تحميل رواية «اريد منك اكثر مما اريد للكاتبة / الكريستال / مكتملة❤️» PDF

رجاء فوت⭐️/صوت⭐️قبل القراءة

الفصلالواحد والسبعون

الخطوة ( 66 ) .. خطوة تتبع في حلم أريد منك أكثر مما أريد

( لافي .. الماضي أصدق من مانعيشه ..!! )

في بيت الجده ..

جالس متربع تحت شباك الديوانيه وقباله قاعده الجده وهي تحرك العصا يمين

ويسار وأخته على يمينه جالسه قبال صينية القهوة والشاي ..

عاقد جواجبه بقوة وعيونه ضايقه من خبر القصر ألي بيحجزونه والزواج ..!!

عيونه تطالع الأرض مارفعها ويده المحترقه بقفازها الأسود حاطها بحضنه ..

والغترة بلونها الأبيض ملتفه أطرافها حول رقبته على ثوب أسود

مبرز تفاصيل نحفه ألي كل مامر الوقت وضح أكثر وأكثر ..!

الجده تطالعه بنبره حازمه : لك حيل تقط في شروة البيوت ولا لا .. الله العالم

مالنا في بيتن بسيط يجمع هالعايله .. عايلة فلاح معهم أنت وزوجتك في بيت

وأنا وعايله ناصر الله يرحمه في بيت .. ماعاد أبي الكل في طريق ولايدري

وين الله حاطه ..!

بلع ريقه وعيونه تتحرك بتوتر يمين ويسار وهو مدنق راسه بالأرض ..

خططوا ونفذوا وهو أخر من يعلم وعليه الدفع ..

لفت عبير يدها حول بطنها وهي تطالع أخوها بأنكسار ومسرع ماطالعت

الجده بحدتها وأسلوبها ألي شبه جاف وكأنها ماهي مراعيه الحال ألي هو فيه ..

الجده : توحي أنت ..!

طلال بنبرة صوت واطيه : والزواج والكروت .. ومهر بنت عمي ..مانيب قادر أقط

على هذا وذا

( مهر مرايم كامل خلصنا منه أمس في بيت أخوي رحمة الله عليه ) .!

الكل توجهت عيونهم لم بو سعود ألي دخل وسيف وراه من شاف

عبير تطالعهم فتح خشته وقام يأشر لها يعنني أنا موجود ..

تحركت عبير بسعاده حتى تفز واقفه وهي لابسه تنورة جنز سماويه على جكيت أبيض

وشعرها ألي يوصل لكتوفها تاركته سايح يداعب ملامحها الناعمه ..

فسخ بو سعود نعاله وتقدم منها وهي على طول رفعت أيديها وحضنت رقبته ومسرع

ماباست راسه

عبير : مشتاقه لك يبه ..

بو سعود يحضن خدودها : وأنا أكثر يابنيتي .. أخبارج ..؟

عبير : الحمدالله

أبعدت عنه وهي مبتسمه حتى يتحرك أبوها بخطواته البطيئه وكبر سنه متعديها

رايح لأمه وعلى طول وقف سيف ألي كان بطولها جنبها

سيف يطالعها بوناسه : وأنا .. ماشتقتي لي

عبير لوت فمها وطالعته بطرف عين : من زينك

سيف تنح من كلمتها : هااا ..

أبعدت بسرعه عنه حتى تروح تجلس قبال الصينيه صابه لأبوها قهوة

من جلس جنب أمه بعد ماسلم عليها

أبو سعود : أخبارج يالغاليه ..؟

الجده حمده وهي تجر نقابها : بخير .. أنت وين غديت أمس

أبو سعود أنحنى ساحب الفنجان من يد عبير وبسرعه قدمت له التمريه : والله في بيت

أخوي الله يرحمه .. تعرفين البيت كله حريم ولا حولهم أحد ..

الجده بضيق : وخايب الرجا سالم

أبو سعود رفع يده بقهر : لا تطرينه لي ذا .. خلاص وصلت من فعوله وسواياه ..

الجده : لاحول ولا قوة ألا بالله ..

زحفت عبير بسرعه ساحبه الصينيه معها حتى تجلس بجنب أبوها ..

كتفها ملاصق لكتفه

عبير تنحني تبوس كتف أبوها ومسرع مامالت براسها عليه : يبه ..

بو سعود يبتسم بهدوء لبنته وحيدته : هلا

عبير : مطولين يبه بتقعدون في بيت عمي ناصر الله يرحمه

بو سعود مافهم عليها : ليه يبه

عبير حضنت ذراعه : مالي غناه عنكم

بو سعود أنفجر ضحك : هههههههه يابوك شيلي عفشك وروحي معنا

عبير هزت راسها بخجل : لا يبه ماقدر أخلي أمي

سيف جلس متربع وهو يطالع عبير : يوووووه .. عاد انا فاقد هالدلع الماصخ والحمدالله

قامت ترجع المياه لمجاريها

بو سعود طالع ولده بعصبيه : أسكت أنت أحسن لك

عبير ضحكت غصب : أحسسسن ..!

سيف بدون أهتمام ولا كأنه أخذها على جبهته : خليج أنتي بس بالسالفه ألي يبيج فيها

أبوي

عبير تفطنت : أيه يبه .. قلت لي أنك تبيني ..

بو سعود رفع عيونه لطلال بوضعه الصامت : لافي وينه ..؟!

طلال هز كتوفه : ولاشفته من أمس .. دقيت عليه الجوال مغلق ..

عقدت الجده حواجبها بنظراتها الحاده حتى تطالع طلال ومسرع ماحركت راسها صوب ولدها ..

على أساس أنه لا أختفى ماهيب منفذه حلفانها .. بيكون الجاني على نفسه

الجده : قل لبنتك عن العطيه ولا تنتظر أحد

عبير تعدلت بجلستها : عطيه ..!

أخذ نفس أبوها حتى يرفع طلال عيونه صوب أبوه ألي سكت فجأه .. ومسرع ماتعدل

سيف بجلسته حتى يطالع أبوه بعد ..

أبو سعود تشجع ينطق : أسمعيني يابنيتي أنتي عارفه بغلاتج ومعزتج في قليبي ..

عبير عيونها مافارقت ملامح ابوها ألي يكلمها ولا طالع فيها : ...................

أبو سعود : سعود يبه .. طلع معطيج لضاري قبل لايتوفى .. وممهله لين تروحين

لثانويه وتكبرين .. بس الله أخذ أمانته قبل لايتمم عطيته

عبير أتسعت عيونها : .............

الجده من سكت ولدها عاجز يقول شي وسط صمت بنته وعيون عياله

ألي أمتلت أستغراب من سالفه العطيه وألي عارفين زين أن أمرها منتهي

في عربهم ومالها رفض : تعرفين ياعبير سلومنا كيف .. وضاري رجالن يشهد الله

ماكان يذكره سعود ألا بالطيب والفعول الزينه .. وطلع من عايلة بو فواز سبحان الله

همه يجمع هالعايله .. وعارفتن زين أن مقصد العطيه يبطلون فيها

حلف أبوي لافي رحمة الله عليه يوم ثاروا عرب الشيخ بو فواز على زوج وضحى ألي هج من الديره لسعوديه

بعد ما خلى العرب تاكل بعضها بثارن كان له يد فيه ..

طلال رفع حواجبه : وسعود مايعرف بسلوم العطيه .. ضاري عمره جم وعمر عبير ..؟!

شلون يسلم أوخيتي بعمر صغير لواحد أكبر منها بسنين .. حلف جدي وأنتهى زمانهم

يممه .. ( رفع صوته بأنفعال ) أنتهى

الجده بقلة حيله : عاد أمر الله

طلال حرك يده المتعافيه : أمر الله .. عبيربتدخل بال17 أو ال18 ..

وضاري رجالن طاق عمره الثلاثين .. أي عطيه بتممونها

أبو سعود رفع عيونه لطلال : الولد يبي عطيته .. يتزوجها على سنة الله ورسوله ..!

سيف طالع أبوه حتى يحرك عيونه لطلال : ...................

طلال بأستغراب ومبدأ رفض : أقولك يبه عمره ثلاثين .. ماحنا باغدين عنه .. وبعدين

لو تم الزواج مانتب خايف يطول شر أبوه وأخوانه لأختي .. شنو سوا بلافي ..

ويوم وقف له بخطبة تغريد .. يبه لا تعودون لسوالف قبل بهالزواج ..

أبو سعود تنفس بعمق : النصيب يبه وخيرة الله فوق كل شي ..

الجده تطالع عبير ألي أحتواها الصمت : ها يمي ..

بلعت ريقها وكلام طلال وردة فعله خوفتها ..

وسالفة العطيه تحس فيها نفس الغصه .. رفعت راسها من حست بيد أبوها تتوجه لأصابعها

يجر يدها ويشد عليها مبدد كل شي تحس فيه

بو سعود : قولي ألي عندج

نزلت عيونها تطالع أصابع أبوها ألي تجاعيد الزمن راسمه عليها

حكايا وتاريخ ..

ضاعت ماتدري وش تقول .. الكل سكت ينتظرون ردها وهي بربكه أبتسمت ..

عبير بصوتها الدافي : يبه .. أنت يعني .. ( سكتت حتى ترفع عيونها بنظرتها الهاديه له )

بعيد عن ضاري ممكن تعطيني لواحد ماهو بكفو

أبو سعود بنفي بدون أي تفكير : يخسي أسلمه لج

عبير رفعت يد أبوها حتى تبوسها وتنزلها على رجلها من جديد : أنا يبه تحت شورك

وين ماتقول أنا وراك ..

طارت عيون طلال من ألي قالته .. وافقت عليه ..!!

وعلى طول أبو سعود رفع أيديه وحضن راسها يبوسه ..

أبو سعود : الله يرضالي عليج يبه .. العصر يبه بيحضر وبيتم كل شي ..

الجده تطالع عبير بفخر : هالبنيه والله أنها من راح ترفع راسنا

تحرك بو سعود حتى يفز واقف فرحان .. ماتوقع توافق على قوله ولا تعارضه ..

بو سعود : يالله عن أذنكم .. بعطي الكل خبر أن كان في نية ضاري يتمم

أموره على العصريه ..

× × × × × × × × × × ×

في مصر ..

تتحرك الكفارات بسرعه حتى تبدى تخف سرعتها وتوقف قبال بوابة الفله

بسورها العالي والشجر يعانق تفاصيلها على أمتداده .. الشمس على وجه

هالصباح تنشر أشعتها بدفا لكل حي من أحياء الأسكندريه ..

ضرب هرن وهي جالسه بجنبه ساكته تطالع فيه بطرف عين .. تفاصيله

الرجوليه مغطيه أغلبها نظارته الرصاصيه بشكلها الدائري

.. أخذت نفس من حرك أيديه ماسك الدركسون بسيارته السبورت والسياره ببطء

تحركت

.. أخذت نفس بعمق حتى تصد عنه وقلبها مقبوض ..

تشم ريحة عطره الفرنسيه تمتلي بهالسياره ولاتدري وراه يتعطر بهالشكل ..!

كل ماتعطر تحس أنه يغرق روحه فيه ..!

عمر بدون مايطالعها : عاوزك كده تهدي لما تحضر ماما وتشوفيها ..

كل حاقة عملتها ياسارة أنسيها خالص

طارت عيونها من كلامه .. من دخل الفلة رجع يتشرط نفس قبل .. ماهو كافي

أنها أشتهت أكل وتركها بالصاله تكلم روحها ولا صحى ألا لما طلعت عين الشمس ..

لوت فمها من تذكرت كلامه يوم يقولها أنه يبيها من تسوي كل شي يخصه وتطبخ وتنفخ

بمزاجه .. بس الظروف ماجت على مايبي .. رحمة الله فيها واسعه وأشغله بشي

ينسيه المزاج ألي يبيها فيه ..!!

ولا ردت عليه ولا عطته وجه .. صارت صاده عنه

عمر من دخل الفله متوجه للمواقف : سامعاني

ساره هزت راسها : آآه .. وكويس كمان

عمر بدون نفس : ولما أنتي سامعه ...

ساره تقاطعه وهي تلف براسها صوبه : عمر ربنا يخليك .. فكر بمامتك والكلام ألي حتسمعه

منها وأنساني أنا دلوقت

عمر رفع حواجبه لين بانت من فوق النظاره : نعم ..!

ساره بقلة حيله : أنتا متعصب وكل حاقه بقولها مش عاجباك ..فخليني ساكته أحسن

ضم شفاته من وقف بسيارته حتى بسرعه يفتح الباب ويطلع بطوله ..

لابس بنطلون جنز أسود على جكيت بنفس اللون .. وبسرع دفن أيديه بجيب

الجكيت ألي على الخصر وسكر الباب برجله .. فتحت ساره الباب حتى تنزل وتوقف تطالع

فيه يتحرك معطيها ظهره ولا حتى نطرها ..!!

وش فيه ذا منقلب مزاجه .. لا وهذا اليوم ألي بيسافر فيه بعد .. عز الله ودعوا بعض

زين ..

سكرت الباب حتى تمسك شنطتها الي معلقتها على كتفها وتتحرك بخطواتها الواسعه

تلحقه ..

ساره : عمر

عمر وياقة الجكيت الملكيه واصله لذقنه : هممم

ساره : أنتا حاسس بحاقه .. حالك مش عاجبني

عمر بنبره جافه : واللهي كويس ... مانتي بقى بتحسي الحمدالله ..!!

ساره وقفت وبضيق : أشفيك علي

عمر وهو يرفع يده وبتنبيه يبيها تسكت ماله خلق لشي : ساره ..!

طالعت ظهره بعدم أستيعاب ماتدري وش فيه عليها ..

وقفت عاقده حواجبها من كلماته وأسلوبه الجاف .. كم قادره كلمات تغمسنا في لذة

مزاج ألي نحب وكيف قادره بوجه ثاني تنفرنا من كل شي ..!!

وبسرعه تحركت

بعباتها السودا وهي تحاول تسابق خطواته .. ماعليه .. أن شاءالله يزين مزاجه

ويرتاح بعدين هي بتوريه .. ومن وصل قبال الفله صعد الدرج متوجه لباب المدخل

..

وش كان العمر فيه غير وقت ضاع من وصل لمصر وتبعته أمه ..

ضايق .. قلبه يحس مثل لو أن قبضه هم تعصره ولا ترحم ..

من بعد كلام عمته وهو يحس أنه متأرجح مابين اليمين واليسار ..

ياااارب .. محتاج وقت وتوفيق معها..

محتاج راحة ..

مد يده حتى يمسك يد الباب ويميله بكبره حجمه .. يدفعه ويتحرك مظهر صوت

قوي والحديد يأن بلا سبب ..

دفع الباب حتى تنكشف الصاله وتجمد عيونه عليها وهي جالسه على كرسي

حاطه رجل على رجل وبجنبه شنط سودا كبيره وكم كيس ..

ولحظات وقفت وراه ساره رفعت أيديها حتى تفسخ نقابها وماتدري زوجها

وراه جمد عند الباب ..!

مالت براسها وضوء الصبح تندفع حواليهم لداخل .. شافتها قاعده كأنها تنتظرهم والخدم

مجتمعين عند مدخل سيب على شكل نصف قوس مرتفع من فوق ونازل لتحت ..

ماري ترفع أيديها : أهلا وسهلا .. طال أنتظاري لك مايكل ..!

وكانت هاللحظة قاسيه عليه وساره وراه ماتدري وش الطبخه ..

تقدم خطوة خطوتين بس وقف من فزت واقفه أمه بفستان عشبي لحد ركبتها ..

يلف خصرها حزام أسود عريض وفوق الفستان جكيت بني على طول فستانها ..

شعرها الأشقر سايح وملامحها شبه مستفزه ..

ماري بأبتسامه خبيثه : قد أعددت لك حقائبك مايكل للسفر خارج مصر ..

عمر عجز يفهم نوايا أمه : أنا هنا ..

قطاعته من تحركت لافه حول الكرسي حتى تنحني وتسحب من ورا الشنط

سطل زباله صغير .. ماسكته بأصبعين والباقي من أصابعها مبعدتها بقرف ..

تحركت بمسافه قريبه منه .. مالت بالسطل أكثر وهي متقصده يطالعه ألي بالوسط

ماري : أنظر لما وجدته في غرفتك مايكل .. القرآن الكتاب الذي يقرأه المسلمون ..

ذو ديانه أرهابيه ..

حس بقلبه يدق بقوة والدم يندفع لأطرافه ... كان المنظر بشع ..

خلته عاجز

قبالها .. أعطت الأذن لعروق دمه تتفحم ..

وعيونه تشتهي العما على أنها تشوف هالشي ..

أتسعت عيون ساره بقوة من شافت القرآن الكريم بوسط سطل زباله نص أوراقه مقطعه ..

شهقت بكل طاقه تقدر عليها وبسرعه راحت تركض ..

ماتحملت أبد تظل واقفه .. ولاتدري كيف أندفعت رجولها صوب هالماري ..

أشتعلت عيونها غضب .. حست أنها تفقد كل ذره في عقلها من سواتها ..

ساره تصارخ : ياحقيره ..

أندفعت بقوة صوبها وبكل قوتها سحبت السطل .. ومالقت ماري نفسها ألا مرميه على

الأرض وساره تحاول تضربها .. تمسك شعرها .. تسحب يدها

ماري قامت تصارخ : مجنونه .. آلهي

ساره أنهارت تبكي فوقها : ألا القرآن ياحقيره .. ألا كتاب ربي ..

ركض عمر بخطواته الواسعه وبسرعه لف يده حول خصر ساره رفعها وصار يرجع

فيها لورا .. تمسك فيها بكل قوته .. وهي قامت ترافس برجولها تبيه يخليها

ساره : فكني أنت .. حاطة القرآن بسطل زباله يازباله ..

ماري بخرعه تزحف بعيد عنها وهي تأشر لها : أقسم لك ستندمين

ساره صرخت بقوة حتى تبكي : وش مسوين لها ذي .. فكني .. فكني اقووول .. خلني

أوريها شغل الله ..

عمر وهو يرص ظهرها على صدره يبيها تهدا يبي يطلعها لا تكبر المشكله : هيا عاوزه كده .. أهدي .. يلا بينا

ساره تحرك أيديها وشيلتها كلها أنفكت : والله ما أخليها .. ( قامت تصيح والسطل قدام عيونها طاح حتى يطيح القران على الأرض ) حاطة القران فالزباله ياعمر .. وخر عني ..

والله ماأخليها .. فكني عليها أتوطى بمصارينها النجسه ذي ..

أنهارت تبكي بقوة .. عمرها ماتوقعت تكون في هالموقف ..

يتقطع قلبها ولا تسوي شي .. ترجف بين أيديه بشكل أخلعه من كثر ماأنفجرت وثارت ..

صار بالعافيه يجرها للباب وأمه قباله تتوعد فيهم .. وتهدد ..

كان شكل ساره يفجع .. عيون غرقانه بالدموع متسعه .. شعرها تبعثر من

طاحت شيلتها .. أيديها ألي تحرك بقوة مع رجولها ألا بتروح لها وتطفي النار

ألي بقلبها

عمر بس يبي يطلع : ساره يلا بينا أرجوووكي ..!

وطلع من الفله يسحبها صوب سيارته وهي منهاره على الأخر ..

ماتوقع أنها داقه عليه وطالبته عشان تعلن الحرب بطريقه جارحه .. مهينه ..

أنها راح تذبحه خوف وطعنات فأغلى مايملك .. شي أغلى من روحه ..!!

وفي شقته ..

منحنيه تبكي بقوة .. شيلتها مرميه على الأرض بجنب رجولها وعبايتها

على كتوفها ..

كل شي يغلي فيها .. كل شي ..

وهو واقف قبالها حاط أيديه على خصره يتأمل عيونها العسليه ألي تلطخت باللون الأحمر ..

والدموع ألي تنزل بقوة .. تسيل على خدها ..

ساره ترفع يدها صوبه وبحرقه : ليه طلعتنا من الفله .. ( قامت تشاهق ) أهانت القرآن

وبهالبساطه نطلع ( رفعت صوتها وهي تحاول تتكلم ) والله العظيم لا أخذ حق ألي سوته

من عيونها ..

عمر بضياع وهو يحاول يفهمها حجم الموضوع والنار ألي فيه : ياساره دي مش عارفه

حاقه .. محتاجه من يدلها ويعلمها الأسلام كويس .. أنا كنت زيها وأخد أفكار

مش صحيحه عن الأسلام

ساره صرخت بوجهه : بتحط أن كل الأجانب ..كلهم يهينون قرآنا .. كلهم ..!! وبعد تبيني أتقبل

سواتها .. ( رفعت يدها وهي شاده أعصابها ) أنا عندي عقل

عمر أنحنى لها مقرب من ركبها .. ريح أيديه عليهم وبهدوء : أنتي أهدي

ساره ماهي مستوعبه هدوءه وكلامه قالت بصوت رايح فيها : أنت أشفيك .. طبيعي أنت

( هزت راسها بحيره )

حاطه القرآن بسطل زباله .. تعرف وش معناته

عمر : عارف .. هيا عاوزه تستفزني أنا

ساره طارت عيونها ووجها رايح من البكا : ياسلام ..!!

عمر سحب هوا لصدره ورغم أنه محترق بس يبيها تهدي : دي ماما مبشره ومش بسهوله

ساره قربت ملامحها من وجهه وقالت بحقد وكره : أمك لجهنم .. ولا بعد وبئس المصير ...!!!

وقف يطالع فيها والكلام أندفع مثل السهام زادت حجم ألي فيه أضعاف

أضعاف .. وبدون شعور حرك يده وجر كتفها بقوة ..

من أولى وهو يحاول فيها .. يبي يفهمها الموضوع من زاويته .. يبيها تواسيه

لكن ولا معبرته ..

عمر بعيون أشتعلت غضب : ساره أحترمي الراجل ألي قدامك

ساره وهي تشاهق : تحملت أشياء كثيره منك ومن أمك .. بس توصل عيني عينك

تهين القرآن .. لا والله

عمر هزها وملامحه تبدلت لعصبيه .. رفع صوته بوجها: تحملتي أيه ..؟!

ساره ردة عليه بنفس نبرته : تحملت شنو .. من وصلت لهالبلد وانا بعالم مايعلم فيه غير الله .. من أمك وكتبها

وكلامها وقرقرتها بعدين لك أنت وأوامرك وتسلطك علي بالفلة .. تحملت أستغلالك

لي يوم أني قلت مابي الطلاق حتى تخليني خدامة عندك .. تحملت أني أخذت واحد كندي

عمر فز واقف حتى يجرها بقوة لين غصب وقفت معه : ماتبصي لنفسك بالأول وتشوفي أنا متحمل منك أيه .. أن كنتي فاهمه أنك الضحيه فأنا شريت حريتك بفلوسي .. تحملت غبائك وعبطك

كل وقت والتاني .. تحملت وحدة مش عاجبها أبدا لون عنيها وعمال تستعبط قدامي

وماكنش ناقص غير تحلف كدب أنه لون عنيها هيا عدسات

غرقت عيونها بالدموع على طول وكلامه مثل السم تجرعته ..

ليش يستهزي في لون عيونها أن كان يعرف أنها ماتلبس عدسات ..

ماهو عارف وش ألي خلاها تكذب فهالشي .. كانت حاسه أن أمها قايله له كل شي ..

كم مرة نبهتها لا تدخله بأمورها .. بس ماحد يسمع ولا راح يسمعون ..

هي موجوعه ياعمر .. حزينه .. مقهورة وعشانك أبتسمت ..

قبال عطاياك وحبك رضت بنصيبها

وش ذنبها أذا ولدت في زمن أمها الحزين ..

ماتقول ..!

وش الحل في خطواتها الحيارى .,. وفجرها الكئيب من قبلك ..؟

صرخت من رماها

على الكنب بكل قوته .. أبتعد عنها حتى يرفع رجله وبأقوى ماعنده يضرب الكنبه ..

لف لها وأشر بأصبعه صوبها

عمر : أنا وصلت لحد مش قادر أتحمل أكتر من كده .. أنا ليا كرامة

( أشر لنفسه ) وعشانك دوست عليها.. ومش باين بعينك للأسف ..

تحرك بخطواته الواسعه صوب غرفه النوم صارت تسمع شي يطيح وخشب

يضرب بعضه ومسرع ما طلع وعيونه تصغر من العصبيه ..وقف

وبسرعه رمى بوجها تذاكر السفر للكويت ..

عمر : أنتي طالق ياساره .. أرجعي للكويت وربنا يبعتلك الراجل ألي ع مزاجك

وتتمنيه من كل قلبك ..!

أبتعد عنها وسط صدمة كلامه وتجريحه وطلاقه لها

وسط ألي سوته أمه حتى يروح لغرفته ولحظات طلع من غرفته شايل له شنطة

سفر صغيره متوجه للباب .. فتحه وهي جامده في مكانها مرميه على الكنب ..

ولحظات طلع .. مسكره بأقوى ماعنده ..!!

× × × × × × × × × × ×

الساعه 11 ونص

( ليليان .. يمممه .. حشا شنو هالنوم .. قومي يمه ع العصر بتملج

بنت خالج ... عبورة .. يلا وكلنا معزومين .. يلاااا ) ..!

تهزها أمها مع كتفها ومن ثقل النوم ولا هي داريه عن شي .. سافر لافي وعيونها

جافها النوم ..

كنت شديد الجموح يالافي أمس .. كنت وكم تمنت تقولك

تذكر أني كنت أحبك لاسافرت ...

مافي أصعب من أنه توصل لنا مشاعر كنا نحتاجها

ومن كثر أسرافنا في الأنتظار .. في الخوف من الغياب .. في الأحتياج ..

توصل متأخره في لحظة يتصاعد فيها الصمت ذاتنا .. يدخل مرحله الموت وأكثر ..

حركت راسها حتى تفتح عيونها بثقل وضوء الشمس يعانق زوايا غرفتها ..

ليليان : هممم ..!

الجوهرة خلاص تعبت منها وهي تتردد عليها : يايمه بسرعه أصحي .. ع بال ماأدور لج

لبس ونروح للمشغل وألتفت يم حالي .. يلا

ليليان تسحب اللحاف بقهر تغطي وجها : مانيب رايحه .. تعبانه والله

الجوهره بأصرار : يلاا قومي قدامي أشووف

سحبت اللحاف من على جسدها حتى تجر يدها غصب .. رفعت ظهرها حتى أعتدل بأستقامه

وراس ليليان قام يتمايل مع شعرها الطاير ..

الجوهرة تضرب راسها : صحصحي

ليليان عدلت راسها وبضيق رفعت أيديها الخامله حتى تتمغط : يااااااااااااااربي

جمدت الجوهرة في مكانها من لمحت شعر بنتها من ورا طاير نصه وطالع قصير

كأنه مقصوص .. مالت بظهرها حتى تنحني ورا ظهر ليليان فاتحه عيونها

على الأخر وبعدم أستيعاب سحبت خصلات من شعر ليليان لقدام

الجوهرة : شعرج شنو صاير فيه

ليليان ولاهي داريه عن شي .. مدت أيديها لقدام وصار تمغطهم بقوة : وشش ...؟

ومايمديها تجر خصله منه ألا أنفك كله واصل لكتوفها ..

صرخت بأقوى ماعندها حتى تفز ليليان من الخرعه وتنزل من السرير والنفاضيه

مسكتها ..

لفت لأمها ومدت أيديها وعيونها من الروعه متسعه

ليليان : وش بلاتس

الجوهرة ويدها على صدرها صرخت : شعرج مقصوص

رفعت أيديها بسرعه ومن لمست شعرها نطت تصارخ ناسيه أنها هي ألي قاصته

بس مسرع ماوقفت وعيونها تطالع أمها من طرت عليها ليلة أمس بكل أحداثها

والنوم كله طار من عيونها .. تنحت فيها وسكتت فجأة وهي تبلع ريقها ..

ماتدري وش بتقول ..؟

الجوهرة بعصبيه وهي ترفع يدها بوجه بنتها : شعرج وينه ..؟

ليليان مالقت عندها حل غير تقول الحقيقه .. قالت مغصوبه : أنا .. أنا قصيته يمه

شسوي طق في رويسي أقصه

مايمديها تخلص ألا تنحني الجوهرة من حر ماتونس وتسحب نعلتها من رجلها ..

وبسرعه ليليان حطت رجلها تركض طالعه من غرفتها متوجه لدرج

ليليان وهي ماسكه راسها لايطير عليه شي: خلاص يمه توبه ..

أنحنت بقوة من شافت النعله طارت طالعه من الغرفه جايه صوبها ..

صرخت بقوة حتى تنزل تركض بكل قوتها .. طلعت الجوهرة وهي معصبه

على الأخر وبسرعه وقفت وسحبت نعلتها الثانيه ..

الجوهرة ترفع النعله : والله ماخليج على سواتج ذي ..

نطت ليليان أخر درجتين حتى توصل للصاله ومالقت بوجها ألا علي واقف متنح

بوسط الصاله مايدري شصاير .. ركضت له وبسرعه تخبت وراه ومسكت

ثوبه جارته من ورا

ليليان : تكفى عمي .. داخله على الله ثم عليك تهدي أمي ..

علي جمد في مكانه من شاف الجوهرة تنزل الدرج بكل قوتها : شصاير يادافع البلا

ليليان : ركبها الشيطان ..

علي وقف يطالع بزوجته : ركبها ..!!

وقفت الجوهرة ماسكه الدرابزين وعلى طول صرخت

الجوهرة : أمشي تعالي ..

ليليان واقفه ورا علي وعلى طول تخبت براسها ورا ظهره : لا

علي رفع أيديه للجوهرة : هدي ياحياتي .. أول مرة أشوفج بهالشكل شوي تطلع لج قرون

الجوهرة وصوتها يرفع : بتطلع .. بتطلع أن ماخليت خايبة الرجا ذي تجيني أبرد

حرتي فيها ( قالت ماهي مستوعبه ) قصت شعرها جعل ايدين عدوينها للقص ..!

علي طارت عيونه : هااا ..

ليليان وأيديها مثبته على خصره ومسرع مابروعه جرت ثوبه لورا : تكفى عمي هدها

علي حط يده على بطنه : يايبه لاتشدين على ثوبي تطلع كرشتي .. ثم ينولنا من الطيب

نصيب ..!

نزلت الجوهرة وماهي شايفه أحد ألا ودها تمسك بنتها وتعلمها

الشغل تحركت ليليان بخوف وهي تجر ثوب علي وهو قام يرجع ورا غصبن عليه

.. رفع أيديه من وقفت الجوهرة قباله وصارت تنحني تبي تسحب

ليليان من وراه

علي : هدي

الجوهرة بعصبيه : علي رح من قدامي خلني أتفاهم وياها

علي وكشخته كلها راحت : قولي أعوذ بالله من الشيطان

الجوهرة صرخت : قصت شعرها أقووولك .. قصته

علي أنكمش على روحه وأطراف غترته طاحت ورا ظهره والعقال رجع لورا

من شده ليليان لثوبه : أييه والله عرفت بس هدي ..

انحنت الجوهرة حتى تضرب ليليان من يدها وعلى طول حطت رجلها وراحت تركض

راجعه لدرج ..

علي مسك الجوهرة : هدي ..

ليليان وشعرها الكثيف كلها صار شوشه مبعثر بشكل وعيونها المنتفخه

من النوم طايره قامت تفرك يدها : آآآححححح .. هذا الشيطان شكله حالف ألا يحرضتس

علي ..

الجوهرة أشرت بيدها صوب بنتها وهي تطالع علي : خلها تصعد ( غمضت عيونها وحطت يدها على راسها ) مو قادرة أستوعب شنو مسويه بشعرها

ليليان يقال أني قمت أتميلح .. مالت بجسمها ورفعت يدها حتى تدخلها

بشعرها وترفعه : وش رايكم بشكلي الجديد .. بسم الله علي وش زيني

علي حرك شفاته ورفع حاجبه يطالعها ماستوعب حركتها : ها

الجوهرة غطت ملامحها بكف بدها : تكفى أبعدها عني لا أرتكب فيها جريمه

علي بشك : بنتج ماش .. ماهيب مضبوطة من وصلت من بيت خالتي

ليليان وقفت تطالع علي : هه .. هه .. ( مدت يدها ) لاتخليني أحرش عليك ثم تاكلها ..

علي تحرك بسرعه صوبها : شنوو .. شنو

ليليان رفعت قميصها وركضت فوق : ............

علي وقف عند بدايه الدرج رافع يده : هين

ليليان أنفجرت ضحك : هههههههههههه ..

مسكت الجوهرة راسها وتحركت جالسه على الكنبه ..

الجوهرة : شنو سوت ذي .. وراها قصته ..؟ مصيييبه

علي وقف حتى يحرك راسه صوبها : عاد قصته .. وليته قاصته نفس الخلق ..

تقول .. ( سكت حتى يضحك غصب عنه ) أستغفر الله بسس

الجوهرة تطالع زوجها : السواة هالحين .. كيف بناخذها لبيت أمي بهالشكل ..!

علي تحرك جاي يمها : أساسا بتروح .. هذي لازم طيران لمشغل تعدل شعرها

الجوهرة بقهر : ليه قصته .. لييه .. وش جايها على شعرها الهبله ..كيف ماحسيت

عليها امس ..!!

أمس ..عقد حواجبه وأبعد عيونه حتى يطالع له تحفه كبيره بجنب باب المدخل ..!

في هالبنت شي ماهي قادره تقوله ..

وش معنى ما قصته ألا أمس يوم شافت لافي وتغريد بعدين جى

ورجاه يشوفها قبل لا يسافر ..

وش صاير عشان تقصه .. هذا شعرها أغلى ماتملك البنت .. جمال يزيدها زين ودلال ..

أي أمنيات حايره فيك يالغيد ..

أي نهار يختنق وتلملمينه في أبتسامه وترحلين ..!!

ولا هو الحظ من أغلق الباب في وجهك ومات ..

وقف من دق جواله حتى يتحرك بسرعه صوب باب المدخل ويطلع ..

علي يفتح الخط : هلا خالتي .. شوفي

الجده بعصبيه : خل هالخايب يجي للبيت أحسن له ولا والله لا أقول

كل شي من عندي ..

علي يقاطعها : تكفييين ياخالتي أنا بمرك هالحين وبقولك ألي عندي .. لاتسوين شي

لين أنا أوصلك .. طلبتك

الجده بأستغراب : شنو جاك أنت هالحين .. معجبك وضع البنيات ..!!

وحدتن بالسر والثانيه ربنا وربها الله

علي نزل الدرج : أنا بوصلك هالحين .. أنتظريني ياخاله بس

الجده بعد صمت : والله مالي خاطر أردك .. تعال أشوف وأن كانت فعولك قل كلام العصا

تحملها

علي وقف وبنبرة واطيه : طيب ..

سكر الخط وهو متوهق حده ولافي سافروتركه بوجه المدفع ..

أن شاءالله بس تسمع له ولا تطرده نفس الباقين ..!!

× × × × × × × ×

فرنسا ..

جالس في حديقه فلته بطرازها الفرنسي البحت في أحد ضواحي جنيف ..

كان تحرك الشرطة الفرنسيه بعد أستلام شحنة الأسلحة والمخدرات

بمثابة الصاعقه لكل من يوقف وراه من رجال أعمال لهم مكانتهم في المجتمع ..رفع يده

بحيره حتى يفرك جبهته بتوتر الوضع الأمني حاليا ماراح يسمح له يتنقل

بحريه .. أنحنى مريح أيديه على الطاولة والسما فوقه ملبدة بالغيم ..

يطالع المساحة الشاسعه من أرض يملاها اللون الأخضر وطبيعه خلابه

على مد البصر ... دق جواله وبسرعه ألتقطه حتى يفتح الخط

بملامح يملاها الحيرة والتوتر

ميشيل : أهلا ..

جوزيف بعصبيه : ثمً خائن مندس بيننا .. تم أبلاغي أن الأنتربول يريد وضعك

ضمن قائمة المطلوبين لديهم

ميشيل فز واقف : ماذا ..؟

جوزيف : أنصحك بالرحيل فورا من فرنسا والتوجه لبريطانيا لأي مهمه ما ..

ميشيل بأنفعال : لن أرحل لأي سبب .. ليس هناك دليل لديهم بتورطي أتفهم

جوزيف

جوزيف بصوت عميق وآمر : يجب عليك الأن التحرك بحذر .. الشحنه التي تم

أستلامها توجهت للمخازن الأن وسط مراقبتنا المكثفه للشرطة والأنتربول .. أعتقد

أنه تم أستهدافك ميشيل وسيتم الأيقاع بك كن على حذر ياصديقي

ميشيل ثار غضب : يجب عليك حمايتي والسعي لأبعادي عن أنظارهم .. أتفهم ..!!

جوزيف بهدوء وبضحكة ساخره : أهتمامي بك هو من أجل العقار الذي يعمل عليه

المخترع الكيمائي فهد .. وأنت أمام الدولة مكلف بمهمة الأعتناء ودعم مخترع

كفهد ..! لكن أن يتم الأشتباه بنا لمجرد عدم أخذ الأحتياط من جهتك .. سامحني ياصديقي

لن أسمح لك بذلك .. غبائك فقط من قادك نحو فوهة الهلاك .. ثمة

من أستطاع لفت الأنتباه لعملنا ميشيل ..!!

ميشيل رفع يده وهو يحركها بدون وعي ويتحرك مبتعد عن طاولته : حسنا حسنا .. لاعليك

سأكون على حذر ..

جوزيف أبتسم بأنتصار : تعلم جيدا أن تم أثبات أي تهمه عليك لن نسمح لهم بالوصول لك ..

كل ماسنفعله هو الأعتناء بك على طريقتنا ..

أتسعت عيونه بقوة من أنقطع الخط والتهديد أصبح له بطريقه مباشره ..

بلع ريقه بخوف ولايدري من الخاين ألي قدر بذكاءه لفت الأنتباه

لهم .. من ...؟!!

× × × ×× × × ×

فالطياره الخاصه ألي متوجه للأراضي الفرنسيه ..

جالسه على الكرسي بصمت والجوال ألي بدون شريحه بين أصابعها .. حركته

بشكل دائري لين بانت شاشته وبسرعه ضغطت الزر حتى تطالع

الرساله ألي كتبتها ليليان ..

قرتها للمرة الألف .. وفي كل مرة تحس أنها تنحر روحها على كف العتاب ..

ليش سافرت معه .. ليش ماورته هالرساله وقالت له روح لها .. أشبع منها ..

حركت عيونها للشباك الصغير حتى تطالع هالكون من مسافات عاليه ..

فوق هالعالم هي ..!

( سيدتي )

لفت براسها ألا المضيفه الفرنسيه واقفه على يسارها منحنيه لها بصينيه

صغيره فوقها كوب عصير .. طالعت ملابسها الرسميه والتنورة

ألي واصله لحد ركبها ومسرع مارفعت عيونها لملامحها الطويله ..

تغريد هزت راسها بالرفض : لم أطلب أي شئ

المضيفه أبتسمت : أنه سيدي .. طلب مني أحضار كوب العصير أليك ..

عقدت حواجبها حتى بأستفهام تلف براسها لورا وماتشوف غير ستاره ..

تغريد رجعت تطالعها : أيمكنني الذهاب أليه

المضيفه تعدلت بظهرها وأشرت بيدها لقدام : بالطبع ..

من ركبوا هالطياره ماجلس معها يمكن ساعه والدقايق بينهم ممله ..

الكلام قليل والصمت أكثر مايجمعهم .. فكت الحزام ووقفت حتى تلملم عبايتها والمضيفه راحت تمشي وهي بهدوء تحركت وراها .. المكان بهالطياره راقي .. والتصميم

فخم .. لا الكراسي لا الطاولات .. تحركت بشكل مستقيم حتى تمد يدها وتبعد الستاره .. شافت

المضيفه تنحني نازله من درج ع شكل لولبي .. أخذت نفس والهدوء قاتل ..

تحركت خطواتها حتى تضف عبايتها وتتقدم من الدرج ولاتدري هي وين رايحه ..

مسكت الدرابزين ونزلت حتى تتسع عيونها من عانقت خطواتها الأرضيه .. وقفت قبال

غرفة تشبه غرفة أجتماعات ..!!

الطاولة الأنيقه بلمعان خشبها على يسارها والكراسي بشكلها الفخم تدور حواليها ..

وعلى يمينها كنبه طويله من الجلد عليها شماغ فوقه العقال والثوب مرتاح عليها ..

والأضاءه القويه تحتل الزوايا بأشكال وألوان مختلفه

حركت عيونها للمضيفه ألي وقفت عند باب لونه ذهبي وصارت تطقه بخفة ..

وبسرعه تحركت تغريد صوبها حتى تبعدها عن الباب وتفتحه داخله ..

جمدت خطواتها من دخلت بغرفة نومه ألا تشوفه متمدد على سرير لونه أحمر وطاولة

مليانه بالأكل على مسافه قريبه منه .. حاط أيديه تحت راسه ومغمض عيونه

بس من حس بأحد دخل .. فتح عيونه بتعب ومسرع مارفع راسه

لافي : هذا أنتي ..!!

تغريد ماهي مستوعبه أنه مرتاح ومبسوط على فراش وهي كسر ظهرها الكرسي

فوق : قاعد هنيه وتاركني

لافي رجع براسه وببطء غمض عيونه : شنو أسوي لج يعني ..!

تغريد تدخل أكثر وتسكر الباب : أبيك

من سمع هالكلمة فك أيديه عن بعض حتى يرفع ظهره وينزل رجوله

عن السرير .. فز واقف وهو يدفن أيديه بجيوب بنطلونه

لافي : شنو

تغريد : دام حنا مطولين شنو رايك نفتح أوراقنا كلها قبل ..

عقد حواجبه ولايدري أشفيها ذي مستعجله ..!

وبهدوء تحرك مبتعد عن السرير ألي قضى فيه وقت تفكير طويل حتى يروح لكنبه

طويله تقابلها كنبه بنفس الطول ومسرع مارمى جسمه المتهالك عليه ..

لافي يأشر لمكان قباله : تعالي ..

ضمت أصابعها مع بعض حتى تتحرك بخطوات مرتبكه على مرمى نظره وتجلس على الكنبه ..

حطت الجوال بجنبها واخذت نفس عميق ..

وهو يتأمل عيونها ألي تتحرك يمين ويسار .. ربكتها .. خوفها من هالماضي ويمكن

من بطشه وعصبيته ..!!

لافي يتكتف : وانا بعد أبي نقول كل شي يخصنا .. الزمان ألي جمعنا تغريد

تغريد طالعته وبأنهاش من منطقه :كل هالزمن بيظل يجمعنا ..!

لافي أبتسم : تصدقين أني قبل شوي قمت أفكر بأيامنا ألي راحت ياتغريد ..يالله ..

فيها كثير صدق .. شفتها تقترب مني هي .. هي ياتغريد ماتغيرت

تغريد ماتدري ليش بنبرته شي فجر حزن وصرخات داخلها : تعرف كم يوم مر بدونك ورحل .. تعرف بسفرك وش أخذت مني ..!

لافي طالعها بنظره عميقه : من اجبرنا نفترق ..؟

تغريد بأندفاع : المرض ألي فيني

لافي هز راسه بأسف : لا تقنعيني أن المرض من أجبرك تجرحين وتقفين .. ( صد بملامحه

عنها ) يعني ناسيه أني كنت نفسج مريض ولا نسيت

تغريد بقهر : قلتها لك ألف مره .. أيه غبيه يوم فكرت بهالشي بس حالتك يالافي ماخلت

لي مجال .. معاق وبياخذ له وحده المرض بيسرق منها الشوف والحركة .. ( أهتز صوتها

بغصه ) شنو متوقع مني وأنت روحي .. هواي ألي أتنفسه ..!

لافي لف لها أنحنى بحرقه تكوي جرحه : هذا أنتي قدامي مافيج شي

تغريد حركت أيديها : لمتى ..؟

لافي سكت وهو يطالعها بصمت جارح : ...............

تغريد بتأمل يغيب فيه طيات الحزن : ماتقولي يالافي .. لمتى بظل أشوفك .. لمتى ..

لافي غمض عيونه : مدري

تغريد سكتت .. ابعدت عيونها عن ملامحه الرجوليه المحفورة

في ذاكرتها ومسرع مارجعت تطالعه : هالأيام ألي رحلت ( نزلت عيونها لأصابعها

ألي بدت تشبكهم مع بعض ) غيرت فيك وفيني أشياء ..

وش أصعب من هالغربه ألي بدت تفوح ريحتها بين أنفاسهم ..!

تعطر أبواب الحنين ..

تغلق أبواب الرحيل ..

هي الأنثى ألي أقتحمت عالمه من هو صغير .. أخذت من هالعمر أيام وسنين ..

بقت تطير مثل الفراشه

مابين الصفا والطهارة ..

مابين الحب والبراءه ..

ضم شفاته بقوة وكل شي بدى يستعيد دوره في نفسه .. كل شي

حرك يده .. رفعها حتى يمسح على شعره الرمادي ويفز واقف .. يتحرك صوب العالم ألي تطل عليه

نافذه هالطياره ..رفعت عيونها تطالعه بطوله وبهيئته .

لافي : تدرين أني حاربت الموت مع حبك ولا نفع .. ذبحني من رحلتي .. الحب ألي كنت

أشوف فيه كل شي ( قال بصوت واطي .. ببحه غريبه خلت الدمع يتسلل لعيونها )

ذبحني ياتغريد .. والله أنه ذبحني

تغريد حاولت تقول شي عجزت :...............

لافي وهو يتكتف كأنه يحاول يدفي هالذكريات العابثه فيه : عرفت بعد مارحتي أن عمري

ماراح أتعلم .. هو قلبي هالشكل .. لاعطى أسرف ولا عشق مات .. كنت أجلس وحيد

ويسحبني قلبي لج وأقوله رح مصيرك ترد لي مكسور .. غنيت عشانج وأنا وحيد ..

بجيت ( هز راسه وصوته أهتز بقوة بدى يختفي ) أيه لافي نزلت دموعه عشان حرمه ..!

نزلت دموعه لما بقى له من الحزن الكثير .. والحلم شعره بس

( لف براسه صوبها قالها ودمعه خاينه تنزل من عينه ) وش الفايده نغني ولا يسمع أحد !!

تغريد فزت واقفه : والله العظيم أني ماطلبت الطلاق ألا عشان المرض

حرك جسمه صوبها .. خلاص انتهى زمن الأوهام والأعذار

لافي حرك يده بصوت أرتفع : لاتقولين عشان المرض .. وقت ما أنا معاق ماسافرتي لألمانيا

لحالج ..؟ ها وبعد ماتشافيت مارديتي وسافرتي وهناك ألتقيتي في خطيبج السابق

فواز وأخته ..! أنا مو أهبل

تغريد طارت عيونها : أنا سافرت وأنت معاق .. شقاعد تقول أنت

لافي بقهر : أيه أمج كانت تقوله فرحانه وتضحك وأنا أحترق ولا لي قدره أروح لج وأسحبج

مع شعرج لديره ..

تغريد وهي بدت تتنفس بصعوبه .. هزت راسها بالرفض ودموعها تنزل : مستحيل أمي بتقول عني شي

ماسويته .. وسفرتي لألمانيا خوله وأخوها هم من زاروني .. ( وبأنفعال ) والله كنت في حاله حتى النوم ماأنامه لا فالليل ولا فالنهار .. حساسيه

بجسمي وعظامي ت ..

لافي يتحرك بخطوات واسعه ..يوقف قبالها وهالذكرى بالذات خلت الدم

يندفع لملامحه بشكل يروع : مستوعبه كيف أني أسمع فواز داخل غرفتج يتغزل فيج

وأنا واقف مثل الحمار برا .. هاا

تغريد بكت : شقاعد تقول أنت .. والله العظيم ماصار ولا أدري عنه .. قسم بالله

**********

>

>

<

<

كــــــــــــــــــــت

<

<

<

<

انتهى البارت  دمتم بود

::::

::::::::

تعليق  /  رايكم

تصويت للبارت ⭐️

رجاء فوت⭐️/صوت⭐️قبل القراءة

الفصل الثاني والسبعون

الخطوة ( 67 ) .. خطوة تتبع في حلم أريد منك أكثر مما أريد

( حان لي القول .. وداعا .. ! )

لافي صرخ بوجها : شقاعد أقوول .. قاعد أقول النار ألي حرقت جوفي وأنا حي ..

تغريد رفعت أيديها ماتدري أساسا هو كيف أتهمها وكيف أصدر بحقها هالحكم : أقولك

مدري عنهم .. مدري .. ( شهقت بقوة وشفاتها ترجف من الصدمة والكلام ألي قاله )

قسم بالله العظيم أني ماعرف عن ألي تقوله شي .. الله ياخذ عمري ويعجل بوفاتي

أن كنت أجذب عليك .. كل ألي سويته أني .. أني طلبت نفترق عشان ماأذيك .. عشان

ماأوجعك زيادة .. بس .. ( ضربت أيديها في بعض ) بس .. بعدها بفتره سافرت

لبرا مع ابوي وأمي ..

تعدل بوقفته يطالعها تنهار بين عيونه مثل الفراشه ألي نوت النور وأحرقت أجنحتها

النار ..!

ظل يتنفس بقوة .. يرتفع صدره وينزل ببطء وهو يحاول يكتم غضب وصل

لعمق النار ولا هابه ..!

وهي .. ظلت واقفه تبكي مو من التجريح ألي ضرب صدر الأمل في ذاكرتها وغدر ..

ولا من حتى نظرات عيونه ألي تحرق جسدها الهش وضعفها ..

كانت تبكي من الحقيقه .. من حجم الأتهام والشكوك والطعن فيها من سنين

ولا عرفت ..

خوله .......

ماقدرت تكمل .. رفعت يدها بصدمة حتى برجفة غريبه تتلمس جبينها الأبيض ..

تتحرك بدون شعور للكنبه تجلس عليها ودموعها تنزل ..

معقوله ماتركتها ألا بعد ماتيقنت أنها خلاص .. غرست سهم الشك في صدر لافي

وأنتهى كل شي ..

معقوله كل الأيام ألي قضتها في عالم هالصداقه هو عشان أهداف ..

والله ماكان واضح عليها .. ولا شكت بأبتسامتها .. بصدق مشاعرها ..

بصدق نواياها .. ماكانت أبد حاطة أن رفضها لفواز لما خطبها ووافق أبوها

شايلته في قلبها حقد أسود ..

معقوله فواز نفسه وصلت فيه الدنائه يسويها ..!!

غطت وجها بأيديها الثنتين حتى تدخل في موجة بكا غير طبيعي .. وأمها ..!!

ليش قالت أنها سافرت وهي أعتزلت الكل فالبيت ..

وش مقصد أمها .. عشان بس كبرت سالفة الطلاق ..

وهو وقف يطالعها .. ومسرع ماصد بعيونه عنها يسمع بكاها ولا أهتز ..تحرك راجع

يشوف هالعالم من فوق ..

لافي وهو يتكتف : تذكرين يوم كنت معاج .. ودق سعود ...!

ظليت مغطيه وجها وهو طال سكوته ينتظر ردها .. ومسرع مابعدت أصابعها عن وجها

.. منحنيه وأيديها متسانده فيها على ركبها ..

تغريد بدون ماتطالع ظهره وبصوت رايح فيها : مانتهينا من سالفتك ألي قلتها لي

لافي أبتسم ميل شفاته : هو لما ننتهي منه بقدر أعالجه أنا ..!

تغريد نزلت أيديها مادتها لقدام وبنبره حادة : مو على كيفك تتهمني بشي أنا بريه منه ..

وماهمني تعالجه ولا لا .. أنت حر بنفسك .. يهمني برائتي .. يهمني سنين

عمري ألي ضاعت عشان شكوكك .. يهمني هالأنتظار ( حركت أصبعها صوب صدرها )

ألي حلمت فيه

لافي رفع حواجبه حتى يحرك جسمها صوبه : هذا أنتي نفسج وبس

تغريد تفز واقفه .. تتحرك صوبه تتمسك بقوة بيده مثل لو أنها تبيه يصحى :

أي نفس ألي فضلتها عليك .. قوول .. أنت عارف شنو معنى أني أفقد كل يوم

شي منك وأوهم نفسي أني مافقدته ... ( أهتز صوتها بقوة ) أنت سافرت .. غيرت

ذكرياتك .. غيرت حياتك .. غيرت حتى جنسيتك .. وأنا ..!

( حركت يدها بقوة وبعشوائيه ... بصوت يهتز ) بيتنا هو بيتنا .. وجوالي ألي كنت تكلمني فيه هو هو ..

الشارع ألي كنت توقف فيه أمر عليه كل يووم .. كل يوم .. سنتين وأنا أعيش هالأشيا

ألي ماتت فيك وفيني بقت.. سنتين من عمري بعتها عشان يوم بس ألتقيه فيك ..

( أنهارت تبكي ) وأخرتها .. أخرتها شايف وسامع أشياء جذب عني ... ليه علقتني

على ذمتك وسافرت من البدايه .. ليه ماطلقتني ها يوم أنك شاك فيني .. كنت تعاقبني .. تبي

تنتقم ..!

لافي ظل يطالعها بصمت وهي منفعله بالكلام معه : ...................

تغريد حركت يدها بسرعه حتى تضرب كتفه : يوم أتصل سعود

وعرفت رحت بشرت أمي .. هذا ألي اعرفه .. وخوله الحيوانه أستغلتني عشان

رفضي لأخوها .. لأني قلت لها أنا مابي غيرك وأخوج ... أبوي من وافق عليه بدون شوري ..

رجع لورا وهي رجعت تبكي وتحرك أيديها تبي تضرب صدره ..

تبي تشفي هالغل ألي أنفجر في صدرها من زمن مايرحم ..!

صارت تضرب كتوفه .. راسه ..

مسك يدها بس هي ماأهتمت .. كملت بصوت مرتفع يحترق قهر ..

تغريد : عشانك رحت لبيتها .. كلمتها هي مع أبوها عشان يبعد فواز عن طريقي ...

كلمتها عشان ماتكبر بينك وبين أبوي .. لأني أبي حياة تجمعنا كلنا ..

كنت أموت في كل يوم يمر علي وماألقاك .. كنت أيأس ..

مسك أيديها بقوة بقبضة من أصابعها أستقرت على معصمها .. رفع أيديها لفوق

يميل براسه بعيد عن أيديها

لافي ضاع مايدري وش يقول يبي يهديها لايصير فيها شي : ...............

تغريد أنهارت تبكي بوجهه : فيك كل هذا وقربت مني .. قربت مني مستغل حبي وضعفي ..

مستغل خوفي من العمى ولا أشوفك ... مستغل خوفي من يوم أصحى فيه بعيده أنا عنك ..!!

سحبت أيديها بقوة حتى توجه له ضربه من جديد بأقوى ماعندها لصدره

تغريد بدون وعي صرخت وبأنهيار تام : رجع لي عمري ألي سرقته مني بحقدك وشكوكك ..

رجعه يامريض ماعدت أبيك .. خلاص طابت نفسي .. والله العظيم طابت ..

أنحنت تبكي وهو رجع بقوة ماسك صدره حتى يضرب طرف كرسي ..

قامت تهتز .. تصيح مثل طير بعثر الريح ريشه ..

وش أسوأ من هالحب ألي قسى عليه الزمن وثار ..!!

بس بسرعه تحرك أنحنى لها حتى يرفع راسها ويدفنه في صدره بقوة ..

لف أيديه حوالي ظهرها ..

طلعت منها ( آآآه ) بقوة وهي تشاهق بين ضلوعه ..

يخترق صوتها عروق قلبه .. ينفضه بقوة

( تكفى ريحني خلاص .. سويت فيني ألي مايرضي ربنا .. شنو باقي يالافي ..

قووول لي .. كم مرة قلت لك أتركني .. أتركني وروح ..

أعتقني لوجه الله .. تكفى .. لاتخليني أختار .. ماراح أترك لو خيرتني .. ريحني )

أخذ نفس بقوة وهو يدفن ملامحه على كتفها .. يسحب هوا لصدره بقوة ويكتمها

لا ينهار ضعيف من جديد بين هالحب ألي تمكن فيه مثل المرض ..!

حرك أيديه بقوة حتى يشدها حوالي ظهرها ..

لافي بصوت أهتز من أنهيارها : تكفين أنتي بسس ..!

تغريد بتعب وهي بدت تشاهق بخفه وصوت واطي : ماعاد ألي بينا يكفينا ..أنت ألي قلته ..

أنت ولا فهمت أنا

لافي ميل راسه على راسها .. كأنه يبي يحس بنعومة بشرتها .. يحس

بوجودها حيه فيه وماغيره ألي مات : والله كل شي أنقطع ولا كان بيدي له حيله ..

ألي سويتيه طعني ..

تغريد تشاهق بين أيديه من كل شي قاله عن أمها وعن خوله : ........................

لافي وأنفاسه المسموعه تردد حولهم : والله أن قلبي للحين يذكرك .. ماعدت بطريقتي

أحبج بس قلبي يحبج ..!

تغريد بتعب : ماسافرت يالافي ولا كلمت أحد والله العظييييم ..ولا ذبحت سعود ...

ماذبحته ..!!

رفع راسه وبسرعه قابلها .. قرب ملامحه من ملامحها.. حس بنفسه يستنشق

أنفاسها من جديد ...

هو كيف للحب ألي صنعته سنين يالافي يموت ..!

كيف التفاصيل العميقه في ذاكرة أرهقها الزمن تضيع ...

لافي فتح عيونه حتى تلتقي بعيونها المليانه دموع تنزل بقوة : أنا والله شوفة فواز

وكلامه ألي سمعته خلاني أثور وأتذكر كل شي صار من قبل

تغريد أندفعت محركة شفاتها .. تبي تدافع عن روحها وتتزيد وتعيد

بالكلام : أقولك ..

وقفت من حط أصابعه على شفاتها ضاغط عليهم وهو يغمض عيونه .. قبضة يده

الثانيه تستقر على فكها .. وبنبره عميقه حست فيها بخوف يتسلل لقلبها

لافي : هصصص .. أنتي قلتي الي عندج وأنا علي أحكم .. أنا كان فواز متقصد هالحركة

عشان ينتقم على ألي سويته أنا له ويضرني.. والله لا أشرب من دمه ..!

حركت عيونها يمين ويسار وهي تطالع فيه يغمض عيونه بطريقه يكبت فيها شي داخله ..

أذا كان فواز بيشرب من دمه .. أمها وش موقعها ..

تغريد بصوت واطي وهي تحاول تكتم شهقات بكاها : و .. وأمي ..!

لافي على طول فتح عيونه تأملها وبنبرة تأكيد : لكل حادث حديث ..

مال براسه حتى يقبل رقبتها بدفا وهو كأنه يبي يمتص هالحزن والأنفعال

ألي متأكد أنه بيضرها ومسرع مابعد .. بعد مالفتها ريحة عطره ألي أنتشرت

ملتصقه فيها من قربه ..

توجه بخطواته الواسعه صوب السرير حتى ينحني ماسك الساعه ومسرع

مالف لها رافعها ..

لافي بصوت هادي بعد ماكان قبل شوي منفعل بطريقه غريبه : تغريد ..

لفت براسها صوبه حتى تتسع عيونها من شافت الساعه بين أيديه ..!

هذي الساعه ألي شرا منها نوع رجالي ونسائي من ماركة غاليه كلفته كثير

فلوس وهو على قد حاله أيامها ..

وكم كان فخور بهالشي ..

أنصدمت من أنه لا زال يحتفظ فيها وماتدري أن ألي أحتفظت فيها وحدة رماها القدر

في طريق لافي حتى يكون الأجودي ألي أنقذها ورحل تارك لها ساعه

وبقايا من ريحة سيجارة ..!

لافي : هذي ياتغريد لاسلمتها لج أعرفي أن قلبي بين أيديج من جديد ..

كم ظل يالافي عمري وعمرك صمت لرحم عقيم ..!

وكم تغيرت ظنونك فيني

تتوقع بيرجع القلب والزمان القديم فينا ..

ويظل الحب أكبر .. أكبر من أمانينا ..!!

× × × × × × × × × ×

يانهار الشقى بسس .. مابقى ألي يسحبوني تالي هالظهر لمشغل عشان أمي

تعدل شعري .. طبعا من طلعت من البيت لحد ماوصلت لهالمشغل وهي تهزأ فيني ..

تسني مرتكبه جريمة لاحول ولا قوة ألا بالله ..

ولا عمي علي فاتح خشته بس يضحك .. بيني وبينكم أنا مرتاحة بسفر لافي .. قلعة

تاخذه لوادرين .. !

مدري وش فيني أحس نفسي رجعت طبيعيه .. رجعت أرمي الدنيا بتسبرها

ورا ظهري .. صح أنه أمس بتسيت يوم راح لين قلت بس .. لكن نمت وقمت الحمدالله يارب ..

تلقين هالحين تغريد موريته رسالتي ..

وهو ثاير ويدعي علي .. يتهنون بسفرتهم ياعل .. لالا .. أوقف هنيا مابي أدعي

عليه .. قال وش قال الغيد .. أييه ياهين يالشايب.. والله ماأخلي تغييير أسمي

يروح عبث .. مابقت ألا ذي .. عويذ الله من شرك ..

( هين .. يتعدل شعرج ونرد للبيت ..! )

طالعت أمي بطرف عين وأنا متكتفه .. كل ماحترقت جت يمي وقامت تهاوشني

بأذني عشان مايسمعها هالناس ألي حوالينا .. لويت فمي وأخذت نفس .. أمي منقهره

وهو شعري .. تسيف أنا ياللي قصيته بأديني .. وهذاني بسم الله علي قاعدة ومستانسه وياربي لك الحمد ..

نشكره ونحمده يوم أنه أبعد عني شر هالافي .. بس ماراح أسكت عن قولته لعمي

أنه مراقب .. مالي شغل لاشفت جدتي بهل لها كل شي .. وأييه بعد بقولها

ليش خبت عني كل هالمده أن لافي الأجودي ألي أخذني البر ووداني يمها ..

وأمي تعرف وعمي علي حتى عبير وخالي يعرفون .. وأظن بعد زوجته .. ياناس

فهموني ليش هو زواج بالسر .. حتى هاللي تتسمى تغريد تعرف .. !!

ولا بعد مرايم وأمها .. ياحبيبي .. أهتز كتفي بقوة ألا هذي أمي تضربه ..

( يلا يلا .. قومي )

ليليان بضيق : يمه رجيتس .. ساحبتني من البيت لحد هالمشغل وأنتي

مالتس نفس لي .. وش له جايين .. ليه المخاسير يادافع البلا

الجوهرة بعصبيه : أنتي لج عين تتكلمين .. ليليان الوعد لاردينا البيت قومي

ليليان ترفع راسها لأمها الواقفه جنبها : وش مسويه أنا .. تسني بنتحر

الجوهرة وصلت حدها : ليليان ..!!

على طرف لساني أقولها خبرتس عتيييق صار أسمي الغيد بس سكت ..!

نزلت رجلي على الأرض وفزيت واقفه حتى أحضن شنطتي والعبايه طايحه

حول كتوفي والشيله بعد .. صالة المشغل الواسعه بأضائتها مليانه من الحريم

ألي مدري تسيف تاركه بيتها وغداها وشوي ألا تنسدح تنام هنيا ..!

والله على بالي ماراح نلقى أحد بس حريم وش نسوي ...

تحركت أمي بخطواتها الواسعه حتى تدخل غرفه صغيره وأنا

أدخل وراها .. ملت براسي ألا أشوف وحده تسنها من الفلبين .. عيونها شوي وتغمض

مع أنها مفتحة سبحان الله ...

قامت أمي تسولف معها وتشرح لها كيف تقصه .. أظن قالت مدرج ..!!

ليليان وقفت عند الباب : يمه .. لا تقصره .. أبيه ع طوله

الجوهرة ماعطت بنتها وجه وبصوت هادي : سيليا بعد القص أبي أصبغه لون يناسب بشرتها

سيليا : نو بروبلم مدام ..

فتحت عيوني مع فمي .. تصبغه .. لا هذا ألي عاد لا ولن أرضى فيه .. شعري من الله

مصبوغ ..

ليليان حركت جسمها برفض : يمه صبغ لا

الجوهرة تطالع بنتها بحده : مابي أسمع صوت

ليليان بأستغراب : ليش ..؟ الشيطان وتعوذت منه ودعيت الله يبعده عنتس .. صبغ لا ..

الكوافيره تأشر ع كرسي أبيض كبير وراه مرايه : ممكن

طارت عيوني وش بيصير فيني .. أن شاءالله بتلعب بشعري .. أيه أنا قصيته ودست

ع قليبي بس عاد ماهوب يكملون عليه .. طرت على فكرة ... عمي علي واقف برا

أحط رجلي وأهج له .. بس مايمديني أحرك عيوناتي لبرا ألا أمي ساحبتني من ورا ..

تمايلت من الخرعه ومسرع ماجلست على الكرسي ..

الجوهرة : حركاتج مكشوفة

ليليان وعيونها طايره تطالع أمها ألي شيلتها ملتفه حول راسها : وش ..!

الجوهرة تتحرك حتى تجلس جنب الباب ع كرسي صغير وتحط رجل على رجل : وهذي قعده ..

تحركت سيليا حتى توقف ورا ليليان وبأبتسامة حركت الكرسي لين قابل المرايه ..

أبعدت عنها وليليان بغبنه سكتت وهي تطالع أمها ..

قربت منها سيليا ولفت حول رقبتها قماش عشان يحمي ملابسها من شعرها

لا أنقص .. مالت بجسمها حتى تسحب علبه وتبدى ترش على شعرها ماي

ليليان تطالع سيليا : تراي مو محللتس ..!!

سيليا عقدة حواجبها ماتدري وش تقول وهي مستمرة تبلل شعرها : .................

ليليان تحرك كتوفها بقهر : عاد الله بيحاسبتس من سابع سما

الجوهرة رفعت حواجبها : هاو .. أنهبلتي أنتي .. يحاسبها ليش

ليليان ماطالعت أمها : ماسمعت شي ..!

الجوهرة ضحكت غصب : هههههههههههه .. والله حالة هالحين فاقعه على شعرج

تقصصينه وبعد زعلانه

تمايلت سيليا وسحبت المقص مع مشط حتى تبدى القص وتتكلم

بلغتها الأنجليزيه : هل هي من قامت بقصه ..؟

الجوهرة بأسف هزت راسها : ..................

سيليا ضحكت غصب : يبدو أنها في حالة ليست جيده .. هل كانت تريد المجئ

الجوهرة صدت عنها : ليت والله ( ومسرع ماطالعتها وبأبتسامة ) يبدو أنها أرادت ذلك

وقد قامت به ..

ليليان : أحتسوا عربي وتركوا الأنجليزي عنكم تراي أفهم بالأشارات وأعرف أنكم

تسولفون عني ..!

الجوهرة تأشر لسيليا وهي تطالع بنتها : الحرمة متخرعه من شعرج وتسأل أذا

أنتي ألي قصيتيه ..؟ ولاااا .. ع بالها أنج تبين القص وحنا رافضين عاد قمتي قصيتيه

ليليان هزت راسها وهي ترفع حواجبها وبثقه : والله أني حسيت

الجوهرة مافهمت : حسيتي بشنو ..؟

ليليان حركت جسمها متعدله على الكرسي ومسرع ماشبكت أصابعها مع بعض : أنها بتلقطها

وهي طايره .. أييه حست في قليبي وأني أبي أقص شعري .. ( رفعت عيونها

وفتحت الخشه بوجه سيليا وهي تهز راسها ) انتي فيه واجد زين .. واجد خير ..

( رفعت يدها ) أنتا فيه يشوف الله .. مافيه يشوف الله بس يحمد الله

الجوهرة طارت عيونها ماتدري بنتها وراها قامت تألف : شنو ألي واجد زين واجد خير ..

ويشوف الله ..!

( حركت يدها بتهديد ) قسم بالله العلي العظيم صوت واحد أسمعه منج ماراح

يحصل لج طيب

سيليا أنفجرت ضحك غصب عنها وهي تتأمل حركات ليليان وأول ماأمها تكلمت

كيف هجدت : ..............

ليليان أشرت لسيليا وهي تطالع الجوهرة بطرف عين : هي ضحكت .. أنا مالي شغل ..

هه تراي قمت أشوف أنتس متولمه بتهاوشيني عشانها ..!!

نزلت رجلها ونوت تتكلم بس سكتت أول مادق جوالها .. تحركت واقفه

حتى تسحب الجوال من الشنطة وهي تزفر هوا بعصبيه .. ومن مسكته على طول فتحت

الخط وردت بأندفاع

الجوهرة بدون نفس : ألوووو

علي بعد صمت : أنا مغلط بالرقم ..؟

الجوهرة ترفع يدها وهي تطلع برا : ترا أنا تكفيني وحدة ولي يرحم والدينك ..

علي وكأنه مسك ضحكته : ليه .. مسويه شي

الجوهرة بعصبيه : قرقر .. قرقر .. قرقر .. لين راسي صار شنو كبره .. مدري أشفيها

تسنها قصت شعرها وقل عقلها

علي انفجر ضحك : تسنها .. هههههههههه .. ها قلبتي قصيمي أشووف

الجوهرة : من هرجها .. أستغفر الله بسس لاتضحك علي .. بنتي فيها شي ..

ماهي طبيعيه

علي وكأنه يتنفس بعمق يبي يوقف ضحك : مافيها غير العافيه .. تراي أنا نفسج

قد أستغربت يوم سخنت وشريت لها هدايا شلون تقبلت وقامت بأدب تسولف معي .. هههههههه .. وعرفت أنها ترضى ع الواحد بسرعه وبعدين خليها تعيش

حياتها مثل أي وحدة بعمرها .. مو لا تحجت تقول وحدة عمرها فوق الثلاثين

الجوهرة : الله يحفظها ويخليها لي

علي : أنتم مطولين ..!!!

الجوهرة بعد صمت : أكيد .. لأني قلت بنفسي دام أني بالمشغل وبعدل شعرها

بسنع البنت صبغ وشغلات ثانيه وأنا بعد .. هي جت من الله سبحانه

علي : طيب .. معج فلوس تكفيج .. ترا صرافة البنك تبعها معي ولا مايحتاج

معي أنا

الجوهرة هزت راسها بالرفض : لالا مايحتاج علي .. خيرك واصل .. أنا يوم

دخلت السوق صرفت لي فلوس مع عبادي وفي بوكي ألي يكفيني ويكفيها

علي : طيب أنا بروح لمشوار .. لاخلصتوا دقي علي

الجوهرة : وعبادي وينه ..؟

علي أبتسم : طلع من معهده على بيت أم سالم ..

الجوهرة عقدت حواجبها : شنو وداه هناك

علي : قال بيروح للعيال رحيم وسيف ووردة

الجوهرة : طيب يلا فمان الله

علي : ياهلا .. مع السلامة

× × × × × × × × × × × ×

في الشقه ..

حرك أيديه بقوة وهو يتنفس بصوت مسموع ومسرع مافتح عيونه يطالع

بالسقف الأبيض ولمبه طويله يشوفها بتشويش .. ماهو قادر يركز فيها أبد ..

كل جسمه يوجعه وخمول متملكه .. متمدد على كنبة طويله في وسط الصاله ..

ولحظات سمع صوت سامي وكأنه يكلم بالجوال

( لاحول ولاقوة ألا بالله .. أنا أحتسي بالعلم الوكاد ياجده .. لأ ( سكت

كأنه يسمع لها ومسرع ماتكلم ) وششش .. لا والله ماتجون .. حنا ماشين

أساسا ياجده .. ( رفع صوته ) وش له تجون ..! هااا .. الليله وحنا بالسعوديه

مير طابت نفسي من هالديرة .. أيه صالح هالخايب ذا .. أمس تسان بيفضحنا

جاين سكران للشقه .. الولد رجع للي خبري خبرتس .. أييه )

سكت من أنسحب منه الجوال من بين أصابعه وأول مالتفت ألا هذا صالح يحاول

يوقف عدل ..

سامي بغضب : مهبول أنت ..؟

صالح بضعف وبالعافيه يتكلم : من تحتسي معه أنت .. ها

سامي أنحنى يبي ياخذ الجوال من يده : هات أشوف

صالح يبعد عنه : والله ماتمسكه .. داقن على أهل الديرة تبي .. ( تمايل بتعب ) تبي تفضحنا

سامي رفع صوته : خلاص ياخي أنا ألي بهج تارك لك هالديرة .. ندوج فيها

ونخطط ولاحنا طايلين شي .. ماغير هالهندي ألي هاجن منهم ومندعس بالغرفه يشاخر ..!

ولا أبشرك طلعت جدتي مع واحد من عماني جايه ..

صالح طارت عيونه : وش ..؟

سامي بقوة سحب الجوال : هات خلني أقولهم يردون حنا ألي بنمشي

صالح برجا : والي قلته لك ..وألي بنسويه

سامي رفع أيديه حتى يصرخ .. ماعاد الوضع يجوز له : تراك ذبحتني .. بنسوي ونفعل

وأخرتها يالخسيس رادن لم وساختك .. تحسبني ناقصك أنا .. ها ..؟!!

صالح قرب منه : أوعدك بسوي ألي قلناه ..

سامي صد عنه حتى يمسك خصره : ....................

صالح يطالعه : اليوم بروح يمها أن شاءالله ولو ماشفتها باتسر .. برابط عند بيتهم

سامي لف له بسرعه : بعد ماكفختك .. لاتروح تجيني منسدح بفراش .. تراي مو ناقص

بعد

صالح أبتسم بخبث : لالا ... لاتخاف .. خلها علي وأنا بضبط كل شي .. المهم محمد

سواقهم وينه ..

سامي بدون نفس يأشر للغرفه : وراي نايم يشاخر

صالح يحرك يده براحة : أششوا .. خله وأنا بروح أصحصح وأجيب فطور عشان أقولك

ألي مخطط له

تحرك بخطوات بطيئه وهو يتمايل بكل خطوة

سامي بطنازة : ماظنتي من هالخياس ألي تشربه بطلع شي ..

رفع جواله حتى يدق على جدته .. ولحظات حتى ينزله بقوة من أنقطع الخط

حتى يعطيه مشغول

سامي : لا والله النكبه صدز ..!!

وفي مكان يعيش فيه الخوف من بدت خيوط الشمس تعانق الواقع وتكشف

المستور .. يحتضن العزلة .. يعلن فيها أن الألم مرارة ..!

واقف يصرخ بصوته العالي بوسط

الصاله وعيون بريئه تراقبه خلف عمود ضخم يعانق اللون الأبيض يبعد عنه مسافه ..

وهي .. واقفه مصدومة ماتدري وراه منفعل .. متوتر .. عصبي

( لمي أغراضج كلها ودقي على أحد من أخوانج يحضر ياخذج لسعوديه ..! )

أتسعت عيونها حتى بخنقه تأشر على ولدها عبدالعزيز .. تنطق بصوتها

الخايف

( ولدك يابو تغريد يدرس .. والأختبارات على الأبواب .. )

يصد عنها يحاول يكتم عصبيته ... كل ماقالها شي رد عليه بعذر

أبو تغريد : ياحرمة تسمعين أنتي .. ولدي تنزلينه عند أمي تهتم فيه .. بسرعه

أنا بورطة مايعلم فيها غير الله

أم عبدالعزيز : وأنا شنو ذنبي ..؟!

أبو تغريد حرك يده بتهديد : شوفي ياتطسين عند أخوج تبعدين عن الديرة قبل لايطيح

الفاس بالراس ولا ترا مايردني عنج غير ورقة طلاقج .. تفهمين أنتي ..

قالها هالكلمتين حتى يتحرك طالع من باب الصاله بخطوات واسعه وعيون

عياله تطالعه ..

وهي ماتدري وش فيه قلب عليها فجأة .. أمورهم مشت لسنين

زينه وتحت وصاية أمه وخواته .. وش تغير .. وليه بيطيح الفاس بالراس ..

معقوله زوجته الأولى شمت خبر ..!

الله يستر عاد هو خلقه يخاف منها ويهابها ..

× × × × × × × × ×

منحنيه بملل على طاولة المطبخ وقبالها كتاب للطبخ تفتح صفحاته بعبث وأفكارها

رايحه لأبعد ما تتخيل ..أخذت نفس حتى تمد يدها وتريح راسها عليها وهي واقفه ..

تحس أنها أستعجلت بالقول ألي قالته عند أبوها .. ضاري عمره 30 ..!

معقولة بتنعاد قصة هالغيد مع أخوها فيها .. ليليان ماتدري كم عمرها .. بس تذكر أنهم

قالوا أنها بعمرها وأخوها كم عمره .. 35 سنه .. ولاهي مرتاحة ..

بدري على الملكة والزواج والهم .. يالله تحس بضيقه تتراكم داخل قلبها .. هي ماتعرف

هالضاري ولا بالضبط كيف شكله .. تذكره أيام أخوها سعود رحمة الله عليه ..

يمكن تغير .. ويمكن هي بعمرها ماتناسبه .. عدلت راسه وشعرها متناثر حواليها حتى

ترفع يدها وتمسح عليه .. طيب كيف بتتزوج وهي توها ..

صديقاتها ألي بعمرها ولا وحدة منهن متزوجة ..!

يالله .. غمضت عيونها حتى تخبي وجها من تخيلت نفسها تدخل الصف

متزوجة .. كيف بتقبل الوضع .. تحس أنها لا تزوجت لازم تصير ثقيله ولا تقدر تستهبل

ولا عليها تعيش عمرها ..

لكن فجأه ألتفت حواليها أيدين باردة حتى تكتفها وبخرعه نزلت أيديها حتى يميل

علي براسه ويبوس راسها ..

عبير تلف لخالها وبروعه : خالي أخلعتني ..!

علي يبعد عنها : مبروك .. قبل أوصل دقت علي عايشه وقالت لي أروح لك

وأكلمج

عبير عقدت حواجبها حتى تميل شفاتها الصغيره : لشنو ..

علي يرفع أيديه ويسحب أطراف شماغه ناسفهم لورا : تحسب أنج متقطعه من البكا وحالتج

حاله وأن أبوج غاصبج

عبير رفعت حواجبها حتى تبتسم وبدلع تنطق أسمه : عشان ضاري ..!

علي بمزح : عيب يابنت .. على طول ضااااااااري .. وجع للعدووو

عبير بحيا صدت عنه : لا خالي عاد

علي ميل راسه : شنو لا خالي عاد .. شقلت أنا ..!

عبير تهز جسمها وبسرعه تحركت للكتاب ماعاد تقدر ترفع عيونها .. صارت تحرك صفحاته

بعبث : أممم .. مدري

علي ضحك : اليوم أنا شارح الله صدري للضحك ياربي لك الحمد .. خلصت من ليليان

عاد طحت عليج

عبير بأهتمام لفت له : طيبه هي .. تراها طلعت من البيت زعلانه ..

علي سكت حتى ينطق : أيه عرفت

عبير بصوت واطي : مدري أشفيه أخوي عليها .. بس ياوالله أنها أفحمته بحجي قوي ..

قلبي بينهم خلاص حسيته بيوقف

علي : شنو قالت ..؟

عبير ترفع يدها وهي تلف تطالع الكتاب ومسرع ماسكرته : كلام كثير وأنها لاتعلمت

ماراح يكون مناسب لها .. وأنها غلطت يوم طلبت منه يتزوجها .. بس يوم أنفجرت

عند جدتي تبجي ماتحملت .. أول ماراحت قمت أصيح غصب ..

علي أخذ نفس : أفففف ..!!

عبير ترفع عيونها لخالها : ماعدت أعرف لافي من يبي .. هم تغريد كاسرة خاطري

لأنها تركت أخوي وهي مريضه عشانه ..بس

سكتت حتى ترفع عيونها الدائريه وبشرتها المختلطة بالحمرة من البرد ..

مترددة تقول أو تبرر

علي طالعها : كملي ..

عبير أخذت نفس لصدرها .. ومسرع مازفرته حتى تطالع علي : ألي بينهم كان أكبر ياخالي

من أنها تقرر هالشي وتتركه .. أحسه ماهوب مبرر مقنع .. ( ضمت شفاتها حتى تهز راسها)

ممكن قررته بلحظة ضعف عشان تحميه .. بس كسرت أخوي ألي حبها ولاهو قادر يشيلها

من حياته لحد هاللحظة ..

علي بأندفاع وهو يرفع يده وحواجبه تحركت ببطء : شوفي ألي كاتبه لنا رب العالمين بنشوفه .. حبينا .. تفارقنا .. كرهنا ..

كل شي بحكمة الله يصير ...

عبير : ونعم بالله ..

علي مد يده حتى يربت على كتفها وهو يبي يبعد عن هالموضوع : أقول أنشغلي

بالي راح يصير العصر ..!

عبير بربكة : العصر .. شنو

علي طارت عيونه : تو داق علي أبوج وقال ضاري طلب أنه يملج العصر ..

طارت عيونها وحست في قلبها ينقبض فجأة ...

ورجولها من الكلام ألي أندفع من شفاه خالها تحس أنها جمدت ..

العصر بيملك ..!!

ماهو بهالسرعه عاد .. فيها هواجيس مانتهت لحد الحين ..

أبعدت عن خالها ماهي مستوعبه تمشي لباب المطبخ حتى توقف بدون وعي راجعه ساحبه كتاب الطبخ

علي يأشر بيده : هيييه شنو تبين بكتاب الطبخ ..

حضنته بقوة وهي تمشي بسرعه ماعطت لكلام علي أي أهتمام ..

طلعت من المطبخ حتى تفك أيديها من الكتاب ويطيح على الأرض ..

العصر مابقى عنه شي ..!! طارت عيونها حتى تروح

تركض بخرعه لغرفة جدتها ..

عبير بصوتها المرتبك وعيونها ألي ضاعت في صدمة خبر هالملكة : يماه ..!

فتحت غرفتها ماشافتها موجودة وبسرعه راحت تركض طالعه من باب المدخل للحوش ..

علي يطلع من المطبخ مايدري وش جاها : عبير ..!

عبير راحت تمشي فالحوش والشمس تغيب خلف غيوم ملبدة فوقها : يمماه

الجده واقفه في السيب ألي ورا البيت بجنب الغاز : هنيا يمي ..

حطت رجلها تركض حتى تلف للسيب ماره من عند غرفة ميري .. كملت خطواتها

حتى تلف وتمد يدها أول ماشافت أمها العودة واقفه وهي متسانده بعصاها ..!

عبير تقرب من الجده وتمسك كتفها وبصوت أهتز : يممه لحقي علي .. ضاري العصر

بيكون هنيه

الجده وهي رافعه نقابها وكاشفه عن ملامحها : من يقول

عبير شوي ألا تبكي : يقولون بيملج اليوم ..( سكتت حتى ترفع يده برجفه تتلمس شعرها )

لا مو يقولون .. هذا خالي يقوله

الجده أبتسمت بفرح : ماشاءالله .. يالله تجعله مبارك ووجه خير علينا

عبير تنحت : يمه .. مو بسرعه

الجده تتحرك بخطواتها البطيئه وهي تتمايل : ليه .. الرجال يبيج وأنتي وافقتي ..

عبير تتحرك تمشي ورا الجده : يمه الصبح معطيني خبر .. بعدين يمكن يطلب

يشوفني

الجده وهي تعقد حواجبها : يمكن .. ألا هذا شين وكاد

عبير شهقت : وش أسوي بخشتي ..!!

الجده وقفت حتى تلف براسها : يايمي انتي معطيج الله من الجمال ألي يغنيج عن خرابيط

هالأيام

عبير أشرت على وجها وببراءه : جذي ..

الجده : أيه .. ألبسي لبسن زين محشوم وأنتهينا

عبير رفعت أيديها حتى تحطها على راسها : ياربي ساعدني .. طيب يمه تكفين

دقي ع أبوي ..

قطع كلامها علي ألي لف لهم وهو مبتسم ..

علي وقف قبالهم : الحمدالله والشكر .. تراه مو ماكلج

الجده شهقت من قلب : خبال

علي بأحترام يقرب من الجده : أخبارج يالغاليه ..؟

الجده هزت راسها : بخير

عبير هزت راسها ماحد فاهمها حتى تتحرك بخطواتها الواسعه تاركتهم : ............

علي يرفع صوته : لا تدقين على أحد .. ترا ماحدن نافعج ..

وقف ينتظرها ترد بس كملت خطواتها بدون ماتعطيه رد .. شبك أصابعه مع

بعض وهو يطالع الجده... مصغر عيونه من الهوا الباردة ألي تهب في هالمكان بقوة

علي : أنقهرت المسيكينه

الجده تضرب أسطوانة الغاز : هذي محتاجه من يعبيها ياولدي .. قبل ماحتاج أتكلم ..

( زفرت هوا بحرقه ) كانت ميري يرحمها ربي من تصحى الصبح تشوفها وتروح

لزوجها يعبيها

علي طرى عليه محمد : هو من بعد ماتهاوش مع لافي مابين ..؟

الجده هزت راسها : دوره لافي ولا لقاه .. تلقاه غادن لمكان ماحدن يعرفه

علي بعد صمت : والله قويه حركته ياخاله

الجده أبتسمت حتى تطالع علي بطرف عين : علي لا تغدي عن لافي ألي من عرف بالي

سوته البنت مير ولا أهتم .. تعرف لافي دمه حار والله أني كنت أحسب ماراح يردها

عنه ألا واحدن منكم .. هذا تربيتي

علي ببعثره طالع الجده فاهم مقصدها بس ماهو قادر يفسر ردة فعل لافي ..

رفع كتوفه : ولدج من متى أحد يعرف له ...!

الجده تتحرك تمشي تبي تطلع من هالمكان : تعال أقلط فالديوانيه

علي تحرك يمشي ببطء وعيونه تراقب جزماته السودا : خاله ..!

الجده : سم

علي بتردد : لافي سافر ..

وقفت بسرعه حتى تلف وحواجبها بحده أقتربت من بعض ..

سافر ..!

ظلت تطالع علي ألي رفع عيونه وهي أبد ماتكلمت ظلت تطالعه بعصبيه

تفجرت من عيونها .. وكانها تبيه يكمل ويقول كل ألي عنده

علي رفع أيديه ونظراتها أربكته : لا تعصبين ياخاله .. هو سافر وأخذ تغريد معاه وقالي

ووكد علي قوله أنه بسفرته ذي راح يختار من ألي راح تظل معه

الجده بصمت غريب : .........................

علي كمل بنبرة ثابته وهو يتحاشى النظر في عيونها : ولدج يالغاليه مايقدر يعلن زواجه من

بنتج لأنه لو سوا هالشي يمكن يسجن .. بلاد الكفار مانعه هالشي

الجده أندفعت بالكلام : ويوم أن هذا ألي عنده ورا ماعود للبيت وقال لي ألي عنده ها ..!

علي : والله راح لبيتي وحاول في ليليان يوم طلبتي منه يطلقها .. ترجاها حتى ترد عليه

ولا عطته وجه .. صدته يمه .. ألي ماتعرفينه أن ولدج حياته ماهي آمنه ..

الجده : كيف ماهيب آمنه ..؟

علي قرب منه : فيه من ناوي له الشر من برا الديره عشانه فرنسي .. لا تتسرعين

يالغاليه و .............

الجده قاطعته : العلم بهالسوالف ماتاخذه مني .. ولا عاد لي السلطة فيها .. أنا تمهلت

وخليت الأمور تاخذ أكبر من حجمها .. الأمر بيد بنيتي تبي تنطره تروح يمها ..

ماتبي .. الزواج بقوله لبنتي ووليدي بو سعود وأخليهم يمسكونه سرن بينهم لين يرد

رفيقكك .. وقدامك

علي توهق : خاله ..!!

الجده بحده : أنا مابطل حلفاني عشان علوم أحد ماجاني يقولها لي .. حلفت عشانها طلبت

مني الطلاق .. وأذا نوت تهون عاد حلفي ماعاد له لزوم .. بيشهد الله لي أني حلفت عشان

طلبها

علي هز راسه : طيب .. خلي الأمر لي

الجده رفعت يدها صوب علي : أمرها بتتحمله أنت لا هونت .. تذكر أني جيت بعدله وأنت

وقفت مع ولد أختك ... أم تغريد نبها لا عاد أشوفها تناطحني ترا أنا مامسك نفسي قدام

خبال الحريم ألا عشان السفيه مايناطحه غير سفيهن نفسه ...

حنا دفنا سواياه قبل لوجه الله وأستقبلناها في بيتنا عشانها أخت رجالن ماشفنا منه غير

العلوم الي تبيض الوجه .. وعشان الحرمة الطيبه ألي مافكرت فيها

علي صد عنها وبضيق : شنو بيدي أنا .. والله تعبت مير الله ينزل أمره عليها ويهديها

الهدايه ألي تفرحني وتفرح أم سعود

الجده : أذا أنت تعبت .. حنا شنو نقول ياعلي .. أنت شايف سالفة هالبليه ألي سجلها

لافي بسم بنيتي

علي ساكت : ................

الجده صارت تأشر له : أمش تقهو بس وعطني علوم شروة بيت للعايله ..!

تحركت بخطواتها البطيئه وهو راح يتبعها وقلبه متكدر من تصرفات

أخته ألي ماعاد لها أعذار أبد ..

× × × × × × × × ×

جالسة بالصاله وباب المدخل قبالها مفتوح ..

لافه حوالي جسمها شال أسود ثقيل وشعرها مستشورته عشان تحضر

ملكة عبير ألي الكل فرحان لها .. رجولها رافعتها على الكنبة ومتربعه ..

ملامحها الصامته تطالع شاشة الجوال .. تقرا الكلام ألي أرسلته لها تغريد

قبل ماتسافر .. طال الجفا مابينهم .. ومن زمان ماشافتها من قبل وفاة مناير

الله يرحمها والعلاقات مابينهم أنقطعت ..

(مدري شنو أقول لج وأحترت كيف ببدى وياج ..

ممكن أنا غلطت لما طلبت منج تروحين لطلال وتقولين له ألي قلتيه ..

مو ممكن ألا غلطت .. بس مشكلتي أني ماستوعبت أني قبل ماأنصح

الناس كان المفروض أراقب نفسي .. ألا متأخر !!

تمنيت ألتقي فيج مرايم .. وحاولت بس عجزت ..

سامحيني لوجه الله ..

سامحي ألي محتاجة دعوات في ظهر الغيب من قبل ومن بعد ..)

أبعدت عيونها عن الجوال حتى تصد عنه ..

يالله ..!

غريبه الأشياء المجملة بحزنها وألمها لاجت متأخر

تكون أشد وقع ...

أشد تأثير

أشد أثر ..!!

مدت شفاتها والمهر أستلمته وهذي أمها تقولها أنها متوهقه بالجهاز

وهي ماهتمت ...

ماتدري ليش تحس فالامبالاة تعيش فيها رغم أن داخل جوفها

مساحات شاسعه من الصبر ..

متيقنه أن هذا قدرها .. هذا المكتوب عليها بطلال ولازم تصبر ...

أنحنت بسرعه حتى تسحب كوب حليب بالزنجبيل سوته أمها لها وتركتها

حتى تروح مع أم سعود لبرا الحوش .. شربت منه شوي حتى ترجع تشد على الشال

الثقيل تحاول تدفي نفسها ..

تشم ريحة منفى غريب تفوح ريحته بين مشاعرها ياطلال ..

كان العمر فيها أغنيه

كان ألحان من أماني هاربه ..

ولابقى فيك غير السراب

وليتها مخطيه ...!

دخلت وردة شايله فهد الصغير بطفش وهي تتحرك بخطواتها الواسعه صوب الدرج

مرايم بأنفعال : على وين

وردة وقفت وبنظرتها الطفوليه : باخذه لفوق ألعب أنا وعبادي وأزعجنا ..!

مرايم تنزل الكوب وتفز واقفه حتى تتحرك لها وتسحب فهد شايلته : وين فوق .. فيج شي

أنتي ..؟

وردة رفعت يدها وهي تمد أصابعها : سالم فوق نايم بغرفة مناير ..

مرايم طارت عيونها : هاا

وردة بصوت عالي : والله ..

مرايم على طول تحركت لدرج : معقوله .. طيب روحي أنتي ..

وردة بخرعه تركض ماسكتها : تعالي أمي قايله لي وصي مرايم لايشوفها سالم يمكن

يطقها

مرايم بدون أهتمام : ماعليج بس .. روحي أنتي

كان دقات قلبها تتسارع فالنبض وعلى رغم هالشي بينت أن الوضع عادي عندها ..

أنحنت حتى تبوس فهد بقوة وهي صعد الدرج ومن وصلت وقفت فجأة

وفهد قام يرفع أيديه ويصارخ ..

( ماما .. ماما )

حست فالغصة تعلق في حنجرتها والوجع يندفع بقوة صوب النوافذ والأبواب ألي أقفلها

الزمن بصبرهم ..

مانسى هالمكان فهد ألي كانت أمه تتنفس فيه وتعيش ..

يااارب تجعل قلبها روضه من رياض الجنة ..

يارب ماشفنا منها كل خير ..

قالتها بصوت مخنوق والدمع غصب نزل من عيونها ..

تحركت وهي تحضن فهد تبي تهديه حتى تضم شفاتها بقوة من تذكرت نفسها واقفه

عند باب المطبخ تبي تشوف سالم وهي وقفت لها ..

وعدتها من تهدى راح تصلحهم ..

راح تجمع قلوبهم من جديد على بعض ..

قالت أنها ماراح ترضى بالوضع يظل على ماهو عليه ..

ورحلتي يامناير .. أحتضن التراب جسمك .. نمتي للأبد ..

نزلت راسها حتى تنهار تبكي وفهد ماهو بيمها .. يتلفت يمين ويسار .. ينتظر أمه تطلع

له من مكان يفاجأ هالطفوله العايشه فيه .. ويمد أيديه لها يبيها تحضنه .. أبعدت

وحدة من أيديها حتى تمسح دموعها ..

الحمدالله يارب على كل حال .. لله ماأخذ ولله ماأعطى يامرايم ..

قالتها بصوت شبه مسموع حتى تتحرك صوب غرفة النوم .. توقف عند الباب

وقبالها المكان شبه مظلم من الستاير الثقيله ألي تغطيه النور في غرفة مناير ..

شافت أخوها متمدد على السرير وراسه مريحه فوق يده ..

عقدت حواجبها من شافت الكبت مفتوح وملابسها الي غابت الروح منها متناثره على الأرض

معقوله كان يشم ريحتها ... يتذكرها ..

تحركت أكثر من بدى فهد ينادي أبوه حتى تدخل بخطوات واسعه تنحني منزله فهد على السرير .. وعلى طول قام يحاول يوقف ...

بهدوء أنحنت حتى تبوس راس أخوها وتطلع وفهد تحرك بقوة حتى يرمي حاله على

أبوه ..

فهد بصوته الناعم .. الطفولي : بابا .. بابا

حرك يده بعشوائيه حتى يتحرك صوب راسه .. صار يطقه بيده الصغيره يبيه

يصحى .. وعلى طول سالم رفع راسه متخرع .. فتح عيونه على الأخر من شاف ولده

ماهتم لأبوه ألي صحى وصار يضرب خشمه ..

سالم مسك راسه بتعب : يالله ..

تحرك بسرعه حتى يرفع ظهرها وفهد من قام طاح بحضنه .. رفع أيديه

وهو يمسك جبينه ويضغط عليه بقوة .. صداع فضيع يحس فيه .. ماشبع نوم ..

حرك رجوله بالعافيه وأزارير ثوبه مفتوحه كلها .. أنفجر فهد بكا وهو يحاول يرفع

راسه ولا قادر ..

سالم مسك خصره بدون نفس : من جايبك أنت لحد هنيه .. أكيد وردة

أنحنى حتى يجلسه قباله ومسرع ماتربع .. حط كوع يده على رقبته وصار يمسح على شعره

لورا وولده سكت ملتهي في خداديات حواليه .. وببطء رفع عيونه لولده ..

صار يطالعه يتحرك وهو يمسك بأصابعه الصغيره خيوط بالخداديه يجرها صوبه ..

زين أنه صحى وراه مشوار لقصر زواج دله عليه واحد من ربعه ..

ماراح ينطر كثير .. أسبوع ويتم هالزواج بلا أنتظار وهم ..!!

طالع ساعته ألي بيده حتى

يغمض عيونه وبخمول سحب جسمه نازل من السرير حتى يتوجه للحمام يغسل وجهه

ويوضي .. مابقى شي عن أذان العصر وهو ماصلى الظهر أساسا .. وبعد ماخلص من الصلاة لف لولده وهو للحين ملتهي يلعب فوق السرير ..

سالم وهو يفرك وجهه : فهوود .. لا تطيح يبه ..

فز واقف حتى يسحب السجاده معه مرتبها ويرميها على أقرب طاوله ..

قرب من السرير حتى ينحني جالس على الطرف وهو يعدل أكمام ثوبه البني ..

ليت يلقى حجز في أقرب وقت ..

لف بطرف عينه يطالع ولده .. طيب هالولد من راح يربيه ..!

هالعميا يالله بالعافيه بتقوم بنفسها ..

عقد حواجبه بقوة .. وراه كل مانام وصحى لقى العميا في كل أفكاره ..

يحس تجاها بكمية قهر .. هو من البداية وش دخله بسالفة زواج سعود ألي بالسر ..

ليه حشر عمره .. واخرتها طاحت فوق راسه هو ..!!

فز واقف حتى يسحب الجوال من جيبه .. يطالع الشاشه بأهتمام من استقر الجوال

بين أصابعه حتى يضغط على رقم .. ومسرع ماحط الجوال عند أذنه ..

ظل الرقم يدق ويدق لين أنفتح الخط فجأة وظل الطرف الثاني ساكت .. كأنها خايفه

لايكون هو من جديد داق ..

سالم بعصبيه : الووو

عذوب بأدب : نعم طال عمرك .. تذكرت أوامر ثانيه ماقلتها لي

سالم رفع حواجبه من ردها : لا والله

عذوب بهدوء : أي والله

سالم يحس بقهر وكمية حقد غير طبيعيه والود وده يدق عليها بس عشان يهزأها :

ولدي

عذوب قاطعته بخوف عليه : شنو فيه ..؟

سالم بحده : لا تحسبين أنج مانتي مسؤله عنه ..

عذوب كأنها ضمت شفاتها : أمم .. طيب

سالم : شنو ألي طيب .. أعطيج ألي عندي عشان ماتقلبينها مناحه نفس ماسويتي

يوم أخذته من بيت خواله

عذوب تحاول تكتم ضحكتها : ماتشوف أنك مالك داعي داق .. هالسوالف لها وقتها

ملحوقن عليها طال عمرك

سالم بعصبيه رد عليها : لا علميني متى أدق بعد .. ولا أقول مواعيد الله يخليج

زوديني فيها ..

عذوب بنبره حاده : تراك أبلشتني ..

سالم رفع صوته : شنو

عذوب سكتت وكأنها مسكت نفسها حتى ترد عليه بهدوء : طال عمرك أهتم بالي وكلتك

فيه الشيخه ثم فكر بهالأشياء ألي مالها داعي .. ولدك بالحفظ والصون .. وماهوب قاعد

لابعزي ولا بيتي .. كله بعز أبوه وخيره

سالم رفع يده وبأنفعال :شنو سالفة هالكلمة ألي قاعده ترددينها كل شوي والثاني ..!

عذوب بأستفسار : قصدك طال عمرك

سالم : أيه

عذوب : حطها بقلبك دون عقلك وتعرف معناتها .. فمان الله ..

أبعدت الجوال عن أذنها وعبير قبالها متراكيه على مركة متنحه فيها ..

ومن سكرت الخط أنفجرت ضحك ..

متعب روحه أبو الشباب قايلته هي .. مقهور منها ووده بس لو تعطيه وجه

وتقوم تتناقر معه عشان يلقى له مدخل بغلط عليها ويمسكه ..!

مشكله والله أذا ماهو مدرك أنه ماخذ وحده واعيه وفاهمه لحركاته وتصرفاته ..

ماهي خبله عشان يطلع منها غلط في وقت صارت الأمور هالحين على محمل الجد ..

رفعت يدها حتى تلمس بأصبعها خشمها وهي تهتز من الضحك

عبير : عذوب .. هذا سالم

عذوب تمسك روحها من الضحك : صدق أو لا تصدق ..!!

عبير طارت عيونها : مسرع لحق على المكالمات

عذوب هزت راسها بالرفض وهي جالسه بجنب المركه : لايروح بالج بعيد .. هو متوهق

بهالزواج وقال كيف أقدر أخلص روحي منه ..؟

عبير تطالع ملامحها العاديه بأهتمام : ...................

عذوب كملت : عاد مالقى ألا طريقه أغصبج ع الخطا عشان أقولهم شوفوها

ماهي مناسبه لي .. ويفك روحه من ألي سواه ضاري فيه

عبير عقدت حواجبها وبتردد : وشنو ألي سواه أخوج ..؟!

عذوب بردت ملامحها حتى تصد من الجهة ألي تسمع فيها صوت عبير : حطني في

طريق العطيه ياعبير

عبير جمدت تتأملها : .....................

عذوب بحزن عميق ونبرة مجروحه : يحسب أنه بسواته بينسيني أيامي مع سعود .. يحسب أنه

بيقدر ينزع الحاجه ألي فيني لذكرياته بهالسواه .. والله أني تعبت أقوله عمري فيه

صفحات وقفت على موت سعود وفقد بصري ... لاعاد أقدر أفتحها ولا أودعها ..

عبير بغصه : كنتي تحبين أخوي ..؟

عذوب نزلت راسها لتحت وبصوت واطي حيل محمل بالأسى : أشتاق له

ظلت عيونها متعلقه بعذوب ألي ظلت على وضعيتها حتى تلمحها ترفع يدها

تمسح دموع فرت من عينها غصب وسط هالحنين ألي تفجر فيها .. وبسرعه

تحركت حتى تجلس جنبها .. تلف أيدينها حول كتوف عذوب

عبير بصوتها الناعم وهي تحاول ماتبكي : والله مو قصدي ..

عذوب رفعت راسها حتى تنفجر بكا غصب : خلاني أوقع على عقد الزواج ولا كنت أدري

أني بتزوج .. ماكنت موافقه ولا هو برضاي بس هالحين مجبورة أقول لنفسي أنا موافقه ..

عبير : ليه جذي أخوج .. لهدرجه هو مايحبج

عذوب صارت تمسح دموعها وتحاول تهدي نفسها : لا والله يموت فيني وياما وقف معي

... يكفي أنه بعد وفاة سعود ورغم التعب ألي فيه سفرني لبرا يعالجني

عبير تبعد عنها تطالعها : طيب .. ليش يسوي فيج هالسواه

عذوب : له أسبابه

عبير بعد صمت وعذوب تفرك عيونها : أنتم عندكم أهل ..!

عذوب أبتسمت من هالأستجواب المفاجأ : ليش هالسؤال ..؟

عبير حست أن كلمتها غلط : عش...

رفعت عيونها حتى تتسع بقوة من دخلت عليها ليليان وتوقف بخجل ويقالي أني مستحيه ..

شابكه أصابعها مع بعض والأبتسامه ترتسم على شفاتها مع غمازاتها الخفيفه

الظاهره ..

لابسه تنورة جنز سودا على بلوزة حمرا والأكسسورات بنفس اللون ..

شعرها ألي كان طويل بكثافه صار يوصل لحد كتوفها قطعه وحده .. وغره تغطي كامل

جبينها حتى حواجبها ..

واللون الأسود بسواد الليل يمتلك شعرها .. ماعاد لونه بني طبيعي ..!!

أختلفت بشكل ماتوقعته ..

كل شي معطيها تفاصيل مختلفه ..

فزت واقفه حتى تصرخ وتركض صوبها تحضنها

عبير تبعد عنها : يابنت ياخطيره شنو مسويه بحالج .. متغيره متغيره .. يالله ..!!

ليليان وهي ترمش بحيا : ترا بتطلع لي جنحان ثم أطير

عبير تمسك كتف ليليان : لا من صج أتكلم .. هذي الي طالعه من البيت زعلانه

ليليان رفعت يدها حتى تتحرك الأساور ألي على معصمها نازله ماتبي تتذكر : يوووه لاتذكريني لأني دخلت مدرعمه لحد هنيا .. ماشافتني جدتي

عبير أخذت نفس وهي تبتسم ومسرع مارفعت يدها تبعثر شعرها ليليان : القصه خيال

ليليان زفرت هوا : أسكتي ترا هالقص صار تسذا بعد ماطلعت دمعتين قدام أمي ..

وحنت علي ولا تسان شفتيه أقصر

عبير ضربت كتفها : والله شي زين .. عشان ماتذكرين أحد بتغريد ..الغره

معطيتج شكل غييير ..!

ذبلت أبتسامتها وكأن الجرح ألي داخل قلبها من هالطاري أنفجر ينزف بلا سبب ..

مرت عليه كلمات عبير ولا تحمل ..

صدت عنها بملامح صامته وهي لا تدري أي شبه يشوفون فيها تغريد ..

عشانها لها غمازات نفس ماتمتلك تغريد ..

أو نفس الطول ..

بس لفت بخرعه من سمعت صوت الجده

( وين هي خايبه الرجا .. هااا .. تعالي أشوف )

تحركت بسرعه حتى توقف ورا عبير ألي رفعت كتوفها ومدت أيديها من الخوف ماتدري

شاللي صاير ..

وعذوب تسمع بصمت ومبتسمه ..

دخلت الجده رافعه العصا وبسرعه حركتها حتى تضرب راس ليليان ألي كانت

أطول من عبير بشوي ..

الجده : قص أيدين أي والله ..!

الجوهرة توقف عند الباب : أي يمه حيلج فيها ... غصبتني أروح أعدل شعرها ..

ليليان رفعت صوتها : ياوالله هالشيطان ألي مناشبنا من الصبح .. تعوذوا وأتفلوووا

عن يساركم بس

صارت تجر عبير ألي صرخت أول ماجتها ضربه من العصا والجده معصبه

حيل تبي تمسكها ..

عبير : يممه أنا شنو دخلني

الجده تسحب يدها : أبعدي عنها أشوف ..

ليليان تتمسك فيها : خليها يمه .. خليها ربي رايد لي الخير

الجده ترفع يدها : نذرن علي ماكلمج لين عرس عيالي ولساني مايطب لسانج

ليليان طارت عيونها : أعووووذ بالله

أنحنت الجده بعصاها تبي تضربها بس ليليان رفعت تنورتها حتى تطلع

تركض ..

الجده بعصبيه : ياقليلة الحيا .. زينة البنت شعرها تروحين تقصينه ..

ليليان وقفت بالصاله : قولي أعوذ بالله من الشيطان

الجوهرة أنفجرت ضحك : هههههههههههه ..

عبير وحالتها حاله وقفت تطالع : أنا سليمه ..!!

الجوهرة تمد يدها : تعالي أنتي ياعمري بعد شوي ملكتج ولا سويتي شي ..

عبير باستهبال : هو أنا وين ..؟!

الجده لفت حتى تصرخ بوجها : يلا قدامي انتي ..

أنكمشت عبير على نفسها حتى تتحرك بسرعه صوب خالتها ..

ليليان ضربت أيديها في بعض : هههههههه ..أنتي وش لتس بخفة الدم .. ها

عبير والجوهرة تحضنها : .................

الجده تأشر بالعصا صوب ليليان وهي صاده : أبعدي عن وجهي يابنت لا ترفعين لي الضغط

ليليان : جده ..!

الجده بتعب : يابنت أسمعي الهرج

ليليان هزت راسها برضا : طيب ..

الجوهرة تطالع ليليان : أمشي قدامي لغرفتج

**********

>

>

<

<

كــــــــــــــــــــت

<

<

<

<

انتهى البارت  دمتم بود

::::

::::::::

تعليق  /  رايكم

تصويت للبارت ⭐️

رجاء فوت⭐️/صوت⭐️قبل القراءة

الفصل الثالث والسبعون

الخطوة ( 68 ) .. خطوة التلاشي في حلم أريد منك أكثر مما أريد

( وهنا .. أيضا ..! )

فالطيارة المتوجه لفرنسا ..

كان يخاف فيها العيون الحزينه .. وأذا فيه يامصر يلبسها ثوب الحزن ويرحل ..!!

نزل المجله ألي سحبها وهو جالس في مقعده بالطياره بعبث لعل وعسى يلقى فيها الأنغماس ألي

يبعده عن خيوط أحلام قطعها وهي الأنثى ألي يشتهيها في كل وقت ..!

يحس بالكآبه تتسلل فيه وتغمر ضلوعه من ألي صار ..

رحل بدون وداع ..

ماودع أهله .. ولا ودع حتى حارات مصر ونهر النيل فيها ..

ألي صار عمر حزين كسر فيه الموج

أخفى عين الشمس ورى غيم السراب ..

غمض عيونه حتى يرفع راسه ويبان بياض رقبته

..

كان متوقع أنه راح يقدر يعيش شرقي حد النخاع .. عربي ..

مصري في الأول والأخير ..

وأكتشف أن الزمن أختلافه أكبر من كونه قادر يدمج نفسه في ثقافة

محافظة وممكن مفتوحة .. لها كثير من العادات والتقاليد الغريبه عليه ..

وش يقدر ياساره يسوي أذا العمر فيه قصايد بارده ..!

قولي ..؟

كيف حبك أذا الجرح فيك يأن ..

كل مافرح

لقى كلك أسى وظنون ..!

تدرين

ممكن أجمل ماحصل

أنه أطلق سراح أحلامك للسما ..!

أنك بقيتي النبض ألي غاب ولارجع ..

آآه يالحن الأغاني فيك

ياذاك المسا ألي جمع شتات الحزن وقيدك

هذا هو راجع لباريس ..

علميه كيف الفرح لارحل أجمل

علميه

لاصرختي قبل تحكين ..

أهداك العمر ياساره

الأمنيات الجميله مثل ماتشتهين ..

وسامحيه ..!

لا ردد أسمك كثير ..

لا ترديه ..!

أتركيه

هو يخاف يبكيك عمر رحل ولا رجع

× × × × × × × ×

رجع راسه لورى ع الجدار وشعره الأسود كله منمسح من الطاقيه ألي سحبها مع غترته

وعقاله حتى تستقر بيده .. طالع السقف بضياع وصوت أخته خوله وهي منهاره

تبكي على الكرسي يرتدد على مسامعه ..!

خوله وهي تحاول تتكلم : شنو فيه أبوي .. شنو صار له ..؟

ومن سمع هالأسئله عدل راسه حتى يطالع فواز ألي منحني بدون مايجلس على الأرض

وأيديه على راسه ...

خوله ترفع راسها لضاري منهارة على الأخر : غيبوبه ليه أحد يقولي ..؟

ولحظات طلع نمر من خلف الجدار حتى يجيهم يمشي

بخطواته الواسعه مار من وحدة من الممرضة تجر لها عربه مليانه أدويه ..

نمر بغصه وهو يقرب منهم : الدكتور طمني .. كل شي فيه مستقر

فواز رفع راسه وبعبره : والله ماله شغل أبوي ياناس ..!!

خوله لفت براسها صوب فواز تطالعه بصدمة : ...................

ضاري بنفس طويل وعيونه بحدتها طالعته : أنت أخر واحد بيقول شي ..

خوله فزت واقفه : ماله شغل بشنو أبوي .. ( قالت وهي تحاول تلتقط أنفاسها لصدرها )

لايكون يافواز ألي أعرفه ...؟

فواز فز واقف حتى يصرخ على نمر : أنت ورا أخذتها معك ..!

نمر حط أيديه على خصره وبدون مايطالعه رافع يده بقوة : ترا أنا على طريف ..

لا تحاول تستفزني

أتسعت عيونها بقوة .. تحركت لفواز مو مهتمه بهالجو المتوتر .. الكئيب

ألي يعيشون فيه من الحاله ألي فيها أبوهم ..

وقفت قباله ...

خوله برجا : تحجى قولي ..!

فواز حرك عيونه صوبها وبلمعة دمع ويأس .. : أخوج ذا .. يقول أن سعود متوفي

بقصد .. يعني مقتول وأنا وأبوي ألي راح نكون فالواجهة

خوله شهقت بروعه : شنو ..؟

فواز مسك يدها : خوله .. ( بلع ريقه بخوف ) مو أنتي تعرفين أن حنا ماضريناهم

ألا لما خبينا أن ضاري هو ألي متصادم مع لافي

خوله وعيونها أنغرس فيها الرعب والخوف حتى ترفع أيديها تضربهم

على خدها : مذبوح سعود .. يعني الشرطة بتاخذ أبوي .. ( أنهارت تبكي وهي

تضرب خدها بقوة ) بيسحبونه وأنت معه ..

فواز مسك كتوفها هزها : أقولج ماذبحناه .. مهبوله أنتي

خولة صرخت : بس أنت الوحيد ألي عرفت متى سعود بيرد لديره ..!!

تعدل ضاري بوقفته وهو بصدمة يطالع أخته ..

ماستوعب ألي قالته ..

هي معهم .. تدري باللي سواه فواز وأبوه ..!!

ونمر لف براسه صوبهم وبعيون متسعه ظل ماهو قادر ينطق حرف

واحد ..

فواز صرخ من القهر : أقولج ماذبحته ..

خوله قامت تردد : ألا .. أنا قلت لك أنه بيرد .. بالوقت .. قلته لك لا تنكر ..

ذبحته ليش .. حسبي الله عليك .. حسبي الله علييييك

تمسكت فيه بس نمر تحرك حتى يجرها بأقوى ماعنده .. خلاها تواجهه

وبقوة رصها على الجدار

نمر وهو يحاول مايسحب عقاله ويجلدها : أنتي بعد معهم .. شلون عرفتي

أن سعود بيرد .. تحجي الله لايبارك فيج

خوله وهي تشاهق : أيه كنت أدري .. أبوي كان يفضفض لي عن كل ألي يسويه

نمر رفع صوته حتى يغرز أصابعه في ذراعها : قلت سعود شلون تعرفين عنه ..!

خوله وهي تبكي من قلب كل شي أختلط فيها : عرفت من أمها ..

ماحست غير بيده تمسك براسها من ورا .. يغرس قبضه يده في عباتها ماسك شعرها

حتى يبدى يهزه .. يتحملون كل شي يصير ألا أن التحقيق يطولها هي ..

ويعرفون الناس أنها طرف من مقتل سعود ..

وش بيقولون الناس عنهم ..

سمعتهم هذي وسمعة أجدادهم .. وهي بنت .. بنت ياناس ..!!

وماحست فيه غير ضرب راسها بالجدار حتى تصرخ ..

تحرك ضاري بسرعه حتى يسحب نمر وفواز من الخرعه جرها بعيد عنه

نمر وهو يطالعهم : تتفووو عليكم ..

ضاري : يابن الحلال هد

نمر حرك أيديه وعقاله طاح بالأرض .. يحترق شي داخله حتى يصرخ : أي أهدي .. بيسحبونها

معهم .. جريمة قتل ذي .. ماهيب لعبه .. راحت سمعتنا ( أهتز صوته ) وين نودي

وجيهنا

خوله وهي تلصق بفواز ترجف وتشاهق : .................

حركت وحدة من الممرضات عيونها بخرعه تطالعهم من بعيد واقفين عند

باب العنايه المركزة وشكلهم مايطمن بخير ..

ماكان غيرها موجود ومسرع ماجت وقفت جنبها عاملة نظافه ..

ضاري يطالع خوله بصدمة : حسبي الله ونعم الوكيل فيكم أن كان ماشفنا منكم

غير البلاوي

فواز جر ثوبه : أقووول ماذبحته ..

نمر نفض أيدين ضاري حتى يتحرك بسرعه يسحب خوله جارها : ولج عين تبجين

يالخسيسه .. داخله بيت الناس عشان تنقلين علومهم معه هالخسيس .. أمشي

قدامي ..

ضاري بسرعه وقف بوجهه : نمر ..!

نمرصرخ بوجهه : خلني أرميها فالبيت لين نعرف وش نسوي فالمصيبه

ألي طاحت فوق روسنا .. وخر عني .. وخرررر

وقف مثل المكتف حتى يرفع يده ويمسح على شعره ..

كان شايل هم أبوه وأخوه

وأذا في أخته متورطه بعد ..

ياالله

وش عليه يسوي الحين ..

شلون بيتصرف قبال هالكارثه ..

مستحيل بيروح للمباحث ويقول كل شي ..

صعبه .. بيسحبون أخته أكيد ..!!!

رمش ببطء حتى يتحرك بخطوات متثاقله صوب الكرسي ... يرمي جسمه

عليه لا يطيح .. ماعاد يقدر يمشي ..

خوله ..!!

يالله آآخر من توقعها .. وش تبي هي تنقل آخبار سعود لفواز ألا عشان

أنهم مخططين عليه ..

مايحتاج لها تفسير وتحليل ..

واضحة رغم أنكار أخوه .. حتى طيحة أبوه ماتدل ألا على أنه متورط ..

× × × × × × × × ×

في فرنسا ..

يطلع بطوله وحاجبه معقودين من باب الطياره حتى تهب الهواء بقوة صوبه ..

يوقف قبال الدرج النازل وشعره الرمادي يتحرك ويتبعثر بحركات سريعه من هالهواء

وهالأجواء ألي مغيمه .. على يده يستقر جكيته الأسود ومسرع مادخل

يده في جيب الجكيت حتى يسحب نظارته السودا من شاف بمسافه بعيده

عنه البوابه تفتح ويظهر منها شخص متوسط الطول والأبتسامة الغريبه

ترتسم على شفاته .. بسرعه لبس نظارته حتى يخبي ملامح ماهو وقت

أظهارها في هاللحظة .. أخذ نفس بعمق من رفع عيونه يطالع المساحات

الشاسعه من فرنسا ألي طال البعد عنها من وصل لها ..

أشتاق لباريس الغربه ... وغابات الأحلام ..

أشتاق للوحدة ..

حرك خطواته حتى يبدى ينزل وتطلع من وراه تغريد ببلوزتها الواسعه الفضفاضه ..

وتنورتها الواسعه بلونها الأسود ..

حجاب بلون بيج يلتف حول راسها ونازل مغطي كتوفها ..

الضيق من هالحال يخنقها .. أجبرها داخل غرفته تلبس هالشي ..

وهي انسانه لازالت توبتها تطهر صفحات وصفحات من حياتها

بس مجبورة على هالشي ..

تخاف تسجن .. تخاف من دولة تحارب دينك يارب ..!

صار ينزل وهي بهدوء تشبك أصابعها مع بعض بتوتر وخوف حتى تنزل

وراه تتبعه ..

نزل حتى عانقت خطواته أرض المطار .. يلاحظ خطوات هالشخص الغريب

تتسع ومسرع مالمح المحامي مارتن يظهر من البوابة معه أربع أشخاص

وأبتسامة الفرح ترتسم على ملامحه ..

مد هالشخص يده بحراره حتى يوجها صوب لافي ألي مد يده

ببرود يصافحه .. يميل هالشخص براسه يقربه من أذن لافي

( معك مساعد المحقق فيليب فاهد .. أود منك فقط أظهار المعرفه بي لأني أعتقد

أن هناك من يراقبك ..!! )

أتسعت عيونه وبحركات خاطفة صار يحرك عيونه يمين ويسار ..

كيف مراقب والمكان مافي أي شي يدل على كلامه ..

سحب يد لافي حتى يدفن فيها بطاقه

( حين يكون لديك الوقت الكافي للقائه .. أتصل .. ثمة أمور تحتاجك ..! )

قال هالكلمات المعدودة حتى يسحب يده ويروح تاركه في موجة شكوك

تجتاحه ..

وهي عيونها مافارقت الأرض .. تسمع أشخاص ألتفوا حواليه .. يتكلمون

بلغه مافهمتها .. ولحظات تحركت بخطوات متسارعه من تحرك ..

ماتدري وين راح ياخذها ..

في شي بحجم خوف عميق يغتال الأمان فيها .. ولحظات رفعت راسها لسما

من بد حبات المطر تنزل عليهم .. وقف بسرعه حتى يمد يده لها ..

يحضن كتوفها وكأنه خايف من شي عليها .. وهي أنتفضت لاشعوريا

من حركته وسط نظرات هالي يمشون حواليه .. كيف يقربها

من صدره وهو محوط بهالكم من الرجال ألي فجأة قاموا يزدادون ..!!

ليته خلاها وراه تتبعه ..

رفعت عيونها بأحراج وعيونه تنتقل مابينهم وهو يرفع يده وكأنه يأمرهم ..

وشخص تتملك ملامحه الرسميه منسجم فالكلام معه بشكل غريب ..

وبعد ماخلصوا الأجراءات .. طلعوا من المطار حتى تلقى سيارة تاكسي

في أنتظارهم ..

تغريد توقف فجأة وتمسك يده ألي ملتفه حول خصرها : لافي ضايقتني بجد ..

لافي بدون أهتمام وعيونه تراقب السياره : ممكن تتركين هالسوالف هالحين .. ترا ينتظرنا

أشياء كثيره !!

تغريد ترفع عيونها له وهو حرك راسه لها من شافها ثبتت خطواتها بالأرض : شسالفه ..

منهم ذولا ألي فجأة صاروا حولنا

لافي أبتسم حتى يجاوب ببرود : زمن الأسئله ينتهي هنيه ..

تغريد بعدم فهم : يعني

لافي سحبها بقساوة شوي : يعني تمشين وتريحيني .. !!

رفعت كتوفها منكمشه على روحها والمطر بهدوء ينزل وهو صار يجرها

للتاكسي .. قربها من الباب دافع ظهرها حتى تركب غصب ومسرع

ماحرك راسه صوب مارتن ..

لافي : في الغد سيكون حديثنا أكثر وضوح ..

وقف مارتن حتى يدفن أيديه في جيب بنطلونه ويهز راسه بأبتسامه .. ومن

شاف لافي ينحني راكب بملامحه الرجوليه حتى يتحرك التاكسي

سحب من جيبه الجوال .. ضغط رقم عمر حتى يبشره بوصول فهد لفرنسا

لكن الرقم خارج الخدمة ..!!

وهي داخل التاكسي ..

ماتدري كيف قدر يجبرها على السكوت في زمن الجنون ..

تتفجر داخلها أسئله وأسئله توقف عند طرف شفاها .. تكتفت حتى ترفع راسها

تطالع شوارع باريس المتبلله بالمطر ..الأجواء صار يحوطها الظلام والغيم العنيد

يتملك هالأمكنه والمحلات والبشر ..!!

كانت باريس وهي تتأملها جميله .. تتلألأ شوارعها بأضواء الفنادق والمحلات ..

وكأن هالأجواء حياة وروتين لهم ..

كيف هالحين راح تتصل بأمها وتواجها باللي عرفته من لافي ..

كيف راح توصل لخوله .. كم تشتهي تشوفها وتبرد بركان الغضب ألي ثاير

فيها لحد هاللحظة ..

وبحذر حركت عيونها صوبه الجالس بجنبها بكبرياءه وصمته ..

طالعت شعره الرمادي وخصلات متمرده تعانق جبينه .. ومسرع ما

ثبتت عيونها على عيونه .. متساند بيده

على فكه .. يتأمل كل شي يمرون فيه ..

غارق في لذه مجهوله لها ..!!

مستمتع بهالأجواء .. شافته يبتسم لاشعوريا من مرت السياره على أطفال يلعبون

بجنب الشارع ..

تغريد ضمت شنطتها لصدرها : وين رايحين ..؟

لافي : لمكان ممكن راح يجمعنا من جديد

تغريد بنظرة مكسورة ومسرع ماصدت عنه : قل ممكن ينسيني أّذاك .. لا تنسى

يالافي ألي أنقال بينا قبل لا نوصل ..!

حست في ثقل يده تستقر على كتفها ومن لفت له ألا هو يدفن يده مابين ظهرها

والسيت محاوط خصرها .. لصق فيها حتى يمد يده الثانيه مريحها على بطنها

ويشبك أصابعه مع بعض ..

لافي : حنا في مكان للعشاق .. لا تنسين

تغريد وهي تحاول ماتنجر بمشاعرها صوب قربه ونظرة عيونه ألي ياما

عشقت عالمها : قلتها عشاق

لافي لوى فمه وهو يصغر وحده من عيونه : حنا الزمن محى بعض تفاصيلنا

ولا قدر عليها كلها .. قلت لج الحب مايموت

تغريد أبتسمت لا شعوريا وبأستغراب من منطقه : أحب صيغ الجمع ألي تنقيها

وأنت تتكلم عنا ..!!

لافي : الدلال بينسي قلبج ألي صار لا تأكدت من ألي سواه فواز فيني

تغريد هزت راسها حتى تصد عنه تطالع الشوارع : ليتك تفهم أن حنا عالقين يالافي..

عالقين في منتصف هالأشياء المجهوله ويجمعها حب .. ( أخذت نفس

حتى تنطق وهي تحس بيده على بطنها وورا ظهرها تثير فيها الحلم بقربه )

مانكر أني أسعد أنسانه في هالكون هالحين .. بس ( حركت راسها صوبه )

مكسورة أنا .. تعرف شنو معنى تنكسر وحدة عطتك كل شي ..

لافي هز راسه بالرفض : لا ماعرف ..

سكتت تطالع فيه حتى ترفع يدها وتمرر أصابعها على شفاتها ..

تهز كتوفها بخفه ..

تغريد وهي تبلع ريقها : ماعدنا نفس قبل أجل ..!!

صد بسرعه عنها حتى يسحب أيديه راجع لمكانه .. وهي ظلت ساكته متكتفه على ماهي

عليه .. رمش ببطء حتى يطالع المطر الخفيف ألي يحاول يبلل خطوات البشر ..

مسافات طويله عانقت أنفاسهم حتى يوقف التاكسي قبال فندق من أرقى فنادق

باريس .. ذيك ألي لا زالت بتصميمها وهيئها تعانق فخامة القرن التاسع عشر ..

فتح باب السيارة حتى ينزل بطوله وهي تفتح الباب حتى توقف رافعه راسها

لواجهة الفندق .. والبشر ألي حواليه بأشكالهم وأختلاف ملامحهم ..

رفع يده حتى يبدى لبس جكيته الأسود ..

تكتفت بقوة وبرودة الضياع تلسع دفا الذكريات فيها ..

وش أصعب من فراق ياخذ من عمرنا سنين ..

وبعد اللقا نعتقد أننا مشتاقين ..

وأن حلاوة الكلام عايشه ولا زالت ..!!

أن عمق الحب فينا ..

حركت راسها له تطالع الرسميه ألي عانقت تفاصيله من الجكيت ..

هي الأشياء ألي فيها وترتبط فيك يالافي موجوده ..

ذيك الأشياء ألي تشتكي منها فيك ولك ..

والأشياء ألي مأسورة في لذتها ..

معقوله أنت بتقدر تنسى ألي فرق بينكم وجرحك وجرحها ..!

تحرك بخطوات متوازنه حتى يروح لها .. يسحب يدها بدفا ويدخل لبوابه الفندق حتى

تستقبلهم الصاله الواسعه بسقف يمتلي رسوم ومرايا وخطوط ذهبيه ..

يعانق الجمال ..

صارت تحرك عيونها بضياع لهالناس ألي حولها وبعضهم لابسين

بدل سودا تميزهم عن غيرهم ... باين عليهم الترف والثرا بشكل واضح ..!!

موسيقى يرتدد صداها في المكان .. تعزفها بنت واقفه على منصه صغيره وهي تتمايل

بأنسجام .. شعرها بلونه الذهبي يعانق كتوفها .. والفستان ألي لحد ركبها وينتهي

بزركشات بيضا تتحرك مع جسمها ألي يتمايل ..

وقفت بأندهاش من هالجمال ألي تشوفه رغم أن عيون كل من يمر عليها

تتوجه لها بأستغراب وأتهام ..!

المطعم هو واجهه لهالفندق الفخم .. حركت عيونها للرجال ألي تشوفهم مختلين

مع عاشقات بكامل أناقتهن .. أدركت بنفسها أن العشق يمتلكهم

من الضحكات الخجوله ألي ترتسم على شفاتهن ..

لافي يقاطع أفكارها وبصوت واطي : مطوله ..!!

رفعت عيونها له حتى تستوعب أنهم واقفين في نص الطريق ألي ياخذ للبوابه

وهو أكتفى بأنه يوقف دافن أيديه في جيوب بنطلونه ينتظرها تخلص

من الفضول ألي تشبع في ملامحها .. عقدت حواجبها حتى تبعد نظرها عنه

تغريد : باريس مختلفه .. أبصراحة أذهلتني ..!

لافي : حجزت لنا جناح بهالفندق .. حبيت يوفر لنا المكان راحة بقدر

الوجع ألي بينا ...

تحرك يمشي وسط هالمكان وهي وقفت تطالع فيه ..

ماتوقعت نبره بهالشكل ولا مقارنه الماضي بحاضر هالترف ألي واقفه

فيه هالحين ..!!

تخاف من أمنيات تغتال النوم في هالجناح من عينها ..!!

تخاف تطالع عيون هالأمنيه وتسألها ..

_ وينك ..؟

وتجاوبها على كنبه من الأسى

_ ريحة البارود وهالسما ألي تمتلي دخان ماعادت قادره تخليني

أطير لك ..!!

ويظل

أحيان الصمت وسط هالأماني المبهمه أجمل مايمكن نقدمه

عشان نفهم ..!!

وبرا الفندق كان واقف واحد بجنب محل من المحلات ألي قبال الفندق

وهو ماسك مظله تحميه من المطر ..

( لقد تم مراقبه الهدف .. )

( كن على أتصال بنا حين يتوجه لمقر عمله أو لأي مكان ..)

أبعد الجوال عن أذنه حتى يرميه ويحرك كرسيه صوب شاشه الاب ..

صغر عيونه وهو فاتح على موقع فهد الرسمي ..

من ليليان ألي يقصدها ... وأي علاقه يرتبط فيها ..!!

قال بصوت غليض بلغته الفرنسيه ..

( يبدو أن هناك ماتخفيه أيها المخترع ..!! )

أبتسم بسخريه حتى يقرب أصابعه من الابتوب ويتوجه لأيقونه المختبر حتى تظهر

له ( قريبا ) .. !

يحس أن تأجيل هالأفتتاح وتجاهله للصحافة يثير الشك في نفسه ..

حتى فلته بالكويت وأقتحامها والفوضى ألي تتسبب فيها غير المراقبه

وأظهار له بشكل مباشر أنه عايلته مراقبه ماثار فيه غير الغضب وبس .. !!

أي نوايا يافهد مخبيها في صدرك ولايدري هو عنها ..

ريح ظهره على الكرسي حتى يبعد عن الطاولة ويلف لواجهة الطبيعه ألي يطل عليها

مكتبه ..

الموت المجهول لأي مخترع يحاول العبث معهم هو أكبر حل

لهم ..

× × × × × × × × ×

في يوم جديد ..

( مكتب المباحث )

فتح المساعد وليد الباب بأندفاع حتى يتوجه صوب الضابط فارس

وبيده ملف والفرحة مرتسمه على شفاته ..

المساعد وليد : طال عمرك البشاره ..!

الضابط فارس فز واقف : متواصل معك أحد من أدارة مكافحة المخدرات

المساعد وليد هز راسه : أيه .. مشتبهين في مكان لعصابه تتاجر بالحشيش وأنواع

من المخدرات .. تم تهريبها عن طريق الجمارك

الضابط فارس مد يده : متى

المساعد وليد يقدم له الملف : بالضبط قبل وصول فهد للكويت بعشر أيام ..

ألي أدخلها وافد ع حسب التحقيقات الأوليه .. لكن من أستلمها ... الشخص

لازال مجهول ..!

الضابط فارس تنفس بعمق وبصوت واطي بهيئته : وأخيييرا .. مابغوا يتحركون

المساعد وليد يقرب من الطاولة : طيب .. دورنا متى سيدي .. سالفة الضابط سعود ومقتله

قضيه معلقه .. لا هي ألي تسجلت ضد مجهول ولا هي ألي تمت كاملة بتفاصيلها

فارس حرك عيونه لوليد حتى يبتسم : دورنا بعد ضبط العصابه ألي أستلمت البضاعه.. ماعليك

دام أننا طول هالشهور مسكنا أول خيط ( رفع الملف ) كل شي

راح يتم في وقته .. أنت بس أحرص على الحذر أنا ( تحرك طالع من المكتب )

باخذ الملف لرئيس حتى يكون على أطلاع تام بالتقدم ألي نمشي فيه

المساعد وليد هز راسه : أمرك سيدي ..

× × × × × × × ×

جالسه على السرير بغرفتها وهي تتأملها بصمت .. ودموع خاينه

تنزل من عيونها .. ماهي مصدقه أنها هالحين بغرفتها وبالكويت .. الديره

ألي أنجبرت على الرحيل منها ..

وهذي هي تنجبر على الرجوع لها ..

وصلت أمس بليل بعد ماطلقها عمر ..!

سحبت رجولها حتى تضمهم لصدرها وتلف أيدينها حواليها دافنه

وجها على ركبها ..

طلقها وسافر

طلقها عشانها صرخت وأنهارت تسب أمه ألي تجرأت تحط القرآن

بالزباله ..!!

شهقت بقوة حتى تبكي .. والله ألي صار شي كبير ..

ماتتحمله .. تحس قلبها يحاول أحد ينزعه لا تذكرت بس سواة أمه ...

حسبي الله عليها ..!!

خوالها سمعوا خبر الطلاق بصدمة .. وكأنهم يحلمون لما وصلت لهم منهارة

مع أمها ألي ثارت غضب وحلفت ماتقعد في مصر ..

حاولوا يدقون عليه وكل شي مقفل .. راحت ساميه للفله تبيه ومنعتها ماري حتى

تقرب ..

من الحرس ألي وقفتهم عند البوابه لها ..!

طلعت من هالديرة مكسورة ورجعت نفس الشي

وش فرقت ياعمر هالأيام ألي أبتدت بينكم وأنتهت ..

ليه تخليت عنها بهالبساطة .. ليه جرحت هالحب ألي كان يحاول يعيش فيها

عشانك ..

ذكرها أنه أشتراها بفلوسه .. وكأنه يقول لها تذكري هالشي ..

لا تنسين ياساره من تكونين ..

من أبوك ..!

كيف حياتك ..!

حتى عيونها صارخ بوجها يذكرها فيها ..

طعن أضعف شي يعيش داخلها ولا قادره تذبحه وترتاح ..

كانت تبيك تمسح على قلبها مو تجرحه ..

بس الفقد كان يتربص فيكم ياعمر ..

وهي في نحر العاصفه قبالك تموت

أنفتح باب غرفتها حتى بسرعه ترفع راسها وتمسح دموعها ..

بومؤيد بأبتسامة حزينه : الحمدالله ع سلامتج

ساره تتربع وهي تصد بملامحها المتورمة من البكا : الله يسلمك

بو مؤيد وهو يتأمل وجها .. عيونها العسليه ألي لأول مرة يتأملها بدون

عدسات وهي من كبرت قامت تخفيهم : قومي وضي وصلي لج ركعتين .. ألي صار

مالج يد فيه .. قومي هذي أمج من وصلت بس تتوعد في هالعمر وحالتها حاله

ساره تلف له : يستاهل .. خليها تدعي عسى الله ياخذه باللي سواه فيني

بو مؤيد بأستفهام : يعني طلقج بدون سبب ..!

ساره تحرك يدها وعيونها أتسعت : تركني بالفندق لحالي وأنا ماعرف أحد فيه ..

لبست عبايتي ونزلت مثل الهبله أدور لي أحد يدلني على أهلي ... ( أنهارت تبكي )

ماعرف رقم أمي هناك ولا رقم أحد .. لا معي جوال ولا شي .. شسويت له

أنا .. شسويت ..!

بو مؤيد ترك الباب حتى يدخل الغرفه ويسكرها وراه .. يتقدم لها : الولد أجنبي

الله يهداج .. هو شنو يعرفه لازم عليه يترك عند زوجته جوال ..

ساره بأنفعال : ماشرا لي أساسا .. ولا فكر يسألني ولاعليه من ألي أحتاجه

بو مؤيد : ساره .. عمر كندي متربي برا أقولج .. في أشياء كثيره لا تتوقعين

أنه بيوفرها لج أو بيهتم فيها .. يمكن تكون عنده من واجباتج أنتي توفرينها

بنفسج

ساره هزت راسها : أيه لا طلبت منه فلوس عطاني ألي بجيبه .. كأنه يقولي

روحي أنتي بنفسج أشري وسوي ألي تبين .. هالحياة أنا ماأتقبلها ..

خلاص من بعد سواة أمه بقول له فرقاااه عيييد .. فرقاااه عيييد

وزين أنه طلقني

سكتت وبو مؤيد يطالعها ..أبعدت عيونها عنه وصارت تهز كتوفها

بتبرير

ساره : شنو يبي في وحدة شراها بفلوسه .. أنا قلت له الحياة بينا مستحيله ..

من أول ماجمعتنا غرفة وحده ..

بو مؤيد تكتف : ................

ساره وشفاتها أهتزت من العبره ألي خنقتها : أييه .. فرقاه عيد .. مابيه

أخذ نفس بو مؤيد وواضح من كلامها أن الجرح فيها عميق

دايما في الحب تبقى الأشياء أكثر أرتباط

وهم بقت الأشياء بينهم أكبر من أنها تربطهم !!

.. تحرك بسرعه

جالس على السرير من خبت وجها وأنهارت تبكي ..

ساره : والله أني حبيته .. ليش سوا فيني جذي .. ليش .. ليش تطنز على عيوني

والله ألي شفته من أمه مافي بشر بيتحمله ..

بو مؤيد مسك كتفها : يابنت الحلال كل شي بيتصلح .. من وصلتي وأنتي بهالغرفه !

دخلت أم ساره بخطوات حتى تجلس بجنبها وتحضنها بقوة

ساره : يمه قوليلي لشنو سوا فيني هالشي .. ليه تركني في مكان غريب

وراح

أم ساره وملامحها كلها أنقلبت .. ماسكه روحها لاتبكي معها : أستهدي بالله ياساره ..

مش حيشوفك خالص .. أنا أوعدك ياحبيبتي ..

ساره تهز راسها : مابيه يمه

أم ساره وهي تدفن راس بنتها على صدرها : كل ألي حتقوليه حيمشي من النهارده ..

بس أنتي أهدي بقه .. أنسيه ياساره

ساره منهاره تبكي : ..............

ام ساره بأبتسامه تحاول تهدي بنتها : حتشوفي ليليان وحتنسي عمر وألي خلفوه ..

ساره برفض : لا مابي أشوف أحد يمه .. مابي

بو مؤيد يفز واقف : أنا بروح لمطعم قريب أشري منه ريوق وراد

أم ساره رفعت عيونها لزوجها : خد مؤيد ووسام وأنتا ماشي

بو مؤيد يبعد عنهم وهو يرفع يده : لا توصيني ..

× × × × × ×

في بيت أبو تغريد ..

سحبت الستاره تالا بتحلطم وهي معصبه حتى يندفع نور الصبح للصاله

الواسعه .. لفت براسها لوسميه ألي عانقت خطواتها الأرض لابسه عبايتها

ووالمه تبي تطلع ..

وسميه بأمر لخدامتها : أنتبهي للتليفون أخاف تغريد تدق من فرنسا ..

مدري شنو فيها طولت مادقت ..!

تالا تهز راسها : زين ماما

وسميه صغرت عيونها حتى تتحرك مقربه منها : أنتي محمد مادق

عليج ..! ماشفتيه ولا قالج شي

تالا هزت راسها برفض : نوو

وسميه بقهر رفعت يدها : مالت عليج وعليه .. نعنبوها على كل ألي شافوها

منها ولا سووا شي لها .. هذا وأنا رايحه بنفسي وفاضحتها ..

( لوت فمها من تذكرت طريقه لافي بالكلام معها وكيف قام يذكرها باللي سوته )

قال شنو قال بيحاسبني .. ( رفعت أيديها ) الحمدالله ألي الله سهل عليهم السفره

وراحت بنتي مع زوجها .. وي وي وي .. والله مو مصدقه

تالا متنحه تطالع فيها : .............................

وسميه طالعتها : على أنها راحت معه كاسره كلامنا .. بس تبعد عن الحيه

ذيج وبنتها .. يحسبوني مادري أنهم مخططين علي لافي حسبي الله عليهم ..

رفعت يدها حتى تبدى تلف شيلتها حول راسها وتتحرك بخطواتها الواسعه صوب الباب

ومن فتحته ألا بوجها يطلع بو تغريد واقف بطوله ..!

وسميه : وراك رديت مارحت الدوام ليش ..؟

أبو تغريد والهم شايله : أنتي وين بتروحين ..؟

وسميه وهي تتطالعه يمر من عندها : بروح لأختي عيوش سمعت أن بنتها عبير كانت بتملج

بس تأجلت ..!

بو تغريد وقف وبسرعه لف لها : ع منو

وسميه حركت يدها حتى تضرب أساورها الذهب بعض : ع ولد الشيخ بو فواز العود بس قالت

لي أن أبوه صابته جلطة الله يكفينا الشر

أبو تغريد أتسعت عيونه وبصدمة : هاااااا

وسميه هزت راسها : أي والله وزاره علي وأبو سعود ويقولون

أبو تغريد : أعوذ بالله .. من متى ..؟

وسميه لوت فمها : الله أعلم .. ألا بسألك بنتك دقت عليك

أبو تغريد بضيق وكتمه : قلبي قارصني عليها .. دايما تتصل من توصل ألا بهالسفره

الله يستر مايسوي لها شي ذاك الخسيس

وسميه ترفع شيلتها وتغطي وجها : خل خرابيطك ذي بس بعيدة عنهم .. وأشتغل بروحك ..

تالا أمشي دام أنه بيقعد فالبيت يلا ..

رفعت شنطتها بلونها الذهبي حتى تتحرك بعبايتها طالعه من

بيتها على سيارتها والسواق ينطرها عند البوابة ..

ومسافة الطريق حتى توصل لبيت أم سالم .. دخلت الحوش وهي تتمايل

بكعبها ومسرع ماصعدت الدرج حتى تطق الباب ..

وتالا بقت بالسياره تنزل لها كم غرض

تسمع أصوات ضحك وصراخ وردة .. نزلت شيلتها حتى ينفتح الباب ومن حركت

عيونها ألا ليليان قبالها ...

أتسعت عيونها من شكلها ..!!

رافعه شعرها كله لفوق وغرتها مغطيه جبينها وخصلات من عند أذنها نازله

لتحت بنعومه على وجها الدائري .. غير اللبس والأكسسوارات والحركات ..!!

وبحقد طالعتها من فوق لتحت حتى تتحرك بخطوة واسعه وتحط يدها على صدر ليليان

دافته .. تمايلت بصدمة حتى ترجع على الباب ..

ماهي أول مرة تسويها ذي .. ولاتدري وراها حاقده عليها بهالشكل ..

تقول ذابحه لها أحد .. بنتها وطاسه مع زوجها وش تبي أكثر ذي ..

ليليان بصوت مقهور ماقدرت تسكت : وجع للعدو

وسميه وقفت ولفت لها بقرف : شقلتي أنتي ...؟

ليليان وهي تتعدل بوقفتها ولا عليها منها .. عادت الكلمة : قلت وجع للعدو .. أحمدي

ربتس مادعيت عليتس

وسميه أنعفست ملامحها : أنتي لا تحسبين اني ماعرف بنواياج وتبيني أعاملج

على قد عمرج .. لا عارفه أنج حيه من ورا حيه مخططة على شي أكبر ..

بقولج ياحلوة ( قربت منه وضربت خدها بخفه ) خليج بروحج وبلاش

تخلين أمج ترفع راسج لفوق .. توج .. وعيب ترا تحطين حلمج بريال

أكبر منج وكبر أبوج بعد ..!!

ليليان طارت عيونها وبأندفاع : شقلتي ..؟

وسميه تطالعها من فوق لتحت : الله يكافينا شر أمثالج وأمثال أمج .. بيت العز

ضفج ولاهو مبين بعينج بعد

نوت تتحرك بس ليليان رفعت يدها وبأندفاع

ليليان : لا مربيه في بيت عز قبل لا أشوفتس أنتي وبنتتس ألي بطيتي تسبدنا

فيها .. أنا مانيب راده عليتس عشانتس حرمة تسبيره نفس جدتي ..

يعني الحشمه لعمرتس ماهوب لتس أنتي ..!!

كبر جدتها .. تقصد الشيخه حمده ..

ياكبر كلمتها

طالعتها بعصبيه حتى تتحرك ماره من عندها بس فجأه مالقت نفسها ألا تسحبها وسميه

وترميها على أقرب جدار

وسميه بصراخ : شنو قلتي أنتي .. هاا ..!!

أنكمشت ليليان على روحها رافعه لكتوفها وماتدري ذي وراها وبفضول

دخلت تالا من باب المدخل حتى توقف تطالعهم .. ولحظات

حتى تطلع أم سعود بخرعه حاطه يدها على صدرها ماتدري أوخيتها ليش تصارخ

ووراها أم سالم والجوهرة ..

أم سعود : بسم الله شصاير ..!

وسميه ترمي شنطتها بقهر حتى تضرب أيديها في بعض : تعالي شوفي هالمربيه

ذي شقاعده تقول لي .. تقول أنها محترمتني عشاني كبر عينها

( لفت لها حتى تأشر بيدها صوبها ) جعل عينها لسد

الجوهرة بعصبيه وهي تتحرك واقفه بجنب عايشه : أحترمي حالج أشوف

بنتي مربيه تربيه تخليج غصب تحترمينها تفهمين ولا لا

طلعت عبير حتى تلصق في أطار الباب من الروعه ووراها مرايم

مايدرون شسالفه .. كل ألي يذكرونه أن الباب أنطق ووسط الضحك

نوت مرايم تقوم بس ليليان حلفت عليها تجلس وهي ألي تفتحه لأنها متأكده

أنه أخوها عبادي ..

أم سالم بصوتها الواطي تبي تهدي الوضع : شاللي صاير ..!

ليليان رفعت يدها وهي تأشر للباب بيدها الثانيه : أنطق الباب وفتحته...

وسميه تقاطعها وهي تصارخ : فتحته يوم شافتني عند الباب جان تسكره بويهي ..

رجعت طقيت الباب ماني مصدق ألي هالنتفه تسويه .. ألا تفتحه وتستلمني بلسانها

الطويل .. أييه لأني فضحتها عد أمها وولد خالها وأخوي

طارت عيون أم سالم حتى تحرك عيونها بأتهام صوب ليليان .. وأم سعود مع

الجوهرة أكتفن يطالعنها بصدمه .. أتسعت عيون ليليان من كبر الكذبه وهي

ألي بدت عليها .. قاعده تفتري عليها عيني عينك ..

ليليان تطالع أمها : والله تسذوب يمه .. هي ألي أول ماشافتني فاتحه لها الباب

دفتني وقالت لي أني حيه وأنتي بعد وأنتس مخليتني أطالع فوق وحاطة

عيني ع لافي ..!!

وسميه رفعت أيديها حتى تحطها على راسها : الله يكافينا شرج يالجذابه ..

يعني بالله أنا بهالعمر بحط دوبي دوب هالياهل .. ( طالعت خدامتها ) تالا قولي

ألي شفتيه

تالا بسرعه لقطت حركت وسميه وهي طايره : أيه .. هزا فيه يسكر باب أول مايشوف

ماما كابير واقف .. ( طالعت ليليان ) أنتا مايخاف من الله .. حرام هزا كلام

الجوهرة ترفع يدها لوسميه من سكت الكل وليليان غرقت عيونها

دموع ماهي مستوعبه حجم الأفترا ألي تشوفه : تخسين أنتي وخدامتج ..

وسميه طالعت الجوهرة : ضفي بنتج بالأول

الجوهرة تضرب أيديها في بعض : ع أساس مانعرفج ياوسميه ولا ذقنا من كاسج ..

بنتي أقسم بالله أن تعرضتيها بكلمة سوء نفس ماسويتي بواحدن كان بيصير شيخ

للقبيله أنا ألي بعلمج شنو هي حدودج تسمعين ...!!

وسميه صرخت : طالعوا من يتحجى .. أنتي أحمدي ربج أن أخوي ضافج وضاف عيالج ..

ماتستحين وبنتج قاطها أخوها بصحرا وتقولين لي مربيه .. لو هي مربيه

ورا أخوها يقطها بالصحرا .. هاا

الجوهرة رفعت أيديها وبحرقه : عسى الله يبلاج فاللي بلا فيه بنتي ويصيبج

من البلا ألي يكف شرج وأذاج عنا

وسميه تكتفت : أيه أدعي .. بلاني كاشفتج من زمان بس ساكته من طيب خاطر

ولا بعد وهذا أني موريه حمده فعايلها السودا بولدها ..

أم سعود بعصبيه : وسميه خلاص .. هنيه وتوقفين

أم سالم لفت صوب مرايم وبخناق : أنتي ورا مخليتها تفتح الباب .. ليه مافتحتيه أنتي ..

حست برجفه تهز جسدها ألي فجأه ولأول مرة تحس أنه ضعيف ..

ماهي مستوعبه الكذب عليها ..

تشوف بعيونهم أتهام وشك وتصديق لوسميه ..

ماعاد تشوف غير الضباب من غرقت عيونها بالدموع ..

ومافجرها غير كلمة أم سالم .. هذا جزاها ..!!

الجوهرة أتسعت عيونها لأم سالم : شنو تقصدين..؟

وسميه ضحكت : قصدها خلي بنتج تلم حالها في بيت فيه من ماهو محرم لها ..

قايمه تتولى فتح الباب لا طق تقول خدامة ..!

أم سالم لفت للجوهرة : لا والله ياوخيتي ..

ولا عطتها الجوهرة وجه .. تحركت ماره من وسميه حتى بسرعه تسحب ليليان

ألي أنفجرت على صدرها بكا ..

الجوهرة بثقه : ولا يهمونج يمه .. ( رفعت صوتها ) من بغى يصدق يطق راسه بالطوفه

بنتي أرفع من نفاقها وجذبها تفهمن ..

راحت تمشي صوب غرفة المجلس حتى تحط يدها على راس ليليان ..

ومن دخلت

الجوهرة بقهر : ورا تبجين أنتي .. مخطيه ..؟!!

ليليان وقفت وهي ماعادت قادره تمسك نفسها : ....................

الجوهرة تهز كتوفها : يمه هذا وأنتي القويه .. أشفيج .. دام أنا معج

لايهمج ذي .. قالت أعظم في زمان كلن يذكره ..

حضنت خدودها وصارت تمر أصابعها تحت عيون بنتها ومن شافت أم سعود تدخل

ووراها أم سالم وعبير مع مرايم ..

الجوهرة سحبتها : ألبسي عبايتج ..!

أم سعود تقرب من الجوهرة : هدي وانا أختج ..

أم سالم تمسك يد الجوهرة : والله ماتطلعين من بيتي زعلانه

الجوهرة بعصبيه : رجاءا لايحد يتحجى وياي .. ألي صار فيه كرامة .. ولاراح

أنطم عشان خاطر أحد

أم سالم تجر يدها وبصوت واطي : هذي تخبرين علومها .. لا تروحين

تحركت أم سعود صوب ليليان وحضنتها وهي تحاول تلبس عبايتها ومسرع

ماقربت منها عبير

أم سعود : يمه أمسحيها بويهي

عبير تميل براسها لليليان : أستغفر الله ياربي .. خلاص ليليان والله ماتسوى ..

لبست الجوهرة عبايتها حتى تسحب شنطتها وبسرعه مرت من عند ليليان

حتى تمسك يدها ..

الجوهرة تطالع أم سعود : أنا مالي قعدة في هالبيت مرة ثانيه ..!!

وبسرعه تحركت حتى تتحرك ليليان وراها ضامه عبايتها لصدرها ..

وبهدوء جلست وسميه على كرسي حاطه رجل على رجل

وسميه : أيه روحي ولا أوصيج بالجذب على أخوي .. يمكن تطولين ألي تبينه ..!!!

الجوهرة وقفت حتى تلف لها وبنفس نبرة صوتها : للأسف ماعاد أبي أنزَل مستواي لمستوى

ردج وأخلاقج .. لا خلصتي من هنيه روحي دوجي ع خلق الله ولاتنسينا من

الحجي .. محتاجين حسناتج ترا

طارت عيون وسميه حتى تتحرك الجوهرة وهي تسحب ليليان وراها ومن مرت

قبال تالا .. قالت بدون ماتطالعها ( حسبي الله عليج ) ..

ماقهرها كثر أنهم ماكلمو وسميه .. ماوقفوها عند حدها ..

ماعلقوا على كلامها على بنتها مع خدامتها ألي على شاكلة هالوسميه .. !!وقفت

وسحبت من شنطتها الجوال حتى تدق على علي ..

وفي ديوانيه الشيخه حمده ..

جالس متساند على المركة منسجم مع هرج بو سعود ويسمع له بتركيز

والجده حمده قبالهم متربعه وطلال قاعد بالوسط قبال صينيه القهوة

والشي وعيونه بالأرض .. ويده بقفازها الأسود حاطها بحضنه ..

أبوه غصبه يقعد يصب لهم قهوة .. !!

علي يتعدل متربع : أنا معك .. بس لو نقط ع تمليك بنرتاح يابو سعود .. الأيجار

قص ظهر .. ودام أن بيعة بعض نياق الجده مع حلالها حصلنا منه فلوس ماشاءالله

تبارك الله زودن ع قطتي وقطتك وقطة طلال .. خلنا ع التمليك

بو سعود بضيق : أنت تحسبن بهالديره العقار سهل .. والله لايسحب ألي دونك ووراك

الجده حمده بأستفهام : لافي يدري عن شروتنا

بو سعود طالع أمه : لا والله

الجده حمده رفعت يدها : أجل أطلبه وعلمه باللي بينا ..

علي طارت عيونه من كلامها : ع أساس ياخاله فلوس الكفار ماتبينها

الجده بدون أدنى شك : يمسكه أبوه بقول الحق أن كان يبي يقط أن فلوسه ماهيب من الكفار ..

طلال رفع عيونه للجده بعمق يطالعها : ..............

علي بثقه : هالله هالله ولافي ماهوب قايلن غير الحق ..

دق جواله وعلى طول سحبه من جيبه .. فتح الجوال وحطه عند أذنه ..

( ألو .. هلا يالجوهرة .. ( سكت حتى ينطق ) .. شنو فيه صوتج .. أيه ..

طيب .. طيب شوية وقت وبدق عليج ..)

أبعد الجوال حتى يوقف سالم عند الباب ينزل جزماته بلونها الأبيض

ويدخل والفرح ماهو سايعه ..

سالم ينحني لجدته يبوس راسها : البشاره يام فلاح تم ماتبينه لرضاج

الجده حمده رفعت راسها ماهي مصدقه : حجزت

سالم يتحرك مار من عندها حتى يجلس جنبها وشماغه رافع أطرافه لفوق

رغم التعب والهم الواضح في ملامحه : أيه

طلال طالعه بصدمه وبدون نفس والعلاقه بينهم صارت سلام وبس : بهالسرعه .. أخبر القصور ماتلقى حجزها بدري

سالم نفخ صدره : واحد من أخوياي يعرف له واحد عنده أستراحة شرحه ماشاءالله حتى

قسم الحريم شفته ملكي تصميمه

الجده حمده بعد صمت : ووراك فرحان

سالم على طول نطق : رضاج يمه مفرحني

الجده صدت عنه حتى ترفع يدها : ألعب على أحدن غيري ... مير الله يستر من

هالأبتسامه ألي شاقتن فرتك ..!

سالم تنح وأبتسامته ذبلت حتى يلف لجدته : يمه .. جايك شي من طرفي

علي أبتسم : ماشاءالله عليك

أبو سعود بسؤاله الآمر : متى موعده .. بشرنا

سالم تعدل بجلسته حتى ينطق : الخميس ..

سكتوا فجأه والجده بسرعه لفت براسها صوب سالم .. عيونها

طايره وطلال رفع حواجبه ماهو مستوعب ..

الخميس ..!!

أي خميس لايكون ألي مابقى عنه غير خمس أيام ..

أبو سعود حرك ظهره مقدمه لسالم: أي خميس

سالم طالع جدته ثم طلال وعلي وأنتهى في أبوه : أشفيكم مانتم تبون الزواج

أبو سعود ثار : أي خميس ..؟

سالم ببراءه : أي خميس يعني .. الجاي

صد علي بعيونه وحط يده على راسه ..

سالم تنح في علي : أشفيك ..؟

الجده بحده شهقت : لا بالله مهبول أنت

طلال رفع يده السليمه وبقهر : من عقلك تقولها

أبو سعود بعصبيه :نعنبوا أبليسك أنت ناوي علي .. ماتحمد ربك أني ماسكن نفسي

عن سواتك بأختك ولا بعد كل مالك وتصير ردي أكثر من قبل

سالم صد عن عمه حتى يميل بشفاته ويشبك أصابعه في بعض : ليه شنو مسوي بعد ..!

علي طالعه ماهو مستوعب بروده : شلون شنو مسوي .. في حريم وراهن جهاز

وكروت لزومن علينا نوزعها غير حجز الأكل وغيره ..!

سالم رجع يطالع علي : والله أنا زوجتي عميا تتجهز لشنو ..؟! هذا أذا ماضاقت

علي الوسيعه وزودن ع ديوني طلبت لها خدامه تهتم فيها وبعدين أنا شنو ابي منها

بو سعود صرخ بوجهه : وين بتغدي فيها جعلك ماتربح

علي بضيق : لا تدعي أستغفر الله يابوسعود هد

سالم ماعليه من أحد : والله سلمتوني حجز الزواج .. وزواج تزوجت مستغلني

ضاري بالعطيه .. أنا ماني مجبور أمشي عشان أحد .. أنا ( قالها بتشديد ) أبي

الفكه

طلال بقهر : تبي الفكه وتوهقني أنا .. ماعندي بيت يضفني أنا وزوجتي

سالم طالعه وبدون نفس : مانت مجبور تتزوج ببلاش معي ..!

طلال طالعه بحده ونظرات قاتله : شقلت ..

سالم صد عنه حس أنه قام يغلط وهو منضغط : ................

طلال : لا تنسى أني بوفر لك سكن لوجه الله

سالم حرك عيونه بنرفزه صوب طلال : ليه طالب منك

طلال : لا حط أني أنا ألي طالب نتزوج بيوم واحد .. تراك ماتهمني ولا هو أكبر همي

أنت

سالم بعصبيه : ماتنشغل بحالك

الجده رفعت صوتها : قططع أنت وياه .. لاقوموا تهاوشوا قدامي ..

( أشرت على سالم ) ولد عمك بيقط على بيتك وبيت العايله .. أن كنت

مانتب براضي طق راسك بالجدار ( لفت لطلال ) وأنت بتتزوج في يوم زواج ولد عمك

وأن كنت تبي تسوي سواته .. أوقف جنبه وطق راسك بالجدار نفسه ..

علي لف صاد يحاول يمسك ضحكة غصب بتطلع : ..................

أبو سعود : أنتم شبلاكم ياعيال آل صارم .. كل مالكم في ردى ..!

سالم رفع أيديه : أنا خلاص حجزت وأنتهينا .. خلاص سلمت فلوسي له والرجال

ماهوب رادها .. والكروت بعد بكره تخلص وعندكم العيال ..

أبو سعود : أيه ومن وين لنا بيوت تضفك أنت وزوجتك وولدك مع ولد عمك وولده ..

سالم قال بسرعه : زوجتي تظل عند أمي العوده .. مير مانيب بحاجتها مع ولدي ..

وطلال يقعد هناك في بيتنا .. لين تلقون البيوت وعن الحريم يدبرن عمرهن ..

دق جوال علي حتى يفز واقف ..

علي : لاتنسون ملكة ضاري تراي أظنه يبيها الظهر في يوم الزواج

الجده من سمعت طاريه : الله يقوم أبوه بالسلامه .. وهذا الشور عين العقل والله

وقبال بيته نزلت الجوهرة معصبه حتى ينزل علي يتبعها ..

وبهدوء نزلت ليليان ..

حتى عبادي نسوه هناك فالبيت ..

علي يدخل الحوش : فهميني شصاير ..!

الجوهرة وقفت تفسخ نقابها : أختك المصونه قامت تفتري ع بنتي مع خدامتها ..

وأختك وزوجة أخوي الله يرحمه ولا ردنها ولا قالن لها ألي تقولينه جذب ..

علي عقد حواجبه : وسميه ..!

دخلت ليليان حتى تتحرك بخطواتها ماره من عندهم ولا

علقت أو قالت كلمة ..

الجوهرة رفعت يدها : ومن في غيرها .. حاطه ع البنيه بلا سبب .. أذا في

بالها بتعيد ألي سوته في لافي والله أنها تخسي ..

ظل يطالع فيها طايره عيونه وهي على طول تحركت تاركته بالحوش .. تحس بالغصه

وصلت حنجرتها .. خلاص بتنفجر نفس بنتها شكلها ..

وهو كان متفاجأ من هالأنكسار في صوتها ..

ظل ساكت والضيق خنقه ..

نصيحه ونصح أخته .. خناق وتحصلت منه لين قالت بس ..

وش يقدر يسوي أكثر معها ..

صد بملامحه حتى يتحرك بخطواته الواسعه طالع من البيت ..

ركب سيارته وحرك ..

وبسرعه نزل صالح من الغماره ومثل الحرامي صاير يمشي وهو يتلفت ..

وبسرعه أتسعت خطواته حتى يدخل الحوش ..

كم له وهو ينطر هالوقت .. صايره كثير طلعاتها بنت الحلال .. ماعليه الجاي كثير ..

سحب شماغه من على كتفه حتى يرميه ع الثاني ويوقف قبال البيت متوهق

شلون بيطلبها هالحين ..

يطق الباب ..!!

لالا .. تخاف تطلع أمها ثم تطيح فيه طق ..

وبعد يخاف يطول ويرجع هالخايب علي ويستلمه أو يبلغ عليه الشرطة ..

راح يمشي لحاله فالحوش الواسع وهو يسمع صوت أمها

ومسرع مالف ورا البيت .. وقف بجنب شجره حتى يجلس ..

هينا بيظل لين يلقى له مدخل ..

وأذا ماأنكتب له يشوفها .. ماعليه .. يطلع بدون ماأحد يشوفه ويدخل من جديد ..

تنفس بعمق وبملل قعد يطالع بالجدار وصوت العصافير فوق راسه ..

والبرد ذبحه ..!

طال الوقت ولا أحد بين .. فز واقف حتى يسحب له عود من الشجره وينظف فيها سنونه

وهو يطالعها ..

ومسرع مانتظف من أنفتح الباب الخلفي ..

ركض تخبى ورى الجدار ومن مال براسه .. ألا ذي ليليان تطلع وهي تمسح دموعها

وتتكتف .. تشاهق بصوت واطي ..

وكأنها تعيش الذكرى مع من تركها ورحل .. ولحظات تحركت تمشي مبتعده

عن الباب وهو فتح خشته .. حط يده على صدره ماهو مصدق أنه يشوفها ..

ومن عطته ظهرها وصارت قريبه منه .. تحرك بسرعه صوبها ..

حضنها وهي صرخت من الخرعه ..

صالح برجا كاذب : تكفين سامحيني .. تكفين ..

قامت تحرك جسمها بقرف تبيه يبعد عنها وهي تنادي أمها ..

وتبكي .. وهو توهق قام يردد عليها تسامحه ولا كأنها تسمع ..

وبرجفة أنحنى حتى ينزل راسه ويمثل أنه يبكي .. قام يبكي من قلب وهي جمدت

في مكانها تطالعه

صالح : أنا تبت لله .. تكفين سامحيني ... تكفين

ليليان وهي تبعد عنه بخرعه : شتبي فيني أنتي ورا ماتندزلع ..!!

صالح رفع راسه لها : جيتك أبيك تسامحيني ياوخيتي على ألي سويته فيتس .. على أني

رميتتس بالصحرا .. تكفين ليليان .. تكفين ..

ليليان رفعت كتوفها والخرعه للحين في عظامها .. لفت شوي بعيد عنه : تسذوب

صالح وهو يبكي .. تشوف دموعه : سلمتتس لواحد ماهوب كفو .. أنا ( حط يده على صدره

وهز راسه ) أنا أعرف أنه ماهوب مراعي الله فيتس .. وأنتي قليبتس طيب ..

( حرك يده ) سافر مع زوجته وتركتس هنيا لحالتس .. تكفين سامحيني

على ألي سويته فيتس ..

ليليان وهي تتنفس بصعوبه .. دموعه وكلامه عن لافي وتوبته .. أكبر

صدمه ماتخيلتها : ........................

صالح يفز واقف يتقدم منها وهي رجعت : وش تبين أثبت لتس أني تبت وتركت

كل شي ..

ليليان هزت رؤاسها بالرفض : أنت أخر واحد بصدق أنه يتوب .. أنت الخسه

تمشي في عروقك ..

طالعها بقهر حتى يصد عنها ..قال لنفسه :

لا تتضايق ولا تعصب .. أمسك

نفسك ياولد .. خلاص قربت لها ... مابعد دموعك شي

صالح رجع يطالعها : ليه مو أنسان

ليليان بحقد : أنت واحد عاق .. أنا أن تسان سامحتك فأبوي مات وهو غضبان عليك

صالح أنهار يبكي : لاتزودينها علي

ليليان سكتت تطالع فيه : ...........................

صالح وهو يغطي وجهه : .................

ظلت تطالعه وهو يبكي .. مابعد هالدموع شي .. يمكن الله هداه وحس باللي

سواه فيها .. ليش لأ .. الله قادر على كل شئ

صالح وهو يطالع ملامحها وعيونها المليانه دموع : سامحيني .. ماجيت هنيا

ألا أبيتس تسامحيني ..!

ليليان صدت عنه وهي فعلا بدت تصدق : .......................

صالح يقرب منه : تبت وأبي أكفر عن ذنوبي .. وش أبي فيتس أنا أساسا بعد ألي

سويتيه فيني ..

ليليان طالعته : تلزم المسجد .. وتحفظ سورة البقرة كامله .. ذيتس الساعه

بصدق أنك تبت .. لأن حافظ كتاب الله ماينحرف ولا يسوي شي يعصيه ..

وهالحين أندزلع من قدامي ..

تحركت بخطواتها الواسعه حتى تدخل الباب وتسكره وهو

بغيض ظل يطالعها .. نعنبوها ذي مايمر عليها شي ..

هالحين توهق صدق ..

تحرك بخطواته الواسعه طالع من البيت حتى يمسح دموعه بدون نفس ويركب سيارته

مسك جبهته يحس صابه صداع من شوفتها وأنه مو قادر يكفخها

يعلمها السنع .. الله يادنيا ألي أخرته يبكي قدام ذي هي ووجها ..!!

وبسرعه سحب الجوال ودق ع سامي

صالح : ألو

سامي بضيق : هلا

صالح : محمد بنرسله لبيت أبو تغريد وتراي شفت أوخيتي وشكلي هه

بديت أدخل لقليبها ..

سامي طارت عيونه : مهبول أنت ..!

صالح بعصبيه : أنت ألي خبل .. بنرسله حتى يخدمنا

سامي مافهم : وش تبي في بيت أبو تغريد

صالح بطفش : لاحوول ولا قوة ألا بالله .. ذا ألي بتوطى بمصارينه .. أندزلع من وجهي

أحسن لك ..

سكر الخط وسامي واقف عند بقاله ومحمد يشري له ألي محتاجه ..

لف لمحمد وصرخ ..

(أخلص ماصارت عيشه ذي ..!! )

محمد وهو مستانس : واجد فيه جوعان

سامي : لا أشر البقاله كلها وحطها ببطنك .. أمش قدامي لسياره لا أرفسك

قدام عيشتك ..!!

محمد سحب كيسين : أوهوووو ..!!

رفع سامي حواجبه لفوق ماهو مستوعب ..!!

وهالخبل يبي يوديه لأبو تغريد ليه .. ناسي أنه لو وداه هناك سهل

على ألي طاردينه يلقونه .. دفع الفلوس وطلع متوجه لسيارته ..

أهم شي أن جدته وعمه ردوا لديره بعد ماتعطلت السياره ...

ولا بعد ساحبين معهم البندري والله حاله ..

× × × × × × × × × × × ×

في فرنسا ..

داخل شركته الصغيره ألي يدير فيها أعماله ..

جالس على مكتبه الواسع ببصمات فرنسيه من الديكور وهو فاتح فمه يضحك

بقوة .. ومسرع ماحط يده على بطنه .. لابس بلوزة بيضا والجكيت يرتاح

على الكرسي ورا ظهره ..

وقباله عمر منحني بظهره على طرف الشباك ألي يطل على حديقة الشركه ..

مد شفاته وهو بدا يعصب من لافي .. عاقد حواجبه ومتكتف بشده ..

ورجليه حاطهم فوق بعض ببدلته الأرماني ..

ظل يطالع لافي وهو يتحرك من قو الضحك وماهو قادر يسكت حتى يرفع

حاجبه شراسه ..

عمر بعد صمت وبلغته الفرنسيه : أيمكنك الأكتفاء عن الضحك ..؟

لافي رفع راسه وهو يضرب بطنه : ياااااااااالله .. الله يضحك سنك يارجل ..

عمر بقهر تعدل بوقفته ورفع يده على أنه بيضربه : بسسس

لافي حرك جسمه مقدمه وبملامحه الرسميه وشعره المرتب : هالحين لأني نصحتك وعطيتك

العلم باللي يسويه الرجال عندنا تروح أنت يالذكي تطلب من زوجتك تطبخ لك وتنفخ .. هههههههههه

عمر رفع صوته : عايز تنكر ..!!

لافي هز راسه وبصوته ألي بدا خشن : لا والله .. أنا عطيتك صفات الرجل الشرقي بشكل

عام .. ماقلت لك كلهم شديدين وكلهم صارمين .. (نزل راسه وهو يخبي ملامحه

حتى ينفجر ضحك ) هههههههههههه .. نكبت روحك أنا أشهد

عمر صد بضيق وبلغه فرنسيه وهو يرفع يده يمسح على شعره

.. يطالع الأرض ألي تلبس الأخضر قبال عيونه : يبدو يافهد أن عمر قطيعتنا قد بدأ

ولن ينتهي ..

لافي رفع راسه يطالع عيونه ألي تتحرك يمين ويسار قبال الزجاج بعبث : أتعلم أننا فالحب

نشعر بالراحة حينما نتوقف عن السؤال .. حينما نقرر ألا نفترق ..نشعر بذلك

لتفاجئنا الحياة أن لا خيار لدينا منذ الوهلة الأولى ..!!

عمر عقد حواجبه بلونها الأشقر : مجنون أنا حين قررت أن نفترق ... حين رحلت دون

وداعها .. الألم يقتلني فهد .. شئ ما أفقده دونها

سكت والأسى يتسلل بهدوء لنبرة صوت رفيق عمره حتى يغتال كل شي

صوت الجوال .. حرك لافي جسمه بأهتمام ويسحب الجوال فاتح الخط

( حسنا .. ألزم الحذر لحين قدومي أليك ..! )

فز واقف حتى يسحب جكيته الرصاصي ويحرك يده لطاولة يلتقط

مفاتيحه ونظارته ..

عمر حرك راسه صوبه : إلا أين ...؟

فهد : لدي موعد مهم

عمر بخوف تحرك صوب فهد : أنت تعلم جيدا أن الخطر هنا أكبر وأكثر وقوع

فهد هز راسه بدون أهتمام : تعبت وأنا أردد لك الله الحامي ..!

تحرك بخطواته الواسعه مبعد عن الطاولة حتى يتقدم منه عمر ..

يجر يده

عمر بدون أدنى شك : أعلم جيدا أن هناك الكثير من الأمور تحاول أخفائها عني

فهد بنبره واثقه : ليست بتلك الأهميه لتعلم بها ..!

عمر هز يده : أنت أكثر جنون حين تدفع بنفسك وجسدك للخطر ... الشارد قتل

وأنت تواجه الأمر بصمت .. تكتب عن زوجتك ليليان بكل أريحيه في موقعك الرسمي الذي

يشاهده ويتابعه الكثير من طلابك والمهتمين بأمرك .. وها أنت أمامي كأنك لم

تفعل شئ

لافي رفع يده حتى يحضن بكفه رقبة عمر من ورى يقربه منه : أنت خلك بس واقف وراي

وخل صدري بالواجهه .. ولا تسألني عمر .. لا تسألني لأن ماعندي

جواب

ظل يتأمل ملامح فهد الرجوليه والنبرة القاتله ألي فجرها بوجهه وليتها

خلته يهدى ..!!

بالعكس ثارت فيه الخوف أكثر ..

وقبل لايمنحه الوقت يقول شي .. تحرك بخطواته الواسعه ساحب باب مكتبه ..

يفز السكرتير بجنسيته الصينيه وينحني له بس ماأهتم له ..

ظلت عيونه ثابته للممر قباله والأصوات الهاديه ألي تلفه ..

طلع من الشركة حتى يكون في أستقباله سياره سودا مغيمه ..

وقف فجأه من شاف واحد يتحرك بخطوات واسعه يفتح له الباب ..!!

رجع لافي خطوتين لورا وأكمام جكيته مغطيه كفوف أيديه من طولها .. حرك راسه بحذر وخوف يمين ويسار

حتى ينحني شخص من داخل السياره ويرفع له بطاقته ..

رفع حواجبه من تعلقت عيونه بالبطاقة و بهدوء يدوس ع مستنقعات الماي المتكونه ع الرصيف حتى

ينزل منه وينحني براسه لداخل ..

فهد بصوت واطي : كان لك أن تكون أكثر ذكاء أيها المحقق ..

المحقق فيليب بملامحه الفرنسيه وطوله .. قام يدخن سيجارته حتى ينطق

بلغته : لا تخف فهد .. مهمتنا تكمن في دفع الضرر عنك لنصل ألى مانريد

فهد بنبره أستهزاء : قال مساعدك فالمطار أنك تحتاجني حين يكون لدي الوقت

لأتصل .. وأنا لا أملك الوقت

المحقق فيليب ينزل الشباك ويمد يده حتى يهز سيجارته و يطيح رمادها : سننتظر

لكن حين لا تملك الوقت تذكر أننا لا مزيد من الوقت لدينا لأنتظارك ..!!

فهد هز راسه بدون أي أعتراض : حسنا ..

أبعد عن الباب حتى يقرب شخص ضخم ويسكره ومسرع ماركض

لباب السايق .. ركبه متحرك وفهد واقف يطالع فيهم ..

لف براسه لفوق حتى يشوف عمر يطالع فيه بصمت

من شباك مكتبه .. رفع يده ملقى عليه تحية الوداع

وتحرك صوب سيارته حتى يركبها وينطلق لمكان ماهو ناوي ..

( مقاطعة النورماندي )

واقف بطوله واللأشجار تلف أسطبله ألي أختار يكون في هالمقاطعه

بجمال طبيعتها .. يتحرك بخطواته الواسعه والشوق يسابق هالخطوات صوب

الخيل ألي أنقطعت عنه الأخبار بعد وفاة الشارد والرمل يعانق جزماته حتى يصعد

قطع من حصا كبير متعدي حاجز من خشب و يظهر لأرض واسعه يملاها

االعشب الأخضر .. وقف فوق أرتفاع الأرض وهو يشوف من تحت الخيل

تتحرك وسط الحاجز المخصص لها وفيه كم مدرب راكبين الخيل ..

أبتسم فجأة من لمح فرسه بلونها الأبيض وغرتها ألي تغطي كامل وجها تتحرك

بشكل عشوائي بجنب غابة بجهة اليسار .. السما فوقه لازال يغطيها الغيم ..

وبسرعه فسخ جكيته وراح يركض نازل لها وهو يلف بجكيته فالهوا ..

لافي يركض بطوله وينادي : الغيد .. يالغييييد ..

تضرب الريح صدره بقساوة ولا أهتم وهي من سمعت صوته

من بعيد رفعت راسها حتى

بسرعه تتحرك تركض بجنب الحاجز الخشبي بسرعتها وقوام جسدها ..

تميل غرتها كاشفه عن وجها وشعرها بدى يتحرك راجع لورا .. نط

بسرعه حتى تعانق خطواته العشب الأخضر والشجر الشامخ

يلفه حتى يقرب من الحاجز بخطواته المتسارعه .. يشوفها جايه

يمه وهو يناديها .. بخط مستقيم راح يركض لها ومن وصلت لأخر

الحاجز حتى بسرعه يحضن رقبتها ويتنفس بصوت مسموع من قو ركضه ..

قامت تتحرك بسرعه وترفع راسها وتنزله وهو متمسك في رقبتها حاضنها ..

وبهدوء أبعد عنها وصار يمسح على جبينها .. ويده لا زالت على رقبته ..

لافي بدفا وحنان : يالله .. أشتقتي لي يالغيد ..

الفرس تطلع صوت وتتحرك قباله : .................

لافي يلعب بغرتها ألي غطت تفاصيل وجها : أنا أكثر .. أنتي أخر من بقى لي من

ريحة الشارد ..

مسك وجها ودفن ملامحه في شعرها حتى يتحرك بطوله لجهة اليسار ويبدى يمسح

على رقبتها .. ولحظات شاف واحد من المدربين جاي يمه وهو راكب فوق

وحدة من الخيل ..

لافي يرفع عيونه صوب المدرب : هل كل شئ على مايرام ..؟

المدرب ببدلة الفروسيه : نعم .. سوى أن هناك خيل مصابه بالحمى ونخشى من عدم

تحمل جسدها لكل ماتعاني منه

لافي بعد صمت وبصوت واطي وهو يطالع الغيد ويمسح على رقبتها : وماذا

عن ماتم بيننا ..!

المدرب بسرعه ترجل عن خيله حتى يقرب منه : لازال محتجز داخل أحدى

الغرف ..

لافي أبعد عنها رامي جكيته على الأرض وبقساوة أنفجرت من

نبرة صوته : دلني عليه ..

وبالغرفه الصغيره المبنيه من خشب .. جالس شخص على كرسي

مربط بحبال كبيره ووجهه متورم والدم بشكل غريب يغطي كامل بلوزته المفتوح نص أزاريها

.. راسه مايل ولاهو قادر يسيطر عليه .. أنتفض من رجف لافي الباب برجله

حتى يدخل وبدون مقدمات تقدم منه حتى ينحني بدون رحمة ساحب

بلوزته .. هزه بأقوى ماعنده ..

لافي بحقد : ممن أستلمت الأوامر لتحقن الشارد بالسم ..!

المدرب عيونه بروعه أتسعت : ..................

لافي رجع يهزه من جديد : أعطيتك الوقت لتقرر قول الحقيقه أو الموت

أبعد عنه حتى يأشر بيده للمدرب بالأسطبل يفك قيده وبسرعه تحرك

بطاعه .. ومن رمى الحبال منه لف لافي له حتى يندفع بقهر صوبه متمسك بكتوفه

رافعه لفوق لحد ماوقف أطول من لافي بشوي .. وماهي لحظات حتى بحركة يسحبه لتحت ويرفع ركبته

موجه له ضربه بأقوى ماعنده .. صرخ المدرب وبدى يكح وشفاته ملطخه بالدم ..

دفه بقبضه أيديه على الجدار ومسك رقبته

لافي بصراخ : أقسم لك أنني لا أحمل أي رحمة تذكر تجاهك .. رصاصة

من مسدس مجهول ستكون كافيه لي ..

المدرب تكلم بصعوبه واسنانه يلطخها الدم : شخص يدعى جوزيف هو من قام

بأغرائي بالكثير من المال مقابل قتل الشارد التابع للأسطبل

لافي عقد حواجبه أول مرة يسمع فيه : جوزيف ..!!

المدرب وشعره المتبهذل يلصق بعضه على جبينه من الخوف والعرق

ألي يتملكه : هذا كل ماأعرفه .. أقسم لك

لافي بشك : ولما أراد قتل الشارد دون غيره

المدرب نطق بلغة فرنسيه متقطعه : لأنه يود النيل منك وأجبارك على مايريد هو

.. هذا ماأستطعت فهمه من الحديث معه

أبعد عنه واقف بذهول ..!

جوزيف .. مايعرف واحد بهالأسم ولا عمره كان له أي علاقه مع أي شخص

بنفس هالأسم ..

كيف وصل له وليه يبيه هو ..

ماكان حلقة الوصل مابينه وبين فرنسا غير ميشيل .. !!

يالله ..

كل مالها والأمور تتداخل مع بعضها .. ماعاد الهروب من تدخل الشرطة

ينفعه ..

ألا يزيد الأمر سوء أكثر وأكثر ..

× × × × × × × × × × × ×

فالكويت ..

وقف ضاري بسيارته عند بيته حتى يفتح الباب الخلفي ويظهر عصاه ومسرع ماسحب

جسمه بتعب والشمس أعلنت موعد مغيبها .. من المستشفى لبيت أبوه

لعذوب يتطمن عليها ويروح .. يالله ..

ومن وقف ألا خالد جاي يمه بملابس الرياضه وهو دافن أيديه في جيب البنطلون ..

ضاري بضيق وهو يحس قلبه أنقبض : خالد

خالد يوقف قباله : أخبارك ضاري ..!

ضاري وأول من مر على باله أخته خوله : بخير .. ( قال بتردد ) ها بشر

خالد وهو يصغر عيونه ويصد عنه : تخيل عطوني موعد .. ماقدرت أدخل عليه مباشره

ضاري بعدم فهم: من الضابط فارس ..؟

خالد هز راسه : أي والله ..

ضاري : ليه هو حتى أنتم لاحقتكم المواعيد ..!

خالد رجع يطالع ضاري : أنا لأني قلت أني جاي بقول معلومات عن قضية سعود على طول

تم رفض تدخلي فيها ولأنها سريه أطلع منها ويوم أصريت أشوف الضابط

عطوني موعد

ضاري : ليش ماتدخل عليه دايركت

خالد : ليه بيت أبوي

ضاري أبتسم حتى يرفع يده ويضرب كتف خالد : خالد رح عني تراي تعبان من طيحة أبوي

خالد : أيه الحمدالله ع سلامته والله .. بشرني عنه

ضاري : الحمدالله ع كل حال ..

خالد تحرك مبتعد عنه : ترا يمكن أنا وأنت نروح لبيته .. هذا أخر حل ممكن

أوصل له ..

ظل واقف يطالع خالد يبتعد عنه مثل السراب ..

وش كثر فيه هم يكبر كل دقيقه في صدره ..

كل شي يطيح قبال عيونه ..

قناع ورا قناع

وحقيقه ورا حقيقه ..

يالله لطفك .. رحمتك وبس فيه ..

× × × × × × × × ×

كان أختيار سالم لموعد الزواج مثل الصاعقه ع الكل ..

متى راح يشترون فساتين ويجهزون العرايس ويحجزون بوفيه ..

كل الأيام مضت صوب موعد الخميس ضيقه للكل ..

خانقه ..

مرعبه لمرايم ..

بارده لعذوب ..

ورغم أن سالفة وسميه قاتله .. وأتهامها لليليان كبير لكن خبر تحديد

الزواج خلا كلن يشيل همه ..

غير الغرفه ألي أنجبرطلال يختارها في بيت أبو سالم يمشَي فيها حاله

وسط وعود أمه أنها راح تظل موجودة فالبيت مع أم سالم ..

أما الجده حزمت أمرها هي والعذوب حتى تنقل لبيت بنتها هناك وتترك بيت أبوها

حتى تجمع شتات هالعايله لو بشكل مؤقت لين تتم شروة البيت ع خير ..

وبفرنسا ..

فتح باب الجناح في الفندق ألي أختاره يقضون فيه أيامهم حتى يدفع الباب

ويدخل بخفه .. يسكره بهدوء والتعب ماخذ منه الكثير .. وزيادة ضياع عمرو

الألم ألي يحس فيه وسط طيات حب قد يذكر أن رصاصة شهيد أغتالته يوم

من الأيام وهو يعيشه ..

قال له أنه دق ع رقم عمته وبعدين صار يعطيه مقفل حتى أبوه وخواته ..!

وأمه سافرت لأفريقيا سفره مستعجله لأغاثة المحتاجين هناك ..

ممكن تجي لحظات نعتقد أن هالحب أيا كان يكفينا .. وأنه فيه راح نعيش في ذات

السعادة ألي نحس فيها وقت اللقا ..

أما عمر أدرك أن حاجة سارة للحريه أكبر من حبه ...

رمش ببطء وهو يوقف بجنب الباب يعلق جكيته ويحط بوسط الجيب مفاتيحه ..

مشتاق يروح يتطمن على العجوز ألي وقفت في طريقه وقت مالقى الوحده

له منفذ .. رفع يده وصار يفك أزارير بلوزته..

وتغريد يوم أخذها للعياده وشافها الدكتتور ستيف ماكانت ملامحه تطمن فالوقت

ألي كانوا يطالعونه بأمل أخبار تطمن القلب فيه ..

بس كانت مبتسمه وهو ساكت .. تتكلم بسعادة ولا عليها ..

تغيرتي ياتغريد ..

ماينكر هالشي .. صرتي أقوى .. أكثر هدوء وألتزام حتى بالليل ينام وهي تضل

تقرا القران قبل وقت الفجر بساعات ..

صحى ووقف بصدمة من ورا جدار يتأملها ..

لمس صدره حتى يمسح بيده عليه ويوصل لرقبته يفركها ..

حتى أشغاله لقاها فوق فوق مايتصور .. والجامعه موعد أجازته قرب ينتهي وراح

يرجع لها من جديد ..

نزل يده وصار يفك الكبك عن كم بلوزته البيضا وهو توه مخلص أجتماع مع الأداره

المنفذه لمشروع المختبر والشركات المقترحه تموله بالمعدات ..

تحرك بخطوات ثقيله صوب الصاله حتى تستقبله ريحة الياسمين والأضواء

كلها طافيه ماغير الفواحات في الزوايا تنير بألوان مختلفه ..

عقد حواجبه حتى يمر من الكنبات بتصميمها الفخم متوجه صوب قسم

غرفة النوم .. يدخل من الباب ع سيب طويل وهو يتحرك ببطء .. وقف فجأه

من سمعها منهاره تكلم أحد

( قولي يمه ليش تقولين أني سافرت .. ( سكتت وهي تبكي حتى تنطق بحرقه )

لا تقولين لي الشيطان .. انا بنتج .. بغض النظر عن لافي .. شنو كان الناس بيقولون

عني وزوجي مريض وأنتي تقولين أني مسافره .. أنا ماطلبت الطلاق عشان أروح

أستانس .. ( قامت تشاهق ) تعرفين زين أنا طلبته لشنو .. قولي لي شي

يدش براسي .. أنا مادمرتي حياتي ألا سمعتي وانا ولا داريه عن شي ..

مثل الطوفه قاعده بينكم ..!! )

ماحس بالفرح يندفع لصدره باللي يسمعه ولا تدري هي أنه واقف ..!

لقى نفسه أكثر حزن ..

رجع خطوتين لورا حتى يتحرك بخطوات واسعه يتوجه للباب ساحب جكيته وطالع ..

راح يمشي صوب المصعد رامي الجكيت على ذراعه ..

يتذكرك ياليليان .. كم مرة حس بنفسه ممتلي فيك ..

أنه كان على أستعداد يتنازل عن ذكرياته المؤلمه .. عن ماضيه عشان تكونين له ..

كم أفتخر بكبريائك .. كم حس بالسعاده بأنه لقى وحدة تفهمه ..

تجاريه ذكا وفطنه ..

طلع من الفندق حتى يروح يمشي فالشارع لحاله ..

يبي يتنفس الصمت وهو يشتم في ريحة الغياب تغلب حاضره وتجبره

يعيش الماضي ..

هو مريض فالحب ياليليان .. سامحيه .. ماهو قادر يتحرر منه ..

هو ينتمي للوطن ألي يفتخر بالتاريخ ..

وعمره تاريخ وقلبه أحداث ..!

تمنى قبل لا يسافر يحضنها .. يطلب منها تكون الوجع ألي يساوي كفه جروحه

ويغلبه ..

.. كان يبي يطلب منك تجلسين معه لحد الفجر ..

ويراقب معك شروق الشمس .. تحلمون فيه ياليليان .. يبيك تضحكين معه ..

ومن تشرق الشمس .. يكون للصبح في حياتك وحياته بدايه جديد ..

شي جميل تتذكرونه سوا ..!

وهي أن الشمس قبل لا تشرق عطتكم أشياء جميله .. جت بغير أنتظار ولا حلم ..

هي كذا الأشياء ألي تحتضنا بدون أنتظار تكون دايما أجمل ..

أعمق في ذاكرة هالوطن ألي فينا ..

وطن قلوبنا ياليليان ..!

قولي له .. وش بقى في عين الوطن .. أذا كله بقايا أخبار ..

رفع يده حتى يمسح على شعره الرمادي .. وأضواء المحلات تنعكس عليه ..

تزيده وضوح .. بس رفضتي .. وأشرقت الشمس على حقيقه لا سراب ..

على ذنوبه وأخطائه مع تغريد ..

راح يمشي ضايع مايدري وين بيروح ..

هو مايعرف فالحب أنصاف حلول .. عليه يختار بين حب .. أو بدونه ..

عليه يختار بين الرحيل والبقا ..

تعلم منك البساطة .. علمتيه كيف أن الحياة واسعه بعطاياها ..

وأن رحمة رب العالمين أكبر من توقعنا ..

المؤسف أن الموت أفضل مايقدر يقدمه لك ..

غمض عيونه من تذكر كيف تلفظ قبال خالته وسميه عليها وهي تسمع ..

ورب الكون كان يحس في قلبه يتقطع .. جمع قبضة يده وضغط على أصابعه بقوة ..

ملامحه الرجوليه وقساوته كانت دايما ماتساعده تبين عكس ألي يعيشه

داخل ضلوعه ..

هو كذا ياليليان .. قسى وهو من داخل يتألم عليك .. يبيك تصحين للحال ألي أنتي فيه ..

يحبك هو .. يشهد الله عليه أنه حبك ..

بس لافي للأمس يعيش ..

الذنب ماهو ذنبك .. ولا ذنب أنك طلبتي الزواج من شخص حبك بكل مافيك ولا قدرك ..!

أنتي الذهب ألي يحس أنه كل مانوى يحتفظ فيه زاده غبار ..

أخفى بريقه غصب ..

أنتي قصيدة العشق ألي ماختارت شاعرها ..

رفع عيونه لسما ألي يحتويها السواد ..

راح يهديك القدر شخص بيقدرك أكثر منه .. وممكن يعشقك أكثر منه ..

قدامك عمر طويل ..

والحياه بأيديها راح ترتفع لك عشان تحتضنك ..

وقف حتى يسحب جواله من جيب الجكيت .. وصل لحديقه مفتوحه حتى يمشي على الرصيف

وريحة العشب تفوح في كل مكان ..

والمباني حواليه .. حط الجوال عند أذنه حتى يظل الرقم يدق ويدق لين

رد عليه خاله ..

لافي : السلام عليكم .

علي بسعاده : هلا هلا توي أبي رقمك وتوهقت .. أنا ماعرف رقمك ألي برا

مضيعه

لافي أبتسم ببطء رغم ملامحه الضايعه .. الحزينه : زين .. دقيت بوقتي يعني

علي : أي والله .. أخبارك

لافي هز راسه وهو تحرك يمشي : الحمدالله .. أخبارك وأخبار الأهل ..

علي بعد صمت : كالعاده عبير يوم درت أنك مسافر قلبتها مناحه .. وأم سعود تضايقت

وخالتي عكسهم كلهم مسكتني تهزئ

لافي وهو يرفع عيونه لسما ويمسح على شعره وبهدوء : عشانها

علي : أيه

لافي بعد صمت : خالي .. أذا الواحد ماقدر ينتزع ألي يوجعه من قلبه بكل

ذكرياته وأيامه .. شنو عليه يسوي ..؟!

علي بدون أدنى تفكير : لايكابر ..!

لافي ضم شفاته حتى ينطق بأسى : وأذا الحياة على كل أيامها ألي يعيشها ماسلمته غير وجه واحد يعيش

له .. ولا عطته غير خيار واحد يختاره

علي بأبتسامه وهو عرف أنه ضايع : لافي .. قلي من أخترت

لافي أخذ نفس عميق .. متوجع على هالرحيل .. هالأختيار : مشكلتي أني ماني قادر أترك الحب الي عشت فيه سنيني وأيامي .. ( قال ببحه وبصوت عميق ) ماراح أقدر

علي بعد صمت : حنا نعيش أقدار مكتوبه علينا يالافي ( سكت حتى ينطق ) أخترت تغريد ..!

لافي بتردد : أيه .. أخترتها

علي بدون مناقشه : خلك والم لزواج العيال بعد يوم .. تعال أحضره لازم ثم أقعد أنا وياك

والعايله نقولهم كل شي وتطلق ليليان وتخليها تشوف طريقها ..

لافي : أبشر

سكت حتى يسكر الجوال علي وهو ظل يطالع فالسما ..

يحس أنه يختنق يالله ..

كيف بيطلق سراح صقارته حتى تربي صقر غيره ..!!

كيف ..

× × × × × × × × ×

في يوم الزواج ..

وقعت على الدفتر بغرفه خاليه من أي أثاث بالقصر ومسرع مابكت

وهي لابسه فستان ناعم وشعرها تاركته سايح ..

بكت غصب عليها وأخوها العود ماهو موجود .. سكر أبوها الدفتر حتى يقربها لصدره

حاضنها وطلال بكشخته ألي تمرد على شكله بيوم زواجه غصب واقف

يطالعها

أبو سعود فهم دموعها غلط : يبه وراج .. مانتي ألي قلتي بمشي على شورك

سيف قرب من أبوه رفع يده ومسح على شعر عبير : هذا وابو الشباب ينطرك ..!

عبير بصوت الغليض من البكا : لا يبه .. عشان لافي

طلال أبتسم : والله حاله .. لنا الله حنا

أبو سعود باس راسها : لافي بيعود على قول علي

أبتعد عنها أبو سعود ومسرع ماقرب منها طلال حضنها بقوة رافعها حتى يدور فيها

عبير بخوف : لا تكفى

طلال أنفجر ضحك : هههههههههه بقلد لافي .. مانتي تصيحين عشانه ..

سيف يقرب من طلال يوم نزل عبير : أبعد عنها أنت .. ياخي معرس شنو حاشر خشتك

معنا

طلال ولا عطاه وجه .. رفع يده وحضن خد عبير : ترا هالدموع غاليه علي ..

ومبروك

سيف دف طلال وحضن أخته : مبروك وها لا ستلمتي المهر لا تنسيني

( حرك يده وسحب من جيبه كرت أبيض ) وهذا العنوان

أبعد عنها وهي تنحت تطالع فالكرت ..

( حطيهم تحت مخدتي ولا راح أدري ..!! )

عبير طارت عيونها : من صج أنت كاتب هالكلام ..

سيف مد يده وصار يخبي الكرت بيدها : دسيها .. كرتي الخاص

عبير رفعت يدها تبي تضربه وهي تضم شفاتها بدلع : وقتك أنت ..!!

سيف ركض للباب : هههههههههه ..

شهقت بقوة من دخل لافي بطوله و كشخته ..

لابس ثوب أسود مخصر على جسمه يستقر على أكمام ثوبه كبك بفص أبيض ..

والغتره برسميه طرف منها على كتفه والطرف الثاني مرجعه لورا ..

ريحة عطره كانت أسبق حتى تمتلي فالغرفه ..

لافي يمد أيديه لعبير بيحضنها : تملج اليوم أختي الوحيده ولا أحضر

ظلت حاطه أيديها على فمها وهي جامده ف مكانها ..

ماتوقعته يحضر ..

قامت تنزل دموعها وسيف بملل رفع يده

سيف : كالعاده قرب منها وأحضنها .. شكلك لو بطنشها بتغيب الشمس وتشرق

وهي ( قلدها ) جذي على وضعيتها

طلال غصب ضحك : هههههههههههههه .. ياخي فارق

قرب منها ولمها بين أيديها وهي أنفجرت تبكي

كانت مقهورة من سفرته بدون مايودع أحد ..

و أمس مانامت زين وهي تفكر فيه ..

هو ألي وعدها أنه لو ملكت بيكون بنفسه من ياخذها لزوجها ويوقف ينتظرها

تطلع ..

لافي يرفع يده يمسح على شعرها : عبير .. !

أبو سعود تذكر : يووه انا نسيتهم أعوذ بالله من الشيطان .. وهي ماقصرت بكت على بالك

ماراح تعود

لافي أبتسم : تعرف هي انا شنو واعدها فيه ..!

عبير وبصوت أمتلى دموع لفت أيدينها حول خصره : أيه من أمس أفكر بكلامك ..

وبصالة الزواج ..

الجوهرة جالسه على كراسي ع شكل مدرج وليليان مميله براسها في حضن أمها : جدتي ولا هيب يمي ..

اليوم تمم حلفانها وخلص ليش ماتحتسي معي ..بقليبي شي بحتسيها فيه

الجوهرة وهي تلعب بشعر بنتها : ألا يمه اليوم محاضرة الدكتورة بالنت .. شنو بتسوين ..

ليليان أبتسمت بوجه أمها : لقيت يمه وحدة كويتيه بنفس الموقع تسان أطقها حتسي أنا وياها ..

ووعدتني تسجلها ولا وصلت ترسلها لي ع الأيميل

الجوهرة هزت راسها بثقه : حلو يعني مستفيده

ليليان تتعدل وتجلس ع رجولها منحنيه بظهرها لأمها : بشكل ماتتخيلينه .. وودي يمه لو أن

فيه لحفظ القرآن بعد .. أنا حافظة سورة البقرة كامله

الجوهرة تحط يدها على شعر بنتها وتنحني تبوس خدها : أيه يمه قالت لي أمي أنج

حافظة سورة البقره ..

رفعت ليليان راسها ومسرع مانزلت من الكرسي حتى توقف قبالهم..

في باب في أخر كرسي فوق ومقابله باب من الجهه الثانيه والسجاد بلونه

البني نازل من الباب لحد عندهم .. وبالوسط قبالهم طاولات والكراسي ملبسه

قماش وردي والفيونكه بوسطه ..

المنصه في أخر الصاله ومواجهه كل شي

ليليان تتلفت : تسبيره يمه الصاله

الجوهرة رفعت راسها تطالع السقف والثرايا النازل : ألا فخممة ماشاءالله تبارك الله ..

ليليان : جدتي وقاعده مع عذوب بالشقه وأم سالم وبنتها بعد ..

حنا يمه من بيكون معنا

الجوهرة أبتسمت : رفيجاتي وقرايبنا ترا كثير .. توج الصاله ذي والله لا تمتلي من الخلق

( سربرااااايز )

لفت ليليان بعيون متسعه حتى تتشوف تغريد بطولها وعبايتها واقفه

عند باب الصاله الفخم بأعمدته وهي فرحانه ..

حست قلبها أنقبض .. لاشعوريا تلمست صدرها ..

وأم سعود الواقفه بتوتر عند باب صغير لفت حتى تحتضنها السعاده من شافت

تغريد .. وعلى طول تحركت يمها ..

تغريد وصوتها يتردد فالصاله سلمت عليها: أخبارج خاله .. أشتقت لج ..

أم سعود وتغريد تبوس راسها : لافي هنيه ..أنا بخير بشوفتكم والحمدالله ع السلامه

تغريد بسعاده : أيه يمه وراح لعبير داخل .. طاااااير والله خفت يصدم فينا ..!!

أم سعود وهي تتأمل ملامح تغريد : ماشاءالله .. السفره مغيرتج والله لو داريه

من زمان خليته ياخذج

تغريد تشبك أصابعها مع بعض .. تضمهم لصدرها : يوووه خالتي فوق ماتصور ...

تمشيت أنا وياه ولو أنه مشغول بس أقدر أقول عوضني

لفت تطالع ليليان ألي مانزلت عينها حتى ترفع يدها وهي تميل براسها للجوهرة

تغريد : أخبارج أم عبادي ( أرسلت لها بوسه ) مشتائتلك كتير

الجوهرة ضحكت حتى ترد : وأنا أكتر

ولا كأنها تشوف ليليان رفعت يدها لابسه نقابها ومسكت يد خالتها

تغريد : تعالي يمه خلينا ندخل عليهم .. لافي عند عبير وودي أسلم عليها ..

الجوهرة تفز واقفه : أنطروني ..

تغريد تضحك : هههههههههههههههه .. يلا الوقت محدود لزوجي وكشخته

ولا ترا أمنعكم ..!!

لفت ليليان لأمها ألي بدت تعدل بلوزتها

الجوهرة : بسلم عليهم وراده ماراح أطول ...!

راحت تمشي بخطواتها الواسعه ونحف جسمها حتى تدخل من الباب ألي دخلت منه

تغريد وأم سعود وبقت هي في هالصاله الواسعه بطاولاتها وكراسيها لحالها ..

كانت رسالة ليليان ومعاملة لافي لتغريد بفرنسا وتغيره بعد قراره

كفة ثبتت شكوك تغريد أن ليليان وراها شي ..

يمكن معجبه فيه .. صح كانت شاكه بس لافي حلف لها أنه بيعوضها ..

تترك له قلبها وهو بيداويه ..

بلعت ريقها وتغريد نظراتها غريبه صوبها حسستها كأنها تقول لها

شوفي أنها سعيده غصبن عنك ..

قلبها يضرب بقوة .. مشتاق .. مقهور ... ومسرع ماسمعت التبريكات

والضحك .. وبدون أدنى تردد تحركت للباب بنظراتها الحزينه صوبه..

تبي تشوفه .. قربت من الباب حتى يطل عليها سيب طويل تشوف

فيه غرفه وطرف ثوب واحد .. ومسرع ماطلع نص ثوبه الأسود وغترته ..

حتى ينطق

( هههههههههه .. لا والله أن هي ألي أبلشتني بالنوم .. أسألوها ..! )

نسيتها يالافي ..!

ولا كلفت عمرك بأتصال .. بسؤال ..

تنفست بحرقه وقلبها يموت ..

وش عطتك هي عشان تعيش حياتك وتنساها ..

سلمتك أغلى وأصدق شي فيها .. قلبها ..

هو قلبها أرخص شي مسكته حتى ترميه وراك وترحل ..

أو الحياة عطتك من ينسيك لقاها وحضورها ..!

هي مارفضت

شوفتك ألا لأنها مجروحه من كل شي تسويه ..

من تجريحك ..

من شوفتك لها شبه للي حبيتها حد النخاع وأكثر ..

ماتلقاك يالافي هي ... وين رحت وتركتها ..

ليش أنت بعيد .. بعيد عنها ..!

تحتاجك .. لو بكلام بسيط معك ..

هو ألي بينكم أنتهى .. !!

لا ينتهي يالافي .. لأن القدر ماراح يعطيكم الفرصه مرتين

والحب مرتين .. بين فقد وخيبه ...

ماعاد فيها تعيش بدونك .. ولا ترجع لأيامها بلياك ..

تعال يالافي ..

أحضنها .. ردد صوتك عليها .. مرر أصابعك فوق جراحها ولا تخاف ..

( هالله .. هالله .. أستغفر الله العظيييم !! )

لفت ألا تشوف أم تغريد رافعه يدها ع العمود وحاطه يدها الثانيه ع خصرها

أم تغريد : أنتي ماكفاج ألي شفتيه .. لا صج أنج حقيره ..

أبتعدت بخوف من جتها أم تغريد حتى تدخل من الباب وتسكره بأقوى ماعندها ..!

حطت يدها على قلبها قامت تتنفس بخوف ..

ماتدري من وين طلعت لها ذي ..!!

مسكت دموعها بالعافيه .. بالعافيه قالت ( لا ماراح ابتسي نفس أول مره ) ..

وصالح من شافته ماعاد بين ..

تحركت بخطوات ترجف حتى تفتح الجوهرة الباب وبعصبيه

الجوهرة : قربت منج ذي ..!

ليليان رغم رجولها ماهي قادره تسيطر عليها : لالا ..

الجوهرة تلف براسها صوب الباب : قطيييعه تقطعج .. بتسلم علي وأنا أعطيها ظهري

قدامهم كلهم وقدام أختها .. خلهن يعرفن ان الله حق .. أحب الناس انا ..بس عند كرامتي

وكرامتج يوقفون غصب .. من شايفه نفسها ذي

ليليان بلعت ريقها حتى تجلس : ...........

الجوهرة لوت فمها : لااا .. وطلع لافي معيشن تغريد عيشة هنا وفرح هناك وطلعات وأحضان قدامنا .. الله يهنيهم هذا الي أقدر أقووله .. !

حطت أيديها على ركبها حتى تصد عن أمها ولا تدري أي سهم تغرسه

في صدر الوجع الكبير فيها ..

عايش ومتهني ..!!

وهي ولاقادره تشوفه حتى .. فزت واقفه حتى تتحرك بخطواتها الواسعه طالعه

من مدخل الصاله لدورة المياه.. ومن دخلت نزلت دموعها غصب ..

أنحنت عند المغسله وبدت تغسل وجها ..

لاتبكين عشانه .. وش فيك ..!

مو هذا ألي خلاك تقصين شعرك عشان تنسينه ..

مو هذا ألي فرحتي بسفرته وتبينه يسافر وينقلع .. !!

رفعت أيديها وصارت تضرب خدودها وهي تغمض عيونها ..

قالت بصوت واطي .. ( تحملي وأنسيه تحممملي ..!! )

وبعد صلاة العشا ..

جالس بغرفه مناير ببشته الأسود وثوبه الأبيض وكأنه يطلب منها تسامحه ..

مجبور يامناير ع هالزواج ..

دق جواله حتى يرد ومن قال ( ألو ) أندفع صوت عمه بعصبيه

( وراك تأخرت .. تعال لا والله أسحبك من بيتك يالداشر)

سكر الخط وهو غمض عيونه ..

يالله أنك تعينه ..

ولا ناوي يلبس بشت .. ليش يلبس ..

فز واقف حتى يفسخه ويرميه ع السرير ويتحرك رايح للقصر بدون بشت ..

وفي صالة النساء ..

تمشي عبير بخطواتها الثابته وفستانها العشبي وكتوفها العاريه يغطيها شعرها

ووراها ليليان تمشي لابسه نفس الفستان ومطقمين بنفس اللبس حتى يصعدن

المنصه وكان هن أخر من يصعد ..

وقفن على الطرف والصاله شبه ممتليه من الضيوف والمعازيم ..

عبير تميل لليليان : أحس أني مرتبكه والله .. أول مره أحس في هالشي

ليليان ومكياجها الخفيف يعطي لها تفاصيل ناعمه : لأنتس مملكه الله يعينتس

عبير طارت عيونها : ماشفته أصلن ولا طلبني

ليليان وهي تصفق للي يرقصون والدي جي صوت يرتدد فالصاله كلها : بيعسكر باتسر

عند الباب وتقولين ماقلته ..!

عبير ماسمعتها من صوت الأغاني المرتفع : هااااااا

ليليان ترفع صوتها : أقول سلامتس ..

ولحظات تبدى أم تغريد بفستانها العنابي الفخم ترقص مع بنتها وأم سعود ..

وورده بجنب الجوهرة واقفه بفستانها الأبيض والتاج الذهبي ألي لزمت على عمتها

ألا تخلي الكوافيره تلبسه لها ..!!

لوت ليليان فمها حتى تصد عيونها تطالع الحريم ومسرع مارفعت عيونها لفوق

ماعرفت وش له هالبابين الي فوق ..

ومن خلصن الرقص رفعت أم تغريد فسانها حتى تنزل وتمد أيديها لوحدة تسلم عليها بحراره

وأضواء الصاله القويه معطيه للصاله شكل خيال مع الثريات النازله ..

ومسرع ماقربن حريم من ليليان ع المنصه وبدن يسلمن عليها

الجوهرة تقرب منهن : هذي بنتي

ليليان أبتسمت وهي تصافحهن : .............

وحده منهن : ماشاءالله تبارك الله ..

الجوهرة : وين تهاني ..

أنسحبت بقوة من جرت عبير يدها حتى تأشر لوردة .. وبنات أستلمن المنصه ووقفن

عليها

عبير : ترا فيه زفه .. أم سالم داقه ع أمي تقول أنهم بيتحركون وعذوب

بتاخذها جدتي لشقتها على طول

ليليان وهي تنزل وورده بدت تتبعهن : وش ..

تحركن يمشن وعيون الحريم تتابعهن ..

عبير تأشر للباب ألي فوق : بنطلع من هالباب شايلين باقات ورد ..

وردة وهي تنط : قالت لي عمتي أنا بعد بشيل..

وقفت أم تغريد تطالع ليليان وكيف أهتمام الحريم فيها لأنها بنت الجوهرة..

ومسرع مارفعت عيونها للمنصه تشوف بنتها واقفه ومتحمسه ترقص

مع بنات عمانها ولا هي داريه عن شي ..

هي تعرف كيف تتصرف قبل لايدخل لافي مع أخوه لهينا ..

وتقعد هي مع بنتها تستعرض ..!!

راحت تمشي فالممر بين الطاولات والمعازيم بكبر حتى تطلع من مدخل الصاله للمضيفات ..

سحبت يد وحدة حتى تهمس بأذنها

( كل شي تمام )

المضيفه بدون أدنى رفض دام أن فلوسها أستلمتها ( كل شي مدام )

أم تغريد : ( أجل سوي ألي قلته لك ..! )

راحت تركتها حتى تطلع الجوهرة بخطوات واسعه ولا عبرت

أم تغريد ..

الجوهرة تنادي عبير : عبير يلا ..

عبير لفت لمها وهي واقفه عند مدخل البوفيه : طيب ..دقايق

الجوهرة ماعاد فيه وقت : بسرعه أصعدن فوق لين أعطيكن خبر

تنزلن ..

قربت وحدة من عبير مسلمتها عصير حتى تتحرك تشرب منه وهي ترجع

شعرها الناعم لورى أذنها ولحظات طلعت ليليان معها بعد عصير وورده

ركضت صوب الجوهرة ..

الجوهرة حضنتها حتى تاشر للباب ألي فوق : وردة روحي فوق بتلقين بنت نفسج

سولفي معها لين أصعد لج أنا .. خلاص

وردة هزت راسها وراحت تركض : ........................

ليليان تتقدم من أمها وهي ماسكه العصير : يمه تراي دجيت

الجوهرة بأمر : لفوق .. يلا الدي جي محضره شريط الزفه والفرقه بتدخل بعد مرايم

وطلال .. وأنتن أول من بينزل

ليليان طارت عيونها : رجال يمه

الجوهرة : بالدور .. مو على بعض

تحركت عبير بخطوات متوازنه حتى ترفع فستانها وتبدى تصعد الدرج وليليان ووراها