رواية الحرمان بقلم | كاملة

النهارده فرح سلفي والبيت كله مليان ناس. كلنا مبسوطين. أخيرًا حازم هيتجوز بعد ما عدى ال 35 سنة. أخيرًا في واحدة أقنعته بيها. أخيرًا البيت كله فرحان. حماتي فرحانة وحمايا فرحان. كلنا مبسوطين جدًا. أنا كوثر وعندي 38 سنة. متجوزة من 20 سنة. اتجوزت صغيره شويه، لكن إرادة ربنا إني مخلفش لحد دلوقتي. الدكاترة أجمعوا إن احتمال إننا نخلف ضعيف جدًا. وأنا خلاص شيلت الموضوع من دماغي لأن سني كبر. ما بقتش مستحملة عمليات ولا أدوية تاني. سلمت أمري لربنا. كان نفسي أبقى أم وأحس بطعم الأمومة، بس ربنا عاوز كده. الحمد لله على كل حال. النهاردة فرح سلفي الوحيد. جوزي ما عندوش إخوات غيره. أخيرًا بيتنا هيخش له فرح بدل الكآبة اللي إحنا عايشين فيها على طول. "إيه القمر ده يا كوثر؟ انتي حلوة قوي النهاردة." "ما تكسفنيش بقى يا حسام. أنا حاسة إن الفستان بتاعي شكله مش حلو." "بالعكس، انتي زي القمر النهاردة. ده انتي كده هتغطي على...