رواية احببتك رغم قسوتك الفصل السابع 7 - بقلم دنيا محمد

سليم بغضب: أنا حذرتك بدل المرة اتنين، ونتي برضو مسمعتيش الكلام، يبقى آخرك معايا القتل. وضرب رصاصة في أميرة أصابت صدرها، وأُغشي عليها. يسري بصّ له بغضب: أي، ما تقتلني. سليم ضحك بسخرية: لا، أنت بقا هتترمي في السجن وأنت وابنك معاك. إسلام بدموع: ونبي يابيه، مش عايز أموت دلوقتي. سليم: أنا هرميك في السجن لمدة سنة عشان تتعلم تشتغل في الحرام كويس. إسلام: ماشي، أنا موافق أتحبس، بس ونبي متقتلنيش.

سليم سابهم، وأخذ خديجة وخرج برا المخزن وقفل عليهم. سليم: اسمع يامدحت، تاخد الزفتة اللي جوا مرمية دي، وترميها قدام أي مستشفى. والباقي ترميهم في السجن، وأنا مكلم الظابط وهو عارف شغله. مدحت: أمرك يا بيه، حاضر. سليم: أصرف لك مكافأة أنت والرجالة على تعبكم. مدحت بفرحة: ربنا يخليك لينا يا بيه. خديجة: مكنش لازم تضرب بالمسدس. سليم: لا والله، دول يستاهلوا الحرق، وكان لازم أعمل كده.

خديجة: سليم، بطل عصبيتك دي، حل المواضيع بهداوة. سليم: معلش ي خديجة، سبيني وأنا عارف بعمل إيه، ودول مبيجوش غير بكده، عشان ياخدوا درس عني وعنك. خديجة حضنته: أنت أحن إنسان ي سليم. سليم: حبيبتي، يلا نطلع بقا. عند أيمن: أيمن: وبعدين ي فرح، ياعني إيه السبب اللي مخليكي عايزاني أسيبك؟ فرح: مبقتش بحبك ي أيمن، وهتجوز حد تاني. أيمن: طيب، تمام، براحتك. أنتي الخسرانة، مش أنا. فرح قامت ومشيت وسابت المكان.

كان أيمن بيتمشى في إحدى الشوارع بليل، وفجأة كان فيه شوية شباب بيجروا ورا بنت. البنت جريت على أيمن. أيمن: في إيه، مالك ي آنسة؟ البنت برعب: ونبي احميني منهم، عايزين يخطفوني، أبوس إيدك. أيمن حركها ورا ضهره، والشباب كانت بتحاول تاخدها. أيمن: انشوا أحسن لكم، بدل ما أعمل معاكم الغلط. الولد طلع مطوة وقال: هات آخرك ي بطل. أيمن مسكهم وضربهم لحد ما وقعوا على الأرض. أيمن: أنتي كويسة؟ البنت: أيوا، أيوا، أنا بخير.

أيمن: أنتي فين أهلك ولا بيتك؟ البنت: أنا مليش حد، وكنت راجعة من شغلي لقيتهم بيحاولوا يخطفوني. وفجأة واحد جه من ورا أيمن ولسه هيضربه، ريماس صرخت. أيمن مسكه وهبده في الأرض. أيمن مسك الشو*مة وضرب بيها الواد عددت مرات.