رواية عشق الفهد الفصل الخامس 5 - بقلم شيماء ناصر

حور: كل ده عشان بت متستاهلش تتخانق معايا. فهد مردش عليها وراح ينام. حور بتوعد بتدمير عشق وإهانتها: يومين بس وهخلص منها. عشق من كتر العياط نامت. تاني يوم... صحيت عشق بدري وراحت تاخد دش. عشق: يالهوي إزاي أنسى إنها حرقت هدومي، ألبس إيه دلوقتي... خدت البرنس ولبسته وربطته كويس عليها وخرجت من الحمام. شهقت لما شافت فهد في الأوضة. عشق بكسوف وخجل: إنت بتعمل إيه هنا؟ فهد بضحك على خجلها وشعرها المبلول اللي نازل

على وشها وشفايفها الكريز: مالك مكسوفة مني ليه؟ مش أنا جوزك؟ سكت فهد لما شاف وشها أحمر وخلاص كده هتعيط. فهد: احممم، أنا جيت عشان أقولك إني قدمتك في المدرسة. عشق بدهشة: مدرسة؟ بجد؟ بس الأوراق جبتهم إزاي؟ فهد راح لها وبدأ يقرب وهي بتبعد خطوة بخطوة لحد ما ضهرها لزق في الحيطة. فهد: أنا أقدر أعمل أي حاجة، متشغليش بالك بالكلام ده، قدامك شهرين وتروحي المدرسة. عشق بحياء وهي باصة في الأرض: طب أنا عاوزة هدوم.

فهد: أيوا لبس المدرسة هجبهولك. عشق حركت راسها بالنفي. فهد: ماشي، بس مش ده قصدي، أنا قصدي يعني عاوزة هدوم عشان معنديش أي لبس ألبسه دلوقتي. فهد بابتسامة خبث وعيونه عليها بتتفحصها من فوق لتحت: يعني إنتي مش لابسة حاجة دلوقتي؟ عشق بخوف من قربه الزيادة بقت ضامة نفسها بإيديها: هاتلي هدوم لو سمحت. فهد: هبعتلك لبس، وأنا جبتلك تليفون وسجلت رقمي فيه، لو في حاجة اتصلي عليا. وساب لها التليفون على السرير ونزل. فهد نازل على السلم

وقبل ما يخرج من القصر: فهد: حنان! حنان: نعم يا بيه. فهد: هبعت لبس، اديه لعشق. حنان هزت راسها: حاضر يا بيه. مشي فهد وراح الشركة وحنان طلعت بسرعة على جناح فهد وبتخبط على الباب. حنان بهمس وصوت واطي: ست هانم يا ست هانم افتحي. حور بتتقلب على السرير فتحت عينيها ملقتش فهد جنبها. اتعدلت على السرير وبتمسح عينيها بنعاس. حور: عاوزة إيه يا زفتة إنتي كمان؟ حنان بنفس الصوت الواطي: افتحي يا ست هانم ضروري. راحت حور تفتح الباب.

حور: اممم خير، انطقي. حنان: البيه خرج من شوية وقالي إنه هيبعت لبس للهانم عشق. حور بابتسامة عريضة: استني هجبلك حاجة أوديها لها. فتحت حور أوضة اللبس ودخلت جابت لبس. حور: خدي أديه لها ده وقوللها فهد بيه هو اللي قالي أوديهولك. حنان: عيوني يا هانم، حاضر. بعد نص ساعة وصل أوردر الهدوم واستلمته حنان وبدلته بلبس تاني. عشق ارتبكت لما سمعت صوت حد بيخبط. عشق: مين؟ جنه: افتحي يا هانم.

فتحت عشق الباب وفضلت واقفة وراه عشان محدش يشوفها. جنه: اتفضلي، فهد بيه بعتلك ده تلبسيه. عشق: أخيرا، هاتي. شكرا. وقفل الباب. جنه بصت لحنان بخوف منها. حنان: مالك خايفة ليه؟ جنه: مش مطمنالك، مش عارفة ليه. حنان: طيب يا أختي، يلا روحي على المطبخ عشان نجهز الأكل. عشق فتحت الشنطة وطلعت اللبس وبعدها راحت قدام المرايا. اللبس عبارة عن شورت جينز وتيشيرت بقط. عشق بصدمة: إيه ده؟ جسمي كله مكشوف كده ليه؟

ده قصير قوي، هو يبعتلي حاجة زي كده ليه؟ راحت عشق تتصل على فهد. فهد: امم، وصلك اللبس؟ عشق: أيوا ب... بس... فهد: مفيش بس، روحي البسيه، ماشي؟ يلا سلام. عشق: حاضر، سلام. قفلت معاه ونزلت لتحت. بقت مستغربة اللبس اللي عليها. مراد: كده أنا آخر واحد يعرف إنك اتجوزت. فهد: ده أنا بقيت في مشا مشاكل بسبب كده. مراد: وأكيد حور خربت الدنيا، بس ده شرع ربنا. فهد: كل شوية تتخانق معايا، زهقت. مراد: اومال إنت فاكر إيه؟

الحاجة اللي بتكسر الست لما تشوف جوزها مع واحدة تانية غيرها. وأكمل بغمزة: المهم، بتحبها ولا لسه؟ فهد بعد فهم: أحب مين؟ مراد: لا، إنت تفوق معايا كده، أنا بتكلم على مراتك الجديدة. فهد: محدش لغاية دلوقتي قدر ياخد قلب فهد المرصاوي، لا هي ولا حور. مراد: طيب، أنا همشي عشان عندي اجتماع. فهد: متنساش إنك معزوم النهارده في بيت أخوك، خلص وتعال عشان نروح سوا. مراد: ماشي، أخلص بس الاجتماع مع المستثمر وهجيلك. بليل...

وصل مروان على القصر. حور: حضرتي الأكل؟ جنه: آه يا ست هانم، كله جاهز. حور: طب يلا، إنتوا وهي، حطوا الأكل على السفرة. وصل فهد ومراد على القصر. مراد: إزيك يا عمي. مروان: كل ده ومتسألش عن عمك، يا بلاش. مراد: إزاي مسألش، ده إنت البركة كلها، أنا جيت لك أهو. مروان: أيوا كده، قولولي بقا عملتوا إيه في الصفقة. فهد: مضينا العقد مع الشركة وهنبتدي الشغل في المشروع بكرة.

مراد: وأنا هروح الموقع وآخد معايا كام مهندس من الشركة عشان نعاين المكان. مروان: تمام كده. جت حور وبنفس عادتها وجمالها وسحرها اللي بيخطف الأنظار. حور: منور يا مراد. وبصت لفهد: حمد الله على السلامة يا حبيبي. مراد: بنورك. حور: مش يلا بقا العشا جهز، كلو وبعدين ابقوا اتكلموا في الشغل. مروان: يلا يا ابني. قعدوا الكل على السفرة. مروان: انده لمراتك يا ابني تيجي تتعشى. حور: ما أنا هنا أهو. مروان: أنا بتكلم على مراته التانية.

منة: نعم يا بيه. مروان: اندهي لعشق تيجي. منة: حاضر. مراد بيهمس لفهد: أنا بدأت أخاف عليك منها. في الوقت ده نزلت عشق وهي لابسة شورت جينز أسود وتيشيرت بقط، وشعرها مفرود وجمالها الطبيعي الخلاب سحرت كل الموجودين. فهد سرح في جمالها، أما مراد وكأنه أول مرة يشوف بنت. حور ملاحظة اللي بيحصل ومتغاظة ومسكت راس الشوكة بإيدها وبتضغط عليها. جت عشق ووقفت قدامهم. عشق: السلام عليكم. فهد فاق من شروده على

صوت مراد وهو بيرد عليها: وعليكم السلام. مراد وقف يسلم عليها: أنا مراد ابن عم فهد، وإنتِ... فهد الغضب سيطر عليه لما شافها بتسلم عليه: عشق! عشق بخضة شالت إيديها وبقت واقفة خايفة. فهد: إيه اللي إنتي لابساه ده؟ عشق بتوتر: إنت إنت اللي ق... حور بسرعة: إنتي إزاي تلبسي كده؟ ده أنا معرفاكي إن في ضيف هيجي، مش قولتِ تغيري هدومك دي عشان الضيف اللي جاي. وأكملت بخبث وحقد: ولا عشان تغريه؟

عشق بخوف بصت لفهد اللي عيونه احمرت من العصبية وعروقه برزت. عشق: اسمعني، أنا بس... فهد بعصبية وصوت عالي: امشي اطلعي فوق، ومش أشوف وشك. عشق جريت على فوق وهي بتعيط. صعبت على مراد. مراد: إنتوا بتكلموا البنت كده ليه؟ ما تلبس اللي هي عاوزاه، دي لسه صغيرة. مروان: دي تبقى مرات فهد. مراد بصدمة: مراتك؟ لحظة، إنتوا بتهزروا ولا إيه؟ فهد: أنا، أكلت. عن إذنكم. حور بحب: حبيبي، بس إنت مأكلتش حاجة.

عشق ببكاء: هو يقولي البسي كده، وبعدين يزعقلي، وأنا معرفش إن في ضيف جاي. هي ليه كدبت تحت وقالت كده؟ حور بابتسامة شر: أتقل عليا، أنا مش هخليكي تتهني يوم. فهد دخل لعشق وبعصبية: إيه اللي هببتيه ده؟ هو ده لبس تنزلي بيه؟ عشق بارتباك وتوتر بدأت تبعد وترجع وراء. فهد بنرفزة: ما ترديييي. عشق من كتر خوفها أغمى عليها ووو...