تحميل رواية «بسمة مدفونة في خيالي» PDF
بقلم ضاقت أنفاسي
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
ناظرت جدتها بتعب وهي تمسح حبات العرق عن جبهتها من فعل الحرارة : جدتي نرجع للبيت ! الجدة برفض : ما هو الحين أنا متأكدة إنها الخايسه رح تمر من هنا تظن نفسها تهرب مني ! لكن من هالشنب إذا ما أمسكتها ! رفعت حاجب بطفوله: جدة انت عندك شنب؟! ترى الرجال يقولون كذا ! الجده وعيونها على الطريق : انكتمي يا طول لسانك !، زفرت الطفلة بضجر وهي تناظر حولها بيوت متفرقة عن بعضها وبعض بيوت متجمعة حول بعضها ..الشمس بحرارتها رح تصهرها ومن ساعة جدتها واقفه بالحر هنا ! أقبل عليهم مرزوق بصوته الجهوري: جدتي وش تعملين هنا...
رواية بسمة مدفونة في خيالي الفصل الحادي والثلاثون 31 - بقلم ضاقت أنفاسي
قبل وقوع الحادث بدقائق ...ناظرته بملامح معفوسه من الألم وهو يشتم ويصرخ ويصرخ ...قاطعه رنين جواله ....رد وبعدها زاد صراخه وانفعاله ...قفل الخط قبل ما يكمل المكالمة وهو يصرخ بجنون : انت وجراح مملكين على بعض ؟؟
من متى يا ابنة الكلب ؟!
انا فعلا الكلب الموية تمشي من تحت رجليني وانا المغفل !
صك على اسنانه بقوة من القهر وسرعان ما ضرب الدريكسون بقوة من البركان الي بداخله وبصراخ اعلى : من متى جاوبي!
ردت وهي مشوشه وهي تشوف قيادته للسيارة بجنون : قبل ما اسكن عندك
قاطعها وهو ما يشفي غليله الا دمها ودم جراح : لييييه يا رونق ؟!
كل هالمده وانا مثل الغبي ...اخخخ يالقهر
مطت شفتها وهي متأكده هذه اخر لحظاتها بالحياة من قيادته المجنونة وان وصلوا بالسلامة رح يشرب من دمها ...تكلمت بتساؤل من حال الدنيا نرضى لغيرنا الالم بس ما نرضاه لنفسنا : متألم ومتوجع من غدر ابنتك لك ....عمرك فكرت بالجازي الي خدعتها وانت مملك على ابنة عمك وهي المغفلة عايشة قصة حب مع الممثل العاشق الولهان ...سبحان الله دارت الايام حتى تشعر بنفس شعورها
قاطعها بغضب: يعني انتقام كل حركتك !
جايه تنتقمين من ابوك !
من ابووووك ؟!!
حسبي الله عليك من بنت عاقه !
حسبي الله عليك !
ما فيه وجهك حياء تدخلين المحكمة بدون احد من اهلك انت من وش مخلوقة
قاطعته وهي تشوف انهم قريب من البيت : ما كنت لوحدي وانا مو صايعه حتى اتزوج بدون اهل جدي وليد وفياض كانوا معي
كان اخر كلامها القشه الي قسمت ظهر البعير ...وبدون وعي التفت للخلف لها وبصراخ : وليييييييييد وفياض زوجوك
ناظرت رونق السيارة خرجت عن مسارها وبصراخ: انتبه السياااااااااارة
لكن بعد ما فات الأوان ......
بعد الحادث حست نفسها غابت عن الوعي للحظات لكن سرعان ما سحبتها يد بقوة ورفسها برجله : والله لتندمين يا ....
تكورت على نفسها من الالم ....والاصوات من حولها تصرخ : اتصلوا بالاسعاف ..
ما يمدي نأخذه بالسياره بسرعه
والله لاذبحها واشرب من دمها
رفعت راسها بتعب وهي تشوف عبود يحاول يفلت من يد العم ابو احمد ويضربها ...وسرعان ما فلت منه و نزل فيها طق !
ما هي قادرة تتحرك ....لحظات توقف الضرب وصوت غاضب : تتمرجل على اختك يا الواطي !
رفعت رأسها بشويش وهي تشوف نايف يطق عبود بقوة ....بدأت الناس تتجمهر وابو احمد بحده : خلاص فضحتونا ،
نايف نزل لمستوى رونق : تقدري تمشين والا احملك
ما سمع منها اجابه وبدون تردد حملها وتحرك بسيارته
...زفر بضيق من هاليوم كله مشاكل وصدمات ....ناظرها من المراية جسمها يهتز بضعف والظاهر انها تبكي ...متأكد ما رح يتركونها بحالها الا يطلعونها جنازة ... ما يدري كسرت خاطره وهو يشوفها بالضعف يحس هو السبب بدمارها ....كل العائلة تتوعد فيها !
كتم ضيقه ونطق وكأنه يتنفس من خرم ابره: رونق انا رح اجهز امورك وتسافرين عند امك ومعك قدر لأنه هنا ما اضمن تكوني بسلام
ما لقى منها اجابة ....غير اهتزاز جسمها !!!!!
*
**
**
عبود كان واقف مع جده ابو احمد ينتظر ابوه و هو عارف انها معه ...يبغى بس يلقنها ضرب حتى تقول خلاااااص !-
انصعق وبهتت ملامحه وهو يشوف سيارة ابوه ...وبدون وعي صرخ باعلى صوته وكأنه صرخته رح توقف القدر :يبه
وبسرعة ركض للسيارة وقلبه يدق بقوة خايف على ابوه ....السيارة كانت معدومه ...بصعوبه قدر يطلع ابوه بمساعدة بعض عيال عمه الي طلعوا على الصوت !
ابو احمد توجه للباب الخلفي وبصعوبه فتحه ....اخرج رونق ووضعها على جانب الطريق وهي فاقده الوعي ...لما شافها عبود ثارت فيه النيران وهو يشوف ابوه فاقد للوعي ...هجم عليها وعقله ما يبغى الا يطلع روحها ويرتاح منها ...عمره ما كره احد مثلها!
لكن تدخل نايف خرب كل مخططه ...
*
**
**
**
ما زالت الاوضاع متكهربه .... والكل يتحلف بجراح وأولهم ابو جواد ...الي نطق بغضب : والله
قاطعه سعود : يبه انت ارتاح ضغطك للحين مرتفع
ابو جواد بغضب :من وين ينزل و مسودة الوجه فضحتنا
اخخخخ يالقهر ما لقت غير وليد اخخخ يالقهر !-
والله ليندم على فعلته !
راكان بملامح منتفخه يحاول يضبط اعصابه مهما غلط جراح بس ما يقبل احد يغلط عليه بكلمه ...وبتخطيط نطق : لا تحطون اللوم على جراح يا عمي!
انت تعرف جراح ما هوخسيس ولا هو صاحب بنات وترقيم ..جراح رجال واذا احد نخاه ما ظنيت يرده ....
ابو جواد عقد جواجبه باستنكار: وش تقصد ؟!
راكان بغموض: انا ما اقدر اتكلم ...بس جراح ما عمل كذا الا ليستر عرضه...فما هو من باب العداله تجازونه كذا ؟!،
ابو جوادبقهر من كلامه المبطن : لا تجلس تتكلم بالالغاز !
وبعدين اذا شاف عليها غلط ليه ما خبرنا ؟!!
يبغى يستر عرضه ليه ما خطبها منا ما هو يدسدس خلف وليد !!!
راكان : هو اخبرنا انه يبغى يخطبها لكن انا و زياد وقفنا بوجهه وقلنا له دام حنا رافضين ما رح يعطوك إياها !
لكن الظاهر نخوته حملته يعمل كذا ...وبما انه الحين عندكم علم بالسالفة...خلال هالاسبوع يتم الطلاق ويا دار مادخلك شر ....والي بيني وبين مريم ما له علاقة
ابو جواد بصوت مرتفع : باكر يطلقها !
راكان بهدوء ظاهري : رح يطلقها ...بس انتم قفلوا على السالفة ...تبغون تفضحونا بين الناس ...مايضيع من خلف هالسيرة الا بنات عمي والا رونق مطلقه ما هي فارقه معها ...يا ليت نلم الموضوع ترانا بيت واحد ...وجراح رح ييجي بنفسه ويعتذر لكم على تصرفه !
سعود :-القلوب الحين متحمضه على بعضها ..اترك الموضوع يهدأ بعدها يصير خير !
راكان هز رأسه وبتذكير : يا عمي ترى امي برقبتكم تراها للحين بالمستشفى متضايقة مثلكم وطول عمرها واقفه معكم يا ليت ما تفجعوها بجراح
قاطعه ابو جواد صحيح انه قلبه يغلي من جراح بس هم عائلة وحده ما رح يفضح عيلتهم للي يسوى والي ما يسوى يتشمت فيهم : ما عليك انا اتصرف !
زفر من اللهيب الي بداخله .من هالبزر بعدها ما دخلت العشرين وعملت كذا ...صغرتهم قدام وليد !
كسرت ظهر ابوها وين عينه من اخوانه وعيال عمه؟؟ ابنته متزوجه بدون علمه !
بداخله يغلي غليان منها .....
بعد وقت استأذن راكان وتوجه لامه يطمئن عليها ..ما زالت على وضعها تنوح وكأنها دفنت جراح !-
ام لؤي بضيق : وش فيه اخبار؟!
راكان رد بعبوس : ما صار شيء
سألت باستفسار: ورونق وينها الحين ؟!
راكان بكره : الله يأخذها ونرتاح منها ...يقولون نقلها للمستشفى واختك سعاد ما شاء الله قالبه الدنيا وحاطه فيهم نون وما يعملون !
ام لؤي : استغفر الله ..ترى سعاد عليها تفكير غريب ...طيب وضعها الصحي كيف ؟!
راكان مط شفته بلامبالاه: ما احد سأل عنها !
حتى جواد من لما صحي وهو ساكن وما نطق ولا حرف !
ام راكان تمسح دموعها : الله يكون بعونه ..انت متخيل هالفضيحه له ابنته متزوجه بدون علمه !
انا نفسي اعرف كيف لعبت بعقل جراح هالخبيثه!
والله ما يرتاح قلبي غير لما يطلقها ....
راكان بتوعد : اليوم والا باكر رح يطلقها وان رفض عمي ابو جواد رح يخلعه !
يعني سالفته محلوله !
ام لؤي عبست ملامحها بضيق : الله يجيب العواقب سليمه !
**
**
**
**
ناظرت يدها فيها ثلاث كسور من الرسغ والمرفق والكتف ..غير الرضوض بجسمها
نايف واقف يناظرها بهدوء: وش قلتي ؟!
ناظرته بعيون لامعه ....تهرب من اهل جواد وتروح لفياض الي اوقعها بهذه المصيبه ...شيء بداخلها يردد بس ما جبرك !!
تحس نفسها وصلت لمرحلة كل شيء حولها بدون ألوان ....كلما تبتسم لها الحياة ما تعرف كيف تنقلب الاوضاع وتسقط من غيمة احلامها لأسفل الارض .....ابوها غضبان عليها ....اذا هربت رح تزيد المشاكل ويغضب عليها بزياده ...هو ابوها وله الحق عليها ...ما رح تتركه حتى يرضى عنها...كيف تلقى ربنا وابوها غاضب عليها ؟؟!!
اذا الاب او الام ما كانوا مسلمين ربنا امرنا بمصاحبتهم بالمعروف ...يالله كم نقصر بحق الام والاب ...مجرد يثقلوا علينا العيار شوي تكون ردة فعلنا قويه بوجههم .....من صراخ وعقوق .....يا رب اذا ما تبت علينا وغفرت لنا عقوقنا كيف يكون حالنا يوم القيامة !!!!
ردت بصوت هامس : ما ابغى اسافر !
نايف ناظرها بنصيحه : صدقيني لمصلحتك ترى إن طحتي بين يدينهم ما رح يرحمونك !
هبط قلبها بارتجاف من مواجهتهم وهي وحيده ما احد معها ....نطقت : ما يقطع الرأس الي ركبه !
نايف زفر من عنادها ....وبنبره نادمه : رونق سامحيني اقسم برب العزة ما كنت اعلم انك ابنة جواد ...انا اسف احس انا السبب دمرت حياتك ...وبنفس الوقت اكرهك لو اشوفك ميته ما اسأل عنك ...لكن ما ادري وش سبب هالتناقض !!
من لما صارت السالفة شيء بداخلي يدفعني اوقف معك بالرغم من كرهي لك !
رونق ردت وهي مغمضه عيونها بالم : لانك للاسف موقفي ذكرك بموقفك مع امي لما الكل خذلك ووقف ضد حبك وكأنك عملت جريمه ...مع انك طلبتها بالحلال ...وانا نفس الشيء
قاطعها بضيق من الماضي : امك كانت إنسانة ما اقدر اوصفها كنت احس بأجمل المشاعر لما اجلس معها ...بس احيانا العادات والتقاليد تذبح احلى واجمل احلامنا !ومع ذلك اقول الحمد لله ما نعرف وين الخير !
رونق مطت شفتها بتعب: متى خروجي ؟!
نايف بنصيحه : صدقيني ما هو من مصلحتك تطلعين ؟!
ردت بصعوبة وهي تحس نفسها يضيق :قدر ما ادري وش اخبارها ...اخاف يحطون حرتهم فيها !
تحاملت على نفسها بصعوبة ونطقت : رجعني للبيت
ناظر عندها غريبه هالانسانه رايحه للموت برجولها !!!!
****
**
**
قدر تبكي بصمت لغياب امها ..واجواء كل من حولها اخافتها ...تقدمت من شبيهة امها وهي تمسح دموعها : ابغى ماما
قاطعتها مريم وكلها قلق على ابوها ما احد اعطاهم خبر عنه وريحها ....والسبب كله رونق وهذه جايه تسأل عنها..دفتها عنها بقوة : انقلعي عن وجهي الله يأخذ امك ...والله ان صار شيء بأبوي ما اسامحها !
مروة تقدمت من قدر الي دفتها مريم على الارض: وش فيك على البنت ..تراها ما لها ذنب !
وقفتها وهي تمسح لها دموعها : لا تبكي الحين امك تيجي راحت للجامعة !
قدر تحاول تكتم شهقاتها ....مروة ناظرت امها: وش اعمل لها ؟!،
تقدمت امهاوحملتها وهي تردد : هالبنت هي الضحية ...جلست على الكنبة وحضنتها وهي تهدي فيها وما عجبها ابدا تصرف مريم مع هالطفلة !
الجازي نزلت وتوجهت للباب وهي مطنشه مريم الي تنادي عليها !
**
**
**
**
جوالها مغلق ما ترد .ما يعرف وش الاخبار ...لجين عبارة عن إذاعة مارح يتصل معها ... قطع افكاره لما رن جواله برقم زياد ....مضطر يرد يبغى يعرف وش صار : الو
زياد بسخريه : ما بغيت ترد !
جراح بهدوء: وش صار ؟!
زياد ببرود : اذا يهمك امر امي تراها بالمستشفى من لما حضرتك طلعت ...طبعا اذا يهمك امرها
وقفل الخط بوجهه !،
ناظر جراح الخط لما اتقفل بوجهه ...معقول انه فخ منهم !
ما له الا لجين الي خبرته بصدق الخبر وقبل ما تكمل باقي الاحداث قفل الخط بوجهها وتوجه مباشره للمستشفى !
بعد وقت كان واقف امام السرير ويناظرها والتعب واضح عليها : يمه !
ام راكان قلبها لهف له بس لازم تمسك نفسها ...صدت عنه وبدون ولا كلمه !
قبل راسها: يمه انت بخير ...والله ما كنت ادري إنك
قاطعته ام لؤي : جراح ترى بالموت حتى تعدل وضعها يا ليت
قاطعها بقهر : لا تكلميني كذا !
ترى ما عملت حرام
ام راكان بنبره متعبه : طول ما هي على ذمتك يحرم علي لساني يناطق لسانك !
و رجعت صدت عنه!
تنفس بقهر يبغونه يظلم ابنة الناس بعد ما رفعها فوق السحابة ...يتجاهلون إنه الظلم ظلمات يوم القيامة !!
التفت على ام لؤي وبتساؤل خافت : وش اخبار رونق ؟!
فتحت عيونها باستنكار لوقاحته : صدق ما عاد فيه حياء!،
مط شفته بضجر وهو يناظر امه صاده عنه....رح يسكت الحين لوقت تهدأ الاوضاع وبعدها يتم زواجه وان رفضوا رح يأخذها غصب عنهم لو يهربون ما عاد تفرق معه !
**
**
**
**
جواد بصعوبه يتحرك ...يحس جسمه تكسر تكسير ...ناظر يده اربع كسور اصابع يده تكسرت مع الرسغ والمرفق والكتف .رأسه ملفوف بعد ما انشعرت الجمجمه عنده لكن الحين يجلس تحت الرقابة يخافون يصير نزيف عنده ....ام جواد تناظر ولدها ربنا انجاه بعد ما كان الموت محتم ....من وقت الحادث ما فتح فمه بكلمه وحده ....رفعت حاجب وهي تسمع سؤاله الهامس: وين رونق ؟!
ام جواد بكره للبنت : الله يأخذها ونرتاح من مصايبها من لما جاءت كل شوي تطلع لنا بمصيبة جديدة ...هذا اخرتها تتفق مع وليد وحنين حتى ينتقمون منا !
من الاول قلت لكم هذه البنت ما هي لنا!
تشربت كرهنا تشريب حنين ووليد والجازي ما قصروا وهم يحشون في رأسها وشفت وش نهاية السالفة !
قاطعها بهمس وملامح الانزعاج واضحه عليه: وين رونق ؟!!
ام جواد بعبوس : ما ادري عنها ....من بعد الحادث ما احد شافها ...احذها نايف يقولون ورفض يرجعها حتى تهدأ الأمور
ما ينكر انه ارتاح لما عرف انه نايف ابعدها لانه ما يستبعد عن اهله يذبحونها وهو بعيد عنها ما يقدر يحميها منهم ...مهما غلط ابنك يبقى خوفك عليه من اي احد يؤذيه !
ام جواد تنهدت وناظرته : لا تقلق يا ولدي قريب رح تطلع من هنا ...
ولا تقلق ابوك اعطى اخوانك وعيالهم ما احد يتعرض لرونق وجراح لوقت ما تتعافى وقتها يصير خير !
هز رأسه بهدوء ...يبغى يخرج من هنا بأقرب وقت !
**
**
**
جالسه بالغرفة والباب مقفل بالمفتاح نبه عليها نايف ما تفتح لأحد
..وتوعد بمريم اذا خبرت احد بوجود رونق ..مريم سكتت حتى ما تصير مذابح !
قدر جالسه على الارض مقابل لها ودموعها تنذر بالبكاء : مين ضربك !
مطت شفتها رونق بتعب :ما احد ضربني وقعت وبس!
ارتمت بحضن امها وهي تبكي : ماما لا تتركيني!
تألمت رونق لما رمت قدر نفسها عليها ....مسحت على رأسها وهي تردد : ما رح اتركك !
ما تدري وش وضع ابوها ....ما تعرف كيف انقلبت الامور كذا .....الحين هي بأضعف اوقاتها بحاجة شخص ترمي كل همومها عليها.....نقزت لما انضرب الباب بقوة ....تلقائيا زحفت للوراء برعب ..مشكلتها ما هي بقوتها حتى تواجههم ..عضت على شفتها بتوعد ودموعها تنزل والله الا تطلع كل شيء من عيونك يا عبود والله ما تسامحه !
قدر برعب تناظر الباب وهو ينطرق بقوة وصراخ عبود يتردد على مسمعهم : ماما !
رونق بهمس : لا تخافين ما يقدر يدخل علينا !
غمضت عيونها بعجز وهي تحس نفسها محاطه بالوحوش ....هربها مايحل السالفة الا يزيدها .لكن ما رح تسكت ورح تشتكي على عبود وخليه ينرمى بالسجن هالكلب ..لو معها جوال!
جوالها اكيد تحول لاشلاء بالحادث ...ما فيها حيل تقوم ...زفرت بضيق وقررت تقوم تصلي لعل ربي يفرجها عليها
*
**
**
**
مر كم يوم وهي للحين مقفله الباب عليها ....بالرغم من كرهها لنايف الا انه وقفته هذه ما رح تنساها ...وفر لها اكل يكفيها اسبوع لوقت تهدأ الامور....
من يوم الحادث ما تنام من الألم ...كيف نسيت تذكره بالمسكن ....اوجاع ما تسكن ....نقزت لما انطرق الباب بهدوء ...معقول مريم !
سرعان ما حست بمغص في بطنها وهي تسمع صوت جواد بنبره هادية : رونق افتحي !
ترددت وهي تناظر قدر النايمة بسلام ...تحركت ما له داعي للعناد اليوم والا باكر رح تفتح !
فتحت الباب ونضبات قلبها تدق بقوة ....رجعت خطوة للخلف برعب وهي تشوف عيون جدها تقدح شرار: والله لتندمين !
رجعت للخلف ما تبغى تصادم معهم ..حالتها الصحية ما هو ناقصها -
ناظرت ابوها ونظراته ذبحتها ...وكأنه يقول خذلتيني وكسرتيني !
مستعده تعمل اي شيء بس ما تشوف نظرات ابوها كذا.....
ابو جواد وهو يتقدم جهتها وهو يردد : قلت لك من قبل قص جنحانها بس ما رديت علي وانت تقول هذه ابنتي وأنا واثق فيها
شفت اخر هالثقة !
حست بشيء اخترق قلبها من كلامه ...كيف خانت ثقة ابوها المفروض صارحته وما تركته المغفل !
بس الندم ما يفيد !
التصقت بالجدار وهي تحس بعصا جدها على رقبتها ويضغط بقوة: انت يالبزر تفضحينا وتنزلين رأسنا
جواد قاطع ابوه وهو يشوفه يضغط على رقبتها بقوة ...وملامح رونق انقلبت من الألم ....اتفق معه ما يمد يده عليها وبمقاطعه نطق: يبه
ابو جواد التفت عليه بقهر : ما تخاف ما رح تموت ....يا ليت اطلع روحك بيديني واخلص من فضيحتك !!
جواد مد يده السليمة وابعد العصا عن رقبتها ...والهدوء يغلفه ....
ابو جواد نزل عصاه وبصوت غاضب تكلم : والله ان شفت رجلك تعدت باب الشقة الا اذبحك بيديني والجامعة من اليوم ما في ...وان فكرت مجرد تفكير تهربين ..هذه البنت يحرم عليك تشوفينها وتعرفين انه حنا قد كلمتنا و مريم اكبر دليل ..حنا قول وفعل ..انا حذرتك !
وجراحووووو هذا حريمتك تكونين له وبأسرع وقت رح يطلقك
انقهرت من جبروته ..حركت شفتها تعترض على ظلمه ...لكن سرعان ما صرخت بألم وهي تتحسس رأسها لما ضربها بالعصا ....تحس بلزوجه مكان الضربه ....حست الدموع بدأت تتجمع غصب عنها من قوة الالم
جواد مسك عصا ابوه وبملامح منزعجه وقبل ما يتكلم نطق ابوجواد بقرف : لا تخاف هذه مثل القطوة بسبع ارواح !،
تفل عليها وغادر المكان !
ناظرها جواد وهي للحين ضاغطه على راسها ومنزله رأسها ..متاكد انها تبكي وما تبغى يشوف دموعها ...قلبه يتقطع عليها وهو يشوف يدها مجبره ....الي عملته فيهم ما هو قليل ...لو واحد ثاني يمكن يذبحها ... ما رح يتساهل معها ورح يعيد تربيتها من جديد !،
تكلم بحزم قاسي من خلف قلبه : وجهك ما ابغى اشوفه تفهمين !
وتحرك خارج الغرفة قبل ما يضعف ويأخذها بحضنه وهو يشوف جسدها يهتز !
عياله فوق كل شيء بس رونق ذبحته من الوريد للوريد ...ما توقع انها تحمل له مشاعر كره لذي الدرجه ..مع انه بالمقابل يحمل لها مشاعر حب واحترام ...بالرغم من اغلاطها الكثيره قبل ما تنتقل عنده الا انه نسيها كلها وفتح معها صفحة جديدة ....ليه عملت فيه كذا؟
اصعب شعور الخيبة من عيالك ...اعطاها ثقته بس ما كانت بمحلها !!!
•*
**
**
**•
راكان بحده :ما هو على كيفك !
انت ما تعرف مصلحتك !
تبيع امي مقابل
قاطعه بهدوء : راكان لو تجلس من هنا لباكر طلاق ما رح اطلق !
راكان بتحدي : بس اهلها رح يرفعون قضية خلع وانا رح استلمها بنفسي !
زياد يضغط عليه من جانب ثاني : ارحم البنت وطلقها اهلها طقوها طق وفوق هذا سحبوا اوراقها من الجامعة اعتق البنت لوجه الله
مط شفته بسخريه من كلامه ..اسلوب جديد حتى يضغط عليه : مو تقول يبغون يخلعوني خلهم يخلعوني ! انا طلاق ما اطلق !
ويكون بعلمك ان رفعت قضية علي ترى خالي راكان تعهد لي يمسك لي القضية اشوف كيف رح توقف بوجه خالك !
راكان انقلب وجهه : يصير خير يا جراح من هذه اللحظة لا تكلمنا انت بحالك وحنا بحالنا !
وقف جراح : انا مو طفل تضغطون علي كذا ...الحق حق !
وانا البنت مو مستعد اطلقها علشان فلان ما يحبها ويكرهها ترى فاهمين السالفة غلط انا الي رح اتزوجها ما هو انتم ...حبكم اصلا ما هو مطلوب !،
وسوالف التشكيك بأخلاقها ترى ما تمشي علي !
بالله سمعت شباب يتكلمون وكأنه بالعالم ما في غير رونق ..ترى معنا بنفس الدفعة بنت اسمها رونق وسمعتها زباله..ليه ما تقول انها هي !،
على طول عقلك برمج ولبس البنت السالفة!،
لا تتركوا حقدكم يتمادى ويصدر امور وتظلمون الغير!
زياد ناظر راكان بسخرية : متأكد انه ما درس معك محاماة !
انسى هالسالفة خلال هالوقت رح نجتمع مع عمي ابو جواد وتعتذر عن عمايلك المشرفة ...راكان حاول بما يقدر يرقع عنك !
فيا ليت ما تتكلم وتخرب كل مجهوده !
ناظره جراح وقرر يسكت لانه قلة الكلام معهم افضل ....ناظر امه الي جلست معهم بدون ما تناظره او تعطيه وجه!
زفر بضيق وهو يناظر راكان الي اعطاه نظره بمعنى يرضي امه !
وقف وبهدوء انسحب من البيت كله ...ما رح يتكلم الحين ما زالت السالفة ساخنة .....مشى بالحديقة وناظر بيت عمه ...وتحديدا لدور جواد ..ما يعرف وين غرفتها ...يتمنى تناظر من الشباك ويطمئن عليها ....عفس ملامحه بضيق وهو يتذكر كلام زياد معقول طقوها؟!
وش يمنعهم ؟!
وكأنه ما شاف كيف جواد سحبها وكأنها خروف !
يحس نفسه مكبل ما هو قادر يعمل شيء !
ضرب الارض بقوة وتوجه للخارج وهو يحس بالضيق كل يوم يزيد عن اليوم الي قبله !
**
***
**
جالس ويتذكر اتصال جواد وهو يتوعد فيه ويشتم !
تنهد براحة وخاصه بعد مكالمة وليد الي اتصلوا يتوعدون فيه !
كل هذا يعكس مدى غضبهم وقهرهم ..خلهم ينقهرون مثل ما قهروا غيرهم .....انتقام ودرس حلو لهم !،
بس راكان زعل منه وبصعوبه حتى قدر نفسه من السالفة ...لأنه راكان صديق له وما يبغى يخسره !،
يبقى رونق حسب كلام راكان كسروها تكسير فوق الحادث الي حصلته !
ما يدري وش وضعها الحين !!
اكيد حاقده عليه !
تنهد خليها تنكسر خشومها شوي ....كانوا معيشينها فوق السحاب ومع ذلك معاملتها لهم مثل الزفت ..خليها تعيش عند ابوجواد ويشوف كيف يحترمها !،
عمره ما كان كذا ....ما يعرف ليه متشفي فيها بقوة ....ما يدري يمكن لانها بلحظة كانت رح تخرب حياته مع الجازي ...وجودها بينهم عمل مشاكل وفجوات بصعوبة حتى قدر يتخطاها !
رفع نظره على الجازي المتوترة وبيدها الجوال ...نطقت بضيق : جوالها مغلق
رد بهدوء: يمكن مشغوله بالامتحانات وبداخله يبتسم اكيد كسروا الجوال فوق رأسها !،
ردت بضيق وهي تجلس : رونق كل يوم تتصل فيني اكثر من مرة ..صا لها كم يوم جوالها مغلق !
ومريم ما ترد!
معقول صار لهم شيء !
عبس بضجر : يا ليل ابو لمبة ...وش رح يكون فيهم ..وعد مني اليوم اخلي راكان يقول لمريم تفتح الجوال وترد علينا !
هوت رأسها وقلبها قارصها ...رونق لمست فيها حنية مستحيل تسحب عليها !!!
*
**
**
**
مرت الايام وهي منعزلة وما تكلم احد ...ولا احد يكلمها ...ولا احد يطمئن عليها هي بخير والا ميته!
تحركت خارج الغرفة تبحث بدون ما احد يشعر عن مسكن اوجاع ....ما هي قادرة تتحمل الوجع اكثر..مطت شفتها بسخرية ان وجدت مسكن اوجاع ...لكن تبغى اوجاع قلبها وش يسكنها !!!!
وقع نظرها على ابوها بالصالة جالس لوحده ...اول ما شافها صد عنها ...اوجعها تصرفه ....اقتربت منه وبنبره ما قدرت تخفي الالم منها : يبه
شدت على شفتها تحاول تمنع دموعها تنسكب .....رددت مرة ثانية : يبه
انقهرت من تصرفه ولا كأنها موجوده وتكلمه ..تابعت كلامها: ما يحق لك تحاسبني على أمور اقترفتها قبل ما انتقل
قاطعها بحده : اكتفينا من هالموضوع باكر رح نطلع للمحكمه ونرفع قضية خلع
ردت بقهر من كلامهم : ما رح اتطلق لو تذبحوني ما رح اطلع لباب المحكمة ...هذه حياتي وما اسمح لاحد يتدخل بقراراتي
قاطعها بغضب : رونق !
ترى والله ماسك نفسي بقوة .....باكر
قاطعته بتمرد : والله ما اروح وان جبرتوني الا اخبر القاضي
قاطعها بغضب منها ...لأنه يعرفها تعملها : انقلعي عن وجهي!
ناظرت مريم واقفه تناظر بخوف من غضب أبوها ...والجازي جنبها تناظر بصمت .....اما عبود يناظرها بشماته وهو واقف باب غرفته !
اخذت نفس وتحركت راجعه لغرفتها ودموعها تنزل بصمت ....ذول اهلها وين تهرب منهم؟ وين تروح؟!
قفلت الباب بالمفتاح ..ناظرت قدر الي مندمجة باللعب ...مع انه وعدها نايف ما رح يخلي احد يلوي ذراعها بقدر ..لكن خوفها عليها يبقى موجود !
**
**
**
**
جواد ناظر ابوه بهدوء: ما رح نروح !
ابو جواد بغضب : قول انك ما قدرت لها ؟!
جواد زفروناظر امه وبعدها ابوه: اضمن بس ضمان واحد انها ما تفضحنا هناك وتسود وجهنا ... يبه خليني ساكت احسن ..خلي جراح يطلقها
قاطعه بقهر : معند ما يطلقها
ام جواد بضيق : خلاص زوجوهم وفكونا من السالفة !
ابو جواد بقوة : والله على جثتي ما يتم زواجها وانا عايش !
وخليها طول حياتها معلقه ما هي متزوجة ولا مطلقة ..وجراح رح يمل وبعده يتزوج غيرها وخليها على عنادها ..والله ما احد خسران غيرها !
انا انا اصير قدام وليد بحجم النملة ....ما سمعت كيف يضحك لما كلمته وهو يقول انتقام حلو !
لكن والله لأردها له ويصير خير !
**
**
**
جالسه على السرير تناظر السقف بصمت ..دخلت مريم ومعها الجوال : ماما تبغى تكلمك !
واردفت كلامها : بابا يعرف وما اعترض !
مطت شفتها بسخرية...غريبه ما اعترض !
مريم ببرود: رح اتصل صوت وصورة
وجلست جنبها!
ناظرتها رونق للحظات يمكن التعليمات ما تترك الجوال بيدها ....
لحظات وكانت امها وجنبها فياض ..الجازي بلهفه : رونق يا قلبي وينك قطعتيني !،
ابتسمت رونق بألم : موجودة يمه !
الجازي بلهفه : وش اخبارك ليه جوالك مقفل ؟!
ردت ببرود : انكسر
الجازي براحه : انكسر الشر !
وانت يا مريم اختك جوالها مكسور ما تقولين عندي ام اتصل فيها
مريم بانحراج: ما سمعته وما معي رصيد ارنلك
سلكت لها الجازي وهي مسهبه بالكلام معهم !،
وفياض جالس يتأمل رونق ..متغيره حيل ..زمان كانت حزينة وكئيبة لكن الحين يحسها مكسورة الجناح ...فيها انكسار ما هو طبيعي ...يدها للحين مجبره لكن ما هي واضحه للجازي لانه مريم رافعه الكاميرا ....بخفه مسحت رونق دمعه تسللت من عيونها ...يراقب تحركاتها بدقة ...حس بالندم هو الي رماها لذي الوحوش ...كانت رافضه الخطوبه وهو اقنعها !
اقنع نفسه انها قوية ورح تاخذ حقها وزيادة!
ضاق صدره ..سحب نفسه وغادر المكان بهدوء ....والشعور بالذنب يرافقه !
•*
•*
*•
•*
مرت الايام وهي جالسة بالبيت وما تغير شيء على حياتها...جواد احيانا يكلمها بس بجفاء !
ناظرته وهو يكلمها : جهزي اغراضك واغراض ابنتك أغراض لمدة اسبوع !
رونق بهدوء نطقت : ما
قاطعها بحزم : ما ابغى اعتراض !-
كتمت ضيقها وصدت لجهة المطبخ وهي تحس نفسها مكبله ...لازم تتحرك وتعمل شيء !
دراستها ما هو على كيفهم يحرمونها منها !
الي مكبلها من يدها قدر ..تخاف اي تصرف منها يلوون ذراعها فيها !
مهما كانت الانثى قوية ومتمرده ...الا ييجي يوم وتتكبل وتكون عاجزه توقف على رجلينها ....بس هي ما رح تستسلم ..هي فترة رح تلتزم الصمت ...تشوف نهاية السالفة ....وبعدها تتحرك !
بعد وقت جهزت نفسها وطلعت معهم ....تحس نفسها كانت بسجن وطلعت !
وقفت وهي ممسكة بيد قدر ...اقترب عبود منها وبتأمر مستقوي لما شاف جده طلع من البيت : غطي عيونك جعلها الفقع
ما كمل كلمته لما حس بقبضة جواد على كتفه بقوة ...وبنظرة حاده وصوت هامس: عبوووود كلمة زياده ما يصير لك خير !
اختصر وخلي اليوم يمر على خير !
عبود انتفخ وجهه بقهر ..ابوه واقف له مثل الشوكة بالبلعوم ..للحين ما طلع حرته فيها !
اعطاها نظرات قويه وانسحب بهدوء!
حست بنظرات جواد عليها ...صدت عنه بهدوء ...صحيح وقف معها وما سمح لاحد يضربها او يهينها ...لكن حرمانه لها من الجامعة اوجعها ...وكأنها بنت صايعة حبسوها اهلها حتى ما تفضحهم !
نطق بهدوء : سلمي على جدك ...وان قال شيء طنشي رجال كبير وما تلاحقينه !
التفتت مكان جدها وبنبره تحذير : رح اسلم ولكن وقسم بالله ان فشلني ما رح يعجبك تصرفي انا
قاطعها : لا تجلسي تهددين !
ما رح يفشلك سلمي وماعليك ...
توجهت بدون نفس باتجاه ابو جواد ...سلمت بهدوء عليه...ما تردد وسلم عليها بهدوء بالرغم للحين مقهور من تصرفها لكن حرمانها من الجامعة وحرمانها من جراح خفف قهره منها !،
هي منهم وفيهم مهما عملت تبقى ابنتهم من لحمهم ودمهم بس هذا ما يشفع لها لزوم تتعاقب ...وتستحق العقاب طلاقها لو اخر يوم بحياته ما رح يتم زواجها !
ورح تتزوج ليث ...ليث ولد عمها اللزم وهو اولى من جراح !
توجهت للسيارة بهدوء تنتظر اكتمال العدد !
انطلقت السيارة بعد اكتمال العدد ...وعبود هو السائق ...
جواد ملتفت لهم ويكلم الجازي بهدوء وعيونه تسترق النظر لرونق وهي تناظر لجهة الشباك ...يعرف انه عقابها كان شديد ..لكن لما قرر يمنعها من الجامعه بغى يقهرها مثل ما قهرته لكن بدون ما يضربها ..لكن مجرد بداية الفصل رح يرسلها للجامعة لكن ما هو مثل اول الحرية !،
كل شيء تغير وهي السبب بكسر حاجز الثقة بينهم!
اما امهم ما رح يحرمها منها لأنه بعد ذا الموقف حس بطعم القهر والخيانة والخذلان ....ما هو حاقد على الجازي الحين كثر ما هو حاقد على فياض ...ما اصعب غدر الصديق !
ما رح ينسى له هالحركة ابدا !
**
•*
**
**
ام راكان جالسة بهدوء وهي بين فترة وفترة تعطي رونق نظرات كره واشمئزاز!
مطت شفتها رونق بسخرية ...وهي تتمنى يكون جراح ويشوف نظرات امه !
كيف يكملون حياتهم بهدوء !
سعاد جالسه تعلك وماسكه لسانها بصعوبة ..ابو جواد حذرها اي كلمه توجهها لرونق ما يصير خير !
جالسه تناظر من حولها بصمت ..وجودها وعدمه واحد ...ما احد يكلمها منهم وكأنها ما هي موجوده ...والي يناظرها يناظرها باحتقار وكأنها ارتكبت جريمة من الكبائر !
خلهم يناظرون من هنا لباكر ..واثقه من نفسها وما عملت الشينة !،
ما تعرف كيف تعرف جراح هنا والا لا !
ما له حس ولا خبر وما تعرف اخباره!
وما تدري إذا طلقها او لا !
رفعت نظرها على كلام ام راكان وهي تتكلم بتفاخر : ايه خطبناها ما شاء الله كل بيتهم دكاترة ...وما شاء الله البنت ادب واخلاق ودكتورة لو تشوفونها ما تليق الا بجراح !
ام جواد بالرغم انها ما رضيت على تصرفات رونق الا انها ما عجبها كلام ام راكان ...لانه بالاول والاخير تبقى حفيدتها...وببرود ردت : الله يوفق عباده !
سعاد ابتسمت بانتصار : اسمها نوره !،
حاولت تحافظ على ملامحها ...والصدمة ألجمتها ....بعد كلامهم يعني جراح طلقهااااا ...اه ما اصعب هالكلمة !
تخلى عنها بذي السهولة ...بعد ما عيشها بأحلام ورديه !
بسببه خسرت كل شيء ...خسرت سمعتها...خسرت احترامها عند ابوها ...خسرت دراستها ....وش بقى لها ؟!
ليه خذلها كذاااا ؟!
تتمنى معها جوال تحاول تلهي نفسها فيها عنهم ...لكن ما في شيء معها !
وكأنه كانت قدر المنقذ لها : ماما ابغى الحمام !
وقفت رونق وانسحبت بهدوء ...واول ما دخلت الحمام ما مسكت نفسها بدأت تبكي بمرارة الحال الي وصلت له !
خلاص قرفت الحياة ...ما تبغى ولا شيء من ذي الدنيا ....لا دراسة ولا بطيخ ....ولا مستقبل ..اصلا مستقبلها انهدم وضاع من يوم تزوجت نايف !
خلاص حياتها انتهت ....كل شيء بداخلها كان ينبض بالحياة مات وتدمر وانتهى كل شيء ...حتى الابتسامة ما تقدر تبتسم ...غمضت عيونها وشريط حياتها يمر قدام عيونها ...من طفولتها عاشت الشقاء والحرمان والفقر ....زواجها من نايف طلاقها ...شغلها عاملة نظافة ....اكتشاف وجود اهلها ...حياة تعيسه مع ام واب منفصلين تشتت ثاني ..خطوبة ضحكت لها شوي سرعان ما اوقعتها بحفرة الحزن والكآبة ...والحين طلاقها ومعه انتهى كل شيء رسمته بأحلامها ...لينسدل الستار على حياتها ويكون عنوانها بسمة مدفونة في خيالي !-
طول الوقت تجلس لوحدها ...رفيقها الحزن والكآبة ...رفعت نظرها على صوت ضحك البنات مقابل لها مندمجات بالسوالف والامل يشع منهم !
صدت عنهم وهي تتحسس يدها للحين ما فكت الجبس ...رفضت رفض قاطع تراجع بالمستشفى ...يقتلون القتيل ويمشون بجنازته؟!
يكسرونها ويبغون يجبرونها ؟!
جبروا قلبها المكسور !
ااااه من وجع الخاطر المكسور !
ما تتوقع بيوم ينجبر كسرها ....تحسست يدها ما تقدر تحرك كتفها اما الرسغ المرفق تحركهم عادي ....ابوها فك الجبيرة ووضعه تمام وهي للحين كسرها الظاهر ما انجبر !
بس ما احد داري عنها انجبرت او لا !
كل ظن ابوها انه يدها جبرت بس هي جكر ما تبغى تفك الجبيرة !
قدر قاطعتها وهي تناظر البنات الصغار يلعبون : ماما ألعب معهم ؟!
رونق مسحت على راسها بملامح ميته: يا يمه المثل يقول مبغوضه وجابت بنت !
روحي العبي ما رح احرمك من شيء واكون قاسية مثلهم!
اعملي كل شيء بنفسك !
راقبت قدر وهي تركض بفرح للبنات الصغار !
رفعت نظرها لما اقتربت منها لجين ونطقت بشماته : تصدقين حزنت عليك لما طلقك خالي !
يعني بعد قصة عشق وعاملين حالكم عنتر وعبلة ومع اول اصطدام تخلى عنك واشترى رضى امه ..هذا كله يدل إنه كان يتسلى فيك !
مطت شفتها رونق بسخرية من كلامها ...ناظرتها بتقييم وبعدها صدت تراقب قدر وهي تلعب !
انقهرت لجين من تطنيشها...معقول فيه تواصل بينها وبين جراح وعارفه انه كلامها كذب!
سحبت نفسها وهي تفكر كيف تعرف إذا في بينهم تواصل او لا !
**
**
**
**
**
مجتمعين ويتناقشون واحيانا يشتد النقاش ...ابو جواد بحزم : جراح بالرغم من تصرفك ومع ذلك بلعته احترام لاخوي الي في القبر واحترام لاخوانك ....فخلينا حبايب وطلقها وكل واحد بطريقه ...والبنت خطبها ليث قدام الكل وانا أعطيته
قاطعه وهو يحاول يمسك نفسه : يا عمي البنت على ذمتي وما يفرقني عنها غير الموت !
ترى كنتم تبغون تخطبونها لربيع ليه ما قلتم ليث يبغاها!؟! ولا احد جاب سيرته !
الحين لاني خاطبها صار ليث يبغاها ؟
وينه عنها لما خطبها ربيع ؟ وينه ؟؟؟
جواد قاطعه بهدوء: يا اخي افرض انا بنفسي زوجتها لك وبعدها غيرت رايي وما ابغى ازوجك لها !
جراح بنبره قوية: ما يطلع لك دام انا ابغاها وهي تبغاني
راكان قاطعه : جراح
جراح ناظره بقهر: بلا جراح بلا بطيخ !
طلق مريم الحين قدامي وانت يا نايف طلق سعاد وقتها اطلق رونق
نايف بهمس ما سمعه غير بدر : يا ليت والله احد يجبرني اطلق !
بدر كتم ابتسامته : انكتم !
ابو جواد يختتم كلامه بالموضوع :-حريمتك يتم زواجكم !
عبود باندفاع : والله ما تكون لك
قاطعه بدر : عبود كون محضر خير !
يا جماعة الخير خلاص دامه ملك عليها بقلعتهم !
ليه تقطعوا نصيبهم !،
كل الناس تغلط وجراح رجال ما يعيبه شيء!
جواد بحزم : الي يدخل البيوت من الشباك ما يستحق اعطيه ابنتي!
ترضاها لوحده من اخواتك هذا الشيء !
البنت صغيره كيف لعبت بعقلها وضحكت عليها !
مط ابو جواد شفته بقهر : ما يقهرني الا لما يرقع ويقول البنت صغيره متعلم هالكلمه من وليد
جواد بنبره قهر: ايه صغيره ... اكيد هددها بشيء لأني اعرف رونق عقلها برأسها وماينضحك عليها وش عملت لها تكلم !
جراح مط شفته لسخافة الكلام : هددتها !
ايه هددتها بصورها
زياد قاطعه بلوم : جراح حاسب على كلامك
جراح بقهر من كلامهم : ما سمعت وش يقول
جواد وعيونه تشتعل غضب : اكيد انت وفياض حبكتوا السالفة واجبرتوها توقع والا رونق
ابو جواد بغضب : كافي ترقيع ترى ابنتك تعمل السبعة وذمتها !
كم مرة جرجرتنا لمراكز الشرطة ...خلينا ساكتين افضل !
جراح ضربت برأسه هالكلمه «مركز الشرطة» الشاطر يطعن بماضيها !
تنهد وتكلم بهدوء : انا قلت لكم واعتذرت وغلطت بحقكم بس انا ما عملت هالشيء حتى انتقم منكم او انقص من قدركم ...يشهد ربي انه ابنتك دخلت قلبي من اول ما شفتها ...مؤدبة وخلوقه وما عمري شفت عليها الشينة ....خفت ان انتظرت لوقت التخرج تكون لغيري فما كان عندي حل غيره !،
راكان انتفخ وجهه ما عجبه كلام جراح : ليه ترمي نفسك على الناس الجماعة ما يبغونك هو بالغصب الزواج يا جراح!،
ابو جواد بهدوء : ادري عيال اخوي ما يعملون الشينة وانك حافظت عليها مثل اختك ....لكن مسألة ارتباطكم محسومه عندي لو تجلس الف سنة ما يتم الزواج وربي ييسر لك ابنة الحلال ...رونق ما في بينكم نصيب
تنهد راكان بارتياح بعد كلام ابو جواد ...لكن سرعان ما عفس ملامحه و هو يسمع رد جراح : وانا ما عندي شيء انتظرها !
بالاذن انا راجع للبيت !
وما ترك فرصه لاحد يتكمل خرج بهدوء !
وقف قبل ما يركب السيارة لعله يلمح زولها ...لكن ابدا ما لها اي ظهور !
**
**
**
**
ايام المزرعة مملل بالنسبة لها ...الكل يتكلم ويضحك وهي مكتفيه بالصمت ...الحياة بالنسبة لها بدون الوان !،
تتمنى ينسوها هنا ...وتجلس بالمزرعة ما تشوف احد ولا احد يشوفها !
جواد اقترب منها وقلبه يلومه على قسوته معها ...اخذ أغراضها ووضعها بالسيارة بهدوء....اشر لمريم بهدوء: يلا اعطيني اغراضكم !
مريم ناظرت الجازي بقهر ...الجازي نطقت بغليان من تصرفه : امشي يا مريم احملي اغراضك لو انك عملتي السبعة وذمتها كان صار لك احترام وتقدير ...حضرتها دكتورة ما تحمل اغراض!
قرووووووية مو متعوده على الشقاء !
مطت شفتها بسخرية رونق وهي تسمع كلامها ...والقهر رح يطلع من عيون الجازي !
ناظرتهم لما حملوا الأغراض للسيارة ....غريبة عبود ما هو موجود ....
تمنت ما فقدته وهي تشوفه متوجه لهم ولابس النظارات الشمسية ورافع خشومه للسماء !
صدت عنه وتوجهت للسيارة هالانسان ما دخل قلبها ابدا ....بعد وقت تحركت السيارة والهدوء يخيم على المكان !
جواد بعد وقت تكلم : نزلني عند المستشفى يا عبود !
استغربت لما وقفت السيارة وتكلم جواد : يلا يا رونق !
حركت راسها لجهته باستغراب : انا
نزل وهو يحثها على النزول ...وبعدها ناظر عبود : وصل امك واخوانك وارجع
نزلت باستغراب وهي تناظره ...تقدم ومسك بيد قدر : امشي معي
عرفت انه يبغى يفك جبر يدها ...بغت تعترض لكن سكتت وتابعت المسير معه ....وهي تسمعه يتكلم بهدوء : رونق انت تكرهيني ؟!
وقفت وناظرته باستغراب لهذا السؤال
تابع كلامه بهدوء وهو يناظرها : جاوبيني !
ردت بهدوء: انا ما اكرهك ...بالعكس انا
سكتت
وبعدها اردفت وهي تزفر بضيق : مشكلتنا من اول مشكلة نغضب ونكسر وما نكلف نفسنا نسأل الطرف الثاني عن وجهة نظره او تبرير لموقفه على طول نحكم ....
زفر بضيق وسألها : انا قاسي عليك ؟!،
ردت بلامبالاه،:ما عادت تفرق !
وتحركت بهدوء ....تحرك معها وهو ينطق : عندك بنت واكيد تعرفين لما الاب او الام يقسون على ولدهم ما يكون القسوة نابعه من كره بالعكس لولا انك تعزين علي ما كان تصرفي كذا !
تدرين لو مريم او عبود عمل نفس غلطك اتوقع ما تطلع مريم من يدي سليمه لكن انت ما قدرت اضربك ...كل الي قدرت عليه اني اصد عنك حتى تعرفين كم تصرفك ضربني بالصميم ...لكن ما ابغى اخسرك بعد ما لقيتك
قاطعته بسخريه: والجامعة
رد بهدوء: كله كلام مع بداية الفصل الاول رح ترجعي!
وجراح شيليه من راسك لاني ما رح اوافق عليه ...الرجال الي يدخل البيت من الشباك ما هو ثقه !
من اول مشكلة رح يعايرك
قاطعته ببرود : ما هو شرط انت وامي ما كنتم تعرفون بعض وكانت حياتكم زواج فاشل انتهى بالطلاق
رد بضيق من عقلها الي ما بيستقبل ولا بيستجيب رأسها محشش بأفكار اهل امها وحامله عنه صورة سيئة ...نطق بدفاع عن نفسه : ما رح ابرر لك واتكلم عن حياتنا بس امك لو شخص ثاني كان ذبحها من زمان واكبر مثال انت لما نايف اخذ منك قدر للحظة كنت رح تذبحينه وهو ما ضيعها ولا دفنتيها بيدك جثة محروقة معدومه !
ما ابغى اسمع منك جواب بس فكري بنفسك وتخيلي قدر تضيع منك ساعات ويكون السبب بضياعها موجود امامك وش رح يكون رد فعلك !
سكتت وهي بداخلها ترفض فكرة ضياع قدر ...كلامه مضبوط لاخر لحظة كانت رح تذبح نايف لأنه اخذها ...موقف ابوها صعب احد يتقبله وخاصه مع شخص ما كان على وفاق معه !
ناظرته وهو عند موظف الاستقبال ...عبست ملامحها ما عادت تفرق ولا تبغى تفكر بشيء ...والجامعة يشبعوا فيها ما رح ترجع لها ....متى ما بغت تدرس رح تدرس بكيفها ما هو على مزاج احد متى ما زعلوا ممنوع تداومين بالجامعة ويوم ما يرضوا خلاص كملي دراسة!
بعد وقت طويل غادروا المستشفى ...واول ما وقف عند مواقف السيارات ..نطق بغضب : بس افهم انت عقلك هذا كيف يفكر ؟
انت تبغين تذبحيني ؟!
وش تستفيدي من هالحركات ؟!!!!
وقسم بالله الا تذبحيني بتصرفاتك!
انا ما عملت لك شيء حتى تنتقمين مني ؟!
زفر بضيق : يا رب صبرني بس!
كتمت ضيقها وردت بهدوء: يبه
رد بضيق : انا عبود ولدي وسندي ورجال البيت من بعدي ومع ذلك اكسر كلمته واكسره ان ضايقك بالكلام ....كل هذا علشانك انت !
ومع ذلك طعنتيني بظهري طعنه ما بتمحيها الايام !
والحين صحتك بتدهور وما اعرف وش هدفك من هالحركات !
ختم كلامه بتوعد وهو يشوف عبود توجه لهم :لكن يصير خير!
**
**
**
**
واقف بالممر ومتكي على الجدار ويقلب بالجوال ...مرت الايام وما في شيء جديد ...مر على السالفة وقت طويل وما صار شيء جديد على موضوعهم ...ما عنده اي معلومه عنها ولا يعرف وش اخبارها ..وعمه للحين معند على موقفه بالاضافة امه واخوانه رافضين زواجه منها بقوة!
وامه كل يوم تزن عليه حتى يخطب غيرها كل يوم طالعه ببنت جديده !
قفل الجوال بضجر ..كمل تدريب وتوظف وهوللحين ينتظر !
لازم اليوم يرجع ويحي السالفة من جديد خلاص باخت السالفة .....
**
**
•*
جالسه بالصالة على الارض وتدرس قدر بهدوء ...وعبود متمدد على الكنبة ويقلب بالجوال ...ومريم تتمشى بالصالة وبيدها كتاب وتحفظ ....
اما الجازي بالمطبخ تحوس فيه !
دخل جواد ...رد السلام وجلس بهدوء!
اعتدل عبود وجلس بعد ما قفل الجوال ...جواد ناظرها وهي مندمجه مع قدر بالتدريس ....بحياته ما شاف اعند منها ...رفضت تروح للجامعة رفض قاطع ....عبارة عن كتلة بارده ....
تكلم جواد بابتسامة : كيف البطلة قدر؟!
ناظرته رونق والقلم بيدها: الحمد لله !
قدر مع الروضه صارت افصحى أكثر تكلمت بابتسامه: الابلة تعطيني نجمه !
جواد هز راسه بابتسامة : شطوره!،
وين اخوانكم الصغار!
اقتربت الجازي ومعها القهوة : يلعبون تحت
جواد : اقول اجلسي يا مريم ترى حولتي عيوني وانت رايحه راجعه !
مريم ابتسمت وهي تجلس : اففف هالماده صعبة !
الجازي بهدوء ظاهري لكن حست رونق انها تنغز بالكلام : اتركي عنك الجوال والسوالف مع خطيبك ورح يكون سهل
ما كلفت نفسها رونق تناظرها ولا كأنها سمعتها ...بس جواد ما عجبه الكلام ...ما يبغى رونق تتحسس نطق بهدوء: من يوم ورايح ما في مكالمات ولا اتصالات ...والجوال بس بالجامعة تأخذينه
قاطعته مريم بفجعه: لاااا
جواد اعطاها نظره قوية: لاعي !
التفت على عبود عيونه بالجوال: وانت ما اشوفك تدرس ؟!!
عبود رجع قفل الجوال وابتسم : انا دافور يبه !
هز راسه بضيق وهو يحس بالعجز باقناع رونق ...عنيده هالبنت !
قاطعهم دخول ام جواد بعد ما طرقت الباب !
سلمت وجلست بابتسامة : اشوف اجواء العلم عندكم فواحه!
تندمت على كلمتها لما ناظرتها رونق لثواني ورجعت نظرها لكتاب قدر ...ام جواد ما تعرف انه جواد حاول برونق ترجع للجامعه بس هي رفضت ...كل فكرها انه ابو جواد مشى كلمته ومنعها من الجامعة ..ما حبت تصرف ابو جواد الدراسة ما لها علاقه بتصفيه الحسابات .متضايقة على حال حفيدتها بالرغم من علاقتهم السطحية ...لكن يحز بخاطرها تشوف حياتها متوقفه لا دراسة ولا زواج !
قدر بفرح : جدة شوفي الابلة رسمت لي ارنب!
ام جواد هزت رأسها : يا عيني على الشطورة !،
وناظرت مريم : اي ساعة طالعين عند الجازي ؟!
مريم قفلت الكتاب: اتوقع بعد ساعتين!،
جواد شبع من حوبات الجازي ...فقرر انه ما يحرم رونق ومريم من امهم ...دام بناته بالاخير عنده ...وما فيهم الا كل خير.خلاص العداوة بينه وبين الجازي انتهت .. يبقى فياض ووليد ما رح يغفر لهم!
اما رونق ما يعجبه برودها كذا ....رح يتحرك ويسعى بزواجها من جراح لعل وعسى ترجع الابتسامة لمحياها ....رفع نظره المسلط على رونق وهي تكتب لقدر ويبتسم لها بمحبة على كلام عبود: والله يبه ربنا امر بالعدل بين الأبناء!
مريم بتأييد : ايه صدق يبه انت تميز بعضنا عن بعض ليه؟!
ضحك جواد على كلامهم : كلكم غاليين علي بس يتهيأ
قاطعته ام جواد بابتسامة : كل العيال غاليين اتركوا عنكم المقارنة
الجازي ما يعجبها اسلوب جواد بالتعامل مع العيال اسلوبه مع رونق غير ...حت لو كان حازم ومعصب بس عيونه تقول غير : انت تبني الكراهية بينهم
عبود مط شفته بسخرية: من هالناحية تطمني موجوده الكراهية من قبل
قاطعه جواد: انت متى تكبر وتعرف توازن كلامك ؟!
اخوانك واخواتك انت سند لهم !
صدق ما في منك فائدة وما اتوقع تعقل بيوم من الايام !
ناظرتهم رونق بهدوء ولا كأنه الامر يخصها ...
ام جواد تبغى تختلي بجواد وتحاول تقنعه بالموافقه على الزواج ...لانها وصلتها اخبار موثوقه انه جراح اليوم جاي عندهم حتى يحدد موعد الزواج!-
انتهى البارت ...لنا لقاء بإذن الله ..دمتم بخير
رواية بسمة مدفونة في خيالي الفصل الثاني والثلاثون 32 - بقلم ضاقت أنفاسي
ناظرت ام راكان بكره ما تدري ليه رازه نفسها معهم رايحين لامها هي وش علاقتها بالزيارة !
زادت كشرتها وهي تشوف معها زياد هو الي رح يوصلهم ....كانت تحترمه كثير لكن حاليا حاقده عليه بقوة ...ركبت بهدوء وما ناظرت جهته نهائيا ...تتمنى يكون معها جوال وتضع السماعات بإذنها حتى ما تسمع صوت ام راكان !
احيانا لما تفكر بايجابيه تحمد ربها انها انفصلت عن جراح لانها ما تقدر تتحمل امه !-
تنفست بضيق لذكرى جراح !
ما تنكر مشتاقة له ...حاولت تنساه ما قدرت ...
اكيدضغطوا عليه واضطر يتخلى عنها ...وكأنه الاشخاص الي يدخلون قلبها لازم تفارقهم !
يكلم امه وعيونه تسترق النظر لها ..يميزها عن مريم ....لانه ببساطه مريم متغطيه كامل ورونق ما شاء الله شوي وخدودها ويطلعون ....للحين يفكر برسالتها له ..دامها على ذمة جراح ليه ارسلت له رسالة ؟!
ما هو قادر يفهم تصرفها !-
ما ناظرت لجهته نهائيا ما هو قادر يفهم ويحلل السالفة!
ما اطلع جراح على الرسالة لأنها مطبوعة طباعة وما هي بخط اليد حتى تثبت شيء!
لكنه بما انه عنده علم انها طالعة معه رتب امور الفخ مسبقا !
اصرار جراح عليها يخليه يشك بالسالفة الحين واحد عاقل يترك كل بنات ادم ويتعلق في بنت ما يعرف شكلها؟؟؟!!،
الا اذا احد عمل له شيء!
وكأنه محجوب له!،
استغفر ربه من تفكيره ...بس تعلق جراح فيها ما له اي مبرر...لازم يتحرك ...اقترح على امه يوصلهم حتى ينفذ الي في باله !
بعد وقت وقف امام بيت فياض ...كانت اول النازلين ...نزل من السيارة مباشره و استوقفها بهدوء: رونق ممكن ابغى اكلمك على انفراد !
ناظرته بكره ...يا وقاحته ويبغى يكلمها ...تحركت مطنشة بس اوقفها كلام راكان : ما رح يأكلك تراكم بالشارع كلمتين
ناظرتها وما علقت على كلامهاوهي تناظرها لما توجهت للداخل ...بغت تتحرك ما تبغى تسمع منه اي شيء ...بعد ما كسروا بخاطرها وش يبغون منها !
لكن استوقفته كلمته : بالنسبة لجراح !
عقدت حواجبها باستغراب !
وقبل ما ترد نطقت بهدوء: قدر الحين ألحقك
واشرت لها بالدخول!
تكلم زياد بهدوء: اتمنى تتفهمين الوضع وتختصري وتخلعي جراح ....لو تحبينه ما هان عليك غضب امي عليه للحين ....يمكن هو من باب اعطاك كلمة وما يقدر ينسحب ويتراجع عن كلامه ...بس انت لو تحبينه كان طلبت الطلاق علشان مصلحة جراح !-
كلامه صدمة صدمة يعني للحين هي على ذمته ...طيب كيف الزفتة لجين تقول طلقها
ما هي قادرة تتحكم بمشاعرها جراح وفى بكلامه وما تخلى عنها ...ما تنلام بمحبته ...انسان رائع رجال بزمن قل الرجال !
مشاعر جميله تدغدغ داخلها ...تبغى تضحك وكل الناس تسمع صوت ضحكاتها
لكن سرعان ما اندفنت الضحكة بداخلها قبل ما تنولد وهي تسمع كلامه .....عقدت جواجبها باستنكار: اي رسالة !
مط شفته بسخرية وهو يذكرها : نسيتي الرسالة الي اعطتيني اياها بالمكتب ...بالجامعة ...وش فيك ناسية ؟!
هزت راسها بتذكر باستغراب وش علاقتها الرسالة بموضوع جراح : ما نسيت ايه تذكرتها اعطيتك أياها ب
قاطعها حتى يضبط المقطع : اذا ما انسحبتي من حياة جراح بهدوء ...رح توصل الرسالة لجراح وخليه يشوف فضائح زوجته وما رح اكتفي بذلك رح توصل لابوك وجدك واعمامك وكل العائلة !
انا بعمري ما هددت شخص او فضحته ...ريحتك بالجامعة كانت فايحه مع رعد _ تابع الكلام توقعات من عنده يمكن يضبط _ وصورك الي كانت معاه ومع ذلك ما خبرت اهلك عنك وسترت عليك!
فتحت عيونها بفجعه : انت وش عرفك بسالفة الصور !،
ناظرها بصدمة قال هالكلمة من تاليفه ما توقع تكون صحيحه .. يعني كلام رعد عنها كان صحيح!
حس بالانقراف من هذه المخلوقه لينطق باحتقار: لا تظنين اني ما ادري عن بلاويك ترى كل اخبارك عندي ...ولا تقولين ولد عمي يستر علي ...انا مستعد انسى السالفة لكن بالمقابل تنسحبين من حياة جراح بكل هدوء ...باكر رح تيجي جاهة لها مكانتها حتى يتم الزواج وانت ما عليك الا ترفضين والا قسم بالله الا الرسالة وكل وساختك عند جراح واهلك!
ناظرته بكره يقال فهيم ويلوي ذراعها... كله كلام فاضي بس وش سالفة الرسالة ؟!
من مروة وش دخلها حتى يعطيها لجراح !
ردت بثقه و بنفسها كل كلامه فارغ ما عليه اي دليل : الي ما توصله بيدك توصله برجلك يا حضرة الدكتور ....
قاطعها وهو يطلع جواله ويرفع امام عيونها: كلامك مسجل وكله اثبات على ادانتك بلسانك !
فتحت عيونها باستنكار وهي تسمع تسجيل الصوت !
قاطعته باستنكار والغصه بحلقها : وش هالرسالة الي طالع فيها ؟! وش دخلني فيها حتى يشوفها جراح وش دخلها ؟!
رد وهو يمد لها بورقه : هذه نسخه عنها والاصليه محتفظ فيها عندي !
مسكت الورقه وتحس يدها فيها رجفه خفيفه ...جحظت عيونها باستنكار من هالكلام ولاعت كبدها من المحتوى وبغضب : انت واحد كذاب !
وش هالسخافة والقرف هذا !
قسم بالله سوالفك هذه بإذن ابوي خليه يربيك يا مفتري
قاطعها بسخريه: دموع التماسيح مظلومه يا حرام تعملين نفسك ما معك خبر ...وما استبعد عنك ارسلتيها طباعة حتى لو صار اي شيء تنكرين بكل سهوله وما في دليل ..بس قبل ما تقولين لابوك ترى تذكري بالتسجيل بلسانك اعترفتي انك اعطتيني الرسالة!
تحس خلص الهواء من حولها ...اي فخ وقعت فيه ....كل هذا لانها بريئه وما عندها خبث ...كذا الدنيا تعمل بأصحاب القلوب الطيبة ...ردت بصوت مذهول: هذه الرسالة ما هي لي !
ضحك بخفه : الحين صارت ما هي لك ...يلا دوري كذبة !
لمين يعني واسمك عليها؟!
ضاقت الدنيا بوجهها وما عادت تعرف كيف تتصرف ..مروة خدعتها وكانت المغفلة بامتياز!
غمضت عيونها لحظات وهي تحس كل الاحلام الي ولدت قبل لحظات تبخرت ....وما في غير واقع مؤلم تتجرعه لوحدها ...ما احد حاس فيها ...خلاص ما لها طاقة تتحمل اكثر !
ناظرته وهي تحس نفسها رح تبكي من القهر الي يسري بداخلها ..نطفت بمرارة الشعور بالظلم : اعمل الي تبغى ما عادت تفرق .... وذنبي برقبتكم الى يوم القيامة ما رح اسامح كل من ظلمني واولهم انت !
اعطته ظهرها وهي تمسح دموعهابخفه وهي متوجهة للداخل وصوته يوصلها ...موافقتك على اتمام الموضوع هي يوم نهايتك وانت اختاري !
مسحت دموعها ناظرت للاعلى تحاول تخفي دموعها...اخذت نفس عميق وبداخلها رح تنفجر خلاص اكثر من كذا ما تتحمل ...اول ما دخلت التقت بفياض ...ناظرته بكره : حسبي الله عليك اول واحد !
حسبي الله فيكم كلكم !،
وتركته وعلى راسه علامات استفهام ....بسرعة توجهت للحمام ....ما تقدر تكتم الي بداخلها اكثر
غسلت وجهها ومسحته وهي تحاول تكون طبيعية وما في شيء!
بعدها توجهت للمجلس ...وقفت الجازي واقتربت بضحكه وفرح لشوفتها ....اول ما وصلتها حضنتها رونق بقوة وفارق الطول بينهم واضح ...بدون سابق انذار ما قدرت تمسك دموعها ....
الجازي رفعت راسها وناظرتها : ليه الدموع يا نظر عيني !،
رونق وكأنها تتنفس من خرم ابره من الضغوط الي بداخلها : اشتقتلك!
مسحت دموعها وتقدمت سلمت على ام فياض ببرود !
جلست جنب امها والهدوء خيم عليها بعد ما مسحت دموعها !
الجازي ناظرتها بمحبة: كيفك؟ وكيف الدرسة ؟!،
مريم ناظرت رونق وما علقت وهي تسمعها ترد بهدوء: بخير !
مرت الجلسة ورونق موجوده جسد فقط ...عقلها غارق ببحر احزانها ....
وش هالورطة ؟!
كيف تخلص نفسها منها ؟!
ليه رافضين زواجها من جراح ؟)
بعمرها ما كانت سيئة ليه يناظرونها باحتقار!
ومروة اه منها الغدارة ؟!
مين يصدق انها مروة اذا تكلمت ؟!
رح تنكر وتلتصق فيها التهمة وكأنها ناقصها فضائح!
رح تعيش هنا على اعصابها طول الوقت ...ورح تكون ورقة بيد زياد يلوي ذراعها بأي وقت !
وما عاشت طول حياتها حتى احد يتدخل بحياتها او يهددها !
هذه الحياة ما تستمر ؟!
هنا تحس بمعنى لما تضيق الدنيا بوجهك !
وين تروح ؟
تبغى تموت وترتاح من هالدنيا ...كيف ؟!
ما رح تموت إلا لما تنتقم من كل واحد اذاها ..لازم تنتقم منهم كلهم !
وبعدها ما تفرق معها النهاية !
على الاقل تقهرهم مثل ما قهروها !
اولهم
فياض
راكان
زياد
مروة
الجازي
عبود
ابو جواد
مريم
ام راكان
ام جواد
لجين
تنهدت بألم يا كثر اعدائها !
بنفس الوقت ما تبغى تكون ظالمة ويوصلها اثم وما تبغى اثام زيادة !
ما تعرف كيف تتصرف !
لازم توصل لجوال زياد وتكسره وكذا تتخلص من الدليل مهما كلفها الثمن !
بس كيف توصل ؟!
نزلت راسها بانتكاس واحباط كل الابواب مغلقه بوجهها...وهذه اكبر مشاكلنا لما تعصب فينا الدنيا ونتجرع المر نطرق كل الابواب وننسى الباب الوحيد الي مفتوح لنا بأي وقت مهما تكالبت علينا الدنيا !
ننسى انه ربنا مفرج الكروب ...وأمره بين الكاف والنون !
ناظرت مريم تكلمها باسلوب حلو : نرجع الحين بابا يقول لأنه
قاطعتها رونق بتفكير مشوش وبطنها يؤلمها ..ضغطت عليه لعله يخف الوجع: اعطيني الجوال أكلمه !
مدت لها الجوال بعد ما ضغطت زر الإتصال....تحركت مبتعده عنهم خطوات وهي عافسه ملامحها بآلم ..ردت بعد ما فتح خط : الو
جواد بهدوء : هلا
رونق بهدوء ظاهري: انا رونق
قاطعها : هلا رونق فيه شيء؟!،
رونق بصوت مخنوق : يبه انا ابغى انام عند امي
قاطعها بحزم : لااااا انا علشانك تنازلت وارسلتك عند امك لانه فياض ما هو كفو
قاطعته برجاء: بس هذه الليلة ما جلست معها واخذت راحتي وانت مرسل ام راكان جالسه على قلبي ومعها الضابط ام فياض ...ابغى اجلس مع امي لوحدي بدون ضباط من حولي يكتمون نفسي !
ضحك جواد على تعليقها: طيب اجلسي وقت النوم انا اخذك بنفسي معك من الحين تجلسين لوقت النوم
ردت بهدوء : ان شاء الله !
تبغى شيء ؟!
قاطعها بمحبه : سلامتك يا ابوي !-
قفلت الخط ورجعت لهم ...مدت لمريم الجوال :انا رح اجلس مع امي لاخر الليل !
مريم ناظرت امها الي تكلمها : اجلسي يا مريم
قاطعتها رونق : لا لا خليها ترجع مع ام راكان !
خزتها ام راكان :ام راكان رافعه التكلفه!
مريم ناظرتهم وحز بخاطرها اجتماعهم بدونها ...مع ان عمرها ما عاشت معهم لكن الحين ما تدري ليه جرحتها رونق بطردها لها !
و كأنها تحسسها انها غريبة !
هي فعلا غريبة !
وش ذنبها اذا تشربت هالافكار السوداء عن امها ؟!
انسحبت مريم بهدوء ...خرجت ام راكان وهي تكلم ام فياض وتنتقد رونق وانه هذا ما هواحترام لها !
مطت شفتها رونق احترام!
تبغى تحترمها وهي واقفه بطريق زواجها وغير نظرات الاحتقار !
هزت راسها بتوعد رح تحط المر بحلقها!،
جلست وهي تزفر بضيق .....الجازي من البداية حاسه رونق عندها شيء بس مخفيته عنها !
جلست جنبها بتوجس: رونق فيك شيء؟
ترى قلبي يقول انك مخفية مصيبة عني ؟!،
مطت شفتها رونق بروح ميته ونطقت : قولي مصايب!
فتحت عيونها الجازي بخوف: وش صاير؟!
رونق وقفت بهدوء: ابغى مكان هادي ولوحدنا بعيد عن الضابط حماتك!
الجازي قلبها يدق بقوة خايفه من هالمصايب : تعالي معي!
**
**
***
جالسة تبكي بصمت وتمسح دموعها : ليه يكرهوني كذا !
تخيل قدامهم احرجتني تقول ارجعي للبيت ما تبغاني معهم !،
حتى ماما ما قالت لي بعد كلام رونق اجلسي!
حتى ما طلعت معي للباب ولا كأني موجودة !
جواد بهدوء: دوم اقولك مالك الا ابوك
قاطعته بدفاع: والله ماما ما عملت شيء بالعكس تكلم معي وتضحك حتى حسيت بمشاعر حلوة بتواجدي معها بس
قهرتني رونق يبه ...احسها تبغى تستحوذ على امي لوحدها وتنفيني لاقصى نقطة !
ليه تكرهني كذا !
جواد ما عجبه تصرف رونق ...ولكن كالعادة يرقع لها: ليه سوء الظن يمكن بنظرها ما هي حلوة ترجع أم راكان لوحدها علشان كذا قالت لك !
مريم مطت شفتها :ترقع لها وانت عارف بقرار نفسك انها غلطانه!
انا
قاطعها : خلاص لما ترجع اكلمها واعرف وجهة نظرها ليه عملت كذا !
ما ابغى بينكم مشاكل !
ناظرته بلوم وعتاب : ليتك يبه ما حرمتني من امي !
احس بداخلي نقص وانا احس بيني وبينها اميال
قاطعها جواد : الجازي ما قصرت معك
وقفت وهي تحس نفسها مخنوقه: صحيح ما قصرت بس انا احس اني ابغى امي امي الي ولدتني!،
ليه رونق قريبه منها وانا الغريبة عنها !
نزلنا من بطن واحد !
ظلمتني يبه بتصرفاتك !
وتركته وتوجهت للغرفة والضيق مخيم عليها !
ناظر زولها وهو يحس شيء بداخله قاعد يتكسر ..يبغى مصلحتها ! والحين تتهمه إنه ظلمها!
زفر بضيق وعقله مشوش من الاوضاع الي حوله !
فشل بكل شيء في حياته!
كان يظن نفسه اب ناجح !
لكن بعد كلام مريم تغيرت نظرته !
فشل يجعل اولاده على قلب واحد!
ما في ترابط ومحبة بينهم !
لازم يرجع يعيد حساباته !
**
**
*
واضعه راسها على فخذ الجازي ومتمدده على طولها ...ودموعها تنزل بحريه ....الجازي تمسح على شعرها وقلبها مقبوض خايفه من المصايب !
رونق تناظرها ...وعقلها وقلبها بصراع هل تنتقم من فياض وتخرب بيته ولا تترك المركب ساير ؟
امها عانت بحياتها كثير ليه ترجع تنتكس حياتها من جديد وتدمر حياتها ...لاجل هالعيون الحنونه ما رح تتكلم ورح تبلع السم وتبتسم حتى ييجي الاجل يأخذها من دنيا الشقا....زفرت وهي تشوف امها خايفه من الكلام للي رح تقوله ... بصوت ما فيه روح نطقت : انا يمه تركت الجامعة هذا الي بغيت اقوله لك
الجازي بانفعال ردت : تركت الجامعه ؟
انت انجنيتي!
وباتهام : اكيدابوك منعك ! والله قلبي ما هو مرتاح لجلوسك عنده اكيد زوجته تحش بعقله ضدك !
وليه ترضخين لهم ؟
هذا مستقبلك !
لازم
قاطعتها رونق وهي تشوف انفعال امها ...آلفت قصة بدون ما تسمع السالفة : ابوي ما له علاقة ...بالعكس زعل وتضايق من قراري!
الجازي بانفعال : تبغين اصدق ترى ابوك واهله يطلع منهم كل شيء!
حمدت ربها رونق انها ما كلمتها باوجاع قلبها ...لأنها عاطفية وبسرعة تنفعل وما تفكر قبل ما تتكلم ...ردت بهدوء : بالعكس يمه ...ابوي شخص رائع وقف معي كثير ...ليتكم ما انفصلتم يمه !
كان الحين عايشين حياة جميله ومجتمعين مع بعض!
ليه نعيش حياة التشتت ؟!
زفرت بضيق لما شافت امها تغيرت ملامحها : انا اسفه !-
لا تلوميني يمه !
ما لي نفس بالدراسة او شيء !
الجازي ردت بضيق : انا الي اسفة ما قدرت اوفر لكم بيت تعيشون باستقرار
قاطعتها رونق : لا تعتذرين ادري انك حاولتي انه الزواج ينجح لكنه فشل !
كله اقدارونصيب !
الجازي تحسها مخفيه امور عنها ..سألتها بتوجس: رونق احس بقلبك حمل جبال ومخفيته عني !!
وش عندك تكلمي ...حتى لو ما قدرت اساعدك ....صدقيني رح ترتاحين ...لا تكتمين بقلبك ترى يؤثر على صحتك
رفعت نفسها رونق بتعب والم في بطنها...غير قلبها الي يوجعها والخنجر الي بوسط حلقها ...لتنطق بازدراء : حياتي انكتب فيها الهموم وين ما اروح ...كلما أقول فرجت تطلع سالفة ثانية !
الجازي مسكت كتفها بلطف :،يعني في اشياء،!
رونق هزت كتوفها بروح ميتة : لو خبرتك وش يطلع بيدك تعملين ؟!
الجازي بتشجيع : وش خسرانه تكلمي يا يمه والله دوم انت في بالي وقلبي مشغول عليك تكلمي يمكن اساعدك!
لا يغرك اني قزمه ترى عندي افكار جهنمية !
رونق مطت شفته بدون نفس: و أصلا هنا المشكلة ..انه افكارك طائشة وما عندك اتزان
قاطعتها الجازي وهي تخزها : بنت !
صدق ما تستحين على وجهك ترى انا امك ...والحين لا تتهربين تكلمي!
ترى قلبي
رونق قاطعتها ببرود : يمه انا احب واحد
قاطعتها رونق بانفعال : تحبين ؟!
ومين هو وكيف يعرفك ؟! رونق لا تقولين إنك على علاقة معها ؟!
ترى كل الشباب كذابين
قاطعتها رونق بضجر : ما هي هنا المشكلة يمة!
شفتي كيف تنفعلي
الجازي رفعت حاجب : تقولين احب واحد تبغين ارقص مثلا
قاطعتها رونق : اسمعي خليني اكمل !
هزت راسها الجازي: كملي
رونق ناظرتها : المشكلة اهله رافضين هالزواج وأهلي رافضين وجدي حلف الف يمين ما نكون لبعض !
الجازي تضايقت من تحكم اهلها : مين هو الشاب وليه اهله رافضينك !-
الف واحد يتمناك ..صدق انهم متخلفين !
مين العريس !
مطت شفتها بحزن : جراح ولد عمي ابو راكان!
الجازي بصدمه: خال خالي قصدك ام راكان ولدها !
هزت راسها رونق بإحباط بدون اي كلمة !
الجازي بقهر نطقت : يا وقاحتها جايه معك لهناوهي رافضيتك !
اخخخخ لواعطتيني هالمعلومة من قبل والله لاحوس شعرها !
وليه رافضيتك اصلا ؟!
الزفت ابوك وجدك ليه رافضين !،
هزت كتوفها بقلة حيلة وما علقت !
الجازي بتفكير للحظات وبعدها ناظرتها: انت تبغين جراح ؟
هزت رأسها رونق وابتسمت بدون نفس على انفعال امها !،
الجازي : وهو يبغاك؟
هزت راسها
الجازي بتاكيد : متأكده ؟!
اصلا وش عرفك انه يبغاك !
واعطتها نظرة تشكيك !
رونق : هات الحل يمة وبدون
الجازي بمقاطعه :رح نرجع لذي التفاصيل بعدين ...المهم اذا انت تبغينه وهو بعد يبغاك هذا فياض وابوي موجودين يزوجونك غصب عن الكل وبعد ما تشهرون زواجكم ما يقدرون يعملون شيء تراهم السمعة تهمهم كثير ...
رونق احتضنت راسها بيدينها: حل ثاني يمه !
الجازي تنهدت وتكلمت بوجع الماضي: تبغين نصيحتي ما تبغينه !
صدقيني ما رح ترتاحين دام اهله كارهينك...انا امامك اكبر مثال حاولت وحاولت لكن ما نجحت ....وصدقيني مهما كان حبه لك بالأول وبالاخير رح يرجع لاهله ...واصراره على خطبتك يمكن تكون نزوة بعد الزواج رح تنصدمين بالواقع !
وقتها انت رح تكونين الضحية !
عائلة ابوك صعب تعيشين معهم !
ليه ما تتزوجين ولد خالتك تراه يبغاك وخالتك سمية رح تحبينها رائعة حتى زوج خالتك قلبه كبير وما عنده حقد ...تزوجي بعيد عن عائلة ابوك ابغى ازوركم وادخل بيتكم بدون ما احد
قاطعتها رونق بمرارة: انا ما رح اقطعك بالرغم من كرهي لزوجك وحماتك ومع ذلك مواصله لك
الجازي قاطعتها: ما ادري ليه ما تحبين فياض
قاطعتها رونق بدون نفس : المحبة من الله ...
الجازي تكدر خاطرها وهي تشوف ملامح رونق البؤس والاحباط يحيط فيها : اسمعيني زين ..اتركي سوالف الزواج بعدك صغيرة وارجعي للجامعة بلا جنون ..العلم هو سلاحك ما بتعرفي وش مخبيه لك الدنيا على الاقل تلقين وظيفة وما تكوني بحاجة احد !
ابتسمت رونق بسخرية: دوبك تقولين فارس والحين تقولين
قاطعتها الجازي بضحكة : لما يتخرج فارس ويكون نفسه انت تكونين متخرجه وجاهزه
ضاق خلق رونق وبداخلها « اه لو تدرين يمه تراني متزوجة مع وقف التنفيذ » ما تبغى تكلمها بشيء رح يضايقها ويجرحها ..السكوت افضل بكثير
الجازي بتأكيد وضغط : ارجعي لدراستك والا قسم بالله لساني ما يناطق لسانك !
وش قلتي ؟
رونق هزت رأسها بمسايرة : يصير خير !
**
**
**
**
واقف عند سيارته ويناظره بغضب : والله لاردها لك !
فياض مط شفته بسخرية: يقال خفت !
انا عملت كذا من باب خوفي على ابنتك وانا زوجتها لرجال يحفظها ويصونها....دامه يبغاها وهي تبغاه ليه توق
قاطعه بغضب : انا ابوها انا الي ازوجها واشوف مصلحتها ما هو انت تقرر !
فياض مط شفته بغرور: عاد وش اقول إذا ابنتك تشوفني المنقذ لها ....ما توقع بمأزق الا تستشيرني وتطلب مساعدتي ..حتى بالجريمة الي صارت بالجامعة وبالمركز لجأت لي اناااااا
قاطعه جواد بغيض: اختصر افضل لك ...لانك صدق ما انت كفو واحد يثق فيك !
تنهد فياض : والله انت الي بعت صداقتنا
قاطعه : ما ابغى هالصداقة ...وكل حركاتك رح ترجع لك بس اصبر علي
تقدمت منهم وهي تشوف ملامح ابوها الغاضبة
جواد فتح باب السيارة : يلا يا رونق!
توجهت بسرعة وركبت وهي تناظر فياض الي يناظر ابوها باستفزاز ..صدق إنه يبغى المشاكل !
جواد بعد ما حرك ناظر رونق بعتب : ليتك رجعتي مع اختك ولا شفته!
وين قدر؟
ردت بهدوء: عند امي رح تنام !
مط شفته : عند امك !
ما علقت واكتفت بالصمت ..تابع كلامه وهو يوزع نظره بينها وبين الطريق ....: وش فيك على مريم؟!
ناظرته وهي رافعه حاجب ..مسرع صارت شاكيه له ؟!
ما تبغى تستفزه وينسى نفسه ويصير فيهم مثل المرة الماضية ..وبهدوء نطقت : ما صار شيء
جواد بنبره عتاب: يا رونق هذه اختك !
وش يضرك لو جلست معك
قاطعته رونق بقهر من مريم:ما تحب امي وليه تجلس معنا وهي ما تحبنا ؟!
خليها تروح عند الجازي نمبر 2 ترضع حنان
قاطعها بحده : رونق !
مطت شفتها بضجر : اسفين نسيت انه بلقيس ما احد يتكلم عليها !
خزها بقوة : رونق ترى والله روحي هنا !،
اشر على انفه وهو يتابع كلامه : لا تزودين الكلام !،
صدت لجهة الشباك بضيق ..فيها هموم ما يعلمهاالا ربنا وجاي يحقق ليه زعلنا الانسة مريم !
مروة اه يا مروة ما يشفي غليلها الا لما تشرب من دمها !
ما عملت لها شيء ليه حطمت حياتها كذا !
ليه الناس تذبح غيرها بدم بارد !
يهدد فيها زياد ...وهي بكلا الحالتين خسرانه !
ان عاندته ووافقت رح يفضحها وقتها ما ظنت جراح يرضى يكمل معها ...وكذا تسوء سمعتها اكثر وتخسر جراح !
وفوق هذاما تعرف كيف رح تكون ردة فعل ابوها ...المرة الاولى مسك نفسه لكن الحين ما تظن يمشي الموضوع بسهوله....تحس النفس عندها كل شوي يضيق اكثر من هالمصيبة وش تعمل ؟!
ناظرها باستغراب وهو ي يشوفها متكورة على نفسها يهتز بصمت ....مد يده هزها بالخفيف: رونق رونق!
وش فيك ؟!
حاولت تكتم البكاء ما قدرت ....انفجرت بالبكاء وتتكلم بكلام ما فهم شيء منها !
وقف على جنب الطريق وهو يحاول يكلمها: وش فيك ؟!
قلت شيء وضايقتك فيه !
امك أو فياض زعل
قاطعته وهي متكورة : ليتني ربي آخذ روحي بالحادث اول مرة !
ملييت حياتي خلاااااااص طق قلبي !
من لما وعيت على الدنيا وأنا اعيش بشقى ومن مصيبة لمصيبة !
كل شيء تهديد ومرار خلاص ما لي حيل لذي الدنيا !
وش تبغون مني !
انا ما جيتكم انتم طلعتم لي ودمرتوا حياتي!
فاتح عيونه باستنكار علامها هبت بوجهه كذا ؟ وش الي خلاها تنفجر كذا !
ليتكلم بهدوء: ارفعي راسك وغسلي وجهك !،
وخليني أفهم السالفة وأخذ حقك لو من نفسي!،
رفعت راسها وكشفت عن وجهها وهي تحس نفسها اختنقت من ذي الوضعية ...فتحت الشباك وهي تحاول تأخذ شهيق وزفير!
نزل من السيارة وتوجه ل بابها نزلها وجلسوا جنب الطريق ...اخذ علبة المويه وغسل وجهها ويسمي عليها!،
ابعدت ابوها وهي تحاول تستعيد التنفس عندها !
شدت على شفتها بقوة لما حست وجع بطنها زاد عليها وتضاعف الألم ..عند امها كان وجع خفيف الحين ما تقدر تتحمل الالم ....نطقت بضعف:بطني ما اقدر اتحمل
قطعت كلامها ما قدرت تكمل ..ناظرها وجهها احمر وعيونها منتفخة ...ما هو وقت يسألها سبب الوجع ....حملها ..وضعها بالسيارة وتحرك بسرعه للمستشفى ...يشعر بالتوتر والخوف وهويسمع صراخها من الالم!
وش أصابها ما كان فيها شيء !،
ردد بداخله ربي يحفظها له من كل اذى!
••
**
**
ام راكان ناظرته بقهر : انت من متى تعصيني !،
جراح انا امك !
تعرف وش يعني امك؟!
ربي وصاك تطيعني!،
ذكر عبادته مع طاع
قاطعها بضجر: يا يمه ترى طاعتك شيء واختيار حياتي شيء ثاني !
انا هذه البنت ما اعيش بدونها ....يعني لو ما تزوجتها قسم بالله تحرم علي كل البنات ورح ابقى جالس مقابل لك بدون زواج وذنبي برقبتك !
ام راكان تبغى تنفجر منه : تقول ما تعرف شكلها ..ابغى افهم احد يحب واحد بدون ما يشوفه !
هز راسه وابتسم: انا !،
ام راكان كشت عليه : من ردى حظك !،
والله لو تشوفها الا تنخرع !
اصلا اشك انها تتعا
قطعت كلامها وغيرت السالفة وهي تمد له بالجوال : خذ شوف هالمقطع !
عقد حواجبه باستغراب: وش اشوف !
اعطته الجوال : انت ناظروبس
اخذ الجوال فتح المقطع ..اول ما انفتح ابعد عيونه:يمه وش
قاطعته بضحكه: علامك تخرعت كذا
تراها لي باول المقطع حماتك والي جنبها زوجتك القردة !
مد لها الجوال بدون ما يناظر المقطع : خذي يمه !
انا ماطلبت منك اشوفها
قاطعته بقهر من تفكيره: بس هذا حقك !
رد بهدوء:متى ما اعلنت الزواج اشوفها مباشرة بدون واسطة !
تنهد بهم : متى ييجي ذاك اليوم ؟!،
عبست ملامحها وبغضب نطقت : روح تزوجها بس انا ساحبة يدي من الموضوع وما رح احضر لا اعلان خطوبة ولا زواج ولا ابغى اشوفها في بيتي !،
تفهم !
ابتسم وغمز لها : اهووووون عليك ؟!
عبست ملامحها وصدت عنه : الي ما يسمع كلمتي
قاطعها وهو يدندن : الي ما يسمع كلمة امه شو
قاطعته وداخلها يغلي : جعلهم يرفضون ونشوف اخرها معك !
هذا اخرها ادخل بيتي مجرمه ...حضرتك ما كنت موجود لما مسكت لبنى ووضعت المشرط على رقبتها والا نايف خنقته
قاطعها بابتسامة جميله : افكر اكتب بيت شعر عنوانه « حبيبتي مجرمة»
قاطعته بغضب : هذا الي يبغى يجلطني!،
والله انك مو طبيعي !
لزوم نأخذك لشيخ اكيدعملت لك سحر قوي !
هالقروية ما استبعد عنها شيء!!!
ابتسم على انفعال امه وبنبره عتب: يمه كلامك ثقيل اتمنى ما اسمعه
قاطعتها خلاص طق قلبها منه : وكل ساعة رح تسمعه !
حسبي الله عليها هالقروية
زفر بضجر : انا طالع !
يمه ترى والله اهج وما اخلي احد يعرف مكاني !
خلاص طق كبدي وانا اساير الكل !
اختياري وما احد له الحق يسلبه مني !،وقسم بالله اذا ما تم موضوعي الا اخطفها واهج عن هالعالم
وقفت على حيلها بخوف انه يعملها ويفضحهم : جراح وقف
رجعت جلست لما قفل الباب خلفه بقوة ...تنهدت بهم وش فيه عقله كذا !
ما هو طبيعي!،
لزوم تلقى حل بأقرب وقت !
**
**
**
**
جالس فوق راسها يمسح على راسها وبعتب : مجنونه انت !،
احمدي ربك انه قريبين من المستشفى والا كان انفجرت عندك الزايدة !
الحمد لله الحمد لله انك قمت بالسلامة !
ناظرته ريقها معطب ....وبصعوبه نطقت : ل
قاطعها: لا تتكلمين وتتعبين نفسك !
ارتاحي وما تشيلي هم شيء...كل شيء بخير !
هزت رأسها وغمضت عيونها ما لها حيل تتكلم ولا تفكر بشيء !
**
**
•*
**
اغلب الحاضرين عندهم علم مسبق بالجاهة وسبب تواجدها !
يلهي ويرحب وهو عارف سبب الجاهةعلشان موضوع زواج جراح و رونق ...راكان أعطاه خبر بس ما يقدر يقول للجاهة ما يبغى يستقبلهم لكن يعرف كيف يردهم ...مقهور من جراح يبغى يضغط عليه قدام الرجاجيل ...لكن دواك عندي يا جراح ...نطق بهدوء ظاهر وهو يمدح بالوجوه الطيبة لغاية ما وصل بكلامه: الزواج ما هو بالغصب وجراح ما عليه كلام بس كل شيء قسمة ونصيب !
ناظره احد الرجال بانتقاد: دامك عقدتم العقد بالمحكمة الحين هي باعتبار زوجته وليه تبغى تطلقها منه ! ما لك حق يا ابو جواد ...الا اذا في شيء مخفي عنا ؟!
تغيرت ملامحه بغضب من جراح فوق سواد وجهه يكذب ويقول انه زوجه اياها ...ما يقدر يكذبه ويفضح العائله ابنتهم متزوجه بدون علم أهلها ... هين يا جراحوووووو ليردف بعناد : صحيح كلامح ويعز علي اردكم لكن البنت ما تبغى تكمل الزواج ..خلال فترة الخطوبة تقول اكتشفت ما في توافق بعقولهم يعني تقول ننفصل على البر افضل لنا !
جواد عقد حواجبه من كلام ابوه ...ناظر اخوانه بتعجب من هالكذبة الجديدة بس ما يقدر يعترض ويكذب ابوه وخاصة لما اشر عليه ابو جواد وهو يردد : هذا ابوها اسألوه البنت رافضة تقول لو تقطعوني ما تزوجته !
جواد اضطر يهز رأسه وهو يشوف النظرات توجهت له !
جراح ضاق صدره اكيد كذبة من كذباتهم ...السالفة صارت عناد ...رح يكون اعند منهم وخاصة لما شاف نظرات عمه وراكان وزياد المنتصره...نطق بهدوء: كلمها يا عمي مرة ثانية وانا ابغى اسمع رفضها بإذني وقدام الجاهة الطيبة !
ابو جواد انتفخ وجهه من وقاحة هالجراح وقبل ما ينطق تكلم واحد من الرجال : دامها وافقت عليه وتمت الملكة وشهولة تأخذ رايها الحين !
دام وافقت برضاها تتحمل نتائجها وما يصير كل ما قالت ما ابغى مشيت وراءها يا ابو جواد !
من متى الحريم هي الي تمشي امور الرجال ؟!
انا لو انها خطوبة اقول حقها لكن دامها العقد انكتب ما هي لعبة بزران ؟!
هذا ولد اخوك ابو راكان الي كان يفدي اخوانه بروحه كذا تعامل ولده وتكسر قلبه !
لولا غلاة البنت بقلبه ما اصر على اتمام الزواج !
من غلاة اخوك الله يرحمه تمم موضوع ولده !
تكلم يا ابو احمد ..هذا ولد اخوكم تعملون فيه كذا!
طول عمرها البنت لولد عمها والحين وش الي تغير؟!!!
الحين إذا ما اعطيتنا كلمة نطلع
قاطعه ابو احمد وهو يناظر اخوه بانحراج: والله ما تطلعون الا وانتم راضيين !
واعطى نظرة لاخوة حتى يتكلم ما هي حلوة بحقه يردهم كذا !
راكان انتفخ وجهه بغضب من وين طلع لهم هالرجال! ابو جواد كتم غيضه وبعدها نطق : ما يصير الا ما يسر خاطركم !
لكن جراح لما خطبها قبل ما نعقد شرطنا عليه شروط ودق صدره وقال انا مستعد انفذ كل شروطكم ولما ملك على البنت رمى شروطنا خلف ظهره !
يرضيك هالكلام يا ابو علي !
جراح فتح عيونه باستنكار من هالكذبة أي شروط واي خرابيط !،
اعطاه ابو جواد نظره بمعنى انت الي بدات بالكذب تحمل الي ييجيك !
ابو علي ناظر جراح : ما قلت لناعلى الشروط ...ومع ذلك ما هي مشكلة اعتبر إنا الحين خطبناها قول شروطك وهذا هو قدامنا يتعهد بها ...وان رفض لكم الحق انتم !
ابو جواد هز راسه بتوعد والله لاكسر ظهرك بالشروط : بالبداية اشترطنا عليه انها تسكن في بيت لوحدها والاخ يقول يسكن عند اهله !
ابتسم راكان وهو يناظر زياد بالشرط التعجيزي من وين له يجيب بيت ؟!!
جراح تجمع الدم بعروقه من عمه ...ما يقدر يتكلم او يعترض !
ابو علي ناظر جراح : يبغون بيت مستقل لها تقدر
قاطعه جراح بهدوء خارج : ان شاء الله رح يكون لها بيت مستقل !
ابو علي تبشر وجهه: وهذا شرطكم يتنفذ
ابو جواد رفع حاجب : ما انتهينا ....شرطنا عليه البنت تكمل دراستها وحضرته فصلها من الجامعة والمنحة طارت منها الحين ...عنده استعداد يدرسها على حسابه الخاص!
ابو علي ناظره : وش قولك يا جراح !
ناظره وهو ماسك اعصابه يعرفه يضع شروط تعجيزيه حتى ينسحب : ادرسها على حسابي الخاص !
ابو جواد :اتفقنا الزواج بعد ما تكمل دراسة وحضرتك كل شوي تقول ابغى اتزوج
ابو علي : تكمل دراسة عند زوجها وش المانع
ابو جواد : وش يضمن لنا انه يحرمها من الدراسة بعد م تكون تحت عصمته ؟!!
غمض عيونه يحاول يمسك اعصابه على عمه وهو يتشرط بشروط تعجيزية ...ابتسم وهو يبلع قهره بعد ما انتهت كل الشروط: انا موافق على كل الشروط !
ابو جواد بتوعد: ما رح يتم الزواج الا بعد ما يتنفذ كل الشروط وبعدها البنت حلال عليك !
ربيع جالس يناظرهم وهو يبتسم بسخرية الحين جراح ذابح حاله حتى يتزوج الشغالة ولا ما يفرقها عنها !
لحظة كيف غابت عن ذهنه هالسالفة اكيد دخلوا عليه وحده ثانية وضحكوا عليه او عملت شيء بوجهها أشياء حتى تنفره منها!
صحيح ناسي شكلها الحين.. لكن يتذكر انها ابتسمت لما رفضها ...شد على شفته من الغباء الي معشعش بعقله !
اكيد عملوا هالشيء حتى ما تنشب لهم امه !
تعلق جراح وتصميمه عليها يؤكد هالشيء!
زفر بضيق من تسرعه ...غبي غبي ضحكوا عليه !
جواد ما عجبه تصرف ابوه.....صحيح تصرف جراح ما عجبه لما ملك عليها بدون علمهم دامه اعتذر وبين اسبابه خلاص ....ما رح يلقى افضل من جراح بس ابوه عقله محجر كذا !
ما كان بذي الصلابة !-
اخذ طبع جده ابو ناصر ..كيف ينحل هالموضوع ؟!!
راكان ميل شفته بسخرية وناظر زياد بهمس: اقنعني انه طبيعي !
وين الأدلة
زياد بازدراء همس: هو الحين يأخذ السالفة عناد فينا ليثبت لنا قراراته الشخصية ما احد يتدخل فيها . .... اي دليل ما رح يستوعبه ...بعد الزواج رح يرجع لطبيعته والانفعال والعناد يزول لأنه ببساطه الشيء الي حطه برأسه تحقق والبنت اخذها ...بعدها ييجي دورنا حتى نوعيه ويشوف فداحة الي اقدم عليه بإتمام الزواج....وقتها ما يفيده الندم ويعرف إننا بغينا مصلحته !
راكان زفر بضيق : اموت لو تم زواجهم !
**
**
**
دخل الصالة بعد ما غادرت الجاهة ...يبغى يأخذ أغراض لرونق .قبل ما يصعد لدوره ناظر ابوه الي يتكلم مع بدر بالموضوع ..وبعتب نطق : وش فيك يبه صاير
قاطعه ابو جواد : هذا عين الصواب خليه يتأدب حتى يعرف يطرق باب الناس !
بدر :،يا يبه انا لو مكانك نهاية الشهر اعلن زواجهم واخلص من السالفه
ام جواد تناظرهم وما هوعاجبها عناد زوجها ...تكلمت وعيونها على جواد: هي للحين عند امها ؟!،
ابو جواد مط شفته بلامبالاة : البارحة عملت عملية زايدة
قاطعته ام جواد:وعلامكم ما خبرتونا
ابو جواد: انا قلت له ما يخبر احد لاني ما ابغى احد يدري..نجلس حراس على باب غرفتها من جراح يا ويلك لو وصل لهم الخبر !،
ام جواد انقهرت من تفكيره ..وقفت : انتظر يا جواد ازورها يمكن محتا
قاطعها : ارتاحي ما له داعي !
ما ابغى احد يزورها لانه كلامكم مايخلو من النغزات وضرب الكلام ..وانا ابنتي ما احب احد يجرحها بحرف !
زيارتكم وصلت مشكورين!
استاذن وغادر
**
**
**
رفعت نظرها للسقف بملل ...قبل المغرب رجع ابوها للبيت وقال بعد العشاء يرجع !
تحسست مكان العملية وهي عافسه ملامحها ...ولله الحمد ما احد زارها من اهل ابوها!
ابوها يقول ما احد عنده علم الا نايف !
تواسي نفسها اصلا ما يهمها !
لحظة كيف نسيت اليوم جراح احضر جاهة حتى يتم زواجها !
وش صار معهم ؟!
تحس دقات قلبها زادت ..يالله اللحظة الي انتظرتها الحين مرغمة على ركلها لأبعد مكان !
جراح كان حلم جميل لها ..لكنها مضطره تصحى من الحلم وتعيش بواقعية!
وما تخلي مشاعرها وعواطفها تقرر عنها !
لازم تتخلص من جوال زياد بس كيف ؟!!
ما رح تسمح له يحطم احلامها !
متى ما كسرت الجوال ما يهمها الرسالة ما في دليل يدينها وخاصة انها طباعة !
ومروة حسابها عندها هالخبيثة وش مخططها حتى تعمل كذا !
رح تدمرها مثل ما دمرت حلم حياتها !
قطعت افكارها وهي تشوف ابوها داخل وخلفه ابوه ...عفست ملامحها هذا وش جابه ليتها نامت قبل وصوله !
جواد وقف ناظر ابوه الي دخل ويناظر رونق غصب عنه جاء حاول فيه لكن اصر !
ابو جواد رفع حاجب بسخرية نطق: سلامات سلامات يقولون انفجرت الزايدة من الفرحة لما عرفتي انه صقر السبتيه جايب جاهة حتى يأخذك غصب عن جدك الشايب !
لكن يا فرحة ما تمت !
جواد تغيرت ملامحه بضيق من كلام ابوه : يبه ما له داعي هالكلام
ناظره بحده : الا له داعي خليها تعرف انه هالبيت له ادابه وعاداته وتقاليده ما هو هذه تنزل وجوهنا للأرض ...وهالجراح الي فرحانه فيه
قاطعها بصوت منخفض خربانه خربانه السالفه يمكن تضبط معها الحين وتحصل مبتغاها: ما ابغى جراح غيرت راي ولما اطلع من المستشفى رح ارفع قضية خلع
قاطعها وانفجر من كلامها: نعم !،
على كيفك السالفة؟!
لنا ألف سنه نقول لك تخلعينه!،
وحضرتك رافضة والحين وش تغير يا قليلة الادب؟!،
انقهرت من كلامه مشاكلها وتعقيد امورها بسببه نطقت لعله تصيبه جلطه و ترتاح منه : الي تغير ما عاد يعجبني ولد اخوك ...انا قررت اتزوج من عائلة امي
قطعت كلامها وتحركت بعشوائية لا شافته يبغى يضرب ...سرعان ما صرخت من الالم بسبب تحركها المفاجئ !
جواد مسك ابوه بقوة عنها ...وبداخله انفجر من كلامها : يبه هدي
قاطعه ابو جواد بغضب : قلت لك هالبنت ملعونة رح تنزل راسنا بالأرض بس ما تسمع كلامي !
والله لادفنك وانت عايشة !
هذه ما ينفع لها الا راكان ليته يترك مريم والله لازوجك له غصب عنك حتى تمشين الطريق المستقيم او واحد من عيال ابو عبدالله يعطونك الكف ومن بعدها تعرفين إن الله حق بس للاسف كلهم متزوجين!
ربي انجاهم من وحده هايته على راسها !
ايه متزوجه على كيفها !
اوقح من كذا عيني ما شافت!
رونق بالرغم من شدة التعب نطقت : ما رح اكون اوقح من مروة روح شوف بلاوي
قطعت كلامها وهي تشوفه يتفلت عليها : والله لاربيك يا زفتة ...بنات عمك تربيتنا ما يطلع منهم العيبة !
على جثتي ما يتم زواجك !
تفل عليها وتحرك يغادر وهو يناظر جواد: انت بس رقع لها مثل وليدووووووو!
ازفت من تربية الشوارع!
خرج وهو يشم ويلعن فيها !
زفر بضيق لما غادر ابوه ...تقدم لها وهو ماسك نفسه ما يكسر رأسها على كلامها ....وبهدوء خارجي وهو يشوفها واضعه يدها على مكان العملية وتبكي بصمت: انتظري اشوف الممرضة تناظر الجرح
بعد وقت طلعت الممرضة ونبهت عليها ما تتحرك حتى ما ينفتح الجرح !
تكلمت رونق وهي عافسه ملامحها بألم : يبه
قاطعها جواد بحده: رونق رجاء ما ابغى اسمع شيء ترى قلبي طق من تصرفاتك للحين ماسك نفسي وما هو من طبعي الصبر !
اطنش واطنش لكن لمتى ؟!
تكلمت بصوت متعب : انا اسفه مو قصدي الكلام الي قلته ...بس جدي يستفز بكلامه !
حياتنا الخاصة ما له حق يتدخل فيها !
قاطعها بحده: رونق انكتمي!
تعاملينا وكأننا اعداء لك !
ترانا اهلك تعرفين وش يعني اهلك ؟!
لا تتعلمين طرق امك لأني ثقي ثقة تامة ما رح اسكت...كنت رافض زواجك من جراح لكن علشانك رضخت
قاطعته بمراره:وش الفائدة من موافقتك وجدي ناشب لي بحلقي !
هز راسه بتوعد: وفوق هذا تطعنين بابنة عمك !
بحياتي ما شفت عليهم الزلة أدب واخلاق لكن
قطع كلامه ...التفت للخلف لما دخلت أمه ومعها مريم والجازي !
وقف وملامحه ما تتفسر : هلا يمه ليه تعبتي نفسك !
ام جواد بهدوء: حفيدتي ولزوم ازورها !
تحمدو ا لها بالسلامة و الصمت يخيم حولها ..وهي تشوف ملامح ابوها الغاضبة !
ام جواد ما تعرف شيء : يوجعك شيء؟!
والله البنت باين عليها التعب ...اقول نادي
قاطعها ببرود : دوبها الممرضة عندها كل شيء تمام !
مريم بهدوء: استغربت اغلب وقتك عند امي حاطه يدك على بطنك !
ام جواد: ربك ستر والا انفجرت وما هو زين ربك كريم!،
الجازي بهدوء: الحمد لله على كل حال
عم الصمت بالمكان ..جواد عند الشباك يناظر للخارج ...ومريم والجازي على الجوال ....وام جواد تسبح بهمس!
رونق تناظر السقف والدموع تنذر بالسقوط ...استرقت النظر الى ابوها يناظر من الشباك ..ظاهر انه بأقصى درجات غضبه ...
التفت على الجازي الي تكلمت: انا رح اجلس عندها
جواد بهدوء فيه حده: أنا جالس عندها
ام جواد باعتراض: كيف تجلس عندها تراها بنت اكيد تبغى مساعد
قاطعها بخلق ضايق: ما هي محتاجه شيء !
ام جواد بنرفزه :انا اول مره اشوف رجال يرافق مع بنت!
لو انك زوجها نسكت ب
قاطعها بضجر : يمه اقولك انا جالس عندها
الجازي :ترى
قاطعها بغضب: وبعدين قلت لكم ما ابغى احد ييجي هنا ومع ذلك جيتم ..اقولكم انا جالس عندها ما تفهمون
قاطعته ام جواد بزعل وهي توقف : مشكور والله ما بقى الا تضربنا ! قومي يا جازي هذا جز
قاطعها وهو يزفر من الغضب: يمه ما هو قصدي بس خلاص
قاطعته وهي تتغطى : الحق علينا ....وهذا حنا متعيين ويا ليت لقينا وجه البنت ابوها كل واحد قالب بوزه !
استغفر الله !
اتصلي بعبود وقولي له ينتظرنا !
زفر بضيق بعد خروجها وتبعها بخطوات سريعة ..تبقى امه وما رح يتركها تروح وهي زعلانه عليه !
زفرت بضيق بعد خروجهم ..ناظرت الاكل الي جلبتهم جدتها ...تحس نفسها تقلب عليها !-
متى تنتهي المشاكل وتعيش بهدوء وراحة بال !-
بعد وقت رجع وقف عند الشباك للحظات وبعدها تقدم نحوها وهو يفتح الاكل : شوربة مفيده لك
ردت بهدوء: مالي نفس!،
زفر بضيق ...ارجع الاكل مكانه: نشوف اخرتها معك يا رونق !
**
*
*
**
راكان بغضب ناظره : انت واحد مجنون تذل نفسك كذا!
ويا ليت على شيء عليه القيمة !
تحسسني انها ملك نازل من السماء!
ما يبغونك وانت ليه ملتصق فيهم !
ما عندك كرامة !
جراح جلس ببرود : اعتبرني ما عندي كرامة !
لما اخواني يتفقون مع عمي ويخططون حتى يوقفون بطريقي ..وقتها ما عادت تفرق معي الكرامة
زياد عقد حواجبه بقهر: يعني لو حنا نشوف انها تناسبك ما رح نوقف بوجهك !،
اصحى على نفسك حنا حذرناك وعقلك مقفل !،
وش هالحب والعشق !
ما في حب الا بعد الزواج ....كل هذا الي تشعر فيه بعد الزواج يطير وتلقى نفسك تورطت
قاطعه : انا احب اورط نفسي !
وغير رونق ما اتزوج !،
ام راكان ناظرتهم والهم هدها : ارحمني يا جراح !،
جراح كتم انفاسه للحظات وبعدها ناظر امه باتهام : انت ما تحبيني !
لو تحبيني كان وقفت معي ما هو تخططون كيف تكنسلون الموضوع !
لذي الدرجة مشاعري ما تهمك !،
ام راكان : انا مو ضد زواجك انا ضد هالبنت
قاطعها يحسم الامر: البنت جلست معها كثير بالساعات وما احد يناسبني غيرها
راكان بسخرية : نعم التربية !
تعال يا جواااااد شوف بطولات ابنتك!
انت اصلا لو فيك عقل بنت تتزوج بدون علم اهلها وتجلس معه بالساعات بدون علمهم تثق فيها تحفظ بيتك !
قاطعها بقوة: عن الغلط يا راكان !
كيف انت تجلس مع مريم !،
والا انت حلال وحنا حرام !
زياد متأكد ما هو طبيعي وكأنه مسحور: خلاص روح تزوج وابني لها قصر تعرف سندريلا ما تسكن الا بقصر !
وحنا جالسين نتفرج ...لكن متى ما وقع الفأس بالرأس لا تقول يا ليتني
قاطعه وهو يحاول يكون هادئ،: مشكور على النصيحة ما قصرت !
ام راكان صدت عنه : يفضلها علينا قبل ما يتزوجها ...يا حسرة على الام تتعب وهي تربي وبالاخير تأخذه
قاطعها : متى ما فضلتها عليك يمه تكلمي!
ترى للحين ما شفت خيرها من شرها !
ام راكان بردح وبقلبها قهر من هالخطوبة : كيف ما شفت !
شفت خيرها كثير !
ترى ما انسى لما طردتني بخطوبة راكان!
كتم ضيقه وتكلم : ترى هالكلام الي تقولونه ما كانت تعرفك ولا هي كنة عندك حتى نحاسبها !-
انا لي باليوم مبارح رافقتيها لبيت فياض غلطت عليك
راكان بقهر: ما شاء الله متابع تحركات سندريلا!
وقف جراح وناظرهم بخيبة : النقاش معكم عقيم !
انسحب افضل لي !
ما ابغى اخسر اخوتكم وبنفس الوقت تراها على ذمتي واحترامها من احترامي ما طلبت منكم تحبونها بس الاحترام ....مثل ما احترمكم وأحترم أي شيء يخصكم يا ليت انتم بعد تحترموني !
تركهم وتوجه لغرفته !
زياد ما يهون عليه اخوه جراح صاحب القلب الطيب المتفهم الي دوم مبتسم ..ما يهون عليه ينخذع برونق ويبقى ساكت !
ام راكان زفرت بقهر: بلوى وطاحت على رؤوسنا!
راكان : ولا تتضايقين يمه بكره ما رح يلومنا حنا نصحناه وهو حر !
**
**
**
**
اليوم خروج لها مو قادرة توقف .عفست ملامحها: ما اقدر اقوم !
ساندها جواد بدون اي كلمة ...عدل لها نقابها :اتوقع كذا مضبوط!
ردت وهي متمسكه بأبوها بروح ميته: ما هو مهم !
تكلم : تقدري توقفين شوي بس امسك اغراضك!
هزت راسها بالنفي ما تقدر توقف !
اخذ اغراضها وهي متمسكه فيه ما هي قادره تسند نفسها ....لينطق بعدم رضى: اكيد ما رح تقدرين توقفين على أكلك الي ما يشبع عصفور !،
للصدفه كان يبغى يطلع من غرفته وسمع امه تحش برونق ...والي صدمه انها بالمستشفى عاملة عملية زايدة وهو اخر من يعلم !
تاخر شوي بغرفته حتى ما تشك امه إنه سمع شيء ...وبعدها طلع بعجله بعد ما صبح عليهابحجة انه متأخر !
بعد ما توجه واستعلم عن المكان توجه لعله يلحق بها اليوم خروجها !
توجه المكان ..وسرعان ما وقف لما شاف جواد ورونق مستنده عليه !
زمااااان ما شاف عيون الغزال !
وقف جواد لما شاف جراح ...حمد ربه انه ابوه ما هو موجود والا كان فضحهم !
رفعت نظرها بصدمه وهي تشوف جراح واقف مقابل لهم ...نسيت وجعها ...وتركت يد ابوها واعتدلت بالوقوف لوحدها!
شوفته ردت الروح لها !
جواد ناظرها وهو يخزها : والله!،
ما بقى الا تركضي له على اساس مب قادرة توقفين لوحدك !
اشوف روميو اعطاك مسكن الم !
ناظرته ابوها بحرج ..ومسكت فيه من جديد : ما توقعت اشوفه
تقدم جراح وكأنه للصدفة شافهم وقلبه يضرب طبول : اشوفك هنا يا عمي !،
سلامات فيه شيء!
جواد خزه : ما في شيء ...ما نبغى نعطلك عن شغلك ..اصلا انت ما تشتغل هنا !
سلامات وش جابك !
احد من الاهل فيه شيء !
جراح بابتسامة مريحه: والله جيت اطمئن على قلبي ....
اعطاه جواد نظره قوية بعد ما فهم نغزته : استحي على وجهك
جراح ابتسم وهو يأخذ الاغراض من جواد بالغصب،: هات الأغراض عنك يا عمي
جواد سكت على مضض ومشى خطوة ورونق متمسكه فيه !،
جراح تنهد وبعدها نطق : ما تشوفين شر ...ربي يحفظك !
كيف وضعك الحين؟!،
جواد قاطعه بحده: بخير !
جراح بانتقاد: تحسسني اكلم احد غريب تراها
قاطعه جواد : متى ما وافق جدها تكلم !
ومتى ما صارت في بيتك
جراح بقهر ما اظهره: يصير خير !
وصلوا للسيارة ...وضع الأغراض بالسيارة ...وتكلم : انتبهي لصحتك ..ما تشوفين شر !
جواد بهدوء: مشكور !
وبعدها حرك وقلب رونق يدق بقوة ... ياااااه زمان ما شافته وجلست معه !
ذبحها الحنين لايام الجامعة !
لزوم ترجع على الاقل تقدر تدبر امرها وتلتقي فيه !
تكدر خاطرها وهي تتذكر زياد ...كيف تتخلص من تهديداته !
يا رب فرجك !
**
**
**
**
ابو جواد ما تكلم بسالفة مروة رح يتحقق بطريقته الخاصة .ما يبغى فضائح ....ومع انه متأكد مروة ما عندها شيء وكله كذب من رونق حتى تقهره!
ناظر ام جواد الي تكلمه :يقولون اشترى بيت
ابو جواد مط شفته : من وين له الفلوس!
ام جواد بضيق : عن طريق البنك يقولون !
ما ادري ليه تثقل كاهل ولد ناصر !
نسيت اخوك ناصر !
تعمل بولده كذا !
ترى هالشرط مفروض يكون لراكان معاه فلوس ما هو مثل هالمسكين !
ابو جواد زفر بضيق : ما هو كاسرني الا انه ولد ناصر !
بغيت اعاقبه على فعلته ..ما ادري احس بالضيق اليوم الصبح اشوف اخوي ناصر بالحلم ...حاولت أكلمه بس ما كلمني ناظرني بهدوء وبعدها راح !
ام راكان تستغل هالنقطه : يمكن زعلان علشان ولده !
ناظرها : وش دخل هالشيء
قاطعته : والله الي تعمله ما احد يقبله!
حدد زواجه
قاطعها : بعد ما تتخرج يفرجها ربي !
زفرت بضيق من عناد زوجها !
ما كان كذا عنيد ...سبحان الله الانسان يتغير وما يبقى على اطباعه !
**
**
**
تمر الايام على قلوب الكثير ببطئ ...تنتظر اللحظة الي تتخرج فيها ويتم زواجها فيه !
طول فترة الماضية لمحته كم مرة عن بعد .....لأنه جدها بكل بساطة حلف اذا شم خبر لقاء بينهم او مكالمات الا يكنسل الموضوع !
زفرت بضيق وهي تتذكر على الطاولة هنا كانوا يلتقون !
...ليتها ما أجلت الدراسة ...حمدت ربها ابوها عمل لها تاجيل والمنحة ما فقدتها والا المسكين جراح من وين يدرسها !
تحس بداخلها فراغ ....متى تلتقي فيه متى !
زفرت بضجر .....فتحت صفحته على مواقع التواصل ..شكله تغير كثير !
تخاف يكون مع الايام ينساها !
مرتاحة نفسيا ما في شيء يهدد حياتها مع جراح !
غمضت عيونها وهي تسترجع الاحداث بعد ما رجعت للدوام!
ما تنكر خطوة جريئة منها !
لكن زياد اجبرها على كذا !
بدون لا احم ولا دستور ....دخلت مكتبه ..قفلت الباب بهدوء خلفها !
رفع راسه بسخرية : خطيبة اخوي هنا !
طنشت نبرته الساخرة وعيونها تسترق النظر بارجاء المكتب بعشوائية ...لكنها تبحث عن هدف لزوم تحصل عليه !
تكلمت بمراوغة : دكتور انا جيت اكلمك بموضوع بخصوص مادة الدكتور حسان !
عقد حواجبه: وش فيها !
اقتربت بهدوء من المكتب: هذا الدكتور ابغى اكلمك بموضوعه ...بما انك دكتور تقدر تكلمه عن طريقك!
اشر لها :اجلسي
هزت راسها بالرفض :: مرتاحة كذا !
نزل راسه لاحد الادراج يضع فيها بعض الاوراق ..استغلت الفرصة وانقضت على جواله بسرعة فائقة ..رفع راسه بصدمة من خبثها ...غفل عن جواله ...تكلم بحزم : رونق اعطيني الجوال !
ما ردت ولا تكلمت بحرف تخاف يكون مسجل شيء وهي ما تدري!،
وبسرعة تحركت خارج مكتبه!
استغربت ما لحق خلفها !
مطت شفتها بسخرية غبي يظن انها اخذته حتى تكسره ما يدري تبغى تنتقم منهم بقوة !،
بسرعة فتحت رسالة وكتبت « صباح الخير ...مروة
انتهى البارت .......دمتم بخير 🌷لنا لقاء اخر قريبا.....
رواية بسمة مدفونة في خيالي الفصل الثالث والثلاثون 33 - بقلم ضاقت أنفاسي
27 بارت
وبسرعة تحركت خارج مكتبه!
استغربت ما لحق خلفها !
مطت شفتها بسخرية غبي يظن انها اخذته حتى تكسره ما يدري تبغى تنتقم منهم بقوة !،
بسرعة فتحت رسالة وكتبت « صباح الخير ...مروة
لحظة تبغى رقم مروة...فتحت الشنطة حتى تاخذ الجوال ...مسكت جوالها بعد ما وضعت حقيبتها على الارض ...فتحت الجوال .سرعان ما عفست ملامحها رقم مروة ما هو معها ...جوالها الجديد ما فيه ارقام !
بالبيت رح تشتغل شغلها وتخليه يندم رح تخفي الجوال حاليا ...انقطعت افكارها لما
حست الجوال انخطف من يدها ..لكنها سرعان ما جذبته نحوها بقوة ...
زياد بنظرات تهديد ...وصوت هامس يلتفت حوله ويحمد ربه المكان شبه فاضي: هاتي الجوال افضل لك
ناظرته وقلبها يدق بقوةمن الموقف ..خبأته خلف ظهرها ...ما رح تفرط بالدليل الي رح يدمر حياتها مع جراح ويكسرها على مر السنين !
ما لها غير هذا الحل ...ثواني كان الجوال تحت رجلينها وتدعس عليه بقوة ..حتى انعدم !
ناظرها بنظرات ناريه وبوعيد: وقسم برب البيت الا تندمين !
ردت بقوة مزيفه : الي ما تطوله بيدك ...طوله برجلك ....
قاطعها بغضب وبصوت هامس: مين زفته الي تبغين ترسلين لها من جوالي ؟!
ردت بهدوء : ما يخصك ....
مشكلتها احيانا تتعاطف ...لنا واجهت مروة بالامر واعترفت ...كلمتها وهي ترتجي فيها انها تستر عليها وما تفضحها وخاصة انها مخطوبة !
وبما انها السالفة انتهت ما حبت تعمل فضيحه وتنبش بالماضي
وما يهمها زياد يصدقها او لا !
كل الي يهمها انهت تخلصت من دليل ادانتها !
قطعت ذكرى هالموقف لما ضربتها بخفه على ظهرها روعة وهي تجلس :، وين سرحانه يالعصلة اشرت لك نجلس هناك بس الأخت بعالم ثاني !
رونق ناظرتها : والله ما شفتك ...وبعدين تعرفيني ما احب اجلس الا هنا !
كشت عليها روعة : يا قلة عقول الحريم !
تراه كله ايام الخطوبة كذب وعرط بعد الزواج كل كلامكم الو... وينك ..وش اطبخلك ...طيب جيب معك اغراض المطبخ ....لا تنسى البصل يا بطل ...لا تتأخر ...لا تروح لامك بعدين تزورها ما هو ضروري كل يوم تشوف خشتها ...اقول لا تكثر كلام
قاطعتها رونق بضحكه: مو كل الأزواج كذا !،
روعة فتحت عيونها : اها انت من ربع الورود والازهار والهدايا والمفاجأت اقول طيري يا شيخة ترى هذا كله كذب والي تشوفينهم يعملون كذا ترى تمثيل قدام الناس حتى يعملوا حالهم واووووو
خذيها مني نصيحة عمره الزواج ما كان وردة وهديه
قاطعتها رونق : يعني بصلة وبطيخه؟!
روعة هزت راسها : ترى البصلة والبطيخة هم الي تستمر الحياة بهم !
اما وردة !
وش يبغى بوردة وهو ميت جوع ؟!،
اقول انقعي ازهارك وافكار المراهقات بموية واشربيهم الصبح يمكن تصحصحي !
تنهدت رونق بهموم : ترى والله كل طموحي اعيش تحت سقف يجمعني انا وجراح وقدر !
ما ابغى اكثر من كذا !
ما تتصورين كم رح تكون سعادتي !
روعة ابتسمت بنعومة : ربي يوفقك بس يا مسكينة مطوله!
قفلت الكتاب وناظرتها بثقه: دام اسمي واسمه مربوطين مع بعضهم ما يهمني شيء !
وانت مو ناوية تدخلين القفص!
كشت عليها روعة بملل: خليني انفش ريشي واتدلل !
كل اسبوع انخطب بس ما افكر بالموضوع !
ضحكت رونق عليها وهي تكمل كلامها: اخخخخ منك يا رونق حطيتي يدك على الجرح هو احد طرق بابي وقلت لااااا !،
موافقه وابصم بالعشرة بس خليه ييجي ! والله لازرع له بستان زهور ...
دفنت وجهها رونق على الطاولة وهي تضحك على طريقة روعة بالكلام !
روعة مطت شفتها: ايه اضحكي وش عليك !
دبست ولد الناس فيها وانا يا حسرتي اناظر العشاق واناظر حولي ما ألقى الا كتابي كله طلاسم ما هو مفهوم !
وبتذكر : صحيح ما قلت لك ؟
رفعت راسها رونق وهي ما زالت تضحك : لا
روعة تناظر حولها وبعدها تكلمت بصوت هادي: اليوم شفت سلفتك !
عقدت حواجبها : سلفتي !
روعة : ايه سلفتك منااااااااار !
تأففت رونق : ضروري تغثيني!
روعة تابعت كلامها تتمشى مع العاشق الولهان!
رونق ناظرتها: يا اختي مع اني ما اعرفها ولا عمري كلمتهالكن الكره ينتقل بالعدوى !
دامه زياد خطيبها وش رح تلقينها!
روعة مطت شفتها بغيره: يقولون من صغرها وهو يحبها وطول الوقت رفض يتزوج الا هي وانتظرها حتى كملت دراسة من برا ورجعت هنا!
يا اختي البنات وش يعملون حتى الرجال يركضون خلفهم !
ناظرت خلفها وبتساؤل: ليه ما احد خلفي يركض!
ضربتها على كتفها رونق بخفه وهي تضحك : وقسم بالله انك نهفه !
رونق ابتسمت : هذا النصيب !
روعة اسندت ظهرها بإحباط: ما لنا بالطيبين نصيب!
صحيح البارحه لما اتصلت معك ليه سكرت الجوال وبعدين قلتي تكلميني وما اتصلت؟!
رونق ابتسمت بشماته: صارت مشكلة !
راكان يبغى يتزوج وابوي رافض
روعة رفعت حاجب: وابوك ليه رافض!
خليها تتزوج وتنقلع من خشتك!
رونق :خليها تستاهل ...انت ما تشوفين كيف تناظرني لأنه ابوي منعهامن لقاء البروفسور وحتى مكالمات ممنوع مثلي مثلها !-
روعة : ايه وبعدين
رونق ابتسمت : راكان يبغى يتزوج وابوي يقول مريم ما تتزوج الا مع رونق بنفس اليوم !
يعني من باب انه يضغط على جدي الي مصمم مافي زواج الا بعد التخرج!
روعة بتحليل للسالفة: طيب جراح وش موقعه من السالفة ؟!
يعني رح يجلس ينتظرك حتى تتخرجين !
رونق بإحباط: ما ادري !
كل الي اعرفه إنه من فترة في اصطدام بين راكان وابوي حتى جدي واقف مع راكان لكن ابوي معند ما يزوج الا الاثنتين مع بعض
ضحكت روعة بخفه: الهر والجمل بدينارين
رونق ابتسمت: لما اسمع إنه راكان معصب انبسط تلقائيا ..واقول خلي زواجنا بعد التخرج يمكن يطق ويموت !
روعة بروقان : حرام عليك تترمل
اختك !
رونق ابتسمت: والله هي الربحانه إنسان متسلط وش تبغى فيه ؟!
روعة هزت كتوفه: قولي طنجرة ولقت غطائها !
**
**
**
** جراح ابتسم وهو يشوف راكان منفعل بزيادة:اعصابك !
ام راكان ناظرت راكان مطنشه جراح: هو من عقله يربط زواج مريم برونق؟!!،
على جثتي مايتم زواج هالمخبول من يوم ما خطبها وهو بدون عقل !
مط شفته بسخرية للحين امه ما نزل الحطب الي برأسها ! راكان زفر بغضب : طبعا جواد يبغى يلوي ذراعنا ويضعنا تحت الامر الواقع .لكن ما هو انا الي ينعمل بي كذا!
رح اعطيهم مهلة نهايةالاسبوع ما وافقوا رح اتزوج غيرها وخلي ابنته يخللها عنده!-
ام راكان ضاق صدرها : انت وش تقول !
مريم وش ذنبها مسكينة ضايعه بينكم ...لا تخرب بيت اختك باكر نايف يطلقها
راكان مط شفته بسخريه: الي يسمعك يقول غرقانه بالعسل !
هذا آخر كلام عندي انا اتصلت ببدر وخبرته !-
يتحملوا عنادهم !
ام راكان ضاق خلقها من المشاكل الي رح تصير :لا حول ولا قوة الا بالله!
راكان اشر على جراح : وانت مبسوط على حالك بهذا الزواج !
متزوج مطلقه !ومعها بنت !
وسيرتها مثل العسل ولسانها وش قصره ومبسوط على حالك !
جراح ناظره بحده: ايه مبسوط وسعادتي لاتوصف
مط شفته بسخرية: وابنتها معها رح تعيش معك ؟!!!
والله امحق عريس !،
ام راكان زفرت بضيق : خليه خليه يحلم على قد حاله !
انا رونق مستحيل اقبل تكون كنة لي تفهم !،
جراح ابتسم بهدوء: هذا الموضوع انتهينا منه !
خليك الحين مع ولدك مسكين
قاطعه راكان : بكره تقول ياليتني سمعت كلام اخواني!
البنت هذه عنيده وما تسمع الكلام وفوق هذا ما تحترم امك !
كيف ترتبط بوحده تكره امك على المسبحة وتتكلم عليها وطول وقتها تقول : لولا جراح والا مستحيل اقبل اكون كنه عند ام راكان!،
جراح ابتسم بطريقة استفزتهم: فديتها تحبني!
ام راكان بغضب: اقولك اخوك ما هو بوعيه ما احد مصدقني!
ضحك جراح على انفعال امه : يمه وقسم بالله انك تضحكيني!
راكان وهو يقلب جواله: اتركيه يمه يعمل الي يبغى حنا نصحناه وهو حر !
**
**
•*
في جناح جواد ...ابو جواد بحده تكلم : انت وش فيك تعاندني وتكسر كلمتي يا جواد !
جواد بهدوء : ما هو عناد !
انا ماوقفت زواج راكان!
انت يبه الي موقفه !
ابو جواد بصرخة : رونق ما لها زواج الحين ولا تقعد تعقد الامور !
نقزت رونق من صراخه ...وضعت الضيافة على الطاولة...وجلست جنب مريم ...
وزع جواد الضيافة وهو يتكلم : انا ما عقدت الامور !
ام جواد بضيق :يا جماعة الخير لا تخربون بيت هالضعيفة !
يعجبكم يروح راكان يتزوج غيرها وهي على ذمته !
الناس رح تأكل وجهنا ولد عمها طلقها !
فوق هذا رح تخرب بيوت ثانيه بسب عنادكم !
ما كنت كذا يا ابو جواد !،
ذول حفيداتك وازواجهم عيال أخوك ناصر !
لو ناصر عايش ما رح يقبل بعمايلك !
ابو جواد بقهر : زواج عقده وليد ما رح يتم !
تبغين يقول أنا ازوج حفيداتك على كيفي !
انت تتخيلي
قاطعه جواد : يا يبه ترى حنا نتمم العرس بكيفنا وليد ما له علاقة !
ابو جواد ناظر رونق وهي تناظرهم على اعصابها ..وبغضب تفل عليها : كذا تصغريني قدام وليد !،
ليه ما جيتي لي وانا ازوجك للزفت جراح بنفسي!
جواد قاطعه: يبه خلاص الي صار صار وحنا عيال اليوم!
انت بيدك تحل المسالة وتقرر زواج التوأم مع بعض و انتهينا
ناظره ابو جواد بقهر وبعدها ناظر زوجته إلي تناظره برجاء انه يفكهم من المشاكل!
رونق جالسه على أعصابها وهي تنتظر قرار جدها !
ابو جواد بعناد : لا
مريم انفجرت بالبكاء وغادرت الصالة بسرعة بعد هالقرار الي رح يدمر حياتها !
الجازي بضيق : يا عمي ترى والله ما يصير !
وش ذنب مريم تضيع بين انتقامكم لبعض ؟!!
ام جواد تحس ارتفع عندها الضغط : انا اذا ما اعطيت موعد لراكان وقسم بالله يحرم علي هالبيت خلااااص ما هو ناقصنا فضائح !
يا ابو جواد الاعداء من حولنا ينتظرون عنادك هذا حتى يتشمتوا فينا !
دامك اليوم والا باكر رح تزوجها ليه كل هالعناد؟!
ابو جواد وهو يوقف : كلامي ما رح ارجع عنه جراح ما له زواج متى ما تخرجت يصير خير !
و راكان زواجه رح يكون بعد اسبوعين واذا فيك خير اكسر كلمتي يا جواد !
اعطاهم نظرة قويه وغادر المكان !
جواد بقهر ناظر امه : عاجبك تصرف ابوي!
ام جواد عفست ملامحها ...وضاق خلقها وهي تناظر رونق ....ساكنة ما بدر منها اي تصرف ...وبقلة حيلة نطقت : يا وليدي وش يطلع بيدي اعمل ؟!
معند ما في زواج الا بعد التخرج !
وقفت : رح اكلمه لعل وعسى يغير رأيه !
وانت يا رونق ما عليك من جدك نصيبك رح تأخذينه غصب عن الكل !،
استآذنت وطلعت بهدوء!
جواد زفر بضجر ...بعدها ناظر رونق بوعد : صدقيني إلا تنزفي انت واختك بنفس اليوم وما عليك من ابوي!
مطت شفتها بسخريه: تتحكمون بحياتنا وكأننا لعبة بيدكم !
ترى انا ساكت للحين احترام لك بس !
والا كان لي تصرف ثاني !
جواد خزها : اقول يا ام التصرفات خليك ساكته احسن!
ومن باكر اطلعوا للسوق وجهزي مع اختك لانه زواجك بعد اسبوعين !
رونق بقهر منهم : ما رح اجهز ولا ابغى اتزوج !
لكن تحملوا نتائج تخلفكم وعنادكم ..لا تظن سكوتي خوف منكم ترى والله ما عرفتوني لأني ساكته بمزاجي ....لكن خلاص اكتفيت من تدخل ابوك بحياتي !
قاطعها بتحذير : رونق انتبهي لكلامك!،
طنشته وما ردت ودخلت الغرفة ...وضربت الباب بقوة!
واقف وفاتح فمه من تصرفها ...ناظر الجازي الي رفعت حاجب وعيونها تنطق بشماته« شوف آخر دلالك »
جواد تنهد بنات اخر زمن ذابحات حالهن على الزواج صدق إنه زمن قلة الحياء !
مستغرب من نفسه هادي وما كان له رد فعل على كلامها ...يمكن لانه بالفعل ابوه زودها !
لزوم يتصرف ويكون زواج التوأم بنفس اليوم !
**
**
**
••
مريم تهلهل وجهها بعد ما وصلها خبر موعد زواجها ....عقدت حواجبها رونق بانتقاد: انتبهي لا تنهبلي جالسه تتبسمين مثل الهبلة !،
مريم توسعت ابتسامتها.حركت حواجبها :من غيرتك تتكلمين !
ناظرتها رونق باستنكار: اغار!
تدرين انا مستغربة اول مره اشوف احد رايح للموت برجلينه ومبسوط !
مريم احتدت ملامحها : حاسبي على كلامك !
ترى راكان كل البنات يتمنوه وهو رفض الكل واختارني انا !
مطت شفتها بسخرية: والدليل اعطاكم مهلة اسبوع والا رح يتزوج !
وين الحب ؟!
لو كان يحبك كان وقف بوجه الكل وغصب عنهم اخذك حتى لو وصلت للخطف!
مريم بنفس السخرية: وليه ما خطفك جراح يا حظي !
رونق بملامح غامضة: يمكن يخطفني !
مريم بتحذير اقتربت منها : يا ويلك لو عملتيها يكفي الي وصل لابوي بسببك !-
ما هو ناقصه فضائح
وقفت رونق وهي ناوية تنفذ شيء في بالها : فضائح مين !
وبسرعة انقضت على شعرها وسحبته بقوة : اصلا انت ما لقيتي احد يربيك ....وقلبي من اول ما شفتك يغلي غلي ...لازمك تأديب ...والحين رح اراويك كيف الفضيحةعلى اصولها )
وبدأت تضربها بقوة وحياتها البائسة بين عيونها ...تتذكر معاملة مريم مع امها فيزيد غيضها من هالمخلوقة : والله لاعدم وجهك هذا المبسوطه فيه قبل الزواج !
مريم تحاول تدفها عنها بس رونق متمسكة بشعرها بقوة وتتعمد تضربها على وجها !
قدرت مريم توصل لشعر رونق وشدته بقوة وبصراخ ؛:-اتركي شعري اترك شعرك !
رونق برفض وهي تشد شعر مريم اكثر: ما رح اتركك للحين ما بردت حرتي فيك!
مريم بألم صرخت :اتركيني
تلقائيا صرخت رونق لما شدت مريم شعرها اقوى!
دخلت الجازي على صراخهم وباستنكار:-مريم ..رونق
اتركوا بعض انجنيتوا!،
رونق وهي شادة على أسنانها : انت لا تتدخلين!
الجازي تركتهم وطلعت مباشرة اتصلت بجواد حتى يرجع يتفاهم معهم !
رجعت لهم وهي تحاول تفك بينهم :اتركوا بعض قطعتوا شعركم !
مريم ودموعها تنزل: خليها تترك شعري بالاول!
سحبته رونق بقوة : ما رح اتركه حتى تعتذرين!
دخل وهو يناظرهم مشتبكات مع بعض وكل وحده شاده شعر الثانية بقوة !
تقدم منهم وبغضب نطق: اتركوا بعض!
رونق بعناد وتمرد: ما رح اتركها الا لما تعتذر!
وشدت شعر مريم !
صرخت مريم وهي تبكي:اتركيني!
وشدت شعر رونق بأقوى!
مسك يدينهم وبصراخ : خلاااااص !
مريم بخوف تركت شعر رونق ...
جواد بغضب من رونق : اتركي شعر اختك !
رونق بعناد : خليها
قاطعها وهو يشد على قبضتها بقوة حتى يجبرها تفلت شعر اختها !
اول ما احكم قبضة يده تركت شعر مريم وهي عافسه ملامحها من وجع قبضة ابوها !
وبقهر من تدخل ابوها ضربت مباشرة مريم بوكس بنص ظهرها!-
صرخت مريم من الوجع وناظرت ابوها وهي تبكي : شفت وش عملت فيني!
جواد ناظر رونق بغضب من هالتصرفات : ما شاء الله والله عيال الشوارع ما يعملون كذا !
وش هالتصرفات ؟!
ما تستحون على وجهكم!
الوحده فيكم طولي وتتضاربون!،
وش سبب هالمشكلة ؟ !
مريم بسرعة تكلمت: لاني رح اتزوج وهي لا !
جواد باستنكار: ضاربه اختك علشان كذا !،
الحين اجيب جراح
قاطعته رونق بحده: كذابه !-
ضربتها لانها تتكلم بعرضي!
والله الا اكسرها مرة ثانية ان تكلمت علي
جواد ناظر مريم بحده : صحيح الي تقوله؟!
من متى البنت المتربية تطعن بشرف أختها
مريم بدفاع: كذابة يبه !
تخطط مع جراح حتى يخطفها انا قلت لها لا تفضحينا!
جواد حس اصابه خلل بالسمع ...يقنع نفسه ما سمع مضبوط : يخطفها !
رونق
تكتفت وبثقه : ايه يخطفني ونصير مشهورين ويعملون معنا لقاء يقولون لاول مره زوج يخطف زوجته !
جواد بصرخة : رونق،!
نقزت على صرختها وتكلمت بجعرفه : يعني لو مخططين يخطفني من عقلك رح اعلم مريم بخططنا!
اما ا ابنتك هذه غبية ومغفلة وعبيطة وفوقهم وقحة
قاطعها وهو يفكر لو كان صحيح مستحيل تخبر مريم :والله ما استبعدها عنك !
علشان كذا قلت لك جهزي نفسك مع مريم زواجكم مع بعض .انا كلمت جراح واعطيته الخبر!،
رونق باندفاع وبابتسامه لذكر جراح وهي تمسح شعرها وترتبه : وش قال يبه !
سال عني!
قاطعها بغضب: انكتمي !
وش هالوقاحة اعرف البنت تستحي !
حضرتها لما ينطرى هالجراح تفتح حلقها مثل المغارة !،
اثقلي يا بنت ترى الثقل مطلوب!
مطت شفتها بقهر من كلامه ...وناظرته وهو يتكلم بحده : يلا سلمي على اختك ما ابغى هالحركات تنعاد!
يلا يا مريم!
مريم باعتراض شوف وجهي كيف حاسته وخرمشته!
وفوق هذا ضربتني على ظهري قدامك !
الجازي بتدخل: انا اقول
قاطعها جواد: ام عبدالله لا تتدخلين انا اعرف اتصرف!
مسك جواله وهو يتكلم؛ الحين اتصل بجراح واقوله ينكسل سالفة الزواج
قاطعته رونق بقوة: ما ابغى اتزوج ولو اموت ما سلمت عليها تعتذر بالاول عن قلة ادبها
رجع الجوال لجيبه بغضب توقع تلبي طلبه مباشرةبس هالبنت غريبة عجيبة ...لينطق بتهديد: وقسم بالله رح اعد للثلاث اذا ما كنتم مسلمين على بعض الا تنزفوا لبيت ازواجكم بالعباية وبدون حفلة ولا شيء !
1.......2....
بقهر مريم تقدمت ومدت يدها تسلم خافت أبوها ينفذ وعيده !،
رونق ناظرتهابتقييم : غبية طول عمرك غبية تخافين من اي تهديد !
جواد خزها بقوة وهو يمسك يد رونق وغصب عنها سلمت على مريم !
وبنصيحة: ايوه كذا انتم أخوات توام المفروض يكون فيه تواصل بمشاعركم!
ما ابغى هالتصرفات تنعاد!
مريم بهدوء: ان شاء الله!
كتم ضيقه وهو يشوف وجهها معفوس ..ينقهر من ضعفه قدام رونق ما يقدر يقسى عليها تراها مجنونة ما يستبعد تهرب مع جراح وتصير فضيحة ثانية !
**
*•**
**
**
ام راكان متمدده على الكنبة ومعصبة رأسها وتولول : يا حسرتي على شبابك يا جراح !
وينك يا ناصر تشوف ولدك كيف يضيع مستقبله ؟!
انخبل الولد وكأنه مسحور !،
يا ربي لطفك يا رب !
ام لؤي تناظر امها : يا يمة الحين يرتفع معك الضغط !
ام راكان : خليه يرتفع وينفجر واموت ولا أشوف هالقردة تنزف لولدي!
ام لؤي بنصيحة: يا يمه وانت ليه معقده الامور !،
اسمعي مني وما رح تندمين !
دخل عليهم زياد وناظر أمه بأسف لحالها : كيفك الحين؟!
ام راكان اسندت نفسها : اخوك يبغى يذبحني !
زياد بهدوء:-يا يمه انت ليه مكبره الموضوع هالكبر!-
حنا نصحناه وهو يتحمل نتائج عناده!
انت الحين المفروض تفرحي بعيالك بغض النظر عن العروس !
وش ذنب راكان ما يبغى يرجع على البيت لأجل النكد الي عملتيه ....مسكين ينتظر هاللحظة ليه تنكدي عليه
ام لؤي تكمل : وانا شفته اليوم متكدر خاطره
ام راكان بضيق : احاول والله لما اتذكر العلة الي رح تنزل علة على قلبي !-
يا رب فرجك !
**
**
**
**
ضحكت بنعومه وهي تقيس الفستان : والله حاسه حالي مثل الاميرات،
الجازي بابتسامة : عاجبني الفستان اقول اعطيني ألبسه!
رونق فتحت حلقها: يمه تراك مو صغيرة !
انت جدة !،
الجازي بضحكه : العمر يكبر بس روحنا ما تتغير !
وانت مريم وش اخترت؟!
مريم ناظرت رونق بقهر الي اصرت ما يقوم بالتجهيز الا الجازي !
ردت مريم بهدوء : ما ابغى نفس فستان رونق!،
رونق بفرحه ردت : مع نفسك !
الجازي تقدمت منها بابتسامة : تعالي نختار
مريم هزت رأسها بطاعة وهي تشوف نظرات رونق المتوعده اذا كسرت بخاطر امها !
رونق تلف حولها بالفستان : يجنن يا قلبي ..وين جراح ييجي يشوف هالقمر !
الجازي خزتها: اثقلي يا بنت !
رونق تتنهد : اه يا قلبي متى يوم العرس !
دخلت ام جواد عليهم : وش صار ؟!
رونق مالت نفسها بابتسامه: كيف حلوة ؟!!
ام جواد ابتسمت لها وهي مستغربة فرحة رونق اول مرة تشوفها كذا فرحانه : تجنني !
مثل القمر !
وش صار معك يا مريم ؟!
مريم بهدوء: بعدني ابحث !
الجازي انشغلت وهي تناظر الفساتين وما ناظرت جهة ام جواد !
ام جواد وهي تناظر الجازي معطيتها ظهرها ....سبحان الله كل شخص له حياته!
**
**
**
جالس بالصالة يناظر امه الي تردح : هان عليك ضيقتي !
تبعيني علشان بنت !
يا خسارة الحليب الي ارضعتك اياه!
رفع حاجب وهويشرب العصير : ترى عندي معلومات انا ما رضعت منك ..انا رضعت كله حليب صناعي !
ام راكان خزته : ونسيت فضلي عليك !،
لجين جلست معهم: والله يا جدتي لويحبك كان طلقها واشترى رضاك !
جراح ضحك بخفه : يا شينك لما تتفلسفين!
لو تدرين يمه اني جالس اعد الساعة وقت الزواج ...مشتاق للقلب يمه !
ام راكان هفت على نفسها انبط كبدها من سوالفه : اه اه ابغى هواء !
لجين مطت شفتها بقرف : ما ادري وش عاجبك فيها !
رد بروقان : يكفي انها دكتورة !
ام راكان بقهر: جراح وبعدين معك !،
تراك جالس ترفع ضغطي
تنهد وهو يهز رأسه بعتب : ايه ارفع ضغطك وانا اتكلم عن فرحتي ....ما احد حاس فيني ولا فرحان لي!،
والله اليتيم يلاقي احد يبارك له ويفرح له !
اما انا ما احد فرحني ولو بنظرة كل يوم نفس الروتين ...ونفس الكلام الي يسد البدن !
مشكورة يمه على الاهتمام الزائد فيني !
الله يبارك لراكان فرحته وانا جهنم خلفي لاني يتيم من بعد ما مات ابوي !
ناظرها بخذلان وفرحة منكسرة ..وبعدها غادر بهدوء!
ام راكان بذهول من تصرفه قلب الموقف لصالحه !،
ضاق صدرها بزيادة فعلا مهما كانت العروس المفروض تفرح مع ولدها وما تضيق خلقه ....لزوم تعمل كذا !
والزفته تعرف كيف تتعامل معها !
**
**
**
**
تحس كل الاحداث تمر بسرعة ...ما توقعت ابو جواد يوافق حتى استغربت موقفه بارك لها ووصاها تنتبه لبيتها ....تمنت خلال الفترة تتواصل مع جراح لكن خافت اي قرار منها يخرب كل شيء!
قلبها يدق بقوة خايفه وقلبها ما هو مرتاح ناظرت امها الي واقفه فوق راسها وتحاول تشيل ارتباكها : ما شاء الله قمر يمه قمر !
رونق تفرك يدينها بتوتر :خايفه !،
حنين بابتسامة تقدمت منها: مبارك يا ابنتي !
ردت لها الابتسامه: الله يبارك فيك !
الجازي بتوصيه : انتبهي تذلين نفسك لام راكان وتبحثين عن رضاها ...خذي نصيحه مجرب اياك تغيرين شيء فيك فوق طاقتك علشان فلان وعلان ...هذه شخصيتك وهذه حياتك عيشيها مثل ما تبغين انت مو عشان الغير !،
زفرت رونق بضيق : ان شاء الله يمه !
وين قدر ؟!
حنين بابتسامة : بالقاعة لو تشوفينها ترقص مثل الفراشة
رونق بتذكير : يمه قدر امانة عندك !
الجازي ابتسمت : قدر بعيوني!
رونق بتساؤل : شفتي مريم!
حنين عفست ملامحها : البومه هناك ما ابغى اسلم عليها!
ابتسمت رونق : يا جدتي ليه تغتابين
قاطعتها حنين : ما احبها ولا اطيق سيرتها !
اففففف يا لطيف وش غثيثه !
الجازي : حتى ام خرطوم هناك !
ننتظر شوي وبعدها اكيد يغادرون !
رونق تحاول تهدي دقات قلبها : متى ال
حنين الحين نروح نشوف الترتيبات ونعطيك خبر !،
تعالي يا جازي !،
بالغرفة الثانيه مريم بقمة توترها ...ناظرت جدتها وهي تتكلم بقرف : حنينووووووو عندها !،
متى ما انقلعت اروح اشوفها !
رح نزفكم مع بعض بس بالاول نحصنكم !
الجازي وقفت تعدل لمريم فستانها: بسم الله ما شاء الله!
شذى : انا رايحه للقاعة ما ابغى اشوف القزمه واشتبك معها !
ام جواد بتحذير : انتبهي يا شذى ما نبغى مشاكل وخلي الليلة تمر على خير !،
شذى بدون نفس : ان شاء الله !
بعد لحظات دخلت ام راكان وهي تزغرد والفرحه تتهلل من وجهها !،
سلمت على مريم وباركت لها !
وناظرت ام جواد بابتسامة : خلي راكان يتصور وبعدها الزفة !،
الجازي بهدوء،: عمي ابو جواد قال التصوير بعد الزفة
ام راكان عفست ملامحها : ترى ابو جواد مثل الشوكة بالحلق ما كان كذا !
ام جواد ما تبغى تصادم : خلاص مشيها يا ام راكان
ام راكان عفست ملامحها : لا حول ولا قوة الا بالله !،
دخلت حنين عند مريم ...باركت لها وسلمت على الموجودات وعلى ام جواد بدون نفس !،
كشت عليها ام جواد بمجرد ما اعطتها ظهرها !
الجازي اكتفت برد السلام واقتربت من مريم بابتسامة !
طلعت ام جواد من المكان مباشرة ما تبغى احتكاك معهم وتصير مشاكل !
توجهت لرونق ..باركت لها وجلست قريب منها : ما شاء الله ربي يحفظك !،
من الاول كنت ابغى. امر عليك هنا بس الي ما تتسمى كانت عندك !
اخذت نفس رونق ونطقت بتوجس: اخاف جدي يوقف. زواجنا !!
ام جواد بابتسامة دافئة: ما تخافين الصبح كنت. جالس معه ومبسوط لكم بس كان يبغى يعطيكم درس !-
تنهدت رونق ::-هذا مو درس تراه نشف ريقنا !
ام جواد بهدوء : ان شاء الله تمر الليلة بسلام وتصير ذكرى جميلة !
ردت من قلبها:-امين!!
**
**
*
*
عند الرجال كان الوضع مختلف ...الارتباك واضح لتأخر جراح !،
ابو جواد يحس وجهه اسود والناس تسأل عن المعرس!
وزياد كل شوي يدق والجوال مغلق!
جواد ناظر ابوه وهو متأكد جراح رح ينتقم منهم !
قبل ما يتكلم ...حس الروح ردت له وهو يشوف جراح مع خاله راكان ومبتسم !
تنهد وحمد ربه لانه ما هو ناقصهم ......
كل الي يتمناه تمر الليلة بسلام !
وقبل ما يكمل امنيته رن الجوال ..ابتعد شوي ورد بهدوء،:: الو
سرعان ما قطب جبينه بانفعال ...لما وصله الخبر الوضع عند الحريم متكرب ولازم العرسان يأخذون زوجاتهم قبل ما تتحول الحفلة لحلبة مصارعة !
حز بخاطرها تصرف ام راكان وبناتها ....ولا احد قرب لجهتها كله عند مريم ...ولا احد بارك لها او سلم عليها!
الجازي همست لها: ولاتهتمي لذي الاشكال !
انا معك اغنيك عن العالم كله !
ابتسمت لها رونق بحزن !
وقفت الجازي وتحركت خطوة وهي تناظر رونق وما انتبهت على شذى خلفها ...تدعثرت شذى بسبب الجازي وكأنها ضغطت على الزر !
شذى بغضب: يا جعلك للعمى !
رونق بانفعال ردت : عمة احترمي الفاظك وعن الغلط! شذى ردح : انا اكلم امك انت يالقروية وش دخلك !
ام جواد تناظر المعازيم وبهمس: خلاص بدون فضايح
حنين بصوت عالي : ما هو ذابحك غير الفضايح يا ام جواد !
ام جواد بهمس: لا تتدخلين !
الجازي بحده: بتدخل غصب عنك !
ام راكان اقتربت : رجاء لا تخربون العرس !
ام وسيم وشذى اطلعوا برا تشاجروا هنا
رونق انقهرت منها : امي ما تتحرك خطوة وحده
ام راكان بقوة: انت ما احد طلب
ام جواد قاطعتهاوهي تسحبها: خلي الليلة تعدي على خير !
سعاد بكره لرونق : حسابك بعدين !
اقتربت ميس وسحبت شذى معها وهمست : الناس تناظر !
رونق ناظرت امها ونطقت بهدوء: متضايقة !،
ابتسمت الجازي : ا بدا ما همتني !
انت ما عليك من حولك خليك طرف خارجي وانا اعرف اتصرف !
اعلنوا عدم دخول العرسان خافت ام راكان الناس تصكهم عين !
وكل عريس رح يأخذ عروسته !
**
**
**
عند السيارة قبل ما تركب رونق نطق جراح بهدوء: يا عمي !
ابو جواد ناظره وبلع ريقه ما يدري ليه توقع منه حركة نذاله : وش فيك يا جراح !
جراح بنبره غامضه : ترى ابنتكم طا
قبل ما يكمل التفتت عليه رونق برعب وكأنه الزمن توقف !
جواد بهتت ملامحه من هالفضيحه وبمجرد ما كمل كلامه انقض عليه جواد بغضب : صدق انك ما تستحي على وجهك !،
ابعده ابو جواد عنه : اتركه فضحتنا
انتهى البارت ....لنا لقاء اخر بإذن الله ...دمتم بخير
رواية بسمة مدفونة في خيالي الفصل الرابع والثلاثون 34 - بقلم ضاقت أنفاسي
طار عقلي فيها
طار عقلي فيها
ترددت هالجملة برأسها !
صداع قوي يضرب راسها...تحس نفسها بدوامه وكل شيء حولها يتحرك ...خيال واشكال مرعبه .تقترب منها ...تحس نفسها مقيدة .لسانها عاجز عن النطق ...تهز راسها يمين شمال ...بدون فائدة ...يقتربون اكثر واكثر ....صرخت بصرخات مكتومة ....وعند اخر صرخة مكتومة .. فتحت عيونها تناظر حولها ...وكل شيء حولها يدب الرعب بداخلها ...غمضت عيونها للحظات بانتكاس وهي تتذكر الاحداث ..ضاق صدرها وكأنه الفرح محرم عليها !
مسحت دمعة تسللت على خدها تشكو الحال الي وصلت له !،
وقفت بتعب تجولت بالغرفة حتى شباك ما فيها وهي تفكر ب
حل لذي المصيبة ..التفتت على دخوله الغرفة ..قفل الباب ووضع لها الفطور على طاولة صغيرة : كيفك اليوم !،
تأكدت من شالتها وناظرته بقهر : وقسم بالله الا تندم !،
وش تبغى مني !
انت دمرت حياتي !
رد بابتسامة ساخرة : يعني الاب وش يبغى من ابنته ؟!
شدت على قبضة يدها بقوة : وقسم
قاطعها بحزم : لا تجلسي تهددين
سكت لما دخلت وهي تناظرهم بهدوء: ليه صوتكم
قاطعتها بقهر و الدموع تلمع بعيونها : حرام عليكم
ردت ببرود قاتل : انت لزوم تتفهمين الوضع ....المحامي الكلب اكيد زور التحاليل ...انت ابنتنا تفهمي وش يعني ابنتنا !
قاطعتها بمراره عقلها ذي الحرمة ما يفهم : ابنتكم ماتت ودفنوها !
انا مو ابنتكم !-
خرجت الحرمه عن برودها لتنطق بنبرة محروقة: سنين وانا كل يوم انتظر خبر نلقاك وبعد هالسنين يطلعوا بالتحقيق انه ابنتنا الي ماتت وابنتهم الي عاشت!
كذابين زوروا التحاليل ...حنا فقارى ما لنا حيل لذي السوالف قالوا نسرق ابنتهم
قاطعتها رونق بغضب : اقولك انا مو ابنتكم انا لي أخت شق التوأم نفس الشكل
قاطعها بعدم اقتناع: اقول صوتك لا يعلى !
ناظرتهم بفقدان امل منهم عقلهم مثل الصخر ما يلين !
كيف ترجع لجراح وقدر !
والاهم جراح بخير او لا ؟
وأبوها ما تدري اصابه شيء او هو بخير !
اكيد الحين قالبين الدنيا عليها !
كيف تتواصل معهم!،
غطت وجهها بيدينها وانفجرت من البكاء ....ما تدري بأي ارض موجوده ...وكأنها بجزيرة انحجبت عن العالم كله !
حست بيد الحرمة على كتفها : يا ابنتي
ابتعدت عنها مثل الملسوعة وبصراخ ابعدي عني !
حسبي الله عليكم !،
انا متزوجة وعندي بنت وعندي دراسة انتم ما تفهمون !
ناظرها قبل ما يطلع : اتركيها بعدها للحين مصدومة مع الايام رح تتعود لوجودنا !
أسندت ظهرها للجدار وهي تناظرهم يخرجوا من الغرفة ...سرعان ما هوت للأرض بعجز عن الهروب من هذا المكان ....كيف تهرب من هنا ...وان هربت كيف ترجع لاهلها !
غمضت عيونها وهي تردد حسبي الله ونعم الوكيل !
**
**
**
**
زياد بقهر من اخوه : صدقت نفسك إنك الفارس إلي ينقذ الاميرة !
يا اخي جهنم خلفها !
عجبك فجعت امي عليك بيوم زواجك !
ويا ليت على شيء يستحق!،
يا ليتهم ما يرجعونها وانا بنفسي مستعد ارسل لهم هدية كبيره اعبر لهم عن امتناني لهم !
كتم وجعه وتكلم بخلق ضيق : زياد ما لي خلقك !
راكان تنهد وهو يناظر اخوه ربنا انجاه من الموت لاخر لحظة ...لو تأخروا شوي كان صار في عداد الموتى..تكلم بكره عميق لرونق: حتى تشوف بنفسك إنه وجهها نحس عليك !
تمتم جراح بالاستغفار ...ونطق بتعب : راكان اعتقني لوجه الله !
ورونق ما تجيب سيرتها خير شر !
مط شفته راكان بسخريه وهو يتكتف !
زياد زفر بضيق يحس للحين صدره فيه ضيق كلما يتذكر إنه للحظه كان رح يفقد جراح !
وفوق هذا اصابته اضرار ....
التفت لما دخل لؤي بهدوء : امي وخالتي سعاد برا
راكان بضجر : خلهم يدخلون الحين ما هو ناقصنا الا ثرثرة سعاد !
دخلت ام لؤي وهي تتحمد بالسلامة وتمسح دموعها الي غصب عنها ينزلون !
جلست سعاد جنب اختها بعدما سلمت !
ام لؤي مسحت دموعها ونطقت بقلب محروق : ربي يحفظك ويقومك بالسلامة !
سعاد : حسبي الله عليه !
كيف للحين ما عرفتوه ؟!
وليه اخذوا رونق ؟
راكان بنفاذ صبر لنفس الاسئلة الي تتكرر على مسامعهم : سعاد تسألين وانت تعرفين إنه ما في جواب لاسئلتك!
سعاد هزت راسها باحباط : صادق !،
بيت عمي ابو جواد مقلوب فوق تحت وخاصة بعد ما طلعت اشاعات انه لرونق علاقة بالخاطف
قطعت كلامها لما ناظرها جراح بقوة!
ام لؤي تلطف الجو : الناس ما تترك احد بحاله !
يمكن بين جواد و أحد عدواة وانتقم عن طريق ابنته
زياد بعبوس: بس اقنعيني ليه رونق بالذات ؟!،
ليه ما هي مريم ؟!
ليه ما اقترب منهم الا وهو عارف بالوضع وما احد عند السيارة غير عمي وجواد وجراح !،
حركاتنا مراقبه ومرصد اماكنا!
السالفة مخطط لها وبدقة كمان !
وما هي حادث عابر !
باكر يذوب الثلج ويبان الي تحته لكن وقتها ما رح ارحم !
سعاد رفعت حاجب: انت تشك بأحد !
ناظرها ما له خلقها وما رد عليها !
ام لؤي باستغراب: وين أمي؟!
راكان بهدوء غامض : بالمصلى !
ام لؤي تنهدت : الحمد لله على كل حال !
وجواد كيف رجله ؟!
راكان رد بهدوء: الحمد لله اصابته خفيفه ما هو مثل هالبطل المغوار !
لؤي بتدخل: تبغى يسرقون زوجته وهو جالس يناظرهم !
زياد وهو رافع حاجب : يا زينك وانت ساكت !
ام لؤي : اقول قفلوا هالسالفة لا تضيقون خلقه بزيادة !
ربي يجبب الخير !
**
**
**
**
ابو جواد ضغطه ما هو راضي ينزل ....حفيدته انخطفت من بين يديهم وهو عاجز يحميها !
وربي ستر كان خسر ولده وابن اخوه!
عقله يجول يبحث عن الخاطف !
وش هدفه من هالسالفه !
وليه رونق بالذات؟!
ناظر جواد ورجله ملفوفه ووجهه الهم والغم كساه !
ام جواد وجهها منتفح من الضيق والحال الي هم فيها !
بدر وعقله دوامه يفكر : يعني وش علاقة رونق فيهم حتى
قاطعه ابو جواد بقلب ميت :تذكر يا جواد يمكن لك عداوة مع احد !
تذكر !
جواد بحيرة وقهر :ما اذكر ما في الا فياض
بس فياض مستحيل يعملها !
ابو جواد : لو اشوفه بعيني ما يعملها !
لكن هذا واحد خسيس !
يمكن جراح له عداوة مع احد !
بس جراح مثل النسمة دواء ما اتوقع احد يكرهه
سعود بتفكير : البنت ما عاشت عندنا يمكن لها أعداء
ابو جواد بعجز : والله ما ادري !
حسبي الله عليه !
ذبحنا كلام الناس !
جواد بضجر وبنبره قويه: ما يهمني كلام الناس ...كل الي يهمني ابنتي تكون بخير !
بدر هز كتوفه باستغراب : البنت جلست هنا هاديه ومؤدبة ...والله ما سمعتها مرة ضحكت بصوت مرتفع او تعرضت لاحد عيالنا بالعكس البنت مؤدبة ومحترمة !
جواد وقف وصدره ضاق بزيادة: اشوف ليث يمكن لقوا شيء!
تركهم وغادر وهو يحس إنه يتنفس من خرم الإبرة !
ام جواد بقلة حيلة ما لهم إلا الدعاء : يا رب تحفظها وتردها سالمة !
طول السنين نلوم الجازي على خطف البنات هذه انخطفت قدام عيونكم وما احد منكم قدر يمنع القدر !
مكتوب ومقدر !
ابو جواد بهم اثقل الحمل عليه: ام جواد الي فيني مكفيني!
جواد رجع وهو يمشي على رجل وحده ... جلس بتعب !
ابو جواد يبغى الامل: وش قال ؟!
جواد بقلب ميت : ما في اي اثر للخاطف ...حتى الي اهم علاقة بقضية الخطف الاولى تم التحقيق معهم وما في اي دليل على تورطهم بالقضية!
خلاص ضاعت البنت وراحت !
راحت وهي الحزن يلمع بعيونها وما قدرت ابدل لمعة الحزن للمعة الفرح !
تفرح لحظات ويرجع الحزن يخيم عليها وكأنها كانت حاسة إنه نهاية المطاف بها كذا !
حتى يوم عرسها ما فرحت !
سلمت عليها قبل ما تغادر الصالة ...كانت حزينة وكأنه خاطرها مكسور !
سألتها اذا في شيء ضايقها ...ردت بغصة ما في شيء ...مجرد ارتباك !
ما كان ارتباك !
كان فيه فرق عن مريم المرتبكة والمبسوطة بنفس الوقت !
سعود رفع حاجب: يعني احد كان يهددها علشان كذا
قاطعه جواد وهو يعقد حواجبه للحظات وبعدها هز راسه بنفي: لا لا مو كذا !
ام جواد ما تكلمت وهي عارفة انها رونق انكسر خاطرها من تعامل اهل جراح معها !
ما حبت تتكلم وتزيد المشاكل!
ابو جواد زفر بضيق : لا حول ولا قوةالا بالله !
بدر بتفكير : ما عمرها لمحت لك انه في احد يلاحقها او يضايقها؟!
جواد مط شفته بسخريه : وكأنك ما تعرف رونق ...تراها من النوع الكتوم اغلب الاشياء تكتمها بداخلها وما تعبر عن الي بداخلها !،
ما تفضفض لأحد مننا !
ما ادري اذا كانت تخبر امها !
يمكن البنات مع الام يتكلمون اكثر ...ما ادري !
وقف ابو جواد : انا الحين رايح للجازي لعل وعسى نلقى شيء يدلنا
بدر بتأييد: فكرة ممتازة!
جواد مسح وجهه بيديه وهو يحس انهم يبحثون عن ابرة بكوم من القش !
**
**
*•
**
الجازي دموعها ما وقفت من لما وصلها الخبر ...ناظرت خالها بقهر : رجال بطول وعرض ما قدرتم تحموا رونق !
اما انا كنت ضعيفة ما لي حول ولاقوة فضحتوني لما انسرقوا!
انا
قاطعها ابو جواد بنرفزه: ما جيت اسمع ذي السوالف ...جاوبي على سؤالي يا جازي ...يمكن كلمات منك تساعدنا
قاطعته بعد ما ارتخت ملامحها ودخلت بموجة بكاء : والله يا خالي لو كنت اعرف شيء تظن اني اجلس واسكت للحين !
ما عمرها قالت شيء من هذا القبيل ...ما كانت تتكلم الا عن قدر وجراح وبعض صديقاتها بالجامعة وعلاقتها معهم ممتازة !
ابو جواد : طيب تعرفين اسماء صديقاتها
الجازي بضيق : اقرب وحده لها روعة معها بنفس التخصص !
وقف ابو جواد : اذا تذكرت اي شيء مباشرة خبرينا فيه !
حمل نفسه وغادر مباشرة حتى يقدر يوصل لروعة !
انصدم صدمة كبيرة لما خبرته روعة انه زياد كان يهددها اذا ما انفصلت عن جراح رح تندم ...واكتفت بهذه الافادة بطلوع الروح !
جواد ناظر ابوه بصدمة : وزياد وش له عندها حتى يهددها !
حنا ندور على البعيد وطلع القريب هو الي يهدد
قاطعه بدر بهدوء : الحين نجلس مع زياد ونفهم منه السالفه يمكن صديقتها كذابه!
جواد وقلبه يغلي غلي من زياد كيف يهدد ابنته وهو اخر من يعلم ؟!!،
زياد ولا توقع بيوم من الايام يعمل كذا !
يحس اللحظات الي تجمعه بزياد تمر على اقل من مهلها !
بعد وقت اجتمعوا مع زياد ...واول ما جلسوا بدا ابو جواد بالموضوع مباشرة بدون مقدمات !
رفع حاجب زياد ببرود وهو يسمع الكلام ...وبطريقة نرفزت جواد رد ينفي الكلام : ما هو صحيح !
وبعدين احس بطريقتكم وكأني الخاطف ؟!
ابو جواد بنفاذ صبر : زياد
قاطعه زياد بحده : يعني انتم من عقلكم تتكلمون !
يعني لذي الدرجه توصل حتى ارمي اخوي بين الحياة والموت وجواد كمان !،
والاهم وش ابغى برونق حتى اخطفها
جواد بغضب صرخ عليه: ادري انك ما خطفتها بس ابغى اعرف وش تبغى منها حتى تهددها ؟!!!
زياد ما عجبه صراخه عليه مسك اعصابه ورد بحده: لا ترفع صوتك علي !،
سمعتني البنت وانا اهدد فيها
جواد ما له صبر لفلسفته؛ زياد تكلم بدون لف ودوران !
تظنها رجوله تهدد ابنة عمك من لحمك ودمك
قاطعه بغضب : إيه رجوله اهددها حتى تبعد عن اخوي !
جواد ناظره بصدمه : يعني تعترف؟!
ابو جواد بتوجس: فيه شيء انت تعرفه وحنا ما نعرفه!
لا تخلينا مثل العميان يا زياد !
جواد بانفعال: كذب
زياد مط شفته بسخريه : فعلا كذب!
بس دقيقة تسمع الكذب !،
شغل اللاب ...وبعدها فتح احد الادراج ...بحث بالاوراق ...وبعدها حصل على الورقة المطلوبة ...مدها لابو جواد : مشكلتكم ما تعرفون حقيقتها !،
البنت لها سوابق ويا غافلين لكم الله !
ابو جواد بهتت ملامحه : لا حول ولا قوة الا بالله!
سحب الرسالة جواد وهو يشوفها وجهه يتحول للون الدم : مستحيل
زياد ببرود : دقيقة تصدق بنفسك !،
ترى ارسلتها لي وهي على ذمة جراح !
طبعا انا كنت مسجلة على الجوال واحتفظت بنسخه منه على جهازي ...طبعا ابنتك المحترمة جاءت لمكتبي وغافلتني وكسرت الجوال حتى تتخلص من دليل ادانتها !
غمض جواد عيونه وهو يستمع للتسجيل لاخر لحظة ...ونار مشتعلة بداخله ...معقول رونق لهذا الحد من الانحطاط؟!!
ومع ذلك تغاضى عن الي سمعه وبغضب نطق : محتفظ فيه حتى تفضح ابنة عمك !،
قاطعه زياد : لو بغيت افضحها كان فضحتها من سنوات ...لكن انا احتفظ بأي شيء للمستقبل ...يعني شوف اتهمتوني اني اهددها وبغيتم تدخلوني بمتاهة ما يعلم فيها الا ربي ...ولو انكرت ماتصدقوني!
انا احتفظ بدليل براءتي!
ابو جواد اسود وجهه : اسكت يا زياد !
اسألك بالله انك تحذفه للأبد !
وما احد يعلم فيه غيرنا الأربعة !
اذا تعز ابوك الله يرحمه انك تحذفه الحين !
تراها ابنة عمك ومنك وفيك ان طلع عليها شيء يمسها ويمسك ويمس اخواتك وبنات عمك كلنا عائلة وحدة !
اسألك بالله جراح ما يدري بالسالفة ولك وعد مني بأقرب وقت ينفصلون ويا دار ما دخلك شر !
بس لا تفضحنا يكفي الي حنا فيه !
رد زياد بمقاطعة: تكرم يا عمي الحين احذفه !،
وانا ما كنت ناوي اخبركم بس انتم جبرتوني بأسلوبكم معي،!
جواد بصمت وداخله بركان ...مزق الورقة الي بيدة بقوة الى فتات صغيرة ...رماها بسلة المهملات ...وغادر المكان الي يخنقه بقوة !
وش سالفة صورها !
اخ منك يا رونق !
وش هالفضائح ؟؟؟؟؟ !
كلما يقول زانت الامور يرجعون لنقطة البداية !،
كسرته رونق وحطمته كثير وكل مرة تخذله وتصفعه بقوة !
قهر قهر بداخله ....وعجز وخذلان لمتى يتحمل تصرفاتها !
زفر بضيق واسند ظهره على الجدار يحاول يتنفس بعمق ويستعيد قوته من جديد !
ما له عين يناظر عيال عمه !،
جراح المسكين الي كادللحظة يفقد حياته بسببها تعمل فيه كذا !
همس بتعب« يا رب لطفك »
**
**
**
*•
بمكان مهجور ناظره بقهر : قلت لك لا تخبرها عن سبب الخطف وحتى وجهك ما تشوفه !
بالاول نتأكد من الفحوصات وبعدها يصير خير !
والحين وش تعمل بعد ما اكتشفنا انها ما هي ابنتك ؟!
اكيد ان رجعت لأهلها رح تخبرهم عنا وندخل بمتاهة هذه جريمة خطف !
يا ربي لطفك من هالغباء!
رد بورطه : اختك جننتني تبغى تشوف ابنتها وعاشت الدور !
لا تجلس تلوم علي !
رد بقهر: لو الحين قدامي الا اكسر راسها ذبحها الحنان وعيالها بالبيت ما معها خبرهم !
استغفر الله بس !
وش الحل الحين ؟
رد بانسحاب : انا ما لي دخل انت الي خطفتها
قاطعه وهو يجذبه من قميصه بقوة:الحين تبغى ترمي السالفة علي !
وبفحيح: اسمعني زين تعرفني اقتل بدم بارد وما يرتجف لي جفن !
ما فيه الا هالحل !
ندفنها هنا وما احد يدري عنا !
وان تكلمت أو اعترضت ادفنك معها تعرفني
قاطعه برعب من الفكره: وش فيك ت ءءء
بلع ريقه بتفكير : اسمعني خلينا نفكر بحل اخر ..مب مستعد افقد واحد من عيالي وترجع خطيئة هالبنت علي اسمع خلاص نسجنها هنا
قاطعه بغضب : تبغى اجلس طول حياتي احرس ....ماعندي يمه ارحميني
هذه البنت ان عاشت رح توديني يورطه بسبب غبائك انت وزوجتك !
لا تنسى اني صاوبت اثنين وقت الخطف ...وتهمة الخطف يعني رح يضيع مستقبلي بسببكم !
لا حبيبي ما رح اضيع عمري !
الحين ننهي السالفة كلها وينتهي كل شيء !
وابعده عن طريقه متوجه للغرفة!
اول ما انفتح الباب رجعت خطوة للخلف تلقائيا ...وهي تجهل مصيرها المجهول بهذا المكان !
بلعت ريقها وهي تشوفه بيده مسدس !
التصق ظهرها الجدار ونبضاتها تسارعت وهي تشوف الشر بعيونه !
ناظرت الرجال الثاني والفزع واضح عليه : لحظة !
ناظره : وش فيك!
زفر بضيق : خلينا نتفاوض معها
قاطعه بسخرية: تبغاني اضع رقبتي بيد هالبنت !
صدق انك غبي !
التفت عليها وبنبره ارعبت رونق : عندك شيء تبغين تقولينه قبل ما تودعين الدنيا !
ناظرته وهي تحس جسدها تصنم من الرعب ...لحظات رح تغادر الدنيا !
تغادر وهي ما اطمئنت على جراح ؟!
قدر كيف تتركها وحيدة بذي الدنيا ؟!!!
امها وابوها
قطعت مشاعرها لما نطق بقوة: عندك شيء تكلمي !
بصعوبة جمعت الكلام ونطقت : اتركوني والله ما اعترف عليكم !،
قاطعها بضحكة ساخرة: صدق !،
انا والله الظروف اجبرتني على هذا الخيار ...انا نبهت عليهم يتنكرون لوقت نتأكد من الفحوصات واذا ما كنت ابنتهم نرجعك لا تعرفينا ولا نعرفك !
لكن هالغبي واختي خربوا المخطط وعرفتي الخاطف علشان كذا لازم نمسحك عن وجه الارض !
صرخت برعب لما اطلق الرصاصة بعشوائية ...ضحك على رد فعلها: لسا ما جاء دورك جالس اتأكد من المسدس !
نسيت اجلب مسدس كاتم الصوت
مسك يده برجاء : لا تتسرع !
نفض يده عنه بقوة : انت اساس البلاء بسببك انا تورطت !،
رد بتذكير : بس انا متأكد انها ابنتنا !
تشبه اختك
قاطعه بسخرية :تشبه اختي !،
ترى زوجتك من كثر البياض نوزع على الي حولنا !،
رد بهدوء:اقصد ملامح الوجه !
مط شفته وهو يناظرها متصلبه بمكانها ...رفع يده وتكلم ببرود : رح تجيك الطلقة براسك حتى تموتين بسرعة وما تشعرين بألم كثير !
غمضت عيونها اول ما شافته وضع يده على الزناد واطلق النار !
**
**
****
**
ام راكان بهم : هذا الي استفدته منها...لا اله الا الله !
من لما جاءت لنا والمشاكل ملاصقة لنا!
ام لؤي مدت لها بمسكن : ريحي راسك يمه !
ام راكان اخذت الدواء وبقهر : كيف اريح راسي والناس ما عندهم سالفة غيرنا !
يقولون هربت مع عشيقها !
استغفر الله!
وكأنه ينقصنا سوالف !!
بسببها تنكد زواج عيالي !
وقفت بملامح عابسه :قومي ترى قلبي ما يرتاح وانا بعيدة عن جراح ما ارتاح الا لما يتخرج من المستشفى ...احسه تعبان وزياد يكذب علي !
جراح تعبان اخاف افقده بأي لحظة !
ام لؤي بضيق : يا يمه تراه طيب وما فيه الا العافية بس انت
قاطعته وهي تدعي من قلبها : يا رب احفظه يا رب
ام لؤي تمشي معها وبضيق: مين له يد بالسالفة !
قاطعتها ام راكان: انا ما بهمني الا جراح يقوم وبالسلامة ويطلقها هالبومة وجهها النحس علينا
قاطعتها ام لؤي بفزع: استغفر الله يمه هذا ما يجوز كله أقدار من ربنا !
كلامك ما يجوز لا تكسبين اثام يكفينا ذنوب
قاطعتها ام راكان : استغفر الله
والله اتكلم من حرقتي!
جراح تعبان وضعه ما هو عاجبني!
ردت ام لؤي بعد ما خنقتها الغصه : ربي كريم ان شاء الله ربي يفرحنا فيه !،
ام راكان رددت من قلبها : امين امين !
**
**
**
**
رايحه جايه عيونها ما ذاقت الراحة ....رح تنجن كيف اختفت كذا !
وكأنه مكتوب عليها ما تقر عينها بالتوأم !
رفعت نظرها للسقف ودموعها تنزل وتدعي من قلبها : يا رب احفظها يا رب قر عيوني بشوفتها !
يا رب رونق انت اعلم بحال رونق ضعيفة وضاقت من الدنيا الويلات !
يا رب ما تركوها تفرح بيوم زواجها !
حسبي الله عليهم وعلى كل شخص له يد بسرقة قلبي !،
ناظرت خلفها قدر الي واقفه وتمسح دموعها بخفه.مسحت دموعها الجازي وهي تحاول تكون طبيعيه :-وش فيك يا قدر
قدر بغصه ودموعها تنزل بصمت : وين ماما!،
قلتي لي يومين وتاخذني والحين صار لي هنا
قاطعتها الجازي وهي تحضنها بقوة وانفجرت من البكاء : ماما رح تيجي تاخذك انا متأكده ...بس الحين هي مسافرة لبعيييييييد وما تقدر ترجع الحين
عند هذه الجملة زاد بكاء الجازي وشيء بداخلها يردد خلاص رونق راحت عند ربها ....عند رب العالمين ...وربنا يأخذ حقها من كل الي ظلموها بيوم ما يظلم ربنا مثقال حبة !،
قدر ناظرت الجازي : ليه تبكي دام انها مسافرة !
الجازي وهي تمسح دموعها وبصوت مبحوح من البكاء : اشتقت لها ولمريم بس !
قدر عبست ملامحها ودخلت بموجة بكاء : يمة انا ابغى ماما اخاف ما ترجع ..ما اقدر اعيش بدونها !
تنهدت الجازي ومسحت دموع قدر: لا تخافين !،
رونق بخير اذا عرفت انك تبكين رح تزعل !
رفعت راسها على فياض واقف يناظرها وعابس ملامحه : ارحمي هالطفلة من هالأفلام !
ردت بقهر : فياض
قاطعها بضجر من النكد الي عايشينه من وقت اختفاء رونق : بلا فياض لا بطيخ !
قلت لك وكلي امرك لله وربنا لطيف بعباده !
دموعك ما تقدم ولا تؤخر من الواقع
هزت رأسها : ادري بس لا تلومني قلبي محروق وما رح يرتاح الا لم اشوفها !
مسحت على شعر قدر :يا حلوة روحي عند اخوالك وان شاء الله امك باكر ترجع !
قدر بعدم تصديق: متأكدة ؟!!،
الجازي هزت رأسها : كانت رح ترجع اليوم بس الطيارة خربت اذا صلحوها باكر رح ترجع !
فياض جلس بعد ما غادرت قدر: يا ليت تخففين من هالحالة !
الجازي بقلب موجوع : ما في اي خبر ؟!
هز كتوفه : للحين لا
جلست بروح ميته : والله ما ابغى الا تكون بخير ....كل الي اتمناه تكون بخير !
فياض بهدوء رح يأخذها لمريم تغير جو لعل وعسى تخمد شوي من النار الي بقلبها .....قبل ما يعلنون خبر وفاة رونق ..حدسه يؤكد له انها بعداد الأموات : جهزي نفسك الليلة رح نمر على مريم ونسهر عندهم !
**
**
**
**
**
جواد من بعد سالفة زياد ما يكلم احد وملتزم الصمت !
ناظر جراح للحين بالمستشفى ...يحس بالخجل اتجاه جراح!
نايف بهدوء: طيب ما قدرت تلمح
قاطعه جراح بتعب : قلت لكم الف مرة لا !
مط شفته نايف: يعني اقصد ما حسيت هيئته معروف لك !
جواد بمقاطعة : ترى الوقت ما اعطانا فرصة نتعرف عليه ونعزمه على العشاء!
كم مرة قلت لك لو شبهنا على أحد ماجلسنا للحين ساكتين !
بدر بهدوء: باكر يذوب الثلج ويبان إلي تحته !
زياد رفع حاجب: ومتى يذوب يعني ؟!
لما انخطفت وهي طفلة ما ذاب الثلج الا بعد 18 سنة وش رح يكون وضع جراح ؟!
كتم ضيقه جواد وقبل ما يتكلم نطق جراح: مشكلتنا نستبق الأحداث !
نايف : نتكلم وكأننا نعلم وش يصير بعد دقائق ...سبحان الي يغير الاحوال !
جواد كتم ضيقه ...وهو يعرف انه زياد يبغى يستبق الأحداث وينهي زواج جراح ورونق ....شد على شفته من الداخل بقوة من القهر ....ماقصر معها ليه تعمل كذا ؟!
لكن ما يستبق الاحداث لزوم يسألها يمكن فيه حلقة ناقصة بالسالفة !
نايف التزم الصمت وهو يشوفهم ما احد رايق ..والهم والكدر يعتري ملامحهم ...تنهد بضيق وهو يشوف جواد كيف اختفاء رونق هده وكبره 10سنوات ولا كأنه جواد !
رفع نظره لدخول راكان وهو عابس بملامحه ونطق بدون نفس: بدر انت راجع
قاطعه بدر بهدوء: ايه راجع الحين ارجعهم بطريقي !
جواد ناظر راكان وما علق !
راكان رن جواله ناظره كانت مريم ...حس بحقد لرونق بسببها خربت كل شيء،!
زفر بضيق وغادر يتكلم بالجوال ...وجواد عيونه تراقبه بهدوء !
**
اخذت نفس عميق وهي تحاول تجمع أفكارها لازم تهرب من هنا بس كيف !،
ربي انجاها ذيك المرة وتدخل الرجال الثاني وبحمد لله نجت ما تدري وش تمتم له وغادروا الغرفة بعد ما قفلوها !
وقفت امام باب الخشب .تنهدت بعجز لو تقدر تكسره وتهرب من هالمكان !،
ارخت رأسها على الباب بتعب ....ما عادت تتحمل وجودها بهذا المكان ...اغمضت عيونها وهي تردد من قلبها « ومن يتق الله يجعل له مخرجا ويرزقه من حيث لا يحتسب ومن يتوكل على فهو حسبه إن الله بالغ امره قد جعل لكل شيء قدرا »
« عسى ربي أن يهديني سواء السبيل »
كررتها اكثر من مرة وهي موقنة انه ربنا يخلصها من هالناس !
رددت « اللهم اكفنيهم بما شئت »
اخذت نفس عميق وناظرت الباب بتأمل ...مر امام عيونها الي يفتحون الباب عن طريق
قطعت افكارها بدون تردد ...فكت الشال وهي تسحب من شعرها بنس
ما عمرها جربت هالطريقةوما تعرف اذا رح تضبط معها او لا ؟،
سمت بالله وبدأت محاولاتها بالفشل ما تعرف كيف يعملونها !
زفرت بضجر وهي تناظر الباب بعجز !-
المكان هادئ والظاهر ما في احد منهم هنا !
رح ترجع تحاول وتستغل الفرصة قبل رجوعهم !
حاولت بكل جهدها لكنه مو راضي يفتح معها ...همست من قلبها عسى ربي ان يهديني سواء السبيل
حست بالصدمة لما فتح معها ...مشاعرها اختلطت بالفرح والحزن بنفس الوقت!-
ما تعرف تضحك والا تبكي !،
نهرت نفسها ما في وقت للتفكير!،
لفت الشال بعشوائية ... وفتحت الباب بشويش ...عفست ملامحها برعب لما أصدر الباب صرير ...امسكت يد الباب حتى يتوقف الصوت ..واكتفت بالمسافة الصغير المفتوحة ...طلعت على رؤوس اصابعها ..وعيونها تتفقد المكان برعب وقلبها يدق بقوة ...
بيت مكون من طابق واحد ....حست بالإحباط لما شافت الباب الرئيسي اكيد مغلق !
تقدمت وهي تتمنى يكون مفتوح !
حست بانتكاسه الباب مغلق!،بدأت الدموع تشق طريقها على خدها ...التفتت حولها لعل وعسى !،
تقدمت من المطبخ ...شباك صغير مغلق بشبك حماية ..تجولت بالمكان كل النوافذ مغلقه!
رجعت للمطبخ تبحث عن سكينة رح تضربهم وتهرب من المكان !
بحثت بالادرج ...اختارت سكينة ...اخذت نفس عميق وهي تحس بالرعب ..ان فشلت رح يكون اخر يوم لها ...بلعت غصتها ما تبغى تفارق قدر تخاف عليها تنظلم ...وجراح مااطمئنت هو بخير ؟
ابوها الي تحس بالشوق له ......ما تنكر انها حبته وتعلقت فيه وامها نفس الشيء متعلقة فيها !
ما تبغى تفارقهم
قوت نفسها واخذت نفس عميق ....وقفت جنب الباب بحيث إلي يدخل ما يشوفها ....أسندت رأسها على الجدار ....تنهدت بتعب !
مر الوقت تعبت من الوقوف ...تخاف ان جلست تنام ....قررت تجلس وتوقف تريح رجولها ....قبل ما توصل الارض سرعان ما اعتدلت بوقفتها وكتمت انفاسها لما شعرت بصوت قريب !
تحس العالم كله يسمع دقات قلبها ....تجمدت مكانها وهي تسمع صوت المفتاح بالباب !
لحظات انفتح الباب ..تجمدت خلف الباب وكأنها صنم !
دخل وهو يتكلم :خلاص أنا مليت اليوم ننهي السالفة باكر الناس تشك بوجودنا بهذا المكان ...وصديقي اكيد يبغى البيت انا قلت ابغاه اسبوع والحين تعدينا
قاطعه وهو يدخل خلفه: انا اقول نتريث !
رد : اقول قفل الباب خلفك وتعال
تكلم وهو واقف مكانه : ليه انت عنيد كذا!
سرعان ما ناظره بصدمه وهو يصرخ : الباب مفتوح !-
تقدم منه ودخل خلفه مباشره للغرفة ..استغلت الفرصة وخرجت مباشرة من المكان ...ناظرت باب الحوش توجهت له فتحت وخرجت للشارع ..مكان ما تعرفه!
ما في بيوت الا مهجورة
الوقت يداهمها !
وين تروح ..وخلال لحظات لقت نفسها بالحاوية !
رفعت نفسها تتأكد ما شافوها لما دخلت الحاوية !
ما في احد برا !
نزلت راسها لما لمحت واحد منهم طلع برا !،
ما تركت اية ودعاء الا ورددته !
ما تعرف كيف ترجع وهذا المكان شبه خالي الا من بعض بيوت مهجورة !
سمعت صوت السيارة اشتغلت ....بلعت ريقها بخوف وكل خليه بجسدها ترتجف !
اخذت نفس عميق لما حست السيارة مشت ...رفعت رأسها بشويش تتأكد انه غادروا ....حست الدم نشف بعروقها لما وقفواعند البيوت المهجورة ودخلوها الظاهر يبحثون عنها ....حمدت ربها انها ما اختبأت هناك !
كان صارت في خبر كان !
متى يغادرا وتقدر تهرب من هنا...بالرغم انه الحاوية ما فيها زبالة كثير ...الا انه رائحتها طالعه!
غمضت عيونها من التعب زادت عليها الريحة ....
فتحت عيونها برعب وهي تحس بفوهة شيء صلب على رأسها وبصوت خشن قوي: ولا حركة !
قلبها ما تحمل الرعب الي دب بقلبها ....ولسانها انربط وما قدرت تنطق بحرف واحد وهو يطلب منها : اطلعي من مكانك واي محاولة للهروب ما رح اتردد بالاطلاق !
جسمها تخدر ما هي قادرة تحرك شيء من جسمها !
مع صوت اطلاق النار بالمكان...خلاص عقلها ما عاد يحتمل الرعب !
ما حست نفسها الا عملتها على نفسها !
تكلم بنفاذ صبر : الحين اطلعك بطريقتي!
ضرب برجله الحاوية لتنقلب على جانبها ..وسرعان ما سحبها من يدها بقوة وكتفها بقوة :ولا حركة!
وقفت مجبرة وهي تحس رجولها ما هي شايليتها ...ناظرت حولها وهي تشوف سيارة شرطة عند المباني المهجورة...التفتت للخلف بصعوبه وهي تشوف سيارة ثانية قريبة منها !،
تبغى تحرك لسانها تتكلم وتشكره على انقاذه وبنفس الوقت محرجة من ملابسها المبللة !
تكلم بنبره قوية : امشي معي لمركز الشرطة !
تبغى تكلمه وتفهمه السالفه لسانها خانها ما هي قادره تنطق بحرف واحد !-
•
*
**
**
**
جواد يبغى بلمح البصر يوصل للمكان !
كتم ضيقه وهو يوقف امام مركز الشرطة !،
ناظر راكان الي اشر له بعيونه يمشي !
بدر بعد ما تقدمهم راكان ...امسك يد جواد وبهمس:سوالف زياد ما هو وقتها الحين !
هز رأسه جواد:ادري !
بدر بمواساة: ان شاء الله تكون بخير وما أصابها مكروه!
غمض عيونه جواد يكتم قهره : ربك كريم!
تنتظر ابوها بفارغ الصبر ...ما توقعت تنجو من الموت !-
عفست ملامحها لما دخل راكان ...في كل شيء يحشر انفه !
تقدمت بدون تردد اول ما لمحت طيف ابوها ....وقفت وناظرته وملامحهما تتفسر نطق بهدوء : انت بخير !
رجعت خطوة للخلف وبهدوء نطقت : ايه!،
ردد بهمس: الحمد لله الحمد لله !
ما غاب عنها برود ابوها والجفاء الي يحيط به !
ما تعرف وش سببه !
والاهم جراح ليه ما هو معهم ؟!،
تبغى تسأل عنه بس متردده!!
كملوا الإجراءات والخاطف مجهول ...بعد استدعاء صاحب البيت وما كان هو الخاطف والبيت من زمان هجره وما يذكر اخر مرة دخله !
في طريق الرجعة راكان : انا ما افهم كيف ما تعرفين توصفين الخاطف،
وش يبغى منك ؟!
يعني اخذك بدون ما يقول كلمة وحده؟!
وفوق هذا هربوا من الشرطة !
ترى كل هالسالفة ما دخلت رأسي !،
انفجرت رونق منه ومن تدخله وبغضب نطقت : عمره ما دخل رأسك
قاطعها جواد وهو يلتفت للخلف بصراخ: رونق!
لا ترفعين صوتك !
هذا جزاء راكان يبغى يأخذ
قاطعته بقهر : ماله علاقة يتدخل !
وليه ما هو جراح الي جاء ؟
بدر بهدوء وضع يده على كتفها : رونق
جواد النار بداخله تشتعل وما طفت : قفلي السالفة
راكان بحدة : الحمد لله تذكرتي تسألين عن جراح !،
جواد بضيق : خلاص يا راكان
راكان بانتقاد : طول عمرها ما تتغير اهم شيء نفسها !،
حتى ما انتبهت انك تعرج على رجلك ولا سألت لأنه ما يهمها احد
بدر بحزم : راكان انتهينا !
عفس ملامحه بقهر والتزم الصمت !
رونق ما انتبهت على رجل أبوها ...ما فهمت قصد راكان وبتوجس نطقت : يبه صاير لك شيءوانا ما ادري!
جواد رد وعيونه للامام : ما فيني شيء!
راكان رجع يتكلم : وليه تنكر يا عمي ؟
خليها تعرف الخاطف الي ما اعطتنا اي معلومة عنه صاوب ابوك برجله وجراح للحين بالمستشفى الله اعلم ينجو منها او لا !
اخرستها الصدمة ما توقعت كل هذا صار ....كل الي تذكره لما كتم أنفاسها وسحبها للسيارة وما اعطاها فرصة تناظر للخلف بس ما سمعت صوت اطلاق نار!
ناظرت عمها تشوف تعليقه على الموضوع وقلبها يدق بقوة ما تبغى يؤكد لها السالفة !
بدر زفر بضيق وناظر للأمام وهو ينطق : الكل بخير وما في شيء ..بس راكان متضايق لانك ما افدتينا بمعلومات الخاطف !
تكلمت وهي تمسك كتفه : عمي جراح بخير
بدر هز رأسه : والله بخير ...الحين لما نوصل اول شيء تستحمين وتبدلين وبعدها تزورين جراح ويطمئن قلبك !
ابعدت عنه باحراج لما تكلم كذا !،
تحس مشاعرها ملخبطة كانت تنتظر اللحظة الي ترجع لهم وتشعر بالأمان معهم ...لكن الحين ضيق خيم على قلبها ....تبغى تبكي من الضيقه ....
سكوت جواد تحس خلفه شيء ..معقول جراح طلقها ؟!
كمتت ضيقها من هالفكرة !
ما تدري وش ينتظرها لكن قلبها ما هو مرتاح ابدا !،
بدر بتساؤل: توصل رونق لشقتها ؟!
رونق برفض نطقت : الشقة ما ادخلها الا مع جراح !،
دق قلبها بقوة من نظره ابوها الحارقة ....ما قالت شيء ليه كل هالنظرات الحارقة؟!!!
نطق جوادبهدوء: نزلها معنا !،
راكان بهدوء: ان شاء الله !
**
**
••
**
جالسة بالغرفة تصلي وتقضي بعض الصلوات فاتتها .....استغفرت بعد ما انهت الصلاة وعقلها عند قدر وجراح ...مع انها مطمئنة لوجودها عند امها لأنها تعرف امها واخوانها يعاملونها زين !
اما جراح تحس فيه حلقة ناقصة بالسالفة !،
تحس كل الأحداث الماضية حلم سريع مر أمام عيونها ...دفنت وجهها بكفيها ....ايام رعب عاشتها ...ما تكلمت بأي شيء عن حادثة الخطف مجرد قالت ما تعرفه اول مرة تشوفه وما تعرف وش يبغى منها !
نزلت يديها بعد ما انطرق الباب ودخل أبوها ومعه جدها !،
وقفت بهدوء ...ومستغربة ملامحهم ما تبشر بخير !،
تحس قلبها سقط للأرض وهي متأكدة يبغون يخبرونها انه جراح تركها بعد سالفة الخطف !،
زادت ملامحها بؤس ...ما لها قلب تسمع ...خلاص ما عاد لها قلب تتحمل اكثر !،
جواد اقترب منها وبحرقة تكلم : ابغى جواب واحد كلام زياد مضبوط ؟!!
جحظت عيونها بصدمة ولجمتها الصدمة ...ما توقعت زياد يستغل غيابها ويخرب سمعتها !
وزعت نظرها بينهم وعيونهم تقدح شرار !
بلعت ريقها ...هيأت نفسها تجاوب بثقة حتى تبعد الشكوك عنها ...دام ما معه دليل تقدر تقلب الطاولة عليه
لكن سرعان حست بالصمم بإذنها لما نطق جواد : تراه سمعنا صوتك وكلامك واعترافك مين الي يهددك بصورك ؟
رجعت خطوة للخلف بصدمة متاكدة كسرت الجوال ....يمكن محتفظ بنسخة بمكان ثاني !
انتابها شعور الخذلان والقهر من زياد يبغى يدمر حياتها وهي بريئة !
ناظرت ابوها بعجز وش تدافع عن نفسها ...نطقت بأمل اخير : ترى السالفة ما هي مثل ما وصلها المنافق زياد انا
قاطعها بحده: الي بالتسجيل صوتك والا ما هو صوتك؟!
يعني تواصل مع جنيك وسجل صوتك والا
ردت بهدوء: صوتي ل
قاطعها ابو جواد وهو يتفل عليها : صدق بنات الشوارع ما يعملون عملتك ...خاطبة الرجال وتتواصلين مع اخوه
جواد ناظرها بأسف على تصرفاتها خلاص اكتفى منها !
ما عاد يتحمل منها اي شيء !
ناظرته والدموع تلمع بعيونها وبنبرة قويه : ما اسمح لك يا جدي تتهمني بشرفي،!
انا اشرف من الشرف !،
تراه كذاب السالفة ما هي كذا !
جواد بحده: أعطيته الرسالة والا لا وبدون كذب!
ردت وهي تتجرع مرارة الغدر : انا وقعت بفخ في بنت طلبت مني اوصل هالورقة له بس ما ادري وش فيها
انا
ابو جواد قبل ما يطلع وهو يناظرها باحتقار: كذبة جديدة ....بصراحة الماضي تبعك ما يشفع لك !
بأقرب لحظة تنفصلين عن جراح انا وعدت الرجال،...ويا دار ما دخلك شر !
جراح انسان طيب وعلى نياته ...انسان نقي وان استمريتي معه رح تلوثيه بحقارتك!
ليتك قضيتي عمرك بالقرية ولا عرفناك !
رجع تفل عليها وغادر المكان !
جواد ناظرها قبل ما يطلع وما علق بحرف واحد ما عاد فيه طاقة يسمع منها اي حرف ...حتى لو ما كانت صاحبة الرسالة طاقة الميانة مع زياد حتى تدخل مكتبة ترسل مراسيل حب !،
يفكر يروح عمرة يبعد عن المكان ويريح قلبه هناك !
ردد بهمس «يا ربي عفوك ورضاك »
**
**
**
ام راكان بضيق :،سمعت انها رجعت !
انا ابغى ترجع لاهلها وما يصيبها اذى بس بنفس الوقت ما ترجع لجراح !
انا رح اسكت على رجوعها لفترة حتى الناس تغلق فمها وبعدها مع السلامة !
مريم ناظرتها : يا خالتي
ام راكان : اختك تصرفاتها مستفزة وانا مو مستعدة اتحملها !
ام لؤي : ما هو شرط في كثير بنات قبل الزواج يكونون قويات لكن بعد الزواج يكونوا
قاطعتها ام راكان : هذا حنا جالسين باكر يذوب الثلج ويبان كل شخص على حقيقته !
*•
**
**
من اول ما دخلت وقدر ملتصقة فيها : ليه تركتيني؟!
رونق بهدوء يغلفه الحزن : ما رح اتركك!
الجازي ابتسمت: ما هو عاجبك تعيشين عندي؟!
قدر ابتسمت ببراءة: انا وماما نعيش معك !
الجازي بملامح فرحة لرؤية رونق :ما نبغى رونق ...ابغاك لوحدك معي !
رونق تروح عندها دراسة ولما تكملها رح ترجع عنا وانت تجلسين معي وتلعبين مع
رونق تنهدت وهي تقاطعها : وانا راجع من المستشفى رح امر آخذها !
الجازي رجعت تتأكد: متأكدة ما صار لك شيء،!
يعني انت فقدت الوعي ما تعرفي هالكلاب
قاطعتها رونق بسرعة : اقولك ما صار شيء .
بلعت ريقها برعب معقول وهي فاقدة الوعي
هزت رأسها ترفض الفكرة ....وقلبها يتراقص من الرعب !
الجازي : طيب ما قالوا لك وش يبغون !
معقول أحد يخطف شخص وما يقول له سبب الخطف ولا يطلب فدية ؟!
رونق رفعت حاجب وهذا السؤال تكرر عليها كثير اليوم ...معقول يقصدون إنها متفقه
رونق بقهر : وش قصدك !
الجازي لاحظت تغير ملامح رونق: ما هو قصدي شيء !
بس يمكن انت مخفية يمكن هددوك إذا تكلمت !
رونق زقرت بضيق : ما احد هددني ....خلاص يمة لا تفتحين السيرة ترى قلبي ضايق !
وقفت رونق لما رن الجوال بيدها ..ردت بهدوء وبعدها قفلت الخط: يقول يلا !
الجازي باعتراض : دوبك واصله وين تروحين
رونق برجاء : تطمئنت عليك وعلى قدر بقى جراح ما ادري وش وضعه !
الجازي بأسف : تمنيت تنتظرين رجوع فياض اكيد رح يفرح بوجودك
مطت شفتها رونق وبداخلها «ايه كثري منها »
قبلت أمها وحضنتها بقوة ...وبعدها قدر حضنتها وهي تردد ما رح أتأخر :!!،
*•
**
*•
تمشي بممرات المستشفى بجانب نايف ...ما تدري كلما تناظر عيونه تحسه يخفي شيء عنها !
سألته :انت تخفي عني شيء!
رد بارتباك : لا ابدا!
رونق ما ارتاحت لارتباكه : اذا فيه شيء تكلم ،
نايف بمراوغه: ما فيني شيء ....
انتهى البارت ...لنا لقاء اخر بإذن الله ...دمتم بخير
رواية بسمة مدفونة في خيالي الفصل الخامس والثلاثون 35 - بقلم ضاقت أنفاسي
بارت 29
تمشي بممرات المستشفى بجانب نايف ...ما تدري كلما تناظر عيونه تحسه يخفي شيء عنها !
سألته :انت تخفي عني شيء!
رد بارتباك : لا ابدا!
رونق ما ارتاحت لارتباكه : اذا فيه شيء تكلم ،
نايف بمراوغه: ما فيني شيء ..انت وش فيك ؟!
وقفت رونق وناظرته بضياع: انا ضايعة بوسط هالعالم....مع الايام يزيد حقدي عليك لانك انت سبب كل شيء !
ليتني للحين بالقرية وما عرفت لا أب ولا اخ ولا عم ولا ام !
أنا حياتي تمشي للهاوية وأنا واقفة اناظر بغباء وسذاجة ..مشكلتي ظنيت الناس عندها ضمير ... لكن زمن الطيبين راح وما عاد يرجع !
نايف بأسف : انا
قاطعته بلامبالاة : أسفك انقعه واشرب. مويته وش ابغى فيه !
تدري اكتشفت انكم ما عندكم اسلوب للتعامل كلكم نفس الطبع حتى ما تعطون الشخص يدافع عن نفسه !
على طول تحكمون
قاطعها وهو يمسك يدها: تتكلمين وكأنك ما انت منا !
اقول امشي تأخرنا على عريس الغفلة!،
ابعدت يده عنها تلقائيا .....وقفت وهي تسأل بتوجس: أسألك بالله جراح فيه شيء؟!
ناظرها وهو رافع حاجب لما دفت يده ...وكأنه شيء مقزز ...مط شفته ورد بهدوء مطنش حركتها : خلاص اكلمك بعد ما نطلع من عنده!
الحين تعالي خلصيني عندي مشوار وانت تعرفين جواد بطلوع الروح وافق تطلعين
قاطعته وهي تتحرك : ما رح اسمح لاحد يتدخل بحياتي!
نايف بلوم:،بس تراك غلطتي على ابوك ...كلامك ما يصير بالأول والاخير يبقى ابوك وله احترامه
قاطعته بقهر:وأنا لي احترامي
رد بهدوء: انا ما ادري وش السالفة الي بينكم بس
قاطعته بقهر: قهرني ليه ما يسمع مني،..فعلا صدق كلام امي انهم ما يعطون الطرف الاخر الدفاع عن نفسه !
يحتاجون كورسات مكثفة حتى ينصفوا الشخص ويسمعوه لاخر السالفة !
نايف مط شفته : اقول اسكتي وحده مثقفة تقول لابوها هالكلام ؟!
وفوق هذا خربتيها باخر الكلام تقولين تعالجوا من امراضكم النفسية !!
زفرت بضيق ونطقت بحزن عميق : كلامه ثقيل يحمد ربه بغيت اضربه بال
قاطعها : ترى ما بقى معك عقل ليه ماتقاويتي على الخاطف وضربتيه!
هذا ابوك يا مخلوقة تعرفين وش يعني ابوك ؟!،
ناظرته وهو يتقدمها ...مطت شفتها بضيق ...يبغون تقول لهم مين الخاطف ؟!،
ذول ناس مجرمين ما عندهم ضمير...اول ما سحبها يوم العرس خلال ثواني اطلق النار على ابوها وجراح حتى يعيق حركتهم بمسدس كاتم للصوت بدون رحمه...واغلب الناس بداخل الصالة يتناولون العشاء بما انه اعتذروا عن دخول العرسان ...وكأنه جالس يترقب تحركاتهم وبالوقت المناسب هجم عليهم ...ما تضمن ان خبرت عنه يطلع من السجن بعد فترة ويؤذيهم او يرسل احد !
خلاص ملت من المشاكل ...تبغى القليل من الراحة !
لولا وجود قدر كان طلبت بنفسها من الخاطف يقتلها ومسامحيته ...خلاص قرفت الدنيا ...وعافتها ...صحيح تحب الجازي وتحب ابوها وتحب جراح ...لكن مرار الدنيا فوق طاقتها وما عاد تقدر تتجرع اكثر !
تنهدت لما وقف نايف امام الباب واشر لها تعجل ...كملت خطواتها ودقات قلبها بدأت تزيد ..كيف رح يكون لقاءهم !
بلعت ريقها لما وقفت امام الباب ....دخل نايف وهو يتكلم : انتظري اشوف فيه أحد او لا !
واقفة تناظر الأرض وتفرك اصابعها بتوتر ...رجع نايف وتكلم بصوت منخفض : صديقه عنده انتظ
قاطعته وهي تحس انه رفض مقابلتها : ما له داعي للكذب قول إنه ما يبغى يشوفني وانتهى
قاطعها وهو يقفل الباب خلفه وبهمس امسك يدها قبل ما تغادر،: يا زفتة امزح معك
ادخلي يا عروس!
دفت يده بعبوس.....ما لها خلقه ....زادت دقات قلبها لما دخلت ...التوتر يسيطر عليها وكأنها أول مرة تشوفه او تلتقي فيه !
اخذت نفس تهدي نفسها ...حاولت تتماسك نطقت وهي عيونها بالارض منحرجه : الحمد لله على سلامتك
نايف ضحك على توترها : وهذه عروستك عندك !،
تبغون شيء مني !
معك نص ساعة وراجع يا حلوة !
ابتسم وخرج بهدوء!
جراح بعد خروج نايف اشر لها تجلس: ليه واقفه اجلسي!،
هزت رأسها وقبل ما تجلس نطق :،لا تكشفين بلاه احد يدخل فجأة ....كيفك رونق ؟!
ناظرته بعد ما جلست وهي تحس بنبرته بارده ما فيها دفئ وين ايام الجامعة لما يكلمها وكأنه اسعد انسان !
لكن الحين يتكلم بنبره مثل الصقيع ...اقنعت نفسها يمكن تعبان ...ردت بنبره هادية : الحمد لله بخير !
كيف وضعك الحين ؟!
حست انه رد بدون نفس : انا بخير!-
المهم انت !
ابغى اعرف انت بخير ؟!
انت فاهمة قصدي!
فتحت عيونها بصدمة من سؤاله وكلام امها يتكرر بذهنها «انت فقدت الوعي »
معقول!
بداخلها شيء يرفض وبارتباك واضح ولعثمه ردت: انا بخير
رفع حاجب وهو يشوف ارتباكها الواضح: طيب وش يبغى منك ؟!
وليه انت بالذات ؟!
انت لك اعداء وحنا ما نعرف ؟!
ضاق خلقها من هذه الاسئلة والمخاوف والهواجيس ترفرف بعقلها : ما اعرف !
ناس اول مرة اشوفهم !
وبنبرةفيها ضيق : ممكن تقفل هالسالفة انا جيت اطمئن عليك ما جيت
قاطعها بقهر: وانا ابغى اطمئن عليك !
لا تقهريني بكلامك !
ردت بانتكاس من هالاستقبال: وانت ليه كذا تكلمني ؟!،
والا اخوانك شحنوك علي!،
قاطعها بتحذير: رونق هالكلام ما ابغى اسمعه ما لك باخواني كلامك معي انا !
أنا طول الايام عقلي شغال يفكر فيك واذا بخير او لا !
راعي شعوري
قاطعته ونفسيتها بالحضيض: انا اسفة !
وصدت لجهة الشباك !
ناظرها والدموع تلمع بعيونها:رونق فيك شيء!
انا زوجك سندك وكل شيء بحياتك !
وش فيك متضايقة....احد زعلك ؟!
تكلمي !
ناظرته بروح ميتة: ما فيني شيء !
خلاص قرفت حياة التهديد وعدم الاستقرار ما هي مرتاحة بهذه الحياة ...تخاف الخاطف يرجع تخاف زياد يخرب علاقتها بجراح ويفضحها !،
لحظة وليه تنتظره يفضحها ؟!
وقفت وهي تمسك جوالها ...اقتربت منه واعطته حقيبتها !،
ناظرها وهو رافع حاجب: ليه
قاطعته بغموض : لحظة !
ابتعدت عنه خطوات وهم الصمت لوقت وهو يناظرها باستغراب!
رجعت تقدمت منه وفتحت الجوال وسألته : تتذكر الحقيبة الي اعطيتك إياها ؟!
رد باستغراب الظاهر انها انجنت:-ايه اذكرها وش فيها !
ردت بقهر : هذه نفس الحيلة إلي استعملها زياد فيني !
عقد حواجبه بعدم فهم : اي حيلة !
ردت بحرقة: رح اخبرك ..انا مرة وحدة من بنات عمي طلبت مني اعطي زياد مغلف ..خبرتني انها اوراق طبية وما تبغى احد من اهلها يعرف وتبغى زياد يشوفهم كونه دكتور !
بالبداية رفضت ..لكن اصرت وهي تتكلم بلهجة ضعيفة وما تبغى احد يعرف مرضها واقنعتني لاني بنفس القسم لو دخلت مكتبه ما رح احد يشك بالسالفة كونه دكتور عندنا أما هي صعب تدخل !
اعطيت زياد المغلف وانا جعل ربي يأخذ قدر من قدام عيوني ان كنت اعلم وش بالورقة !
وراحت الايام بعد فترة طلعت ازور امي مع مريم وامك وقتها وصلنا زياد لما نزلت طلب مني يبغاني بسالفة ولما وقفت سألني تذكرين الرسالة الي اعطتيني اياها !
وانا على نياتي رديت ايه اذكر !
هددني انه اذا ما ابتعدت عنك رح يفضحني ...انا وقتها استغربت وليه يفضحني!
اعطاني الرسالة ولما فتحتها انصعقت انها كلها كلام حب وكلام مراهقات والمصيبة مختوم باسمي
الرسالة مطبوعة ما هي بخط يدي!
اخوك سجل كلامه معي ومعه الدليل اني اعطيته الورقة بالتسجيل الصوتي !
وانا والله مظلومة
قاطعها وملامحه ما تتفسر : زياد ما ينلام بما انه ما يعرف انه في خدعة بالسالفة ليه ما خبرتيه
ردت وهي تحس بإحباط من رده : قلت له بس كذبني!
وفوق هذا فضحني قدام أبوي وجدي !
سكتت وهي تحس الضيق اطبق على صدرها !
رد فعله الصمت ما تكلم وهو يناظرها والسكون يحيط به !
بعد لحظات سألها ،: زياد خبر ابوك وعمي ؟! وش قالوا ؟!
كتمت ضيقها وردت : انا ما اخبرك حتى استعطفك او من هذا القبيل !
انا اخبرك لاني خلاص مليت طول الوقت يهدد فيني ...انا اخبرك حتى تكون على اطلاع ..هذه هي السالفةتحب تكمل معي ؟!
وان وجدت نفسك شكيت فيني مجرد احتمال كل شخص بحال سبيله وانا مسامحتك وربي يجازي الي
قاطعها : بدون أدعية انا سألتك وش رد فعلهم ؟!
ردت بأحلام محطمة : جدي يقول شهر شهرين ورح يطلقنا ما يبغى
قاطعها وهو يحس انها هذه لعبة منهم حتى يفرقوهم عن بعض ...رد بغضب : وانت فاتحه اذانك لهم !
قلت لك من قبل ما احد يفرقنا إلا الموت!
أنا ما تخليت عنك ولا لحظة بس انت الظاهر جالسه تسمعين كلامهم
ردت بتبرير: ما ابغى اتعشم واطلع لفوق وانا متمسكه فيك وفجأة ألقى نفسي وحيده بالقاع !
مط شفته بسخرية : سخيفة!
احد يرمي قلبه بالقاع !
لو يجتمع كل من حولنا ويحاولوا يثنوني عن ارتباطي فيك ما التفتت لهم!
نطقت والامل يرفرف حولها : يعني مصدقني؟
ابتسم بتعب: مصدقك
طيب وش هدف ابنة عمك حتى
قاطعته بمرارة من طعم الخيانة: لأني ساكنة عند جدتي فتوقعت اني كذا اكون قريبة من زياد ويخطبني وبعملها كذا تبغى اسقط من عين زياد وما يفكر فيني
رفع حاجب :،من عقلك تتكلمين!
صدق ناقصات عقل !
وانت ليه سكتي لها ؟ ليه ما واجهتيها ؟!
ردت بضيق: واجهتها وحلفتني بالله استر عليها بما انها على وجه زواج وتصرفها كان ايام الجهل وندمت على فعلها !
والحين هي متزوجة ان كلمت جدي وابوي بالحقيقة افضحها وهي
قاطعها بقهر : وانت تنفضحين عادي!
عقلك هذا حالفه ما تستعمليه
ردت بحده: بدون غلط!
زفر بقهر : على الاقل خليتيها تعترف قدام زياد وتنتهي السالفة
ردت بضيق: انا تصرفت من باب الانسانية ما توقعت فيه ناس بهذا الحقد وتتربص فيني حتى تهدم حياتي !
اخوانك بصراحه احقر منهم ما شافت عيني !،
عقد حواجبه : صدق !
رونق لآخر مرة اكرر اخواني اتركيهم على جنب !
وخلاص السالفة منتهية انا مصدقك وهذا اهم شيء !
ناظرته بغل من بروده ...وصدت عنه : هذا الكلام تقوله لجدي و ابوي يمكن يصدقوك وعلمك بالسالفة يمكن يثنيهم عن الطلاق!
رد بهدوء: ما عليك من عمي انا رح أكلمه وما رح اقول انها مروة
قاطعته بفزع: وش عرفك انها مروة
مط شفته من سذاجتها : يعني تقولين ابنة عمك ومتزوجة وما في احد متزوج الا مروة !
خزته بشك : انت وش يعرفك ببنات عمي!
وانتم ما عشتم هنا الا
قاطعها : الحين تركت كل المشاكل وركزتي على معرفة بمروة ؟!
الحين انت ابغى اسمع منك وبالتفصيل الممل وش صار معك بالضبط ...واي كذبة ترى
قاطعته : لا تسألني لأني ما رح أتكلم ...لا تحملني اكذب ...انسى السالفة
رد بغضب : انسى!
يا مجنونة ترى الخاطف للحين موجود ...هذا واحد خبيث والشر يسري بدمه ما شفتيه اول ما طلع لنا صاوبني انا وابوك بمسدس كاتم للصوت حتى ما يثير الشبهة حولك ...وما نقدر انا وأبوك نمسكه !
وتقولين انسى !
هذا متعمد ومراقب تحركاتنا بالضبط حتى يهجم باللحظة المناسبة !
ردت تحاول تقنعه لانها متأكده ما رح يرجع بعد معرفته انها ما هي ابنتهم وما بلغت عنه اما اذا بلغت عنهم تخاف يحقدون ويؤذون الي حولها : ما رح يرجع صدقني أنا
قاطعها بغضب من عنادها : انت عقلك طافي !
اقولك مين الزفت
قاطعته بهدوء: ما رح اتكلم والله والله والله ما رح احكي ولا شيء عن هالموضوع خلاص غير السالفة وخلينا نتكلم
قاطعها بحده وقهر : إذا ما تبغين تتكلمين مع السلامة وما ترجعين لزيارتي دامك ما تشوفيني زوجك الي تكلميه بكل شيء
ناظرته وهي تحس وكأنها احد سكب بوجهها موية باردة ...طردها !
جرحها تصرفه ...وقفت وناظرته بأسف : تتطردني !
رد وهو صاد عنها حتى ما يضعف وتستعطفه بنظراتها ..يبغى يكون حازم لعل وعسى تتكلم : انا ما طردتك انا كلامي واضح قلت ان ما تكلمت
ردت بقهر :وما رح أتكلم اكيد هالكلام من راكانوووو وزيادوووو حفظوك وش تقول حتى يعرفوا وش صار...يموتون لو ما يعرفون كل شيء!
قاطعها وهو يناظرها نظرة قوية ارعبتها : ايه الي قدامك ما هو رجال حتى راكان وزياد يحفظوني الكلام !
رونق حاسبي على كلامك
قاطعته بندم:-ما هو قصدي لا تجلس تفسر الامور على كيفك !
هذا انت طردتني
قاطعها بقهر : قولي مين الزفت الي خطفك دامك تعرفينه
قطع كلامه وهو يناظر زياد وأبو جواد ونايف داخلين !
ابو جواد ناظرها واقترب وهو عافس ملامحه بحده ونطق : تعرفين الخاطف وتتسترين عليه !
رونق ناظرت جراح بقهر ورطها وبانكار ردت : أنا ما اعرف
قاطعها جراح بالرغم من قهره من تصرفاتها الا انه كتم الضحكة من رد فعلها بعيونها ...وبدفاع رد : وش فيك يا عمي دخلت من نصف السالفة ...تراها ما تعرف بس انا من كثر ما سألت ضجرت مني وقالت ايه اعرف وما رح اقولك !
صح رونق !
لانت ملامحها وابتسمت بمحبة لهذا الانسان ..سبحان من خلق وفرق يختلف 360درجة عن اخوانه ...ردت بابتسامة : ايه صح !
ابو جواد ما دخلت السالفة راسه ....نطق بانتقاد : اشوفك هنا !
من هنا لوقت خروج جراح تجلسين في البيت ما هو ناقصنا سوالف
رفعت حاجب وهي تقترب من جراح وتمسك يده وبثقه نطقت : انا طالعه ازور زوجي ...والناس يأكلون تبن ما همني أحد ...من يوم وطالع ما احد له علاقة بتحركاتي دام جراح موافق ومعطيني الاوكي انتم ليه حارين نفسكم بزيادة!
انت جدي احترمك لكن ما اسمح لك تتدخل بحياتي ...خلاص تزوجت وطلعت من حياتكم ...جراح
قاطعها ابو جواد بتوعد: حسابك بالبيت !،
ابتسم جراح عليها مثل الطفل لما يستقوي بوجود اهله : يا عمي ترى خلاص تزوجنا كافي الحصار الي عملتوه علينا !
ذبحت قلبي
قاطعه زياد بعبوس وما هو عاجبه كل هالوضع : جراح
صديقك عامر ربع ساعة ويكون هنا يبغى يزورك!
جراح بابتسامة نطق : حياه الله !
ابو جواد بمزاج حاد : نايف خذ رونق بطريقك ما له لزوم وجودها
سحبت يدها بشويش ...ناظرت جراح وبنبره حنونة نطقت : اهتم بنفسك !
رد لها الابتسامة : ان شاء الله ..انتبهي على نفسك وأول ما توصلي اعطيني خبر !
زياد انتفخ وجهه منهم صد وهو يحاول يمسك أعصابه !
نايف وهو يتحرك: تفضلي ياعروس تراه قط بسبع ارواح !
جراح بابتسامة: قل اعوذ برب الفلق
رونق تحركت كم خطوة وبعدها ناظرته ابتسمت له ..وبعدها طلعت خارج المكان وقلبها عند الشخص الممد على السرير !
ما زالت الابتسامة على محياه وهو يناظر زولها ..قاطع نظراته ابو جواد وهو يجلس : انتبه على عيونك !
جراح توسعت ابتسامته: والله يا عمي جالس بوسط حلقي ما تركتني اتهنى بالخطوبة والحين الزواج واقف لي على
قاطعه :اقول اترك عنك الهرج الزايد وخبرني مين الي خطفها
جراح بنفي: ما خبرتني تقول ما تعرف!
زياد وهو يصك على أسنانه: كذااااابة !
وانت الاهبل قالت لك هالكلمة وصدقتها ؟!
جراح احتدت ملامحه: زياد عن الغلط
قاطعه زياد بغضب : انت من عقلك يا حضرة الدكتور وحدة مخطوفة ما هو يوم ولا يومين وما عرفت الخاطف ولا وش يبغى منها !
وفوق هذا لسانها يلعلع علينا بقوة عين !
الي مثلها عينه تنكسر بعد الخطف ووضعها يكون ما هو عادي ؟!
هذا ما له تفسير الا تفسير واحد الي خطفوها اهلها الي في القرية او شخص الله يستر علينا !
استندت جراح بملامح غاضبة : زياد انت
قاطعه ابو جواد :كلنا بيت واحد صحيح انها حفيدتي لكن كلام زياد مضبوط وان كتمنا هالشكوك بقلبنا ترى حنا جالسين نسمع هالكلام من الناس ومب قادرين نقفل حلق الناس ...وبصوت مرتفع غاضب _ مب قادرين نخرسهم والهانم متستره على الوضع !
سيرتنا على كل لسان بالعاطل !
انت نائم هنا بالمستشفى ما سمعت كلام الناس! حسبي الله مب قادر ارفع رأسي بين الناس وابرر لهم!!
انا بداخلي قهر يأكلني من الداخل ...الشرف اغلى شيء تعرف
قاطعه جراح بقهر من كلامهم: ترى كلامكم يسم البدن .... تراها ابنتكم كيف تشكون
قاطعه ابو جواد : ابنتنا بس الناس ما ترحم !
لزوم نعرف الخاطف وكذا نغلق حلق كل من حولنا ....بس هي تتكلم
قاطعه زياد بسخرية : ومين قال لك انها تسمع كلامه !
قاطعه جراح بحده: ما يخصك تفهم ما يخصك !
انا محكوم لها وش مشكلتكم معنا !،
انا راضي فيها لو اشوفها بنفسي بالعاطلة انا راضي فيها
قاطعه زياد بقهر : لانك واحد ديوث ..ما توقعتك كذا بنت تلحس عقلك بكلمتين وتصير مثل الخروف ...من متى تتعامل معي انا وراكان بهذه الطريقة والاسلوب الزفت ؟!،
والله يا عمي من لما اخذ حفيدتك وهو متغير علينا ...الظاهر غسلت مخه
ابو جواد بموافقه: والله انا مستغرب أسلوبه وكيف يتكلم ؟!!،
ناظرهم جراح باستنكار لكلامهم يعني يتكلمون بكلام ثقيل ويبغون يصفق لهم ...زفر بقهر :كلامكم
قاطعه زياد بزعل : لا الظاهر وجودنا يضايق الهانم ...اعتبرنا منسحبين من حياتك وخلي المدام تشبع ...بالاذن !
تركهم وطلع من المكان !
ابو جواد ناظره بلوم : كذا تكلم اخوك ؟!
اخوانك الي طول عمرهم يسعون لسعادتك
قاطعه جراح بضيق وحس بالصداع يضرب برأسه : عمي لا
ابو جواد قاطعه بحزم : اسمعني زين
سكت لما دخل الدكتور ...حمد ربه جراح على دخول الدكتور على الاقل يرتاح من كلامهم !
•*
*•
*•
لما طلعت من غرفته ناظرت نايف بضيق : ابوك ما ينطاق !
زفرت :استغفر الله !
نايف بدون ما يناظرها : يا جنس حواء عليكم تمثيل خطير دوبك طالعة وانت تودعين العريس وتبتسمين وبمجرد تقفل الباب تحولت ملامحك لشخص مفترس!
والله امركم عجيب !
تنهدت وبروح بالحضيض نطقت : ما احد حاس إلي بداخلي !،
انا احس بداخلي متبعثره ما اعرف وش اعمل وش اقول وش اتصرف!
مشوشة لأبعد ما تتصور !
نايف هز كتوفه : ما ادري عنك بس تكلمي عن الخاطف وريحي نفسك!
رونق ناظرته بعيون لامعة : مشكلتي اكثر من شيء يمنعي اتكلم !
مطت شفتها بلامبالاة : انسى خلاص!
بس انت ما قلت لي وش فيك ؟!
نايف بتردد : تعالي اركبي وبعدين. نتكلم !-
حست قلبها نغزها حاسه في شيء ما هي مرتاحة ......اول ما حرك السيارة نطقت : تكلم
تنهد ونطق : قدر انا قررت انها تعيش
قاطعته بغضب: باحلامك تعيش عند الوحش سعاد
مط شفته بسخرية: ليه من طبعكم التسرع؟!
ترى ما كملت كلامي!
رح تعيش حاليا عند امك !
رفعت حاجب وسرعان ما ابتسمت بسخرية: صدق ؟!
وبحده:نايف قلت لك من قبل مالك علاقة فيها وليه عند امي؟
نايف وعيونه على الطريق : بصراحة فياض كلمني بهذا الموضوع ..يقول يحس انه ام وسيم سعيدة كثير بوجود قدر معها وكأنه انت الي عايشة معها ..وفوق هذا لا تنسي انك عروس وزوجك لما يتخرج من المستشفى ما هي حلوة تعيش معكم قدر تراها ما هي صغيرة وجراح ما رح يأخذ راحته على الاقل يمر كم شهر على الزو
قاطعته وهي منفعله من تخطيطاتهم: ما يخصك ولا يخص فياض قدر رح تعيش معي
قاطعها بزل لسان : عشان تطلع البنت معقدة نفسيا ؟!!
ارتخت ملامحها من كلامه ...بعدها قطبت حواجبها واستفسار نطقت:هذا كلام فياض؟!
انتبه على زلة لسانه وبتبرير: لا بس انت ناظري نفسك وناظري تصرفاتك
قاطعته بقهر: شايفني مجنونة ادور بالشوارع
قاطعها : انا
ردت بمقاطعة لما وصل بيت امها : اسكت كلامي مع الراس المدبر وكلامك هذا كله رح اقوله لجدي وتلقى وعدك تترك ابنتك تعيش عند فياض ...صدق ما في وجهك حياء
نزلت من السيارة وتوجهت مباشرة للداخل!
*
**
**
بعد وقت الجازي واقفه وضايعة بينهم : رونق
رونق بقهر منه : ما يخصك
فياض قاطعها : انا ابغى مصلحة البنت ...البنت اذا عاشت عندك رح يصير عندها عقد نفسية!،
لانك مريضة نفسيا وبحاجة لعلاج الف مرة قلت لك لكن تكابرين
الجازي انفعلت من كلامه: فياض ما
قاطعتها رونق وهي تناظره بتهديد: وقسم بالله اذا ما ابتعدت عني وعن ابنتي الا اوديك بستين داهية واخليك تظهر على حقيقتك الي الكل يجهلها
فياض ابتسم بسخرية :تصدقين خفت !
الجازي ناظرت رونق : ليه تكلمي فياض كذا ؟!
كل هدفه يساعدك وتستمر حياتك مع جراح
رونق انقهرت من دفاع امها عنه : وش دخل قدر باستمرار حياتي!!!،
الجازي بتردد : لأنه لأنه
التفتت على فياض الي اقترب من رونق وبقوة نطق :لأنه جراح رافض قدر تعيش معه ....هذا جزاتي لاني اعرف انه اهلك رح يوقفون مع جراح ويجبرونك تتركينها عند نايف وتعيش عند زوجة اب او مشتتة هنا .....اقترحت على نايف تعيش عندنا لانك ما رح تلقي احن من الجازي عليها وكذا تقدري تشوفينها باي وقت بدون ما تخترب علاقتك بجراح وبعد ما يصير عندك عيال تأخذينها هذا كل هدفنا
ناظرته بحقد : واضح كثير إنه هدفك نبيل تراك
قاطعها بقوة: انت وحده مريضة أنا الغبي الي ورطت جراح بهذا الزواج
الجازي ناظرته :انت وش دخلك بالزواج
فياض ناظر رونق مطنش كلام الجازي : على فكرة طول ما هذا العقل براسك ما رح تقعدين عنده الا ايام لأنه ما رح يستحملك وانت بأفكارك السوداء.....توقعت بعد ارتباطك بجراح تتغيرين وتأخذين من اطباعه وترتاحين نفسيا لكن انت الي مغرقه نفسك بالوحل وترفضي اي أحد يساعدك!
فكري بعقلك لمرة وحدة بمستقبلك وبمستقبل قدر !،
انت بعمر عيالي ولما أكلمك وانصحك وكأنك بنت لي !،
انا اساعد البعيد الي ما أعرفه كيف اذا كان هذا الشخص مقرب للجازي؟!
لاخر مرة انصحك انت مقبلة على بناء اسرة عندك زوج لازم تفكري كيف تتعاملي ...قبل اي تصرف منك تحسبي حساب له وانه مسؤول عنك ...عندك أهل زوجك لزوم تحترميهم احترامهم من احترام زوجك ..الكلمة الحلوة طالعة والكلمة الشينةطالعة ليه ما نأخذ الخير والاجر ونبتعد عن المشاكل ؟)!
فكري بعقلك قبل ما تنطقين اي حرف !
هذا الي عندي وانت حره باختياراتك مع العلم قدر ما احدرح يعرف انها عايشه عندنا حتى ما احد ينشب لك ...انت بكا الحالتين رح تتركيها وقت ناسيه دراستك؟!
واقفه تناظره بصمت وهو يتكلم بهدوء ...التفتت لأمها الي تكلمت: انت بالجامعة وين رح تتركيها عندي هنا تكوني مطمئنة عليها !،
رفعت نظرها لقدر تركض وهي تضحك مع اخوانها ..نطقت بهدوء: قدر تعالي!
ناظرت فياض والجازي الي ينتظرون ردها على الكلام ....مسكت يد وبهدوء اقرب للهمس: بالاذن
انسحبت بهدوء وقدر تثرثر حولها وتسالها وين راحت !
وقفت عند السيارة ...همست قدر باستغراب لوجوده : هذا بابا
ناظرتها رونق بضيق من هالسالفة..وما علقت !
عم الصمت طول الطريق ما احد تكلم ..وكل. واحد سارح بأفكاره وعالمه!
**
**
•*
*•
*•
اول ما دخلت كان جواد بالصالة مع عبود ..غضت النظر عنه مجروحة منه كثير...وبهمس ردت السلام من باب الدين...وقفت لما علق عبود: وينك سنة صار لك
طنشته وما ردت وتوجهت لغرفتها!
جواد بهدوء ظاهري تكلم : عبود اترك رونق وما تتدخل فيها
عبود انتفخ وجهه بقهر من تساهل ابوه مع رونق !
اول ما دخلت توجهت للسرير جلست بتعب .وكلام فياض يتكرر بعقلها ...معقول هي فعلا مجنونه؟!
هزت راسها بالنفي هو المجنون هي بكامل قوتها العقلية!
تذكرت سالفة الخطف وهبط قلبها من الخوف من كلام امها انها فقدت وعيها !،
تحاول تبعد هالمخاوف عنها لكن ترجع وتدب الرعب بقلبها !وقفت بخوف وارتباك وهي تفكر بحل لذي الورطة ...كيف تتصرف الحين ؟! التفتت على قدر جالسه تناظرها بتمعن !
رونق بتساؤل من نظراتها: فيك شيء
قدر هزت كتوفها ببراءة: ماما ليه انت دوم زعلانة ومعصبة ومتضايقة وما تبتسمين؟
فتحت عيونها باستنكار لكلامها : قدر وين سمعت هالكلام ؟!
قدر : ما سمعت انا اشوفك دوم كذا!
احد زعلك أو ضربك ؟!
رونق تناظرها بذهول....الحين قدر اغلب وقتها الهدوء تتكلم كذا !
اكيد فياض حفظها هالكلمتين !
استلقت على السرير بروح خائرة ...ناظرت السقف ومواقف فياض تمر عليها من اول يوم لقاء ......ما تنسى كيف ساعدها ووظفها بدون ما يحسسها بنقص او شيء ..لما وقعت بمشكلة الجامعة ما لقت غيره....له مواقف ما تنسى فضله عليها ..لكنه تغير ...لحظة يمكن ما تغير وهي الي تغيرت ...ورد فعله من معاملتها له !
الخلل فيها ما هو بفياض ...الكل يمدح بنخوته وامها مرتاحة معه كثير ....غمضت عيونها بعجز مب قادرة تحلل الأمور ...اصعب شيء بالحياة ما تعرف وش تبغى بذي الدنيا ....لزوم تتغير بس كيف !
**
**
**
**
في اليوم الثاني جالسه قريب من السرير تسأله عن احواله ....قاطعها بعتب: احوالي تعرفيها وترى للحين ما رضيت وما رح ارضى الا لما تتكلمين
ناظرته بضيق من السالفة : جراح لا تعقد الأمور ...خلاص دام انتهت السالفة وما رح يرجعون
قاطعها بملامح منزعجه: ومين قال لك انهم ما رح يرجعون ؟!
هذا دليل انك تعرفينهم !،
ردت بنفي: مجرد توقع
قاطعها : رونق انا ما ابغى ابني حياتنا على الكذب .....الصدق والمصداقية هي شعارنا البيت الي ينبني على الكذب نهايته الانهيار ..خلي كل شيء واضح
نطقت بضيق : صدقني ان فتحنا الموضوع اخاف يرجعون ويؤذي اي احد من حولي ..خلاص انتهت السالفة !
رد بقوة: ما انتهت السالفة ....دخولي للمستشفى للحين ببلاش!
حقي ينهدر وحق أبوك ؟!،
لو يهمك امرنا ما رضيت تتستري عليهم واخذت حقنا من عيونهم ....
لازم المذنب يأخذ جزاءه !
الحين تتكلمين وش صار معك من اول ما تحركت السيارة!
وإذا ما تكلمت
قاطعته بانزعاج : لا تجلس تهدد ترى ما احب هذا الأسلوب ....انا سكتت حتى ما يزداد الامر سوء ...لكن اذا كنت تبغى تفتح السالفة رح أتكلم لكن عندي شرط قبل ما اتكلم وتوعدني تنفذه ؟!!،
**
*
**
•*
راكان ما بقى على انفجاره إلا لحظات ...رايح جاي بالصالة ويتكلم بغضب : هذه اخرتها ،
لما قلت لكم هذه حية كله من تحت راسها !
هذه تفرق امة عن بعضها ،
اخوي اخوي اخوي الصغير الي سعيت اوفر له كل شيء يبغاه ...يوقف محامي غريب عن العائلة كلها ولا لي أي صلة فيه ....وفوق هذا نسمع من الناس إنه تم القبض على الخاطف وحنا اخر من يعلم !
انا شبه يومي عنده ازوره وما تكلم ولا جاب طرف خيط عن الموضوع !،
وحتى جواد تكتم على الخبر هذه البنت ابليس مو بني ادمية ...ساحره أبوها وجراح !
لزوم نأخذه لشيخ ولدك ما هو طبيعي !
اخخخخ يالقهر ...ومن شدة قهره اقترب من لجين الي داخله ومعها العصير ...اخذه وألقاه على الارض بقوة وهو يتوعد: والله لاحطمك مثل هذا الزجاج يا .....
ام راكان حضنت راسها بيدينها من هالمصائب والمشاكل: يا رب عفوك عنا!
اشوف بعيوني عيالي يتفرقون والسبب هي حسبي الله عليها !
لجين وهي تناظر القزاز ...وبعدها ناظرت جدتها: انا اقول مثل خالي راكان خالي جراح ما هو طبيعي !
عملت كذا وهي في بيت ابوها بعد ما تنتقل لبيته وش رح تعمل هالفتانة ؟!!!
ام راكان وقفت :انا رايحه احط حد لهذه المهزلة إن ما طلقها ما أكون ام راكان ونشوف آخرتها مع هالزفتة !
**
*
**
تمشي بالجامعة وبيدها الجوال وعلى ثغرها اجمل ابتسامة ...متأكدة الحين راكان وزياد بركان ثائر ..ضربة قوية لهم حتى ما يتدخلوا بحياتها ...ارسلت رسالة لجراح وقفلت الجوال ....تنهدت ووقفت لما شافت روعة متقدمه باتجاهها ..
روعة بابتسامة : سلام يا حلوة!،
رونق بابتسامه :ردت هلا
روعه اخذت نفس : تعبت خفت اتأخر عليك !
تعالي نجلس هناك !
هزت رأسها رونق وتوجهت معها وهي تناظر روعة: وش هالخبر الحلو الي ارسلتيه لي !
بغيت اطلعلك من الجوال وابوسك على الخبر الحلو ..ايوه خليهم كذا ينقهرون !
جلست رونق وهي تبتسم على انفعال روعة : تدري اتخيل شكل راكان وكأنه أمامي !
روعة خزتها : لما اخطب رح اخذ منك كورسات كيف اسيطر على عريس الغفلة !
يعني كيف قدرتي
قاطعتها وهي تمط شفتها : الي يسمعك طول وقتي فوق رأسه اتكلم تراني اخر مرة جلست معه يوم ما خبرته بالخطف يعني شرطي انجبر ينفذه حتى
قاطعتها روعة: بس ابوك قسى عليك ...كيف يحرمك من زيارة جراح متى يطلع من المستشفى ؟!
رونق بضيق : ما ادري بس قريب ان شاء الله ...ربك كريم!
تدرين مريم حامل ؟!
روعة مطت شفتها : واااااع هالغثيث رح يصير عنده عيال !
رونق رفعت حاجب بسخرية: هالبني ادم عقله صغير مع انه محامي لكن تفكيره غريب ...تخيلي مانعها تكلمني بس سلام ....اكيد الحين بعد هالخبر رح يقطعها نهائيا !
روعة باستغراب:-بصراحة انتم اغرب توأم شفتهم بحياتي ...
رونق بضحكه: لكل قاعدة شواذ !،
تقهرني بتصرفاتها غبية بشكل لا يوصف ما عندها شخصية من قبل كان ابوي مسيطر على افكارها ويحركها يمين ويسار والحين سيد راكان طمس شخصيتها اتوقع لو تبغى تتنفس تقول له تسمح لي اتنفس؟!،
صحيح اني غبية وعندي تصرفات غلط واحيانا انفعل واتخذ قرارات غلط لكن انا مو مثلها حتى لو رضخت لقوانين ابوي او جدي يكون عندي هدف لهذا الرضوخ او اكون بحالة ما عادت تفرق معي !
روعة بابتسامة: والمحامي عبوووود وش وضعه؟!
زفرت رونق وتأفففت بصوت مرتفع: افففففففف ما ينطااااااق!
روعة بضحكة: يعني ما افكر فيه
رونق عفست ملامحها: احد يرمي بنفسه بالنار !
اذا تبغين ولد خالتي سمية اضبطلك الوضع
روعة رفعت رأسها بغرور: تخسين انا ما اتزوج الا واحد اكون اول وحده بحياته ما هو قلبه عندك !
رونق: اقولك خطوبته لي قديمه واكيد نسي السالفة ....فيني فضول الحين اشوف راكان وزياد .ااااه يا شعور الانتعاش والفرح!
من زمان ما فرحت كذا !
روعة باستغراب: غريبة كيف جدك ما تكلم او
قاطعتها رونق بضحكة رنانة: ما يدري انه راكان ما يعرف كل ظنه انه المحامي من طرف راكان وكل السالفة صارت بالسر من تنبيهات المحامي عمل له فيلم واضطر ما يتكلم تدرين ضروري وجوده بالقضية تراه كان موجود
روعة : ومتى تنتهي القضية؟!
رونق بانتعاش: حبال القضايا طويلة دام الخاطف بالسجن الحين وكل الامور تمام ...جلسات طويلة...اتمنى اكون ذبانة واروح بيت عمي ابو راكان واشوف رد فعلهم !
احس شيء بداخلي يدغدغني !-
ضحكت روعة: خطيرة يا بنت !
بس ما تخافين يلعبون بعقل جراح يعني ويخربون علاقتكم
قاطعتها بثقه: من هذه الناحية ارتاحي جراح ما احد يقدر يبعده عني تراه متعلق فيني حيل حتى لو ما نلتقي دوم يتصل فيني ...اغلب اليوم على الجوال نتكلم
عفست ملامحها روعة: وش تتكلمون ؟!
نفسي اعرف الخاطبين وش يتكلمون؟!
يجلسون ساعات !!!
ما تملون من بعض!
رونق بضحكه:احيانا نجلس اكثر من ساعة وحنا ساكتين طول المكالمة يقول لي تكلمي انت وانا اقول له وش اقول تكلم انت !
روعة خزتها : لعنبو ابليسكم خلصتم السوالف ...بدل ما تضيعين الوقت معه روحي قابلي كتبك أو ابنتك !
رونق ابتسمت: من غيرتك
وبتذكر سألت امك السؤال الي خبرتك اياه؟!
ضربت روعة جبهتها : اووووه نسيت!
رونق خزتها: كم صار لي مخبرك تسأليها؟!
روعة عفست ملامحها : والله نسيت ولما اتذكر امي ما تكون موجودة او جالسة مع حضرة البابا وان تكلمت مباشرة يناظروني انت وش مجلسك هنا قومي قابلي كتبك !
علشان كذا اجلس مستمعة لاخبار العالم لاني اذا تكلمت رح انحبس مع الكتب !
رونق باستغراب: يا اختي انت ليه غبية كذا !
انا الي ما ادري كثير علاماتي افضل منك !
روعة عبست ملامحها : من زين علاماتك
رونق رفعت حاجب بغرور : افضل منك كسولة ..ولا تنسي اني مريت بظروف صعبة واذا في دراسة ما ادري عنها ؟!!!
روعة مطت شفتها بابتسامة ساخرة : خفي علينا يا زيتونة عاد بباي بالمستشفى ما يقدر يساعدك ...
خزتها رونق بعبوس: هه هه بايخة !
روعة بجدية : وش اثر عليك الخطف ؟!
رونق بتفكير: بصراحة اكثر شيء اثر على نفسيتي اني كنت فاقد الوعي والحمد لله ارتحت من هالكابوس طبعا بمساعدة امك ما رح انسى معروفها طول حياتي!.
روعة بايتسامة : الحمد لله انها امي مو هنا والا كان كبر رأسها ...المهم كملي !
رونق هزت كتوفها : وش اقول
روعة : يعني اثرت عليك صرت تخافين من كل الي حولك
قاطعتها رونق بسخرية: لا ابشرك صرت شرسة اكثر من قبل !
روعة رفعت حاجب: تخافين تكونين وحدك باي مكان!
رونق هزت رأسها للاعلى بالنفي: اقولك انا حالة شاذة بالحياة ...وبشك رفعت حاجب : وانت ليه تسألي هالاسئلة ومهتمه هالكثر ؟!
روعة بابتسامة عبيطه: جالسة اكتب رواية والبطلة انخطفت وابغى معلومات من حضرتكم!
رونق بسخرية: تكتبين رواية !
صدق انك فاضية تكتبين هالاشياء وامك تعرف!
روعة طلعت عيونها بفجعة: يا ويلك تطلع هالسالفة من هنا !
والحين جاوبي !
رونق عفست ملامحها: اتركينا من ذي السيرة وخليني مبسوطة بيومي !
قاطعها رنين الجوال...عفست ملامحها وهي تشوف اسم جدها ...ناظرت روعة : اكيد راكان ما سكت
روعة بحماس: افتحي الخط خليني نشوف وش ببغى!
رونق ابتسمت وفتحت الخط ...وروعة ملتصقة عند اذنها تسمع وش يبغى : وينك يا رونق!
رونق بهدوء:بالجامعة !
تكلم بحده: سؤال واحد فقط ...ابوك يدري عن سالفة المحامي؟!
سكتت وناظرت روعة وهي بحيرة من امرها ان قالت اه رح تزيد الفجوة بينها وبين ابوها يكفي علاقتهم سطحيةوشبه منقطعه ...
ردت بهدوء: لا
تكلم بغضب : يا جعلك للماحي تخططين انت وحضرة جراح!
لكن والله ما تمرالسالفة بسلام
ناظرت الجوال لما اتقفل بوجهها!
ناظرت روعة الي تضحك : وش يضحك بالسالفة؟
روعة وهي تضحك: طريقته بالكلام تضحك !
تخيلي يطلقك الحين،!
رونق ارخت راسها على المقعد : ما يقدر يعمل شيء !
روعة : اتصلي بجراح شوفي
قاطعتها بهدوء :-بعدين !
***
**
**
*
جراح الوضع كان مختلف عنده ....معقد حواجبه وهو يناظر أمه بعد ما كملت ردح نطقت بتخيير : اما انا او رونق وانتاختار وان اخترت مقصوفة الرقبة رح اعتبر عيالي راكان وزياد ...خلاص فاض المر على المرار!
راكان زعلان منك كثير ما يبغى يشوفك ولا لسانك يناطق لسانه ..
لفت وجهها وغادرت المكان وخلفها زياد وكلمته تتردد على في ذهن جراح : اختار واحد فينا!
انتهى البارت ...انتظروني قريبا ...دمتم بخير
رواية بسمة مدفونة في خيالي الفصل السادس والثلاثون 36 - بقلم ضاقت أنفاسي
**
**
••
ام راكان جالسة بالصالة وبعناد : مستحيل باعنا علشان ست الحسن يشبع فيها !
سعاد رفعت حاجب،: انهزمي وخلي حضرتها تأخذ ولدك !
ام لؤي بتأييد : وباكر تعبي رأسه وتخليه يكره أهله
لجين تكمل بخبث : انا لو مكانك ما اخليها تتهنى الا اخذ معي كل احفادي واعلمهم يخربون ويكسرون يقلبون الشقة الى دمار واخليها تقرف حالها !
وخليها تعرف انه بيت ابنك وتدخليه متى ما بغيتي ما هو عاجبها الباب يسع جمل !،
ما رح تتحمل الوضع ورح تظهر على حقيقتها قدام خالي وقتها رح يتركها خالي بعد ما يعرف حقيقتها هالمنافقه!
ام لؤي ابتسمت: والله فكرة مرتبة ومن اليوم رح نطبقها!
يلا يمة لاتخلي لها مجال تقول شوف اهلك رموك وقت مرضك وانت تعرفين كيد الحريم !-
ام راكان بعناد مجروح من ولدها الي باعها وتمسك بالغريبة : دامه باعنا خلاص انتهى كل شيء!
**
**
**
متمدد بالصالة على طوله والهم والتعب واضح عليه ...هذا اليوم الثاني له في شقته وللحين أهله مقاطعينه حتى الجوال ما يردون عليه ...رفع نظره لما طلعت من المطبخ ومبتسمة بسعادة وكأنها مالكه الدنيا كلها : نسيت اسألك تحب الشوربة
قاطعها بابتسامة متعبة : اي شيء !-
هزت رأسها بارتياح : تدري اليوم أمي رح تزورنا !
وقدر معها اشتقت لها كثير !
كملت كلامها لما شافت سكوته وجلست مقابل له تبغى تستفسر عن كلام فياض لكن بإسلوبها : معقول ترفض ترجع مع امي للبيت
قاطعها بهدوء: البنت كبيرة ما هي صغيرة على هذه الحركات ما رح تعمل كذا
رفعت حاجب بتساؤل: انت ما تبغاها تعيش
غمض عيونه لثواني وبعدها رد : لا تستبقي الاحداث يا رونق
صحيح نسيت اخبرك جدتي اليوم جاية تزورنا!
عقدت حواجبها: بس جدتي ام ناصر يقولون ما تقوم من السرير وضعها الصحي تعبان
قاطعها،: جدتي صفية !
وقفت على حيلها بتذكر : نسيت الاكل على النار .دقيقة وراجعة !
بعد دقائق رجعت وابتسمت براحة :لو تأخرت شوي كان احترق الأكل
حك جبهته بابتسامة باهتة اكلها بدون حرق مو ذاك الزود : الحمد لله تدرين
سكت وناظر جهة الباب لما انطرق الباب وبتساؤل: امك ؟!
هزت رأسها بالنفي: امي بالليل رح تيجي الحين الظهر
لحظة اشوف ..
اقتربت من الباب وسألت باستغراب: مين
وصلها صوت تكرهه : افتحي تبغين تفتحين تحقيق !
عفست ملامحها وفتحت الباب بعد ما عدلت ملامحها
سعاد ناظرتها بكره : سنة حتى تفتحين الباب !
ابعدي عن طريقي !،
رونق واقفةوماسكه مقبض الباب وهي تناظر الزوار باندهاش!
ام لؤي بانتقاد:ابعدي عن الباب واقفة وانت بهذا اللبس !
سعاد رفعت حاجب وهي تناظرها ...لابسة بنطلون ابيض وبلوزة حمراء وشعرها رافعيته بكماشه ولابسه عدسات رماديه ...مطت شفتها بغيرة من نعومتها ....الشبه حاليا كبير بينها وبين مريم الفرق لون العيون فقط!
دخلوا وما سلموا عليها !
قفلت الباب وتوجهت لهم ...بعد السلام جراح فرحان بزيارة اخواته : كيفكم! وكيف امي؟
مطت شفته ام لؤي بقهر: مو بخير وانت تعرف السبب !
سعاد بنغزه: لوتهمك كان سمعت كلامها !
جلست رونق وهي تحس نغزاتهم عليها ....
جراح ناظر رونق بمحبة واضحة وبعدها التفت على اخواته : عاد اليوم كنت مخطط ازوركم انا ورونق... اصرت تقول نسلم عليكم
رفعت رونق حاجب باستنكار ما معها خبر لهذا الكلام وبمجاملة نطقت لما غمز لها جراح: ايه كنا
قاطعتها ام لؤي وهي ساحبه عليها وتوجه الكلام لجراح: لا تغلب نفسك ... انا وسعاد كل يوم عندك!
واعطت رونق نظرة تحدي!
عقدت حواجبها رونق بانزعاج من صوت صراخ العيال ..ناظرت بجراح الي يهلي ويرحب بأخواته: البيت مفتوح لكم متى ما بغيتم !
سعاد بتفقد: تغديت ؟! ترى جبت لك معي الاكل الي يحبه قلبك
رونق بمقاطعة: ليه غلبت نفسك جهزت له الأكل
سعاد بسخرية: الحين تقارنين طبخك القروي بطبخي
اسألي جراح خليه يقولك عن طبخي
انقهرت بداخلها من كلامها.وبابتسامه ظاهرية رسمتها على محياها حتى تقهرها : عاد دوبه جراح يقولي بحياته ما ذاق ازكى من طبخي!
جراح ناظرها بفجعة تبغى تورطه مع سعاد اكيد رح تنقل الكلام لامه ويزيد زعلها. ..غمزت له بابتسامه جميلة حتى يسلك لها ....وبتورط نطق وهو يشوف ملامح اخواته : طبخت لي طبخة اول مرة اسمع فيها ما عمره احد طبخها منكم ...يعني اقصد هذي الطبخة ما شاء الله طعمها غير شكل !
خزته رونق وهي تتذكر البارحة ما قدر يأكل الا كم لقمة وطلب من المطعم !
ام لؤي وهي تعلك: وكيف وضعك الحين ؟ !
انا اقول لو تنتقل لبيت اهلي بهذه الفترة انت تعبان والشقة صغيرة حتى ما تقدر تستقبل فيها ضيوف لوحدك بحاجة احد
قاطعها بابتسامة: يا الضيوف مقطعين حالهم!!) ...هنا افضل
رونق انزعجت منهم ومن كلامهم : اجهزلك الغداء
سعاد فتحت حافظة الطعام الي احضرتها: هاتي شيء نفرغ فيه الاكل خلي جراح مرتاح هنا وجيبي بس شيء افرغ فيه الاكل .وطبخك ما له داعي
رونق عقدت حواجبها: ماله داعي بالنسبة لك اما جراح ما يستغني عنه
جراح اصابه صداع هذه اولها .نطق بهدوء: وش فيكم ترى ما رح يبقى شيء من طبخكم ترى ميت جوع !
تحركت رونق من الصالة و ماسكه اعصابها بقوة ....
رتبت الاكل امامه وجلست تراقب الوضع ..وكلما بغى يأكل لقمة من طبخ رونق تسحب يده وتخليه يأكل من اكلها !
رفعت نظرها لاخواته ولجين يتهامسن ويضحكن بهدوء!
ناظرت جراح وتقدمت وسحبت طبق الاكل الي حضرته سعاد : خلاص يكفي.....الحين دور طبخي
سعاد شهقت وبردح نطقت : شفت بعينك وش عملت
لجين بهجوم : انت ما تستحين على وجهك تع
قاطعتها رونق بهدوء: انت ما دخلك
جراح استغفر بداخله ..وضعه لا يحسد عليه واقع بين زوجته واخواته ...ما هو حاب يكسر بخاطر اخواته الي اول مره يدخلون بيته ..تناول الطبق من رونق: لا تخافين رح اكمل اكلكم كلكم !
رونق طالعت اخواته بتقييم وصدت عنهم !
بعد وقت تمدد على طوله بتعب يحس اصابته تخمه ما هو قادر يتنفس ....
رونق جالسه بغرفتها بحجة عليها دراسة لانها ما تقدر تمسك نفسها اكثر من كذا ...قريب العشاء وهم للحين عندهم !
تمنت انها امها ما لغت الزيارة على الاقل تلاقي احد تكلمه !
عضت على شفتها بقهر لما سمعت صوت تكسير ...متأكده المكان صار دمار!
مرت الايام وهذا حالها اخواته كل يوم عنده. والجدة صفية تنام وتصبح عندهم ...تحس المكان صار منتزة يدمرون ويطلعون !
تكتفت وهي تناظر المكان بعد ما غادروا وبقهر: اقنعني إنه هالزيارات ما هي متعمدة !
صفية تمشي بخطوات بطيئة بعد ما كانت بالحمام : عيب هالكلام ...أخواته يبغن يزورن اخوهن
قاطعتها رونق: ما احد منعهم بس قرودهم بالبيت ما هو منتزه !
يعني ما في احساس جراح تعبان وازعاج ما هو طبيعي من صباح ربنا لوقت النوم!
في شيء اسمه الذوق العام !
صفية جلست على الكنبه : وكاد تقصديني اني جالس عندكم !
جراح اعطاها نظره تهديد لو زعلت جدته...زفرت بضيق ونطقت : ما اقصدك انا اتكلم عن الصغار
جراح بمحبة لجدته: البيت بيتك يا جدتي بس رونق متضايقة من هالوضع ..واشر على المكان!
صفيه ضد رونق لأنها تشوفها السبب في خراب علاقة جراح بأهله وإخوانه ...تغير جراح حتى ما كلف نفسه يعتذر من اخوانهاو يبرر لهم اي شيء !
ما تحب الرجال الي يتبع مرته ويخرب علاقته بأهله علشانها وبلوم نطقت: انت خليك خلف سوالف الحريم
رونق تعرف انها متحيزة لصف ام راكان ...نطقت بضيق : جراح ما تزوجني حتى اخدم تحت قذاره عيال اخواته ...انا مب فاضية عندي بيت ودراسة
قاطعتها صفيه بسخرية:من كبر هالبيت!،
يا بنت اسمعي من هالنصيحة لا تكوني من الحريم الي تقطع الزوج عن اهله!
قاطعتها رونق وهي تناظرجراح : انا اقطعك من اهلك؟!
جراح عافس ملامحه من التعب وما هو قادر ينطق حرف واحد ..فوق تعبه مشاكل رونق مع اهله..وبصوت هامس،نطق : اتصلي بابوك يأخذني للمستشفى
صفية قامت على حيلها بخوف : جراح انت بخير
رد بتعب: تعب بسيط
صفية ناظرت رونق واقفه تناظرهم بصمت: تحركي اتصلي بآي احد واقفه مثل الصنم !،
**
*
**
**
في الجامعة
وضعت راسها على الطاولة بروح ميته :مب قادرة استحملهم !،
متأكده متعمدات يقهروني بهذه الزيارات ...وما اقدر اقول لهم ممنوع يزورونا هم اهله ..وما ابغى يأخذ جراح موقف مني او يزعل
والمشكلة جدته صفية تخيلي تنام وتصبح عندنا ترجع لبيتها كم يوم...اقول واخيرا اتفاجئ اليوم الثالث عندنا !
روعة حطت يدها تحت خدها : انا لو مكانك اطردهم وامسح فيهم الارض والعجوز صفصف نعم خير زوجك مسجل الشقة باسمها كل يوم والثاني بوجهك !
والا مسمار جحا في بيتكم وجايه تتفقده!
وطيب عريس الغفله وين موقعه من الجملة !
رونق رفعت رأسها بملل: منصوب عليه بسالفة المحبه ويبغون يطمئنون عليه !
امي تقول لي اخرتهم يملون !
وزوجها الموقر يقولي مع انك ما تستحقين النصيحة بس علشان امك رح انصحك لا تخسري جراح بتهورك وأهله فترة ويملون لما يشوفون استقبالك الحلو ولما يعرفوا خلاص خطتهم فشلت !
وانا طبقت كلامه واستقبلهم اممم استقبلهم عادي بصراحة ما قدرت انافق واجامل ....جراح متضايق حتى لو ما تكلم احس بضيقه تخيلي زياد الأسبوع الجاي زواجه وما اعطوه خبر ولا عزموه ..وامه مقاطعيته
روعة عفست ملامحها : بصراحة غريبين ...مقاطعينه للحين !!
رونق بضيق : انا ما احب اكون عثرة بينه وبين اهله ...ما أحب تكون هالقطاعة بسببي ....حتى أمه ما هي راضيه عليه ورابطه هالرضى بطلاقي !
وبغصه نطقت والدموع محبوسه بعيونها :روعة انا مو سيئة لذيك الدرجة انا مريت بأيام عصيبة خلتني اكره كل شيء ....انا مو صايعه بالعكس حافظت على نفسي ليه مصرين يشوهون سمعتي ؟!
انا ما عملت لهم شيء يستحق هالمعاملة الي يعاملوني فيها !
الي يخليني اسلك بعض الامور هو جراح لأني ما ابغى اخسره لأنه يختلف عنهم الف درجة !
اضحي من اجل المحبة الي بيننا !
واجه الكل واصر على الزواج فيني وانا لازم اتحمل كل شيء حتى يستمر هالزواج !
لازم نضحي ببعض الأمور حتى تستمر الحياة !
روعة ردت بضيق لحال صديقتها : رح تفرج وتعيشين بسعادة
رونق مطت شفتها بسخريه: بسعادة وأمه على قيد الحياة؟!
الحين صفية ناشبه له حتى نسكن عند جدتي ام ناصر المكان واسع
روعه : وافقتم؟!
هزت رأسها بالنفي : جراح ما هو راضي !
روعه مطت شفتها : وش هذه الجدة !،
وإذا وافق
رونق ردت برفض: اكيد لاااا
بس ابوي يقولي لا تعاندين تخربين بيتك علشان مكان سكن !
روعة : ابوك يعطي نصائح وهو مطلق
قاطعتها رونق : صدقيني بعد التجربة نسبة كبيره من الطلاق راجعة لتدخلات الاهل بالزوجين !،
روعة بتأييد : صادقة !
الا ما قلتي لي وين صفصف عنكم البارحة طالعين ومنزله صورك مع شارل !
ضحكت رونق : هذه سالفه ثانية صرنا انا وجراح نطلع بعد ما تنام سالفتها مطوله !،
روعة ابتسمت بغمزه: دخيل عصافير
قاطعتها رونق :دخيلك ما هو ناقصنا عذال !
روعة ابتسمت : شفتي وحده معلقه لك « جوكر ومتزوجه هالمزيون»،
رونق ضحكت: شفته متأكده انها وحده من اهل جراح
روعه رفعت حاجب: وش عرفك ؟!
رونق بابتسامه: واضحة لاني بالصورة انا متغطيه وما هو ظاهر الا الجانب الايمن يعني اغلب الصورة لجراح وأنا جزء مني طالع ومتغطيه فكيف عرفت اني جوكر ؟!
روعة بملامح رايقه : يا اختي الناس بس تبغى تلقلق اهم شيء زوجك وابنتك ودراستك
اذكر قلتي انه جراح قالك لا تنزلين صوركم
قاطعتها : بس هذه الصورة كلها له وانا مثل ما شفتي ما هي واضحة.
**
**
زياد تنهد وهو مشبك اصابع يدينه ببعض ..وبنبره فيها ضيق : يعني انا المبسوط وانا اشوف اخوي كذا بعيد عني وما في تواصل !
لكن ما في حل غير كذا يمكن يصحى
قاطعه راكان بقهر من انتصار رونق عليهم :ما ظنيت يصحى..تذكر لما قلت خليه يتزوجها شهر ونخلص منها مجرد نزوة والحين كم صار لهم متزوجين ؟!
تكلم؟!،
وملتصق فيها وباعنا بالرخص !،
انت مستوعب _ وبنبرة اعلى _،مستوعب انه جراح يفضل هالقروية علينا!،
جراح الي عمره ما نزل كلمتنا للارض الحين
قاطعته ام راكان وقلبها موجوع : صدقني ما هو بوعيه انا اقول مسحور
زياد عقد حواجبه: لزوم نتحرك بس من وين البداية ؟!
راكان عبس بملامحه قهر : انا اعرف كيف اتصرف !،
وقف وهو ناوي على شيء في باله !
غادر وهو مطنش تساؤل زياد وامه عن الي يفكر فيه !،
*
**
•*
جواد ابتسم بهدوء وهو يناظرها : وبعدين!،
رفعت حاجب بتذكر: ما صار شيء طلعنا من المطعم بسرعة ولا كأنه صار شيء !
تنهد وهو بداخله عدم راحه وهو يشوف بناته ما هم مرتاحين بالزواج !
وحده مشاكل مع بيت حماها والثانية
قاطعت افكاره وهي تتكلم : تدري البارحة ضاع وقتي وانا اتابع فيديوهات لك على النت قبل ما اطلع لذي الدنيا !،
مط شفته لما حس كلمتها ملغومه : وش رايك فيهم !
تابعت كلامها بسخرية : بصراحة لما شفتهم تعلمت درس كبير لا تصدق كل ما تسمع لانه لكل بيت اسرار الي يشوف كلامك يقول واوووووو حياته جنة مع زوجته !
رفع عيونه للسقف وهو يردد : لا حول ولا قوة الا بالله !،الحين ترجع لنفس السالفة !
ابتسمت بروقان : ما رح ارجع لنفس السالفة المهم بصراحة ما شاء الله كنت جميل !
ابتسم : يعني الحين صرت شين !
ناظرته وهي تتأمله وبعض شعرات بيض بلحيته الخفيفة .وشعره فيه القليل من الشيب : يمكن لما كنت تتصور تضع فلتر وتضبط امورك وتطلع ،وسيم !
فتح عيونه باستنكار: يعني الحين انا مب حلو يا جوكر !
احلى من جراحووووو
هزت كتوفها بابتسامة جميله: انا اقول رايي
مط شفته : والله!
هاتي مثال لشخص جميل من محارمك خلينا نشوف ذوقك؟
ردت بتفكير : امممم نايف حلو
عقد حواجبه وما عجبه كلامها: والله؟!،
ومين بعد ؟!
تكلمت بابتسامة : بصراحة فياض ما شاء الله جميل وشخصية وهيبة تحسه
سكتت لما حست بشيء بنص جبهتها وبنبره غاضبه: انكتمي
مسحت مكان الضربه بألم : ليه ضربتني!
وليه زعلت !
انت الي سالت !
والا غيران!
زفر بضيق وناظرها: ماكره !
الحين فياض احلى مني، ورجوله وهيبة ليه شايفيتني
قاطعته بضحكة: والله ما قصدت انا جاوبت بمصداقية
رد بقهر استفزته بقوة : ذوقك*****
ناظرته باستنكار : زعلت؟
تنهد ورد بهدوء : ما أزعل من قلبي
خزته : دوبك هفيتني والحين قلبك !
عدل جلسته : الحين خلينا من سوالفك البايخة ما صار شيء بينك وبين بيت عمك ؟!
هزت حواجبها بالرفض : ناس ما يبغوني ليه افرض نفسي عليهم ؟!
زفر بضيق : وجراح ما تصالح معهم البارحة
ناظرته بلامبالاه:- ما تصالح هم رافضين الصلح
ما يهموني دامني سعيده انا وجراح ..وهم رافضين الصلح ما هو جراح
اص
سكتت وهي تشوف مريم داخله ...وقفت بتردد لما شافت رونق وبعدها تقدمت سلمت على ابوها و جلست !،
رفعت رونق حاجب واعطت ابوها نظرة بمعنى شفت !
جواد زاد ضيقته وهو يحس نفسه مكبل ما هو قادر يعمل شيء وهو يعرف انه راكان مانع مريم عن رونق !
جواد ناظر مريم: للحين زوجك مانزل الحطب الي في رأسه !
مريم مخنوقة من العيشة وبقهر نطقت : ما نزل !
من لما طلعت لنا قلبت حياتي !،
ليتها ما رجعت
قاطعها جواد بغضب : مريم
رونق ببرود ظاهري : اتركها تقول كل الي تبغاه ..وخلي حضرة راكان ينفعها !
بحياتي ماشفت إنسانه ممسحة مثلك !
عديمة شخصية راكان يتحكم بتصرفاتك وانت مثل الروبوت ما لك راي !
مريم بشراسه: ما يخصك
رونق بسخريه : ما شاء الله عليك كلهم يتحكمون بحياتك !
ترى كل اخبارك عندي ام راكان قالت لك ممنوع
مريم بشراسه: ما يخصك روحي شوفي نفسك يا ساحرة
ترى الكل يتكلم ا نك ساحرة جراح
جواد نرفزه كلام مريم: وقص يقص لسانك تتكلمي على اختك كذا
قاطعته رونق بابتسامة باهته: خليها تقول الي تبغى هذا من قهركم تقولون كذا !
اكيد سحرته بجمالي وجمال اخلاقي
جواد بغضب ناظر مريم : مين يقول عن رونق الكلام الحين ابغى اعرف
مريم بارتباك ردت : ما احد تكلم انا قلت كذا حتى استفزها
قاطعها بغضب: تقولين عن اختك هالكلام حتى تستفزيها !
تراها اختك تعرفين وش يعني اخت !
ناظريها شوفي كم نسبة الشبه بينكم وبالمقابل كم قلوبكم بعيده عن بعض !
تتكلمين عن اختك وكأنها عدو لك
قاطعته مريم بحرقه: لأنها اكبر عدوة لي ترى كلامها وصل لي تتشمت فيني لما الحمل نزل
رونق بهدوء: انا ما تشمتت فيك
مريم باندفاع: عبود ما يكذب!
رونق مطت شفتها بسخرية : مو مجبورة ابرر لك لكن أنا قلتها و للحين اقولها انا قلت احسن ما تبغى نسل من هالخبيث
قاطعتها مريم باندفاع: حدك راكان ما اسمح
رونق ضحكت من قلبها وهي تردد: صدق ما تسمحين لي!،
جواد اعطاهم نظرات نارية وبغضب: دام علاقتكم كذا مع بعض ما ابغى اشوفكم متى ما صرتو مثل الاخوان وقتها تعالوا
مريم بتبرير: يبه لا تحملني فوق طاقتي لانها ما تنطاق هالبنت !
رونق لمعت عيونها بالحزن غصب عنها ..نطقت وهي تظهر عدم المبالاة :قولي بصريح العبارة السيد راكان مانعك وانتهت السالفة
مريم بتأكيد: بالضبط زوجي ما يبغاني اختلط فيك وما رح افرط براكان وازعله علشانك!
جواد زفر بقهر من راكان وتسلطه حرك شفته يتكلم
قاطعته رونق وهي تبتسم بألم : خلينا كذا افضل عشت حياتي بدونها وما رح توقف الدنيا عليها !
وقفت وهي مستمره بالكلام : بالاذن انا تأخرت!
تحركت خطوة على دخول الجازي وهي تقفل الجوال ...ناظرتها الجازي بهدوءوما علقت !
جواد تنهد وبهدوء نطق: اجلسي رونق اتصلي بجراح وانا ارجعك بعد ما تسهري معنا
هزت رأسها بهدوء: خليها مرة ثانية بالاذن
استأذنت وطلعت من المكان وهي تحس صدرها ضائق .... لمحت جدتها وهي طالعه من المطبخ لما شافتها رجعت مباشرة تعمل نفسها ما شافتها!
مطت شفتها بسخرية وحزن يكمن بداخلها تنقهر من النظرات الدونية من الي حولها وكأنها فعلا بنت أخلاقها بالحضيض ...تكره زياد فضحها عند جدها و اعمامها وجدها اكيد خبر جدتها وجدتها وش يضمن لها انها ما تكلمت !
حتى لو ما تكلمت ...نظرات الي من حولها وكأنها خاطفه جراح او زواجهم حرام وما يجوز وإنها بنت قليلة التربية لانها ملكت عليه بدون علم احد وطلعت معه لزيارة ام مرعي !
حتى. ابوها تحسه يحاول يظهر انه طبيعي وإنه نسي سالفة زياد لكن بالحقيقة ما نسيها واكبر دليل اتصالاته الدائمة والسؤال عن مكان تواجدها !،
يمكن سكوته ما يبغى فضائح !
رفعت نظرها بعد ما طلعت البوابة الخارجية وزفرت بضيق وهي تهمس: حسبي الله ونعم الوكيل !
وقت الغروب المشي فيه ينمو بداخلها مشاعر واحاسيس غير !
رح ترجع على اقدامها ما لها مزاج تشوف احد او تكلمه!
قاطعها رنين الجوال ومرة ومرتين وثلاث ...وقفت ورفعت الجوال ..عقدت حواجبها لما شافت اسم فياض....ردت بهدوء: الو
بدون مقدمات:وينك؟!-
هبط قلبها خافت على قدر: وش صاير؟!،
رد بضحكه قصيرة: علامك خفتي كذا بس طالعين وجراح يقول انك عند اهلك
قاطعته بهدوء: ما ابغى اطلع
قاطعها: جراح يقول عنده مشوار وقدر رافضه تطلع بدونك
كتمت ضيقها قدر نقطة ضعفها...نطقت باستسلام: انا بالشارع الرئيسي طلعت من بيت ابوي صرت عند شجرة
قاطعها: خليك مكانك الحين جايك !!،
قفلت الخط ووقفت تنتظره على جنب الطريق،وهي تفكر جراح ما خبرها إنه خارج!
بالرغم من علاقتهم الحلوة والراحة الي تشعره بوجود جراح الا انه تحسه غامض في امور عقلها ما يستوعبها وما يقتنع فيها واهم هذه الامور حبه وعشقه لها يختارها على اهله ؟!
اي حب هذا الي يكون من نظرة عيون!
شاف عيونه وسقط عاشق متيم بحبها ؟!
هذا الشيء لا تصدقه كيف حبها من عيونها؟!!
وفوق هذا شايفها ملكة جمال مع انها تشوف نفسها عادية عنده مبالغه في هذا الامر ! تفكر بهذه السالفه بس ما لقت جواب لها!
يكذب إخوانه ويصدقها ؟!،
ابوها وجدها صدقوا زياد وكذبوها وهو بكل بساطه يصدقها !
الهدوء الي يغلفه وان عصب لحظات ويروق بسرعة !
ما في شيء يدل على نقصان عقل فيه !،
انسان طبيعي لكن الغموض إلي فيه ما تقدر تفهمه !
ليه اختارها هي من بين كل البنات؟
تحس فيه حلقه ناقصه بالموضوع ...زفرت بضيق واتصلت على رقمه !
اعطاها مشغول ...زمت شفتها بضجروناظرت خلفها وهي تسمع صوت يطرب مسامعها : سلام للحلوين !
ناظر سيارة فياض وجراح جالس جنبه وابتسامته العريضه تزين ثغره !
تقدمت بابتسامة وسعادة ولا كأنها دوبها كانت متضايقة وقفت عند الشباك وخزته: عندك مشوار؟!
توسعت ابتسامته: احلى مفاجأة
قاطعه فياض بضجر: ممكن يا سندريلا تركبين ؟
واقفين بالشارع!
*
**
**
**
رونق فتحت الباب وجلست جنب امها بابتسامة : كيفك يالغلا؟!
فياض علق على كلامها وهو يحرك السياره : ترى دوبك قبل كم ساعة كنت معها !
الجازي براحة لقرب رونق منها : لو تغيب عني دقيقة أشتاق لها
رونق حضنت ذراع الجازي بتملك :-ربي لا يحرمني منك !
قدر ناظرت رونق: ليه تأخرتي؟!
رونق ناظرتها بحب : ما جلست كثير
جراح التفت للخلف : كيف الأهل
ردت بابتسامة باهتة : بخير
مسكت الجوال بهدوء...قاطعها فياض بانتقاد وهو يناظرها من المراية: بدينا تصوير !
رونق بابتسامة :وش احلى من الذكريات !
فياض بتحذير يا ويلك لو تطلع امك بالتصوير
قاطعته بضجر من تشدده : لا تخاف ما رح تطلع سندريلا !
فياض ناظر جراح الي يناظر للخلف ومبتسم لرونق : أشك احيانا بعقلك !
جراح التفت له: دام كل الي عندها بمواقع التواصل بنات وين المشكلة وفوق هذا متستره وحسابها تشرح للبنات المواد العلمية تكسب فيهم اجر ما اشوف فيها شيء
سكت لما تكلمت رونق وهي تستفز فياض: مساء الخير لكل الاصدقاء اليوم رجعت لكم بفيديو جديد ...طبعا اناطالعه الحين مع امي الغالية اجمل جازية على وجه الارض برفقه زوجها الوسيم اتوقع مره طلع بالغلط بإحدى الفيديوهات ..ضحكت بخفه على نظرات فياض الحادة ...كملت بابتسامة : المهم ومعنا طالع توأم روحي جراحوووووو
وجهتالكاميرا على جراح المبتسم : وش شعورك بهذه الطلعة
جراح ابتسم وهو فاهم حركاتها س تبغى تستفز فياض
: بصراحه شعوري لا يوصف مبسوط دام عيون الغزال معي
مط شفته فياض لسخافة الجوز !
رونق بابتسامه رجعت الكاميرا لجهتها : رح اكمل معكم اليوم معي احلى بنت بالعالم قدر
قدر قاطعتها وهي تناظر من الشباك :-ماما شوفي
فياض وقف السيارة وبنرفزة: طفي الزفت الي بيدك !
العتب ما هو عليك معروف انه عقلك طافي لكن العتب على زوجك المحترم كم
قاطعه جراح بابتسامة على انفعال فياض لأنه متأكد رونق ما رح تنشر هالمقطع بس تستفز فياض : دام كل الي عندها بنات وين المشكلة؟!
فياض ناظره بقهر: وش يضمن لك انه سوسو والا فاطمه والا بطيخة انها بنت فعلا ؟!
اكثر الشباب يدخلون باسم بنت علشان
جراح قاطعه: عاد لا تكبر السالفة كلهم بنات وفوق هذا متغطيه
الجازي حست بنغزة بداخلها تذكرت ايام جواد ما كان يغار عليها كانت تطلع كاشفة والوضع عادي بالمقابل الجازي حبيبة قلبه بس ظهر معصمها فضح الدنيا!
ناظرت رونق وقلبها يخفق من النتيجة الي وصلت لها « جراح ما يحب رونق لو يحبها كان غار عليها»
وخاصه أهل امها يغارون على اهلهم !
ليه جراح ما يغار على رونق !
حست بمشاعر كره تجاه جراح كيف يلعب بمشاعر رونق!
رونق وهي تناظر فياض: خربت المقطع حرك السيارة
فياض بغضب :-اطفي هالزفت وين ابوك عن سوالفك هذه!
رونق رفعت حاجب وتعكر مزاجها بسبب فياض: ما احد له دخل بحياتي دام زوجي راضي !
جراح تنهد: حصل خير حرك السيارة
فياض شغل السيارة وهو يتكلم: وقسم بالله وسيم المراهق عنده غيرة اكثرمنك يا دكتور !
جراح بضحكه : البارحة يقول لي يبغى يطلع مع رونق بمقطع يمكن يلقى معجبات
رونق مطت شفتها بسخرية: لا ذول حلال عليهم ..على سيرته وينه؟
الجازي بهدوء: عند عمتي نجوى يبغى يجلس. مع عيال خالتك سمية
قدر ابتسمت: ماما انا احب فارس البارحة سمح لي اقطف ورد وقال بنت الوردة تستحق احلى وردة وسأل
قاطعتها الجازي وهي تقرصها بفخذتها وبترقيع نطقت:،يسألها اي صف يقول باينة كبيرة !
قدر وهي متألمه من وجع القرصة : مو كذا سآلني
رونق فتحت عيونها بملامح مخطوفة تخاف قدر تجيب العيد بكلامها
جراح عقد حواجبه بتذكر: فارس الي يدرس
فياض يقفل السالفة : ايه الحين وين نازلين
خالد يتكلم بعفوية مع قدر : قال لك فارس لو ما وقفوا بوجهنا كان
فياض تغيرت ملامحه وقاطع خالد وهو يقول: وش رايكم نجلس هناك
جراح ناظره وهو رافع حاجب يحس في كلام ناقص...التفت على الجازي الي تتكلم : خلينا ننزل هنا مكان حلو
وقفت السيارة وقلبها يدق بقوة خايفة جراح يفهم السالفة غلط ....ما تبغى تخسره ابدا !
بعد وقت فياض جالس ويناظر رونق وجراح وقدر يتصوروا بسعادة : ما اتوقع هالسعادة تدوم !
خفق قلب الجازي من كلامه: ليه تقول كذا !،
انت سامع شيء؟
فياض زم شفته ما هو عاجبه تصرف رونق: كل حركات رونق غلط!
تراها تلعب بدمها بحركاتها!-
ما رح يسكتون لها
الجازي بقهر من كلامه: وش عملت رونق حتى تقول الكلام ؟!
ملتزمة في بيتها وقائمة بزوجها واهل زوجهاما يبغونها يعني وش تعمل تروح تبوس رجولهم حتى يرضوا عنها؟!
كافي انه جراح معها
فياض مط شفته : لا تنسي كثر الدق يلين الحديد!
ما رح يتحمل مقاطعة اهله له ...جراح يحب اهله ويحترمهم ولما تقدم على الخطوة ما توقع تكون النتائج كذا!
توقع بالبداية يعارضون ويزعلون واسبوع يكون كل شيء منتهي والكل رضي بزواجه!
لكنه تفاجئ بالواقع امه للحين غضبانه عليه وما تكلمه والفترة طالت ...و راكان وزياد ما رح يتحمل جراح هالجفا منهم اكثر من كذا !
ما تشوفينه يبتسم ويضحك لكن ما هو من قلبه جراح مثل الي بلع موس وما عارف كيف يطلع
قاطعته الجازي بقهر:معقول يترك رونق
فياض تنهد ببرود: ما رح يتركها بذي السهولة لكنه رح يبدأ يقدم تنازلات لاهله على حساب رونق حتى يرجع الموية لمجاريها وابنتك ما رح تقبل بذي التنازلات ووقتها
رفع حاجب وهو يمط شفته بأسف : رح ينتهي كل شيء!
الجازي تحس شيء كتم على قلبها من كلامه ...ما تبغى هالشيء يصير لأنه رونق رح تتدمر!
قبل ما تتكلم اشر لها فياض تسكت وهو يناظرهم تقدموا نحوهم !
رونق جلست بابتسامة وهي تتكلم عن قدر وخالد وديما وش عملوا!
رفعت حاجب باستغراب وهي تشوف وجه امهامقلوب والكدر واضح فيه ..سألت باستفهام: وش فيك يمه ؟
فياض بترقيع : متضايقة لأنه وسيم ما هو معها تبغاني ارجع
جراح مط شفته بشبح ابتسامه: تلقينه الحين مبسوط مع عيال خالته واصلا ما في وقت يرجع
فياض قاطعه بابتسامة: لا تخاف ما رح اتحرك من هنا !
الجازي تنهدت والحزن يحوم حولها وهي تشوف رونق تمد لجراح للجوال وتبتسم : شوف هذه الصورة!
اشر فياض للجازي بعيونه تختصر وما تظهر شيء...لانه بالاول والاخير كل هذه توقعات !
فياض ناظر جراح : رح تحضر زواج زياد!
جراح اكتسى الهم ملامحه وبمحاوله لاخفاء ضيقه ابتسم : ان شاء الله ...حتى لو رفضوا وجودي غصب عنهم رح اكون معهم !
فياض بتأييد : صحيح كلامك ذول اخوانك ومهما صار عمر الدم ما صار موية !
تسمع كلامهم وهي خايفة من هالزواج تخاف يطردوه ...ناظرته وهو يتكلم متحمس لزواج زياد ...تحس بألم بداخلها ما تبغى تكون العثرة بينه وبين أهله ...وش تعمل اذا هم رافضين وجودها!
مطت شفتها بضيق ما وقفت على اهله حتى اهلها تحس غير مرحب فيها والنظرة الدونية ترافقهم!
تركت الجوال ووقفت لما نادت عليها قدر ...تحركت بهدوء بخطوات هادئة باتجاه قدر !
بعد لحظات وصل احمد ومعه وسيم تقدم وهو يبتسم: هذا ولدكم عندكم والأمانة وصلت!
وسيم جلس بهدوء ناظر جوال رونق ابتسم بخفة ومسكه بدون ما احد ينتبه عليه وابتعد عنهم
**
**
**
جالسة والقهر بداخلها يغلي غلي ....ولدها يبيعها كذا ؟!
ويقدم رضا رونق على رضاها !
ام لؤي وهي تناظر امها :يا يمة والله الغلط راكبك والله ما اترك ولدي لها !
هذه هي تمشيه على كيفها
ام ناصر هزت رأسها بتعب: انت الي قاعدة تخسرين ولدك بسبب صدك !
كل يوم يراكض خلفك حتى يرضيك وانت تقفلي كل الابواب بوجهه!
راكان تكتف: خليه اشوف كيف رح تفتح الدنيا بوجهه وامه غضبانه عليه !
سعاد وهي تعلك وترش على النار بنزين : طول وقتها تنزل صورها وهي ساحبيته من مكان لمكان وهو مثل الخروف خلفها !
راكان رفع حاجب: وانت ما شاء الله متابعه كل حالاتها !
سعاد مطت شفتها : اكيد ابغى اعرف اخبار اخوي !
لجين دخلت وبيدها جوال مريم وباستنكار: والله خالي جراح ما عنده كرامة لو تشوفون المقاطع الي منزليتها على مواقع التواصل !
زياد جالس بهدوء ويستمع لكلامهم رفع راسه وناظر لجين وهي فاتحه الجوال حتى يشوفون!،
«مساء الخير لكل الاصدقاء اليوم رجعت لكم بفيديو جديد ...طبعا اناطالعه الحين مع امي الغالية اجمل جازية على وجه الارض برفقه زوجها الوسيم اتوقع مره طلع بالغلط بإحدى الفيديوهات ..ضحكت بخفه : المهم ومعنا طالع توأم روحي جراحوووووو
وجهت الكاميرا على جراح المبتسم : وش شعورك بهذه الطلعة
جراح ابتسم: بصراحه شعوري لا يوصف مبسوط دام عيون الغزال معي»
ام راكان جحظت عيونها وهي تشوفه طالع ومبسوط وكأنه ما له امي يسأل عن غضبها عايش حياته ومبسوط
وهي جالسه هنا بقهرها ابنة ابليس قلبته ما كان كذا !،
عقدت حواجبها وهي تشوف مقطع ثاني وضحك جراح بارز ومعهم قدر وعيال جازي ...ما تتحمل هالشيء ابدا سرقت ولدها منها وهي جالسة هنا تندب حظها!
من شدة القهر والضيق تحس ما في هواء تتنفسه وخلال لحظات كانت فاقدة الوعي !
وقف زياد بسرعة برعب وهو يشوف امه على الارض جثة هامدة سحب الجوال من لجين وضربه بالارض بقوة وبصراخ: ليه تخليها تشوفه !
وتوجه لأمه يهزها وراكان يشتم رونق ويتوعد فيها !،
**
**
**
راكان والشرار يطلع من عيونه: ترضيك تصرفاتها!
عاداتنا وتقاليدنا ما تسمح لها تعمل كذا !
حنا وين عايشين ؟!
اخذت اخوي بالغصب غصب عنها تحترم عاداتنا وتقاليدنا!
ابو جواد كتم القهر بداخله الظاهر هالبنت ما رح تريحهم !
جواد بداخله قهر وهو يشوف التصاقها بفياض وكأنه ابوه طالعه نازله معه وكأنهم عائلة وحدة !
زياد بتوعد: والله ان أصاب أمي شيء مارح نسكت لها ابدا!
نايف بانتقاد : يا اخي لها زوج روح كلموه ابوهاوجدها على وش يقدرون ؟!
زياد ناظره بقرف : انت ما تتدخل !
مسك جواله وهو يرن ...عفس ملامحه وهو يشوف اسم جراح !
اعطاه مشغول ورجعه مكانه ما رح يسامحه على كل تصرفاته !
رجع جواله يرن مرة ثانية....ابتعد عنهم وفتح الجوال بحدة : نعم !
جراح يتكلم على اعصابه : الي تقوله سعاد صحيح ؟!
امي وين ؟!
زياد بسخرية : واضح كثير انها امك تهمك !-
جراح بضيق: زياد
قاطعه زياد بحدة : ايه بالمستشفى ويا ليت ما نشوفك ما نبغى تنتكس حالتهامن جديد وكله بفضل زوجتك الموقرة تقهرها
قاطعه بضيق : انا
سكتت لما قفل زياد الجوال بوجهه !
زفر بضيق وكلام سعاد بذهنه بعد ما شافت المقاطع انتكست حالها !
ما يعرف ليه رونق عملت
كذا ونشرت مقاطع كذا وهو منبه عليها مثل هذه المقاطع ما يبغى !
ليه عملت كذا؟!
مسح على وجهه بتعب ...مل من هالحياة زوجته بكفة وأهله بكفه وش يعمل بينهم !
زفر بضيق وحرك السيارة متوجه لأمه لازم يرضيها وما يبغى القطاعة تطول اكثر من كذا !
بعد وقت كان عند باب غرفتها ...فتح الباب ودخل وهو يشوف اخوانه متجمعين حولها وهو الوحيد الي بعيد عنهم !
اشتاق لجلستهم والكلام معهم !
اوجعه قلبه لما صدت امه عنه ...تنهد بعجز وش يعمل حتى ترضى عنه ؟!!
زياد رفع حاجب بحدة نطق : مو قلت لك لا
قاطعه جراح بصوت مخنوق: زياد خلاص لا تزيدها علي !
اقترب من امه : يمه
اهون عليك
ام راكان بتعب:مثل ما هنت عليك واخترت القروية على امك وعايش معها ومبسوط !،
وانا امك الي
قاطعها بقهر: يا يمه انا كل يوم عندك بس انت تقفلين الباب بوجهي !
وش الذنب الي اقترفته؟
ذنبي اني تزوجت البنت الي احبها !
ليه راكان وزياد اختاروا زوجاتهم وانا
قاطعته بغضب: زوجاتهم معروف اصلهم وفصلهم ما هو مثل زوجتك !
من مركز شرطة لمركز شرطة
ابوها وقفته بمركز الشرطة بدون ما يرف لها جفن !
اسأل فياض يوم تكفلها لما اتهموها بمقتل طالب معها بنفس الدفعة هددها بصورها الي معه !
وتزوجتك بدون علم اهلها وطالعه بدون ما احد يعرف معك وبالاخير ترسل لزياد رسائل غرامية !
عن اي انحطاط اتكلم !
لا تقارن زوجتك بزوجات اخوانك !
تفهم !
قاطعها بغضب: ما افهم!-
لانه كل هالكلام ما هو مضبوط ....رونق ما تعمل كذا !
ناظر زياد بقهر وهو يتابع كلامه: المفروض الواحد يتأكد قبل ما يتهم الناس ويفضحهم ..وكل سالفتك معي خبرها والرسالة ما هي منها الرسالة كانت من م
قاطعه راكان بغضب : يكفي!
انت لمتى طيبة قلبك ؟!
كذبت عليك وصدقتها ؟!
تغيرت يا جراااح كثير !
جراح تنهد : انا ما تغيرت بس انتم ما تبغون الحقيقة!
يمه انا مستعد اعمل اي شيء تبغينه بس الا الطلاق !،
الا الطلاق ما اقدر اظلم انسانة لانكم ما تحبونها !
صدت ام راكان عنه : طول ما هي على ذمتك لا انت ابني ولا اعرفك!
زفر بضيق وبكذب نطق: رونق حامل تبغون ولدي يتشتت؟!!
ظهرت علامات الاستنكار على ملامحهم ....ام راكان تحس انفاسها ضاقت عرفت هالشيطانه كيف تثبت نفسها!
راكان ضرب الارض بقوة: انت
زياد اكتفى بالسكوت وعيونه على امه الي نزل عليها الخبر مثل الصاعقة!
ام راكان بغضب نطقت:،براااااا
حسبي الله عليها حسبي الله عليهااااااا
زياد تنهد وبعدها نطق: انتظري يمه بما انه بلقيس حامل المفروض ننظر للموضوع من زاوية ثانية!
عقد حواجبه بعدم فهم : كيف؟!!
**
**
**
وضعت الكتاب بتعب جراح من الصبح طالع ورح يتأخر حسب كلامه..مدت يدها حولها تبحث عن الجوال ...رفعت الوسادة يمكن تحتها ..عقدت حواجبها بتذكر ...اكيد بحقيبتها البارحة لما رجعت نامت وما مسكته ....تكاسلت تقوم تجلبه....
قررت تغفى شوي تريح نفسها ..غمضت للحظات سرعان ما نقزت لما دخل جراح وهو ينادي بإسمها !
دخل الغرفة بملامح ضايقه ....وقف يناظرها مفزوعة: وش فيك ؟)
سألها بملامح حادة: وش هالمقاطع الي نزلتيها ؟!
عفست ملامحها بعدم فهم : اي مقاطع
قاطعها بغضب: لا تستهبلين!
بسبب هالمقاطع امي دخلت المستشفى
اقتربت منه باستنكار: مستشفى ؟!
انا ما نزلت شيء
فتح جواله وهو يمده لها : وش هذا؟!
انا نبهت عليك تنزلين بس دروس تعليمية أما
بهتت ملامحها وعقلهاما هو مستوعب شيء !
تكلم بحزم: ما ابغى اي حساب لك على مواقع التواصل خلاص احذفيهم ما هو ناقصنا مشاكل ..مب مستعد افقد امي تفهمي!
زمت شفتها بتعجب: والله!
الحين علشان هذا المقطع دخلت امك المستشفى ؟!
عملت امك هالفيلم والاكشن حتى
قاطعها وهو يضغط على فكها : امي انتبهي تغلطين عليها !
دفته عنها وبقهر نطقت : قول هذه أوامر اخوانك لكن باحلامهم والله ما احذف شيء والي ما هو عاجبه لاقرب طوفه ويطق راسه !
تكتف وهو يناظرها باستنكار: ما شاء الله
زفر بضيق وبعدها نطق وهو يمد يده: وين جوالك؟!
ردت بهدوء: اكيد فاضي من الشحن وين الشاحن؟!-
تقدم من الادراج....اخرج الشاحن ..و بعدها ناظرها بندم: رونق يمكن كنت منفعل بس لا تلوميني انا داخلي هموم ربي يعلم فيها....الكل واقف ضد حياتنا ...ومع ذلك لازم نتعاون وينجح هالزواج!
بفعلتك ذي زادت الامر سوء!
ابوك وجدك واهلك بأقصى غضبهم بسبب هالتصرف!
حتى فياض اتصل وصوته يرعد اتصل فيك وما تردين عليه !
امك طالعة بالفيديو وجن جنونه!
يا ليت بس تفكرين بعواقب الامور قبل ما تقدمين على عملك!
والحين تفضلي لحقي على نفسك اتصالات ...اشرعلى جواله ..تقدمت من الجوال وهي بحالة صدمة من الموقف الي صار وهي ما معها خبر عنه ..شافت اسم امها...ردت بملامح جامدة...الو
الجازي بلوم: رونق احذفي المقاطع ترى واحد من المقاطع طالعه فيه وفياض معصب على الاخير
تنهدت رونق بملامح عابسه وبداخلها دوامه مين نشر المقاطع...وبنبرة فيها ضيق نطقت: ما عليك ... وفياض انا اتفاهم معه انت لا تدخلين نفسك بالسالفة!
انهت المكالمة وتحس الدنيا قفلت بوجهها مين عمل كذا بدون ما يخبرها ؟!
رفعت نظرها لجراح واقف فوق رأسها وهو يؤشر على جواله ...رجع يرن مرة ثانية: يلاااا ردي
مطت شفتها بقهر وناظرت جواله واسم أبوها على الشاشة...اخذت نفس واعطته مشغول ...وقفت وناظرته بتعجب والقهر واضح بعيونها: انتم ليه مكبرين الموضوع كذا ؟
رح افرض اني نزلتهم وين المشكلة؟
قاطعها بقهر وهو يصفق بيدينه: انت نزلتيهن وخلصت!!!!
رونق انا وافقت انك تعطين دروس علمية اما تنزلي حياتنا وتنشريها للعالم حتى تقهري فلان وعلان هذا مرفوض نهائيا تفهمين !
اعطيني الجوال الحين رح احذف كل حساباتك
قاطعته لما اقترب منها وبتهديد: جراح ما اسمح لك ترى
قاطعها بسخرية : وش رح تعملين تذبحيني بالمشرط؟
بهتت ملامحها من كلامه ... الظاهر إنه جالس مع اهله ولعبوا بعقله والحين رح يتحكموا بحياتها وبكل صغيرة وكبيرة يتدخلوا مثل مريم بالضبط ما لها رأي أو شخصية !
هذا الشيء مستحيل تسمح فيه!
خلال ثواني غافلته وطلعت من الغرفة ومعها حقيبتها وبسرعة وتوجهت للغرفة الثانية وقفلت الباب بالمفتاح!
استندت على الباب وزفرت بضيق !
جلست على الارض وهو يطرق الباب بهدوء: رونق افتحي...رونق افتحي الباب
ردت بصوت قوي :،ما رح افتح وحساباتي ما تنحذف هالكلام وصله لأهلك ما لهم علاقة بحياتي!
والفيديوهات ما رح تنحذف وخليهم ينقهروا وكل شوي رح انزل مقطع وافضحهم قدام الناس خليها تعرف تسلطهم وظلمهم
قاطعها بتوعد : ورب الكعبة يا رونق ان نزلتي شيء ما يصير خير !
زفر بقهر لما ما شاف منها رد ....ضايقته بهذا التصرف بكل. جهده يحاول يصلح ا لوضع بينه وبين اهله وهي بتصرفها خربت كل شيء!
امه مصممه على الطلاق ورافضه كل الحلول الي اقترحها راكان....... غير الطلاق ما ينزل الحطب الي برأسها!
نطق بتهديد : رونق وقسم بالله اذا ما فتحتي الباب الحين ما رح يصير خير معك 5 دقائق افتحي الباب!
عقدت حواجبها باستغراب من كلامه ...وش يقصد؟!
مطت شفتها يظنها بزر يضحك عليها بهذا الكلام يقال يخوفها!
فتحت حقيبتها حتى تأخذ الجوال ...رفعت رأسها لما حست بطرقات على باب الشقة... اقتربت من الباب وسرعان ما نقزت لما انطرق باب الشقة بقوة !
بلعت ريقها وهي ملتصقة بالباب حتى تعرف مين !
تصلبت ملامحها وهي تسمع صوت ابوها وهو يسأل: وين رونق!
وصلها صوت جراح الهادي ولا كأنه دوبه كان معصب : ارتاح يا عمي الحين تيجي!
نادى بصوته الهادئ : رونق يا رونق تعالي!
زفرت بضيق ما رح تحسس ابوها إنه بينهم شيء .....فتحت الباب وخرجت بهدوء ...رفعت حاجب وهي تشوف ابوها وقف وعيونه تقدح شرار : هلا هلا وين جوالك وتعالي صوريني ونزلي المقطع على حسابك !!!
زمت شفتها بضيق من نبرته الساخرة ...تابع كلامه : انت
قاطعته رونق بقهر: الي يسمعك يقول
قاطعها بقهر: ولك عين تتكلمين بقوة عين
ردت بنبرة قوية:،لأني ما عملت غلط وما في شيء اخاف منه
قاطعها بنبره اقوى فيها تهديد: رونق صوتك لا يعلى علي وتكلمي بأدب !
ناظر جراح باستفسار: حذفت حساباتها؟!
عقدت حواجبها باستنكار يعني هالاوامر من ابوها!
اكيد انها من جدها كمان!
صكت على اسنانها بقوة من تدخلهم ...ناظرت جراح الي رد بهدوء: قلت لك ما رح تحذفهم الا بكيفها إن بغت تحذف حساباتها او لا هذا شيء راجع لها...والمقاطع اكيد رح تحذفهم لأنه قدر نزلتهم وهي تعبث بجوالها !
ورونق ما عندها خبر !
عقدت حواجبها من كلامه !
جواد بعدم تصديق لترقيع جراح : حتى لو كان بالغلط ما ابغى يكون لك حسابات والي يبغى يدرس يا كثر المراكز الثقافية !
انا احذرك اسمع صوتك والا صورة لك على مواقع التواصل تفهمين!
ردت وهي تتوجه للمطبخ: رح احضر القهوة!
ناظر جواد جراح بقهر وجلس : جراح احذف حسا
قاطعه جراح بهدوء: ما رح يتكرر هالشيء !
جواد زفر بغضب : يا برود اعصابك!
رفع حاجب وهو يكمل كلامه:سمعت انك رح تنتقل عند جدتي أم ناصر
جراح هز رأسه : حتى اكون اقرب لامي لعلها وعسى ترضى!-
جواد ينقهر من رفض اهل جراح لرونق ....رفع نظره لرونق الي مدت له بالضيافة: تفضل
جواد تناول وهو يتكلم حتى يشوف رد فعل رونق: متى ناوي تنتقل لبيت جدتي ام ناصر !
جراح بهدوء:نهاية الاسبوع على الأرجح
جلست وهي حاسه نفسها سمعت غلط: بيت جدتي ام ناصر؟!!
جواد هز رأسه بتأكيد:، افضل مكان لكم ولا تنسى جدتي تعبانة وبحاجة لأحد يكون عندها
تكلمت وهي تحاول تمسك أعصابها : جدتي بيت عمك ناصر عندها
قاطعها جواد بنظرات نارية ناقده: عمك ناصر اعتقد!
وبعدين ام راكان ما هي 24 ساعة عندها يكثر خيرها تعتني بجدتي واكيد تبغى احد يساعدها
رونق بملامح معفوسة: مريم تجلس عندها بما انها زوجة الغالي !
جراح بملامح منزعجة : رونق
ناظرته بقهر:-رونق !!!!
يعني انت بنظرك ينفع اعيش مع اهلك بنفس البيت ؟!
انا ما عندي مشكلة بس اهلك رافضين وجودي وانا إنسانة ما عندي طول بال وان غلطت ما رح ترضى على الشيء هذا !
يعني حنا رح نخرب حياتنا هناك لأنه ألف واحد رح يتحكم فينا !
رح نوصل لدرجة نستأذن من جدي اذا يسمح لنا نطلع او لا !
جواد بغضب من كلامها: خلاص انت ما تحترمين أحد !
جدك يبغى مصلحتك!
بس انت
سكت بقهرمن تصرفاتها وبعدها نطق: لمتى وانت ما تحترمين اهلك!
وقسم بالله طق قلبي من تصرفاتك وارقع من خلفك صغيرة جاهلة لمتى!
صغرتيني قدام الكل!
الكل يناظرني ما لي كلمة على ابنتي لانها بكل
بساطة ترمي كلامي بعرض الحائط وتنفذ الي برأسها وما هي سائلة عن اهلها !
لمتى يا رونق!
احاول بجهدي اني اسعدك بس انت تقابليني
قاطعته بقهر من كلامه: انا وش غلطت بحقك يبه!
جراح انت
قاطعها جواد بقهر: لا تستغلي نقطة حب جراح لك وتصغرينه قدام اهله ...تراه اعلن انه رح يسكن عند جدتي ..تدرين الاغلب يناظر بسخرية يقولون رح تمشي رونق كلمتها عليكم وما رح ترحل!
تعرفين وش قال لهم جراح::!
رد عليهم بثقة وهو يقول « رونق ما تتركني لو اسكن بصحراء الا تترك كل الدنيا وتتبعني»
ناظرت رونق جراح وملامحه جامده يحملونها فوق طاقتها !
زفرت بضيق ونطقت : على اساس شرطتم على جراح بيت مستقل والحين
جواد قاطعها: عنيدة وما تسمعين الكلام لو فياض الي طلب منك مباشره تقولين أمرك!
تزوجتي بدون علم اهلك ونفذتي كلام فياض ورميتي عاداتنا وتقاليدنا بعرض الحائط !،
ترى انا ابوك ما هو فياض!
ترى طق قلبي من تصرفاتك
جراح اشر لجواد بشويش: عمي لا تنفعل بزيادة !
ترى رونق تعزك وتحترمك
قاطعه بقهر : لو تحترمني كان سمعت كلامي
مطت شفتها وهي تحس بالاختناق من هالموقف ....تكلمت بصوت ظهر فيه الضيق: مثل ما تبغى اذا ودك الحين ننتقل عند جدتي ام ناصر ما عندي اعتراض!
جواد حس انه سمع بالغلط ...ناظرها بعدم تصديق وهي تتكلم : والمقاطع الحين احذفها !
في شيء ثاني مضايقك؟!
هز رأسه وهو يناظرها: ايه فيه ....فياض يا ليت تخففي علاقتك معه امك ما لي علاقة فيك اما فياض يا ليت
كتمت قهرها وردت : انا ما لي علاقة بمشاكلك مع فياض !
ناظرها بقهر: عنيدة!
رفعت نظرها للسقف تصبر نفسها على هالأوضاع!
بعد وقت غادر ابوها ..ناظرت جراح باستفسار: ليه
قاطعها بملامح مقلوبة وزعل : اشوف ابوك علشانه وافقتي تحذفين المقاطع وكمان وافقتي تنتقلين وأنا
قاطعته بتبرير: انت بغيت احذف حساباتي
قاطعها بنبره أعلى:انا قلت تحذفين المقاطع
رونق بتأكيد : لا انت طلبت احذف
قاطعها: رح افرض اني طلبت منك تحذفين الحسابات لذي الدرجة كلمتي بالارض؟!!!
رونق خذيها على بلاطة ..صحيح اني حبيتك وعاندت الكل وتزوجتك هذا الشيء ما يعني اني اسمح لك تكسرين كلامي وتهمشي وجودي !
انا لما اقول شيء تنفذيه فهمتي!
قلت لك من قبل صورك لا تنزليها على الزفت لكن ما ادري وش هدفك من هالشيء؟؟!!!
واقفة تناظره وهو يتكلم وهو متنرفز من تصرفاتها ....تحس فعلا إنها غبية لما ظنت انه غير عن إخوانه ..غير عن أهلها ....التسلط يسري بدمهم.
غمضت عيونها لما قفل باب الغرفة بقوة بعد ما انهى كلامه!
اخذت نفس عميق وهي تحس بخنجر وسط حلقها !
توجهت بخطوات هادئة باتجاه الشباك تناظر بصمت وهي تفكر معقول غلطت بشيء؟!!
هي ما عملت شيء حتى تنقلب امورها كذا!
ليه دائما الامور تسري ضدها.......
**
**
**
راكان بتأكيد على امه : يا يمه لا تخربين مخططاتنا!
ام راكان بقهر : ما اطيق اشوفها!
راكان بخبث: ما عليك منها لازم نسحب جراح لصفنا ...لازم تكوني حريصة حتى يشوف الجانب السيء من رونق ..خليها يكتشفها على حقيقتها ..طبعا هذه مهمتك انت واخواتي !
ام راكان زفرت بضيق : متى اليوم الي نتخلص منها !
راكان بتفاؤل : قريب كثير !
**
**
**
**
انتهى البارت ....لنا لقاء قريب بإذن الله دمتم بخير
رواية بسمة مدفونة في خيالي الفصل السابع والثلاثون 37 - بقلم ضاقت أنفاسي
مساء الخير ..تنويه البارت قصير حتى ما تنصدموا وأحداث يوميه ^^
بارت 31
التفتت لما سمعت طرقات على الباب ...صدت لجهة الشباك ما لها خلق لأحد ...زادت الطرقات على الباب ...لحظات فتح جراح باب الغرفة وناظرها واقفه عند الشباك ولا كأنه الباب ينطرق ...هز راسه بضجر من تصرفها ...توجه للباب وهو يسأل: مين!
فتح الباب لما وصله صوت فياض ...وبترحيب: هلا
فياض بملامح عابسه دخل وخلفه الجازي !
غمضت عيونها للحظات تحاول تشحن نفسها بطول البال وهي تسمع صوت فياض الناقد: واقفه عند الشباك كذا وانت كاشفة !
جراح بهدوء: بالنهار ما احد يشوف !
تقدمت بضيق وما نطقت بحرف واحد ....سرعان ما عفست ملامحها من كلام فياض: وش تنتظرين للحين ليه ما حذفت الزفت !
رونق رفعت حاجب من عصبيته هي للحين ما تعرف وش هي المقاطع ...شافت المقطع الي مده لها جراح لما كانوا بالسيارة بس !،
فياض بغضب وخاصة إنه واحد من المقاطع ظهرت الجازي بلمحة وهي كاشفة بالرغم انه التصوير بعيد وما هي واضحة الصور
ذذد : لا تناظريني كذا هاتي الزفت!
جراح اشر له يجلس:هدي اعصابك
فياض بنبرة غاضبة وهو يوجه الكلام لها : انت وش تبغين منا ؟!
وش هدفك من ذي الحركات!
عقدت حواجبها بسخرية والضيق باين بملامحها: هدفي!
الجازي بضيق من تصرفها: ليه تعملين كذا!
وانت تعرفين فياض ما يحب هذه الامور ليه
جراح يهدي الأوضاع : ترى
فياض بغضب من جراح: يا اخي انت دمك مويه!
زوجتك
قاطعته رونق بقهر : انت
قاطعها وهو ماسك نفسه ما يضربها: انت انكتمي !
انا الحق علي يوم دبست جراح فيك وظلمته وكل املي اغطي على ماضيك المشرف ...قلت ان اخذت جراح أكيد رح تصير بنت عالم واصل لكن عمر ذيل الكلب ما ينعدل!
فتحت عيونها باستنكار من كلامه حتى فياض يشوفها بهذا الانحطاط...ناظرت جراح الي يناظر وكل علامات الاستفهام فوق راسه من ماضيها الي الكل ينغز فيه!
فياض يعني استغله وفي ماضي عن رونق ما يعرفه!
قطع افكاره وهو يناظر رونق تتكلم بصراخ مع فياض: انت اصلا واحد غدار اذا صديقك طعنته بظهره كيف يوثق الواحد فيك!
الجازي بانتقاد : رونق عيب
رونق بغضب : رونق عيب !
ما سمعتي كلام زوجك؟!!
جاي ثاير علي كل هذا علشان بلقيس انتشرت صورها على النت !!!
والا ذبحتك الغيرة لانه جوادوووو شافها
قاطعها فياض وهو يضغط على فكها بقوة: اوقح منك
ابعده جراح بقهر من تصرفه : اتركها!
الجازي تحس كل شيء فوق راسها رونق من جهةوفياض من جهة : فياض لا
قاطعها وهو عافس ملامحه من الغضب : تراك من طيبة قلبك يا جازي ما تشوفين حقد هالبنت .كان عندي امل انها تتغير وتصير افضل بكثير لكن بنفس الوقت اعطيك عذر ما لقيتي احد يربيك .ما اكتفت بكل شيء وتمادت وهي تحاول تسحب وسيم لمستنقعها ..اصلا مين سمح لك تنزلين صور وسيم!!
رونق بدأت الصورة تتضح امامها ...اكيد وسيم هو الي عمل كذا لأنها ما نزلت صوره ...مطت شفتها بسخرية ودموعها تلمع بعيونها: تتكلم عن التربية؟!-
روح ربي ولدك تراه هو الي نزل المقاطع
ضحك بقهر : تصدقين حلوه هذي!
الحين بعد ما تورطتي تبغين تحطينها برقبة وسيم !
وبنبره آمره فيها تهديد وهو يتابع كلامه: هاتي الجوال خليني احذف المقاطع احسن ما اكشف المستور افضل لك !
ناظرت جراح الي يناظرهم وهو يحس نفسه وقع بفخ بقوة ...فياض ورونق ضحكوا عليه واوقعوه بالفخ وهو مثل الغبي وبحدة ناظر فياض: الي يحلم يفسر !
وش هالمستور؟!
لا يغركم سكوتي وهدوئي تقولون هذا اهبل وغبي. وعبيط ترى ورب الكعبة ان
قاطعته رونق بخذلان ودموعها بدأت تتراقص بعيونها: وانت صدقته من اول ما بدأ يرمي كلامه ؟!
ما تثق فيني !
يلا يا فياض طلع المستور اشوف !
هزت رأسها بحسافة : ما توقعتك كذا يا فياض توصل فيك تفتري علي حتى تنتقم ؟!
ما اكتفيت بانتقامك لما زوجتني من جراح والحين جاي تدمر حياتي!
رفع حاجب باتهام : لا تنكرين تراك وافقتي على جراح حتى تنتقمين من اهلك بعد معاملتهم لك لما كنت على ذمة نايف!
زمت شفتها بحسافة : ايه وبعدين كمل !!
زفر فياض بضيق وهو يحس انه تسرع بالكلام لكنها تستفزه بقوة ..مسح على وجهه بيدينه وبعدها نطق : اعطيني الجوال خلينا نحذف المقاطع ويا دار ما دخلك شر !
عفست ملامحها بتعجب: بعد كل هذا تقول ببساطة يا دار ما دخلك شر!!!
جراح بغضب منهم : خلاااااااص كافي!
عندك شيء قوله مباشرة لا تجلس ترمي كلام .....رونق ما
جراح زفر بضيق وتكلم. بمقاطعة: رونق بالرغم من اعمالها السيئة الا انها من ناحية الشرف والأخلاق ما عمري شفت عليها الشينة فلا يروح ذهنك لبعيد انا ما افتريت عليك يا رونق ...انا اتكلم عن تصرفاتك الطائشة
ناظرته بكره مهما رقع ما تضبط معه نطقت بأسف : انا اكرهكم كلكم ...قرفت الحياة معكم ...وما رح احذف شيء!
تركتهم وتوجهت للغرفة وقفلت الباب بالمفتاح ...تحس بالاختناق اذاها فياض بكلامه كثير ....مسحت دمعه متمردة على خدها ..وهي تشوف موقف امها السلبي!
توجهت لحقيبتها تشوف الجوال...وش المقاطع الي عملت كل هالضجة!
عقدت حواجبها باستنكار الجوال ما هو موجود ! فرغت محتويات الحقيبة على الأرض والرعب دب بقلبها !
ما له اثر ....بلعت ريقها وهي ترجع الأغراض للحقيبة بعشوائية !
وقفت وهي تحاول تتذكر مكانه ....من لما رجعت ما لمسته !
يمكن وضعته بغرفة النوم ...بسرعة توجهت للباب وفتحته لزوم توصل للجوال قبل جراح ...
فياض وجراح وامها ما لهم اثر بالمكان ...توجهت لغرفة النوم مثل المجنونة تبحث هنا وهنا !
لكن ما في اثر للجوال ..وقفت برعب لما حست بحركة جراح بالغرفة !
تحركت بهدوء حتى تطلع من الغرفة ..وقفها وهو يمسكها من يدها بجمود: اعطيني الجوال خلينا نخلص من هالسالفة
ابعدت يده عنها بقوة وتحركت بدون اي كلمة!
قفلت الباب وهي تحس بمصيبة حلت على راسها وين الجوال!
المشكلة ما عليه قفل ....اكيد الي سرقه هو الي نزل المقاطع !
رددت بداخلها «يا رب»
يا فضيحتها اذا نشر صورها !
لازم تتحرك لكن كيف!
المشكلة انها واقعة بين ناس ما عندهم تفاهم لو يعرفون انه انسرق الا يحرموا عليها تحمل جوال !
اليوم اكتشفت انه جراح مثلهم عصبي !-
كيف تحل المشكلة ؟!
لحظة رح تدخل حساباتها عن طريق اللاب وتحذفها وبعدها تفكر بطريقة الي تسترد فيها جوالها ....
فتحت الباب لازم تتصرف ...بلعت ريقها وهي تشوف جراح بوجهها ...ناظرته للحظات وبعدها صدت عنه ..سرعان ما التفتت عليه برعب لما نطق: اعطيني جوالك
حاولت تحافظ على ملامحها وتكون هادية ما رح تخلي أحد يعرف انه الجوال ضاع منها : خلاص انا احذفهم الحين
قاطعها بحزم : الحين قدامي
سكت لما رن جواله ...رد بهدوء: هلا....وش صاير ....طيب الحين جاي!
قفل الجوال وناظرها بتحذير : انا طالع الحين تحذفيهم ما هو ناقصني وجع رأس ...ولما ارجع لي كلام معك !
تركها وغادر بهدوء ...تنفست براحة لما طلع ...توجهت بسرعة فتحت اللاب وبحركات سريعة حذفت المقاطع ...غيرت باعدادات حسابها ..وبعدها قفلته نهائيا !،
مضطرة تعمل كذا ....لزوم تعرف مين اخذه!!
معقول وسيم؟!
بس وسيم ما تظن انه ينشر مقطع وجه أمه فيه ظاهر !
بس ليه صور وسيم منشورة ؟!
وقفت وهي تفكر بذي المصيبة كيف تتخلص منها ..تذكرت الواتس تخاف ينشر السارق عليه صورها ....حضنت رأسها بيدينها من هالمصيبة الي حلت عليها !
**
**
**
**
فياض بغضب: قلت لك خلاااص
الجازي بقهر،: ما يحق لك تمنعني من ابنتي، وما اسكت لك على اسلوبك وتعاملك كذا معها
ام فياض واقفه بينهم بضياع : حسبي الله عليها من بنت خربت الدنيا !
الجازي ناظرتها بقهر:وليه تتحسبي عليها ترى حذفتهم وخلصنا
فياض والشرار يطلع من عيونه بداخله قهر من تصرفات رونق: ما شفتيها كيف تتحداني وتقول ما رح تحذف شيء..اوقح منها ما شافت عيني!
قاطعته الجازي بغضب: خلاص كافي ...اترك هالبنت بحالها !
بغيت تخرب بيتها بكلامك
فياض : ما عادت تفرق لانه خلاص طق قلبي من هالبنت !
الجازي ناظرته بقهر ...وبعدها غادرت المكان لأنها ما تضمن نفسها تشتبك مع فياض وعمتها!
ام فياض مطت شفتها: يا هذه البنت ما دخلت قلبي من اول ما شفتها ....انت كيف طاوعك قلبك ودبست جراح صاحب القلب الطيب فيها !
فياض بغموض: ندمان على هذا التصرف وبأسرع وقت رح اصلح هالغلطة !
ام فياض عقدت حواجبها : كيف؟
ترى ام راكان تقول انها حامل
عفس ملامحه باستنكار: حامل؟!
ام فياض باستفسار: وابنتها رح تبقى هنا
فياض بحزم : قدر عندي وما رح تطلع من هنا ..انا اتفقت مع نايف انها تعيش عندي ،
ترى هالبنت ضحية حرام تعيش عند رونق لأنها رح ينولد بداخلها عقد نفسية ما لها علاج !
من البداية قلت للجازي يراجعون بها عند دكتور نفسي لأنها مريضة وكل يوم تزيد حالتها سوء !
لكنها تكابر خلينا نشوف اخر هذه المكابرة !
**
**
****
***
جراح مستند على الجدار بضيق وهو يناظر جدته الغاضبة: مستحيل اقبل بهذا الشيء!
هذه البنت عندها حس إجرامي كبير وش يضمن لي ماتذبحني! ابدا ما رح اقبل !
راكان بإقناع : يا جدتي ترى جراح معها ..وليه تذبحك ؟!
ام ناصر برفض قاطع: قلت لا يعني لا ...انزل انت ومريم عندي وخلي جراح يسكن فوق!
زياد بسخرية:تبغين الحرب العالمية الثالثة تقوم !
جراح يناظرهم كيف رافضين وجود رونق معهم ...ما يشوفها بهذا السوء الي يتكلموا عليه ..بالعكس إنسانه تدخل القلب من اول ما تشوفها..معقول حبه لها معمي على عيونه !
تنهد وتكلم بهدوء : مشكورة يا جدتي على الطردة ..ازعجتك
قاطعته وهي تشوف الزعل بملامحه : خلاص تعال
راكان بسرعة استغل الفرصة وهو يشوف جراح ناوي يطلع وما يبغى يسكن هنا: جراح يلا نمشي خلينا نبدأ من الحين بنقل الأغراض قبل زواج زياد تكون مستقر هنا!
قبل مايعترض تكلم راكان : انت ما تبغى تصلح الوضع بينك وبين امي ؟!
ناظره بضيق:ايه بس
قاطعه وهو يسحبه للخارج : لزوم تتنازل عن كرامتك مقابل رضا امك !
الحين ترجع للشقة تجهز الاغراض وانا بعد ساعة اكون عندك نساعدك!
هز راسه على مضض ...وتوجه راجع للشقة !
**
**
**
**
جالسة على الكنبة بالصالة وحاضنة راسها بيدينها وهي تفكر بالمصيبة الي حلت على راسها ...هذا سبب تساهلها المفروض وضعت رمز حماية للجوال على الاقل تحمي محتويات الجهاز ..المشكلة ما هي قادرة تتذكر اخر موقف كان معها الجوال !
اخخخخ من ذاكرتها المعطوبة !
دخل بهدوء وناظرها وهي متكورة على نفسها ....رق قلبه لها ...مهما عملت لها مكان بقلبه ....معقول عيون الغزال تحمل كل هالإجرام ....هز راسه بالنفي مسستحيل ....اقترب لما رفعت راسها وناظرته بذبول بدون ما تنطق بحرف واحد !
سأل باستفسار: ليه جوالك مقفل ؟!
رفعت حاجب وهي تردد مقفل ؟!
راودها امل انه وقع منها وللحين ما احد لقاه بما إنه مقفل !
استغرب سكوتها وسرحانها: رونق انا اسألك
ردت تحاول تغطي على سالفة الجوال: ليه اتصلت؟!
تكلم بهدوء : تعالي نجهز الاغراض اليوم رح ننتقل لبيت جدتي
فتحت عيونها باستنكار: الحين
ناظرها وهو رافع حاجب: ايه الحين
قاطعته : بس انت قلت نهاية الأسبوع
رد بهدوء: اليوم او نهاية الأسبوع ما تفرق !
تكلمت بهدوء ظاهري وداخلها رح تنفجر : طيب بالأول ابغى اروح لبيت فياض ابغى قدر خلاص كافي جلستها هناك !
جلس بعد ما زفر بطول صبر : بس انت عندك دوام وانا دوام وين تبقى لما ترجع من المدرسة؟!
تبغى لقمة تأكلها رح تكوني طول الوقت قلقانه عليها!
وبعدين لا تنسين قدر متعلقة بديما وخالد لدرجة ما هي معقولة وانت شفتي كيف عملت لما قلت لها إنك
قاطعته وهي عارفة كلامه مضبوط قدر مبسوطة عند الجازي كثير وكأنها ابنتها لكن مقهورة من فياض وتصرفاته وما تبغى قدر تعيش معه : بس
قاطعها بهدوء : بالعطلة تنام عندنا وايام الدوام رح تكون عند امك اتركينا من هذه السالفة !
خلينا بسالفة انتقالنا
قاطعته وهي عارفه وش رح يقول ...نطقت بمرارة: أنا ما اغلط على احد وما اتدخل بأحد ..لكن بنفس الوقت الي يغلط علي ويهيني ما رح اسكت له ...ولا تقول
قاطعها بنرفزة من كلامها:: ما احد رح يقولك شيء بس انتي خلي كلامك دافئ!
لا تخربين مخططاتي بتسرعك انا ابغى ابني بيتنا ويكون عندنا أطفال ونعيش بسعادة وبنفس الوقت امي تكون راضية عني!
لا تصعبين علي الطريق يا رونق
قاطعته وهي تناظره بخيبة،: اي اسرة وانت ما تثق فيني
رد بتبرير: انا اثق فيك ...بس انا بشر وانتم كلامكم كان فيه نغزات ...بس فياض لما طلعنا خبرني إنه يقصد فعايلك بأهلك وتكلم كذا يضغط عليك وتحذفين المقاطع
انت ليه كذا عنيدة ؟
ومن الاصل ليه تنزلينهم ؟!
انت
قاطعته بقهر : خلاص ترى قلبي طق منكم...وما يهمني كلام فياض وما انتظر منه يبرر موقفه قدامك حتى حضرتك تصدقني ...
قاطعها انتقاد: وانت ليه تكلميني كذا ؟
يعني فوق غلطك وتراددين!
خلاص انا مليت من تصرفاتك وعنادك !
حست كلامه كسر اشياء بداخلها ...نطقت بخذلان :صحيح مليت !
حركت شفتها تتكلم ..سرعان ما تنهدت بضيق تحس ما في كلام يصف هالموقف....وبهدوء وملامح الضيق ما قدرت تخفيها : تقدر تأخذ اغراضك وتنتقل لبيت اهلك ...انا رح اروح لبيت جدي وليد
قاطعها وبدا يتنرفز : رونق ترى واصله هنا!
اخزي الشيطان وتحركي معي
حركت رأسها برفض: ما رح اطلع معك دامك
قاطعها وهو يتكلم بحده: انا رح اجهز الامور والله ما يحصل طيب إن ما
عفست ملامحها بسخرية : ترى
قاطعها بغضب وعصبية اول مرة تشوفها: رونق لا تختبرين صبري تحركي ترى واصلة هنا!
تحركت لا شعوريا ما هو خوف منه لكن عصبيته تلقائيا اجبرتها تتحرك!!!
**
**
**
**
واقفه تناظره وهو يحمل الأغراض و تفكر بالحال الي وصلوا له ..... مقهورة من فياض لما راحت تأخذ قدر احتد النقاش بينهم حتى كان له رد فعل ما هي حلوة حلف يمين بالطلاق على امها ما تتواصل معها 3 اشهر!
جلست بتعب من كل شيء !
دخل جواد وهو يتكلم بالجوال...قفل الخط وناظر المكان: رتبتي الأغراض
ردت بهدوء ظاهري ومن داخله جالسه تحترق : ايه
هز رأسه وهو يشوف ضيقها لكن بداخله فرحة انها ساكنة قريب منه !
تقدمت قدر : ماما
رونق ما لها خلق لشيء ردت : هممممم
قدر وهي تتناول لعبتها عن الارض: عمي جراح يقولك تعالي رتبي اغراض
قاطعتها رونق ما لها خلق: بعدين !
جواد وهو يتوجه لغرفة جدته وما علق على شيء!
طلع جراح بهدوءبعد ما انهى نقل الاغراض واصبح هالمكان بيتهم ...توجه لغرفة جدته تحت انظار رونق!-
تحس الدموع تتجمع بعيونها وخاصة بعد كلام قدر وهي تتكلم بضجر: ما ابغى اعيش هنا!
ابغى ماما جازي!
رونق بصوت مخنوق: وأنا تتركيني!
قدر بعبوس : ازورك يا ماما ابغى اروح عند ماما جازي عند ديما!
زفرت باختناق وهي تشوف حتى قدر تخلت عنها وهي للحين ما عرفت الحقيقة!
وقفت متجاهلة قدر وهي ترتجيها حتى ترجعها لبيت فياض .توجهت ترتب الاغراض وهي متجاهلة بكاء قدر !
اه من قدر تغيرت ما عادت الطفلة الي تخاف من كل شيء وما تشوف الا حضن امها هو الامان!
الحين تبغى تهرب من احضانها!
كتمت ضيقها وهي تسمع صوت جدها لما دخل ويتكلم مع زوجته ...وبلمح البصر دخلت المطبخ اقرب لها..ما لها خلق لكلامه وانتقاداته!
**
**
**
**
جالسه بهدوء تلعب بأظافرها بملل ...رفعت رأسها تناظر جدتها تسبح بالسبحة ...نطقت من باب الواجب: جدتي تبغين
نقزت ام ناصر بخوف كانت سرحانه وبنبره غاضبة ردت: ما ابغى شيء!
رفعت رونق حاجب بتعجب ما قالت شيء ليه صرخت بوجهها كذا؟!
بلعت غصتها وهي تحس بالغربة ...جراح من بعد ما كمل ترتيب الاغراض ما شافته .وقدر من بعد البكاء والنكد اخذها نايف لبيت فياض .. ناظرت ام ناصر وهي تتصل بالجوال وملامح الخوف واضحه عليها : الو ...انتم وينكم تاركيني وحدي.....اقول بلاهذره زايده تعالوا هنا ترى والله ....انتظرك...قفلت الخط، وهي خايفه من وجود رونق تحس انها مجرمه وما في بقلبها رحمة !
غطت وجهها لما حست بحركة الباب...دخلت ام جواد وهي ترد السلام ...
جلست وهي تناظر رونق بانتقاد: جيت انا وجدك اليوم وما شفناك!
رونق بهدوء: كنت بالحمام!
ام ناصر ارتاحت لوجود ام جواد: أم راكان الحين نازلة
ام جواد ناظرت رونق: طلعت على ام راكان وسلمتي عليها؟!
رونق رفعت حاجب: يا جدة تتكلمين وكأنك ما تعرفين
قاطعتها : مهما كان هذه ام زوجك واحترامها من احترام جراح الحين تطلعين
سكتت لما شافت ام راكان داخله ويا ارض اشتدي وما عليك احد قدي!
ناظرتها رونق جدتها ام جواد وهي تؤشر لها بعيونها علشان تسلم عليها .....
تكتفت رونق وهي جالسة لما شافت ام راكان راحت للجهةالثانية مباشرة وما لها نية تسلم على رونق!
رونق بضجر من جدتها الي تناظرها بحده !
طنشت نظرات ام جواد ورجعت تلعب بآظافرها وهي تفكر بحل للجوال!
رفعت نظرها على دخول جراح المبتسم لأمه ...جلس جنب أمه مقابل لها بالجهة الثانية : كيفك يالغالية؟!
ام راكان بثقل ما ردت عليه !
قبل جبينها بمحبة: ربي يطول بعمرك !
التقت عينه بعين رونق للحظات وبعدها ناظر جدته ام ناصر: كيفك الحين يا جدتي!
ام ناصر مطت شفتها : كنت بخير بس انتم رح تجيبون اجلي !
فهم نغزتها وناظر امه الي نطقت : ربك كريم يا خالتي!
مطت شفتها بألم وهي متآكدة إنهم يقصدونها !
ام جواد تغير السالفة : وكيف يده لؤي الحين !
ام راكان اندمجت وبدأت تتكلم عن هالموضوع بالتفصيل!
يتكلمون وعيونه على رونق ...منزله رأسها وتلعب بأظافرها ..متضايق من وجوده هنا بس مضطر حتى ينال رضا امه !
وبنفس الوقت يخاف تقوم الحرب العالمية بين اهله رونق!
مط شفته بضجر وهو يشوف اخواته دخلن وبناتهم معهم !
ما عجبه تصرف اخواته ما سلموا على رونق ..لازم يتصلح الوضع بينهم : الظاهر ما شفتم رونق
سعاد مطت شفتها: ترى نظرنا 6/6 شفناها وما نبغى نسلم عليها!
ام جواد م عجبها الكلام مهما كن تبقى رونق حفيدتها وبحدة نطقت: وليه ما تبغين تسلمين عليها؟
ام راكان: والله عاد بكيفها
ام لؤي : جدتي صفية اتصلت تقول هاليومين جايه تزورنا!
رونق عفست ملامحها وبداخلها ي ليل ابو لمبة!
وانتقل الكلام والحديث عن صفية .... رفعت نظرها رونق لما اشر لها جراح بعيونه حتى تلحقه !
وقفت وطلعت خلفه ....وقف وابتسم لها: كيفك؟! إن شاء الله عجبك المكان !
ردت بهدوء : عادي!
تكلم : تعالي نجهز ضيافة
توجهت خلفه بهدوء ...جلست على الكرسي وهي تناظره يجهز الضيافة بنفسه !
جراح يتكلم وهو يجهز : ادري انه اليوم صارت اشياء ازعجتك بس وش نعمل ؟! يعني الواحد لما يعصب يمكن يحكي كلام بدون وعي ...فياض ترى ما هو قصده ترى رجع واتصل واعتذر
قاطعته بروج ميته: ما يهمني!
سال بتوجس: امي سلمت عليك ؟
مطت شفتها بسخرية : بالاحضان تقابلنا وبصعوبة حتى تركتني!
رفع حاجب: يا سخفك لماتجلسين تتريقين!
رونق حاولي طنشي علشاني انا !
ممكن تعملي هالشيء علشاني؟!
زفرت رونق بهدوء: ان شاء الله !
**.
*
ام ناصر بقهر: حسبي الله يوم تركتوا هالمجرمة عندي ما اقدر انام او تغفى عيني
ام جواد بضجر: ترى تبالغين حسستيني انها من عصابة المافيا!
ترى لو دققتي تراها نفس قوة حنين
ام ناصر ما عجبها الكلام: تخسين ...تشبهين هذه بحنين؟!
حنين وش زينها بس انت تبغين الفرصة حتى تنقصين من قدر حنين !
ام جواد بانفعال: وحفيدتي وش ينقصها حتى تقولين هالكلام؟؟!
ام راكان بتدخل : انا اقولك وش ينقصها!
ينقصها التربية والادب والاخلاق مريضة نفسيا ومكانها ما هو هنا !
وفوق هذا متزوجه عمها وعندها بنت من عمها ومطلقة وشينة ...وما احط بذمتي يقولون تتعاطى مخدرات ...وتسألين وش ينقصها يا ام راكان وكأنك ما تعرفين أكثر منا!
وفوق هذا ساحره ولدي !
ولدي الف بنت تتمناه يتزوج هذه القروية!
ترى بداخلي قهر ما يطفيه الا
ام جواد بضيق من هالكلام: يا اختي ترى البنت ما هي من الشارع ما تبغونها نشوفكم بالمحكمة وما له داعي هالكلام الزايد!
واقفه وبيدها الضيافة وجراح وجه بالألوان وهم يستمعون لحديث ام راكان وام جواد!
حاولت تتحكم بملامحها ...ما قدرت تتكلم بحرف واحد !
جراح بقهر من كلام امه وباعتذار: الي ما يعرف الصقر يشويه...تراها ما تعرفك ..اعطيها فرصة تتعرف عليك صدقيني رح تحبك ...انت ثقي فيني رونق انا
قاطعته بصوت مخنوق والدموع تلمع بعيونها: رح نشوف اخريتها!
دخلت بهدوء ...اقتربت من ام ناصر :جدتي
ام ناصر اشرت بيدها بالرفض: ما ابغى ما ابغى!
ناظرتها رونق وما علقت ..توجهت لام جواد ...ردت ام جواد باعتذار: والله يا ابنتي دوبني شربت وما اقدر الحين
هزت رأسها بتفهم...وتوجهت لام راكان وبهدوء نطقت: خالتي!
ام راكان صدت عنها وما عبرتها ولا كأنها واقفه أمامها!
جراح يناظر الموقف وبداخله يغلي من تصرفات اهله !
اقترب من رونق الي مدت بالضيافة لام لؤي ورفضت !
سرعان ما سحب منها الضيافة ووضعها على الطاولة : ارتاحي إلي يبغى يأخذ بنفسه!
ناظرته بملامح هادية ..وجلست بهدوء !
ام جواد باستفسار : كيف الحمل يا رونق؟!
رونق ناظرت مباشرة لجراح باستنكار ...وقبل ما تنطق حرف واحد نطق جراح: الحمد لله وضعها تمام!
وقفت لما انطرق الباب وكان زياد!
غادرت وهي تفكر بكذبة جراح!
كيف يقول انها حامل!
الا الحمل ما فيه كذب !
تنتظره يدخل بفارغ الصبر !
واخيرا دخل بملامح معكره..اقتربت منه وباستنكار: انت كيف تقول اني
قاطعها بجمود: وين المشكلة؟!
رونق رح تنجن من بروده : الا الحمل ما فيه كذب !
شهر شهرين أربع شهور وبعدها وش اقول للناس!
جراح جلس بلامبالاه : شهر زمان ونقول انك اجهضتي الحنين!
رفعت نظرها للسقف محاولة حتى تمسك أعصابها: جراح انت تتكلم من عقلك!
زفر بضجر : وبعدين معك !
تكلمت بقهر: وليه تكذب من الأصل!
رد وهو ينهض ويتوجه للغرفة: حتى اجبرهم يقبلوا بزواجنا!
*
**
**
**
ام لؤي باستنكار: ما شفتيها كيف ناظرته لما سألت خالتي ام جواد عن حملها ...الظاهر ما تبغانا نعرف !
ام راكان بحقد: جعله ما يتم هالحمل !
حتى حفيدنا م تبغانا نعرف بوجوده!
انا ما يقهرني الا هالجراح وكأنه بالغرفة ما في احد غيرها يتابعها بنظراته وكأنه مسحور فيها !
رنت هالكلمة بعقلها ....وسرعان ما ناظرت راكان برجاء: راكان اعمل شيء ...أخوكم ما هو طبيعي !
لو تشوفه الا تبصم بالعشرة انه مسحور!
راكان بضيق : وش يطلع بيدي يا يمه!
بعد زواج زياد انا رح اتصرف !
**
•*
**
روعة بتفكير: ما اتوقع انه بابا يرفض رح اعطيه كرتونة الجهاز ويبلغ عنه بمركز الشرطة !
رونق بامتنان: مشكورة يا قلبي ....غلبتكم معي ...بس انا ما اشوف احد يقدر يساعدني من الي حولي!
لاني ما اضمن رد فعلهم !
روعة بتفهم: صحيح كلامك !
بس بصراحة فياض ما توقعت يعمل فيك كذا !
رونق بحزن : انا كذا حظي الي اثق فيهم واحمل لهم مشاعر حلوة ...اتفاجئ بطعنه منهم غير متوقعة!
للحين مقهورة يا روعة المفروض مسحت فيها الارض بس ما رح يطول سكوتي!
روعة بقلة حيلة: قالت لك امي انفصلي عنه بس انت عنيدة ورأسك يابس
رونق تكتفت وهي تناظر حولها: انفصل!!!
قولي لزوم استقل في بيت لوحدي بعيد عن الي حولنا!
روعة بابتسامة: والحين كيف ترجعين للبيت وما معك جوال
قاطعتها رونق بلامبالاه: هذه محاوله جوالي خلص شحنه واضطريت ارجع للبيت مواصلات!
روعة هزت رأسها : وكل ما تداومين نفس الكذبة !
رونق : لا تخافين رح ادبرها!
روعة طلعت جوالها بابتسامة: خليني اتفقد جوالك
اتصلت على رقم رونق ...لحظات وجحظت عيونهاوهي تسمع صوت : الو
يتبع يوم الثلاثاء بإذن الله ....دمتم بخير
**
**
**
رواية بسمة مدفونة في خيالي الفصل الثامن والثلاثون 38 - بقلم ضاقت أنفاسي
روعة بتفكير: ما اتوقع انه بابا يرفض رح اعطيه كرتونة الجهاز ويبلغ عنه بمركز الشرطة !
رونق بامتنان: مشكورة يا قلبي ....غلبتكم معي ...بس انا ما اشوف احد يقدر يساعدني من الي حولي!
لاني ما اضمن رد فعلهم !
روعة بتفهم: صحيح كلامك !
بس بصراحة فياض ما توقعت يعمل فيك كذا !
رونق بحزن : انا كذا حظي الي اثق فيهم واحمل لهم مشاعر حلوة ...اتفاجئ بطعنه منهم غير متوقعة!
للحين مقهورة يا روعة المفروض مسحت فيها الارض بس ما رح يطول سكوتي!
روعة بقلة حيلة: قالت لك امي انفصلي عنه بس انت عنيدة ورأسك يابس
رونق تكتفت وهي تناظر حولها: انفصل!!!
قولي لزوم استقل في بيت لوحدي بعيد عن الي حولنا!
روعة بابتسامة: والحين كيف ترجعين للبيت وما معك جوال
قاطعتها رونق بلامبالاه: هذه محلوله جوالي خلص شحنه واضطريت ارجع للبيت مواصلات!
روعة هزت رأسها : وكل ما تداومين نفس الكذبة !
رونق : لا تخافين رح ادبرها!
روعة طلعت جوالها بابتسامة: خليني اتفقد جوالك
اتصلت على رقم رونق ...لحظات وجحظت عيونهاوهي تسمع صوت : الو
رونق تناظر روعة واعصابها تلفت مين هالرجال الي جوالها معه!
روعة باستنكار: بابا
رونق سحبت الجوال من يدها وناظرت الاسم ...وسرعان ما ضربتها بالكتاب على رأسها بقهر : غبية!
روعة وهي تشوف اسم ابوها خربطت بدل ما تضغط على اسم رونق ضغطت على اسم ابوها ...وبتبرير نطقت : اسفه بابا بالغلط ...لا لا ما في شيء....ان شاء الله سلام!
روعة باعتذار رافقه ابتسامه عبيطه: ضغطت وما انتبهت على الاسم !!!
رونق اعصابها تلفانه من كل شيء حولها وقفت: انا طالعه الحين ما لي خلق لأي شيء!
روعة مسكت يدها : انتظري!
راجعه للبيت !
رونق عفست ملامحها بانزعاج من هالبيت: اكيد لا ...ما اعرف وين رح اروح!
انت لا تشيلين همي !
تركت روعة وتوجهت لخارج الجامعة....من الامور الصعبة انك ما تعرف وش تبغى تعمل!؟
جراح بكفه واهله وفياض وجدها وعبود وزوجة ابوها بكفه!
معقول تقدر تتحمل علشان جراح!
وبنفس الوقت ما تبغى تكون السبب في خراب علاقةجراح بآهله!
بعد وقت وقفت امام البيت ...ترددت ولكن شجعت نفسها وضغطت على جرس الباب!
جدها وليد رح تستشيره بالامر يمكن تلقى عنده حل!
فتح احد الاطفال الباب.....دخلت بانحراج ما هي متعودة. عليهم!
وقف وليد اول ما دخلت رونق الصالة: رونق!
اقتربت بهدوء وسلمت : كيفك يا جدي !
وليد بهدوء: ربي يسلمك!
اليوم اتصلت فيك بس جوالك مقفل ابغاك بسالفة!
رفعت نظرها رونق لجدتها لما تقدمت وسلمت بملامح عابسه!
رونق رجعت خطوة للخلف لما وسيم اقترب منها والشر بملامحه: كله بسببك انت!
خربتي حياتنا..الله يأخذك انت واختك ..من لما طلعتوا بحياتنا ما شفنا خير ...انا اكرهك يا
سكت لما استقرت يد رونق على وجهه وبحده: انكتم!
ما بقى الا البزران يتكلموا!
وجوالي الي سرقته رح تدفع الثمن على فعلتك...ابوك جالس ينتقد الناس وما هو شايف ولده الضايع!
خليه يربيك بالاول وبعدها
قطعت كلامها ورجعت للخلف لما هجم عليها وسيم حتى يضربها ...وقبل ما يلمسها مسكه وليد وبغضب: وسيم!
انت ما تستحي على وجهك تمد يدك على اختك الكبيرة!
وسيم بقهر: ما عندي اخوات!
حياتنا تدمرت بسببها!
حنين تناظر الموقف بصمت ....
وليد دف وسيم لبعيد ...واقترب من رونق تعالي نجلس
قاطعته حنين : رونق يا ليت تسمعي وتنفذين الكلام الي رح يقوله جدك !
ناظرتها رونق وهي معقده حواجبها ..وكأنه قلبها حس بالموضوع قبل ما يتكلموا!
اجلسها وليد برفق ...جلست مثل الدمية يحركونها ..رفعت نظرها لوليد لما تكلم بهدوء: رونق يا ابنتي انت الحين متزوجة وعندك زوج وباكر إن شاء الله يصير عندك عيال ويكون عندك اسرة... واكيد تعرفين اهمية شمل العائلة يعني انت تعرفين اذا تطلقت الام يتشتت البيت والاولاد يكونون ضحية...امك يعني!،
سكت للحظات وبعدها تابع: لو تبعدي عنها وخاصة بالفترة الحالية!
انا ابو وما اقبل ابنتي يخرب بيتها واناجالس اناظر!
يعني إخوانك الصغار وش ذنبهم يتشتتون؟!
الجازي تركت فياض وجاءت زعلانه هنا!
رونق لا تكوني سبب بخراب بيت امك!
حنين تكلمت بانفعال: امك من لما تزوجت ابوك ما شافت خير!
ما صدقنا انه بعد زواجها من فياض استقر وضعهاوصارت الامور تمام ...برجوعك يا رونق عفست حياة امك وخربت حياتها ...وكأنه الجازي ينقصها!
اذا فعلا بتحبي امك اتركيها بحالها
وليد وهو يناظر زوجته بلوم: حنين !
حنين بلامالاه: خلينا واقعيين عشتي طول حياتك بدون الجازي وهذا انت متزوجة وما رح تكوني بحاجتها الخبن بهذا العمر..تقدرين تكملين حياتك بدونها....خلاص اتركوا ابنتي بحالها!
وليد زفر بضيق وناظر رونق بهدوء: بيتي مفتوح لك اي وقت بس الجازي وخاصة بهذه الفترة ابعدي عنها!
اتفقنا!،
مطت شفتها بألم ....وبصعوبه حاولت تسيطر على ملامحها وهي تتكلم: هذه أوامر السيد فياض!
وقفت وهي تتابع كلامها : قدر هنا ؟!
وليد وقف وهي يشوف ملامحها مهما كابرت واضح فيها الانكسار:رونق ا
قاطعته وهي تنادي على قدر: قدر قدر!
حنين بهدوء: الحين اناديها
وليد: وش تبغين بقدر اتركيها
رونق والغصه بحلقها ..ودمعة غصب عنها نزلت ..مسحتها بسرعة : مشكور ما قصرت ...تدري وش المشكلة؟!
المشكلة انك خربطت بالكلام وقلت ابعدي عن امك !
اول مره اشوف احد يطلب من الثاني يبعد عن امه !
الام الي طلب رب العباد بوصلها ...وانت بكل برود تقول اقطعيها علشان بيتها واسرتها !
علشان اولادها!
علشان زوجها !
ترى انا ابنتها قبل ما يتزوجها السيد فياض!
انا ابنتها قبل وسيم!
ليه ذول اولادها لهم حق فيها .وانا ما لي حق فيها !
مطت شفتها بحسرة: ايه صحيح نسيت اني البنت القروية الضايعة الصايعة المتخلفة الي ما لها وجود بينكم !
وانتم عيال الاصل والشرف!
انتم فووووق وانا تحت ما اسوى نعال احدكم !
ليه تهتمون بمشاعري واحاسيسي ..وحاجتي لام فقدتها سنوات طويله !
عشت 18 سنة على اساس اني يتيمة واقدر اكمل حياتي بهذا اليتم ماعادت تفرق!
وبغصه كررت : ما عادت تفرق!
ناظرت قدر لي واقفه جنب حنين ويسمعون كلامها!
اقتربت من قدر وسحبتها وما تركت لها مجال تعترض ....
خرجت من الباب بعد ما لبست النقاب بإهمال ...رفعت نظرها وهي تشوف فارس واقف قريب من الباب ويسمع حديثهم!
ناظرته بكره وتوجهت للخارج بخطوات سريعة...تبغى تبعد عن هالمكان الي يخنقها!
بعد وقت جلست بالحديقة على الارض وانفجرت بالبكاء ...بداخلها تراكمات ما تقدر تكتمها اكثر من كذا! قدر اقتربت منها: ماما
رونق ما ردت عليها وهي مستمره بالبكاء ولسان حالها يردد
«
اريد ان اطير بعيدا............عن سواد القلوب
بعيدا عن سوء الظنون...
بعيدا عن الكذب.....
بعيدا عن النفاق...
بعيدا عن البشر الذين يرتدون ألف قناع ....
*منقول
**
**
**
جالسه بالصالة والهدوء مخيم عليها ..وكأنها بعالم لوحدها.... موجوعة حد الصميم!
نقزت من صوت جراح خلفها: مساء الاناناس لأحلى ناس!
ناظرته وهو يبتسم وبيده ورده حمراء لها!
ما لها نفس بشيء ...وبروح ميته اخذتها بدون اي تعليق!
حاولت تجامله وتبتسم بس ما قدرت!
جلس باستغراب وهو يشوف الحزن والصمت مخيم عليها: وش فيك ؟ !
احد زعلك بشيء هنا!
هزت رأسها بالنفي: لا
جراح رفع حاجب : يعني اليوم اتصل فيك جوالك مغلق ورجعت للبيت قبل ما يخلص دوامك وقدر معك !
صار شيء بينك وبين فياض!
ردت بصوت مبحوح من كثر ما بكت بالحديقة: ما صارشيء
بس انا مزكمة!
وقف باهتمام الحين اعمل لك
قاطعته وهي تمسك يده : ما ابغى شيء ..انت ارتاح !
رن جواله .....رد بهدوء: هلا يمة....ان شاء الله ...جاي الحين!
ناظرها بعد ماقفل الخط : انا طالع لامي ما رح أتأخر!
هزت رأسها بهدوء!
وقفت بهدوء تتفقد قدر نامت وهي تبكي تبغى ديما !!
**
**
*
جالس مع اهله يخططون لعرس زياد وكلما بغى ينزل عند رونق تعترض امه ويضطر يجلس!
راكان بقهر وهو يشوف اخوه وكأنه جالس على جمر يبغى الفرصة حتى ينزل عند رونق !
وضعه ما هو طبيعي ابدا !
متأكد انه مسحور!
ما في رجال يعمل كذا يحارب الدنيا حتى يتزوج بنت ما يعرفها !
لحظة بعد ما راحت رونق عند جدته صفية طلع جراح بسالفة الزواج!
شد على قبضة يده بقهر وهو يردد هالمشعوذة وش عملت حتى لعبت بعقله!
ناظر اخوه وهو يتكلم مع زياد ويبتسم.....مقهور على اخوه لأنه ما هو بوعيه!
جراح صاحب القلب الطيب ما يستاهل هالحشرة هذه!
بعد زواج زياد رح يتحرك وما رح يسمح لهذه المهزلة ابدا!
ام راكان وقفت بابتسامة لما دخلت صفية: هلا والله نور البيت!
سلمت صفية بفرح على ابنتها وعيالها ...مسكت يد جراح وهي تناظره بمحبه: كيف حالك يا ولدي!
جلس جنبها بعد ما قبل يدها : بخير يا جدتي انت كيفك!
مطت شفتها بزعل: لو يهمك حالي كان سألت عني!
من بعد الزواج قطعتني يا ولدي وما عدت تزورني!
ام راكان بكلام مبطن: ما وقفت عليك يا يمه تراه باعنا كلنا !
الله يسامحك يا جراح الي صرنا حنا اغراب وما لنا علاقة بحياتك !
هذه الحياة تدور الدنيا وولدك الي تعبتي بتربيته وبذلتي جهدك حتى يكون احسن الناس يبعيك بالرخص
قاطعها جراح بعد ما تكدر خاطره: يمه!
انا وش قصرت معك !
ام راكان بعصبية: وش قصرت !
انت ما تشوف حالك من اول ما جلست وكل شوي تتحجج حتى تنزل عند الزفت الي تحت !
ما عادت تعجبك جلستنا!
صفية تهدي الوضع: ام راكان علامك معصبة كذا!
ترى عندنا فرح وما في مكان للنكد والزعل !
ما نبغى ننكد على العريس ...ناظرت زياد وابتسمت!
زياد بابتسامة: ربي يسعدك ي جدتي ويطول بعمرك!
**
**
**
**
قفلت الكتاب وناظرت ساعة الحائط الساعة وحدة و للحين ما رجع !
طلعت من الغرفة ...وناظرت باب غرفة جدتها ....توجهت لها اليوم كله ما دخلت عليها ...حست بحركة بالغرفة ...توقعت يكون جراح فتحت الباب ...ناظرت المكان ما في احد ...وام ناصر تغط بالنوم !
تنهدت وقفلت الباب وقررت تنام تريح رأسها من هموم الدنيا!
في اليوم الثاني صحيت مفزوعة فاتتها صلاة الفجر ...استغفرت ربها وقامت بسرعة ...ناظرت المكان جراح ما هو موجود !
استغربت معقول طلع !
صلت الفجر قضاء ...وجلست على السرير تفكر ...قدر مين يهتم فيها وقت دوامها !
ما تثق باهل جراح تخاف يؤذونها!
او يجرحوها بالكلام!
طلعت من الغرفة البيت فاضي ....شكله جراح طلع على دوامه!
قررت تجهز قدر واليوم تأخذها على الجامعة !
جهزت أمورها وطلعت من البيت .....وقفت وناظرت بيت ابوها ....ما لهانفس تشوف امها او ابوها كرهت الحياة بسببهم !
ضياعها وتشتتها كله بسببهم !
وقفت لما ناداها نايف !
عفست ملامحها واقتربت منه وبهدوء نطقت: نعم
نايف بحدة: انت كيف تأخذين البنت
قاطعته رونق: وانت وش دخلك
رد بقهر منها: انا ابوها
مطت شفتها بسخريه: يا حظها بهذا الاب !
نايف بمزاج سيء : رونق لا تخليني
قاطعته رونق بروح ميته: انتم ما عندكم شيء الا التهديد بس التهديد!،
نايف زفر بضيق: اسمعيني البنت ترجعينها عند فياض وإلا قسم بالله اسحبها منك واخلي سعاد تربيها وانت تعرفين عاد سعاد تحبها كثير!
او اخفيها من الوجود وما اخليك تلمحين ظلها!
ناظرته بخذلان: على اساس دقيت على صدرك مستحيل اخليهم يلووون ذراعك بقدر وما رح احرمك منها ....كلكم كذابين ...منافقين!
نايف مسك يد قدر: انا رح ارجعها عند فياض متى ما تخرجتي يصير خير .. الحين البنت وين تجلس وانت حضرتك بالدوام!!!
يا ليت تستخدمين عقلك هذا !
ناظر قدر وتكلم : الحين رح نروح عند ديما!
قدر ناظرت رونق: ماما انا ابغى اروح مع بابا عند ديما...ما ابغى اجلس هنا !
رونق عقدت حواجبها باستنكار: بابا !
من متى هالمعرفة!
نايف ناظرها: ترى انا ابوها اذا ناسيه!
تركها وغادر وقدر مستانسة .... رونق تناظر زولهم بعدم تصديق الحين هذه قدر!
قدر الي كانت ما تفارق ظلها ...الحين ما عادت تسأل عنها استبدلتها بعالم اخر !
وضعت يدها على قلبها ...قلبها يوجعها ما هي قادرة تستوعب الحياة!
رجعت ادراجها حتى تروح للجامعة ...وقفت بالشارع وهي تشوف سيارة جراح موجوده ..مباشرة ناظرت لجهة البيت لثواني وبعدها نزلت راسها بانتكاسه ...اكيد عند اهله جالس!
تنهدت وغادرت بهدوء!
**
**
**
ما حب يصحيها وهو يشوفها مستغرقه بالنوم ومع اتصال صفية واصرارها يفطر معهم ...اضطر يطلع يفطر وبعدها ينزل !
ام راكان عجبتها اللعبة وهي تسحب جراح من رونق خطوة خطوة ...اكيد الحين مقهورة وميته بقهرها !
وقف جراح وهو يناظر ساعته : اسمحوا لي
صفية باعتراض: وين
قاطعها بتبرير: رونق عندها دوام اخاف تروح عليها نومه
ام راكان : لا تخاف ما رح يروح عليها نومة ومتى ما جهزت اكيد رح تتصل فيك ...انت اشرب كوب الشاهي وما عليك،!
جلس على مضض وعقله وتفكيره عند رونق !
رفع نظره لمريم وهي تضع صحن على الطاولة وهي تتكلم مع امه : ان شاء الله خالتي!
كتم ضيقه وش ينقصها رونق لوتعايشت مع اهله مثل مريم !
وامه وش يضرها لو تعاملت معها مثل مريم ! وش يفرقون عن بعض !
صفية بابتسامة تناظر راكان: ياحظك بزوجتك ما شاء الله عليها!
مريم بابتسامة : تسلمي يا جدتي!
راكان بنغزه: انا اعرف اختار الزوجة الصح !
الزوجة الي تحترم اهلي وتقدرهم تكون فعلا تحبني وتقدرني لانه احترامي من احترام اهلي!
هز جراح راسه بضجر من هالسالفة ...وبنغزه: وكمان احترام اهلي لمريم احترام لك !
يعني لو ما احترموا اهلي مريم وقدروها انا اعتبره قلة احترام لك يا راكان !
ام راكان رفعت حاجب : وش رايك انزل ابوس رجل زوجتك حتى ترضى !
ات بالأول شف زوجتك على حقيقتها وبعدها تعال قول هالكلام!
وش اكثر من انها تطرد امك عن الكوشة ؟!!!!
ااااااه منك يا جراح !
جراح بتبرير: يا يمه اقولك ما كانت تعرفك
صفية مطت شفتها: حتى لو ما تعرفها كيف تطرد حرمه كبيرة بهذه الطريقة!-
هذا يدل على قلة
قاطعها جراح : الانسان يرتكب اكبر المعاصي ويستغفر ربه وربنا يقبل توبته!
وحنا ما نسامح ولا ننسى!
راكان قاطعه : نشوف نهاية قلبك الطيب!
لكن لا تيجي بعد فترة ندمان!،ترى ما ينفع الندم بعد ما حملت زوجتك الموقرة!،
ناظره جراح : رجاء انا احترم مريم ولا عمري غلطت عليها بحرف مثل ما انا احترم زوجاتكم يا ليت تحترمون زوجتي لا
قاطعته ام راكان بقوة: مريم محترمه غصب عنك تحترمها ولا عمرها غلطت على الي اكبر منها ما هي مثل زوجتك لا تحترم لا كبير ولا صغير!
اخوانك راكان وزياد تراددهم بالكلام وتردح لهم وكأنهم بزران !
فياض بعمر ابوها لا احترام وبسببها امها الحين زعلانه في بيت وليد!
فتح عيونه بعدم تصديق ما عنده خبر بهذه السالفة!
راكان مط شفته بسخرية: نسينا نخبرك البارحه !
غريبة ما خبرتك زوجتك !
جراح عبس ملامحه وغادر المكان بدون ما ينطق حرف واحد!
الجازي زعلانه في بيت وليد!
رونق ما خبرته!
دخل البيت وتوجه لغرفة النوم ....ما لها اثر!
توجه لغرفة قدر ..المكان فاضي!
بسىعة توجه لغرفةجدته طرق الباب ودخل...رجع قفل الباب بهدوء وهو يشوف جدته نائمة!
مسك جواله واتصل فيها ...عقد حواجبه ..جوالهامغلق!
ليه جوالها دوم مغلق !
اكيد طلعت للدوام!
بس قدر وين ؟!!!
**
**
**
الجازي ناظرت ابوها بقهر: ما يحق لكم تمنعوني من
قاطعتها حنين بقوة: خلاص ترى قلبي طق من الغباء الي معشش برأسك !
تخربين بيتك علشان رونق
ترى ما وصلنا من هالتوام الا وجع الراس!
وليد بهدوء: فكري بعقلك لو مرة وحده !
ناظري عيالك لساتهم اطفال ليه يتشتتون!
رونق كبيرة ومتزوجه
قاطعته وهي تبكي بحرقه تحس رونق جالسه تعيش حياة النبذ الي مرت فيها ايام زواجها من جواد : رونق يبه بالذات تختلف عن الكل ...احسها جسد إمرأة لكن داخلها طفلة ...فياض قسى عليها بالكلام وجرحها وانا أكثر من كذا ما اتحمل!
تراها انسانه ليه يجرحها بالكلام!
انت ما سمعت وش قال لها لما جاءت بيتنا!
وليد بهدوء: يا جازي كمان رونق غلطت بالكلام!
ردت بدفاع: ما غلطت يا يبه والله ما غلطت أنا واقفه !
والكلام الي قالته تكلمت فيه بعد ما كلامه!
وليد بنرفزه: طيب يعني الحين تبغين الطلاق !
ولنفرض تطلقتي وش استفدتي؟!
البنت متزوجه وعايشه حياتها!
وانت؟
وعيالك وش مصيرهم؟!
حنين وهي تشوف عناد الجازي تكلمت حتى تنهي السالفة: ترى رونق البارحه كانت هنا!
الجازي مسحت دموعها وناظرتها بدون تصديق: رونق كانت هنا!
ليه ما احد
حنين بكذب: رفضت تشوفك!
جاءت وتكلمت وهي تتمسخر على عقلك الصغير...تقول الجازي زعلانه علشاني وانا إذا موجوده ما أدري عنها!
الجازي صدمها الكلام وبعدم تصديق نطقت: مستحيل رونق
حنين : وليه ما تقول!!!
تقول عشت حياتي بدوني وما يهمني وجودها الحين..وجودها عدمه واحد ...ولما كانت تزورك كانت تزورك حتى تقهر جواد ومريم!-
يعني كنت أداة غبية للانتقام !
وهذا ابوك كان موجود اسأليه!
الجازي صدمها الكلام ...ما توقعت رونق تقول هالكلام عنها !-
غمض عيونها للحظات بألم من الطعنات الي تلقتها من التوأم!
خلااااااص كافي ...عاشت حياتها على امل تجتمع معهم!
لكن صدقوا لما قالوا الي ينكسر عمره مايتصلح!
وليد اعطى نظرات حادة لحنين على كذبتها!
حنين بلامبالاه بنظرها مصلحة الجازي اولى وما لها الا هالحل!
تحركت الجازي بخطوات تائهة لاحدى الغرف ...وبداخلها وجع من قساوة التوأم!
**
**
*
**
جالسه بالقاعةتستمع للمحاضرة وبصعوبة قادرة تستحضر ذهنها!
انتهت المحاضرة وهي للحين جالسة بهدوء ..تفكر بحياتها ...
رفعت راسها على دخول وعد ..تقدمت وعد بابتسامة نحوها: يا قاطعه وينك زمان ما شفتك!
رونق بهدوء سلمت وما جاوبت على سؤالها !
وعد ابعدت كتاب رونق وجلست مكانه: ايه وش اخبارك؟!
رونق بملل: بخير !
وعد خزتها: وش فيك كذا زعلانه!
تعالي نجلس والله مشتاقه لك زمان ما جلست معك
!
رونق بنفس الهدوء:وعد ممكن تخليها مرة ثانية!
ما لي خلق سوالف!
وقفت رونق وهي تجمع أغراضها : اشوفك مرة ثانية!
وعد وهي تمشي معها: رح اوصلك للمكتبة اكيد رايحه هناك!
سكتت رونق وما علقت!
وعد متعمدة تقهر زياد ..تكلمت بصوت مرتفع وهي تشوفه واقف ومعه شخص ثاني : الحين اعطيك عصيرك المفضل ورح تنسي العالم كله!
وختمت كلامها بضحكة رنانه!
ناظرتها رونق بعدم فهم ...وما انتبهت على وجود زياد وجراح ...مطت شفتها باستغراب متاكده هالبنت عقلها ضارب!
من وين طلعت لها هالنشبة!
بنفس المكان كان واقف مع زياد جاي يبحث عن رونق بما إنه جوالها مغلق....ناظر زياد الي يتكلم بقهر: شفت بعيونك صديقة زوجتك!
شفت الاشكال الي مصادقيتهم!
وسمعت الكلام!
اذا م تعرف ترى هذه البنت ابوها واخوها مروجين مخدرات ...الله اعلم وش العصير المفضل لزوجتك!
جراح من الصدمة انلجم لسانه...وبدون ما ينطق حرف واحد توجه خلف رونق!
انتهى البارت ...لنا لقاء قريب بإذن الله ...دمتم بخير
رواية بسمة مدفونة في خيالي الفصل التاسع والثلاثون 39 - بقلم ضاقت أنفاسي
بارت 32
وعد متعمدة تقهر زياد ..تكلمت بصوت مرتفع وهي تشوفه واقف ومعه شخص ثاني : الحين اعطيك عصيرك المفضل ورح تنسي العالم كله!
وختمت كلامها بضحكة رنانه!
ناظرتها رونق بعدم فهم ...وما انتبهت على وجود زياد وجراح ...مطت شفتها باستغراب متاكده هالبنت عقلها ضارب!
من وين طلعت لها هالنشبة!
بنفس المكان كان واقف مع زياد جاي يبحث عن رونق بما إنه جوالها مغلق....ناظر زياد الي يتكلم بقهر: شفت بعيونك صديقة زوجتك!
شفت الاشكال الي مصادقيتهم!
وسمعت الكلام!
اذا ما تعرف ترى هذه البنت ابوها واخوها مروجين مخدرات ...الله اعلم وش العصير المفضل لزوجتك!
جراح من الصدمة انلجم لسانه...وبدون ما ينطق حرف واحد توجه خلف رونق!
وعد بحماس: وش رايك اليوم تيجي معي صديقتي ليلى عامله حفلة بمناسبة خطوبتها
رونق تكلمت وهي مستمره بالمشي: وعد اطلعي من رأسي !
وعد بضحكه: يا اختي انت ليه كذا نكدية وحامله هموم الدنيا فوق رأسك!
تعالي وصدقيني رح تنسي كل همومك وما رح تندمي!
رونق هزت رأسها بأسف ما رح تتغير وعد وكل مره تلتقي فيها تلقاها غرقانه بالوحل اكثر !
وعد بصوت عفوي مرتفع: شوفي ولد خالتك فارس!
ناظرت رونق تلقائيا للجهة الي اشرت عليها ...وبعدها ناظرت أمامها بضجر!
وعد باستغراب: وش فيك كذا!
وبصوت هامس:مو على اساس تحبون بعض وانا كنت المرسال بينكم وش صار حتى تزوجت غيره!
رونق وقفت بغضب وناظرتها: انت من وين تجيبين هالكذب والكلام !
وقف جراح لما شافهم وقفوا واستغرب وش همست لها !
وليه رونق انفعلت !
وعد بانحراح: تعرفين احب ابهر السالفة يعني توقعت انك بادلتيه نفس المشاعر ...بس لا تنكرين تراه يحبك وخطبك وهو ارسلني حتى اخبرك والا ناسية!
بس نفسي اعرف ليه اهله رفضوك
عقد حواجبه بعد ما سمع بعض الكلام فارس خطب رونق واهله رفضوا الخطوبة!
رونق ناظرتها بحده وهي تمشي: تدرين انك اوقح
قاطعتها وعد بلامبالاه: براحتك لا تتكلمين ليه اهله رفضوا يخطبوك ...رح ييج يوم واعرف..تدرين كان ودي اوصلك للمكتبة بس صديقي ينتظرني ...اشرت على الجهة المقابلة وما تركت لها مجال تتكلم وغادرت بسرعة وهي تشوف رونق الشرار يطلع من عيونها !
رونق زفرت بضيق من هذه الإنسانة كم مره قالت لها تبعد عنها لكن ما عندها كرامة !
تابعت خطواتها بملامح منزعجة من وعد وثرثرتها!
الحين سمية رفضتها وما تبغاها لولدها!
مطت شفتها بقرف يقال ميته عليها وعلى ولدها!
يمشي خلفها والف علامة استفهام فوق راسه من الكلام الي سمعه!
فارس خطب رونق!
واهله رفضوا!
يحس فيه حلقة ناقصة تخص رونق!
ليه الكل نابذها ورافضها!
ليه ما يشوفها بالنظرة الدونية الي يشوفها الباقي!
دخل خلفها للمكتبة..ونفس المكان المعتاد جلست ...قبل ما يقترب منها رن جواله...عقد حواجبه من المتصل...ابتعد كم خطوة ورد بهدوء: الو ...هلا.....انا بمكتبة الجامعة ..ليه....مسروق! ....ما عندي علم !
طيب انا انتظرك!
قفل الخط وزادت علامات الاستفهام فوق راسه ....كتم قهره من تصرفات رونق!
توجه لجهتها ..سحب كرسي وجلس وهو عابس ملامحه ووعد نرفزته بقوة من كلامها وزاد قهره سالفة الجوال!
رونق تفاجأت من وجوده: جراح!
جراح وهو يقفل الكتاب من امامها وبنبره قهر: ليت جراح يموت ويخلص من مشاكلك!
عقدت حواجبها باستنكار من كلامه: وش صاير!
جراح زفر وسأل بهدوء: وين جوالك اتصل فيك مغلق!
رونق بأسلوب ملتوي تغير السالفة: وليه متصل فيني؟ صاير شيء؟!
جراح تكتف واسند ظهره على الكرسي: ابد سلامتك اتصلت اتعرف عليك!
وبحده نطق :رونق لا تجلطيني!
كم صار لي اتصل على جوالك وهو مغلق!
ليه جوالك مغلق!
وين جوالك؟
رونق تنهدت وبهدوء تكلمت: ما هو معي
قاطعها وهو ينطق: انسرق!
انخطفت ملامحها وهي تناظره للحظات....بعدها صدت عنه وبهدوء نطقت: اذا جاي تتشاجر ترى هنا ما هو مكان للشجار تقدر تؤجل هالشجار للبيت حتى تأخذ راحتك بالصراخ
وقف وهو يمسكها من يدها بهدوء ظاهري: تعالي معي!
ابعدت يده عنها بطول بال: اتركني ما رح اهرب!
ناظرها بحده وتابع خطواته لخارج المكتبة!
**
**
**
جالسة بالسيارة
تناظره بعد ما قفل جواله .تنهد وتكلم بهدوء: رونق وين
قاطعته حتى تخلص من هالسالفة: ما ادري هو ضاع والا انسرق!،
وما اعرف وين فقدته!
وغير كذا ما اعرف!
مط شفته من برودها: يا برودك!
طيب متى فقدتيه
ردت بنفس الهدوء: لما طلعنا مع فياض اخر مرة من وقتها ما ادري عنه!
رفع نظره للاعلى يمسك نفسه من تصرفاتها الغبية: ولا ناويه تتكلمين!
والزفت فارس وش سالفته!،
وهذه البنت الي كنت ماشية معها من وين تعرفينها! عقدت حواجبها باستغراب...وش عرفه بذي السوالف!
تكلم بنرفزه: جاوبيني !
ليه ساكته!
ليه ما تكلمت عن الجوال؟!
رونق تحس بالضيق يخنقها ..ردت بهدوء ما تبغى تفتعل مشكلة مع جراح: لاني ما اضمن وش رح تكون رد فعلك عن السالفة!
صفر بتعجب: ما شاء الله كل هذا خوووووف!
رونق
سكت ما يبغى يتكلم ويجرحها بالكلام ما تهون عليه!
هز راسه: طيب وش قصة فارس
قاطعته: انت وش عرفك
رد بنبرة ساخرة: ما شاء الله الي جنبك صوتها مثل سماعة المسجد !
كتمت ضيقها من وعد وثرثرتها ...ونطقت بتوجس: كنت خلفنا !
هز رأسه بدون ما ينطق بحرف ينتظر منها تتكلم!
تكلمت ببرود: ما في قصة ولا شيء خطبني مرة وما صار نصيب
سأل بسرعة: وليه رفضوا اهله الزواج
رونق تحس نفسها تحسست من كلمة الرفض...نطقت بجمود: روح اسألهم ليه رفضوا!
وبعدين انت جاي تفتح لي تحقيق مين خطبني ومين
قاطعها بتحذير: هذه البنت اذا شفتك واقفه معها ما رح يصير خير فاهمة!
زفرت بضجر مين ارسله لها حتى يجلس فوق راسها يعطي دروس وكأنه ناقصها هالكلام: ان شاء الله!
تنهد لما سمع جوابها توقع انها تعاند ...وبنبره حانيه: رونق لا تزعلين مني انا ابغى مصلحتك هذه البنت انا مو مرتاح لها
قاطعته بضجر: قلتلك ما رح اكلمها!
تكلم وهو يناظر فياض نزل من سيارته وتوجه لهم : هذا فياض ما ابغى مشاكل
ردت بقهر من فياض: ما ابغى اشوفه ولا اكلمه رجعني للبيت الحين
جراح زفر بضجر: فصبر جميل!
نزل من السيارة ووقف يسلم على فياض...فياض ملامحه ما تتفسر ...وبغضب مكبوت داخله تكلم :انا لو اذبحها ما أحد يلومني!
جوالك مسروق وانت منكتمه ولا عبالك تتكلمين!
جراح ناظره : كل شيء ينحل ما له داع لهذا الكلام رجاء!
فياض نزل رأسه وناظرها: جوالك فيه صور؟!
ناظرته رونق وهو منفعل ...مطت شفتها بسخرية من هالسؤال وما ردت لأنها ما تبغى تكلم هالانسان لأنه أذاها وجرحها كثير ...ما توقعت بيوم من الايام فياض يعمل كذ ا!
فياض وهو يشوف انها مطنشة ناظر جراح: شايف بعينك!
جراح بهدوء:اتركها انا احل الموضوع!
فياض : بلغ عن الجوال بالمركز!
جراح هز رأسه: هذا الي رح يصير!
فياض رجع ناظرها: ممكن تتكرمين علينا وتقولين وين فقدتيه ومتى؟!
جراح مسك كتف فياض لانه متأكد رونق ما رح ترد عليه ....وبهدوء نطق: تعال نجلس هناك!
حضنت نفسها بانكسار ...وكل حياتها تمر امام عيونها!
طول عمرها من بسطه لبسطه حتى تأكل اللقمة ... انسانه ما لها وجود بين الناس ...عاشت والا ماتت مين رح يسأل او يهتم لها !
منبوذه من الكل!
النظرة الدونية وكأنها حشرة !
هم وين وهي وين !
ليه اقحمت نفسها بينهم المفروض انسحبت من البداية!
الكل رافض وجودها ..الا ثلاثه
جواد
الجازي
الواجب يحتم عليهم يتقبلون وجودها!
جراح!
اه من جراح لغز ما هي قادرة تفهمه!
ما هي قادرة تتصور إنه فعلا يحبها !
احد يعشق ويحب من العيون!
ويرمي كلام اهله خلف ظهره !
مسحت دموعها بخفة ...ورجعت تكورت على نفسها وهي تحس نفسها ضايعة بهذه الدنيا!
عند جراح اي يكلم فياض: رجاء لا تكلمها كذا!
فياض هز راسه بقلة حيلة: طول عمري امسك اعصابي وبالي طويل ..الا هذه البنت ما ادري تطلعني عن طوري واعصب بسرعة !
يعني وين الجوال رح يكون أحد سرقه!
جراح بتفكير: الي اخذ الجوال هو الي نزل الصور !
فياض صك على أسنانه بقهر: الف مرة قلت لها لا تصورين بجوالك
جراح : المشكلة جوالها كله صور وما عليه قفل
فياض : والجازي لها صور!
جراح بتردد هز راسه: شفت لها اكثر من صورة
قاطعه فياض بغضب: يا صبر أيوب!
انا لو اذبحها احد يلومني !
جراح باستفسار: للحين زعلانه
فياض : رجعت لكن الاوضاع غير مستقرة .... المشكلة انها الجازي تنفعل وتفكر بقلبها ما تفكر بعقلها !
الكل يقولها اولادك الصغار اهم من هالرونق لكن عقلها ما هو مستوعب !
ما ادي وش قالت لها زوجة خالي واقنعتها وحتى فارس كان هناك وكلمها
رن اسم فارس بإذنه ...سأل بهدوء:-فارس متزوج!
فياض هز راسه بالنفي: لا للحين ما تزوج خليه بالأول يتخرج
جراح يسحب الكلام: غريب كونه الكبير عادة الاهل
قاطعه فياض بغموض : هو كان يبغى بنت بس اهله رفضوا
جراح وصل لمربط الفرس: غريب وليه رفضوا!
فياض هز كتوفه: ما يشوفون بينهم تناسب!
واهل البنت علاقتها مع ابو فارس مو ذاك الزود!
جراح معقد حواجبه: طيب البنت كانت موافقه عليه!!،
فياض ناظره بشك من اسئلته: ما ادري عنها واصلا ما صار شيء فارس قال لاهله عنها ورفضوا وما كلموا اهل البنت ...الحين اتركني من فارس و رونق!
جراح رفع حاجب: رونق وش دخلها!
فياض بتورط: خربطت ...ترى زوجتك ما تركت فيني عقل!
الحين انت روح وبلغ عن الجوال لعل وعسى نلقى حل !
جراح هز رأسه وتكلم برجاء: لي طلب عندك!
هز راسه فياض: تفضل!
جراح بهدوء: رونق لا تكلمها بذي الطريقة!
لا تكسر خاطرها
قاطعه فياض بضيق: اقسم بالله اني اعتبرها مثل ابنتي بس هي مستفزة بشكل ما هو طبيعي!
تظن الناس تمشي على مزاجها!
يا عمي في عادات وتقاليد لزوم نحترمها!
جراح ه رأسه بتفهم: بس انا متأكد انها رونق ما نزلت المقاطع
فياض : كان بإمكانها من البداية تقول ترى جوالي ضاع او انسرق حتى نتصرف ...يعني فوق غلطها متكتمه على السالفة ومتهمه وسيم انه الي سرقه!
ما ادري كيف تفكر ...لنفرض وسيم اخذه من عقلك وسيم ما هو صغير حتى ينزل مقطع فيه صورة امه!
تراه بالمتوسط ما هو طفل صغير!
جراح زم شفته بحيرة: والله شيء يحير
وقف فياض وتوجه لجهة رونق...فتح باب السيارة من جهتها وبهدوء نطق: رونق
رونق صدت عنه وبنبره مخذوله وفيها حزن عميق: لا تقول اي شيء لاني خلاص اكتفيت منكم ومن نظراتكم ومن اتهاماتكم!
انا اسفه ان غلطت بحقك ...انا قفلت صفحة الماضي للابد ولا كأني عرفتكم من قبل ولا ابغى اعرفكم!
انا فتحت صفحة جديدة ما فيها الا جراح وقدر ...وحتى جواد اعتبره ولد عم زوجي ...وغير كذا ما ابغى اعرف!
خلاص انتهى كل شيء!
والجازي لك وعد مني ما رح اقترب من صوبها ...وربي يسعدكم وانتهينا!
فياض يناظرها بصدمة من كلامها ..وقبل ما يتكلم وضع جراح يده على كتفه وبنبره راجية: ابو وسيم!
ناظره فياض للحظات وبعدها هز راسه بتفهم: ان شاء الله!
بعد وقت قصير غادر فياض المكان..توجه جراح للسيارة ...حرك وهو يناظر رونق: الحين نرجع للبيت نأخذ كرتونة الجهاز حتى نبلغ عنها
قاطعته بهدوء: ما له داعي انا بلغت عن الجهاز!
فتح عيونه باستنكار: بلغتي!
رونق عقلك ضارب ؟! انا وين حتى
قاطعته بصوت هادئ حزين وهي تبرر له: قلت لك ما كنت اعرف وش رح تكون رد فعلك علشان كذا اعطيتها لصديقتي وهي أعطتها لابوها وبلغ عنه!
مط شفته بقهر: يعني وش رح تكون رد فعلي!
جوال انسرق وش رح اعمل؟!
احيانا تفكرين بطريقة غريبة جدا!
عم الهدوء المكان كل واحد غارق بأفكاره....بعد وقت وقف ونزل من السيارة...نزلت النقاب وهي تحاول تجمع اكبر قدر من الأكسجين ....تحس وكأنها تتنفس من خرم الابرة!
غطت وجهها لما اقترب من السيارة....دخل السيارة ومعه كيس صغير!
فتح الكيس وهي تناظره باستغراب معه جوال جديد ...ركب عليه خط جديد!
بعد لحظات مد لها الجوال وبتنبيه: ما ابغى عليه ولا صورة لك لو انسرق او ضاع بقلعته فهمتي!
تناظره ويده ممدودة بالجوال: ما ابغى جوال
قاطعها بحده: رونق ترى
زفرت بضجر بعد ما اخذته: كل شيء بالغصب!
ناظرها بحده: ايه كل شيء بالغصب!
وبابتسامه: يعني كيف تبغين اتواصل مع نصفي الثاني!
يعني انت بالجامعة لما ينتهي دوامك كيف اقدر امرك!
وانا بالدوام كيف اطمئن انك بخير!
ناظرته وانرسمت على وجهها شبح ابتسامه ...لو تلف كل الكون ما تلقى مثل جراح ...
**
**
**
يوم زواج زياد
تكلمت بضيق: قلت لك ما ابغى احضر!
خلاص
جراح بعناد : رح تحضرين وخلي كل الناس تشوف زوجة الدكتور جراح!
مطت شفتها بقلب ميت: ما لي مزاج احضروعندي دراسة
قاطعها بحزم :معك ساعتين وتكونين جاهزة!
ناظرته باستنكار : ساعتين!
ناظرها: ما تكفي! كم ساعة تبغين؟!
ردت بابتسامة : خمس دقائق
فتح عيونه باستنكار: خمس دقائق!
اسمعيني الحين اخذك لاي صالون تزينك تبغين تحضرين بالعباية باحلامك!
ردت بملل: خلاص بعد ساعتين اكون جاهزة ما له داعي للكوافيرة
ناظرها بتأكيد: متأكدة؟!
هزت رأسها بابتسامة: متأكدة!
**
**
**
ام راكان جلست بعناد: اذا الحرباية الي تحت تحضر الزواج انا ما رح احضر!
صفيه بانتقاد: وليه ان شاء الله!
ترى كل العالم تعرف انها كنتك !
تبغين تنشرين غسيلنا قدام العالم !
مريم تنتظر دورها حتى تجهز نفسها: اخاف تصير مشكلة بوجودها
صفية : لا تخافين ما رح تعمل شيء ...انا موجودة اقص لسانها اذا
ام راكان : تراك ما تعرفينها اكيد مخططه لشيء!
والا وحده بعقلها اهل زوجها كلهم مقاطعينها ترز وجهها عندهم ليه!
اكيد ناوية على شيء!
يمكن مخططة تخرب الزواج
ام لؤي وهي تعلك : خليها تعمل شيء وقسم بالله الا نمسح فيها القاعة!
اتركيها تحضر ما نبغى مشاكل!
ومثل ما قالت جدتي ما نبغى العالم يعرفون قصة حياتنا!
واكيد الناس رح تسألك وين زوجة جراح!
ام راكان وافقت على مضض ..لكن بداخلها متوعدة فيها ان عملت حركة من هنا او من هنا إلا تعجنها بين يدينها !
**
**
••
**
**
مر الوقت واقترب موعد الحفلة ..ناظرت جوالها يرن ..ما فيه الا رقم جراح.ردت بهدوء الو ....الحين جاي..انتظر خمس دقائق واكون جاهزة....بس....طيب طيب!
قفلت الخط وناظرت كتبها ...مر الوقت بسرعة وانشغلت بالبحث....وقفت ناظرت نفسها بالمراية...وجهها شاحب ...ما يمداها تجهز الحين ...سمعت صوت السيارة ....لبست العباية وغطت وجهها بسرعة ...توجهت للخزانة اخذت كم غرض ....وتوجهت للميك اب وضعت بالشنطة الامور الي تحتاجها!
وطلعت من الغرفة بسرعة....وقفت برعب لما شافت جراح بوجهها : اوففففف اوقعت قلبي!
جراح ضحك بخفة : قلت اناديك لاني مستعجل
هزت رأسها : يلا
وقفها: لحظة خليني اشوف وش عجبتي على وجهك!
بلعت ريقها وبسرعه نطقت: مو الحين تاخرت
وما أعطته فرصه وبسرعة توجهت للخارج!
في الطريق جراح برجاء: رونق اتمنى يمر الزواج بسلام بدون مشاكل!
يعني حاولي تكبرين عقلك وما
قاطعته بانزعاج: هذا الكلام المفروض تقوله لامك واخواتك لأني ما اتدخل بأحد لكن امك
قاطعها بانزعاج: امك؟!
تراها ام زوجك يعني خالتك يا
قاطعته بلامبالاه: خليها بالاول تعترف فيني اني زوجة ولدها وبعدها يصير خير!
مط شفته بسخرية: كيف تعترف وانت معتزلة وما تخالطين احد!
يا رونق قلت لك بالبداية رح تكون صعبة لكن مع الايام رح يكتشفون انك
قاطعته بعدم اقتناع: امك اقصد خالتي لو ابني لها قصر ما حبتني ولا رح تتقبلني!
نطق بنرفزة: وانت كذا تحكمي!
جربتي؟!
نطقت بقهر : امك مجرد سلام ما رضيت تحط يدها بيدي تبغاني ابوس رجولها
قاطعها: خلاص غلطنا ومنك السماح انتبهي تتنازلي وخليك كذا مثل
قاطعته تحاول توصل له وجهة نظرها: يا جراح أنا ما حقدت على اهلك بس هم كارهيني كله بسبب راكان
قاطعها بضجر: الحين دخلتي راكان!،
يا رونق افهميني صدقيني المعاملة الحلوة مع الناس مع الوقت تشيل الاحقاد والبغض بين الناس...يعني لو طلعتي عند امي واخذتي معك هدية وابتسمت بوجهها وتكلمتي معها بأسلوب طيب مرة على مرة القلوب تتصاف
قاطعته بتفهم: انا فاهمة عليك ...بس صدقني خالتي ام راكان مستحيل تتقبلني
قاطعها بضجر من عنادها: شفتي انك ما تبغين
ردت بمقاطعة :طيب مثل ما تبغى رح امشي مثل ما تقول ونشوف آخر السالفة
ابتسم وهو يناظرها: ايوه كذا!
اسمعيني الحين بالحفلة ابغاك سنعة والناس كلها تقول يا حظ ام راكان بهذه الكنة ...كوني لامي مثل ظلها وابتسمي بوجهها من قلبك لعل وعسى تنصلح الامور!
هزت رأسها: رح اكون مثل ظلها ورح ابتسم بوجهها ورح اخلي كل الحريم تقول يا حظها بهذه الكنة!
كذا منيح!
هز راسه بابتسامة بعد ما غزى قلبه امل انه الامور تتصلح ويعيشون بسعادة!،
**
***
**
ام راكان منشغلة باستقبال الناس ....همست لها ام لؤي : زوجة جراح وينها ؟! الحريم تسألني عنها ؟!،
ام راكان عفست ملامحها: الله لا يجيبها!
صفية اقتربت بانتقاد: رورق وين ؟!
ام راكان : ما ادري !
اصلا متأكد ما رح تحضر حتى تفشلنا قدام الناس !
ام لؤي رفعت حاجب: يعني مريم تعبانه بالمستشفى وحضرتها وين !
معقول ولا كنة يحضرون الزواج؟!
والله الناس تنتقد وتتكلم!
ام راكان : اي احد يسالك قولي جدتي تعبانه وما رضيت تتركها!
ام لؤي اشرت على احدى الطاولات: يمه وش فيك جدتي ام ناصر جالسه هناك!
ام راكان ضربت جبهتها: عقلي ضارب!
خلاص ثولي مندفسه مع أختها بالمستشفى!
ام لؤي اشرت بعيونها: يمه شوفي الجازي هنا مع ام فياض!
كيف قالوا انها زعلانه!
صفية: لا تصدقين كلام الناس!
اروح أسلم على ام فياض!
ام لؤي: اتصل على جراح اشوف
قاطعتها ام راكان بتحذير: يا ويلك الحين تظن ميتين عليها! بقلعتها!
**
**
**
**
جالسه بإحدى الغرف بضجر ...نسيت اغراضها والشنطة مع جراح حتى الجوال بالحقيبة!
وما تقدر تدخل كذا اكيد رح يفسرون الموضوع إنها قاصدة تفشلهم!،
نعسانة بقوة بس ما هو وقت النوم الحين ....اعطت جراح كلمة إنها تشارك اهله بالحفلة وتحاول تصلح الاوضاع ...بس بهذا الحال ما ينفع !
لزوم تلقى حل لهذه المشكلة!
رفعت نظرها للسقف وهي تفكر بالحل!
*
**
**
الجازي جالسة وبعيونها تبحث عن رونق...بس ما لها أي أثر ... حتى مريم ما هي موجوده !
غريبة ليه ما حضروا الزواج!
نغزها قلبها ...رونق يمكن ما حضرت لانه العلاقة بينها وبين بيت حماها زفت ..بس مريم علاقتهم حلوة!
بالرغم انها كثير تعاهد نفسها انها ما رح تسأل عن التوأم الي اوجعوا قلبها ..لكن قلب الأم يحن بسرعة: عمتي ما اشوف التوأم
ام فياض مطت شفتها: انت للحين تراكضين خلف التوأم !،
الجازي عفست ملامحها من رد عمتها: يا عمتي تراني ام!
ام فياض هزت رأسها بتفهم: لحظة !
شافت صفية مقبلة عليهم .....وقفت وسلمت عليها بحرارة...بعد ما جلست والسؤال عن الحال والاحوال تكلمت ام فياض: غريبة ما أشوف زوجات عيال ام راكان!،
المفروض يكونوا بالحفلة
قاطعتها صفيه بهدوء: مريم تعبت شوي والصبح دخلت المستشفى
الجازي بخوف ما قدرت تخفيه: وش فيها!
صفية : لا تخافين يقولون سقطت الجنين!
الجازي عفست ملامحها: نزل الجنين!-
ام فياض: ما نعرف انها حامل
صفية: ما خبرت احد ...مسكينة كلما تحمل يموت الجنين!
ام فياض: إن شاء الله ربنا يعوضها !
صفية : آمين !
الجازي تأثرت لحال مريم وقررت تزورها بعد الحفلة حتى لو كانت مريم هاجريتها قلبها ما يطاوعها تقسى عليهم!
لاني الي اكتشفته مريم شخصيتها ضعيفة وكلمىة تأخذها وطلمة ترجعها!
رفعت نظرها لما سألت ام فياض عن رونق: وزوجة جراح وين ؟!
صفية هزت راسها بأسف: هذه البنت ما منها فائدة!
ما كلفت نفسها تحضر الزواج!
تخيلي من لما سكنت عند جدتها ولا مرة طلعت على ام راكان !
ولا تتصل معها ولا تتفقدها ولا تحترمها!
وجراح تارك لها الحبل!
لا تزعلين مني ياام وسيم بس هالبنت اطباعها غريبة ولا كأنها من هذه العائلة!
حتى اطباع اهل امها ما اخذتها!
اطباعها ما ادري كيف!
الحين وش يضرها لو حضرت هالزواج؟!
ام فياض مطت شفتها: الله يصلحها هالبنت رافعة خشومها للسماء!
وناظرت الجازي: لا تناظريني كذا!
اذا انت امها ما احترمتك وقالت عنك كلام ثقيل لحنين!
الجازي مقهورة من رونق تتكلم عليها كذا ...وعلشانها كانت رح تفقد استقرار اسرتها ويتشتت عيالها بسببها وبالاخير ما قدرت تضحيتها!
خلاص وصلت لحد عدم المبالاة من تصرفات التوأم كل وحده فيهم صار لها حياة وانتهى زمن التضحيات!
رح تكمل حياتها بسعادة مع فياض وعيالها ...دام انهم التوام بخير ما عاد شيء يقلق حياتها!،
ام فياض ابتسمت براحة جلوس فياض ووليد مع الجازي لمدة ساعة قلبوا عقلها ورجعت لوعيها !
**
*•
**
**
ام جواد تحوس بالقاعة وتبحث عن رونق .....ما تبغى تكون منبوذة من اهل جراح ...لزوم يتقبلوها ...وبنبره هامسة مقهورة نطقت لنغم: هذه البنت غبية بدل ما تصلح امورها مع اهل زوجها تقوم تعمل كذا !
اغلب الحريم تسأل وين زوجة جراح !
نغم هزت كتوفها: والله يا خالتي الزمن يعيد نفسه مثل ما نبذتم امها رجع الزمن وابنتكم
قاطعتها بقهر: بس رونق منا وفينا وما يصير ام راكان تعمل كذا !
يعني تبغى تطلقها والناس تأكل وجهنا يقولون ولد عمها طلقها!،
لكن باحلامها والله طول ما أنا عايشة رح يعترفون فيها غصب عنهم ....
نغم : طيب اتصلي بجراح وشوفي ليه ما حضر
قاطعتها : صادقة الحين اشوفه!
طلعت مع نغم خارج القاعة واتصلت فيه لكن ما فيه إجابة: هذا ما يرد على الاتصال!
انا رح اموت بسبب هالبنت ما هي عارفة تضبط امورها!
لا حول ولا قوة إلا بالله!
انا ما قاهرني الا ام ربيع جالسه تحوم حول الكلام تخيلي تقولي « وين زوجةجراح يقولون انهم رح ينفصلون »
نغم فتحت عيونها: وهذه من وين لها الاخبار؟!
ام جواد بقهر: تقول سمعت من الحريم هالكلام يبغى يطلقها لأنها جوكر ويبغى يتزوج وحده يتصبح بوجهها تكون مثل القمر ما هي مثل رونق ان شافها ظنها الشغالة !
قهرتني بكلامها!
ومتأكدة هالكلام منها هي ...ولدها الزفت لما جاء وشافها يقول ظنيتها الشغالة !
والحين تلاقينها بين الحريم تبث سمومها !
نغم ناظرت حماتها والظاهر ضغطها مرتفع: تعالي يا خالتي اجلسي بهذه الغرفة ارتاحي
ام جواد برفض مسكت الجوال واتصلت على ابنها!
•*
***
**
**
جواد بملل من تصرفات رونق: يعني يا يمه وش اعمل؟!
هذه البنت خلاص انا مليت من تصرفاتها!
تخيلي اذا انا ابوها ما تسأل عني اذا ما مريت عليها وشفتها ما تسأل ولا تقول عندي اب ازوره ما يفصلها عني غير باب...تبغينها الحين تراعي بيت ابو راكان انا ابوها وما احترمتني ...خليني ساكت احسن ترى داخلي قهر منها ما يعلمه الا الله!
ام جواد بضيق : بس
جواد بقرف: وقسم بالله احيانا افكر اروح اعتذر بنفسي للحازي عن الماضي لعل وعسى اخلص من مشاكل رونق ...وكأنها حوبة الجازي ...تخيلي جوالها مسروق !
وحضرتهاما خبرت احد ..وما عليه قفل!
انا طق قلبي من تصرفاتها ما ادري وين تبغى توصل ما اعرف !
ما اقول الا الله يعين جراح على ما ابتلاه لأنه
قاطعته ام جواد : بعدها جاهلة وما تعرف العادات والتقاليد هنا .... يعني يرضيك ترجع لك مطلقه!
لزوم تتصرف وتضع حد لهذه المهزلة انت ابوها!-
جواد عفس ملامحه: طيب ان شاء الله بكره يصير خير !-
*
*
*
**
يتبع يوم الخميس بإذن الله .......دمتم بخي
رواية بسمة مدفونة في خيالي الفصل الأربعون 40 - بقلم ضاقت أنفاسي
#أب يطعم إبنته سندويشه و بحطلها #كاتشب بكل لقمة بتاكلها ..
صارت البنت الصغيرة #تفتح_ثمها_وتبكي 😭😭
والأب بيصرخ عليها و بيحكيلها : 😡😡
السندويشة باردة لا #تمثلي رح تاكليها يعني رح تاكليها ..
و بعد ما #خلصت السندويشة أجت #آمها أخذت البنت و نامت البنت #بحضنها_الدافي 😔😔
بلّش الأب ينظف الأكل وفتح الثلاجة ليرجع علبة #الكاتشب ..
#إتفاجأ الآب إنو ساحب علبة #الشطة بدل علبة #الكاتشب !
و البنت كانت عم تبكي و هو كل #فكرو إنها كانت عم تبكي من #سخونة_السندويشة 👉
راح لعندها ومسح على #راسها و هي نايمة وحكالها
#آنا_أسف_يا_بابا
#ما_حسيت_بوجعك_لإني_ما_ذقتو !!
كم مرة #حرقتوا غيركم بأفعالكم ونزلتو #دموعهم وبتحكولهم : يوقفو عن التمثيل ؟!
كم مرة خليتو غيركم #ينام وهو عم #يبكي ؟!
كم مرة #جرحتو حدا بدون ما تعرفو ؟!
كم مرة فكرتوا إنو كلامكم #بلسم وبالحقيقة هو #نار_بحرق_القلب ؟!
(( لو كل أنسان ذاق الكلمة أو الفعل قبل ما يوجهو لغيره #لتحولت_الحياة_لجنة👌
#راقت_لي #منقول
يتبع بارت32
رفعت نظرها باستغراب وهي تشوف وحده داخله الغرفةتلقائيا وقفت !
البنت ناظرتها باحراج: ظنيت ما في احد هنا!
رونق هزت رأسها وما علقت!
البنت بضجر: خنقني هالفستان ضيق مب قادرة اتحرك فيه
ابتسمت رونق على ملامح البنت وهي عافسه وجهها!
البنت باستغراب،:انت ليه جالسه هنا!
رونق هزت كتوفها: اغراضي نسيتهم بالسيارةمع زوجي وما ينفع ادخل كذا !
اكيد حماتي رح تعمل لي قصة!،
والا انا مو فارقه معي ادخل بثوب الصلاة!
انت وش تقربي للعروس
قاطعتها بضحكة: العروس تكون صاحبة بنت خالتي!
وما اعرفها بس انا في كل عرس لزوم احشر نفسي واحضر
وانت وش القرابة بينكم!
رونق بغت ترد بس سكتت وهي تشوف جدتها داخله الغرفة وبفجعة نطقت: رونق انت هنا!
رونق هزت رأسها بملل : لا هناك!
نغم خزتها: رونق
أم جواد بهجوم: انت وش تعملين هنا!
وليه ما جهزتي نفسك؟ !
رونق بهدوء جلست: نسيت اغراضي بالسيارة مع جراح!
وجوالي معه بالسيارة
ام جواد بقهر من برودها: وليه ما جهزتي نفسك بالبيت
رونق ببرود: انشغلت بالبحث وما بقى عندي وقت
ام جوا د بقهر: يا بروووووووودك!
رح تصيبني جلطة من هالبرود!
يا اختي انا نفسي ادخل عقلك واعرف كيف تفكرين ...احد يحضر الحفلة كذا!
قالوا لك فتحوا جناح خاص هنا لك علشان تتزينين!
كل الحريم تدخل وهي متعدله وانت طالعه من بيتك وكأنها رايحه لعزاء!
حسبي الله رفعتي ضغطي!
والحين وش الحل!
ناظرتهم البنت: معي فستان ثاني جبته احتياط خفت يتقطع الفستان من كثر الضيق
ناظرتها نغم وفعلا الفستان بأنفاسه الاخيرة!
ام جواد : الحفلة دوبها بدأت في وقت اعطيني اشوفه
لحظات ومدت لها بالفستان...رونق برفض: لا جدة انت من عقلك تتكلمين
ام جواد بغضب: لاعي ...اقول تحركي جربي الفستان
وتتدلل بعد!
يا شين السرج على البقر !
نغم بنصيحة: رونق جربي ما رح تخسرين شيء!
ما هي حلوة قدام جراح انك ما حضرت الزواج!
مطت شفتها بقهر من كلام جدتها : وليه قالوا لك عني بهيمة ما يطلع لي اتدلل!
ام جواد : ايه وترادد بعد!
اقول تحركي انا أراكض حتى اصلح الاوضاع وإنت ولا عبالك!
تنهدت بحيرة ...أعطت جراح كلمة إنها تحاول تصلح الامور!!! وازنت الأمور براسها ونطقت: أعطيني الجوال أكلم جراح
أم جواد تنرفزت من عنادها: الحين تلاقينه عند الرجال ما هو فاضي....تحركي اففففف من هالعناد الي برأسك!
تحركيييييي!
البنت بضحكة: الحين ربع ساعة اطلعها باربي !
كيف مكياجي انا مسويته بنفسي!
نغم ناظرتها وابتسمت مكياجها ناعم وحلو : وش رايك تعدليلي مكياجي احس
قاطعتها ام جواد بنرفزة: خلينا بالاول نخلص من ام المصائب وبعدها يصير خير!
**
**
**
جالسة الجازي تتكلم مع أم فياض باندماج ...قطعت كلامها وهي تشوف أم جواد داخله وماسكه بيد رونق بتملك ..أوجعها هالمنظر لما تشوف الناس أقرب لبناتها منها!
ام فياض رفعت حاجب بتأمل: أول مرة أشوفها كاشخه كذا!
تدرين تشبه أبوها كثير!
رونق الي كانت تسحبها أم جواد للقاعة غصب عنها ما انتبهت لوجود الجازي وأصلا ما توقعت حضورها ..رونق بخجل: يا جدتي ما يصير كذا!
ام جواد بحزم: إنت ما ينفع معك الطيب ...يلا أشوف كوني سنعة وتصرفي بعقلانية
رونق وجهها ألوان من الخجل أول مرة تلبس كذا بحفلة!
نغم مبتسمه على شكل رونق المنحرجة ما توقعت إنها خجوله كذا !
بالرغم إنه فستانها ما هو بذاك العري يعني ساتر !
لكن الظاهر أول مرة تلبس كذا بحفلات!،
ام جواد وهي ماسكه يدها وبهمس: الحين تسلمي على ام راكان بابتسامة وتباركين
قاطعتها رونق بضجر: إن شاء الله ترى والله حفظت الدرس...خلاص اتركيني يا جدة ترى والله مارح انحاش!
تقدمت نحو ام راكان الي معطيتها ظهرها ومندمجة مع الحريم ...التفتت رونق للخلف وناظرت جدتها الي تشجعها تتقدم ..
ارجعت خصله من شعرها خلف اذنها بتوتر وهي تحس كل الحريم تناظرها!
تقدمت وهي تناظر حولها المكان ما تعرف كيف تبدأ ..وقفت لما وصلت لها ...وما انتبهت إنها داست على طرف ثوب ام راكان كان موديله طويل على الارض ...ام راكان تحركت ما هي منتبه لوجود رونق أصلا...خلال ثواني كان المكان حوسه !
رونق بصدمة وهي تشوف أم راكان طايحة على الارض بعد ما داست رونق على ثوبها ....
ام لؤي وهي تحاول تساند امها ناظرت رونق بغضب: عمياء ما تشوفين!
رونق الصدمة الجمتها وما نطقت بحرف واحد!
بعض الحريم ساعدت ام راكان على الوقوف ...وما خلى الموقف من همسات الحريم والضحك على الموقف
ام راكان متفشلة بدون ما تناظر رونق همست: رح تندمين متعمده تعمل كذا!
ام جواد هزت رأسها بأسف بدل ما تكحلها رونق عمتها!
مسكت رونق من كتفها وبلوم: كذا
قاطعتها رونق وهي تفك يدها بهدوء: جدتي ترى ما هو قصدي!
وتقدمت من ام راكان ساندتها: اسفه خالتي ما هو قصدي!
تعالي اجلسي ارتاحي
ام راكان دفت يدها بكره وللحين متفشلة وهي تشوف ضحك بعض الحريم
سعاد تقدمت وهي ناوية تمسح بشعر رونق الارض...مسكتها صفية بتحذير : يا ويلك اذا تكل
قاطعتها سعاد بقهر : ما شفتيهاكيف تعمدت
صفية اعطتها نظره قوية: خلي هالزواج يمر على خير وبعدها يصير التفاهم!
رونق صدت بغرور عن سعاد الي تناظرها وتبغى تطحنها تحت أسنانها!
ام جواد بنبرة منخفضة لام راكان الي جلست على احد الكراسي: ترى ما هو قصدها ما انتبهت لفساتنك وانت الله يسامحك لابسه هالثوب يجر على الارض وكأنك ساندريلا
قاطعتها ام راكان بتوعد : وقسم بالله لتطلع هالحركة من عيونها ...تراك ما تعرفينها تعمدت تفشلني!
رونق ناظرت جدتها الي تتهامس مع ام راكان. ...ام جواد اشرت لها تقترب!
اقتربت رونق بابتسامة مزيفة ...نطقت مجاملة: سلامتك خالتي ...عين وصكتك
ام راكان بهمس: يا جعل
قاطعتها ام جواد بهمس: الناس تناظر وخاصة ام ربيع شفيها عيونها طالعه شبرين وهي تناظر!
ام راكان هزت رأسها بتفهم وبعدها ناظرت رونق: تعالي اسنديني أبغى أجلس عند العروس!
هزت رأسها رونق بهدوء...توجهت معها للكوشة وام راكان تبث سمومها بهمس: ورب الكعبة الا تندمين على حركتك
رونق بنفس الهمس: قلت لك ما هو قصدي
قاطعتها بعناد: الا قصدك والله
قاطعتها رونق بلامبالاة: الي ما تطولينه بيدك طوليه برجلك!
فتحت ام راكان عيونها باستنكار: وقحة!
الوعد بعد ما ينتهي الزواج اذا ما قلبت حياتك جحيم قولي ام راكان
قاطعتها رونق بهدوء ظاهري: كل شيء مقدر ومكتوب اكون مظلومة ولا اكون ظالمة!
ام راكان زمت شفتها بقهر من وقاحة رونق،لكن يصير خير رح تخليها تندم على هذه الحركة!
بعد ما جلست ام راكان ...اقتربت رونق من منار وبابتسامه مزيفة نطقت: مبارك يا عروس!
منار هزت رأسها بابتسامة: الله يبارك فيك!
تقدمت وسلمت على ام العروس بهدوء...ام منار بابتسامة: هذه
قاطعتها ام راكان وهي عافسه ملامحها: زوجة جراح!
هزت رأسها ام منار: ما شاء الله ....الشبه بينها وبين مريم كبير
ام راكان بنفس العبوس: الشبه بس في الملامح اما التصرفات ولا في اي تشابه بينهم!
لجين بخبث اقتربت من رونق: تعالي نرقص
رونق برفض:ما أعرف
ام راكان فهمت حركة لجين: ما يصير زواج اخو زوجك لزوم ترقصين
سحبتها لجين معها: تعالي
رونق فاهمة حركتهم يظنون انها حامل ويبغون يطيحون الجنين!
ام جواد مسكتها من يدها : مجنونة تبغين ترقصين!
ناسيه انك حامل!
رونق عقدت حواجبها باستنكار علامها ام جواد ناشبه لها بكل مكان!
رونق بهدوء نطقت: ما رح يصير شيء!
ام جواد انقهرت من عنادها وجلست وهي تناظرها ترقص بجنون همست لنغم: هذه الي كانت مستحية تدخل القاعة!
نغم بابتسامة: كل البنات كذا أول ما يدخلون يا أرض انشقي وابلعيني من الخجل بس ربع ساعة وتلاقينهم يناقزون
ام جواد هزت رأسها بقلة حيلة: والله ما هي صاحية هالبنت ..وش هالرقص الجنوني!
نغم هزت رأسها: ما توقعتها تكون بهذه النعومة...وماتوقعت إنها تعرف ترقص .... شوفي ام ربيع عيونها على رونق!
ام جواد هزت رأسها : عمرها رونق ما رح تتهنى من هذه الحية ام ربيع...تخيلي للحين تحوم تبغاها لولدها قال دكتورة وراتبها يخلي ولدها عايش مرتاح
نغم فتحت عيونها باستنكار: صدق!
انت مين خبرك!
ام جواد عفست ملامحها:هذه الحية وين ما تروح تنثر سمومها والحريم خبروني بكلامها!
نغم حكت جبهتها : ما ظنيت تدوم عند جراح ...شوفي نظرات ام راكان وبناتها كأنها رونق ذابحه
قاطعتها ام جواد: بس جراح يحبها بجنون ما رح يتخلى عنها
ناظري كيف لفتت نظر الحريم لها ...فما بالك بجراح شوفيه وقف بوجه اهله واصر عليها !
نغم هزت رأسها : صحيح فيها جاذبية اكثر من مريم الله يهديها ويوفقها بحياتها!
**
*
**
**
اعلنوا دخول العريس ..رونق واقفة تناظر دخول العريس....ام ناصر تكلم وحده من الحريم: تقدري تساعديني ابغى ابارك للعرسان
اشرت الحرمة على رونق: هذه حفيدتك خليها تساعدك والله كتفي يوجعني ما اقدر!
رونق ما تبغى تقترب من الكوشة وتتواجه مع زياد ...لكن احرجتها الحرمة: خذي جدتك عند الكوشة
ام ناصر ما تبغى رونق لكنها اضطرت تسكت وتروح مع رونق!
توجهت رونق نحو الكوشةوهي تجر ام ناصر بالعرباية نحو الكوشة!
ام ناصر بفرحة لحفيدها: مبارك يا ولدي
زياد اقترب منها ونزل لمستوى جدته سلم عليها وقبل رأسها بفرح: الله يبارك بعمرك يا جدتي...كيفك اليوم؟!
رفع نظره وهو يسمع اجابتها .....وناظر لرونق واقفه خلف العرباية تناظر جهة العروس!
ما يلوم جراح يوم ركض خلفها بعد ما شاف هالعيون...فعلا عيونها فتنة مع الكحل و العدسات ...التقت عينها بعيونه..ناظرته بكره وصدت لجهة العروس مره ثانية!
مط شفته بسخرية حتى لو فتنت جراح بعيونها في الاخير رح يكتشف حقيقتها المزيفة!
مين يصدق شكلها البريء خلفه حية !
وقف وناظر منار بابتسامة لما تقدمت وسلمت على ام ناصر والفرح يشع من عيونها!
رجعت ادراجها رونق وجلست بهدوء عند نغم وام جواد!
ام جواد ناظرتها: صدق انك مطفوقه كل هالرقص ما تخافين يطيح
رونق هزت رأسها بلامبالاه: الي مكتوب له رزق بهذه الدنيا رح يعيش
قاطعتها ام جواد بحزم: اقول غطي على عيونك كاشفة والكحل والعدسات ونص وجهك طالع!
لو يشوفك جراح الا
قاطعتها رونق وهي تعدل النقاب:نسيت اني وضعت مكياج... اذا نزلت طرحة على وجهي اختنق ...وانا جايه كنت مغطيه كامل اختنقت
نغم : بس انت عيونك ما شاء الله جميلات وخاصة مع العدسات
قاطعتهم سعاد: خالتي
وقفت رونق بانزعاج من هالمخلوقة ما تطيقها ...هي السبب في بعد قدر عنها ما تقدر تعاند وتسحبها من عند فياض لأنها ما تثق بسعاد تعمل شيء للبنت بغيابها!
انسحبت من المكان قبل ما تنشب النار بينهم!
الجازي همت بالخروج ما تقدر تجلس تناظر ابنتها من بعيد وما تقدر تسلم عليها او تسألها عن أخبارها ...
وقفت رونق وهي تشوف الجازي واقفه ..ما تنكر انه احساس جميل حست فيه بوجودها...ما تعرف كيف تتصرف؟!
تروح لها او لا؟!
دق قلبها لما تحركت الجازي ...معقول رمت كلام فياض بالارض؟!
رح تعلن للكل إنها ابنتها وما في قوة تبعدهم عن بعض!
هي ابنتها الي طول السنوات الماضية تبكي من ألم فراقها ....سنوات وهي تجلس بالمكان إلي انخطفت فيه لعل وعسى تلمح طيفها !
هذه الحين واققة قدامها أكيد رح تمسك بيدها وتثبت لها انها ما رح تتخلى عنها!
لكن سرعان ما ألجمتها الصدمة لما مرت الجازي من أمامها ولا كأنها تعرفها!
تجاهلت وجودها وكأنها غير مرئية لها !
تأكدت رونق انه كل هالمشاعر الي كانت تتغنى فيها الجازي مزيفة!
والمشاعر الكذابة الي كانت تتغنى فيها كانت رد فعل للإحساس بالذنب إنها السبب في موتها!
وبما إنها على قيد الحياة بانت المشاعر المزيفة على حقيقتها!
التفتت للخلف وهي تناظر زول الجازي.. تحس اشياء بداخلها تكسرت ...رجعت ناظرت ام فياض الي وقفت قدامها وباينه ابتسامتها من عيونها ونظرة الانتصار بعيونها وهي تتكلم: تراها كانت تشفق عليك لما أعطتك وجه لكن مع الايام خلاص ما عادت تقدر تتحمل تصرفاتك وتتحمل وجودك وتجاملك اكثر من كذا!
عاد تدرين كسرتي خاطري!
رونق ساكته تناظرها وهي تتكلم وتغايضها بالكلام ....احيانا نتكلم وننسى هالنقطة المهمة« اذا لم تكن تجيد جبر الخواطر فلا تكسرها»
تركتها ام فياض بعد ما حست بالراحة شوي فشت غلها وقهرها برونق شوي!
بلعت ريقها وهي تحس بخنجر وسط حلقها!
جلست على طاولة فاضية والسكون يخيم عليها وشيء واحد يتردد في ذهنها«تستاهلين هذا الي جنتيه يوم خربتي علاقتك بأهلك وبأهل جراح علشانها وبالاخير باعتك بالرخيص ....صدق المثل يا داخل بين البصلة وقشرتها ما ينولك غير ريحتها»
اخذت نفس عميق ليه تكدر خاطرها علشان شخص باعها ..الجازي مسكت بفياض وتركتها...وهي رح تمسك بجراح ما رح تفرط فيه ...
ورح تكمل حياتها خلاص ملت من المشاكل والقيل والقال...نفسها تختفي من هالعالم وتعيش بهدوء وسكون!
تشتاق للقرية وأيامها تتمنى إنها ما طلعت القرية .احيانا نتطلع لحياة غير واحلام غير عن محيطنا لكن ما نعرف انه هالحياة الي بذلنا جهدنا حتى نوصل لها هي سبب تعاستنا وهمومنا وكدرنا!
بهذه الدنيا نحتاج فقط الرضا بأقدار الله ...
**
**
*
**
ام راكان بعد ما غادر العرسان تكلمت وهي متمسكة بأم لؤي:ابغى ارجع مع جراح!
جراح تقدم منها وبابتسامه: يا هلا ومرحبا اليوم تتبارك سيارتي بركوبك يالغالية!
بس غريبة وش فيك تعرجين
لجين وهي تعلك: إسأل زوجتك
ام راكان تبالغ بإظهار وجعها: حسبي الله ونعم الوكيل
اسودت ملامح جراح مثل ما توقع رونق جابت العيد..وبنبرة ضعيفة نطق : وش صاير
ام راكان : دفتني على الأرض وربك ستر
قاطعها : طيب رونق وين؟!
صفية وهي تتحرك تبغى تركب مع ولدها: ترى بالغلط داست رونق على ثوب امك ووقعت ما هو قصدها
ام راكان بحنق: الا قصدها.انت ما شفتيها كيف كاتمة ضحكتها علي وانا طايح بالارض
جراح : يمه ترانا مو بالبيت خلاص نتكلم بعدين تعالي ارتاحي
بعد ما ركبت امه ...مسك الجوال واتصل برونق ..ناظر سيارته وهو يسمع صوت الجوال بالسيارة..حضرتها ناسية الجوال هنا ..كيف يوصل لها : لجين وين رونق
لجين وهي تتوجه خلف امها : شفتها راحت مع جدتها ام جواد!
جراح عفس ملامحه المفروض ردت له خبر انها رجعت مع غيره!
توجه للسيارة وحرك بهدوء...ام راكان ناظرته: خذني للمستشفى يا ولدي رجلي ما اقدر
قاطعها: ولا يهمك الحين طالعين هناك!
بدأت ام راكان بنبرة حزينة تشتكي من رونق وتصرفاتها!
***
**
**
تنهدت لما وقف نايف جنبها ونطق بهدوء:وضعها الحين الحمدلله !،
انخفض عندها السكري ووضعها الحين مستقر ..صار شيءحتى صار كذا!
هزت رأسها بالنفي والهدوء مخيم عليها: ما اعرف شفتها طلعت برا القاعة طلعت خلفها ابغى الجوال حتى اكلم جراح ....لقيتها طايحه على الأرض وللصدفة انت كنت متصل على جوالها
نايف بهدوء: ما احد يعرف اكيد الحين فاقدينها شوفي جوالي كم مكالمة !
هزت رأسها وبتذكر: جراح ماخبرته إني هنا!
اعطيني الجوال
قاطعها: بالاول اخبر ابوي واخواني وبعدها اعطيك
عفست ملامحها وتحركت تمشي بملل في الطوارئ!
جلست بمقاعد الانتظار ....
نايف التقى بجراح .ناظر ام راكان : سلامات حماتي
ام راكان بهدوء: الله يسلمك يا ولدي
نايف: وش صاير اكيد من كثر الرقص التوت رجلك
ام راكان ردت بدون نفس:قالوا لك مطفوقة مثل بنت اخوك !
ابتسم: كلمتك ملغومة يا خالتي!
جراح بهدوء:ما نبغى نتأخر تراها مب قادرة توقف على رجلها!
نايف بتذكر: صحيح زوجتك بالطوارئ
ام راكان بفرح نسيت نفسها ووقفت ولا كأنه فيه شيء: اللهم لك الحمد هذه خطيئتي قعدت لها
نايف بعدم فهم لكلامها ..ناظر جرح الي يسأله بخوف: وش فيها؟!
ام راكان انقهرت وهي تشوف لهفة جراح بالسؤال عن رونق ولا كأنها طول الطريق تشكي له عنها!
أي سحر سحرته فيه حتى صار كذا!
نايف بابتسامة: ما فيها شيء امي تعبت وما لقيت غير رونق بوجهي سحبتهامعي!
ام راكان بقهر رجعت تمسكت بجراح وباهتمام نطقت: وش فيها ام جواد كانت بالحفلة ما فيها شيء!
نايف: الظاهر نزل عندها السكري وفقدت الوعي!
ام راكان هزت رأسها: سلامتها ما تشوف شر يلا يا جراح
ابتعد نايف عنهم وهو يتكلم بالجوال!
جراح : لحظة اشوف رونق خليها تي
قاطعته بقهر: انا ناقصني غثاء تراها واقفه لي هنا مب قادرة ابلعها!
ليه انت ما تراعي مشاعري والا ما تخاف على امك!
يرتفع ضغطي من لما اشوفها وانت تبغاني اموت بقهري
جراح بضيق : يا يمة لمتى هالحال؟!
ترى انا مليت من الحياة اهلي بكفة ورونق بكفة وش اعمل
قاطعته بكره: ما احبها تفهم وش يعني ما احبها !!!
والا الحب عندك بالغصب
جراح بملامح معفوسه: يا يمة لا تحبينها بس على الاقل احترميها بس ما نبغى إلا احترامها
مطت شفتها وهي تتحرك: خليها بالأول تحترمنا وبعدها يصير خير!
زفر بضيق وهو يتحرك وساند امه ...وبداخله علاقة رونق بأهله مستحيل تنصلح دام امه معنده كذا !
واقفة قريب منهم ..تسمع كلام ام راكان ما تعرف ليه لذي الدرجة كارهيتها !
وكأنها سارقه حلالها!
رجعت ادراجها للمكان الي كانت جالسة فيه ...ليه ترمي نفسها على ناس كارهينها ؟!
جلست بمقاعد الإنتظار..والدموع تلمع بعيونها ....بداخلها قهر ...نفسها تمسح بأم راكان الأرض وتعلمها قدرها ...لكنها ماسكة نفسها بصعوبة لأنها بكل بساطة ام زوجها وأي زوج ما يقبل امه تنهان او احد يقلل احترامها!،
تكتفت بضيق ونزلت رأسها وهي تفكر كيف تقدر تعدل الوضع ....
رفعت رأسها بضجر ...وهي تناظر للبعيد وعقلها سارح بحياتها ...مجرد جسد عقلها كله يفكر بحياتها...اكثر من كذا ما تتحمل ...ما تبغى تكون قليلة ادب وتتعامل مع اهل جراح بالمعاملة الي يستحقونها !
هذه الحياة ما تقدر تكمل فيها ...اليوم رح تكلمه بالرحيل...ما رح تعيش بذاك البيت ابدا!
ورح تسحب قدر من عند فياض ...هذه ابنتها ومن حقها تعيش بين عيونها ...ما رح تسكت عن هالوضع ابدا!
هي إنسانه مثلها مثلهم لها احترامها...ليه يكرهونها ؟!
ليه ينبذوها؟!
الكل يكرها حتى الجازي تكرهها ....موقفها اليوم اكبر دليل على مشاعرها المزيفة....تجاهلت وجودها وكأنها نكرة!
نكرة!
صدق هي نكرة بينهم ....يناظرونها بهذه النظرة لانها تزوجت نايف!
نايف عمها !
حست شيء كتم على صدرها من هذه الحقيقة الي مهما حاولت تنساها ترجع تخنقها!
ابو جواد وهو يتكلم مع نايف: وليه ما خبرتنا!
نايف بهدوء: الوقت ما سمح لي اكلم احد
توجه ابو جواد مباشرة لمكان ام جواد ومعه بدر!،
جواد ناظر رونق جالسة تناظرهم بهدوء ولا كلفت نفسها تقوم تسلم عليه!
لذي الدرجة وصلت فيها!
وش قلة الادب الي فيها!
هو ابوها ليه ما تحترمه وتقدره؟!
تختلف عن مريم كثير ...مريم اول ما تلمح زوله تركض له مباشرة والفرح يشع بعيونها لما تشوفه!
اما رونق ولا كأنه أبوها !
اقترب منها وللحين على نفس الوضعية...رفع حاجب حتى ما كلفت نفسها تناظره او تعبرة!
نطق بغضب من تصرفاتها: لمتى انا اتحمل تصرفاتك الي ما تنطاق!
انقهر من تطنيشها ولا كأنه يكلمها ...وضع يده على كتفها وبقهر: وش قلة الادب هذه ؟!
انا ابوك
حست بأحد وضع يده على كتفها سرعان ما نقزت على حيلها ......تنفست الصعداء وهي تشوف جواد ...نطقت بضيق: انا
سكتت ما فيه شيء تقوله
جواد رفع حاجب حضرتها سرحانه...وش الي شاغل عقلها حتى ما حست بمن حولها !
رونق باستدراك مدت يدها تسلم ...تبغى ترمي نفسها بحضن ابوها
جواد بزعل منها كتف يدينه: الحين تذكرتي تسلمين على ابوك!
ما تخافين ربك باب يفصلنا ما تقولين ازور ابوي!
مريم كل يوم عندي وإذا ما جاءت تتصل تطمئن علي!،
وانت؟!
صار فياض ابوك طول وقتك معه!
نزلت يدها بصمت وجلست بهدوء ....ما نطقت بحرف واحد !
اوجعه قلبه ما يحب يشوفها كذا منكسره لكنها تقهره بتصرفاتها ....
جلس جنبها بهدوء ونطق بنبره حانية: رونق!
ناظرته بهدوء ....رفع حاجب وهو ينتبه للعدسات والكحلة بعيونها وبحزم: وش الزفت الي لابسيته ومتكحلة وكاشفة عن عيونك
قاطعته بتبرير والغصة بحلقها: والله مسحته ما فيه ...بس الكحل يبقى اثر خفيف
قطعت كلامها من البكاء!
عقد حواجبه باستنكار وهو يشوفها تبكي بصمت: وش صاير؟!
احد زعلك...رونق جاوبيني
هزت رأسها بالنفي: ما في شيء!
سأل : طيب ليه تبكين؟!
اخذت نفس وهي تمسح دموعها بكم العباية: ما في شيء
قاطعهم جراح : رونق
رفعت عيونها الغرقانه بالدموع: وش صاير
جواد ناظره : ما في شيء!
جراح بانبهار:بسم الله ما شاء الله شوف يا عمي عيون الغزال
قاطعه جواد بغضب: انت ما عندك دم ... بدل ما تقول لها غطي على عيونك يا
قاطعه : الحين فهمت انت زعلتها...يا عمي ترى ما هو كذا الأسلوب
قاطعه جواد: نسيت اتعلم عندك كورسات بفن التعامل
جراح ابتسم وغمز له : بس الكورسات عندي غاليه يا ولد العم!
مد يده لرونق ...وسحبها برفق ....مد يده يعدل نقابها: شوفي بسبب البكاء صار نقابك حوسه
كش عليه جواد وهو عابس ملامحه!
ضحك جراح على ملامح جواد: يا أخي انت ما يعجبك العجب
رونق ابعدت يد جراح عن نقابها وعدلته بنفسها بصمت!
جواد وهو يكلم جراح بهدوء : والله كل شيء ما هو عاجبني!
جراح هز كتوفه بقلة حيلة: ربك كريم!
يلا يا رونق امي تنتظر
جواد بتذكر:-سلامات
قاطعه جراح: الله يسلمك....يلا رونق
وقفت تنطق ما تبغى تروح معه وتكون السبب بغضب امه عليه ...امه معنده ما رح يطيح الحطب إلي برأسها الا بطلاق رونق ...لكن لطفه وتعامله يجبرها تسكت وتكمل هالحياة ..لعل وعسى يأتي الفرج!
تحركت بهدوء والصمت مخيم عليها ...تكلم بهدوء: كيف الحفلة كانت؟!
رونق ما لها نفس تتكلم تحس شيء كاتم على صدرها: عادي
رفع حاجب من سكونها: بس عادي!
ما شاف منهاإجابة ..سكت وتوجه لأمه....ام راكان لما شافتها عفست ملامحها: ما ترتاح إلا لما تغثني
ناظر امه بقهر واشر لها بعيونه تسكت!
ام راكان: ارتحتي يوم كسرتي رجلي؟!!!
جراح بضيق ظهر عل ملامحه: يا يمه ما فيها شيء رجلك!
ناظر رونق واشر لها حتى تتحمد لها بالسلامة....رونق تنهدت ونطقت بهدوء: سلامتك خالتي ما تشوفين شر!
ام راكان بعبوس : تقتلين القتيل وتمشين في جنازته!-
اقترب جراح من أمه وبملامحه معفوسه:يلا خلينا نرجع
ام راكان : ابغى ازور مريم وبعدها ام جواد
هز راسه والتفت للرونق: مشينا!
وقفت رونق قريب من الغرفة ونطقت بهدوء: انا انتظرك هنا!
جراح باعتراض : وليه!
ادخلي مع امي وتحمدي لاختك بالسلامة!
ام راكان تناظرها باستعلاء: هذه البنت ما تعرف بالاصول قلبها حقود واسود الله يعافينا
تنرفزت رونق منها تدعي المثاليه وهي ابعد عنها : تركت القلب الأبيض لكم!
تراه ولدك طلع من المستشفى وما كلفت نفسك تزورينه وفوق هذا قاطعتيه !
قاطعها جراح: رونق انتهينا
ام راكان قلبها مليان على رونق ما رح تترك هالفرصة ..فرصتها انها تستفز رونق وتخليها تفقد أعصابها وتطلع حقيقتها قدام جراح وبنبرة احتقار: قاطعته لعل وعسى يصحى من الكابوس الي عايشة ويشوف الحشرة اي متزوجها!
جراح بقهر منهم : يمه خلاااص!
ام راكان : قل ما تبغى تسمع وتعرف حقيقة زوجتك ..لو فيك عقل ما تزوجت وحدة تزوجتك بدون علم اهلها...اي ام لاولادك اخترت!،
وحده ما عندها لا ضمير ولا اخلاق وش ترتجي منها ومبسوط يوم تقول انها حامل!
كيف تتزوج وحده ما نعرف اصلها من فصلها وما نعرف من اي مزبلة انتشلها نايف وجابها لنا!،
وتبغوني اسكت على هذه المهزلة!
تكلمت رونق وهي تحس بخنجر بوسط حلقها ...وبهدوء ظاهري نطقت : كلامك مردود عليك ....فما رح انزل لمستواك وارد عليك .في رب يأخذ حقي من كل إلي ظلمني!
جراح بقهر من مشاكلهم: قلت خلااااص
قاطعها وهو يتقدم منهم وبنبرة ظهر فيهاالانزعاج وهو يتكلم: بس ما قلتي لنا وش مستواك حتى نعرف نتعامل معك
جراح بغضب مكتوم: وبعدين
قاطعه راكان وهو يناظر المكان فاضي: انا محترم المكان الموجود فيه ..علشان كذا ما انتهى الموضوع ولنا كلام ثاني في البيت!
جراح بعبوس: يمه ادخلي عند مريم وانا انتظرك هنا!
بغت تتكلم ام راكان لكن قاطعها راكان: بالبيت يا يمة !
هزت راسها وتوجهت مع راكان لغرفة مريم،
جراح زفر بغضب ...بعدها ناظر رونق: انا وش قلت لك !
الف مرةقلتلك طنشي!،
طنشي يا رونق تراها عندها فكره غلط عنك طنشي خليها تشوف الجانب الحلو منك وتكتشف إنها اخذت عنك فكرة غلط...بس ما ترتاحين الا إذا عاندتي وراددتي!،
ناظرته بقهر: انت ما سمعت كلام امك ؟!،
قاطعها : طنشي
قوست شفتها وهي تهز رأسها بقهر: ايه صح نسيت!
تدري اني نسيت اهم نقطة والمفروض إني ما أنساها...نسيت اني بنظركم بدون احساس ومشاعر وكرامة....لزوم تسمعين اهانتك وتتشكريهم
قاطعها بقهر : رونق بلا كلام فاضي
جلست على احد المقاعد والتزمت الصمت...زفر بضيق وتوجه للشباك...وقف يناظر للخارج ...لعدة دقائق!
تنهد وهو يناظرها على نفس الوضعية والسكون مخيم عليها....اقترب منها وجلس جنبها ....مسك يدها وبنبره حانية : رونق ..ادري كلام امي ثقيل بس لزوم نتحمل حتى نوصل لهدفنا!
لا تظنين اني اسكت عن اهانتك واعرف انه أمي الغلطانه عليك..بس هذه امي ما أقدر أتعامل معها بأي اسلوب...علشان كذا اقولك طنشي خلينا نسايرها لعل وعسى ينصلح الحال..خلينا نجرب وامسكي أعصابك حتى
سكت وهو يشوف امه طالعه ومعها راكان!،
وقف بهدوء: مشينا
ام راكان : ابغى ازور ام جواد
راكان بهدوء: قبل شوي خرجوها!
ام راكان : طيب نرجع للبيت بس ما اركب انا وهذه بنفس السيارة لا انا لا هي ؟!
جراح يحاول يمسك اعصابه: يمه تعوذي من الشيطان واترك اليوم يمر على خير !
ام راكان: هذه الشيطان بذاته قلت ما رح اركب معها بنفس السيارة !
جراح زم شفته بقهر: والله!
تكلم يا استاذ راكان...عاجبك كلام امي!
راكان ببرود: والله ما اقدر اترك مريم الحين والا كان ارجعت امي بنفسي بس الدكتورة دقائق ورح تمر ولزوم اجلس معها !
خلاص ارجع امي وبعدها تعال خذ زوجتك !
انقهر جراح من رده:-هذا الي طلع معك !
شايفني سواق رايح راجع!
رجع ناظر امه برجاء: يمة ربي يسعدك
قاطعته بحدة: ما اجتمع معها بنفس السيارة
رد بغضب : خلاص خليكم هنا ...انا رايح وجعلني اموت و ما ارجع للبيت علشان ارتاح من مشاكلكم!
وتحرك بغضب تارك امه و رونق لعل وعسى يطيح هالحطب الي برأسهم!
ام راكان بتراجع وقلبها يدق طبول خافت عليه : جراح
خلاص تعال والله اغضب عليك
اختفى عن انظارهم.... ام راكان ناظرت رونق بغضب : عجبك الحين يا سوسة
رونق تحركت بهدوء وما نطقت بحرف واحد ...مسكتها ام راكان من كتفها : وين رايحه!
رونق فكت يدها بهدوء: زوجي وما رح اتخلى عنه مهما عملتي!
تحركت حتى تلحق على جراح ..ما رح تسمح لها تدمر حياتها وهي واقفة تناظر !
ما بقى لها الا جراح ما رح تسمح لها تدمر حياتهم !
ام راكان ناظرت راكان: شفت
راكان عفس ملامحه بلوم : يا يمه قلت لك امسكي اعصابك و اعملي مثل ما اقول لك بس
قاطعته وهي تتحرك خلف رونق : ما اقدر أمسك أعصابي!
ضغطت رونق على المصعد متجاهله ام راكان الي اقتربت منها وهي تتكلم بقهر: وقفي وقفي
زفرت بضجر من هالمصعد لزوم تغادر قبل ما توصل ام راكان !
قبل ما يفتح دفتها ام راكان : اقولك ابعدي عن ولدي ما رح اسمح لك تلحقينه
رونق رفعت حاجب: أشوفك تراكضين هنا بالممر مثل الحصان على. اساس مب قادرة توقفين!!!
قاطعها راكان بحزم :رونق لا تكثرين كلام افضل لك !
صدقيني رح نحط حد
سكت لما فتح المصعد ودخلت رونق المصعد لكن سرعان ما وقفتها ام راكان: ما رح تلحقينه!
راكان ادخل امه للمصعد وبحزم: خلاص كافي مهزلة ترى حنا مو بالبيت!
ام ركان بقهر: خليها تبعد عن ولدي
رونق استغفرت بصوت مسموع!
راكان رفع يده بتحذير:رونق امي خط احمر !
حتى لو كانت غلطانه ما يطلع لك تتجاوزين حدودك!
سمعتي خط احمر
رونق لما انفتح المصعد ..خرجت وهي تتكلم بسخرية: خط زين
راكان مسك أعصابه ما يطحنها وقحه ...فرق بينها وبين مريم ....مريم ما ترد له الكلمة!
وهذه قاعدة تتمسخر عليه!
هز راسه بتوعد وخرج خلفها مع امه الي تحاول تسبق رونق!-
جراح الي غادر المكان من دقائق حتى يضغط على امه ورونق ..وناوي يرجع بعد ربع ساعة...يعني قرصة لهم يمكن يتغيروا!
ام راكان اكتساها الهم وهي تناظر مافي أثر لسيارة جراح!
بسرعة مسكت الجوال واتصلت عليه تخاف يصير له شيء!
ناظرت راكان والقلق بدأ يتزايد:راكان ما يرد
راكان هز رأسه بضجر حركة امه ما لها داعي: طيب تعالوا الحين ارجعكم
أم راكان بحدة: ما اركب معها!
راكان مط شفته بضجر: يعني وش الحل عندك؟!
وين اروح فيها؟!
تحمليها !
مطت شفتها رونق بسخرية الحين يقال ميتة حتى ترجع معهم ..اصلا لو تموت ما رجعت معه !
رجعت ادراجها للمستشفى ...قاطعها راكان: وين راجعه
قاطعته بحده:ما يخصكم!
كان يبغى يرد عليها لكن قاطعه جواله ... كان المتصل جراح !
فتح خط ورد بهدوء: الو
سرعان ما فتح عيونه بصدمه .......
انتهى البارت ....انتظروني قريبا بإذن الله ...دمتم بخير