رواية عشق الفهد الفصل التاسع 9 - بقلم شيماء ناصر

حور: يعني إيه يسبني ويمشي وهو عارف إننا هنخرج سوا؟ بعصبية راحت تتصل عليه... مش بيرد. مروان: سيبيه مع مراته شوية، اديها حقها. حور بابتسامة مزيفة: حقها طبعاً يا بابا، حاضر. مروان لحظ إنها ممكن تكون اتقبلت. عشق ميعرفش بنوايا حور المزيفة. مروان: الو يامدحت، احجز تذكرتين لدبي. مدحت: حاضر يا فندم. حور: خليه ياخدها ويخرج، وشوف أنا هعمل إيه دلوقتي. على الطريق. فهد: عاملة إيه دلوقتي؟ لسه حاسة بتعب؟

عشق: لا أنا كويسة الحمد لله. فهد: عشق، عاوز أكلمك في حاجة. عشق: اتفضل. فهد: آسف على الطريقة اللي اتجوزتي بيها، إنتي لسه قدامك حياة طويلة وهيجيلك الأحسن. أنا عارف. عشق: يعني إنت هتسبني صح؟ فهد: آه، بس مش دلوقتي، مستني فترة صغيرة كده. عشق بسعادة: يعني أنا هرجع أعيش في البيت وأشوف أهلي، وهروح المدرسة؟ فهد: أيوه، بس غريبة إنك اتجوزتي ومحدش من أهلك جه يزورك ولا يطمن عليكي، أنا مشوفتش حد منهم لغاية دلوقتي. عشق بحرج سكتت.

فهد: طيب مش عاوزة تحكيلي مكنتيش بتاكلي ليه؟ عشق بطريقة طفولية: كنت متضايقة منك على فكرة، عشان إنت عصبي وبتزعق كل شوية. فهد: خلاص يا ماما، أنا آسف. عشق بضيق: أي كلمة ماما اللي كل شوية تقولها، يعني أنا مامتك؟ آه صحيح، هي فين مامتك؟ مشوفتهاش خالص. فهد: أنا والدتي الله يرحمها من ٦ سنين، وأنا عايش أنا وبابا بس، ومليش غير أخت واحدة، دي متجوزة وعايشة بره.

عشق: الله يرحمها، وعلى فكرة شكلك راجل صغير، أومال هما كانوا بيقولوا هو راجل عجوز ليه؟ فهد بضحك وغمزاته اللي أضافت لمسة جمال على جماله جذبت عشق ليه وأعجبت بيه. مين اللي قال إني عجوز؟ هما مين؟ عشق: بابا وماما قالولي كده... وأه كمان قالوا إني هجيبله الولد. فهد بغمزة: احم، ما هي المشكلة إنك صغيرة على الكلام ده وعقلك مش هيستوعب حاجة دلوقتي. عشق: أنا مش صغيرة، أنا كبيرة.

فهد: ما أنا عارف، بالمارة بتتفرجي على كرتون لحد الساعة ٢ بليل. عشق: استنى هنا، اقف. فهد باستغراب: ليه؟ عشق: عاوزة أجيب غزل البنات، هات فلوس بسرعة. فهد وقف العربية: امسكي ياستي. نزلت عشق من العربية وراحت للمحل وجابت غزل البنات. فهد: إيه كل ده؟ هي كانت واحدة وبس؟ إنتي اشتريتي المحل ولا إيه؟ عشق: أنا جبت واحدة ليك والباقي ليا، خد الباقي اهو. فهد بفرحة بيحاول يداريها: صبرني يارب.

عشق: استنى بقى، متلسعش دلوقتي وامسك، ويلا كل. فهد: يابت، محدش بيستجرأ يعمل اللي بتعمليه ده، فهد المرصفاوي على آخر الزمن ياكل غزل البنات. عشق: هزعل لو مكلتوش. فهد: ماشي خلاص، هاكل. خلصوا وبعدها وصلها تجيب روايات. فهد: خلاص كده، جبتي اللي انتي محتاجاه؟ عشق بفرحة: أنا مبسوطة. فهد: طب يلا، أنا عازمك... نفسك تاكلي إيه؟ عشق بدون تفكير: سمك. فهد: تمام. وصلوا على مطعم ضخم، دخل فهد وعشق وقعدوا على الطربيزة.

عشق بفضول: هو المكان هيقفل ولا إيه؟ فهد: ليه بتقولي كده؟ عشق: المكان فاضي ومفيش فيه حد. فهد: ده عشان أنا حاجز المكان. عشق: يعني إيه حاجز المكان؟ فاضل تشتريه كمان. فهد بضحك: لا مش محتاج، هو أصلاً ملكي. عشق بذهول: إنت غني قوي كده؟ فهد: آه ياستي. عشق: طيب اطلب بقى سمك، جعانة. فهد طلب الأكل وكانوا بياكلوا، وصلت حور على المكان. حور بكسرة: حلو قوي كده، بتحتفل بعيد جوازنا معاها؟ قدرت تنساني معقول؟

فهد بدهشة: حور، أنا آسف، نسيت فعلاً، استنى هفهمك. حور: إيدك لو سمحت متلمسنيش، متكلمنيش تاني، وخليها تنفعك. فهد: حور، استني. وخرج وراها. عشق: معاها حق إنها تتضايق... هو قمور برضه، إيه اللي أنا بقوله ده. حور ركبت العربية. فهد: حوررر. رجع تاني المطعم. عشق: هي زعلت صح؟ كله بسببي مش كده؟ فهد: لا مش بسببك، كلي براحتك تمام، وأنا هبعتلك السواق يجي ياخدك تمام. عشق: متسبنيش لوحدي هنا.

فهد: متخفيش، التلفون معاكي، لو حصل حاجة رني علي. مشي فهد يلحق حور اللي كانت سايقة بسرعة. حور بغيظ: ناقص كمان ياكلها في بوقها، طب وأنا إيه؟ هو مش أنا مراته؟ لا ده نسيني ونسي وجودي ونسي حبنا وكل حاجة، لما هي جت ومش شايف غيرها، بس أنا بحبه، هو كان ليا أنا وبس، ولحد دلوقتي هاخده منك، والمرة دي هتخرجي من البيت ج*ثة. خلصت عشق والجرسون شال الأكل، سمعت صوت من وراها. =القمر زعلان ليه؟ عشق افتكرت إنه فهد، لفت.

وعشق بخوف: ده إنت؟