رواية الحب الحلال الفصل الثالث عشر 13 - بقلم ايات الرحمن

ضحك أحمد: _أنتي أي رأيك يا فريدة؟ فريدة وهي تحاول رسم ابتسامة على وجهها: _وأنا ألاقي أحسن من زين لنورسين؟ فين زين؟ زين: _لولولولولولوي. (الواد ده مش سالك على فكرة، أنا مبعرفش أزغرط.) أحمد: _استنى يا حمار أما ناخد رأي العروسة. زين: _احم، حاضر يا جدو. أحمد: _أنتي رأيك إيه يا نورسين؟ نورسين بخجل: _اللي تشوفه يا جدو. أحمد: _على بركة الله. زين: _إن شاء الله. وألف ألف مبروك الخطوبة. مع حمزة وعشق وكتب الكتاب برضه معاهم.

أحمد: _وأنت مستعجل ليه؟ زين: _يا جدو، خلي الفرحة فرحتين. نورسين: _بعد إذنكم، هطلع أستريح شوية. أحمد: _اتفضلي يا بنتي. تصعد نسرين إلى غرفتها في حزن شديد. في غرفة نسرين: نورسين وهي تبكي: _ليه؟ ليه يتجوز عشق وهو عارف إني بحبه؟ ليه؟ هو أنا وحشة؟ يارب، والله أنا مش وحشة. ماما هي اللي خلتني كده، هي اللي زرعت الكره في قلبي. يارب، بين لي الحقيقة. في الريسبشن: أحمد: _عشق وحمزة، قوموا اتكلموا مع بعض واتفقوا على كل حاجة. حمزة:

_حاضر يا جدو. هنقعد قصادكم هناك. (حمزة قال لجدو إنه هيقعد قصادهم عشان حرام يقعد هو وعشق لوحدهم ومحدش يكون شايفهم.) زين: _احم، وأنا يا جدو مش هتفق ولا إيه؟ أحمد: _قوم يا خويا خد عروستك واقعدوا قصاد حمزة وعشق. زين: _حاضر يا جدو. ثم يوجه حديثه إلى نورسين: _يلا يا عروستي. نورسين بخجل: _حاضر. ثم يذهبان ويجلسان بجوار حمزة وعشق، ولكن بعيداً عنهم. عند عشق وحمزة: حمزة:

_بصي يا عشق، طبعاً انتي عارفة إنه فيه ضوابط للخطوبة، وأنا عايز نمشي عليها بحيث ربنا يبارك في حياتنا. عشق باستغراب: _يعني إيه ضوابط خطوبة؟ حمزة بابتسامة: _دي قواعد ربنا حطها لنا عشان نمشي عليها في الخطوبة. عشق: _وإيه هي القواعد دي؟ حمزة: _إنه مثلاً مينفعش أنا اللي ألبسك الدبلة، عشان مينفعش المس إيدك. عشق: _أومال مين اللي هيتلبسهالي؟ حمزة: _مثلاً ماما أو بابا، أو أنتي لبسيها لنفسك. عشق: _آه، وإيه كمان؟ حمزة:

_مينفعش نكلم بعض في التليفون غير لما يكون فيه محرم قاعد معاكي ومعايا، ومينفعش نقول كلام الحب اللي المخطوبين بيقولوه وبيخدوا عليه سيئات، وماينفعش نقعد لوحدنا. عشق: _طب ما إحنا قاعدين لوحدنا. حمزة: _أيوه، بس أهلنا شايفنا عادي، وممكن كمان يكونوا سمعونا. عشق: _أيوه، أنا كده فهمت. حمزة: _طب الحمد لله. أنتي ليكي أي شروط؟ عشق: _لا، مليش شروط. هو هنعمل بس فترة الخطوبة عشان نتعرف على بعض كويس. حمزة:

_أوك، يبقى متفقين. ممكن أطلب منك طلب كمان، ويا ريت توفقي عليه. عشق: _اتفضل. حمزة:

_تقبلي تتجوزيني فتلبسي لبس واسع ومتحطيش مكياج عشان ربنا أمرك بالستر وأمرني أغار عليكي، وعشان ساعتها هتكوني بتاعتي مش بتاعة حد تاني. تقبلي تتجوزيني باللي ربنا كاتبهولنا وتكوني راضية بيه. تقبلي تتجوزيني وأكون أنا وبيتك رقم واحد في حياتك. بيتك هو أول حاجة، وبعدها بكتير جداً ييجي أي حاجة تانية. تقبلي تتجوزيني وإحنا كل شهرين لازم نكون خاتمين القرآن سوا. تقبلي تتجوزيني وتكوني طبيعية بعد الجواز زي ما عرفتك، وأكيد هكون بحبك

زي ما أنتي، وطالما اخترتك يبقى عاوزك زي ما أنتي. تقبلي تتجوزيني فأشوفك قدوة ليا وتعلميني أكون كويس وتمنعيني من الغلط، وصدقيني والله هسمع كلامك. تقبلي تتجوزيني وتحطيني فرد من عيلتك. مش عاوزك تلغي أبوكي أو أمك وتقوليلي "انت كل حياتي"، لأ. أنا وهما أجزاء بنشكل حياتك، وبرك ليهم حاجة أساسية. أنتي عاوزة تتجوزي عشان تلاقي سند، وأنا كذلك محتاج سند. محتاج نور ينور لي وسط الضلمة اللي زمانه تاه. وعوض عن اللي فات. تقبلي تتجوزيني

على كده، فتكوني مراتي دنيا وآخرة. وفي الجنة هختارك زوجتي قبل الحور العين، وده عهد مؤمنين.

عشق بدموع: _موافقة طبعاً، بس أنت أوعدني إنك تقربني من ربنا، لأنه أنا محتاجة حد يمسك بإيدي. بس أنا لبسي وحش؟ حمزة:

_وأنا عمري ما هسيب إيدك، وهاخد بإيدك للجنة بإذن الله. ولبسي أنا مقولناش وحش، بس مش ده اللبس اللي ربنا أمرنا بيه. ربنا أمر المرأة بالخمار. بسم الله الرحمن الرحيم "وليضربن بخمرهن على جيوبهن" صدق الله العظيم. معنى الكلام ده إنه لازم نلبس الخمار، وطبعاً البناطيل حرام. بسم الله الرحمن الرحيم "يأيها النبي قل لأزواجك وبناتك ونساء المؤمنين أن يدنين عليهن من جلابيبهن ذلك أدنى أن يعرفن فلا يؤذين وكان الله غفوراً رحيماً".

(معلش مكتبتهاش بالتشكيل كلها عشان بياخد وقت.) صدق الله العظيم. ومعنى الآية دي إن البناطيل حرام، يعني الجلاليب هي الزي الشرعي زي الفساتين الطويلة. عشق: _شكراً إنك عرفتني، وإن شاء الله هغير طريقة لبسي. حمزة: _مفيش شكر. بنا طلب صغنن بقي، ويا ريت ده بقي اللي توافقي عليه بجد. عشق: _موافقة قبل ما تقوله. حمزة: _طب اسمعيه الأول. عشق: _حمزة، أنا واثقة إن القرار اللي هتاخده هيكون في مصلحتنا، وأنا واثقة فيك. حمزة:

_طب بصي يا ستي، أنا عايز نعمل فرح إسلامي، لأنه الأغاني حرام. عشق: _هي الأغاني حرام؟ حمزة: _أيوه، المزيكا حرام، والكلام اللي في الأغاني اللي بيبقى غير مباح حرام. ورسول هو اللي قال إن المعازف حرام. عشق: _أومال بيشغلوا إيه في الفرح الإسلامي؟ حمزة: _أغاني دينية من غير موسيقى. عشق: _ماشي، موافقة. حمزة: _شكراً يا عشق. عشق: _ما تشكرنيش، ده أنا اللي أشكرك عشان بتبعدني عن المعاصي. حمزة بابتسامة:

_ده واجبي. يلا بقي نروح نقعد معاهم. أما عند المجانين (قصدي نورسين وزين) في نفس الوقت الذي كان يتحدث فيه عشق وحمزة: زين: _ها يا نور، إيه طلباتك؟ نورسين بخجل وجدية: _إنه تراعي ربنا فيا، وتفتكر دايماً إننا وصية الرسول صلى الله عليه وسلم، وهنمشي بضوابط الخطوبة طبعاً. زين: _عليه أفضل الصلاة والسلام. صدقيني أنا هراعي ربنا فيكي، أوثقي فيا. وطبعاً موافق إننا نمشي على ضوابط الخطوبة عشان ربنا يبارك في حياتنا. نورسين:

_عندك حاجة عايزة تقلها؟ زين: _لأ، مفيش حاجة. نورسين: _طب يلا نقوم ندخل في الريسبشن. أحمد: _ها، اتفقتوا على كل حاجة؟ حمزة وزين وعشق ونورسين في صوت واحد: _أيوه يا جدو. حمزة: _إن شاء الله الخطوبة بعد يومين، وهنعمل كتب الكتاب مع الفرح، بس هيبقى فرح إسلامي. أحمد: _وأنت يا زين؟ زين: _زي حمزة، إن شاء الله.

بعد مرور يومين في يوم الخطوبة، قررت عشق التغيير من نفسها من أجل ربها ثم حمزة. كان العمل في القصر على قدم وساق، فاليوم خطوبة أبناء هذا القصر. في المساء، وقد تم تزيين القصر كاملاً بأحدث الزينة. في غرفة الفتيات: عشق: _هو أنا حلوة؟ نورسين: _ماشاء الله، قمر. بس أنا اللي وحشة أوي. عشق: _والله قمر. سالم: _يلا يا بنات عشان الخطوبة هتبدأ. عشق ونسرين: _حاضر.

ثم تنزل الفتاتان ويتفاجأ كل من حمزة وزين من جمالهما. وتفاجأ حمزة بعشق حيث كانت عشق ترتدي