تحميل رواية «اريد منك اكثر مما اريد للكاتبة / الكريستال / مكتملة❤️» PDF

صباح ومساء الخير

ادري طولت بتنزيل التكمله

كلها يوم او يومين واكمل روايه

مع البارت النهائي

واختم تنزيل روايه

ادري كثير ينتظرو بارت لاخير

اسفه على الاطاله بس حبيت انزل

كل البارتات المتبقيه وانزلها كلها مره

وحده وبعدها اكمل روياه القادمه

انتظروني قريبا

((رواية أنا الشموخ ومارضيت البهاذيل كسرت خشم الناس من  قو ذاتي))

دمتم بود

رجاء فوت⭐️/صوت⭐️قبل القراءة

الفصل الواحد والتسعون

خطوة (86) .. خطوة الحقيقه في حلم أريد منك أكثر مما أريد

( سنسامح ونعيش .. ليس من أجل أشياء تنسى ولكن من أجل أنفسنا أولا )

أخذ نفس بقوة فجأه وقلبه بدى يدق طبول يسابق طاقة هالقلب فيه

عشان يتحمل ..والذاكرة عنده فجأه بدت تنفض كل تفاصيلها بوجوه

وملامح غريبه كان هو يوقف بينهم فالمنتصف .. وهو هالواقف قباله

بينهم أيه معه واقف ... لحظة ماكان جامد قباله بفاجعه ألي يفتش بين الكتب .. أرتفع شي ثقيل ورا سعود

ومن نوى يلتفت .. كان أسرع منه حتى ينزل هالشي الثقيل على راسه

ويطيح قبال الأثنين مرتمي على الأرض بلا حراك ..

وقف الشخص ألي كان ورا سعود ماسك قطعة حديد ضخمة وهو يطالع فيه

بصدمة وعيونه متسعه بذهول وعدم تصديق ..

أختفى هالسعود من سنتين بعد ما قدروا يلوثون سيرته برماد اليأس

والموت .. سنتين وهم يمشون على ذكريات هالسعود متحررين من كل خيانة

للوطن و الصفحات السودا ألي كان ممكن ترميهم للتاريخ عبره ...!

خيانة الوطن .. أعظم باب يوقف بين فك الحياه والتاريخ ..

تحوطه نوايا وأهداف غريبه .. وجماعات تعيش على الدم بلا هويه

رمى قطعة الحديد بدون شعور ومجرد وقفته قبال سعود وهو مغمى عليه

خلته ينتفض .. يديه قامت تتحرك برجفات قويه ..

( ه .. هذذا .. ( بلع ريقه ) هذا سعود ماوصل لهالبيت ألا هو عارف

وين هو ... بنموت بالعار وكل الكويت بتتفرج علينا )

صرخ الثاني بقهر

( تعال فتش معي وين أخذ ضاري ملفات سعود معين شافهم معه هنيه .. تعال وهذا ( أشر له )

يموت ونرسل من يدفن جثته بالصحرا ! )

حرك قطعة الحديد برجله حتى ينحني بسرعه ويجر جسم سعود بأيدينه ألي مغطيها بالقفاز ..

( دور أنت .. وخلني أنا أتصرف معه ..)

صار يجره بقوة ويجره لين ماطلع من غرفة المكتب ..!

×

×

×

أنحنت براسها ورا وحده من الشجر الي تقدر تغطي فيه وجودها

في هالمكان وأضاءة الحديقه تملى المكان ..

تغريد : أيه .. بس ياعزوز أنا ماقدر والله .. حبيبي شنو رايك تكلمني

باجر أول ماتقوم وتقولي أذا تجهزت ومشيت لبيت أمي العوده ..

( أبتسمت بدفا ) هههههههه .. لاتحاول ماراح أروح هناك .. ( أتسعت عيونها )

عزوز حبيب قلبي أشفيك صوتك تغير .. ياعمري والله بشوفكم بس مو الحين ..

حلفت بالله طيب ..

تمايلت براسها على الجدار وكتفها لامسه ومسرع مامدت يدها ساحبه

ورقة من أوراق الشجر الي غطيها .. وبسرعه رفعت عيونها

من حست بصوت غريب يوصلها صدى .. قامت تطالع بوابة

كراج السيارات وظلال رجول من تحت منعكسه على الأرض .. تبعها صوت

الهوا ألي هبت دافعه باب صغير ببطء وسط هالباب الكبير بحجمه ..

تغريد تعدلت بوقفتها : حبيبي بدق عليك بعدين .. طيب ولايهمك فمان الله

ابعدت الجوال عن أذنها وبسرعه تحركت بخطوات حذره وهي ترفع

قميصها .. نطت حصى صغير فوق بعض حتى تبعد عن هالحديقه وتتحرك

بخطواتها صوب الباب .. وقفت من أرتفع صوت خدامتهم بخوف

( لالا .. لافي واجد جنجان .. قول فيه روووح موت أحسن ..! )

لافي ..!

رفعت يدها حتى تلامس شفاتها ورعشه غريبه حست فيها تجري

مجرى الدم بس من أنذكر أسمه لها ..

والهوا في هالليل الطويل بدت تمر على جسدها النحيف في هاللحظة ..

تحركت أطراف قميصها وبتردد تحركت أكثر للباب وبهدوء وقفت

عند طرف له .. قدمت راسها حتى ترفع حواجبها بذهول من أرتفع صوت

محمد سواق حمده ألي سمعت مره أنه مطرود .. ضمت شفاتها مع بعض

أول ماصرخت الخدامه فيه .. * يلا روووح *

قالتها بغيض حتى تشوف تغريد ظلال رجولها بدت تتحرك ولحظة بس أندفع الباب

الصغيره بقوة فجأه وهي بخرعه رفعت أيديها لا يرجع عليها ..

دخلت الخدامة وهي تتكلم وتنافخ بس من نوت تمسك الباب وتسكره

وقفت حتى تنتفض بخرعه من شافت تغريد .. دفعت تغريد الباب بأيديها

وبسرعه تقدمت ومسكت الخدامه من ذراعها

تغريد بحده : شنو السالفه ..؟

تالا راحت فيها ولاتدري وش تقول : ........................

تغريد ضغطت بأصابعها على ذراعها وهزتها : تالا أقصري السالفه وقولي شاللي مطلعج برا ومقابله محمد .. هاا .. وبعدين هذا للحين بالديره ..؟

تالا نطقت بخوف : مافيه سفر نفر قول !

تغريد رفعت حاجبها اليسار : من قصدج ..؟

تالا بنبره خايفه : هزا لافي .. في كلام لازم يراقب بيت مال أنتي ماما .. يعرف سنو

يسوي .. كيف صحة مال أنتي .. واجد مرتاح ولا تائبان .. كلام واحد يسوي مائمد لافي قول يرجع أنتا مال بيت .. والله ماما واجد مسكين هزا فيه زوجه موووت ميري .. فيه باجه يبغى شوووف .. يبغى فلووس كاتير ماما

هوا سوي واجد جنجان لهزا ليليان !

تغريد قلبها مسكها فجأه : من متى طالب منه يراقب البيت ..؟

تالا قامت تهز راسها وتحرك كتوفها بمعنى مدري : .....................

تغريد رفعت صوتها : قولي

تالا رجعت لورا من عصبية تغريد : مافيه مائلوووم

تغريد حركت أصابعها بقوة من ذراعها حتى تجر تالا من قميصها وبتهديد : أقسم بالله العظيم أن طلعتي للي يتسمى محمد لا أكون معلمتج الشغل .. تفهمييين أنتي ولا ماتفهمييين

تالا بسرعه تكلمت : فيه مافهوم ..

تغريد :وبعدين شنو قلتي له

تالا بفرح مصدقه حالها : أنا يقول أنتا واجد مرتاح ... يقرآ قرآن كاتيييير .. يصلي

كاتير آند يور هارت ماما .. مافيه كوف .. ئشان يولي ماما كوووله يولي

خففت من شدتها حتى تترك قميصها وبنبره تخذلها

( لاعاد أشوفج تتكلمين معه ولاتقولين لأحد عني .. ولا ترا بيكون لج تصرف ثاني مني .. )

هزت الخدامة راسها بسرعه حتى تتحرك بخطوات متسارعه مبتعده وهي ظلت واقفه تطالع فيها وفي شي غريب تسلل لقلبها مبعد غمامة هالغضب والثوران

من قلبها حتى تلقى نفسها ساكته ..

تسأل عنها يالافي بعد كل شي سويته .. وش تبي فيها أكثر من ألي شافته وذاقته

من أنسان صعب نفسك ..

أنسان عند الغضب يذبح كل الحدود قباله ..

أنسان مايرضيه شي ويتبع عقله أكثر من قلبه !

الأنسان ألي يمتلك مقاييس معقده في نظرته للأشياء ..

ها .. يالافي ..

يوم تسأل ماتقول أنت ..عرفت من ذباح أخوك ..؟

هدرت دم الحب وتقاليده عشان الثار .. وش ألي كسبته ..؟

قول يالافي من ألي أخذ دورها بعد مارميتها لأقرب نسيان ..

رفعت عيونها للسما ألي يملاها الظلام ..

يالله ..

أخذت نفس عميق حييل حتى تتحرك تبي ترجع للبيت بس وقفت من أنفتح

الباب حتى يدخل أبوها ..

بو تغريد من شافها أبتسم وبصوت واطي : هلا .. وينج يبه ماشفتج اليوم

تغريد أبتسمت متجاهله كل شي صار .. قلدته بصوته الواطي : أنت ألي وينك مختفي .. أعترف لا أروح أعلم أمي

بو تغريد سكر الباب وبسرعه راح لها حتى يحط أيديه على رقبتها بمزح : هه عشان أذبحج

تغريد أنفجرت ضحك حتى تجر يد أبوها وتبوسها : ياحبيلك يبه

بو تغريد مسك يدها وسحبها للباب : تعالي شوفي من معاي

تغريد حطت يدها على صدرها : لاتقوووله يبه .. تكفى

فتح الباب لها والظلام في هالمكان يزود حتى تميل هي براسها وتتسع

عيونها من شافت أخوانها قبالها مجتمعين يطالعونها .. صرخ

الصغير منهم حتى يركض وهي بسرعه دفت الباب حتى تسكره

تغريد بخوف : يبه خذهم .. خذهم والله مانت بخير لو عرفت أمي

أبو تغريد أبعد يدها عن الباب : وراج سكرتيه

تغريد مسكت يد أبوها برجا : خذهم .. توه داق علي عزوز كيف هو معك

بو تغريد قربها منه يبي يهدي خوفها : أساسا وهو يكلمج كان بالسياره .. ماخذهم للجمعيه

أرتفع صراخ الخدامه وبسرعه لفت تغريد لباب المدخل بخرعه

وأبوها أتسعت عيونه

بو تغريد : هذي شبلاها

تغريد على طول راحت تركض : يممه .. لايكون أمي فيها شي

تحرك بو تغريد بيركض وراها بس وقف من سمع طق للباب وصوت ولده يناديه

( يابابا .. )

رجع لورا وبسرعه فتح الباب وطلع ..

بو تغريد اشر لولده بعجله : عزوز خذ أخوانك للسياره وأنتبه تدخل هالبيت

عزوز هز راسه : طيب يبه ..

قالها حتى يرجع بو تغريد بسرعه ويسكر الباب .. راح بخطواته

المتسارعه والخدامه تحول صراخها لبكا .. صعد الدرج بسرعه

ومن دخل وقف فاتح عيونه على الأخر من شاف تغريد تمسك أمها

والخدامه لاصقه فالجدار .. لحظات نطقت بحقد أسود وهي تتكلم بلغتها

وتحرك راسها لفوق وتحت .. تأشر بأيديها منفعله والدموع عالقه بعيونها ..

ولا أحد فاهم وش تقول !

أم تغريد أنحنت حتى تفسخ نعالها بقهر وترميهم على الخدامه : فارقي عني .. يلا لا أوريج السنع

تغريد راحت فيها من الخوف : يمه .. بس ... بسس خلاص

أم تغريد دفت بنتها بس تغريد متمسكه بيدها : ولا أبي أسمع صوتج ... ماتركت ملابس لي إلا أحرقتهم .. ولا أغراض ألا راميتهم عل أيديها للقطع

بو تغريد بعصبيه : شسالفه .. شصاير ..!

أم تغريد من طالعته رفعت أيديها وتمايلت بجسمها : ياهلا والله .. وأخيرا تذكرت أن عندك بيت .. أيييه .. ماعاد لك في هالبيت ألا بنتك تصبح عليها وتمشي

ولاترجع ألا بليل .. ولادقيت على أهلك قالوا لي زوجج وانتي أدرى وين يروح فيه

بو تغريد تقدم أكثر وأشر على الخدامة : هذي شسالفتها .. وراها هالشكل تصيح

أم تغريد : سلامتك ... لامسكت لها فستان حرقته .. واغراضي ترتبهم على ماتبي

أيه مو أنا أصرف عليها وعلى ألي تحرقه

بو تغريد : وبعدين يعني .. الفستان غيره ألف ..!

أم تغريد طارت عيونه : مااااااااشاءالله .. والله ..

بو تغريد طالع بنته : خوذيها من الصاله

أم تغريد بعصبيه : لايكون قلبت مطوع وناوي تكفر عن ذنوبك بعد مارمى لافي بنتك مطلقه وعرفت أنك لو تحبي مانت مسوي فيه شي !

بو تغريد قرب منها : أقصري الشر ياحرمة .. شنو تبيني أسوي أروح عند لافي وأطلبه يرجع بنتج ع ذمته

أم تغريد : لا بس خل الناس تاكل بنتك بالقيل والقال

بو تغريد صرخ بقوة وعلى طول أنتفضت تغريد من صرخته : بنتج ألي ماتبيني

أقرب صوووبه .. تفهمين أنتي

أم تغريد بهواش : أنت فيك شي .. ولا ماهو معقول تتغير بيوم وليله وتخلي لافي

في حال سبيله هالشكل .. وأنت ألي قبل ناوي عليه نيه الشر

بو تغريد قام يضرب أيديه في بعض : لاحول ولاقوة ألا بالله .. أنتي كيف تفهمين

وبعدين بنتج تحسبين أنها بتظل هالشكل .. والله مرتاح لين أزوجها

تغريد بصدمة ظلت واقفه تطالع في أبوها وماجى في بالها إلا كلام عمها : ..........

أم تغريد : بعد شنو .. بعد ماخذت بنت الجوهرة الجمل بما حمل .. فلة مكتوبه باسمها وناس وقفوا ضدي بصفها .. حتى أختي وأخوي معها ..!

بو تغريد بأنفعال : هذا همج ..

أم تغريد ضحكت فجأه حتى تطالعه : من متى ماعاد هذا همك ..

تحركت حتى تطالع بنتها وترجع تطالعه

أم تغريد : لااااااا.. السالفه وراه شي بنتك وقلنا يالله ممكن تقلب ..أنت

شاللي خلاك صاحب مبادئ ولا بعد .. تقولها لي على أساس ماعرفك

بو تغريد طفح فيه الكيل منها وبصوت أرتفع : أن ماعجبج شي .. طقي راسج بأقرب طووفة

تحركت تغريد من شافت السالفه بتكبر بينهم وأبوها هالمره قامت تشوف بعيونه

نظرات غريبه لأمها عمرها ماحتوت هالحكايا فيه ..

تغريد : خلاص .. يبه رح أرتاح

أم تغريد رفعت يدها بوجهه : تعرف أني قادره عليك

تغريد بضياع : حنا بسالفة الخدامة .. طلعونا من هالسوالف !

بو تغريد : قادره علي .. أييه .. بس لاتحسبين نفسج بتقدرين علي طول عمرج ..

يكفي أني متحمل معج أكون ع بنت وحدة بس ولابعتج من زمااان

أم تغريد بطنازة : والله عارف قدرك زين .. ماهو لسواد عيوني متحمل .. متحمل

عشان ماتدفع فلوس وتطلع من عيونك وتخليك على بساط الفقر !

بو تغريد تحرك يبي يعلمها الشغل : سدي فمج

تغريد وقفت صاده أبوها عنها : تعوذ يبه من الشيطان .. خلاص رح أرتاح يبه

عشاني الله يخليك عشاني

بو تغريد رفع يده بوجه زوجته : بتندمين ياوسميه وبذكرج

أم تغريد رفعت صوتها : أشرب من ماي البحر أشوووف ..

قالتها حتى يتحرك بو تغريد بخطواته الواسعه طالع من باب المدخل

للحديقه وتغريد ظلت واقفه بصدمة من ألي قاعد يصير قبالها ..

وعلى طوول تحركت الخدامة رايحة لغرفتها والحقد

الغريب لأم تغريد بدا يمتلكها .. طلعت من سيب حتى تدفع

الباب بيدها وتنحني بسرعه صوب فراشها تلم أغراضها ..

رفعت أيديها حتى تمسك خدها وأم تغريد ماترددت أول ماطاحت بفستانها

المحترق

تعطيها كف .. لفت براسها تطالع الباب وبسرعه فزت واقفه حتى تروح

للحمام الموجود في هالغرفه .. أنحنت من أدخلته ساحبه من الزباله قماش

ملفوف بشكل دائري مسكته زين بأيديها ومن فتحته ألا مليان شعر

وأظافير ..

( تالا )

أنتفضت بسرعه من سمعت صوت تغريد حتى تركض لباب غرفتها

وتسكره .. رفعت قميصها بسرعه وبدت تخبي هالقماش داخل ملابسها الداخليه وعلى طول

نزلت قميصها ولا كأنها سوت شي .. تحركت حتى تنحني لفراشها وتجلس

عليه .. تكتفت بصمت والحقد في هالمره أقوى من أي مرة كانت

أم تغريد تمد يدها عليها أو تسلط لسانها ع ضعفها وتلومها باللي ماقدرت تسويه !!

×

×

×

سيارته الجيب واقفه بجنب الرصيف وهي جالسه فالسياره

لحالها بعد مانزل رايح يجيب لها نظارات سودا حسب ماطلبت منها .. لا عارضها

ولا حتى حست في نبرة صوته أي أستغراب هز راسه حتى يقول لها ( تامرين )

وعند أقرب محل نظارات وقف حتى ينزل وهي تحس روحها في دوامة ..

تطالع الشوارع والأضاءه والسيارات .. المباني والمحلات ..

تغيرتي يالكويت عنها ..

تغيرتي كثير وبقيتي تزيدين في كل يوم جمال وسعاده ..

ضمت شفاتها بقوة وبلعت ريقها من حست فالعبره عالقه في حنجرتها ..

شابكه أصابعها بقوة في بعض ومريحتهم في حضنها ..

الغطى بالكامل يغطي وجها بدون ماتلبس نقاب ..

قلبها يدق في هاللحظة بقوة ماتدري ليش .. ودها تبكي وتبكي لين

ماتحس في عيونها تجف وتقول لها ماعاد فيني دموع ..!

أنفتح باب السياره وعلى طول لفت براسها تطالعه أنحنى بجسمه جالس بجنبها وهو يرفع الكيسه ويحطها في حضنه .. وبسرعه عدلت راسها لقدام

خافت يحس فيها .. لا يالعذوب حاسبي ع تصرفاتك من هالحين ..

حاسبي لا يكشفك

مد يده حتى يسحب الباب ويسكره وضخامة جسمه لهاللحظة تحسها

تنفض كل مشاعرها للضياع ..

سالم بصوت هادي .. يملاه التعب : طولت عليج

العذوب بصوت واطي مهزوز : لا

سالم عقد حواجبه حتى يطالعها وعلى طول مد يده لين مامسك أصابعها : أنتي ماخلصتي دموع

سحبت يدها بسرعه رافعتها لفوق

العذوب بردة فعل جافة : لو سمحت

سالم رمش ببطء ويده ظلت على وضعيتها : الدكتورة ترا دقت علي وطلبت مني أخليج تزورينها أو أعطيج رقمها تتواصلين معها

العذوب وهي تحرك جسمها وراسها متوجه لقدام بشكل مستقيم : وين النظاره ..

نزل عيونه لتحت وهو مايحس نفسه قادر يثور أو يعصب ..

يبيها تهدى .. يبيها تفهم أنه

ماكان عنده أختيار بالعمليه أبد .. رفع عيونه لغطاها الأسود ألي حاجب

عنه يشوف نظرات عيونها وين متوجه .. حتى ينطق

سالم بصوت مجهد : الله يرضالي عليج .. أفهمي بس أني والله ماكنت مخير فالعمليه

أنجبرت عليها والنزيف فيج من الطيحه قوي .. قالي الدكتور منت مخير ..

شنو أسوي .. شنو بيدي فهميني !

العذوب بقهر : تقدر ترفض .. تقدر .. ( أهتز صوتها ) من عطاك الحق تقول أييه

أنت شاللي تعرفه عن ألي ينزف فيني .. همك دنيا وثار وصراخ وتهديد وأنا كان همي بس أبقى عميا .. حتى هالشي وهالأختيار سرقته مني ..

هذا أنت .. لاتتحجى وياي بصوت هادي .. لا تتغير ياسالم حنا طول عمرنا بنظل أغراب .. أغراب تفهمني

نطقتها وصوتها يختل من العبره وأنفاسها تزيد .. تزيد بقوة قباله وبسرعه

تعدل بظهره مريحه على السيت ..طالع الشوارع الخاليه من البشر

في هاللحظة .. يشوف الوحده قباله بجسد وملامح شاحبه ترفع أيديها له

وتقوله تعال .. تعال ودي بعناق طويل ياسالم حتى ترتاح ..!

رفع يده وساندها على طرف الباب وأصابعه لامست شفاته

سالم بصوت غريب عليه : خفت عليج من الموت .. هو أنا أذنبت حتى بهالخوف

الوحيد ألي هز سالم من أعماقه يالعذوب !

كان مثل لو أنه مايخاطبها هي .. ولا ينطلق من شفاته الصوت لمسامعها ..

يخاطب فيها أنسان يسكن فيه .. وتجهله هي ..

غرقت عيونها بالدموع حتى ترجع تشبك أصابعها في بعض .. تكفى ياسالم

لاتقرب منها حتى لو كان هالشي ماله مقصد منك ..

لاتظهر لها القلب الحنون الساكن فيك في جسد يحمل على ظهره كثير

تصرفات سيئه وجارحه ..

هي ألي بقت على قيد ذكريات رحلت وماتركت لها ألا الظلام ..

تعرف كم كان هالأمر صعب عليها وقت مالناس نست ..

العذوب بضياع وصوت يخذلها : ممكن تمشي ... مالي خلق أسمع شي

( تامرين طال عمرج !)

قالها بسرعه وهو يمسك الدركسون بوحده من أيديه وتتحرك السياره

فيهم .. تحركت ونفسها يضيق .. ماتبشر بخير هالتصرفات ..

هي ماتبيه ألا الغريب .. العابر

المسافر .. الناسي ..

لأنسانه كبرت اضعاف أضعاف عمرها وقت الفراق ياسالم ..!

أمتدد المسافات شاهقه لحد مادخل بسيارته من باب الكراج لحد

مواقف لسيارات .. وبهدوء سحبت هوا بقوة من صدرها من شافت الحديقه

وأيديها بدون شعور قامت تهتز .. خايفه .. خايفه من كل شي ..

خايفه تشوف ملامح أهل سعود من جديد ..

بدون لاصور ولاحتى حديثه الهادي عنهم ..!

سالم من وقف بالسياره : ووصلنا

العذوب بسرعه تكلمت وهي تتنفس بصعوبة : أخوي ضاري وينه ..؟

سالم حرك راسه صوبها من حس أنها ماهي طبيعيه : العذوب شفيج .. وصلنا لبيتنا وبندخل قسمنا بس أمي والباقين ينطرونج عشان يتحمدون لج بالسلامة

العذوب : لا ماراح أنزل .. حرك السياره خذني لبيتي

سالم طارت عيونه : شنو

العذوب بسرعه تكلمت : سمعتني أنت .. سمعتني حررك ودني لأخوي ضاري

سالم بربكة : أخوج مايدري أنج سويتي العمليه ومانجحت .. مايدري .. كيف أخذج له ويشوفج بهالحاله

سمعوا صوت ركض بسرعه تبعها صرخة فرح من وردة ألي دارت حول السياره

حتى تفتح الباب ألي من جهة العذوب وعلى طول أنحنت وحضنتها ..

وردة : خرعتينا عليج ..

سالم فتح باب السياره وأشر لها : تعالي سلمي على أبوج يلا

وردة مالت براسها على خصر العذوب : ................

تحركت العذوب على طول حتى تنزل من السياره وتحضن وردة

ألي كان واضح عليها الفرح واللهفه بشوفة زوجة أخوها

العذوب : ياعمري ..

وردة بنبره مترددة : أنتي بخير .. تعورتي ..؟ شفتي سالم رفض ياخذنا عندج

ولا نروح لج .. يقول أنا بخليها تجي وتشوفونها

العذوب وهي تتأمل ملامحها مو مصدقة أنها تشوف وردة صارت

تتحاول تتلمس راسها لين ماأستقرت على شعرها : أنا بخير .. بخير والله

وردة شوي ألا تبكي : خفت تموتين نفس مناير .. والله

العذوب على طول حضنتها : ياقلبي قدامج أنا

نزل سالم بسرعه حتى يتحرك لها ويوقف بجنب العذوب

سالم وهو يحاول يغير مجرى هالكلام : ولا كاني طلبت منج شي .. والمة للفضايح

وردة أبعدت عن العذوب حتى تمد أيديها لسالم ألي على طول

أنحنى لها وحضنها : أدق عليك مارديت علي

سالم بقوة حضنها حتى يبوس خدها : أنتي مزعجة .. ماخلاني أحط الجوال ع الصامت غيرج

وردة : أيه بكلمك عشان أكلم العذوب

سالم أبعد عنها وعلى طول مسك يدها جرها له : شفتيها تبي تروح لبيتها ترا

وردة طارت عيونها : من هي ..؟

سالم أشر براسه لزوجته : ذي ألي قدامج

وردة بخرعه أنحنت ماسكة يد العذوب : لا تكفين .. الله يخليج الله يخليج لاتروحين تكفين .. تكفين

العذوب تنحت واقفه ماتوقعت منه هالحركة : ................

وردة قربت منها : مو هذا بيتج .. وين بتروحين وتخلينا .. تكفيين لاتروحين

سالم أبتسم : خلاص ماراح تروح

العذوب بأندفاع : تتكلم عن نفسي ليه

سالم متجاهلها تحرك تاركها : بروح أسلم على أمي

وردة : أمي العودة راحت مكة .. جى علي وأخذها مع عمتي وعبادي وسلموا علينا كلنا .. بس عبادي كان نايم

سالم بصدمة لف لها : شنو .. من متى

وردة رفعت يدها : من زمان ..!

وبالجهةة الثانيه من الفله .. طلعت من قسمها وهل لابسه عبايتها والشيله

حول راسها .. رفعت يدها وهي لافتها بقطعة قماش وتحس بألم لاحاولت

تحرك أصابعها .. تخاف من أمها لاشافتها تستلمها خناق ماراح تسكت عنها

بس وش بتسوي .. بتضيق في هالبيت وهي قاعده لحالها ..

دق جوالها فجأه بنغمة رساله وبهدوء راحت تمشي للفله ..

طالعته بصمت وهو مستقر بين أصابع يدها الثانيه .. وقفت عاقده حواجبها

من قرت الرساله .. رمشت بعدم تصديق ورفعت عيونها تطالع

المدخل المظلم للفله .. ولحظات رجعت من جديد تقرا الرساله ..

( أنا ضايقه .. تغيرتي ؟ )

هذي تغريد مرسله عليها .. وش ألي جاب خلاها تتذكر رقمها ..

ضغطت رد على هالرساله .. ومن نوت تكتب وقفت .. والله مايرحمها

طلال لو عرف أنها تراسل تغريد وهو محذرها تتواصل معها .. طيب وش عليه هو

ليه عليها تحسب له حساب وهو ماعاد يشوفها شي أبد ..!

نفضت كل هالهواجيس من راسها حتى تكتب ..

( نفس الحاله .. ماتعرفيني ياتغريد كيف أتغير ..؟ )

أرسلتها حتى تكمل خطواتها الواسعه داخله للفله .. سحبت شيلتها من على راسها

حتى تتجمد خطواتها من دخلت للصاله و أخوها سالم واقف بمسافه

بعيده عنها .. يفصل بينهم كثير أشياء وأثاث ..

حركت عيونها بضياع صوب أمها ألي على وجها يتراقص الفرح لسلامة

العذوب ..

وش تسوي هالحين .. تروح تكمل خطوتها متجاهلته .. ولاتسلم عليه .. ولا

ترجع هي حامله بقايا من كرامتها لايهدرها بعد بكلمة منه طايشه ..!

شافته يقرب من أمه بطوله وغترته تعانق كتوفه حتى ينحني براسه لام أيدين

أمها يبوسها

سالم : رضاج يمه علي .. رضاج

أم سالم حطت يدها الدافيه على كتفه : والله راضيه عليكم كلكم

سالم رفع عيونه لها وبسرعه باس راسها : الله يطول بعمرج

أم سالم : وين هي ..؟

سالم أبتسم : تركتها عند وردة .. راح تجيبها لج يمه

حرك عيونه لجهة اليمين حتى تلتقي فيها واقفه بمنظر غريب

والضياع يمتلي فيها .. ابتسم أكثر من شافها وهو ألي تعب

كثير يدق عليها ولا عطته رصة الرد

سالم وعيونة أرتكزت عليها : مانتي مسلمه على أبوج ..؟

حست برجولها تهتز وخوف سكنها غريب .. وروحها تحتضر في هالمواجهه ..

بلعت ريقها وهي تحاول تتقول شي .. على الأقل ترد أعتبار لكل هالتفاصيل

البائسه ألي كانت من صنع أيديه فيها ..

أخذت نفس عميق وأمها لفت براسها صوب بنتها .. خليج واثقه يامرايم

من نفسج لو مرة وحدة بحياتج .. خليج قول وفعل للي تبين تقولينه

وتسوينه .. لاتهتمين فيه .. نفسه نفس طلال .. مايفرقون

عن بعض غير بالملامح ..

أم سالم أشرت بيدها : تعالي يمه أخوج يبي يسلم عليج

مرايم نفخت صدرها بالهوا حتى تنطق بأندفاع ونبرة صوتها أرتفعت : سلامك وصل

دخلت وردة وهي تجر يد العذوب ألي أول مادخلت للصاله وقفت عيونها

تنتقل مابين سالم لأمه .. لمرايم ..

صارت تتأمل ملامحها المجهده .. العاديه جدا قبال جمال أخوها وأختها الصغيره ..

تحركت مرايم بخطواتها صوب غرفة التلفزيون ومن دخلت

ألا أم سعود وعبير جالسات بصمت غريب .. وكلامها لأخوها وصل لهم ..

جلست على أقرب كنبة ولحظات دخلت أمها منفعله

أم سالم بعصبيه : هذا كلام تقولينه لأخوج

أم سعود فزت واقفه : تعوذوا من الشيطان

مرايم طالعت أمها : من هو حتى يحط نفسه أبوي .. خليه ينسى هالشي أحسن له

أم سالم قربت منها : ناوين علي أنتم .. وبعدين يعني !

مرايم تكتفت بقوة ناسيه جرحها من القهر : هالكلام أولى تقولينه له بعد كل شي سواه ..

أم سعود طالعت مرايم : يمه هذا أخوج .. يبي يسلم عليج وتوه راجع من تعب وقعده بمستشفى والله وحده أعلم بحاله .. مو هالشكل تستقبلينه وتقولين له

ألي سمعناه

مرايم رفعت أيديها : والله هذا ألي عندي

عقدت عبير حواجبها من لمحت يدها ملفوفة بقطعه قماش لونها أخضر

لكن هالحين بدت تغرق بالدم ونص كفها فيه دم واضح بعد ..!

عبير أسرعت صوب مرايم حتى تمسك يدها : يمه هذا شنو

مرايم مسكها قلبها وهي نست سالفة يدها جرتها مخبيتها بعبايتها : جرح بسيط

عبير بصدمه جرت يدها ومرايم أنحنت تبيها تبعد : مو جرح بسيط

أم سعود تقدمت منها ومالت براسها وبخوف : خليني أشوف

مرايم ضحكت وهي تشوف ملامحهم خايفه : هههههه .. شنو فيكم والله مو شي

وماحست ألا بيد أمها تنحني بسرعه جاره يدها ومن أفردت كفها

مسكت قطعة القماش مبعدتها عن الجرح ..

شهقت بقوة حتى تغمض عيونها وتضرب صدرها

أم سالم بغت تروح فيها : أعوووذ بالله .. أعوووذ بالله

رصت مرايم على أسنانها بقوة والألم فجأه أنفجر بقوة وهي تحس

في مجرا الهوا يزيد ألمه أضعاف .. سحبت يدها حتى تخلي كفها مفتوح ماعادت

قادره تحرك حتى أصابعها

أم سعود : وين طلال عنج .. وينه

مرايم فزت واقفه وهي تجر شيلتها : بروح لبيتي .. بعقمه وماعلي خلاف

أم سعود بقوة دفتها .. وش هالبرود في هالبنت : أجلسي أشوووف يلا ..

عبير وعيونها متسعه بقوة تطالع مرايم بصدمة : ...............

أم سعود لفت لعبير وبصرخه : هاتي أدق على أخوج الأهبل .. وينه عنها مايدري

عن ألي بيدها

فتحت مرايم عيونها على الأخر وهي تطالع أمها ألي أنحنت ماتحملت منظره

وأم سعود قامت تصارخ ..

يوجعها أيه .. لكن وراهم أخذوا الموضوع بزياده .. حتى لو راحت للمستشفى

أكيد بيعقمونه ويلفونه بشاش وخلاص ..

تحركت أم سالم بسرعه صوب الباب حتى تطلع وحالتها حاله

أم سالم طالعت وردة : وين أخوج

وردة أشرت للباب : أخذ العذوب وطلع يقول تعبانين !

أم سالم نطقتها بالعافيه : روحي ناديه بسسرعه .. روحي

وردة راحت تركض : طيب

ظلت واقفه عند الباب حتى تحرك عيونها لداخل الغرفه وتلمح أم سعود ماسكه جوالها وهي ثايره ..

ولحظات حطت الجوال عند أذنها ..

أم سعود من أنفتح الخط وبنبره هايجه : أنت وينك ..؟

طلال أستغرب من نبرة صوت أمه : وين بكون ... مقابل الديوانيه

أم سعود : تدري عن الجرح ألي بيد زوجتك ولا لأ ..؟

طلال بصدمه : أي جرح ..! يمه زوجتي مافيها إلا العافيه

أم سعود ثارت بزياده : أييه مافيها إلا العافيه وااضح ماشاءالله أنك عارف

.. زوجتك هذي قدامي يدها فيها جرح ماهو بسيط .. قم فز من مقابل

الديوانيه وتعال خذها للمستشفى بدال ماتشوف شي بعمرك ماشفته مني .. يوم أنك ماتبي تحافظ على بنات الناس تاخذها ليه من الأساس !

أبعدت الجوال عن أذنها ومرايم متنحه باللي قالته ..!

رفعت أم سالم أيديها من شافت سالم دخل بخطواته الواسعه جاي يمها

أم سالم : شغل سيارتك يمه أختك يدها مجروحة

سالم ماستوعب ألي قالته وخوفها افزعه : أختي من ..؟

أم سالم رفعت حواجبها من رده : من غيرها مرايم

سالم : مسرع ماجرحت يدها .. مو توها واقفه قدامي

أم سالم ضربت أيديها في بعض : من قبل يممه وماشفناها ألا توه !

سالم حرك يده للباب ورغم تعبه : ماعليه تلبس عبايتها يلا عشان أخذها للطوارئ

( حط يده على كتف أمه ) هدي يمه وراج أحسج أنفعلتي بزياده .. لو أنها متعوره

حييل ماوقفت قبالنا تو يمكن أنه جرح بسيط

سكت من طلعت مرايم تمشي بخطواتها الواسعه تاركتهم وهي تحاول تلف

شيلتها بيدها ألي مافيها شي

مرايم وهي معطتهم ظهرها وتاركه الكل : تصبحون ع خير

أم سعود نوت تطلع بس وقفت حتى تناديها : مرايم .. وقفي

فتح عيونه على الأخر وأمه تحركت مفزوعه تبي تلحقها ألا لازم

تروح للمستشفى ..

وهي راحت تمشي فالسيب بخطوات متسارعه ومن طلعت من الباب

ألا طلال يمشي رايح لقسمه .. لف براسه ووقف يطالعها بصمت غريب

يتأمل أجزاء جسدها .. عقد حواجبه وكأنه لمح يدها ...

أم سالم طلعت من الباب ماسكتها : أمشي أنا بروح معج .. لاتعورين قلبي

بزياده ..

مرايم طالعت طلال ومسرع مالفت لأمها وهي تتقدم أكثر : يمه والله ماهو شي

أم سالم طفح كيلها : وبعدين يعني ..

مرايم بصوت واطي : يمه لايسمعج طلال .. مو ناقصه

رفع رجله وهو يميل براسه من قصرت أصواتهم فجأه .. راح يمشي لهم

لين ماوقف ورا مرايم

طلال : أخبارج خالتي ( طالع مرايم ) أنتي متعوره ؟

أم سالم طالعته : يمه أن كان فيك حيل فكني من هالبنت وخذها للطوارئ

طلال رفع حاجبه اليسار بحزم : أمي توها داقه علي

أم سالم أنحنت حتى تسحب يدها : شف .. أن ماخاب ظني ماتدري أنت عنها

نفسنا

أتسعت عيونه وبسرعه رفع يده حتى يمسك معصمها .. قرب منها لين

مالامس كتفه كتفها وهو يميل براسه

طلال بفاجعه : من متى هالجرح ..؟

حطت يدها فجأه على صدره وهي توقف قباله دافعته .. رفع راسه

منصدم من حركتها حتى يرجع خطوتين .. مالت براسها لين ماأقتربت

من أذنه .. همست فيها للدرجة ألي أتسعت عيونه بقوة وملامحه تغيرت

تغيرت بشكل غريب .. سحبت يدها من بين أصابعه حتى تتحرك

من قدامه تاركه أمه واقفه ولاتدري وش ألي قالته عفس الرجال

فوق تحت بهالشكل !

×

×

×

تمددت بالفراش بتعب حتى تغمض عيونها بقوة من مالت براسها على المخده

العذوب وسالم واقف جنبها ماسك يدها من تعبها المفاجأ : البيت حسيت أنهم متوترين ..

سالم وهو يحاول يعدل المخده : أنتبهي ع راسج ترا الدكتور منبهني

العذوب حاولت تسحب يده بس هو شد عليها بقوة نطقت بهدوء : مرايم .. شنو فيها ..؟

سالم بصمت غريب وقف يطالعها وهي تطالع السقف نطق : تدرين باللي بيني وبينها ..؟

فك يدها حتى يروح صوب أقرب كنبه ويرفع أيديه ساحب شماغه

والطاقيه ... أنحنى جالس بتعب حتى يفرك عيونه بأصابعه

سالم : أظن يحتاج لي أسبوع عشان أحس بالراحة ..؟

العذوب بصوت بالعافيه تنطقه : موضوع أختك بيدك

سالم رفع أصابعه عن عيونه ووجهه راح لونه أحمر .. قال بضيق : هي ماتبيني

العذوب : لاتتوقع من ألي تجرحهم يسامحونك بسرعه

سالم بنبره غريبه : على هالي تقولينه مانتيب مسامحتني !

العذوب ماتدري وش تقول سكتت : .......................

سالم فز واقف وبضياع : يارب

العذوب وهي تطالع السقف نطقت والجنون يعبث فيها : أسامحك لا أطلقت

سراحي ياولد ناصر

لف لها يطالعها بنظرات حارقه .. حست فيها .. هزتها ..!

وبسرعه تحرك صوب الحمام حتى يدخله ويسكره بأقوى ماعنده ..!

×

×

×

الساعه 9 ..

جالس على مكتبه وقباله كل من يشتغل معه في هالقضيه

ألي لازالت رغم جهودهم تتفرع وتتشابك مع خيوط معقده ..

فارس بنبره صارمه وهو يتأمل ملامحهم : رغم كل جهودنا حنا ننطلق من البدايه ونرجع فجأه لنقطة الصفر من جديد .. ندور ونبحث ونلقى أنفسنا مانحصل ألا على نفس

المعلومات نفس الأسماء ... نفس الأشخاص .. هذا خلاني أجتمع فيكم وأوصيكم

على السريه التامه لكل مجريات التحقيق ألي نقوم فيها .. يمتلكني أحساس غريب

أن فيه من قادر يقرى أفكارنا ويوجها صوبنا ألغاز تحيرنا .. فيه من يبي يدفعنا لتسجيل

هالقضيه لمجهول وتنتهي

بسام أخذ نفس بحيره : معك حق سيدي ..

ضابط يقاطعهم : أنت معك دليل واضح على ألي يصير وهو فواز ألي كان طرف واضح

وصريح لكل ألي صار لسعود ..!

فارس أبتسم أكثر : فواز طرف مستغل وماهو طرف قامت عليه جريمة القتل .. خذها مني

أنور حرك يده بحيره : نسيتوا جاسم .. ألي في عصابة المخدرات نقدر نضغط عليه أكثر .. متأكد أنه يمتلك معلومات الخطيره والدليل صمته ومقاومته لكل ألي يمر فيه

فارس ضم شفاته : صدقني فيه طرف مجهول يتلاعب فينا ودارس زين خطواتنا ..

الدليل على شكي هذا معين .. سواق ضاري ومحاولة خطف عبدالله راشد

أنور عقد حواجبه : سيدي .. راح يوصل حسين والقضيه بالكثير أسبوع وراح ننتهي منها

ونعلن ملابساتها

فارس طالع انور بحده وعمق : ركز معي .. ليه حاولوا خطف عبدالله ..

أنور بعدم فهم : ممكن يكونون طرف من عصابة المخدرات غير جاسم ألي بين أيدينا !

فارس بسؤال أكثر عمق وفطنة : كان ممكن يحاولون يخطفون سيف ( رفع حواجبه )

أخو لافي .. أو على الأقل ولد عمه ناصر .. نقول بنت عمه الصغيره ..

بسام : قصدك أن فيه طرف ثالث غير ميشيل واعوانه وعصابه المخدرات

فارس فز واقف حتى يتحرك صوب الجدار ومسرع مالف لهم ..

فارس : ألي حاول يخطف عبدالله .. كان يحاول يشتت أنتباهنا ويربك مجرى التحقيقات الجاريه ... ظهور معين كجاسوس في هاللحظة ألي حاولوا فيها الخطف سقطة

خطيره في حق هالطرف المجهول .. شنو معناه أن الخطف مايتم ألا باللحظة

ألي صار حسين بيدينا .. مافكرت في هالشي .. كان ممكن يخطفونه قبل و لافي

كان متيقن أن فيه من يراقبه وحاول يمس أهله بسوء .. هو واصله خبر القبض

عليه قبلنا

أنور حس بأفكاره تتلخبط : سيدي حاول تقرب لنا ألي أستنتجته أكثر ..!

فارس قرب من الطاولة وريح يده عليها : ألي أمر بمحاولة الخطف كان على معرفة تامه

أن ميشيل يراقب فهد .. وأن شكوكنا كلها راح تكون مستنده على مصدرين .. حسين وميشيل ..

هو بطريقته هذي يبي منا نثبت التهمه أكثر على ميشيل وأعوانه بفرنسا

ويتولى الأنتربول مهمة القبض عليهم .. ويوقف هو متفرج بعد مانفذ بجلده !

واحد من الضباط بفاجعه : كأنك تقول أنه مطلع على كل التحقيقات ألي نقوم فيها

ظل فارس يطالعهم وهو يهز راسه بالرضى

والحذر يحيط أنفاسهم بفاجعه هالتحاليل

ألي لا كانت على البال ولا على الخاطر !

×

×

×

فرنسا ..

وقف حاط يده على الباب يمنعها لا تطلع

عمر : أنتي مجنونة ..؟

ساره بنرفزة : تبيني أنزل حجابي هالشكل وأطلع عادي

عمر بعصبيه : أنتي بمجتمع يحارب الحجاب وممكن تروحي في ستين داهيه وأنتي مراتي

ساره مدت يدها صوبه : عمر .. من عقلك تقول لي هالشي

عمر : أنا مش حطلب منك أكتر أنا عاوزك بس تغيري الحجاب ده .. ألبسي

أي لون وأكشفي عن ( رفع يده من طالعته بفاجعه وصار يأشر على وجها ) ........

ساره : عمر .. خلنا نمشي مابقى شي وتوصل صديقتي مع عمها .. تأخروا

أنهم يسافرون بس هذا هم على وصول

عمر وبرفض : واللهي مش سايبك كده .. أنا مش مجنون وأنا عارف أوي ألي حيجرى

من ورا عنادك

ساره أنحنت له وباست خده : مجهزه لك مفاجأه لا رحت شفت صديقتي بتعجبك

والله ..

عمر رفع حواجبه : أها .. يعني كده

ساره بخجل : شي بيعجبك يلا وخر عن الباب خلني أطلع

أنحنت ماسكه يد الباب حتى تفتح غصب عنه

وتطلع .. وهي تشوف سياره عمر بعيده عنها .. ضحكت من ملامحه أول ماباست

خده وراحت تتحرك وهي تحس نفسها ترتفع بالسعاده .. رفعت عيونها

تطالع الحديقه والحي البسيط ألي ساكنين فيه طلعت من حديقتهم الصغيره للشارع

حتى توقف فجأه من لفت سياره الشرطة طالعه على يسارها ..!

صارت تلم عبايتها وبطنها مغصها .. حركت راسها لورا وعمر ماطلع

من البيت وبسرعه تحركت تسرع بخطواتها صوب السياره ..

وقفت سياره الشرطة حتى ينزل الشرطي الفرنسي يركض

لها بقوة وعلى طول صار يجر يدها بهدوء ..

وقف قبالها وقام يهرج معها بلغة فرنسيه وهو يحرك أيديه ويطالعها من فوق لتحت

وبقوة هي جرت يده مفاجأته حتى تركض بقوة راجعه للبيت ..

أنحنى الشرطي حتى يمسك سلاحة ويلحقها .. جرها مع عبايتها من ورا

حتى ينادي ألي بالسياره وعلى طول نزل راكض لهم ..

قامت تصارخ بخوف تبيهم يتركونها وهي تنادي عمر

وماكان الصوت ينفعها أبد ..

تعاونوا عليها يسحبونها لسيارة الشرطة لين ماركبت غصب عنها وهي أنهارت تبكي ..

طلع عمر يركض من باب بيته متخرع حتى بقوة يندفع صوب السياره

ويوقف بوجهه واحد من الشرطه الفرنسيه ..

صار يدفه وهو يشوف سيارة الشرطة تتحرك قدام عيونه

مبعده عنه

عمر صرخ بوجه الشرطي : أبتعد هذه زوجتي ..

الشرطي : لقد خالفت القانون الفرنسي بأرتداء الحجاب في الأماكن العامه

عمر بقهر : يوجد الكثير هنا ممن يرتدون الحجاب .. أبتعد عن طريقي

الشرطي وهو يحاول فيه يهدي : القانون الفرنسي صريح لأمثالها !!

قالها بنبره خبيثه حتى يدفه عمر ويركض صوب سيارته

وهناك

متساند بيده على حافة جدار وقباله مكاتب وناس مزدحمة بشكل أدخل الرعب في قلبه ..

في مركز الشرطة هو وعيونه تتحرك يمين ويسار ببطء ..

رفع يده وصار يعض أصبعه من طاحت عينه على المحقق ألي تولى التحقيق

باللي صار وهو يهز راسه برفض والمحامي مارتن كأنه يكلمه ويحاول فيه

بصوته الفرنسي الواطي .. رفع حواجبه بقوة من رفع الشرطي يده وصار يأشر

على رقبته وينحني لمارتن بحقد ..!

يالله .. هو الغبي ألي تركها لابسه حجابها وهو أكثر شخص يعرف بالقانون

الفرنسي ألي سلط كل أتجاه في محاربة هالدين .. قول وفعل !

هو ألي ماأجبرها وقت مارفضت ..

بس أنتفض متعدل في وقفته من شاف لافي يدخل من باب المركز بطوله وحضوره الرجولي ..

خطواته واثقه أكثر من أي لحظة شاف فيها فهد ..!

أو يكون صريح .. كثر أخر مرة كان له صداقه مع هالأنسان ..

شال خفيف يلتف حول رقبته وجكيت رصاصي يغطي تفاصيل جسمه ..

دافن أيديه في جيب هالجكيت .. وشعره الرمادي راجع لورا بترتيب وأناقه ..!

شكله توه جاي من مؤتمر أو شغل .. أو سفر مايدري

وبسرعه تحرك صوبه بحقد متعدي كل الطاولات لين ماوصل له حتى يوقف

بوجهه وبدون أي أعتبار لهالمكان الموجود فيه وأن المفروض يمسك أعصابه

والمسأله فيها تحريض وسجن ..

رفع يده حتى بكل قوته يدف فهد مع صدره .. فتح لافي عيونه على الأخر

وبنظرات غاضبه تعلقت في عمر رجع لورا من قو دفته

عمر : أنا مش قلت ليك .. مش عايز أشوفك

لافي وبنظرات عصبيه رفع يده : لااتصدق حالك أنت .. أنا هنيه عشان وحدة محتاجه تطلع من هالمكان ..

عمر صرخ : وأنتا مالك ياعم .. واللهي أن كنت حتحشر نافوخك في المسأله ألي بتخصني لكون موريك ألي مش حتشوفه من حد غيري !

لف مارتن براسه لهم وبسرعه فز واقف من كرسيه حتى يركض صوبهم ويوقف

بينهم والكل بدا يحس بالتوتر الغريب ألي بين هالأثنين ..

واحد من المحققين كسر الفضول في سؤاله : هل هناك خطب ما ..؟

مارتن بسرعه نطق : لا .. ( حط يده على صدر عمر حتى يدفه ) أسمعني جيدا .. أنا من أتصلت بفهد وأخبرته عن كل ماحدث

عمر طارت عيونه بقوة حتى يجر مارتن مع صدره وبلغته الفرنسيه : ماذا ..؟

مارتن بقهر : فهد هو الشخص الوحيد الذي يمكنه منع أي حجز أو تحقيق قد يلاحق

زوجتك .. لديه ( صار يتلفت حتى ينحني بسرعه لأذن عمر ) السلطة والشهره والمال ..

أعتقد أنك أستطعت فهم ماأود تذكيرك به

أبعد راسه وعيونه مافارقت مارتن ..

مارتن بصوت واطي وهو يأشر للغرفه ألي قدر يخلي ساره تجلس فيها لحالها : من أجلها .. أبعد كل الأفكار السيئه ياعمر .. زوجتك حقا في خطر وأنا لا أستطيع التدخل في مسأله كهذه

لقد تعدت على قانون صريح يمنع لبس الحجاب في الشوارع العامه ..

وماحس عمر ألا بكف فهد تستقر على صدره

فهد بدون حتى مايطالعه وببرود وخطوة واثقه : أبعد عن طريقي بسسس ..!

دفه بهدوء حتى يرفع رجله ويمشي مابينهم مااهتم لكلامه ومن لمحه المحقق

جاي له فز واقف

حتى يمد يده يصافحه .. فتح عمر عيونه على الأخر بذهول ومسرع ماطالع مارتن

ألي تركه في مكانه واقف وراح يمشي بخطوات متوازنه صوب لافي والمحقق ..

ماستوعب تصرف المحقق تجاه فهد ..

ماتوصل الشهره والفلوس في مركز الشرطة لهالتقدير .. يسلم عليه كأنه يعرفه ..

بيظل فهد العربي المسلم بين قوسين ( الخليجي ) قبالهم ..!!

أو صح .. ماهم قدروا يقلبون حياته فوق تحت ويحذفون حدود الأنتماء

في ذاته .. ليش مايقدرونه دامه فرنسي له من الحقوق مثل أي فرنسي ويمكن

أكثر ..

صد بملامحه والقهر يكبر في جوفه والحقد ..

كيف يقابل خاين العشره ..! ألي دمر سمعته وحياته حتى ينهي كل شي بأستقاله

لكن مجبور يتقبل مساعدته في سالفة ساره

ماله خيار .. ولايقدر يترك الشرطة تتولى الموضوع .. لازم يوقف الأمر في مكتب

هالمحقق ويختفي .. لازم

تحرك .. خطوة .. خطوتين حتى ينحني جالس على أقرب كرسي ..

مايقدر يدخل عليها وهي منهاره على الأخر وبشكل يكسر قلبه زيادة ..

صار ألي ماتوقعه .. رفع عيونه للسقف

ومسرع ماصار يهز رجله بقوة وعيونه تنتقل مابين مارتن والمحقق متجاهل فهد ألي مايل

بظهره لقدام ويحرك بيده بكل أحترام وكأنه قادر يوزن كل كلامه بثواني حتى يواجه

هالمحقق فيه .. عض على واحد من أصابعه والقهر في داخله يحرقه ..

كيف صار ألي صار .. كيييف ..؟!!

يمر الوقت حتى يفز فهد واقف ويضرب يده بالطاوله .. هز راسه ببطء وعيونه تتصدد

عن هالمحقق ومن لمحه عمر عقد حواجبه .. كأن في شي ماهو معجب فهد ..

لحظات حتى يتحرك جاي لمه .. يوقف قباله وهو معطيه كتفه وجسمه متوجه بأستتقامه

لجهه ثانيه وبدون مايطالعه

فهد بصوت واطي : وافق المحقق ..........

عمر بحقد وهو يغمض عيونه وبلغته الفرنسيه : لاحديث قد يربطني بك أيها الخائن ..!

فهد أخذ نفس بعمق وهو يبلع ألي سمعه .. أبتسم غصب حتى ينطق : حقا

نزل بنظرات عيونه لتحت والأبتسامه للحين ماتفارق شفاته

عمر : أتعلم .. أصبحت أؤيد تلك العجوز حين أطلقت عليك أسم جورج .. لربما كانت تعلم أكثر

مني أنك ستنضم لقائمه الخونة ذات يوم

لافي فجأة طفت أبتسامته حتى يلف براسه له وبتهديد : لن أسمح لك عمر في قول أكثر من ذلك

عمر بطنازة وهو يرفع يده : أذا لتغادر هذا المكان .. لا شأن لك بي .. تستطيع صنع علاقة أخرى مع شخص ما غبي كما فعلت معي .. تستطيع خداعه ..

تحرك فاتح عيونه بقوة من أنحنى فهد له وقام يهزه

لافي ونظرات عيونه أنفجرت غضب أسود يوم تعلقت في عيون صديقه : أصحى على نفسك ياعمر .. أصحى وشف أنت وين واقف .. أن كان فيك ندم أنا فيني

نفس الشي ألف مرة .. بينتهي كل شي قريب .. بس لا أنتهى لا أشووفك يالحمار ..!

عمر حط أيديه على صدر لافي يبي يبعده : أنتا بتحلم ياعم .. أنا مش حشوف واحد خاين

متلك .. أنتا بتسوى جزمتي دلوقت !

لافي دفه حتى يوقف وهو يهز راسه : زين .. ع العموم زوجتك يبونها تطلع تاركه حجابها هنيه .. والمحقق

رفض أي شي غير هالشرط الوحيد .. حل الأمر معها ..!!

حس في أطراف جسمه تجمد وهو تنح يطالع بلافي وباللي قاله ..!

كم لحظة مرت وشفنا فيها أنها تسن أنيابها في وجه الصبح بدون لاندري

وكم لحظة صارت تتناثر مثل رشه عطر علينا..

وبالغرفه كانت جالسه على كرسي وتبكي بقوة .. ماهي قادره تستوعب ألي صار ..

رفعت أيديها بقوة حتى تغطي وجها وصورة الشرطي يوم يسحبها تحس قلبها

بيوقف بأي لحظة تسترجع فيها الذاكرة مراره الي صار ..!

مالت بجسمها لقدام والبكا موال طويل يسير حافي في طريق ذاتها رفعت عيونها بقوة

من أنفتح الباب حتى يدخل عمر بملامح ماقدرت توصفها حتى يسكر الباب وراها

ساره بسرعه فزت واقفه حتى تركض له .. تمسكت في بلوزته وصارت تجرها : بطلعني من هالمكان

عمر بسرعه أنحنى يحضنها بقوة يبي يهدي روعتها : ساره .. ياحبيبتي أنا عاوزك كده تهدي

كان صوته غير .. يقولها بنبره حست فيها يائسه .. رفعت عيونها بسرعه له

ساره : عمر خلاص مابي أقعد هنيه الله يخليك .. توووبه اروح لأي مكان غير ديرتي ..

أبي أرجع الكويت ..

عمر حط أيديه الدافيه على خدودها وأبتسم مغصوب : ألي عاوزاه حيكون بس ..

مايدري كيف يقولها ضاع

ساره بحرقه : طلعني من هالمكان .. شنو مسويه لهم أنا والله ماقلت شي ولا سويت شي

نزل أيديه بسرعه على كتوفها حتى تستقر عليها ومسرع مادفها يبيها تجلس ..

تحركت خطوة وراه خطوة ويدها للحين على بلوزته من على الصدره .. تشد عليها بقوة ..

شيلتها مغطيه شعرها والعبايه مرميه على كتفها ببهذله ..

جلست حتى ينحني هو جالس على ركبه قبالها .. سحب يدها من صدره وحضنها بقوة

بين كفوفه ومسرع مارفعها مقربها من شفاته حتى يبوسها ..

عمر : ساره .. ربنا يخليكي ساعديني باللي حقوله دلوقت ..

ساره ظلت تطالعه والدموع تنزل بقوة من عيونها غير جسدها ألي يهتز قباله : ....................

عمر أخذ نفس حتى يضم شفاته على بعض ومسرع مانطق : واللهي حاسس نفسي مش قادر أأولها لكن غصب عني .. ( رفع عيونه بربكة لها ) ساره حتخرجي ان شاءالله لكن هما شرطوا كده شرط .. ( قال بضياع ) هوا ألي صار كله ملخبطني

ساره قاطعته : عاوز تقول أيه ..!

عمر قالها وعيونه تطالعها بربكة : هما عاوزينك تخرجي لكن حتسيبي حجابك عندهم

ساره طارت عيونها حتى ترفع يدها بخرعه حاطتها على صدرها .. قالت بنبره ترجف : هم مين ..؟ قصدك الشرطة ألي سحبتني بعدين .. كيف .. كيف أترك حجابي عندهم أن شاءالله تبيني أطلع بدون عبايه ولاشي ..!

عمر حضن يدها بكفوفه وبقوة : دا الحل الوحيد ..

ساره بفاجعه : شقاعد تقول انت .. مستحيل ..

فزت واقفه حتى تجر يده من بين أصابعه وتتحرك لوحده من الزوايا .. رفعت يدها بوجهه

ساره : لو أموت .. لو أموت ماأرمي عبايتي هالشكل ببساطة ..

عمر فز واقف وبرجا لها .. خلاص ماعاد يبي شي غير أنه يطلع وهي معه

من هالمكان : ساره .. أفهمي بقه .. مية مره قولت ليك أحنا مش في الكويت ولا حتى في مصر

أنتي متحجبه ولا مش متحجبه دا أمر عادي .. لا .. الوضع مختلف وماسمعتيش كلامي لحد

مادخلنا بهالدوامة .. بسبب عنادك شوفي وصلتي بينا لحد دي المصيبه .. أرجوووكي

ياساره عاوزين ننهي الحكايه دي

ساره صرخت بوجهه : خاف ربك .. خافه وأنت تقولي هالحجي .. مستوعب شنو تطلب مني ..

عمر أنفجر بوجها : ربنا عالم بحالك وبحالي دلوقت ..

ساره رفعت أيديها حتى تضمهم لصدرها وهي أنهارت تبكي : ياربي أرحمني ياربي ... أنا كيف قطيت حالي بهالمصيبه .. كيف وصلت لهالمكان ..

رفع عمر أيديه حتى يغطي وجهه بقلة حيله ومسرع مارفعها لفوق أكثر ماسح على شعره الأشقر..

تحرك بخطوات حايره لأقرب كرسي حتى ينحني جالس عليه

عمر وهو يصد عنها و الوقت قاعد يضيع بشي القرار فيه منتهي : أنا دلوقت مش بخيرك ولا بعطيكي الحق أنك ترفضي أو توافقي ..!

ساره طالعته وهي خلاص نفسها تحسه بينقطع من كثر مابكت : أنت متقبل الوضع .. عندك عادي أطلع بدون عبايه مكشوفه للكل .. عادي يشوفني ربي بهالشكل .. عاصيته ..!

عمر وقف متنرفز رفع صوته : أفهمي بقه .. أنا عاوز دي الحكايه تنتهي ماقدرش أستحمل حاجات تانيه أكبر من ألي بنمر فيها دلوقت وعمال ترفضيه ..

ساره تلم عبايتها وتلصق فالجدار أكثر : ..........................

عمر سألها : عاوزة تبقي في المكان دا ..؟

ساره على طول هزت راسها برفض : ..........................

عمر رفع حواجبه ورفع أيديه : خلاص أعملي ألي قالووه .. وربنا حيكون أرحم بينا

من أي حد .. وعالم قد أيه أحنا مجبورين في البلد دي نمشي على قوانينها وشروطها رزقنا

أقسمه لينا وهو عارف كل ألي حنواجه ومش راضين بيه .. ( قال بقلة حيله ) ياساره الوضع أخطر من أنك تتصوريه .. ألي عملتيه ممكن ياخدك للسجن ..!

ساره صرخت : والله مانزل عبايتي وأطلع لهم ..

تحرك لأقرب جدار حتى يرفع يده ويضربها فيه بأقوى ماعنده ..

خلاص طفح الكيل وبسرعه راح صوب الباب يبي يفتحه

ساره بفاجعه : تبي تتركني ياعمر .. تبي تعيد ألي سويته (تحركت خطوتين لقدام وهي تأشر

للباب ) تبي تخليني عند ناس مايخافون الله .. سحبوني مثل لو أني حيوانه ورموني بالسياره .. أيه نسيت أنت شاللي يهمك .. متعود على حريم مفسخات في كل مكان ناسي تطبق

الدين على نفسك وألي حولك

لف عمر براسه لورا يطالعها بحده وجنون ..!

ساره وهي خلاص وصلت لأخر حد من البكا .. : تجرأت تتركني بالفندق وتروح مسافر ولاعليك .. وهالحين بعد .. (أنحنت وهي تطالع فيه تضم أصابعها مع بعض وبصوت واطي

رغم أنه أنفجر من شفاتها بحرقه ) أنا أيه ياعمر بالنسبه ليك .. أنا مش وحده شريتها بفلوسك .. واللهي مش وحده أجييره عندك .. أنا أكبر من كده .. عرضك .. فاهمك

معنى الكلمة دي

ظل يطالعها وهو يرص على أسنانه بقوة .. يكبت البركان الغريب ألي أنفجر

فجأة من كلامها .. لا زالت هي هي .. ساره ماتغيرت !

جمع أصابعه مع بعض حتى بسرعه يتدارك وضعه

ويفتح الباب .. يندفع بجسمه طالع منه وبالقوة ألي يقدر عليها سكره وراه ..

راح يتحرك مابين طاولات المحققين لحد ماطلع من الباب للشارع .. وقف

يطالع فالشوارع متبلله على الأخر والغيوم فوقه بدت تتفرق عن بعض ..

كل شي في هاللحظة خارج الزمان .. خارج الحب ذاته ..!!

وبخطوات واسعه تحرك صوب سيارته ألي تنام تحت أوراق الشجر

حتى يفتح بابه ويميل بجسمه لداخل .. سحب له شال وجكيته الطويل

مع نظارته وأبعد بجسمه حتى يسكر الباب راجع لقسم الشرطة ..

وعيون صاحبه تراقبه من بعيد وبجنبه يجلس المحامي مارتن ..

مارتن يحرك عيونه صوب لافي : أعلم بكل ما يجعلك ترفض وتنكر علاقات الجميع حولك ..

لافي وهو رافع يده ومتساند فيها على أطار الشباك .. عيونه مافارقت عمر : هناك لحظات

صعبه يظلم بها كل شئ .. وهاأنا أعيشها .. كأنني أخترقت العديد من الحواجز لأبقى

هنا ..

مارتن رفع يده حتى تستقر على كتف لافي : أتمنى لك العودة لوطنك قريبا .. العودة كما تريد

لافي أبتسم وكأن الحزن غطى على نظرات عيونه : أتمنى لولم أشعر بها أمنية عابره

مارتن رجع يطالع قسم الشرطة : أتعتقد أنه سيوافق ..؟!

لافي حرك يده حتى يمرر كفه على ملامحه يحس الدم يفور بعروقه من شرط المحقق رغم أن الهدوء

مسيطر عليه : بالتأكيد .. لاخيار آخر ياصاحبي ..!!

وداخل قسم الشرطة ..

فتح الباب بعد ماوقفه الشرطي يسأله عن قراره وبنبرات صوته خبث أستفزه ..

ومن رفع عيونه ألا يشوفها جالسه عند الزوايه ضامه رجولها لصدرها ..

عمره ماشافها بهالضعف .. بهاليأس .. هالغبيه ..!

يعني بعقلها أنه راح يتركها في هالمكان ويروح ..

طلب منها تنزل حجابها أيه بس هو عارف كيف يسترها ..

دخل حتى يسكر الباب وملامح وجهه متبدله من البياض للون الأحمر ..

يستقرعلى ذراعه اليمين جكيته مع الشال والنظاره مستقره بين أصابعه ..

رفعت راسها بشهقه وخوف لكن كل شي تلاشى من شافته يتقدم لها .. لين ماوقف

قبالها ..

ساره تحركت شفاتها باسم عمر لكن ماقدرت تقول أسمه بصوت يسمعه هو : ...............

عمر مد يده لها : قومي ..!

ساره بسرعه قامت واقفه وأطراف أيديها ترجف : .......................

أنحنى بخصره منزل الجكيت والشال وحط فوقهم النظاره حتى يتعدل واقف قبالها ..

مرت نظراته حول ملامحها ألي غرقاته بالدموع وماعاد لها ذاكره تقدر توصف

الحال ألي هي فيه ... عيونها العسليه تورمت من كثر هالبكا ..!!

وتمنى لو يمسك كتوفها ويجذبهم ناحيه صدره ..

يلمك ياساره ..

يقولك أنه من كثر ألي ذاقه من عذاب بالسجن مايبيك تعيشين ذات الألم ..!

لو يقدر يمرر أصابعه تحت عيونك .. يقولك .. أرحمي هالعيون من الحزن

وأنتي توك صغيره .. !

رفع أيديه حتى يبدى نزل الشال من على شعرها

وعلى طول هي هزت راسها ..بدون ماترفع عيونها له

ساره بصوت رايح فيها : تكفى لا

ولاهمه الصوت .. سحب الشيله بعيد عنها حتى يرميها لبعيد .. ولحظات شال العبايه ...

وهي واقفه جماد قباله .. ماعاد لها قدره تتكلم .. أو تعترض ..

رجعتك ياعمر لها حلم .. كانت متأكده مليون فالميه لو أن فيها أحساس واحد بالميه أنك

ممكن راح ترجع .. الأكيد بيموت هالأحساس ولارجعت ..

وبهاللحظة .. مامات غير الباقي من مشاعرها القاسيه ألي جرحت ذاتك ورجعت لها ..

أتسعت عيونه بقوة حتى يبعد خطوة لورا يطالع بذهول الفستان الناعم

ألي لابسته ويوصل لحد ركبها .. أيديها العاريه ..!

أيه .. هي دقت عليه وطلبت منه يرد بدري للشقه ..

ورغم أن اللحظات في هالمكان صعبه بس مايدري ليش فجأه حس أن حياته

أنقلبت فوق تحت ..!!

صد بعيونه عنها حتى يرجع من جديد يطالعها وهي ضمت أصابعها مع بعض ..!

تقدم بسرعه مايبي يترك لحاله مجال للجنون حتى ينحني ساحب جكيته الطويل

ويحطها على كتوفها .. رفعت عيونها بأتساع تطالعه وهو تجاهل كل شي حتى يمسك

يدها اليدين ويدخل بكم الجكيت والثانيه نفس الشي ..

صار يسحب الجكيت من قدام ويسكر أزاريره وحده ورا الثانيه لحد ماانحنى

لأخر واحد واصل لرجولها .. ومن سكره صار يجره من تحت يبي يتأكد

أنه ماراح يبان منها شي ..!

فز واقف حتى يسحب الشال الأسود المشبع بريحة عطره ..

قرب منها وهي بصدمه تطالع فيه .. عجزت تقول شي ولاعندها شي تقوله ..

حط الشال على راسها وبدا يلفه .. أستقرت يده على كتفه وهي من حست بثقلها أندفعت لقدام

لين ماأقتربت من صدره .. رصها أكثر وأيديه ألتفت حوالي ظهرها .. صار يعدله

من ورا .. وماعادت تحس غير بأنفاس صدره تلفح رقبتها من ورا ..

ساره تبلع ريقها : عمر .. أنتا

عمره بعصبيه : مش عاوز أسمعك منك ولا حاجه ... ألي أتقال للنهارده بيكفيني ويزيد كمان

أبعد عنها حتى يدف كتفها على خفيف ويروح يسحب أقرب كرسي لها ..

يحس بروحه تطلع لا تكلمت .. والله ماعاد يتقبل منها شي

حطه جنبها حتى يحط أيديه على أيديها ويجرها مجلسها عليه ..

وبسرعه أنحنى يفسخ جزماته البوت ألي تغطي رجله .. جلس على ركبه وسحب رجلها

اليمين .. فسخ جزمتها وهي تحس بأصابعه على جلدها وهو يرفع رجلها

ويسحب جزمته يلبسه لها ..

عقدت حواجبها وحطت أيديها على ركبها وبرجفه

ساره : أنا واللهي .. أنا

عمر رفع عيونه حتى يصرخ في وجها : مش عاوز أسمع صوتك ..

ساره هزت راسها بسرعه : واللهي مش حتكلم .. بوعدك ياعمر .. أوعدك

رفعت يدها حتى تحطها على شفاتها وعيونها على ملامحه .. ومن خلص فز واقف حتى يجر

يدها واقفه .. أنحنى ساحب نظارته ألي طاحت من على الشال .. قرب منها وصار يغطي

فيها عيونها .. ومن تأكد أن زوجته مستوره في شي يخصه تحرك وهو حافي

صوب الباب ماعليه غير بلوزة يالله بالعافيه تدفيه في هالأجواء ألي بردت من المطر ..

رجعت تبكي وهي تحس في ريحة عطره تحاصرها .. يده متمسكه في يدها بقوة

وكأنه يحلف لها أنه ماكان يقصد يتركها ولا راح يتركها في يوم

هو وعدها بهالشي وهذا هو يوفي بوعده متحدي الظروف والوقت في وجه

الحياه ..!!

كل شي قام يتراكم عليه .. شوفة رفيق عمره بوجه وملامح ثانيه ..

وهي من جهه ..!

ومن فتح الباب صار يمشي متمسك في يدها وهي بسرعه نزلت عيونها بالأرض ..

ماهي قادره ترفع عيونها وتطالع هالمكان وهالأصوات ألي ولافاهمه منها شي ..

تتحرك بالعافيه ورجولها غصب تطلع من جزمات عمر ألي أكبر منها ..

كل شي لابسته كان واسع عليها .. كبير مقارنه فيه وفي لبسه ..!

فز واقف المحقق من شاف عمر ووراه زوجته وألي لابسته ... ومن حس عمر بنظراته

وقف يطالعه

عمر يأشر للغرفه : هناك كل ماأردته ..!

تحرك يجر ساره وراه بطوله وهي على طول أنحنت حتى تتحرك لين ماطلع من القسم ..

راح يمشي وحبات المطر تنزل عليهم بهدوء ومن وصل للشارع وقف ..

حس في شي يختنق داخله وكأنه ماهو مصدق أنه طلع بس من له الفضل من بعد الله ..!

ليه شافه .. يبي يسوي فيه الجميل حتى بعد ما أنقسمت حياتهم وأسرارهم ..

ليه رجعت يالافي والحقد مدفون فيه ..

ظل واقف تتحرك عيونه بضياع يمين ويسار وهي بدت تخبي أصابعها داخل كم

الجكيت ومسرع مارفعت يدها وسحبت الشال تبي تغطي فمها فيه ..!

مارتن وهو بالسياره أشر بأصبعه صوب عمر : أنظر

لافي أبتسم غصب من شاف ساره كيف مغطاه مو باين منها شي .. حس بالراحة والسعاده : الحمدالله .. الحمدالله

مارتن بأستغراب : لماذا لايستقل سيارته ..؟

لافي ظل يطالعه ومسرع ماعيونه أرتكزت على رجوله وهو واقف حافي حتى ينطق بأستغراب : لا أعلم

كان واقف تحت المطر يبيها تشارك دموعه بكل شي ..

ماقدر يمنع نفسه لايبكي وهو حس فالعجز .. والخوف .. والحقد .. حتى القهر

شاطره اللحظات في وقت واحد ..

وهو العاطل ألي مالقى من يوظفه بعد السجن والصحافه ..!

اليوم حتى في الحلم فيها مايقدر يسوي لها شي

بلع ريقه وصد بوجه عنها وهي واقفه جنبه يغرقهم المطر ولا أهتم ..

ساره : عمر ..

عمر على طول تحرك نازل للشارع : .......................

راح يمشي لسيارته ومن وصل فتح الباب لها وعلى طول هي ركبت ..

سكره بهدوء ولف حول السياره حتى يفتح باب السايق ويركب ..

حرك السياره بعيد عن هالمكان وعلى طول توجه صوب بيت

ومن وصل ..

عمر : دا بيت عجوز فرنسيه .. حسيبك عندها وحرجع ليكي بوقت تاني

ساره هزت راسها برفض : لا مش حنزل !

ظل ساكت ينطر منها تنزل عشان ينزل هو ويروح للوريت ..

ماعاد صالح لشي .. وش يفرق لو أخذها عند هالعجوز وتركها

أمانه ..

ساره عرفت مقصده : عمر .. أبيك تاخذني لبيتنا

عمر بنبره رافضه : أنزلي دلوقت ..!

لفت براسه تطالعه وهو يطالع الشارع .. شعره مبلل على الأخير .. نفس ماغرقت

ملامحه .. رفع يده حتى يمسح على خشمه وبلوزته لصقت بجسمه أكثر

ساره برجا : أرجووووك ..!

عمر بعد صمت : زي مانتي عاوزة

حرك أيديه حتى يمسك الدركسون ببرود ويتحرك مبتعد عن البيت ..

ليتها تبقى ليله وتنتهي في هالسما المقبل ..

ليت

**********

>

>

<

<

كــــــــــــــــــــت

<

<

<

<

انتهى البارت  دمتم بود

::::

::::::::

تعليق  /  رايكم

تصويت للبارت ⭐️

رجاء فوت⭐️/صوت⭐️قبل القراءة

الفصل الثاني والتسعون

الخطوة ( 87 ) .. خطوة الوصول للحلم ..

( يانزهةة المشتاق .. وينك )

وتبقى فيه الأماني كثار

زاد من سرعة سيارته حتى يطول الوقت لين ماوصل لبيته واقف بسيارته

قبال باب الحديقه الخشبي ..

ساره طالعته : بنتظرك

عمر ولا حتى ألتفت لها .: ..................

ساره بتأكيد : والله راح أنتظرك ..

ظلت تطالعه بصمت ومن طال سكوته فتحت باب السياره ونزلت

سكرت الباب حتى ينطلق بسيارته مبتعد عنها تاركها واقفه .. مانتظر

يراقبها لين ماتدخل ..!

×

×

×

وأخيرا الحلم تحقق .. وهذا أنا بفرنسا ياربي لك الحمد .. بغى ينشلع قلبي

فالمطار يوم شفت أشكال الناس والمكان ..

يعني والله صدز وقفت أطالعهم تسذا نص ساعه .. الشي الوحيد ألي نكد علي

هو أن عمي بغى يغصبني أنزل عبايتي بس أنا رفضت وطول الطريق من طلعنا

وهو متوتر وبس يتلفت .. وبعد في شغله كدرتني ساره مادقت علي وهي ألي قالت

أنها بتنطرني في ذا المطار .. عمي نطر ونطر ونطر لين ماعصب علي وقال أمشي ..

قربت من الستاير بالغرفه ألي أنا قاعده فيها حتى أبعدها وأطالع كل شي برا ..

هو هنيا لافي يعيش .. بهالجمال والطبيعه وهالدنيا ..

سبحان الله .. مدري ليش سألت نفسي أذا هالجمال موجود تسذا تسيف بتكون الجنة ..!

أذا يعني سبحان الله من نشوف مناظر حلوة نطير كيف بجنة عرضها السماوات

والأرض .. أخذت نفس بقوة وزفرته ..

أيه ترا شفت لافي قبل يمشي من الفله .. ياهو معصب تعصيبه قششرا ..

ملت براسي وعلى طول أنفتح باب الغرفه .. لفيت براسي لورا ألا عمي يتقدم

بسرعه ويجلس على طرف السرير

ليليان طالعته وأشرت على مبنى : عمي هنيا لافي يسكن ..؟

حمود رفع حواجبه : لا والله .. هو أنتي تبين خبط لزق تعيشين جنبه وصيت

على من يلقى لي بيت بفرنسا يكون جنب بيت زوجتتس ولا لقيت

ليليان بضيق طالعته : بس أنت وعدتني

حمود ريح أيديه على اللحاف : يصير خير .. أسمعيني يابنت الحلال أول شي العبايه

السودا محاربه في هالبلاد .. مطلوب منتس تلبسين أي شي إلا اللون الأسود

ليليان طارت عيونها : .................

حمود بحزم : الشغله الثانيه .. لا تغطين لي وجهتس

ليليان بخوف : عمي وش قاعد تقول

حمود طالعها وبنظره دافيه : أنتي في بلاد تحكمه قوانينه ولاتحسبين أنتس بتعيشين

نفستس نفس لو أنتس بالسعوديه ولا بالخليج .. من طلعت من المطار وأنا حاط

يدي على قلبي

ليليان رفعت حواجبها : بس أنا شفت بالمطار لابسين حجاب

حمود سألها : منقبات ..!

ليليان بأنفعال : وش علي .. كل وحدة وقلبها ليه أحسك تقارني فيهن .!

حمود عاد سؤاله : منقبات ولا لأ

ليليان بعد صمت : لا

حمود وهو يفز واقف : وصلتس العلم

ليليان بعصبيه : مانيب فاسخه عبايتي عشان أحد .. هذا شرع الله واضح وبين

حمود طالعها بعمق : أجل لاسحبوتس الشرطة وأنتي تمشين بالشارع لا تصيحين

حسيت قلبي بدا يدق بقوة .. وش يسحبوني الشرطة ..

ليه ماهوب مسموح لي ألبس عبايتي وش دخلهم هم فيني .. تحركت بخطوات واسعه

وقربت من عمي

ليليان : أنت ماقلت لي هالحتسي يوم طلبت منك أسافر ..؟

حمود أبتسم : حطي براستس أن القانون لا يحمي المغفلين

مغفلين ..!

يعني لو أن ماعندي عقل .. أي يقصد هالحتسي .. هذا غش ..

نويت أهرج بس عمي قاطعني

حمود : أنتي رفيقتتس .. أسمها ساره .. الغبيه طالعه بالشارع لابسه حجابها الكامل

وسحبتها الشرطة الفرنسيه وزين أنهم لحقوا عليها .. طاحوا بمحقق حقود لو ماتدخل لافي

كان صارت علوم

ليليان طارت عيونها : مسرع عرفت ... ماأخذنا نص اليوم هنيا

حمود أخذ نفس : لافي داقن علي

ليليان بسرعه تكلمت : تتواصل معه أنت .. ها ..

حمود سحب جواله من جيبه ورفعه قدام عيونها : أيييه مايخلص جوالي من دقه ..

يبي يرجع ياخذتس

ليليان أبتسمت : صدز

حمود : شوفي انا أنسان ماعندي وقت .. من باتسر باخذتس بنفسي للمعهد وتشوفينه

بعيونتس .. بروح أنا وياتس مشي له عشان تدلين الطريق بعدين

ليليان حطت يدها على خصرها : ليه وش تحسبني هايته بالشوارع أروح وأرجع لحالي

حمود رفع يدها حتى يحطه على وجها ويدفه : أقووول بسس بسسس

تحرك من قدامي طالع وأنا رحت أركض وراه

ليليان ترفع يدها : مانيب منزله عبايتي لو يفحطون تفحط .. ويدربون راسهم

قدامي ..

حمود قام يزفر هوا بقوة : ...........................

ليليان : وش ذا .. أطلع تسذا وأنا مردي حفرتن صغيره بشوف فيها سواتي ..

حمود وقف ولف لها : أقصري صوتتس ماصدقت عيالي ناموا ..

ليليان طالعته بقهر : .............................

حمود : مانتيب فاسخه عبايتتس ... كل ألي عليتس تغيرين لونها عشان تدفعين الضرر

عنتس وعن دينتس .. وأكشفي وجهزتس تحسبينهم بيخلونتس منقبه .. أنتي ماتدرين

عن مصايب المنقبات في ديار الغرب ولا ماكانت ذي علومتس ..

ليليان أنعفست ملامحها لضيق : أنت ماقلت لي

حمود : والله أنا ماطقيتتس علي يدتس .. تعلمي تدرسين خطوتتس زين قبل ماتقدمين عليها

بهالدنيا بتشوفين مثل سواتي وأكثر .. ألي ماهوب فطن ومتعلم وعارف

بتمشي عليه هالسسواه

ليليان ظلت تطالعه : ...................

حمود وكأنه عطاها أول درس من أنطقت شفاته : لو انتس متعلمه ماتسان هذا حالتس .. قدامي وقعتي وأنتي فرحانه وأنا عارف باللي راح تشوفينه

ليليان صدت عنه : ........................

حمود : تبين تشوفين ذي ألي أسمها ساره يلا .. ماتبين تقعدين في ذي الديره

نرجع ماتفرق معي وتوقيعتتس شاهد عليتس

ودي أبتسي وأصارخ بوجهه والله أنه تسنه عطاني كف على وجهي من كلامه ..

ماتت فرحتي ياعالم وكل شي في صدري غاب ..

بس يممه .. سحبوا ساره الشرطة ..تسيف حالها بيكون هالحين ..!

لازم أروح لها بس شلون بيطلع ويترك عياله هالعم ..

أساسا تسيف بطلع تسذا .. لا ياربي هونها علي والله أني بمصيبه ..

تحركت ماعطيته ولارد حتى أروح أقعد ع أقرب كنبه والعبره تخنقني

وهم تسذا غطى صدري ..

قام يصفر عمي وتسنه مستانس حتى يروح لمطبخ مفتوح ع الصاله

ليليان طالعته ولمعة دموع غطت عيونها : فرحان لأنك غشيتني

حمود ولاعطاها وجه سحب له كوب وراح يتحرك في هالمطبخ : ..................

ليليان : الله فوقك

حمود ماكأنه سمعها : ...........

ليليان نزلت دموعها وبسرعه مسحتها : أنت ماقلت لي أن بلاد الكفار علومهم رديه

تسذا

حمود طالعها مستغرب وهو يرفع حواجبه : قلتيها كفار

ليليان : حسبي الله ونعم الوكيييل .. حسبي الله ونعم الوكيل وأنا أقول وش بلاه الرجال

ضاقت أخلاقه فالمطار ووده بس أركب السياره بسرعه

حمود بأبتسامه : عسى تحقق حلمتس مرة ثانيه وأستانستي بالطياره .. أظن طول الوقت وانتي تطالعين برا .. نمت وقمت وهذا حالتس

ليليان بقهر من كلامه : خلني أتمقل وش عليك مني أنت

حمود يبي يهديها قام يرفع أيديه : طيب طيب .. هدي ووكلي ربتس تمقلي زين مازين فيها..

لعيونتس لو تبين أصير لتس طياره هالحين ..

ليليان طارت عيونها ومشاعرها تغلي داخلها : وش بلاك

حمود حرك كتوفه : مستانس أن مصيرتس ترجعين لدبي وتدرسين ألي أبيه ..

لين مايعتدل العوج فيتس

بلعت ريقي وصديت عنه .. يستفزني بالحتسي ألي يقوله ..

لأول مرة يثبت لي أن فيني عماة عقل .. أنا ألي ماعمر أحد ضحك عليها

ليه تسذا .. ليه .. فركت عيني بقوة وأنا أرفعها للسقف ..

أبي العبره ألي كتمت صدري تروح .. يارب ..

أحس نفسي ولا شي .. ولا شي فراغ في فراغ يحتويني .. هو صادز معه حق

لأني الغبيه ألي أندفعت ورا ألي أبيه وماتفطنت لقلة معرفتي وطاح الفاس بالراس ..

طاااح .. أحس بشي غامض يحتويني يهزني قسم بالله ..

حمود وهو يطالعها بحذر : تبين تاكلين شي

ليليان لفت له تطالعه بحقد : ...........................

حمود بنبره تهديد : أنتبهي تلوميني .. لومي نفستس ورغباتتس ألي خلتس بهالشكل

لو أنتس مثقفه ودارسه الحياه زين وعارفه وضع الحياه ومشاكلها وتطورها تسان

مامسكتي القلم ووقعتي على شي فيه حريتتس .. ومستقبلتس ... ليه مو أنتي ألي ترسمينه ..

ليه ماتعيشين لله سبحانه .. تعطين وتسامحين وتنسين وتتعلمين .. وتكونين

فخر أبوتس ألي زمان عطاني كل ألي عنده .. رماه بحضني وقالي قم كمل دراسك

ولاتقعد ..!

ليليان وملامحها ذبلت والشعور الغريب في أنها ولاشي يسحبها للقاع : ...........

حمود رفع يده وأشر لباب غرفة راشد : تدرين أني لو أمسك ولدي وأقوله شروطي ألي

قلتها لتس ماوقع عليها تدرين ليه .. لأن طموحه يكون دكتور .. بيقولي

شي بديهي .. يابابا أنا أدرس ..!

ليليان وخلاص صوتها يختنق : ودني لصديقتي .. أوفى بوعدك لي

حمود : بتطلعين بعبايتس السودا .. من الباب للمطار يابنت راشد

ليليان هزت راسها وخلاص تبي تنفجر تبكي : وش ألبس ..؟

حمود وهو يزحف الكوب : أنا أعلمتس وش تلبسين ..!

ماكان الخوف يطيح من قلبه للأرض و الحياه .. لكن خوفه هو من ميشيل .. هالخوف ألي

خلاه يجبرها تلبس الشي ألي يدرك بقراره نفسه أنه ماراح توصل وراه تهم ولا أهداف ..

عقله ألي بدا يتوسع أكثر وأكثر ويدرس كل الأتجاهات والنوافذ ألي ممكن تدخل

ريح الشك لأنفوسهم ويستغلونها نقطه ضد زوجها ..!

وفي وحدة الضيق ألي تخنقها كانت تجلس في صالة هالبيت الصغيره

وهي حاطة يدها على بطنها وتنتظر ..!

وجها جف من كثر البكا والموقف ألي صار لها عمرها ماتوقعت

أنها تنحط فيه .. حركت شفاتها بضياع وهي ترفع عيونها تطالع باب المدخل

مارجع من نزلها .. تدرك أن الكلام ألي قالته كبير بس والله من الخوف

وملامحهم ألي تخوف حست خلاص مافيها عقل .. ماقدرت تحكم عقلها ..

معقوله أن ماري أمه هي ورا أنهم يسحبونها بهالوحشيه ويجبرونها تنزل

عبايتها .. أي عالم هي تعيش فيه .. مو المفروض هالشي من حريتها ..

مو هم هم ألي ينادون ع الحريات وتفكيك قيود التخلف ..!

من رجعت أمه ماعاد لها طاري ولاشافتها حتى أو أحتكت فيها ..

ضغطت على بطنها وهي تقرا عليه أيات من القران .. تحس بمغص وألالام غريبه

فيه ..

دق الجرس وعلى طول فزت واقفه .. رجع أخيرا ..!

راحت تركض للباب ومن أفتحته ألا ليليان واقفه قبالها وعيونها غرقانه بالدموع

لابسه حجاب يغطي شعرها حتى جبينها متحرصه مايبان منه شي ..

وعباية كتف تغطي جسدها وحتى القفازات ماتركتهم ..

وبسرعه احضنتها وقامت تصيح وهي بخرعه جمدت ماهي مصدقه أنها

تشوفها ووين .. في فرنسا ..!

كيف الحياه في لحظة تدور ووتدور حتى تاخذك للحلم ألي صعب تصديقه ..

من كان يصدق أنها وهي راح يفترقون .. لفترة مرهقه فالرحيل ..

فالأحداث .. في الملامح والغياب ..

حضنتها بقوة وتماسكت هي لاتصيح مع أن ودها تنهار قدامها ..

ساره ضربت كتف ليليان : أصحي أنتي مع سارونة ..

ليليان أبعدت عنها وأبتسمت وهي تطالع فيها : ............

ساره ودها تطير من الفرح وعلى طول مدت يدها مسكره الباب : يالله .. والله ماتوقعتج تاصليني لحد هنيه .. كيف دليتي الدرب !

ليليان أنعفست ملامحها ووجها غرقان بالدموع : تسن كلامتس متغير .. صايره تسبيره

ساره : أمشي أدخلي حياج .. بلا قرقر

ليليان على طول فسخت الحجاب : زوجتس وينه

ساره : برا خوذي راحتج

ليليان وقفت وطالعتها : أبي أقعد بغرفه.. ماراح أقعد بالصاله ذي

ساره على طول تحركت وهي تنحني تجمع أوراق مرميه على الأرض : تعالي

ليليان تطالع بيتها وساره قدامها تلقط : وصخة أنتي .. بس أشوف جدتي بقولها عن بيتتس

ساره أنفجرت ضحك : هههههههههه .. هذا عمر كل ماأخذ له ورقه رماها وهاوشته

قلت تعبت قالي .. ( تقلده ) مش عاوزك تجمعيها .. عاد سمعت كلامه وتركتها

وللأمانه أخر الليل ألقاه بالصاله يلقط أوراقه ..

ليليان وهي تطالع ظهر ساره قالت بخوف : هم صدز سحبوك الشرطة ..

وقفت ساره عند أطار الباب حتى تهز راسها وعيونها نظرتها مكسورة ..

ومن دخلت الغرفه هي

ليليان على طول جلست وهي ترفع عيونها لساره : أجل لو لبست عبايتي بتاخذني الشرطة

ساره حطت يدها على بطنها وعقدت حواجبها حتى تتحرك جالسه : هذا ألي صار .. زين أنج

لابسه هاللبس ..

ليليان رفعت حجابها ألي لونه كحلي غامق : أنا يوم جيتتس أبتسي .. كنت عند عمي

وبغى يختار لي لون تسذا حليبي وأنا أبي كحلي .. ويوم رفضت عصب عاد خربتها

قدامه

ساره : ليه ماكنتي تدرين نفسي ..؟

ليليان : والله ماحتسى لي شي .. مير أستغلني ولا أقدر أرفض ( قالت وهي تختنق ) أخاف أني أعصي ربي

ساره : أنا قلت نفسج وشوفي شنو صار دخلوني مكان الله لا يوريج

فرنسيين .. وبعدين أنتي يامدمغه .. ماهم تاركينج تحسبين زوجج حياته طبيعيه .. قلت لج

هالأنسان والله ماتستاهلينه ..

ليليان صدت عن ساره : أستحي ياساره من ربي يطالعني بهالشكل كاشفه .. أحس

أني ولا شي .. قالي تو عمي حتسي حسسني بقل عقلي ماهزني عشان هالشي

بس لأن أنا نفسي حسيت فيه

ساره طالعتها : أقوول هالطلاسم أتركيها بس بصلح لج قهوه وأرد وقولي لي كل شي

صااار من تركت الديره

ليليان فزت بسرعه حتى تجلس ساره : مابي شي بس قولي لي وش ذي الديره ...!

ساره طارت عيونها : أي ديره

ليليان من قلب : ألي فيه بيتكم هنيا

ساره على طول ضربت راسها : ديييره .. ديييره عااد .. حي يقال له حي .. ديره (رفعت يدها وصارت تلعب فيها بالهوا ) عندنا هناك .. بينا

ليليان رجعت جالسه : يوووه ألي هو

ساره تنحت في ليليان : تصدقين أني ماأدري .. ماسألت عمره بس ألي أعرفه أن حنا

في باريس ..

ليليان رفعت أيديها : تهببببل تهبببببل .. تصاميم بيوتهم غريبه قسسم بالله وحدايقهم .. ودي

تسذا أطلع أتمشى فيها ليييين ماأتعب ..

ساره بحسره : ألي جالسه قدامج لاطلعت ولا تمشت

ليليان شهقت حتى تحط يدها على صدرها : الله .. في جنة هالدنيا وقاعده أياللي مانيب

قايله .. زوجتتس ماتقولين ترك شغله .. صيري شغله وأطلعي في هالبراحة الوااسعه

الشرحة وأنطلقوا

ساره تنحت تطالعها : أنطلقوا ( حطت رجل على رجل وقلدتها بكلمتها ألي دايم تسمعها

منها قبل وأشتاقت لها ) ننطلق وين نغدي ..!

ليليان بقهر وصوتها قام يلجلج : قدامكم خضارن يشلع القلب شلع

ساره : هالخضار أقتلعوني منه وأنا كنت الوردة اليوم لسياره الشرطة أمحق منها وردة .. زين مانتهيت

حتى عموري أخذها مني كلام مايقوله أحد .. ( سكتت حتى تاخذ نفس ) زعلان زعل أكيد

ليليان : ولا عليتس .. لا جى أفتحي الخششه له

صرخت ساره وليليان بقوة أنتفضت حتى تفز واقفه من مكانها وتتحرك

صوبها منحنيه .. مسكت شعرها وهي تطالعه

ساره : شعرج وينه ..؟

ليليان مالت براسها : قصيته عشان الشايب مايمسكه ويشم ريحته تولجني فيه

ساره ضربت راسها : شنننوووو .. خسرتي شعرج عشان واحد نفسه

ليليان عقدت حواجبه : يوووه .. يابنت الحلال ميير طلعت قمر وخري مناتس عنه ..

فكيييه ..

ساره جرت شعرها بقوة : ماهقيتها منج .. وأنتي ألي تحرصين عليه حرص

ليليان : مدري هو تحت السرير ولا لأ ..!

ساره : هو شنو

ليليان طلعتها بعمق : شعري يوم قصيته خبيته تحت السرير .. بتطلع ريحته

الخايسه تهقين ولا ماحدن بداري عنه ها

ساره ضربت راسها : أنتي ألي طلعتي خايسه ..!

قالتها حتى تتحرك تطلع من الغرفه .. دق جوال وبسرعه أنحنت لشنطتها

المرميه بجنب الكنب حتى تاخذها.. مالت ساره براسها حتى تنطق

بفرح

ساره : طلعتيه وأخيرا

ليليان : أيييه وشريت شنطة معه بعد !

فتحت الشنطة وسحبت الجوال حتى ترد

حمود : خلصتي بتسي .. أقول

ليليان ضمت شفاتها حتى تنطق : أييه

حمود : الحمدالله .. شوفي بيت زوجتتس لقيت قدامه بيت أرضي للبيع

ليليان طارت عيونها وبخرعه : بيع !! وش أبي ببيوت الكفار أنا ..

حمود أخذ نفس وبعصبيه : هالحين ورا ماتخليني أحتسي لا أوريتس شغل الله

ليليان سكتت من وصلت لها نبرته الحاده : ............

حمود : صاحب هالبيت عطاه لعجايز أثنين من بريطانيا وخلاص بتتم البيعه

لكن الحلو فالموضوع أني يوم ناقشتهم رحبوا أنتس تعيشين معهم وطبعا بفلوس..

قلت بهالطريقه تكسبين لغه وتضربين عصفورين بحجر

ليليان بهدوء : خلصتت

حمود : أيييه

ليليان بأندفاع من تأكدت أنه خلص وقال ألي عنده : تموت العصافير وش أبي

أنا .. تبيني أعيش مع غرب .. غرب ليه بايعه روحي .. عمي خلاص مابي شي

حمود : أقول مع السلامة بس

سكر الجوال بسرعه وهي أبعدته بقهر .. تقبل بأشياء وأشياء أذا ماوراها ضرر

ماهي مجبورة فيها ..

ساره دخلت ومعها صينيه فيها كوبين : هاج

ليليان وهي تاخذ الكوب : وش ذا بعد .. ولايشبع بطن فرخ مافيه ترامس

ساره : أشربي وأنتي ساكته

ليليان : وراه وجهتس والله ماهوب زوين ..!

ساره : عمر طول مارجع للبيت .. أكيد أنه زعل شنو أسوي ياربي تعبت من التفكير

وألي صار والله أحس زين ماراح عقلي

ليليان من شربت أبعدت الكوب عن شفاتها : وش ذا

ساره بقهر : كل شي وش ذا .. أقول نزلي الكوب .. أشوووف نززليه

ليليان خافت : لا أشربه كله .. لعيوووونتس لو تبين أصير لتس طياره

ساره طالعتها : هبله أنتي .. بنت شنو صاير فيج والله ماأخبرج هالشكل كنتي أنتي العاقله

وأنا المرتبشه

ليليان : عمي اليوم يقول تسذا ( قلدته ) لعيونتس لو تبين أصير لتس طياره ..

ساره طارت عيونها : ليليان ..!

ليليان : يمكن أنقلبنا وش يدريتس .. سبحان الله !

ظلت ساره متنحه تطالع فيها وهي نزلت عيونها للشاي وبدت تشرب منه ..

البنت ماهي طبيعيه أبد ..

×

×

×

تمايل براسه الثقيل وهو مقيد على كرسي ومربوط بحبال كثيره .. فتح

عيونه بمحاولة غريبه منه أنه يكون على قيد الحياه وكل شي يشوفه

ضباب قدام عيونه .. حرك راسه ألي ماهو قادر يسيطر عليه حتى يرجع

فيه لورا ويطالع السقف ولمبه بأضاءه خفيفه تستقر على راسه ..

وفجأة بدا يحس كل شي يدور فيه ويدور .. وجسمه بدا ينتفض

بحراره غريبه .. غمض عيونه بقوة مايبي يحس بهالدوار ألي مثل ضرب

الحديد على حدود عقله وذاكرته ..

- فيه خونه عندنا فالوزاره .. !

- شقاعد تقول أنت .. يمكن أنت مخطي وهدفنا منظمات أرهابيه تبي دمار هالديره ..

- لا ( قالها بنبره حازمة وحده ) فيه أحد يرفع القيود الأمنيه ألي فرضتها

الوزاره على أشخاص محددين .. ماتواصلت الأستخبارات البريطانيه معنا عشان تنبهنا

ألا هي متأكده وبالدليل أن الخاين بينا هنيه

- سعود الكلام ألي تقوله كبير ..

- راح أثبت لك وين بيروح مني .. والله ماأخليه يتهنى بنفس واحد في هالديره ألي يتنفس فيها وياكل من خيرها ثم يخونها

- طيب .. متى ناوي تخبر أهلك عن سرية شغلك

- بسافر برا الديره لمهمه أمنيه سرية ولارجعت وحضرت زواج أخوي لافي يكون خير

- بتاخذ أحد معك ..؟

- ماعندي غير ضاري عضيدي ..

تحركت الصورة في ذاكرته حتى يشوف نفسه يتحرك ببدلته العسكرية وسط غرفة

ضيقه وملامح شخص قباله شافها مثل ماهي ..

يبتسم وهو يجمع أوراق وملفات خاصة ويلقي التحيه لهالشخص يمازحه ويتحرك

طالع .. فتح عيونه بقوة وقام يتنفس بصعوبه .. يسحب هواء لصدره

بصوت مسموع ثم يزفره بقوة .. ويرجع مره ثانيه يسحب هوا ويزفره ..

قام يردد بصوت محترق .. ( لافي .. لافي .. )

وعيونه أتسعت أكثر من تذكر الصوت الغريب ألي شافه بالصحرا يناديه

باسسمه .. وهو واقفه تغطيه بطانيه ..

رص على أسنانه بقوة وعيونه بدت فجأه تضيق من الألم ألي أمتلك راسه ..

- لافي .. أذا تبي شوري بنت خالتي ماهيب مناسبه لك .. لاتلبس ثوب ماهوب ثوبك وأنا أخوك

- شحيلتي لا عطاني ربي هالذاكرة ألي عاشت فيها بنت خالتي لين كبرت

- لا يغرك حب بدوي ويسكن فيك .. لاتجنب عن شوري يالافي

- سعود .. شفيك ياولد ماسكه معك هالصبح ألا تعيد ألي سمعته منك ألف مره

صرخ بقوة يبي هالذاكرة توقف وهالألم يبعد عنه بعيد ..

صار حرك جسمه ورجوله بقوة حتى يتمايل الكرسي ويطيح على الأرض ..

( فكووووني .. فكوووني )

قام يرددها وهو يضربه راسه بالأرض بقوة .. مستحيل ألي

أسعفته الذاكره فيه .. مستحيل ألي أكتشف حقيقته في ذاته ..

لا .. هو ماهو ضابط .. هو تاجر مخدرات ظل يتخبى من النور

لايدري عنه أحد .. هو يتيم نفس مانقال له .. لا له مستقبل ولا له

مشوار دنسه بالسواد ..ولا تاريخ صنعه في وطن صغير يحن له ويغيب ..!

وهناك .. في شارع طويل كان بو سعود يمشي بخطواته الحايره وهو يرفع

عيونه للسما .. للبيوت .. للأطفال وشي في مقتل لازال يطعن

فيه داخل جوفه .. من يضيق ويختنق من كل شي مايلقى حاله ألا يطلع يمشى

في هالشوارع لعل وعسى يلقى الغياب له درب ويروح معه ..

هالكبر ألي أعتلى ملامحه مجهد ياسعود من ألي أنكشف

وماكانت الخيبه وحدها من سحبته للتفاصيل ألي رحلت ..!

يتمنى هالشايب لو أن الزمن ظل على ماهو عليه .. على الفقد فيك ألي رحل

وعلى الطرد لولده بعدين الشفا منه ..

لو أنه ياسعود ماسمع ألي سمعه ..

رضى بأمر الله وسلم فيه دام ان مكسبه بيت للحمد يبنى بالجنة له

قال الحمدالله رغم أن الفقد في عزاك يرمي أشلاءه في كل الملامح

في كل التفاصيل ..

وآآه ياسعود .. وقف وهو يرفع يده ويتلمس صدره الواسع .. وش هالحزن ألي خلى

شايب مثله فيك يضيع في هالشوارع يبي مساحه للراحة ..!

فقدك غالي وفقد أخوك لك أعظم ..

وفقد العايله ألي سلمت بأمر الله وصبرت ..

دق جواله وعلى طول سحبه من جيبه وهو مد يده بتعب وتساند فيها على أقرب

عمود قباله ..

فارس : مساك الله بالخير عمي

بو سعود بصوت واضح فيه التعب والألم : هلا ..

فارس : أقدر أزورك نكمل التحقيق بأقوالك وننهيه

بو سعود وملامحه تغيب فالهم : هو أنتم مانتم ناوين تعتقون الجرح بفقد ولدي لله !

سكت فارس .. ضاع وهو يعرف مقدار الصدمة لكل ألي أنكشف والألم

فارس : ماحنا مرتاحين ياعمي لين نمسك ذباحه وناخذ بحق سعود

بو سعود رفع يده : فجًرتوا الثار بنفوس عيالي وبنفوس العرب عندي ..

فارس بحده : أنت قايد القبيله نبه الكل لايتصرفون تصرف ياخذهم للشمس .. المباحث والوزاره قايمه بشغلها ..

بو سعود بتردد : هو ذباحه فواز وأبوه ..؟!

فارس على طول نطق : هذي معلومات خاصه

بو سعود بأندفاع : بنتي معطاتن عطية لولدهم .. مرتبطة فيهم ولا رزقها الله بعيال

هذولا بيكونون خوال لهم .. الموضوع كبير ياولدي طمني

فارس بعد صمت : تطمن .. فيه من مستغلهم بس مانبرأهم

بو سعود : وضاري ..

فارس : بيض الله وجهه ياعمي .. رجال وقت الحق قال ولا خاف من أحد

قول أنت متى أشوفك

بو سعود : لو تبي الحين تعال ...

×

×

×

في قسم طلال ..

نزلت القرآن على الطاولة من خلصت من قرائته حتى تريح ظهرها على الكنب

وتتنفس بعمق وهدوء .. رفعت يدها تطالع الوقت .. باقي ساعه

عن صلاة الظهر ..حركت راسها لورا تطالع باب غرفته وراه سحبها نوومه

لوت فمها بملل وراحت تمشي بعبث صوب التلفزيون .. شغلته حتى تسحب

الريموت .. جرت بلوزتها بقوة واليوم حر بزياده .. عقدت حواجبها حتى تتوجه

صوب المكيف وتشغله .. ومن نوت ترجع للكنبه لمحت أوراق كبيره طايحه

ورا طاولة خشب .. أنحنت بسرعه ساحبتتهم حتى تفتح عيونها على الأخر

من شافت الورقه مليانه خرابيط وألوان بأشكال عشوائيه .. نزلت وحدة حتى

تشوف الثانيه مقطوعه من الطرف وكأنه جامعها بقهر وراجع يعدلها من جديد ..

حست مثل لو أنه أصابها بهالمحاولات بحزن أضافي وهي تتذكر

أنه بيوم وقف قبالها راسمها بفرشاة أحساسه ..!

يالله ياطلال .. ولازلت تحاول ترسم رغم اليأس ألي يوجه سهامه صوبك ..

رجعت هالأوراق كلها لمكانها ولحظات

دخلت عبير وهي شايله بين أيديها صينية كبيره عليها حافظات

عبير تحركت منحنيه للطاولة : وينج ماشفناج اليوم ..؟

مرايم جت تمشي لها : مافضيت .. ألا هذا شنو

عبير تعدلت بظهرها واقفه : هذا طلال داق ع أمي الصبح ووصاها ترسل له من الغدا لأنه

مشتهي طبخها .. عاد أمي حسبت لج وله ( عقدت حواجبها وأشرت للمطبخ ورا )

ماسويتي غدا ولا قمت أشم ريحة طبخ

مرايم بضيق : ماني مشتهيه وهو مايبي

عبير شكت بالموضوع وعلى طول قربت منها : فيه شي بينكم ..؟

تحركت مرايم بهدوء حتى تجلس على الكنبه وتحط رجل على رجل .. رفعت يدها

مريحتها على الكنب ومالت براسها عليه وهي تطالع التلفزيون ..

مرايم وهي تغير القنوات : مافيه شي

عبير بسرعه جلست جنبها وبصوت واطي .. ناعم: هو سوا لج شي عشان ألي قلته له

مرايم ضحكت وبطنازة : تصدقين عاد أخوج أثبت لي رجولته فعلا ولا كأنه سمع منج شي

عبير أنعفست ملامحها : تضحكين علي

مرايم حركت عيونها ببرود تطالعها : ............

عبير بتردد وكأنها خايفه لاتسوي هالشي : أروح أقوله أن ألي قلته جذب

مرايم رجعت تطالع التلفزيون وودها لو تقول هالشي : كيفج

عبير صوتها راح : يعني أروح

مرايم ولا عطتها وجه : .....................

عبير : بس أخاف يسوي فيني شي

رفعت مرايم حواجبها حتى تلف تطالعها .. يعني تشاور نفسها تقول ولا ماتقول

وهي ألي أغلطت بحقها ..!

بدال مالمفروض من أول مانطقت بالكذب راحت صححت غلطها وأعترفت

جايه هالحين تشاورها تقول لطلال أنه كلامها كذب ولا لأ ..؟!

ظلت تطالع عبير مصدومة .. عمرها ماتوقعت أنها من هالنوعيه ألي أهم ماعليها

راحتها ومصلحتها .. من يتعب من وراهم .. من ينجرح .. من يتألم

ولا على بالهم ..!

ألي يزيد القهر أضعاف أنها ماتكلمت .. كم لهم من يوم ماصار ألي بينها وبين طلال

ولا على بالها .. قاعده بالفله هناك ماكله شاربها وهي ألي قاعده تتحمل تصرفات أخوها

مرايم : عبير قومي روحي شوفي أن كان وراج شغل

قاالتها حتى ترمي الريموت على الطاولة وتفز واقفه .. خلاص والله مو طايقتها

أستغفر الله ..

عبير أرتجف صوتها الناعم : زعلتي ..؟

مرايم صرخت : خلاااااص

أنفتح باب غرفة نومه حتى يطلع وهو عاقد حواجبه بضيق وملامحه

يملاها النوم .. شعرها نصه واقف وتوه قايم من النوم .

طلال طالع أخته ومسرع ماطالع مرايم : وراج صرختي

طالعة عبير وهي ترفع حاجبها بعصبيه ومسرع ماتحركت من قدامهم ..

طلال بأمر : وقفي قاعد أكلمج

مرايم ولا كأنها سمعته دخلت غرفتها وسكرته بأقوى ماعندها : ..................

فزت عبير واقفه وعلى طول راحت تمشي تاركه المكان وهو ظل واقف

ولايدري شاللي صاير ..

صد بعيونه وكلمتها بأذنه يحس بحرارتها في صدره للحين عاليه ..

عجز ينساها ولا يشيلها من باله ..

( خل عنك تصرفات المنافقين ..! )

ولايدري وش ألي رده مايعطيها كف قدام أمها على هالكلمة ..!

يعني زود أنها ساكته على روحها وطيحته بموقف غبي مع أمه .. وجى يبي يشوف

سالفه هالجرح بيدها تقوم تخليه منافق ..!

ضم شفاته بقوة وتحرك للحمام .. دخله وبدى يغسل وجهه بقوة يبي يصحصح

لين ماأندق جرس باب القسم ..رفع راسه وملامحها يملاها الماي وهو لف براسه

للصاله

من راح يجي بهالوقت .. أبعد عن المغسله ينفض أيديه

وطلع رايح للباب ومن أفتحه تمايل بخرعه من شاف حرمة واقفه طويله

مغطاه بالكامل ..ترك يد الباب وهو لابس بجامه حالتها حاله حتى يبعد

عن الباب ويروح يمشي بخطوات واسعه لغرفة مرايم ..

فتح الباب ووقف يطالعها جالسه عند وحدة من شنط سفرها المفتوحة تفتش فيها

طلال وبدون نفس : فيه وحدة عند الباب .. ماعرفتها بس على ماأعتقد حرمة سالم

أخوج .. عازمتها أنتي ولا قلتي لي

رفعت تنورة لها حتى ترميها بعصبيه على الشنطة وتفز واقفه .. جت يمه ومرت

من عنده متعديته وقف يطالعها سافهته حتى تروح للباب ومن وقفت

عيونها أتسعت .. أيه هذي العذوب زوجة أخوها ..

مرايم بربكة وملامحها تغيرت من شوفتها : هلا ..

أبتسمت العذوب رغم أن الضيق أحتواها من الربكة والوضع

الغير طبيعي قبالها وتشوفه بمرايم .. أكيد هي تعتقد أن ألي قبالها عميا لا تشوف

ولاتدري ..

العذوب بصوتها الهادي وهي تحرك عصاها : عارفه الوقت مو مناسب

مرايم قامت تحرك أيديها وتفرك أصابعها في بعض : لا .. بس أنتي مسوية عمليه ليش

تتعبين روحج

العذوب وهي واقفه عند الباب : مافيه حياج

مرايم بتوتر بعد ماتفطنت : أيه .. هلا حياج البيت بيتج

قالتها حتى تدخل العذوب وهي تطالع في قسمها وأحساس غريب

بدى يحتويها .. ممكن تعاطفت مع سالم رغم كل شي صار وهي تشوفه لا جلس

قبالها شرد في عالم ثاني بعيد عنها

جيتها هي جانب أنساني تصلح مابينهم لوجه الله ولاتطلب غير

الأجر ..

مرايم مسكت يد العذوب : من هينا ياقلبي ..

لمحت العذوب طلال زوج مرايم يتحرك ببجامته من قدامهم وعيونه بالأرض طالع

بسرعه تاركهم ..

هذا أخو سعود .. الرسام .. دق قلبها بقوة وأنتهى الحلم ألي كنت تفتخر فيه ياسعود ..

يشبه له بكثير ملامح ولو أن سعود دايما كان يقول طلال الوحيد ألي لا جته

أساءه من أحد سكت عنها وقفى ..!

دخلت غرفه تصميمها بسيط ورايق حتى تجلس ومرايم بس عيونها لبرا ..

العذوب : أخبارج ..؟

مرايم مستمره تطالع لبرا ومسرع ماطالعتها حتى تبتسم بتوتر : بخير .. أنتي أخبارج

العذوب تريح عصاها جنبها : الحمدالله ..

رفعت أيديها وشالت الغطا عن وجها والبنت متوتره وكأن على ملامحها متفشله

من شي ..ظلت على وضعيتها تطالع بأستقامة وهي حاسه ان البنت وراها شي ..

ماشاءالله قسمهم حلو وأثاثهم من أحسن مايكون ليه كذا رايحه فيها ..

من وش متفشله ..!

مرايم تبلع ريقها .. نطقت : أنا .. بروح أسوي لج قهوة

العذوب بهدوء : ع راحتج

تحركت مرايم بخطوات ضايعه حتى تطلع من الغرفه وهي رايحه فيها

من الفشيله وش بتقلط الحرمة ولاعندها .. لاقهوة ولا شاي ..

المطبخ فااضي ..!

عضت على شفاتها حتى بسرعه تتحرك لجوالها وتسحبه من على الطاولة ..

تشوفها العذوب وقفت قدام عيونها تطالع الجوال وشوي ألا تصيح ..

تحركت لين ماختفت من قدامها داخله المطبخ ..

دقت على طلال تبيه يجي يدبر روحه في مطبخه

أو يروح للجمعيه يجيب لها سكر والي تحتاجه .. هذي زوجة سالم أول مره تدخل بيتها

وزياده تخاف تقول لأخوها شي أو تحس بشي .. ياربي وش هالمصيبه ..

لحظات سمعت صوت جواله بالغرفه يدق .. حست أنها خلاص بتختنق .. ولو بتدق على

تليفون الفله وش بتقولهم .. أرسلوا لي قهوة وشاي وحلا ..!

هذا بيفتح لها ألف سؤال وسؤال ..

نطقت ( حسبي الله ونعم الوكيل ) تارك جواله ليه بالغرفه ..ورا ماأخذه ..؟!

تحركت بخطوات ضايعه حتى تدخل على العذوب وأبتسامة باهته تخنقها

مرايم ماتدري كيف قالتها : العذر والسموحة مخلصه القهوة والله

العذوب ابتسمت تبي تهديها : عادي أشفيج ياقلبي .. مو ضيفه أنا عشان تستحين مني

مرايم تبي ترقعها وهي تعرف أن ماعندها شي : أسوي شاي طيب

العذوب حركت يدها : لا ياقلبي والله متقهويه بس خفت أقول لا وتزعلين عاد جت من الله

مرايم سكتت وهي ترفع عيونها للسقف : ......................

العذوب : تعالي أقعدي خلينا نسولف .. ترا حتى أنا جايه بوقت غلط ومتفشله منج

مرايم عضت على شفاتها .. نطقت : أنا بطلع شوي وبرجع

تحركت وهي ترفع يدها تغطي ملامحها رغم أنها متأكده مليون فالميه أن العذوب ماراح تشوفها .. ومن عطتها ظهرها عقدت العذوب حواجبها بقوة ..

فيها شي البنت ..؟!

مو عشانها هي أو شي يخصها متأكده ..

لحظات شافت طلال يمر بسرعه من قدام الغرفه ومرايم بسرعه راحت تمشي وراه ..

تحركت العذوب واقفه من أتسكر باب الغرفه بحذر حتى توقف عند الباب

والوضع متوتر ..

- شنو أضيُف الحرمة من مطبخ فاضي تاركه

- والله أنتي الي ماطلبتي شي

- خليتني في موقف بايخ حسبي الله ونعم الوكيل ..

- مرايم .. أنا مو فاضي لج تقومين تحطين ألي تبين ع راسي وأساسا شاللي جابها

مو أخوج منقطعه علاقتج فيه .. عسى بس ماصحى قلبه

- قصر صوتك .. قصره

- هيييه أنتي تعدلي وأنتي تحاجيني

فتحت عيونها بأتساع حتى تتحرك وهي تميل براسها تدور المطبخ ..

قام قلبها يدق بقوة بس ألي يهديها أنها لازالت تسمع صوتهم يتهاوشون ..

والله صدمة ..؟

وش هالأسلوب ألي يكلمها فيه .. وهالكلام ألي يقوله ..؟

تحركت بخطوات متسارعه من شافت المطبخ ألي يطل على الحديقه الخلفيه وقسمهم

غرفه قليله ... توجهت للمطبخ حتى بسرعه تركض للثلاجة ..!

وأول مافتحتها حست قلبها يعورها .. فاضيه مافيها غير كوب زجاج مليان ماي

قامت تحرك راسها وتطالع فيه .. وبسرعه تركت الثلاجة مسكرتها حتى

تركض بخوف راجعه للغرفه ..

يستاهل سالم أجل ألي يحس فيه .. والله لو فيه ذرة خير ماتركها بهالشكل ..

وهو لايدري وضعها .. طيب أمها معقوله ماتدخل قسمها ..!

أنفتح باب الغرفه حتى يرتفع صوت طلال

( ولا أسمع صوت تفهمييين ..! )

لا الوضع ماينسكت عنه أبد .. لا سالم ولا هالطلال فيه خييير لها ..

لبست غطاها العذوب وبسرعه فزت واقفه .. مسكت عصاها بربكة

حتى تحط عباتها ع الراس وتتحرك طالعه ومن شافتها مرايم وقفت جامده ..

العذوب بصوت بالعافيه طلع : مرايم وينج ..؟

طلال أشر براسه تروح لها : .....................

تحركت مرايم بربكة أكثر وطلال على طول دخل غرفته

مرايم : وين

العذوب رفعت يدها متمسكه بيد مرايم : تكفين دليني على الباب سالم وصل ودق علي يخانق

ليش أطلع .. وبعد شوي بروح للعياده عشان .........

مرايم :طالعه بدون مايدري ولي عاد .. أكيد بيعصب

العذوب بحلف : قسم بالله أنه مو عشانج .. وتراه موصيني أمس عليج

صدت مرايم بعيونها ألي قامت تلمع بالدموع حتى تسحبها ..

ضاقت أنفاس العذوب لين ماوصلتها للباب وأطلعت .. ظلت واقفه تطالع قسمهم

رغم أن الباب تسكر .. وله عين هالسالم يضيق ..!

تحركت بخطواتها الحذره وهي تحرك العصا تخاف أحد يلمحها ومن وصلت لقسمها ودخلت

ألا سالم ثاير بالصاله ومن شافها رفع صوته

سالم : وينج ..؟

العذوب وقفت متداركه روحها : رحت

سالم : أنتي ناويه على نفسج

( بابا )

نطقها ولده ألي طلع يتحرك من ورا الكنبه بخطوات بطيئه ... أبتسمت العذوب

بسرعه من شافته ..

العذوب بسعاده مسكت العصا ورفعت أيديها لوجهه خطا : هات لي ولدك بسلم عليه ..؟

ساالم : وين كنتي

العذوب بنبره هاديه : عند أختك

من قالتها ظل متنح فيها .. ينتظر منها تكمل تقول أي شي

العذوب نزلت أيديها من شافت وضع سالم : لاتتركها أختك ..

سالم بخوف : ليه .. فيها شي

العذوب بطنازة : الحرمة أذا ماكان وراها سند وعزوة بالعاده شنو بيكون مصيرها ..!

سالم مافهم عليها وبتخمين لمقصد كلامها : مشتكيه لج من طلال

العذوب : عاد ألي عندي قلته وهي ماقالت لي شي لكن أختك حالتها صعبه ووالله

عيب على بنت ناصر تقعد في بيت ثلاجته فاضيه .. هذا قدرها !

سالم بصدمة : شقاعده تقولين أنتي ...؟

العذوب بنبره مستهتره بردة فعله : أنصدمت .. !

سالم بقهر تقدم منها وأعصابه بدت تنفلت من ألي تقوله : أنتي شنو عرفج

العذوب رفعت يدها حتى تحطها على أذنها : سمعتهم وهي الضعيفه تبي تقهويني بس مطبخها فاضي .. تهاوشت وياه !

سالم رفع صوته بقهر : أوريك ياطلال .. هي وصلت فيك المواصيل لهدرجه

العذوب بعصبيه : أييه .. هذا الي المفروض تسويه رح له وتهاوش معاه وحطها ع راس أختك .. بعدين خله يطلقها وأرتاح ..!

حركت عصاها لقدام يمين ويسار وعلى طول تحركت

بس وقفت من مسك سالم يدها ..

سالم بنبره رجا صدمتها : طيب قولي لي شنو أسوي ..؟

أتسعت عيونها من ورا الغطا وهي تطالع في عيونه ..

العذوب وهي ترفع الغطا مبعدته عن ملامحها : مستعد للي بقوله

سالم هز راسه على طول : أييه

العذوب : طيب

×

×

×

متمدد على السرير وهو ماد رجوله في عيادة الدكتور المشرف على حالته ..

أنفتح الباب حتى يدخل خويه .. ريان وعيونه بقوة متسعه

ريان : أشفيك ياولد .. من صج أن فيه أطلاق نار في شارع الحارة كانت منك

ضاري أبتسم له : وراك متخرع

ريان بأنفعال : مو أنا ألي خايف .. الكل خايف يقولون ولد الجوهرة شايفينه

ماهو طبيعي .. من ألي بيخطفه تهقى واحد سكير ماهو صاحي !

ضاري أخذ نفس والسالفه أكبر : مدري ..

ريان سحب كرسي وجلس حتى يطالع رجله : الدكتور شفته تو معصب ..

ضاري ضحك : ياهو هزأني تهزئ

ريان : دواك .. بس شنو مسوي أنت .. أكيد شي كبير

ضاري : يقول أن وضع رجلي مايطمن من بعد الضربه ألي كانت مباشره

ع الركبه .. ولأني أجهدتها بالحركة هالحين علي ماأتحرك لين يطلب أخصائي

يعرفه .. الله يستر مايطلبون مني أسافر لبرا من جديد

ريان بعصبيه : وأذا .. تزوج وسافر شنو وراك ..؟

ضاري عقد حواجبه : صعبه

ريان : خله عائلي وخذ زوجتك .. أهم شي صحتك وكل شي معوض ..

ضاري ريح راسه وطالع السقف : تعبت منها

ريان : ضاري أسمع شوري وتوكل على الله ورح كلم أبو البنت .. وسافر ع حسابك

( أشر بيده ) طالع مو قادر حتى تحركها

ضاري ظل ساكت وهو يعرف أن هالشي مستحيل : ....................

ريان بقهر : أذا وضع رجلك مايطمن لاتقعد

ضاري طالعه : شوي ألا تقوم تهاوشني

ريان : ياأخي تلومني .. والله حالتك هالحين صعبه

أخذ نفس حتى يزفره من دخل الدكتور عاقد حواجبه

الدكتور وهو شايل بين أيدينه الأشاعه لركبته : ضاري .. لازم تسافر لبرا

وضع رجلك خطير !!

×

×

×

فرنسا ..

تحرك بقهر رايح جاي في مصنع مغلق حتى ينفجر بغضب

( لقد كشفت كل مانريد أخفاءه بتصرفك الأخير )

ظل جورج يطالع فيه وهو جالس على كرسي بعدم مبالاه .. ووراه شخص واقف

متكتف يطالع ميشيل بحده .. ملامحه تزرع في النفس الخوف لعصابات

الموت في بلد مثل فرنسا ..!

جورج : أيمكنك الهدوء

ميشيل : سندفع ثمن هذا التصرف .. لقد تم دعم السواحل الفرنسيه بالهليوكبتر

لمراقبته جيدآ .. وهناك تعاون مع منظمة الجمارك العالميه للقبض عليك

جورج بنبره غليضه : لن يتم ذلك .. سنواجه عملياتهم بالقتل

ميشيل بربكه : ماذا ..؟

جورج : يمكننا الأستعانه بمن نريد للدفاع عن مانمتلكه وأنا على أتم اليقين أن هذا

العربي الخبيث هو وراء التحركات السريه التي تحدث في الخفاء من أجل القبض

علينا ..

ميشيل رفع يده بوجه جورج : لابد لك من التوقف بالعبث في مواجه الأمن ..!

جورج : لقد طلبت منك مسبقا السفر ولازلت تتمسك بالبقاء هنا

ميشيل : لا شأن لك بي

جورج : أنا لا أريد منك سوى أمتلاك العقار الطبي الذي يتواجد في ملفات سريه

لدى فهد .. وحينها أستطيع الأبتعاد عنك

ميشيل : هذا العقار ملك لفرنسا

جورج ابتسم : لكن يمكنني شراءه منك بمبلغ ضخم إن أردت ذلك ..

ميشيل : لا أستطيع الحصول عليه حاليا وفهد يخضع لمراقبه حذره من الشرطة الفرنسيه ..

حين يتم أفتتاح المختبر يمكنني حينها الحصول عليه .. لم أطلع حتى على مكوناته

يبدو أنه يضعه في مكان آمن !

×

×

×

العصر .. الساعه 4 : 33

جلس رحيم قبال عمه بو سعود وهو يطالعه بتردد وسيف قباله يتحرك

يقهوي أبوه وأخوه طلال ..

وده يقوله عن سعود ألي ماعاد بين بس مايدري كيف بيبدى ..

يصرخ ولايفز واقف ويقول أن عنده سر لازم الكل يعرفه ولا كيف ..؟!

بو سعود ريح ظهره على الكنب : الله أراد للحق يظهر

طلال بحده : تبي تقنعني أن فواز وأبوه ماقصدوا القتل .. وهم من زمان ذابحينا

بالشيخه ..

سيف وقف ماسك الدله ينتظر أبوه يمكن يبي قهوه بعد مايخلص : .................

بو سعود أشر لولده وبدفا : أرتاح يابوك ..؟

سيف وهو لابس ثوب أبيض وسيع شوي عليه هز راسه : تامر

رجع ورا خطوتين حتى ينزل الدله ويتحرك يجلس عند رحيم ..

بو سعود طالع طلال : الولد ألي بغيت تعدم رجله طلع هو من مبلغ عن أبوه

وسوايا أخوه .. ولا له شغل لامن قريب ولا من بعيد

طلال شبك أصابعه مع بعض وصد عن أبوه ساكت : .......................

قطع حديثهم سالم ألي دخل واقف عند باب الديوانيه

سالم طالع أخوه : أنت وراك مقابل بيت أبوي ..؟

رحيم أنتفض بخوف : أنا

سالم وهو عاقد حواجبه أشر بيده : هناك لا أشوفك تروح تفهم ولا لا .. وبعدين ماوراكم دراسه أنت وياه ..

سيف طارت عيونه : المدير قالي عشان ألي يصير عندكم عادي غب يومين وتعال

الباقي ..

سالم رفع صوته وبضيق : لو شفت هالمدير بتفل بعينه ..

رفع عيونه طلال له وهو من طاحت زوجته ماعاد يهرج عن سالفة موت سعود

وبارد بشكل غير طبيعي .. واقف وأطراف غترته مرميه على كتوفه وسبحه يمتلكها

اللون الأسود مستقره بين أصابع يده اليمين .. شكله توه جاي من مشوار .. أيه الكلام ألي ماهو قده كان المفروض مايقوله

بو سعود : أنت وين رحت ..؟

سالم لف لعمه بصدره الواسع : رحت ياعمي للجمعيه

بو سعود : قابلت فارس

سالم وجهه تغير من سمع الطاري : أييه .. وسألني عن سعود الله يرحمه

بو سعود : وعرفت أن ضاري ماهوب معهم

سالم نطق : الله يسامحنا

طلال رفع صوته : أجمعين !!!

حرك سالم عيونه بحده صوب طلال وبو سعود قطع هالحديث

حتى يلف لولده

بو سعود : علي دق عليك

طلال : كلمته أمي .. وهم في مكة

بو سعود : الله يرزق هالرجال من واسع فضله .. والله أنه كسب أجر في أمي يوم أبعدها

عن هالسالفه الكبيره ..

تحرك سالم طالع من الديوانيه حتى يروح يمشي بنعاله السودا وعلى طول

أنحنى لأقرب شجره قابلته ساحب من وراها أكياس كثيره .. أخذ نفس بعمق

بعد ماعلمته العذوب باللي عليه يسويه حتى يتحرك صوب قسمها ..

مال بجسمه من شاف باب المطبخ مفتوح نصه حتى يدفعه وينتشر ضوء

الشمس ألي لازالت بحرارتها أكثر لداخل ..

كل شي ساكن ولايسمع لها صوت .. نزل الأكياس بوسط المطبخ وعلى طول

وقف يطالع فالمطبخ وكل شي مرتب على أتم وجه .. مافيه لا أكواب

ولا قدور ولا حتى أبريق برا على الطاوله .. رفع رجله ومشى بخطواته

صوب الثلاجة ومن فتحها أخذ نفس بعمق وصد بقوة ..

كل شي قالته العذوب صدق ..

سكر الثلاجه حتى يرجع للأكياس ويحط أيديه على خصره .. يحس الدم

يغلي في عرووقه ولاقادر يضبط روحه ..

بلع ريقه وعلى طول حرك راسه صوب مدخل الصاله وهو يسمع

صوت خطواتها .. البطيئه حطت يدها على صدرها وشهقت بخفة

من شافته فالمطبخ حتى ترجع خطوتين لورا .. وهو ماترك لأي تفاصيل صغيره

مجال .. تحرك بسرعه حتى يلمها بين أيديه ويحضنها بقوة ..

سالم : سامحيني ياخوج .. سامحيني تكفين

كانت محتاجه بس هالصدر ألي يغطي عنها كل شي ..

محتاجه صدر الأخو وحنانه ..!

يحميها بس .. يطمنها ويقولها ( كل شي بيكون بخير ياخوج لاتخافين

وأنا موجود )

أنفجرت تبكي على صدره وهي منهاره على الأخير .. موقفها مع العذوب كاسرها

ومافيه أحد حس فيها .. تحس نفسها أقل من أنها تعيش مرتاحه .. قامت تشاهق

بحرقه وهو صوته أهتز منها .. كأن هالبكا مايطعن ألا قلبه ..

مرايم نطقتها : أنا مو كفو طلال ياسالم .. مو كفو نفس ماقلت !

سالم صار يرصها على صدره .. متروع من حالتها ومن كلمته أي قالها

في لحظة وبقت بينهم : مرايم خلاص

مرايم : والله مادعيت عليك من قلبي .. ليت أني رحت بدالها وبقت هي لك

سالم حرك كتفها يبيها تهدى : خلاص قلت .. بس

مرايم قامت تشاهق منهاره على صدر هالأخو ألي تركها وقفى : ............

سالم أبعد عنها وهو يطالع ملامحها : شعليج مني .. بنت ناصر أنتي لو قلت ماقلت

حضن كتوفها من جديد وراح يمشي فيها لداخل الصاله ..

سالم من جلست أنحنى يبوس راسها : لج ماتبين مني

مرايم وهي تهتز .. منزله راسها مالها قدر ترفعه : ..................

سالم : مرايم .. أرفعي راسج وانا أخوج

مرايم تتنفس بقوة : أبي أرتاح

سالم بأنفعال : مضايقج هاللي يقال له طلال .. قولي لي عشان أتصرف

مرايم هزت راسها وهي تكابر : لا ...

ظل يطالعها وعلى طول تعدل بوقفته .. وده يروح يدخل عليه بالديوانيه ويعلمه

بس مايرده ألا العذوب ألي قامت تردد عليه يعطي أخته الشور ..

تبيه تتحمله .. ماتبيه تروح بنفسها لعمها وتنهي الموضوع ..

يخاف توهقه وتتمسك بطلال وهي ترسم حواجز بينهم كثيره ..

سالم : طيب

تحرك من قبالها راجع للمطبخ وهي تحسب أنه تركها ظلت تطالعه

لين أنحنى ساحب له كيس ورجع لها ..

جلس بجنبها حتى يحط الكيس قبالهم ..

دخل طلال حتى يطالع الأكياس فالمطبخ ومسرع مارفع عيونه لين ماتسعت

وهو يشوف سالم جالس بجنب مرايم .. ورغم أن سالم حس بجيته

بس ماأهتم له ..

سالم فتح كفه : هاتي يدج

مرايم وجسدها يهتز من شهقاتها المتتاليه : .................

ظلت عيونه عالقه عليها هي .. هي ألي أشتعل القلب لها ضيق وشوق ..

حب وحنين .. قسى وفراق ..

عارفه كيف هالقلب تهزه أركان القصايد والعتاب ..!

تدرين يامرايم .. هو أنسان يائس .. يائس ويكتفي منه هالأشياء ألي سلبته

حتى النظر زين .. يائس لأنه قاعد يهمل الحب ألي لو تعرض لهالشي

عمره ماراح يبقى بنفس الهيئه .. والمقدار ..

بنفس النظرة والصبر

سالم بصوته المازح : هاتي يدج بلا دلع

سحب يدها حتى يحطها على فخذه ويميل بجسمه للكيسه يطلع منها الشاش

والمعقم وأشياء متكرره وكثيره داخل الكيس ..

سالم عقد حواجبه : توجع ..؟

مرايم هزت راسه بهدوء والدموع تنزل من عيونها : كثير ..!

سالم وهو يطالعه ومسرع مامال براسه رفع يدها على خفيف : ماعليه مانتي متحمله ببلاش كل شي بأجره

نزلها وبدى يعقمه ويلفه بشاش ومن خلص .. رفع يدها حتى يبوسها

بهدوء ..

سالم : تحرصي على نفسج

قالها حتى يرفع أيديه ويحضنها همس بأذنها ..

( عطيني الضوء الأخضر لا طاب خاطرج وماينحني أبد للأرض ..! )

فز واقف حتى يأشر للأكياس

سالم : هذ لج .. تذكرين ألي تحبينه وتطلبينه من الجمعيه

مرايم فهمت قصده .. أبتسمت : ................

سالم أبتسم لها : ماينقال أسمه .. نويت أجيب كراتين بس خفت يقولون عني موب صاحي والله

مرايم وكأنها حاسه بخدر بجسمها : سالم .. !

سالم رفع أيديه : مابقول والله .. يفرح فيه ولدي موب أنتي

مرايم أبتسمت : بتروح

سالم هز راسه : فمان الله

قالها حتى يتحرك من قبالها طالع للمطبخ وعلى طول مر من عند طلال لا طالعه

ولا قال له أي شي .. أو عطاه أي أهتمام نفس قبل .. أساسا ولا كأنه موجود

هو مطلبه بس إشاره من أخته وبعدها ينتهي كل شي

رجع يطالع مرايم والشك بدى يلعب فيه ..

وش فيه ذا ألا أذا كان سامع شي منها !!

×

×

×

فرنسا

( أييه .. أيه .. عاشوا .. عاشوا .. أيه )

قاعده على الأرض تصفق وبنات حمود فوق سريرها ينطون بقوة وفرحانين

على الأخر .. قامت رتيل تنط شاده حيلها وبقوة حذفت جسمها على ليليان حتى تطيح في حضنها ..

مسكتها ليليان وشعر رتيل كله راح لقدام ..

ليليان قامت تجر يدها : أنتي وش بلاتس ..؟

رتيل قامت تضحك وبصوتها الطفولي المتحمس: أريد أن أفعلها مجددا

ليليان عقدت حواجبها وقامت تطالع رتيل حتى تصغر عيونها : نظرتس شرانيه

شكلتس ناويه على شر

رتيل بسرعه وقفت قبال ليليان وقربت ملامحها منها تقلد حركة عيونها : ..............

ليليان بخرعه وقفت حتى تروح لريما تجرها منزلتها من السرير : قلنا نطوا ماقلنا أنفضوا

فراشي .. يلا عاد عطيتس وجه أنتي وياه

ريما جرت يدها من ليليان وبعناد : نوووووووو

ليليان حركت راسها بأنفعال : تنونوت عيون العدو .. أنزلي يلا لا أنزلتس من كراعتس

هذي ألي تقول رجل دجاجه طابخينها

ركضت رغد لأخر السرير حتى تحط ظهرها على الجدار وتطالع فيها

ماتبي تنزل من شافت ليليان قامت تحاول تسحب ريما أختها ولحظات

وقفت ريناد بجنب أختها .. صرخن مع بعض من جتهم ليليان وهي ترفع

أيديها وتطلع صوت .. تتمايل بمشيتها وتغلض صوتها

أنزلوا يصارخون وهي أنفجرت ضحك

ليليان حطت يدها على جبهتها : بلا عيال الأجانب خبول .. هههههه

فتح حمود باب شقته في أرقى فنادق باريس وملامح وجهه غريبه ..

مصدومة .. رفع حواجبه من مروا قباله بناته التوأم الثنتين وهن

يصارخن .. تقدم حتى يدخل ولده راشد وبنته وراهم سكرت الباب ..

أسرع بخطواته حتى يدخل للصاله والبصمات الفرنسيه بالأثاث

متشبعه حتى بالزوايا .. راح لغرفة ليليان ودخل

حمود بصوت متغير : وش بلاهم البنات ..؟

ليليان كانت منحنيه لرتيل وهي تلعب بشعرها تعدلت بوقفتها تطالع عمها : وش !!

حمود يعيد السؤال : أقول بناتي وش فيهن

ليليان تفطنت لمقصده : أيييه .. قصدك الصراخ .. شف ياعمي حنا هالحين

في مكانن ضيق ومقابلين بعض قبل مانيب يمهن .. عاد فيه ثنتين من بناتك

الله يستر عليهن خبوووول .. لو أصرخ راحوا فيها

حمود طارت عيونه : أنتي فيتس شي .. علمي البنات على العلوم الزينه

ليليان طارت عيونه : ترا لاكبرن والله لا ينشبن بحلقكك ليش ماعلمتهم يصارخون ..

أنا قلبي تسان منخلع منهن .. هم فيه بزارين تسذا هادين ويقوطرون

سكوت

حمود رفع يده لها : أمداتس عليهن أنتي ..؟

ليليان نفخت صدرها بالهوا : من رحت عند صديقتي وأنا تسذا صدري منشرح

وتسن خيول تركض فيه .. عاد جت ع حظ هالصغيرات

حمود مال براسه : أييه .. خلي هالخيول تهابد لا شفتتس رايحه للمعهد ..

وتراه أثنين .. صبح ومسا

ليليان بسرعه صدت عنه : مايدي صدورنا توسعت إلا ضيقها !!

حمود بأمر : ولاتخلين البنات يصارخون لا أوريتس .. تبين تفضحينا وحنا هنيا

ليليان ضمت شفاتها ولوت فمها : أوخص .. ليه ماعندهم بزارين !

حمود بقهر رفع يده : راسي مايحتمل صراخ ولايحتمل هرج كثير

ليليان : طيب لا تجيني إلا أذا فرغته !

حمود طارت عيونه رفع صوته : بنت

ليليان : بسكت .. خلاص !!

حطت يدها على فمها بمعنى ماراح تتكلم .. ومن طلع من الغرفه

لفت تطالع رتيل ألي رفعت يدها الصغيره وحطتها على فمها تقلدها ..

مايوسع صديرها ألا هالبنت ألي تقلدها بكل شي

ليليان قامت تأشر على رقبتها بمعنى بنروح فينا : ................

رتيل قامت تسوي نفس الحركة وهي تهز جسمها : .........................

دق جوال ليليان وبسرعه تحركت له .. سحبته وفتحت الخط

ليليان : ألو

ساره بصوت واطي : الزعلان لقيته برا قاعد لحاله تخيلي .. وأنا الي أتعبت

عمري أنتظره .. والله شكله ياليليان رايح فيها من الضيق والزعل

ليليان لوت فمها وحطت يدها على خصرها : وش مجلستس يامهدومة البيت

ساره بقهر : ليه مهدومة البيت .. أعوذ بالله فالج ماقبلناه !

ليليان : أقول روحي له .. وقولي بالمصري ( أشتأتلك تؤبشني ) !

ساره عصبت : أنتي هيييه .. خليج على كلامج .. حسي عيني أشوفج تقولين لهجة

ثانيه .. والله لا أرتبك فيج جريمه .. أنا ليش داقه عليج هااا .. ليييش

أستاهل وجع الراسس !!

ليليان طارت عيونها : ليه مو تسن ذولا يقولونها اخوانا المصريين الله يحفظهم

ساره : أنتي ليليان متأكده .. من دخلتي بيتي وأنا شاكة فيج العقل طار واالرزانه

والكلام السنع ..

ليليان : هالحين ياللي مانيب قايله .. هماني قايله لتس بترك عقلي وأركض ورا

قلبي ..

ساره تغير صوتها .. حاست مخها : وش دخل ذا باللي أقوله !

ليليان : والله قلبي قالي أستانسي

ساره : لا ياشيخه .. قلب مصدي ذا .. أقوول مع السلامة

أبعدت الجوال عن أذنها وهي جالسه قبال شباك عريض وتطالعه جالس لحاله

في كرسي لحديقه ومتكتف !

ماعندها ألا تروح له وعم ليليان من وصته ليليان بحجاب ثاني جابه لهن ..

كأنه متعاطف معاها حتى يوقف عند الباب يوصيها من ألي ممكن يصير ..

نزلت رجولها بسرعه وأنحنت ساحبه الحجاب .. قامت تلبسه

بهدوء ولحظات غطت شعرها .. تحركت بخطواتها الواسعه فاتحه باب المدخل

وعلى طول راحت تمشي له .. وقفت ورا الكرسي وهو بصمت يطالع الشارع

قباله

ساره : أنت هنيه وأنا أنتظرك

عمر ولا رد عليها : ....................

ساره بسرعه تقدمت له جلست جنبه وحضنت يده : عمر

عمر بنرفزة أبعد أيديها ورفع يده : أنا فعلا مش طايق نفسي دلوقت ..

تحرك يزحف بعيد عنها وهي ظلت تطالعه

ساره :مالومك

عمر بطنازة : واللهي ..!! فيكي الخير على فكرة

ساره بضيق : سوا ألي تبي فيني راضيه

عمر هز راسه كأنه يبيها تخلص وتقوم : ...................

ساره وقفت حتى تتحرك لين ماأستقرت خطواتها قدامه : البيبي يسلم عليك

عمر رفع عيونه لفوق يطالعها : ...........................

ساره : وأمه تطلب السماح منك

عمر أخذ نفس وصد عنها : .........................

ساره وهي تأشر على ألي لابسته ومغطي جسدها وشعرها : ماسألتني من وين هالحجاب .؟

عمر تكتف يطالع الشارع من بعيد والهوا تلعب بخصلات شعره : ..................

ساره كملت : من عم ليليان جوا هينا كلهم .. أسمه حمود محامي كبير وله مكاتب ماشاءالله

عمر يبيها تسكت : وأنا مالي

ساره قامت تحرك أيديها تبي تنطق بأنفعال : المصيبه أن هاللي مايتسمى طالب عونه عشان يفكه

من ألي هو فيه .. حتى أنه جذب على ليليان وحط أنه مطلقها وأخر شي

طلع خطه منه عشان يبعدها عن حياته القذره وتقول أن عمها قال لها

أنه يبي يبعدها عن مشاكله ليش أنه ممنوع أنه يتزوج ثنتين بفرنسا !

عمر بسرعه لف لها وبعدم أستيعاب : أنتي بتقولي أيه ...؟؟

ساره رفعت حواجبها : قسم بالله

ظل عمر متنح يطالعها وكأن أحد عطاها كف على وجهه يصحيه ..

×

×

×

صوت الحشرات في الجاخور يرتفع في هالليل الساكن وأصوات الغنم بدت تتحرك

وتركض لجهه ثانيه .. تبعها صوت الدجاج ألي أرتفع صوته وكأن في أحد بينهم

يمشي أو يسرق ..

لمبه وحيده أستتقرت فوق غرفة العامل كومار ألي فتح باب غرفته متخرع

وبو سعود متوعد فيه لو ينام ويترك الحلال بدون حراسه يسفره على طول ..!

قام يرفع رقبته وهو عاقد حواجبه وشعره طاير في كل جهه .. النوم ذابحه

لكن صوت الغنم والدجاج أربكه !

كومار : من فيه .. بابا ..

ترك الباب وهو يبتعد من مصدر الضوء الساطع للظلام والمساحة قباله فاضيه ..

نخل متفرق وأكوام حديد بجنب شبك الغنم ..

رفع رجله وهو لابس شبشب لونه أخضر حتى يحك فخذه بملل ومسرع ماتثاوب

.. أختفى الصوت فجأه ...

يمكن قطوة بتهجم ع الدجاج.. كان هالأستنتاج ألي تبادر لذهنه أقرب

شي لهالأصوات بس رفع أيديه

بقوة من طلع واحد نط من شبك الغنم لابس ثوبه سكري ..يشوف قدام عيونه

على كتوفه بقع دم .. ومن بدى يقرب له أعتلت صرخته مرتفعه من ميز الملامح

وعرفه .. هو .. هو سعود

كومار راح يركض منخلع : باااااااااااابا .. أنا في كووف .. فيييه موووت ..

( قام يبكي ..) سائوود مافيه شووف .. باببببااااا

وقف بنص الجاخور وهو يتلفت ويميل بجسمه بكل أتجاه

الود وده يركض ويدور فالمكان كله ..!

رمى الشبشب بعيد عنه حتى يركض بكل قوته لأخر الجدار .. ومن وصل له

قام يتلمسه ويحاول يدفه .. ماعاد فيه عقل يميزه ولا قدره حتى يتحكم

بهزة أيديه وخرعته .. حرك راسه لورا حتى يشوف سعود يرفع ثوبه

ويجيه يركض رغم أن جسمه يتمايل وركضته ماهي متوازنه أبد

كومار خلاص راح فيها : بسم الله .. ربي فيه كووف خلاص مووووت ..

جلس على الأرض ومن قرب منه سعود رفع يده

كومار ويلا يتكلم : مافي موووت ( قام يبكي ) فيه هزا موت أنتا

سعود مسك يده : أنت .. أنت كومار !

جلس أكثر حتى يمد رجوله لقدام خلاص مو قادر حتى يتنفس ..

صار يمسك صدره ولحظة أنسدح بالأرض ..

ماعاد حتى قادر يتكلم من الفاجعه وأنه يشوف واحد ميت دفن التراب

جسمه ..

سعود هزه : دلني وين لافي .. وين فلاح أبوي خذني لبيتهم بسرعه

كومار قام يون ماعاد قادر يتحرك وجسمه يتنافض : آآآه .. أنا في كككووووف

مافي شوووف .. مافي يسمع .. أنا خلاص موووت

قام يجره يبي أحد يدله وين أهله وهو طلع من الغرفه بأعجووبة

وقدر ينفذ بنفسه

سعود جر يده : وين الشرطة .. خذني يمهم

كومار قام يهز راسه مايبي يشوفه : ................

رفع عيونه للسما الواسعه حتى يفز واقف تاركه ..

صار يطالع المكان بضياع والذاكره مادلته ألا على هالمكان ألي حس أنه أكثر أمان ..

لازم يلقى ألي أسمه فارس .. رفع أيديه وجر شعره بقوة من الغيض والقهر

.. لازم يسلم نفسه للشرطة ..

ويقولهم .. يقولهم المصيبه ألي هو فيها ..

نزل أيديه وعيونه أتسعت .. ليه مارجع

للبيت ألي شاف فيه ذاك الولد .. ولا لأبو سلطان أو حتى بيته !

لا .. مايقدر وهو هاج من هاللي أخذووه .. لازم يتواصل مع أحد .. لازم

لف لكومار وجر بلوزته بقوة

سعود صرخ : وين جوالك

كومار فتح عيونه وصار يأشر للغرفه : .....................

دفه بقوة على الأرض وعلى طول كومار قام حتى يركض طالع من الجاخور بكبره ..

تحرك بخطواته الواسعه داخل الغرفه .. صار يتلفت يدور الجوال وعلى طول سحبه

وراح للأسماء .. ظل يقرا ويقرا أسماء غريبه لين مالقى أسم مكتوب

عنده ... بيت بابا ..!

ضغطه وحطه على أذنه وهو يتنفس بصعوبه ماهو قادر يتخيل شي

بس خايف ع نفسه وع ألي يصير ..!!

خايف من أشياء بدى يدركها ولأنه أنفلت من بين أيديهم ماراح تظل

على ماهي عليه !

وبالفله

أرتفع صوت التليفون جنبها وسط ضحكات أم سالم مع عايشه وريحة

الطبخ ألي تفتح النفس تمتلي بأنفاسها ..

ظل يدق ويدق وهي جالسه وبحضنها ولد سالم نايم .. أنحنت بقوة تبوسه وبخاطرها

تكلم ضاري وتقوله ألي صار .. يمكن نمر دق عليه وقال ألي قالته هي عنهم

وعشان هالشي .. لادق ولا سأل ..!

أنقطع صوت التليفون وبحذر حركت راسها للباب .. وينهم مايسمعون

صوت التليفون ويجون يردون عليه ..

أبتسمت من أرتفع صوت سالم وهو ينادي ( ياولد ) يتبعه صراخ ورده

أول مره تشوف وجهه من بعد كل هاللي صار سعيد وملامحه غير ..

بعد شوي راح تروح معه لعيادة الدكتوره .. قالها ( ماعليج )

بترتاحين عندها وتقولين ألي بخاطرج ويمكن تسامحين !

ويقصد نفسه هو .. أخذت نفس بقوة حتى

يرجع التليفون يدق وبتردد مدت يدها لسماعه هالتليفون وقربتها من أذنها

العذوب بصوت هادي : ألوو

أندفع بصوته المفجوع

( أنا سعود .. أنا حي .. وينكم .. وينكم أنتم أنا بالجاخور )

صرخت بقوة حتى يتحرك فهد طايح من حضنها على الأرض رمت السماعه

وفزت واقفه وهي تحط أيديها على أذانيها .. أرتفع صراخ فهد ألي قام من ضرب

راسه الأرض وعلى طول دخل سالم يركض وهي تغطي أيديها على وجها ومن شافته

قامت تنطق بصعوبه ..

( سعود .. سعود كلمني ..)

دخلت عايشه ووراها أم سالم متخرعات الغرفه.. توهن تاركاتها وهي تسولف

وتضحك ..

سالم وهو يطالع الفاجعه بوجها وعيونها .. عيونها مرتكزة عليه ..

مسكه قلبه : سعود !

عذوب قامت تجره وهي تأشر لفوق وتحت : دق .. سعود .. سعود دق

على .. على .. قسم بالله والله قال .. قال أنا بالجاخور .. والله هو

تحرك سالم بجسمه من صارت تدفه على سماعه التليفون

العذوب تحاول تفهمه ماهي قادره : صوت سعود .. س .. كل .. كلم ..

سالم بسرعه لف لأمه أشر بيده وهو عقد حواجبه : بسرعه هاتوا عبايتها

العذوب بقهر وصوت فهد أرتفع من الصياح .. نطقت : خذ .. خذ السماعه

سالم مسكها وهزها : سعود ميت .. مييت حنا عندنا موعد مع الدكتوره ( أنخفض بنبره صوتها حتى مايسمعها ألا هو وهي ) يلا مشينا

تحركت أم سالم وبسرعه أخذت فهد وطلعت وعايشه ظلت واقفه

بصدمه تطالعها ... وقلبها قرصها بقوة من الي قالته ..

سعود داق ..!

وش كثر مابقى في هالصدر أنفاس وهي تطالع ملامح العذوب .. وفاجعتها ..

أشارتها للتليفون غريبه ..حست عايشه أن قلبها ينقبض بقوة خوف مجهول ..

وكأن قبضه يد تمسكه بلا رحمه .. تضغط عليه ..!

وعب هموم أم أستقر في قلبها مثل الجرح ألي ماعاد له دوا ..

شافت سالم يحاول فيها تمشي وهي تحلف أنه سمعت صوته .. مثل يوم سمعت صوته

عند المحطة .. مثل ذاك ألي لقته فالبيت .. أنفاسه أنفاس سعود

ولاكان للصوت أي معنى .. الحقيقه خيال .. والوجود لهالسعود ضرب من الأستتحاله

عنده .. أخذها وطلع غصب وهي .. هي في مكانها ظلت واقفه ..

مثل كل أمنيه بيضا فينا .. تعرفون هالأماني .. ذقتوا حلاوة ولادتها

عمر ماكانت هالأماني ذنب ولا حتى امل مايجي نقدر نتوب منه حتى لو بعد

سنة ..!

حنا بس نخاف عليها .. من ثغرات النسيان والواقع المحال لا تتسرب لها

وقت مانبيها حقيقه ..

نبيها توقف صلبه في وجه هالريح ألي ماترحم ..

أنعقاده غريبه في حواجبها أمتلكها وهي تعيد ألي قالته العذوب .. هذي زوجة سعود

ماراح تخطي في قولها .. تحركت بخطواتها بطيئه صوب السماعه .. سحبتها

برجفة حتى تحطها على أذنها والصمت هو الصمت والفرراغ ياسعود ..

كان ممكن للحلم يغادر هاليأس لو أن قلب أمك وقف ماد أيديه

يتبع أحساسه ..

أم سعود نطقتها بصوت أهتز .. أختنق : سعود !!

ولا رد .. أبعدت السماعه عن أذنها حتى ترجعها لمكانها ومن طالعت الكاشف

للرقم حتى عيونها تتسع بقوة ..

هذا رقم كومار .. لو أنها سامعه صوته كان ع الأقل تفطنت وفهمت ..

قامت تلتقط أنفاس الضياع والخوف ولحظات

دق التليفون من جديد .. سحبته بسرعه

عايشه بأندفاع : ألووو

علي : هلا فيج يم سعود .. أخبارج ..؟

عايشه رفعت يدها تتلمس شعرها : بخير .. أنت أخبارك وأخبار الجوهرة وخالتي

وولدك

علي بصوت مرتاح : الحمدالله .. كل شي بخير ومرتاحين ع الأخر

عايشه بعد صمت : علي هو صاير شي خلاك تروح

علي تغير صوته : ليه ..؟

عايشه : مدري سمعت هرج غريب من جارتنا تقول أن عبدالله ولد الجوهرة

لاقيه ضاري في أحد يسحبه يبي ياخذه

علي بنفي : ماعليج من هالسوالف

عايشه : أنا أستغربت وبيني وبينك ماكنت فاضيه لها

علي يبي ينهي مكالمته بسرعه : تامرين ع شي

عايشه : لا سلامتك

علي : فمان الله

رجعت السماعه وكل شي تحس أنه أزدحم في عقلها وخوف غريب لا زال

يحثها تتبع ألي قالته العذوب .. لازم تروح للجاخور ..

جلست وهي تتلمس مكان قلبها ألي بدى يوجعها .. من راح ياخذها في هالوقت

وبيسألونها وش بتقول .. العذوب قالت أنها كلمت سعود وهو بالجاخور وهي

مصدقتها .. مصدقتها لأنه قلبها يوجعها من هالحقيقه ..!

لأن العذوب كانت تتكلم وواضح عليها أنه حقيقه

رجعت تاخذ السماعه وتضغط رقم من طرى عليها الحل ... هي ألي بتروح ولا أحد داري

وبتشوف بنفسها .. هي تعرف تسوق سياره تعلمت هالشي يوم كانت صغيره ...

عايشه : ألو الجازي أنتي فالبيت .. أبي أخذ العربانه ألي عندكم .. ( ضمت شفاتها

مع بعضها وخلاص العبره وصلت لشفاتها هزت راسها ) أييه بس مابي أحد يدري

بروح لمشوار ماراح أطول .. لالا .. أنا بجيكم

نزلت السماعه حتى تتحرك بدراعتها البسيطه بنقوشها وتطاريزها

وتروح طالعه من الغرفه ..

أم سالم من سكتت فهد .. طالعتها بشوي أستغراب : شنو فيج

عايشه رفعت يدها لفوق وبثبات تصنعته : بروح لفوق شوفي عبير وأهتمي فالبيت زين

أم سالم هزت راسها : طيب

تحركت عايشه وبدال ماتروح لفوق راحت تمشي بأستقامه داخله سيب

وأم سالم طارت عيونها .. وش فيها الحرمة تقول بصعد لفوق

بعدين تروح للسيب !!

×

×

واقفه عند شباك أطالع فالبيت ألي تحوطة الأشجار .. والشمس

تعانق الشجر من فوق .. يالله كل شي غريب أحس

هو ساكن هنيا تو شفته بعيوني بعد ماوصلنا لهالمكان بفتره يدخل بسيارته

عند مكان تسذا وسيع وينزل وهو لابس بدلة رياضيه ..

تبون الصدز حسيته أنسان ماعرفه مدري ليش ..؟!

ماهوب لافي ألي على خبري .. مشيته ولبسه وكل شي متغير صح متكشخ

لكن فالديره هناك على بساطته .. مدري ليه أحس أني بشوف واحد ماهوب

زوجي ..!

عقدت حواجبي ولفيت لعمي ألي طاقها سوالف مع عجوزتين يلا العافيه..

وأنا قلبي مارتاح لهن .. ودي أطقها بتسى بس ماحولي دموع ..

والله ضايقه .. خايفه من هالناس الغرب عني .. خايفه لأني أنجبرت

أكشف وجهي .. تحركت بسرعه من طلع من البيت وهو لابس نظارته

وشعره راجع لورا بترتيب .. عليه بلوزه بيضا على بنطلون أسود ..

ورا ماسكر أزارير بلوزته ألي باين فيها صدره وجع لابليس .. وبعدين وراه شايل كتب

ومستعجل .. دفن يده بجيبه وهو يتحرك بطوله صوب السياره

حتى يفتح باب السايق وينحني راكب ..

متكشخ وطالع بهالشكل وين بيطس أن شاءالله .. هااا .. ولا أيه

ماحوله أحد لكن ربي كشفه .. أشووفه بس أن ماطالعت حرتي فيه لكل شي سواه

فيني ..

بس هذا وقت أروح أدخل بيته وأنتظره بعد والله لا طلع الشكل ألي طالع

فيه تسذا من عييونه .. ..

تحركت أركض لكرسي حتى أنحنى وألبس الحجاب بطلع خلاص ..

وقفت أطالع وحدة من العجايز البريطانيه قربت مني وهي تقرقر علي

وتشر على حمود عمي ألي جالس مرتاح على كرسي واسع

حمود : وين بتروحين ..؟

ليليان : أنت خلك هنيا .. أنا بروح لبيت الشايب

حمود فز واقف : لا ياحلوة يلا مشينا للمعهد

ليليان طارت عيونها : وش

حمود طالع العجوز وبلغة أنجليزيه : لابد لنا من الذهاب حالا ..

أبتسم لهن وتحرك لي حتى يسحب يدي ..

من جابني وأنا مثل الأطرش بالزفه

ليليان : عمي وقف .. توه شفت الشايب بروح أنتظره .. هذا شرطي

يمكن يرجع بدري ..

حمود أخذها للباب حتى يفتحه : والله عاد وقت تنفيذ شروطتتس .. لا رجعنا

روحي أقعدي فيه بيته مثل ماتبين

ليليان : أنت .. أنت للحين ملزم على رايك

حمود : ماعاد لتس راي في هالشي

ليليان : خله باتسر .. خله

حمود : لازم تروحين للمعهد ويسوون لتس تحديد مستوى عشان باتسر تبدين

فالدراسه

ليليان تمسكت في يده : خايفه ياعمي .. والله

حمود أبتسم وسحبها أكثر لين طلعوا : مانتي بروحتس بتلقين بنات من كل الدول ..

وكلهم يبون العلم

قمت أتلفت أطالع الشارع والشجر وبسرعه نزلت عيوني بالأرض ..

يارب أن تسان كشفي لوجهي دفع للشر ألي صاب ساره .. صبرني ولا تواخذني

وأن تسان ياربي مانت راضي عني فيه هالشي .. أصرفه بأرادتك يارب عني وسهل لي

الأمر أرجع لأهلي بدون ما أواجه عمي وشرووطه ..

يارب أستودعتك نفسي وديني وقلبي يارب ..

راح يمشي عمي وأنا تحركت بربكة أمشي وعيوني على الشارع ألي

يتحرك قبالي يطول أكثر وأكثر ..

ليليان : لا تتركني عندهن .. والله لو رجعت لا أرجع معك

حمود : مانيب تاركك .. أساسا هالفتره حولت أشغالي لفرنسا

ليليان ماقدرت ترفع عيونها تتبع حمود ألي يمشي قدامها : .............................

يلف ألف معه .. يطلب مني أرفع عيوني أطالع البزارين بالحديقه

ولا قدرت .. وطال الوقت ألي نمشي فيه لين ماوقف فجأه

حمود أشر لمبنى المعهد : شوفي .. هذا هو

رفعت عيوني له ألا فيه رجال يدخلون وبعد بنات في منهن المحجبات بس

مغطيات شعرهن والهوا تهب بخفه علينا .. لصقت في عمي وأنا طايره عيوني

ليليان : أدخل مع رياجيل !

حمود رفع حواجبه : أنتي وراتس .. تحسبينهم نفسنا البنات غير عن العيال

ليليان قامت تجره : خلنا نرجع بس .. خلنا نرجع بروح لبيت لافي أحسن لي

تبي ربي يغضب علي .. ليه

حمود بنبره واثقه : تحسبين كل ألي قدامتس عصاة باللي يسوونه .. مسلمات ترا

مفتخرات بدينهن ومثلوا الأسلام بأحسن صورة لما تمسكن بحجابهن ..!

ليليان خلاص راحت فيها : ماقدر أنا على هالشي .. أنا وش حذفني لأخر الدنيا

تسيف أنقلبت حياتي تسذا .. برجع لأهلي ماتقولي ليش نتنازل تسذا عن حجابنا ونقدم

تضحيات فيه لييش !

حمود : ملزومة تتعلمين.. أدخلي وأنا موصي عليتس دكتور فرنسي متطوع

في هالمعهد

ليليان حطت يدها على صدرها : بعد .. بعد تبيني أوقف عنده وأحاتسيه ..

حمود أخذ نفس : الغيد ..( أشر لقدام ) قدمي رضى ربتس ثم أخلاقتتس وحلمتس في هالمكان

وأتركي هاللي تفكرين فيه .. من يسمعتس يقول فاسخه الحجاب وفاكة الشعر ..

ليليان برجا وهي تنحني وتسحبه : أمش خلنا نروح

حمود سحب يده وبضيق تعب منها: بتدخلين .. قدامي يلا ولا قسم بالله لا تشوفين

مني الشي ألي عارفته زين !

وقفت أطالعه ومدري كيف تحركت من قدامه وخلاص ودي الأرض تنشق وتبلعني ..

صرت أطالع الأرض وغصب تمايلت وبغيت أطيح لأني مانتبهت أن الأرض

نازله .. رحت أمشي وأنا أرفع عيوني للمبنى وأطالع اللوحة ألي مكتوب

فيها كلام ماني فاهمه وش وأصوات الكل تختلط في بعض .. شبكت أصابعي مع

بعض وأبعدت لاصقه بكتفي على الجدار من مر من عندي واحد طووويل وشكله

يخرع ..!

دخلت ألا فيه واحد تسبير واقف وكل من مر من عند بنت ولا حرمة وقف بوجها وسألها ..

لحيته واصله لنص صدره ولابس طاقيه بس ..

أنقبض قلبي من قرب مني وهو يطالعني بأستغراب ..

( هل أسمك الغيد )

هزيت راسي وأنا قمت أنتفض .. وأصواتهم تختلط أكثر بلغات غريبه وضحكات

رجال عاليه ..!

( الغيد رااشيييد )

قالها وهو يطالع وجها ألي أنقلب أحمر وعيونها شوي ألا تنفجر بكا ..

هزت راسها وهي

خايفه وملامح التوتر والربكة واضحه عليها كأنها داخله على عالم غريب

عليها ..

( السلام عليكم ورحمة الله وبركاته )

الغيد قامت تتصدد عنه وعيونه بالأرض : ..................

الدكتور : قال تعالى ) وإذا حييتم بتحية فحيوا بأحسن منها أو ردوها إن الله كان على كل شيء حسيبا )

وش .. يبي مني أحاتسيه .. ألا والله يخسى ويعقب !

ويستدل قدامي بآيه

ظليت ساكته ولا عطيته وجه ..

الدكتور بأبتسامه : لقد تشرفنا بالأمس بزياره الأخ المحامي حمود ليتقدم بطلب دراستك

هنا في دورة تدريبيه على اللغه الفرنسيه واللغه النجليزيه .. وسعدت حقا باللقاء

به فا أنا منذ أعوام مضت لم أراه .. يجدر بك أن تكوني فخوره

يحتسي لغه عربيه .. والله شي زين وأنا أحسب أني بروح فيها ولا أنا فاهمه شي ..

أخذت نفس وقمت أحس بالتوتر .. وراه طولها بزياده هالدكتور ..

قام يأشر لي ألحقه ورحت أمشي وهو يسولف أنهم بيسون أمتحان بسيط لتحديد

المستوى .. ياحليلهم أبتس أي مستوى أنا ولا عندي حتى ربع فهم لهاللغتين ..!

لا لا ألا أعرف .. أنا أعرف أن نو معناته لا ويس معناته نعم ..

الحمدالله .. رفعت عيوني أطالع بحذر من دخلت قاعه فيها بنات تسذا

الدكتور رفع يده : السلام عليكم ورحمة الله وبركاته ( طالع ليليان )

هنا سيتم تحديد مستواك للغة الفرنسيه ..

وقفت بربكة قدامهم وأصوات البنات أرتفعت برد السلام ..

وأنا صابتني النفاضيه .. كلهم قاموا يطالعوني مستغربين ..!

الدكتور : أقدم لكم طالبة جديده سيسعدها اليوم أن تنضم أليكم ..!

طالبه .. كل راس مالها دورة تدريبيه .. يصير فيها يقال لنا طالبات !!

طالعت الشبابيك ألي تطل على مناظر .. مناظر ياعالم شي مو طبيعي .. تحركت بسرعه

حتى أمر من بين الكرسي وأروح أجلس أخر وحده لحالي ..!

يدي ترجف وألي يصير لي أحس شي ولا في الأحلام .. أنا ليليان هالحين بفرنسا

وبدرس بعد وأصير مثقفه .. زفرت هوا بعمق ..

فزت وحده من مكانها وتحركت جايه يمي .. مدت يدها للسلام وأنا صرت نفسي

نفس

الجدار ألي وراي .. ظليت متنحه فيها تناحه .. تسن مابي أحد يقرب مني

البنت : السلام عليكم أنا ماريا .. من روسيا

بلعت ريقي وقمت أتحرك على الكرسي لين رفعت ظهري بأستقامه ..

وش أسوي .. أقولها أنا ليليان ولا الغيد .. وبعدين وش أقول سعوديه ولا كويتيه ..!

ولا تسان أسمي ليليان وتغير وتسنت سعوديه وصرت كويتيه

وبعدين .. الله !!

من روسياااا عااااد ...ولا بعد وتجي لحد هنيا عندي وتعرف بنفسها

والله شي !

مديت يدي ألي معرقه وسلمت ومن مسكت يدي ضحكت

ماريا : يبدو عليك التوتر ..

ضحكتها حلوة بس

شكلها غريب وحواجبها لونها تسنها تسذا شقرا لا مو شقرا .. مايل للأحمر

مدري تسيف قايله .. لابسه حجاب بس ع راسها على بلوزه زهريه لونها

وبنطلون أبيض!

ودي أقولها الله يهداتس ذا مايسمى حجاب ألي أمرنا فيه الأسلام دامتس مسلمه

أستري حالتس ولا عمي توه يقول لي كلام ماأشوف ألا نقيضه بس الحق

فيه قدامي من مستترات ولابسان نفسي

جلست جنبي وأنا ودي أطلع بسرعه .. أبتسمت بوجها بدون ماتبان أسناني

وهي أبتسمت كأنها تبي مني أبدى فالحتسي عشان تسولف !

والله ودي أروح لذا الدكتور وأقوله لاتسوون لي أمتحان مانيب حاله شي ..

أخذت نفس بقوة ورفعت عيوني للسقف ..

آآخ يالقهر طلع من البيت وهذي فرصتي راحت علي ..

كل شي مخططته ماصار .. لو أني هالحين جالسه فالصاله أنتظره وأحط رجل على رجل ..

أقوله شف سواتك فيني خلتني أجيك وبتعلم لأني أبي هالشي ..

ماعاد بتشوفني ذيتس ألي تضحك عليها لأنه مامعها الا متوسطه ..

أنا قادره أصير نفسك وأعلى منك بعد وبتشوف يالشايب .. بتشووف ..

تعدلت بجلستي من وقف الدكتور عند طرف الباب ولحظات أرتفع صوت خلاني أفز

من مكاني ماشوف الدرب وأنحني بقوة بتخبى ... والله لايوريكم مادريت

ألا براسي ضرب حافة الكرسي وأرتفع لفوق .. طحت على الأرض وأنا أون

من الضربه وأزحف لين ماخبتني الكراسي وألي جالسات فيها ..

مسكت راسي وآآه غصب طلعت مني .. هذا صوت الشايب .. يمممه

وش جابه الأقشر الأغبر لهالمكان .. وش جابه .. !

رفعت عيوني ألا البنات لافات بروسهن يمي وبوجيهن ألف علامة أستفهام

هذا أذا ماصرت مجنونة بنظر هالأجانب ..

رفعت يدي وأنا أحركها بالهوا وشوي لا أصيح مدري من ضربة الكرسي

ولا من صوته .. قلت بلغه عربيه كود يفهموني

( أرجوووكم لا تلتفتوا .. )

ولا فهمن علي .. هي تلتفتوا عربي ولا عامي ياناس .. خلاص ماعدت أجمع

بحتسي عربي عجزت .. ماطلع معي إلا هالحتتسي ..

( السلام عليكم !! )

حسيت قلبي بيطلع .. دخل .. لافي هو .. هو

رحت فيها ..

**********

>

>

<

<

كــــــــــــــــــــت

<

<

<

<

انتهى البارت دمتم بود

::::

::::::::

تعليق / رايكم

تصويت للبارت ⭐️

رجاء فوت⭐️/صوت⭐️قبل القراءة

الفصل الثالث والتسعون

الخطوة ( 88 ) .. خطوة الوقوف لرؤية حلم أريد منك أكثر مما أريد

( حدثني عن غيابك .. عن أشيائك جميعها ثم أتركني لأغفو على كتفك ! )

قام قلبي يدق ويدق ويدق والدم أحسه يندفعه بقوة صوب هالضربه

ألي جت بجبهتي لدرجه قمت أحس بنبض قلبي فيها ..

هو نطق بالسلام بس الكل توجهت نظراتهم له وأنا ظليت على وضعيتي جالسه

على الأرض ولاصقه بظهري على الجدار ..مو تسان طالع من البيت وش جابه

هنيا ..هذا مثل ألي يقول تسنك يازيد ماغزيت !

لافي بصوت ثابت وهو ينزل أوراقه على الطاولة : سنبدأ بإمتحان بسيط لهذا اليوم

نطقها وهو يوقف في منتصف هالمكان الواسع .. يدفع بكومة أوراق على الطاوله

و هو المتطوع الثاني من بعد الدكتور في تعليم المسلمين الغير فرنسيين اللغه الفرنسيه والأنجليزيه .. كانت الهدنه في هالمكان أعمق من كونها عمل يلقى فيه

متعته .. بعيد عن ساحة الجامعه الفرنسيه ألي كل صباح تعود يكون الشئ

الروتيني الممل لمكتبه وهو يجلس على كرسيه الأثير الفخم .. يتذوق طعم القهوة الفرنسيه حتى يعاود الشرح لخصائص كيميائيه معقده لطلابه .. بعيد عن أعمال مختبره و نوايا خبيثه تتربص فيه ..وحياه أعتاد فيها تحطيم أرقام قياسيه

في ذاته وطموحه ... في دفن ملامحه بتراب الغربه وألمها ..!

سحب أوراق حتى يتحرك بطوله وخطواته المتوازنه صوب الطالبات

لافي بهدوء : هي فقط أسئله سنعتمد من خلالها قياس مدى

سكت من دخلوا عليه أثنين شباب حتى يجلسون في أول الكراسي

لافي رفع وحده من الأوراق : كما قلت .. أسئله سنعتمد من خلالها قياس مستوى

كل شخص هنا .. لديكم وقت كافي جدا للأجابه على كل سؤال

عقد حواجبه بضيق من شاف جهه من الطالبات يتمايلن بكلام خفي

ومسرع ماوقف من أقترب منهن ..!

زادت إنعقادة حواجبه تبان أكثر من لمح شي جالس ورا الكراسي

وعلى طول تقدم وهو يميل براسه لين ماأستقرت جزماته قبالها بالضبط

أتسعت عيونه بقوة وهو يشوفها جالسه وماسكه جبهتها بكفها ووجها

رايح فيها ..!

عاد هالحين .. ماعاد بالهرج فايده .. أبعدت يدي برجفه عن وجهي

حتى أرفع يدي وأنطق ووالله مدري تسيف قلتها

( مساك الله بالخير )

ولا رد .. ظل واقف صنم قدامي وعلى عيونه صدمه مدري تسيف بقولها ..

ولا تسيف بشرحها تحركت أتصدد عنه حتى أحط أيديني على الأرض

وأرفع جسمي وهو واقف يطالعني والأوراق راحت فيها بين أيديه ..

صار يلفها بقوة ويضغط عليها .. بلعت ريقي وأنا ضعت مدري أشيل روحي

وأطلع ولا أرجع لمكاني .. رجولي تتنافض قباله تسيف بطلع والله لا أطيح

ع وجهي ..!

صد بسرعه عني وتحرك بقوة صوب الطاولة سحب الأوراق

حتى ينطق بصوت أرتفع عصبيه

لافي بلغه أنجليزيه : ماأسمك ..؟

وش .. تسنه قال نيم .. نيم ماهوب معناها أسمتس .. الحمدالله ياربي والله طلعت

مانيب هينه وأفك طلاسم بعد ..!

بس وش وراه يطلبه مني .. رفعت حواجبي وهو مدري وش جاه أنقلب

حال الرجال فوق تحت .. حركت عيوني للموجودين وعيونهم

بأستغراب طالعت لافي .. مدري ليه ..

يعنني قدامهم مايعرفني .. بس أنا أعلمك ومن نويت أحتسي

لافي طالعها بحده : قلنا شسمج ..؟

أخذت نفس عميق .. أبي هالرجفه ألي في جسمي تروح وعيون هالغرب تتأملني ..

تسني صرت فرجه ..!

ليليان بنبره يملاها العناد : ماي نيم أز ليليان بنت راشد

قالتها حتى تتكتف بقوة ولاتدري كيف أسعفتها الذاكرة بنطق هالرد

ألي كان أخر ماعلق فيها من دراستها بالمتوسط ..

وهو .. يحس بكهرب مصدره قلبه متكفل فيه دمه يحمله في عروقه .. يهزه !!

ماهتم لكثره هالملامح قباله والمسافه ماتختصر فيه ألا ملامحها

وشوفتها !

كان حجم وجودها في هاللحظة قدامه يكبر .. يكبر بحجم معرفته

أنهم ماراح يخسرون بعض بهالسهوله .. بهالوداع ..

أنتي ألي كان من أول لقا بزواجكم .. أعتقد أنه ممكن يفقد الأحساس

ألي خلاه يشوفك جزء من نصف قلبه ألي خسره ..

بنفس الملامح .. بنفس الوجع ..

أنتي .. ألي أجبرتيه يكفر عن ذنبه الكبير في تغريد

ألي روضتي فيه أحساس السعاده .. في كل مرة يشوفك تضحكين .. تعصبين ..!

أنتي ألي ماعشق فيك كثر بكاك قدامه رغم أنك حلفتي تدوسين على قلب

الدفا والحب فيك وتغيبين ...

أنتي الصقاره الماهره .. ألي تركت لهالصقر حريته يطير ..

تذكرين ..

كم من الخطوات فيه تحيرين ..!

كم أذهلتي فيه العشق القديم

كم من الحزن تعاندين ..

أدمنك يالوجع وقت ماتغادرين وترجعين ..

عقدت حواجبها من سكت وعلى شفاته أبتسامه بارده .. وبسرعه تحركت

بتطلع .. بتروح لعمها ومن طلعت ألا أصابعه تشد على يدها

ويمشي فيها غصب عنها لغرفه تكون غرفته .. ذراعها لصقت في صدره وبقوة

سحبت يدها .. ووقفت فاتحه عيونها على الأخر ..

كيف يمسكها هالشكل قدام الناس

ليليان : تسني ناقصه .. وخر

لافي وهو يرص على أسنانه ويبيها تتحرك : قدامي

ليليان : مانيب رايحه معك لمكان ..

لافي شد على يدها من جديد : أبيج

ليليان : الحمدالله والشكر وخر أنا

قطع كلامها حمود من وقف يطالعهم حتى بسرعه تسحب يدها وتتحرك صوبه

تاركه لافي يطالع حمود وبوجهه ألف سؤال وسؤال عن هالمصيبه ألي

أرسلها له ..!!

وفي مكتبه ..

يحس راسه بينفجر من الصداع والمفاجأه ألي تتربص فيه ولا شافها

ألا داخل المعهد ..!

مايدري كيف تصرف أو كيف طلب من حمود غصب ياخذ زوجته

لبيته ويلحقهم هناك ..ومن فتح عيونه ألا هي جالسه على كنبه من الجلد

وحاطه رجل على رجل وتتلمس جبهتها ألي أنصبغت باللون الأحمر ..!

رغم أن فيه نفخ واضح شوي في جبهتها

شي داخل ضلوعه يثور وهو ألي تعنى لها لدبي وحاول بحمود ياخذها

وأخرتها تصير الأخت مسافره ولابعد بيصير هو يدرسها ..

يقدم أستقالته ويريح راسه

لافي أخذ نفس وحرك عيونه بالغصب صوب حمود : هالحين يوم وصلتك لدبي

شاللي قلته .. هذي هقوتي فيك تقول لي كلام ماهوب صحيح

ليليان وهي تحرك يدها صوبها : والله حاله أجل وش أقول بهقوتي فيك و ألي سويته يوم تسذبت بسالفة ورقة الطلاق .. أترك عنك عمي وتذكر ألي سويته ..

( قالت وهي تشدد عليها ) ياماي هزبند

لافي ظل يطالعها بحده وفعلا ماعاد يبيها تقول شي : ..................

حمود وهو جالس على الكنبه وبثقه : والله ماجبتها من عبث يالافي .. مو أنت تقول

تبيها تتعلم موب دكتور لك مكانه هنيا .. مايضرك لو خليتها تحت يدك وتعلمت

ليليان رفعت يدها وهي تنفخ صدرها بثقه : للتصحيح هو ماهوب دكتور

حمود عاد طفش منها : أجل وش

ليليان : لا ذي ألي أقل .. تحت الدكتور بس ماهوب دكتور

لافي رمى القلم على الطاولة وأشر لها : بالله خلها تطلع برا

ليليان فتحت كفها وصارت تضرب كفها الثانيه عليها : قاعده على قلبك .. هنيا

رفع راسه لافي للسقف حتى يغطي وجهه بأيديه وينطق يالله ..

ضايع .. مجنون .. متبعثر بشوفتها هينا قدامه ولا هي داريه عنه ..

فيه حره عليها وده يقوم عليها ويطردها برا ..

وش فيها ذي .. متغيره .. متغيره متأكد هو ..

وهي ماكانت ألا فرصة منها تاخذ حقها الأولي والتالي منه ..

مايهمها أذا هالافي بحاله مايعلم فيها ألا ربه .. بس من ركبت سيارته

وطلعت من المعهد بأمر عمها وهي تردد على نفسها كوني قويه .. أنتبهي تضعفين ..

ليليان : عمي يلا خلنا نمشي

لافي على طول عدل راسه : لا والله ماتمشين

ليليان فزت واقفه : سبحان الله مو تسنه يبيني أطلع برا

لافي بقهر : برا الغرفه بس ماهوب برا البيت

ليليان تكتفت وبنظره غريبه له : وش يفرق والكلمة وحدة .. ها

مارد علي .. ظل ساكت ..!

تبون الصدز .. أول مرة أحس فيه شي هاد ظهره .. كاسسره ..

نظرته وعصبيته وتصرفاته وحتى الحتسي ألي يقوله ..

كل شي أقراه شي صعب على غيري يعرفه .. أعرف أنه من يشوف هالافي ماراح

يحس باللي أحسه وأنا هالحين واقفه قدامه ..

يالله .. يالافي .. أشتقت أسمع منك كلمة .. ياوجع قلبي ولأنها تقهرني ..

وتخليني أثور وأصرخ بوجهك .. أشتقت لها ..!

أنا آسفه يالافي لأني ماقدر أقولها لك .. بس مدري ليه عارفه أنك بتسامحني لأن

فيه أشياء تسثيره ضايعه في قلبي ومالقاها ألا في صدرك ..

أسمعها .. أحس بكل هالأشياء تجتمع فيك .. أخذت نفس عميق وتحركت

طالعه من مكتبه .. حتى أرفع عيوني للسقف الخشبي .. أتأمله

بصمت وأنزل عيوني أطالع في أغراضه .. لحافه .. كتبه ..

وعلب سجاير مجتمعه .. تحركت صوبهم وأنحنيت حتى أخذ واحد ألا فاضي ..

أسحب الثاني نفس الشي .. الثالث بعد ..

حشا .. وش ذا ..!

عدلت ظهري ورحت راجعه للمكتب وأنا ماسكه علبة سجاير

ليليان بعصبيه وهي ترفع العلبه : هذا وش

لافي طالع حمود بطرف عين ومسرع ماطالعها : صابون ..!

حمود لف بوجهه وهو يكتم ضحكة غصب بتطلع منه : ...............

ليليان هزت راسها : أيه صابون دخان .. تدري أن الله بيحاسبك على هالشي

لافي عقد حواجبه يطالعها وعلى طول رفع يده مسندها على خشب الكرسي

حتى يميل بجسمه : ..............................

ليليان : ماعندك رد .. نفسك لها حق عليك

الكل سكت .. يبونها بس تخلص

ليليان تكتفت : وبعدين أنت وش عندك طالع اليوم أزارير بلوزتك نصها مفتوح ...!

لافي تنح يطالعها حتى يرفع حواجبه : ................

ليليان : لاتحسبني مدري عنك .. أنا موجوده هالحين والله كشفك .. كشفك قدام عيوووني .. أييه طالعن مستعجل ..

لافي بسرعه لف لحمود : أنا معطيك البنت سليمه .. هي وين هي ماعرفها هالادميه !

حمود رفع حواجبه : ماجاك شي مير .. أمسك راسك بس

×

×

×

كانت تسوق هالسياره وهي تسرع فيها وسط هالليل والخوف يعبث

فيها .. وجودها داخل السياره ضرب من الجنون ومشاكل راح تواجها

كثيره من زوجها وعيالها .. تعرف ماهم ساكتين عنها بس ماحد يقدر يلوم

قلب الأم فيها .. وأحساسها الغريب المغلف بالحزن والخيال ..

يمكن العذوب تكون مخطيه .. بس ليه رقم كومار دق طيب .. ليه يوم سمعت

صوته توهمت أنه سعود وكومار لهجته هنديه .. طيب ليه يدق بهالوقت ..

ليه للبيت ورقم بوسعود موجود عنده ورقم حمده بعد ..!

جرت نقابها وزادت من السرعه أكثر حتى تطلع من الشارع للبر

وتكمل طريقها .. الظلام موحش والخوف من هالجنون كان ممكن يوقف

الأنفاس فيها .. تحاول تتنفس بهدوء بس ماقدرت .. دقات قلبها متضاربه

مع كل شي ..!

وقفت بسيارتها عند الباب الحديد وفتحت باب السايق حتى تنزل ..

عبايتها الفضفاضه مرميه على كتوفها وغطى النقاب راجع لورا تلعب

بأطرافه الهوا .. قامت تتلفت وهي تلملم عبايتها حتى تسرع بخطواتها للباب ..

طقته بقوة وكل شي ساكن .. بلحظة حست أن خيبتها أكبر وجيتها

للمكان بلا فايده ..

ولدها سعود مات هي ليه تركض ورا كلام العذوب من أول ماسمعته ...

صارت تطق وتطق حتى تقول بصوت واطي

( كومار أفتح هو أنت شفت شبيه لسعود ولدي ! )

قالت والعقل فيها يستبعد هالوجود وأحساس الأم يرتفع بألمها للسما ..

نزلت راسها من أنزلت دموعها حتى ينفتح الباب ومن رفعت عيونها

ألا مافيه أحد واقف .. ظلت مندهشه تطالع الباب المفتوح .. بلعت ريقها وتقدمت حتى تدخل ومن

ثبتت خطواتها على الأرض .. حست باللحظات توقف .. والحياه

تكف يدها لاتدور .. سعود واقف قدام عيونها كتوفه مليانه دم وشعره

غبار .. جروح ملتفه حول معصمه ومتغير .. متغير كثييير

كثر ماتغيرت حياتهم وقابلتها كثير أحزان وأفراح ..

ظلت عيونها تتأمل والأنفاس تنقطع .. والبكا .. البكا أشعل أعواد الكبريت

فيها من زمان عشان ينير الحياه بدونه للجاي !

تحركت والخوف ينفض كل عرق في جيدها .. والشهقات المليانه بالموت

من شوفته واقفه على أعتاب شفاتها

تقدمت منه حتى ترفع يدها تحطها على صدره وهو بسرعه مسك يدها

بأيدينه الثنتين اليائسه .. ومن تحسست مكان قلبه نزلت دموعها بقوة ..

يدق قلبه ويتنفس .. أي والله .. هذا سعود .. سعود

يوقف قبالها ضناها وهو ماشاطر الأموات حياتهم في عالم ثاني مقدر لكل أنسان على وجه الأرض يعيشه ..

طاحت عليه تضمه وهو رجع لورا فاتح عيونه ..تتلمس جسمه وتنحني

لأيديه تجرها غصب عنه وتبوسها بقوة .. أنهارت

( هذا أنت يممه .. هذا أنت مامت .. مامت يمه ..! )

ظل واقف يشوفها ترفع جسمها وتسحب راسه تبوسه بعد .. تميل براسها

على كتفه وتصيح .. تصيح من الفقد ألي سرق منها هالضنى..

من الحياه ألي قامت تسلب من هالبشر أنسانيتهم ..!

ماقدرت تتحمل شوفته ألي خلت كل عرق في جسدها ينتفض وعلى طول طاحت بالأرض وهي تصيح .. ومسرع مامالت براسها على التراب تسجد

سجود شكر لله ..

قرب منها ياسعود .. قبًل هالتراب ألي تنداس برجولها ..

الجنة تحتها .. والخير والحياه وأشياء جميله تفوق خيالنا

مال بركبه لين ماوصلت للأرض حتى يحس بثقل راسها وهي تبوس

ركبته .. تبكي بقوة .. ماهي مصدقه .. ماهي قادره ترفع راسها وتطالعك

من جديد .. كيف أنت حي .. كيف وهم دفنوك والناس قدمت العزا فيك ..

كيف وزوجتك في ذمة أنسان ثاني ياسعود غيرك ..

سعود على طول أجهش فالبكا بجنون وهو ضايع : ييمه .. يمممه أنا ماذكر شي

تحرك لقدام من أرتفعت أيدين أمه وهي منهاره تصيح على الأخر ..

تميل بجسمه يمين ويسار وتضمه بقوة .. تشده لها والود ودها لو ترجع

فيك لرحمها .. تعيش داخله تتقاسم معك الأكل والشرب .. تتعب

ولاتتوجع أنت ..!

تنام وتظل سهرانه يتعبها هالثقل الي يهد جبال فيها ..

تاخذ من راحتها الكثير ومن أحلامها الكثير وتبقى لها ..

تسع شهور تكبر في جسد نفس جسدها ولاتقول الأه ..

عايشه : آآآه يايمه .. ضمني يمه .. ضمني دخيلك

سعود رفع أيديه لها حتى يحضنهاو يغطي راسه على عبايتها : تعبان يمه .. وين أنا ماذكر شي .. والله مدري وين أرضي من سماي

عايشه خلاص صوتها راح : كيف عشت وحنا دفناك ياسعود .. ليش تركت

قلب أمك يتقطع عليك ونمت تحت التراب يمه .. ليه رحت وأخوك راح من بعدك

سعود شهق بقوة وكل ما أمه زادت في ضمه حس قلبه يوجعه

وحصون ذاكرته تنهار : .......................

عايشه وهي نطق الأه بحرقه وبسرعه أبعدته وصارت تبوس

كتفه وأيديه : وينك يمه عنا

سعود يطالعها : ساعديني يمه .. خبيني عندج

عايشه حضنت وجهه بكفوف أيديها : لو تبي عمري يمه سلمته لك

سعود وهو جالس على التراب : كيف دفنتوني .. كيييف يمه .. أنا شنو أشتغل فيه

من هي زوجتي .. من ضاري يمه ..

عايشه أتسعت عيونها المليانه بصدمه حتى تنطق وصوتها يضيع : ماتذكر

سعود هز راسه : والله ماذكر ألا لافي وأبوي .. أذكر نفسي لابس ملابس ماتليق

فيني هالحين .. شافني رحيم

عايشه أنقبض قلبها : رحيم ولد عمك ..

سعود وملامحه الرجوليه ماكان يليق عليها كل هالدموع والضعف

والعذاب : شفت لي وحده وطاحت من الدرج قدامي .. أذكر صوتها بس ماعرفها

عايشه هزت راسه : يمه من سسوا فيك هالسواه .. كيف أوهمونا أنك ميت ..

وين كنت ..

ظل سعود يطالعها والحكايا شوارع طويله ..

تصرخ في عيون البشر تبي مفر ..!

×

×

×

طلع من الديوانيه بسرعه وهو يحاول يتمالك نفسه مايطيح

بس فجأه فقد توازنه من دفة عمه له حتى يطيح بالأرض .. زحف بقوة حتى يفز

واقف من طلع بو سعود ماسك عقاله يبيه يجي على ظهره

بو سعود بعيونه تشتعل غضب : أيا الخايب ..قليل التربيه

رحيم : انا قلت ألي عندي

بو سعود وهو يصارخ : والله أن ماتركت هروج المزح ذي وقلة الأدب لا تشوف نجوم الظهر فالقايله

رحيم طارت عيونه وهو ضايع : سعود ماهوب ولد عمنا ليه تنكر .. أنا شفت أخوه التوأم لاتنكر ياعمي .. لاتنكر انك متبني ولد لك ماتدري أن له توأم

أنحنى بو سعود يتلفت وهو ينطق ( أيالفاسد ! )

وبسرعه فسخ نعاله حتى يرميها بأقوى ماعنده له ورحيم عطاه ظهره وراح يركض

صرخ بقوة من جت النعله على خصره حتى يوقف ويحكها بقوة ..

بو سعود ووجهه فجأه تعب : أذلف لابارك الله في سواياك وقولك الردي

رحيم من قلب وهو يحس النعله كأنه للحين واقفه ع خصره : أنا شفت توأم سعود

وهو ألي سبب للعذوب الطيحه يوم أنخلعت منه

طلع طلال يركض من قسمه وهو متروع من صراخ أبوه

طلال يرفع أيديه : شصاير

بو سعود أشر لرحيم : أقلعه لا أسوي فيه سواه كلن يعدها !

رحيم بقهر : ماقلت شي

طلال بصراخ وهو يشوف ملامح أبوه ماهي طيبه : أنقلع من قدامي يلا ..

( تحرك بسرعه صوبه حتى يدفه ) سمعت شاقول أنا

رحيم : أييه .. طيب

هز راسه وراح يمشي بقهر وحراره النعله للحين يحسها في خصره ..

هالحين يوم قال الحقيقه صار فيه ألي صار .. ولاينكر عمه ويطرده بعد

ماعنده ألا سيف يقوله ..

قلبه ماكله من هالوضع ألي يصير ..

توجه صوب البوابه حتى يفتح عيونه على الأخر من شاف حرمة

تمر من قدامه بالعربانه .. مال براسه يبي يصدق ألي يشوفه ..

هذي أم سعود ... وراها راكبه سياره بهالليوله ولا بعد بسياره ماهيب سيارتهم ..

أتسعت عيونه بقوة من وقفت السياره فجأه حتى ترجع لورا ..

كيف تجرأت تسوق وعمه وطلال داخل وسيف راح يهيت بسياره ضاري

ألي سلمها له .. نطق أحححح بقوة من حس بقرصات قويه تمسك خصره ..

عايشه فتحت الشباك : تدل بيت ضاري ..؟

رحيم أشر على روحه : تكلميني ياخاله

عايشه بصوت واطي وبعجله والربكه واضحه عليها : تدل بيت ضاري ولا لأ ..؟

رحيم هز راسه : إلا أدله .. بس خالتي ترا مانتي بخير لاحد شافك هالشكل

عايشه حركت راسها ووضعها واضح عليه أنه مو طبيعي : أركب

رحيم بخرعه : لا مانيب بايع عمري

عايشه برجا وصوتها واضح فيه الضعف والضياع : تكفى ياولدي أركب .. أركب دلني على بيت ضاري .. خلني أروح ألحق على أخته قبل مايصير شي أكبر

رحيم : خليني أنادي لج طلال ولا عمي

عايشه بفاجعه صرخت : لا ..لا تنادي أحد .. ياتركب ولا توكل ع الله .. بسسسرعه

رحيم بشك وهو يميل براسه : هو أنتي وين بتروحين .. ها

صدت عايشه عنه حتى تحرك السياره تاركته .. هالحين هي بحال

مايعلم فيه غير الله وهذا واقف بلا فايده ..

ومن حركت ركض بقوة يلحقها لين مامسك السياره من ورا ونط

بوسطها .. صار يزحف لين ماقرب من داخل السياره .. مال براسه

رحيم : قدام ياخاله .. لين أخر الشارع ثم لفي يسار

جلس حتى يحط يده على خصره ويفركه ..

وفيه بطانيات كثيره حوله على بعض مكومة .. لوى فمه وهو مايدري

وش هالعرب الي عربانتهم كلها بطانيات هالشكل ..

تحرك حتى يميل براسه لخالته

رحيم : خاله أدق على ضاري ..؟

عايشه وهالهم صار يكبر بين ضلوعها :معك جوال

رحيم : أيه

عايشه بسرعه مالت بالسياره على طرف لين ماوقفت تحت مظله : هاته

تمايل رحيم بمخباته وسط هالظلام وعلى طول سحبه ومده لها

رحيم : خالتي والله عمي لو درى لايجلدني ..

عايشه قامت تضغط رقم وعلى طول حطته عند أذنها .. ولا أهتمت بكلامه

ظل الرقم يدق ويدق لين ماأنفتح الخط على صوتها الهادي

العذوب : هلا

عايشه أبعدت عن الشباك حتى تسكره ماتبي رحيم يسمع شي : العذوب أنا أم سعود .. ( قالت بنبره حاده ماينتابها الشك للحقيقه ) أسمعيني زواجج من سالم باطل .. أطلعي من بكره من بيته وروحي لأخوج

العذوب بخوف ماتدري أم سعود وش قاعده تقول : ها

أم سعود والعبره تخنقها .. تحس أنها وسط عالم أكبر منها وأوسخ : روحي يالعذوب لبيت ضاري .. مو بيت ولدي سعود تسمعين .. بيت ضاري

وأنا بكون معج ..

العذوب : خالتي شقاعده تقولين

أم سعود غرقت عيونها بالدموع بس لازم تكون قويه من بعد كل شي

سمعته من ولدها الميت .. الحي : أمنتج الله تسوين ألي قلته لج .. روحي قبل

لايطيح الفاس بالراس

العذوب من الخوف ماعادت قادره تقول شي : خاله شاللي صاير عشان

تقولين أن زواجي من سالم باطل !

أم سعود بأندفاع : علمتج بالعلم .. أمسكي شوري ولا تستعجلين .. ياجر

بيبان لج كل شي وتشوفين قدام عيونج ..

العذوب : شنو أقول لسالم طيب

أم سعود : بتشوفين ضاري .. هذا أذا ماسحبج هو من البيت ..!

×

×

×

في مكة المكرمة ..

( يالله لك الحمد والنعمة على شوفة بيتك .. يارب ارحمني وعافني وأغفر لي )

نطقتها الجده وهي متربعه جالسه في صالة وحدة من الشقق الموجودة ومقابل

للكعبه المشرفه .. أنحنت فاتحه التمريه حتى تاخذ لها تمره وتاكلها وعيونها

لازال شبح النوم يملاها .. رددت ( أستغفر الله والحمدالله والله أكبر )

ولحظات طلعت الجوهرة من غرفتها لابسه قميص نوم حتى تتحرك قبال الجده

وتجلس على أقرب كنبه .. أخذت تنهيده عميقه وباين أنها مانامت

الجده حمده : شكلج مانمتي !

الجوهرة بضيق : غفيت وقمت ع ثنتين بعدها طلعت أنا وعلي نتمشى فالحرم

وصلينا هناك ورجعنا

الجده حمده : وورا ماصحيتيني

الجوهرة : والله صحيتج بس شكلج من التعب نمتي ولا تمنيت تنزلين معنا الفجر .. أجواء

يمه خورافيه

الجده حمده وهي ممده رجولها : مدري شبلاها رجيلاتي

الجوهرة أنعقدت حواجبها : لايكون يمه عشان الصعده والنزله .. حاول علي عشانج

يلقى شقه تحت بس مالقى

الجده : لايمه .. السفر يرهقني كثير وأظل تعبانه منه ليومين ولا ثلاث

الجوهرة تحركت مواجهه أمها زين : يمه ولدي عبادي تحسين أنه طبيعي

الجده طالعتها : والله أني شكيت أن وراه شي .. يومنه صحى يبكي وحالته حاله أخلعني

الجوهرة ضربت كفوفها ببعض وصدت عنها : قلبي ماكلني .. سألته ولارد علي حضنته وحاولت أجلس معاه بس مايبي ألا علي ..!

الجده : محبة علي أنزرعت في قلب ولدج ..

الجوهره : حتى يمه ليليان .. مره وحده دقت علي البنت من بعدها مييير ولا عاد دقت ..

حتى يوم كلمني لافي أحسه يرقع شي

الجده بطنازة : ماشاءالله كل شي تحسين فيه .. أقول خليج بنفسج ووليدي لافي ماهوب

مخليها بروحها .. أحمدي الله أنه كفاها شر أم تغريد وخابره الحرمة ماتركت علومن

رديه ألا وحطتها ع ظهر بنتج .. أنا حتى الحريم لادقن علي ماعاد أني أرد على أحد

الجوهره بسرعه ريحت ظهرها على الكنبه : يالله .. يمه مرينا بشي صعب ربج الوحيد

ألي لطف فينا .. كل ماتذكرت موقف لافي يوم طلع شايل البنت أحس أضرب أسداس

بأخماس

الجده صدت بضيق عنها : لاحول ولاقوة ألا بالله

الجوهرة طالعت أمها : حتى المنوم ألي أنحط للبنت ماعرفنا فاعله .. قمنا نترك أمور يمه

ماينسكت عنها

الجده أندفعت بحده : من وين بنعرف من هو ..؟ مير حنا ندخل بسالفه ونطلع لنا سالفه أكبر

منها .. هو بقى فينا عقل نفكر

الجوهرة : ماغيرها هالحية ..!

الجده رفعت أصبعها بتهديد : ولا كلمة أن ماكان لج دليل على الحرمة يمسكها بفعولها

لا تحطين أن هي ألي وراها

الجوهره طارت عيونها : ليش يمه تعرفين أن ..........

الجده قاطعتها : ألي أعرفه أن علي يصير أخون لها .. وعايشه وهالسوالف نار كبرى يمه

الحكيم ألي يواجه الناس بالشي ألي يعرفون أنه حق .. حتى ماتقلب السالفه ع راسج

فاهمتني .. مافيه حرمة عاقله تمس أهل زوجها بكلام ماله دليل .. أذا الله أظهر لج الحق

سلميه مثل ماهو

الجوهره ماعجبها الكلام : هذي هي تسرح وتمرح لاحسيب ولارقيب .. وتقول السوالف كبر راسها ولا وقف لها أحد .. ماشوف النار الكبرى طلعت

الجده أخذت نفس وزفرته : الله سبحانه من بيتكفل فيها وهو حسيبها ورقيبها ..

يمد للظالم عمر ويغريه بهالدنيا ويزيده ظلم لين يجيب أخرته .. أقري أقري

بسيرة هالأنبيا ولا عندج هالتلفزيون ماترك شي لبني آدم

الجوهره : أي والله .. الله وكيلي بسواياها

الجده : وين علي .. وعبادي وينه

الجوهره : من رجعنا .. قام عبادي ونزل معه علي مرة ثانيه

الجده وهي تجر نقابها : يووووه .. هو ماهو تعب عليه

الجوهره تزحف مبعده ظهرها عن الكنب وعلى طول مسكته وبتعب نطقت : ألا .. بس يوم بغيت أقوله سكتني ( غمضت عيونها ومالت براسها ) آآه ياظهري وجع ماهو طبيعي

الجده تطالعها بحذر : لايكون حمل

الجوهره : لايمه

الجده وباب الشقه أنفتح : هو موعدها قرب ..؟

الجوهره أبتسمت بأحراج وبصوت واطي من فهمت مغزى أمها : تأخرت يمه .. أساسا متلخبطه من أخر تسقيط صار لي

( السلام عليكم )

نطقها علي وهو يوقف قبالها ويده على كتوف عبادي ألي ماسك بيده أكياس

وبيده الثانيه كوب نسكافيه ..

عبادي رفع راسه لأبوه : لاتنسى يبه ألي قلته لي

علي أنحنى يبوس راسه : من عيوني

الجده على طول أشرت بيدها صوب الجوهره موجها الكلام لعلي : يمي خذ زوجتك للمستشفى

الحرمة مير قمت أشك أن عندها عيال وفاهمه وكبيره !

الجوهره طارت عيونها : ليش يمه ..؟

علي سحب يده من عبادي حتى يقرب من الجوهره ويجلس بجنبها .. لابس غترته بدون

عقال وأطرافها بفوضويه راجعه لورا كتوفه ..

علي لف براسه لزوجته : تونسين شي

الجوهره على طول ضحكت وحطت يدها على ذراعه تضغط عليه بقوة : من المشي والله .. ههههههه .. أمي على طريف من قلت ظهري يوجعني قالت لك

علي عقد حواجبه وبهمس دافي لها : لايكون من كثر مامشينا

الجوهره أبتسمت بدفا له : ياقلبي هذي مشكله ألي مايعرفون يمارسون الرياضه .. من مشوا راحت رجولهم

تقدم عبادي بخطوات متوازنه هاديه .. حتى ينحني يبوس راس جدته ويجلس

متربع على يمينها

عبادي يحط الفطور قبالها : هذا يمه لتس فطور .. تذكرتس وقلت لأبوي وشراه لتس

الجده : الله يعافيك .. الله يعافيك

عبادي وأبتسامه هاديه استقرت على شفاته رغم أن باين فيه شي منكسر : تصدقين يمه

وقف عندي باكستاني وصورني ... أستأذن من أبوي

الجده بضيق : وخليته يصورك

عبادي هز راسه : أييه

علي حط يده ألي تستقر عليها الساعه تشير ل 9 الصبح وصار يضرب ركبتها

بخفه : قومي يلا .. نشوف وش العله

الجوهره : أن

الجده رفعت صوتها : والله أن ماقمتي ولبستي مالي قعده في هالمكان وأنتي فيه !

الجوهره على طول وقفت : لايمه أعوذ بالله .. بنروح وش ورانا

ومن تحركت أنفجر علي ضحك وهو يطالع الجده

علي : والله عارفه لها

الجده : هذا العرق الفاسد

علي زاد بالضحك : هههههههههه ..

الجوهره من داخل غرفتها : أضحك على التهزئ .. ترا تهزأني كأنها تهزأك

ياحبيبي مابينا فرق

علي رفع حواجبه ورجع بظهره لورا وهو ميت ضحك : على كيفها ذي .. لاأعرفج

ولاتعرفيني

عبادي أبتسم أبتسامه خافته وفز واقف :............

تحرك من قبالهم والجده عيونها مافارقت الولد

الجده طالعت علي وبرجا : أمنتك الله قلي الولد شفيه !

علي ولاووضح لهم شي : مافيه ألا العافيه .. قدامج تشوفينه

الجده : ماأخبر هذي تصرفاته

علي من طلعت الجوهره تحرك واقف : يلا فمان الله خالتي

تحرك بخطواته الثابته وهو يدور منفذ للهروب حتى يفتح باب الشقه لها..

أبتسم من مرت قباله حتى يطلع وراها ويسكر الباب ..

وتبقى هي من شرت مدة الصبر معه ..

وهو من حمل همومه تالي الليل حتى يرسلها للسما ..

بسجده .. تغير حياتنا لمفاجاءات وعطايا

توقف في وجه الحزن .. في وجه ملذات هالدنيا .. في وجه حتى هالصبح

ألي يتنفس رحيلنا !

( أووووه .. توه صغير ياقلبي .. صغييير حيييل )

قالتها الدكتوره لها وهي تعمل له السونار ومن مفاجاءه الفرح ألي هبطت

على جسدها وهي متمدده على السرير تحركت بسرعه نازله ..

الدكتوره رفعت الجهاز عنها وهي عاقده حواجبها : أنتظري ياقلبي

الجوهره : لا ماقدر بقوله .. بقوله يادكتوره ..!

ضحكت الدكتوره على عجلتها وهي تحط عباتها على راسها

حتى تروح للباب تفتحه.. جسمها يرتعش وقلبها .. قلبها تحس

أنه بيطير من الفرح والدموع ظلت عالقه في عيونها ..مرت من عند غرفة

الدكتوره ومكتبها حتى تطلع للسيب وهو جالس على الكراسي يردد

بصوت واطي ( أستغفر الله ..أستغفر الله )

ولحظات رفع يده يمسح على لحيته ومن رفع عيونه ألا هي جايه مسرعه

له .. عبايتها طاحت من راسها على كتوفها ولاأهتمت توقف وتعدلها ..

فز واقف وتحرك جاي يمها والهدوء يذبح .. وعلى طول رفعت أيديها

حتى تحضنه بقوة وتجهش فالبكا .. البكا ألي له حلاوة الفرح

ومذاق الفرج من بعد الصبر ..

علي بخرعه : شصاير

الجوهره وهي تخبي عيونها الظاهره من النقاب على كتفه : حلمنا تحقق !

علي عقد حواجبه ولأنه شايل هم ولده مافهم عليها : أي حلم ..؟

الجوهره حضنته أكثر وقالت بصوت بيطير من الفرح : أنا حامل ياعلي .. بيرزقنا

الله في بنت .. وبتلبس الذهب ألي شريته لها وهي ماجت .. أحساسي يقولي أنها بتكون

بنت .. بنت ياعلي !

×

×

×

فالكويت ..

أجراءات أمنيه مشدده وحراسة من المطار ألي قدم فيه الأنتربول

( حسين ) لحد ماأخذوه في مكان بعيد عن الصحافه والأعلام بعد ماتسرب

خبر اعتقاله لأسباب غامضه وفيه سرد لسيرته كضابط في المباحث ..!

جلس فارس بصمت يطالع بحسين ألي وأخيرا مسكوه والشكوك

رغم أنها تشير له لكن فارس عنده يقين أن وقفة حسين بهالتجاوزات وهالتلاعب

يخفي وراه شي أعظم .. وأخطر ..

فارس : وأخيرا ياحسين شرفت للديره مره ثانيه .؟

حسين طالع فارس وبصوت واثق : هالطريقه ألي رجعت فيها راح تخليك تندم يافارس ..

أنا مو أقل منك مركز أو صلاحيات .. يمكن أرفع منك

فارس أبتسم : تتكلم وكأنك على راس الخدمة عندنا

حسين بوقاحه : بس فيه من يدعمني

فارس رفع حواجبه وهز راسه : أها .. ( سكت للحظات حتى يأشر بأصبعه صوب

حسين ) خذها وعد مني والله ماتطلع من هالمكان ألا وأنت عبره لأمثالك

حسين ظل يطالعه : ............................

فارس رفع يده : هالغرفه فيها كاميرة مراقبه راح يسجل فيها أعترافك التام بجريمة

القتل ألي حصلت للضابط سعود قبل تقديمك للمحكمة ومحاكمتك

حسين وهو جالس مقيده أيديه ورجوله : أرفض الأعتراف بدون محامي خاص

فارس بتتعجب : أي محامي بيوقف يدافع عنك مجنون .. أنت إداره المرور راح تواجهك

بالتلاعب .. أدله المستشفى راح تكون واقفه ضدك لتوظيفك أجنبي بواسطه وبعدها

سفره لأسباب غامضه .. بيكون ضدك فواز وبو فواز تذكرهم ذولا ..

حسين : وين الدليل ..؟

فارس حك فكه وعيونه مافارقته أبد : على فطانتك المشهود فيها لكن فاتك شي واحد

وهو أنه مافيه جريمه كامله لمرتكبها .. لابد يترك أثر بسيط وكان هالأثر

ضاري ألي أخفيت أعترافاته وهو ألي تقدم بطلب منه أنه يقول أقواله وهذا

مثبت عندنا بالأدله .. لولا جهود خالد في كشف أول النور لجريمتك كان

ظلت فعلتك مخفيه..

حسين : من حقي طلب أي محامي يترافع عن أتهاماتكم الباطله

فارس تحرك واقف متجاهل ألي قاله : طبعا بسبب علاقتك القويه بعايله بو فواز

ومعرفتك التامه بأسباب الخلاف بينهم وبين عرب آل صارم على الشيخه

نفذت سمك بتحقيق أهدافك ووصولك لسعود .. صح ..؟

حسين بلع ريقه وملامحه تغيرت : ................

فارس قرب منه : وعلى معرفه بعد بحجم العلاقه مابين زوجة لافي وأخت فواز

ولأن فواز يقولك كل شي ويظهر لك كرهه للافي ألي أخذ منه البنت ألي خطبها

هذه كانت فرصتك ..صح

حسين صد بعيونه ونظراته الخبيثه أستقرت على الجدار : ...............

فارس مال لحسين وهو يقول تفاصيل الجريمه ألي وصل لها بعد طول سهر وتحقيق

والملف أصبح شبه كامل عنده : عرفت بموعد وصول سعود من فواز .. ودبرت

له كمين بعد ماترك المطار بربع ساعه .. ولا كنت تدري أن سعود متزوج ..؟

وأن هو وضاري كانوا متبادلين بسيارتهم ..؟

والصدفه هي من حملت لافي للشارع ألي كنت تبي فيه يصير الحادث لسعود ..

حسين ملامح الخوف بدت تعبث فيه : .....................

فارس : نكمل ياحسين ولا نترك التحقيق يكمل مجراه والعقوبه فيك أشد .. لا تتظاهر قدامي بالقوة وأنا عارف أنك ماتسوى شي هالحين ..

حس قلبه يتحرك من الخوف ألي بدى يعتريه ..

معقوله الي صار بكل تفاصيله ظهر للسطح ..!

حسين ظل يلتزم الصمت : ........................

فارس : طيب .. نكمل

دق جوال فارس بهاللحظة حتى يبتعد عن حسين ويفتح الخط ..

أنور : سيدي لاتتسرع بهالمعلومات ألي جمعناها .. الهندي ألي توفى

جثته كانت هي الجثه ألي أندفنت .. وجثة سعود مالها أثر !!

أتسعت عيون فارس حتى يتحرك يطالع حسين ألي علقت عيونه

عليه .. يحاول يتجرم أي أتصال خلاه بهالملامح ..

أي معلومات كانت أقوى أن الجريمه أبعادها أكبر وأعمق !

أبعد فارس الجوال عن أذنه ولحظات طالع حسين حتى ينحني له وبنبره

خلاها أكثر ثبات .. أكثر فطنة

فارس : جثة الهندي طلعناها من قبر سعود ولله الحمد

حسين أنتفض حتى ينطق بسرعه : خلني الضابط نواف ولا أي أحد ..

فارس وهو يحاول يترجم تصرفاته .. يدرسها بحذر عميق : أركد ياحسين .. تذكر أن الي سويته خيانه ماراح يعاقبك عليها مجتمع ولا وطن .. لا لا .. أكبر بكثير ..

راح يرميك التاريخ في مزبلته السودا لأمثالك .. ودامك طحت بين يدينا وعندنا من البنك

رصد بكل الملايين ألي تحولت لحسابك ... ودام أن عندنا جاسم ألي بعصابه المخدرات و..

حسين نطق بأندفاع : هذا الخسيس .. بيتهمني بشي ماسويته

فارس وعيونه ظلت ثابته على حسين والمفاجاءات أكبر من أنه يتخيلها بتحقيق

واحد بس : بتطلع من هالمكان وبتروح لناس غيري يحاكمونك باللي تستحقه

وياخذون مكاني بالتحقيق معك ..

حسين وهو يطالع فارس : جاسم أن كان عندك خل في بالك أن ألي يعرفهم زين

ماراح يتركونه لك .. راح يتحمل أنواع العذاب ولاينطق بحرف واحد

فارس أبتسم : أيه هو قالي نفس هالكلام بعدين أعترف باللي عنده ..

تحرك فارس والصدمه عالقه بين ضلوعه بس ماظهرها .. هذي فرصته

يمسك الخيوط ويجمعها مع بعض حتى يفكك ألغازها .. وقف قبال حسين ورفع

بأيديه الثنتين ملفات كثيره فوق بعض ..

عارف ومتيقن .. أن فيه أحد خفي يسعى بالقوة أنه يترك هالقضيه مجهوله

وهو يلاحظ أن بعض الجهات بدى تعاونها وتجاوبها مع تحقيقاته تصير

أقل .. أولها أداره المرور ألي من بعد مكالمته .. رفض يقدم له أي تجاوب

أو حتى يرسل له الباقي من ملف حادث سعود ..

إداره مكافحة المخدرات .. مساعده وليد والتحقيق البطئ ألي تعمده في وقت

كان متكفل يبحث عن سعود ألي هرب من العصابه ..

وتوه يدرك علامات الأستفهام ألي دارت حول هالتصرفات

فارس : أنت عارف شاللي أقصده .. هالحين المباحث تباشر التحقيق

في جثة الهندي ألي لقوها في قبر سعود ..

حسين نطقها قنبله أنفجرت في وجه فارس وهو يبي يبعد هالتهمه ألي ماشافت النور

قبال ألي قدامه : أنا كنت عبد مأمور في أني أستبدل

جثة الهندي بسعود ألي كان في غيبوبة أول ماأوهم الدكتور أهله أنه متوفي وودعوه

بالمستشفى بين الموتى !

أنفتح باب غرفة التحقيق حتى يدخل عليه ضابط ومعه ورقه بين أصابعه

رفعها لفارس بعجله

الضابط : أمر من جهه عليا بعدم التحقيق مع حسين أو راح يتخذون معك أجراء

بيكون ضدك

فارس وهو حس أنه يختنق من ألي سمعه .. مو قادر يفهم كلام الضابط زين: .......................

حسين طالع الضابط وبعدين طالع فارس حتى ينتفض وهو يصرخ : حققت معي يالجلبب

وأنت مامعك أذن بهالشي .. يالحقير .. والله لا أخليك تندم .. راح أرفع عليك قضيه

لأنك تجاوزت حدودك .. راح تندم يالحقير أنا واحد من أسيادك ألي ماتطاول عليهم

فارس تدارك صدمته بضحكه بخبث : تذكر ألي قلته وألتزم الصمت ياحسين ..!

×

×

×

فرنسا

توني واصله من المعهد ألي أخذت فيه دورة عن الأتيكيت والله

ياأني حسيت بشي غريب .. هالحين بلا لازم تصير لنا جلسة معينه بالأتيكيت

ولازم أقدم الصينيه بطريقه معينه .. تسذا نفس الأميرات الفرنسيات شفت

فيديو عنهم .. مدري ليه أنا هالحياه أحسها ماتناسبني لأني عشت على طبيعتي

وياحليلنا .. نجيك شايلين الصينيه مانشوف الدرب خاصة لاكان فيه حريم

تقول ماسكنا كهرب ميتين وعشرين .. تدرون وين أنا في بيت الشايب ..دخلت بدون ماحد يشوفني..

من باب تسذا وراني .. وفيه شي غريب عليه زجاج وممتدد لفوق بيته !

عاد شلون دخلت .. ماخذت نص ساعه أحشر عمري بين اشجار تطل على شباك الصاله ودخلت ..

عاد عمي يقولي أنتبهي الرجال بيته مراقب لايحطونك سروق !

تخيلوا عاد ..

وقفت فالصاله وأنا أسمع صوت عصفور مدري طير يغرد وصالته واسعه

غرفها مفتوحه ومقسمه .. شين للمكتبه وشين كنبات .. من الخبل ألي مصمم

البيت تسذا مكشوف .. والبيت هادي .. وين غادي والناس الظهر ..

تحركت بخفه صوب الدرج الخشبي ورحت أصعده وأنا أدور لين مارحت فوق ..

رفعت عيوني أطالع الصاله .. شال علب السيجاير .. ماشاءالله مؤدب ..

وش هالكتب ياربي العافيه الكتب تسبيره .. أخذت نفس بقوة وريحة بيته غريبه

ماهي نفس الريحة ألي أذكرها قبل .. خليطي ريحة دخان على ريحة خشب

على ريحة عطر .. بس هو وينه بحتسي معه ..

هالحين بتستلمني ساره خناق لأنها موصيتني ماأدرعم لبيته ..

سمعت صوت سرير تحرك وعلى طول أسرعت لأخر مكان قبالي بعيد عن الدرج ..

ملت بجسمي ألا هو نايم .. اللحاف بجنبه وهو نايم ع بطنه ..

لابس بجامه سودا ... ليه تسذا .. عاد أسود وهو أسمر ماهوب لايق ..

أبد ...لويت فمي وقلبي أسرعت دقاته .. دخلت أكثر للغرفه وهي مرتبه ترتيب ..

والله شي غريب على واحد عايش عزابي يكون بيته بهالنظافه باستثناء العلب

ألي لقيته أمس .. قمت أتمقل بغرفته وهو ولاهو داري عن دبرتي ..

تقدمت أكثر للسرير وقمت أميل براسي أطالع وجهه الغرقان بالنوم ..

أبتسمت من شكله وشعره مبعثر .. أبيع عمري وأشوف جداان جدانه من أمه

بصورهم ...

والله ماأخبر العراق تسذا .. طرت علي عبير .. ألا والله أن أهل العراق زين ..

حتى حنا عندنا زين ترا .. والدليل أنا .. وش زيني وملحي .. الله يخليني لنفسي

بس .. مديت يدي بلمس شعره بس على طول سحبت يدي وأبعدت عنه

أخاف يقوم يرفسني من الخرعه .. تركته ودخلت حمامه ..

حطيت يدي على قلبي .. آآه ياقلبي .. رفعت عيوني للسقف أطالع السما من ورا

الزجاج ومسرع ماطالعت تسذا نفس المسبح تسبير وملابسه معلقه ..

الله .. الله .. بيت من خشب وداخل تسنه قصر .. الدنيا غدت كلها قصور عندي هالحين ..

باريس ذي بيوتها قصور ..

حسيت بحركة من وراي وأول مالفيت ألا فيه شي مر قدام عيونه وضرب

الدرج ألي من زجاج حتى يتكسر قطع .. رجعت لورا من الخرعه وأنا سمعت صوت حديدة تسبيره طاحت ناسيه هالبركة

ولادريت ألا وأنا على ظهري أضرب الماي طايحه بوسطها ..تنفست بقوة من شفت الماي يغرقني

حتى أصرخ وأنا خلاص نفسي بينقطع وراسي أحسه يلامس القاع ..

ولحظات بس أنجريت بقوة حتى أحس بجسمي تهزه أيدينه المتمسكه فيني

لافي قام يصرخ وشعره طاير وملامحه رايحه فيها من النوم : أنتي فيج عقل .. شاللي دخلج

عندي يالبزر

ليليان ماعادت قادره تقول شي بس تكح من الماي ألي شربته : .....................

لافي صرخ بوجها : تحجي .. بغيت أسبب لج عاهه ماتعرفين تصحين ..

ليليان تنزل راسها منخلعه ماتدري وش ألي صار : ...............

كان قلبه مقبوض من صحى وسمع صوت الخطوات بحمامه وماكان أقرب له

ألا قطعة حديد مخبيها تحت الفراش ضخمه .. دخل وبدون شعور وجهه للي قابله

حتى يستوعب من تكون ويسحب القطعه وماردها ألا الزجاج حتى تنفلت من بين أيديه

كانت أقرب للموت ولو لامست هالحديد راسها بهالأندفاع بتحطمه وقبضته

قويه .. رص على أسنانه بقوة وهي جت وجابت وجع الراس ألي فقده من جديد له ..

أنحنى بسرعه حتى يشيلها من القهر والخوف ويقرب من الجاكوزي ..

لافي : والله لا أعلمج

أنحنى ثاني ركبته حتى خلاص بيفلت جسمها وعلى طول شدت جسمها لقدام ولفت

أيديها حول رقبته .. ضمته بقوة وهي تنطق

( لا لا .. خلاص مابي أشوفك )

ولا همته .. فلت أيديه من جسمها حتى تطيح رجولها فالماي وصرخاتها ترتفع

.. مال براسه لقدام وهي تشد راسه للماي

ليليان : شلني الله يخليك

لافي أنفجر ضحك : هبله أنتي .. ترا ماراح تغرقين عاد

ليليان قامت ترجف : لالا .. برجع عند عمي والله .. والله مادخل بيتك بس شلني

لاتتركني

لافي باستهبال : هههههه .. أغرقي

ليليان : تسن الدنيا قامت تظلم فيني .. تكفى يالافي

مال برقبته و خلاص نزلت لتحت وبسرعه أنحنى مدخل راسه فالماي يبي يصحصح

على هالنوم ألي قام وشاف فيه هالبنت !

حرك راسه يمين ويسار وفجأه ثبت راسه وهو داخل

ليليان جرت بجامته بخوف : لافي

لافي رفع راسه وكل شعره صار قدام : آآآآآآآخخ .. والله الماي يغري ..

يغري !!

أنتفضت بسرعه وقامت مثل المقروصه حتى تطلع من الماي ورغم أنها تحس جسمها

كله ثقيل طلعت تركض من الحمام لغرفته .. والحاله يرثى لها .. وقف يطالعها حتى

يهز راسه ويطلع وراها ...!

لافي بضيق : أنتبهي من الزجاج ..!

ولحظات طلع من الصاله وطال وهو برا ويوم دخل ألا الأخت لابسه الروب ألي

معطيها فوق ملابسه الرطبه .. ولا جالسه على سريره بكل ثقه

لافي تحرك صوبها : هييه .. قومي قومي

ليليان بقهر : مانيب قايمه

لافي دف كتفها : أنتي صاحيه .. فيه أحد يلبس الروب هالشكل

ليليان طالعته بطرف عين : لاتحسبني بسوي ألي في بالك

لافي طارت عيونه وعلى طول ضرب راسها : شنووو

ليليان مالت براسها : لاتلمسه تراني محرمه عليك بحلف

لافي على طول جلس جنبها : مادريتي أني كفرت عن هالحلف بصيام ..

ليليان لف له وبصدمة : وش !

لافي مسك يدها : أنا حالف أكون معج وأعتني فيج وبأي شي يخص بنيتي

ليليان تغير وجها وأنعفست ملامحها : لاتقول بنيتي .. ماهوب لايق

لافي بثقه وهو يضحك : أتحداج

ليليان : أنت ألي أتحداك

لافي طالعها بطرف عين : بشنو ؟

ليليان وهي تجر الروب لصدرها بقوة : أنه لايق تقول بنيتي .. أنا زوجتك موب بنتك

لافي وهو يطالعها بنظره دافيه : وأمي وأختي وعشيقتي ودنيتي

ليليان بنظرة عدم تصديق رفعت حواجبها : لاااااافي

أخذت نفس حتى تنزل عيونها لحضنها .. ودها تقول كل شي بخاطرها

بس فيه شي يرفض عالم الأعترافات فيها .. شي يسمى الكبرياء ..!

يسمى العناد ..

وماحست غير بأيديه تمسك راسها من فوق .. رفعت عيونها لفوق تطالع أصابعه ..

أبتسمت من حركته لين مابانت الغمازات بخدودها وعلى طول أخذت نفس

بقوة ..

ليليان بدون ماتطالعه : أنت ليش تذكرني فابوي !

لافي وهو يرفع يده ويبدى يمسح على شعرها الرطب وبصوت هادي : لأني أبوج أساسا

ليليان هزت راسها : فيه فرق بين أبو يحب بنته .. وزوج يحب زوجته ..

أنا جربت حب أبوي وأنت جربت عشق تغريد ماتشوف أننا كل واحد يذوق من الطرف

ألي مايقدر الثاني يذوق منه !

وقف عن مسح شعرها وعلى طول نزل يده وعيونه تطالع نص هالملامح

العاشقه فيه ..

الزمان العايش في صدر هالبنت أكبر بكثير منها ..

تذهله في الوقت ألي يحس بقمة الألم فيها

سحب يده لين مارتاحت على فخذه ..!

لافي بعد صمت : الأنسان يقدر يغير كل شي يالغيد ألا ذكرياته .. وأن ظليتي

تفتشين فيها ماراح تحصدين ألا الهم

ليليان لفت له : وأن تسان هالذكريات هي ألي تطلع قدامي .. وش أسوي ..؟

لافي بدون مايطالعها : عطيها ظهرج

ليليان بنبره غريبه .. مخنوقه : وأن تسانت فيك يالافي وأكبر مني

لافي لف لها .. وبسرعه سحب يدها .. حطها على صدره : خليج واثقه أن فيه مساحه

صغيره تحتويج محتفظ فيها أنا وكل شي يكبر فيني ..!!

وبجهه ثانيه .. بعيده عنهم بالحياه والنوايا

جالس على كرسيه يجمعه أوراقه وملفاته حتى يدق

التليفون في مكتبه الواسع .. وأول مارفع السماعه ..

( لقد تم فقدان سعود ونخشى من العثور عليه أخشى أيضا أنه لا وقت لدينا ..

لابد من تصفيه جميع من كان يقف خلف العمليه السريه الي قمنا بها .. )

أتسعت عيون ميشيل وهو جمد واقف وعيونه غطاها الخوف لأول مره ..

هذا صوت ضابط سري فالأستخبارات الفرنسيه ..

حاول يتكلم نطق بصوت منخفض

ميشيل : ألم نتفق على أستدراج الحكومة الكويتيه للعثور على الضابط ومحاكمته

كفرد أقدم على المتاجره بالمخدرات ..!

الضابط العسكري بلهجه خافته .. واطيه : إن أتضح حجم التجاوزات الخطيره

التي قمنا بها من وراءك سنكون في مواجهة المحكمة الدوليه لتعاوننا

عن طريقك مع شخص مطلوب أمنيا للعداله .. كن على يقين أن الطريقه

التي تعاملنا بها لتصفيه ضابط كويتي لن تمر كما لو أنها لم تكن ..

ميشيل بلغه فرنسيه حاده : مصالحنا مشتركة !

الضابط رفع صوته : لقد تفاجئنا بمعلومات تفيد أن الأنتربول يقوم بتحركات قويه للقبض علي جورج وعصابته وهناك تحركات فرديه للوقوف

مع المخترع فهد والسبب وراء إسقاطه الجنسيه الكويتيه بالأدله

ميشيل بصدمة : ماذا ..!

الضابط : أضف لذلك أن المباحث الكويتيه قد أتمت فتح ملف الضابط سعود بالكامل

وألقت القبض على حسين الضابط السابق الذي فر من الكويت لللأمارات

وأراد اللجوء لبريطانيا لولا أن الحظ لم يحالفه .. التحركات هذه المره

خطيره جدا وكشفها لن يكون في صالح الجميع

الحقائق السريه التي ستظهر للسطح ستدمر مصالحنا مع الدول

هز راسه ميشيل حتى ينطق ( حسنا ) وبقوة نزل السماعه مرجعها لمكانها ...

فيه تحركات عشان لافي .. !

أجل هو قام يلعب من وراه وناوي على أشياء كثيره .. رغم التهديدات

والأشياء ألي عانها هالأنسان كان يمتلك من الهدوء والصمت مايقدر يحميه ..

ولأنه قدر ياخذ ألي يبي يمكن اعتقد أن خطوته ذي بتكون رخيصه

ويقدر يرجع فيها لورا .. لا .. ماللحياه مكان لأمثاله ألا

الموت .. أو العيش خلف أبواب السجون والمنافي !

×

×

×

أحساس غريب يمتلكها وهي واقفه عند باب غرفته وبين أصابعها أوراق

الرسم ألي كان يحاول فيه بيأس .. ورا الظلام يحاول وهالموهبه خلاص أنتهت ..

أراد لها ربه تزول عشان يستبدلها بشي أجمل .. بشي يتخبى عنا بين تفاصيل

حزن .. أو تفاصيل فقد .. أو حتى تفاصيل شي بمظهره بلاء شديد ..

ترا بس علينا ندور عن هالتفاصيل الأيجابيه ألي تبي منا نفهم أنه الحياه

مهما قلبت لنا نهار السعادة ليل .. بترجع من جديد تنير هالليل بالنور

أذا أحرقنا بأنفسنا شموع الصبر ورحنا نمشي في شوارعها نتحدى هالليل يطول ..

رفعت يدها تشوف رجوله ممدها وجالس بالغرفه ..

أخذت نفس .. تقدمت لين ماوقفت عند إطار الباب وهو رفع عيونه لها .. ومسرع فز واقف

متوجه لها بسرعه من لمح ألي بين أصابعها ..!

سحبه بقساوة وصرخ بصوت عالي ..

( أنتي من قالج تفتشين بأغراضي )

مالت بكتفها ملصقته على الخشب وعيونها مافارقته .. لابس بنطلون أسود على بلوزة

كاروهات .. والشال رغم الحر لازال يعانق رقبته .. يتحلى بالصمود والحراره

تضيق بنفوس البشر في هالديره ..

فالحقيقه ماعاد يقدر يطلع لأي مكان ويلقى من يطالعه بأستغراب .. سؤال وحيد

يعتلي ملامحهم .. أرحم رقبتك من هالشال ..!

حزينه هي عليه ..

حزينه لأنكساره .. لضعفه .. كان أقوى بكثير من هاللحظة ألي واقفه هي فيها ويدور

أي شي يصرخ عليه عشان يفرغ كل غضب فيه ويرتاح ..

لف لها وبقوة صرخ

( ماتردين .. أنتي مالج ألا غرفه وحدة .. غرفة وحدة تضفج )

مرايم ببرود وصوت هادي : ماخلصت تجريح

طلال بعيون تنظر لها بعين الدونيه : بالله .. ريحيني منج ومن تصرفاتج ..

تحرك لها من جديد حتى يجرها بقوة وبجامتها ألي لابستها ارتفعت .. صار يجرها

لين ماأخذها للكرسي ألي كان جالس عليه وماتدري أن ماورا هدوئه إلا العاصفه

أنحنى وسحب جوالها حتى يقربه من وجها

طلال : تحاجينها وأنا منبهج .. ها

مرايم عادي الوضع عنها : طيب

طلال بقوة مسك فكها بأصابعه وصار يهزه : ماعاد فيج ذرة حيا وأحترام .. بس أنا أعلمج

دفها وهي ثبتت خطواتها بالأرض لا تطيح .. شافته يتحرك يبي يطلع وجوالها

بين أصابعه

مرايم بأندفاع : وين بتاخذه .. لأخوي ولا لعمي .. بتقولهم عني وعن ألي سويته

طلال وقف ورفع يده : أنا لو ماهو باقي بينج وبيني غير حبل القرابه كان رميتج

عند أمج من زمان .. ماهوب أنا ألي بقطعه أن ماحسيتي ع دمج وقطعتيه !

مرايم وهي تجمع أصابعها تشد عليهم تبي تحس بنفسها تتكلم وتقول

بوجهه .. كل ألي في قلبها بتقوله : وأنا ماراح أقطعه عشان ترمي علي كل الخطا وتنفذ بجلدك ... خلك رجال ورح لعمي قل مابيها .. عايفها

طلال ونظرات عيونه وملامحه تغيرت من كلمتها .. رفع الجوال من فقد أعصابه

حتى يرمي الجوال بوجها ويصرخ : رجال غصبن عنج وعن أهلج ..

طار الجوال وماضرب ألا شفاتها حتى يطيح .. أنحنت بقوة مغمضه عيونها

حتى تحط يدها على فمها وتشهق شهقه مكتومة .. والألم .. الألم أضعاف

أضعاف ألي جى بيدها ..

طلال وصوته مازال مرتفع .. ينفجر قهر : تعديتي حدودج .. رميتي الحيا عندج وجيتي يمي .. قلتي لعبير تتحجى مع ضاري وأنتي عارفه كيف وضعنا وكأن الدنيا ولا هامتج ..

وهالحين .. تروحين تراسلين تغريد ولا بعد داقه عليها .. من زين الفعول لها لج

مرايم رفعت جسمها وهي تاخذ نفس بقوة ووجها أنقلب أحمر من كثر ماتحاول