رواية عشق الفهد الفصل الخامس والأربعون 45 - بقلم شيماء ناصر

عشق باستغراب وبقت بتتاكد من اسم الصفحه تاني وتبص في الورقة اللي معاها: إيه صور القرآن دي كلها وعامل لي فيها محترم قدام الناس؟ ودخلت على الأصدقاء عنده وفضلت أقلب لحد ما وصلت لصفحة أخوه. أخوه ظابط! دخل فهد جناحه وهو شايل زين. مين اللي مغلّب بابا؟ زين ببراءة: أنااا. عشق قفلت الفون وحطت الورقة بسرعة في شنطتها ووقفت بابتسامة: حمد الله على السلامة يا حبيبي. فهد نزل زين في الأرض: الله يسلمك، مالك يا حبي لونك مخطوف ليه؟

في حاجة حصلت معاكي؟ عشق: لا يا حبيبي مفيش حاجة. فهد: طيب أنا هروح أغير هدومي عشان نتعشى. زين: ماما. عشق: نعم يا حبيبي؟ زين: أنا عايز أنام معاك انت وبابا النهارده. عشق: ماشي يا حبيبي. فهد باعتراض: لا نام في أوضتك مع حازم عشان مينامش لوحده. زين: لا أنا عايز أنام في حضن ماما. فهد: لما أنت تنام في حضنها أنا أنام فين؟ زين: مليش دعوة يا بابا. عشق بضحك: طب يلا عشان نتعشى وبعدين نحل الموضوع ده.

زين خرج من الأوضة وراح يدور على حازم. فهد في أوضة الملابس وبيغير هدومه. عشق راحت تتصل على وعد. وعد بلهفة: الو يا عشق، عملتي إيه؟ عشق: انتي متأكدة من الرقم اللي كتبتيّه والعنوان؟ وعد: أيوا متأكدة، ليه بتسألي؟ حصل حاجة؟ عشق: لحد دلوقتي لا، هكلمك بعدين واسمعي أي حاجة تخص الواد ده ابعتيهالي، وقفلي صفحتك وعملي صفحة جديدة واتعاملي عادي. وعد: حاضر، سلام. يارب استرها عليا، أنا عارفة إني غلطت غلطة كبيرة، سامحني والنبي.

خرج فهد وهو لابس تيشيرت نص أبيض وبنطلون ترنج، قرب من عشق وحضنها من ضهرها ودفن وشه في رقبتها. =وحشاني. عشق: وانت كمان يا حبيبي. لفها ليه فهد وقرب من شفايفها و... قطعهم صوت بكاء أيسل. فهد شالها وبغيظ: ملحقتش أعمل حاجة، بتعيطي ليه دلوقتي؟ عشق بضحك: أكيد جعانة، هات أرضعها وأنا شوية وهلحقك. فهد: ماشي، متتأخريش. عشق: حاضر. جوري صحيت من النوم على صوت زين وحازم. حااازم امشي من هنا أنا عاوزة أنام.

حازم: قومي كلمي ماما عاوزاكي. جوري ببرائة: لما أنام الأول. زين: قومي يلا يا جوري عشان ناكل ونلعب سوا. جوري بنعاس: أنا صحيت أهو، فين ماما؟ زين: عمتو تحت. حازم: تعال يازين ننزل وهي هتيجي ورانا. جنة: مدام نور العشاء جاهز. نور: تمام. نزل فهد وجه إسلام من الشغل ومروان ونزلوا الولاد، واجتمعوا كلهم على السفرة وبعد شوية نزلت عشق. في بيت يوسف. نورين بصوت عالي: مااااماااا تيتاااا. جت بسرعة أميرة وسارة على صوت الزعيق: في إيه؟

نورين واقفة على كرسي وفي إيديها لعبتها: تيتا في قطة هناك أهي، خليها تمشي. سارة: كده يا نورين تخضينا يا حبيبتي، القطة مبتعملش حاجة. نورين: لا أنا مش بحبها. يوسف كان بيركن العربية قدام البيت ودخل وشاف نورين واقفة على كرسي وخايفة. نورين بلهفة: بابا تعال. يوسف: مالك يا قلب بابا؟ نورين فتحت دراعتها ليوسف: شيلني يا بابا. يوسف بحب شالها. سارة بغيظ: إيه الدلع ده. أميرة: البنت حبيبت أبوها. يوسف: أيوا وروح قلبه كمان.

نورين: بحبك يا بابا. يوسف: وأنا بحبك أكتر. سارة: العشاء جاهز، يلا يوسف يلا يا ماما. صباح اليوم. فهد خرج بدري على الشركة ومروان راح الفرع التاني اللي في القاهرة واسلام راح شغله في المستشفى وحازم وزين وجوري في الجنينة بيلعبوا. عشق راحت على قصر السيوفي نزلت من العربية وهي منبهرة بجمال القصر من بره وفخمته. واحد من الحرس شافها جاية ناحية القصر: لحظة حضرتك، عاوزة مين من القصر؟ عشق: عاوزة أقابل كبير العيلة دي.

الحارس: مش بسهولة تقابليه. عشق بفضول: ليه يعني؟ الحارس: هو مش بيقابل أي حد كده وخلاص، وبعد إذنك امشي. عشق بتحدي: أنا داخلة القصر ده غصب عنك، لأن حقي مش هسيبه مش بعد ما جيت هنا أرجع تاني. ودخلت وهو مقدرش يمنعها. الحارس: يا أستاذة استني... أنا كده هتطرد من شغلي، لو سمحتي استنييي. دخلت عشق القصر وأول ما حطت رجليها في المكان صابتها نغزة من القلق. الحارس دخل وراها: أنا كده هتطرد بسببك.

وقتها كانت نازلة غرام على السلم وشايفة بنت واقفة مع الحارس في نص البيت. =في إيه؟ مين سمحلك تدخلي حد؟ الحارس بارتباك: حاولت أمنعها، دخلت غصب عني، أنا آسف يا آنسة غرام. غرام: امشي دلوقتي، وحسابك بعدين لما يجي نوح. خرج الحارس وعشق وجهت نظرها لغرام. أكملت غرام باستفسار: مين انتي عشان تدخلي بيتي كده؟ عشق: آسفة على الطريقة اللي دخلت بيها بيتك من غير استئذان، بس أنا جايه أقابل كبير العيلة دي.

غرام: ممكن أفهم ليه عاوزة تقابليه؟ عشق: في موضوع حساس، ممكن تقوله إن عاوزاه ضروري. غرام ندهت على حد من الشغالين يبلغوا أحمد بيه إن في واحدة عاوزة تقابله، وبصت لعشق... اتفضلي اقعدي، تحبي تشربي حاجة؟ عشق: لا شكراً. بعد شوية جه. عشق قامت وقفت: حضرتك..... صابر السيوفي؟ أحمد: لا، أنا ابنه الكبير، هو مش موجود دلوقتي لأنه مسافر، اتفضلي أنا موجود أهو، حضرتك جاية في إيه؟ عشق بارتباك: ممكن نتكلم على انفراد لو سمحت.

=سيبنا يا بنتي لوحدنا. مشيت غرام وعشق بتفرك في إيديها بقلق. كـ كنت جاية علشان في حد من أهل البيت ده غلطوا في حد من طرفي. أحمد: مش فاهم، وضحي قصدك، وبعدين حد من هنا مين هو؟!!! عشق: عماد أحمد صابر السيوفي غلط مع أختي وهي دلوقتي حامل منه، أنا عاوزاه يصلح غلطته ويتجوزها. قام وقف والغضب ظهر على ملامح وشه: انتي بتتكلمي على ابني؟ عشق: هو ابن حضرتك؟ =أيوا ابني، وأنا ابني مستحيل يغلط ويعمل كده، انتي اتجننتي ولا ااااايييي؟

عشق بعصبية: ابن حضرتك ضيع شرف أختي وضحك عليها، أنا أكيد مش هاجي لحد هنا وأكون بكذب، أنا معايا صور ما بينه وما بين أختي وفيها كمان تهديد منه و.... قبل ما تكمل قطع حدثها صوته العالي، لفت عشق تبص وراها. -انتي مين عشان تتهمي أخويا؟ هو أي حد هيقول كده هنصدقه، ولا هي أختك تعمل العِملة وتدوروا على حد يلبسها؟ عشق: حضرتك بتزعق ليه؟

أنا واقفة قدامك ومش انت بس اللي مش مصدق، وحتى أنا كمان مش مصدقة المصيبة دي، ودي سكرينات للمحادثة، شوفها. =بقولك إيه روحي شوفي أختك غلطت مع مين وبعدين ابقي اتكلمي، مش ترمي الغلط على الناس. عشق بغضب ضربته قلم على وشه: مش معنى إني ساكتة يبق تغلط في أختي، والغلط دايماً بيقع على البنت.... قبل ما تغلط في أختي روح شوف أخوك المحترم علشان أنا عرفت إنه مقطع السمكة وديلها وعامل لي فيها شيخ. حط إيده

مكان القلم وأكمل بحدة: انتي تعرفي أنا مين عشان تمدي إيدك عليا؟ أحمد: اهدا يا نوح. نوح بزعيق: لهندمك على اليوم اللي فكرتي تحطي رجلك هنا وتتهمي أخويا. عشق بلعت ريقها بصعوبة: وأنا مبخفش. نزل عماد على صوتهم تحت. بتزعقو لي. احمد: تعال ياعماد. عماد: نعم يابابا. احمد خد منها التلفون الي في الاسكرينات: شوف ده قولها ان دي مش صفحتك علشان تتاكد. عماد بقلق حاول يداريه: ايوا دي صفحتي. عشق بصت لي نوح: صدقتني بق.

عماد: لحظة بس انا صفحتي كانت متهكره لا ده كلامي ولا ده اسلوبي انا عمري ما عملت كدا في بنات الناس. نوح بعصبية: شوفي بق مين الي كان بيكلمها ويهددها. عشق لي عماد: انت عارف كويس عملت اي صلح غلطتك واتجوز اختي متخليش المصيبه تكبر اكتر من كدا. عماد بارتباك: غلطة اي الي اصلحها انا معملتش حاجه وبعدين انتي متعرفيش واقفه في بيت مين ولا اي.

عشق بغضب: احنا هنستعبط كلامك وتهديدك ليها كله متاخد اسكرين شوت وده دليل مش كافي انك تبطل كذب. نوح بصوت عالي: اطلعي بره. عشق بتحدي: انت ظابط مش بتمشي غير بدليل تمام تعمل تحليل وقتها هنتاكد ان العيل الي في بطنها ابنه ولا لا. غرام كانت واقفه بعيد وسامعه كل الي بيتقال ده. نوح قرب وبهمس بث الرعب لقلب عشق: لو مطلعتيش بره هطلعك انا.

=اي الي بتقوله ده يابابا انا مستحيل اوافق اتجوز واحد قاعد علي كرسي متحرك انت مشوفتش شكله عامل ازاي. هشام: انتي عبيطه يابت ولا اي ده بسبب حادثة عادي اي يعني وهو بيتعالج مش هيبق طول حياته علي الكرسي انتي تعرفي ده عايش ازاي ومعاه علي قلبه قد اي ابوه كلمني عنك. وعد باصرار: برضو مش عاوزه اتجوز.

هشام قعد: انا غلطان من البدايه اني وفقت تكملي تعليمك خليت عقلك الي كان مش بيفهم اي حاجه بق متفتح وبقيتي بتقولي رايك في وشي عيني عينك كدا. وعد: مش قصدي يابابا انا بس. هشام: هيجي انهارده وشوفيه وتسلمي عليه وتقعدي تتكلمي معاه ولو عملتي حاجه لكون كاسرلك رقبتك دي ولا هيبق في جامعه ولا زفت بعد كدا. خديجة لسه هتتكلم قطعها هشام. هشام بجديه: لم اكون بكلم حد من العيال ماتتدخليش انتي فاهمه ولا لا. وسابهم ومشي.

وعد: ياماما قوليله اني مش عاوزه اتجوز مش بالعافيه مفيش جواز بالعافيه. خديجة: ابوكي محدش بيعرف يتكلم معاه وبعدين اهدي هو بس هيجي هو وابوه شوفيه وبس ويمكن هو الي بعد المقابله يغير رايه والله يخليكي بلاش حركات البنات بتوعك علشان تطفشيه ابوكي لو عرف هيطين عشتنا. وعد باستسلام: حاضر ياماما. مشيت خديجه. وعد بخوف بترن علي عشق: هي مش بترد لي. دقايق وتلفون وعد رن وكانت عشق. و.و.