تحميل رواية «هَيْصَم» PDF

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

بارت هديه شمعاتي

هَيْصَم

(الكاتبة زهراء احمد)

_______

حَاولت أَن أَخفي هواك وكلّما

أخفَيته في القلبِ فاضَت أَدمُعي

بالبَين قَد قَضَت الليالي بَينَنا

لكن روحك لَم تغِب دوماً مَعي

: من تفقد آخر ذرة امل موجوده داخلك وتشوف النهايه واضحه أمام عينك اهنا فكرة وحده تبقى مسيطرة على عقلك، ماكو مهرب، الموت هو الحقيقه الوجوديه اللي كلنه نهرب من عدها بشكل او بآخر وعلى رغم محاولاتنا الفاشله بالبقاء على قيد الحياة يجي غفله وبدون سابق انذار ويخطف روح شخص عزيز عليك وينظرلك بتحدي وثقه وانت واكف بأحد زوايه المكان عيونك ممليه دموع وتشوف حبيبك ينازع الموت وما بايدك حل، الدعاء غير مستجاب والامر مقضي والنهايه معلنه يمكن هذا الواقع أو اللي اني احس بيه بعد مشفت خالتي وشلون لطمت وصرخت بنفس الوقت، الوضع طبيعي يمكن لهوايه ناس لو جانوا بنفس الموقف بس اليه عكس تماماً كوني ابنيه فاقدة من قبل أكثر من غالي على كلبي واللي عشته صعب يتحمله انسان طبيعي من أحضان والدي والدلال إلى أحضان رجل غريب وقضية عسكريه مليانه مخاطر، خطف ،قتل، اعتداء، منو من عدنا يكدر يعيش هاي الحياة اللي متكدر تتحملها لو نعرضت مسلسل تلفزيوني؟

مابالك بروتين يومي تشبعت بيه لدرجه صرت اصحى وانام والخوف ماكل كلبي على اي دقيقه يجيني ملفوف بعلم، محد تحس بهذا الشعور فقط اللي زوجها بالسلك العسكري وعايشه الخوف والقلق وياه لان هوايه رجال ميشاركون زوجاتهم عملهم اما يخافون عليهن او على أنفسهم من ما الها مخاطر على حياتهم مستقبلاً خاصتاً اذا شغله صعب لهاي الدرجه ومو آمان، فتحت عيوني بتعب لكيت نفسي بنفس المكان مراح اتوقع من خالتي تحملني أكيد، شفتها كاعده يم راسي وتبجي سألتها وعقلي يريد جواب يريحني.

فيروز: هَيْصَم بيه شي؟

جاوبتني بصعوبه.

كلاثم: راح من بين أيدي تورط ولج هَيْصَم منو يطلعه من عدها بعد؟

فيروز: خاله اهدأي وسولفي على كيف خليني افهم شنو صار بالضبط هَيْصَم بشنو تورط؟

كلاثم: مخدرات ابني متهم يتاجر مخدرات وهو اصلا يعتقل بيهم شلون يصير وياهم؟!

فيروز: مستحيل شلون يصير هيج اكيد اكو خطأ.

كلاثم: ماعرف شنو الحل لائِث بالف ياعلي يلا كلي لو ممهدته اجي للمركز واسأل عليه.

فيروز: اتصلتي بلائِث؟

كلاثم: ليش هو منو غيره يجاوبني؟!

فيروز: مكلج شنو الحل؟

كلاثم: راح ينحال محكمه على اساس باجر بس ماعرف ليش تأجلت.

فيروز: ان شاءالله يطلع من عدها سالم وميصير بيه شي.

كلاثم: آمين شنو اريد اكثر من هيج.

محمد: اعذرني ما أكدر التزم وياك شوف غير محامي.

هَيْصَم: نشوف محامي واحسن من عندك هم لكن شنو السبب على حد علمي انت تحب هيج قضايا؟!

محمد: قضيتك خطره الواضح أعدائك مورطيك واني رجال عريس حتى متهنيت بزواجي ما أريد اخسر حياتي بسهوله.

هَيْصَم: وياك حق اصلاً اني نسيت مصار فتره على زواجك وقضيتي خطره وراح تتعذب بيها هوايه على كل حال مقصرت شكراً.

محمد: راح تبجيني وانت تعرف كلبي رهيف ما اتحمل.

هَيْصَم: راح اطلع من السجن ونرجع نلتقي لتفكر عداوتنا انتهت بهذا المكان.

محمد: واني متحمس للأحداث اللي راح تصير، الله يفك اسرك ان شاء الله ونشوفك منور المركز وترجع تعتقل المجرمين واني ادافع عنهم.

هَيْصَم: نقطعت كل الأخبار وفقدت السيطره من بعد فتره طويله وتحكم بكل شي يصير حسيت بالضعف وخطرت على بالي هوايه افكار مامعقوله تنتهي قصتي اهنا وبعد كل محاولاتي اخسر هاي الحرب، ضحيت وسهرت الليالي حتى اوصل لانتقامي واخذ ثاري من اللي قتلوا عائلتي ماممكن اسمح احد يمنعني حتى لو جنت على فراش الموت، بوقت الضيق تعرف الاصحاب من الأعداء وما زال الأسد وحيد بدون مساعد ماعدا فريقي هم ثقتي واعتمادي من بعد الله.

لائِث: هذا الاثول ترك القضيه والمحكمة تأجلت للأثنين والواضح راح يروح بيها من صدك.

هَمْاس: اتفائل رب العالمين مايترك عبادة حايرين وميساعدهم.

ضَرْضَم: والنعم بالله مع هذا لازم نسوي شي ميصير نكتف ايدنا وننتظر الفرج.

هَمْهَام: كول شنو تفكر وكلنه وياك.

لائِث: مانكدر نسوي شي غير الدعاء والمصيبه الاكبر اهله عرفوا بالموضوع اذا صار بامه شي شنو نسوي؟

ضَرْضَم: ان شاءالله ماكو شي ويطلع من عدها سالم.

هَمْاس: ان شاءالله الله يسمع من عندك.

هَيْصَم: ليش اجيت؟

بما انو تحدد موعد المحاكمه لتفكر تاخذ من عندي كلمه.

عابد: نتونس وياك شوي وين المشكله؟

هَيْصَم: روح لحديقة الزوراء اكو هوايه قروده تونس وياهم.

عابد: ميحتاج اروح موجود بيها اني والدليل الأسد الضعيف كاعد كدامي هسه.

هَيْصَم: يكولون اللي يضحك بالأخير هو المنتصر.

عابد: باعتقادك راح تطلع من عدها سالم؟

هَيْصَم: رب العرش دائماً ويايه لتخاف من هاي الناحيه بل فكر بنفسك وشنو يصير بيك بعد المحاكمه مالتي.

عابد: الجميع شال ايده من عندك حتى فريقك المستقوي بيه ولا واحد سأل عليك وشنو وضعك هسه وبأي حال.

هَيْصَم: موجود بكلوبهم الحب مو شرط تعترف بيه.

عابد: عاجبني وضعك وحاب اتشمت خلصت طول عمرك رافع خشمك علينا وياسبحان مغير الأحوال وخله السلطه بأيدي هسه عليك.

هَيْصَم: لو دامت لغيرك ماوصلت إلك.

عابد: مثل الشي ألك.

هَيْصَم: مستحيل تفهم غايتي والسبب اللي خلاني بهذا المكان وعليه بعمرك متكدر توصل للي وصلته لو تعيش عمرين مو عمر وأحد.

عابد: تريد تكون الأعلى وتسيطر على المنتسبين والمنتمين للسلك ورب الكعبه مسمحلك لان يعرف نيتك سيئة.

هَيْصَم: سبحان اللي خله الكلاب تتجرأ على اسيادها، بس ان طال الزمان او قصر انت راح تكعد بمكاني واني اللي أحقق وياك وهاي المهمه ترجع اليه وانتصر بيها وتسمع الخبر من بيتك او من يم سندس اذا بقت وياك بعد متخسر شغلك، راح أقدم هديه لعائلتك بس اطلع من هذا المكان وهذا وعد الهَيْصَم واسمي كفيل يشرح شلوني بتنفيذ الوعود.

عابد: اذا طلعت من هذا المكان سالم سوي اللي تكدر عليه.

هَيْصَم: شايف مدا رعبي من عندك هسه؟

عفيه لتسوي شي وتاذيني اخاف تره، اسمع لك وخليها حلقه بأذنك احنه ولد أمير المؤمنين محد يكدر يهزنه نمشي بصف الموت ونبتسم بوجهه فأحتفظ بكلامك لنفسك قبل لا اكسرك واقطع نسلك بهاي اللحظه وانت تعرف منو الهَيْصَم.

طايح الحظ عباله اذا حبس الأسد ينكر أصله ميعرفني بعد اني منو وشنو أكدر اسوي وأحد غبي.

لائِث: رحت اشوفه ومنعوني وباجر محاكمته شنو نسوي هسه والله العظيم راح اتخبل الاهي شنو هذا البلاء؟

ضَرْضَم: اهله راح يجون للمحاكمه؟

لائِث: تريد امه تنجلط تالي عمرها!!

هَمْاس: بهيج يوم يحتاج عائلته وياه ميصير يبقى وحده.

هَمْهَام: لو جان موجود ميقبل لذلك لتتصرفون بكيفكم.

ضَرْضَم: والله احس نفسي ضايع وبدون قيادة، المركز أظلم بدون الهَيْصَم.

لائِث: راح يرجع اني متأكد خلونا نتفائل شوي.

هَمْاس: هاي المره اعذرني لان واضح ابد التفاؤل ميفيد واحنه بهذا الوضع.

لائِث: سكتوا لا اكسر أسنانه اني كوه متحمل نفسي وهذا يزيدني قهر.

هَمْهَام: صلوا على النبي محمد وآل محمد واهدأو ميصير كلما اجتمعنا نتعارك.

لائِث: سكتوا الصافي واني اضمن ألك ميصير شي لان محد يدوس ابطني غيره.

ضَرْضَم: اتركوا هاي السالفه وكلولي المحامي اللي وكلته المحكمه بيه خير لو لا.

لائِث: سمعت بيه محامي شاطر بشرفكم ولا واحد استلم القضيه كلها خايفه.

هَمْهَام: حقهم ماكو احد يكدر يستلم القضيه ويعرفون العواقب شلون تكون.

هَمْاس: ألك الله يالفقير.

لائِث: سكتوا قبل ميبدي ينعي مثل العجايز.

هَمْاس: صاير فد مره متحترم منتبه لنفسك؟

لائِث: منتبه عندك مشكله؟

ضَرْضَم: راح يرجعون يتعاركون خلينا نطلع نشوف الوضع وعيفوا هاي السوالف البدون فايدة.

الاسود: صار فتره طويله مشايفك وين مختفي؟

لّهيم: نلعب ختيلان وي أسد الغابه الشايف نفسه.

الأسود: ليش رجعت للعراق مو اتفقنا تبقى بتركيا وتطلع لليونان عن طريق البحر ليش خالفت الاتفاق؟!

لّهيم: سامع المثل اللي يكول البعيد عن العين بعيد عن الكلب؟

الأسود: وهذا شنو دخله بموضوعنا؟

لّهيم: صارت قريبه على كلبي اكثر من صرت بعيد عنها ولهذا السبب رجعت وماعندي نيه اطلع من هذا البلد الا وهي وياي.

الأسود: انت صدك تخبلت اصحه على نفسك تزوجت متكدر تمتلكها العالم الوردي اللي عايش بيه انساه.

لّهيم: مستحيل تفهمممممم اطلكها من عنده لو اقتله مو مشكله اخلعها باي طريقه هي مصيرها اليه احفظ هاي الجمله مراح اسمح تروح من أيدي طول هاي السنين اني متأمل واحلم بعرسنا تاليها ياخذها هذا الغبي بدم بارد على جثتي واضححح.

الأسود: مراح ترتاح الا تورطنا هاي المره من صدك ناوي على موتنا انت!!!

لّهيم: انت ما ألك علاقه لتدخل الشغله خاصه بيه.

الأسود: ايباخ الشغله خاصه بيه اذكرك اذا ناسي اللي بينه اتفاق وعقد وتعاهد محد يخالف القانون احنه بنفس الفريق وهدفنا واحد، تعرف عدل مستحيل ينسجن فتره طويله ويكدر يطلع من عدها لان كل الادله ماعدا الكيس تثبت هو بريئ لتغشم نفسك ولتفكر أبداً بملعوب بسيط من دماغك الغبي تكدر توكعه هذا الشي من المحال.

لّهيم: يكفي انو بعيد عنها طول هاي الفتره مثل محرمني من عدها ردت احرمه.

الأسود: حالف عليك انت واحد خبل.

لّهيم: حلفك مامقبول كلك على بعضك واحد ساقط.

الأسود: على اساس انت نبي مرسل لتنسى عمايلنا وشنو سوينه قبل.

لّهيم: جان السبب بدخولي هذا العالم وتوريطي بيه تاليها راح بدون مينفذ وعده.

الأسود: الله يرحمه جان خوش يشتغل.

لّهيم: الله ليرحمه دمر حياتي ولعب بيها.

الأسود: محد كلك حب وحده مو الك انت تعلقت بوهم تحمل كل شي يصير.

لّهيم: مع هذا مستحيل استسلم حتى لو الموت هو اللي يمنعني احاربه واخذها.

الأسود: خف علينا لتنكلب الدنيا على روسنا يريد يتعارك وي عزرائيل الاثول.

لّهيم: رايح استمتع بالمحاكمه مالته جاوو.

الأسود: الله يكملك بعقلك.

لّهيم: دعاء المجرمين ما مستجاب.

الأسود: مو كاتل ابوك من قبل.

لّهيم: خلي مدفون بكبره لتخليني اسبه.

الأسود: سبه براحتك ابوي لو ابوك!!

لّهيم: اذا ابقى اهنا اكثر اموتك وميرتاح كلبي.

الأسود: تندل الطريق لو ادز حمايه وياك يرجعوك؟

لّهيم: ميحتاج اعرف احمي نفسي.

الأسود: صدكتك لو مو مساعدتي جان هسه انت بالفتحة السابعه ومحد يعرفلك أثر لتنسى منو طلعك من البيت من لكاك هَيْصَم، اتخيل بس شنو ممكن يسوي لو لاكيك اهناك وانت خاطفها.

لّهيم: وهذا اكثر شي متندم عليه لو متأخر بس خمس دقايق جان محد يكدر يمنعني من عدها.

الأسود: لو متأخر خمس دقايق جان هسه ميت وأقرأ عليك الفاتحه.

لّهيم: رايح اني اذا صار شي اتصل بيك.

محمد: اي شلونها مريتي؟

حوري: من شفتك صرت مو زينه.

محمد: حضري نفسج نروح للدكتوره العصر.

حوري: ليش؟

محمد: نشوف صحة الجنين.

حوري: بصحه وعافيه لتفكر.

محمد: مدا اطلب دا اكلج.

حوري: واني دا اكلك ما أروح.

محمد: حوري لتخليني اتخبل عليج واتصرف تصرفات مو من أخلاقي وتعرفين زوجج من تجي الحاله شلون يصير.

حوري: على اساس عندك اخلاق قبل.

محمد: اذا اني ماعندي اخلاق انتِ شنو؟

حوري: اكرهك.

محمد: اوي كلبي جرحتيه، هه لتصدكين نفسج احترامي الج والسكوت عن تجاوزاتج لخاطر ابني مو اكثر ومع هذا اذا تبقين بهذا الأسلوب تحجين ويايه صدكيني تشوفين شي ميعجبج واذا اهلج محذروج من عندي فأني اعيشج حقيقتي بصورة HD.

حوري: اكو أقذر من اللي اعرفه!!

محمد: ههه انت متعرفين شي اصلاً.

حوري: يجي يوم والله يخلصني من عندك ميبقى الوضع هيج صدكني.

محمد: باحلامج ميخلصج من عندي بس الموت.

دخل للحمام وتركني واكفه ماعرف اندب حظي لو اضرب نفسي على هذا الاختيار الغلط، نزلت جوه وتركته فتحت الباب وطلعت للحديقة اشم هوه نزلت دموعي احس بالوحده ماكو احد أكدر اشكيله واسولف اله اللي بداخلي اهلي من صدك تخلوا عني وعمتي مثل امي بالضبط من تخلص الشغل تدخل للغرفه، اول مره احمل واحس بشعور الامومه كل شي غريب التقلصات اللي تصير عندي والغثيان الصبح والروائح اللي ما أكدر اطيقها واذا شتهيت شي من منو اطلب؟

ما أكدر اذل نفسي اله واكله محتاجه شي ميستاهل بعد كل اللي سوا اطخله راس وانطيه اهميه، خليت أيدي على بطني وحجيت بألم وتأنيب ضمير جبير: امك وحده غبيه مختارت ألك اب صالح تفتخر بيه من تكبر نعمت عيني بسبب حب فاشل دمر حياتي واخذ من عندي سعادتي منو جان يعرف اني هيج اسوي او اوكع بهيج غلط، بقيت كاعده على الكرسي وعلى رغم برودة الجو بس اني مستمتعه، دموعي الحاره ادفي وجناتي من تنزل جنت مخليه الهيتفون بأذني واسمع قصائد هاي الأيام صرت متدينه من اكتشفت انو ماعندي احد غير ربي حتى ارفد اللي دكلي صدره ممتصل بيه من تزوجت لحد الأن على رغم مرت ايام هوايه، مرجعه راسي على الكرسي ومغمضه عيوني الهوه البارد يداعب وجناتي وصوت باسم يغازل مسامعي حبيت هذا الشعور وتمنيت ابقى هيج ومحد يزعجني بس مو كل الأماني تتحقق فزيت مرعوبه على أيد صارت على وجهي ومسحت دموعي كمت بفزع وبتعدت شفته واكف يباوعلي بحنيه، رجال غريب أمره ساعة أتمنى ترجع حياتنا مليانه حب مثل قبل وساعة اكول جان يضحك عليه هو بعمره محبني صحيت على واقعي بسبب صوته.

محمد: فوتي جوه راح تتمرضين.

حوري: لتأمرني اسوي اللي يعجبني وانت ما ألك علاقه، ولتفكر بالطفل اذا رب العالمين كاتبه ميتأذه.

محمد: معقوله انتِ غبيه لهاي الدرجه؟!

حوري: واكبر غبيه هم من صدكت بيك وامنت تكون رجال وتكدر تصوني وتحافظ عليه، وشوف بسببك شنو صار بيه ولاي مرحله وصلت.

محمد: شنو رأيج ننسى الماضي ونفتح صفحه جديدة؟

حوري: ماكو شي اسمه صفحه جديدة هذا الطفل هو السبب ابقائي وياك والا جان طلكت من زمان.

محمد: بعمري مفكرت اطلكج بس بذلك الوقت صارت هوايه اشياء جبرتني اتعامل وياج بأسلوب سيء تفهميني.

حوري: أرفد يبقى أسبوع كامل مرات خفاره ويرجع للبيت ساعتين وعلى رغم التعب وقلة النوم والإرهاق بس يبقى يتغزل بريفان وميسمعها كلمه تغثها فلتكلي ظروفك منعتك تحترمني وتواسيني بظروفي اللي انتِ السبب بيها.

محمد: حبي الج جان صادق.

حوري: وكرهي ألك صادق هم.

محمد: مع هذا اللي ابالج مستحيل يصير طلاك مراح تاخذين من عندي تبقين على ذمتي لآخر نفس بيج واذا حتميتي بظهر ارفد أكدر ارجعج لبيت الطاعه غصب عنج وعنه ولتنسين اني محامي بسهوله اورط اخوانج بقضايا فساد ورشاوي واخليهم وره الشمس.

حوري: انسان حقير ومنحط مثلك مشفت شنو الفايدة اللي تحصلها من كل هذا؟!

محمد: مرتي وابني ومن حقي احافظ عليهم ما اكو احد يقبل ابنه يربى بحضن غريب وهو يشم الهوه.

حوري: سوي اللي يطلع بأيدك ولكن بالأخير ميصير غير اللي أريده صدكني مستحيل ابقى وياك بنفس الغرفه والبيت واتحمل اشوف وجهك طول اليوم لتحلم بيها هاي.

محمد: العمر طويل ونشوف كلام منو اللي يتنفذ بالنهايه وهسه يا سركي كلبي حضريلي ملابسي لازم اروح للمحكمه.

حوري: حضر لنفسك مو خدامه اني.

عفته ودخلت للبيت وهو يمشي ورايه جانت خالتي بالمطبخ تحضر الغده شميت ريحه السمج لعبت نفسي حيل ركضت للحمام استفرغت حسيت على أيد تمشي على ظهري فوك المي زادني ألم، تعبت إلى درجه فقدت القدرة حتى اتحكم برجليه، فتحت عيوني بألم شفت ايده اخذ مي وغسل وجهي بعدتها بتعب وخر أيدي ورجع يغسل بوجهي ويحجي بصوت هادئ.

محمد: مصار شي وياج اني، تكدرين تمشين؟

: حركت راسي بمعنى اي أجيت اتحرك صابتني دوخه قويه بقيت ثابته بمكاني حسيت بأيده صارت على ظهري حضني لصدره وصار يمشيني بهدوء حتى وصلنه الغرفه ارتاحيت وأخذت نفس دفعته عني وكملت طريقي سمعت صوت نفسه العالي تركني ونزل فكرت راح لشغله بس صار العكس شويه وصعدلي بأيده كلاص عصير برتقال وصحن فواكه مقطعه خلاه يمي على الميز وكال وهو يمشي باتجاه الكنتور.

محمد: لخاطر الطفل لتعاندين حوريتي.

حوري: اكرهك.

محمد: ميخالف المهم تاكلين، تغذي زين وانتبهي على نفسج لازم اطلع عندي شغل وشنو يصير اتصلي بيه امي عدها علم انتِ مريضه لذلك راح تبقى يمج ومن ارجع ان شاءالله نروح للمستشفى.

فيروز: لازمه الموبايل ودموعي تنزل رجعت الفيديوهات ليوم الخطبه وصورنه تخبلت فعلياً واني اتخيله ينحبس ويصير بيه شي مو زين الله لايقدر شنو اسوي بغيابه؟

ضَرْضَم: بدت المحكمه وقدموا الادله على انو اللي موجود بالسياره جان مخدرات قطعنا الامل من صدك هاي اللحظه وكلنه قرينا السلام ممكن يطلع من الحبس وعلى رغم الوضع وتوتر الفريق وخوفهم على القائد نظرته نفسها مليانه ثقه وتحدي للمقابل مهزته هاي الظروف وبقى ثابت مثل العادة، وصلت المحكمه للنهايه رفع القاضي المطرقه حتى ينفذ الحكم بحق الهَيْصَم وصار بنفس اللحظه شي فاجئ الكل وخلاهم مصدومين..

يتبع.

قبل متحجون على قلة البارت والأحداث اللي بيه حابه اخبركم هذا بارت هديه بمناسبه عيد الحب مثل موعدتكم مكدرت اكتب بارت طويل للأسف لهذا السبب باجر بأذن العليم اذا كملت البارت راح ينزل على نفس الموعد،

كل عام وانتوا بالف خير شمعاتي سنه سعيدة مليئه بالحب الكم.

تصبحون على الف خير وعافيه.

حسابي الأنستا.

مساء الخير شمعاتي،

يحلوات اللي تسأل عن قصة حوري ومحمد فهي وي قصة الهَيْصَم البطوله مشتركه وي الثنين راح نكتبها وننطيها حقها بإذن العليم وان شاء الله تكون ذات عبره وموعضه،

جان المفروض ينزل بارت اليوم لكن انشغلت ومكتبت مثل متعرفون ايام زيارة لهذا السبب شمعاتي ان شاء الله ملتقانا بعد الزياره بإذن العليم اعتقد يوم السبت ومن باب انو اني انسانه لطيفه راح اكلكم شكد هو بارت مليان أحداث وتطورات واشياء اكيد تحبوها،

عظم الله اجركم واحسن عزائنا ونلتقي ان شاء الله بإذن العليم ونكمل القصه مع بعض.

احبكم هوايه شمعاتي انتوا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

هَيْصَم

(الكاتبة زهراء احمد)

_______

هيَ ڪ الوَرد مُفعَمه ، مُنعِشه ، مُلفِته وبالِغةُ الرقه .

: النهايات ماهي إلا بدايات جديدة لقصه أخرى واحداث ثانيه مليئه بأشياء اما تكون جميله او لا وفي كلا الحالتين لازم نعيشها برضانا لو غصب.

دخل بالعجل وكال بصوت عالي وهو يخاطب القاضي بأسلوب محترم.

لائِث: سعادة القاضي هذا دليل براءة سيادة النقيب هَيْصَم.

القاضي: جيبوه.

لائِث: قدمته للمحامي مالت هَيْصَم وهو بدوره وصله للقاضي فتح الفايل وتمعن بيه بعدين ناقش المساعدين مالته اخذ المطرقه بأيده واصدر الحكم.

القاضي: حكمت المحكمه حضوريا على المتهم (هَيْصَم حيدر) براءة وباستطاعته إكمال عمله بدون اي عائق،

رفعت الجلسه.

ضَرْضَم: من صدك صار يوم عرس لو مو الناس الموجوده جان ركص لائِث الفرحه واضحه بعيونا كلنه رحنه يمه مثل ابناء مشتاقين لأبوهم.

هَمْاس: يامرحبا بعودة الهَيْصَم لمكانه الأصلي واللي يستحقه.

هَيْصَم: فرحتي بشوفتكم اكبر.

هَمْهَام: عيونك ليش حمر؟

لائِث: دخل بيها تراب لان اجيت اركض حتى أوصل على الوقت.

هَيْصَم: شكراً لائِث وشكرا الكم كلكم تعبتوا هاي الفتره ويايه.

لائِث: ابوك عزيز عليه لتخليني اسبه.

هَيْصَم: مشتهي عقوبه؟!

لائِث: كل شي من ايدك مشتهيه المهم هي رجعتك سالم النه وللفريق.

هَيْصَم: خلونا نرجع للمركز ونتناقش بهاي الأمور بعدين.

لائِث: كول خجلت ممتعود السيد هَيْصَم على هيج دلال من عدنا.

هَيْصَم: اني افكر بشغله وحده واذا طلعت صدك اموتك لائِث.

ضَرْضَم: ميحتاج تفكر سيادتك اهلك عدهم علم بلي صار.

هَيْصَم: راح احاسبك عليها بعدين.

لائِث: لو مهددت تجي للمركز وتسأل عليك مجان كلت شي وداعتك.

: طلعنه خارج المحكمه وصعدنا السياره وسألني عن تفاصيل الحادثه وشلون وصل الدليل اليه.

هَيْصَم: غرد شلون عرفت بموضوع الدليل مو لازم يجي عن طريق المحامي ليش وصلك انت؟!

لائِث: بصلاة الصبح اكو احد دك الباب فتحته وشفت ظرف أخذته بأيدي ودخلت بنفس الوقت وصلتني رساله محتواها، ( المحامي خاين)

عرفت هذا الدليل لبرائتك.

ضَرْضَم: وليش تأخرت كل هذا الوقت؟!

لائِث: نجبرت اطلع مهمه وتصلت بيكم كلكم محد يفتح خط.

هَمْاس: داخل المحكمه اكيد منفتح خط ياذكي.

لائِث: ولتنسون مظاهرات والدنيا عالكه والطرق مسدودة وصلت بالف ياعلي.

هَمْهَام: المهم وصلت والسيد هَيْصَم طلع براءة.

هَيْصَم: وصل دورهم لازم يتعاقبون على اتهامي باطل.

لائِث: عرفت منو اللي اتهمك؟

هَيْصَم: الأسود وجماعته منو غيرهم.

ضَرْضَم: وممكن يكون لّهيم بما انو رجع للعراق.

هَيْصَم: لّهيم وحده ميكدر يسوي شي اذا ماكو جهه تدعمه وتسانده.

هَمْهَام: ومع هذا منكدر نثبت شي ونعتقلهم بالجرم المشهود.

هَيْصَم: منو كال؟!

هَمْاس: عندك خطه سيادتك؟

هَيْصَم: الهَيْصَم ميعيش بدون خطط بس بالأول اكو شخص لازم يتعاقب بشكل خاص ومن بعدها افضيلهم لازم نخلي حد ونكتب النهايه قصتنا طولت حيل.

لائِث: اريدهم إعدام على كل الجرائم اللي سووها.

هَيْصَم: ومراح اقبل بأقل من هيج صدكني.

: جنت نايمه تعبانه والدنيا تفتر بيه ماعرف اني اللي افتر اصعب مراحل الحمل عند كل مرأة تقريباً وعلى رغم حبي لابني اللي يكبر داخل احشائي على كرهي لهذا الوضع، انك تكون محتاج شخص يعتني بيك بكل الاوقات شغله امقتها خاصتا يم محمد ما احب اطلب شي من عنده اطلاقا احس بالمنيه، فزيت مرعوبه بسبب أيد طاوقت ركبتي شفته مصغر عيونه ويباوعلي بطريقه غريبه بلعت ريكي هذا شنو يريد يسوي معقوله يفكر يموتني بهاي اللحظة!!

قويت نفسي وخليت أيدي على ايده وكلت بشجاعه مصطنعه.

حوري: تخبلت؟

مال راسه للجهة الثانيه وحرك شفايفه بمعنى يمكن، ضربت ايده ونزلت من الجربايه لزم أيدي وسحبني صرت بحضنه تذكرت كل ايامنا سوا قبل وشلون جان يعاملني بحب ولطافه خلاني اتعلق بيه بوقت كلش قصير، شميت عطره جان اشبه بريحة الورد هادئ كلش ومنعش للرئة بنفس الوقت اخذت نفس عميق وحتفظت بيه داخلي فتحت عيوني شفته صافن بوجهي، عيونه ونظراتها ذكرني شلون تخلى عني من حتاجيته دفعته بكل قوتي وكمت بسرعه وحجيت بعصبيه.

حوري: لتحاول تستغلني والله العظيم تندم فاهمم.

نهض وتقرب من عندي صارت اعظامي واحد يضرب بالثاني من الخوف يحجي بهدوء ونظره استهزاء بعيونه.

محمد: شنو تسوين مثلاً؟

ترفعين عليه قضيه لو تشكيني لارفد؟

حوري: اذا اطلب الأمر ثنينهم وانت متكدر تسوي شي.

ضحك بصوت عالي وكمل كلامه.

محمد: شنو تكولين للقاضي من يسألج بابا ليش مشتكيه على زوجج شنو الجريمة مالته؟

والله سيدي حاول يعتدي عليه.

اني لو اريد القرب من عندج ماكو مخلوق يكدر يمنعني بس محترم كونج حامل وتعبانه بالاضافه عقلي مشغول بقضايا اكبر خليني اتفرغ من عدها واشوف شغلي وياج وي اسلوبج الجديد وناخذ حل لهاي التصرفات الغريبه، وبالنسبه لأرفد الواضح كلش مهتم بيج ويخاف عليج لدرجه الموبايل مبطل يرن من يوم تزوجنه لحد الأن لذلك بطلي تتظاهرين بالقوة كدامي وكأن انتِ غريبه عني وماعرفج.

حوري: أحقر انسان شفته بكل حياتي انت.

محمد: شنو مجانت حقارتي صدكيني متوصل لحقاره نسر وأرفد خليني ساكت لان الأوراق القديمه اذا نفتحت ادمر عائلتج باكملها.

حوري: شنو سوا نسر حتى هيج تكرها؟!

محمد: جريمه قتل بحق انسان بريئ.

حوري: شلون يعني؟!

محمد: جريمه شنو أعني يعني؟

حوري: نسر مستحيل يقتل انسان لتحاول تلعب بعقلي مراح اصدك.

محمد: والله انتِ حره تصدكين أو لا لكن هاي الحقيقه اللي اهلج تستروا عليها لخاطر مينفضحون وراحت نتيجتها أيفلين للمصح العقلي وصارت مريضه نفسيه عدها شهادة من الطب النفسي على انو هي مجنونة، اختي ادمرت حياتها بسبب اخوج لتتوقعين أبداً يجي يوم وابطل بيه حقد وبغض لعائلتج بالكامل ولعلمج حتى اهلي ممعترف بيهم لان الهم أيد بدمار حياتهن الأولى ريفان اللي تزوجت ارفد غصب والثانيه أيفلين الدمرت حياتها بدون ذنب، نسر ارتكب جرائم مو جريمه الأولى قتل انسانه بريئة حتى يكسب القضيه لصالحه ويترقى والثانيه أيفلين وشلون دخلها مصح والاخيره زواجه من عدها واتهامي بجريمه ما أللي علاقه بيها، المسامحة تحتاج سبب وماكو اي سبب حتى اسامح اخوانج.

نزلت دموعي أتقدمت من عنده وضربته على صدره بكل قوتي وحجيت بتأنيب.

حوري: اني شنو ذنبي من كل اللي صار؟ ليش دخلتني بمشروع انتقامك جان تكدر تاخذ حقك من عدهم ابساطه ليش دمرت حياتي؟

انت مثلهم اللي مقبلته على خواتك سويته بيه ولذلك لو تموت ما اسامحك ولا افتح وياك صفحه جديدة ابقى امقتك لآخر يوم بعمري واحاله ابريك الذمه.

لزم أيدي نظرته مليانه ندم كال بنبره هادئة وكمية حب جبيره بيها.

محمد: مجنتي مشروع انتقام ابداً من الأساس حبيتج ولا جان عندي نيه اضحك عليج بكل اللي صار بس اخوانج هم السبب بلي احنه بيه هسه، تقدمت اكثر من عشر مرات وهم رافضين والسبب غبي جداً اني محامي وتخصصي جنائي يعني هذا شغلي لازم ادافع عن المجرمين او اي شخص متهم اني ما اشوف الناس مثل الشرطه والجيش على انو لازم يتعاقب وإنما من وجهة نظري كمحامي ادافع عنه وأثبت برائته، كل شخص بيناتنا اله مهنته الخاصه واني مهنتي تتطلب اسوي هيج واخوانج عارضوا زواجنا لان يكرهوني والسبب أخذت حق أيفلين من عيونهم ونزلت رتبت اخوج ونسجن فتره من الوقت، صح ما اسأل عليهن ولا اطمأن بس يبقن خواتي ومثل ميكولون الدم بعمره ميصير مي.

حوري: ما اصدكك هاي المره لو شنو كلت.

محمد: لتصدكين لكن احفظيها عدل بعمري مفكرت انتقم بيج بسبب اخوانج وجان حبي الج صادق من البداية، وشغله ثانية مهمه فكرت تطلعين من هذا البيت وترجعين يم أرفد السماء أقرب الها من عندج.

حوري: شنو تكدر تسوي مثلاً؟

محمد: ابسط شي بيت الطاعه هاي اذا ردت اكون رحيم وي عائلتج وما اتهمهم بخطفج وابعادج عني وخلي ابالج اني محامي بايعها خلصت حياتي وي المجرمين والقتله بسهوله أكدر اورط اخوانج بأشياء متخطر على العقل ابسطها متأجرة الاعضاء البشريه وشوفي اذا متنكلب حياتهم بين ليله ويوم وعليه خليج عاقله وابقي اهنا وتاقلمي وحاولي تفكرين بعقل بما انو احبج ما أكدر أأذيج لكن إذا سعيتي بتغير هاي المشاعر للكره او خليتيها تصير باردة ما اضمن شنو اسوي مستقبلاً كوني حذره عداوتي صعبه حيل سركي كلبي.

تركني بحيرتي ونزل ياترى شنو يكدر يسوي اكثر من اللي كاله؟

صافنه على الشباك فززني صوتها وهي تصيح.

كلاثم: ولج فيروزة تعالي.

طلعت ركض حسيت انو رجع اول مفتحت الباب صار بوجهي وهو مبتسم وحاضن خالتي منظرهم تربع بكلبي.

هَيْصَم: كافي لتبجين هذا اني يمج.

كلاثم: والله متت من الخوف كلت راح بيها هاي المره بس الحمد الله طلعك سالم اليه ورجعك لبيتك وعائلتك بخير وعافيه.

هَيْصَم: دعواتج ام الهَيْصَم هي اللي طلعتني من هاي المشكله.

كلاثم: ليش هيج صار وياك حبيبي؟

هَيْصَم: لتهتمين بهذا الموضوع بما انو انتهى على خير.

كلاثم: انطيني وعد مينعاد ومتاذي نفسك لأي سبب.

هَيْصَم: وعد وغلاتج عندي مراح اشمر نفسي للموت تحت اي ظرف ما أريد اكثر من شوفتكم مرتاحين وبخير.

كلاثم: واحنه راحتنا بوجودك، راح اجهز الغدة وانت ارتاح وكول لمرتك بطريقك لتضرب عن الأكل صارت جلده وعظمه حتى بدلة العرس مترهم عليها.

هَيْصَم: تدللين ام الهَيْصَم.

: راحت خالتي للمطبخ واني بقيت واكفه بمكاني ماعرف شنو لازم اسوي بس صافنه بوجهه فززني وهو لازم أيدي ودخلني للغرفه وسحبني لحضنه لفيت ايدي على ركبته وبادلته الحضن بكل قوتي نزلت دموعي حسيت نفسي وعيت من الصدمه لذلك حجيت بسرعة.

فيروز: شتاقيتلك ليش تأخرت عليه هيج وانت وعدتني بس يومين من أكثر؟

هَيْصَم: يروح الهَيْصَم اشتياقي الج مينوصف بكلمات أكدر اعبر عنه بحضنج والغرق بتفاصيلج السلبن كلبي.

فيروز: لتخوفني عليك مره ثانيه انت تعرف ماعندي احد غيرك اذا صار بيك شي اموت والله.

هَيْصَم: اشش لتحجين هيج يومي قبل يومج وردة الهَيْصَم،شو تعالي اشوف المشتاقلهن.

بعدت عن حضنه وباوعت بوجهه.

فيروز: لشنو مشتاق؟

هَيْصَم: لعيونج يعيوني، يكولون قيس مات بسبب حب ليلى والظاهر اني راح يموتني عيونج لَّباءَة.

فيروز: لتحجي بالموت عمرك طويل ان شاءالله.

هَيْصَم: ويخلص وياج، مشتاقلج بكل لحظه خلصتها بالسجن احس بروحج اطوف يمي وهذا الشي الوحيد اللي صبرني هاي الأيام مجان مهم اشلون اطلع واخلص من الحبس وارجع لعملي بكد مو مهم ارجع اشوفج مره ثانيه، سبيتي كلبي انتِ واحتليتي كل شي بيه.

فيروز: لهاي الدرجه تحبني هَيْصَم؟

لزم خدودي ولمعت عيونه تشرحلي شكد يحبني اضافلها نبرته المليانه حب.

هَيْصَم: انتِ ما دكيتي الباب رفستي صدري ودخلتي بنص الكلب، احبج لَّباءَة الهَيْصَم او وردة حياته وروحه انت راحتي من تعب سنين طويله والعوض اللي ابقى طول عمري اشكر ربي عليه.

فيروز: ربي ميحرمني من عندك.

هَيْصَم: ولا من عندج يروحي.

خلصت الايام وجهزت اني وهو وخالتي للعرس اشترينا الأشياء الضروريه اما الغرفه بقت مثل ماهي هو راد يغيرها لكن اني اصريت تبقى نفسها بيها ذكريات حلوه ما أريد انساها بالأضافة هي تجنن وموديلها ملكي واللون الأسود والذهبي ضايفلها جمال اكثر، باوعت لنفسي بالمرايه مكياجي تركي هادئ والفستان الأبيض اللي لابسته تصميمه ايضاً هادئ من الصدر بيه كرستال بسيط والردان طويله وهو بشكل عام مستور مو فاضح لان فستان محجبات ،حضرة سيد افندي يغار عليه حتى من النسوان، صافنه بنفسي وشلون وصلنه لهذا اليوم السعيد بعد المشاكل والكره اللي جان بيناتنا بالأول ابتسمت على احد ذكريات الماضي وشلون جانت معاملته اليه.

Flash back

مخليه أيدي على خدي وصافنه صار ثلاث ايام واني بهذا المكان لاهو يشرحلي شنو الموضوع ولا يرجعني لبيتي خسرت وظيفتي وراحتي كلها بسببه، سمعت صوت طرقات قويه على الباب كمت من مكاني واني ناسيه تحذيره اليه فتحته صار بوجهي شاب محجه شي بقى صافن بوجهي بدون مينطي رد فعل مثل الشخص اللي مضيع شغله ولكاها اني هم نثولت لحظتها ومسالت وبقيت صافنه مثله شويه وسمعت صوته وهو يصيح.

هَيْصَم: رسمتها؟

: عفوا منو تقصد؟

هَيْصَم: صار ساعه صافن بوجهها شنو الفلم؟

: اعتذر بس حبيت اسال بيت ام حسنين وين صاير؟

هَيْصَم: يم المركز على ايدك اليمنى.

: ليش مركز؟

هَيْصَم: لان راح تنسجن اذا تبقى واكف اهنا وماخذ هاي الوضعيه.

راح وهو دخل للبيت مباوع بوجهي دخل لغرفته وصاح بصوت عالي فززني من مكاني للصراحه خفت حيل وتعودت اسوي نفسي شجاعه واني اذا يصيح بيه هسه افقد الوعي، دخلت للغرفه لونها اسود مثل گلبه تماماً اقتربت من عنده بعد مأشرلي وگعدت على الكرسي المقابيل اله، اكتافه بارزة وصدرة عريض مثبت أديه على رجليه وشابكهم مع بعض ومخليهم تحت فكه، بلعت ريكي اليوم مراح ايعدي على خير ک العادة ولازم التزم الصمت والا ايكون العقاب سيء، بقى صافن بوجهي دقائق بدون مينطي ردة فعل و ملامحه مستحيل تگدر تقرأها اخذت نفس عميق وسويت نفسي مسيطره على الأمر عكس داخلي تماماً بس حبيت انو اظهر شجاعتي حتى ميحاول يستغل ضعفي، بعد فتره طويله يلا نطق

هَيْصَم: شنو جنتي تسوين يمه؟

جاوبته واني عاقدة حاجبي.

فيروز: منوو هوو!!

سحب الكرسي مالتي وحاوطه بين أديه، وجهي قريب وجهه حجه بنبرة توعد وهو ينظرلي بنظرة غريبه، خوف على رعب، خجل مشاعر ملخبطه اجتاحتني بهاي اللحظة طارن كلهن من اقترب من عندي حيل انفاسه لفحت وجهي يحجي والشرار يطاير من عيونه خله كل خلية بجسمي تنتفض خوف.

هَيْصَم: صفن بعيونج خمس دقايق برأيج قلع هاي العيون راح يفي بالغرض ويعلمه الدرس لو استخدم طُرق ثانيه هممم؟

سويت نفسي مسيطره على الوضع وحجيت بثقه.

فيروز: طرق الباب وطلعت مجان عندي نيه ثانيه اذا تريد تعاقب عاقبه اله اني ما ألي دخل.

هَيْصَم: يتعاقب ليش لا لكن انتِ ميعدي الامر وياج على خير صدكيني، الف مره نبهت حياتج معرضه للخطر ملازم تسوين شي بدون علمي لكن متسمعين الكلمه وتسوين العكس شنو فايدة طلعتج للباب؟

عندج شخص منتظرته لو تردين تشوفين الشارع بأي طريق مصمميه؟

فيروز: ميحتاج تكبر الموضوع لهاي الدرجه مجرد طلعت للباب ليش هيج منفعل وتصيح بوجهي؟!

هَيْصَم: لان ياذكيه ممكن يكون مراقب البيت وراد يتأكد، حتى من اكون مموجود يقتحم البيت، شوكت تصيرين صاحبة مسؤوليه وتفكرين بعقل بدون ما انبه كل مره؟

فيروز: لازم اطلع غلطانه وي كل مره نحجي بيها تحلل الأمور على مزاجك وتلومني.

هَيْصَم: كم مره كلت حياتج مهدده؟

اني شخص ما احب اجامل ومشاعرج متهمني لهذا السبب من اول يوم حجيتلج الحقيقه بس الواضح عقلج بيه مشكله افهميها حياتج مهدده لذلك اخذي الحذر الباب متوصليه حتى لو اني اللي اطرقه وحتى لو تسمعين صوتي وضحت الفكره لو ارجع اعيددد،

حياتج مهدده بس اطلعين تموتين لو تنخطفين وضحت لَّباءَة لو ارجع اعيدها مره ثانيه؟

فيروز: وضحت لتصيح عليه.

هَيْصَم: لا اخذج بالاحضان على سوايتج السودة اني اكلها تموتين هي تفتح الباب وتصفن بوجه العالم الماكلين لحم حمير مو مثلج.

فيروز: شنو قصدك؟

هَيْصَم: غباء فوول هذا قصدي.

فيروز: تكولها بوجهي هم!!

هَيْصَم: احسن ما احجيها وره ظهرج وتصير غيبه واني رجال على عتبه موت ما أريد ادخل جهنم بسببج.

فيروز: رجعني لبيتي مستحيل ابقى اهنا يمك دقيقه وحده.

هَيْصَم: حاولي متحبين هذا المكان خلال هاي الأيام اللي تبقين بيها اهنا ولتحبيني هم لأن ما اضمنلج شنو يصير وياج بعدين.

فيروز: ليش تساعدني؟

هَيْصَم: مو كل شي بالحياة اله شرح بعض الأمور لازم نعيشها لَّباءَة.

فيروز: اكره هذا الأسم.

هَيْصَم: واني ماعندي غيره لحضرتج لذلك مشكلتج عزيزتي.

Back

رجعت لواقعي على صوت خالتي، وصل الهَيْصَم للصالون لبستني البرنص وعلى رغم هو فستان محجبات لكن السيد افندي عارض اطلع هيج بالمكياج غيرته ماعرف خوفه قاتل بشكل لكن هو محبب على قلبي حيل، مسك أيدي وهمس قريب أذني.

هَيْصَم: لو تعرفين شكد انتظرت هذا اليوم لَّبوتي.

: ابتسمت وحسيت بالخجل صعدنا بالسيارة ورحنه للقاعة صارت الدخوليه النه وخواته اللي يطشن ورد وأمه تهلهل أجواء رائعة تمنيتها لكل ابنيه عايشه قصة حب وي رجل صادق، كعدنه على الكوشه وبدت الأجواء الجميلة المستحيل تنسي وتنمحي من الذاكره وعلى رغم من وجود هوايه ناس اصدقاء واقرباء مجان شاغل بالي وعقلي غيره هو، وصلت فقره الرقص لزم أيدي وخلاها على صدره ولف ايده على خصري تبادلنه النظرات الهائمه أبعض والابتسامات اللي تشرح مدا فرحنا بهذا اليوم انتهت هاي الأجواء ورجعت لمكاني بعدين قطعنه كيكة العرس وبدلنا الخواتم وصارت النهايه ولازم نغادر إلى القفص الذهبي، المرحلة الأهم بحياة كل بنيه من تطلع من بيت والدها وتدخل بيت زوجها ومن يمسك ابوها ايدها ويسلمها للعريس وهاي اللي بقت حسره بداخلي اليوم وبهيج مناسبة مفرحه ماكو احد من اقاربي موجود، لا ام تكلي مبروك وتقدملي نصائح لحياتي الجايه ولا اب يهدده اذا اذيتها تأذيني ياويلك، اليوم صدقاً عرفت قيمتهم من يكونون بحياتنا وشنو هي اهميتهم، منو استشير اذا تعاركت وياه؟ وبمنو اتصل إذا تأذيت من عنده؟

اصعب شي بالكون هو اليتم من يكون ماعندك احد وتصفعك الدنيا من كل جانب، انقهرت وتغرغرت عيوني بالدموع تمنيت الزمن يرجع للماضي واسرق يوم واحد من حياتي وي والدي وابدله بهذا اليوم، أريده يسلمني بايده للهَيْصَم وما احس نفسي وحيده وبدون سند، حس عليه الواضح لزم أيدي ورفعها لشفايفه مقبلها ابتسم بوجهي وكال.

هَيْصَم: راح اكون اب وصديق وحبيب وزوج، ما اخليج تحسين انو انتِ وحدج طول ما اني عايش، اصنع من حزني ابتسامه الج تنورين بيها يومي وحياتي، مستحيل اتخله عنج تحت اي ظرف والموت ياخذني قبل ما اخلف بوعدي الج يروح الهَيْصَم او وردة حياته،

ما أريد اشوف حزن بعيونج الحلوة والا تتعاقبين وهاي المره عقابج أقسى من قبل.

: ابتسمت وحجيت بكل حب.

فيروز: الله ميحرمني من عندك ويحفظك اليه حبيبي.

: لزم أيدي وطلعنه من القاعه بعد ملبسني البرنص صعدنا بالسياره سمعت صوت اصدقاءه وشلون فرحانين وياه خاصتا لائِث بقى طول الطريق ويانه سيارته قريبه علينه شغل اغنيه ومعلي الصوت هاي المره شفت هَيْصَم مختلف عن كل يوم الفرح مالي وجهه والابتسامة ممفارقه ثغره فرحت على فرحه، طبعا هذا كله اشوفه لان السياره مضلله لذلك رفعت البرنص وخلصها سيد افندي يباوعلي ويغمز، لاحظت الطريق اللي يمشي بيه مو نفسه طريق البيت مختلف تماما بس لا، رفعت نظري اله حسيت دموعي راح تنزل وهو باوعلي بابتسامة، سمعت خالتي تحجي وياه.

كلاثم: وين رايحين ابني هذا مو طريق البيت؟

هَيْصَم: اكو وعد قطعته على شخص عزيز واني هسه اوفي بيه.

كلاثم: غموضك حتى بهيج يوم!!

هَيْصَم: هسه تعرفين ام الهَيْصَم ميحتاج تستعجلين.

: وصلنه لفرعنه نزلت دموعي هنا ماكدرت اسيطر عليها واني اذكر ايامي بهذا المكان وطريق المدرسة وشلون والدي جان يستقبلني بحضنه من ارجع للبيت، ذكريات وأيام مستحيل تنمحي لو اعيش عمرين، من أجمل سنين حياتي اللي انتهت للأسف ويبقى الحنين بداخلي الها لايوصف، توقف كدام البيت مجان وحده وإنما كل اصدقاءه وياه وكأن متفق وياهم نزل واجه ناحيتي فتح الباب وساعدني انزل دخلني البيت جان مرتب ونظيف على رغم محد ساكن بيه عرفت كل هذا من عنده اجتي خالتي وريهاف دخلني للداخل مخلين كوشه ومرتبين الصاله بيتنا مو حيل جبير وإنما على كد الحال ومع هذا حيل مرتب وبنظري أجمل من الفلل والعمارات يكفي الحنيه والدفو اللي بيه احس بالأمان حتى بحياطينه بيت الاهل يبقى مميز لان بيه ريحتهم وذكرياتهم، اسمع أصواتهم سوو حفله بره ابتسمت لان نفذ وعده ومنسه طلبي شويه وسمعت صوت رجال جبير خالتي كالت هذا عمو مهدي والد الدكتور أرفد دخل ولزم أيدي هيج العادات لازم الاب هو اللي يسلم البنيه لزوجها وكون والدي مستشهد تكفل بهاي المهمه والد أرفد.

سلمني لهَيْصَم وخاطبه بنبرة تهديد.

مهدي: من اليوم فيروز هي بنتي مثل حوري وأكثر اذا ضوجتها لو زعلتها متلوم الا نفسك اخذها من عندك واخليك تحلم تشوفها.

حسيت بفخر بكلامه بنفس الوقت ضحكت على رد هَيْصَم عليه.

هَيْصَم: الواضح انت متبري من منصبك.

مهدي: لتهددني ولك تعرفني اسويها وميكدر احد يوكف بطريقي.

أرفد: لتخاف صدكني من يشوفها ينسى حتى نفسه.

هَيْصَم: مثلك يعني؟

أرفد: اني الكي نفسي بيها عزيزي.

هَيْصَم: أخجل ولتتغزل كدامي بيها.

أرفد: ليش أخجل مرتي حلالي واتغزل بيها شلون ميعجبني مو هيج ري كلبي؟

ريفان: اي هيج.

أرفد: شفت حتى هي مأيدتني.

هَيْصَم: متستحي صاير فد مره بلا اخلاق.

أرفد: نتعلم من عندك ابن الخاله.

هَيْصَم: اني اعلمك بس على الدين والمواعظ مو هيج لائِث، لائِث وين راح؟

لائِث: يمك سيدي.

هَيْصَم: اني اعلم بس على الدين والحكم مو صح لائِث؟

لائِث: واني اشهد اصلا قبل فتره دزت عليه الحوزة يلبسوا اعمامه بس هو رفض كال ماعيف الوطن واتجه للدين خليني أفيدكم بس بحكمي.

أرفد: يوم اللي نفرح بيك لائِث عزيزي.

لائِث: كله لبن خالتك صار شهر اتوسل بيه وهو مامنطي جواب كلبي ورم من وراه.

هَيْصَم: تعال اخطب لو تريد اني اخطبك يعني؟!

لائِث: هلهلي ام الهَيْصَم راح يصير عرسين بهذا الأسبوع.

ريهاف: خجلت وحسيت النار تطلع من وجهي صدك ميستحي مو كافي نظراته من دخل لحد الأن كملها بحجيه هيج، ماعنده اخلاق هذا الرجال ابد.

هَيْصَم: مرتي تعبت صار ساعه واكفه وخروا عن طريقي.

لائِث: هي هيج والله متطلع بدون طبل، شباب فوتوا جوه سووله عرس تحلف بيه المنطقة.

هَيْصَم: لائِث شنو هاي منو طلب من عندك تسوي هيج؟

لائِث: هو عرس لو فاتحه لازم نغني ونركص.

فيروز: شغل اغنيه وعله الصوت ومن صدك سوو عرس ثاني مختلف عن اللي صار بالقاعة.

هم عريس هم نشمي

وهم ربعه يزفونه

وهي وياه وتتمنا

وهو بحبها خيعونه

: طلعنه من بيت أبويه والفرحه ماليتنا صعدنا السياره وبقوا اصدقاءه طول الطريق محتفلين ويانه وهو الابتسامه مفارقت وجهه حسيت بيه فرحان حيل وهذا الشي مفرحني اكثر من اشوفه يبادلني مشاعر جان محذرني من عدها سابقاً، وصلنه للبيت ونزلنا مقبل نروح للفندق يكول البيت أأمن، بدأ الخوف يسري بجسمي للحظه ستوعبت الحياة المقبله عليها راح اتشارك وياه نفس الغرفه وبعد منلتقي بالختلات وكأن مسوين جريمة، خجل على توتر على مشاعر مخربطه مكدرت افهمها،

كل بنيه تعيش هاي اللحظه راح تفهم قصدي واللي عاشتها هم تعرف هذا الإحساس، اني مخايفه من عنده ك هَيْصَم وإنما من المسؤوليات اللي راح اتحملها من صرت زوجته فعلاً، دخلت الغرفه بمساعدة خالتي وهو ماعرف وين ساعدتني ونزعتني البرنص والحجاب اللي لابسته وعدلت شعري يوصل لنصف ظهري وحافظت على لونه الأسود مع خصل رماديه جانت تسريحه بسيطه سوتها خالتي بسرعة قبل ميجي، فكرت راح تقدملي نصيحه او تحجي اي شي مطمأن لكلبي بهاي اللحظة بس سوت العكس كالت جمله وحده قبل متطلع من سمعت صوته قريب على الغرفه.

كلاثم: انتِ كدها بنتي واذا احتاجيتي شي اني موجوده بالغرفه الثانية.

: اول مفتحت الباب التقوا ماعرف شنو همست قريب أذنه ابتسم واشرلها بعيونه بمعنى لتخافين، حسيت نفسي بقاعه المحكمه ومنتظره الحكم هيج جسمي انطه رد فعل برجفته شعور رهيب بعمري محسيته بلعت ريكي هو ليش لازم نخاف هيج واحنه نعرف من الأساس شنو يعني زواج ومسؤوليه؟!

أجيت اطفر من مكاني واروح وي خالتي واكلها دخيلج لتعيفيني وحدي خايفه بس كل افكاري تبخرت من دخل وهو مبتسم واني مموتني غير هاي الابتسامه احس راح ادخل وياه معركه وهو المنتصر اكيد بيها، ابتسمت بوجهه بعدين كلت لنفسي اثكلي يافيروز عيب هسه شنو يكول عليه،

اقترب من عندي خطوة تمنيت بهاي اللحظه يصير زلزال بالمكان اللي اني بيه وتنشك الكاع وتبلعني لكن ايضاً هاي الامنيه بائت بالفشل، واضح جداً ان الامر واقع لامحاله، توترت ورتبكت من كعد على الجربايه قريب من عندي لزم أيدي الباردة من الخوف بأيدة الدافيه وخله اصابيع ايده الثانيه تحت حنكي ولف وجهي اله كال وهو يطمأني وشكد حبيت هذا اسلوبه.

هَيْصَم: جوعانه؟

أشرت براسي بلا.

هَيْصَم: تعبانه؟

هاي لازم احجي الاشاره متفيد لذلك جاوبته.

فيروز: يعني مو كلش.

رفع أيدي اللي بيها الحنه على رغم احنه ممسوين حفلة حنه بس البارحه بالليل جابلي الحنه للغرفه وحناني يكلي لازم تصيرين مثل كل عروس مينقصج شي.

هَيْصَم: على رغم ماحب ريحتها بس ماعرف ليش احسها عطري المفضل وهي بأيدج لأي درجه حبج سحرني لَّباءَة؟

فيروز: انت افضل شخص تعرفت عليه وراح اتعرف عليه كل حياتي، منقذي ومأمني وآماني احبك بكل اللغات هَيْصَم.

هَيْصَم: بس أني زعلان من عندج هوايه اليوم.

عقدت حاجبي وكلت بأستفهام.

فيروز: ليش؟

هَيْصَم: خايفه وانتِ يمي، اني اعتبرج أنثى الأسد وبالعادة اللَّبوات ميخافن ليش انت خايفه هسه؟!

فيروز: مخايفه.

هَيْصَم: بس ايدج متكول هيج، افتحي كلبج اعتبريني صديق مو زوج ولتفكرين انتِ مجبره على شي مجرد انو لبستي الفستان الأبيض وتشاركنا الغرفه كل هاي الأمور متهمني مثل متهمني راحتج وضحكتج ماكو شي يزعجني بالدنيا مثل خوفج لَّباءَة احس كل اللي بنيته بيج اتهدم.

فيروز: هي فكرة هذا اليوم مخيفه بدون سبب انت ما ألك علاقه بالموضوع.

هَيْصَم: هذا اليوم مبيه اي فكره اني وانتِ عايشين بهذا البيت من فتره طويله ولازم تكونين تعودتي على اسلوبي وشلون اتعامل وياج، اذا تنجرحين اني احس بالالم مابالج اكون سبب اذيتج يروحي.

فيروز: اعرف مراح تأذيني بيوم لهذا السبب احس بالأمان وياك.

هَيْصَم: اذا هيج بطلي ترجفين اني طالع اجيب شي ناكله وانتِ غيري ملابسج واذا تحتاجين الوالدة تساعدج أصيحها.

ابتسمت على كلمة الوالدة ومكال امي محسسني انو هي امي همات.

فيروز: ميحتاج أكدر اغير ملابسي.

ابتسملي وطلع اليوم هوايه خسر ابتسامات سيد افندي.

كمت من مكاني وقفلت الباب خفت يدخل فجأة صحيح اني وياه عايشين صار فتره طويلة سوه بس متشاركنا هيج تفاصيل خاصة لذلك الخجل موجود برضاته او غصب، فتحت الكنتور صار بوجهي ثوب نوم ابيض من الستن للركبة وياه الروب مالته مستور مو فاضح بشكل مبالغ فتحت البدله بسرعه ولبسته هو والروب اللي يوصل قريب الكعب مالت رجلي فتحت الباب ورجعت لمكاني وعدلت شعراتي طول شويه وبعدين دخل بايده صينيه من شفت شنو بيها رفعت راسي متفاجئه هو من شاف وجهي بسرعه كال.

هَيْصَم: لائِث وصلها للبيت قبل منجي.

فيروز: ونظامك؟

هَيْصَم: نخالف اليوم مو مشكله.

الاكل قوزي والمشكله اني ما اكل هيج اكل بالليل ماحبه وهو هم مياكله خلصناها ابتسامات ومأكلنه هوايه حجيت بداخلي: ليش المتزوجين ياكلون هيج اكل بليلة عرسهم بشنو مقصره البيتزا مثلاً؟!

كمت من مكاني وهو طلع الصينيه فرشت اسناني وقبل ميجي رحت سريع نمت على الجرباية حسيت عليه بعد فتره بيه قريب عليه قضمت شفايفي بتوتر شوكت يخلص هذا اليوم، همس قريب أذني.

هَيْصَم: اريد اعيش كل حياتي واني اردد كلمة احبج ومع هذا احسها مو كافيه حتى اعبرلج عن مشاعري الحقيقية والاحساس اللي احس بيه من تكونين قريبه من عندي.

: ابتسمت على كلامه والتفتت اله بشعور لا ارادي حضنته هو هم بادلني الحضن حسيت بيه يطبع قبله على جبيني وبعدين عيوني بهدوء وكمية حب جبيره شعور رائع من تكون بين أحضان حبيبك، انتهت ليله من أجمل الليالي على همساته قريب أذني.

هَيْصَم: مبروك لَّباءَة الهَيْصَم.

: خجلت ودفنت نفسي بصدرة ونمت بين احضانه، انتهى اسبوع كامل على اجمل مايكون وتحدد موعد خطبه ريهاف ولائِث الاسبوع الجاي، هَيْصَم مموجود بالبيت واني حبيت اغير جو وانظف وجانت البدايه من الغرفه الفضول دفعني اصعد واشوف شنو فوك الكنتور موجود جبت كرسي وصعدت مديت ايدي توقفت يم شي لزمته وسحبته اتفاجأت نفس الدفتر اللي تظاهر بحرقه الفضول هاي المره دفعني أقره شنو مكتوب حبيت اعرف علاقة الحب اللي عاشها وين انتهت لكن ماصدمني وخلاني افقد تحكمي بأيدي هو اللي شفته..

يتبع..

البارت اكثر من 4100 كلمه اعتبروا تعويض عن الايام الفاتت..

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

هَيْصَم

(الكاتبة زهراء احمد)

_______

دموع وبكاء

وقلب تمزق من العناء

وروح بائت القضاء

وجرح ليس لهُ شفاء

فراق من بعد لقاء

ونهاية قصة تكللت بالشقاء

وحب كتب عليه لا البقاء

فهل سيداوي العشق مرة آخرى قلبهُ؟

أم ،سيحكم علية الماضي بالاكتفاء

الخاطره بقلمي

زهراء احمد

: فتحت الدفتر بنية القراءة نصدمت واني اشوف صورة موجوده بالنص، شكلها قديمه مع هذا ركزت بيها، رجال ومرأه بالزيارة وحاضنها من كتفها صفنت شويه بوجهه واني اريد الكي دليل واحد حتى او اختلاف ملامح بسيط يثبتلي هذا مو هَيْصَم بس كل شي يكول العكس،

يعني مجان حب عابر وإنما زوجته هيج واضح درت الصوره جان مكتوب بيها التاريخ(1/1/2009) الفرحه باينه بعيونهم نزلت دموعي صحيح هو ماضيه ومو حقي ادخل بس جان لازم يكلي هو متزوج من قبل ميصير يضم عني هيج موضوع بالوقت اللي اني حجيتله كل حياتي، نقهرت حيل وحسيت لحد الأن يحبها من اذكر لمعة عيونه من يسولف بالماضي لو بأول لقائنا من يكلي لتحبيني كلها ادل على شي واحد انو لحد الان بكلبه الها مكان وين مجانت وحبي مستحيل يمحي ذكرياته، على رغم ما أللي حق لكن يكولون المرة تحر لو بالكبر، قررت اسكت وما أبين اي شي اله وخليه هو يحجي حتى ميصير الحق عليه، انتظرته لليل،

رجعت الدفتر وتعمدت اخليه جزء من عنده ظاهر حتى يعرف اني شفته وحتى لو تعارك ويايه مو مشكله على الاقل اعرف شنو السر المايقبل يحجيلي عنه وما ابقى محتاره هيج والأفكار تلعب بعقلي، خلص اليوم واني منتظره صارت الساعة عشرة بالليل واني على نفس الفكرة والقلق، الفضول يموت خاصتا لو يخص انسان غالي عليك، نعست وسيطر النوم على عقلي وأغلق اجفاني فزيت وماعرف شكد نايمه على حركه بالغرفه بالعادة نومي مو هيج خفيف لكن بما انو منتظرته فعقلي كعدني، مستغربت من شفته لازم الدفتر وفاتحه اعرفه نبه حيل على أقل شي واكيد وصلتله فكره اني شفته وعرفت بالموضوع، عدلت كعدتي حس عليه والتفتت مصغر عيونه أجيت احجي تركني وطلع تبعته صدك نقهرت يعني ليش مكلي هو متزوج من قبل!!

شنو الداعي يضم عني هيج سيرة ومع هذا هو اللي ضاج، صحيح اني رجعت الدفتر بس بقت الصورة يمي لزمتها بأيدي وتبعته للمطبخ لكيت يشرب مي مديت ايدي وخليت الصورة على الميز صار صوت بسرعة التفت عقد حاجبه وكال بنبرة استفهام.

هَيْصَم: بيج شي اليوم لَّباءَة؟

فيروز: شنو هاي الصورة ليش ماعندي علم انك متزوج قبل هَيْصَم؟

عيونه صارن حمر جان لازم اكلاص بأيده ضربه على الحايط اطشر الكزاز على الكاع وصابتني خوفه بس اتظاهرت بأن الوضع طبيعي مجنت ناويه اسأل بس ماعرف ليش هيج سويت ورد فعله خلاني ساكته خاصتا من صرخ بوجهي بعصبيه على غير العادة.

هَيْصَم: كم مره كلت مااااضيي لتدخلينننن بيه ما ألج علاقه شغله ما اسولف بيها بيني وبين نفسي، ذكريااااات ما أريد ارجعلهااااا ليش كل مره اكول نسيت ترجعين تعيدين نفس السيرررررة شنوووو ترردين بس اريد افهمممم، سواء تزوجت او لااا، حبيت قبل أو محبيت هذا جزء من ماضيي مووو من حقج تسألين عليه خاصتا مضارج بشي.

حسيت لازم احجي وما ابقى ساكته حتى ميخلي الحق عليه.

فيروز: غلطانه صح مو من حقي ادخل بس اعتقد من واجب كل زوج يكول لزوجته اذا متزوج قبل أو لا مو اذا جنت تحب هذا ماضيك وانت حر لكن الزواج شي مختلف على سبيل المثال لو جنت اني متزوجه وضمت هيج موضوع وكتشفته بيوم زواجنا شنو تكون ردة فعلك؟

لتكلي انت رجال واني مرة ونختلف، هيج أمور من حق الشريك يعرف بيها بس اذا انت معتبرني مو مهمه للدرجه اللي تخليك تشاركني ماضيك وتفتح كلبك اليه اهنا يكون الحديث مختلف، على كل حال مجان قصدي اتجسس او ابحث عن ماضيك ابداً لكن كل شي صار من باب الصدفه لا أكثر إذا تحب تحجي راح اسمعك واذا متريد براحتك مراح اجبرك على شي ولا اطالبك بشرح ماضي حياتك إليه عرفت شنو قيمتي عندك من نبرتك الواضح ماضيك اهم من انو تجاوب على سؤالي.

تركته وطلعت نزلت دموعي ميعصب عليه هيج بالعادة ونبرته تكون دائماً هادئة بس سيرة الماضي تغيرة 180درجة، حتى مرات افكر هو عايش لحد الأن بذلك العالم وميقبل ينسه دخلت للغرفه وكعدت على الجربايه حضنت رجليه لصدري وبقيت ابجي بهدوء محبيت اللي صار ابد والحمد لله خالتي مموجودة اليوم ومشافت عصبيته، أنبني ضميري لان حجيت لو باقيه ساكته افضل بنفس الوقت شجعت نفسي بأنو مو من حقه يتعامل ويايه بهذا الأسلوب فقط لأن سألته سؤال طبيعي، ليش هو يدخل بماضيي عادي واني ادخل بماضيه لاا؟!

سمعت الباب ينفتح بقيت على وضعي ومهتميت لكن بقت اذني يم خطوات رجليه اتقرب من عندي وكعد بصفي على الجربايه سحب أيدي وحضني منطيت اي رد فعل ودموعي مقبلت تبطل تنزل، لحظات قليله قاطع هاي الأجواء صوته وهو يكول بهدوء ونبرة حزن جبيرة.

هَيْصَم: مردت اضم عنج الموضوع لان بعدني عايش بالماضي، بس ذكريات ذلك الزمن توجع كلبي لنفسي ماحب اذكرها مطلقاً، عشت كل هاي السنين واني اكرة كلمة حُب لو احد يجيب سيرة الزواج يمي لان اللي صار ويايه ميتحمله انسان ويبقى بكامل عقله.

: رفعت راسي عن صدره وباوعت بعيونه اللي صايرين حمر، نبرته حزينه حيل يحجي بغصه حسيتها تطلع من اعماقه على مدا فضولي اللي يقره مليار حتى اعرف ماضيه بس من شفت حالته هيج بطلت وردت ميكمل بس جان اله رأي آخر وبدأ يسرد قصته.

هَيْصَم: خلي اكملج قصتي وتعرفين شنو صار ويايه من اعترفتلها، بقيت اراقبها من بعيد لمدة أسبوع وجنت أضرب اخر محاضره حتى أوصل على وقت طلعتها من المدراس، بوقتها جنت مراهق طايش وتبعت كلبي اللي تعلق بيها حد الجنون من شافتني هيج متعلق دزت اليه طفل اقترب من عندي وهو مبتسم وكال، هاي البنيه تكول موافقه، أشر عليها وحجه حسيت الدنيا ماواسعتني من الفرحه ردت اطير من صدك بس ثكلت ورجعت للبيت وبسرعه حاجيت والدي وامي حتى نخطب ولأن احنه جوارين وبيناتنا صداقه قويه مصارت عوارض خطبتها وجانت اسعد إيام حياتي حتى من افز بالليل اضحك للهوه لو يشوفني واحد يكول هذا تخبل بس جان هذا شعوري اول مره اعيش الحب ويصير من نصيبي بنفس الوقت الدنيا والقدر وكل شي يضحكلي، متواصلت وياها كل فترة الخطوبة وحتى مطولنه هوايه نخطبنا شهرين وتزوجنا بعطلة نص السنه، راحه نفسيه، سعادة، وحب، وتفاهم، جانت مكتمله والكمال لله مبيها نقص دائما ابتسامتها بوجهه وكلمت حبيبي متنزل من شفايفها اذا جنت احبها قبل صرت اعشقها وصرت اتعمد اضرب الدوام حتى ابقى بالبيت واشوفها وهي على رغم شكد اصريت تكمل دراستها بس رفضت تكول ما أكدر اتحمل مسؤوليتين انت موجود يمي ما أريد دراسة، 

اغرمت بتفاصيلها وذبت بيها بالكامل حلمي الوحيد انو رب العالمين يتمم فرحتي وياها بطفل يحمل اسمنه لكن مجان كاتب، استمر زواجنا ثلاث سنوات والحزن باين عليها لان مصارت ام كلما ارجع للبيت الكاها تبجي متحملت اشوفها هيج وبدينه مرحله علاجيه للمره الالف عسى ولعل، اني شخصيا مجان يهمني اصير أب مثل ميهمني سعادتها وابتسامتها.

نجاة: حبيبي أريد اطلب من عندك شغله وياريت متكول لا.

هَيْصَم: عيوني الج نجاتي.

نجاة: اذا مصار عدنه أطفال والدكتورة كالت نفس الكلام مثل كل مره اتزوج وشوف حياتك، من حقك تشوف أبنائك هَيْصَم لتحرم نفسك وأهلك بسببي.

هَيْصَم: رجعنا على نفس السيرة كم مره كتلج اني مكتفي بيج وممحتاج الأطفال اذا مو من عندج بطلي تعيدين هذا الموضوع لان تحركين كلبي بيه.

نجاة: اسم الله على كلبك والله مو قصدي اضوجك ولايهون عليه تروح لوحده ثانية غيري بس ماكو حل لازم تشوف أولادك ميصير تبقى منتظرني.

هَيْصَم: نجاتي ليش مصره تخليني اعصب!!

غيري ملابسج خلي نروح على الموعد وشنو مكالت سيرة الزواج انسيها مستحيل واضح؟

نجاة: تمام مثل متريد المهم متزعل من عندي، انت روحي هَيْصَم متعرف شنو يصير بيه اذا صار بيناتنا خلاف بسيط شلون زعلك انت.

هَيْصَم: حتى متزعليني من عندج ولتفكرين أكدر اعيفج لأي سبب كان، انتِ فرحت عمري وحبي الأول وروحي من الدنيا.

نجاة: عسى ربي ميحرمني من عندك.

هَيْصَم: ولا من عندج يعمري.

: اخذتها ورحنه للدكتورة، جنت متوقع يصير نفس كل مره وتطلع تبجي لان ماكو شي جديد صدك حساسي لكن دموعها جانوا فرح ضحكت بوجهي وحجت من بين دموعها.

نجاة: حامل صار شهرين حبيبي.

: معرفت شنو اسوي من الصدمه بقيت ساكت ومنطيت اي رد فعل رجعنا للبيت شويه شويه ستوعبت انو راح اصير أب بعد ثلاث سنوات انتظار حضنتها من الفرح صرت مثل الطفل اللي جايبيله اللعابه اليحبها عبرت عن سعادتي بكل الطرق مرت الايام والاشهر بسرعة وصار موعد الولادة لزمت كلبي بأيدي خفت يصير بيها شي خوفي وقلقي عليها نساني الطفل وفرحتي بقدومه، بقيت انتظر يطلع احد من المستشفى ويطمني عنها حتى نسيت سلامة الطفل والدي بصفي واكف ويهدي بيه بقيت ثلاث ساعات جان شتا والدنيا باردة حيل طلعت امي تضحك وبشرتنه بحيدر وصار نفر جديد للعائلة،

يكولون الايام الحلوه تخلص بسرعه وهذا فعلاً اللي صار مرت سنتين ابنه حيدر كبر وصار يمشي وفرحتي بيهم ما أكدر اعبر عنها بالكلمات، بنفس الوقت اني صرت محامي والزم قضايا وهذا هو اللي دمر حياتي وسرق سعادتي، كبدايه حبيت اثبت نفسي واخذ قضايا خطره وادافع عن الأبرياء دخلت بقضية مخدرات ولزمتها جانت لشخص بريئ مهدديه ابنته لو تبيع مخدرات لو ناخذ بنتك نبيعها، ناس حقراء بشكل واني كلبي مسمحلي ابقى ساكت على هيج مهزله هو يعرفهم بالأسماء الحركية لان متواصل وياهم كذا مره وهذا جان عامل مساعد اليه حتى تصير القضيه اقوة من ناحيتي وصلني تهديد اكثر من مره ومهتميت بعدها بفتره كلش قليله طلبت من عندي تروح لأهلها رايحين للزيارة وباقي بس امها بالبيت وتريد تعتني بيها، هم سكنوا غير منطقة بعد زواجنا، مكلت لا وهذا اكبر خطأ ارتكبته كل حياتي انو ما منعتها تروح بقت اهناك يومين اني وياها على تواصل مثل كل مره، اتصلت بيه الساعة تسعه الصبح جان صوتها غريب وبيه خوف مو طبيعي نبرتها نبرة مودع خفت حيل يصير بيها شي خاصتا من تعمقت بحجيها.

نجاة: اذا متت ابريني الذمه وزور كبري كلما يصير عندك مجال اريد اسمع صوتك وانت تسولف ويايه واول ليله وصيتي لتعيفني وحدي لان وحشه واخاف، ابنه امانه بركبتك لتجيب مرت اب تعذبه وتضربه ما اسامحك اذا سويتها، لتنسى ايامنه وحتفظ بيها بكلبك يمكن تمر الأيام وتكمل حياتك بس لتسمح انمحي من عقلك جسمي راح يصير جوه التراب بس روحي راح تبقى وياك طول العمر ترافقك وين ما انت، حبيتك من كل كلبي وتمنيت اموت بحضنك وانت تدفني وجان دعائي الدائم ما البس عليك اسود ولا تنزل من عندي دمعه حزن على روحك ورب العالمين مقصر ويايه واستجاب دعائي امانه ابقى تذكرني واقرالي الفاتحه وكلما يصير عندك وقت زورني لتخليني اشتاق لصوتك وسولف لابنه عني وكله شكد احبه وتمنيت يكبر وازفه بأيدي بس الله ميريد هيج، مردت ننتهي بهاي الطريقه بعد هوايه اشياء ردت نعيشها مع بعض خلي ابالك حبيتك من اول يوم شفتك بيه وتمنيت ننجمع أبيت واحد واسمي ينكتب بظهر جنسيتك صار خمس سنوات على زواجنا معشت مثلهن بكل حياتي ولو خيروني يرجع بيه الزمن ونفس النهايه اذا قبلت اعيش وياك صدكني راح اختارك مره ثانيه وثالثه والف،  هوايه حجي والوقت قصير راح انام جوه التراب بالوقت اللي لازم اكون نايمه بحضنك الحياة مو عادله كتبت هيج نهايه لقصتنا ردت اعيش وياك الشيب بس القدر عارضني واختار اروح اهناك،

بعد عمر طويل اذا متت خلي يدفنوك بصف كبري اريد احس انت قريب عليه حتى بعد وفاتك، لتنساني هَيْصَم واحتفظ بذكرياتنا بكلبك قصتنا انتهت بهذا اليوم بس راح تعيش طول ما انت تشم الهوه انتبه لنفسك ولتسوي شي خطر ياذيك لان توجعني واني بكبري، امي تصيحني قبل ما أسد الموبايل اريد اسمع من عندك كلمه اخيره.

هَيْصَم: احبج بكل لحظه عشناها سوا، بكد المي والهوى وبكد لحظات حياتي الراحت والاجت، ردت اموت وتبجين عليه وما اريد يصير العكس لتسوين بيه هيج نجاتي وانتِ تعرفين وجودج هو راحتي الوحيده بكل المصايب اللي اعيشها بهاي الفترة، لتوصيني وتحسسيني هاي النهايه بعد هوايه إيام منتظرتنه نعيشها ونربي ابنه مع بعض، اوعديني تبقين بصحتج حتى ارجع وشوفج حبيبتي.

: وصلني صوتها وهي تبجي.

نجاة: ما أكدر حاسه الموت قريب من عندي حيل لازم اشكر ربي لان انطاني فرصه اودعك بيها، مع السلامة ياحبيبي وروحي وكل حياتي وسعادتي الأبديه فرقتنا الدنيا وراح تجمعنا الاخره ان شاء الله، لتنساني هَيْصَم هاي ثالث مره اعيد والأخيرة انتبه على نفسك حبيبي روحي وياك وين متروح راح ابقى ادعيلك حتى واني اهناك.

هَيْصَم: تعيفيني بهاي السهوله ومفكرتي بيه اذا شتاقيت شلون؟!

نجاة: اجيك بالحلم بين فتره والثانية.

هَيْصَم: مصره تموتين يهون عليج تعوفيني وحدي وانتِ الوطن والناس غربه؟

نجاة: ادعيلي بصلاتك وابريني الذمه اذا اذيتك فد يوم صار لازم اروح وي امي تريد تروح للسوك.

هَيْصَم: لترحين زوجج اني وامنعج لطلعين من البيت شويه واجي ارجعج لبيتنا.

نجاة: هو مجرد احساس لتخاف عليه هيج يمكن يكون غلط مع هذا لازم اطلع وي امي ما أكدر اعيفها وحدها تروح.

هَيْصَم: حيدر وين تخليه؟

نجاة: ويايه ما أكدر اعيفه وحده.

هَيْصَم: مقابل اطلعين من البيت ومع هذا راح تعاندين وطلعين انتبهي على نفسج ومن ترجعين اتصلي بيه حتى اجي ارجعج.

نجاة: صدك تذكرت شغله مهمه.

هَيْصَم: شنو هي؟

نجاة: غسلني انت لتخلي وحده تغسلني تعرفني استحي من الناس حتى لو مرة.

هَيْصَم: مٌصره ترفعين ضغطي وتحركين كلبي اليوم!!

نجاة: اسم الله عليك حبيبي بيه ولابيك كل مرض ومصيبه.

هَيْصَم: انجبي لتحجين هيج اني اتحمل يصير بيه اي شي بس انتِ لا ما اقبل يمسج سوء واني عايش.

نجاة: احبك هَيْصَمي انت اول حب والأخير وهنيال اللي راح تاخذ مكاني من بعدي اني باريتك الذمه تتزوج وتعيش حياتك بشرط تنتبه على حيدر ومتاذيه والا اعاتبك من تجيني هاي آمانتي الوحيدة، كل شي املكه ألك محلل وموهوب ومبري الذمه، محامله بكلبي عليك اي حقد او ضغينه موجود بداخلي بس حب ألك، مع السلامه وهاي المره من صدك.

هَيْصَم: غلقت الخط وبقى كلبي وعقلي وياها خفت يصير وياها شي وبقيت ادعي داخلي ربي يحرسها ويحميها اليه، مرت ساعتين تقريباً ورن موبايلي شفته رقمها فرحت انو مبيها شي بس من فتحت الخط وسمعت صوت رجال غريب اهنا ايقنت انو ماكو خير راح يصير ويايه بعد هذا اليوم، مسويه حادث هي وامها وحيدوري رحت بسرعه للمستشفى اللي هي بيها دخلت اركض واسأل بأنفعال عن مكانها كالوا بغرفه العمليات رحت وبقيت انتظر بالباب نسيت نفسي والعالم وبجيت من كلبي عزيزتي هاي شلون اذا صار بيها شي وين اروح وانطي وجهي؟

خلصت ثلاث ساعات واني كاعد على نار وكلبي ممرتاح ابد انفتح الباب وطلع الدكتور نظرته حجتلي اللي ما أريد اسمعه بعدين نطق الجمله الهزت كل كياني وحطمت انسانيتي بالكامل وخلتني اصير شخص حاقد مبغض عديم رحمه أسد جريح.

: البقيه بحياتك زوجتك صار عدها نزيف داخلي براسها وفطر بالجمجمه وكسر ضلعين بجسمها حاولنا كل اللي نكدر عليه لكن للأسف مكدرنا ننقذها.

دفعته ودخلت لكيتها نايمه بسلام وجهه ذبلان مو حبيبتي هاي ليش مبدليها؟!

اجه يمها الممرض حتى يسحبها لزمته من ياخته حيل ودفعته واحجي بقهر: مو زوجتي هاي ليش تضحكون عليه هاي مو نفسها وينهااا ليش مبدليها زوجتي وين؟

: استاذ والله ماعرف اني مجرد ممرض مسؤول عن نقل الجثث للثلاجه ماعندي علم بهيج أمور.

هَيْصَم: يا ثلاجه؟

الدنيا باردة تريد تموتهاا اطلععع بره خليني يمهاا وحدي هي متريد واحد غيري.

دفعته وقفلت الباب من جوه أتقدمت يمها وحضنت وجهه بأيدي، باردة اللي جانت ادفيني وجناتها مو موردة مثل قبل منظرها كسرني حيل وتربع بنص كلبي عاش ويايه لهاي اللحظة ومستحيل أكدر انساه بيوم من الايام، حاجيتها ودموعي مابطلت تنزل: كومي لتنامين بعده وقت لليل اني أجيت وأريد ارجعج للبيت وياي لتعانديني يلاا بعمرج مسويتيها لتسويها اليوم هم،

كومي يلاا، مراح تكومين؟ ناويه فركه من صدك وبعد ماشوفج ولا اشوف ضحكتج ولا اغرك بتفاصيل وجهج ونظرة عيونج؟ ضايع اني بدونج وين عفتيني وانتِ كل اهلي اشوفهم بيج؟ نجاتي كومي وياي تسمعيني حبيبي لتبقين نايمه هيج هسه حيدر يبجي عليج شنو اكله؟

محسيت الا واحد يسحبني من عدها ويضربني كف.

لائِث: صار ساعتين كاعد اهناا لازم ندفنهااا اصحه على نفسك هَيْصَم لتسوي هيج الله يرحمهم ويصبرك اعرف صعب خسارتهم بس لازم تقويلي نفسك حتى تكدر تكمل بدونهم.

هَيْصَم: منو همَ؟!

اكو احد مات غير نجاتي؟

لائِث: متدري؟!

هَيْصَم: لتشلع كلبي كول منو مات؟!

لائِث: ابنك حيدر، وامها طلعت سالمه السيارة دعمتهم بس هم الثنين.

هَيْصَم: يعني ابني ومرتي ثنينهم نايمين هسه؟

لائِث: راحوا يم رب كريم خلي ندفنهم وابجي عليهم مثل متريد ملازم يبقون اهنا.

هَيْصَم: حيدر وين؟

لائِث: أخذته وكاعد نباشر بإجراء شهادة الوفاة.

هَيْصَم: نايمين هم لتبقى تمسلت مو ميتين.

لائِث: ميخالف اعرف نايمين ولازم ناخذهم لفراشهم حتى يرتاحون ميصير يبقون اهنا.

هَيْصَم: ماشي راح اكعدها تكوم وياي واني اجيب حيدر حتى نطلع ونرجع للبيت.

اجيت امشي سحبني.

لائِث: لتخبلنننني استوعب مررررررتك ماتتتت واضح وابنك هممم لتبقى صافن بوجهيييي لازم ندفنهااا جثتهاا بدت تتحلل صار اكثر من ثلاث ساعات ميته افهمممم.

هَيَصْم: ليش تصيح هسه تكعدهااا نصي صوتك.

لائِث: ولك لتخبلني انت الرجال الوحيد اللي بالعائلة الجبير والفاهم، ابوك مات، امك بس هي وخواتك بالبيت ميصير تبقى ضعيف لازم تقوي نفسك علمودهم انت للكل هَيْصَم اصححححه.

: بقى شبه فاقد على رغم كلامي وياه اخذناهم ودفناهم ومقبل احد يغسلهم غيره او يدفنهم بس مع هذا يمشي بدون وعي على اي لحظه حسيته راح يوكع بقيت يمه ومتركته ابد، راحوا كل الناس بقى بس هو كاعد بصف الكبر واحد مكتوب بيه نجاة والثاني حيدر بجيت على حالته شنو لازم يتحمل بعد الحياة لشوكت تبقى تصفع بيه؟

لائِث: خلي نرجع للبيت لازم نسوي الفاتحه وانت تحضرها ميصير تبقى اهنا.

هَيْصَم: روحي اهنا مدفونه شنو عندي هناك؟

لائِث: اهلك هَيْصَم، امك خواتك واخوك انت قوة العائلة لازم تقتنع بهاي الحقيقه.

هَيْصَم: خليني يمها اهنا، تخاف هي من الظلمه وحشه عليها المكان وهي اذا تغير مكانها متنام.

لائِث: هسه يلبسك جني، الدنيا نص ليل صارت كوم وياي خويه لتسوي بنفسك هيج، هي يم رب رحيم روحها لتنسى هذا الجسد فاني الله انطاها جسد برزخي جديد يعني كعدتك اهناا بدون فايدة لاتشلع كلبي كوم وياي.

هَيْصَم: وخر عنها هي تستحي من الغربه تريدني بس اني وحدي لتزعجني خليني يمها متونس لتقطع راحتي.

: بقيت واكف على جهه قريبه من عنده وأقرأ قرآن حتى ميجي الجن أعوذ بالله، لأبيه اتركه ولا بيه اعوفه اهنا حيرني جرح الأسد ماعرف شلون ينراف؟

هَيْصَم: مرتاحه؟

مخايفه موو؟

ابنه شلونه، يمج هو هسه صح؟

هن وحده من الثنين لو تكومين وياي نرجع للبصرة لو تخليني اجي يمج، بعد والدي وانتِ وحيدره الحياة ما الها طعم الموت افضل بالف مره.

: نام على القبر واني صافن عليه شلون حاضنه شكد متكون قوي وميهزك شي مستحيل تتحمل منظره والحاله الوصللها جرحهم صابه بالصميم وسبب ندب مستحيل يندمل يوماً ما، صار الصبح أجيت يمه وكومته غصب اذا ابقى وراه ميرجع ابد عاجبته نومة المكابر: كوم وياي هسه يطلعلنا جني ويخلينا نتكامز مثل القرود وقتها خلي تفيدك الوصيه.

هَيْصَم: وين نروح؟

لائِث: نركص، يمعود فاتحه لازم تلزمها قوي نفسك واذكر قضية الحسين عليه السلام وشلون فقد ولده كلهم بنفس اليوم، السيدة زينب عليها السلام مرة وصبرت وتحملت ونسبت، انت ليش ضعيف ومهزوز هيج؟

هَيْصَم: اريد اموت الحياة مابيها طعم بدونها.

لائِث: اذن اسمع، مرتك ماخذين أعضائها وبايعيها الأطباء مستغلين وفاتها او وضعك النفسي واحد من الممرضين اعترف عليهم لان ممشاركينه بالعمليه ومنطيه فلوس وخبر ثاني يحلو موبايلك اللي ناسي بالمستشفى وصلتله رساله مضمونها اللي صار اليوم جان جريمه مدبره يعني زوجتك وابنك وابوك ماتوا انتقام من عندك بسبب القضايا اللي لازمها بعد تريد تموت وتنسى ثارهم لو تخلي ايدك بأيدي وننتقم سوا؟

هَيْصَم: متأكد من هذا الموضوع؟

لائِث: مثل ما اشوفك هسه يمي لتنسى مصادري موثوقه.

هَيْصَم: اذن خلينا نعاقبهم بطريقه الإِسود، مثل مربونا أهلنا هاي المعركه لازم تنتهي بانتصار الهَيْصَم ماكو مجال للخسارة.

: رجعنا للبيت واقمنا العزاء خلصت هاي الأيام وصار يوم الأربعين سبق العائلة بالكامل وراح اول واحد يزورها قبل ليله كعد يم القبر ونزلت دموعه يحجي بغصه محد يحس بيها غير الفاقد عزيز.

هَيْصَم: شلونج يا الاخذتي العافيه وياج من رحتي؟

اذا سالتي عني فاحب اكلج صار أربعين يوم من متت وندفنت وياج بهذا القبر، نسيت شنو يعني راحه وسعادة باليوم اللي فارقت بي عيونج، البصرة ظلمه من دونج نجاتي ماعندج نيه طلعين من الكبر وترجعين وياي؟

بما انو ما اسمع صوتج معناها رافضه لهذا السبب راح اكلج بقراري، وعدتج ما أعرض نفسي للخطر وراح اعيش بنصه، يمكن ما أكدر ازورج كل جمعة بس انتِ كل لحظه عايشه بداخلي الموت كذبه اللي يحب مستحيل حبيبه يموت داخله ويبقى عايش وياه طول العمر،  راح ادخل دورة للعسكريه واصير ضابط أو وقتها اخذ ثارج وثار والدي وحيدره من عيونهم هذا وعد من الهَيْصَم او وعدي بصمه وشاهد نجاتي.

: مرت الايام والاشهر نقلت عائلتي لاربيل واني بقيت ادرب اهنا بغداد انتقلت لهوايه محافظات عشت انواع العذاب والتدريب بأنواعه كل شي صعب استسهلته علمود مهمتي تغيرت طيبتي وصارت مكر، ذكائي ساعدني هوايه بهذا المجال، لكيت اصدقاء أوفياء واللي هم فريق الهَيْصَم هسه، عشت اسوء إيام حياتي ونسيت طعم الراحه والنوم على مدار سنين غيابها، حبيتها وعشقتها وتركت داخلي جرح وأثر مستحيل ينسي، لهذا السبب مردت احجيلج لان اعرف راح تنقهرين وتنزل دموعج على ماضيي الهَيْصَم.

: مسح دموعي بكف ايده وابتسم بوجهي على رغم اعرف هيجت الألم والحزن بداخله حضنته مثل حضن الام لابنها وخليت راسه على صدري بجيت بصوت عالي وعلت شهكاتي اني وهو كل واحد عاش بينه حزن شكل، جنت دائما ألومه على بروده واسلوبه الاستفزازي اليوم يلا عرفت مرات الألم يصنع من الشخص انسان مختلف عن الأصلي يموت احساسه والحياة بعيونه وتصير أيامه عباره عن أرقام لا أكثر، المفروض أحزن على كميه الحب اللي يكنه الها لكن على العكس تماماً اني سعيدة جدا لان بقى وفي على مدار عشر سنوات ويمكن أكثر من هيج لمخلوقه شاركته حياتها وتركته بنص الطريق واللي كسر كلبي اكثر هو ابنه العمره سنتين كلما اريد اسكت ارجع ابجي من جديد وكأن نفتحت جروحي اني هم وتذكرت خالتي او والدي وامي اللي مشفتها كل حياتي، مازعلت منه بالعكس اللي عاشه صعب ومو اي احد يتحمله، العوض مرات يجي على شكل شخص يدزه رب العالمين رحمه العبادة واحنه دزنا عوض لبعض ننسه همومنا ونعيش بسعادة ونفتح صفحه جديدة مليانه حب وتفاؤل.

فيروز: آسفه.

حجيت واني دموعي تنزل رفع راسه وقرب ايده يمسح دموعي وكال بنبره حنينه.

هَيْصَم: اني اللي اسف صيحت عليج وخوفتج ،وياج حق جان لازم تعرفين بهذا الجزء من الماضي.

عقدت حاجبي وسألت باستفهام.

فيروز: هذا الجزء؟!

ليش اكو اشياء مخبايا أكثر هَيْصَم؟

هَيْصَم: تعرفين شنو معاناة اسمي؟

فيروز: لا شنو؟

هَيْصَم: الغليظ الشَّديدُ الصُّلبُ ،ضَربٌ من الحجارة أَملسُ تُتَّخذُ منه الحِقَاق، لكل حرف من اسمي سر جبير ولغز محد يكدر يحله، البعض سهل شرحه والبعض الآخر يصعب توضيحه لخطورته، اسمي يدل على شي واحد وهو الانتقام صحيح اهلي ماتوا على أيد الأسود وجماعته لكن انتقامي مو شخصي ابداً اني انتقم لكل عراقي ادمر بيته وصحته بسبب المخدرات وكل شخص ساهم بترويجها وبيعها لازم يتعاقب.

فيروز: سؤال هَيْصَم بما انك فتحت سيرة الماضي من شوكت تعرفني؟

هَيْصَم: يمكن اعرفج ويمكن لا شايفج من زمان ويمكن لا أفكر اذا يجي يوم اشاركج هذا السر لو لاا.

فيروز: تعرفني احبك مو؟

هَيْصَم: واني اموت على رب وردة الهَيْصَم وخيوط كلبه.

: حضنته ونمت على صدرة على رغم اعرف بعد متهيجت مشاعر الماضي مستحيل ينام والغريب بعد فتره قصيره حسيت بجسمه ثكل ابتسمت وأخيراً كدر ينفتح كلبه مره ثانيه للحب والحياة.

حوري: وخر أيدك لتقترب من عندي.

محمد: ليش يمه ابزز؟

حوري: اشمئز من عندك افهم يا أخي.

محمد: اخوانج نسر وأرفد شوكت صرت اني من ضمنهم؟!

حوري: من اليوم اللي تخليت بيه عني بذلك الوقت صار ما ألك اي حق بحياتي.

محمد: هذا الشي مو انت تقرريه لتنسين يحلوه انتِ زوجتي ومن الواجب تنطيني حقوقي.

حوري: ما ألك اي حقوق لتخليني اروح انام بغرفه ريفان وتحلم تشوف وجهي.

محمد: مره انتِ سويها.

: كمت من الجرباية وردت اطلع سحبني وكعت بحضنه ضربته على صدره بأيدي وحجيت بغضب.

حوري: شلون تسحبني هيج نسيت اني حامل؟!

محمد: قوي على ابو ميصير بيه شي لتخافين خافي على نفسج سركي كلبي.

حوري: خليك عاقل لتسوي شي.

محمد: والله بس المخبل اللي يترك هيج جمال وينام وحده.

حوري: سحبني ولفني بحضنه خله راسي على صدرة وقيدني باديه حتى ما اوخر من يمه، على رغم اكره هذا القرب لكن عطره عاجبني ماعرف ليش بس لاحظي يخليني اتوحم على عطره وبهاي الحاله اوكع ومحد يسمي عليه.

: فزيت من النوم رفعت راسي ملكيته موجود عرفته طلع للشغل سمعت دكات قويه على الباب وبشكل عنيف ردت اكوم من مكاني وصلني اشعار على الموبايل فتحته جانت رساله من رقم مجهول.

"حظري نفسج اقترب موعد لقائنا".

يتبع..

البارت اكثر من 3800 كلمه.

اقتربنا من النهايه وكشف الاسرار البارتات القادمه بيها هوايه سوالف ممكن اتأخر بتنزيلها لقوة الاحداث وحتى ما انسى شي مو شرط وإنما ممكن شمعاتي والموعد بإذن العليم مثل ماهو بين يوم ويوم قبل منتصف الليل.

محتاجه دعائكم لشي كلش مهم وضروري واعرف بيكم متقصرون حبايبي.

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

هَيْصَم

(الكاتبة زهراء احمد)

_______

إنسيةٌ في مثال الجنّ تحسبُها

شمساً بدت بين تشريقٍ وتغميمِ

شقّت لها الشمسُ ثوباً من محاسنها

فالوجهُ للشمسِ والعينان للرِّيمِ

: طرقات خفيفه متكررة على الميز مالتي، كدامي الصورة وذاكرتي رجعت للزمن البعيد.

نجاة: عليك الله خلي نروح للزيارة والله مشتاقه كلش وصار فترة طويله مطالعه من البيت.

هَيْصَم: الجو بارد وتتمرضين انتِ وحيدره اجليها.

نجاة: خلي يم خالتي الله يوفقك لتكول لا.

هَيْصَم: ليش اني أكدر اكول لا؟

نجاة: حبيبي عسى ربي ميحرمني من عندك.

هَيْصَم: ولا من عندج يروحي.

صحيت على صوت الباب مالت المكتب: فوت.

لائِث: صدك والله صار ساعه ادك الباب ليش متحجي عقلك وين؟!

بشنو صافن اكو شي على الميز؟

هَيْصَم: البارحه جان ذكرى آخر مرة نزور بيها سوا كذاب اللي يكول الوقت يشفي الجروح راح يصير 11 سنه وجرحهم بعده يلجمني وكأنه البارحه.

لائِث: شنو ذكرك؟!

هَيْصَم: ليش اني نسيت؟!

لائِث: جروحك منو جددهن هَيْصَم؟

هَيْصَم: تدري لو عايش حيدر جان هسه دخل متوسطة، كل الحبيتهم أخذهم الله من عندي، آمنت بيه وكلت قضاء وقدر بس ليش لحد الأن مماخذ بحقي من عدهم؟

اللي قتلوهم بدم بارد عايشين ويشمون الهوه ليش نكتب بس على هَيْصَم العذاب؟!

لائِث: العراقين كلهم هيج مو بس انت هَيْصَم، اغلب العوائل فاقده وميكدرون يسوون شي على الاقل انت تكدر تعتقلهم بالقانون ويتنفذ بيهم حكم.

هَيْصَم: صار عشر سنين شبعوا موت تغيرت وتغير الوقت وهم نفسهم متغيروا بقوا حقراء ونذلين ويوميه مرتكبين جريمه شكل ومحد يحاسبهم.

لائِث: راح يتحاسبون صدكني ونشهد هذا اليوم اني وانت.

هَيْصَم: تدري شنو تذكرت البارحه؟

لائِث: شنو؟

هَيْصَم: ضربتني كف من جنه بالمستشفى وقتها لحد الآن مناسي تره خليها ابالك.

لائِث: لو يرجع الوقت كسرت راسك مو بس كف اشكر ربك مسويتها جان هسه ماكو هَيْصَم بالوجود.

هَيْصَم: شكرا لوكفتك وياي طول هذا الوقت انت الروح الثانيه للهَيْصَم.

لائِث: اخويه انت وصديق العمر ميحتاج تشكرني زوجني اختك واكون ممنون.

هَيْصَم: انت متجي تتقدم تريد ادزها لبيتك دلفري؟!

لائِث: ليش انت مخليني احك شعري اربع وعشرين ساعة بس مهمات ومراقبة لعبت نفسي يا أخي.

هَيْصَم: نهايه هذا الأسبوع نور انت والعائلة بيتنا المتواضع وميكون خاطرك إلا طيب وها اني من البدايه كتلك اختي مصغر من الهَيْصَم نفس التركيبه مو تزوجتها وجبتها زعلانه لو ماذيها وقتها العن يومك فاهم.

لائِث: لو مو تهدد لو تنصب سيطره يم بيتي اني مصر اصير نسيبك ياحلو.

هَيْصَم: على شكلك الحلو وانصب سيطره هم امصدك نفسك.

لائِث: انت يوم واحد متكدر تعيش بدوني تدري لو لا؟

هَيْصَم: H²O واني ماعندي علم.

لائِث: هذا شنوو؟

هَيْصَم: حقك وين تعرف كيمياء انت خريج أدبي.

لائِث: على اساس انت خريج سايكس بيكو.

هَيْصَم: هاي اتفاقيه بالتاريخ ابد مو خوش طالب طلعت شلون نجحوك؟!

لائِث: نجحت وصرت محامي ينضرب باسمه المثل بس الحماس خلاني اترك المهنه واصير ضابط.

هَيْصَم: متركتها بسبب الحماس وإنما بسببي اسف لهذا الشي لان اعرف شكد تحب القانون والقضايا.

لائِث: تدري شنو احله شي بمهنتنا؟

هَيْصَم: حمايه المواطنين.

لائِث: هذا واجبنا اني كلت احله شي بمكان العمل تعرف شنو هو؟

هَيْصَم: شنو هو؟

لائِث: شوفتك.

هَيْصَم: صاير سرسري منو معلمك؟!

لائِث: من رافق القوم أربعين يوم صار مثلهم واني مرافقك من 33 سنه.

هَيْصَم: بدأ الكذب بوقتها جنت هسه طالع للدنيا شوكت عرفتني وسولفت وياي؟!

لائِث: خليني اعترفلك بشغله صغيرونه.

هَيْصَم: اسمع.

لائِث: انت احله شي صار بحياتي كلها من اليوم اللي نخلقت بيه لهذا اليوم اشكر ربي لان خلاك بطريقي وما اندم على صداقتنا ابد.

هَيْصَم: موافق شوكت العقد؟

لائِث: ياعقد بعدني مخطبت!!

هَيْصَم: وعترافك اللي صارله ساعه وأشكر الرب لان خلاك بحياتي؟!

لائِث: هذا جان بروفا للخطبه.

هَيْصَم: من اكول سرسري تزعل بعمري كله مشايف واحد منفلت مثلك.

لائِث: ضبني خويه لان الدرنفيس مالتي خربان ميساعد.

هَيْصَم: هسه من نطلع تفتيش راح تنضب من وحدك ميحتاج درنفيس.

لائِث: أصبحنا وأصبح الملك لله يارب خلص هذا البلد من كل المجرمين والفاسدين وزوج هَيْصَم والفريق يارب.

هَيْصَم: شنو من دعاء هذا؟!

لائِث: متريد تتزوج؟

هَيْصَم: مكتفي بأ أنثى الأسد عيني ممتليه بيها ليش اتزوج عليها؟!

لائِث: والله اني لاديج ولادجاجه خلصت عمري اشوف مكبلين ومتزوجين وتحسر.

هَيْصَم: مو كل متزوج مرتاح هاي قاعده غلط.

لائِث: على الأساس العزابي مرتاح!!

هَيْصَم: هسه شنو تريد؟

لائِث: بردان شهر الواحد ومظاهرات وحظر تجوال وبردان.

هَيْصَم: اكو تدفئه بالمركز من وين بردان؟!

لائِث: مو انت متزوج متحس بل برد اللي اقصده.

هَيْصَم: شايف هاي الهمر؟

لائِث: حلوه جديده وصلت قبل شهر للمركز.

هَيْصَم: اذا شمرتك عليها على بعد عشر مترات تموت مو؟

لائِث: اصير مخلمه.

هَيْصَم: وياها بيض جوعتني.

لائِث: مو خوش أنثى الأسد محبيت من عدها هذا التصرف شلون اطلعك بدون ريوك سودة عليه.

هَيْصَم: مو خدامه عندي هي.

لائِث: ليش اللي تسوي لزوجها ريوك خدامه؟

انت من تطبخ لنفسك تعتبر هاي خدمة؟

هَيْصَم: من اجبرها تعيف نومها وتكعد تسوي ريوك اليه اي بنظري اني قللت من احترامها وعتبرتها خدامه من حقها تنام وما ازعجها واذا عاجبني اسوي لنفسي ريوك لو اكل اهنا.

لائِث: الحياة الزوجيه مشاركه مبيها شي اذا تكعد وتسوي ريوك مو واجبها صح ولا تعتبر خدمه بالعكس اني اشوفها من باب الحب تهتم بيك ومتقبل تطلع جوعان من البيت.

هَيْصَم: ومنو كلك هي متسوي هيج؟

لائِث: وصار ساعه شنو تلغي!!

هَيْصَم: كتلك وجهة نظري بلي حجيته اذا هي كعدت وسوت ريوك كان بها واكون ممتن من عدها تركت نومها وراحتها علمودي بس اذا هي متعرف وقت طلعتي من البيت وأخذتها النومه مستحيل ازعجها حتى تسويلي ريوك.

لائِث: تفيض احترام للجنس اللطيف.

هَيْصَم: اتعلم من عندي حتى متعاني من مشاكل بعدين اساس كل علاقه هي الثقه والاحترام والاهتمام والحب عامل إضافي.

لائِث: الطالقاني سلام الله عليك ااااااالله.

هَيْصَم: لتأخذ غيبه الناس من الصبح ميجوز.

لائِث: ليش هو الحرام اله وقت معين؟!

هَيْصَم: راح تبقى تلغي هوايه واحنه تأخرنا حيل لازم نطلع تفتيش بسرعة، إلى جميع الدوريات تسمعني اجب؟

ضَرْضَم: نعم سيدي.

اسلام: نعم سيدي.

هَيْصَم: باشروا بالعمليه توكلنا على الحي الذي لايموت اقرأوا الفاتحه لام البنين تسهيل امر ونطقوا الشهاده واتحركوا.

ضَرْضَم، اسلام: بامرك سيدي.

لائِث: وياك اني.

هَيْصَم: اكيد بدون متحجي.

لائِث: موبايلك هَيْصَم صاير متسمع يحتاجلك طبيب إذن.

هَيْصَم: على هذا الصوت مالت السيارات واللاسلكي اللي يمي من وين اسمع؟

لائِث: ليش صفنت شنو الموضوع؟

هَيْصَم: هذااا الحقيررر شلون يتجرأ يسوي هيج؟

لائِث: شنو الموضوع صاير شي؟

هَيْصَم: داز رساله يكول بيها ( مبقى شي ويرجع الحق لاصحابه) السرسري يريدني ارجع اربيه من جديد واعلمه شلون يهددني فاض الاناء وصبري وصل حده صار لازم انفذ الخطه ونلقي القبض عليهم بالجرم المشهود، مستحيل اخلي الماضي يعيد نفسه تحت اي ظرف القصة هاي المرة تختلف اني اللي احدد النهايه مو همَ.

: كاعدة والتفكير موتني مره اكول اتصل بيه واحجيله عن الرسالة ومره اكول لا هسه ينشغل باله عليه واعطله عن شغله، بعدين قررت اتصل بيه واللي يصير خلي يصير على الاقل يكون عنده علم حتى ما اكعد أأنب نفسي اذا صاير شي الله لايقدر، فتحت الموبايل وتصلت بيه ميرد كلت اكيد مشغول بقيت منتظره ربع ساعه ورجعت اتصلت همات ميرد تحول تفكيري من الرساله والخوف اللي بداخلي اله، معقولة صار بيه شي وهسه هو بخطر؟

ليش ميرد هاي عاشر مكالمه الاهي صبرك راح انجنن.

لائِث: وتالي وياك هَيْصَم واكف اهنا وموبايلك بالسياره اي اعرف طفل ليش تتركه اهناك بلكي اهلك احتاجوك؟!

هَيْصَم: موجود يمي الموبايل.

لائِث: لعد هذا شنو!!

هَيْصَم: ليش بقى عندي عقل شويه وتخبلوني انتوا، هَمْاس تسمعني اجب.

هَمْاس: نعم سيدي.

هَيْصَم: شنو صار وياكم؟

هَمْاس: لكينا المتهم بيه سيادتك.

هَيْصَم: كهيال يمكم هسه؟

هَمْاس: اي نعم سيدي اعتقلنا.

هَيْصَم: احسنتم ارجعوا للمركز واني راح اتبعكم.

هَمْاس: أمرك سيدي.

لائِث: شنو صار؟

هَيْصَم: كهيال بين أيدي الإِسود.

لائِث: والنعم من الإِسود والله.

هَيْصَم: عن طريقه راح نعرف مكان الأسود هاي المره ونكدر نلقي عليه القبض.

لائِث: ولّهيم؟

هَيْصَم: محضرله خطه مرتبه تخليه يجي لعريني بسهولة، إلى جميع الدوريات انتهت المهمه بنجاح عاشت ايدكم.

لائِث: موبايلك يتصل صار ساعة متفتح خط شلعت كلبي تره.

هَيْصَم: انت ليش مخلي اذنك يم موبايلي؟!

لائِث: لان اكو مشكله بأذنك اليوم رد بلكي صاير شي موزين ومحتاجيك.

: واخيراً فتح الخط حجيت بسرعه بدون مقدمات،

فيروز: صاير وياك شي هَيْصَم صار ساعه اتصل وانت ماكو قلقتني؟

هَيْصَم: لا حبيبي ماكو شي بس طالعين مداهمه وما اسمع صوت الموبايل، انتِ بيج شي صوتج مو طبيعي؟

فيروز: تكدر ترجع للبيت؟

هَيْصَم: هسه؟

فيروز: اي اذا تكدر تعال محتاجتك حيل محد يمي وخايفه وحدي.

هَيْصَم: راح اتصل بأمي تجي يمج اني احتمال ارجع بالليل لان هسه عندي تحقيق لازم اخلصه، كولي اذا صاير شي لتبقيني قلق.

فيروز: اليوم الصبح وصلتني رساله من رقم غريب يكلي راح نلتقي ماعرف شنو، كلش خايفه هَيْصَم لا يرجع الماضي يعيد نفسه واني ماعندي طاقه اتحمل هيج أمور ابد.

هَيْصَم: دزيلي الرقم راح ابحث عنه واذا صار شي اتصلي بيه بسرعه راح اخلي الموبايل يمي حتى لو جنت بنص الموت هم اجيج.

فيروز: اسم الله عليك حبيبي عمرك طويل ان شاءالله،

اكيد اخرتك عن شغلك محروس بالله حياتي وانتبه على نفسك لتنسى اني قوتي من عندك هَيْصَم.

هَيْصَم: احبج لَّباءَة الهَيْصَم احفظيها وخليها بعقلج دائماً اموت وما اعيفج انتِ علاج لجروحي وراحتي لَّبوة.

فيروز: اني هم احبك حبيبي.

هَيْصَم: صوتج بيه شي احس ممرتاحه اكو شي ثاني لَّباءَة؟

فيروز: لا ماكو شي بس لان نعسانه شويه.

هَيْصَم: ارجعي نامي امي شويه وتجي يمج واني بس اخلص شغلي اجيج ماشي حبيبي؟

فيروز: تمام انتظرك، سد الخط واني رجعت راسي على الجربايه تذكرت كلامه البارحه لو من الأساس مصار كل هذا، لا هَيْصَم استلم القضيه ونقتلت عائلته ولا أني والدي توفى بجريمه بشعه ياترى هم التقينا بشكل ثاني؟

ولو اتجمعنا عن طريق الصدفه اكيد ميكون بيناتنا قصه مثل هاي، سبحان اللي يجمع شخصين محطمين ويخليهم سند لبعض، يقهر الموضوع إلى درجة جبيرة،

صح من اشوف شلون مهتم بماضي صار اله عشر سنوات ولحد الان واضح جداً يحبها وماممكن ينساها يوما ما لكن مع هذا مضايجه من عنده شخصيا لان بعده يحبها بالعكس حبيت مشاعره لزوجته المرحومه وكبر بعيني اكثر من شفته شلون بقى وفي الها كل هاي السنين ومكدر ينسى جزء من ماضيهم، هوايه من قصص الحب الصادق تنتهي بطريقه مأساويه وتبقى مجرد ذكريات منحب نحجي بيها على كميه الألم والحزن التحملها.

حوري: شفت الموبايل مالته على الميز وهو داخل بالحمام دفعني الفضول اعرف شنو بيه فتحته لان اعرف الرمز مخليه عيد ميلادي بوقتها شرطت عليه يغير رمز موبايله مثلي ويمكن ناسي يغيره ابتسمت بنفس الوقت ضجت ميستاهل المسامحة بعد اللي سوا، الفضول يموت جميع العلاقات خاصتاً اذا بدأ البحث والتحري عن الشخص المقابل لان يتحول بشكل عجيب إلى الشك والشك هو محطم لأي علاقه مهما كانت قوتها وهذا اللي صار ويايه خاصتا من شفت صورتها بالصور المفضله منو هاي وليش موجودة بموبايله واني ماعندي علم معقوله يخوني؟

لو هذا ماضي من حياته؟

اذا ماضي اكيد زوجته لان هو ميتامن ابداً لامحاله مسويها واذا حاضر فهي أيضا زوجته بهاي الحاله اني زوجه رقم شنو؟

بجيت وضربت الموبايل بالحايط ومفكرت بالعواقب ابد جان ألم كلبي اكبر من كل شي بالدنيا اخذت موبايلي وبدون ما اسمع من عنده اتصلت بأرفد اول مفتح خط حجيت بدون مقدمات.

حوري: تعال اخذني لبيتنه اذا بعدك على وعدك مستحيل اعيش وي محمد دقيقه أكثر.

أرفد: تمام اجي بس كولي شنو سوالج؟

حوري: تعال وانت تعرف بس استعجل الله يخليك.

أرفد: دقايق واني يمج بس لتبجين يابنتي وتخرب عيونج الحلوه.

حوري: مراح ابجي وداعتك بس لتتاخر حباب.

أرفد: مسافه الطريق واني يمج لتخافين بنيتي.

: سديت الموبايل لكيته واكف ومكتف ايده لصدره ويباوعلي بترقب، نظري راح لشعره اللي ينقط مي خطر على بالي بسرعه اروح احضنه متناسيه كل اللي صار قبل دقيقه، رجليه الحقيره مشتني غصب عطره وشكله كزكزت عليه والهرمونات بدأ مفعولها، حسيت نفسي صحيت وكفت رجليه قريب منه بمسافة من كال.

محمد: بأي حق تردين ترحين لبيت اهلج؟

اخذتي أذني؟ وافقت؟ صايره فد مره متحترميني ولا كأن اني زوجج ومن حقي عليج الاحترام والتقدير لو ناسيه مدام حوري؟

حوري: متكدر تمنعني من اهلي هذا مو من حقك.

محمد: مصار فتره طويلة من تزوجنا هي كلها على بعضها شهر من هسه تردين نبدي مشاكل وخلافات؟!

حوري: اني ممعترفه بهذا الزواج نهائياً لتنسى صار غصب عنه احنه الثنين.

محمد: اقبل بيك حبيبي وزوجي طول العمر احبك محمد ويبقى كلبي ينبض بأسمك طول ما اني عايشه، هذا كلام منو يحلوه؟

:شفت نبرته استفزاز جاوبته بنفس الطريقه واني اكتم غضبي حتى ما اصرخ بوجهه ويضيع حقي.

حوري: جنت مراهقه طايشه وقتها بس هسه تغير الوضع، وبمكان الحب صرت اكرهك، زوجي العزيز.

: اتقرب من عندي ونظرته معرفت افسرها لزم أيدي ويحجي بطريقه كرهته بيها أكثر.

محمد: مضربتج على ايدج وكتلج سلميني نفسج سركي كلبي كل شي صار بسببج بموافقتج الكامله ورضاج لتفكرين ابد تكدرين تخلين الحق عليه وحدي وتتملصين من الواقع، انتِ وافقتي بكامل وعيج بدون اكراه لذلك مو ذنبي وحدي بلي صار.

سحبت أيدي من عنده وحجيت بثقه.

حوري: وهسه اني وعيت على نفسي وراح اصحح غلطي ومستحيل ابقى وياك لحظه وحده.

محمد: سلميلي على خواتي وحاولي تشبعين من عدهم شكد متكدرين لان بعدها تحلمين تسمعين صوتهم بعد.

حوري: تهدد حضرتك؟

محمد: اكلج شنو راح يصير سركي كلبي.

تركني وراح يغير ملابسه سمعت صوت الموبايل عرفته ارفد لبست فستان اسود وشالي وحجيت بصوت عالي حتى يسمع: ما اقبل بيك زوج بعد اليوم خلينه ننهي كل شي مثل مبدينا افضل للثنين على الاقل كون رجال مرة وحده بحياتك.

أجيت اطلع سمعت صوته يجاوبني.

محمد: اليوم احد يوم الخميس ينعاد زواجنا وهاي المرة شئتي ام ابيتي.

: نزلت ممهتمه سلمت على عمتي وطلعت رجع اتصل بيه منتظرني بالباب، فكرت انو هاي النهايه لكن التوقعات مو دائماً تصيب.

هَيْصَم: اي غرد أسمعك.

كهيال: ماعندي شي احجيه للأسف.

هَيْصَم: المكان يرحب بيك اذن، من هنا متطلع بدون منعرف مكان الأسود لو تصير شاطر وتحجي من وحدك لو نتبع وياك غير اسلوب وانت تعرف اني رجال كلش اكره العنف.

كهيال: ماعندك دليل اني مسوي شي.

هَيْصَم: كهيال لو شاهر شنو تحب نسميك؟

كهيال: اسمي كهيال شاهر ماعرف منو هذا.

هَيْصَم: بديت تعجبني تمشي صح خليك هيج بس خايف متستمر بهاي الثقه لان سندس مالتك يمنه.

كهيال: شنو تقصد؟

هَيْصَم: ألين، لو نكدر نكول البنيه اللي تكون عشيقه كهيال وزوجته بالسر، المساعدة ألك بتجارة النساء واللي تبيعهن وهي المساعدة السريه للست بديعه اللي ابشرك هم معتقله اهنا يمنا.

كهيال: مستحيل ما اصدك لتكذب عليه.

هَيْصَم: استغفر الله احنه ناس صادقين منكذب ابد، الا في حالة وحده انو متصل اليوم بيها الساعة سبعة الصبح قبل منعتقلك بساعتين.

كهيال: من حقي التزم الصمت وما اجاوب بدون محامي.

هَيْصَم: انت مجرم ميحتاج محامي قضيتك راح تنرفع للمحكمة لكن حبيت اقدم ألك معروف وهو تخفيف عقوبتك مقابل اعترافك عن الأسود.

كهيال: ماعرف شي عنه مجرد معلومات حتى انت تعرفها.

هَيْصَم: مكانه وين؟

كهيال: مكان ماعرف لكن اعرف بشي اهم تكدر تلقي عليه القبض مباشرة.

هَيْصَم: ليش اثق بيك؟

كهيال: راح احجي كل شي اعرفه مقابل شرط واحد.

هَيْصَم: اسمع.

كهيال: ألين ما الها علاقه بكل شي صار هي زوجتي بالسر صحيح لكن هي متشتغل ويانه ابداً.

هَيْصَم: هي باعتك ليش ادافع عنها هيج؟

كهيال: هي مريضه ما اريدها تموت بالسجن.

هَيْصَم: ليش ستغليتها؟

كهيال: لان احبها متخيلت اعيش بدونها، مرات الانسان يرتكب جرائم باسم الحب واني واحد من عدهم.

هَيْصَم: اقبل شرطك لكن بعد نجاح العمليه وإلقاء القبض على الأسود وفي حال مصار مثل ما أريد وقتها الأمر بيد الخالق ما ألي علاقه.

لائِث: تمت؟

هَيْصَم: عشر سنوات مختصره بشهر يا اما ننجح هاي المره لو مننجح ابد.

لائِث: ننجح اني متأكد.

هَيْصَم: أريد ازورهم واني ازف بشرى الانتصار لارواحهم الساكنه وادي السلام ومتركت السلام بكلبي ابد.

لائِث: اني متأكد راح يجي هذا اليوم اتفائل.

: فزيت من النوم عطشانه حيل كمت من مكاني ورحت للمطبخ اشرب مي لكيت خالتي كاعده تقرأ قرآن اجيت يمها وخليت راسي على رجليها صوتها حنين يجبرك تبجي واني اهنا ضايجه كلش ومخنوكه أطلقت العنان لدموعي بدون توقف، ايدها خلتها على راسي وتمسد بشعري متوقفت قرآءة واني مستمتعه حاسه رب العالمين قريب من عندي ويسمعني بديت اناجي وادعي أجواء روحانيه تحسسك بالإيمان، شويه وصدقت مسحت على راسي بحنيه وكالت.

كلاثم: اليوم معاجبتني صاير شي وياج؟

فيروز: شلون جان عايش الهَيْصَم كل هاي السنين؟

كلاثم: الواضح سولف الج صح؟

فيروز: اي حجالي.

كلاثم: مجان عايش، ترك كل شي وراح بقى يجي كل كم شهر مره يبقى أسبوع ويرجع، حتى اتصال ميتصل اعتزل الكل اتغير هوايه وصار قاسي، جان جرحه جديد بوفاة ابوة وبعد فتره كلش قليله لحكته مرته وابنه مبقى عنده كلب الهَيْصم مات بذلك اليوم مجنت متخيله يرجع يضحك واشوف وجه منور مثل هسه بس رب العرش عوضه بيج لَّباءَة الهَيْصَم مثل ميكول هو مفتخر بيج حيل وحابج وان شاء الله يسعدكم سوا وينسيكم حزنكم ويداوي جرح كلوبكم ويرزقكم السعادة يارب.

فيروز: الله يسمع من عندج يوم.

كلاثم: شحلات اليوم من حلكج حبيبتي، كومي لغرفتج نامي واذا اذن اجي اكعدج.

فيروز: تصبحين على خير.

كلاثم: وانتِ من اهل الخير يا أمي.

دخلت للغرفه مجايني نوم ابد فتحت الشباك وبقيت اعاين على الحديقه الخلفيه رفعت راسي للسماء ودعيت من اعماقي يحفظه اليه وميصيبه شي، سمعت صوت الباب انفتح التفتت شفته اعتاديت كلما اشوفه الكيه مبتسم بادلته ورحت يمه حضنته احس نفسي مشتاقتله وحتى هو موجود يمي.

فيروز: اليوم مكتلك احبك.

هَيْصَم: واني هم احبج لَّباءَة الهَيْصَم.

فيروز: ميجي يوم وتعيفني وحدي مو؟

هَيْصَم: من اموت بس بهاي الحاله او وقتها اعذريني لان مو بأيدي اتحكم بالقدر.

فيروز: اسم الله لتحجي هيج.

هَيْصَم: اريد احجي وياج بموضوع مهم ولازم تستوعبين كلامي بالحرف هاي المره اريد من صدك اشوف أنثى الأسد على أرض الواقع مو مجرد واقع.

فيروز: اني وياك بلي تريده شنو مكان.

هَيْصَم: الحب رزق مرات والله بيج رزقني لَّباءَة اشكر الصدفه الجمعتني بيج، جنت ضايع وبيج لكيت نفسي.

فيروز: احبك لدرجه متكدر تتخيلها.

هَيْصَم: اذا صار يوم وافترقنا بسبب الظروف راح تكرهيني؟

فيروز: ليش تحجي بهاي الطريقه ماكو ظروف تكدر تبعدني عنك حياتي.

هَيْصَم: ماعرف الحياة شنو ضامه النا، مو كل حياتنا سعيدة او ورديه اقتنعي بهذا الشي.

فيروز: يا إيام ورديه هَيْصَم!! الايام اللي علينا اكثر من الالنا.

هَيْصَم: لتحجين هيج، أقدار مكتوبة وامتحان الاهي هذا.

فيروز: صاير شي وضعك غريب اليوم حبيبي؟

هَيْصَم: ماكو شي بس تعبان حيل من الشغل راح اخذ دوش وأنام.

طلع واني حجيت بداخلي: الواضح منتظرنا إيام سودة الراحه منخلقت للهَيْصَم ولَّباءَته.

يتبع.

البارت اقل بشويه من3800 كلمه.

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

هَيْصَم

(الكاتبة زهراء احمد)

_______

هَيْصَم:

كلشي بيج يذوب سكته

يشبه اخيوط الفجر

هيج احس يطلع كلامج

طلسم يبطل السحر

الله لاينطي العليج يباوع

بنظرة حسد

محصنج بآية الكرسي

وقل هو الله أحد

: فزيت من النوم على لمساته لوجهي ابتسمت واني مغمضه يالله شكد كلبي يحبه، فتحت عيوني على كيف تقابلت وي عيونه، ابتسم بوجهي وكال بنبره هادئة.

هَيْصَم: احبج ياعوض ربي واجمل هديه الاهيه الله يرزقني بيها، صحيح انتِ مو الحب الاول لكن تبقين ماخذه قطعه من كلب الهَيْصم ياخيوط كلبه انتِ.

فيروز: دائما تكول هاي الجمله على رغم الكلب مابيه خيوط شلون رهمتها؟!

هَيْصَم: انتِ مو وجه غزل مع هذا راح اشرحها، الكلب بيه شرايين فمن باب التغير غيرت اسم شريان وكلت خيوط احب اتغزل بطريقه مختلفه احب التميز مو بأيدي.

فيروز: تفيض تميز انت.

هَيْصَم: والدليل انتِ.

فيروز: اني شنو؟

هَيْصَم: إثبات على انو اني مميز باختياراتي لَّباءَة الهَيْصَم.

فيروز: شكد تحبني هَيْصَم؟

هَيْصَم: بكد جروحي اللي تعافن اول ملمحت عيونج.

فيروز: وشوكت لمحت عيوني؟

هَيْصَم: في يوما ما قرر القدر يستجيب دعاء امي وخلاج بطريقي وصرتي حبيبة كلب الهَيْصَم وزوجته.

فيروز: بعقلك الفكره من زمان صحيح؟

هَيْصَم: من اول مشفتج بس انتِ وحده غبية متفهمين كلامي.

فيروز: لتكول غبيه تصرفاتك مجانت ادل على حب ابد.

هَيْصَم: يعني برأيج ليش اهتم بسلامتج اذا متعنيلي.

فيروز: اني اكبر من كوني وصية الوالد مو؟

هَيْصَم: زوجج جوعان وحاب اكل شي من ادينج الحلوه ممكن؟

فيروز: عيوني الك تدلل.

هَيْصَم: عيونج اللي اكيد لان اشوف بيهم انعكاس صورتي مرايتي الحلوه اخ كلبي شكد يحبج.

فيروز: واني هم احبك اضعاف حبك إليه صدكني.

هَيْصَم: احبج لدرجه اخاف عليج من تمشين ليطخ اصبع رجلج الصغيرون بالباب وتتأذين واني مموجود يمج، لو يحترك اصبع ايدج وانت تطبخين وممنتبها، احبج بجنون لدرجه اريد احتفظ بيج بقفصي الصدري واخليج يم الكلب وهناك تسمعين كلمات غزليه وألحان خيالي يدل على مقدار جنون الهَيْصَم بالَّباءَتة، لو ابقى احجي لبعد سنه مستحيل أكدر اوصلج مقدار بسيط من حبي الج ياوردة حياة الهَيْصَم وكلبه انتِ، علعلتي كلبي شنو من عيون عندج حبيبي؟

فيروز: عيون وكعن ملك الغابه المفروض تقدملهن مكافأة مو صح؟

هَيْصَم: قبله تكفي؟

فيروز: وحده بس؟

هَيْصَم: صايره طماعه لَّبوة!!

فيروز: ردت اغير جو مو صوجك، كمت من مكاني سحبني من أيدي ورجعني لصدرة ابتسمت حبه إليه واضح بعيونه يوصلي من نظرتهن، يحجي بهمس قريب أذني خله بدني كله يقشعر.

هَيْصَم: ثنين مينجعمن سوا تعرفين منو هن؟

أشرتله براسي بمعنى لا، رفع راسي بأيدة وكال بنبرة هادئة خلت خدودي تصير حمر خجل ماعرف حب.

هَيْصَم: انتِ والخجل.

اول مكمل الجمله عقدت حاجبي وضربته على صدرة وحجيت بغضب مصطنع.

فيروز: شنو شايف بيه وتكول ماعندي خجل؟!

هَيْصَم: احب الجرأة اللي عندج ومتخجلين من تحجين اللي بكلبج العلاقه الناجحه تكون هيج لهذا السبب الحديث وياج ممتع وما امل من عنده.

: هاي المرة صدك خجلت وحسيت خدودي صاروا حمر، رفعت عيني اله لكيته صافن بوجهي ومبتسم وكأن شخص لكه المضيعه، شجعت نفسي وتقربت من عنده على رغم اول مره اسويها بس شعور داخلي جبرني اخطوا هاي الخطوة بكل الأحوال هي مو شي غلط، قبلته على شفايفه بسرعه وبتعدت من الصدمه حتى ما انطه اي رد فعل ابتسمت ودخلت للحمام خلصت الروتين وطلعت لكيته مموجود باوعت على الغرفه زين ملكيته ضجت معقوله راح للدوام حتى بدون ميتريك حتى بالسبعة مصارت، لشوكت راح يبقى هيج يطلع بدون اكل واني الغبيه ماعرف ليش من انام على صدرة انسى نفسي وما اكعد لو تنفجر يمي قنبله، طلعت من الغرفه هم ملكيته تاكدت صدك راح،

انتابني احساس بالجوع رحت للمطبخ احضر الريوك خالتي لان تبقى سهرانه بالليل علمود ادعيتها متكعد هيج وقت او واني ما اكعدها اصلا تكسر خاطري، فتحت الثلاجه وطلعت بيض وطماطه احب هاي الاكله كلش بديت اقطع حسيت على أيد حاوطت حصري وقطرات مي نزلت على ركبتي ابتسمت بعده مراح، التفتت اله وقبلته على وجنته بسرعه ورجعت اكمل شغلي، همس قريب أذني بصوت هادئ.

هَيْصَم: زوجتي العزيزة شنو تسوي؟

فيروز: بيض وطماطه.

هَيْصَم: ومنو كلج اني اعمى؟!

فيروز: لعد شنو جنت تقصد بسؤالك؟

هَيْصَم: مو شفت فجأة القمر نازل يمي بالمطبخ فدا اسأل شلون ترك المجره وعجبه بيتي؟

فيروز: لان لكه يمك الأمان والراحه والهدوء والحب لذلك فضل يترك الوحدة ويستقر وياك.

هَيْصَم: وشنو اريد من الله اكثر انو القمر استوطن بيتي وبين احضاني طول اليوم.

فيروز: اليوم انت رومانسي زيادة عن اللزوم هَيْصَم.

هَيْصَم: وليش متفاجئه اني دائماً رومانسي.

فيروز: اي صح بس اليوم مختلف حاسه حيصير شي مو زين اذا عندك علم كلي لتصدمني هَيْصَم بعدين.

هَيْصَم: لتتوهمين ماكو شي مجرد اتغزل بمرتي ليش كل هذا الخوف؟!

فيروز: اذا انت ملاحظ كل مره نعيش بيها أجواء سعيدة لازم تنكلب ضدنا وتصير مشكله وندخل بجو كئيب.

هَيْصَم: هاي المرة عكس، ماكو حزن ولا قهر ولا مصايب، الأعداء هم اللي راح يتعاقبون على كل شي صار، جهزيلي نفسج نهاية الاسبوع لائِث يخطب ريهاف يعني راح ننتقل لذلك البيت لفتره من الوقت.

فيروز: مو مشكله اني اروح لآخر الدنيا اذا انت موجود ويايه.

هَيْصَم: ممكن ما اكون موجود عندي شغل ضروري اجي بس يوم الخطبه.

فيروز: اذا هيج ليش اغير مكاني؟

هَيْصَم: لان امي راح تروح وانتِ لازم تكونين وياها.

فيروز: تمام مثل متريد.

هَيْصَم: احب تفهمج.

فيروز: ميحتاج اتجادل او اعترض اكيد هذا من خوفك على سلامتي.

هَيْصَم: علمودج ممكن ارتكب جريمة المهم تبقين بخير.

فيروز: احبك بكل اللغات انت اهم واحلى شي صار بحياتي.

هَيْصَم: على هذا الكلام شبعت ميحتاج اكل شي بعد.

فيروز: لتطلع بدون اكل وترك سوالفك اللي تعيدها كل مره.

هَيْصَم: رجُل صحي اني ماحب الدهون بالأكل وحتى السكريات بس المرض يجبرني اكلهن.

فيروز: ماكو علاج اله؟

هَيْصَم: لا مزمن.

فيروز: ليش هيج صار وياك؟

هَيْصَم: من توفت عائلتي ودخلت تدريب عسكري حتى اصير ملازم الحاله النفسيه والعذاب الجسدي وقسوة التدريب كل هذا طلع على شكل مرض تعذبت بيه وبقى مستمر لهذا اليوم.

فيروز: حياتي انت.

هَيْصَم: عدت واصلا شي حلو الحامض حلو مو مزعج اليه.

فيروز: بس أني سامعه ميقبلون المريض بالسلك شلون قبلوك؟

هَيْصَم: مرض سري محد يعرف بيه بس لائِث بالأضافة مجان بوقت الدورة وإنما بعدها واذا وقت فحص اكل سكريات حتى يبين طبيعي، التعب اللي شفته والعذاب خلاني اتحمل كل العواقب المهم اوصل لهدفي ورب العالمين متركني دزلي ناس تساعدني من كل مكان.

فيروز: وان شاء الله تحصل اللي تريده وتكدر تاخذ حقك وتحقق الانتصار ودم عائلتك ميضيع.

هَيْصَم: ان شاءالله، عوفيني من الماضي وخلينا بالكمر اليمي تدرين مشتاق؟

فيروز: مشتاق لشنو هياني يمك؟!

هَيْصَم: اربع وعشرين ساعة اني مشتاق حتى لو انتِ يمي.

فيروز: لهاي الدرجة تحبني هَيْصَم؟

هَيْصَم: حبج الذنب الوحيد اللي ما أريد اتوب من عنده هو غلط واني اشوفه رب الصح برأيج هذا اسمه حب لو خبال؟

فيروز: شعوري مبادل وعيونك الحلوه اللي اخذني لعالم ثاني من صاروا بعيوني، عرفت بوقتها انو وكعت وماكو حل بقيت متمسكه بأمل تصير بأسمي وملكي يوماً ما ومن اجيت فجأة وكلت راح اخطب حوري ادمرت حرفياً وقررت خلص راح اطلع من حياتك على رغم هذا القرار هو الموت بالنسبه إليه بس كلت اجازف واخطي هيج خطوة احسن ما اشوفك تروح من أيدي واني ما أكدر اسوي شي.

هَيْصَم: ليش معترفتي بمشاعرج حتى لو بوقتها جنت مقرر اتزوجها صدكيني اكنسل كل شي واختارج لو اعرف الطريق وياج مليان سيوف ورماح، ليش سكتي؟

فيروز: بمجتمعنا وعاداتنا الرجال هو اللي يعترف للمرة، من غير القانوني والأخلاقي اعترفلك بحبي بالوقت نفسه انت تكلي لتحبيني.

هَيْصَم: لضلميني جنت دائما انبهج بس انتِ بالج فاصل، يعني برأيج منو ياخذ وحده غريبة لبيت خطيبته ويلبسها ابيض نفس الشي؟!

فيروز: مخطر على بالي انو هو يوم العقد، سيد افندي انت تسويها وطلعني غلطانه وين لكيتها هاي!!

هَيْصَم: شوكت كلت انتِ غلطانه؟ بس يحلوه انتِ عديمه تركيز.

فيروز: طلعني غبية فد مره ليش تلف ودور؟!

هَيْصَم: كم مره كلت انتِ أنثى الأسد ولَّباءَة الهَيْصَم، يمج أأمن على بيتي وعائلتي لان اعرف انتِ شنو ومنو بنفس الوقت، كم مره كلتها؟

فيروز: دائماً.

هَيْصَم: اذا هيج شوكت صارت حوري هي أنثى الأسد؟

ضربته على صدره وحجيت بحده.

فيروز: لتذكر اسمها وبصفه أنثى الأسد حتى تضرب مثل.

هَيْصَم: تغارين خيوط كلبي؟

فيروز: ليش ما غار غير زوجي انت!!

هَيْصَم: منو كال؟

فيروز: شنو منو كال اذا مو زوجي منو انت لعد؟

هَيْصَم: عاشق، مغروم، هايم، تايه وضايع بعيونج لَّباءَة الهَيْصَم.

فيروز: احبك.

هَيْصَم: اعشقج.

: صباح من أجمل الصباحات اللي اعيشها وياه احس نفسي مثل الطير الحر يحلق بكل حب من يكون موجود، انتهى وقت السعادة وطلع للشغل جانت الساعة ثمانيه رجعت نمت لان كلش نعسانه.

لائِث: ليش وجهك يلطم؟

هَمْهَام: ابوها رفض ابن عمها ناهي عليها ويكول هي اليه ما انطيها يردوني اسوي شي ميعجبهم واخذها وانهزم لمكان بعيد يحلمون بيه يشوفها بعد.

هَمْاس: خليك عاقل بدون سوالف مزعطه، مو رجال اللي ينهزم وي مرة ويدمر حياتها ويبهذل اهلها وينزل رأسهم، فكر بأهلك لا الله يبليك بيهم بنفس الطريقه.

هَمْهَام: والحل اخليها تروح من أيدي واني صافن عليها بدون ما اسوي شي؟

هَمْاس: كلبك يتعود ولتكول لا انت مو اول واحد عافته حبيبته، اعرف صعب تنسى بس ماكو حل لتنزل سمعت أهلها بسبب نزوة بأجر اذا صار عدكم أطفال منو الهم؟

ضَرْضَم: كلام هَمْاس صحيح لتسوي شي تندم عليه بعدين وربك يعوض خير ان شاء الله.

لائِث: الصافي واني ما متحمله يجي الاضرب من عنده، اخوان اذا انتوا متحبون فخليكم على صفحه بدون نصايح ماصخه، وليهمك وعلي نسوي مداهمه هي الك يعني ألك اطمأن.

ضَرْضَم: شلون بله؟!

لائِث: اطلع من عدها يمي.

هَيْصَم: وعليكم السلام والرحمة.

ضَرْضَم: احترامي سيدي.

لائِث: ليش دخلت بهدوء محسينه بيك سيادتك؟

هَيْصَم: مره ثانية أحاول ما ازعجك سيد لائِث اعذريني ركبتي سداده.

لائِث: سداده مال مي؟

هَيْصَم: سمعتك لتهمس خليك عاقل والا تعرف شنو يصير نسيبي المستقبلي.

لائِث: حبيت هذا اللقب حيل ابقى دائما تعيده.

هَيْصَم: ليش جنتوا تحجون بصوت عالي؟

لائِث: هَمْهَام حبيبته ناهي عليها ابن عمها.

هَيْصَم: اي وانتوا تخططون شلون ترجعوها مو؟

لائِث: وانت اللي راح تنفذ الخطه.

هَيْصَم: اعتقل ابن عمها لو اهدده؟

لتنسون عملنه بالقانون والدولة صحيح متفهم وضعك وحبك الها وحزنك لان راح تروح من ايدك وهم الخسرانين صدكني انت شاب متتعوض ولو اني بمكانهم ما اتردد لحظه وانطيك بنتي لكن شنو منريد يبقى رب العالمين كاتب اللي يصير لذلك لا اعتراض على أمر الله خليك صبور لابد يجي يوم ورب العالمين يعوضك والدليل حي يرزق واكف كدامك هسه ربك يمهمل ولا يهمل وممكن يكون العوض افضل بهوايه من اللي خسرته.

هَمْهَام: ان شاءالله سيدي شكرا الك.

لائِث: هاي هي!!

هَيْصَم: الهَيْصَم ميستخدم رتبته حتى يهدد احد او يضغط على احد هذا الشي مستحيل، علاقتي بيكم شي واحترامي لمهنتي وقسمي اللي اديته شي ثاني مختلف تماماً لذلك اذا تزعل من عندي لان مراح أكدر اساعدك اعذرني وتفهم وضعي مدخلنه لهذا المكان حتى ندمر حياة الناس بالوقت اللي احنه مسؤولين بيه عن سعادتهم.

هَمْهَام: بالعكس سيدي انت سعيت هوايه حتى اتزوجها بس ابن عمها هو اللي قافل على رغم هو يعرف عدل اني وهي بيناتنا علاقة حب.

هَيْصَم: الله يعوض خير بس ابقى واثق بيه.

هَمْهَام: والنعم بالله.

هَيْصَم: حضروا لتنفيذ العملية مبقى شي الها ان شاء الله، وانت لائِث تعال ويايه.

رحت وراه باوع بوجهي كايل: شبي وجهك؟

لائِث: متوقعت هيج تسوي هذا مو انت هَيْصَم.

هَيْصَم: حتى ميتعلق بفكره ممكن تصير وممكن لا.

لائِث: تريد تحجي وي ابن عمها؟

هَيْصَم: وانت تجي وياي.

: طلعنا من المركز ورحنه لبيتهم احنه نعرف المكان نزلنا اني وهو وطرقنا الباب شويه ونفتح استقبلنا الرجال الجبير لكن للأسف مموجود طالع للشغل رجعنا للسياره.

لائِث: راح ترجع؟

هَيْصَم: لا.

لائِث: ليش؟

هَيْصَم: هَمْهَام مثل اخوي الصغير ما أكدر ما اساعده.

لائِث: واذا ماقبل؟

هَيْصَم: وقتها ينتهي كل شي اهنا ومتنطيه علم.

لائِث: شلونك؟

هَيْصَم: الحمدلله.

لائِث: بوجهك سوالف كول اسمعك.

هَيْصَم: شلون يعني اكو سوالف بوجهي؟!

لائِث: نظرتك مو طبيعية اكو شي لو راح يصير شي من خطبت بنت خالتك نفس النظرة كول هاي المرة شنو من مصيبه منتظرتنه؟

هَيْصَم: ماكو مصيبه مجرد شغله لازم تصير خلال هاي الأيام ومضايقتني حيل.

لائِث: عندك خطه؟

هَيْصَم: كل شي بوقته حلو لا تستعجل على رزقك.

لائِث: اعرفك مراح تحجي بعدين تصدمنا كلنه ك العاده.

هَيْصَم: وهاي أجمل صفات الهَيْصَم يراقب الفريسه من بعيد وبعدين يقترب بهدوء ومن ثم يهجم اهنا محد يكدر يخلصها من ايده.

لائِث: حمستني.

هَيْصَم: اني هم متحمس لدرجه متتخيلها.

واحنه نسولف مر واحد علينه من شافه سأل: هو هذا مو؟

لائِث: يمكن، ماعرفه عدل شفته مرة وحدة بالخطبة.

هَيْصَم: خليك اهنا راح انزل احجي وياه، وقفته كايل: لحظة ممكن.

اكرم: نعم تفضل بشنو أكدر اساعدك؟

هَيْصَم: المكان مو مناسب حتى نحجي بموضوع مهم مثل هذا تعال ويايه للسياره ونورح لاقرب مكان نكعد بيه واذا اتحب ابيتك ايضاً مو مشكلة، اجيتك بالزي اكيد ما أريد أعرض سلامتك للخطر ولا اهددك فكون مطمأن.

اكرم: تفضل للبيت.

هَيْصَم: دقيقة بس.

لائِث: طردك ليش رجعت؟

هَيْصَم: مجبتك حتى تبقى بالسياره انزل ويايه يلا.

لائِث: اعرفك متعيش بدوني.

هَيْصَم: امشي لا انزل بيك عقوبه.

اكرم: حياكم الله.

هَيْصَم: الله يحي اصلك، اجينا اليوم حتى نحجي بموضوع مهم من أرجال لرجال واعي ومثقف وفاهم الحياة والتطور اللي يصير واني الله يشهد اعرف بيك وباصلك وشلون انتوا ناس محترمين وعلى الراس من فوك مكانكم.

اكرم: يسلم راسك سيدي اللي تريده كوله واني حاضر ركبتي ألك.

هَيْصَم: تسلم متقصر اعرفك، لكن احنه نيتنا اليوم الصلح ابنا هاوي بنتكم ويريد يتقرب من عائلتكم بأمر الله ورسوله الزواج هو مؤسسه بين عائلتين تقوي الروابط وتصلح الأسر واللي ميطيع ربه ونبيه مابيه خير لأهله وناسه واني اشهد انكم ناس اجاويد او اوادم وتعرفون الدين حق ومتظلمون احد، واحنه داخلين بيتكم وبالعادة العرب ميردون ظيفهم ودايس ابساطهم خايب عن طلبه فشنو كلت؟

اكرم: كبع واخذ ادلل.

هَيْصَم: بنت عمك اخويه وابني رايدها والعارض انت، سمعت ناهي عليها وكاسر ركبتها وانت تدري الزواج يكون فاشل اذا مو حب متبادل بين الطرفين جسمها يمك وعقلها وفكرها يم واحد ثاني متعيش حياتك مرتاح وانت تشوفها وي كل صفنه تحن لأيام ماضيها.

اكرم: من وين الك هذا الحجي بنت عمي العيب ميلفيها.

هَيْصَم: اعرف انت تعرف واحنه بيناتنا تنسد السالفة وبهذا الديوان، البنيه مو ألك لا كلب ولا روح ليش تورط نفسك بزيجه باطله يكولون؟ العقد اذا مقابله عليه تعتبر علاقه غير شرعيه حتى ولدكم يكونون غير شرعيين وحرامات تضيع عمرك واخرتك بسبب كلب دك لوحده.

اكرم: بنت عمي اني أوله بيها من الغريب.

لائِث: راح اكوم بعد ما اتحمل.

هَيْصَم: انجب وكعد.

لائِث: اروح للحمام شبيك.

هَيْصَم: طاح حظك اي والله.

لائِث: اشاقه وياك.

هَيْصَم: والله راح تنزل بيك عقوبه.

لائِث: خويه هذا المشهد الهندي شوكت ينتهي؟

اكرم: يامشهد؟

لائِث: صار ساعه صافن بوجهنه كول شنو تريد احنه مستعدين انفذ طلبك اذا تركتها اكيد هي مو ملكه جمال حتى كلكم متخبلين عليها.

اكرم: احترم نفسك كاعد ابيتي وتهين عرضي.

لائِث: عرضك متحبك كلبها مو الك انت رجال لو ماعندك احساس افهم!! اجيناك بالحسنى ميفيد نجيك من باب ثاني شنو تريد مقابل تعيفهم يزوجون؟

اكرم: ممحتاج شي الحمد لله والشكر ناقصني بس هي.

لائِث: شلون يريد افلش راسه هسه.

هَيْصَم: اسكت منو حجاك؟

والله اذا خربت انت السبب فاهم.

لائِث: والعباس متخرب باوع لوجهه يريد يسوي اتفاقيه ويانه.

هَيْصَم: احنه نترخص لازم نروح.

اكرم: اقبل بس بشرط.

لائِث: اعتبره تم، شبيك ضايج من صعدنا لحد الأن؟

هَيْصَم: شرطه مقنعني.

لائِث: شاك بشي؟

هَيْصَم: ليش طلب هيج مبلغ؟

لائِث: ممكن مطلوب.

هَيْصَم: وممكن متورط لازم نراقبه اصلا اهنا تكون شغلتنا اسهل اذا طلع شكي بمحله.

فيروز: مرت الايام مثل العسل وبعد يومين خطوبه ريهاف حضرت ملابسي راح يجي هَيْصَم ياخذني يمهم خالتي راحت من الصبح شوية وسمعت حركه بالبيت بنفس اللحظه وصلتني رساله على موبايلي.

: التفت عيونه ادور عليها عقد ملامحه بغضب وهو يسمع صوت الثاني وهو يحجي باستفزاز ونبرة انتصار عظيمه.

حياك الله بعريني لّهيم.

يتبع..

البارت اقل بشويه من 3800 كلمه.

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

_______

حِدة الصوت وسمارك

‏طولك ونبرة ضحكتك، والحچايات الحنينة

‏المنها صرت اعشگ لهجتك،

شنسّه منك؟

هَيْصَم: حياك الله بعريني لّهيم.

لّهيم: واخيراً التقينا وجه لوجه حضرة النقيب.

هَيْصَم: بس ما اعتقد لقاء خير أبداً.

لّهيم: صار فتره طويلة دور عليه، امر غريب اجي اني لبيتك برجليه.

هَيْصَم: اني ردتك تجي وجبتك لبيتي حتى القي القبض عليك بالجرم المشهود.

لّهيم: سامع بمقوله ومن الحب ماقتل؟

هَيْصَم: ومن الغباء ماقتل الحب بريئ لتخلي بركبته الحق لعدم انتباهك وتركيزك.

لّهيم: شلون وكعت بالمصيدة؟

هَيْصَم: انك ردت تقترب من أنثى الأسد برأيك اني اسمح بهذا الشي؟

لّهيم: جانت اليه من الأساس ليش صارت الك؟

هَيْصَم: لتحجي بزوجتي يحلو والا تصير عقوبتك مضاعفة.

لّهيم: ليش حضرة النقيب المحترم تريد تقتلني اذا جبت سيرتها؟

هَيْصَم: واذا سويتها شنو يصير؟

على الاقل نخلص العراق من واحد عار بدون فايدة.

لّهيم: وتنسجن متفكر بحريتك ومنصبك اللي يضيع من بين ايدك؟!

هَيْصَم: انتوا اللي تهمكم الفلوس والمناصب اما اني تهمني العائلة لذلك دائماً تخسرون مقابيلي.

لّهيم: حددت النهاية من وحدك هاي يسموها حرب مو عادله.

هَيْصَم: لأنها نهاية الحرب لازم يكون اكو طرف منتصر و الهَيْصَم مستحيل يقبل بالخسارة.

لّهيم: مراح تستفيد شي بألقاء القبض عليه اني مو الشخص اللي امر بقتل عائلتك وحرمك من زوجتك وابنك او والدك.

هَيْصَم: صحيح مو انت الشخص اللي سوا هيج لكن لتخاف لانك ياحلو راح تغرد مثل البلبل بكل شي تعرفه واحد ثنين ثلاثه حتى ينغلق ملفكم وننتقل لمهمة ثانيه.

لّهيم: مراح انطي بأحد بعدك متعرفني عدل سيادتك.

هَيْصَم: خلي نوصل للمركز بعدها نشوف إذا اعرفك عدل لو لا، لائِث جيب العناصر الامنيه وادخل للبيت.

لّهيم: جنت مخطط لاعتقالي اليوم؟

هَيْصَم: من الغباء هذا السؤال لكن راح احترم ذكائك الضعيف أو اجاوب عليه، اولاً كل خطواتي مدروسه من عرفت بيك رجعت للعراق لحد الأن، ثانياً ماكو رجال عنده غيره يخلي مرته وحدها بالبيت وهو يعرف اكو كلب يحاول يعتدي عليها، ثالثاً اليوم محد يخلصك من أيدي بس الله وصدكني ربك مراح يساعد مجرم مختطف مثلك لذلك راح احاسبك عليهن كلهن، كل دمعه وكل توسل ومنسيت المخدر اللي ضربتها بيه ولا الرصاصه البسببك ردت اخسرها بيها، حضر نفسك عدل لان دخول العرين مو مثل خروجه.

لّهيم: الهدف جان قتلك ذلك اليوم بس هي مضحيه وصارت مكانك لذلك لتلومني الغلط من عندك خليتها تصير مقابيلك.

هَيْصَم: شنو الداعي من الأساس تخطفها؟

لّهيم: ما سامع بالحب اعمى؟

وكل شي مباح بالحب والحرب؟

هَيْصَم: حبك وحربك راح يوصلوك مؤبد عندك علم؟

لّهيم: مامرتكب اي جريمة قتل سابقاً وماكو دليل يثبت اني خاطفها ولا حتى شاهد صغيروني وبالنسبه للمخدرات فاحب اكلك مو اني المسؤول يعني ياسيادة النقيب الكاميرات اللي مخليها بالبيت ومحاولاتك حتى اعترف بائت بالفشل متكدر تاخذ من لّهيم شي مو عجب يكون اسمي معناه الموت الملتهم كل شي امامه.

هَيْصَم: حي الله لائِث.

لائِث: الله يحيك سيدي.

هَيْصَم: ضيفنا يستهين بقدراتي لائِث تتخيل؟!

لائِث: حقه ميعرف شي لحد الأن ومنو سيادة النقيب هَيْصَم المحترم.

هَيْصَم: شنو رأيك نقدمله درس حتى يعرف هو وي منو لعب؟

لائِث: اي والله خاصتا دروسك اني كلش احبها.

هيْصَم: اذاً اعتقله واخذه على المركز اني مسافه نص ساعه واكون متواجد هناك بإذن الله.

لائِث: تأمر سيدي، شباب أخذوا للسياره.

: وصلتني رساله مالته جان مكتوب بيها اطلعي من الباب الخلفي بسرعه اول مقريتها طلعت لكيته واكف من شافني فتحلي باب السياره صعدت وقفلها ودخل للبيت اتفاجأت ليش هيج سوا شنو صاير؟

بقيت منتظره فتره طويلة لدرجه مليت واني اشوف سيارتين سود مظللات واكفين قريب من عندي، هاي الحاله شكلها مراح تخلص وابقى عايشه بهذا الوضع طول العمر مرات من اصفن على حياتي واتخيل شنو يصير بالمستقبل تصيبني رجفه بجسمي، للحظة تخطر على بالي فكره يستشهد لو انخطف او ينقتل واحد بيناتنا، شكد منتمنا الموت بس من يصير قريب إلى درجه جبيرة حتى لو بالخيال ننزعج ومنريده، عين على السيارات وعين على الباب بعد كل اللي عشته بالفترة السابقه خلاني افقد الثقه بالكل ماعدا هَيْصَم والسبب واضح لان هو اماني باصعب وقت جنت اعيشه وعلى رغم اني وياه جنه بيت واحد عايشين بس متجرأ يأذيني مطلقاً وحماني حتى من نفسه، ابتسمت وصحيت من صفنتي من شفته يطلع من البيت،

كل شي بيه مجذب ،طوله ،شخصيته ،مشيته، عيونه، ابتسامته، حتى قميصه اللي يكون مفتوح من صدره اما السلسله اللي تكون واضحه على عنقه ضايفتله رونق خاص يجبرك تنظر اله بأعجاب مو رجال وإنما كيكه تمشي ماعرف اني اشوفه هيج لان احبه يمكن.

هَيْصَم: تأخرت عليج حبيبي؟

فيروز: لا بس ليش هيج صار؟

هَيْصَم: اعتقلنا لّهيم ماكو داعي حتى تخافين مرة ثانية انو تتعرضين للخطف او يصير شي مو زين وياج لا سامح الله.

فيروز: ما اخاف وانت يمي حبيبي.

هَيْصَم: اريد اضمج بكلبي ممكن؟

فيروز: كلبك بيتي المستحيل اتنازل عنه.

هَيْصَم: جعل محد غيرج يتغزل خيوط كلب الهَيْصَم ومريته.

فيروز: جعل تبقى حبيبي وروحي والنفس مالي طول العمر ، بيك اكتملت نواقصي وحسيت نفسي رجعت طفله مدللة عسى ربي ميحرمني من عندك هَيْصَمي.

هَيْصَم: انتبهي على نفسج زين يمكن ما أكدر اتصل بيج واطمأنج عليه بس كوني واثقه كلبي وياج دائما بس يصير عندي فرصه ادزلج حتى لو رسالة تمام؟

فيروز: تمام بس ليش راح تطلع عمليه هم؟

هَيْصَم: والاخيره اذا شاء الله ونعتقل المؤسس الاساسي لكل اللي صار بحياتي ودمرها.

: صفنت بوجهه ما انكر نزعجت نوعا ما لان مازالت هي موجوده بكلبه حتى لو بس ذكرى لكن هي عايشه ما ماتت بعقله صحيح هي مو حاجز بيناتنا واني اعرف عدل هو يحبني واضح جداً من عيونه لكن يكولون الضره تحر حتى لو بالكبر خاصتا بعد مقريت كل الكتاب وعرفت هو بعده محتفظ بكل شي يخصها بالبيت اللي رحناله بالبصرة، ملابسها مكياجها وحتى ملابس ابنه حيدر الله يرحمهم او ذكريات والده كلها محتفظ بيها لهذا السبب بين فتره والثانية يروح اهناك يملي عينه بذكرياتهم ويشم عطرهم من بين حياطين البيت، نفذ الوصيه وماخلف وعده هي محظوظه حيل عدها زوج يقرالها الفاتحة ويسويلها ثواب كل خميس ويوميه يصلي ركعتين ويهديها الها منساها ومستحيل يجي يوم يكدر يتخطى بيه اللي صار حتى يوم زواجنا مدونه وحاجي وياها على انو راح يبدي صفحه جديدة من بعد عشر سنوات والسؤال اللي يخطر على البال وما الكي اجابه اله ياترى هَيْصَم كدر يفتح صفحه جديدة لو لا؟

رجعني لواقعي صوته.

هَيْصَم: بشنو صافنه حبيبي؟

فيروز: فكره خطرت على بالي.

هَيْصَم: واللي هي؟

فيروز: الانسان ليش ميكدر ينسى ماضيه؟

هَيْصَم: لان اكو اشياء متنسي بنفس الوقت عبرناها بشكل او بآخر.

فيروز: جنت متخيله واني طفله مستحيل أكدر اعيش بعد والدي الله يرحمه بس من صارت صدك عرفت وقتها انو ماكو احد يموت وره الثاني ولازم نكمل الطريق على رغم العقبات اللي بيه.

هَيْصَم: صحيح كلامج لازم نكمل الطريق على رغم عقباته.

فيروز: كدرت تكمل طريقك؟

هَيْصَم: لا بالف ياعلي يلا تأقلمت وبالف ياعلي كدرت اتنفس وصحيح رجعت عايش مره ثانيه لكن الحياة ماتت بالنسبه إليه، ابني لو عايش هسه متوسطه وماكو اب ينسى ابنه مستحيل وبالنسبه اللي فقدتهم مجانوا ناس عاديين هم قطعه من روحي، انتِ شخصياً كدرتي تتخطين وفاة خالتج على رغم معرفتج بيها مو اكثر من شهرين بس؟

فيروز: لا لحد الأن ضايجه بسبب خسارتها.

هَيْصَم: اما اني سنتين حب وخمس سنوات زواج أو وفاتها جانت بسببي شلون اكدر اتخطى؟

ولتنسين والدي وابني همات، مع هذا تخطيت وياج ما اكلج نسيت ومستحيل يجي يوم أكدر انسى بس تخطيت بشكل وبآخر كدرتي تنسيني جزء من الماضي، حبيتج بشكل مبهر كدرتي تدخلين لكلبي وتغيرين فكرتي عن الحب للمرة الثانية، جنت ماخذ قرار مستحيل افتح كلبي لأي بنيه وابقى عايش على ذكريات الماضي بس من شفتج تغيرت هاي الفكره كدرتي تكسرين قواعد الهَيْصَم اللي بنيت بيهن سنين طويله، دخلتي كلبي وعشعشتي بيه لدرجه كل نبض من عنده يهتف باسمج، وياج صدكت انو العوض موجود حتى وان طال الزمان.

فيروز: من تزوجت انت اني جنت ثالث ابتدائي شوف الحياة شلون غريبة.

هَيْصَم: اي شايب اني صرت كبرنا وصارت تغثنا المواليد.

فيروز: ثلاثيني جاد ممبين عليك الكبر.

هَيْصَم: 35 سنه من بعد فترة طويلة هاي احله سنة اعيشها.

فيروز: يعني فرقنا عشر سنوات اكبر من عندي بعقد كامل.

هَيْصَم: العمر مو مهم الأهم التفاهم حبيبي.

فيروز: هذا اهم شي بكل علاقه التفاهم هو الأساس.

هَيْصَم: وهنا وصلنا، الحديث وياج ممتع لَّباءَة الهَيْصَم لكن العمل يناديني لازم اروح للمركز اتركج بحفظ الله وكلبي.

فيروز: ربي يحميك من كل مكروه ويرجعك اليه سالم ويكحل عيني بشوفتك مره ثانيه.

هَيْصَم: راح اترك والله الشغل وارجعج للبيت انزلي قبل ما اغير رأي واسوي مصيبه واتاخر عن شغلي.

فيروز: تمام نازله مع السلامة.

هَيْصَم: مع السلامة.

نزلت ودخلت للبيت وكلبي بقى وياه كالعادة.

لائِث: وين صرت صار ساعة؟

هَيْصَم: سؤالك بيه نبره تحقيق لو اني غلطان؟

لائِث: غلطان اكيد نسيب مجرد اطمأن عليك لان تأخرت.

هَيْصَم: بعدك مصرت نسيب.

لائِث: ان شاءالله نصير مبقى شي ونخطب.

هَيْصَم: ممكن نرفض الله اعلم انت وسعيك حتى تعجبني واشوفك مناسب تصير بمقام نسيبي لو لاا.

لائِث: سامع عني شي خويه؟!

هَيْصَم: تعال اخطب ويصير خير.

لائِث: اذا حرجتني يم عشيرتي والناس الخيره ازعل عليك.

هَيْصَم: منو احسن عشيرتك لو اني؟

لائِث: انت اكيد عشيرتي شنو؟

هَيْصَم: عفيه عليك هيج تعجبني خليك على هذا المنوال حتى ننظر بأمر الموافقة على طلبك حتى تصير نسيب العائلة.

لائِث: راح يطيح حظي الواضح اني اعرف.

هَيْصَم: تستاهل اخت الهَيْصَم يطيح حظك علمودها لو معاجبك؟!

لائِث: عاجبني واني الممنون أمري لله.

هَيْصَم: من وره خشمك تحجي بيها تره عادي نرفض بما انو بعدنا على بر.

لائِث: لّهيم ينتظرك تحقق وياه واترك سالفتي لخاطر الله.

هَيْصَم: حياك الله لّهيم.

لّهيم: الله يحيك سيادة النقيب.

هَيْصَم: شلونك؟

لّهيم: من شفتك صرت مو زين للأسف.

هَيْصَم: نفس الشعور سبحان الله، اي ابدي اسأل لو تحجي من وحدك؟

لّهيم: ماكو شي حتى اكوله انتظر المحكمة والمحامي مالتي.

هَيْصَم: المحامي ما اعتقد راح يوفق يجي اليوم سمعت عنده قضيه مهمه والمحكمة مطوله شويه والادله تثبت اتهامك هاي المره ماكو مفر لّهيم لازم تعترف.

لّهيم: ماعندك دليل ضدي لذلك لتحاول.

هَيْصَم: هَمْااااس.

هَمْاس: سيدي.

هَيْصَم: الادله اللي عندك التثبت إدانة لّهيم.

هَمْاس: اتفضل سيادتك.

هَيْصَم: شوف لّهيم كل الادله تثبت اعتدائك على زوجتي يعني لامفر.

لّهيم: شنو تكدر تثبت بهاي الادله؟!

هَيْصَم: بصمات ايدك على ملابسها ومن غبائك وحسن حظي ناسي الابره مالت المخدر على الأرض لذلك اثبتت عليك التهمه خطف واعتداء بالأضافة حاقنها مخدرات.

لّهيم: اني اعترف بهاي التهمه ميحتاج تثبت شي بالدليل.

هَيْصَم: عبالك خلصت؟

لّهيم: شنو بعد اكثر من هيج؟

هَيْصَم: دخلت لبيتي بدون إذن وهذا تدان عليه بالقانون والعشائر.

لّهيم: صحيح كلامك.

هَيْصَم: تعترف بدون دليل!!

لّهيم: عندك دليل اكيد والا شلون عرفت اني اللي دخلت.

هَيْصَم: خليني اكون صريح استمتعت وياك جداً طول الفترة الماضية واني ابحث عنك.

لّهيم: والأسود مسالت عليه؟!

هَيْصَم: لان اعرف وين هو ميحتاج أسألك.

لّهيم: اذا تحتاج مساعده كلي اني بالخدمة.

هَيْصَم: كريم اعرف بيك بس حاول لتعب مخك زايد لان راح تفشل للأسف.

لائِث: ليش ماخذت من عنده اي معلومه؟!

هَيْصَم: اللي كلته كفيل يخلينه نوصل للاسود.

خلصت اليومين واليوم موعد خطوبه ريهاف ولائِث بدينا تحضيرات علمود الخطبه.

ريهاف: ما أريد هذا الفستان يطلعني مو حلوه.

فيروز: اختاري اي واحد عاجبج بيهم؟

ريهاف: ماعرف معاجبني ولا واحد.

كلاثم: بنيتي شبيج اليوم؟!

ريهاف: بطلت ماريد اتزوج خلي هَيْصَم يلغي كل شي.

آمندا: تخبلت البنيه والله.

آريا: يمعودة خلي نركص وبعدين بطلي ليش مستعجلة؟!

ريهاف: كلت ما أريد لتلحن عليه.

فيروز: صلي على محمد وآل محمد انتِ عاقله وفاهمة حبيبتي وانتِ تعرفين رفض بهاي السرعه بدون سبب راح يهين اخوج وينزل راسه بين الناس وأكيد متقبلين هيج يصير وياه.

كلاثم: كلامها صحيح شجاج بنتي واني اكول عليج العاقلة الفاهمه شنو تركتي لآريا وآمندا؟!

آريا: والله اني بالنسبه إليه مابيع ثكل اي واحد يجي حياه الله اقبل بيه.

كلاثم: احترمي، امج اني.

آريا: والزواج حق مكلت شي اني.

كلاثم: صدك بنات قليلة أدب.

هَيْصَم: حياكم الله.

لائِث: الله يحيك نسيب.

هَيْصَم: مستعجل على الرفض؟!

ضَرْضَم: اني راح اركص اذا سويتها.

هَيْصَم: تفضلوا.

ضَرْضَم: يالله.

لائِث: او وجع صوتك.

هَمْاس: ليش خايف على المدام لتفز؟

لائِث: انجب حرمتي هاي.

هَيْصَم: راح ارفض.

لائِث: مان عليه هو مو صوجك صوج اللي يريد القرب من عندك ويصاهر هل الوجه الحلو.

هَيْصَم: متمشي عليه سوالفك عزيزي.

لائِث: تنطي لو ماتنطي؟

هَيْصَم: كيلو خيار هي!!

لائِث: اي والله ثنينهن للكرط.

هَمْاس: اذا طردك والله العظيم ما ألومه.

لائِث: لطلعوني من.

هَيْصَم: من شنو؟

لائِث: من البيت اريد اشم هوه بره.

هَيْصَم: اي اطلع منو لازمك.

لائِث: صدك اريد اسلم على خالتي صار هوايه مشايفها.

هَيْصَم: ميحتاج سلم عليها بعدين.

لائِث: شوفه شرعيه ماكو؟

هَيْصَم: يوم العقد تشوفها.

وكالعادة الروتين المعتاد باي خطوبه عراقيه تمت بكلمه من الهَيْصَم.

هَيْصَم: البنيه الكم لكن مع هذا لازم نتأكد من رأيها هيج العادات تكول ونسأل عن لائِث اكيد طبعا وتدللون.

لائِث: هتلي اني سامع شي عليه؟

هَيْصَم: الله اعلم، مستقبل اختي هذا لازم اعرف عنك كل التفاصيل.

لائِث: خلصت عمري كله وياك اسأل نفسك عليه خويه.

هَيْصَم: يصير خير.

لائِث: اكيد خير ملفي انظف من.

هَيْصَم: من شنو؟

لائِث: من قميصي.

هَيْصَم: عبالي.

لائِث: اطمأن مستحيل احجي عليك.

هَيْصَم: ليش تكدر؟

لائِث: لا وين اهناك مديري واهنا نسيبي.

هَيْصَم: اذا وافقت بعدها شغلتك مطوله نوعاً ما.

لائِث: نصبر شنو عدنا.

ضَرْضَم: الف مبروك حبيبي يارب تنسعد بحياتك.

لائِث: آمين يوم الالك ويوم الكم كلكم وعلي اركص بعرسكم للصبح انتوا بس تزوجوا.

هَمْاس: الف مبروك لائِث يارب الحياة السعيدة والذريه الصالحه ويديمكم لبعض.

لائِث: لو تعرف شكد احبك صافينا يوم الالك حبيبي.

هَمْاس: الكعده ناقصها هَمْهَام.

لائِث: اني فرحان بخطوبته اكثر من خطوبتي يارب يتوفق وتم على خير هاي المره.

هَمْاس: آمين يارب.

هَيْصَم: تريد تشوفها؟

لائِث: قبلت؟

هَيْصَم: باحلامك.

لائِث: شوف نظره المكر بوجهه ليش هيج مو اني اخوك وعشرة عمر!!

هَيْصَم: وهي اختي عزيزي يعني اهم.

لائِث: أمري لله شنو اسوي قابل.

: خلصت الخطوبه وتم تحديد يوم العقد الاسبوع الجاي،

كعدت من النوم واني لعبانه نفسي حيل وماعرف شنو بيه صار إيام على هاي الحاله وماعرف شكو، ستفرغت كل شي بمعدتي الوضع سيء إلى درجه حتى ريحه الاكل ما اطيقها شافتني هيج خالتي حلفت الا تاخذني للمستشفى واني مقبلت صحيح لّهيم انسجن لكن الخوف بعده بداخلي لذلك هي طلعت جابت تحليل منزلي، شاكه بيه حامل واني فرحانه لمجرد فكره اكو طفل بداخلي يحمل جينات الهَيْصَم او مثل ميكول شبل الأسد، أخذته من عدها وحللت بيه بقيت انتظر النتيجه خطين اجيت اكمز من الفرحه رهبه فضيعه صابتني دموعي نزلوا مباشره شعور لايوصف وما أكدر اعبر عنه بالكلمات يكفي انو اني حامل من الشخص اللي احبه وراح اصير ام بسرعه خطر على بالي هَيْصَم وردة فعله اكيد راح يفرح طلعت بسرعه لخالتي حتى ابشرها وكع من أيدي التحليل واني اشوفها شلون وجهه اصفر وبأيدها الموبايل وكع من ايدها هي هم رفعت عينها اليه وحجت بغصه خلتني افقد توازني..

يتبع..

البارت اقل بشويه من 3800 كلمه..

مناسين حوري ومحمد لكن راح نذكرهم ببارتات منفصله بإذن العليم.

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

هَيْصَم

(الكاتبة زهراء احمد)

_______

كأنما السعدُ مرهونٌ بضحكتها

‏تُشِعُ في الروحِ أنوارٌ إذا ابتسمتْ

: الحياة رحله قصيره جداً تبدي وتنتهي واحنه منحس بيها نبقى نزعل اللي نحبه بدون معرفة باي لحظة ممكن نخسره ،هوايه أشخاص ودعناهم بدون مقدمات فجأة ختفوا من حياتنه وماكو رجعه، جنت دائما اخاف من شعور الخساره وهذا الخوف صار واقع ،يكولون اللي تفكر بيه مع الوقت يصير واقع تعيشه خسرت والدي وهاي الغصه تبقى بكلبي طول العمر بالأضافة لخسارة خالتي الغير متوقعه عرفتها كم يوم وخسرتها واني مشبعانه من عدها،

وكبرت وصارت الحياة مزعجه بتفاصيلها، خطف، مخدرات ،عملية عسكرية غريبة، وشخص غامض ،وماضي اسود اله وإليه، مجنت اعرف نهايتي وياه قصة حب مليانه هموم وحزن عشناها من مشكله لمشكله أشهر قليله عدت سنوات المفروض تكون السنه الأولى هي اسعد سنه باي زواج لكن يكون العكس تماما من تكونين زوجة عسكري، هيبه وشموخ ورتبه، سمعه وفلوس مثل ميفكر البعض، لكن الواقع مختلف تماماً، كل الرغد اللي يتخيله الناس عن حياة اليشتغلون بالسلك ميجي ذره وحده من الخوف والقلق أللي تعيشه زوجته وعائلته والأهم امه، نكون على استعداد تام وي كل مره يطلع بيها عملية احتمال وارد جداً يرجع للبيت ملفوف بعلم، الموت محاوطه من كل الاتجاهات وين ميدير وجهه اكو أعداء خاصتا اذا كان عملهم سري او خطر وتعال جيب اللي يطمنك حتى لو بكلمه ويكلك لتقلق ماكو شي اذا حتى اتصال ميرد عليه، ومن تفقد شخص عليك فلوس الدنيا متعوضه، حبه، احترامه، اهتمامه،

ليالينا وايامنا اللي قضيناها سوا، ضحكتنا وشقانا وهمومنا اللي شاركناها، والأمان اللي احس بيه من يكون موجود، شكله، هيبته، طوله، عيونه، كل شي بيه، هذا كله يصير مجرد ذكرى مراح اعيشها مره ثانيه ولا الزمن يرجعه شكد مندبت، خليت أيدي على بطني ونزلت دموعي معقوله رب العرش فرحني بيك يخسرني هَيْصَم؟ يعني اني مكتوبلي ما اعيش سعادتين مع بعض؟ ثواني صارت دقايق و الدقايق ساعات وماكو اي خبر عنه اخير شي عرفنا هو موجود أبيت بيه لغم واكيد المعلومه مينطيها غير لائِث،

دعاء ويدين رفعت لرب السماء

عسى الغائب يجمعنا به لقاء

على أرض ورزق من واسع العطاء

قلب اخفق بالدعاء

وعين تذرف دموع بكماء

غير ناطقه وصماء

وحروف أبت الخروج من أفواه خرساء

قلوب محرقه والقدر يريد القضاء

فهل سيعود غائبي؟

ام حٌكم الأمر لرب العظماء؟

الخاطره بقلمي ( زهراء احمد )

لائِث: هَيْصَم لتدخل البيت يمكن فخ ويصير شي موزين محاسبين حسابه.

هَيْصَم: مراح اضيع هيج فرصه يمكن بعد هذا اليوم مراح أكدر القي عليه القبض تعبت كل هاي السنوات على شنو اذا مجازفت؟

لائِث: على الاقل انتظر الفريق اللي يفحص المكان ويتأكد من سلامته، المنطقة مهجورة والبيوت معدومه، من منو اطلب المساعدة اذا صار بيك شي، هَيْصَم عندك زوجه وام وخواتك كلهم بركبتك اذا متت منو الهننن؟

هَيْصَم: مراح يصير شي غير اللي كاتبه رب العالمين، لتخاف راح ادخل ولتخلي احد يجي ويايه.

لائِث: رجلي على رجلك للموت والله مستحيل تفوت وحدك لهيج مكان خطر.

هَيْصَم: لتصير مثل الأطفال هاي مو اول مره ادخل بيها مكان خطر خلصنا حياتنا واحنه بين الموت شنو بيك اليوم؟!

لائِث: كلبي يلعب وانت تعرف عدل احساسي ميخيبني هَيْصَم بداعة خوتنا لتسوي شي عندك عائلة بركبتك لتضيعها علمود الاستعجال.

هَيْصَم: مراح اخليه يضيع ليش متفهم؟

لائِث: واني اللي معتمد عليك تالي متفكر بعقل!!

بشرفك وين اكو واحد يسكن اطراف بغداد بمكان خالي من الناس والله لان مجرم؟

انت تعرف المجرم بالعراق مقدس، بيته وسيارته افخم شي واصلا عنده حمايه، ليش تريد تخاطر وانت تعرف انو هاي مصيدة حتى يوكعوك؟

هَيْصَم: واني هيج أريد.

لائِث: شلون يعني؟!

هَيْصَم: مو كل شي قابل للشرح اكو اشياء لازم نعيشها لائِث.

لائِث: حيرتني تره شنو الموضوع فهمني حتى اعرف اتصرف.

هَيْصَم: ميحتاج اصبر شويه وانت تعرف شنو راح يصير.

: بقينا واكفين شويه وصل فريق المسح علمود الألغام دخلوا للبيت وتأكدنا صدك اكو لغم، الخطه جانت يدخل الهَيْصَم للبيت بحجه انو بيه الأسود اول ميدخل يدوس على اللغم وينفجر بيه وبهاي الحاله نخسر ضابط كفوء بسبب الأعمال الإرهابية اللي دمرت البلد وحطمت أمنه،

نظرلي وابتسم وابتسمت على ابتسامته.

هَيْصَم: لّهيم والأسود اغبى أشخاص تعرفت عليهم بكل حياتي.

لائِث: وهسه شنو تسوي؟

هَيْصَم: لّهيم الغبي انطاني معلومات عن المكان اللي راح يسلم بيه الأسود بضاعته ومفكر اني واحد حمار ومراح اتأكد من صحه كلامه جان عندي علم مسبق انو البيت بيه لغم وممكن ينفجر باي لحظه المعلومات اللي وصلتني دقيقه لكن لازم نسير وي التيار حتى يصدكون مدا ذكاء غبائهم وبهاي الحاله اني المنتصر الوحيد، اتصل بالوالدة انطيها علم اني داخل البيت وممكن ينفجر بيه باي لحظه خلي تدعيلي.

لائِث: انت على يوم تجلطها بسبب سوالفك.

هَيْصَم: موبايلك مراقب لازم نخليهم يصدكون اني داخل البيت وخطتهم ناجحة والا كل شغلنا ومخططنا كل هاي السنين بححح، لتخبلني اتصل وخلي نروح للمكان اللي راح يجتمع بيه الأسود وجماعته علمود البضاعة خلي نكتشف هاي المره على شنو مخططين غير تجارة الأعضاء وبيع المخدرات.

لائِث: راح اموت من وراك على يوم صدكني.

هَيْصَم: اذا بقيت عايش لذلك اليوم وقتها موت بسببي.

: اتصلت بيها اسمع صوتها شلون يرجف واغم نفسي لان اسمع كلامه هسه اذا صارت بيها جلطه وماتت بسببي شنو اكول، صعدنا بالسياره والفريق بقوا يفككون بالغم، انطلقنا للبيت الأساسي اللي راح يصير بالاجتماع صاير بمنطقه شعبية وبيوت فقيره وصلنه للمكان المطلوب توقفنا.

هَيْصَم: انزل.

لائِث: ليش؟!

هَيْصَم: شايف الرجال اللي لابس قميص كريمي وبنطلون اسود؟

لائِث: تريد تخطبه؟

هَيْصَم: عجبني والله شنو رأيك ازوجه ريهاف امبين كلش راقي باختيار الملابس.

لائِث: هَيْصَم هي وقت ضحك بشرفك!!

هَيْصَم: شكو بيها بس انت تحشش يعني؟!

لائِث: شنو المطلوب من عندي كول.

هَيْصَم: وليش تحجي بهاي الطريقه؟!

لائِث: لان خايف عليك وانت محاسب احساب للي تسويه هسه.

هَيْصَم: من كل عقلك؟!

لائِث: اي لان ما اشوف ولا واحد من العناصر مطلعني بس اني وياك.

هَيْصَم: لأنك كل جنودي اني بيك استقوي اعرف انت تعادل المركز بأكمله.

لائِث: ممتفقين هيج خجلتني دادا.

هَيْصَم: مشكلتك تصدك بسرعة.

لائِث: اشرح وضحلي خطتك خليني افهم عزيزي.

هَيْصَم: اكو عناصر من ضمن الاجتماع راح يكونون حاضرين بالاضافه عاين للمكان زين كلهم جماعتنا هاي السيارات اللي واكفه والناس اللي تمشي بهدوء وذلك الرجال اللي كاعد على الدجه مال الباب اللي مخلي جكاره بحلكه تعرفه منو؟

لائِث: شكله مألوف بس لحظه، ملعون هذا ضَرْضَم.

هَيْصَم: فريقي اكيد يكون موجود ويايه بهيج مهمه لازم كلكم تترقون على هذا العمل والتفاني لخدمة البلد.

لائِث: ولشوكت راح نبقى منتظرين؟

هَيْصَم: حتى يخلص الاجتماع يتم تسجيلهم صوت وصورة حتى نكدر نلقي عليهم القبض بالجرم المشهود وتتحقق العدالة.

لائِث: وهذا اجتماعهم شوكت يخلص؟

هَيْصَم: ليش شنو عندك؟

لائِث: متحمس نلقي القبض عليهم وداعتك.

هَيْصَم: سنين مرت واني انتظر هذا اليوم متعرف شنو احساسي.

لائِث: راح نغلق أبواب الماضي من صدك ونكدر نكمل حياتنا بدون هم.

هَيْصَم: راح أكدر اقرأ الفاتحه على قبورهم واني ماخذ الثأر، هذا انتصاري الوحيد.

لائِث: اني وياك عشنا هوايه تفاصيل صغيرة، معاناتنا وألمنا تشاركنا كل شي من الطفوله الشكر لله خلانا ناخذ الانتقام على كل جرح تسببوا بيه النا.

هَيْصَم: الحمد الله جان والدي رجال أدمي دمه اكيد ميروح هدر هو اكثر شخص تعذب بالخطف وسرقة الاعضاء خاصتا هو رجال جبير الله يرحمهم، خلينا نغلق الماضي ونبقى على تواصل وياهم حتى نعرف شوكت يخلص الاجتماع ونعتقلهم.

: بقينا منتظرين ساعتين من التعب نعست ونمت بدون ما احس.

هَيْصَم: لائِث، لائِث، لك لائِثثثث.

لائِث: وسممم شبيك؟

: جحظ عيونه من شفته هيج ضحكت بصوت عالي من انام انسى نفسي بدون ما احس.

هَيْصَم: الاحترام يفيض من عندك.

لائِث: نايم لذلك لتحجي تعرف أخلاقي شلون تصير اذا غفيت.

هَيْصَم: عاملها بهذا الأسلوب وشوف إذا ما طيحت حظك.

لائِث: شبيك شنو مسوي؟!

هَيْصَم: هي مو مثلي متعودة عليك لازم تخلي منبه يم راسك قبل نص ساعه من تريد تكعد حتى من تجي تكعدك متكلها وسم لان اصير اني السم اللي يطيح حظك، خواتي معودهن على الدلال اذا انت مو كدها لتتورط.

لائِث: اعودها على الدلال وداعتك انت بس كلي ليش كعدتني حلمت حلم يخبل وحرمتني اشوف النهاية.

هَيْصَم: بالليل نام ويكمل الحلم.

ضَرْضَم: سيدي خلص الاجتماع انداهم المكان؟

هَيْصَم: داهم بعد خمس دقايق.

ضَرْضَم: أمرك سيدي.

لائِث: ليش؟

هَيْصَم: بعدهم ممكملين كل شي خلي ينتهي الحديث من تجي اشاره من عدهم انباشر بالعملية.

لائِث: تعبت شوكت تخلص وارجع للبيت انام.

هَيْصَم: خلصت مبقى شي هاي النهاية الهم.

لائِث: والبداية النا.

: صارت المداهمه وتم إلقاء القبض على كل الموجودين خمس أشخاص من ضمنهم الأسود ضحكنا بانتصار ورحنه للمركز علمود التحقيق.

هَيْصَم: حي الله الأسود.

الاسود: واخيرا التقيت بيك وجه لوجه، اشبع من عندي شوف لان بعد فتره قليله راح اطلع من السجن وتقدم اعتذار خاص اليه لان اعتقلتني.

هَيْصَم: صاير هوايه تحلم احلام يقظه هذا الشي مضر بالصحة إذا متعرف.

الاسود: اني وانت نعرف شكد تتمنى موتي لهذا السبب لتحاول تضحك عليه بهاي الأمور.

هَيْصَم: اعترف على جرائمك افضل، اهنا ممكن يخففون العقوبة.

الاسود: جرائمي تاخذني إعدام وين التخفيف اللي تقصده؟!

هَيْصَم: ممكن تعيش يوم زياده الله أعلم.

الاسود: ما أريد اعيش ولايوم داخل السجن لذلك مراح احجي اي شي.

هَيْصَم: ليش قتلت والدي؟

الاسود: والدك مو اني اللي قتلته.

هَيْصَم: لتحاول تستخدم حيلك وياي احنه نعرف انت السبب بقتله وسرقة اعضاءة ليش تكذب؟

الاسود: اني صادق وياك صحيح اني اللي دزيت ناس تخطفه بس مو اني اللي قتلته مجان اليه علاقه بالموضوع.

هَيْصَم: جنت جندي خائن وهربت لغير بلد لو النظام السابق موجود جان نعدمت بأكثر طريقه بشعه وعلى رغم والدي تجمعك بيه علاقه زماله قويه الا انك خنت بيه وخطفته بس حتى اترك القضيه برأيك انت تستحق المسامحة؟

الاسود: كلامك صح عندي علاقه صداقه مو زماله وي ابوك المرحوم ولهذا السبب اني مقتلته كل اللي صار بذلك الوقت جنت بدايه عملي وي المجرمين وتجارة المخدرات عرفت من عدهم معلومات يردون يضغطون عليك حتى تتنازل عن القضيه لان عندك ادله حقيقية توديهم وره الشمس وجانت الورقه الرابحه بأيدهم هي والدك اني مكدرت اتحمل صديقي يصير بيه شي لهذا السبب بالتحديد اني خطفته حتى ابعده عنهم وماعرف شلون عرفوا بمكانه بعدين وخطفوه من عندي وقتلوا واخذوا أعضاءه مجان اللي علاقه بلي صار.

هَيْصَم: ومنو الشخص اللي سوا هيج؟

وشنو الدليل اللي عندك يثبت صحة كلامك.

الاسود: كلامي هو دليل.

هَيْصَم: ههههههههههههه.

الاسود: ليش تضحك محجيت نكته اني.

هَيْصَم: من الغباء تفكر الناس أغبياء مثلك، شوف وافتهم كل الادله اللي تثبت ادانتك وبالجرم المشهود موجودة عندي واللي انطاني اياهم ابن اختك لّهيم اللي فكرت تكدر تستغله وتخليه لصالحك وضحكت عليه بكم كلمه حتى يتعاون وياك ويصير يتبعك بدون تفكير اعترف على كل شي لان غدرت بيه وانطيتنا معلومات على خطته وشلون يخطف زوجتي ويستغل خطوبه لائِث من اختي، مجرم وكع مجرم هيج هي الدنيا اصدقاء السوء يجيبون نهايتك لامحاله.

الاسود: حتى لو عندك كل الادله متكدر تسجني يمك فتره طويله راح اطلع براءة وغصب عنك وراح تشوف.

هَيْصَم: ارتكبت جريمة قتل بحق والدي وزوجتي وابني، حرمتني من عدهم وراح احرمك من عائلتك، الموت هو الانتقام العادل لأرواح كل الناس اللي قتلتها ولهذا السبب أريدك إعدام.

الاسود: غلطان اذا فكرت اهنا تنتهي القصه بأنتصار الهَيْصَم وخسارة الاسود لان متعرف منو الأشخاص الأكبر المتعاونين وياي وبكل جرائمي السويتها واذا ينعدم الاسود فاكو ميت واحد غيره ياخذون بثاري من عندك، هاي مو النهاية سيادة النقيب هَيْصَم.

هَيْصَم: النهايه لانتقامي وإغلاق ملفك وسعي وراك كل هاي السنين كعدك ربي على كرسي التحقيق وباجر راح توكف بالمحكمة وانت متهم واللي بعدها يلف الحبل على ركبتك وناخذ الثأر لكل الأرواح الماتت بسببك، لكل امرأة ترملت وطفل تيتم حتى ينتشر السم الأبيض بالعراق ويقضي على شبابنا وابناءنا، كم شخص خسر مستقبله وعقله وحياته بسببكم وحتى تاخذون فلوس، وكم ام نزلت دمعتها ومكدرت تنام علمود ابنها؟

تبيعون عليهم المخدرات واللي ماعنده فلوس تاخذون اعضاءة كسداد دين وتبيعون أعضاء مريضه على ناس فقراء بمبالغ ضخمه، بسببكم ادمر البلد واحنه موجودين حتى ندمركم ان طال الزمان وان قصر العداله لازم تاخذ مجراها واذا تكول لا شوف الطغاة شكد عاشوا وستعمروا بالدنيا وشلون جانت نهايتهم وبيا طريقة ماتوا، طريق الظلم وان طال لابد تجي نهايته وهاي هي نهايتكم.

الاسود: كلامك مؤثر بس الأشخاص اللي مثلي ميتأثرون بيه، الاجرام مشى بدمنا لدرجة الدين هو مجرد غطاء حتى انمارس أعمالنا الغير قانونية وخليني ازيدك من الشعر بيت لّهيم واني مجرد أشخاص عملاء لأعلى من عدنا والا برأيك ثنين بس يكدرون يخططون وحدهم؟

هَيْصَم: واحد وره واحد الكل راح يسلم للعداله قضيتك فقط اللي راح تنغلق اما قضيتهم راح تنفتح وبعملية عسكريه ثانيه راح اكون اني المنتصر اكيد بيها مثل متعرف الهَيْصَم ميتقبل الهزيمه.

الاسود: حتى لو نتصرت اهلك مراح يرجعون للحياة للأسف لو تعرف والدك شلون جان يترجاني حتى ما اعذبه بس اني جنت استمتع بتعذيبه الى اكبر درجه.

هَيْصَم: هههههههههههههه، ضحكتني هوايه اليوم،  خليها ابالك اللي يربي أسد ميذل نفسه حتى يشم الهوه، علمني على عزة النفس مستحيل يطخ راس لواحد مثلك، الهيبه والوقار مبين بوجهه حتى وهو مستشهد لذلك متكدر تحجي شي يعكس حقيقته وشلون جان عايش، طول عمره راسه مرفوع مراح ينزله على آخر لحظة، اللي خلص عمره يطلب رضا الله ومغفرته مراح يطلب رضاك.

اهنا ينتهي الحديث راح يجي لائِث ياخذ أقوالك وتنحال محكمة لان كل الادله ضدك محاكمتك مراح أطول هوايه وحتى لو يجي محامي ميكدر يطلعك من عدها هاي المره حظر نفسك، الموت هو نهاية طريقك الحتمي.

الاسود: كلنا نموت وين المشكله؟!

هَيْصَم: اكو فرق بين الموت بشرف والموت بالذله وانت راح تموت ذليل.

الاسود: للأسف مراح اشوف نهايتك.

هَيْصَم: من نلتقي اهناك راح اكلك باي طريقه صارت نهايتي وعلى حد علمي مراح نلتقي لان انت حتكون بجهنم.

: واحد واحد راح يتم اعتقالهم وتسليمهم للعداله أخذنا أقوال الاسود وعرفنا شلون جان يخطط هو ولّهيم وكم عمليه قاموا بيها سوا تم تحديد موعد المحكمه بعد سبوعين وقضيتهم شبه نغلقت من جهة المركز وصار وقت نتنفس الصعداء ونحتفل بهذا الانتصار العظيم.

فيروز: خلص اليوم وماكو اي خبر بقيت اني وخالتي وحده تواسي بالثانيه هي خايفة واني مو اقل من عدها، الساعة عشرة بالليل نفتح الباب ودخل وهو مبتسم كامت خالتي بسرعة حضنته واني نزلت دموعي لان هاي المره من صدك حسيت مراح يرجع.

هَيْصَم: باركيلي اللي دمر حياتنا القينا عليه القبض ونحال محكمة وراح يتم تنفيذ الحكم بيه ان شاء الله.

كلاثم: جنت اعرف دم ابوك مراح يروح هدر والحمدلله مخاب ظني برب العالمين حاشه اله يترك عبده.

هَيْصَم: سامحيني لان اللي صار اليوم جان مخطط حتى أتم العملية بنجاح ونكدر نلقي عليهم القبض.

كلاثم: شلون يعني مجنت أبيت بيه لغم؟

هَيْصَم: لا.

ابتعدت عنه وحجت بعصبيه.

كلاثم: وسفه عليك هيج تسوي بينا تعرف انو اجيت انجلط واني اتخيل باي لحظه يتصلون بيه ويكولون البقاء بحياتج ابنج استشهد؟

نستاهل من عندك كل هذااا جاوبني؟!

هَيْصَم: يوم اهدي شوي، راح يرتفع ضغطج لتسوين بنفسج هيج ياعيني.

كلاثم: يضربني ألم على اساس انت كلش مهتم، لو ذرة اهتمام عندك مسويت هيج ويانه هاي مرتك اجت تموت من الخوف ولحد الان ماكلت شي وكلما حاجيتها كالت راح يموت مثلهم ويعيفني هسه اني متعودة عليك بس هي شنو ذنبها تسوي وياها هيج؟

هَيْصَم: لو مسويت هيج مكدرت القي عليه القبض ليش متفهمين اهميه الموضوع بالنسبه إليه مجنتي تردين نلزمه؟!

مو يوميه تبجين للصبح ونفس الدعاء على السانج يارب تاخذ حقي من كل شخص دمر بيتي وعائلتي وحرمني من ضحكتنا وفرحتنا هسه من ألقيت عليه القبض صرت مو أدمي واني الغلطان؟!

كلاثم: لا عاشت ايدك حبيبي عاشت ايدك.

: تركته ودخلت للغرفه كعد على القنفه وخله راسه بين أديه من شفته هيج عز عليه اعيفه وحده صحيح اللي سوا غلط بس المهم رجع سالم وهذا هو المطلوب، وصلت وياه لدرجه من الحب أخطائه مو مهمه بنظري المهم هو عايش وبخير اذا اني صرت ضده مثل ميسوي الكل منو اللي يطبطب على كتفه ويكله اني وياك؟

تقربت من عنده وخليت أيدي على كتفه رفع راسه وباوعلي بعيون حمر ابتسمت بوجهه وحجيت.

فيروز: من خوفها عليك حجت هيج بس انت تعرف شكد هي تحبك اكيد مراح تبقى زعلانة.

هَيْصَم: وانتِ؟

فيروز: شنو بيه اني؟

هَيْصَم: مضجتي هم لأن هيج سويت؟

فيروز: متفهمه اللي تمر بيه واعرف شكد تعذبت حتى توصل للي تريده مستحيل ازعل من عندك لان رجعتلي عايش ومبيك شي، المهم كدرت تلقي عليه القبض وخلصنه من واحد مجرم.

هَيْصَم: انتِ انتصاري بعد كل الهزائم اللي عشتها محظوظ بيج لَّباءَة الهَيْصَم.

فيروز: لتسويها مرة ثانية مراح اتحمل خبر خسارتك هَيْصَم.

هَيْصَم: ان شاءالله ميصير شي لتخافين، متعشيه؟

فيروز: لا.

هَيْصَم: تعالي نعيد أمجاد الماضي ونسوي عشا مع بعض روحي حضري اللي راح نسويه واني راح احجي وي الوالده لازم نراضيها.

فيروز: تمام.

كام من مكانه قبلني بجبيني وراح للباب طرقها ودخل واني دخلت للمطبخ اجهز عشا.

هَيْصَم: ميهون عليه تبقين زعلانه كولي شنو اسوي وتسامحيني اني مستعد اسويه.

كلاثم: مرايده شي من عندك خليني انام تعبانه.

هَيْصَم: متنامين وانتِ زعلانه عليه ما أقبل، انتِ اكثر وحده تعرف شنو عشنا وشلون تبهذلنه بعد وفاة والدي تقبلين اسمح يصير شي غلط يدمر خطط سنين من حياتي؟

كلاثم: بس مو بهاي الطريقه اجينه نموت بسببك تدري لو لا؟

اشكر ربك الله انطاك فيروز وحده غيرها متبقى وياك لحظه شوف شنو مسوي بحياتك من عمل زين والله عوضه ألك عن طريق فيروز.

هَيْصَم: شنو دخل فيروز بالنص؟

كلاثم: برأيك وين اكو وحده تعرف زوجها متزوج عليها وعنده طفل وثنينهم ميتين وهو محاجي اي شي عنهم وتبقى ساكته ومتزعل وتتحمل كل شي يسويه وياها؟

هَيْصَم: ليش ام الهَيْصَم الله يرضى عليج شنو مسوي اني؟!

كلاثم: يوميه جالط البنيه بسوالفك شنو تريد تسوي اكثر من هيج؟!

هَيْصَم: بدون قصد والله، العمل هيج يطلب شنو بأيدي اسوي يعني؟

كلاثم: بدون قصد هاي الكلمه ادمر هوايه علاقات، الحب افعال هَيْصَم مو بس سوالف احبج واموت عليج وما اعيفج وانت يوميه جالطها للبنيه، الكلب يتحمل يتحمل بعدين ينفجر يجي يوم وتلكيها مو يمك انسى الماضي وطلعه من عقلك اللي مات خلص مات وانتهى لتعيش وي نجاة وعندك فيروز انسى ابني وحرك الماضي ولي بيه كمل حياتك فيروز تستاهل تره.

هَيْصَم: ومنو كال اني عايش بالماضي؟!

من اول يوم شفت بيه عيونها نسيت كل شي صار بحياتي السابقه ولهذا السبب بالتحديد تزوجتها لان هي مو بس حبيبتي هي سيطرت على كل نبضه بكلب الهَيْصَم مع هذا مكدرت انسى انتقامي والثار سنين طويله واني انتظر هاي اللحظة، حبي اللَّباءَة ميعني ابد انسى انو اني جنت متزوج قبل وعندي طفل وثنينهم ماتوا بجريمة قتل بشعه هذا الشي ميحتاج تزعل عليه لَّباءَة، الوفاء من شيم الرجال واني بقيت وفي بوعدي الها لو نسيتها اطلع مو رجال.

كلاثم: لتذكر سريتهم يمها وأجبك هذا تره.

هَيْصَم: مذكرت اي شي عنهم وجنت مقرر ما افتح ملفات الماضي حتى ما اخليها تعيش هيج وضع بس صار اللي صار اني حتى اسمها مذكرته لو مو هي طلبت، اعرف مو هين هيج ماضي احد يتحمله لهذا السبب سكتت وقررت ما احجي وتفاجأت انو سمعتني وملامتني ابد على رغم اعرف انو غلطان وجان لازم احجيلها من البداية.

كلاثم: اصيله على أهلها الله يرحمهم.

هَيْصَم: بهاي صدقتي على رغم صلابتها تبقى لطيفة من الداخل عرف عمي يربيها بطريقه مبهره صعب تلكين بنيه مثلها بهذا الوقت.

كلاثم: تستاهل تفتح وياها صفحة جديدة هَيْصَم ازعل من عندك اذا زعلتها يوم.

هَيْصَم: مستحيل اسوي شي يزعلها أبد، كومي ويايه حتى نتعشا سوا.

كلاثم: روح يم مرتك سووا عشا ومن تكملون صيحني.

هَيْصَم: ادور فرص ام الهَيْصَم حتى اختلي وي لَّباءَة ماعرفتج!!

كلاثم: ملعون قبل جنت بس خاطبها بس هسه زوجتك كوم شوفها يجوز عدها شي تكوله خلصني يلاا.

هَيْصَم: اكو شي؟

كلاثم: اسألها اذا اكو شي شلون اعرف اني اكو شي لو لاا؟!

هَيْصَم: تمام صدكت.

: واكفه اسوي زلاطة وحسيت على أدين حضنتني من خصري قرب راسه من اذني وهمس باغنيه.

هَيْصَم:

يام العيون السود ماجوزن انا

خدك الكيمر انا اتريك منه

لابسه الفستان وقالت لي انا

حلوه مشيتها دتمشي برهدنه

لو تحب خادم خادمها انا

ولعوف الدوله واعوف السلطنه

ابتسمت والتفتت اله.

فيروز: صاير تحفظ اغاني سيد افندي؟!

هَيْصَم: كسرتي قواعد الهَيْصَم كلها بقت على هاي!!

فيروز: اكو شي بعيونك اسمعك هَيْصَم.

هَيْصَم: فديت اللي تقرأ عيوني والله.

فيروز: جديات والله شنو صاير؟

هَيْصَم: اسف واحبج.

فيروز: احبج اعرفها بس اسف ليش؟!

هَيْصَم: اني انسان محظوظ بيج لَّباءَة إلى درجه متتخيليها احبج من صدك ونسيت وياج كل همي وحزني يمكن كلامج صح واني غلطان لان محجيت ماضيي الج بس وداعة عيونج السود مقصدت ابداً وإنما مردت ازعجج لا أكثر، اني وياج فعلياً نسيت كل شي صار بحياتي قبل، وقررت افتح صفحة جديدة من اول مره اشوف بيها عيونج الحلوه اللي اخذت نبضاتي من اول لحظة، صرت وياج اؤمن بالحب من النظرة الأولى لدرجة اليوم اللي يمر بدون ما اشوفج ما احسبه من العمر، غيرتيني هوايه وبدون متسوين شي وجودج بكلبي كفيل يخليني اكسر قواعدي اللي بنيتها من زمان، مردت شي غير تبادليني الحب ونصير واحد ومن الحظ ربي حققلي هذا الحلم، انتِ انتصاري الوحيد بعد هزائم لسنين طويلة، الربح والمكسب اللي ابقى طول عمري اشكر ربي عليه، أنثى الأسد ولَّباءَة الهَيْصَم ومالكة كلبه لآخر يوم بعمري راح تبقين هذا مكانج وماكو واحد يكدر يزحزحج من عنده.

: خله أيدي على صدره ويحجي ويايه نزلت دموعي وحضنته بسرعة.

فيروز: مستحيل اتركك بسبب ماضيك واني اعرف كمية الألم اللي عشته بوقتها شلون تريد من عندي اتخلى عنك بوقت اللي لازم ما اترك بيه ايدك ابد؟!

علاقتنا ممبنيه على مصلحة معينه لو هدف، قسمنه وانطينه وعد منترك بعض بالسراء والضراء شلون تتوقع اعيفك وسط حزنك وأبتعد؟!

صحيح ردت اعرف لكن ابد مجان عندي خيار تركك وحيد، احاله اسوي هذا الشي يوماً ما حتى نفسي الاخير مراح ابتعد عن حضنك اللي اعتبره ملجأي وآماني من مصايب الدنيا، احنه عوض البعض ويكفي سعادتي وراحتي من اشوفك قريب من عندي وبخير ما أريد شي أكثر من هذا وعيونك حبيبي.

هَيْصَم: احبج ولج فيروزة.

فيروز: احب لَّباءَة أكثر لان يمثل اعتراف مميز اليه من تصيحني بيه.

هَيْصَم: خاص بس الج لَّباءَة الهَيْصَم.

فيروز: خليني اكمل العشا راح يصير نص الليل واحنه بس نسولف.

هَيْصَم: تعالي اعلمج شلون يقطعون طبخج كله غلط.

فيروز: لتعيب على طبخي سيد افندي.

هَيْصَم: هو وين اكو وحده مثلج مثل ميكولون الهنود القدير خلقكي وكسر القالب.

فيروز: دتكفر تدري؟

هَيْصَم: كلت الهنود وناقل الكفر ليس بكافر.

: ابتسمت وبديت اقطع هو لازم أيدي ويقطع ويايه على اساس يعلمني شلون اطبخ راسه يم ركبتي وكل دقيقه مقبلني مسويت شي وخليته على راحته الأوقات اللي يكون موجود بيها يمي اعتبرها نعمه اللهيه لذلك ما اعارض حركاته ولا امنعه من اي شي اصلاً سوالفه اني استمتع بيها، رجع يغني نفس الأغنيه بقيت ادندن وياه حتى كملنه العشا سوا خلصنه وغسلت المواعين وخلصت روتين قبل النوم المعتاد من عنايه وغيرها، طلعت من الحمام لكيته نايم تذكرت اني حامل ولازم اكله تقربت من عنده وخليت راسي على صدره حس عليه وخله ايده على راسي يمسح على شعري حجيت بهدوء وياه.

فيروز: هَيْصَم عندي سؤال.

هَيْصَم: جواب حبيبي.

فيروز: اذا صار عدنه طفل شنو تحب نسميه؟

هَيْصَم: خلي يصير بالأول والله كريم لتستعجلين بهيج موضوع.

فيروز: فرضا يعني هو مجرد سؤال.

هَيْصَم: ماعرف مفكرت بهذا الشي من قبل.

فيروز: طيب شنو تريد بنيه لو ولد؟

هَيْصَم: شنو يجي من رب العرش حلو المهم سلامتج وسلامته.

: رفعت راسي ورفعت نفسي قريب رأسه خليت عيني بعينه وأخذت ايده بداخل أيدي وخليتها على بطني ابتسمت بوجهه وهمست بفرحه جبيره واني احس بأبنه بداخلي.

فيروز: اني حامل.

هَيْصَم: اي وليش تهمسين هيج كل وحدة متزوجة تصير حامل شنو الغريب؟!

فيروز: هَيْصَم راح نصير ام وأب، حامل اني ركز ويايه راح نصير اهل ونكون عائلتنه الصغيرة، ماما وبابا مستوعب؟

: صفن بوجهي شويه يحاول يستوعب واني كل ثانية رجعت عدت نفس الجمله حتى ترك أيدي وكام من مكانه تصرفاته مو طبيعيه خفت ميكون فرحان مثلي عبست وجهي واني اشوفه ياخذ الغرفه طول بعرض حتى صحت بيه بصوت عالي.

فيروز: شنو فلمك هَيْصَم ليش هيج ردت فعلك غريبة؟!

رجع يمي ولزم أديه وكال بتساؤل.

هَيْصَم: كولي والله حامل؟

فيروز: والله حامل.

هَيْصَم: حللتي؟

فيروز: بالبيت.

هَيْصَم: ليش مرحتي للمستشفى؟

فيروز: نشغلنا بلي صار اليوم هسه يلا تذكرت وكتلك.

هَيْصَم: باجر نروح من الصبح تمام.

فيروز: تمام ان شاء الله.

: حضني لصدره ويحجي بلهفه اول مره اشوفه بهاي الحاله.

هَيْصَم: اشكر ربي على السعادة اللي عشتها اليوم عوضين على كلبي هوايه حيل الله يحميلي إياكم من كل شر ويكحل عيني بسلامتكم ثنينكم يا احلى شي صار بحياتي، عوضي وحبي لَّباءَة.

فيروز: الله لايحرمنا من عندك حبيبي ويحفظك النا ان شاء الله.

هَيْصَم: ويحفظكم اليه يرحمة ربي وعطائة.

: بتعد عني وراح صلى ركعتين شكر رجعت راسي على الجربايه واني اشوفه شلون يدعي بهمس ويشكر رب العالمين ودموعه تنزل نزلت دموعي وياه صدك عوض رب العرش ماكو افضل من عنده جان علاج لجروحنا ثنينه ومرهم ينسينا الألم والهموم اللي عشناها، السعادة الحقيقية والحب والأمان كلهن عشتهن وياه، سندي، مسندي، واتكائي ،وحبي الأول والأخير ،وصلت وياه إلى مرحله حب مجنون وبنظري يستاهل كل شي أقدمه اله يكفي انو كان سندي بوقت مجان عندي احد حماني واعتنا بيه وحافظ عليه حتى من نفسه لذلك يستحق كل شي أقدمه اله واصلاً لو شنو مقدمت اعتبره قليل مقارنه بشعوري ناحيته،  خلص صلاه واجه يمي نام وخلاني على صدره قيدني بحضنه وخلص هذا اليوم بسعادة مفرطه على رغم بدايته جانت حزينه صدق الإمام علي عليه السلام من كال،

دع الامور تجري في اعنتها

ونم نوما قريرا هانئ البال

فما بين غفلة عين وانتباهتها

يغير الله من حال الى حال

: كعدت الصبح على لمساته فتحت عيوني قابلني بابتسامة ريحت كلبي وخلتني سعيدة حيل.

هَيْصَم: صباح الخير ياخير ايامي وجماليتها.

فيروز: صباح النور يانور حياتي انت.

هَيْصَم: راح ادخل للحمام حضري نفسج بعد الريوك نروح للدكتوره سوا.

فيروز: تمام.

: جهزت الريوك وكعدت خالتي اللي اعتبرتها بمقام امي الثانيه ويمكن لو امي عايشه متعاملني بنفس الطريقه تخاف عليه أكثر متخاف على بناتها وتحبني هم ،صرت احبها بشكل مو طبيعي واشتاقلها لو راحت شويه يم البنات على رغم هي تتركهن يم خالتهن وتبقى يمي لان هَيْصَم ميقبل اعيش هناك وهي متقبل تخليني وحدي هوايه تعاركت وياه وطلبت من عنده نعيش بيت واحد بس هو ميقبل يكلها اذا تردن تعالن اهنا نعيش سوا لان هذا البيت قريب من شغله بنفس الوقت ميريدني اروح هناك وهن ميقبلن يعيشن اهنا وماعرف ليش ثنينهم معندين.

خلصنه ريوك وجهزت نفسي حتى اروح للدكتورة وخالتي ويايه اكيد صعدنا بالسياره وعينه عليه، كل الطريق مشغل قرآن حتى وصلنه نزلنا وهو التوتر واضح بعيونه ابتسمت وطمنته حسيته خايف ليكون التحليل بيه مشكله واطلع مو حامل والصراحة اني همات نفس الشعور، دخلت وسويت تحليل دم بقينا منتظرين نص ساعة وهو طلع يتصل بماعرف منو صاحوا اسمي اجت تروح خالتي شفته اقترب هو من الممرض اخذ التحليل وماعرف شنو حجه وياه التفتلي وعيونه حمر خفت ليكون سلبي ومو حامل عيوني تغرغرت بالدموع اتقرب من عندي وهمس.

هَيْصَم: مبروك لَّباءَة الهَيْصَم شبل الأسد راح ينور بعد تسع أشهر.

فيروز: ضحكت بنفس الوقت نزلت دموعي، كامت خالتي وحضنتني وتحجي بحنيه.

كلاثم: الف مبروك حبيبتي يارب تنسعدون واشوفكم افضل واجمل عائلة يارب.

فيروز: آمين وبوجودج اكيد ماما.

كلاثم: حبيبتي يمه فدوة للي تكول ماما عسى ربي يفرح كلبج ويسعدج ويوفقج ويكحل عيونج بضناج وميشوفج إيام سوده يارب.

فيروز: ربي ميحرمني من حنيتج وحبج حبيبتي.

هَيْصَم: شنو هاي لعد اني وين رحت؟!

كلاثم: الله يسعدك يا أمي ويفرح كلبك دائماً ويكحل عيونك بسلامتهم يارب.

هَيْصَم: وانتِ موجودة وتربيهم على ايدج ام الهَيْصَم.

كلاثم: آمين حبيبي.

هَيْصَم: خلونا نرجع للبيت عاجبني اضمها لكلبي ولازم نفسي كوه عيب من الناس.

: ابتسمت بخجل وضربته خالتي خفيف على صدره هذا اليوم ثاني يوم اشوف بيه هَيْصَم فرحان من كلبه بعد يوم زواجنا وسعادتي هي سعادته اكيد،  خلصت هاي الأيام على اجمل مايكون وصار يوم المحاكمه غير ملابسه وطلع يريد يشوف نهاية الأسود وعلى رغم كل الادله تثبت ادانته بس خايفين ليطلع شي بعدين يخرب كل هاي الفرحة..

يتبع..

البارت اكثر من 4500 كلمه.

ملاحظه صغيرونه شمعاتي هذا البارت هو الجزء الأول لنهاية قصة هَيْصَم وفيروز والبارتين الجايات حيكونن عن حوري ومحمد اما البارت الاخير راح نجمع بيه جميع أبطال قصتنا،

للي تسأل عن لائِث وريهاف ليش الكلام عنهم مختصر الجواب هو وباختصار هم مو من ضمن البطولة ممكن تنكتب قصتهم يوما ما ويمكن لا لحد الان ماعرف كل شي نتركه للقدر ورب العالمين شنو كاتب،

شغله ثانيه خفوا على فيروز بالتعليقات شمعاتي هي مغلطت من سامحته واصلا مجان داعي انو تزعل من عنده هَيْصَم انسان فقد زوجته وابنه بعد سنين حب وانتظار اكيد مراح يكدر ينسى بسهوله بعيد عن انو هو حبها تبقى ذكرى عايشه وماضي دام سنوات ولننسى شنو قدم وبأي طريقه عامل لَّباءَته من البدايه لحد الأن هذا كله جان دافع قوي حتى تصير وفيه وتبقى وياه وداوي جروحه، هذا الحب الحقيقي انك متترك اللي تحبه باصعب ظروفه هي مو مجرد كلمات تكتب برساله تندز بآخر الليل وإنما مواقف وأفعال قليله جداً نشوفها بهذا الوقت.

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

_______

محمد

نطقَ الحَنينُ وفاضت الأحداقُ

والروحُ فد عَبَثَتْ بها الأشواقُ

ماذا أقولُ و كلّ نبضٍ داخلي

يشكو وعقلي للجنونِ يساقُ

بالأمسِ ظللني الربيعُ بغصنهِ

واليوم لا غُصنٌ ولا أوراقُ

يا، تاركاً روحي برغمِ تعلّقي

رفقاً بها فالبعد ليس يطاقُ

: فتحت موبايلي ونزلت تطبيق "المجيب" ( تطبيق خاص بالمسائل الشرعية) جان عندي سؤال وحبيت استفسر عن طريقه صار بوجهي صدفه سؤال شرعي بعنوان، ( ماحكم زواج البنت الباكر بدون علم ولي أمرها؟) دفعني الفضول ادخل وأقرأ الحكم ضغطت عليه وقريت الجواب جان صادم اليه، ( العقد باطل)

ضربت على وجهي عزه بعيني يعني كل شي صار جان علاقه غير شرعية حتى ابني اللي حامل بيه طفل مو شرعي، سوده بوجهي شلون بيه وين اروح هسه وشنو اسوي؟ اذا عرف ابويه لو نسر يموتوني والله واخجل احجي شي لارفد، هسه ياخذ عليه نظره قذرة وبعد كل هذا اللي سويته يطلع عقدي باطل وبدون معنى وكل اللي صار بالحرام!!

بقيت افتر بالغرفه اخذتها طول بعرض لدرجة رجليه تعبت، كعدت على الجربايه وصرت اشهك بدموعي اني مو كد هيج اختبار ابد ولا أكدر اكمل وي كل هذا العذاب، خطرت على بالي فكره احجي وي أيفلين بس تراجعت بسرعه شنو تكدر تسوي هي وشلون تساعدني، ماكو غير حل اللي دخلني بهيج مصيبه لازم يطلعني من عدها، مشمئزءة لدرجه ما أريد اسمع صوته بس مجبورة اسوي هيج، اسوء شي بالحياة من يكون ماعندك خيار غير تطلب المساعدة من عدوك، طلعت رقمه وقبل ما اضغط اتصال صفنت اني شنو كاعده اسوي معقوله بعد كل اللي سويته حتى اخلص من عنده اجي اتصل بيه بسهوله واكله تعال تزوجني مره ثانية عقدنا باطل لان والدي مايعرف؟ فرضاً رفض ومقبل يعقد عليه شنو اسوي بهاي الحاله او وين انطي وجهي او ابني ابن حرام؟

الوضع اللي اني بيه ما اتمنا لعدوي، مع هذا ارجع اكول استاهل اني اللي دخلت نفسي بهيج مستنقع، عايشه وي أهلي معززة مكرمه التهي بدراستي وانظف البيت لو امي تصيح عليه شويه وترجع تسكت افضل ما احب واحد منحط ميستاهل اهتمامي وحرصي وتضحيتي اله،

بأمس اوقات الحاجه تركني وحدي وراح وعايرني بلي سواه هو ومع كل هذا لازم هسه اذل نفسي حتى اطلع من هيج وضع قذر دخلتله برجليه وقبلت بيه بدون تفكير، بعض الأخطاء خسارتها عمر بأكمله، والندم والاعتذار ميشفن جروح الكلب، الجرح يبقى عايش وي الانسان حتى وفاته والذكريات مستحيل يجي يوم وتنحذف من الدماغ، بس مجبورة أمد أيدي لقاتلي حتى يطلعني من هذا الظرف، بس هاي المره أيدي كرامتها عاليه اكثر من عندي مقبلت اضغط اتصال شمرت الموبايل وبجيت من كلبي ليش هيج سويتي بنفسج حوري هاي انتِ الوحيدة اللي اكلتيها وحدج ومنو اللي راح يوكف وياج ويطلعج من هيج مصيبه؟تذكرت رب العالمين وكلت ماكو غيره،

كمت بسرعة ورحت توضيت ورجعت لغرفتي قفلت الباب وفرشت السجادة فتحت المجر طلعت شمعه علكتها لام البنين يكولون تقضي الحاجات اذا علكت شمعه وصليت ركعتين هديتهن الها، سويت هيج ونزلت دموعي قسمت عليها بابنها ابا عبدالله الحسين عليه السلام ومصيبته يوم العاشر لان هي تحبه اكثر من أولادها تذكرت هم قمر بني هاشم ابا الفضل العباس عليه السلام طلبت انو تدعيلي عند الله لان منزلتها عنده عظيمه وهي وسيلتي لربي يخلصني من هاي المشكلة ويتوب عليه ويحلي اياها ماعندي احد غيرهم كلها تخلت عني ومبقى عندي غير الله،

بجيت وندبت وتوسلت بربي والائمة عليهم السلام مخليت احد كلها طلبت من عدها هم الوسيلة اليه واقرب اله من عندي ويحبهم اكيد مراح يرجعني بفضلهم ومكانتهم عنده، سجدت على التربه وبقيت أقره هذا الدعاء، ( يا كاشف الكرب عن وجه أخيك الحسين، اكشف كربي بحقّ أخيك الحسين) بقيت اكررها حتى تعبت واكو شعور راحه غريب حاوط كلبي مسحت دموعي ولميت السجادة وكأن شخص طمأني من الداخل بانو مشكلتي نحلت،

رجعت كل شي لمكانه ورجعت لجربايتي صارت صديقتي من اجيت لبيت اهلي لحد الآن، صار يومين واني هنا مو نفس الحب اللي جنت عايشه بيه حتى امي تغيرت عليه اشوفها تسولف وتضحك وي ريفان وايفلين واني متباوع بوجهي وارفد اغلب وقته بالمستشفى اما نسر ما التقي بيه ابداً، عائلتي نبذتني مثل شخص مصاب بمرض معدي ويخافون لا اعديهم خسرت كل شي بين ليله ويوم وياريت خسارتي بيها عوض حتى اتصال ميتصل ولادز رساله يطمأن بيها عليه ويشوف اذا محتاجه شي او لا، ملمته ابد لان هو صادق ويايه جداً من كال انتِ اجيتي للطريق بكم كلمه حلوه، صحيح والله اني أجيت واصلاً ركضت بس كال احبج ياريت لو عندي اكثر من عشر اصابع جان كطعتهم من العض،

رجعت راسي على المخده وبدأت رحله ثانيه من دموعي، هاي الأيام اصعب إيام دا اعيشها حالياً، خليت أيدي على بطني صار عمره ثلاث اشهر تقريباً كبرت شويه واحس هو عايش داخلي يكولون الجنين يسمع ويحس وي امه وبما انو محد يمي بالغرفة حبيت افتح كلبي وافضفض لحبيبي: انت الصح الوحيد بكميه الاغلاط اللي سويتها، يمكن من تكبر مراح تعرف الحقيقة وراح احرص متعرف بس خلي ابالك انو امك وحده غبيه حبت واحد ميستاهل اظفرها، انطيته كل شي، وقتي، وشرفي، وسمعتي، وحتى حب اهلي وثقتهم بس هو شنو قدملي؟

بالوقت اللي احتاجيت من عنده كلمه وحده يكلي بيها لتخافين اني وياج شنو ماصار تبره من عدنا ومعترف بيك ويكول الله اعلم اذا ابني او لا، كرهته على مقدار حبي اله وياريت انت ما تطلع عليه واحد حقير مايعرف شنو دين وحرام، مجرم منحط.

حسيت نفسي ختنكت مسحت دموعي وفتحت الموبايل عقلي يكلي اتصلي حتى اطلعين من هاي المشكله وكلبي يكلي لا راح يكسرج مره ثانية وهاي المره مبيها مجال اموت من صدك، قبل ما اتصل شفت اسمه على الشاشه شهكت راودني هذا الشعور اللي ماعرف شنو، كلبي راد يطلع من مكانه ورجفه احتلت كل جسمي تذكرت ايام حبنا شلون جنت اسعد انسانه بالدنيا كلها وشلون تغير الوضع كله بين ليله ويوم وصرت ما اطيقه، مو مال ابيع ثكل براسه فتحت خط وخليته على أذني سمعت صوته ونزلت دموعي بسرعه جانت تطربني من اسمعها ليش هسه احسها بدون طعم معقوله كرهته من صدك؟

محمد: صباح الخير سركي كلبي.

حبيت استفزة جاوبته بسرعة.

حوري: بما انو مااصبح بوجهك اكيد خير.

محمد: مبقى شي ويجي الخميس هانت.

حوري: ليش شنو ناوي تسوي؟

محمد: ترجعين للبيت شنو اسوي مثلاً؟!

حوري: بس هيج؟

محمد: اكيد مراح اخلي مرتي وابني بوضع محلو مو أخلاقنا هاي سركيي.

حوري: واذا مقبلت ارجع وياك؟

محمد: ليش محسستني راح اخذ اذنج؟!

شفت انو متحمس لذلك حجيت بدون مقدمات.

حوري: ليش باي حق ترجعني واني مو زوجتك؟!

محمد: سركي كلبي شاربه شي بمكان الجاي الصبح؟

حوري: عقدنا باطل ابنا حرام وكل اللي صار غير شرعي بما انو والدي ميعرف.

محمد: لا بالله وضعج مو طبيعي مصخنه حوريه؟

حوري: اي وضعي مو طبيعي بسببك شلون تفكر بهيج موضوع غلط من الأساس ليش مسالت؟!

محمد: المعمم اللي عقدنا يمه عمامته مترين شلون اعرف هو ماعنده علم العقد باطل بدون علم ولي الأمر؟!

اذا هو اثول اني شكووو.

حوري: والحل؟

محمد: نعقد مره ثانية وين المشكله؟!

حوري: ومنو كال راح اوافق بالعكس تماما بما انو زواجنا باطل خلي نطلك محكمة وكل واحد يروح بطريقه وننتهي من هاي المهزله نهائي.

محمد: من كلت انت مخربطه بالجاي تلوميني، شوفي سركي كلبي، هي جمله وحده خليها بعقلج وقفلي عليها مثل ماخليتج اني سركي لكلبي وسديته مقابل كل البنات، طلاك ماكووو بححح انسي حلم اليهودي بالجنه واضح؟

موافقتج اكيده وعلى موعدنا الخميس زواجنا راح يتجدد وهاي المره راح تصيرين زوجتي حق وحقيقه خلي ننسى الماضي واللي صار ونفتح صفحه جديدة ولا كأن شي صاير، سامحيني وتقبلي انو مستحيل اتنازل عنج بعد كل هذا التعب ياتعبي انتِ ومربحي.

حوري: مصدك نفسك كلش على بالك من تحجي كم كلمه حلوه راح اقتنع واكلك اي موافقة بدون تفكير مثل مسويت قبل، تحلم انو اسامحك وافتح وياك صفحة جديده ذمتك ابريها حلم اليهودي بالمغفرة.

محمد: المهم حضري نفسج من تصيرين بحضني بعدين كولي مراح اسامحك.

حوري: لتحجي ويايه بهاي الطريقه لتنسى اني محرمه عليك هسه.

محمد: حامل ببني وتكلي محرمه عليك حبيبي اكو عقل بدماغج لو لاا؟!

حوري: راح اسده تره صاير تزعجني حيل هاي الأيام.

محمد: احاول اقدر ظروفج قدر الأمكان وكل مره اكول حامل وهرمونات الحوامل صعبه لكن انتِ صايره هوايه تتجاوزين حوري، ميحتاج كل مره ارجع اذكرج اني منو الف مره كلت اسف واعتذر متردين تسامحيني مو مشكله لكن متحترميني وتعامليني بهذا الأسلوب اني ما أقبل.

حوري: والله انت ماتستحق غير هذا الأسلوب اعذرني.

محمد: لتنسين يحلوه كل شي صار برضاج اني مغصبتج على شي لذلك لتجبريني استخدم وياج غير أسلوب.

حوري: جنت متخيله انك تستحق لكن مع الأسف طلعت مو كد الوعد، على كل حال تعبانه اني وما عندي خلك حتى اجادلك.

محمد: لحظه بس انتِ وين هسه؟

حوري: بغرفتي وين يعني.

محمد: ليش محد يمج؟

حوري: وليش يكونون يمي؟!

محمد: من رحتي لحد الأن هيج وضعج؟

حوري: والفضل ألك اكيد، اني ما ألوم اي أحد بيهم اصلا زين خلوني عايشه بعد كل اللي صار وسويته بس ألومك انت اللي عفتني وحدي وغدرت بيه بالوقت العلقت كل امالي بيك.

محمد: وعيونج اعوضج بس ترجعين يمي اعرف انو كلبج ياذيج ومجروحه من عندي حيل وصدكيني راح اداوي كل هذا الألم وننسى الهم والحزن ونفتح صفحه جديدة احنه وابنه.

حوري: شلون راح تجيب سيد حتى يعقد بعلم اهلي؟

محمد: مستعجله؟

حوري: مجرد سؤال ما أريد ابني يطلع غير شرعي لا أكثر والا يا مخبله تقبل ترجع تزوجك مره ثانيه!!!

محمد: الشرح يفقد لذة الحماس خليها ليوم الخميس وراح تشوفين شنو اسوي ما عليج بس تنتظرين سركي كلبي.

حوري: غزل غريب مثلك.

محمد: وميلوك بس على حوريتي.

سديت الموبايل ومابين التفكير وهمي ماعرف شلون غفيت.

أيفلين: اليوم الشمس ابيتي شنو صار وتذكرتنه اخي العزيز؟!

محمد: على اساس اني ما اتصل واسأل عنكم تبقين ناكره لحب اخوج الوحيد ضلعه.

أيفلين: شلونك؟

محمد: مو زين صار يومين غايبه عني احس نفسي ضايع بدونها كلب اخوج تعلق بزعطوطه ومبتلي بحب عقيم خيه.

أيفلين: اتحمل نتيجه اغلاطك اللي تجي من أيده الله يزيده ويباركله.

محمد: ان شاءالله يتصلح كل شي بس محتاج مساعدتج بشي مهم.

أيفلين: ادلل كول واني حاضره.

محمد: ميدلل عليج ظالم خيتي، أريد تخلين بالج عليها اعرفها وحده مهمله وحتى صحتها متهتملها ولا راح تاكل وتخلصها نوم ودموع واني خايف عليها ليصير بيها شي اطمأني عليها وطمنيني.

أيفلين: ادلل وحيدي.

محمد: شلونج؟

أيفلين: الحمدلله.

محمد: والاثول شلونه وياج؟

أيفلين: الحمدلله.

محمد: بدون جذب ايفو.

أيفلين: زين والله دا احاول افتح صفحة جديدة ونعيش بسلام انسى لتهتم بيه خليني اروح اشوف سركي كلبك شلونها.

محمد: متصير باذنج سالفه ابد.

أيفلين: نصي صوتك من تخابرها لتخليني اسمع.

محمد: هي مفضوحه متشوفين ليش نكشفنا.

أيفلين: تستاهل لو ارفد بقى ميعرف جان ولدت الطفل ومحد يعرف بيكم.

محمد: مو لهاي الدرجة جنت ناوي اعترف بكل الموضوع وحتى خططت لكل شي صار اصلاً، معرفت أرفد جان شي خارج الخطه لهذا السبب ضجت كلش بوقتها لتخليني افتح دفاتر قديمه عندي شغل مهم ولتنسين شنو كتلج اعتمادي عليج.

أيفلين: تمام حبيبي لتخلي بالك راح اوكلها غصب عليها وابقى يمها وانزلها يم عمتي واضحكها مطلوب شي ثاني بعد؟

محمد: سلامتج خيتي الجميله.

أيفلين: مع السلامة اخي الجميل.

: فزيت من نومتي على صوتها وهي تدك على الباب كمت من مكاني بتململ مابيه حيل وماعندي خلك لاي شي ،فتحت الباب ودخلت ابتسمت بوجهي ولزمت أيدي وحجت بهدوء.

أيفلين: شلونج؟

حوري: الحمدلله.

أيفلين: ليش كاعده وحدج اهنا تعالي انزلي يمنا همات نسولف وتغيرين جو كعدت الغرفه محلوه دائماً.

حوري: مرتاحه هيج وحتى ما ازعج احد بيكم.

أيفلين: ازعل من عندج، انتِ بنت هاي العائله سواء قبلوا او لا انتِ جزء من بهذا البيت.

حوري: اهلي تبروا من عندي، مشكورين لان قبلوا بيه اجي وابقى هنا لازم اكون ممنونه من عدهم بعد اللي سويته فتحولي ابوابهم وستقبلوني برحابة صدر.

أيفلين: هم اهلج وهذا واجبهم يوكفون وي بنتهم ويدعموها لتكونين ممنونه لان دخلوج للبيت لأن هذا اقل شي ممكن يقدموا لبنتهم المتزوجة.

حوري: اي صح بس مو لبنيه عاقه مثلي.

أيفلين: لتاخذين حجي نسر على محمل الجد من عصبيته هيج كال والا انتِ تعرفين شكد يحبج وميقبل احد يزعلج ابد.

حوري: ما ألوم احد غير نفسي غلطت وهاي النتيجه استاهل ومتقبله كل شي يصير ويايه هسه صدكيني.

أيفلين: هوايه اللي يغلطون بس قله الأشخاص اليندمون على غلطهم ويتوبون من عنده، الله يحبج لهذا السبب دلج على الطريق الصح والناس مو مهم رأيهم على النبي محمد صل الله عليه وآله وسلم مقبلوا يقبلون علينا؟

أمسحي دموعج وتعالي انزلي واللي معاجبه وجودج هو يطلع.

: نزلت صار بوجهي نسر وياه ارفد أجيت ارجع لزمتني ايفلين من أيدي ومنعتني وحجت بصوت عالي.

أيفلين: اللي ميعجبه مشكلته اهم شي انتِ وسلامتج وسلامة ابنج انتِ واخويه الغالي حبيب كلبي محمد.

نسر: اي اهم شي محمد حتى يدافع عن المجرمين اكثر.

أيفلين: هذا شغله وين المشكله؟!

نسر: ماكو مشكله سلامتج.

أيفلين: الله يسلمك.

: تركنا وراح لغرفته وهو معصب حسيت بيهم متعاركين بس مهتميت اللي بيه مكفيني حتى اشيل هم غيري،

التفتت اله من كال.

أرفد: شلونها بنيتي اليوم؟

ابتسمت غصب.

حوري: الحمدلله انت شلونك؟

أرفد: اذا انتِ بخير اني بخير باباتي.

حوري: ان شاءالله دومك بخير حبيبي.

أرفد: لتضوجين وتهتمين لكلام احد وتزعلين نفسج اللي معاجبه الباب موجود اهم شي راحتج بابا.

حوري: الله لايحرمني من عندك ويخليك خيمه على راسي دائماً.

أرفد: ويحفظج اليه باباتي انزلي يمنا جوا اغير ملابسي واجي يمكم.

ناهده: واني اكول ليش المطبخ منور شمعت بيتي نزلت يم امها.

: نزلت دموعي هذا اسلوبها ويايه دائماً قبل بس اخ من سوالفي اللي دمرت كل شي وحطمت حياتي بدون فايدة، مجبت لنفسي غير الهم والحزن وشوف شنو صار بيه بعدين.

حوري: البيت انتِ نوره ماما.

ناهده: ليش باقيه فوك ومتقبلين تنزلين يمنا؟

حوري: ماكو شي بس لان تعبانه شويه.

ناهده: اهم شي راحتج حبيبتي تعالي مسويه غده تاكلين اصابيعج وراه خلينا ناكل سوا واذا تحبين تجين ويايه لبيت خالتج نبقى يم البنات لان خالتج يم جنتها بالبيت.

حوري: لا ما أريد اروح لمكان خليني اهنا افضل.

ناهده: لتخجلين بنتي اللي صار صار وانتهى ماكو داعي تخافين او تخجلين بما انو ممسويه شي غلط.

: رحت يمها وحضنتها أريد احس بالأمان اللي فقدته من يوم قررت اسوي شي غلط وامشي بدرب مابيه بس وجع للكلب.

حوري: سامحيني الله عليج اذيتكم هوايه بأغلاطي وعذبتكم ويايه ورطت نفسي وبهذلتكم.

: مسحت على ظهري وتحجي ويايه بحنيتها المعتادة عليها.

ناهده: اذا الله بعظمته يغفر كبائر الذنوب منو اني وابقى زعلانه على وحيدتي وحبيبة امها؟

حوري: الله لايحرمني من عندج ومن عطرج يعمري.

ناهده: ولامن عندج حبيبتي.

: خلصت هاي الأيام بهدوء تام حتى وصل يوم الخميس كعدت الساعه سبعه الصبح على صوت الموبايل شفته هو فتحته وخليته على أذني بدون حتى ميكول شلونج حجه بدون مقدمات.

محمد: اليوم ساعة أربعة راح اجي وي السيد حضري نفسج سركي كلبي.

: سدا بوجهي بدون ميحجي اي جمله اضافية عرفته مشغول هاي عادته من زمان، خلص اليوم بشكل طبيعي من صارت ساعه ثنتين دخلت للحمام وسويت الروتين المعتاد محد يعرف بالموضوع واني محجيت لأحد هو يتورط بقراراته الغلط اني معاد يهمني شي ابد حتى لو ننفصل، وصلت بيه مرحله النفس عندي مو مهم حتى لو خسرته، نشفت شعري ولبست فستان وردي وخليت مكياج خفيف وبقيت منتظره وصلتني رساله ساعه اربعه إلا دقايق فتحتها طلع واصل للبيت لحسن الحظ والدي موجود وحتى نسر وارفد، بقيت منتظره جوا ومنزلت حتى اجتي ريفان للغرفه وكالت يصيحوج نزلت وصار بوجهي نسر وارفد وبابا عيني راحت لمحمد مبتسم ولا كأن هامه شي وهم عيونهم يطاير منها شرار على اي دقيقه يفترسوه، قاطع هذا الصمت المريب ارفد وهو يكول.

ارفد: ماعدنه بنات للزواج واجت من الله انك رميت عليها يمين الطلاق مبقى غير تنفصل عنها بالمحكمة وكل واحد يروح بطريقه.

محمد: اسأل عن رأيها ممكن تكون معارضه.

التفتلي وكال بنبره تساؤل بعيونه حجي وكأن يطلب من عندي ما اخجله.

أرفد: شنو قرارج بنيتي؟

حوري: اللي تكول عليه هو يصير بدون اعتراض.

: شفت ابتسامه بعيونه قبل ثغره ابتسمت براحه لان مغدرت بيه هاي المره لكن مدام هذا الشي حتى قاطعنا بمكر وهو يكول.

محمد: انتوا جبرتوني استخدم غير أسلوب اكلوها اولاد العم..

يتبع..

للتوضيح ليش فصلت قصة حوري عن هَيْصَم و لَّباءَة، لأن شي ميشبه شي بالأحداث اللي صارت بهاي الفتره ومكدرت اكتب البارت نص لهذا ونص لهذا لهذا السبب فصلتهم وبكل الاحول هو بقى بارت واحد لحوري بعدين نكتب النهايه بإذن العليم ونختم القصه ونودع أبطالنا.

تصبحون على الف خير وعافيه شمعاتي.

حسابي الأنستا.

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه حتى نستمتع وي الهَيْصَم مع بعض

هَيْصَم

(الكاتبة زهراء احمد)

_______

اليومَ عادَ كأنَّ شيئًا لم يكُن

وبراءةُ الأطفالِ في عينيهِ

ليقول لي : إني رفيقةُ دربهِ

وبأنني الحبُّ الوحيدُ لديهِ

ما عدت أذكر ، والحرائقُ في دمي

كيفَ التجأتُ أنا إلى زنديهِ

خبأت رأسي عندهُ ، وكأنني

طفلٌ أعادوهُ إلى أبويهِ

سامحتهُ ، وسألتُ عن أخبارهِ

وبكيتُ ساعاتٍ على كتفيهِ

كم قلتُ إني غير عائدةٌ لهُ

ورجعتُ ، ما أحلى الرجوع إليهِ

-نزار قباني

ارفد: وتهدد هم!!

محمد: لتعتبره تهديد وإنما حقي كزوج لو نسيت حوري زوجتي ان لم يكن شرعاً فهي مرتي قانونياً، ساعة غضب او مثل متكولون ساعة شيطان رميت عليها يمين الطلاق بحاله عصبيه وكوني رجال متدين واهتم بأمور الدين جبت ويايه سيد يجدد العقد كدامكم لان للأسف المرة الأولى ماحظيتوا بهذا الشرف.

نسر: انت جاي تهينه داخل بيتنا لو اني فهمان خطأ؟

محمد: فهمان صح نسر المحترم او نكول الضابط نسر المحترم منريد نموت بأحد الحيل مالتك تعرف الروح عزيزة.

أرفد: تجاوزت هوايه واني لحد الأن مطول خلك وياك، من الاخير افهمها زوجه ماعندك يمنه تفضل بدون مطرود.

محمد: واذا مطلعت ترتكب بيه جريمه لو تجبر وحدة من خواتي تعترف عليه بشهادة زور؟

نسر: وين تريد توصل بهذا كلامك؟

محمد: لجريمه قبل خمس سنوات ونص جانت من تأليفك وابداعك، راح ضحيتها بنيه بريئة واخوها المتهم بترويج مخدرات ولعلمك ايضاً كان بريئ والتهمه ملفقه عليه لكن للأسف مكدرت اطلعه من السجن وقتها فنتحر وترك الدنيا بسببك وغطوا على جريمتك هَيْصَم وأرفد، سعيت بكل الطرق حتى انتقم لصديقي واخته لكن يكولون يد الظلم اقوه من الحق وتكممت كلمة الحق ببلد الديمقراطية والحريه.

نسر: هذا الكلام اضحك بيه على نفسك علاء جان احد المروجين للمخدرات واذا ماعندك علم كل الادله تثبت ادانته بالأضافة اني ما أللي علاقه بموت ميار ولا انتحار علاء هم ثنينهم تركوا الدنيا بأرادتهم الكامله.

محمد: ميار هي اللي حجتلي كل شي صار وياها من اول يوم دخلت بيه على حياتها وشلون دمرتها بحبك الكاذب وخدعت بنت مراهقه حتى تترقى ويخلون على كتفك نجمه لكن نسيت انو الله حق وطريق الظلم بعمره ميستمر لابد يجي يوم وتوكع بشر أعمالك.

نسر: هذا الكلام مو صحيح ابداً اكو جزء من الحقيقه محد يعرف بيه لحد الأن وهو انو ميار جانت جاسوسه وهي اللي تنطيني معلومات بخصوص اخوها علاء اللي هو اصلآ مو اخوها وإنما ابن عمها المعتدي عليها وحامل من عنده لكن للأسف بنهاية أيامها نحرفت عن الطريق وقررت تصير ضدي لأنها حبتني وطلبت استر عليها واني مقبلت لان احب ايفلين وما أكدر اخونها حتى لو المسألة بيها حياة او موت اتخذت قرار تنهي حياتها وتنتقم من عندي بأيفلين بتوريطها بالجريمه وامها ساعدتها فجانت كل الادله تثبت أيفلين قاتله وهذا اللي دفعني ادخلها مصح عقلي حتى تطلع براءة فكره غبيه صح لكن ضمنت سلامتها وهذا المهم اسبوع بمستشفى للأمراض النفسيه افضل متخلص شبابها بعالم مليئ ناس قذرة سواء ضباط لو مساجين، انت شخصيا ماعندك الشجاعه الكافيه حتى تسوي اللي سويته لهذا السبب مو من حقك تلومني، ونقطه انتهى حوري مراح ترجع وياك خلصنه كلمن يرجع على بيته.

محمد: اذا مترجع ويايه بالرضى ترجع بالغصب.

أرفد: شنو قصدك وضح أكثر؟

محمد: دكتورنا العزيز وضابطنا المو عزيز شغلت ميار وعلاء سالفه عفا عنها الزمن وصارت كلش قديمه لكن حوري هي حاضري ومستقبلي وام ابني مستحيل اتخلى عنها بعد كل هذا التعب لخاطر عيونكم المحلوه تكون راضيه عسى مرضيتوا طول عمركم مو مهم عندي، مرتي وابني اليوم راجعين ويايه للبيت برضاكم او غصب واللي عاجبه عاجبه والمعاجبه يضرب راسه بالحايط عدكم أربعة ما شاء الله تكفي.

مهدي: انت ابد مخليت احترام لعمك الموجود وسفه بيك تربيه محسن وحرامات انت ابنه.

محمد: وسفه وحرامات نفس المعنى اعذرني عمو العزيز والمو عزيز حسب مزاجي هاي الجمله يعني مرات احسك هيج ومرات هيج المهم هذا مو موضوعنا، لحظه بس وين جنت احجي؟

اهاا تذكرت حوري هي مرتي من توسلتوا بيه حتى اقبل اتزوجها حتى ميجيكم العار بوقتها جنتوا من اهل العشائر المحترمين اللي متقبل عرضها يدنسه احد وعقلكم الصغير جان ناوي يرتكب بيها جريمه بحجه غسل عار لو لا مساعدة الدكتور ارفد الوقور والمحترم، وهسه بعد ما اخذتها وخليتها ابيتي وتعودت على انو أصبح بوجهه كل يوم تجون وتردون اتنازل عنها والله حتى ارضي غروركم؟!

تخسوون مو محمد اللي يترك عائلته ويتخلى عنهم اي صح احنه عدنه طرق ملتويه بس الذراع اللي تمنعنا نلويها ونكسرها هم، مرتي وابني مكانهم بيتي غير هيج ماكو حجي ينكال، حول نظره اليه وكال بصوت عالي ونبرة مستفزة.

محمد: يلا سركي كلبي سامحي زوجج الحباب وخلي نجدد العقد قبل ما اخذج غصب عنهم لبيت الطاعه وتعرفون بدون شرح يعني شنو بيت طاعه، وإذا متصدكون اني سويت هيج فشوفوا هاي الأوراق ودققوا بيها امر استدعاء من المحكمة يوم الأحد للامتثال أمام القاضي حتى يناقش اسباب اخذ زوجتي دون علم زوجها من بيتها وحرماني من سركي كلبي والكتكوت القادم عن قريب.

: بقيت صافنه عليه وهو يطلع الأمر من الجنطه مالته يعني معقوله سواها وهاي المره همات راح يرجع ياخذني غصب عني؟

اخذها ارفد من عنده بغضب خلاهم امام الأمر الواقع غصب راح اروح برجليه لبيته مره ثانيه وهاي المره ما اضمن هذا المخبل شنو ممكن يسوي، على مقدار حبي اله كرهته اضعاف وجوده صار يخنكني مرات اسأل معقوله الكلب يحقد على انسان حبه من اعماقه؟

شفت الوجوه كلها صافنه بحزن بوجهي اخذت نفس وكملت طريقي اروح لسجني مره ثانية لكن وقفني ارفد.

أرفد: مجرد ورقه متكدر تجبر بنتي ترجع وياك.

محمد: اني عندي الدليل اللي يثبت انت اخذتها والدمعه بعينها زوجتي حيل تحبني وانت جبرتها تروح وياك للأسف الشديد.

: حجيت بصوت عالي ونبرة تحدي تجاوز هوايه واذا ابقى ساكته يستغل وضعي وابقى تحت رحمته طول العمر.

حوري: هذا الشي متكدر تثبته بالمحكمة لان اني اللي اتصلت بيه مو هو.

محمد: سواء طلعتي مجبورة او برضاج حبيبي جانت طلعتج بدون علمي وهذا الشي كافي يخليني اطلبج أبيت طاعه، القاضي راح يسأل لأي سبب تركتي بيت الزوج؟

خاينج؟

لو مقصر وياج بملبس او ماكل؟

لو اعنفج؟

او اكو شي رابع هذا ينضاف ليوم المحكمة مفاجأة الكم بيت عمي الأعزاء اني ما اخسر شي محامي ومتعود على الفضايح وأمه محمد كلها تعرف أخلاقي شلون تخبل لكن انتوا عائلة محترمه ومرموقه معقوله تضحون بسمعتكم علمود حوري؟!

ارفد: احجي بأسلوب محترم لتتجاوز بألفاظ قبيحه مثلك لاتعرف شلون يكون التصرف الصحيح وي اشكالك.

محمد: شبيهم اشكالي؟!

اني رجل قانون ادافع عن الناس بموجب القانون والقضاء العراقي مامرتكب جريمة، عكسكم انتوا اللي تتسترون على فضايحكم بحجج واهيه.

نسر: انت هوايه تمسلت واحنه ماعدنه وقت لكل هذا الكلام الفارغ الأفضل كل واحد يشوف شغله توكل لعملك وترك حوري واذا تريد ارفع الف قضيه مو قضيه وحده سوي اللي يطلع بايدك اختنه مراح تطلع من هذا البيت لو تنقلب السماء على الأرض.

محمد: خف علينا هسه تسوي نفسك الملك إسرافيل وتنفخ بالصور وتصير يوم القيامة، كلك على بعضك ضابط بالواسطة يعني متكدر تسوي شي لتنفخ عضلاتك وانت اعرف شنو أكدر اسوي ميحتاج نرجع للزمن وشلون جنت السبب بسجنك وفتح تحقيق وياك بمقتل ميار.

نسر: هوايه مهتم بقضية ميار الواضح جنت متعلق بيها حيل وتحبها.

محمد: لو جنت احبها مخليتك تضحك عليها وبسببك تنتحر هي واخوها حتى انت توصل للي تريده احارب حتى اخليها ملكي وافتخر بيها لو مرتكبه الف خطأ.

نسر: ومع هذا حوري مراح تروح وياك.

أرفد: حتى لو سلمناها ألك بأيدنا بوقتها ردنه نحميها ونحافظ على سمعتها هي شخصيا مو اكثر والا اني دكتور كلش بسيطه اعالجها ولكن مردت الطفل يتاذه فكون شاكر انو احنه رحماء مو لخاطرك بس علمودها وهسه انتهت المسرحيه وكل واحد على بيته.

محمد: لكن اني المخرج وبعدني اشوف انو النهاية مو كاملة اكو ضيف معزوم يحضر العقد ويكون شاهد ويايه على زواجنا المره الثانية.

أرفد: تعزم ضيوف في حال جان اكو زواج راح يصير من الأساس انت هوايه تحلم على فكره.

محمد: الاحلام حلوه خاصتا لو جنت رجال كفايه وسعيت لتحقيقهن.

: دقايق قليله ورن الجرس طلع ارفد شويه دخل هو وي رجال نصدمت من شفته، هو صح هيبه بس يخوف مظهره يخليك تنرعب بنظرته اول مصارت عينه بعيني متت بمكاني لكن مطول وابعد نظره عنه كلنه بقى مركز وي أرفد.

هَيْصَم: يامرحبا ابن الخاله.

أرفد: لتكلي انت الشاهد.

هَيْصَم: وين المشكله؟!

أرفد: ما أريد ازوجه حوري انتهى خلي ينفصلون وكل واحد يروح بطريقه افضل للثنين.

هَيْصَم: اختك زوجته لتمسلت حبيبي وحامل هم منو اللي يكون مسؤول عليها اذا صار شي؟

احنه مو مجتمع أوربي يحترم المرأة المطلقه بالعكس راح تصير بيها حاله نفسيه واكتئاب وبعيد عن كل هذا الكلام هي تحبه وهو هم يحبها وين المشكله يرجعون على بيتهم ماعرف!!

أرفد: مو الرجال المناسب الها احنه من الأساس ممقتنعين بيه احد الأقارب للعائلة مو زوج اختي هم.

هَيْصَم: برضاك او غصب هو زوجها ومن حقه ياخذها وياه للبيت خليهم يرجعون يعيدون العقد وترجع وياه لتكون عقبه بحياة احد أرفد الدنيا صغيره كلش حتى تحمل نفسك هيج ذنب ماينغفر ابد.

أرفد: هي هم متريده اني مجبرتها على شي.

هَيْصَم: متريد تخسر ثقتك بيها مو متريدة باوع بعيونها وراح تشوف عدل كمية الحزن والألم اللي بيهن لان هو بعيد عنها وراح تشوف همات الحب، ياقيس ليلى صرت متعرف تقرأ مشاعر الحب بالعيون لو هاي الخاصيه تفعلها بس وي ري كلبك؟!

أرفد: وانت من شوكت صرت قارئ للعيون؟!

هَيْصَم: من وكعت بالحب ونكسرت كل قواعد الهَيْصَم وعرفت انو الحياة بعيدة عن عيونها بدون لون ولا طعم ولا رائحة هي مثل الهوه بالليالي الربيع هيج عذبه وصافيه وبيها نسمه برودة لطيفه.

أرفد: اي اكعد تغزل شنو هامك!!

هَيْصَم: وانت ليش مهتم لهاي الدرجة!!ثنين يحبون بعض زوجهم واخلص لتحمل ذنبهم خليهم يعيشون مثل ميردون هذا واجبك أرفد ابداً مو من حقك تاخذ قرارات تخص حياتها.

أرفد: ميستاهلها.

هَيْصَم: وعلى اي اساس قررت؟!

أرفد: لان يريد ينتقم بيها من عدنا.

هَيْصَم: بهاي ظلمته هو يحبها صدك ومن كلبه وأكثر من مره يخليني واسطه ألك بس انت ترفض وهسه من صارت زوجته اني هم راح اوكف ضدك مو بس هو اذا متخليها ترجع وياه ارفع بيكم مذكره اعتقال وياخذها بكل اريحيه مثل مسوا نسر وي ايفلين قبل.

أرفد: ليش ادافع عنه وتساعده؟!

هَيْصَم: لان يحبها.

أرفد: مع هذا مراح يتغير يبقى انسان مينبلع.

هَيْصَم: محد طلب من عندك تاكله وشغله مهمه بما انو يحبها يتغير صدكني العشق مثل متكول يكسر هوايه قواعد والدليل اللي واكف كدامك.

أرفد: ليش واثق بيه لهاي الدرجه؟!

هَيْصَم: لان اعرف اشياء انت متعرفها.

أرفد: شنو هي؟

هَيْصَم: أسرار دولة.

لتشلع كلبي كول موافق وخلصني عندي شغل ولازم اخذ لَّباءَة للدكتورة.

أرفد: تأخذها للدكتورة شنو غير رايك واقتنعت اني دكتور قلبيه هاي المره لازم ما ادخل بهيج موضوع؟!

هَيْصَم: لان حبيبي مرت اخوك حامل واكيد مراح اخليك تعالجها.

أرفد: الف مبروك يارب يتربى بوجودكم انت والوالدة طول العمر.

هَيْصَم: ان شاءالله عمره أطول من عمري خليني ادعي هو اللي يدفني بشرفك كافي اني ادفن بالناس.

أرفد: لتحجي هيج عمرك طويل ان شاءالله.

هَيْصَم: حتى لو عمري طويل هم يجي يوم أموت قابل راح ابقى مخلد يعني؟

أرفد: خليها تجي للمستشفى عدنا طبيبات اكفاء يعتنن بيها بشكل مبهر وبما انو انت اقاربي ألك تخفيض.

هَيْصَم: بعمرك متعاملني كاني أقاربك من يخص الموضوع شغله العدل والمساواة بيني وبين المرضى ليش تدعي عكس هيج هسه؟!

أرفد: لخاطر زوجة الأخ مو لخاطرك.

هَيْصَم: اعتبر نفسي مسمعت شي وهسه خليهم يزوجون تره كلش تأخرت وعندي شغل مهم.

أرفد: اني معاجبني ترجع وياه هاي المره لكن لخاطر جيتك والخاطر الطفل حتى ميكون بدون اب راح اوافق.

هَيْصَم: لخاطر اختك اللي تحبه عيفك من عندي ومن ابنه.

: بقوا يحجون بصوت ناصي بس أكدر اسمع كلامهم لان قريبين عليه خلصوا والتفتلي أرفد.

أرفد: القرار الاخير الج اذا انتِ محابه ترجعين مستحيل احد يكدر يجبرج على شي وفي حال ردتي ترحين وياه يبقى هذا البيت بيتج واذا زعجج بشي معين بس اتصلي بيه اترك كل شي واجيج ماشي باباتي؟

حوري: تمام.

محمد: بما انو تصافت القلوب خلونا نعقد السيد نملت رجليه وهو منتظر.

: أجيت اروح وياه للاستقبال حتى نعقد وقفتني امي.

ناهده: لحظه بس اني مفرحت بعقد بنتي لأول مره لهذا السبب اريد افرح هسه ونسوي كل العادات المتعودين عليها بالاعراس.

: نزلت دموعي لكن جانت دموع فرح اخذتني من أيدي وصعدتني لبست فستان ابيض للعقد نزلت للصاله كعدت على كرسي قريب الباب مالت الاستقبال خلت رجليه بأنجانه بيها مي والقرآن بأيدي وبين اصابيعي هيل واكيد الياس موجود يكولون حتى تصير الحياة حلوه تقاليد ما اؤمن بيها لكن خلتني سعيدة انو عائلتي مهتمه بيه وكدروا يسامحوني على رغم وجه بابا لسه ثكيل وحتى مشارك بالنقاش اللي صار بين ارفد ومحمد ونسر وكأن اني مو بنته تغيرت نظرته عني وهذا الشي صعب يتصلح بين ليله ويوم ايقنت حتى لو فتحولي صفحة جديده مراح يجي يوم وينسون اللي صار هو اني من الأساس ما أكدر اسامح نفسي مابالك باهلي اللي عدهم الشرف اهم شي للبنيه.

بدأ السيد يعقد ومرت على بالي عقدي اول مره وشلون جنت فرحانه مو هوايه وقت يمكن نص سنه تقريبا وحياتي تغيرت بالكامل صحيح كدرت اكمل دراسه ومتركتها واللي ساعدني هي المظاهرات وحظر التجوال اللي صار فالدراسه إلكترونية وغير متعبه ابداَ صحيح الطبيه صعبه بس وجودي بالبيت مسهلها نوعا ما، تم العقد وصار لازم أودع عائلتي حسيت نفسي عروس هاي المره من صدك سلمت عليهم او والدي ملحكت اشوفه لان طلع اول مكمل العقد بحجة عنده شغل مهم اعرف ميريد يحجي ويايه واني همات عذرته اللي سويته مو قليل وينغفر اله بسهوله، طلعت وصار بوجهي ابن خالتي أجيت اكمل طريقي بس وقفني صوته.

هَيْصَم: محمد انسان لطيف على رغم اللي سوا لكن هو يحبج انسي الماضي وفتحي صفحة جديدة، شكد مجانوا الاخوه مهمين يبقى الزوج اهم لان كل واحد عايش حياته صحيح يحبوج لكن حب محمد مختلف عن حب أرفد ونسر ياريت فهمتي كلامي.

حوري: وليش ادافع عنه؟!

هَيْصَم: لان طلب مساعده عدوه حتى يرجعج للبيت ميسوي هيج غير اللي يحب من صدك.

حوري: ما أريد افتح صفحه جديده واللي صار صعب ينسي، الايد اللي تتركك وانت بأمس الحاجه الها ما اريدها بالوقت اللي اكون بيه مرتاحه، اكو فرق شاسع بين الثنين.

هَيْصَم: غيرج للأفضل، مرات احنه بحاجه لصفعه قويه من اقرب الناس النه حتى نعرف ماكو شي اسمه ثقه مطلقه بالآخرين مع هذا ترك كل شي لمجرد خطأ واحد اكبر ذنب، لتنطين لدرجه الندم ولتتخلين بسهوله حياتج تكون سعيدة بهاي الشغلتين.

حوري: ميفيد بعد هذا الكلام هو خسر المكان اللي احتله بكلبي.

هَيْصَم: بعدج تحبيه لتكذبين عليه اني اكبر من عندج بالعمر وعاشرت هوايه ناس وأقرأ العيون وحركه الشفايف وهمس القلوب، نظره عيونج ورجفة ايدج كلها ادل على انو انتِ تحبيه لكن زعلانه من تصرفه خان الثقه وهذا حقج اكعدوا وتفاهموا وحلوا مشاكلكم ماكو انسان معصوم من الخطأ، رب العالمين يغفر مره وثنين وثلاثه لكن إذا استمر العبد بنفس المعصيه ربج بعد ميغفرله واتمنى هاي المره وضحت الصوره أكثر، ندم ودك بابج خلي كلبج جبير وسامحي صحيح مراح تنسين لكن تجاهلي اللي صار من الأساس العمر ميخلص بالكره والحقد والعداوه.

حوري: ليش قدمتلي هاي النصيحة؟

هَيْصَم: لان اخوتج ونسائهم مراح يسووها واني أيضا معتبرج مثل اختي لابأس اوعيج على أشياء انتِ مدركيها.

حوري: شكرا الك، كلامك أثر بيه نوعا ما.

هَيْصَم: يارب حياة سعيدة تعوضون بيها الايام الفاتت.

حوري: ألك بالمثل.

هَيْصَم: استأذن عندي شغل مهم.

قبل ميلتفت وقفته.

حوري: لحظه بس.

هَيْصَم: نعم.

حوري: انت الطف مما تخيلتك، بعض الأحيان نفهم خطأ الناس فقط بناء على مظهرهم الخارجي لكن لو تعمقنا شويه راح نشوف شخصيه ثانيه مختلفه تماما.

هَيْصَم: سعيد انو تغيرت وجهة نظرج، مع السلامة.

حوري: مع السلامة.

: ودعت عائلتي ورحت وياه فتحلي باب السيارة ويحجي بابتسامة.

محمد: اي سركي كلبي السيارة ظلمة ونورت بيج.

حوري: كلوب محترك اني وانت السبب متعرف تشغل الكهرباء عدل.

محمد: نصلحج مو مشكله.

حوري: الكلوب ماكو فايدة من تصليحه اشتري واحد جديد افضل.

محمد: اكو فرق بين المتعود عليه والجديد تعرفين عندي حساسية بعيوني ما اتحمل اشوف غير وجهج.

حوري: من شوكت صارت بيك حساسيه؟!

محمد: من تركتي البيت ورحتي يم اهلج متعرفين شلون تأذيت الصراحه كلبي لحد الأن يوجعني.

حوري: انت السبب.

محمد: اعتذر.

حوري: ميفيد اعتذارك اللي سويته مينغفر بأسف ابداً.

محمد: ابقى اعتذر من عندج طول العمر مو مشكله.

حوري: منو ميار؟

محمد: اخت صديقي.

حوري: اللي هو ابن عمها علاء المتهم بترويج المخدات؟

محمد: هو نفسه بس هو معتبرها اخته وجان دائما يكول اختي.

حوري: شلون لعد حامل من عنده؟!

محمد: يمكن هي اللي معتبرته اخوها مو هو ولهذا السبب انطت بيه لنسر.

حوري: حبيتها؟

محمد: منو يحب وحده مثل هاي عدها وجهين ومو ثقه.

حوري: بسببها تكره اخواني صح؟

محمد: مو لهاي الدرجه اني انسان عديم فهم اعرف عدل علاء جان يروج يعني مستحيل اكره الضابط لهذا السبب لان يريد يخلص البلد من هيج ناس سيئة.

حوري: انت اللي دافعت عنه قبل شويه ليش تناقضت هسه!!

محمد: لان جان يروج تحت التهديد بالقتل شغله طويله لتخلينا ندخل بيها.

حوري: شنو سبب كرهك لأرفد ونسر؟

محمد: لان أيفلين دخلت مصح عقلي بسبب نسر وخططه الغبيه اما أرفد بعد عني ريفان من الطفوله جان يمنع احد يلعب وياها او يضحك هو الوحيد المعتني بيها لدرجه صارت قريبه من عنده هو وبس اني اخوها واشوفها بعيني شلون تهتم بابن عمي وتحجي وياه واني بنظرها مثل واحد غريب، وكل هذا بكفه وزواجهن من عدهم بطريقه خارجه عن المألوف وحب والدي الجبير لابناء العم واني ممنطيني اهميه بحياته، انو احجيلج كلمتين يختلف تماما عن شعوري على مدار سنين عمري كلها وعلى هذا قيسي لو جنتي بمكاني هم كرهتيهم.

حوري: لهذا السبب قررت تنتقم من عدهم عن طريقي؟

: وقف السياره والتفتلي يحجي بنبرة حب جبيرة التمست بيها الصدق.

محمد: حبيتج وانتِ أصدق شي صار بحياتي كلها مجانت علاقتي بيج بِنية الانتقام اطلاقا صحيح اني انسان سيء بنظر الكل بس مو لدرجه اكسر كلب انسانه بريئة مثلج بسبب حقدي على اخوتج.

حوري: من شوكت؟

محمد: سولفتلج مره اجيتي خطار يمنه وشفتج عن قرب وكلبي اعلن تمرده وقرر يطاردج لكن مجانت هاي الخطه اول محسيت نفسي نجذبت الج ناقشت والدي بالموضوع لكن هو رفض لان يعرف عمي المصون ميحبني لان سجنت ابنهم اسبوع انتقام للي صار بأيفلين، مأيست وقررت اروح بنفسي لعمي واطلبج من عنده بالمستشفى.

سكت شويه الواضح ميكدر يحجي لكن الفضول خلاني اسأله.

حوري: وشنو كال؟

محمد: طردني، حسيت بالإهانة بنفس الوقت قسمت اخذج مستحيل تصيرين لواحد ثاني غيري قررت انهي عليج بس مردت اكسر كلبج وتزوجج غصب لهذا السبب تقربت من عندج وخليتج تحبيني وكلما اسمع صوتج اكو شي داخلي يركص من الفرح والسعادة رجعت طفل اضحك على ابسط الاشياء وكلمة احبك من شفايفج تنسيني همي بأكمله حاربت بيج اهلي والمجتمع ومع كل هذا كلت انو مراح اسوي وياج شي غلط وخطبتج الف مره ودزيت هَيْصَم اكثر من مره لأرفد حتى يقبل لكن الجميع تكاتف حتى يبعدوج عني مجان اكو حل غير اتزوجج واخليهم أمام الأمر الواقع.

حوري: جنت بعيده عن الموت بخطوه انت متعرف شنو صار بيه وقتها احتاجيتك تكون ويايه بس سويت العكس وخيبت ضني.

محمد: غلطانه جنت وياج خطوه بخطوه بس الموبايل مالتج مراقب والمكالمات كلها تروح يم أرفد بس يعرف اني وانتِ متفقين راح يزيد الضغط عليج اكثر ولهذا قررت احجي هيج، جرحتج بس اني اللي تأذيت اتمنيت اكون يمج واضمج بحضني بعيد عنهم كلهم بس منعت نفسي حتى متتاذين أكثر حبي الج صادق من البدايه مردت اغشج بس هذا اسلوبي اللي ميعجب هوايه ناس.

حوري: ليش مكتلي من تزوجنا؟

محمد: لان بعقلج الطلاق موجود انتِ بدايه حمل وظروفج صعبه اكيد مراح ازودها عليج واخليج تنهمين أكثر بسببي وبسبب اهلج اللي ميردون الخير النا.

: سكتنا ورجع كمل الطريق للبيت مرت ايام وصار أسبوع واني بعيده عنه وهو اصلا ميسوي شي دائماً بعيد عني ومخليني على راحتي فكرت هوايه بكلامه وشفت من باب العقل افتح وياه صفحة جديدة وننسى الخلاف صحيح ضجت من عنده وحسيت بكره لكن بذرة الحب ما ماتت بالعكس كبرت وازهرت وي تصرفاته والطريقة اللي اعتذر بيها من عندي مجانت مجرد كلمات وانما افعال حسسني بيها من صدك مقدار حبه إليه ولو نرجع للواقع مو بس هو اللي غلط اني همات ورطت نفسي من البدايه لذلك مو غلط انطي فرصة ثانية اله، خلص هذا اليوم بشكل طبيعي واني مقرره من يرجع اناقشه بالموضوع ونطوي الماضي ونبدي من جديد كعدت على الكرسي وبقيت منتظرته يرجع هيج جنت مستعجله حتى نسولف يمكن من باب انو مشتاقه حيل لسوالفنا وردت حجه بس حتى افتح وياه اي موضوع ماعرف شلون غفيت شويه فزيت واني جسمي مكسر فتحت عيوني الدنيا ظلمه وهدوء كمت من مكاني وفتحت الموبايل الساعه عشرة، بالعادة هو ميتاخر لهيج وقت، اتصلت بيه فكرت انو صاير عليه شي لهذا السبب مكدر يرجع صدك خفت حيل خاصتا من مجاوبني اتصلت أكثر من مره يطلع الجهاز مغلق الرعب والقلق خيم على كلبي وعقلي بطلت افكر بشي غير انو صار وياه حادث وهسه حالته خطره وبالمستشفى حرت منو ادعي وشنو اسوي، بقيت افتر بالغرفه واردد ( ياكاشف الكرب عن وجه أخيك الحسين اكشف كربي بحق أخيك الحسين ) أكثر من مره حتى نسيت شكد قريتها اخير شي تعبت واني افتر بالغرفه كعدت على الجربايه وبقيت اردد ( ياصاحب الزمان ادركني ) تأخر الوقت وكلما اتصل يطلع نفس الجواب الجهاز مغلق او خارج نطاق التغطية، صارت الساعه 12ص وهو لحد الأن ماكو حجيت وي ربي ودموعي تنزل:

اللهي وحق عظمتك اذا رجعته اليه سالم افتح وياه صفحة جديدة جديده وانسى الماضي واكمل حياتي وياه بما يرضيك بس رجعه اليه بحق الإمام علي يارب، حجيت ودعيت هوايه من اعماقي بس اريد يرجع سالم ومبيه شي مرت ساعة ثانية وصارت بالوحده فقدت الأمل وكلت خلص راح اترمل هو صح ماكو شي بالواقع بس عقلي شلون يقتنع انو مابيه شي وهو مختفي بشكل كامل، ومن بين دموعي وشهكاتي سمعت صوت خطوات قريب الباب شويه ونفتح اني شفته كدام عيوني وكان شفت باب الجنه ركضت ناحيته متناسيه اني حامل وخطر عليه همي كله احضنه، عاتبته وضربته على صدره وشكيت اله من عنده، سويت العمايل بسبب خوفي وقلقي وعدم اهتمامه وتفكيره بيه، وهو بقى ساكت اخير شي تعبت رفعت راسي عن صدره التقت عيونه بعيوني الغريب شفت على ثغره ابتسامه وكأن فرحان من اللي سويته مسح ادموعي بأبهامه وكال بنبره مليانه حنيه.

محمد: ليش هاي الدموع؟

حوري: ليش موبايلك مغلق؟

محمد: خلص شحنه، بس لا، ولج معقوله تبجين علمودي سركي كلبي؟!

حوري: غير انت زوجي ليش ما ابجي عليك!!

انتهبت شنو كلت من كال.

محمد: فداج زوجج والله لو اعرف هيج راح تحجين من زمان متأخر وغالق موبايلي.

ضربته على صدره وحجيت بغضب.

حوري: مخفت عليك وإنما على نفسي لا أصير ارمله وابنه يتيتم.

محمد: زوجي وابنه، اليوم ناويه تجلطيني اخت أرفد؟

حوري: كم مره كتلك بطل سيرة اخواني لتذكرها؟

محمد: اسفين منعيدها المهم عيونج الحلوه متزعل.

ابتسمت ورجع كمل.

محمد: متصالحين؟

حوري: هاي اخر فرصة صدكني اذا خذلتني مرة ثانية اتركك او اروح بدون ما اسمع اي تبرير.

محمد: سويها اذا تكدرين.

حضني لصدره ولفيت أيدي على ركبته همس قريب أذني.

محمد: تعرفين ليش اسميج سركي كلبي؟

حوري: ليش؟

محمد: لان دخلتي كلبي وسركيتي الباب وراج.

ضحكت بصوت عالي وهو بادلني الضحكه بعدني عن حضنه وكال بكل حب.

محمد: احبج ياكلب محمد وحياته.

حوري: اني هم.

محمد: انتِ شنو؟

حوري: احبك.

يتبع..

وبوصولنه للمليون اشكركم شمعاتي لوجودكم ويايه بهاي الرحله ودعمكم وحبكم وصبركم همات الكم كل الحب حبايبي.

لاحظت شغله هوايه سألين عن بنت عم الهَيْصَم اللي حجه عليها لائِث جان خطأ من عندي المقصود بنت خالته حوري والخطبه اللي صارت.

البارت القادم هو البارت الاخير راح اكتب بيه على راحتي حتى ما أظلم النهايه لذلك لتسألوني شوكت ينزل شمعاتي لكن مع هذا منطول بإذن العليم وتوفيقه.

مسائكم خير وعافيه يارب.

حسابي الأنستا.