رواية عاصم و القدر الفصل الثاني 2 - بقلم شهد احمد

عاصم. اسمع انت تاخد الأولاد اللي بتقول عليهم اخواتي دول وتحطهم في الملجأ وأنا آخد الفلوس وكل حاجة وهبقى أديك نصيبك. هروّقك آخر ترويقة. ركان. بصدمة. أنت بتقول إيه؟

مستحيل أعمل اللي بتقوله ده. دي وصية وأمانة وأبوك سلّمني الأمانة دي وثق فيا. مستحيل أخون الثقة دي. هو سلّمني الوصية دي عشان عارف إني هنفذها. لو كده مكنش سلّمني الوصية دي. أنت قدامك اختيارين مالهمش تالت. الأول إنك تتنازل عن الميراث والفلوس ويبقى لكش حاجة، ودي أعتقد مرفوضة بالنسبة لك. وتاني اختيار إنك تيجي معايا تتعرف على إخواتك وتهتم بيهم لحد سن 18 سنة زي ما هو مكتوب في الوصية، وبعدين تبقى تاخد حقك. قلت إيه؟

عاصم. بعصبية. هاخد حقي طبعاً. مستحيل أسيب حقي غيري ياخده. أنا اللي أحق بيه أصلاً. ركان. يبقى تيجي معايا وتتعرف عليهم وتبدأ مهمتك. عاصم. بعصبية. يلا ماهي ناقصة قرف. ركان. أخد عاصم وراح عند إخوات عاصم من أبو. ركان. أهلاً أهلاً يا ولاد عاملين إيه؟ الأولاد. عمو ركان أنت ليه اتأخرت كده علينا؟ إحنا منعرفش حد غيرك أنت والده. ركان. معلش حقكم عليا. تعرفوا مين ده؟ الأولاد. لا مين ده يا عمو ركان؟

ركان. ده عاصم أخوكم وهو هيقعد معاكم هنا وهيهتم بيكم. سليم. أخونا إيه؟ أنت بتقول إيه يا عمو؟ أنا، أريان، بابلي، غيث بس اللي إخوات. عاصم. بصدمة. كل دول المفروض إنهم إخواتي؟ ركان. أيوه. عاصم. بنفس الصدمة. والمفروض إني أهتم بـكل دول؟ دول 4! أهتم بيهم إزاي يعني وأنا لوحدي؟ ركان. معرفش. اتصرف أنت بقى. أنا مهمتي إني أعرفكم على بعض. وزي ما قولتلك بعد سن 18 سنة كل واحد هياخد حقه. وأنا لازم أمشي بقا عندي قضايا كتير لسه.

بابلي. يا عمو أنت هتسيبنا معاه؟ ركان. متقلقش يا بابلي. ده أخوكي وهتحبوا بعض. وسبهم ومشي. عاصم. بص ليهم وقال. بقا أنتوا إخواتي؟ سليم. وهو الكبير شوية في إخواته. قال. لا إحنا مش إخواتك. ويلا امشي من هنا. وكان حاطط إخواته ورا ظهره. عاصم. اممم. بداية مبشرة إن شاء الله. أنا مش همشي من هنا غير لما تتنيلوا تتموا 18 سنة. أنا عاصم وعندي 20 سنة وعصبي مش بحب العند. الكلام اللي هقوله يتسمع من أول مرة، فاهمين؟ وقالها بعصبية.

أريان، غيث. بدموع. هي هي ماما ماما. عاصم. أول ما الأولاد عيطوا قرب منهم وقال. بتعيطوا ليه؟ أريان. علشان أنت هتضربنا. عاصم. بس أنا مش بضرب الأولاد الشاطرين اللي بيسمعوا الكلام. غيث. بجد يا عمو؟ عاصم. بلاش عمو دي. أنا اسمي عاصم. وانتوا اسمكم إيه؟ أريان. أنا أريان. غيث. أنا غيث. تؤام أريان. عاصم. اممم. تؤام وعندكم كام سنة بقا؟ أريان. 10 سنين. عاصم. أه. وقرب من بابلي. وقال. أنتِ بقا بابلي عندك كام سنة؟

بابلي. عندي 13 سنة. عاصم. وأنت يا عم الشبح اسمك إيه وعندك كام سنة؟ عاصم. أه شكلك أنت اللي هتغلبني. بس على مين؟ ده أنا عاصم. وقال. ل بابلي. مين الشبح اللي هناك ده وعنده كام سنة؟ بابلي. أخويا سليم وعنده 14 سنة. عاصم. تمام كده خلصنا تعارف. وعرفتوني وعرفتكم. أنا موجود هنا لحد ما تتموا 18 سنة. وبعدها مش هنشوف وش بعض تاني. هاخد حقي في ورث أهلي وهمشي. ده اللي مكتوب في الوصية علشان آخد حقي.

سليم. بعصبية. وإحنا مش عايزينك معانا. عاصم. بعصبية أكبر. الأولاد. بصدمة.