروحي.
من كلامه خجلت وبمكان ما اجاوبه سديت الخط وغميت نفسي وصارت عندي لحظة ادراك شبيه متصله بيه شنو هاي الخفه هسه شيكول عليه، بعدين تذكرت هاي شبيج غير زوجج وعادي تحجين وياه، بدوامه التفكير صحاني صوت الموبايل وهو يرن شفته هو طبعاً الجهاز مخلي بي رقمة لهذا السبب تصلت بيه واصلا ماعرف ليش تصلت لأن أني ماعندي سالفة وياه هسه من يسألني شنو اجاوبه؟ تحمحمت وجاوبته.
آمندا: الو.
غضنفر: ليش سديتي الخط؟
آمندا: مو لأن.. مخلاني اكمل قاطعني.
غضنفر: اعرف بدون متحجين شي، خجلتي.
آمندا: لا مو هيج.
غضنفر: اي هيج لتناقشيني، المهم خلينا نسولف بلي ردتي يروحي شنو؟
آمندا: مردت شي بس اتصلت بدون سبب.
غضنفر: مشتاقتلي؟
آمندا: اي اقصد لا.
غضنفر: ههههههه، اي اي، احبج واموت عليج وعشقج، النفس اليصعد وينزل انتِ، اويلي شيصبرني ليوم الخميس مابيه اتحمل بعد اريدج يمي بأسرع وقت ممكن.
آمندا: عفية لتحجي هيج والله اخجل.
غضنفر: ابوس اليخجل انا، شنو رأيج نطلع نتعشا سوه؟
آمندا: مادري بكيفك.
غضنفر: نص ساعه واني يمج جهزي نفسج يا شمسي ونهاري وقمري وصحوتي ومنامي.
ابتسمت خجلانه من كلامه وماعرف شنو ارد عليه بس دكات كلبي ماتنعد، سديت الموبايل طالعه من الغرفة اكل لأمي حتى احضر نفسي واطلع وياه، دا احس نفسي كاعد ارجع للحياة مره ثانية والسبب هو، عرف شلون يطلعني من حزني والكآبة الجنت بيها، عرفت انو اني ختاريت صح من قبلت بيه ومرفضته، الحب هذا من يطلعك من الظلمة للنور ويدعمك ويسندك وقت حزنك أو وقت انت متكون طايق حالك بيه، من تكون بحاجة كلمة حلوه وتشوف شخص كامل بكل صفاته حلو يجنن يكون وياك بكل خطوة تخطيها، ينطيك من طاقته أو وقته وبدون متنطق بحرف هو يعرف شنو بيك ويحاول بكل جهد يطلعك من اللي انت بيه وقتها لازم تعرف انو اختيارك صح، لان الحب بعمره مجان بالكلمات بل بالأفعال هي الوحيدة اللي تثبتلك الشخص المقابل يحبك من صدك لو لا مجرد يضحك عليك ويضيع وياك وقت لا أكثر.
رويم: بابا ماما تحجي عليك.
فيروز: ملعونه شوكت اني حجيت؟
هَيْصَم: خليها تحجي بشنو امها ماخذه غيبتي؟
فيروز: ما حاجيه عليك شبيك.
هَيْصَم: بنيتي ماجذب.
فيروز: واني اجذب يعني؟
هَيْصَم: خليني اسمعها شنو تريد انطيني مجال.
فيروز: رويم لتحجين ولا حرف.
هَيْصَم: رويم احجي وأخذج وياي تشوفين هَصَّار.
رويم: تكول هذا الشبل من ذلك الأسد تحجي عليك.
هَيْصَم: هههههههه، امج تكول عليه اسد؟
رويم: اي متدري عيب الأسد حيوان شلون تكول عليك هيج عضها.
هَيْصَم: اعضها وليهمج غالية والطلب رخيص.
فيروز: شوف شلون تذكر السالفة مالت الصبح شكد ملعونه باعت امها علمود تشوف هَصَّار.
هَيْصَم: على هذا كلامج معناها حاجيه عليه شي كدامها غير هذا.
فيروز: والله ماحاجيه عليك اي شي.
هَيْصَم: صدكتج.
فيروز: بكيفك لتصدك.
هَيْصَم: هيج الحجي؟
فيروز: اي هيج طبعاً.
هَيْصَم: اوكي.
ابتسمت واني اخذ رويم علمود انومها خليتها بحضني وبقيت اسولف وياها شويه غفت متعودة على هيج من وهي صغيرة، غفيت بصفها بدون ماحس حسيت على ايده تحركني فتحت عيوني شفته واكف على راسي مأشرلي اكوم وياه غلست مابيه حيل اتحرك من مكاني بس هو منو هَيْصَم بعد اذا ماروح برضاتي ياخذني غصب.
لحظات هادئة مثل آخر لحظات قبل نهاية العمر، يوكف كل شي بلحظة صمت وتبقى بعقلك فكره وحيدة، معقولة اللي ديصير حلم وبعد شويه اصحى منه لو هذا الواقع المرير اللي لازم اعيشة..
اسرار آن الآوان لكشفها، ودمار عم المكان بسبب ظلم وجور أحدهم، وانا الآن أقف على مشارف النهاية لكي اقول جميع الرحلات لابد أن تصل وتهبط بالمكان المطلوب وان طال الطريق..
يتبع..
البارت 4429 كلمة..
تفاعلجن بقى بارت وأحد راوني الحماس شمعاتي..
مسائكم خير وعافية او ورد وسنة حب سعيدة للجميع تنعاد عليكم بألف وعافية.
لأي شي يخص القصة تعالوا يمي انستا..
هَيْصَم الفصل الستون 60 - بقلم Zahraa
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه حتى نستمتع وي الهَيْصَم مع بعض
هَيْصَم
(الكاتبة زهراء احمد)
_______
اليومَ عادَ كأنَّ شيئًا لم يكُن
وبراءةُ الأطفالِ في عينيهِ
ليقول لي : إني رفيقةُ دربهِ
وبأنني الحبُّ الوحيدُ لديهِ
ما عدت أذكر ، والحرائقُ في دمي
كيفَ التجأتُ أنا إلى زنديهِ
خبأت رأسي عندهُ ، وكأنني
طفلٌ أعادوهُ إلى أبويهِ
سامحتهُ ، وسألتُ عن أخبارهِ
وبكيتُ ساعاتٍ على كتفيهِ
كم قلتُ إني غير عائدةٌ لهُ
ورجعتُ ، ما أحلى الرجوع إليهِ
-نزار قباني
ارفد: وتهدد هم!!
محمد: لتعتبره تهديد وإنما حقي كزوج لو نسيت حوري زوجتي ان لم يكن شرعاً فهي مرتي قانونياً، ساعة غضب او مثل متكولون ساعة شيطان رميت عليها يمين الطلاق بحاله عصبيه وكوني رجال متدين واهتم بأمور الدين جبت ويايه سيد يجدد العقد كدامكم لان للأسف المرة الأولى ماحظيتوا بهذا الشرف.
نسر: انت جاي تهينه داخل بيتنا لو اني فهمان خطأ؟
محمد: فهمان صح نسر المحترم او نكول الضابط نسر المحترم منريد نموت بأحد الحيل مالتك تعرف الروح عزيزة.
أرفد: تجاوزت هوايه واني لحد الأن مطول خلك وياك، من الاخير افهمها زوجه ماعندك يمنه تفضل بدون مطرود.
محمد: واذا مطلعت ترتكب بيه جريمه لو تجبر وحدة من خواتي تعترف عليه بشهادة زور؟
نسر: وين تريد توصل بهذا كلامك؟
محمد: لجريمه قبل خمس سنوات ونص جانت من تأليفك وابداعك، راح ضحيتها بنيه بريئة واخوها المتهم بترويج مخدرات ولعلمك ايضاً كان بريئ والتهمه ملفقه عليه لكن للأسف مكدرت اطلعه من السجن وقتها فنتحر وترك الدنيا بسببك وغطوا على جريمتك هَيْصَم وأرفد، سعيت بكل الطرق حتى انتقم لصديقي واخته لكن يكولون يد الظلم اقوه من الحق وتكممت كلمة الحق ببلد الديمقراطية والحريه.
نسر: هذا الكلام اضحك بيه على نفسك علاء جان احد المروجين للمخدرات واذا ماعندك علم كل الادله تثبت ادانته بالأضافة اني ما أللي علاقه بموت ميار ولا انتحار علاء هم ثنينهم تركوا الدنيا بأرادتهم الكامله.
محمد: ميار هي اللي حجتلي كل شي صار وياها من اول يوم دخلت بيه على حياتها وشلون دمرتها بحبك الكاذب وخدعت بنت مراهقه حتى تترقى ويخلون على كتفك نجمه لكن نسيت انو الله حق وطريق الظلم بعمره ميستمر لابد يجي يوم وتوكع بشر أعمالك.
نسر: هذا الكلام مو صحيح ابداً اكو جزء من الحقيقه محد يعرف بيه لحد الأن وهو انو ميار جانت جاسوسه وهي اللي تنطيني معلومات بخصوص اخوها علاء اللي هو اصلآ مو اخوها وإنما ابن عمها المعتدي عليها وحامل من عنده لكن للأسف بنهاية أيامها نحرفت عن الطريق وقررت تصير ضدي لأنها حبتني وطلبت استر عليها واني مقبلت لان احب ايفلين وما أكدر اخونها حتى لو المسألة بيها حياة او موت اتخذت قرار تنهي حياتها وتنتقم من عندي بأيفلين بتوريطها بالجريمه وامها ساعدتها فجانت كل الادله تثبت أيفلين قاتله وهذا اللي دفعني ادخلها مصح عقلي حتى تطلع براءة فكره غبيه صح لكن ضمنت سلامتها وهذا المهم اسبوع بمستشفى للأمراض النفسيه افضل متخلص شبابها بعالم مليئ ناس قذرة سواء ضباط لو مساجين، انت شخصيا ماعندك الشجاعه الكافيه حتى تسوي اللي سويته لهذا السبب مو من حقك تلومني، ونقطه انتهى حوري مراح ترجع وياك خلصنه كلمن يرجع على بيته.
محمد: اذا مترجع ويايه بالرضى ترجع بالغصب.
أرفد: شنو قصدك وضح أكثر؟
محمد: دكتورنا العزيز وضابطنا المو عزيز شغلت ميار وعلاء سالفه عفا عنها الزمن وصارت كلش قديمه لكن حوري هي حاضري ومستقبلي وام ابني مستحيل اتخلى عنها بعد كل هذا التعب لخاطر عيونكم المحلوه تكون راضيه عسى مرضيتوا طول عمركم مو مهم عندي، مرتي وابني اليوم راجعين ويايه للبيت برضاكم او غصب واللي عاجبه عاجبه والمعاجبه يضرب راسه بالحايط عدكم أربعة ما شاء الله تكفي.
مهدي: انت ابد مخليت احترام لعمك الموجود وسفه بيك تربيه محسن وحرامات انت ابنه.
محمد: وسفه وحرامات نفس المعنى اعذرني عمو العزيز والمو عزيز حسب مزاجي هاي الجمله يعني مرات احسك هيج ومرات هيج المهم هذا مو موضوعنا، لحظه بس وين جنت احجي؟
اهاا تذكرت حوري هي مرتي من توسلتوا بيه حتى اقبل اتزوجها حتى ميجيكم العار بوقتها جنتوا من اهل العشائر المحترمين اللي متقبل عرضها يدنسه احد وعقلكم الصغير جان ناوي يرتكب بيها جريمه بحجه غسل عار لو لا مساعدة الدكتور ارفد الوقور والمحترم، وهسه بعد ما اخذتها وخليتها ابيتي وتعودت على انو أصبح بوجهه كل يوم تجون وتردون اتنازل عنها والله حتى ارضي غروركم؟!
تخسوون مو محمد اللي يترك عائلته ويتخلى عنهم اي صح احنه عدنه طرق ملتويه بس الذراع اللي تمنعنا نلويها ونكسرها هم، مرتي وابني مكانهم بيتي غير هيج ماكو حجي ينكال، حول نظره اليه وكال بصوت عالي ونبرة مستفزة.
محمد: يلا سركي كلبي سامحي زوجج الحباب وخلي نجدد العقد قبل ما اخذج غصب عنهم لبيت الطاعه وتعرفون بدون شرح يعني شنو بيت طاعه، وإذا متصدكون اني سويت هيج فشوفوا هاي الأوراق ودققوا بيها امر استدعاء من المحكمة يوم الأحد للامتثال أمام القاضي حتى يناقش اسباب اخذ زوجتي دون علم زوجها من بيتها وحرماني من سركي كلبي والكتكوت القادم عن قريب.
: بقيت صافنه عليه وهو يطلع الأمر من الجنطه مالته يعني معقوله سواها وهاي المره همات راح يرجع ياخذني غصب عني؟
اخذها ارفد من عنده بغضب خلاهم امام الأمر الواقع غصب راح اروح برجليه لبيته مره ثانيه وهاي المره ما اضمن هذا المخبل شنو ممكن يسوي، على مقدار حبي اله كرهته اضعاف وجوده صار يخنكني مرات اسأل معقوله الكلب يحقد على انسان حبه من اعماقه؟
شفت الوجوه كلها صافنه بحزن بوجهي اخذت نفس وكملت طريقي اروح لسجني مره ثانية لكن وقفني ارفد.
أرفد: مجرد ورقه متكدر تجبر بنتي ترجع وياك.
محمد: اني عندي الدليل اللي يثبت انت اخذتها والدمعه بعينها زوجتي حيل تحبني وانت جبرتها تروح وياك للأسف الشديد.
: حجيت بصوت عالي ونبرة تحدي تجاوز هوايه واذا ابقى ساكته يستغل وضعي وابقى تحت رحمته طول العمر.
حوري: هذا الشي متكدر تثبته بالمحكمة لان اني اللي اتصلت بيه مو هو.
محمد: سواء طلعتي مجبورة او برضاج حبيبي جانت طلعتج بدون علمي وهذا الشي كافي يخليني اطلبج أبيت طاعه، القاضي راح يسأل لأي سبب تركتي بيت الزوج؟
خاينج؟
لو مقصر وياج بملبس او ماكل؟
لو اعنفج؟
او اكو شي رابع هذا ينضاف ليوم المحكمة مفاجأة الكم بيت عمي الأعزاء اني ما اخسر شي محامي ومتعود على الفضايح وأمه محمد كلها تعرف أخلاقي شلون تخبل لكن انتوا عائلة محترمه ومرموقه معقوله تضحون بسمعتكم علمود حوري؟!
ارفد: احجي بأسلوب محترم لتتجاوز بألفاظ قبيحه مثلك لاتعرف شلون يكون التصرف الصحيح وي اشكالك.
محمد: شبيهم اشكالي؟!
اني رجل قانون ادافع عن الناس بموجب القانون والقضاء العراقي مامرتكب جريمة، عكسكم انتوا اللي تتسترون على فضايحكم بحجج واهيه.
نسر: انت هوايه تمسلت واحنه ماعدنه وقت لكل هذا الكلام الفارغ الأفضل كل واحد يشوف شغله توكل لعملك وترك حوري واذا تريد ارفع الف قضيه مو قضيه وحده سوي اللي يطلع بايدك اختنه مراح تطلع من هذا البيت لو تنقلب السماء على الأرض.
محمد: خف علينا هسه تسوي نفسك الملك إسرافيل وتنفخ بالصور وتصير يوم القيامة، كلك على بعضك ضابط بالواسطة يعني متكدر تسوي شي لتنفخ عضلاتك وانت اعرف شنو أكدر اسوي ميحتاج نرجع للزمن وشلون جنت السبب بسجنك وفتح تحقيق وياك بمقتل ميار.
نسر: هوايه مهتم بقضية ميار الواضح جنت متعلق بيها حيل وتحبها.
محمد: لو جنت احبها مخليتك تضحك عليها وبسببك تنتحر هي واخوها حتى انت توصل للي تريده احارب حتى اخليها ملكي وافتخر بيها لو مرتكبه الف خطأ.
نسر: ومع هذا حوري مراح تروح وياك.
أرفد: حتى لو سلمناها ألك بأيدنا بوقتها ردنه نحميها ونحافظ على سمعتها هي شخصيا مو اكثر والا اني دكتور كلش بسيطه اعالجها ولكن مردت الطفل يتاذه فكون شاكر انو احنه رحماء مو لخاطرك بس علمودها وهسه انتهت المسرحيه وكل واحد على بيته.
محمد: لكن اني المخرج وبعدني اشوف انو النهاية مو كاملة اكو ضيف معزوم يحضر العقد ويكون شاهد ويايه على زواجنا المره الثانية.
أرفد: تعزم ضيوف في حال جان اكو زواج راح يصير من الأساس انت هوايه تحلم على فكره.
محمد: الاحلام حلوه خاصتا لو جنت رجال كفايه وسعيت لتحقيقهن.
: دقايق قليله ورن الجرس طلع ارفد شويه دخل هو وي رجال نصدمت من شفته، هو صح هيبه بس يخوف مظهره يخليك تنرعب بنظرته اول مصارت عينه بعيني متت بمكاني لكن مطول وابعد نظره عنه كلنه بقى مركز وي أرفد.
هَيْصَم: يامرحبا ابن الخاله.
أرفد: لتكلي انت الشاهد.
هَيْصَم: وين المشكله؟!
أرفد: ما أريد ازوجه حوري انتهى خلي ينفصلون وكل واحد يروح بطريقه افضل للثنين.
هَيْصَم: اختك زوجته لتمسلت حبيبي وحامل هم منو اللي يكون مسؤول عليها اذا صار شي؟
احنه مو مجتمع أوربي يحترم المرأة المطلقه بالعكس راح تصير بيها حاله نفسيه واكتئاب وبعيد عن كل هذا الكلام هي تحبه وهو هم يحبها وين المشكله يرجعون على بيتهم ماعرف!!
أرفد: مو الرجال المناسب الها احنه من الأساس ممقتنعين بيه احد الأقارب للعائلة مو زوج اختي هم.
هَيْصَم: برضاك او غصب هو زوجها ومن حقه ياخذها وياه للبيت خليهم يرجعون يعيدون العقد وترجع وياه لتكون عقبه بحياة احد أرفد الدنيا صغيره كلش حتى تحمل نفسك هيج ذنب ماينغفر ابد.
أرفد: هي هم متريده اني مجبرتها على شي.
هَيْصَم: متريد تخسر ثقتك بيها مو متريدة باوع بعيونها وراح تشوف عدل كمية الحزن والألم اللي بيهن لان هو بعيد عنها وراح تشوف همات الحب، ياقيس ليلى صرت متعرف تقرأ مشاعر الحب بالعيون لو هاي الخاصيه تفعلها بس وي ري كلبك؟!
أرفد: وانت من شوكت صرت قارئ للعيون؟!
هَيْصَم: من وكعت بالحب ونكسرت كل قواعد الهَيْصَم وعرفت انو الحياة بعيدة عن عيونها بدون لون ولا طعم ولا رائحة هي مثل الهوه بالليالي الربيع هيج عذبه وصافيه وبيها نسمه برودة لطيفه.
أرفد: اي اكعد تغزل شنو هامك!!
هَيْصَم: وانت ليش مهتم لهاي الدرجة!!ثنين يحبون بعض زوجهم واخلص لتحمل ذنبهم خليهم يعيشون مثل ميردون هذا واجبك أرفد ابداً مو من حقك تاخذ قرارات تخص حياتها.
أرفد: ميستاهلها.
هَيْصَم: وعلى اي اساس قررت؟!
أرفد: لان يريد ينتقم بيها من عدنا.
هَيْصَم: بهاي ظلمته هو يحبها صدك ومن كلبه وأكثر من مره يخليني واسطه ألك بس انت ترفض وهسه من صارت زوجته اني هم راح اوكف ضدك مو بس هو اذا متخليها ترجع وياه ارفع بيكم مذكره اعتقال وياخذها بكل اريحيه مثل مسوا نسر وي ايفلين قبل.
أرفد: ليش ادافع عنه وتساعده؟!
هَيْصَم: لان يحبها.
أرفد: مع هذا مراح يتغير يبقى انسان مينبلع.
هَيْصَم: محد طلب من عندك تاكله وشغله مهمه بما انو يحبها يتغير صدكني العشق مثل متكول يكسر هوايه قواعد والدليل اللي واكف كدامك.
أرفد: ليش واثق بيه لهاي الدرجه؟!
هَيْصَم: لان اعرف اشياء انت متعرفها.
أرفد: شنو هي؟
هَيْصَم: أسرار دولة.
لتشلع كلبي كول موافق وخلصني عندي شغل ولازم اخذ لَّباءَة للدكتورة.
أرفد: تأخذها للدكتورة شنو غير رايك واقتنعت اني دكتور قلبيه هاي المره لازم ما ادخل بهيج موضوع؟!
هَيْصَم: لان حبيبي مرت اخوك حامل واكيد مراح اخليك تعالجها.
أرفد: الف مبروك يارب يتربى بوجودكم انت والوالدة طول العمر.
هَيْصَم: ان شاءالله عمره أطول من عمري خليني ادعي هو اللي يدفني بشرفك كافي اني ادفن بالناس.
أرفد: لتحجي هيج عمرك طويل ان شاءالله.
هَيْصَم: حتى لو عمري طويل هم يجي يوم أموت قابل راح ابقى مخلد يعني؟
أرفد: خليها تجي للمستشفى عدنا طبيبات اكفاء يعتنن بيها بشكل مبهر وبما انو انت اقاربي ألك تخفيض.
هَيْصَم: بعمرك متعاملني كاني أقاربك من يخص الموضوع شغله العدل والمساواة بيني وبين المرضى ليش تدعي عكس هيج هسه؟!
أرفد: لخاطر زوجة الأخ مو لخاطرك.
هَيْصَم: اعتبر نفسي مسمعت شي وهسه خليهم يزوجون تره كلش تأخرت وعندي شغل مهم.
أرفد: اني معاجبني ترجع وياه هاي المره لكن لخاطر جيتك والخاطر الطفل حتى ميكون بدون اب راح اوافق.
هَيْصَم: لخاطر اختك اللي تحبه عيفك من عندي ومن ابنه.
: بقوا يحجون بصوت ناصي بس أكدر اسمع كلامهم لان قريبين عليه خلصوا والتفتلي أرفد.
أرفد: القرار الاخير الج اذا انتِ محابه ترجعين مستحيل احد يكدر يجبرج على شي وفي حال ردتي ترحين وياه يبقى هذا البيت بيتج واذا زعجج بشي معين بس اتصلي بيه اترك كل شي واجيج ماشي باباتي؟
حوري: تمام.
محمد: بما انو تصافت القلوب خلونا نعقد السيد نملت رجليه وهو منتظر.
: أجيت اروح وياه للاستقبال حتى نعقد وقفتني امي.
ناهده: لحظه بس اني مفرحت بعقد بنتي لأول مره لهذا السبب اريد افرح هسه ونسوي كل العادات المتعودين عليها بالاعراس.
: نزلت دموعي لكن جانت دموع فرح اخذتني من أيدي وصعدتني لبست فستان ابيض للعقد نزلت للصاله كعدت على كرسي قريب الباب مالت الاستقبال خلت رجليه بأنجانه بيها مي والقرآن بأيدي وبين اصابيعي هيل واكيد الياس موجود يكولون حتى تصير الحياة حلوه تقاليد ما اؤمن بيها لكن خلتني سعيدة انو عائلتي مهتمه بيه وكدروا يسامحوني على رغم وجه بابا لسه ثكيل وحتى مشارك بالنقاش اللي صار بين ارفد ومحمد ونسر وكأن اني مو بنته تغيرت نظرته عني وهذا الشي صعب يتصلح بين ليله ويوم ايقنت حتى لو فتحولي صفحة جديده مراح يجي يوم وينسون اللي صار هو اني من الأساس ما أكدر اسامح نفسي مابالك باهلي اللي عدهم الشرف اهم شي للبنيه.
بدأ السيد يعقد ومرت على بالي عقدي اول مره وشلون جنت فرحانه مو هوايه وقت يمكن نص سنه تقريبا وحياتي تغيرت بالكامل صحيح كدرت اكمل دراسه ومتركتها واللي ساعدني هي المظاهرات وحظر التجوال اللي صار فالدراسه إلكترونية وغير متعبه ابداَ صحيح الطبيه صعبه بس وجودي بالبيت مسهلها نوعا ما، تم العقد وصار لازم أودع عائلتي حسيت نفسي عروس هاي المره من صدك سلمت عليهم او والدي ملحكت اشوفه لان طلع اول مكمل العقد بحجة عنده شغل مهم اعرف ميريد يحجي ويايه واني همات عذرته اللي سويته مو قليل وينغفر اله بسهوله، طلعت وصار بوجهي ابن خالتي أجيت اكمل طريقي بس وقفني صوته.
هَيْصَم: محمد انسان لطيف على رغم اللي سوا لكن هو يحبج انسي الماضي وفتحي صفحة جديدة، شكد مجانوا الاخوه مهمين يبقى الزوج اهم لان كل واحد عايش حياته صحيح يحبوج لكن حب محمد مختلف عن حب أرفد ونسر ياريت فهمتي كلامي.
حوري: وليش ادافع عنه؟!
هَيْصَم: لان طلب مساعده عدوه حتى يرجعج للبيت ميسوي هيج غير اللي يحب من صدك.
حوري: ما أريد افتح صفحه جديده واللي صار صعب ينسي، الايد اللي تتركك وانت بأمس الحاجه الها ما اريدها بالوقت اللي اكون بيه مرتاحه، اكو فرق شاسع بين الثنين.
هَيْصَم: غيرج للأفضل، مرات احنه بحاجه لصفعه قويه من اقرب الناس النه حتى نعرف ماكو شي اسمه ثقه مطلقه بالآخرين مع هذا ترك كل شي لمجرد خطأ واحد اكبر ذنب، لتنطين لدرجه الندم ولتتخلين بسهوله حياتج تكون سعيدة بهاي الشغلتين.
حوري: ميفيد بعد هذا الكلام هو خسر المكان اللي احتله بكلبي.
هَيْصَم: بعدج تحبيه لتكذبين عليه اني اكبر من عندج بالعمر وعاشرت هوايه ناس وأقرأ العيون وحركه الشفايف وهمس القلوب، نظره عيونج ورجفة ايدج كلها ادل على انو انتِ تحبيه لكن زعلانه من تصرفه خان الثقه وهذا حقج اكعدوا وتفاهموا وحلوا مشاكلكم ماكو انسان معصوم من الخطأ، رب العالمين يغفر مره وثنين وثلاثه لكن إذا استمر العبد بنفس المعصيه ربج بعد ميغفرله واتمنى هاي المره وضحت الصوره أكثر، ندم ودك بابج خلي كلبج جبير وسامحي صحيح مراح تنسين لكن تجاهلي اللي صار من الأساس العمر ميخلص بالكره والحقد والعداوه.
حوري: ليش قدمتلي هاي النصيحة؟
هَيْصَم: لان اخوتج ونسائهم مراح يسووها واني أيضا معتبرج مثل اختي لابأس اوعيج على أشياء انتِ مدركيها.
حوري: شكرا الك، كلامك أثر بيه نوعا ما.
هَيْصَم: يارب حياة سعيدة تعوضون بيها الايام الفاتت.
حوري: ألك بالمثل.
هَيْصَم: استأذن عندي شغل مهم.
قبل ميلتفت وقفته.
حوري: لحظه بس.
هَيْصَم: نعم.
حوري: انت الطف مما تخيلتك، بعض الأحيان نفهم خطأ الناس فقط بناء على مظهرهم الخارجي لكن لو تعمقنا شويه راح نشوف شخصيه ثانيه مختلفه تماما.
هَيْصَم: سعيد انو تغيرت وجهة نظرج، مع السلامة.
حوري: مع السلامة.
: ودعت عائلتي ورحت وياه فتحلي باب السيارة ويحجي بابتسامة.
محمد: اي سركي كلبي السيارة ظلمة ونورت بيج.
حوري: كلوب محترك اني وانت السبب متعرف تشغل الكهرباء عدل.
محمد: نصلحج مو مشكله.
حوري: الكلوب ماكو فايدة من تصليحه اشتري واحد جديد افضل.
محمد: اكو فرق بين المتعود عليه والجديد تعرفين عندي حساسية بعيوني ما اتحمل اشوف غير وجهج.
حوري: من شوكت صارت بيك حساسيه؟!
محمد: من تركتي البيت ورحتي يم اهلج متعرفين شلون تأذيت الصراحه كلبي لحد الأن يوجعني.
حوري: انت السبب.
محمد: اعتذر.
حوري: ميفيد اعتذارك اللي سويته مينغفر بأسف ابداً.
محمد: ابقى اعتذر من عندج طول العمر مو مشكله.
حوري: منو ميار؟
محمد: اخت صديقي.
حوري: اللي هو ابن عمها علاء المتهم بترويج المخدات؟
محمد: هو نفسه بس هو معتبرها اخته وجان دائما يكول اختي.
حوري: شلون لعد حامل من عنده؟!
محمد: يمكن هي اللي معتبرته اخوها مو هو ولهذا السبب انطت بيه لنسر.
حوري: حبيتها؟
محمد: منو يحب وحده مثل هاي عدها وجهين ومو ثقه.
حوري: بسببها تكره اخواني صح؟
محمد: مو لهاي الدرجه اني انسان عديم فهم اعرف عدل علاء جان يروج يعني مستحيل اكره الضابط لهذا السبب لان يريد يخلص البلد من هيج ناس سيئة.
حوري: انت اللي دافعت عنه قبل شويه ليش تناقضت هسه!!
محمد: لان جان يروج تحت التهديد بالقتل شغله طويله لتخلينا ندخل بيها.
حوري: شنو سبب كرهك لأرفد ونسر؟
محمد: لان أيفلين دخلت مصح عقلي بسبب نسر وخططه الغبيه اما أرفد بعد عني ريفان من الطفوله جان يمنع احد يلعب وياها او يضحك هو الوحيد المعتني بيها لدرجه صارت قريبه من عنده هو وبس اني اخوها واشوفها بعيني شلون تهتم بابن عمي وتحجي وياه واني بنظرها مثل واحد غريب، وكل هذا بكفه وزواجهن من عدهم بطريقه خارجه عن المألوف وحب والدي الجبير لابناء العم واني ممنطيني اهميه بحياته، انو احجيلج كلمتين يختلف تماما عن شعوري على مدار سنين عمري كلها وعلى هذا قيسي لو جنتي بمكاني هم كرهتيهم.
حوري: لهذا السبب قررت تنتقم من عدهم عن طريقي؟
: وقف السياره والتفتلي يحجي بنبرة حب جبيرة التمست بيها الصدق.
محمد: حبيتج وانتِ أصدق شي صار بحياتي كلها مجانت علاقتي بيج بِنية الانتقام اطلاقا صحيح اني انسان سيء بنظر الكل بس مو لدرجه اكسر كلب انسانه بريئة مثلج بسبب حقدي على اخوتج.
حوري: من شوكت؟
محمد: سولفتلج مره اجيتي خطار يمنه وشفتج عن قرب وكلبي اعلن تمرده وقرر يطاردج لكن مجانت هاي الخطه اول محسيت نفسي نجذبت الج ناقشت والدي بالموضوع لكن هو رفض لان يعرف عمي المصون ميحبني لان سجنت ابنهم اسبوع انتقام للي صار بأيفلين، مأيست وقررت اروح بنفسي لعمي واطلبج من عنده بالمستشفى.
سكت شويه الواضح ميكدر يحجي لكن الفضول خلاني اسأله.
حوري: وشنو كال؟
محمد: طردني، حسيت بالإهانة بنفس الوقت قسمت اخذج مستحيل تصيرين لواحد ثاني غيري قررت انهي عليج بس مردت اكسر كلبج وتزوجج غصب لهذا السبب تقربت من عندج وخليتج تحبيني وكلما اسمع صوتج اكو شي داخلي يركص من الفرح والسعادة رجعت طفل اضحك على ابسط الاشياء وكلمة احبك من شفايفج تنسيني همي بأكمله حاربت بيج اهلي والمجتمع ومع كل هذا كلت انو مراح اسوي وياج شي غلط وخطبتج الف مره ودزيت هَيْصَم اكثر من مره لأرفد حتى يقبل لكن الجميع تكاتف حتى يبعدوج عني مجان اكو حل غير اتزوجج واخليهم أمام الأمر الواقع.
حوري: جنت بعيده عن الموت بخطوه انت متعرف شنو صار بيه وقتها احتاجيتك تكون ويايه بس سويت العكس وخيبت ضني.
محمد: غلطانه جنت وياج خطوه بخطوه بس الموبايل مالتج مراقب والمكالمات كلها تروح يم أرفد بس يعرف اني وانتِ متفقين راح يزيد الضغط عليج اكثر ولهذا قررت احجي هيج، جرحتج بس اني اللي تأذيت اتمنيت اكون يمج واضمج بحضني بعيد عنهم كلهم بس منعت نفسي حتى متتاذين أكثر حبي الج صادق من البدايه مردت اغشج بس هذا اسلوبي اللي ميعجب هوايه ناس.
حوري: ليش مكتلي من تزوجنا؟
محمد: لان بعقلج الطلاق موجود انتِ بدايه حمل وظروفج صعبه اكيد مراح ازودها عليج واخليج تنهمين أكثر بسببي وبسبب اهلج اللي ميردون الخير النا.
: سكتنا ورجع كمل الطريق للبيت مرت ايام وصار أسبوع واني بعيده عنه وهو اصلا ميسوي شي دائماً بعيد عني ومخليني على راحتي فكرت هوايه بكلامه وشفت من باب العقل افتح وياه صفحة جديدة وننسى الخلاف صحيح ضجت من عنده وحسيت بكره لكن بذرة الحب ما ماتت بالعكس كبرت وازهرت وي تصرفاته والطريقة اللي اعتذر بيها من عندي مجانت مجرد كلمات وانما افعال حسسني بيها من صدك مقدار حبه إليه ولو نرجع للواقع مو بس هو اللي غلط اني همات ورطت نفسي من البدايه لذلك مو غلط انطي فرصة ثانية اله، خلص هذا اليوم بشكل طبيعي واني مقرره من يرجع اناقشه بالموضوع ونطوي الماضي ونبدي من جديد كعدت على الكرسي وبقيت منتظرته يرجع هيج جنت مستعجله حتى نسولف يمكن من باب انو مشتاقه حيل لسوالفنا وردت حجه بس حتى افتح وياه اي موضوع ماعرف شلون غفيت شويه فزيت واني جسمي مكسر فتحت عيوني الدنيا ظلمه وهدوء كمت من مكاني وفتحت الموبايل الساعه عشرة، بالعادة هو ميتاخر لهيج وقت، اتصلت بيه فكرت انو صاير عليه شي لهذا السبب مكدر يرجع صدك خفت حيل خاصتا من مجاوبني اتصلت أكثر من مره يطلع الجهاز مغلق الرعب والقلق خيم على كلبي وعقلي بطلت افكر بشي غير انو صار وياه حادث وهسه حالته خطره وبالمستشفى حرت منو ادعي وشنو اسوي، بقيت افتر بالغرفه واردد ( ياكاشف الكرب عن وجه أخيك الحسين اكشف كربي بحق أخيك الحسين ) أكثر من مره حتى نسيت شكد قريتها اخير شي تعبت واني افتر بالغرفه كعدت على الجربايه وبقيت اردد ( ياصاحب الزمان ادركني ) تأخر الوقت وكلما اتصل يطلع نفس الجواب الجهاز مغلق او خارج نطاق التغطية، صارت الساعه 12ص وهو لحد الأن ماكو حجيت وي ربي ودموعي تنزل:
اللهي وحق عظمتك اذا رجعته اليه سالم افتح وياه صفحة جديدة جديده وانسى الماضي واكمل حياتي وياه بما يرضيك بس رجعه اليه بحق الإمام علي يارب، حجيت ودعيت هوايه من اعماقي بس اريد يرجع سالم ومبيه شي مرت ساعة ثانية وصارت بالوحده فقدت الأمل وكلت خلص راح اترمل هو صح ماكو شي بالواقع بس عقلي شلون يقتنع انو مابيه شي وهو مختفي بشكل كامل، ومن بين دموعي وشهكاتي سمعت صوت خطوات قريب الباب شويه ونفتح اني شفته كدام عيوني وكان شفت باب الجنه ركضت ناحيته متناسيه اني حامل وخطر عليه همي كله احضنه، عاتبته وضربته على صدره وشكيت اله من عنده، سويت العمايل بسبب خوفي وقلقي وعدم اهتمامه وتفكيره بيه، وهو بقى ساكت اخير شي تعبت رفعت راسي عن صدره التقت عيونه بعيوني الغريب شفت على ثغره ابتسامه وكأن فرحان من اللي سويته مسح ادموعي بأبهامه وكال بنبره مليانه حنيه.
محمد: ليش هاي الدموع؟
حوري: ليش موبايلك مغلق؟
محمد: خلص شحنه، بس لا، ولج معقوله تبجين علمودي سركي كلبي؟!
حوري: غير انت زوجي ليش ما ابجي عليك!!
انتهبت شنو كلت من كال.
محمد: فداج زوجج والله لو اعرف هيج راح تحجين من زمان متأخر وغالق موبايلي.
ضربته على صدره وحجيت بغضب.
حوري: مخفت عليك وإنما على نفسي لا أصير ارمله وابنه يتيتم.
محمد: زوجي وابنه، اليوم ناويه تجلطيني اخت أرفد؟
حوري: كم مره كتلك بطل سيرة اخواني لتذكرها؟
محمد: اسفين منعيدها المهم عيونج الحلوه متزعل.
ابتسمت ورجع كمل.
محمد: متصالحين؟
حوري: هاي اخر فرصة صدكني اذا خذلتني مرة ثانية اتركك او اروح بدون ما اسمع اي تبرير.
محمد: سويها اذا تكدرين.
حضني لصدره ولفيت أيدي على ركبته همس قريب أذني.
محمد: تعرفين ليش اسميج سركي كلبي؟
حوري: ليش؟
محمد: لان دخلتي كلبي وسركيتي الباب وراج.
ضحكت بصوت عالي وهو بادلني الضحكه بعدني عن حضنه وكال بكل حب.
محمد: احبج ياكلب محمد وحياته.
حوري: اني هم.
محمد: انتِ شنو؟
حوري: احبك.
يتبع..
وبوصولنه للمليون اشكركم شمعاتي لوجودكم ويايه بهاي الرحله ودعمكم وحبكم وصبركم همات الكم كل الحب حبايبي.
لاحظت شغله هوايه سألين عن بنت عم الهَيْصَم اللي حجه عليها لائِث جان خطأ من عندي المقصود بنت خالته حوري والخطبه اللي صارت.
البارت القادم هو البارت الاخير راح اكتب بيه على راحتي حتى ما أظلم النهايه لذلك لتسألوني شوكت ينزل شمعاتي لكن مع هذا منطول بإذن العليم وتوفيقه.
مسائكم خير وعافيه يارب.
حسابي الأنستا.