رواية عشقت امبراطور الصعيد الفصل الثامن عشر 18 - بقلم منة رضا

أول ما دخلت ماسة، قربت أنعام عليها وضربتها بالقلم وسحبتها من إيديها، بعدين رميتها بره البيت. فهد: ممكن أفهم في إيه؟ أنعام: الهانم مراتك ماشية مع كل واحد. شوية مع ابن عمك، ومرة مع واحد بيقول إنه صاحبك. فهد: إيه الكلام ده؟ أنعام فتحت شريط على الشاشة كان فيه صور لماسة وهي واقعة على رجل قاسم، وصور تانية وهي عند الباشا، والفيديو اللي اتبعتلها. ماسة: دخلت تاني، وأول ما شافت الصور على الشاشة اتصدمت ووقعت في الأرض وهي بتعيط.

فهد: الكلام ده مش صح. وبعدين اطفي المهزلة دي. أنعام: لأ، مش مهزلة. دي حقيقة. فهد: (بيزعق) قلت أطفي الزفت ده. أنعام: إنت ليه مش عايز تشوف الحقيقة؟ فهد: لأن، وببساطة، مش دي الحقيقة. ومسمعش حد يتكلم في الموضوع ده تاني. أنعام: لأ هنتكلم، والبنت دي لازم تمشي من هنا حالاً. فهد: مش هرد احتراماً إنك في مقام أمي، لكن اللي يتكلم عن شرف مراتي هو حر. عبد الحميد: فهد، خد مراتك واطلع فوق. فهد: لأ، أنا راجع شقتي تاني.

عبد الحميد: هترجع القاهرة؟ فهد: لأ، الشقة اللي هنا. وراح سحب ماسة من إيديها وقال: يلا. عبد الحميد: البيت زمانه محتاج تنضيف يا بني، خليك هنا. فهد: لأ، شكراً. أنا هرجع البيت. أنعام: كويس، أهو نخلص من الو*ساخة دي، مش ناقصين قرف. فهد: أنعام هانم، اسم مراتي ميجيش على لسانك، إنت سامعة. ومشي ومعاه ماسة. صفية: نازلة من على السلم وبتقول: إيه اللي حصل؟ وماسة مشيت ليه؟ أنعام: فتحت الشاشة وقالت: شوفي الهانم مع مين.

صفية: واقفه وعينيها مدمعة. قاسم: إيه الهبل ده؟ ومين اللي شغل الحاجات دي؟ أنعام: أهلاً بالاستاذ اللي كان بيكلم مرات أخوه ويستغل غيابه. قاسم: إيه الكلام ده؟ ومين اللي جاب الحاجات دي؟ أنعام: فاعل خير كان عايز يورينا حقيقتكم. قاسم: حقيقة إيه؟ مفيش حاجة من دي صح. صفية: بصتله، بعدين بصت لأنعام وقالت: على فكرة، صورة ماسة وقاسم مش حقيقية، لأن أنا كنت واقفة لما ماسة كانت هتقع وهو لحقها.

أنعام: متقوليش كده عشان تخبي حقيقته الوسخة. عبد الحميد: ممكن نقفل على الموضوع ده بقى؟ أنعام: لسه كانت هتتكلم، لكن عبد الحميد منعها تتكلم. راحت سابتهم وطلعت على الأوضة بتاعتها. قاسم: صفية، تعالي عايزك. صفية: مشيت وراه من غير ما تتكلم. قاسم: واقف في نص الأودة، وبعدين قال: إنتِ ليه قولتي كده تحت، رغم إنك مكنتيش واقفة ساعة لما ماسة وقعت؟ صفية: عشان أنا عارفة الحقيقة، وماسة قالت لي كل حاجة.

قاسم: طب فرضاً ماسة مكنتش قالت لكِ حاجة، كان ممكن تصدقيني لحد دلوقتي؟ صفية: مردتش. ولما قاسم عاد السؤال تاني ردت وقالت: أنا مش هرد. عارف ليه؟ لأن قاسم اللي كان في الصورة مش هو قاسم اللي واقف قصادي دلوقتي. أنا مشفتش منك حاجة وحشة. قاسم: قرب منها براحة وقال: وأنا استحالة أعمل كده، دي مهما كان مرات أخويا. *عند ريتال*

ريتال: كانت واقفة على البوتجاز بتعمل الأكل زي ما مسعد قالها. الباب بتاع الشقة كان بيخبط، بس هي مش سامعة بسبب الأغاني اللي شغالة. الباب شغال يخبط. شوية والصوت اختفى. ريتال: خارجة من المطبخ عشان تتفرج على التلفزيون، فجأة حد كسر الباب. مسعد: أول ما دخل البيت، راح قرب من ريتال ومسك إيديها وقال: أنا مش بخبط، مبتفتحيش ليه؟ ريتال: (بتتوجع) كنت في المطبخ ومش سامعة من الأغاني. مسعد: زقها وقال: عملتي أكل؟ ريتال: (بتعيط)

أيوه، في المطبخ. مسعد: طب روحي هاتي عشان ناكل. ريتال: حاضر. *عند فهد* فهد: فتح باب الشقة بتاعته وقال: هنزل شوية أجيب حاجات للبيت وأجي. وإنتي شوفي لو في حاجة هتتعدل، متقلقيش. البيت نضيف، أنا ببعت واحدة كل أسبوع تنضفه. ماسة: دخلت من غير ما تتكلم. وبعد ما فهد نزل، قامت تشوف الشقة ولو محتاجة حاجة تتعمل. فهد: قاعد في العربية بتاعته وبيحط دماغه على الدركسيون وبيفتكر كلام أنعام. وفجأة تليفونه رن. فهد: ألو. قاسم: إنت فين؟

فهد: في شقة البحري. قاسم: طب أنا جايلك عشان فيه حاجات مهمة لازم تعرفها. فهد: تعالي، هتلاقيني واقف هناك. قاسم: طيب. صفية: رايح فين؟ قاسم: نازل أشوف فهد. صفية: في حاجة؟ قاسم: لأ، دي حاجات بخصوص الشغل. صفية: تمام، متتأخرش. قاسم: طيب. و نزل. عبد الحميد: قاعد بيتكلم مع ناس في المندرة. قاسم: عايز حاجة يا جدي؟ عبد الحميد: رايح فين؟ قاسم: نازل لفهد. عبد الحميد: تمام، وحاول كلمه عشان يرجع. قاسم: حاضر يا جدي، هحاول.

*عند الباشا* الباشا: ميرا هانم، خلصت ولا لسه؟ ادريس: جاهزة يا بيه ومستنية أمرك. الباشا: تمام، قولها تتحرك، ويلا عشان إحنا كمان هنتحرك شوية كده. ادريس: تمام، عن إذنك. هروح أشوف ميرا قبل ما تمشي. الباشا: تمام، وبلاش جو المحن بتاعكم ده. ادريس: تمام. وخرج من الأوضة وكان هاين عليه يخنق أي حد ييجي قدامه. ميرا: خارجة من الأوضة وفي دموع في عينيها، وشايلة شنطة صغيرة على إيديها. ادريس: قرب منها وشال

الشنطة من إيديها وقال: على اتفاقنا، تمام؟ ميرا: أنا خايفة أوي. ادريس: متقلقيش، طول ما أنا معاكي. ميرا: سلمت عليه وركبت العربية. ادريس: بعد شوية عن مكان الناس وقال: الاتفاق لسه زي ما هو. مجهول: تمام، على اتصال مع بعض. ادريس: تمام، سلام دلوقتي عشان الباشا خرج. مجهول: متنساش عربية الـ... ادريس: متخفش، كل حاجة زي ما هي. *عند فهد* فهد: ساند على العربية بتاعته، وقاسم واقف جنبه.

قاسم: أنا سمعت إن فيه شحنة هتتسلم النهاردة، واللي هيستلم الشحنة الباشا. فهد: عرفت مكان الشحنة ولا لسه؟ قاسم: معايا كل حاجة بخصوصها. فهد: حلو أوي. الساعة اتنين ونص بالليل، عدي عليا ونروح سوا. قاسم: أنا دلوقتي هروح عشان أتكلم مع الرجالة وأتفق معاهم على كل حاجة. فهد: تمام، هستنى منك خبر. و سابه ومشي. قاسم: عمل كام تليفون وأكد المعاد اللي هينزلوا فيه. *عند ميرا*

ميرا: قاعدة في العربية في الكرسي اللي ورا السواق، وماسكة قلم في إيديها ومتوترة أوي. السواق: بص في المراية وقال: حضرتك كويسة؟ ميرا: ها، أه، مفيش حاجة، أنا كويسة. السواق: 10 دقايق ونوصل عند البنزينة، لو عايزة حاجة. ميرا: لقت إن ده أنسب وقت عشان تنفذ فيه الخطة وقالت: تمام، مفيش مشكلة. السواق: تمام. *عند فهد* فهد: رجع البيت بعد ما جاب الحاجات اللازمة وجاب حاجات للأكل.

ماسة: كانت خدت لفة في الشقة ودخلت تاخد شاور عشان هدومها اتبهدلت. راحت حطاها في الغسالة وطلعت بالبرنس من غير ما تعرف إن فهد بره. فهد: دور على ماسة في البيت، لكن ملقاهاش. توقع تكون نامت في أوضة النوم. فدخل، وأول ما دخل اتصدم. ماسة: لابسة قميص من بتوع فهد واصل لحد فوق الركبة بشوية، وبتسرح شعرها قدام المراية. فهد: دخلت بعدين عمل صوت بفمه عشان متتخضش. ماسة: كانت واقفة ومكسوفة جداً،

بعدين قالت: هدومي اتوسخت وملقتش حاجة ألبسها على ما تنشف. فهد: بس شكله عليكي أحلى. ماسة: هو إيه؟ فهد: القميص. ماسة: أه، ما أنا هرجعه مكانه تاني بعد ما هدومي تنشف. فهد: مش مهم. المهم أنا جبت أكل في المطبخ، روحي شوفيه ويلا عشان ناكل. ماسة: طيب. ومشيت بسرعة من قدامه. *عند ريتال* ريتال: حطت الأكل على السفرة وقعدت على الكرسي اللي في وش مسعد. مسعد: إنتي هتاكلي معايا كمان؟ ريتال: أيوه، أمال أنا حاطة طبق ليا ليه؟

مسعد: إنتي تفضلي واقفة لحد ما أخلص أكل، وإنتي بعدين تاكلي. دي الأصول عندنا. ريتال: إزاي ده؟ وأنا المفروض أفضل جعانة عشان كلام ملوش لازمة؟ مسعد: قام ومسك الشوكة وحطها في كف إيديها، وقال وهو بيضغط على إيديها: هي كلمة وتتنفذ، سامعة؟ ريتال: (بوجع) حاضر، بس إيدي جابت دم. مسعد: زق إيديها وسابها وخرج من غير ما ياكل. *عند الباشا* الباشا: يلا، ومش عايز أي غلطة هناك. عايزين التسليمة تعدي على خير.

ادريس: أكيد يا بيه. وركب قدام جنب السواق واتحركوا. *في مكان العملية* فهد: واقف وماسك منظار وبيشتغل يبص على الطريق. قاسم: شفت حاجة؟ فهد: إنت متأكد يا بني إن ده المكان الصح؟ قاسم: أيوه يا عم. هو... شوية وكان فيه صوت عربيات وصل وبدأت عملية التسليم بينهم. *عند ميرا* ميرا: أول ما السواق وقف قدام البنزينة، راحت شكته بالقلم في رقبته. وشوية وكان نام. نزلت بسرعة من العربية وبعتت مسج لأدريس إن هي هربت.

ادريس: كان قاعد في العربية، وأول ما المسج وصلت اتوتر جداً، لـ الباشا يشوفها. الباشا: خير يا ادريس، مين بعتلك المسج؟ ادريس: ها، لأ، دي الشركة بعتالي إن هي عاملة عروض للشحن. الباشا: طيب. شوية ووصلوا مكان التسليم وكانوا واقفين في طرفين. الشخص صاحب البضاعة: How are you? (عامل إيه؟ الباشا: تمام، الحمد لله، وأنت. (Tammam thank God and you) وفي نص التسليم، فجأة صوت ضرب نار طلع من مكان مجهول، والكل كان بيحاول يحمي نفسه.

الرائد جلال: كان بيكلم القوات وبيقول: انسحبوا. وفي نفس المكان، لكن على الجهة التانية، شخص مجهول راح وحط السلاح بتاعه على دماغ فهد وقال: قدامي. الباشا: انسحبوا. وفجأة صوت انفجار كبير طلع.