رواية عشق الفهد الفصل الرابع 4 - بقلم شيماء ناصر

ههه بتضحك على إيه؟ وأنتي تطولي تكوني في جمالي وعودي أصلاً، ياللي بتتريقي عليا. لا ومش عاوزة أكون لا في جمالك ولا عودك، كفاية اللي إنتي عملتيه. بص لي. إنتي عملتي لها إيه؟ والله يا حبيبي أنا ما جيتش ناحيتها، بلاش تظلمني. كدابة هي... جهزت أوضة ليكي جنب جناح فهد بيه يا عشق هانم. ليا؟ أيوه ليكي، أنا اللي قلت للشغالة تعمل كده. شفتي بقيت أحسن منك إزاي، وتشكي فيا كده؟ أنا عمري ما أذي حد. وسبتهم وجريت على فوق. حوررر استني.

ممكن آخد تليفونك أتصل ببابا. حفظه رقمه. هزت راسها وخدت التليفون تكتب الرقم. خلصي المكالمة وهاتهولي، أنا في أوضة المكتب. الو يا بابا. الو مين؟ أنا عشق يا بابا، وحشتني. تليفون مين ده يا بت؟ إنتي سرقتي حد ولا إيه؟ بابا أنا عمري ما أمد إيدي وأسرق، ده تليفون فهد. اتصلت أطمن عليكوا، وحشتوني ووحشتني ماما وإخواتي. بابا تعال خدني من هنا ورجعني على البيت تاني.

اسمعي يا بنت ****، أنا مجوزتكيش ليه عشان تقوليلي خدني من هنا. دول دفعولي مهر فيكي أنا عمري ما كنت أحلم بيه. إنتي بس اسمعي الكلام وقولي حاضر وبس. ولو هتيجي زيارة متجيش بإيدك فاضية، سامعة. لمحت بعينيها حد بيتصنت عليها. وأنت كمان وحشني يا بابا، أنا هقفل دلوقتي. وحاضر يا بابا، هخلي بالي على نفسي. سلام يا حبيبي. احم، اتفضل تليفونك. وحطيته على المكتب وجت تمشي. كلتي ولا لسه. لا، يلا تصبح على خير.

كلي الأول وبعدين نامي، فاهمة. حاضر، عن إذنك. بينما حور خرجت من أوضة عشق بعد ما خبّت فيها حاجة وراحت جناح فهد. جوزي اللي خدتيه مني هو بنفسه اللي هيرميكي بره، بس اصبري. طلعت عشق ودخلت أوضتها وفضلت تبكي من كلام أبوها. إنتي إزاي تعملي كده في حور حبيبتك. كله بسببك. راحت لفهد ومسكت إيده وحاوطتها على وسطها، وبإيديها بقت بتمشيها برومانسية على وش فهد. نسيت حبك ليا والعشرة اللي ما بينا، ووعدك إنك مش هتتجوز غيري.

شدها من وسطها أكتر واتكلم بحدة. حنيتك الزيادة دي أنا مستغربها، وبعدين إنتي كنتي مسافرة، دلوقتي افتكرتي إن ليكي جوز وبيت تهتمي بيهم. وبعد عنها وراح يغير هدومه. حاسة إنك ماسكني من إيدي اللي بتوجعني، كل ده عشان الولد تتجوز عليا. فوقي لنفسك واعرفي إن الغلطة من الأول غلطتك، وبعدين ابقي اتكلمي. وسمحت لنفسك تتجوز واحد من دور ولادك إزاي، ده إنت أناني. راح ومسك دراع حور بقوة.

الأناني ده عارف نفسه كويس، فبلاش تفتحي في المواضيع عشان هتزعلي.