رواية الصقر الجريح الفصل الثاني عشر 12 - بقلم نورة عبد الرحمن

عمر: احنا بعد ما نتجوز هنسافر أوروبا ونستقر هناك، مش انتي عايزة تستقري ببلاد برا؟ عليا: بجد ياعمر، ربنا يخليك ليا، أنا حلمي أستقر هناك. بس تفتكر صقر هيوافق؟ عمر: إن شاء الله، أنا هتكلم معاه وإنتي كمان حاولي معاه. عليا: بس إزاي وكليتي هعمل فيها إيه؟ عمر: متخافيش، أنا هنقل أوراقك لكلية كويسة هناك، وأنا كمان جالي عقد عمل كويس جدا هناك ومش عايز أبقى هنا. عليا: انت مش حاسس إن كل حاجة جت بسرعة؟

عمر: ياحبيبتي أنا عايزك تبقي مبسوطة، مش حلمك تستقري ببلاد برا؟ وهتكملي تعليمك هناك، إيه هي المشكلة؟ أنا عايز أبقى معاكي بأسرع وقت. عليا: بس ياعمر، مش عارفة إيه. عمر: متفكريش بحاجة ياحبيبتي، وإن شاء الله كل حاجة هتكون زي ما إحنا عايزين. *** فتون: مشفتوش قبل ما يموت يافرح، ومات وهو زعلان مني، مش هقدر أسامح روحي، مش هقدر.

فرح: متقوليش كده يا حبيبتي، ده كله قدر ومكتوب، ادعيله بالرحمة، وإنتي من الحكاية اللي قولتهالي معملتيش حاجة غلط، متزعليش روحك. فتون زاد بكائها واحتضنت فرح، التي بدأت تهون عليها مصابها. *** صقر: إنت جيت إمتى؟ بهاء: دلوقتي واصل، ازيك ومراتك عاملة إيه؟ صقر: حاسس إني مخنوق هنا ومش قادر أتحمل الجو ده، تصوري حتى مراتي مش قادر أشوفها، وعمها كل أما أسأله عليها يقولي مع الحريم جوه ومينفعش أدخلها.

بهاء: اصبر ياصقر، إنت عارف العوايد هنا صعبة شوية. صقر بقلق: بس أنا عايز أطمن عليها. بهاء: هي بين أهلها، وإنت زي ما قولتلي بالتليفون عمها ميعرفش ظروف زواجكم. صقر: أيوا، بس إنت مش شفتها، ولما عرفت بموتهم، كانت منهارة جدا وأنا قلقان عليها قوي. بهاء: متقلقش، هتبقى كويسة. صقر: أه نسيت أقولك، إنت عارف إن فرح هنا. بهاء بصدمة: فرح مين؟ صقر: أيوا. بهاء: ودي إيه اللي جابها هنا دي، غيرهم مش باين إنها من البلد.

صقر: هي وفتون بنات الأخوات، يعني بنات خالة. بهاء: اممممممم، الدنيا صغيرة قوي. صقر: إنت عرفت إيه عنها؟ بهاء: مفيش إلا حاجة واحدة مستغربها قوي. صقر: إيه هي؟ بهاء: البنت مبتشتغلش بالروضة، بس هي واحدة من طالبات مراتك في الكلية. صقر: أنا عارف عشان كده قولتلك أسأل عليها، أنا لما جاتلنا اتصلت بالروضة، منتهى عارف إنها ملكي، بس ملقيتش موظفة باسمها. بهاء: يعني فيه حاجة مخبياها البنت دي؟

صقر: مش عارف، بس مش وقت نتكلم بحاجة دلوقتي، منتهى شايف إحنا فين. بهاء: اممم، ماشي ياصقر، بس إنتو لايمتة هتفضلوا هنا؟ صقر: مش عارف، بس أنا عايز أشوف فتون. بهاء: اجمد ياصقر واتحمل اليومين دول. بهاء بتردد: إنت قولتلها إن محمود أخوها كان بيخطط يبعت حد يقتلها؟ صقر: لا، اوعى يابهاء تجيب سيرة بالكلام ده قدامها أو لحد، مش هتتحمل الكلام ده، فتون رقيقة جدا وحساسة. بهاء: متقلقش ياصقر، السر ده اتدفن مع محمود خلاص.

صقر: على الله ترجع فتون زي الأول. *** بعد مرور عشرة أيام صقر: مش كفاية يافتون ونرجع بيتنا بقى. صقر أمسك يدها بحنان: أنا بكلمك. فتون جذبت يدها بهدوء: اللي تشوفه. صقر بابتسامة: طب اجهزي لحد ما أقول للحراسة تجهز العربيات. فتون: حاضر. *** فرح: جوزك ده يتقل بالدهب، خدي بالك منه وبلاش الحزن ده اللي بشوفه بعنيكي ياحبيبتي. فتون: مش قادرة يافرح، أنا قلبي بيتقطع على أخويا وعياله.

فرح: محمود وعياله ربنا يرحمهم، ده يومهم، وبلاش تنكدي على روحك وعلى جوزك، هتخسريه كده. فتون: ربنا يسهل، مش هتشوفوني تاني. فرح: لا إزاي، إنت بقيتي قريبة عليا قوي، يعني جارتنا، إحنا ساكنين بمدينة واحدة، إيمتة ما احتجتيني كلميني هنا، دي نمرتي، وأنا هاجيلك، ولو حبيتي تزوريني، ده عنوان بيتنا. فتون احتضنتها: ربنا ما يحرمنيش منك ياحبيبتي. فرح: متقوليش كده، إحنا أخوات. *** في منزل الشرقاوي عليا: بحضن صقر، وحشتني قوي.

فتون: يارب ياعليا. عليا: اطلعوا إنتو ريحوا شوية، وأنا هقول لواحدة من الشغالات تطلع لكم الأكل على أوضتكم. صقر: ربنا ميحرمنيش منك. وصعد وهي يمسك يد فتون. *** سليم: أنا بشوف النهارده أنسب وقت. عامر: اللي تشوفه يابابا، بس إنت متأكد إن الرجالة دول ثقة؟ سليم: متخافش، دول هيقتلوه، ومحدش هيحس بيهم، ومتنساش إنهم جايين من البلد وتعبانيني. عامر: ماشي يابابا، إيمتة هينفذوا؟

سليم: النهارده بالليل، هيكون آخر يوم بحياة صقر الشرقاوي.