رواية عشق الفهد الفصل الثامن 8 - بقلم شيماء ناصر

جنه سمعت كل كلامهم وحطت ايديها على وشها. = عاوزين يقتلوا الهانم... أنا قلبي مكنش مطمن لحنان بس توصل بيها إنها تقتل. أنا هعرف الهانم. عشق كانت قاعدة في الأوضة بتفطر، منزلتش تحت عشان لسه تعبانة. جنه: ممكن أدخل يا هانم؟ عشق: ادخلي. جنة بتوتر: عاوزة أقولك على حاجة يا هانم. عشق بطيبة: أنا مش هانم، قولي عشق على طول.

جنة بارتباك: حاضر، بصي يا عشق أنا كنت تحت من شوية وشوفت حنان مع الهانم حور وبيتكلموا على إنهم يخلصوا منك، خلي بالك على نفسك واوعي تاخدي ولا تشربي حاجة من إيد حنان. عشق: كنت شاكة إن اللي أنا فيه دلوقتي ده بسببها. جنة: هتعرفي فهد بيه صح؟ عشق: لأ، هو أكيد مش هيصدقني وهيصدق مراته. جنة: طب هتعملي إيه يا عشق؟ عشق: خلي الكام يوم دول يعدوا على خير وأنا هرجع لبيت بابا، أنا مش عاوزة أعمل مشاكل عشان أنا هخسر قدامها.

جنة بخوف: أمانة عليكي خلي بالك على نفسك ومتثقيش في حد. عشق هزت راسها ومشيت. جنه: دول كتير قوي. حور: ومتنسيش لو عملتي اللي قولته لك عليه هتاخدي أكتر منهم. حنان بلعت ريقها: حاضر، أنا خدمتك يا ست هانم. حور شاورت لها تروح على شغلها. مشيت حنان وهي حاضنة الفلوس وبتخبيها في هدومها. "ده أنا هعيش في عز لو فضلت أسمع كلام الهانم كده." وراحت تخبي الفلوس في شنطة الهدوم بتاعتها. في شركة المرصفاوي.

دخل مراد بارهاق: الشغل النهاردة متعب. فهد: إنت يالا مش بتخبط قبل ما تدخل لي؟ مراد: بس ياعم، بق أنا جاي مفرهد. فهد بفضول: إيه اللي حصل؟ مراد وهو ياخد راحته على الكرسي: ساعتين تحت الشمس وكل ما أقوله خلصت يقولي المكان كبير، لازم أعين ولازم ألف حوالين المكان والمكان لازم يتعمل له مدرك إيه عشان ميبقاش في حتة مقطوعة. خبطت السكرتيرة. فهد: ادخل... شايف الناس بتخبط إزاي قبل ما تدخل؟ هفضل أعلمك لإمتى!!!

مراد بضحك على طريقة فهد: لأ، وانت الصادق بتعلمني قوي. السكرتيرة بلهفة: جبت لك عصير يا مراد بيه، اتفضل. فهد سكت وبقى بيتفرج على عصفير الحب. مراد: شكراً يا يارا. السكرتيرة: تحب أعمل لك حاجة تانية؟ مراد: لأ، شكراً. السكرتيرة: طيب، عن إذنكم. خرجت السكرتيرة من المكتب تحت نظرات فهد. "أبو برودك يا لامراد"، وهو بيشرب العصير. فهد: عملت إيه دلوقتي؟ فهد: إيه البت ملهوفة عليك وانت لأ حياة لمن تنادي. مراد: مش بفكر فيها.

فهد: إنت حر بق، بس لو عايز رأيي فكر مرة تانية، دي من ساعة ما جت هنا وهي باين عليها معجبة بيك بس انت جبله. مراد: يابني، شايفها حد عادي مش حلوة قوي يعني عشان أحبها. فهد: خليك كده سنجل، أنا هخلع عشان ألحق أروح لحور. مراد: هو انت بتحب عشق؟ فهد ضم حواجبه باستغراب: إيه السؤال ده؟ مراد: عادي، قولت أسأل أصل انت كنت واقع قوي لما هي تعبت، معقول حبتها؟

فهد باستغراب: لأ طبعاً مش بحبها، أنا عايز أطلقها. بظلمها معايا ودي لسه طفلة قدامها مدرسة وحياتها ولسه قدامها العمر كله على ما تتجوز. مراد في سره: أنا بقول كده برضو، طلقها. فهد: قولت حاجة؟ مراد: ولا حاجة، روح يلا لي حور وأنا عندي شوية شغل وبعدين هروح الفرع التاني. فهد: طيب، خلي بالك على نفسك، سلام. مراد: سلام... شكلي أنا اللي وقعت مش فهد. في جناح فهد.

كانت حور قاعدة قدام المرايا بتحط ميكب كالعادة، بس المرة دي كانت فعلاً جميلة جداً ولبست أحلى فستان سهرة وسابت شعرها مفرود ولبست عقد نفس لون الفستان. وصل فهد على القصر وكان مروان موجود. مروان بيولع السيجارة: جاي بدري لي؟ فهد: عشان أخرج حور. مروان: سيب حور دلوقتي وخرج عشق مراتك، طالعة من تعب، خدها وفسحها. فهد: بس النهاردة يبقى...

وسكت فهد لما شاف عشق نازلة ولابسة اللبس الفضفاضي والخمار اللي جابهولها. سحرت فهد بجمالها، فضل واقف متنح ليها. "متوقعتش اللبس هيكون حلو عليها كده." "إنتي راحة فين كده؟ عشق: حابة أخرج أشتري روايات وأشم هوا. فهد: تعالي، أنا هوصلك. عشق: لأ، شكراً، أنا هروح لوحدي. فهد: ده عشان تتوهي، امشي ياماما قدامي يلا. خد عشق ومشيوا على نزول حور اللي كانت مستعدة للحفلة اللي وعدها فهد بره. حور: هو فهد لسه مجاش؟

مروان بضحكة سخرية: جه ومشي. حور: إزاي يمشي؟ هو قالي إنه هيخدني نسهر بره. مروان: معلش بق، مراته الجديدة ولازم يخرجها. حور بانفعال: نعم؟