رواية الصقر الجريح الفصل الرابع عشر 14 - بقلم نورة عبد الرحمن

فتون: والنبي ياسي صقر خش معايا والنبي، وحياتي عندك. صقر: اهدي يافتون، عاوز أشوف إيه اللي حصل. سيبيني أكلم الحرس… وهجيلك. ادخلي انتي جوه. فتون: لأ مش هسيبك لوحدك. صقر بحنو: معلش يافتون، أنا عاوز أفهم إيه اللي جرى وراجعلك. اطلعي انتي أوضتك. فتون: لأ أنا هجي معاك ياخويا، مش هسيبك. صقر بنفاذ صبر: تيجى معايا فين؟ أنا هكلم الحرس، انتي هتروحي معايا ليه؟ فتون: أنا هبقى قلقانة عليكي. صقر بحده: خشي جوه يافتون. فتون: بس…

صقر بغضب: خلاص يافتون، انتي إيه مبتفهميش؟ بقولك خشي جوه. اغرورقت عيونها بالدموع وأسرعت إلى غرفتها. تنهد صقر بضيق وذهب إلى الحراسة. صقر بحده: إيه اللي حصل هنا؟ أحمد: في رجالة حاولوا يدخلوا القصر ياباشا. صقر: مامسكتوش حد منهم؟ أحمد: للأسف ياباشا، مالحقناش نمسكهم وهربوا. صقر بغضب: إزاي وانتوا كنتوا بتعملوا إيه هنا؟ أحمد: والله ياباشا، هما كانوا مأمنين نفسهم كويس، وأول ماحسينا عليهم اختفوا كأنهم ملح وداب.

صقر بحده: يعني معرفتش حد منهم؟ أحمد: ياباشا، أنا شاكك إن في حد بيساعدهم هنا جوه القصر. صقر: يعني إيه؟ أحمد: ياباشا، دول مش جايين عالعمياني. أنا متأكد من ده. صقر: ماشي، انت روح شوف شغلك وأي جديد بلغني فيه. أحمد: أوامرك ياباشا. بقي صقر بمكتبه شارد الذهن وهو يفكر من يحاول إيذاءه داخل قصره. في الكلية. خرج بهاء من شؤون الطلبة. بهاء بغضب وهو ينظر إلى سيارته وعجلاتها النائمة: لنفسه: إيه اليوم اللي مش فايت ده.

ليجد كتابة كتبت على زجاج السيارة بأحمر الشفاه: "مع تحيات الكلب الجربان". بهاء بحده: والله لأربيكي يابنت ال***. عليا بقلق: انت كويس ياابيه؟ الحرس بلغوني عن اللي حصل. صقر: تعالي ياحبيبتي. كويس الحمد لله. كنتي فين لحد دلوقتي؟ الوقت متأخر. عليا بارتباك: كنت مع عمر. صقر نفخ بضيق: مش قولت مفيش خروج بالليل ياعليا. عليا: بس ياابيه، عمر كان عاوزني بحاجة مهمة. وكمان الحراسة كانت معايا.

صقر تنهد: ماشي ياحبيبتي، بس المرة الجاية لو حبيتي تطلعي بالليل قوليلي. عليا: حاضر هبلغك. انت عرفت مين اللي عمل كده؟ صقر بضيق: لأ. بس لحد كده وكفاية، أنا لازم أعرفه. عليا: ربنا يحميك ليا ياحبيبي. أنا هطلع أشوف فتون. صقر بسرعة: لأ، أقصد متطلعيش لفتون عشان أنا سبتها نايمة، خليها ترتاح. عليا: ماشي، أنا طالعة أنام كمان. خود بالك من روحك ياابيه. صقر: تصبحي على خير ياحبيبتي. وأنا كمان هطلع أنام. اليوم كان طويل قوي.

صقر: إيه ده. فتون كانت تدير وجهها الناحية الثانية بغضب، ولم تجبه. صقر وهو يدير وجهها إليه: هو انتي زعلانة؟ فتون بدموع: صقر: انتي زعلانة مني بجد؟ فتون هزت رأسها بإيجاب. صقر: بس أنا مكنتش أقصد أزعلك والله. فتون وهي تمسح دموعها بكمها: بس انت زعقتلي جامد. صقر وهو يمسح دموعها بحنو ويبعد خصلة شعرها عن وجهها: حقك عليا. أنا كنت بحاول أحميكي. فتون بشهقات: وأنا خايفة عليك ياسي صقر، خايفة أخسرك. أنا ماليش حد غيرك، متسبنيش.

صقر وهو يحرك إبهامه على وجنتيها: متخفيش ياروح صقر، أنا هفضل جنبك. ومش هسيبك أبدا. وهو يقترب منها أكثر، لكنها تراجعت فور شعورها بقربه المفرط لها. لتهدر بتوتر: الوقت اتأخر، هروح أنام. تنهد صقر بابتسامة: إيه، انتي هتفضلي تفصليني كده دايما؟ فتون أسرعت إلى السرير وأغمضت عينيها بهدوء، لتشعر به يحتضنها وقد دفن رأسه بشعرها. فتون بارتباك: انت بتعمل إيه ياسي صقر؟ صقر: إششش، عايز أنام. فتون بتوتر: بس مينفعش.

صقر شدد باحتضانها واستنشق عبيرها ليقول بتوهان: خليكي كده عشان أعرف أنام. تجمدت، حتى شعرت به نائم، ولتذهب الأخرى بالنوم. سالم: إيه يعني يابهايم؟ سعيد: يابيه، الحراسة كانت مشددة هناك، وأول ما حاولنا ندخل، بلش ضرب نار علينا، وبصعوبة قدرنا نهرب. سالم: انتوا شوية بهايم، مفيش منكم فايدة. سعيد: يابيه، انت مش عايز تخلص منه؟ سالم: لأ، عايز، أنا أغشه يا****. انت مبتفهمش؟ مقولتلك، خلص عليه. عامر: اهدى يابابا.

سعيد: ماشي يابيه، هتجاوز الإهانات دي، بس لو حابب تخلص منه، سيبلي أنا الطلعة دي. سالم بشرود: قصدك إيه؟ سعيد: قصدي هريحك منه على الآخر. بس المبلغ هيتضاعف. عامر: لو خلصتنا منه، مفيش مشكلة. سالم: وانت تقدر تعملها؟ سعيد: جربني ياباشا وهتشوف بعينيك. سالم: إيمتى هتنفذ؟ سعيد: اديني يومين تلاتة لحد ما أخطط كويس. سالم: ماشي، أما نشوف آخرتها. في الصباح. فتون بابتسامة جذابة: انت عارف إني بصحى بدر ياخويا. صقر: طب اخفيها دلوقتي.

فتون باستفهام: إيه هيا؟ صقر وهو يقترب ليهمس لها: ابتسامتك الجميلة دي، عشان مش هقدر أقوم أكتر من كده. فتون وقد احمرت وجنتيها: أنا هروح أحضرلك الفطار. صقر: على فين؟ انتي النهاردة هتروحي معايا. ويلا اجهزي. فتون: أروح فين ياخويا؟ صقر: هنروح الشركة. هو أنا مش قولتلك هتشتغلي معايا؟ فتون: بس أنا معرفش أشتغل إيه. صقر: هتتعلمي، ويلا اجهزي بسرعة. فتون: بس… يعني… صقر: خلاص يافتون، اجهزي، وأنا هكلمهم يجهزوا الفطار لينا.

فتون: حاضر ياخويا، أما نشوف آخرتها معاك. صقر بابتسامة: آخرتها زي الفل ياجميل.