رواية الخذلان الفصل الثاني عشر 12 - بقلم اسماء السيد

بطلي مسكنة، بقينا قرفانين منك. ولعلمك أنا واخواتي خلاص قررنا. وشوية وهناخدك نوديك، محدش فاضي يخدمك. إحنا مش متجوزين خدامين مجبرين نخدموكِ. أنا مت مع حسن، مش بس الميت اللي بيتدفن. بالعكس الحي كمان بيدفن مع حبايبه اللي بيودعهم. وأنا مت مع حسن وأهملت ولادي لحد ما كبر فيهم الكره لبعضهم، وليا. واللي زرعته في اخواتي، الزمن والأيام زرعوه فيهم. أو هي فعلاً عدالة الدنيا. رجعنا بيت العيلة، وجوزت عيالي، وأنا معرفش حاجة عن حد.

مفصولة عن الواقع. اتفاجأت بتعب أبويا، اللي مش عارفين له علاج. بيدبل وبيموت بالبطيء. والمفاجأة الكبيرة اللي قطعت قلبي كانت رحيل أمي من سنين من بعد موت أخويا. ومن بعدها طارق اللي مستحملش وطب ساكت. بعديها، في مشهد استحالة كنت أصدقه أنهم خرجوا مع بعض في يوم واحد وجنازة واحدة. معقول في حب كده؟ رغم حبي لحسن وعشقي ليه، فضلت عايشة بعده. وإن كنت اتمنيت الموت بعديه ألف مرة بس محصلش. منكرش إني حزنت.

لوهلة أخذني الفضول لعادل، ياترى فين، عامل إيه من بعدهم؟ واللي اتفاجأت بيه أنه ساب البلد بعد موتهم من سنين. سنة مرت وراها سنة، وأنا بضعف. ولادي بيقووا. أبويا مات وورثنا كله نهبته مرات أبويا، ودخلنا معاها في قضايا ملهاش آخر. البيت الكبير بقى خراب، وانفضح سيرة الدجل والدجالين في البلد. وريحة العفن والحقد فاحت على مرات أبويا اللي بقت سيرتها مالية البلد. بس هيعمل إيه المال والسحر والدجل.

والعمر عدى خلاص، وربنا خلاص قرر ياخد حق العباد. بقت مسخ، المرض اللعين هدها. البيت بقى خراب، حتى بناتها قرفوا منها. موتتها كانت بشعة، حتى الشهادة ملفظتهاش من بوقها. وماتت الشيطانه. بأبشع صورة، حتى الجامع رفضت تخشه يتصلى عليها فيه. أو الجامع هو اللي رفضها. حتى وقت دفنها كل ما يجوا يفتحوا مقبرة يلاقوا ثعبان كبير واقف لها. الرعب عم البلد، اللي خاف واللي جرى. لحد ما ألهمهم ربنا يصيح منهم واحد يقولوا ارحل لحد ما نحطها.

وفعلاً رحل. وفضل حق كلمة داين تدان بقلبي أنا. بدموع مغرقة وشها، وايد بترتجف، وعيون مبقتش تشوف من كتر الدموع بقت على قدها. همست سما بنحيب: ليه كده يا بني؟ أنا أستاهل منك كل ده؟ أيوه لما يكون في إيدك تساعديني ومش عايزة تساعديني. انتي أم أنتِ. إحنا قرفنا منك يا شيخة. انتي مكانك مش هنا. مكانك دار المسنين تعيشي وتموتي فيها. إيه القرف ده! لا والنبي يا مراد متعملش فيا كده يابني. القرشين اللي معايا بصرف منهم على علاجي.

حرام عليك. أنا أمك هونت عليك. بزق وتفف زقها وقعت على الأرض. بطلي مسكنة، بقينا قرفانين منك. ولعلمك أنا واخواتي خلاص قررنا. وشوية وهناخدك نوديك، محدش فاضي يخدمك. إحنا مش متجوزين خدامين مجبرين نخدموكِ. بح*رقة بكت وهزت راسها، وذاكرتها استعادت موقف مشابه، ودعوة اتحققت. سلفي عليكِ، تجربي قسوة الضنا. الضنا بس يا سما. مش حاجة تاني، لأني اللي عيشته محدش يقدر عليه.