رواية عاصم و القدر الفصل التاسع 9 - بقلم شهد احمد

عاصم. مفيش ي خاله رجعتوا تاني المدرسة وبعد ما طلعنا من عند المديرة قالي شكرا أوبس أنا هروح أتنكر لأنه قالي إنه أجي أتغدا معاكم وإنه هيديني فلوس علشان عملت نفسي إنه أنا حد من أهله. وفجأة سليم كان معدي بالصدفة وسمع كلامهم واتصدم 😳 وقال بعصبية وصوت عالي. سليم. داددده عااايشه. عايشة. اتخضت والطبق اللي في إيدها وقع اتكسر ولفت هي وعاصم ولقوا سليم. سليم. بعصبية انت مين قالك تعمل حد من أهلي

انت مال أهلك وانتي ي داده أنا مش قايل ليكي تجيبي حد يعمل إنه هو حد من أهلي ريحة تجيبي ده وتعملي من أهلي. عاصم. بعصبية شوفتي ي خاله آخرها وانت لو جبت سيرتي ولا سيرة أهلي تاني مش هتعرف أنا هعمل فيك إيه وهنسى فعلا إني بقربك كده القرار ومشي وهما متعصبين على الآخر. عايشة. بعصبية سليمممم الزم حدك واعرف انت بتكلم مين ده اخوك وبعدين أنا اللي أقنعته إنه يعمل كده. سليم.

قولتلك مية مرة ده مش اخوي واقنعتيه ليه أنا قولتلك هاتي حد من الشارع ليه عملتي كده لييي. عايشة. أنا أنقذتك ي سليم وده جزائي وبعدين انت المفروض بعد اللي عمله معاك عاصم تشكره مش تهينه بالشكل ده. سليم. بعصبية أنقذتيني من إيه هاااا. عايشة. لو المديرة عرفت ي سليم إن الشخص اللي راح معاك عندها ده مش اخوك ولا حد من أهلك مش هترجع المدرسة تاني وهتتهمك بانتحال شخصية ودي جريمة وممكن تتحبس عرفت أنقذتك من إيه

وبعدين محدش رضي إنه يعمل حد من أهلك كلهم خافوا على نفسهم. سليم. أنا عندي استعداد أقعد برة المدرسة ولا إن واحد زيه يبقى ليه فضل عليا ومشي وهو متعصب. عايشة. أنا مش عارفة انت شايل من عاصم ليه كده ي سليم. وحطت الأكل بس عاصم وسليم كل واحد فيهم راح أوضته ومرضيش ياكل. وبابلي وأريان وغيث قعدوا أكلوا ولما عرفوا اللي حصل. اديقوا من سليم على اللي قاله لعاصم وإنه هو كان بيساعده بس والمفروض إنه هو يشكره على المساعدة دي

وإنه لولاه مكنش رجع المدرسة تاني. بابلي. داده أنا مكنتش متوقعة إن سليم يتصرف كده مع عاصم أنا قولت مشكلتهم مع بعض هتتحل وهيقربوا من بعض أنا زعلت أوي على عاصم. عايشة. وانا كمان ي بابلي مكنتش متوقعة كده معرفش سليم ماله مع إن عاصم والله ي بنتي طيب ومفيش منه لو تعرفوا اللي بيعملوه علشانكم مش هتعملوا معاه كده. بابلي. هو فعلا طيب ي داده مع كل اللي بيحصل معاه مننا ومن سليم

لسه بيتعامل معانا بطيبة ولو كان واحد غيره كان بقى مش طايقنا وكان قال أنا مالي يرجع المدرسة ولا إن شاء الله عنه ما رجع بس هو عمل العكس وسليم مش مقدر كده. عايشة. روحي ي بنتي شوفي هتعملي إيه وخلي بالك من أريان وغيث واهتمي بيهم لأن عاصم تعبان الأيام دي وعايز اللي يهتم بيه. بابلي. حاضر ي داده وانتي اهتمي بعاصم وأنا هشوف سليم. عايشة. ماشي. راحت عند عاصم بس لقتوه نايم سابتوه وطلعت وقفلت الباب.

بابلي كانت قاعدة مع أريان وغيث وتذاكر ليهم وكانت بتلعب معاهم وتذاكر لنفسها لحد ما أريان وغيث ناموا وراحت علشان تشوف سليم بس مكنش موجود دورت عليه في البيت كله بس مكنش موجود والوقت اتأخر وبابلي مش عارفة تعمل إيه ولا عارفة سليم راح فين سألت عليه عايشة بس قالت إنها متعرفش وكانوا قلقانين على سليم أوي. بابلي. هنعمل إيه ي داده وهنروح ندور عليه فين في آخر الليل وهيكون راح فين. عايشة.

معرفش ي بابلي أول مرة يعمل كده معرفش الولد ده ماله وبيتصرف ليه كده. بابلي. أنا هطلع أدور عليه مش هقعد كده ومعرفش حاجة عن أخويا ولا حصله إيه أنا خايفة عليه أوي. وكانت طالعة من البيت بس وقفها صوت عاصم. عاصم. بصوت عالي وهو نازل من على السلم بابلي. بابلي. بصت وراها وقالت عاصم. عاصم. رايحة فين في نص الليل وازاي تطلعي في الوقت المتأخر ده. بابلي. رايحة أشوف سليم فين ي عاصم. عاصم. يعني إيه رايحة تشوفي سليم ليه هو فين. بابلي.

مش موجود في البيت وأنا خايفة عليه أوي ليكون جرا له حاجة. عاصم. وانتي عارفة هو فين علشان تطلعي تدوري وتشوفي هو فين وخليكي طلعتي انتي عارفة ممكن يحصل فيكي لو طلعتي برة في الوقت ده. بابلي. معرفش ي عاصم أنا بفكر في أخويا وبس أنا مليش غير أخواتي ي عاصم أنا عايزة سليم. عاصم. طيب اهدي أنا هطلع أشوفه فين. عايشة. بس ي ابني انت هدور عليه فين وحتى لو لقيته هيرضى إنه يجي معاك. عاصم.

هدور عليه لحد ما ألقيه واهو على الأقل نعرف هو فين ويرجع علشان خاطر أخواته ولو مرضيش يجي معايا فهو يرجع البيت وأنا هسيب البيت أنا مش هقدر إني أعيش في جو متوتر كده ومحدش متقبلني فيه ولو كان على الميراث والأملاك فأنا مش عايز حاجة منه لله أبويا وحسبي الله ونعم الوكيل فيه ومشي وهو متعصب. بابلي. بدموع 🥺 أعمل إيه ي داده واحد هيرجع والتاني هيمشي أنا مش عارفة بيحصل فينا كده ليه وأريان وغيث اتعودوا على عاصم

وهو اللي شجعهم على المدرسة وإنهم بقوا شاطرين وبيعملوا الواجب وبيذكروا ويروحوا المدرسة من غير ما يعيطوا ويقولوا مش عايزين نروح لما يعرفوا إن عاصم ممكن يمشي أو ماشي هيعملوا إيه والبيت التاني اللي معرفش هو فين معرفش ليه مش طايق عاصم أوي كده مع إنه بيحاول يساعدنا ويكون معانا وهو مش مطر لكل ده ما كان ممكن إنه يعاملنا بطريقة وحشة وقاسية ويسبنا زي ما احنا وكان مرضيش يروح مع سليم ولا كان رجعه المدرسة

وكان قدام ركان كان اهتم بينا كمظهر علشان ياخد حقه وبعد ما المهلة تخلص يمشي. عايشة. اهدي ي بابلي أن شاء الله خير فكري في إيجابياته واكيد هتتحل ادعي انتي بس إنه يلاقي سليم ويرجعه. بابلي. ي رب ي داده. على الجانب التاني عاصم كان ماشي في الشوارع وعمال يدور على سليم وينادي عليه على أمل إنه يسمعه ويلاقيه. بس مكنش فيه فايدة وفضل يروح شمال ويمين ويدور هنا وهناك

واتصل على ريان صاحبه وقاله إنه هو مش لاقي سليم وإنه عمال يدور عليه وريان راح عند عاصم وفضل يدور معاه لحد ما فجأة لقي مكان كده ضلمة ومش طالع منه غير نور بسيط وكان لاقي ناس كتير كانت عمالة تحمل بضاعة فراح عندهم علشان يسألهم لو شافوا ولد صغير هنا بس لما راح وقرب منهم وكانت المفاجأة بالنسبة لعاصم وهو إن سليم كان بيحمل مع الرجالة دي البضاعة ويشيل ويحط في العربيات

وفي واحد واقف وعمال يقوله برافو عليك ي سليم طلعت قد المسؤولية والشغل. سليم. تشكر ي معلم غانم. غانم. الا قولي ي واد ي سليم انت ليه مش بتجي تشتغل الصبح بدل بالليل. سليم. علشان بروح المدرسة الصبح ي معلم وبعدين علشان محدش يعرف إني بشتغل. غانم. يعني أهلك مش عارفين إنك بتجي هنا وتشتغل ده انت بقالك مدة حلوة معانا ازاي ميعرفوش. سليم. وهو بيشيل البضاعة ويحمل وقال أصل ي معلم أمي وأبويا ماتوا ومفيش إلا أنا وأخواتي

وانا اللي بصرف على أخواتي. غانم. ربنا يعينك ي ابني. وكل ده كان عاصم وريان كانوا واقفين وشايفين سليم وغانم وسمعين وهما بيتكلموا وعاصم زعل على سليم وراح عنده سليم. سليم. بص ولقي عاصم واتعصب وقال انت إيه اللي جابك هنا وعرفت مكاني منين. عاصم. يلا نمشي ونتكلم بعدين يلا. غانم. مين ده ي سليم وعايز منك إيه. سليم. دي حكاية طويلة ي معلم متقلقش كله تمام. غانم. ماشي ي ابني خلص شغلك. عاصم. بعصبية سليم يلا معاي بقولك. غانم.

ماشي ي ابني وخود ده حقك. سليم. أخد الفلوس وقال تسلم ي معلم غانم وسلم عليه ومشي. عاصم. انت بتعمل إيه هنا. سليم. زي ما انت شوفت ولو سمحت متدخلش في حياتي أنا مش عايزك كفاية اللي أنا فيه. عاصم. تمام يلا نروح. سليم. أنا مش مروح روح انت امشي. عاصم. امشي معايا علشان أخواتك اختك كانت بدور عليك وكانت عايزة هي تطلع تشوفك انت فين ولا روحت فين ولا جرا لك إيه ارجع معايا علشان بابلي قاعدة في البيت بتعيط وبتقول فينك. سليم.

أطر يرجع البيت مع عاصم علشان أخواته. ريان سلم على عاصم وسابه ومشي وقال نتكلم بعدين. بعد ما سليم وعاصم رجعوا البيت. بابلي. كنت فين ي سليم. سليم. كنت بتمشى شوية مالك في إيه اهدي أنا كويس. عاصم. اطمني ي بابلي سليم كويس. سليم. كان طالع الأوضة بس عاصم ناده عليه وقاله. عاصم. استني ي سليم أنا عايز اتكلم معاك انت وبابلي في موضوع مهم وبعدها اعمل اللي انت عايزه. سليم. مفيش مواضيع بينا ي عاصم وسبني في حالي. عاصم.

أنا قررت ،،،،،،،،،،،،.