تحميل رواية جعلني احبه بقلم سارة بكر pdf

قامت رغد عشان تدخل مملكة يحيي الأبدية.

~ أنا متحمسة أوووي إني أدخل.

_ طيب غمضي عينك الأول.

= نعم لي.

_ يلا بس.

= ماشي أهو.

غمضت رغد عيونها ودخلت الأوضة.

1 2 3 شال يحيي إيد رغد من على عيونها وخرج وقفل الباب.

كان في صور لعم يحيي سليم الأنصاري وصور لدياب الأنصاري أبو يحيي وصور مرات عم يحيي وصور أمه.

كانت في واجهة الأوضة صورة كبيرة لرغد وجمبها صور صغيرة صور من فرح علي وصور من كتبت كتابها وصور لما نجحت وكان في ورق كتير في صندوق مكتوب عليه رغد.

فتحت ورقة من الورق.

( رغد اه هي رغد صحبت ريم مش عارف بصراحة لي بحس إني مبسوط بيها و بفرح لما أشوفها لا لا دي عيلة اعقل يا يحيي......... )

وتانية.

( إحساسي كان في محله وفعلا قلبي دق ليها بس أنا بكابر اه بكابر وهي عنيدة أوي ومش بيهمها حاجة لا لا هتتعبني ).

وتانية.

( رغد بصي أنا مش عارف لي أنتي بذات أشمعنا أنا اه عارف إنك صغيرة بس برضو عارف إني الحب ملوش كبير وأنا حبيتك بس المشكلة إني مش عارف أقولك أعمل إيه......... يحيي ).

وتانية.

( أنا مش عارف أنا إزاي عملت كده إزاي أزيكي يا رغد بس والله مكنش قصدي أنا مكنتش في وعي أصلا أنا اتجننت لما حسيت إنك هتضيعي مني أتمنى إنك تسمحي لي بس والله أنا بحبك ).

وتانية.

( فكرت إنك بكده مش هتضيعي مني بس أنتي ضعتي ضعتي من إيدي وأنا السبب في موتك وأنا السبب إزاي إزاي تبعدي عني كده أنا فكرت إنك هتسافري وترجعي تاني بس أنتي سافرتي ومش رجعتي طب لي لي تعملي كده أنا مش مصدق أنتي موتي و قلبي معاكي هتوحشيني أووي يا رغد ).

رغد كانت بتدمع ومسكت آخر ورقة بتقراها.

( يا الله ارحم من سالب مني قلبي ارحم من تركني والدموع ما زالت على خدي ارحم من كسرني وتركني أبكي في الأرض وحدي ارحم من في السماء ومن في الأرض ارحمني واجمعني بها لأني الآن أصبحت جسد بلا روح اجمعني بها يا الله ).

قفلت رغد الورقة وقعدت على الأرض وبقت تكلم نفسها.

في أمريكا.

لم يتم إيجاد متبرع.

_ نعم سيد كنان.

خلاص يا دكتور أنا لقيت المتبرع.

_ من هو.

أنا.

_ سيد كنان هذا الكلام صحيح.

نعم دكتور متى أخضع للتحاليل.

_ تمام يتم الخضوع للتحاليل في أسرع وقت.

متى.

_ غدا ويفضل إن تكون المريضة هنا وإذا طلع القلب يليق بها سوف نجري العملية.

غدا.

_ نعم.

خرج كنان من المستشفى وكان بيفكر هيجيب هاجر أمريكا إزاي بكرة.

هنا من بعد آخر مرة كانت فيها مع كريم وهي مقبلتوش تاني وبقت تشتغل كتير أوي مبقتش بتقعد كل ما تقعد تفكر في كلام كريم وتحس إنها قليلة أو إنها نقصها حاجة.

كانت قاعدة في الشقة بتاعتها وبتتفرج على التليفزيون.

كريم رن عليها كتير بس هي بقت تطنش وفكرت ترجع زي الأول تعيش لنفسها وبس.

كريم قلق على هنا أوي بيرن عليها كتير ومش بترد عايز يعرف هي مالها أو فين عايز يحكيلها.

اي أنت بتهزر إزاي يعني.

" ندى اهدي كده مش عايز جنان.

جنان أي أنت واحد بتقولي حجزت لك أنتي وهاجر تذاكر طيران لأمريكا عايزيني أقولك إيه.

" آآه تعالي أنتي وهاجر بكرة عشان العملية.

أنت لقيت المتبرع.

" أه.

ماشي وعلى و رغد ويحيي.

" حجزتلهم يا زنانه كلهم أهم حاجة هاجر متعرفش أي حاجة عن العملية قوليلها إنكوا هتتفسحوا.

ماشي بس أنت مش هتظهر بقى.

" هظهر هظهر.

_ كنتي فين يا أبلة.

= كنت بره.

_ أي البرود ده تصدقي كنت بحسبك جوه.

= لا لا مش جوه كنت بره.

_ ريم قولي كنتي فين بقى وقفلتي تليفونك ليه أنتي عارفة أنا كلمتك كاااام مرة.

= عارفة عارفة.

_ ربنا علي البرود.

= على فكرة عيب لما تشتميني كده ابنك هيقول عليك إيه.

_ يقول اللي يقوله بقى أنتي مستفزة يااا أنتي قولتي إيه أبببني مين.

= ابنك أو بنتك الله أعلم.

_ أاا أنتي بتتكلمي جد.

= أمممم أنا حامل وكنت بره عند الدكتور.

عمر من الفرحة شالها ولف بيها أوي كان فرحان وبيضحك.

_ يعني أنا هجيب حتة منك.

_ أه وهتكون شبهي ونقرفك هآآ.

= على قلبي عثثثل.

_ بحبك يا عمر.

نرجع تاني لرغد.

قعدت على الأرض وبقت تكلم نفسها.

أنا خلاص مش فاهمة حاجة يحيي طيب ولا لأ بيحبني ولا لأ خايف عليّا ولا لأ أنا خلاص متلغبطة عقلي بيقولي إنه وحش ومش كويس والغلطة العملها متتغفرش.

_ طيب وقلبك يا رغد قلبك بيقولك إيه.

كان ده صوت يحيي.

_ أنا سمعت عقلك يا رغد من حقي أعرف الطرف التاني بيقول إيه وهو قلبك.

= مش عارفة يا يحيي ممكن أحتاج وقت عشان أعرف.

_ ماشي خدي وقتك.

كانت قاعدة بتتفرج على التليفزيون وسرحانة.

_ سرحانة في إيه.

= في نفس الموضوع هو أنا بخرج منه.

_ موضوع إيه.

= موضوع آآآ أنت بتعمل إيه هنا.

_ مش بتردي عليّا ليه.

= أنا حرة براحتي.

_ لا مش براحتك أنا قلقت عليكي كلمتك كتير أوي.

= وأنت تقلق عليّا بصفتك إيه أنت مالك بيا أصلا.

_ هنا اتكلمي معايا حلو.

= ماشي اتفضل اطلع بره بقى.

_ اطلع بره.

= أه يلا.

_ ماشي يا هنا.

= استني أنتي دخلت هنا إزاي.

_ لا مش هقولك سلام.

مالك يا ندى في إيه مش على بعضك.

" مش عارفة يا علي مش مرتاحة.

كنان كلمك ولا إيه.

" أه كلمني وحجزلنا عشان هنسافر بكرة عشان عملية هاجر.

عملية هو لحق لقى متبرع.

مهو ده أنا مش فاهم هو لحق لقى متبرع بسرعة دي.

" أممم كنان المتبرع.

أي أنت عرفت إزاي.

" حاسس.

لا لا لو فعلا الكلام ده صح هاجر هتموت من حزنها عليه لا كده كنان أكيد اتجنن.

" اهدي يا ندى أنا بفكر.

أصل أنا كمان حسة نفس الإحساس بس يارب يطلع غلط والله هي كده هتموت بجد.

" متخافيش هيطلع إحساسنا ده غلط صدقيني.

في أوضة يحيي.

_ هو أنت مش هتنام ولا إيه.

= لا.

_ ليه.

= عايز أقعد شوية مع نفسي.

_ طيب مينفعش أقعد معاك.

= لا نامي عشان في بكرة سفر.

_ ماشي تصبحي على خير.

خرج يحيي من الأوضة من غير ما يرد عليها.

انزعجت رغد من تصرف يحيي ونامت.

في صباح اليوم التاني.

أي يا جماعة أنتوا اتجننتوا هو إيه الحجزين طيارة لأمريكا ونتفسح.

علي: يلا يا هاجر قومي بقى.

رغد: عوزين نخرج ونتفسح بقى يا هاجر يلا.

هاجر: يعني مفيش غير أمريكا نروح شرم أو الغردقة.

يحيي: يا بنتي هو أنتي نكد لي قومي بقى عشان الطيارة.

هاجر: خلاص يا يحيي بتزعق لي هقوم وبعدين أجيب لبس.

رغد: لا ملوش لازمة في في البيت عندي في أمريكا كل حاجة قومي بقى.

وصلوا أمريكا.

رغد ويحيي وقفوا مع بعض وعلى وندى مع بعض وبقت هاجر لوحدها.

جه من وراها.

___ وحشتيني يا حوريتي.

في بيت يحيي الأنصاري

رغد: رغد

الثاني: محدش هنا

رغد: إيه أمالهم فين

الثاني: سافرو أمريكا

رغد: إيه كلهم طب مخدونيش معاهم ليه بقى

الثاني: أنا اللي قولتلهم لا

رغد: ليه يا عمر الله

الثاني: كده احنا هنروح شرم في الشاليه بتاعنا ونقضي يومين مع بعض

رغد: ماشي مدام فيها شرم أوكي

في أمريكا

كنان: وحشتيني يا حوريتي

مصدقتش نفسها معقول يكون هو

هاجر: أنت أنت هنا

كنان: أه حبيت أكون أول حاجة تشوفيها هنا

هاجر: بعد إذنك

كنان: هاجر استني أنتي وحشاني أوي بجد

هاجر: عاوز إيه يا كنان مش أنت اللي سبتني وبصراحة معاك حق أنا كده كده هموت

كنان قطّعها: بحبك

هاجر: قولتلك مينفعش يا كنان حبك ليا مرفوض أنا

كنان قطّعها مرة ثانية: اتجوزيني

هاجر: أنت بتقول إيه

كنان: بحبك وعاوز أتجوزك

هاجر: أاااا

علي وندي ورغد ويحيي: وافقي وافقي وافقي وافقي

كنان: وافقي يا هاجر بقى

هاجر بضحك: يا بني إزاي أنا فضلت أسبوع

كنان: ليها حل

هاجر: إزاي مفيش علاج غير نقل قلب

كنان: كل حاجة ليها حل

وركع كنان وطلّع علبة قطيفة بها خاتم ماس رقيق: بحبك يا هاجر ومش هقدر أعيش من غيرك وافقي بقى

هاجر كانت فرحانة أوي بس معرفتش تعمل إيه تلبس الخاتم ولا تمشي فضلت واقفة

علي: هاتي إيدك كده ألف مبروك للعروسين

ندي ورغد: لولولولولولولولي

راحوا كلهم بيت كنان وقعدوا هناك

في مصر

خرجت هنا راحت جنينة وقعدت فيها

الجميل قاعد لوحده ليه

هنا: دكتور حازم أنت هنا بتعمل إيه

حازم: جاي أقعد شوية بس شوفتك ممكن أقعد معاكي

هنا: اتفضل هي الجنينة بتاعتك

حازم: إيه يا بنتي طريقة كلامك دي

هنا: مقصدش

قعدوا مع بعض شوية كان حازم بيحاول يفتح معاها كلام بأي طريقة

حازم: زميل هنا في المركز معجب بيها جداً لمحلها كتير إنه معجب بيها بس هي كانت بتصده كتير

نرجع تاني

كريم كان معدي قدام الجنينة بالصدفة لمح هنا وقف العربية ونزل

كريم: بس أحسن حاجة عملتيها يا هنا إنك جيتي مصر

هنا: لا يا عما مقولتلكش أنا هرجع أمريكا تاني

كريم: لا إزاي طب وأنا

نعم أنت مين أنت لامواخذة كده... كان دا صوت كريم

هنا: كريم أنت هنا ليه

كريم: أنتي الهنا ليه وقاعدة كده وبتتكلمي

حازم: أنت مين وإزاي تتكلم معاها كده

كريم: وأنت مالك أنت وأنتي قومي اركبي معايا العربية

هنا: نعم

كريم: نعم إيه أنتي لسه هتتكلمي قومي

خرجت هنا من الجنينة وكريم خرج وراها

كريم: اركبي العربية اتفضلي

هنا: عربية إيه أنت هتعيش الدور وبعدين أنت إزاي تتكلم معايا كده

كريم: أنتي ليكي عين تتكلمي أصلاً مين دا وقاعد معاه ليه

هنا: أنت مالك أصلاً أقعد مع اللي أقعد معاه أنت هتحكمني ولا إيه ملكش في

كريم: هنا اتكلمي حلو واركبي العربية يلا

هنا: والله مهركبش حاجة أنت عبيط وأنا بتكلم حلو

كريم: ماشي أنا أصلاً غلطان خليكي

ركب كريم العربية ومشي

كانت قاعدة في جنينة البيت بتتفرج على النجوم

كنان: قاعدة لوحدك ليه

هاجر: مش مصدقة يا كنان

كنان: إيه اللي مش مصدقة

هاجر: إزاي هتتجوزني وأنا يعني

كنان: هتموتي

هاجر: أه

كنان: هتتعالجي يا هاجر وهنتجوز

هاجر: إزاي لازم عملية

كنان: هنعمل العملية يا هاجر وهنتجوز

هاجر: أي عملية عشان كده جبتوني هنا

كنان: أه وأنا مظبّط كل حاجة وياريت نروح نعمل التحاليل بكرة

هاجر: لا لا أنا مش موافقة أنا أنا عوزة أرجع مصر

كنان: لا يا هاجر بطلي خوف كده أنتي عوزة تبعدي عني أنا أه بعت عنك شهرين بس كان عشانك دورت كتير على متبرع والحمد لله لقيتوا لي توقفي العملية بقى

هاجر: مش عوزة أموت وأنا بعملها

كنان: مش هتموتي صدقيني أنا معاكي

هاجر: ولو مت بقى

كنان: متخافيش هجبلك حقك

هاجر: أنت بتهزر

كنان: هاجر وافقي بقى

ندي ورغد ويحيي وعلي: وافقي وافقي وافقي وافقي

هاجر: أي هو أنتو مش حافظين غيرها ولا إيه خلاص موافقة

كنان: طيب يلا نخرج بقى

علي: طب إيه يا ندي مش هنخرج احنا كمان ولا إيه

ندي: لا هنخرج هتيجي معانا يا رغد

رغد: لا أنا هقعد هنا

كان يحيي واقف وبيبص على الجنينة وسرحان

رغد: إيه اللي شد انتباهك أوي كده يا يحيي

يحيي: أصل افتكرت يوم جيت هنا وعرفت إنك موطي

رغد: أه شوفتك وكنت خارج بتدمع

يحيي: شوفتيني وجالك قلب تشوفيني بعيط وسبتيني في جراحي

رغد: طب أنت كمان جالك قلب وشوفتني وأنا بعيط ومع ذلك كملت وجرحتني

يحيي: دلوقتي أنا عرفت رد قلبك أنتي عمرك ما هتغفري غلطتي ولا هتنسيها ولا هتفكري تبدأي معايا حياة جديدة

رغد: ليه بتقول كده

يحيي: لأني خلاص زهقت يا رغد كل ما أبص في عيونك أشوف غلطتي أنتي مش هتسمحيلي أبداً أبداً وهتفضلي فاكراه إني أذيتك وكل ما تشوفيني هتفتكري جرحي ليكي يبقى الأحسن إننا نسيب بعض

رغد: أنت شايف إني دا الحل يا يحيي

يحيي: مفيش غيره يا رغد بعد عملية هاجر هنطلّق

رغد: خلاص يا يحيي مدام أنت عاوز كده أنا موافقة بعد إذنك

بات كل واحد منهم ليلته مستيقظ

يحيي فضل قاعد في الجنينة ورغد كانت قاعدة في الأوضة وكانت بتعيط

صباح اليوم التاني

كنان: دكتور جاك أنا لا أريد المريضة تعرف إن أنا المتبرع

جاك: كيف ذلك

كنان: ممكن تضع لها بنج أولاً وبعد ذلك أدخل أنا غرفة العمليات

جاك: تمام سيد كنان الفتاة اللي تنتظرك في الخارج دكتورة سلمى

كنان: نعم هي كيف عرفتها

جاك: نحن زملاء

خرج كنان من أوضة الدكتور

رغد: كنان أنا مش موافقة على اللي هتعملوه دا

كنان: مفيش حل يا رغد مش لاقي متبرع أعمل إيه أسبها تموت

رغد: هتموت يا كنان هتموت من بعدك صدقني والله أول متفوق من العملية هتسأل عليك

كنان: طب بس بقى لأنها جت أهي

دخلت هاجر أوضة العمليات ودخلت رغد معاها قبل ما هاجر تعمل التحاليل

هاجر: رغد أنا أنا عوزة أروح

رغد: ليه يا بنتي خليكي بقى عوزين نخلّص

هاجر: طيب هاتي كنان يقف معايا أنا خايفة

خرجت رغد من الأوضة

كنان: هاجر حسّيت بحاجة اتفضل اتعقم وادخل معانا أوضة العمليات لحد ما تعملي التحاليل ونشوف هنعمل إيه بقى

اتعقّم كنان وقبل ما يدخل أوضة العمليات جاله تليفون فرحة وبعدها دخل مع هاجر لحد ما عملت التحاليل

بعد شوية

جاك: سيد كنان القلب مطابق مع المريضة وسوف تُجرى العملية

كنان: تمام

عملت هاجر العملية ونجحت وفي انتظارها تفوق

هاجر: كنان كنان كنان

فافت هاجر وكان على لسانها اسم كنان بس

هاجر: فين كنان

ندي: أاا ألف حمدالله على السلامة يا جوجو

هاجر: الله يسلمك فين كنان

علي: أي يا هاجر مالك استني

هاجر: ماشي فين كنان برضو

خرجت رغد من الأوضة ويحيي خرج وراها

يحيي: خرجتي ليه

رغد: مش هقدر أقعد هي بتسأل عليه وأنا مش عارفة أقول إيه

يحيي: قوليلها إيه حاجة

رغد: عوزني أقولها إيه أقولها اتبرع لك بقلبه لازم نكون عندنا إحساس مش نرمي كلام وخلاص واحنا مش عارفين هيجرح القلوبنا ولا لا

يحيي: خلي الكلام دا يطلع من واحدة تانية غيرك يا رغد أنتي ياما جرحتي ناس بالكلام بس

هاجر: يا ندي أنا عوزة أعرف فين كنان إزاي أخرج من العمليات وهو ميكونش موجود

ندي: بصراحة كده يا هاجر كنان

هاجر: كنت بجبلك شكولاتة

كانت مفاجأة للكل إزاي كنان لسه عايش إزاي

خرجت هاجر من المستشفى وروحوا البيت

في المساء

هاجر: بقى أنت بقى كنت عاوز تتبرع لي بقلبك

كنان: أه شوفتي

رغد: طب إيه الحصل يا كنان أنا بصراحة كنت مفكرة إنك توكّلت على الله يعني

كنان: لا مهو لقينا متبرع في آخر لحظة

يحيي: إزاي

كنان: جالي تليفون من دكتور جاك في آخر لحظة دخلت أوضة كنت هعمل فيها التحاليل لقيت واحدة عاملة حادثة وهتموت أو بمعنى أصح ميتة وقلبها بس هو العايش خرجت واتفقت مع أهلها إني هي تتبرع بقلبها ووافقوا

يحيي: بسهولة كده وافقوا

كنان: لا طبعاً أنا كتبتلهم شيك بـ200 مليون دولار

هاجر: دا كله عشاني يا كنان

كنان: عشان بحبك يا هاجر

علي: طب نسيبوهم لوحدهم بقى يلا يلا

رغد: هتفضل تكلمني بالطريقة دي كتير

يحيي: عوزاني أكلمك إزاي

رغد: زي ما كنت بتكلمني الأول

يحيي: وأنتي هتفضلي زي ما أنتي كده

رغد: عوزاني أعمل إيه

يحيي: تغيري فكرتك عني

رغد: أنا مفيش حاجة في دماغي يا يحيي من ناحيتك

يحيي: أنتي كدابة يا رغد

رغد: يحيي أنا

قطّعتهم عن الحديث صوت ندي

ندي: طلّقني يا علي طلّقنييييييييي

_ تعرف أنا أول مرة أحس إني فيه حد فعلًا بيحبني، وإنه هيفضل معايا بجد.

= أنا مش بس بحبك، أنا بموت فيكي وبعشق التراب اللي بتمشي عليه والله، من أول مرة شوفتك فيها وأنتِ ما فارقتيش خيالي.

_ بح...

وقف هاجر صوت ندى.

_ هاااا ده صوت ندى!

كنان: يعني ده وقته يا ندى؟ أنا مصدقت إنها تتكلم.

___________________________

في أوضة رغد:

_ هتفضل تكلمني بالطريقة دي كتير؟

= عايزاني أكلمك إزاي؟

_ زي ما كنت بتكلمني الأول.

= وأنتِ هتفضلي زي ما أنتِ كده؟

_ عايزني أعمل إيه؟

= تغيري فكرتك عني.

_ أنا ما فيش حاجة في دماغي يا يحيى من ناحيتك.

= أنتِ كدابة يا رغد.

_ يحيى أنا...

قطع كلام رغد صوت ندى.

_____________________________

في أوضة ندى:

_ طلقني يا علي! طلقنيييييييييي!

= أنتِ عبيطة يا بنتي مالك في إيه؟

_ بقولك طلقني طلقني طلقني!

دخل يحيى ورغد على صوت ندى.

وهاجر وكنان طلعوا جري على صوت ندى، وكان كنان مسند هاجر.

_ في إيه يا بنتي؟

كان المتحدث يحيى.

ندي: اسأل أخوك، أنا هنزل مصر دلوقتي وياريت يطلقني.

هاجر: في إيه يا ندى؟ اهدي شوية.

ندي: لا مش ههدى، أنا عايزة أنزل مصر حالًا.

هاجر: ندى أنا مش هقدر أنزل معاكي، ممكن تهدي وتقولي في إيه؟

ندي: أنا مش هقول حاجة، اسألوا.

يحيى: يووووو اخلص بقى أنتَ وهي في إيه؟

______________________________

في شرم:

كان عمر نايم، وأول ما فتح عينه لقى ريم مبحلقة فيه.

_ إيه يا بنتي بتبصيلي كده ليه؟

= ببصلك لسببين.

_ قولي الأول.

= الأول إني فعلًا مش مصدقة إنك معايا كل يوم، بصحى قبلك وبقعد نفس القعدة دي وأبص لك، وبتخيل إني لو ده في الآخر طلع حلم أو إنك بعدت عني، أنا بجد مش عارفة ممكن أعمل إيه، فكرة إنك مش معايا أصلًا دي بتخوفني أوي و...

_ اهدي يا حبيبتي لازم تعرفي إني معاكي وهفضل معاكي، أنتِ مش بس مراتي، أنتِ بنتي، بنتي وحبيبتي ومراتي وأمي، أنتِ كل ست في حياتي، وصدقيني مش هبعد عنك أبدًا.

عمر أخذ ريم في حضنه.

_ أمممم قولي بقى إيه السبب التاني؟

= السبب التاني إني عايزة ابني أو بنتي الجايين يكونوا شبهك، عشان أحس إنك معايا على طول.

_ بس أنا مش عايزهم شبهي.

= أمال إيه؟

_ تعالي معايا...

ريم بصت لقت انعكاسها في المرايا.

_ أنا عايزهم زي دي بالظبط، زيها في كل حاجة، شبهها ومش بس الشكل، لا، الحب اللي في قلبها واحترامها وأدبها وكل حاجة، عايزهم حتة منك.

_______________________________

في المركز:

_ أنتَ بترن عليا ليه تاني الله؟

= انزلي يا هنا أنا واقف تحت عايزك في حاجة.

_ عايزني في إيه؟ احنا ما فيش بينا كلام.

= هنا انزلي عايزك في حاجة وأطلعي تاني ولا أطلعلِك أنا؟

_ لا تطلع فين؟ أنا هنزل.

هنا نزلت وكانت فرحانة، فكرت إنه هيقولها إنه بيحبها، وإنه كان غلطان.

_ خير عاوز مني إيه؟

= عايزك يا هنا.

_ نعم عايزني؟ عايزني في إيه؟

= عايزك ترجعي معايا زي الأول، صديقتي، صديقتي اللي بحكيلها كل حاجة، اللي بنخرج ونيجي سوا، مينفعش تطلعي من حياتي كده.

_ بالسهولة دي أرجع تاني؟

= آه، وبالنسبة للموضوع ده أنا نسيته وعمري ما هفكر فيه تاني.

_ عمرك ما هتفكر فيه؟ ماشي يا كريم، هنرجع تاني ونكون أصدقاء.

= بجد متشكر ليكي أوي، أنتِ قلبك أبيض وما فيش زيه أبدًا.

_ عارفة... أنا هطلع بقى عندي شغل سلام.

______________________________

في أمريكا:

يحيى بنرفزة: علي قول في إيه قول!

_ أنا ما أعرفش هي فجأة قالت لي طلقني، أنا أصلًا كنت باخد دش.

= أنتَ كداب! طب قول كنت بتاخد دش ليه؟

_ عشان خارج.

= رايح فين؟

_ هقعد مع صديق.

= صديق هههههههه، أنا هقول لكوا هو رايح فين... الأستاذ بيخوني، لما جينا هنا وهو مش على بعضه، وبيمسك الفون كتير أوي أوي، وكتير أقوم من النوم ما ألاقيهوش جنبي، وبيكون في الجنينة وبيتكلم في التليفون برضه، والنهاردة قالي إنه خارج ودخل يستحمى، مسكت الفون أفتحه ما فتحش عشان غير الباسورد، وقبل ما أسيبه لقيت رسالة جات له، بس الرسالة ممكن أقراها من بره، كان رقم بس كانت بتقول له: لما نرجع مصر عنواني زي ما هو.

وبعدها لقيت رسالة تانية بتقول له: أنتَ اتأخرت ليه؟

علي: على فكرة أنتِ فاهمة غلط.

يحيى: طب ممكن تفهمنا كلنا الصح؟

= الصح إني دي واحدة كانت زميلتي في الكلية، جوزها عنده محل مجوهرات، وكنت بتفق معاه إنه يعمل خاتم ليكي بيتفتح ونحط فيه صورتنا أنا وأنتِ ودياب.

_ والله؟ طب هي ليه قالت لك عنواني زي ما هو، وكمان عامل باسورد ليه؟

= قالت لي كده عشان هما هيرجعوا مصر، وأما الباسورد أنا عملته عشان كانت بعتالي صور للخاتم وخفت أحسن تعرفي، كنت عايز أعمل لك مفاجأة عشان عيد جوازنا.

ندي سكتت ما بقتش عارفة تتكلم خالص، حست إن اللي هي عملته غلط، واتسرعت وعلت صوتها.

يحيى: خلاص يا جماعة حصل خير، وأنتَ يا كنان خد هاجر ودخلها ترتاح بقى، هي إزاي طلعت السلم أصلًا؟ خد بالك منها دي لسه عاملة العملية.

___________________________

في أوضة هاجر:

هاجر: والله ندى دي مطرقعة.

كنان: بقولك إيه؟ أنتِ ما أخدتيش العلاج، يلا خدي بقى عشان تاكلي.

هاجر: مش بحب آخد العلاج يا كنان، مش بحب أحس إني تعبانة.

كنان: لا لازم تاخدي أنتِ فاهمة؟ يلا خدي.

هاجر: هات هات.

________________________________

في أوضة رغد:

_ بس ندى غلط، المفروض كانت تسمعه مش تحكم عليه وخلاص.

= آه ده المفروض تسمعه مش تحكم عليه من دماغها... وأنتِ بقى اللي بتقولي الكلام ده يا رغد؟ طب خلي حد تاني يقوله، حد يكون عمل كده، لكن أنتِ عملتي زيها، بل بالعكس هي وقفت وسمعت علي لما برر موقفه، لكن أنتِ ما استنيتيش لما أبرر موقفي.

_ هو أنتَ بتتكلم إزاي؟ كنت عايزني أقف لما تبرر إيه؟ هتقولي معلش يا رغد أنا اغتصبتك عشان كنت خايف أحسن تبعدي عني، معلش يا رغد أنا خليتك تحسي إحساس وحش أوي إنك إنسانة مش كويسة عشان بحبك.

معلش يا رغد أنا كنت سبب تعسك بس عشان كنت خايف، لا يا يحيى غلطة عن غلطة تفرق، ومش كل غلطة ليها تبرير يا يحيى، فيه غلطة لو بررت لها ممكن تتغفر، لكن فيه غلطة لو بررت لها عمرك كله عمرها ما هتتغفر أبدًا.

= عندك حق يا رغد، غلطة عن غلطة تفرق، وأنا غلطتي عمرك عمرك ما هتغفريها، حتى بعد ما اتجوزنا عمرك ما هتغفريها.

_ يحيى أنا مش قصدي وأنا آسفة إني انفعلت، آسفة.

= ما تتأسفيش، أنا المفروض أتأسف عمري كله.

_ آآآآ يحيى أنا أنا ب...

= خلاص يا رغد أنا نازل.

________________________________

في أوضة علي:

_ علي أنا أنا آسفة بجد والله ما كان قصدي.

= آسفة على إيه ولا على إيه؟ فيه واحدة تعمل كده؟ كان فين عقلك؟

_ والله آسفة، معلش ما تزعلش.

= ما أزعلش بالسهولة كده؟ أنتِ مش شايفة إنك غلطانة؟ هو أنتِ كل حاجة طلقني طلقني؟ أنتِ عارفة لو أنا كنت طلقتك ما كناش هنرجع لبعض تاني أبدًا، وأنتِ عارفة كده كويس، بس يظهر إنك عايزة تبعدي.

_ لا والله مش عايزة أبعد، أنا بس فكرة إنك بتخوني دي جننتني.

= وأنا أخونك ليه؟ أنتِ فيكي إيه ناقص هخرج أدور عليه بره؟ أنا شايفك كاملة من كل حاجة ومكتفي بيكي، لكن يظهر إنك أنتِ اللي عندك مشكلة وشايفة نفسك ناقصة، وأنا حاولت أعدل الفكرة اللي في دماغك دي بس ما فيش فايدة يا ندى، هتفضلي كل شوية تفكري إني ما بحبكش.

_ عشان أنا بحبك يا علي، وفكرة إنك ممكن تبعد عني دي بتخوفني وبتموتني، بس أنا مش بحب أبان ضعيفة أو إني أزعل إنك هتسيبني، فببدأ أنا بالبعد عشان ما أحسش إنك كسرتني، أنتَ سيبتني قبل كده بدل المرة اتنين، وطلقتني بدل المرة اتنين، مش هستناك تبعد تاني يا علي.

= فتبعدي أنتِ صح؟ قولتي مش هستنى لما يكسرني تاني، فأنا أكسره صح؟

_ بصراحة آه.

= ماشي يا ندى.

_ استنى أنتَ رايح فين؟

= هرجع مصر.

ندي بدموع: تاني يا علي؟ هتسيبني تاني؟ أنا آسفة المفروض ما كنتش زعقت بس معلش سامحني المرة دي، ما تسيبنيش.

= أنتِ هتعيطي ليه؟ خلاص مش مسافر، ما تعيطيش.

ندي مسحت دموعها تاني وحضنته.

_ ما كنتش هسيبك تسافر أصلًا، ها؟ يلا بقى.

________________________________

عدى أسبوع على نفس الأحوال.

في بيت يحيى الأنصاري:

ريم: حمد لله على السلامة وحشتوني أوي.

رغد: وأنتِ وحشتيني أوي أوي.

عمر: فين يحيى يا علي؟

علي: يحيى راح المستشفى وهيشوف أحوال البلد كده.

ريم: وندي فين؟

علي: ندى روحت مع هاجر وكنان معاها.

_______________

في بيت صالح الديب:

كريم: يعني تضحكوا عليا وتقولوا لي طالعين رحلة كام يوم وهي تكون بتعمل العملية؟

ندي: ما كنتش عايزة أقلقك عليها وما كناش عايزينها تعرف حاجة.

كريم: برضه كنتوا المفروض تعرفوني، لو كان حصل لها حاجة كان هيبقى إيه الوضع بقى؟

كنان: خلاص يا عم ما حصلهاش حاجة والحمد لله هي تمام، والعملية تمت بنجاح جدًا، وكمان أنا وهي اتخطبنا.

كريم: نعم؟ هو أنا إيه طرطور ولا إيه؟

كنان: خلاص بقى يا عم الطرطور ما تزعلش، هنقولك قبل الفرح إيه رأيك؟

كريم: لا كتر خيركوا والله.

____________________________

في بيت يحيى الأنصاري:

تحديدًا في أوضة رغد.

كانت هنا قاعدة معاها وبتتكلم.

_ طيب الحمد لله عملية هاجر نجحت، أنتِ بقى مالك وشك مقلوب كده ليه؟

= ما فيش.

_ كدابة يا بت في إيه؟

= بصي هو حصل حاجة...

وبدأت تقص لهنا كل حاجة حصلت.

_ أنتِ غلطانة، المفروض كنتِ سمعتي والمفروض نظرة العتاب اللي في عيونك دي تقل شوية، حرام عليكي بقى.

= أنا والله بحاول إني أكون عادي بس غصب عني، أنا مش عارفة أنسى، مش عارفة.

_ يبقى تسمعي الكلام وتطلقي يا رغد.

= مش هقدر.

_ أنتِ غلبتيني يا رغد.

= المهم سيبك مني، أنتِ وكريم رجعتوا أصدقاء تاني؟

_ آآآآه.

= أنتِ مش بتتعلمي يا هنا؟

_ أنا عارفة إني غلط بس مش بإيدي يا رغد، أنا بحبه وبحب أكون معاه.

= هتتعبي يا هنا، هتتعبي.

__________________

في بيت صالح الديب:

تململت في فراشها وفتحت عيونها بكل بطء.

_ حقيقي أول مرة أشوف قمر بيصحى من النوم.

= إيه رأيك...

استوعبت من المتحدث... أنت أنت هنا بتعمل إيه؟ قوم قوم.

"إيه يا بنتي مالك في إيه؟"

"أنت بتهزر يا كنان؟ قوم امشي! أنت بتعمل إيه هنا؟ هتجيب لي مصيبة! امشي أحسن كريم ييجي."

"ما يهمنيش ولا كريم ولا أبو كريم حتى."

في اللحظة دي دخل كريم على هاجر الأوضة.

__________________

"بتحبيني؟"

"إيه دا؟ دا سؤال؟"

"بتحبيني؟"

"ندى إحنا عندنا دياب صغير، ولسه بتسألي؟"

"إحنا آه متجوزين بس عمري ما سمعتها منك."

"أنتِ هتكدبي؟ أنا قولتها قبل كده."

"عارفة بس مش بتقوليها كتير زي أي اتنين بيحبوا بعض."

"أحب أعرفك حاجة يا ندى، بحبك ممكن تتقال وممكن تكون أفعال، وأنا مش بتاع كلام. أنا قلت لك بحبك قبل كده كتير بس بأفعالي وهفكرك.. سرعت في ميعاد الفرح، وسمحت لك تكملي تعليمك، وجيت على نفسي وبعدت عنك عشان تعرفي تشوفي مستقبلك، وبعدها اتقدمت لك تاني واتجوزنا. وأكبر دليل إني بحبك إني من بعد خطوبتنا مش الجواز قطعت علاقتي بأي واحدة كنت أعرفها، والدليل التاني إني خلفت منك دياب."

"امممم طلعت بتحبيني أوي."

___________________

كانت قاعدة في الأوضة مستنياه وبعد الانتهاء من الصلاة وقراءة القرآن عيونها راحت في النوم.......

دخل الأوضة وما أخدش باله منها... أخذ هدوم ودخل الحمام.. بعد شوية خرج من الحمام وبدأ يكلم نفسه.

"هي رغد فين؟ معقول تكون مش عايزة تنام هنا وهتنام في أوضتها؟"

طلع على السرير لمحها في ركن جنب السرير نايمة، كانت تشبه الملائكة جميلة بلباسها الأبيض وهي نائمة على سجادة الصلاة.

بدأ يتكلم بصوت خفيف... "رغد رغد قومي."

رغد بنعاس: "امممم مين؟"

"هههههه أنا أنا قدرك ونصيبك."

"........."

"رغد قومي يلا."

فتحت عيونها.. "أنت جيت؟"

"آه قومي شوفي هتنامي فين."

"يعني إيه هنام فين؟ أنا هنام هنا."

"ليه؟"

"كده أنا حرة بقى هاا."

"طب قومي يلا."

"أنا كنت عايزة أقولك حاجة الأول."

"خيييير."

دخل كريم على هاجر الأوضة.

_ إيه دا؟ أنت بتعمل إيه هنا؟

هاجر توترت: أنا والله ما أعرفش حاجة أنا أنا لسه صاحية.

= أنتِ بتبيعيني إيه دا؟ وبعدين يا عم أنتَ أنا هنا عادي دي خطيبتي.

_ إيه يا ابني البجاحة دي؟ يعني أنتَ لسه خاطبها امبارح وبفتح الأوضة لقيتك فيها، أمّال بعد كتب الكتاب هتعمل إيه؟

= لا أنا دلوقتي سايب الباب مفتوح، لكن بعد كتب الكتاب هقفله ههههههههههه.

_ والله؟ طب أنا مش موافق على الجوازة دي، يلا اطلع بره يلا قوم.

= أنت بتطردني يا أبو نسب؟

_ أبو نسب؟ أنت كنت عايش في أمريكا؟

= آه والله مش شايف شكلي ولا إيه؟

_ لا شايف، وبعدين يلا امشي بقى.

= ماشي أنا همشي يا جوجو بس هاجيلك تاني.

_ إيه إيه تاني؟ إمتى؟ أنت مش واخد بالك الساعة عشرة؟ هتيجي تصحيها للفجر ولا إيه؟ ما أشوفش وشك هنا تاني يلا امشي.

= ماشي يا كريم مردودلك سلام.

هاجر بضحك: والله مجنون رسمي.

_ اضحكي أوي عجبك أنتِ صح؟

= آه عجبني هاااا.

_ ماشي ربنا يسعدك ديما، المهم أنتِ عاملة إيه كويسة؟

= أنا كويسة جدًا الحمد لله، وفرحانة إنكم معايا وبتحبوني وبتخافوا عليا كده.

_ طبعًا لازم نكون معاكي ونحبك ونخاف عليكي، المهم أنا هنزل أجيبلك أكل عشان تاخدي العلاج.

= أكل مين عمله؟

دخل كنان عليها وهو لابس مريلة المطبخ وماسك صينية الأكل.

كنان: الأكل جاهز يا سي كريم أحطه فين؟

هاجر وكريم ضحكوا أوي على شكل كنان.

_ أهو هو دا العامل الأكل، وبعدين أنت لسه هنا؟ امشي يلا.

كنان: أهو أنت كده عاوز تاخد غرضك مني وترميني في الشارع، بس أنا مش هأسكت وها أرفع عليك قضية وابنك اللي في بطني دا هياخد حقه منك.

كريم: ابني اللي في بطنك؟ خد يلا.

وطلع كنان يجري وكريم بيجري وراه، وسايبين هاجر وراهم بتضحك.

_________________

نرجع تاني لأوضة يحيى.

= فتحت عيونها: أنت جيت؟

_ آه قومي شوفي هتنامي فين.

= يعني إيه هنام فين؟ أنا هنام هنا.

_ ليه؟

= كده أنا حرة بقى هااا.

_ طب قومي يلا.

= أنا كنت عايزة أقولك حاجة الأول.

_ خير؟

= يعني أنا بصراحة كنت عايزة أقولك إني عايزة.

_ أنتِ بتتعلمي الكلام جديد؟ اخلصي قولي عايزة إيه؟

= طيب هاقول بس ممكن بالراحة شوية.

_ ماشي أنا بالراحة أهو قولي.

= أنت كده بالراحة؟

_ يوووووو أنا مش فاضي للعب العيال دا، هتقولي ولا اتخمد؟

= اتخمد.

_ نعم؟

= أقصد خلاص نام يعني.

طلعت رغد على السرير عشان تنام وفكرت تقوله إمتى، وقررت تقوله يوم عيد ميلاده، وراحت بعدها في سبات.

يحيى قعد يفكر شوية قبل ما ينام: رغد رغد، أنا آسف إني زعقت ما كانش قصدي، قولي كنتي عايزة تقولي إيه؟

مفيش رد.

رغد رغد... لف يحيى وشه لقاها نايمة، كانت جميلة أوي وهادية ورقيقة.

يحيى: لحقتي تنامي؟ بس تعرفي بتبقي أحلى وأنتِ نايمة، على الأقل عيونك بتكون مقفولة ونظرة اللوم والعتاب مش موجودة.

نام بعدها يحيى.

___________________________________

في صباح يوم جديد.

دخل عليها أوضة المكتب بكل نرفزة.

_ يوووووو أنا مخنوق، أنا متضايق، أنا مش طايق نفسي.

= في إيه يا كريم؟ اهدأ.

_ مش عارف أهدأ، أنا بجد مخنوق ومش طايق نفسي خالص.

= ليه؟ إيه اللي حصل لكل دا؟

_ ما أعرفش، قومي نخرج.

= لا مش هينفع، أنا معاد خروجي مش دلوقتي، فاضل نص ساعة.

_ أنا بقى هقعد فين النص ساعة دي؟

= ما أعرفش، انزل اقعد تحت في أي حتة يلا.

_ ماشي في كافيتيريا تحت جنب المستشفى، هقعد فيها، خلصي وتعالي نخرج.

= ماشي.

نزل كريم الكافيتيريا كان مخنوق أوي أوي وبدأ يكلم نفسه...

طب إزاي إزاي؟ أكيد إحساسي غلط، أيوه أكيد أكيد أنا غلط، أصل مينفعش أصلًا، لا لا أكيد أنا غلط أكيد.

قعد كريم وشرب اتنين قهوة لحد ما هنا نزلت.

هنا: إيه يا ابني مالك في إيه؟

كريم: أنا مخنوق يا هنا، مخنوق.

هنا: طيب من إيه بس؟

كريم: معرفش معرفش من إيه.

هنا: طيب أنت شوفت ريم؟

كريم: آه يا هنا، كنت رايح أجيب لبس لدياب شوفتها واقفة هي وعمر بيشوفوا لبس لبيبي.

فلاش باك:

كريم: بص بقى يا عم دياب، أنا جبتك هنا عشان أجيب لك لبس كتير يفضل عندنا عشان لما أقول لمك إنك تبات معايا متقولش مفيش لبس.

دخل كريم وبدأ ينقي لبس لدياب، ولمح ريم كانت واقفة لوحدها وبتتفرج على لبس لبيبي... سرح كريم فيها شوية وفاق لما عمر جه وقف جنبها.

عمر: يا بنتي إحنا لسه متعرفش البيبي بنت ولا ولد هنجيب له لبس إزاي؟

ريم: ماليش دعوة، أنا هجيب اللبس يعني هجيب اللبس.

عمر: طب هتجيبي لبس لولد ولا لبنت؟

ريم: الاتنين، يلا يا عمر يلا نقي معايا، بص أنا نقيت دا ودا ودا ودا ودا ودا ودا بس إيه رأيك، نقي معايا الباقي بقى.

عمر: هو لسه في باقي يا حبيبتي؟

ريم: آه لسه، يلا نقي معايا يلا.

كريم: تعالي يا دودي نسلم على عمتك وجوزها يلا.

راح كريم يسلم عليهم وعرف إن في طفل جاي في الطريق ودياب شبط إنه يروح معاهم.

بعدها كريم خرج من المحل وراح على هنا في المستشفى.

بااااااااااااااااااك:

هنا: أنت عرفت ريم إزاي بالنقاب؟

كريم: ريم الوحيدة مهما لبست أو عملت برضه هعرفها.

هنا: طيب إيه اللي مضايقك؟

كريم: إني مضيقتش زي زمان، أنا آه زعلت بس مش أوي، وفي إحساس حسيته بس لا أكيد غلط.

هنا: إيه الإحساس؟

كريم: لا مش هقول.

هنا: طيب حتة إنك مزعلتش أو مضيقتش دي حلوة أوي كده، أنت الحمد لله واحدة واحدة ممكن ترجع إنسان جديد بس أنت ادي لقلبك فرصة إنه يحب تاني.

كريم: لا مش عاوز، أنا قلبي مقفول على حب ريم بس.

هنا: مفيش فايدة، أنا ماشية سلام.

كريم: استني يا هنا، يا هنا، يووو.

________________________________

في بيت كبير البلد:

تململت في الفراش وبعدها فتحت عيونها ببطء.

الزوجة: صباح الخير لنفسي عشان هو مش موجود إني أقول له صباح الخير.

الزوج: صباح النور.

الزوجة: أنت هنا؟

الزوج: آه بلبس وخارج أهو.

الزوجة: طيب استنى ألبس وأجي توصلني معاك.

الزوج: طب يلا بسرعة.

_________________________________

في أوضة علي:

الزوج: مش هتيجي معايا العيادة ولا إيه؟

الزوجة: لا مش قادرة.

الزوج: معرفش مش مظبوطة.

الزوج: طب مالك يا حبيبتي في إيه؟

الزوجة: ابعد ابعد عني، ريحتك وحشة، آه آه بطني.

جريت ندى على الحمام وجابت كل اللي في بطنها.

الزوج: لا يا ندى متقوليش إنك حامل.

الزوجة: لا لا أكيد لا، ربنا عارف إني مش عارفة أربيك ولا أربي دياب هيجيب لي حد تاني.

الزوج: طب إن شاء الله هتكوني حامل، وكمان مش عجبك ريحة البرفيوم اللي أنت اللي جايباه، شمي كده شمي.

الزوجة: ابعد يا علي ابعد عني... وطلعت ندى تجري وهو يجري وراها، خدت الإسدال ولبسته وهي بتجري على السلم وكانت هتقع بس رغد لحقتها.

رغد: إيه يا بنتي مالك بتجري كده ليه؟

ندى: علي بيجري ورايا.

رغد: ليه؟

ندى: عشان هو بيقول لي إني تقريبًا حامل وأنا بقول لا ومش عجبني ريحة البرفيوم بتاعه وهو بيجري ورايا بي...

رغد: يعني لو كنتي حامل بقى ووقعتي كان إيه اللي حصل؟

ندى: لا الحمد لله محصليش حاجة وإن شاء الله مش حامل.

رغد: طب ابقي تعالي المستشفى وأنا أشوفك، يلا سلام بقى عشان يحيى واقف بره.

______________________________

في العربية:

الزوج: أحم، كل سنة وأنت طيب.

الزوجة: وأنت طيبة، آه أنا اتفقت مع المأذون بعد بكرة هنروح وهنخلص كل حاجة.

الزوجة: إيه أنت بتقرر وتخطط من دماغك؟

الزوج: أنا عاوز أريحك يا رغد.

الزوجة: أنت عرفت منين إني راحتي في الطلاق؟

الزوج: يووو، أمال راحتك فين أعمل لك إيه تاني يعني، أنت عايشة معايا وعلى طول بتلومي فيا ومش ناسية اللي عملتيه، خلاص هبعدك عني زعلانة أعمل لك إيه؟

الزوجة: متعملش، وقف العربية المستشفى أهي، سلام.

نزلت رغد من العربية ورزعت الباب وراها.

طلعت الأوضة بكل نرفزة.

رغد: أنا زهقت زهقت ومش عارفة أعمل إيه.

هنا: في إيه، هو انهارده يوم الزعل والنرفزة العالمي ولا إيه؟

رغد: ليه، مين غيري كده؟

هنا: كريم.

رغد: كريم، أنت برضه بتكلمي كريم، أنت ليه غاوية تكسري قلبك بإيدك؟ كريم مش شايف قدامه غير ريم ريم وبس، هو غبي عشان مش عاوز يدي نفسه فرصة تانية وأنت أغبى عشان عارفة إنه مش بيحبك ومصممة تفضلي معاه.

هنا: كريم مش بيحب ريم.

رغد: ولا بيحبك.

هنا: لا بيحبني أنا حاسة.

رغد: ماشي يا هنا، أنا هقوم أشوف شغلي ولو ندى جت وشوفتيها ابقي عرفيني عشان هتدخل تكشف.

هنا: ماشي.

________________________________

اليوم خلص بسرعة وكل واحد رجع البيت.

في أوضة علي:

الزوج: قاعدة كده ليه، مالك؟

الزوجة: أنت قولتها وطلعت صح.

الزوج: أنت حامل؟

الزوجة: آه اسكت بقى.

الزوج: إيه اللي مزعلك طب؟

الزوجة: عشان أنت بتعبني يا علي ودياب زيك حرام يجي دا كمان زيك.

الزوج: لا متقلقيش هتكون بنت وأنا اللي هربيها.

الزوجة: يا لهوي هتبقى رقاصة أنا حاسة.

الزوج: هههههههههه بحبك يا ندى.

_________________________________

دخل الأوضة.

كان النور كله مطفي فاعتقد إنها لسه في المستشفى، فتح النور.

لقى الأوضة كلها زينة وبلالين وهي واقفة لابسة منامة سودة جميلة وقدمها تورتة.

الزوجة: كل سنة وأنت طيب يا يحيى.

الزوج: إيه اللي أنت عاملة دا؟

الزوجة: ادخل الحمام غير وأنا هقولك.

خرج يحيى من الحمام ومش فاهم حاجة.

الزوج: خرجت أهو في إيه بقى؟

الزوجة: أنا كنت عايزة أقول لك حاجة.

الزوج: قولي.

الزوجة: أنا أنا أنا مش عايزة أطلق.

الزوج: ليه؟

الزوجة: يعني عشان مش عايزة أطلق عشان بـ حـ بـ ك.

الزوج: إيه قولتي إيه؟

الزوجة: عشان بحبك... قالتها بسرعة وكانت هتجري بس إيد يحيى كانت أسرع منها وكتفتها من إيديها.

الزوج: إيه أنت أنت قولتي إيه؟

الزوجة: مقولتش حاجة.

الزوج: لا لا قولتي، قولي تاني قولتي إيه؟ مش عايزة تطلقي ليه عشان إيه؟

الزوجة: مش عشان حاجة.

الزوج: لا قولي يا رغد مش عايزة تطلقي ليه؟

الزوجة: عشان بحبك.

يحيى فرح أوي وبعدها التقم شفتاها في قبلة فيها حب وعشق ووووو سكتت شهرزاد عن الكلام غير المباح.

_______________________________________

في صباح يوم جديد:

صحي من النوم كان فرحان أوي أخيرًا بقت معاه وفي حضنه من غير عتاب أو زعل.

الزوج: رغد يلا عشان الفطار.

الزوجة: صباح الخير.

الزوج: صباح الورد والياسمين على أحلى عيون شوفتها في حياتي كلها.

الزوجة: هتعود على الدلع دا؟

الزوج: اتعودي براحتك أنا مصدقت.

الزوجة: طب يلا نقوم بقى.

الزوج: لا خلينا شوية.

الزوجة: قوم يلا.

_________________________________

عدى أسبوع على نفس الأحوال.

في كافتيريا:

هنا: إيه يا هنا مالك جايباني ليه؟

كريم: عايز أعرف منك رد على حاجة.

هنا: إيه؟

كريم: كريم أنا لسه بحبك بحبك أوي هو أنت كمان بتحبني؟

كريم: هنا أنت عارفة إني بحب ريم، أنا مش عاوز أكسرك بس أنا عمري ما هحبك أنت.

هنا: أنا عرفت ردك بس أحب أأكد لك إنك بتحبني أنا وبكرة أنت اللي هتندم مش أنا، أنا هبعد هبعد خالص يا كريم، المفروض أكون مع الإنسان اللي بيحبني بجد وأنا هروح له فعلًا بس أنا بقولها لك أهو بكرة تعرف إنك بتحبني أنا وهتكون عايزني بس مش هتلاقيني، سلام.

مر خمس أيام وهنا مختفية.

في المستشفى:

رغد: كريم أنت بتعمل إيه هنا؟

كريم: هي هنا فين يا رغد؟

رغد: معرفش والله، عملت إجازة ومعرفش عنها حاجة وقافلة التليفون وسألت البواب قالي معرفش عنها حاجة، أنتم حصل حاجة بينكم؟

كريم: آه وهي قالت لي حاجة أنا مفهمتهاش، هي كانت بتحب حد قبل كده؟

رغد: آه بس هو مات.

كريم: لا مش معقول، هي قالت لي أنا هروح عند الشخص اللي بيحبني بجد.

رغد: وأنت بتسأل ليه هااا؟

كريم: أنا خايف عليها وقلقان كمان.

رغد: ليه؟

كريم: عشان...

رغد: أنت بتحبها؟

كريم: مش عارف.

رغد: طيب أنا هقول لك حاجة، فاكر يوم ما كنت في المستشفى؟

كريم: آه إيه اللي حصل بقى؟

رغد: أنت كنت تقريبًا منهار من العياط وأنت نايم مش حاسس بحاجة، عارف هي عملت إيه؟

كريم: إيه؟

رغد: طلعت قعدت جنبك على السرير ومسكت إيدك وحطت إيديها على دماغك وقعدت تقرأ قرآن عشان تهدي، وبعد ما أنت هديت فضلت ماسكة إيدك عشان أنت كمان كنت ماسك فيها أوي.

كريم: دا اللي حصل يعني إحساس الأمان اللي أنا كنت حاسس بيه دا بسببها هي؟

رغد: آه لسه متعرفش أنت بتحبها ولا لا.

كريم: أنا لازم ألاقيها لازم.

خرج كريم يجري ويدور عليها، راح الشقة بتاعتها.

كريم: لو سمحت هي دكتورة هنا لسه مخرجتش؟

البواب: دكتورة هنا حضرت شنطتها ومسافرة يا باشا.

كريم: مسافرة ماشي شكرًا.

ركب كريم العربية وفي طريقه للمطار وقف العربية لما شاف لمة ناس.

نزل من العربية وشاف عربية هنا واقفة بس فاضية، سأل حد من الواقفين.

كريم: هو في إيه حضرتك؟

أحد الواقفين: الناس بتقول إن في بنت رمت نفسها في النيل.

رواية جعلني احبه الفصل الخامس و الاربعون 45

في بيت صالح الديب

__________________

كان كنان و هاجر قعدين

_ انا عاوز اعرف اخوكي فين

= سيب اخويا في حاله دلوقتي بقي

_ لي مالوا اصم الله

= البت مش بتكلموا بقالها فتره و هيتجنن عليها

_ تفتكري يكون عرف انه بيحبها هي

= اكيد بقولك هيتجنن عليها

_ طيب واحنا اي مش هنتجوز ولا اي

= احنا في اي ولا في اي

_ لا انا ميخصنيش انا اخوكي بيحب واحده و مغلب نفسه و مغلبها انا ذنبي اي بقي

= خلاص لما تشوفه ابقي فتحه في الموضوع

_ يعني انتي موافقه

= اطلع بره يا كنان

_ هههههه ماشي انا هروح المرسم هوصل و اكلمك

= لي يعني انا هاجي معاك

_ لا انتي لسه متحسنتيش يلا انا ماشي

= مع السلامه

_________________________________

الناس بتقول اني في بنت رمت نفسها في النيل

كريم بص لقي باب عربيه هنا مفتوح و الحذاء بتعها قدام السور…… لا لا لا اكيد هي بخير اكيد بخير هنااااااا هناااااااا

بداء كريم ينادي علي هنا بصوت عالي هناااااا يا هناااا انتي سمعاني ردي عليا

_ اه سمعاك انت بتزعق لي

كريم سمع صوتها لف وشه و بص عليها و جري عليها و حضنها اوووي

انتي انتي كنتي فين انا قلقت عليكي اوي الناس بتقول اني في بنت رمت نفسها في النيل اي الكلام دا و انتي عربيتك هنا لي و انتي كويسه

_ اه انا كويسه و بعدين انت جاي لي و قلقان لي و ازاي تحضني

انا كنت هموت من الخوف عليكي كنتي فين

_ كنت هسافر بس وقفت اقعد شويه هنا قلعت الكوتش عشان رجلي و جعاني و روحت اشتري حمص الشام الناس بقي فكرت اني رميت نفسي

الحمد الله انك كويسه و انك محصلكيش حاجه وحشه انتي لو كان حصلك حاجه انا كان ممكن اموت

_ لي يا كريم لي مهتم

عشان بحبك يا هنا اخيرا عرفت اني بحبك انتي كنت عبيط و غبي لما ضيعتك من ايدي اول مره كنت غبي غبي بس خلاص انا اتاكدت اني بحبك انتي انتي البحس معاها بالامان و بحس اني فرحان و مطمن عرفت اني بحبك و بحبك اووووي كمان

_ اخيرا عرفت يا حيوان

اه عرفت اي رايك

_ مفيش راي يلا نروح نكتب الكتاب قبل ما تغير رايك يلا

استني يا بنتي في اي

_ مهو انا بقلق منك

________________________________

مر شهرين علي نفس الاحوال

جه معاد كتب كتاب هنا و كريم و كنان و هاجر

تم عقد قران كنان و هاجر

كنان لي لي لي لي لي ليييي اتجوزتها اتجوزتها اتجوزتها

هاجر: يخربيتك يا كنان اقعد بقي

كنان: اقعد اقعد اي دا انا مش مصدق نفسي من الفرحه اقسم بالله انا اتجوزتك يعني خلاص بقيتي مراتي بقيتي مراااتي

تم عقد قران كريم و هنا

كريم: مقولكيش انا فرحان قد اي

هنا: و انا مقولكش انا مش طيقاك قد اي

كريم: لي يعني

هنا: يعني عجبك الفستان الزفت الانتا ملبسهولي دا عجبك

كريم: اه حلو و بعدين اضحكي احنا بنتصور

_ يا بنتي انتي واقفه بعيد عني لي

= رحتك تقرف بصراحه يا يحيي و حسه اني هتقيا

_ دا لي دا

= معرفش

ندي: اي يا بنتي واقفه بعيد لي مش هنتصور

= ابعدي عشان رحتك انتي كمان تقرف الكلب امشييييي

ندي: يا جماعه احب ابشركوا اني رغد حااامللللللل

يحيي: بجد يا ندي انتي بتتكلمي جد

علي: اي هي خلاص بقت دكتوره انا هكشف عليها

ندي: تكشف علي مين يا حبيبي انت فاكرها جموسه ولا كلبه من الانتا بتعلاجهم ولا اي

علي: طب وانتي عرفتي من اين ان شاء الله

ندي: انا جربت بدل المره اتنين لكن انت مجربتش

علي: ندي انت عبيطه

رغد: بااااس يا جماعه مش وقتوا خناق و انا فعلا حامل

يحيي: انتي بتتكلمي جد انتي حامل

رغد: اه والله

مرت الايام طلب يحيي من كريم و كنان يعيشوا معاه في البيت و هما وفقوا

ريم خلفت ولد و بنت

و ندي خلفت بنت

رغد خلفت ولد

هاجر و هنا لسه حوامل

بيت كبير البلد رجع تاني مليان ناس و حب و حياويه رجع زي زمان في ضحك و سعاده

تمت بحمد الله

____________________________________________________________________________

1. الاستعجال وحش اوي و مش مع اي مشكله تحصل نلجأ للشرب و السكر عمر الشرب مكان حل للنسيان

يحيي لما شرب عمل نصيبه بوظت حياتواو حياه رغد و هي ملهاش ذنب

يبقي المفروض لما يحصل اي حاجه نستعين بالله مش بالخمره

2. كل حاجه بتحصل في حياتنا بيكون نصيب و قدر ربنا بيكون كاتب لينا كده و كل حاجه بتحصل او اي ابتلاء ببحصل و بيصيب الانسان بيكون وراه خير و فرح و فرج كبير

بعد الحصل مع رغد فكرت اني نصبها وحش و ان حياتها وقفت و مش هتعرف تعيش حياتها تاني زي اي بنت لكن لا ربنا وقف معاها و كملت حياتها و بقت دكتوره و رجعت و اتجوز و حياتها مشيت موقفتش يبقي اي ابتلاء يحصل لازم الاول برضو نستعين بالله و يكون امالنا في ربنا كبير

3. الصبر حلو اوي لازم اي حاجه تحصل نصبر عليها لو حصل اي نصبر ربنا مش بيجيب حاجه وحشه ابداا بعد ما سلمي ماتت كنان اتاثر اوي لكن سليمان فضل صابر بعد كل الحصل

و ربنا جعل رغد سبب اني يحصل فيها كده عشان تسافر و تكون سبب اني كنان يرجع زي زمان و حياتهم ترجع زي الاول

4. مينفعش نوقف حياتنا عشان حد مش شرط عشان الانتا بتحبوا مش بيحبك انك توقف حياتك عشانوا لا ادي نفسك فرصه انك تحب تاني ساعتها هتحس و هتعرف انك مكنتش بتحبه اصلا و دا الحصل مع كريم كان متوقع انه بيحب ريم و فعلا وقف حياتوا عليها لحد ما لقي البيحبها بجد و عرف انه مكنش بيحب ريم فا ياريت منوقفش حياتنا عشان حد لازم الحياه تمشي و لو ريم كانت خير لكريم كانوا اتجمعوا مع بعض ربنا مش بيجيب حاجه وحشه

6. مهما يحصل لازم يفضل املك في ربنا كبير هاجر كانت عارفه انها هتموت بس برضو فضلت تدعي و تصلي كان عندها امل اني ربنا هيشفيها و فعلا ربنا شفاها و بقت كويسه و قدرت تعيش حياتها و تتجوز و تخلف

لو مكنش حصل كده مع رغد كان كل دا محصلش ولا كانت حياه هنا هتتظبط ولا كانت حياه كنان هتتظبط ولا كريم ولا هاجر كل حاجه حصلت ترتبت عليها حاجه

ربنا مش بيجيب حاجه وحشه ابدا اهم حاجه اننا نصبر و يكون عندنا امل اني الجاي احلي