رواية عشق الفهد الفصل الرابع والعشرون 24 - بقلم شيماء ناصر

مروان بص لحور وأكمل: مش هقدر أقول إني ماكنتش عارف، بس لما شكيت فيها واتكلمت معاها زاد شكي من ناحيتها. أنا حذرتك وقلت لك هتقعي من ورا عمايلك دي. حور بارتباك: أنا أنا ما عملتش حاجة يا فهد، ما جتش ناحيتها. أنت تعرف عني كده. عشق: أنا متأكدة إنك عملتي كده، أنتِ مش بتحبيني. فهد بغضب: متحوليش تنكري. حور خطر على بالها حنان والاتفاق اللي بينهم، إن لو الموضوع اتكشف تعترف هي على نفسها. بتدور على حنان يمين وشمال مش لاقياها.

فهد: متتعبيش نفسك وتدوري عليها، هي اعترفت عليكي. حور برقت من الصدمة: اعترفت عليا؟ وأنت هتصدق خدامة وتكدبني؟ مروان: حور، أنا عامل اعتبار لأبوكي. اطلعي بره البيت قبل ما أعمل تصرف تاني يزعلك. حور بصت لعشق: يا ريت تكوني مبسوطة. فهد: ملكيش دعوة بيها. حور: أنا حامل في ابنك، معقول عايز ترميني بره؟ عشق بصت لفهد: خليها في البيت.

فهد: لا، هي مبقاش ليها مكان بعد اللي عملته ده. حاولت تقتلك واتهمتك بالسرقة. الله أعلم عملت إيه تاني. أنا مبقتش عارفك، تصرفاتك بقت رخيصة. مش دي حور اللي أعرفها. حور بعصبية: طب أنا عملت كده علشانك، علشان تفضل معايا وما تبعدش عني. ولو رجع الزمن هعمل فيها أسوأ من كده. ما تبقيش التافهة دي مراتك. فهد ضرب حور بالقلم لما شتمت عشق.

فهد: اللي بتتكلمي عليها دي مراتي، مرات فهد المرصاوي. أنا سكت كتير على مصايبك، ولحد هنا وكفاية. اطلعي بره البيت. حور ببكاء مصطنع: بتضربني عشانها؟ ما أنا كمان مراتك وهبقى أم ابنك. فهد بسخرية: تصدقي؟ حتى كلمة ابنك اللي طالعة منك أنا قرفان منها. هتفضلي عند أبوكي لحد ما تحبلي، ووقتها هفكر هعمل إيه معاكي. حور طلعت تلم شنطتها وتمشي. *** بينما سارة كانت مع يوسف في العربية. يوسف بتنهيدة: انزلي يلا. سارة ببكاء: ليه عملت كده؟

وأنت عارف إني بحب مراد. يوسف بص لسارة: عملت كده عشان أبوكي. حاولي تفهمي، ويلا انزلي. فتح لها الباب ونزلت، وأول ما دخلت بيته. سارة نسيت عياطها وبقت بتتفرج على البيت ومنبهرة. سارة: بيتك جميل جداً. يوسف: شكراً. بصي بقى، أنتِ من النهارده اعتبري إن البيت ده بيتك، ومتخافيش. أنا مش هاجي ناحيتك. الأوضة بتاعتي هتبقى بتاعتك. سارة: طب... أميرة نزلت على صوتهم واتفاجأت ببنت واقفة مع يوسف، لابسة فستان الفرح. أميرة: إيه ده يا واد؟

يوسف: تعالي يا ماما. أميرة: مين دي؟ أنت اتجوزت من ورايا؟ يوسف: هفهمك بعدين. سارة مراتي. أميرة: أنا آه بزن عليك تتجوز، بس مش لدرجة إنك تصدمني كده. طب قولي حتى. يوسف باس راسها: آسف يا ست الكل. وبعدين مش أنتِ كنتي عايزة تشوفيني مبسوط من تاني؟ وأنا اخترت سارة عشان أكون مبسوط معاها. أميرة: طب وسع كده يا بكاش، خليني أسلم على مراتك. إيه القمر دي؟ لأ وكمان عرفت تختار، يا واد طالع لي أمك. سارة بابتسامة: شكراً يا طنط.

أميرة: لا، متقوليش طنط، قولي يا ماما، ماشي. سارة: حاضر يا ماما. أميرة: تعالي بقى لما آخدك على أوضتك أنتِ ويوسف. سارة بصت ليوسف وطمنها إنه هيتصرف. أميرة: خد يا واد، أنت رايح فين؟ يوسف بتوتر: هسيب سارة تستريح في أوضتها وهمشي عشان عندي شغل. أميرة: مفيش شغل. أنت زهقت؟ يلا تعال. وطلعوا في أوضة يوسف. ويوسف حط شنطة سارة على السرير.

أميرة بحب: والله لو أعرف أظغط كنت عملت. المهم، أمشي أنا بقى يا عرسان، وأنت حسابك معايا بكرة. يلا تصبحوا على خير. سارة بصت ليوسف بحرج. يوسف: طب روحي غيري هدومك، الحمام هناك أهو. سارة فتحت شنطتها وطلعت هدوم وراحت الحمام. بعد شوية خرجت سارة وهي لابسة إيزار واسع ولفه الطرحة. يوسف باستغراب: أنتِ هتنامي كده؟ سارة بتفرك في إيديها: آه يا فندم. يوسف محبش يكسفها أكتر: طيب، بس كلمة يا فندم دي بيني وبينك، متقوليهاش قدام أمي.

سارة حركت راسها. وراحت على السرير. يوسف راح يغير هدومه قدام المرايا، وخلع القميص وعضلات جسمه باينة. سارة شهقت. وغمضت عينيها بسرعة. يوسف بيمسح على وشه: آسف، والله ما أخدت بالي. معلش عشان متعوّد. هروح أكمل في الحمام. سارة فردت جسمها على السرير. وببكي بدون صوت: مش مصدقة إني في بيت حد تاني غير مراد اللي كنت بحلم بيه. ما حصلش. *** في القصر. عشق راحت في جناح فهد ولقيته واقف بيعمل رياضة.

عشق: تصرفك ده ما كانش صح، دي أم ابنك، إزاي سبتها تمشي كده؟ فهد: ... عشق بغيظ: بارد. وجت تمشي، فهد سحبها من وسطها. فهد: أنتِ عايزة إيه بالظبط؟ مش بيعجبك حاجة. عشق: إيدك. شالها من وسطها. فهد بعناد ضغط على وسطها أكتر: لا. عشق باستسلام: طب عايزة أسأل سؤال، هو أنت فعلاً بتحبني زي ما حكيت؟ فهد قرب منها أكتر وأنفاسه قريبة منها. فهد: أنتِ شايفة إيه؟ عشق بخجل: خلاص فهمت. ممكن بقى تسيبني؟ فهد: مش هينفع. عشق: ليه؟

فهد بغمزة: عشان أبويا عايز حفيد، وأنا هجيبله الحفيد. عشق: ... فهد شال عشق و...