رواية عشق الفهد الفصل الثالث والعشرون 23 - بقلم شيماء ناصر

مبروك المدام حامل في الشهر الأول. فهد، بلهفة، دخل على حور: "ألف سلامة عليكي يا قلبي." حور: "الله يسلمك." فهد، باس رأسها بحب: "مبروك يا حبيبتي." حور: "الله يبارك فيك يا حبيبي." دخلت عشق: "ألف سلامة عليكي ومبروك يا حور." حور بصت لفهد بأمر: "طلقها." فهد باعتراض: "أطلقها ليه؟ حور: "دي واحدة كدابة وكسرت ثقتك وأنت قلت هتطلقها. يلا طلقها. أنا دلوقتي حامل وخلاص كده مفيش ليها لازمة هنا. خليها تمشي." فهد قام

وقف جنب عشق ومسك إيدها: "أنا بحبها ومش هطلقها، وهي لا كسرت ثقتي ولا حاجة. أنا اللي فهمتها غلط. هي حكتلي كل حاجة، والولد ده أنا هجيبه من قفاه." عشق بصت لفهد بحب وسعادة أنه مش هيتخلى عنها. حور بعناد: "أنت مش كنت عايز الولد؟ أنا أهو حامل وخلاص كده أنت مش هتحتاجها. وحب إيه اللي بتتكلم عنه؟ تحب واحدة من دور عيالك؟ فهد: "صوتك ما يعلاش عليا!

وعيال اللي بتتكلمي عليهم دول كان زمانهم موجودين في الدنيا لو ما كنتيش رفضتي تحملي من الأول." فهد خد عشق وخرجوا. عشق كل ده وهي مبسوطة. مروان بتساؤل: "حور حامل بجد؟ أنتِ متأكدة؟ وعد بارتباك: "ها... آه متأكدة يا مروان بيه." مروان بفرحة: "هبقى جدو؟ يارب لك الحمد والشكر." سارة: "بابا الله يخليك متعملش كده. أنت فاهم الموضوع غلط." سيد بص لسارة بغضب وأكمل وراء الشيخ لحد ما قال جملته المعتادة: "

(بارك الله لكما وبارك عليكما وجمع بينكم في خير) . مبروك يا عريس." سارة مقدرتش تمسك دموعها اللي انهمرت على خدها: "مش هو ده اللي كان نفسي يبقى جوزي. أنا بحب مراد. ويوسف عارف؟ هو إزاي يوافق على كده؟ حسبي الله ونعم الوكيل فيكي يا نورهان." نورهان جت وقفت جنبها وهي بتزغرط: "حاسة إنك بتجيبي في سيرتي يا بنت جوزي." سارة بصتلها بكره ومتكلمتش معاها.

سيد: "مبروك يا ابني. من هنا ورايح هي مسؤولة منك، وأنا مبقاش ليا دخل فيها. من دلوقتي لا هي بنتي ولا أنا أعرفها." بعد شوية سارة راحت قعدت جنب سيد. "كده يا بابا؟ ترميني كده؟ تحكم عليا من غير ما تسمعني ومش عايز تشوفني تاني؟ مش أنا حبيبتك وبنتك الوحيدة؟ مش المفروض تقف في ضهري وتكون سندي؟

سيد بغضب: "مش أنتِ اللي هتعلميني أعمل إيه. بس شكلك أنتِ اللي نسيتي إننا صعيدة. ولو كان ده حصل في البلد كنت د*بحتك. احمد ربنا وخلي يومك يعدي وروحي مع جوزك، ورجلك ما تخطيش بيتي تاني." وسبها قاعدة بتعيط. يوسف حط شنطتها في العربية وركبها وساق. سارة قلبها بي*تقطع على فراق أبوها وبيتها. تليفون حور رن. وعد بغضب: "بصي أنا عملت اللي انتي طلبتيه، بس الكدبة دي مش هتفضل كتير. لازم تتصرفي." حور بخنقة: "تمام. سلام."

بزعقة: "فففههد! فهههد! جه فهد على صوتها: "حصل إيه؟ أنتِ كويسة؟ أجيب الدكتورة تاني... " شاف الدنيا متبهدلة. حور واقفة قدام الدولاب وموقعة كل الهدوم في الأرض: "أنا اتسرقت. دهبي مش لاقياه. اتصل بالبوليس." فهد: "حور دوري كويس وأنتِ هتلاقيه." حور بتعب: "أنا تعبت. دورت عليه كذا مرة وأنا بشيله في المكان ده وأنت عارف." فهد خدها وقعدها على السرير: "طب اهدي. بطلي تتوتري وأنتِ حامل. الدكتورة قالت ترتاحي."

حور: "سيبك دلوقتي من الراحة. دهبي مسروق. اتصل بالبوليس. روح واتأكد من الخزنة، ممكن يكون مسروق منها." مروان: "في إيه يا فهد؟ مالك مستعجل ليه؟ فهد نازل على السلم: "في حرامي دخل البيت. دهب حور مسروق كله. أنا رايح أوضة المكتب أتأكد إن كانت في حاجة اتسرقت." جنة كانت مع عشق في أوضتها: "أنا مبسوطة قوي يا جنة. فهد قال إنه بيحبني." جنة: "طب وأنتِ بتحبيه؟ عشق: "جداً جداً. اعترض على كلام حور ورفض يطلقني."

جنة: "الله الله على الحب." فهد بغضب بيدور على الأوراق والفلوس. "باباااا! مروان: "كل حاجة تمام." فهد: "مفيش حاجة تمام. في أوراق تخص القصر مسروقة، وفي فلوس كمان مسروقة." مروان باستغراب: "الأوراق والفلوس كانت في الخزنة وأنا قفلها بإيدي من يومين. أنا هتصل بخالد." حور قاعدة على الكرسي وحاطة رجل على رجل. "خلينا نتفرج على اللي هيحصل." جنة: "طيب أستأذن أنا بقى وأسيبك."

خرجت جنة وسابت عشق لوحدها. قامت عشق راحت للدولاب تجيب لبس عشان تغير هدومها. عشق بدهشة: "إيه ده؟؟ مين اللي حط الدهب وسط هدومي؟ أكيد دي حور. هي امتى هتسبني في حالي بقى؟ خرجت حور وراحت لأوضة عشق وفتحت الباب مرة واحدة. عشق بخضة: "خوفتيني! دخلت حور وحطت الدهب قدامها على السرير: "الدهب ده بتاعك." حور بدهشة: "إيه ده؟ كان معاكي بيعمل إيه؟ أنتِ سرقتيه؟

عشق: "ما تبطلي شغل هبل بقى. أنا عارفة إنك بتعملي كده عشان توقعيني يبان عليكي البراءة، بس أنتِ خبيثة." حور قربت منها: "أنا مش حابة وجودك في بيتي مع جوزي. أنتِ مش قادرة تفهمي الحاجة الصغيرة دي؟ كنت مبسوطة في حياتي وكل حاجة تحت سيطرتي قبل ما تيجي أنتِ. قوليلي فرحانة وإنتِ بتبعدي جوزي عني؟ عشق: "بقولك إيه؟

أنا مش عاوزة أتخانق معاكي وأعمل مشاكل. المفروض ترتاحي عشان اللي في بطنك. بس أنا شايفة إنك بتحاولي تعملي مشاكل معايا وخلاص، وأنا مسرقتش حاجة." حور: "كدابة. أنتِ طمعتي في دهبي وخدتيه. وكمان... " حور رمت على السرير قماشة ملفوف فيها فلوس وورق. عشق بعد فهم: "إيه دول؟ حور: "أنتِ قوليلي إيه دول؟ معقول تسرقي وتمدي إيدك على فلوس جوزي؟ عشق بنفي: "اسكتي. أنا مسرقتش حاجة. أنتِ هتستعبطي." حور بضحكة سخرية: "فهد! يافهد! ياباباااا!

مروان وفهد جاين على صوت حور. عشق: "أنتِ بتعملي إيه؟ أنا مخدتش حاجة والله. أنتِ اللي عملتي كده." حور بتوجع: "فهد! آه! فهد! الحقني. حرام عليكي. آه! فهد! سيبيني." عشق واقفة مكانها من صدمتها مش عارفة تستوعب اللي بيحصل. مروان: "حصل إيه؟ حور: "كـ... كانت عايزة تقتلني لما أنا كشفتها وعرفت إنها سرقت."

عشق بصت لفهد: "صدقني والله أنا مسرقت حاجة. أنا لقيت الدهب ده في دولابي. أكيد مش هلحق أسرق في الوقت القصير ده. أنا كنت قاعدة قدامك." وحور ساندت على فهد وأكملت بحزن: "كل ده يا بابا عشان قولت لفهد يطلقها. راحت سرقتني وسرقت الفلوس وخدت ورق الشركة والقصر." فهد بعد حور عنه وبص في عينيها بشك: "و أنتِ إيه عرفك إن الورق المسروق بتاع الشركة والقصر؟ حور بتوتر: "ا... أنت بتشك فيا؟ فهد مسك دراعها: "انطقي. عرفتي إزاي؟

أنتِ اللي عملتي كل ده صح؟ مروان: "استهدى بالله. خلينا نفهم." فهد خد حور وشدها لتحت: "بصي بقى قدامك حل من اتنين. انطقي وقولي اللي عملتيه، أو اطلعي بره. أنا استحملت حاجات كتير منك ومردتش أقولك وأقول سيبها هي بكرة هتفهم." حور باستغراب: "اطلعي بره؟ أنت اتجننت؟ ده أنا حامل في ابنك. أنت نسيت نفسك ولا إيه يا فهد؟ وحاجات إيه اللي أنا عملتها؟ فلاش باك. فهد: "بابا أنا مش لاقي أوراق ملكية القصر. أنت متأكد إنهم هنا؟

في جزء من الفلوس مش موجود." مروان: "أنا متأكد. حاطتهم بإيدي. محدش هيعرف يفتح الخزنة إلا برقم سري والمفتاح." فهد: "يبقى أكيد حد من البيت. مستحيل حد من بره يفتح الخزنة وهو ميعرفش كلمة السر." باك. فهد: "يا ذكية. محدش يعرف الرقم السري غير أنا وأنتِ وأبويا. فاتتك دي صح؟ حور: "بس أنا معملتش حاجة." فهد بيمسح على وشه بخنقة: "حور أنتِ غبية صح؟ أنا عارف بعملتك السودا." حور: "عرفت إيه؟

فهد: "عرفت إنك سممتي عشق وأنها كانت هتم*وت بسببك." مروان: "إيه الكلام ده يا حور؟ حور بتوتر: "... يتبع.